བོད་ཡིག

e-texts based on the ACIP/ALL Input

//[ ]@##/ /rgya gar skad du/ ya mA ri sA d+ha na/ bod skad du/ gshin rje gshed kyi sgrub pa'i thabs/ /'phags pa 'jam dpal gzhon nur gyur pa la phyag 'tshal lo/ /dpal ldan mthar mdzad thugs rje'i rang bzhin can/ /'gro ba'i don du phyi rol gtum chen sku/ /mgon po gshin rje gshed la mgos btud de/ /de yi sgrub thabs 'dod pa'i don du ni/ /sngags pa dang po sems yongs mgu ba dang / /bde ba'i stan gnas 'og tu dam bca' byas/ /snying gar hUM bkod pa las mchod pa'i tshogs/ /sna tshogs pa yi mgon la mngon par mchod/ /de yi spyan sngar sdig pa bshags la sogs/ /byas nas stong nyid yongs su bsgoms nas ni/ /dang por rlung gi dkyil 'khor yaM las byung / /du ba'i mdog 'dra gzhu yi dbyibs can la/ /raM gyi sa bon las byung me yi ni/ /dkyil 'khor gru gsum mdog kyang dmar ba yin/ /baM las byung ba'i chu yi dkyil 'khor ni/ /bum pa 'dra zhing dkar la thur ltas pa/ /laM las byung ba'i dbang chen dkyil 'khor ni/ /zur bzhi pa la kun nas rab tu ser/ /hUM suM hUM las byung ba'i ri rab ni/ /ri rgyal rtse mo brgyad pa go rims bzhin/ /sngar bshad rlung la sogs pa'i dkyil 'khor rnams/ /gong nas gong ma'i rim pa bsams nas ni/ /de 'og hUM las byung ba'i rdo rje'i sa/ /ra ba dra ba dam pa dbus kyi char/ /a las byung ba'i zla ba'i dkyil 'khor gyis/ /dbus na d+hIHlas byung ba'i 'jam rdo rje/ / dpa' bo phyag g.yas ral gri mdzes pa dang / /gzhon nu'i g.yon na thugs kar glegs bam bsnams/ /sku ni dmar ser zur phud lnga gnag cing / /rdo rje skyil krung mchog bcas shin tu zhi/ /bsams la slar yang de yi thugs zla bar/ /hi las byung ba'i nyi ma 'char ka'i gzugs/ /kun nas 'od zer nag po 'phros pa yis/ /khams gsum khyab nas rgyal ba byang chub sems/ /khro bo rig pa gnas na legs bzhugs rnams/ /yang dag bskul te bkug nas nyi gzugs la/ /bcug la der ni gcig tu gyur pa na/ /slar yang nyi ma nyid du gyur pa las/ / 'od zer dmar po rab tu rgya che ba/ /shin tu 'bar ba spros nas de ru ni/ /hUM las byung ba'i rdo rje kha gyes gnag /lte bar hUM bcas sna tshogs 'od 'dra ba/ /de las rgyal dang byang chub sems dpa' spros/ /slar yang de yis 'gro ba drug la gnas/ /sems can btul te byang chub mchog bkod nas/ /bkug ste thams cad rdo rje la rab gzhug /de 'og rdo rje nI la yongs su gyur nas/ /gshin rje gshed po zhal gcig phyag gnyis bsam/ /phyag g.yas rdo rje'i dbyig pa 'phyar ba dang / /phyag g.yon sdigs mdzub rdo rje zhags pa can/ /gshin rje ma he'i steng na gan rkyal gnas/ /g.yas brkyang gnas pa yis ni gnon par mdzad/ /mi thung zhal ni rnam 'gyur mche ba gtsigs/ /gsus khyim che la ljags ni rnam par rkyong / /dbu skra smin ma sma ra dmar ser ni/ /gyen du brdzes shing spyan gnyis rnam par dmar/ /gnag cing khro bcas gnyer ma dpral bar bsdus/ /phus 'debs klu brgyad kyis ni yan lag brgyan/ /stag lpags bsnams zhing thod pa'i rtse bran can/ /mgo bo'i phreng ba'i do shal 'phyang mdzad cing / /dus mtha'i me ltar 'jigs 'od rnam par 'bar/ /'jigs par byed pa'ang 'jigs pa skyed par mdzad/ /gtum zhing gshin rje gshed tshogs sangs rgyas 'phro/ /'jig rten lha mchog tshogs kyis phyag byas shing / /ha har bzhad pas lha dang lha min tshogs/ /kun nas yongs su skrag par mdzad pa'o/ /sa gsum dag na yod pa'i bdud kyi tshogs/ /ma lus pa yang rnam pa 'byer bar mdzad/ /de ltar bsam gtan la brtson gnas pa ste/ /dogs pa med par nyin mtshan sngags zlos shing / /de nyid sbyor bas dur khrod sogs par gnas/ /dam tshig rnam dag nges par 'grub par 'gyur/ /de yi sgrub thabs 'di ni legs bris las/ / bdag gis bsod nams gang thob des 'jig rten/ /gshin rje gshed mnyam 'gro kun sdug bsngal ni/ /mi bzad tshogs mthar bdud tshogs myur zad shog /gshin rje gshed kyi sgrub thabs slob dpon 'gro bzangs snying pos mdzad pa rdzogs so// //rgya gar gyi mkhan po dI paM ka ra shrI dz+nyA na dang / /zhu chen gyi lo tsA ba dge slong rin chen bzang pos bsgyur cing gtan la phab pa'o//[ ]@##/ /nag po zhal gsum phyag drug pa'i sgrub thabs bzhugs/ @/ /dpal gshin rje gshed nag po la phyag 'tshal lo/ /gus pa yis ni bla ma yi/ /zhabs kyi pad+mar phyag 'tshal te/ /

CLOSE WINDOW