བོད་ཡིག

e-texts based on the ACIP/ALL Input

/[ ]@##/ /rgya gar skad du/ b+ha ba na dr-iSh+Ti tsAR+Ya pha la do ha gI ti ka nA ma/ bod skad du/ lta sgom spyod pa 'bras bu'i do ha'i glu zhes bya ba/ 'phags pa 'jam dpal la phyag 'tshal lo/ /dngos po sna tshogs rang gi sems nyid yin/ / 'khor 'das thams cad rnal 'byor dbyer med pa/ /sangs rgyas sems can gnyis su med pa ste/ /dper na chu dang de yi rlabs bzhin no/ /dngos dang dngos min spangs pa'i sems nyid 'di/ /rtogs pa'i rnal 'byor skad cig gcig la ni/ /sgron me chung ngu zhig gis mun pa ltar/ /'khor ba'i dug lnga rang bzhin rab rib sel/ /zung 'jug phyag rgya blo 'das chen po ni/ /bde gsal mi rtog nam mkha' lta bu ste/ /khyab cing rgya chen snying rje chen po'i ngo / /snang yang rang bzhin med pa chu zla bzhin/ /gsal yang tha snyad mtha' dbus kun dang bral/ /gang gis ma gos dri med re dogs bral/ /lkugs pa'i rmi lam bzhin du smra mi shes/ /tshad med bde chen rang bzhin ye shes ni/ /nyi zla'i 'od bzhin phyogs dang bral ba med/ /kye ho rnal 'byor rang 'byung ngo mtshar che/ /gnyug ma ma bcos sems ni chos sku ste/ /bcos pa'i sems kyis rnal 'byor thob mi 'gyur/ /de phyir bde ba'i phyogs su yan par mthong / /rang bzhin grub pa'i lam thob rnal 'byor bde/ /rnam rtog bral bas zhe 'dod 'byung mi srid/ /rta mgrin grub thob bdag nyid sar has smras/ /kye ho rnal 'byor lta ba'i nyams len gyis/ /de yi rang bzhin gang zhig sgom 'dod na/ /rang lus ri bo 'di ni gnas kyi mchog/ /sems nyid dus kyi rnal 'byor sgrub pa po/ /dbang po rnams bcings mtshams bcad pa de bar 'gyur/ /g.yeng ba rnams kyang ched du spang mi bya/ /tug phrad sems su shes na yi dam lha/ /shes pa ma bkug rtog pa rim gyis spangs/ /sems la rnam rtog byung na rnal 'byor bas/ /ras bal 'dab ma bzhin du glod la zhog /bya ba spongs la rang sems rang gis ltos/ /zhe 'dod byung na bdud du shes par gyis/ /rnam rtog rnams kyi rtsa ba sems yin te/ /de med phyir na rnam rtog yod min no/ /dran pa dran med bsgom pa'i rnal 'byor te/ /sems 'di rtag par ma grub rang la thim/ /bsgom 'dod med pas sangs rgyas 'bras bu thob/ /rnal 'byor bu chung lta bur rtog pa med/ /ldum ra'i bud pas me tog ro myang ltar/ /nags nas nags su 'khyam pa seng ge bzhin/ /kun du rgyu ba sna tshogs rlung ltar ni/ /sems nyid bag dang ldan pa spyod pa'i mchog /rang bzhin mi dgag smyon pa lta bur spyod/ /rgyab tu mi chags mdun du zhen pa med/ /mdor na lta sgom spyod pa nyams len la/ /ji ltar phan pa'i spyod pas rnal 'byor spyod/ /sna tshogs snang ba sems kyi ngo bo 'di/ /tug phrad tsam gyis ma grub phyag rgya che/ /snang la mi snang 'bras bu sangs rgyas 'byung / /de la sems na dngos grub dam pa yin/ /phyi nang thams cad lhan cig skyes pa 'di/ /rnam rtog chu bo'i rgyun gyi rnal 'byor 'dra/ /de yang sems las gzhan na btsal du med/ /yid la mi gzhag phyag rgya chen po'i lam/ /'bras bu ma re rtogs na phyag rgya che/ /ma rtogs rtog pa nam mkha'i sprin dang 'dra/ /rtogs na de nyid rang bzhin stong pa yin/ /lta spyod 'bras bu dbyer med lhan cig skyes/ /rang bzhin dbyer med rtogs na 'bras bu'i mchog /lta sgom spyod pa 'bras bu do ha'i glu zhes bya ba slob dpon sa ra ha bas mdzad pa rdzogs so//[ ]@##/ /rgya gar skad du/ tat+tAM do ha gI ti ka nA ma/ bod skad du/ do ha mdzod kyi de nyid kyi glu zhes bya ba/

CLOSE WINDOW