བོད་ཡིག

e-texts based on the ACIP/ALL Input

/[ ]@##/ /rgya gar skad du/ shrI bi rU pa ba dA tsa tur shI ti/ bod skad du/ dpal biR+Wa pa'i tshig rkang brgyad cu rtsa bzhi pa/ bla ma rnams la phyag 'tshal lo/ /nyin mtshan rtag tu bla ma mchog gi zhabs la 'dud/ /gzhung 'di lhan cig skyes pas 'phros nas byung / /des ni rga shi rnams la bzhad gad byas/ /sems ni mi g.yo brtan par rtse gcig bya/ /des na bsam bya bsam gtan dkyil 'khor phyag rgya med/ /de rnams bsgoms pas rnam par dag mi 'gyur/ /lta stangs 'ching dang las rnams byed pa dang / /sgo rnams dgag par bya ba ma yin no/ /des ni lhan cig skyes pa'i lam mi shes/ /gang zhig srog dang rtsol ba gang ba can dang ni/ /bum pa can gyi rlung la bstod byed pa/ / gang gis lte ba'i dkyil 'khor nyid du ni/ /gtum mo sbar bar byed cing nan tan gyis/ /sgo bcu la ni sgo lcags 'jug par byed/ /gang zhig spyi bor pad+ma dkar po bsgom/ /rmongs pa des ni dang po'i thar pa mi rnyed do/ /dril can rkan dang sna rtser bsam byed dang / /steng dang 'og dang bsdoms nas shing btsugs dang / /mgrin pa'i phugs su 'od zer 'bar byed dang / /dpral bar zla ba rtag tu sgom byed dang / /nam mkha'i rtse mor mi g.yo'i sna rtser bsgom/ /la la 'og tu pad+ma rdo rje lta/ /la la u rgyan 'ching zhing 'degs par byed/ /la la tshangs pa'i gnas bzhi sgom par byed/ /la la rang grib stong par byas nas chas la lta/ /la la dkyil 'khor til gyi 'bru tsam bsgom/ /la la bar snang sku gzugs sgom byed pa'i/ /byol song rnams ni rang nyid chos rnams shes par smra/ /de rnams kyis ni skye ba 'bras bu med/ /blo rnams zad cing sdig pa rnams la spyod/ /des ni lhan cig skyes pa'i cha yang ma mthong ngo / /de ni nam mkha' dang ni sa 'og dang / /sa steng dang ni tshangs pa'i gnas su'ang med/ /dman pa'i slob dpon bsten par ma byed cig / des ni sdig pa'i las rnams ma spangs par/ /kha ni 'gul zhing 'gul zhing re la gnas/ /rang gis stong pa snying rje byed par rtsom/ /des ni srid pa spong thabs mi shes so/ /stong pa snying rje rtogs zhes zer zhing gnas/ /dpal ldan bde chen gtam yang mi 'dri'o/ /la la dbang phyug u ma re la gnas/ /bdag nyid srid pa'i 'ching ba'i zhags pas bcings/ /la la khu ba khrag dang rnam snang za/ /bya rog bya rgod bzhin du bdag nyid 'khol/ /la la gnas gsum skad cig gsum du bsgom/ /la la snying ga'i pad+ma 'khor lo 'chang / /la la hUM phaT zer zhing phreng ba bgrang / /byol song rnams ni 'khrul pa rgyun mi 'chad/ /dbang dang dbang bskur mang po gsungs pa rnams/ /bla ma rnams la slob mas len par byed/ /de nas brtsams shing slob ma rnams la 'chad/ /dbang bskur gyi ni phyogs kyang ma mthong ngo / /la las gser 'gyur rtsi ni lta byed pas/ /des ni khyim pa rnams ni dbul por byas/ /lha rnams kyis kyang mi bde ba la sbyar/ /nags la skyes pa'i rtswa dang shing rnams dang / /shing lo me tog rnams kyis skyid ma bstan/ /dus su bsam gtan 'jig rten pa rnams byed/ /des ni mchog gi thar pa mi shes so/ /cal col mang po smras pas ci zhig bya/ /ji ltar smras pa de dag thams cad brdzun/ /gdams ngag pa rnams gsal po'i gnas lugs nyon/ /gang gis gsal por thar pa grol ba rnyed/ /sems ni g.yo zhing smyon pa lta bur thong / /skye dang gnas dang 'jig pa gsum po rtogs par gyis/ /mgul rgyan dang ni phyag rgya ma lus thong / /des ni mgon po ji ltar mthong bar 'gyur/ /'jig rten pa ni yi ge rnams la gtod/ /yi ge med pa de ni snying la ma chud do/ /gdams ngag pa rnams nyon cig ngas ni bshad par bya/ /khams gsum bor nas dpal ldan theg pa che/ /dang po'i mgon po la ni dge dang mi dge med/ /ma lus khyab cing bde chen stong pa nyid/ /byed pa 'phrog pa rang nyid spyan ras gzigs/ /zad pa med cing gzhan du song ba med/ /de ni mchog gi dbang phyug dam pa'o/ /bsam gtan gyis ni ting 'dzin skyes byas kyang / /dang po'i mgon po de ni ma mthong ngo / /de lta'i sems ni snying la ma chud do/ /de la lus dang ngag dang yid med de/ /dpa' bo dri med de ni nam mkhar thim/ /biR+Wa pa yis sems can don du byas/ /don dam 'di ni gdams ngag pa rnams nyon/ /rnal 'byor gyi dbang phyug chen po dpal bi rU pas mdzad pa'i tshig rkang brgyad cu rtsa bzhi pa rdzogs so/ / //yul lho phyogs ko sa lar sku 'khrungs pa'i rnal 'byor gyi dbang phyug chen po shrI bai ro tsa na badzra'i zhal snga nas rang 'gyur du mdzad nas gsungs pa'o//[ ]@##/ /bla ma dam pa'i zhabs pad la btud de/

CLOSE WINDOW