བོད་ཡིག

e-texts based on the ACIP/ALL Input

/ @##/ /rgya gar skad du/ maN+Da la a b+hi She ka ta bi d+hiH/ bod skad du/ dkyil 'khor du dbang bskur ba'i cho ga /rje btsun sgrol ma la phyag 'tshal lo/ /'od dpag med la phyag 'tshal lo/ /rdo rje 'chang gis gang gsungs shing / / bla ma'i man ngag las 'ongs pa'i/ /dkyil 'khor cho ga bshad par bya/ /bsnyen pa sngon du song ba yis/ /sa rnams sbyang sogs byas nas ni/ /khro bo chen po bzlas bya zhing / /cho ga shes pas dkyil 'khor bya/ /rab tu drag pa'i gsang sngags dang / /go cha srad bu 'khor lo dang / /dum gcig rdo rje ra ba dang / /rab 'bar me dang khro bos srung / /sa yi lha mo lhag gnas dang / /slob dpon khyod ni dgongs su gsol/ /byang chub snying po'i bar du ni/ /bla ma dam par gsol [(]'dabs [,]'debs [)]kyis/ /bdag gi bla ma mdzad du gsol/ /zhes pas maN+Dal dbul ba lan gsum mo/ /sems bskyed pa dang gso sbyong dang / /nyi shu bzhi yis sdom pa drug /so shing dor dang rmi lam brtag /ngan na 'bad pas de bzlog bya/ /srad bu mdung pa gsum ldan pa/ /gsang sngags bzlas pas lag g.yon la/ /legs par bcings te bsrung bar bya/ /sa gzhi bstar bar bcu phyed byugs/ /man ngag ldan pas thig gdab bya/ /dkar dang ser dang dmar dang ljang / /kun gyi nang rol nag por gnas/ /gru bzhi pa la sgo bzhi pa/ /rta babs bzhis ni rnam par brgyan/ /'dod yon la ni lha mo mdzes/ /dra ba dra phyed nyi zla dang / /me long rnga yab rin chen phreng / /pad+ma dur khrod rdo rje dang / /me 'od 'bar ba legs par bri/ /dbus su pad+ma ge sar 'bar/ /'dab brgyad kha dog sna tshogs pa/ /phyi rol 'bar ba'i 'khor lo ni/ /mdzes pa'i rtsibs bzang bcu gnyis pa/ / dbus su zla bar ut+pal dmar/ /'dab mar thod pa'am dril bu ni/ /dkar ljang sngo ser phyogs g.yon skor/ /ser dkar dmar sngo mtshams rnams su/ /g.yas su skor ba zla ba la'o/ /'khor lo'i rtsibs la 'khor lo ni/ /bcu gnyis zla bar gnas par bya/ /sgo bzhir gri gug rab 'bar ba/ /nyi ma'i gdan la gnas pa bri/ /bsam gtan gyis ni bsam gtan bsgom/ /phyi nang gsang bar bcas pa yi/ /mchod pa rim bzhin legs mchod bya/ /rdo rjes bltams par byas nas ni/ /slob mas gsol ba btab pa la/ /bla ma'i man ngag gis dbang bskur/ /nam mkhar thabs dang shes rab rnams/ /snyoms 'jug khu ba mi bskyod pa'i/ /dbur bzhugs rdo rje'i lam nas 'thon/ /shes rab pad+mar lhags gyur te/ /nam mkhar spros te dbang bskur ro/ /mi bskyod rang bzhin chu yis so/ /oM AHbadzra ud ka Tha a b+hi Shiny+tsa hUM/ su ra ta twaM haM/ /sangs rgyas rnams ni thams cad kyi/ /gsang ba gsum las byung ba yi/ /khams gsum kun gyis phyag byas pa/ /dbang bskur rdo rje chen po byin/ /cod pan rgyal ba lnga bstims te/ / mgo bo'i gnas lngar dbang bskur ro/ /oM badzra d+hA twI shwa ri a b+hi Shiny+tsa hUM/ oM sarba satwa badzri a b+hi Shiny+tsa brUM/ oM rat+na badzri a b+hi Shiny+tsa a/ oM d+harmA badzri a b+hi Shiny+tsa hrIH/ oM sarba bi shwa a b+hi Shiny+tsa trAM/ oM hUM trAM hrI aHsngags 'di dar dpyangs dpral bar bcings/ rin chen 'byung ldan gnas pas so/ /'od dpag med par gnas pa yis/ /sangs rgyas kun gyi rdo rje'i dbang / /di ring khyod la bskur bar bya/ /'di ni sangs rgyas thams cad de/ /shin tu grub phyir rdo rje zung / /zhes brjod gnas gsum reg ste sbyin/ /oM badzra a b+hi Shiny+tsa hri/ rta mchog tu ni gnas pa yis/ /oM badzra g+haN+Da a aHgr-i hi so se b+ha ga wan ma ye san+na ni hi to b+ha ba ti/ g.yon par yongs su gtad par bya/ /rtag par rdo rjes gnas pa yis/ /rdo rje dril bu mgor bzhag ste/ /oM badzra satwa s+t+waM a b+hi Shiny+tsA mi badzra a b+hi She ka ta/ khyod ni rdo rje che ge mo/ /me tog lhung ba'i rjes 'gror brjod/ /slob dpon dbang sogs brjod na yang / /kye yi rdo rje ji bzhin brjod/ /dkyil 'khor du dbang bskur ba'i cho ga bsdus pa pa ra he ta paN+Di tas sbyar ba rdzogs so// //kha che'i paN+Di ta saM g+ha shrI b+ha dra dang / 'jam dpal sgeg pa'i rdo rjes bsgyur ba'o// //[{Da}]oM tA re tut+tA re tsa la pra tsa la shI g+h+raM gA mi ni de ba tat+ta uts+tsha tra ya hUM/ 'di bya rog gi sgros lan sum cu rtsa gcig bzlas nas bsgrub bya'i sgo la sbas pas zhag bdun gyis skrod par 'gyur ro/ /sgrol ma'i gzungs kyis srin lag la lan bdun bzlas la/

CLOSE WINDOW