བོད་ཡིག

e-texts based on the ACIP/ALL Input

/[ ]@##/ /rgya gar skad du/ do ha ko Sha gI ti/ bod skad du/ /do ha mdzod kyi glu/ 'jam dpal gzhon nur gyur pa la phyag 'tshal lo/ /dug sbrul lta bu'i skal med ni/ /nges par skye bo dam pa la/ /skyon gyi dri mas dgod pa'i phyir/ /mthong ba tsam gyis 'jigs par byos/ /de nyid mi shes bram ze ni/ /gyi na rigs byed gzhi dag 'don/ /sa chu ku sha dag byed dang / /khyim na gnas shing me la bsreg /don med sbyin sreg byed pa ni/ /du bas mig la gnod par bas/ /dbyu gu dbyug gsum legs ldan gzugs/ /tha dad pa dang dad pas bstan pa dag /chos dang chos min shes par mi mnyam zhing / /'gro ba rnams ni brdzun pa nyid du gol/ /e ra'i thal bas lus la byugs nas su/ /mgo la ral pa'i khur bu khur bar byed/ /khyim du mar me btang nas gnas/ /mtshams su 'dug nas dril bu 'khrol/ /skyil krung bcas nas mig btsums te/ /rna bar shub shub skye bo slu bar byed/ /khyo med skra med 'di 'dra gzhan la ston/ /dbang rnams bskur zhing bla ma'i yon rnams len/ /sen mo ring zhing lus la dri mas g.yogs/ /gos dang bral zhing skra ni 'bal bar byed/ /nam mkha'i yid can gnod byed lam gyi gzugs/ /thar pa'i ched du bdag nyid 'gro byed slu/ /gcer bus gal te grol 'gyur na/ /khyi dang wa sogs cis mi grol/ /spu btogs pas ni grol 'gyur na/ /bud med spu btogs grol bar 'gyur/ /mjug spu bslang bas grol 'gyur na/ /rma bya g.yag sogs grol bar 'gyur/ /langs te za bas grol 'gyur na/ /rta dang glang po ci phyir min/ /mda' bsnun na re nam mkha'i yid can la/ /thar pa nam yang yod pa ma yin zer/ /bde ba'i de nyid dang ni bral gyur zhing / /lus kyi dka' thub 'ba' zhig tsam ldan pas/ /dge tshul dge slong gnas brtan zhes bya bas/ /ban+de rnams ni de ltar rab byung nas/ /kha cig mdo sde 'chad par byed cing 'jug / la la ro gcig sems kyi tshul 'dzin mthong / /kha cig theg chen de la rgyug byed cing / /de ni gzhung lugs tshad ma'i bstan bcos yin/ /gzhan yang dkyil 'khor 'khor lo ma lus bsgom/ /kha cig bzhi pa'i don 'chad pa la zhugs/ /la la nam mkha'i khams la rtog par snang / /gzhan yang stong nyid ldan par byed pa de/ /phal cher mi mthun phyogs la zhugs pa yin/ /lhan cig skyes bral gzhan gang gis/ /mya ngan 'das gang sgom byed pa/ /de dag 'gas kyang don dam ni/ /cig shos 'grub par mi 'gyur ro/ /gang zhig gang la mos par gyur pa des/ /bsam gtan gnas pas thar pa thob bam ci/ /mar me ci dgos lha bshos de ci dgos/ /de la ci bya gsang sngags bstan pa ci zhig dgos/ /'bab stegs 'gro dang dka' thub mi dgos te/ /chu la zhugs pas thar pa thob bam ci/ /snying rje dang bral stong pa nyid zhugs gang / /des ni lam mchog rnyed pa ma yin no/ /'on te snying rje 'ba' zhig bsgoms na yang / /'khor ba 'dir gnas thar pa thob mi 'gyur/ /gang yang gnyis po sbyor bar nus pa des/ /'khor bar mi gnas mya ngan 'das mi gnas/ /kye lags gang smras brdzun zhing log pa de bor la/ /gang la zhen pa yod pa de yang thong / /rtogs par gyur na thams cad de yin te/ de la gzhan pa sus kyang shes mi 'gyur/ /klog pa de yin 'dzin dang sgom pa de yin te/ /bstan bcos snying la 'chad pa'ang de yin no/ /de mi mtshon pa'i lta ba yod min te/ / 'on kyang gcig pu bla ma'i zhal la ltos pa yin/ /bla ma'i smras pa gang gi snying zhugs pa/ /lag pa'i mthil du gnas pa'i gter mthong 'dra/ /gnyug ma'i rang bzhin byis pas ma mthong bar/ /'khrul pas byis ba bslus zhes mda' bsnun smra/ /bsam gtan med cing rab tu 'byung ba med/ /khyim na gnas shing chung ma dag dang lhan cig tu/ /gang zhig yul gyi dga' bas bcings las mi grol na/ /mda' bsnun da ni de nyid shes pa yin zhes smra/ /gal te mngon du gyur na bsam gtan ci/ /gal te lkog tu gyur na mun pa 'jal/ /lhan cig skyes pa'i rang bzhin de nyid ni/ /dngos dang dngos po med pa ma yin te/ /mda' bsnun 'o dod rtag tu 'bod par byed/ /gang zhig blangs nas skye shi gnas gyur pa/ /de nyid blangs nas bde chen mchog grub ces/ /skad gsang mthon pos mda' bsnun smra byed kyang / /byol song 'jig rten mi go ji ltar bya/ /bsam gtan bral bas ci zhig bsam byar yod/ /brjod du med gang ji ltar bshad du yod/ /srid pa'i phyag rgyas 'gro ba ma lus bslus/ /rang bzhin gnyug ma sus kyang blangs pa med/ /rgyud med sngags med bsam bya bsam gtan med/ /de kun rang yid 'khrul bar byed pa'i rgyu/ /rang bzhin dag pa'i sems la bsam gtan dag gis mi bslad da/ /bdag gi de nyid bde la gnas shing gdung bar ma byed cig /za zhing 'thung la gnyid sprod kyis dga' zhing / /rtag tu yang dang yang du 'khor lo 'gengs/ /chos 'di lta bus 'jig rten pha rol 'grub 'gyur te/ /rmongs pa 'jig rten mgon por rdog pas mnan nas song / /gang du rlung dang sems ni mi rgyu zhing / /nyi ma zla ba 'jug pa med gyur pa/ /mi shes pa dag gnas de dbugs phyung cig /mda' bsnun gyis ni man ngag thams cad bstan nas song / /gnyis su mi bya gcig tu bya ba ste/ /rigs la bye brag dag tu ma 'byed par/ /khams gsum ma lus 'di dag thams cad ni/ /'dod chags chen po gcig tu kha dog sgyur cig dang / /der ni thog ma dbus mtha' med/ /ji srid mya ngan 'das pa min/ /bde ba chen po mchog 'di la/ /bdag dang gzhan du yod ma yin/ /mdun dang rgyab dang phyogs bcu ru/ /gang gang mthong ba de de nyid/ /de ring nyid du mgon po da ltar 'khrul pa chad/ /da ni su la'ang dri bar mi bya'o/ /dbang po gang du nub gyur cing / / rang gi ngo bor nyams par 'gyur/ /grogs dag de ni lhan cig skyed pa'i lus/ /bla ma'i zhal las gsal bar bris/ /yid ni gar 'ching rlung gar dengs/ /sa steng 'di na yan lag gnas/ /de ni rmongs pas mtshams su yongs shes bya/ /gti mug rgya mtsho 'chad pa gang shes pa/ /'di ni bde chen mchog yin te/ /sa ra ha yis bstan nas 'gro/ /kye ho 'di ni rang rig yin pa ste/ /'di la 'khrul pa ma byed cig /dngos dang dngos med bde bar gshegs pa'i 'ching ba ste/ /srid dang mnyam nyid tha dad ma 'byed par/ /gnyug ma'i yid ni gcig tu gtod dang rnal 'byor pa/ /chul chu bzhag bzhin du shes par byos/ /bsam gtan brdzun pas thar pa rnyed min no/ /sgyu lus dra bas ji ltar pang du 'khyud/ /bla ma dam pa'i bka' yis bde bar yid ches par/ /nga yis brjod du yod min zhes ni mda' bsnun smra/ /gdod nas dag pa nam mkha'i rang bzhin la/ /bltas shing bltas shing mthong ba 'gag par 'gyur/ /de lta bu nyid dus su 'gog par 'gyur/ /gnyug ma nyid la skyon gyis byis pa bslus/ /skye bo ma lus lhag par sun 'byin cing / /nga rgyal skyon gyis de nyid mtshon mi nus/ /'jig rten ma lus bsam gtan gyis rmongs 'gyur/ /gnyug ma'i rang bzhin sus kyang mtshon du med/ /sems kyi rtsa ba min mtshon te/ /lhan cig skyes pa rnam gsum gyi/ /gang las de skyes gang du nub/ /gang du gnas 'gyur gsal bar mi shes so/ /rtsa ba bral ba'i de nyid gang sems pa/ /bla ma'i man ngag mthong ba de yis chog /khro ba'i rang bzhin sems kyi ngo bo nyid yin zhes/ /rmongs rnams mda' bsnun gyis smras tse ne shes par byos/ /gnyug ma'i rang bzhin tshig gis mi brjod kyang / /slob dpon man ngag mig gis mthong bar 'gyur/ /chos dang chos min mnyes nas zos pa yis/ /'di la nyes pa rdul tsam yod ma lags/ /gnyug ma'i yid ni gang tshe sbyangs gyur pa/ /de tshe bla ma'i yon tan snying la 'jug par 'gyur/ /'di ltar rtogs nas mda' bsnun glu len te/ sngags dang rgyud rnams gcig kyang ma mthong ngo / /'gro rnams las kyis so sor bcings gyur te/ /las las grol na yid ni thar pa yin/ /rang rgyud grol na nges par gzhan med de/ /mchog gi mya ngan 'das pa thob par 'gyur/ / sems nyid gcig pu kun gyi sa bon te/ /gang la srid dang mya ngan 'das 'phro ba/ /'dod pa'i 'bras bu ster bar byed pa yi/ /yid bzhin nor 'dra'i sems la phyag 'tshal lo/ /sems bcings pas ni 'chings 'gyur te/ /de nyid grol na the tshom med/ /blun po gang gis 'ching 'gyur ba/ /mkhas rnams de yis myur du grol/ /sems ni nam mkha' 'dra bar gzung bya ste/ /nam mkha'i rang bzhin nyid du sems gzung bya/ /yid de yid ma yin par byed 'gyur na/ /des ni bla med byang chub thob par 'gyur/ /mkhas 'drar byas na rlung ni rnam par 'ching / /mnyam nyid yongs su shes pas rab tu thim/ /mda' bsnun gyis smras nam zhig nus ldan na/ /mi rtag g.yo ba myur du spong par 'gyur/ /rlung dang me dang dbang chen 'gags pa na/ /bdud rtsi rgyu ba'i dus su rlung ni sems la 'jug /nam zhig sbyor bzhi gnas gcig la ni zhugs pa na/ /bde chen mchog ni nam mkha'i khams su mi shong ngo / /khyim dang khyim na de yis gtam smra yang / /bde chen gnas ni yongs su shes pa med/ /'gro kun bsam pas sun 'byin mda' bsnun smra/ /bsam gyis mi khyab grub pa 'ga' yang med/ /srog chags thams cad kun la yang / /de nyid yod de rtogs pa med/ /thams cad ro mnyam rang bzhin pas/ /bsam pas ye shes bla med pa'o/ /kha sang de ring de bzhin sang dang gzhan/ /don rnams phun sum tshogs par skye bo 'dod/ /kye ho bzhin bzangs snyim pa chus bkang ba/ /'dzags pa bzhin du nyams pa ma tshor ro/ /bya ba byed dang bya ba min byed pa/ /nges par rtogs na 'ching dang grol ba med/ / yi ge med las 'chad par yod 'dod pa/ /gang zhig rnal 'byor brgya la 'ga' yis mtshon/ /'jur bus bcings pa'i sems 'di ni/ /glod na grol bar the tshom med/ /dngos po gang gi rmongs pas 'chings/ /mkhas rnams de yis rnam par grol/ / bcings pa dag ni phyogs bcur 'gro ba rtsom/ /mthong bar gyur na mi g.yo brtan par gnas/ /go bzlog rnga mo lta bur bdag gis rtogs/ /bu khyod rnams kyang rang la cher te ltos/ /kye lags dbang po ltos shig dang / /'di las ngas ni ma gtogs so/ / las zin pa yi skyes bu yi/ /drung du sems thag gcad par byos/ /rlung bcings pa la rang nyid ma sems skye/ /shing gi rnal 'byor sna rtser ma 'dug cig /e ma'o ma yin lhan cig skyes pa mchog chags byos/ /srid pa'i sna rtser 'ching ba yang dag spang / / 'di ni yid 'dus pa la rlung gi rlabs/ /g.yo zhing 'phyar la shin tu mi srun 'gyur/ /lhan cig skyes pa'i rang bzhin rtogs gyur na/ /de yis bdag nyid brten par gyur pa yin/ /gang tshe yid ni nye bar 'gags gyur na/ /lus kyi 'ching ba rnam par 'chad par 'gyur/ /gang tshe lhan cig skyes dang ro mnyam pa/ /de tshe dman pa'i rigs dang bram ze med/ /'di ni zla ba rgya mtsho nyid dang ni/ /'di ni gang+gA'i rgya mtsho nyid dang ni/ /bA rA Na sI sra ya g+ha ya ti/ /'di ni zla ba gsal byed nyid/ /zhing kun gnas dang nye ba'i gnas sogs pa/ /phyin te bltas pa'i rtogs pa gang smra ba/ /lus dang 'dra ba'i mu gnas gzhan na med/ /dge ba nga yis nges par yang dag mthong / /'dab ldan pad+ma'i sdong po ge sar gyi dbus na/ /shin tu phra ba'i rnal ma dri dang kha dog ldan/ /bye brag 'ongs shing rmongs pa mya ngan gyis/ /gdungs pa'i 'bras bu med par ma byed cig/ /gang tshe tshangs pa khyab 'jug mig gsum dang / /'jig rten ma lus thams cad gzhir gyur pa/ /rigs med de la mchod na las kyi yang / /mtha' yi tshogs ni yang dag zad par 'gyur/ /kye ho bu nyon rtsod pa'i ro ni dag par yang dag gnas shes pa/ /'gro ba 'chad cing 'don la sogs pas de ni shes par nus ma yin/ /kye ho bu nyon de nyid sna tshogs kyis/ /ro 'di bstan par nus pa ma yin te/ /bde ba'i gnas mchog rtog spangs te/ /'gro ba nye bar skye ba nyid bzhin no/ /blo ni rnam 'gags yid ni pham gyur pa/ /gang du mngon pa'i nga rgyal chad pa'o/ /de nyid sgyu ma'i rang bzhin mchog tu rtog pa ste/ /de la bsam gtan 'ching ba des ni ci byar yod/ /dngos por skyes pa mkha'i ltar rang bzhin na/ /dngos po rnam spangs phyi nas ci zhig skye/ /gdod nas skye med rang bzhin yin pa la/ /de ring dpal ldan bla ma bstan pas rtogs/ /mthong dang thos dang rig dang dran pa dang / /za snom 'khyam dang 'gro dang 'dug pa dang / /cal col gtam dang lan smra gyur pa la/ /sems so zhe na gcig gi rnam pa la mi bskyod/ /gang zhig bla ma'i man ngag bdud rtsi'i chu/ /gdung sel bsil ba ngo mas par mi 'thung bar/ /de ni bstan bcos don mang mya ngam gyi/ /thang la skom pas gdungs te 'chi bar zad/ /bla mas bstan pa brjod min na/ /slob mas go ba ma yin te/ /lhan cig skyes pa bdud rtsi'i ro/ /gang gis ji ltar bsten par bya/ /tshad mar 'dzin pa'i dbang gis su/ /blun pos bye brag rnyed pa ste/ /de tshe rdol pa'i khyim du rol/ /'on kyang dri mas mi gos so/ /gang tshe slong na srang kha'i kham phor gyis spyod de/ /bdag ni rgyal po yin na slar yang ci byar yod/ /dbye ba rnam par spangs nas de nyid gnas pa la/ /rang bzhin mi g.yo btang snyoms lhun gyis grub/ /mya ngan 'das pa la gnas srid par mdzes/ /nad gzhan dag la sman gzhan gtang mi bya/ /bsam dang bsam bya rab tu spangs nas su/ /ji ltar bu chung tshul du gnas par bya/ /bla ma'i lung la bsgrims te rab 'bad na/ /lhan cig skyes pa 'byung bar the tshom med/ /kha dog yon tan yi ge dpe bral ba/ /smra ru mi btung de ni bdag gis gyin mtshon/ /gzhon nu ma yi bde ba snying la zhen pa bzhin/ /dbang phyug dam pa de ni su la bstan nus sam/ / dngos dang dngos med yongs su bcad pa dang / /der ni 'gro ba ma lus rab tu thim par 'gyur/ /gang tshe yid ni mi g.yo rang gnas brtan pa ste/ /de tshe 'khor ba'i dngos po las ni rang grol 'gyur/ /gang tshe bdag gzhan yongs su shes med ni/ /de tshe bla med lus ni thob par 'gyur/ /de ltar bstan pa nyid las nges par ma 'khrul par/ /rang gis rang la legs par shes par byas nas ni/ /rdul min rdul bral ma yin sems kyang min/ /dngos po de dag gdod nas zhen pa med/ /mda' bsnun gyis smras de tsam zhig tu zad/ /kye ho ma lus dri med don dam shes par byos/ /khyim na gnas pa phyi rol song nas tshol/ /khyim bdag mthong nas khyim tshes dag la dri/ /mda' bsnun gyis smras bdag nyid shes par byos/ /blun pos bsam gtan bsam bya bzlas brjod min/ /gang tshe bla mas bstan cing thams cad shes byas kyang / /bdag gis yongs su brtags pas thar pa thob bam ci/ /yul rnams bgrod cing gdung bas nyen byas kyang / /lhan cig skyes pa mi rnyed sdig pas 'dzin/ /yul rnams bsten pas yul gyis mi gos so/ /ut+pal 'dab ma chu yis ma reg bzhin/ /gang ltar rtsa ba rnal 'byor skyabs su 'gro/ /dug gi sngags can dug gis ga la tshugs/ /lha la mchod pa khri phrag byin nas kyang / /bdag nyid de yis 'ching 'gyur ci zhig bya/ /de 'dras 'khor ba 'di ni 'chad min te/ /gnyug ma'i rang bzhin ma rtogs rgal mi nus/ /mig ni mi 'dzums sems kyang mi 'gog dang / /rlung 'gog pa ni dpal ldan bla mas rtogs/ /gang tshe rlung rgyud de ni mi g.yo ste/ /'ching ba'i tshe na rnal 'byor pas ci bya/ /ji srid dbang po yul gyi grong la lhung / /de srid rang nyid las med rab tu rgyas/ /khyed cag da ltar ci byed sam dang kye/ /de ni shin tu dka' ba'i dgongs pa 'jug /gang zhig gang la gnas pa ni/ /de ni de ru mi mthong ste/ /mkhas pa thams cad bstan bcos 'chad pa yis/ /lus la sangs rgyas yod par ma rtogs so/ /glang chen lo bas nas sems tshags chud pas na/ /der ni 'gro 'ong chad nas ngal ba ste/ /'di ltar rtogs na gang du 'ang dri sa med/ /mkhas pa ngo tsha med pas de ma rtogs/ /gson pa gang zhig rnam par ma gyur pa/ /de ni rgas shing 'chi bar 'gyur ram ci/ /bla mas bstan pa dri med blo gros ni/ /de nyid gter yin gzhan pa gang zhig lo/ /yul nyid rnam par dag ste bstan bya min/ /stong pa 'ba' zhig gis ni spyad par bya/ /ji ltar gzings las 'phur ba'i bya rog bzhin/ /skor zhing skor zhing slar yang de ru 'bab/ /thag pa nag po'i dug sbrul bzhin/ / mthong btsam gyis sngang bar 'gyur/ /grogs dag skye bo dam pa ni/ /yul gnyis skyon gyis bcing bar 'gyur/ /yul la zhen pas 'ching bar ma byed cig /kye ho rmongs pa mda' bsnun gyis smras pa/ /nya dang phye leb glang chen bung ba dang / /'di ni ri dwags bzhin du bya bar byos/ /gang zhig sems las rnam 'phros pa/ /de srid mgon po'i rang bzhin te/ /chu dang rlabs dag gzhan yin nam/ /srid dang mnyam zhing nam mkha'i rang bzhin no/ /gang zhig bstan te gang thos pa/ /dgongs pa gang yin dam par skyol ba na/ /nyi zer lkugs pa sa yi rdul bzhin brlag /snying ga nyid du nub par gyur pa yin/ /ji ltar chu la chu bzhag na/ /de rnyed chu ru ro mnyam 'gyur/ /skyon dang yon tan mnyam ldan sems/ /mgon po sus kyang mthong mi 'gyur/ / rmongs pa dag la gnyen po gang yang med/ /nags la mched pa'i me lce bzhin/ /gdong du bab pa'i 'di ltar snang ba kun/ /sems kyi rtsa ba stong pa nyid du lhan cig byos/ /gal te yid du 'ong ngam snyam pa'i sems/ /snying la bab pa gces par byas na ni/ /til gyi shun pa tsam gyi zug rngus kyang / /nams kyang sdug bsngal 'ba' zhig byed par zad/ /de ltar yin te de ltar ma yin no/ /grogs po phag dang glang chen ltos/ /ji ltar yid bzhin nor bu'i dgos pa bzhin/ /'khrul pa zhig pa'i mkhas pa ngo mtshar che/ /rang la rang rig bde ba chen po'i bag chags gzugs/ /thams cad de tshe mkha' mnyam byed par 'gyur/ /ka la ku Ta smos su ci rung ste/ /rang bzhin mkha' mnyam yid kyis 'dzin pa yin/ /yid de yid ma yin par byed 'gyur na/ /rang bzhin lhan cig skyes pa mchog tu mdzes/ /khyim dang khyim na de ni brjod min te/ /bde chen gnas ni yongs su shes pa min/ /'gro kun sems khral khur ba mda' bsnun 'dra/ /de ni bsam med sus kyang rtogs ma yin/ /bde gsang yan lag yongs su spangs pa na/ /bsgom dang mi sgom dbyer med bdag gis mthong / / yul gyis mtshon pas gzhan dag bsam par byed/ /de nyid bsam pas ma rtogs rang gzhan 'gags par 'gyur/ /gal te sems kyis sems ni mtshon du 'gro/ /rnam rtog dang ni mi g.yo brtan par gnas/ /ji ltar lan tshwa chu la thim pa ltar/ /de ltar sems ni rang bzhin la thim 'gyur/ /de tshe bdag dang gzhan ni mnyam par mthong / /'bad de bsam gtan byas pas ci byar yod/ /lhan cig la ni lung rnams ma lus mthong / /rang gi 'dod pa mang po gsal bar snang / /mgon po bdag nyid gcig pu gzhan rnams 'gal/ / khyim dang khyim na grub mtha' de grub po/ /gcig zos pas ni thams cad tshig /phyi rol song nas khyim bdag tshol/ /'ongs kyang ma mthong phyin kyang med/ /'dug par gyur kyang ngo ma shes/ /dba' rlabs med pa'i dbang phyug mchog/ /rnyog pa med pa'i bsam gtan 'gyur/ /chu dang mar me rang gsal gcig tu zhog/ /'gro 'ong nga yis mi len mi 'dor ro/ /gang yang snga na med pa'i sgeg mo dang phrad nas/ /nyal ba'i sems ni gzhi med pa la brten/ /rang gi gzugs dang tha dad ma lta cig /de ltar sangs rgyas lag tu gtod pa yin/ /gang tshe lus dang ngag yid dbyer med pa/ /lhan cig skyes pa'i rang bzhin de tshe mdzes/ /khyim bdag zos nas khyim bdag mo longs spyod/ /yul ni gang zag mthong ste spyad par bya/ /nga yis rtsed mo byas pa la/ /bus pa rnams ni a thang chad/ /a ma bzhag nas bu de skye mi 'gyur/ /des ni rnal 'byor spyod pa dpe dang bral/ /bdag po za zhing rang bzhin mdzes/ /chags pa'i spyod des gang ba'i sems de nyid/ /chags dang chags bral spangs nas dbu mar zhugs/ /sems nyams pas na rnal 'byor ngas ma mthong / / za zhing 'thung la bsam du med par gyur/ /grogs mo 'di ni sems la gang snang ba/ /phyi rol sems la mtshon med bdag gis 'dzin/ /sgyu ma'i rnal 'byor pa ni dpe dang bral ba ste/ /sa gsum du yang dri med mi gnas mi 'byung ste/ /me ni spra ba nyid la rkyen gyis 'bar/ /zla ba chu 'dzag nor bu rang dbang med/ /thabs kyis rgyal srid kun la dbang bsgyur ba/ /sems nyid de nyid grub pa'i rnal 'byor ma'o/ /lhan cig skyes pa'i sdom par shes par bya/ /yi ge 'gro ba ma lus pa/ /yi ge med pa gcig kyang med/ /ji srid yi ge med gyur pa/ /de srid yi ge rab tu shes/ /snag tsha mnyes pas klag tu med/ /rig byed don med 'don pas nyams/ /dam pa sems dang cig shos mi shes na/ /gang nas shar cing gang du nub/ /ji ltar phyi rol de bzhin nang / /bcu bzhi pa yi sa la rgyun du gnas/ /lus med lus la sbas pa ste/ /de shes de yis grol par 'gyur/ /sgrub yig bzhi las dang po bdag gis ston/ /khu ba 'thungs pas nga ni brjed par gyur/ /gang gis yi ge gcig shes pa/ /de yis ming ni mi shes so/ / rkyen bral gsum ni yi ge gcig /zag med gsum gyi dbus na lha/ /gang zhig gsum po zag pa ni/ /gdol pa rig byed de bzhin no/ /ma lus rang bzhin mi shes pas/ /kun du ru yi skabs su bde chen sgrub pa ni/ /ji ltar sgom pas smig rgyu'i chu snyegs bzhin/ /skom nas 'chi yang nam mkha'i chu rnyed dam/ /rdo rje pad+ma gnyis kyi bar gnas pa/ /bde ba gang gis rnam par rol pa yin/ /ci ste de bden nus pa med pas na/ /sa gsum re ba gang gis rdzogs par 'gyur/ /yang na thabs kyi bde ba skad cig ma/ /yang na de nyid gnyis su 'gyur ba ste/ /bla ma'i drin gyis slar yang ni/ /brgya la 'ga' yis shes par 'gyur/ /grogs dag zab pa dang ni rgya che ba/ /gzhan med bdag nyid ma yin no/ /lhan cig skyes dga' bzhi pa'i dus/ /gnyug ma nyams su myong bar shes/ /mun nag chen por zla ba nor bu ni/ /ji ltar 'char bar byed pa bzhin/ /mchog tu bde chen skad cig gcig la ni/ /bsam pa'i sdig pa ma lus phan par byed pa'o/ /sdug bsngal snang byed nub pa na/ /skar ma'i bdag po gza' dang mnyam du shar/ /'di ltar gnas pas sprul par sprul/ /de ni dkyil 'khor 'khor lo dam pa'o/ /kye ho rmongs pa'i sems kyis sems la brtags na ni/ /lta ba ngan pa thams cad las ni rang grol 'gyur/ /mchog tu bde ba chen po'i dbang gis ni/ /de la gnas na dngos grub dam pa'o/ /sems kyi glang po yan du chug /de ni bdag nyid dris la gcig /nam mkha'i ri bo chu 'thung dang / /de yi 'gram du zhog cig rang dga' bar/ /yul gyi glang po'i dbang po lag pas blangs nas su/ /ji ltar gsod par rang dbang snang bar 'gyur/ /rnal 'byor ba ni glang po skyong ba bzhin/ /de nyid nas ni ldog par 'gyur ba yin/ /gang zhig 'khor ba de ni mya ngan 'das par nges/ /dbye ba gzhan du sems pa ma yin te/ /rang bzhin gcig gis dbye ba rnam par spangs/ /dri ma med pa nga yis rab tu rtogs/ /yid kyis de nyid dmigs dang bcas/ /dmigs pa stong pa nyid yin la/ /gnyis la skyon ni yod pa ste/ /rnal 'byor gang gis sgom pa min/ /sgom pa dmigs bcas dmigs med de/ /sgom dang mi sgom tha snyad med/ /bde ba'i rnam pa'i rang bzhin no/ /rab tu bla med rang 'byung ba/ /bla ma'i dus thabs bsten pas shes/ /nags su ma 'gro khyim du ma 'dug par/ /gang yang de ru yid kyis yongs shes nas/ /ma lus rgyun du byang chub rtag par gnas/ /'khor ba gang yin mya ngan 'das pa gang / /yid kyi dri ma dag la lhan cig skyes pa ste/ /de tshe mi mthun phyogs kyis 'jug pa med/ /ji ltar rgya mtsho dang bar gyur pa la/ /chu bur chu nyid yin te de nyid thim par 'gyur/ /nags dang khyim na byang chub gnas pa med/ /de ltar byed pa yongs su shes nas su/ /dri ma med pa'i sems kyi rang bzhin gyis/ /ma lus mi rtog pa ru brten par 'os/ /de ni bdag yin gzhan yang de bzhin no/ /gang bsgom yongs su bsgom pa gang / /dbye ba de nyid 'ching dang bral bar bya/ /'on kyang bdag nyid rnam par grol ba'o/ /bdag dang gzhan du 'khrul pa ma byed dang / / ma lus rgyun du gnas pa'i sangs rgyas te/ /sems ni ngo bo nyid kyis dag pa na/ /de nyid dri med mchog gi go 'phang ngo / /gnyis med sems kyi sdong po dam pa ni/ /khams gsum ma lus kun du khyab par song / /snying rje'i me tog gzhan phan 'bras bu 'dzin/ /ming ni mchog tu gzhan la phan pa'o/ /stong pa'i sdong po dam pa me tog rgyas/ /snying rje dam pa sna tshogs du mar ldan/ /lhun gyis grub pa phyi ma'i 'bras bu ste/ /bde ba 'di ni gzhan pa'i sems min no/ /stong pa'i sdong po dam pa'i snying rje min/ /gang la slar yang rtsa ba me tog lo 'dab med/ /de la dmigs par byed pa gang yin pa/ /der lhung bas ni yan lag med par 'gyur/ /sa bon gcig la sdong po gnyis/ /rgyu mtshan de las 'bras bu gcig /de yang dbyer med gang sems pa/ /de ni 'khor dang mya ngan 'das rnams grol/ / gang zhig 'dod pa can gyi skye bo 'ongs pa'i tshe/ /de ni re ba med na gal te 'gro ba ni/ /phyi sgor bor ba'i kham phor blangs nas su/ /de bas khyim thab bor nas bsdad pa rung / /gzhan la phan pa'i don ni mi byed pa/ /'dod pa po la sbyin pa mi ster ba/ /'di ni 'khor ba'i 'bras bu gang yin lo/ /de bas bdag nyid bor bar byas na rung / /rnal 'byor gyi dbang phyug chen po dpal sa ra ha chen po'i zhal snga nas mdzad pa do ha mdzod ces bya ba de kho na nyid rnal du mtshon pa don dam pa'i yi ge rdzogs so/ / @##/ /rgya gar skad du/ tsa turmu drA nish+tsA ya/

CLOSE WINDOW