བོད་ཡིག

e-texts based on the ACIP/ALL Input

@##/ /rgya gar skad du/ kr-iSh+Na ya mA ri mu kha ShaT tsakra sAd+ha nA ma/ bod skad du/ gshin rje gshed nag po gdong drug pa'i 'khor lo'i sgrub thabs zhes bya ba/ bcom ldan 'das rdo rje 'chang la phyag 'tshal lo/ /bla ma bcom ldan mi bskyod la/ /gus pa yis ni btud byas te/ /thar pa thob par bya ba'i phyir/ /de yi sgrub thabs bri bar bya/ /de la dang por sgrub pa ni/ /byang chub sems la gzhol ba dang / /gtong zhing thos pa'i khengs pa med/ /le lo med cing khro ba med/ /ser sna med cing g.yo yang med/ /sgyu spangs shes rab gsal ba dang / /gcig tu theg pa chen gzhol bas/ /chu 'gram chen po bas mtha' dang / /dur khrod shing drung dgon pa dang / /dgon pa'i yul dang ma mo'i khyim/ /der ni mgon po'i 'di 'bad la/ /gzhan du bsgrubs kyang 'di mi 'grub/ /bde stan la 'dug rang snying gar/ /a las nyi ma de steng hUM/ /de steng 'od 'phros bla ma dang / / rdzogs pa'i sangs rgyas bkug bya ste/ /phyag 'tshal ba dang mchod pa dang / /bshags dang bsngo ba'i bar du bya/ /byams dang snying rje dga' btang snyoms/ /tshad med pa yi rim pa yis/ /sems can rnams la phan btags te/ /brtan dang g.yo ba'i dngos po rnams/ /yod min med min gnyis ka min/ /gnyis ka med min pa yang min/ /spros bral ngo bo med pa bsgom/ /shU n+ya tA dz+nyA na badzra swa b+hA ba At+ma kou0f85haM/ rang nyid de ltar gnas pa yis/ /raM las nyi ma bsgom bya ste/ /de steng hUM las rdo rje ni/ /kun du rtse lnga'i rang bzhin te/ /de dbus hUM las rdo rje ni/ /kun du 'phros pas bgegs bskrad de/ / ra ba gur dang sa gzhi dag /de yi 'og tu nges par bsgom/ /saM dang rdo rje rim pa yis/ /gru gsum gyen bsgreng dkar po ni/ /shin du gsal bar bdag gis dmigs/ /laM las sa yi dkyil 'khor ni/ /ljang ser gru bzhi bsam par bya/ /baM las byung ba chu yin te/ /dkar po zlum po bsam par bya/ /raM las byung ba me'i dkyil 'khor/ /gru gsum dmar po bsam par bya/ /yaM las byung ba'i rlung dkyil 'khor/ /sngon po gzhu yi dbyibs can la/ /ba dan ldan par nges par bsam/ /b+hUM byung 'khor lo rtsibs bcu gnyis/ /lte bar b+hUM las gzhal yas khang / /sgo bzhi rta babs mu khyud dang / / dra ba dra phyed kyis spras pa/ /pho brang 'khor lo rtsibs brgyad pa/ /rdo rje phreng bas rab tu bskor/ /rtsig pa lnga dang yang dag ldan/ /pad+ma nyi ma'i gdan ldan bsgom/ /lte ba'i gdan steng bsam bya ba/ /ka sogs spangs ba'i A li ni/ /bcu drug yi ge phrag gnyis te/ /'khor lo sogs pa'i sa bon yin/ /zla ba de dag sum cu gnyis/ /a sogs spangs pa'i kA li ste/ /bcu bdun gnyis po de steng du/ /ya sogs spangs pa min pa nyid/ /gsum pa'i gsum dang bzhi ba nyid/ /bcu phrag bzhi ste de phrag gnyis/ /sen mo zangs sogs sa bon te/ /nyi mar rnams grags de dbus gsum/ /hUM dang ya yi rang bzhin las/ /rdo rje tho sogs so sor rtog /thim pas nan tan ye shes te/ /chos kyi dbyings nyid dag pa ste/ /gshin dgrar bdag nyid 'dod pa yin/ /rgyan gyi bye brag lus la gnas/ /hrIHzhes brjod pas bcom ldan 'das/ /rtsibs brgyad dbus kyi lte ba la/ /bdag nyid phyag dang zhal rnams ni/ /drug drug ldan par gyur par bsgom/ /zhabs kyang de dag 'dra ba ste/ /g.yas kyi dang po'i phyag na ni/ /rdo rje tho ba g.yas pa gnyis/ /ral gri de bzhin g.yon gnyis kyang / /dang por zhags pa sdigs mdzub ldan/ /gnyis par gtun shing legs par 'dzin/ /rdo rje dril bu tha mas bsnams/ /steng zhal nag po rab tu 'jigs/ /zhabs gnyis rdo rje skyil krung ste/ /brkyang bskum gar gyis zhabs bzhir gnas/ /stag lpags kyis ni smad dkris shing / /siM has se ral ral pa ni/ /gyen bsgreng bsdus te spyi bor yang / /thod pa'i phreng bas rnam par bcings/ /'od dang khro bo 'chol ba ste/ /lag cha sna tshogs mtshan dang ldan/ /zhal bzhad hrIHSh+T+r-iH'i sgra sgrogs shing / /ro langs ma la rab tu 'khyud/ /ma he gshin rje khyo shug mnan/ /lag ngar gnyis ni bsnol byas la/ /mdzub gnyis lcags kyu'i tshul byas te/ /se gol brdab cing bsdu bar bya/ /oM badzra sa mA dzaHdzaHmchod yon zhabs bsil dbul bar bya/ /oM ar+g+haM pra tIts+tsha swA hA/ pra ba ra sat+kA ra pra tIts+tsha swA hA/ lcags kyu la sogs rnam bzhi yis/ /nges par dgug pa la sogs bya/ /oM badzra aM ku sha dzaH oM badzra pA sha hUM/ oM badzra spo Ta baM/ oM badzra A be+e sha hoH/ lcags kyu kha dog dkar po la/ /phyag g.yon dkur brten g.yas brkyang bzhugs/ /g.yas kyis lcags kyu bsnams pa'o/ /zhags pa kha dog sngon po la/ /phyag g.yon dkur brten g.yas zhags pa/ /g.yon brkyang stabs su gnas pa'o/ /lcags sgrog kha dog dmar po la/ /phyag gnyis kyis ni lcags sgrog bsnams/ /sa ga'i stabs su bzhugs pa'o/ /dril bu kha dog ljang gu la/ /phyag g.yon dkur brten g.yas dril bu/ /zlum po'i 'dug stangs kyis ni bzhugs/ /khro bo sgeg pa'i cha lugs 'dzin/ /rgyan kun gyis ni rab tu brgyan/ /shar sgo la sogs rim bzhin gnas/ /lce steng hUM las rdo rje ni/ /gnod mdzes nag po bsgom par bya/ /rdo rje sems dpa' la sogs pa'i/ /phyag rgyas dbang bskur rigs lngas brgyan/ /rdo rje bcings nas gung mo bsgreng / /myu gu ltar byas sems ma'i rgya/ /spyi bor gzhag pa sngags brjod pas/ /spyi bor rdo rje sems dpas mtshan/ / mthe bong sems dpa'i dkyil mo krung / /mdzub mo gung mo rtse sbyar te/ /mdzub mo'i gung mo'i tshigs gnyis la/ /yid tsam bcag la lhag par sbyar/ /rnam par snang mdzad phyag rgya ste/ /dpral gzhag rnam snang gis ni mtshan/ /gung mo rin chen gzugs ltar bya/ /rin chen rigs kyi phyag rgya ste/ /rna g.yas steng gzhag rin chen mtshan/ /sor mo pad+ma'i myu gu ltar/ /byas la gung gnyis rtse sprad de/ /yid tsam thur du gzhag byas la/ /chos kyi rdo rje ma yi rgya/ /ltag par bzhag pas snang mtha' byas/ /rdo rje thal mo sbyar ba las/ /mthe bong gnyis ni mnyam por sbyar/ /gung mo'i tshigs ni gsum pa yi/ /rgyab tu mdzub mo'i rtse bzhag la/ /las kyi rdo rje ma yi rgya/ /rna g.yon steng gzhag don yod grub/ /oM dzi na dzika /oM rat+na d+h+r-ika/ oM A ro l-ika/ oM pradz+nyA d+h+r-ika/ shar rtsibs la sogs rnams bzhi la/ /gti mug sogs te bzhi po yang / /dkar dang ser dang dmar ba dang / /de bzhin bzhi ba ljang gu ste/ /g.yas kyi 'khor lo rin chen 'bar/ /pad+ma sna tshogs rdo rje ste/ /g.yon gyis dril bu legs par 'dzin/ /mig sogs byin gyis brlabs byas la/ /gti mug rdo rje sogs kyis bsrung / /dbang sbub stong pa nyid bya ste/ /snying po'am ming gi yi ge yis/ / rigs kyi phyag rgya ldan pa yi/ /sku rnams nges par bskyed pas so/ /lkog ma dpral ba snying ga ru/ /sku gsung thugs su bskyed pa las/ /sku gsung thugs kyi lha rnams dag /rang lus bcug ste gnas pa las/ /sngags kyis byin gyis brlab pa ni/ /oM sarba ta thA gA ta kA ya badzra swa b+hA ba At+ma kou0f85haM/ oM sarba ta thA ga ta bA ka badzra swa b+hA ba At+ma kou0f85haM/ oM badzra ta thA ga ta tsit+ta badzra swa b+hA ba At+ma kou0f85haM/ snying gar rang 'dra'i ye shes sems/ /de yi thugs kar rdo rje la/ /hUM gis mtshan pa'i yi ges bskor/ /lag gnyis thal mo nges sbyar te/ /gung mo'i rtse mo'i tshigs gnyis la/ /mthe bong nges par sbyar bar bya/ /mdzub mo rgyab rtser sbyar ba ni/ /'di ni dam tshig phyag rgya ste/ /snying ga dpral ba lkog ma dang / /dpral ba byin gyis brlab par bya/ /oM hrIHSh+T+r-iH wi kr-i tA nan hUM hUM phaT phaT/ a d+hi tiSh+Tha swa mAM/ lo tsa na hUM/ mA ma kI traM/ paN+Da ra hrI/ tA ra a/ mtshams su laM sogs las skyes pa/ /lha mo bzhi po nges par bsam/ /bdag po 'dra ste sgeg nyams 'dzin/ /me mtshams sgeg mo dkar mo ni/ /sems dpa'i skyil krung brkyang bas bzhugs/ /rdo rje khu tshur gnyis dkur brten/ /g.yon du yud tsam 'dud pa'o/ /bden bral mtshams su kha dog ser/ /yon tan brgyus ma phyag na bsnams/ /rlung gi phyogs su mdog dkar mo/ /glu len pi wang sgreng bar byed/ /dbang ldan mtshams su kha dog ljang / /phyag gnyis phyogs su gar bsgyur ba/ /grwa ru brtsegs ma d+hU p+pe ni/ /g.yon du yud tsam 'dud pa la/ /puSh+pe gar byed kha dog ljang / /dI pe kha dog dmar mo la/ /lag gnyis gyen bsgreng mar me dbul/ /gan+d+he kha dog ljang gu la/ /lag gnyis dri ni byug par byed/ /phyag rgya sngags rnams brjod pas so/ /khu tshur dku gnyis gzhag pa dang / /de bzhin dpral bar myug pa dang / /kha nas 'byung dang gar byed bskyed/ / bdug spos myug dang me tog 'thor/ /mthe bong brkyang ste rang lus la'am/ /gzhan la myug tshul gnas pa ni/ /brgyad po mchod pa'i lha mo dag /bskyed dang legs gnas phyag rgya yin/ /lA s+ya ma le gIrti nirti/ oM badzra d+hU p+pe/ oM badzra puSh+pe/ oM badzra A lo ke /oM badzra gen+d+he/ bstod pa rnams kyis yongs su bstod/ /bdud rtsi ji bzhin byin brlabs la/ /lce rlabs dbus kyis myang bar bya/ /rang rang sngags rnams brjod pas so/ /bdug pa 'jigs pa'i yi ge ni/ /bcu bzhi pa la dmigs pa las/ /'khor bar dmigs par bya ba la'ang / /nyi ma'i dkyil na dmigs pa ltar/ /dmigs te ma yengs 'jigs pa med/ /bzlas pa nyid la de ltar bya/ /bye ba tshang bar bzlas pa yis/ /rab 'byams las la mi 'grub pa/ /med de thams cad de yis 'grub/ /'bum dang sa ya bzlas pas kyang / /phra mo'i las rnams 'grub par byed/ /gzhan du mi 'gro sems kyis ni/ /de lta'i tshul du bzlas pa bya/ /yul gzhan blo ni 'gro ba yis/ /bskal par bzlas kyang 'bras mi 'byin/ /oM hrIHSh+T+r-iHwi kr-i tA na na hUM hUM phaT phaT swA hA/ 'byung po rnams dang bcu bzhi pa/ /spel bas gtor ma sbyin par bya/ /hi hi hi hUM/ pheM pheM pheM swA hA/ 'gro ba'i don la 'gro bsams te/ /mchod bstod bdud rtsi myang ba bya/ /de nyid gsum mthar muHldan pas/ /rang bzhin gshegs shing bskyed pa bsdu/ /bzod par gsol dang gsol ba gdab/ /bsngo dang smon lam gdab par bya/ /gzhan yang bsgom par bya ba nyid/ /gang gang dbang po'i lam 'gro ba/ /de yi ngo bor bdag gis blta/ /bsam gtan mi byed de blo yi/ /kun du blo yis bsgom par bya/ /ldang dang nyal dang phyi khrus dang / /bza' ba dag la brtson par bya/ /bcas dang bral ba med mod kyang / /bdag dang blo dman don du bsdus/ /'di yi dge bas 'gro ba rnams/ / bcings pa rnams las grol bar shog /dpal gshin rje gshed nag po gdong drug pa'i 'khor lo'i sgrub thabs mdor bsdus la/ slo dpon de ba A ka ra tsan+d+ras mdzad pa rdzogs so// //rgya gar gyi mkhan po de ba A ka ra tsan+d+ra de nyid dang / cog ro ban+de shes rab bla mas bsgyur cing zhus te gtan la phab pa/ /[ ]@##/ /rgya gar skad du/ ya mA ri sid+d+ha tsakra sAd+ha na/ bod skad du/ gshin rje'i dgra grub pa'i 'khor lo'i sgrub thabs/ rdo rje mkha' 'gro la phyag 'tshal lo/ /dpal ldan gshin rje'i dgra mgon la/ /yang dang yang du phyag 'tshal te/

CLOSE WINDOW