བོད་ཡིག

e-texts based on the ACIP/ALL Input

/ @##/ /rgya gar skad du/ shrI tsa tuHpI Tha sA d+hA no pi ka /bod skad du/ dpal gdan bzhi pa'i sgrub pa'i thabs/ thugs rje chen po 'phags pa spyan ras gzigs dbang phyug la phyag 'tshal lo/ /dngos dang dngos med ngang las dpe mtshan ldan/ / de las 'gro ba'i don mdzad la btud de/ /bcu dang gsum po mngon du bya ba'i thabs/ /rgyud na mi gsal bsdus te bri bar bya/ /de la re zhig slob dpon bum pa dang gsang ba'i dbang thob cing / rig pa nges pa des/ mchog dang thun mong gi dngos grub thob par bya ba'i phyir 'jug par bya'o/ /yid du 'ong ba'i sa phyogs kyi/ /gnas dag tu ni bsten nas su/ /bla re dag ni bre bar bya/ /sna tshogs gos ni dpyangs nas su/ /ba dan rgyal mtshan bsgreng bar bya/ /g.yer ka dra bas mdzes par bya/ /gnas bcu dag ni kun du yang / /de bzhin dri yi dkyil 'khor bya/ /mnyam med sems kyi dri yis ni/ /gru bzhi par ni byug par bya/ /lus la ste'u 'jog tsan+dan byug /sems ni mnyam par gnas pa ste/ /bzod pa'i me tog rnal 'byor pas/ /'bad dang ldan pas dgram par bya/ /mnyam nyid bsgoms pa'i bdug pa yis/ rang bzhin dag pas bdug par bya/ /shes rab mar me'i snang ba ste/ /khams gsum gyi ni mun pa rnams/ /mar me 'di yis bcom nas su/ /ci ltar 'dod bzhin snang bar bya/ /mchod pa dgram par byas nas kyang / /bde ba'i stan la 'dug nas su/ /oM badzra prA ka ra hUM phaT/ lag g.yon thal mo phar bstan te/ /g.yas pa khu tshur rgyab sbyar nas/ /dbang ldan phyogs tshogs bskor bar bya/ /ra ba'i sngags dang phyag rgya'o/ /lag pa gnyis ni brkyang nas su/ /phan tshun chen mor reg par bya/ /oM rdzu swA hA/ dra ba'i sngags dang phyag rgya'o/ /g.yon pa khu tshur bcings nas su/ /mthe bong 'og tu brkyang par bya/ /oM bruM swA hA/ phur pa'i sngags dang phyag rgya'o/ /rnam par dag pa dang phan yon ni rgyud las shes par bya'o/ /rang gi snying ga'i zla dbus su/ /sa bon hUM gi 'od zer gyis/ /bla ma sangs rgyas snang byas la/ /tshigs bcad 'di ni brjod par bya/ /bdag ming 'di zhes bgyi ba ni/ /bla ma'i zhabs lham la phyag 'tshal/ /mkha' 'gro ma rnams la yang 'dud/ /sangs rgyas rnams la skyabs su mchi/ /'od zer de las byung ba yi/ /lha mo lag na spos la sogs/ /thogs pas mchod pa byas par bsam/ /sdig pa bgyis dang bgyid du stsal/ /rjes yi rang ba so sor bshags/ /sangs rgyas byang chub sems dpa' dang / /nyan thos rang rgyal ma lus dang / /'jig rten dge ba'i rtsa ba la/ /kun nas bdag ni yi rang ngo / /chos kyi 'khor lo bskor bar 'tshal/ / mya ngan mi 'da' bzhugs su gsol/ /dus 'di nas ni sangs ma rgyas/ /bar du lam ni bsten par bgyi/ /bdag gi lus kyang dbul bar bgyi/ /bdag ming 'di zhes bgyi ba ni/ /dus 'di nas bzung ji srid du/ /byang chub snying por mchis kyi bar/ /ji ltar dus gsum mgon po rnams/ /yang dag byang chub nges mdzad pa/ /de bzhin bla med byang chub sems/ /dam pa bdag gis bskyed par bgyi/ /sangs rgyas rnal 'byor skyes sdom pa/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te mchog tu bzung / / bslab pa yi ni tshul khrims dang / /dge ba'i chos ni bsdu ba dang / /sems can don ni tshul khrims gsum/ /bdag gis so sor brtan por gzung / /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bya zhing / /slob dpon dag kyang bdag gis gzung / /rin chen rigs mchog rnal 'byor gyis/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi stsal bar bgyi/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba'i theg pa gsum/ /dam chos rab tu gzung bar bgyi/ /las kyi rigs mchog mthon po la/ /mchod pa ci nus bgyi ba dang / /sdom pa thams cad ldan par bgyi/ /bla na med pa'i byang chub sems/ /dam pa de ni bskyed bgyi zhing / sems can kun gyi don gyi phyir/ /sdom pa ma lus gzung bar bgyi/ /ma bsgral pa rnams bsgral ba dang / /ma grol ba rnams bdag gis dgrol/ /dbugs ma phyin pa dbugs dbyung zhing / /'gro kun mya ngan 'das la dgod/ /byams dang snying rje dga' ba dang / /btang snyoms bzhi po bsam par bya/ /de nas hUM gi me lce yis/ /snod bcud thams cad stong par bsgom/ /oM swa b+hA wa shud+d+haHsarba d+harmaHsab+hA wa shud+d+hou0f85haM/ mnyam nyid stong par bsams nas su/ /de yi dbus su bltas nas kyang / /der ni mtshan ma brtag par bya/ /mar me'i 'od kyis zhi ba ste/ /dmar po rdul gyis rgyas pa'o/ /nyi ma'i dkyil 'khor ltar snang ba/ / chags pa la sogs 'grub par 'gyur/ /mthar ni du ba nag mthong na/ /mngon spyod du ni rab tu grags/ /rlung gi mdog ltar 'khrug pa yis/ /de yi mod la bsgrag par 'gyur/ /zla ba dkar po'i 'od zer ltar/ /thams cad du ni dkar mthong na/ /rnal 'byor 'grub par shes par bya/ /blo ldan 'gro ba'i yang dag gnas/ de yi nang du bsam pa ni/ /yuM las rlung gi dkyil 'khor bskyed/ /k+ShuM las me yi dkyil 'khor bsam/ /de steng suM las chu rang bzhin/ /hUM las gser gyi sa gzhi dang / /ri rab chen po bsam par bya/ /de steng hUM las gzhal yas ni/ /khang pa brtsegs pa bsam pa ste/ /gser las byung ba'i grong khyer mchog /rin chen bdun po rnams kyis spras/ /g.yer ka'i dra ba'i phreng ba dang / /dra ba dra phyed sogs pas brgyan/ /dbus dang phyogs bzhir seng ge'i gdan/ /nyi ma'i dkyil 'khor gyis brgyan par/ /'byung po glang po me mtshams su/ /rin chen bum pa gang ba'o/ /bden bral du ni ma he'i gdan/ /sbrul gyi gdan ni rlung mtshams su/ /sgo bzhir yi dags gdan dgod bya/ /dbus kyi nyi ma'i gdan steng du/ /rang gi dbugs las byung ba yi/ /hUM las rdo rje rtse lnga pa'o/ oM badzra shud+d+haHsarba d+harmA badzra shud+d+hou0f85haM/ de las ye shes mkha' 'gro bskyed/ /sems dpa' yi ni skyil krung can/ /skra grol bas ni g.yogs pa ste/ /sangs rgyas lnga yis mdzes par byas/ /kha dog sngon po drag chen mo/ /sbrul gyi rgyan gyis rnam par klubs/ /bzhad dang khro dang sgeg pa yis/ /zhal gsum po ni spyan gsum mo/ /ha har bzhad cing 'jigs pa ste/ /na bza' dmar pos shin tu mdzes/ /kha T+wAM gyen du bsgreng ba dang / /gnyis pa na ni dgra sta nyid/ /gsum pa na ni rdo rje thogs/ /g.yon pa dril bu sgra sgrogs shing / /gnyis pa na ni snod nyid de/ /gsum pa de bzhin ral gri 'phyar/ /'od zer sna tshogs 'phar ba ru/ /dbus su mkha' 'gro ma bsgom bya/ /oM yo ga shud+d+haHsarba d+harmA yo ga shud+d+hou0f85haM/ ye shes kyi ni shar phyogs su/ /bdag gi chu las byung ba yi/ /suM las rdo rje mkha' 'gro bsgom/ /kha dog dkar po shin tu mdzes/ /skra grol bas ni rnam par klubs/ /phyag gnyis sems dpa'i skyil krung can/ /rgyan rnams kun gyis rnam par brgyan/ /phyag na kha T+wAM rnal 'byor snod/ /shin tu mdzes pa'i na bza' klubs/ /'od zer sna tshogs 'bar ba'o/ /ye shes kyi ni byang gi shar/ /bdag gi me las byung ba yi/ /k+ShuM las byung ba'i drag mor bskyed/ /kha dog ser mo shin tu mdzes/ /sems dpa' yi ni skyil krung bcas/ /skra grol bas ni brgyan pa ste/ /sbrul gyi rgyan gyis rnam par klubs/ /sku la na bza' mdzes pa mnabs/ /phyag gnyis kha T+wAM rnal 'byor snod/ /ye shes kyi ni nub phyogs char/ /bdag gi rlung las byung ba yi/ /yuM las mkha' 'gro ro langs ma/ /phyag gnyis sems dpa'i skyil krung can/ /kha dog dmar po kun du 'od/ /kha T+wAM rnal 'byor snod bsnams shing / /skra grol bas ni mdzes pa ste/ /lus kun sprul gyi rgyan gyis brgyan/ /shin tu mdzes pa'i na bza' gsol/ /'od zer sna tshogs 'bar bar bsam/ /ye shes kyi ni lha yi char/ /sa yi ye shes las byung ba'i/ /hUM las mkha' 'gro gtum mo bsgom/ /sems dpa' yi ni skyil krung can/ /kha dog sngon po shin tu mdzes/ /kha T+wAM rnal 'byor snod bsnams shing / /rgyan rnams kun gyis klubs pa ste/ /skra grol bas ni shin tu mdzes/ /ha har dgod pas 'jigs par mdzad/ /'od zer sna tshogs 'bar ba'o/ /dpal ldan gyi ni phyogs kyi char/ /seng ge'i gdong ni bsam bya ba/ /kha dog dmar zhing ser ba ste/ /glang po yi ni stan la bzhugs/ /rdo rje lcags kyu sdigs mdzub can/ /shin tu mdzes pa'i na bza' gsol/ /'od zer sna tshogs 'bar ba yis/ /'bar ba'i lus can bsgom par bya/ /me mtshams bstab mo zhes bya ba/ /rin chen bdun gyi stan la bzhugs/ /phyag gnyis kha dog dkar zhing sngo/ /shin tu mdzes pa'i na bza' gsol/ /phyag na lcags kyus brgyan pa ste/ /g.yon pa sdigs mdzub zhags pa can/ /'od zer sna tshogs 'bar ba yis/ /'bar ba'i lus can bsgom par bya/ /bden bral lha mo ce spyang mo/ /ha har bzhad pas 'jigs par mdzad/ /ma he yi ni stan la bzhugs/ /mdog ni dmar zhing sngo ba ste/ /sku la na bza' mdzes pa gsol/ / phyag gnyis lcags kyu zhags pa dang / /sdigs mdzub kyis ni shin tu mdzes/ /sbrul gyis brgyan zhing rnam par klubs/ /'od zer sna tshogs 'bar ba yi/ /'bar ba'i lus can bsgom par bya/ /rlung mtshams lha mo 'ug pa mo/ /kha dog ser zhing dmar ba ste/ /klu yi stan la yang dag bzhugs/ /rgyan yang de nyid sbyar bar bya/ /phyag gnyis sems dpa'i skyil krung can/ /sdigs mdzub lcags kyu zhags pa bsnams/ /'od zer sna tshogs 'bar ba yi/ /'bar ba'i lus can bsgom par bya/ /dbus kyi mkha' 'gro ma brgyad kyi/ /phyi rol dag ni rnam bzhi la/ /shar du mkha' 'gro phuM las skyes/ /phyag gnyis kha dog dkar po ste/ /yi dags kyi ni stan la bzhugs/ /sbrul gyi rgyan gyis klubs pa ste/ /shin tu drag cing skra grol ba/ /'od zer sna tshogs yang dag 'bar/ /lag gnyis kha ru bcug nas ni/ /ha har bzhad pas shin tu 'bar/ /byang du 'bar ma pheM las bskyed/ /kha dog ser po shin tu drag /spyi bo'i steng du lag pa gnyis/ /thal sbyar me mar lta bur 'bar/ /drag po'i gzugs can 'tshigs pa ste/ /shin tu mdzes pa'i na bzas brgyan/ /yi dags kyi ni stan la bzhugs/ /'od zer me ltar 'bar ba bsgom/ /nub tu 'jigs byed phroM las bskyed/ /kha dog dmar mo 'jigs su rung / /yi dags kyi ni stan la bzhugs/ /shin tu mdzes pa'i na bzas brgyan/ /lag gnyis snyim par sbyar byas nas/ /khrag gi rgyun ni 'thung bar mdzad/ /me ltar 'bar zhing shin tu gsal/ /'jigs byed drag mo bsgom par bya/ /lho ru 'phrog byed phriM las byung / /kha dog sngon po kun du 'od/ /yi dags kyi ni stan la bzhugs/ /skra grol bas ni brgyan pa ste/ /shin tu 'bar ba'i na bzas brgyan/ /sprul gyi rgyan gyis klubs pa ste/ / sdigs mdzub dang ni gtun shing thogs/ /sems can sems ni rmongs par byed/ /'od zer me ltar 'bar zhing grags/ /kun rig pas ni thams cad bsgom/ /de nas ba dan gsum pa'i phyag rgyas bsrung bar bya ste/ /mgo bor ni k+ShuM ngo / /mig tu ni hUM ngo / /sna dang rna ba gnyis la yuM ngo / / khar suM mo/ /mgrin par smraM ngo / /nam tshong du h+m+r+yuM ngo / /snying gar y+m+r+yuM ngo / /lte bar k+Sh+m+r+yuM ngo / /de nas rang gi sa bon las 'od zer 'phros pas/ sangs rgyas la bskul bas lha mo mang po byung ste/ /dbu rgyan dang bum pa la sogs pas dbang bskur bar bsam mo/ /bdag gi dbugs kyi 'od zer gyis/ /mkha' 'gro ma rnams spyan drangs te/ /de dag gi ni gzugs mdun du/ /dam tshig rnams ni bstan par bya/ /khu tshur gnyis ni bcings nas su/ /dbu ma gnyis ni brkyang nas su/ /rtse mo phan tshun sprad nas ni/ /ye shes lha mo bstan par bya/ /lag gnyis phan tshun sbyar nas ni/ /dbu ma dang ni mthe bong sprad/ /cung zad cig ni bskyod par bya/ /shar phyogs rdo rje ma la bstan/ /khu tshur mnyam par bcings nas su/ /mthe bong gnyis ni brkyang byas la/ /byang gi phyogs nas brtsams nas su/ /rgya 'di drag mo la bstan bya/ / phyag rgya de nyid bcings nas su/ /mthe'u chung gnyis ni brkyang bar bya/ /nub tu gnas pa'i ro langs ma'i/ /phyag rgya ru ni sbyar bar bya/ /phyag rgya de nyid bcings nas su/ /gung mo gnyis ni brkyang bar bya/ /lho phyogs phyag rgyar bshad pa ste/ /de ni phyag rgya bzhi pa'o/ /rdo rje khu tshur gnyis bcings nas/ /khro bo gnyis ni brkyang nas su/ /rtse mo sprad de gnas pa ni/ /mtshams bzhi yi ni phyag rgya yin/ /lag gnyis thal mo khar bcug nas/ /phuM zhes bya bar sbyar bar bya/ /shar phyogs mkha' 'gro'i phyag rgya yin/ /lag g.yon thal mo kha sbyar nas/ /spyi bo ru ni gzhag par bya/ /byang du gnas pa'i 'bar ma la/ /phyag rgya 'di ni bstan par bya/ /phyag 'tshal thal mo sbyar nas su/ /kha ru bcug ste hUM zhes bya/ /nub phyogs lha mo 'jib byed ma'i/ /phyag rgya ru ni sbyar bar bya/ /lag gnyis kun du bskor nas su/ /sor mo rnams kyi rtse mo ru/ / gsang ba'i gnas su bzhag nas kyang / /lho phyogs 'phrog byed ma la gnas/ /bskyed pa'i dus su brkyang pa ste/ /phyag rgya'i dus su oM dang ni/ /swA hA'i bar du spel te bzlas/ /dam tshig lha mo rnams la ni/ /rdo rje khu tshur gnyis bcings nas/ /g.yon pa snying gar gzhag nas su/ /g.yas pa mchan khung gzhug par bya/ /dam tshig sems dpa' rnams la bstan/ /sngags ni oM hUM swA hA zhes so/ /de ltar ye shes sems ma dang / /dam tshig sems ma rnams la ni/ /dam tshig so sor bstan nas kyang / /gnyis su med par bsam par bya/ /da ni mchod pa 'byung ste/ /khro bo dang mthe bong sbyar la lhag ma brkyang ste/ oM puSh+pa mA le hUM swA hA/ me tog gi sngags dang phyag rgya'o/ /me tog gi phyag rgya las dbu ma bsgreng ba dang / /oM d+hU pe shwa ri hUM swA hA zhes pa ni bdug pa'o/ /khu tshur las mthe bong brkyang ba dang / oM badzra tIk+Sh+Na dI pe hUM swA hA/ zhes pa mar me'o/ /lag pa g.yas brkyang ba dang / oM gan+d+he hUM swA hA zhes pa ni dri'i sngags dang phyag rgya'o/ /lag pa gnyis brkyang ste/ gung mo'i rtsar mthe bong bskyod pa dang / /oM ku ru ku ru ma hA pa li hUM swA hA/ zhes bya ba ni gtor ma'i sngags dang phyag rgya'o/ /phyi nas mchod pa nyi shu yis/ /ye shes can gyis mchod par bya/ /hUM zhes bya ba'i glu blang zhing / /rnal 'byor ma kun mnyes par bya/ /rdo rje khu tshur gnyis bcings la/ /rked pa'i mtshams su bzhag nas ni/ /yan lag gsum du hUM gis bskyod mi wang tshul du bsgreng ba dang / /gling bu'i tshul du 'bud pa dang / /zangs dung tshul du 'bud pa dang / /dkrol ba'i tshul du dkrol ba dang / /pa Ta ha ltar brdung ba dang / /gar gyi tshul du bskyod pa dang / /bsil yab tshul du g.yob pa dang / /rgyal mtshan tshul du bsgreng ba dang / /bla re'i tshul du bre ba dang / /ba dan tshul du 'phyar ba dang / /gdugs kyi tshul du dgab pa dang / /rdza rnga'i tshul du brdung ba dang / /rnga zlum tshul du brdung ba dang / /'dzum pa'i tshul du bzhad pa dang / /khro bo'i tshul du khro ba dang / /sgeg pa'i tshul du sgeg pa dang / /'gying ba'i tshul gyis rol pa dang / /phyag 'tshal tshul du 'dud pa ste/ /mda' 'dren nu ma 'khyud pa dang / /nyi shu'o/ /rnal 'byor ma brgyad de nyid kyis/ /dngos po kun gyis mchod par bya/ /hUM zhes bya bar bdag sprul nas/ /hUM gi glu ni blang bar bya/ /rgyud las byung ba nyid du ni/ /bdud rtsi myang ba'i bar du bya/ /rdo rje'i de nyid dang ldan pas/ /tshigs bcad 'di yis blang bar bya/ /rdo rje gsor ba mdzes pa yis/ /sems can rnam thar bsgral bar bya/ /rnam thar chos su bya ba ste/ /rdo rje shin tu snying po mchog /de kho na nyid dang ldan pa'i dril bu 'dis blangs so/ /oM badzra g+haN+De hUM ho/ /oM badzra g+haN+De hUM hoHpra ra Ni ta saM pra ra Ni ta sarba bud+d+ha k+She tra pra tsa li te/ pradz+nyA pA ra mi tA nA tha swa b+hA be na badzra d+ha ra hr-i da ya a wa san+toSha ni hUM hUM hUM/ ho ho ho/ /oM a a swA hA/ gnas brgyad dril bu'i sgra bsgrags shing / /rdo rje gsor te rang las byung ba'i lha mos bstod pa ni/ /lus can don phyir shes rab gsol btab pa/ /kun 'khyud la sogs gnyis kyis gnyis sprod cing / /sgyu ma lta bur sbyor bas shin tu brgyan/ /srid pa las grol khyod la phyag 'tshal lo/ /rdo rje dga' ba'i mthu dang spyan gyis gzigs/ /yi ge'i dngos po rang bzhin stong par rol/ /dngos dang dngos med las sgrol dbu mas mkhyen/ /mi 'gyur bcom ldan lhag ma sems pa'o/ /gnyis spyod kun 'khyud chu yi bya ba can/ /gnyis med chos brnyes thar pa brnyes pa'o/ /bde ba'i 'khor mnan thar pa btang ba'o/ /thams cad dngos kyi rnal 'byor ma sngags rol/ /rnal 'byor ma lnga sangs rgyas de nyid mkhyen/ /gzugs ma sgyu ma sems can smin mdzad pa/ /rdo rje kun rtog chos kyi rmongs pa gcod/ /rnal ma ma rmongs snying chos tshogs la 'dud/ /sems can sgrol mdzad rnal 'byor bdag la bstod phyag 'tshal/ / thams cad bdag skyes ngo bo gcig la bstod phyag 'tshal/ /'khor ba'i rgya mtsho rmongs pa gcod la bstod phyag 'tshal/ /de nyid gcig la rtag tu bdag 'dud bstod phyag 'tshal/ /rang dgar sems can dgrol ba yi/ /rgyu med dngos la 'dud par bgyi/ /te na hUM/ te na te te hUM/ ston ka'i zla ltar rab mdzes shing / /dung ltar dkar ba'i sku 'dzin pa/ /te na hUM/ te na te te hUM/ rdo rje dril bu'i phyag rgya can/ /gnyis 'khyud sbyor ba 'dzin pa'o/ /te na hUM/ te na te te hUM/ sgyu ma'i lus su thim pa yis/ /'gro ba 'dzin pa rgyu med dngos/ te na hUM/ te na te te hUM/ srid gsum 'bar ba'i sku ni rjes chags 'dul bar ldan/ /'od zer rnon po stong ldan nyi ma stong 'drar ldan/ /rnam mang sku dang cha byad rjes chags sems dang ldan/ /rdo rje sems dpa' dbang phyug mchog rol gar mdzad pa/ /zhes bya bas khyad par du bstod cing glu dang bstod pas mchod pas mnyes par bya/ /bar bar du hUM gi sgra dang dril bu bsgrags la smon lam rnam pa gsum gdab par bya'o/ /rdo rje thal mo dam bcings nas/ /snying ga'i phyogs su btsir bar bya/ /oM swa b+hA ba shud+d+haHsarba d+harmA swa b+hA ba shud+d+hou0f85haM/ oM badzra shud+d+haHsarba d+harmA badzra shud+d+hou0f85haM/ oM yo ga shud+d+haHsarba d+harmA yo ga shud+d+hou0f85haM/ zhes brjod la lha'i rnal 'byor la gnas par bya'o/ /ting nge 'dzin gyis skyon sngags bzla ste/ phreng ba de nyid dang ldan pas sngags 'dis sbyang ngo / /oM pa te pa te ma hUM dz+nyA na sarba bud+d+ha ma hA ba be+e hUM hUM hUM ho ho ho a swA hA/ oM dzruM swA hA/ rtsa ba'i sngags so/ /oM hUM swA hA/ ye shes mkha' 'gro ma'o/ /oM suM swA hA hA/ oM k+ShuM swA hA/ oM yuM swA hA/ oM hUM swA hA/ oM s+m+r+yuM swA hA/ oM h+m+r+yuM swA hA/ oM y+m+r+yuM swA hA/ oM k+Sh+m+r+yuM swA hA/ oM phuM swA hA/ oM pheM swA hA/ oM phroM swA hA/ oM phriM swA hA/ zhes 'bum phrag gsum bzlas pas sngon du bsnyen pa byas par 'gyur ro/ /phyi nas las la sbyar ro/ /de nas langs par 'dod na smon lam gdab ste/ ma lus sems can kun gyi phyir/ smon lam dag ni gdab par bya/ /sems can thams cad nad med cing / / sems can thams cad bde gyur cig /gang gis lam la 'gro ba yis/ /sangs rgyas nyid dang phrad par shog /ma brgal ba rnams bsgral bya zhing / /ma grol ba rnams bdag gis dgrol/ /de ltar nyid du rjes brtse bas/ /rnal 'byor bstan bcos la gnas shog / gtor ma btang ba ni/ /dmar ba yi ni rdzas rnams kyis/ /maN+Dal gru gsum byug par bya/ /me tog dmar po bdug pa dang / /dri dang mar me la sogs dbul/ /nye bar longs spyod gtor mar ldan/ /sha rlon dang ni nya sha sogs/ /bza' ba'i rdzas rnams thams cad la/ /bdud rtsi lnga dang bcas par dgod/ /g.yon gyi cha ru snod gzhag la/ /g.yas kyi khro bo'i bstan par bya/ /ha zhes pa yis kha dog dbrog /ho zhes pa yis dri zhim ste/ /hrIHzhes pa yis nus pa bskyed/ /go rims de ltar mngon par brjod/ /rnam gsum lan gsum brjod nas su/ /lha gsum du ni gsal bar bya/ /g.yas pa pad+ma bsams nas su/ /g.yon pa rdo rje bsgrengs nas kyang / /pad+ma'i bskor ba bskor nas ni/ /phyag rgya chen po bstan par bya/ /oM ha hoHhriHswA hA/ phyag rgya chen po byin gyis brlabs pa'i sngags dang phyag rgya'o/ /rdo rje khu tshur gnyis bcings la/ /rgyab dang rgyab tu sbyar bar bya/ /mthe'u chung gnyis ni bsgrengs nas su/ /mdzub mo gnyis ni bsgreng bar bya/ /g.yas pa cung zad bskum nas su/ /sbyar bas lha rnams spyan drang ngo / /oM ku ru ku ru sa ma ya a d+hi pa ti hUM dzaHswA hA/ spyan drangs pa'i sngags dang phyag rgya'o/ /shing gcig la sogs brjod par bya/ /bdud rtsi lnga yis kha bkang nas/ /las kyi go 'phang mngon par bsam/ /rnal 'byor rnal 'byor ma bsgoms te/ /las rnams thams cad sgrub byed cing / /rdo rje khu tshur gnyis bcings nas/ /rgyab dang rgyab tu sbyar bar bya/ /mthe'u chung gnyis ni dkris nas su/ /khro bo dag tu sgrog tu sgrel/ /oM tiSh+Tha tiSh+Tha hUM b+hak+Sha b+hak+Sha dzaHphaT swA hA/ ji bzhin la sogs sbyar byas nas/ /gtor ma la sogs sbyar bar bya/ /zhi dang rgyas dang dgug pa dang / / gsad bskrad dbye dang bcing ba dang / /phyi rol gtor ma'i de nyid kyis/ /gtor ma'i las sogs pas bsgrub pas/ /mchog gi dngos grub 'dod rnams kyis/ /gsang ba'i gsang ba bsgom bya ba/ /lha yi rnal 'byor la gnas te/ /lte ba snying ga mgrin pa dang / /mgo bo dang ni rnam pa bzhi/ /'dab ma drug cu rtsa bzhi dang / /brgyad dang bcu drug rim pa ste/ /sum cu rtsa gnyis bsgom par bya/ /bde chen dang ni chos 'khor lo/ /thabs kyi cha ru shes par bya/ /sprul pa dang ni longs spyod gnyis/ /shes rab cha ru shes par bya/ /oM dang hUM dang a dang haM/ /lte ba bzhi la dgong par bya/ /'dab ma'i yi ge thams cad la/ /gtum mo me yi sbar thabs dang / /bde ba bskyed pa'i rim pa ni/ /bla ma'i kha las rtogs par bya/ /ting 'dzin de las langs pa'i tshe/ /gzhan ni ci yang mi bsam par/ /rdzogs pa'i rim pa'i man ngag ni/ /mchog 'dod don la mos par bya/ /yang ni lha yi tshul gnas te/ /sgyu ma'i rnam pa bzhi ru brtag /mdor na mchog 'dod rnal 'byor pas/ /man ngag rim pa 'di nyid la/ /zas la bya ba ji bzhin du/ /ma yengs nan tan bskyed par bya/ /bdag 'dras brtson par nus pa ma yin yang / /sems can dman pa rnams la phan gdags phyir/ /'di byas bdud rtsi lta bu'i bsod nams kyis/ /thams cad kun gyis bden pa mthong bar shog /dpal gdan bzhi pa'i sgrub thabs slob dpon chen po b+ha ba b+ha dras mdzad pa rdzogs so/ / //rgya gar gyi mkhan po chen po ga ya d+ha ra dang / bod kyi lo tsA ba chen po 'gos lhas btsas kyis bsgyur cing zhus te gtan la phab pa'o/ /[]@##/ /dpal gdan bzhi pa'i chu'i sbyin sreg bzhugs/ @##/ /bcom ldan 'das ye shes mkha' 'gro ma la phyag 'tshal lo/ /

CLOSE WINDOW