བོད་ཡིག

e-texts based on the ACIP/ALL Input

/ @##/ /rgya gar skad du/ ma ho ma bi d+hiH / bod skad du/ ro bsreg pa'i cho ga /dpal rdo rje sems dpa' la phyag 'tshal lo/ /thams cad stong pa 'od gsal ba/ /gnyis med zhe sdang rdo rje gtso/ /srid pa'i rgya mtsho'i grur gyur la/ /gus pas rab tu phyag 'tshal lo/ /las las skyes pa'i sems can rnams/ /tshe 'das sdig pa sbyang ba dang / /srid pa'i gzeb las bsgral ba'i phyir/ /dpal ldan 'dus pa'i ro bsreg brtsam/ /dgon pa chen po'i sa phyogs sam/ /me tog 'bras bu sogs pas brgyan/ /ri bo dben pa'i sa phyogs gang / /slob dpon las la mkhas pa dang / /las kyi rdo rje dag gis ni/ /de ru bsreg pa dag tu gsungs/ /dang por las kyi rim pa dag /bla ma nyid kyi zhal snga nas/ /cho ga nyi shur rgyas mdzad pas/ /rim pa bdag gis 'dir ma bris/ /de ltar rim par byas nas kyang / / sta gon gnas pa'i dus dag tu/ /dag cing byin brlab gnang bya'i phyir/ /dri dang bdud rtsis bkru ba dang / /srung skud byin rlabs tshul bzhin bya/ /bde gshegs sa bon rnams kyang dgod/ /de nas dkyil 'khor thig gdab ni/ /cho ga nyi shu'i tshul dag tu/ /btab nas me thab bca' bar bya/ /me thab tshad ni pho brang tshad/ /pho brang dkyil 'khor tshad dag ni/ /bdag nyid ji tsam 'dod kyi bar/ /de srid du ni bdag gis bya/ /rdo rje ra ba'i zhing tshad du/ /dpangs kyang de bzhin shes par bya/ /zabs su khru gang sor bzhi bru/ /ba yi lci bas byugs pa dang / /de ltar byi dor byas nas kyang / /dang po'i thig so bzung nas ni/ /de bzhin du ni gdab par bya/ /de nas lha ni sum cu gnyis/ /tshul bzhin du ni bri bar bya/ /shing bu dag kyang brtsig par bya/ /slob dpon rig mar bcas pa'am/ /yang na thugs ka las phyung ste/ /rim pa bzhin du bskyed nas kyang / /dam tshig lha rnams dbyung bar bya/ /ye shes dkyil 'khor spyan drang dang / /gzhug dang bcing dang dgyes bskyed nas/ /mchod dbul bstod pa bya ba dang / /zhu gnas gsol ba la sogs bya/ /rdzogs nas ro ni drang ba'o/ /gdugs dang rgyal mtshan ba dan dang / / sna tshogs pa yis brgyan byas nas/ /shar sgor bcug ste lan gsum bskor/ /de nas rim bzhin dbang bskur bya/ /dbang bskur zin dang gnas su gzhag /bdag gis byang du kha bltas te/ /cho ga nyi shu'i tshul dag tu/ /mchod rdzas la sogs tshul bzhin gzhag /bdud rtsi 'khyil pas bsang gtor bya/ /bsil yab kyis ni me sbar ro/ /oM dz+wa la dz+wa la hUM phaT/ gco bo spyan drangs me lha bskyed/ /raM las byung ba'i me lha ni/ /kha dog dkar po 'od zer 'bar/ /spyan gsum ral pa'i thor tshugs can/ /phyag bzhi mchod phyir thogs 'chang ba/ / g.yas pas tho ba mchog sbyin bya / /g.yon pa gun+d+he bgrang phreng 'dzin/ /de ltar tshul bzhin byas nas kyang / /ye shes me lha spyan drang ba / /oM Tak+ki ti ni pA pa ka ag+na ye Tak+ki ni hUM dzaH/ gzhug dang bcing dang dgyes pa bskyed/ /de la zhal bsil mchod yon dang / /sreg rdzas lnga'am bdun du dbul/ /oM dzaHhUM baM hoHkhaM raM/ mchod yon gyi sngags so/ /oM ni ri ti hUM khaM / zhal bsil gyi'o/ /oM AHbadzra puSh+pe swA hA/ me tog gi'o/ /oM AHbadzra d+hU p+pe hUM swA hA/ spos me'i'o/ /oM AHbadzra gan+d+he hUM swA hA/ dri chab kyi'o/ /oM AHbadzra dI pe hUM swA hA/ mar me'i'o / /oM AHbadzra nai bi t+ye hUM swA hA/ lha bshos kyi'o/ /oM ag+na ye swA hA/ mar gyi'o/ /oM sarba pA paM da ha na badzrA ya swA hA/ til gyi'o/ /oM badzra bi dzA ya swA hA/ dUr ba'i'o/ /oM badzra ma hA bai gA ya swA hA/ zho'i 'o / /oM badzra ma hA ba lA ya swA hA/ 'bras kyi'o/ /oM badzra g+ha sma ri swA hA/ ku sha'i'o/ /oM badzra A dz+nyA pa ya swA hA/ u dum+bA ra'i'o/ /oM bo d+hi b+h+r-ik+Sha ye swA hA/ a shwad+tha'i 'o/ /oM badzra la tA ya swA hA/ pa la sha'i 'o / /oM badzra ku be rA ya swA hA/ n+ya gro d+ha'i 'o/ /oM badzra ha sa ka rA ya swA hA/ a mra'i 'o/ /me lha'i rgyal po las kyi gtso/ / phrin las kun la snyoms mdzad pa/ /thams cad kun gyi bdag po ste/ /mnyam snyoms khyod la phyag 'tshal lo/ /bstod nas me lhar gsol ba gdab/ /me lha rdo rje las kyi gtso/ /tshe 'das sems can sbyang ba dang / /lha rnams tshim par bya ba'i phyir/ /de nyid du ni phrin las mdzod/ /phrin las rnam pa gnyis zhes bya/ /me lha'i rgyal po'i thugs ka nas/ /ye shes 'bar ba'i me phyung ste/ /tshe 'das sems can mi mthun phyogs/ /rnam rtog bag chags bsreg pa dang / /lha rnams tshim par bya ba'o/ /rtog pa'i dngos po bsregs nas kyang / /sgyu ma chu zla lta bu yi/ /rdo rje sems dpar byin gyis brlab/ /rdo rje sems dpa' lha rnams kyi/ /thugs kar ye shes tshul du bzhugs/ /tshim par bya ba'i rim pa dag /rang la mchod yon dbul ba dang / /sreg rdzas rim pa bzhin du ni/ /rnal 'byor pa yis grub tshad dbul/ /sngags kyi thog mar rang sngags gzhug /thal bar gyur pa'i phung po dag /bshang gci'i mthar ni rnam par brtag /de nas bstod dang bsdu ba bya/ /yi ge gsum gyis bsdu ba'o/ /tshe 'das don du bdag gis ni/ /ro bsreg cho ga 'di byas pas/ / 'di las dge ba gang thob pas/ /thams cad gnyis med thob par shog /tshe 'das pa yi sems can 'di/ /dbang bskur byang chub sems bskyed nas/ /lha rnams tshim par byas pa dang / /rtog pa'i dngos po bsregs pa yis/ /bskyed pa'i rim pa mthar phyung ste/ /rdo rje bzlas pa thob par shog / rdo rje bzlas nas rnal 'byor pas/ /sems la dmigs pa thob par shog /sems la dmigs pa thob gyur nas/ /bdag byin brlab pa'i rim thob shog /bdag byin brlab pa'i rim thob nas/ /'od gsal ba ni thob gyur cig /'od gsal ba ni thob gyur nas/ /chos sku mkha' dang 'dra ba las/ /zung 'jug longs spyod rdzogs pa'i sku/ /sprin lta bu ni 'byung gyur cig /de las sprul sku char lta bus/ /srid pa'i rgya mtshor sprul gyur nas/ /sems can thams cad sgrol bar shog /gsang ba 'dus pa'i ro bsreg gi cho ga 'phags pa lhas mdzad pa rdzogs so// //rgya gar gyi mkhan po shrad+d+hA ka ra warma dang / bod kyi lo tsA ba dge slong rin chen bzang pos bsgyur cing zhus te gtan la phab pa// @#/ /dpal gsang ba 'dus pa'i rdzogs rim mthar phyin pa bzhugs/ @##/ /bcom ldan 'das gsung gi dbang phyug 'jam dpal ye shes sems dpa' la phyag 'tshal lo/ /ji srid ya ra la ha'i bar/ /ka kha g+ha mtha' na dza'i mtha'/

CLOSE WINDOW