CLOSE WINDOW

D1931: dpal gshin rje'i gshed dgra nag po'i sgrub thabs/ 'khor lo'i don rgyas par bshad pa dang bcas pa
བོད་ཡིགe-texts based on the ACIP/ALL Input

/ //bal po'i mkhan po su ma ti tsan+d+ra'i zhal snga nas dang / bod kyi lo tsA ba ban+de tshogs chag chung bas bsgyur cing zhus te gtan la phab pa'o/ /[ ]@##/ /rgya gar skad du/ shrI kr-iSh+Na ya mA ri sA d+ha naM/ sa tsakra ar+tha bista ra byA khyA/ bod skad du/ dpal gshin rje'i gshed dgra nag po'i sgrub thabs/ 'khor lo'i don rgyas par bshad pa dang bcas pa/ bcom ldan 'das dpal rdo rje sems dpa' la phyag 'tshal lo/ /mkha' ltar spros med chos sku rnam dag dngos/ /'gro mgon 'jam dbyangs khro rgyal phyag 'tshal te/ /gshin rje gshed po dpal ldan de yi ni/ /sgrub pa'i thabs bzang 'khor lo bcas pa bshad/ /byang chub kyi sems gnyis shin tu brtan pa'i sngags pas tho rangs langs te/ lus kyi bya ba ma lus par byas la/ stan bde ba la 'dug ste/ bla ma dang dkon mchog gsum dang / dpal gshin rje 'joms pa rnams 'od kyis bskul ba la/ phyag 'tshal ba la sogs pa bdun dang / tshad med pa bzhi dang / byang chub tu sems bskyed pa rnams byas la stong pa nyid du bsam mo/ /de nas yud tsam gyis ma he'i steng du pad+ma dang nyi mar bltas te/ de'i dbus su hUM ngaM laM gyi sa bon gyur pa las rdo rje'o/ / de gyur pa las gshin rje 'joms par bdag nyid bsam pa ni/ zhal gsum pa phyag drug pa mi bzad pa'i khro bo sku mdog mthing ga zhal g.yas g.yon dkar ba dang dmar ba/ phyag g.yas g.yon na rdo rje dang / ral gri dang gri gug dang 'khor lo dang / pad+ma dang thod pa 'dzin pa/ g.yon brkyang bas gnas pa'o/ /de nas de'i phung po lnga ni gti mug gshin rje gshed la sogs pa lnga'o/ /khams bzhi ni tsartsi kA la sogs pa bzhi'o/ /lag pa g.yas pa'i dpung pa dang g.yon pa'i dpung pa dang kha'i pad+ma dang / gsang ba'i gnas rnams ni tho ba gshin rje gshed la sogs pa bzhi'o zhes mos par bya'o/ /de nas ye shes sems dpa' bstims la/ yan lag drug bsams te/ de nas sku gsung thugs byin gyis brlabs la dbang bskur te/ spyi bo la rdo rje sems dpas brgyan par bya'o/ /de nas snying ga'i yaM las spro ba dang bsdu ba skyo bar ma gyur gyi bar du bya'o/ /skyo ba na oM ya ma rA dza sa do me ya ya me do ru Na yo da ya/ ya da yo nir yak+She ya ya k+She yats+tsha ni rA ma ya/ oM hrIHSh+T+r-iHwi kr-i tA na na hUM hUM phaT phaT swA hA/ zhes bzlas so/ /yang na rim pas bzlas so/ /gal te 'khor lo bsgrub par mi 'dod na las kyi sngags 'ba' zhig bzlas so/ /gal te las la mi dmigs na snying po'i sngags 'ba' zhig kyang bzlas te/ oM ya mAn+ta ka hUM/ snying po'o/ /bzlas pa'i tshad ni re re la yang bye ba phrag gsum dang / 'bum phrag bzhi bzlas so/ /de nas bzlas pas skyo ba na/ ye shes sems dpa' la mchod pa dang / bstod pa byas te/ gshegs pa'am slar bstims la/ yan lag drug gis srung ba byas la/ yi ge brgya pa bzlas la ldang ngo / /langs nas kyang gsang sngags sku la dmigs shing grangs la phan mi 'dogs pa bzlas par bya'o/ /dang po rnal 'byor la 'jug pa na/ oM in+d+ra ya hrIHzhes bya ba la sogs pas gtor ma sbyin par bya'o/ /dus rtag tu bdag dang gzhan chu zla ltar gcig dang du ma dang bral bar blta'o/ /bsnyen pa ma rdzogs kyi bar du gnas gcig tu spyad par bya'o/ /'di ni sngon du bsnyen pa'i rim pa mdor bstan pa'o/ /de ltar bsnyen par gyur pa'i sngags pa 'khrul 'khor bsgrub par 'dod pas/ 'di ltar blta ste/ dang po kho nar 'di la mngon spyod bya bar rigs sam/ ci ste ma yin zhes gzhi gtan la dbab par bya'o/ /de nas bya bar rigs pa zhig yin na/ 'di ltar bdag ni dmyal bar song yang bla'i/ /'di dmyal bar mi 'gro bar bya zhing de'i rgyur 'di myur du gsad pas/ 'di'i sdig pa mang du mi 'phel bar bya'o snyam du yang dag par snying rje bcos ma ma yin pa bskyed pa yang dang yang bya bas byang chub kyi sems gtan la dbab par bya'o/ /de nas sgrub pa'i gnas khyad par can dur khrod dang khang stong dang / ma mo 'du ba'i gnas dang / gnod sbyin 'du ba'i phug dang / shing gcig pa'i drung la sogs par 'gro bar bya ste/ 'di ni gnas gtan la dbab pa'o/ /der yang bdag gcig pus brtsams pa dang / yang na grogs po gsang thub pa/ dam tshig bsrung ba/ 'jigs shing bag tsha ba med pa/ lag bzo ba/ sgrub pa po la snying nye ba/ stobs che ba/ blo dang ldan pa bzhi man chad dang brtsams te/ 'di ni zla grogs gtan la dbab pa'o/ /gnas der sha chen po dang tshil chen po la sogs pa/ gtor ma dang lha bshos su bya ba dang / me tog nag po'am sngon po dang / bdud rtsi lnga dang / khrag chen po dang / rnga dang gling bu dang / dung la sogs pa'i mchod pa'i yo byad dang / gshin rje'i gzugs kyi rgyu dang / ling ga'i rgyu dang / /snag tsha dang / smyu gu dang / dur khrod kyi ras dang / thod pa dang skud pa nag po la sogs pa yo byad thams cad dang ldan par byas te/ 'di ni rdzas gtan la dbab pa'o/ /de nas 'khor lo bri bar bya ste/ gtor ma byin la mchod pa 'jigs su rung ba'i tshogs kyang dbul te/ maN+Dal rab tu 'thas pa lci bas byugs pa byas la/ sngags pa kha lhor bltas te/ bdag khro bor gsal bas rtsa ba'i sngags zlos shing thod la kor gyis 'khor lo bri bar bya ste/ gnas skabs 'dir yang 'khor lo bri ba dang / ling ga bca' ba dang / ga'ur gzhug pa dang / ga'u bsro ba dang / gshin rje la gtad pa dang / nang gi rnal 'byor dang / 'khor lo bca' ba dang / rjes kyi rnal 'byor dang / slar dbyung ba'i cho ga bya ste/ rnam pa dgus bsgrub par bya'o/ /de la 'khor lo bri ba ni/ ri mo lnga bskor ba las snam bu bzhi dang / lte ba ste lngar bya'o/ /lte ba le'u tshe dgu pa'o/ /snam bu dang po le'u tshe bcu gnyis pa/ /gnyis pa bcu drug pa/ gsum pa dang bzhi pa phyal ba'am/ sum cu rtsa gnyis pa'o/ /de la lnga dang bcu gnyis la rtsa ba'i sngags dgod/ bzhi mtshams la bskul tshig /bcu drug la yang bskul tshig /phyal ba nang ngos la A li/ phyi ngos la kA li/ yang re'u mig dang 'dra bar yi ge sum cu rtsa gnyis gnyis te/ A li nyis 'gyur dang kA li la nga nya spang bar bya bas so/ /yi ge dag ri mo la ma reg par bya'o/ /'di gshin rje'i lto bar bri'o/ /de nas phyi'i 'khor lo la dpe byas te/ nang gi 'khor lo ro ras la dkar rtsis byugs la/ dug dang khrag bsres pa'i snag tsha bya rog gi sgro smyug gis blangs shing rtsa ba'i sngags zlos pas kha lhor bltas pas bris te/ gcig g.yas su bskor ro/ /gcig g.yon du bskor ro/ /zin pa dang phyi'i 'khor lo nang gi 'khor lo la thim par bsams la dbyi'o/ /'di ni 'khor lo bri ba'o/ /de nas rjes kyi sa dang / chu 'gram gyi sa dang / dug dang khrag dang dgra'i bshang gci byas pa'i sa dang / spra tshil rnams bsres la ling+ga sor bzhi par bya/ /de'i snying gar las kyi sngags kyi mjug la ming rus mA ra ya dang bcas par gzhug go/ /'di ni ling ga bca' ba'o/ /de nas rabs chad kyi thod pa'am/ chu 'gram gyi sa dang / dug dang khrag dang / dgra'i bshang gci byas pa'i sa dang / spra tshil rnams bsres la ling+ga sor bzhi par bya/ ga'u gnyis la gong ma la me 'bar ba bri/ dbus su phaT che ge mo mA ra ya phaT ces pa bri'o/ /'og ma la rlung gi dkyil 'khor gyi dbus su sngags snga ma ltar bri/ ga'u steng ma'i rgyab tu ri rab la dbang chen gyi dbus su rdo rje rgya gram ser po bri/ de nas ga'u gong ma la bu ga smyug ma 'bring po shong ba cig gdod do/ /de nas 'khor lo g.yon du bskor ba 'og /g.yas su bskor ba steng / de'i dbus su ling ga bcug la/ legs par dril nas skud pa nag pos bcings te ga'u kha sbyor du bcug la ga'u skud pa nag pos dkris te/ ga'u'i bu ga nas dug sna tshogs pa'i phye ma dang / khrag bsres pa blugs pas gang bar bya'o/ /'di ni ga'ur gzhug par bya'o/ /de nas rdo ba zur rngom pa zur gsum du 'dug pa'i sgyed pu gsum gyi khar ga'u bzhag la/ dug gi me tog 'og nas spor la dros pa tsam du bsros shig / 'di ni ga'u bsro ba'o/ /de nas chu 'gram gyi sa'am/ spra tshil las gshin rje'i rgyal po gzugs khru gang pa/ rab tu sbom pa mi'u thung 'dra ba gsus pa che ba/ mche ba 'chang ba mdog gnag pa/ /mche ba bzhi pa/ khro gnyer can/ skra kham pa 'dzings shing yegs la 'phyar ba/ lag pa g.yas na dbyug pa lcags las byas pa thogs pa/ g.yon na sdigs pa'i mdzub mo bsgreng ba la zhags pa bkal ba zhig byas la/ de'i lto bar ga'u de bcug la sba ste/ 'di ni gshin rje la gtad pa'o/ /da ni nang gi rnal 'byor bya ste/ gzugs de kha lhor bstan/ rnal 'byor pa kha lhor bltas te/ rus sbal gyi 'dug stangs su gnas pas/ ling ga de de nyid du bsam/ 'khor lo gshin rje'i grong khyer du'o/ /de la rnam shes bkug cing bstims la/ bcings te ye shes kyi lha dang dpral ba dang / kho'i nyes pa brtsi ba dang / rang gi dge ba'i stangs brtsi ba byas la/ de nas rang gi ba spu'i bu ga nas/ khro bo srin po 'dra ba grangs med pa byung ba dang / de dag gis sprul cing bskul ba'i bya rgod dang khyi dang spyang ki dang / yam bu ru Sha rnams kyis de gsod cing pags pa bshu ba dang / rgyu ma 'dren pa dang / lus gtubs pa dang / mig 'bru ba dang / klad pa 'thog pa la sogs pa tan+t+ra nas 'byung ba ltar bsam zhing / /gsang sngags mA ra ya dang bcas par bzlas pa bya ste/ de yang rang gi sems tshod dang rtags dang / bsnyen pa'i tshul las nyi ma gcig nas bdun gyi bar du bsgrims te bya/ khyad par du ni nyin gung mtshan gung la bya ste/ 'di ni nang gi rnal 'byor ro/ /de nas 'khor lo sba ste/ gnas der rang nyid kha lhor bltas la/ dong zur gsum pa zab rings rab la rgyar khru gang pa cig brus la/ der gshin rje'i gzugs de kha sbub la mgo lhor bstan te gzhag go/ /de nas 'byung po thams cad la de nyid du drag po'i ba liM byin la las bcol dpang gzugs so/ /de nas de ma thag tu bsgrub bya ya ma'i grong khyer na ya ma rnams kyis bzung ste gsod par bsams la/ ya ma rA dza la bskul ba bya ste/ bdag shin tu khros shing lhar gsal bas 'di skad bskul lo/ /'di nas lho yi phyogs rol na/ /dpag tshad brgyad khri'i pha rol na/ /thod pa lcags kyi grong khyer na/ /yi dags kun gyi sde dpon po/ /ma mo kun gyi tshogs rje bo/ /gson gshin kun gyi zam kha ba/ /gson po bskos la 'ded pa po/ /shi ba rnams kyi gshin bu rje/ /dge ba can gyi ltangs 'dzin pa/ /sdig pa can gyi chad pa mkhan/ /nyes legs chos bzhin gcod pa po/ /chos rgyal gshin rje zhes bya ba/ /mngon shes rdzu 'phrul mthu rlabs can/ /'khor bcas deng 'dir bdag la dgongs/ /bdag ni rnal 'byor sgrub pa po/ /'jam dpal gzhon nu'i thugs kyi sras/ /gshin rje gshed kyi rnal 'byor pa/ /rdzogs pa'i byang chub bsgrub pa'i phyir/ /bsam pa byang chub sems kyis brlan/ /rgyur ni ye shes rdo rje 'chang / /gzi byin sku gsung thugs kyis bskyed/ / don ni 'gro ba yongs kyi don/ /las ni sangs rgyas kun gyi las/ /bka' ni dkon mchog gsum gyi bka'/ /rgyal po 'khor dang bcas pa la/ /drag po'i las 'di gtad par 'dod/ /che ge zhes bya'i gdug pa 'di/ /gson na 'gro ba yongs la gnod/ /dkon mchog gsum la rnam par 'tshe/ /dmigs kyi rnal 'byor yongs la sdang / /'di dag myur du bsgral ba'i phyir/ /rgyal po 'khor bcas spyan 'dren na/ /dam tshig dbang gis gshegs su gsol/ /oM hrIHSh+T+r-IHwi kr-i tA na na hUM hUM phaT ya ma rA dza sa pa ri wA ra A kaR+Sha ya dzaHzhes brjod pas/ rang gi snying ga nas 'od zer lcags kyu 'dra ba byung bas/ ya ma rA dza 'khor dang bcas pa gnas der 'ongs par bsam/ de'i tshe phyag rgya sbyar ba ni/ lag pa g.yas pa khu tshur bcangs te/ mthe bong nang du bcug nas mdzub mo cung zad bskyed de/ gdengs thabs su 'phangs bstod pa ni be con gyi phyag rgya ste de sbyar ro/ /ya ma rA dza ni ji ltar gzugs su byas pa la ma he zhon pa de dus mtshan dang bcas pa/ 'khor ma mo dang ya ma'i skyes bu mang pos bskor ba'o/ /de nas phyag rgya bstan la/ /oM hrIHSh+T+r-iHwi kr-i tA na na hUM phaT ya ma rA dza sa ma ya s+t+waM zhes brjod pas/ de dag gis bdag la glags tshol mi nus par bsams te/ phyag rgya rdo rje bsdams pa las srin lag gnyis brkyang nas gshibs te bsgreng pa'o/ /de nas gdong gi ya ma'i gzugs la me tog nag po gtor la/ ya ma rA dza 'khor bcas pa/ /dam tshig dbang gis 'dir brtan bzhugs/ /mchod pa tshul bzhin bzhes nas kyang / /phrin las mdzad phyir ji srid du/ /las grub bar du bzhugs su gsol/ /ya ma rA dza sa ma ya s+t+waM zhes brjod do/ /de nas lag pa g.yas pas be con gyi mu dra bcing / g.yon pas rak+ta dang chang bsres pas bkang ba'i b+han+d+ha thogs la ar+g+ha dbul te/ ya ma rA dza 'khor dang bcas pa la/ ar+g+ha gsol bas dmar gyi ar+g+ha zhag gi me tog rgya mtsho ltar mi zad pa 'byung bar gyur cig /oM hrIHSh+T+r-iHwi kr-i tA na na hUM phaT ya ma rA dza sa pa ri wA ra ar+g+haM pra tIts+tsha ho zhes pas so/ /phyag rgya de nyid la gnas pas/ /g.yon gyi me tog blangs te ya ma rA dza 'khor dang bcas pa la me tog phul bas me tog gi khang pa brtsegs pa tog dang / kha bad du ldan pa ka ba brgyad zug pa/ me tog gi bla re dang / gdugs dang / phreng bas brgyan pa/ rin po che'i rang bzhin can 'byung bar gyur cig /oM hrIHSh+T+r-iHwi kr-i tA na na hUM phaT badzra puSh+pa pU dza sa ma ye hUM zhes pas so/ /phyag rgya de nyid la gnas pas/ g.yon gyi bdug pa blangs la/ ya ma rA dza 'khor dang bcas pa la bdug pa sna tshogs phul bas/ gzhal yas khang gi mgul du bdug pa'i sprin bai DUr+ya'i mdog lta bu rin chen brtsegs pa 'dra ba 'byung bar gyur cig / oM hrIHSh+T+r-iHwi kr-i tA na na hUM phaT badzra d+hU pa pU dza sa ma ye hUM zhes pas so/ /de bzhin du g.yon pas mar me blangs la/ ya ma rA dza 'khor dang bcas pa la mar me phul bas/ gzhal yas khang gi phyogs mtshams su mun pa 'joms pa nor bu'i 'od la sogs pa'i snang ba 'byung bar gyur cig / oM hrIHSh+T+r-iHwi kr-i tA na na hUM phaT badzra dI pa pa pU dza sa ma ye hUM zhes pas so/ /de bzhin du g.yon pas byug pa blangs la/ ya ma rA dza 'khor dang bcas pa la byug pa phul bas lus dang gnas kyi dri ma thams cad dag ste/ reg na bde ba'i reg bya dang dri bsnams bzod pa dang ldan pas tshim par gyur cig / oM hrIHSh+T+r-iHwi kr-i tA na na hUM phaT badzra gan+d+ha pU dza sa ma ye hUM zhes pas so/ /de bzhin du g.yon pas bshos bteg la/ ya ma rA dza 'khor dang bcas pa la bshos phul bas kha zas dri dang ro dang kha dog phun sum tshogs pa dang ldan pa dang / bdud rtsi dkar po dang / ser po dang / dmar po dang sngon po dang bcas pa/ kham gyi zas la gnas pa rnams tshim par byed pa'i mthu dang ldan pa rnams 'byung bar gyur cig /oM hrIHSh+T+r-iHwi kr-i tA na na hUM phaT badzra nai wi d+ya pA dza sa ma ye hUM zhes pas so/ /de bzhin du g.yon pas ba liM bteg la 'das ma thag pa'i tshig rjes la/ oM hrIHSh+T+r-iHwi kr-i tA na na hUM phaT ma hA ba liM pU dza sa ma ye hUM zhes pas ba liM dbul lo/ /de nas sil snyan sna tshogs bsgrags la nam mkha' mdzod kyi sngags brjod do/ /de nas lag pa g.yas pa de bzhin du gnas pa las g.yon pa'i khu tshur thod pa'i tshul du byas la/ tshigs su bcad pa 'di rnams kyis bskul bar bya'o/ /bcom ldan gshin rje gshed po'i bka'/ /chos kyi rgyal po dgongs su gsol/ /de ring drag po'i phrin las 'di/ /khyed kyi las su 'os pa yin/ /lha dang bcas pa'i 'jig rten na/ /legs nyes chos bzhin gcod pa khyod/ /gshin rje gshed kyi bka' 'khor na/ /bka' nyan dam tshig bsrung ba khyod/ /las dang rkyen gyis 'chi ba la/ /srog la dbang byed bdag po khyod/ /de phyir las 'di khyod la gtad/ /khyod kyi 'khor 'di mi srun te/ /tha mal sems can nyes med cing / /gzhan gyis bskul bar ma byas par/ /glo bur phrad pa 'dzin byed na/ /nga yis gtad pa'i las 'di rnams/ /'jam dpal gzhon nu'i bka' bzhin du/ /dam tshig phyag rgya mig la bstan/ /dam tshig snying po rna bar bsgrags/ /rdo rje tha tshig snying la bzhag/ /dam rdzas mchod pa phul nas kyang / /dam tshig phrin las gnyer du gtad/ /las 'di mngon du bsgrub pa'i rigs/ /khyod kyis las 'di ma bsgrubs na/ /dkon mchog gsum gyi bka' yang bcag /gshin rje gshed po'i dam yang dral/ /rang gi tha tshig rang gis bslus/ /dam tshig grogs po bdag cag gi/ /re ba'i bsam pa gting nas bcad/ /de bas las 'di grub par gyis/ /khyod kyi 'khor gyi dkyil 'khor na/ /ya ma dU ti zhes bya ba/ /lag na lcags kyu nag po thogs/ /gang zhig gzung bar 'dod pa de/ /g.yugs pa tsam gyis 'dzin par byed/ /khyod la gnyer du gtad pa ni/ /che ge zhes bya'i yul khams na/ /che ge mo zhes bya ba'i ming / /rus ni che ge mo zhes bya/ /'di dag 'khor dang bcas pa kun/ /khyod kyis de ring gzung bar gyis/ /gzhan yang 'khor gyi dkyil 'khor na/ /kA la pA sha zhes bya ba/ /lag na dus kyi zhags pa thogs/ /gang zhig 'dzin par 'dod pa de/ /btab pa tsam gyis 'dzin par byed/ /lhag ma snga ma bzhin yin no/ /gzhan yang 'khor gyi dkyil 'khor na/ /ya ma daMSh+T+r-i zhes bya ba/ /lag na be con nag po thogs/ /gang zhig bsad par 'dod pa kun/ /phyar ba tsam gyis 'chi bar byed/ /lhag ma snga ma bzhin yin no/ /gzhan yang 'khor gyi dkyil 'khor na/ /ya ma daMSh+T+ri zhes bya ba/ /za byed mche ba 'bar ba can/ /gang zhig za bar 'dod pa de/ /gtsigs pa tsam gyis za bar byed/ /lhag ma snga ma bzhin yin no/ /gzhan yang 'khor gyi dkyil 'khor na/ /kA la rA tri la sogs pa'i/ /gsod pa mo dang nag mo dang / /nam gru sha ka li la sogs/ /bud med tshogs kyis bskor ba ni/ /la la las kyi me long can/ /la la nad kyi rkyal pa can/ /la la mtshon gyi dru gu can/ /la la bdud kyi khram bam can/ /la la shod rde'u dkar nag can/ /la la lcags kyi dre'u rta can/ /la la bong bu gwa pa zhon/ /la la rlung nag 'tshub ma zhon/ /la la chu bya nag mo zhon/ /la la nam gyi gung la rgyu/ /la la chu bo'i gzhung la rgyu/ /la la nyi ma'i zer la rgyu/ /kun kyang gzhan srog 'phrog pa ste/ /khyed la gnyer du gtad pa ni/ / lhag ma snga ma bzhin yin no/ /gzhan yang 'khor gyi dkyil 'khor na/ /ya ba ti dang phywa bsangs dang / /rmig pa ral pa dgu la sogs/ /la la rgyal po'i tshul du gnas/ /la la blon po'i tshul du gnas/ /kha cig dag ni sde dpon tshul/ /lag na be con 'khor lo dang / /gsal shing la sogs mtshon cha thogs/ /so so'i sde dpon mngags pa dang / /pho nya phyag brnyan bcas pa la/ /'phrin las myur du gtad pa ni/ /che ge zhes bya'i yul khams na/ /che ge mo zhes bya ba'i ming / /rus ni che ge mo zhes bya/ /'di dag 'khor dang bcas pa kun/ /khyod kyis deng 'dir gzung bar gyis/ /zhes bskul zhing dmar gyi ar+g+ha lan gsum gsum du sbreng zhing / gong gi ar+g+ha'i sngags brjod do/ /de nas mna' chu blud par bya ste/ dri chab kyi nang du bdud rtsi lnga blugs la nang du rdo rje bcug la/ oM badzra da ka hUM Tha zhes ci ran cig bzlas nas/ de nas ya ma'i gzugs kyi khar rdo rje bzhag ste/ steng nas dri chab blugs la/ ya ma rA dza 'khor bcas kyi snying gar ye shes kyi rdo rje 'od 'bar ba re rer gyur par bsams te/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi chu 'dis 'grub/ /gal te dam tshig 'das gyur na/ /'jam dpal rdo rje khros nas kyang / /snying ga nas ni gshegs par 'gyur/ /oM badzrod ka hUM ThaHsngon gyi tha tshig dran bya'i phyir/ /rdo rje'i tha tshig 'di bsnan pas/ /mi phyed rdo rje'i dam tshig ni/ /khyod kyi snying la gnas par 'gyur/ /oM badzra sa ma ya tiSh+Tha zhes brjod de/ /rdo rje ya ma'i snying gar gtug go/ /de nas gzugs de sas rab tu dam par sbas la/ sus kyang sbas par mi shes pa de ltar nan tan byas la/ de'i steng du khro bo'i tsham ngam kyi stang stabs byas la rang gi gnas su 'gro ste/ 'di ni 'khor lo sba ba'i tshul lo/ / gang zhig ting 'dzin thob pa'am/ bzlas pa'i mthu khyad par can yod pa des ni/ ga'u bsro ba dang / gshin rje la gtad pa dang / 'khor lo sba ba dag la 'bad pa de snyed mi bya ste/ 'khor lo bris pa la nang gi rnal 'byor dang bzlas pa byas la/ thod par bcug pa de nyid sbas pas chog gi las kyi gshin rje la ched cher gtad pa de dag bya mi dgos so/ /de nas rjes kyi rnal 'byor ni/ 'khor lo sbas pa'i rting la rang gi gnas su gsang sngags rjes su bskul zhing / ma mo dang ging dang / ya ma'i skyes bu rnams la yang gtor ma bzang po byin la drag tu bskul/ rang gis bsten cing gnyen pa'i 'jig rten pa yod na de'i las kyi sbyor ba yang bya zhing / de yang drag tu bskul te btang / bsrungs pa 'dra na bar der lha dang dbral ba yang bya ste/ 'di ni rjes kyi rnal 'byor ro/ /slar dbyung ba'i cho ga ni/ las grub na 'khor lo slar phyung la/ ya mAn+ta ka la mchod pa byas la/ ya ma rA dza la yang mchod pa snga ma ltar phul la/ 'khor lo 'o mas bkru zhing sangs rgyas spyan gyi sngags bzlas te/ lha rnams la bzod par gsol nas/ rdzas rnams chu klung du bkrus la de nyid du dor bar bya'o/ /'di ni 'khor lo'i don rnam par bshad pa las/ drag po'i 'khor lo bstan pa ste/ zhi ba la sogs pa ni/ rtogs sla bas bdag gis ma bshad do/ /las kyi sngags la dmigs shing / rtsa ba'i sngags ma bsnyen pas ni 'khrul 'khor mi bya ste/ sbyin sreg dang / bzlas pa dang gtor ma dag gis las rnam pa bcu la sogs pa bsgrub par bya'o/ /ma mo'i gnas la sogs par mar ngo'i nyin phyed na song la/ thab khung gru gsum zabs su sor bcu pa rgyar sor nyi shu pa/ dbus na pad+ma 'dab brgyad la rdo rje rtse lnga pa sngon pos mtshan pa/ mu ran nang ma la yang mtshon cha/ phyi ma la yang sna tshogs pa'i mtshon cha can du drag po'i lha dang / me lha'i zhal du drag po'i sreg rdzas rnams dbul lo/ /sngags kyang drag po mA ra ya phaT ces pa dang ldan pas so/ /de yang dang por drag po'i thab khung byas la/ drag po'i bud shing btser/ ku sha dgram/ mchod rdzas dang sreg rdzas bkram la rang ya mAn+ta kar bskyed do/ /de nas thab khung du drag po'i me sbar la/ me sbar ma thag tu hUM zhes brjod la tsha ba'i mar khu dgang gzar bdun nam gsum dbul bas me cher sbar ro/ /de ma thag tu thab kyi dbus su yi ge raM nag po gyur pa las me lha mthing nag drang srong ral pa can phreng ba dang / spyi blugs dang / /dbyu gu gsum dang / mi 'jigs pa sbyin pa'i lag pa can rlung gi me bsam mo/ /de nas oM e h+ye hi ma hA b+hU ta/ de ba r-i Sh-i dwi dza sa ta ma gri hi twa a hU ti a hA ri/ asmin sa na ni hi to b+ha bA zhes lan gsum brjod pas thab 'gram gyi mkha' la byon par bsam/ de la ar+g+ha dang mchod pa dbul/ oM badzra a na la ma hA b+hU ta dz+wA la ya/ sarba duSh+TAn b+hasmin ku ru hUM phaT/ dr-i sh+ya dzaHhUM baM hoHsa ma ya s+t+waM a haM zhes brjod pas thab tu bskyed pa la bstim/ de nas me lha khros shing kha gdangs pa la dgang blugs la sogs pa sngags kyi mthar che ge mo mA ra ya phaT dang ldan pas rdzas sum cha tsam phul la/ me lha'i snying gar lha mchog bskyed/ de nas ye shes sems dpa' spyan drangs la bstims la mchod pa bstod byas nas khros pa'i zhal du rdzas phal cher bsreg go/ /de nas phrin las zhus la/ yi ge brgya pa brjod la/ de oM AHhUM muHzhes pas slar gshegs nas/ dam tshig sems dpa' bdag la bsdu/ rdzas lhag ma me lha la dbul te/ las bcol te bzod par gsol la slar yi ge gsum muH'i mtha' can gyis gshegs su gsol la/ khrag gam chu nag pos me bsad do/ /sreg rdzas tha dad pa'i sngags dang hom gzar la sogs pa ni 'dir ma bshad de/ gzhung gzhan las gsal bas der blta'o/ /zhi ba la sogs pa'i yang ci rigs su sbyar ro/ /'di ni las kyi sngags kyi bya ba mdor bstan pa'o/ /da ni snying po'i sngags la gnas pa'i bya ba bshad de/ sngon bzhin du lha'i sku bskyed ma thag tu/ oM d+harma d+hA tu swa b+hA ba At+ma kou0f85haM zhes pas chu zla ltar bsams la/ ye shes sems dpa' bstim pa nas dbang bskur ba'i bar du byas la 'gro ba drug tu 'od zer drug spros pas rang rang la lhag par shas che ba'i nyon mongs pa dang / sdug bsngal bsal bar yang dang yang du byas la/ skyo na gsang sngags bzlas te/ ldang ba na dge ba byang chub chen por bsngos la yan lag drug gi srung ba byas la ldang ngo / /gtor ma dang yi ge brgya pa sngon bzhin no/ /snang ba rnam par dag pa'i rdzogs rim dang rtag tu ldan par bya'o/ /nus pa lta na de kho na yid la byed pa'i rdzogs rim la yang gnas par bya'o/ /da ni rnam pa gsum char dang 'brel ba'i 'chi ba'i dus su yid la bya ba'i man ngag bstan par bya ste/ des dam tshig dang 'gal ba ci byas pa rnams legs par yid la byas la rab tu 'gyod cing phyis mi bya ba'i bsam pas/ 'gro ba yul du gyur ba rnams dang 'dod pa'i lha dang / chos skyong ba rnams la bshags par bya'o/ /des dge ba ci byas pa rnams 'gro ba'i don du byang chub tu bsngos la shi ma thag tu sangs rgyas dngos su bzhugs pa'i zhing du rdzus te 'byung zhing / rigs dang / gzugs dang / grogs dang / 'khor dang / longs spyod dang / dad pa dang / shes rab dang / gnyen po dang / dran pa la sogs pa phun sum tshogs par gyur te/ 'jug pa bde ba/ lam bde bas tshogs rnam pa gnyis bde blag tu bsags te/ myur du byang chub par gyur cig ces bsngo bar bya'o/ /de nas 'di ltar gang rdo rje'i sku mnga' ba'i sangs rgyas rnams kyang sku ched du 'jig cing / nyan thos dang rang sangs rgyas las dang nyon mongs pa dang bral ba rnams kyang ched du lus la yid byung bas spong na/ bdag gi lus rnag can mthong ba'i chos la dngos grub kyi snod du ma gyur cing / bsrung ba byas pa sha thang ba 'di la ci zhig chags su yod ces lus dang srog la chags pa spang bar bya'o/ /de nas yang don dam pa byang chub kyi sems la dmigs nas skye ba dang / gnas pa dang / 'chi ba nam mkha' lta bu rga ba dang kun du skyo ba la grol ba/ blo'i blang dor dang 'jigs pa rnam par spangs shing / 'tsho ba'i 'jig rten smig rgyu tsam du shes par bya'o/ /de nas bdag gi lus dang gnas dang / longs spyod sgyu ma lta bu rnams/ bsam pa thag pa nas sems can thams cad la byin cing / de'i 'og tu rang gi lus 'dod pa'i lha'i skur rnam par bsams te phyogs bcu thams cad rnam par dag pa'i zhing / lha'i rgyal po dang bsnyen bkur gyi gnas ltar yid du 'ong bar bsams la lhag pa'i lha la yang dang yang du yid gtad de/ tshor ba thams cad zil gyis mnan par bya'o/ /de'i snang ba'i yul du 'ong ba dang / mi 'ong ba'i mtshan ma ci byung yang dga' ba dang 'jigs pa mi bskyed cing dri za'i grong khyer ltar bsam mo/ /'di ni 'chi ba'i dus su yid la bya ba'i man ngag go/ /gang zhig bla ma la gus snying rjes rgyud 'jam pas/ /chos kun stong par shes shing yul la 'dod pa spang / / gnyen po'i mthu ldan blo gros dri ma rnams dang bral/ /'gro ba skyob byed gdugs dkar lta bu de rnams dang / /bdag gi yang dag rtags pas smras pa'i gtam tshul 'di/ /myur du bar chad med par nyams len byed bcas phrad gyur cig /ji srid sa la 'gro ba'i longs spyod rnam 'phel ma 'gags pa/ /de srid gtam 'di nyams pa med par 'gro don gnas par shog /gtam tshul 'di ni gsal smras pas/ /'gro ba 'jam dbyangs 'drar gyur cig /bdag dang chos kun sgyu 'dra bar/ /myur rig 'jam dpal nyid gyur cig /dpal gshin rje'i gshed dgra nag po'i sgrub pa'i thabs 'khor lo'i don rgyas par bshad pa dang bcas pa slob dpon mi bskyod pa'i rdo rje'i zhal snga nas mdzad pa 'di yongs su rdzogs so/ / //rgya gar gyi mkhan po A tsAr+ya bi nA ya tsan+d+ra dang / bod kyi lo tsA ba dge slong chos kyi shes rab kyis bsgyur cing zhus te gtan la phab pa'o/ /[ ]@##/ /rgya gar skad du/ kr-iSh+Na ya mA ri sA d+ha naM/ bod skad du/ gshin rje'i gshed nag po sgrub pa'i thabs/ 'phags pa 'jam dpal gshin rje'i gshed la phyag 'tshal lo/ /snying rjes sems can phan pa mdzad cing dpag bsam shing dang 'dra ba yi/

CLOSE WINDOW