བོད་ཡིག

e-texts based on the ACIP/ALL Input

rgya gar gyi paN+Di ta zla ba bzang po dang / /bod kyi lo tsA ba glan dar ma tshul khrims kyis bsgyur zhing zhus te dag par byas so//[ ]@##/ /rgya gar skad du/ ha ya grI ba sA ng+ha na/ bod skad du/ rta mgrin gyi sgrub thabs/ /pad+ma gsung gi lha la phyag 'tshal lo/ /yid 'ong gnas su nyer 'dug nas/ /bde ba'i stan la gnas pa dang / /byang chub mchog tu sems bskyed nas/ /zla kham smug nag dkyil 'khor du/ /paM las chu skyes 'dab ma brgyad/ /maM las nyi ma'i gdan stengs su/ /hrIHdmar rgyu yi sa bon las/ /ye shes bskal pa'i me ltar 'bar/ /gdug pa can rnams ma lus bsreg /me dpung 'bar ba'i dkyil 'khor du/ /hrIHlas bskyed pa'i rta mchog ni/ /zhal gcig phyag gnyis sku mdog dmar/ /steng zhal rta mgo ljang gu ni/ /drag po rta skad rab tu bzhad/ /khams gsum ma lus dbang du sdud/ /phyag g.yas thod dbyug dkar po bsnams/ /bgegs dang 'byung po ma lus 'joms/ /g.yon pa sdigs mdzub me ltar 'bar/ /gnod byed ma lus sreg par byed/ /g.yas bskum g.yon brkyang bdud bzhi mnan/ /spyan gsum sdang mig khro gnyer bsdus/ /ljags 'dril mche ba me stag 'phro/ /skra ser dbu rgyan thod skam can/ /khrag 'dzag brgya phyed do shal byas/ /stag gi pags pa'i sham thabs can/ /klu chen brgyad kyis nye bar brgyan/ /'jigs byed gshin rje'i gzugs 'chad ba/ /gang gis mi tshugs rdo rje'i sku/ /thugs kar nyi ma'i dkyil 'khor du/ /hrIHyig sngags kyis bskor ba las/ /'od 'phros ye shes dgug gzhug bya/ /sangs rgyas rnams kyis dbang bskur ro/ /de nas sngags kyi bzlas pa ni/ /oM badzra kro d+ha ha ya grI ba hu lu hu lu hUM phaT/ /'bum du bzlas nas las rnams 'grub/ /de nas gtor ma dbul ba ni/ /yaM las rlung dang raM las me/ /A las thod pa yangs pa ru/ /sha lnga bdud rtsi lnga yis gang / / ye shes bdud rtsi gnyis su med/ /oM AH hUM/ i daM ba laM a mr-i ta kha kha khA hi khA hi/ /rtsa sngags btags la lan gsum gyis/ phul nas bstod dang gsol ba gdab/ /hrIH las bskyed pa'i rta mchog sku/ /nyi ma'i 'od mtshungs nyon mongs bsreg /bdud bzhi ma lus 'joms mdzad pa'i/ /dpa' bo rta mgrin phyag 'tshal lo/ /slob ma'i bar chad bsrung ba'i phyir/ /gtor ma byin gyis brlab pa ni/ /oM AHhUM/ sku gsung thugs rnams bstim pa'o/ /lha dang sngags kyi rjes gnang bya/ /slob mas phyag 'tshal yon dbul lo/ /dpa' bo rta mgrin sgrub pa'i thabs/ /'od dpag med kyis lung bstan pa'i/ /mkha' 'gro grub pa'i rgyal mos brtsams/ /dge bas rta mchog sku thob shog/ //paN+Di ta zla ba bzang po dang glan chung dar ma tshul khrims kyis bsgyur cing zhus te dge'o//[ ]@##/ /rgya gar skad du/ /a ba ri mi ta A yu r+dz+nyA na sA d+ha na nA ma/ bod skad du/ tshe dang ye shes dpag tu med pa zhes bya ba'i sgrub thabs/

CLOSE WINDOW