བོད་ཡིག

e-texts based on the ACIP/ALL Input

rnal 'byor gyi dbang phyug chen po dpal sa ra ha pa'i zhal snga nas gsungs pa rdzogs so// //bla ma nag pos rang 'gyur du gnang ba'o/ /gu ya sa ma pa ta mi thi//[ ]@##/ /rgya gar skad du/ /do ha ko Sha nA ma ma hA mu dra u ba de sha/ bod skad du/ do ha mdzod ces bya ba phyag rgya chen po'i man ngag /dpal rdo rje rnal 'byor ma la phyag 'tshal lo/ /lhan cig skyes pa'i ye shes chos kyi sku bde ba chen po la phyag 'tshal lo/ /ji ltar dngos dang dngos med snang stong dang / /rgyu dang mi rgyu g.yo dang mi g.yo ba/ /thams cad ma lus nam mkha'i rang bzhin las/ /dus rnams kun du nam yang g.yo ba med/ /nam mkha' nam mkha' zhes ni rab brjod kyang / /nam mkha'i ngo bo cir yang grub pa med/ /yod dang med dang yod min med min dang / /de las gzhan du'ang mtshan pa'i yul las 'das/ /de ltar nam mkha' sems dang chos nyid la/ /tha dad cung zad yod pa ma yin te/ /tha dad ming ni glo bur btags pa tsam/ /de la don med brdzun gyi tshig tu zad/ /chos rnams thams cad rang gi sems yin te/ /sems las ma gtogs chos gzhan rdul tsam med/ /gang gis gdod nas sems med rtogs pa yis/ /dus gsum rgyal ba'i dgongs pa dam pa rnyed/ /chos kyi za ma tog ces yongs su gdags/ /de yang log pa'i chos gzhan ma yin te/ /gzod nas lhan cig skyes pa'i rang bzhin no/ /de yi de nyid bstan du yod min te/ /brjod du med pas sus kyang go ba med/ /gal te bdag po yod na nor yod de/ /ye nas bdag med de la ci zhig yod/ /sems yod gyur na chos kun yod rigs te/ /sems med pa la chos zhig su yis rtogs/ /sems dang chas su snang ba thams cad ni/ /btsal na mi rnyed tshol mkhan gong nas med/ /med pa dus gsum ma skyes mi 'gag pas/ /de nyid gzhan du 'gyur ba med pa ni/ /rang bzhin bde ba chen po'i gnas lugs yin/ /de phyir snang ba thams cad chos kyi sku/ /'gro ba sems can rnams ni sangs rgyas nyid/ /'du byed las kun ye nas chos kyi dbyings/ /btags pa'i chos rnams ri bong rwa dang 'dra/ /kye ma nyi ma sprin bral 'od zer kun khyab kyang / /mig med rnams la mun pa rnams su snang / /lhan cig skyes pas kun la khyab gyur kyang / /rmongs pa dag la de nyid shin tu ring / /'gro ba rnams kyis sems med ma rtogs pas/ /btags pa'i sems kyis sems nyid rab tu bcings/ /ji ltar gdon gyis brlabs pa'i smyon pa dag /dbang med don med sdug bsngal byed pa ltar/ /dngos 'dzin rnam rtog gdon chen zin pa yi/ /skye bo don med sdug bsngal 'ba' zhig byed/ /kha cig blo yi dbye bas rmongs rnams bcings/ /bdag po khyim du bzhag nas gzhan du tshol/ /kha cig gzugs brnyan dag la gdon du 'dzin/ /kha cig rtsa ba bor nas lo 'dab 'breg /ji ltar byas kyang bslus ba ma tshor ro/ /kye ho bus pa rnams kyis de nyid ma rig kyang / /de nyid ngang las g.yos med nga yis rtogs/ /nga yis nga yir thog mtha' shes gyur pas/ /nga yis nga mthong rang nyid gcig pur lus/ /gcig po nyid la bltas pas gcig ma mthong / /mthong bya mthong byed bral bas brjod du med/ /brjod du med pa su yis go bar 'gyur/ /gnyug ma'i yid la gang tshe sbyangs gyur pa/ /de tshe ri khrod nga yi rtogs par 'jug /seng ge'i 'o ma snod ngan phal par min/ /ji ltar nags na seng ge'i nga ro yis/ /ri dgas phra mo thams cad skrag gyur kyang / /seng phrug rnams ni dga' bas brgyug pa ltar/ /gdod nas ma skyes bde chen 'di bstan pas/ /rmongs pa log rtog can rnams skrag gyur kyang / /skal ldan rab tu dga' bas spu zing byed/ /kye ho ma yengs sems kyi rang gis rang la ltos/ /rang gi de nyid rang gis rtogs gyur na/ /yengs pa'i sems kyang phyag rgya chen por 'char/ /mtshan ma rang grol bde ba chen po'i ngang / /rmi lam dag gi bde dang sdug bsngal kun/ /sad pa'i dus na rang bzhin med pa'i phyir/ /re dang dogs pa'i bsam pas kun bslang nas/ /dgag dang sgrub pa'i bsam pa su zhig byed/ /'khor dang mya ngan 'das pa'i chos rnams kun/ /de nyid mthong bas rang bzhin med pa'i phyir/ /re dang dogs pa'i blo ni zad gyur pas/ /spang dang blang ba'i 'bad rtsol ci byar yod/ /snang grags thams cad sgyu ma smig rgyu dang / /gzugs brnyan dang mtshungs dngos po mtshan ma med/ /sgyu mar snang mkhan sems nyid nam mkha'i ste/ /mtha' bral dbus mar sus kyang shes mi 'gyur/ /gang gA la sogs chu klung sna tshogs pa/ /ba tsha can gyi rgya mtshor ro gcig ltar/ /btags pa'i sems dang sems byung sna tshogs kun/ / chos kyi dbyings su ro gcig shes par byos/ /gang zhig nam mkha'i khams ni yongs btsal kyang / /mtha' dang dbus med mthong ba yongs su 'gag /de bzhin sems dang chos ni yongs btsal bas/ /snying po rdul tsam rnyed par ma gyur te/ /yongs su tshol ba'i sems kyang mi dmigs pas/ /ci yang ma mthong ba nyid de mthong yin/ /ji ltar gzings la 'phur ba'i bya rog ni/ /phyogs rnams bskor zhing slar yang de ru 'bab/ /'dod pa'i sems kyis bstan pa'i rjes bcad kyang / /dang po'i sems nyid gnyug ma nyid du 'bab/ /rkyen gyis mi 'gul re ba'i yi chad pa/ /dogs pa'i skugs sa zhigs pas rdo rje sems/ /rtsa ba chod pa'i sems nyid nam mkha' 'dra/ /sgom du med pas yid la mi bya ste/ /tha mal shes pa rang lugs gnyug ma la/ /bcos ma'i dmigs pa dag gis mi bslad de/ /rang bzhin dag pa'i sems la bcos mi dgos/ /ma bzung ma btang rang dga' nyid du zhog /gal te ma rtogs blo la sgom rgyu med/ /rtogs pa can la bsgom bya sgom byed med/ /ji ltar nam mkhas nam mkha' dmigs su med/ / de ltar stong pas stong pa sgom du med/ /gnyis med shes pas chu dang 'o ma ltar/ /sna tshogs ro gcig bde chen rgyun chad med/ /'di ltar dus gsum rnam pa thams cad du/ /yid la bya ba med cing ma bral gnyug ma'i ngang / /de nyid skyong la sgom zhes tha snyad gdags/ / rlung ni mi bzung yid ni mi bcing bar/ /ma bcos shes pa bu chung lta bur zhog /dran rtog byung na de nyid rang la ltos/ /chu dang rlabs gnyis tha dad ma rtogs shig /yid la mi byed phyag rgya chen po la/ /sgom rgyu rdul tsam med pas mi bsgom ste/ /sgom med don dang 'bral med sgom pa'i mchog / gnyis med lhan cig bde ba chen po'i ro/ /ji ltar chu la chu gzhag ro gcig ltar/ /ji bzhin ngang du de bzhin gnas pa'i tshe/ /dmigs 'dzin zhen pa'i yid ni rab tu zhi/ /kye ho/ /gnyis med gnyug ma'i rnal 'byor gang de la/ / spang dang blang ba'i dngos po ci zhig yod/ /ngas ni chos kun ma btang bas/ /bu khyod 'di gyis bya ba mi smra'o/ /ji ltar nor bu de dngos med pa ltar/ /rnal 'byor spyod pa de dngos med pa ste/ /'du byed sna tshogs cal col gang smras kyang / /rnal 'byor blo ni gcig las mi 'da'o/ /gcig nyid na ni gcig kyang yod min pas/ /rnam pa sna tshogs rtsa ba bral gyur te/ /smyon pa bzhin du rtsis med yan pa la/ /byar med spyod pa bu chung bzhin du gnas/ /e ma/ srid pa'i 'dam skyes pad+ma lta bu'i sems/ /nyes pa gang gi gang la gos pa med/ /za zhing 'thung la gnyis sprod bde ba dang / /gal te lus sems rab tu gdungs gyur dang / /rnam pa sna tshogs gang la spyod gyur pa/ /gang gis ma bcings ma grol gos ba med/ /rtogs pa'i rang spyod rtsis med dang de nas/ /rmongs pa'i 'gro ba nyam thag mngon gyur tshe/ /mi bzod snying rje'i shugs kyis mchi ma 'byung / /bdag gzhan bzlog nas phan pa nyid la 'jug /don la brtags na dmigs pa gsum bral bas/ /yang dag ma yin rmi lam sgyu 'dra ste/ /chags thogs bral bas dka' zhing skye med pa/ /sgyu ma mkhas pa sgyu ma'i don byed mtshungs/ /gdod nas dag pa nam mkha'i rang bzhin la/ /spangs dang thob pa'i dngos po 'ga' yang med/ /yid la byar med phyag rgya chen po ni/ /'bras bu gang du'ang re ba ma byed cig /re ba'i sems ni gdod nas ma skyes pas/ /spangs dang thob pa'i dngos po ci zhig yod/ /gal te gang gis thob pa'i dngos po ci zhig yod/ /gal te gang gis thob pa'i dngos yod na/ /bstan pa'i phyag rgya rnam bzhis ci zhig byed/ /ji ltar ri dgas 'khrul pas gdungs pa yis/ / smig rgyu'i chu la rab tu brgyug pa ltar/ /rmongs pa gang zhig 'dod pas rab gdungs pas/ /ji ltar 'bad kyang slar ni ring bar 'gyur/ /ye nas ma skyes rang bzhin rnam dag pas/ /de las khyad par cung zad yod min te/ /btags pa'i yid ni dbyings su dag gyur pa/ /de la rdo rje 'chang zhes btags pa tsam/ /ji ltar e thang skam po'i smig rgyu dag /chur snang chu ni gnyis su med pa ltar/ /bzod nas dag pa btags pa'i yid sangs pa/ /de la rtag chad gnyis su brjod du med/ /yid bzhin nor bu dpag bsam shing bzhin du/ /smon lam dbang gis re ba yongs skong ba/ /de yang 'jig rten tha snyad kun rdzob ste/ /dam pa'i don du 'ga' yang don ma yin/ /do ha mdzod ces bya ba phyag rgya chen po'i man ngag dpal ri khrod pa chen po sa ra ha'i zhal snga nas mdzad pa rdzogs so// // rgya gar gyi mkhan po shrI bai ro tsa na rak+Shi tas rang 'gyur du mdzad pa'o//[ ]@##/ /rgya gar skad du/ /dwa da sha u pa de sha gA thA/ bod skad du/ man ngag gi tshigs su bcad pa bcu gnyis pa/ dpal rdo rje sems dpa' la phyag 'tshal lo/ /byang chub sems ni zhi ba ste/

CLOSE WINDOW