བོད་ཡིག

e-texts based on the ACIP/ALL Input

/[ ]/ /rgya gar skad du/ badzra bi dA ra Na nA ma d+hA ra Ni u pa de sha/ /bod skad du/ rdo rje rnam par 'joms pa zhes bya ba'i gzungs kyi man ngag /bcom ldan 'das rdo rje rnam par 'joms pa la phyag 'tshal lo/ /'dir bla ma dam pa'i man ngag gis las kyi tshogs cung zad dran pa rnams dgod par bya'o/ /de la las kyi rnam par dbye ba ni mang mod kyang 'dir ni phrin las bco brgyad las ma gsungs la/ de dag gi don kyang ma gsungs bas de dag gi don kyang bsdus na gnyis nyid de/ phan btags pas rjes su gzung ba dang tshar gcad pas rjes su gzung ba'o/ /de dag kyang zhi ba la sogs phrin las bzhis 'grub par 'gyur la phrin las kyang sgrub pa po tshad dang ldan pas yin gyi gzhan du na don med par 'gyur ro/ /thog mar sngags pa snying rje chen pos bskul ba'i bsnyen pa yongs su rdzogs par byas la/ de'i 'og tu las dang mthun pa'i 'khrul 'khor bri bar bya'o/ /de yang zhi ba'i 'khrul 'khor ni dkar po'i phyogs kyi tshes gang yang rung ba la ras sam shing shun la sogs pa gzhi dkar po las pad+ma rgyas pa lta bu'i rtsibs brgyad pa'i 'khor lo gur gum la sogs pa'i dris mchog tu gtsang sbra la gnas pa bri'o/ /de'i lte ba la na mo rat+na tra yA ya/ nam sh+tsaN+Da badzra pA Na ye/ ma hA yak+Sha se nA pa ta ye/ che ge mo la rak+Sha rak+Sha zhes spel la bri'o/ /rtsibs rnams la rim pa bzhin du gnod par byed pa rnams tra Ta ya tra Ta ya troT ya che ge mo rak+Sha rak+Sha zhes bri'o/ /de'i mu khyud phyi ma la yang snying bri bar bya ste/ sngags de thams cad mgo phyir bstan pa'o/ /de ltar bris pa'i 'khrul 'khor de la sngags pas 'di ltar las la sbyar bar bya ste/ rang nyid yud tsam gyis lhar bsams la mdun gyi nam mkha' la bcom ldan 'das rdo rje rnam par 'joms pa bskyed la gsol ba gdab pa ni/ bcom ldan 'das thugs rje chen po khyod ni thams cad la phan pa dang bde ba'i phyir zhugs pa yin na de yang che ge mo 'di'i gnod pa 'di dag nye bar zhi bar byin gyis brlab tu gsol zhes ngag dang yid kyis lan gsum gsol ba gdab par bya ste/ bar gyi tshig spros la phrin las gzhan la yang sbyar bar bya'o/ /de ltar gsol ba [(]gtab [,]gdab [)]pas bdag dang bsgrub bya la byin gyis brlabs nas ji ltar 'dod pa grub par bsams te slar bcom ldan 'das 'khrul 'khor gyi lte ba la bzhugs te rgyun mi 'chad par byin gyis rlob par mdzad par bsams la spel ba dang bcas pa'i bzlas pa bya'o/ /zin pa dang mchod de bstod pa yang byas la thams cad zhu ba dang bcom ldan 'das kyi thugs pad+ma rgyas ba lta bu'i thugs kar bsgrub bya chud pas mchog tu bde zhing gnas par bsams la de bzhin nyid kyi blos me tog la yang snying po ci nus par bzlas la 'khor lo la gtor bar bya'o/ /de ni rab tu gnas pa zhes bya ste/ 'khor lo dril nas bsgrub bya la btags te de la 'gom par mi bya ba ni dam tshig go/ /sems can thams cad 'jil bar byed pa dang zhi ba dang srung ba ste/ las gsum dang 'brel pa'i zhi ba'i 'khrul 'khor gyi rnam par byed pa rdzogs so/ / //ji ltar sngar bstan pa'i tshul gyis bar gyi tshig spos la 'dir yang sbyar te rgyas pa'i 'khrul 'khor ni gzhi ser po kha rin po che'i phung po lta bu'i dbyibs can bris la ming 'di zhes bya ba'i che ge mo rab tu gnas pa rgyas par mdzod cig ces spel bar bri zhing mu khyud phyi ma la ni yang snying bri'o/ /de nas gsol ba gdab pa sngar bzhin no/ /de la 'dir khyad par gyi man ngag ni 'di yin te/ 'dod pa thams cad rab tu sbyin pa zhes gsungs pa'i phyir na yo byad don du gnyer bar nor gyi bdag po la bskul bar bya'o/ /de yang 'khor gyi sbyor ba s pangs nas yan lag brgyad dang ldan pa'i chu la spos la sogs pa'i dri la stsal te dngos su'am bsams pas rnal 'byor pas yud tsam gyis rnam par 'joms mdzad du bsams la mdun gyi nam mkha' la de bzhin gshegs pa bsam zhing de bas dma' bar ji ltar 'dod pa'i nor gyi lha b sams te bdag ni dbul te de bzhin gshegs pa mchod pa dang dbul po rnams la phan pa'i nus pa med pa la ji ltar bya snyam du 'dun pa drag po byas la yang 'di snyam du dkon mchog mchod pa la sogs pa'i yo byad kyi don du dzam+b+ha la khyod la nor gyi dngos grub slong gis bdag la myur du longs spyod rgya chen po stsal du gsol zhes dngos sam yid kyis brjod la de'i ngang las yang snying brgya rtsa brgyad bzlas pa'i chu lag pa g.yas pas dzam+b+ha la'i spyi bor blugs par bsams te de la sbyin no/ /de'i tshe dzam+b+ha las sngon bcom ldan 'das kyi spyan sngar ji ltar khas blangs ba dang da ltar yang chu ster ba'i dus su bcom ldan 'das dbang po'i tshul du bzhugs pa dang bdag ni bcom ldan 'das rnam par 'joms pa'i sku yin la de ni sangs rgyas kun gyi gsang ba'i bdag nyid kyang yin te/ lag na rdo rje'o/ /lag na rdo rje ni gnod sbyin gyi sde dpon yin la dzam+b+ha la yang gnod sbyin yin pas 'bangs sam 'khor dzam+b+ha la la bka' stsal pa ni mi slu bas na sngags pa'i 'dod pa thams cad dzam+b+ha las rab tu sbyin par 'gyur te 'di ni nges pa'o/ /'khrul 'khor rgyas pa 'di ni gnas dben par mchod cing gzhag par bya'o/ /'dis ni rgyas pa'i las dang 'dod pa thams cad rab tu sbyin pa dang ma grub pa rnams grub par byed pa dang grub pa rnams chud mi za ba ste/ phrin las rnam pa bzhi po de ni rgyas pa'i 'khrul 'khor gyi las su rig par bya'o/ /rdzogs so// //dbang gi 'khrul 'khor dmar po zla gam bris la/ dbus su hUM nag po bri zhing de'i g.yas dang g.yon du hrIH dmar po re re bris te mu khyud zlum pos bskor ba la yang snying bris la stegs bu la gzhag go/ /de nas sngags pas gos dmar po bgos la nub phyogs su kha bltas te de nas brtsams te che ge mo dbang du bsdu'o snyam pa'i blos dang po gsol ba la sogs pa byas de'i rjes la rang gi lus 'khrul 'khor gyi lte ba'i hUM la thim nas de yongs su gyur pas rnam par 'joms mdzad du rang nyid bsam mo/ /las nye bar bsgrub pa ni gnas pa nyid myur bas na rang gi srin lag g.yas pa las hrIHdmar po cig byung nas rang gi g.yas na 'dug par bsams la g.yon pa las kyang de bzhin te hrIHde las 'od dmar po 'phro zhing rang 'dod pa'i las byas te slar yang de nyid la 'dus pas sngags kyang rang rang gi spel bas bzla'o/ /de'i tshe na yang sngar gyi mdun gyi nam mkha'i bcom ldan 'das ni ji srid 'dod kyi bar du byin gyis rlob cing bzhugs par bsam mo/ /'dod pa'i don grub nas hrIHni rang la bsdus la rang yang zhu nas ji ltar 'dod pa'i tshul du gnas par bya'o/ /'di'i 'khrul 'khor ni ting nge 'dzin nyid kyang rung ngo / /'dis ni 'byung po thams cad 'gugs pa dang gdon thams cad las thar bar byed pa la sogs pa phrin las gnyis gtsor byed do/ /dbang gi phrin las kyi rim pa rdzogs so/ / //bcom ldan 'das dpal rdo rje rnam par 'joms pa gtum po la phyag 'tshal lo/ /mngon spyod la gnyis te/ mi dang mi ma yin pa'i dbye bas so/ /'khor lo bris la lte ba'i gru gsum la bsgrub bya'i ming dang mA ra ya sod raM nan zhes bya ba la sogs pa'i spel tshig dang bcas pa bri'o/ /shar gyi rtsibs la sarba sha trUM nAM g+ha Ta g+ha Ta che ge mo mA ra ya rbad ces bri'o/ /g.yon du bskor ba'i rtsibs la saM g+ha Ta ya che ge mo mA ra ya rbad ces so/ /rtsibs gcig la a mu kaM mA ra ya phaT na maHsa man+ta badzrA NAM sarba ba len a ba ra dza ye ma hA ba le che ge mo mA ra ya rbad ces bri zhing mu khyud la yang sngags de dag nyid do/ /sngags de dag ni mgo nang du bstan pas so/ /de nas yang gsol ba 'debs pa la sogs pa sngar bzhin bya ste bcom ldan 'das ni shin tu khro bar bzhugs pa la gsol ba gdab po/ /rang nyid rnam par 'joms mdzad du bsams pa'i zhal nas sngags brjod pas sngags kyi phreng ba 'phros nas gang la bya ba'i lus la phog pas de yongs su zhu nas rnam shes yig 'bru gcig tu gyur ba 'phel ba ni rlung gis bteg ste/ yi ge yaM gi steng na hrIHsngo nag tu gnas pa bkug nas 'khor lo'i lte bar chud par bsams la de yang 'dar zhing 'phar la mi bzod bzhin du gnas par bsam mo/ /'khor lo'i rtsibs kyi rtse mo la yang gzugs brnyan bri ba'am bsam par bya'o/ /rab tu bsgrim par bya'i gzhan du na rang gi srog kyang g.yo bar 'gyur na dgra bgegs lta ci smos/ zin pa dang las kyi mtha' bsreg pa'am mnan pa gang yang rung bar bya'o/ /'dir yang man ngag ni 'di yin te rig sngags gcod pa zhes bya ba'i skabs su skud pa sngon po la sum bsgril byas nas brgya rtsa brgyad bzlas te rdo rje lta bu'i mdud pa'am lcags sgrog gam zhags pa lta bu'i mdud pa dor zhing mdud pa re re'i nang du pha rol gyis rbad pa'i mi ma yin pa dang / de rbod par byed pa'i dngos po rnams chud cing de rab tu bsdams nas sngags bzlas pas de ltar gyur te de mgul du gdags so/ /gang gi tshe mi dgos pa de'i tshe mdud pa dgrol bar bya'i gzhan du na bsod nams ma yin pa sog par 'gyur ro/ /de bzhin du rig sngags thams cad gnon par byed pa zhes bya ba de la yang man ngag gi gnad 'di lta bu brtsam par bya'o/ /'khrul 'khor gzhung ltar bris la 'khrul 'khor gyi lte bar bsgrub bya'i gzugs lce shin tu che ba bris la lce la rtsibs kyi sngags rnams dang che ge mo 'di zhes bya ba'i ngag rengs par gyis shig ces sbrel te bri'o/ /de la sgrub pa byas la ri rab sa nag po las byas pa'i steng du rnam par 'joms mdzad kyi sngags shog bu la sogs pa la bris la rtsal/ smad du bug pa gru gsum brus la de'i nang du 'khrul 'khor bris la de bcug la mnan par bya'o/ /'di ni sngags kyi nus pa'am rbod gtong nye bar zhi bar byed pa ste mngon spyod kyi khyad par ro/ /yang sems can thams cad skrag par byed pa zhes bya ba la 'khrul 'khor spangs la rta nag po'i rnga ma la bshang ba'i srin bu brgyus te/ phreng ba byas nas gang la dmigs te khros pas sngags bzlas na grong khyer la sogs pa 'jigs shing skrag par 'gyur te sngags las su rung na las de dag la the tshom mi za'o/ /mngon spyod kyi 'khrul 'khor ni skrag pa dang rig sngags gcod pa dang rig sngags gnon pa dang las 'joms pa dang / rig sngags kyi las byed du 'jug pa dang rengs par byed pa ste las drug byed pa'o/ /dgra'i mngon spyod kyi 'khrul 'khor rnam par phye ba'i rim pa'o/ /rdzogs so// //da ni bgegs kyi mngon spyod kyi 'khrul 'khor brtsam par bya ste/ ro ras la sogs pa la 'khrul 'khor gru gsum sum brtsegs su byas la grub pa rnams la oM b+hin+da che ge mo tshin+da b+hin+da che ge mo b+hin+da ma hA kI li kI lA ya che ge mo mA ra ya phaT bri'o/ /dbus su bgegs kyi gzugs dang mA ra ya zhes spel la bri'o/ /yang gsol ba gdab pa la sogs pa byas la rang nyid chu'i zla ba lta bu'i rnam par 'joms mdzad du sku che ba la yan lag rags par bsgom mo/ /de nas rab tu bsgrims nas sngags ring po 'ba' zhig bzlas par bya ste sngags kyi 'od kyis gang la bya ba'i lus la phog pas rab tu gzir zhing mi bzod par bsam ste dper na lo thog la ser ba bab pa lta bur dmigs shing khros pas bzla'o/ /zin pa dang las kyi zhabs bsreg pa dang mnan pa gang 'dod pa bya'o/ /'khrul 'khor 'di ni phal cher bgegs la byed par bshad kyi 'on kyang rnal 'byor las su rung ba'i sngags pas 'khrul 'khor gcig gis kyang las thams cad la sbyar bar nus so/ /'dis gdon rlag par byed pa dang / rmugs par byed pa'i las gnyis 'grub bo/ /de ltar phrin las bcu bdun/ gzhan gyi las 'jig pa ni sdig pa ste de dag par byed pa ni bum pa la sogs pa'i khrus dang 'brel pa'i phyir 'dir ma smos so/ /thams cad la yang spel tshig ni so so'i skabs dang sbyar ro/ /rdo rje rnam par 'joms pa'i man ngag paN+Di ta smr-i ti dz+nyA na kIrtis mdzad pa rdzogs so/ / //paN+Di ta chen po de nyid kyis bsgyur ba'o/ /[ ]/ /rgya gar skad du/ badzra bi dA ra Na nA ma d+hA ra Ni rat+na mA la br-it+ti nA ma/ bod skad du/ rdo rje rnam par 'joms pa zhes bya ba'i gzungs kyi 'grel pa rin chen phreng ba zhes bya ba/

CLOSE WINDOW