བོད་ཡིག

e-texts based on the ACIP/ALL Input

/ //[ ]@##/ /rgya gar skad du/ shrI pa ra mA t+ya TI ka/ bod skad du/ dpal mchog dang po'i rgya cher bshad pa/ gsung gi mnga' bdag 'jam dpal gzhon nur gyur pa la phyag 'tshal lo/ /khyab bdag dngos kun bdag nyid can/ /rdo rje sems dpa' phyag 'tshal te/ /dpal mchog dang po bde ba che/ /ci nus par ni rnam par dbye/ /'di skad bdag gis thos pa zhes bya ba la sogs pa 'di'i brjod par bya ba dang / 'brel pa ni gang zhig yin/ dgos pa dang / dgos pa'i yang dgos pa ni ci zhig yod ce na/ de brjod par bya ste/ dpal mchog dang po zhes bya ba ni rgyud 'di nyid yin la/ 'di nyid kyi 'di skad bdag gis zhes bya ba nas brtsams te/ rdo rje 'dzin pa nyid ces bya ba la/ dpal mchog dang po ni rdo rje 'chang chen po'i mtshan nyid bdag dang gzhan gyi don phun sum tshogs pa ston par byed pa gleng gzhi ste/ dang po sbyor ba'i ting nge 'dzin ston pa yin te/ de yang dpal mchog dang po rdo rje 'chang chen po'i bdag dang gzhan gyi don phun sum tshogs pa chen pos gdul bya rnams kyi mngon par 'dod pa bskyed par bya ba'i phyir/ gsungs pa'i thabs kyi phyogs gcig gis ngo bo dang po'i sbyor ba'i ting nge 'dzin bsgoms pas mngon par 'dod pa skyes pa'i gdul bya rnams kyis/ dpal mchog dang po ste rdo rje 'dzin pa chen po mngon du bya ba'i phyir thabs ma lus par bstan pa'i don to/ /de nas bcom ldan 'das zhes bya ba nas brtsams te/ rdo rje sems dpa' chen pos gsungs pa la mngon par bstod do zhes bya ba'i bar gyis rgyud ston par mdzad pa yin no/ /de la thabs kyi rab tu dbye ba brjod par bya ste/ de yang ting nge 'dzin nyid ni rdo rje 'dzin pa chen po mngon sum du bya ba'i thabs yin pas/ 'di skad bdag gis thos pa zhes bya ba nas brtsams te/ gsang ba'i rdo rje zhes bya ba'i ting nge 'dzin la snyoms par zhugs nas so zhes bya ba'i bar gyis de'i bshad pas ni dang po'i sbyor ba la sogs pa'i ting nge 'dzin gsum gsungs pa yin te/ dbang bskur ba dang / dam tshig thob pas ni thabs de la 'jug par bya'o zhes 'di'i don bstan par bya ba'i phyir de nas rdo rje zhes bya ba nas brtsams te/ dkyil 'khor chen po zhes bya ba'i bar 'di'i bshad pas ni/ slob dpon gyi las dang 'jug pa la sogs pa'i cho ga rgya cher gsungs pa yin no/ /dbang bskur ba dang dam tshig thob pa la slob dpon gyi dngos grub kyi ye shes bstan par bya'o zhes pa 'di'i don bstan par bya ba'i phyir/ de nas cho ga bshad de zhes bya ba nas/ dam tshig chen po 'di de kho na nyid rdo rje zhes bya ba'i rtog pa'i rgyal po rdzogs so zhes bya ba 'di'i bar gyi bshad pas ni dngos grub kyi ye shes gsungs pa yin no/ /bcom ldan 'das rdo rje 'dzin pa chen po zhes bya ba ni/ dam tshig chen po'i de kho na nyid rdo rje byin gyis rlob pa'i dkyil 'khor chen po'i bsdus pa'i don bstan pa yin te/ 'dod chags kyis 'dod chags spang bar bya ba'i phyir 'di ltar dkyil 'khor chen po gsungs pa yin no/ /cha mnyam pa la spyod pa'i sems can rnams rjes su 'dzin par byed pa/ de bzhin gshegs pa thams cad kyi de kho na nyid rdo rje dam tshig chen po'i dkyil 'khor gyi bsdus pa'i don bshad par bya ste/ de la de nas bcom ldan 'das zhes bya ba nas brtsams te/ de myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba'i bar gyi bshad pas ni 'dir dang po'i sbyor ba gsungs pa yin no/ /de skad ces bya ba nas brtsams te/ sems dpa' chen po bzhad pa chen po zhes pa'i bar gyi bshad pas ni/ dkyil 'khor gyi rgyal po zhes bya ba'i ting nge 'dzin gnyis pa gsungs pa yin no/ /'phags pa gsang ba'i tshogs mthon po las gsungs pa'i tshul gyis ni las kyi mchog ces bya ba'i ting nge 'dzin gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom par bya'o zhes bya ba 'di'i don bstan par bya ba'i phyir/ de nas bcom ldan 'das zhes bya ba nas brtsams te/ dam tshig chen po'i dkyil 'khor ro zhes bya ba'i bshad pas ni slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /dbang bskur ba dang dam tshig thob pa la 'di ltar slob dpon gyis dngos grub kyi ye shes bstan par bya'o zhes bya ba 'di'i don bstan par bya ba'i phyir/ de nas sgrub pa bshad de zhes bya ba nas brtsams te/ de bzhin gshegs pa thams cad kyi de kho na nyid rdo rje dam tshig ces bya ba'i rtog pa'i rgyal po rdzogs so zhes bya ba'i bar gyi bshad pa brjod pa yin te/ de bzhin gshegs pa'i dkyil 'khor gyi bsdus pa'i don rdzogs so/ / //khros pas khro ba spang bar bya ba'i phyir gdug cing gtum pa'i sems can rnams rjes su 'dzin par byed pa khams gsum rnam par rgyal ba rdo rje byin gyis rlob pa'i dkyil 'khor chen po'i bsdus pa'i don bshad par bya ste/ de la de nas bcom ldan 'das zhes bya ba nas brtsams te/ gdul ba'i dbang du nye bar bzung ste/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /de nas phyag na rdo rje zhes bya ba nas brtsams te/ bza' la sogs pa'i dkyil 'khor gyi phyi rol na gnas pa de dag kyang zhes bya ba'i bar gyi bshad pas ni/ khro bo'i dkyil 'khor gyi dkyil 'khor mchog ces bya ba'i ting nge 'dzin gnyis pa gsungs pa yin no/ /'dus na byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum pa gsungs pa yin no/ /khams gsum rnam par rgyal ba rdo rjes byin gyis brlabs pa'i dkyil 'khor chen po gsungs pa'i dngos grub de la dbang bskur ba dang / dam tshig thob pa des bsgrub par bya'o zhes bstan par bya ba'i phyir/ de nas bcom ldan 'das zhes bya ba nas brtsams te/ rdo rje'i dkyil 'khor zhes bya ba'i bar gyi bshad pas ni/ slob dpon gyi las kyi cho ga dang slob ma gzhug pa la sogs pa'i cho ga rgyas par gsungs pa yin la/ dkyil 'khor 'di nyid du dbang bskur ba dang / dam tshig thob pa rnams la slob dpon gyi dngos grub kyi ye shes nye bar bstan par bya'o zhes bya ba 'di'i don bshad par bya ba'i phyir/ de nas sgrub pa bshad do zhes bya ba nas brtsams te/ khams gsum rnam par rgyal ba rdo rje dam tshig ces bya ba'i rtog pa'i rgyal po rdzogs so zhes bya ba'i bar gyis bshad par mdzad pa yin te/ khams gsum rnam par rgyal ba rdo rjes byin gyis brlabs pa'i dkyil 'khor chen po'i bsdus pa'i don rdzogs so// //gti mug gi gnyen por gyur pa 'gro ba thams cad 'dul ba'i dkyil 'khor chen po'i bsdus pa'i don bshad par bya ste/ de nas bcom ldan 'das ngo bo nyid kyis dag pa zhes bya ba nas brtsams te/ yang dag par rdzogs pa'i byang chub mngon par rdzogs par 'tshang rgya bar 'gyur ro zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /de nas bcom ldan 'das 'jig rten dbang phyug ces bya ba nas brtsams te/ dkyil 'khor dang po'i sbyor bas bzhugs so zhes bya ba'i bar gyi bshad pas ni/ 'gro ba thams cad 'dul ba'i dkyil 'khor chen po'i dkyil 'khor gyi rgyal po mchog ces bya ba'i ting nge 'dzin gnyis pa gsungs pa yin no/ /'dus nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum pa gsungs pa yin par shes par bya'o/ /'di nyid du dbang bskur ba dang dam tshig thob pas bzlas brjod dang / bsgom pa bya'o zhes bya ba 'di'i don bstan par bya ba'i phyir de nas bcom ldan 'das spyan ras gzigs dbang phyug ces bya ba nas brtsams te/ ye shes kyi dkyil 'khor ro zhes bya ba'i bar gyi bshad pas ni/ slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /'di nyid du dbang bskur ba dang dam tshig thob pa rnams la/ slob dpon gyis rgyud las gsungs pa'i dngos grub kyi ye shes bstan par bya'o zhes bya ba 'di'i don bstan par bya ba'i phyir de nas bsgrub pa bshad de zhes bya ba nas nyon mongs pa thams cad rnam par dag pa'i dam tshig ces bya ba'i rtog pa'i rgyal po rdzogs so zhes bya ba'i bar gyis bshad par mdzad pa yin te/ 'gro ba thams cad 'dul ba'i dkyil 'khor chen po'i bsdus pa'i don bstan pa rdzogs so// //ser sna'i gnyen por gyur pa bsam pa thams cad yongs su rdzogs pa nor bu rin po che'i dam tshig gi dkyil 'khor bsdus pa'i don bshad par bya ste/ de nas bcom ldan 'das khams gsum gyi bdag po zhes bya ba nas brtsams te/ lus dang ngag dang yid thams cad kyi bde ba rab tu thob pas yang dag par gnas so zhes bya ba'i bar gyis dang po'i sbyor ba'i ting nge 'dzin gsungs pa yin no/ /de nas nam mkha'i snying po zhes bya ba nas brtsams te/ byang chub sems dpa'i gzugs kyis gnas so zhes bya ba'i bar gyi bshad pas ni bsam pa thams cad yongs su rdzogs par byed pa nor bu rin po che'i dam tshig gi dkyil 'khor gyi mchog ces bya ba'i ting nge 'dzin gnyis pa gsungs pa yin no/ /'dus nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum pa gsungs pa yin par shes par bya'o/ /dkyil 'khor 'di nyid du dbang bskur ba dang dam tshig thob pas bzlas brjod dang bsgom par bya'o zhes bya ba'i don bshad par bya ba'i phyir/ de nas bcom ldan 'das nam mkha'i snying po zhes bya ba nas brtsams te/ rdo rje rin chen gyi dkyil 'khor ro zhes bya ba'i bar gyi bshad pas ni slob dpon gyi las kyi cho ga dang slob ma gzhug pa la sogs pa'i cho ga gsungs pa yin no/ /dbang bskur ba dang / dam tshig thob pa rnams la slob dpon gyi dngos grub kyi ye shes bslab par bya'o zhes bya ba'i don bshad par bya ba'i phyir/ de nas sgrub pa bshad de zhes bya ba nas rtog pa'i rgyal po chen po zhes pa'i bar gyis bshad par mdzad de rdo rje rin chen gyi dkyil 'khor gyi bsdus pa'i don rdzogs so/ / //de bzhin gshegs pa thams cad kyi sku dang gsung dang thugs rdo rje dang gcig tu byas nas rang bzhin gyis 'od gsal bar bstan cing brtson 'grus kyi pha rol tu phyin pa'i mtshan nyid can/ rdo rje khu tshur gyi bsgom pa gtso bor byas pa'i phyag rgya dang dam tshig gi rnam pa thams cad kyi dkyil 'khor chen po'i bsdus pa'i don bshad par bya ste/ de nas bcom ldan 'das zhes bya ba nas brtsams te/ mngon par rdzogs par 'tshang rgya bar 'gyur ro zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /de nas bcom ldan 'das rdo rje khu tshur zhes bya ba nas dkyil 'khor gyi tshul gyis bzhugs so zhes bya ba'i bar gyi bshad pas ni phyag rgya dang / rdo rje'i dam tshig thams cad kyi dkyil 'khor chen po'i dkyil 'khor gyi mchog ting nge 'dzin gnyis pa gsungs pa yin no/ /'dus nas byin gyis brlabs te zhes bya ba nas brtsams te/ las kyi mchog gi ting nge 'dzin gsum pa gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom pa bya'o zhes bya ba'i don bshad par bya ba'i phyir/ de nas bcom ldan 'das zhes bya ba nas phyag rgya thams cad kyi dkyil 'khor ro zhes bya ba'i bar gyi bshad pas ni/ slob dpon gyi las kyi cho ga dang slob ma zhugs pa la sogs pa'i las kyi cho ga rgyas par gsungs pa yin no/ /dbang bskur ba dang dam tshig thob pa nyid la slob dpon gyi dngos grub kyi ye shes bslab par bya'o zhes bya ba 'di'i don bstan par bya ba'i phyir/ dngos grub sgrub pa yang de bzhin te zhes bya ba nas phyag rgya dkyil 'khor thams cad kyi khu tshur gyi dam tshig ces pa rtog pa'i rgyal po zhes bya ba'i bar gyis bshad par mdzad pa yin te/ phyag rgya thams cad kyi dkyil 'khor gyi bsdus pa'i don bstan pa rdzogs so// //shes rab kyi pha rol tu phyin pa gtso bor gyur pa'i 'khor lo ltar yi ge bskor ba'i dam tshig gi dkyil 'khor gyi bsdus pa'i don bshad par bya ste/ de nas bcom ldan 'das zhes bya ba nas shes rab kyi pha rol tu phyin pa yongs su dag pa'o zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /de nas bcom ldan 'das 'jam dpal zhes bya ba nas gcig tu 'dus par gyur pas dang po'i sbyor ba'i dkyil 'khor gyi sbyor bas gnas so zhes bya ba'i bar gyi bshad pas ni 'khor lo ltar yi ge bskor ba'i dkyil 'khor gyi dkyil 'khor mchog ces bya ba'i ting nge 'dzin gnyis pa gsungs pa yin no/ /'dus nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom par bya'o zhes bya ba'i don bstan par bya ba'i phyir/ de nas 'jam dpal gzhon nur gyur pa zhes bya ba nas chos kyi dkyil 'khor ro zhes bya ba'i bar gyi bshad pas slob dpon gyi las kyi cho ga dang slob ma zhugs pa la sogs pa cho ga rgyas par gsungs pa yin no/ /dbang bskur ba dang dam tshig thob pa nyid la slob dpon gyi dngos grub kyi ye shes bslab par bya'o zhes bya ba'i cho ga bstan par bya ba'i phyir/ bsgrubs nas de bzhin du zhes bya ba nas 'khor lo ltar yi ge bskor ba'i dam tshig ces bya ba'i rtog pa'i rgyal po zhes bya ba'i bar gyis bshad pa mdzad pa yin te chos kyi dkyil 'khor gyi bsdus pa'i don rdzogs so// // rigs thams cad kyi dkyil 'khor du 'jug pa'i rgyur gyur pa'i rdo rje'i 'khor lo'i dkyil 'khor gyi bsdus pa'i don bshad par bya ste/ de nas bcom ldan 'das de bzhin gshegs pa thams cad 'khor lo'i nang du rtogs pa zhes bya ba nas rdo rje thams cad la 'jug pa la yang dag par gnas so zhes bya ba'i bar gyi bshad pas ni/ dang po'i sbyor ba'i ting nge 'dzin gsungs pa yin no/ /de nas sems bskyed ma thag tu chos kyi 'khor lo bskor ba zhes bya ba nas/ dang po'i dkyil 'khor gyi sbyor bas gnas so zhes bya ba'i bar gyi bshad pas ni dkyil 'khor gyi mchog ces bya ba'i ting nge 'dzin gnyis pa gsungs pa yin no/ /'dus nas byin gyis brlabs te/ las bya ba la sogs pas ni las kyi mchog gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom pa bya'o zhes bya bar bstan par bya ba'i phyir de nas bcom ldan 'das zhes bya ba nas brtsams te/ slob ma rnams kyi zhes bya ba'i bar gyi bshad pa rnams slob dpon gyi las kyi cho ga dang / slob ma zhugs pa la sogs pa'i cho ga rgyas par gsungs pa yin no/ / dbang bskur ba dang / dam tshig thob pa nyid la slob dpon gyis dngos grub kyi ye shes bslab par bya'o zhes bya ba'i cho ga bstan par bya ba'i phyir/ bsgrubs na zhes bya ba nas brtsams te/ dkyil 'khor thams cad kyi rdo rje dam tshig ces bya ba'i rtog pa'i rgyal po zhes bya ba'i bar gyis bshad par mdzad pa yin te/ rdo rje 'khor lo'i dkyil 'khor gyi bsdus pa'i don rdzogs so// //tshogs yongs su rdzogs par byed pa'i rgyur gyur pa nam mkha' mdzod kyi dkyil 'khor gyi bsdus pa'i don bshad par bya ste/ de nas bcom ldan 'das mchod pa thams cad kyi cho ga rgyas par zhes bya ba nas brtsams te/ mchod pa'i cho ga rgyas pa'o zhes bya ba'i bar gyi bshad pas dang po'i sbyor ba'i ting nge 'dzin gsungs pa yin no/ /de nas bcom ldan 'das nam mkha'i mdzod ces bya ba nas dkyil 'khor chen po'i sbyor bas gnas so zhes bya ba'i bar gyi bshad pas mchod pa thams cad kyi mchog don yod pa'i dam tshig gi dkyil 'khor gyi mchog gsungs pa yin no/ /'dus nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom pa bya'o zhes bya ba 'di'i cho ga bstan par bya ba'i phyir/ de nas byang chub sems dpa' nam mkha'i mdzod ces bya ba nas las kyi dkyil 'khor ro zhes bya ba'i bar gyi bshad pas/ slob dpon gyi las kyi cho ga dang / slob ma zhugs pa la sogs pa las kyi cho ga rgyas par gsungs pa yin no/ /dbang bskur ba dang / dam tshig thob pa nyid la slob dpon gyi dngos grub bsgrub pa'i ye shes bslab par bya'o zhes bya ba'i don bshad par bya ba'i phyir/ de nas sgrub pa zhes bya ba nas brtsams te/ rdo rje sna tshogs pa'i dam tshig ces bya ba'i rtog pa'i rgyal po zhes bya ba'i bar gyis bstan par mdzad pa yin te/ nam mkha'i mdzod kyi dkyil 'khor gyi bsdus pa'i don rdzogs so// //bsrung ba'i las kyi gtso bor gyur pa rdo rje gnod sbyin gyi dkyil 'khor gyi bsdus pa'i don bshad par bya ste/ de nas bcom ldan 'das gdug pa thams cad 'dul ba langs te zhes bya ba nas/ thams cad 'dul ba ni byang chub bo zhes bya ba'i bar gyi bshad pas dang po'i sbyor ba'i ting nge 'dzin gsungs pa yin no/ /de nas bdud thams cad rab tu 'joms pa zhes bya ba nas dang po'i dkyil 'khor gyi sbyor bas 'dug go zhes bya ba'i bar gyi bshad pas gdug pa thams cad 'dul bar byin gyis brlabs pa rdo rje gnod sbyin gyi dkyil 'khor gyi mchog ces bya ba'i ting nge 'dzin gnyis pa gsungs pa yin no/ /de nas 'dus nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum pa gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom pa bya'o zhes bya ba 'di'i don bstan par bya ste/ de nas rdo rje gnod sbyin zhes bya ba nas brtsams te/ phyag na rdo rje'i dkyil 'khor ro zhes bya ba'i bar gyi bshad pas ni/ slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /dbang bskur ba dang dam tshig thob pa nyid la slob dpon gyis bsgrub pa'i ye shes bslab par bya'o zhes bya ba'i don bstan par bya ba'i phyir/ de nas bsgrubs na zhes bya ba nas/ rtog pa'i rgyal po chen po rdzogs so zhes bya ba'i bar gyis bshad pa mdzad pa yin te rdo rje gnod sbyin gyi dkyil 'khor gyi bsdus pa'i don rdzogs so// //rigs thams cad kyi rang gi sku'i dkyil 'khor sems can thams cad rjes su 'dzin par byed pa'i bsdus pa'i dkyil 'khor gyi bsdus pa'i don bshad par bya ste/ de nas bcom ldan 'das thams cad mnyam pa nyid la rab tu gnas pa zhes bya ba nas brtsams te/ shes rab kyi pha rol tu phyin pa nyid du shes par bya'o zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /de nas bcom ldan 'das zhes bya ba nas brtsams te/ dkyil 'khor chen por rab tu zhugs so zhes bya ba'i bar gyi bshad pas ni/ dam tshig thams cad kyi rdo rje dam tshig chen po'i dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas 'dul nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum pa gsungs pa yin par shes par bya'o/ /dbang bskur ba dang dam tshig thob pas bzlas brjod dang bsgom par bya'o zhes bya ba bstan par bya ba'i phyir/ de nas phyag na rdo rje zhes bya ba nas brtsams te/ de ni cho ga rgyas pa yin no zhes bya ba'i bar gyi bshad pas slob dpon gyi las kyi cho ga dang slob ma zhugs pa la sogs pa las kyi cho ga rgyas par gsungs pa yin no/ /bsdus pa'i dkyil 'khor gyi don rdzogs so// //'jig rten pa'i lha rnams la lhag par mos pa'i sems can rnams rjes su 'dzin par byed pa zhi ba rtse gcig pas mtshan pa la sogs pa dkyil 'khor bzhi'i bsdus pa'i don bshad par bya ste/ de nas bcom ldan 'das zhes bya ba nas brtsams te/ rab tu sbyor ba'o zhes bya ba'i bar gyi bshad pas 'jig rten pa'i dkyil 'khor bzhi po'i thun mong gi dang po'i sbyor ba'i ting nge 'dzin gsungs pa yin no/ /de nas phyi rol gyi rdo rje rigs zhes bya ba nas brtsams te/ sngags kyi bar gyi ming gis ni zhi ba rtse gcig pas mtshan pa'i dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas 'dus nas byin gyis brlabs te zhes bya ba nas brtsams te/ zhi ba rtse gcig pa'i dkyil 'khor gyi las kyi mchog ces bya ba'i ting nge 'dzin gsum pa gsungs pa yin par shes par bya'o/ /de nas dkyil 'khor bshad de zhes bya ba nas brtsams te/ dkyil 'khor zhi ba rtse gcig pas mtshan pa'o zhes bya ba'i bar gyi bshad pas ni slob dpon gyi las kyi cho ga dang / slob ma zhugs pa la sogs pa'i las kyi cho ga rgyas par gsungs pa yin no/ /ma mo'i dkyil 'khor gyi bsdus pa'i don bshad par bya ste/ de la dang po'i sbyor ba'i ting nge 'dzin ni bshad zin to/ /de nas zhes bya ba nas brtsams te yi ge b+h+yo zhes bya ba'i bar gyi bshad pas dkyil 'khor gyi mchog ces bya ba'i ting nge 'dzin gnyis pa gsungs pa yin no/ /de nas 'dus nas byin gyis brlabs te zhes bya ba nas brtsams te/ las kyi mchog ces bya ba'i ting nge 'dzin gsum pa gsungs pa yin par shes par bya'o/ /de nas dkyil 'khor bshad de zhes bya ba nas brtsams te/ phyag rgya'i dkyil 'khor dngos grub thams cad kyi rnal 'byor gyi rang bzhin zhes bya ba'i bar gyi bshad pas ni slob dpon gyi las kyi cho ga dang slob ma zhugs pa la sogs pa'i las kyi cho ga rgyas par gsungs pa yin no/ /ming po gsum gyi dkyil 'khor gyi bsdus pa'i don bshad par bya ste/ 'dir yang dang po'i sbyor ba ni bshad zin to/ /de nas sbrang rtsi byed pa la sogs pa zhes bya ba nas brtsams te/ swa zhes bya ba'i bar gyi bshad pas ni ting nge 'dzin gnyis pa gsungs pa yin no/ /gsum pa ni snga ma bzhin du shes par bya'o/ /de nas dkyil 'khor bshad de zhes bya ba nas brtsams te/ dam tshig gi dkyil 'khor ro zhes bya ba'i bar gyi bshad pas ni/ slob dpon gyi las kyi cho ga dang slob ma zhugs pa la sogs pa'i cho ga rgyas par gsungs pa yin no/ /sring mo bzhi'i dkyil 'khor gyi bsdus pa'i don bshad par bya ste/ 'dir yang dang po'i sbyor ba ni snga ma de nyid do/ /de nas sring mo bzhis rang gi snying po 'di smras so/ /haM zhes bya ba 'dis ni ting nge 'dzin gnyis pa gsungs pa yin no/ /de nas gsum pa'ang snga ma bzhin du shes par bya'o/ /de nas 'di'i dkyil 'khor bshad de zhes bya ba nas brtsams te/ las kyi dkyil 'khor ro zhes bya ba'i bar gyi bshad pas ni/ de bzhin du slob dpon gyi las kyi cho ga dang slob ma gzhug pa la sogs pa'i cho ga rgya cher gsungs pa yin no/ /phyi rol gyi rdo rje rigs kyi rtog pa'i bsdus pa'i don rdzogs so/ / //'jig rten pa dang 'jig rten las 'das pa'i dkyil 'khor dang gzhan dag 'bri ba ni/ slob dpon gyis ji lta ba de bzhin du gshegs su gsol ba dang / sprul pa rang gi lus la bcug nas/ rang gi rtog pa las gsungs pa'i shes rab kyi pha rol tu phyin pa'i tshul bshad de/ shes rab kyi pha rol tu phyin pa'i tshig bzhi 'don cing / de'i don la lhag par mos nas de bzhin gshegs pa thams cad kyi ting nge 'dzin gyis byin gyis brlabs te/ phyag na rdo rje'i skur lhag par mos nas legs so zhes bya bas yang dag par dga' bar byas shing bdag nyid bsrung ba byas la ldang bar bya zhes pa ni gzhung lhag ma rnams kyis ston pa yin no/ /shes rab kyi pha rol tu phyin pa'i dum bu phyag rgya chen po gtsor byas pa kun gzhi'i rnam par shes pa'i gnyen por gyur pa'i bsdus pa'i don rdzogs so/ / //da ni nam mkha' lta bur mnyam pa nyid kyi ye shes sbyin pa'i pha rol tu phyin pa'i dam tshig gi phyag rgya'i ngo bo nyid nyon mongs pa can gyi yid kyi gnyen por gyur pa dum bu gnyis pa rtsa ba'i rgyud kyi bsdus pa'i don bshad par bya ste/ de nas bcom ldan 'das zhes bya ba nas brtsams te/ ming gi dbang bskur bas dbang bskur ro zhes bya ba'i bar gyi bshad pas ni ting nge 'dzin dang po gsungs pa yin no/ /de nas bcom ldan 'das rdo rje 'dzin pa chen po zhes bya ba nas brtsams te/ bran dag go ces bya ba'i bar gyi bshad pas ni ting nge 'dzin gnyis pa gsungs pa yin no/ /las kyi mchog ces bya ba'i ting nge 'dzin ni snga ma bzhin du shes par bya'o/ /dbang bskur ba dang dam tshig thob pas bzlas brjod dang bsgom pa bya'o zhes bya ba'i cho ga bstan pa'i phyir/ de nas bcom ldan 'das de bzhin gshegs pa zhes bya ba nas brtsams te/ phyag rgya'i cho ga rgyas pa'o zhes bya ba'i bar gyi bshad pas ni slob dpon gyi las kyi cho ga dang / slob ma gzhug pa la sogs pa'i las kyi cho ga rgyas par gsungs pa yin no/ /dbang bskur ba dang / dam tshig thob pa nyid la slob dpon gyis dngos grub kyi ye shes bslab par bya'o zhes bya ba'i don bstan par bya ba'i phyir/ de nas bcom ldan 'das zhes bya ba nas brtsams te/ gsang ba'i cho ga rgyas pa'o zhes bya ba'i bar gyis bshad pa mdzad pa yin te/ rtsa ba'i rgyud las dum bu gnyis pa'i rdo rje sems dpa'i dkyil 'khor gyi bsdus pa'i don rdzogs so/ / //de bzhin gshegs pa'i dkyil 'khor gyi yang bsdus pa'i don bshad par bya ste/ 'dir dang po'i sbyor ba ni rdo rje sems dpa'i dkyil 'khor du gsungs pa'i bshad ma thag pa nyid yin par shes par bya'o/ /de nas bcom ldan 'das zhes bya ba nas brtsams te/ bshad pa chen po khyod rab tu bshad cing ngo mtshar chen por gyur to zhes bya ba'i bar gyi bshad pas ni/ ting nge 'dzin gnyis pa gsungs pa yin no/ /de nas gsungs pa yang snga ma bzhin du shes par bya'o/ /de nas bcom ldan 'das zhes bya ba nas brtsams te/ cho ga rgyas pa'o zhes bya ba'i bar gyi bshad pas ni/ de bzhin du slob dpon gyi las kyi cho ga dang / slob ma gzhug pa la sogs pa'i las kyi cho ga rgyas pa gsungs pa yin no/ /dbang bskur ba dang dam tshig thob pa nyid la slob dpon gyis dngos grub kyi ye shes bslab par bya'o zhes bya ba'i don bstan par bya ba'i phyir/ de bzhin du bsgrubs na zhes bya ba nas brtsams te/ bde ba chen po rdo rje gsang ba'i cho ga rgyas pa'o zhes bya ba'i bar gyis bshad pa mdzad pa yin te/ de bzhin gshegs pa'i dkyil 'khor gyi bsdus pa'i don rdzogs so// // khro bo'i dkyil 'khor gyi bsdus pa'i don bshad par bya ste/ 'dir dang po'i sbyor ba'i ting nge 'dzin ni sngar bshad pa nyid do/ /de nas bcom ldan 'das zhes bya ba nas brtsams te/ rdo rje chen po'i dam tshig gi dkyil 'khor gyi byin gyis brlabs pa'o zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas las kyi rgyal po mchog gi ting nge 'dzin ni snga ma bzhin du shes par bya'o/ /dkyil 'khor chen po'i tshul gyis zhes bya ba nas brtsams te/ gzhan dag go zhes bya ba'i bar gyi bshad pas ni/ de bzhin du slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /dbang bskur ba dang dam tshig thob pa nyid la slob dpon gyis dngos grub bsgrub pa'i ye shes bslab par bya'o zhes bya ba'i don bstan par bya ba'i phyir/ de nas de bzhin du zhes bya ba nas brtsams te/ rab tu dga' ba 'byung ba gsang ba'i rdo rje dam tshig gi cho ga rgyas pa'o zhes bya ba'i bar gyis bshad par mdzad pa yin te/ rab tu dga' ba'i rdo rje khro bo'i dkyil 'khor gyi bsdus pa'i don no/ /spyan ras gzigs dbang phyug gi dkyil 'khor gyi bsdus pa'i don bshad par bya ste/ ting nge 'dzin dang po ni rdo rje sems dpa'i dkyil 'khor du bshad pa nyid do/ /de nas zhes bya ba nas brtsams te/ rdo rje skyil krung gis gnas so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas las kyi rgyal po mchog gi ting nge 'dzin kyang de bzhin du shes par bya'o/ /dkyil 'khor zhes bya ba nas brtsams te/ cho ga rgyas pa thams cad kyang de bzhin no zhes bya ba'i bar gyi bshad pas ni/ de bzhin du slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /dbang bskur ba dang / dam tshig thob pa nyid la slob dpon gyis dngos grub kyi ye shes bslab par bya'o zhes bya ba'i don bstan pa'i phyir de nas bsgrubs na zhes bya ba nas brtsams te/ bde ba chen po pad+ma'i cho ga rgyas pa'o zhes bya ba'i bar gyis bshad par mdzad pa yin no// // nor bu rin po che'i rigs kyi dkyil 'khor gyi bsdus pa'i don bshad par bya ste/ de la dang po'i sbyor ba'i ting nge 'dzin ni rdo rje sems dpa'i dkyil 'khor du bshad pa nyid du gzung ngo / /de nas bcom ldan 'das thams cad dang ldan pa'i bdag po zhes bya ba nas dkyil 'khor chen po'i tshul gyis gnas so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas las kyi rgyal po'i mchog gi ting nge 'dzin te snga ma bzhin du shes par bya'o/ /de nas dkyil 'khor zhes bya ba nas brtsams te/ cho ga rgyas pa'o zhes bya ba'i bar gyi bshad pas snga ma bzhin du slob dpon gyi las kyi cho ga dang / slob ma gzhug pa la sogs pa'i las kyi cho ga rgyas par gsungs pa yin no/ /dbang bskur ba dang / dam tshig thob pa nyid la slob dpon gyis dngos grub kyi ye shes bslab par bya'o zhes bya ba'i don bstan pa'i phyir de nas las bsgrubs na zhes bya ba nas brtsams te/ nor bu'i rgyal mtshan gyi cho ga rgyas par bshad par mdzad pa yin no/ /dum bu gnyis pa'i rtsa ba'i rgyud las gsungs pa'i 'jig rten dang 'jig rten las 'das pa'i dkyil 'khor du 'jug pa dang / dbang bskur ba dang / dngos grub thams cad sdud par byed pa'i bsdus pa'i dkyil 'khor gyi bsdus pa'i don bshad par bya ste/ de la dang po'i sbyor ba'i ting nge 'dzin ni sngar gsungs pa nyid 'dir shes par bya'o/ /de nas bcom ldan 'das rigs thams cad sdud pa zhes bya ba nas brtsams te/ dkyil 'khor du gyur to zhes bya ba'i bar gyi bshad pas ni/ ting nge 'dzin gnyis pa gsungs pa yin no/ /de nas gsum pa ni rgya chen pos shes par bya'o/ /de nas bcom ldan 'das zhes bya ba nas brtsams te/ cho ga thams cad rgyas pa'o zhes bya ba'i bar gyi bshad pas/ de bzhin du slob dpon gyi las kyi cho ga dang slob ma gzhug pa la sogs pa'i cho ga rgyas par gsungs pa yin no/ /dbang bskur ba dang dam tshig thob pa nyid la slob dpon gyi dngos grub kyi ye shes bslab par bya'o zhes bya ba'i don bstan par bya ba'i phyir dngos grub thams cad dang las thams cad do zhes bshad pa yin no// // ming po gsum gyi dkyil 'khor gyi bsdus pa'i don bshad par bya ste/ de la 'dir dang po'i sbyor ba ni lha la sogs pa dang lhan cig rdo rje sems dpa'i dkyil 'khor du gsungs pa yin no/ /lha la sogs pa zhes bya ba nas brtsams te/ hrI/ zhes bya ba'i bar gyi bshad pas 'dir ting nge 'dzin gnyis pa gsungs pa yin no/ /gsum pa yang de bzhin du shes par bya'o/ /de nas dkyil 'khor zhes bya ba nas brtsams te/ 'dod pa'i yon tan dam pa lngas zhes bya ba'i bar gyi bshad pas ni/ de bzhin du slob dpon gyi las kyi cho ga dang / slob ma gzhug pa la sogs pa'i las kyi cho ga rgyas par gsungs pa yin no/ / //da ni sring mo bzhi'i dkyil 'khor gyi bsdus pa'i don bshad par bya ste/ de la ting nge 'dzin dang po ni ming po gsum gyi dkyil 'khor gyi bshad pa nyid do/ /de nas gsang ba'i lha mo rnams kyi rang gi phyag rgya phul ba/ hrIHhUM shrI b+h+yo zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas gsum pa yang de bzhin du shes par bya'o/ /de nas dkyil 'khor zhes pa nas brtsams te gnyis pa'i bar du shes par bya'o zhes bya ba'i bar gyi bshad pas ni/ de bzhin du slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ / //lha ma yin gyi dkyil 'khor gyi bsdus pa'i don bshad par bya ste/ de la dang po'i ting nge 'dzin ni ming po gsum gyi dkyil 'khor du bshad pa nyid do/ /de nas lha ma yin thams cad ces bya ba nas brtsams te/ ji srid phaT ces bya ba'i bar gyi bshad pas ni 'dir ting nge 'dzin gnyis pa gsungs pa yin no/ /de nas 'dus nas byin gyis brlabs te zhes bya ba nas brtsams te/ gsum pa gsungs pa yin par shes par bya'o/ /de nas dkyil 'khor zhes bya ba nas brtsams te slob ma gzhug pa yang de bzhin no zhes bya ba'i bar gyis snga ma bzhin du slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /klu'i dkyil 'khor gyi bsdus pa'i don bshad par bya ste/ 'dir yang ting nge 'dzin dang po ni ming po gsum gyi dkyil 'khor du gsungs pa nyid do/ /de nas klu rigs bzhi'i rang gi snying po phul ba/ bla zhes bya ba'i bar gyi bshad pas ni gnyis pa gsungs pa yin no/ /de nas 'dus pa la sogs pas ni gsum pa shes par bya'o/ /dbang bskur ba dang dam tshig thob pas 'dir yang bzlas brjod dang bsgom par bya'o zhes bstan par bya ba'i phyir de nas dkyil 'khor zhes bya ba nas brtsams te/ gal te grub par gyur pa dga' bar 'gyur ro zhes bya ba'i bar gyi bshad pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ / rtog pa dang po la sogs pa gsungs pa'i cho ga thams cad dang / dum bu gnyis pa'i rtsa ba'i rgyud las gsungs pa'i cho ga thams cad gdul bya rnams kyi nyes pa ji lta ba bzhin du 'grub par mi 'gyur ba rnams kyi bsgrub pa'i khyad par gyis myur du dngos grub bsgrub pa'i las dpal rdo rje sems dpa'i gsang ba'i dkyil 'khor gyi bsdus pa'i don bshad par bya ste/ de nas rdo rje ri rab chen po'i ri'i rtse mo thams cad ces bya ba nas brtsams te/ btsun mo'i tshogs sna tshogs pa'i rdo rje lha mo dang bcas pas mdun du byas te/ ces bya ba'i bar gyi bshad pas dang po'i sbyor ba'i ting nge 'dzin gsungs pa yin no/ /bde ba chen po rab tu 'grub pa'i phyir zhes bya ba nas brtsams te/ mngon du gyur to zhes bya ba'i bar gyi bshad pas gnyis pa gsungs pa yin no/ /de nas gsum pa yang snga ma bzhin du shes par bya'o/ /dbang bskur ba dang dam tshig thob pas bzlas brjod dang bsgom pa bya'o zhes bya ba'i don bstan par bya ba'i phyir/ de nas bde bar gshegs pa de dag thams cad ces bya ba nas brtsams te/ dngos grub thams cad shin tu don yod pa nyid do/ /ces bya ba'i bar gyi bshad pas slob dpon gyi las kyi cho ga dang slob ma gzhug pa la sogs pa'i cho ga rgyas par gsungs pa yin no/ / //rtog pa thams cad las gsungs pa'i dngos grub rnams rang gi lha'i phyag rgya bzhis rang gi lha'i rnal 'byor byas la mdun du yang rang gi lhag pa'i lha rang gi phyag rgya bzhis kun nas rgyas btab nas/ mngon par 'dod pa'i phyag rgya bcings pas bsgrub par bya'o zhes bya ba 'di'i don bstan par bya ba'i phyir/ de nas dang po'i dkyil 'khor gyi gsang ba'i dam tshig gi phyag rgya bcing bar bya ste/ zhes bya ba nas brtsams te/ dngos grub myur du thob par 'gyur ro zhes bya ba'i bar gyi bshad pas rang gi lha'i snying po brjod cing dam tshig gi phyag rgya la sogs pa phyag rgya thams cad bcing bar bya'o zhes bya ba'i cho ga 'di bstan par bya ba'i phyir/ de nas zhes bya ba nas brtsams te/ mdor bsdus pa'o zhes bya ba'i bar gyis bshad pa yin no/ / de ltar rang gi lha'i snying po brjod cing phyag rgya thams cad bcings la/ de'i 'og tu rang gi lha'i snying po nye ba'i snying po dang bcas pa bzlas pa byas na 'grub par 'gyur ro zhes bshad par bya ba'i phyir/ de nas phyag rgya thams cad kyi gsang ba sgrub na zhes bya ba nas brtsams te/ dngos grub 'thob par 'gyur ro zhes bya ba'i bar gyis bshad pa yin te/ dum bu gnyis pa'i rtsa ba'i rgyud kyi bsdus pa'i don rdzogs so// //dum bu gnyis pa 'di nyid kyi rtsa ba'i rgyud kyi dris pa la sogs pa/ gang rtog pa thams cad bsdus pa gang yin pa dang / rtog pa thams cad kyis rgyud phyi ma'i cho ga rgyas par gsungs pa gang yin pa de'i yang bsdus pa'i don bshad par bya ste/ phyag rgya chen po la sogs pa'i rtog pa nges par shes pas dngos grub 'thob par 'gyur ro/ /de bas na de gsungs pa'i snying po rgyud shes pas so/ /des na rgyud der ji ltar sprul pa'i dkyil 'khor 'dri ba ste/ de bas na dkyil 'khor bshad pa'i rgyud dang dkyil 'khor yang dag par shes pa dang bcas pas dkyil 'khor la yang ye shes dam pa dang bcas par gsungs so/ /rigs thams cad kyi rdo rje'i bye brag shes pas na de gsungs pa yin no/ /de bas na dkyil 'khor thams cad shes pas de bstan pa yin no/ /rdo rje sems dpa'i dam tshig chen po'i de kho na nyid thog ma dang tha ma med pa rab tu dga' ba'i snying po de kho na nyid ston pa hUM zhes bya bas glu len cing hUM gi glu'i bzlas pa'i don bshad pa shes pas de'i phyir rgyud de gsungs so/ /de nas sems kyi rdo rje sems dpa'i ye shes kyis de skad gsungs pa yin no/ /yang rdo rje sems dpa' 'byung ba dang / de bzhin gshegs pa 'byung ba dang / rigs 'byung ba dang / mngon par byang chub pa 'byung ba'i ye shes bsgom pas de gsungs pa yin no/ /yang bdud nyid shes pa dang rtog pa thams cad bsgrub pa shes pa la sogs pa'i snying po dang / bsgrub pa dang / snying po dang / phyag rgya dang rigs pa bsgrub pa'i dngos grub shes pa dang / bsod nams grub pa shes pa dang slob dpon grub pa shes pa dang / me tog la sogs pa mchod pa dbul ba dang / gar gyi mchod pa bsgrub pa shes pa dang / gsang ba'i mchod pa shes pa ste/ de bas na de bstan pa dang / yang phyag rgya chen po la gnas pas sdig pa med pa yang 'grub par 'gyur ba dang / bdag la smad pa yongs su spang ba'i phyir de gsungs pa dang / byang chub kyi sems smad pas dngos grub tu mi 'gyur ba ste/ de bas na brnyas par mi bya'o zhes gsungs so/ /de rang gi lha'i cha lugs 'chang ba'i dkyil 'khor ni/ gang gi phyir dngos grub mchog tu 'gyur te/ de bas dngos grub mchog gi bsgrub pa shes pa'i rgyud gsungs pa yin no/ /de nas bcom ldan 'das rnam par snang mdzad ces bya ba nas dngos grub kyi cho ga rgyas pa'o zhes bya ba'i bar gyi bshad pas/ dpal rdo rje sems dpa' de nyid kyi dkyil 'khor du bshad pa'i 'bras bu'i khyad par du bsgrub pa gsungs pa yin no/ /rtog pa thams cad la sgrub pa pos dang po'i rdo rje'i phyag rgya'i yi ge hUM brjod cing bcings la de'i 'og tu de dag rgyas btab pa 'di'i don bstan par bya ba'i phyir/ de nas bcom ldan 'das zhes bya ba nas brtsams te/ phyis ma bsgrubs pas so zhes bya ba'i bar gyis bshad pa la spyod lam rnam pa bzhir chos kyi phyag rgya thams cad bsgrub par bya'o zhes bya ba'i don bstan par bya ba'i phyir/ de nas zhes bya ba nas brtsams te/ dngos grub thob pa'i bar gyis bshad do/ /las kyi phyag rgya grub pa'i sgrub pa pos yi ge a las rang gi snying gar sna tshogs rdo rje bsams la/ las kyi phyag rgya bcings te/ rang gi lha'i snying po brjod cing gar gyi tshul gyis rang gi lha bsgom par bya ba'am/ phyag rgya'i mchod pa bcu gnyis 'di bya'o zhes bya ba'i don bstan par bya ba'i phyir/ da nas zhes bya ba nas brtsams te/ dngos grub mchog go zhes bya ba'i bar gyis bshad do/ /rang gi snying po brjod cing rang gi lha'i phyag rgya chen po bsgom par bya'o zhes bya ba'i don bstan par bya ba'i phyir/ de nas zhes bya ba nas brtsams te/ bdag po bsgrub po zhes bya ba'i bar gyis bshad do/ /dpal rdo rje sems dpa'i sgrub pa pos rI b+hi tri la sogs pa byed pa lnga'i khams kyis rgyan dang bcas pas yi ge hUM 'don cing bcom ldan 'das bsgrub par bya'o zhes bya ba 'di'i don bstan par bya ba'i phyir/ de nas zhes bya ba nas brtsams te/ sgrub pa'i rgyud do zhes bya ba'i bar gyis bshad pa yin no/ /dpal rdo rje sems dpa'i gsang ba'i dkyil 'khor gyi sgrub pa pos yi ge hUM 'don cing las kyi phyag rgya nyi shu rtsa lnga bcings la/ a nu rA ga yA mi hUM zhes bya ba'i snying po dang hUM bzlas la dpal rdo rje sems dpa' rab tu 'grub par bya ba'i phyir las kyi phyag rgya bsgom par bya'o zhes bya ba 'di'i don rab tu bstan par bya ba'i phyir/ de nas rtog pa thams cad kyi las kyi phyag rgya zhes bya ba nas brtsams te/ cho ga rgyas pa rdzogs so zhes bya ba'i bar gyis bshad pa yin no/ /gzhung lhag ma rnams kyis ni ji ltar bri ba'i dkyil 'khor gshegs su gsol la/ sprul pa rnams slob dpon gyis rang gi lus la bcug nas/ de bzhin gshegs pa thams cad kyis rtog pa 'di la byin gyis brlab par mdzad pa'i phyir bdag nyid gsol ba 'debs par gyur par bsams la/ mthar thug par byin gyis rlob pa'i tshigs su bcad pa brjod la/ bdag nyid bsrung ba byas te ldang bar bya'o zhes ston pa yin no/ /rgyud kyi dum bu gnyis pa'i bsdus pa'i don rdzogs so// //da ni dum bu gnyis pa nyid kyi rtog pa thams cad kyi rgyud phyi ma'i rtsa ba'i rgyud kyi ngo bo nyid sgrub pa pos myur du 'grub pa'i bsdus pa'i don bshad par bya ste/ de nas 'di'i gnas kyi dbang phyug gi zhes bya ba nas brtsams te/ btsun mo'i 'khor dang bcas pa'i cho gas sna tshogs pa'i rdo rje lha mos yongs su bskor bas zhes bya ba'i bar gyi bshad pas ni/ ting nge 'dzin dang po gsungs pa yin no/ /bde ba chen po rab tu bsgrub pa'i phyir zhes bya ba nas brtsams te/ cho ga ji bzhin bsgrubs pas so zhes bya ba'i bar gyis ni ting nge 'dzin gnyis pa gsungs pa yin no/ /da nas 'dus nas byin gyis brlabs te zhes bya ba nas brtsams te/ ting nge 'dzin gsum pa yin par shes par bya'o/ /dam tshig thob pa dang dbang bskur ba thob pas bzlas brjod dang bsgom pa bya'o zhes bya ba 'di'i don bstan par bya ba'i phyir/ de nas bcom ldan 'das zhes bya ba nas brtsams te/ dkyil 'khor chen po rdzogs so zhes bya ba'i bar gyi bshad pas/ slob dpon gyi las dang slob ma gzhug pa la sogs pa'i cho ga yang rgyas par gsungs pa yin no/ /dam tshig thob pa nyid dang dbang bskur ba nyid dag la slob dpon gyis bsgrub pa'i ye shes bslab par bya'o zhes bya ba 'di'i don bstan par bya ba'i phyir/ de nas de'i phyir sgrub pa bshad de zhes bya ba nas brtsams te/ bde ba chen po rdo rje don yod pa'i dam tshig gi cho ga rgyas pa'o zhes bya ba'i bar gyis bshad pa yin no/ /dpal rdo rje sems dpa'i dkyil 'khor gyi bsdus pa'i don rdzogs so// // de bzhin gshegs pa'i dkyil 'khor gyi bsdus pa'i don bshad par bya ste/ 'dir ting nge 'dzin dang po ni dpal rdo rje sems dpa'i dkyil 'khor du bshad pa nyid do/ /de nas ston pa rdo rje 'dzin zhes bya ba nas brtsams te/ byang chub kyi snying po la bzhugs so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas gsum pa ni snga ma bzhin du shes par bya'o/ /de nas rdo rje 'dzin pas zhes bya ba nas brtsams te/ bsgrub pa'i cho ga rgyas pa'i rgyud/ /ces bya ba'i bar gyi bshad pas ni/ slob dpon gyi /cho ga dang / slob ma gzhug pa la sogs pa'i cho ga yang snga ma bzhin du rgya cher gsungs pa yin no/ /dam tshig dang dbang bskur ba thob pa nyid la slob dpon gyis sgrub pa'i ye shes bslab par bya'o zhes bya ba 'di'i don bstan par bya ba'i phyir/ de nas dngos grub mchog bsgrub pa/ /zhes bya ba nas brtsams te/ de bzhin gshegs pa thams cad kyi byang chub kyi rdo rje'i rtog pa'i cho ga rgyas pa'o zhes bya ba'i bar gyis bshad pa yin no/ /rdo rje me ltar rab tu 'bar ba'i dkyil 'khor gyi bsdus pa'i don bshad par bya ste/ 'dir ting nge 'dzin dang po ni rdo rje sems dpa'i dkyil 'khor du gsungs pa nyid yin no/ / de nas rdo rje 'dzin pa zhes bya ba nas brtsams te/ byin gyis brlabs so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas byin gyis brlabs te zhes bya ba nas brtsams te ting nge 'dzin gsum pa gsungs pa yin no/ / dam tshig dang dbang bskur ba thob pa rnams kyis ni bzlas brjod dang bsgom pa bya'o zhes bya ba 'di'i don bstan par bya ba'i phyir/ de nas gsol ba btab nas zhes bya ba nas brtsams te/ dam tshig chen po'i cho ga rgyas pa'i rgyud do zhes bya ba'i bar gyi bshad pas ni slob dpon gyi las kyi cho ga dang slob ma gzhug pa la sogs pa'i cho ga rgyas par gsungs pa yin no/ /dam tshig dang dbang bskur ba thob pa nyid la slob dpon gyis dngos grub kyi ye shes bslab par bya'o zhes bya ba'i don bstan par bya ba'i phyir/ de nas bsgrub na zhes bya ba nas brtsams te rdo rje me ltar 'bar ba'i rtog pa'i cho ga rgyas pa'o zhes bya ba'i bar gyis bshad pa bstan pa yin no/ /'phags pa spyan ras gzigs dbang phyug gi dkyil 'khor gyi bsdus pa'i don bshad par bya ste/ 'dir dang po'i sbyor ba'i ting nge 'dzin ni dpal rdo rje sems dpa'i dkyil 'khor du gsungs pa nyid do/ /de nas ting nge 'dzin thams cad ces bya ba nas brtsams te/ der ni pad+ma bzang de gnas/ /zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad de zhes bya ba ni ting nge 'dzin gsum pa gsungs pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i don bstan par bya ba'i phyir/ 'gro ba thams cad legs par sbyangs te zhes bya ba nas sgrub pa chen po'i cho ga'i rgyud do zhes bya ba'i bar gyi bshad pas bstan pa yin no/ /dam tshig dang dbang bskur ba thob pa nyid la slob dpon gyis bsgrub pa'i ye shes bslab par bya'o zhes bya ba 'di'i cho ga bstan par bya ba'i phyir/ da nas bsgrubs nas zhes bya ba nas brtsams te ye shes rdo rje rtog pa'i cho ga rgyas pa'o zhes bya ba'i bar gyi bshad pas bstan pa yin no/ /nam mkha'i snying po'i dkyil 'khor gyi bsdus pa'i don bshad par bya ste/ 'dir yang ting nge 'dzin dang po ni dpal rdo rje sems dpa'i dkyil 'khor du gsungs pa nyid do/ /de nas zhes bya ba nas brtsams te yang dkyil 'khor gyi tshul gyis bzhugs so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad de zhes bya ba la sogs pas ni ting nge 'dzin gsum pa gsungs pa yin no/ /de nas de bzhin gshegs pa brgyad kyi zhes bya ba nas brtsams te/ sgrub pa chen po'i rgyud do zhes bya ba'i bar gyi bshad pas ni snga ma bzhin du slob dpon gyi cho ga dang / slob ma zhugs pa'i cho ga yang rgyas par gsungs pa yin no/ /dbang bskur ba dang dam tshig thob pa nyid la slob dpon gyis bsgrub pa'i ye shes bslab par bya'o zhes bya ba'i don bstan par bya ba'i phyir/ de nas zhes bya ba nas brtsams te/ rdo rje rin chen gyi cho ga rgyas pa'o zhes bya ba'i bar gyi bshad pas bstan pa yin no/ /phyi rol gyi rdo rje rigs kyi dkyil 'khor gyi bsdus pa'i don bshad par bya ste/ 'dir ting nge 'dzin dang po'i dpal rdo rje sems dpa'i dkyil 'khor du gsungs pa nyid do/ /de nas rgyal po rdo rje 'dzin/ /zhes bya ba nas brtsams te/ oM b+hur b+hu ba swaHzhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad de zhes bya ba nas brtsams pa ni gsum pa yin par shes par bya'o/ /gru bzhi zhes bya ba nas brtsams te/ 'jig rten gsum bskyed pa'i rgyud do zhes bya ba'i bar gyi bshad pas ni/ snga ma bzhin slob dpon gyi las kyi cho ga dang slob ma gzhug pa la sogs pa'i las kyi cho ga rgyas par yang gsungs pa yin te/ ming po gsum gyi dkyil 'khor gyi bsdus pa'i don bstan pa yin no/ /sring mo bzhi'i dkyil 'khor gyi bsdus pa'i don bshad par bya ste/ 'dir ting nge 'dzin dang po ni ming po gsum gyi dkyil 'khor du bshad pa nyid do/ /de nas rdo rje 'dzin pa zhes bya ba nas brtsams te/ b+h+yo zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad nas zhes bya ba la sogs pa ni ting nge 'dzin gsum pa yin par shes par bya'o/ /thig gsum gyi dkyil 'khor zhes bya ba nas brtsams te/ sring mo bzhi rnams so zhes bya ba'i bar gyi bshad pas ni snga ma bzhin du slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /klu'i dkyil 'khor gyi bsdus pa'i don bshad par bya ste/ 'dir ting nge 'dzin dang po ni sring mo bzhi'i dkyil 'khor gyi skabs su bshad pa nyid do/ /de nas zhes bya ba nas brtsams te/ bla zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad nas zhes bya ba la sogs pa ni ting nge 'dzin gsum pa yin par shes par bya'o/ /zur bzhi zhes bya ba nas brtsams te/ klu'i dkyil 'khor gyi rgyud do zhes bya ba'i bar gyi bshad pas ni snga ma bzhin du slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /gdon gyi dkyil 'khor gyi bsdus pa'i don bshad par bya ste/ 'dir dang po'i ting nge 'dzin ni klu'i dkyil 'khor du bshad pa nyid do/ /de nas zhes bya ba nas brtsams te/ hUM zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus par mdzad de zhes bya ba la sogs pas ni ting nge 'dzin gsum pa yin par shes par bya'o/ /zur bzhi zhes bya ba nas brtsams te sdug bsngal thams cad las 'don pa'i rgyud rdzogs so zhes bya ba'i bar gyi bshad pas ni/ slob dpon gyis gdon thams cad gzhig pa'i las gsungs pa yin no/ /'jig rten pa dang 'jig rten las 'das pa'i dkyil 'khor gyi lha thams cad la lhag par mos pa'i sems can rnams rjes su 'dzin par byed pa'i bsdus pa'i dkyil 'khor gyi bsdus pa'i don bshad par bya ste/ 'dir ting nge 'dzin dang po ni dpal rdo rje sems dpa'i dkyil 'khor du gsungs pa nyid yin no/ /de nas rgyal po rdo rje 'dzin/ /kun mchog ces bya ba nas brtsams te/ 'gro ba 'dul ba'i dam pa yin/ /zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dzum pa mdzad ces bya ba nas brtsams te ting nge 'dzin gsum pa yin par shes par bya'o/ /de nas zhes bya ba nas brtsams te rtog pa thams cad kyi rgyud phyi ma dang rtsa ba'i rgyud rdzogs so zhes bya ba'i bar gyi bshad pas ni/ snga ma bzhin du slob dpon gyi las dang slob ma gzhug pa la sogs pa'i cho ga rgyas pa nyid gsungs pa yin no/ /las kyi sgrib pa'i dbang gis rtog pa thams cad kyi rgyud phyi ma'i sbyor bas kyang grub par ma gyur pa'i rnal 'byor ba rnams kyi gsang ba'i ras ris kyi dkyil 'khor gang dag gsungs pa des myur du 'grub par byed pas de rnams kyi bsdus pa'i don bshad par bya ste/ sangs rgyas kun gyi gsang ba che/ /zhes bya ba nas brtsams te/ rdo rje snyems pa bdag po'i bdag /ces bya ba'i bar gyi bshad pas ni ting nge 'dzin dang po gsungs pa yin no/ /'dod chags chen po thams cad kyi mchog ces bya ba nas brtsams te/ mchog tu gsang ba'o zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad nas zhes bya ba nas brtsams pa ni ting nge 'dzin gsum pa yin par shes par bya'o/ /de nas 'dir sgrub pa bshad de zhes bya ba nas brtsams te/ dam tshig gi dkyil 'khor chen po rdzogs so zhes bya ba'i bar gyi bshad pas ni snga ma bzhin du slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /dpal rdo rje sems dpa'i ras ris kyi dkyil 'khor gyi bsdus pa'i don rdzogs so// //de bzhin gshegs pa'i ras ris kyi dkyil 'khor gyi bsdus pa'i don bshad par bya ste/ 'dir ting nge 'dzin dang po ni dpal rdo rje sems dpa'i ras ris kyi dkyil 'khor du gsungs pa nyid do/ /de nas zhes bya ba la sogs pa nas brtsams te/ oM b+hu khaM zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus par mdzad de zhes bya ba nas brtsams pa ni ting nge 'dzin gsum pa yin par shes par bya'o/ /gnas khang zhes bya ba nas brtsams te/ de ni 'grub par 'gyur zhes bya ba'i bar gyi bshad pas ni/ snga ma bzhin du slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /rdo rje me ltar rab tu 'bar ba'i ras ris kyi dkyil 'khor gyi bsdus pa'i don bshad par bya ste/ 'dir ting nge 'dzin dang po ni dpal rdo rje sems dpa'i ras ris kyi dkyil 'khor du gsungs pa nyid do/ /de nas khro bo'i hUM mdzad kyis rang gi ras ris kyi dkyil 'khor gyi cho ga sprul par bya ba'i phyir/ lha thams cad kyi snying po brjod nas gnas ji lta ba bzhin du bkod do zhes bya ba'i ting nge 'dzin gnyis pa'o/ /de nas 'dus par mdzad de zhes bya ba nas brtsams te ting nge 'dzin gsum pa yin par shes par bya'o/ /de nas rdo rje khro bo'i rgyal po chen po'i mchog tu gsang ba'i cho ga zhes bya ba nas brtsams te/ rdo rje rnal 'byor gyi cho ga'o zhes bya'i bar gyi bshad pas ni/ de bzhin du slob dpon gyi las kyi cho ga dang slob ma gzhug pa la sogs pa'i las kyi cho ga rgyas par gsungs pa yin no/ /da ni rdo rje me ltar rab tu 'bar ba'i rigs kyi dkyil 'khor nyid kyi dkyil 'khor gyi rnal 'byor gyi bsgrub par bya ba'i phyir/ phra mo'i cho ga gang gsungs pa de nyid bsdus pa'i don brjod par bya ste/ de la dang po'i sbyor ba'i ting nge 'dzin ni dpal rdo rje sems dpa'i rigs kyi dkyil 'khor du gsungs pa nyid do/ /yi ge hUM gis dkyil 'khor sprul nas rang gi snying pos lha thams cad gnas ji lta ba bzhin bkod do zhes bya bas ni ting nge 'dzin gnyis pa gsungs pa yin no/ /de nas 'dus par mdzad nas zhes bya ba nas brtsams pa ni gsum pa yin par shes par bya'o/ /de nas shin tu phra ba zhes bya ba nas brtsams te/ tshogs kyi dkyil 'khor gyi cho ga mchog tu rab tu grub pa'o zhes bya ba'i bar gyi bshad pas ni slob dpon gyi las kyi cho ga dang / slob ma gzhug pa la sogs pa'i cho ga rgyas par yang gsungs pa yin no/ /'phags pa spyan ras gzigs dbang phyug gi rigs kyi dkyil 'khor gyi bsdus pa'i don bshad par bya ste/ 'dir dang po'i sbyor ba ni dpal rdo rje sems dpa'i rigs kyi dkyil 'khor du gsungs pa nyid yin no/ /snga ma bzhin du sngags ji lta bas dkyil 'khor byin gyis brlabs nas/ rang gi snying pos lha thams cad gnas ji lta ba bzhin bkod do zhes bya ba 'dis ni dkyil 'khor gnyis pa gsungs pa yin no/ /de nas 'dus pa mdzad de zhes bya ba la sogs pa ni gsum pa yin par shes par bya'o/ /de nas spyan ras gzigs dbang phyug ces bya ba nas brtsams te/ 'gro ba 'dul ba'i cho ga'o zhes bya ba'i bar gyi bshad pas ni/ snga ma bzhin du slob dpon gyi las kyi cho ga dang / slob ma gzhug pa la sogs pa'i las kyi cho ga rgyas par gsungs pa yin no/ /nam mkha'i snying po'i rigs kyi dkyil 'khor gyi bsdus pa'i don bshad par bya ste/ ting nge 'dzin dang po'i dpal rdo rje sems dpa'i rigs kyi dkyil 'khor du gsungs pa nyid do/ /snga ma bzhin du rang gi snying pos rigs kyi dkyil 'khor sprul la rang gi snying pos lha thams cad gnas ji lta ba bzhin gzhag par bya'o zhes bya ba ni ting nge 'dzin gnyis pa gsungs pa yin no/ /de nas 'dus pa mdzad de zhes bya ba la sogs pa ni ting nge 'dzin gsum pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i don bstan par bya ba'i phyir/ de nas bcom ldan 'das nam mkha'i snying po zhes bya ba nas brtsams te/ rtog pa thams cad kyi cho ga'o zhes bya ba'i bar gyi bshad pas ni/ slob dpon gyi las kyi cho ga dang slob ma gzhug pa la sogs pa'i cho ga rgyas par gsungs pa yin no/ /nam mkha'i snying po'i rigs kyi dkyil 'khor gyi bsdus pa'i don rdzogs so// //bdag la byin gyis brlab pa'i rnal 'byor gyi phyag rgya'i thabs kyi ngo bo nyid kyis rtog pa thams cad 'grub par 'gyur ro zhes bya ba 'di'i don bstan par bya ba'i phyir/ de nas zhes bya ba nas brtsams te/ phyag rgya thams cad kyi rgyud rdzogs so zhes bya ba'i mthar thug pa'i bar gyi bshad pas bstan pa yin no/ /'di dag nyid kyi dum bu gnyis pa las gsungs pa'i rtog pa thams cad kyi rgyud phyi ma dang rtsa ba'i rgyud dang / rtog pa thams cad bsgrub pa'i cho ga dang / phyag rgya'i rgyud thams cad kyi dris pa sngon du 'gro ba gang rtog pa thams cad bsdus pa zhes bya ba rtog pa thams cad kyi rgyud phyi ma las gsungs pa'i bsdus pa'i don brjod par bya ste/ phyag rgya chen po la sogs pa'i rtog pa nges pa'i ye shes kyis 'grub par 'gyur ro/ /de bas na de dag bshad par bya ste/ rgyud phyi ma'i ye shes la sogs pa la thog ma dang tha ma med pa dang / rdo rje sems dpa' dang / dga' ba chen po nyid dang / kun tu bzang po nyid dang / rdo rje snyems pa'i bdag po nyid dang / thugs kyi sems dpa' dang / rdo rje dang / rdo rje 'dzin pa dang / rdo rje 'dzin pa chen po dang / kun tu bzang po'i spyod pa dang / bdud dang bdud las rgyal ba dang / sangs rgyas kyi byang chub dang / phyag na rdo rje la sogs pa'i rigs kun 'byung ba dang / 'dod pa dang / thar pa dang / rnam pa gsum dang / sems can thams cad la sogs pa'i klu las 'byung ba dang / dang po'i klu'i ngo bo nyid du ston pa dang / nye ba'i snying po dang / de kho na nyid dang / bde ba chen po dang / rdo rje don yod pa'i de kho na nyid bshad pa'i dkyil 'khor gyi don dang / rgyud dang dkyil 'khor gyi 'bras bu dang / thig gdab pa'i cho ga dang / dkyil 'khor bri ba'i cho ga dang / gsang ba chen po lnga'i de kho na nyid bshad pa dang / de bzhin gshegs pa thams cad kyi gsang ba chen po lnga'i de kho na nyid lnga dang / rigs kyi de kho na nyid dang rdo rje rigs thams cad kyi bdag po'i de kho na nyid dang / rdo rje rigs kyi de kho na nyid dang / 'phags pa spyan ras gzigs dbang phyug gi de kho na nyid dang / de'i rigs kyi de kho na nyid dang / nam mkha'i snying po'i de kho na nyid dang / de'i rigs kyi de kho na nyid dang / rigs thams cad kyi dbang bskur ba'i de kho na nyid dang / dpal mchog dang po'i mtshan ma'i de kho na nyid dang / rigs thams cad kyi mtshan ma'i de kho na nyid dang / thams cad 'gugs pa'i de kho na nyid dang / mchod pa chen po thams cad kyi de kho na nyid dang / dngos grub thams cad kyi byin gyis brlab pa'i cho ga rgyas pa'i rgyud dang / rang gi lhag pa'i lha thams cad kyi sgrub pa chen po'i rgyud dang / thams cad sgrub pa po la spro ba'i rgyud ye shes rnams gsungs pa yin no/ /de nas gzhung lhag ma rnams kyis dkyil 'khor thams cad ji lta ba bzhin gshegs su gsol te/ sprul pa rang gi lus la nye bar bsdu bar byas nas/ bdag nyid kyang ji lta ba bzhin du bsrungs la/ de bzhin gshegs pa thams cad kyis bdag nyid la mnyes pas legs so zhes bya ba byin nas/ slob dpon ldang bar bya'o zhes ston pa yin te/ dum bu gnyis pa'i bsdus pa'i don rdzogs so// //da ni so sor rtog pa'i ye shes shes rab kyi pha rol tu phyin pa'i chos kyi phyag rgya'i ngo bo nyid rtog pa dang bcas pa dang / rtog pa med pa yid kyi rnam par shes pa'i gnyen por gyur pa dum bu gsum pa'i bsdus pa'i don bshad par bya ste/ de nas dang po'i yid 'ong gnas zhes bya ba nas brtsams te/ gang dum bu gnyis pa'i bsdus pa'i don bshad pa las/ rdo rje me ltar 'bar ba'i phra mo'i gsang ba'i cho ga ma gtogs pa de dag ni gsum pa'i yang yin par shes par bya'o/ /gang dag khyad par gzhan dag yod pa de dag ni phyis bshad par bya'o/ /dum bu gsum pa'i bsdus pa'i don rdzogs so// //da ni bya ba grub pa'i ye shes brtson 'grus kyi pha rol tu phyin pa las kyi phyag rgya'i ngo bo nyid mig dang / rna ba dang / sna dang / lce dang / lus kyi rnam par shes pa'i gnyen por gyur pa dum bu bzhi pa'i bsdus pa'i don bshad par bya ste/ de nas gnas yid du 'ong bar zhes bya ba nas brtsams te/ gang dum bu gnyis pa'i bsdus pa'i don bshad pa las rdo rje me ltar 'bar ba'i phra mo'i gsang ba'i cho ga ma gtogs pa gzhan pa de dag thams cad ni 'di'i yang yin par shes par byas la/ gang 'di la khyad par du gyur pa de dag ni phyis bshad par bya'o/ /dum bu bzhi pa'i bsdus pa'i don rdzogs so// //ji skad du bshad pa'i bsdus pa'i don bshad pas/ bcom ldan 'das dpal mchog dang po'i rdo rje 'dzin pa chen po'i brjod par bya ba bshad pa yin la/ de ston pa'i sgra'i tshogs ni rgyud de rgyud ni brjod pa'o/ /de ltar na brjod par bya ba dang / brjod pa'i mtshan nyid ni 'brel ba'o/ /gdul bya rnams dpal mchog dang po'i rdo rje 'dzin pa chen po la 'dod pa bskyed pa ni dgos pa'o/ /'dod pa bskyed pa de dag kyang dkyil 'khor du 'jug pa la sogs pas de'i ngo bo nyid mngon sum du byas pa ni dgos pa'i yang dgos pa yin no/ /de la dkyil 'khor gyi grangs bshad par bya ste/ shes rab kyi pha rol tu phyin pa'i dum bu la ni dkyil 'khor bco lnga pa'o/ /dum bu gnyis pa'i rtsa ba'i rgyud la ni bcu gcig go/ /de nyid rtog pa thams cad kyi phyi ma'i rgyud dang / rtsa ba'i rgyud la ni bcu'o/ /yang 'di'i rigs kyi dkyil 'khor ni drug go/ /dum bu gsum pa la ni nyi shu rtsa gcig go/ /dum bu bzhi pa la yang dkyil 'khor nyi shu rtsa gcig yod do/ /de la rdo rje 'dzin pa chen po'i nam mkha'i khams thams cad dang mnyam par bzhugs shing rigs thams cad kyi ngo bo nyid sku dang gsung dang thugs rdo rje'i gzugs can sems can rnams kyi don mdzad par ro gcig pa ni dpal lo/ /de nyid ni mchog dang po ste/ mchog ni phul du byung ba'o/ /bskal pa bzang po la sogs pa da ltar byung ba nas thog ma dang tha ma med pa'i ngo bo nyid kyis rtag pa nyid du bzhugs pas na de'i phyir dang po zhes bya'o/ /de ston pa'i de kho na nyid bcu'i ming gi tshogs ni rgyud ces bya ste/ rgyud ni rgyun zhes bya bar bshad/ ces gsungs pa'i phyir ro/ /de la de kho na nyid bcu'i dkyil 'khor dang / sngags dang phyag rgya dang / bsrung ba dang / spyan drang ba dang / slob dpon gyi las kyi dbye ba dang / slob ma gzhug pa la sogs pa'i cho ga rgyas pa dang / bzlas brjod dang / bsgom pa dang / sbyin sreg dang / nye bar bsdu ba dang / mchod nas slar gshegs su gsol ba'o/ /dpal mchog dang po'i rgyud kyi bsdus pa'i don rdzogs so// //de lta bu'i dpal mchog dang po'i rgyud sdud par byed pa sa bcu'i dbang phyug lcang lo can gyi pho brang na gnas pa'i rdo rje 'chang bas blo la gzhag nas 'di skad ces bya ba la sogs pa smras so/ /de la 'di skad ces bya ba ni yang dag par bsdus pa'i bshad ma thag pa'i gzhung dang don gyi ngo bo nyid ces bya ba'i don to/ /bdag gis zhes bya ba ni bdag nyid yin par ston pa ste/ bdag nyid kyis thos kyi gzhan las brgyud de 'ongs pa ni ma yin no zhes bya ba'i don to/ /thos pa zhes bya ba ni thos pa'i rang bzhin gyis shes rab 'khrul pa med pa'i rnam par shes pas thos kyi rtogs pa ni ma yin no zhes bya bar ston te/ 'dis ni bdag nyid kyis mngon sum du thos pa dang / mnyam par gzhag pa yang yin par ston to/ /gang gi tshe khyod kyis thos she na/ dus gcig na zhes bya ba smras te/ dus gcig ni dus tshod gcig na thos kyi/ gzhan dag tu ni gzhan dag thos so zhes bya ba ste/ 'dis ni bdag nyid thos pa mang bar ston to/ /yang na dus gcig na zhes bya ba ni skad cig ma gcig la rnam par thar pa bsam gyis mi khyab pa thos pas/ skad cig ma gcig la yang dus gsum gyi bskal pa rnams so sor snang ba'am/ thams cad shes pa ste/ 'dis ni bdag nyid tshad ma'i skyes bu yin par ston to/ /khyod kyis gang las gang du thos zhes rtog pa de dag gi phyir/ bcom ldan 'das zhes bya ba la sogs pa smos te/ 'dir 'brel pa'i ni 'di yin te/ bcom ldan 'das gnas gang du zhugs she na/ bcom ldan 'das lha'i rgyal po gzhan 'phrul dbang byed kyi gnas na bzhugs te/ de las bdag gis rgyud thos so zhes pa'o/ /nyon mongs pa dang lha'i bu dang phung po dang 'chi bdag gi mtshan nyid can du gnas pa'i bdud rnams bcom pas na/ bcom ldan 'das so/ /gang gi phyir bcom ldan 'das de yang khyad par ji lta bu zhig las khyod kyis thos she na/ de bzhin gshegs pa thams cad ces bya ba la sogs pa smras te/ de la de bzhin gshegs pa yang yin la thams cad kyang yin pas de bzhin gshegs pa thams cad de/ 'jig rten gyi khams kyi rdul phra rab dang mnyam pa'i sangs rgyas rnams kyi sems dang sems las byung ba gnyis su med pa'i byang chub kyi sems kyi ngo bo nyid do/ /de nyid ni gzung ba dang 'dzin pa'i rnam pa can gyi rnam par rtog pa 'joms pas na rdo rje'o/ /de rnams kyi byin gyi rlabs ni sngon gyi 'phen pa'i shugs so/ /de'i dam tshig ni de bzhin gshegs pa'i rigs te/ de las skyes pa'o/ /gang las skyes she na/ rtag tu dri med thugs rje'i shugs las byung / /smon lam grub pa mi 'gag chos nyid can/ /'gro ba'i don bsgrub brtson 'grus mtha' yas pa/ /thugs rje'i bdag nyid rtag tu rnam par snang / /zhes gsungs pa'i phyir ro/ /'di dag la dam tshig dang mkhyen pa ni/ rdo rje sems dpa' dang / rdo rje yid las byung ba la sogs pa de sna tshogs shing / rnam pa tha dad pa'i bye brag gis phyag rgya chen po la sogs par rnam par nges pa'i ngo bo ste/ de dag thams cad dang ldan pa ni bcas pa'o/ /'dis ni bcom ldan 'das de bzhin gshegs pa'i rigs thugs su chud pa dang / dam tshig mkhyen pa nyid du ston to/ /gsang sngags kyi sgor spyad pa spyod pa rnams kyis kyang / dam tshig shes pa nyid du bya'o zhes ston pa yin no/ /de bzhin gshegs pa thams cad kyis sbyin pa'i pha rol tu phyin pa'i ngo bo nyid du mi gnyis pa'i sems dang sems las byung ba de dag las byung ba'i rin po che'i cod pan des/ 'dod pa dang gzugs dang gzugs med pa'i khams kyi mtshan nyid can gyi khams gsum du chos kyi rgyal po'i mtshan mar gyur ba'i dbang bskur ba brnyes nas khams gsum la spyod pa'i sems can rnams chos nyid kyi 'jig rten las 'das pa'i las la nges pa sbyor bas na chos kyi rgyal po'o/ /'dis kyang bcom ldan 'das kyis rin po che'i rigs thugs su chud cing dbang bskur ba brnyes par ston to/ /gsang sngags kyi sgo la spyad pa spyod pa rnams kyis kyang dbang bskur ba dang ldan pas shes par bya'o zhes ston par 'gyur ba yin no/ /de bzhin gshegs pa thams cad kyi shes rab kyi pha rol tu phyin pa'i ngo bo nyid du gnyis su med pa'i sems dang sems las byung ba de nyid ni thams cad mkhyen pa'i ye shes te/ rnal 'byor chen po de gang la yod pa de ni thams cad mkhyen pa'i ye shes dang ldan pa'i rnal 'byor chen po'o/ /de yang dbang phyug ces bya ba ste/ dbang phyug dang ldan pas na de bzhin gshegs pa thams cad kyi thams cad mkhyen pa'i ye shes dang ldan pa'i rnal 'byor chen po'i dbang phyug go/ /'dis kyang bcom ldan 'das pad+ma'i rigs thugs su chud cing shes rab kyi pha rol tu phyin pa'i gnas pa mkhyen pas na rnal 'byor gyi dbang phyug ces bshad pa yin la/ gsang sngags kyi sgo la spyad pa spyod pa rnams kyis kyang rnal 'byor la dbang phyug tu gyur par bya'o zhes ston pa yin no/ /bcom ldan 'das de ni thams cad mkhyen pa'i ye shes kyi rnal 'byor chen po ji lta ba bzhin du thugs su chud pas rang gi don phun sum tshogs pa brnyes nas de bzhin du gzhan gyi don mdzad pa'i phyir/ de bzhin gshegs pa thams cad kyi zhes bya ba la sogs pa gsungs te/ brtson 'grus kyi pha rol tu phyin pa ni/ de bzhin gshegs pa thams cad do/ /de nyid ni phyag rgya thams cad de sems can gyi khams rnams byang chub la brtson 'grus kyi gzugs brnyan bskyed pa'i phyir rgyas 'debs pa'i phyir te/ de nyid ni mnyam pa nyid do/ /de thugs su chud pa ni brnyes pa'o/ /sna tshogs zhes bya ba ni sems can gyi khams thams cad kyi'o/ /bya ba mdzad do zhes bya ba ni mngon par 'dod pa'i don rdzogs par mdzad pa ste/ bya ba mdzad pa nyid kyis bya ba mdzad pa ste/ des sems can gyi khams ma lus shing lus pa med pa thams cad kyi re ba thams cad ces bya ba rnam pa thams cad du phyag rgya chen po la sogs pa 'thob par sred pa'o/ /de yongs su skong ba ni mngon par 'dod pa thob pa'o/ /de nyid ni phrin las te de mdzad pas na re ba thams cad yongs su skong ba'i phrin las mdzad pa'o/ /ma lus pa'i sgra bshad pa ni mtha' dag gi ming ma yin pa yang srid pa nyid yin no/ /de bas na lus pa med pa'i sgra ni mtha' dag gi don gyi ming yin no/ /yang na ma lus pa ni 'jig rten gyi khams thams cad du'o/ /lus pa med pa ni sems can gyi khams thams cad do zhes bya bar bshad par bya'o/ /gang du sems can gyi khams thams cad ces smos pa'i tshig yod pa der ni 'jig rten gyi khams ma lus shing lus pa med pa nas sems can gyi khams thams cad ces bshad par bya'o/ /'dis kyang bcom ldan 'das kyis las kyi rigs kyang thugs su chud do zhes kyang ston pa yin la/ gsang sngags kyi sgo la spyad pa spyod pas kyang sems can rnams rjes su 'dzin par byed pa'i rig sngags grub pas dkyil 'khor 'dri ba la sogs pa'i las rnams la 'jug par bya'o zhes ston to/ /de ltar gyur pa su zhig yin zhe na/ thugs rje che ba rnam par snang mdzad chen po zhes bya ba smos te/ mi dmigs shing rang gi ngang gis 'byung ba'i thugs rje mnga' bas na thugs rje chen po'o/ /de bzhin gshegs pa la sogs pa'i rigs kyi tshul gyis rnam par mdzes shing snang bar mdzad pas na rnam par snang mdzad dam rnam par snang mdzad pa nyid yin pas na/ rnam par snang mdzad do/ /de nyid ni chos kyi sku dang / rnam par smin pa'i sku dang / longs spyod rdzogs pa'i skus rtag pa'o/ /'das pa dang / ma 'ongs pa dang / da ltar byung ba'i dus gsum ni dus gsum mo/ /dus de dag tu mnyam pa nyid ces bya ba'i sprul pa'i sku bzhugs pa'o/ /yang na dus gsum po dag gi dus su kun rdzob kyi gzugs la bzhugs kyi/ don dam par ni yod pa ma yin pas dus gsum gyi mnyam pa nyid la bzhugs pa'o/ /sku thams cad ni rnam pa bzhi ste/ ngo bo nyid kyi sku dang / rnam par smin pa'i sku dang / longs spyod rdzogs pa'i sku dang / sprul pa'i sku'o/ /de skad du/ gang 'di rgya chen du ma yi/ /kha dog dbyibs dang gdan rnams dang / /phyag mtshan sna tshogs dbye bar ni/ /sku yi gsang ba 'di zhes bya/ /zhes gsungs pa'i phyir ro/ /de la de bzhin gshegs pa'i rigs thams cad dang rdo rje'i rigs ni ngo bo nyid kyi sku'i tshul lo/ / rin po che'i rigs thams cad ni rnam par smin pa'i sku'i ngo bo nyid do/ /pad+ma'i rigs thams cad ni longs spyod rdzogs pa'i sku'i ngo bo nyid do/ /las kyi rigs thams cad ni sprul pa'i sku'i ngo bo nyid do/ /yang phyag rgya chen po gtso bor gyur pa byang chub kyi sems dang / me long lta bu'i ye shes kyi bdag nyid can ni de bzhin gshegs pa'i rigs so/ /dam tshig phyag rgya gtso bor gyur pa sbyin pa'i pha rol tu phyin pa dang mnyam pa nyid kyi ye shes kyi bdag nyid can ni rin po che'i rigs so/ /rang bzhin gyis rnam par dag pa'i rigs can chos kyi phyag rgya gtso bor gyur pa shes rab kyi pha rol tu phyin pa dang so sor rtog pa'i ye shes kyi bdag nyid can ni pad+ma'i rigs so/ /sangs rgyas kyi sprul pas 'gro ba'i don byas pa las kyi phyag rgya gtso bor gyur pa brtson 'grus kyi pha rol tu phyin pa dang / bya ba grub pa'i ye shes kyi bdag nyid can ni las kyi rigs yin par shes par bya'o/ /rdo rje'i rigs kyang byang chub kyi sems kyi bdag nyid can yin pas mi bskyod pa'i ngo bo nyid yin pas na/ me long lta bu'i ye shes kyi rang bzhin can yin par shes par bya'o/ /phyi rol gyi rdo rje'i rigs rnams kyang sprul pa'i sku'i ngo bo nyid yin pas bya ba grub pa'i ye shes kyi rang bzhin no/ /de skad du/ rdo rje sems dpa'i dbang bskur bas/ ngo bo nyid skur shes par bya/ /rdo rje rin chen dbang bskur bas/ /de bzhin mtshan dang dpe byad yin/ /rdo rje chos kyi dbang bskur bas/ /longs spyod rdzogs pa'i sku ru 'dod/ /rdo rje las kyi dbang bskur bas/ /sprul pa yi ni sku ru 'dod/ /ces gsungs pa'i phyir ro/ /gsung thams cad ni rab tu dga' ba dang / rdo rje dang / khro bo dang / ting nge 'dzin dang / bka'i tshig gi bye brag gis rnam pa lnga'o/ /thugs thams cad ni thugs ka'i zla ba'i dkyil 'khor la rang gi rigs kyi mtshan ma'i phyag rgya rnams te/ de dag kyang mi phyed par mnga' bas na sku dang gsung dang thugs thams cad rdo rje'o/ /de bzhin gshegs pa zhes bya ba ni dngos po thams cad ji ltar gnas pa bzhin du thugs su chud cing sangs rgyas pas na de bzhin gshegs pa'o/ /yang na de bzhin du gzhan rnams la ston par mdzad pas na de bzhin gshegs pa ste/ 'dis kyang gang las thos pa'i ston pa po de ni/ sangs rgyas thams cad bsdus par gyur pa ni rnam par snang mdzad yin no zhes ston to/ /de ltar bcom ldan 'das kyi yon tan sngon du 'gro ba'i bshad pa byas nas/ de lta bu'i yon tan dang ldan pa'i bcom ldan 'das de gang na bzhugs zhes rnam par rtog pa la de bzhin gshegs pa thams cad ces bya ba la sogs pas gnas smras pa yin te de bzhin gshegs pa thams cad kyi bzhugs shing bstan pa yin te de bas na bsngags pa'o/ /bsngags par gyur pa nyid kyis na bstod pa ste/ der nor bu dang rin po che chen po ste/ yid bzhin gyi nor bu rin po che dang / rin po che zhes bya ba rdo rje la sogs pa rnams te/ de rnams kyis spras pa ni gang du mdzes par bya ba'i phyir spras shing spel ba der kha dog sna tshogs pa'i dril bu btags pa dang / dar dang / 'phan dang / me tog gi phreng ba dang / rnga ma dang / dra ba dang / dra ba phyed pa dang / zla ba rlung gi bskyod pa rnams kyis nye bar mdzes par gyur pas brgyan pa phyogs bcu thams cad na gnas pa'i 'dod pa'i khams thams cad na lha'i rgyal po gzhan 'phrul dbang byed kyi gnas na bzhugs pa'o/ /de la gzhan rnams kyis sprul pa'i 'dod pa'i yon tan lnga rnams te/ de rnams la dbang bskur ba'i ngang tshul can gang yin pa de ni gzhan 'phrul dbang byed kya lha rnams so/ /de rnams kyi bdag po'i dang po'i gnas su bzhugs pa ste/ rdo rje lha mo'i tshogs kyi dbus su bzhugs pa/ rab tu dga' ba chen po'i sku 'dzin par mdzad pa'i rdo rje 'chang chen po ni gzhan 'phrul dbang byed kyi lha'i rgyal po'o/ /der gyur nas bcom ldan 'das bzhugs shing nam mkha' thams cad la rab tu bzhugs pa'i bcom ldan 'das rdo rje sems dpa'i bzhugs gnas su bcom ldan 'das bzhugs so zhes bya ba'i don to/ /bcom ldan 'das rdo rje sems dpa' ji ltar na gzhan 'phrul dbang byed kyi lha'i rgyal por gyur pa de ni 'di'i 'og nas bshad par bya'o/ /'dis kyang gang du thos pa de ston par gyur pa yin no/ /de ltar na bcom ldan 'das kyi gnas kyi yon tan phun sum tshogs pa bstan nas/ da ni 'khor phun sum tshogs pa bstan par bya ba'i phyir/ byang chub sems dpa' bye ba phrag brgya dang thabs cig tu bzhugs pa la zhes bya ba smos te/ byang chub sems dpa' bye ba phrag de dag gi nang nas sgrub pa'i yan lag tu gyur pa ni phyag na rdo rje la sogs pa'i byang chub sems dpa' ste/ rwa nas bzung ba'i tshul gyis ston par 'dod nas 'di lta ste zhes bya ba la sogs pa smos te/ de la 'di'i phyag na rdo rje mnga' bas na phyag na rdo rje'o/ /spyan gyis rnam par blta ba ni spyan ras gzigs te/ chos thams cad kyi rang bzhin rnam par dag pa'o zhes so sor rtog cing thams cad la skyob pa'i phyir gzigs pas na spyan ras gzigs so/ / dbang phyug ni de la mnga' brnyes pa'o/ /nam mkha' ni mnyam pa nyid kyi ye shes so/ /snying po ni skye ba'i gnas te/ de gang la yod pa de ni nam mkha'i snying po'o/ /chos rnams ni rang bzhin gyis 'od gsal ba'o zhes bya ba bsgom pa 'dis chos thams cad gcig tu byed pa'i khu tshur gang la yod pa de ni rdo rje khu tshur te/ de bzhin nyid bden mi slu gang / /rdo rje khu tshur du bshad do/ /zhes gsungs pa'i phyir ro/ /'jam zhing mnyen pa'i dpal gang la yod pa de ni 'jam dpal te/ gnyis su med pa'i shes rab kyi pha rol tu phyin pa la gnas pa'i rgyu las nges par 'byung ba nyid kyis na nyon mongs pa'i rtsub pa dang bral zhing na tshod lo brgyad pa'i gzhon nu'i gzugs mnga' ba'i phyir ro/ /sems bskyed ma thag pa'i rjes thogs nyid la chos kyi 'khor lo'i dkyil 'khor rab tu bskor zhing sprul pa'i ngang tshul gang la yod pa de ni sems bskyed ma thag tu chos kyi 'khor lo bskor ba'o/ /nam mkha' ni go 'byed pa ste mnyam pa nyid kyi ye shes so/ /de nyid kyi mdzod 'di la mnga' bas na nam mkha'i mdzod do/ /phung po'i bdud dang / nyon mongs pa'i bdud dang / 'chi ba dag gi bdud dang / lha'i bu'i bdud ni bdud thams cad do/ /de rnams 'joms shing mi snang bar mdzad pa'i ngang tshul gang la yod pa de ni bdud kyi stobs thams cad rnam par 'joms pa'o/ /de la byang chub tu sems bskyed pas ni gsang sngags 'grub par 'gyur ro zhes bstan par bya ba'i phyir phyag na rdo rje bstan pa yin no/ /chos thams cad ni rang bzhin gyis rnam par dag pa'o zhes chos la bdag med pa bsgom pa dang ldan pas 'grub par 'gyur ro zhes bstan par bya ba'i phyir 'phags pa spyan ras gzigs dbang phyug bstan pa yin no/ /de bzhin gshegs pa thams cad kyi sku dang gsung dang thugs rdo rje gcig tu bya ba rang bzhin gyis 'od gsal ba shes pa'i brtson 'grus kyi pha rol tu phyin pa bsgoms pas 'grub par bstan par bya ba'i phyir rdo rje khu tshur bstan pa yin no/ /shes rab kyi pha rol tu phyin pa bsgoms pas 'grub pa'i phyir/ 'phags pa 'jam dpal bstan pa yin no/ /dkyil 'khor du 'jug pas 'grub par 'gyur ba'i phyir sems bskyed ma thag tu chos kyi 'khor lo bskor ba bstan pa yin no/ /mchod pa thams cad la 'jug pas 'grub par bstan pa'i phyir nam mkha'i mdzod bstan pa yin no/ /bgegs thams cad bzlog par nus na 'grub par gsungs pa'i phyir rdo rje gnod sbyin bstan pa yin par bsgrub pa'i yan lag ston pa yin no/ /de dag la sogs pa zhes bya ba ni gang la de dag gtso bor gyur pa de ni de dag la sogs pa ste/ de dag la sogs pa byang chub sems dpa' bye ba phrag brgyad kyis bcom ldan 'das rnam par snang mdzad yongs su bskor zhing kun nas 'khor bar gnas pa'o/ / mdun gyis bltas nas zhes bya ba ni gus pas khyad par du phul du byung ba'i sems kyis yang dag par gnas pa'o/ /der ci zhig mdzad ce na chos ston te zhes bya ba smos te dam pa'i chos ston par mdzad cing rab tu 'chad par mdzad ces bya ba'i don to/ /mtshan ni ji skad du btags khyad par ni ji lta bu dang ldan pa'i chos ston par mdzad ce na/ thog mar dge ba zhes bya ba la sogs pa smos te/ dang po thos bzhin pa'i gnas skabs na yang dad pa'i rgyur 'gyur bas na thog mar dge ba'o/ /bar du bsam pa'i gnas skabs na yang dge ba'i rgyur gyur pas na bar du dge ba'o/ /tha mar sgom pa'i shes rab kyi gnas skabs na yang grol ba'i rgyur gyur pas na tha mar dge ba'o/ /yang na lhag pa'i tshul khrims kyi bslab pa rdzogs par byed pas na thog mar dge ba'o/ /lhag pa'i sems kyi bslab pa rdzogs par byed pas na bar du dge ba'o/ /lhag pa'i shes rab kyi bslab pa rdzogs par byed pas na tha mar dge ba'o zhes bya ba'i don to/ /byang chub kyi sems la sogs pa'i tshig gi ngo bor gyur pas na don bzang po'o/ /tshig tsam ma yin pa'i sgra la sogs pa'i nyes pa dang bral bas na tshig 'bru bzang po'o/ /chos dang gang zag tu 'dzin pa dang bral bas na ma 'dres pa'o/ /theg pa ma lus pa lhag par mos pa'i sems can rnams kyi mngon par 'dod pa'i don thob par byed pas na yongs su rdzogs pa'o/ /chos thams cad dngos po med pa'i ngo bo nyid du ston pa'i rang bzhin yin pas na yongs su dag pa ste/ rab tu dga' ba'i sa'i ngo bo nyid ces bya ba'i don to/ /'di nyid bsgom pa'i lam la yang dang yang du mngon du byed pa yin pas na yongs su byang ba ste/ de lta bu'i rang bzhin can gyi chos ston par mdzad do zhes khyad par du mdzad nas/ da ni ming nyid bstan par bya ba'i phyir chos thams cad ngo bo nyid kyis rnam par dag pa'i sgo zhes bya ba smos te chos thams cad ni rab tu dga' ba la sogs pa'o/ /de rnams kyi ngo bo nyid rnam par dag pa ni de rnams kyi don dam pas dngos po med pa'i ngo bo nyid do/ /de'i sgo ni 'jug pa'i gnas so/ /de yang gang gis mngon sum du byed pa ste/ 'di ltar rab tu dga' ba rnam par dag pa'i gnas 'di ni 'di lta ste/ byang chub sems dpa'i gnas so zhes bya ba la sogs pa ste gang gi phyir de thos pa la sogs pa'i shes rab kyis thos pa de la ni de skad ces bya la/ ming 'di skad ces bya ba'i gsang ba'i shes rab kyi pha rol tu phyin pa'i tshul gang yin pa de ston par mdzad pa'o/ /de la rab tu dga' ba la sogs pa'i de kho na nyid kyi rnam pa ni shes rab bo/ /de'i pha rol tu phyin cing 'gro ba ni shes rab kyi pha rol tu phyin pa ste/ byang chub kyi sems la sogs pa mngon sum du byed pa'i ngo bo nyid rnam par grol ba'i lam gyi khyad par zhes bya ba'i don to/ /de'i tshul ni sngar bshad pa nyid de/ des de thob pa gang yin pa de yang dag par ston pa ni rab tu 'chad par mdzad pa'o/ /gang 'di ston par mdzad pa'i shes rab kyi pha rol tu phyin pa de yang gang zhig yin zhe na/ 'di ltar zhes bya ba la sogs pa gsungs te/ 'di ltar zhes bya ba ni dpe nye bar ston pa'i don to/ /shin tu dag pas na rab tu dga' ba ste/ gzung ba dang 'dzin pa'i rnam par rtog pa dang bral ba'i mi dmigs pa'i thugs rje chen pos chags pa'i ngo bo nyid de/ de bzhin nyid las gzugs ma lus par ston pas phyi ma'i mthar thug pa'i bar du 'gro ba'i don la spyod pa'o/ /de skad du bcom ldan 'das rab tu dga' ba ji lta bu lags zhes pa la/ nyes pa med par rtag tu 'byung / /chags pa kun la rjes su dgyes/ /de nyid kyis gsang bcom ldan 'das/ /'dod chags chen po dga' ba che/ /zhes bka' stsal ba'i phyir ro/ /de'i de bzhin nyid du tshul gcig pa ni rnam par dag pa'o/ /de'i gnas ni bzhi ste/ de kho na nyid bcu'i bdag nyid can no/ /'dis ni zhes bya ba ni snga ma dang sbyar ro/ /'di lta ste zhes bya ba ni tshig gi phrad de/ bsdus pa'i tshig gis kha skong ba la 'jug go/ /de yang pha rol tu phyin pa dang / yang dag par sbyar ro/ /byang chub pa'i ngo bo nyid la sems dpa' ni byang chub sems dpa'o zhes nye bar dgongs te/ de'i 'bras bu'i ngo bo nyid yin pa'i phyir ro/ /de'i gnas ni sems can gdul ba'i rten no/ /de'i don ni 'di skad ston par 'gyur te/ gang bcom ldan 'das rdo rje sems dpa' byang chub kyi ngo bo nyid kyi gnas 'di ni sems can rnams 'dul ba'i rten yin te/ rab tu dga' ba rnam par dag pa'i gnas kyis 'dul bar bya ba rnams 'dul ba'o/ /'dis ni rab tu dga' ba rnam par dag pa'i gnas kyis rdo rje sems dpa'i ngo bo nyid bshad pa yin no/ /'dod chags ni rdo rje sems dpa' la sogs pa bsgom pa la shin tu zhen pa'i chags pa ste/ 'dod chags dam tshig yin par bshad/ /chos kyi 'dod pa yid 'ong ba/ /zhes gsungs pa'i phyir ro/ /'dod chags nyid mda' yin pas na/ 'dod chags kyi mda' ste phra mor 'bigs pas mda' zhes bya zhes bshad pa dang / yang rgyud 'di nyid las/ mchog kun 'bigs pas gcig pu nyid/ /ces gsungs pa'i phyir ro/ /de'i rnam par dag pa zhes bya ba la sogs pa ni snga ma bzhin no/ /tshig 'dis kyang rdo rje yid las byung ba'i don bstan pa yin no/ /reg pa rnam par dag pa zhes bya ba la sogs pa la de ltar bsgom pa dang ldan pa la rdo rje sems dpa' la sogs pa mngon sum du byed pa ni reg pa ste/ de skad du/ bde ba thams cad dngos grub mchog /ces gsungs pa'i phyir ro/ /lhag ma rnams ni snga ma bzhin no/ /'dis kyang rdo rje rtse mo can gyi ngo bo nyid bshad pa yin no/ / sdug pa'i 'ching ba rnam par dag pa la zhes bya ba la sogs pa la/ rdo rje sems dpa' la sogs pa'i ngo bo nyid mngon sum du byas nas 'khor ba ji srid par yongs su mi gtong ba ni sdug pa'o/ /de nyid ni 'ching ba ste/ rab chags 'ching ba chu srin 'dra/ /des 'di chu srin rgyal mtshan no/ /zhes gsungs pa'i phyir ro/ /lhag ma rnams ni snga ma bzhin no/ /'dis kyang rdo rje dran pa'i don bstan pa yin no/ /thams cad la dbang phyug dang zhes bya ba la sogs pa la/ de ltar rdo rje sems dpa' la sogs pa'i ngo bo nyid yongs su mi gtong ba'i sdug pa'i 'ching bas bcings pa'i rnal 'byor pas bya ba sgrub pa'i ye shes kyis 'jig rten dang 'jig rten las 'das pa'i phun sum tshogs pa thams cad 'khor ba ji srid du 'dzin par byed pas na/ thams cad la dbang phyug dang dbang byed pa zhes bya ba gsungs pa yin te/ lhag ma ni snga ma bzhin no/ /'dis kyang rdo rje snyems ma'i don bstan pa yin te/ de skad du/ g.yon du snyems pas dbang du byed/ /ces gsungs pa'i phyir ro/ /des de snyems pas mtho ba'i thun mong du bshad pa yin no/ /'dir yang brtson 'grus kyi pha rol tu phyin pa'i ngo bo nyid du shes par bya ste/ de'i ngo bo nyid ni bya ba sgrub pa'i ye shes kyi ngo bo nyid yin pa'i phyir ro/ / lta ba rnam par dag pa'i gnas zhes bya ba la sogs pa la ji skad du gsungs pa'i 'dod chags kyi mdas chos kyi dbyings so sor rtog par byas nas/ chos thams cad bdag med par rab tu mthong ba'i lta ba la bya'o/ /gzhan dag ni go sla'o/ /'dis kyang sgeg mo'i don gsungs pa yin no/ /dga' ba rnam par dag pa'i gnas zhes bya ba la sogs pa la/ sngar bshad pa'i tshul gyis rdo rje sems dpa' la sogs pa'i ngo bo nyid mngon sum du byas pa'i reg pa rnam par dag pa las zag pa med pa'i dga' ba nye bar 'byung bar 'gyur ro/ /gzhan dag ni go sla'o/ /'dis kyang bzhad pa'i don bshad pa yin no/ /sred pa rnam par dag pa'i gnas zhes bya ba la sogs pa la/ rdo rje dran pa'i ngo bo nyid kyi sdug pa'i 'ching ba'i ma 'ongs pa'i 'dod pa yongs su mi spong ba'o/ /lhag ma rnams ni go sla'o/ /'dis kyang rdo rje glu mkhan ma'i don bshad pa yin no/ /snyems pa zhes bya ba la sogs pa la dbang phyug gi bdag po'i snyems pas khams gsum ma lus pa na spyod pa'i sems can gyi khams rnams zil gyis mnan nas rnam par snang ba ni 'dir bsnyems pa'o/ /lhag ma ni go sla'o/ /'dis kyang rdo rje gar mkhan ma'i don bshad pa yin no/ /rgyan rnam par dag pa'i gnas zhes bya ba la sogs pa la/ byang chub kyi yan lag dang bsam gtan gyi me tog gi rgyan gyis lta ba rnam par dag par 'gyur te/ de bas na lta ba rnam par dag pa'i gnas zhes gsungs so/ /gzhan dag ni go sla'o/ /'dis kyang rdo rje me tog ma'i don bshad pa yin no/ /yid tshim par byed pa rnam par dag pa'i gnas zhes bya ba la sogs pa la/ shes rab kyis chos thams cad bdag med par mthong bas dga' ba nye bar skye bar 'gyur te/ de bas na shes rab kyi pha rol tu phyin pa ni gdug pa ma yin par gsungs so/ /lhag ma rnams go sla'o/ /snang ba rnam par dag pa'i gnas zhes bya ba la sogs pa la smon lam gyi pha rol tu phyin pa ni snang bas chos thams cad sgyu ma la sogs pa'i ngo bor rab tu mthong bas na chos la sred pa nye bar 'byung bar 'gyur te/ des na snang ba rnam par dag pa'i gnas zhes gsungs so/ /lhag ma ni go sla'o/ /'dis kyang rdo rje mar me ma'i don bstan pa yin no/ /lus bde ba rnam par dag pa'i gnas zhes bya ba la sogs pa la 'jig rten las 'das pa'i phung po lnga'i ngo bo nyid ni lus so/ /de nyid ni bde ba ste/ des dge ba'i snyems pa nye bar 'byung bar 'gyur te de bas na de ni 'di'i bshad pa yin te/ 'dis kyang rdo rje snyems ma'i don bshad pa yin no/ /lhag ma rnams ni go sla'o/ /gzugs rnam par dag pa'i gnas zhes bya ba la sogs pa la bsam gtan gyi pha rol tu phyin pa bskyed par bya ba'i phyir/ gdul bya rnams la gang rdo rje sems dpa' la sogs pa'i sku yang dag par ston pa/ rdo rje 'chang chen pos mdzad pa de ni gzugs so/ /lhag ma rnams ni go sla'o/ /sgra rnam par dag pa'i gnas zhes bya ba la sogs pa la/ shes rab kyi pha rol tu phyin pa yongs su rdzogs par bya ba'i phyir/ chos so so yang dag par rig pa'i ngo bo nyid kyi shes rab kyi pha rol tu phyin pa bcu ston par mdzad pa'i ngo bo nyid gang yin pa de ni sgra'o/ /gzhan dag ni go bar zad do/ /dri zhes bya ba la sogs pa la smon lam gyi pha rol tu phyin pa yongs su rdzogs par bya ba'i phyir chos bdag med pa bsgoms pas/ shes bya ma lus pa dngos po med pa'i ngo bo nyid du shes pa'i grags pa'i dri gang yin pa de ni dri'o/ /lhag ma rnams ni go sla'o/ /ro zhes bya ba la sogs pa la/ tshul khrims dang ting nge 'dzin dang shes rab dang rnam par grol ba dang / rnam par grol ba'i ye shes mthong ba'i ngo bo nyid kyis lus kyi bde ba rnam par dag pa'i gnas thob par bya ba'i phyir/ gang sgeg pa la sogs pa'i nyams rdo rje 'dzin pa chen po rang nyid kyis ston par mdzad pa de ni ro zhes bya'o/ /lhag ma rnams ni shes par zad do/ /tshig bzhi po de dag gis rim pa ji lta ba bzhin du rdo rje gzugs dang / rdo rje sgra dang / rdo rje dri dang / rdo rje ro'i don bstan pa yin no/ /de yang 'dod pa'i khams kyi dbang phyug gdul bar bya ba'i phyir/ bcom ldan 'das rdo rje 'dzin pa chen pos gang 'di btsun mo'i 'khor gyi nang du bzhugs pa'i rab tu dga' ba chen po'i skur sprul pa mdzad pa de mthong ba dang / 'dod pa'i khams kyi dbang phyug de'i rang nyid kyi chung ma'i 'khor nyid la sdug bsngal bskyed pa'i blo skyes nas/ bcom ldan 'das la mngon par 'dod pas phyag byas so/ /de bas na bcom ldan 'das kyi sku 'di ni gzugs rnam par dag pa'i gnas so snyam nas/ bcom ldan 'das la ji ltar na khyed kyi gzugs phun sum tshogs pa 'di dag thob par 'gyur zhes zhus pa dang / de'i phyir de gsum la skyabs su 'gro ba dang / byang chub tu sems bskyed pa la bkod nas/ de nyid kyi ched du bcom ldan 'das gang 'di rab tu dga' ba rnam par dag pa la sogs pa ston par mdzad pa de ni sgra'o/ /thos nas kyang de'i don de la lhag par mos pa'i ye shes kyi sgra rtogs pa ni dri'o/ /de nyid shin tu yang de'i rang bzhin du gyur pa ni ro'o/ /de nas kyang byang chub kyi yan lag bdun gyi me tog gi bsam gtan mngon sum du byas pa ni rgyan no/ /de nas nges par 'byed pa'i mtshan nyid can gyi shes rab kyi pha rol tu phyin pa khong du chud pa ni yid tshim pa'o/ /de nas snang ba thob pa dang / snang ba mched pa dang / de kho na nyid kyi don la phyogs gcig pa las byung ba'i bar chad med pa'i ting nge 'dzin gyi ngo bo nyid khong du chud pa ni snang ba'o/ /de nyid kyis ni chos dang gang zag tu rtog pa'i dri ma dang bral bas na tshul khrims dang ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob pa ni lus bde ba'o/ /de nas chos thams cad la bdag med pa mthong ba ni lta ba'o/ /de'i rgyur gyur pa rab tu mgu ba ni dga' ba'o/ /de nas ji ltar mthong ba'i chos bdag med pa'i ye shes yang dang yang du bsgom pa ni sred pa'o/ /bsgom pa dang rab tu ldan pa'i spros pa'i mtshan nyid can gyi dregs pa ni snyems pa'o/ /spro bar gyur pa de la yang nas yang du rab tu dga' ba rnam par dag pa la sogs pa ni 'dod chags kyi mda'o/ /des rab kyi mthar thug pa'i rab tu dga' ba rnam par dag pa ni reg pa rnam par dag pa ste/ byang chub kyi sems bde ba chen po la sogs pa mngon sum du byas zhes bya ba'i don to/ /byang chub kyi sems la sogs pa mngon sum du byas nas yongs su mi gtong bar nus pa ni sdug pa'i 'ching ba'o/ /des kyang gzung ba dang 'dzin pa kun du sbyor ba las rang bzhin gyis 'od gsal ba'i rnam par grol ba thob cing lhun gyis grub par 'jug pa'i lam la gnas pa thob pas thams cad la dbang phyug dang dbang ba nyid thob pa ste/ rab tu dga' ba'i bde ba chen po'i gtso bos brgyan pa'i dbang phyug tu gyur pa ni/ rab tu dga' ba'i bar du rgyud la gsungs pa yin no/ /'di ltar ston par mdzad pa ni yul spangs pas thar pa thob par 'dod pas skrag pa rnams kyi dbang du mdzad nas gsungs pa yin te/ de rnams kyi 'khor ba'i mi rtag pa'i gzugs spangs nas 'di na lta bas mi ngoms pa'i gzugs thob ste/ bde ba chen po rjes su myong bar 'gyur ro zhes bya bar nges par dgod pa'i phyir ro/ /bcom ldan 'das kyis ji skad du bshad pa'i gzugs yang dag par ston par mdzad pa yin no/ /gzugs 'di ni pi wang la sogs pa'i sgra med par bde ba chen po 'byung bar mi 'gyur ro/ /de bas na pi wang brdungs pa la sogs pas sgra ston par mdzad pa yin no/ /dri med par yang ma yin no zhes bya bar bstan pa'i phyir/ phyag na dri'i snod bsnams pa'o/ /de yang ro'i snod med par ma yin pas de'i phyir phyag na ro'i snod bsnams pa'o/ /me tog gi rgyan med par yang de bzhin te de bas na phyag thal mo sbyar bas me tog bsnams pa'o/ /de yang bdug spos med par yid tshim par mi 'gyur bas spos khang 'dzin pa'i phyag gis spos khang bsnams pa'o/ /de bzhin du mun nag tu ni phan tshun mthong ba med pas de'i phyir mar me bsnams par mdzad pa ni mar me'o/ /de yang dri'i byug pa med par lus bde bar mi 'gyur bas dung chos kyi phyag gis dri bsnams pa'o/ /rnam par sgeg ma dang bral bas rab tu dga' bas bde ba chen po 'byung bar mi 'gyur bas/ de'i phyir sgeg ma dang bzhad pa dang / glu chen po dang / gar rnams byed pas rnam par sgeg par go rims ji lta ba bzhin du mig dga' ba'i sdug pa dang / lta ba dang mig gi chags pa dang / dga' ba dang / mig gi chags pa'i sred pa dang / mig gi chags pa 'byung ba'i spro ba'i snyems pa'i ngo bo nyid du ston te 'di dag kyang gzhan ma yin par gyur pa nyid ni 'khyud par byed pa yin zhing nam yang yongs su mi spong ste/ de bas na rnam pa thams cad pa 'di rnams la dbang brnyes pa nyid bsten pa nyid kyis rab tu dga' ba'i bde ba chen po 'byung bar 'gyur bas/ 'dod chags kyi mda' dang reg pa dang / sdug pa'i 'chang ba dang bdag por gyur pa'i gnas kyi bstan pa yin no/ /de skad du yul spangs pas thar pa thob par 'dod pas skrag pa zhes bya ba'o/ /mdo las/ brin dA'i gnas ni nyams dga' bas/ /wa nyid gyur kyang mchog yin gyis/ /gau ta ma yum rnams spangs pa yi/ /thar pa nam yang mi 'tshal lo/ /zhes gsungs te/ gtan tshigs de'i phyir rab tu dga' ba rnam par dag pa'i gnas 'di ni byang chub sems dpa'i gnas so zhes bya ba nas/ ro rnam par dag pa'i gnas 'di ni byang chub sems dpa'i gnas so zhes rgyu gsungs pa yin no/ /de bzhin du chos thams cad ni rang bzhin gyis rnam par dag pa'o zhes bya ba ni gang gi phyir rab tu dga' ba nas/ ro'i mthar thug pa'i chos thams cad ni don dam par gzung ba dang 'dzin pa'i rnam par rtog pa dang bral ba'o/ /de bas na rab tu dga' ba rnam par dag pa'i gnas ni 'di lta ste/ byang chub sems dpa'i gnas so zhes bya ba nas/ de bzhin su ji srid du ro rnam par dag pa'i gnas 'di ni byang chub sems dpa'i gnas so zhes bya ba'i bar gyis shes rab kyi pha rol tu phyin pa rnam par dag pas kyang rab tu dga' ba la sogs pa rnam par dag pas rnal 'byor pa rnams kyis khong du chud par bya'i gzhan du ni ma yin no zhes bstan par bya ba'i phyir de dag gsungs pa yin no/ /chos thams cad ces bya ba la sogs pa la/ chos kyang yin la thams cad kyang yin pas chos thams cad de/ ji skad bshad pa'i rab tu dga' ba'i rnam par dag pa la sogs pa'o/ /de rnams kyi ngo bo nyid kyi rnam par dag pa ni thog ma dang tha ma med pa'i chos kyi dbyings te de bzhin nyid ces bya ba'i don to/ /de lta bu'i ngo bo nyid kyi chos thams cad rnam par dag pa'i rgyur gyur pas shes rab kyi pha rol tu phyin pa yongs su dag pa'o zhes bya ba ste/ 'dir shes rab ni rab tu dga' ba la sogs pa rnam par dag pa'i chos thams cad rab tu rnam par 'byed pa'i mtshan nyid can no/ /de'i pha rol tu phyin pa ni son pa ste/ rab tu dga' ba la sogs pa'i rnam par dag pa khong du chud pa mngon sum du byas pa'i ngo bo nyid do/ /de yang chos thams cad dri ma dang bral ba nyid kyi thog ma dang tha ma med pa'i chos kyi dbyings rang bzhin gyis rnam par dag pa dang dbyer mi phyed pa'o zhes bya ba'i don to/ /yongs su dag pa'o zhes bya ba ni khams gsum pa lta bu'i bag chags dang bcas pa'i rnam par rtog pa thams cad dang bral ba'o zhes bya ba'i don to/ /'dis ni don 'di ston par 'gyur ba yin te/ gang rab tu dga' ba la sogs pa rnam par dag pa gang yin pa de ni shes rab kyi pha rol tu phyin pa rnam par dag pa yin la/ shes rab kyi pha rol tu phyin pa rnam par dag pa gang yin pa de ni rab tu dga' ba la sogs pa rnam par dag pa yin te/ de ltar yin pa'i gtan tshigs des na shes rab kyi pha rol tu phyin pa mngon sum du byas pas rab tu dga' ba la sogs pa'i rnam par dag pa thob par 'gyur te/ tha mi dad pa'i ngo bo nyid yin pa'i phyir ro/ /de ltar shes rab kyi pha rol tu phyin pa bshad nas de la nyan pa dang sems pa la sogs pa dang ldan pa rnams spro ba bskyed par bya ba'i phyir lag na rdo rje su la las zhes bya ba la sogs pas de'i phan yon gsungs pa yin te/ lag na rdo rje zhes bya ba ni bod pa'o/ /su la las zhes bya ba ni tha mal pa'i skyes pa dang bud med la sogs pa'i tshul gsungs pa yin no/ /chos thams cad ji skad du bshad pa'i rab tu dga' ba la sogs pa'o/ /de rnams kyi ngo bo nyid rnam par dag pa'i sgo ni de'i gnas kyi dkyil 'khor la sogs pa'o/ /de'i bsgrub pa ni gang gis mngon sum du byed par 'gyur ba ste/ de la ni chos thams cad kyi ngo bo nyid rnam par dag pa'i sgo bsgrub pa zhes bya'o/ /shes rab kyi pha rol tu phyin pa'i tshul ni rab tu dga' ba rnam par dag pa la sogs pa'i ngo bo nyid ji skad du bshad pa'o/ /'di zhes bya ba ni bshad ma thag pa'i rab tu dga' ba la sogs pa'i rnam par dag pa'i ngo bo nyid gtso bor smos pa gzung ba'i tshul gyis blo la gzhag nas smras pa'o/ /lan cig thos na yang zhes bya ba ni de lta bu'i tshul lan cig kho na'o/ /thos pa ni thos pa'i rang bzhin gyi shes pas bzung ba'o/ /yang zhes bya ba'i sgras ni gang gis yang dang yang du thos pa lta smos kyang ci dgos zhes ston to/ /de byang chub kyi snying po'i bar du zhes bya ba ni nyan pa po de thos pa nas brtsams te/ bla na med pa yang dag par rdzogs pa'i byang chub tu mngon par sangs rgyas par ma gyur kyang / ji skad du bshad pa'i sgrib pa thams cad la sogs pa nye bar bsags pas/ sems can dmyal ba la sogs par nam yang skye bar mi 'gyur ro zhes bya bar sbyar ro/ /sgrib pa thams cad de zhes bya ba ni bstan pa'o/ /lhag ma rnams ni bshad pa'o/ /de la 'dod pa la 'dun pa dang / gnod sems dang / gnyid dang / rmugs pa dang / rgod pa dang / 'gyod pa dang / the tshom ste/ sgrib pa de rnams chen po 'dod chags la sogs pas phye ba'i 'dod chags la sogs pa'i nyon mongs pa ni nyon mongs pa'i sgrib pa'o/ /'phags pa'i lam skye ba'i gegs su gyur pa/ dam pa'i chos spong ba la sogs pa'i las ni chos kyi sgrib pa'o/ / mtshams med pa lnga la sogs pa ni las kyi sgrib pa ste/ ji skad du bshad pa'i sgrib pa de dag nyid kyi che ba ni chen po'o/ /bsags pa zhes bya ba ni sbyor ba dang / dngos gzhi dang / ji skad du bshad pa'i sgrib pa'i mtshan nyid can gyi las rnams byas nas mngon par dga' ba'o/ /kyang zhes bya ba'i sgra ni shin tu che ba dang chung ba dang / 'bring tsam du bsags pa'i sgrib pas shin tu yang ngan 'gror 'gro bar mi 'gyur ro zhes ston to/ /sems can dmyal bal sogs pa zhes bya bas ni mnar med pa la sogs pa dmyal ba chen po brgyad dang / nye 'khor ba rnams ni dmyal ba'o/ / de la sogs pa gang dag yin pa de dag ni dmyal ba la sogs pa'i ngan song rnams te/ yi dwags rnams dang dud 'gro rnams so/ /de ltar na dmyal ba la sogs pa ngan song de rnams su skye bar mi 'gyur ro/ /nam yang zhes bya ba ni rnam grangs gang gis kyang ma yin pa'o/ /sdig pa yang byas ma thag tu sdug bsngal med par byang bar 'gyur ro zhes bya ba ni gang sgrib pa thams cad sbyong ba dang / dngos gzhi'i las kyi ngo bo byas ma thag tu zhes pa de rnams byas pa tsam gyis sdug bsngal med par zhes pa sdug bsngal med cing rims la sogs pa'i gnod pa ma byas par de rnams zad par 'gyur la/ bsags pa rnams kyang rims la sogs pa'i gnod pa mi byed do zhes ston pa yin no/ /'di skad ston par 'gyur ba yin te ji skad du bshad pa'i sgrib pa rnams da ltar gyi tshe 'di la chen po la sogs pa byas shing / mngon par dga' ba yang shes rab kyi pha rol tu phyin pa thos nas/ de'i rims la sogs pa gnod pa bskyed pa de rnams zad par 'gyur zhing / byas ma thag tu yang sdug bsngal med par 'gyur ro/ /su zhig 'dzin pa dang zhes bya ba ni gzhung dang don gyi tshul mi brjed pa'i sbyor bas sems la yang dag par 'jog pa'o/ /nyin re zhing klog pa dang zhes bya ba ni yid ma yang dag par blangs nas nyin re zhing glegs bam du byas nas klog par byed pa'o/ /kha ton du byed pa dang zhes bya ba la sogs pa ni tshig tu bzung nas yang dang yang du sbyor zhing 'don pa ni kha ton du byed pa'o/ /tshul bzhin yid la byed pa zhes bya ba ni thos nas sems pa dang sgom par byed pa'o/ /'am zhes bya ba'i sgra ni tshul bzhin nam yid la byed pa zhes rnam par brtag pa'o/ /de tshe 'di nyid la zhes bya ba ni mthong ba'i chos la'o/ /chos thams cad ces bya ba ni rab tu dga' ba la sogs pa'o/ /de rnams kyi mnyam pa nyid ni ji skad du bshad pa nyid do/ /de la dmigs pa'i sems rtse gcig pa ni rdo rje'i ting nge 'dzin to/ /de 'thob pa ni rnyed par gyur pa ste/ de thob pas chos thams cad la dbang du gyur pa ste/ de nyid ni rab tu dga' ba la sogs pa'i rnam par dag pa mngon sum du byed pa la mnga' bdag tu 'gyur ba'o/ /de yang dngos su na gzung ba dang 'dzin par rnam par rtog pa'i gzhan gyi dbang dang bral bar 'gyur ro zhes bya ba'i don to/ /chos thams cad ces bya ba la sogs pa las thob par gyur pa'i skad cig ma dang po la skyes pa ni dga' ba'o/ /skad cig ma gnyis pa la skyes pa ni mgu ba'o/ /skad cig ma gsum pa la sogs par skyes pa ni mchog tu dga' ba ste thams cad la dga' ba dang mgu ba dang mchog tu dga' ba dag ni dga' ba dang mgu ba dang mchog tu dga' ba dag ste/ de rnams myong bar 'gyur zhing mngon sum du byed par 'gyur ro/ /rdo rje gzugs nas brtsams te/ rdo rje snyems pa'i bar gyi byang chub sems dpa' bcu drug ni byang chub chen po'i sems dpa'i ngo bo nyid yin pas byang chub sems dpa' chen po'o/ /de rnams kyi tshe ni rnal 'byor pas de'i rang bzhin mngon par rtogs nas/ byang chub sems dpa' chen po de dag gi tshe bcu drug gis chos thams cad kyi mnyam pa nyid rdo rje'i ting nge 'dzin thob pa dang bcas pa'i rgyur gyur pas de bzhin gshegs pa nyid thob par 'gyur te/ 'jig rten gyi khams thams cad kyi rdul phra rab dang mnyam pa'i dus gsum du gshegs pa'i bcom ldan 'das rnam par snang mdzad dang / mi bskyod pa dang / rin chen 'byung ldan dang / 'od dpag tu med pa dang / don yod grub pa la sogs pa ni de bzhin gshegs pa yin la/ de rnams su 'gyur ba ni de bzhin gshegs pa nyid de/ de ni ji skad du bshad pa'i ting nge 'dzin thob pa'i rkyen gyis thob par 'gyur ro/ /rdo rje 'dzin pa nyid ces bya ba la rdo rje ni de bzhin nyid do/ /de 'dzin par mdzad pas na rdo rje 'dzin pa ste/ gnyis su med pa'i ngo bo nyid rdo rje sems dpa'o/ /de'i rgyu mthun pa las byung ba phyag rgya chen po'i gzugs kyang rdo rje 'dzin pa zhes bya'o/ /der gyur pa ni rdo rje 'dzin pa nyid de/ de thob par 'gyur ba'o/ /de la 'di skad bdag gis thos pa dus gcig na zhes bya nas rdo rje 'dzin pa chen po nyid ces bya ba'i bar gyi bshad pas ni thabs kyi phyogs gcig dang / dang po'i sbyor ba'i ting nge 'dzin yang bshad pa yin par shes par bya'o/ /de nas bcom ldan 'das kyis rang gi dkyil 'khor gyi de kho na nyid smras so zhes bya bar sbyar te/ de nas zhes bya ba'i sgra ni 'das ma thag pa'i sgra'i don ston pa ste/ dang po sbyor ba'i rjes thogs nyid la zhes bya ba'i don to/ /bcom ldan 'das zhes bya ba ni bshad zin to/ /de bzhin gshegs pa thams cad kyi theg pa chen po ni byang chub sems dpa'i lam 'bras bu dang bcas pa'o/ /de mngon par rtogs pa ni khong du chud pa'i rtogs pa gang la yod pa de la de skad ces bya ste rdo rje sems dpa'o/ /de nyid ni dkyil 'khor thams cad pa ste/ 'jig rten pa dang 'jig rten las 'das pa'i dkyil 'khor thams cad gang yin pa de ni dkyil 'khor ro/ /'dis ni bcom ldan 'das rdo rje sems dpa' dam tshig chen po'i de kho na nyid rdo rje dang po'i byin gyis rlob pa zhes bya ba'i bar du dga' ba'i rdo rje'i dkyil 'khor gyi ngo bo nyid du bshad pa yin no/ /rdo rje ni de bzhin gshegs pa thams cad kyi sku dang gsung dang thugs rdo rje'o/ /dbyings ni rgyu ste skyed par byed pa'i rgyu gang yin pa'o/ /mtha' dag ni ma lus pa ste/ de gang yin pa de ni rdo rje dbyings mtha' dag ces bya ste/ rnam par snang mdzad kyi dkyil 'khor ro/ /de dag gi sems dpa'i mchog ni gtso bo'i dam pa ste rnam par snang mdzad do/ /'dis kyang bcom ldan 'das rdo rje sems dpa' rnam par snang mdzad kyi dkyil 'khor gyi ngo bo nyid yin par bshad do/ /khams gsum mtha' dag na zhes bya ba ni phyogs bcu'i 'jig rten gyi khams gsum du gang gnas pa ste/ der 'jig rten gsum po ma lus pa ni sa bla'i 'jig rten dang / bar snang gi 'jig rten dang / mtho ris pa'i 'jig rten no/ /der rnam par rgyal ba gang yod pa de ni khams gsum po mtha' dag na 'jig rten gsum po ma lus pa las rnam par rgyal ba zhes bya ba ste bcom ldan 'das rdo rje hUM mdzad do/ /'dis kyang bcom ldan 'das rdo rje sems dpa' rdo rje rigs kyi ngo bo nyid du bshad do/ /sems can gyi khams ma lus shing lus pa med pa zhes bya ba ni bshad zin to/ /de gang gis 'dul zhing lung dang rtogs pa rab tu bzhag pa gang yin pa de la ni 'di skad ces bya ste/ 'dis kyang bcom ldan 'das rdo rje sems dpa' 'gro ba 'dul ba'i dkyil 'khor gyi ngo bo nyid du bshad pa yin no/ /don thams cad ni 'jig rten dang 'jig rten las 'das pa'i don ston to/ /de grub pa gang yin pa de ni don thams cad grub pa ste/ 'phags pa nam mkha'i snying po'o/ /'dis kyang bcom ldan 'das rdo rje sems dpa' rin po che'i rigs kyi ngo bo nyid yin par bshad do/ /lag na rdo rje thams cad pa/ /zhes bya ba la/ lag na rdo rje yang yin la thams cad kyang yin pas lag na rdo rje thams cad de rigs lhag ma rnams kyi dkyil 'khor du bzhugs pa'o/ /'dis kyang bsdus pa'i dkyil 'khor la sogs pa'i lhag ma rnams kyi ngo bo nyid yin par bshad pa yin no/ /du ma ni gcig ma yin pa ste/ rdo rje gtsug tor dang / rdo rje mdzod spu dang / rig pa mchog la sogs pa'o/ /de nyid ni rdo rje rigs kyi ngo bo nyid kyi rdo rje gsang ba'i sems can chen pos g.yog byas pa gang yin pa de la de skad ces bya ste/ rdo rje 'chang chen po'o/ /shes rab kyi pha rol tu phyin pa'i tshul gyi don 'di ni zhes bya ba ni rab tu dga' ba rnam par dag pa la sogs pa'i gnas bcu bdun ni shes rab kyi pha rol tu phyin pa'i tshul lo/ /de'i don ni rten dang brten pa'i ngo bo rdo rje sems dpa'i dkyil 'khor ro/ /ston te zhes bya ba ni sprul nas rab tu bstan pa'o/ /bzhin rab tu 'dzum zhing zhes bya ba ni go bar zad do/ /lag pa g.yon pa rdo rje bsgyings te zhes bya ba la dril bu dang bcas pa'i g.yon pa'i rdo rje khu tshur ni lag pa g.yon pa'i rdo rje'o/ /de kha nang du bstan nas g.yon pa'i rked pa'i phyogs su bkan te 'jog pa ni lag pa g.yon pa rdo rje bsgyings pa'o/ /de thog ma'i rdo rje chen po zhes bya ba ni gang dum bu gnyis pa'i rtsa ba'i rgyud las byung ba'o/ /gsor bas ni phyag g.yas pas ji skad du bshad pa'i rdo rje nye bar 'phen pa ste/ gsor bar gyur cing g.yon pa'i rdo rje bsgyings pas gnas pa'o/ /rang gi snying gar bstod pa'i tshul gyis 'dzin cing zhes bya ba ni rang gi snying ga'i phyogs su ba dan gyi gung mo'i sor mo la rdo rje rtse mo gyen du bstod par bzhag pa'i tshul gyis 'dzin pa'o/ /bde ba chen po yang yin la rdo rje yang yin pas na bde ba chen po rdo rje'o/ /de nyid don yod pa ste/ dngos grub thams cad mi zad par stsol bar byed pa/ slu ba med pa rdo rje sems dpa'i dkyil 'khor zhes bya ba'i don to/ /de'i dam tshig ni rdzogs par byed pa'i rgyu ste/ de skad ces bya ba de nyid kyi ming gang la yod pa de ni bde ba chen po rdo rje don yod pa'i dam tshig ces bya ste/ bcom ldan 'das rdo rje sems dpa'i dkyil 'khor skyed par byed pa'i rgyu'i rang gi snying po'o/ /'di zhes bya ba ni blo la bzhag pa'o/ /smras so zhes bya ba ni gsungs pa'o/ /de yang hUM zhes bya ba ste/ rang gi yang yin la/ de kho na nyid kyang yin pas na rang gi de kho na nyid de/ bcom ldan 'das rdo rje sems dpa'i ji skad bshad pa'i de kho na nyid bcu'o/ /de rnams kyi snying po der ni nges pa'i ye shes so/ /de ston par byed pa'i sgra la yang nye bar gdags pas da skad ces bya'o/ /de nas 'di gsungs pa tsam gyis zhes bya ba ni go bar zad do/ /de bzhin gshegs pa thams cad dang / rdo rje 'dzin pa dang bcas pa zhes bya ba ni go bar zad do/ /'jig rten gyi khams thams cad ni stong gsum gyi stong chen po na sangs rgyas dang bcas pa'i sangs rgyas kyi zhing ngo / /khams gsum thams cad ni 'dod pa dang gzugs dang gzugs med pa'i mtshan nyid can gyi khams gsum thams cad do/ /de ltar na 'jig rten gyi khams de dag thams cad nas de bzhin gshegs pa thams cad bkug nas/ ji srid du 'grub kyi bar du zhes bya bar sbyar ro/ /rjes su mnyes pa brtan pos mnyes par byas nas zhes bya ba ni de bzhin gshegs pa thams cad 'gugs par rnam par sems rtse gcig tu byas pa na rjes su mnyes par bya ba brtan po ste/ de skad du/ 'dod chags dam tshig yin par bshad//chos kyi 'dod pa yid du 'ong / /de yi rjes chags sgrub sbyor bas/ /rjes su chags pa zhes bshad do/ /zhes gsungs pa'i phyir ro/ /des mnyes par byas pa ni dgyes par byas pa'o/ /bkug pa ni drangs pa'o/ /bcom ldan 'das rnam par snang mdzad chen po'i dkyil 'khor chen por bcug ste zhes bya ba ni gang bcom ldan 'das rdo rje sems dpa' rnam par snang mdzad bskul ba'i phyir ro/ /dkyil 'khor sprul par mdzad pa de ni 'dir rnam par snang mdzad kyi dkyil 'khor te dkyil 'khor chen po der rdo rje sems dpa' la sogs pa'i gzugs kyis rdo rje sems dpa' la sogs pa'i gnas su bzhugs pa'o/ /dam tshig gis bcings nas zhes bya ba ni rdo rje sems dpa' la sogs pa'i phyag rgya chen po'i gzugs kyi rab tu dga' ba rnam par dag pa la sogs pa grub par bya ba'i phyir rab tu bzhag pa'o/ /de skad du phyag rgya la sogs pa dam tshig bshad ces gsungs pa'i phyir ro/ /dbang du byas te zhes bya ba ni sems can thams cad rnam par sbyang bar bya ba'i phyir bya ba grub pa'i ye shes kyis rang dbang du byas pa'o/ /dngos grub thams cad grub po zhes bya ba ni rdo rje sems dpa' la sogs pa nas rdo rje ro'i bar gyi dngos grub thams cad kyi rgyud rdzogs pa ni dngos grub thams cad la grub pa'o/ /de nas zhes bya ba'i sgra ni snga ma bzhin no/ /bcom ldan 'das zhes bya ba ni go sla'o/ /bag chags dang bcas pa'i nyon mongs pa dang bral ba'i gnyis su med pa'i sems dang sems las byung ba bde ba chen po ste/ mi 'gyur bde ba'i dngos grub kun/ /bde ba chen po zhes bshad do/ /zhes gsungs pa'i thar pa la ni/ bde ba chen po'i sgrar rgyud phyi ma las gsungs te/ de'i phyir rdo rje snyems pa'i phyag rgya ste/ de ni de las byung bas bcom ldan 'das rdo rje sems dpa'i phyag rgya chen po ste/ de bcings nas de bzhin gshegs pa thams cad kyi gsang ba'i rdo rje zhes bya ba'i ting nge 'dzin la snyoms par zhugs pas rnam par snang mdzad bzhugs pa ste/ de bzhin gshegs pa thams cad kyi gsang ba ni rdo rje sems dpa'i dkyil 'khor ro/ /de la dmigs pa ni rdo rje ltar mi phyed pa'i thugs rtse gcig pa ni de bzhin gshegs pa thams cad kyi gsang ba'i rdo rje zhes bya ba'i ting nge 'dzin te/ de la snyoms par zhugs pa ni rdo rje sems dpa'i dkyil 'khor gyi rnam par thugs rtse gcig tu mdzad nas bzhugs so zhes ston par 'gyur ba yin no/ /de nas bcom ldan 'das zhes bya ba nas brtsams te/ ting nge 'dzin la snyoms par zhugs nas bzhugs so zhes bya ba'i bar gyi bshad pas dkyil 'khor gyi mchog ces bya ba'i ting nge 'dzin gnyis pa gsungs pa dang / de bzhin du phyag rgya'i ye shes kyi phyogs gcig kyang gsungs pa yin no/ /de nas 'dus pa mdzad pa la sogs pa ni las kyi mchog ces bya ba'i ting nge 'dzin gsum pa yin par shes par bya'o/ /de ltar thabs kyi ngo bo nyid ting nge 'dzin gsum pa bshad nas/ da ni dam tshig dang dbang bskur ba thob pa rnams kyis thabs de la 'jug par bya'o zhes bya ba 'di'i don bstan par bya ba'i phyir/ de nas zhes bya ba la sogs pa rnams kyis slob dpon gyi las rnams dang / slob ma gzhug pa la sogs pa'i cho ga rgyas par gsungs pa yin no/ /de nas zhes bya ba'i sgra ni 'das ma thag pa'i tshig ste/ dam tshig gsum gyi rjes thogs nyid la zhes bya ba'i don to/ /rdo rje gsang ba yang yin la chen po yang yin pas na rdo rje gsang ba chen po ste/ rdo rje sems dpa'i dkyil 'khor ro/ /de yang gang bcom ldan 'das rdo rje sems dpas rnam par snang mdzad bskul ba'i rjes thogs nyid la sprul par mdzad pa ste/ de nyid dam tshig go/ /de'i 'byung ba ni dkyil 'khor byin gyis rlob pa'i ye shes gang dang dkyil 'khor sten par byed pa'i ye shes gang gis 'byung bar 'gyur ba de la de skad ces bya'o/ /ye shes de nyid kyi phyag rgya gang yin pa'am/ ting nge 'dzin gang yin pa de la de skad ces bya ste/ de la snyoms par zhugs pa ni mngon sum du mdzad pa ste/ rdo rje sems dpa'i dkyil 'khor bskyed pa'i rnam pa la thugs rtse gcig tu mdzad ces bya ba'i don to/ /dam tshig chen po'i de kho na nyid ces bya ba la sogs pa la dam tshig kyang yin la chen po yang yin pas na dam tshig chen po ste/ mi bskyod pa'i sems dang sems las byung ba'i ngo bo nyid thog ma dang tha ma med pa chos kyi dbyings te thams cad du 'gro ba yin pa'i phyir ro/ /de skad du/ dam tshig chen po nyid gcig pu/ /'di ni dam tshig chen por bshad/ /ces gsungs pa dang / thog mtha' med pa'i sems dpa' ni/ /zhes bya ba la sogs par bcom ldan 'das kyis bka' stsal pa'o/ /de'i de kho na nyid ni rab tu dga' ba'i de kho na nyid dang kun du bzang po nyid do/ /de skad du dam tshig chen po'i de kho na nyid ci zhig yin zhe na/ 'di lta ste/ rab tu dga' ba dang / kun du bzang po'o zhes gsungs pa'i phyir ro/ /de nyid ni rdo rje'o/ /de ltar na dam tshig chen po'i de kho na nyid rdo rje zhes bya ba'i sgra 'dis ni bcom ldan 'das rdo rje sems dpa' bshad par gyur pa yin no/ /de'i byin gyis rlob pa ni gzhal yas khang ste/ dkyil 'khor zhes bya ba'i don to/ /de ltar na de skad ces bya ba'i dkyil 'khor chen po gang yin pa de la de skad ces bya'o/ /'di skad ces bya ba ni blo la bzhag pa 'das ma thag nyid du bshad par bya ba bstan pa nyid do/ /de nas zhes bya ba'i sgra ni de ma thag pa ste/ sngar bsnyen pa byas pa'i rjes thogs nyid la zhes bya ba'i don to/ /de'i phyir zhes bya ba ni rgyu ste gang gi phyir dkyil 'khor du 'jug pa med par skal ba med pa rnams la sangs rgyas dang byang chub sems dpa' rnams bstan par mi bya'o/ /der zhugs na grub par 'gyur te/ de bas na de rnams kyi bag chags bskrun par bya ba'i phyir/ yang dag par rab tu rnam par phye ste bshad par bya'o/ /ci zhig ce na/ dkyil 'khor dam pa ste zhes gsungs so/ /ming ji skad du btags she na/ de nyid dang po dam tshig che zhes bya ba la sogs pa gsungs pa ste/ dam tshig chen po de kho na nyid ni bshad zin to/ /dang po'i rdo rje ni rdo rje sems dpa'o/ /de'i byin gyi rlabs ni dkyil 'khor te/ gang bcom ldan 'das rdo rje sems dpa' sprul par mdzad pa de la ming de skad ces mtshungs par brjod cing ming 'dogs pa gang yin pa de ni/ dam tshig chen po de kho na nyid byin gyis rlob pa zhes bya ba'i dkyil 'khor chen po'i kha dog dang / dbyibs kyi bdag nyid can dag kyang gang sprul pa dang 'dra bar bris pa yin pas de la yang ming 'di skad ces bya'o/ /gru bzhir bgyi zhing zhes bya ba la sogs pa ni kha dog dbyibs kyi bdag nyid can gyi gzugs can dkyil 'khor du gsungs pa yin te/ phyogs bzhi'i ri mo dang ldan pa ni gru bzhi'o/ /de yang gang gi phyir ngos kyi ri mo la bya'o/ /dbus kyi ri mo'i phyogs bzhir cha brgyad pa'i sgo bzhi dang ldan pa ni sgo bzhi dang zhes bya'o/ /sgo de'i phyed kyi tshad kyi khyams kyis skor phyogs su phyi rol kun nas bskor la rta babs dang bcas par bya ba ni/ khyams rnams kyis yongs su bskor ba zhes bya'o/ /sgo rnams su ni sgo'i sum 'gyur gyi tshad kyi rta babs bzhi dang ldan par bya ba ni/ rta babs bzhi dang yang dag ldan/ /zhes bya'o/ /'od zer de nyid 'bar ba yin pas na 'od zer 'bar ba ste/ de nyid kyis 'khrigs pa'i 'od gang yin pa de ni 'od zer 'bar bas 'khrigs pa'i 'od ces bya'o/ /mtshams su ri mo gnyis 'dus pa ni/ dkyil 'khor thams cad kyi grwa zhes bya ste/ de rnams dang sgo khyud kyi mtshams rnams su zhes bya ba la sgo rnams kyi sgo khyud ni sgo khyud de mdzes pa dang rjes su mdzes pa zhes bya ba thad kar byung ba sgo'i phyed kyi tshad du rtsig pa ston pa'i ri mo'o/ /de rnams kyi mtshams su ni ri mo gnyis 'dus pa'o/ /de dag tu zla ba phyed pa la rab tu gnas pa ni/ zla ba phyed pa la rab tu gnas shing 'dug pa ste de yang rdo rje rtse lnga dang / rdo rje rin po che dang / rdo rje pad+ma dang / sna tshogs rdo rjes nye bar mdzes par byas shing brgyan pa ni rin chen kun gyis nye bar mdzes pa ste/ tha ma kha dog lnga pas mdzes par bya zhes bya ba'i don to/ /rtse mo sna tshogs pa yang de nyid yin la/ ba dan yang de nyid yin pas rtse mo sna tshogs ba dan no/ /dril bu'i mchog ni dam pa'o/ /de brtags pa ni rtogs pa ste rtse mo sna tshogs la bya'o/ /de la shar phyogs kyi sgo khyud kyi mtshams dang / shar lho'i mtshams su ni rdo rje rtse lnga pas nye bar mdzes par bya ba'o/ /gzhan dag tu yang go rims ji lta ba bzhin du rdo rje rin po che la sogs pas nye bar mdzes par bya'o/ /rtse mor sna tshogs ba dan ni/ /zhes bya ba la sogs pa la rtse mo'i cha kha dog lnga pa ni/ rtse mo sna tshogs pa'i ba dan gang yin pa de la de skad ces bya'o/ /de yang dkyil 'khor du rlung gis bskyod cing g.yengs pa de la de skad ces bya ste/ khyad par du bya ba'i rnam par dbye bas gzhan pa'i tshig gi phrad do/ /me tog gi chun 'phyang ni me tog gi phreng ba'o/ /me long ni go bar zad de/ de dag gis spras pa ni brgyan pa'o/ /phyi yi dkyil 'khor bri bar bya/ /zhes bya ba ni thams cad la shes par bya'o/ /de'i nang du zhes bya ba la sogs pa la bshad pa'i dkyil 'khor de'i dbus su 'khor lo zhes bya ba ni dkyil 'khor te/ 'khor lo dkyil 'khor rab tu bshad/ /ces gsungs pas sgra 'di ni zlum po 'ba' zhig ston pa'i tshig ni ma yin no/ /dkyil 'khor brgyad dang mnyam pa ru/ /zhes bya ba ni/ rnam par thar pa brgyad ni dkyil 'khor brgyad de/ de'i rgyu mthun pa las byung ba kha dog dang dbyibs kyi bdag nyid can rnam par thar pa brgyad ston par byed pa'i dkyil 'khor gang bcom ldan 'das kyis sprul par mdzad pa de yang dkyil 'khor brgyad ces bya ste/ de dang mnyam par gang bris pa de ni dkyil 'khor brgyad dang mnyam pa ru zhes bya'o/ /de la rnam par thar pa brgyad ni gzugs can gyi gzugs rnams la lta ba na de stong pa nyid dang / mtshan ma med pa dang / smon pa med pa'i rnam par zil gyis gnon pa 'di ni rnam par thar pa dang po'o/ /nang gzugs su 'du shes pas phyi rol gyi gzugs rnams la lta ba 'di ni rnam par thar pa gnyis pa'o/ /bsam gtan gsum pa snga ma bzhin du mthong ba 'di ni rnam par thar pa gsum pa'o/ /nam mkha' mtha' yas skye mched ni bzhi pa'o/ /rnam shes mtha' yas skye mched ni lnga pa'o/ /ci yang med pa'i skye mched ni drug pa'o/ /yod min med min skye mched ni bdun pa'o/ /'gog pa'i snyoms par 'jug pa ni brgyad pa ste/ snga ma bzhin du mthong ba zhes bya ba ni thams cad la shes par bya'o/ /rdo rje thig gis thig btab pa/ /zhes bya ba ni gang dkyil 'khor brgyad dang mnyam pa'i dkyil 'khor gang zhig bshad pa'i de nyid ni rdo rje rtse gsum pa'i phreng bas phyi rol nas kun du bskor ba'o/ /rdo rje 'khor lo zhes byar bshad/ /ces bya ba ni ming de skad ces bshad de zhes bya ba'i don to/ /de'i zhes bya ba ni dbu ma'i dkyil 'khor gyi'o/ /dbus su zhes bya ba ni dbu ma'i phyogs te lte ba zhes bya ba'i don to/ /ci rigs par zhes bya ba ni sngon du bsnyen pa la sogs pa sngar byas te ji lta ba bzhin du dgos par bya'o zhes bya bar ston pa yin te/ de dag ni phyis bshad par bya'o/ /sangs rgyas sku ni zhes bya ba la/ rdo rje sems dpa'i sku'i gzugs brnyan te/ sangs rgyas rdo rje 'dzin du bshad/ /ces 'di nyid kyi 'og nas gsungs pa dang / rnam par snang mdzad kyi dkyil 'khor ni dkyil 'khor gnyis pa yin pas de'i phyir yang som nyi mi bya'o/ /'dzum bcas zhes bya ba la cung zad bshad pa ni 'dzum pa'o/ /de dang bcas par bzhugs pa la 'dzum bcas zhes bya'o/ /zla ba'i mdog can la zhes bya ba ni go bar zad do/ /rdo rje snyems pa 'dzin pa'i mchog /ces bya ba ni rdo rje sems dpa'i phyag rgya chen po ni rdo rje snyems pa ste/ de yang bshad zin to/ /rdo rje 'dzin par mdzad pas na rdo rje snyems pa 'dzin pa'o/ /mchog ni dam pa'o/ /rdo rje phreng ba sogs kyis spras shing zhes bya ba ni brgyan pa ste/ de la dang po dbu rgyan de nas sna tshogs rdo rje'i phreng ba de nas pad+ma'i phreng ba de nas rdo rje rin po che'i phreng ba/ de nas spyi bo'i gnas nas brtsams te/ de bzhin gshegs pa lngas brgyan par bya ste/ de ltar na sku gzugs de ni rdo rje phreng ba la sogs pas spras par 'gyur ro/ /sna tshogs 'bar ba 'khrigs pa'i 'od/ /ces bya ba ni/ dmar po dang ljang gu dang / sngon po dang / ser po dang / dkar po'i mdog can gyi ri mo sna tshogs pas 'bar ba ni sna tshogs 'bar ba'o/ /de nyid ni 'khrigs pa'i 'od de/ de lta bu'i 'od kyi dkyil 'khor gang la yod pa de la de skad ces bya'o/ /pad+ma'i gdan la bzhugs par ni/ /zhes bya ba ni/ sna tshogs pad+ma'i sdong bu dang bcas pa'i steng du sems dpa'i skyil mo krung gis bzhugs pa'o/ /lugs ma zhes bya ba ni gser la sogs pa'i rdzas las sku'i gzugs brnyan du byas pa'o/ /mngon par 'du byas pa'o zhes bya ba ni lag gis las su byas pa'o/ /rang gi snying po kun bzlas te/ /de tshe dkyil 'khor blta bar bya/ /zhes bya ba la sogs pa bcom ldan 'das kyi rang gi snying po ni yi ge hUM ste/ de bzlas la dkyil 'khor thig gdab pa la sogs pa thams cad bya'o/ /rdo rje sems dpa' la sogs pa/ /zhes bya ba la/ rdo rje sems dpa' la sogs pa ni rdo rje sems dpa' dang / rdo rje yid las byung ba la sogs pa thams cad hUM nyid kyis yang dag par dgod par bya zhing gzhag par bya'o/ /de la ji ltar dgod par bya zhe na/ rdo rje shugs kyis zhes bya ba la sogs pa gsungs te/ de la rdo rje shugs ni 'di yin te/ bdag nyid rdo rje shugs kyis ni/ /rdo rje rdo rje zhes smras pa/ /rdo rje shugs zhes bshad pa ste/ /kun du 'gro ba grub pa'o/ /zhes bya ba 'dis nang gi dkyil 'khor la sogs pa las byung ste/ rdo rje yid las byung ba la sogs pa la dkyil 'khor thams cad du yang dag par bsdus pa ste/ dkyil 'khor pa'i tshogs gzhag par bya'o/ /yang na bri bar bya zhes bya ba ni tshon rtsi rnams kyis legs par bri bar bya'o/ /gnas gang dag tu bri bar bya zhe na/ phyogs rnams kun du ston pa'o/ /zhes bya ba ste phyogs bzhi rnams su dpal rdo rje sems dpa'i ston pa po ste/ rjes su ston pa zhes bya ba'i don to/ /ji ltar gang du dgod ces rtog pa dag gi phyir/ mdun du zhes bya ba la sogs pa gsungs te/ bcom ldan 'das rdo rje sems dpa'i mdun gyi ngos la rdo rje yid las byung ba zhes bya ba'i rdo rje sems dpa' sangs rgyas lnga'i dbu rgyan can g.yon pa rdo rje khu tshur gyis gzhu bsnams pa/ phyag g.yas pas mda' gsor bar brtson pa sku mdog dmar skya dgod par bya'o/ /sangs rgyas kyi ni zhes bya ba la sogs pa la dpal rdo rje sems dpa'i g.yas logs su rdo rje kI li kI la sku thams cad la kun nas 'khyud pa/ phyag gnyis kyis rdo rje khu tshur bcings pas thugs ka'i phyogs su 'khyud pa/ sku mdog de nyid dang 'dra bar dmar skya bya'o zhes bya ba'i don to/ /rdo rje gzugs zhes bya ba ni rdo rje rtse lnga pa ste dang po'i rdo rje'o/ /sku mdog ji lta bu zhe na/ nyi ma'i 'od can zhes bya ba gsungs te/ nyi ma ni nyi ma'i dkyil 'khor te/ de'i 'od ni mdangs te 'od dmar po'o/ /des na nyi ma'i 'od lta bu'i 'od yod pas na de skad ces bya'o/ /rgyab tu zhes bya ba ni dpal rdo rje sems dpa'i rgyab tu rdo rje 'dod pa phyag g.yas pa na chu srin gyi rgyal mtshan thogs pa/ g.yon pa gdan la brten pa dang bcas pa sku mdog sngo skya dgod par bya'o/ /g.yon du zhes pa la sogs pa la dpal rdo rje sems dpa'i g.yon du rdo rje snyems pa rdo rje khu tshur gnyis kyis rdo rje rtse lnga pa gnyis bsnams nas rked pa'i phyogs gnyis su snyems par 'dzin pa/ gser btso ma'i mdog 'dra ba dgod pa'am bri bar bya'o/ /sangs rgyas kyi ni zhes bya ba la sogs pa la/ dpal rdo rje sems dpa'i dkyil 'khor snga ma bzhin du shar lho'i mtshams su rdo rje sbrang rtsi thal mo khong stong kha phye bas spyi bo'i phyogs su rdo rje me tog gi tshogs thogs pa dang / lho nub kyi phyogs mtshams su rdo rje sbreng ba'i sprin gyi bdug pa'i spos khang thogs pa'o/ /nub byang mtshams su rdo rje ston pa snga ma bzhin du me mar gyi sdong bu 'dzin pa'o/ /byang shar gyi mtshams su rdo rje dgun de bzhin du dri'i dung chos thogs par dgod pa'am bri bar bya'o/ /phyi'i dkyil 'khor zhes bya ba la sogs pa la phyi'i dkyil 'khor gyi lha'i snam bu la me'i phyogs mtshams su rdo rje sgeg mo rdo rje khu tshur gnyis kyis rdo rje gnyis thogs nas rdo rje snyems par gnas pa'o/ /bden bral gyi phyogs su rdo rje bzhad pa dang / rdo rje khu tshur gnyis kyis so'i phreng ba gnyis dang ldan pa'i rdo rje gnyis thogs nas dpal rdo rje sems dpa' la sogs pa 'dzum zhing ngo mtshar du gyur pa la rab tu 'jog pa'o/ /rlung gi phyogs su rdo rje glu chen po rdo rje pi wang brdung ba'o/ /dbang ldan gyi phyogs su rdo rje gar lag pa gnyis ni rdo rje rtse gsum pa gnyis thogs te gar byed pa'i tshul gyis gnas par bri bar bya'o/ /sgo'i dbus su ni rdo rje zhes bya ba la sogs pa la shar gyi sgor rdo rje gzugs/ lhor rdo rje sgra/ nub tu rdo rje dri/ byang du rdo rje ro kun du bri bar bya ste/ 'di dag kyang go rims ji lta ba bzhin du me long dang / pi wang dang / dri'i dung chos dang / ro'i snod dang bcas pa bri bar bya'o/ /sangs rgyas dkyil 'khor can brgyad ni/ /rdo rje 'dzin sogs bri bar bya/ /zhes bya ba la sogs pa la/ rdo rje thig gi nang gi shar phyogs kyi cha nas brtsams te/ rdo rje sems dpa' la sogs pa nas rdo rje gnod sbyin gyi mthar thug pa'i bar du go rims bzhin du bri bar bya'o zhes bya ba'i don to/ /rdo rje 'khor lo thams cad du/ /sangs rgyas rdo rje 'dzin gyis bskor/ /zhes bya ba ni phyogs bzhi po thams cad du rdo rje 'khor lo'i nang du dkyil 'khor thams cad du sangs rgyas te mi bskyod pa dang / rin chen 'byung ldan dang / 'od dpag tu med pa dang / don yod grub pa zhes bya ba dang / rdo rje 'dzin pa ste/ rdo rje sems dpa' la sogs pa brgyad kyis bskor zhing yongs su 'khor bar bya'o/ /'di skad ston par 'gyur te/ rdo rje thig gi nang du shar phyogs su bcom ldan 'das mi bskyod pa/ de'i g.yas logs su rdo rje sems dpa'o/ /g.yon du ni 'phags pa 'jam dpal lo/ /lho phyogs su ni bcom ldan 'das rin chen 'byung ldan te/ de'i g.yas su ni nam mkha'i snying po'o/ /g.yon du ni nam mkha'i mdzod do/ /nub phyogs su ni 'od dpag tu med pa ste/ de'i g.yas logs su ni rdo rje chos so/ /g.yon du sems bskyed ma thag tu chos kyi 'khor lo bskor ba'o/ /byang phyogs su ni don yod grub pa ste/ de'i g.yas logs su rdo rje khu tshur/ g.yon du rdo rje gnod sbyin bri bar bya'o/ /de ltar na/ sangs rgyas dkyil 'khor can brgyad ni/ /rdo rje 'dzin sogs bri bar bya/ /rdo rje 'khor lo thams cad du/ /sangs rgyas rdo rje 'dzin gyis bskor/ /zhes bya ba legs par bri bar gyur pa yin no/ /phyi yi dkyil 'khor gnas rnams su/ /'dod pa'i dbang phyug bri bya ste/ / zhes bya ba ni phyi'i dkyil 'khor gyi lha'i snam bu la 'dod pa'i dbang phyug nas brtsams te/ chu lha'i mthar thug pa'i bar du chung ma dang bcas pa ni bri bar bya'o zhes bya ba'i don to/ /mdun du 'jig rten gsum rgyal po/ /'dod pa tshangs pa zhi byed mchog /ces bya ba ni phyi'i lha'i snam bu'i shar phyogs nas mdun du'o/ /'jig rten gsum gyi ni rgyal po ste/ 'jig rten bdag por 'dod pa'i lha'o/ /tshangs ba zhes bya ba ni grags par zad do/ /zhi byed ces bya ba ni grags par zad do/ /mchog ces bya ba'i sgras ni khyab 'jug dang / skem byed dang / brgya byin la bya ste/ de dag kyang bri bar bya'o/ / zhes bya ba'i don te/ /'dis ni don 'di skad ston par 'gyur te/ phyi'i dkyil 'khor gyi lha'i snam bu la shar phyogs su 'dod pa'i khams kyi dbang phyug dang / tshangs pa dang / lha chen po dang / khyab 'jug dang / karti ka dang / brgya byin chung ma dang bcas par bri bar bya'o/ /lho phyogs su ni zla ba dang / nyi ma dang / spen pa dang / mig dmar ro/ /nub phyogs su stobs kyi lha dang / dpyid kyi lha dang / rgyal ba dang / rnam par rgyal ba dang / nor sbyin dang / rlung lha dang / me lha dang / lus ngan po'o/ /byang du phag dang / gshin rje dang / tshogs kyi bdag po dang / chu lha chung ma dang bcas par bri bar bya'o/ /de dag thams cad kyang yi ge hU~M nyid kyis dgod par bya'o/ /de nas zhes bya ba'i sgra ni snga ma bzhin no/ /dkyil 'khor chen po 'dir zhes bya ba ni rdo rje sems dpa'i dkyil 'khor du'o/ /'jug pa la sogs pa'i cho ga rgyas pa'o zhes bya ba ni der 'jug pa la sogs pa'i cho ga rgyas pa de la de skad ces bya ste 'jug pa dran par bya ste zhes bya ba nas brtsams te/ slob ma gzhug par bya ba'i phyir gsol ba gdab par bya'o zhes bya ba'i bar du 'og nas 'byung ba gang yin pa de rnams rtsom pa ston pa'o/ /de la zhes bya ba ni phyi rol gyi nye bar dgod pa yin par shes par bya'o/ /dang po nyid du zhes bya ba ni zhugs nas yang dag par sgeg par 'gyur ba dang / phyag bya'o zhes bya ba la sogs pa ji srid cho ga rgyas par ma byas par zhugs pa tsam gyis slob dpon ji lta bu'i 'bras bu thob pa de ni dkyil 'khor du zhugs pa'i 'bras bu yin no zhes spro ba bskyed pa'i phyir/ cho ga ji lta bus zhes bya ba la sogs pa gsungs te/ ji skad du bshad pa'i cho ga 'dis zhugs pa'i zhes bya ba ni 'og nas bshad pa'i 'jug pa'i cho gas zhugs pa'i rdo rje slob dpon ni/ bcom ldan 'das rdo rje sems dpas byin gyis rlob par 'gyur ro zhes bya bar sbyar ro/ /rdo rje chen po slob dpon te/ /zhes bya ba la rdo rje yang yin la chen po yang yin pas na rdo rje chen po ste/ de bzhin nyid do/ /de bzhin nyid du ro gcig pa'i sems kyang rdo rje sems dpa'i tshul du nye bar gdags pas rdo rje chen po zhes bya ste rdo rje chen po des rdo rje sems dpa'i cha lugs dang ldan pa'i slob dpon ni rdo rje chen po slob dpon te/ rdo rje sems dpa'i dkyil 'khor gyi slob dpon zhes bya ba'i don to/ /dkyil 'khor thams cad kyi slob dpon dang zhes bya ba la dkyil 'khor thams cad ni rnam par snang mdzad kyi dkyil 'khor te/ der slob dpon du gyur pas na dkyil 'khor thams cad kyi slob dpon no/ /dam tshig thams cad shes pa dang / /zhes bya ba ni/ dam tshig kyang yin la thams cad kyang yin pas dam tshig thams cad de gdug pa rnams 'dul ba'i phyir/ de bzhin gshegs pa'i bka' bsgo ba'i tshul lo/ /de la rjes su 'jug cing de dag shes pas na dam tshig thams cad shes pa ste/ rdo rje hU~M mdzad kyi dkyil 'khor gyi slob dpon zhes bya ba'i don to/ /chos thams cad rig pa dang zhes bya ba ni stobs dang mi 'jigs pa la sogs pa dang / pad+ma'i rigs kyi chos thams cad de/ de dag thams cad rig cing khong du chud pas na chos thams cad rig pa ste/ pad+ma'i rigs kyi dkyil 'khor gyi slob dpon du 'gyur ro zhes ston par gyur pa yin no/ /las thams cad sgrub pa dang zhes bya ba ni bcom ldan 'das nam mkha'i snying po'i las gang dag gsungs pa'i las de dag thams cad rab tu sgrub par byed pas na/ de'i phyir las thams cad bsgrub pa zhes bya ba ste/ rin po che'i rigs kyi slob dpon zhes bya ba'i don to/ /dngos grub thams cad grub pa dang / /zhes bya ba la dngos grub kyang yin la thams cad kyang yin pas dngos grub thams cad de/ dkyil 'khor lhag ma grub pa gang yin pa de ni dngos grub thams cad grub pa ste/ dkyil 'khor lhag ma rnams grub pas grub pa zhes bya ba'i don to/ /de bas na de lta bu'i ngo bo nyid du bcom ldan 'das rdo rje sems dpas byin gyis brlabs pa ni/ rigs dang dkyil 'khor dang lha thams cad kyis nus pa dang ldan par mdzad ces bya ba'i don to/ /gang gi phyir de ltar gyur pa nyid kyis na/ dbang bskur ba thams cad 'thob pa zhes bya ba ste/ de la dbang bskur ba yang yin la/ thams cad kyang yin pas dbang bskur ba thams cad do/ /de yang phyi dang gsang ba'i dbang bskur ba gang rigs thams cad kyi dkyil 'khor du gsungs pa de dag thams cad thob pa'o/ /thams cad shes pa dang ldan pa zhes bya ba ni/ 'dis dkyil 'khor la sogs pa thams cad shes pa dang ldan pa'o/ /mchod pa thams cad ni mchod pa thams cad kyis mchod pa ste/ thams cad kyi mchod pa de nyid dang / 'jig rten dang 'jig rten las 'das pa dkyil 'khor thams cad 'dis dbang du 'gyur zhing / rang la rag las par 'gyur ro/ /de bas na rgyu de lta bus 'jig rten dang 'jig rten las 'das pa'i dngos grub thams cad 'grub par 'gyur ro/ /'di'i phyag rgya thams cad kyang rang nyid bcings pas 'grub par 'gyur ro zhes bya ba ni/ phyag rgya chen po la sogs pa phyag rgya thams cad rang nyid kyis rang nyid la bcings na 'di'i dngos grub rnams 'grub par 'gyur ro/ /dam tshig thams cad kyis zhes bya ba la sogs pa la/ lus la dmigs pa la sogs pa dam tshig las 'da' bar byed pa ni nyes pa dang bcas pa ste/ de nyes pa dang bcas su zin kyang / dpal rdo rje sems dpa'i phyag rgya'i byin gyi rlabs kyis dam tshig thams cad byin gyis brlabs par rtogs par 'gyur te/ de yang dam tshig thams cad ni/ /dpal rdo rje sems dpa' la sogs pa ste/ de sgrub pa po'i rgyud la so sor snang ba'i sbyor bas gnas par 'gyur ro zhes bya ba'i don to/ /ma bslabs par yang thams cad shes par 'gyur ro zhes bya ba ni/ de nas bstan bcos la sogs pa ma bslabs par yang de rnams kyis byin gyis brlab par mdzad pa'i mthus thams cad shes par 'gyur ro/ /mchod pa thams cad ni rnam pa bcu gnyis te/ rdo rje mtshon cha la sogs pa'i mchod pa rnams so/ /de la sogs pa gang yin pa'o/ /bya ba thams cad ni bya ba gang rdo rje sems dpa'i phyag rgya la sogs pa 'grub pa'i ngo bo nyid dang / de lta bu'i bya ba thams cad kyang 'di la 'grub par 'gyur ro/ /mdor na zhes bya ba la sogs pa la/ rgya cher bshad pa bor nas tha mal pa'i rdo rje rig pa 'dzin pa la sogs pa dngos grub kyi mchog ston par mdzad pa ni mdor bsdus pa ste/ mdor bsdus pa des mdor bsdus pa'o/ /tshe 'di nyid la zhes bya ba ni da ltar byung ba'i dus te/ bdag nyid kyi dngos po gang gis dkyil 'khor chen po 'dir zhugs pa de nyid kyis rdo rje rig pa 'dzin pa la sogs pa dngos grub kyi mchog thob par 'gyur ro/ /ji lta bu zhe na/ ji ltar mngon par 'dod pa zhes bya ba gsungs te/ de'i 'dod pa ji lta bus ji lta ba 'dod pa de lta bu nyid kyi dngos grub thob par 'gyur ro/ /mngon par 'dod pa'i dngos grub de nyid bstan par bya ba'i phyir/ sangs rgyas nyid dam rdo rje 'dzin pa nyid thob par 'gyur ro zhes bya ba gsungs te/ de la sangs rgyas nyid ni de bzhin gshegs pa lnga po nyid do/ /rdo rje 'dzin pa nyid ni rigs thams cad kyi ngo bo nyid de/ de ci'i phyir zhe na zhes bya ba ni rgyu gang gi phyir na/ ji skad du bshad pa'i 'bras bu dkyil 'khor du 'jug pa tsam gyis slob dpon la 'byung bar 'gyur zhe na/ 'di ltar zhes bya ba la sogs pa gsungs te gang gi phyir/ bcom ldan 'das rdo rje sems dpa' hUM gi ngo bo nyid du 'di'i snying la zhugs shing don yod la mi slu ba'i phyir/ las thams cad la 'bras bu dang bcas pa'i rgyus ni bkug cing spyan drangs te/ de bas na rgyu 'di nyid kyis dkyil 'khor du zhugs shing / rdo rje sems dpa' la sogs pa'i phyag rgya'i ngo bo nyid kyis sems can gyi don to/ sgrub pa po'i rang dgar dbang du byas la/ de'i rang bzhin du bsgom pa'i sbyor ba dang / rjes su mnyes par byas te/ de'i phyir bdag nyid slob dpon du gyur nas slob dpon du 'jug cing sgo srung nas brtsams te/ dkyil 'khor thams cad bstan par bya zhing / dkyil 'khor gyi rnam par bsgom pa'i rnam par sems rtse gcig par slob dpon byed pa la mnyes par byed pa'o/ /dkyil 'khor gyi dngos grub kyang de nyid kyis bsgrubs na 'grub par 'gyur zhing rdzogs par 'gyur bas bcom ldan 'das de yang de la 'grub par 'gyur te/ de bas na ji skad du gsungs pa'i 'bras bu dkyil 'khor du 'jug pa tsam gyis slob dpon gyis 'thob par 'gyur ro/ /de nas zhes bya ba ni dkyil 'khor bris pa'i rjes thogs nyid la bsdu ba la sogs pa ji lta ba bzhin du sngon du 'gro bas bcom ldan 'das rdo rje sems dpa' 'khor dang bcas pa'i dkyil 'khor du bcug nas bcings la dbang du byas te/ dang por mchod yon phul la/ rdo rje phyag rgya dang dang po'i rdo rje'i mtshan nyid can bcings pa dang po'i ste/ thog mar byas la phyag rgya gzhan dag bcing ba dang / dkyil 'khor du 'jug par byas nas hUM zlos shing / rdo rje lta bas lta bzhin du dkyil 'khor du bsgrub par bya'o/ /rdo rje lta ba yang / chags shing gdangs pa'i mig dag gis/ /bud med dag la bltas na ni/ /rtag tu dbang du gyur pa ste/ /rdo rje lta ba'i mtshan nyid do/ /rdo rje bcing ba bstan byas te/ /mdzub mo mthe bo'i mngal du ni/ /g.yas pa yi ni mthe bo'i mtshan/ /bcug la bskyod cing bsdam par bya/ /zhes bya ba 'di ni lnga po'i bsdus pa zhes bya ba'i phyag rgya'o/ /lnga po bsdus pa bcings nas ni/ /gung bsgreng srin lag nang du gzhug /mthe bo mthe'u chung bsnyams rdo rje/ /de ni dang po'i rdo rje mchog /zhes bya ba 'di ni dang po'i rdo rje'i mtshan nyid do/ / de nas rdo rje rnam par sgeg pa'i phyag rgya dang / bzlas brjod lan cig byas la phyag bya zhing zhes bya ba ni de lta bu'i rdo rje'i phyag rgya dang yi ge hU~M zlos shing dkyil 'khor thams cad rab tu ji lta ba bzhin bsgrubs la/ rang gi lce la yi ge hU~M las gnod mdzes kyi rdo rje bsams la/ badzra dzi hwa zhes byin gyis brlabs la/ dkyil 'khor pa'i lha thams cad kyi ljags la hU~M dang bcas par bsams la lha thams cad las kyi phyag rgya nye bar bstan te bcom ldan 'das kyi phyag rgya chen po ji skad bshad pa bcings shing bstan la/ lhag ma rnams kyis kyang ji ltar bris pa dang rjes su mthun par yi ge hU~M zlos shing phyag rgya chen po de dag nyid la nye bar bstan par bya'o/ /de nas dbang bskur ba'i phyag rgya rnams kyis thams cad ji lta ba bzhin du dbang bskur nas bum pa rnams dang / phyag rgya'i mchod pa rnams kyis kyang yang dag par mchod la/ de'i rjes thogs nyid du rdo rje rnam par sgeg pa'i phyag rgyas/ bcom ldan 'das la phyag byas te/ de dag kyang 'di'i 'og nas shes par bya'o/ /gos dmar po zhes bya ba la sogs pa la de ltar phyag byas nas/ dpal rdo rje sems dpa'i sbyor ba chen po dang ldan pa la gos dmar po la hUM ngam rdo rje gnod sbyin gyi sngags lan bdun bzlas la/ rdo rje lcags kyu la sogs pa bzlas pas kyang de stod g.yogs dang smad g.yogs dang ze'u kha dang gdong g.yogs byas la/ phyag bzhi sngon du 'gro ba la sogs pas sdom pa gzung ba dang / me tog gi phreng ba thogs shing gdong dri zhim pos byug pa dang / rdo rje thal mos rdo rje gar byed cing bskor bas snying gar me tog thogs te bdag nyid 'jug par bya'o zhes bya ba ni rdo rje gar las hU~M byung ba'i rdo rje thal mos me tog blangs la/ de bskor nas snying ga'i phyogs su bzhag ste badzra badzra hU~M zhes 'don zhing dkyil 'khor du 'jug par bya'o zhes bya ba'i don te de la rdo rje gar ni 'di yin te/ lag pa g.yas pa ba dan gsum pa byas la/ g.yon pa yang ba dan gsum pa yid du byas la de ltar ba dan rtse gsum pa'i mchog gi bsgyings pa dang bcas pas/ tha ma la sogs pa nas dgrol bas glog ltar 'degs shing bskor bas gar byed pa 'di ni rdo rje'i gar ro/ /zhugs nas kyang yang rnam par sgeg pas bskor bas bdud bcing zhes bya ba ni ji ltar sngar rdo rje sgeg pas phyag bya bar gsungs pa bzhin du 'dir yang bya'o zhes ston pa yin no/ /snying po yang bzlas brjod bya'o zhes bya ba ni hUM bzlas la phyag bya'o zhes ston pa yin no/ /de nas bcom ldan 'das la rdo rje lta bas bltas te de bzhin du 'dug nas bsgrub par bya'o zhes bya ba ni de ltar phyag byas nas bskor ba lan gsum byas la de kho na nyid brjod de me tog dor nas slar blangs la/ rang gi mgo la bcings te mtshan brgya rtsa brgyad kyis bstod nas/ bcom ldan 'das kyis phyag rgya chen po bcings la/ bcom ldan 'das la rdo rje'i lta bas bltas la yi ge hUM 'don cing bsgrub par bya'o/ /de nas bcom ldan 'das dgyes pas bdag nyid ston par mdzad pa'am/ smin ma bskyod pa'am/ lus thams cad dam yan lag thams cad ces bya ba ni gal te zhig na sku thams cad bskyod par 'gyur ba'am/ sku'i phyogs gcig bskyod par 'gyur ba'o/ /kha dog dmar por 'gyur ro zhes bya ba ni sku thams cad dam/ zhal tshom dmar por 'gyur ba'o/ /'od zer gyi rang bzhin gyi zhal lam sku thams cad ston par 'gyur ro/ /cho 'phrul dpag tu med pa yang ston par 'gyur ro zhes bya ba 'di ni mtshan mo'o/ /'di nyid ni nyin mo'o zhes bye brag shes par mi 'gyur bar 'od zer gyis bkug nas 'khrigs pa dang / gang rdo rje rtse mo'i rgyud las cho 'phrul brgya rtsa brgyad kyi rnam pa gang yin pa de dag kyang ston par 'gyur ro/ /bdag nyid mthong ba stsol cing dngos grub mchog kyang stsol bar 'gyur ro zhes bya ba ni/ rang rang gi gzugs nyid mthong ba stsol ba dang / sangs rgyas nyid dam rdo rje 'dzin pa nyid kyi dngos grub mchog slob dpon la stsol bar 'gyur ro/ /de nas brtsams te zhes bya ba ni de nas bzung nas so/ /nyin re zhing dngos grub thams cad thob par 'gyur ro zhes bya ba ni rigs thams cad kyi dkyil 'khor gyi dngos grub rnams dang / 'jig rten pa rnams kyang nyin re zhing slob dpon la 'byung bar 'gyur ba'o/ /gang du zhugs pa tsam gyis mi tshugs pa dang / mi sod par 'gyur ro zhes bya ba ni der rang nyid zhugs pa'o zhes snga ma bzhin du rgyud dang sbyar te/ gang zhig dkyil 'khor 'di la zhugs pa tsam gyis mi tshugs par 'gyur ba 'di ni/ gang bdud la sogs pas zil gyis mi gnon cing tshugs par mi 'gyur ba dang / de nyid kyis kyang mi sod pa ste/ bsad par mi nus pa'o/ /dngos grub thams cad dang zhes bya ba ni dpal rdo rje sems dpa' la sogs pa'i phyag rgya rdzogs pa'o/ /phun sum tshogs pa thams cad ces bya ba ni/ de dag nyid kyi 'byor pa'o/ /ye shes thams cad dang zhes bya ba ni/ dpal rdo rje sems dpa' la sogs pa'i ye shes dang / byang chub kyi sems rdzogs par 'gyur ba la sogs pa'o/ /bya ba thams cad ni sangs rgyas kyi sprul pas sems can gyi don mdzad pa'i tshul te/ de dag bcom ldan 'das rdo rje sems dpa' slob dpon la bsgrub par mdzad cing rdzogs par mdzad do/ /der de lta bu'i 'bras bu thob par 'dod pa'i slob dpon gyis rang nyid 'jug par bya'o/ /de nas yang dag par mchod la zhes bya ba ni dngos grub thams cad rab tu bsgrub par mdzad pa/ bcom ldan 'das gsang ba'i mchod pa bzhis yang dag par mchod cing / glu dang rol mos kyang mchod de/ bdag nyid rdo rje sems dbar byin gyis brlabs nas/ chu'i dbang bskur ba/ bcom ldan 'das las rdo rje thal mo bskor bas/ bcom ldan 'das la phyag byas la blang bar bya'o/ /rdo rje ming gis dbang bskur ba zhes bya ba la sogs pa la de lta bu'i dbang bskur ba blangs nas/ yang phyag rgya dang / cod pan dang / dar dpyangs dang / rdo rje dang / dril bu dang bcas pa'i dang po'i rdo rje'i dbang bskur ba blangs la/ yi ge hUM nyid zlos shing ming gi dbang bskur bas slob dpon bdag nyid dbang bskur bar bya'o/ /lhag ma rnams ni go bar zad do/ /yang na zhes bya ba la sogs pa la gang gi tshe bcom ldan 'das rdo rje sems dpa' sgrub pa po rang nyid la dbang bskur ba stsol bar mdzad pa de'i tshe/ skad cig de nyid la sgrub pa pos/ dpal rdo rje sems dpa' la sogs pa'i dngos grub mchog rnams ma bsams bzhin du 'thob par 'gyur ro/ /gang gi tshe bcom ldan 'das dpal rdo rje sems dpa' bdag nyid mthong ba ma stsal ba de'i tshe sgrub pa po'i ji skad bshad pa'i dbang bskur ba rang nyid kyis blang bar bya ste/ de'i tshe lo phyed kyi bar du rgyun mi 'chad par bsgrub pa dang ldan pa'i sgrub pa pos yid la 'dod pa'i dngos grub mchog 'grub par 'gyur ro/ /de nas rdo rje ming gi dbang bskur ba yang de bzhin no zhes bya ba ni de nas gzengs bstod pa'o/ /de nas thams cad ces bya ba la sogs pa la gang 'og nas bshad pa'i ming gi dbang bskur ba des dbang bskur ba de ni/ 'dir rdo rje ming gi dbang bskur ba gnyis pa ste/ rdo rje ming gi dbang bskur ba de 'og nas bshad pa'i tshul gyis blang bar bya'o zhes bya ba'i don to/ /de nas byin gyis brlabs pa la sogs pa byas la zhes bya ba la sogs pa ni/ de ltar lung bstan pa'i mthar thug pa'i bar gyi 'jug pa la sogs pa'i cho ga byas la/ bdag la byin gyis brlabs pa bya ste/ 'og nas bshad pa'i mtshan nyid can gyi ji ltar mngon par 'dod pa'i cho gas rdo rje sems dpa' la sogs pa'i phyag rgya bsgrub pa byas la/ dkyil 'khor chen po las byung bar bya'o/ /dkyil 'khor chen po gsang ba sgrub pa lan cig bya'o zhes bya ba ni gang dkyil 'khor chen po 'di bshad ma thag pa'i gsang ba sgrub pa'i de nyid slob dpon gyis lan cig ste thang cig bya'i yang nas yang du ngal bso zhing bya ba yang ma yin la/ nyin zhag bzhi lnga'am/ zla ba tsam gyis bya ba yang ma yin gyi/ gzhan du stan gcig la 'dug pa nyid kyi tshe/ mtshan ma byung ba'i mthar thug pa'i bar du bya'o zhes ston to/ /de nas slob ma gzhug par bya ste zhes bya ba la sogs pa la/ gal te slob ma gzhug par 'dod na snga ma bzhin du sdom pa bzung ba'i bar gyi cho ga byas la/ rab tu dga' ba'i rdo rje'i phyag rgya lnga po bsdus pa bcings la snga ma bzhin du slob dpon zhugs nas de bzhin du rdo rje rnam par sgeg pa'i phyag rgyas phyag byas te/ hUM gi ngo bo nyid kyi snying pos snying po de nyid ci 'dod pa zlos pa'i slob dpon gyis bcom ldan 'das rdo rje sems dpa' rab tu bsgrub par bya'o/ /ji ltar bcom ldan 'das slob dpon gyi bsgrub par bya zhe na/ phyag rgya chen pos zhes bya ba gsungs te/ phyag rgya chen po bcings la snying po 'don cing bsgrub par bya'i/ /dam tshig dang chos dang las kyi phyag rgya rnams kyis ni ma yin no/ /mtshan ma de nyid 'byung ste zhes bya ba ni gang rdo rje thal mo bskor bas 'jug pa la bstan pa ni 'dir yang 'byung ngo zhes bya ba'i don to/ /dngos grub thams cad kyang 'grub par 'gyur te zhes bya ba ni rdo rje sems dpa' la sogs pa'i dkyil 'khor gyi dngos grub rnams la bcom ldan 'das mtshan ma'i dngos po skyed par mdzad pa ste/ de bas na rigs thams cad kyi dkyil 'khor gyi slob dpon du 'gyur ba'o/ /bzhugs pa 'dis kyang zhes bya ba ni lnga po bsdus pa'i 'jug pas so/ /de bzhin du zhes bya ba ni/ ji ltar dang po'i 'jug pas dbang bskur ba thams cad thob pa'am/ rdo rje 'dzin pa nyid kyi bar du thob pa ste/ de ltar na 'dis kyang dbang bskur ba thams cad thob pa'i dngos grub rnams thob par 'gyur ro zhes ston to/ /de nas de bzhin du rdo rje blang ba la sogs pa byas nas zhes bya ba ni/ ji ltar dang po'i 'jug pa na/ /bdag la byin gyis brlabs pa la sogs pa sngon du 'gro bas chu'i dbang bskur ba dang / phyag rgya dang / cod pan dang / dar dpyangs dang / rdo rje dang bdag po dang ming dang lung bstan pa rnams blangs la/ slob ma gzhug pa'i phyir rjes su gnang ba mnos la slob ma gzhug par bya'o/ /rdo rje slob ma zhes bya ba la sogs pa la/ rdo rje sems dpa' byas pa'i slob ma de rnams la/ 'di ltar rdo rje slob dpon gyis gzhug pa la sogs pa'i cho ga rgyas pa thams cad slob dpon nyid kyis bya'o/ /phyag rgya bcing ba yang bslab par bya'o zhes bya ba ni gang gis lha gang zhig bzung ba de la lha'i rdo rje sems dpa' la sogs pa'i gzugs kyi phyag rgya chen po la sogs pa'i phyag rgya thams cad bcing ba bslab par bya'o/ /sems can gang yang de bzhin gshegs pa la sogs pa lha thams cad kyi rigs la mos pa de rnams la yang dkyil 'khor 'di nyid du de bzhin gshegs pa la sogs pa'i dkyil 'khor du 'jug pa la sogs pa'i cho ga rgyas pa thams cad bya'o/ /de bzhin du zhes bya ba ni/ ji ltar de bzhin gshegs pa la sogs pa'i dkyil 'khor du khyad par gyi cho ga rgyas par 'byung ba de bzhin du 'dir yang bya ba ste/ gzhan dag gis ni de rnams kyi yid la ci 'dod pa'i dngos grub 'grub par mi 'gyur te/ khyad par gyi cho ga'i nus pa la rag las pa'i phyir ro/ /de nas lha gzhan dag la dad pa rnams dang zhes bya ba la sogs pa la/ lha chen po la sogs pa la dad pa yang dkyil 'khor 'di nyid du zhi ba'i mdung gis mtshan pa la sogs pa'i dkyil 'khor cho ga rgyas par bya'o/ /de bzhin du 'grub par 'gyur ro zhes bya ba ni/ ji ltar zhi ba'i mdung gis mtshan pa'i dkyil 'khor du 'jug pa'i mdung gis mtshan pa las gsungs pa'i dngos grub rnams 'grub par 'gyur ba de bzhin du/ 'dir yang de las gsungs pa'i 'jug pa'i cho ga'i stobs kyis 'grub par 'gyur ro/ /de nas zhes bya ba la sogs pa la/ de ltar slob ma gzhug pa la sogs pa byas nas/ rdo rje sems dpa' la sogs pa'i cho ga gang dang gang gis zhugs pa de rnams ni ji ltar zhugs pa rnams so/ /zas dang ro'i bcud dang gnas pa la sogs pa thams cad kyis yang dag par tshim par byas la zhes bya ba ni/ zas thams cad ni bza' ba dang btung ba la sogs pa ji ltar grags pa rnams so/ /ro thams cad ces bya ba ni/ ShaT la sogs pa drug go/ /gnas pa ni gar gyi bstan bcos las bshad pa dang / gnas pa dang / 'dug pa dang / 'chag pa dang / nyal ba dang / rgyud las bshad pa'i gnas pa rang gi lha'i ngo bo nyid du gsal ba'i yid kyis 'dug pa ste/ de ltar zas dang ro dang gnas pa thams cad de/ de dag thams cad kyis slob ma thams cad ci 'dod par tshim par byas la/ rdo rje gar dang / mchod pa la sogs pa slob dpon gyis bya ste/ slob dpon slob ma dang bcas pas/ dkyil 'khor chen po mchod par bya ba'i phyir/ bya ba 'di ni 'di nyid kyi 'og nas shes par bya'o/ /ji ltar zhes bya ba la sogs pa la/ de ltar gar dang mchod pa byas nas/ ci nus pa'i tshul gyis zas dang skom la sogs pa'i longs spyod dang ldan par bya'o/ /de bzhin du bzlas brjod kyang byas la/ ji skad ces pa'i gar dang glu dang dgod pa la sogs pas mchod pa ji lta ba bzhin du bya'o/ /de la 'dir ni zhes bya ba la sogs pa la dkyil 'khor chen po 'dir 'jug pa la ni/ bya ba'i rgyud la sogs pa gzhan dag la bshad pa ltar/ snod dang snod ma yin pa brtag par mi bya'o/ /ci'i phyir zhe na/ sems can gyi khams ma lus shing lus pa med pa rnams zhes bya ba la sogs pa smos te/ sems can gyi khams thams cad ni gang gi phyir phyag rgya rnams kyis rang gi gzugs brnyan du rgyas btab pas/ 'di dag ni bde ba chen po'i dam tshig yin pa'i phyir ro/ /'dir bde ba chen po ni thog ma dang tha ma med pa'i chos kyi dbyings la bya ste/ de nyid ni rdo rje'o/ /de las byung ba'i dkyil 'khor gyi tshul la sogs pa ni dam tshig go/ /ji ltar na yang 'di bde ba chen po'i dam tshig gi rdo rje yin zhing / phyag rgya thams cad kyis rgyas btab pa yin zhe na/ 'dod pa'i bsam pa zhes bya ba la sogs pa gsungs te/ sems can thams cad kyi bsam pa ni gnas te/ rdo rje sems dpa' la sogs pa'i mngon sum du bya bar mngon par 'dod pa'i bsam pa ni/ de yongs su rdzogs pa na rdo rje sems dpa' la sogs pa mngon sum du byas pa'o/ /de nyid grub cing rdzogs pa ni rdo rje'i sbyor ba'o/ /rdo rje'i sbyor ba des ni/ rdo rje chos mnyam pa nyid kyi zhes bya ba ste/ byang chub kyi sems la sogs pa ni rdo rje chos so/ /de rnams kyi mnyam pa nyid ni de bzhin nyid de rdo rje chos kyi mnyam pa nyid de rgyur gyur pa'i phyag rgyas sems can gyi khams thams cad rgyas btab pa 'di ni bde ba chen po'i rdo rje'i sbyor ba yin te/ de bas na dkyil 'khor chen po 'dir gzhug pa la snod dang snod ma yin pa brtag par mi bya'o/ /'di skad ston par 'gyur te/ gang gi phyir dkyil 'khor chen po 'dir zhugs pas ni rang bzhin gyis rnam par dag pa'i de kho na nyid bcu khong du chud par 'gyur la/ de khong du chud pas ji ltar zhugs pa'i sems can gyi khams rnams rdo rje sems dpa' la sogs pa'i dngos grub rnams 'grub par 'gyur te/ de bas na dkyil 'khor chen po 'dir 'jug pa la snod dang snod ma yin pa brtag par mi bya'o/ /de ltar na de nas bcom ldan 'das phyag na rdo rje zhes bya ba nas brtsams te/ dkyil 'khor chen po'o zhes bya ba'i bar gyi bshad pas slob dpon gyi las kyi cho ga dang / slob ma zhugs pa la sogs pa'i cho ga rgyas par gsungs pa yin no// //gzhan yang de dag nyid gsal bar bya ba'i phyir/ cho ga thams cad bshad par bya ste/ de la dang po kho nar slob dpon dam tshig chen po'i de kho na nyid rdo rje byin gyis rlob pa'i dkyil 'khor chen por dbang bskur ba dang / dam tshig thob pa de las gsungs pa'i dam tshig yongs su skyong bas/ sems can yongs su dag pa gsang ba'i cho ga thams cad kyi bya ba shes pa dpa' ba/ brtan pa/ spro ba dang ldan pa/ dul ba 'dul ba'i kun du spyod pa dang ldan pa la gnas pa dad pa dang ldan pa/ chos zab mo la lhag par mos pa/ sems can thams cad yongs su skyong ba'i blo dang ldan pa/ lus dang srog la ltos pa med pa dang / bcom ldan 'das yongs su mnyes par bya'o/ /de yang rang bzhin gyis rnam par dag pa la lhag par mos pas nang gi khrus byas la/ chu'i khrus don du gnyer ba dang ldan pa rnams kyis kyang khrus kyi cho ga'am/ rang nyid ji ltar dga' bas chu'i khrus bya'o/ /de nas lha'i khang pa dang nye bar phyin pa dang / de rkang pa gnyis bkrus la nye reg byas nas/ hU~M phaT ces bya ba'i khro bo'i snying po lan brgya stong bzlas te/ g.yon pa'i khro bo'i khu tshur g.yon phyogs su bskor bas bgegs thams cad bsal la/ lha'i khang par 'jug par bya'o/ /de nas rdo rje rtse mo'i sngags yongs su bzlas pa'i spos chus rten dang lha'i khang pa bsang gtong byas la/ sa ma ya s+t+waM zhes brjod la 'dug par bya'o/ /de nas yang lkog ma'i phyogs su yi ge hrIHlas pad+ma 'dab ma brgyad pa lce'i pad+ma'i 'dab ma la hU~M las rdo rje rtse lnga pa dkar po bskyed la/ badzra dzi hwa zhes bya ba 'dis byin gyis brlab par bya'o/ /lag pa gnyis su yang a las zla ba'i dkyil 'khor gnyis bsams la/ de'i steng du hA~M gnyis la rdo rje rtse lnga pa gnyis bsam/ lag pa'i rtse mo yang hU~M nyid las rdo rje rtse gcig pa'i gzugs su rnam par bsams la/ hA~M las rdo rje me ltar 'bar bar bdag nyid sprul te/ oM gr-i h+Na badzra sa ma ya hU~M baM zhes brjod la/ khro bo ti rin+ti ri'i phyag rgya bcing bar bya ste/ rdo rje bsdams pa nang bcings nas/ /yid kyis khros nas dgag bya la/ /rdo rje mthe bo dam po ste/ /khro bo ti rin+ti ri ra bshad/ /oM badzra dz+wA la a na lArka hU~M/ a b+hi Shiny+tsa maM zhes bya ba dang / ti ri n+ti ri'i phyag rgyas rdo rje phreng ba'i dbang bskur ba blang bar bya'o/ /rdo rje bsdams pa bcings la mthe bo gnyis snyoms pa'i khu tshur spyi bor bzhag pa 'di ni rdo rje ti rin+ti ri ste/ 'dis spyi bo nas brtsams te/ phyogs bzhir rdo rje phreng ba'i dbang bskur ba'i tshul byas la/ yang phyag rgya 'di nyid dpral ba'i phyogs su bzhag nas gnyis su byas te/ dar dpyangs bcings pa'i tshul ji lta ba bzhin du byas te/ mnyam pa'i thal mos lha rnams mnyes par bya'o/ / badzra tu Sh+ya ho/ /yang oM badzra dz+wA la a na lArka hU~M zhes brjod de/ rdo rje sems dpa'i skyil mo krung bcas la/ g.yon pa rdo rje khu tshur snying ga'i phyogs su bzhag nas/ g.yas rdo rje gsor zhing bgegs thams cad gzhom par bya'o/ /de nas hU~M badzra a na la ha na da ha pa tsa ma tha b+hany+dza ra Na hU~M phaT ces bya ba dang / rdo rje me ltar 'bar ba'i dam tshig gi phyag rgya bcings la bgegs thams cad bskrad pa dang / bsreg pa dang / 'tshed pa dang / bcing ba la sogs pa bya'o/ /rdo rje bsdams pa nang du bcings la/ sor mo rnams nang du 'bar ba lta bur byas la/ mthe bo rdo rje bsgreng ba 'di ni/ khro bo ti rin+ti ri zhes bya ba rdo rje me ltar rab tu 'bar ba'i dam tshig gi phyag rgya'o/ /rdo rje bsdams pa bcings la mthe bo gnyis brkyang ste/ bsdams pas la gzhag ste/ badzra nai tri ban+d+ha sarba big+h+nAn zhes bya bas bgegs thams cad bcing bar bya'o/ /rdo rje bsdams pa brkyang la sa la reg par byas pa dang / oM badzra dr-i D+ho me b+ha ba rak+Sha sarbaM swA hA zhes bya bas sa 'og bcing bar bya'o/ /rdo rje 'jigs byed kyi spyan gyis nam mkha' bcing bar bya ste/ oM hu lu hu lu hU~M phaT/ de la 'di'i phyag rgya ni rdo rje khu tshur gnyis bcings la mgal me'i 'khor lo bzhin du bskor nas/ mgo bo'i steng du mdzub mo lcags kyu ltar bzhag pa 'di ni rdo rje 'jigs byed kyi spyan gyi phyag rgya'o/ /yang rdo rje gnod sbyin gyi rdo rje 'jigs byed spyan gyi steng du bcing bar bya ste/ oM badzra yak+Sha hU~M/ rdo rje thal mo las mthe bo gnyis brkyang ste/ mdzub mo gnyis mche ba lta bur byas te/ khar bzhag pa 'di ni rdo rje gnod sbyin gyi phyag rgya'o/ /rdo rje gtsug tor phyag rgya dang ldan pas shar phyogs bcing bar bya ste/ oM druM ban+d+haM haM zhes bya ba'am/ truM zhes bya'o/ /rdo rje khu tshur gnyis las mthe chung lu gu rgyud du sbrel la/ mdzub mo gnyis kyi rtse mo sbyar te/ bzlog nas spyi bor bzhag pa ni rdo rje gtsug tor gyi phyag rgya'o/ /yang rdo rje zhags pas de nyid bcing bar bya ste/ hU~M badzra pA sha hri/ rdo rje khu tshur gnyis kyis mkhrig mar mdud pa bya ba ni rdo rje zhags pa'i phyag rgya'o/ /rdo rje ba dan gyis nub phyogs bcing bar bya ste/ oM badzra pA taM ke ni ra Ta/ rdo rje bsdams pa las mthe bong gnyis sems dpa'i skyil mo krung du byas te/ mdzub mo gnyis mnyam por phye la/ mthe chung gnyis ba dan ltar bya ba 'di ni rdo rje ba dan gyi phyag rgya'o/ /rdo rje nag mos byang phyogs bcing bar bya ste/ hri badzra kA li ru Ta ma Ta/ rdo rje gnod sbyin gyi phyag rgya nyid khar brtan par bzhag pa ni rdo rje nag mo'i phyag rgya'o/ /rdo rje rtse mos lho phyogs bcing bar bya ste/ oM badzra shi kha ra ru Ta ma Ta/ rdo rje khu tshur gnyis kyis ri bo 'degs pa'i tshul du byed pa ni rdo rje rtse mo'i phyag rgya'o/ /rdo rje las kyis dkyil 'khor bcing ba byas la ra ba bya ste/ hU~M badzra karma/ yang rdo rje hU~M mdzad kyi nang du ra ba byas te/ hUM rdo rje khu tshur gnyis bcings la/ mkhrig ma gnyis bsnol te/ mthe chung gnyis lcags kyur sbrel la/ khams gsum rnam par rgyal ba zhes bya ba mdzub mo gnyis sdigs mdzub tu bsgreng ba 'di ni rdo rje hU~M mdzad kyi phyag rgya'o/ /'di nyid las gung mo dang mdzub mo gnyis rdo rjer bya ba ni/ rdo rje las kyi phyag rgya'o/ /rdo rje bsdams pa dang badzra ban+d+ha baM zhes bya bas rdo rje'i dra ba bya ba'o/ /de nas rdo rje gnod sbyin yongs su bzlas pa'i spos chus snod lha'i khang pa'i sgor bsang gtor bya ba'i phyir gzhag la/ rdo rje me'i sngags bzlas pa'i spos chus mchod pa'i yan lag thams cad bsang gtor bya ba dang / rdo rje me ltar 'bar ba phyag rgya dang bcas pa yang bzlas par bya'o/ /de nas oM badzra puSh+pe hU~M zhes bya ba dang / me tog gi phyag rgyas me tog byin gyis rlob/ oM badzra gan+d+ha zhes bya ba dang / dri'i phyag rgyas dri/ oM badzra d+hU pe hU~M zhes bya ba dang / rdo rje bdug pa'i phyag rgyas bdug pa/ oM a kA ro mu khaM sarba d+harmA NAM Ad+ya nut+pa n+na twA ta zhes bya ba dang / ral gri'i phyag rgyas lha bshos te/ /rdo rje bsdams pas ral gri 'debs pa ltar byed pa ni ral gri'i phyag rgya'o/ /oM badzra A lo ke hUM zhes bya ba dang / mar me'i phyag rgyas ni mar me la'o/ /hU~M zhes bya ba dang / til dang / nas dang / ku sha dang / me tog dkar po dang / 'bras yos dang / tsan+dan dkar po'i dung chos la sogs pa'i snod gtsang ma'i nang du bzhag ste/ rdo rje thal mo kha phye ba'i mchod yon gyi phyag rgyas lan gsum mam bdun nam nyi shu rtsa gcig gi bar du yongs su bzlas la/ de dag thams cad gzhag par bya'o/ /mchod rten thams cad dgug pa dang / /bdag la byin brlabs sogs bsgrubs pas/ /rtag tu rdo rje dril 'chang zhing / /dngos grub mchog ni bsgrub par bya/ /lugs ma'am yang na brkos pa'am/ /byas pa'am ni bris pa yi/ /dang po'i 'khor lo'i gzhag nas ni/ /de ni slar yang rab tu bsgrub/ /yi ge hU~M 'don cing dang po'i rdo rje'i phyag rgya bcings la/ a nu rA ga yA mi hU~M zhes brjod de/ sa la gzhag nas rdo rje sems dpa'i dkyil 'khor chen po sprul la/ de nyid khar gzhag na dkyil 'khor der rab tu gnas par 'gyur ro/ /de nas gal te 'byor na me tog la sogs pas dkyil 'khor mchod la/ oM sarba ta thA ga ta kA ya wAka tsit+ta pra Na me na badzra ban+d+ha naM ka ro mi zhes bya ba dang / phyogs thams cad du dkyil 'khor lnga bas bcom ldan 'das rdo rje sems dpa' 'khor dang bcas pa la phyag bya'o/ /yang shar phyogs nas nub tu bltas te/ sngags 'di dang rdo rje thal mo brkyang nas lus thams cad kyis phyag bya'o/ /oM sarba ta thA ga ta pU dza u pas+tha nA ya/ At+ma naM niR+YA ta yA mi/ sarba ta thA ga ta badzra satwa a d+hi tiSh+Tha swa maM/ de nas de bzhin du gnas pa las/ rdo rje thal mo snying ga'i phyogs su gzhag la/ lho phyogs nas byang du kha bltas te/ sngags 'di dang dpral ba sa la reg pas phyag bya'o/ /oM sarba ta thA ga ta pU dza a b+hi She kA ya At+ma naM ni R+YA ta yA mi/ sarba ta thA ga ta badzra rat+na a b+hi Shiny+tsa maM/ de nas de bzhin du gnas pa las/ rdo rje khu tshur spyi bor gzhag la/ nub phyogs su kha shar du bltas te/ sngags 'di dang kha sa la reg pas phyag bya'o/ /oM sarba ta thA ga ta pU dza pra brta nA ya/ At+ma naM ni R+YA ta yA mi sarba ta thA ga ta badzra d+harma pra brta ya maM/ de nas de bzhin du gnas pa las/ rdo rje thal mo snying gar gzhag ste/ byang phyogs su lhor kha bltas te/ sngags 'di dang spyi bos reg pas phyag bya'o/ /oM sarba ta thA ga ta pU dza karma Ne/ At+ma naM ni R+YA ta yA mi/ sarba ta thA ga ta badzra karma ku ru maM/ de nas shar phyogs su pus mo gnyis sa la btsugs te 'dug la/ rdo rje thal mo snying gar sbyar te/ sdig pa thams cad so sor bshags par bya'o/ /phyogs bcu'i sangs rgyas dang byang chub sems dpa' thams cad dang / de bzhin gshegs pa dang / rdo rje dang / rin po che dang / pad+ma dang / las kyi rigs su zhugs pa thams cad dang / snying po dang / phyag rgya dang / gsang sngags dang / rig sngags kyi lha thams cad dgongs su gsol/ bdag rdo rje ming 'di zhes bya ba phyogs bcu'i sangs rgyas dang byang chub sems dpa' thams cad kyi spyan sngar dang / de bzhin gshegs pa dang / rdo rje dang / rin po che dang / pad+ma dang / las kyi rigs su zhugs pa thams cad dang / snying po dang phyag rgya dang / gsang sngags dang rig sngags kyi lha thams cad kyi spyan sngar sdig pa thams cad so sor bshags par bgyi'o/ / phyogs bcu'i 'jig rten gyi khams na/ 'das pa dang / ma 'ongs pa dang / da ltar bzhugs pa'i sangs rgyas dang / byang chub sems dpa' thams cad dang / rang sangs rgyas dang / 'phags pa nyan thos dang / yang dag par song ba dang / yang dag par zhugs pa rnams dang / sems can gyi tshogs thams cad kyi bsod nams thams cad la yang rgya cher rjes su yi rang bar bgyi'o/ /phyogs bcu'i sangs rgyas bcom ldan 'das chos kyi 'khor lo bskor bar mi mdzad pa thams cad la chos kyi 'khor lo dam pa bskor bar mdzad par bskul bar bgyi'o/ /phyogs bcu'i 'jig rten na sangs rgyas bcom ldan 'das yongs su mya ngan las 'da' bar bzhed pa de dag thams cad la yongs su mya ngan las mi 'da' bar gsol bar 'tshal lo/ /de nas me tog gi phyag rgya bcings la 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi me tog gi bye brag yid las byung ba'am/ chu las skyes pa'am/ thang las skyes pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta puSh+pe pU dza meg+ha sa mu dra s+pha ra Na sa ma ye hU~M/ bdug pa'i phyag rgya bcings la/ 'di skad ces brjod par bya ste/ gang yang phyogs bcu'i 'jig rten gyi khams 'di'am gang yang phyogs bcu'i 'jig rten gyi khams thams cad na/ lha dang mi rnams kyi bdug pa'i bye brag lhan cig skyes pa'am/ yang dag par sbyar ba'am/ yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang byang chub sems dpa'i rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta d+hU pe pU dza me g+ha sa mu dra s+pha ra Na sa ma ye hUM/ mar me'i phyag rgya bcings te 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi snang ba'i bye brag yid las byung ba'am/ rin po che'i 'od dam/ mar me'i snang ba la sogs pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta A lo ke pU dza mi g+ha su mu dra s+pha ra Na sa ma ye hU~M/ dri'i phyag rgya bcings la/ 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi dri'i bye brag lhan cig skyes pa'am yang dag par sbyar ba'am/ yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta gan+d+ha pU dza me g+ha sa mu dra s+pha ra Na sa ma ye hU~M/ thal mo khong stong du sbyar ba bcings la 'di skad ces brjod par bya ste/ gang 'jig rten gyi khams 'di'am gang yang phyogs bcu'i 'jig rten gyi khams thams cad na/ rin po che'i ri bo'am/ rgya mtsho rin po che'i tshogs gang dag yod pa de dag thams cad kyang 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang / byang chub sems dpa'i rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta bo d+h+yaM ga rat+na A laM ka ra pU dza meg+ha sa mu dra s+pha ra Na sa ma ye hU~M/ de nas bzhad pa'i phyag rgya bcings la 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ dgod pa dang / sgeg pa dang / dga' ba dang / rtsed 'jo'i bde ba'i bye brag gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang / byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta ha s+ya lA s+ya ra ti krI Da sau khya a nut+ta ra pU dza me g+ha sa mu dra s+pha ra Na sa ma ye hU~M/ bzhad pa'i phyag rgya de nyid rdo rje thal mo bskor ba 'di spyi bor bzhag la/ yang thal mo khong stong du sbyar ba bcings nas/ 'di skad ces brjod par bya ste/ gang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ dpag bsam gyi shing ngam/ gos kyi shing gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i 'jig rten gyi khams thams cad na sangs rgyas dang byang chub sems dpa' rigs lnga dang bcas par bzhugs pa thams cad dang / snying po dang / phyag rgya dang / gsang sngags dang / rig sngags kyi lha'i khyad par thams cad la dbul bar bgyi'o/ /oM sarba ta thA ga ta a nut+ta ra bo d+hi A laM kA ra bas+t+ra pU dza me g+has mu dra s+pha ra Na sa ma ye hU~M/ de nas sems can thams cad kyi 'khor ba'i sdug bsngal rjes su dran par byas la/ bcom ldan 'das rdo rje sems dpa'i las kyi phyag rgya bcings te/ snying rje chen po'i dbang gis sems can thams cad bsgral ba'i phyir/ byang chub tu sems bskyed de/ ma bsgral ba rnams bsgral bar bya ba'i phyir dang / ma grol ba rnams dgrol bar bya ba'i phyir dang / dbugs ma phyin pa rnams dbugs dbyung bar bya ba'i phyir dang / yongs su mya ngan las ma 'das pa rnams yongs su mya ngan las bzla bar bya ba'i phyir dang / sems can gyi khams ma lus pa 'khor ba'i rgya mtsho las yang dag par bsgral bar bya ba'i phyir/ byang chub tu sems bskyed par bgyi'o/ /oM sarba ta thA ga ta badzra bo d+hi tsit+ta pU dza me g+has mu dra s+pha ra Na sa ma ye hUM/ sgeg mo'i phyag rgya bcings la/ 'di skad ces brjod par bya ste/ sems can thams cad yo byad thams cad kyis yang dag par 'byor cing phun sum tshogs pa thams cad 'dod pa tsam la rag lus par gyur cig /oM sarba ta thA ga ta ma hA badzrod b+ha ba dA na pA ra mi ta pU dza me g+ha sa mu dra spa ra Na sa ma ye hUM/ rdo rje phreng ba ma'i phyag rgya bcings la/ 'di skad ces brjod par bya ste/ sems can thams cad mi dge ba'i lus dang ngag dang yid kyi las kyi mtha' thams cad dang yang dag par bral bar gyur cig /dge ba'i lus dang ngag dang yid kyi las kyi mtha' thams cad dang ldan par gyur cig /oM sarba ta thA ga ta a nut+ta ra ma hA bo d+hi ha ra shI la pA ra mi ta pU dza mi g+ha sa mu dra s+pha ra Na sa ma ye hUM/ rdo rje glu mkhan ma'i phyag rgya bcings la 'di skad ces brjod par bya ste/ sems can thams cad mtshan dang dpe byad thams cad kyis lus la yang dag par brgyan par byas pa dang / rtag tu phan tshun 'jigs pa med pa dang / zhe 'gras pa med par zhugs shing mig dang yid mngon par dga' ba dang / chos zab mo la bzod pa dang ldan par gyur cig /oM sarba ta thA ga ta a nut+ta ra ma hA d+harma a ba bo d+hi k+ShAn+ti pA ra mi ta pU dza me g+ha sa mu dra s+pha ra Na sa ma ye hUM/ rdo rje gar mkhan ma'i phyag rgya bcings la 'di skad ces brjod par bya ste/ sems can thams cad byang chub sems dpa'i spyod pa la mngon par dga' ba dang ldan pa dang / sangs rgyas nyid la yongs su gzhol zhing 'khor ba yongs su spong ba'i brtson 'grus dang ldan par gyur cig /oM sarba ta thA ga ta saM sA ra pa ri t+yi ka a nut+ta ra ma hA bIr+ya pA ra mi ta pU dza me g+ha sa mu dra s+pha ra Na sa ma ye hUM/ me tog gi phyag rgya bcings la 'di skad ces brjod par bya ste/ sems can thams cad nyon mongs pa dang / nye ba'i nyon mongs pa thams cad dang bral bar gyur cig /bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa rnams dang / rig pa thams cad dbang du gyur pa phun sum tshogs par gyur cig / oM sar+b+ba ta thA ga ta a nut+ta ra sau khyA bi hA ra d+h+yA na pA ra mi ta pU dza mi g+ha sa mu dra s+pha ra Na sa ma ye hUM/ bdug spos kyi phyag rgya bcings la 'di skad ces brjod par bya ste/ sems can thams cad 'jig rten dang 'jig rten las 'das pa'i shes rab dang ye shes rnams dang yang dag par ldan par gyur cig / so so yang dag par rig pa bzhi thob ste/ bzo dang bstan bcos thams cad shes shing / sgyu rtsal dang ldan la/ gsang ba'i cho ga shes pa dang / de kho na nyid mthong ste nyon mongs pa dang / shes bya'i sgrib pa thams cad yang dag par gcod pa'i ye shes thob par gyur cig / oM sarba ta thA ga ta a nut+ta ra kle sha ts+tshed sarba d+harmaHsa man+ta/ dz+nyA na ma hA pradz+nyA pA ra mi ta pU dza me g+ha sa mu dra s+pha ra Na sa ma ye hUM/ phyogs bcu'i 'jig rten gyi khams ma lus pa'i de bzhin gshegs pa rnams kyi zhabs drung du bdag nyid kyis lhag par mos par byas la/ lus kyis bsnyen bkur bya ba'i phyir/ oM sarba ta thA ga ta kA ya ni r+yA ta na pU dza me g+ha sa mu dra s+pha ra Na sa ma ye hUM/ de nas thams cad du kha dang lce brgya stong phrag snyed kyi sgo nas mnyam med mi g.yo zhes bya ba la sogs pa'i bstod pas mchod pas lhag par mos par byas la/ oM sarba ta thA ga ta bA ga nir+ya ta na pU dza me g+ha sa mu dra s+pha ra Na sa ma ye hUM/ de nas byang chub sems dpa' thams cad dang / bsam pa gcig pa'i sbyor bas chos thams cad mnyam pa nyid la lhag par mos par byas la/ oM sarba ta thA ga ta tsit+ta nir+yA ta na pU dza me g+ha sa mu dra s+pha ra Na sa ma ye hUM/ chos thams cad ni dngos po med pa'i ngo bo nyid dang / stong pa nyid dang / mtshan ma med pa dang / smon pa med pa'i rnam par lhag par mos par byas la/ oM sarba ta thA ga ta gu h+ya pU dza me g+ha sa mu dra s+pha ra Na sa ma ye hUM/ de ltar mchod pa rnam pa nyi shus de bzhin gshegs pa thams cad yang dag par mchod la bdag nyid dbul bar bya ste/ sangs rgyas dang byang chub sems dpa' thams cad la bdag nyid dbul gyis/ dus thams cad dang / rnam pa thams cad du bdag so sor bzhes su gsol/ thugs rje chen po dang ldan pa'i mgon po khyed rnams kyis dam tshig chen po'i dngos grub bdag la stsal du gsol zhes brjod la/ dge ba'i rtsa ba de yang sems can thams cad dang thun mong du byas te/ dge ba'i rtsa ba 'di dag gis bdag dang sems can thams cad 'jig rten dang 'jig rten las 'das pa'i dngos po'i rgud pa thams cad dang bral bar gyur cig /'jig rten dang 'jig rten las 'das pa'i phun sum tshogs pa thams cad dang yang dag par ldan pa'i bde ba nyid dang / yid bde ba dang bcas pa nyid kyis mi'i mchog sangs rgyas su tshe 'di nyid la gyur cig /bde gshegs gsang sngags rnams la mkhas pa dang / /rtag tu chos rgyal lhun gyis grub thob la/ /'gro ba ma lus dgod par gnas bgyid cing / /gal te ma thob na yang dus 'dir smon/ /de ltar bla na med pa yang dag par rdzogs pa'i byang chub tu dge ba'i rtsa ba thams cad yang dag par bsngos nas/ sdom pa gzung bar bya ste/ ji ltar dus gsum mgon po rnams/ /yang dag byang chub nges mdzad pa/ /de bzhin bla med byang chub sems/ /dam pa bdag gis bskyed par bgyi/ /sangs rgyas rnal 'byor sdom pa la/ /sdom pa yi ni tshul khrims dang / /dge ba'i chos ni sdud pa dang / /sems can don ni byed pa gsum/ /bdag gis brtan por gzung bgyi zhing / /sangs rgyas chos dang 'phags dge 'dun/ /bla na med pa'i dkon mchog gsum/ /deng nas brtsams te gzung bar bgyi/ /rdo rje rigs mchog chen po yi/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re zhing yang lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi nang gsang ba theg pa gsum/ /dam pa'i chos kyang ma lus gzung / /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ / mchod pa'i las kyang ci nus bgyi/ /bla na med pa'i byang chub sems/ /dam pa bdag gis bskyed bgyi zhing / /sems can kun gyi don gyi phyir/ /bdag gis sdom pa ma lus gzung / /ma bsgral ba ni bsgral bar bgyi/ /ma grol ba ni dgrol bar bgyi/ /dbugs ma phyung ba dbugs dbyung zhing / / sems can mya ngan 'das la 'god/ /de nas gzugs brnyan la sogs pa'i sbyor bas phyag rgya bcing ba sngon du 'gro bas/ cho ga rnams rjes su spyad par bya ste/ thal mo dam du bsdams pa las/ /sor mo thams cad bsnol nas ni/ /rdo rje thal mor bka' stsal te/ /rab tu bsdams phyir rdo rje bsdams/ /badzra any+dza li zhes bya ba ni rdo rje thal mo'i sngags so/ /badzra ban+d+ha zhes bya ba ni rdo rje bsdams pa'i ste/ badzra ban+d+ha traT ces bya ba dang / rdo rje bsdams pa snying gar dgrol lo/ /badzra A be sha zhes bya ba dang / rdo rje dbab pa'i dam tshig gi phyag rgya bcings la/ a zhes bya bas bdag nyid la dbab par bya ste/ dang po'i rdo rje sku mdog dmar po 'od dmar po 'bar bas/ bdag nyid kun du gang bar gyur par bsam par bya'o/ /dbab pa de yang 'dis brtan par bya ste/ tiSh+Tha badzra dr-i D+ho me b+ha ba sha shwa to me b+hA bahr-i da ya me a d+hi tiSh+ThA sarba sid+d+hi m+me pra yats+tsha hUM ha ha ha ha ho/ /dam tshig gi rdo rje khu tshur gyi mdzub mo sbyar ba ni/ rdo rje dbab pa'i dam tshig gi phyag rgya'o/ /badzra muSh+Ti zhes bya ba dang / dam tshig gi rdo rje khu tshur bcings la 'di skad ces brjod do/ /oM badzra san+d+hi boM/ rdo rje bsdams pa las mthe'u chung dang srin lag gnyis kyi bar du mthe bong bzhag nas bsdams la mdzub mo gnyis bkug pa ni/ dam tshig gi rdo rje khu tshur gyi mtshan nyid do/ /de nas dpal rdo rje sems dpa' la sogs pa nas/ rdo rje ro'i mthar thug pa'i bar gyi dam tshig gi phyag rgya sa ma ya s+t+waM zhes brjod de bcings la/ yi ge hUM lan gsum du brjod nas/ 'dis rang gi snying gar gzhug par bya ste/ oM badzra muHoM sarba pA paM A kaR+Sha na bi sho d+ha na badzra sa ma ye hUM phaT/ ces bya ba phyag rgya dang bcas pas ngan 'gro thams cad dgug par bya'o/ /rdo rje'i phyag rgya gnyis nang du/ /mdzub mo gnyis ni bcings nas su/ /legs par gyen du 'phags pa ni/ /ltung ba slong ba'i dam pa'o/ /oM badzra pA Ni bi s+phoT ya sarba a pA ya ban+d+ha na ni pra mo k+ShA ya sarba a pA ya ga ti b+h+yaHsarba satwA na/ sarba ta thA ga ta badzra sa ma yatraT ces bya ba phyag rgya dang bcas pas sdig pa thams cad dral bar bya'o/ /rdo rje bcings pa bsdams byas te/ /gung mo gnyis ka sbyar nas ni/ /tha ma bzhi ni rtse mo sbyar/ /sdig pa 'joms par grags pa yin/ /de nas rang gi snying gar rdo rje la hUM yid kyis mngon par bris nas/ de nyid yid la gdon par bya'o/ /de nas yi ge hUM de dang dbyangs kyi yi ge bcu drug gis/ rang gi sems zla ba'i dkyil 'khor lta bur yongs su gyur pa rnam par bsams la/ de'i steng du yang yi ge hUM dang ka la sogs pa rnams kyis skar ma lta bu'i zla ba'i dkyil 'khor gnyis pa bskyed par bya'o/ /zla ba'i dkyil 'khor gnyis po de nyid hUM dang bcas pa yongs su gyur pa las/ dang po'i rdo rje'i gzugs su rnam par bsgoms la/ rdo rje'i dbus su yi ge hUM bsams te/ rdo rje ni bdag go zhes bsgoms nas/ rdo rje de las de bzhin gshegs pa'i rigs rnams sprul la/ des sems can gyi khams thams cad de bzhin gshegs pa'i rigs kyi ngo bo nyid du bskyed nas/ de rnams rdo rje der bcug nas rdo rje chen po de/ bdag ni sems dpa' kun bdag grags/ /bdag nyid kyang ni bdag la gnas/ /zhes bya bas byin gyis brlabs la/ sems dpa' ni bdag go zhes bya ba'i nga rgyal du bsgom par bya'o/ /'di skad ston par 'gyur te/ badzra satwa ha~M zhes brjod la/ bzlas ma thag tu bsgoms pa'i rdo rje chen po/ /rdo rje sems dpa'i phyag rgya chen po'i gzugs su bsam mo/ /de nas snyems pa dang bcas pas rdo rje gsor la/ yang sgrub pa pos badzra satwa hoM zhes brjod par bya'o/ /de ltar sems dpar byin gyis rlob pa'i sbyor bas/ rdo rje sems dpa' bdag nyid rnam par bsams la/ de thog ma dang tha ma med pa'i chos kyi dbyings kyi ngo bo nyid so sor snang zhing / gzugs brnyan dang 'dra bar bsams la/ 'di skad ces brjod par bya ste/ ma hA sa ma ya satwa haM/ de nas dang po'i rdo rje bcings la 'di skad ces brjod par bya'o/ /sa ma yo ha~M/ de nyid kyis snying ga dang / dpral ba dang / lkog ma dang / spyi bor byin gyis brlab par bya'o/ /sa ma ya satwa a d+hi tiSh+Tha swa mAM/ de nas sems dpa'i skyil mo krung bcas la/ g.yon pa'i rdo rje khu tshur gyis dril bu blangs la snyems par bya ste/ lag pa g.yas pas dang po'i rdo rje blangs nas gsor nas/ rang gi snying gar bstod pa'i tshul gyis gzhag par bya zhing / hUM 'don pas 'di ni bcom ldan 'das kyi phyag rgya chen po ste/ de lta bu'i phyag rgya bcings nas 'dug la/ hU~M AHzhes brjod de/ mdun du sna tshogs pad+ma'i gdan la rdo rje bsams nas/ hU~M brjod de rdo rjer bdag nyid bsgoms la/ badzro haM zhes brjod do/ /yang hU~M de nyid zlos shing badzra satwa haM zhes brjod la/ rdo rje de rdo rje sems dpa'i bdag nyid du bsgoms la/ de nyid du rdo rje lcags kyu la sogs pas snying po dang phyag rgya dang bcas pa 'di dag gis/ dgug pa dang / gzhug pa dang / bcing ba dang / dbang du bya ba byas te badzra aM ku sha dzaHbadzra pA sha hU~M/ badzra s+pho Ta ba~M/ badzra A be sha a/ de nas 'di dag gi phyag rgya bshad par bya ste/ rdo rje khu tshur gnyis las byung ba'i mdzub mo lcags kyur bcings la/ mthe'u chung lcags kyu chen por bya ba ni/ rdo rje lcags kyu'i phyag rgya'o/ /mkhrig ma mdud pa ni zhags pa'i'o/ /mthe'u chung dang mdzub mo mdud pa ni lcags sgrog gi'o/ /rgyab gnyis bsnyams te mnan pa ni rdo rje 'bebs pa'i phyag rgya'o/ /de nas dang po'i rdo rje bcings la hU~M dr-i sh+ya zhes bya bas/ bcom ldan 'das la blta bar bya ste/ ye shes sems dpa' de mthong nas/ rang gi lus la bsgom par bya/ /bkug cing bcug la bcing ba dang / /dbang du byas te bsgrub par bya/ /hU~M dang gsang ba'i lcags kyu dang po'i rdo rjes gung mo rdo rje lcags kyu gnyis su byas la/ de dang dgug pa'i sbyor bas/ rang gi snying ga'i phyogs su lcags kyu la sogs pas dgug pa la sogs pa byas la/ yang dang po'i rdo rje bcings nas/ sa ma ya s+t+waM zhes brjod de/ rgyab tu 'od kyi dkyil 'khor bskyed nas/ bcom ldan 'das bzhugs par gyur pa dang / bdag nyid dang lhan cig tu gyur par bsams la/ sa ma ya s+t+waM a haM/ dzaHhUM baM hoHzhes lan gsum brjod pas/ mdzub bcas zla ba'i mdog can la/ /rdo rje snyems pa 'dzin pa'i mchog /rdo rje phreng sogs kyis spras shing / /sna tshogs 'bar ba 'khrigs pa'i 'od/ /ces bya ba sna tshogs pad+ma la sems dpa'i skyil mo krung gis bzhugs pa/ dga' ba chen pos gzigs pa zhal 'dzum zhing rnam par g.yo ba bsams la/ mig gnyis su hU~M gnyis bsams nas/ lce la yang hU~M bkod de/ rdo rje khu tshur gnyis kyis bcom ldan 'das rdo rje sems dpa'i las kyi phyag rgya gar las byung ba bcing bar bya'o/ /de nas rdo rje bsdu ba'i phyag rgya bcings la/ yid kyis legs so zhes bya ba'i tshul gyis dzaH hUM boM hoHzhes brjod la/ rang gi lus la de bzhin gshegs pa thams cad bcug la sbyor ba 'di dang / phyag rgya 'dis rgyas gdab par bya'o/ /bcom ldan 'das rnam par snang mdzad kyi dam tshig gi phyag rgya bcings la/ 'di skad brjod par bya'o/ /badzra d+hA tu dr-i sh+ya dzaHhUM boM hoHsa ma ya s+t+waM/ sa ma ya ho/ a haM badzra d+hA tu/ oM sarba ta thA ga ta ma hA yo gI shwa ri hUM zhes lan gsum brjod do/ /de bzhin du bcom ldan 'das mi bskyod pa dang / rin chen 'byung ldan dang / 'od dpag tu med pa dang / don yod grub pa'i dam tshig gi phyag rgya bcings la/ 'di skad brjod do/ /oM badzra d+hA tu dr-i sh+ya/ dzaHhUM boM hoHsa ma ya s+t+waM/ sa ma ya s+t+waM/ a haM badzra d+hA tu zhes lan gsum brjod do/ /yang de rnams kyi gsang sngags ni/ oM badzra satwa hUM/ oM badzra rat+na hUM/ oM badzra d+harma hUM/ oM badzra karma hUM zhes bya ba ste/ 'di dag ni rim pa ji lta ba bzhin du mi bskyod pa la sogs pa'i sngags yin no/ /de nas de rnams kyi phyag rgya bshad par bya ste/ de la/ rdo rje bsdams pa las byung ba'i/ /rdo rje sems ma brtan byas la/ /gung mo myu gu ltar mnyam bsgreng / /gung mo nang du gshibs pa ni/ /sangs rgyas gnyis pa yin par bshad/ / gung mo rin chen 'dra ba dang / /gung mo pad+ma 'dra bar dgug /sangs rgyas lnga pa'i phyag rgya ni/ /de bzhin mdzub mo bkug pa'o/ /de nas badzra dz+nyA na zhes bya ba'i chos kyi phyag rgya de bzhin gshegs pa lnga'i ljags la bsams nas/ de rnams kyi las kyi phyag rgya bcing bar bya'o/ /de la 'di dag ni rdo rje khu tshur las byung ba ste/ g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya ste/ /sangs rgyas byang chub sbyin byed pa'o/ /mi g.yo ba yi sa la reg /rin chen gyi ni mchog sbyin pa'o/ tshe dpag med pa'i ting 'dzin mchog /gdon mi za bar mi 'jigs sbyin/ / zhes bya ba ste/ de bas na go rims ji lta ba bzhin du rnam par snang mdzad la sogs pa nas don yod grub pa'i mthar thug pa'i bar du/ badzra d+hA tu zhes bya ba thun mong gi snying pos byang chub mchog dang / sa gnon pa la sogs pa'i phyag rgya dang rab tu sbyar ro/ /de ltar de bzhin gshegs pa rnams kyi thun mong gi snying pos sngags pas rang gi snying gar rdo rje rtse lnga pa bsams la/ mtshan ma rnams dang bcas par rab tu sbyar na/ phyag rgya chen por 'gyur ro/ /de nas dang po'i phyag rgya bcings la/ badzra satwa twe no pa tiSh+Tha zhes bya ba dang / rang gi snying ga'i zla ba la dang po'i rdo rje bskyed do/ /badzra rat+na a d+hi tiSh+Tha zhes bya ba dang / dpral ba'i phyogs su rdo rje rin chen/ badzra d+harma a d+hi tiSh+Tha zhes bya ba dang / lkog ma'i phyogs su pad+ma/ badzra karma a d+hi tiSh+Tha zhes bya ba dang / spyi bor sna tshogs rdo rje bskyed par bya'o/ /de nas oM badzra satwa sa ma ya/ ma nu pA la ya/ badzra satwa twe no pa/ tiSh+Tha dr-i D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra yats+tsha/ sarba karma su tsa me/ tsit+taM shre yaMHku ru hUM ha ha ha ha ho/ /b+ha ga bAn sarba ta thA ga ta/ badzra mA me muny+tsa/ badzrI b+ha ba ma hA sa ma ya satwa AHzhes bya ba'i yi ge brgya pas brtan par bya'o/ /de nas rdo rje thal mo lan gsum bskor nas/ bcom ldan 'das rdo rje sems dpa' la phyag btsal dbang bskur ba blang bar bya ste/ oM sarba bud+he b+ha ba rat+na sany+tsa ya/ pra t+yuta da bi bya mu ku Ta nA ma/ a b+hi ShI ny+tsa maM/ pra ba ra badzra d+ha ra shrI badzra satwa sa ma ya s+t+waM/ a haM/ zhes re re brjod cing / dang po kho nar sangs rgyas lnga'i cod pan gyi dbang bskur ba blang bar bya'o/ / de yang spyi gtsug tu bcom ldan 'das rnam par snang mdzad gser gyi mdog can/ byang chub mchog gi phyag rgyas bzhugs par bsams la/ oM b+hU khaM a b+hi Shiny+tsa maM zhes brjod do/ /dpral ba'i steng du mi bskyod pa sku mdog dkar pos gnon gyi phyag rgyas bzhugs par bsams la/ badzra satwa a b+hi ShIny+tsa maM zhes brjod do/ /rna ba g.yas pa'i steng du rin chen 'byung gnas bai DUr+ya sngo bsangs kyi mdog can/ mchog sbyin gyi phyag rgyas bzhugs par bsams la/ badzra rat+na a b+hi ShIny+tsa maM zhes brjod do/ /ltag par 'od dpag tu med pa btsag yug snam gyi mdog can/ chos kyi 'khor lo'i phyag rgyas bzhugs par bsams la/ badzra d+harma a b+hi ShIny+tsa maM zhes brjod do/ /rna ba g.yon pa'i steng du don yod grub pa sna tshogs pa'i mdog can mi 'jigs pa sbyin pa'i phyag rgyas bzhugs par bsams la/ phyag rgya 'di dang ldan pas badzra karma a b+hi ShIny+tsa maM zhes brjod de/ de yang zhal dkar po dpung pa'i mtha' nas phyag gnyis pa la sha'i mdog can/ lhag ma ni kha dog sngon po/ /zhal gyi 'og nas lte ba'i mthar thug pa'i bar ni dmar skya/ brla gnyis ser skya/ pus mo man chad kha dog dkar po'i mdog dang ldan pa'i bcom ldan 'das don yod grub pa bskyed par bya'o/ /de nas de rnams kyi phyag rgya bshad par bya ste/ rdo rje bsdams pa las mthe bo gnyis bsnol bar byas la/ mdzub mo gnyis rtse mo nang du bkug nas/ gung mo bsnyams pa'i tshigs dang por sbyar ba 'di ni/ de bzhin gshegs pa thams cad kyi sku'i mchog ces bya ba'i dbang bskur ba'i phyag rgya'o/ /de nas phyogs thams cad du cod pan bcings la/ mdun du rdo rje khu tshur gnyis kyis mdud pa byed pa lta bus phreng ba bcing ba byas la/ rgyab tu de bzhin du mdud pa byas te/ sgeg pa dang bcas pas mtha' ma la sogs pa las dgrol bas logs gnyis su dar dpyangs 'phyang bar byas la/ mthar mnyam pa'i thal mos mnyes par byas te/ badzra tuSh+ya ho zhes brjod do/ /de nas yang badzra rat+na a b+hi ShIny+tsa maM zhes bya bas/ rdo rje rin po che'i phreng ba'i dbang bskur ba blang bar bya'o/ /de nas 'di'i phyag rgya bshad par bya'o/ /rdo rje thal mo kha thur du bstan la/ mdzub mo gnyis bkug ste/ mthe bong la rtse sbyar bar byas nas/ de snying ga nas bteg ste dbang bskur ba'i gnas su gzhag pa 'di ni/ rdo rje rin chen gyi dbang bskur ba'i phyag rgya'o/ /de nas oM pad+ma mA la a b+hi ShIny+tsa lo ke shwa ra te/ sa ra hri/ zhes bya ba'i rig sngags 'di dang / pad+ma'i phreng ba'i dbang bskur ba blang ba dang / oM a b+hi ShIny+tsa maM/ zhes bya ba dang / phyag rgya 'dis sna tshogs rdo rje'i phreng ba'i dbang bskur ba blang bar bya'o/ /rdo rje bsdams pa las byung ba'i/ /rdo rje rin chen gyi dam tshig gi phyag rgya las/ srin lag dang mthe'u chung bsnyams te brkyang la ba dan ltar byas te/ de ltar na rnal 'byor pa rdo rje'i phreng ba la sogs pas spras par 'gyur ro/ /de nas yi ge gnyis kyis snga ma bzhin du go cha byas la/ hUM zlos bzhin du dang po'i rdo rje'i dbang dang bdag po'i dbang blang la/ rdo rje rang gi mgo la gzhag la hUM de nyid zlos shing ming gi dbang bskur ba blang bar bya'o/ / de nas 'dis dngos grub kyi rdo rje'i brtul zhugs blang bar bya ste/ oM sarba ta thA ga ta sa ma ya a d+hi pa ti s+t+waM/ a b+hi ShIny+tsa mi ma hA badzra d+ha ra/ 'di ni sangs rgyas thams cad de/ /rdo rje sems dpa'i rdo rje yin/ /khyod kyis kyang ni rtag tu bcang / /rdo rje 'chang chen brtul zhugs yin/ /rdo rje 'di ni de bzhin gshegs pa de dag thams cad kyi byang chub kyi sems chen po'i mchog ste/ 'di yongs su mi spong bas 'di rtag tu chongs shig ces bya ba'i gsang ba'o/ /hrI badzra gar+b+ha pa ti a ti shrI he badzra nA ma sid+d+h+ya sa ma ya s+t+waM b+hur b+hu baHswaH/ de nas rdo rje mtshon cha la sogs pa gsang ba'i mchod pa bzhis bdag nyid yang dag par mchod la/ de nyid kyis ni rdo rje bzung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying bo bzla/ /de ltar bdag nyid bskyed nas/ dpal rdo rje sems dpa'i phyag rgya chen po bcings la/ hUM 'don pa la brtson zhing / g.yas pa'i mig tu Ta las zla ba bya/ g.yon par ma bkod la nyi ma'i dkyil 'khor bskyed/ hU~M gis mig 'bras dus mtha'i me lta bur/ /gnas pa 'di ni rdo rje'i lta ba bya/ /de nas yid kyis nam mkha'i phyogs la 'dug ste/ snod kyi 'jig rten gyi 'og tu rlung gi dkyil 'khor la hU~M las rdo rje rtse lnga pa/ de'i dbus su yi ger bsams la/ de las dus mtha'i rlung gis sbar ba'i sreg pa'i bskal pa'i me lta bu'i rdo rje 'bar ba'i 'od dang ldan pa'i rdo rje des sangs rgyas kyi zhing thams cad thal bar bya'o/ /de nas nam mkha'i phyogs su stong gsum pa'i sangs rgyas kyi zhing gi tshad tsam pa'i yi ge khoM dkar po'i gzugs can gyi bcom ldan 'das rnam par snang mdzad bdud rtsi'i char gyi rgyun rnam par 'bebs pas/ sangs rgyas kyi zhing kun du tshig pa bkrus la/ 'o ma can gyi rgya mtsho dba' rlabs kyi phreng ba 'khrugs pas gang bar gnas par bsam mo/ /de nas ri'i mes 'o ma can gyi rgya mtsho bskol la/ de'i dbus su pad+ma chen po'i gzugs can de la/ de bas chung ba'i pad+ma dpag tu med pas yongs su bskor ba de'i yang rtsa bar yi ge pra las tshad mtha' yas pa'i gser gyi rus sbal yang pad+ma'i lte ba la yi ge pra nyid gser gyi mdog can gyi yi ge khaM gi gzugs can du bsams la/ ji skad du bshad pa'i rnam par snang mdzad kyang nam mkha'i phyogs nas byon te bzhugs par bsam mo/ /de nas hU~M su~MhU~M zhes bya bas pad+ma de ri'i rgyal po ri rab zur bzhi pa/ rin po che sna bzhi'i rang bzhin gser gyi ri la sogs pas yongs su bskor bar rnam par bsams la/ oM badzra dr-i D+ho me b+ha ba rak+Sha sarban swA hA/ zhes bya ba dang / rdo rje bsdams pa brkyang la/ de bzhin du sa la reg par byas te byin gyis brlab par bya'o/ /de nas de bzhin du dang po'i rdo rje las gzhan 'phrul dbang byed kyi lha'i rgyal po'i khang pa/ nam mkha'i phyogs thams cad la gnas par sprul la/ lha thams cad kyi gnas su sna tshogs pad+ma'i gdan bskyed la/ nam mkha'i phyogs nas bcas la/ dbus kyi pad+ma'i gdan la sems dpa'i skyil mo krung gis 'dug ste/ bsam gtan dang / gzugs med pa'i snyoms par 'jug pa mngon du byas la/ yid kyi rang bzhin gyi lus kyis 'og min gyi gnas su song ste/ bskal pa grangs med pa gsum las nges par 'byung ba'i byang chub sems dpa' sems dpa' chen po don thams cad grub pa'i gzugs su bdag nyid bsams la/ de bzhin gshegs pa thams cad kyis kyang / sangs rgyas kyi zhing 'di til gyi gong bu bzhin du yongs su gang bar rnam par bsams la/ de bzhin gshegs pa thams cad kyi gzugs kyi sku nyid dang / chos nyid dag kyang dran par bya'o/ /de nas theg pa chen po'i nges par 'byung ba'i chos so/ /de nas theg pa chen po'i byang chub sems dpa' dge 'dun rjes su dran par byas la/ sems can thams cad dang / 'gro ba thams cad dang / 'jig rten gyi khams thams cad kyis bsdus pa rnams su lhag par byams pa bskyed pa dang / ngan 'gro thams cad la sogs pa'i sdug bsngal gyis kun du gzir ba rnams la snying rje ba dang / 'phags pa thams cad la dga' ba dang / 'jig rten gyi chos thams cad la yang btang snyoms par bya ba dang / chos thams cad la yang dngos po med pa'i ngo bo nyid dang / sgyu ma lta bu dang / mig yor lta bur lhag par mos par byas la/ byang chub kyi sems dang shes rab kyi pha rol tu phyin pa dang / thabs mkhas pa'i spyad pa dang / rigs lnga rnams dang / rdo rje dang dril bu dang / phyag rgya dang / slob dpon nyid dang / byams pa dang / mi 'jigs pa dang / zang zing dang / chos kyi sbyin pa dang / theg pa gsum gyis nges par 'byung ba'i tshul thams cad ston pa dang / gsang sngags kyi sgo'i spyad pa spyod pa rnams mngon sum du byas la/ sems can thams cad la phan pa dang / bde ba dam pa grub par bya ba'i phyir/ /rnam par snang mdzad du gyur cig ces smon lam btab la/ mi g.yo ba'i ting nge 'dzin la snyoms par 'jug par bya'o/ /de nas rim pa 'dis mngon par byang chub pa mngon du bya'o/ /rdo rje'i skyil mo krung bcas la de'i steng du rdo rje bsdams pa bkan te gzhag la/ rang gi snying gar sems dpa'i rdo rje rnam par bsams nas 'di ltar bsgom par bya'o/ /de nas de bzhin gshegs pa thams cad kyis sangs rgyas kyi zhing 'di/ dper na til gyi gong bu bzhin du yongs su gang bar gyur to/ /de nas de bzhin gshegs pa thams cad 'dus te/ byang chub sems dpa'i sems dpa' chen po don thams cad grub pa zhes bya ba/ byang chub kyi snying por bzhugs pa gang na ba der gshegs te/ byang chub sems dpa' de la ched du longs spyod rdzogs pa'i sku bstan nas 'di skad ces bka' stsal to/ /rigs kyi bu khyod kyis gang gi phyir de bzhin gshegs pa thams cad kyi de kho na nyid mngon par ma rtogs par dka' ba spyod pa thams cad la spro ba bskyed cing / ji ltar bla na med pa yang dag par rdzogs pa'i byang chub mngon par rdzogs par bya snyam mam/ de nas byang chub sems dpa' sems dpa' chen po don thams cad grub pa de bzhin gshegs pa thams cad kyis bskul bas mi g.yo ba'i ting nge 'dzin las bzhengs te/ de bzhin gshegs pa thams cad la phyag byas nas 'di skad ces gsol to/ /bcom ldan 'das de bzhin gshegs pa rnams/ de kho na nyid ji lta bu lags/ ji ltar bsgrub par bgyi/ bka' stsal du gsol/ de skad ces gsol pa dang / de bzhin gshegs pa de dag thams cad kyis gsung gcig tu 'di skad ces bka' stsal to/ /rigs kyi bu rang gi sems la rtog cing mnyam par zhog la/ rang bzhin gyis grub pa'i sngags ci dgar zlos shing bsgrub pa gyis shig /oM tsit+ta pra ti be d+haM ka ro mi/ de nas byang chub sems dpas de bzhin gshegs pa thams cad la 'di skad ces gsol to/ /bcom ldan 'das de bzhin gshegs pa rnams bdag gi snying ga na zla ba'i dkyil 'khor lta bur gda' ba bdag gis rtogs so/ /de nas de bzhin gshegs pa thams cad kyis bka' stsal pa/ rigs kyi bu sems de ni rang bzhin gyis 'od gsal bas na/ de ni ji lta bur sbyangs pa de lta bur 'gyur te/ dper na ras dkar po tshon gyis bsgyur ba bzhin no/ /de nas de bzhin gshegs pa thams cad kyis rang bzhin gyis 'od gsal ba'i sems shes pa rgyas par bya ba'i phyir/ oM bo d+hi tsit+ta ut+pA da yA mi/ zhes rang bzhin gyis grub pa'i sngags 'dis yang byang chub sems dpa' sems dpa' chen po de byang chub kyi sems bskyed par gyur te/ de nas byang chub sems dpas yang de bzhin gshegs pa thams cad kyi bkas byang chub kyi sems bskyed nas/ 'di skad ces gsol to/ /zla ba'i dkyil 'khor lta bur mthong ba gang lags pa de ni zla ba'i dkyil 'khor nyid du mthong ngo zhes so/ /de bzhin gshegs pa thams cad kyis bka' stsal pa/ de bzhin gshegs pa thams cad kyi snying po sems bskyed pa kun du bzang po khyod kyis mngon sum du gyur gyis de legs par bsgrubs shig /de bzhin gshegs pa thams cad kyis sems bskyed pa kun du bzang po de brtan par bya ba'i phyir/ sngags 'dis rang gi sems zla ba'i dkyil 'khor la rdo rje'i dbyibs su soms shig /oM tiSh+Tha badzra/ byang chub sems dpas gsol pa/ bcom ldan 'das de bzhin gshegs pa rnams zla ba'i dkyil 'khor gyi steng na rdo rjer bdag gis mthong ngo / /de bzhin gshegs pa thams cad kyis bka' stsal pa/ de bzhin gshegs pa thams cad kyi sems bskyed pa kun du bzang po'i sems rdo rje 'di sngags 'dis brtan par gyis shig /oM badzra At+ma kou0f85haM/ de nas nam mkha'i dbyings thams cad du mnyam par 'jug pa'i de bzhin gshegs pa thams cad kyi sku dang gsung dang thugs rdo rje'i dbyings ji snyed pa de dag thams cad/ de bzhin gshegs pa thams cad kyi byin gyi rlabs kyis sems dpa'i rdo rje der zhugs so/ /de nas de bzhin gshegs pa thams cad kyis/ bcom ldan 'das byang chub sems dpa' chen po don thams cad grub pa de la/ rdo rje'i dbyings rdo rje'i dbyings zhes bya ba rdo rje'i ming gis dbang bskur ro/ /de nas byang chub sems dpa' rdo rje'i dbyings kyis de bzhin gshegs pa de dag thams cad la 'di skad ces gsol to/ /bcom ldan 'das de bzhin gshegs pa rnams de bzhin gshegs pa thams cad kyi sku ni bdag lags par mthong lags so/ /de bzhin gshegs pa thams cad kyis bka' stsal ba/ sems dpa' chen po de lta bas na/ sems dpa'i rdo rje de rnam pa'i mchog thams cad dang ldan pa'i sangs rgyas kyi skur bdag nyid rang bzhin gyis grub pa'i sngags 'dis ci dgar zlos la bsgoms shig / oM ya thA sarba ta thA ga ta ta thA a haM/ de nas de skad ces bka' stsal pa dang / byang chub sems dpa' chen po rdo rje dbyings kyis bdag de bzhin gshegs pa mngon par rdzogs par sangs rgyas nas/ de bzhin gshegs pa thams cad la phyag byas te/ 'di skad ces gsol to/ / bcom ldan 'das de bzhin gshegs pa thams cad kyis bdag byin gyis rlobs la/ mngon par rdzogs par byang chub pa 'di brtan par mdzod cig /de nas de skad ces gsol pa dang / de bzhin gshegs pa thams cad de bzhin gshegs pa rdo rje dbyings kyi sems dpa'i rdo rje der zhugs so/ / oM sarba ta thA ga ta a b+hi saM bo d+hi dr-i D+ha badzra tiSh+Tha zhes bya ba dang / de'i snying ga dang / smin mtshams dang / lkog ma dang / spyi bo rnams su go rims ji lta ba bzhin du/ rdo rje sems ma dang / rdo rje rin chen ma dang / rdo rje chos ma dang / rdo rje las mas brtan par bya ba'i phyir mngon par byang chub pa rdzogs par byas par gyur to/ /de nas slar byung ste/ yang badzra rat+na a b+hi Shiny+tsa zhes bya ba'i snying po zlos pas/ de la rin po che'i cod pan dang / dar dpyangs kyis dbang bskur ba byin no/ /de nas/ mdor na 'jig rten thams cad du/ /sems can kun la phan pa'i phyir/ /ji ltar sna tshogs 'dul 'gyur ba'i/ / chos kyi 'khor lo rab tu bskor/ /zhes bya ba dang / de bzhin du rdo rje dang / rin po che dang / pad+ma dang / las dang / khro bo'i 'khor lo rab tu bskor/ /zhes bya ba'i rjes su gnang ba'i dbang bskur ba byin pas/ 'phags pa spyan ras gzigs dbang phyug gi tshogs kyi ye shes bskyed nas/ sangs rgyas kyi sprul pa'i las dang / sems can gyi bya ba'i las kyis/ sna tshogs pa'i las nyid la rab tu gzhag ste/ 'dod pa'i khams thams cad na gzhan 'phrul dbang byed kyi lha'i rgyal po'i gnas su bzhag par 'gyur ba dang / bcom ldan 'das rnam par snang mdzad/ phyag na rdo rje la sogs pa byang chub sems dpa' bye ba phrag brgyad kyis yongs su bskor nas bzhugs so/ /de nas oM badzra d+ha twI shwa ri hUM badzri Ni/ zhes bya ba'i rig sngags 'di phyag rgya dang ldan pas snying ga dang / smin mtshams dang / lkog ma dang / spyi bo rnams su bdag nyid byin gyis brlab par bya'o/ /rdo rje thal mo las/ mthe bong gnyis ni bsnol byas la/ /mdzub mo rtse mo bkug nas ni/ /gung mo bsnyams pa'i tshigs su sbyar/ /rdo rje dbyings kyi dbang mor bshad/ /ces bya ba 'di ni phyag rgya'o/ /de ltar bdag nyid byin gyis brlabs nas/ rab tu dga' ba rnam par dag pa'i gnas 'di ni/ byang chub sems dpa'i gnas so zhes bya ba la sogs pa'i shes rab kyi pha rol tu phyin pa'i tshul gyis sgo'i chos ston par 'gyur ba ste/ gzhung 'di dag gis ni dang po'i sbyor ba zhes bya ba'i ting nge 'dzin ston par gyur pa yin no/ /de ltar dang po'i sbyor ba mngon du byas nas/ rdo rje sems dpa'i phyag rgya chen po bcings te/ hUM zlos shing rdo rje sems dpa' la sogs pa rang rang gi snying ga las phyung ste/ ji skad bshad pa'i dkyil 'khor gyi dbus su de bzhin gshegs pa de dag thams cad bkug ste/ bcug la bcings te dbang du byas la/ rdo rje sems dpa' la sogs pa dang lhan cig tu gyur nas/ rdo rje sems dpa' la sogs pa nas/ chu lha'i mthar thug gi bar du rang gi gnas su hUM nyid kyis gzhag par bya ste/ 'di ni dkyil 'khor gyi rgyal po mchog ces bya ba'i ting nge 'dzin gnyis pa'o/ /de nas rdo rje bsdu ba'i phyag rgya gnyis pa bcings la/ oM badzra sa ma ya dzaHdzaHdzaHhUM baM hoH/ zhes brjod de/ sgo dbye ba sngon du 'gro ba bsdu bar bya'o/ /de nas rdo rje bsdu ba des rdo rje 'dzin pa chen po la sogs pa dang / 'jig rten gyi khams thams cad na bzhugs pa'i sangs rgyas dang byang chub sems dpa'i 'khor gyi dkyil 'khor dang bcas pa byon par byas pa dang / oM sarba ta thA ga ta pA da ban+d+ha naM ka ro mi/ zhes brjod cing de bzhin gshegs pa thams cad kyi zhabs la phyag byas nas ched du brjod pa 'di ched du brjod do/ /e ma'o byang chub sems dpa' yi/ /kun tu bzang po spyod pa mchog /de bzhin gshegs pa'i 'khor lo yi/ /dbus na de bzhin gshegs pa mdzes/ /de nas ched du brjod pa de skad du smras nas/ phyogs bcu'i 'jig rten gyi khams thams cad nas 'dus pa'i de bzhin gshegs pa byang chub sems dpa'i 'khor gyi dkyil 'khor dang bcas pa de dag thams cad de bzhin gshegs pa thams cad kyi byin gyi rlabs kyis bcom ldan 'das rdo rje 'chang chen po'i thugs su zhugs so/ /de nas de bzhin gshegs pa de dag thams cad kyi thugs ka nas rdo rje yid las byung ba la sogs pa nas/ chu lha'i mthar thug pa'i bar du phyung nas/ rdo rje yid las byung ba la sogs pa nas/ chu lha'i mthar thug pa dang bcas pa dang / gcig tu gyur nas gnas te/ ched du brjod pa 'di ched du brjod do/ /e ma'o sangs rgyas thams cad kyis/ /rgya chen gdod nas skye ba med/ /rdur phran ji snyed thams cad kyi/ /sangs rgyas rnams ni gcig tu gyur/ /de nas bde ba chen po yis/ /rdo rje'i phyag rgya thams cad bcings nas/ hU~M zlos pa la 'bad pa'i rnal 'byor pa rdo rje 'dzin pa chen po la sogs pa de rnams kyis blangs nas/ dbang bskur ba thams cad kyis dbang bskur bar gyur par bdag nyid bsams la/ dbang bskur ba thams cad blang bar bya'o/ /de ltar dbang bskur ba blangs nas/ rdo rje 'dzin pa chen po la sogs pa nas chu lha'i mthar thug pa'i bar du rdo rje gzugs dang / sgra dang / dri dang / ro'i las kyi phyag rgya rnams kyis bkug la bcug ste/ bcings la dbang du byas te/ mchod yon phul te phyag rgya bzhis rgyas btab la/ rang gi dbang bskur bas dbang bskur bar bya ste/ 'di ni las kyi mchog ces bya ba'i ting nge 'dzin gsum pa'o/ /de la rang gi las la nges par sbyor ba'i rab tu sbyor ba ni 'di yin te/ rdo rje sems dpa'i phyag rgya chen po bcings la/ 'di skad ces brjod par bya ste/ sems can gyi khams thams cad rab tu dga' ba rnam par dag pa'i gnas la dgod par mdzod cig / hU~M de bzhin du rdo rje ro'i bar du phyag rgya chen po bcings la/ 'di skad ces brjod par bya ste/ sems can gyi khams thams cad ro rnam par dag pa'i gnas la rab tu dgod par mdzod cig /hUM de ltar ting nge 'dzin gsum rnam par bsgoms nas/ yang rdo rje bsdu ba bya'o/ /de nas rdo rje sems dpa' yi/ /phyag rgya chen po sgom byed cing / /ming brgya rtsa brgyad dam pa ni/ /lan cig bar du brjod par bgyi/ /dpal mchog dang po sems dpa' che/ /zhes bya ba nas brtsams te/ mgon po khyod la dad bgyis pas/ /rdo rje sems dpa' deng bdag grub/ /ces bya ba'i mthar thug pa'i bar gyis bstod do/ /de nas sngar bshad pa'i gsang ba'i lcags kyus dgug pa dang / gzhug pa dang / bcing ba dang / dbang du bya ba dag byas la/ dkyil 'khor gyi lha thams cad rang rang gi gnas su nges par dgod par bya'o/ /de nas rdo rje gnod sbyin gyis bgegs bsal bar byas la/ rab dang dra ba byas te/ rdo rje khu tshur gyis sgo bcad de/ oM badzra rak+Sha hoM/ zhes bya ba dang / rdo rje bsrung ba'i dam tshig gi phyag rgyas bsrung ba thams cad yang dag par bsrung bar bya'o/ /rdo rje bsdams pa bcings la/ mthe bong dang mthe chung gnyis thad kar sbyar la/ mdzub mo gnyis gshibs pa 'di ni rdo rje bsrung ba'i dam tshig gi phyag rgya'o/ /de nas bcom ldan 'das dpal rdo rje sems dpa' 'khor dang bcas pa la mchod yon hU~M dang bcas par phul la/ dang po'i rdo rje bcings te/ rang gi snying ga'i zla ba la hUM las dang po'i rdo rje bskyed la/ hUM dr-i sh+ya zhes bya bas bcom ldan 'das 'khor dang bcas pa blta bar byas nas/ dzaHhUM baM hoHsa ma ya s+t+waM sa ma ya s+t+wa/ a hoM hU~M/ zhes lan gsum brjod do/ /bcom ldan 'das 'khor dang bcas te bsgrub par bya'o/ /de nas rang gi lce la rdo rje de bzhin du bskyed la/ lha thams cad kyi ljags la yang hU~M bsam par bya ste/ 'di ni de rnams kyi chos kyi phyag rgya'o/ /de nas rang gi snying gar a las sna tshogs rdo rje bskyed la/ rdo rje sems dpa' la sogs pa rang gi las kyi phyag rgya hUM zlos shing gar las byung ba ste/ ba dan gsum pa rtse gsum can/ /bsgyings pas mtha' sogs las grol bas/ /glog 'gyu ltar 'degs mdun du bskor/ /de ni rdo rje gar zhes bshad/ /ces bya ba dang / rdo rje khu tshur gnyis bcings nas g.yon pa dkur bsten nas/ g.yas pas bstod pa'i tshul gyis snying gar 'dzin pa 'di ni bcom ldan 'das kyi las kyi phyag rgya'o/ /rdo rje khu tshur gnyis kyis mda' gsor ba dang bcas pa g.yon du 'phen pa ni rdo rje yid las byung ba'i'o/ /khu tshur gnyis pa de dag nyid kyis rang la 'khyud par byed pa de ni kI li kI la'i'o/ /rdo rje khu tshur gnyis bo de dag nyid kyis rgyal mtshan bsgreng ba'i tshul du byed pa ni rdo rje bdug pa'i'o/ /rdo rje khu tshur de dag nyid bkan nas lag pa gnyis rked pa gnyis su 'jog pa ni rdo rje snyems pa'i'o/ /me tog la sogs pa nas gar gyi bar gyi las kyi phyag rgya dam tshig gi phyag rgya'i tshul du byas pa ni las kyi phyag rgyar 'gyur ro/ /rdo rje gzugs la sogs pa nas chu lha la sogs pa'i mthar thug pa rnams kyi las kyi phyag rgya ni bris pa'i rjes su mthun pa'i phyag rgya chen po gang dag yin pa de dag nyid las kyi phyag rgya'i tshul rab tu sbyar ba 'dir las kyi phyag rgyar 'gyur ro/ /de bzhin gshegs pa rnams kyi las kyi phyag rgya ni de bzhin gshegs pa'i khu tshur las byung ba yin te/ g.yon pa de bzhin gshegs pa'i khu tshur snying ga'i phyogs su chos gos kyi rtse mo 'dzin pa'i tshul gyis gzhag la/ g.yas pa'i sor mo thams cad brkyang pas/ sa la reg pa'i tshul du bya ba 'di ni mi bskyod pa'i'o/ /'di nyid lag pa g.yas pa rkyong pa'i tshul du bzhag pa 'di ni rin chen 'byung ldan gyi'o/ /mi bskyod pa'i phyag rgya las g.yon pa'i chos gos kyi rtse mo 'dzin pa'i lag pas pad+ma'i sdong bu bzung la/ lag pa g.yas pa'i pad+ma 'dab ma kha 'byed pa lta bu ni 'od dpag tu med pa'i'o/ /mi bskyod pa'i phyag rgya las lag pa g.yas pa ba dan gsum pa ltar byas te/ mi 'jigs pa sbyin pa'i tshul du bzhag pa ni don yod grub pa'i las kyi phyag rgya'o/ /rdo rje khu tshur gnyis bcings la/ lag pa gnyis snyems pa dang bcas pa dang / 'degs pa'i tshul gyis 'jog pa 'di ni phyag na rdo rje'i'o/ /lag pa g.yon pa snying gar bzhag la/ g.yas pa ral gri 'dzin pa lta bu ni 'jam dpal gyi'o/ /rdo rje khu tshur gnyis dbang bskur ba'i gnas su 'jog pa lta bu ni nam mkha'i snying po'i'o/ /rdo rje gar bskor la dkrol te thal mo khong stong du byas nas spyi gtsug tu 'jog pa ni nam mkha'i mdzod kyi'o/ /g.yas dang g.yon gyi pad+ma kha 'byed pa lta bur byed pa ni/ spyan ras gzigs dbang phyug gi'o/ /mgal me'i 'khor lo bskor ba lta bur bya ba ni sems bskyed ma thag tu chos kyi 'khor lo bskor ba'i'o/ /rdo rje khu tshur gnyis nges par 'tshir ba ni rdo rje khu tshur gyi'o/ /mthe'u chung dang mdzub mo mche ba ltar bya ba 'di ni rdo rje gnod sbyin gyi las kyi phyag rgya'o/ /de nas phyag rgya chen pos thams cad rgyas gdab par bya ste/ dpal rdo rje sems dpa'i phyag rgya chen po ni bshad zin to/ /gzhan dag gis yang bris pa dang / rjes su mthun par bcing bar bya'o/ /de'i 'og tu bcom ldan 'das rdo rje sems dpa' sangs rgyas kyi phreng ba la sogs pas dbang bskur la/ de bzhin gshegs pa rnams dang / phyi rol gyi rdo rje'i rigs chu lha'i bar du yang rdo rje rin po che'i dbang bskur bas dbang bskur ro/ /rdo rje yid las byung ba la sogs pa nas/ rdo rje ro'i mthar thug pa dang / phyag na rdo rje la sogs pa byang chub sems dpa' brgyad ni/ sangs rgyas lnga'i dbu rgyan gyi phyag rgyas dbang bskur bar bya'o/ /de nas rdo rje rnam par sgeg pa'i phyag rgyas phyag byas la/ 'dod chags chen po bde ba che/ /rdo rje chen po nor che zhing / /ye shes chen po las che ba/ /rdo rje sems dpar deng 'grub mdzod/ /ces bya ba'i de kho na nyid kyis yang dag par bskul la/ bstod pa'i phyag rgya bcings te/ yang mtshan brgya rtsa brgyad pas yang dag par bstod do/ mchod yon phul la/ bcom ldan 'das 'khor dang bcas pa la/ me tog la sogs pa mchod pa rnam pa lngas badzra s+pha ra Na kha~M hU~M zhes 'don zhing yang dag par mchod de/ rdo rje mtshon cha la sogs pa'i las kyi phyag rgya rnam pa bcu gnyis kyis kyang legs par mchod do/ /de nas phyag bzhi byas la/ oM badzra At+ma kou0f85haM/ zhes bya bas lha thams cad kyi sku dang gsung dang thugs kyi ngo bo nyid du ye shes bdag nyid bsgom pa dang / oM swa b+hA wa shud+d+hou0f85 haM/ zhes bya bas gzugs brnyan dang mtshungs shing de kho na nyid kyi ngo bo nyid du bsam pa dang / oM sarba sa mo haM/ zhes bya bas chos thams cad bdag med pa'i mnyam pa nyid kyis lha thams cad kyi ngo bo nyid du ye shes gcig gi rgyu mthun pa yin par rnam par bsgoms la/ lha thams cad kyi thugs ka'i zla ba'i rdo rje la hUM zhes bya ba rnam par bkod de/ de nyid 'don cing bcom ldan 'das rdo rje sems dpa'i phyag rgya chen po bcings la/ dngos grub chen po kun gyi mchog /dbang phyug chen pos dbang phyug che/ /'dod chags chen po bde ba che/ /rdo rje sems dpar bdag gyur cig /ces brjod la bsgoms te/ lha thams cad kyi zhal gyi sgo nas hU~M gi sgra mngon par sgrogs par mdzad par bsams te/ de ltar na yang thams cad kyi yang bzlas pa byas par 'gyur ro/ /bsgoms pas dub par gyur na/ mtshan brgya rtsa brgyad kyis yang yang du bstod pa dang / mchod pa rnam pa bcu gnyis dang / phyag byas te 'di dag gis ni thams cad spyan drangs pa dang / mchod pa chen po dang / bdag la byin gyis brlab pa dang / sgrub pa bshad pa yin no/ /de nas b+ha ra ta dang bi shi kha la mkhas pa'i sgrub pa dang rjes su sgrub pa dag bshad par bya ste/ de la hU~M gi glu ni rjes su sgrub pa ste/ rdo rje dang dril bu dang / gling bu dang / pi wang dang / cang te'u dang / rdza rnga dang / rnga bo che la sogs pa'i rol mo rnams dang / brdung ba'i thal mo dang bcas pa dang / hU~M gi glu nyid kyis dpal rdo rje sems dpa'i sku dang gsung dang thugs yang dag par ston pa ni rjes su sgrub pa ste/ de skad du/ rang lha ji bzhin sbyor ba yi/ /rdo rje kun mchog lus dang ni/ /glu dang rol mo'i cho ga dang / /rdo rje nyid kyis mnyes par bya/ /rang lhar ji bzhin sbyor ba yi/ /rtsa ba'i dbyangs kyis rab bskul zhing / /glu dang rol mo'i cho ga dang / /dril bu nyid dang glur blang ngo / /rang lhar ji bzhin sbyor ba yi/ /sna tshogs phyag rgya'i bdag po'i mchog /glu dang rol mo'i cho ga dang / /dam tshig nyid kyang rjes su sgrub/ /rdo rje dril bu rol mo mnyam/ /sna tshogs brtson pa'i rol mo dang / /rang gsang cho ga legs brjod pas/ /g.yas pa'i thal mo rab tu 'grub/ /'di yis rtog pa thams cad la/ /rdo rje'i cha lugs bskul byas pa/ /rang gi lha yi gzhir gyur gyi/ /dam tshig thams cad 'grub par 'gyur/ /de nas rjes su sgrub pa'i lan bshad par bya ste/ slob ma'i tshogs dang bcas pa dang / /shin tu byang bar bslabs pa'i bud med kyi tshogs dang / rdo rje'i gar dang / mchod pa'i sbyor ba dang / sna tshogs pa'i phyag rgya mchod pa'i sbyor ba rnams kyis kyang bya'o/ /de la rdo rje'i gar ni 'di yin te/ rdo rje'i gar gyis gar byed cing / /bsgyur bcas 'dzin pa chen po dang / /dkyil 'khor du ni gar byed cing / /yongs su bzlog nas rab tu sbyar/ /de nas phyag rgya dang phyag rgya'i lan dang / shin tu gsang ba'i sna tshogs phyag rgya'i mchod pa bshad par bya ste/ rdo rje sems sogs lha rnams kyis/ / rtogs pa kun gyis rnam brgyan pas/ /gtam dang mtshan ma'i rgyu dag gis/ /gang zhig byed pa de gar yin/ /gser ram yang na dngul dag dang / /de bzhin shing las byas pa'i gdong / /rang gi gdong ngam lha rnams kyi/ /grub pa'i phyag rgya rab tu gnas/ /de ltar lan cig bsgrub byas nas/ / de yi 'og tu ci bder bya/ /kun za de bzhin thams cad byed/ /spyod pa ci dgar 'dod par byed/ /langs pa dang ni 'dug pa dang / /'chag gam de bzhin gnas pa dang / /dgod dam rab tu smra yang rung / /gang na ji ltar spyod kyang rung / /dbang po gang dang gang las gyur/ /de dang de yi ngo bor bya/ / mnyam par ma gzhag sbyor ba yi/ /rang gi lhar ni bsgrub par bya/ /de nyid sbyar ba 'di yis ni/ /'di dag thams cad bsgrub byas nas/ /thams cad rdo rje sems dpa'i dngos/ /rtag tu bltas pas rab 'grub 'gyur/ /zhes gsungs pas gal te shin tu mnyam par gzhag pa'i sbyor ba bsgoms pas dub par gyur cing mnyam par ma bzhag pa'i sbyor bas gnas par 'dod na/ de'i tshe phyag rgya chen pos bcom ldan 'das rdo rje sems dpa' rang gi gnas su gzhag ste/ dang po'i rdo rjes bdag nyid lan cig byin gyis brlabs la gnas par bya zhing / bya ba thams cad byas la/ yang slar zhugs te/ dang po'i sbyor ba de nyid kyis/ dzaHhUM baM hoHzhes brjod de/ bcom ldan 'das rang gi lus la bcug la/ phyag rgya chen po bcings te/ dbus su 'dug la mtshan brgya rtsa brgyad pas bstod de/ me tog la sogs pa dang / /mchod pa'i phyag rgya bcu gnyis kyis kyang yang dag par mchod de/ de nas phyag byas te de bzhin du bsgom par bya'o/ /gal te phyag rgya lhod par gyur tam/ rang nyid gtong bar 'dod na de'i tshe yi ge brgya pas brtan par bya'o/ /gang gi tshe gnas skabs dang po nyid dam/ gnas skabs gnyis par lha gshegs su gsol bar 'dod par gyur na/ de'i tshe mtshan brgya rtsa brgyad pas bstod cing mchod de/ me tog la sogs pa'i mchod pa dang / phyag rgya rnam pa bcu gnyis kyis mchod pa byas la/ rdo rje rnam par sgeg pa'i phyag rgyas rjes su phyag bya ba'i sbyor bas kyang phyag byas la/ 'dod pa'i dngos grub kyi phyir dge ba'i rtsa ba yang yongs su bsngos la/ dpal rdo rje sems dpa' la sogs pa'i phyag rgya de gang dang gang nas byung ba de dang de nyid du dgrol bar bya'o/ /de nas dam tshig gi phyag rgya dgrol bas badzra muHzhes brjod do/ /de nas snying ga nas byung ba'i rdo rje rin chen gyi phyag rgyas rang gi dbang bskur ba'i gnas na gnas pas dbang bskur la/ mdzub mo gnyis kyis phreng ba 'ching ba'i tshul du bcing zhing / de bzhin du go cha bcing bar bya ste/ de nas oM badzra rat+na a b+hi Shiny+tsa zhes bya ba ni phyag rgya thams cad dbang bskur ba'i snying po'o/ /sarba mu dra mai tri ku ru ba ra ka ba tse na baM zhes bya ba ni go cha bcing ba'i snying po'o/ /de la 'di'i phyag rgya ni 'di yin te/ rdo rje bsdams pa bcings la/ mdzub mo gnyis bkug ste/ mthe bong gnyis dang rtse sbyar ba'o/ /de nas mnyam pa'i thal mo brdabs pas mnyes par bya'o/ /de nas bcom ldan 'das gshegs pa'i phyir bskul bar bya ste/ thog mthar rab dga'i ngo bo brtan/ /'gro ba 'di dag kun gyi dpung / / sems dpa' chen po brtan mdzod la/ /slar yang gshegs par mdzad du gsol/ /zhes brjod de/ me tog gi thal mo gyen du dgrol bar bya'o/ /hUM muHyang zhes brjod nas des ni bcom ldan 'das 'khor dang bcas pa gshegs par 'gyur ro/ /ji ltar mngon par sprul pa'i dkyil 'khor gyi tshogs dang bcas pa'i 'khor lo yang yid kyis legs so zhes bya ba'i sbyor bas rang gi lus la bcug la yi ge brgya pa dang / rdo rje sems dpa' lan gsum bzlas te/ dang po'i rdo rje dang / rdo rje gnod sbyin dang / rdo rje khu tshur gyi phyag rgyas bdag nyid bsrung bar byas la/ langs te mchod rten gyi las dang / glegs bam bklag pa la sogs pa'i dge ba'i bya ba la sbyor ba ci bder gnas par bya'o/ /de ltar nyin re zhing byas nas/ ji srid zla ba gcig gam/ zla ba drug gam/ lo gcig gi bar du'am/ dus ji srid du nyin re'i sbyor bas dkyil 'khor thams cad mngon sum du mthong bar gyur pa'am/ rnal 'byor chen pos ji skad du bshad pa'i dkyil 'khor bsgom par bya ba'am/ rang gi snying gar dkyil 'khor bsgom par bya ste/ zla ba gcig gam/ zla ba drug gam/ lo gcig gam/ dus ji srid kyis rang gi snying gar dkyil 'khor mngon sum du mthong bar gyur pa de'i bar du bsgom par bya'o/ /gang zhig sgom par byed par mi nus pa des ni rnal 'byor chen po byas la/ sngags thams cad kyi bzlas brjod 'bum bya'o zhes bcom ldan 'das kyis gsungs so/ /de la rnal 'byor chen po 'di nyid bshad par bya ste/ bdag bsrung ba la sogs pa sngon du 'gro ba nas/ dam tshig sems dpar byin gyis brlab pa'i bar gyi cho ga rnams rjes su spyad la/ de bzhin du phyag rgya chen po bcings la nam mkha' dang mnyam pa'i sbyor bas rang gi lus la yid kyis zhugs la/ dang po'i rdo rje bcings te/ sangs rgyas kyi zhing dpag tu med pa dang mnyam pa'i rang gi snying ga'i zla ba'i dkyil 'khor la snga ma bzhin du dkyil 'khor mngon par sprul la/ ji lta ba bzhin du zhugs te/ rang gi mgo la me tog gi phreng ba dor la/ rang gi mgo la bcing bar bya'o/ /de nas dngos grub kyi brtul zhugs blang ba'i bar gyi cho ga rnams rjes su spyad la/ dpal rdo rje sems dpa'i ngo bo nyid kyi rang gi lus la lha thams cad kyi gnas su hri las sna tshogs pa'i pad+ma'i gdan bskyed la/ dkyil 'khor de rang gi lus la chu dang 'o ma bzhin du gcig tu gyur pa'i rnam par bsams la/ rang gi lus rdo rje sems dpa'i dbyibs la rdo rje sems dpa'i phyag rgya chen po bcings nas/ hUM zlos shing 'dug pa'i rnal 'byor pas gzhi'i lus la/ phyi rol du nam mkha'i phyogs su hUM a zhes bya bas dpal rdo rje sems dpa'i rdo rje chen po sna tshogs pad+ma'i steng du bskyed la/ hU~M badzro ha~M zhes bsgoms la/ rdo rje de rdo rje sems dpar bsgom par bya'o/ /de bzhin du rang gi lus la ji srid rdo rje'i ro'i gnas su rdo rje ro'i phyag rgya chen po bcings la/ hU~M zlos shing 'dug pa'i rnal 'byor pas gzhi'i lus las phyi rol du nam mkha'i phyogs la hU~M a zhes bya bas/ rdo rje ro'i rdo rje'i snod sna tshogs pad+ma'i steng du bsams la/ hU~M badzra sa ra b+hany+tsa naM a haM zhes bsgom par bya zhing / ro rdo rje'i snod de ro rdo rje ni bdag po zhes bsgom par bya'o/ /de bzhin du lha thams cad kyi gzugs mdun du sprul la/ snga ma bzhin du rdo rje lcags kyu la sogs pas dgug pa dang / gzhug pa dang / bcing ba dang / dbang du bya ste/ dang po'i rdo rje bcings la hU~M dr-i sh+ya zhes bya bas thams cad blta bar bya'o/ /de nas sngar bshad pa'i gsang ba'i lcags kyu dang / hU~M gi rang rang gi gnas su thams cad bcug la/ yang dang po'i rdo rje bcings la/ dzaHhU~M baM hoHzhes lan gsum brjod pa dang / sa ma ya s+t+waM zhes bya bas thams cad kyi 'od kyi dkyil 'khor bskyed la/ sa ma ya s+t+waM/ a haM hU~M zhes brjod de/ lha thams cad kyi phyag rgya chen po'i gzugs dang / lhan cig gcig tu gyur pas/ bdag nyid rdo rje'i ngo bo nyid yin par bsam par bya'o/ /de nas lha thams cad kyi ljags la hU~M bsams la/ snga ma bzhin du lha thams cad kyi las kyi phyag rgya dang / phyag rgya chen po bcing bar bya'o/ /de nas lha thams cad kyi sku dang gzhi'i lus la yid kyis legs so zhes bya ba'i sbyor bas snga ma bzhin du sangs rgyas thams cad bcug la/ phyag rgya bzhis rgyas gdab par bya'o/ /de nas gnas kyi nges pa bshad par bya ste/ sngags pa'i snying ga'i zla ba'i dkyil 'khor gyi mdun du bde ba chen po rdo rje sems dpa' dang / phyag na rdo rje dang / rdo rje yid las byung ba bsam par shes par bya'o/ /dpral bar kI li kI la dang / nam mkha'i snying po'o/ /lkog ma'i phyogs su 'jig rten dbang phyug dang / rdo rje dran pa'o/ /spyi bor rdo rje snyems pa'o/ /mgo bo la rdo rje dpyid do/ / mdoms kyi gsang bar rdo rje sprin no/ /mig gnyis su rdo rje ston ka'o/ /nu ma dang brang dang snying ga rnams su rdo rje dgun no/ /rdo rje sems dpa'i g.yon logs su ni rdo rje sgeg mo'o/ /sngags pa'i so'i phreng ba gnyis la ni rdo rje bzhad pa mo'o/ /rdo rje chos kyi g.yon logs su ni rdo rje glu mkhan ma'o/ /rdo rje snyems pa'i g.yon logs su ni/ rdo rje gar mkhan ma'o/ /sngags pa'i gzugs kyi skye mched la ni rdo rje'i gzugs so/ /sgra'i skye mched la ni rdo rje sgra'o/ /dri'i skye mched la ni rdo rje dri'o/ /ro'i skye mched la ni rdo rje ro dgod par shes par bya'o/ /ye shes kyi nang du ni 'phags pa 'jam dpal lo/ /phrag pa gnyis ni nam mkha'i mdzod do/ /lte ba la ni sems bskyed ma thag tu chos kyi 'khor lo bskor ba'o/ /rked pa la ni rdo rje khu tshur ro/ /khar ni rdo rje gnod sbyin no/ /de bzhin gshegs pa rnams ni thams cad du khyab pa yin pas de rnams kyi gnas nges pa yod par mi 'dod do/ /phyag rgya dgrol ba'i dus su yang bcom ldan 'das rnam par snang mdzad kyi spyi bo'i gtsug gi gnas su dgrol ba'o/ /mi bskyod pa ni rdo rje yid las byung ba'i gnas su'o/ /rin chen 'byung ldan ni kI li kI la'i gnas su'o/ /'od dpag tu med pa ni rdo rje sdug pa'i gnas su'o/ /don yod grub pa ni rdo rje snyems pa'i gnas su dgrol bar bya'o/ /de nas de bzhin du dang po'i rdo rje snying ga dang / smin mtshams dang / lkog ma dang / spyi bo rnams su byin gyis brlabs la/ yi ge brgya pas brtan par bya ste/ dbang bskur ba'i phyag rgya rnams kyis dbang bskur nas/ go cha mchog gi phyag rgyas bdag nyid go bgo bar bya'o/ /de nas de bzhin du dngos grub dang / brtul zhugs blang ba'i bar gyi cho ga thams cad byas nas/ rdo rje mtshon cha la sogs pas las kyi phyag rgya rnam pa bcu gnyis kyis bdag nyid yang dag par mchod la/ mchod pa de rnams rang gi gnas su bzhag ste/ rdo rje rnam par sgeg pa'i phyag rgya dang ldan pa'i rab tu 'dud pa dang ldan pas kyang / phyag byas la phyag rgya chen por bsgoms te/ de kho na nyid kyi rdo rje blang bar bya'o/ /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems pa bdag po'i bdag /bcom ldan 'das dpal mchog dang po'i skyes bu nyid do zhes bya ba ni de kho na nyid do/ /yi ge hUM ni rdo rje'i sa bon no/ /a las dril bu rdo rje snyems mar bsams la/ chos kyi dril bu dkrol bar bya'o/ /bcom ldan 'das mchog de nyid ni/ /srid pa'i bdag po kun gyi mchog / dam pa'i dbang phyug dam chos mchog /bde gshegs bka' bzhin byed pa'o/ /srid pa rang bzhin dag pa ste/ /ngo bo nyid kyis srid bral byas/ /rang bzhin dag pa'i sems dpa' yis/ /srid pa mchog tu byed par 'gyur/ /dril bu 'di ni mchog tu gsang ba'i chos nyid de/ /de bzhin gshegs pa thams cad mchod pa byed pa'am/ lha rnams bsgrub pa na dkrol bar bya ste/ des ni chos thams cad khong du chud pa la 'jug pas sgrib pa thams cad rnam par dag par byed cing / rdo rje thams cad dbab par bya ba rab tu sgrub par byed pa dang / dbang du bya ba dang / bsgrub par bya ba rab tu grub par byed pa'i chos so/ /de nas dag pa'i thabs rtog pa thams cad kyi gsang ba chen po'i dam tshig rtag tu bsten par bya'o/ /de brjod par bya ste/ srid pa'i bde ba shin tu chung / /sdug bsngal chen po dag bya'i phyir/ /shin tu bde ba dam pa'i thabs/ /dam tshig 'dis ni rtag tu 'thob/ /'dod pa'i longs spyod thams cad kyis/ /ci 'dod par ni bsten nas su/ /rang gi lha yi sbyor ba yi/ /bdag dang gzhan la mchod pa bya/ /zhes bya ba ste/ de bzhin gshegs pa thams cad kyi mchog tu gsang ba bla na med pa'i theg pa chen po'i dam tshig chen po'i rnal 'byor bcom ldan 'das ni dam tshig go/ /de ci'i phyir zhe na/ de bzhin gshegs pa kun gyis kyang / /'da' ba ru ni mi mdzad pa/ /phyag rgya dam tshig ces su bsgrags/ /yid kyi gzugs ni brtan pa'i phyir/ /zhes gsungs pa'i phyir ro/ /de la 'di skad ces kyang bshad de/ ji srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /gsang ba dam pa dam tshig thabs/ /bsod nams byin rlabs sgrub byed cing / /rtag tu dngos grub kun dbang phyug / kun du 'gro ba'i don byed do/ /zhes gsungs pa ste/ don 'di nyid gsal bar byed pa'i hU~M yang bzlas par bya ste/ 'di ni dam tshig go/ /de nas dam tshig gsum gyi glu dang / mchod pa dang dril bu dkrol bar bya ste/ oM nam mkha' las byung mtshan ldan phyir/ /thog ma tha ma med pa'i mchog / sems dpa' rdo rje che rang bzhin/ /rdo rje sems dpa' bdag grub mdzod/ /dngos grub chen po kun gyi mchog /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur dam par bdag grub mdzod/ /khyod ni nyes bral dam pa ste/ /'dod chags kun gyi rjes su mnyes/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas 'gro ba de bzhin gshegs/ /kun du bzang po kun bdag nyid/ /byang chub sems dpar bdag grub mdzod/ /dngos grub chen po kun gyi mchog / dbang phyug che sogs phyag rgya yis/ /grub pa'i rdo rje cher bstod pas/ /rdo rje snyems pa'i bdag po'i bdag /de nas snga ma bzhin du badzra At+ma kou0f85haM zhes bya ba la sogs pa'i sngags gsum brjod la/ de bzhin du nam mkha' dang mnyam pa'i sbyor bas rang gi snying gar zhugs te/ dang po'i rdo rje las sangs rgyas kyi zhing dpag tu med pa'i tshad tsam gyi dpal rdo rje sems dpa'i dkyil 'khor sprul la/ yang rdo rje sems dpa'i phyag rgya chen por bsams te/ hU~M zhes bya ba 'don zhing / yid kyis de'i dbus su gnas la/ rdo rje yid las byung ba la sogs pa nas/ chu lha'i mthar thug pa'i bar du dkyil 'khor chen po'i sbyor bas hU~M nyid kyis bcug la/ badzra At+ma kou0f85haM la sogs pa sngags gsum brjod de/ snga ma bzhin du dam tshig chen po'i de kho na nyid dang po'i rdo rjer byin gyis rlob pa'i dkyil 'khor gyi ngo bo nyid ni bdag yin no zhes nga rgyal bskyed la/ lha thams cad kyi thugs ka na yod pa'i rdo rje'i dbus su hU~M bkod de/ de bzhin du thams cad du bdag yin no zhes bsgom zhing zla ba gcig gam/ zla ba drug gam/ lo gcig gam/ dus ji srid kyis rang gi snying ga'i zla ba'i dkyil 'khor chen po de mngon sum du mthong bar gyur pa de srid du bsgoms la/ de nas dkyil 'khor bri bar bya'o/ / sngon du bsnyen pa'i cho ga'o/ /de nas sngon du bsnyen pa byas nas/ nyin re'am/ zla re'am/ lo re zhing rnal 'byor chen po nyid kyis dkyil 'khor bri bar bya'o/ /de la dang po kho nar yo byad thams cad dang yang dag par ldan pas/ mngon par 'dod pa'i sa'i dbus su mi rus kyi phye ma'i sbyin sreg dang / mngon spyod kyi sbyin sreg gi cho gas dkyil 'khor gyi bgegs bzlog la bdag dang slob ma zhi bar byed pa'i sbyin sreg bya'o/ /de nas rdo rje gnod sbyin gyis sems can gdug pa rnams bskrad la/ gnas bsrung bar byas te/ yang de nyid kyi sngags lan bdun bzlas pa'i yungs kar dang / chu dang thal ba rnams kyis gtor la/ sa'i phyogs der khru gang tsam mam/ 'dom gang tsam brkos te/ bzlog la skra dang rus pa dang / zhogs ma dang / sol ba dang / thal ba la sogs pa bsal te/ dag cing dri zhim pa'i sas bkang la/ rdo rje rtse mo yongs su bzlas pa'i spos chus sbong zhing 'thas par bcag par bya'o/ /shin tu mnyam pa'i sgo bzhi pa'i khang pa brtsegs ma'i nang du chud pa/ rta babs bzhis mdzes par byas pa/ sgo bzhi'i sgo glegs bzang pos bskor ba'i gnas su slob ma shin tu mkhas pas shar phyogs nas brtsams te/ rdo rje gnod sbyin gyi sngags yongs su bzlas pa'i ba'i rnam pa lngas legs par byug cing / de nyid yongs su bzlas pa'i spos chus bsang gtor bya ba dang / de nyid lan bdun bzlas pa'i rin po che dang / 'bru dang / sman thams cad sa'i dbus su gzhug par bya ste/ sa yongs su sbyang ba'i cho ga'o/ /de la sa yongs su sbyangs shing shin tu 'thas par bcags zin pa'i gnas su rdo rje gnod sbyin gyis bgegs bsal la/ yungs kar dang chu dang thal ba rnams la rdo rje gnod sbyin gyi sngags lan bdun bzlas pas mngon par gtor bar bya'o/ /de nas yang slob ma shin tu mkhas pas rdo rje gnod sbyin gyi sngags bzlas pa'i ba'i rnam lngas legs par byug cing / spos chus kyang sa phyogs de bsang gtor bya'o/ /de nas kyang rin po che dang / 'bru dang sman thams cad la bzlas brjod lan bdun byas pa'i sa'i cha de'i dbus su gzhug par bya ste/ 'di yang 'dir sa sbyang ba'i cho ga'o/ /de nas yang 'dir slob ma shin tu mkhas pas sa'i shar phyogs nas brtsams te/ rdo rje gnod sbyin gyis yongs su bzlas pa'i dris nye bar byug par bya'o/ /de nas lugs ma'am 'bur du brkos pa'am/ ris su bris pa'i sangs rgyas dang / byang chub sems dpa' rnams dang / rigs pa'i tshogs rnams kyis brgyan cing tha mar tshon gyi ra ba nye bar mdzes par bya ba dang / rgyal mtshan gyi dam pa dang / bla re mchog dril bu btags pa bre ba dang / me tog dang / mar me dang / me tog gi chun 'phyang dang / dra ba dang / dra ba phyed pa dang / zla ba phyed pa dang / zla ba rdo rje dang / rin po che dang / ba dan dang / phreng ba rnams dang / sgo bzhi dang / mtshams bzhir spos khang gzhag pa dang / rol mo dang / glu dang gar rnams kyis yang dag par mchod nas/ sa la lag pa bzhag ste/ hU~M dang yi ge brgya pa lan bdun bzlas brjod bya'o/ /sa yongs su gzung ba'i cho ga'o/ /de nas dkyil 'khor gyi sa'i dbus su 'dug la/ bgegs gzhom pa la sogs pa ji lta ba bzhin du byas te/ dang po'i rdo rjes dkyil 'khor sprul la/ phyag bya ba la sogs pa sngon du 'gro bas sdom pa bzung nas lha'i rnal 'byor dang gzhal yas khang dang gdan rnams bskyed de/ dbus su sems dpa'i skyil mo krung gis 'dug la/ 'di ltar bdag nyid spro ba bskyed par bya ste/ deng du bdag tshe 'bras bu yod/ /bdag gis gson pa'ang 'bras bur bcas/ /lha dang dam tshig gis mnyam par/ /gyur pa bdag ni som nyi med/ /byang chub sems dang sems gcig las/ /mi ldog par ni bdag 'gyur te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gis mchod sbyin bla na med/ /sangs rgyas thams cad spyan 'dren pas/ /deng bdag 'dus pa mchog yin no/ /de nas lus thams cad kyis phyag byas la bdug spos phul te/ sangs rgyas thams cad la gsol ba gdab par bya'o/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba yi/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub 'dir ni stsal du gsol/ /zhes brjod do/ / yan lag thams cad kyis phyag byas la/ dang po'i sbyor ba dang / dkyil 'khor gyi mchog dang / las kyi mchog ces bya ba'i ting nge 'dzin gsum bsgoms la/ snga ma bzhin du cho ga thams cad rjes su spyad de/ hU~M zlos pa la brtson zhing phyag rgya chen po bsgom par bya'o/ /de nas dkyil 'khor bri bar bya ba'i phyir/ bdag nyid la de bzhin gshegs pa thams cad kyis gsol ba gdab par gyur par bsams te/ bcom ldan khyod la gsol ba ni/ /'dod chags chen po bde ba che/ /snying po 'di yi rtag pa nyid/ /bde chen myur du grub par mdzod/ /ces bya bas gsol ba gdab par bsam mo/ / de nas de las langs te/ de bzhin gshegs pa thams cad kyi zhabs la phyag byas te/ de bzhin gshegs pa thams cad kyis nam mkha' yongs su gang bar bsams la/ bdag nyid rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag nyid/ /rnal 'byor dbang phyug rgyal po bdag /phyag na rdo rje brtan bdag ste/ /bdag po rdo rje chen por bdag /byin gyis brlabs pa mi 'dor ro/ /hU~M zhes brjod par bya ba'o/ /mchog tu dam tshig gsum thob pa'i/ /slob dpon rang gi phyag rgya yis/ /rdo rje dril bu 'chang bya zhing / /'khor lo'i cho ga thams cad bya/ /rtog pa kun la mnyam 'jug pas/ /dkyil 'khor thams cad bsgrub par bya/ /dam tshig gsum zhes bya ba yi/ /rgya 'di gsang sngags sgrub byed pa'o/ /dngos grub kun gyi cho ga la/ /rdo rje dril bus rab bskul bas/ /cho ga lhag gam ma tshang na'ang / /'grub par 'gyur te smad mi bya/ /de nas dkyil 'khor thams cad mngon du byas la/ dang po'i rdo rjes hU~M badzra ut+tiSh+Tha ma hA maN+Dal ut+pA da yA zhes brjod de/ bar snang gi phyogs su dkyil 'khor bzhag la/ bdag nyid dang po'i rdo rje de nyid du hU~M gis byin gyis brlabs la/ yang phyag rgya chen por bsams te/ badzra tiSh+Tha ma Ta zhes bya ba mig gnyis su bkod de/ de bzhin du langs la phyag rgya la gnas pas thams cad du bltas te/ snyems pas hU~M 'don cing song la rkang pa gnyis kyi 'og tu a las sna tshogs rdo rje bsams te/ rkang pa nas brtsams nas/ nam mkha'i khams ma lus pa dang mnyam par gnas pa'i sa'i cha rdo rjer gyur par lhag par mos par byas la/ rdo rje'i lta bas kyang g.yon pas bgegs bsal te/ skor phyogs dang steng 'og dang / nam mkha'i phyogs thams cad du dkyil 'khor gyi mtshams bcad pa dang / rab dang dra ba dag bya'o/ /de nas sgo 'byed pa'i phyag rgyas sgo phye la/ rdo rje rgyu'i ngo bo zhal bzhi pa/ phyag bzhi pa'i gsang ba'i gzugs can gyi dkyil 'khor phyag rgya dang / sngags 'di dang ldan pas dgug par bya'o/ /oM badzra maN+Dal hU~M dza/ rdo rje khu tshur gnyis las mthe bo dang mdzub mo rdo rjer bya ba ni dkyil 'khor thams cad 'gugs par byed pa rdo rje 'khor lo zhes bya ba'i phyag rgya'o/ /oM ma hA badzra tsa kra a d+hi tiSh+Tha sid+d+h+ya hU~M zhes bya ba phyag rgya 'di dang ldan pas dkyil 'khor yang byin gyis brlab par bya'o/ /rdo rje khu tshur gnyis kyis 'khor lo bskor ba'i tshul du mgal me bskor ba ltar bya ba ni 'di'i phyag rgya'o/ /de nas seng ldeng gi phur bu la mtha' yas dang / rnam par rgyal ba dang / sprin sgra dang / gsus po che zhes bya ba rim pa bzhin du steng gi 'khor los sgyur ba dang / rdo rje hU~M mdzad dang / 'phags pa 'jam dpal gshin rje gshed dang / rdo rje chen po dang / rta mgrin lta bu la 'og tu rdo rje rtse gcig pa lta bur bskyed nas/ tsan+dan dmar pos byug cing / srad bu dmar po dang / me tog gi phreng ba dmar pos bcings te/ hU~M kro ta ya/ tri Ta tri Ta/ tri Ta ma Ta/ zhes bya ba brgya rtsa brgyad bzlas brjod bya ste/ de g.yon pa'i rdo rje khu tshur gyis bzung la/ phyi'i dkyil 'khor gyi grwa bzhir dbang ldan gyi phyogs nas brtsams te/ rdo rje tho bas brdung bar bya'o/ /de nas rdo rje gnod sbyin gyis bgegs bsal la bsrung ba byas te/ de bzhin du rdo rje khu tshur gyis sgo bcad la/ rdo rje gnod sbyin gyis bsrung ba rnams yang dag par bsrungs te/ rdo rje gnod sbyin gyis yongs su bzlas pa'i bum pa dkyil 'khor gyi sgor bsang gtor bya ba'i phyir gzhag par bya'o/ /de nas spos chu las rdo rje gnod sbyin nyid bzlas la/ de nyid 'don cing spos chu des dkyil 'khor gyi sa gzhi byug par bya'o/ /de nas lha thams cad kyi gnas su dri'i dkyil 'khor byas la/ lag pas brim nas/ hU~M lan bdun de dag la bzlas la/ de rnams su dpal rdo rje sems dpa' la sogs pa nam mkha'i phyogs las phab ste/ hU~M nyid kyis bcug la mchod pa rnam pa lngas mchod do/ /de nas phyi rol du gtor ma sbyin la/ rnam par rgyal ba'i bum pa ji skad du bshad pa'i mtshan nyid rnams dang ldan pa/ sman dang 'bru dang / rin po che la sogs pa dag yang dag par ldan par byas nas chu cung zad bcug ste/ rdo rje gnod sbyin dang / rdo rje me ltar rab tu 'bar ba dang / rdo rje sems dpa' re re zhing lan brgya rtsa brgyad bzlas pa'i mchod yon bum pa'i steng du bzhag la/ rang gi dam tshig gi phyag rgyas bzung ba'i rdo rje dang / me tog gi yal ga las re re zhing yang lan brgya rtsa brgyad bzlas nas/ me tog bcug la bdug pas bdugs te/ de nas dbang bskur ba'i don du rdo rje sems dpa'i spyan sngar gzhag la/ nyi ma gnyis pa la/ de la dus gsum du bzlas brjod bya'o/ /de ltar bum pa'i bsnyen pa byas nas/ rdo rje gnod sbyin dang / rdo rje sems dpa' dang / sangs rgyas spyan gyis mar la sogs pa'i sbyin sreg re re zhing brgya rtsa brgyad bya ste/ 'di ni lhag par gnas pa'i sbyin sreg gi cho ga'o// //de nas bcom ldan 'das la mtshan brgya rtsa brgyad kyis yang dag par bstod la/ mchod pa bcu gnyis kyis bcom ldan 'das 'khor dang bcas pa legs par mchod la snga ma bzhin du phyag byas nas/ mchod yon phul te/ slob ma lhag par gnas pa'i cho ga bya'o/ /de la dang por re zhig lag na me tog thogs pas/ slob dpon la phyag byas la/ 'di skad ces brjod par bya ste/ dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po grong mchog tu/ /mgon po bdag ni 'jug par bgyid/ /de nas slob dpon gyis slob ma'i snying gar sa ma ya a zhes bya bas zla ba'i dkyil 'khor bskyed la/ de'i steng du hUM las rdo rje rtse lnga pa bsams la/ lag pa g.yas pas rdo rje blangs te/ sur te sa ma ya s+t+waM ho/ badzra sid+d+h+yi ya thA su khaM zhes bya ba'i snying pos rang gi snying gar rdo rje gzhag par bya'o/ /de nas sdig pa bshags pa la sogs pa byed du gzhug ste/ rtog pa ma lus legs par bsdus nas ni/ /shin tu bsam pa bzang por ldan pas nyon/ /brjed ngas blo la rdo rje sems sogs pa'i/ /bde bar gshegs pa rnams kyis byin mi rlob/ /dbang med bdag gis mi dge bgyis pa dang / /rjes su yi rang yang na bgyid stsal gang / /de dag thams cad byang chub mchog gi ni/ /spyan sngar da ltar ma lus so sor bshags/ /bde gshegs rnams kyi cho gas gnyis ma lus dang / /sras rnams kyi ni zab cing mtha' med pa'i/ /'gro ba ma lus don rnams bsgrub mdzad dang / /de las gzhan la'ang bdag ni yi rang ngo / /thugs rjes gdung bas thugs dang ldan 'gyur zhing / /blo gros sdig med gti mug tshogs kun bcom/ / ma lus rigs kyi pad+ma'i nang bzhugs pa/ /bde bar gshegs pa rnams la skyabs su mchi/ /rab mchog blo yis kun dga' ra ba ste/ /dman pa 'jig par byed pas 'khor lo'i tshul/ /srid pa'i sbyor ba zil gyis gnon pa'i tshul/ /gsung mchog chos kyi mchog la skyabs su mchi/ /'dod chags la sogs sbrul gyi dug 'joms shing / /blo gros rnam rgyal thugs rje chen po yid/ /brtul zhugs dbang po'i tshogs la skyabs gsol zhing / /srid dang bral ba rnams la bdag phyag 'tshal/ /rgyu yi rjes thogs bdag po'i yul nyid las/ /'bras bu'i nus pas dgra yi tshogs las rgyal/ /so sor rigs dang snying rje'i rtsa ba can/ /byang chub yang dag rig pa bdag gis bzung / /sems can rnams ni yongs su smin phyir dang / /bskyab pa'i phyir ram yang na bdag gi sems/ /yang dag nyid du dag par bya ba'i phyir/ /thams cad rtswa bzhin ltos pa med par sbyin/ /de bzhin tshul khrims bzod dang brtson 'grus dang / /bsam gtan dang ni shes rab bla med pa/ /bdag dang gzhan rnams dag par bya phyir 'di/ /skad cig re re zhing yang bsgom par bgyi/ /bde gshegs sngags la rgya cher mkhas pa dang / /chos rgyal rtag tu lhun gyis grub pa ni/ /'gro 'di rnams kyis thob par bya ba'i phyir/ 'di na mkha' bzhin du ni gnas par bgyid/ /ces lan gsum brjod do/ /bdag gi dge ba'i rtsa ba yang dag par bsdus pa 'dis/ bdag gis thams cad yongs su gtang bar bgyi'o/ /bdag gis sems can thams cad la mnyam par gzhag pa'i sems bskyed par bgyi'o/ /bdag gis sems can thams cad theg pa thams cad dang thabs kyi bye brag thams cad kyis btul nas mi gnas pa'i mya ngan las 'das pa'i dbyings la rab tu gzhag par bgyi'o/ /bdag gis sems can thams cad yongs su mya ngan las 'das par gyur kyang sems can 'ga' yang mya ngan las bzlas par 'gyur ba med do zhes sems bskyed par bgyi'o/ /bdag gis chos thams cad skye ba med pa nyid du rjes su rtogs par bgyi'o/ /bdag gis ma yengs pa'i sems dang / thams cad mkhyen pa'i ye shes kyis pha rol tu phyin pa drug la bslab par bgyi'o/ /bdag gis theg pa gcig gi tshul du gnas par yang dag par rtogs par bgyi'o/ /bdag gis byang chub kyi phyogs kyi chos sum cu rtsa bdun la gnas pa so sor rtogs pa'i phyir bslab par bgyi'o/ /bdag gis stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams so sor rtogs par bya ba'i phyir mngon par brtson par bgyi'o/ /de bzhin du bdag gis sangs rgyas kyi chos tshad med pa ma lus pa la mngon par gnas shing / bsgrub par bgyi'o/ /'di ni byang chub sems dpa' rnams kyi rdo rje lta bur byang chub chen por sems bskyed pa yin te/ de bzhin gshegs pa thams cad kyi yab dang / de bzhin gshegs pa thams cad kyi bka' bzhin mdzad pa dang / de bzhin gshegs pa thams cad kyi sras kyi thu bo ste/ 'di nyid ni bcom ldan 'das kun du bzang po'o/ /de ji lta ba bzhin du yang dag par rdzogs par byas pa'i dge ba'i rtsa ba'i stobs kyis bdag sems bskyed pa 'di gnas pas/ bde ba mtha' yas pa la gnas pa'i kun du bzang po'i spyod pa zhes bya ba rdzogs pa la gdul bya'i skye bo'i tshogs ma lus pa la bde ba'i dbang phyug gi bar du dbye ba mang po yang dag par bstan pas smin par bya zhing / rab tu dga' ba'i gzengs bstod pa la nges par sbyar bar bya'o/ /de nas dpal chen mos slob ma'i lag tu dri sbyin pa dang / rab tu dga' bas me tog /rab tu dga' bas bdug spos/ spyan gyis mar me sbyin zhing / badzra ha sa ha zhes bya ba mngon par bzlas shing / phyag rgya mchog gis bsrung ba byas pa'i a shwat+tha las byas la/ dris bsgos shing me tog gis bcings pa'i so shing dang / badzra tiSh+Tha zhes bya ba bzlas pa'i ku sha gsar pa slob ma la sbyin par bya'o/ /de nas dpung pa g.yon par mdud pa gsum dang ldan pa'i srung skud la/ oM badzra rak+Sha haM zhes bya ba 'di bzlas la/ bdag nyid kyis yang dag par bcing bar bya'o/ /de nas oM bud+d+ha mai tri badzra rak+Sha haM/ zhes bya ba'i phyag rgya dang ldan pa'i byams pa'i go chas go bskon par bya'o/ /de la phyag rgya ni 'di yin te/ rdo rje khu tshur gnyis bcings la/ /mdzub mo gnyis kyis mdud pa dang / /bdag gam gzhan la go bskon na/ /rtag pa yi ni bsrung bar 'gyur/ /oM badzra satwa uSh+NI Sha hUM phaT/ zhes bya ba slob ma'i spyi gtsug tu dgod do/ /de nas 'di'i phyag rgya bshad de/ rdo rje bsdams pa dam byas la/ /mthe bong snyim par bcug nas su/ /mdzub mo'i rtse mo bkab pa ni/ /sems dpa'i gtsug tor zhes byar grags/ /de nas slob ma rnams la 'di skad ces brjod par bya ste/ bzhin bzangs dag longs la/ de bzhin gshegs pa rnams la phyag gyis shig /nang par thar pa chen po'i grong khyer mthong bar 'gyur ro/ /slob ma lhag par gnas pa'i cho ga'o/ /de nas mchod pa byas la bdug spos phul te/ bcom ldan 'das 'khor dang bcas pa nye bar snyan gsan dbab pa spyan drang bar bya'o/ /rdo rje sems dpa' bcom ldan 'das/ /rig sngags rgyal la phyag 'tshal lo/ /bdag ni brtse bar gyur nas su/ /slob ma rnams la brtse ba dang / /khyed rnams la yang mchod pa'i phyir/ /sang ni dkyil 'khor bri bar 'tshal/ /bcom ldan bdag ni gus pa la/ /de bas gnang bar mdzad pa'i rigs/ /sangs rgyas 'jig rten mgon brtse dang / /byang chub sems dpa' dgra bcom dang / /gsang sngags lha gzhan gang lags dang / /'jig rten skyong ba'i lha rnams dang / /gang yang 'byung po mthu chen dang / /gang du lha yi spyan mnga' ba'i/ /sems can bstan la dga' ba rnams/ /bdag la dgongs par mdzad du gsol/ /bdag ming 'di zhes bgyi ba yi/ /sang ni dkyil 'khor bzang po'i ming / /'di zhes bgyi ba ci nus kyis/ /cho ga bzhin du bri lags na/ /bdag dang slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlabs par mdzad du gsol/ / zhes lan gsum brjod de lha lhag par gnas pa'i cho ga'o/ /de nas bcom ldan 'das la phyag byas la/ mtshan brgya rtsa brgyad pas bstod la/ mchod yon phul ba sngon du 'gro bas yang dag par mchod la phyag byas te/ slob ma rnams la zab cing rgya che ba'i chos bshad pa byas nas/ slob ma'i tshogs dang bcas pa'i slob dpon dkyil 'khor gyi sa'i mtha' logs su nyal bar bya'o/ /de nas skya rengs 'char ba'i dus su/ khrus bya ba sngon du 'gro bas lha'i rnal 'byor byas la/ nyi ma 'char ba'i dus su dkyil 'khor bri ba brtsam par bya ste/ de bzhin du dang po'i rdo rje bskyed nas/ dang po kho nar srad bu tshon dmar po dang / ljang gu dang / sngon po dang / ser po dang / dkar po'i dri zhim pas so sor btso bar bya'o/ /de nas rim pa 'di nyid kyis bzhag la/ hrIHa hUM trAM oM zhes bya ba'i sa bon gyi yi ge rnams las/ de bzhin gshegs pa 'od dpag tu med pa dang / don yod grub pa dang / mi bskyod pa dang / rin chen 'byung ldan dang / rnam par snang mdzad rnams srad bu la rnam par bsams la/ de bzhin gshegs pa 'od dpag tu med pa la sogs pa rang rang gi phyogs na bzhugs pas/ rang rang gi sa bon gyi 'od zer gyi srad bu rang rang gi thugs ka las yang dag par gtor bar bsam par bya'o/ /de nas de rnams 'bar ba'i lta ba dang / lcags kyus dza hi zhes bya ba mig gnyis su bkod la/ 'bar ba'i lta ba dang / lcags kyus bkug nas/ rang gi lag pa gnyis su bzhag la/ rang gi lag par bzhag pa de rnams kyis phyi rol gyi srad bu la kun du bkang la bsgril bar bya ste/ a n+yo n+ya a nu ga ta sarba d+harmA s+pha ra s+pha ra a nu pra biSh+Ta sarba d+harmA/ a t+yan ta a nu pra biSh+Ta sarba d+harmA hUM/ zhes brjod par bya'o/ /de nas dri bzang pos byug pa'i gser la sogs pa'i snod du bzhag la me tog gis gtor te/ yang dag par mchod la/ oM badzra sa ma ya sU tra mA tikra ma hU~M/ zhes bya ba rdo rje khu tshur gnyis kyis bzung la/ bzlas brjod brgya rtsa brgyad bya'o/ /de nas dkyil 'khor gyis dri zhim pos byugs la me tog gi sil ma gtor te/ nam mkha' la bzhugs pa'i bcom ldan 'das me tog la sogs pa dang / glu dang rol mo la sogs pas yang dag par mchod la/ mig g.yas g.yon du dza gnyis las nyi ma dang zla ba kha dog ser po bskyed de yid la hU~M zlos shing / rnam par snang mdzad du bsgyur nas/ badzra karma zhes brjod de/ rang gi snying ga las sgrub pa'i grogs mchog rdo rje las kyi gzugs su drangs la phyung ste/ hU~M zhes zlos shing yang rdo rje 'dzin pa chen por bdag nyid bsams la/ dri zhim po dang / yungs kar dang ldan pa'i tshon dkar po dang lhan cig bsgos te/ srad bu de dang po'i rdo rje khu tshur gyis bzung la/ phyi nas ci bder bya ba dang / /rim pa 'dis thig gdab par bya'o/ / de la dang po kho nar de bzhin gshegs pa thams cad la phyag byas te/ yi ge dzas sgrub pa'i grogs mchog rdo rje las kyi gzugs can gyi lag tu gtad la phyogs thams cad mnyam pa nyid du bsams nas/ slob dpon nub tu gnas nas shar du bltas te tshangs pa'i thig gdab par bya'o/ /yang lho phyogs su gnas nas byang phyogs su bltas te tshangs pa'i thig gnyis gdab par bya'o/ /de nas shar lho mtshams su gnas nas byang phyogs su kha bltas te/ phyi'i dkyil 'khor gyi shar phyogs kyi logs thig gdab par bya'o/ /de nas nub byang mtshams su gnas nas lho phyogs su kha bltas te nub phyogs kyi logs thig gdab par bya'o/ /de bzhin du gnas nas kha shar du bltas te byang phyogs kyi logs thig gdab par bya'o/ /yang shar lho'i mtshams kyi cha la 'dug nas nub phyogs su bltas te lho phyogs kyi logs thig gdab par bya'o/ /de bzhin du khyams kyi thig dang / lha'i snam bu'i thig kyang gdab par shes par bya ste/ thams cad du slob dpon dang sgrub pa'i grogs mchog ni bskor ba'i tshul gyis 'gro bar shes par bya'o/ /de nas shar lho mtshams su gnas nas nub byang mtshams kyi bar du srad bu brkyang ste thig gdab pa dang / yang lho nub kyi mtshams su 'dug la byang shar gyi mtshams su srad bu brkyang ste thig gdab par shes par bya'o/ /de nas sgo dang sgo khyud gdab ste/ de la thig gdab pa'i sngags ni 'di yin te/ oM badzra sa ma ya sU tra mA ti kra ma hU~M/ zhes bya'o/ /dzaHdzaHdzaHzhes bya ba dzaHgsum dang / sgrub pa'i grogs mchog gis srad bu drang bar bya'o/ /de la sgo thams cad sgo khyud ni brgyad char bya'o/ /sgo 'gram dang kha khyer dang lha'i snam bu ni sgo phyed kyi tshad do/ /tshon sna lnga'i sa ni kha khyer gyi phyed kyi tshad do/ /rta babs kyi tshad ni sgo'i sum 'gyur du bya'o/ /phyi'i dkyil 'khor gyi phyed kyi tshad ni nang gi dkyil 'khor te zur bzhi pa/ sgo bzhi pa/ ka ba brgyad pa/ rta babs med par legs par thig btab la/ dkyil 'khor gyi dbus su seng ldeng gi phur bu 'og rdo rje rtse gcig pa lta bu la/ steng rdo rje rtse lnga pa lta bur bya ste hU~M las bskyed la/ oM badzra kI li kI la ya/ sarba big+hAn ban+d+ha hU~M phaT/ ces bya ba lan brgya rtsa brgyad bzlas te/ rdo rjes brdung bar bya'o/ /de la btags pa'i srad bus nang gi dkyil 'khor gyi phyi rol gyi rdo rje phreng ba'i thig gdab par bya'o/ /de la dkyil 'khor brgyad cha 'dra ba'i ka ba brgyad nyid kyi thig cha mnyam par thig gdab par bya ste/ shar phyogs kyi cha'i ka ba'i thig ni lho phyogs kyi char 'dug la byang du bltas te thig gdab par bya'o/ /nub phyogs kyi cha'i ka ba'i thig ni byang phyogs kyi char gnas la lho'i phyogs su bltas te gdab po/ /byang phyogs kyi cha'i ka ba'i thig ni nub phyogs su 'dug la shar du kha bltas te gdab po/ /lho phyogs kyi cha'i ka ba'i thig ni shar phyogs kyi char 'dug la nub tu bltas te gdab par bya'o/ /da ni lung las gsungs pa'i thig gdab pa'i cho ga bshad par bya ste/ de nas thig ni gdab bya ba/ /srad bu nyis 'gyur dag gis te/ /nam mkha' thams cad tshad gyur pas/ /tshad med pa na tshad yin te/ /bzang po sangs rgyas kun gyi gnas/ /phyogs rnams thams cad mnyam pa nyid/ /shar dang nub dang byang dang lho/ /thig bzhi btab pas dkyil 'khor brgyad/ /zur bzhi pa la sgo bzhi pa/ khyams rnams kyis ni legs par bskor/ /rta babs bzhi dang yang dag ldan/ /'od zer 'bar ba 'khrigs pa'i 'od/ /dkyil 'khor kun gyi grwa rnams dang / /sgo dang sgo khyud mtshams rnams su/ /zla ba phyed la rab gnas pa'i/ /rdo rje rin chen rnams kyis spras/ /mi mnyam med pas zur bzhi ste/ /dran dang dbang po'i sgo bzhi'o/ /bsam gtan rnams kyi rta babs bzhi/ /ting 'dzin kha khyer shes par bya/ /kha khyer la brtan rdo rje'i bdag /gzungs rnams lha mos mchod pa yin/ /rgyan rnams kun gyis bkra ba yang / /bsam pa thams cad rdzogs byed pa'o/ /gdul byas bskyod pa sna tshogs mchog /dar 'phan dril bu sgrogs pa yin/ /me long ye shes rtag med rtog /byang chub yan lag me tog phreng / /dra ba dra phyed rin chen mchog /nyi ma zla ba yang dag ldan/ /kun grub mi zad bde ba ste/ /bde ba chen po zhes grags pa'o/ /phyi'i dkyil 'khor ro/ /de yi nang gi dkyil 'khor ni/ /dkyil 'khor brgyad pa dag dang mtshungs/ /rdo rje'i thig ni yongs btab pas/ /rdo rje 'khor lo zhes byar grags/ /byang chub sems ni theg pa che/ /rdo rje thig ni rab bskor bas/ /rdo rje thig ni yongs btab la/ /rdo rje 'khor lo yang dag bri/ /yang dag bris te kun gyi mchog /thar pa chen po'i rang bzhin grong / / thog ma med cing mchog nyid pas/ /phyogs rnams thams cad mnyam pa yin/ /de nas/ oM sum+b+ha ni sum+b+ha hUM/ gr-i h+Na gr-i h+Na hUM/ gr-i h+NA pa ya gr-i h+NA pa ya hU~M/ A na ya ho/ b+ha ga bAn badzra hUM phaT/ ces brjod la dkyil 'khor gyi lte ba la gnas pa'i phur bu phyung la/ 'og nas bshad pa'i tshon sna lngas phur bu'i bu ga bkang ste mnyam por bya'o/ /de nas mig gnyis su hi las nyi ma dang zla ba bskyed la/ khro bo'i lta bas kyang kun du bltas te sgo rnams dbye'o/ /de nas tshon sbyang ba bshad par bya ste/ oM badzra tsi tra sa ma ya hU/ zhes bya bas phyag rgya 'di dang ldan pas tshon thams cad la lan bdun bzlas na/ rdo rje'i rang bzhin du 'gyur ro zhes bcom ldan 'das rdo rje 'chang chen pos gsungs so/ /de la phyag rgya ni 'di yin te/ rdo rje phyag rgya gnyis las ni/ /mdzub mo rtse mo mnyam sbyar ba/ /byas nas tshon rtsi thams cad ni/ /'bar ba'i lta bas dgug par bya/ /hi zhes bya ba'i mthar khro bo ti rin+ti ri'i phyag rgya bcings la sbyar bar bya'o/ /de la tshon rtsi dkar po la ni/ de bzhin gshegs pa dkar po'i phra rab rnams gzhug par bya'o/ /ser po la ni ser po'o/ /sngon po la ni sngon po'o/ /ljang gu la ni ljang gu'o/ /dmar po la ni dmar po bcug nas/ ji skad du bshad pa'i 'bar ba'i lta bas mngon par sbyang ba'i dus su yang dang po'i rdo rje thog mar tshon dgye ba brtsam par byas la/ tshon thams cad dbang ldan gyi phyogs nas brtsams te/ bskor phyogs su hU~M zlos shing dgye la de'i 'og tu ji ltar dga' ba'i tshon dgye bar bya'o/ /de la tshon dgye ba'i rim pa ni 'di yin te/ dmar po dang / ljang gu dang / sngon po dang / ser po ste/ dkar po ni thams cad kyi nang rol du'o/ /de ltar dkyil 'khor bris nas dkyil 'khor gyi lte bar sna tshogs pad+ma'i gdan la/ dpal rdo rje sems dpa' mtshan nyid sngar bshad pa lta bu'i lugs ma la sogs pa'i sku gzugs bkod la/ hU~M gis kyang bar snang gi phyogs su spyan drangs te/ gzugs dang gcig tu bsre bar bya'o/ /de bzhin du thams cad la yang shes par bya ste/ gang gi phyir lha thams cad kyi yang dgod pa'i snying po ni hU~M 'di nyid do/ /de la de'i mdun du rdo rje yid las byung ba sku mdog dmar skya/ de bzhin gshegs pa lnga'i cod pan can g.yon pa'i rdo rje khu tshur gyis/ me tog can gyi gzhu bsnams pa/ /phyag g.yas na rdo rje rtse gcig pa'i mde'u can gyi mda' gsor ba la brtson pa'o/ /de'i g.yas logs su rdo rje kI la kI la sku mdog rdo rje yid las byung ba dang mthun pa/ rdo rje khu tshur bcings pa'i phyag gnyis kyis rang gi thugs ka'i phyogs su dang po'i rdo rje rtse lnga pa mdog dmar po bsnams nas 'khyud pa'i tshul gyis bzhugs pa'o/ /de'i rgyab tu rdo rje dran pa sku mdog sngo skya/ phyag g.yas na chu srin gyi rgyal mtshan bsnams pa/ phyag g.yon gyis gdan la snyems pa dang bcas pas bzhugs pa'o/ /de'i g.yon du rdo rje snyems pa gser btso ma lta bu'i mdog can/ rdo rje khu tshur gyis rdo rje rtse lnga pa gnyis bsnams te/ dku gnyis su snyems pa dang bcas pa/ dbu g.yon du cung zad 'dud pa sgeg pa dang bcas pa'o/ /nang gi dkyil 'khor de nyid kyi shar lho'i mtshams su rab tu dga' ba sku mdog rdo rje yid las byung ba dang mthun pa'o/ /lho nub mtshams su rab tu dga' ma sku mdog kI li kI la dang mthun pa'o/ /nub byang mtshams su rdo rje spyan sku mdog rdo rje dran pa dang mthun pa'o/ /byang shar mtshams su dpal chen mo sku mdog rdo rje snyems pa dang mthun pa ste/ de dag kyang go rims ji lta ba bzhin du me tog gi za ma tog dang / spos khang dang / mar me'i sdong bu dang / dri'i dung chos rang gi spyi bo'i phyogs su thal mo kha 'byed pas 'dzin pa'o/ /rdo rje phreng ba'i phyi rol gyi nang du shar phyogs su bcom ldan 'das mi bskyod pa sku mdog dkar po rdo rje rtse lnga pa bsnams pa sa gnon gyi phyag rgyas bzhugs pa'o/ /de'i g.yas logs su phyag na rdo rje/ rdo rje dang dril bu bsnams shing / g.yon snyems pa dang bcas pa'o/ /g.yon du 'jam dpal gzhon nur gyur pa nam mkha'i mdog can gzhon nu'i sku'i cha lugs 'chang ba/ 'dzum pa dang bcas pa phyag bzhi na ral gri bzhi dang / de bzhin gshegs pa rnams la 'debs pa'o/ /rdo rje phreng ba'i nang lho phyogs su rin chen 'byung ldan bai DUr+ya sngo bsangs lta bu'i mdog can/ rdo rje rin po che mchog sbyin pa'i phyag gis bsnams pa/ de'i g.yas logs su byang chub sems dpa' nam mkha'i snying po sku mdog margad lta bu rang gi mgo la dbang bskur ba'i phreng ba rang nyid 'ching ba zhal rnam par bzhad pa'o/ /g.yon logs su nam mkha'i mdzod sku mdog sna tshogs pa phyag na sna tshogs rdo rje dang / sna tshogs dril bu bsnams nas/ rdo rje snyems pa bsgyings nas bzhugs pa zhal rnam par bzhad pa'o/ /rdo rje phreng ba'i nang gi nub phyogs su 'od dpag tu med pa gser btso ma lta bu'i mdog can pad+ma bsnams pa chos kyi 'khor lo'i phyag rgyas chos ston par mdzad pa'o/ /de'i g.yas logs su 'jig rten dbang phyug sku mdog dmar skya/ g.yon pa snyems pa dang bcas pas pad+ma'i sdong bu bzung nas/ phyag g.yas pas rang gi thugs kar 'byed par mdzad pa'o/ /g.yon logs su sems bskyed ma thag tu chos kyi 'khor lo bskor ba/ gser gyi mdog can phyag g.yon pas gdan la brten pa/ phyag g.yas pa'i gung mo'i rtse mor rdo rje 'khor lo rtsibs brgyad pa rang gi thugs ka'i phyogs su bskor ba'i tshul gyis bsnams pa/ zhal rnam par bzhad pas bzhugs pa'o/ /rdo rje phreng ba'i nang gi byang phyogs su don yod par grub pa sku mdog sna tshogs pa mi 'jigs pa sbyin pa'i phyag rgyas sna tshogs rdo rje bsnams pa'o/ /de'i g.yas logs su rdo rje khu tshur gser gyi mdog can dam tshig gi khu tshur gyis/ rdo rje rtse lnga pa bsnams pa zhal rnam par bzhad pa'o/ /g.yon logs su rdo rje gnod sbyin sku mdog sngon po rdo rje mche ba rnam par gtsigs pa 'bar ba'i phreng ba kun du 'khrigs pa'i 'od mnga' ba/ 'jigs par mdzad pa/ ha ha zhes gsal bar bzhad pa'i zhal gyis kun du bzhugs shing / rdo rje khu tshur gnyis kyis rdo rje mche ba'i mtshon cha bsnams nas/ zhal gyi grwa gnyis su 'jog pas bzhugs pa'o/ /phyi'i dkyil 'khor gyi lha'i snam bu la/ shar lho'i mtshams kyi phyogs su rdo rje sgeg mo/ /rdo rje yid las byung ba'i mdog can/ rdo rje khu tshur gnyis rdo rje rtse lnga pa gnyis bsnams nas/ gnyi ga snyems par bya ste/ dbu g.yon du 'dud pas phyag 'tshal ba'o/ /lho nub mtshams su rdo rje bzhad pa rdo rje kI li kI la dang mdog 'dra ba phyag g.yas na so'i phreng ba gnyis dang ldan pa'i rdo rje gnyis bsnams nas bzhad pa'i tshul du mdzad cing / g.yon gyis gdan la brten te bzhugs pa'o/ /nub byang du rdo rje glu chen mo sku mdog rdo rje dran pa dang mthun pa rdo rje pi wang brdung bar mdzad pa'o/ /byang shar gyi mtshams su rdo rje gar sku mdog rdo rje snyems ma dang mthun pa/ phyag gnyis kyis rdo rje rtse gsum pa bsnams te gar mdzad pa'o/ /nang dang phyi rol du bcas pa'i shar phyogs kyi sgo gnyis su rdo rje gzugs sku mdog rdo rje yid las byung ba dang mthun pa phyag na me long bsnams pa'o/ /lho phyogs kyi sgo gnyis su rdo rje sgra sku mdog rdo rje kI li kI la dang mthun pa'i pi wang brdung ba la brtson par mdzad pa'o/ /nub phyogs kyi sgo gnyis su rdo rje dri sku mdog rdo rje dran pa dang mthun pa phyag na dri'i dung chos bsnams pa'o/ /byang phyogs kyi sgo gnyis su rdo rje ro sku mdog rdo rje snyems pa dang mthun pa phyag na ro'i snod bsnams pa'o/ /de'i phyir 'di dag ni rdo rje lcags kyu la sogs pa nyid yin par 'dod de/ me long dang / pi wang dang / dri'i snod dang / ro'i snod rnams ni gzugs la sogs pa'i phyag mtshan yin no/ /rdo rje lcags kyu la sogs pa ni rdo rje lcags kyu la sogs pa'i phyag mtshan no zhes rtsa ba'i rgyud las gsungs pa'o/ /phyi'i dkyil 'khor gyi khyams kyi nang du 'dod pa'i khams kyi dbang phyug rnams sngar bshad pa'i rim gyis chu lha'i mthar thug pa'i bar du chung ma dang bcas par 'phags pa de kho na nyid bsdus pa las gsungs pa'i phyag rgya chen pos bri bar bya'o/ /de la dpal rdo rje sems dpa' la sogs pa nas rdo rje gzugs kyi bar du ni sems dpa'i skyil mo krung gis bzhugs pa'o/ /de bzhin gshegs pa rnams ni rdo rje'i skyil mo krung gis bzhugs pa'o/ /rdo rje sems dpa' ni shar phyogs su gzigs nas bzhugs pa'o/ /lhag ma rnams ni rang gi bdag po la gzigs par bri bar bya'o/ /de ltar dkyil 'khor chen po bris nas/ phyi dro'i dus su mtshams la bab pa na dpal rdo rje hU~M mdzad kyis sbyor ba byas la/ khro bo ti rin+ti ri bcings te/ badzra dang hU~M bzhi zlos shing dkyil 'khor chen por 'jug par bya'o/ /de nas bskor ba lan bdun byas la lhag pa dang ma tshang ba'i nyes pa rnams zhi bar bya ba'i phyir rdo rje dril bu dkrol la dkyil 'khor la blta bar bya'o/ / de nas me tog gi phreng ba bcom ldan 'das la phul la gar bya ba'i tshul gyis blangs te/ phreng bas dbang bskur ba'i sngags kyis rang gi mgo la bcings nas sgo dbye ba ji lta ba bzhin bya'o/ /de nas dpal rdo rje sems dpa'i rnal 'byor byas la/ su ra ta badzro hU~M zhes bya ba la sogs pa dang / gzhan yang rang gi ming brjod cing / bcom ldan 'das rdo rje sems dpa'i phyag rgya chen po bcings la/ hU~M A zhes bya ba dang / dpal rdo rje sems dpa'i dkyil 'khor gyi lte bar rang gi rdo rje'i gzugs su bsam par bya'o/ /de nas hUM badzro haM zhes rdo rje'i nga rgyal du rnam par bsams la/ hU~M badzra satwa haM zhes bya bas/ rdo rje de rdo rje sems dpa'i phyag rgya chen po'i ngo bo nyid du bdag nyid bsam par bya'o/ /de bzhin du rdo rje ro'i bar gyi phyag rgya chen po bcings la/ hU~M A zhes bya bas rdo rje ro'i gnas su/ rdo rje ro'i snod bsam mo/ /de nas hU~M badzra ra sa b+hany+dza no haM/ zhes bya bas phyag rgya'i nga rgyal du bsams la/ hUM badzra ra so haM zhes bya bas phyag rgya'i gzugs te/ rdo rje ro'i phyag rgya chen po'i ngo bo nyid du bdag nyid bsam par bya'o/ /de nas rdo rje bsdu ba dang / mtshan brgya rtsa brgyad pas bstod pa de bzhin du byas la/ rdo rje can gyi spyan sngar rdo rje sems dpa'i skyil mo krung gis 'dug la/ yongs su brtags pa'i dkyil 'khor der gsang ba'i lcags kyus bcom ldan 'das 'khor dang bcas pa spyan drangs la/ de bzhin du rdo rje gnod sbyin gyis bgegs bskrad pa la sogs pa byas te/ rdo rje khu tshur gyis sgo bcad la/ rdo rje gnod sbyin gyis bsrung ba thams cad yang dag par bsrungs te/ de bzhin du mchod yon phul nas dang po'i rdo rjes bsgrub par bya'o/ /de nas de bzhin du lha thams cad kyi ljags la hU~M bsams te/ dpal rdo rje sems dpa' la sogs pa nas chu lha'i mthar thug pa'i bar gyis las kyi phyag rgya dang / phyag rgya chen pos nye bar bstan nas/ dbang bskur ba'i phyag rgya rnams kyis de rnams dbang bskur la/ mchod yon phul te/ bum pa gang ba la sogs pas bcom ldan 'das 'khor dang bcas pa mchod par bya'o/ /dril bu'i mchog btags rgyal mtshan dag / grwa rnams su ni gzhag par bya/ /phyi yi mtshams kyi gnas su ni/ /bum pa yal gar bcas pas mdzes/ /phyag na rdo rje'i spyan sngar yang / /bum pa spos chus gang ba gzhag /gang zhig rdo rjer bcas pa la/ /nags kyi lcug mas bzlas brjod bya/ /'di skad ston par 'gyur te/ rtsa ba nag po ra ri med pa lto ba che ba/ mgrin pa mtho ba/ mchu 'phyang ba/ byi ru dang / gser dang / dung dang / mu tig dang / pad+ma rA ga ste rin po che thams cad dang / bri ha ti dang / kaN+Da ka ri dang / ha sa ha dang / nan ta ut+pal dang / a pa ra dzi ta dkar po ste/ sman thams cad dang / 'bras sA lu dang / nas dang / gro dang / til dang / ma sha ste/ 'bru thams cad dang / tsan+dan dkar po dang ldan pa'i chu dang / me tog dkar po dang / dri shin tu zhim pa rnams kyis yongs su bkang la/ phyi rol kun du dri zhim pos byugs te/ me tog gi phreng ba btags la/ rang gi lha'i phyag rgyas mtshan pa/ mgul par ras gtsang ma bzang pos dkris pa/ 'bras bu dang lo ma bzang po dang ldan pa'i yal gas kha brgyan pa dang po'i rdo rjes yongs su bzung ba'i me tog gi lcug ma la mtshan brgya rtsa brgyad kyi bar du bzlas shing / hU~M yang bzlas la phyi rol kun du lha re re zhing dbul bar bya ste/ de la dang po'i dpal rdo rje sems dpa'i mdun du gcig dbul bar bya'o/ /yang bum pa gcig 'jug pa'i sgor mngon du phyogs par gzhag par bya'o/ /de ltar bum pa phul nas bum pa gang ba yang so sor dbul bar bya'o/ /de ltar 'byor par ma gyur na/ /bcom ldan 'das la bum pa gcig /lhag ma rnams la bum pa lnga dang / bum pa gang ba yang dbul bar bya ste/ bcu las nyung bar mi bya'o zhes gsungs pa'i phyir ro/ /de ltar bum pa rnams dang / bum pa gang ba yang phul nas/ ras zung 'bum mam/ khri 'am/ stong phrag gcig gam/ lha re re zhing rdo rje rin po che dang / hU~M gnyis bzlas la/ dbul ba dang / bla re dang / rgyal mtshan dang / ba dan sna tshogs pa rnams kyang bcom ldan 'das 'khor dang bcas pa la dbul bar bya'o/ /me tog gi shing brgya 'am/ bzhi 'am me tog thams cad kyang sngar bshad pa'i me tog gi rig sngags kyis dbul ba dang / dri thams cad kyang dri'i rig sngags kyis dbul ba dang / ga pur dang / a ga ru dang / du ru ska dang / tsan+dan la sogs pa'i bdug pa rnams ni bdug pa'i rim pas so/ /kha zas ro brgya pa la sogs pa ni a kA ro la sogs pas so/ / mar gyi mar me la sogs pa ni mar me'i rig sngags mngon par bzlas la/ badzra s+pha ra Na khaM zhes brjod la/ bcom ldan 'das 'khor dang bcas pa la dbul bar bya'o/ /ma 'byor na yang bcu las nyung bar mi bya'o/ /mar me sdong bu dang bcas pa'i snod chen po stong gzhag par bya ste/ tha na snod chen po bzhi mar me'i rig sngags nyid bzlas la dbul bar bya'o/ /rol mo brgya stong ngam/ rol mo'i sil snyan bcu hUM gis rol mo'i phyag rgya dang ldan pas bzlas la dbul te/ rdo rje khu tshur gnyis kyis lag pa'i sor mo rnams kyis rol mo brdung ba lta bu rnam pa bcu po 'di lta ste/ pi wang dang / gling bu dang / rnga dang / mu kun da dang / cha lang dang / rnga bo che dang / rdza rnga dang / rnga rings dang / kun dza dang / ti mi la brdung ba'i rked nyag tshul du byed pa'o/ /phyi rol du gar la sogs pa yang hU~M nyid kyis dbul bar bya'o/ /dar dpyangs 'phyang bar bya ba dang / me tog gi chun po dang / rnga yab kyis rnam par brgyan pa dang / dra ba dang dra ba phyed pas spras pa dang / zla ba phyed pa dang bcas pas nye bar mdzes par byas pa dang / rta dang glang po che dang / ba lang gi khyu shin tu brtags pa rnams kyang dbul bar bya'o/ /rta babs yid du 'ong ba dril bu dang bcas pa yang dbul bar bya'o/ /de nas rdo rje mtshon cha la sogs pa las kyi phyag rgya rnam pa bcu gnyis 'og nas bshad pa'i mtshan nyid dang ldan pas/ bcom ldan 'das 'khor dang bcas pa yang dag par mchod la/ oM gyis rin po che sna bdun dang / dpag bsam gyi shing dang / kha zas ro brgya pa dang / glu dang / gar la sogs pa'i sprin rnams sprul la/ dpral ba'i phyogs su thal mo khong stong du sbyar la/ oM sarba bid pU ra pU ra/ A brta ya A brta ya ho/ /zhes bya bas de rnams dbul bar bya'o/ /de nas a kA ro mu khaM sarba d+harmA NAM Ad+ya nut+pan na twA ta/ zhes bya ba mngon par bzlas la/ 'di nyid brjod cing phyi rol du gtor ma sbyin par bya'o/ /de nas rdo rje me ltar rab tu 'bar ba dang / rdo rje gnod sbyin dang / rdo rje spyan ma la sogs pas sbyin sreg byas la/ dpal rdo rje sems dpa'i dkyil 'khor gyi tshul gyis thab kyi dbus su me tog gis bzhugs su gsol la/ hUM zlos shing mar la sogs pa'i rdzas las sbyin sreg brgya rtsa brgyad dbul bar bya'o/ /de nas rdo rje yid las byung ba la sogs pa nas/ rdo rje ro'i bar la yang hU~M zlos shing re re la sbyin sreg bdun bdun dbul bar bya'o/ /de nas phyag btsal ba la sogs pa sngon du 'gro bas sdom pa bzung la/ oM sarba yo ga tsit+ta ut+pA da yA mi/ zhes bya bas/ byang chub chen po'i sems bskyed la/ g.yas pa'i rdo rje khu tshur gyis dang po'i rdo rje blangs nas rang gi snying gar legs par bzhag ste/ hU~M zhes bya bas rdo rje bskyed la/ 'di skad ces brjod par bya ste/ su ra ta sa ma ya s+t+waM ho/ /badzra sid+d+h+ya ya thA su khaM/ de nas sgor bzhag pa'i bum pa'i chus bdag nyid dbang bskur la/ ras dmar po zung gyon zhing / me tog gi phreng ba btags pa dang / gdong dri zhim pos byugs la ji skad du bshad pa'i gar las byung ba'i rdo rje thal mo bcings nas/ de dang me tog blangs te/ de'i snying ga'i phyogs su bskor nas bzhag la/ badzra badzra hU~M zhes bya ba zlos shing / slob dpon 'jug par bya'o/ /shar phyogs kyi sgor badzra aM ku sha dzaHzhes brjod la rdo rje lcags kyus bdag nyid dgug par bya'o/ /yang lho phyogs kyi sgor dkyil 'khor chen por de bzhin du 'jug par bya ste/ badzra pA sha hU~M zhes brjod la/ rdo rje bsdams pa las zhags par byas pas bdag nyid gzhug par bya'o/ /de nas nub phyogs kyi sgor de bzhin du bdag nyid zhugs la/ badzra s+pho Ta ba~M zhes bya bas/ rdo rje lcags sgrog bcings te bdag nyid bcing bar bya'o/ /yang byang phyogs kyi sgor zhugs la/ badzra A be sha a/ zhes bya bas bdag nyid dbang du bya'o/ /yang shar phyogs kyi sgor zhugs la/ ma hA ra ta su dri D+ha su to Sho su su Sho badzra satwa Ad+ya sid+d+h+yA mAM/ zhes brjod de/ rdo rje gar las byung ba'i bcom ldan 'das kyi phyag rgya chen po bcings la phyag bya'o/ / de skad du/ zhugs nas mgon la phyag byas te/ /g.yon pa'i rdo rje mig dang ni/ /g.yon snyems 'dzum pa'i tshul gyis ni/ /rol pa'i mig ni btsum par bya/ /zhes gsungs pa'i phyir ro/ /oM pa ra ma su kha a sha ya/ su la li ta bi la se na mi te/ na ma mI b+ha ga bAn tam/ dzaHhUM baM hoH hi hi hi hi tI/ pra tIts+tsha ku su ma any+dza li nA tha ho/ /zhes bya ba ni phyag 'tshal ba'i rig sngags so/ /yang zhugs pa'i phyag rgya bcings la/ dkyil 'khor lan gsum bskor bar bya'o/ /de nas yang mdun du 'dug la/ de kho na nyid 'di lan cig brjod par bya ste/ 'dod chags chen po bde ba che/ /rdo rje chen po nor che zhing / /ye shes chen po las che ba/ /rdo rje sems dpa' deng bdag 'grub/ /dzaHhUM baM hoHpra sid+d+h+ye mAM/ de nas rdo rje'i chu 'thungs la/ as bdag nyid la dbab par bya ste/ a yang g.yon pa'i rdo rje khu tshur gyis rdo rje sems ma phye la/ bdag nyid dbab par bya ste/ oM A zhes bya ba brgya bzlas la bcom ldan 'das rdo rje sems dpas bdag nyid kun du gang bar bsam mo/ /de nas hU~M gis me tog gi phreng ba dor la/ de nas slar blangs te/ rang gi mgo la de nyid kyang bcing bar bya'o/ /de nas de nyid kyis gdong g.yogs dgrol la/ de nyid zlos shing rdo rje sems dpa' nas brtsams te/ rdo rje gzugs kyi bar gyi dkyil 'khor blta bar bya'o/ /de nas tiSh+Tha badzra zhes bya ba la sogs pas zhugs pa'i phyag rgya snying gar dgrol bar bya'o/ /de nas bcom ldan 'das kyi phyag rgya chen po bcings la/ bcom ldan 'das la rdo rje lta bas blta zhing / ji srid bcom ldan 'das kyi mthong ba gnang nas/ dngos grub thams cad stsal pa de srid kyi bar du bzlas brjod bya'o/ /de nas rdo rje thal mo bskor la 'dug ste/ shis pa brjod pa'i tshul gyis bdag gi snying gar bzhag la/ mtshan brgya rtsa brgyad pa la sogs pas bstod pa byas te/ 'dod chags rdo rje la sogs pa gsang ba'i mchod pa bzhis bcom ldan 'das yang dag par mchod do/ /glu dang rol mo la sogs pas kyang mchod la/ yang bcom ldan 'das kyi phyag rgya chen po bcings te/ bcom ldan 'das la rdo rje'i lta bas bltas nas/ rdo rje thal mo bskor bas bcom ldan 'das la phyag bya'o/ /phyag byas nas kyang / me tog la sogs pa'i dbang bskur ba blang bar bya ste/ de la dang po kho nar dang po'i rdo rjes bzung ba'i me tog gi yal ga la rnam par rgyal ba'i bum pa las sngags 'di bzlas brjod nyi shu rtsa gcig bya ste/ oM ma hA su kha badzra a mo g+ha sa ma yo da ka sid+d+h+yi/ a b+hi Shiny+tsa sarba su kha so ma na s+ya ni a dad ku ru ku ru dzaHhUM baM hoHa/ de nas rdo rje sems dpar bdag nyid byin gyis brlabs la/ dam tshig gi phyag rgyas rang gi lus la rnal 'byor chen pos bshad pa'i gnas rnams su lha thams cad dgod par bya'o/ /phyi rol gyi dkyil 'khor gyi nang du sna tshogs pad+ma'i steng du phyag rgya chen pos 'dug la/ me tog la sogs pas bdag nyid yang dag par mchod de/ mchod yon blangs nas dpal rdo rje sems dpa'i sku gzugs rang gi mgo la bzhag ste/ mtshan brgya rtsa brgyad pas bstod la/ rdo rje khu tshur gyis rnam par rgyal ba'i bum pa blangs nas/ oM badzra a b+hi Shiny+tsa hUM/ zhes brjod de/ des bdag nyid dbang bskur bar bya zhing chu de btung bar bya'o/ /oM ma hA su kha badzra satwa dzaHhUM baM hoHsu ra ta s+t+waM zhes bya bas thog ma'i rdo rje rang gi mgo la bcings te/ bzlas brjod brgya rtsa brgyad bya'o/ /de nas sngar bshad pa'i phyag rgyas dbang bskur ba thams cad yang dag par blangs te/ lugs ma'am/ brkos pa'am/ bri ba'am/ byas pa'i sangs rgyas kyi phreng ba la sogs pa dang ldan pa'i cod pan rdo rje rin chen gyi sngags dang phreng ba'i dbang bskur ba'i sngags bzlas pas bdag nyid dbang bskur bar bya'o/ /de nas rdo rje dang bdag po dang ming gi dbang bskur ba blangs la/ dngos grub kyi rdo rje'i brtul zhugs kyis rdo rje'i dbang blang bar bya'o/ /de nas me tog la sogs pa dang / phyag rgya'i mchod pa rnam pa bcu gnyis kyis bdag nyid mchod par bya'o/ /de nas de kho na nyid kyis rdo rje bzung la/ chos kyi dril bu dkrol bar bya zhing / dam tshig gi phyag rgya chen por byin gyis brlabs la/ hU~M zhes bya ba brjod par bya'o/ /de nas bcom ldan 'das la phyag byas la gsang sngags bzung ste/ tshigs su bcad pa lnga bas rjes su gnang ba dang / gzengs bstod pa dang / lung bstan pa yang blangs la/ bdag la byin gyis brlab par bya ste/ ji ltar mngon par 'dod pa'i cho gas bcom ldan 'das rab tu bsgrubs la phyir 'byung bar bya'o/ /slob dpon gyi las kyi cho ga rgyas pa rdzogs so// // de nas sngar bshad pa'i cho ga nyid kyis slob ma gzhug par bya ste/ slob dpon gyis lnga po bsdus pa 'di nyid bcings la slar yang zhugs te/ cho ga thams cad rjes su spyod nas/ bcom ldan 'das la phyag byas la/ 'di skad ces brjod par bya ste/ khyod sngon khyim la dga' ba yi/ /sred pa'i bde ba dag bya'i phyir/ /'dod pa kun gyi dngos grub ces/ /'gro ba kun kyang 'grub par gyis/ /de nas bcom ldan 'das la mchod pa thams cad kyis yang dag par mchod de/ slob ma gzhug par bya'o/ /de la bslab pa'i gzhi lnga blangs pa'am/ dge sbyong ngam/ dge slong gi bslab pa yongs su bzung bas/ sdom pa bzung la de slob dpon la phyag byas nas 'di skad ces brjod par bya ste/ dga' chen khyod bdag ston pa pas/ /slob dpon khyod ni dgongs su gsol/ /byang chub sems dpa'i tshul bstan pas/ /mgon po chen po bdag 'tshal lo/ /dam tshig de nyid bdag la stsol/ /sdom pa rnams kyang stsal du gsol/ /de nas rdo rje gnod sbyin gyis yongs su bzlas pa'i ras dmar po bzang po gcig gis smad g.yogs bya/ gcig gis stod g.yogs byas la/ yang rdo rje lcags kyu dang zhags pa dang lcags sgrog dang / rdo rje 'bebs pas/ gdong g.yogs la yongs su bzlas la/ des slob ma'i gdong g.yogs pa dang / me tog gi phreng ba gdags shing / gdong dri zhim pos byugs la phyag bzhi byed du gzhug go/ /yang lag na me tog thogs pas slob dpon la phyag byas la lag na me tog thogs pa nyid kyis sdig pa bshags pa dang / rjes su yi rang ba dang / bskul ba dang / gsol ba gdab pa byas nas/ slob mas 'di skad ces brjod par bya ste/ thub pa'i nyi ma ma lus pa/ /sangs rgyas rnams ni bdag la dgongs/ /bdag ming 'di zhes bya ba ni/ /slob dpon dpang du gnas pa la/ /sangs rgyas rol mo las byung ba/ /mi ldog pa yi 'khor los sbyor/ /thar pa'i rang bzhin grong khyer che/ /gsang ba chen po 'jug par bgyi/ /gsang ba thams cad bsdus par ni/ /slob dpon chen po bdag 'jug mdzod/ /mi ldog pa yi dbang bskur ba/ /skal ba chen po bdag la stsol/ /mtshan rnams kun gyis rgyas btab cing / /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la stsol/ /dbang bskur chen po rmad byung ba/ /sems can kun gyi don gyi phyir/ /bdag ni rtag tu slob dpon 'gyur/ / slob dpon chen po bdag la stsol/ /de nas slob dpon gyis dkyil 'khor gyi lha thams cad la gsol ba gdab par bya ste/ che ge zhes bya 'di nyid ni/ /byang chub sems ni yongs 'dzin pa/ /dam tshig mchog dang gsang ba yi/ /'khor lo 'dir yang 'jug par 'tshal/ /de nas yang slob dpon gyis yang 'di skad ces brjod par bya ste/ bdag nyid chen po khyod gsang ba chen po'i rigs dag pa shin tu sbas pa yongs su 'dzin par 'dod dam zhes dri bar bya'o/ /des kyang bdag 'tshal lo zhes brjod par bya'o/ /de nas yang slob dpon gyis 'di skad ces brjod par bya ste/ sangs rgyas chos dang dge 'dun te/ /dkon mchog gsum la skyabs su song / /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu phyag rgya yang / /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes bsgrags so/ /slob dpon dag kyang gzung bar bgyi/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par gsungs/ /sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos rnams sdud pa dang / /sems can don byed tshul khrims gsum/ /khyod kyis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spong ngo / /'di ni sangs rgyas rigs dag pa'i/ /sdom pa brtan par gyur pa'o/ /rin chen rigs mchog chen po la/ /nyin dang mtshan du lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba theg pa gsum/ /dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ / las kyi rigs mchog chen po la/ /sdom pa thams cad ldan par ni/ /yang dag nyid du gzung bar gyis/ /mchod pa'i las kyang ci nus bya/ /gzhan yang bcu bzhi 'di dag ni/ /phas pham par ni rab tu bshad/ /spang zhing dor bar mi bya'o/ /rtsa ba'i ltung bar shes par bya/ /nyin dang mtshan mo lan gsum du/ /nyin re zhing ni bzla bar bya/ /gang tshe nyams na rnal 'byor pa/ /kha na ma tho spom por 'gyur/ /khyod kyis srog chags gsad mi bya/ /ma byin par yang mi blang ngo / /'dod la log par mi spyad cing / /brdzun du smra bar mi bya'o/ /phung khrol kun gyi rtsa ba yi/ /chang ni rnam par spang bar bya/ /sems can gdul phyir ma gtogs par/ /bya ba ma yin thams cad spang / /dam pa nye bar bsten bya zhing / /rnal 'byor pa rnams bsnyen bkur bya/ /lus kyi las ni rnam gsum dang / /ngag gi rnam pa bzhi rnams dang / /yid kyi rnam pa gsum dag ni/ /ci nus par ni rjes su skyong / /theg pa dman pa 'dod mi bya/ /sems can don la rgyab phyogs min/ /'khor bdag kyang yongs mi spang / /rtag tu mya ngan 'das mi chags/ /lha dang lha min gsang ba pa/ /khyod kyis brnyas par mi bya zhing / /phyag rgya bzhon pa mtshon cha dang / /mtshan ma 'gom par mi bya'o/ /'di dag dam tshig yin par bshad/ /khyod kyis rtag tu bsrung bar bya/ /des kyang 'di skad brjod bya ste/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /zhes bya ba nas brtsams te/ sems can mya ngan 'das la dgod/ /ces bya ba'i bar du brjod par bya'o/ /de nas de la oM sarba yo ga tsit+ta ut+pA da yA mi zhes bya bas byang chub tu sems bskyed du bcug ste/ de'i snying gar de bzhin du rdo rje bskyed nas/ rdo rje sems dpar byin gyis brlabs la 'di skad ces brjod par bya'o/ /deng khyod la bcom ldan 'das kyis byin gyis brlabs par 'gyur gyis/ khyod kyis de bzhin gshegs pa thams cad kyi gsang ba 'di dkyil 'khor ma mthong ba rnams la smra bar mi bya zhing / dad pa med pa rnams la yang ma yin no/ /de nas lnga po bsdus pa'i phyag rgya bcings la/ 'di skad ces brjod par bya'o/ /'di ni dam tshig gsang ba ste/ /sangs rgyas thams cad rab grub pa/ /gal te dkyil 'khor ma mthong smras/ /rigs rnams thams cad der brlag 'gyur/ /oM ma hA su kha ha na sa ma ya mA ti pra ti NaM su ra s+t+waM/ de nas yon gyi mchog blangs la/ /sgor bzhag pa'i bum pa'i chus dbang bskur nas/ dang por rang nyid 'jug pa'i cho gas gzhug par bya'o/ /zhugs nas 'di skad ces brjod par bya ste/ ma hA ra ta su dri D+ha/ su to Sho su su kho/ badzra satwa Ad+ya sid+d+h+yA maM/ zhes smros shig ces bsgo'o/ /de nas yang 'di skad ces brjod par bya ste/ deng khyod de bzhin gshegs pa'i rigs su zhugs kyis ngas khyod la ye shes gang gis de bzhin gshegs pa thams cad du 'grub par yang 'thob na/ dngos grub gzhan lta smos kyang ci dgos te/ de lta bu'i ye shes bskyed par byas kyis/ khyod kyis dkyil 'khor chen po ma mthong ba rnams la ma smra shig /khyod dam tshig nyams par gyur ta re/ de nas rdo rje slob dpon rang nyid kyis/ sems ma rdo rje'i phyag rgya kha thur du bstan pa dang / gyen du bstan pa bcings la/ rdo rje slob ma'i spyi bor gzhag la/ 'di skad ces brjod par bya'o/ /'di ni khyod kyi rdo rje'i dam tshig yin gyis/ gal te 'ga' zhig la smras na/ klad pa 'gas par 'gyur ro/ /de nas dam tshig gi phyag rgya de nyid dang / mna'i snying po'i chu la yongs su bzlas na/ slob ma de 'thung du gzhug go/ /de la mna'i snying po ni 'di yin te/ rdo rje sems dpa' khyod nyid kyis/ /deng nas snying la yang dag zhugs/ /gal te tshul 'di smras na ni/ /de ma thag tu dral te gshegs/ /badzrod ka tha/ de nas slob ma la 'di skad bsgos shig /deng phyin chad khyod kyi phyag na rdo rje nga yin gyi/ ngas 'di byos shig ces bsgo ba gang yin pa de bya dgos so/ /khyod kyis nga la brnyas par ma byed cig mi bde ba ma spangs pas khyod dus byas nas dmyal bar ltung bar gyur ta re zhes smras la/ de nas 'di skad ces brjod par bya ste/ de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par gyur cig ces brjod du gzhug go/ /de nas rdo rje slob dpon gyis myur du sems ma'i rdo rje'i phyag rgya bcings la de'i snying gar bzhag ste/ 'di skad ces brjod du gzhug go /'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med ni/ /de ring nyid du 'bab par shog /de nas badzra A be sha a zhes bya ba 'di lan brgya zlos su gzhug go/ /yang g.yon pa'i khu tshur bcings la/ sems ma rdo rje'i phyag rgya phye ste/ hU~M a a a a zhes bya ba lan brgya zlos su gzhug go /sbyor ba gnyis ka la yang 'od zer dmar po 'bar ba'i 'od kyis kun nas 'khrigs pa'i rdo rje sems dpas kun nas gang bar bsams na nges par 'bab par 'gyur ro/ /lha'i ye shes kyang 'di las skye bar 'gyur ro/ /de nas me tog gi phreng ba dor zhing phreng bas dbang bskur ba dang / gdong g.yogs dkrol zhing dkyil 'khor bstan pa dang / 'jug pa'i phyag rgya dgrol ba dag slob dpon gyi las kyi cho gar bstan pa'i sbyor bas byed du gzhug go / de nas de bzhin du pad+ma bris la/ slob ma rdo rje sems dpar byin gyis brlab par bya ste/ pad+ma de la rdo rje sems dpa'i phyag rgya chen pos nye bar gzhag la/ yon gyi mchog blangs te mchod yon byin la/ me tog la sogs pas yang dag par mchod de/ rnam par rgyal ba'i bum pa las rdo rje khu tshur gyis chu blangs la/ slob dpon gyi cho gas dbang bskur zhing chu de 'thung du bcug la/ 'di skad ces brjod do/ /'di ni sems can dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje'i bdud rtsi chu 'dis 'grub/ /rdo rje dril bu phyag rgya rnams/ /gal te dkyil 'khor ma mthong smras/ /skyes bu 'dus pa'i nang gnas shing / /dad pa med pas bgad par 'gyur/ /de nas phyag rgya'i dbang bskur ba dang / cod pan gyi dbang bskur ba dang / rdo rje dang bdag po dang ming gi dbang bskur ba dang / rang gi dngos grub kyi rdo rje'i brtul zhugs dang / chos kyi de kho na nyid rnams kyi dam tshig rnams sbyin par bya'o/ /de nas me tog la sogs pa dang / rdo rje mtshon cha la sogs pas de yang dag par mchod la/ de la snying po byin te/ dang por mna' 'dor du bcug la/ lha'i phyag rgya bzhi bslab par bya'o/ /de nas gsang ba'i dbang bskur bshad de/ dbang bskur bar 'os pa bcug la/ slob dpon gyis las kyi cho ga thams cad dang / dkyil 'khor dang / lha'i de kho na nyid thams cad bstan par bya ste/ 'di dag gis ni dbang bskur ba thams cad kyis dbang / bskur bar gyur pa yin no/ /de nas dbang bskur ba'i cho ga rgyas par bshad par bya ste/ rtsa ba'i dkyil 'khor las bar du khru do yongs su dor bar dbang bskur ba'i dkyil 'khor shar phyogs kyi skor bltas pa nang gi dkyil 'khor gyi phyed kyi tshad tsam la/ zur bzhi po sgo nub tu bltas pa/ tshon gyi phye ma sna lngas bri bar bya ste/ dkyil 'khor de'i dbus su pad+ma 'dab ma brgyad pa/ de'i steng du dang po'i rdo rje kha dog dmar por bri bar bya'o/ /de nas dkyil 'khor de me tog la sogs pas yang dag par mchod la/ sna tshogs pad+ma dang / ras kyis g.yogs pa'i seng ge'i gdan nam/ stan nang tshangs can rdo rje rtse mos mngon par bzlas pa der gzhag ste/ de yang dbang bskur bar bya ste/ dpal rdo rje sems dpar byin gyis brlabs la/ de'i lus la lha thams cad kyi gnas su snga ma bzhin du pad+ma'i gdan bsams nas/ gdan de rnams la dang po'i rdo rje'i snying po dang bcas pas/ dpal rdo rje sems dpa' la sogs pa bskyed de/ gdan de la dpal rdo rje sems dpa'i phyag rgya chen pos 'dug nas dang po'i rdo rje de nyid dang / rdo rje sems dpa' la sogs pas snying ga dang / smin mtshams dang / lkog ma dang / spyi bo rnams su byin gyis brlabs pa dang / seng ge'i gdan gyi steng du bla re bre zhing / g.yas logs su dar dang / me tog gi chun pos brgyan pa'i gdugs dkar po rin po che'i me tog can hU~M gis bzlas pa bzhag pa dang / g.yon phyogs kyi char dar sna tshogs pa'i rgyal mtshan dang / ba dan la nam mkha' mdzod kyi sngags bzlas pa gzhag la/ mchod yon phul te/ me tog la sogs pas yang dag par mchod nas/ dung dang / rnga rings dang / rnga bo che dang / rwa dung la sogs pa'i rol mo'i phyag rgyas byin gyis brlabs pa'i sgra dang / phyi rol du glu dang / gar rnams bya ba dang / rdo rje mtshon cha bzlas pas mchod do/ / de nas yon gyi mchog blangs la/ /dpal rdo rje sems dpa'i sku gzugs de'i spyi bor bzhag ste/ bkra shis kyi tshigs su bcad pa gdon par bya'o/ /de la bkra shis kyi tshigs su bcad pa 'di yin te/ phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa'i 'dab 'dra'i spyan mnga' ba/ /bkra shis des ni skye dgu rnams la zhi byed dang po'o/ /de yis nye bar bstan pa mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa'o/ /dge 'dun dam pa chos ldan thos pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o/ /sems can kun la phan phyir byang chub mnga' ba po/ /don rnams thams cad grub par brtul zhugs yongs ldan pa/ /tshogs kyi las dgyes thub pa'i bkra shis gang byung ba/ /bkra shis des kyang skye dgu rnams la zhi byed shog /'gro la phan phyir de bzhin gshegs pa dga' ldan lha'i/ /gzhal med khang gi snying po nas ni 'dir gshegs te/ /dbang bcas lhas bskor ba yi bkra shis gang byung ba/ /bkra shis des ni skye dgu rnams la zhi byed shog /lo ma me tog 'od 'bar nyams dga' lu m+bi'i tshal/ /lha mang dag gis bstan par mgon po bltams pa na/ /srid pa'i mthar phyin pa yi bkra shis gang byung ba/ /bkra shis des ni skye dgu rnams la zhi byed shog /grong khyer ser skya'i gnas nas rgyal po'i pho brang du/ /lhums nas bltams pa ston pa bde gshegs zas gtsang sras/ /myur bskrun bdud rtsi chus gtor ba yi bkra shis gang / /bkra shis des ni skye dgu rnams la zhi byed shog /grong khyer dam pa ser skya'i gnas zhes bya bar ni/ /rmad du grags pa che ba'i lha yis mngon bstod pas/ /bsam yas dge bsgrubs bsod nams phung po'i bkra shis gang / /bkra shis des ni skye dgu rnams la zhi byed shog /dgyes shing nam phyed grong khyer mchog nas mngon byung ste/ /dka' thub tshal du mngon par gshegs shing tshangs la sogs/ /lha yi tshogs kyis yongs su bskor ba'i bkra shis gang / /bkra shis des kyang skye dgu rnams la zhi byed shog /rab tu 'od 'bar gser dang 'dra ba'i sku mnga' zhing / /be+e DUr+ya ltar sngo ba'i rtswa bting steng bzhugs te/ /skyil mo krung bcas mi g.yo mchog gi bkra shis gang / /bkra shis des ni skye dgu rnams la zhi byed shog /chu bo'i 'gram na tswa sha'i phreng gis yongs bskor ba/ /shin tu rmad du byung ba'i srid pa sel mdzad pa/ /klu yi rgyal pos phyag byas pa yi bkra shis gang / /bkra shis des kyang skye dgu rnams la zhi byed shog /shing rgyal drung gshegs byams pa'i stobs kyis bdud kyi phyogs/ /mang po btul tshe sa steng dang ni nam mkha' la/ /bcom ldan bkra shis rnam pa sna tshogs gang byung ba/ /bkra shis des ni skye dgu rnams la zhi byed shog /sdug bsngal mtha' dag gzhig phyir rdo rje gdan bzhugs te/ /nam gyi tho rangs bdud bzhi po dag rnam par btul/ /ston pa bde bar gshegs pa'i bkra shis gang yin pa/ /bkra shis des ni skye dgu rnams la zhi byed shog / grong khyer bA rA Na sIr drang srong mchog bzhugs nas/ /chos kyi 'khor lo mchog bstan pa yi bkra shis gang / /lha yul dang 'dir shin tu rmad du byung gyur pa/ /bkra shis des ni skye dgu rnams la zhi byed shog /bkra shis gang zhig phan byed dam pa dag byed pa/ /bsod nams bya byed 'phags pa'i skye bos mngon bstod pa/ /bcom ldan shAkya thub pa seng ges mngon gsungs pa/ /bkra shis des ni skye dgu rnams la zhi byed shog /mu stegs byed pa kun gyi nga rgyal gzhom pa dang / /'gro la bde ba bskyed phyir cho 'phrul dam pa dag /nye bar ston pa'i rgyal ba'i bkra shis gang yin pa/ /bkra shis des ni skye dgu rnams la zhi byed shog /'gro la phan phyir mtho ris nas ni 'dir gshegs te/ /tshangs pa la sogs lha tshogs lag na rnga yab gdugs/ /sna tshogs thogs pas yongs su bskor ba'i bkra shis gang / /bkra shis des ni skye dgu rnams la zhi byed shog / de bzhin gshegs pa zhi ba'i mchog tu nyer gshegs pa/ /man dA ra ba'i me tog mang pos mngon mchod pa/ /lha mchog rnams kyis mngon par bstod pa'i bkra shis gang / /bkra shis des ni skye dgu rnams la zhi byed shog /lha dbang klu dang mi yi dbang pos phyag byas pa/ /mkha' lding gnod sbyin dri za'i dbang pos mchog gyur pa/ /de bzhin gshegs pa'i stobs bcu ldan gyi bkra shis gang / /bkra shis des ni skye dgu rnams la zhi byed shog /de nas mtshan brgya rtsa brgyad pas yang dag par bstod la/ dang por bum pa gang ba dang / rdo rje gzugs la sogs pa de dag dbul lo/ /de nas bum pa de rnams kyis so/ /de'i 'og tu rnam par rgyal ba'i bum pa las chu blangs te/ de bzhin du dbang bskur bar bya zhing 'thung du yang gzhug go /de nas phyag rgya'i dbang bskur ba dang / cod pan dang dar dpyangs kyi dbang bskur ba dang / rdo rje dang bdag po dang / ming gi dbang bskur ba yang byin la/ dngos grub kyi rdo rje'i brtul zhugs kyang sbyin par bya'o/ /de nas me tog la sogs pa dang / rdo rje mtshon cha la sogs pa mchod pa'i phyag rgya rnam pa bcu gnyis dum bu gnyis pa'i rtsa ba'i dkyil 'khor du bshad pa rnams kyis yang dag par mchod la/ chos kyi de kho na nyid kyis dam tshig rnams sbyin par bya'o/ /de bzhin gshegs pa'i dkyil 'khor du yang mchod pa bcu gnyis po de dag nyid/ de bzhin gshegs pa'i khu tshur las byung ba'o/ /rdo rje'i rigs la ni khro bo'i khu tshur gnyis las byung ba'o/ /pad+ma'i rigs la ni pad+ma'i khu tshur gnyis las byung ba'o/ /rin po che'i rigs la ni rin po che'i khu tshur gnyis las byung bar gzung bar bya'o/ /rdo rje sems dpa'i dkyil 'khor la ni kha dog sna tshogs pa'o/ /de bzhin gshegs pa'i dkyil 'khor la ni dkar po'o/ /rdo rje'i dkyil 'khor la ni sngon po'o/ /pad+ma'i dkyil 'khor la ni dmar po'o/ /rin po che'i dkyil 'khor la ni ser por shes par bya'o/ /de nas snga ma bzhin du cho ga rnams rjes su spyad pa byas la/ yi ge pras byin gyis brlabs pa'i rin po che'i thur ma'am/ gser gyi thur ma blangs la/ slob ma'i mig gnyis su phra bkod de/ thur ma des de'i mig tu byugs la/ 'di skad ces brjod par bya ste/ ji ltar mig mkhan rgyal po yis/ /'jig rten rab rib bsal ba ltar/ /bu khyod kyis ni mi shes pa'i/ /rab rib rgyal bas bsal bar mdzad/ /oM badzra nai tra a pa hA ra phaT laM hri/ de nas me long blangs la/ chos kyi mtshan nyid bstan par bya ste/ chos rnams gzugs brnyan lta bu ste/ /dang zhing dag la rnyog pa med/ /gzung du med cing brjod du med/ /rgyu dang las las byung ba ste/ /ngo bo nyid med gnas med par/ /de ltar chos 'di shes nas su/ /sems can don ni mnyam med byos/ /'on kyang sangs rgyas sras su skyes/ /de nas yi ge hos mda' dang bcas pa'i gzhu byin la/ de bzhin gshegs pa thams cad rjes su mnyes par gyis shig ces brjod la/ phyogs bzhir mda' bzhi 'phen pa'i tshul byed du gzhug cing / steng 'og tu 'ang 'phen du bcug la/ oM badzra rA ga ho zhes kyang smrar gzhug par bya'o/ /de nas oM badzras twa zhes bya bas me long bstan la/ 'di skad ces brjod par bya ste/ rdo rje sems dpa' me long ltar/ /dag cing gsal la rnyog pa med/ /sangs rgyas kun bdag rang nyid ni/ /bu khyod kyi ni snying la zhugs/ /de bzhin gshegs pa kun bdag gang / /byang chub sems 'dir shes par gyis/ /de nas badzra he tu maM/ zhes bya bas chos kyi 'khor lo rkang pa gnyis su dgod pa dang / badzra b+hASha raM zhes bya bas dung lag pa g.yas par byin la/ 'di skad ces brjod par bya ste/ de ring phan chad 'jig rten la/ /skyob pa rnams kyis 'khor lo bskor/ /chos kyi dung ni bla med pas/ /kun du ma lus gang bar gyis/ /som nyi yid gnyis mi bya zhing / /dogs pa med pa'i sems kyis su/ /gsang sngags spyad pa'i tshul gyi mchog /'jig rten 'di la rab tu sgrogs/ /de ltar byas na sangs rgyas la/ /phan 'dogs shin tu gzo zhes bya/ /rdo rje 'dzin pa de kun yang / /kun du khyod la srung bar byed/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /chos kyi 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /rdo rje'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /khro bo'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /pad+ma'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /nor bu'i 'khor lo rab tu bskor/ /zhes bya bas de bzhin gshegs pa dang / rdo rje sems dpa' dang / rdo rje hU~M mdzad dang / 'jig rten dbang phyug dang / nam mkha'i snying po'i nga rgyal dang / tshigs su bcad pa 'di rnams kyis/ rjes su gnang ba byin la rang gi lha'i snying po sbyin par bya'o/ /de nas phyag rgya bzhi'i ye shes bslabs la/ gzengs bstod pa'i phyag rgya bcings te/ slob ma thams cad la dbang bskur ba sbyin par bya'o/ /oM 'di ni ngas khyod lung bstan pa/ /rdo rje sems dpa' de bzhin gshegs/ /srid pa mchog tu grub pa'i phyir/ /srid pa'i ngan 'gro dag las bton/ /kye rdo rje che ge mo zhes bya ba'i de bzhin gshegs pa sid+d+h+ya sa ma ya s+t+waM/ b+hur b+hu baHswaHde la gzengs bstod pa 'di yin te de bzhin gshegs pa'i khu tshur gnyis bcings la/ g.yon pa chos gos kyi mtha' ma 'dzin pa'i tshul du byas la/ g.yas pa mi 'jigs pa'i tshul du bya'o/ /cho ga lhag ma rnams ni dum bu gnyis pa las shes par bya'o/ /rjes su bsgrub pa dang / rjes su bsgrub pa'i lan yang de ltar shes par bya'o/ /de nas sbyin sreg bya ste/ slob ma bsang gtor byas la g.yon logs su bzhag ste/ de'i g.yas pa'i mthe bong lag pa g.yon pas bzung nas/ hU~M gis mar gyi sbyin sreg lan bdun byas la/ blugs gzar gyis slob ma la bskor ba byas te/ de nyid kyis dgang blugs gsum dbul bar bya'o/ /de nas sangs rgyas spyan gyis de bzhin du sbyin sreg bya'o/ /de nas slob ma'i lag par rdo rje gnod sbyin bzlas pa'i gdu bu btags la/ de nyid bzlas pa'i chus bsang gtor bya'o/ /oM ru ru s+phu ru dz+wA la tiSh+Tha sid+d+ha lo tsa ne sarba ar+tha sA d+ha ne swA hA/ zhes bya ba'i sangs rgyas spyan gyi sngags dang / snying gar byugs te/ slob ma gtang bar bya ba ni slob ma'i thun mong gi cho ga'o/ /gang zhig slob dpon gyi dbang gis dbang bskur ba de la ni/ de la dmigs te mar gyi sreg blugs brgya hU~M zhes bya ba dang / sbyin sreg bya'o/ /de nas sangs rgyas spyan gyi yang sbrang rtsi dang / mar dang / zho dang bsres pa'i til gyis sbyin sreg brgya sangs rgyas spyan gyi sngags nyid kyis dbul lo/ /de nas de bzhin du gdu bu btags la bsang gtor byas te/ snying ga nas byugs nas/ de nas yang snga ma bzhin du thab kyi nang du dkyil 'khor bsams la/ dkyil 'khor pa'i lha rnams la sbyin sreg phul nas/ yang dkyil 'khor la zhugs pa'i bcom ldan 'das la mtshan brgya rtsa brgyad pas bstod nas/ mchod pa thams cad kyis yang dag par mchod de/ de'i phyi rol du gtor ma byin la nye reg bya ste/ phyag rgya dgrol ba la sogs pa sngar bshad pa'i cho ga rnams rjes su spyad nas/ bcom ldan 'das 'khor dang bcas pa rnams gshegs su gsol bar bya'o/ /de nas de bzhin du rang gi lus la sprul pa'i dkyil 'khor bcug la/ shes rab kyi pha rol tu phyin pa mtha' yas pa nyid pas/ de bzhin gshegs pa thams cad mtha' yas pa nyid do/ /shes rab kyi pha rol tu phyin pa mu med pa nyid pas/ rdo rje thams cad mu med pa nyid do/ /shes rab kyi pha rol tu phyin pa du ma nyid pas chos thams cad du ma nyid do/ /shes rab kyi pha rol tu phyin pa mthar thug pa med pa nyid pas las thams cad mthar thug pa med pa nyid do/ /sems can chen po legs so legs/ /bde ba chen po legs so legs/ /blo gros chen po legs so legs/ /cho ga 'di ni legs par smras/ /sangs rgyas rdo rje 'dzin kun gyis/ /'bras bu yod pa 'dul ba'i mchog / rdo rje mdo sde byin gyis brlabs/ /de nas snga ma bzhin du bdag nyid la bsrung ba legs par byas la/ hU~M zhes bya ba zlos shing dkyil 'khor phyags par bya'o/ /de nas glegs bam bklag pa dang mchod rten gdab pa la sogs pa ci nus pa'i dge ba'i las rnams rjes su spyod par byed cing gnas par bya'o/ /de nas brtsams pa 'di ni rigs thams cad kyi dkyil 'khor rnams la thun mong du gyur pa yin par shes par bya'o/ /sngon du bsnyen pa bya ba la sogs pa'i cho ga rnams gang du khyad par du phye ste/ bshad pa med pa dag la ni dkyil 'khor gyi bdag po'i dbang du byas nas bya ba yin par shes par bya'o/ /slob ma gzhug pa la sogs pa'i cho ga rgyas pa rdzogs so// //dbang bskur ba dang / dam tshig thob pa rnams la slob dpon gyis dngos grub kyi ye shes blang bar bya'o zhes bya ba 'di'i don bstan par bya ba'i phyir/ de nas zhes bya ba la sogs pa gsungs te/ de nas zhes bya ba'i sgras ni 'das ma thag pa'i don ston par byed pa ste/ slob ma gzhug pa la sogs pa'i cho ga rgyas pa'i rjes thogs nyid la zhes bya ba'i don to/ /cho ga zhes bya ba ni mngon par 'dod pa 'grub par bya ba'i dngos grub kyi phyir rgyu dang byed par zhes bya ba'i don to/ /'byung ste zhes bya ba rtsom par byed pa'o/ /zla ba nya nas brtsams zhes bya ba ni zla ba yar gyi ngo tshes bco lnga la dkyil 'khor du 'jug pa'i mtshan mo nas nye bar bzung ba'o/ /phyag na rdo rje'i spyan sngar zhes bya ba ni rdo rje sems dpa'i sku gzugs lugs ma'am/ brkos pa la sogs pa'i gzugs kyi spyan sngar te mdun du'o/ /rab tu dga' ba'i rdo rje'i phyag rgya bcings la zhes bya ba ni lnga po bsdus pa bcings pa'o/ /ji ltar skyo bar ma gyur pa zhes bya ba ni/ ji srid skyo ba skye bar ma gyur pa'o/ /dang por byin gyis brlabs pa la sogs pa byas la zhes bya ba ni bzlas brjod kyi gang du bya ba thams cad drangs nas gsungs pa yin te/ mchod pa dang / bdag la byin gyis brlabs pa dang / dbang bskur ba'i cho ga dang / dngos grub kyi rdo rje'i brtul zhugs blang bar byas nas/ chos rnams kyi de kho na nyid kyi dam tshig rnams blang ba'o/ /rdo rje'i dam tshig gis brjod cing zhes bya ba ni rab tu dga' ba'i rdo rje'i gsung gis bzlas brjod bya'o zhes bya ba'i don to/ /'di skad ston par 'gyur te/ dkyil 'khor chen por zhugs nas/ ji ltar slob dpon las rang gi 'dod pa'i lha bsgrub par bya ba'i phyir hU~M zhes bya ba bzlas shing phyag rgya bzhi'i ye shes brlabs la/ de nas brtsams te rdo rje sems dpa'i ras ris la sogs pa bris pa'i sku mdun du bzhag ste/ 'di spyan sngar ji skad bshad pa'i bdag la byin gyis brlabs pa la sogs pa'i cho ga rjes su spyad ma thag tu/ lnga po bsdus pa'i phyag rgya bcings te/ hU~M zhes bya ba'i 'og nas bshad pa'i mtshan nyid dang ldan pa'i rab tu dga' ba'i rdo rje'i tshig gis ji srid skyo bar ma gyur pa de srid kyi bar du bzlas brjod bya'o/ /skyo bar gyur na mnyam par ma bzhag pa'i sbyor bas rdo rje'i tshig kyang bzlas par bya'o/ /bya ba thams cad byas nas/ lnga bo bsdus pa'i phyag rgya de bzhin du bcings la/ ji srid thun dang po'i mthar thug pa'i bar du'am/ thun gnyis pa'i mthar thug pa'i bar du bzlas brjod bya'o/ /de nas ji lta ba bzhin du gshegs su gsol ba byas la/ langs te ji skad du bshad pa'i spyod lam gyis gnas par bya'o/ /de ltar nyin re zhing bdag la byin gyis brlabs par byas la/ ji srid zla ba gcig gi bar de srid du bzlas brjod byas na sngon du bsnyen pa byas par 'gyur ro/ /de nas brtsams te/ phyag na rdo rje'i bka' ji lta ba bzhin du sgrub pa thams cad 'grub par 'gyur ro zhes bya ba ni/ 'di nyid kyi 'og nas bshad pa'i ras ris la sogs pa sgrub pa thams cad sngon du bsnyen pa rdzogs nas/ bka' nye bar brtsams nas 'grub par 'gyur zhing rdzogs par 'gyur ro/ /phyag na rdo rje'i bka' ji lta ba bzhin du zhes bya ba 'di ni sdud par byed pa'i tshig yin te/ rdo rje sems dpas ji skad gsungs pa de ni de bzhin te gzhan du mi 'gyur ro zhes bya ba'i don to/ /de nas ras ris bri'am/ 'drir 'jug par 'dod na zhes bya ba la sogs pa la gang gi phyir sngon du bsnyen pa byas pas/ ras ris sgrub pa la sogs pa thams cad 'grub par 'gyur gyi gzhan dag la ni ma yin te/ gtan tshigs de bas na sngon du bsnyen pa byas la/ de nas ras ris bdag nyid kyis bri ba'am/ ri mo mkhan dkyil 'khor mthong ba 'drir gzhug par bya'o/ /dang po'i rdo rje bri ba'i phyag rgya bris la zhes bya ba ni dang po'i rdo rje ni rdo rje bri ba'i phyag rgya ste/ des dang po hU~M zhes bya ba zlos shing / pir blangs la/ de ri mo bri bar bya ba 'am byed du gzhug go /de'i 'og tu ni ci bder bya'o zhes bya ba ni de phan chad kyi dus su ni phyag rgya med par yang 'dri ba 'am/ 'drir gzhug par bya'o/ /dkyil 'khor thams cad du yang de nyid kyis dang por brtsam par bya'o zhes bya ba ni dpal rdo rje sems dpa'i dkyil 'khor la sogs te/ bcom ldan 'das kyis rgyud 'dir dkyil 'khor ji srid gsungs pa de rnams su yang rdo rje bri ba'i phyag rgya dang po brtsam par byas la/ phyi nas tshon rtsi thams cad dgye ba la hUM zhes bya ba nyid zlos bzhin du ci bde bar bya'o zhes pa'o/ /dbus su bcom ldan 'das cho ga ji lta ba bzhin du bri zhing zhes bya ba la sogs pa la/ ji skad ston par 'gyur te/ dpal rdo rje sems dpa'i sbyor ba byas la/ cho ga thams cad rjes su spyad la/ bla re dang / gdugs dang / rgyal mtshan dang / 'phan la sogs pas gnas mdzes par byas la/ bum pa dang / bum pa gang ba rnams kyang dgod de/ sa'i phyogs pa'i rnam lnga dang / spos chu'i dri zhim pos nye bar byugs pa'i gnas su bri bar bya ba'i ras gzhag la/ de snga ma bzhin du dkyil 'khor thams cad bsams nas/ mchod yon phul te/ rdo rje sems dpa' la sogs pa'i byang chub sems dpa' rnams ji ltar yongs su brtags pa'i gnas rnams su hU~M zhes bya ba bkod nas/ mchod pa rnam pa lngas ji lta ba bzhin du yang dag par mchod de/ bcom ldan 'das rdo rje sems dpa' ras kyi dbus su bri ba 'am/ 'drir gzhug par bya'o/ /de'i 'og logs su phyag na rdo rje/ shar lho mtshams su 'jam pa'i dbyangs/ lhor nam mkha'i snying po/ /lho nub mtshams su nam mkha'i mdzod/ bcom ldan 'das kyi steng gi cha la 'jig rten dbang phyug /nub byang mtshams su sems bskyed ma thag tu chos kyi 'khor lo bskor ba/ bcom ldan 'das kyi g.yon logs su rdo rje khu tshur/ byang shar mtshams su rdo rje gnod sbyin bri ba'am/ 'drir 'jug par bya'o/ /de nas zla ba nya nas brtsams te zhes bya ba ni/ de ltar ras ris bris nas/ de'i rjes thogs nyid la/ tshes bco lnga nas nye bar bzung ste/ bdag la byin gyis brlabs pa la sogs pa byas te/ ras ris la bcom ldan 'das spyan drangs nas yang dag par bcug la/ mchod pa thams cad kyis ji lta ba bzhin du bcom ldan 'das 'khor dang bcas pa yang dag par mchod la/ phyag byas nas bcom ldan 'das kyi thugs ka'i zla ba'i dkyil 'khor la gnas pa'i dang po'i rdo rje'i nang du hUM zhes bya ba rnam par bsams la/ phyag rgya chen po bcings nas nyin re'i sbyor bas ji srid zla ba nya ba gnyis pa la thug pa de srid kyi bar du bzlas brjod bya'o/ /de nas de'i tshe mtshan thog thag tu bzlas brjod byas nas tho rangs ka bcom ldan 'das rdo rje sems dpas mthong bstsal nas/ de la sangs rgyas nyid la sogs pa'i dngos grub ji ltar 'dod pa stsol bar 'gyur ro/ /cho ga gzhan yang zhes bya ba la sogs pa la/ de bzhin du sngon du bsnyen pa byas te/ dpal rdo rje sems dpa'i ras ris kyi dbus su bcom ldan 'das rnam par snang mdzad phyag gnyis byang chub mchog gi phyag rgya bcings la/ hU~M zhes bya ba nyid kyis bri bar bya'o/ /de'i mdun gyi cha nas brtsams te/ mi bskyod pa la sogs pa de bzhin gshegs pa bzhi/ phyag na rdo rje la sogs pa byang chub sems dpa' brgyad kyis yongs su bskor bar bri bar bya'o/ /de nas de'i mdun du cho ga thams cad rjes su spyad la dpal rdo rje sems dpa'i phyag rgya chen po bcings te/ de bzhin du bzlas brjod byas nas zla ba'i mthar thug pa dang mtshan thog thag bzlas brjod byas la/ de nas nang par bcom ldan 'das rnam par snang mdzad kyis mthong ba stsal nas/ sgrub pa pos sangs rgyas nyid la sogs pa'i dngos grub stsol bar 'gyur ro/ /ras la bcom ldan 'das zhes bya ba la sogs pa la snga ma bzhin du zla ba gcig tsam sngon du bsnyen pa byas la/ bcom ldan 'das rdo rje sems dpa' dpa' bo gcig pu ras la bri bar bya'o/ /de nas zla ba nya nas brtsams te/ ras ris kyi spyan sngar de bzhin du dpal rdo rje sems dpa'i phyag rgya chen po bcings la/ bzlas brjod 'bum bya'o/ /de nas zla ba nya ba la phyag rgya chen po bcings pa nyid kyis/ mtshan thog thag bzlas brjod byas na/ tho rangs ka bcom ldan 'das phyag na rdo rjes mthong ba stsal nas/ rdo rje sems dpa' nyid stsol bar 'gyur ro/ /de bzhin du de bzhin gshegs pa dpa' bo gcig pu'i ras ris sgrub pa yang shes par bya'o/ /de nas bklags pa tsam gyis 'grub pa zhes bya ba ni/ hU~M zhes bya bas byin gyis brlabs pa dang bcas pa'o/ /las rnams bshad pa ni rjes su mnyes par byed pa la sogs pa'o/ /dkyil 'khor du zhugs pa tsam nyid kyis zhes bya ba ni/ ras ris kyi bsgrub pa byas la/ zla ba gcig ji skad du bshad pa'i bsnyen pa byas nas dkyil 'khor du zhugs pa tsam gyis ye shes ma babs kyang las rnams 'grub par 'gyur ro zhes ston to/ /gang zhig ye shes babs pa la ni las rnams shin tu yang 'grub par 'gyur ro zhes bya ba'i don to/ /'di lta ste zhes bya ba ni nye bar ston pa'i don to/ /de bzhin gshegs pa thams cad ces bya ba ni/ 'jig rten gyi khams thams cad kyi rdul phra rab dang mnyam pa'i bcom ldan 'das rnam par snang mdzad la sogs pa'o/ /de rnams rjes su mnyes par byed pa ni rgyab kyis phyogs pa rnams rang dbang du bya ba'i phyir mngon du phyogs par bya'o/ /de ji ltar 'gyur zhe na/ 'dod chags la sogs pa'i bde ba thams cad phul bas zhes bya ba ste/ 'dod chags ni rdo rje sems dpa'o/ /de la sogs pa gang yin pa ni/ 'dod chags la sogs pa'o/ /bde ba thams cad ces bya ba ni/ rdo rje yid las byung ba nas brtsams te/ rdo rje ro'i mthar thug pa'i bar gyi lha thams cad kyi rnam par thar pa'i sgo ste/ 'dod chags dam tshig ces su bshad/ /ces bya ba la sogs pas bshad pa'i phyir ro/ /de rnams phul ba ni de bzhin gshegs pa thams cad kyi sku dang / gsung dang thugs rdo rje las bstabs pa'o/ /'dis ni don 'di skad ston par 'gyur te/ dpal rdo rje sems dpa'i dkyil 'khor chen po'i rnal 'byor du zhugs la/ de mngon sum bzhin du bltas te/ 'jig rten gyi khams thams cad rdul phra rab dang mnyam pa/ de bzhin gshegs pa rdo rje sems dpa'i cha lugs kyis bcug la/ rdo rje sems dpa'i dkyil 'khor chen po'i ngo bo nyid du byas nas las de yongs su rdzogs par mdzad pa la brtson par bya'o/ /de ltar de rnams rjes su mnyes par byas nas/ rdo rje sems dpa'i bde ba dang / yid bde ba thob par 'gyur ro/ /rdo rje 'dzin pa chen po zhes bya ba la/ rdo rje 'dzin pa chen po ni rdo rje sems dpa' ste/ de'i rnal 'byor de bzhin du byas la/ de ras ris la sogs pa la mdun du bzhugs su gsol te/ mchod pa thams cad kyis ji lta ba bzhin du mchod la/ 'khyud pa dang 'o byed pa la sogs pa'i phyag rgya gnyis po rgyud phyi ma las gsungs pa dag gis yid kyi rjes su mnyes par bya ba'am/ dpal khams gsum rnam par rgyal ba'i cho ga las gsungs pa'i sbyor bas rjes su mnyes par bya'o/ /de skad du/ gzugs de la ni zhugs bzhin nam/ /yid kyis btud pa lta bu dang / /'dzum zhing mig gzhan mi lta bas/ /bzlas na ring por mi thogs 'grub/ /ces gsungs pa'o/ /byang chub sems dpa' thams cad ni phyag na rdo rje la sogs pa ste/ gang gleng gzhir bshad pa'o/ /de rnams mnyes par bya ba ni rdo rje sems dpa'i sbyor bas hU~M zhes bya ba dpag tu med par bzlas pa ste/ snga ma bzhin no/ /rdo rje thams cad ni rdo rje yid las byung ba la sogs pa ste/ de rnams rjes su mnyes par bya'o/ /ji ltar 'gyur zhe na/ rang gi snying po la bzlas pas so zhes bya ba ste/ dum bu gnyis pa'i rtsa ba'i rgyud las/ gang de rnams kyi snying po gsungs pa dang / rdo rje sems dpa' la sogs pa'i rgyud gzhan dag las/ dzaHhU~M baM hoH zhes rang gi snying po gsungs pa gang yin pa de bzlas pas de rnams rjes su mnyes par 'gyur ro/ /lha la sogs pa'i sems can thams cad rjes su chags par bya ba la ni/ thams cad du bzlas brjod 'bum byas pas so zhes bya ba ni 'dod pa'i dbang phyug la sogs pa'i lha rnams bkug la/ bdag la byin gyis brlab pa la sogs pa byas te/ hUM zhes bya ba de rjes su dga' bar bya ba'i bsams pas/ bzlas brjod 'bum byas na/ de nas de dag rjes su chags par sgrub pa po ci 'dod par byed par 'gyur ro/ /gnod sbyin mo la sogs pa rnams kyang chung ma la sogs pa'i gzugs kyis nye bar gnas par 'gyur ro/ /bdag bsrung ba la sogs pa la ni yungs kar la lan cig gis so zhes bya ba ni yungs kar hU~M zhes bya bas rdo rje rtse lnga pa 'bar ba rnam par bsams la/ rang gi mgo la gzhag ste/ rdo rje 'bar ba'i nang du bdag nyid chud par byas par bsams na bdag bsrung bar byas par 'gyur ro/ /gzhan bsrung ba la ni rdo rje bskor bas so zhes bya ba ni/ de bzhin du bdag la byin gyis brlab pa la sogs pa byas te/ g.yas pa'i rdo rje khu tshur gyis thog ma'i rdo rje blangs la/ gzhan gyi yan lag dang nying lag rnams su rdo rjer bya ba'i bsam pas/ hU~M zhes bya ba zlos shing bskor bar bya ste/ des ni gzhan bsrung ba byas par 'gyur ro/ /thams cad du yang hU~M zhes bya ba bzlas la/ bdag la byin gyis brlab pa la sogs pa byas te/ las bya ba yin par shes par bya'o/ / thams cad bsrung ba la ni yid kyis lan cig go zhes bya ba la ni/ grong la sogs pa bsrung ba la ni yid kyis hU~M zhes bya ba zlos shing phyogs bcing ba la sogs pa bya'o/ /mtshams dang phyogs dang dkyil 'khor thams cad bcing ba la ni blta ba'am zhes bya ba ni hUM zhes bya bas mig gnyis su rdo rje bsams la/ bltas pas mtshams bcing ba la sogs pa bya'o/ /yungs kar la sogs pas so zhes bya ba ni/ hU~M zhes bya bas yungs kar rdo rje'i rnam par bsams la des phyogs bcing ba la sogs pa bya ste/ de bzhin du chu dang thal ba la sogs pas kyang bya'o/ / sems can thams cad rengs par bya ba la ni dbugs mi 'byin pas bzlos pas so zhes bya ba ni/ seng ge la sogs pa'i steng du rdo rje sems dpa' rang gi lus phyung la/ dbugs mi 'byung ba'i sbyor bas gzhan mi g.yo bar byas par 'gyur ro/ /sems can thams cad rmugs par bya ba la ni rdo rje 'tshir bas so zhes bya bas ni rdo rje bsdams pas/ rdo rje blangs la bsgrub par bya ba'i lce 'tshir ba'i bsam pas btsir bar bya ste/ des ni lkugs par 'gyur te/ tshig 'phrog par 'gyur zhes bya ba'i don to/ /sems can thams cad rmongs par bya ba la ni mig btsums nas bzlas pas so zhes bya ba ni bsgrub par bya ba dang / lhan cig tu byas la yid kyis mig btsums nas bzlas na des mi rmongs par byas par 'gyur ro/ /thams cad bsad pa la ni rdo rje dril bas so zhes bya bas ni lag pa g.yas pas dang / g.yon du hU~M zhes bya bas rdo rje gnyis bsams la/ lag pa g.yon pa'i rdo rje la bsgrub par bya ba'i ming blos bsams la/ lag pa g.yas pa'i rdo rje bsgrub par bya ba gsad pa'i bsam pas bsnun na/ des ni thams cad gsod par 'gyur ro/ /sems can thams cad rgyas btab pa la ni rdo rje mkha' 'gro ma'i phyag rgyas so zhes bya ba ni khro bo'i khu tshur gnyis kyis gar byas la/ bstod pa dang bcas pas mda' 'phen pa ni rdo rje mkha' 'gro ma'i phyag rgya yin la/ 'dis bsgrub par bya ba'i snying kar bsnun par bya ste/ 'dis ni rgyas btab par bya'o/ /rgyas btab par gyur pa la ni mtshan ma 'di dag 'byung bar 'gyur te/ mig 'dzum par 'gyur ba dang / steng du lta ba dang / lkugs pa bzhin du 'dug pa dang / rlung ltar dbugs 'byin pa dang / sbrul ltar 'khril ba dang / ro ltar ci yang mi smra ba dang / lha la sogs pa'i phyag rgya ston pa dang / sor mo rnams bgrang ba dang / mig mi 'dzum par lta ba dang / 'chi ma glogs pa dang / rims dang bcas par 'gyur ba dang / 'dar zhing g.yo ba dang / rnam par 'gyur ba dang / 'tshig par 'gyur ba dang / sreg par 'gyur ba dang / rmongs par 'gyur ba dang / 'khrug par 'gyur ba dang / 'khril par 'gyur ba dang / rdul bar 'gyur ba dang / mngon par blta bar 'gyur ro/ /snying thams cad 'dren cing 'byin pa la ni yid kyis bzlas pas so zhes bya ba ni lha'i sbyor bas yid kyis bsgrub par bya ba'i lus la zhugs la/ de'i snying ga'i pad+ma byung ste blangs la/ rang gi snying la gzhag la gcig tu gyur par bsams te/ des ni thams cad kyi snying 'dren cing 'byin par 'gyur ro/ /sems can thams cad za ba la ni bldad cing myur bar zlos pas so zhes bya bas ni bdag nyid rdo rje khro bo'i kha nam mkha' dang mnyam pa/ mche ba gtsigs pa rnam par bsams la/ bsgrub par bya ba khas blangs la bldad cing bzlas na myur bar de zos par 'gyur ro/ /thams cad skrag par bya ba la ni rdo rje 'jigs byed kyi phyag rgyas so zhes bya ba ni sems can thams cad 'jigs par bya ba ni skrag par bya bas so/ /de yang gar las byung ba'i rdo rje khu tshur gnyis bcings la kha phye ste/ gdong shin tu 'jigs pa dang / skra gyen du brdzes pa dang / 'og nas mgo 'degs pas so zhes bya ba smra bar byed pa 'di ni/ rdo rje 'jigs byed kyi phyag rgya ste/ 'dis sems can thams cad skrag par bya'o/ /nor thams cad 'gugs pa la ni gser gyi bzlas pas so zhes bya bas ni dong rtse 'gugs pa'i tshul gyis bzlas brjod byas na/ des ni nor thams cad 'gugs par 'gyur ro/ /nor dang 'bru thams cad 'gugs pa la ni rdo rje rnal 'byor ma'i phyag rgyas so zhes bya ba ni khams gsum rnam par rgyal ba'i phyag rgya las lag pa g.yas pa'i yang mdzub mo bsgreng la g.yon pa'i yi ge hU~M dang sdigs mdzub bya ba'i tshul gyis 'dren pa ni/ rdo rje rnal 'byor ma'i phyag rgya ste/ 'dis ni nor dang 'bru thams cad 'gugs par 'gyur ro/ /thams cad rjes su chags par bya ba la ni pi wang brdung ba dang bcas pa'i ka ka le'i glu len pas bzlas brjod bya'o zhes bya ba la/ de bzhin gshegs pa la sogs pa dang / sems can thams cad rjes su chags par bya ba ni thams cad rjes su chags par bya ba ste/ rdo rje sgra dang phyag rgya chen pos bya'o/ /thams cad 'bigs shing rjes su chags par bya ba la ni rdo rje mda'i phyag rgyas so zhes bya ba la/ rnam par 'joms pa zhes bya ba ni 'bigs pa'o/ /yid bde ba bskyed pa ni rjes su chags par bya ste/ rdo rje yid las byung ba'i las kyi phyag rgya ni rdo rje mda'i phyag rgya ste/ des thams cad 'bigs pa dang / rjes su chags par 'gyur ro/ /thams cad dga' bar bya ba la ni phyogs thams cad kyi de bzhin gshegs pa mnyes pa'o zhes bya ba ni de bzhin gshegs pa la sogs pa dang / sems can gyi khams thams cad ni thams cad de/ de dga' bar bya ba ni bsgrub par bya zhing rang dbang du bya ba ste/ kI li kI la'i rdo rje phyag rgya bcings la des phyogs bcur de bzhin gshegs pa thams cad bris la/ yid kyis bzlas brjod bya ste des ni thams cad mnyes par 'gyur ro/ /sdug pa'i bcing ba brtan par bya ba la ni snying brtan par nges par btsir bas so zhes bya ba ni rdo rje sems dpa' la sogs pas sems can thams cad 'khor pa ji srid par yongs su mi gtong ba'i chags pa ni sdug pa brtan pa'o/ /des 'ching ba ni dam por bzung ba ste/ sdug pa ni rdo rje'i phyag rgya bcings la brtan pa'i 'khrul 'khor btsir ba des ni snying btsir bas de rdzogs par 'gyur ro/ /ma rungs pa rab tu bsgrub pa la ni rdo rje snyems mas so zhes bya ba ni rdo rje snyems ma'i phyag rgya ni rdo rje snyems ma ste/ des ma rungs pa rnams rab tu sgrub par byed par 'gyur ro/ /'di skad ston par 'gyur te/ ma rungs pa rnams la bltas la rdo rje snyems ma'i las kyi phyag rgya bcings nas/ yid kyis bsgrub par bya ba'i lus la zhugs te/ bdag nyid de dang lhan cig tu gyur par bsams la/ mgo g.yon du btud de/ bsgrub par bya ba 'dud par byed pa'i bsam pas gdud de/ des ni de ltung bar byas par 'gyur zhing / dregs pa 'phrog par 'gyur ro/ /rgyan thams cad ces bya ba ni go bar zad do/ / de rnams dbrog pa ni 'bar ba'i lta bas dbrog pas so zhes bya ba ni/ rab tu myur bar g.yo ba'i mig /mig gi rdzi ma 'dren pa ni/ /'bar ba'i lta ba zhes grags te/ /'gro ba thams cad 'gugs pa'o/ /zhes bya ba ni 'bar ba'i lta ba'i mtshan nyid de/ de dbrog pa ni 'gugs pa ste/ 'bar ba'i lta bas dbrog pa'o/ /thams cad yid tshim pa zhes bya ba ni bde ba bskyed pa'o/ /de ji ltar 'gyur zhe na/ rdo rje khu tshur gnyis snying gar bzhag pas so zhes bya ba gsungs te/ dam tshig rdo rje'i khu tshur bcings la snying ga'i phyogs su bzhag ste/ des ni thams cad yid tshim par 'gyur ro/ /mun pa snang bar bya ba la ni/ rdo rje kha shar du bltas te bskor bas so zhes bya ba ni/ dang po'i rdo rje blangs la 'od zer 'bar ba gtong ba'i tshul gyis shar phyogs su bltas la/ bskor na mun pa mun nag snang bar byed do/ /lus bde bar bya ba la ni rang gi mtshan gyis bzlas pas so/ / zhes bya ba ni rdo rje bsdams pas rang gi mtshan bzung la/ lus kyi sdug bsngal gzhig par bya ba'i phyir bzlas brjod bya ste/ des lus bde ba'i rgyur 'gyur te/ g.yogs nas bya'o zhes bcom ldan 'das kyis gsungs so/ /gzugs thams cad snang bar bya ba la ni/ rdo rje gzugs kyi mchog gis phyag rgyas so zhes bya ba ni/ de bzhin gshegs pa la sogs pa gzugs thams cad yang dag par ston pa'i bsam pa gar las byung ba'i rdo rje bsdams pa bcings la/ g.yon pa'i mdzub mo lcags kyus g.yas pa'i gung mo'i rtse mo 'khyud/ g.yas pa'i mdzub mo'i lcags kyus g.yon pa'i gung mo'i rtse mo 'khyud/ mthe bong gnyis rang rang gi mdzub mo dang rtse sbyar la mthe'u chung gnyis sbyar te brkyang ba 'di ni rdo rje gzugs kyi mchog ste/ 'dis gzugs thams cad yang dag par ston par 'gyur ro/ /sgra thams cad ni de bzhin gshegs pa la sogs pa'i sgra'o/ /de thos par bya ba la ni zhes bya ba ni gzhan rnams kyis thos par bya ba'o/ /de ji ltar 'gyur zhe na/ rdo rje pi wang gis so zhes bya ba ste/ gar las byung ba'i rdo rje bsdams pa las g.yon pa'i mdzub mo bkug pa ni yu ba ste/ g.yas pa'i mdzub mos brdungs la/ 'di dang sgra rnams brag ca lta bur bsgoms pas sgra thams cad 'byung bar 'gyur te/ 'di ni rdo rje pi wang ngo / /dri zhim po sna tshogs pa'i phyir na/ sna'i dbugs 'byin pa'i glu yis so zhes bya ba ni/ de bzhin gshegs pa la sogs pa'i dri zhim po rnams sna tshogs pa bskyed pa'i dbugs 'byin pa dang / hU~M zhes pa'i glu'i bzlas pas/ de bskyed pa'i bsam pa'i dbang gis 'byung bar 'gyur ro/ /zas dang skom thams cad ces bya ba la sogs pa la/ rdzas thams cad rdo rje bsdams pas bcing zhing yid kyis blangs la/ mngon par 'dod pa'i gnas su gzhag par bya ste/ de ltar na rdo rje spro ba byas par 'gyur ro/ /dbab pa thams cad ni zhes pa la sogs pa la/ lag pa gnyis kyis se gol rdebs shing bcom ldan 'das rdo rje sems dpa' 'od zer 'bar bas kun nas 'khrigs pas bsgrub par bya ba kun du gang bar bsam zhing / hU~M zhes bya ba'i glu blang bar bya ste/ des ni pra se na la sogs pa dbab pa thams cad byed par 'gyur ro/ /thams cad gar byed du gzhug pa la ni zhes bya ba la sogs pa la bsgrub par bya ba'i lus la yid kyis zhugs pa'i bsgrub par bya ba gar byed pa'i bsam pas bdag nyid gar byed cing / hU~M zhes bya ba bzlas na/ des na thams cad gar byed du 'dzud par 'gyur ro/ /thams cad glu len du gzhug pa la ni zhes bya ba la sogs pa la/ rgyu ba dang mi rgyu ba'i dngos po thams cad la hU~M zhes bya ba'i glu la sogs pa'i gre 'gyur thams cad 'byung bar bsams la/ de rdzogs par bya ba'i bsam pas lce bskyod cing bzlas brjod bya ste/ des ni thams cad glu len du 'dzud par 'gyur ro/ /thams cad smrar 'jug pa ni rdo rje chu yis so zhes bya ba ni/ thams cad babs pas yi ge hU~M zhes bya ba dang / spos chu'i rdul phra rab rdo rje smra ba lta bur rnam par bsams la/ mngon par bzlas te/ khar blud na des ni thams cad smrar 'dzud par 'gyur ro/ /thams cad babs nas zhes bya ba la sogs pa la/ gdon la sogs pa thams cad zhugs nas de rnams kyis mngon par 'dod pa'i dngos po rnams ston cing dris pa'i lan ston pa'o/ /de ji ltar 'gyur zhe na/ rdo rje 'bebs pas so zhes bya ba gsungs te/ dam tshig rdo rje 'bebs pas so zhes bya ba'i don to/ /'di skad ston par 'gyur te/ babs par 'gyur pa dang / lce la hUM zhes bya ba las rdo rje bsams te/ de'i steng du hU~M a zhes bya ba 'od zer 'bar ba 'khrigs pa bkod la/ rdo rje 'bebs pa'i dam tshig gi phyag rgya ston par rnam par bsams nas/ hU~M a zhes bya ba bzlas brjod bya'o/ /gdon thams cad las thar bar bya ba la ni rdo rje ma'i phyag rgyas so zhes bya ba la/ srin po la sogs pa'i gdon thams cad las thar bar bya ba la ni/ gar las byung ba'i ba dan gsum pa'i phyag rgya gnyis byas la/ mthe'u chung gnyis gshibs la mdzub mo gnyis gshibs pa mdzub mo rdo rjer bya/ gung mo gnyis mdud de bzlog nas dbang bskur ba'i gnas su mdzub mo rtse sbyar bar bzhag nas/ hU~M mu zhes brjod la/ khros shing gdong mche ba gtsigs pa 'od zer 'bar bas kun du 'khrigs pa'i bcom ldan 'das rdo rje sems dpa' bsgrub par bya ba'i steng du bsams la/ des kyang de'i mgo bo nas brtsams te/ rkang pa'i mthar thug gi bar du bsgrub par bya ba'i lus la khyab par bsam par bya ste/ des ni gdon thams cad las thar bar 'gyur te/ 'di ni rdo rje mu'i phyag rgya'o/ / gdon thams cad ces bya ba la sogs pa la/ srin po la sogs pa'i gdon thams cad kyis sems can 'ga' zhig 'dzin par bya bar 'dod na/ de'i tshe tshogs kyi bdag po'i gzugs brnyan mdun du bzhag la/ der tshogs kyi bdag po bkug cing bcug la dbang du bya ste/ snga ma bzhin du rab tu bsgrubs la dbang bskur te legs par mchod la/ khros pas rdo rje gsor zhing bzlas nas/ che ge mo gdon gyis zin du chug shig /hU~M zhes bskul na/ de'i tshe de gdon gyis zin par 'gyur ro/ /rims thams cad 'dzin du 'jug pa la ni rdo rje rims kyi gdon gyis so zhes bya ba la/ nyin gcig pa la sogs pa'i rims brgyad ni rims thams cad de/ gang gi tshe des sems can 'ga' zhig zin par 'dod na/ de'i tshe hU~M zhes bya ba zlos shing rdo rje bcings nas/ nam mkha' las rims blangs la/ bsgrub par bya ba'i snying gar sbyor ba 'dis rims gzhug par bya ste/ rdo rje bsdams pa brkyang la snying 'dar bar bya ste/ de nas rims kyis 'dzin par 'gyur ro/ /rims thams cad bsal ba la ni rdo rje'i lta bas bsal ba'o zhes bya ba la/ rdo rje'i lta ba ni chags shing rab tu gdangs pa'i mig ces bya ba ni rdo rje lta ba'i mtshan nyid do/ /des bya bas pas rims thams cad sel nus par 'gyur ro/ /'di skad ston par 'gyur te/ ji skad du gsungs pa'i rdo rje sems dpa'i sbyor ba byas la mig g.yas par ma las nyi ma'i dkyil 'khor/ g.yon par a med pa'i yi ge Ta las zla ba'i dkyil 'khor/ yang yi ge hU~M las mig gnyis su rdo rje gnyis bsams la/ de dang hU~M zhes bya ba zlos shing bsgrub par bya ba'i spyi bo nas brtsams te/ byabs la mig gnyis las byung ba'i rdo rje'i 'od zer rnams kyis rims la bsnun par byas na/ des ni rims thams cad bsal nus par 'gyur ro/ /dug thams cad sbar ba la ni zhes bya ba la/ rgyu ba dang mi rgyu ba'i dug thams cad bems por gyur pa rnams la/ bems po ma yin par bya zhing / rang gi nus pa bskyed par bya ba ni sbar ba'o/ /de ji ltar bya zhe na/ rdo rje lta bu'i dug gi phyag rgyas so zhes bya ba ni khros shing mig mi 'jums pa'i lta bas lta ba 'di ni rdo rje'i lta ba ste/ 'dis dug thams cad 'bar bar byed par 'gyur ro/ 'dis ni don 'di skad du ston par 'gyur te/ khros pa'i dpal rdo rje sems dpa' rang nyid ji lta ba bzhin du bsams la/ hU~M zhes bya ba las mig gnyis su lta ba'i dug can gyi khro bo gnyis 'bar ba'i 'od rnam par 'khrugs par bskyed la/ lta ba des 'bar ba ni dug me dang rlung gi dkyil 'khor la bsams nas/ hU~M zhes bya ba zlos shing sbar bar bya'o/ /dug thams cad gzhig pa la ni rma bya'i sgro'i chun pos so zhes bya ba ni rang gi lha'i rnal 'byor ji lta ba bzhin byas la/ rma bya'i chun po la zla ba'i dkyil 'khor gyi steng du dpal rdo rje sems dpa' zla ba'i mdog can nyid kyi dbu las byung ba'i bdud rtsi'i chu rgyun dgus phyogs bcu thams cad kun du gang bar bsams la/ chun po des bsgrub par bya ba'i lus la bya ba par bya zhing / des kyang bcom ldan 'das dug thams cad rnam par g.yeng bar byed pas bsgrub par bya ba'i lus bkrus par gyur par bsams la/ des ni dug thams cad 'jig par 'gyur ro/ /dug thams cad bza' bar bya ba la ni rdo rje bdud rtsi'i phyag rgyas so zhes bya ba ni/ dang po'i rdo rje las mdzub mo gnyis sbyar te/ rkang pa'i sor mo bsgyur zhing / hU~M zhes bya ba zlos shing dug gi steng du bzhag nas/ bcom ldan 'das dpal rdo rje sems dpa' zla ba'i dkyil 'khor gyi steng na bzhugs shing / sngar bshad pa'i mtshan nyid kyis dug la khyab pas bdud rtsir gyur par bsam par bya ste/ 'di ni rdo rje bdud rtsi'o/ /bdud la sogs pa ma rungs pa thams cad brlag pa la ni 'khrugs pas dpag tu med par bzlas pas so zhes bya ba ni snga ma bzhin du bdag nyid rdo rje sems dpa' zhal mche ba rnam par gtsigs pa/ mdog nag po rdo rje 'bar ba'i 'od kun du 'khrugs pa/ rdo rje gsor ba la sogs pa la brtson par rnam par bsams la/ hU~M zhes bya ba zlos shing / rdo rje las rdo rje khro bo sprul la/ des bgegs thams cad skrag par bya zhing bskrad par bya'o/ /dpag tu med pa bzlas pas so zhes bya ba ni hU~M zhes bya ba nyid bzlas pas so/ /mkha' 'gro ma'i gdon thams cad las grol ba la ni rdo rje chen po gsor ba'i phyag rgyas so zhes bya ba ni bcom ldan 'das rdo rje me ltar rab tu 'bar ba'i phyag rgya chen po ni rdo rje chen po gsor ba ste/ des mkha' 'gro ma'i gdon thams cad las grol bar bya'o/ /de yang rdo rje me ltar rab tu 'bar bar bdag nyid rnam par bsams la/ hU~M zhes bya ba zlos shing rdo rje chen po gsor bar bya'o/ /de nas rdo rje las byung ba'i bcom ldan 'das rdo rje hU~M mdzad kyis mkha' 'gro ma'i gdon rnams gsod cing 'joms par byed par bsam par bya'o zhes bya ba'i don to/ /phyag rgya thams cad gzhig pa la ni rdo rje 'phen pas so zhes bya ba ni srin po la sogs pa'i phyag rgya bcings la/ gang gi tshe 'ga' zhig 'ongs par gyur na/ de'i tshe rdo rje sems dpa' khros par bdag nyid rnam par bsams la/ rdo rje khu tshur gnyis bcings nas/ de'i thad kar 'phangs la/ rdo rje 'bar ba'i steng du nges par bab par bsam par bya ste/ de ltar na phyag rgya des 'jig par 'gyur ro/ /mkha' 'gro ma thams cad dgug pa dang gzhug pa dang gdul ba la ni zhes bya ba la sogs pa la/ dur khrod dam lam gyi bzhi mdor dkyil 'khor bris la/ dkyil 'khor der mkha' 'gro ma'i tshogs thams cad bkug nas de'i 'og tu bcug la/ de nas rang gi bka' bsgo ba la sbyar bar bya ste/ de yang rdo rje kha T+wAM ga'i phyag rgya bcings la/ khros pas rdo rje hU~M mdzad kyi phyag rgya dang / hU~M zhes bya ba bzlas brjod bya'o/ /g.yon pa'i mdzub mo thad kar bzhag ste/ g.yas pa'i mthe'u chung brkyang la/ phyag rgya steng du bteg nas bzhag pa 'di ni rdo rje kha T+wAM ga'i phyag rgya ste/ rdo rje hU~M mdzad kyi gzugs kyis sbyar bar bya'o/ /ma mo thams cad kyi dkyil 'khor dang zhes bya ba la sogs pa la ma mo thams cad kyi dkyil 'khor ni gzugs dang bcas pa dang / gzugs med pa ste/ de nyid ni dam tshig ces bshad do/ /de rnams kyi snying po ni phyag rgya chen po'i dkyil 'khor ro/ /phyag rgya ni gzugs kyi dkyil 'khor ro/ /sngags ni chos kyi dkyil 'khor ro/ /rig pa ni las kyi dkyil 'khor te/ de rnams ni gsang ba zhes bya'o/ /de dag 'jig par ji ltar 'gyur zhe na/ rdo rje khro bo'i yi ge phaT kyis so zhes bya ba gsungs te/ rdo rje hU~M mdzad du gyur pas khro bo'i khu tshur gnyis kyis hU~M phaT ces bya ba'i khro bo stong gis ji skad du bshad pa'i dngos po gzhig par bya ba'i phyir sbyar bar bya ste/ khro bo stong po mtshon cha sna tshogs pa thogs pa/ phyag na rdo rje'i sku las byung ba rnams kyis ma mo thams cad kyi dkyil 'khor dang / dam tshig dang / snying po dang / phyag rgya dang / sngags dang / rig sngags dang / gsang ba rnams 'jig par byas par bsam par bya'o/ /ma mo dang mkha' 'gro ma thams cad ma dag gzhug mar bya ba la ni/ ma mo'i gnas su khros pas bzlas brjod 'bum bya'o zhes bya ba ni drag mo la sogs pa ni ma mo thams cad dang mkha' 'gro ma gang yin pa ste/ de rnams kyi rig pa gang yin pas grub pa rnams/ de rnams rang gi dbang du byed par 'dod pas/ khros pa dang / rdo rje gsor zhing ma mo'i gnas rnams su hU~M zhes bya ba'i bzlas brjod ji srid stong phrag brgya rdzogs par gyur pa de srid kyi bar du bzlas brjod byas nas/ de nas de rnams mngag gzhug mar 'gyur ro/ /bdud thams cad kyi stobs gzhom pa la ni rdo rje drag po'i ha ha zhes bya ba'i gad rgyangs so zhes bya ba ni lha'i bu dang / nyon mongs pa dang / phung po dang / 'chi bdag gi rang bzhin ni bdud thams cad do/ /de rnams kyi stobs ni nus pa ste/ de bzlog pa ni gzhom pa'o/ /de ni rdo rje drag po'i ha ha zhes bya ba'i gad rgyangs kyis 'gyur te/ bdag nyid rdo rje sems dpa' khros par rnam par bsams la/ rdo rje khu tshur gnyis bcings te/ bzlog nas kha'i grwa gnyis su bzhag la/ ha ha ha ha hU~M zhes bzlas pa 'di ni rdo rje drag po'i ha ha zhes bya ba'i gad rgyangs te/ 'di nyid bcings la bzlas pa'i dus su 'jig rten gyi khams thams cad rdul phra rab dang mnyam pa'i rdo rje gnod sbyin gyi gzugs bdud thams cad za bar byed par bsam par bya ste/ de lta bu ni bdud thams cad yang dag par 'joms par 'gyur ro/ /gzhan gyi dpung thams cad gzhom pa la ni/ rdo rje la yongs su bzlas la 'phang ngo zhes bya ba la ni/ lag pa g.yas sam/ g.yon du hUM zhes bya ba las khro bo rdo rje rnam par bsams la/ rdo rje khu tshur gnyis bcings te/ mngon par bzlas la bskal pa sreg pa lta bu'i khu tshur de nyid kyis yang dang yang du gzhan gyi dpung gi steng du 'phang bar bya ste/ de lta bus ni gzhan gyi dpung thams cad 'joms par 'gyur ro/ /'thab pa thams cad las thar bar bya ba la ni/ rdo rje rgyal mtshan gyi phyag rgyas so zhes bya ba ni/ lnga po bsdus pa las mdzub mo gnyis lcags kyur bcings te/ srin lag dang mthe'u chung snyoms la phye ste/ brkyang nas ba dan gyi rtse mo lta bur bya ba ste/ gyen du 'degs pa 'di ni rdo rje rgyal mtshan gyi phyag rgya ste/ 'di bcings la hU~M zhes bya ba zlos shing / rdo rje dran par bdag nyid rnam par bsams la/ chu srin gyi rgyal mtshan las dpung gi tshogs yan lag bzhi pa phyung ste/ des gzhan gyi dpung bcom zhing gzhig par bya ste/ de lta bus ni g.yul thams cad las thar bar 'gyur ro/ /thams cad bcing ba la ni gos la mdud pa bya'o zhes bya ba ni/ hU~M zhes bya bas gos kyi mtha'i rdo rje'i thag par bsams la/ des rkun po la sogs pa yid kyis bkug nas hU~M zhes bya ba zlos shing mdud pa'i tshul gyis bcing bar bya'o/ /thams cad dgrol ba la ni/ yi ge mu yis so zhes bya ba ni bcings pa dang / rgyab btab pa dang / sreg pa dang / bcos pa dang / bskrad pa la sogs pa sngags kyi sbyor ba byas la de thams cad ni hU~M mu zhes bya ba bzlas na bcing ba thams cad las grol zhing thar bar 'gyur ro/ /ro langs dang 'khrul 'khor thams cad gzhig pa la ni rdo rje 'jigs byed kyis so zhes bya ba ni/ ro langs thams cad dang 'khrul 'khor rnams ni/ ro langs dang / 'khrul 'khor thams cad de/ de la mi shi ba'i ro la srin po la sogs pa zhugs pa ni ro langs so/ /'khrul 'khor ni lha ma yin gyis byas pa'am/ gzhan dag gis byas pa ste/ dper na sa 'og tu 'gro ba'i lam du bshad pa'o/ /de rnams ni rdo rje 'jigs byed kyi phyag rgyas 'jig par 'gyur te/ rdo rje bsdams pa bcings nas/ stang stabs kyis 'phangs la phyag rgya bcings pa las rdo rje 'bar ba byung bas ro langs dang / 'khrul 'khor rnams la 'bab par bsam par bya ste/ de ni rdo rje 'jigs byed do/ /lcags sgrog thams cad dgrol ba la ni/ rdo rje khab long gis so zhes bya ba ni rdo rje hU~M mdzad kyi phyag rgya gar las byung ba bcings la/ lcags sgrog rnams la 'phangs pas phyag rgya dang / stang stabs las byung ba'i rdo rje 'bar ba rnams lcags sgrog la babs pas lcags sgrog thal bar byas par bsam par bya ste/ 'di ni rdo rje lcags sgrog go/ /me yang dag par skyed pa la ni rdo rje me shel gyis so zhes bya ba ni/ dang po'i rdo rje bcings la mthe bong dang / mthe'u chud rdo rje rtse mo bzhi pa 'bar ba rnam par 'phro ba rab tu ston pa'i tshul du byas pa 'di ni/ rdo rje me shel te/ 'di bcings la rlung dang me'i dkyil 'khor la hU~M zhes bya ba bsams te/ hU~M zhes bya ba nyid zlos shing me bskyed par bya'o/ /chu med par chu yang dag par bskyed pa la ni rdo rje chu shel gyis so zhes bya ba ni de bzhin gshegs pa'i sku'i mchog bcings la rang gi snying ga'i phyogs su bzhag ste/ khro bo'i lta bas ji ltar mngon par dga' ba'i glu la lta bzhin du 'dir chu bskyed cing zhes bya ba dang / hU~M zhes bya bas bzlas na/ chu bskyed par 'gyur te/ 'di ni rdo rje chu shel lo/ /nam mkha' las zhes bya ba la sogs pa la/ nam mkha' la hU~M zhes bya ba las nam mkha'i mdzod zas dang skom thams cad 'bebs pa la brtson par bsams la/ de nyid la lta zhing hU~M zhes bya bas bzlas brjod stong phrag brgya bya'o/ /'bum rdzogs pa dang / thams cad nam mkha' las 'byung bar 'gyur ro/ /nam mkha' las zhes bya ba la sogs pa la/ nam mkha' la hU~M zhes bya ba las bcom ldan 'das rnam par snang mdzad la sogs pa'i sku rnam par bsams la/ de nyid yid la bya zhing hU~M zhes bya bas bzlas brjod 'bum bya'o/ /'bum rdzogs par gyur pa dang / nam mkha' las sangs rgyas kyi sku la sogs pa'i gzugs ston par 'gyur ro/ /nam mkha' la yi ge zhes bya ba la sogs pa la/ nam mkha' la yi ge a bsams la/ de nyid la sems zhing ji srid 'bum phrag gcig ma rdzogs par gyur pa de srid kyi bar du hU~M zhes bya ba bzlas nas de nas yi ge a de las/ 'das pa dang / da ltar byung ba dang / ma 'ongs pa rnams lung ston pa bden par ston par 'gyur ro/ /pra se na thams cad ces bya ba la sogs pa la/ me long dang / mthe bo dang / rtsig pa dang / chu dang / mar me'i rtse mo dang / ral gri'i pra se na thams cad de/ de rnams la yi ge gzugs su 'das pa dang / ma 'ongs pa dang / da ltar byung ba'i bya ba gang shes par 'gyur ba de ni/ pra se na thams cad las 'das pa dang / ma 'ongs pa dang / da ltar byung ba'i lung bden par ston pa'o/ /de ji ltar 'gyur zhe na/ rdo rje pra se na thams cad dbab pas so zhes bya ba gsungs te/ rdo rje bsdams pa bcings pa las/ g.yas pa'i mthe bo bsgreng la/ g.yon pa'i mdzub mo lcags kyur bya ba ni pra se na thams cad dbab pa ste 'di bcings la hU~M zhes bya ba zlos shing / dngos po thams cad la/ rdo rje sems dpa' la sogs pa'i ngo bo nyid thams cad gzugs brnyan gyi tshul gyis gsal bar snang zhing sems can thams cad dang / bdag nyid la sgra brnyan gyi tshul du gsal zhing bden pa sgrogs par 'gyur te/ pra se na dbab pa'i bzlas brjod 'bum byas la bya'o/ /de bzhin du zhes bya ba la sogs pas ji ltar bzlas brjod 'bum byas pas/ pra se na thams cad sgrub par byed pa de bzhin du rang gi mig gnyis la hU~M zhes bya ba las rdo rje gnyis bsams la/ hU~M zhes bya ba bzlas brjod 'bum byas na gzugs brnyan gyi tshul gyis rdo rje sems dpa' la sogs pa dngos po thams cad mthong bar 'gyur ro/ /de bzhin du rang gi rna ba gnyis la hUM zhes bya ba las rdo rje bsams la/ rna bar bzlas brjod 'bum byas na brag ca'i tshul gyis rdo rje sems dpa' las sgra rnams thos par 'gyur ro/ /sna'i rtse mo hU~M zhes bya ba las rdo rje bsams la/ de la dmigs pa'i sems kyis bzlas brjod 'bum byas na/ rdo rje sems dpa' la sogs pa'i dri thams cad bsnams par 'gyur ro/ / lce la hU~M zhes bya ba las rdo rje bsams la/ de'i steng du hU~M zhes bya ba bsams nas/ bzlas brjod 'bum byas na de thams cad smra bar 'gyur ro/ /lus la hU~M zhes bya ba rnam par bkod la/ lus la bzlas brjod 'bum byas na/ des thams cad tshor bar 'gyur ro/ / rang gi snying gar hU~M zhes bya ba las rdo rje rtse lnga pa bsams la bzlas brjod 'bum byas na yid kyis thams cad shes par 'gyur ro/ /rmad du byung ba thams cad bstan pa la ni/ sangs rgyas kyi sku bsgrubs pas so zhes bya ba ni/ rnam par snang mdzad la sogs pa'i sku gzugs mdun du bzhag la/ der gsang ba'i lcags kyu la sogs pas bkug nas bcug la/ bcings nas dbang du byas te/ mchod pa thams cad kyis ji lta ba bzhin du yang dag par mchod nas/ de'i thugs kar hU~M zhes bya ba bsams la/ de bzhin gshegs pa bsgom zhing bzlas brjod 'bum byas na/ rmad du byung ba thams cad ston par 'gyur ro/ /sgyu ma thams cad bstan pa la ni rma bya'i sgro'i chun po la ni bzlas brjod 'bum byas pas so zhes bya ba ni/ rma bya'i chun po la rdo rje bcug ste bcing ngo / /de nas rma bya'i chun po de hU~M zhes bya ba las dngos po thams cad kyi bdag nyid can gyi rdo rje sems dpa'i rnam par bsam mo/ /de nas de nyid bsgom zhing bzlas brjod 'bum byas na chun po 'grub par 'gyur te/ de nas chun po de la bzlas brjod bya zhing gzugs brnyan gyi tshul gyis bskor nas/ dpal rdo rje sems dpa' la sogs pa thams cad gzugs brnyan gyi tshul du snang zhing / brag ca'i tshul gyis thams cad ston par 'gyur ro/ /thams cad g.yogs par bya ba la ni/ zhi ba'i gnas su bzlas brjod 'bum byas pas so zhes bya ba ni/ thams cad g.yogs pa ni tshong dus g.yogs pa ste/ grags par zad do/ /de zhes bya ba ni bskyed pa ste/ lha chen po'i gnas su lha chen po bkug la/ hU~M zhes bya ba bzlas brjod 'bum bya'o/ /de'i 'og tu de shes pa las de'i sbyor ba shes par byas la/ hU~M zhes bya ba bzlas pas de dang de g.yogs par bya'o/ /thams cad la lan ldon par ston pa la ni/ rdo rje hU~M mdzad kyi phyag rgyas so zhes bya ba ni/ 'das pa dang / ma 'ongs pa dang / da ltar byung ba'i dngos po'i gtam gyi sgra thos pa ni thams cad la lan ldon pa ston pa ste/ de ni rdo rje hU~M mdzad kyis zhes bya ba khams gsum rnam par rgyal ba'i phyag rgya ni rdo rje hU~M mdzad do/ /'di skad ston par 'gyur te/ rdo rje sems dpa'i rnal 'byor ji lta ba bzhin du byas la/ khams gsum rnam par rgyal ba'i phyag rgya bcings la/ rdo rje hU~M mdzad du bdag nyid rnam par bsams la bden pa gang gi sgra rnams ni brag ca dang mtshungs pa yin pas bden pa des 'das pa dang / ma 'ongs pa dang / da ltar byung ba'i bya ba rnams bcom ldan 'das rdo rje sems dpas bshad du gsol zhes bden pa'i byin gyi rlabs byas la/ rdo rje hU~M mdzad snying gar zhugs par bsams la/ de nyid zlos shing rdo rje hU~M mdzad du bdag nyid bsams la/ ji srid bcom ldan 'das thams cad ston par mdzad pa de srid du bsgom par bya'o/ /rdzu 'phrul thams cad bstan pa la ni/ rdo rje rdzu 'phrul gyi phyag rgyas so zhes bya ba la/ rdzu 'phrul thams cad ni sems kyis yang dag par 'phrul pa ste/ nam mkha' 'gro ba la sogs pa'i tshul lo/ /de yang yid ltar mgyogs pa la sogs pa la rnam pa lnga ste/ rnam pa lnga po de dag rdzogs par bya zhing mngon sum du bya ba gang yin pa de ni rdzu 'phrul thams cad bstan pa'o/ /de ji ltar 'gyur zhe na/ rdo rje rdzu 'phrul gyi phyag rgyas so zhes bya ba ste/ dang po'i rdo rje'i bcings pa las nam mkha' la rdo rje sems dpa' la sogs pa byang chub sems dpa' chen po bskyed pa'i tshul du bya ba ni/ rdo rje rdzu 'phrul gyi phyag rgya ste/ des de rnams 'byung bar 'gyur ro/ /cho 'phrul thams cad ces bya ba ni rdzu 'phrul dang / rjes su bstan pa dang / kun brjod pa'i cho 'phrul te/ gdul bya'i skye bo rnams kyis so sor dga' bar byed pas na cho 'phrul te/ de rnams ston pa ni snga ma bzhin no/ /rdo rje ting nge 'dzin ni mchog gis so zhes bya ba ni/ bcom ldan 'das 'od dpag tu med pa'i ting nge 'dzin gyi phyag rgyas so/ /'di skad ston par 'gyur te/ dpal rdo rje sems dpa'i sbyor ba byas la/ hU~M zhes bya ba zlos shing / bcom ldan 'das 'od dpag tu med pa'i ting nge 'dzin gyi phyag rgya bcings la/ de'i ngo bo nyid du bdag nyid bsams te/ rang gi lus la dngos po thams cad phyung ba la yang dag par bstan par bya'o/ /rang gi lus la sogs pa dngos po thams cad las zhes bya ba la sogs pa la/ rdo rje sems dpa'i rnal 'byor byas la/ rang gi lus las sam/ rtsig pa la sogs pa rnams las de bzhin gshegs pa thams cad la sogs pa'i dngos po thams cad phyung la/ rdo rje rdzu 'phrul rnam par 'phrul pa'i phyag rgya bcings la/ hU~M zhes bya bas brtan par bya'o/ /rdo rje khu tshur gnyis glog 'gyu ba'i tshul gyis nam mkha'i phyogs su dngos po thams cad sprul pa'i bsam pas bskor bar bya ste/ 'di ni rdo rje rdzu 'phrul rnam par 'phrul pa'o/ /lha thams cad ni lha chen po la sogs pa ste/ de rnams dbab pa la ni lha dbab pa'i sbyor bas bsgoms pas/ rdo rje bskor ba'i phyag rgya bcings la/ rdo rje khu tshur gyi mdzub mo gnyis kyis lcags kyu sbrel ba ltar byas la/ g.yas logs nas g.yon logs su drangs te yang g.yas su drangs nas/ bzhag pa 'di ni rdo rje bskor ba'i phyag rgya'o/ /klu thams cad ni mtha' yas la sogs pa ste/ de rnams rjes su 'brang bar byed par 'dod pas dpal rdo rje sems dpa'i phyag rgya chen po bcings la/ klu'i mtshor bzlas brjod byas na/ rjes su spyod par 'gyur ro/ /gnod sbyin thams cad ces bya ba la sogs pa la gang 'dod pa'i gnod sbyin gyi gzugs la/ gnod sbyin dgug pa la sogs pa byas te/ rdo rje khu tshur gnyis kyis bka' bsgos pa'i tshul du byas la/ hU~M zhes bya ba bzlas brjod byas la/ gnod sbyin thams cad ci bgyi zhes bya ba byed par 'gyur ro/ / 'byung po thams cad ces bya ba la sogs pa la/ stan mthon po la 'dug ste/ gar las byung ba'i rdo rje gsor ba'i phyag rgyas khro ba dang bcas pas dgod pa'i bzhin dang / dbang phyug chen po'i gzugs la dbang phyug chen po bkug ste/ hU~M zhes bya ba zlos shing / rkang pa g.yon pas mnan la/ hU~M hU~M zhes bzlas brjod byas na/ 'byung po thams cad dbang du 'gyur ro/ /ser ba thams cad bzlog pa la ni rdo rje srid srung gi phyag rgyas so zhes bya ba ni dang po'i rdo rje las g.yas pa'i mdzub mo sdigs mdzub bsgreng la/ thog gam sprin gyi phyag rgya de las rdo rje 'bar ba'i 'od zer kun du 'khrigs pa'i 'od dang ldan pa/ nam mkha' dang mnyam pa phyung la/ des ser ba rnams thal bar gyur par bsam par bya ste/ 'di ni rdo rje srid srung gi phyag rgya'o/ /glog 'bab pa thams cad bzlog pa la ni/ rdo rje khro gnyer can gyi phyag rgyas so zhes bya ba ni/ rdo rje thal mo las mdzub mo gnyis sbyar ba'i phyag rgya dpral ba'i phyogs su bzhag la/ de nas sor mo lhag ma rnams 'bar ba gtong ba'i tshul du bya ba 'di ni/ rdo rje khro gnyer can gyi phyag rgya ste/ 'di bcings la rdo rje me ltar 'bar bar bdag nyid rnam par bsams la/ hU~M zhes bya ba las rdo rje me 'bar bas glog la 'bar bar bya ste/ des ni glog bzlog par 'gyur ro/ /char pa dbab pa la ni klu'i mtshor bzlas brjod bya'o zhes bya ba ni/ char dkon pa'i dus su klu'i mtshor klu bkug la/ hU~M nA ga hU~M zhes bya ba'i snying po spel la/ rdo rje khro gnyer can gyi phyag rgya bcings nas bzlas la/ rdo rje 'bar bas klu tshig par gyur par rnam par bsam zhing / snying btsir bas/ khrag skyugs par 'gyur bar rnam par bsams la/ des char gyi rgyun 'bebs par 'gyur ro/ /char pa bcad pa la ni/ dri ma med pa'i chu'i sbyin sreg bya'o zhes bya ba ni/ dpal rdo rje sems dpa' hU~M zhes bya bas mchod nas/ chu dri ma med pa blangs la/ der dpal rdo rje sems dpa' zla ba'i dkyil 'khor gyi steng du zla ba'i mdog can snga ma bzhin du rnam par bsams la/ klu'i tshogs kyi steng du dri ma med pa'i chu'i mtshe'u dbul zhing / des de tshim par 'gyur zhing mtshe'u thams cad dang bral bar bsams la/ de nas de char nye bar sdud par 'gyur ro/ /sprin bskyed pa la ni klu bris nas/ bdug pas bdug par bya'o zhes bya ba ni/ ji ltar grags pa'i klu bris la bdug par bya'o/ /de nas hU~M zhes bya bas/ gu gul la bzlas la/ klu'i gzugs brnyan la bdug par byas na/ sprin bskyed par 'gyur ro/ /sprin gzhig pa la ni rdo rje nam mkha'i spyan gyis so zhes bya ba ni dang po'i rdo rje bcings la/ rdo rje'i lta bas lta zhing nam mkha' la sprin gtor bar bya ste/ 'di ni rdo rje nam mkha'i spyan no/ /chu med pa'i phyogs su zhes bya ba la sogs pa la/ ri la sogs pa chu med pa'i sa'i phyogs su hU~M zhes bya ba zlos shing / dang po'i rdo rje bcings pa las/ klu gnyis byas la yid kyis klu gnas na gnas pa'i klu dang / gcig tu gyur nas/ ri la sogs pa phye ste/ langs nas chu'i phung po bskyed par bsams te/ de ltar na shin tu bsil ba'i chu'i phung po mi zad par skyed par 'gyur te/ 'di ni rdo rje klu'i phyag rgya'o/ /gter thams cad shes par bya ba la ni snod du chu blugs par bya'o zhes bya ba ni gang du gter yod par re ba'i sa'i phyogs der bcom ldan 'das rdo rje sems dpa' spyan drangs la/ yang dag par mchod de spos chus gang ba'i zangs ma'i bum pa rdo rje khu tshur gyis bzung la ji srid du chu ston pa de srid du bzlas brjod bya ste/ de nas gter 'di na yod do zhes bya ba shes par bya'o/ /snod gang gi chus blugs pa de'i don la snod chu blugs par bya'o zhes gsungs pa yin no/ /de ltar gter shes par bya bas gter gang na yod pa nges par byas la/ gter dang srung ma dag bcings nas/ rdo rje dra ba'i phyag rgya dang rdo rje bsrung ba'i phyag rgya rnams kyis grogs po dang / gnas bsrung ba byas nas/ rdo rje brko ba'i phyag rgyas 'jor la sogs pa la yi ge hU~M bzlas te/ dbugs 'byin cing brko bar bya'o/ /dang po'i rdo rje de nyid bcings la/ dpral ba'i phyogs su bzhag nas/ gter 'byin pa'i tshul du bya ba 'di ni rdo rje brko ba'i phyag rgya'o/ /de nas gter mthong nas rdo rje nor gyi phyag rgya bcings la blang bar bya ste/ dang po'i rdo rje nyid dpral bar bzhag la/ nor len pa'i tshul du bya ba 'di ni rdo rje nor gyi phyag rgya'o/ /rgyal srid thams cad thob par bya ba la ni dbang bskur ba'i phyag rgyas so zhes bya ba la/ dang po'i rdo rje bcings la/ dbang bskur ba'i gnas su bzhag ste/ gang mngon par 'dod pa'i rgyal srid thob pa'i bsam pas/ yi ge hU~M bzlas brjod bya ste/ 'di ni rdo rje dbang bskur ba'i phyag rgya'o/ /sa'i bdag por bya ba la ni/ rdo rje sems dpa'i dbang bskur ba'i phyag rgyas so zhes bya ba ni/ dang po'i rdo rje bcings las thams cad thob pa'i tshul gyis/ dpral ba'i phyogs su gzhag par bya ste/ 'di ni rdo rje sems dpa'i dbang bskur ba'i phyag rgya'o/ /dkyil 'khor thams cad ces bya ba ni/ 'jig rten dang 'jig rten las 'das pa rnams so/ /de rnams sgrub pa ni rdzogs par bya ba'o/ / de ji ltar 'gyur zhe na/ rdo rje 'khor lo'i phyag rgyas so zhes bya ba gsungs te/ rdo rje khu tshur gnyis bcings la/ /mthe'u chung mdzub mo rdo rjer bsdams/ /rdo rje 'khor lo zhes byar grags/ /dkyil 'khor thams cad sgrub byed pa'o/ /zhes bshad pa'o/ /phyag rgya thams cad bsgrub pa la ni/ bde ba chen po'i dam tshig gi phyag rgyas so zhes bya ba la/ phyag rgya chen po la sogs pa'i phyag rgya rnams ni/ phyag rgya thams cad do/ /de bsgrub pa ni rdzogs par bya ba ste/ rang dbang du byas pa'o/ /dang po'i rdo rje ni bde ba chen po'i dam tshig gi phyag rgya'o/ /'di skad ston par 'gyur te/ thal mo khong stong du sbyar la/ badzra any+dza li zhes bya bas/ rdo rje thal mo bcings te/ de nas badzra ban+d+ha zhes bya bas/ dam tshig gi phyag rgya bcings la/ badzra ban+d+ha tra tha/ zhes bya bas rdo rje bsdams pa snying gar dbye bar bya'o/ /de nas badzra A be sha a zhes bya bas/ rdo rje dbab pa'i dam tshig gi phyag rgya bcings la/ a zhes bya bas bdag nyid la dbab par bya'o/ /de nas dbab pa bsdu ba byas la/ badzra muSh+Ti zhes bya bas/ rdo rje dam tshig gi phyag rgya bcings la/ badzra muSh+Ti baM zhes brjod do/ /de nas hUM zhes bya ba zlos shing / dang po'i rdo rje bcing bar bya ste/ de lta bus ni phyag rgya thams cad 'grub par 'gyur ro/ /dam tshig thams cad sgrub pa la ni/ rab tu dga' ba'i rdo rje'i phyag rgyas so zhes bya ba la/ lnga po bsdus pa'i phyag rgya ni rab tu dga' ba'i rdo rje'i phyag rgya ste/ des dkyil 'khor thams cad grub bar 'gyur ro/ /gang gi phyir slob ma gzhug par bya ba'i phyir/ de bcings la yang slob dpon gyis dkyil 'khor du gzhug par bya ste/ de bas na de ni dkyil 'khor thams cad sgrub par 'gyur ro/ /'di skad ston par 'gyur te/ ji ltar rdo rje sems dpa'i dkyil 'khor du/ des dkyil 'khor bsgrub par bya ba de bzhin du de bzhin gshegs pa la sogs pa'i dkyil 'khor du zhugs la/ des dkyil 'khor bsgrub par bya ba yin no/ /dngos grub thams cad sgrub pa la ni rdo rje snyems ma'i lcags kyu'i phyag rgyas so zhes bya ba ni/ rdo rje sems dpa' la sogs pa'i phyag rgya grub pa ni dngos grub thams cad de/ de mngon sum du bya ba ni sgrub pa'o/ /bcom ldan 'das rdo rje sems dpa' las kyi phyag rgya ni rdo rje snyems pa ste/ de'i g.yas pa'i lcags kyu ni rdo rje snyems pa'i lcags kyu ste/ 'di bcings la 'jig rten dang / 'jig rten las 'das pa'i lha'i gzugs mdun du bzhag nas/ hU~M zhes bya ba bzlas brjod bya ste/ de nas thams cad dngos grub ster bar 'gyur ro/ /ma grub pa thams cad grub par sgrub pa la ni rdo rje grub pa'i phyag rgyas so zhes bya ba la/ rdo rje sems dpa' la sogs pa ji skad du bshad pa'i phyag rgya thams cad ma grub pa la ni/ ma grub pa thams cad ces bya'o/ /de thams cad grub par bya ba la ni/ yang sbyor ba'i rjes su 'brangs nas/ rdo rje sems dpa' la sogs pa'i phyag rgya thams cad bsgrub cing rdzogs par bya ba la ni/ ma grub pa thams cad grub par sgrub pa'o/ /dang po'i rdo rje ni rdo rje grub pa'i phyag rgya ste/ de bcings nas ma grub pa thams cad grub par 'gyur ro/ /'di skad ston par 'gyur te/ gang gi tshe rdo rje snyems pa'i lcags kyu'i phyag rgya dngos grub thams cad bsgrubs na/ dngos grub thams cad grub par ma gyur na/ de'i tshe dang po'i rdo rje bcings la/ hU~M zhes bya ba'i glu'i bzlas pas/ dngos grub thams cad bsgrub par bya'o/ /rig pa 'dzin pa thams cad sgrub pa ni/ rdo rje dang / rin po che dang / pad+ma dang / las kyi rig pa 'dzin pa grub pa ste/ de sgrub pa ni rig pa 'dzin pa thams cad sgrub pa'o/ /de ji ltar 'gyur zhe na/ rdo rje rig pa 'dzin pa'i phyag rgyas so zhes bya ba gsungs te/ hU~M zlos shing / zla ba'i gzugs la gnas nas ni/ /nam mkha'i steng du 'dug nas su/ /lag na rdo rje bsgoms nas ni/ /rdo rje rig pa 'dzin par 'gyur/ /zla ba'i gzugs la gnas nas ni/ /nam mkha'i steng du 'dug nas su/ /lag tu rin chen bsgoms nas ni/ /rin chen rig pa 'dzin par 'gyur/ /zla ba'i gzugs la gnas nas ni/ /nam mkha'i steng du 'dug nas su/ /lag tu pad+ma bsgoms nas ni/ /pad+ma'i rig pa 'dzin par 'gyur/ /zla ba'i gzugs la gnas nas ni/ /nam mkha'i steng du 'dug nas su/ /lag tu sna tshogs bsgoms nas ni/ /rig pa 'dzin pa kun du 'gyur/ /zhes bya ba 'di dag ni rdo rje rig pa 'dzin pa'i phyag rgya'o/ /rdo rje thams cad ces bya ba la sogs pa la/ rdo rje thams cad ni/ dang po'i rdo rje dang / de bzhin gshegs pa'i rdo rje dang / khro bo'i rdo rje dang / rin po che'i rdo rje dang / pad+ma'i rdo rje dang / sna tshogs rdo rje ste/ de dag sgrub pa ni rdo rje thams cad sgrub pa'o/ /de bsgrub par ji ltar 'gyur zhe na/ rdo rje thams cad kyi mchog gi phyag rgyas so zhes gsungs te/ rdo rje bsdams pa las byung ba dang po'i rdo rje ni/ rdo rje thams cad kyi mchog gi phyag rgya'o/ /byang chub sems dpa' thams cad ni chos kyi dkyil 'khor las gsungs pa'i rnam par snang mdzad la sogs pa nas/ bskal pa bzang po'i mthar thug pa rnams so/ /de nas bsgrub par ji ltar 'gyur zhe na/ thugs kyi rdo rjes so zhes bya ba gsungs te/ lha'i rnal 'byor ji lta ba bzhin du byas la hU~M zhes bya ba zlos shing / phra mo'i rnal 'byor sbyor ba yis/ /shin tu mnyam par gzhag nas bsgom/ /byang chub sems dpa' thugs rdo rje/ /rdo rje sems dpa'i bsgom pa'o/ /zhes bya ba ste/ de lta bu'i rang gi mtshan ma'i snying ga'i phyogs su gzhag la/ gang dang gang bsgoms pa de dang de 'grub par 'gyur te/ 'di ni thugs rdo rje'i phyag rgya'o/ /rdo rje 'dzin pa nyid sgrub pa la ni rdo rje sems dpa'i phyag rgya chen pos so zhes bya ba ni shes par zad do/ /de bzhin du sangs rgyas nyid sgrub pa la yang hU~M zhes bya ba glu dang zlos shing / byang chub mchog gi phyag rgya bcings nas bsgrub par bya'o/ /bde ba chen po zhes bya ba la ni/ bde ba yang yin la chen po yang de nyid yin pas/ bde ba chen po ste/ gnyis su med pa'i de bzhin gshegs pa'i ye shes so/ /de yang / mi zad pa yi dngos grub kun/ /bde ba chen po zhes bshad do/ /zhes gsungs pa'i phyir ro/ /de nyid ni rdo rje don yod pa ste/ longs spyod rdzogs pa dang / sprul pa'i sku rdzogs par byed pas 'bras bu dang bcas pa'o/ /de'i dam tshig thams cad ni 'jig rten dang / 'jig rten las 'das pa'i lha'i tshul rnams te/ rdo rje sems dpa' nas brtsams nas/ chu lha'i mthar thug pa'i bar du 'di skad du bshad pa ste/ gang gi phyir de rnams ni 'dir byang chub kyi sems chen po las byung bar 'dod pa'i phyir/ dam tshig thams cad ces bya'o/ /rtog pa ni rnam par rtog pa ste/ de nyid kyis rtog pa gzhan thams cad zil gyis mnan nas/ 'bar zhing mdzes pas na rgyal po ste/ de ston pa'i sgra'i tshogs la yang nye bar gdags pas de skad ces bya'o/ /de bas na bde ba chen po rdo rje don yod pa'i dam tshig thams cad kyi rtog pa'i rgyal po chen po las zhes bya'o/ /dam tshig gi de kho na nyid chen po ni bshad zin to/ /de nyid ni mi phyed pas na rdo rje zhes bya ste/ ming de skad ces bya ba ni rtog pa'i rgyal po chen po rdzogs so zhes bya ba ni/ byang chub kyi sems chen po dang / phyag rgya chen po dang / me long lta bu'i ye shes dang / rnam par thar pa'i sgo stong pa nyid dang / ngo bo nyid kyi sku la sogs pa ston pa'i rang bzhin gyi mthar thug pa'o zhes pa'o/ /rdo rje sems dpa'i dbugs dbyung ba'i bshad pa rdzogs so// //de ltar 'dod chags kyis 'dod chags spang bar bya ba'i phyir/ /dpal rdo rje sems dpa'i dkyil 'khor dang / de bsgrubs pa'i 'bras bu yang gsungs nas/ da ni rang bzhin bzang zhing cha mnyam pa la spyod pa'i sems can rnams rjes su bzung ba'i phyir de nas zhes bya ba la sogs pas bcom ldan 'das rnam par snang mdzad kyi dkyil 'khor gsungs te/ de nas zhes bya ba ni de ma thag pa ste/ 'og min gyi gnas su mngon par rdzogs par sangs rgyas nas/ 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ phyag na rdo rje la sogs pa byang chub sems dpa' bye ba phrag brgya dang thabs cig tu bzhugs nas/ de'i rjes thogs nyid la'o/ /bdud bzhi bcom pas na bcom ldan 'das so/ /phyogs bcu po dag tu rnam par snang zhing gzugs thams cad yang dag par ston par mdzad pas na rnam par snang mdzad do/ /yang zhes bya ba'i sgra ni slar yang zhes bya ba'i don to/ /rab tu dga' ba la sogs pa ston par mdzad nas 'di yang dag par ston par mdzad do/ /de bzhin gshegs pa thams cad ni 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'o/ /de rnams kyi zhi ba'i chos nyid ni zhi ba'i nyams ston pa'i sems dang sems las byung ba'i gzung ba dang / 'dzin pa'i rnam par rtog pa dang bral ba nyid do/ /de'i mngon par rdzogs par byang chub pa ni thugs su chud pa'o/ /de'i sgrub pa ni gang gis mngon sum du byed par 'gyur ba'o/ /shes rab kyi pha rol tu phyin pa'i tshul zhes bya ba la/ shes rab kyi pha rol tu phyin pa ni byang chub kyi sems chen po dang / bsam gtan gyi pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa rab tu 'byed pa'i rnam pa ste/ de ni bdag gi phun sum tshogs pa'i pha rol tu phyin cing 'gro ba yin pas na shes rab kyi pha rol tu phyin pa'o/ /de'i tshul ni rdo rje sra ba nyid kyi phyir zhes bya ba la sogs pa ste/ de thos pa la sogs pas rtog pa dang bcas pa gang yin pa'i tshul te/ gsungs te zhes bya bar sbyar ro/ /'di zhes bya ba ni blo la bzhag nas gsungs pa'o/ /gsungs te zhes bya ba ni gang la ming ji skad ces bya ba'i shes rab kyi pha rol tu phyin pa'i tshul ston par mdzad cing 'chad par mdzad pa'o/ /rdo rje sra ba nyid kyi phyir rdo rje mnyam pa nyid ces bya ba la sogs pa la/ rdo rje ni stong pa nyid kyi ye shes te/ byang chub kyi sems chen po de nyid ni de bzhin gshegs pa'i rigs las rdo rje'o/ /de'i mnyam pa nyid ni gzung ba dang / 'dzin pa'i rnam par rtog pa dang bral ba nyid do/ / de'i mngon par rdzogs par byang chub pa ni de bzhin nyid mngon sum du mdzad pa'o/ /de nyid ni byang chub chen po ste/ bla na med pa yang dag par rdzogs pa'i byang chub bo/ /rgyu ci'i phyir zhe na/ rdo rje sra ba nyid kyi phyir zhes bya ba gsungs te/ gang gi phyir de bzhin nyid dang / stong pa nyid dang / 'dus ma byas dang / rang bzhin med pa'i ngo bo nyid yin pas na rdo rje ste/ de bzhin nyid du ro gcig pa'i byang chub chen po'i mtshan nyid can gyi sems la ni/ rgyu ba dang mi rgyu ba rnams kyis mi shigs pa yin pa'i phyir na rdo rje ltar brtan zhing sra ba'o/ /rdo rje brtan par gyur pa nyid kyis na/ rdo rje brtan pa nyid de/ des rdo rje mnyam pa nyid mngon par rdzogs par byang chub pa ni byang chub chen po'o/ /de ltar byang chub kyi sems chen po'i ngo bo nyid mi bskyod pa'i rang bzhin dang / de'i rigs kyi ngo bor bshad nas/ da ni sbyin pa'i pha rol tu phyin pa dang / rin chen 'byung ldan gyi ngo bo nyid dang de'i rigs kyi ngo bo nyid du bstan pa'i phyir/ don gcig pa zhes bya ba la sogs pa gsungs te/ de la sbyin pa'i pha rol tu phyin pa'am/ rin chen 'byung ldan gyi ngo bo nyid dang / rin po che'i rigs ni don to/ /de'i mnyam pa nyid ni gnyis dang bral ba nyid do/ /de mngon par rdzogs par byang chub pa ni mngon sum du mdzad pa nyid do/ /de nyid ni byang chub chen po ste snga ma bzhin no/ /de ci'i phyir zhe na/ don gcig pa'i phyir zhes bya ba gsungs te/ don gcig pa nyid du 'gyur bas don gcig pa nyid kyi phyir don gyi mnyam pa nyid mngon par rdzogs par byang chub pa ni byang chub chen po'o/ /de'i rigs kyi ngo bo nyid du bstan par bya ba'i phyir/ don gcig pa zhes bya ba la sogs pa gsungs te/ de la sbyin pa'i pha rol tu phyin pa dang / rin chen 'byung ldan gyis 'di skad ston par 'gyur te/ gang sbyin pa'i pha rol tu phyin pa nyid dang / rin po che'i rigs de dag gi mnyam pa nyid rtog pa gang yin pa de ni chos nyid dang gzhan du mi 'gyur ba'o/ /de bas na des don gyi mnyam pa nyid mngon par rdzogs par byang chub pa ni byang chub chen po'o/ /de ltar sbyin pa'i pha rol tu phyin pa dang / bcom ldan 'das rin chen 'byung ldan gyi ngo bo nyid dang / de'i rigs kyi ngo bo nyid du yang bstan nas/ da ni shes rab kyi pha rol tu phyin pa dang / 'od dpag tu med pa'i ngo bo nyid dang / de'i rigs kyi ngo bo nyid kyang bstan par bya ba'i phyir/ ngo bo nyid rnam par dag pa zhes bya ba la sogs pa gsungs te/ de la shes rab kyi pha rol tu phyin pa dang / 'od dpag tu med pa'i ngo bo nyid dang / de'i rigs kyi ngo bo nyid ni chos so/ / de'i mnyam pa nyid ni rang bzhin gyis rnam par dag pa'o/ /de'i mngon par byang chub pa ni zhes pa ni snga ma bzhin no/ /de ni 'dir byang chub chen po'o/ /de ci'i phyir zhe na/ ngo bo nyid rnam par dag pa'i phyir zhes bya ba gsungs te/ so sor rtog pa'i ye shes dang / shes rab kyi pha rol tu phyin pa'i ngo bo nyid ni/ gzung ba dang / 'dzin pa'i rnam par rtog pa'i dri ma med pa'i ngo bo nyid kyis rnam par dag pa'o/ /ngo bo nyid dag par gyur pa nyid kyis na ngo bo nyid kyis rnam par dag pa'i phyir te/ des chos thams cad mnyam pa nyid mngon par rdzogs par byang chub pa ni byang chub pa'o/ /de ci'i phyir zhe na/ gang gi phyir chos rnams las chos can gzhan du mi 'gyur ba'i phyir te/ de bas na gang chos kyi mnyam pa nyid mngon par rdzogs par byang chub pa dang / gang yang chos rnams kyi rnam par dag pa de ni gcig pa nyid do/ /de bas na des chos thams cad kyi mnyam pa nyid mngon par rdzogs par byang chub pa ni byang chub chen po'o/ /de ltar shes rab kyi pha rol tu phyin pa dang / 'od dpag tu med pa'i ngo bo nyid dang / de'i rigs kyi ngo bo nyid du yang bstan nas/ da ni brtson 'grus kyi pha rol tu phyin pa dang / don yod par grub pa'i ngo bo nyid dang / de'i rigs kyi ngo bo nyid bstan par bya ba'i phyir/ thams cad la zhes bya ba la sogs pa gsungs te/ thams cad ni brtson 'grus kyi pha rol tu phyin pa dang / don yod par grub pa'i ngo bo nyid dang / de'i rigs kyi ngo bo nyid do/ /de'i mnyam pa nyid ni chos thams cad kyi ngo bo nyid dang / rang bzhin gyis 'od gsal ba'o/ /de'i mngon par rdzogs par byang chub pa ni zhes pa ni snga ma bzhin te/ de nyid byang chub chen po'o/ /ci'i phyir zhe na/ thams cad la rnam par mi rtog pa nyid kyi phyir zhes bya ba gsungs te/ thams cad ni ji skad du bshad pa rnams so/ /de'i mi rtog pa ni gzung ba dang 'dzin par byed pa'i rnam par rtog pa med pa'o/ /de'i ngo bo nyid yin pas na/ thams cad la rnam par mi rtog pa'i phyir te/ des thams cad mnyam pa nyid mngon par rdzogs par byang chub pa ni byang chub chen po'o/ /'di skad ston par 'gyur te/ de thams cad mnyam pa nyid rtog pa dang / gang yang thams cad la mi rtog pa nyid de/ /chos 'di nyid ni tha mi dad pa ste/ de'i phyir 'dis thams cad mnyam pa nyid mngon par rdzogs par byang chub pa ni byang chub chen po'o/ /da ni shes rab kyi pha rol tu phyin pa'i tshul nyan pa dang / sems pa dang / sgom par byed pa rnams la spro ba bskyed par bya ba'i phyir lag na rdo rje gang la la zhes bya ba la sogs pas 'bras bu gsungs pa yin te/ gang la la zhes bya ba ni skyes pa dang / bud med dang / khye'u dang bu mo la sogs pa'i gzugs can gyi tha mal pa'i gang zag gsungs pa yin no/ /chos mngon par bsgrub pa bzhi po zhes bya ba ni/ byang chub kyi sems dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa'i ngo bo nyid ni bzhir gsungs pa ste/ de nyid ni shes rab kyi pha rol tu phyin pa'i chos kyi mngon par bsgrub pa ste/ thos pa dang / bsam pa dang / bsgom pa'i shes rab kyis mngon du bya bar 'os pa yin no/ /'di dag ces bya ba ni bshad ma thag pa'i grangs bzhir yongs su chud pa'i byang chub kyi sems la sogs pa'i ngo bo nyid kyi chos rnams so/ /de nyan pa ni rna ba'i rnam par shes pas nges par gzung ba'o/ /'dzin pa ni tshig dang don gyi tshul gyis mi brjed par sems la yang dag par 'jog pa'o/ /klog pa ni glegs bam du bklag pa yang dag par blangs nas/ nyin re bzhin klog par byed pa'o/ /bsgom pa ni thos pa dang bsam pa'i shes rab dag gis bzung ba yang dang yang du mngon par 'du byed pa'o/ /de zhes bya ba ni gang zag de'o/ /sdig pa thams cad spyod kyang zhes bya ba la sogs pa la/ mtshams med pa la sogs pa'i las byed pa yin yang / mnar med pa la sogs pa ngan song thams cad las yang dag par 'das par 'gyur zhing / mnar med pa la sogs pa'i 'gro ba'i las dang bral nas/ lha dang mir bcas pa'i 'gro ba la yang dag par bsten te/ sangs rgyas dang byang chub sems dpa' rnams yang dag par mnyes par byas nas/ byang chub kyi snying po la thug gi bar du ngan song thams cad las yang dag par thar bar 'gyur ro/ /ngan song thams cad du 'gro ba'i las rnams mi byed pa dang / sangs rgyas dang byang chub sems dpa' rnams yang dag par mnyes par byas pas bsod nams dang / ye shes kyi tshogs yang dag par rdzogs te/ myur ba nyid du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de ltar na bshad ma thag pa'i phan yon gyi mthar thug pa'i bar gyi gzhung gis ni/ 'dir dang po sbyor ba'i ting nge 'dzin gsungs pa yin no/ /da ni de nas zhes bya ba la sogs pas dkyil 'khor gyi mchog ces bya ba'i ting nge 'dzin gnyis pa gsungs pa yin te/ de nas zhes bya ba'i sgra ni de ma thag par ston pa'i tshig ste/ dang po sbyor ba'i rjes thogs la'o/ /de skad ces bka' stsal nas zhes bya ba ni/ shes rab kyi pha rol tu phyin pa'i tshig bzhi phan yon dang bcas par gsungs pa'o/ /bcom ldan 'das zhes bya ba ni rnam par snang mdzad do/ /ye shes kyi khu tshur yongs su 'dzin pa zhes bya ba ni/ phyag gnyis kyis byang chub mchog gi phyag rgya bcing bar mdzad pa'o/ /don gyi gnas 'di nyid ces bya ba ni/ shes rab kyi pha rol tu phyin pa'i don bzhi pa'o/ /rgya cher ston cing zhes bya ba ni/ sngar bshad pa'i tshig dang yi ge las tha dad pa a zhes bya ba'i yi ge sprul par mdzad pas ston par mdzad pa ni/ rgya cher ston cing zhes bya'o/ /bzhin 'dzum pa dang bcas te zhes bya ba ni cung zad tsam bzhad pa'i zhal 'di la mda' bas na bzhin 'dzum pa dang bcas pa'o/ /chos thams cad kyi mnyam pa nyid kyi snying po 'di gsungs so zhes bya ba la/ chos thams cad ni byang chub kyi sems la sogs pa ji skad bshad pa rnams so/ /de rnams kyi mnyam pa nyid ni gzung ba dang 'dzin pa'i rnam par rtog pa dang bral ba'o/ /de lta bu'i ye shes ni snying po ste/ de ston par byed pa'i a zhes bya ba'i sgra la yang nye bar gdags pas snying po zhes bya'o/ /gsungs so zhes bya ba ni 'di skad du bka' stsal pa'o/ /de nas 'di gsungs pa tsam gyis zhes bya ba ni/ a zhes bya ba'i yi ge chos thams cad ston par byed pa/ bcom ldan 'das rnam par snang mdzad kyis gsungs pa tsam gyi rjes thogs nyid la'o/ /de bzhin gshegs pa thams cad ni rnam par snang mdzad la sogs pa'o/ /yang dag par 'dus nas zhes bya ba ni tshogs par mdzad pa'o/ /bcom ldan 'das rnam par snang mdzad kyi phyogs thams cad du zhes bya ba ni phyogs bzhir ro/ /rdo rje sems dpa'i dkyil 'khor chen po'i tshul gyis bzhugs pa dang zhes bya ba ni/ rdo rje sems dpa'i dkyil 'khor chen po'i dbyings kyis bzhugs pa'o/ /de yang sems dpa' chen po brgyad ces bya ba ni/ phyag na rdo rje la sogs pa nas/ rdo rje gnod sbyin gyi bar gyi byang chub sems dpa' chen po rnams so/ /phyi'i dkyil 'khor gyi phyogs brgyad du zhes bya ba ni/ phyogs dang mtshams su bzhugs pa'o/ /bzhad pa chen po bzhad cing bzhugs so zhes bya ba ni de bzhin gshegs pas 'dul ba'i sems can gyi khams btul nas/ de bzhin gshegs par gyur par gzigs te/ yid bde ba skyes par gyur pas bzhad pa chen pos bzhad par gyur pa ste/ thams cad du 'gro ba'i 'dzum pa mdzad ces bya ba'i don to/ /de la de nas de skad ces bka' stsal nas zhes bya ba nas brtsams te/ bzhad pa chen po bzhad cing bzhugs so zhes bya ba'i bar gyi bshad pas ni/ dkyil 'khor gyi mchog ces bya ba'i ting nge 'dzin gnyis pa gsungs pa yin no/ /de nas 'dus pa sngon du 'gro ba la sogs pa ni/ gsum pa yin par shes par bya'o/ /dbang bskur ba dang / dam tshig thob pa rnams kyis ni bzlas brjod dang bsgom par bya'o zhes bya ba 'di'i don bstan par bya ba'i phyir/ de nas zhes bya ba la sogs pa slob dpon gyi las dang / slob ma gzhug pa la sogs pa'i cho ga rgyas par gsungs pa yin no/ /de nas zhes bya ba ni snga ma bzhin te/ dam tshig gsum bsgom pa nas brtsams te/ dkyil 'khor gyi brtul zhugs sngar bshad pas/ mtshan ma thob pa'i rjes thogs nyid la/ slob dpon gyis dkyil 'khor 'di bri bar bya'o zhes bya ba'i don gzhan gyi dgongs pa dang sbyar ba ston pa yin no/ /de bzhin gshegs pa thams cad kyi rdo rje'i dkyil 'khor zhes bya ba ni/ bcom ldan 'das rnam par snang mdzad kyi dam tshig chen po'i dkyil 'khor ro/ /byin gyis rlob pa ni ting nge 'dzin gang gis de byin gyis brlabs shing brtan par bya ba'i ting nge 'dzin gang yin pa de la 'di skad ces bya ste/ de la snyoms par 'jug pa ni mngon sum du mdzad nas/ bcom ldan 'das rnam par snang mdzad kyis dkyil 'khor chen po 'di gsungs so zhes bya bar sbyar ro/ /de bzhin gshegs pa yang yin la thams cad kyang yin pas na/ de bzhin gshegs pa thams cad de sngar bshad pa rnams so/ /de rnams kyi de kho na nyid ni de kho na nyid bcu po sngar ji skad du bshad pa rnams so/ /de nyid rdo rje ste/ de ston par byed pas gang la de skad ces bya ba ni dam tshig chen po'i dkyil 'khor zhes bya ba de gsungs te/ de la dam tshig chen po ni/ /byang chub kyi sems chen po zhes bya ba nas/ brtson 'grus kyi pha rol tu phyin pa'i mthar thug pa rnams dang / de las byung ba'i rnam par snang mdzad la sogs pa sngar bshad pa rnams so/ /'jam zhing shin tu bde ba'i stan dang / sangs rgyas kyi sku gzugs dgod par bya ba'i bar gyi mthar thug pa ste/ nye bar mtshon pa 'dis na/ de rnams kyi dkyil 'khor la ni dam tshig chen po'i dkyil 'khor zhes bya'o/ /'di skad ston par 'gyur te/ bcom ldan 'das rnam par snang mdzad kyi sbyor bas/ snga ma bzhin du rnal 'byor chen po bsgrub la/ de nas cho ga thams cad rjes su spyad nas/ dkyil 'khor gyi rnam par sems rtse gcig tu bya ste/ dam tshig chen po'i dkyil 'khor bri bar bya ste/ 'di ni mtshan ma thob pas dkyil 'khor bri bar bya'o zhes ston par 'gyur ba yin no/ /rdo rje sems dpa'i dkyil 'khor chen po ni sngar bshad pa'o/ /de'i tshul du zhes bya ba ni dbyibs te zur bzhi pa la zhes bya ba la sogs pa ci skad du bshad pa ste/ rdo rje sems dpa'i dkyil 'khor chen po'i tshul des de bzhin gshegs pa'i dkyil 'khor chen po'i dbyibs su bcom ldan 'das rdo rje sems dpa'i phyi'i dkyil 'khor 'di bris la/ de'i dbus su thig gsum gyi 'khor lo bris nas zhes bya ba ni dbang ldan gyi phyogs nas brtsams te/ thig gsum gyis zlum por thig btab la bri bar bya'o zhes bya ba'i don to/ /'di yang ji lta bu zhe na/ bcom ldan 'das kyi thad kar sna tshogs pad+ma rab tu gnas pa zhes bya ba ste/ gang dkyil 'khor 'di dag par snang la gnas pa'i bcom ldan 'das rnam par snang mdzad kyi 'og tu yang bri bar bya zhing / lha thams cad kyi gnas su sna tshogs pad+mas nye bar mdzes pa ni/ sna tshogs pad+ma rab tu gnas pa'i phyir ro/ /de'i 'khor lo'i lte ba la bcom ldan 'das zhes bya ba la sogs pa dkyil 'khor gyi lte ba ni dkyil 'khor gyi dbus so/ /bcom ldan 'das de bzhin gshegs pa rtag pa chen po zhes bya ba ni rtag pa chen po ste/ longs spyod rdzogs pa'i sku'i ngo bo nyid kyis 'khor ba ji srid bar du bzhugs pa'i de bzhin gshegs pa rnam par snang mdzad bar snang la phab ste/ a zhes bya ba'i sku'i gzugs brnyan gcig tu bya'o/ /de'i zhes bya ba la sogs pa la/ de'i zhes bya ba ni bcom ldan 'das rnam par snang mdzad kyi'o/ /phyogs thams cad du zhes bya ba ni/ phyogs dang phyogs mtshams rnams su'o/ /de bzhin gshegs pa brgyad bzhag gam bri bar bya zhes bya ba ni/ sprul pa'i sku gzugs can ting nge 'dzin la snyoms par zhugs pa'i de bzhin gshegs pa brgyad yang dag par gzhag par bya'o/ /de nas tshon gyi thig le rnams kyis zhes bya ba ni/ phyag rgya'i gzugs kyis sam/ gdan gyi tshul gyis sam/ yig 'bru'i tshul gyis sam/ thig le'i tshul gyis bri ba'o/ /dkyil 'khor gyi 'khor lo la bzhugs pa'i de bzhin gshegs pa rnams rdo rje 'dzin pa dang bcas par bri bar bya'o zhes bya ba ni/ de ltar bcom ldan 'das rnam par snang mdzad sprul pa'i sku can ting nge 'dzin la snyoms par zhugs pa'i sangs rgyas kyi sku'i gzugs brnyan brgyad kyis bskor bar dbus su bri la/ rnal 'byor pa des rnam par snang mdzad kyi dkyil 'khor la zlum por bskor nas/ dkyil 'khor gsum pa bris pa gang yin pa de mi bskyod pa la sogs pa de bzhin gshegs pa rnams phyag na rdo rje la sogs pa byang chub sems dpa' brgyad kyis bskor bar/ rdo rje sems dpa'i dkyil 'khor chen po'i tshul nyid bzhin du bri bar bya'o/ /phyi zhes bya ba la sogs pa la 'di skad du bshad pa'i phyi'i dkyil 'khor lha'i snam bu la phyag na rdo rje la sogs pa byang chub sems dpa' brgyad phyogs dang mtshams rnams su bri bar bya'o/ /bum pa gang ba bzhi sgo rnams su dgod par bya'o zhes bya ba la sogs pa la/ dkyil 'khor gyi sgo bzhir bum pa gang ba bzhi legs par gzhag par bya'o/ /yang shar phyogs kyi sgor/ nas dang / gro dang / 'bras sA lu las skyes pa'i ljang bu dang bcas pa'i sa'i dum bu dgod par bya ste/ rdo rje sems dpa' la sogs pa'i byang chub sems dpa' chen po ni ne'u gsing ste/ sa chen po ston pa can gyi mtshan ma'o/ /lho phyogs kyi sgor ro drug gis gang ba'i snod la/ dbyig dang gser dang rin po che dang / gos la sogs pas brgyan pa dgod pa ni sbyin pa'i pha rol tu phyin pa dang / rin po che'i rigs kyi ngo bo nyid de/ sems can thams cad kyi bsam pa thams cad yongs su rdzogs par byed pa'i byang chub chen po'i mtshan ma'o/ /nub phyogs kyi sgor 'jam zhing shin tu bde ba'i stan la bzhag pa ni/ shes rab kyi pha rol tu phyin pa'i ngo bo nyid de/ bag chags dang bcas pa'i nyon mongs pa dang shes bya'i sgrib pa dang spros pa dang bral ba'i byang chub chen po'i ngo bo nyid kyi gdan ston pa'i mtshan ma'o/ /byang phyogs kyi sgor sprul pa'i sku'i gzugs can ting nge 'dzin la snyoms par zhugs pa'i sangs rgyas bcom ldan 'das kyi sku bzhag pa ni/ brtson 'grus kyi pha rol tu phyin pa'i ngo bo nyid de/ bya ba grub pa'i ye shes kyi rang bzhin gyi byang chub chen po ston par byed pa'i mtshan mar gzhag par bya'o/ /'dir lha thams cad kyi sa bon ni a zhes bya ba'o/ /'di skad ston par 'gyur te/ rdo rje sems dpa'i dkyil 'khor bzhin du phyi'i dkyil 'khor bris la/ de'i nang du cha bzhi'i tshad kyi zlum por rdo rje phur bu la btags pa'i tshon sna lnga'i srad bus dkyil 'khor thig btab ste/ gnyis pa ni de'i nyis 'gyur ro/ /gsum pa ni sum 'gyur du zlum por de yongs su bskor bar dkyil 'khor kun du thig btab la legs par bris te/ lha thams cad kyi gnas su sna tshogs pad+ma'i gdan bris nas/ dkyil 'khor gyi lte ba la bcom ldan 'das rnam par snang mdzad gser gyi mdog can/ rgyan thams cad kyis brgyan pa longs spyod rdzogs pa'i sku'i gzugs can phyag gnyis byang chub mchog gi phyag rgya dang ldan pa skyil mo krung gis bzhugs pa zhal gcig pa shar du gzigs par bri bar bya'o/ /de nas dkyil 'khor zlum po gnyis pa la sprul pa'i sku'i gzugs can ting nge 'dzin la snyoms par zhugs pa'i sangs rgyas brgyad bri bar bya'o/ /de nas dkyil 'khor zlum po gsum pa la/ shar phyogs su bcom ldan 'das mi bskyod pa dang / phyag na rdo rje dang / 'jam pa'i dbyangs dang bcas par rdo rje sems dpa'i dkyil 'khor gyi tshul du bri bar bya'o/ /lho phyogs su bcom ldan 'das rin chen 'byung ldan byang chub sems dpa' nam mkha'i snying po dang / nam mkha'i mdzod dang bcas pa'o/ /nub phyogs su bcom ldan 'das snang ba mtha' yas/ byang chub sems dpa' chen po spyan ras gzigs dbang phyug dang / sems bskyed ma thag tu chos kyi 'khor lo bskor ba gnyis dang bcas pa'o/ /byang phyogs su bcom ldan 'das don yod grub pa byang chub sems dpa' rdo rje khu tshur dang / rdo rje gnod sbyin gnyis dang bcas pa snga ma bzhin du bri bar bya'o/ /de nas phyi'i dkyil 'khor gyi lha'i snam bu la/ shar phyogs su yang phyag na rdo rje/ lho phyogs su nam mkha'i snying po/ /nub phyogs su 'jig rten dbang phyug / byang phyogs su rdo rje khu tshur/ shar lho mtshams su 'jam dpal gzhon nu/ lho nub mtshams su nam mkha'i mdzod/ nub byang mtshams su sems bskyed ma thag tu chos kyi 'khor lo bskor ba/ byang shar mtshams kyi phyogs cha la/ rdo rje gnod sbyin bri bar bya ste/ lhag ma rnams ni sngar smras par zad do/ /bum pa dang / bum pa gang ba rnams ni/ a zhes bya ba nyid kyis re re zhing lan brgya rtsa brgyad bzlas brjod byas la snga ma bzhin du lha thams cad la dbul bar bya ste/ de bzhin du gzhan dag kyang snga ma bzhin du shes par bya'o/ /de ltar dkyil 'khor bris nas snga ma bzhin du rdo rje bsdu bar bya'o/ /de nas rnam par snang mdzad kyi phyag rgya chen po bsgom zhing / mtshan brgya rtsa brgyad kyis bstod par bya'o/ /de nas a zhes bya ba zlos shing sngar bshad pa'i gsang ba'i lcags kyu bcings nas/ bcom ldan 'das 'khor dang bcas pa spyan drangs la/ dgug pa dang gzhug pa dang / bcing ba dang / dbang du bya ba byas te/ rdo rje gnod sbyin gyis bgegs bsal la/ mtshams bcad pa dang / dkyil 'khor bcing ba dang / ra ba dang dra ba dag kyang byas te/ rdo rje khu tshur gyis sgo bcad pa dang / rdo rje bsrung bas bsrung ba thams cad yang dag par bsrungs la/ a zhes bya bas mchod yon phul te/ rdo rje bsdams pa las byung ba'i dang po'i rdo rje bcings la/ a dr-i sh+ya zhes bya ba nas rnam par snang mdzad la sogs pa thams cad blta bar byas nas/ dzaHhUM baM hoH/ sa ma ya s+t+waM/ sa ma ya s+t+waM/ a haM a zhes bya ba lan gsum brjod de/ de thams cad bsgrub par bya'o/ /de nas rang gi lce la yi ge hU~M las rdo rje bzang po rnam par bsams la/ rnam par snang mdzad la sogs pa'i ljags la yang a zhes bya ba bsam par bya'o/ /de nas yang rang gi snying gar a las sna tshogs rdo rje bskyed la/ rnam par snang mdzad la sogs pa'i las kyi phyag rgya a zhes bya ba zlos bzhin du bcing bar byas te/ chos gos 'dzin pa'i tshul gyis de bzhin gshegs pa'i khu tshur gnyis bcings la/ g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya ste/ /sangs rgyas byang chub sbyin pa'o/ /zhes bya ba ni/ bcom ldan 'das rnam par snang mdzad kyi phyag rgya'o/ /de bzhin du g.yon pa rang gi snying gar bstod pa'i tshul gyis bzhag la/ g.yas pa brkyang bas sa la reg pa'i tshul du bya ba 'di ni mi bskyod pa'i'o/ /g.yon pa de bzhin du bzhag la/ g.yas pa sa la reg pa las zlog ste/ smrang 'don pa'i tshul gyis bslang zhing mchog sbyin pa lta bu ni rin chen 'byung ldan gyi'o/ /mi bskyod pa'i phyag rgya las g.yon pa chos gos 'dzin pa'i khu tshur g.yas pas pad+ma dbye ba'i tshul du mthe'u chung nas brtsams te/ 'byed pa ni 'od dpag tu med pa'i'o/ /mi bskyod pa'i phyag rgya las lag pa g.yas pa ba dan gsum pa ltar byas la/ mi 'jigs pa ster ba'i tshul gyis bzhag pa ni don yod par grub pa'i phyag rgya'o/ /rdo rje khu tshur gnyis bcings la/ gnyis kas snyims pa dang bcas par bstod pa'i tshul du bzhag pa 'di ni phyag na rdo rje'i'o/ /g.yon pa'i snying gar bzhag pa la/ g.yas kyis ral gri 'dzin pa lta bu ni mgon po 'jam dbyangs kyi'o/ /rdo rje gnyis kyis dbang bskur ba'i tshul du 'jog pa ni nam mkha' snying po'i'o/ /rdo rje gar bskor zhing bkrol te/ mkhur ba dang / spyi gtsug tu bzhag pa ni nam mkha'i mdzod kyi'o/ /g.yas kyi g.yon pa dbye ba ni 'jig rten dbang phyug gi'o/ /mgal me'i 'khor lo ltar bskor ba ni sems bskyed ma thag tu chos kyi 'khor lo bskor ba'i'o/ /rdo rje khu tshur gnyis mnan pa 'tshir ba ni rdo rje khu tshur gyi'o/ /mthe'u chung dang mdzub mo mche ba ltar bya ba ni/ rdo rje gnod sbyin gyi las kyi phyag rgya'o/ /byang phyogs na gnas pa'i sangs rgyas kyi sku gzugs kyi phyag rgya ni don yod par grub pa dang 'dra bar shes par bya'o/ /rnam par snang mdzad la sogs pa'i phyag rgya chen po ni bris pa'i rjes su 'brangs nas bsam par bya'o/ /de ltar bcom ldan 'das rnam par snang mdzad la sogs pa phyag rgya bzhis rgyas btab pa byas nas/ sngar bshad pa'i tshul nyid kyis dbang bskur ba'i phyag rgya rnams kyis dbang bskur la/ yang mchod yon phul te/ bum pa dang / bum pa gang ba dang / me tog la sogs pas yang dag par mchod la/ rdo rje mtshon cha la sogs pa las kyi phyag rgya rnam pa bcu gnyis kyis mchod par bya'o/ /de nas yid kyis dpag bsam gyi shing la sogs pa'i sprin rnams kyis snga ma bzhin du yang dag par mchod la/ phyi rol du gtor ma sbyin par bya'o/ /de nas rdo rje gnod sbyin dang / rdo rje me ltar rab tu 'bar ba dang / sangs rgyas spyan gyi sbyin sreg bya ba nas/ bcom ldan 'das rnam par snang mdzad snga ma bzhin du thab kyi dbus su dkyil 'khor gyi tshul gyis bkod nas/ yang sbyin sreg bya'o/ /de nas rdo rje gnod sbyin gyis bgo ba'i gos la bzlas pa'i stod g.yogs dang / smad g.yogs bgo zhing ze'u kha bcings te/ yang rdo rje lcags kyu la sogs pa bzhi'i snying bos gdong g.yogs kyis ras la yongs su bzlas te/ des gdong g.yogs byas la/ slob dpon gyis sngar bshad pa'i phyag rgya la sogs pa'i cho ga rnams rjes su spyad nas/ a zhes bya ba bzlas pa'i bum pa sgo na gnas pa'i chus bdag nyid dbang bskur la/ rdo rje bsdams pa las byung ba'i dang po'i rdo rje bcings nas badzra badzra a zhes brjod cing zhugs la/ ji srid deng bdag rdo rje sems grub mdzod/ /ces bya ba'i bar du sngar bshad pa'i cho ga rnams rjes su spyad nas/ phyag btsal ba'i sngags dang / rnam par sgeg pa'i rdo rjes phyag bya'o/ /de la rnam par sgeg pa'i rdo rje ni 'di yin te/ rdo rje gar gyi mchod pas rnam par 'gyur ba dang bcas shing / 'dzum pa dang bcas pa'i mig gis phyag bya bas rdo rje sems dpa' dang de bzhin gshegs pa thams cad kyang rjes su mnyes par bya zhing / phyag 'tshal lo zhes bya ba ste/ 'di ni de'i mtshan nyid do/ /de nas bskor ba lan gsum byas la/ de kho na nyid brjod de/ dzaHhUM baM hoH/ pra sid+d+h+ya maM/ zhes bya bas bcom ldan 'das la yang dag par bskul bar bya'o/ /de nas de bzhin du gos gyon la/ de bzhin gshegs pa thams cad kyi rdo rje'i phyag rgya bcings nas/ zhugs na zhes bya ba 'di'i don bshad pa yin no/ /bdag nyid slob dpon med par yang / / zhes bya ba 'di dkyil 'khor 'dir dbang ma bskur ba ste/ yang zhes bya ba'i sgras ni dbang bskur ba rnams ni/ bcom ldan 'das rnam par snang mdzad la sogs pa de bzhin gshegs pa thams cad kyi rdo rje'i slob dpon nyid dang / de bzhin gshegs pa'i dkyil 'khor gyi slob dpon nyid du legs par byin gyis brlab par mdzad de zhes ston pa yin no/ /'dis ni don 'di skad ston pa yin te/ gang zhig rdo rje sems dpa' la sogs pa'i dkyil 'khor du ni dbang bskur la/ 'dir ni dbang ma bskur ba des kyang / dkyil 'khor 'di nyid bris te zhugs na/ de lta na yang ji skad du gsungs pa'i 'bras bu thob bar 'gyur ro/ /deng nas brtsams te zhes bya ba ni/ dkyil 'khor du zhugs pa nas brtsams te/ de bzhin gshegs pa thams cad kyi rtogs pa dang zhes bya ba rgyud gzhan dag nas gsungs pa dag tu yang / dngos grub thams cad la zhes bya ba sangs rgyas nyid la sogs pa rnams la bdud la sogs pas zil gyis mi non pas na mi tshugs par 'gyur ba dang / de dag nyid kyis gsod par mi nus pas na/ mi gsod pa dang / nyon mongs pa'i sgrib pa la sogs pa sgrib pa thams cad dang bral ba thob par 'gyur ro/ /de nas slob ma yang de bzhin du gzhug go zhes bya ba ni slob ma gzhug par bya ba'i phyir/ rjes su gnang ba ji lta ba bzhin du gsol te/ de'i rjes thogs nyid la bdag nyid 'jug pa'i cho gas slob ma gzhug par bya'o/ /zhugs nas rdo rje rtse lnga pa byin la zhes bya ba ni/ slob ma rnams la ji lta ba bzhin du chu'i dbang bskur ba dang / phyag rgya dang / dbu rgyan dang / cod pan dang / dar dpyang gi dbang bskur ba byin la a zhes bya ba nyid zlos shing / de bzhin gshegs pa'i rdo rje sbyin par bya'o/ /de nas rdo rje ming gi dbang bskur ba dang / dngos grub kyi rdo rje'i brtul zhugs byin la/ sems can kun la zhes bya ba la sogs pas dam tshig rnams kyang bsgo bar bya'o/ /sems can zhes bya ba la sogs pa la sems can thams cad la phan pa ni/ bde ba'i rnam par smin pa rgya chen por 'gyur ba'i las rnams te/ de'i phyir ni de rdzogs par bya ba'i phyir ro/ /bstan pa thams cad ni de bzhin gshegs pa'i bka' thams cad do/ /de yongs su skyong zhing nyams su len pa ni grub pa ste de'i phyir ro/ /rnam par mi rtog sbyor ba yis/ /ci bde bar ni thams cad kyis/ /zhes bya ba ni/ rdo rje dang / don dang / chos dang / thams cad mnyam pa nyid du bsgom pa rnams ni rnam par mi rtog pa'i sbyor ba ste/ rnam par mi rtog pa'i sbyor ba des bzlas brjod dam/ bsgom pa'am/ dge ba'i las gzhan gang yang rung ba de/ /ci bde bar ni thams cad kyis/ /zhes pa ste/ dngos po la mngon par zhen pa spangs pas/ dge ba'i phyogs thams cad la bya ba'i rgyud las bshad pa'i stan la sogs pa'i nges pa'i gnod pa spangs te/ ci bde bar thams cad kyis shig ces bya'o/ / de ltar dam tshig byin nas de nas de bzhin du rdo rje sems dpa'i dkyil 'khor chen por gsungs pa'i tshul gyis bza' ba dang / ro dang / gnas pa rnams kyis slob ma rnams longs spyod du gzhug cing / 'byor pa ci yod pas yang dag par tshim par bya'o/ /de nas mtshan ma bzhi po zhes bya ba ni/ byang chub kyi sems rdzogs par bya ba'i phyir ne'u gsing dang bcas pa'i dum bu dang / sbyin pa'i pha rol tu phyin pa rdzogs par bya ba'i phyir/ dbyig dang gser dang / rin po che dang / gos la sogs pas gang ba'i snod dang / shes rab kyi pha rol tu phyin pa rdzogs par bya ba'i phyir 'jam zhing shin tu bde ba'i stan dang / bya ba grub pa'i ye shes kyi ngo bo nyid brtson 'grus kyi pha rol tu phyin pa rdzogs par bya ba'i phyir/ sangs rgyas kyi sku gzugs 'byor pa ji lta bas skal ba ji lta ba bzhin du slob dpon gyis slob ma rnams la sbyin par bya ste/ mi bskyod pa'i rigs la ni ne'u gsing sa dang bcas pa'i dum bu'o/ /rin po che'i rigs la mngon par brtson pa rnams la ni ji skad du bshad pa'i snod do/ /'od dpag tu med pa'i rigs la mngon par brtson pa rnams la ni stan no/ /don yod par grub pa'i rigs la mngon par brtson pa rnams la ni sangs rgyas kyi sku gzugs sbyin par bya ste/ 'di ni 'dir skal ba ji lta ba bzhin du zhes bya ba'i sgra'i don yin no/ /dam tshig chen po'i dkyil 'khor ro/ /zhes bya ba ni byang chub kyi sems chen po dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa ji skad du bshad pa rnams ni/ thams cad du song ba yin pa'i phyir/ dam tshig chen po yin la/ de las byung ba'i rnam par snang mdzad la sogs pa la yang nye bar gdags pas dam tshig chen po zhes bshad de/ de rnams kyi dkyil 'khor ni dam tshig chen po'i dkyil 'khor ro/ /de nas de bzhin du zhes bya ba nas brtsams te sbyin par bya'o zhes bya ba'i don slar yang gsal bar bya ba'i phyir bshad par bya ba ste/ de ltar bshad ma thag pa'i cho gas dkyil 'khor bris la/ bcom ldan 'das rnam par snang mdzad kyi sbyor bas 'di las gsungs pa'i rnal 'byor chen po byas la/ bum pa gang ba dang / bum pa rnams kyang rdo rje bsdams pa las byung ba'i dang po'i rdo rjes a zhes bya ba brgya rtsa brgyad bzlas brjod bya'o/ /de nas rdo rje hU~M mdzad kyi sbyor bas/ dkyil 'khor gyi sgo bzhi phye la/ yang rnam par snang mdzad kyi nga rgyal gyis rdo rje bsdu ba byas te/ rnam par snang mdzad kyi phyag rgya chen por bsgom zhing / mtshan brgya rtsa brgyad pas bstod la/ a zhes bya ba zlos shing gsang ba'i lcags kyus rnam par snang mdzad la sogs pa thams cad bkug la/ rang gi gnas su bcug ste rdo rje gnod sbyin gyis bgegs bskrad cing / mtshams bcad pa dang / dkyil 'khor bcing ba dang / drwa ba dang / rab rnams byas nas/ rdo rje khu tshur gyis sgo bcad de rdo rje bsrung bas bsrung ba thams cad yang dag par bsrungs la/ a zhes bya bas mchod yon phul te/ dam tshig gi phyag rgyas bcom ldan 'das 'khor dang bcas pa bsgrub par bya'o/ /de nas rnam par snang mdzad la sogs pa'i rdo rje'i ljags la de bzhin du a zhes bya ba rnam par bsams la/ rnam par snang mdzad la sogs pa'i las kyi phyag rgya dang / phyag rgya chen po dag bcing bar bya'o/ /de nas de bzhin gshegs pa rnams ni rdo rje rin chen gyi phyag rgyas dbang bskur zhing / byang chub sems dpa' rnams ni sangs rgyas lnga'i dbu rgyan gyis dbang bskur bar bya'o/ /de nas bcom ldan 'das 'khor dang bcas pa la a zhes bya bas mchod yon phul te/ bum pa dang / bum pa gang ba rnams dang / na bza' rnams phul te/ mchod pa rnam pa lnga dang / dpag bsam gyi shing la sogs pas mchod par bya'o/ /de nas gar dang / glu dang / rol mo dang / rta dang / glang po che dang / ba lang gi khyu la sogs pa phyi rol gyi mchod pa rnams kyang 'byor bar gyur na mchod la/ me tog la sogs pa'i phyag rgya'i mchod pa rnams kyis kyang yang dag par mchod par bya'o/ /de nas yid kyi mchod pa byas la phyi rol du gtor ma sbyin par bya'o/ /de nas ji skad du bshad pa'i sbyin sreg byas la/ ji skad du bshad pa'i gos dang / rgyan dang ldan pa'i rnal 'byor pas/ phyag btsal ba la sogs pa sngon du 'gro ba dang sdom pa gzung bar bya'o/ /de nas oM sarba yo ga tsit+ta ut+pA da yA mi/ zhes bya bas byang chub kyi sems chen po bskyed la/ g.yas pa'i rdo rje khu tshur gyis de bzhin gshegs pa'i rdo rje blangs la rang gi snying gar gzhag ste/ a zhes bya bas rang gi snying ga'i zla ba'i dkyil 'khor la des bskyed nas/ 'di skad ces brjod par bya ste/ su ra te sa ma ya s+t+waM ho/ badzra sid+d+h+ya ya thA su khaM/ de nas sgo na gnas pa'i bum pa'i chus bdag nyid dbang bskur la/ dam tshig gi phyag rgya bcings te/ de nyid kyis me tog gi phreng ba bzung nas/ badzra badzra a zhes bya ba zlos shing / slob dpon shar phyogs kyi sgo nas dam tshig gi dkyil 'khor chen por 'jug cing / badzra aM ku sha dzaHzhes kyang brjod par bya'o/ /de nas lho phyogs kyi sgo nas zhugs la/ badzra pA sha hUM zhes brjod nas/ yang yid kyis zhugs pas 'jug par bya'o/ /yang nub phyogs kyi sgo nas zhugs la badzra sgo Ta baM zhes bya ba dang yid kyis bcing bar bya'o/ /de nas byang phyogs kyi sgo nas zhugs la/ badzra a be sha hoH/ /zhes bya ba dang / rdo rje 'bebs pas bdag nyid dbang du bya'o/ /de nas yang shar phyogs kyi sgo nas zhugs nas/ ma hA ra ta su dr-i D+ha su to She/ /su su khaM badzra satwa ad+d+ya sid+d+h+ya maM zhes brjod par bya'o/ /de nas rnam par sgeg pa'i rdo rjes phyag byas la dkyil 'khor bskor ba lan gsum bya'o/ /de nas bcom ldan 'das kyi spyan sngar 'dug ste/ 'di skad ces brjod par bya'o/ /'dod chags chen po bde ba che/ /rdo rje chen po nor che zhing / /ye shes chen po las che ba/ /rdo rje sems dpa' deng bdag 'grub/ /dzaHhUM baM hoHpra sid+d+h+ya maM/ /de nas rdo rje'i chu 'thungs la/ bdag nyid la dbab par bya ste/ a zhes bya ba lan brgya bzlas la/ yang g.yon pa'i rdo rje khu tshur gyis sems ma rdo rje ma'i phyag rgya phye nas/ bdag nyid la dbab par bya zhing / a a zhes bya ba lan brgya bzlas so/ /de nas a zhes bya bas me tog dor bar bya'o/ /de nas de blangs la rang gi mgo la de nyid kyis bcing bar bya'o/ /de nas de nyid kyis gdong g.yogs dgrol bar bya'o/ /de nas de nyid zlos shing shar phyogs kyi cha nas brtsams te/ dkyil 'khor blta bar bya'o/ /de nas tiSh+Tha badzra zhes bya ba la sogs pas dbab pa'i phyag rgya rang gi snying gar dgrol bar bya'o/ /de nas rnam par snang mdzad kyi phyag rgya chen por rang bsams la/ bcom ldan 'das la rdo rje'i lta bas blta zhing / ji srid bcom ldan 'das kyi zhal bstan nas dngos grub thams cad stsol bar mdzad pa de srid kyi bar du bzlas brjod bya'o/ /de nas rdo rje thal mo bskor la/ bdag nyid dbul ba'i tshul gyis snying gar bzhag nas mtshan brgya rtsa brgyad kyis bstod de sgeg mo la sogs pa gsang ba'i mchod pa bzhis bcom ldan 'das yang dag par mchod la/ glu dang rol mo'i mchod pa rnams kyis kyang mchod par bya'o/ /de nas yang phyag rgya chen po bcings te/ bcom ldan 'das la rdo rje'i lta bas blta zhing rdo rje thal mos bskor bas phyag bya zhing me tog gi phreng ba la sogs pa dang / dbang bskur ba rnams blang bar bya ste/ de la dang po kho nar dam tshig gi phyag rgyas yongs su bzung ba'i rdo rje'i me tog gi yal ga las rnam par rgyal ba'i bum pa la bzlas brjod nyi shu rtsa gcig byas la/ oM ma hA su kha badzra a mo g+ha sa ma yo da ka sid+d+ha a b+hiSh+ny+tsi sa rba su kha so ma na s+ya ni a d+d+ya ku ru ku ru dzaHhUM baM hoHa zhes bya ba brjod do/ /de nas bdag nyid rnam par snang mdzad du byin gyis brlabs la/ dam tshig gi phyag rgyas rnal 'byor chen por gsungs pa'i gnas rnams su rang gi lus la lha thams cad dgod par byas nas/ phyi rol du dkyil 'khor gyi nang du sna tshogs pad+ma'i steng du phyag rgya chen po'i tshul gyis 'dug nas/ me tog la sogs pas bdag nyid yang dag par mchod de/ mchod yon blangs nas/ mtshan brgya rtsa brgyad pas bstod la/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa a zhes brjod de/ des bdag nyid dbang bskur bar bya zhing chu de btung bar yang bya'o/ /de nas rdo rje rin chen gyi phyag rgyas dbang bskur ba blangs la/ lugs ma'am/ byas pa'am/ brkos pa'am/ bris pa'i rdo rje rin po che'i cod pan rdo rje rin chen yongs su bzlas pas dbang bskur bar bya'o/ /de nas rdo rje dang / bdag po dang / ming gi dbang bskur ba blangs la/ dngos grub kyi rdo rje'i brtul zhugs blang bar bya'o/ /de nas me tog la sogs pa phyi'i mchod pa rnams kyis kyang bdag nyid yang dag par mchod de/ de nas/ de nyid kyis ni rdo rje bzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla/ /zhes bya ba dag go/ /de nas bcom ldan 'das la phyag byas la/ gsang sngags bzung ste/ tshigs su bcad pa lnga pas rjes su gnang ba dang / gzengs bstod pa dang / lung bstan pa dag kyang blang bar bya'o/ /de nas yang bdag la byin gyis brlabs pa la sogs pa byas la/ ci 'dod par bzlas pa byas nas/ bcom ldan 'das la phyag byas te 'di skad ces brjod par bya'o/ /bdag ming 'di zhes bgyi ba yi/ /rdo rje slob dpon dka' thub ches/ /sems can rnams la phan pa'i phyir/ /slob ma rnams ni gzhug par bgyi/ /de nas phyir phyung la/ slob ma rnams gzhug par bya ste/ 'di ni slob dpon gyi las kyi cho ga'o/ /de nas sdom pa sbyin par 'os pa'i slob ma la sngar bshad pa'i tshul gyis sdom pa 'dzin du gzhug par bya'o/ /de nas de bzhin du byang chub kyi sems bskyed pa la sogs pa yang byed du bcug nas/ de'i snying gar de bzhin du rdo rje bskyed la/ de rnam par snang mdzad du byin gyis brlabs te/ dri dang me tog la sogs pas mchod la/ 'di skad ces brjod par bya ste/ deng khyod bcom ldan 'das kyis byin gyis brlabs par 'gyur gyis/ khyod kyis de bzhin gshegs pa thams cad kyis gsang ba'i dkyil 'khor ma mthong ba rnams la brjod par mi bya zhing / dad pa med par yang ma byed cig/ de nas lnga po bsdus pa bcings la/ 'di skad ces brjod par bya ste/ 'di ni khyod kyi dam tshig gsang / /sangs rgyas kun gyis rab bsgrub pa/ /gal te dkyil 'khor ma mthong smras/ /rigs rnams kun gyis khyod brlag 'gyur/ /oM ma hA su kha ha na sa ma ya a d+hi kra ma mi su ra ta s+t+waM/ de nas yon gyi mchog blangs la/ phyi rol gyi sgo la mngon par phyogs nas gnas pa'i bum pa'i chus dbang bskur la/ bdag nyid 'jug pa'i tshul du bcug nas/ cho ga thams cad snga ma bzhin du rjes su spyod la/ dam tshig 'di slob ma rnams kyi rna bar bsgrag par bya ste/ sems can kun la phan phyir dang / /bstan pa thams cad bsgrub pa'i phyir/ / rnam par mi rtog sbyor ba yis/ /ci bde bar ni thams cad kyis/ /lhag ma rnams ni sngar bshad pa bzhin du shes par bya'o/ /slob ma zhugs pa la sogs pa'i cho ga rgyas pa rdzogs so// //de ltar dbang bskur ba dang / dam tshig thob pa rnams la/ slob dpon gyi dngos grub kyi ye shes bslab par bya'o zhes bya ba 'di'i don bstan par bya ba'i phyir/ de nas zhes bya ba la sogs pa gsungs te/ de nas zhes bya ba'i sgra ni snga ma bzhin no/ /'dis bsgrub par bya ba yin pas na bsgrub pa ste/ ras ris la sogs pa'o/ /de nyid bstan pa'i phyir/ ras la bcom ldan 'das rnam par snang mdzad ces bya ba la sogs pa gsungs te/ 'di dag ni go bar zad do/ /de nas des de bzhin du sems dpa' mchog bsgrub pa dang zhes bya ba ni/ ji ltar dpal rdo rje sems dpa'i bsgrub pa bshad pa de bzhin du/ 'dir bcom ldan 'das rnam par snang mdzad bsgrub pa la yang shes par bya'o/ /dngos grub mchog rnams kyang de bzhin no zhes bya ba ni/ ji ltar der rdo rje sems dpa'i ras ris la sangs rgyas nyid dang / rdo rje sems dpa' nyid kyi dngos grub kyi mchog tu gyur pa de bzhin du 'dir yang grub par bshad pa yin no/ /'di skad ston pa yin te/ zla ba nya nas brtsams nas bcom ldan 'das rnam par snang mdzad kyi spyan sngar rdo rje'i phyag rgya bcings te/ ji ltar skyo bar ma gyur pas/ dang po bdag la byin gyis brlab pa la sogs pa byas la/ rdo rje tshig gis a zhes bya ba ji srid zla ba gcig gis sngon du bsnyen pa byas par 'gyur ba de ji srid kyi bar du bzlas brjod bya'o/ /de nas ras la rdo rje bri ba'i phyag rgya dang por brtsam zhing / phyis ci bder bya ba dang / bri ba'am/ 'drir gzhug par bya ste/ dbus su bcom ldan 'das rnam par snang mdzad phyag gnyis byang chub mchog gi phyag rgya dang ldan par bri bar bya'o/ /de bzhin du gzhan thams cad ni dam tshig gi dkyil 'khor chen po'i tshul du bya'o zhes bya ba ni/ de nas zla ba nya nas brtsams te/ bcom ldan 'das kyi phyag rgya chen po bcings la/ de bzhin du sngon du bsnyen pa'i sbyor bas zla ba phyi ma nya'i bar du bzlas brjod bya zhing / de'i tshe mtshan thog thag bzlas brjod bya'o/ /de nas nang par bcom ldan 'das kyis mthong ba stsal nas/ sangs rgyas nyid dang byang chub sems dpa' nyid stsol bar 'gyur ro zhes bya'o/ /gzhan yang ras la bcom ldan 'das dpa' bo gcig pu bris te zhes bya ba ni/ snga ma bzhin du bsnyen pa byas pa'o/ /bcom ldan 'das dpa' bo gcig po ras la bri bar bya'o zhes bya ba ni/ de nas zla ba nya nas brtsams te/ phyag rgya chen po bcings la/ bzlas brjod 'bum bya'o/ /de nas zla ba phyi ma'i nya la bab pa dang / mtshan thog thag bzlas brjod byas nas/ shes rab kyi pha rol tu phyin pa thob cing / ji skad du bshad pa'i dngos grub rnams 'grub par 'gyur ro/ /de nas zhes bya ba'i sgra ni 'das ma thag pa ste/ sngon du bsnyen pa'i rjes thogs nyid la'o/ /ma bsgrubs pas kyang zhes bya ba ni/ de nas ras ris grub pa ma bsgrubs pas so/ /dkyil 'khor du zhugs pa tsam nyid kyi las rnams 'grub par 'gyur te zhes bya ba ni/ ye shes babs pa med kyang zhes ston pa yin te/ gang zhig ye shes babs par gyur pa de la ni/ las rnams bklags pa tsam nyid kyis shin tu 'grub par 'gyur ro zhes shes par bya'o/ /'di lta ste zhes bya ba'i sgra ni nye bar ston pa'i don to/ /de bzhin gshegs pa thams cad kyis ji skad du bshad pa'i bsgrub pa'i mchod pa ni/ de bzhin gshegs pa thams cad kyi mchod pa'o/ /de ji ltar 'gyur zhe na/ ji snyed pa'i de bzhin gshegs pa'i bde ba thams cad phul bas so zhes bya ba gsungs te/ bcom ldan 'das rnam par snang mdzad kyi dkyil 'khor sgom pas so/ /bsgom pa'i rang bzhin gyis bde ba gang zhig byung bar gyur pa de rnams ni chung ngu dang / 'bring dang chen po rnams ji snyed pa ste/ ji ltar thob pa de ni de bzhin gshegs pa thams cad kyi bde ba rnams so/ /de rnams dbul ba ni bcom ldan 'das rnam par snang mdzad kyi dkyil 'khor gyi ngo bo nyid du sems can thams cad bskyed par yang dang yang du bsgoms pas phul ba ste/ des ni de bzhin gshegs pa thams cad mchod par 'gyur ro/ /sangs rgyas ni ji skad du bshad pa rnams so/ /byang chub sems dpa' thams cad ni rdo rje sems dpa' la sogs pa nas/ bskal pa bzang po'i mthar thug pa'i bar ro/ /de rnams la mchod par ji ltar 'gyur zhe na/ bdag phul bas so zhes bya ba gsungs te/ phyag 'tshal ba bzhi'i sbyor bas bdag nyid phul nas zhes bya ba'i don to/ /dkon mchog gsum ni sangs rgyas dang / chos dang / dge 'dun te/ 'og nas bshad pa'i mtshan nyid can te/ sangs rgyas chos dang dge 'dun ni/ /dam tshig chen po gsum 'di yin/ /ras la dkon mchog gsum dang ni/ /byang chub sems dpa' gzugs mchog bri/ /zhes bya la sogs pa bshad pas so/ /de rnams la mchod par ji ltar 'gyur zhe na/ me tog la sogs pa'i bzlas pas so zhes bya ba gsungs te/ rab tu dga' ba dang / shin tu dga' ba dang / spyan dang / lha mo dpal chen bzhi'i snying po bzla zhing phyag rgya dang ldan pas so zhes bya ba'i don to/ /sems can thams cad ni/ khams gsum na spyod pa rnams so/ /de rnams la mchod pa ni sangs rgyas dang byang chub sems dpa' rnams su bskyed pa ste/ khams gsum pa rdo rje sems dpa'i skur bsgoms pas/ des khams gsum na gnas pa'i sems can thams cad rnam par byang ngo zhes bya ba 'di nyid kyi 'og nas gsungs pa ste/ thams cad la byams pa'i bzlas pas so zhes bya ba ni/ khams gsum gyi rdo rje rgyas par 'khor lo chen po thog ma med pa las byung ba bsgoms pas so/ /khams gsum ma lus pa na spyod pa'i sems can gyi khams thams cad rdo rje sems dpa' nyid du bya ba'i phyir/ bzlas pa ni thams cad la byams pa'i bzlas pa ste/ bzlas pa des sems can thams cad la mchod par 'gyur ro/ /chos thams cad bsdus pa ni/ byang chub kyi sems chen po dang / sbyin ba'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa rnams kyi nye bar len pa'o/ /de ji ltar 'gyur zhe na/ shes rab kyi pha rol tu phyin pa'i tshig bzhi po 'don pas so zhes bya ba gsungs te/ rdo rje sra ba nyid kyi phyir rdo rje mnyam pa nyid kyi mngon par rdzogs par byang chub pa ni byang chub chen po'o zhes bya ba nas/ thams cad rnam par mi rtog pa nyid kyi phyir thams cad mnyam pa nyid mngon par rdzogs par byang chub pa ni byang chub chen po'o zhes gsungs pa'i bar gyis shes rab kyi pha rol tu phyin pa'i tshig bzhi 'don pa ste/ des byang chub kyi sems chen po la sogs pa'i chos rnams bsdus par gyur pa yin zhing / de lta bu'i ye shes skye bar 'gyur ro/ /bdud thams cad 'dul ba la ni brtan zhing nges pa'i bzlas pas so zhes bya bas ni/ gang gi tshe sgrub pa dang rab tu ldan pa'i rnal 'byor pa la bdud dag de bzhin gshegs pa thams cad kyi gzugs kyi rnam par snang mdzad la sogs pa'i de bzhin gshegs pa rnams kyi yul las rnal 'byor pa'i sems phyir phyogs par bya ba'i phyir 'jug pa mthong na/ de'i tshe bcom ldan 'das mi bskyod pa'i sa gnon gyi phyag rgya bcings la/ chos thams cad bdag med par bsgom zhing / a zhes bya ba'i bzlas brjod bya ste/ de lta bu brtan zhing nges pa'i bzlas pas ni bdud thams cad 'dul bar 'gyur ro/ /de bzhin gshegs pa thams cad dbang bskur ba thob pa la ni zhes bya ba la sogs pa la 'phags pa nam mkha'i snying por bdag nyid bsams la/ rdo rje rin chen gyi phyag rgya bcings te/ a zhes bya ba zlos shing / de bzhin gshegs pa thams cad la dbang bskur ba dang / rgyan thams cad kyis yang dag par mchod de/ yang bdag nyid des dbang bskur zhing / bdag nyid kyis bdag nyid la rgyan thams cad gdags par bya ste/ de lta bus ni dbang thams cad thob par 'gyur ro/ /chos thams cad ni shes rab kyi pha rol tu phyin pa'o/ /de'i thob pa nyid ni rnyed pa'o/ /de ji ltar 'gyur zhe na/ rdo rje pad+ma la lta bas so zhes bya ba gsungs te/ 'phags pa spyan ras gzigs dbang phyug gi phyag rgya chen po ni rdo rje pad+ma la lta ba ste/ de chos nyid thams cad 'thob par 'gyur ro/ /de yang 'phags pa spyan ras gzigs dbang phyug gi phyag rgya chen po bcings pas/ chos thams cad rang bzhin gyis rnam par dag par bsgom zhing / a zhes bya ba'i bzlas brjod bya ste/ de lta bus ni chos thams cad kyi mnyam pa nyid kyi ting nge 'dzin 'thob par 'gyur ro/ /de bzhin gshegs pa zhes bya ba la sogs pa la/ de bzhin gshegs pa thams cad kyi phrin las ni 'gro ba'i don bya ba dang / mchod pa'i las rnams so/ /de'i dngos grub ni rdzogs par 'gyur ba'o/ /de thob pa ni mngon sum du gyur pa'o/ /de ji ltar 'gyur zhe na/ thams cad rdo rje'i las kyi mchog gis so zhes bya ba gsungs te/ dang po'i rdo rje'i phyag rgya bcings la/ byang chub sems dpa' chen po rdo rje las kyi gzugs su bdag nyid bsams te/ a zhes bya ba bzlas nas/ de'i 'og tu de bzhin gshegs pa thams cad kyi las kyi dngos grub thob par 'gyur ro/ /sangs rgyas nyid ces bya ba la sogs pa la/ sangs rgyas nyid rab tu 'thob pa ni 'tshang rgya bar 'gyur ba nyid thob pa'o/ /de ji ltar 'gyur zhe na/ rdo rje ye shes kyi khu tshur gyi de kho na nyid kyi phyag rgya chen pos so zhes bya ba gsungs te/ rdo rje ye shes ni chos kyi dbyings kyi ye shes so/ /de ston par byed pa'i khu tshur ni byang chub mchog gi phyag rgya'o/ /de nyid ni de kho na nyid kyi phyag rgya chen po ste/ kun rdzob kyi bden pa'i ngo bo nyid de/ phyag rgya chen po bcom ldan 'das rnam par snang mdzad kyi sku'i gsang ba'i ngo bo nyid kyi phyag rgya'o zhes bya ba'i don to/ /'di skad ston par 'gyur ro/ /bcom ldan 'das rnam par snang mdzad kyi sbyor ba ji lta ba bzhin byas la de'i phyag rgya chen po bcings te/ rnam par snang mdzad du bdag nyid bsgoms nas/ a zhes bya ba bzlas nas de lta bus ni sangs rgyas nyid 'grub bar 'gyur ro zhes pa'o/ /bde ba chen po rdo rje don yod pa ni gnyis su med pa ste/ byang chub sems dpa' la sogs pa de bzhin gshegs pa'i ye shes bzhi'i ngo bo nyid do/ /de'i dam tshig ni de las byung ba mi bskyod pa la sogs pa'i de bzhin gshegs pa'i tshul dang / de'i rigs kyi ngo bo nyid de ston pa'i sgra'i tshogs la yang nye bar gdags pas de skad ces bya'o/ /de dag nyid ni chos dang don dang nges pa'i tshig dang / spobs pa so so yang dag par rig pa'i rnam par rtog pa'i ngo bo nyid du gyur pas na rtog pa ste/ de ston pa'i sgra'i tshogs la yang de skad ces bya ba ni snga ma bzhin no/ /de ni rtog pa gzhan rnams las mchog tu gyur cing tshul de nyid kyis gzhan rnams zil gyis non pas mdzes shing 'bar ba'i phyir/ rtog pa'i rgyal po chen po ste/ rtog pa'i rgyal po chen po de las de bzhin gshegs pa de dag thams cad kyi de kho na nyid ni/ byang chub kyi sems chen po la sogs pa'i ngo bo nyid do/ /de nyid ni rnam par rtog pa thams cad kyis mi shigs pas na rdo rje'o/ /de rnams kyi dam tshig ni de kho na nyid bcu ste/ ming de skad ces btags pa'i rtog pa'i rgyal po rdzogs so zhes bya ba ni/ byang chub kyi sems dang / phyag rgya chen po dang / me long lta bu'i ye shes dang / rnam par thar pa'i sgo stong pa nyid dang / ngo bo nyid kyi sku ston pa'i ngo bo nyid kyis mthar thug go zhes bya ba'o/ /de bzhin gshegs pa'i dbugs dbyung ba'i bshad pa rdzogs so/ / //de ltar rang bzhin shas bzang zhing cha mnyam pa la spyod pa'i sems can rnams rjes su gzung bar bya ba'i phyir/ de bzhin gshegs pa'i dbugs dbyung ba bshad nas/ da ni khro bas khro ba spang bar bya ba'i phyir/ dpal khams gsum rnam par rgyal ba'i dbugs dbyung ba gsungs pa ni/ de nas zhes bya ba la sogs pa gsungs te/ de nas zhes bya ba'i sgra ni de ma thag pa ste/ sngar bshad pa'i tshul gyis 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ byang chub sems dpa' lag na rdo rje la sogs pas yongs su bskor nas/ bcom ldan 'das rnam par snang mdzad bzhugs pa dang / de'i rjes thogs nyid la shes rab kyi pha rol tu phyin pa'i sgrub pa 'di gsungs pa'o/ /de la ma rungs pa ni sems can nye bar len pa'i gsod pa la zhugs pa'o/ /de rnams 'dul ba ni bcom ldan 'das rnam par snang mdzad rdo rje hU~M mdzad du gyur nas 'dis 'dul zhing sems can gsod pa'i gdug pa yongs su spangs nas/ byang chub chen po'i sems bskyed par mdzad pas na 'dul ba'o/ /de bzhin du thugs su chud cing sangs rgyas la de bzhin du gsungs pas na/ de bzhin gshegs pa'o/ /de nyid ni shAkya'i rigs su sprul pa'i skus skye ba ston par mdzad pas na/ shAkya thub pa'o/ /de nyid ni rdo rje sra ba nyid kyi phyir mnyam pa nyid kyis mngon par rdzogs par byang chub pa ni byang chub chen po'o zhes bya ba la sogs pa sngar gsungs pa la ltos nas/ yang gzhan dag kyang ston par mdzad pa ni yang zhes bya ba'i sgras bshad pa yin no/ /chos thams cad ces bya ba la sogs pa chos kyang yin la thams cad kyang yin pas na chos thams cad de/ 'dod chags dang / zhe sdang dang / gti mug gi chos thams cad kyi ngo bo nyid do/ /de rnams kyi mnyam pa nyid ni de bzhin nyid do/ /de rnam par rgyal ba ni mnyam pa nyid kyi stobs kyis 'dod chags la sogs pa spong ba'o/ /de'i bsdu ba ni shes rab kyi pha rol tu phyin pa la gnas pa gang gis 'dod chags la sogs pa dngos po med pa'i ngo bo nyid du bsgoms pa'i mtshan nyid kyis spong bar gyur pa ste/ gang la ming de skad ces bya ba ni/ chos thams cad kyi mnyam pa nyid kyis rnam par rgyal ba bsdu ba zhes bya ba shes rab kyi pha rol tu phyin pa sgrub pa 'di gsungs pa de 'chad par mdzad pa'o/ /'dod chags spro ba med pa nyid kyis zhes bya ba la sogs pa la/ de la 'dod chags ni byang chub kyi sems chen po dang / nyon mongs pa rnams kyi ngo bo nyid do/ /de'i spros pa ni de bzhin gshegs pa'i rigs dang / rnam par thar pa'i sgo stong pa nyid dang / ngo bo nyid kyi sku'i rang bzhin gyis rnam pa sna tshogs pa'i tshul du rnam par rtog cing byang chub sems dpa'i ngo bo nyid dang / nyon mongs pa'i ngo bo nyid la chags pa'i mtshan nyid kyi rjes su chags pa dang / 'dod pa'i 'dod chags dang / srid pa'i 'dod chags kha dog dang dbyibs dang / reg pa dang / nye bar spyod pa'i dbye bas sna tshogs pa'i tshul du rnam par rtog pa ni spros pa'o/ /ma spros pas na spros pa med pa ste/ don dam par 'dod chags rjes su mi dmigs pa'o/ /'dod chags kyi spros pa med par gyur pa ni/ 'dod chags spros pa med pa ste/ de rgyur gyur pas ni/ zhe sdang spros pa med pa nyid do/ /de la zhe sdang ni rdo rje'i rigs dang nyon mongs pa rnams kyi ngo bo nyid kyis sems can rnams la gnod cing phan pa ma yin pa'i tshul te/ rdo rje rigs kyi ngo bo nyid de la rdo rje hU~M mdzad la sogs pa'i gzugs kyis sna tshogs pa'i tshul du rnam par rtog pa'i spros pa dang / nyon mongs pa'i ngo bo nyid mnar sems dgu po'i dngos po'i dbye ba dang gnas med pa la 'khrul pa ni bcu pa ste/ de dag gi ngo bo nyid sna tshogs pa'i tshul du rnam par rtog pa ni spros pa'o/ /ma spros pas na spros pa med pa ste/ don dam par zhe sdang ni dngos po med pa'i ngo bo nyid do/ /zhe sdang gi spros pa med par gyur pa nyid ni/ zhe sdang gi spros pa med pa des/ gti mug spros pa med pa nyid do/ /gti mug ni shes rab kyi pha rol tu phyin pa nyid de/ gzung ba dang / 'dzin pa'i rnam par rtog pa med pas 'jig rten gyi dbang phyug yongs su mi shes pa dang / ma rig pa ni gti mug go/ /shes rab kyi pha rol tu phyin pa'i ngo bo nyid la 'gro ba 'dul ba la sogs pa'i gzugs kyis sna tshogs pa'i tshul du rnam par rtog pa ni spros pa'o/ /ma rig pa'i ngo bo nyid kyis kyang rmongs pa'i bdag la chags pa la sogs pa lta ba drug cu rtsa gnyis kyi tshul du rnam par rtog pa ni spros pa'o/ /ma spros pas na spros pa med pa ste/ don dam par ni gti mug la gti mug gi dngos po mi dmigs pa'i phyir ro/ /tshig gi dgod pa gzhan ni snga ma bzhin no/ /gti mug gi spros pa med pa nyid kyis chos thams cad kyi spros pa med pa nyid do zhes bya ba ni ji skad du bshad pa'i gti mug gi spros pa med pa nyid kyis brtson 'grus kyi pha rol tu phyin pa'i mtshan nyid can sems dang sems las byung ba'i 'khor ba ba'i mig dang / rna ba dang / sna dang / lce dang / lus kyi rnam par shes pa'i ngo bo nyid kyis chos thams cad ni spros pa med pa nyid do/ /de la brtson 'grus kyi pha rol tu phyin pa nyid dang / don yod par grub pa la sogs pa'i dbye bas rnam pa du ma'i tshul du rnam par rtog pa ni spros pa'o/ /'khor ba'i chos thams cad kyang ji skad du bshad pa'i mig gi rnam par shes pa la sogs pa'i dbye bas sna tshogs pa'i tshul du rnam par rtog pa ni spros pa'o/ /ma spros pas na spros pa med pa ste de ltar gyur pa'o/ /chos thams cad spros pa med pa nyid kyis zhes bya ba la sogs pa la/ 'dir yang chos thams cad ni 'dod chags dang zhe sdang dang / gti mug gi chos thams cad kyi ngo bo nyid du ji skad du gsungs pa'o/ /de rnams kyi spros pa med pa ni ji skad du gsungs pa'i mtshan nyid can gyi chos thams cad spros pa med par gyur pa'o/ /chos thams cad spros pa med par gyur pa des shes rab kyi pha rol tu phyin pa spros pa med pa nyid du rig par bya'o zhes bya ba ste/ 'dod chags dang zhe sdang dang / gti mug gi chos thams cad ni dngos po med pa'i ngo bo nyid mngon sum du byas pa ni/ shes rab kyi pha rol tu phyin pa ste/ de nyid kyang chos thams cad kyi spros pa med pa nyid do/ /gang gi phyir de ltar yin pa des na chos thams cad ni spros pa med pa nyid do/ /shes rab kyi pha rol tu phyin pa spros pa med pa nyid du rig par bya zhing shes par bya ste/ chos thams cad kyi dngos po med pa'i ngo bo nyid gang yin pa de nyid ni shes rab kyi pha rol tu phyin pa dang dbyer med cing chad pa med do zhes bya ba'i don to/ /'di skad ston par 'gyur te/ 'dod chags kyi mnyam pa nyid rtog pas ni zhe sdang mi dmigs par 'gyur la/ zhe sdang mi dmigs pas ni gti mug mi dmigs te/ des kyang chos thams cad mi dmigs la/ chos thams cad mi dmigs pas shes rab kyi pha rol tu phyin pa mngon sum du byas par 'gyur te/ de nas rdo rje hU~M mdzad la sogs pa'i gzugs yang dag par bstan nas/ sngar gyi 'phen pa'i shugs las byung ba'i ma chags pa dang / mi sdang ba dang / ma rmongs pa'i tshul gyis phyi ma'i mthar thug pa'i bar du sems can rnams kyi don rdzogs par byed par 'gyur ro/ /lag na rdo rje gang la la zhes bya ba la sogs pas ni/ spro ba bskyed par bya ba'i phyir snga ma bzhin du phan yon ston par mdzad pa yin no/ /des zhes bya ba ni shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / sgom pa dang / rab tu bstan pas so/ /'dod pa dang / gzugs dang / gzugs med pa'i khams gcig tu bsdus pa ni khams gsum ste/ der skyes pa'i sems can ni khams gsum du skyes pa'i sems can no/ /de lta bu'i sems can de dag thams cad bsad kyang ngan song gsum du skye bar mi 'gyur ba ste/ kyang zhes bya ba'i sgras ni nyung zad cig bsad pas ni shin tu yang ngan song du skye bar mi 'gyur ro zhes ston pa yin no/ /ci'i phyir mi 'gyur zhe na/ 'dul ba'i dbang gi phyir zhes bya ba gsungs te/ 'dis sems can rnams 'dul bar 'gyur bas na 'dul ba ste/ gang g i bsam pa rnam par dag cing snying rje'i rang bzhin du gyur pa des ni sems can rnams ngan 'gro la sogs pa'i sdug bsngal las bsgral bar bya ba'i phyir byed pa'i sems kyi rin po che gang yin pa de'i dbang zhes bya ba nus pa rgyur gyur par bya ba'i phyir ngan 'gror skye bar mi 'gyur zhing myur du bla na med pa yang dag par rdzogs pa'i byang chub ces bya ba/ de bzhin gshegs pa rnams kyi ye shes rtogs shing mngon par rdzogs par sangs rgyas par 'gyur ba ste/ mngon sum du byed par 'gyur ro zhes bya ba'o/ /de ltar de nas ma rungs pa 'dul ba zhes bya ba nas brtsams te/ mngon par rdzogs par 'tshang rgya bar 'gyur ro zhes bya ba 'di'i bar gyi bshad pa don gzhan la dgongs pa'i tshul gyis ni dang po'i sbyor ba zhes bya ba'i ting nge 'dzin gsungs pa yin no/ /da ni de nas zhes bya ba la sogs pa khro bo'i dkyil 'khor gyi mchog ces bya ba'i ting nge 'dzin gsungs pa yin te/ de nas zhes bya ba'i sgras ni de ma thag pa'i don ston par byed pa'i tshig ste/ dang po'i sbyor ba'i rjes thogs nyid la zhes pa'o/ /lag na rdo rje ni rdo rje sems dpa'o/ /chos nyid 'di'i don zhes bya ba ni shes rab kyi pha rol tu phyin pa'i don bshad ma thag pa'o/ /rgya cher ston cing zhes bya ba ni hU~M zhes bya ba'i yi ge dang / sprul pa ston par mdzad cing gsal bar mdzad pa'o/ /'jig rten gsum las rnam par rgyal ba'i rdo rje zhes bya ba'i phyag rgya bcings nas zhes bya ba ni/ lag ngar rdo rjer byas nas ni/ /mthe'u chung lcags kyur bcing bar bya/ /mdzub mo gnyis kyis bsdigs nas ni/ /'jig rten gsum las rgyal zhes bya/ /zhes bya ba ni/ 'jig rten gsum las rnam par rgyal ba'i rdo rje zhes bya ba'i phyag rgya ste/ de bcings nas thugs ka'i phyogs su rdo rje dril bu 'bar ba rdo rje dang bcas pas bsdams nas snying po 'di gsungs so zhes bya bar sbyar ro/ /ji lta bu'i rdo rje'i snying po gsungs she na/ khro gnyer dang zhes bya ba la sogs pa gsungs te/ khro gnyer las byung ba'i dpral ba'i phyogs su bsnyer ba dang bcas pa ni gnyer ma'o/ /smin ma gnyis 'degs pa ni smin ma bteg pa ste/ de yang shes par zad do/ /khro gnyer dang bcas pa dang / smin ma bteg pa ni khro gnyer dang bcas shing smin ma bteg pa ste/ de gnyis dang lhan cig gnas pa ni/ khro gnyer dang bcas shing smin ma bteg ste 'bar bar lta ba zhes bya'o/ /sems can tshar gcod pa'i phyir zhe sdang ni khro zhing zhes bya'o/ /gzhan dag skrag par bya ba'i phyir cung zad dgod par ni dgod pa'o/ /zhal las mche ba cung zad bton nas gnas pa ni mche ba cung zad gtsigs pa ste/ de ltar na tshul de lta bus 'bar bar lta ba la/ pad+ma'i gdong khro ba dang bcas pas dgod cing mche ba cung zad gtsigs pas 'jigs su rung ba'i zhal gyi pad+ma gang la mnga' ba 'di la de skad ces bya ste/ phyag na rdo rje/ /de ni de lta bur gyur pa 'ba' zhig tu yang ma zad kyi/ g.yon brkyang ba'i tshul du gnas pas gnas nas zhes bya ba ste/ g.yon pa'i byin pa brkyang nas/ pus mo g.yas pa dgug pa'i tshul gyis gnas pa las bar du mtho lngas chod par 'jog pa 'di ni/ g.yon brkyang ba'i gnas pas gnas pa'i mtshan nyid do/ /des bzhugs pas na g.yon brkyang ba'i tshul du gnas pas gnas nas zhes bya ba'o/ /de ltar bzhugs nas/ ming ji skad ces bya ba'i snying por gsungs she na/ rdo rje hU~M zhes bya ba gsungs te/ rdo rje ni byang chub chen po'i mtshan nyid kyi sems te/ stong pa nyid ni rdo rjer bshad/ ces gsungs pa'i phyir ro/ /de las byung ba'i khro bo ni rdo rje hU~M mdzad de/ de ston par byed pa'i sgra hU~M gi gzugs can yang rdo rje hUM mdzad yin no/ /ming de skad ces btags pa'i nges pa'i ye shes dang / de ston pa'i sgra'i gzugs can ni snying po'o/ /'di zhes bya ba ni blo la bzhag nas smras pa'o/ /gsungs so zhes bya ba ni bka' stsal par gyur pa'o/ /hU~M zhes bya ba ni ha dbyangs kyi yi ge lnga pa dang bcas pa la thig le dang ldan pa ni rdo rje hU~M mdzad yin par shes par bya'o/ /de nas 'di gsungs pa tsam gyis zhes bya ba ni hU~M zhes bya ba gsungs pa tsam gyis te/ bcom ldan 'das phyag na rdo rjes bka' stsal pa tsam gyis so/ /'jig rten gsum po thams cad kyi/ /zhes bya ba ni/ phyogs bcu na gnas pa'i 'dod pa'i khams la sogs pa ste/ khams gsum po ma lus pa de dag thams cad las/ dbang phyug chen po la sogs pa nas/ chu lha'i mthar thug pa'i bar du'o/ /'jig rten gsum po ni sa 'og dang / sa steng dang / mtho ris pa ste/ sa la gnas pa'i 'jig rten pa dang / lha yul na gnas pa'i 'jig rten dang / bar snang la gnas pa'i 'jig rten no/ /de la gang bdag por gyur pa'i rgyal po rnams ni 'jig rten gsum gyi bdag po rnams so/ /yang dag par bkug ste zhes bya ba ni phyogs bcu dag nas bkug pa'o/ /ltung bar mdzad nas zhes bya ba ni/ de nas ltung bar mdzad nas dkyil 'khor du bcug pa'o/ /mtshan ma med par byas pa ni rnam par rgyal bar mdzad pa ste/ rdo rje lcags sgrog gis bcings nas/ rdo rje 'bebs pas phab ste dpang du byas nas btags te/ rang dbang du mdzad nas btul zhing rjes su btul te/ ltung bar byas pa las blangs nas rdo rje lcags sgrog gis bcings te/ slar yang dam tshig gis bcings nas/ gsum la skyabs su 'gro ba dang / byang chub tu sems bskyed pa dang / sems can gyi don yongs su mi gtong ba la bzhag par gyur to zhes bya ba'i don to/ /dbang phyug chen po u ma dang bcas pa rnam par sbyang bar bya ba'i phyir/ bcom ldan 'das kyi zhabs gnyis kyis mnan par mdzad pa ste/ lhag ma rnams ni go sla'o/ /de nas rdo rje khro bo'i rdo rje las zhes bya ba la sogs pa la hU~M zhes bya ba gsungs pa'i rjes thogs nyid la/ bcom ldan 'das kyi phyag na gnas pa'i rdo rje rtse bzhi pa 'bar ba las ji skad du bshad pa'i rang bzhin can gyi khro bo chen po rnams byung nas/ dang po'i dkyil 'khor gyi tshul gyis bzhugs so zhes bya bar sbyar ro/ /de rnams kyi khyad par du bya ba ni phyag na rdo rje dang 'dra ba la zhes bya ba la sogs pa yin te/ phyag na rdo rje zhes bya ba rdo rje hUM mdzad dang 'dra ba'i bdag nyid kyi sku gang la mnga' ba de la de skad ces bya'o/ /bdag nyid kyi dngos po 'ba' zhig phyag na rdo rje dang 'dra bar ma zad kyi/ kha dog dang rgyan dang mtshon cha sna tshogs pa bsnams pa zhes bya ste/ sku mdog sngon po dang / ser po dang / dmar po dang / ljang gu dang / dkar po ste/ kha dog sna tshogs pa dang / gdu bu dang / rna rgyan dang / dpung rgyan dang / cod pan la sogs pa rgyan rnam pa sna tshogs dang / rdo rje la sogs pa'i mtshon cha rnams te/ de lta bu'i sna tshogs shing tha dad pa bsnams pa dang / de dag de lta bu'i tshul can 'ba' zhig tu yang ma zad kyi/ rnam par 'gyur zhing rdo rje mche ba gtsigs pa/ tshems kyi sgros gnon pa smin ma mi bzad cing khro gnyer bsnyer ba/ spyan dang dbu skra dang ag tshom 'bar ba dang / zhal 'jigs pa zhes bya ba ste/ rnam par 'gyur ba'i mche ba g.yo la/ rdo rje ltar mi phyed pa'i mche ba ni rnam par 'gyur ba'i rdo rje mche ba zhes bya'o/ /de dag gis gtsigs shing shin tu khro bas tshems kyi sgros gnon pa ste/ ma mchu mnan pa gang yin pa de la de skad ces bya'o/ / smin ma mi bzad cing khro gnyer bsnyer bas 'jigs su rung ba gang yin pa de la de skad ces bya'o/ /de bzhin du spyan dang / dbu skra dang / ag tshom 'bar bas zhal 'jigs pa dang bcas shing 'jigs su rung ba gang yin pa de la de skad ces bya ste/ smin ma mi bzad pa dang / khro gnyer bsnyer ba yang yin la/ spyan dang dbu skra dang / ag tshom 'bar ba dang / zhal 'jigs pa yang yin pas na/ smin ma mi bzad pa'i khro gnyer bsnyer ba/ spyan dang / dbu skra dang / ag tshom 'bar ba/ zhal 'jigs pa zhes bya ba la/ rnam par 'gyur ba'i rdo rje mche ba gtsigs pa/ tshems kyi sgros gnon pa ni yang khyad par gyi mtshams sbyor ba'o/ /rdo rje dang zhes bya ba la sogs pa la/ rdo rje ni rtse mo bzhi pa'i rdo rje 'bar ba'o/ /lcags kyu ni rdo rjes mtshan pa'o/ /zhags pa ni shes par zad do/ /mtshon cha zhes bya ba ni/ tshig snga ma rnams dang / tshig 'og ma rnams la re re zhing yang sbyar bar bya'o/ /dbyig pa dang / ral gri dang / kha T+wAM ga dang / gri rings dang / chu gri ni go bar zad do/ /de dag ni phyag na bsnams pa gang yin pa de la de skad ces bya'o/ /khro bo chen po hUM mdzad ces bya ba ni/ bcom ldan 'das rdo rje hUM mdzad kyi phyag na bsnams pa'i rdo rje las 'byung ste/ bcom ldan 'das phyag na rdo rje zhes bya ba rdo rje sems dpa'i dang po'i dkyil 'khor gyi tshul gyis bzhugs shing gnas par gyur to/ /lha la sogs pa de rnams kyang zhes bya ba ni/ khyab 'jug nas brtsams te/ chu lha'i bar du phyi'i dkyil 'khor gyi khyams kyi nang du rim gyis gnas par bya'o/ /ci zhig byas nas gzhag par bya zhe na/ rang gi dkyil 'khor gyis byin gyis brlabs nas zhes bya ba gsungs te/ lha la sogs pa de dag rang gi dkyil 'khor la gnas pa'i khro bo'i cha lugs la zhugs nas/ rang gi dkyil 'khor las bkug ste/ phyi'i dkyil 'khor gyi khyams kyi nang du gzhag par bya'o/ /gdon la sogs pa de dag kyang zhes bya ba ni/ srin po la sogs pa'i gdon rnams nas brtsams te/ nad dang yams dang rims dang / dug dang / ngan song la sogs pa thams cad do/ /dkyil 'khor gyi phyi rol na gnas so zhes bya ba ni/ phyi'i dkyil 'khor bskor nas kun du gnas so zhes bya ba'i don to/ /de nas phyag na rdo rje zhes bya ba nas brtsams te/ phyi rol na gnas so zhes bya ba'i bar gyi don gzhan pa'i dgongs pas ni khro bo'i dkyil 'khor gyi mchog ces bya ba'i ting nge 'dzin gnyis pa gsungs pa yin no/ /de nas 'dus pa sngon du 'gro ba ni gsum pa yin par shes par bya'o/ /dbang bskur ba dang dam tshig thob pa rnams kyi bzlas brjod dang bsgom par bya'o zhes bya ba'i tshig 'di'i don bstan par bya ba'i phyir/ de nas zhes bya ba la sogs pas slob dpon gyi las kyi cho ga dang slob ma zhugs pa la sogs pa'i cho ga rgyas par gsungs pa yin no/ /de nas zhes bya ba ni de ma thag par ston pa'i tshig ste/ sngar bsnyen pa byas pa'i rjes thogs nyid la'o/ /bcom ldan 'das zhes bya ba ni rdo rje hU~M mdzad do/ /de bzhin gshegs pa thams cad kyi thugs rje chen po ni mi dmigs pas sems can thams cad la khyab par mdzad pa'o/ /de las byung ba'i thabs kyi khro bo'i gzugs can ni khams gsum rnam par rgyal ba la sogs pa'i khro bo'i tshul te thun mong ngo / /de la dmigs pa ni rdo rje dang 'dra bar mi phyed pa gang yin pa de la ming de skad ces bya ste/ ting nge 'dzin de la snyoms par zhugs pa ni mngon sum du mdzad pa'o/ /khams gsum po mtha' dag ni khams gsum ma lus pa'o/ /de las gang gi rnam par rgyal bar byas pa ni de na gnas pa'i dbang phyug chen po la sogs pa rang dbang du byas pa de ni khams gsum po mtha' dag las rnam par rgyal ba rdo rje ste rdo rje'i rigs so/ / de'i byin gyis brlabs pa ni dkyil 'khor chen po ste/ de skad ces bya ba'i ming gang la yod pa de gsungs pa'o/ /'di zhes bya ba ni blo la gzhag pa'i dkyil 'khor ro/ /gsungs so zhes bya ba ni smras pa ste/ dkyil 'khor gyi rnam pa la thugs rtse gcig tu mdzad nas/ dkyil 'khor gsungs so zhes bya ba'i don to/ /'dis ni dkyil 'khor bsgoms pas mtshan ma thob nas dkyil 'khor bri bar bya'o zhes ston pa yin no/ /de nas zhes bya ba ni bshad ma thag pa'i don ston pa ste/ sngon du bsnyen pa'i mtshan ma thob pa'i rnal 'byor pas ji skad bshad pa'i dkyil 'khor gyi dbus su 'dug ste/ ting nge 'dzin gsum rnam par bsgom pa'i rjes thogs nyid la'o/ /de bas na zhes bya ba ni rgyu ste/ gang gi phyir dkyil 'khor du ma zhugs par skal ba med pa'i sems can la sangs rgyas dang byang chub sems dpa' rnams bstan pa'i skal ba yod pa ma yin no/ /de bas na skal ba med pa de rnams kyi bag chags bskyed par bya ba'i phyir/ yang dag cing phyin ci ma log par phul du byung bas legs par bshad par bya'o zhes pa'o/ /de gang zhe na rdo rje dkyil 'khor zhes bya ba gsungs te/ rdo rje chen po'i rigs dang dbyer mi phyed pas na rdo rje ste de'i dkyil 'khor ro/ / khyad par ji lta bu zhe na/ dam pa ste zhes bya ba ste/ sems can ma rungs shing gdug pa rnams gdul bar bya ba'i phyir/ gnyis su med pas na dam pa ste mchog go/ /ming ji skad du bya zhe na/ khams gsum rnam par rgyal ba zhes bya'o/ /las ci zhig byed ce na/ gdug pa chen po 'dul bar byed pa'o zhes bya ste/ 'dis gdug pa rnams 'dul bas na 'dul ba'o/ /phyogs bcu thams cad du khyab pas na chen po ste/ 'dul ba yang yin la chen po yang yin pas na 'dul ba chen po ste/ bcom ldan 'das rdo rje hU~M mdzad do/ /de dkyil 'khor chen po gang du 'dul ba mdzad pa de ni gdug pa chen po 'dul byed pa zhes bya ba ste/ gdug pa thams cad rang gi bka' la nges par sbyar ba zhes bya ba'i don to/ /dkyil 'khor dang po'i sbyor ba yis/ /phyi yi dkyil 'khor bri bar bya/ /zhes bya ba ni rdo rje sems dpa'i dkyil 'khor chen po'i dbyibs kyi phyi ma'i dkyil 'khor 'di dag thams cad bri bar bya'o/ / de yi nang gi dkyil 'khor ni/ /dkyil 'khor brgyad pa dag dang mtshungs/ /zhes bya ba ni bshad ma thag pa'i phyi'i dkyil 'khor de'i nang du ste/ dbus su 'khor lo'i dkyil 'khor ji skad du bshad pa dkyil 'khor brgyad pa dang mtshungs shing 'dra bar bri bar bya ste/ phyi'i dkyil 'khor gyi phyed kyi tshad la ji skad du bshad pa'i ka ba brgyad dang ldan pa/ rdo rje'i phreng ba zlum pos bskor ba'i dkyil 'khor bri bar bya'o zhes bya ba'i don to/ /de yi dbus su khro bo che/ /phyag na rdo rje gzhag par bya/ /zhes bya ba ni/ dkyil 'khor brgyad pa dang mtshungs pa'i dbus ma'i dkyil 'khor de'i dbus su bcom ldan 'das rdo rje hU~M mdzad hU~M zhes bya ba zlos shing nam mkha'i phyogs las phab ste/ lugs ma dang / brkos ma la sogs pa'i gzugs brnyan dang lhan cig gcig tu gzhag par bya'o/ /de ji lta bur dgod par bya zhe na/ sangs rgyas phreng ba la sogs pas spras zhes bya ba la sogs pas khyad par du byas pa yin te/ sangs rgyas dang / rin po che dang / pad+ma dang rdo rje 'bar brtse bzhi pa'i phreng ba la sogs pa dang ldan pa'i dbu rgyan dang / gzhan dag gdu bu dang / snyan cha la sogs pas brgyan pa ni/ sangs rgyas phreng ba la sogs pas spras zhes bya'o/ / ut+pal sngon po'i mdog 'dra ba/ /zhes bya ba ni sku mdog ut+pal sngon po dang 'dra ba'o/ /zhal ni cung zad mche ba gtsigs/ /zhes bya ba ni/ mche ba cung zad byung ba ni mche ba cung zad de/ de gnyis gtsigs pa'i zhal dang bcas pa gang yin pa de la de skad ces bya'o/ /khro ba dang bcas par gnas pas na khro bcas te/ zhe sdang dang bcas pa zhes bya ba'i don to/ /khro bo dang bcas pa yang yin la/ bzhad pa'i zhal mnga' ba yang yin pas na khro bcas bzhad pa'i zhal mnga' ba'o/ /g.yon brkyang ba ni bshad zin to/ /des mdzes par gyur pa'i gnas pa gang yin pa de ni g.yon brkyang bas legs par bzhugs pa zhes bya'o/ /rdo rje khu tshur gnyis las byung ba'i rdo rje dril bu dang bcas pa ni/ khams gsum rnam par rgyal ba ji skad du bshad pa'i mtshan nyid can ni rdo rje hU~M mdzad do/ /de gang gis bsdus shing bcings pa de ni rdo rje hU~M mdzad bsdus pa'o/ /g.yon gyi zhes bya ba la sogs pa ni go sla'o/ /'bar phreng 'khrigs pa'i 'od ldan pa/ /zhes bya ba ni/ mched cing 'phro ba ni 'bar ba'o/ /de'i phreng ba ni 'bar ba'i phreng ba ste/ de nyid phan tshun du 'gro bas na la 'khrigs pa'i 'od gang yin pa de la de skad ces bya'o/ /'bar ba'i phreng bas kun du 'khrigs par gyur pa nyid kyis 'od dang ldan zhing 'bar bar gyur la rab tu 'bar bas na 'od dang ldan pa'o/ /de lta bur gyur pa'i/ sa sogs bcas pa'i khams rnams kyis/ /khro bo kun du gzhag par bya/ /zhes bya ba ste/ de'i phyogs dang mtshams rnams su rdo rje 'dzin pa la sogs pa'i khro bo brgyad sa la sogs pa dang bcas pa'i khyams las byas pa hU~M nyid kyis gzhag par bya'o/ /gang gi phyir lha thams cad kyi sngags ni 'dir yi ge hU~M zhes bya ba yin pa'i phyir/ /'bar phreng 'khrigs pa'i 'od ldan pa/ /zhes bya ba ni go bar zad do/ /'khor lo de yang zhes bya ba la sogs pa ni go sla'o/ /slar yang gsal bar bya ba'i phyir/ bri ba'i cho ga bshad par bya ste/ bcom ldan 'das rdo rje hU~M mdzad kyi sbyor bas rnal 'byor chen po byas la/ dam tshig gsum bsgom pa nas brtsams te/ dkyil 'khor 'di ji srid du mngon sum du mthong bar gyur pa'i bar du bsgom par bya'o/ /de nas ji skad du bshad pa'i dkyil 'khor gyi dbus su dam tshig gsum bsgoms la/ bar snang gi phyogs su snga ma bzhin du yang dag par gzhag par bya ste/ nyi ma 'char ba'i dus su legs par thig gdab par bya'o/ /'di'i phyi'i dkyil 'khor ni rdo rje sems dpa'i dkyil 'khor dang 'dra'o/ /de'i nang du de'i phyed kyi tshad kyi thig rdo rje zlum por dkyil 'khor brgyad pa dang 'dra ba rdo rje 'bar ba 'od kun du 'khrigs par phyi dang nang du bcas pa'i dkyil 'khor bri bar bya'o/ /de nas lha thams cad kyi gnas su sna tshogs pad+ma'i gdan byas pa'i dbus su rdo rje hU~M mdzad ji skad du bshad pa bzhag la/ de'i shar phyogs kyi cha la rdo rje yid las byung ba'i gnas su khro bo rdo rje 'dzin pa sku mdog dmar po/ lhor kI li kI la'i gnas su lcags kyu 'dzin pa sku mdog ljang gu /nub tu rdo rje dran pa'i gnas su ral gri 'dzin pa sku mdog sngon po/ /byang du rdo rje bsnyems pa'i gnas su zhags pa 'dzin pa sku mdog ser po dgod par bya'o/ /shar lho la sogs pa'i mtshams rnams su dbyig pa dang / kha T+wAM ga dang / gri rings dang / chu gri 'dzin pa'i khro bo rnams rim bzhin du rdo rje 'dzin pa la sogs pa dang sku mdog mthun par bri bar bya ste/ de dag thams cad kyang g.yon brkyang ba'i gnas pas bzhugs pa la/ g.yon pa khro bo'i khu tshur thugs ka'i phyogs su bzhag nas sdigs mdzub bsgreng ba la brtson pa/ g.yas pa rdo rje khu tshur gyis rang gi mtshan ma bsdams shing stang stabs dang bcas pa bzhugs pa'o/ /phyi'i mtshams bzhi'i lha'i snam bu la sgeg mo la sogs pa'i khro mo bzhi de bzhin du bri bar bya'o/ /shar phyogs kyi sgor mda' dang gzhu/ lho'i sgor ral gri/ nub tu rdo rje/ byang gi sgor mdung rtse gsum pa dgod pa'o/ /phyi'i dkyil 'khor gyi khyams su dbang phyug chen po chung ma dang bcas pa ma gtogs par rdo rje sems dpa'i dkyil 'khor gyi tshul gyis 'dod pa'i khams kyi dbang phyug la sogs pa nas chu lha'i mthar thug pa'i bar du bri bar bya ste/ 'dir thams cad kyang hU~M zhes bya bas yang dag par dgod par bya'o/ /khyams kyi phyi rol du dkyil 'khor gyi nye 'khor kun du phreng ba sna tshogs dang ba dan sngon po dril bu btags pa rtse mo sna tshogs pas bskor bar gzhag par bya'o/ /de nas 'jug pa zhes bya ba ni/ yang dag par de ltar bris nas dkyil 'khor rdzogs pa dang / cho ga thams cad kyi dkyil 'khor gang dag tu 'das ma thag pa'i cho ga thams cad kyis 'jug na/ 'dir slob dpon ji ltar 'jug par bya zhe na/ sngon po zhes bya ba la sogs pa gsungs te/ kha dog sngon po dang ldan pa'i ras zung blangs la/ gcig gis smad g.yogs bya/ gnyis pas stod g.yogs byas la/ gsum pas ze'u kha bcings pa ste/ de ltar gos sngon po bgos par gyur nas zhugs na/ bcom ldan 'das kyis rdo rje slob dpon byin gyis rlob par 'gyur ro zhes bya bar sbyar ro/ /de lta bur byas pa 'ba' zhig tu yang ma zad kyi khros pas zhes bya ba ste/ dpal rdo rje khro bo hU~M mdzad kyi nyams dang ldan pa ni khros pa'o/ /de yang rdo rje bsdams pa nang du bcings la sor mo rnams nang du 'bar ba lta bur bzhag ste/ mthe bong rdo rje bsgreng ba 'di ni rdo rje dam tshig gi phyag rgya ste/ de 'dzin cing bdag gir byed pa gang yin pa de ni rdo rje dam tshig gi phyag rgya yongs su 'dzin pa ste/ dam tshig phyag rgya bcings pa dang bcas pas dpal rdo rje hU~M mdzad du bdag nyid lhag par mos par bya'o zhes bya ba'i don to/ /de ltar dam tshig gi phyag rgya bcings pa dang bcas pa'i rdo rje hU~M mdzad kyi nga rgyal dang ldan par gyur pas/ dkyil 'khor 'dir gzhug pa'i rnal 'byor pa la ni/ bcom ldan 'das rdo rje hU~M mdzad kyis rdo rje rigs kyi slob dpon du byin gyis rlob par mdzad do/ /deng nas brtsams te zhes bya ba ni/ dkyil 'khor du 'jug pa de nas nye bar bzung ste/ sdig pa thams cad las rnam par grol zhing zhes bya ba mtshams med pa la sogs pa sdig pa thams cad dang bral zhing mi gsod par 'gyur ro/ /de nyid kyis ni mi tshugs pa ste/ zil gyis mi non pa dang / khams gsum thams cad na spyod pa'i dbang phyug chen po la sogs pa yang hU~M zhes bya ba tsam gyis tshar gcod par nus pa dang / phan 'dogs par nus pa ste/ de dag nyid la bde ba dang yid bde ba ster bas na phan 'dogs pa dang / dpal rdo rje hU~M mdzad dang 'dra bar thams cad las rgyal ba dang / 'jig rten gsum po thams cad las rnam par rgyal bar 'gyur zhing / hU~M zhes bya ba tsam gyis dbang phyug chen po la sogs pa rang dbang du byed pa'i phyir ro/ /dngos grub thams cad 'grub par 'gyur ro zhes bya ba ni phyag rgya chen po'i dngos grub thob par 'gyur ba'o/ /slob dpon gyi las kyi cho ga'o/ /de nas slob ma de bzhin du bcug ste zhes bya ba ni slob dpon gyi las kyi cho ga'i 'og tu rang gi 'jug pa'i tshul gyis slob ma gzhug par bya ste/ bcug nas de'i 'og tu de rnams la hU~M zhes bya ba sbyin no/ /ji ltar 'dir snying po sbyin par bshad pa de bzhin du rdo rje sems dpa' la sogs pa'i rigs kyi dkyil 'khor thams cad du yang shes par bya'o/ /de nas rdo rje rnon po rtse bzhi pa 'bar ba sbyin la zhes bya ba ni dbu rgyan gyi dbang bskur ba'i 'og tu rdo rje rnon po rtse bzhi pa 'bar ba hU~M zhes bya bas sbyin par bya ste/ hU~M zhes bya bzlos shing / rdo rje ming gi dbang bskur bas dbang bskur bar bya'o/ /de ltar dbang bskur nas dngos grub kyi rdo rje brtul zhugs sbyin par bya ste zhes bya ba ni/ 'di ni zhes bya ba la sogs pas sbyin par bya'o/ /de nas de bzhin du dbyung bar bya'o zhes bya ba ni rdo rje sems dpa'i dkyil 'khor chen po las bshad pa bzhin du cho ga rnams rjes su spyad la/ dkyil 'khor nye bar bsdu ba ji lta ba bzhin du bya ste dbyung bar bya'o zhes bya ba'i don to/ /'di dag gi don slar yang bshad par bya ste/ de ltar dkyil 'khor bris nas ji skad du bshad pa'i bcom ldan 'das rdo rje hU~M mdzad kyi sbyor ba dang / yang rang gi sbyor bas rnal 'byor chen po byas la 'jug pa'i dam tshig gi phyag rgyas yongs su bzung ba'i rdo rje dang / me tog gi yal ga las rnam par rgyal ba'i bum pa dang / lha thams cad kyi bum pa dang / bum pa gang ba rnams la hU~M zhes bya ba re re zhing lan brgya rtsa brgyad yongs su bzlas la dkyil 'khor gyi sgo bzhi phye ste/ rdo rje bsdu ba byas nas/ bcom ldan 'das kyi phyag rgya chen po bsgom zhing / mtshan brgya rtsa brgyad pas yang dag par bstod de/ gsang ba'i lcags kyu dang / hU~M zhes bya bas bcom ldan 'das 'khor dang bcas pa dkyil 'khor du bcug la/ rdo rje gnod sbyin gyis bgegs bskrad ba dang / mtshams dang dkyil 'khor bcing ba dang / rab dang dra ba dag byas nas rdo rje khu tshur gyis dkyil 'khor gyi sgo bzhi bcings la/ rdo rje bsrung bas bsrung ba thams cad go cha bskon te/ hU~M zhes bya bas mchod yon phul la/ dam tshig gi phyag rgyas hU~M dr-i sh+ya dzaHhUM boM hoHsa ma ya s+t+waM/ sa ma ya s+t+waM a hoM hUM/ zhes bya bas bsgrub par bya ste/ 'jug pa'i phyag rgya nyid ni dam tshig gi phyag rgya'o/ /de nas rang gi lce la rdo rje bsam zhing bcom ldan 'das rdo rje hU~M mdzad la sogs pa'i ljags la hU~M bsam par bya ste 'di ni chos kyi phyag rgya'o/ /a zhes bya ba rang gi snying gar sna tshogs rdo rje bsams la/ bcom ldan 'das rdo rje hU~M mdzad la sogs pa'i las kyi phyag rgya hU~M zhes bya ba nyid zlos shing bstan par bya'o/ /rdo rje khu tshur gnyis bcings te/ g.yon pa'i khu tshur gyis snyims pa byas la g.yas pas rdo rje gsor ba 'di ni bcom ldan 'das rdo rje hU~M mdzad kyi las kyi phyag rgya'o/ /gzhan rnams ni phyag rgya chen po nyid dang 'dra'o/ /de nas rdo rje dril bu dang / rdo rje rtse bzhi pa blangs la bris pa dang / rjes su mthun par rdo rje hU~M mdzad kyi phyag rgya chen por bsam pa dang / gzhan rnams kyi yang bsam par bya'o/ /de nas rdo rje sems dpa'i dbang bskur bas/ rdo rje phreng ba gsum gyis dbang bskur ba dang / bcom ldan 'das rdo rje hU~M mdzad dbang bskur bar bya zhing rdo rje 'dzin pa la sogs pa ni sangs rgyas lnga'i cod pan gyi rdo rje phreng ba'i dbang bskur ba'i phyag rgya dag gis dbang bskur ro/ /de nas de bzhin du mchod yon phul la bum pa dang bum pa gang ba dang / na bza' dang bla re la sogs pa phul la/ me tog gi shing la sogs pa mchod pa rnam pa lnga'i mchod pa byas la/ phyi rol du glu dang gar dang rol mo dang / rta dang glang po che dang / ba lang gi chu rnams kyis kyang mchod par bya'o/ /de nas khro bo'i mtshon cha la sogs pa mchod pa rnam pa bcu gnyis kyis yang dag par mchod pa/ yid kyi mchod pa byas te/ phyi rol du gtor ma byin la sbyin sreg bya'o/ /de nas ras sngon po la rdo rje gnod sbyin yongs su bzlas te/ de nas smad g.yogs dang stod g.yogs ze'u kha dag byas la/ yang gcig la rdo rje lcags kyu dang / zhags pa dang / lcags sgrog dang 'bebs pa yongs su bzlas pas rang gi gdong g.yogs te/ phyag 'tshal ba la sogs pa sngon du 'gro bas sdom pa gzung bar bya'o/ /de nas de bzhin du byang chub tu sems bskyed de/ rdo rje rtse bzhi pa 'bar ba snying gar de bzhin du gzhag la/ snga ma bzhin du shar sgo la mngon par phyogs pa'i phyi rol na gnas pa'i bum pa'i chus bdag nyid dbang bskur nas 'jug pa'i dam tshig gi phyag rgya bcing la de nyid kyis me tog gi phreng ba blangs te/ badzra badzra hU~M zhes zlos shing dkyil 'khor du 'jug par bya'o/ /shar phyogs kyi sgor oM badzra aM ku sha ma hA kro d+ha A kaR+Sha ya sarba sa ma yA hU~M dzaHzhes bya ba dang / rdo rje lcags kyus bdag nyid dgug par bya'o/ /lhor oM badzra pA sha ma hA kro d+ha pra be sha ya sarba sa ma yA hUM hU~M zhes bya ba dang gzhug bar bya'o/ /nub tu oM badzra s+phoT ma hA kro d+ha ban+d+ha ban+d+ha sarba sa ma yA hU~M baM zhes bya bas bcing bar bya'o/ /byang phyogs kyi sgor zhugs te/ oM badzra A be sha ya ma hA kro d+ha A be sha ya sarba sa ma yA hU~M a zhes bya bas bdag nyid dbang du bya'o/ /de nas shar phyogs kyi sgo nas dkyil 'khor du zhugs la/ ma hA ra ta/ su dr-iD+ha/ su to Sho/ su su kho/ badzra satwa/ Ad+ya sid+d+h+ya maM/ zhes brjod par bya'o/ /de nas rdo rje gsor zhing khros pas khro gnyer dang 'dzum pa dang bcas pas phyag bya'o/ /de nas slob dpon cher khros shing / /rdo rje can gyi slob ma mchog /rdo rje hU~M mdzad sdigs mdzub dang / /hU~M zhes bya bas rab tu sbyar/ /rdo rje snyems pa 'dzin gyur cing / /khro bos 'dul ba de lta bus/ /rdo rje 'dzin chen mnyes 'gyur zhing / /dgyes pa yang ni rab tu 'gyur/ /yang 'jug pa'i phyag rgya bcings te/ bskor ba lan gsum byas la/ bcom ldan 'das kyi spyan sngar 'dug ste/ 'di skad du zhes brjod par bya'o/ /'dod chags chen po bde ba che/ /rdo rje chen po nor che zhing / /ye shes chen po las che ba/ /rdo rje sems dpar deng bdag 'grub/ /dzaHhU~M baM hoHpra sid+d+h+yA maM/ de nas rdo rje'i chu 'thungs la bdag nyid la dbab par bya ste/ a zhes bya ba lan brgya bzlas la/ yang rdo rje dbab pa'i dam tshig gi phyag rgya bcings nas/ badzra A be sha a/ zhes lan brgya rtsa brgyad brjod par bya'o/ /de nas yang g.yon pa'i khro bo'i khu tshur gyis sems ma rdo rje'i phyag rgya phye la/ hU~M a zhes bya ba lan brgya brjod na 'bab par 'gyur ro/ /de nas hU~M zhes bya bas me tog dor ro/ /de nas blangs la hU~M nyid kyis rang gi mgo la bcing bar bya'o/ /de nas de ltar babs par gyur pa dang / 'di ltar gdong g.yogs hU~M zhes bya ba nyid kyis dgrol bar bya'o/ /de nas hU~M mdzad kyi phyag rgya chen po bcings la/ bcom ldan 'das la khro bo'i lta bas blta zhing / ji srid bcom ldan 'das kyis zhal bstan nas dngos grub thams cad stsal ba de srid kyi bar du bzlas brjod bya'o/ /de nas rdo rje thal mos bskor bas shis pa rjod par byed pa'i tshul du rang gi snying gar bzhag la/ mtshan brgya rtsa brgyad pas bstod pa byas nas/ khro bo'i mtshon cha la sogs pa gsang ba'i mchod pa rnam pa bzhis bcom ldan 'das 'khor dang bcas pa yang dag par mchod la glu dang gar dang rol mo'i mchod pas yang dag par mchod par bya'o/ /de nas yang phyag rgya chen por bsams la/ bcom ldan 'das la khro bo'i lta bas blta zhing / rdo rje thal mos bskor bar phyag byas la/ me tog la sogs pa'i dbang bskur ba rnams kyang blang bar bya'o/ /de la dang po'i kho nar dam tshig gi phyag rgyas yongs su bzung ba'i rdo rje dang / me tog gi yal ga las rnam par rgyal ba'i bum pa la sngags 'di bzlas brjod nyi shu rtsa gcig bya ste/ oM ma hA su kha zhes bya ba la sogs pa sngar bshad pa'i bum pa'i sngags bzlas brjod bya'o/ / de nas bdag nyid rdo rje hU~M mdzad du byin gyis brlabs la/ dam tshig gi phyag rgyas rnal 'byor chen po las bshad pa'i gnas rnams su rang gi lus la rdo rje hU~M mdzad la sogs pa yang dag par bzhag la/ phyi'i dkyil 'khor gyi nang du sna tshogs pad+ma'i steng du dbang phyug chen po chung ma dang bcas pa bris te/ de gnyis kyi steng du rdo rje hU~M mdzad kyi phyag rgya chen po g.yon brkyang ba'i gnas pas gnas par bsams la 'dug ste/ me tog la sogs pas bdag nyid yang dag par mchod la mchod yon blangs te/ mtshan brgya rtsa brgyad kyis bstod nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa hU~M zhes bya ba dang / des bdag nyid dbang bskur bar bya zhing chu de btung bar yang bya'o/ /de nas yang sangs rgyas kyi phreng ba'i dbang bskur ba'i phyag rgyas dbang bskur ba blangs pa la/ rin po che dang / pad+ma dang / rdo rje'i dbang bskur ba snga ma bzhin du blang bar bya'o/ /de nas lugs ma'am/ brkos pa'am/ byas pa'am/ bris pa'i dbu rgyan sangs rgyas dang / rin po che dang / pad+ma dang / rdo rje'i phreng ba dang bcas pas phreng ba de bcings la re re zhing bzlas brjod brgya rtsa brgyad bya zhing rdo rje rin chen yang bzlas la des bdag nyid dbang bskur ba dar dpyangs dang bcas pa byas te/ rdo rje 'bar ba dang bdag po dang / ming gi dbang bskur ba blang bar bya'o/ /de nas dngos grub kyi rdo rje'i ba rtul zhugs blang bar bya ste/ 'di ni gdug pa 'dul byed pa'i/ /phyag na rdo rje'i rdo rje ste/ /ma rungs thams cad 'dul ba la/ /khyod kyis kyang ni rtag tu bcang / / de nas phyi'i mchod pa rnams kyis bdag nyid yang dag par mchod la/ khro bo'i mtshon cha'i phyag rgya rnams kyis kyang mchod par bya'o/ /de ltar bdag nyid mchod nas/ de kho na nyid kyis rdo rje gzung bar bya zhing / rtag tu 'dod chags las byung khro/ /rdo rje sems dpas 'dul ba'i phyir/ /rdo rje me ltar 'bar ba yang / /rab tu 'jigs pa'i snying po yin/ /zhes bya ba ni de kho na nyid do/ /thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam rnal 'byor pas/ /'di dag thams cad myur du bsgrub/ /ces bya ba ni chos te 'dis dril bu dkrol bar bya'o/ / de nas 'dis dam tshig gi phyag rgya chen por byin gyis brlabs la/ hU~M zhes bya ba zlos shing / thams cad nam mkha' mchog sbyor bas/ /thams cad nam mkha' zhes smra zhing / /rdo rje phyag rgyas rgyas btab la/ /khams gsum yang ni bza' bar bya/ /zhes bya ba ni dam tshig go/ / de nas bcom ldan 'das la phyag byas la sngags bzlas nas/ tshigs su bcad pa lnga pos rjes su gnang ba dang / gzengs bstod pa dang / lung bstan pa yang bcom ldan 'das las mnos la yang bdag la byin gyis brlab pa la sogs pa dang / bzlas brjod byas nas phyag byas la/ 'di skad ces brjod par bya ste/ bdag ming 'di zhes bya ba yi/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /de nas slob ma rnams gzhug par bya ste/ slob dpon gyi las kyi cho ga'o/ /de nas rang gi sdom pa sbyin par 'os pa la sngar bshad pa'i tshul gyis dam tshig 'dzin du gzhug pa dang / byang chub tu sems bskyed du bcug la/ de'i snying gar de bzhin du rdo rje bskyed nas/ de rdo rje hU~M mdzad du byin gyis brlabs la/ spos dang me tog la sogs pas mchod de/ yon gyi mchog blangs te/ shar sgo la bltas nas gnas pa'i bum pas dbang bskur la/ bdag nyid 'jug pa'i cho gas bcug la/ cho ga thams cad la rjes su spyad par bya'o/ /slob ma gzhug pa la sogs pa cho ga rgyas pa rdzogs so// //rdo rje ni rdo rje'i rigs te/ de'i dkyil 'khor ni rdo rje'i dkyil 'khor ro/ /de ltar slob dpon gyi las kyi cho ga dang / slob ma gzhug pa la sogs pa'i cho ga rgyas par bshad nas/ da ni dam tshig dang dbang bskur ba thob pa rnams la slob dpon gyis dngos grub kyi ye shes bslab par bya'o zhes bya ba 'di'i don bstan par bya ba'i phyir/ de nas sgrub pa ni zhes bya ba la sogs pa gsungs te/ de la ras la sngon du bsnyen pa la sogs pa'i sgrub pa ni ras la bcom ldan 'das zhes bya ba la sogs pa 'di nyid kyis gsungs pa yin te/ snga ma bzhin du thams cad byas la/ rdo rje bri ba'i phyag rgyas hU~M zhes bya ba zlos shing brtsam par byas la dkyil 'khor gyi tshul nyid kyis 'jig rten dang 'jig rten las 'das pa'i lha thams cad bri ba'am/ 'dir gzhug par bya'o/ /de nas sgrub pa chen po la yang de bzhin te/ de bzhin du dngos grub mchog rnams ni zhes bya ba ni/ rdo rje sems dpa'i skabs su gsungs pa'i cho ga nyid kyis sangs rgyas nyid dam/ rdo rje 'dzin pa nyid 'dir bsgrub par bya ba'o zhes bya ba'i don to/ /de bas na de bzhin du dngos grub mchog rnams la ni zhes bya ba gsungs so/ /ras la bcom ldan 'das ji lta ba bzhin du byas nas zhes bya ba ni/ sngar bshad pa'i cho gas bcom ldan 'das rdo rje hU~M mdzad dpa' bo gcig pu bri ba'o/ /de'i mdun du lag pa gnyis kyis phyag rgya bcings te/ bzlas brjod 'bum bya'o zhes bya ba ni khams gsum rnam par rgyal ba'i phyag rgya lag pa gnyis kyis bcings ba'o/ /de nas zhes bya ba la sogs pa ni go sla'o/ /'di skad ston pa yin te/ dpal rdo rje hU~M mdzad kyi sbyor ba byas la/ bdag la byin gyis rlob pa la sogs pa ji lta ba bzhin du byas nas/ dam tshig gi phyag rgya bcings la/ dkyil 'khor du zhugs pa'i rjes thogs nyid la zla ba nya nas brtsams te/ nyin re sbyor bas ji srid zla ba gcig tsam gyi bar du bzlas brjod byas nas/ sngon du bsnyen pa byas par 'gyur ro/ /de nas zla ba nya la ji skad du gsungs pa'i tshul gyis ras las bcom ldan 'das rdo rje hU~M mdzad kyi dkyil 'khor sprul la/ mchod yon phul ba sngon du 'gro ba dang / hU~M gis rang gi gnas su dgod par byas la/ rdo rje bri ba'i phyag rgya dang po nas brtsams te/ phyis ci bder dkyil 'khor gyi tshul du'am/ bcom ldan 'das dpa' bo gcig pu bris pa'am/ 'dir gzhug par bya'o/ /de nas zla ba nya nas brtsams te bdag la byin gyis brlab pa la sogs pa'i sbyor bas bcom ldan 'das dkyil 'khor gyi tshul du ras la bzhugs su gsol la/ phyag rgya chen por bsams te/ nyin re'i sbyor bas ji srid zla ba gnyis pa'i nya la bab pa de srid kyi bar du dpag tu med pa'i bzlas brjod kyis bsgrub par bya'o/ /de nas de'i tshe mtshan thog thag bzlas brjod byas nas/ de nas nang bar bcom ldan 'das kyis zhal bstan nas/ sangs rgyas nyid dam rdo rje 'dzin pa nyid la sogs pa dngos grub thams cad stsol bar 'gyur/ dpa' bo gcig pu'i ras ris la yang sngar bshad pa'i cho ga rjes su spyad la/ phyag rgya chen po bcings te/ bzlas brjod 'bum bya'o/ /de nas zla ba nya la mtshan thog thag bzlas brjod byas nas tho rangs kha bcom ldan 'das kyis zhal bstan nas sangs rgyas nyid dam rdo rje hU~M mdzad nyid stsol bar 'gyur ro/ /ma bsgrubs par yang zhes bya ba ni dkyil 'khor du 'jug pa byas nas sngags bzlas te/ dam tshig gi phyag rgya bcings la zla ba gcig gi bar du bzlas brjod dpag tu med pa byas nas/ de'i rjes thogs nyid la snying po ma bsgrubs kyang las 'di dag byed par 'gyur ba'o/ /de bzhin du zhes bya ba ni bdag la byin gyis brlab pa la sogs pa byas te/ ji skad bshad pa thams cad gsad pa la ni rdo rje khro bo mthar byed kyis so zhes bya ba la sogs pa de nyid las gzhan du mi 'gyur ba'o/ /thams cad rjes su chags par bya ba dang zhes bya ba la sogs pa ni bstan pa'o/ /thams cad gsad pa la ni zhes bya ba la sogs pa ni 'di nyid kyi bshad pa'o/ /de bzhin du sngon du bsnyen pa bya zhing bdag la byin gyis brlab pa la sogs pa byas nas/ gdug pa thams cad gsad pa la ni khro bo rdo rje mthar byed kyis bya ste/ lnga po bsdus pa bcings nas bzlog nas/ kha'i grwa gnyis su mche ba ston pa'i tshul du gzhag par bya zhing gdug pa thams cad kyang mche ba gtsigs pa'i zhal nas nam mkha' dang mnyam pa'i rdo rje hU~M mdzad kyis zos par gyur par bsgom par bya ste/ 'di ni rdo rje khro bo mthar byed do/ /thams cad rgyas gdab pa la ni/ /khro bo'i blta ba'i bzlas pas so zhes bya ba ni bsgrub par bya ba'i lus la rdo rje 'bar ba'i gzugs brnyan bskyed pa ni rgyas gdab pa'o/ /khro gnyer bsnyer zhing mig gdangs nas/ khro bas lta ba ni khro bo'i lta ba ste/ 'dis rdo rje hU~M mdzad kyi phyag rgya bcings la/ hU~M zhes bya ba zlos shing bsgrub par bya ba la rgyas gdab par bya ste/ mig gnyis las rdo rje 'bar ba phyung la bsgrub par bya ba'i lus la dbab par bya ste/ de lta bus ni thams cad rgyas gdab par 'gyur ro/ /thams cad gzhig pa la ni rdo rje khros pas gzhig par bya'o zhes bya ba ni srin po la sogs pa'i gdug pa thams cad gzhig cing mi snang la mi mngon pa dang / zas la sogs pa'i dngos po thams cad snang bar 'gyur ba las mi snang bar bya ba ni gzhig pa ste/ gsang ba'i rdo rje sor bzhi pa'i tshad blangs la bsgrub par bya ba gzhig pa'i bsam pas khros par gyur pa dang / rdo rje khu tshur gyis g.yogs par bya ba ste/ de lta bus ni thams cad 'jig par 'gyur ro/ /thams cad nges par gnon pa la ni zhes bya ba ni dbang phyug chen po la sogs pa'i 'jig rten gsum po mtha' dag brgyal nas khas bub tu lhung bar gyur pa ni nges par gnon pa'o/ /de ji ltar 'gyur zhe na/ rdo rje khros pas phyogs der brdeg par bya'o zhes bya ba ste/ rang gi lag tu hU~M las rdo rje 'bar ba bsams la phyogs gang na bsgrub par bya ba gnas pa de la rang gi lag tu bsams pa'i rdo rje bsgrub par bya ba nges par gnon pa'i bsam pas bsnun par bya ste/ de lta bus ni rdo rjes bcom par 'gyur ro/ /yungs kar la sogs pa yang hU~M zhes bya bas rdo rje 'bar bar bsams te des phyogs der bsnun par bya'o/ /gnad thams cad ni go bar zad do/ /de rnams dbug pa ni rnam par gzhom pa'o/ /de ji ltar bya zhe na/ rdo rje phra mo 'bigs byed kyis so zhes bya ba gsungs te/ rdo rje hU~M mdzad kyi phyag rgya'i g.yas pa'i mdzub mo lcags kyus g.yon logs nas g.yon pa'i mdzub mo bzung la/ bsgrub par bya ba'i gnad nas drangs la/ rdo rje mdas nges par 'bigs par gyur par bsam par bya ste/ 'di ni rdo rje phra mo 'bigs byed do/ /'dis nad thams cad 'bigs par 'gyur ro/ /thams cad kyi snying ni sems can thams cad kyi snying gi pad+ma'o/ / de rnams 'byin pa ni rdo rje hUM~M mdzad kyi sbyor bas bsgrub par bya ba'i lus la zhugs la/ de'i snying gi pad+ma khros par gyur pa dang dbyung bar bya ste/ de lta bus ni thams cad kyi snying 'byin par 'gyur ro/ /gdug pa thams cad tshar gcad pa ni srin po la sogs pa tshar gcod pa'o/ /de gang gis 'gyur zhe na/ khros pas rdo rje bskor bar bya'o zhes bya ba gsungs te/ de bzhin du bdag la byin gyis brlab pa la sogs pa byas nas/ rdo rje 'bar ba de kho na nyid kyis blangs la hU~M zhes bya ba zlos shing khros pas bskor la/ rdo rje 'bar ba de las rdo rje 'dzin pa la sogs pa'i khro bo rnams phyung ste/ de rnams kyis gdug pa thams cad gzir bar 'gyur ba dang / bsreg pa dang / rdo rje lu gu rgyud la sogs pas bcings par gyur par bsam par bya ste/ de lta bus ni gdug pa thams cad tshar gcod par 'gyur ro/ /gdug cing khros pa ni srog 'phrog pa'i ma rungs pa ste/ de rnams dgas pa ni gzhom pa'o/ /de ji ltar 'gyur zhe na/ khros pas lcags phye'i sbyin sreg byas pas so zhes bya ba gsungs te/ mngon spyod kyi thab khung du bcom ldan 'das rdo rje hU~M mdzad ji lta ba bzhin du rnam par bsams la/ hU~M che ge mo g+hA ta ya hU~M/ zhes bskul te ral gri la sogs pa mtshon cha'i phye ma'i sbyin sreg gi thab khung de las rdo rje 'dzin pa la sogs pa'i khro bo rnams byung ba rnams kyis gdug pa rnams thal bar byed par 'gyur zhing za bar gyur par bsgom par bya'o/ /bdud thams cad rlag par byed pa la ni zhes bya ba la bdud kyang yin la thams cad kyang yin pas na bdud thams cad do/ /de rnams brlag pa ni zil gyis mnan cing tshar bcad pas zhes bya ba'i don to/ /de ji ltar 'gyur zhe na/ rang gi sa bon gyi sbyin sreg gis so zhes bya ba gsungs te/ sngags pa 'dod chags la sogs pa'i nyon mongs pas zil gyis gnon pa dang / phung po dang / 'chi bdag dang / lha'i bu'i bdud rnams kyis mnan par gyur na/ de'i tshe bcom ldan 'das rdo rje hU~M mdzad kyi sbyor bas rnal 'byor chen po byas la ting nge 'dzin gsum bsgom par bya'o/ /de nas khams gsum rnam par rgyal ba'i dkyil 'khor ni bdag po zhes rdo rje dkyil 'khor gyi ngo bo nyid du bdag nyid ji lta ba bzhin du rnam par bsams la/ mdun du hU~M las rdo rje 'bar ba'i phyag rgyas bsams te/ de yang rdo rje hU~M mdzad kyi lha mor bsam par bya'o/ /de nas de dang lhan cig yang dag par sbyor ba byas par bsgoms la/ yid kyis yang dag par sbyor ba bsgoms pa las/ rang gi sa bon rdo rje rigs kyi gzugs can gyis nam mkha' kun du bkang la/ rang gi lus la bye ma'i bum pa la chu'i bum pa blugs pa bzhin du zhugs nas bdag nyid rdo rje'i rigs kyi rdul phra rab las grub pa/ sgyu ma lta bu/ gzugs brnyan dang mtshungs pa 'od zer 'bar ba kun du 'khrigs pa'i 'od dang ldan pa/ nyon mongs pa'i bud shing thams cad sreg par byed pa'i bdag nyid can gyi rdo rje hU~M mdzad bsgom par bya'o/ /'di ni yid kyi rang bzhin gyi sa bon gyi sbyin sreg yin te/ 'dis bdud thams cad brlag par 'gyur ro/ /de skad du yid kyi sbyin sreg gi dbang du mdzad nas/ 'dod chags la sogs pa'i nyon mongs pa gzhig pa'i phyir/ khro bo'i sprin ni rnam par bsgom par bya zhes bya ba la sogs pa gsungs pa'i phyir ro/ /phyi'i rang gi sa bon dang sbyin sreg bya bar bshad na ni/ 'dod chags la sogs pa'i bdud rnams zil gyis mnan pa la/ de rnams la nges par dmigs pa dang bcas pa bskyed par 'gyur ro/ /gnod sbyin thams cad bskrad pa la ni zhes bya ba ni gnod sbyin ma rungs pa rnams gnas nas bskyod cing mi gzhag pa ni bskrad pa'o/ /de ji ltar 'gyur zhe na/ ha ha zhes dgod cing bzlas pas so zhes bya ba gsungs te/ rdo rje hU~M mdzad kyi sbyor ba ji lta ba bzhin du byas la/ de'i phyag rgya chen po bcings nas/ lus kyi stobs dang / khyim la sogs pa la gnod pa byed pa'i gnod sbyin ma rungs pa rnams ha ha ha ha hU~M duSh+Ta yak+Sha uts+tsha Ta ya hU~M zhes bya ba ha ha zhes dgod pas khro bo chen pos khyab pa dang bzlas brjod byas la kha las rdo rje 'dzin pa la sogs pa'i khro bo'i tshogs sprul nas phyung ba 'jigs byed chen po'i gzugs can de rnams kyis gnod sbyin gdug pa de rdo rje 'bar ba la sogs pas bsregs par gyur pa dang / dbyig pa la sogs pa rnams kyis brdegs par gyur pa dang / skrod par gyur par rnam par bsams la/ ri'i rgyal po ri rab la sogs pa'i ri bo chen po rnams su lcags sgrog gis bcing bar gyur par bsam par bya ste/ de lta bus ni gnod sbyin thams cad skrod par 'gyur ro/ /klu thams cad gdon pa la ni rdo rjes la brdabs nas bzlas pas so zhes bya ba ni/ klu'i mtsho'i 'gram du klu gdug pa gdon par bya ba'i phyir mngon spyod las bshad pa'i rdzas rnams kyis klu'i gzugs brnyan byas te/ de'i snying gar de'i ming bcug nas hU~M zhes bya ba dang / gsang ba'i lcags kyus bkug la gzugs brnyan der bcug ste/ rdo rje lcags sgrog gis bcings la/ de bzlas pa'i srad bu dmar pos kyang bcing bar bya'o/ /de nas hU~M zhes bya ba las rdo rje rtse bzhi pa 'bar ba bskyed la klu'i snying gar rdo rje phur bu ji lta ba bzhin du brdungs shing / hU~M nA ga che ge mo hUM zhes shin tu khros pas bzlas brjod byas la/ rdo rje hU~M mdzad kyi phyag rgyas rdo rje bzung zhing / des kyang rdo rje lcags kyu lta bu 'bar ba'i tshogs kyis khyer te 'ongs bar bsam par bya ste/ de lta bus ni klu thams cad 'byin par 'gyur ro/ /lha rnams ltung bar bya ba ni/ /zhes bya ba la sogs pa la/ lha rnams zhes bya ba ni ma hA de ba la sogs pa ste/ de dag thams cad bar snang las sa la bab pa ni ltung bar 'gyur ba'o/ /de ci ltar 'gyur zhe na/ lha mo rdo rje ltung byed kyis so zhes bya ba gsungs te/ rdo rje hU~M mdzad kyi phyag rgya las mdzub mo gnyis lu gu rgyud du bcings la/ lha thams cad bzung ba'i bsam pas phyag rgya bcings la gyen du bteg la/ lha rnams ltung bar bya ba'i bsam pas thur du dbab par bya ste/ 'di ni lha mo rdo rje ltung byed kyi phyag rgya ste/ 'dis lha rnams ltung bar byed par 'gyur ro/ /lha'i bdag po thams cad ni dbang phyug chen po la sogs pa'o/ /de rnams dbang du bya ba ni rang yi dam du bya ba'o/ /de rnams nyid dregs pa dang phral nas dul ba la 'jog pa ni dul ba'o/ /shing rdo rje can gyi lcug ma la sogs pas brdegs pa ni bsnun pa'o/ /de rnams nyid rnam par sbyar bar bya ba'i phyir dang srog dang bral bar bya ba ni dbang phyug chen po la sogs pa nyid kyis gsad pa'o/ /de ji ltar 'gyur zhe na/ rdo rje srid pa gsum po 'dul bar byed pas so zhes bya ba gsungs te/ rdo rje hU~M mdzad nyid kyis hU~M hi zhes bya bas 'jig rten gsum dbang du bya ba'i bsam pas sbyor ba ni srid pa gsum po 'dul bar byed pa ste/ rang gi khro gnyer gyi phyogs las byung ba'i rdo rje hU~M mdzad kyi gzugs kyis lha'i bdag po thams cad 'dul bar byed par bsam par bya ste/ de lta bus ni de rnams dbang du bya ba la sogs pa byas par 'gyur ro/ /rnam thos sras rjes su 'brang bar bya ba ni zhes bya ba la ni rnam thos sras kyi gzugs brnyan la snga ma bzhin du gsang ba'i lcags kyus rnam thos sras bkug la bcug nas bcings te/ rdo rje hU~M mdzad kyi phyag rgya ji lta ba bzhin du bcings nas/ g.yon brkyang ba'i gnas pas 'dug la/ rkang pa g.yon pas rnam thos sras kyi gzugs mnan nas/ hU~M bai shra ba Na a nu rA dza ku ru hU~M/ zhes bzlas na rjes su 'brang bar 'gyur ro/ /lus ngan po mnan nas dpal dbrog pa la ni rdo rje skyas bus so zhes bya ba ni/ rdo rje hUM mdzad kyi phyag rgya las g.yon pa'i khu tshur g.yas pa'i khu tshur gyis mnan la/ yang g.yon pa'i mdzub mos so bzung ste/ dpal dbrog pa'i bsam pa drangs pa 'di ni rdo rje skyes bu ste/ 'dis snga ma bzhin du lus ngan po dang rnam thos sras sgrub pa'i sbyor bas mnan la dpal dbrog par bya'o/ /'dod pa'i lha dbang du bya ba la ni zhes bya ba la sogs pa la/ rdo rje hU~M mdzad kyi sbyor bas 'dod pa'i lha'i gzugs brnyan mdun du bzhag la/ de la snga ma bzhin du 'dod pa'i lha bcug ste/ rdo rje hU~M mdzad bcings la/ hU~M kA ma de ba ba sha ma na ya hU~M zhes bzlas brjod byas la rang gi lus las byung ba'i rdo rje hU~M mdzad kyi rim gyis bkug nas/ rang gi rkang pa gnyis la ltung bar byas par bsam par bya ste/ de lta bus ni 'dod pa'i lha dbang du byas par 'gyur ro/ /tshangs pa ltung bar bya ba la ni rdo rje rab tu dga' ba'i phyag rgyas so zhes bya ba ni/ lnga po bsdus pa ni rdo rje rab tu dga' ba'i phyag rgya ste/ de bcings la tshangs pa'i 'dod chags dang bral ba las ltung bar bya ba'i bsam pas 'jig rten thams cad las phul du byung ba'i gzugs dang / sgra dang / dri dang / ro dang / reg bya rnams sprul la nye bar dbab par bya'o/ /de nas des de rnams mthong bas bsam gtan las nyams par gyur te/ des na de phyag rgya 'dis ltung bar 'gyur ro/ /khyab 'jug gzhig pa la ni rdo rje 'khor los dral bas so zhes bya ba ni/ rdo rje hU~M mdzad kyi phyag rgya las mdzub mo g.yon pa 'khor lo'i tshul du 'phred du bzhag la/ de nas de la mdzub mo g.yas pas yang dang yang du dral bar bya ba 'di ni rdo rje 'khor lo dral ba ste/ 'dis ni khyab 'jug 'jig par 'gyur ro/ /dbang phyug chen po 'dul ba la ni rdo rje tri shU la'i phyag rgyas so zhes bya ba ni/ rdo rje hU~M mdzad kyi phyag rgya las/ g.yon pa'i mdzub mo dang / gung mo dang srin lag rtse gsum du byas la/ de g.yas pa'i mdzub mos dral bar bya'o/ / 'di ni rdo rje tri shU la dral ba ste/ 'dis dbang phyug chen po 'dul bar bya'o/ /ma mo thams cad bsad pa la ni rdo rje khro bo'i tshogs kyi srin mos so zhes bya ba ni/ u ma la sogs pa ma mo'i tshogs rnams dang / de'i dngos grub sgrub pa thams cad ni ma mo thams cad de/ rdo rje hU~M mdzad kyi phyag rgya las mdzub mo gnyis lcags kyu gnyis su byas te/ hU~M mA tri ga Na mA ra ya hUM/ zhes bzlas la gsad par bya ste/ 'di ni rdo rje khro bo'i tshogs kyi srin mo'i phyag rgya'o/ /phyi'i dkyil 'khor thams cad ni 'byung po'i gdon dang / srin po'i gdon la sogs pa'i dkyil 'khor ro/ /de rnams kyi phyag rgya ni lag pa'i thabs kyi tshul lo/ /dam tshig ni mi 'da' ba'i don to/ /de rnams kyi chos ni gzhan gsod pa la sogs pa'i tshul lo/ /gsang ba'i dngos grub ni de rnams kyi sngags kyi dngos grub po/ /de lta bu'i phyi'i dkyil 'khor thams cad kyi phyag rgya dang / dam tshig dang chos dang / las dang / gsang ba'i dngos grub rnam par gtor ba zhes bya ba ni phan tshun du rnam par gtor ba ste/ de nyid ni rnam par 'jig pa'o/ /de ji ltar 'gyur zhe na/ rdo rje khro bo'i gdug pa'i dam tshig 'jig par byed pas so zhes bya ba gsungs te/ rdo rje hU~M mdzad nyid de'i tshul gyis sbyar ba ni rdo rje khro bo gdug pa'i dam tshig 'jig par byed par 'gyur ro/ /ri dang zhes bya ba la sogs pa la rdo rje hU~M mdzad kyi phyag rgya bcings la/ khro bo'i lta bas ni mi bskyod pas rdo rje 'bar ba sprul la bsgrub par bya ba'i ri la sogs pa'i steng du ltung bar byas na ri la sogs pa ltung bar 'gyur ro/ /ltung ba thams cad bslang ba la ni zhes bya ba la sogs pa la/ rdo rje hU~M mdzad kyi phyag rgyas bslang ba'i tshul du sbyar ba 'di ni rdo rje khro bo'i bslang ba'o/ /thams cad spro ba la ni zhes bya ba la sogs pa la/ gter la sogs pa'i dngos po thams cad gar las byung ba'i khro bo'i khu tshur gnyis kyis blangs nas/ yid kyis drangs nas gzhan du bzhag pa 'di ni rdo rje khro bo'i rnal 'byor ma ste/ 'dis thams cad spo bar bya'o/ /thams cad dbrog pa la ni zhes bya ba la sogs pa la/ gser la sogs pa'i dngos po rnams khro bo'i khu tshur gnyis kyis blangs la dbrog par bya ste/ 'di ni rdo rje khro bo'i 'phrog pa'i khu tshur te/ 'dis thams cad 'phrog par 'gyur ro/ /'jigs pa thams cad bskyed pa la ni zhes bya ba la sogs pa la/ 'jigs pa thams cad ni seng ge la sogs pa'o/ /de dbyung ba ni bskyed pa'o/ /de yang rdo rje hU~M mdzad kyi phyag rgya bcings la/ khro bo'i lta bas blta bzhin du seng ge la sogs pa sprul pa'am/ mnar med pa la sogs pa sprul la/ gzhan rnams la 'jigs pa bskyed par bya ste/ 'di ni rdo rje khro bo'i lta ba'o/ /dpung thams cad gsad pa la ni zhes bya ba la sogs pa la/ lha'i bu la sogs pa'i dpung thams cad ni dpung thams cad de/ de bsad pa la rdo rje khu tshur gnyis bcings la kha phye ste/ 'jigs byed kyi gdong skra gyen du brdzes pa/ mgo thur du btud de 'gro zhing b+h+yo zhes bya ba smra ba 'di ni rdo rje khro bo'i gnod sbyin mo ste/ 'dis dpung thams cad gsod par 'gyur ro/ /gzhan gyi dpung thams cad gzhom pa dang zhes bya ba la sogs pa la rdo rje khu tshur gnyis bcings la/ mthe'u chung gnyis ka'i grwa gnyis su bzhag ste/ mdzub mo gnyis kyi lcags kyu gnyis kyis bsgrub par bya ba 'di ni/ rdo rje khro bo'i ma rungs pa'i srin mo ste/ 'dis gzhan gyi dpung thams cad gzhom pa la sogs pa byed par 'gyur ro/ /rgyal po la sogs pa mi chen po zhes bya ba la sogs pa gsum ni go sla'o/ /rang gi khrag gi rgyun zhes bya ba la sogs pa la/ rdo rje hU~M mdzad kyi phyag rgya bcings la bzlog ste/ sam lus pa nub pa'i bsam pas rab tu sbyar ba 'di ni rdo rje khro bo'i sa 'og gi phyag rgya ste/ 'dis sa thams cad nub par 'gyur ro/ /khams gsum thams cad bsal ba la ni zhes bya ba la sogs pa la/ sa 'og dang / sa steng dang / mtho ris ni 'jig rten gsum thams cad de/ de bsal ba la ni rnam par gzhig pa'o/ /de yang rdo rje me ltar rab tu 'bar ba'i phyag rgya chen po ste/ de ni sems dpa'i skyil mo krung bcas la/ shin tu khros pa'i g.yon pa'i rdo rje khu tshur gyis dril bu blangs te/ thams cad byas la g.yas pas rdo rje 'bar ba gsor zhing hU~M zhes bya ba dang / hU~M mdzad kyis rdo rje 'bar ba las/ rdo rje 'khrigs pa dus mtha'i rlung gis bskyod pa'i bskal pa'i me'i phung po lta bur sprul la/ des 'jig rten gsum po thams cad thal bar byed par 'gyur bar bsam par bya ste/ de lta bus ni khams gsum thams cad gsal bar 'gyur ro/ /'jig rten gsum po thams cad las rnam par rgyal ba la ni/ 'jig rten gsum las rnam par rgyal ba'i mchog gi rdo rje khro bos so zhes bya ba ni 'di'i gong du bshad ma thag pa'i rdo rje me ltar 'bar ba'i phyag rgya dang hi zhes bya ba ni 'jig rten gsum po thams cad las rnam par rgyal ba ste/ hU~M hri zhes bya ba'o/ /khams gsum thams cad dbab pa dang / /zhes bya ba la sogs pa la khams gsum rnam par rgyal ba'i phyag rgya las mdzub mo gnyis sbyar te/ rdo rje rtse mor sbyar ba ni rdo rje sems dpa'i khro bo'i phyag rgya ste/ 'dis khams gsum thams cad dbab pa dang / dgug pa dang / gzhug pa dang / dbang du bya ba dang / nges par gnon par 'gyur ro/ /khams gsum thams cad ces bya ba la sogs pa la 'jug pa'i dam tshig gi phyag rgya ni/ bde ba chen po'i rdo rje dam tshig gi khra bo ste/ 'dis khams gsum thams cad rjes su chags par bya ba dang / dgug pa dang / gzhug pa dang / bcing ba dang / dbab pa dang / rgyas gdab pa dang / dbang du bya ba dang / gnon par gyur pa rnams sgrub par 'gyur ro/ /de la rjes su chags par bya ba ni rang dbang du bya ba'i phyir mngon sum du phyogs shing dga' bar bya'o/ /dgug pa ni mngon par 'dod pa'i gnas su nye bar phyin par bya'o/ /gzhug pa ni bkug nas mngon par 'dod pa'i phyogs su gzhag pa'o/ /dbab pa ni bab par byas pa'o/ /bcing ba ni mi 'gul par byas pa dang / rdo rje lcags sgrog gis bsdams pa'o/ /rgyas gdab pa ni bsgrub par bya ba'i snying gar rdo rje 'bar ba bskyed pa'o/ /dbang du bya ba ni bdag dang nor dbang du bya ba'o/ /nges par gnon pa ni hU~M gis brgyal bar byas nas khas sbub tu 'gyel bar byas pa'o/ /bde ba chen po rdo rje don yod pa'i dam tshig gi rtog pa'i rgyal po zhes bya ba ni bshad zin to/ /'dod pa dang / gzugs dang / gzugs med pa'i mtshan nyid can gyi srid pa gsum ni khams gsum ste/ dbang phyug chen po la sogs pa'o/ /de rnams las rnam par rgyal ba'i phyir/ rdo rje ltar mi phyed pa'i dam tshig 'da' bar mi byed pa gang yin pa de la ming de skad ces bya ba'i rtog pa'i rgyal po rdzogs so/ / //de ltar byang chub kyi sems chen po dang / phyag rgya chen po'i yul la rdo rje hU~M mdzad kyis dbugs dbyung bas khro bas khro ba spang ba gsungs nas/ da ni byang chub kyi sems chen po dang / phyag rgya chen po de nyid kyis dbang phyug la sogs pa'i rtog pa gti mug spang bar bya ba'i phyir/ de nas zhes bya ba la sogs pas bcom ldan 'das 'gro ba 'dul ba'i dbugs dbyung ba gsungs pa yin te/ de nas zhes bya ba'i sgra ni 'das ma thag pa'i don ston par byed pa ste/ snga ma bzhin du thams cad byas nas/ bcom ldan 'das rnam par snang mdzad 'dod pa'i khams thams cad kyi gzhan 'phrul dbang byed kyi lha'i rgyal po'i gnas na lag na rdo rje la sogs pas yongs su bskor cing mdun gyis bltas nas bzhugs pa dang / de'i rjes thogs nyid la shes rab kyi pha rol tu phyin pa'i tshul 'di gsungs pa'o/ /bcom ldan 'das zhes bya ba bshad zin to/ /ngo bo nyid dag pa'i chos nyid thob pas zhes bya ba ni gzung ba dang 'dzin pa dang bral ba'i shes rab kyi pha rol tu phyin pa ni ngo bo nyid kyis dag pa'i chos nyid de/ de thob pa ni thugs su chud pa'o/ /de nyid phyin ci ma log par thugs su chud cing brnyes pas na de bzhin gshegs pa'o/ /'dod chags spros pa med par bstan pa la ltos nas yang zhes bya ba smos so/ /chos kyang yin la thams cad kyang yin pas na chos thams cad de/ shes rab kyi pha rol tu phyin pa'i ngo bo nyid kyi sems dang / sems las byung ba rnams dang / pad+ma'i rigs so/ / de rnams kyi mnyam pa nyid ni de bzhin nyid do/ /de la gzigs pas na spyan ras gzigs te/ de shin tu mnyam par gzhag pa'i sbyor bas mngon sum du mdzad pa'o/ /des na gtso bor gyur pas na dbang phyug ste/ gzung ba dang 'dzin pa'i rnam par rtog pa'i 'ching bas ma bcings pa'o/ /de'i ye shes ni chos thams cad ngo bo nyid kyis dag pa'o zhes nges par byas pa'o/ /de nyid phyag rgya ste gang la ming de skad ces bya ba de la ni de skad ces bya'o/ /'di zhes bya ba ni 'das ma thag pa'i 'og tu ston par 'gyur ba'i shes rab kyi pha rol tu phyin pa blo la bzhag nas 'di skad du smras pa'o/ /gsungs te zhes pa ni bka' stsol bar mdzad pa'o/ /'dod chags thams cad ces bya ba la sogs pa la/ byang chub kyi sems chen pos 'dod pa'i khams la sna tshogs pa'i tshul du rnam par rtog pa'i khams gsum po thams cad kyi chags pa ni 'dod pa'i 'dod chags so/ /de'i rnam par dag pa ni de bzhin nyid de des ni zhe sdang thams cad dag par 'gyur ro/ /'jig rten ni 'jig pas na 'jig rten no/ /de ni khams gsum po ste 'jig pa'o zhes bya ba'i don to/ /de la 'dod chags kyi rnam pa ni byang chub chen po'i sems la rnam par rtog pa'o/ /gnod sems kyi rnam pa thams cad ni zhe sdang thams cad de/ de'i rnam par dag pa yang de bzhin no/ /zhe sdang thams cad kyi rnam par dag par gyur pa ni zhe sdang thams cad rnam par dag pa ste/ de'i don du 'jug par 'gyur zhing rgyur gyur pas rab tu sgrub pa'o/ /'di skad ston par 'gyur te/ 'dod chags thams cad ni rmi lam lta bur rtogs par thob pas/ zhe sdang thams cad rmi lam lta bur rtogs par 'gyur te/ rjes su chags pa med pas zhe sdang med par 'gyur ba'i phyir ro/ /dri ma thams cad ni byang chub kyi sems chen po la rnam pa sna tshogs pa'i tshul du shes pa'i rnam par rtog pa'i gti mug thams cad de/ de'i rnam par dag pa yang de bzhin no/ /dri ma thams cad rnam par dag par gyur pa ni/ dri ma thams cad rnam par dag pa nyid de/ des ni sdig pa thams cad rnam par dag pas 'jug par 'gyur ro/ /de yang lus dang ngag dang yid kyi nyes par spyod pa rnams ni sdig pa thams cad do/ /de'i rnam par shes pa thams cad kyi rnam par rtog pa dang / gti mug dang bral bas lus dang ngag dang yid kyi nyes par spyod par 'byung bar mi 'gyur te/ gti mug med pas na nye bar spyod pa la kun du spyod par mi 'gyur ba'i phyir ro/ /chos thams cad ni byang chub kyi sems chen po de nyid la rnam pa sna tshogs pa'i tshul du phyi'i rnam par rtog pa gzugs dang / sgra dang dri dang ro dang reg bya la rnam par rtog pa ste/ de'i rnam par dag pa yang de bzhin no/ /de'i rnam par dag par gyur pa ni chos thams cad rnam par dag pa nyid kyi ste/ des sems can thams cad rnam par dag pa la 'jug par 'gyur te/ tshangs pa'i gzugs kyis 'dul bar 'gyur ba dang / 'dod pa'i yon tan lnga la mngon par zhen pa ni sems can thams cad do/ /de rnams rnam par dag pa ni tshangs pa la sogs pa rmi lam lta bur rtogs pa'o/ /'di skad ston par 'gyur te/ chos thams cad rnam par dag par 'gyur bas sems can thams cad rnam par dag par 'gyur te/ de la dmigs pa'i dngos po la mngon par zhen pa med pa'i phyir ro/ /shes pa thams cad ces bya ba la sogs pa la 'dod chags dang zhe sdang dang gti mug thams cad ni shes pa thams cad de ji skad du bshad pa'i shes pa thams cad do/ /de rnams kyi rnam par dag pa yang de bzhin no/ /shes pa thams cad rnam par dag par 'gyur ba ni shes pa thams cad rnam par dag pa nyid kyis so/ /de ni 'jig rten du ji skad bshad pa'i shes rab kyi pha rol tu phyin pa rnam par dag pas shes rab kyi pha rol tu phyin pa rnam par dag pa'i rgyur gyur par sgrub par byed do/ /'di skad ston par 'gyur te/ rnal 'byor pas 'dod chags dang zhe sdang dang / gti mug thams cad dang chos thams cad sgyu ma dang mtshungs par rtogs pas me long lta bu dang / mnyam pa nyid dang / so sor rtog pa dang / bya ba grub pa'i ye shes rnam par dag par 'gyur ro/ /de nas shes rab kyi pha rol tu phyin pa'i ngo bo nyid 'phags pa spyan ras gzigs dbang phyug rtogs par 'gyur te/ shes pa thams cad rnam par dag pa'i rgyu can yin pa'i phyir ro/ /lag na rdo rje gang la la zhes bya ba la sogs pa ni bshad zin to/ /'dod chags dang dri ma thams cad kyi nang na 'dug kyang zhes bya ba ni shes rab kyi pha rol tu phyin pa'i tshul thob pa la sogs pa dang ldan pa de ni ji skad du bshad pa'i 'dod chags thams cad de 'dod pa'i khams thams cad dang / gzhan 'phrul dbang byed kyi lha'i rgyal po'i gnas dang / gzhan 'phrul dbang byed kyi lha'i rgyal po'i gzugs kyis gnas nas mchog tu gyur pa'i 'dod pa rnams la yongs su longs spyod par byed du zin kyang snga ma bzhin du 'dod chags kyi nyes pas gos par mi 'gyur te/ ma rig pa'i ngo bo nyid kyi glo bur ba'i dri ma rnams kyis gos par mi 'gyur ro/ /myur du zhes bya ba la sogs pa ni go sla'o/ /de ltar de nas bcom ldan 'das zhes bya ba nas brtsams te 'tshang rgya bar yang 'gyur ro zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /da ni de nas zhes bya ba la sogs pas ni ting nge 'dzin gnyis pa gsungs pa yin te/ de nas zhes bya ba'i sgra ni 'das ma thag pa ston par byed pa'i tha tshig go/ /byang chub chen po'i ngo bo nyid kyi sems dpa' ni byang chub sems dpa' chen po'o/ /don gyi gnas 'di nyid ces bya ba 'dod chags rnam par dag pa la sogs pa'i gnas lnga po bshad ma thag pa'o/ /yang rgya cher ston cing zhes bya ba ni sngar gsungs pa'i tshig dang yi ge dang don las gzhan du gyur pa dag gis hrIH zhes bya ba'i yi ge sprul nas yang ston par mdzad pas na yang rgya cher ston cing zhes bya'o/ /de bzhin rab tu 'dzum dmul te zhes bya ba ni zhal 'dzum pa dang bcas pa'o/ /pad+ma'i 'dab ma kha 'byed pas zhes bya ba la sogs pa ni g.yon pa'i pad+ma'i khu tshur gyis pad+ma dmar po blangs nas bsnyems pa'i tshul gyis 'dzin cing phyag g.yas pas de 'byed la/ ji skad gsungs pa'i 'dod chags la sogs pa'i dri mas mi gos pa la blta zhing rnam par rtog pa'o/ /'gro ba thams cad ni pad+ma'i rigs te de yongs su rdzogs par bya ba'i phyir pad+ma'i gzugs sna tshogs pa zhes ming du btags pa'i hrIHzhes bya ba'i yi ge ni snying po'o/ /'di zhes bya ba ni 'das ma thag pa'i 'chad par 'gyur ba blo la bzhag nas smras pa'o/ /gsungs so zhes bya ba ni bka' stsal pa ste/ pad+ma'i rigs bskyed par bya ba'i phyir nges par bskyed par mdzad nas hrIHzhes bya ba gsungs so zhes bya ba'i don to/ /de nas 'di gsungs pa tsam gyis zhes bya ba ni hrIHzhes bya ba gsungs pa tsam gyi rjes thogs nyid la'o/ /pad+ma chen po de las zhes bya ba ni spyan ras gzigs dbang phyug pad+ma'i 'dab ma kha 'byed pa'i tshul gyis 'dzin par mdzad pa de las so/ /de bzhin gshegs pa la sogs pa'i gzugs thams cad ces bya ba ni 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa de bzhin gshegs pa rnams te/ de dag nyid la sogs pa gang yin pa'i de bzhin gshegs pa la sogs pa'i gzugs thams cad de/ de rnams byung nas dkyil 'khor gyi tshul du bzhugs par gyur to zhes bya bar sbyar ro/ /de rnams kyang khyad par ji lta bu dang ldan zhe na/ bcom ldan 'das dang 'dra ba zhes bya ba gsungs te/ bcom ldan 'das 'phags pa spyan ras gzigs dbang phyug gi pad+ma chen po las mngon par byung bas na/ bcom ldan 'das 'phags pa spyan ras gzigs dbang phyug dang 'dra zhing pad+ma'i mtshan ma dang pad+mas mtshan pa'i mtshan ma'o/ /mtshan ma gang zhe na/ pad+mas mtshan par nges par byung nas zhes gsungs te/ nges par byung nas zhes bya ba la sogs pa ni go sla'o/ /de nas byang chub sems dpa' zhes bya ba nas brtsams te bzhugs par gyur to zhes bya ba'i bar gyi bshad pas ni de bzhin du ting nge 'dzin gnyis pa gsungs pa yin no/ /de nas 'dus pa mdzad pa sngon du 'gro ba ni ting nge 'dzin gsum pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i cho ga bstan par bya ba'i phyir/ de nas zhes bya ba la sogs pas slob dpon gyi las kyi cho ga dang slob ma gzhug pa la sogs pa'i cho ga rgyas par gsungs pa yin te/ de nas zhes bya ba'i sgra ni snga ma bzhin te/ sngon du bsnyen pa'i las byas pa'i rjes thogs nyid la'o/ /bcom ldan 'das zhes bya ba la sogs pa ni snga ma bzhin no/ /chos thams cad ces bya ba la chos kyang yin la thams cad kyang yin pas na chos thams cad de/ 'dod chags la sogs pa ji skad du bshad pa rnams dang pad+ma'i rigs so/ /de dag nyid la gzigs pa ni ye shes gang gis so sor rtog par mdzad pa de nyid ni chos thams cad la gzigs pa'i ye shes te chos thams cad ngo bo nyid kyis dag pa'o zhes nges pa'i ye shes zhes bya ba'i don to/ /des dbang phyug tu gyur pa ni snga ma bzhin no/ /de'i ye shes ni 'gro ba 'dul ba'i dkyil 'khor chen po thams cad nges par byas pa'o/ /ye shes de nyid phyag rgya ste/ gang la ming de skad ces bya ba de la dmigs pa'i ting nge 'dzin ni chos thams cad la gzigs pa'i ye shes kyi dbang phyug ste/ ye shes kyi phyag rgya zhes bya'o/ /de la snyoms par zhugs pa ni mngon sum du mdzad pa'o/ /'gro ba thams cad ni sems can gyi khams te de gang gis 'dul bar gyur pa de ni/ 'gro ba thams cad 'dul ba zhes bya ba'i dkyil 'khor chen po'o/ /'di zhes bya ba de ni snga ma bzhin no/ /gsungs so zhes bya ba ni bka' stsal pa ste/ 'gro ba 'dul ba'i dkyil 'khor chen po'i rnam par thugs rtse gcig tu mdzad nas 'gro ba thams cad 'dul bar zhes bya ba'i dkyil 'khor chen po gsungs so zhes bya ba'i don to/ /'dis ni dkyil 'khor bsgoms nas mtshan ma thob pas dkyil 'khor bri bar bya'o zhes ston par 'gyur ba yin no/ /phyi'i dkyil 'khor ji lta ba zhes bya ba ni phyi'i dkyil 'khor rdo rje sems dpa'i dkyil 'khor chen po bzhin du bri bar bya'o zhes bya ba'i don to/ /nang du gnyis pa ni zur bzhi pa la zhes bya ba ni phyi'i dkyil 'khor gyi phyed kyi tshad kyi dbus su dkyil 'khor gnyis pa bri bar bya'o/ / de bzhin du sgo dang mtshams rnams su bcas pa bri bar bya'o zhes bya ba ni ji ltar de kho na nyid bsdus par 'gro ba 'dul ba'i dkyil 'khor chen por dkyil 'khor dbus ma sgo bzhi la bltas pa dang mtshams bzhi ji ltar yod pa de bzhin du sprul pa'i dkyil 'khor 'di nyid kyang sgo dang bcas par de bzhin du bri bar bya'o/ /de nas dkyil 'khor brgyad pa'i tshul du thig bzhis thig btab pa la ni zhes bya ba ni de ltar nang gi dkyil 'khor zur bzhi pa bris la/ shar dang nub dang byang dang / lhor thig bzhi btab pa ste/ dkyil 'khor brgyad ces bya ba'i cho ga 'dis thig bzhi dang thig gdab pa byas la/ tshon dmar pos ka ba brgyad kyi tshul du pad+ma 'dab ma brgyad pa bri bar bya'o/ /de'i dbus su bcom ldan 'das dgod par bya'o zhes bya ba ka ba brgyad kyi tshul gyis bris pa'i nang gi dkyil 'khor gyi dbus su ste/ pad+ma'i lte ba la pad+ma'i gdan la 'jig rten dbang phyug bri bar bya'o/ /de'i mdun du zhes bya ba la sogs pa ni go sla'o/ /phyi'i dkyil 'khor gyi mtshams rnams su zhes bya ba la sogs pa la phyi'i dkyil 'khor gyi lha'i snam bu la shar lho mtshams su pad+ma chen po la sa 'dzin lha mo ming shrI zhes bya ba phyag g.yon pa pad+ma bsnams pa/ g.yas na gter gyi bum pa bsnams pa'o/ /lho nub mtshams su pad+ma chen po rgya mtsho ming hrIHzhes bya ba phyag g.yon pa na pad+ma bsnams pa/ g.yas na sbrul gyi zhags pa bsnams pa/ nub byang mtshams su pad+ma chen po nyi ma'i ming gi zhes bya ba phyag g.yon pa na pad+ma bsnams pa/ g.yas na pad+ma'i steng na nyi ma'i dkyil 'khor bsnams pa'o/ /byang shar mtshams su pad+ma chen po rlung gi lha mo ming d+hIHzhes bya ba phyag g.yon na pad+ma bsnams pa/ g.yas na ba dan bsnams pa legs par bri bar bya'o/ /shar phyogs kyi sgor pad+ma chen po chags pa'i mtshon cha'i mtshan ma bud med kyi gzugs dang / lhor pad+ma chen po gtum pa'i dbang phyug gi mtshan ma sbrul kyi gzugs dang / nub tu pad+ma chen po nag po'i mtshan ma phag gi gzugs dang / byang du mi mjed kyi bdag po tshangs pa'i mtshan ma pad+ma'i gzugs bri bar bya'o/ /'di skad ston par 'gyur te/ bcom ldan 'das 'gro ba 'dul ba'i sbyor bas 'phags pa de kho na nyid bsdus pa las gsungs pa'i rnal 'byor chen po byas la/ ting nge 'dzin gsum bsgom pa nas brtsams te/ ji srid dkyil 'khor mngon sum du mthong bar gyur pa de srid kyi bar du dkyil 'khor bsgom par bya'o/ /de nas ji skad du bshad pa'i dkyil 'khor gyi sa'i dbus su ting nge 'dzin gsum po bsgoms la/ bar snang gi phyogs su snga ma bzhin du yang dag par bzhag ste/ nyi ma 'char ba'i dus su thig legs par gdab par bya ste/ 'di'i phyi'i dkyil 'khor ni rdo rje sems dpa'i dkyil 'khor dang 'dra'o/ /de'i nang du de'i phyed kyi tshad kyi ri mo gnyis phyi'i dkyil 'khor gyi sgo bzhi la mngon sum du bltas pa/ mtshams bzhi po ri mo gnyis kyi dbus na gnas pa/ pad+ma'i phreng bas kun du mnyes par mdzes par byas la/ nang gi dkyil 'khor sgo med par bris te/ 'dir ka ba brgyad kyi tshul du pad+ma 'dab ma brgyad bri bar bya'o/ /de nas phyi dang nang du bcas pa'i d kyil 'khor gyi lha thams cad kyi gnas su sna tshogs pad+ma rnams la dbus su bcom ldan 'das spyan ras gzigs dbang phyug g.yon snyems pas rdo rje pad+ma 'dzin cing thugs ka'i phyogs su 'byed par mdzad pa sku mdog dmar skya zhal 'dzum dmul ba sems dpa'i skyil mo krung du bzhugs pa/ 'od dpag tu med pa'i cod pan gyis dbang bskur ba/ zla ba'i 'od can bri bar bya'o/ /de'i shar gyi pad+ma'i 'dab ma la pad+ma chen po sku mdog dmar ba/ 'dod pa'i lha'i gzugs 'dzin pa/ me tog pad+ma dang mda' gzhu bsnams pa bri bar bya'o/ /de'i lho phyogs su pad+ma chen po gtum po'i dbang phyug sku mdog nag po dbang phyug chen po'i gzugs 'dzin pa/ khros pa spyan gsum pa phyag bzhi pa ste/ de la phyag g.yas gnyis na tri shU la dang pad+ma bsnams pa/ g.yon gnyis na kha T+wAM ga dang thod pa bsnams pa'o/ /de'i rgyab tu pad+ma chen po khyab 'jug gi gzugs 'dzin pa/ sku mdog nag po phyag bzhi pa ste/ de la phyag g.yas gnyis na pad+ma dang 'khor lo bsnams pa/ g.yon gnyis na dbyig pa dang dung bsnams pa'o/ /de'i byang du gnas pa'i pad+ma la pad+ma chen po mi mjed kyi bdag po tshangs pa'i gzugs 'dzin pa/ sku mdog dkar po zhal bzhi pa/ phyag bzhi pa/ g.yas na dbyig pa dang bgrang phreng 'dzin pa/ g.yon gnyis na pad+ma dang ril pa spyi blugs bsnams pa'o/ /shar lho'i mtshams kyi pad+ma'i 'dab mar sna tshogs pad+ma la/ pad+ma chen pos 'dzin sa chen po 'dzin pa g.yon brkyang bas gnas pa ste/ de la phyag gnyis kyis gcig la gcig bzung ba'i tshul gyis bzhugs shing / phyag g.yon pa 'degs pas sa 'dzin par mdzad pa/ yang phyag g.yon pa gnyis na dung dang pad+ma bsnams pa/ g.yas gnyis na 'khor lo dang dbyig pa bsnams pa'o/ /lho nub mtshams su pad+ma chen po rgya mtsho chu lha'i gzugs 'dzin pa sku mdog dkar po gdengs ka brgyad pa/ g.yas na pad+ma bsnams pa/ g.yon na sbrul kyi zhags pa bsnams pa'o/ /nub byang gi mtshams su pad+ma chen po nyi ma sku mdog dmar po phyag g.yas na pad+ma bsnams pa/ g.yon na pad+ma'i steng na nyi ma'i dkyil 'khor bsnams pa gzhag par bya'o/ /byang shar mtshams su pad+ma chen po rlung gi gzugs 'dzin par mdzad pa/ sku mdog nag po phyag g.yas na ba dan bsnams pa/ g.yon na pad+ma bsnams pa bri bar bya'o/ /lhag ma rnams ni sngar smras pa bzhin no/ /'dir lha thams cad kyi snying po ni hrIHzhes bya ba yin no/ /de la pad+ma chen po chags pa'i 'dod chags ni byang chub chen po'i mtshan nyid can gyi sems kyi ngo bo nyid kyi de bzhin nyid dang / don thams cad la chags pa nyid dang / de ston pa'i mtshan ma ni 'dod chags kyi mtshan ma bud med kyi gzugs zhes bya ba bud med kyi lus te/ des ni de'i ngo bo nyid du ston te/ bud med chags pas 'gro ba bde byed phyir/ /zhes bshad pa'i phyir ro/ /pad+ma chen po gtum pa'i dbang phyug ni zhe sdang ste/ byang chub kyi sems chen po des gdug pa rnams la sdang ba ni byang chub kyi sems chen po zhes bya ba'i chos nyid de ston pa'i byang chub kyis zhe sdang bzlog par 'gyur te/ de'i mtshan ma ni sbrul kyi gzugs zhe sdang ngo bo nyid med par ston pa ste/ zhe sdang ni drag po'o zhes gsungs pa'i phyir ro/ /pad+ma chen po nag po ni gti mug ste/ byang chub kyi sems chen po'i mtshan nyid can de la lta ba drug cu rtsa gnyis rnam par rtog pas dbang phyug la sogs pa yongs su brtags pas gdul bya rnams yongs su 'khrul par gyur pa la de rnams kyi dngos po la mngon par zhen pa spang bar bya ba'i phyir gti mug mnyam pa nyid ston par mdzad pas de'i tshul gyis na gti mug la khyab 'jug ces bshad do/ /de'i mtshan ma ni phag gi gzugs te/ chos nyid de ston par mdzad pa'o/ /mi mjed kyi bdag po tshangs pa ni thar pa ste/ kun du dga' ba tshangs pa'i bzhi/ /zhes zer ba'i phyir ro zhes bshad do/ de'i phyir de'i mtshan ma ni pad+ma ste/ des dri ma thams cad dang bral ba ston pa'i phyir ro/ /de ltar mtshan ma de rnams kyis mtshon pa'i don bshad pas gdul bya rnams kyis 'dod chags la sogs pa'i mnyam pa nyid rnam par bsgoms nas thar pa chen po'i grong khyer gyi sgo 'jig rten las 'das pa'i dbang po lnga'i ngo bo nyid rtogs nas/ thar pa chen po'i grong khyer byang chub chen po'i sems la sogs pa'i ngo bo nyid mngon sum du byed par 'gyur te/ de bas na 'di dag ni sgo rnams su bri bar bya'o/ /de nas gos dkar po zhes bya ba la sogs pas de ltar dkyil 'khor bris nas de'i rjes thogs nyid la slob dpon ras dkar po la pad+ma'i rdo rje gnod sbyin yongs su bzlas pa des smad g.yogs dang / stod g.yogs dang / gdong g.yogs byas la ji lta ba bzhin du zhugs pa'i pad+ma'i rigs kyi slob dpon ni 'di ltar rang nyid 'jug par 'gyur ro/ /de nas zhes bya ba la sogs pa ni go sla'o/ /ji ltar pad+ma dmar po 'di/ /zhes bya ba la sogs pa la ji ltar 'dam gyi nang na gnas kyang 'dam gyis mi gos/ rang bzhin gyis kha dog dmar po'i pad+ma dmar po ni rang bzhin gyis kha dog dmar po la rang gi nyes pa chu las byung ba'i 'dam la sogs pas gos par mi 'gyur ro/ /gang na zhe na 'dam gyi nang na'o/ /de bzhin du rnam par dag pa'i byang chub sems dpa' rnams ni bag chags dang bcas pa khams gsum na spyod pa'i nyon mongs pa rnams med par thugs rje chen po'i 'dod chags kyi chags pa ni 'dod chags dang / zhe sdang dang / gti mug la sogs pa 'khor ba'i mtsho'i dbus na 'khor ba nas byung ba nyes pa rnams kyis mi gos pas na de ltar zhes bya'o/ /de bzhin zhes bya ba'i sgra gnyis pa ni nges par gzung ba ste/ ji ltar pad+ma 'dam gyi nang na dmar du zin kyang chu'i nyes pas mi gos so/ /de bzhin du byang chub sems dpa' bag chags dang bcas pa'i nyon mongs pa dang bral ba rnams ni 'khor ba'i 'dam gyi nang du skyes shing thugs rje chen po'i chags pas chags su zin kyang 'khor ba'i nyes pas gos par mi 'gyur ro/ /de ltar chos rnams bsgoms na ni/ /zhes bya ba ni ji ltar yongs su dag pa'i byang chub sems dpa' rnams ni thugs rje chen po'i chags pas chags kyang 'dod chags la sogs pa'i 'khor ba'i chu'i nyes pa las nges par grol ba yin no/ /de bzhin du las dang po pa'i byang chub sems dpa' rnams kyis chos thams cad ngo bo nyid kyis dag pa'o zhes bsgom zhing / yang dang yang du mngon sum du byed la/ snying rje chen po'i chags pas chags na blo ldan zhes bya ba shes rab kyi pha rol tu phyin pa shes pa dang ldan pa'o/ /nyon mongs pa can du gyur kyang zhes bya ba ni 'khor ba'i nyon mongs can dang / nye ba'i nyon mongs pa la sogs pa dang ldan du zin kyang ngo / /nyon mongs kun las rnam grol nas/ /myur du byang chub mchog thob 'gyur/ /zhes bya ba ni nyon mongs pa thams cad las rnam par grol ba'i sgom pa'i rang bzhin gyi shes rab kyi pha rol tu phyin pa rtogs pas myur ba nyid du mngon par rdzogs par sangs rgyas shing / sangs rgyas nyid mthong bar 'gyur ba'o/ /ting nge 'dzin 'di la gzigs pas zhes bya ba ni mngon sum du byed pas so/ /de bzhin gshegs pa thams cad ni rnam par snang mdzad la sogs pa ste/ de bsgom pa dang ldan pa'i sems dang sems las byung ba ni dbang phyug nyid du 'thob par 'gyur zhing rtog par 'gyur ba ste/ gzung ba dang 'dzin pa'i rnam par rtog pa dang bral bas rang dbang du spyod par mdzad pa'i phyir/ de nas bcom ldan 'das spyan ras gzigs dbang phyug ces mtshan btags so zhes bya ba ni rang dbang du gyur pa thugs su chud pa des de'i rjes su 'gro ba'i don las/ bcom ldan 'das spyan ras gzigs dbang phyug ces mtshan btags pa'o/ /de nas brtsams te zhes bya ba ni bsgoms pa'i dus nas nye bar bzung nas so/ /bdag nyid kyi dngos po thams cad shin tu yongs su dag pa zhes bya ba ni sku dang gsung dang thugs rdo rje rnam par dag pa de thugs su chud pa dang / rjes su mthun pa'i lus dang ngag dang yid yongs su thob pas so/ /dus ji srid cig gis bdag nyid kyi dngos po thams cad yongs su dag par 'gyur zhe na/ byang chub kyi snying po'i bar du zhes bya ba gsungs te/ ji srid bla na med pa yang dag par rdzogs pa'i byang chub mngon sum du ma byas pa de'i bar du/ de de bzhin gshegs pa thams cad kyi sku dang gsung dang thugs thob pa la gegs su gyur pa'i sgrib pa dang ldan par mi 'gyur ba'o/ /myur du 'tshang rgya ba nyid 'thob par 'gyur te zhes bya ba ni go bar zad do/ /slob ma gzhug pa'i cho ga rgyas pa yang de bzhin no zhes bya ba ni/ ji ltar slob dpon gyi 'jug pa la sogs pa'i cho ga rgyas par bzlas ma thag tu bshad pa de bzhin du pad+ma'i slob ma rnams kyi yang shes par bya ba'o zhes bya ba'i don to/ /ye shes kyi dkyil 'khor zhes bya ba ni gti mug gi gnyen po'i phyogs su gyur pa 'dod chags thams cad rnam par dag pa la sogs pa ji skad bshad pa'i ye shes rnam pa lnga ni ye shes te/ de las byung ba'i pad+ma'i rigs kyi dkyil 'khor yang ye shes kyi dkyil 'khor ro/ /de nas gos dkar po zhes bya ba nas brtsams te/ 'di'i bar gyi don yang 'di ltar yang shes par bya ste/ de ltar dkyil 'khor bris nas bcom ldan 'das 'gro ba 'dul ba'i sbyor bas snga ma bzhin du rnal 'byor chen po byas la/ 'jug pa'i dam tshig gi phyag rgyas yongs su bzung ba'i pad+ma'i me tog gi yal ga las rnam par rgyal ba'i bum pa dang / lha thams cad kyi bum pa dang / bum pa gang ba rnams hrIHzhes bya bas re re zhing lan brgya rtsa brgyad bzlas pas dkyil 'khor gyi sgo bzhi phye ste/ rdo rje bsdus pa byas la/ bcom ldan 'das kyi phyag rgya chen po bsgom zhing / bcom ldan 'das la mtshan brgya rtsa brgyad pas bstod la/ gsang ba'i lcags kyu dang / hrIHzhes bya bas bcom ldan 'das 'khor dang bcas pa dkyil 'khor du bcug pa la rdo rje gnod sbyin gyis bgegs bskrad do/ /mtshams dang dkyil 'khor bcing ba dang / rab dang dra ba dag byas te/ rdo rje khu tshur gyis dkyil 'khor gyi sgo bzhi bcings la/ rdo rje bsrung bas bsrungs pa thams cad go cha bskon te/ hrIHzhes bya bas mchod yon phul te/ dam tshig gi phyag rgya dang / dri dang dr-i sh+ya zhes bya bas 'khor dang bcas pa blta bar byas te/ dzaHhUM baM hoHsa ma ya s+t+waM/ sa ma ya s+t+waM a haM/ hrIHzhes bya ba dang bsgrub par bya'o/ /rdo rje thal mo khong stong du sbyar ba las gung mo gnyis pa snyams la/ mthe bong dang mthe'u chung phye ste/ pad+ma'i 'dab ma dang 'dra bar bya ba 'di ni dam tshig gi phyag rgya ste/ pad+ma chen po'i phyag rgya yang 'di nyid yin no/ /'jug pa'i dam tshig gi phyag rgya pad+ma'i me tog dang ldan pa bzung la/ de nas lce la hrIHzhes bya ba ji lta ba bzhin bsam zhing / lha thams cad kyi ljags la yang bsam pa 'di ni chos kyi phyag rgya'o/ /a las snying gar sna tshogs pad+ma bsams la/ 'gro ba 'dul ba la sogs pa'i las kyi phyag rgya hrIHzhes bya ba zlos shing / las kyi phyag rgya bcing bar bya ste/ pad+ma'i khu tshur bcings la g.yas pas g.yon pa dbye ba 'di ni bcom ldan 'das kyi las kyi phyag rgya'o/ /gzhan rnams kyi ni phyag rgya chen po nyid do/ /de nas hrIH zhes bya bas rang gi snying gar pad+ma bsams la/ phyag rgya chen po bris pa'i rjes su mthun par hrIHzhes bya ba nyid zlos shing bcing bar bya'o/ /de nas bcom ldan 'das 'od dpag tu med pa'i dbang bskur ba dang pad+ma'i phreng ba'i dbang bskur ba bcom ldan 'das 'khor dang bcas pa la phul la/ snga ma bzhin du mchod yon dang / bum pa dang / bum pa gang ba dang / na bza' bla re la sogs pa yang phul te/ me tog gi shing la sogs pa mchod pa rnam pa lngas mchod pa byas la/ phyi rol du glu dang gar dang rol mo dang rta dang glang po che dang / ba lang gi khyu rnams kyis kyang mchod pa byed du gzhug go/ /de nas mchod pa rnam pa bcu gnyis kyis yang dag par mchod la/ oM las rin po che sna bdun dang / dpag bsam gyi shing dang kha zas ro brgya pa la sogs pa'i bkod pa sprul la/ de 'dis dbul bar bya ste/ phyag 'tshal ba'i thal mo dpral ba'i phyogs su sbyar la/ oM sarba bit+pU ra pU ra/ su ra su ra A ba rta ya A brta ya hoH/ de nas phyi rol du gtor ma sbyin la/ ras dkar po la rdo rje gnod sbyin gyis yongs su bzlas te gcig gis smad g.yogs bya/ gnyis pas stod g.yogs byas la/ yang gcig la rta mgrin la sogs pa sgo srung bzhi'i snying po bzlas pas rang gi gdong g.yogs nas/ phyag 'tshal ba la sogs pa sngon du 'gro bas de bzhin du sdom pa blangs la/ byang chub tu sems bskyed de/ rdo rje pad+ma rdo rje lte ba lta bu'i snying gar pad+ma'i khu tshur bzhag la/ snga ma bzhin du sgo la mngon par phyogs nas gnas pa'i dbus su bum pa'i chus bdag nyid dbang bskur te/ 'jug pa'i dam tshig gi phyag rgyas ji skad du bshad pa'i mtshan nyid can pad+ma'i me tog dang bcas pa bcings la/ de nyid kyis me tog gi phreng ba blangs nas/ badzra badzra hrIHzhes zlos shing dkyil 'khor du 'jug par bya'o/ /de nas shar phyogs kyi sgor zhugs la/ oM h+ya gr-i ba ma hA pad+ma aM ku sha A kaR+Sha ya shI g+h+raM sarba pad+ma sa ma ya pad+ma aM ku sha d+ha ra hUM dzaHzhes bya ba dang / rta mgrin gyis bdag nyid dgug par bya'o/ /de nas lho phyogs kyi sgo nas de bzhin du zhugs te/ oM a mo g+ha pad+ma pA sha kro d+ha A kaR+Sha ya pra be sha ya ma hA pa shu ba ti ya ma ba ru Na ku be ra brah+ma be+e sha d+ha ra sarba pad+ma ku la sa ma yAM hUM hUM zhes bya ba dang / yang bcom ldan 'das don yod pa'i zhags pas gzhug par bya'o/ /yang nub phyogs kyi sgo nas zhugs la/ oM pad+ma s+pho Ta ban+d+ha sarba pad+ma ku la sa ma yA shI g+h+raM hU~M baM zhes bya ba dang / pad+ma'i lcags sgrog gis bcing bar bya'o/ /de nas byang phyogs kyi sgo nas zhugs te/ oM ShaN mu kha nat+ku mA ra be sha d+ha ra pad+ma Shan ta ya/ A be sha ya sarba pad+ma ku la sa ma yAM sarba mu dra ban+d+ha ya/ sarba sid+d+ha yo me pra yats+tsha pad+ma A be sha ya a a a a zhes bya ba dang / pad+ma'i 'bebs pas bdag nyid dbang du bya'o/ /yang shar phyogs kyi sgo nas zhugs la/ ma hA ra ta su dr-i D+ha/ su to Sh+yo su su kho badzra satwa sid+d+h+ya mAM zhes brjod do/ /de nas rnam par sgeg pa'i rdo rjes phyag byas la/ dkyil 'khor la bskor ba lan gsum byas te/ bcom ldan 'das kyi spyan sngar 'dug la 'di skad ces brjod par bya'o/ /ma hA rA ga ma hA sau khya/ ma hA badzra ma hA d+ha na/ ma hA dz+nya na ma hA karma badzra satwA Ad+ya sid+d+h+ya mAM/ yang 'di skad brjod par bya'o/ /dzaHhU~M baM hoHpra sid+d+h+ya hAM/ de nas rdo rje chu 'thungs la bdag nyid 'jug par bya ste/ dang po kho nar sa ma ya s+t+waM zhes brjod la sems ma rdo rje bcing bar bya'o/ /de nas oM pad+ma s+pho Ta a d+hi tiSh+Tha a zhes brjod de/ sems ma rdo rje'i phyag rgya sbyar la a zhes bya ba lan brgya bzlas par bya'o/ /yang hrIHa zhes lan brgya brjod par bya ste/ des ni bab par 'gyur ro/ /de nas hrIHzhes bya bas me tog dor bar bya'o/ /de nas des blang la de nyid dang rang gi mgo la bcing bar bya'o/ /de nas de nyid kyis gdong g.yogs dgrol bar bya'o/ /de nas de nyid zlos shing / shar phyogs kyi cha nas brtsams te blta bar bya'o/ /de nas 'jug pa'i phyag rgya bcings nas/ tiSh+Tha badzra zhes bya ba la sogs pas rang gi snying gar dgrol bar bya'o/ / de nas 'gro ba 'dul ba'i phyag rgya chen po bcings la/ bcom ldan 'das la rdo rje'i lta bas blta zhing / ji srid bcom ldan 'das kyis zhal bstan nas rang gi dngos grub stsol bar mdzad pa de srid kyi bar du bzlas brjod bya'o/ /de nas rdo rje thal mo bskor ba shis pa brjod pa 'don pa'i tshul du rang gi snying gar bzhag la/ mtshan brgya rtsa brgyad pas bstod do/ /rdo rje pad+ma la sogs pas gsang ba'i mchod pa bzhis bcom ldan 'das yang dag par mchod la/ glu dang rol mo'i mchod pa rnams kyis yang dag par mchod par bya'o/ /de nas yang phyag rgya chen po bcings la/ bcom ldan 'das la rdo rje'i lta bas blta zhing rdo rje thal mo bskor bas phyag byas la/ me tog la sogs pa'i dbang bskur ba rnams kyang blang bar bya ste/ de la dang po kho nar dam tshig gi phyag rgyas yongs su bzung ba'i me tog gi yal ga las rnam par rgyal ba'i bum pa las oM ma hA su kha zhes bya ba la sogs pa sngar bshad pa'i sngags lan nyi shu rtsa gcig bzlas brjod bya'o/ /de nas bdag nyid 'gro ba 'dul bar byin gyis brlabs la/ dam tshig gi phyag rgyas rnal 'byor chen po las gsungs pa'i gnas su rang gi lus la 'gro ba 'dul ba la sogs pa legs par bkod nas/ phyi'i dkyil 'khor gyi nang du sna tshogs pad+ma'i steng du 'gro ba 'dul ba'i phyag rgya chen po bcings la 'dug ste/ me tog la sogs pas bdag nyid yang dag par mchod nas/ mchod yon blangs la/ mtshan brgya rtsa brgyad kyis yang dag par bstod de/ pad+ma'i khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa hrIHzhes bya ba 'dis bdag nyid dbang bskur bar bya zhing / chu de btung bar yang bya'o/ /de nas 'od dpag tu med pa'i dbang bskur ba'i phyag rgyas dbang bskur la/ lugs ma'am/ brdungs pa'am/ byas pa'am/ bris pa'i dbu rgyan 'od dpag tu med pa'i phreng ba dang ldan pas/ rdo rje rin po che dang / 'od dpag tu med pa'i pad+ma'i phreng ba'i sngags yongs su bzlas pas yang bdag nyid dbang bskur bar bya zhing / dar dpyangs bcing ba yang byas la/ rdo rje pad+ma dang / pad+ma'i dril bu blangs la/ bdag po dang / ming gi dbang bskur bas bdag nyid dbang bskur te/ dngos grub kyi rdo rje'i brtul zhugs kyi cho ga 'di gzung bar bya'o/ /g.yon pa'i pad+ma'i khu tshur gyis rdo rje pad+ma blangs la bsnyems pas bzung ste/ lag pa g.yas pas rang gi snying ga'i phyogs su kha 'byed cing / bcom ldan 'das rdo rje brtul zhugs stsol bar mdzad bzhin par yang bsams la/ oM pad+ma ha sta badzra d+harma twaM pha la ya zhes brjod par bya'o/ /yang 'di skad ces kyang brjod par bya ste/ rdo rje chos nyid de ji lta bu lags/ de nas bcom ldan 'das chos nyid ston par mdzad par bsam par bya ste/ ji ltar pad+ma dmar po 'di/ /mtshon gyi nyes pas mi gos te/ /'dam gyi nang na dag pa ste/ /'dod chags zhe sdang sogs de bzhin/ /zhes bya ba ste/ 'di ni 'dir chos nyid do/ /de ltar brtul zhugs blangs nas/ me tog la sogs pa phyi'i mchod pa rnams kyis bdag nyid yang dag par mchod la/ pad+ma'i mtshon cha la sogs pa phyag rgya'i mchod pa bcu gnyis kyis yang dag par mchod nas/ de nyid kyis ni pad+ma bzung / /zhes bya ba la/ de kho na nyid 'di yin te/ bcom ldan sangs rgyas 'phags pa ni/ /spyan ras gzigs kyi dbang phyug ste/ /dag pa'i rol mos gar mdzad cing / /gdul ba yi ni thabs rnams mdzad/ /chos kyi dril bu dkrol bar bya/ /zhes bya ba ni 'di yin te/ /de ltar pad+ma dmar po ni/ /mtshon gyis nyes dang gnas pa yi/ /nyes pa du mas mi gos te/ /de bzhin khams gsum dag pa'o/ /dam tshig gi mi phyag rgya cher/ /byin gyis brlabs nas snying po bzla/ /zhes bya ba ni 'di yin te/ bya ba gang dang gang gis ni/ /'gro ba rnams ni 'dul bar 'gyur/ /pad+ma dag par sbyor ba'i bdag /de dang des ni sbyar bar bya/ /zhes bya ba 'di dam tshig go/ /de nas bcom ldan 'das la phyag bzhi byas te/ snying po blangs la tshigs su bcad pa lnga pas rjes su gnang ba dang / gzengs bstod pa dang / lung bstan pa bcom ldan 'das las mnos te/ yang bdag la byin gyis brlabs pa la sogs pa byas nas/ ji ltar 'dod pa'i bzlas brjod byas la/ bcom ldan 'das la phyag byas te/ 'di skad ces brjod do/ /bdag ming 'di zhes bya ba yi/ /pad+ma'i slob dpon dka' thub che/ /sems can kun la phan pa'i phyir/ /slob ma rnams ni gzhug par bgyi/ /de nas slob ma gzhug par bya ste/ slob dpon gyi las kyi cho ga rgyas pa'o/ /de nas sdom pa dpog par 'os pa'i slob ma sngar bshad pa'i tshul gyis sdom pa 'dzin du bcug la/ byang chub tu sems bskyed du bcug ste/ de'i snying gar de bzhin du pad+ma bskyed la/ da 'gro ba 'dul bar byin gyis brlabs nas/ spos dang me tog la sogs pas mchod de/ yon gyi mchod blangs la sgo'i phyogs su bltas nas gnas pa'i bum pas dbang bskur nas/ bdag nyid 'jug pa'i cho gas bcug la/ cho ga thams cad rjes su spyad par bya'o/ /slob ma gzhug pa la sogs pa'i cho ga rgyas ba rdzogs so// //'gro ba 'dul ba'i dkyil 'khor 'di nyid du dam tshig dang dbang bskur ba thob pa rnams la/ slob dpon gyis 'di las gsungs pa'i dngos grub kyi ye shes bslab par bya'o zhes bya ba 'di'i don bstan par bya ba'i phyir/ sgrub pa po zhes bya ba la sogs pa gsungs te/ sgrub pa la ni de bzhin du ras kyi ri mo gnyis kyis dngos grub thams cad thob par 'gyur ro zhes bya ba ni dkyil 'khor du zhugs la snying po blangs nas zla ba nya nas brtsams te/ bcom ldan 'das 'gro ba 'dul ba ras la sogs pa la bris pa'i sku mdun du bzhag ste/ de'i sbyor bas mdun du spyan drangs nas/ cho ga thams cad rjes su spyad de/ de'i dam tshig gi phyag rgya bcings nas/ bcom ldan 'das kyi thugs ka na yod pa'i rdo rje pad+ma la hrIH zhes bya ba rnam par bkod la de nyid dpag tu med par nyin re zhing bdag la byin gyis brlabs pa la sogs pa byas nas/ ji srid zla ba gcig gi bar du bzlas brjod byas na sngon du bsnyen pa byas par 'gyur ro/ /de nas dang po rdo rje bri ba'i phyag rgya dang bri ba'am/ 'drir gzhug par bya'o/ / dkyil 'khor du yang des dang por brtsam par bya ste/ phyis ni ci bder bya'o/ /de yang dbus su ni bcom ldan 'das 'gro ba 'dul ba bri bar bya'o/ /gzhan dag ni dkyil 'khor gyi tshul gyis bri bar bya'o/ /'di ni dkyil 'khor gyi ras kyi ri mo'o/ /de nas zla ba nya nas brtsams te/ phyag rgya chen po bcings la/ sngon du bsnyen pa'i sbyor ba ji srid du zla ba gnyis pa'i nya la thug gi bar du bzlas brjod de bzhin du bya'o/ /de nas de'i mtshan thog thag phyag rgya ma bkrol bar ci nas kyang skyo bar mi 'gyur ba de ltar bzlas brjod bya'o/ /de nas tho rangs ka bcom ldan 'das kyis zhal bstan nas/ ji ltar mngon par 'dod pa'i dngos grub stsol bar 'gyur te/ ras kyi ri mo dang po'i cho ga'o/ /de nas ras kyi ri mo gnyis pa'i cho ga ni sngon du bsnyen pa de bzhin du byas la/ ras la bcom ldan 'das 'gro ba 'dul ba dpa' bo gcig pu bri bar bya'o/ /de nas de'i spyan sngar phyag rgya chen po la gnas pas bzlas brjod 'bum bya'o/ /de nas zla ba nya la mtshan thog thag bzlas brjod byas nas tho rangs bcom ldan 'das kyis zhal bstan nas/ de bzhin du dngos grub rnams stsol bar 'gyur te/ ras kyi ri mo gnyis pa'i bsgrub pa bya'o/ /de nas ma bsgrubs kyang zhes bya ba ni bshad zin to/ /thams cad rjes su chags par bya ba la ni zhes bya ba ni 'dod pa'i lha la sogs pa dang / sems can gyi khams thams cad rang dbang du bya'o/ /de ji ltar 'gyur zhe na/ pad+ma la lan stong bzlas te sbyin par bya'o zhes bya ba gsungs te/ phyi'i pad+ma blangs la/ 'phags pa spyan ras gzigs dbang phyug gi sbyor bas hrIHzhes bya ba lan stong yongs su bzlas te/ mnyes par byas pa'i lha'am/ mi la sogs pa gzhan dag la dbul zhing sbyin par bya'o/ /pad+ma de kha dog dmar zhing 'od zer dmar po'i tshogs kyis bsgrub par bya ba dmar po bsam par bya ba ste/ de lta bus ni rjes su chags par 'gyur ro/ /thams cad gsad pa la ni zhes bya ba ni/ sems can mang po la 'khu zhing gsod pa la sogs pa rnams la 'dul ba'i dbang gis nye bar bzung ste gsad pa'o/ /de ji ltar 'gyur zhe na/ pad+ma chen po'i khro bo'i phyag rgyas so zhes bya ba gsungs te/ pad+ma chen po gtum pa'i dbang phyug ni pad+ma chen po'i khro bo'o/ /de'i dam tshig gi phyag rgya gang yin pa de ni pad+ma chen po'i khro bo'i phyag rgya'o/ /de ni 'di yin te/ rdo rje bsdams pa bcings la/ mdzub mo gnyis brkyang nas mig gdangs shing khro gnyer bsdus te 'dis pad+ma chen po gtum pa'i dbang phyug tu bdag nyid bsgoms la/ khro bas khro ba spang bar bya ba'i phyir gdul ba'i phyir skye bo rnams la yid kyis de gsad par bya'o/ /de nas gdul bya de rnams pad+ma chen po gtum pa'i dbang phyug nyid 'thob par 'gyur ba'am/ 'chi bar 'gyur la/ shi 'phos nas kyang sangs rgyas kyi zhing yongs su dag pa rnams su skye bar 'gyur ro/ /thams cad rmongs par 'gyur ba la ni zhes bya ba ni rang gi sems dang sems las byung ba'i rgyun thams cad de de rnams rmongs par bya ba ni stong pa nyid kyi ye shes kyis gzung ba dang 'dzin pa'i rnam par rtog pa bsal nas/ rnam par mi rtog pa'i ting nge 'dzin la rab tu gzhag pa'am/ dkon mchog gsum la sogs pa la 'khu ba la sogs pa'i sems can thams cad kyi dran pa nyams par bya zhing / rang ngam gzhan du shes par mi 'gyur ba'o/ /de ji ltar 'gyur zhe na/ pad+ma chen po phag gis so zhes bya ba gsungs te/ pad+ma chen po sa 'dzin gyi phyag rgya chen po ni pad+ma chen po phag ste/ des de ltar 'gyur ba'o/ /'di skad ston par 'gyur te/ bcom ldan 'das pad+ma chen pos 'dzin gyi phyag rgya chen po bcings la de'i ngo bo nyid du bdag nyid bsams nas/ bsgrub par bya ba'i sems can thams cad de'i ngo bo nyid du bya'o/ /de ltar na rnam par mi rtog pa'i ye shes 'dis rmongs par 'gyur te/ de rtog par 'gyur ba'i stobs kyis rmongs par 'gyur ro/ /sems can gyi khams gdug pa rnams kyang dran pa gzhig pa'i bsam pas bsgoms na de kun du rmongs par 'gyur ro/ / nyon mongs pa thams cad ni ji skad bshad pa'i 'dod chags la sogs pa'o/ /de rnams kyi rnam par rtog pa ni de bzhin nyid rtogs pa'o/ /ji ltar 'gyur zhe na/ pad+ma chen po rnam par gzigs pa'i ting nge 'dzin gyi phyag rgyas so zhes bya ba gsungs te/ bcom ldan 'das 'gro ba 'dul ba'i phyag rgya chen po zhes bya ba'i don to/ /sa thams cad kyi bdag po nyid du bya ba ni rgyal po thams cad thob pa'o/ /sa la skyil mo krung bcas nas zhes bya ba la sogs pa ni go sla'o/ /'di skad ston par 'gyur te/ gang rgyal po 'dod pa des ni bcom ldan 'das pad+ma chen po'i nag po'i sbyor ba byas la/ bsnyen pa byas nas rnam par dben pa'i phyogs su sa la skyil mo krung bcas la/ bzlas pas stong phrag brgya byas te/ zla ba nya la mtshan yal nangs su bzlas brjod byas na/ de nas nang par rgyal srid thob par 'gyur ro/ /chu thams cad dgug pa la ni zhes bya ba la sogs pa la snga ma bzhin du bcom ldan 'das pad+ma chen po'i rgya mtsho'i sbyor bas zla ba gcig gi bar du sngon du bsnyen pa byas la/ chu drang ba'i bsam pas klu'i rgyal po rgya mtsho'i gzugs bris te/ gsang ba'i lcags kyus dgug pa dang / gzhug pa dang / bcing ba dang / dbang du bya ba byas la/ de'i steng du skyil mo krung bcas nas 'dug ste/ bzlas brjod stong phrag brgya bya'o/ /thams cad snang bar bya ba la ni zhes bya ba la sogs pa la/ nyi ma'i snang ba la sogs pa bya bar 'dod pas bcom ldan 'das pad+ma chen po nag po'i sbyor bas snga ma bzhin du sngon du bsnyen pa byas la/ de'i phyag rgya chen po bcings te bzung nas mun pa'i phyogs su nyi ma 'bar ba rab tu gtong ba rang gi lus las gtong bar byas te/ de lta bus ni snang bar byas par 'gyur ro/ /rlung thams cad ces bya ba la sogs pa rlung gi dkyil 'khor b+he raM pa ldang bar 'dod pas/ bcom ldan 'das pad+ma chen po rlung gi sbyor bas de bzhin du sngon du bsnyen pa byas nas/ de'i rjes thogs nyid la rlung thams cad bzung ste/ ji skad du bshad pa'i rlung thams cad dgugs dang / gzhug pa dang / bcing ba dang / dbang du bya ba rnams bya'o/ /nyon mongs pa thams cad ni 'dod chags la sogs pa'o/ /de rnams kyi rnam par dag pa ni ji skad du bshad pa rnams so/ /de'i dam tshig ni pad+ma'i rigs te/ ming 'di skad ces bya ba'i rtog pa'i rgyal po chen po rdzogs pa ste/ pad+ma'i rigs kyi dbugs dbyung ba'i bshad pa rdzogs so// //de ltar gti mug gi gnyen po'i phyogs su gyur pa pad+ma'i rigs bstan nas/ da ni ser sna'i gnyen po'i phyogs su gyur pa'i rin po che'i rigs bshad pa'i phyir/ de nas zhes bya ba gsungs te/ de nas zhes bya ba'i sgras ni de ma thag pa ston par byed pa'i tshig ste/ bcom ldan 'das 'dod pa'i khams thams cad kyi lha'i rgyal po'i gnas na bzhugs pa'i rjes thogs nyid la/ shes rab kyi pha rol tu phyin pa'i tshul 'di gsungs pa'o/ /de bzhin gshegs pa khams gsum thams cad kyi dbang po zhes bya ba ni phyogs bcu nam mkha'i khams thams cad na gnas pa'i 'dod pa'i khams la sogs pa'i khams gsum mtha' yas shing dpag tu med pa thams cad de/ der nyon mongs pa dang nyon mongs pa can ma yin pa'i rmongs pa dang bral bas rang dbang brnyes pa'i phyir dang / chos kyis sems can thams cad la rjes su ston par mdzad pas na de bzhin gshegs pa khams gsum thams cad kyi dbang po ste/ bcom ldan 'das rnam par snang mdzad do/ /yang zhes bya ba ni 'dod chags thams cad rnam par dag par ston par mdzad pa la ltos nas/ dbang bskur ba sbyin pa la sogs pa yang ston par mdzad pa ni yang zhes bya ba'i sgras ston pa yin no/ /de bzhin gshegs pa thams cad kyis dbang bskur zhes bya ba ni/ 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa ni/ de bzhin gshegs pa thams cad de de rnams kyis dbang bskur ba ni mnyam pa nyid kyi ye shes bdud rtsi'i chu rgyun gyis sems dang sems las byung ba'i gzung ba dang 'dzin pa'i rnam par rtog pa shin tu 'khrud par byed pa dang / ye shes de las byung ba'i rin po che'i rigs ni de bzhin gshegs pa thams cad kyis dbang bskur ba'o/ /de'i ye shes gang gis 'byung ba de ni de bzhin gshegs pa thams cad kyis dbang bskur ba las byung ba'i ye shes so/ /de nyid snying po ste bskyed pa'i gnas su gyur pa gang yin pa de la de skad ces bya la/ ming de skad ces btags pa'i shes rab kyi pha rol tu phyin pa'i tshul 'di gsungs pa'o/ /dbang bskur ba sbyin pa ni zhes bya ba ni sems can thams cad byang chub kyi sems chen po rtogs pa bskyed pa dang / spyan drangs pa'i sangs rgyas dang byang chub sems dpa' rnams la/ rdo rje rin chen gyi phyag rgyas dbang bskur ba dang / dkyil 'khor du slob ma rnams la rdo rje rin po che'i cod pan gang la byin pa dang dbang bskur ba dang / lha dang phyag rgya chen po la sogs pa byin pa gang yin pa de ni dbang bskur ba byin pa'o/ /khams gsum thams cad kyi rgyal srid 'thob par 'gyur ro zhes bya ba ni bshad ma thag pa'i dbang bskur ba de byin pas ma lus pa'i 'dod pa dang / gzugs dang gzugs med pa'i ngo bo nyid kyi khams gsum po thams cad du sbyin pa po slob ma rnams kyi bag chags dang bcas pa'i nyon mongs pa rnams dang bral bas chos kyi rgyal po 'thob par 'gyur ba ni/ khams gsum thams cad kyi rgyal srid 'thob pa ste/ de'i don du gnas par gyur pa'o/ /nor sbyin pa ni zhes bya ba ni dbyig dang gser dang rgyal po la sogs pa phyi'i dngos po rnams dang chos kyi mtshan nyid la mngon par zhen pa yongs su spong ba dang / gter dang lha'i phyag rgya chen po la sogs pa byin pa ni nor byin pa'o/ /re ba thams cad yongs su rdzogs par 'gyur ro zhes bya ba ni nor sbyin pa de ni 'jig rten dang 'jig rten las 'das pa'i nor thob pa'i rgyur gyur pa nyid du gnas par 'gyur ba'o/ /chos sbyin pa ni bcom ldan 'das glegs bam bsnams pa dang / shes rab kyi pha rol tu phyin pa dang / chos kyi don gyi rin po che'i phyag rgya chen po la sogs pa byin pa dang / shes rab kyi pha rol tu phyin pa byin pa ni chos sbyin pa'o/ /chos kyi sbyin pa des chos thams cad kyi mnyam pa nyid 'thob par 'gyur te/ rmi lam lta bu'i chos rin po che khong du chud par 'gyur ba dang / shes rab kyi pha rol tu phyin pa dang / rtogs par 'gyur ba ni chos thams cad kyi mnyam pa nyid 'thob pa'o/ /zang zing gi sbyin pa ni zhes bya ba ni rin po che chen po myang ba dang / byang chub sems dpa'i brtson 'grus kyi pha rol tu phyin pa dang / phyi'i yang zas dang skom dang gos ni zang zing ngo / /de yongs su gtong ba ni zang zing sbyin pa ste/ des sems can thams cad tshim par bya zhes bya ba'i don to/ /lus dang ngag dang sems kyi bde ba thams cad 'thob par 'gyur ro zhes bya ba ni/ zang zing gi sbyin pa de'i ngo bo nyid dang / rnam par smin pa dang / longs spyod rdzogs pa dang / sprul pa'i sku dang / rdo rje dang / rab tu dga' ba dang / khro bo dang / chos dang / bka' bsgo ba'i tshig rnams te/ ngag thams cad dang / dbang po dang / de bzhin gshegs pa dang / khro bo dang / pad+ma dang / rin po che dang / sna tshogs rdo rje ni sems can thams cad de/ de rnams las byung ba'i bde ba gang yin pa de ni lus dang ngag dang yid kyi bde ba'o/ /de rnams thob pa ni rnyed pa ste/ de'i don du gnas par 'gyur ba'o/ /de ltar de nas bcom ldan 'das zhes bya ba nas brtsams te/ bde ba thams cad 'thob par 'gyur ro zhes bya ba'i bar gyi bshad pas ni dang po'i sbyor ba'i ting nge 'dzin gsungs pa yin no/ /da ni de nas zhes bya ba la sogs pas ting nge 'dzin gnyis pa gsungs pa yin te/ de nas zhes bya ba'i sgra ni snga ma bzhin na/ /byang chub kyi ngo bo nyid la sems dpa' ni/ byang chub sems dpa'o/ /nam mkha'i snying po ni bshad zin to/ /bzhin rab tu 'dzum pa dang bcas te zhes bya ba ni go sla'o/ /de ltar bcom ldan 'das rnam par snang mdzad kyis shes rab kyi pha rol tu phyin pa ston cing / rin po che'i rigs kyi dkyil 'khor sprul par bya ba'i phyir bcom ldan 'das kyis nam mkha'i snying po la bskul ba dang / de nas de bzhin du rab tu 'dzum pa dang bcas pas rdo rje rtse lnga pa'i gtsug gi nor bu'i rin po cha las byas pa'i phreng ba'i dbang bskur ba'i gnas su bzhag ste/ dkyil 'khor bskyed par bya ba'i phyir/ trA~M zhes bya ba gsungs pa'o/ /de nas 'di gsungs pa tsam gyis zhes bya ba ni trA~M zhes bya ba gsungs pa'i rjes thogs nyid la'o/ /bcom ldan 'das kyi rin po che de las zhes bya ba ni/ 'phags pa nam mkha'i snying po'i thugs kar gnas pa'i rin po che las so/ /dbang bskur ba la sogs pa zhes bya ba ni dbang bskur ba thams cad de/ byang chub sems dpa' chen po dbang bskur ba'o/ /de la sogs pa gang yin pa de ni rin po che chen po 'dzin pa dang / nor sbyin pa la sogs pa ste/ de dag ni dbang bskur ba thams cad la sogs pa'o/ /yo byad thams cad phyung ste zhes bya ba ni phyung bar gyur nas/ bcom ldan 'das nam mkha'i snying po'i dbang po'i dkyil 'khor gyi tshul gyis zhes bya ba bcom ldan 'das rdo rje sems dpa' dkyil 'khor gyi dbyibs kyi dbang bskur ba la sogs pa'i byang chub sems dpa'i gzugs nyid kyis bzhugs pa ste/ gzhung 'di dag gi ni ting nge 'dzin gnyis pa gsungs pa yin no/ /de nas 'dus pa mdzad nas brtsams te/ ting nge 'dzin gsum pa yin par shes par bya'o/ /da ni dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i don bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin te/ de nas zhes bya ba'i sgra ni snga ma bzhin no/ /dbang bskur ba thams cad kyi rin po che zhes bya ba ni dbang bskur ba yang yin la thams cad kyang yin pas na/ dbang bskur ba thams cad de rin po che'i rigs so/ /de la dmigs pa ni rdo rje ltar mi phyed pa'i ting nge 'dzin gang yin pa de la ming de skad ces bya ste/ de la snyoms par zhugs pa ni mngon sum du mdzad pa'o/ /sred pa'i rnam pa thams cad ni bsam pa thams cad de 'jig rten dang 'jig rten las 'das pa'i dngos grub po/ /de yang de yongs su rdzogs par byed pa ni dngos grub thams cad thob pa'o/ /de'i don gyi nor bu rin po che ni nam mkha' dang mnyam pa'i ye shes so/ /de'i dam tshig ni de las byung ba ste/ ming de skad ces bya ba'i rin po che'i rigs kyi dkyil 'khor ro/ /'di zhes bya ba ni blo la bzhag pa'o/ /gsungs so zhes bya ba ni rin po che'i rigs kyi dkyil 'khor gyi rnam par thugs rtse gcig tu mdzad nas dkyil 'khor gsungs so zhes bya ba'i don to/ /'dis ni mtshan ma thob nas dkyil 'khor bri bar bya'o zhes ston pa yin no/ /phyi'i dkyil 'khor ni dang po'i dkyil 'khor gyi tshul du byas pa'o zhes bya ba ni rdo rje sems dpa'i dkyil 'khor chen po'i dbyibs bzhin du 'di'i phyi'i dkyil 'khor la yang bri bar bya'o/ /nang du zhes bya ba la sogs pa la phyi'i dkyil 'khor de'i nang du dbus su rin po che zur brgyad pa lta bu'i cha brgyad pa la rdo rje rin po che brgyad kyis mtshan pa'i ka ba gang du gnas pa de la de skad ces bya'o/ /de yang ji lta zhe na/ dkyil 'khor brgyad pa'i tshul las rin po che'i lcug mas yongs su bskor ba zhes bya ba ste/ rin po che'i lcug mas kun nas 'khor bar byas pa'o/ /rdo rje rin po che'i ra ba smos pa ni rin po che'i lcug ma 'di'i phyi rol kun nas ri mo gcig gi ra ba la/ rdo rje rtse lnga pa'i rtse mo yid bzhin gyi nor bu rtse mo'i gnas su btags pa dang ldan pa'i rdo rje rin po che'i ra ba'i lcog yod pas na/ rdo rje rin po che'i lcog go/ /dkyil 'khor de 'di lta bu 'ba' zhig dang ldan par ma zad kyi/ me tog gi phreng ba dang / ba dan dang / gdugs dang / rnga yab kyis nye bar mdzes par bri bar bya'o zhes bya ba ni/ me tog gi phreng ba dang / dar 'phan dang / gdugs dang / rnga yab rnams kyis nye bar mdzes shing brgyan pa der yang dag par bri bar bya'o/ /de'i dbus su bcom ldan 'das zhes bya ba la sogs pa la/ dkyil 'khor de'i dbus su bcom ldan 'das 'phags pa nam mkha'i snying po rta bdun gyis drangs pa'i shing rta la bcibs pa/ ji skad du bshad pa'i rdo rje rin po che dbang bskur ba'i phreng ba rang gi dbu la rang nyid 'ching bar mdzad cing nam mkha' dang mnyam pa'i yi shes thugs su chud pa'i thugs kyi bde ba'i rab tu dgyes pas/ zhal rnam par bzhad pa/ nam mkha' dang mnyam pa'i ye shes kyi rin po che ston par byed pa/ margad kyi rin po che'i mdog can du gzhag par bya'o/ /de'i mdun du zhes bya ba la sogs pa la/ 'phags pa nam mkha'i snying po zhal shar du gzigs pa de'i mdun du zhes bya ba rdo rje yid las byung ba'i gnas su de la mngon du phyogs pas dbang bskur ba'i rin po che'i cod pan 'dzin pa gzhag par bya'o/ /bcom ldan 'das kyi g.yas logs su kI li kI la'i gnas su rin po che chen po'i nor stsol ba'i dbyig gi gter 'dzin pa'o/ /bcom ldan 'das kyi rgyab tu rdo rje dran pa'i gnas su chos chen po rin po che'i glegs bam 'dzin pa'o/ /bcom ldan 'das kyi g.yon logs su rin po che chen po ro myang ba zas dang skom thams cad kyis yongs su gang ba'i ro'i snod 'dzin pa gzhag par bya ste/ de dag thams cad kyang sna tshogs pad+ma la sems dpa'i skyil mo krung gis bzhugs pa/ phyag g.yas na rang gi mtshan ma bsnams pa/ g.yon gyis gdan la brten pas bzhugs pa'o/ /mtshams rnams su zhes bya ba la sogs pa la/ nang gi dkyil 'khor de nyid kyi shar lho'i mtshams su lha mo rin chen gdugs ma rin po che'i gdugs 'dzin pa'o/ /lho nub tu lha mo rin chen rgyal mtshan ma rin po che'i rgyal mtshan 'dzin pa'o/ /nub byang mtshams su lha mo rnga can ma rdza rnga rdung bar byed pa'o/ /byang shar mtshams su lha mo rin chen srog shing ma rin po che'i srog shing bsgreng ba gzhag par bya'o/ /phyi'i dkyil 'khor gyi mtshams bzhir bum pa gang ba bzhi bzhag go/ /shar phyogs kyi sgor ni rin po che'i cod pan no/ /lho phyogs kyi sgor ni rin po che'i bum pa'o/ /nub phyogs kyi sgor ni shes rab kyi pha rol tu phyin pa'i glegs bam mo/ /byang phyogs kyi sgor ni zas dang skom thams cad kyis yongs su gang ba'i rin po che'i snod gzhag par bya'o/ /de bas na de bzhin du rdo rje rin chen gyi phyag rgya zhes bya ba la sogs pa la/ de ltar dkyil 'khor bris nas/ rdo rje bsdu ba la sogs pa'i cho ga rjes su spyad de/ de'i rjes thogs nyid la rang gi cho gas 'jug pa gsungs pa de bzhin du 'dir yang rdo rje rin chen gyi dam tshig gi phyag rgyas 'jug par bya ste/ rdo rje thal mo brkyang la mthe bong gnyis bsnyams la/ mdzub mo gnyis dang rtse sbyar nas dpral ba dang / smin mtshams su bzhag pa 'di ni rin chen gyi phyag rgya ste/ 'dis 'dir gzhug par bya'o/ /de nas brtsams te nor thams cad 'grub pa la sogs pa'i dngos grub thams cad 'thob par 'gyur ro zhes bya ba ni/ dkyil 'khor du 'jug pa nas nye bar bzung ste/ rin po che'i rigs kyi ngo bo nyid kyi nor thams cad 'grub pa la sogs pa dngos grub thams cad 'thob par 'gyur ro/ /de nas zhes bya ba la sogs pa la/ de nas ji skad du gsungs pa'i 'jug pas zhugs nas rdo rje rin chen gyi dbang bskur ba'i phreng ba ji lta ba bzhin du rang gi mgo la bcings te ji skad du bshad pa'i rdo rje rin chen blangs pa/ bdag nyid rin po che'i ming gi dbang bskur bas dbang bskur te/ rin po che'i cod pan dang / gter gyi bum pa dang / glegs bam dang / ro'i snod dang ngo bo nyid kyi dbang bskur ba rnams kyis dkyil 'khor pa'i lha rnams la phul la slob dpon slar 'jug par bya'o/ /slob ma zhugs pa'i cho ga rgyas pa yang de bzhin no zhes bya ba ni/ ji ltar slob dpon gyi 'jug pa'i cho ga rgyas par gsungs pa de bzhin du slob ma rnams la yang shes par bya'o/ /rdo rje rin po che'i dkyil 'khor zhes bya ba ni mi phyed pa'i dbang bskur ba sbyin pa la sogs pa'i ye shes ni bsam pa thams cad yongs su rdzogs par byed pa'i rgyur gyur pas rin po che dang 'dra bas na rin po che ste/ de las byung ba'i rin po che'i rigs kyi dkyil 'khor ni rdo rje rin po che'i dkyil 'khor ro/ /'di skad ston par 'gyur te/ /bcom ldan 'das rdo rje rin chen gyi sbyor bas de kho na nyid bsdus pa las gsungs pa'i rnal 'byor chen po byas la ting nge 'dzin gsum bsgom pa nas brtsams te/ de ji srid nyin re zhing de mngon sum du mthong bar gyur pa de srid kyi bar du bsgom par bya'o/ /de nas ji skad du bshad pa'i dkyil 'khor gyi sa'i dbus su ting nge 'dzin gsum rnam par bsgoms la/ snga ma bzhin du bar snang gi phyogs su bzhag ste/ nyi ma 'char ba'i dus su legs par thig gdab par bya'o/ /'di'i phyi'i dkyil 'khor ni rdo rje sems dpa'i dkyil 'khor gyi tshul du byas la/ de'i nang du de'i phyed kyi tshad la rin po che zur brgyad pa'i dbyibs can/ nor bu'i ka ba brgyad dang yang dag par ldan pa/ phyi rol kun du ri mo gnyis kyi nang na gnas pa'i rin po che'i yal ga'i pa tra'i phreng bas yongs su bskor ba/ yang phyi rol kun nas rin po che'i myu gu'i 'dab ma'i phreng bas ri mo gcig pa'i ra ba zlum por byas pas rdo rje rin po che'i phreng ba'i tshul 'dzin pas yongs su bskor ba/ me tog gi chun 'phyang dang / ba dan dang / gdugs dang rnga yab kyis nye bar mdzes par byas pas thig gdab par bya'o/ /de nas legs par bris te/ lha thams cad kyi gnas su sna tshogs pad+ma'i gdan bri bar bya'o/ /de nas nang gi dkyil 'khor gyi lte ba la ji skad du bshad pa'i rtas drangs pa'i shing rta'i steng du sna tshogs pad+ma la/ bcom ldan 'das 'phags pa nam mkha'i snying po sems dpa'i skyil mo krung gis bzhugs pa bri bar bya'o/ /lhag ma rnams ni sngar bshad pa bzhin du shes par bya'o/ /dbang bskur ba la sogs pa rnams kyang dag cing rnyog pa med pa'i nor bu gser gyi mdog can du shes par bya'o/ /'dir lha thams cad kyi gnas su trAM zhes bya bas dgod par bya'o/ /de ltar dkyil 'khor bris nas/ de bzhin du yang rnal 'byor chen po byas nas 'jug pa'i dam tshig gi phyag rgya yongs su bzung ba'i rin po che'i me tog gi lcug ma las rnam par rgyal ba'i bum pa dang / lha thams cad kyi bum pa dang / bum pa gang ba rnams la re re zhing yang trAM zhes bya ba brgya rtsa brgyad bzlas brjod bya'o/ /de nas dkyil 'khor gyi sgo bzhi phye ste bsdu ba byas la/ bcom ldan 'das kyi phyag rgya chen po bsgom zhing / bcom ldan 'das la mtshan brgya rtsa brgyad kyis bstod de/ gsang ba'i lcags kyu dang / trAM zhes bya bas bcom ldan 'das 'khor dang bcas pa dkyil 'khor du bcug la/ /rdo rje gnod sbyin gyis bgegs bsal ba/ mtshams dang dkyil 'khor bcing ba dang / ra ba dang drwa ba dag kyang byas te/ rdo rje khu tshur gyis dkyil 'khor gyi sgo bzhi bcings nas rdo rje srung bas bsrung ba thams cad go bskon te/ trAM zhes bya bas mchod yon phul te/ rdo rje rin chen gyi dam tshig gi phyag rgya ji skad du bshad pa'i mtshan nyid dang ldan pa dang / hrAM tri shu zhes bya bas bcom ldan 'das 'khor dang bcas pa blta ba byas nas/ dzaHhUM boM hoHsa ma ya s+t+waM/ sa ma ya s+t+waM/ a ha~M tra~M zhes lan gsum brjod de bsgrub par bya'o/ /de nas lce la rdo rje ji lta ba bzhin du bsams la/ lha thams cad kyi ljags la trAM zhes bya ba bsam par bya ste/ 'di ni chos kyi phyag rgya'o/ /de nas a zhes bya ba rang gi snying gar sna tshogs rdo rje bsams la/ nam mkha'i snying po la sogs pa'i las kyi phyag rgya trAM zhes bya ba la sogs pa zlos shing bcing bar bya ste/ rin po che'i phyag rgya gnyis bcings la/ gcig snying gar bzhag la g.yas pa'i rin po che'i khu tshur gyis nor sbyin pa lta bu 'di ni bcom ldan 'das nam mkha'i snying po'i las kyi phyag rgya'o/ /rin po che'i khu tshur gnyis po de nyid dbang bskur ba'i gnas su 'jog pa ni rin po che dbang bskur ba'o/ /rin po che'i khu tshur bkan la snying ga'i phyogs su bzhag pa ni rin po che chen po'i nor sbyin gyi'o/ /rin po che'i khu tshur gnyis bkan la pang par bzhag pa ni chos rin po che'i'o/ /rin po che'i khu tshur gnyis mgor bzhag pa ni rin po che chen po ro myang ba'i'o/ /lha mo rnams kyi phyag rgya chen po nyid las las kyi phyag rgya'i tshul du bcings nas las kyi phyag rgyar 'gyur ro/ /de nas ras la bri ba'i rjes su 'brangs nas/ phyag rgya chen po bsam par bya'o/ /de nas rdo rje rin chen gyi phyag rgyas bcom ldan 'das 'khor dang bcas pa dbang bskur ba las snga ma bzhin du mchod yon dang / bum pa dang / bum pa gang ba dang / na bza' dang / bla re la sogs pas bcom ldan 'das 'khor dang bcas pa la phul te/ me tog gi shing la sogs pa mchod pa rnam pa lngas mchod pa byas la/ phyi rol tu glu dang gar dang rol mo dang rta dang glang po che dang / ba lang gi khyu rnams kyis kyang mchod pa byed du gzhug go/ /de nas phyag rgya'i mchod pa rnam pa bcu gnyis kyis yang dag par mchod la/ oM las rin po che sna bdun dang / dpag bsam gyi shing dang kha zas ro brgya dang ldan pa'i bkod pa sprul nas/ de rnams 'dis dbul bar bya ste/ phyag 'tshal ba'i thal mo spyi bor bzhag la/ oM sarba bi d+bU ra pU ra/ su ra su ra/ A brta ya A brta ya ho/ /de nas phyi rol du gtor ma byin la/ sbyin sreg byas nas/ rdo rje gnod sbyin gyis yongs su bzlas pa'i ras ser po gcig gis smad g.yogs bya/ gnyis pas stod g.yogs byas la/ yang ras gcig la sgo srung bzhi'i snying po bzlas pas rang gi gdong g.yogs par bya'o/ /de la sgo srung bzhi'i snying po ni 'di yin te/ oM sarba rat+na Ar+ya A ru Na/ ma hA satwa b+ha ga bAn taM/ Ar+ya A kA sha gar+b+ha tso ta ya A kaR+Sha ya/ oM sarba rat+na pra be sha sa ma yAn/ ma hA ma Ni rA dza ku la rat+na pA sha hU~M/ oM ma Ni ban+d+ha hUM ba~M/ oM ma Ni rat+na A be sha ya A zhes bya ba'o/ /de nas phyag 'tshal ba la sogs pa sngon du 'gro bas de bzhin du sdom pa bzung la/ byang chub tu sems bskyed de/ de bzhin du rdo rje rin po che snying gar bskyed la/ shar phyogs kyi sgo la bltas nas phyi rol na gnas pa'i bum pa'i chus bdag nyid dbang bskur te/ 'jug pa'i dam tshig gi phyag rgya bcings nas/ de nyid kyi me tog phreng ba blangs la/ badzra badzra traM zhes brjod cing dkyil 'khor du 'jug par bya'o/ /de nas 'phags pa skya rengs lan cig brjod par bya'o/ /de nas lho phyogs kyi sgo nas de bzhin du zhugs la rin po che'i zhags pa'i snying po lan cig brjod par bya'o/ /de nas nub phyogs kyi sgo nas de bzhin du zhugs la/ rin po che'i lcags sgrog gi snying po lan cig brjod par bya'o/ /de nas byang phyogs kyi sgo nas de bzhin du zhugs la/ nor bu rin po che 'bebs pa'i snying pos bdag nyid dbang du bya'o/ /de nas yang de bzhin du shar phyogs kyi sgo nas zhugs la/ mahA ra ta/ su dr-i D+ha su to Sho su su kho/ badzra satwa/ A d+ya sid+d+h+ya mA+oM/ zhes brjod par bya'o/ /de nas rnam par sgeg pa'i rdo rjes phyag byas la dkyil 'khor bskor ba lan gsum byas te/ bcom ldan 'das nam mkha'i snying po'i spyan sngar 'dug la/ 'di skad ces brjod par bya'o/ /ma hA rA ga ma hA sau khya ma hA badzra ma hA d+hA na/ ma hA dz+nyA na ma hA karma/ badzra satwa Ad+ya sid+d+h+ya mA+oM/ yang 'di skad ces brjod par bya'o/ / dzaHhUM baM hoHpra sid+d+h+ya mA/ de nas rdo rje'i chu 'thungs la/ bdag nyid la dbab par bya ste/ a zhes bya ba lan brgya bzla'o/ /de nas g.yon pa'i rdo rje khu tshur gyis sdigs mdzub lags g.yas pa rdo rje rin chen gyi phyag rgyas de dbye zhing a zhes bya ba nyid lan brgya rtsa brgyad bzlas par bya'o/ /de nas traM zhes bya bas me tog dor bar bya'o/ /de nas de blangs la troM zhes bya ba nyid kyis rang gi mgo la bcing bar bya'o/ /de nas tra~M zhes bya ba zlos shing gdong g.yogs dgrol bar bya'o/ /de nas de nyid zlos shing shar phyogs kyi cha nas brtsams te/ dkyil 'khor blta'o/ /de nas 'jug pa'i phyag rgya bcings la/ tiSh+Tha badzra zhes bya ba la sogs pas rang gi snying gar dgrol bar bya'o/ /de nas 'phags pa nam mkha'i snying po'i phyag rgya chen po bcings la/ bcom ldan 'das la rdo rje lta bas blta zhing / ji srid bcom ldan 'das kyi zhal bstan nas/ dngos grub thams cad stsol bar 'gyur ba de srid kyi bar du bzlas brjod bya'o/ /de nas rdo rje thal mo bskor la shis pa brjod pa 'don pa'i tshul du snying gar gzhag la/ mtshan brgya rtsa brgyad pas bstod de/ rin po che'i mtshon cha la sogs pa gsang ba'i mchod pa bzhis/ bcom ldan 'das 'khor dang bcas pa yang dag par mchod la/ glu dang rol mo la sogs pa'i mchod pa rnams kyis kyang legs par mchod par bya'o/ /de nas yang bcom ldan 'das nam mkha'i snying po'i phyag rgya chen po bcings la/ bcom ldan 'das la rdo rje'i lta bas blta zhing rdo rje thal mo bskor bas phyag byas la/ /me tog la sogs pa'i dbang bskur ba rnams blang bar bya ste/ de la dang po kho nar rdo rje rin chen gyi phyag rgyas yongs su bzung ba'i rdo rje'i rin po che'i me tog gi yal ga las/ yang rnam par rgyal ba'i bum pa sngar bshad pa'i bum pa'i sngags de bzhin du bzlas la/ bdag nyid 'phags pa nam mkha'i snying por byin gyis brlabs te/ rdo rje rin chen gyi dam tshig gi phyag rgyas rnal 'byor chen po bshad pa'i gnas rnams su rang gi lus la 'phags pa nam mkha'i snying po la sogs pa yang dag par bzhag nas/ phyi'i dkyil 'khor gyi nang du rta bdun dang ldan pa'i shing rta'i steng du sna tshogs pad+ma bris la/ de'i steng du bcom ldan 'das kyi phyag rgya chen po bcings te 'dug nas/ me tog la sogs pas bdag nyid yang dag par mchod de/ mchod yon blangs la/ mtshan brgya rtsa brgyad pas bstod la/ rnam par rgyal ba'i bum pa las rdo rje khu tshur gyis chu blangs la/ oM badzra a b+hi Shiny+tsa trA+oM zhes bya ba dang / des bdag nyid dbang bskur bar bya zhing / chu de btung bar yang bya'o/ /de nas rdo rje rin chen gyi phyag rgyas dbang bskur la/ lugs ma'am brdungs pa la sogs pa'i rin po che'i cod pan dang / dar dpyangs dang ldan pa la/ tra~M zhes bya ba la sogs pa bzlas pas yang bdag nyid dbang bskur te/ rdo rje rin po che/ rin po che'i dril bu dang bcas par blangs la/ bdag po dang ming gis dbang bskur ba dag gis dbang bskur bar bya'o/ /de nas dngos grub kyi rin po che'i rdo rje'i brtul zhugs blangs la/ me tog la sogs pa phyi'i mchod pa rnams kyis bdag nyid yang dag par mchod cing rin po che'i mtshon cha la sogs pa phyag rgya'i mchod pa rnam pa bcu gnyis kyis mchod la/ rdo rje rin po che de kho na nyid kyis gzung bar bya ste/ nyi ma 'di ni dam pa ste/ /thams cad mthong ba de bzhin gshegs/ /nam mkha'i snying po bcom ldan 'das/ /bsam pa thams cad rdzogs mdzad pa'o/ /zhes bya ba ni de kho na nyid do/ /rin po che'i dril bu chos kyis dkrol bar bya ste/ bsam pa thams cad 'grub pa ni/ /don bsam 'grub pa dam pa ste/ /'dod pa de ni rab grub phyir/ /'dod las thar pa'i bde ba che/ /zhes bya ba ni chos so/ /dam tshig gi phyag rgya chen por byin gyis brlab par bya ste/ 'dod dang bde ba kun gyi phyir/ /mi mthun pa yang sbyin bya ste/ /bdag nyid dang ni gzhan rnams kyi/ /bsam pa thams cad rdzogs par gyis/ /zhes bya ba ni dam tshig go/ /de nas bcom ldan 'das la phyag byas te snying po bzung la/ tshigs su bcad pa lnga pas rjes su gnang ba dang / gzengs bstod pa dang / lung bstan pa dag mnos nas/ yang bdag la byin gyis brlab pa la sogs pa dag byas te/ ci 'dod par bzlas brjod kyang byas nas/ bcom ldan 'das la phyag byas la/ 'di skad ces brjod par bya ste/ bdag ming 'di zhes bya ba yi/ /rin chen slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /slob dpon gyi las kyi cho ga rdzogs so/ / //de nas sdom pa dbog par 'os pa'i slob ma la sngar bshad pa'i tshul gyis sdom pa 'dzin du gzhug pa dang / byang chub tu sems bskyed pa dag bya'o/ /de nas de'i snying gar de bzhin du rdo rje rin chen bskyed la/ de 'phags pa nam mkha'i snying por byin gyis brlabs te/ dri dang me tog la sogs pas mchod nas/ yon gyi mchog blangs te/ sgor mngon par phyogs nas gnas pa'i bum pa'i chus dbang bskur la/ rang nyid 'jug pa'i cho gas bcug ste/ yang g.yon pa'i khro bo'i khu tshur bcings nas/ rdo rje rin chen gyi dam tshig gi phyag rgyas phye la/ snying po 'dis dbab par bya'o/ / tra~M a a a a zhes lan brgya bzlas so/ /de nas cho ga thams cad rjes su spyad par bya'o/ /slob ma gzhug pa la sogs pa'i cho ga rgyas pa rdzogs so// //de ltar dam tshig dang dbang bskur ba thob pa rnams la/ slob dpon gyis dngos grub kyi ye shes bslab par bya'o zhes bstan par bya ba'i phyir/ sgrub pa la zhes bya ba la sogs pa gsungs te/ sgrub pa dang dngos grub rnams kyang de bzhin no zhes bya ba ni ji ltar rdo rje sems dpa'i sgrub pa la ras kyi ri mo gnyis gsungs pa dang / de'i dngos grub rnams ji skad du gsungs pa de bzhin du 'phags pa nam mkha'i snying po'i sgrub pa dang / de sgrub pa rnams kyang de ltar shes par bya'o/ /'di skad ston pa yin te/ ji skad du gsungs pa'i tshul dam tshig dang dbang bskur ba thob pa rnams kyis 'phags pa nam mkha'i snying po'i sku ras la bris pa la sogs pa mdun du bzhag ste/ bdag la byin gyis brlab pa la sogs pa byas nas/ bcom ldan 'das mdun du ji lta ba bzhin du spyan drangs te/ phyi'i mchod pa rnams kyis yang dag par mchod la phyag byas nas/ rdo rje rin po che'i phyag rgya bcings te/ bzlas brjod dpag tu med pas zla ba gcig gi bar du sngon du bsnyen pa snga ma bzhin du byas la/ de bzhin du dkyil 'khor gyi mal gyi sar ras ris bris nas/ de bzhin du cho ga thams cad rjes su spyad de/ bcom ldan 'das kyi phyag rgya chen po bcings la zla ba gcig gi bar du dpag tu med pa'i bzlas brjod de bzhin du bya'o/ /de nas zla ba nya la bab pa dang mtshan thog thag bzlas brjod byas na/ nang par bcom ldan 'das 'phags pa nam mkha'i snying pos zhal bstan nas/ mngon par 'dod pa'i dngos grub thams cad stsol bar 'gyur te/ de ras kyi ri mo dang po'i cho ga'o/ /de nas ras ris gnyis pa la sgrub pa bshad par bya ste/ sngon du bsnyen pa de bzhin du byas la/ bcom ldan 'das nam mkha'i snying po dpa' bo gcig pu ras la bris te/ de'i spyan sngar bcom ldan 'das nam mkha'i snying po'i phyag rgya chen po bcings la/ bzlas brjod 'bum bya'o/ /de nas zla ba nya la bab pa dang / mtshan thog thag bzlas brjod byas te/ de nas nang par bcom ldan 'das nam mkha'i snying pos zhal bstan nas/ sgrub pa po la nam mkha'i snying po nyid stsol bar 'gyur ba'o/ /de nas ma bsgrubs par zhes bya ba ni snga ma dang 'dra'o/ /dbang bskur ba thams cad thob cing zhes bya ba ni dbang bskur ba yang yin la thams cad kyang yin pas na/ dbang bskur ba thams cad de/ rdo rje dang / rin po che dang / pad+ma dang / sna tshogs rdo rje'i dbang bskur ba rnams te/ byang chub kyi sems chen po dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa ston par byed pa'o/ /de thob pa ni mngon sum du byas pa'o/ /ji ltar 'gyur zhe na/ rdo rje rin po che'i dbang bskur ba'i phreng bas so zhes bya ba gsungs te/ rin po che'i khu tshur gnyis kyis phreng ba bcings pa'i tshul du bya ba ni/ rdo rje rin po che'i dbang bskur ba'i phreng ba ste/ des dbang bskur ba thams cad thob par 'gyur ro/ /bsam pa thams cad yongs su rdzogs pa la ni zhes bya ba ni/ bsam pa yang yin la thams cad kyang yin pas na bsam pa thams cad de/ de dbang bskur ba la sogs pa thob par 'dod pa'o/ /de yongs su rdzogs pa ni dbang bskur ba la sogs pa thob pa'o/ /de ji ltar 'gyur zhe na/ nyin re zhing nyi ma 'char kar bzlas brjod dpag tu med pa byas pas so zhes bya ba gsungs te/ de bzhin du sngon du bsnyen pa byas la/ bcom ldan 'das kyi spyan sngar bzlas brjod dpag tu med pa bya zhing nyin re zhing yang bdag la byin gyis brlab pa la sogs pa byas te/ 'di ni rin po che chen po 'dzin pa nor sbyin gyi dngos grub ston pa yin no/ /chos thams cad kyi don shes pa la ni zhes bya ba ni/ shes rab kyi pha rol tu phyin pa'i ngo bo nyid kyi sems dang sems las byung ba dang / pad+ma'i rigs ni chos thams cad do/ /de rnams kyi don ni ngo bo nyid rnam par dag pa ste/ de shes pa ni nges par byas pa'o/ / de ji ltar 'gyur zhe na/ dri ma med pa'i nam mkha' la lta zhing bzlas brjod bya'o zhes bya ba gsungs te/ rdul thams cad dang bral ba'i nam mkha' de la mig gi rnam par shes pa dang blos blta bzhin du bzlas brjod traM zhes bya ba bzlas par bya'o/ /'di ston par 'gyur te/ chos thams cad ni ngo bo nyid kyis dag pa'o zhes bsgom zhing bzlas brjod bya ste/ 'dis ni chos rin po che'i dngos grub gsungs pa yin no/ /zas dang skom thams cad la sogs pa ro thams cad thob par bya ba la ni zhes bya ba la/ bza' ba la sogs pa ni zas thams cad de/ zan dron dang 'bras chan la sogs pa'o/ /khu ba'i rdzas thams cad ni skom thams cad de/ de la sogs pa gang yin pa de ni zas dang skom thams cad la sogs pa'o/ /ro thams cad ni 'jig rten dang 'jig rten las 'das pa ste/ zhi ba la sogs pa ni 'jig rten las 'das pa'o/ /mngar ba dang skyur ba la sogs pa'i dbye bas phye ba'i ro brgya ni 'jig rten pa'o/ /de rnams thob pa ni rnyed par gyur pa'o/ /de ji ltar 'gyur zhe na/ nam mkha' las yid la 'dod pas nyin re zhing bcom ldan 'das kyi bzlas pa stong byas pas so zhes bya ba gsungs te/ nyin re ni nyi ma re re zhing ngo / /bcom ldan 'das ni rin po che chen po ro myang ba'i gzugs can gyi nam mkha'i snying po'o/ /bzlas pa stong byas pas ni traM zhes bya ba lan stong gi bar du bzlas pas sgrub pa po la dngos grub stsol ba ste/ rin po che chen po'i ro myang ba'i rnal 'byor gyi sbyor bas 'di bsgrub par bya'o/ /gdugs chen po thob par bya ba la ni zhes bya ba ni/ rig pa 'dzin pa dang 'khor los sgyur ba nyid la sogs pa 'jig rten pa'i rgyal srid thob pa'o/ /de ji ltar 'gyur zhe na/ gdugs bzung nas bzlas brjod 'bum bya'o zhes bya ba gsungs te/ lha mo rin chen gyi sbyor bas rin po che'i gdugs bzung la bzlas brjod 'bum bya'o/ /rnam par rgyal ba chen po thob pa la ni rin chen rgyal mtshan mchog gis so zhes bya ba la/ lha'i bu la sogs pa gzhan dag las rgyal ba ni/ rnam par rgyal ba chen po ste/ de thob pa ni snga ma bzhin no/ /de yang rdo rje bsdams pa las byung ba'i rdo rje rin chen gyi dam tshig gi phyag rgya las gung mo dang / srin lag dang / mthe'u chung gi sor mo brkyang la/ srin lag dang mthe'u chung phan tshun sbrel ba ni rgyal mtshan mchog ste/ 'di bcings la/ lha mo rin chen rgyal mtshan mchog gi sbyor bas traM haM zhes bzlas brjod byas te/ phyag rgya bcings pa de las rdo rje 'dzin pa chen po la sogs pa'i khro bo'i go cha dang / ya lad bgos par gyur pa sprul pa la/ de rnams kyis bdud la sogs pa'i sde skrag par gyur par bsam par bya ste/ de lta bus ni thams cad las rnam par rgyal ba thob par 'gyur ro/ /grags pa chen po ni zhes bya ba la sogs pa la 'jig rten gsum du khyad par can du gyur cing / dga' bar bya ba la sogs pas gzhan gyi yon tan bsgrags pa ni grags pa chen po'o/ /'jig rten thams cad yang dag par bsrung zhing / dmyal ba la sogs pa'i sdug bsngal las zlog par byed la/ 'jig rten dang 'jig rten las 'das pa'i dngos grub ster bar byed pa'o zhes snyen pa'i sga thob pa'o/ /ming ni rin chen mchog gi rin po che'i slob dpon zhes bya ba la sogs pa'i khams gsum mtha' dag tu rab tu grags pa ni ming ste/ grags pa dang snyan pa chen po dang / ming de lta bu thob pa'o/ /de ji ltar 'gyur zhe na/ nyin re zhing sgo thams cad nas bzlas par bya'o zhes bya ba gsungs te/ lha mo rin chen lnga'i sbyor bas/ snga dro shar phyogs su kha bltas la zla ba dang nyi ma phyed la lhor blta ba dang / phyi dro nub tu blta ba dang / nam phyed na byang du bltas la bzlas brjod bya'o/ /bdag po yang yin la chen po yang yin pas na/ bdag po chen po ste/ 'jig rten dang 'jig rten las 'das pa'i rgyal po ste/ de thob pa'o/ /de ji ltar 'gyur zhe na/ rin po che'i srog shing gi phyag rgyas so zhes bya ba gsungs te/ rin po che'i khu tshur gnyis kyis rin po che'i srog shing 'dzin pa'i tshul du bya ba ni/ rin po che'i srog shing gi phyag rgya ste/ 'di bcings la/ lha mo rin chen srog shing gi sbyor bas/ tra~M hri zhes bzlas brjod byas te/ de lta bus ni bdag po chen por 'gyur ro/ /thams cad dbang bskur ba ni byang chub kyi sems chen po la sogs pa thob pa'o/ /de nyid rin po che dang chos thams cad mthun pas na rin po che ste/ de'i dam tshig ni rin po che'i rigs te/ ming de skad ces bya ba'i rtog pa'i rgyal po chen po rdzogs so/ /dpal mchog dang po las shes rab kyi pha rol tu phyin pa'i dum bu'i rin po che'i rigs kyi dum bu rdzogs so// //de ltar ser sna'i gnyen po'i phyogs su rin po che'i rigs bshad nas/ /da ni de bzhin gshegs pa thams cad kyi sku dang gsung dang thugs rdo rje gcig tu byas pa rang bzhin gyis 'od gsal bar sgrub po/ /brtson 'grus kyi pha rol tu phyin pa'i mtshan nyid can ni rdo rje khu tshur bsgoms pas grub par 'gyur ro zhes bya ba ni don bstan pa'i phyir/ de nas zhes bya ba la sogs pa'i gzhung gsungs pa yin te/ de nas zhes bya ba'i sgra ni snga ma bzhin te/ 'dod pa'i khams thams cad du ji skad du bshad pa'i rim pas bcom ldan 'das rnam par snang mdzad bzhugs nas/ de'i rjes thogs nyid la shes rab kyi pha rol tu phyin pa'i tshul 'di gsungs pa'o/ /de bzhin gshegs pa thams cad kyi ye shes kyi phyag rgya thob pas zhes bya ba la de bzhin gshegs pa thams cad kyi ye shes ni rang bzhin gyis 'od gsal ba dang / brtson 'grus kyi pha rol tu phyin par des pa dang / rdo rje khu tshur gyi phyag rgyar des pa'o/ /de nyid ni sems can gyi khams thams cad rgyas 'debs pas na phyag rgya'o/ /de thob pa ni mngon sum du mdzad pa ste/ de ni de bzhin gshegs pa thams cad kyi ye shes kyi phyag rgya thob pa'o/ /de bzhin gshegs pa thams cad kyi khu tshur 'dzin pa zhes bya ba ni/ de bzhin nyid kyi rdo rje khu tshur 'dzin pa'i phyir dang / phyag gnyis byang chub mchog gi phyag rgya 'ching bar mdzad pas so/ /rtag pa zhes bya ba ni 'khor ba ji srid par bzhugs pa'i phyir dang / rgyun gyi rtag pa nyid kyis na rtag pa'o/ /yang zhes bya ba ni dbang bskur ba sbyin pa la sogs pa gsungs pa la ltos nas/ yang zhes bya ba'i sgra smas so/ /de bzhin gshegs pa thams cad kyi ye shes kyi phyag rgya ni 'di skad du bshad pa'o/ /de'i byin gyi rlabs ni 'khor ba ji srid par brtan par mdzad pa'i thos pa dang / bsam pa dang / bsgom pa'i rang bzhin gyi ye shes gang gis shes rab kyi pha rol tu phyin pa rdo rje ltar mi phyed par 'gyur ba ste/ ming de skad ces bya ba'i shes rab kyi pha rol tu phyin pa'i tshul 'di gsungs pa'o/ /de bzhin gshegs pa thams cad kyi sku'i phyag rgya ni rdo rje sems dpa'i phyag rgya chen po ste/ de yongs su 'dzin pa ni phyag rgya chen po bsgom pa ste/ de'i nga rgyal bsgom pa'i sbyor bas so/ /des don ci zhig tu 'gyur zhe na/ de bzhin gshegs pa thams cad nyid du 'gyur ro zhes bya ba gsungs te/ gang gi phyir phyag rgya chen po thams cad ni gzugs brnyan dang mtshungs so zhes bsgom pa'i rnal 'byor pa ni byang chub chen po'i tshul du skye bar 'gyur te/ de bas na de bzhin gshegs pa nyid du 'gyur ro/ /gsung gi phyag rgya ni byang chub sems dpa' rdo rje ljags so/ /de yongs su 'dzin pa ni de'i ngo bo nyid bsgom pas de'i phyag rgya bcing ba'o/ /des don ci zhig tu 'gyur zhe na/ chos thams cad 'thob par 'gyur ro zhes bya ba gsungs te/ chos kyang yin la thams cad kyang yin pas na chos thams cad de/ chos dang don dang nges pa'i tshig dang / spobs pa so so yang dag par rig pa'i ngo bo nyid do/ /de rnams 'thob par 'gyur ba ni rnyed pa ste/ de'i don du 'jug par 'gyur zhing / rgyu nyid du sgrub par byed do/ /'dis ni don 'di skad ston par 'gyur te/ lce la rdo rje dkar po rnam par bsams nas/ sngags thams cad zlos shing / rang bzhin gyis dag par lhag par mos par bya'o/ /thugs kyi phyag rgya ni byang chub sems dpa' ting nge 'dzin rdo rje'o/ /de yongs su 'dzin pa ni snga ma bzhin no/ /ting nge 'dzin kyang yin la thams cad kyang yin pas na/ ting nge 'dzin thams cad ni/ lha thams cad kyi sbyor bas rang gi snying gar sems dpa' rdo rje lta bur sems rtse gcig tu gyur pa ste/ de rnams thob pa la 'jug par 'gyur ba'o/ /'dis kyang don 'di skad ston par 'gyur te/ rang gi snying ga'i zla ba'i dkyil 'khor la/ rdo rje rnam par bsams nas de'i dbus su bzlas pa byas pa'i snying po bkod la/ sgrub pa pos bzlas brjod dam bsgom pa bya'o/ /rdo rje'i phyag rgya ni byang chub sems dpa' rdo rje ste/ de yongs su 'dzin pa ni snga ma bzhin no/ /lus dang ngag dang sems thams cad rdo rje ni ji skad du bshad pa rnams so/ /de dag thams cad kyi dngos grub dam pa ni phyag rgya chen po la sogs pa thob pa ste/ de'i don du 'jug par 'gyur ba'o/ /'di skad ston par 'gyur te/ rang gi snying gar sna tshogs rdo rje bsams la/ las kyi phyag rgya bcings nas bzlas brjod dam bsgom pa byas na/ dngos grub thob par 'gyur ro/ /sku'i phyag rgya yongs su 'dzin pa la sogs pa'i tshig rnams kyis rim pa ji lta ba bzhin du phyag rgya chen po dang / chos kyi phyag rgya dang / dam tshig gi phyag rgya dang / las kyi phyag rgya sgrub pa thun mong du gsungs pa yin no/ /'di skad ston par 'gyur te/ rang gi snying gar sems dpa' rdo rje rnam par bsams la/ byang chub kyi sems chen po bsgom pas phyag rgya chen po thams cad bsgrub par bya'o/ /lce la rdo rje dkar po rnam par bsams la/ chos thams cad rang bzhin gyis dag pa'o zhes bsgoms pas sngags thams cad gdon par bya'o/ / yang rang gi snying gar rdo rje rtse lnga pa rnam par bsams la/ de'i dbus su rig pa'i sngags thams cad dang / dam tshig gi phyag rgya mig yor dang mtshungs par bsgom pa dang / chos thams cad ni nam mkha' dang mnyam pa'o zhes bsgom par bya'o/ /rang gi snying gar sna tshogs rdo rje rnam par bsams la/ de'i dbus su bzlas par bya ba'i rig sngags bkod la/ las kyi phyag rgya bcings te/ chos thams cad ni rang bzhin gyis 'od gsal ba'o zhes bsgom par bya'o/ /de ltar rigs thams cad kyi thun mong gi phyag rgya bsgrub pa bshad nas gang la la zhes bya ba la sogs pas slob dpon las rna ba'i rnam par shes pas gzung bar 'gyur ba ni thob pa'o/ /ston pa ni gzhan rnams la 'chad pa'o/ /dngos grub thams cad ni phyag rgya chen po thams cad grub pa'o/ /phun sum tshogs pa thams cad ni gsung gi phyag rgya thams cad grub pa'o/ shes pa thams cad ni dam tshig gi phyag rgya thams cad grub pa'o/ /dgos pa thams cad ni las kyi phyag rgya thams cad grub pa ste/ 'di nyid kyis don bzhi po nyid ston par gyur pa yin no/ /lus dang ngag dang sems thams cad rdo rje'i dngos grub dam pa thob nas zhes bya ba ni lus dang ngag dang sems thams cad rdo rje nyid thob pas byang chub kyi sems chen po dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa thob pa nas/ dngos grub thams cad thob par 'gyur ro/ /myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bya ba ni byang chub kyi sems chen po la sogs pa 'dis bla na med pa yang dag par rdzogs pa'i byang chub rtogs par 'gyur ro/ /de ltar na de nas bcom ldan 'das zhes bya ba nas brtsams te/ mngon par rdzogs par 'tshang rgya bar 'gyur ro zhes bya ba'i bar gyi bshad pas ni ting nge 'dzin dang po gsungs pa'o/ /da ni de nas de bzhin gshegs pa zhes bya ba la sogs pas ni ting nge 'dzin gnyis pa gsungs pa yin te/ de ltar shes rab kyi pha rol tu phyin pa ston par mdzad pa'i phyir/ bcom ldan 'das rnam par snang mdzad kyi dkyil 'khor sprul bar bya ba'i phyir/ bcom ldan 'das rdo rje khu tshur la bskul ba dang / de'i rjes thogs nyid la dkyil 'khor bskyed par bya ba'i phyir snying po 'di gsungs pa'o/ /dam tshig chen po phyag rgya yongs su 'dzin pas zhes bya ba ni/ phyag gnyis dam tshig gi khu tshur gyi phyag rgya 'ching bar mdzad pa ste/ rdo rje sra ba'i phyag rgya thams cad ni rdo rje khu tshur gyi dkyil 'khor gyi lha rnams kyi phyag rgya chen po'o/ /de rnams kyi dngos grub ni sprul pa rdzogs par 'gyur ba'o/ /de'i dam tshig ni rdzogs par byed pa'i rgyu ste/ ming de skad ces bya ba'i snying po 'dis gsungs pa ni/ a zhes bya ba'o/ /de nas 'di gsungs pa tsam gyis/ bcom ldan 'das kyis sems can thams cad rgyas btab pa'o zhes bya bar sbyar te/ /a zhes bya ba gsungs pa tsam gyis de bzhin gshegs pa la sogs pa dang sems can thams cad bcom ldan 'das rdo rje sems dpa' byang chub sems dpa' sems dpa' chen po rdo rje khu tshur gyi ngo bo nyid du gyur pas phyag rgya chen po dang / chos dang dam tshig dang las kyi phyag rgya ste/ phyag rgya thams cad kyi rdo rje sems dpa' nyid du phyag rgya chen po dang / chos dang dam tshig dang / las kyi phyag rgya bdag nyid skyed par byed pas mi phyed par byas pa ni rdo rje sems dpa' ste/ der gyur pa ni rdo rje sems dpa' nyid do/ /rdo rje sems dpa' de'i rgyu ni de bzhin gshegs pa thams cad la sogs pa'i dngos grub mchog gi rgyu ste/ rdo rje sems dpa' skyed par byed pa des sangs rgyas nyid dam/ byang chub sems dpa' thob pa nyid ni/ de bzhin gshegs pa thams cad kyi dngos grub mchog gi rgyus rgyas btab pas/ de bzhin gshegs pa thams cad la sogs pas sems can thams cad rgyas btab pa'o/ /bcom ldan 'das zhes bya ba la sogs pa la/ yang zhes bya ba'i sgra ni nye bar bsdu ba ste/ bcom ldan 'das kyis ji skad du bshad pa'i dngos grub kyi rgyus rgyas btab pa 'ba' zhig tu ma zad kyi/ bcom ldan 'das kyi sku'i gsang ba las/ phyag rgya chen po'i tshul du dam tshig gi sems dpa' byung ba dang / gsung gi gsang ba las ljags kyi rig sngags rnams dang / thugs kyi gsang ba las rdo rje'i gzugs rnams dang / sna tshogs rdo rje las sna tshogs rdo rje 'chang ba rnams phyung ba'o/ /phyung nas kyang dang po'i dkyil 'khor gyi tshul gyis bzhugs par gyur to zhes bya ba ni de rnams kyis bcom ldan 'das rdo rje khu tshur yongs su bskor nas/ bcom ldan 'das rdo rje sems dpa'i dkyil 'khor gyi tshul du bzhugs pa'o/ /de nas bcom ldan 'das zhes bya ba nas brtsams te/ bzhugs par gyur to zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa nas brtsams te/ gsum pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i cho ga bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma zhugs pa la sogs pa'i las kyi cho ga rgyas par gsungs pa yin no/ /de nas zhes bya ba'i sgra ni snga ma bzhin no/ /ting nge 'dzin gsum gyi mthar snyoms par zhugs par mdzad pa'i rjes thogs nyid la zhes bya ba'i don to/ /bcom ldan 'das zhes bya ba la sogs pa ni go sla'o/ /de bzhin gshegs pa thams cad kyi ye shes ni sngar bshad pa'o/ /de las byung ba'i rdo rje khu tshur gyi dkyil 'khor ni sems can gyi khams rnams rgyas 'debs pas na phyag rgya chen po ste/ /de la dmigs pa rdo rje ltar mi phyed pa gang yin pa'i ting nge 'dzin de mngon sum du mdzad pa'o/ phyag rgya thams cad kyi rdo rje dam tshig ces bya ba'i dkyil 'khor chen po 'di gsungs so zhes bya ba ni phyag rgya yang yin la thams cad kyang yin pas na phyag rgya thams cad de/ phyag rgya chen po dang / chos dang dam tshig dang / las kyi phyag rgya rnams so/ /de nyid mi phyed pas na rdo rje'o/ /de'i dam tshig ni rdo rje khu tshur gyi dkyil 'khor te/ ming de skad ces bya ba ni 'di gsungs pa'o/ /'dis ni don 'di skad ston par 'gyur te/ /ting nge 'dzin gsum po ji lta ba bzhin du bsgoms pa nas nye bar bzung ste/ ji srid dkyil 'khor mngon sum du mthong bar gyur pa de srid kyi bar du bsgom par bya'o/ /de nas de'i rjes thogs nyid la dkyil 'khor 'di bri bar bya'o/ /phyi'i dkyil 'khor ni dang po'i sbyor bas bris la zhes bya ba la/ 'di dag ni phyi'i dkyil 'khor thams cad ni rdo rje sems dpa'i dkyil 'khor bzhin du bri bar bya'o/ /nang du rdo rje thig gi 'khor lo bri'o zhes bya ba ni phyi'i dkyil 'khor de'i dbus su rdo rje phreng ba zlum por bri'o/ /de bzhin du de'i dbus su dkyil 'khor brgyad par thig btab pa la zhes bya ba ni rdo rje'i thig gi 'khor lo'i dbus su shar dang / nub dang / byang dang / lhor thig bzhi btab pas dkyil 'khor brgyad par thig gdab par bya'o/ /de nas de'i dbus su bcom ldan 'das rdo rje khu tshur gser gyi mdog can rdo rje rtse lnga pa dang bcas pa'i dam tshig gi khu tshur gyi phyag rgya gnyis kyis 'ching bar mdzad pa/ zhal rnam par bzhad pa ste/ cung zad 'dzum pa dang bcas pas/ a zhes bya bas yang dag par gzhag par bya'o/ /de bzhin du rdo rje'i sku mchog ces bya ba nas brtsams te/ ji srid lha mo rdo rje zhes bya ba'i bar du lha thams cad gnas ji lta ba bzhin du gzhag par bya'o/ /de nas dam tshig gi khu tshur yongs su 'dzin pas zhes bya ba ni/ de ltar dkyil 'khor bris nas cho ga thams cad rjes su spyod de/ rdo rje khu tshur gyi dam tshig gi phyag rgya bcings la/ rang nyid 'jug par bya'o/ /zhugs nas slob dpon med par yang phyag rgya thams cad kyi slob dpon du 'gyur ro zhes bya ba ni/ gang zhig slob dpon yod pa lta smos kyang ci dgos pa'o/ /de nas brtsams te dngos grub thams cad don yod par thob par 'gyur ro zhes bya ba ni dkyil 'khor du 'jug pa nas nye bar bzung ste/ rdo rje khu tshur gyi dkyil 'khor las gsungs pa'i dngos grub rnams dang rigs gzhan gyi dkyil 'khor las gsungs pa rnams kyang don yod cing 'bras bu dang bcas pas thob par 'gyur ro/ /phyag rgya thams cad kyi ye shes kyi dbang phyug ces bya ba la/ phyag rgya chen po la sogs pa ni phyag rgya thams cad de/ de rnams kyi ye shes ni chos thams cad rang bzhin gyi 'od gsal ba'o zhes nges par gyur pa'o/ /des dbang phyug tu gyur pa ni rang dbang du gyur pa'i gtso bo'o/ /myur ba ni shin tu skyen pa nyid du'o/ /bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba'o/ /de nas thams cad byas la/ bdag nyid la go bar bya ba'i phyir sku gsung thugs kyi zhes bya ba la sogs pa dam tshig brjod par bya'o/ /de yang sku dang gsung dang thugs rnams kyis gzugs brnyan gyi sbyor bas de'i ngo bo nyid yin pas na phyag rgya thams cad ces bya ba ste/ sku dang gsung dang thugs rdo rje rnams bsgom pa'i ngo bo nyid kyi sbyor ba des sgrub pa po'i rgyud la phyag rgya chen po la sogs pa phyag rgya thams cad ces bya bar grags shing nges pa'o/ /gang zhig ce na dam tshig ste/ phyag rgya chen po la sogs pa'i ngo bo nyid do/ /'di'i las na ci zhig yin zhe na dngos grub kun ster ba'o zhes bya ba ste/ byang chub kyi sems chen po dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa'i mtshan nyid can gyis dngos grub thams cad ster bar byed pas na/ dngos grub kun ster ba'o/ /'di skad ston par 'gyur te/ phyag rgya chen po dang / chos dang dam tshig dang / las dang phyag rgya rnams gzugs brnyan gyi tshul gyis bcing bar bya'o/ /de nas de'i ngo bo nyid du bsgom pa'i stobs kyis rnal 'byor pa phyag rgya chen po la sogs pa phyag rgya thams cad kyi ngo bo nyid du 'gyur zhing / byang chub kyi sems la sogs pa rdzogs pa'i rgyur 'gyur ro/ /slob ma gzhug pa yang de bzhin no zhes bya ba ni ji ltar slob dpon gyi 'jug pa'i cho ga rgyas par gsungs pa de bzhin du slob ma rnams kyi yang de bzhin du shes par bya'o/ /phyag rgya thams cad kyi dkyil 'khor zhes bya ba la phyag rgya thams cad ni rang bzhin gyi 'od gsal ba dang / brtson 'grus kyi pha rol tu phyin pa ste/ de las byung ba'i rdo rje khu tshur gyi dkyil 'khor ni phyag rgya thams cad kyi dkyil 'khor zhes bya'o/ /thams cad rnam par gsal bar bya ba'i phyir slar yang bshad par bya ste/ bcom ldan 'das rdo rje khu tshur gyi sbyor bas rdo rje dbyings las gsungs pa'i rnal 'byor chen po byas la/ ting nge 'dzin gsum bsgom pa nas brtsams te/ ji srid dkyil 'khor mngon sum du mthong bar gyur ba de srid kyi bar du bsgom par bya'o/ /de nas ji skad du gsungs pa'i dkyil 'khor gyi sa'i dbus su ting nge 'dzin bsgoms la/ bar snang gi phyogs su snga ma bzhin du bzhag nas nyi ma 'char ba'i dus su thig gdab par bya'o/ /'di'i phyi'i dkyil 'khor ni rdo rje sems dpa'i dkyil 'khor dang 'dra ste/ de'i nang du de'i phyed kyi tshad kyi zlum po'i rdo rje'i thig ka brgyad dang ldan par thig legs par gdab par bya'o/ / de nas legs par bri bar bya ste/ lha thams cad kyi gnas su sna tshogs pad+ma bri bar bya'o/ /de nas dkyil 'khor dbus ma'i lte ba'i phyogs su gnas pa'i pad+ma la bcom ldan 'das rdo rje khu tshur sku mdog ser po zhal 'dzum pa dang bcas pa/ dam tshig gi khu tshur gyi rdo rje rtse lnga pa 'dzin cing thugs ka'i phyogs su 'tshir brgyan thams cad kyis brgyan pa/ de bzhin gshegs pa la sogs pa'i cod pan gyis dbang bskur ba/ zhal shar du gzigs pa sems dpa'i skyil mo krung gis bzhugs pa gzhag par bya'o/ /de'i mdun du rdo rje yid las byung ba'i gnas su rdo rje sku mchog rdo rje sems dpa'i sku'i cha lugs 'dzin pa'o/ /g.yas phyogs su kI li kI la'i gnas su rdo rje ljags rdo rje smra ba'i cha lugs 'dzin pa phyag na lce bsnams pa'o/ /rgyab tu rdo rje dran pa'i gnas su byang chub sems dpa' ting nge 'dzin rdo rje zhes bya ba dam tshig gi phyag rgyas rdo rje rtse lnga pa bsnams pa/ rdo rje skyil mo krung gis bzhugs pa'o/ /g.yon logs su rdo rje snyems pa'i gnas su byang chub sems dpa' rdo rje rdo rje zhes bya ba rdo rje snyems pa'i sku'i cha lugs 'chang ba/ de'i phyag rgya'i tshul can no/ /nang gi dkyil 'khor de nyid kyi shar lho'i mtshams su lha mo phyag rgya'i khu tshur zhes bya ba rdo rje khu tshur gyi cha lugs 'chang ba/ dam tshig gi khu tshur gyis rdo rje rtse lnga pa thogs pa bri bar bya'o/ /lho nub kyi mtshams su lha mo rin chen gyi khu tshur zhes bya ba 'phags pa nam mkha'i snying po'i cha lugs 'chang ba dang / dam tshig gi rin po che'i khu tshur gyis rdo rje rin chen 'dzin cing bzhugs pa'o/ /nub byang mtshams su bcom ldan 'das ma ye shes kyi khu tshur zhes bya ba 'jig rten dbang phyug gi cha lugs 'chang ba/ dam tshig pad+ma'i khu tshur gyis pad+ma bsnams pa'o/ /byang shar mtshams su bcom ldan 'das ma las kyi khu tshur zhes bya ba dngos po thams cad rdo rje las dang 'dra ba rdo rje khu tshur gyis las kyi phyag rgya sna tshogs rdo rje bsnams pa bri bar bya'o/ /shar phyogs kyi sgor bcom ldan 'das ma rdo rje snyems ma bdag nyid kyi dngos po thams cad rdo rje sems dpa' dang 'dra ba rdo rje dang dril bu bsnams pa'o/ /lho phyogs kyi sgor rdo rje ljags ma rdo rje smra ba dang 'dra ba/ rdo rje lce bsnams pa'o/ /nub phyogs kyi sgor ting nge 'dzin rdo rje ma ting nge 'dzin rdo rje'i cha lugs 'chang ba'o/ /byang phyogs kyi sgor rdo rje rdo rje ma rdo rje las dang 'dra ba'o/ /phyi'i dkyil 'khor gyi mtshams bzhir ni sgeg mo la sogs pa bri bar bya'o/ /'dir lha thams cad kyi snying po ni a zhes bya ba'o/ /de ltar dkyil 'khor bris la/ de bzhin du rnal 'byor chen po byas la/ 'jug pa'i dam tshig gi phyag rgyas yongs su bzung ba'i rdo rje me tog gi yal ga las rnam par rgyal ba'i bum pa dang / lha thams cad kyi bum pa dang / gang ba'i bum pa rnams la a zhes bya ba re re zhing lan brgya rtsa brgyad yongs su bzla'o/ /de nas dkyil 'khor gyi sgo bzhi yongs su phye ste/ rdo rje bsdu ba byas la bcom ldan 'das kyi phyag rgya chen po bsgom zhing bcom ldan 'das la mtshan brgya rtsa brgyad pas kyang bstod la/ gsang ba'i lcags kyu dang / a zhes bya bas bcom ldan 'das 'khor dang bcas pa'i dkyil 'khor du bcug nas/ rdo rje gnod sbyin gyis bgegs bsal ba byas te mtshams bcing ba dang / dra ba dang ra ba dag byas la/ rdo rje khu tshur gyis sgo bcings te/ rdo rje srung bas srung ba thams cad go bskon nas/ a zhes bya bas mchod yon phul te/ rdo rje khu tshur gyi dam tshig gi phyag rgya dang / AH dr-i sh+ya zhes bya bas 'khor dang bcas pa la blta bar byas la/ dzaHhUM baM hoHsa ma ya s+t+waM sa ma ya s+t+waM a haM a zhes lan gsum brjod de bsgrub par bya'o/ /rdo rje bsdams pa las mthe'u chung gnyis kyi bar du mthe bong bcings la mdzub mo bkug pa 'di ni dam tshig rdo rje khu tshur gyi mtshan nyid do/ /de nas lce la rdo rje ji lta ba bzhin du bsams la/ a zhes bya ba lha thams cad kyi ljags la bsam par bya ste/ 'di ni 'di ltar lha thams cad kyi chos kyi phyag rgya'o/ /rang gi snying gar a las sna tshogs rdo rje bsams la/ lha thams cad kyi las kyi phyag rgya bcing bar bya ste/ rdo rje khu tshur gnyis bcings la/ gcig la gcig btsir ba 'di ni bcom ldan 'das rdo rje khu tshur gyi las kyi phyag rgya'o/ /gnyi ga snyems pa dang bcas pas bstod de 'jog pa 'di ni rdo rje'i sku'i mchog gi'o/ /rdo rje gnyis kar bsgreng ba 'di ni rdo rje ljags kyi'o/ /ting nge 'dzin mchog ni ting nge 'dzin rdo rje'o/ /rdo rje gar bskor te bkrol la mkhur ba dang spyi bor 'jog pa ni rdo rje rdo rje'o/ /rdo rje khu tshur gnyis nges par btsir ba ni lha mo phyag rgya'i khu tshur gyi'o/ /nam mkha'i snying po'i las kyi phyag rgya ni lha mo bcom ldan 'das ma nor bu'i khu tshur gyi'o/ /g.yas kyis g.yon dbye ba ni lha mo ye shes kyi khu tshur gyi'o/ /rdo rje rdo rje'i phyag rgya nyid ni lha mo las kyi khu tshur gyi'o/ /sgeg mo la sogs pa'i ni sngar bshad pa'i las kyi phyag rgya nyid do/ /rdo rje snyems ma la sogs pa'i yang rdo rje sku mchog la sogs pa'i byang chub sems dpa' chen po rnams kyi las kyi phyag rgya rnams gzung bar bya'o/ /rang gi snying gar rdo rje rtse lnga pa rnam par bsams la/ ji ltar bris pa'i rjes su 'brangs nas/ thams cad kyi phyag rgya chen po bcing bar bya'o/ /phyag rgya chen po la sogs pa phyag rgya thams cad bcom ldan 'das kyi thun mong gi snying po ni 'dir a zhes bya ba yin no/ /de nas sangs rgyas lnga'i dbu rgyan gyi dbang bskur ba thams cad dbang bskur la snga ma bzhin du mchod yon phul te/ bum pa rnams dang / bum pa gang ba dang / na bza' dang / bla re la sogs pa rnams kyang bcom ldan 'das 'khor dang bcas pa la phul la/ mchod pa rnam pa lnga byas nas/ phyi rol du glu dang gar dang rol mo dang / rta dang / glang po che dang / ba lang gi khyu rnams kyis kyang mchod pa byed du gzhug go/ /de nas phyag rgya'i mchod pa rnam pa bcu gnyis kyis yang dag par mchod de/ oM zhes bya ba las rin po che sna bdun dang / dpag bsam gyi shing kha zas ro brgya la sogs pa'i bkod pa sprul la/ de 'dis dbul bar bya ste/ phyag 'tshal ba'i thal mo spyi bor bzhag la/ oM sarba bit+pU ra pUr/ su ra su ra/ A brta ya A brta ya hoHzhes brjod par bya'o/ /de nas phyi rol du gtor ma byin la/ sbyin sreg byas nas ras shin tu dmar ba la rdo rje gnod sbyin yongs su bzlas la/ de las ras gcig gis smad g.yogs bya/ gcig gis stod g.yogs byas nas yang gcig la rdo rje lcags kyu la sogs pa bzhi yongs su bzlas pas rang gi gdong g.yogs par bya'o/ /de nas phyag btsal ba la sogs pa sngon du 'gro bas de bzhin du sdom pa yang dag par blangs la byang chub tu sems bskyed de/ de bzhin du snying gar rdo rje bskyed la/ shar phyogs kyi sgo la bltas nas/ phyi rol na gnas pa'i bum pa'i chus bdag nyid dbang bskur te/ rdo rje khu tshur gyi dam tshig gi phyag rgya bcings nas de bzhin du me tog gi phreng ba blangs la/ badzra badzra a zhes zlos shing dkyil 'khor du gzhug par bya ste/ badzra aM ku sha dzaHzhes kyang brjod par bya'o/ /de nas lho phyogs kyi sgo nas de bzhin du zhugs te/ badzra pA sha hUM zhes brjod par bya'o/ /de nas nub phyogs kyi sgo nas zhugs te/ badzra Ta baM zhes brjod par bya'o/ /de nas byang phyogs kyi sgo nas snga ma bzhin du zhugs la/ badzra A be sha AHzhes bya bas bdag nyid dbang du bya'o/ /de nas yang shar phyogs kyi sgo nas zhugs la/ ma hA ra ta/ su dri D+ha/ su to Sho/ su su kho badzra satwa/ Ad+ya sid+d+h+ya mAM zhes brjod par bya'o/ /de nas rnam par sgeg pa'i rdo rjes phyag byas la/ dkyil 'khor la lan gsum bskor ba byas la/ bcom ldan 'das rdo rje khu tshur gyi spyan sngar 'dug la/ 'di skad ces brjod par bya'o/ /ma hA rA ga/ ma hA sau khya/ ma hA badzra/ ma hA d+hA na/ ma hA dz+nyA na/ ma hA karma/ badzra satwa A d+ya sid+d+h+ya mAM/ yang 'di skad brjod par bya ste/ dzaHhUM baM hoHpra sid+d+h+ya mAM/ de nas rdo rje'i chu 'thungs la a zhes bya ba lan brgya brjod do/ /de bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje phye la/ bdag nyid la dbab par bya ste/ a zhes bya ba lan brgya brjod par bya'o/ /de nas a zhes bya bas me tog dor bar bya'o/ /de nas de blangs la a zhes bya ba nyid kyis rang gi mgo la bcing bar bya'o/ /de nas de nyid kyis gdong g.yogs dgrol bar bya'o/ /de nas de zlos shing shar phyogs kyi cha nas brtsams te/ dkyil 'khor bskor bar bya'o/ /de nas rdo rje khu tshur gyi dam tshig gi phyag rgya bcings la/ tiSh+Tha badzra zhes bya bas rang gi snying gar dgrol bar bya'o/ /de nas rdo rje khu tshur gyi phyag rgya chen po bcings la/ de la rdo rje'i lta bas blta zhing / ji srid bcom ldan 'das kyi zhal bstan nas dngos grub thams cad stsol bar 'gyur ba de srid kyi bar du bzlas brjod bya'o/ /de nas rdo rje thal mo bskor bas shis pa brjod pa 'don pa'i tshul du rang gi snying gar bzhag la mtshan brgya rtsa brgyad kyis bstod de/ rdo rje mtshon cha la sogs pa'i gsang ba'i mchod pa bzhis bcom ldan 'das 'khor dang bcas pa yang dag par mchod la/ glu dang rol mo'i mchod pa rnams kyis kyang legs par mchod par bya'o/ /de nas yang bcom ldan 'das rdo rje khu tshur gyi phyag rgya chen po bcings la/ bcom ldan 'das la rdo rje'i lta bas blta zhing rdo rje thal mo bskor bas phyag byas la/ me tog la sogs pa dang dbang bskur ba rnams blang bar bya'o/ /de la dang po kho nar rdo rje khu tshur gyi dam tshig gi phyag rgyas yongs su bzung ba'i rdo rje'i me tog gi yal ga las rnam par rgyal ba'i bum pa la sngar bshad pa'i mtshan nyid can gyi gsang sngags de bzhin du yang bzlas la/ bdag nyid byang chub sems dpa' rdo rje khu tshur du byin gyis brlabs te/ rdo rje khu tshur gyi dam tshig gi phyag rgyas rnal 'byor chen po las bshad pa'i gnas rnams su lha thams cad dgod par byas la/ phyi'i dkyil 'khor gyi nang du sna tshogs pad+ma bris la/ de'i steng du rdo rje khu tshur gyi phyag rgya chen pos 'dug la me tog la sogs pas bdag nyid kyang yang dag par mchod de mchod yon blangs la/ mtshan brgya rtsa brgyad kyis yang dag par bstod nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hiShiny+tsa AHzhes bya bas bdag nyid dbang bskur bar bya zhing / chu de btung bar yang bya'o/ /de nas sangs rgyas lnga'i dbang bskur ba'i phyag rgyas dbang bskur la/ lugs ma'am/ brdungs pa'am/ byas pa'am/ bris pa'i sangs rgyas lnga'i dbu rgyan gyis snga ma bzhin du bdag nyid la dbang bskur bar bya'o/ /de nas dang po'i rdo rje dril bu dang bcas pa blangs la/ bdag po dang ming gi dbang bskur ba dag gis bdag nyid dbang bskur bar bya'o/ /de nas/ sku gsung thugs kyi rdo rje yi/ /gzugs brnyan lta bu'i sbyor ba yis/ /phyag rgya kun zhes sbyor bas bsgrags/ /dam tshig dngos grub kun ster ba'o/ /zhes bya ba brjod par bya'o/ /de nas dngos grub kyi rdo rje'i brtul zhugs blangs la me tog la sogs pa phyi'i mchod pa rnams kyis bdag nyid yang dag par mchod la/ rdo rje mtshon cha la sogs pa'i phyag rgya'i mchod pa rnam pa bcu gnyis kyis yang dag par mchod par bya zhing / de nyid kyis ni rdo rje bzung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzla/ /de nas bcom ldan 'das la phyag byas la/ snying po bzlas nas tshigs su bcad pa lnga pa rjes su gnang ba dang / gzengs bstod pa dang / lung bstan pa mnos la yang bdag nyid byin gyis brlab pa la sogs pa byas te/ ci 'dod par bzlas brjod byas la/ bcom ldan 'das la phyag byas nas/ 'di skad ces brjod par bya ste/ bdag ming 'di zhes bya ba yi/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /de nas slob ma gzhug par bya'o/ /slob dpon gyi las kyi cho ga rdzogs so/ / //de nas sdom pa dbog par 'os pa'i slob ma sngar bshad pa'i cho gas sdom pa 'dzin du gzhug par bya zhing / byang chub tu sems bskyed du gzhug par bya'o/ /de nas de'i snying gar de bzhin du rdo rje bskyed la/ de byang chub sems dpa' chen po rdo rje khu tshur du byin gyis brlabs te/ spos dang me tog la sogs pas mchod nas/ yon gyi mchog blangs la/ sgor bltas nas gnas pa'i bum pa'i chus dbang bskur nas rang gi 'jug pa'i cho gas bcug cing dbab par byas la/ yang rdo rje dbab pa'i phyag rgya dril bu dang bcas pas rkang pa g.yon pas de'i rkang pa g.yas pa mnan te/ a a a a a zhes bya ba a lnga lan brgya'i bar du brjod pas dbab par bya'o/ /de nas cho ga thams cad rjes su spyad par bya'o/ /slob ma gzhug pa la sogs pa'i cho ga rgyas pa rdzogs so// //da ni dam tshig dang dbang bskur ba thob pa rnams la/ slob dpon gyi dngos grub kyi ye shes bslab par bya'o zhes bya ba'i don bstan par bya ba'i phyir/ sgrub pa dang zhes bya ba la sogs pa gsungs te/ sgrub pa dang dngos grub thams cad kyang de bzhin no zhes bya ba ni zla ba nya nas brtsams te/ bcom ldan 'das rdo rje khu tshur gyi spyan sngar dam tshig gi rdo rje khu tshur gyi phyag rgya bcings la/ ji ltar skyo bar ma gyur pas/ dang po bdag la byin gyis brlab pa la sogs pa byas te/ ji srid zla ba gcig gis sngon du bsnyen pa byas par gyur pa de srid kyi bar du rdo rje tshig gis bzlas brjod bya'o/ /de nas dang po rdo rje bri ba'i phyag rgyas ras la bri ba 'am 'drir gzhug par bya ste/ phyis ni ci bder bya'o/ /de yang dbus su bcom ldan 'das rdo rje khu tshur ji lta ba bzhin du bris la/ byang chub sems dpa' rdo rje'i sku mchog nas brtsams te/ lha mo rdo rje rdo rje'i bar du thams cad dkyil 'khor gyi tshul du yang dag par bri bar bya'o/ /de nas zla ba nya nas brtsams te/ bcom ldan 'das rdo rje khu tshur gyi phyag rgya chen po bcings la/ de bzhin du sngon du bsnyen pa'i sbyor bas zla ba gcig tsam gyi bar du bzlas brjod bya'o/ /de nas nang par bcom ldan 'das rdo rje khu tshur gyis zhal bstan nas/ sangs rgyas nyid la sogs pa'i dngos grub rnams stsol bar 'gyur ro/ /ras kyi ri mo dang po'i sgrub pa'o/ /de nas ras kyis ri mo gnyis pa bsgrub par bya'o/ /sngon du bsnyen pa de bzhin du byas nas/ bcom ldan 'das rdo rje khu tshur dpa' bo gcig pu bris la/ de'i spyan sngar bcom ldan 'das rdo rje khu tshur gyi phyag rgya chen po bcings la bzlas brjod 'bum bya'o/ /de nas zla ba nya nas mtshan thog thag bzlas brjod byas nas/ nang par rdo rje khu tshur nyid thob par 'gyur ro/ /de nas ma bsgrubs pa'i las rnams kyang de bzhin te zhes bya ba ni snga ma bzhin no/ /phyag rgya thams cad bcing ba bsgrub pa la zhes bya ba ni/ phyag rgya chen po dang / chos dang dam tshig dang las kyi phyag rgya rnams ni phyag rgya thams cad de/ de rnams bcing ba ni ji skad du bshad pa'o/ /de'i sgrub pa ni rdzogs par bya ba'o/ /de ji ltar 'gyur zhe na/ snying gar rdo rje khu tshur gyis so zhes bya ba gsungs te/ phyag rgya de thams cad bcing ba bsgrub pa ni snying gar rdo rje khu tshur gyi phyag rgyas grub par gyur te/ rdo rje khu tshur gnyis gcig la gcig lta bar snying ga'i phyogs su bzhag la btsir ba 'di ni snying gar rdo rje khu tshur gyi phyag rgya bya ste/ 'di bcings la a zhes bya ba zlos shing / de lta bus ni phyag rgya thams cad bcing ba grub par 'gyur te/ phyag rgya chen po la sogs pa rigs thams cad kyi phyag rgya sgrub pa pos bcings la rang gi las la nges par sbyar nas/ rang gi las rnams byed do zhes bya ba'i don to/ /phyag rgya thams cad bsgrub pa la ni zhes bya ba la/ phyag rgya thams cad ni ji skad du bshad pa rnams so/ /de rnams bsgrub pa ni rang dbang du bya ba'o/ /de ji ltar 'gyur zhe na/ rdo rje chen po'i khu tshur gyis so zhes bya ba gsungs te/ ji skad du bshad pa'i mtshan nyid can gyi bcom ldan 'das rdo rje khu tshur gyi dam tshig gi phyag rgya ni/ rdo rje chen po'i khu tshur ro/ /'di skad ston par 'gyur te/ phyag rgya chen po la sogs pa phyag rgya thams cad sgrub par 'dod pas/ dang po nyid rdo rje'i thal mo dang / rdo rje bsdams pa dang / rdo rje bsdams pa dgrol ba'i phyag rgya dang / rdo rje dbab pa'i dam tshig gi phyag rgya bcings la/ badzra muSh+Ti zhes bya ba dang / rdo rje khu tshur gyi dam tshig gi phyag rgya bcings te/ a zhes bya ba gdon par bya'o/ /de nas sgrub pa po de'i phyag rgya chen po la sogs pa'i phyag rgya thams cad rang dbang du byas par 'gyur ro/ /dam tshig thams cad bsgrub pa la ni zhes bya ba la dam tshig kyang yin la thams cad kyang yin pas na dam tshig thams cad de/ rdo rje sems dpa' la sogs pa rnams so/ /de rnams bsgrub pa ni spyan drangs pa rnams rang dbang du bya ba'o/ /de ji ltar 'gyur zhe na/ rdo rje 'dod pa'i khu tshur gyis so zhes bya ba gsungs te/ rdo rje hUM mdzad kyi phyag rgya las mdzub mo gnyis lu gu rgyud du mdud pa byas la/ mthe bong gnyis gshibs nas snying gar bzhag pa 'di ni rdo rje 'dod pa'i rgyal po'i phyag rgya ste/ 'di bcings la rang gi lha'i spyan snga'am/ rang gi lus la bzhag la/ a zhes bya ba bzlas brjod byas na de lta bus ni dam tshig thams cad 'grub par 'gyur ro/ /sems can thams cad rjes su chags par bya ba la ni zhes bya ba la/ rdo rje sems dpa' la sogs pa dang / sems can gyi khams rnams ni sems can thams cad de/ de rnams rjes su chags par bya ba ni snga ma bzhin no/ /rdo rje chags pa chen po'i khu tshur gyis so zhes bya ba ni/ rdo rje khu tshur gnyis bcings la/ des mda' 'dzin pa'i tshul du bya ba 'di ni rdo rje chags pa chen po'i tshul du bya ba'i rdo rje khu tshur te 'di bcings la/ rdo rje chags par bdag nyid rnam par bsams nas/ rdo rje sems dpa' la sogs pa bsgrub par bya ba'i sems dpa' rnams yid kyis mdun du gnas pa la/ me tog gi mda' kha dog dmar pos yang dang yang du snying gar bsnun par bya zhing / a che ge mo a nu rA ga ya ho zhes bzlas brjod byas nas de lta bus ni rjes su chags par byas par 'gyur ro/ /sems can thams cad dbang du bya ba la ni zhes bya ba la/ rdo rje sems dpa' la sogs pa dbang du bya ba ni thams cad dbang du bya ba ste/ bdag dang nor rang dbang du byas zhes bya ba'i don to/ /de ji ltar 'gyur zhe na/ rdo rje bzhad pa'i khu tshur gyis so zhes bya ba gsungs te rdo rje dbyings kyi dkyil 'khor chen po las gsungs pa'i rdo rje bzhad pa'i dam tshig gi phyag rgya ni rdo rje bzhad pa'i dam tshig gi khu tshur yin la/ 'di bcings nas a zhes bya ba zlos shing rdo rje bzhad pa mdog dmar por bdag nyid rnam par bsams la/ bsgrub par bya ba mdun du bzhag ste/ de bzhin du 'od zer dmar po rnams kyis bsgrub par bya ba 'khyud cing bzlas brjod bya ste/ a che ge mo me ba shaM A na ya ho/ /de lta bus ni 'di dbang du 'gyur ro/ /thams cad bcing ba la ni zhes bya ba la/ rdo rje 'dzin pas rdo rje lcags sgrog phyag na bsnams pas bdud la sogs pa bcing ba ni thams cad bcing ba'o/ /de ji ltar 'gyur zhe na/ rdo rje bsdams pa'i khu tshur chen pos so zhes bya ba gsungs te/ rdo rje bsdams pa ni go bar zad do/ /de nyid ni khu tshur chen po ste/ des thams cad bcing ba'o/ /yang rnam pa 'di nyid kyis thams cad bcing ba bstan pa'i phyir/ thams cad bsdams pa la ni rdo rje lu gu rgyud kyi khu tshur gyis so zhes bya ba gsungs te/ rdo rje bsdams pa nang du bcings la/ mthe bo dang mdzub mo rtse sprad de/ bcing ba ni rdo rje lu gu rgyud kyi khu tshur te 'di bcings la a zhes bya ba zlos shing / rdo rje lcags sgrog gi lag pa dang rdo rje lcags sgrog tu bdag nyid rnam par bsams la/ a che ge mo ban+d+ha ya baM zhes bya ba zlos shing / bsgrub par bya ba'i rdo rje lcags sgrog dang bcing bar bya'o/ /thams cad lkugs par bya ba la ni zhes bya ba la/ ngag gi 'jug pa dang bral ba ni lkugs pa'o/ /de ji ltar 'gyur zhe na/ rdo rje zhal gyi khu tshur gyis so zhes bya ba gsungs te/ rdo rje dgun gyi phyag rgya ni/ rdo rje zhal gyi khu tshur te/ 'di bcings la A zhes bya bas/ bdag nyid rdo rje dgun gyi gzugs su rnam par bsams te/ bsgrub par bya ba rdo rje kha ba babs pas 'khyag par 'gyur zhing tshig smra mi nus pas rmugs par bsam par bya ste/ de lta bus ni lkugs par 'gyur ro/ /thams cad btsir ba la ni zhes bya ba la/ sngar bshad pa'i sbyor bas gdon pa la sogs pa bcings te/ phyis rdo rje bsdams pa bcings la/ de dang yid kyis blangs te/ rdo rje bsdams pa'i nang du chud pa dang bsgrub par bya ba btsir bar bya ba 'di ni rdo rje bsdams pa'i khu tshur te/ 'dis thams cad btsir bar 'gyur ro/ /thams cad gsad pa la ni rdo rje khro bo'i khu tshur gyis so zhes bya ba ni bcom ldan 'das rdo rje khu tshur gyi sbyor ba ji lta ba bzhin du byas la/ AHhUM zhes bya bas rdo rje khro bor bdag nyid rnam par bsams la/ g.yas kyi khro bo'i khu tshur ram/ g.yon gyi khu tshur gyis gzhan la sdigs mdzub bya zhing / a che ge mo mA ra ya hUM zhes bzlas la/ mdzub mo'i rdo rje las rdo rje 'bar ba sprul la/ bsgrub par bya ba'i steng du ltung bar bya ste/ de lta bus ni rdo rje khro bo'i khu tshur gyis thams cad gsod par 'gyur ro/ /thams cad bza' ba la ni rdo rje gnod sbyin gyi khu tshur gyis so zhes bya ba ni/ rdo rje gnod sbyin gyi sbyor bas ji lta ba bzhin du byas la/ A zhes bya ba nyid kyis rdo rje gnod sbyin gyi skra gyen du brdzes pa/ gsus pa che ba zhal nam mkha' ltar tshad med cing mche ba gtsigs pa khro ba chen po 'khrugs pa/ mdog nag por bdag nyid bsams nas/ de'i las kyi phyag rgya bcings te/ bsgrub par bya ba'i sprin la sogs pa des rang gi khar bcug la/ a me g+ha a ti aM b+hak+Sha ya hUM zhes bzlas brjod bya'o/ /'di ni rdo rje gnod sbyin gyi khu tshur te 'dis thams cad za bar 'gyur ro/ /thams cad gzhig pa la ni rdo rje nges par btsir ba'i khu tshur gyis so zhes bya ba ni/ snga ma bzhin du sbyor ba byas la/ dam tshig gi rdo rje khu tshur gyi phyag rgyas bsgrub par bya ba bzung ba'i bsam pas rdo rje rtse lnga pa blangs te/ bsgrub par bya ba btsir ba'i bsam pas btsir bar bya'o/ /'dis ni rdo rje nges par btsir ba'i khu tshur 'dis thams cad gzhig par bya'o/ /thams cad dral ba la ni rdo rje dral ba'i khu tshur gyis so zhes bya ba ni/ lha'i bu'i bdud la sogs pa'i dngos po thams cad dral ba la ni rdo rje khu tshur gnyis bcings la/ bsgrub par bya ba dral ba'i bsam pas dral bar bya'o/ /'di ni rdo rje dral ba'i khu tshur te 'dis thams cad dral bar 'gyur ro/ /thams cad dbab pa la ni rdo rje 'bebs pa'i rdo rje khu tshur gyis so zhes bya ba ni/ rgyu ba dang mi rgyu ba'i dngos po thams cad dbab pa ni thams cad dbab pa'o/ /de yang rdo rje bsdams pa nang du bcings la srin lag dang / mthe'u chung gi bar du mthe bo gzhag pa 'di ni rdo rje 'bebs pa'i khu tshur te/ 'di dang a zhes bya bas thams cad 'bebs par 'gyur ro/ /thams cad gar byed du gzhug pa la ni rdo rje gar gyi khu tshur gyis so zhes bya ba ni/ 'di ni rdo rje gar mkhan ma'i phyag rgya ni/ rdo rje gar gyi khu tshur te/ 'dis thams cad gar byed du gzhug par bya'o/ /'di skad ston par 'gyur te/ bcom ldan 'das rdo rje khu tshur gyi sbyor ba ji lta ba bzhin du byas la/ a zhes bya ba zlos shing thams cad gar byed pa'i tshul gyis bsgrub par bya ba'i lus la yid kyis gzhug pas bsgrub par bya ba bkang la/ bdag nyid kyis gar byas te des ni thams cad gar byed du gzhug par bya'o/ /thams cad smrar gzhug pa ni rdo rje gsung gi khu tshur gyis so zhes bya ba ni/ rdo rje khu tshur gnyis kyis pi wang brdung ba'i tshul du byas pa 'di ni rdo rje gsung gi khu tshur te/ 'di bcings la a zhes bya ba zlos shing rdo rje khu tshur gyi sbyor bas bsgrub par bya ba'i lus la ji lta ba bzhin du zhugs nas/ rdo rje khu tshur gnyis kyis yang dang yang du pi wang brdung ba ltar byas na thams cad smra bar 'gyur ro/ /thams cad rengs par bya ba la ni rdo rje dmigs pa'i khu tshur gyis so zhes bya ba ni/ rdo rje khu tshur gyi sbyor ba ji lta ba bzhin du byas la/ snying ga'i zla ba la rdo rje rtse lnga pa 'bar ba'i phreng ba kun du 'khrugs pa'i 'od can rnam par bsams te/ 'bar ba des phyogs bcu'i sprin la sogs pa bsgrub par bya ba gnon par bya ste/ 'di ni rdo rje dmigs pa'i khu tshur gyis thams cad rengs par bya'o/ /gzhan gyi dpung thams cad lkugs pa dang 'phye bor bya ba la ni rdo rje chen po 'phye bo'i khu tshur gyis so zhes bya ba ni/ de bzhin du bcom ldan 'das kyi sbyor ba byas la/ a hUM zhes zlos shing rdo rje hUM mdzad kyi phyag rgya bcings la/ rdo rje hUM mdzad du bdag nyid bsgoms la/ a pa ra sai n+yam mu kha phag kam ku ru hUM/ zhes khros pas bzlas brjod byas la/ phyag rgya bcings la de las rdo rje khro bo rnams sprul te/ gzhan gyi dpung thams cad tshig dang bral bas na lkugs pa dang / rkang pa 'degs pa'i nus pa dang bral bas na grum por bya ba 'di ni 'phye bo'i khu tshur ro/ /gzhan gyi phyag rgya thams cad las sgrol ba la ni rdo rje thal mo'i khu tshur gyis so zhes bya ba ni snga ma bzhin du rdo rje khu tshur gyi sbyor ba byas la/ AHzhes bya ba zlos shing / dam tshig gi rdo rje'i khu tshur gyi mthil gnyis su 'jig rten dang 'jig rten las 'das pa'i phyag rgya thams cad yid kyis blangs la/ dgrol ba de ni rdo rje thal mo'i khu tshur ro/ /rdo rje mkha' 'gro ma thams cad kyi phyag rgya gzhig pa la ni rdo rje hUM mdzad kyi rdo rje'i khu tshur gyis so zhes bya ba ni/ de bzhin du rdo rje khu tshur sbyor ba byas la/ AHhUM zhes bya bas dpal he ru kar bdag nyid rnam par bsams la/ dpal khrag 'thung gi rdo rje'i phyag rgya mkha' 'gro ma'i phyag rgya'i steng du babs par 'gyur bar bsams te/ 'di ni hUM mdzad kyi rdo rje'i khu tshur ro/ /gdug pa thams cad kyi phyag rgya dbye ba la ni hUM mdzad kyi rdo rje'i khu tshur gyis so zhes bya ba ni/ de bzhin du rdo rje khu tshur gyi sbyor ba byas la/ AHhUM zhes bya ba dang / rdo rje hUM mdzad kyi phyag rgya bcings nas rdo rje hUM mdzad du bdag nyid rnam par bsams te/ srin po la sogs pa'i gdug pa thams cad kyi phyag rgya dral ba'i bsam pas rdo rje hUM mdzad kyi phyag rgyas mkhrig ma bcing ba dral bar bya ste/ 'dis ni rdo rje hUM mdzad kyi khu tshur te/ ji skad du bshad pa'i las rdzogs par byed pa'o/ /phyag rgya thams cad bcing ba la ni rdo rje khu tshur gyi khu tshur gyis so zhes bya ba ni snga ma bzhin du rdo rje khu tshur gyi sbyor ba byas la/ rdo rje khu tshur gyis las kyi phyag rgya bcings nas/ phyag rgya chen po la sogs pa'i rigs thams cad kyi phyag rgya rnams dam tshig gi bcing bas bcings nas a zhes bya ba zlos pa 'di ni rdo rje khu tshur gyi khu tshur te/ phyag rgya thams cad 'ching ba'o/ /phyag rgya thams cad rdo rjer bya ba la ni rdo rje khu tshur gyis so zhes bya ba ni snga ma bzhin du rdo rje khu tshur gyi sbyor ba byas la/ rdo rje khu tshur gnyis kyis yan lag dang nying lag thams cad byug cing a zhes bya ba zlos pa 'di ni rdo rje khu tshur te/ phyag rgya chen po rdo rjer byed pa'o/ /thams cad rgyas gdab pa la ni rdo rje ma mo'i khu tshur gyis so zhes bya ba ni de bzhin du rdo rje khu tshur gyi sbyor ba byas la/ a zhes bya ba dang bsgrub par bya ba rgyas gdab pa'i bsam pas rdo rje khu tshur gnyis khar gzhag pa 'di ni rdo rje ma mo'i khu tshur te/ des sems can thams cad rgyas 'debs pa'o/ /thams cad phye mar bya ba la ni rdo rje bzang po'i khu tshur gyis so zhes bya ba ni snga ma bzhin du rdo rje khu tshur gyi sbyor ba byas la/ bdud la sogs pa phye mar bya ba'i bsam pas dam tshig rdo rje'i khu tshur bcings la/ yid kyis bsgrub par bya ba'i steng du bzhag nas/ sa la btsir te rdo rje 'bar bas bsgrub par bya ba thal bar byas par gyur par bsam zhing / a hUM zhes bya ba'i bzlas brjod bya ba 'di ni rdo rje bzang po'i khu tshur te thams cad phye mar byed pa'o/ /thams cad rnam par gzhig pa la ni rdo rje gdug pa'i khu tshur gyis so zhes bya ba ni snga ma bzhin du rdo rje khu tshur gyi sbyor ba byas la/ gdug pa rnams kyi dkyil 'khor gzhig pa'i bsam pas g.yon pa'i rdo rje khu tshur gyi rgyab tu g.yas pa'i rdo rje khu tshur kha bkan te bzhag nas/ dbus su gdug pa'i dkyil 'khor bsams la/ g.yon du blta ba dang bcas pa nyid kyis g.yon pa'i khu tshur mngon du phyogs par byas te/ gcig la gcig btsir bar bya ba 'di ni rdo rje gdug pa'i khu tshur te thams cad rnam par 'jig par byed pa'o/ /thams cad dbye ba dang rnam par gzhol ba la ni dbang po'i rdo rje'i khu tshur gyis so zhes bya ba ni 'phags pa de kho na nyid bsdus pa las gsungs pa'i phyir rdo rje khu tshur gnyis bcings la g.yas pa'i khu tshur gyi steng du g.yon pa'i khu tshur bzhag pa 'di ni dbang po'i rdo rje'i khu tshur te 'di bcings la stang stabs dang bcas pas bsgrub par bya ba'i steng du 'phang zhing a hUM zhes zlos shing rdo rje 'bar bas bsgrub par bya ba rnam par gzhom par bsam par bya'o/ /de lta bu'i dbang po'i rdo rje'i khu tshur gyis ni thams cad dbye ba dang rnam par 'joms par byed pa'o/ /chu'i nang du gnas shing 'chag pa la ni/ rdo rje rnon po'i khu tshur gyis so zhes bya ba ni/ bcom ldan 'das rdo rje khu tshur gyi sbyor ba byas la/ dang po'i rdo rje la mdzub mo gnyis bkug ste/ gung mo gnyis kyi steng du mthe bos sen mo mnan la/ mig gi 'bras bu ltar byas nas srin lag dang mthe'u chung gnyis mnyam por brkyang ba 'di bcings la 'chag cing 'gro bas rang gi phyag rgya las byung ba'i rdo rje 'bar bas chu steng du bteg ste/ chu'i nang du gnas shing 'chag par bya ba 'di ni rdo rje rnon po'i khu tshur te/ bzlas brjod ni a lam zhes brjod par bya'o/ /gzugs mang por ston pa la ni sna tshogs rdo rje'i khu tshur gyis so zhes bya ba ni rdo rje khu tshur gnyis bcings la/ g.yon pa'i mthe bo'i sbubs su g.yas pa'i mdzub mo bcug pa ni sna tshogs rdo rje'i khu tshur te 'di bcings la hrIHta zhes bzlas brjod byas nas gzugs thams cad yang dag par ston pa'i ting nge 'dzin bsgom par bya ste/ de lta bus ni gzugs mang po ston par 'gyur ro/ /mi snang ba'i dngos grub la ni mi snang ba'i rdo rje'i khu tshur gyis so zhes bya ba ni/ de bzhin du rdo rje khu tshur gyi sbyor bas a khaM zhes zlos shing rdo rje rnon po'i khu tshur bcings la bdag nyid nam mkha' dang 'dra bar bsgoms na mi snang bar gyur te/ 'di ni mi snang ba'i rdo rje khu tshur ro/ /rgyu ba dang mi rgyu ba'i dngos po rnams 'byung ba la ni rdo rje nam mkha'i khu tshur gyis so zhes bya ba ni/ bcom ldan 'das rdo rje khu tshur gyi sbyor ba byas la/ AHtraM zhes zlos shing bdag nyid nam mkha'i snying po'i rnam par bsams nas/ 'phags pa nam mkha'i snying po'i dam tshig gi phyag rgya bcings la/ nam mkha' las dngos po thams cad bskyed par bya ba ni rdo rje nam mkha'i khu tshur te dngos po thams cad skyed par byed pa'o/ /nam mkha' la 'gro ba'i dngos grub la ni rdo rje bsdams pa'i khu tshur gyis so zhes bya ba ni/ bcom ldan 'das rdo rje khu tshur gyi sbyor bas rdo rje bsdams pa bcings la rang gi gnas nas ri rab kyi bar du ji srid mngon par 'dod pa'i gnas su 'gro bar bya ba'i phyir/ rdo rje skas kyi gdang bu rnam par bsams la/ de la 'dzegs nas 'gro na/ de lta bus ni nam mkha' la 'gro bar 'gyur te/ 'di ni rdo rje bsdams pa'i khu tshur nam mkha' la 'gro ba ster bar byed pa'o/ /rig pa 'dzin pa'i dngos grub la ni rdo rje ral gri'i khu tshur gyis so zhes bya ba ni/ rdo rje ral gri'i khu tshur ni 'phags pa 'jam dpal gyi phyag rgya chen po ste/ de bcings la a zhes bya ba zlos shing / ral gri 'dzin pa'i rig pa 'dzin par bdag nyid bsgoms na/ bsgrub pa grub nas ral gri 'dzin pa'i rig pa 'dzin par 'gyur ro/ /de bzhin gshegs pa thams cad la mchod pa'i dngos grub la ni/ rdo rje de las kyi khu tshur gyis so zhes bya ba ni/ bcom ldan 'das rdo rje khu tshur gyi sbyor ba byas la/ a zhes bya ba zlos shing rdo rje khu tshur gnyis kyis sna tshogs rdo rje blangs la/ mchod pa ma lus shing lus pa med pas de bzhin gshegs pa thams cad la mchod pa yid kyis bya ste/ 'di ni rdo rje las kyi khu tshur gyis mchod pa thams cad rab tu sgrub par byed pa'o/ /thams cad mkhyen pa'i dngos grub la ni rdo rje ye shes kyi khu tshur gyis so zhes bya ba ni/ pad+ma'i dam tshig gi phyag rgyas rdo rje pad+ma 'dzin pa ni rdo rje ye shes kyi khu tshur te 'di bcings la a zhes bya ba zlos shing chos thams cad rang bzhin gyis dag pa'o zhes bsgoms na/ shes rab kyi pha rol tu phyin pa thob par 'gyur te/ des na 'di la thams cad mkhyen pa'i ye shes 'grub par 'gyur ro/ /nor thams cad kyi dngos grub la ni rdo rje nor gyi khu tshur gyis so zhes bya ba ni/ rin po che'i dam tshig gi khu tshur gyis rdo rje rin po che 'dzin pa ni rdo rje nor gyi khu tshur te/ 'di bcings la byang chub sems dpa' chen po rdo rje rin chen du bdag nyid bsgoms na nor thams cad kyi dngos grub 'grub par 'gyur ro/ /phyag rgya thams cad kyi bdag po nyid la ni rdo rje khu tshur gyis so zhes bya ba ni/ rdo rje khu tshur gyi dam tshig gi phyag rgyas rdo rje rtse lnga pa 'dzin pa ni rdo rje'i phyag rgya'i khu tshur te/ 'dis phyag rgya thams cad kyi bdag po nyid du 'gyur ro/ /las thams cad kyi dngos grub la ni rdo rje thams cad kyi khu tshur gyis so zhes bya ba ni/ las thams cad pa'i phyag rgya ni rdo rje thams cad kyi khu tshur te/ 'dis sangs rgyas kyi sprul ba rnams dang / sems can gyi don bya ba'i mtshan nyid can gyi las thams cad 'grub par 'gyur ro/ /dkyil 'khor thams cad kyi dngos grub la ni rdo rje 'dzin pa'i khu tshur gyis so zhes bya ba ni ting nge 'dzin rdo rje'i phyag rgya chen po ni rdo rje 'dzin pa'i khu tshur te/ des dkyil 'khor thams cad 'grub par 'gyur ro/ /bdag nyid 'das pa dang / ma 'ongs pa dang / da ltar byung ba ston pa la ni rdo rje ljags kyi mchog gi khu tshur gyis so zhes bya ba ni/ rdo rje smra ba'i phyag rgya chen po ni rdo rje ljags kyi mchog gi khu tshur te/ de bcings la a zhes bya bas lce la dbab par byas na/ 'das pa dang / ma 'ongs pa dang / da ltar byung ba thams cad ston par 'gyur ro/ /rdo rje 'dzin pa nyid la ni rdo rje bsnyems pa'i khu tshur gyis so zhes bya ba ni/ rdo rje sems dpa'i phyag rgya chen po ni rdo rje bsnyems pa'i khu tshur te/ 'di bcings la a zhes bya ba zlos shing rdo rje sems dpar bdag nyid bsgoms na rdo rje 'dzin pa nyid du 'gyur ro/ /sangs rgyas pa nyid la ni de bzhin gshegs pa thams cad kyi rdo rje khu tshur gyis so zhes bya ba la/ byang chub mchog gi phyag rgya ni/ de bzhin gshegs pa thams cad kyi rdo rje khu tshur te/ 'di bcings la a zhes bya ba zlos shing rnam par snang mdzad du bdag nyid bsgom pa ji srid de'i skur bdag nyid mthong gi bar du bsgom par bya'o/ /de nas grub pas rnam par snang mdzad dang 'dra bar 'gyur ro/ /phyag rgya thams cad kyi khu tshur gyi dam tshig ces bya ba la/ de bzhin nyid ni phyag rgya thams cad kyi khu tshur ro/ /de'i dam tshig ni de las byung ba'i rdo rje khu tshur gyi dkyil 'khor te/ ming de skad ces bya ba'i rtog pa'i rgyal po rdzogs pa ste/ de ltar bcom ldan 'das rdo rje khu tshur gyi rtog pa'i rgyal po'i bshad pa rdzogs so// //da ni shes rab kyi pha rol tu phyin pa bsgoms pas gsang sngags rnam par 'grub par 'gyur ro zhes bya ba 'di'i don bstan par bya ba'i phyir/ shes rab kyi pha rol tu phyin pa gtso bor gyur pa 'khor lo ltar yi ge bskor ba'i rtog pa'i rgyal po'i bshad pa ni/ de nas zhes bya ba la sogs pa gsungs pa yin te/ de nas zhes bya ba'i sgra ni de ma thag pa ste/ sngar bshad pa'i 'dod pa'i khams thams cad kyi gzhan 'phrul dbang byed kyi lha'i gnas su bcom ldan 'das rnam par snang mdzad bzhugs pa dang / de'i rjes thogs nyid la 'khor lo ltar yi ge bskor ba zhes bya ba shes rab kyi pha rol tu phyin pa'i tshul 'di gsungs so/ /chos thams cad spros pa med pa'i de bzhin gshegs pas zhes bya ba la/ chos thams cad ni byang chub kyi sems chen po dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa dang / kun gzhi'i rnam par shes pa dang / nyon mongs pa can gyi yid dang / so sor rtog par byed pa'i yid kyi rnam par shes pa dang / gang rnam par mi rtog pa'i yid kyi rnam par shes pa dang / mig dang / rna ba dang / sna dang / lce dang / lus kyi rnam par shes pa 'di dag gi yul rnams dang / me long lta bu'i ye shes dang / mnyam pa nyid dang / so sor rtog pa dang / bya ba grub pa'i ye shes dang / ngo bo nyid kyi sku dang / rnam par mi rtog pa'i sku dang / longs spyod rdzogs pa'i sku dang / sprul pa'i sku dang / de bzhin gshegs pa'i rigs dang / rdo rje dang / pad+ma dang / rin po che dang / las kyi rigs rnams dang / de rnams la spros pa ni rnam par rtog pa rnams so/ /ma spros pa ni spros pa med pa ste/ byang chub kyi sems la sogs par rnam par rtog pa med pa'o/ /de gang la yod pa de ni chos thams cad spros pa med pa ste/ gzung ba dang 'dzin pa'i rnam par rtog pa dang bral zhing gnyis su med pa'i chos kyi dbyings shes rab kyi pha rol tu phyin pa'i ngo bo nyid do/ /de bzhin gshegs pa zhes bya ba ni bshad zin to/ /'khor lo ltar yi ge bskor ba zhes bya ba ni a ra pa tsa la sogs pa'i yi ge rnams 'khor lo ltar yongs su bskor zhing / mngon sum du gyur pa gang la thos pa dang / bsam pa dang / bsgom pa'i rang bzhin gyis shes pas mngon sum du byas pa'i shes rab kyi pha rol tu phyin pa'i tshul gang yin pa de ni 'khor lo ltar yi ge bskor ba zhes bya ste/ ming de skad ces bya ba gsungs pa'o/ /ngo bo nyid med pa'i tshul gyis chos thams cad stong pa'o zhes bya ba la/ chos kyang yin la thams cad kyang yin pas na/ chos thams cad de/ byang chub kyi sems dang / me long lta bu'i ye shes dang / kun gzhi'i rnam par shes pa dang / ngo bo nyid kyi sku dang / de bzhin gshegs pa'i rigs kyi ngo bo nyid rnams te/ de ni don dam par dngos po med pa'i ngo bo nyid yin pa'i phyir ston pa'o/ /don 'di nyid bstan par bya ba'i phyir ngo bo nyid med pa'i tshul gyis zhes bya ba gsungs te/ rtag tu ngo bo nyid dang bral ba'i rang bzhin ni ngo bo nyid med pa'o/ /de'i tshul gyis zhes bya ba ni de bzhin du ro gcig pa nyid de/ ngo bo nyid med pa'i tshul des ji skad du bshad pa'i chos thams cad stong pa nyid yin gyi kun rdzob tu ni yod bzhin pa'o zhes ston pa yin no/ /mtshan ma med pa'i tshul gyis chos thams cad mtshan ma med pa'o zhes bya ba la/ sbyin pa'i pha rol tu phyin pa dang / mnyam pa nyid kyi ye shes dang / nyon mongs pa can gyi yid dang / rnam par smin pa'i sku dang / rin po che'i rigs ni chos thams cad do/ /de rnams kyi mtshan ma ni bdag la sogs par rnam par rtog pa'i bag chags te/ rnam par shes pa skyed par byed pa'i rgyu'o/ /mtshan mar mi 'dzin pas na mtshan ma med pa ste/ don dam par rnam par shes pa skyed par byed pa'i rgyu med do zhes bya ba'i don to/ /don 'di nyid bstan par bya ba'i phyir mtshan ma med pa'i tshul gyis zhes bya ba gsungs te/ mtshan ma dang bral bas na mtshan ma med pa ste/ rnam par shes pa skyed par byed pa'i rgyu dang bral bas mtshan ma med pa'o/ /de nye bar bzung ba ni rgyur byas pa ste/ ji skad du bshad pa'i chos thams cad mtshan ma med pa rnams so/ /smon pa med pa'i tshul gyis chos thams cad de/ smon pa med pa'o zhes bya ba la shes rab kyi pha rol tu phyin pa dang / so sor rtog pa'i ye shes dang / rtog pa dang bcas pa dang / rtog pa med pa'i yid kyi rnam par shes pa dang / longs spyod rdzogs pa'i sku dang / pad+ma'i rigs ni chos thams cad do/ /smon pa ni gsol ba 'debs pa ste/ 'dod pa'i dbang phyug tu 'gyur bar bgyi'o zhes bya ba la sogs pa dngos po la mngon par zhen pas smon pa'o/ /smon pa med pa ni mtshan ma med pa'i phyir te/ de ltar dngos po la mngon par mi zhen pa'o/ /de nyid bstan par bya ba'i phyir/ smon pa med pa'i tshul gyis zhes bya ba gsungs te/ smon pa ni smon lam rnams te/ dngos por 'dzin pa la mngon par zhen pas 'dod pa'i khams kyi dbang phyug la sogs par gsol ba 'debs pa'o/ /smon par mi byed pas na smon pa med pa ste/ dngos por 'dzin pa med pas gsol ba mi 'debs pa'o/ /de'i tshul gyis zhes pa ni smon pa med pa nyid de/ des na chos de rnams smon pa med pa'o/ / shes rab kyi pha rol tu phyin pa yongs su dag pas chos thams cad rang bzhin gyis 'od gsal ba'o zhes bya ba la/ brtson 'grus kyi pha rol tu phyin pa dang / bya ba grub pa'i ye shes dang / mig dang / rna ba dang / sna dang / lce dang / lus kyi rnam par shes pa dang / sprul pa'i sku dang / las kyi rigs ni chos thams cad do/ /de rnams ni rang bzhin zhes bya ba ngo bo nyid kyis mun pa dang bral ba ni rang bzhin gyis 'od gsal ba ste/ don dam par rnam par rtog pa thams cad dang bral ba'o/ /de ci'i phyir zhe na/ mi bden pa yongs su brtags pa rnams ni don dam par gdod ma nas ma skyes pa yin pa'i phyir ro/ /'di nyid bstan par bya ba'i phyir shes rab kyi pha rol tu phyin pa yongs su dag pa zhes bya ba gsungs te/ gzung ba dang 'dzin pa'i rnam par rtog pa bag chags dang bcas pa dang bral ba'i ye shes ni shes rab kyi pha rol tu phyin pa'o/ /de'i rnam par dag pa ni de bzhin nyid de/ de bas na shes rab kyi pha rol tu phyin pa yongs su dag pa gang yin pa de nyid ni chos thams cad rnam par dag pa yin te/ gang gi phyir chos thams cad gang yin pa de ni/ shes rab kyi pha rol tu phyin pa yin la/ shes rab kyi pha rol tu phyin pa gang yin pa de ni chos thams cad yin te/ de bas na shes rab kyi pha rol tu phyin pa yongs su dag pas chos thams cad rang bzhin gyis 'od gsal ba'o/ /tshig de dag gis ni rim pa bzhin du rnam par thar pa'i sgo stong pa nyid dang / mtshan ma med pa dang / smon pa med pa dang / rang bzhin gyis 'od gsal ba rnams gsungs pa yin no/ /de ltar na de nas bcom ldan 'das zhes bya ba nas brtsams te/ rang bzhin gyis 'od gsal ba'o zhes bya ba'i bar gyis bshad pas ni ting nge 'dzin dang po gsungs pa yin no/ /da ni de nas zhes bya ba la sogs pas ting nge 'dzin gnyis pa gsungs pa yin te/ ral gri des zhes bya ba ni rnam par thar pa'i sgo stong pa nyid dang / mtshan ma med pa dang / smon pa med pa dang / rang bzhin gyis 'od gsal bar ston par byed pa'i ral gri bzhi phyag bzhis yongs su bzung bas so/ /de bzhin gshegs pa thams cad la 'debs shing zhes bya ba ni 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'i de bzhin gshegs pa rnams dngos po med pa'i ngo bo nyid du bsgoms pas mi snang bar byas pa ste/ gang gi phyir 'dir yang de bzhin gshegs pa ni chos kyi sku yin par blta'o/ /shes rab kyi zhes bya ba la sogs pa smos pa la/ shes rab kyi pha rol tu phyin pa nyid ni gtso bor gyur pas na/ mchog ste bla na med pa'i ye shes kyi tshul gyis de las byung bas na/ a zhes bya ba'i yi ge yang shes rab kyi pha rol tu phyin pa'i snying po zhes bya'o/ /'di zhes bya ba ni blo la bzhag nas smras pa'o/ /gsungs so zhes bya ba ni de bka' stsal pa ste/ a zhes bya ba'o/ /de nas zhes bya ba la sogs pa ni go bar zad do/ /dang po'i dkyil 'khor gyi tshul gyis bzhugs so zhes bya ba ni/ rdo rje sems dpa'i dkyil 'khor dang 'dra bar bcom ldan 'das 'jam dpal gzhon nur gyur pa la phyogs dang mtshams rnams nas yongs su bskor te bzhugs pa'o/ /de ltar na bcom ldan 'das 'jam dpal gzhon nur gyur pa nas brtsams te bzhugs so zhes bya ba'i bar gyis bshad pas ni ting nge 'dzin gnyis pa gsungs pa yin no/ / de nas 'dus pa mdzad pa sngon du 'gro ba nas brtsams te gsum pa yin par shes par bya'o/ /de nas da ni dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i cho ga bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /de nas zhes bya ba'i sgra ni snga ma bzhin te/ dkyil 'khor gyi rnam pa la thugs rtse gcig tu mdzad pa'i rjes thogs nyid la'o/ /chos thams cad ces bya ba la sogs pa la/ chos kyang yin la thams cad yin pas na chos thams cad de/ byang chub kyi sems chen po la sogs pa chos rnam pa bzhi'o/ /de rnams kyi rang gi rang bzhin ni ngo bo nyid de/ de bzhin nyid la sogs pa'o/ /des spros pa med pa ni rnam par mi rtog pa ste/ byang chub kyi sems dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa rnams de bzhin nyid du ro gcig pas rnam par mi rtog pa zhes bya ba'i don to/ /de las byung ba'i 'phags pa 'jam dpal gyi dkyil 'khor ni rnam par rtog pa thams cad rnam par 'jig pa'i rgyur gyur pas ral gri dang 'dra bas na/ ral gri zhes bya ba dang / ral gri'i phyag rgya nye bar mtshon pas ral gri ste/ de la dmigs pas na ming de skad ces bya ba'i ting nge 'dzin la snyoms par zhugs shing mngon sum du mdzad nas 'khor lo ltar yi ge bskor ba zhes bya ba'i dkyil 'khor 'di gsungs pa'o/ /de'i dkyil 'khor ji lta ba'i zhes bya ba ni/ 'di'i phyir dkyil 'khor thams cad rdo rje sems dpa'i dkyil 'khor chen po dang 'dra bar bris la/ 'di'i nang du 'khor lo rtsibs brgyad pa bri bar bya'o/ /de ltar bris nas/ a la sogs pa'i yi ge'i phreng ba lung las ji skad gsungs pa'i go rims bzhin du bri bar bya'o/ /de nas rtsa ba'i dkyil 'khor gyi tshul du thig btab la zhes bya ba ni/ ting nge 'dzin gsum bsgom pa nas brtsams te/ ji srid nyin re zhing mngon sum mthong bar gyur pa de srid kyi bar du dkyil 'khor 'di bsgom par bya'o/ /de nas de'i rjes thogs nyid la rdo rje sems dpa'i dkyil 'khor chen po bzhin du phyi'i dkyil 'khor dang / nang gi 'khor lo'i dkyil 'khor legs par thig btab la/ de nas de'i 'og tu bri bar bya'o/ /yang dag par bris pa'i 'khor lo'i lte ba la/ bcom ldan 'das 'jam dpal gzhon nu/ gzhon nu'i cha lugs 'chang ba zhes bya ba ni/ gzhon nu lo brgyad pa lta bu'o/ /phyag bzhi dang ral gri de bzhin gshegs pa thams cad la 'debs par bzhag par bya'o zhes bya ba ni stong pa nyid dang / mtshan ma med pa dang / smon pa med pa dang / rang bzhin gyis 'od gsal ba ste/ rnam par thar pa'i sgo bzhi'i ngo bo nyid kyi ral gri bzhis ji skad du bshad pa'i de bzhin gshegs pa rnams la/ g.yas dang g.yon gyi phyag bzhis 'debs par mdzad cing mi snang bar mdzad par bzhag par bya'o/ /de'i mdun la sogs par de bzhin gshegs pa'i sku rnams gzhag par bya'o zhes bya ba ni phyogs dang mtshams rnams su de bzhin gshegs pa'i sku gzugs bris pa'am lugs ma la sogs pa brgyad legs par gzhag par bya'o/ /phyi'i mtshams rnams su shes rab kyi pha rol tu phyin pa bzhi lung ji ltar thob pa bzhin du gzhag par bya'o zhes bya ba ni phyi'i dkyil 'khor gyi lha'i snam bu'i shar lho'i mtshams su shes rab kyi pha rol tu phyin pa stong phrag brgya pa'i shes rab kyi pha rol tu phyin pa'i glegs bam dang po yang dag par gzhag par bya'o/ /lho nub mtshams su de'i gnyis pa stong pa nyid kyi dum bu'i glegs bam mo/ /nub byang mtshams su de nyid kyi gsum pa rnam par dag pa'i dum bu'i glegs bam mo/ /byang shar mtshams su de nyid kyi bzhi pa de bzhin nyid kyi dum bu'i glegs bam gzhag par bya'o/ /sgo rnams su zhes bya ba la sogs pa la shar phyogs kyi sgo'i dbus su ral gri'o/ /lho'i sgo'i dbus su mdung thung ngo / /nub kyi sgo'i dbus su lhung bzed do/ /byang gi sgo'i dbus su shes rab kyi pha rol tu phyin pa'i glegs bam rnams gzhag par bya'o/ /de nas zhes bya ba la sogs pa la de ltar dkyil 'khor bris nas/ ral gri dang glegs bam gyi phyag rgyas bcings nas/ des dkyil 'khor du ji lta ba bzhin du zhugs nas/ rdo rje sems dpa'i dkyil 'khor gyi slob dpon bzhin du/ bcom ldan 'das 'jam pa'i dbyangs kyis shes rab kyi pha rol tu phyin pa'i chos kyi dkyil 'khor gyi slob dpon du byin gyis rlob par 'gyur ro/ /de nas ral gri blangs nas zhes bya ba la sogs pa la/ cho ga thams cad rjes su spyad nas ji lta ba bzhin du ral gri blang ngo / /de nas ral gri'i ming gis dbang bskur bas bdag nyid dbang bskur la/ bdag nyid la khong du chud par bya ba'i phyir/ rang nyid kyis chos 'di bshad par bya zhing / bcom ldan 'das kyang nye bar ston par mdzad par bsam par bya'o/ /shes rab kyi tshul ni zhes bya ba la sogs pa la ral gri 'di ni zhes bya ba rang gi lag na gnas pa bshad pa ste/ ral gri 'di nyin re zhing zung zhig pa'o/ /shes rab tshul ni dkar smra zhing / / zhes bya ba ni/ a ra pa tsa nA ya ste zhes bya ba'am/ a zhes bya ba shes rab kyi pha rol tu phyin pa'i tshul smra ba ni dkar po ste/ zag pa med pa'i chos bdag med pa'i tshul lo/ /nam mkha' sangs rgyas sbyor ba yis/ /'debs na zhes bya ba la sogs pa la/ nam mkha' ni grags par zad do/ / de ni sangs rgyas sbyor ba yis/ /zhes bya ba ni 'jig rten gyi khams thams cad kyi rdul phra rab dang mnyam pa'i sangs rgyas kyi sku'i ngo bo nyid du bsams la/ dngos po med pa'i ngo bo nyid du bsam zhing / de lta bu'i nam mkha' sangs rgyas sbyor bas 'debs par bya zhing bsnun par bya'o/ /de lta bu'i tshul gyis 'debs pa'i rnal 'byor pa ni myur du 'grub par 'gyur zhes bya ba ste/ shes rab kyi pha rol tu phyin pa la gnas pa myur ba nyid du thob par 'gyur zhes bya ba'i don to/ /sangs rgyas bstan pa bsrung phyir dang / /zhes bya ba la dngos po la mngon par zhen pa spangs pa na sangs rgyas kyi bstan pa ste/ sangs rgyas rnams kyi bka'o/ /de bsrung ba ni dngos po med pa la mngon par zhen pa'i kun du spyod pa ste/ de'i phyir dang sems can mang po bsrung ba'i phyir zhes bya ba ni/ sems can gyi khams thams cad la mngon par phyogs pas bla na med pa yang dag par rdzogs pa'i byang chub tu smon par byed pa dang / dngos po la mngon par zhen pa bzlog pa ni sems can mang po bsrung ba ste/ rgyu de'i phyir dang / ji skad du bshad pa'i ral gri dang / nam mkhar sangs rgyas sbyor ba 'di yis bsad na rnal 'byor pas bsod nams thob par 'gyur ro/ /ci'i phyir zhe na/ 'dis bsad sdig par mi 'gyur zhing / /zhes bya ba gsungs te/ de ltar de bzhin gshegs pa thams cad bsad na rnal 'byor pa de la 'dod chags dang zhe sdang dang gti mug gi mtshan nyid can gyi sdig par mi 'gyur ro/ /de bas na rnal 'byor pa de ni bsod nams dag kyang thob par 'gyur zhing / chos thams cad rang bzhin gyis rnam par dag pa/ gzung ba dang 'dzin pa dang bral ba rtogs par 'gyur ro zhes bya ba'i don to/ /slob ma rnams la yang de bzhin te zhes bya ba ni/ ji ltar chos kyis slob dpon gyi rang nyid 'jug pa la sogs pa'i cho ga gsungs pa de bzhin du slob ma rnams la yang bya'o/ /de ltar slob dpon 'jug pa la sogs pa'i cho ga bzhin du slob ma zhugs pa la sogs pa'i cho ga byas pa'i slob ma rnams ni shes rab kyi pha rol tu phyin pa yongs su dag pa rnam pa bzhis stong pa nyid dang / mtshan ma med pa dang / smon pa med pa dang / rang bzhin gyis 'od gsal ba'i rnam par thar pa'i sgo rnam pa bzhi'i ngo bo nyid kyis/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba ste/ slob ma'i phan yon gsungs pa yin no/ /chos kyi dkyil 'khor ro zhes bya ba la shes rab kyi pha rol tu phyin pa ni chos te/ de las byung ba'i dkyil 'khor ni chos kyi dkyil 'khor ro/ /'di ni slar yang bshad par bya ste/ bcom ldan 'das 'jam dpal gzhon nur gyur pa'i sbyor bas rdo rje sems dpa'i dkyil 'khor chen po las bshad pa'i rnal 'byor chen po'i las la/ ting nge 'dzin gsum bsgom pa nas brtsams te/ ji srid du nyin re zhing mngon du mthong bar gyur pa de srid kyi bar du dkyil 'khor 'di bsgom par bya'o/ /de nas ji skad bshad pa'i dkyil 'khor gyi sa'i dbus su dam tshig gsum rnam par bsgoms la/ bar snang gi phyogs su dkyil 'khor snga ma bzhin du yang dag par bzhag nas/ nyi ma 'char ba'i dus su legs par thig gdab par bya ste/ 'di'i phyi'i dkyil 'khor ni rdo rje sems dpa'i phyi'i dkyil 'khor dang 'dra bar byas la/ de'i phyed kyis rdo rje rtse gcig par 'khor lo rtsibs brgyad par bri'o/ /de nas lha thams cad kyi gnas su sna tshogs pad+ma'i gdan bri bar bya'o/ /de nas 'khor lo'i steng du shar phyogs nas brtsams te/ bskor phyogs su a la sogs pa'i yi ge'i phreng ba sgo nas rtsibs kyi lte ba'i mthar thug par bri bar byed pa de nyid ni/ a ra pa tsa na ste/ a ra pa tsa na zhes bya ba 'dod pa thams cad thob par byed pa'o/ /de ci'i phyir zhe na/ a zhes bya ba ni 'dod pa'o/ /ra zhes bya ba ni chags pa'o/ /pa zhes bya ba ni don dam pa'o/ /tsa zhes bya ba ni spyod pa'o/ /na zhes bya ba ni rang bzhin med pa'o/ /de ltar na 'dod pa dang / chags pa dang / don dam pa dang / spyod pa dang / rang bzhin med pa nyid kyi snying po 'di bsgoms te bsgrubs na 'dod pa thams cad thob par 'gyur ro/ /de bzhin gshegs pa ni 'dod pa thams cad kyi snod yin te/ de bas na snying po 'dis ni de bzhin gshegs pa nyid dang / rdo rje 'dzin pa nyid kyang myur du thob par 'gyur ro/ /de nas 'khor lo'i lte bar sna tshogs pad+ma la ji skad du bshad pa'i sku mdog dang ldan zhing / phyag bzhis ral gri bzhi bsnams nas/ des de bzhin gshegs pa thams cad la 'debs pa/ sems dpa'i skyil mo krung gis bzhugs pa/ sangs rgyas lnga'i dbu rgyan dang / dar dpyangs kyi dbang bskur bas dbang bskur bar bri bar bya'o/ /de'i logs brgyad du de bzhin gshegs pa brgyad sprul pa'i sku'i gzugs can ting nge 'dzin la snyoms par zhugs par bri bar bya'o/ /phyi'i dkyil 'khor gyi lha'i snam bu'i mtshams bzhir ji skad du bshad pa'i shes rab kyi pha rol tu phyin pa'i glegs bam bzhi bzhag pa dang / sgo rnams su ji skad du bshad pa'i mtshan ma bzhi gzhag par bya'o/ /'dir lha thams cad kyi snying po ni a zhes bya ba'o/ /de ltar dkyil 'khor bris nas rnal 'byor chen po de bzhin du byas te/ dam tshig gi phyag rgyas yongs su bzung ba'i ral gri dang / me tog gi yal ga las bum pa thams cad dang / bum pa gang ba la a zhes bya bas re re zhing lan brgya rtsa brgyad yongs su bzlas la/ dkyil 'khor gyi sgo bzhi yongs su phye nas rdo rje bsdu ba byas te/ bcom ldan 'das kyi phyag rgya chen po bsgom zhing / bcom ldan 'das la mtshan brgya rtsa brgyad kyis yang dag par bstod de/ gsang ba'i lcags kyu dang / a zhes bya bas bcom ldan 'das 'khor dang bcas pa dkyil 'khor du bcug nas/ rdo rje gnod sbyin gyis bgegs bsal ba byas nas mtshams bcing ba dang / dkyil 'khor bcing ba dang / dra ba dang / ra ba dag byas te/ rdo rje khu tshur gyis sgo bcings nas/ rdo rje srung bas bsrung ba thams cad yang dag par go cha bskon la/ dam tshig gi phyag rgyas a dr-i sh+ya zhes bya ba dang / de bzhin gshegs pa thams cad dang bcas pa la blta ba byas la/ dzaHhUM baM hoH sa ma ya s+t+waM/ sa ma ya s+t+waM/ oM haM A zhes lan gsum brjod la bsgrub par bya'o/ /g.yon pa'i rdo rje khu tshur gyis shes rab kyi pha rol tu phyin pa'i glegs bam rang gi snying gar bzung zhing g.yas pa'i rdo rje khu tshur gyis g.yon pa'i sor mo bsgreng ba bzung ba 'di ni bcom ldan 'das kyi dam tshig gi phyag rgya'o/ /de bzhin du lce la rdo rje rnam par bsams pa ni/ bcom ldan 'das 'jam dpal gzhon nur gyur pa dang / de bzhin gshegs pa thams cad kyi ljags la chos kyi phyag rgya dgod par bya ste/ de la a zhes bya ba ni lha thams cad kyi chos kyi phyag rgya'o/ /de nas rang gi snying gar a zhes bya ba las sna tshogs rdo rje bsams la/ bcom ldan 'das 'jam dpal gzhon nu'i las kyi phyag rgya snga ma bzhin du bcing bar bya'o/ /de bzhin gshegs pa rnams kyi ni phyag rgya chen po nyid las kyi phyag rgya'o/ /de nas rang gi snying gar hU~M las rdo rje rtse lnga pa rnam par bsams la/ bcom ldan 'das kyi phyag rgya chen po dang / de bzhin gshegs pa thams cad kyi phyag rgya chen po ji ltar bris pa'i rjes su 'brangs nas bcing bar bya ste/ dam tshig gi phyag rgya'i sbyor bas kyang bya zhing / thams cad du rdo rje rtse lnga pa rang gi snying gar bsgom par bya'o/ /'dir phyag rgya thams cad kyi snying po ni a zhes bya ba yin no/ /de nas sangs rgyas lnga'i dbu rgyan dang dar dpyangs kyi dbang bskur bas dbang bskur la/ bcom ldan 'das 'jam dpal gzhon nur gyur pa dang / de bzhin gshegs pa thams cad dang bcas pa la snga ma bzhin du mchod yon phul te/ bum pa rnams dang / bum pa gang ba dang / na bza' dang / bla re la sogs pa yang bcom ldan 'das 'khor bcas la phul la mchod pa rnam pa lngas kyang yang dag par mchod de/ phyi rol du glu dang / gar dang / rol mo dang / rta dang / glang po che dang / ba lang gi khyu rnams kyis kyang mchod pa byed du gzhug go/ /de nas phyag rgya rnam pa bcu gnyis kyis yang dag par mchod la/ oM las rin po che sna bdun dang / dpag bsam gyi shing dang / kha zas ro brgya bkod pa la sogs pa sprul te/ de rnams 'dis dbul bar bya'o/ /phyag 'tshal ba'i thal mo sbyar ba spyi bor bzhag la/ oM sarba bit+pU ra pU ra/ su ra su ra/ A brta ya A brta ya ho zhes brjod do/ /de nas phyi rol du gtor ma byin la/ sbyin sreg byas nas shin tu dmar ba'i ras la/ rdo rje gnod sbyin yongs su bzlas la/ ras gcig gis smad g.yogs bya ba dang / gnyis pas stod g.yogs bya zhing / yang gcig la rdo rje lcags kyu la sogs pa yongs su bzlas pas rang gi gdong g.yogs par bya'o/ /de nas phyag 'tshal ba la sogs pa sngon du 'gro bas/ de bzhin du sdom pa bzung la/ byang chub tu sems bskyed de/ snga ma bzhin du thugs kar rdo rje bskyed la shar phyogs kyi sgor bltas nas/ pha rol nas gnas pa'i bum pa'i chus bdag nyid dbang bskur te/ ral gri dang / glegs bam gyi phyag rgya bcings nas/ de nyid dang / me tog gi phreng ba bzung la/ badzra badzra a zhes zlos shing dkyil 'khor du zhugs la/ shar phyogs kyi sgor badzra aM ku sha dzaH/ zhes brjod par bya'o/ /de nas lho phyogs nas zhugs la badzra pA sha hU~M zhes brjod par bya'o/ /yang nub phyogs kyi sgo nas zhugs la/ badzra s+pho Ta baM zhes brjod par bya'o/ /de nas byang phyogs kyi sgo nas de bzhin du zhugs la/ badzra A be sha aHzhes bya ba dang / bdag nyid dbang du bya'o/ /de la ral gri dang glegs bam gyi phyag rgya ni 'di yin te/ g.yon pa'i rdo rje khu tshur gyis rang gi snying ga'i phyogs su shes rab kyi pha rol tu phyin pa'i glegs bam 'dzin cing g.yas pa'i rdo rje khu tshur las mdzub mo brkyang la rtse mo bkug ste/ ral gri lta bur gzhag par bya'o/ /de nas yang shar phyogs kyi sgo nas dkyil 'khor du zhugs/ la/ ma hA ra ta/ su dr-i D+ha/ su to Sho/ su su kho/ badzra satwa/ Ad+ya sid+d+h+yA mAM zhes brjod par bya'o/ /de nas rnam par sgeg pa'i rdo rjes phyag byas la/ dkyil 'khor la bskor ba lan gsum byas te/ bcom ldan 'das 'jam dpal gzhon nur gyur pa'i spyan sngar 'dug la 'di skad ces brjod par bya ste/ ma hA rA ga/ ma hA sau khya/ ma hA badzra/ ma hA d+hA na/ ma hA dz+nyA na/ ma hA karma/ badzra satwa/ A d+ya sid+d+h+yA mAM/ yang 'di skad ces brjod par bya ste/ dzaHhU~M baM hoH/ pra sid+d+hA mAM/ de nas rdo rje'i chu 'thungs la/ a zhes bya ba lan brgya rtsa brgyad bzlas nas bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje phye la/ a zhes bya ba de bzhin du brjod cing bdag nyid la dbab par bya'o/ /de nas a zhes bya ba zlos shing me tog dor bar bya'o/ /de nas de blangs la/ a nyid kyis rang gi mgo bo la bcing bar bya'o/ /de nas de nyid kyis gdong g.yogs dgrol lo/ /de nas de zlos shing shar phyogs nas brtsams te dkyil 'khor blta bar bya'o/ /de nas ral gri dang glegs bam gyi phyag rgya bcings la/ tiSh+Tha badzra zhes bya ba la sogs pas rang gi snying gar dgrol lo/ /de nas bcom ldan 'das kyi phyag rgya chen po bcings la/ bcom ldan 'das la rdo rje'i lta bas blta zhing ji srid du bcom ldan 'das kyi zhal bstan nas dngos grub stsol bar gyur pa de srid kyi bar du a zhes bya ba'am/ a ra pa tsa na zhes bzlas brjod bya'o/ /de nas rdo rje thal mo bskor ba shis pa brjod pa 'don pa'i tshul du rang gi snying gar bzhag la/ mtshan brgya rtsa brgyad pas bstod de/ rdo rje mtshon cha la sogs pa gsang ba'i mchod pa bzhis yang dag par mchod la/ glu dang rol mo la sogs pa rnams kyis kyang yang dag par mchod par bya'o/ /de nas yang bcom ldan 'das 'jam dpal gzhon nur gyur pa'i phyag rgya chen po bcings la/ bcom ldan 'das la rdo rje'i lta bas bltas te/ rdo rje thal mo bskor bas phyag byas te/ me tog la sogs pa dang dbang bskur ba rnams blang bar bya'o/ /de la dang po kho nar bcom ldan 'das kyi dam tshig gi phyag rgyas yongs su bzung ba'i ral gri dang / me tog gi yal ga las rnam par rgyal ba'i bum pa la sngar bshad pa'i bum pa'i sngags de bzhin du yongs su bzlas la/ bdag nyid 'jam pa'i dbyangs su byin gyis brlabs te/ bcom ldan 'das kyi dam tshig gi phyag rgyas rnal 'byor chen po las gsungs pa'i gnas rnams su bcom ldan 'das rang gi gnas su bkod la/ rdo rje khu tshur dang / hUM gis rdo rje sems dpa'i dkyil 'khor chen por gsungs pa'i rdo rje sems dpa' la sogs pa yang rang gi lus la rang gi gnas su bkod de phyi rol gyi dkyil 'khor gyi nang du sna tshogs pad+ma'i steng du 'jam pa'i dbyangs kyi phyag rgya chen pos bdag nyid 'dug la/ me tog la sogs pas bdag nyid yang dag par mchod de/ mchod yon blangs la/ mtshan brgya rtsa brgyad pas yang dag par bstod nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa a zhes bya bas bdag nyid dbang bskur zhing / chu de btung bar yang bya'o/ /de nas sangs rgyas lnga'i dbu rgyan gyi dbang bskur ba'i phyag rgyas bdag nyid dbang bskur zhing / lugs ma'am/ brdungs pa'am/ byas pa'am/ bris pa'i sangs rgyas lnga'i dbu rgyan dang cod pan gyi dbang bskur bas dbang bskur la/ rdo rje ral gri rdo rje dril bu dang bcas par blangs te/ bdag po dang ming gi dbang bskur ba dag gis kyang a zhes bya ba zlos shing dbang bskur bar bya'o/ /de nas 'di skad ces brjod par bya ste/ ral gri 'di ni rtag bzung la/ /shes rab tshul 'di dkar smra zhing / /nam mkhar sangs rgyas sbyor ba yis/ /'debs na myur du 'grub par 'gyur/ /sangs rgyas bstan pa bsrung phyir dang / /sems can mang po bsrung ba'i phyir/ /'di bsad sdig par mi 'gyur zhing / /bsod nams dag kyang thob par 'gyur/ / de nas dngos grub kyi rdo rje brtul zhugs blangs la/ me tog la sogs pa mchod pa rnam pa lngas bdag nyid yang dag par mchod de/ rdo rje mtshon cha la sogs pa phyag rgya'i mchod pa rnam pa bcu gnyis kyis kyang yang dag par mchod par bya'o/ /de nas rdo rje ral gri de kho na nyid kyis bzung la/ rdo rje dril bu chos kyis dkrol zhing / dam tshig gi phyag rgya chen por byin gyis brlab par bya ste/ de kho na nyid la sogs pa ni/ /thog mtha' med pa'i sems dpa' ni/ /zhes bya ba la sogs pa ni de dag nyid yin te/ 'di nyid las shes par bya'o/ /de nas bcom ldan 'das la phyag byas la/ snying po blangs te/ tshigs su bcad pa lnga pas rjes su gnang ba dang / gzengs bstod pa dang / lung bstan pa mnos nas/ yang bdag la byin gyis brlab pa la sogs pa dang / ji ltar mngon par 'dod pa'i bzlas brjod byas nas/ bcom ldan 'das la phyag byas te/ 'di skad ces brjod par bya'o/ /bdag ming 'di zhes bya ba yi/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /de nas slob ma rnams gzhug par bya'o/ /slob dpon gyi las kyi cho ga rgyas pa rdzogs so/ / //de nas sdom pa dbog par 'os pa'i slob ma la/ /sngar bshad pa'i tshul gyis dam tshig 'dzin du gzhug cing byang chub tu sems bskyed pa byed du gzhug go/ /de nas de'i snying gar de bzhin du rdo rje bskyed la/ me tog la sogs pas mchod de/ yon gyi mchog blangs nas/ sgo la bltas nas gnas pa'i bum pa'i chus dbang bskur la/ bdag nyid 'jug pa'i tshogs bcug ste/ yang rdo rje dbab pa'i phyag rgya dril bu dang bcas pas rkang pa g.yon pas de'i rkang pa g.yas pa mnan la/ a aHaHaHaHzhes bya ba ste/ tsheg drag med pa'i a dang po dang / tsheg drag dang bcas pa'i aHbzhi lan brgya bzlas la dbab par bya'o/ /de nas cho ga thams cad rjes su spyad par bya'o/ /slob ma gzhug pa la sogs pa'i cho ga rgyas pa rdzogs so// //de ltar slob dpon gyi las kyi cho ga rgyas pa dang / slob ma gzhug pa la sogs pa'i cho ga rgyas pa gsungs nas/ da ni dam tshig dang dbang bskur ba thob pa rnams la/ slob dpon gyis dngos grub kyi ye shes bslab par bya'o zhes bya ba 'di'i don bstan par bya ba'i phyir/ sgrub pa zhes bya ba la sogs pa gsungs te/ sgrub pa dag ni de bzhin no/ / zhes bya ba ni ji ltar rdo rje sems dpa'i sgrub pa la sngon du bsnyen pa ras ris kyi spyan sngar bya bar gsungs pa de bzhin du/ 'phags pa 'jam dpal gzhon nur gyur pa'i yang de bzhin du shes par bya'o/ /de ni 'di yin te/ zla ba nya nas brtsams nas/ 'jam dpal gzhon nur gyur pa'i spyan sngar dam tshig gi phyag rgyas bcings la/ ji ltar skyo bar mi 'gyur bar/ dang po bdag la byin gyis brlab pa la sogs pa byas te/ a zhes bya ba'am/ a ra pa tsa na zhes bya ba'i bzlas brjod ji srid zla ba gcig gis sngon du bsnyen pa byas par gyur gyi bar du bya'o/ /de nas dkyil 'khor gyi sbyor bas snga ma bzhin du bri ba'am/ 'drir gzhug par bya'o/ /de nas yang bdag la byin gyis brlab pa la sogs pa byas te/ bcom ldan 'das ras kyi ri mo la ji lta ba bzhin du spyan drangs nas cho ga thams cad rjes su spyad la/ bcom ldan 'das kyi thugs ka na gnas pa'i rdo rje la bzlas par bya ba'i sngags bkod de/ bcom ldan 'das kyi phyag rgya chen po bcings nas/ zla ba nya nas brtsams te/ de bzhin du sngon du bsnyen pa'i sbyor bas ji srid du phyi ma'i nya la bab kyi bar du bzlas brjod bya'o/ /de nas de'i mtshan thog thag bzlas brjod byas nas/ nang par bcom ldan 'das kyis zhal bstan nas/ sangs rgyas nyid la sogs pa'i dngos grub rnams stsol bar 'gyur ro/ /de bzhin du bcom ldan 'das dpa' bo gcig pa ras la bris la de'i spyan sngar phyag rgya chen po ji lta ba bzhin du bcings te bzlas brjod 'bum bya'o/ /de nas zla ba nya la mtshan thog thag bzlas brjod byas nas/ nang par bcom ldan 'das kyis zhal bstan nas rang gi dngos grub stsol bar 'gyur ro/ /de nas ma bsgrubs par yang de bzhin du las rnams grub par 'gyur ba ni zhes bya ba zla ba gcig gi bar du bsnyen pa ji lta ba bzhin du bya zhing / bcom ldan 'das kyi sbyor ba ji lta ba bzhin du byas nas/ stong pa nyid kyi ting nge 'dzin mngon sum du bya bar 'dod pas chos thams cad ni nam mkha' dang mnyam pa'o zhes bsgom zhing / a zhes bya ba bzlas brjod byas nas de nas 'dis stong pa nyid kyi ting nge 'dzin thob par 'gyur ro/ /mtshan ma med pa'i ting nge 'dzin thob pa la ni zhes bya ba la sogs pa la/ mtshan ma med pa'i ting nge 'dzin rtogs par 'dod pas ji skad du gsungs pa'i chos thams cad ni mtshan ma dang bral ba'o zhes bsgom par bya'o/ /de nas rtse gcig pa thob pa dang mtshan ma med pa'i ting nge 'dzin thob par 'gyur ro/ / smon pa med pa zhes bya ba la sogs pa la/ de bzhin du thams cad byas la/ chos thams cad rang bzhin gyis dag pa'o zhes mthar sems rtse gcig pa thob pas smon pa med pa'i ting nge 'dzin thob par 'gyur ro/ /rang bzhin gyis 'od gsal ba zhes bya ba la sogs pa snga ma bzhin du thams cad byas te/ chos thams cad ni rang bzhin gyis 'od gsal ba'o zhes bsgom zhing / a zhes bya ba bzlas te/ ji srid de lta bu'i rnam par sems rtse gcig pa thob par 'gyur ba de srid kyi bar du bsgoms na/ rang bzhin gyis 'od gsal ba'i ye shes 'thob par 'gyur ro/ /nyon mongs pa thams cad gcod pa la ni chos bsgoms pas so zhes bya ba la/ nyon mongs pa thams cad ni 'dod chags la sogs pa'o/ /de rnams gcod pa ni spangs par gyur pa'o/ /chos so so yang dag par rig pa bsgom pa ni chos bsgom pa ste/ des 'dod chags la sogs pa spong bar 'gyur ro/ /yi ge thams cad kyi nges pa'i tshig gi ye shes ni nges pa'i tshig so so yang dag par rig pa'o/ /de ji ltar 'gyur zhe na/ spros pa med pa'i ye shes bsgoms pas so zhes bya ba gsungs te/ chos thams cad ni ngag gi lam dang bral ba'o zhes bsgom pa ni spros pa med pa'i ye shes bsgom pa ste/ des de thob par 'gyur ba'o/ /gnas thams cad du zhes bya ba la sogs pa la/ rtsig pa dang snam bu dang nam mkha' la sogs pa'i gnas thams cad la/ gzugs la sogs pa'i dngos po de bzhin nyid du ston par byed pa'i yi ge chos thams cad gdod ma nas ma skyes pa'i phyir a ni chos thams cad kyi sgo'o zhes bya ba la sogs pas de bzhin nyid du nye bar dmigs shing chos kyi sku mthong ba'i phyir ro/ /de ji ltar 'gyur zhe na/ a la sogs pa'i yi ge'i ngo bo nyid bsgoms pas so zhes bya ba gsungs te/ gdod ma nas ma skyes pa'i phyir a ni chos thams cad kyi sgo'o zhes bya ba la sogs pa bsgom pa ni/ a la sogs pa'i yi ge ngo bo nyid sgom pa ste/ des de thob par 'gyur ro/ /de bzhin gshegs pa thams cad kyi byang chub 'thob pa la ni shes rab kyi pha rol tu phyin pa'i ting nge 'dzin thob pa'o/ /de ji ltar 'gyur zhe na/ rdo rje ral gri'i phyag rgya'o zhes bya ba gsungs te/ rdo rje bsdams pa las mthe bong gnyis bshibs la/ mdzub mo gnyis pad+ma'i 'dab ma ltar bya zhing gung mo gnyis kyi tshigs gsum pa bkug la/ ral grir bya ba 'di ni rdo rje ral gri'i phyag rgya ste/ 'di bcings la chos thams cad ni nam mkha' dang mnyam pa'o zhes ji srid shes rab kyi pha rol tu phyin pa'i ting nge 'dzin thob par 'gyur gyi bar du bsgoms na des de 'thob par 'gyur ro/ /'khor lo chen po ltar yi ge bskor ba'i dam tshig ces bya ba la/ 'khor lo yang yin la chen po yang yin pas na 'khor lo chen po ste/ gdul bya'i skye bo'i rgyud la 'pho ba'i phyir/ stong pa nyid dang mtshan ma med pa dang / smon pa med pa dang / rang bzhin gyis 'od gsal ba ste/ rnam par thar pa'i sgo bzhi ni 'khor lo chen po zhes bya ba la/ de las byung ba'i yi ge a ra pa tsa na la sogs pa la yang / 'khor lo chen po ltar yi ge bskor ba zhes bya ste/ des nye bar mtshon pa'i dkyil 'khor ni 'khor lo chen po ltar yi ge bskor ba'i dam tshig ces bya ba la/ ming de skad ces bya ba'i rtog pa'i rgyal po chen po rdzogs pa ste/ shes rab kyi pha rol tu phyin pa'i dum bu las gsungs pa'i 'phags pa 'jam dpal gzhon nur gyur pa'i rtog pa bshad pa rdzogs so/ / //de ltar 'phags pa 'jam dpal gyi rtog pa gsungs nas da ni rigs thams cad kyi dkyil 'khor du 'jug pa'i rgyur gyur pa 'phags pa rdo rje 'khor lo'i rtog pa bshad pa'i phyir de nas zhes bya ba la sogs pa gsungs te/ de nas zhes bya ba'i sgra ni de ma thag pa ston pa'i tshig ste/ snga ma bzhin du bcom ldan 'das rnam par snang mdzad 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ ji skad du bshad pa'i byang chub sems dpa' 'di dag gis bskor cing bzhugs pa dang / de'i rjes thogs nyid la 'khor lo chen po la 'jug pa'i zhes bya ba shes rab kyi pha rol tu phyin pa'i tshul 'di bshad do zhes bya bar sbyar ro/ /de bzhin gshegs pa thams cad ni 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'i de bzhin gshegs pa rnams dang / sems dpa' thams cad de de bzhin gshegs pa thams cad la sogs pa ni/ khams gsum gyi nang du gtogs pa rnams so/ /sems dpa' thams cad ni bshad ma thag pa rnams te/ de rnams kyi 'khor lo ni rdo rje 'khor lo'i dkyil 'khor te/ de'i nang du 'dug pa ni dbus su bzhugs pa'o/ /de bzhin gshegs pa ni rnam par snang mdzad la sogs pa'o/ /'phags pa 'jam dpal gyis shes rab kyi pha rol tu phyin pa la ltos nas/ yang zhes bya ba'i sgra smos so/ /'khor lo chen po la 'jug pa zhes bya ba ni byang chub kyi sems dang / sbyin pa'i pha rol tu phyin pa dang / shes rab kyi pha rol tu phyin pa dang / brtson 'grus kyi pha rol tu phyin pa ni thams cad du bsngo ba yin pas na 'khor lo chen po'o/ /de la 'jug pa ni bla na med pa yang dag par rdzogs pa'i byang chub rtogs pa ste/ ming de skad ces bya ba'i shes rab kyi pha rol tu phyin pa'i tshul gang yin pa de bshad pa ni ston par mdzad pa'o/ /rdo rje mnyam pa nyid la 'jug pa dang / /zhes bya ba la/ rdo rje ni de bzhin gshegs pa dang / de bzhin gshegs pa'i rigs rnams dang / byang chub kyi sems dang / me long lta bu'i ye shes dang / rnam par thar pa'i sgo stong pa nyid dang / sangs rgyas rnams kyi ngo bo nyid kyi sku'o/ /de'i mnyam pa nyid du ni gzung ba dang 'dzin pa'i rnam par rtog pa dang bral ba nyid de/ kun rdzob dang don dam par dbyer mi phyed pa'i ngo bo nyid do/ /de gnyis ka'i ngo bo nyid kyis gang mnyam shing thabs dang shes rab kyi rang bzhin gyis gang thos pa dang bsam pa dang / bsgom pa rnams kyis rtogs par gyur pa ni 'jug pa'o/ /de bzhin gshegs pa thams cad kyi 'khor lo 'jug par 'gyur ro zhes bya ba la/ de bzhin gshegs pa thams cad kyi 'khor lo ni de bzhin gshegs pa'i rigs kyi dkyil 'khor ro/ /de la 'jug pa ni phyi dang gsang ba'i tshul gyis 'jug pa ste/ de la phyi'i 'jug pa ni ji ltar sprul pa'i de bzhin gshegs pa'i rigs kyi dkyil 'khor du 'jug pa'i phyag rgya bcings la/ gdul bya rnams rdo rje sems dpar gang zhig mdzad pa'o/ /gsang ba'i 'jug pa ni bcom ldan 'das rdo rje sems dpas mdzad pa phyi'i 'jug pa de nyid du gang ye shes dbab pa dang de kho na nyid bcu rtogs pa'i bdag nyid can de ni gsang ba'i 'jug pa ste/ de'i don du rdo rje mnyam pa nyid la 'jug pa'i rgyu'i dngos por gnas shing bsgrub par 'gyur ro/ /don gyi mnyam pa nyid la 'jug pa zhes bya ba la/ don ni rin po che'i rigs dang / sbyin pa'i pha rol tu phyin pa dang / mnyam pa nyid kyi ye shes dang / rnam par thar pa'i sgo mtshan ma med pa dang / de bzhin gshegs pa rnams kyi rnam par smin pa'i sku'o/ /de'i mnyam pa nyid la 'jug pa ni/ ji skad du bshad pa'i/ byang chub sems dpa' chen po'i 'khor lo dang / rin po che'i rigs de la phyi dang gsang ba'i 'jug pa ji skad du bshad pa ste/ de'i don du 'jug par 'gyur ba ni/ ji ltar sprul pa'i rin po che'i rigs kyi dkyil 'khor du bcom ldan 'das nam mkha'i snying po'i slob dpon gyis gdul bya rnams gang 'jug par bya ba'i don te de ni don gyi mnyam pa nyid rtogs pa'i rgyur 'gyur ro zhes bya ba'i don to/ /chos thams cad mnyam pa nyid la 'jug pa ni zhes bya ba la/ chos ni pad+ma'i rigs dang / shes rab kyi pha rol tu phyin pa dang / so sor rtog pa'i ye shes dang / rnam par thar pa'i sgo smon pa med pa dang / de bzhin gshegs pa rnams kyi longs spyod rdzogs pa'i sku'o/ /de'i mnyam pa nyid ni rang bzhin gyis rnam par dag pa dang / mi phyed pa nyid de 'jug pa ni de rtogs pa'o/ /dam pa'i chos kyi 'khor lo ni pad+ma'i rigs kyi dkyil 'khor ro/ /de la 'jug pa ni ji skad du bshad pa'i bcom ldan 'das 'gro ba 'dul bas gdul bya rnams la gang zhig mdzad pa ste/ de'i don du chos thams cad kyi mnyam pa nyid la 'jug pa'i rgyur 'gyur ro/ /thams cad kyi mnyam pa nyid la 'jug pa ni zhes bya ba la sogs pa la/ thams cad ni las kyi rigs dang / brtson 'grus kyi pha rol tu phyin pa dang / bya ba grub pa'i ye shes dang / rnam par thar pa'i sgo rang bzhin gyis 'od gsal ba dang / de bzhin gshegs pa rnams kyi sprul pa'i sku'o/ /de'i mnyam pa nyid ni rang bzhin gyis 'od gsal ba'i ngo bo nyid dang / mi phyed pa ste/ de rtogs pa ni 'jug pa'o/ /'khor lo thams cad ni las kyi dkyil 'khor du gang de bzhin gshegs pa rnams kyi sprul pa'o/ /der 'jug pa ni ji skad du gsungs pa'i bcom ldan 'das rdo rje las kyis gdul bya rnams la gang zhig mdzad pa'o/ /de'i don du ni thams cad kyi mnyam pa nyid la 'jug pa'i rgyur 'gyur ba'o zhes bya ba'i don to/ /de ltar na bcom ldan 'das zhes bya ba nas brtsams te 'khor lo thams cad la 'jug par 'gyur ro zhes bya ba'i bar gyi bshad pas ni ting nge 'dzin dang po gsungs pa yin no/ / da ni de nas zhes bya ba la sogs pas ting nge 'dzin gnyis pa gsungs pa yin te/ de ltar bcom ldan 'das rnam par snang mdzad kyis byang chub sems dpa' sems dpa' chen po rdo rje 'khor lo la rang gi dkyil 'khor sprul par bya ba'i phyir dang / shes rab kyi pha rol tu phyin pa ston pa'i phyir bskul ba dang / de'i rjes thogs nyid la dkyil 'khor sprul par bya ba'i phyir snying po ni smras pa'o/ /rdo rje 'khor lo zhes bya ba ni/ rdo rje rtse gcig pa'i dbyibs kyi rtsibs brgyad dang ldan pa'i rdo rje ni rdo rje 'khor lo'o/ /bskor ba ni lag pa g.yas pa'i gung mo'i steng du bskor ba'o/ / 'khor lo thams cad ni rigs thams cad kyi dkyil 'khor rnams so/ /de rnams la 'jug pa ni/ ji skad du bshad pa'i phyi dang gsang ba'i ngo bo nyid de/ de'i don gyi dam tshig ni rgyu'o/ /'di zhes bya ba ni blo la bzhag nas smras pa'o/ /smras so zhes bya ba ni ming de skad ces bya ba'i snying po gsungs pa ni/ hU~M zhes bya ba'o/ /de nas zhes bya ba la sogs pa la/ bcom ldan 'das rdo rje 'khor los hU~M zhes bya ba 'di gsungs pa tsam gyis bcom ldan 'das rnam par snang mdzad la sogs pa gang phyogs bcu'i de bzhin gshegs pa de dag la sogs pa 'dod pa dang / gzugs dang gzugs med pa'i mtshan nyid can gyi khams gsum gyi nang du gtogs pa'i skal ba ji lta ba dang ldan pa'i sems can thams cad dkyil 'khor thams cad du zhes pa 'khor lo'i dkyil 'khor gyi nang du zhugs nas/ bcom ldan 'das s ems bskyed ma thag tu chos kyi 'khor lo bskor ba'i thugs las sems bskyed ma thag tu chos kyi 'khor lo bskor ba la sogs pa dkyil 'khor thams cad kyi dam tshig sems dpa' rnams zhes pa 'khor lo'i dkyil 'khor pa'i byang chub sems dpa' rnams byung nas dkyil 'khor gyi tshul gyis ji lta ba bzhin du bzhugs so/ /de ltar na/ de nas zhes bya ba nas brtsams te bzhugs so zhes bya ba'i bar gyi bshad pas ni/ dkyil 'khor gyi mchog ces bya ba'i ting nge 'dzin gnyis pa gsungs pa yin no/ /de nas 'dus pa nas brtsams te gsum pa yin par shes par bya'o/ /da ni dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i cho ga bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ / de nas bcom ldan 'das zhes bya ba la sogs pa ni go sla'o/ /dkyil 'khor thams cad la rab tu 'jug pa zhes bya ba la/ rigs thams cad kyi dkyil 'khor gyi 'khor lo thams cad de/ de rnams la zhugs pa ni ji skad du bshad pa'o/ /de'i don gyi phyag rgya ni 'khor lo'i dkyil 'khor te/ de la dmigs pa'i ming de skad ces bya ste/ 'khor lo thams cad la rab tu 'jug pa'i phyag rgya zhes bya ba'i ting nge 'dzin de la snyoms par zhugs pa'o/ /dkyil 'khor chen po thams cad ces bya ba la/ dkyil 'khor chen po thams cad ni de bzhin gshegs pa la sogs pa rigs thams cad kyi dkyil 'khor te/ der 'jug par bya ba'i phyir de'i dam tshig ni rgyu'o/ /ming de skad ces bya ba'i 'khor lo'i dkyil 'khor ni byang chub sems dpa' sems dpa' chen po'i rdo rje 'khor lo'i 'khor los mtshon pa'i dkyil 'khor 'og nas bshad pa 'di gsungs pas so/ /phyi'i dkyil 'khor ji lta ba bzhin du byas te zhes bya ba ni rdo rje sems dpa'i phyi'i dkyil 'khor dang 'dra bar bri bar bya'o/ /nang gi dkyil 'khor du rdo rje'i dkyil 'khor bris la zhes bya ba ni/ dkyil 'khor 'di'i nang du dkyil 'khor brgyad pa dang 'dra bar dkyil 'khor bri ba'o/ /dbus su rdo rje 'khor lo la rdo rje 'khor lo bskor ba gzhag par bya'o zhes bya ba ni/ dkyil 'khor gyi lte ba las/ bcom ldan 'das byang chub sems dpa' rdo rje 'khor lo ji skad du bshad pa'i rdo rje'i 'khor lo rtsibs brgyad pa/ phyag g.yas pa'i gung mo'i rtse mo la yongs su bskor ba gzhag par bya'o/ /phyag na rdo rje zhes bya ba la sogs pa la bcom ldan 'das byang chub sems dpa' rdo rje 'khor lo de'i phyogs dang mtshams rnams su snga ma bzhin du phyag na rdo rje nas brtsams te/ rdo rje gnod sbyin gyi bar gyi byang chub sems dpa' rnams dkyil 'khor dang po'i tshul du zhes pa rdo rje sems dpa'i dkyil 'khor gyi tshul du gzhag par bya zhing bzhugs su gsol bar bri bar bya'o/ /phyi'i mtshams rnams su rdo rje'i rigs kyi dkyil 'khor bzhi bri bar bya'o zhes bya ba ni phyi'i rdo rje'i rigs kyi dkyil 'khor rnams te/ zhi ba mdung gis mtshan pa dang / ming po gsum dang / sring mo bzhi dang / ma mo rnams kyi dkyil 'khor rim pa ji lta ba bzhin du shar lho'i mtshams nas brtsams te/ bskor phyogs kyi rim pas byang shar mtshams kyi bar du bri bar bya'o/ /sgo rnams su mtshan ma bzhi gzhag par bya'o zhes bya ba ni go bar zad do/ /de nas rdo rje 'khor lo'i phyag rgyas ji lta ba bzhin du dkyil 'khor thams cad du sangs rgyas nyid dang rdo rje 'dzin pa nyid 'grub par 'gyur ro zhes bya ba ni/ rdo rje khu tshur gnyis bcings la/ mdzub mo dang mthe'u chung gnyis rdo rje bcing ba ni rdo rje 'khor lo'i phyag rgya ste/ de dang sngar bshad pa'i tshul gyis dkyil 'khor du zhugs na/ dkyil 'khor thams cad 'grub par 'gyur la/ dkyil 'khor thams cad 'grub pa des sgrub pa pos sangs rgyas nyid dam/ rdo rje 'dzin pa nyid 'grub par 'gyur ro/ /de nas 'khor lo blangs la zhes bya ba ni hU~M zhes bya ba zlos shing / bcom ldan 'das la 'khor lo nod pa'o/ / 'khor lo'i ming gi dbang bskur ba blang bar bya zhing zhes bya ba ni/ 'khor lo mgo la bzhag la hU~M kye rdo rje 'khor lo zhes bya ba la sogs pa 'khor lo'i ming gi dbang bskur ba blang bar bya'o/ /de nas cho ga thams cad rjes su spyad la/ dkyil 'khor thig bzhi btab pa'i rigs rnams su 'jug par bya'o zhes bya ba ni zhi ba mdung thung gis mtshan pa la sogs pa bzhi rnams kyang ji lta ba bzhin du bris la/ zhi ba mdung gis mtshan pa la sogs pa'i dkyil 'khor du 'jug pa'i cho ga nyid kyis 'jug par bya'o/ /slob ma rnams gzhug pa yang de bzhin no zhes bya ba ni ji ltar 'dir slob dpon 'jug pa la sogs pa'i cho ga gsungs pa slob ma rnams la yang de bzhin du shes par bya'o/ /'khor lo'i dkyil 'khor ro zhes bya ba ni/ rdo rje mnyam pa nyid la 'jug pa la sogs pa gdul bya'i skye bo rnams kyi rgyud la 'pho bar byed pa'i don gyis na 'khor lo ste/ de las byung ba'i bcom ldan 'das sems bskyed ma thag tu chos kyi 'khor lo bskor ba'i dkyil 'khor la yang 'khor lo'i dkyil 'khor zhes bya'o/ /'di skad ston par 'gyur te/ bcom ldan 'das rdo rje 'khor lo'i sbyor bas rnal 'byor chen po byas la/ ting nge 'dzin gsum bsgom pa nas brtsams te/ ji srid du mngon sum du mthong bar gyur gyi bar du dkyil 'khor 'di bsgom par bya'o/ /de nas ji skad du bshad pa'i dkyil 'khor gyi dbus su ting nge 'dzin gsum bsgoms la/ bar snang gi phyogs su snga ma bzhin du bzhag ste/ nyi ma 'char ba'i dus su thig gdab par bya'o/ /'di'i phyi'i dkyil 'khor ni rdo rje sems dpa'i dkyil 'khor dang 'dra bar bya'o/ /'di'i nang du ni de'i phyed kyi tshad kyi zlum po rdo rje phreng ba'i rang bzhin gyi dkyil 'khor rdo rje ka ba brgyad dang ldan par thig gdab par bya'o/ /de nas thams cad ji lta ba bzhin du bris la lha thams cad kyi gnas su sna tshogs pad+ma'i gdan bri bar bya'o/ /de nas dkyil 'khor dbus ma'i lte ba'i phyogs su bcom ldan 'das sems bskyed ma thag tu chos kyi 'khor lo bskor ba gser gyi mdog can/ ji skad du bshad pa'i sna tshogs pad+ma'i gdan la/ sems dpa'i skyil mo krung gis bzhugs pa/ sangs rgyas lnga'i dbu rgyan dang / dar dpyangs kyi dbang bskur ba/ phyag g.yas na snga ma bzhin du rang gi snying ga'i phyogs su rdo rje 'khor lo rtsibs brgyad pas yongs su bskor ba phyag g.yon pas gdan la bsnyems te bzhugs pa/ spyan rab tu gdangs shing rnam par bye ba bri bar bya'o/ /de'i shar phyogs kyi cha la rdo rje yid las byung ba'i gnas su phyag na rdo rje sngar bshad pa'i mtshan nyid dang ldan pa/ shar lho'i mtshams su 'jam dpal gzhon nu/ lhor kI li kI la'i gnas su nam mkha'i snying po/ lho nub mtshams su nam mkha'i mdzod/ nub tu rdo rje dran pa'i gnas su 'jig rten dbang phyug / nub byang mtshams su sems bskyed ma thag tu chos kyi 'khor lo bskor ba/ byang du rdo rje bsnyems pa'i gnas su rdo rje khu tshur/ byang shar mtshams su rdo rje gnod sbyin bri bar bya'o/ /yang shar phyogs kyi sgo'i dbus su rdo rje sems dpa'/ lhor rdo rje hU~M mdzad/ nub tu 'jig rten dbang phyug/ byang du nam mkha'i snying po bri bar bya'o/ /yang phyi'i dkyil 'khor gyi lha'i sna ma bu'i shar lho'i mtshams su zhi ba mdung gis mtshan pa'i dkyil 'khor/ lho nub mtshams su ming po gsum gyi dkyil 'khor/ nub byang mtshams su sring mo bzhi'i dkyil 'khor/ byang shar mtshams su ma mo'i dkyil 'khor mtshan nyid ji skad du bshad pa bzhin du bri bar bya'o/ /'dir lha thams cad kyi snying po ni hU~M zhes bya ba yin no/ /de ltar dkyil 'khor bris nas de bzhin du rnal 'byor chen po byas la/ rdo rje 'khor lo'i dam tshig gi phyag rgya yongs su bzung ba'i rdo rje 'khor lo dang bcas pa'i me tog gi yal ga las bum pa thams cad dang / bum pa gang ba rnams la hUM zhes bya ba re re zhing lan brgya rtsa brgyad bzlas la/ dkyil 'khor gyi sgo bzhi phye nas/ rdo rje bsdu ba byas la/ bcom ldan 'das kyi phyag rgya chen po bsgom zhing / bcom ldan 'das la mtshan brgya rtsa brgyad pas yang dag par bstod de/ gsang ba'i lcags kyu dang / hU~M zhes bya bas bcom ldan 'das 'khor dang bcas pa dkyil 'khor du bcug la/ rdo rje gnod sbyin gyis bgegs bsal te/ mtshams bcing ba dang / dkyil 'khor bcing ba dang / dra ba dang / ra ba dag byas te/ rdo rje khu tshur gyis sgo bcing sa la/ rdo rje srung bas bsrung ba thams cad go bskon te/ hU~M zhes bya bas mchod yon phul la/ dam tshig gi phyag rgya dang / hU~M dr-i sh+ya zhes bya bas 'khor dang bcas pa blta bar bya ste/ dzaH hUM baM hoHsa ma ya s+t+waM/ sa ma ya s+t+waM/ a haM hU~M zhes lan gsum brjod la bsgrub par bya'o/ /de nas rdo rje 'khor lo'i ji skad du gsungs pa'i dam tshig gi phyag rgya ni thams cad kyi dam tshig gi sbyor ba ste/ hU~M zhes bya ba dang / rang gi snying gar rdo rje rtse lnga pa bsam par bya'o/ /de nas lha thams cad kyi ljags la hUM zhes bya ba ji lta ba bzhin du bsams pa 'di ni lha thams cad kyi chos kyi phyag rgya'o/ /rang gi snying gar a las sna tshogs rdo rje rnam par bsams la/ sems bskyed ma thag tu chos kyi 'khor lo bskor ba la sogs pa'i las kyi phyag rgya yang de bzhin du bcing bar bya/ phyi rol gyi rdo rje'i rigs rnams kyang gar las 'byung ba'i 'og nas bshad pa'i phyag rgya chen po ni las kyi phyag rgya yin par shes par bya'o/ /yang hU~M las rang gi snying gar rdo rje rtse lnga pa bsams la/ hU~M zhes bya bas ji ltar bris pa'i rjes su 'brangs te bcom ldan 'das 'khor dang bcas pa'i phyag rgya chen po bcing bar bya ste/ de nas sangs rgyas lnga'i dbu rgyan gyi phyag rgyas bcom ldan 'das 'khor dang bcas pas dbang bskur zhing phyi rol gyi rdo rje'i rigs rnams ni rang gi dbang bskur bas dbang bskur bar bya'o/ /de nas bcom ldan 'das 'khor dang bcas pa la hU~M zhes bya bas mchod yon phul te/ bum pa rnams dang / bum pa gang ba rnams dang na bza' dang / bla re la sogs pa yang bcom ldan 'das 'khor dang bcas pa la phul te/ mchod pa rnam pa lngas mchod la/ phyi rol du glu dang gar dang rol mo dang / rta dang glang po che dang ba lang gi khyu rnams kyis kyang mchod pa byed du gzhug go/ /de nas phyag rgya'i mchod pa rnam pa bcu gnyis kyis yang dag par mchod cing / oM las rin po che sna bdun dang / dpag bsam gyi shing dang / kha zas ro brgya pa la sogs pa'i bkod pa sprul la 'dis dbul bar bya'o/ / phyag 'tshal ba'i thal mo sbyar ba spyi bor bzhag la/ oM sarba bi t+pU ra pU ra/ su ra su ra/ A brta ya/ A brta ya hoHzhes brjod do/ /de nas phyi rol du gtor ma byin la/ sbyin sreg byas nas/ shin tu dmar ba'i ras la rdo rje gnod sbyin gyis yongs su bzlas la/ gcig gis smad g.yogs byas/ gnyis pas stod g.yogs bya'o/ /yang gcig la rdo rje lcags kyu la sogs pa'i snying po bzlas la/ des rang gi gdong g.yogs nas/ phyag 'tshal ba la sogs pa sngon du 'gro bas de bzhin du sdom pa blangs la/ byang chub tu sems bskyed cing snga ma bzhin du rang gi snying gar rdo rje bskyed la/ shar phyogs kyi sgor bltas nas phyi rol na gnas pa'i bum pa'i chus bdag nyid dbang bskur te/ rdo rje 'khor lo'i phyag rgya ji skad du gsungs pa bcings nas/ de nyid kyis me tog blangs la/ badzra badzra hU~M zhes zlos shing dkyil 'khor du 'jug par bya'o/ / shar phyogs kyi sgo nas zhugs la/ badzra aM ku sha dzaHzhes brjod par bya'o/ /de nas lho phyogs kyi sgo nas zhugs la/ badzra pA sha hU~M zhes brjod par bya'o/ /de nas nub phyogs kyi sgo nas zhugs la/ badzra s+pho Ta baM zhes brjod par bya'o/ /de nas byang phyogs kyi sgo nas de bzhin du zhugs la/ badzra A be sha aHzhes brjod la bdag nyid la dbab par bya'o/ /de nas yang shar phyogs kyi sgo nas zhugs la/ ma hA ra ta/ su dr-i D+ha su to Sho/ /su su Sho badzra satwa Ad+ya sid+d+h+ya mAM/ de nas rnam par sgeg pa'i rdo rjes phyag byas la/ dkyil 'khor la bskor ba lan gsum byas nas/ bcom ldan 'das kyi spyan sngar 'dug ste/ 'di skad ces brjod par bya'o/ /'dod chags chen po bde ba che/ /rdo rje chen po nor che zhing / /ye shes chen po las che ba/ /rdo rje sems dpa' deng bdag 'grub/ /yang 'di skad ces brjod par bya ste/ dz+waHhU~M baM hoH/ pya sid+d+h+ya mAMH/ de nas rdo rje chu 'thungs la/ A zhes bya ba lan brgya zlos shing bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje phye la/ de bzhin du A zhes bya ba zlos shing bdag nyid la dbab par bya'o/ /de nas hU~M zhes bya ba zlos shing me tog dor bar bya'o/ /de nas de blangs la hU~M zhes bya ba nyid kyis rang gi mgo la bcing bar bya'o/ /de nas de nyid kyis gdong g.yogs dgrol bar bya'o/ /de nas de nyid zlos shing shar phyogs kyi cha nas brtsams te/ dkyil 'khor blta bar bya'o/ /de nas rdo rje 'khor lo'i phyag rgya bcings la/ snga ma bzhin du rang gi snying gar dgrol bar bya'o/ /de nas bcom ldan 'das kyi phyag rgya chen po bcings la/ bcom ldan 'das la rdo rje'i lta bas blta bar bya zhing / ji srid du bcom ldan 'das kyis zhal bstan nas dngos grub thams cad stsol bar 'gyur ba de srid kyi bar du hU~M zhes bya ba bzlas brjod bya'o/ /de nas rdo rje thal mo bskor ba/ shis pa brjod pa 'don pa'i tshul du rang gi snying gar bzhag nas/ mtshan brgya rtsa brgyad pas bstod la/ rdo rje mtshon cha la sogs pa gsang ba'i mchod pa rnam pa bzhis bcom ldan 'das de bzhin gshegs pa thams cad dang bcas pa yang dag par mchod nas/ glu dang rol mo'i mchod pa rnams kyis yang dag par mchod par bya'o/ /de nas bcom ldan 'das kyi yang phyag rgya chen po bcings la/ bcom ldan 'das la rdo rje'i lta bas blta zhing / rdo rje thal mo bskor bas phyag byas la/ me tog la sogs pa'i dbang bskur ba rnams blang bar bya ste/ de la dang po kho nar rdo rje 'khor lo'i phyag rgya yongs su bzung ba'i rdo rje 'khor lo dang me tog gi yal ga las rnam par rgyal ba'i bum pa las sngar bshad pa'i mtshan nyid can gyis gsang sngags yang de bzhin du yongs su bzlas la/ bdag nyid byang chub sems dpa' sems dpa' chen po sems bskyed ma thag tu chos kyi 'khor lo bskor bar byin gyis brlabs nas/ rdo rje 'khor lo'i phyag rgyas rang gi lus la bcom ldan 'das 'khor dang bcas pa rnam par bkod de/ phyi'i dkyil 'khor gyi nang du sna tshogs pad+ma bris la/ de'i steng du sems bskyed ma thag tu chos kyi 'khor lo bskor ba'i phyag rgya chen pos 'dug nas/ me tog la sogs pas bdag nyid yang dag par mchod de/ mchod yon blangs la/ mtshan brgya rtsa brgyad pas yang dag par bstod nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hiShiny+tsa hUM zhes bya ba dang / bdag nyid dbang bskur bar bya zhing / chu de btung bar yang bya'o/ /de nas sangs rgyas lnga'i dbu rgyan gyi phyag rgya'i dbang bskur bas dbang bskur zhing / lugs ma'am/ brdungs pa'am/ byas pa'am/ bris pa'i sangs rgyas lnga'i dbu rgyan dang / dar dpyangs kyi dbang bskur bas/ rdo rje dril bu dang bcas pa hUM zhes bya bas blangs la/ hU~M zhes bya ba zlos shing bdag po dang ming gi dbang bskur ba dag gis dbang bskur bar bya'o/ /de nas dngos grub kyi 'khor lo'i brtul zhugs blangs la/ me tog la sogs pa'i mchod pa rnam pa lngas bdag nyid mchod cing / rdo rje mtshon cha la sogs pa phyag rgya'i mchod pa rnams kyis yang dag par mchod par bya'o/ /de nas 'khor lo de kho na nyid kyis bzung la/ chos kyi dril bu dkrol bar bya zhing dam tshig gi phyag rgya chen por byin gyis brlabs te/ de dag ni/ thog mtha' med pa'i sems dpa' ni/ /zhes bya ba la sogs pa sngar bshad pa yin no/ /de nas bcom ldan 'das la phyag byas la snying po blangs te/ tshigs su bcad pa lnga pa rjes su gnang ba dang gzengs bstod pa dang / lung bstan pa rnams nye bar mnos la/ yang bdag la byin gyis brlab pa la sogs pa byas nas/ ci 'dod par bzlas pa yang bya ste/ bcom ldan 'das la phyag byas la 'di skad ces brjod par bya'o/ /bdag ming 'di zhes bgyi ba yi/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /de nas slob ma gzhug par bya ste/ slob dpon gyi las kyi cho ga rgyas pa'o/ /de nas sdom pa dbog par 'os pa'i slob ma la sngar bshad pa'i tshul gyis sdom pa 'dzin du gzhug pa dang / byang chub tu sems bskyed du gzhug pa dag byas la/ de'i snying gar rdo rje de bzhin du bskyed nas/ rdo rje 'khor lor byin gyis brlabs te spos dang me tog la sogs pas mchod la/ yon gyi mchog blangs nas shar phyogs kyi sgo la bltas nas phyi rol na gnas pa'i chus dbang bskur la/ bdag nyid 'jug pa'i cho gas bcug la/ yang rdo rje dbab pa'i phyag rgya dril bu dang bcas pas rkang pa g.yon pa dang / de'i rkang pa g.yas pa mnan la/ hU~M a aHaHaHAHzhes lan brgya rtsa brgyad bzlas na babs par 'gyur ro/ /de nas cho ga thams cad rjes su spyad par bya'o/ /slob ma gzhug pa la sogs pa'i cho ga rgyas pa rdzogs so/ / //de nas slob dpon gyi las kyi cho ga rgyas pa dang / slob ma gzhug pa la sogs pa'i cho ga rgyas pa gsungs nas/ da ni dam tshig dang dbang bskur ba thob pa rnams la/ slob dpon gyis dngos grub kyi ye shes bslab par bya'o zhes bya ba 'di'i cho ga bstan par bya ba'i phyir/ sgrub pa rnams ni zhes bya ba la sogs pa gsungs te/ sgrub pa rnams ni de bzhin no zhes bya ba ni ji ltar rdo rje sems dpa'i sgrub pa gsungs pa de bzhin du byang chub sems dpa' chen po rdo rje 'khor lo'i khro bo'i ras kyi ri mo gnyis pa sngon du bsnyen pa byas nas/ bsgrub par shes par bya'o zhes bya ba'i don to/ /de nas ma bsgrubs par yang zhes bya ba la sogs pa ni bshad zin to/ /dkyil 'khor thams cad du zhugs pa la ni/ rdo rje 'khor lo'i phyag rgyas so zhes bya ba ni/ bcom ldan 'das rdo rje 'khor lo'i sbyor ba byas la/ ji skad du bshad pa'i mtshan nyid can gyis bcom ldan 'das rdo rje 'khor lo'i phyag rgya bcings la/ hU~M zhes bya ba zlos shing / g.yas nas bskor ba'i tshul gyis bskor nas/ dkyil 'khor thams cad sprul par byas par 'gyur ro/ /de nas de la lta bzhin du hU~M zhes bya ba lan brgya rtsa brgyad bzlas brjod byas la/ phyag rgya rang gi khar bcug ste bzhag na/ de lta bus ni rdo rje 'khor los dkyil 'khor thams cad du 'jug par 'gyur ro/ /dkyil 'khor chen por 'jug pa la ni rdo rje 'khor lo chen pos so zhes bya ba ni de bzhin du bcom ldan 'das rdo rje 'khor lo'i sbyor ba byas la/ rdo rje khu tshur gnyis bcings te/ hU~M zhes bya ba zlos shing mgal me'i 'khor lo'i tshul du bskor bar bya ba 'di ni rdo rje 'khor lo chen po ste/ 'dis gtso bo chen po thams cad kyi dkyil 'khor chen po rnams su 'jug par bya'o/ /de bzhin du phyag rgya'i dkyil 'khor du 'jug pa la ni/ de bzhin gshegs pa thams cad kyi rdo rje'i phyag rgyas so zhes bya ba ni/ ji ltar rdo rje 'khor lo chen pos dkyil 'khor chen po thams cad du 'jug par 'gyur ba de bzhin du mtshan ma'i phyag rgya'i dkyil 'khor thams cad du 'jug pa ni/ rdo rje bsdams pa las byung ba'i dang po'i rdo rjes 'gyur ro zhes bya ba'i don to/ /de bzhin du dam tshig gi dkyil 'khor du 'jug pa la ni dam tshig chen po'i 'khor los so zhes bya ba la/ dam tshig gi gtso bor gyur pa'i dkyil 'khor ni dam tshig gi dkyil 'khor te/ dam tshig chen po'i de kho na nyid la sogs pa rgyud las ji skad gsungs pa'o/ /der 'jug pa ni dam tshig gi dkyil 'khor du 'jug pa ste/ rdo rje bsdams pa bcings la gung mo gnyis rtse mo'i tshul du brkyang nas/ mdzub mo gnyis so sor brkyang la/ gung mo de nyid kyi rdo rje rtse mo'i rgyab tu bzhag pa 'di ni dam tshig chen po'i 'khor lo ste/ 'dis dam tshig gi dkyil 'khor thams cad du 'jug par 'gyur ro/ /las kyi dkyil 'khor du 'jug pa la ni thams cad kyi 'khor los so zhes bya ba ni las kyi phyag rgya gtso bor gyur pa'i dkyil 'khor ni las kyi dkyil 'khor ro/ /der 'jug pa ni thams cad kyi 'khor lor 'gyur te de bzhin du bcom ldan 'das rdo rje 'khor lo'i sbyor ba byas te/ nam mkha' mdzod kyi dam tshig gi phyag rgya bcings la/ hU~M zhes bya ba zlos shing nam mkha' mdzod du bdag nyid bsams nas hU~M zhes bya ba bzlas brjod byas te 'di ni thams cad kyi 'khor lo nam mkha' mdzod kyi dam tshig gi phyag rgya ste/ 'dis dkyil 'khor thams cad du 'jug par 'gyur ro/ /de bzhin du zhes bya ba la sogs pa la/ ji ltar rdo rje 'khor lo la sogs pa'i phyag rgya rnams kyi dkyil 'khor chen po la sogs par 'jug par 'gyur ba de bzhin du phyag na rdo rje la sogs pa'i phyag rgya dang / lag pa g.yon na 'khor lo 'dzin pa la sogs pas rjes su chags par bya ba la sogs pa'i las rnams byed par 'gyur te/ de la rdo rje sems dpa'i dam tshig gi phyag rgyas ni de bzhin gshegs pa thams cad la sogs pa dang sems can thams cad rjes su chags par byed/ 'phags pa spyan ras gzigs dbang phyug gi dam tshig gi phyag rgyas ni dbang du byed do/ /'phags pa nam mkha'i snying po'i dam tshig gi phyag rgyas ni don thob par 'gyur ro/ /rdo rje khu tshur gyi dam tshig gi phyag rgyas ni rgyas 'debs so/ /'phags pa 'jam dpal gzhon nu'i dam tshig gi phyag rgyas ni gcod par byed do/ /rdo rje 'khor lo'i dam tshig gi phyag rgyas ni dkyil 'khor thams cad du 'jug par 'gyur ro/ /nam mkha' mdzod kyi dam tshig gi phyag rgyas ni mchod pa'i las rnams 'grub po/ /rdo rje gnod sbyin gyi dam tshig gi phyag rgyas ni gdug pa thams cad 'dul ba'i dngos grub 'grub po/ /dkyil 'khor thams cad kyi rdo rje'i dam tshig ces bya ba la/ dkyil 'khor thams cad ni rdo rje 'khor lo'i dkyil 'khor ro/ /de dag nyid ni rdo rje ltar mi phyed pa yin pas na rdo rje'o/ /de'i dam tshig ni bskyed pa'i rgyu ste/ rdo rje 'khor lo'i dkyil 'khor gyi tshul du rnam par rtog pa'o/ /ming de skad ces bya ba'i rtog pa'i rgyal po rdzogs pa ste/ shes rab kyi pha rol tu phyin pa las gsungs pa'i sems bskyed ma thag tu chos kyi 'khor lo bskor ba'i rtog pa'i bshad pa rdzogs so// //de ltar rigs thams cad kyi dkyil 'khor du 'jug pa'i rgyur gyur pa'i dkyil 'khor thams cad kyi rdo rje'i dam tshig ces bya ba'i rgyal po gsungs nas/ da ni tshogs yongs su rdzogs pa'i rgyur gyur ba'i nam mkha'i mdzod kyi rtog pa'i rgyal po bshad pa'i phyir/ de nas zhes bya ba la sogs pa gsungs te/ de nas zhes bya ba'i sgras ni 'das ma thag pa ste/ 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ bcom ldan 'das rnam par snang mdzad ji skad du bshad pa'i tshul gyis bzhugs nas/ de'i rjes thogs nyid la shes rab kyi pha rol tu phyin pa'i tshul 'di bshad do zhes bya bar sbyar ro/ /mchod pa thams cad kyi cho ga rgyas pa'i snod kyis zhes bya ba la/ mchod pa thams cad ni byang chub tu sems bskyed pa la sogs pa'i mtshan nyid can gyi mchod pa rnam pa bzhi'o/ /de'i cho ga rgyas pa ni dkyil 'khor la sogs pa'i dbye bas de kho na nyid bcu'i bdag nyid can gyi rnam par rgyas pa'o/ /de'i snod ni 'byung gnas te/ de las byung bas so/ /mchod pa thams cad kyi ni mchog /ces bya ba la/ mchod pa thams cad ni ji skad du bshad pa rnams te/ de nyid ni dam pa yin pas na mchog go/ /de yang bsgrub pa'i mchod pa'i ngo bo nyid yin pas me tog la sogs pa'i spyir mchod pa'i tshul thams cad las mchog tu gyur pa yin pa'i phyir ro/ /ming de skad ces bya ba'i shes rab kyi pha rol tu phyin pa'i tshul de ni shes rab kyi pha rol tu phyin pa'i tshul te/ bshad do zhes bya ba ni gsungs pa'o/ /byang chub kyi sems bskyed pa ni de bzhin gshegs pa thams cad la mchod pa'i cho ga rgyas pa'o zhes bya ba la byang chub kyi mtshan nyid can dang / byang chub tu 'jug pa dang / byang chub tu smon pa'i sems ni byang chub kyi sems te/ gsum pa 'di dag bskyed pa ni/ byang chub tu sems bskyed pa'o/ /de nyid bskyed pa ni de bzhin gshegs pa thams cad la mchod pa yin pas na/ de bzhin gshegs pa thams cad la mchod pa ste/ byang chub tu sems bskyed pa'i tshul gyis bsgrub pa'i mchod pa yin la/ de'i cho ga rgyas pa ni dkyil 'khor la sogs pa'i tshul te/ de kho na nyid bcu'i bdag nyid can no/ /sems can gyi khams thams cad yongs su skyob pa ni zhes bya ba la/ khams gsum na spyod pa'i sems can gyi khams ma lus pa thams cad yongs su kun nas skyob cing nyon mongs pa'i bag chags dang bcas pa spangs pas chos kyi mtshan nyid la mngon par zhen pa'i 'jigs pa las sgrol ba ste/ yongs su skyob pa nyid yin pas na yongs su skyob pa nyid do/ /de ni de bzhin gshegs pa thams cad kyi sems dang sems las byung ba'i ngo bo nyid kyi mchod pa ste sgrub pa'i mchod pa'o/ /de'i cho ga rgyas pa ni snga ma bzhin no/ /dam pa'i chos so zhes bya ba la sogs pa la/ dam pa yang yin la/ chos kyang yin pas na dam pa'i chos te/ sems dang sems las byung ba rang bzhin gyis rnam par dag pa shes rab kyi pha rol tu phyin pa'i ngo bo nyid do/ /yang na dam pa rnams te/ sangs rgyas dang byang chub sems dpa' dang / rang sangs rgyas dang / 'phags pa nyan thos rnams kyi chos lung dang rtogs pa'i bdag nyid can dang pad+ma'i rigs so/ /de yongs su bzung ba ni/ thos pa dang / bsam pa dang / bsgom pa'i rang bzhin gyi shes pas nye bar blangs pa'o/ /de bzhin gshegs pa thams cad la mchod pa'i cho ga rgyas pa'o zhes bya ba ni snga ma bzhin no/ /shes rab kyi pha rol tu phyin pa zhes bya ba la sogs pa la/ shes rab kyi pha rol tu phyin pa stong phrag brgya ba la sogs pa gang rang nyid 'dri ba ni 'dri ba'i las te/ las zhes bya ba'i sgra ni re re zhing yang sbyar bar bya'o/ /de nyid gzhan 'drir gzhug pa dang / de nyid gzhung dang don gyis mi brjed par yid la yang dag par 'jog pa ni 'dzin pa'o/ /de nyid kyi glegs bam klog pa ni bklags pa'o/ /'don pa ni brjod pa'o/ /sgom pa ni go bar zad do/ /spos dang me tog la sogs pas mchod pa byed pa ni mchod pa'i las so/ /de bzhin gshegs pa thams cad la mchod pa'i cho ga rgyas pa'o zhes bya ba la/ rang bzhin gyis 'od gsal ba dang / brtson 'grus kyi pha rol tu phyin pa'i ngo bo nyid kyi sems dang sems las byung ba dang / las kyi rigs rnams de bzhin gshegs pa thams cad do/ /de rnams la mchod pa ni ji skad du gsungs pa'i shes rab kyi pha rol tu phyin pa 'dri ba la sogs pa'i tshul te/ de bzhin gshegs pa thams cad mngon sum du byed pa'i rgyu yin pa'i phyir ro/ /de nas bcom ldan 'das zhes bya ba nas brtsams te/ mchod pa'i cho ga rgyas pa'o zhes bya ba'i bar gyi bshad pas ni/ dang po sbyor ba zhes bya ba'i ting nge 'dzin gsungs pa yin no/ / da ni de nas zhes bya ba la sogs pas ting nge 'dzin gnyis pa gsungs pa yin te/ de ltar bcom ldan 'das rnam par snang mdzad kyis bcom ldan 'das nam mkha'i mdzod la shes rab kyi pha rol tu phyin pa bshad pas rang gi dkyil 'khor sprul par bya ba'i phyir bskul ba dang / de'i rjes thogs nyid la rang gi dkyil 'khor bskyed pa'i snying po oM zhes bya ba'i bdag nyid can gsungs pa'o/ /nam mkha' ni go 'byed pa'o/ /de nyid ni mdzod de/ nor gyi gzhi'o/ /khang par mnga' bas na/ nam mkha' mdzod ces bya ba ste/ bsams pa tsam nyid kyis nam mkha' las de bzhin gshegs pa la sogs pa'i dngos po thams cad 'byung ba'i phyir ro/ /las thams cad don yod pa'i phyir dam tshig ces bya ba la/ las ni byang chub tu sems bskyed pa la sogs pa'i las rnam pa bzhi'o/ /de'i don yod pa ni 'bras bu dang bcas pa'o/ /de'i dam tshig ni de skyed par byed pa'i rgyu ste/ ming de skad ces bya bar nges pa'i ye shes ni snying po'i de ston par byed pa'i sgra la yang nye bar gdags pas snying po zhes bya ste/ de smras pa ni gsungs pa'o/ /nam mkha' thams cad las zhes bya ba ni phyogs bcu na gnas pa'i nam mkha' las so/ /mchod pa thams cad kyi cho ga rgyas par gyur nas/ byang chub sems dpa'i tshul gyis bzhugs so zhes bya bar sbyar te/ mchod pa thams cad ji skad du bshad pa'i rnam pa bzhi'o/ /de'i cho ga rgyas pa ni rdo rje sems dpa' la sogs pa'i phyag rgya chen po'i dkyil 'khor la sogs pa'i dbye bas phye ba'i rnam pa ni rgyas pa'o/ /de dag kyang khyad par ji lta bu zhe na/ nam mkha'i khams ma lus par spros pa zhes bya ba gsungs te/ nam mkha'i khams kyang yin la ma lus pa yang yin pas nam mkha'i khams ma lus pa zhes bya ste/ ji ltar grags pa'i phyogs bcu dag na rdzas thams cad dang bral ba'o/ /de'i spros pa ni khyab pa ste/ 'di ltar nam mkha'i khams ma lus pa'i mthar thug par spros pa'o/ /de lta bu'i gzugs can du gyur pa ni gyur nas zhes bya'o/ /byang chub sems dpa'i tshul gyis zhes bya ba ni/ rdo rje sems dpa' la sogs pa'i gzugs kyis nam mkha' mdzod kyi dkyil 'khor du rdo rje sems dpa'i dkyil 'khor gyi dbyibs kyi sna tshogs pad+ma'i gdan la bzhugs pa ste gnas par gyur pa'o/ /de ltar na de nas zhes bya ba nas brtsams te/ bzhugs so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa mdzad pa nas brtsams te/ gsum pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i cho ga bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /de nas zhes bya ba'i sgra ni snga ma bzhin te/ las kyi mchog gi ting nge 'dzin gyi rjes thogs nyid la'o/ /mchod pa thams cad kyi cho ga rgyas pa ni bshad zin to/ /de'i byin gyis brlab pa ni dkyil 'khor la dmigs pa ste/ gang la de skad ces bya ba'i ting nge 'dzin de la snyoms par zhugs nas 'di gsungs so zhes bya bar sbyar ro/ /rdo rje mchod pa'i mchog don yod pa'i dam tshig ces bya ba la/ rdo rje mchod pa la ni/ ji skad du bshad pa'i mchod pa rnam pa bzhi'o/ /de byung bar gyur pa ni mchog go/ /don yod pa'i rnam pa ste dam tshig ces bya ba ni/ nam mkha' mdzod kyi dkyil 'khor te de gsungs pa'o/ /'dis ni don 'di skad ston par 'gyur te/ ting nge 'dzin gsum bsgom pa sngon du 'gro bas ji srid du mngon sum du mthong bar gyur pa de srid kyi bar du dkyil 'khor 'di bsgom par bya'o/ /de nas dkyil 'khor 'di bri bar bya'o/ /phyi'i dkyil 'khor ji lta ba'i/ /zhes bya ba ni/ 'di'i phyi'i dkyil 'khor thams cad rdo rje sems dpa'i dkyil 'khor dang 'dra bar bya'o/ / de bzhin du nang du rin po che'i ka ba brgyad byas la zhes bya ba ni/ ji ltar 'phags pa nam mkha'i snying po'i dkyil 'khor bri ba bzhin du 'di'i nang gi dkyil 'khor thams cad bri bar bya'o/ /dbus su bcom ldan 'das zhes bya ba la sogs pa la dkyil 'khor dbus ma'i dbus su sna tshogs pad+ma'i gdan la/ bcom ldan 'das sems dpa'i skyil mo krung gis bzhugs pa/ phyag g.yas na sna tshogs rdo rje rang gi snying gar bstod pa'i tshul gyis bsnams pa/ g.yon pa'i rdo rje khu tshur gyis sna tshogs rdo rjes mtshan pa'i dril bu bsnams nas bsnyems pas bzhugs pa/ sangs rgyas lnga'i dbu rgyan la sna tshogs rdo rje'i phreng ba can gyis dbang bskur ba/ zhal dkar po pus mo'i 'og gi cha nas rkang pa dang / phyag gnyis pa la sha'i mdog can/ lhag ma rnams ni sngon po zhal gyi 'og gi cha nas rked pa'i bar du dmar skya/ brla gnyis ser skya'i mdog can du dgod par bya'o/ /thams cad du mchod pa'i dam tshig gi sems dpa' rnams gzhag par bya'o zhes bya ba ni/ de'i phyogs dang mtshams rnams su mchod pa'i ngo bo nyid kyi kun rdzob kyi gzugs ni mchod pa'o/ /sems dpa' ni phyag rgya chen po'i ngo bo ste/ de ni mchod pa'i dam tshig sems dpa'o/ /de yang lugs ma'am/ brdungs pa la sogs pa'i gzugs su gzhag par bya'o/ /de dag kyang gang zhe na/ 'di lta ste zhes bya ba la sogs pa gsungs te/ gang zhe na/ phyag na rdo rje dang / 'jig rten dbang phyug la sogs pa byang chub sems dpa' brgyad pa zhes bya ba ste/ de dag kyang byang chub kyi sems la sogs pa phyag na bsnams par ji lta ba bzhin du bri bar bya'o/ /de la byang chub kyi sems ni rdo rje rtse lnga pa ste/ rdo rje de phyag gis yongs su 'dzin cing / des na 'di ni byang chub kyi sems kyi bla na med pa'i mchod pa'i cho ga rgyas par bsnams pa'i phyag go/ /ting nge 'dzin ston pa'i phyag rgya ni ting nge 'dzin te pad+ma'i phyag rgya'o/ /de yang 'phags pa spyan ras gzigs dbang phyug yongs su 'dzin te/ des na 'di ni ting nge 'dzin gyi bla na med pa'i mchod pa'i cho ga rgyas par phyag na bsnams pa'o/ /dbang bskur ba ni rdo rje'i rin po che ste/ 'phags pa nam mkha'i snying po'i mtshan ma'o/ /phyag rgya ni rdo rje khu tshur te/ dam tshig gi khu tshur gyis yongs su bzung ba'i rdo rje rtse lnga pa'i phyag rgya'o/ /stong pa nyid du smra ba ni/ 'phags pa 'jam dpal gyi ral gri ste/ des chos thams cad ni ma skyes pa'o zhes ston pa'i phyir/ de nas stong pa nyid du smra ba zhes 'di la bshad do/ /dkyil 'khor 'dri ba ni 'phags pa rdo rje'i rgyu'i mtshan ma 'khor lo rtsibs brgyad pa ste/ de phyag na bsnams pas gang zhig dkyil 'khor rdzogs par byed par 'dod pa'i rnal 'byor pa la de nges pa nyid du rdzogs par mdzes pas na/ de'i phyir de ni dkyil 'khor 'dri ba zhes bshad do/ /mchod pa thams cad ni nam mkha'i mdzod kyi mtshan ma sna tshogs rdo rje'o/ /de phyag na bsnams pas rnal 'byor pa rnams kyis sangs rgyas la mchod pa dang / sems can gyi don bya ba yongs su rdzogs par mdzad de/ des na mchod pa thams cad ces bshad do/ /sems can rnams yongs su bskyab pa ni rdo rje gnod sbyin gyi mchod pa'i phyag rgya ste/ mtshan ma de phyag na bsnams pas bdud thams cad la sogs pa gdug pa rnams rnam par 'jig par mdzad la/ de nas sems can rnams skyob par gyur pa'o/ /de ltar na byang chub sems dang ting nge 'dzin dang dbang bskur ba dang / phyag rgya yongs su 'dzin pa dang / stong pa nyid du smra ba dang / dkyil 'khor 'dri ba dang / mchod pa thams cad dang / sems can rnams yongs su skyob pa rnams so/ /de dag nyid ni bla na med pa'i mchod pa ste/ byang chub kyi sems la sogs pa sgrub pa'i mchod pa rnams ni phyi'i mchod pa'i khyad par thams cad las mchog tu gyur pa yin pa'i phyir ro/ /de'i cho ga rgyas pa ni rdo rje sems dpa' la sogs pa'i ngo bo nyid gsal ba'i dbye ba ste/ des na da phyag na bsnams pa phyag na rdo rje la sogs pa byang chub sems dpa' brgyad do/ /de bas na de rnams ni byang chub kyi sems la sogs pa bla na med pa'i mchod pa'i cho ga rgyas pa phyag na bsnams pa bri bar bya'o/ /ji lta ba bzhin du zhes bya ba la sogs pa ni shar phyogs kyi cha nas brtsams te/ ji srid dbang ldan gyi phyogs kyi bar du sna tshogs pad+ma'i gdan la sems dpa'i skyil mo krung gis bzhugs par rdo rje sems dpa'i dkyil 'khor chen po las gsungs pa'i phyag rgya chen pos oM zhes bya ba bri bar bya'o zhes bya ba'i don to/ /phyi'i mtshams rnams su ni me tog la sogs pa rnams dang zhes bya ba ni rdo rje sbrang rtsi dang rdo rje sprin dang / rdo rje ston dang / rdo rje dgun rnams rdo rje sems dpa'i dkyil 'khor las gsungs pa'i phyag rgya chen pos me'i phyogs nas brtsams te/ dbang ldan gyi phyogs kyi bar du bri bar bya'o/ /sgo rnams su ni zhes bya ba la shar phyogs kyi sgor ni dong tse dang / lhor gser dang / nub tu mu tig gi 'bras bu dang / byang du rin po che zhes bya ba pad+ma rA ga gzhag par bya'o/ /de nas de bzhin du rdo rje thams cad kyi mchod pa thams cad thob par 'gyur ro zhes bya ba la/ nam mkha' mdzod kyi dam tshig gi phyag rgya ni rdo rje thams cad de/ de bcings la rdo rje sems dpa'i dkyil 'khor chen por 'jug pa'i tshul gyis slob dpon zhugs nas/ de nas cho ga de nyid kyis nam mkha' mdzod kyi dngos grub thob par 'gyur ba ni mchod pa thams cad 'thob par 'gyur ro zhes bya'o/ /zhugs nas sna tshogs rdo rje blangs la zhes bya ba ni de ltar rdo rje sems dpa'i dkyil 'khor chen po'i tshul gyis rdo rje thams cad kyis zhugs la/ bcom ldan 'das las oM zhes bya ba dang / sna tshogs rdo rje mnos te/ oM zhes bya ba zlos shing / kye sna tshogs che ge mo zhes bya ba'i ming gi dbang bskur bas dbang bskur bar bya'o/ /de ltar bdag nyid dbang bskur nas slob dpon gyis mchod pa rnam pa bzhi bya ste/ 'di lta ste lus kyi las thams cad dang phyag bya ba dang / ngag dang yid dang zhes bya ba ni/ de la oM sarba ta thA ga ta kA ya bA ka tsit+ta pra Na me na badzra ban+da naM ka ro mi zhes bya ba 'di ni mchod pa gcig go/ /sems kyis chos kyi dbyings su spros pas mchod pa'i cho ga rgyas pa dang zhes bya ba ni/ thos pa dang / mthong ba'i mchod pa'i khyad par rnams kyi sems kyis nam mkha' kun du bkang la/ de bzhin gshegs pa thams cad la mchod par bya'o zhes bya ba 'di ni gnyis pa'o/ /rdo rjes zhes bya ba rang gi snying gar rdo rje rtse lnga pa bsgoms pa 'di ni mchod pa gsum pa'o/ /phyag rgyas mchod pa gcig tu byas pa'o/ /zhes bya ba ni gsang ba'i mchod pa'i phyag rgya rnams sam/ rdo rje sbrang rtsi la sogs pa'i phyag rgyas mchod par bya ste/ de dag gcig tu byas pa'i phyag rgya ni mchod pa bzhi bar 'gyur ro/ /slob ma rnams ni gzhug pa'i las kyang de bzhin no zhes bya ba slob dpon 'jug pa'i cho ga bzhin du slob ma rnams gzhug pa la sogs pa'i cho ga rnams kyang bya ba'o/ /las kyi dkyil 'khor ro zhes bya ba ni byang chub kyi sems la sogs pa ji skad du bshad pa'i mchod pa rnam pa bzhi ni las te/ de las byung ba'i dkyil 'khor ni las kyi dkyil 'khor yin pa'am/ de bskyed pa'i rgyu'i dkyil 'khor zhes bya'o/ /yang 'di'i don bshad par bya ste/ bcom ldan 'das nam mkha' mdzod kyi sbyor ba byas la/ de nyid kyis rnal 'byor chen po bya'o/ /de nas ting nge 'dzin gsum bsgom par byas la/ dkyil 'khor ji srid mngon sum du mthong bar gyur ba de srid kyi bar du dkyil 'khor 'di bsgom par bya'o/ /de nas ji skad du bshad pa'i dkyil 'khor gyi sa'i dbus su ting nge 'dzin gsum rnam par bsgoms la/ bar snang gi phyogs su ji lta ba bzhin du bzhag nas nyi ma 'char ba'i dus su ji lta ba bzhin du gdab par bya'o/ /'di'i phyi'i dkyil 'khor thams cad ni rdo rje sems dpa'i phyi'i dkyil 'khor dang 'dra ba'o/ /'di'i nang du 'di'i phyed kyi tshad du 'phags pa nam mkha'i snying po'i dkyil 'khor dang 'dra bar thig btab la/ dkyil 'khor thams cad bri bar bya'o/ /de nas lha thams cad kyi gnas su sna tshogs pad+ma'i gdan byas la/ dkyil 'khor dbus ma'i dbus su sna tshogs pad+ma'i steng du bcom ldan 'das nam mkha'i mdzod zhal shar phyogs su gzigs pa bri bar bya'o/ /de'i shar phyogs kyi cha la rdo rje yid las byung ba'i gnas su rdo rje sems dpa'/ me'i phyogs su 'jam dpal gzhon nur gyur pa/ kI li kI la'i gnas su nam mkha'i snying po/ bden bral gyi phyogs su nam mkha' mdzod/ rdo rje dran pa'i gnas su 'jig rten dbang phyug/ /rlung gi phyogs su sems bskyed ma thag tu chos kyi 'khor lo bskor ba/ rdo rje bsnyems pa'i gnas su rdo rje khu tshur/ dbang ldan gyi phyogs su rdo rje gnod sbyin legs par bri bar bya'o/ /phyi'i dkyil 'khor gyi lha'i snam bu la me'i mtshams su rdo rje sbrang rtsi/ bden bral gyi mtshams su rdo rje sprin/ rlung gi mtshams su rdo rje ston ka/ dbang ldan gyi mtshams su rdo rje dgun bri bar bya'o/ /shar phyogs kyi sgor ni dong tse/ lho phyogs kyi sgor ni gser/ nub phyogs su ni mu tig gi 'brum bu/ byang phyogs kyi sgor ni rin po che pad+ma rA ga yang dag par gzhag par bya'o/ /'dir lha thams cad kyi snying po ni oM zhes bya ba yin par shes par bya'o/ /de ltar dkyil 'khor bris nas/ de bzhin du sbyor ba chen po byas la/ nam mkha' mdzod kyi dam tshig gi phyag rgyas yongs su bzung ba'i sna tshogs rdo rje dang / me tog gi lcug mas bum pa thams cad dang / bum pa gang ba la/ oM zhes bya ba re re zhing bzlas brjod brgya rtsa brgyad byas te/ dkyil 'khor gyi sgo bzhi phye nas rdo rje bsdu ba byas la/ bcom ldan 'das nam mkha' mdzod kyi phyag rgya chen po bsgom zhing / bcom ldan 'das la mtshan brgya rtsa brgyad pas bstod la/ gsang ba'i lcags kyu dang / oM zhes bya bas bcom ldan 'das 'khor dang bcas ba dkyil 'khor du bcug la rdo rje gnod sbyin gyis gdon bsal la/ dkyil 'khor bcing ba dang / mtshams bcing ba dang / dra ba dang / ra ba dag byas te/ rdo rje khu tshur gyis sgo bcings la/ rdo rje srung bas bsrung ba thams cad go bskon te/ oM zhes bya bas mchod yon phul la dam tshig gi phyag rgyas oM dr-i sh+ya zhes bya ba dang / 'khor dang bcas pa blta bar byas te/ dzaHhU~M baM hoHsa ma ya s+t+waM/ sa ma ya s+t+waM/ a haM zhes lan gsum brjod la bsgrub par bya zhing / rdo rje bsdams pa las byung ba'i rdo rje rin chen gyi dam tshig gi phyag rgya las/ srin lag dang / mthe'u chung brkyang la/ rgyal mtshan dang / dar 'phan gyi rtse mo ltar bya ba 'di ni nam mkha' mdzod kyi dam tshig gi phyag rgya'o/ /de nas lha thams cad kyi ljags la oM zhes bya ba ji lta ba bzhin du bsams pa 'di ni 'dir lha thams cad kyi chos kyi phyag rgya'o/ /a zhes bya bas snying gar sna tshogs rdo rje bsams la lha thams cad kyi phyag rgya sngar bshad pa'i mtshan nyid can oM zhes pa nyid zlos shing bcing bar bya'o/ /de nas hU~M las rang gi snying gar rdo rje rtse lnga ba bsams la/ ji ltar bris pa'i rjes su mthun par nam mkha' mdzod la sogs pa'i phyag rgya chen po oM zhes bya ba zlos shing bcing bar bya'o/ /de nas sangs rgyas lnga'i cod pan dang sna tshogs rdo rje'i phreng ba'i phyag rgya'i dbang bskur ba dag gis bcom ldan 'das 'khor dang bcas pa dbang bskur bar bya'o/ /'dir sna tshogs rdo rje'i phreng ba'i dbang bskur ba nam mkha' mdzod kyi dam tshig gi phyag rgya dang / /oM zhes bya bas dbul bar bya'o/ /de nas bcom ldan 'das 'khor dang bcas pa la oM zhes bya bas mchod yon phul la/ bum pa rnams dang / bum pa gang rnams dang / na bza' dang / bla re la sogs pa phul te/ mchod pa rnam pa lngas mchod la/ phyi rol du glu dang gar dang / rol mo dang rta dang / glang po che dang / ba lang gi khyu rnams kyis kyang mchod pa byed du gzhug go/ /de nas phyag rgya'i mchod pa rnam pa bcu gnyis kyis yang dag par mchod la/ oM zhes bya ba nyid las rin po che sna bdun dang / dpag bsam gyi shing / kha zas ro brgya ba la sogs pa'i bkod pa rnams sprul la/ 'dis dbul bar bya ste/ thal mo khong stong du sbyar la spyi bor bzhag nas/ oM sarba bi t+pUr pU ra su ra su ra A brta ya A brta ya ho/ /zhes brjod do/ /de nas phyi rol du gtor ma byin la sbyin sreg bya'o/ /de nas shin tu dmar ba'i ras la/ rdo rje gnod sbyin gyis yongs su bzlas pa gcig gis smad g.yogs bya/ gnyis pas stod g.yogs bya'o/ /yang gcig la rdo rje lcags kyu la sogs pa'i snying po bzhi yongs su bzlas pas rang gi gdong g.yogs par bya'o/ /de nas phyag 'tshal ba la sogs pa sngon du 'gro bas de bzhin du sdom pa bzung la/ byang chub tu sems bskyed de/ snga ma bzhin du snying gar rdo rje bskyed la/ shar phyogs kyi sgor bltas nas phyi rol na gnas pa'i bum pa'i chus bdag nyid dbang bskur te/ nam mkha' mdzod kyi dam tshig gi phyag rgya bcings la/ de nyid kyis me tog gi phreng ba blangs nas/ badzra badzra oM zhes zlos shing dkyil 'khor du 'jug par bya ste/ shar phyogs kyi sgor badzra aM ku sha dzaHzhes brjod par bya'o/ /de nas lho phyogs nas zhugs la badzra pA sha hU~M zhes brjod par bya'o/ /yang nub phyogs kyi sgo nas zhugs nas badzra spo Ta baM zhes brjod par bya'o/ /de nas byang phyogs kyi sgo nas de bzhin du zhugs la badzra A be sha AHzhes pa dang bdag nyid dbang du bya'o/ /de nas de bzhin du shar phyogs kyi sgor zhugs la/ ma hA ra ta/ su dr-i D+ha/ su to Sh+yo/ su su Sh+yo/ badzra satwa/ A d+ya sid+d+h+yA mAM zhes brjod par bya'o/ / de nas rnam par sgeg pa'i rdo rjes phyag byas la/ dkyil 'khor la bskor ba lan gsum byas te/ bcom ldan 'das kyi spyan sngar 'dug la/ 'di skad ces brjod par bya ste/ ma hA rA ga ma hA sau khya/ ma hA badzra ma hA d+hA na/ ma hA dz+nyA na ma hA karma badzra satwa Ad+ya sid+d+h+yA mAM/ yang 'di skad ces brjod par bya ste/ dzaHhUM baM hoH/ pra sid+d+h+ya mAM/ de nas rdo rje chu 'thungs la a zhes bya ba brgya bzlas nas/ bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje phye la/ a zhes bya ba lan brgya brjod cing bdag nyid la dbab par bya'o/ /de nas oM zhes bya ba zlos shing me tog dor bar bya'o/ /de nas de blangs la/ oM nyid kyis rang gi mgo la bcing bar bya'o/ /de nas de nyid kyis gdong g.yogs dgrol lo/ /de nas de nyid zlos shing shar phyogs nas brtsams te/ dkyil 'khor la blta bar bya'o/ /de nas bcom ldan 'das nam mkha' mdzod kyi dam tshig gi phyag rgya bcings la/ snga ma bzhin du rang gi snying gar dgrol bar bya'o/ /de nas yang bcom ldan 'das kyi phyag rgya chen po bcings la/ bcom ldan 'das la rdo rje'i lta bas blta zhing / ji srid du bcom ldan 'das kyis zhal bstan nas rang gi dngos grub stsol bar gyur pa de srid kyi bar du oM zhes bya ba bzlas brjod bya'o/ /de nas rdo rje thal mo bskor ba shis pa brjod pa 'don pa'i tshul du rang gi snying gar bzhag la/ mtshan brgya rtsa brgyad pas bstod de/ rdo rje mtshon cha la sogs pas gsang ba'i mchod pa bzhis yang dag par mchod la/ glu dang rol mo la sogs pa rnams kyis yang dag par mchod par bya'o/ /de nas yang bcom ldan 'das kyi phyag rgya chen po bcings la/ bcom ldan 'das la rdo rje'i lta bas bltas te/ rdo rje thal mo bskor bas phyag byas nas/ me tog la sogs pa dang dbang bskur ba rnams blang bar bya'o/ / de la dang po kho nar bcom ldan 'das kyi dam tshig gi phyag rgyas yongs su bzung ba'i sna tshogs rdo rje dang / me tog gi yal ga las rnam par rgyal ba'i bum pa la sngar bshad pa'i bum pa'i sngags de bzhin du yongs su bzlas la/ bdag nyid bcom ldan 'das nam mkha'i mdzod du byin gyis brlabs te/ bcom ldan 'das kyi dam tshig gi phyag rgyas rnal 'byor chen po las gsungs pa'i gnas su bcom ldan 'das 'khor dang bcas pa oM gyis rang gi gnas su bkod la/ phyi rol gyi dkyil 'khor gyi nang du sna tshogs pad+ma'i steng du nam mkha' mdzod kyi phyag rgya chen pos bdag nyid 'dug nas/ me tog la sogs pas bdag nyid yang dag par mchod de/ mchod yon blangs la mtshan brgya rtsa brgyad pas yang dag par bstod nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa oM zhes bya bas bdag nyid dbang bskur zhing chu de btung bar bya'o/ /de nas sangs rgyas lnga'i dbu rgyan dang / sna tshogs rdo rje'i phreng ba'i phyag rgya dag gis bdag nyid dbang bskur zhing / lugs ma'am/ brdungs pa'am/ byas pa'am/ bris pa'i sangs rgyas lnga'i dbu rgyan dang / sna tshogs rdo rje'i phreng ba'i dbang bskur bas dbang bskur la/ sna tshogs rdo rje sna tshogs dril bu dang bcas par blangs te/ bdag po dang ming gi dbang bskur ba dag gis kyang oM zhes bya ba zlos shing dbang bskur bar bya'o/ /de nas dngos grub kyi rdo rje'i brtul zhugs blangs la/ me tog la sogs pa mchod pa rnam pa lngas bdag nyid la yang dag par mchod de/ rdo rje mtshon cha la sogs pa phyag rgya'i mchod pa rnam pa bcu gnyis kyis kyang yang dag par mchod par bya'o/ /de nas rdo rje de kho na nyid kyis bzung la/ chos kyi dril bu dkrol zhing dam tshig gi phyag rgya chen por byin gyis brlab par bya ste/ de kho na nyid la sogs pa ni/ /thog mtha' med pa'i sems dpa' ni/ /zhes bya ba la sogs pa sngar smras pa nyid yin par shes par bya'o/ /de nas bcom ldan 'das la phyag byas la snying pos blangs te/ tshigs su bcad pa lnga pas rjes su gnang ba dang / dbugs dbyung ba dang / gzengs bstod pa dang / lung bstan pa mnos la yang bdag nyid la byin gyis brlab pa la sogs pa dang / ji ltar mngon par 'dod pa'i bzlas brjod byas nas/ bcom ldan 'das la phyag byas te/ 'di skad ces brjod par bya'o/ /bdag ming 'di zhes bya ba yi/ /rdo rje slob dpon dka' thub ches/ / sems can kun la phan pa'i phyir/ /slob ma rnams ni gzhug par bgyi/ /de nas slob ma gzhug par bya'o/ /slob dpon gyi las kyi cho ga rgyas pa rdzogs so// //de nas sdom pa dbog par 'os pa'i slob ma sngar bshad pa'i tshul gyis sdom pa 'dzin du gzhug par bya'o/ /de nas byang chub tu sems bskyed du bcug la/ de'i snying gar de bzhin du rdo rje bskyed de/ de nam mkha' mdzod du byin gyis brlabs nas/ dri dang me tog la sogs pas yang dag par mchod la/ yon gyi mchog yang dag par blangs te/ rang gi 'jug pa'i cho gas gzhug pa dang dbab par bya'o/ /de nas yang dbab pa'i phyag rgya dril bu dang bcas pa dang / rkang pa g.yon pas de'i rkang pa g.yas pa mnan la/ oM aHaHaHAHzhes bya ba lan brgya rtsa bzlas la dbab par bya'o/ /de nas cho ga thams cad rjes su spyad par bya'o/ /slob ma gzhug pa la sogs pa'i cho ga rgyas pa rdzogs so/ / //de ltar dam tshig dang dbang bskur ba thob pa rnams la/ slob dpon gyis dngos grub kyi ye shes la bslab par bya'o zhes bya ba 'di'i cho ga bstan par bya ba'i phyir de nas sgrub pa zhes bya ba la sogs pa gsungs te/ sgrub pa dang dngos grub rnams kyang de bzhin no zhes bya ba ni/ ji ltar rdo rje sems dpa'i sgrub pa gsungs pa de bzhin du byang chub sems dpa' nam mkha' mdzod kyi sgrub pa la sogs pa la sngon du bsnyen pa byas te/ ras kyi ri mo gnyis la bsgrub par bya ba shes par bya'o zhes bya ba'i don to/ /de nas ma bsgrubs par yang ngo zhes bya ba la sogs pa ni snga ma bzhin no/ /byang chub kyi sems kyi mchod pa la ni rang gi snying gar rdo rje bsgoms pas so zhes bya ba ni bcom ldan 'das phyag rgya'i sbyor ba byas la/ oM zhes bya ba zlos shing rang gi snying ga'i zla ba la rdo rje rtse lnga pa bsgom par bya ste/ de lta bus ni byang chub kyi sems kyi mchod pa byas par 'gyur ro/ /ting nge 'dzin gyi mchod pa la ni thams cad dag par bsgoms pas so zhes bya ba ni/ bcom ldan 'das 'jig rten dbang phyug gi sbyor ba byas la/ oM zhes bya ba zlos shing chos thams cad ni rang bzhin gyis rnam par dag pa'o zhes bsgom par bya ste/ de lta bus ni ting nge 'dzin gyi mchod pa byas par 'gyur ro/ /dbang bskur ba la ni rdo rje dbang bskur ba sna tshogs kyis so zhes bya ba ni/ bcom ldan 'das nam mkha'i snying po'i sbyor ba byas la/ de nyid kyi dam tshig gi phyag rgya bcings te/ oM zhes bya ba'i bzlas brjod byas na de lta bus ni dbang bskur ba'i mchod pa byas par 'gyur ro/ /phyag rgya'i mchod pa la ni sna tshogs rdo rje thams cad kyis so zhes bya ba ni/ bcom ldan 'das rdo rje khu tshur gyi sbyor ba byas la/ de'i dam tshig gi phyag rgya bcings nas/ oM zhes bya ba bzlas brjod bya ba 'di ni sna tshogs rdo rje thams cad de/ de lta bus ni phyag rgya'i mchod pa byas par 'gyur ro/ /stong pa nyid kyi mchod pa la ni a la sogs pa'i yi ge'i lung bstan pas so zhes bya ba ni/ bcom ldan 'das 'jam dpal gzhon nu'i sbyor ba byas la/ a ra pa tsa na zhes brjod cing / 'dod pa thams cad 'thob po/ /de ci'i phyir zhe na/ a zhes bya ba ni 'dod pa'o/ /ra zhes bya ba ni chags pa'o/ /pa zhes bya ba ni don dam pa'o/ /tsa zhes bya ba ni spyod pa'o/ /na zhes bya ba ni rang bzhin med pa'o/ /de ltar na 'dod pa dang / chags pa dang / don dam pa dang / spyod pa dang / rang bzhin med pa nyid de/ snying po 'di bsgoms la bsgrubs na/ 'dod pa thams cad 'thob pa'o/ /de bzhin gshegs pa ni 'dod pa thams cad kyi snod yin te de bas na snying po 'dis de bzhin gshegs pa nyid dang rdo rje 'dzin pa nyid kyang myur du thob par 'gyur ro/ /sngags 'di ni a la sogs pa'i yi ges lung bstan pa ste/ 'dis ni stong pa nyid mchod par 'gyur ro/ /dkyil 'khor gyi mchod pa la ni rdo rje 'khor lo sna tshogs kyis so zhes bya ba ni/ bcom ldan 'das sems bskyed ma thag tu chos kyi 'khor lo bskor ba'i dam tshig gi phyag rgya gang yin pa de ni rdo rje 'khor lo sna tshogs te/ 'di bcings la sems bskyed ma thag tu chos kyi 'khor lo bskor ba'i sbyor ba byas la/ oM zhes bya ba bzlas brjod byas te/ de lta bus ni dkyil 'khor gyi mchod pa byas par 'gyur ro/ /mchod pa thams cad la ni sna tshogs rdo rjes so zhes bya ba ni/ bcom ldan 'das nam mkha' mdzod kyi dam tshig gi phyag rgya ni sna tshogs rdo rje ste/ de bcings la/ bcom ldan 'das nam mkha'i mdzod kyi sbyor ba byas nas/ oM zhes bya ba bzlas brjod byas te/ de lta bus ni mchod pa thams cad byas par 'gyur ro/ /gdug pa 'dul ba'i mchod pa la ni khro bos so zhes bya ba ni bcom ldan 'das rdo rje gnod sbyin gyi sbyor ba byas la/ 'di'i dam tshig gi phyag rgya bcings nas/ oM ha zhes bya ba bzlas brjod byas na gdug pa thams cad zos par 'gyur te/ de lta bus ni gdug pa thams cad 'dul ba'i mchod pa byas par 'gyur ro/ /me tog la sogs pa dor ba la ni bzlas pas so zhes bya ba ni rdo rje sbrang rtsi la sogs pa dus kyi mchod pa bzhi'i snying po zlos shing 'di rnams kyi las kyi phyag rgya rnams kyis de dag byas te/ de lta bus ni me tog dor ba la sogs pa'i las rnams 'grub par 'gyur ro/ /sna tshogs rdo rje don yod pa'i dam tshig ces bya ba la sna tshogs rdo rje ni byang chub kyi sems la sogs pa mchod pa rnam pa bzhi'o/ /de'i dam tshig ni de las byung ba'i nam mkha'i mdzod kyi dkyil 'khor te/ ming de skad bya ba'i rtog pa'i rgyal po rdzogs pa ste/ bcom ldan 'das nam mkha' mdzod kyi rtog pa'i bshad pa rdzogs so/ / //de ltar tshogs rnams yongs su rdzogs pa'i rgyur gyur pa nam mkha' mdzod kyi rtog pa bshad nas/ da ni bsrung ba'i las kyi cho ga'i rang bzhin rdo rje gnod sbyin gyi rtog pa bshad pa'i phyir/ de nas zhes bya ba la sogs pa gsungs te/ de nas zhes bya ba'i sgra ni snga ma bzhin te/ de bzhin du thams cad mdzad nas bcom ldan 'das rnam par snang mdzad gzhan 'phrul dbang byed kyi lha'i rgyal po'i gnas na ji lta ba bzhin du bzhugs pa dang / de'i rjes thogs nyid la shes rab kyi pha rol tu phyin pa'i tshul 'di gsungs pa'o/ /gdug pa thams cad 'dul nus pa/ /zhes bya ba ni mi dge ba'i las kyi lam bcu la mngon par dga' ba dang / gzung ba dang 'dzin pa'i rnam par rtog pas bcom pa'i gdug pa thams cad do/ /de rnams 'dul ba ni mi dge ba bcu'i las kyi lam las bzlog pa dang / gzung ba dang 'dzin pa'i rnam par rtog pa la mngon par zhen pa las bzlog pa'i chos bdag med pa bsgom pa ston par mdzad pas gdug pa thams cad 'dul bar spyod cing nus pa ste/ cho 'phrul rnam pa bzhis rang dbang du mdzad par spyod ces bya ba'i don to/ /ye shes kyi khu tshur yongs su 'dzin pa'i zhes bya ba ni go bar zad do/ /sems can thams cad 'dul ba'i ye shes kyi snying po zhes bya ba la/ sems can thams cad ni ji skad du bshad pa rnams so/ /de'i snying po mi dge ba bcu'i las kyi lam spong ba dang / ji skad du bshad pa'i mngon par zhen pa dag spong ba'o/ / der nges pa ni ye shes te/ de 'byung bar byed pa'i rgyur gyur pa gang yin pa ste/ de skad ces bya ba'i shes rab kyi pha rol tu phyin pa'i tshul de bshad pa'o/ /sems can thams cad mnyam pa nyid pas khro bo mnyam pa nyid do zhes bya ba ni/ mdza' bo dang / tha mal pa dang / dgra bo dang / de bzhin gshegs pa'i rigs dang / byang chub kyi sems kyi ngo bo nyid kyi sems dang sems las byung ba rnams ni sems can thams cad de/ de rnams kyi mnyam pa nyid ni don dam par de bzhin nyid yin pa dang / kun rdzob tu mdza' bo dang / tha mal pa dang / dgra bo rnams la thugs rje chen po'i gzhan gyi dbang gis sems mnyam pa nyid de/ khro bos phan pa ma yin pa las bzlog pa dang / phan pa la sbyor ba'i sems kyis so zhes bya ba'i don to/ /khro bo mnyam pa nyid do zhes bya ba ni sems can thams cad la mnyam pa nyid des/ mdza' bo dang / tha mal pa dang / dgra bo rnams la rdo rje gnod sbyin gyi khro bo'i gzugs yang dag par ston cing sdig pa las ldog par byed pa ni khro bo'i mnyam pa nyid de/ dmigs pa med pa'i thugs rje chen po'i shugs kyi khro bos 'dul ba'i sems can rnams gdul bar bya ba'i phyir/ khro bo'i bya ba bsgrub pa ni khro bo'i mnyam pa nyid do/ /gang gi tshe khro bo'i bya ba bsgrub pa las ldog par 'gyur zhe na/ sems can thams cad 'dul ba nyid las khro bo'i dul ba nyid do zhes bya ba gsungs te/ gang gi tshe sems can thams cad 'dul bar gyur pa de'i tshe khro bos 'dul ba'i sems can rnams med pas thugs rje chen po'i khro bos 'dul bar 'gyur zhing bral bar 'gyur ro zhes bya ba'i don to/ /khro bo de'i chos nyid gang zhe na/ sems can thams cad chos nyid las khro bo'i chos nyid do zhes bya ba gsungs te/ sems can thams cad don dam par gzung ba dang 'dzin pa dang bral ba nyid de/ de dang lhan cig tu gyur pa ni/ khro bo'i chos nyid yin la/ gang sems can thams cad kyi dngos po med pa'i ngo bo nyid de ni khro bo dngos po med pa'i ngo bo nyid de/ de ni sems can thams cad med pa nyid do zhes bya ba'i don to/ /khro bo 'di'i ming mi phyed pa'i ming ji skad du bya zhe na/ sems can thams cad rdo rje nyid pas khro bo rdo rje nyid do zhes bya ba gsungs te/ sems dang sems las byung ba rnams ni don dam par gzung ba dang 'dzin pa'i rnam par rtog pa dang bral ba nyid do/ /de ni sems can thams cad rdo rje nyid yin la/ des khro bo rdo rje nyid yin te/ sems can thams cad kyi rdo rje nyid gang yin pa de nyid ni thugs rje chen po khro bo'i ngo bo nyid yin la/ chos thams cad ni chos kyi dbyings kyi ngo bo nyid yin pa'i phyir ro/ /yang na khro bos 'dul ba'i sems can rnams la 'khor ba ji srid par gnas pa ni sems can thams cad kyi rdo rje nyid do/ /sems can thams cad kyi rdo rje nyid de rgyur gyur pas khro bo rdo rje nyid de/ khro bos gdul ba'i sems can thams cad rnam par gdul bar bya ba'i bya ba'o/ /'khor ba ji srid par khro bo'i bya ba bsgrub pa rgyun mi gcod pa nyid ni khro bo rdo rje nyid do/ /de ci'i phyir zhe na zhes bya ba ni rgyu gang gis na sems can thams cad mnyam pa nyid pas khro bo mnyam pa nyid do zhes bya bas/ sems can thams cad rdo rje nyid pas khro bo rdo rje nyid yin zhe na/ gang gi phyir 'di ltar sems can thams cad 'dul ba'i byang chub bo zhes gsungs te/ 'di nyid ni byang chub kyi mtshan nyid can te/ gang zhe na/ sems can thams cad mnyam pa nyid nas sems can thams cad rdo rje nyid kyi bar te/ des khro bo rdo rje nyid do zhes bya ba ste khro bo mnyam pa nyid la sogs pas kyang sems can gdug pa can thams cad 'dul bar mdzad cing / sangs rgyas kyi byang chub la rab tu 'jog par mdzad pas na/ de'i phyir sems can thams cad 'dul ba ni byang chub bo zhes bya ba'o/ /de ltar na de nas zhes bya ba nas brtsams te/ byang chub bo zhes bya ba'i bar gyi bshad pas ni ting nge 'dzin dang po gsungs pa yin no/ /de ni de nas zhes bya ba la sogs pas ni ting nge 'dzin gnyis pa gsungs pa yin la de nas zhes bya ba'i sgra ni snga ma bzhin te de ltar bcom ldan 'das rnam par snang mdzad kyis bcom ldan 'das rdo rje gnod sbyin la shes rab kyi pha rol tu phyin pa ston pa'i phyir dang / rang gi dkyil 'khor sprul bar bya ba'i phyir bskul ba mdzad pa dang / de'i rjes thogs nyid la snying po 'di rang gi dkyil 'khor sprul par bya ba'i phyir smras pa'o/ /bzhin rab tu 'dzum pa ni khro bo'i ha ha zhes bya ba'i gad rgyangs dang bcas pa'i zhal lo/ /rdo rje mche ba'i phyag rgya dang / /zhes bya ba ni/ rdo rje khu tshur gnyis kyis rdo rje mche ba'i mtshon bya bzung nas rang gi zhal gyi grwa gnyis su 'dzin par mdzad pa ni/ rdo rje mche ba'i phyag rgya ste/ de dang bcas pa'i rdo rje gnod sbyin gyi gzugs kyis zhes bya ba ni ji skad du rab tu grags pas rdo rje khro bo'i gad mo zhes bya ba'i snying po 'di dkyil 'khor sprul par mdzad pa'i phyir smras pa ni ha zhes bya'o/ /gdug pa thams cad 'dul ba'i sems dpa' rnams zhes bya ba la/ sems can rnams gdul ba'i don gyi sems dpa' rnams ni gdug pa thams cad 'dul ba'i sems dpa'i rnams te/ rdo rje sems dpa'i khro bo la sogs pa'o/ /dang po'i dkyil 'khor gyi tshul du bzhugs so zhes bya ba ni rdo rje sems dpa'i dkyil 'khor chen po ni dang po'i dkyil 'khor te/ de'i sbyor bas de'i dbyibs kyi rdo rje sems dpa' la sogs pa'i gnod sbyin gyi gzugs kyis bzhugs pa'o/ /de ltar na de nas zhes bya ba nas brtsams te bzhugs so zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dus pa nas brtsams te/ ting nge 'dzin gsum pa yin par shes par bya'o/ /da ni dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i don bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma la gzhug pa la sogs pa'i cho ga rgyas par gsungs pa yin no/ /de nas zhes bya ba'i sgra ni snga ma bzhin te/ de ltar ting nge 'dzin gsum bsgoms pa nas brtsams te/ ji srid mtshan ma thob kyi bar du bsgoms la/ de'i rjes thogs nyid la dkyil 'khor 'di bri bar bya'o/ /thabs thams cad kyis 'dul ba'i khro bo zhes bya ba la/ 'dis sems can rnams 'dul ba ste/ gdug cing ma rungs pa nyid 'dor du 'jug pas zhes bya ba'i don to/ /thabs thams cad kyang yin la 'dul ba yin pas na/ thabs thams cad kyis 'dul ba'o/ /de nyid ni khro bo'i rdo rje ste rdo rje gnod sbyin gyis zhes bya ba'i don to/ / de la dmigs pas na ming de skad ces bya ba'i ting nge 'dzin la snyoms par zhugs shing mngon sum du mdzad pa'o/ /gdug pa thams cad 'dul zhing byin gyis rlob pa'i rdo rje zhes bya ba ni/ mi phyed pa gang yin pa ste/ ming de skad ces bya ba'i gnod sbyin gyi dkyil 'khor 'di gsungs shing bka' stsal pa'o/ /phyi yi dkyil 'khor tshul du ni/ /phyi yi dkyil 'khor bri bar bya/ /zhes bya ba ni/ rdo rje sems dpa'i phyi'i dkyil 'khor gyi dbyibs su 'di'i phyi'i dkyil 'khor thams cad bri bar bya'o/ /de ni nang rim nyid du ni/ /dkyil 'khor bzang po gru bzhi pa/ /zhes bya ba ni/ phyi'i dkyil 'khor gyi nang du zur bzhi pa shin tu mdzes pa'i dkyil 'khor gnyis pa bri bar bya'o/ /thig bzhir ldan zhes bya ba ni tshangs pa'i srad bu gnyis dang mtshams kyi srad bu gnyis gdab par bya ste/ de ltar thig bzhi bar 'gyur ro/ /tshon sna lngas ni rnam par bris/ /zhes bya ba ni/ dmar po dang / ljang gu dang / sngon po dang / ser po dang / dkar po'i mdog can gyi tshon rnams kyis legs par thig gdab nas ri mor bris pa ni/ tshon sna lngas ni rnam par bris/ /zhes bya'o/ /ka ba brgyad kyi mdun gnas par/ /zhes bya ba la 'di nyid du gnas pas na gnas pa zhes bya la/ mdun yang yin la gnas pa yang yin pas na mdun na gnas pa ste/ ka ba brgyad kyi mdun na gnas pa'i dkyil 'khor bri ba'o/ /'bar ba'i dkyil 'khor yang dag ldan/ /zhes bya ba ni/ lha thams cad kyi gnas su sna tshogs pad+ma'i gdan gyi steng du 'bar ba'i dkyil 'khor dang yang dag par ldan par 'gyur ro/ /de'i zhes bya ba ji ltar bris pa'i dkyil 'khor dbus ma'i dbus su ci rigs par zhes bya ba rdo rje gnod sbyin lugs ma'am/ brdungs pa'am/ byas pa'am/ bris pa ha zhes bya ba dgod par bya'o/ /rdo rje mche ba gtsigs pa dang zhes bya ba ni rdo rje mche ba gnyis gtsigs pa'i bu ga dang bcas pa'i zhal gyi phyogs so/ /'bar ba'i phreng ba 'khrigs pa'i 'od/ /ces bya ba ni/ 'bar ba rnams kyi phreng bar gyur pa gang yin pa de ni 'bar ba'i phreng ba'o/ /de nyid 'khrigs pa ste/ phan tshun du 'gro ba'i 'od gang yin pa de ni 'bar ba'i phreng ba 'khrigs pa'i 'od ces bya'o/ /de'i zhes bya ba ni rdo rje gnod sbyin gyi'o/ /kun du zhes bya ba ni phyogs dang phyogs mtshams rnams su phyag na rdo rje la sogs pa byang chub sems dpa' brgyad gnod sbyin gyi gzugs 'chang ba shin tu zhes bya ba ste/ khyad par du yang 'jigs par byed pa rdo rje la sogs pa rang gi mtshan ma bsnams pa bri bar bya'o/ /phyi'i dkyil 'khor gyi mtshams bzhir ni mche ba'i phyag rgya bri bar bya'o/ /phyi dang nang gi sgo rnams su ni khro bo'i rdo rje yang dag par bri bar bya'o/ /de nas zhes bya ba la sogs pa la de ltar dkyil 'khor bris nas/ ras sngon po la snga ma bzhin du sngags bzlas la/ de dag gi smad g.yogs la sogs pa ji lta ba bzhin du byas nas/ bcom ldan 'das rdo rje gnod sbyin gyi mche ba'i phyag rgya bcings la/ 'dis me tog gi phreng ba bzung ste/ ji lta ba bzhin zhugs na ji skad du gsungs pa'i gnas thob par 'gyur ro/ /rdo rje mche ba zhes bya ba la sogs pa la rdo rje rtse lnga pa'i rtsa ba yod pa'i mche ba ni/ rdo rje mche ba ste/ de blangs la rdo rje ming gi dbang bskur bas bdag nyid dbang bskur nas/ de'i rjes thogs nyid la rdo rjes rdo rje gnod sbyin la bsnun par bya ste/ de nas rdo rje gnod sbyin mnyes pas/ zhal nas ha ha zhes bya ba'i bzhad pa mdzad par 'gyur ro/ /de nas sgrub pa pos bdag nyid bcom ldan 'das grub pa yin no zhes shes par bya'o/ /de nas phyag rgya thams cad bcing bar bya zhing bsgrub par bya'o zhes bya ba ni/ de ltar bdag nyid 'jug pa la sogs pa byas nas/ bcom ldan 'das las snying po mnos la/ phyag rgya chen po dang / dam tshig gi dang / chos kyi phyag rgya rnams bcing bar bya'o/ /de nas bdag la byin gyis brlab pa la sogs pa byas la/ phyag rgya chen po la sogs pa'i phyag rgya thams cad ji ltar mngon par 'dod pa bzhin du bsgrub par bya'o/ /de nas mchod la zhes bya ba ni de ltar ji ltar mngon par 'dod pa'i phyag rgya bsgrub pa byas nas slob ma bcug la/ mchod pa rnam pa lnga dang / phyag rgya'i mchod pa rnam pa bcu gnyis kyis bcom ldan 'das 'khor dang bcas pa yang dag par mchod nas/ ro dang kha zas dang gnas pa thams cad kyis slob ma rnams tshim par byas la/ sems can thams cad mnyam pa nyid pas khro bo mnyam pa nyid do zhes bya ba la sogs pa shes rab kyi pha rol tu phyin pa'i tshig bzhi brjod la/ bcom ldan 'das 'khor dang bcas pa ji lta ba bzhin du gshegs su gsol to/ /dkyil 'khor nye bar bsdus nas slar dbyung bar bya'o/ /de bzhin du zhes bya ba la sogs pa la/ ji ltar rdo rje gnod sbyin gyi dkyil 'khor du phyag rgya bcing ba la sogs pa'i cho ga gsungs pa de bzhin du rdo rje sems dpa' la sogs pa'i dkyil 'khor thams cad du yang bya bar shes par bya'o/ /phyag na rdo rje'i dkyil 'khor ro/ /zhes bya ba ni go bar zad do/ /'di'i don slar yang bshad par bya ste/ bcom ldan 'das rdo rje gnod sbyin gyi spyor bas rnal 'byor chen po byas la/ ting nge 'dzin gsum bsgom pa nas brtsams te/ ji srid du mngon sum du mthong bar gyur gyi bar du bsgom par bya'o/ /de nas ji skad du gsungs pa'i dkyil 'khor gyi sa'i dbus su ting nge 'dzin gsum bsgoms la bar snang gi phyogs su ji lta ba bzhin du yang dag par bzhag ste/ nyi ma 'char ba'i dus su legs par thig gdab par bya'o/ /rdo rje sems dpa'i phyi'i dkyil 'khor thig btab la/ nang du 'di'i phyi'i phyed kyi tshad dang / phyi'i dkyil 'khor gnyis pa gru bzhi la/ ka ba brgyad kyis mdzes par byas pa/ lha thams cad kyi gnas su sna tshogs pad+ma'i gdan 'bar ba'i dkyil 'khor gyis brgyan pa bri bar bya'o/ /dkyil 'khor dbus ma'i dbus su bcom ldan 'das rdo rje gnod sbyin/ rdo rje yid las byung ba'i gnas su phyag na rdo rje/ shar lho mtshams kyi le'u tshe la 'jam pa'i dbyangs/ kI li kI la'i gnas su nam mkha'i snying po/ lho nub mtshams su nam mkha' mdzod/ rdo rje dran pa'i gnas su 'jig rten dbang phyug/ nub byang mtshams su sems bskyed ma thag tu chos kyi 'khor lo bskor ba/ rdo rje snyems pa'i gnas su rdo rje khu tshur/ byang shar mtshams kyi le'u tshe la rdo rje gnod sbyin gnyis pa bri bar bya ste/ de dag thams cad kyang sems dpa'i skyil mo krung gis bzhugs pa/ sku mdog nag po shas cher gtum pa 'jigs pa rnams kyang 'jigs par mdzad pa/ 'bar ba'i phreng ba 'khrigs pa'i 'od mnga' ba rdo rje'i mche ba gtsigs pa/ ha ha zhes gsal bar bzhad pa'i zhal mnga' ba'o/ /phyi'i dkyil 'khor gyi mtshams rnams su mche ba'i phyag rgya dang / phyi dang nang du bcas pa'i sgo rnams su khro bo'i rdo rje rnams bri bar bya'o/ /'dir lha thams cad kyi snying po ni ha zhes bya ba yin no/ /de ltar dkyil 'khor bris nas de bzhin du rnal 'byor chen po byas la/ rdo rje gnod sbyin gyi dam tshig gi phyag rgyas yongs su bzung ba'i rdo rje mche ba dang / me tog gi yal ga las bum pa thams cad dang / bum pa gang ba rnams la ha zhes bya ba lan brgya rtsa brgyad bzlas brjod bya'o/ /de nas dkyil 'khor gyi sgo bzhi phye la bsdu ba byas te/ bcom ldan 'das rdo rje gnod sbyin gyi phyag rgya chen po bsgom zhing / mtshan brgya rtsa brgyad kyis yang dag par bstod la/ gsang ba'i lcags kyu dang / ha zhes bya bas bcom ldan 'das 'khor dang bcas pa dkyil 'khor du bcug la/ rdo rje gnod sbyin gyis bgegs bsal ba byas nas/ mtshams bcing ba dang / dkyil 'khor bcing ba dang / ra ba dang / dra ba dag byas la/ rdo rje khu tshur gyis sgo bcings nas/ rdo rje bsrung bas bsrung ba thams cad go cha bskon te/ ha zhes bya bas mchod yon phul la/ dam tshig gi phyag rgya dang / ha dr-i sh+ya zhes bya bas bcom ldan 'das 'khor dang bcas pa blta bar bya ste/ dzaHhUM baM hoH sa ma ya staM/ sa ma ya s+t+waM a haM ha/ zhes lan gsum brjod la bsgrub par bya'o/ /de la bcom ldan 'das kyi dam tshig gi phyag rgya ni 'di yin te/ rdo rje bsdams pa las mdzub mo'i rtse gnyis bkug la/ mthe bo gnyis shin tu brkyang ba ni rdo rje mche ba zhes bya'o/ /de nas lha 'di dag thams cad kyi ljags la ha zhes bya ba bsam par bya ste/ 'di ni 'dir chos kyi phyag rgya'o/ /snga ma bzhin du rang gi snying gar a las sna tshogs rdo rje bsams la/ ha zhes bya ba zlos shing rdo rje sems dpa'i dkyil 'khor du bshad pa'i lha thams cad kyi phyag rgya bcing bar bya'o/ /rang gi snying gar hUM las rdo rje rtse lnga pa bsams la ha zhes bya ba zlos shing ji ltar bris pa dang rjes su mthun par lha thams cad kyi phyag rgya chen po bcing bar bya'o/ /de nas sangs rgyas lnga'i dbu rgyan dang / rdo rje phreng ba'i dbang bskur ba'i phyag rgya dag gis bcom ldan 'das 'khor dang bcas pa dbang bskur la/ ha zhes bya bas bcom ldan 'das 'khor dang bcas pa la mchod yon phul te/ bum pa dang / bum pa gang ba rnams dang / na bza' dang / bla re la sogs pa phul la/ mchod pa rnam pa lngas mchod de/ phyi rol du glu dang gar dang / rol mo dang / rta dang / glang po che dang / ba lang gi khyu rnams kyis kyang mchod pa byed du gzhug go/ /de nas phyag rgya'i mchod pa rnam pa bcu gnyis kyis yang dag par mchod la/ ha zhes bya ba nyid las rin po che sna bdun dang / dpag bsam gyi shing / kha zas ro brgya pa la sogs pa'i mchod pa rnams sprul la/ 'dis dbul bar bya ste/ thal mo khong stong du sbyar la spyi bor bzhag la oM sarba bi t+pU ra pU ra/ su ra su ra/ A brta ya A brta ya ho zhes brjod do/ /de nas phyi rol du gtor ma byin la sbyin sreg bya'o/ /de nas ras sngon po la rdo rje gnod sbyin gyis yongs su bzlas pa gcig gis smad g.yogs bya/ gnyis pas stod g.yogs bya'o/ /yang gcig la rdo rje lcags kyu la sogs pa'i snying po bzhi yongs su bzlas pas rang gi gdong g.yogs par bya'o/ /de nas phyag 'tshal ba la sogs pa sngon du 'gro bas de bzhin du sdom pa bzung la/ byang chub tu sems bskyed de/ snga ma bzhin du snying gar rdo rje bskyed la/ shar phyogs kyi sgor bltas nas/ phyi rol na gnas pa'i bum pa'i chus bdag nyid dbang bskur te/ rdo rje mche ba'i phyag rgya bcings la/ de nyid kyis me tog gi phreng ba bzung nas badzra badzra ha zhes zlos shing dkyil 'khor du 'jug par bya ste/ shar phyogs kyi sgor badzra aM ku sha dzaHzhes brjod par bya'o/ /de nas lho phyogs nas zhugs la badzra pA sha hUM zhes brjod par bya'o/ /yang nub phyogs kyi sgo nas zhugs la badzra s+pho Ta baM zhes brjod par bya'o/ /de nas byang phyogs kyi sgo nas de bzhin du zhugs la/ badzra A be sha AHzhes bya ba dang / bdag nyid dbang du bya'o/ /de nas de bzhin du shar phyogs kyi sgor zhugs la/ ma hA ra ta/ su dr-i D+ha/ su to Sh+ya ma hA d+hA na su su kho/ badzra satwa/ Ad+ya sid+d+h+yA mAM zhes brjod par bya'o/ / de nas rnam par sgeg pa'i rdo rjes phyag byas la/ dkyil 'khor la bskor ba lan gsum byas te/ bcom ldan 'das kyi spyan sngar 'dug la/ 'di skad ces brjod par bya ste/ ma hA ra ga ma hA sau khya/ ma hA badzra ma hA dz+nyA na/ ma hA karma/ badzra satwa Ad+ya sid+d+h+yA mAM/ yang 'di skad ces brjod par bya ste/ dzaHhU~M baM hoHpra sid+d+h+yA mAM/ de nas rdo rje chu 'thungs la a zhes bya ba lan brgya bzlas nas/ bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje ma phye la/ a zhes bya ba lan brgya brjod cing bdag nyid la dbab par bya'o/ /de nas ha zhes bya ba zlos shing me tog dor bar bya'o/ /de nas de blangs la/ ha nyid kyis rang gi mgo la bcing bar bya'o/ /de nas de nyid kyis gdong g.yogs dgrol lo/ /de nas de nyid zlos shing / shar phyogs nas brtsams te/ dkyil 'khor la blta bar bya'o/ /de nas bcom ldan 'das rdo rje mche ba'i phyag rgya bcings la/ snga ma bzhin du rang gi snying gar dgrol bar bya'o/ /yang bcom ldan 'das kyi phyag rgya chen po bcings la/ bcom ldan 'das la khro bo'i lta bas blta zhing / ji srid du bcom ldan 'das kyis zhal bstan nas rang la dngos grub stsol bar gyur pa de srid kyi bar du hA zhes bya bzlas brjod bya'o/ /de nas rdo rje thal mo bskor ba shis pa brjod pa 'don pa'i tshul du rang gi snying gar bzhag la/ mtshan brgya rtsa brgyad pas bstod de/ rdo rje mtshon cha la sogs pa gsang ba'i mchod pa bzhis yang dag par mchod la/ glu dang rol mo la sogs pa rnams kyis kyang yang dag par mchod par bya'o/ /de nas yang bcom ldan 'das kyi phyag rgya chen po bcings la/ bcom ldan 'das la khro bo'i lta bas bltas te/ rdo rje thal mo bskor bas phyag byas nas/ me tog la sogs pa dang dbang bskur ba rnams blang bar bya'o/ /de la dang po kho nar bcom ldan 'das kyi dam tshig gi phyag rgyas yongs su bzung ba'i rdo rje dang / me tog gi yal ga las rnam par rgyal ba'i bum pa la sngar bshad pa'i bum pa'i sngags de bzhin du yongs su bzlas la/ bdag nyid bcom ldan 'das rdo rje gnod sbyin du byin gyis brlabs te/ bcom ldan 'das kyi dam tshig gi phyag rgya rnal 'byor chen po las gsungs pa'i gnas su bcom ldan 'das 'khor dang bcas pa has rang rang gi gnas su bkod la/ phyi rol gyi dkyil 'khor gyi nang du sna tshogs pad+ma'i steng du/ 'bar ba'i dkyil 'khor bris la/ de'i steng du bdag nyid rdo rje gnod sbyin gyi phyag rgya chen pos 'dug nas mchod yon blangs la me tog la sogs pas bdag nyid yang dag par mchod de mtshan brgya rtsa brgyad pas yang dag par bstod nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hiShiny+tsa ha zhes bya bas bdag nyid dbang bskur zhing chu de btung bar yang bya'o/ /de nas sangs rgyas lnga'i dbu rgyan dang / rdo rje phreng ba'i phyag rgya dag gis bdag nyid dbang bskur zhing / lugs ma'am/ brdungs pa'am/ byas pa'am/ bris pa'i sangs rgyas lnga'i dbu rgyan dang / rdo rje phreng ba dang / dar dpyangs kyis dbang snga ma bzhin du bskur la/ ha zhes bya bas rdo rje mche ba'i phyag rgya rdo rje dril bu dang bcas pa blangs te/ ha zhes bya ba zlos bzhin du bdag po dang ming gi dbang bskur ba dag gis kyang dbang bskur bar bya'o/ / de nas dngos grub kyi rdo rje'i brtul zhugs blangs la/ me tog la sogs pa'i mchod pa rnam pa lngas bdag nyid yang dag par mchod de/ rdo rje mtshon cha la sogs pa phyag rgya'i mchod pa rnam pa bcu gnyis kyis kyang yang dag par mchod par bya'o/ /de nas rdo rje de kho na nyid kyis bzung la/ chos kyi dril bu dkrol zhing dam tshig gi phyag rgya chen por byin gyis brlab par byas te/ de kho na nyid la sogs pas ni/ /thog mtha' med pa'i sems dpa' ni/ /zhes bya ba la sogs pa rdo rje'i rigs kyi dkyil 'khor gyi skabs su smras pa nyid yin par shes par bya'o/ /de nas bcom ldan 'das la phyag byas la snying po blangs te/ tshigs su bcad pa lnga pas rjes su gnang ba dang / gzengs bstod pa dang / lung bstan pa mnos la yang bdag nyid la byin gyis brlab pa la sogs pa dang ji ltar mngon par 'dod pa'i bzlas brjod byas nas/ bcom ldan 'das la phyag byas te 'di skad ces brjod par bya'o/ /bdag ming 'di zhes bgyi ba yi/ /rdo rje slob dpon dka' thub ches/ /sems can kun la phan pa'i phyir/ /slob ma rnams ni gzhug par bgyi/ /de nas slob ma rnams gzhug par bya'o/ / slob dpon gyi las kyi cho ga rgyas pa rdzogs so// //de nas sdom pa dbog par 'os pa'i slob ma la sngar bshad pa'i tshul gyis sdom pa 'dzin du gzhug par bya'o/ /de nas byang chub tu sems bskyed du bcug la/ de'i snying gar de bzhin du rdo rje bskyed de/ rdo rje gnod sbyin du byin gyis brlabs nas/ dri dang me tog la sogs pas yang dag par mchod la/ yon gyi mchog yang dag par blangs te/ rang gi 'jug pa'i cho gas gzhug pa dang dbab pa bya'o/ /de nas yang rdo rje dbab pa'i phyag rgya dril bu dang bcas pa dang / rkang pa g.yon pas de'i rkang pa g.yas pa mnan la/ ha aHaHaHaHzhes bya ba lan brgya bzlas la dbab par bya'o/ /de nas cho ga thams cad rjes su spyad par bya'o/ /slob ma gzhug pa la sogs pa'i cho ga rgyas pa rdzogs so// //de ltar dam tshig dang dbang bskur ba thob pa rnams la slob dpon gyis dngos grub kyi ye shes bslab par bya'o zhes bya ba 'di'i cho ga bstan par bya ba'i phyir/ sgrub pa dang zhes bya ba la sogs pa gsungs te/ sgrub pa dang dngos grub dag kyang de bzhin no zhes bya ba ni/ ji ltar rdo rje sems dpa'i sgrub pa las ras kyi ri mo gnyis pa bsnyen pa bya bar gsungs pa de bzhin du rdo rje gnod sbyin gyi sgrub pa la yang shes par bya ste/ dngos grub rnams kyang de bzhin no/ /ma bsgrubs par yang dang po ji lta ba bzhin no zhes bya ba ni go sla'o/ /gdug pa thams cad 'dul ba la ni rdo rje mche ba'i phyag rgyas so zhes bya ba ni/ rdo rje gnod sbyin gyi sbyor ba byas la/ ji skad du bshad pa'i rdo rje gnod sbyin gyi rdo rje mche ba'i phyag rgya bcings la/ ha zhes bya bas bdud la sogs pa'i gdug pa thams cad rang dbang du bya'o/ /sems can thams cad 'dul ba la ni zhes bya ba ni bya ba ma yin pa thams cad las bzlog nas/ dge ba bcu'i las kyi lam la sbyar ba'am/ theg pa chen po la dgod pa'o/ /de ji ltar 'gyur zhe na/ khro bas ha ha zhes dgod cing bzlas pas so zhes bya ba gsungs te/ rdo rje gnod sbyin gyi sbyor ba byas la/ khros par 'gyur bas ha zhes bya ba zlos shing bsgrub par bya ba rang gi kha nam mkha' dang mnyam pa'i nang du zhugs par yid kyis bsam par bya ste/ de lta bus ni sems can gdug pa thams cad 'dul bar 'gyur ro/ /nyan thos dang rang sangs rgyas thams cad kyi thar pa ni 'du shes dang bral ba'o/ /'dod chags dang bral ba las ltung bar bya ba ni 'dod pa'i khams la sogs pas so sor snang ba yang dag par bstan pa'o/ /de ji ltar 'gyur zhe na/ chos gos dang snam sbyar gyi sbyin sreg gis so zhes bya ba gsungs te/ 'dod chags dang bral ba las ltung bar bya ba'i bsam pas chos gos dum bur byas te/ rdo rje gnod sbyin thab kyi dbus su rnam par bsams la sbyin sreg bya ste/ de lta bus ni 'dod chags dang bral ba las ltung bar 'gyur ro/ /dbang bskur ba thams cad ni 'jig rten dang 'jig rten las 'das pa rnams so/ /de dbrog pa ni med par bya'o/ /de ji ltar 'gyur zhe na/ khams thams cad kyi phye ma'i sbyin sreg gis so zhes bya ba gsungs te/ gser la sogs pa'i phye ma'i sbyin sreg gis bya ba'i don to/ /thams cad rgyas gdab pa la ni rdo rje khu tshur gyi phyag rgyas so zhes bya ba ni/ rdo rje khu tshur gyi dam tshig gi phyag rgyas bsgrub par bya ba'i snying gar ha zhes bya bas rdo rje 'bar ba bskyed pa ni thams cad rgyas gdab pa'o/ /thams cad bcad pa la ni gzugs brnyan byas nas gtubs pas so zhes bya ba ni bsgrub par bya ba'i gzugs brnyan mngon spyod kyi rdzas rnams las byas la/ bsgrub par bya ba gsang ba'i lcags kyus bkug ste bcug pa byas la/ rdo rje rnon po'i sbyor bas ha las ral gri bskyed de/ ral gri des lha sbyin mA ra ya ha zhes bya ba la sogs pa ming nas smos shing bzlas la/ gzugs brnyan gtub par bya ste/ de lta bus ni thams cad gcod par 'gyur ro/ /ma rungs pa thams cad kyi dkyil 'khor rnam par 'jig pa la ni rdo rje bzung nas 'jug par bya'o zhes bya ba ni/ rdo rje 'dzin pa'i sbyor ba byas la/ 'og nas bshad pa'i gdug pa rnams kyi dkyil 'khor bris nas khro bo'i rdo rje blangs la/ ha duSh+Ta maN+DalaM b+ha smi ku ru haM zhes zlos shing / gnod sbyin la sogs pa'i gdon gyi dkyil 'khor du zhugs la rkang pa gnyis kyis mnyes na de lta bus ni de rnam par 'jig par 'gyur ro/ /mchod pa thams cad rnam par gzhig pa la ni khros nas bzlas brjod bya'o zhes bya ba la ni/ nam mkha' mdzod kyi sbyor bas ha zhes bya ba zlos shing rang gi kha las rdo rje gnod sbyin phyung bas mchod pa thams cad thal bar byas par bsam par bya ste/ de lta bus ni mchod pa thams cad rnam par 'jig par 'gyur ro/ /thams cad skrag par bya ba la ni 'jigs byed kyi lta bas blta bar bya'o zhes bya ba ni/ rdo rje gnod sbyin gyi sbyor ba byas la/ sems can gdug pa can rnams la ha zhes bya ba zlos shing 'jigs byed kyi lta bas bltas la rdo rje 'bar ba sprul te/ de'i mig gi mtha' sreg par byed par bsam par bya ste/ de lta bus ni thams cad skrag par byed par 'gyur ro/ /rdo rje dam tshig ni rdo rje dkyil 'khor skyed pa'i rgyur gyur pa ste/ /de skad ces bya ba'i rtog pa'i rgyal po rdzogs pa ste/ rdo rje gnod sbyin gyi rtog pa'i bshad pa rdzogs so// // de ltar rdo rje sems dpa' la sogs pa'i dkyil 'khor bstan nas/ da ni rigs thams cad kyi dkyil 'khor gyi ngo bo nyid dang / rigs thams cad kyi dkyil 'khor gyi dam tshig tu gyur pa bsdus pa'i dkyil 'khor bstan pa'i phyir/ de nas zhes bya ba la sogs pa gsungs pa yin la/ de nas zhes bya ba la sogs pa'i sgra ni de ma thag pa ste ji skad du gsungs pa'i tshul gyis bcom ldan 'das 'dod pa'i khams thams cad kyi gzhan 'phrul dbang byed kyi lha'i rgyal po'i gnas na bzhugs pa dang / de'i rjes thogs nyid la shes rab kyi pha rol tu phyin pa'i tshul 'di gsungs pa'o/ /chos thams cad kyi mnyam pa nyid la bzhugs pas zhes bya ba ni/ 'jig rten dang 'jig rten las 'das pa'i dkyil 'khor thams cad don dam par dngos po med pa'i ngo bo nyid kyi rang bzhin gcig pa nyid ni chos thams cad mnyam pa nyid do/ /de la rab tu zhugs pa ni gnyis su med pa'i ye shes thugs su chud pas gnas par mdzad pa'o/ /de su zhig yin zhe na/ de bzhin gshegs pa chos thams cad mnyam pa nyid ces bya ba gsungs te/ 'jig rten dang 'jig rten las 'das pa'i dkyil 'khor thams cad kyi de bzhin nyid ni thams cad kyi chos nyid do/ /de la dmigs pa'i ye shes ni mchog ste/ de las byung ba'i thos pa dang bsam pa dang / bsgom pa'i ye shes kyis shes rab kyi pha rol tu phyin pa mngon sum du mdzad pa'i rgyu'i shes rab kyi pha rol tu phyin pa'i tshul gang yin pa'i mchog ste/ ming de skad ces bya ba bshad pa ni gsungs pa'o/ /chos thams cad mnyam pa nyid pas shes rab kyi pha rol tu phyin pa mnyam pa nyid do zhes bya ba la chos thams cad ni byang chub kyi sems dang / me long lta bu'i ye shes dang / de bzhin gshegs pa'i rigs dang / kun gzhi'i rnam par shes pa dang / ngo bo nyid kyi sku'o/ /de rnams kyi mnyam pa nyid ni rnam par thar pa'i sgo stong pa nyid dang de bzhin nyid do/ /chos thams cad mnyam pa nyid dang shes rab kyi pha rol tu phyin pa nyon mongs pa bag chags dang bcas par bral ba de thob par byed pa'i thabs ni chos bdag med pa'i ye shes te/ shes rab kyi pha rol tu phyin pa'o/ /de'i mnyam pa nyid ni shes rab kyi pha rol tu phyin pa dang / rnam par thar pa'i sgo stong pa nyid dang de bzhin nyid do/ /'di skad ston pa yin te/ chos thams cad kyi gnyis su med pa nyid gang yin pa de ni shes rab kyi pha rol tu phyin pa'i gnyis su med pa nyid de/ don dam par chos thams cad ni chos kyi dbyings kyi ngo bo nyid yin pa'i phyir ro/ /thams cad don nyid yin pas shes rab kyi pha rol tu phyin pa'i don nyid do zhes bya ba la thams cad ni sbyin pa'i pha rol tu phyin pa dang / mnyam pa nyid kyi ye shes dang / rin po che'i rigs dang / nyon mongs pa can gyi yid kyi ngo bo nyid dang / rnam par smin pa'i sku'o/ /de'i don ni thams cad don nyid do/ / rnam par thar pa'i sgo mtshan ma med pa dang / nam mkha'i mnyam pa nyid de/ sbyin pa'i pha rol tu phyin pa la sogs pa ni de'i ngo bo nyid yin pa'i phyir ro/ /don thams cad du gyur pa nyid kyis ni don thams cad nyid de/ des na shes rab kyi pha rol tu phyin pa ni don nyid do zhes bya ba la/ shes rab kyi pha rol tu phyin pa ni ji skad du bshad pa'o/ /de'i don ni rnam par thar pa'i sgo mtshan ma med pa dang nam mkha'i mnyam pa nyid do/ /'di skad ston par 'gyur te/ rnam par thar pa'i sgo mtshan ma med pa gang yin pa dang / shes rab kyi pha rol tu phyin pa gang yin pa ste/ gnyis po 'di dag ni gnyis su med cing tha mi dad pa'o/ / thams cad chos nyid pas zhes bya ba la/ thams cad ni 'dir shes rab kyi pha rol tu phyin pa dang / so sor rtog pa'i ye shes dang / pad+ma'i rigs dang / yid kyi rnam par shes pa dang / longs spyod rdzogs pa'i sku'o/ /de'i thams cad chos nyid ni rnam par thar pa'i sgo smon pa med pa dang / rang bzhin gyis rnam par dag pa ste/ thams cad chos nyid yin pa des shes rab kyi pha rol tu phyin pa chos nyid do zhes bya ba la shes rab kyi pha rol tu phyin pa ni snga ma bzhin no/ /de'i chos nyid ni rnam par thar pa'i sgo smon pa med pa dang / rang bzhin gyis rnam par dag pa'o/ /'di skad ston par 'gyur te/ chos thams cad rang bzhin gyis rnam par dag pa gang yin pa dang / shes rab kyi pha rol tu phyin pa gang yin pa ste gnyis po 'di dag ni dbyer med pa'o/ /thams cad las nyid pas zhes bya ba la/ thams cad ni 'dir brtson 'grus kyi pha rol tu phyin pa dang / bya ba grub pa'i ye shes dang / las kyi rigs dang / mig dang / rna ba dang / sna dang / lce dang / lus kyi rnam par shes pa dang / sprul pa'i sku'o/ /de las nyid ni rnam par thar pa'i sgo rang bzhin gyis 'od gsal ba dang / rang bzhin gyis 'od gsal ba'i chos nyid do/ /thams cad las nyid pa des shes rab kyi pha rol tu phyin pa las nyid du rig par bya'o zhes bya ba la shes rab kyi pha rol tu phyin pa ni ji skad du bshad pa'o/ /de'i las nyid ni rnam par thar pa'i sgo rang bzhin gyis 'od gsal ba dang / rang bzhin gyis 'od gsal ba'i chos nyid do zhes rig par bya zhing / khong du chud par bya la shes par bya'o zhes bya ba ni re re la yang sbyar bar bya'o/ /de ltar na de nas bcom ldan 'das zhes bya ba nas brtsams te/ las nyid du rig par bya'o zhes bya ba'i bar gyi bshad pas ni ting nge 'dzin dang po gsungs pa yin no/ /da ni de nas zhes bya ba la sogs pa ting nge 'dzin gnyis pa gsungs pa yin te/ de nas zhes bya ba'i sgra ni snga ma bzhin no/ /de ltar bcom ldan 'das rnam par snang mdzad kyis bsdus pa'i dkyil 'khor sprul par bya ba'i phyir dang / shes rab kyi pha rol tu phyin pa ston par bya ba'i phyir bcom ldan 'das rdo rje 'chang chen po la bskul ba'i rjes thogs nyid la snying po 'di bsdus pa'i dkyil 'khor sprul par mdzad pa'i sbyor ba gsungs pa'o/ /de bzhin gshegs pa dang byang chub sems dpa' thams cad ces bya ba ni sangs rgyas dang byang chub sems dpa' thams cad de/ de rnams kyi don yod pa'i dam tshig ni dkyil 'khor nges par sprul pa nyid kyis mngon par 'dod pa'i dngos grub rdzogs par byed pa las mi 'da' ba'i dkyil 'khor te/ bsdus pa'i dkyil 'khor zhes bya ba'i don to/ /de gang gis byin gyis rlob pa de la ni ming de skad ces bya ste/ ting nge 'dzin de la snyoms par zhugs shing mngon sum du mdzad nas/ don yod pa thams cad kyi dam tshig ces bya ba'i snying po 'di gsungs pa'o/ /thams cad ni 'jig rten dang 'jig rten las 'das pa'i lha rnams so/ /de rnams kyi don yod pa'i dam tshig ni bsdus pa'i dkyil 'khor te/ der nges pa'i ye shes la ming snying po zhes bya la de ston par byed pa'i hUM la yang nye bar gdags pas de skad ces bya ste/ de gsungs pa ni ston par mdzad pa'o/ /de yang bsdus pa'i dkyil 'khor skyed par byed pa'i rnam pa la thugs rtse gcig tu mdzad nas/ hUM zhes bya ba gsungs so zhes bya ba'i don to/ /de nas zhes bya ba la sogs pa la/ bcom ldan 'das kyis hUM zhes bya ba gsungs pa tsam gyis rnam par snang mdzad kyi dkyil 'khor la sogs pa dang / byang chub sems dpa' thams cad kyi dkyil 'khor dang / 'jig rten pa dag gi dkyil 'khor gyi bar dang / bcom ldan 'das rdo rje sems dpa'i thugs ka'i rdo rje las byung ste/ bcom ldan 'das rdo rje sems dpa'i sngar bshad pa'i dkyil 'khor chen po'i mtshan nyid du zhugs par gyur to/ /de ltar na de nas zhes bya ba nas brtsams te zhugs par gyur to zhes bya ba'i bar gyi bshad pas ni ting nge 'dzin gnyis pa gsungs pa yin no/ /de nas 'dul pa mdzad pa nas brtsams te gsum pa yin par shes par bya'o// //de ltar ting nge 'dzin gsum gsungs nas/ da ni dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i cho ga bstan pa'i phyir/ de nas zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin la/ de nas zhes bya ba ni snga ma bzhin te/ de ltar ting nge 'dzin gsum bsgom pa nas brtsams te/ dkyil 'khor bsgoms pa'i rjes thogs nyid la'o/ /bcom ldan 'das kyi zhabs gnyis la nye bar btud de zhes bya ba ni bcom ldan 'das rnam par snang mdzad kyi zhabs gnyis la phyag byas pa'o/ /dam tshig chen po'i dkyil 'khor zhes bya ba la dam tshig kyang yin la chen po yang yin pas na dam tshig chen po ste/ byang chub kyi sems chen po chos kyi dbyings thog ma dang tha ma med pa'o zhes bya ba'i don to/ /de'i dkyil 'khor ni de las byung ba'i bsdus pa'i dkyil 'khor ro/ /de gsungs pa ni bka' stsal pa'o/ /dkyil 'khor chen po zhes bya ba la sogs pa la bcom ldan 'das rdo rje sems dpa'i dkyil 'khor phyi dang nang du bcas pa snga ma bzhin du legs par bris nas/ dkyil 'khor chen po'i gnas brgyad du/ /zhes bya ba ni/ shar phyogs kyi re'u cha la sogs pa nas/ nang gi dkyil 'khor gyi byang shar mtshams kyi re'u cha'i bar du/ khams gsum las rnam par rgyal ba dang / 'phags pa 'jam dpal gzhon nur gyur pa dang / nam mkha'i snying po dang / nam mkha' mdzod dang / 'jig rten dbang phyug dang / sems bskyed ma thag pa chos kyi 'khor lo bskor ba dang / rdo rje khu tshur dang / rdo rje gnod sbyin gyi dkyil 'khor rim pa ji lta ba bzhin du so sor gnas par yid kyis rnam par bsam la/ dbus su rdo rje sems dpa'i dkyil 'khor yang bsam par bya ste/ 'dis ni yid kyi dkyil 'khor bshad pa yin no/ /de ltar yid kyi dkyil 'khor gsungs nas/ da ni bris pa'i dkyil 'khor bstan pa'i phyir/ de nas zhes bya ba la sogs pa gsungs pa yin la/ de nas zhes bya ba'i sgra ni de ma thag pa ste/ de ltar ting nge 'dzin gsum bsgom pa sngon du 'gro bas bsdus pa'i dkyil 'khor thugs la brtan por mdzad nas bsdus pa'i dkyil 'khor de bcom ldan 'das phyag na rdo rjes gsungs pa'o/ /de la dam tshig thams cad ni bsdus pa'i dkyil 'khor ro/ /de nyid ni mi phyed pas na rdo rje'o/ /de gang gis byin gyis rlob cing brtan par mdzad pa de la dmigs pa'i ting nge 'dzin ni dam tshig thams cad kyi rdo rjer byin gyis rlob pa ste/ ming de skad ces bya ba'i ting nge 'dzin de la snyoms par zhugs nas/ dam tshig thams cad kyi rdo rje zhes bya ba bsdus pa'i dkyil 'khor te/ ming de skad ces bya ba'i dkyil 'khor chen po 'di gsungs pa ni bka' stsal pa'o/ /dkyil 'khor chen po'i tshul du zhes bya ba la rdo rje sems dpa'i dkyil 'khor chen po'i dbyibs su'o/ /phyi'i dkyil 'khor bris la zhes bya ba ni kun du bri ba'o/ /de'i dbus su dkyil 'khor chen po rdo rje 'khor lo bris nas zhes bya ba ni phyi'i dkyil 'khor de'i dbus su ste/ de'i nang du rdo rje 'khor lo chen po zhes bya ba rdo rje sems dpa'i dkyil 'khor chen por bshad pa'i nang gi dkyil 'khor legs par bri bar bya zhing / de'i dbyibs su bya'o/ /nang gi dkyil 'khor de'i dbus kyi cha nas brtsams te/ byang shar mtshams kyi re'u cha rnams su rdo rje sems dpa'i dkyil 'khor chen po nas brtsams te/ /ji srid rdo rje gnod sbyin gyi dkyil 'khor gyi mthar thug pa'i bar gye dkyil 'khor thams cad bri bar bya zhing sems dpa' chen po rnams gzhag par bya'o/ /de ji ltar bri zhe na/ thams cad kyang dkyil 'khor brgyad pa'i thig gis thig btab cing / zhes bya ba gsungs te/ sngar bshad pa'i cho gas dkyil 'khor de legs par thig gdab par bya'o zhes bya ba'i don to/ /sems dpa' chen po rnams gzhag par bya'o zhes bya ba ni rdo rje sems dpa' dang / rdo rje hUM mdzad la sogs pa sngar bshad pa'i 'khor dang lhan cig tu lugs ma la sogs pa'i sku gzugs rnams hUM zhes bya ba nyid kyis gzhag par bya'o/ /phyi'i dkyil 'khor du ni phyi'i rdo rje'i rigs rnams rim pa ji lta ba bzhin du bri bar bya'o zhes bya ba la phyi'i dkyil 'khor gyi lha'i snam bu la shar lho mtshams su zhi ba mdung thung gis mtshan pa'i dkyil 'khor/ lho nub tu ma mo'i dkyil 'khor/ nub byang du ming po gsum gyi dkyil 'khor/ byang shar mtshams su sring mo bzhi'i dkyil 'khor bri bar bya'o/ /sgo rnams su ni rigs rnam pa bzhi'i mtshan ma rnams gzhag par bya'o zhes bya ba la shar phyogs kyi sgor rdo rje sems dpa'/ lhor rdo rje hUM mdzad/ nub tu 'jig rten dbang phyug /byang du nam mkha'i snying po gzhag par bya'o/ /de nas dam tshig chen po'i de kho na nyid kyi rdo rje dkyil 'khor chen po'i tshul gyi cho ga thams cad rgyas par bya'o zhes bya ba ni rdo rje sems dpa'i dkyil 'khor chen por slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa gang yin pa de thams cad 'dir bya zhing bsgrub pa'i ye shes thams cad kyang dang po nyid kyi snga ma bzhin du bya ste/ ras kyi ri mo gnyis nas brtsams te/ gang gsungs pa de thams cad 'dir yang bya bar shes par bya'o/ /bde ba thams cad kyi dam tshig ces bya ba la rdo rje sems dpa' la sogs pa'i dngos grub 'byung pa'i bde ba ni bde ba thams cad do/ /de'i dam tshig ni rgyu ste/ ming de skad ces bya ba'i rtogs pa'i rgyal po chen po rdzogs so// //'di'i don slar yang bshad par bya ste/ bcom ldan 'das rdo rje sems dpa'i sbyor ba byas la/ des kyang rnal 'byor chen po de las gsungs pa ji lta ba bzhin du byas te/ bsdus pa'i dkyil 'khor las gsungs pa'i ting nge 'dzin gsum ji lta ba bzhin du bsgom par bya'o/ /de nas dkyil 'khor de ji srid du mngon sum du mthong bar gyur pa de srid kyi bar du nyin re bzhin bsgom par bya'o/ /de nas ji skad du gsungs pa'i dkyil 'khor gyi sa'i dbus su ting nge 'dzin gsum rnam par bsgoms la/ bar snang gi phyogs su ji lta ba bzhin du bzhag ste/ nyi ma 'char ba'i dus su legs par thig gdab par bya'o/ /rdo rje sems dpa'i dkyil 'khor gyi sa'i dbus ma'i re'u cha la yang dpal rdo rje sems dpa'i dkyil 'khor ro/ /rdo rje yid las byung ba'i gnas su rdo rje hUM mdzad kyi dkyil 'khor/ kI li kI la'i gnas su nam mkha'i snying po'i dkyil 'khor/ rdo rje dran pa'i gnas su 'jig rten dbang phyug gi dkyil 'khor/ rdo rje bsnyems pa'i gnas su rdo rje khu tshur gyi dkyil 'khor ro/ /shar lho mtshams kyi re'u cha la 'phags pa 'jam dpal gyi dkyil 'khor/ lho nub mtshams su nam mkha' mdzod kyi'o/ /nub byang mtshams su sems bskyed ma thag tu chos kyi 'khor lo bskor ba'i'o/ /byang shar mtshams su rdo rje gnod sbyin gyi dkyil 'khor legs par bri bar bya'o/ /de nas hUM zhes bya ba nyid kyis lha thams cad sngar bshad pa'i rang gi dkyil 'khor du bris la/ phyi'i dkyil 'khor gyi lha'i snam bu la shar lho mtshams la sogs par rim pa ji lta ba bzhin du zhi ba mdung gis mtshan pa dang / ma mo rnams dang / ming po gsum dang sring mo bzhi'i dkyil 'khor rnams bri bar bya'o/ /shar phyogs kyi sgor ni rdo rje sems dpa'/ lhor ni rdo rje hUM mdzad/ nub tu 'jig rten dbang phyug /byang du nam mkha'i snying po legs par bri bar bya'o/ /de ltar dkyil 'khor bris nas/ de bzhin du rnal 'byor chen po byas la/ dang po rdo rjes yongs su bzung ba'i me tog gi lcug ma las bum pa thams cad dang / bum pa gang ba rnams la hUM zhes bya ba re re zhing brgya rtsa brgyad bzlas la/ dkyil 'khor gyi sgo thams cad phye ste/ rdo rje bsdu ba byas la/ bcom ldan 'das rdo rje sems dpa'i phyag rgya chen po bsgom zhing / mtshan brgya rtsa brgyad kyis bstod pa byas la/ gsang ba'i lcags kyu dang / hUM zhes bya bas lha thams cad rang gi sku gzugs kyi gnas su bcug ste/ rdo rje gnod sbyin gyis bgegs bsal la/ mtshams bcing ba dang / dkyil 'khor bcing ba dang / dra ba dang / ra ba dag byas la/ rdo rje khu tshur gyi sgo bcings te/ rdo rje bsrung bas bsrung ba thams cad go bskon la/ hUM zhes bya bas mchod yon dbul bar bya'o/ /de nas dang po'i rdo rje hUM dr-i sh+ya zhes bya bas blta ba byas nas/ dzaHhUM baM hoH/ sa ma ya s+t+waM sa ma ya s+t+waM a haM hUM zhes lan gsum brjod la bsgrub par bya'o/ /de nas snga ma bzhin du lha thams cad kyi ljags la/ hUM zhes bya ba rnam par bsam par bya ste/ 'di ni 'dir chos kyi phyag rgya'o/ /rang gi snying gar a las sna tshogs rdo rje bsams te/ rdo rje sems dpa' la sogs pa'i las kyi phyag rgya sngar bshad pa rnams hUM zhes bya ba nyid kyis bcing bar bya'o/ /de nas yang rang gi snying gar hUM nyid las rdo rje rtse lnga ba bsams la/ rdo rje sems dpa' la sogs pa'i phyag rgya chen po hUM zhes bya ba nyid kyis bcing bar bya'o/ /de nas snga ma bzhin du rang gis dbang bskur ba'i phyag rgya rnams kyis rdo rje sems dpa' la sogs pa thams cad dbang bskur la/ hUM zhes bya bas dkyil 'khor ba'i lha thams cad la mchod yon phul la/ bum pa dang / bum pa gang ba rnams dang / na bza' dang / bla re la sogs pa phul te/ mchod pa lngas mchod la/ phyi rol du glu dang / gar dang / rol mo dang / rta dang / glang po che dang / ba lang gi khyu rnams kyis kyang mchod pa byed du gzhug go/ /de nas rigs re re zhing phyag rgya'i mchod pa rnam pa bcu gnyis byas la/ oM las rin po che sna bdun dang / dpag bsam gyi shing dang / kha zas ro brgya pa la sogs pa'i bkod pa sprul la/ 'dis dbul bar bya ste/ thal mo khang stong du sbyar ba spyi bor bzhag la/ oM sarba bid pU ra pU ra su ra su ra A wa rta ya A warta ya ho zhes brjod par bya'o/ /de nas phyi rol du gtor ma byin la sbyin sreg bya'o/ /de nas shin tu dmar ba'i gos la/ rdo rje gnod sbyin yongs su bzlas pa de dag las gcig gis smad g.yogs bya/ gnyis pas stod g.yogs byas nas/ yang gcig la rdo rje lcags kyu la sogs pa'i snying po bzhi bzlas pas rang gi gdong g.yogs la/ phyag 'tshal ba la sogs pa sngon du 'gro bas de bzhin du sdom pa bzung zhing / byang chub tu sems bskyed la/ rang gi snying gar rdo rje de bzhin du bskyed de/ shar phyogs kyi sgor bltas nas phyi rol na gnas pa'i bum pa'i chus bdag nyid dbang bskur la/ rdo rje sems dpa'i dkyil 'khor chen por 'jug pa'i tshul gyis zhugs te/ de bzhin du cho ga thams cad rjes su spyad par bya'o/ /slob dpon gyi las kyi cho ga rgyas pa rdzogs so/ / //de nas slob ma rnams la yang rdo rje sems dpa'i dkyil 'khor chen por bshad pa'i cho ga thams cad 'dir bya'o/ /slob ma gzhug pa la sogs pa'i cho ga rgyas pa rdzogs so// //de ltar dam tshig dang dbang bskur ba rnams la slob dpon gyis dngos grub kyi ye shes bslab par byas nas/ de bzhin du rdo rje sems dpa' la sogs pa rang gi dkyil 'khor du gsungs pa rnams 'grub par 'gyur ro/ /gang yang rdo rje hUM mdzad la sogs pa sgrub pa po rdo rje hUM mdzad la sogs pa'i cho ga 'dod pa de rnams kyi ni rdo rje hUM mdzad la sogs pa'i dkyil 'khor du bshad pa'i dbang bskur ba la sogs pa'i cho ga 'dir bya'o/ /bsdus pa'i dkyil 'khor gyi bshad pa rdzogs so// //'dir 'jig rten pa'i lha rnams la lhag par mos pa'i sems can rnams rjes su gzung ba'i phyir/ zhi ba mdung gis mtshan pa la sogs pa'i dkyil 'khor gyi de kho na nyid ston par byed pa'i shes rab kyi pha rol tu phyin pa'i tshul gsungs pa ni/ de nas zhes bya ba la sogs pa yin la/ de nas zhes bya ba'i sgra ni snga ma bzhin te/ bcom ldan 'das rnam par snang mdzad 'dod pa'i khams thams cad kyi lha'i rgyal po'i gnas na phyag na rdo rje la sogs pa rnams kyis yongs su bskor nas/ ji lta ba bzhin du bzhugs pa dang / de nas de'i rjes thogs nyid la shes rab kyi pha rol tu phyin pa'i tshul 'di bshad do zhes bya bar sbyar ro/ /sems can thams cad byin gyis rlob pa zhes bya ba la/ sems can thams cad ni 'jig rten pa'i lha rnams la lhag par mos pa'o/ /de rnams byin gyis rlob pa ni de bzhin gshegs pa'i bdag nyid du mos pa bskyed pas bdag tu 'dzin pa la sogs pa dang bral te/ de bzhin gshegs pa la sogs pa la lhag par mos pa bskyed pa ste/ ming de skad ces bya ba'i shes rab kyi pha rol tu phyin pa'i tshul 'di bcom ldan 'das rnam par snang mdzad kyis bshad pa ni bka' stsal pa'o/ /sems can thams cad de bzhin gshegs pa'i snying po can no zhes bya ba la sems can thams cad ni 'dod pa dang / gzugs dang gzugs med pa'i srid pa'i ngo bo nyid de/ de ni de bzhin gshegs pa'i snying po can no/ de la byang chub kyi sems chen po dang / mi bskyod pa'i ngo bo nyid yin pas/ de bzhin gshegs pa'i rigs ni de bzhin gshegs pa ste/ de nyid gang gi snying po yin pa de la ni de skad ces bya'o/ /'dir rgyu bstan par bya ba'i phyir/ byang chub sems dpa' sems dpa' chen po kun du bzang po thams cad kyi rang bzhin nyid yin pas zhes bya ba gsungs te/ de la byang chub kyi sems chen po dang / de bzhin gshegs pa'i rigs de dag nyid ni byang chub chen po'i ngo bo nyid yin pas na byang chub sems dpa' chen po'o/ /kun du bzang po'i byang chub kyi sems chen po rtogs par byed pa'i ngo bo dang / de bzhin gshegs pa'i rigs kyi rigs rtogs pa'i ngo bo ste/ de rnal 'byor pa 'di yid las 'byung bar 'gyur bas kun du bzang po'o/ /byang chub sems dpa' chen po yang yin la kun du bzang po yang yin pas na/ byang chub sems dpa' sems dpa' chen po kun du bzang po ste/ de ni thams cad du sems can thams cad kyi rang bzhin yin pas na/ de ni byang chub sems dpa' chen po kun du bzang po thams cad kyi rang bzhin no/ /de rnams su gyur pas na rang bzhin nyid de/ des na sems can thams cad ni de bzhin gshegs pa'i snying po can no/ /de skad du lang kar gshegs pa'i mdo las/ de bzhin gshegs pa'i snying po gsal zhing dag la rnyog pa med pa/ sems can gyi rgyud la gnas te/ skyes bu chen po'i mtshan sum cu rtsa gnyis yang dag par ldan pa dang / dpe byad bzang po brgyad cus legs par brgyan pa'o zhes gsungs pa'i phyir ro/ /'di skad ston par 'gyur te/ don dam par byang chub chen po'i mtshan nyid can gyi sems kyi ngo bo nyid dang / de bzhin gshegs pa'i rigs kyi ngo bo nyid ni sems can thams cad kyi ngo bo nyid yin te/ yang dag pa ma yin par yongs su brtags pa nyid shin tu ma skyes pa yin pa'i phyir ro/ /sems can thams cad ni rdo rje'i snying po can no zhes bya ba la rdo rje ni rdo rje nor bu'i sbyin pa'i pha rol tu phyin pa dang / rin po che'i rigs so/ /de nyid ces bya ba la sogs pa ni snga ma bzhin no/ /'dir yang rgyu bstan par bya ba'i phyir rdo rje snying pos dbang bskur ba nyid pas zhes bya ba gsungs te/ rdo rje nor bu'i sbyin pa'i pha rol tu phyin pa dang / rin po che'i rigs kyi ngo bo nyid kyi rdo rje snying pos dbang bskur ba gang yin pa de ni rdo rje snying pos dbang bskur ba ste/ de rnams kyi ngo bo nyid ni dbang bskur ba nyid do/ /'di skad ston par 'gyur te/ gang nyon mongs pa can gyi yid de nyid ni shin tu yang skye ba med pa yin te/ de bas na don dam par rdo rje nor bu sbyin pa'i pha rol tu phyin pa dang / rin po che'i rigs kyi snying po can ni sems can thams cad yin no/ /sems can thams cad ni chos kyi snying po can no zhes bya ba la/ chos ni shes rab kyi pha rol tu phyin pa dang pad+ma'i rigs so/ /de nyid ces bya ba la sogs pa yang de bzhin no/ /'dir rgyu bstan par bya ba'i phyir/ ngag thams cad rab tu byung ba nyid pas zhes bya ba gsungs te/ chos dang / don dang / nges pa'i tshig dang / spobs pa so so yang dag par rig pa'i ngo bo nyid dang / shes rab kyi pha rol tu phyin pa dang / pad+ma'i rigs thams cad ni ngag thams cad do/ /de'i rab tu byung ba ni gang sems can thams cad kyi rgyud la rab tu 'jug pa de la ni/ ngag thams cad rab tu 'byung ba'o/ /de rnams kyi dngos po ni ngag thams cad rab tu byung ba nyid de/ des na sems can thams cad la chos kyi snying po can no/ /'dis ni 'di skad ston par 'gyur te/ gang so sor rtog pa can gyi shes rab dang / ye shes kyi rnam par shes pa ni don dam par ma skyes pa yin te/ de bas na sems can thams cad chos dang / don dang / nges pa'i tshig dang / spobs pa so so yang dag par rig pa dang / shes rab kyi pha rol tu phyin pa dang / pad+ma'i rigs kyi ngo bo nyid kyi chos kyi snying po can no/ /sems can thams cad ni las kyi snying po can no zhes bya ba la las ni brtson 'grus kyi pha rol tu phyin pa dang / las kyi rigs so/ /de nyid de rnams kyi snying po yin pa'am/ de'i snying po can gang yin pa de dag ni las kyi snying po can no/ /'dir yang rgyu bstan pa'i phyir/ sems can thams cad kyi bya ba byed pa la sbyor bas zhes bya ba gsungs te/ sems can thams cad kyi bya ba ni brtson 'grus kyi pha rol tu phyin pa dang / las kyi rigs so/ /de'i byed pa ni de la 'jug pa gang yin pa de ni sems can thams cad kyi bya ba byed pa'o/ /de rnams kyi dngos po ni sems can thams cad kyi bya ba byed pa nyid do/ /de dang mthar thug par rab tu sbyor zhing 'brel pas sems can thams cad kyi bya ba byed pa nyid la sbyor ba ste/ des na sems can thams cad kyi bya ba byed pa nyid la sbyor bas so zhes bya ba'i sgras ni nges par bzung ba ste/ sbyor ba nyid kyis zhes bya ba'i don to/ /'dis ni 'di skad ston pa yin te/ gang mig dang / rna ba dang / sna dang / lce dang / lus kyi rnam par shes pa ni don dam par rang bzhin gyis 'od gsal ba yin pas ma skyes pa'o/ /de bas na sems can thams cad ni brtson 'grus kyi pha rol tu phyin pa las byas pa dang / las kyi rigs kyi ngo bo nyid ni las kyi snying po'o/ /de ltar shes rab kyi pha rol tu phyin pa bstan pa 'dis/ sems can thams cad de bzhin gshegs pa'i snying po la sogs pa ston par byed pas/ don dam par sems can thams cad ni byang chub kyi sems dang / de bzhin gshegs pa'i rigs dang / sbyin pa'i pha rol tu phyin pa dang / rin po che'i rigs dang / shes rab kyi pha rol tu phyin pa dang / pad+ma'i rigs dang / brtson 'grus kyi pha rol tu phyin pa dang / las kyi rigs kyi ngo bo nyid du ston pa yin no/ /gzhung 'di dag gis ni phyi rol gyi rdo rje'i rigs bzhi'i thun mong gi dang po'i sbyor ba'i ting nge 'dzin gsungs pa yin no/ /de ni de nas zhes bya ba la sogs pas/ ting nge 'dzin gsungs pa yin la/ de nas zhes bya ba'i sgra ni snga ma bzhin te/ de ltar bcom ldan 'das rnam par snang mdzad kyis shes rab kyi pha rol tu phyin pa ston par mdzad pas phyi rol gyi rdo rje'i rigs la lhag par mos pa'i sems can rnams gdul bar bya ba'i phyir/ bcom ldan 'das phyag na rdo rje la bskul ba dang / de'i rjes thogs nyid la rdo rje'i dbang phyug ma la sogs pa phyi rol gyi rdo rje'i rigs kyi gzugs kyi zhib mdung gis mtshan pa la sogs pa'i dkyil 'khor skyed par byed pa'i snying po smras par gyur pa ni dri zhes bya ba bcom ldan 'das rdo rje 'dzin pas rdo rje'i dbang phyug gi gzugs kyis gsungs pa'o/ /de nas de'i rjes thogs nyid la zhi ba mdung gis mtshan pa'i dkyil 'khor 'di bcom ldan 'das phyag na rdo rjes rdo rje dbang phyug gi gzugs kyi gnas pa thugs ka nas byung nas rang gi gnas su gnas par shes par bya'o/ /de ltar na gzhung 'di dag gis ting nge 'dzin gnyis pa gsungs pa yin no/ /bsdus pa nas brtsams te gsum pa yin par shes par bya'o// //dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i cho ga bstan par bya ba'i phyir/ de nas dkyil 'khor bshad par bya ste zhes bya ba la sogs pa gsungs te/ 'dis ni slob dpon gyi las kyi cho ga dang / slob ma zhugs pa la sogs pa'i cho ga yang gsungs pa yin no/ /de nas zhes bya ba'i sgra ni 'das ma thag pa ston par byed pa ste/ ting nge 'dzin gsum pa bsgom pa nas brtsams te/ ji srid mngon sum du mthong bar gyur pa de srid kyi bar du dkyil 'khor du bsgom par bya'o/ /de nas de'i rjes thogs nyid la ting nge 'dzin gsum bsgoms la dkyil 'khor 'di bri bar bya'o/ /dkyil 'khor bshad par bya ste/ zhes bya ba ni brtson pa la 'jug pa'o/ /kun nas zlum pa zhes bya ba ni dbyibs zlum pa'o/ /thig gsum pa zhes bya ba ni rim pa gsum pa'o/ /dkyil 'khor chen po zhes bya ba ni phyag rgya chen po gtso bor byas pa'o/ /sgo bzhi pa zhes bya ba la sogs pa la rim pa re re zhing so sor sgo bzhi bri zhing / mtshams su ni mdung rtse gsum pa bris la/ de'i dbus su dbang phyug chen po ji lta ba bzhin du bris la/ dbang phyug chen po'i de'i phyogs dang mtshams rnams te/ logs thams cad du tshogs brgyad po ste/ ba lang gi rna ba'i dbang phyug gi bar du bri bar bya'o/ /de'i mtshams rnams su ni ma mo'i tshogs thams cad ces bya ba ni rim pa dbus mar ro/ /gnas ji lta ba bzhin du zhes bya ba ni ji ltar 'og nas bshad pa bzhin du'o/ /sgo rnams su dbyig pa'i dbang phyug la sogs pa bri bar bya'o/ /phyi rol du ni 'byung po rnams dang yi ge rnams bri bar bya'o zhes bya ba ni rim pa gsum pa'i phyi'i dkyil 'khor gyi rang bzhin gyi rim pa la ni 'byung po brgyad kyi yi ge brgyad bri bar bya'o/ / de nas zhes bya ba la sogs pa la de ltar dkyil 'khor bris nas/ slob dpon thal ba gtsang mas lus bskus shing gos gtsang ma bgos te/ mdung rtse gsum gyi mtshan mas gzhug par bya'o/ /zhugs nas kyang sems can kun la zhes bya ba la sogs pa'i cho ga brjod par bya'o/ / sems can zhes bya ba la sogs pa la phan pa rgya chen po'i bde bar rnam par smin pa las te/ de'i don du drag po'i las dngos po med pa'i ngo bo nyid do zhes bya bar sbyar ro/ /bstan pa/ gdug pa thams cad grub pa'i phyir/ /zhes bya ba ni gdug pa rnams 'dul ba'i phyir ma rungs pa'i las bya ba ste/ de bzhin gshegs pa'i bka' ni gdug pa rnams 'dul ba'o/ /de grub pa ni rdzogs pa ste de'i don du'o/ /'dod pa kun gyi bdag po dang / /zhes bya ba ni 'dod pa'i yon tan lnga po dag gi bdag po nyid dang / rdo rje dbang phyug la sogs pa'i bdag po nyid ni 'dod pa thams cad kyi bdag po ste 'dod pa thams cad kyi bdag po nyid do/ /drag po'i las kyi ngo bo nyid/ /ces bya ba ni rdo rje dbang phyug gi las ni drag po'i las te/ las de'i dngos po de gyis shig bod pa'o/ /'di skad ston pa yin te/ gang rdo rje dbang phyug gi las sna tshogs pa de gyis shig pa'o/ /de lta bu des ni de'i phyag rgya chen po 'grub par 'gyur ro zhes bya ba'o/ /de nas phyag rgya'i ye shes bslab ste zhes bya ba ni slob ma bcug nas de rnams kyi phyag rgya chen po la sogs pa bslab par bya'o/ /de nas nye bar sdud pa'i dus su yang phyi rol du gtor ma ji lta ba bzhin du byin la/ dkyil 'khor nye bar bsdu bar bya'o/ /de nas brtsams te zhes bya ba ni dkyil 'khor du 'jug pa nas nye bar gzung bar bya'o/ /'jigs pa med par zhes bya ba ni phyi rol gyi lha rnams kyi 'tshe ba dang bral ba'o/ /dngos grub thams cad ces bya ba ni rdo rje dbang phyug dang / phyag rgya chen po la sogs pa'i dngos grub rnams kyi rgyur gyur pas so/ /phun sum tshogs pa thams cad kyis/ /zhes bya ba ni rdo rje dbang phyug la sogs pa'i phun sum tshogs pa rnams kyis so/ bde ba dang yid bde ba thams cad rjes su myong nas zhes bya ba ni rdo rje dbang phyug la sogs pa de rnams nyid kyi'o/ /drag po'i 'jig rten du zhes bya ba ni 'jig rten du grags pa'o/ /mchod par 'gyur ro zhes bya ba ni rdo rje dbang phyug dang 'dra bar yang dag par mchod par 'gyur bas so/ /de'i don 'di yin par bshad par bya ste/ rdo rje dbang phyug gi sbyor ba byas la/ ting nge 'dzin bsgom pa nas brtsams te/ ji srid mtshan ma thob cing rjes su gnang ba thob kyi bar du dkyil 'khor 'di bsgom par bya'o/ /de nas dkyil 'khor gyi sa'i dbus su ting nge 'dzin gsum rnam par bsgoms la/ bar snang gi gnas su dkyil 'khor snga ma bzhin du gzhag la/ nyi ma 'char ba'i dus su legs par thig gdab par bya ste/ kun nas zlum po la/ rim pa gsum pa/ dbus ma nyis 'gyur/ rim pa gsum pa ni phyi'i dkyil 'khor gyi rang bzhin te/ rim pa gsum pa sum 'gyur ro/ /thams cad kyi sgo bzhi pa la mtshams bzhir mdung rtse gsum pas mtshan pa bri bar bya'o/ /de nas dkyil 'khor dbus ma'i dbus su dbang phyug chen po gdong bzhi pa dgod par bya ste/ gdong dang po zhi ba/ gdong lhag ma rnams ni drag cing 'jigs par byed pa bri bar bya'o/ /khro bo chen po 'jigs byed lag pa bzhi pa kha dog nag po lag pa gnyis na rtse gsum dang thod pa/ yang gnyis kyis glang po che'i pags pa rlan dang bcas pa ba dan gyi tshul gyis 'dzin pas gnas pa/ de'i spyi bor bri bar bya'o/ /rdo rje dbang phyug de'i mdun gyi lag pa bzhin/ mdung rtse gsum pa dang / kha T+wAM ga dang / phreng ba dang / g.yung drung gis mtshan pa 'dzin par bya'o/ /de bzhin du de'i rgyab kyi lag pa bzhi la yang de bzhin du bya'o/ /dkyil 'khor dbus ma de nyid shar phyogs kyi logs su nag po chen po lag na tri shU la thogs pa'o/ /lho phyogs su dga' byed dbang phyug rdza rnga brdung ba la brtson pa'o/ /nub phyogs su dril chen lag na dril bu thogs pa'o/ /byang phyogs su gar gyi dbang phyug lag na mdung rtse la sogs pa thogs pa'o/ /shar lho mtshams su thod pa bzang po lag na thod pa thogs pa'o/ /lho nub mtshams su gtum pa'i dbang phyug phyag na tri shU la dang / ral gri dang / kha T+wAM ga dang / thod pa thogs pa'o/ /nub byang mtshams su khaT+wAM ga lag na kha T+wAM ga dang / thod pa thogs pa'o/ / byang shar mtshams su ba lang rna ba'i dbang phyug lag na tri shU la thogs pa'o/ /rim pa gnyis pa'i shar phyogs su drag mo lag na mdung rtse gsum pa thogs pa'o/ /lhor tshangs pa mo lag na bgrang phreng thogs pa'o/ /nub tu khyab 'jug mo lag na 'khor lo thogs pa'o/ /byang phyogs su gzhon nu ma lag na dril bu thogs pa'o/ /shar lho mtshams su nag mo lag na thod pa khrag dang bcas pa dang 'khar gsil thogs pa'o/ /lho nub mtshams su nag mo chen mo lag na chu gri thogs pa'o/ /nub byang mtshams su zab mo lag na mche ba thogs pa'o/ / byang shar mtshams su srin mo lag na kha T+wAM ga thogs pa bri bar bya'o/ /dkyil 'khor gyi de nyid kyi shar phyogs kyi sgor zhi ba lag na thod pa thogs pa'o/ lhor b+hA+e ruN+Da lag na rus pa'i lu gu rgyud thogs pa'o/ /nub tu gtum mo lag na bya rgod thogs pa'o/ /byang du 'jigs byed ma lag na byi la thogs pa'o/ /rim pa gsum po la 'byung po'i yi ge tri brgyad phreng brgyad du gnas pa bri bar bya'o/ /phyi dang nang du bcas pa'i shar phyogs kyi sgor dbyig pa'i dbang phyug lag na thod pa dang 'khar ba thogs pa'o/ /lhor mgo bo'i dbang phyug lag na ti shU la dang thod pa thogs pa'o/ /nub tu dril bu'i rna ba lag na dril bu thogs pa'o/ /byang phyogs su drag po chen po lag na thod pa dang tri shU la thogs pa bri bar bya'o/ /'dir lha thams cad kyi snying po ni tri zhes bya ba yin par shes par bya'o/ /de ltar na rdo rje dbang phyug gi sbyor bas dkyil 'khor bris la/ mdung rtse gsum gyis mtshan pa'i phyag rgyas bzung ba'i rtse gsum pa dang / me tog gi yal ga las bum pa thams cad dang bum pa gang ba rnams tri zhes bya ba re re zhing lan brgya rtsa brgyad yongs su bzlas la/ dkyil 'khor gyi sgo thams cad phye ste/ tri zhes bya bas rdo rje dbang phyug 'khor dang bcas pa la mchod yon phul la/ bum pa gang ba rnams dang / gos dang bla re la sogs pa bstabs te/ mchod pa rnam pa lngas mchod la/ ji skad du bshad pa'i rang gi las kyi phyag rgya rnams kyis kyang mchod de/ phyi rol du gtor ma byin nas sbyin sreg bya'o/ /de nas ras dkar po la rdo rje gnod sbyin dang / dri yongs su bzlas la/ de dag las gcig gis smad g.yogs bya/ gnyis pas ni stod g.yogs bya/ gsum pas rang gi gdong g.yogs la/ tri zhes bya ba yongs su bzlas pa'i thal ba gtsang mas lus la byugs te/ phyag byas la/ byang chub tu sems bskyed nas/ de bzhin du rang gi snying gar rdo rje bsams la/ shar phyogs kyi sgor bltas nas/ phyi rol na gnas pa'i bum pa'i chus dbang bskur nas/ rtse gsum pas mtshan ma bcings te/ de nyid kyis me tog gi phreng ba bzung la/ badzra badzra tri zhes brjod cing dkyil 'khor du 'jug par 'gyur ba'o/ /de nas 'di skad ces brjod par bya ste/ kye drag po 'byung ba'i bdag po dbang du mdzod cig ces brjod do/ /de nas phyag byas la dkyil 'khor la bskor ba lan gsum byas nas/ rdo rje dbang phyug gi mdun du 'dug ste/ 'di skad ces brjod par bya'o/ /dzaHhUM baM hoH/ pra sid+d+h+ye ma na/ de nas rdo rje chu 'thungs la/ /a zhes bya ba lan brgya zlos shing / bdag nyid la dbab pa bya'o/ /yang g.yon pa'i khu tshur gyis rdo rje sems ma phye la/ a zhes bya ba de bzhin du zlos shing bdag nyid la dbab pa bya'o/ /de nas tri zhes bya bas me tog dor ro/ /de nas de blangs la de nyid kyis rang gi mgo la bcing bar bya'o/ /de nas de nyid kyis gdong g.yogs dgrol bar bya'o/ /de nas de nyid zlos shing shar phyogs kyi cha nas brtsams te/ dkyil 'khor blta bar bya'o/ /de nas rtse mo gsum gyis mtshan pa bcings la/ tiSh+Tha badzra zhes bya ba la sogs pas rang gi snying gar dgrol bar bya'o/ /de nas rdo rje dbang phyug gi phyag rgya chen po bcings la/ rdo rje lta bas de la blta zhing ji srid du rdo rje dbang phyug gi mthong bar byin nas/ rang gi dngos grub rnams ster bar gyur pa de srid kyi bar du tri zhes bya ba bzlas brjod bya'o/ /de nas rdo rje dbang phyug rdo rje'i lta bas bltas la/ rdo rje thal mo bskor bas phyag byas te/ me tog la sogs pa'i dbang bskur ba blang bar bya'o/ /de la dang po kho nar zhi ba mdung gis mtshan pas yongs su bzung ba'i mdung rtse gsum pa dang / me tog gi yal ga las kyang rnam par rgyal ba'i bum pa las sngar bshad pa'i bum pa'i sngags de bzhin du yongs su zlos te/ bdag nyid rdo rje dbang phyug tu byin gyis brlabs la/ phyi'i dkyil 'khor gyi nang du sna tshogs pad+ma bris nas/ de'i steng du rdo rje dbang phyug gi phyag rgya chen pos 'dug ste me tog la sogs pas bdag nyid yang dag par mchod la/ mchod yon blangs te/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa tri zhes zlos shing des bdag nyid dbang bskur bar bya la/ chu de btung bar yang bya'o/ /de nas rin po che'i cod pan dang / dar dpyangs dang / dbang bskur ba'i phyag rgyas rin po che'i cod pan dang / dar dpyangs kyis bdag nyid dbang bskur bar bya zhing / tri zhes bya bas mdung rtse gsum dril bu dang bcas pa blangs la tri zhes bya ba nyid zlos shing rdo rje dbang phyug gi ming gis dbang bskur bas bdag nyid dbang bskur ba dang / tri zhes bya ba nyid kyis bdag po'i dbang bskur ba blangs te/ mdung rtse gsum de kho na nyid kyis gzung bar bya'o/ /de la 'jig rten pa 'di dag thams cad ni bcom ldan 'das phyag na rdo rjes dkyil 'khor du bcug nas/ rdo rjer mdzad pa de rnams kyi phyag rgya gang yin pa de ni rdo rje'i phyag rgya zhes bya ste/ de kho na nyid do/ /de nas dril bu chos kyi dkrol bar bya ste/ de la chos ni 'di yin te/ sems can kun la phan pa'i phyir/ /gdug pa 'dul ba grub phyir dang / /'dod kun bdag po nyid kyi phyir/ /gdug pa'i lag la gnas par gyis/ de nas dam tshig gi phyag rgya chen por byin gyis brlab bo/ /de ni 'di yin te/ 'di ni khyod kyi dam tshig chos/ /yang dag bden par smra bya ba/ /de ni khyod kyis brnyas mi bya/ /bden pa yang dag yin zhes bshad/ /ces bya ba ni dam tshig go/ /de nas brtul zhugs blang bar bya ste/ 'chi ba'i dbang du gyur kyang ni/ /mi bden nam yang smra mi bya/ /'byung po'i gdon yang gzhan min te/ /'di ni bden pa min las byung / /de nas brtsams te 'byung po thams cad dbang du 'gyur ba dang / dbang phyug chen po yang dngos grub thams cad ster bar 'gyur ro/ /de nas me tog la sogs pas bdag nyid yang dag par mchod de/ rang gi las kyi phyag rgya rnams kyis kyang mchod la/ dbang bskur ba blangs te/ rdo rje dbang phyug la phyag byas la/ tri zhes bya bas bzang nas yang bdag la byin gyis brlab pa la sogs pa byas te/ rang gi ming brjod cing / dkyil 'khor rdo rjes bsgrub par bya'o/ /de nas bsdu ba byas la/ oM tri ha ha ha zhes bya ba phyag rgya dang bcas pas bcom ldan 'das rdo rje dbang phyug 'khor dang bcas pa dkyil 'khor du bcug la/ gnas ji lta ba bzhin du gzhag par bya'o/ /lag pa g.yon pa sor mo dbus ma gsum bsgreng la/ bden bral gyi phyogs su dpung pa gyen du brkyang nas/ g.yas pas lag mthil du sor mo gsum bsdus la mthe bo dang mthe chung brkyang nas/ kha T+wAM ga 'dzin par bya ba'i phyag rgya bcings la/ lag pa g.yon pa'i gung mo lcags kyur bya ba 'di ni rdo rje dbang phyug 'khor dang bcas pa spyan drang ba'i phyag rgya ste/ 'dis dbang phyug chen po 'khor dang bcas pa bkug la/ tri zhes bya ba'i sgra brjod par bya'o/ /de nas rdo rje gnod sbyin gyis bgegs bsal la/ mtshams bcing ba dang / dkyil 'khor bcing ba dang / rab dang / dra ba dag byas la/ rdo rje khu tshur gyis dkyil 'khor gyi sgo bcings te/ rdo rje srung bas bsrung ba thams cad go cha bskon la/ tri zhes bya bas mchod yon phul te/ mdung rtse gsum pa'i mig gis tri dr-i sh+ya zhes bya bas 'khor dang bcas pa blta bar byas la/ dzaHhUM baM hoH/ sa ma ya s+t+waM sa ma ya s+t+waM a haM tri zhes lan gsum brjod la/ bsgrub par bya'o/ /de nas lag pa gnyis kyi mthe bo dang / mthe chung lcags sgrog ltar mdung rtse gsum pas mtshan pa ni dam tshig gi phyag rgya'o/ /snga ma bzhin du lce la rdo rje bsams la/ dbang phyug chen po la sogs pa'i lce la tri zhes bya ba bsam par bya ste/ 'di ni 'dir chos kyi phyag rgya'o/ /snying gar a las sna tshogs rdo rje bsams la/ rdo rje dbang phyug la sogs pa'i phyag rgya chen po ji ltar bris pa dang / rjes su mthun par tri zhes bya ba zlos shing / gar byed pa'i tshul gyis bcing ba 'di ni de rnams kyi las kyi phyag rgya'o/ /rang gi snying gar hUM las rdo rje rnam par bsams la/ tri zhes bya ba zlos shing / ji ltar bris pa dang rjes su mthun par rdo rje dbang phyug la sogs pa'i phyag rgya chen po bcing bar bya'o/ /de nas rdo rje rin chen gyi bsdu ba'i phyag rgyas rdo rje dbang phyug 'khor dang bcas pa dbang bskur ba la/ tri zhes bya bas rdo rje dbang phyug 'khor dang bcas pa la mchod yon phul nas mchod pa rnam pa lnga dang / phyag rgya rnams kyis yang dag par mchod la/ slob ma gzhug par bya ba'i phyir/ /rjes su gnang ba mnos nas slob ma gzhug par bya'o/ /de nas slob ma rnams la cho ga thams cad bya'o/ /zhi ba mdung gis mtshan pa'i dkyil 'khor ro zhes bya ba la zhi ba ni dbang phyug chen po'o/ /de'i mdung ni mdung rtse gsum pa'o/ / de'i mtshan pa ni des dkyil 'khor gang la mtshan par byas pa de ni zhi ba'i mdung gis mtshan pa'i dkyil 'khor ro zhes bya'o/ /phyi rol gyi rdo rje'i rigs la phyag bya ba na de la dad pa nyid kyis bya'i 'jig rten las 'das pa'i lha rnams la lhag par mos pa rnams kyis ni ma yin te/ de rnams kyis ni 'jug pa dang / dbang bskur ba dang / sngags bzung ba rnams phyag mi bya bar bya'o/ /dpal mchog dang po'i shes rab kyi pha rol tu phyin pa'i dum bu las gsungs pa'i zhi ba mdung gis mtshan pa'i dkyil 'khor gyi bshad pa rdzogs so// //de ltar zhi ba mdung gis mtshan pa'i dkyil 'khor bshad nas/ da ni ma mo rnams kyis 'dul ba nyid las brtsams te/ ma mo'i dkyil 'khor gsungs pa yin no/ /de nas zhes bya ba'i sgra ni snga ma bzhin no/ /'dir dang po sbyor ba'i ting nge 'dzin ni zhi ba mdung gis mtshan pa'i dkyil 'khor chen por gsungs pa nyid do/ /thams cad dgug pa dang zhes bya ba la snying po la sogs pas thams cad dgug pa ni dgug pa'o/ /gzhug pa dang zhes bya ba ni dkyil 'khor la sogs par sems can thams cad la sogs pa gzhug pa'o/ /sems can thams cad bsad pa sems med par bya ba dang shin tu bsad pa'o/ /sgrub pa ni phyag rgya chen po la sogs pa bsgrub pa'o/ /dam tshig ni thams cad dgug pa dang / gzhug pa dang / bsad pa dang / sgrub pa de rnams kyi rgyu ste/ gang la ming de skad ces bya ba'i snying po ni nges pa'i ye shes te/ de bsgom pa dang de ston par byed pa'i sga yang nye bar gdags pas de skad ces bya ba'o/ /de smras pa ni bshad par gyur pa ste/ b+h+yo zhes bya'o/ /bshad pa 'di dag gi ting nge 'dzin gnyis pa smras pa yin no/ /de nas 'dus pa nas brtsams te/ gsum pa yin par shes bar bya'o/ / //da ni dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i don bstan par bya ba'i phyir/ de nas dkyil 'khor bshad par bya ste zhes bya ba la sogs pa smos pa ni slob dpon gyi las kyi cho ga gsungs pa yin no/ /de nas zhes bya ba'i sgra ni de ma thag pa ste/ sngon du brten pa'i rjes thogs la zhes bya ba'i don to/ /'di'i zhes bya ba ni snying po 'di'i'o/ /dkyil 'khor bshad par bya ste zhes bya ba ni go bar zad do/ /zur bzhi pa ni zhes bya ba la sogs pa ni go sla'o/ /de ltar dkyil 'khor bris nas de'i rjes thogs nyid la ma mo'i tshogs kyi phyag rgya'i slob dpon chos spyod pa gtsang ba zhes bya ba ni dge ba bcu'i las kyi lam gyi chus mi dge ba bcu'i las kyi lam bkrus pa'i rgyud dang ldan pa dang / phyi'i chu'i khrus kyis phyi'i dri ma dang bral ba ni chos spyod pa dang gtsang ba'o/ /gos gtsang ma bgos pa zhes bya ba ni go bar zad do/ /thams cad za ba'am zhes bya ba ni nges pa ma bzung zhing phyi'i gtsang sbra'i spyod pa dang bral ba/ tshol ba'i rgyud la mngon par dga' bas/ gzugs dang / sgra dang / dri dang / ro dang / reg bya rnams la nye bar spyod pa'o/ /thams cad spyad pa la yang smad pa med de zhes bya ba ni ma mo rnams bsgrub pa'o/ /zhi ba'i pho nya'i phyag rgyas zhugs la zhes bya ba ni mkhrig ma gnyis bsnol la/ lag pa gnyis brkyang ste sa la bzhag nas/ 'phags pa'i tshul gyis tsog pur 'dug la/ ce spyang gi sgra 'don par bya'o/ /zhugs la zhes bya ba ni zhi ba'i pho nya'i phyag rgya 'dis ma mo thams cad dang / mkha' 'gro'i tshogs thams cad der 'dus par gyur pa'o/ /snying po bzlas par bya'o zhes bya ba ni b+h+yo zhes bya bar bzlas pa'o/ /de nas b+h+yo zhes pa bzlas pa tsam gyis dkyil 'khor gyi dbus nas b+h+yo chen po thos par 'gyur ro/ /de nas zhes bya ba la sogs pa ni go sla'o/ /gdug pa'i dam tshig ni ma gtogs so zhes bya ba ni gang gdon gyis zin pa de ni gdug pa'i dam tshig gi phyag rgya gzhug ste/ gdug pa'i dam tshig de ma gtogs pa'o/ /de nas zhes bya ba la sogs pa la de ltar slob dpon gyi rang gi cho ga rnams rjes su spyad la/ de'i rjes thogs nyid la slob ma rnams nag po chen po'i dam tshig gi phyag rgyas gzhug par bya ste/ lag pa g.yon pa mdun du dpung pa bkug la/ kha T+wAM ga 'dzin pa'i khu tshur dang / g.yas pa'i dpung pa brkyang nas/ ba dan gsum par byas la/ mthe bo dang / srin lag gi thod pa 'dzin pa lta bu chu 'thung ba'i phyag rgya ste/ nag po chen po'i dam tshig gi phyag rgya yin la/ 'dis slob ma rnams gzhug par bya'o/ /zhugs nas de rnams la slob dpon gyis rna bar b+h+yo zhes bya ba sgra chen pos sbyar bar bya zhing brjod par bya'o/ /de nas zhes bya ba la sogs pa ni go sla'o/ /bdug pa la sogs pa'i phyag rgyas mchod nas zhes bya ba ni rdo rje bdug pa la sogs pa'i phyag rgya rnams kyis phyi'i bdug pa la sogs pa blangs nas/ b+h+yo zhes bya ba nyid kyis dkyil 'khor ba thams cad mchod par bya'o/ /de nas b+h+yo zhes bya bas a ra li zhes bya ba'i phyi rol pa'i snying po slob ma rnams la sbyin par bya zhing / nag po chen po la sogs pa'i mtshan ma kha T+wAM ga la sogs pa de rnams sbyin par bya'o/ /de nas zhes bya ba la sogs pa la/ de ltar rang gi mtshan ma rnams byin nas sems can thams cad de/ sems can du ma la gnod pa byed pa'i gdug pa dang / dkon mchog gsum la gnod par byed pa de rnams khyod kyis rgyas gdab par bya ba dang / dam tshig la smod de/ gang dkyil 'khor la smod par byed pa de yang khyod kyis bza' bar bya ba dang / khyod kyis rang gi sngags rnams bstan par mi bya ba ste/ dam tshig gsum po de dag ni khyod la rnal 'byor gyi dngos grub ster bar byed pa yin no zhes slob ma la slob dpon gyi dam tshig bstan par bya'o/ /drag po'i dam tshig mdung rtse ste/ /zhes bya ba ni mdung rtse gsum pa'o/ /ma mo rnams kyis rgyas 'debs pa/ /zhes bya ba ni gang ma mo'i tshogs rnams kyis rgyas 'debs pa'i las dang / de'i snying po khyed kyis nam yang mi smra ba'o/ /gal te 'das na khyed kyi snying / /rtag tu 'jig par byed par 'gyur/ /zhes bya ba ni drag po'i rtse gsum gyis khyed kyi snying gzhig par 'gyur ba dang / ma mo rnams kyis gang rgyas 'debs pa'i las des khyod kyi snying rtag tu rgyas 'debs par 'gyur ro/ /gal te zhes bya ba ni gal te khyod 'das na zhes bya ba'i don to/ /de nas zhes bya ba la sogs pa la de nas phyag rgya chen po la sogs pa phyag rgya thams cad kyi ye shes bslab par bya'o/ /bslabs nas slob dpon gyi las kyi phyag rgya rnams kyis gar gyi mchod pa bya zhing / me tog la sogs pas dkyil 'khor mchod la/ dkyil 'khor du gtor ma sbyin par bya'o/ /de nas dkyil 'khor du bstabs pa'i bza' ba dang / bca' ba dang / btung ba thams cad kyis slob ma rnams tshim par byas la/ dkyil 'khor ji lta ba bzhin du nye bar bsdus te phyir 'byung bar bya'o/ /phyag rgya'i dkyil 'khor ro zhes bya ba la phyag rgya ni rdo rje dbang phyug la sogs pa'i gzugs kyi dkyil 'khor ni dkyil 'khor ro/ /dngos grub thams cad kyi dam tshig ni dngos grub rnams rdzogs par byed pa'i rgyu la dam tshig ces bya ste/ ming de skad ces bya'o/ /'di skad ston par 'gyur te/ ma mo'i dkyil 'khor las bshad pa'i nag po chen po'i sbyor ba byas la/ ting nge 'dzin gsum bsgom pa nas brtsams te/ ji srid du mtshan ma dang rjes su gnang ba thob par gyur ba de srid kyi bar du ma mo'i dkyil 'khor 'di bsgom par bya'o/ /de nas dkyil 'khor gyi sa'i dbus su ma mo'i tshogs kyi dkyil 'khor gyi ting nge 'dzin gsum bsgoms la/ bar snang gi phyogs su dkyil 'khor snga ma bzhin du bzhag nas/ nyi ma 'char kar zur bzhi pa sgo byang du bltas par thig btab la/ de bri bar bya ba ni dmar po la sogs pa tshon sna lnga 'am/ dmar po 'am/ khrag gis bri bar bya'o/ /de'i dbus su nag po chen po gar byed bzhin du gnas pa bri bar bya ste/ lag pa bcu la kha T+wAM ga dang / pad+ma thogs pa ci dga' ba bri bar bya'o/ /de'i byang phyogs kyi logs su drag po lag na rtse gsum thogs pa'o/ /shar du tshangs pa mo lag na bgrang phreng thogs pa'o/ /lhor khyab 'jug ma lag na 'khor lo thogs pa'o/ /nub tu gzhon nu ma lag na dril bu thogs pa'o/ /byang shar mtshams su nag mo lag na gri thogs pa'o/ /shar lhor nag mo chen po lag na chu gri thogs pa'o/ /lho nub tu zab mo lag na mche ba thogs pa'o/ /nub byang mtshams su srin mo lag na kha T+wAM ga thogs par dri bar bya'o/ /sgo'i dbus su g.yas kyi cha la zhi ba mo dang / b+he ruN+Da'o/ /g.yon gyi cha la gtum mo dang / 'jigs byed ma rnams bri bar bya'o/ / 'di rnams ni rim pa ji lta ba bzhin du thod pa dang / rus pa dang / sgrogs dang / bya rgod dang / byi la'i mtshan ma thogs par bri bar bya'o/ /de ltar nag po chen po'i sbyor bas dkyil 'khor bris la nag po chen po'i dam tshig gi phyag rgyas yongs su bzung ba'i kha T+wAM ga dang / me tog gi yal ga las bum pa thams cad dang / bum pa gang ba rnams dang / pad+ma'i snod rnams la b+h+yo zhes bya ba re re zhing brgya rtsa brgyad bzlas brjod byas nas dkyil 'khor gyi sgo rnams ji lta ba bzhin du phye la/ nag po chen po 'khor dang bcas pa la b+h+yo zhes bya bas dam tshig gi phyag rgyas mchod yon byin zhing / bum pa dang / bum pa gang ba rnams kyang bstabs la/ yang nag po chen po'i mdun du thod pa dmar po gzhag ste/ gos dang bla re la sogs pa yang byin la/ mchod pa rnam pa lngas mchod de/ rang gi las kyi phyag rgya rnams kyis kyang mchod la/ phyi rol du gtor ma byin te sbyin sreg bya'o/ /de nas ras sngon po la b+h+yo zhes bya ba bzlas te/ de dag las gcig gis ni smad g.yogs bya/ gnyis pas ni stod g.yogs bya/ yang gcig la b+h+yo zhes bya ba bzlas pas rang gi gdong g.yogs te/ phyag bzhi bya'o/ /de nas byang chub tu sems bskyed la/ de bzhin du rang gi snying gar rdo rje rnam par bsams la/ sga la bltas nas phyi rol na gnas pa'i bum pa'i chus bdag nyid dbang bskur la/ lag na me tog thogs shing zhi ba mo'i pho nya'i phyag rgyas me tog gi phreng ba blangs la/ badzra badzra b+h+yo zhes bya ba zlos shing dkyil 'khor du 'jug par bya'o/ /de nas dkyil 'khor bskor ba lan gsum byas te/ g.yas dang g.yon gyi nag po chen po la phyag byas nas/ de nyid kyi mdun du 'dug la/ 'di skad ces brjod par bya'o/ /dzaHhUM baM hoHpra sid+d+h+ya mAM/ de nas rdo rje chu 'thungs la/ a zhes bya ba lan brgya zlos shing bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje dbye zhing / a zhes bya ba de bzhin du bzlas la bdag nyid la dbab par bya'o/ /de nas b+h+yo zhes bya bas me tog dor bar bya'o/ /de nas de blangs la de nyid kyis rang gi mgo la bcing bar bya'o/ /de nas de nyid kyi gdong g.yogs dgrol lo/ /de nas de nyid zlos shing shar phyogs kyi cha nas brtsams te/ dkyil 'khor blta bar bya'o/ /de nas tiSh+Tha badzra zhes bya ba la sogs pas zhi ba pho nya'i phyag rgya bcings la/ rang gi snying gar dgrol bar bya'o/ / de nas nag po chen po'i phyag rgya bcings la/ de la khro bo'i lta bas blta zhing / ji srid nag po chen pos mthong ba byin nas rang gi dngos grub ster bar gyur ba de srid kyi bar du bzlas brjod bya'o/ /de nas yang nag po chen po la khro bo'i lta bas blta zhing / rdo rje thal mo bskor bas phyag byas la me tog la sogs pa dang / dbang bskur ba rnams blang bar bya'o/ /yang nag po chen po'i dam tshig gi phyag rgyas yongs su bzung ba'i kha T+wAM ga dang / me tog gi yal ga las rnam par rgyal ba'i bum pa la sngar bshad pa'i bum pa'i sngags de bzhin du yongs su bzlas la/ bdag nyid de nyid nag po chen por byin gyis brlabs la/ phyi'i dkyil 'khor gyi nang du sna tshogs pad+ma bris te/ de'i steng du nag po chen po'i phyag rgya chen pos 'dug nas/ me tog la sogs pas bdag nyid mchod la/ mchod yon blangs te/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa b+h+yo zhes zlos shing des bdag nyid dbang bskur bar byas la/ chu de btung bar yang bya'o/ /de nas rin po che'i cod pan dang / thod pa'i dbang bskur ba'i phyag rgya dag gis bdag nyid dbang bskur la/ b+h+yo zhes bya bas kha twAM ga dang / dril bu dang bcas pa blangs nas/ b+h+yo zhes bya ba zlos bzhin du ming gi dbang bskur ba blang zhing / bdag po'i dbang bskur ba yang kha T+wAM ga de nyid gzung bar bya'o/ /'jig rten thams cad ces bya ba la sogs pa sngar bshad pa ni de kho na nyid do/ /chos kyi dril bu dkrol bar bya'o/ /sems can kun la phan phyir dang / /zhes bya ba la sogs pa ni chos so/ dam tshig gi phyag rgya chen por byin gyis brlab par bya'o/ /de la dam tshig ni 'di yin te/ sems can thams cad rgyas btab cing / /dam tshig sdang rnams bza' bar bya/ /sngags rnams bstan par mi bya ste/ /dam tshig rnal 'byor khyod grub ster/ /drag po'i dam tshig mdung rtse ste/ /ma mo'i bdag nyid rgyas 'debs pa'o/ /gal te dam tshig 'das gyur na/ /khyod kyi snying ni rtag 'jig 'gyur/ /de nas me tog la sogs pas bdag nyid mchod de rang gi phyag rgya rnams kyis kyang rjes su gnang ba dang / dbang bskur ba blangs la/ nag po chen po la phyag byas te/ b+h+yo zhes bya ba dang rang gi lha'i phyag rgya bzhi blang ngo / /de nas b+h+yo kha zhes zlos shing / ma mo'i tshogs dang bcas pa'i nag po chen po la gtor ma byin la/ khrag gi thig pa lan brgyad myang bar bya'o/ /de nas nag po chen po'i mdun du 'dug ste/ thod pa nag po blangs la/ mthe bo dang srin lag gnyis dang / ha ha ha ha ha zhes zlos na skad cig ma de nyid la nam mkha' la 'gro bar 'gyur ro/ /yang bdag la byin gyis brlab pa la sogs pa byas la/ bdag gi ming nas brjod do/ /de nas dkyil 'khor rdo rjer bsgrub par bya'o/ /de nas b+h+yo b+h+yo zhes zlos shing / dkyil 'khor me tog la sogs pas mchod pa gar byas te/ khaT+wAM ga'i lcags kyus ma mo'i tshogs dang bcas pa'i nag po chen po'i a ra l+li b+h+yo b+h+yo zhes bya ba'i snying po 'dis dgug par bya'o/ /de nas ma mo thams cad 'dus nas/ ce spyang gi sgra sgrogs par 'gyur ro/ /mkha' 'gro'i tshogs rnams kyang 'dus par 'gyur ro/ /nag po chen po'i dam tshig ni phyag rgya las mdzub mo lcags kyur bya ba ni/ khaT+wAM ga'i lcags kyu'o/ /de nas rdo rje gnod sbyin gyis bgegs bsal bar byas la/ mtshams bcing ba dang / dkyil 'khor bcing ba dang / ra ba dang / dra ba dag byas te/ rdo rje khu tshur gyis dkyil 'khor gyi sgo bcings la/ rdo rje srung bas bsrung ba thams cad go bskon te/ b+h+yo zhes bya bas ma mo'i tshogs dang bcas pa'i nag po chen po la mchod yon byin te/ nag po chen po'i dam tshig gi phyag rgya dang / b+h+yo dr-i sh+ya zhes bya bas 'khor dang bcas pa blta ba byas la/ dzaHhUM baM hoH/ sa ma ya s+t+waM sa ma ya s+t+waM a haM b+h+yo zhes bya ba lan gsum brjod de bsgrub par bya'o/ /de nas snga ma bzhin du rang gi lce la rdo rje bsams nas nag po chen po la sogs pa'i lce la b+h+yo zhes bya ba bsams la/ 'di ni 'dir lha thams cad kyi phyag rgya'o/ /de nas a las rang gi snying gar sna tshogs rdo rje bsams la/ nag po chen po la sogs pa'i phyag rgya chen po gar gyi tshul gyis b+h+yo zhes bya ba dang / bcing bar bya ste/ 'di ni de rnams kyi las kyi phyag rgya'o/ /de nas rang gi snying gar hUM zhes bya bas khro bo'i rdo rje rnam par bsams la/ ji ltar bris pa dang rjes su mthun par nag po chen po la sogs pa'i phyag rgya chen po b+h+yo zhes bya bas bcing bar bya'o/ /de nas rdo rje rin chen dang / thod pa'i phyag rgya dag gis nag po chen po 'khor dang bcas pa dbang bskur la/ b+h+yo zhes bya bas nag po chen po 'khor dang bcas pa la mchod yon byin te/ mchod pa rnam pa lngas mchod nas/ las kyi phyag rgya dang / gar gyi mchod pa byas la/ zhi ba mo'i pho nya'i phyag rgya bcings te/ b+h+yo zhes bya ba ji srid dkyil 'khor las b+h+yo'i sgra thos par gyur gyi bar du bzlas brjod bya'o/ /de nas slob dpon ma gtogs pa gzhan thams cad ji ltar 'ongs pa/ 'jug par 'gyur zhing thob par 'gyur te/ gdug pa'i dam tshig ni ma gtogs so/ /de nas slob ma lag na me tog thogs pa ras kyis mig bkab la/ nag po chen po'i dam tshig gi phyag rgyas slob dpon 'jug pa'i cho ga bzhin du gzhug par bya'o/ /de nas zhugs pa dang / slob mas lag na me tog thogs la/ 'di skad ces bsgo bar bya'o/ / khyod la 'jigs pa med dam zhes bsgo'o/ /de nas 'dis kyang med do zhes brjod par bya'o/ /de nas slob dpon gyis de'i rna bar b+h+yo zhes bya ba'i sgra chen po bsgrag par bya'o/ /de nas bsgrags nas/ me tog dor bar bya'o zhes bya ba ni b+h+yo zhes bya ba nyid kyis so/ /de nas gang du lhung ba'i lha de 'di la 'grub par 'gyur ro/ /gal te lhung bar ma gyur na yang dang yang du 'dor du gzhug go/ /de nas lhung bas khro ba dang bcas par 'gyur zhing rang gi lha'i las byed pa'i rnal 'byor yang so sor 'thob par 'gyur ro/ /de nas b+h+yo zhes bya ba nyid kyis me tog blangs la/ de'i mgo bcing ngo / /de nas de nyid kyis gdong g.yogs dgrol bar bya'o/ /de nas de nyid zlos shing sgo srungs nas brtsams te/ dkyil 'khor bstan la/ nag po chen po'i dam tshig gi phyag rgya yang bcings te/ slob ma'i snying gar de bzhin du dgrol bar bya'o/ /de nas de nag po chen po'i gzugs la sogs pa byin gyis brlabs te/ yon blangs la/ bdug spos la sogs pa'i phyag rgya rnams kyis mchod de/ ji lta ba bzhin du dbang bskur bar bya'o/ /'dir phyugs chen po yon du blang bar bya'o/ /de nas 'di la de ltar gyur cig par bsgo ste/ rang gi mi la sbyin par bya'o/ /de nas rang gi mi de slob dpon gyis blangs te/ de bsrung ba'i phyir bag zan gyi gzugs brnyan tshos pa dang ma tshos pa'i khrag gis khengs par bya'o/ /de nas de blangs la slob ma dam pa dang / nag po chen po ma mo'i tshogs dang bcas pa de la byin la/ de la 'di skad ces brjod do/ b+h+yo b+h+yo zhes bya ba gnyis bzlas la de nyid zlos shing byin la/ slob dpon la sogs pa slob ma'i tshogs thams cad kyis gzugs brnyan de bza' bar bya'o/ /de ci'i phyir zhe na/ sangs rgyas pa'i grub pa'i mtha' la ni srog gcod pa rjes su ma gnang ste/ ngu 'bod la sogs pa dmyal ba chen po'i rgyu yin pa'i phyir ro/ /de bas na bag zan gyis gzugs brnyan bya'o zhes bcom ldan 'das rdo rje 'chang chen pos gsungs so/ /de nas brtsams te slob ma rnams mkha' 'gro ma'i tshogs kyi mi gsod par 'gyur ro/ /de na mi'i khrag gi thigs pa gnyis blangs la/ ha ha zhes brjod par bya ste/ de lta bus ni slob ma grub par 'gyur ro/ /de nas snga ma bzhin du dam tshig dang chos kyi de kho na nyid bslab ste/ de nas brtsams te/ sha chen kha na ma tho ba med pa la b+h+yo zhes bzlas nas gang zhig za ba de ring por mi thogs par rnal 'byor 'grub par 'gyur ro/ /yongs su dag pa'i sems can gang mi za bde dag kyang bzlas brjod dang bsgom pa dag gis 'grub par 'gyur te/ mkha' 'gro ma'i tshogs rnams las 'jigs pa yod pa ma yin no/ /de nas 'di'i dam tshig byin la/ phyag rgya'i ye shes bslab par bya ste/ de la dam tshig ni 'di yin te/ khyod kyis chos ni yong mi spang / /dam tshig rnams ni bral mi bya/ /mkha' 'gro mas ni zin pa rnams/ /thar pa ru ni mi bya'o/ /mkha' 'gro rnams ni brnyas mi bya/ /gang phyir ma dang bu mo dang / /de la chos ni gang zhe na/ /'di lta ste/ thams cad rgyas btab pa'o/ /de la dam tshig gang zhe na/ /phyag rgya thams cad shes pa'o/ /de la mkha' 'gro ma rnams kyis bzung ba gang zhe na/ 'di lta ste snying po'o/ /de la 'dul ba gang zhe na/ 'di lta ste tshangs par spyod pa'o/ /de nas brtsams te/ mkha' 'gro ma rnams kyi ye shes 'grub par 'gyur ro/ /nag po chen po'i dam tshig gi phyag rgya bcings la/ b+h+yo zhes bya bas mkha' 'gro ma thams cad gzhig pa dang / gnod pa dang / dbye ba dang / gnyid log tu gzhug pa dang / rmongs pa dang / gsod pa la sogs pa byed par 'gyur ro/ /lag pa g.yon pa'i sor mo bar ma gsum bteg la/ bden bral gyi logs su lag pa gyen du brkyang nas/ g.yas pa de'i steng du bkug la/ lag pas ba dan gsum pa dang / mthe bo dang / srin lag gis thod pa 'dzin pa ni drag po ste/ 'dis mig mi 'dzum par khro bo'i lta bas thams cad rgyas btab cing / e a ra l+li b+h+yo zhes bya ba dang bstun la/ lhag ma rnams las kyi phyag rgya dang / b+h+yo zhes bya ba zlos shing las thams cad bya'o/ /shes rab kyi pha rol tu phyin pa'i dum bu las gsungs pa'i dpal mchog dang po'i ma mo'i dkyil 'khor gyi bshad pa rdzogs so// //ming po gsum gyis 'dul ba'i skye bo las brtsams te/ de nas sbrang rtsir byed pa la sogs pa zhes bya ba la sogs pas ming po gsum gyi dkyil 'khor gsungs pa yin la/ de nas zhes bya ba'i sgra ni de ma thag pa ste/ dang po'i sbyor ba'i rjes thogs nyid la zhes bya ba'i don to/ /'dir dang po'i sbyor ba'i ting nge 'dzin ni ma mo'i dkyil 'khor du gsungs pa nyid do/ /sbrang rtsir byed la sogs pa la/ /'dod pa'i khams kyi dbang phyug gi gzugs 'dzin pa'i tshangs pa ni sbrang rtsir byed pa ste/ de nyid dang por gyur pa gang yin pa de dag ni/ sbrang rtsir byed la sogs pa zhes bya ste/ sbrang rtsir byed dang / rgyal bar byed pa dang / don thams cad grub pa ste/ ming po gsum mo/ /dbang phyug chen mo gang ston bzangs kyi gzugs 'dzin pa gang yin pa de ni rgyal bar byed pa'o/ /khyab 'jug ni dpyid kyi gzugs 'dzin pa gang yin pa de ni don thams cad grub pa ste/ de skad du/ tshangs pa 'dod chags gzhan sprul pa/ /zhe sdang drag po'i ting nge 'dzin/ /gti mug khyab 'jug bstan byas pas/ /'jig rten gsum ni byin gyis brlabs/ /'dod chags sbrang rtsi byed par bshad/ /zhe sdang rgyal bar byed par grags/ /gti mug der ni bsgrub pa ste/ /gsang ba'i ming ni thams cad du'o/ /zhes bshad pa'i phyir ro/ /bcom ldan 'das la phyag 'tshal te/ /zhes bya ba ni rdo rje 'chang chen po la rab tu 'dud pa'o/ /mgrin gcig tu zhes bya ba ni go sla'o/ /de ltar na de nas zhes bya ba nas brtsams te/ swa zhes bya ba'i bar gyi bshad pas ni/ ting nge 'dzin gsum gsungs pa yin no/ /de nas 'dus pa nas brtsams te gsungs pa yin par shes par bya'o/ /da ni dam tshig dang dbang bskur ba thob pa rnams kyis bzlas brjod dang bsgom par bya'o zhes bya ba 'di'i don bstan par bya ba'i phyir/ de nas zhes bya ba la sogs pas slob dpon gyi las kyi cho ga dang / slob ma gzhug pa la sogs pa'i cho ga rgyas par gsungs pa yin no/ /de nas zhes bya ba'i sgra ni snga ma bzhin te/ ting nge 'dzin gsum gyi rjes thogs nyid la zhes bya ba'i don to/ /'di'i zhes bya ba la sogs pa ni go sla'o/ /sgro yi mtshams ni thams cad du/ /zhes bya ba la sogs pa ni shar phyogs kyi sgo nas brtsams te/ tshogs dang / mtshon cha dang / pho nya dang / bran rnams gzhag par bya'o/ /phyi'i dkyil 'khor gyi lha'i snam bu la grub pa nas brtsams te/ tshogs rnam pa bzhi gzhag par bya'o/ /phyi rol na zhes bya ba la sogs pa la/ dar dang / ba dan mchog ste/ dam par gyur pa dang / dril bu'i phreng ba ba dan gyi mchog dang bcas pa dang / bum pa gang ba rnams dang / rol mo'i mchog ste/ dam pa dang / bcas pa gzhag par bya'o/ /phyag rgya kun gyis gzhug par bya/ /zhes bya ba ni/ rtse gsum pa'i dam tshig gi phyag rgya thams cad de/ de bcings la 'jug par bya'o/ /'jig rten gsum zhes bya ba ni mtho ris kyi 'jig rten dang / bar snang gi 'jig rten dang / sa'i 'jig rten no/ / srid gsum zhes bya ba ni 'dod pa'i srid pa dang / gzugs kyi srid pa dang / gzugs med pa'i srid pa'o/ /ngan song gsum ni/ dmyal ba dang / dud 'gro dang / yi dwags so/ /mchod gsum ni spun gsum gyis mchod pa'o/ /rnam gsum ni 'dod chags dang / zhe sdang dang / gti mug gi mchod pa'i dbye bas rnam pa gsum mo/ /sbas pa ni skyes bu gsum gyi gzugs su byin gyis brlabs pas so/ /de nas zhes bya ba la sogs pa la de ltar bdag gis las rnams byas nas so zhes bya ba dang / rtse gsum pas mtshan pa'i phyag rgyas g.yas pa'i mdzub mo'i lcags kyus dgug par bya'o/ /de nas dril bu dang bcas pa'i phreng bas 'di skad du bshad pa'i ming po gsum 'ongs pas thams cad g.yo bar 'gyur ro/ /thams cad phab nas de bzhin du gzhug par bya'o zhes bya ba ni slob ma thams cad la phab la/ slob dpon gyi 'jug pas gzhug par bya'o/ /de nas zhes bya ba la sogs pa ni go sla'o/ /gzhan la de nyid bstan mi bya/ /zhes bya ba ni dkyil 'khor du ma zhugs pa rnams ni gzhan dag ste/ de rnams la ni/ 'jig rten gsum po srid gsum mchog/ /ces bya ba la sogs pa de kho na nyid bshad par mi bya'o/ /de nas zhes bya ba la sogs pa la/ glu dang / gar dang / rol mo dang / dgod pa dang / zhes bya ba la sogs pa ni go bar zad do/ /dga' ba ni rtse ba ste/ de ltar na glu dang / gar dang / rol mo dang / dgod pa dang / dga' ba dang / za ba ste/ de dag las byung ba'i mgu ba zhes bya ba yid bde ba'i shugs kyis mel tshe zhes bya'o/ /phyag rgya dang / gar gyi rol mo'i mchod pa yang byas la zhes bya ba ni/ ming po gsum gyi las kyi phyag rgya la sogs pa ni phyag rgya dang / gar gyi rol mo'i mchod pa ste/ des mchod par bya'o/ /de ltar phyag rgya gar gyi rol mo'i mchod pa byas la/ phyag rgya de dang bcas pas zhes bya ba ni rdo rje khu tshur gyi dam tshig gi phyag rgya bcings la/ badzra muSh+Ti baM zhes brjod par bya'o/ /de nas zhes bya ba la sogs pa ni go sla'o/ /dam tshig gi phyag rgya dkyil 'khor ro/ /zhes bya ba la chos thams cad rang bzhin gyis rnam par dag pa ni 'da' bar bya ba ma yin pas/ dam tshig ces bya ste/ shes rab kyi pha rol tu phyin pa'o/ /de las byung zhing de ston pa'i dkyil 'khor la yang dam tshig gi dkyil 'khor zhes bya ste/ phyi rol gyi rdo rje'i rigs kyi chos kyi phyag rgya gtso bor byas pa'i dkyil 'khor zhes bya ba'i don to/ /'di'i don ni 'di ltar shes par bya ste/ badzra any+dza li zhes bya bas rdo rje thal mo bcings la/ de nas badzra baN+d+ha zhes bya bas rdo rje bsdams pa bcings nas/ badzra ban+d+ha traT zhes bya bas rdo rje bsdams pa snying gar dgrol bar bya'o/ /de nas badzra A be sha zhes bya ba dang / rdo rje dbab pa'i dam tshig gi phyag rgya bcings la/ a zhes bya bas bdag nyid la dbab par bya'o/ /de nas tiSh+Tha badzra zhes bya ba la sogs pas rang gi snying gar dbab pa'i phyag rgya dkrol la/ rang gi snying gar gnas pa'i rdo rje rtse lnga pa la swa rnam par bsams la/ chos thams cad bdag med par bsgom par bya'o/ /de nas swa dang bcas pa'i dbyangs kyi yi ge bcu drug las zla ba'i dkyil 'khor du gyur par rang gi sems bsams la/ de'i steng du yang swa bsams te/ ka nas k+Sha'i bar gyi yi ge rnams skar ma lta bur rnam par bsams la/ de dang de 'dus par gyur pa las zla ba'i dkyil 'khor gnyis pa bsam mo/ /zla ba'i dkyil 'khor gnyis pa'i steng du yang swa zhes bya ba bsams la/ zla ba'i dkyil 'khor gnyis po las dang po'i rdo rje rtse lnga pa bsam par bya zhing / swa zhes bya ba nyid la yang bzla'o/ /de nas rdo rje me tog dang / mda' gzhu dang / thod pa dang bcas pa swa zhes bya ba las rnam par bsams la/ mda'i dbus su swa rnam par bsams te/ mda' dang / gzhu dang / thod pa'i phyag rgya dang bcas pa la saM baM haM zhes bya ba rnam par bsams la/ phyag rgya de sems dpar byin gyis rlob pa'i sbyor ba'i rdo rje sems dpa' bdag nyid bsam par bya'o/ /de nas swa las rdo rje sems dpa' ming po gsum gyi gzugs su bdag nyid bsams la/ ma hA sa ma ya saM baM haM zhes brjod do/ /dam tshig sems dpa' chen po bdag nyid bsgom par bya'o/ /de nas ming po gsum gyi dam tshig gi phyag rgya bcings la/ sa ma ya s+t+waM zhes brjod la dam tshig sems dpa' nyid du bdag nyid bsgom par bya'o/ /de nas sa ma ya satwa a d+hi tiSh+Tha swa maM zhes brjod la/ ming po gsum gyi dam tshig gi phyag rgya de nyid kyis snying ga dang / smin mtshams dang / lkog ma dang / spyi bo rnams su byin gyis brlab par bya'o/ /de nas ming po gsum gyi dam tshig gi phyag rgya bcing bar bya'o/ /de nas de bcings la swa a zhes brjod la/ mda' dang / gzhu dang / thod pa'i phyag rgya mdun du bskyed par bya'o/ /de nas mda'i dbus su swa rnam par bsams la/ mda' dang / gzhu dang / thod pa'i phyag rgya ni bdag go zhes phyag rgya'i nga rgyal bsgom par bya zhing / phyag rgya de swa zhes bya ba bzlas la/ b+h+ra tri ta yaM a haM zhes bya ba dang / ming po gsum gyi ngo bo nyid du yongs su gyur par bsam mo/ /de nas rdo rje lcags kyu la sogs pas der ming po gsum bkug la/ bcug ste bcings nas dbang du byas nas ming po gsum gyi dam tshig gi phyag rgyas swa dr-i sh+ya zhes bya bas de dag blta ba byas la/ de gnyis kyi g.yas pa'i mdzub mo lcags kyu dang / swa zhes bya ba bzlos shing / rang gi lus la bcug la/ ming po gsum gyi dam tshig gi phyag rgya nyid bcings nas/ sa ma ya s+t+waM zhes brjod do/ /'od kyi dkyil 'khor du bsams la/ dzaHhUM baM hoHsa ma ya s+t+waM sa ma ya s+t+waM a haM swaHzhes bzlas nas ming po gsum dang / bdag nyid lhan cig tu gyur par bsam par bya'o/ /de nas lce la rdo rje de bzhin du rnam par bsams la/ swa zhes bya ba rnam par bsam par bya'o/ /snying gar a las sna tshogs rdo rje bsams la/ ming po gsum gyi las kyi phyag rgya bcing bar bya'o/ /hUM las rdo rje rtse lnga pa bsams la/ ming po gsum gyi phyag rgya chen po bcing bar bya'o/ /de nas rdo rje rin chen gyi phyag rgyas dbang bskur la/ mda' dang / gzhu dang / thod pa'i phyag rgya'i dbang bskur ba dang / ming gi dbang bskur ba yang blangs la/ swa zhes bya ba nyid zlos shing bdag po'i dbang bskur ba dang / de kho na nyid dang chos dang dam tshig bzung la/ me tog la sogs pa dang / rang gi las kyi phyag rgya rnams kyis bdag nyid mchod de/ ming po gsum ni bdag go zhes nga rgyal bskyed la/ ting nge 'dzin ji lta ba bzhin du bsgom par bya'o/ /de nas dkyil 'khor 'di ji srid mtshan ma dang / rjes su gnang ba thob kyi bar du nyin re sbyor bas bsgom par bya'o/ /de nas dkyil 'khor gyi sa'i dbus su ting nge 'dzin gsum rnam par bsgoms la/ bar snang gi phyogs su dkyil 'khor gyi dam tshig gi phyag rgyas bteg ste gzhag par bya'o/ /de nas nyi ma 'char ba'i dus su ji lta ba bzhin du thig gdab par bya ste/ zur bzhi pa/ sgo bzhi pa/ de'i dbus su dkyil 'khor gnyis pa gzhu'i dbyibs lta bu de'i phyed kyi tshad de'i dbus su seng ge'i gdan byas la/ de'i dbus su ming po gsum rim pa bzhin bri bar byas te/ dbus su rgyal bar byed pa/ de'i g.yas phyogs su sbrang rtsir byed pa/ g.yon logs su don thams cad grub par byed pa ste/ de dag thams cad go cha ba gos pas/ g.yas na thod pa thogs pa/ g.yon na mda' gzhu thogs pa/ cung zad dgod cing khro bar bri bar bya'o/ /de la rgyal bar byed pa ni dkar po/ /sbrang rtsir byed pa ni ser po/ /don thams cad grub pa ni ljang gu'i mdog can no/ /shar phyogs kyi sgor grub pa mdog dkar po/ mig gsum pa/ lag na rtse gsum thogs pa'o/ /lhor 'phel ba mdog ser po/ /lag na gter gyi bum pa thogs pa'o/ /nub tu chen po mdog dmar skya/ lag na me tog gi za ma tog thogs pa'o/ /byang du gnod sbyin nag po/ lag na mche ba thogs pa/ gnod sbyin gyi gzugs can no/ /phyi'i dkyil 'khor gyi lha'i snam bu'i shar lho mtshams su gtum mo mdog nag po/ /lag na dbyig pa thogs pa'o/ /lho nub tu khro ba mdog nag po/ /lag na sbrul thogs pa'o/ /nub byang du mchog mdog nag po/ lag na 'khor lo thogs pa'o/ /byang shar du gsod pa mdog nag po/ /lag na ral gri 'phyar ba bri bar bya'o/ /'dir lha thams cad kyi snying po ni swa zhes bya ba'o/ /de ltar dkyil 'khor bris nas mdung gi mtshan ma'i phyag rgyas yongs su bzung ba'i rtse gsum pa dang / me tog gi yal ga las bum pa thams cad dang / bum pa gang ba rnams la swa zhes bya ba re re zhing brgya rtsa brgyad bzlas la/ dkyil 'khor gyi sgo thams cad phye ste/ swa zhes bya bas ming po gsum 'khor dang bcas pa la mchod yon byin la/ bum pa dang bum pa gang ba rnams dang / bla re la sogs pa byin la/ mchod pa rnam pa lngas mchod de/ rang gi las kyi phyag rgya rnams kyis kyang mchod pa dang / phyi rol du glu dang gar la sogs pas kyang mchod la/ phyi rol du gtor ma byin nas sbyin sreg bya'o/ /de nas gos bzang po la swa zhes bya ba bzlas la/ gcig gis ni smad g.yogs bya/ /gnyis pas ni stod g.yogs bya/ gsum pas ni rang gi gdong g.yogs la/ phyag bzhi byas te/ byang chub tu sems bskyed la/ snga ma bzhin du rang gi snying gar rdo rje bskyed de/ shar phyogs kyi sgor bltas nas phyi rol na gnas pa'i bum pa'i chus bdag nyid dbang bskur la/ rtse gsum pas mtshan pa'i phyag rgya bcings te/ de nyid kyis me tog gi phreng ba bzung la/ badzra badzra swa zhes brjod cing / glu rnams glu ru len pa dang / rol mo rnams brdung bar byed pa dang / gar byed pa bzhin du slob dpon gyi dkyil 'khor gyi mchog tu 'jug par bya'o/ /de nas yang ming po gsum gyi mdun du 'dug la/ 'di skad ces brjod par bya'o/ /dzaHhUM baM hoHpra sid+d+h+ye mAM/ de nas rdo rje'i chu 'thungs la/ /a zhes bya ba lan brgya zlos shing / bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje phye la/ a zhes bya ba de bzhin du zlos shing / bdag nyid la dbab par bya'o/ /de nas swa zhes bya ba zlos shing / me tog dor bar bya'o/ /de nas de nyid blangs la de nyid kyi mgo la bcing bar bya'o/ /de nas de nyid kyis gdong g.yogs dgrol lo/ /de nas de nyid zlos shing / shar phyogs kyi cha nas brtsams te/ dkyil 'khor blta bar bya'o/ /de nas rtse gsum pas mtshan pa'i phyag rgya bcings la/ tiSh+Tha badzra zhes bya bas rang gi snying gar dgrol bar bya'o/ / de nas ming po gsum gyi phyag rgya chen po bcings la/ de la rdo rje'i lta bas khro bo dang bcas pas bltas te/ ji srid rang gi mthong ba byin nas rang gi dngos grub rnams ster bar gyur pa de srid kyi bor du swa zhes bya ba bzlas brjod bya'o/ /yang de la de bzhin du bltas te/ rdo rje thal mo dang / phyag byas la/ me tog la sogs pa dang / dbang bskur ba rnams blangs bar bya'o/ /de la dang po kho nar rtse gsum pas mtshan pa yongs su bzung ba'i rtse gsum pa dang / me tog gi yal ga las rnam par rgyal ba'i bum pa la sngar bshad pa'i sngags de bzhin du bzla'o/ /de nas bdag nyid ming po gsum du byin gyis brlabs la/ phyi'i dkyil 'khor gyi nang du sna tshogs pad+ma bris te/ de'i steng du swa zhes bya ba nyid kyis seng ge'i gang na bzhag la/ der ming po gsum gyi phyag rgya chen pos 'dug ste/ me tog la sogs pas bdag nyid mchod la/ mchod yon blangs nas/ rdo rje khu tshur gyis rnam par rgyal ba'i bum pa las chu blangs la/ oM badzra a b+hi Shiny+tsa swa zhes zlos shing / des bdag nyid dbang bskur nas chu de btung bar yang bya'o/ /de nas rin po che'i cod pan gyi phyag rgyas rin po che'i cod pan dang / dar dpyangs kyi dbang bskur bas dbang bskur la/ swa zhes bya bas mda' dang gzhu dang dril bu dang bcas pa blangs te/ swa zhes bya ba nyid kyis ming po gsum gyi ming gi dbang bskur ba dang / bdag po'i dbang bskur ba blangs nas/ me tog gi mchod pas dkyil 'khor mchod de/ bdag nyid mchod pa rnam pa lnga dang / phyag rgya'i mchod pa rnams kyis kyang mchod la/ rjes su gnang ba'i dbang bskur ba blangs nas/ ming po gsum la phyag byas nas/ swa zhes bya ba dang / phyag rgya bzhi'i ye shes bslab par bzung la/ bdag la byin gyis brlab pa la sogs pa byas te/ rang gi ming nas brjod par yang byas la/ 'di skad ces brjod do/ /'jig rten gsum mchog srid gsum mchog /ngan song gsum mchod gsum rnam gsum/ /legs ldan sbas pa grub pa ni/ /dngos grub kun la rtag tu'o/ /de nas dkyil 'khor rdo rjes bsgrubs la/ bsdu ba byas te/ rtse gsum pas mtshan pa'i phyag rgya las g.yas pa'i mdzub mo lcags kyur byas pa dang / swa zhes bya ba zlos shing ming po gsum 'khor dang bcas pa dkyil 'khor du bcug la/ rdo rje gnod sbyin gyis bgegs bsal bar byas la/ dkyil 'khor bcing ba dang / mtshams bcing bar bya'o/ /de nas rdo rje khu tshur gyis dkyil 'khor gyi sgo bcings te/ rdo rje srung bas srung ba thams cad go cha bskon te/ so zhes bya bas ming po gsum gyi 'khor dang bcas la mchod yon phul la/ rtse gsum gyis mtshan pa bcings te/ swa dr-i sh+ya zhes bya bas blta ba byas la/ dzaHhUM baM hoHsa ma ya s+t+waM sa ma ya s+t+waM a haM swa zhes lan gsum brjod la bsgrub par bya'o/ /de nas de bzhin du lce la rdo rje bsams te/ ming po gsum la sogs pa'i lce la yang swa zhes bya ba rnam par bsam pa 'di ni de rnams kyi chos kyi phyag rgya'o/ /a zhes bya bas rang gi snying gar sna tshogs pad+ma dang / sna tshogs rdo rje rnam par bsams la/ gar gyi tshul gyis ming po gsum gyi phyag rgya chen po bcing bar bya ste/ /'di ni 'dir las kyi phyag rgya'o/ /hUM zhes bya bas rang gi snying gar rdo rje rtse lnga pa bsams la/ ji ltar bris pa dang / rjes su mthun pa ming po gsum la sogs pa'i phyag rgya chen po swa zhes bya bas bcing bar bya'o/ /de nas rdo rje rin po che'i phyag rgyas ming po gsum la sogs pa la dbang bskur la/ swa zhes bya bas ming po gsum 'khor dang bcas pa la mchod yon byin te/ mchod pa rnam pa lngas mchod cing / /las kyi phyag rgya rnams kyis legs par mchod la/ slob ma rnams gzhug pa'i rjes su gnang ba mnos te/ de rnams bdag nyid 'jug pa'i tshul du gzhug par bya'o/ /de nas thams cad byas la dam tshig sbyin par bya ste/ gal te dam tshig 'das gyur na/ /pha gsod 'gro ba gang yin dang / /ma gsod pa yi 'gro ba gang / /'gro ba der ni 'gro bar 'gyur/ /rtag tu dam pa brten par bya/ /dam pa min pa yongs su spang / /gzhan la de nyid bstan mi bya/ /rtag tu ming po gsum po bsgrub/ /ces bya ba ni dam tshig go/ /lhag ma rnams ni sngar bshad pa'i tshul du shes par bya'o/ /dpal mchog dang po las ming po gsum gyi rtog pa'i rgyal po'i bshad pa rdzogs so// //de ltar ming po gsum gyi rtog pa des 'dul ba'i sems can rnams las brtsams te gsungs nas/ da ni sring mo bzhis 'dul ba'i sems can nyid las brtsams te/ sring mo bzhi'i rtog pa bshad pa'i phyir/ de nas zhes bya ba la sogs pa gsungs so/ /'dir dang po sbyor ba'i ting nge 'dzin ni ming po gsum gyi dkyil 'khor du gsungs pa nyid gzung bar bya'o/ /da ni de nas zhes bya ba la sogs pa gnyis pa gsungs pa yin la/ de nas zhes bya ba'i sgra ni de ma thag pa ste/ dang po'i sbyor ba'i rjes thogs nyid la zhes bya ba'i don to/ /sring mo bzhis zhes bya ba nas haM zhes bya ba'i bar gyi bshad pa ni go bar zad do/ /'di dag gis ni ting nge 'dzin gnyis pa bshad pa yin no/ /de nas 'dus pa nas brtsams te/ gsum pa yin par shes par bya'o/ /dam tshig dang dbang bskur ba thob pa rnams kyis bzlas brjod dang bsgom pa bya'o zhes bya ba 'di'i don bstan par bya ba'i phyir/ de nas 'di zhes bya ba la sogs pa slob dpon gyi las kyi cho ga dang / slob ma zhugs pa la sogs pa'i cho ga rgyas pa gsungs pa yin no/ /de nas zhes bya ba'i sgra ni snga ma bzhin te/ las kyi mchog gi ting nge 'dzin gyi rjes thogs nyid la'o/ /'di zhes bya ba ni haM gi'o/ /zlum po zhes bya ba la sogs pa la/ kun nas zlum po'i dkyil 'khor phur bu la btags pa'i srad bu dbang ldan gyi phyogs nas brtsams te/ thig gdab par bya'o/ /de nas hUM zhes phur bu phyung la/ phur bu'i khung bu tshon sna lngas yongs su bkang la mnyam por bya'o/ /de nas mtshams kyi srad bu gnyis kyis dkyil 'khor de dum bu bzhi par bya'o/ /de nas sgo bzhi po der shar phyogs kyi dkyil 'khor la/ dga' ba mo shar du blta ba bri bar bya zhing / mda' dang / gzhu thogs pa la brtson pa/ kha dog dmar por bya'o/ /lho phyogs kyi dkyil 'khor la/ gsod ma lhor blta ba/ lag na ral gri dang / phub thogs pa/ mdog nag po'o/ / nub phyogs kyi dkyil 'khor la/ phag mo nub tu blta ba/ lag na gser gyi gter thogs pa/ gser gyi mdog can no/ /byang phyogs kyi dkyil 'khor la/ grub pa mo byang du blta ba/ lag na sha ka ra dang / gri rings thogs pa/ mdog dkar mo bri bar bya'o/ /phyi rol gyi zhes bya ba la/ sgo bzhi'i dbus su dga' ba mo la sogs pas mtshan pa'i yan lag ji lta ba bzhin du shar phyogs kyi sgo nas brtsams te bri bar bya'o/ /de nas slob dpon zhes bya ba la sogs pa la/ chos kyi dkyil 'khor bris la/ lag pa g.yas pas dril bu bzung ste/ g.yon pas kha T+wAM ga bzung nas hUM zlos shing 'jug par bya'o/ /de nas phyag rgya dang / gar gyi mchod pa bstab par bya'o zhes bya ba ni las kyi phyag rgya bzhis gar bya'o/ /de nas yid la 'dod pa'i dngos grub thams cad ces bya ba ni go bar zad do/ /las kyi dkyil 'khor ro zhes bya ba la rim pa gtso bor bya ba dang / brtson 'grus kyi las kyi gtso bor gyur pa'i dkyil 'khor ni las kyi dkyil 'khor ro/ /'di skad ston pa yin te/ ming po gsum gyi skabs su bshad pa'i cho gas dga' ba mo'i sbyor ba byas la/ ting nge 'dzin sgom pa sngon du 'gro bas sring mo bzhi'i dkyil 'khor 'di ji srid du mngon sum du mthong bar gyur pa de srid kyi bar du bsgom par bya'o/ /de nas dkyil 'khor gyi dbus su ting nge 'dzin gsum bsgoms la/ bar snang gi phyogs su dkyil 'khor sring mo bzhi'i dam tshig gi phyag rgyas btab nas/ ji lta ba bzhin du bzhag la/ lhag par gnas pa'i cho ga rnams rjes su spyad de/ yang nyi ma 'char ba'i dus su dkyil 'khor de bzhin du bar snang la bzhag nas thig gdab par bya'o/ /de nas ji skad du bshad pa'i lha mo bzhi'i nga rgyal gyis bri bar bya'o/ /yang shar phyogs kyi sgor mda' dang gzhu gnyis bri bar bya'o/ /lho phyogs su phub dang bcas pa'i ral gri'o/ /nub tu gter gyi bum pa'o/ /byang gi sgor gri rings dang bcas pa'i thod pa haM zhes bya ba nyid kyis bri bar bya'o/ /de nas sring mo bzhi'i dam tshig gi phyag rgyas yongs su bzung ba'i rdo rje dang / me tog gi yal ga las bum pa thams cad dang / bum pa gang ba rnams la re re zhing ho zhes brgya rtsa brgyad bzlas brjod bya'o/ /rdo rje bsdams pa byas la g.yas pa'i mdzub mo dang / gung mo rtse sbyar la/ g.yas pa'i srin lag gi rtse mo dang / g.yon pa'i mthe'u chung gi rtse mo sbyar nas bzhag pa 'di ni sring mo bzhi'i dam tshig gi phyag rgya'o/ /de nas dkyil 'khor gyi sgo rnams ji lta ba bzhin du phye la/ haM zhes bya bas sring mo bzhi la mchod yon byin te/ bum pa dang / bum pa gang ba rnams dang / bla re la sogs pa yang byin la/ mchod pa rnam pa lngas mchod de rang gi las kyi phyag rgya rnams kyis de yang dag par mchod la/ phyi rol du glu dang gar la sogs pas kyang mchod pa byed du bcug ste/ phyi rol du gtor ma sbyin par bya'o/ /de nas sbyin sreg byas la gos bzang po la haM zhes bya ba bzlas te/ de las gcig gis ni smad g.yogs bya/ gnyis pas ni stod g.yogs bya/ gsum pas rang gi gdong g.yogs byas la/ phyag bzhi byas te/ byang chub tu sems bskyed nas/ snga ma bzhin du rang gi snying gar rdo rje bsams la/ shar phyogs kyi sgor bltas nas phyi rol na gnas pa'i bum pa'i chus bdag nyid la dbang bskur te/ lag pa g.yas pas dril bu dkrol la/ lag pa g.yon pas kha T+wAM ga bzung ste/ badzra badzra zhes bzlas shing dkyil 'khor du gzhug par bya'o/ /de nas phyag byas la/ dkyil 'khor bskor ba lan gsum byas te/ mdun du 'dug la 'di skad ces brjod par bya'o/ /dzaHhUM baM hoHpra sid+d+h+ya mAM/ de nas rdo rje chu 'thungs la/ a zhes bya ba lan brgya zlos shing bdag nyid la dbab par bya'o/ /yang g.yon pa'i khro bo'i khu tshur gyis sems ma rdo rje phye la/ a zhes bya ba de bzhin du zlos shing bdag nyid la dbab par bya'o/ /de nas me tog haM zhes bya bas dor bar bya'o/ /de nas de blangs la/ de nyid kyis rang gi mgo bo la bcing bar bya'o/ /de nas de nyid kyis gdong g.yogs dgrol lo/ /de nas de nyid zlos shing shar phyogs kyi cha nas brtsams te/ dkyil 'khor la blta bar bya'o/ /de nas 'jug pa'i phyag rgya bcings nas/ tiSh+Tha badzra zhes bya ba la sogs pas rang gi snying gar dgrol lo/ /de nas dga' ba mo'i phyag rgya chen po bcings la/ rdo rje'i lta bas de la blta zhing ji srid du rang gi gzugs bstan nas/ rang gi dngos grub ster bar gyur pa de srid kyi bar du haM zhes bya ba bzlas brjod bya'o/ /yang de la rdo rje'i lta bas bltas te/ rdo rje thal mo bskor bas phyag byas la/ me tog la sogs pas dbang bskur ba blang bar bya'o/ /de la dang po kho nar sring mo bzhi'i dam tshig gi phyag rgyas yongs su bzung ba'i rdo rje dang me tog gi yal ga las rnam par rgyal ba'i bum pa la/ oM ma hA su kha badzra a mo g+ha zhes bya ba la sogs pa snga ma bzhin du bzlas la/ bdag nyid ming po gsum gyi gzugs su byin gyis brlabs nas/ dkyil 'khor gyi dbus su sna tshogs pad+ma bris la/ de'i dbus su ming po gsum gyi phyag rgya chen pos 'dug ste/ me tog la sogs pas bdag nyid yang dag par mchod nas/ mchod yon blangs la rdo rje khu tshur gyis rnam par rgyal ba'i bum pa las chu blangs te/ oM badzra a b+hi Shiny+tsa haM zhes bya ba dang / des bdag nyid dbang bskur bar bya zhing / chu de btung bar yang bya'o/ /de nas rin po che'i cod pan dang / dar dpyangs kyi dbang bskur ba'i phyag rgyas rin po che'i cod pan dang / dar dpyangs kyi dbang bskur bas dbang bskur la/ haM zhes bya bas dril bu dang bcas pa'i khaT+wAM ga blangs nas/ haM zhes bya ba nyid zlos shing / ming gi dbang bskur ba dang / bdag po'i dbang bskur ba blangs la/ bdag nyid la me tog la sogs pas mchod de/ lha mo bzhi'i las kyi phyag rgyas kyang mchod nas/ rjes su gnang ba dang dbang bskur ba blang bar bya'o/ /de nas lha mo bzhi la phyag byas te/ haM zhes bya ba dang / phyag rgya bzhi yang bzung nas/ bdag la byin gyis brlab pa dang / rang gi ming nas brjod pa dag kyang bya'o/ /de nas dkyil 'khor rdo rjes bsgrub par bya'o/ /de nas bsdu ba byas la/ haM zhes bya ba zlos shing / gsang ba'i lcags kyus sring mo bzhi'i dkyil 'khor du gzhug par bya'o/ /de nas rdo rje gnod sbyin gyis bgegs bsal bar byas la/ mtshams bcing ba dang / dkyil 'khor bcing ba dang / ra ba dang / dra ba dag byas te/ rdo rje khu tshur gyis sgo bcings nas/ rdo rje srung bas bsrungs ba thams cad go cha bskon te/ sring mo bzhi la haM zhes bya bas mchod yon byin nas/ sring mo bzhi'i dam tshig gi phyag rgya haM dr-i sh+ya zhes bya ba dang / sring mo bzhi la blta ba byas la/ dzaHhUM baM hoH/ sa ma ya s+t+waM/ sa ma ya s+t+waM/ a haM zhes lan gsum brjod de bsgrub par bya'o/ /snga ma bzhin du rang gi lce la rdo rje bsams la/ de rnams kyi lce la yang haM zhes bya ba bsam pa 'di ni 'dir chos kyi phyag rgya'o/ /'dir snying gar a las sna tshogs rdo rje bsams la gar gyi sbyor bas haM zhes zlos shing sring mo bzhi'i phyag rgya chen po bcing bar bya'o/ /'di ni de rnams kyi las kyi phyag rgya'o/ /hUM las rang gi snying gar rdo rje rnam par bsams la/ haM zhes bya ba zlos shing de rnams ji ltar bris pa dang rjes su mthun par phyag rgya chen po bcing bar bya'o/ /de nas de rnams la rdo rje rin chen gyi phyag rgyas dbang bskur la/ haM gis mchod yon byin te/ mchod pa rnam pa lnga dang / las kyi phyag rgya rnam pa bzhis yang dag par mchod la/ phyag byas nas slob ma gzhug pa'i phyir gnang ba mnos la/ bdag nyid 'jug pa'i sbyor bas gzhug par bya'o/ /de nas rang gi cho ga thams cad de rnams la rjes su spyad par bya'o/ /dpal mchog dang po'i dum bu dang po las sring mo bzhi'i dkyil 'khor gyi bshad pa rdzogs so// //rdo rje sems dpa'i dkyil 'khor chen por bshad pa'i sngon du bsnyen pa'i cho ga dang ras kyi ri mo gnyis la bsgrub pa'i cho ga ni dkyil 'khor thams cad la yang so sor shes par bya'o/ /phyi rol gyi rdo rje'i rigs kyi rtog pa'o zhes bya ba ni byang chub kyi sems chen po dang / mi bskyod pa'i ngo bo nyid ni rdo rje'o/ /de las byung ba'i sangs rgyas kyi dkyil 'khor gyi rang bzhin ni bla na med pa'i rdo rje'i rigs so/ /mos pa spyod pa'i ngo bo nyid byang chub kyi sems zag pa dang bcas pa la sogs pa las skyes pa gang yin pa rdo rje dbang phyug la sogs pa nas sring mo bzhi'i bar gyi dkyil 'khor gyi rang bzhin ni phyi rol gyi rdo rje'i rigs te/ de'i rtog pa ni ji skad bshad pa'o// //de ltar shes rab kyi pha rol tu phyin pa'i dum bu las/ dkyil 'khor bco lnga'i rtog pa gsungs nas/ da ni 'jig rten las 'das pa'i dkyil 'khor rnams bris nas slob dpon gyis ji lta ba bzhin du gshegs su gsol la/ sprul pa rnams rang gi lus la bcug ste/ rang gi rtog pa las gsungs pa'i shes rab kyi pha rol tu phyin pa'i tshul bzhi brjod nas/ shes rab kyi pha rol tu phyin pa'i tshig bzhi 'don cing / de'i don la lhag par mos pas byin gyis brlabs la/ de bzhin gshegs pa thams cad 'dus par lhag par mos pas bdag nyid phyag na rdo rje'i gzugs su gnas pa la legs so zhes bya bas dga' bar byas nas/ bdag nyid bsrung ba byas te ldang bar bya'o zhes bya ba 'di'i don bstan par bya ba'i phyir/ de nas zhes bya ba la sogs pa gsungs pa yin la/ de nas zhes bya ba'i sgra ni de ma thag stan par byed pa'i tshig ste/ ji skad du gsungs pa'i dkyil 'khor bris nas/ ji lta ba bzhin du gshegs su gsol bar bya ba dang / rang gi lus la bcug pa byas nas de'i rjes thogs nyid la zhes bya ba'i don to/ bcom ldan 'das zhes bya ba ni rnam par snang mdzad do/ /de bzhin gshegs pa ni de bzhin gshegs pa thams cad ces bya ba'i don to/ /mtha' yas mu med pas mthar thug cing zhes bya ba la de la mtha' yas ba ni chos kyi dbyings dang / nam mkha'i dbyings so/ /de nyid ni mu med pa ste/ mtha' yas pa yang yin pas na mtha' yas mu med pa'o/ /mtha' yas pa dang mu med pa de nyid ni mthar thug pa ste/ rdzogs pa gang yin pa de ni mtha' yas mu med pas mthar thug pa'o/ /de'i chos gang yin zhe na mu med pa'i mthar thug pa'i chos nyid dang ldan pas zhes bya ba gsungs te/ mu med pa ni ji skad du bshad pa'i chos kyi dbyings dang / nam mkha'i dbyings te/ de'i mthar thug pa ni chos kyi dbyings dang / nam mkha'i dbyings khyab pa'i chos nyid 'di mnga' bas na mu med cing mthar thug pa'i chos dang ldan pa zhes bya ba ste/ longs spyod rdzogs sku dang / sprul pa'i sku dag gis 'gro ba sems can rnams kyi don mdzad pa'i phyir/ thams cad du song ba zhes bya ba'i don to/ /yang cho ga 'di mthar thug par byin gyis brlab pa'i phyir/ shes rab kyi pha rol tu phyin pa'i tshul 'di bshad do zhes bya bar sbyar te/ yang zhes bya ba ni bshad zin te/ ci'i phyir bshad ce na/ 'di zhes bya ba la sogs pa gsungs te/ cho ga 'di zhes bya ba ni bshad ma thag pa'i rtog pa bco lnga ste/ mthar thug pa ni yongs su rdzogs par 'di dag gis bshad pa'o/ /de'i byin gyis brlab pa ni slob dpon gcig gis phyi ma'i mthar thug pa med pa'i bar du gdul bya rnams kyi mngon par 'dod pa'i don rdzogs par bya ba'i phyir bzhag pa'o/ /chos kyang yin la thams cad kyang yin pas na/ chos thams cad de/ rtog pa bco lnga'i mthar thug pa'o/ /de rnams kyi mnyam pa nyid ni de bzhin nyid de/ dkyil 'khor la sogs pa'i tshul gyis kyang phyi ma'i mthar thug pa'i bar du mi phyed pa'i 'gro ba'i don gyi bya ba'o/ /de'i mthar thug pa ni yongs su rdzogs pa ste/ dpag tu yod cing yongs su chad pa'i gzhung gis yang dag par bsdus nas/ yang dag par bsres te bshad pa'o/ /de'i byin gyis brlab pa ni rdo rje lta bu'i shes rab kyi pha rol tu phyin pa'i tshul gang gis bstan par byas par gyur pa de ni chos thams cad kyi mnyam pa nyid kyi mthar thug pas byin gyis brlab pa rdo rje ste/ ming de skad ces bya ba'i shes rab kyi pha rol tu phyin pa'i tshul ston par mdzad pa'o/ /'di zhes bya ba ni blo la bzhag nas smras pa'o/ /bshad do zhes bya ba ni gsungs pa'o/ /de nyid gang zhe na shes rab kyi pha rol tu phyin pa mtha' yas pa nyid pas zhes bya ba la 'dir shes rab kyi pha rol tu phyin pa zhes bya ba ni chos thams cad bdag med pa'i ye shes dang / byang chub kyi sems chen po'i mtshan nyid can no/ /de yang thams cad du song ba yin te/ de bas na shes rab kyi pha rol tu phyin pa mtha' yas pa yin la/ de'i dngos po nyid ni mtha' yas pa nyid de/ des de bzhin gshegs pa thams cad mtha' yas pa nyid du gyur pa yin te/ 'dir de bzhin gshegs pa ni de bzhin gshegs pa'i rigs thams cad dang de bzhin gshegs pa thams cad yin la/ de rnams kyi mtha' yas pa nyid ni nam mkha'i khams thams cad du rtag tu zhugs pa'i sku dang gsung dang thugs rdo rje nyid do/ /chos bdag med pa'i ye shes dang / ye shes las byung ba'i de bzhin gshegs pa thams cad dang de bzhin gshegs pa'i rigs rnams kyi gdul bya'i dbang gi phyir phyi ma'i mthar thug pa med pa'i nam mkha' khyab par mdzad ces bya ba'i don to/ / shes rab kyi pha rol tu phyin pa ni 'dir nam mkha' dang mnyam pa'i ye shes dang / sbyin pa'i pha rol tu phyin pa'o/ /de'i mu med pa nyid ni rnam par thar pa'i sgo mtshan ma med pa'i rang bzhin te/ des de bzhin gshegs pa thams cad rdo rje thams cad mu med pa nyid du 'gyur te/ rdo rje yang yin la/ thams cad kyang yin pas na rdo rje thams cad de/ rin po che'i rigs kyi ngo bo nyid kyi sangs rgyas dang / byang chub sems dpa' rnams so/ /'di skad ces ston pa yin te/ sbyin pa'i pha rol tu phyin pa ni thams cad du song ba yin la/ sbyin pa'i pha rol tu phyin pa thams cad du song ba de'i phyir de'i tshul las skyes pa'i rdo rje rin chen gyi rigs ni mu med par gyur pa yin te/ mtha' yas pa'i rgyu las byung ba'i phyir ro/ /shes rab kyi pha rol tu phyin pa du ma nyid ces bya ba la 'dir shes rab kyi pha rol tu phyin pa ni rang bzhin gyis dag pa'i chos nyid kyi ye shes so/ /de yang dkyil 'khor la sogs pa rnam par dag pa'i ye shes kyi dbye bas mtha' yas pa'i rang bzhin can no/ /de bas na de ni du ma nyid yin pa'i phyir ro/ /shes rab kyi pha rol tu phyin pa du ma nyid des chos thams cad du ma nyid du gyur pa yin te/ chos kyang yin la thams cad kyang yin pas na chos thams cad de/ pad+ma'i rigs kyi ngo bo nyid do/ /de rnams kyi dkyil 'khor gyi de kho na nyid la sogs pa'i dbye bas du ma nyid dam sna tshogs par gyur pa yin te/ rnam par dag pa'i ye shes sna tshogs pa'i rgyu nyid kyis na sna tshogs pa'i rnam par dag pa'o zhes bya ba'i don to/ shes rab kyi pha rol tu phyin pa mthar thug pa med pa nyid pas zhes bya ba la 'dir shes rab kyi pha rol tu phyin pa ni rnam par thar pa'i sgo rang bzhin gyis 'od gsal ba dang / brtson 'grus kyi pha rol tu phyin pa nyid de de las thams cad mthar thug pa med pa nyid du gyur pa'o/ /de yang las kyang yin la thams cad kyang yin pas na las thams cad de/ brtson 'grus kyi pha rol tu phyin pa'i las rnams dang las kyi rigs kyi dkyil 'khor la sogs pa'i de kho na nyid do/ /de rnams kyi mthar thug pa med pa ni/ phyi ma'i mtha'i mur thug pa med par sprul pa rnams kyis 'gro ba rnams kyi don mdzad par gyur pa'o/ /gang la la zhes bya ba ni go sla'o/ /de sangs rgyas dang / byang chub sems dpa' spyod pa mthar thug pa med pa'i phyir te zhes bya ba longs spyod rdzogs pa'i sku dang / sprul pa'i sku dag gis 'gro ba'i don gyi mthar phyin te/ shes rab kyi mthar thug pa'i rtogs pa thob pa'o/ /ji lta zhe na/ sgrib pa thams cad zad pa'i mthar phyin pa nyid kyis zhes bya ba gsungs te/ sgrib pa thams cad ni bshad zin to/ /de rnams kyi zad pa'i mthar thug pa ni lhag ma med par spangs pa'o/ /de'i dngos po ni sgrib pa thams cad zad pa'i mthar thug pa nyid de des de bzhin gshegs pa nyid dam rdo rje 'dzin pa nyid myur du 'grub par 'gyur ro/ /de nas zhes bya ba ni 'das ma thag pa ston pa'i tha tshig go/ /de bzhin gshegs pa thams cad ces bya ba la sogs pa ni go bar zad do/ / sems can zhes bya ba la sogs pa la/ sems can yang yin la chen po yang yin pas na/ sems can chen po ste thog ma dang tha ma med pa'o/ /rigs thams cad kyi mdo sde yin pas na rdo rje'i mdo sde'o/ /de byin gyis brlabs pa ni brtan par byas pa ste sngar bshad pa'i tshul gyis slob dpon gcig nas gcig tu brgyud pa ste/ rgyun mi 'chad par bzhag pa'o/ /gang gis byin gyis brlabs she na/ sangs rgyas rdo rje 'dzin kun gyis/ /zhes bya ba gsungs te/ rdo rje 'dzin pa ni rdo rje sems dpa' la sogs pa'i byang chub sems dpa' rnams te/ de dag dang lhan cig tu bzhugs pa nas/ sangs rgyas rdo rje 'dzin kun gyis/ /zhes bya ba ste/ des byin gyis brlabs pa'o/ /sangs rgyas rdo rje 'dzin pa dang bcas pa de rnams kyis byin gyis brlabs pas cir 'gyur zhe na/ 'bras bu yod pas zhes bya ba gsungs te/ gdul bya rnams kyi byang chub sems la sogs pa rdzogs par byed pa nges pa nyid yin pas na 'bras bu yod pa'o/ /'dis sems can rnams 'dul bas 'dul ba ste/ sangs rgyas nyid dam rdo rje 'dzin pa nyid la rab tu 'jog pa zhes bya ba'i don to/ / 'dul ba yang yin la mchog kyang yin pas na 'dul ba'i mchog go/ /cho ga'i rgyal po zhes bya ba la sogs pa ni go bar zad do/ /sangs rgyas kun gyis gsungs pa bzhin/ /zhes bya ba ni de bzhin gshegs pa thams cad kyis ji skad du gsungs pa'i gzhung dang don sgrub par byed cing / gang zhig 'dzin par byed pa de dag ni ji skad du gsungs pa'i dngos grub rnams thob par 'gyur te gzhan du ni ma yin no/ /de skad ces bya ba ni 'das ma thag tu gsungs pa'o/ /rdo rje can ni rdo rje sems dpa' ste/ des gsungs pa'o/ / kun gyi mchog ni dam par 'gyur ba'o/ /sangs rgyas thams cad ni 'jig rten gyi khams thams cad kyi rdul phra rab dang mnyam pa'o/ /sras bcas kun ni byang chub sems dpa'i 'khor gyi dkyil 'khor dang bcas pa ste/ de dag thams cad kyis mngon par bstod do zhes bya bar sbyar ro/ /ci'i phyir rdo rje sems dpas bshad pa la mngon par bstod ce na/ gsang ba grub phyir zhes bya ba gsungs te/ phyag rgya chen po dang / gsang sngags kyi dngos grub ni/ gsang ba'i dngos grub ste/ de'i don la mngon par bstod par gyur pa'o/ /'di skad du ston par gyur te/ bcom ldan 'das rdo rje sems dpas dkyil 'khor bco lnga'i sgrub pa'i tshig gang zhig gsungs pa ste/ de rnams ni phyag rgya chen po la sogs pa'i gsang ba sgrub pa'i phyir de bzhin gshegs pa byang chub sems sems dpa'i 'khor gyi dkyil 'khor dang bcas pa de rnams kyis rjes su yi rang bar mdzad pa ste/ sangs rgyas kyi gsung nyid du bstan pa'i phyir ro/ /de yang ji lta bu zhe na/ gdul bya rnams kyis rdo rje sems dpas gsungs pa 'di ni de bzhin gshegs pa sras dang bcas pa rnams kyis sangs rgyas nyid kyi gsung nyid du zhal gyis bzhes par mdzad pa yin no zhes nges pa bskyed nas/ 'jug par gyur na phyag rgya chen po la sogs pa'i dngos grub rnams 'grub par 'gyur ba yin no/ /phyi dang nang gi yul gnyis su spangs pa'i don yang zhes bya ba ni stong phrag brgya la sogs pa dang / tshul sgo brgya lnga bcu par gsungs te/ smos pa tsam las gsal bar ma bshad pa rnams so/ /gsal bar bshad pa zhes bya ba ni gsang ba'i don rnams kyang 'dir ma gsang bar bstan pa'i don to/ /shes rab kyi pha rol tu phyin pa'i tshul zhes bya ba ni ji skad du gsungs pa rnams so/ /de rdzogs so zhes bya ba ni mthar phyin pa ste/ kun gzhi'i rnam par shes pa yongs su gyur pa'i mtshan nyid can me long lta bu'i ye shes kyi ngo bo nyid ston pa'i tshul dang / ngo bo nyid kyi sku dang / rnam par thar pa'i sgo stong pa nyid dang / byang chub kyi sems chen po dang / phyag rgya chen po ston pa'i tshul gyis so/ /rgyal ba zhes bya ba nas shes rab kyi pha rol tu phyin pa'i don gyi snying po zhes pa 'di kho nar zad pas 'di mi shes bzhin don shes par smra bar bkag pa'o/ /byang chub sems dang rgya chen shes rab pha rol phyin 'byung ba'i/ /rgyud 'di bshad byas bdag gis dge ba tshad med gang bsags shing / /shes rab pha rol phyin la kun dga'i snying pos dge bskyed pas/ /'jig rten ma lus khyab bdag chen po rdo rje 'dzin gyur cig/ / dpal mchog dang po las gsang ba'i shes rab kyi pha rol tu phyin pa 'byung ba zhes bya ba/ dum bu dang po'i phyag rgya bshad pa rdzogs so// //sngags dgongs sgra yi tshig don rtogs dka' las/ /blo gros brtson sogs rgyu dang mi ldan zhing / /don bzhin sgrub pa phal cher 'das pa na/ /nus gzhan bdag la spro ba'i sems med kyang / /mya ngam gnas kyi dpag bsam shing 'dra yi/ /snyigs dus mtha' 'khob gnas su rje rgyal 'khrungs/ /chos don lhur mdzad kun la thugs brtse bas/ /don 'di bsgrub phyir bla ma'i bka' yis bskul/ /rje yi bka' las mi 'da' gtsor bgyis te/ /bka' drin blan zhing ci nas mnyes bya dang / /yongs la phan dgongs rgya chen bsgrub pa'i phyir/ /sngon mkhas rjes 'brangs rtsol ba gtugs te bsgyur/ /de bas chos rjes 'brang ba'i dam pa rnams/ /yang dag don btsal rjes su mos blo yis/ /chos mchog bka' drin dam pa shes byas la/

CLOSE WINDOW