བོད་ཡིག

e-texts based on the ACIP/ALL Input

/rgya gar skad du/ dwakra ma tat+t+wa b+hA wan nA ma mu khA ga ma/ bod skad du/ rim pa gnyis pa'i de kho na nyid bsgom pa zhes bya ba'i zhal gyi lung / thams cad mkhyen pa la phyag 'tshal lo/ /dpal ldan bde rdzogs zab gsal gnyis med 'od zer ldan/ /de yi rang bzhin zhi ba bcu drug phyed cha 'bar/ /don dam snying po de ston bla ma gsum po rab/ /de la bya byed gsum mnyam pa yis rtag tu 'dud/ /'jig rten gsum gyi sgron ma kun gyis rab bsngags pa/ /chos rnams kun gyi snying po dngos po'i de bzhin nyid/ /srid pa'i dug chu zlog byed gsum khong waM steng 'bar/ /'jam dbyangs bla ma'i lung gis rtogs phyir bshad par bya/ /dbus kyi yul chen kha bir grong khyer rdo 'jog tu/ /bzang po seng ge zhes byar grags pa rab thob pa/ /bla ma de ni mnyes byas lung thob gzhung mang thos/ /de la rnam dpyad rig 'byung shI len na len+d+rar/ /yon tan bshes gnyen zhes bya rigs can de yi ngor/ /blun blos rab tu byed pa phyogs 'ga' rtsom byed pa'i/ /brod pas der gnas rnams la gzhung des phan gdags par/ /bsams nas der gnas rtsom dang ston sogs rab tu byas/ /de nas yon tan kun 'byung u rgyan yul du bgrod/ /'jo sgeg rdo rje zhes byar mtshan gsol rab tu grags/ /de la mang thos rnam par dpyad cing de nyid du/ /gu ne nu grags bla ma de yang mnyes byas te/ /lung thob gnas de'i byang phyogs chab sgo bdag /dzA thig dza la zhes bya'i bu mo bcu drug pa/ /lak+Sh+mI chen mo mnyes byas zla ba brgyad kyi bar/ /de yi lung ni rab thob mnos nas grub pa thob/ /de nas dzAlen+d+ha rar grong khyer ko no dzer/ /phyin nas bA li pA da zhes byar grags pa rab thob gang / /mnyes byas gzhung thos lung ni mang du thos gyur nas/ /lho phyogs nam mkha'i shing ldan kong ka na ru bgrod/ /grub pa'i dbang phyug bA li pA dar rab grags pa/ /rdzu 'phrul ldan pa'i slob ma'i tshogs dang rab tu bcas/ /de kun yo byad gos zas nor rgyun gyis sbyor ba/ /bla ma dam pa de drung lo dgu rab tu btud/ /'dus pa'i rgyud chen 'grel bcas bco brgyad rab tu mnyan/ /bdag gis ma rtogs bla ma chen pos de bzhin gsungs/ /'dir ma rtogs par gzhan ni don med par bsams nas/ /glegs bam mgul btags byang phyogs yul du rab bgrod de/ /rdo rje gdan rgyab ku ba rtsa zhes bya ba'i tshal/ /stag dang dred sogs mang zhing shin tu 'jigs pa'i sar/ /zla ba drug gnas pa yis chos rnams de nyid rtogs/ /sprul pa'i dge slong bla ma gnyis dang bcas dang phrad/ /mgo dang lag gnyis yol dang tshes brgyad rgyal la bab/ /ston zla ra ba'i tho rangs skya rengs shar dus su/ /'jam dpal dbyangs kyis dkyil 'khor 'khor lor sprul pa la/ /bdag gis don 'di blang phyir gsol ba rab tu btab/ /khyod ni sems can kun gyi yab ste yum yang yin/ /khyod kyis bdag la sogs te 'jigs pa che las skyobs/ /'gro ba'i dbang po rje btsun khyod kyis sdug bsngal sel/ /khams gsum stong byed chi ba che khyod skye bo skyongs/ /thog ma med khyod nga ro thigs pa'i steng cha med/ /rje btsun yid med bdud rtsi rab dga' bde btang byed/ /'gro la phan phyir bde bas sangs rgyas rnams kun la/ /rab dgyes bde ba'i mgon chen khyod kyis gtang bar mdzod/ /skyon gyis ma gos bla na med pa'i byang chub lam/ /sna tshogs sdug bsngal zhi mdzad skom pa ngoms mdzad cing / /'khor ba dba' klong thar mdzad bde la 'god mdzad pa/ /dngos kun rgyal bas mi dpogs lam 'di bstan par mdzod/ /zhi ba'i zhi ba rdul dang rab bral 'dzum pa spangs/ /bsgom pa las 'das mkha' 'dra dri mas ma gos pa/ /sgyu ma kun 'das 'dod pa kun la rgyab kyis phyogs/ /de 'dra'i rje btsun khyod la bdag ni skyabs su mchi/ /dregs med 'jigs med byang chub chen po thob kyi bar/ /'khor bar 'tsho bar 'jig rten dmyal rtsub ma lhung bar/ /khyod gsung dam tshig sdom pa thun mong ma yin rnams/ /bdag la sogs pas rtag tu rab tu bskyang bar bgyi/ /gar chen rnam par rol pas gar mdzad cing / /sna tshogs phyag ni bcu dang bsgyings pa yis/ /pad+mo lo ma 'jam pa brgyad phye nas/ /gnyis med bde rgyu rdo rje gzhag par mdzod/ /gsang ba'i de nyid mi nyams gsal bar 'gyur/ /rdo rje 'dab skyes zla ba'i yang dag 'du/ /thabs shes las byung chos kun de nyid mchog /rje btsun bdag la phan phyir sbas pa shod/ /de nas 'jam dbyangs byang chub sems dpa' chen po yis/ /bdag la 'dzum pa'i bzhin bltas legs zhes lan gsum gsungs/ /rol pa'i gar dang chos kun de bzhin nyid/ /sgra brnyan lta bur rdo rje glu yis bdag la bstan/ /a bi yaM raM baM laM hUM a la la ho/ /rje btsun thugs rje che rnams kyis/ /'di rtogs pa yis bde gshegs kyi/ /phun sum tshogs pa 'thob 'gyur ba'i/ /'das dang da ltar ma byon pa'i/ /rdo rje 'dzin pas snod 'ga' la/ /gsungs shing gsung dang gsung 'gyur ba/ /yang dag don rab rab rtogs phyir/ /nga yis khyod la bstan par bya/ /yid gcig bsdus la mnyan par gyis/ /chos rnams gzugs la sogs pa rnams/ /kun mkhyen bar gyi rang bzhin ni/ /nam mkha'i dkyil ltar rnam dag pa'i/ /zab gsal gnyis med ye shes te/ /de ni dngos med bsgom dngos med/ /dngos po thams cad dang bral ba'i/ /khams dang skye mched kyis ma zin/ /rang bzhin gyis ni 'od gsal ba/ /gdod nas dag pa nam mkha' bzhin/ /med nas chos rnams mtshan nyid spangs/ /chos dang chos nyid yang med de/ /dngos po med pas mkha' dang mtshungs/ /tshig dang yi ge kun las grol/ /de ni dus dang phyogs rnams dang / /chos kun gyi ni ngo bor song / /lus ma yin te ngag dang ni/ /yid kyang ma yin 'dod khams dang / /gzugs dang gzugs med khams ma yin/ /'byung chen bzhi yang ma yin te/ /de bas de ni gang na yang / /mi gnas pas na mnyam pa nyid/ /de 'dra rdo rje 'chang chen po/ /chos rnams kun gyi chos nyid mchog /thabs kyis bsgrub par bya ba'i dngos/ /brtag pa kun las rab dben pa/ /phun sum tshogs rgyu dpag dka' ba/ /phyag rgya chen por rab snang ba'i/ /zer gyis rang gzhan smin byed pa'i/ /de gnyis med pa'i rang bzhin mchog /rdo rje 'dzin pa chen pos kyang / /brjod du med pa'i sku chen po/ /de nyid rgyal sras zhing bcas dang / /srid gsum rgyu dang mi rgyur bcas/ /thams cad kun gyi bdag nyid de/ /dngos kun gtso bo rang sems kyi/ /ngo bo nyid de de rtogs na/ /sangs rgyas byang chub de nyid do/ /'jig rten gsum yang de nyid do/ /'byung chen rnams kyang de nyid do/ /ci yi phyir na chos thams cad/ /sems la gnas te de nyid kyang / /nam mkha' la gnas nam mkha' ni/ /gang du mi gnas 'od gsal ba/ /gzod nas rnam dag stong pa'o/ /sangs rgyas mya ngan 'das pa'i khams/ /skye med rdo rje mngon byang chub/ /bder gshegs kun gyi snying po mchog /gnyis med rtog bral don chen te/ /rim pa gnyis par rab tu bshad/ /de 'dra'i don des dngos po kun/ /rnam par khyab ste rnam gnas kyang / /thog med dus nas de las kyang / /rnam rtog chen po tshul byung ste/ /de las yang ni 'byung ba che/ /rlung gi dkyil 'khor nyid byung ste/ /de las kyang ni me yi khams/ /chen po byung nas khyab mdzad de/ /de las chu khams chen po yang / /byung ste khyab mdzad de las kyang / /sa byung bzhi bsdus ngo bo las/ /ri sogs sems can thams cad kyang / /sna tshogs phra ba sbom po dang / /skyes pa bud med ma ning dang / /gzhon nu dang ni rgan po dang / /lha dang klu dang gnod sbyin dang / /gdon dang skar ma gshin rje dang / /chu bdag brgya byin dmyal ba dang / /yi dags dud 'gro dang de kun/ /spangs dang shes tsam rab brten pa'i/ /'gro ba kun du rgyas par gnas/ /de bas de yi gong ma yi/ /gnyis med rtog bral rab bsgrims te/ /ma rtogs pas na 'gro ba kun/ /'khor bar rab tu 'khor bar 'gyur/ /de ni 'khor ba'i sdug bsngal che/ /dug chu lta bur 'khrul pa yis/ /rnam bsgrubs thag pa'i sbrul lta bur/ /snang zhing med pa nyid du 'dod/ /de bas gnyis med don chen po/ /rang rig dkyil 'khor chen po mchog /rgyun dang rnam grangs kyis gnas pas/ /de yi ngo bo rtogs par bya/ /gang zhig de rtogs rab 'dun pa/ /sems kyi smon lam yang dag can/ /sngon du bsod nams mthu bskyed dang / /skyes bu yang dag bzhi la brten/ /spro dang gus dang bsnyen bkur dang / /'dun par ldan zhing sgom pa dang / /brtan po som nyi rnam spangs pa/ /rjes mthun gtong phod des shes 'gyur/ de yis rje btsun yang dag pa/ /mchog gi gdams ngag rgyud la ldan/ /theg chen lam gyi spyod pa dang / /bsgom pa la ni lhur len dang / /de nyid bcu la sogs pa yi/ /gsang dang rab gsang shin tu gsang / /shes shing de yi don gab par/ /ston byed bla ma mnyes par bya/ /yul dang mkhar dang khyim dang rta/ /glang po che sogs mal stan dang / /chung ma sdug dang yid 'ong bu/ /bu mo sring mo tsha mo sogs/ /gzhan yang gser dang dngul gyi rdzas/ /zangs lcags sogs las byas pa yis/ /mdzes pa'i rdzas dang mu tig gi/ /phreng dang pad+ma rA ga dang / /pu shar in+d+ra nI la dang / /margad g.yu sogs mchod pa'i tshogs/ /zhing 'di mkhas pas rab bkang ste/ /de 'dra'i rje btsun dbang po mchod/ /gsal zhing rab dga' mkha' mnyam pa/ /gzhan du rigs par mi 'gyur bas/ /bud med sgyu ma'i phyag rgya ni/ /sgyu ma kun las khyad par 'phags/ /sgyu ma de yang 'jig rten 'dir/ /spyan la sogs par rnam dag par/ /rigs ni rnam pa bzhir 'gyur te/ /ming dang mtshan nyid bshad par bya/ /ka ma lI dang shad+khI ni/ /tsi tri ni dang ha stI ni/ /dang po klu mo'i rigs yin te/ /gnyis pa stag dang seng ge'i rigs/ /gsum pa ri dgas kr-iSh+Na sogs/ /bzhi pa glang po che rigs so/ /de la ka ma lI yi ni/ /dbyibs dang mtshan nyid bstan par bya/ /bu mo pad+ma'i dri bro zhing / /ngo zlum sna rtse til 'dra ste/ /sen mo dmar zhing rgyab sgur dang / /rkang mthil kun gyis sa la reg /ba spu 'khyil ldan sen mo can/ /dkar 'chang til gyi 'bras bu 'dra/ /gsus pa gnyer ma gsum ldan zhing / /brang mdzes glang chen ltar 'gros dang / /rak+ta'i ro ni skar ba'o/ /sha mdog dmar te lha mo 'di/ /mA ma kI yis rnam par dag /shad+khI ni yi mtshan nyid dang / /dbyibs ni khyod la bstan par bya/ /bu mo ba tsha'i dri bro zhing / /skra ni ring zhing sna yang ring / /dkar 'chang na ra ga 'dra ba/ /'o ma zho la rab tu sred/ /rak+ta'i ro ni mngar ba'o/ /mdog ni dkar ser gnas pa yi/ /gos dkar mo yis rnam par dag /de bzhin tsi tri na ya ni/ /dbyibs dang mtshan nyid bshad par bya/ /bu mo sha rlon dri bro zhing / /lus chung brla ni shin tu mdzes/ /dkar 'chang shing thog pa la 'dra/ /ngo tsha med cing khro 'dod pa/ /rtag tu 'thab mo dag la dga'/ /rje ngar bya rog rkang 'dra zhing / /mchu 'phyang gan rkyal du nyal ba/ /phug ron skad 'dra sha mdog ni/ /sngo bsangs rak+ta'i ro tsha ba'o/ /de ni lha mo sgrol mas dag / ha stI ni yi mtshan nyid dang / /dbyibs ni nga yis bstan par bya/ /bu mo chang gi dri bro zhing / /byin sbom sna ni cung zad yo/ /dri nga zhing ni lus sbom dang / /spyod pa rtsing zhing mdog rdul skya/ /dkar 'chang g.yas g.yon du dgye ba/ /sha mdog smug cing rak+ta'i ro/ /bsngal zhing de 'dra'i bu mo ni/ /sangs rgyas spyan mas dag pa'o/ /da ni de dag thams cad kyi/ /rung dang mi rung spyod pa bstan/ /rol tshe rgyab kyis phyogs pa dang / /khong du dga' zhing tshig mang dang / /bsgo ba bzhin du bka' yang gcog /'o byas kha ni 'phyi byed de/ /bla ma'i yon tan shes 'gyur yang / /gzhan du de la cung zad bsnyad/ /bla ma ma mthong ltar byed cing / /'ongs kyang de la phyag mi 'tshal/ /rje btsun de dang mi mthun pa'i/ /mi gzhan dang ni rtse dga' byed/ /de sogs rab tu mi rung ste/ /mkhas pas rab tu spang bar bya/ /rung ba 'di ni mkhas pas btsal/ /mig gi rtsa mdangs mig rtsa rgod/ /sla zhing skad cig bsam pa dang / /skad cig rgod pa'i 'phro bzhag nas/ /bsam zhing yang na smra'am 'dzum/ /rje btsun bla ma mthong gyur na/ /dga' zhing mdzes lta 'dzum par byed/ /de yi bka' stsal nyan zhing mos/ /steg pa'i tshul gyis zhe sar ldan/ /gzhan du de la snyan par brjod/ /de mthong 'grogs la 'khyud cing bsnyen/ /phag tu 'khri zhing sor tshigs nyed/ /skra ni bkrol nas slar 'ching byed/ /gos 'chos shing ni bar bar 'dzum/ /bla ma ma mthong ltar byed cing / /gos 'chos pa dang lus nyed dang / /rkang pas sa la 'drud cing 'dri/ /bus pa'i kha la 'o byed cing / /nu ma ston cing ske rags 'grol/ /rje btsun de yis ma mthong na/ /glu dbyangs len cing mthong bar byed/ /de ni gang la gnas pa der/ /don med bsnyad kyis 'gro ba dang / /drag tu gad mos rab steg ste/ /lu zhing glal ba ltar byed cing / / mi mo 'di yang sten par byed/ /da ni gsang gnas dbyibs kyi ni/ /mtshan nyid rung dang mi rung ba/ /nga yis yang dag bstan par bya/ /yid gcig bsdus la mnyan par gyis/ /gyo mo lta bu kha sbub dang / /khung ring shin tu mi sdug dang / /rtag tu skam por gnas pa dang / /rtag tu zil pa 'dzag pa dang / /sbal pa'i rgyab ltar rtsub pa yi/ /gnas ni spang bya mi rung ngo / /rus sbal rgyab ltar 'phang mtho zhing / /steng mnyam shin tu 'jam po dang / /ba glang gi ni ltag pa ltar/ /steng mnyam thog gi dbyibs kyang ring / /pad+ma'i snying po bzhin du zlum/ /cung zhig 'dzag min cung zad 'byung / /sbu nyung sgyu ma'i phyag rgya ni/ /mkhas pas thabs kyis shin tu btsal/ /mtshan nyid de dang mi ldan yang / /rigs dang gzugs dang lang tshor ldan/ /rgyan mdzes yid 'ong bu mo ni/ /longs spyod gsum ldan gzung bar bya/ / chos zab la mos sems dang ni/ /las 'brel gyis 'khyud ma byas dang / /sngon gsungs grogs kyis shes bslus pa'i/ /mi mo yang ni mkhas pas bsgrubs/ /de ltar de sogs bud med kyi/ /sgyu ma'i phyag rgya chen pos ni/ /'jig rten gsum du rnyed dka' ba'i/ /lhag pa'i lha zhes bya ba sgrub/ /de yang thun mong dang bcas pa/ /tshogs kyi mchod pa yang byas te/ /gang gsungs bu mo btsal nas kyang / /bla ma la ni dbul bar bya/ /de nas bla ma de mnyes nas/ /de dang snyoms par zhugs pa yis/ /bde gshegs zhu gyur bcu drug char/ /gyur pa slob ma'i kha ru ltung / /ltung bas snying gi pad+mar zhugs/ /de yis zhing ni dag byas te/ /chos kun sgyu ma la sogs pa'i/ /bcu gnyis don du rtogs par 'gyur/ /de nas de la rang 'byung gi/ /chos sku rab dga' mkha' mnyam pa/ /lhag pa'i lha zhes bya ba ni/ /rtogs bya'i ched du bu mo byin/ /lha mo 'di ni khyod dang mthun/ /sems can khyod kyis 'dod pa gyis/ /yid 'ong bu mo 'di nyid ni/ /sangs rgyas kun gyis spyod du gnang / /dkyil 'khor 'khor lo'i cho ga yis/ /bu mo sgrol byed dga' byin ma/ /byang chub chen po bsgrub pa'i phyir/ /khyod kyis bde chen myong bar gyis/ /gzhan gyis sangs rgyas mi nus pa/ /bu mo 'di ni yang dag mchog /de bas mtha' med 'khor ba'i bar/ /khyod kyis 'di dang bral mi bya/ /de nas sems can de yis ni/ /yid 'ong bu mo blangs byas te/ /de yis dam tshig sdom pa'i mchog / tshig 'dis rab tu smra bar bya/ /smros shig bu khyod rdo rje can/ /sha khrag khu ba la sogs pa/ /dri chen dri chu sogs za'am/ /b+ha ga 'o byed mi rtog gam/ /gzungs mang la khyod brod dam/ /de yis bzhad gad dang ldan par/ /kye lha mo ci phyir bdag mi brod/ /dri chen dri chu sogs za'o/ /lha mo khyod la bkur sti dgos/ /b+ha ga 'o byed nga mi rtog /de nas bu mos ga sha phud/ /pad+ma gsal bstan tshig 'dis bstod/ /e ma ho bdag gi pad+ma 'di/ /bde ba thams cad dang ldan pa/ /cho ga'i rim pa gang gis spyad/ /de yi mdun na rtag tu gnas/ /don byed pad+ma dam pa 'di/ /sangs rgyas kun gyis bkur ba'i gnas/ /rang 'byung bde ba chen po ni/ /'di na rtag par bzhugs pa yin/ /b+hany+dza mok+Sha ho/ /de nas rang gi sa bon las/ /'od zer stug pos nang gsal nas/ /lha yi 'khor lo chags byas nas/ /rdo rje nang nas phying byung ste/ /pad+ma'i nang du zhugs byas nas/ /rig ma'i lha yi 'khor lo rnams/ /chags pa chen po bskyed nas kyang / /zhal nas zhal zhugs 'khor lo rnams/ /chags chen bskyed nas rdo rjer phyung / /sngon bzhin zhugs sogs rab byas pas/ /yang nas yang du lha'i dkyil 'khor/ /yid kyis shin tu chags par bya/ /de nas 'dod pa'i sgyu ma'i tshig /brjod pas bu mo chags par bya/ /gnyis su med pa bde ba chen po mchog /lha mo khyod ni sgyu ma'i phyag rgya ste/ /zhal bzang khyod ni nga dang lhan cig tu/ /rnam par brtson pas mkha' 'dra myang bar bya/ /des kyang sgyu ma lta bu yi/ /'dod pa'i tshig gis gsol btab nas/ /bdag nyid chags pa chen po yang / /bskyed nas rtsa yi 'khor lo btsal/ /bde mchog rgya chen bdag la dgongs su gsol/ /bsam mi khyab pa'i bde chen dag dang ldan/ /mi g.yo tshig dang bral ba'i dbyangs snyan pas/ /bdag la khyod kyis rol cig bzhengs su gsol/ /ngo mtshar che ba'i rol pas snang mdzad cing / /byang chub snying por 'gro ba'i lam mchog 'di/ /rgyud rnams yang dag gang la mi rten pas/ /bde chen yid 'ong nga yis grol bar gyis/ /ho ho ho/ /rol cig rol cig bdag la rol/ /'dod pa gyis shig dga' gsol ba/ /khyod kyis gzhan du mi rtogs pa/ /rtogs pas the tshom ma byed cig /a la la ho/ /de nas rab tu chags ldan pas/ /de dang lhan cig lus kyi ni/ /spyod pas dben pa'i gnas su spyad/ /rol pas dga' ba brtag par bya/ /dang por 'dus pa byas nas su/ /de nas gru mo mtshan nyid dang / /yang ni brkyang par bya ba dang / /de bzhin yar bteg mtshan nyid dang / /shin tu brkyang pas lnga ru 'gyur/ /dpung pa rab tu brkyang byas nas/ / gru mo mdud pas mgul nas 'khyud/ /bcing bas dam 'khyud g.yas g.yon skra/ /mgo ni mi g.yo bzung nas blta/ /de nas brla gnyis bar bltas te/ /bung ba lta bu zid sgra'i glu/ /blangs nas mchu yis rtse bar bya/ /'gying bag stabs kyis 'khyud nas ni/ /g.yon gyis spyi bo'i skra bzung ste/ /g.yas kyis lkog ma brten nas kyang / /ma mchu'i sbrang rtsi gzhib par bya/ /gzhib cing zid sgra brjod nas kyang / /nu ma lag rtsa mgrin pa dang / /ma mchu 'gram pa rna ba'i rtsa/ /mig dang spyi bo gsang bar yang / /kha yis 'o byas rtse bar bya/ /rna ba gnyis dang mchan khung dang / /mgrin pa gnyis dang sum mdo rnams/ /sen mo re mos gdab par bya/ /nu ma gnyis dang mchan khung gnyis/ /gtso gnyis dang ni 'gram pa gnyis/ /lag mthil gnyis dang rkang mthil gnyis/ /mnyes pas mdza' ba chen po 'grub/ /g.yon gyis pad+ma'i dkyil 'khor ni/ /mnye zhing lce yis bskyod par bya/ /steng 'og tu yang blta byas nas/ /sems kyis de la chags par bya/ /de nas dga' ba'i bu mo des/ /pad+ma bstan nas 'di skad smra/ /rang byung bde chen rgyal po ni/ /pad+ma 'di la rab tu gnas/ /rtsa dang rlung gis rtogs 'gyur bas/ /khyod kyi rtsa yi 'khor lo tshol/ /de nas de yi sor mo yis/ /nang nas rtsa yi 'khor lo che/ /pad+ma la gnas snying po lngas/ /rgyan byas ze'u 'bru ge sar dang / /'dab ma brgyad pa gsal byas nas/ /A li kA li man+t+ra dang / /kur ma ka dang sha sha ka /nA li gsum po btsal bar bya/ /rdo rje dbyings kyi dbang phyug rtsa/ /gzung 'dzin bral ba b+ha ga'i dbus/ /bla ma'i man ngag stobs kyis ni/ /sor mos go bar bya dgos so/ /de nas sa bcu dang ldan pa'i/ /lha mo de la 'khyud par bya/ /rdo rje pad+mar reg pa ni/ /bsnyen pa'i de nyid yin par bshad/ /rdo rje pad+mar zhugs pa ni/ /nye bar sgrub pa'i de nyid do/ /de nas bsgul zhing bskyod tsam gyis/ /snying ni 'dar zhing dran pa nyams/ /spyi bo'i skra grol gos kyang 'dor/ /rdul gyis lus khyab mdog dmar te/ /mig dmar phra bas bdag la blta/ /yang du bskul bas bsgrub pa'o/ /de bas sems khral med pa ru/ /sdom brtson gzhu dbyibs g.yo ba yis/ /sum mdo ye shes me sbar nas/ /khams bzhus nas ni bcu drug char/ /gyur pa me tog kun+da 'dra/ /rlung gi sbyor bas phul bar bya/ /rang bzhin gyis ni rab zhi ba/ /chos kun zhi ba de kho na/ /bde ba de nyid nor bur 'dug /skad cig dran med g.yo bar byed/ /sgrub pa chen po de nyid do/ /nam mkha'i khams dang rdo rje sbyor ba las ni yang dag spyan can bde chen 'byung bar 'gyur/ /gang gang yang dag dga' byed chags bral dga' gnyis bar du bden gnyis mthong byas brtan par gyis/ /pad+ma'i mkha' la rdo rje nor bu pad snying gnyis la 'byor dang rdo rje skyil krung sems/ /nor bu'i bar du mthong byas gang de bde ba 'byung ba nges par de nyid ye shes te/ /'di ni rdzogs pa'i rim pa yin par bla ma mchog rnams kun gyis yang dag bshad/ /'dod chags chags bral bar ma ma dmigs ye shes lha ni skad cig de ru bsam/ /chu tshod brgyad dam nyin gcig dang ni zla ba gcig tu'am/ /lo gcig bskal pa'am bskal pa stong du ye shes de myong bya/ /pad+ma la gnas bdud rtsi khu ba blo gros can gyis kha yis blangs nas btung bya'o/ /de 'dra'i dngos po thams cad kyi/ /mtha' yi de nyid zab gsal ba/ /thog med dus nas so so yi/ /skye bo nga dang ngar 'dzin pas/ /ma brtags par ni bdag tu bzung / /dus las byung dang 'dod rgyal dang / /gnam gyis bskos dang gyin dang / /'dzin pa pos ni sprul pa dang / / khams kun las ni nges 'byung dang / /dbang phyug dang ni 'byin pa'o/ /dus dang gtso bo byed pa dang / /byed pa po ni ma yin dang / /rnal 'byor dang ni tshad ma dang / /dag pa dang ni ma dag pa/ /nang nas brjod du med pa'i bdag /skyes bu dang ni khyab bdag dang / /srog dang gang zag rnam shes dang / /kun gzhi dang ni shes pa po/ /mthong ba po dang gzung 'dzin dang / /shes pa dang ni shes bya dang / /shed las skyes dang shed bu dang / /srog dang gso ba la sogs pa/ /mu stegs rnams kyis rnam par rtogs/ /nam mkha' dang ni 'gog pa gnyis/ / shin tu 'dus ma byas pa ste/ /shin tu brtan byas 'dus byas kun/ /skad cig ma ste bdag po med/ /phra rab rdul las grub pa ni/ /blo yi rnam pa med pa ru/ /kha che bye brag smra bas rtogs/ /rang gi rig pa skyed byed pa/ /blta bya spyod yul rnam par ni/ /'dus ma byas pa gsum po dang / /mo gsham bu bzhin med pa dang / /'du byed thams cad bems rig dang / /dus gsum rgyu ba ma yin dang / /dman min thogs med gzugs su ni/ /mdo sde pa yis rab tu rtogs/ /yan lag can yang don dam min/ /rdul phran dag kyang de bzhin no/ / so sor snang ba mi dmigs pa/ /rmi lam lta bur mi snang ste/ /gzung 'dzin spangs pa'i ye shes te/ /don dam shel ltar dag pa ru/ /rnal 'byor spyod pas rab tu rtogs/ /so sor snang ba'i gzhung thams cad/ /don dam min te gcig pa dang / /du ma'i rang bzhin bral ba'i phyir/ /nam mkha'i chu skyes bzhin du ni/ /gnyis med gnyis su med min zhi/ /shin tu dri med nam mkha' ltar/ /blo ldan dbu ma pa yis rtogs/ /de la rtogs te mtha' yas pa/ /don de kho na la gnas nas/ /tha dad so sor rtogs pa'o/ /de bas de dag thams cad kyang / yang dag min pas bla dang bcas/ /'og ma 'og ma'i rnal 'byor blo/ /gong ma gong ma'i khyad par 'phags/ /'og ma'i blo ni gong ma yi/ /shes rab kyis ni sun 'byin no/ /de bas gong ma'i rim pa yis/ /lhan cig pa yi slob dpon gyis/ /byin gyis brlabs pa yang dag bya/ / gsal zhing rab dga' nam mkha' 'dra/ /rang byung lhag pa'i lha chen po/ /lhan cig skyes pa'i ye shes kyis/ /bla ma'i kha las rtogs par bya/ /de ltar dam tshig sdom ldan pa'i/ /snod du rtse gcig chu 'dra las/ /ye shes gzugs brnyan lta bu ru/ /rnal 'byor pa yis rab tu brtag / de thob phyin chad rnal 'byor pas/ /'khor ba nyid na gnas pa'i tshe/ /de yi nyes pas mi gos so/ /ji ltar sngags dang sman ldan pas/ /sbrul dag gsod par byed pa bzhin/ /de 'dra'i rnal 'byor dbang phyug che/ /ye shes sman gyis rgyas btab pas/ /nyon mongs kyis ni ci byar yod/ /gang zhig lag na gdugs thogs la/ /de la char pas ci byar yod/ /de bzhin gnyis med ye shes kyi/ /gdugs thogs la ni rtog pa yi/ /char pa rab tu 'bab gyur yang / /de la de yis ji ltar gnod/ /de 'dra'i rab mchog ye shes ni/ /so so skye bos ga la shes/ /nyan thos rnams kyis mi shes so/ /rang sangs rgyas kyis kyang mi shes/ /rnal 'byor spyod dang dbu ma pa/ /byang chub sems dpas mi shes so/ /bla bcas sangs rgyas kun gyis kyang / /'di ni cung zad mi shes so/ /'di yi don shes ma 'ongs pa'i/ /rdo rje 'dzin pa mnyes byas nas/ /rang gi bsod nams chen stobs kyis/ /yi ge med par rnam par 'pho/ /de la dkyil 'khor sbyin sreg dang / /gtor ma bzlas pa bgrang phreng dang / /skyil mo krung dang stang stabs sogs/ /spros bral rnam par slu ba ste/ /bya ba ma yin dgag pa min/ /lhag pa'i lha yis sprul phyir ro/ /bya ba rnams la rnal 'byor pa/ /lam chen dag tu yongs 'dzin pa/ /ri dwags smig rgyu snyeg pa ltar/ /rtag tu snang yang ma zin no/ /bya ba'i nad chen gyis zin la/ /ye shes g.yo med sman chen gyis/ /gso byed skyes bu dam pa'o/ /de bas lus ngag yid gsum gyi/ sdom pa mchog la gnas byas nas/ /nga'o snyam pa'i gzi bskyed la/ /rim pa gnyis pa de nyid bsgrub/ /dgon pa'am yang na grong gi mthar/ /gang rung ci rung de lta bur/ /bya bar 'os pa'i las kun yang / /byas nas bde ba'i stan la 'dug /de nas sems can thams cad kun/ /tshangs spyod chen po bzhis dmigs te/ /de la sogs pa rang rgyud kyi/ /las kyi sgrib pa dag byas nas/ /sems tsam la ni blta byas te/ /phyi rol rang bzhin stong par bya/ /sems tsam de yang stong byas nas/ /rang rig tsam du gnas par bya/ /rang rig de yang zla ba sogs/ /gdan du brtags nas yi ge'o/ /smyu gus bsnun byas mtshan mar gyur/ /de las rang nyid lhar bskyed la/ /lha yi nga rgyal dang ldan par/ /phyag rgya bzhis ni rgyas btab ste/ /dkyil 'khor 'khor lo sprul par bya/ /de mnyes de la goms bslabs pas/ /phyi rol lus ni ldog byed de/ /sangs rgyas rnams kyi spyod yul mchog /mtha' yi de nyid bsgom par bya/ /rang snying dam tshig phyag rgya yis/ /thugs kar mtshan ma la gnas pa/ /de bzhin gshegs kun ye shes mchog /rim pa dang po pa rnams la/ /yi ge gzugs su rab snang ba/ /gzhom du med pa rang lha yi/ /sa bon 'od zer lnga 'bar ba/ /de yi kha dog rnam lnga yis/ /'od zer steng gi sgo yi ni/ /g.yas nas rnam par spro bar bya/ /de yi rtsa la dkyil 'khor gyi/ /'khor lo ldan pa'i bde gshegs rnams/ /phyogs bcu'i 'jig rten bkang byas nas/ /dbugs kyi kun rtog las byung ba'i/ /sems can thams cad sangs rgyas sku/ /bskyed nas zla bar zhu byas te/ /thim nas rnam par dag byas nas/ /de rnams ye shes ngo bo ru/ /g.yon pa'i ha sar zhugs par bya/ /de yi mtshan ma dbus gnas pa/ /sa bon la ni gzhug byas par/ /de nyid sangs rgyas thams cad kyi/ /yon tan kun bskyed rin po che/ /dngos po kun la khyab pa'i bdag /mi shigs pa yi thig le che/ /'od zer lnga dang rab ldan pa/ /tsa na ka yi 'bru tsam du/ /rang gi sems su chos thams cad/ /bsdus nas rnam par bsam par bya/ /de yi 'od zer rim pa yis/ /rang gi gnas ni khyab par bya/ /de las phyir byung dam tshig rgya/ /nang gsal de yis phyi yi lus/ /gsal byas dkyil 'khor gsal byas nas/ /de yi gnas kyang gsal bar bya/ /de las phyir byung bdag nyid nang / /byang chub sems gzugs bcu drug po/ /mthe bo'i rtsa bar yi ge a/ /rje ngar gnyis la de bzhin A/ /brla gnyis la ni i yi gzugs/ /gsang ba la ni I yi gzugs/ /lte ba'i rtsa ru u gzugs gnas/ /de bzhin gsus par U yi gzugs/ /nu ma gnyis su r-i gzugs gnas/ / de bzhin lag par rA gzugs te/ /mgrin pa la ni l-i yi gzugs/ /de bzhin ma mchur yi ge l-I/ /'gam pa gnyis su e gzugs so/ /de yi mig gnyis yang ni ai/ /rna ba'i rtsa bar o yi gzugs/ /spyi bor au gzugs yang dag gnas/ /aM aH'i gzugs su tshigs kun la/ /bcu drug dus su rdzogs 'gyur ba/ /gong ma'i 'od kyis rnam bkug ste/ /thig le ru ni bzhug par bya/ /de ru sems ni cung zad tsam/ /gzung bas lha yi 'khor lo che/ /rten dang bcas pa mos pas bsgom/ /de dbus bdag po thugs ka ru/ /gong ma'i rim pas mi shigs pa'i/ /thig le chen po bsgom byas nas/ /yungs kar tshad tsam de las spro/ /rang gi gnas dang phyag rgya yi/ /nang gsal dkyil 'khor gsal byas nas/ /de yi gnas dang bdag po yi/ /nang gsal phyi lus gsal byas nas/ /dkyil 'khor rten bcas gsal bar bya/ /de nas bcu drug gnas pa yi/ /'od zer gzhag pa phyung byas te/ /phyi yi lus ni gsal bar bya/ /de yis dkyil 'khor 'khor lo dang / /rten dang bcas pa gsal byas nas/ /phyogs bcu'i 'jig rten bzhugs pa yi/ /bde gshegs kun gyi spyan sngar gshegs/ /bdud rtsi zhu nas zhal zhugs te/ /thig ler bdud rtsi blangs byas nas/ /rdo rje'i lam du byung nas su/ /'o ma'i rgyun ltar 'ong byas nas/ /thabs kyi ye shes g.yas zhugs te/ /de bzhin gzhan ni g.yon du zhugs/ /de nas ye shes thig le la/ /snang ba'i thigs pas thim par 'gyur/ /de ni 'dzag pa'i ngang tshul can/ /'od zer lnga 'bar dkar 'tsher ba/ /cung zad dmar ba'i nang du sems/ /mi g.yo zhing ni gzung bar bya/ /de la gong ma'i rim pa ltar/ /spro ba dang ni bsdu ba dang / /gzung ba yang dag byas gyur pas/ /'gog pa'i rdo rje sems nyid du/ /nam zhig de la reg gyur pas/ /sangs rgyas kun gyis mchog 'dzin pa/ /yid bzhin dpal dang 'dra ba yi/ /rtags rnams yang dag skye bar 'gyur/ /phung po khams dang skye mched kyi/ /lha rnams ye shes me yis su/ /thog mar snying gar sdud byed pa'i/ /cho ga 'di ni dang por bshad/ /de la bsgrub pas byin brlabs pas/ /sna yi rtse mor 'gro bas na/ /mi shigs thig le'i rjes thogs la/ /gsang ba'i thig le bsgom par bshad/ /gong ma'i ye shes thig le las/ /'od zer lcags kyu 'dra ba rnams/ / phyogs bcur spros pas bde gshegs rnams/ /dkyil 'khor 'khor lo dang bcas kun/ /bkug nas ye shes ngo bo ru/ /rang gi snying gar rab tu btsud/ /de rnams zhu nas thig le la/ /zhugs pas rdul dang mun pa dang / /snying stobs tshul du thig le yang / /snying gi pad+ma la babs nas/ /rang gi rdo rje nor bu yi/ /dkyil du rnam par gnas pa las/ /'byung ba lnga yi gzugs can mchog /ye shes lnga yi ngo bo nyid/ /'od zer lnga 'bar rang lha yi/ /mtshan ma phra mo rnam bsams nas/ /de yi bum par rten gyi tshad/ /yungs kar tsam dbus 'khor lo che/ / thig ler bcas pa mos par bsgom/ /gal te de la rang gi sems/ /bying bar song ngam skyo ba na/ /rdo rje las ni phyir byung ste/ /sna rtser rnam par gnas byas nas/ /dga' bral dga' bas brtag par bya/ /'di yi thig le rnal 'byor las/ /gong gi rim pas 'od zer lnga/ /steng gi sgo las byung ba dang / /slar yang bdud rtsi 'gugs pa dang / /de bzhin gzhi la gzhug pa dang / /dbugs dgag stong pa'i yan lag go/ /de nas gsang ba'i thig le che/ /rab tu phra ba gong ma bzhin/ /rang sems dal bu dal bus gzung / /dngos po med pa'i gnas su 'gyur/ /de yang bzung ba goms pa yis/ /phyin ci log ni rnam par ldog /smig rgyu lta bu snang ba ni/ /rtags ni dang por shes par bya/ /de bzhin du ni chu log pas/ /du ba lta bur 'byung ba ni/ /gnyis pa yin par shes par bya/ /me ni rnam par log gyur pas/ /mkha' snang 'dra ba gsum pa'o/ /rlung ni de bzhin log pas na/ /mar me lta bu rab snang bas/ /rtags ni bzhi par shes par bya/ /de bzhin phyin log rnam par shes/ /log pas zab gsal gnyis med kyi/ /don dran sprin med nam mkha' ltar/ /gsal ba rtags ni lnga pa'o/ /mtshan ma lnga po de yis ni/ /mi gnas mya ngan 'das thob pas/ /rnal 'byor pas ni 'di la 'bad/ /gzung ba yi ni yan lag go/ /de ltar de la mtshan ma lnga/ /mthong byas don des khyab bya'i phyir/ /rdo rje yi ni lam nas su/ /nam mkha'i khams su spro bar bya/ /spros pa de las mngon mthong ba'i/ /so sor snang ba bskyed par bya/ /sangs rgyas rjes su dran pa dang / /chos ni yang dag rjes dran dang / /rdo rje rjes su dran pa dang / /rigs ni yang dag rjes dran dang / /khro bo rjes su dran pa ni/ /snang mdzad dang ni tshe dpag med/ /mi bskyod rin chen 'byung ldan sogs/ /gshin rje gshed sogs khro bo yi/ /dkyil 'khor sku sogs ji snyed po/ /spro bsdu las ni gsal bar bya/ /de bzhin dam tshig rjes dran ni/ /rjes su chags dang cho ga bzhi/ /dang po spro bsdu las gsal bya/ /dkyil 'khor rjes su dran pa ni/ /cho ga gnyis pa la sogs pa'i/ /dkyil 'khor spro bsdu las gsal bya/ /sku ni rjes su dran pa dang / /gsung dang thugs ni rjes dran dang / /sems can rjes su dran pa ni/ /sku dang gsung thugs bsgoms pa yi/ /rdo rje gsum ni spro bsdu las/ /rnam par smin cing dran pa'o/ /de bzhin sngags ni thams cad kyi/ /spyi gzugs rjes su dran pa ni//ye shes lnga yis rdo rje sems/ /bskyed pa dang ni rang gi lha/ /longs spyod bzhi ldan spro bsdu las/ /rjes su gsal ba rnyed pa'o/ /dam tshig rjes su dran pa ni/ /bdud rtsi myang ba la sogs pa/ /spro bsdu las ni gsal byed pa'o/ /shes rab pha rol phyin pa dang / /ma skyes rjes su dran pa ni/ /spros pa'i dkyil 'khor de dag kyang / /ci yang yod pa ma yin te/ /de ni gnyis med ngo bo ru/ /spro bsdu las ni dran pa'o/ /zhe sdang rigs la sogs pa yi/ /mchod pa rjes dran sbyor ba ni/ /rang gi rigs kyi bu mo mchog /bar ma'i longs spyod bzhi dag pa/ /rjes su chags pas mnyes bya ba/ /spro bsdu las ni gsal byed pa'o/ /rjes su dran pa'i yan lag go/ /de ltar yan lag gsum gyis ni/ /gsang ba'i theg le bsgom byas nas/ /nor du las ni byung nas kyang / /khams gsum khyab par byed pas ni/ /sprul pa'i thig le bsgom par bshad/ /rang gi spyi bo'i dbus su ni/ /sku yi rdo rje'i thugs ka ru/ /mtshan ma la gnas rlung dkyil 'khor/ /dud ka 'dra bar zla ba la/ /oM dkar 'ong ba'i mtshan nyid bsam/ /de bzhin mgrin pa'i dbus su yang / /gsung gi rdo rje thugs ka yi/ /mtshan pa'i dbus su chu dkyil 'khor/ /dkar po dbus su zla ba la/ AH dmar gnas pa'i rang bzhin bsgom/ /thugs kar thugs kyi rdo rje yi/ /thugs kar mtshan ma la gnas pa'i/ /me yi dkyil 'khor dmar po la/ /zla gnas dbus su hUM nag po/ /'gro ba'i rang bzhin bsams nas kyang / /nu ma gnyis kyi bar du yang / /dam tshig phyag rgya'i thugs ka ru/ /mtshan ma la gnas dbang chen ni/ /dkyil 'khor ser po zla ba la/ /rang gi lha yi sa bon che/ /'byung dang 'jug dang gnas pa la/ /rnam par grol ba'i sa bon bsam/ /de ltar phyag rgya bzhi chen dang / /bdag nyid 'brel bar byas nas su/ /rim pa 'di yis mi shigs pa'i/ /rdo rje bzlas pa'i ngo bo bya/ /g.yas pa nas ni 'byung ba'i khams/ /rlung gi dkyil 'khor chen po ste/ /kha dog dud ka rgyu ba las/ /'byung ba hUM gi ngo bo yis/ /snang srid chos kun khyab byas nas/ /chos kun dag byas bdud rtsir gyur/ /oM gyi ngo bos 'ong byas nas/ /rang gi rgyud kyi bag chags ni/ /bkrus nas dag byas de la zhugs/ /AH yi ngo bos dag byas nas/ /de la lha yi de bzhin nyid/ /gzung ba dal bus dbu lus byas/ /dngos po med pa'i gnas su 'gyur/ /g.yon pa nas ni 'byung ba'i khams/ /chu yi dkyil 'khor chen po ste/ /kha dog dkar po rab gnas pa/ /de las byung ba'i hUM dang ni/ / oM gyi rang bzhin 'du ba dang / /AHyi rang bzhin gnas pa dang / /de nyid bzung bas snga ma bzhin/ /gnyi ga las ni drag tu 'byung / /me yi dkyil 'khor nyid yin te/ /kha dog dmar po'i ngo bo las/ /hUM gis spros dang oM gyis bsdus/ /AH yis gnas pa de nyid gzung / /snga ma bzhin du shes par bya/ /de bzhin gnyis las dal bu 'byung / /dbang chen gyi ni dkyil 'khor rgyu/ /kha dog gser ltar rab snang ba/ /de la hUM gis 'byung ba dang / /oM gyis sdud dang AHyis gnas/ /de la de nyid rab bzung pas/ /'jug dang gnas dang ldang ba las/ /grol ba'i ye shes rnyed 'gyur ba/ /som nyi yid gnyis ma byed cig /phyag rgya bzhi 'brel bzlas pa ni/ /nyis brgya nyi shu rtsa lnga ste/ /de ni dgu brgya rnam pa bsgres/ /zhag gcig tu ni nyi shu bzhis/ /khri phrag gnyis dang gcig stong dang / /brgya phrag drug tu dus thams cad/ /rnal 'byor dbang phyug chen po yis/ /nyin mtshan bzlas brjod grangs byed do/ /'di yi rnam pas chos thams cad/ /sgyu ma dang ni smig rgyu dang / /brag ca mgal me'i 'khor lo dang / /'khrul pa dri za'i grong khyer dang / /chu bur dang ni mig 'phrul dang / / gzugs brnyan chu zla la sogs par/ /thams cad shes shing sa bcu pa'i/ /dbang phyug rnams dang skal mnyam ste/ /rang bzhin bzlas pa 'di la ni/ /rnal 'byor pas ni rab tu 'bad/ /'di ni thog ma med dus nas/ /rang bzhin yang dag rtag zlo yang / /bla ma yang dag ma bsten par/ /don 'di rtogs par mi 'gyur ro/ /de ni yang dag shes nas ni/ /bsgom pa'i bar chad phyi rol gyi/ /bzlas pa yongs su spang bar bya/ /bzlas pa'i ngo bo chen po mchog /rdo rje 'chang ba brjod med sku/ /bsam brjod yul las rab 'das pas/ /ngag gis ji ltar bzlas pa byed/ /de bas glang chen rnyed gyur pa/ /rjes kyis de la ci zhig bya/ /don de la gnas rnal 'byor che/ /phyi rol yang ni rten mi 'gal/ /glang po che yi stobs kyis ni/ /bud shing 'byung ba lta bu'o/ /de bas rdo rje bzlas pa mchog /'bad pas bde gshegs thams cad kyi/ /byin brlabs nyid ni 'ong bas na/ /phyag rgya chen po 'grub pa yi/ /mtshan ma yang dang yang 'byung 'gyur/ /de 'byung cho ga la gnas pas/ /skad cig gis ni kun mkhyen che/ /rgyud las rab tu 'pho bar ni/ /the tshom med par nges pas na/ /cho ga 'di la rab tu 'bad/ /de ltar dga' gsum bye brag gi/ /thig le rnam gsum bsgom pa yi/ /cho ga yang dag bstan pa'o/ /da ni gnyis med ye shes nyid/ /kun rdzob gzugs la brten nas kyang / /mi g.yo la sogs g.yo dang bcas/ /tshangs sogs lha dang lha min sogs/ /thams cad rab tu mi snang yang / /thig le 'gog par mi 'gyur te/ /rgyu dang mi rgyur bcas pa kun/ /slar yang de las 'byung bar byed/ /de las skye bo rnams kyis ni/ /yang dag ma rtogs pa yi phyir/ /tshangs pa'i sgo nga las skyes par/ / 'khrul pas chos rnams kyis mi bsgul/ /gang gis kyang ni mi shigs pa/ /ji srid 'di ni lus gnas pas/ /las dang las min rab byed pa/ /brtan po 'jigs pa rab spangs pa'i/ /mi shigs thig le bsgom par bshad/ /tshangs pa'i spyod pa bzhi po dang / /phyi rol stong bcas la sogs pa/ /rang gi lha ru bskyed nas kyang / /phyag rgya bzhis ni rgyas btab pa/ /snga ma bzhin du shes byas nas/ /rim pa 'di yi thig le la/ /rang gi sems ni yang dag bzung / /rang gi ye shes sems dpa' yi/ /mtshan ma'i dbus gnas sa bon las/ /'od zer lnga 'phros de yi rtse/ /dkyil 'khor 'khor lo dpag med sprul/ /de yis khams kun khyab byas nas/ /dbugs kyi rta zhon kun rtog rnams/ /rnam par bsal te de dag kyang / /dkyil 'khor 'khor lor rab byas te/ /gnyis pa'i dkyil 'khor bsdu byas nas/ /ye shes ngo bo sna bug g.yon/ /zhugs byas mtshan ma'i dbus gnas bya/ /sa bon la ni thim pas kyang / /de ni phyogs dus gnas pa yi/ /sangs rgyas yon tan ci gsungs pa/ /yang dag skyed byed mi shigs pa'i/ /thig le 'od zer lnga 'bar ba/ /rnam par gsal byas de las kyang / /'od zer 'byung bas rang gnas kyang / /ye shes sems dpa'i nang gsal te/ /de yi phyi yi dkyil 'khor dang / /nang ni gsal bya de las byung / /mthe bo'i rtsa dang rje ngar dang / /brla gnyis dang ni gsang ba'i gnas/ /lte ba dang ni gsus pa dang / /nu ma gnyis dang lag rtse dang / /mgrin pa dang ni mchu gnyis dang / /'gram pa gnyis dang mig gnyis dang / /rna ba'i rtsa dang spyi bo dang / /tshigs kun thig le AHsogs kyi/ /gzugs su gnas pa bsgrub byas nas/ /mi shigs thig ler thim par bya/ /der ni rang gi sems cung zad/ /gzung bas rten dang rten can gyi/ /'khor lor mos byas de dbus su/ /mi shigs thig le ye shes la/ /snang ba'i ngo bo bsgom par bya/ /de yi 'od kyis rang gnas sogs/ /gsal byas ye shes thig le yi/ /nang gsal gzhag pa'i 'od zer gyis/ /phyogs bcu 'jig rten khams bzhugs pa'i/ /spyan sngar bdud rtsi zhu byas nas/ /zhal du zhugs nas snying ga yi/ /mi shigs thig ler rab song ste/ /k+ShuM gzugs bdud rtsir rab blangs nas/ /rdo rje'i lam nas phyung nas su/ /'o ma'i rgyun ltar phyogs bcu nas/ /'ongs pa yis ni sems can dang / /sangs rgyas rnams dang mi rgyur bcas/ /yang dag bsdus nas gur sogs zhugs/ /de bzhin chos dbyings phyag rgya dang / /rten gyi 'khor lor zhugs byas nas/ /de dag yang ni rab bsdus te/ /dkyil 'khor du ni rab bsdus nas/ /de yang bdag la bsdu byas te/ /bdag nyid kyang ni mi snang bar/ /ye shes sems dpa'i gnas la dmigs/ /de yang 'khor lo 'khor lo yang / /ye shes sems dpar zhugs par bya/ /ye shes sems dpa' mi snang nas/ /mtshan ma 'ba' zhig la dmigs bya/ /mtshan ma de yang bsdu byas nas/ /mi shigs thig ler sems bzung ste/ /de las yang ni nang gi tshogs/ /kun bsdus rang snang thig le che/ /'ba' zhig la sems yang dag bzung / /ci ltar nus bzhin bsgom pas der/ /sems ni yang dang yang du zhugs/ /yang ni de las phyir byung ste/ /de yi gnas dang rang gi lus/ /dmigs nas dkyil 'khor 'khor lo dang / /rten dang khams gsum snang bar bya/ /de nas yang ni gong ma ltar/ /rim par bcug nas thim byas la/ /sems ni thig ler gzhag par bya/ /rang gi dbang po der bzung nas/ /sa yi dkyil 'khor chu la zhugs/ /chu de me la de bzhin zhugs/ /me yang rlung la rab tu zhugs/ /rlung yang sems la zhugs par gyur/ /sems ni gnyis med ye shes su/ /cung zad zhugs pas rtags gnas pa/ /smig rgyu 'dra dang du ba dang / /mar me mkha' snang rab 'dra ba/ /sprin med nam mkha' ltar snang ba'i/ /mtshan ma lnga po 'byung bar 'gyur/ /rdo rje sems dpa' zhugs phyir ro/ /thig le la ni sems bzung ste/ /glal zhing dgod dang 'dar la sogs/ /rnal 'byor de la gang tshe 'byung / /thig le yang dag spro byas nas/ /gong ma'i rim pas kun khyab bya/ /'di ni yang dag goms byas pas/ /mi gnas mya ngan 'das pa che/ /thabs kun gyis ni bsgrub bya mchog /rdo rje 'chang ba chen po thob/ /'di ni lhan cig skyes pa yi/ /ye shes 'ba' zhig dbang byas nas/ /rim pa gnyis pa bsgom pa'i thabs/ /mi shigs thig le bsgom pa'o/ /de ltar chos kun de bzhin nyid/ /dpag med dam pa'i phun sum tshogs/ /de dmigs yang dag skyes 'gyur ba/ /bsgom pa'i cho ga rnam bshad nas/ /rnam grangs dag kyang yongs su bstan/ /de bzhin nyid dang yang dag mtha'/ /bsam gyis mi khyab pa yi dbyings/ /chos nyid dang ni chos skyon med/ /stong pa nyid dang mtshan ma med/ /smon pa med pa nyid dang yang / /nyon mongs khur chen 'dor byed pa/ /skye ba med dang 'od gsal ba/ /mngon par byang ni chub pa dang / /gzhan gyi sems shes byed pa dang / /lha yi rna ba ster ba dang / /de bzhin lha yi mig ster dang / /rdzu 'phrul dpag med sprul chen dang / /dngos po mthar ni phyin pa dang / /don dam pa yi bden pa dang / /rdzogs pa yi ni rim pa dang / / yongs su dag pa'i sku gtsang dang / /kun gyis bstan bya nyid dag dang / /mkha' ltar rnam par dag pa dang / /glo bur dri mas mi gos dang / /gdod nas 'od gsal ba nyid dang / /gang gis kyang ni mi shigs dang / /dngos po med pa nyid dang ni/ /rgyu sogs bcu gnyis 'byung byed dang / /dpal chen ye shes yongs dag dang / /thig le chen po yongs dag dang / /sangs rgyas kun gyi gsang chen dang / /nam mkha' nam mkha'i spyod yul dang / /bsgom pa med pa nyid dang ni/ /rje btsun man ngag chen po dang / /sna nas rna bar 'pho byed dang / /nyan thos kyis ni shes min dang / / rang sangs rgyas sogs mi shes dang / /yi ge med pa nyid dang ni/ /tshig dang bral dang brjod med sogs/ /de la mdo dang rgyud rnams las/ /de 'dra rnam pa mtha' yas pa/ /gsungs shing yang dag gsung 'gyur ba/ /der ni de bzhin nyid 'di las/ /gzhan ni ci yang ma gsungs so/ /de bas dad pa sngon 'gro ba'i/ /sems kyis chos kun de bzhin nyid/ /zab gsal gnyis med don chen po/ /rim pa gnyis pa de kho na/ /bla ma'i gsung ni yang dag gzung / /de bzung gong ma'i rim pa yis/ /rtag tu goms byed skyes bu gang / /de la brten pa'i rtags skyes nas/ /sa nas sar ni 'phar ba ltar/ /de yi rnam pa gong du 'phel/ /rig 'dzin la sogs sprul pa yis/ /gzhan ni don de la sbyor byed/ /de yis brtan 'gyur rnal 'byor pa/ /sgrub pa'i bdag nyid can du 'gyur/ /bdag nyid can des bsgrub pa'i mchog / ji skad gsungs pa brtsam par bya/ /lha mo klu mo gnod sbyin mo/ /mi mo mi'am ci mo'am/ /mkha' 'gro ma la sogs pa rnams/ /rang gi nus pas brtsam par bya/ /smyon pa'i brtul zhugs la sogs pas/ /zla drug sogs par rab tu 'bad/ /de yis rje btsun yid med pa/ /dpal ldan sangs rgyas kun ngo bo/ /rdo rje 'dzin pa thams cad gnas/ /chos kun de bzhin nyid zab pa/ /sangs rgyas rnams kyi bsgrub bya mchog /gong ma'i rim pa rnal 'byor pas/ /'bad pa che thang rab byas pas/ /de ltar de ru mtshan nyid kyi/ /tshul du cung zad rab gnas pa'i/ /dga' dang dga' ba bar ma dang / /dga' dang bral ba'i dus su yang / /ji bzhin gnas pa'i dga' ba gsum/ /ji skad gsungs pa thob par 'gyur/ /de nas mtha' med 'khor ba'i bar/ /rtag pa dang ni mi gdung dang / /bsil ba dang ni gcig pa dang / /bde ba dang ni dri med dang / /dga' ba dang ni yid dga' ba/ /'di ni bde chen ro myang brgyad/ /bdag po rdo rje 'chang ba mchog /rdzogs pa'i rim pa'i rnal 'byor pas/ /bya ba byas pa byed pa byas/ /dbang phyug chen po khur chen bor/ /tsher ma dkrugs pa thams cad mkhyen/ /skyes bu dpa' bo cang shes pa/ /glang po chen po dul ba po/ /'khor ba'i mtha' ni pha rol son/ /don dam dang ni kun rdzob kyi/ /bden pa gnyis med rnal 'byor che/ /thab spangs pa'am lam kun rdzogs/ /yon tan 'byung gnas kun du bzang / /thams cad 'dus pa'i de kho na/ /sku sogs khams kun 'gengs pa'o/ /gong na med pa yang dag gnas/ /de ltar de sogs rab grags pa/ /ming ni rnam pa mtha' yas pa/ /gnyis med ye shes mtshon pa ste/ /mdo dang rgyud rnams thams cad du/ /blo ldan rnams kyis rtogs par bya/ /sa bcu dang ni rab ldan pa'i/ /gong ma'i lha mo rdo rje 'dzin/ /dge ba bcu gsum la gnas pa/ /skad cig gis ni yang dag tu/ /sgrib bral de yis rtogs par byed/ /phreng ba ha ra nu pur sogs/ /mdog dang ku tsa la sogs pa/ /pad+ma brtags pa'i dga' shes pa/ /dang por rab tu shes par bya/ /Shadz+dz+rI ni ShA na sogs/ /glu dbyangs bstod dang sid sgra yi/ /snyan pa'i dbyangs kyis dga' 'gyur bas/ /gnyis pa ru ni shes par bya/ /tsan+dan la sogs sna tshogs dris/ /lus byugs lhan cig rtsen byed tshe/ /dga' ba yang dag thob byed pa/ /gsum pa ru ni shes par bya/ /ma mchu sbrang rtsis gzhib byas pas/ /mgor gnas byang chub sems 'ju bas/ /ro 'thung dga' bas bdag mnyes pas/ /bzhi par rab tu shes par bya/ /lus la byug cing sna tshogs kyi/ / spyod pas rtsen tshe reg bya yis/ /yang dag dga' bar byed pas na/ /lnga pa ru ni shes par bya/ /de yis ye shes rnam pa gsum/ /rig par byed cing rang gi yid/ /yang dag dga' bar rab byed pa/ /drug par shes bya rnal 'byor pas/ /de yi lus ni bdag gi ni/ /rten du gnas pa sra ba yis/ /yang dag dga' bar byed pas na/ /bdun pa ru ni shes par bya/ /de yi pad+ma'i zil sogs dang / /byang sems rlan gyis rang gi sems/ /rab tu dga' bar byed pas na/ /brgyad par rab tu shes par bya/ /gsang gnas drod sogs tsha ba yis/ /bdag gi yid ni yang dag par/ /dga' bar byed pa'i mchog yin pas/ /dgu pa ru ni shes par bya/ /de nas bskyod pas ye shes mes/ /phung po khams sogs sreg byed pas/ /yid ni yang dag dga' 'gyur bas/ /bcu par rab tu shes par bya/ /bcu po de yis dang po dang / /phyis kyi 'bras bu mchog 'gyur ba/ /gang du gsungs pa rab thob ste/ /de bas de 'dra'i don chen la/ /yang dag 'jug par mi nus pa'i/ /gdul bya rnams la bde gshegs kyis/ /rab tu dga' sogs mtshan nyid du/ /bstan nas de yi don zhugs pas/ /de yis rtogs kyang bla dang bcas/ / de nyid dang po'i rnal 'byor la/ /rten dang rten can dkyil 'khor gyi/ /'khor lo rab tu brtan byas nas/ /de zhugs de la brtan byas pas/ /rtogs kyang don 'di ma shes na/ /yang dag sangs rgyas ma yin no/ /'di ni rang byung bcom ldan 'das/ /gcig pu rab tu che ba'i lha/ / lhag pa'i lha zhes bya ba ni/ /bcu gsum pa zhes bya bar bshad/ /de ltar rim pa gnyis pa yi/ /de bzhin nyid ni thabs bcas pa'i/ /bdud rtsi mchog 'di rnal 'byor gang / /'thung bar byed pa sangs rgyas kyi/ /de yi sras su nges pa ste/ /byang chub sems dpa' rnams kyi grogs/ /rig pa 'dzin pa'i dpon po ste/ /mkha' 'gro ma yi khyo ru 'gyur/ /nyan thos rang 'dren rnams kyi ni/ /'dren par byed pa'i gtso bo ste/ /sems can phal pa'i rje btsun no/ /de la phyogs bcu khams bzhugs pa'i/ /sangs rgyas byang chub sems dpa' dang / /rig pa'i lha dang khro bo sogs/ /me tog la sogs mchod par bcas/ /zhag gcig skya rengs dang po dang / /phyed ni dros pa'i dus nyid dang / /chal chil mtshams su nam mkha' las/ /mchod pa byas nas sngags brjod cing / /rang gi zhing du 'gro bar 'gyur/ /de bas dag pa'i lha rnams kyang / /de bzhin du ni mchod byed na/ /ma dag pa yi lha rnams ni/ /de la ci yi phyir mi mchod/ /sems can phal pa gzhan gyis ni/ /me tog snyim pa bkang nas ni/ /mgrin pa dma' bas zhabs 'dud cing / /rtag tu bkur bar shin tu 'os/ /de ni skyes bu rkang gnyis gtso/ /kun mkhyen rnams kyis bzhag pa ste/ /phyin log khur chen por byed pas/ /ma 'ongs rdo rje 'chang ba ste/ /de la brnyas byed sems can gang / /sgrub pa po de glang dang 'dra/ /de yis nga la brnyas byed pas/ /ngas ni de kun dus kun spong / /cig shos lus la ngag nas phyir/ /mchod cing brjod pas lus rnams kyi/ /sgrib pa de yis dag byed do/ /rim pa gnyis 'dir sgrub pa po/ /rtse gcig pa yis rnam par gzung / /de gzung tshe 'di nyid la yang / /brtul zhugs cho ga nyid kyis ni/ / lha mos rkyen ni rab byas te/ /phyag rgya chen po rang rgyud la/ /'pho bar the tshom mi bya'o/ /da ni rang nyid byin brlabs pa'i/ /rim pa 'di ni rnal 'byor pa/ /bya bas bskal pa 'ga' zhig la/ /yang dag tu ni bshad par bya/ /gang zhig bla ma mnyes byas nas/ /des gnang dam sdom bcas pa ru/ /bum pa la sogs rab thob ste/ /bla ma'i zhal las rnyed pa yi/ /de bzhin nyid ni rab thob cing / /gsang dang mchog tu gsang rigs pas/ /ji skad bshad pa'i bya ba yis/ /yang dag bsgom ni mi nus pas/ /ji bzhin pa yi de kho na/ /rim pa 'di yis bsgom par bya/ /gang zhig dus ni phyi zhig la/ /'chi ba'i mtshan ma bdag gis mthong / /'chi bar gyur pa'i dus byung na/ /nad kyis yang dag ma rnyogs par/ /'pho ba'i sbyor ba yang dag bya/ /dpral ba dang ni lte ba dang / /spyi gtsug dang ni mig dang ni/ /rna ba dang ni sna dag dang / /chu yi gnas dang chu min gnas/ /kha yi gnas dang ye shes kyi/ /'gro 'ong gis ni rtags shes bya/ /dpral ba gzugs kyi khams kyi ni/ /rtags skyes pa ru shes par bya/ /lte bar 'dod khams lha rnams kyi/ /rtags byung de ru skye bar nges/ /spyi gtsug gzugs med khams rnams kyi/ /rtags byung de ru skye bar 'gyur/ /rna gnyis ye shes 'pho ba na/ /gnod sbyin gnas su skye bar 'gyur/ /sna gnyis rig pa 'dzin pa yi/ /gnas su nges par 'gro ba'o/ /mig gnyis mi rnams rgyal por 'gyur/ /rtags ni yang dag skye bar 'gyur/ /kha ru ye shes 'pho ba na/ /yi dags rtags su shes par bya/ /chu gnas dud 'gro rnams kyi ni/ /rtags su yang dag rab shes bya/ /chu min bu gar ye shes 'gro/ /dmyal ba'i rtags su shes par bya/ /de ltar ye shes 'pho ba yi/ /rnam pa'i cha ni shes byas nas/ /sgrogs pa lnga yi yi ge yis/ /steng gi sgo bdun dgag par bya/ /chu yi sgo ru suM gis dgag /chu min k+ShuM gis dgag par bya/ /de ltar sgo dgu bkag nas kyang / /rim pa 'di yis rang sems kyi/ /gnas ni rab tu btsal byas pas/ /dbyings nyid du ni nges par 'gro/ /phung po skye mched khams rnams su/ /rnal 'byor rgyud kyis dpyad pa ltar/ /rnam par bsgom byas ye shes so/ /gong na med pa rtogs par 'gyur/ /bdag nyid ji skad gsungs pa bzhin/ /lha yi lus su gyur byas pa/ /chos kyi dbyings dang rnam shes dang / /bdag nyid sangs rgyas skur byas pa'i/ /gnas ni rin chen sna tshogs pa'i/ /kha dog sna lngas rab brgyan pa'i/ /rdo rje rtse mo dgu pa mchog /bdag gi spyi bo'i steng du ni/ /bsams nas de ru rang gi sems/ /rdo rje dkar po bcu tshal tsam/ /rtse lnga bsams nas brtag par bya/ /yar gyi rtse lnga thabs lnga ste/ /de bzhin mar bltas shes rab lnga/ /dbus kyi bum pa ri bong can/ /bsams nas de ru ye shes che/ /ser po byang chub sems 'dra ba/ /'dzag pa'i ngang tshul dang 'dra ba/ /thig le tsa na ka yi 'bru/ /lnga 'byor tshad du bsgom par bya/ /de nas chos kun thams cad kun/ /med par bsams nas bdag dmigs te/ /bdag kyang bdag la thim byas nas/ /sems tsam de yang mda' bzhin du/ /spyi bor rdo rje 'og cha yi/ /sbu gur zhugs nas thig ler thim/ /de ni de bzhin gshegs pa rnams/ /lha mo rnams kyi rang bzhin gyi/ /gnas su shes par rab tu bya/ /de ni gdod nas grub pa'i gzugs/ /de ru shes pa rab zhugs pa/ /sems de yang dang yang du gzung / /de las sems de yar ba ltar/ /rdo rje rtse dgu steng cha yi/ /sbu gur byung nas sna tshogs kyi/ /pad+mar zla ba gnas pa la/ /rdo rje sems dpa'i skur gyur te/ /mtshan dang dpe byad kun brgyan pa/ /rgyan kun brgyan pa'i na bza' dang / /bral nas shin tu gsal dmigs te/ /de gnyis med pa'i sbyor ba yis/ /byin rlabs las byung 'khor lo che/ /rnam par 'phro zhing 'du bar bsam/ /de ltar rnam par bsgom pa mchog /yang dang yang du ci nus bsgom/ /bsam pa de yi rkyen gyis ni/ /bdag sems dbyings su zhugs pa'i tshe/ /gsal zhing rab dag mkha' 'dra rtogs/ /de nas rdzu 'phrul shugs ldan pa/ /lo lnga lon pa'i byis pa'i gzugs/ /'grub tshe dpe med bde rdzogs rtogs/ /de las skye gnas gzhan du ni/ /'phel bar byed tshe sprul pa'i gzugs/ /yang dag tu ni rtogs par 'gyur/ /de lta bas na sems can gyi/ /bsam pa gang dang gang dag gis/ /mi rnams yid ni yang dag sbyor/ /de dang de ni mdo bzhin du/ /sna tshogs nor bu lta bur 'gyur/ /chos sku rab dga' mkha' mnyam pa/ /shi dang brgyal dang gnyid log dang / /glal dang 'khrig dus skad cig tsam/ /myong bar 'gyur bas rab bsgoms na/ /lus can rnams ni yid ni sbyong / /cho ga 'di yis sems can gang / / mtshams med byed cing rmongs pa yi/ /skye bo bram ze gsod pa yang / /de yis mi 'grub cung zad med/ /de bas bka' lung rab thob nas/ /dam sdom rnam par bsrung byas te/ /sku gsum 'grub par the tshom med/ /gal te sku gsum ma grub na/ /rig pa 'dzin pa'i gtsor 'gyur te/ /rim gyis phyag rgya chen por 'gyur/ /de ltar rnam pa gsum gyis ni/ /dngos grub de ni bsgom pa bshad/ /gang zhig 'di ni ma rtogs par/ /gsang ba smra bar byed pa ni/ /de ni nga dang de bzhin gshegs/ /nam zhig de la sbyar byas pas/ /byin gyis rlob par mi byed do/ /'di ni don ldan 'ga' zhig la/ /nga ni de yi lus gnas te/ /bsgrub pa gzhan la mchod pa len/ /de yis de mnyes rang gi rgyud/ /las kyi sgrib pa dag byed do/ /'di don rna bar 'pho byed pa/ /gang gi dus su gnas pa der/ /sangs rgyas bstan pa rin chen yang / /gnas pa rab tu bshad pa yin/ /brgyud pa'i rim pa 'di chad nas/ /sangs rgyas bstan pa nub pa ru/ /kun gyis rab tu shes par bya/ /de bas khyod kyi yid gcig tu/ /yang dag bsdus la ma 'ongs pa'i/ /gang zag sngon du tshogs bskyed pa'i/ / skal ldan 'ga' la rnam par brgyud/ /sim byed 'di la sbyor du chug /'di sbyor 'di ni yang dag pa'i/ /rnal 'byor pa ru shes par bya/ /khyod kyang zas kyi spyod pa dang / /nga la cung zad 'khrul rtogs pas/ /khyod kyis tshe 'di nyid la ni/ /gzugs bcas phung po rang lus ni/ /gnas ni yang dag mi 'gyur te/ /rnam par shes pa mi shigs pa/ /phyag rgya chen por rab tu 'grub/ /de bas khyod kyis yang dag blos/ /sangs rgyas kun gyi 'dus pa'i rgyud/ /gsang chen gsang las ches gsang ba/ /gong na med pa'i lung chen po/ / 'di yi rim pa dang po yi/ /sgrub pa'i thabs dang sbyin sreg dang / /gtor ma sna tshogs 'khor lo dang / /bsdus pa dang ni rnam bshad dang / /dkyil 'khor cho ga la sogs pa/ /mi shes mun bsgribs sems can gyi/ /thur ma lta bur brtsam par gyis/ /de bas ma 'ongs rnal 'byor ches/ /'di shes bla ma rab mnyes te/ /yang dag 'dod pas blangs byas nas/ /sems ni de nas sbyang bar bya/ /sems ni kun rtogs rnam spangs nas/ /de sbyor de la rig pa skye/ /rig pa skyes nas rdo rje 'dzin/ /nga grub pas na sangs rgyas dang / /pha rol phyin dang gzungs rnams dang / /sa rnams thams cad bde chen po/ /rjes las yang dag 'grub par 'gyur/ /thams cad bde chen las byung phyir/ /de bsgoms ci phyir de mi 'byung / /de bas rab tu 'bad pa yis/ /mchog gi de nyid rab gsang gsang / / smon lam gyis kyang tha na 'grub/ /bsgrub pa la ni shin tu 'bad/ /a la la ho/ /de ltar rol pa'i gar bcas sgra brnyan lta bu rdo rje'i glu/ /'khor lor bcas pas de nyid glu blangs bdag la bstod cing der/ /nam mkha'i khams su sprin rnams med pa lta bur thim par gyur/ / dge slong bla ma gnyis bcas de yang de bzhin mi snang gyur/ /rdo rje gdan gyi rgyab nas rgyang grags lnga bcu song ba'i sar/ /parba ta yi phug la brten te sems can don bya'i phyir/ /'di bsdus rab tu byed pa thams cad rtsom dang ston sogs byas/ /dam pas gsol brgya chen btab pas bdag ni shin tu brod/ /der gnas 'khor bcas rnams kyis yo byad gos zas nor gyi mdzod/ /mchod pa'i yo byad rgya chen sna tshogs 'khor lo bya ba rnams/ /sa bcu'i byang chub sems dpar gyur pa mdzod srung gnod gnas che/ /nyin re kAR+ShA pa Na bdun brgyas rtag tu rab tu sbyor/ /de nas bla ma chen po bA li pA nga'i drung du bgrod/ /bdag gis bla ma de yang mnyes bya'i phyir na sgrub pa'i thabs/ /cung zad bsdus pas de ru bla ma la sogs kun/ /mnyes par byas te sngon gnas bgrod gnas skal ldan don 'ga' byas/ /de bas de ltar kun gyis gtam rgyud rgyas bar shes byas te/ /mkhas pa'i gzu bod ma pa thabs kun gyis ni mnyes bya ste/ /de yi lung la rab tu byed sogs mnyan dang bsam par bya/ /de la rab brten dgon sogs rab tu brten byas rang gi sems/ /de nyid bsgoms pas ji bzhin rab tu rtogs par byas pa yis/ /tshe 'di nyid la zla ba drug gis byang chub thob pa 'di ni su yis bzlog / bdud rtsi mchog 'thung 'di ni sems can kun gyis bkur ba'i gnas/ /sems can de la rdo rje 'chang dang bde gshegs kun gyis bsngags/ /de'i phyir log sgrib pa thams cad sa bon nyams byas te/ /'khor bar gnas kyang skyon gyis mi gos pad bzhin rtag tu gnas/ /de ru ma thob lan grangs gzhan la yang dag myong ba yis/ /'bras bu smin byed sngags pa'i yid la yang dag 'byung ba yi/ /dngos grub rgya chen thob nas gang gA'i bye snyed dpag med kyi/ /'khor gyis bskor nas 'jig rten khams kun thams cad rab tu bgrod/ /de bas chu 'khor drag po khar lhung ltar/ /lus dang ngag dang sems kyis brtson 'grus bskyed/ /rim par sngon bzhin rab tu bsgrub par bya/ /dal 'byor lus 'di shin tu g.yo sla bas/ /ji ltar rlung gis mar me gsod pa ltar/ /skad cig tsam du mi sdod dus 'da' byed/ /de bas 'dir ni chud gsan mi bya ste/ /dngos kun de nyid mchog chen rab bsgom bya/ /de nyid spyod pa 'di la blo nges pas/ /ji skad bshad bzhin rab tu 'gyur bas na/ /sems ni yang dag brten par gyis shig ces/ /bdag ni sems can rnams la gsol ba 'debs/ / gang gi phyir na 'di ni gsang bas na/ /bdag gis gsal bar ma byas ci yod pa/ /des na de shes bla ma yang dag par/ /mnyes byas de nyid 'dod pas yang dag long / /'di ni rnal 'byor spyod pas yang dag spyod pa la/ /snying po'i snying po 'bras gsol yang dag [(]spyong [,]sbyong [)]/ /mtha' yi phar son bla chen yon tan ma lus gter/ /de las 'di ni yang dag zhal rnyed byas/ /de bas rnal 'byor chen po rgyud kyi don rnams ni/ /mi 'tsham par ni snang yang nyi ma'i dpes/ /rang dang gzhan gyi don byed nus pas na/ /rnal 'byor 'gas ni shin tu 'bad dgos so/ /the tshom som nyi med par dad pa yis/ /'di don grub pas yang dag blang byas nas/ /shes rab kyis ni yang dang yang du rung / /dpyad pas bdag la gnyis med ye shes che/ /chu gtsang nang du zla ba'i dkyil 'khor ltar/ /'byung 'gyur 'di la the tshom ma byed cig /'di ni rang bzhin grub pa'i man ngag las/ /brgyud pa'i bla ma yang dag rab bsten dang / /rang gi bsod nams tshogs ni sngon bskyed pas/ /rtogs par rab tu 'gyur ba ma rtogs par/ /bsod nams chung ba'i mi yis bskal pa dpag med par/ /'di ni rtogs par mi 'gyur 'di don ma rtogs na/ /rnal 'byor chen po zhes bya de la mi bya'o/ /de ltar rab tu shes par byas nas su/ /rdzogs pa chen po ye shes spyi yi gzugs/ /yongs su dag sku rdo rje 'chang chen po/ /dpal ldan kun gyi ngo bo rim gnyis 'dis/ /sdug bsngal lam bcas bskal pa gsum du yang / /rang gi rjes mthun byang chub bla dang bcas/ /thob nas de bde cung tsam rab tshogs pa/ /rnal 'byor de yis ci phyir de mi sgom/ /dad dang brtson 'grus ting 'dzin shes rab dang / /dran pa'i blo yis gong gi rim pa ltar/ /yid dga'i gnas brten kun du bzang po mchog /lam 'di bsgom par bya [(]'o [,]'a [)]kho na 'o/ / de ltar zhal gyi lung bsdus las byung dge ba dri med pa/ /kha ba zla ba'i 'od ltar rab tu dkar ba de yis ni/ /'di don ma 'ongs 'gro ba skal ldan dga' dang phrad gyur nas/ /rab tu dang ba'i dad pas len cing 'di mchog rab bsgom shog /blugs dang gtor dang dag par byas pas slob dpon cher 'gyur te/ /thams cad kun gyi rgyud 'dzin gzhan rnams rgyud kun la sbyor ba'i/ /dang po'i rim pa rab rtogs dri ma rnams ni dag byas te/ /ye shes sgyu ma'i snod du rung bar rnal 'byor de 'gyur shog /snying rje ldan pa'i bla ma'i zhabs la gus par rab ldan pas/ /ri bong 'dzin pa'i gzugs kyis rang rgyud rab tu smin byas te/ /zhing dag byas pas chos kun sgyu sogs don du rab rtogs nas/ /byams pa la sogs bzhin du sems can kun gyis 'gro bar shog /lhan cig byed pas byin brlabs rje btsun thugs rje chen po yis/ /dga' ba rnyed pas chos kun dag pa'i ngo bo chen po mchog / ji bzhin gnas pa'i don la mi slu bcu drug thig le cha/ /ngal so las thob man ngag chen po rab tu rnyed par shog /de rnyed de la sems ni yang dag rab tu mgu gyur nas/ /mgrin pa dma' bas brtags nas rang rig chos kyi sku ni yang dag thob/ /sku dang gsung dang thugs dang dpag med sprul pa'i gzugs kyis ni/ /khams gsum bkang nas sems can thams cad srid las sgrol bar shog /rim pa gnyis pa'i de kho na nyid bsgom pa zhes bya ba byang chub sems dpa' 'jam pa'i dbyangs kyi zhal gyi lung / /dkyil 'khor gyi slob dpon chen po lha sangs rgyas dpal gyi ye shes zhabs kyis bsdus pa/ zhal nas zhal du brgyud pa rdzogs so// //rgya gar gyi mkhan po chen po ka ma la gu h+ya dang / bod kyi lo tsA ba chen po mnga' bdag lha ye shes rgyal mtshan gyis bsgyur cing zhus te gtan la phab pa'o// //

CLOSE WINDOW