བོད་ཡིག

e-texts based on the ACIP/ALL Input

/[ ]@##/ /rgya gar skad du/ shrI badzra DA ki nI gI tA ya nA ma/ bod skad du/ dpal rdo rje mkha' 'gro ma'i mgur zhes bya ba/ bcom ldan 'das dpal 'khor lo sdom pa la phyag 'tshal lo/ /dur khrod chen po ha ha sgrogs pa zhes bya ba na las kyi mkha' 'gro ma rnams kyis rgyal bu dung phud 'dzin zhes bya ba skye ba bdun pa gcig la tshe'i bar gcod byas nas/ de'i sha khrag las tshogs kyi 'khor lo byas te ye shes kyi mkha' 'gro ma rnams spyan drangs pas/ de'i dus su ye shes kyi mkha' 'gro ma dbyings kyi gtso mo nyi shu rtsa gcig gis snying gtam gros su btab cing rtogs pa mgur du bzhengs pa las/ dang po la mkha' 'gro ma tam las mgur bzhengs pa/ /hUM nags kyi glang po yan 'dod na/ /'ching ba'i sgrog las gros byas te/ /lcags kyu 'dzin pa dgra ru lta/ /'bras chang ro la ma chags par/ /rin chen rgyan rnams bor bar bya/ /glu len dgra la yid mi gtad/ /dpung gi ru dpon mi bya bar/ /rgyal po'i zhon pa spang bar bya/ /mchu la ral gri mi bskyon par/ /pho brang nang nas byol byas te/ /nags kyi mtha' la 'bros par bya/ /gsungs so// //mkha' 'gro ma nor bu'i mdangs kyis mgur bzhengs pa/ hUM 'du ba gso ba'i drang srong la/ /nad kyi gnyen po dri bar bya/ /ded dpon nor bu len pa la/ /gling don bsgrub pa'i zhu ba 'bul/ /dkor mdzod 'dzin pa'i rgyal po la/ /yid dang mthun pa'i nor bu nyo/ /skya ba 'dzin pa'i rig byed la/ /chu bo sgrol ba'i grogs su btsal/ /bsam 'phel yid bzhin nor bu la/ /dgos 'dod 'byung ba'i gsol ba gdab/ /gsungs so// //mkha' 'gro ma rgyan gyi rgyal mos mgur bzhengs pa/ hUM rgyal po'i dka' 'og chud pa'i mi/ /zhing sa gshin pa son ma bya/ /ded dpon snying khrag 'thungs nas ni/ /so btang rdza la las rnams bcol/ /gangs kyi zhun chu kho lam btung / /nyi zla'i thig le zed byas te/ /chang 'thungs pa yi sems de ltos/ /rab gnas tshar ba'i gzugs brnyan bstan/ /de nas lha khang sgo phye ste/ /nyin mtshan rab tu blta bar bya/ /gsungs so/ / //mkha' 'gro ma b+hi na sas mgur bzhengs pa/ hUM gling phran nor bu mi btsong bar/ /sbal pa'i kha la phrin las bcol/ /rkun mo'i snying sha zos nas kyang / /mi yi bu mo mi brnyas par/ /nam mkha'i 'o ma skyugs nas ni/ /dpag bsam ljon shing bskyed pa gces/ / so mtshams mkhar gyi rtse la nyal/ /mel tse byed pa'i gcan gzan gso/ /gsungs so// //mkha' 'gro ma dpal gyi bzang mos mgur bzhengs pa/ hUM lcags rnams gser du bsgyur ba'i phyir/ /rin chen rnam lnga lag tu blugs/ /'byung ba lnga ni dbugs su gzhug /nam mkha'i 'ja' tshon gzung bar bya/ /'khor los sgyur rgyal spyan drangs la/ /spyan gzigs dgyes pa'i rol mo dbul/ /dbu la nor bu thod du bcings/ /yi ge gsum gyis gtan la dbab/ /nam mkha'i sprin tshogs rab bsdus te/ /'byung ba'i tsha grang 'thab pa'i sgras/ /sbrang char dal bu phab nas kyang / /bcud kyi lo tog rgyas par bya/ /gsungs so// //mkha' 'gro ma ti ma las mgur bzhengs pa/ hUM dri za bu mo gzung bya ste/ /rin chen sna lnga'i rgyan btags la/ /ljon shing smad nas bsgul ba yas/ /gangs dkar rtse nas 'ju bar byed/ /chu bo gyen la bzlog pa yis/ /nam mkha'i bu mo mgu bar byed/ /chu bran rgya mtshor slebs pa yis/ /rlangs pa mkha' la phur bar byed/ /kha dog du ma'i lho sprin gyis/ /nam mkha'i dang du yal bar 'gyur/ /gsungs so// //mkha' 'gro ma bde ba'i rdo rjes mgur bzhengs pa/ /hUM mkha' la 'ja' tshon gsal la stong / /tshes gcig zla bskyed du 'phel/ /dig mas rmi lam smra ma shes/ /bu ram gzugs ni ro gcig nyid/ /gzhon nu'i bde ba ngo ma shes/ /shel gyi kha dog gdan gyis bsgyur/ /nyi ma'i 'od kyis skar tshogs 'grib/ /skyi ser rlung gis bar snang dngas/ /pad+ma 'dam gyi nang na gsal/ /rgya mtsho'i gnyer ma ngo mtshar che/ /gsungs so// //mkha' 'gro ma ye shes rdo rjes mgur bzhengs pa/ hUM nam mkha'i mtshon pa ci la btags/ /bu shi'i 'o ma sems las bral/ /bya ba zin pa'i skyes bu dang / /bram ze skud pa 'khal la ltos/ /'dzam bu'i gser dang bse ru ltar/ /mdangs ldan me tog ji bzhin nam/ /rgya mtsho'i dbyings dang 'dra ba'i don/ /dpal gyi be'u mdzes par mdzod/ /gsungs so// //mkha' 'gro ma bde ba'i mdangs kyis mgur bzhengs pa/ hUM ri rab chen po'i rtser phyin te/ /ri bran ma lus blta bar bya/ /gyi ling sgrog tu bcug pa la/ /phyogs mtshams kun du rgyug par bya/ /bung bas rtsi bcud kun sdud de/ /ro rnams gcig tu bsre bar byed/ /dwa phrug ma dang phrad pa yis/ / the tshom dri ma sel bar byed/ /skyes bus nam mkha'i dbyings mthong bas/ /phyogs su 'dzin pa 'jig par 'gyur/ /yid bzhin nor bu'i gter thob pas/ /rmongs pa'i dbul ba sel bar byed/ /gsungs so// //mkha' 'gro ma phra man stag gdong mas ma gur bzhengs pa/ hUM ltangs kyis 'bod pa de ci sems/ /cer gyis lta ba gang la yengs/ /nam mkha' ji ltar gsal bar 'gyur/ /mar me 'di yi rtog pa gang / /chu bur zhig pa'i rjes mi rnyed/ /rmi lam rtog pa sad pas stong / /lder tso'i sgo nga gang la chags/ /bu shi'i a ma'i gces 'dzin su/ /chu bo'i bro la ro drug gang / /lkugs mas smras pa'i tshig de ci/ /gsungs so// //mkha' 'gro ma dpal gyi bzang mos mgur bzhengs pa/ hUM skyi ser rlung gi pha yul gang / /lag bskor mig gis ma lus bcom/ /bu chung 'di yi gces 'dzin bor/ / shing gi skyes bus ngal du ba spangs/ /gling las nor bu len ma shes/ /bsil ba'i sman ni za bzhin sun/ /gdon gyis brlams pas dbang med smyo/ /glang po chu la ngor mi lta/ /seng ge'i bu ni 'jigs dang bral/ /gsungs so// //mkha' 'gro ma nor bu'i mig gis mgur bzhengs pa/ hUM gyad kyis nor bu su las blangs/ /sa bon bzhin du myu gu 'khrungs/ /ljon shing 'bras bu rim gyis smin/ /pa la shal lo 'bras med/ /shel gyi sgron me rang gsal nyid/ /dmus long rgyal pos mtshan dpe mthong / /nam mkha' srid gsum dbang du bsdus/ /rin chen gling na sa rdo spangs/ /gsungs so// //mkha' 'gro ma sprin gyi shugs can gyis mgur bzhengs pa/ hUM nam mkha' 'byung bzhi ma bzung ste/ /'byung bzhis nam mkha' 'da' ma nus/ /sna tshogs gzugs brnyan gsar yin te/ /nyi ma'i 'od la mun pa med/ /'o mas chu dang mar mi phye/ /'jigs chags bskal pa drug cu yis/ /nam mkha' la ni gnod ma bskyal/ /'khor los sgyur rgyal sems dpa' che/ /sems can kun la nye ring med/ /rdo yi gzugs skus sdigs mdzub phyar/ /khyod dang nga ru 'byed ma shes/ / me shel grang mo me nyid yin/ /gsungs so// //mkha' 'gro ma thod phreng rtsal gyis mgur bzhengs pa/ hUM dngas pa'i chu la rlung gis bskyod/ /chab rom gzugs kyi rnam par shar/ /nam mkha' phyogs 'dzin lung pas byas/ /gzugs med gzugs kyi do bor snang / /nyi ma'i 'od la sprin gyis bsgribs/ /sred gsum mun rum chen por gyur/ /chu bo rnyogs pas gzugs brnyan subs/ /mig gis mig nyid ma mthong bar/ /klu rgyal gtsug gi nor bu bzhin/ /rang gi srog ni rang gis bcad/ /gsungs so// //mkha' 'gro ma dpal gyi rdo rjes mgur bzhengs ba/ hUM grib mas gzugs nyid mi gtong na/ /dug zos zhu rjes ci ru 'gyur/ /byi la ri dug ni dran pas phung / /nam mkha' rtsad bzhag dus su smin/ /sa bon 'phel stobs rab tu che/ /smin pas phung ba smyug ma'i 'bru/ /bsags pas bcings pa bung ba'i rtsi/ /yod pas sbyangs pa dmangs bo'i nor/ /rang gis bslus pa srin gyi kha/ /rang la smin pa sdig pa'i bu/ /gsungs so// //mkha' 'gro ma tshogs kyi rje mos mgur bzhengs pa/ glang ni zla bo rnyed pas nyos/ /mgo tom bde ba sdug bsngal yin/ / glang po gser gyi sgrog la dga'/ /dmyal ba'i lus la bde ba med/ /yi dags bkres shing skom pas gdungs/ /khra yis ded pa'i bye'u dang / /ma he'i rdzi'u sems khral che/ /bu shi'i mya ngan yid la gcags/ /rang srog dor ba'i dpa' bo blun/ /mdze po'i so skos soms dang kye/ /gsungs so// //mkha' 'gro ma dkar mos mgur bzhengs pa/ hUM gdan sar bton pa'i rgyal bu yis/ /grogs po mi gnyis khrid byas te/ /'dab ma bzhi pa'i lde mig gis/ /'khor yug sdom pa'i lcags phye la/ /nyin mtshan gnyis kyi sbyor ba yis/ /re chas spang khung bshig nas ni/ /rgyal po'i dkor mdzod kha phye la/ /yid bzhin nor bu blta bar bya/ /lcags kyu 'dzin pa'i skyes bu yis/ /nor bu rin chen blangs nas kyang / /mchan khung gnyis su sba bar bya/ /khrus byas rgyal mtshan rtse la phyar/ /dgos 'dod 'byung phyir gsol ba gdab/ /gsungs so// //mkha' 'gro ma nyi zla'i mig can gyis mgur bzhengs pa/ hUM mkha' la nyi zla shar ba yis/ /mun pa ma spangs snang bar gyur/ /gser 'gyur rtsi yi mkhan po 'am/ /g.ya' dang bral ba'i me long bzhin/ /sgron me thogs pas mun pa bral/ /chu yi gzugs brnyan btsags pas stong / /ka la ku Ta ming yin te/ /nam mkha' mthong bas ji ltar rig /tshad pas gdungs pas chab rom zhu/ /na bun skyi ser rlung gis phyags/ /gsungs so// //mkha' 'gro ma mig ngan mas mgur bzhengs pa/ hUM me long zad nas gzugs brnyan 'gags/ /mtsho la dar zhig 'gro lam stong / /gnyid sad skyes bus yul ma mthong / /skar tshogs nyi ma'i zer gyis non/ /mkha' la gzugs shar khol ma'i nang / /khong du chang 'thungs nyam nga bral/ /me chu rlung gis srid gsum stong / /gsungs so// //mkha' 'gro ma bung ba'i mchu can gyis mgur bzhengs pa/ hUM nags kyi glang po smyo bas 'tshengs/ /ri dgas dman mas g.yeng ba spangs/ /dur srung mi la so nam med/ /ne tsho smra ma shes pas 'tshengs/ /mi gtsang khrod nas ut+pal 'khrungs/ / sha ba'i ra ni bog na bde/ /khur po med na 'jigs dang bral/ /nor med mi yis mel tshe spangs/ /nags kyi me ni rlung gis spor/ /lus ngag bkol bas 'tsho ba rnyed/ /gsungs so// //mkha' 'gro ma nam mkha' dbang phyug mas mgur bzhengs pa/ mkha' la 'byung bzhi'i nye ring med/ /rmi lam nor la zhen chags med/ /btso ma'i gser la dri ma med/ /glang po rwa med chag dogs med/ /gling lon ded dpon 'dod sems med/ /me dpung dkyil na sgog chags med/ /mo gsham bu la yang rtsal med/ /sbal pa'i kha la smra brjod med/ /me long nang na gzugs brnyan med/ /mkha' la bya 'phur rten sa med/ /gsungs so/ /mkha' 'gro ma brda'i mgur chung gsang mdzod 'phrul gyi rgya khyad par du gyur pa'i brgyud pa zha ma lo tsA bas bsgyur ba'o//[ ]@##/ /rgya gar skad du/ badzra DA ki nA gI ti nA ma/ bod skad du/

CLOSE WINDOW