བོད་ཡིག

e-texts based on the ACIP/ALL Input

/ @##/ /rgya gar skad du/ shrI ma hA kA la sA d+ha naM nA ma/ bod skad du/ dpal nag po chen po'i sgrub thabs zhes bya ba/ dpal ldan khrag 'thung 'gro ba'i mgon/ /lha mo dang bcas 'khor lo la/ /btud de nag po chen po yi/ /sgrub pa'i rim pa bri bar bya/ /dbang gis smin byas dam tshig ldan/ /bla ma la gus snying brtse gtong / /shes rab bzod ldan brtson 'grus che/ /sgrub la dpa' ba'i sngags pa yis/ /yid 'ong dben pa'i gnas dag gam/ / ri bo dur khrod ma mo dang / /gshin rje 'jigs su rung ba yi/ /gnas su nag po bsgrub par bya'o/ /maN+Dal mchod dang gtor ma bsham/ /rten bshams bde ba'i stan 'dug ste/ /rang gi lha yi rnal 'byor du/ /zhugs te cho ga rdzogs pa dang / /bla ma la smod bstan la sdang / /de dag rab tu zhi bya'i phyir/ /bdag gis nag po bsgrub par bya'o/ /snyam du blo ni bskyed bya ste/ /phyi dang nang gi dngos po rnams/ /skad cig stong par bsgom par bya/ /mdun du pad+ma nyi ma la/ /gnas pa'i yi ge hUM nag po/ /bltas te de yi 'od zer gyis/ / gdug pa ma lus zhi byas te/ /'gro kun bde ba la bzhag nas/ /slar 'dus hUM la thim gyur te/ /yi ge gyur pas skad cig gis/ /bya rog ming can nag po che/ /zhal gcig phyag bzhi g.yas pa na/ /dang po be tsa'i 'bras bu dmar/ /gnyis pa ral gri 'dzin pa'o/ /g.yon gyi dang po khrag chen gyis / /rab tu gang ba'i thod pa 'dzin/ /gnyis pa kha T+wAM 'dzin pa'o/ /stag gi pags pas smad dkris shing / /dbu skra ag tshom smin ma ser/ /spyan gsum mche gtsigs 'jigs par byed/ /thod pa rin chen sbrul gyis brgyan/ /sna tshogs pad+ma nyi steng du/ /dpa' bo'i 'dug stangs kyis gnas pa'o/ /de nas rang gi thugs ka yi/ /sa bon las 'phros 'od zer gyis/ /ye shes sems dpa' spyan drangs la/ /mchod la dzaHhUM baM hoHyis/ /dgug gzhug bstim dang mnyes par bya/ /spyi bo mgrin pa snying ga ru/ / pad+ma nyi ma'i gdan stengs su / /hUM dang AHdang oM gsum gyis/ /sku gsung thugs gsum byin gyis brlabs/ /legs mchod bstod de de nas ni/ /oM ma hA kA la hUM phaT/ ces bya ba'i sngags ci nus par/ man ngag bzhin du bzlas par bya/ /skyo na gtor ma byin brlabs te/ / rang sngags kyis ni bsngo bar bya'o/ /legs par mchod la de nyid kyi/ /rkang pa brgyad pas bstod par bya/ /zhi rgyas dbang dang mngon spyod kyi / /las rnams gang yin de rtsol bya/ /ye shes gshegs la dam tshig bsdu/ /blo ldan mtshan ma ma byung gi /bar du 'bad de bsgrub par bya/ /mtshan ma byung nas bla ma yi/ /man ngag bzhin du las la sbyor / /bla ma'i gsung gi rjes 'brangs te/ /bdag gis nag po sgrub pa'i thabs/ /bris pa'i bsod nams thob pa des/ /bgegs zhi thub dbang thob par shog /dpal nag po chen po sgrub pa'i thabs 'phags pa klu sgrub kyis mdzad pa rdzogs so/ / //paN+Di ta a b+ha yA ka ra dang / lo tsA ba tsa mi chen pos bsgyur ba'o// @##/ /rgya gar skad du/ shrI ma hA kA la bi ta ra sA d+ha naM nA ma/ bod skad du/ dpal mgon po'i nang sgrub ces bya ba/ dpal nag po chen po la phyag 'tshal lo/

CLOSE WINDOW