བོད་ཡིག

e-texts based on the ACIP/ALL Input

/ @##/ /rgya gar skad du/ o D+yan ka ma tA re de bI sA d+ha naM nA ma/ bod skad du/ u rgyan gyi rim pa'i sgrol ma'i sgrub thabs zhes bya ba/ bcom ldan 'das ma lha mo 'phags ma sgrol ma gnas chen gyi dbang phyug ma la phyag 'tshal lo/ /gsang ba'i rgyud du rdo rje'i tshig 'di gsungs/ /de kho na nyid rtogs dka' man ngag 'di/ /spros pa dang bral rnam par rtog med las/ /dang po nyid rjes langs te bshad par bya/ /nyam nga spangs pa'i sems kyis sa gzhir bris/ /maN+Dal byas te bdud rtsi lngas gang ba'i/ /thod pa rlung mes dag bsgom bdud rtsi 'bar ba yis/ /lus la khyab byugs phyi nang dag byas nas/ /'bol ba'i stan la rdo rje skyil krung dang / /ye shes phyag rgyas brtan pas rab 'dug nas/ /stong kyang snang ba'i 'gro gsum thams cad la/ / rmi lam sgyu ma dri za'i grong 'drar blta/ /snying nang mkha' dbus ye shes dri bral ba'i/ /zla ba'i steng du tAM yig 'od zer lnga/ /'bar ba 'phros te phyogs bcu'i sangs rgyas dang / /sgrol ma dang bcas thams cad grub pa rnams/ /kun nas ye shes sku can dran par bya/ /ye shes 'od zer dag gi phyogs bcu yi/ /sems can thams cad bla med byang chub ni/ /sangs rgyas sa la rab bkod mkha' dbyings dang / /'gro ba thams cad sgrol mar rab bltas te/ /ye shes mchod pas sna tshogs gnyis med mchod/ /dkon mchog gsum la skyabs su mchi ba dang / /sems can kun gyi don byas gsum po yis/ /dbye bas mi shes dang bcas sdig pa bshags/ /sdig las rnam grol myur du sangs rgyas shog /bdag nyid 'gro ba sangs rgyas sgrol ma dang / /snang ba'i yul rnams thams cad sgrol mar bya/ /rnam par rtog pa ma lus bcom pa yis/ /chos rnams rang bzhin stong zhing bdag med do/ /oM shU n+ya tA dz+nyA na badzra swa b+hA ba At+ma kou0f85haM/ nam mkha'i khams su zla ba'i dbus gnas pa'i/ /de la stong pa'i ye shes kyis mnan pa/ /zla ba'i dbus su tAM gi yi ge las/ / rdo rje rlung me g.yo ba'i rnam dag pa'i/ /ye shes byin brlabs sangs rgyas kun zhing gi /rnal 'byor rnal 'byor ma dang de bzhin gshegs/ /byang sems mgon po kun nas g.yo ba yi/ /ye shes rlung gi gnyis med yi ge la/ /thim pas ye shes ma lus thams cad mkhyen/ /de khengs 'dres las gyur pas bdag nyid dang / /'gro ba mtha' dag sgrol ma'i skur bskyed de/ /dmar dang sngon po ljang gu cung zad khro/ /dpa' bo zhi ba ser po steng gi zhal/ /thod pa'i phreng bas dbu brgyan ye shes lnga/ /rgyan rnams ma lus thams cad brgyan pa yi/ /rdo rje ral gri ut+pal rin po che/ /thod pa kha T+wAM dril bu Da ma ru/ /'dzin cing bde ba'i ye shes 'bras bu 'byung / /stag lpags sham thabs phyed krung gar gyis gnas/ /sna tshogs pad zla'i dkyil brtan snying rje khros/ /spyan gsum dmar bas kun la gzigs g.yon du/ /blta zhing rlung gi dkyil 'khor la gnas pa/ /zhing du spros pa mchog gi rnal 'byor ma tshogs dbus/ /'jug cing bde ba thams cad rab ster bzhugs/ /pu dzA o a go rA de mA kA o tri ko ka la kA hi pre gr-i sau su nA si ma ku/ yi ge nyi shu rtsa bzhi 'di dag kyang / / rnal 'byor ma gnas 'khor lo lus la dgod/ /rnal 'byor ma yi dbang phyug rab tu bsgrub/ /spyi bo spyi gtsug rna g.yon ltag khung du/ /rna g.yas smin mtshams mig dang lag gnyis la/ /de bzhin mchan khung gnyis gnas nu ma gnyis/ /lte ba sna rtse kha mgrin snying ga rnams/ /pho kha gsang gnas bshang lam de bzhin brla/ /rje ngar bol gong rkang mthil rkang sor dang / /pus mo rim bzhin 'di dag lus la dgod/ /de nas lha yi rim pa dgod par bya/ /dang po lha mo su ra te shwa ri/ gnyis pa su ra ta san+to ri/ gsum pa su ra ta tsan+d+ra/ bzhi pa su ra ta ma li ni/ lnga pa su ra ta b+hak+Shi dang / drug pa su ra ta ka mi ni/ bdun pa su ra ta u gra dang / brgyad pa su ra ta ut+ta ma/ /gnas dang nye ba'i gnas nas lha mo bsgom/ /rnal 'byor ma yi dbang phyug rab tu bde/ /dkar po ljang gu sngo ser kha dog bzhi/ / ser dkar dmar sngo kha dog de brgyad do/ /thod pa kha T+wAM dril bu Da ma ru/ /phyogs 'dzin brgyad po thod pa'i phreng ba dang / /rgyan rnams thams cad kyis brgyan khro bo yi/ /shi k+She b+hi ma shi khaN+DI dang bcas/ /ke rA li dza tra lI de bzhin du/ /u dra dzo trI de bzhin tsan+d+ri dang / /mauN+Di bi ka ta ut+ka ste bcas/ /ki ri Ti na rta ki kaM pu dzI/ /puk+ka sI Dom+bi nI ma taM ge ni/ /yongs bskor 'di dag zhing dang nye ba'i zhing / /tshan+do nye ba'i tshan+do 'du ba nye 'du ba/ /dur khrod nye ba'i dur khrod lha mo ni/ /bcu gnyis phyed dmar phyed ljang thod phreng gis/ /dbu rgyan sna tshogs rgyan ldan skra grol ba/ /cung zad bsgyings shing cod pan rnam snang ldan/ /thod pa kha T+wAM 'khor lo rdo rje bsnams/ /sgo skyong bzhi ni sna tshogs mdog can la/ /mche ba gtsigs shing g.yas brkyang g.yon bskum bzhugs/ /sna tshogs pad+ma nyi ma'i steng dbus na/ /mi bskyod pa yi dam tshig thor tshugs brgyan/ /thod pa kha T+wAM gri gug mi mgo 'dzin/ /sbrul gyi rgyan can bdud bzhi'i steng gnas pa/ /thams cad phyogs kyi gos can snying rje yis/ /dag pa bde ldan rin chen ye shes kyis/ /bdag pos spyi bor spras pa rnam par brgyan/ /bde chen dbang phyug lte ba'i dbus bzhugs pa'i/ /bzang zhing che ba'i sgrol ma rnal 'byor ma/ /dga' bde'i dbang phyug ma kun 'dab ma la/ /g.yon skor g.yas skor dbyings kyi dbang phyug ma'i/ /'gro ba'i bdag mo'i 'khor lo mang po ni/ /shi k+She nas bzung tsan+d+ra mtha' ma ni/ /nirti rkang stabs gar gyis bskor ba'o/ /sgo bzhi kaM bu la sogs g.yon skor gnas/ /spyi bo snying ga lte ba gsang ba brla/ /pus mo'i rim bzhin rang gi mtshan ma'i dbus/ /shin tu bzang ba ye shes lnga yi rigs/ / lus la dgod pa bruM hUM AM trAM khaM/ /rdo rje pad+ma 'khor lo la sogs dbus/ /sems la sogs pa'i mtshan nyid bkod nas ni/ /ye shes 'od zer gyis ni 'khor lo dgug /mnyam pa'i sems kyis mchod yon la sogs dang / /ye shes bdud rtsi lnga yi mchod yon gyis/ / mchod cing bstod nas ye shes bdag la zhugs/ /rang gi spros nas ye shes chu rgyun gyis/ /dbang bskur shin tu spros shing ye shes kyis/ /mchod pa spros nas sangs rgyas rnal 'byor pa/ /sems can mtha' dag sgrol ma'i gzugs su mthong / /bsgom par bya ba'i rnal 'byor ma yi bsgom pa yi/ /ngo bo mchog gi de nyid zhing rnams rim pa ltar/ /rnal 'byor ma yi man ngag dam tshig rim/ /bla ma'i rjes 'brangs bdag gis thob pa'o/ /bla ma'i zhabs kyi bka' drin las rtogs pa/ /ye shes rtogs pa'i bdag nyid ngo bos rtogs/ / ye shes rtogs pa'i dri bral ye shes med/ /rtog med chos kyi bdag med mnyam pa nyid/ /kha dog dbyibs dang yi ge rang bzhin med/ /ring med chos rnams kun gyi de kho na/ /mchog gi dkyil 'khor rnal 'byor ye shes gnas/ /de kho na yi bzlas pa mchog gi mchog / de ni rnal 'byor dbang phyug rab tu bsgrub/ /bdag gi de nyid bzang po rab grub pa'i/ /rnal 'byor ma yi dkyil 'khor 'di dag gi /ming gi yi ge dbus gnas thams cad la/ /dang po'i sa bon dang sbyar mtha' ma ru/ /hUM phaT sbyar bas sgo bzhi'i lha mo bsdus/ /de steng dzaHhUM baM hoHsbyar ba yis/ /dus rnams kun tu rnal 'byor bya ba'o/ /phyugs dag bsad nas g.yos byas lha bshos bzhin/ /rnal 'byor ma grogs bzang dang sgom pa po/ /rtag tu bza' dang bza' min de bzhin du/ /btung dang btung min bgrod bya bgrod min spyod/ /rnal 'byor ma tshogs dkyil 'khor 'di dag ni/ /sdig pas ma gos mnyam nyid brtan pa'i chos/ /rnal 'byor gong ma rnal 'byor ster gsang ba/ /shin tu gsang ba 'og ma'i gong ma 'di/ /sba zhing mi brjod skye ba 'di la 'grub/ /dge ba bcu dang tshangs pa'i gnas bzhi ldan/ /sbyin sogs mang po gtong ba'i snying stobs can/ /mchog dang mchog min gong du bsgom/ /ji ltar rigs kyi rim par son pa yi/ /gang la mos pa sna tshogs rnal 'byor ma/ /ri dgas gdan can sna tshogs pad nyi la/ /bdag nyid rje btsun sgrol ma'i gzugs 'dzin ma/ /sna tshogs mdog can zhabs bzhi brkyang bskum du/ /yang dag brtan bzhugs ljang gu ser po dang / /dmar po steng zhal g.yon dkar mche gtsigs zhal/ /thod pa zhal gyi steng gnas don grub kyi/ /dbu rgyan mi rus rgyan 'dzin skra grol ba/ /spyan gsum dmar bas mdzes pa'i gzugs can la/ /ral gri rdo rje gsor ba 'khor lo dang / /lcags kyu dril bu snying gar sdigs mdzub 'chang / /gri gug mi mgo mchog tu ut+pal thod/ /khaT+wAM ga 'dzin tshangs pa'i pags steng g.yogs/ /dbang phyug chen po khyab 'jug gi steng du/ /zhabs kyi pad+mar bzhugs shing thugs 'khrug pa/ /sngon du brjod pa'i dkyil 'khor dbus na bzhugs/ /rnal 'byor ma tshogs thams cad sna tshogs mdog /phyogs kyi gos 'dzin gsang ba sbas pa yis/ /gang gi dpal ldan rnal 'byor byang phyogs kyi/ /rim pa'i rim pa gong ma'i rnal 'byor mchog /brgyud pa'i rim pa thams cad bla na med/ /bsam gtan rnal 'byor ma snying bla na med/ /'dis ni bzang po'i las rnams thams cad byed/ /sbyangs pas sdig spyod spros med bsgom par bya/ /gang zhig rnal 'byor gang gis sa 'og dang / /sa steng sa bla ma lus phyi nang kun/ /lus kyi zhing gi ngo bo'i bdag nyid ni/ /gnas su ji ltar bde bar snying gar hUM/ /dpral steng oM dang spyi bor haM mig tu/ /hUM dgod lus kun haM phaT yan lag kun/ /lus kyi zhing gi ngo bo'i bdag nyid ni/ /mda' spro he ho hi haM phaT/ /snying ga dpral ba spyi bo mig lus kun/ /yan lag thams cad yan lag drug lus la/ /cho ga rim bzhin 'gro ba'i rim par dgod/ /yi dam lha yi ngo bo'i bdag nyid du/ /'gro ba thams cad bltas te srid pa las/ /sgrol ba'i sgrol ma'i bzlas bsgom de mchog yin/ /dur khrod shing gcig ri khrod gnas gzhi phug /mchod rten mtha' 'khob rnal 'byor ma yi gnas/ /smad 'tshong ma gnas lam dang rgyal po'i grong / /chu 'gram chen po'i drung dang rtags gcig pa/ /dbang phyug che gnas rdzing bu lteng ka'am/ /'jig rten mkha' 'gro ma yi gnas sam gang rung du/ /brtson pas gcig tu grogs med ngo bo'i bdag nyid du/ /yid dga' rnal 'byor brgyud pa zhing brgyud rigs brgyud pa'i/ /rnal 'byor ma yi bdag mo shin tu za/ /'khor lo brgyud pa ye shes brgyud pa bsgom/ /rim par brgyud pa bla ma'i rim brgyud pa/ /mi phyed byang sems ngo bo brtan pa 'di/ /legs par mi phyed nges pa'i shes pa yi/ /mi bden yul chos rnam par rtog pa spangs/ /lus ngag yid kyi rgyud las bsgom 'grub pa/ /spyi bo'i steng du zla ba'i dkyil 'khor gyi/ /steng na bdud rtsi lnga 'bab yang dag 'phro/ /gang zhig brtan pas oM yig bsgom par bya/ /mi phyed byas pa ji ltar rnal 'byor gyis/ /steng nas 'bab pa 'byung bar byed pa yi/ /'di yi rnal 'byor ma yi rnal 'byor gyis/ /rang gi ngo bo gzi brjid bcas pa dang / /kun nas sdug bsngal thams cad rnam spangs shing / /mchod gnas chen po rje btsun sgrol ma'i sku/ /bsam gtan de kho na nyid don phyug pa'i/ /dpal ldan rdo rje sems dpas gang gsungs pa'i/ /mchu la baM yig dag gi laM gyi lce la a bzhag ste/ / yid bzhin nor bu 'di mchog sdug bsngal thams cad 'phrog cing zhi/ /ye shes de nyid rang bzhin mthong ba 'di/ /gang zhig 'di bsgom rnal 'byor byang chub sems dpa' yi/ /grags pa chen pos zhi gsum 'grub par shog /lha mo sgrol ma'i rang bzhin rnal 'byor ldan/ /rdo rje gsang ba'i rgyud du sgrol ma yi/ /sgrub thabs gong du bris pa rdo rje'i tshig /sems can ye shes thob byed gang yin 'di/ /ma dad pa'am ma sbyin bya ba ngan pa dang / /chags can khro ba can min slob min bu la min/ /sdug bsngal blo can la min slob dpon gyis/ /gzhan la sgrub thabs 'di sbyin byang phyogs kyi/ /u rgyan nas 'ong bram ze'i gnas kyi nang / /zhing gi bu mo'i rnal 'byor ma tshogs rdo rje'i tshig de grub/ /bcom ldan 'das ma lha mo sgrol ma u rgyan gyi rim pa'i sgrub thabs rdzogs so// // mkha' 'gro ma rdo rje ldan mas gsungs pa'o/ /mahA A tsar+ya rat+na shrI'i slob ma paN+Di ta pa ra he ta dang / lo tsA ba nag tsho dge slong shes rab rgyal mtshan gyis bsgyur ba'o// @##/ /rgya gar skad du/ ba liM alpa bi d+hiH/ bod skad du/

CLOSE WINDOW