བོད་ཡིག

e-texts based on the ACIP/ALL Input

/theg pa chen po'i gnas lugs gtan la 'bebs pa zhes bya ba slob dpon chen po rdo mkhan d+his mdzad pa rdzogs so//[ ]@##/ /rgya gar skad du/ tsit+ta s+ya saM pra d+hA ya byA baSh+Ta naM nA ma/ bod skad du/ sems la gros 'debs pa zhes bya ba/ yum rdo rje phag mo la phyag 'tshal lo/ /dpa' bo dpa' mo 'byung po rnams kyis bskor byas pa'i/ /dpal chen he ru ka yi zhabs la phyag 'tshal nas/ /khams gsum sems can rnams kyi sgrib pa bsal ba'i phyir/ /bdag gzhan rnams kyi don du sems la phan pa'i gros 'debs bya/ /'dod pa pad+ma'i chu ltar rig nas sems nyid kyi/ /bla med lta sgom 'bras bu khyod kyis dran par gyis/ /de yis dpal ldan zhal mthong gnyis med don rtogs te/ /de phyir nyams len brtson pas phyag rgya chen po thob pa'i phyir/ /sna tshogs gzugs sgra sogs la ma chags ma zhen na/ /'khor bar mi gnas rgyu med mya ngan 'das pa thob/ /pad+ma'i bzhin mdzes mngon sum mig gi dbang po dang / /sgra brnyan rnams shing sems nyid rmongs 'gyur bas/ /kye ma zhe sdang phrag dog dug ni ci phyir 'dzin/ /skra dkar gnyer ma la sogs khyod kyis mthong gyur kyang / /yongs su tshol ba'i zhen pas nyes pa skyon gyis bcings/ /rab 'bring tha ma'i spyod lam 'dod chags zhe sdang gis/ /mkhas btsun mngon pa'i nga rgyal 'khor ba'i gnas su 'khyam/ /yi dags lha min dung 'gro la sogs sdug bsngal mang / /de phyir phrag dog spangs lar rang nyid dmigs par gyis/ /lha dang klu dang mi rnams bde bar grangs mang thob gyur kyang / /sems kyi rgyal po 'dod pas mi ngoms ngo mtshar che/ /gnyen bral sdug bsngal mchi ma rgya mtsho bas kyang lhag /dur khrod gnas kyi keng rus bsags pa ri dang mnyam/ /'dod pa'i rma phyung 'khrugs pa'i khrag ni mtsho dang 'dra/ /kye ma sems kyi rgyal po'i rnal 'byor ci phyir srid mi spong / /mi lus 'dod bya khom ldan yang dag thob byas nas/ /dngos po rnams ni chu bur lta bur brtags byas la/ /khyod kyis bdag gzhan rnams la ji srid phan par gyis/ /'khor pa'i 'dam la bying 'gyur thar ba shin tu dka'/ /dmyal ba'i sdug bsngal du 'bod tsha grang sreg cing btsir/ /sred pas phrag dog yi dags bkres skom skye 'gyur la/ /snying rje'i gnas thob dud 'gro phan tshun zhe sdang che/ /lha yang gnas nas ltung 'gyur mi rnams sdug bsngal mang / / de ltar 'gro ba'i sdug bsngal khyod kyis dran khyos la/ /don dam kun rdzob tha snyad sna tshogs spang bar gyis/ /longs spyod sprin phung glog ltar rnam par g.yo bar 'gyur/ /tshe 'di rlung gis bskyod pa'i pad+ma'i chu ltar 'jig /lang tsho rnams ni mi rtag de ltar bltas byas nas/ /mkhas pa rnams ni myur du nags su 'gro bar gyis/ /'khor ba'i 'dod pa'i gnyen bshes chags pas phrag dog skye/ /mthar yang gshin rje'i gnas 'gro rgyal ba thob mi 'gyur/ /khyod kyis de ltar shes na thar pa'i lam thob bo/ /mi lus dam pa yang dang yang du thob pa dka'/ /dper na rgya mtsho'i chu rlabs rlabs snang zla ba'i gzugs brnyan dang / /rmi lam mig 'phrul 'khrul snang sna tshogs sgom byed na/ /'khor ba'i zhags pas bcings grol rgyal bya bzhin no/ /de phyir sems nyid ma chags ma zhe na nyams len gyis/ /'khrul zad gang zhig rnal 'byor bde ba thob pa des/ /sems gsal yal ga brgya yis sangs rgyas 'bras bu thob/ /sems kyi gros 'debs zhes bya ba slob dpon a dzo kis mdzad pa rdzogs so//[ ]@##/ /rgya gar skad du/ s+thA na mA rga pha la ma hA mu dra b+hA ba na nA ma/ bod skad du/ gzhi lam 'bras bu bsgom pa'i phyag rgya chen po'i nyams len zhes bya ba/

CLOSE WINDOW