བོད་ཡིག

e-texts based on the ACIP/ALL Input

@##/ /rgya gar skad du/ /sa na sa ra mA na ni yA Ni ka ra nA ma sad+hI ti / bod skad du/ /'khor ba las yid nges par 'byung bar byed pa zhes bya ba'i glu/ bla ma rnams la phyag 'tshal lo/ /dkon mchog gsum la phyag 'tshal lo/ /e ma'o/ /'du byed sdug bsngal 'gyur ba'i sdug bsngal dang / /sdug bsngal sdug bsngal la sogs brgya rtsa bcu / /sdug bsngal kun las skyob par mdzad pa yi/ /sman pa'i rgyal po de la phyag 'tshal lo/ /kye kye kwa'i grogs po dag /'khor ba'i rgyu ni nyon mongs pa dang las/ /nyon mongs khams gsum gnas ni dgu bcu brgyad/ /zag pa'i chu bo sbyor ba nye bar len/ /rgyu dang yul dang sbyor ba'i stobs kyis byung / /kye kye kwa'i grogs po dag /sna tshogs 'di dag las las byung / /de yang nyon mongs stobs las byung / /dge dang mi dge lung ma bstan/ /mthong la myong dang skyes nas myong / /gzhan du myong dang ma nges pa'i/ /dkar dang gnag dang 'dren ma'o/ /'khor ba'i las ni lci gang dang / /nye ba gang dang goms pa gang / /sngon byas gang yin de las ni/ /snga ma snga ma rnam smin 'gyur/ /grogs dag soms shig thog ma med pa nas/ /ma rig la sogs bcu gcig rga shi'i mtha'/ / yan lag bcu gnyis cha gsum zo chun tshul/ /nang gi rten 'brel yang dang yang du 'khor/ /tshe rabs tshe rabs grangs med de dang der/ /skye dang rga dang na dang 'chi ba yi/ /sdug bsngal rnams kyis yang dang yang du gdungs/ /'khrul nas 'khor gyur 'khrul cing 'khor bar 'gyur/ /kyi hud srid pa'i lam gyis dub pa'i 'gron po rnams/ /sdug bsngal bde bar bzung nas mi skyo ba / /khyed yid de la rtag tu chags byed pa/ /phyugs dang khyad par med par bla ma gsung / /bla mas zin pa'i skye bo mkhas pa dag /skad cig skad cig 'gro ba lnga po kun/ /'khor ba'i sdug bsngal tsher ma zug 'dra la/ /rus pa'i gting nas snying rje su mi skye/ /las ngan dbang gis 'khor ba'i rgya mtsho 'dir/ /yang yang skye zhing yang yang rga dang na/ /yang yang 'chi 'gyur 'di ni mi sems par/ /yul la chags byed bdag gis ji ltar bya/ /grogs dag srid pa gsum nang gnas pa kun sdug bsngal/ /de yang mi yi sdug bsngal bdag gis mthong / /mngal gyi sdug bsngal 'di lta bu ru gnas/ /nur nur mer mer gor gor nar nar po/ /ltar ltar mkhrang dang rkang lag rim gyis rdzogs/ /nu zho mar gyis gso byed cing / /shin tu nyam chung gan rkyal nyal/ /byis pa dar ma lang tsho dang / /rgas pas slar yang byis bar 'gyur/ /tshe ni mi rtag shin tu g.yo ba ste/ /yud tsam sdod pa'i mthu yang yod ma yin/ /bdag ni nges par 'chi 'gyur mi sems pa/ /grogs dag skyes bu de ni ngo mtshar che/ /'khor ba'i skyon dang nyes dmigs mi shes pas/ /phyin ci log pa bzhi la gnas nas su/ /bdag ni nges par 'chi 'gyur mi sems par/ /yul la mngon zhen nyin mtshan don med 'das/ /'dzam bu'i gling pa dus min 'chi bas te/ /nges pa can yang zad par 'gyur bas na/ /yang dang yang du nges par 'chi 'o zhes/ /bsam par rigs so kwa'i bzhin bzang dag / so ga me tog rgyas pa'i dus 'di byung bar gyur / /zla ba gsal bas mtshon pa'i ston dus 'di 'byung zhes/ /skye bo thams cad dga' 'gyur bdag gi tshe 'di ni/ /zad par 'gyur zhes shin tu mi dgar 'gyur ba med/ /de ring 'di bya sang ni 'di bya de nas 'di dang 'di bya zhes/ /srid pa g.yo ba'i rang bzhin ma shes don med yid brtan tshol byed pa'i/ /skye dgu 'chi bdag gi ni chu srin khar ni gru ni zhugs pa ltar/ /bya ba mthar ma phyin par yul gyi chu yi dba' klong nang du lhung / /'di ni sang bya 'di ni thang cig 'og tu bya/ /'di ni de'u re bya zhes skye bo sems pa na/ /gshin rje be con lag thogs zur gyis lta byed cing / /mig rtsa dmar khros ma rungs gad mos re snyam 'debs/ /rnal 'byor bstan bcos thams cad dang / /sbyor ba du ma rab shes kyang / /deng bya sang bya zhes smra zhing / /bsam dang ldan pas 'chi bar 'gyur/ /tshe 'di gnod mang rlung gis btab pa yi/ /chu yi chu bur bas kyang mi rtag na/ /dbugs 'byung dbugs rngub gnyid kyis log pa las/ /sang khom gang lags de ni ngo mtshar che/ /kye kye kwa'i grogs po dag /tshe ni yun thung shes bya'i rnam pa mang / /tshe yi tshad kyang ci tsam mi shes pas/ /ngang pas chu las 'o ma len pa ltar/ /rang gi 'dod pa dang la blang bar gyis/ /kye kye kwa'i grogs po dag /'jig rten spyod pa dag la phar bltas na/ /byas pa thams cad don med sdug bsngal rgyu/ /ci la bsams kyang phan par mi 'gyur bas/ /rang gi sems la lta ba goms par gyis/ /kye kye kwa'i grogs po dag / tshad ma bdun dang brda sprod rnam pa bzhi/ /mngon pa dang ni yo ga tsar+ya'i sa/ /mdo sde dang ni 'dul ba mngon pa dang / /gzhung du bkod pa ma lus thams cad kun/ /ma mthong ma mnyan ma bshad ma bris zhes/ /de la gdung ba ma bskyed bzhin bzangs dag / bla ma'i man ngag ces bya bdud rtsi'i ro/ /gang gis sems mnyam 'jog pa de tsam zhig /yongs su btsal gyis gzhung mangs ci zhig dgos/ /thams cad yid ni 'khrul par byed pa'i rgyu/ /'khor ba'i gnas 'di nges pa med pas na/ /pha ma la sogs pha mar ma nges pas/ /nye du 'brel ba dag la chags pa spangs / /dgra yang ma nges de la sdang ba spangs / /nad med lang tsho phun sum tshogs pa dang / /'dod yon lnga la rang bzhin gyis chags spangs / /rnyed pa dang ni bkur sti grags pa dang / /rigs dang rus dang tshigs su bcad pa spangs/ /slob ma yang slob chos kyi 'brel pa spangs/ / kye kye kwa'i grogs po dag /'jig rten stag sbrul med dang dug 'dra bar/ /bsams nas spangs te dben par gnas par bya/ bud med mtshan nyid skyes pa'i mtshan nyid dang / /sman dang glang chen brtags pa'am gza' skar rtsis/ /mtshon cha brtags pa'am rta dpyad rang bzo'am/ /bstan bcos ngan pa slob dang klog pa spangs/ /yul la mngon dga'i sems ni byung ba dang / /rnam rtog de dag rnams ni byung ba nas/ /bdag ni nges par 'chi ba dran byas la/ /'og nas 'byung ba'i gnyen po rnams kyis bzlog /rnam rtog mang ba dbugs bgrang pa yis gzhil/ /'dod chags sems byung rnam par rtog pa de/ /rang bzhin mi gtsang keng rus blta bas bzlog /zhe sdang la ni byams pa'i chu yis btab / /gti mug la ni rten 'brel lam gyis so/ /mi gtsang ba dang byams pa rten 'brel gyi/ /man ngag bla ma'i zhal nas 'byung bzhin bya/ /'khor ba la yid ches bar 'byung bar byed pa zhes bya ba'i glu/ /slob dpon dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po de nyid dang / /zhu chen gyi lo tsA ba rgya bston seng ges bi ka ma la shI la'i gtsug lag khang du bsgyur ba'o/ /slad nas bla ma de nyid dang / /lo tsA ba tshul khrims rgyal bas bcos shing gtan la phab pa //[ ]@##/ /rgya gar skad du/ /d+har+m+ma d+hA tu sa ra gI ta/ bod skad du/ /chos kyi dbyings lta ba'i glu/ /thams cad mkhyen pa la phyag 'tshal lo/

CLOSE WINDOW