བོད་ཡིག

e-texts based on the ACIP/ALL Input

@#/ /'phags pa spyan ras gzigs 'khor lo gsum la phyag 'tshal lo/ /sa bla dang ni sa stengs sa 'og dud 'gro la sogs sbyong ba yi/ /'khor lo dri med dkar dang dmar po rnam par sngo/ /spyi bo snying ga lte ba'i dbus bzhugs zla ba dang / /pad+mo nyi ma haM dang hUM dang AHsa mtshan pa'o/ /de la spyi bo bde ba chen po'i bdag nyid kyi rtsibs sum cu rtsa gnyis pa'i 'khor lo zla ba'i kha dog can no/ /de'i snying po la ni gsal byed dmar pos brgyan to/ /snying gar ni chos kyi bdag nyid kyi 'dab ma bcu drug pa'i pad+ma 'bur pa byi ru'i kha dog can no/ /de'i snying po la ni dbyangs yig dkar pos brgyan to/ /lte bar ni sprul pa'i bdag nyid kyi rtsibs drug cu rtsa bzhi ral gri'i kha dog can no/ /de'i snying po la ni 'bebs pa sngon pos brgyan to/ /gsum ka'i srog shing ni rtsa mchog go/ /lcags kyu zhes bya ba'i rlung gis bskor bar bya'o/ /'og mas ni sdud bar bya'o/ /thog mas ni dbab par bya'o/ /bar mas ni bsre bar bya'o/ /thams cad las ni ye shes rang byung ngo / /'dzag pa la sogs pa'i rim pa yang phreng ba'i 'khor lo la'o/ /rab tu gsal ba dang bde ba chen po dang rnam par mi rtog pa 'byung bar 'gyur ro zhes bya ba'i don to/ /rtsa dang rlung dang thig le nyid sbyor bar bshad do/ /pha dang ma dang bde bar gshegs pa'i snying po'i sa bon no/ /thog ma dang tha ma dang bar ro/ /sku gsung thugs rnam par sbyong ba nyid do/ /'dus byas 'dus ma byas gnyis med/ / zab mo mngon par 'byung ba'i lam/ /rtog pa'i rgyal po las bsdus pa/ /rnal 'byor la phan byed pa yin/ /spyan ras gzigs 'khor lo gsum bsgom pa rdzogs so/ /[ ]thugs rje chen po rgyal ba lnga la phyag 'tshal lo/ /shin tu rnam dag dang ba'i mtshor/ /rab mdzes sdong bu lnga ldan steng /

CLOSE WINDOW