བོད་ཡིག

e-texts based on the ACIP/ALL Input

/hUM dang / hUM dang / A dang / IM dang / uM dang / rIM dang / l-IM dang / aiM dang / auM dang / a rnams yin no// @##/ /rgya gar skad du/ yo ga am+ba ra no pi ka / bod skad du/ rnal 'byor nam mkha'i sgrub thabs/ shin tu dga' ba'i rdo rje la phyag 'tshal lo/ /rnal 'byor ma yi dra ba'i gtso/ /rnal 'byor nam mkha'i 'gro mgon la/ /dngos po kun gyis bdag phyag 'tshal/ /rtag tu gus pas bla ma la'ang / /gdan bzhi'i rim pa gsungs pa yi/ /bde ba'i sgrub thabs btus nas su/ /slob mas sngon du zhus nas ni/ /de yi bsnyen pa bdag gis bshad/ /de nas gdan bzhi pa'i rgyud kyi rim pas dbang bskur ba thob pa dang / bla ma la gus pa dang / zab mo'i chos la mos pa dang / sbyor ba'i rgyan gyis brgyan pa'i sgrub pa pos/ lha khang kun dga' ra ba la sogs pa gnas yid dga' ba'i phyogs su shin tu 'jam pa'i stan la 'dug nas dkyil 'khor gyi 'khor lo'i dbus su bzhugs pa'i rnal 'byor nam mkha'i bsnyen pa bya'o/ /de la dang por re zhig nyi ma'i lag mthil la ni yi ge a dmar po bsams nas/ dkar po la sogs pa'i lag pa'i sor mo la rim pas suM k+ShuM yuM hUM a sa bon las bskyed pa'i rdo rje rtse lnga pa bsgom par bya'o/ /de bzhin zla ba'i lag mthil la yi ge soM las zla ba'i dkyil 'khor la s+m+r+yuM/ d+h+m+r+yuM/ y+m+r+yuM/ k+Sh+m+r+yuM/ oM sa bon de dag gis sprul pa'i gi wang la sogs pa'i lag pa'i sor mo pad+mar rnam par bsgom par bya'o/ /de dag ni lag pa rnam par dag pa'i cho ga'o/ /de nas mgrin pa la yi ge hrIMHlas bskyed pa'i pad+ma 'dab brgyad lce'i 'dab ma la yi ge hUM gis rdo rje/ de'i bum pa la yi ge hUM bskyed cing bsgoms te/ oM badzra dzihwa saM brta ni hUM phaT/ sngags kyis byin gyis brlab pa'o/ /de dag ni lce rnam par dag pa'i cho ga'o/ /de nas nyi ma'i lag pa la dkar po dang ye shes sbyar nas yan lag brgyad la bkod pa'i bdag nyid du bya'o/ /spyi bo mig gnyis rna ba gnyis sna lce mgrin pa dpung pa gnyis snying ga lte ba/ oM badzra kA ya ho/ oM badzra wAka AH/ oM badzra tsit+ta hUM yan lag byin gyis brlab par bya ba'i cho ga'o/ /de'i 'og tu dung phor la sogs pa'i mchod yon gyi snod la/ oM pra tIts+tsha ar+g+haM hUM swA hA/ zhes bya ba'i sngags de phyag rgya dang bcas pas bdun gsum nyi shu rtsa gcig mngon par bsngags la gdab par bya'o/ /de'i phyag rgya ni rdo rje bcings pa las dri ma gsum dang dud pa bsgreng ba'o/ /de bzhin du rdo rje khu tshur bcings te dkar po dang ye shes sbyar nas pad+ma dang dung dang dud pa bsgreng ba'i tshul gyis phyag rgya des byin gyis brlab par bya ste/ oM pra ba ra sat+kA ra pra tIts+tsha swA hA/ zhes bya ba'i sngags des mchod pa'i zhal bsil gyi snod la sngags btab nas gzhag par bya ste/ de ni zhal bsil gyi snod byin gyis brlab pa'i cho ga'o/ /yang nye bar sbyor ba'i snod rnams la seng ge ma'i sngags dang phyag rgyas yongs su btab ste gzhag par bya'o/ /khu tshur gnyis bcings te dkar po dang gi wang lcags kyu'i tshul du byas la/ oM s+m+r+yuM swA hA/ de'i chus bsang gtor bya'o/ /sngags ni/ oM sarba saM sho d+ha ni hUM phaT de ni nyi shu rtsa gcig tu mchod pa'i sngags yan lag la chu gtor ba'i cho ga'o/ /de nas bdag bsrung ba dang bgegs bskrad pa'i don du phur bu gdab pa dang dra ba la sogs pa'i rim pa bya'o/ /zla ba nyi ma phyed nas su/ /ye shes rnam shes sbrel bar bya/ /ngang pa'i gshog pa'i tshul byas te/ /phyir bzlog snying gar gzhag par bya/ /sngags ni oM hUM phaT dang bcas pas bdag la go chas bsrung bar bya'o/ /bdag la bsrung ba byas nas su/ /nyi zla bcing ba byas nas su/ /dri ma gsum dang dud pa bsgreng / /nga ro hUM gi ldan byas nas/ /phyag rgya de ltar bcing bar bya/ /phyag rgya des ni phyogs bcings pa dang phur bu gdab pa dang dra ba dang ra ba dang kho ra khor yug bcings pa la sogs pa rim pa bzhin du bya'o/ /rdo rje khu tshur dam bcings te/ /dkar po gi wang bsgreng nas su/ /kun nas de nyid kha sprad nas/ /dud pa dri ma gsum bsgrengs nas/ /de ni rtag tu dbang bskur bya'o/ /spyi bo dang / dpral ba dang rna ba g.yas kyi steng dang ltag khung dang rna ba g.yon gyi steng rnams su rnam par snang mdzad dang / mi bskyod pa dang / rin chen 'byung ldan dang / snang ba mtha' yas dang / don yod grub pa rnams sku mdog dkar po dang / sngon po dang / ser po dang / dmar po dang / ljang gu rnams phyag rgya byang chub mchog dang / sa gnon dang / mchog sbyin dang / ting nge 'dzin dang / skyabs sbyin rnams dang ldan pas gnas go rims bzhin rgyan thams cad kyis brgyan zhing mdzes pa na bzas klubs par bsam par bya'o/ /sngags ni oM hUM a swA hA/ dbang bskur ba'i cho ga'o/ /rdo rje khu tshur dam bcings te/ dkar po gi wang bsgreng nas su/ /gnyis ka bzlog nas rtse sbyar sprad/ /rgyab dang snying ga'i cho ga bsrung / sngags ni oM tuM hUM swA hA/ oM hUM swA hA/ sngags de go rims bzhin du bcing ba dang lan gsum du bcing bar bya ste/ oM badzra tuSh+ya ho zhes bya ba'i sngags des thal mo lan gsum du brdabs nas dga' bar bya'o/ / de ni bdag bsrung ba'i cho ga'o/ /de nas ting nge 'dzin gyi phyag rgya bcas nas sems dpa'i skyil mo krung du 'dug ste mig sna rtse la bzhag nas dang po la 'og nas 'byung ba'i mtshan nyid dang ldan pa'i lha'i skus brgyan pa'i dkyil 'khor dmigs nas dri la sogs pas mchod par bya'o/ /de la sngags dang phyag rgya 'di yin te/ nyi ma'i lag pa phye nas su/ /dud pa dri ma gsum bsgreng ste/ /oM ar+g+haM pra tIts+tsha ar+g+haM hUM swA hA/ nyi ma'i lag pa brkyang nas su/ /dkar po ye shes sbyar bar bya/ /sngags la oM pra wa ra sat+kA ra pra tIts+tsha hUM swA hA/ ji ltar 'byung ba'i dkyil 'khor bsam byas te rim pa ji lta ba bzhin du me tog dang spos dang mar me dbul bar bya'o/ /yang na sngags dang phyag rgyas dri zhim pa la sogs pas mchod par bya'o/ /de ltar sngags dang phyag rgya sbyar bar bya'o/ /nyi ma'i lag pa brkyang bsgreng nas/ /dri yi phyag rgya dang por sbyar/ oM hUM swA hA/ dri'i sngags dang phyag rgya'o/ /dkar po ye shes legs sbyar ba/ /me tog phyag rgya rnam par bsgom/ oM suM swA hA/ me tog gi sngags dang phyag rgya'o/ /dung dang pad+ma bkug nas su/ /spos kyi phyag rgyar rab tu sbyar/ /oM A swA hI/ spos kyi sngags dang phyag rgya'o/ nyi ma rdo rje khu tshur la/ /mthe bong gyen du bsgreng bar bya/ /oM k+ShuM swA hA/ mar me'i sngags dang phyag rgya'o/ /nyi ma'i lag pa phye nas su/ /dbus kyi sor mo bsgreng bar bya/ /oM i swA hA/ lha bshos kyi sngags dang phyag rgya'o/ /phyag rgya de nyid las mthe bong bskyod cing / oM g+hu swA hA/ gtor ma'i sngags dang phyag rgya'o/ /de nas snying gar thal mo bzhag ste/ pad+ma bskor zhing bskor bas dkyil 'khor lngas phyag 'tshal lo/ /sngags ni oM na maHte hUM/ na ma me hUM/ na mo na maHhUM swA hA/ yang phyag 'tshal ba gsum pa'i sngags ni 'di lta ste/ pany+tsa DA ki ni pU dzo pas+thA na ya At+ma naM ni R+YA ta yA mi/ oM A tsaR+Ya pU dza u pas+thA na ya At+ma naM ni R+YA ta yA mi/ oM sa ka la satwa pa ri tra nA yA At+ma naM niR+YA ta yA mi/ sa ma ya s+t+waM/ sa ma ya hoH/ zhes lan gsum brjod do/ /de nas dkon mchog gsum la skyabs su 'gro ba la sogs pa bya ste/ sangs rgyas chos dang dge 'dun la/ /rtag par bdag ni skyabs su mchi/ /thams cad theg pa gsum la yang / /sbyor ba gsang ba mkha' 'gro dang / /dpa' bo dpa' mo dbang lha mo/ /byang chub sems dpa' dga' chen dang / /khyad par du yang slob dpon la/ /rtag tu skyabs su bdag mchi'o/ /bdag la dgongs shig thams cad kyis/ /rnam snang mi bskyod rin chen mchog /snang mtha' yas dang don yod sogs/ /sangs rgyas byang chub sems dpa' kun/ /che ge mo zhes bya ba dag /dus 'di nye bar bzung nas su/ /snying po byang chub thob pa'i bar/ /bla na med pa'i byang chub sems/ /mchog tu bdag gis bskyed par bgyi/ /ji ltar dus gsum mgon po yis/ /byang chub tu ni nges byas bzhin/ /tshul khrims rnam gsum bslab pa dang / /dge ba'i chos ni sdud pa dang / /sems can don bya'i tshul khrims kyang / /so sor bdag gis brtan por bzung / /sangs rgyas chos dang dge 'dun dang / /bla med dkon mchog gsum gyi mchog /sdom pa sangs rgyas 'byor bskyed pa/ /dang po de ring gzung bar bgyi/ /rdo rje dril bu phyag rgya yang / / so sor de bzhin nyid du bzung / /rdo rje chen po'i rigs mchog la/ /slob dpon nyid du gzung bar bgyi/ /dam tshig yid du 'ong ba la/ /rin chen 'byung ba'i rigs mchog la/ /nyin re bzhin du lan drug tu/ /sbyin pa rnam bzhi sbyin par bgyi/ /byang chub chen po 'byung ba yi/ / pad+ma chen po'i rigs dag la/ /phyi nang gsang ba'i theg pa gsum/ /dam chos so sor gzung bar bgyi/ /sdom pa thams cad dang ldan pa/ /ci ltar nus pa mchod pa'i las/ /las kyi rigs mchog chen po la/ /de bzhin nyid du so sor bzung / /bla na med pa'i byang chub sems/ / mchog tu bskyed pa byas nas su/ /sems can thams cad don byed phyir/ /sdom pa ma lus gzung bar bgyi/ /ma bsgral ba rnams bdag gis bsgral/ /ma grol ba rnams bdag gis dgrol/ /dbugs ma phyin pa dbugs dbyung ste/ /mya ngan las 'das la dgod par bgyi/ /zhes pa'o/ /de nas ting nge 'dzin gyi phyag rgya dang ldan pas gnas te sna'i rtse la mig bzhag nas/ rang gi snying ga'i 'od zer gyi phreng ba dang ldan pa'i yi ge k+ShuM rang gi lus dang 'jig rten gyi khams thams cad bsregs nas bdag gi sa bon tsam lus la mi snang bar byed par bsgom mo/ /oM swa b+hA ba shud+d+haHsarba d+harmA swa b+hA ba bi shud+d+hou0f85haM/ zhes bya ba'i sngags bzlas te chos bdag med par byin gyis brlab par bya'o/ /de nas chos kyi sku'i rgyu mthun par gyur pa'i longs spyod rdzogs pa'i sku bskyed par bya ba'i phyir rdo rje mkha' 'gro la sogs pa'i lha mo bzhis dbyangs kyis bskul bar byed par bsgom par bya'o/ /dza dza dza dza rdo rje sems dpa'i dngos grub bzhugs pa'i bdag po khyod/ /ha ha ha ha hUM yig mgon po dam tshig bdag po bdag phyag 'tshal/ /ba ba ba ba rdo rje sgrog gi gsang ba las byung sku 'dzin pa/ a a a a ho mgu ba'i rdo rje A li gcig tu thim par hUM/ de nas zla ba'i dkyil 'khor gyi tshul du bsgoms te dz+nyA na a haM zhes brjod par bya'o/ /yang de'i steng du sgra yig la sogs pa yongs su rdzogs pa gang la zla ba'i dkyil 'khor bsgoms nas de'i dbus su yi ge hUM de nas hUM las rdo rje/ /rdo rje'i lte ba la sa bon gyis brgyan par bsams te dam pa'i sngags brjod nas nga rgyal bya'o/ /oM badzra shud+d+haHsarba d+harmA badzra shud+d+hou0f85haM/ de nas rdo rje'i 'od zer 'phros pa las de bzhin gshegs pa thams cad kyi sku byung ste/ 'jig rten gyi khams thams cad du sems can gyi don byas nas slar yang de nyid la zhugs te sngags kyis nga rgyal bya'o/ /oM bar+d+ha na mo ya ha ho/ zhes bya'o/ /de nas mtshan kun yongs rdzogs pa/ /sems can don gcig dam par byed/ /zhal gsum de nyid phyag drug pa/ /dbyar gyi sprin dang 'dra ba'i 'od/ /spyan gsum bzhad dang khro ba dang / /ldem bag tshul dang yang dag ldan/ /sems dpa'i skyil mo krung gis bzhugs/ /thod pa'i dbu rgyan 'jigs byed pa/ /rgyal ba'i 'od zer spros pa'i sku/ /shes rab lus thogs ldan pa ste/ /rdo rje nu ma mda' dang ni/ /dril bu snod dang gzhu rnams te/ /sangs rgyas rnal 'byor nam mkha'i bdag / mgon po rgyas par bsgom par bya/ /de nas rnal 'byor nam mkha'i bdag nyid du nga rgyal bskyed pa'i sngags 'di brjod do/ /oM su b+ha bo baM a a A aM hUM swA hA/ de nas phyag rgya chen por gsal bar bsams te/ oM yo ga shud+d+haHsarba d+harmA yo ga shud+d+hou0f85ham/ yang rdo rje gsor nas sngags 'di rjes su dran par bya'o/ /oM dz+nyA na kA ya a haM/ de nas dam tshig gi phyag rgya dang sngags su ldan pas snying ga dang dpral ba dang spyi bor byin gyis brlab par bya'o/ /ye shes pad+ma kha sbyar te/ /sa yi gdugs dang rnam shes sbyar/ /gnyis ka lu gu rgyud bcings te/ /lhag ma rnams ni gyen du bsgreng / /dud pa dri ma gsum sprad de/ /rtse lnga rdo rje 'dzin zhes so/ /oM sarba ya hUM hUM sa ya ma traM a d+hi tiSh+Tha/ zhes sngags brjod par bya'o/ /de nas dkyil 'khor sprul nas sems can gyi don byed par bsams nas rdzogs par bya'o/ /sbyor ba dang po zhes bya ba'i ting nge 'dzin to/ /de nas yuM k+ShuM suM hUM rnams kyis rlung dang me dang chu dang sa rnams zla ba phyed pa/ gru gsum pa/ zlum po/ gru bzhi pa'i dkyil 'khor cho ga rim bzhin du bsgom mo/ /de'i dbus su hUM suM hUM gis rin po che sna bdun gyi dngos po'i ri rab chen po bsgoms te/ oM hUM swA hA/ zhes bya ba'i sngags kyis lag pa kha sbub ste rdo rje'i dngos po'i sa gzhir byin gyis brlab par bya ste/ ri rab rtse mor sngags de kho nas rnal 'byor nam mkha'i dkyil 'khor rin po che sna bdun gyi gzhal yas khang gi nang na gru bzhi dang sgo bzhi twa ra na bzhis brgyan pa ste dra ba dang dra phyed du brgyan pa'o/ / dril bu dang dra bas klubs pa'i sum rim la seng ge dang rma bya dang ngang pa'i rgyal po dang chu srin rnams kyis brgyan pa'i rgyal mtshan gyis sgo bzhi brgyan te grwa dang mtshams na zla ba rdo rjes brgyan pa'o/ /de'i nang na dbus na seng ge/ /shar phyogs su glang po che'i gdan/ byang phyogs su rma bya'i gdan/ nub phyogs su bya khyung gi gdan/ lho phyogs su king ka ra/ dbang ldan gyi mtshams su seng ge / me'i mtshams su rdo rje'i gdan/ bden bral gyi mtshams su ma he/ rlung gi mtshams su spyang ki rnams kyi gdan te/ de ltar re mig dgu'i gdan byin gyis brlabs par bya'o/ /sgo bzhi la ro'i gdan no/ /de'i phyi rol rdo rje'i phreng bas byin gyis brlab par bya'o/ /yang de'i phyi rol du 'khor lo zlum po de la lha kun gyi gnas/ pad+ma'i steng na zla ba'i gdan du byin gyis brlab par bya'o/ /de'i phyi rol du dkyil 'khor gyi snam bu la yang de kho na bzhin du pad+ma'i steng gi zla ba'i dkyil 'khor gyi gdan la 'jigs pa chen po'i ting nge 'dzin gyis dmigs par bya'o/ /de nas nam mkha' las babs te/ seng ge'i gdan la gnas nas gong ma bzhin du sngags kyis sangs rgyas rnal 'byor nam mkha' bsgom par bya'o/ /de nas rdo rje mkha' 'gro ma suM zhes bya ba'i snying pos phyung ste/ sems can thams cad byang chub tu sems bskyed pa dang / dkon mchog gsum la skyabs su 'gro ba la sogs pa skal pa ji lta ba bzhin du sbyar nas bsdu ba'i tshul gyis slar bsdus te/ mdun du glang po che'i gdan la rdo rje mkha' 'gro ma bsams te/ sku mdog dkar po phyag gnyis kha T+wAM ga dang rnal 'byor ma'i lhung bzed 'dzin pa/ spyan gsum pa skra sil bur btang ba sangs rgyas kyis dbu la brgyan pa/ glang po che'i pags pas smad g.yogs shing na ra tsa rmas stod g.yogs pa/ /glang po che'i gdan la nyi ma'i dkyil 'khor la rol pa'i skyil mo krung du bzhugs pa/ rdo rje mkha' 'gro ma'i bdag nyid bsgom par bya'o/ /suM badzra DA ki nI a haM/ zhes brjod par bya'o/ /de bzhin du k+ShuM zhes brjod pas drag mo'i mkha' 'gro ma spros te sems can kun la ma rig pa'i mun pa ye shes kyi mig can du byas te/ slar 'dus drag mo'i mkha' 'gro ma gser gyi mdog can sgra sgrogs nas mche ba gtsigs pa skra gyen du bsgril ba dang sangs rgyas lngas dbu brgyan pa/ rma bya'i gdan la phyed kyi skyil mo krung gis bzhugs pa/sbrul gyis brgyan pa kha T+wAM ga dang lhung bzed 'dzin pa me'i dkyil 'khor la gnas pa/ rdo rje mkha' 'gro ma bzhin du stod g.yogs dang smad g.yogs bsnams pa/ drag mo'i bdag nyid du bsgoms te/ k+ShuM gau rI DA ki nI a haM/ zhes byin gyis brlab par bya'o/ /de bzhin du yuM zhes brjod pas ro langs ma'i mkha' 'gro ma kun spros te sems can thams cad byang chub kyi lam la bkod nas slar log ste gcig tu gyur nas bya khyung gi gdan la sogs pa'i 'dug stangs kyis 'dug pa byi ru dang 'dra ba'i mdog gzhan rdo rje mkha' 'gro ma dang 'dra bar ro langs ma'i gzugs bsams te yuM be tA lI DA ki nI a haM/ zhes nga rgyal bya'o/ / de kho na bzhin du hUM zhes brjod pas snying ga nas spros pa'i tshul gyis gdol pa mo'i mkha' 'gro ma spros te sems can thams cad ji ltar 'dod don yongs su bskang nas slar log ste gcig tu gyur te/ gdol pa mo'i gzugs ji ltar sprul pa las bskyed pa la mnyam par gzhag ste/ sku mdog nag mo dang / skra dmar po sil bur 'dug pa/ pus mo'i skyil mo krung du 'dug pa/ thal mo sbyar ba spyi bor gzhag ste/ gzhan ni drag mo mkha' 'gro ma dang 'dra bar bsgoms te/ oM tsaN+Da lI DA ki nI a haM zhes nga rgyal bya'o/ /de bzhin du byang shar mtshams su ni s+m+r+yuM gis bskyed pa'i seng ge'i mdog can sku mdog dkar po dang ser po dang gos dmar po/ /phyag gnyis pa'i g.yas pa kha T+wAM ga gyen du bsgreng ba/ g.yon sdigs mdzub dang zhags pa 'dzin pa/ bdud thams cad skrag par byed pa/ seng ge'i mkha' 'gro ma seng ge'i gdan la rol pa'i skyil mo krung gis bzhugs pa bsgom par bya'o/ /de bzhin du shar lho'i mtshams na h+m+r+yuM gis bskyed pa stag mo sku mdog dkar ba dang nag mo gos dmar po g.yas pa na lcags kyu g.yon pa na zhags pa 'dzin pa/ gong nas gsungs pa'i gdan la zlum po'i skyil mo krung gis bzhugs par bsgom mo/ /de bzhin du lho nub mtshams su sa bon y+m+r+yuM gis bskyed pa'i ce sbyang ma spyang ki'i mgo can ma sku mdog dkar mo dang nag mo/ /gos dmar po dang / phyag gnyis kyis zhags pa dang dgra sta 'dzin pa gong du gsungs pa'i gdan la phyed kyi skyil mo krung gis bzhugs par bsgom mo/ /nub byang mtshams na sa bon k+Sh+m+r+yuM gis bskyed pa'i 'ug pa mo sku mdog dmar mo dang ser mo gos dmar po phyag gnyis la be con dang zhags pa/ gong du gsungs pa'i gdan la 'jo ba'i tshul du bsgom par bya'o/ /shar la sogs pa'i sgo bzhi la sa bon buM las mkha' 'gro ma/ sa bon paM las mar me ma/ /sa bon phroM las 'jib byed ma/ /sa bon phriM las 'phrog byed ma/ /bskyed de gong du gsungs pa'i gdan la sogs pa bzhin du gnas pa sku mdog dkar po dang ser po dang dmar po dang nag po dang / phyag gnyis khar bcug pa dang / spyi bor thal mo sbyar ba dang / kha dang snying gar lag pa gzhag pa dang / gtun shing 'dzin pa rnams te skra sil bur btang ba mkha' 'gro ma la sogs pa'i sgo srung snying ga nas spros te gzhag par bya'o/ /rdo rje phreng ba'i phyi rol na sa bon ha hoHhrIHlas bskyed pa/ /puk+ka sI dang / khro gnyer ma dang / gtum mo bdud rtsi'i snod phyag gis 'dzin pa rnams shar du dgod do/ /sa bon g+hi g+h+ra las bskyed pa drag mo dang / khrag 'thung ma dang / sha za ma rnams lcags kyu rnam pa lngas gang ba'i pad+ma'i snod 'dzin pa byang du dgod do/ /sa bon ku ru ku ru las bskyed pa'i khro mo dang / 'bar ma dang / 'jigs ma rnam gsum gtor ma'i snod phyag gis 'dzin pa nub tu dgod do/ /sa bon bat+tA lI las bskyed pa'i thod phreng ma dang / rdo rje ma dang / bum pa ma dang gsum dam tshig gi zas dang btung ba'i snod phyag gis 'dzin pa lhor dgod do/ /dbang ldan mtshams la sogs pa'i grwa bzhi la dbang ldan mtshams su sa bon lA s+ye hUM dang / su pri ya gan+d+he hUM gis sgeg mo dang dri chab ma bskyed/ dkur brten pa'i phyag rgya dang dri chab kyi snod 'dzin pa'o/ /me'i mtshams su sa bon hUM hoHdang sriM gis bskyed pa'i pi wang ma dang me tog ma bskyed de/ pi wang brdeb pa dang me tog 'thor ba'i mchod pa'i phyag rgya dang bcas pa'o/ /bden bral mtshams su sa bon hUM hUM hUM dang oM las bskyed pa dbyangs len ma dang spos ma bskyed de kha'i mdun du dkar po bskul ba dang spos phor 'dzin pa'i phyag rgya dang bcas pa'o/ /rlung gi mtshams kyi sa bon ni hUM nr-i t+ye hUM dang k+ShuM las skyes pa'i gar byed ma dang me mar ma ste/ /gar byed cing spyi bor thal mo sbyar ba dang mar me lag pas 'dzin pa'i phyag dang bcas pa'o/ /de dag kun kyang dri zhim pa'i me tog phreng bas brgyan pa/ bar gyi dkyil 'khor zlum po'i 'khor lo'i sngon du 'god par bya'o/ /de'i phyi rol gyi dkyil 'khor gyi shar sgo nas sa bon khe zhes pas ni khyab 'jug go/ /byang gi phyogs su oM zhes pas tshangs pa'o/ /nub sgo nas sa bon hUM zhes pas lha chen po'o/ /lho phyogs su sa bon mu mu zhas pas brgya byin no/ /dbang ldan gyi mtshams su sa bon mu mu zhes pas dbang ldan no/ /me'i mtshams na sa bon d+ha na a gre zhes pas nor lha ku be ra'o/ /bden bral mtshams na sa bon kha ni zhes pas 'byung po'i bdag po'o/ /rlung gi mtshams na sa bon bu phu zhes pas chu lha wa ru Na'o/ /shar gyi snam bu la oM guM a swA hA/ keng rus 'jigs byed do/ /oM guM a d+he swA hA/ kha T+wAM srin po'i'o/ /oM guM iM swA hA/ tshogs kyi dbang phyug go/ /oM guM i swA hA/ dril sna'o/ /de dag ni mkha' 'gro ma'i sku mdog dang mthun no/ /byang gi snam bu la oM tsu u swA hA/ gtum pa'i dbang phyug go/ /oM tsu u swA hA/ bdun pa'i lha mo'o/ /oM dzu re swA hA/ tshe ba'i dbang phyug go/ /oM dzu re swA hA/ sgra 'jigs byed do/ /de dag ni mar me ma'i sku mdog dang mthun no/ /nub kyi snam bu la oM tuM le swA hA/ 'dod pa'i bdag po'o/ /oM the le swA hA/ than de'i dbang phyug go/ /oM dum e swA hA/ cang te'u'i rda bzhag go/ /oM tuM e swA hA rnga chen 'jigs byed do/ /de dag na 'jigs byed ma'i sku mdog dang mthun no/ /lho'i snam bu la oM TuM la oM swA hA/ pi wang dbang phyug go/ /oM ShuM oM swA hA/ nga ro chen po'o/ /oM DuM aM swA hA/ mche ba gtsigs pa'o/ /oM DuM aM swA hA/ gzhu 'dzin pa'o/ /de dag ni 'phrog byed ma'i sku mdog dang mthun no/ /de rnams kyang phyag bzhi bzhi ste/ kha T+wAM ga dang b+han+d+ha dang lha mo la 'khyud pa dang dril bu 'dzin pa dang spyan gsum dang ldan pa'o/ /rgyan thams cad kyis brgyan pa/ thod pa'i phreng bas bcings pa ste/ de dag ni phyi rol gyi dkyil 'khor la'o/ /de ltar lha so so'i sngags re res rdzogs pa'i skad cig gis ting nge 'dzin gyis mngon sum du dam tshig gi dkyil 'khor gyi lha yongs su gang bar bskyed par bya'o/ /de yan chad ni dkyil 'khor rgyal po mchog ces bya'o/ /de nas nam mkha'i khams kun du de bzhin gshegs pa thams cad rang bzhin rdul phra rab kyi gzugs kyis sems can thams cad kyi don byed pa la sogs pa thams cad rtsom pa rnams kyi sngags dang phyag rgya'i rim pa 'di bya'o/ /til dang nas dang 'bras yos dang me tog dkar po dang dri chu dang bsres pa'o/ /'o mas gang ba 'byor pa gser la sogs pa yon chab kyi snod rang gi g.yon gyi glor gzhag ste sngags bzlas te sta gon la gnas par bya'o/ /rdo rje khu tshur gnyis bcings te/ /sa gdugs dang ni dkar po sprel/ /dkar po lcags kyu zhes bya ba'i dam tshig 'gugs pa'o/ /oM badzra aM ku sha dzaH/ zhes bya ba'i phyag rgya dang sngags kyis 'jig rten las 'das pa'i lha spyan drang do/ /rdo rje khu tshur gnyis bcings te/ /gi wang dri ma gsum bsgreng nas/ /dri ma gsum gyi tshigs gsum la/ /gi wang bkug nas gnas par bya'o/ /oM kaR+Sha ni hUM phaT/ ces bya ba'i phyag rgya dang sngags kyis 'jig rten pa'i lha thams cad dgug par bya'o/ /gong ma bzhin du mchod yon dbul bar bya'o/ /de nas rdo rje khu tshur gnyis bcings nas/ dkar po dang gi wang sbrel la/ oM s+m+r+yuM swA hA/ seng ge ma'i sngags dang phyag rgyas bgegs bskrad par bya'o/ /de nas rdo rje khu tshur gnyis bcings te/ rgyab dang rgyab tu yang sbyar nas/ /badzra s+pho Ta baM/ zhes lcags sgrog gi phyag rgya dang sngags kyis sgo bcing par bya'o/ /de nas ye shes mkha' 'gro ma'i dam tshig gi phyag rgya zla ba dang nyi ma kha sbyar nas pad+ma kha bye ba'i tshul du bya'o/ /oM tiSh+Tha A sa na hUM swA hA/ sngags dang ldan pas lha thams cad gdan la bzhugs par bya'o/ /de nas rim pa 'dis phyag rgya bzhi bstan par bya ste/ rang gi snying gar rdo rje rtse lnga pa bsams te/ oM yo ga ba ra dr-i sh+ya dzaHhUM baM hoHsa ma ya s+t+waM/ sa ma ya ho/ /pad+ma ye shes sbyar bar bya/ /sa yi gdugs dang rnam shes sbyar/ /gnyis ka lu gu rgyud du ni/ /lhag ma ba dan tshul du bya/ /dri ma gsum dang dud par sbyar/ /rtse mo lnga bor rdo rje 'dzin/ /snying po'i sngags te rnal 'byor nam mkha' byin gyis brlab pa'i sngags dang phyag rgya'o/ /oM hUM a swA hA/ rnal 'byor nam mkha'i dam tshig gi sngags so/ /de nas nyi ma zla ba'i snyim par byas te/ pad+ma'i tshul gyis rnam par phye bar bya ste/ oM AHhUM a swA hA/ shes rab kyi pha rol tu phyin pa'i sngags dang phyag rgya'o/ /sa gdugs rnam shes sbyar nas su/ /lhag ma rdo rje bzhin du bsgreng / /oM suM swA hA/ rdo rje ma'i sngags dang phyag rgya'o/ /phyag rgya de nyid gnyis bcings te/ gnyis ka rgyab gnyis sbyar bar bya/ oM k+ShuM swA hA/ drag mo'i sngags dang phyag rgya'o/ /khu tshur gnyis ni sbrel nas su/ /kha yi phyogs su dgrol bar bya/ /oM yuM swA hA/ ro langs ma'i sngags dang phyag rgya'o/ /khu tshur dam por gnyis bcings te/ /dkar po gi wang bsgreng nas su/ /rtse dang rtse mo sprad byas te/ /rin chen tshul du sbyar bar bya/ /oM hUM swA hA/ gdol pa mo'i sngags dang phyag rgya'o/ /mdun du lag pa gar byas nas/ /phyag rgya thams cad bcing bar bya/ /rdo rje khu tshur gnyis bcings te/ /dkar po gi wang sbrel bar bya/ /oM s+m+r+yuM swA hA/ seng ge ma'i sngags dang phyag rgya'o/ /de yi phyag rgya dam bcings te/ /dud pa dri ma gsum bsgreng ngo / /oM h+m+r+yuM swA hA/ stag mo'i sngags dang phyag rgya'o/ /de yi phyag rgya brtan bcings te/ /sa gdugs dang ni pad+ma sbrel/ /oM y+m+r+yuM swA hA/ ce spyang ma'i sngags dang phyag rgya'o/ /rdo rje khu tshur gnyis bcings te/ /phan tshun lan gsum gdab par bya'o/ /oM k+Sh+m+r+yuM swA hA/ 'ug pa mo'i sngags dang phyag rgya'o/ /nang gi lha mo dgu rnams mi snying po phyag rgya sngags bzhin du/ /zla ba'i lag pa phye nas su/ steng du nyi ma bstim par bya/ /oM shI g+h+raM swA hA/ byang phyogs kyi rnal 'byor ma rnams kyi sngags dang phyag rgya'o/ /rdo rje thal mo brtan bcings te/ /nyi ma zla ba rnam par phye/ /oM ku ru ku ru swA hA/ nub phyogs kyi rnal 'byor ma rnams kyi sngags dang phyag rgya'o/ /zla ba nyi ma phye nas su/ /rgyab dang rgyab tu sprad par bya/ /rtse mo gnyis ka kha sprad de/ /lha mo rnal 'byor ma gsum ste/ /oM pad+mA li bat+tA li hUM swA hA/ lho'i rnal 'byor rnams kyi sngags dang phyag rgya'o/ /rdo rje khu tshur gnyis bcings te/ sta zur gnyis su gzhag par bya/ /oM hUM swA hA/ sgeg mo'i'o/ /g.yon gyi lag pa phye nas su/ /'jigs pa rnam shes sbyar bar bya/ /nyi ma kun gyis bzung ba ni/ /dung gi phyag rgya ji bzhin du/ /oM suM pri ya gan+d+he swA hA/ dri chab kyi sngags dang phyag rgya'o/ /dbang ldan mtshams na'o/ /pi wang tshul gyis pi wang ste/ oM hUM hoHswA hA/ pi wang ma'i sngags dang phyag rgya'o/ /lag pa gnyis kyi thal mo ni/ /bskor zhing gyen du gtor bar bya/ /oM sriM swA hA/ me tog ma'i sngags dang phyag rgya'o/ /me'i mtshams na'o/ /rdo rje khu tshur bcings nas su/ /khu tshur bcings nas dkar po ni/ /bsgreng nas kha yi mdun du bskul/ /oM hUM hUM hUM swA hA/ dbyangs mkhan ma'i sngags dang phyag rgya'o/ /rdo rje khu tshur dam bcings te/ /mkhrig ma zla bas gzung bar bya/ /oM i swA hA/ spos me ma'i sngags dang phyag rgya'o/ /bden bral mtshams na'o/ /ye shes dkar po sbyar te spyi bor brkyang / /rnam shes gi wang sbyar te dku ru brkyang / oM su nr-i t+ye swA hA/ gar mkhan ma'i sngags dang phyag rgya'o/ /nyi ma khu tshur bcings nas su/ /ye shes gyen du bsgreng bar bya/ /oM k+ShuM swA hA/ mar me'i sngags dang phyag rgya'o/ /g.yas kyi sta zur mtshams su ni/ /zla ba'i lag pa brkyang bar bya/ /bsgreng nas g.yon gyi phyag na bsnams/ oM n+ye d+he swA hA/ rlung mtshams su'o/ /nyi ma'i lag pa khar bcug ste/ /ha ha gad sgrogs bzhad byed pa/ /oM phuM phu swA hA/ mkha' 'gro ma'i sngags dang phyag rgya'o/ /thal mo spyi bor bzhag pa ni/ /oM pheM phu swA hA/ byang gi 'bar byed ma'i sngags dang phyag rgya'o/ /yi dags thal mo khar bcug ste/ oM phroM phuM swA hA/ nub kyi 'jigs byed ma'i'o/ /zla ba'i khu tshur dam bcings te/ /rna ba'i rtsa la sbyar bar bya/ oM phriM phu swA hA/ lhor 'phrog byed ma'i'o/ /phyag rgya thams cad so so ru/ /snying po sngags dang sbyar bar bya/ /thams cad lha mo rnal 'byor ma/ /rdo rje sgrog gis brtan par bya/ /rdo rje khu tshur gnyis bcings te/ /rgyab dang rgyab tu sbyar bar bya/ /oM badzra s+phoT baM/ rdo rje lcags sgrog gi sngags dang phyag rgya'o/ /mda' bkang ba yi tshul du ni/ /rna bar mda' 'dren thugs bskul lo/ /oM khruM swA hA/ mda' 'dzin ba'i sngags dang phyag rgya'o/ /'khyud dang nu ma 'dzin pa ni/ /bdag gis lag pa gnyis kyis bzung / /oM su pri ya te me hUM swA hA/ nu ma 'dzin pa'i sngags dang phyag rgya'o/ /nyi ma'i lag pa phye bas te/ /dkar po ye shes sbyar bar bya/ / de yi dud pa la sogs bsgreng / /rdo rje phyag rgya bstan par bya/ /oM hUM swA hA/ rdo rje sngags dang phyag rgya'o/ /de nyid zla ba sbyar byas nas/ /dril bu'i phyag rgyar rab tu grags/ /oM aM swA hA/ dril bu'i sngags dang phyag rgya'o/ /snying gar nyi ma zla ba sbyar/ /pad+ma sa gdugs bskyod byas nas/ /gsang ba'i gnas su sbyar bar bya/ /A li'i phyag rgyar grags pa yin/ /oM A swA hA/ A li'i sngags dang phyag rgya'o/ /khu tshur byas nas oM bsgreng nas/ /oM khe swA hA/ shar gyi khyab 'jug gi'o/ /khu tshur snying gar skul byed cing / /oM aM swA hA/ byang gi tshangs pa'i'o/ /ba dan gsum ni gyen bsgreng nas/ oM hUM swA hA/ nub kyi drag po'i'o/ /zla ba gi wang bsgreng ba la/ /nyi ma'i lag phye nas su/ /de yi rtse mo kho na sbyar/ /oM mu mu swA hA/ lho'i gdugs 'dzin pa'i'o/ /khu tshur bcings nas dpral ba nas/ dud pa dkar po gshibs nas kyang / /oM mu mu hUM swA hA/ dbang ldan mtshams nas dbang ldan gyi'o/ /khu tshur gnyis ni gshibs nas su/ /dkar po gi wang bsgreng byas nas/ /rtse dang rtse ru kha sprad de/ /rin chen tshul du sbyar bar bya/ /oM nA dA gre hUM swA hA/ me'i mtshams na ku be ra'o/ /khu tshur byas nas dkar po bsgreng / /oM kha de ni hUM phaT/ bden bral gyi mtshams na 'byung po'i bdag po'o/ /rdo rje khu tshur gnyis bcings nas/ /dud pa dkar po bsgreng bar bya/ oM b+hur b+hu wa swA hA/ /rlung gi mtshams na ba ru Na'o/ /rdo rje khu tshur gnyis bcings te/ /dud pa dri ma gsum bsgreng nas/ /rtse dang rtse mo kha sprad de/ /sems ma rdo rje rab tu grags/ /phyag rgya de ni keng rus 'jigs byed la sogs pa rnams kyi thun mong du bstan pa'o/ /sngags ni rang rang gi sngags brjod de shes par bya'o/ /oM kuM a swA hA/ keng rus 'jigs byed kyi'o/ /oM khuM A swA hA/ kha dang srin po'i'o/ /oM guM i swA hA/ tshogs kyi dbang phyug gi'o/ /oM gaM I swA hA/ dril bu rna ba'i'o/ /oM tsuM u swA hA/ gtum mo'i dbang phyug gi'o/ /oM tshuM U swA hA/ bdun pa'i lha'i'o/ /oM dzuM ri swA hA/ tsha ba'i dbang phyug go/ /oM dzuM rIM swA hA/ hUM sgra 'byin byed do/ /oM tuM l-i swA hA/ 'dod pa drag po'i'o/ /oM thuM lI swA hA/ than le dbang phyug gi'o/ /oM duM e swA hA/ cang te'u'i phyi gzhag gi'o/ /om thuM ai swA hA/ rnga chen 'jigs byed kyi'o/ /oM tuM o swA hA/ pi wang dbang phyug gi'o/ /oM thuM au swA hA/ nga ro chen po'i'o/ /oM duM aM swA hA/ mche ba rnam par gtsigs pa'i'o/ /oM du aHswA hA/ gzhu 'dzin ma'i'o/ /de dag ni dam tshig gi phyag rgya yin no/ /chos kyi phyag rgya ni lha dang rang gi lce'i pad+ma'i 'dab ma la de'i dbus su rang gi sngags kyi yi ge rnam par bsgom par bya'o/ /de ni chos kyi phyag rgya'o/ /las kyi phyag rgya ni sngon bzhin du bcing ba gong ma dang 'dra ste/ lha dang rang gi thugs kar yi ge a las rdo rje rgya gram bsams te phyag mtshan med par 'ching ba ni las kyi phyag rgya'o/ /phyag mtshan de kho na phyag mtshan dang ldan par byas te/ rnal 'byor nam mkha' la sogs pa'i phyag rgya chen po yin no/ /de nas rnal 'byor nam mkha'i dkyil 'khor gyi lha rnams la sgeg mo la sogs pa mchod pa brgyad kyis rim pa bzhin du mchod de zla ba nyi ma'i lag pa phye ste/ dud pa dri ma gsum bsgreng ste/ phyag rgya des ni yon chab dbul lo/ /oM ar+g+haM pratIts+tsha ar+g+haM hUM swA hA/ yang me tog la sogs pas mchod do/ pra wa ra sat+kA ra pra tIts+tsha swA hA/ de nas gong ma bzhin du dri la sogs pas mchod de mchod pa nyi shu bas kyang rim pa 'dis mchod par bya'o/ /de la nyi shu 'di lta ste/ so so re re gar byas nas/ /sngon du sgeg pa la sogs pa bcing ngo / /de nas pi wang gi tshul dang / gling bu'i tshul dang / dung gi tshul dang / phyag 'tshal ba'i tshul dang / spang g.yab kyi tshul dang / rgyal mtshan gyi tshul dang / bla re'i tshul dang / 'phen gyi tshul dang / gdugs kyi tshul dang / rnga brdung ba'i tshul dang / rdza rda brdung ba'i tshul dang / rda pa Ta ha brdung ba'i tshul dang / gar byed pa'i tshul dang /dgod pa'i tshul dang / 'gying ba'i tshul dang / khro ba'i tshul dang / mda' 'phang pa'i tshul dang / rdo rje gsor ba'i tshul dang / nu ma 'tshir ba'i tshul dang / thal mo sbyor ba'i tshul lo/ /sngags ni kun la hUM sbyar bar bya'o/ /rdo rje de bzhin du ni gzung bya'o/ /dril bu chos su gzung bar bya'o/ /oM badzra g+haN+De ra Ni ta pra ra Ni ta saM pra ra Ni ta sar+b+ba bud+d+ha k+She tra pra tsa li te pra dz+nyA pA ra mi tA nA dA sra b+hA wa hUM hUM hUM hoH/ dril bu dkrol nas de dag la sogs pa'i mchod pa bya'o/ /dpal ldan sku gsung thugs las grol ba'i zhal gsum pa/ /'gying bag khro bo dgod pa de bzhin spyan yang gsum/ /klu dbang nor bu'i 'od mdog shin tu mdzes pa'i sku/ /phyag mtshan drug gis mtshan pa'i phyag mchog drug /kha T+wAM lhung bzed ral gri dgra sta rdo rje dril bu 'dzin/ /ha ha la sogs gang sgrogs dmyal ba'i lang ling gcod byed pa/ /thar par phyin pa'i srid pa'i rang bzhin skye ba'i mchog /ye shes mkha' 'gro ma khyod zhabs gnyis phyag 'tshal bstod/ /dpal ldan sangs rgyas mi gzugs mdzes pa'i sku mdog dkar po'i sku/ /byang chub sems kyi bdud rtsi dam pas gang ba'i snod 'dzin pa/ /mgon med sems can kun don dkon mchog gsum skyabs mdzad/ /rdo rje mkha' 'gro ma khyod zhabs la phyag 'tshal lo/ /dpal ldan rin chen spyi gzugs shin tu gser mdog sku/ /kha T+wAM bdud rtsi dam pas bkang ba'i lhung bzed 'dzin/ /sdug bsngal sems can mang po tshim par byed pa'i sku/ /drag mo mkha' 'gro ma khyod zhabs gnyis la phyag 'tshal/ /dpal ldan chos kyi spyi gzugs pad+ma rA ga'i mdog /kha T+wAM yar bsgreng drag mo'i ro can 'dzin pa po/ /kun 'gro la sogs srid pa'i 'ching ba gcod byed ma/ /ro langs mkha' 'gro ma khyod zhabs gnyis la phyag 'tshal/ / dpal ldan las kyi spyi gzugs mdog ljang don yod gzugs/ /kha T+wAM drag mo mi yi thod pa sar ba 'dzin/ /'dod pa'i nyon mongs srid pa'i 'ching byed gcod byed ma/ /gdol ba'i mkha' 'gro ma khyod zhabs gnyis la phyag 'tshal/ /dpal ldan seng ge ma dang stag mo ce spyang 'ug mgo ma/ /sdigs mdzub zhags pa dang ni dge ba'i lcags kyu dgra sta can/ /dmyal ba'i sdug bsngal mang po thams cad gcod mdzad ma/ /sprul pa'i sku rnams khyed kyi zhabs gnyis la phyag 'tshal/ /mkha' 'gro mar me 'jib byed 'phrog byed khyed rnams ni/ /mchog tu sa rnams srung bar byed pa drag po rnams/ /sdang ba gdul dka' gzhan gyi rig pa gcod mdzad ma/ /lha yi mkha' 'gro ma kun zhabs gnyis la phyag 'tshal/ /sgeg mo yid dga' yid 'ong phreng ba dbyangs len ma/ /gar sogs dbyangs sgrar gar gyi yan lag dgu/ /sna tshogs rnam bkod me tog mchog gi spos rno ba/ /ye shes snang ba mar me dri zhim zhing / /dpa' bo dbang mchog rnal 'byor ma yi 'khor lo ni/ /sbyor ba shin tu sbyor ba sbyor ba chen po la/ /lus ngag yid kyis chags pas nan tan drag tu ni/ /dpal ldan gsang ba'i gdan mchog mchod nas phyag 'tshal lo/ /dpal ldan de nyid rgyal po dam pa dbang phyug spyi gzugs kyis/ /dpal ldan gsang ba'i gdan mchog 'od zer rab 'bar ba/ /dpal ldan rdo rje dril bu dkrol sbyor de bzhin nyid/ /dpal ldan ye shes brten pa'i dbang phyug longs spyod 'dud/ /de ltar bstod pa byas nas dril bu dkrol bar bya'o/ /oM shud+d+ho ma ma hUM a a a aM swA hA/ de nas thams cad sbyor ba bzhi la sogs pa'i sbyor ba chen po'i bar du chos thams cad bdag med pa'i rang bzhin du bsgom par bya'o/ /ji srid mi skyo'i bar du'o/ /skyo bar gyur na gong ma bzhin du mchod pa thams cad kyis mchod nas rim pa bzhis gtor ma yang dbul bar bya'o/ /dang po dkyil 'khor mdun du byas nas phyag rgya 'dis dgug par bya'o/ /rdo rje khu tshur gnyis bcings te/ /rgyab dang rgyab tu sbyar bar bya/ /sa gdugs pad+mas dkris nas su/ /dkar po gi wang bsgreng bar bya/ /dkar po dgug nas 'dren pa ni/ /lha rnams dgug pa'i dam pa'o/ /dgug pa dam tshig gi phyag rgya dam pa'o/ /oM bat+tA li ma hA bat+tA li hUM hUM hUM swA hA/ dgug pa'i dam tshig gi sngags so/ /de nas yon chab dang khrus chab dbul lo/ /di dang me tog dang spos dang 'byor ba ji bzhin du bsten pa zas lcags kyu lnga la sogs pa dang / zan dang sran ma la sogs pa dang nya skam po dang byis skyu dang ldan pa'i gtor ma'i snod la lag pas reg pas sngags 'di bzlas pas gtor ma sbyin no/ oM shing gcig dang ni dur khrod dang / / ri brags dang ni phyugs kyi lhas/ /yul gyi mdo dang lam dang zhing / /khyad par du ni khyim stong dang / /snod dang thang dang sa steng dang / /khyad par gdol ba'i khyim gnas dang / /nag po drag po drag chen po/ /lha min mnyam du bsten pa dang / /nag po gtsigs byed 'jigs byed pa/ /dga' las 'das dang bgegs rgyal po/ /dga' byed ma dang drag mo dang / /'jigs byed ma dang u mas bstod/ /rgyal mo rnam par rgyal dbang mo/ /thub med gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang byed ma dang zla ba mo/ /nag mo sdang ba'i lam pa ki/ /'phrog byed ma dang me mar ma/ /'jigs byed yul gnas rnal 'byor ma/ /drag mo'i gzugs dang gzugs chen mo/ /mche ba gtsigs dang thod chen ma/ /kha T+wAM rdzu 'phrul chen mo dang / /ral gri dgra sta'i lag pa gang / /rdo rje de bzhin chu lag dang / /mkha' 'gro lnga yi de nyid che/ /las kun rjes su sgrub pa yi/ /sbyor ba'i dkyil 'khor rgya chen po/ /rdo rje'i dbang phyug de bzhin gtso/ /de bzhin gshegs pa'i sku chen po/ /gos med sbyor ba skyed byed ma/ /rdo rje dbang phyug ma yi bkas/ /thams cad thams cad dgug pa'o/ /oM kak+ka D+ha na bab+ban+d+ha na spyan drangs pa'i sngags dang phyag rgya'o/ /khakh+kha d+ha na hUM hUM hUM phaT phaT raM swA hA/ spyan drangs pa'i phyag rgya de nyid las dkar po dang gi wang bsgreng ba'o/ /oM bat+tA li bat+tA li hUM hUM hUM hoHswA hA/ dga' bar bya ba'i sngags dang phyag rgya'o/ /gtor ma'i snod bzhag ste rdo rje bcings te ral gri byug pa'i tshul du byas te/ oM a kA ro mu khaM sarba d+harmA NAM/ Ad+ya nut+pan+na twA ta oM guM swA hA/ sgeg mo la sogs pa'i mchod pas kyang mchod de bstod pa bya zhing dril bu dkrol bar bya'o/ /sems dpa' chen po dang po mchog/ /dga' ba chen po dga' ba che/ /kun du bzang po kun gyi bdag/ /rdo rje snying po gtso bo'i gtso/ /thugs kyi sems dpa' ting 'dzin mchog /rdo rje rdo rje chen po'i stobs/ /kun du bzang po'i spyod pa'i mchog /bdud dang bdud ni rab 'joms pa/ /kun gyi khro bo khro chen po/ /sangs rgyas sangs rgyas chos skyes sogs/ /rdo rje hUM byed hUM byed pa/ /'jig rten dbang phyug nor bu sbyin/ /chags pa chen po bde ba che/ /'dod pa thar pa nor chen po/ /srid gsum 'jig rten gsum gyi mchog /'jig rten gsum mchog khams gsum la/ /mi g.yo rab mchog mi gsal ga / shin tu phra ba rab 'dus pa/ /g.yo dang rab mchog thob pa yi/ /srid dang 'khor ba dag byed pa/ /thog ma med pa tha med pa/ /'dod chags dag pa ting 'dzin mchog /sna tshogs 'dod chags dbang phyug che/ /nam mkha'i mtha' las rtag pa'i don/ /'byung ba chen po kun gyi gzhi/ /longs spyod dpal gyi rgyal po gtso/ /'dod pa thams cad rdzogs byed pa/ /phyag 'tshal bstod de phyag 'tshal bstod/ /gus pas khyod la phyag 'tshal lo/ /rdo rje sems dpa' rab grub bstod/ /bdag gis cho ga ma tshang ba rnams ni bcom ldan 'das la bzod par gsol/ /khyod kyis sems can don kun mdzod/ /dngos grub gsol nas ci bder gshegs/ /sangs rgyas yul du gshegs nas kyang / /slar yang 'dir ni gshegs su gsol/ /phyi rol lha rnams kyang se gol gsum dang sngags 'dis gtang bar bya'o/ / oM gats+tsha gats+tsha hUM swA hA/ ji ltar sprul pa'i dkyil 'khor rnams rang gi dbugs kyis drangs nas/ rang gi lus la zhugs te/ rang gi gnas la dgod par bya'o/ /'di lta ste spyi bo mig dang rna ba dang sna dang / lce la go rims bzhin du drag mo'i mkha' 'gro ma dang / gdol pa'i mkha' 'gro ma dang / ro langs ma'i mkha' 'gro ma dang / rdo rje mkha' 'gro ma rnams dgod do/ /seng ge ma dang / /stag mo dang / /ce spyang ma dang / 'ug pa ma rnams go rims bzhin du mgrin pa dang / dpung pa gnyis dang snying ga dang / /lte ba rnams la dgod do/ /sgo ba bzhi ni brla g.yas g.yon dang rje ngar la'o/ /puk+ka sI la sogs pa go rims bzhin du lce'i thig le'i steng du puk+ka sI la sogs pa bstim par bya'o/ /brang la sogs pa'i yan lag lnga la ni drag mo la sogs pa bstim par bya'o/ /kha'i gnas su byin gyis brlabs nas gtum mo la sogs pa bstim par bya'o/ /so'i phreng ba dang lce la yang thod phreng ma la sogs pa bstim par bya'o/ /de dag gi bdud rtsi la sogs pa'i snod ni lus la byin gyis brlab par bya'o/ /'jig rten gyi lha tshangs pa dang khyab 'jug la sogs pa ni ba spu'i bu ga dang rkang pa la sogs pa la go rims bzhin du thim/ keng rus 'jigs byed la sogs pa'i byang chub sems dpa' bcu drug ni rnal 'byor nam mkha'i dbugs dang 'od zer la thim par bya'o/ /snying gar sgeg mo/ nu ma'i bar du dri chab ma'o/ /mgrin pa la pi wang ma'o/ /mgo bo la me tog ma'o/ /so'i phreng ba gnyis la dbyangs ma'o/ /gsang bar spos me ma'o/ /dpung pa gnyis por gar byed ma'o/ /mig gnyis la mar me ma'o/ /gzugs kyi rnam pa'am ngo bo nyid du rnam par bsam/ dngos po thams cad kyi ngo bo rnal 'byor nam mkha' bdag go zhes nga rgyal gzung bar bya'o/ / bsrung ba dgod pa dang / /dbang bskur ba dang / /go cha bgo byas nas rdo rjer pa la sogs pa bsams nas gzhag par bya'o/ /nyal ba dang / 'dug pa dang / 'gro ba dang / 'greng ba dang / rtag tu shin tu mnyam par gzhag nas lha dang bdag gi sbyor ba bsgom/ /de dag ni shin tu sbyor ba zhes bya'o/ /de nas longs spyod rnal 'byor pa bzhin du ji snyed dam tshig gi rdzas de dag gis tshogs kyi 'khor lo'i zas rim par mchod pa 'dis bya'o/ /yi ge k+ShuM gis dga' bar bya ba dang / /yi ge yuM gis dag par bya ba dang / yi ge hUM gis mkhregs par bya ba dang / yi ge suM gyis bdud rtsir bya'o/ /yi ge hUM gis ro mnyam por bya ba dang / pad+ma'i snod la bzhag la nyi ma'i lag pa la bdud rtsi'i snod bzhag nas/ /zla ba'i lag pa'i mthe bong dang srin lags dang ri rab tu bsgom/ /oM haHhoHhrIHsa bon gyi sku gsung thugs gzugs dang dri dang ro dang dpa' bo lha gsum gyi bdag nyid gzung 'dzin spangs pa'i rang bzhin dkyil 'khor gyi lha re re'i 'khor lo la mthe bong dang srin lag gis 'thor 'thung sbyin par bya'o/ /de nas mchod nas phyag byas te de nas rang gi lus la gnas pa'i lha dang 'khor lo'i lha ji ltar dga' bar tshim par bya'o/ /de kho na bzhin du tshogs kyi 'khor lo'i go cha la yang sbyor ba gsum gyi rang bzhin lha'i sbyor ba la gnas nas tshogs kyi 'khor lo la mchod par bya'o/ /'di lta ste dpral ba dang spyi bo dang lce'i rtse mo la thig le gsum byin nas ji ltar bde bar bya'o/ /de ltar mngon sum du dga' ba yul gyi mchod pa rnams kyis/ de bzhin gshegs pa rnams la mchod nas/ /yongs su rdzogs pa la gong ma bzhin du me tog la sogs pas rdzogs par bya'o/ /de'i 'og tu lhag ma'i gtor ma sbyin par bya'o/ /tshigs bcad bzlas nas gtang bar bya'o/ /tshigs bcad ni 'di lta ste/ /oM bat+tA li bat+tA li tshe/ oM ku ru ku ru bat+tA li ma hA bat+tA li swA hA/ dur khrod nag mo dngos grub zhal/ /gtum mo 'jigs byed yi dags la/ /dam tshig srin mo khrag dga' ma/ /kI li kI li sgra sgrogs ma/ /dur khrod ro yi tshal dbus su/ /tshogs dang pho nya bcas pa ru/ /'jig rten gtum mo dud sol ma/ /gsol cig bzhes shig dam tshig ma/ /gnas nas dbang du mdzad du gsol/ /tiSh+Tha sid+d+hi ku ru hu tu oM phroM ha gri ha sarba duSh+TA phuM pheM phroM phriM phaT swA hA/ rdo rje dam pa bcings nas su/ /dkar po gi wang bsgreng nas su/ /gnyis ka rtse mo bkug nas ni/ /kha yi 'gram du gzhag par bya/ /lhag ma'i gtor ma byin gyis brlab/ /dud pa sol ba zhes bya ba'i sngags dang phyag rgya'o/ /bcom ldan 'das rnal 'byor nam mkha' dang ye shes mkha' 'gro ma'i sgrub thabs/ /slob dpon chen po rnam par rgyal ba'i dbang po'i sdes mdzad pa rdzogs so//

CLOSE WINDOW