བོད་ཡིག

e-texts based on the ACIP/ALL Input

sgyu 'phrul chen mo'i dkyil 'khor gyi cho ga'i rim pa gsal ba zhes bya ba nag po spyod pa bas mdzad pa rdzogs so// //rgya gar gyi mkhan po kar+m+ma badzra dang / lo tsA ba dge slong gzhon nu tshul khrims kyis bsgyur ba'o// @##/ //spyi'i chos spyod bzhugs/ / @#/ /rje btsun spyan ras gzigs dbang phyug la phyag 'tshal lo/ /las dang po pa'i rnal 'byor pas/ byang chub tu sems brtan par gyur pas/ byang chub sgrub pa'i lam ma nor ba'i sgo nas 'jug pa'i thabs/ lus ngag yid gsum mi dge ba las bzlog nas/ dge ba'i chos spyod la 'jug pa'i rim pa ni dang por gnas yid du 'ong bar/ srog chags bsal ba'i sa la 'jim pa byas la/ maN+Dal gzhung bzhin du byas te/ oM badzra re khe hrIHzhes brjod cing / ba'i rdzas lngas 'og ma yang bya'o/ /de ltar maN+Dal byed pa'i dus su phan yon yang brjod par bya ste/ chur bcas lci ba sbyin yin te/ /skyong nul bya ba tshul khrims yin/ /grog mo sogs bsal bzod pa yin/ /bya ba brtson pa brtson 'grus yin/ /de rtse gcig pa bsam gtan te/ /ri mo snyoms pa shes rab yin/ /thub pa'i maN+Dal byas pas pha rol phyin drug 'di dag rnyed par 'gyur/ /lha mi khyad par can skye zla ltar gzi 'phags shing / /nad kun las grol gser gyi mdog dang 'dra bar 'gyur/ /rgyal rigs 'bru dang gser sogs 'byor pas gang bar skye/ /de nas lha mi mchog gi khyim du lus las bya/ /zhes brjod cing maN+Dal bya'o/ /de nas me tog dgram/ mchod pa dang gtor ma bsham/ lus kyi sgo dag par byas la/ stan bde ba la 'dug ste/ bdag nyid lhag pa'i lha gang yin du bsgoms la/ hUM gis lce dang lag pa byin gyis brlabs la/ /pad+ma'i bskor ba dang bcas pas rdo rje dril bu blangs te/ brla steng gnyis su bzhag nas/ hUM dang AHsa rdo rje dril bu byin gyis brlabs la/ de kho na nyid 'di brjod de/ hUM thog mtha' med pa'i sems dpa' ni/ /rdo rje sems dpa' de bzhin gshegs/ /kun du bzang po kun bdag nyid/ /rdo rje sems dpa' bdag po gtso/ /zhes brjod la rdo rje gsor zhing / /oM ma hA badzra hUM zhes brjod do/ /dril bu'i de kho na nyid 'di brjod do/ AHsrid pa rang bzhin dag pa'i phyir/ ngo bo nyid kyis gdod nas dag /rang bzhin dag pa'i sems dpa' yis/ /srid pa dam pa mchog tu byed/ /ces brjod la dril bu gsil zhing / oM badzra g+haN+De AHzhes brjod do/ /de nas oM badzra rak+Sha rak+Sha ku ru hUM phaT/ ces brjod pas bsrung bar bya'o/ /de nas mchod pa rnams kyi steng du hUM dkar po re re bsams la/ oM AHhUM/ zhes brjod pas hUM 'od du zhu nas/ bdud rtsi ru byin gyis brlabs la/ de nas bdag nyid kyi lha gang yin pa'i snying ga'i sa bon las 'od 'phros pas/ lhun gyis grub pa'i gnas nas sangs rgyas dang byang chub sems dpa' bsam gyis mi khyab pa bla ma dang bcas pa spyan drangs la/ mchod pa dngos su 'byor na dbul te/ oM badzra ar+g+haM pra tIts+tsha AHhUM/ zhes pas yon chab dbul/ oM pA t+yaM pra tIts+tsha AHhUM/ zhes pas zhabs bsil dbul/ oM any+dza mA ni pra tIts+tsha AHhUM/ zhes pas zhal bsil dbul/ oM pad+ma ka ma la pra tIts+tsha AHhUM/ gdan gyi'o/ /oM badzra maN+Dal pra tIts+tsha AHhUM/ maN+Dal gyi'o/ /oM badzra d+hU pe pra tIts+tsha AHhUM/ oM badzra puSh+pe pra tIts+tsha AHhUM/ oM badzra A lo ke pra tIts+tsha AHhUM/ oM badzra gan+d+he pra tIts+tsha AHhUM/ oM badzra nai bi t+ya pra tIts+tsha AHhUM/ oM badzra gI ti pra tIts+tsha AHhUM/ zhes pas mchod pa rnams phul la/ de nas yan lag bdun pa rnams bya ste/ na mo sangs rgyas dang byang chub sems dpa' bla ma dam pa dang bcas pa bdag la dgongs su gsol/ bdag gis 'khor ba nas 'khor ba'i tshe/ skye ba 'di dang skye ba gzhan dag tu/ sdig pa mi dge ba'i las ci bgyis pa thams cad mthol zhing bshags par bgyi'o/ /sangs rgyas dang byang chub sems dpa' dang / so so'i skye bo khyad par can gyi dge ba thams cad la yi rang zhing spro bar bgyid do/ /bdag bla na med pa'i byang chub kyi snying po la mchis kyi bar du/ thugs rje chen po'i bdag nyid can gyi sangs rgyas dang theg pa chen po'i chos ma lus pa dang phyir mi ldog pa'i byang chub sems dpa'i dge 'dun la skyabs su mchi'o/ /bdag bla na med pa'i byang chub tu sems bskyed par bgyi ste/ ji srid du sems can thams cad la phan pa dang / bde ba bsgrub pa'i slad du ji srid du mya ngan las 'das pa'i 'bras bu ma thob pa de srid du sems bskyed par bgyi'o/ /bdag gis theg pa chen po'i gsang sngags bla na med pa'i lam bsten par bgyi'o/ /bdag gi rnam par smin pa'i lus kyi dngos po 'di yang zhing gi rdul snyed du sprul nas mchod par bgyi'o/ /na mo bdag gi dge ba'i rtsa ba thams cad kyang bla na med pa'i byang chub chen por bsngo bar bgyi'o/ /de nas bstod pa bya ste/ sangs rgyas gtso la yon tan mchog mnga' ba/ /che dgus mchod cing yon tan sprin tshogs 'dus/ /go 'phang mchog brnyes ston pa chos char 'bebs/ /sangs rgyas dkon mchog de la phyag 'tshal 'dud/ /skyob pa'i chos la legs pa'i tshogs 'dus pa'i/ /shin tu phan dang bde ba nges mdzad gsung / /'khor ba rtag bde mya ngan mi 'da' ba'i/ /dam chos dkon mchog de la rtag phyag 'tshal/ /dge 'dun che la mthu rtsal rmad mnga' ba'i/ /bslab gzhi legs bcas brtson pa'i rnal 'byor pa/ /bdag gzhan don phyir sgrub pa'i lam zhugs pa'i/ /dge 'dun dkon mchog de la phyag 'tshal bstod/ /de nas gsang sngags dang gzungs sngags bzlas/ de nas mdo 'don/ bskor ba bya/ / gtor ma gtang / smon lam btab po/ /de nas spyan drangs pa'i lha rnams gshegs su gsol te/ mi dmigs par bsgom mo/ /mdo rgyud rtogs pa'i dgongs pa'i 'grel mdzad cing / /nyon mongs mi mthun phyogs spong thabs bstan nas/ /yon tan mchog rnams rgyud la sbyor mdzad pa/ /dus gsum bla ma rnams la skyabs su mchi/ /skye zhing skye ba dag ni thams cad du/ /blo ldan rigs bzang nga rgyal med pa dang / /snying rje che zhing bla ma la dad cing / /rtsa ba yan lag dam tshig la gnas nas/ /mchog dang thun mong dngos grub myur thob nas/ /'gro ba sems can rnams kyi don byed shog /spyi'i chos spyod slob dpon nag po pas mdzad pa rdzogs so// @##/ /rigs lnga mkha' 'gro'i bstod pa bzhugs/ @#/ /oM rje btsun he ru ka la phyag 'tshal lo/ /thabs dang shes rab bdag nyid can/

CLOSE WINDOW