བོད་ཡིག

e-texts based on the ACIP/ALL Input

/gos sngon dngos grub thob par shog /gtor ma'i rgyan gyi man ngag dge slong klu'i byang chub kyis mdzad pa rdzogs so//[ ]@##/ /rgya gar skad du/ sa ma yA laM kA ra/ bod skad du/ dam tshig gi rgyan/ phyag na rdo rje la phyag 'tshal lo/ /dam tshig med dang 'chal par gtong / /som nyi la sogs bsal ba'i phyir/ /dam tshig rnams ni mdor bsdus nas/ /gsang ba'i bdag la 'dud de bshad/ /sngags pas srung ba'i dam tshig ni/ /dang po byang chub sems bskyed nas/ /nya 'am stong gi dus dag tu/ /yan lag brgyad pa nyer gnas te/ /lo gcig pa'am zla gcig bya/ /de nas ji srid sems bskyed de/ /bslab pa lnga po legs bzung nas/ /lo gcig zla gcig bar dag tu/ /sdom pa brtan por gzung bar bya/ /de nas dge tshul dge slong gi/ /bslab pa la ni legs gnas te/ /mi gtong lo 'am zla ba 'am/ /sdom pa nyams pa blang bar bya/ /so sor thar pa'i sdom pa la/ /gang zhig gis ni legs gnas na/ /mkhas pa rnams kyis dus kun du/ /srog gi phyir yang mi gtong ngo / /gang zhig gis ni de goms 'gyur/ /gang tshe gong ma'i bslab gnas pas/ /de tshe 'og ma'i ming dang bral/ /dang po sbyin pa bslab bya ste/ /dngos po bcu gnyis yang dag ldan/ /bzod dang brtson 'grus bsam gtan dang / /shes rab gsum ste gsum du bstan/ /gzhan gyi mya ngan sangs la sogs/ /sems can don 'gyur thams cad kun/ /srog gi phyir yang mi gtong ngo / /sdom pa lo 'am zla ba ru/ /brtan nas sngags kyi dam tshig blang / /spyi dang khyad par gnyis su shes/ /dang po dag ni bshad bya ste/ /dang por slob dpon mnyes par bya/ /yi dam spong len mi bya ste/ /lus dang ngag yid sku gsung thugs/ /phyag rgya che la rab tu gnas/ /dam pa rnams ni smad mi bya/ /gsang ba'i don yang bstan mi bya/ /rtags chen sku yang mi bstan te/ /bzlas dang sems nyams bstan mi bya/ /rdo rje dril bu phreng ba dag /skad cig tsam yang spang mi bya/ /grogs po'i sems ni dkrug mi bya/ /khyad par grogs la smos ci dgos/ /tshogs dang gtor ma sbyin sreg bya/ /maN+Dal tsha tsha la sogs pa/ /srog gi phyir yang mi gtong ngo / /chos kyi spyod pa gzhan rnams kyang / /spang bar 'gyur ba smos ci dgos/ /sha chen khrag dang khu ba dang / /dri chen dang ni dri chu dang / /blang dang spang bar bya ba min/ /rtsa ba byang chub sems mi btang / /chos la smod pa spang bar bya/ /dad ldan bsam pa sun mi dbyung / /bud med rnams ni smad mi bya/ /spang dang blang bar bya ba min/ /bgrod min la ni bgrod pa min/ /sbong ba mi sbong gyur pa dang / /blang bya mi lan spang bar bya/ /dug lnga spong ba spang bar bya/ /blang ba yang ni spang ba min/ /dug lnga ma spangs par spyad bya/ /dam pa ma yin bsten mi bya/ /'du 'dzi'i nang du 'jug mi bya/ /dgongs pa can gyi gzhi rnams kun/ /bla ma med par bsten mi bya/ / dkyil 'khor la sogs sbyor ba yis/ /gzhan la phan 'dogs byed pa rnams/ /cho ga rdzogs par bya bar bya/ /'jug kyang lhag chad 'gyur ba yi/ /dus ma yin pa'i spyod pa spang / /dus kyang gzhan dang mi mthun spang / /grogs su 'gyur na smod ba spang / /rtag tu mi dang spyod pa bstun/ /dang po dka' thub bsten pa ste/ /tha ma'i dus su spang bar bya/ /chang sogs nyes par gyur pa spang / /thabs ldan dngos grub sbyor bar 'gyur/ /gang tshe bcom ldan rdo rje can/ /de bzhin sangs rgyas thams cad kun/ bslab pa 'di la brten pas 'grub/ /bslab pa dag la mi gnas par/ /rtag tu bya ba rnams la 'jug /skyes bu de ni bdud kyis bslus/ /gang zhig bzod pa mi bsten pa'i/ /rnal 'byor 'bras bu mi 'dod 'du/ /dgra sogs nyes pa ci byas pa/ / rang gi zhe sdang khros rbad pas/ /nyes na zhe sdang khro bar rigs/ /dgra rnams gzhan du bros phyir min/ /de phyir de la nyes pa med/ /bzod na dge rtsa kun gyi mchog /nga rgyal la sogs nyon mongs kun/ /bskyed pa don med spang don can/ /de phyir nyon mongs spang bar bya/ /khyad par thod pa'i phreng ba can/ /gos sngon po dang rak+sha dang / /rus pa'i phreng ba blang bar bya/ /dus kun du ni rang lha mchod/ /rtag tu bla ma mnyes pa bya/ /rtag tu rang lha'i bsnyen par bya/ /rtag tu rang gi dam tshig bsrung / /rtag tu sngags kyi spyod pa bsten/ / rtag tu chos kyi dam pa blang / /rtag tu khrus kyi cho ga bya/ /srog gcod pa yi sems can pas/ /kun du rgyug par byed pa bla/ /de bas mkhas pas dus kun du/ /srog gcod pa ni spang bar bya/ /grong khyer 'jug dang gtor ma gtang / /srog gi phyir yang mi gtong ngo / /dam tshig rtag tu srung byed pa'i/ /rnal 'byor de la dngos grub 'byung / /dam tshig rnams ni rdo rje che/ /dam tshig gdug pa zil gyis non/ /dam tshig thub dka' gdug pa 'joms/ /de bas mkhas pas dus kun du/ /dngos grub 'grub 'gyur dam tshig bsten/ /gang dag dam tshig med cing sbyor ba kun spang ba/ /rtag tu dngos grub sbyor spangs sdug bsngal thams cad bskyed/ /'gro ba'i sdug bsngal sel mdzad sangs rgyas rdo rje can/ /rtag tu thub byed sdom gnas rtag tu bde ba'i mchog /bla med lam mchog gsang chen de nyid spang / /mi gnas dngos grub med cing tsha grang sdug bsngal myong / /don nor smra ba nyams shing slob dpon bka' sogs bcag /spyi nas bla med blang zhing mkha' 'gros snying 'dren na/ /gnod byed me dbal rtag tu dgra bzhin spang / /yid bzhin nor bu rang gi srog bzhin blang / /srung dang blang sogs bca' thabs mkhas pas bya/ /des ni rtag tu bde ldan sdug bsngal spang / /bdag gis thabs 'di brtsams par mi rigs kyang / /bslab pa gnas phyir nor bu len byed brtsams/ /'di las bdag gis bsod nams ci thob pa/ /des ni thams cad bde bar gnas par shog / dam tshig gi rgyan rdzogs so// //spyir sdom pa la/ bsnyen gnas sdom pa nya stong ngam tshes brgyad gang rung la blang ngo / /dge bsnyen sdom pa la/ dbye na sna 'ga' srung ba'i dge bsnyen rtsa ba lnga nas 'ga' srung ba'o/ /tshangs par spyod pa'i dge bsnyen ni/ rtsa ba las 'dod chags rang gi bud med min pa spangs pa'o/ /yongs su rdzogs pa'i dge bsnyen la lugs gnyis te/ rtsa ba lnga ka srung ba'o/ /yongs su rdzogs pa'i dge bsnyen la/ dge tshul gyi sdom pa nas phyi dro'i kha zas kyi bar du bya ba nas/ khyim pa'i rtags spang ba de gnyis min pa bcu'o/ /dge tshul gyi sdom pa la bcu gsum mo/ /dge slong la khrims nyis brgya lnga bcu rtsa gsum mo/ /byang chub sems kyi sdom pa la nyi shu tham pa/ sngags kyi dam tshig la rang gi dam tshig dang sngags pa'i gnyis so/ /de tsho yod tshad yar ldan du brtsi sngags kyi sdom pa'i khog tu brtsi gsungs/ /[ ]@##/ /rgya gar skad du/ A R+Ya nI lA m+ba ra d+had+ha ra badzra pA Ni sA d+ha na no pi ka /bod skad du/ 'phags pa lag na rdo rje gos sngon po can gyi sgrub thabs/ dpal ldan gos sngon can la phyag 'tshal lo/ /'gro ba sems can mun 'thoms pa'i/

CLOSE WINDOW