བོད་ཡིག

e-texts based on the ACIP/ALL Input

/[ ]@#/ /rgya gar skad du/ Ar+ya a nan+ta mu kha nir+hA ra d+hA ri NI byA khyA naM kA ri kA/ bod skad du/ 'phags pa sgo mtha' yas pa sgrub pa'i gzungs rnam par bshad pa'i tshig le'ur byas pa/ 'jam dpal gzhon nur gyur pa la phyag 'tshal lo/ /rdzogs pa'i sangs rgyas chos dang ni/ /dge 'dun la yang phyag 'tshal nas/ /mtha' yas sgos sgrub gzungs kyi don/ /mdor bsdus rnam par dbye bar bya/ /rdzogs pa'i sangs rgyas sras dang bcas pa shes bya kun gyi yang dag thugs chud pa'i/ /spyod yul zab mo'i gzungs 'di cig bdag 'dra nyon mongs blo zhan pa yis ga la lcogs/ /de ni gnas ma yin par shin tu mngon bzhin 'on kyang gzungs don rnam par dbye bya bar/ /bdag ni dad pas gus par bskul la gzhan dbang blo can bdag gis mi bya ci yang med/ /'jig rten ma lus yang dag 'dod pa'i dngos po sgrub pa yi/ /mthu dang ldan pa ma yin dman zhing don kyang ma byas pas/ /bdag ni tshe rabs phyi ma la yang blun po 'di 'dra bar/ /'gyur du dogs phyir 'di yi lus ni rab tu dbye bar bya/ gleng bslang ba dang gleng gzhi dang / /'dus pa dang ni dgos pa la/ / yang dag brtags na don chen phyir/ /zhu ba la ni nan tan byas/ /don chen bas na thub pa la/ /rgya cher mkhyen par gsol ba dang / thub la gsol ba 'debs pa dang / /dam bca' mngon du phyogs bya dang / /sgrub dang gzungs kyi ngo bo dang / /de la bstod dang phan yon dang / /thob pa'i thabs dang phan yon dang / /de ni sngon byung brjod pa dang / /chos kyi rnam grangs che nyid dang / /ming zhus pa dang bya ba gnyis/ /yi rangs pa dang bstan pa ste/ /'di la 'di ni mdor bsdus pa'o/ /bsgrub bya sgrub pa'i bye brag gis/ /gleng bslang rnam pa brgyad du bstan/ /mdor na 'di la bsgrub bya gsum/ /sgrub pa rnam pa lngar 'dod do/ /gleng gzhi thub pas gsungs pa 'di/ /de yis gdul ba'i dbang mdzad nas/ /rnam pa lnga dang ldan pa ste/ /phongs pa rnam pa gsum du 'dod/ /'di dag la sogs tshig gis ni/ /de dag byin gyis brlab par bstan/ / bdud gnyis de dag bcom pa yis/ /gdul ba la ni thugs brtse'i phyir/ /sprul pa'i skus ni mya ngan las/ /'da' bar 'dod kyi cig shos min/ /gtan du gnas pa'i rgyu ldan pa/ /mya ngan 'da' bar yang mi rigs/ /rdzogs sangs rgyas kyi mthus bstan pas/ /ma bsgrims bsgrims dang bsgrims pa yis/ /'phyas su 'gyur ba bsal ba'i phyir/ /bsdu ba rnam pa gsum du gzhag /btsun par mi 'gyur bsal ba'i phyir/ /thub pas mngon du mdzad de/ /gus pa bskyed par bya ba'i phyir/ /gzhan dag sdud par byed du bcug /des 'dul dbang mdzad bcom ldan gyis/ /de gnyis mya ngan 'das par bstan/ /'dir ni de smos pa yi phyir/ /yang dag mya ngan 'das ma yin/ /bsdu ba gsum la sko ba dang / /bsko bar bya ba'i bya ba dang / /de yi 'bras bu go rims dag /bstan pa zad par 'dod pa yin/ /byang chub mchog gi rim yin la/ / blo zhan bshes gnyen dman bsten pa/ /gang dag dman pa'i lam bsten pa/ /de dag rnam pa bzhi dag gis/ /mngon du phyogs par mdzad pa na/ /mtha' dag kyang ni 'dus pa dang / /che ba nyid ni rgyal bas bstan/ /gang zhig bsgrims te bsdu ba dang / /gang yang bsgrim ni mi dgos la/ /'jig rten spyod pa'i tshul gyis 'jug /gang phyir de bzhin gshegs pa ni/ skyon dang nyon mongs phung po bstsal/ /don kun yang dag mkhyen pa ste/ /de phyir rgyal ba zhu bar 'os/ /dad pas mos pa la sogs pas/ /gong nas gong du thob pa'i phyir/ /gdul bya'i bsam pa'i bye brag gis/ /don ni rnam lngar bstan pa yin/ /sdug bsngal la sogs yul rnams la/ /nem nur byed pa som nyir bstan/ /de spangs sa thob 'di yin par/ /'dir ni don gyis bstan pa yin/ /phyir mi ldog pa'i sa la ni/ /thob pa rnam pa gnyis su bstan/ /skye ba gcig gis thogs pa rnams/ /sa ni rten bzhis thob par 'gyur/ /spyod pa sbyin sogs pha rol phyin/ /tshogs kyis rnam pa gnyis su 'gyur/ /gsum ni bsod nams pha rol phyin/ /lhag ma ye shes cig shos gnyis/ /des gdul phyir ni gnas pa dang / /bstan pa don yod mtshungs pa med/ / smon lam 'bras bu 'grub pa dang / /dga' dgur zhing ni ston par byed/ /sems can la sogs rnam dag ni/ /sems can chos don gnyer dang zhing / /rang bzhin bdag med mthong ba yin/ /de ni 'dod pa'i don grub byed/ /gdul bya rnams kyi bye brag gis/ /lus sogs yid du 'ong bar gzhag / thams cad mkhyen pa'i yon tan gyis/ /tshogs kyi gzhi yang skye ba yin/ /gzungs ni rnam gsum gang gi phyir/ /tshig dang don dang gnyi ga 'dzin/ /legs pa las ni nyams pa na/ 'dzin par byed pas de phyir gzungs/ /bdag dang gzhan gyi don grub phyir/ /gzungs nyid sgo mo sgo yin no/ /de la 'jug pa de shes pa/ /de yang rnam bzhir bstan pa yin/ /zhu ba 'di ni mdor bsdu na/ /byang chub sems dpa' kun la yang / /gang la ji snyed 'os yin pa/ /de la de snyed 'gyur ba yin/ /zhu ba'i 'bras bu blo ldan gyis/ /zhu ba nyid du rab tu gsungs/ / yang na 'bras dang tha dad par/ /sgro btags zhu ba nyid du gsungs/ /tshig dang don dang gnyi ga dang / /thos sogs shes pa'i bye brag dang / /mngon sum rjes dpag rnam gnyis kyis/ /rnam par dag pas rnam gsum mo/ /spyod pa pha rol phyin bcu dang / /yang na stong nyid skyon med nyid/ /de yi dag pas thob pas na/ /thams cad mkhyen pa'i go 'phang thob/ /snod ni khas phub rdol ba dang / /mi gtsang ba yi gnyen por ram/ /gzu ba la sogs yon tan ldan/ /khyod kyis nyon la gzhan du min/ /gang phyir tshad ma ldan pas na/ /thog ma bar dang tha mar dge/ /chung ngu 'bring dang chen po yi/ /nyes pa rnams ni zad byed dang / /tshig 'bru don dang gnyi ga shes/ /mngon sum la sogs mi 'gal ba/ /thos la sogs pas blo bskyed dang / /bdag sogs 'byor ba'i rgyu yin phyir/ /don gsol zhal gyis bzhes pas na/ /de yis bdag nyid gsol bar phyogs/ /thub pa sems can don mkhyen phyir/ /'dir ni bsrung ba la sogs gsungs/ /yang dag tu na nga chos ldan/ /dngos po'i ngo bo khas mi len/ /rkyen la rag las 'byung phyir te/ /sgyu ma rmi lam smig rgyu bzhin/ /dgag par bya ba med pas na/ /yang dag tu na bdag med mngon/ /yang dag mkhyen te chos rnams kun/ /thams cad dngos por 'dzin mi mdzad/ /tshad ma ldan pa ma yin pas/ /yod med la sogs mtshan nyid du/ /de ni chos kun khas mi len/ /de phyir mkhas pa 'dzin mi byed/ /de phyir de ni stong pa min/ /mi stong ma yin yod med min/ /mi skye ma yin skye min zhes/ /bya ba la sogs bcom ldan gsungs/ /bsam gtan gyi ni lam 'di yis/ /gsang sngags tshig rnams bsams na ni/ /'bras bu rdzogs par 'thob 'gyur gyi/ /'dod pa nyi tshes de lta min/ /tshig rnams re re'i rnal 'byor la/ /mngon du phyogs par byed bzhin du/ / gsang sngags ran par brjod bya ste/ /de phyir 'dir ni tshig smras so/ /yi ge re re bsam pa yi/ /rnal 'byor sus kyang mi nus te/ /tshig re nas ni nges par yang / /brjod par bya bas de smos so/ /rnal 'byor med pa'i gsang sngags 'dri/ /de ltar 'bras bu ston mi 'gyur/ /gsang sngags tshig ni gsang sngags te/ /de phyir rnal 'byor med mi bya/ /gsungs pa'i ming ni 'dogs pa dang / /thob pa'i thabs ni bstan pa dang / /des zhes bya ba sogs tshig gis/ /gzungs ni 'og nas 'byung ba nyid/ /'di zhes gsungs pa brjod bya yin/ /'dzin pa don las bzhed pa yin/ /rlom sems mngon par zhen pa ste/ /ma dmigs phyir na de 'dir med/ /mi sdug ma yin gnyi gar sdug /sdug pa de yang rnam gnyis 'dod/ /chos rnams thams cad thub pa yis/ /rnam pa bzhir ni bsdu ba mdzad/ /gnod sems gti mug 'dod chags rnams/ /de yi sgo nas 'byung phyir ro/ /spang ba'i thabs ni bsgrub pa'i phyir/ /de dag dngos po med par bstan/ /'di la thob bya rnams thob dang / /de dag nyid ni bsgom pa dang / /spang bya rnams ni spang ba dang / /'phel ba thams cad yin par bzhed/ /de phyir rnal 'byor can de ni/ / thos bsam la sogs byung ba yi/ /shes pa rnams kyis nam du yang / /'dus byas 'dus ma byas kyi chos/ /de dag thob sogs sbyor mi byed/ /yang na chung 'bring chen po yi/ /sbyor ba rnams kyis sbyor mi byed/ /de bzhin zag bcas slob sogs kyi/ /lam rnams kyis kyang sbyor mi byed/ / rgyu dang rkyen nam chags sogs kyi/ /bag nyal rnams dang ldan de dag /'dir ni mtshungs ldan shes bya ste/ /bzlog pa las ni ldan pa min/ /rnam pa med pa'i shes pa yis/ /yul la 'dzin par mi rung ngo / /rnam pa tshad ma min phyir dang / /mi rung phyir na cig shos min/ /lus dang lus med 'phel ba de/ /rdzas dang rdzas med rnam pa gnyis/ /ltos par gnas pa'i ngo bo'i phyir/ /mi mthun pa dang lhan cig bshad/ /yang dag tu na sku gnyis kyi/ /rang bzhin ma mthong gang yin pa/ /de nyid sangs rgyas rjes dran te/ /rtog pa thams cad sel ba yin/ /rkyen la rag las 'byung ba'i phyir/ /sgyu ma bzhin du gang ma skyes/ /bden par bsams na gzugs la sogs/ /de ni de bzhin gshegs ma yin/ /dgag par bya ba med pas na/ /yang dag tu na dgag med mngon/ /de phyir brtags na gzugs med sogs/ /de ni de bzhin gshegs ma yin/ /des na gnyi ga ma yin dang / /cig shos de dag bkag shes bya/ /de yi phyir na de gnyis de/ /so sor dgag pa ma mdzad do/ /de ltar rnam rtog med gyur na/ /chos kyi sku ni mthong ba ste/ /sangs rgyas rjes dran kun mkhyen gyi/ /yon tan phun sum tshogs pa'i gzhi/ /longs spyod rdzogs par mdzad pa'i sku/ /rnam pa nyi shus bshad pa yin/ /cig shos bco brgyad shes par bya/ /'dir ni de gnyis phrin las bzhi/ /de yi mdzad pa'i 'bras bu drug /de dngos rnam gnyis rgyu rnams bdun/ /mnyam pa nyid la gnas nas su/ /de dag la ni bsgom par bya/ /yang na longs spyod rdzogs pa'i sku/ /rgyu dang bcas dang 'bras bur bcas/ /yang dag tu na gang ma mthong / /de ni sangs rgyas rjes su dran/ /longs spyod rdzogs pa nyi shu ste/ /'bras bu nyi shu gnyis su bzhed/ /de yi rgyu ni bco lnga ste/ /gang gi phyir ni nan tan byed/ /ji ltar gang la bye brag gis/ /zag bcas cig shos bye brag gis/ /bya ba rnam gnyis shes par bya/ /lhag ma dag ni sngar bshad bzhin/ /sar pa 'jug pa'i rgyu nyid yin/ /gang tshe de las ma thob ba/ /sangs rgyas nyid du gcig tu nges/ /sangs rgyas nyid kyi sa thob la/ /gnas skabs dag ni thams cad du/ /bdud kyi las ni rnam spong na/ /gzungs kyi sa thob par mi 'gyur gang / /thob bya gzhan ni ci zhig yod/ /yang na dad pas mos la sogs/ /dbang du mdzad de go rims bzhin/ /ming rnams lnga po 'di dag ni/ /don dang mthun par gsungs pa yin/ /'bras bu yang dag bstan pas kyang / /'dul ba rnams ni 'jug 'gyur te/ /de yi phyir na thub pa yis/ /thugs rjes phan yon yang dag gsungs/ /chos dang dad pas rjes 'brang ba'i/ /dbang mdzad 'di yi phan yon gnyis/ /rgyal bas gsungs te snga ma snga/ /phyi ma po ni phyi ma yin/ /yang na phan yon gnyis ka yang / /chos dang dad pas rjes 'brangs pa'i/ /phyi ma snga ma'i btags pa yin/ /phyi ma yi ni gnyis ka dngos/ /stobs dang pha rol phyi nas dang / /mi 'jigs yon tan la sogs pa/ /rnam thar sgo dang mngon shes dang / /gzungs sgor bcas pa mtha' yas sam/ /de dag mtha' yas thabs rnams kyi/ / bsgrub par bya ba gang yin pa/ /de phyir mtha' yas sgos sgrub pa'i/ /gzungs zhes bya bar bsgrags pa yin/ /'dir ni don gyi gzungs yin pa'am/ /yang na gzungs don ston pa yi/ /yi ge tshogs ni 'di nyid la/ /gzungs zhes bya bar dgongs pa yin/ /thos sogs las byung shes pa rnams/ /chung dang 'bring la sogs ldan pa/ /gzungs kyi don ni thob 'gyur nas/ /byang chub sems dpar 'gyur ba gang / /de dag phyir mi ldog nyid du/ /mtshungs de dus ni tha dad do/ /byang chub myur ba nyid gsungs dang / /de ni gzhan la ltos te dgongs/ / dmigs pa thams cad yod min pa/ /'dir ni dmigs pa med par bsgrags/ /dmigs pa yod pa ma yin phyir/ /dmigs pa med pa'ang rigs ldan min/ /gang tshe 'di la dmigs med pa'i/ /spyod pa chen po yod gyur na/ /de nyid yang dag shes de'i phyir/ /de las mi 'grub ci zhig yod/ /khyod kyis nyes pa ma lus pa/ /spong ba sangs rgyas rjes dran nyid/ /de yi gnyen po yin pas na/ /de phyir ci bder bsgom par gyis/ /'khor gsum rnam par dag pa'i phyir/ /sbyin pa la sogs mchog dang ldan/ /yang dag rdzogs pa'i byang chub rgyu'i/ /khyad par 'di las thos par 'gyur/ /'dir ni thub pa'i dbang po yis/ /yi ge'i don dang gnyi ga yi/ /gzungs kyi phan yon bka' stsal te/ /ci rigs par ni sbyar bar zad/ /yang na phan yon thams cad kyang / /gzungs rnams kun la bshad bya ste/ /kha cig dag ni dus gzhan las/ /dgongs pa tsam du zad pa yin/ /mnyam nyid ces bya dus dang don/ /gang zag gzhan zhes bya ba yi/ /dgongs pa rnams kyis thub pa'i gsung / /ci rigs par ni rtogs par bya/ /gzungs zhes bya 'dir kha cig tu/ /mgon po thugs rje can gyis ni/ /gzungs zhes pa ni chen po yi/ /chen po'ang yin par bka' stsal to/ /gsang sngags tshig ni snga ma yis/ /bsrung ba'i cho ga 'di byas la/ /gtsang mas 'du dang chags spangs shing / /lus kyi 'du 'dzi spang bya ste/ /de ni rtog pa'i dra ba yi/ /rgyun rnams ma lus spangs na ni/ /sangs rgyas rjes su dran pa tsam/ /rab tu bsgom pa gus byas las/ /sems ni rtse gcig byas nas su/ /sangs rgyas rjes su dran pa ni/ /de ni cho ga bzhin du bsgom/ /skyo bar gyur na blo can gyis/ /der gnas sems kyis dus bstud do/ /blo can de ltar sgom byed pa/ /de la zhag bdun tha mar ni/ /sangs rgyas bye ba brgyad cu rnams/ / de yi 'og tu gzungs sbyin mdzad/ /gsang sngags tshig ni re re zhing / /sangs rgyas bye bas byin brlabs la/ /des kyang sngar ni de dag gis/ /bzlas nas bsrung sogs phun tshogs byas/ /de phyir sangs rgyas bye ba ni/ /brgyad cus de la gzungs sbyin mdzad/ /yang na dgu bcu las thos ltar/ /bsgoms mthu de ni 'di 'dra'o/ /gzungs sogs bsam pa bsam bya yin/ /gzungs med sogs pa bsam bya min/ /yang na sprul pa bsam bya yin/ /longs spyod rdzogs pa bsam bya min/ /yang na bsam bya bsam bya min/ /dngos bsam bsam bya bsam bya min/ /gzod nas ma skyes pas med phyir/ /bsam pa de dag bsam mi bya/ /chos dbyings soms shig de la yang / /log par bsam par mi bya'o/ /de ltar zhag bdun sems na ni/ /de yi 'og tu gzungs thob 'gyur/ /blo ldan ci 'dra gang du dang / /ji ltar gnas dang gang bsgoms dang / /gang byas pas ni thob 'gyur ba/ /de ni bzhi pa rnams kyis bstan/ /khrims ldan de yi mi mthun phyogs/ /gnyis grol de yi 'phel byed ldan/ /nyes pa dang ni phan yon rnams/ /bstan pas de la 'dzud par byed/ /sngar bstan pa yi don nyid ni/ /chos kyi rjes 'brangs ched du ste/ /rigs pa phan yon bye brag gis/ /tshigs bcad rnams kyis yang bstan to/ /dgon sogs gnas shing zab mo la/ /chos rnams la ni legs par spyod/ /rnyed dang bkur sti tshigs bcad la/ /lhag par chags med brtul zhugs can/ /rtag tu sdug pa'i dngos po kun/ / 'bras bu la ni mi lta'am/ /'dzin med sems kyis gtong byed pas/ /gzungs 'di thob par 'gyur ba yin/ /dang po gnas yin de nas las/ /de nas rnyed sogs tshol ba spong / /der yang ma zad thams cad la/ /mi lta bar yang gtong bar byed/ /don gcig rtogs nas kun shes na/ /brgyad ces bya bas ci zhig bya/ /yi ge so so'i don shes na/ /'di yang ha cang nyungs pa yin/ /bstan bya ston pa nyen pa yin/ /ngo bo de nyid rnam gsum bstan/ /brgya las bstan bya gang yin de/ /rnam gnyis thams cad rnam pa gcig / yi ge 'bru brgyad 'di dag ni/ /byang chub sems dpa' mkhas ldan pa/ /brgyad po dag gi ting 'dzin rnams/ /smos pa yin par thub pas gsungs/ /de yi don ni bsgoms pa la/ /de kun mngon du phyogs par gnas/ /gzungs ni thob par bya ba'i phyir/ /kun du brtson par rab tu byed/ /byang chub sems dpa' rnams dang ni/ /sangs rgyas rnams dang gnod sbyin rnams/ /rim bzhin bkod pa'i dkyil 'khor 'di/ /rmi lam du ni bstan pa yin/ /pad+ma'i rgyal po dkar po zhig /'dab ma brgyad pa yid du 'ong / /de dbus thub pa mtshungs med pa/ /bum pa dang ni bcas par gzhag / 'dab brgyad dag la thub pa'i sras/ /rnam par snang byed sogs brgyad kun/ /thub pa dang ni rang rang gi/ /yi ge sa bon ldan par dgod/ /'dab ma rnams kyi bar dag tu/ /gnod sbyin brgyad gzhag cho ga gcig /cho ga gzhan yang de bzhin du/ /tshon phye sna lngas gru bzhir bri/ /mkhas pas de dbus thub pa ni/ /pad+ma dkar po 'dab brgyad la/ /bum pa chus bkang ldan par gzhag /de bzhin thub sras de dag kyang / /pad+ma gdan bcas chu bum bcas/ /phyogs bzhi dag tu gnyis gnyis dgod/ /phyogs kun byang chub sems dpa' yi/ /bar du gnod sbyin de dag dgod/ /dkar po'i stan la 'khod rnams so/ /slob ma gtsang ma yon tan can/ /gzungs bsgoms rnal 'byor grub 'dod la/ /bum pa de dag gis dbang bskur/ /de ltar rmi lam bstan pa yin/ /cho ga bdag gis gsal brjod la/ /bdag nyid legs dran bya phyir gyis/ /mngon pa'i nga rgyal cung zad med/ /dam pa'i don du stong pa dang / /stong min la sogs chos rnams kun/ /ngo bo nyid med rnam shes pa/ /khong du chud phyir dang por bzhed/ /longs spyod rdzogs pa'i sku dang ni/ /sprul pa'i sku gnyis las skur bstan/ /de gnyis 'jig rten don 'byor pa/ /ma lus phyir ni mdzad phyir ro/ /kun rdzob tu dang don dam par/ /mtshan dang mtshan med la sogs pa'i/ /sku gnyis rnam par shes pa ni/ /khong du chud phyir gzhan du bzhed/ /byis pa dang ni mkhas pa'i chos/ /dri ma can dang dri ma med/ /mi stong min sogs stong min sogs/ /ji bzhin gnyis ni bstan pa yin/ /de yi 'jug par rnam par shes/ /khong du chud pa mngon sum byed/ /gsum pa 'di ni mkhas pa yis/ /de lta bur ni shes par bya/ /skye sogs skye ba med sogs kyis/ /'jug pa skye ba med pa dang / /'gag med shes pa gang yin de/ /khong du chud phyir gzhan du bzhed/ /snga ma ji ltar snang bar te/ /phyi ma dam pa'i don du yin/ /de ltar gang gang don shes pa/ /khong du chud phyir lnga par bzhed/ /yang na yang dag mi snang phyir/ /de gnyis ngo bo nyid med nyid/ /de ltar yang dag don shes pa/ /khong du chud phyir lnga par bzhed/ /gzungs kyi chos kyi rnam grangs kyi/ /stong pa nyid la sogs pa yi/ /chos kyi dbyings ni 'di shes pa/ /rtogs phyir drug pa 'dir bzhed do/ /yang na gzungs chos rnam grangs kyis/ /stong pa nyid la sogs pa nyid/ /chos dbyings yin par rnam shes pa/ /khong du chud phyir drug par bzhed/ /ngo bo nyid sogs rnam rtog pa/ /spang ba'i thabs ni gdul rnams la/ /bstan par bya phyir mgon rnams kyis/ /stong nyid la sogs bstan pa mdzad/ /zhi gnas la sogs nyid yin zhes/ /chos rnams thams cad mdor sdud de/ /de dag de bzhin nyid shes pa/ /khong du chud phyir bdun par bzhed/ /kun rdzob tu ni chos rnams kun/ /skad cig pa gang de dag ni/ /gzod nas zhi phyir don dam du/ /zad med la sogs bye brag bstan/ /mngon zhen rnam gsum spang ba'i phyir/ /zad med la sogs bye brag gam/ /yang na khams kyi bye brag gis/ /rnam pa gsum du gsungs pa yin/ /chos kun mya ngan 'das pa gang / /de 'dir de bzhin nyid du bstan/ /de la 'jug pa rtogs pa ste/ /de rtogs phyir na brgyad par bzhed/ /des ni bsod nams skyed pa na/ /gzungs sam yang na yi ge yi/ /don la gang gis 'jug 'gyur ba/ /don rtogs de ni gsum du bstan/ / thos par 'dod pas nyin re zhing / /lhag par rjes su dran par byed/ /gzungs ni bsod nams chung ngu yis/ /shin tu thos par mi 'gyur ro/ /bye brag la ni dgongs pa'i phyir/ /brtson pa yi ni tshig kyang gsungs/ /de phyir khrus sogs sngar byas la/ /klog pa la sogs de dag bya/ /de ni sbyin pa la sogs la/ /rtag tu yang dag dga' sogs dang / /de ni bdag med la 'jug bya/ /yang na de dag nyid la 'jug /gzungs kyi chos kyi rnam grangs la/ /zhugs pa dag la sogs pa de/ /yang dag dga' ba la sogs bya/ /yang na gzungs la gzhug par bya/ /don ni sngar yang bshad mod kyi/ /chos kyi rjes su 'brang ba'i phyir/ /rigs pa phan yon bye brag gis/ /tshigs su bcad pa gnyis kyis bstan/ /gzungs la brtson pa'i rnal 'byor pa/ /thob bya ma thob bar du yang / /phan yon rnam pa bzhi po dag /bzhi po gsum gyis thob par 'gyur/ /sngon 'byung ba ni mdor bsdu na/ /rnam pa dgur ni bstan par mdzad/ /der yang so sor dbye ba ni/ /rnam pa mang po'i dbye ba yod/ /chags bral slob dang mi slob dang / /bse ru la sogs rgyal ba'i sras/ /de dag gis shes lam las 'das/ grangs med la sogs bstan pa yin/ /gzhal bya'i dngos po bye brag dag /go byed grangs dang bstod gzhal dang / /kun nas gzhal dang tshad ces bya/ /de dag med phyir de skad bstan/ /snga ma snga ma sgrub pa yi/ /gtan tshigs phyi ma phyi ma yin/ /yang na la la sngar ma thos/ /gang yang rung bas don de ston/ /gdul bya'i don ni rab sgrub phyir/ /ye shes spangs pa'i rang bzhin nyid/ /ci 'dra de ni rgyu dang bcas/ /phun sum tshogs gnyis bstod pa gsungs/ /ston pa rnam gnyis gang gis thob/ /ci 'dra de yi lam rnam gnyis/ /gang dag la ni de gnas dang / /de dang ldan par ston par byed/ / 'jig rten tshe ni dpag med tshe/ /thub pa chen po skyes pa de/ /yongs su mya ngan 'das pa yi/ /dus bab pa ni de 'dra'o/ /de yi rgyu ni spangs pa'i phyir/ /des ni rmugs gnyid de ma bsten/ /dngos po'i ngo bo nyid shes pas/ /dga' ba rnam gsum spang bar bya/ /'jig rten khams gzhan sangs rgyas rnams/ /snang ba thob pa des mthong ste/ /chos bstan pa ni thos so zhes/ /byas pa'i chos la nyes pa med/ /yang na blo bzang 'jig rten khams/ /'di gzhan sangs rgyas bzhugs pa mthong / /bstan pa 'byung la brten nas ni/ /cig car skye ba 'gag pa yin/ /rdzogs pa'i sangs rgyas thams cad kyis/ /bstan de dgu bcu las thob pa/ /des na chos kyi de kho na/ /bstan pa thabs dang bcas pa brjod/ /'di las chos ni nan tan du/ /legs su nyams su len par bstan/ /yang na 'dzin pa la sogs pa/ /yon tan bskyed par 'gyur ba yin/ /sangs rgyas gzhan dag ma yin zhes/ /de yi mtshan ni smos pa mdzad/ /des na thub pa bzhugs pa ni/ /'jig rten phan phyir nyid du bstan/ /sdom brtson tshul khrims ldan pa dang / /gzhan don gzhol bas rtsol ba las/ /gzungs ni thob par thub pa des/ /rab tu byung dang ldan pas bstan/ /mod la zhes bya de ma thag /yang na cig car 'byung ba yin/ /dgu bcu zhes bya la sogs tshig /des ni dus gzhan dgongs pa yin/ /phul phyin yon tan ldan pa yi/ /gzungs ni thob par 'gyur ba'i phyir/ /bde bar gshegs pa'i sras po de/ /gzungs thob rnams kyi mchog yin no/ /ye shes khyad 'phags 'brel pa dang / /yon tan phul phyin ldan pa'i phyir/ /de ni gzungs tshig ldan rnams kyi/ /mchog tu rgyal ba rnams kyis bstan/ /spobs pa rgyun mi chad pa rnams/ /so so yang dag rig thob rnams/ /de dag phul phyin ldan pa'i phyir/ /de nang rgyal sras de mchog go/ /de dag gis gsungs tshul khrims ni/ /bsgrub pa mnyes byed rung bar 'dod/ /bskal pa gsum du tshogs rnams ni/ /yongs su rdzogs byas byang chub thob/ /dngos po stong pas 'dod mi bya/ /tshad ma dang yang 'gal ba'i phyir/ /mi mthun blo ni mi bskyed cing / /cis kyang the tshom mi bya'o/ /thos pa la sogs shes pa'am/ /yang na tshad ma gsum po yis/ /yongs su bcad par mi rung phyir/ /som nyi la sogs tshig gsum smos/ /spyir bstan pa ni yod mod kyi/ /'on kyang bdag gis 'bras bur bshad/ /'di ni mtshon pa kho na ste/ /mdo yi tshig gis mngon pa yin/ /de ni mi ldog sa yi dang / /rdzogs pa'i sangs rgyas mnyes bya yi/ /rgyur 'gyur bas na de yi phyir/ /de yis byang chub myur du thob/ /don dang yi ge gnyis ka las/ /'di ni kun chub byed par bstan/ /thos bsam la sogs thams cad dang / /yang na yi ger 'dri sogs kun/ /rigs pas 'gal ba ma yin dang / /yang na ji skad thos pa bzhin/ /yid la byed pa gang yin pa/ /de ni tshul bzhin yid byed yin/ /don dang yi ge'i sgo nas 'di/ /rgya cher yang dag ston par byed/ /yang na rnam pa thams cad du/ /gzungs 'di yang dag ston par byed/ /de yi de ni bdag nyid kyis/ /tshad mas shes par mi nus la/ /gzhan dag gis ni bstan na yang / /de ni bsam par mi nus so/ /shes bya ma lus mkhyen pa'i phyir/ /'dren pa rnams kyis de tshad de/ /mngon sum yongs su mkhyen pa dang / /dgongs par yang ni spyod pa yin/ /blo rmongs rnams dang ma 'dus dang / /skye bo blo ni g.yengs rnams phyir/ /don de tshigs su bcad rnams kyis/ /thub pa yis ni bzlas te gsungs/ /gzhi dang rdzas bzang mang po dang / /yongs su bkang pa'i bye brag gis/ /sbyin par bya ba'i khyad las 'di/ /sbyin pa khyad par 'phags par bstan/ /gzungs kyi chos kyi rnam grangs la/ /mngon par brtson pa gang yin pa/ /de ni gzungs la brtson zhes bya/ /de ltar skabs kyis mngon pa yin/ /lus dang ngag dang blo gros la/ /stobs dang gzi brjid rab rno ba/ /rim bzhin gzi brjid shes par bya/ /lus kyi sgra des lus gnas bsdu/ /lus ni rnam gsum bye brag gis/ /bsrung skyob sbed gsungs yang na ni/ /gang phyir gnam bskos la sogs pa'i/ /bye brag gis ni gnod pa gsum/ /yang na bdag gzhan rkyen gyur las/ /gnod pa rnam gsum shes par bya/ /sems can sems can min bgrang ba'i/ /bye brag gis ni gzhan gnyis bstan/ /mngon du phyogs par bya ba gnyis/ /'ong bar bya ba'i phyir gsungs te/ /gcig gis spro bar bya ba bstan/ /gnyis kyis de dag gus pa ste/ /gnod sbyin rnams ni 'dod bya'i phyir/ /'chag pa bsu ba'i bsam par bsten/ /de ltar min du zin na ni/ /de yis lhag pa ci zhig bstan/ /de ltar don du gnyer shes nas/ /'ong bar spro ba'i sems ldan rnams/ /spro ba'i mthu la dmigs nas ni/ /de dag nges par 'ong bar 'gyur/ /gnod sbyin de dag lhags nas ni/ /brtan bzhin brtul zhugs spyod de la/ /myur du gzungs kyi sgo rnams ni/ /the tshom med par ston par byed/ /yan lag kun gyi gtso bo bzhin/ /bsnyad pas de dag blo dga' bas/ /lhags pa yin te de dag las/ /'bras bur 'gyur bar the tshom med/ /yi ge brgyad po de dag ni/ /byang chub sems dpa' brgyad po yin/ /de phyir don de bsgoms pa la/ /de dag thams cad phan 'dogs so/ /gzhan la phan 'dogs zhugs pa'i phyir/ /smon lam stobs kyis de dag rnams/ /de dang der ni skyed byed pa/ /gang yin de la the tshom med/ / sems dpa' zhes ni gsungs pa 'di/ /sems ni snying rjes brlan rnams kyis/ /phan par bya ba 'dod pa'i blos/ /snying brtse nas ni bltas pa yin/ /rgyal ba'i sras po de dag ni/ /phan pa nye bar bsgrub pa dang / /gnod pa med par spang ba yis/ /gzungs thob bya phyir mngon par brtson/ /gzungs la brtson byed gang zhe na/ /gang zhig nyan sems rjes yi rang / /'dri dang lung nod 'don la sogs/ /ston pa'i tshul gyis brtson byed pa'o/ /gzungs bskyed cho ga rgyal ba yis/ /bdag gzhan ltos las bzlas te gsungs/ /ston pa la sogs bye brag gis/ /gzhan ni rnam pa gsum du 'gyur/ /chos dang zang zing bye brag las/ /bgo bsha' rnam pa gnyis su bstan/ /chung dang nyung dang mang po ni/ /rdzas dang grangs dang gnyi gar bstan/ /gzungs don bstan pa yin mod kyi/ /'on kyang spyir yang bstan pa mdzad/ /byas gzo la sogs gzhan du yang / /bya ba'i phyir na gsungs pa yin/ /'dir ni gtso bor thub pa yis/ /'bras bu gnyis su bstan pa yin/ /mtho ris la sogs 'bras bu ni/ /gzhan bstan pa las rtogs par 'gyur/ /bdag dang gzhan don rim bzhin du/ /zhus pa dang ni dgos pa ltar/ /yang na don ni che ba'i phyir/ /tshig gnyis kyis ni bzlas te zhus/ /'di ni go rims kho na bzhin/ /rgyu dang 'bras bu'i dngos po yis/ /ming ni rnam pa bzhir mdzad de/ /de phyir ming nyung lhag pa med/ /lugs 'byung lugs 'byung ma yin las/ /sgrub dang bsgrub bya'i dngos po yis/ /ming ni rnam pa bzhir mdzad te/ /de phyir mi nyung lhag pa med/ /yang na yon tan thams cad dang / /ye shes phun sum spong phun sum/ /khyad par 'phags pa phun sum gyi/ /rten ni de nyid yin phyir ro/ /thub pa'i gsung las 'jig rten gyis/ /don chen skyes pa mthong gyur nas/ /sems ni rangs par gyur pa'i phyir/ /mkhas rnams mngon par bstod par byed/ /thub pa'i gsung las rkyen rkyen du/ /khyad par thob par gyur nas ni/ /yid kyang dga' bar gyur pa'i phyir/ /mkhas pas kha cig mngon par bstod/ /gsal zhing dri med yon tan ldan pa shin tu gting dpag dka' bas nyams dga' gzungs sngags 'di/ /bdag 'dra nyon mongs shin tu blo zhan gzhan du bdag gis che long rnam par phye ba yi/ /bsod nams phung po phal chen rnams la phan pa rnyed pa'i mthu can thos pa gang yin pa/ /de dag thams cad kyis ni 'gro ba 'di dag kun gyis ye shes snying po rtag tu 'chang bar shog /'phags pa sgo mtha' yas pa bsgrub pa'i gzungs rnam par bshad pa tshig le'ur byas pa/ slob dpon ye shes snying pos mdzad pa rdzogs so// // rgya gar gyi mkhan po pradz+nyA barma dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa'o// //[ ]@#/ /rgya gar skad du/ Ar+ya a nan+ta mu kha nir+ha ra d+hA ra Ni TI kA/ bod skad du/ 'phags pa sgo mtha' yas pa sgrub pa'i gzungs kyi rgya cher 'grel pa/

CLOSE WINDOW