བོད་ཡིག

e-texts based on the ACIP/ALL Input

/ @##/ /rgya gar skad du/ Ar+ya tA re sA d+ha naM nA ma/ bod skad du/ 'phags ma sgrol ma'i sgrub thabs zhes bya ba/ rje btsun ma sgrol ma la phyag 'tshal lo/ /'jig rten sgrol mdzad sgrol ma che/ /de la phyag 'tshal de sgrub thabs/ /mdo tsam slob ma la phan phyir/ /'dir bri sgrub pos grub gyur cig /dang por re zhig snying gar zla ba'i dkyil 'khor la tAM ljang gu bsams la/ de'i 'od zer gyis bla ma dang sangs rgyas la sogs pa spyan drangs te/ bla ma rdo rje sems dpa'i gzugs can du bsams nas/ yid las byung ba'i mchod pas mchod de/ me tog la sogs pa'i mchod pa sngon du 'gro bas/ mchod pa'i yan lag bdun rgyas par bya'o/ /dkon mchog gsum la skyabs su mchi/ /sdig pa ma lus so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang dge 'dun la/ /byang chub bar du bdag skyabs mchi/ /rang dang gzhan gyi don sgrub phyir/ /byang chub sems ni bdag gis bzung / /byang chub mchog gi sems ni bskyed bgyi zhing / /sems can thams cad bdag gis mgron du gnyer/ /byang chub spyod pa yid 'ong spyad par bgyi/ /'gro la phan phyir sangs rgyas 'grub par shog /ces brjod cing de dag gi don dran par bya'o/ /de nas tshad med pa bzhi bsgom par byas te/ byams pa dang snying rje dang dga' ba dang btang snyoms dag go /de'i rjes la chos thams cad stong pa nyid du bsgom ste/ oM swa b+hA wa shud+d+ha sarba d+harmA swa b+hA wa shud+d+hou0f85haM zhes brjod par bya'o/ /de nas pad+ma dang zla ba rang nyid kyi ngo bor bsam pa'i yi ge tAM las 'od zer 'phros pas snod bcud 'od du zhu nas tAM la thim pa'i bar dang de yang rim gyis zhu zhing thim nas thams cad stong pa nyid du bsgom mo/ /yang sngon gyi smon lam rjes su dran pas pad+ma dang zla ba'i gdan la tAM sngon por langs la/ de yongs su gyur pa las ut+pal ljang gur blta zhing / de las 'od zer phyogs bcur 'phros tshur 'dus yongs su gyur pa las bcom ldan 'das ma'i skur blta'o/ /de yang sna tshogs pad+ma dang zla ba'i gdan la zhabs skyil krung dang / phyag g.yas mchog sbyin par mdzad pa dang / g.yon ut+pa la'i sdong bu 'dzin pa/ rgyan thams cad kyis brgyan cing cha byad phun sum tshogs pa me long gi gzugs lta bur bsam par bya'o/ /de nas rang dang 'dra ba'i ye shes bstims la/ thal mo gnyis sbyar ba las gung mo gnyis rgyab tu mdzub mo'i rtser sbyar te/ yid kyis snying ga'i pad+ma la tAM ljang gu 'od zer 'bar bas don thams cad mngon par bsgrubs nas/ oM tA re tut+tA re tu re swA hA/ zhes bya ba'i sngags bzlas par bya'o/ /bsnyen pa ni 'bum phrag bcus 'grub par 'gyur ro/ /rigs pa dang yon tan gyi tshogs thams cad sdud par byed do/ /sgyu ma lta bu'i blos nam mkha' lta bur bsgom pa ni rim pa bzhin no/ /de las byung ba'i dge bas yongs su bsngos nas dge ba'i spyod pas gnas par bya'o/ /rje btsun 'phags ma sgrol ma'i sgrub thabs slob dpon chen po thams cad mkhyen pa'i bshes gnyen gyis mdzad pa rdzogs so/ / @##/ /rgya gar skad du/ Ar+ya tA ra sA d+ha nAM/ bod skad du/ 'phags ma sgrol ma'i sgrub thabs/ 'phags ma sgrol ma la phyag 'tshal lo/ /thog mar phyag 'tshal ba la sogs pa'i yan lag rnams byas la/ byams pa dang / snying rje dang /

CLOSE WINDOW