བོད་ཡིག

e-texts based on the ACIP/ALL Input

a phreng ka phreng bde mchog 'khor lo'i rnal 'byor chen po bsgom pa zhes bya ba slob dpon sA ga ras mdzad pa rdzogs so//[ ]@##/ /rgya gar skad du/ bA yu s+thA na ro ga pa ri dz+nyA na nA ma/ bod skad du/ rlung gnas nad kyi brtag pa zhes bya ba/ dpal he ru ka la phyag 'tshal lo/ / dge dang mi dge'i chags pas 'khor ba'i gzhi/ /de dag chags bral rnal 'byor mya ngan 'das/ /me rlung chags pa'i gnas su gnas 'gyur ba/ /rlung gi chu gnas g.yo ba'i sems nyid dag /de yis rnam rtog gang yang rim gyis 'gags/ /dper na chu dang nam mkha'i skyes bu bzhin/ /me rlung nag pos snang ba 'ded gyur pas/ /dkar po'i shel ltar la sogs ye shes 'grub/ /dang po'i yan lag mgo ni gti mug gnas/ /sngar ltar bsgoms pas de nyid ye shes yin/ /dbang po lnga la nyi zla'i mig gnyis chags/ /lus kyi yan lag lte ba'i ye shes ni/ /chags pa'i 'khor lor srog gi rtsa gnas so/ /de la zla grangs rtsa ni bcu gnyis la/ /lus kyi tshad ni 'dom gang gru bzhi yin/ /'dzam bu'i gling bzhi gling phran brgyad dag byung / /nyi zla'i sgo nas rlung ni yang dag 'byung / /lho byang gnyis dag nyi zla'i lam yin te/ /dbyar zla 'bring po byang gi bar du dgu/ /dgun zla 'brang bo lha ru shes par bya/ /ston dpyid gnyis kyi 'bring po nyin mtshan mnyam/ /da ni rnal 'byor rlung gi grangs la ni/ /skad cig thang cig yud tsam gcig yin te/ /thun brgyad thun phyed sum brgya drug cu gzhag/ /lo gcig hUM nyid thig ler shes bar bya/ /nyi zla gnyis kyi sgo nas rlung lnga ni/ /rang nas mi rgyu gzhan nas rgyu ba des/ /dpal ldan rnal 'byor rlung log na bar 'gyur/ /de la rlung gi ming dang gnas rnams ni/ /brtan g.yo bar gnas mkhris rgyas bde gshegs rlung / /rim par gti mug chu rlung mgo la rgyu/ /bad kan skye bas rnal 'byor lha gnas nyams/ /g.yo ba'i rlung ni gzhan gyi rtsa la rgyu/ /mdud par chags na drod nyams grang ba ste/ /chu rlung bar na me rlung gnas pa de/ /rtsub pa'i rlung 'dzin ngal du ba byas pa'i tshe/ /drag po'i zhe sdang mthar yang snying rlung ldang / /'dus pa'i gnas su dug gsum rlung 'dus pa/ /'dus pa'i nad kyis sems kyi dbang po 'khrul/ /bde gshegs gnas su mi rgyu gzhan rgyu na/ /rnal 'byor las kyi nad du shes par gyis/ /sman dang sman pa rang lus gnas pa la/ /lus kyi dkyil 'khor brgyad kyi thig le las/ /sor ni bcu gnyis bcu gnyis steng du ni/ /bzhi bzhi gnad 'dzin brgyad la sems gtad bya/ /bung ba'i rlung 'dzin 'khrul 'khor nad 'don bya/ /dbu mar ma chung rlung ni rtsa bzhi ru/ /bzung bas rnal 'byor mngon rtogs 'di ltar 'char/ /sa yi rlung gis lus lci sems mi gsal/ /mi rtag chu rgal zla ba mthong ba dang / /chu mig la sogs rtags ni sna tshogs 'byung / /rnal 'byor sha rgyas ldan pa shin tu dka'/ /thang la 'gro bar 'gyur na glo snying brdung / /rlung gi rlung ni zin pa'i mngon rtags ni/ /grang ba skye zhing lus khol thig le 'dzag /pho ba na zhing g.yang za yan lag 'khums/ /me rlung zin pa'i rtags ni mkhris pa rgyas/ /sems nyams drod skyes ro stod lci zhing na/ /rmi ltas mi mthong snang ba dmar po mthong / /'chi rlung g.yang za 'gro 'dod sems mi dga'/ /mi rtags 'phur dang lhung dang phrad mi thar/ /bde gshegs rlung 'dzin sems bde gnyis med gnas/ /bsus pa'i gegs sel rim bzhin 'di ltar bya/ /dmigs pas me sbar sa khams bsreg par bya/ /chu mig brgyad la rnal 'byor rlangs pa 'thul/ /chu brub sa spyang rlung gi phyag dar bya/ /tho rangs mi bskyod grang nas btung bar bya/ /rlung la me bsgom hi rgyu mar chen dril/ /bem rtol brgyab pas ba spu'i bu ga phye/ /'khor lo bsgom zhing grang ba sel bar byed/ /dbu mar ma chud chu rlung gzhan zhugs na/ /bad kan na bas bu gnyis dag byed/ /lus bca' chu 'brub rlangs pa 'thul bar bsam/ /me rlung gnyis kyis 'byung bar sems gtad do/ /mkhris pa ldang na gangs kyi chu 'bru ba bya/ /bdud rtsis lus gang gangs nas du ba 'thul/ /spyi bor bla ma'i bdud rtsi lus la byug/ /rlung gi rlung ni 'dzin pa'i rnal 'byor pa/ /byang chub sems kyi ting nge 'dzin la bslab/ /gzhan yang nad rtags nad 'don zhal las shes/ /rlung gnas nad kyi brtag pa zhes bya ba slob dpon a dzo kis mdzad pa rdzogs so/ /[ ]@##/ /rgya gar skad du/ tsit+ta ta two pa de shaM nA ma/ bod skad du/ sems nyid kyi de nyid bcing ba zhes bya ba/ thams cad mkhyen pa la phyag 'tshal lo/ /de nyid kyis ni bcings pa la/ /de nyid kyis ni grol bar byed/

CLOSE WINDOW