བོད་ཡིག

e-texts based on the ACIP/ALL Input

lha mo mu stegs kyi sgrub lugs/ slob dpon lo ka shrI yis bsgyur ba rdzogs so// @##/ /oM swasti/ re ma ti'i dmag zor gyi man ngag 'di la/ man ngag gcig la khungs gnyis te/ dang po A tsar+ya dmar po la lce 'byung gnas bzang pos gser srang lnga phul nas zhus/ dge bshes lce la zhang shes rab dang / snubs rgya le gnyis kyis stag gcig spyi mar phul nas zhus/ snubs la snubs kyi ma mo khrag mig ces par grags so/ /gnyis pa ni lo tsA ba shes rab bla mas gu ru A tsar+ya dmar po nyid rgya gar du gshegs pa la bal po tshun chad skyel thung mdzad nas zhus nas khyad byung ste/ zhal gyi man ngag ma lus pa yid ches par gnang ste khungs gnyis so/ /dmag zor zhes pa'i des tshig gtam der rtsad chod do/ /gzhung ni sdom brgyad po 'di nyid yin te khungs mthun no/ /man ngag 'di bya thabs la/ /mchod pa bshams te bca' ba dang / /ma mo bskyed cing ye shes dgug /mchod cing bzlas pa bya ba dang / /bstod cing las sbyor bsdu ba'o/ /de la mchod pa bsham pa ni/ /dur khrod la sogs dben pa'i sar/ /maN+Dal khru gsum chag chag bya/ /mdun du gru gsum mi ris bcas/ /slar brtag /maN+Dal steng du sogs pa'i rdzas/ /phud dang gtor ma rak+ta bshams/ /khram shing byang dmar nad rkyal dang / /sho rde'u tshon gyi dru bu sogs/ /sha sna rnyed tshad mi dbang sha /bsur chen ma mo mnyes par bya/ /de nas rten gyi bya thabs ni/ / dkyil 'khor dbang ldan mtshams su ni/ /'bru nag 'jim nag bsres pa las/ /dre'u rta la zhon nag mo ni/ /mthing nag rgyan gyis brgyan pa mo/ /rma bya'i gdugs kyis phub pa ste/ /bdud phrug mtshon thogs mang pos bskor/ /'jigs su rung bas bskor bar bya/ / da ni ma mo bskyed par bya/ /rang gi cho ga rdzogs byas la/ /byang shar mu le dngos su bsam/ /rlung nag 'tshub ma'i nang shed du/ /k+Sha zhes brjod pas skad cig gis/ /dmag zor nag mo re ma ti/ /dre'u rta la zhon thod pa can/ /phyag g.yas be con 'dzin pa la/ /phyag g.yon thod pa khrag bkang bsnams/ /dmod mo'i mtshon cha lnga dang bcas/ /sga yi snga sha nad rkyal la/ /sga yi phyi ru dru bu ste/ /khram shing rked la gzir ba dang / /byad dmar sho rde'u snga sha la/ /dar nag gos kyis sku stod brgyan/ /bya yi gdugs 'og chud par bsam/ /bdud phrug tshogs ni dus mnyam du/ /g.yon pa thod khrag yungs kar can/ /g.yas pa mtshon cha sna tshogs can/ /de ltar dam tshig bskyed byas la/ /rang bzhin gnas nas gzhug par bya/ /dzaHhUM zhes ni sngags la gdags/ /byang shar nas byon rang rang thim/ /bzhugs su gsol ba'i tshig 'di brjod/ /hUM nag mo gdug can dregs pa can/ /kun du khyab pa'i gzugs ston ma/ /nag mo gtso mo dre'u rta chibs/ /'dir spyon dre'u rta'i gdan la bzhugs/ /rag+mo dzaHhUM baM hoHsa ma ya s+t+waM zhes brjod do/ /de nas de la mchod par bya/ /za byed nag mo mche ba can/ /dgod byed ha ha nag mo khyod/ /gsod la dga' bar byed pa mo/ /bdag ni brda yi phyag byed do/ /rag+mo a ti pU dza ho/ phra mo sbom po las byung ba'i/ /bdud rtsi bran pa'i dza gad 'di/ /dmag zor nag mo la 'bul lags/ /bstan pa bsrung phyir bzhes su gsol/ / yi ge sum cu gcig pa la/ /pany+tsa a mr-i ta khA hi gdags so/ /sha khrag la sogs bdud rtsi lnga dang sbyor/ /'bru sna lnga la sbyar ba'i gtor ma 'di/ /dmag zor nag mo khyod la dbul/ /bstan pa bsrung phyir bzhes su gsol/ /sngags kyi mjug la ba liM ta la kha raM khA hi zhes gdags so/ /chu dang ma 'dres dngas ma'i khrag /dngas ma yi ni khrag chen po/ /dmag zor nag mo la dbul lags/ /bstan pa bsrung phyir bzhes su gsol/ /sngags kyi mjug la ma hA rak+ta kha raM khA hi zhes so/ /lha mo'i sngog mi yong bar bya ba'i phyir/ byang chub kyi sems dkar dmar lce la bzhag cing mchod do/ /de ni dam bsres so/ /de nas smon lam gdab pa ni/ /bdag cag dus 'dir tshe ring zhing / /bu dang tsha bo rgyas pa dang / /longs spyod thams cad rgyas pa dang / /log par lta ba'i dgra dang bgegs/ /thams cad rtag tu rlog par byed/ /da ni bzlas pa brtsam par bya/ /rten gyi lha mo'i thugs ka ru/ /rgyus pa'i sred bu de la gdags/ /rnal 'byor snying ga'i sa bon las/ /'od zer dkar po 'phros pa yis/ /lha mo'i thugs kar ma la thim/ /'od zer sngags kyis mchod par bsam/ /'od zer dkar po sngags kyi gzugs/ /bdag la slar thim dngos grub byin/ /de ltar yang dang yang du bsam/ /de yi thun smad dag la ni/ /bdag dang ma mo bdud phrug bcas/ /thams cad dus mnyam sngags zlos pa'i/ /'od zer dug mda' 'dra ba yis/ /'brub khung yungs thun khrag thun bya/ /gzas pa'i lus kyang brlag par bsam/ /mgon po de la gzungs thag gtad/ /bstod pa cung zad cung zad bya/ /re ma ti yi spyi dang mthun/ /de nas las la bsdu ba ni/ /bdud phrug tshogs dang khrag rnams ni/ /sle'u khung du khyer nas ni/ /bsgrub bya'i phyogs su kha bltas la/ /skra bcings 'gram pa sol bas byug /dpung pa g.yas pa phyung nas su/ /yugs skras byas pa'i 'ur rdo'am/ /yang na lag pa rang gis te/ /zor lam spyi dang mthun par dbye/ /dmag gi tshogs ni mi thub sbyin/ /dug lngas bkang ba mang po dang / /yungs thun thogs pa mang po dang / /mtshon cha thogs pa mang po yis/ /dgra lus yul 'khor bcom pa dang / /thams cad gsod cing za bar bsam/ /g.yang gzhi drag tu brdab par bya/ /log la lha mo la yang mchod/ /bdud phung mang po phangs pa'i tshe/ /bdud phrug gzugs rnams mi snang na/ /las rnams 'grub par gdon mi za/ /bdud rnams 'dug na cung zad dka'/ /cung zad bstod pa byed pa ni/ /hUM b+h+yo dpal gyi gzugs can 'dod khams gtso mo khyod/ /rta mchog zhon nas dpag tshad lnga brgyar rgyug /be con thod pa dam pa rang rtags 'dzin/ / re ldes stod dkris sbrul gyi sham bu can/ /lte bar nyi shar gtsug na zla rgyas ma/ /khrag nad bdag mo dbyings phyug dpal 'bar ma/ /lha mo re ma ti la bstod pa 'bul/ /rag+mo b+h+yoH/ /rag+mo b+h+yoHb+h+yoH/ /rag+mo thun b+h+yoH/ /kha la rag che na ma/ rag+mo a bya ta bya thun b+h+yoH/ /ru lu ru lu hUM b+h+yo hUM/ che ge mo mA ra ya/ 'bod rbad bsad gsum de la tshang / /bzlas pa la ni brtson 'grus bya/ /ma mo'i bstod bskul spyi dang mthun/ /gser mkhar ra ba dus bzhi'i rgyal mo'i bskul la sogs pa bya/ dpal lha mo dmag zor gyi man ngag rdzogs so// // A tsar+ya dmar po la shes rab bla mas zhus pa'i lugs yin// @##/ /rgya gar skad du/ a nu dz+nyA bi d+hiH/ bod skad du/ rjes su gnang ba'i cho ga /dpal rnal 'byor nam mkha' la phyag 'tshal lo/ /gdod ma'i mgon la rab btud nas/ /nA ro'i zhabs las rim 'ongs pa'i/

CLOSE WINDOW