བོད་ཡིག

e-texts based on the ACIP/ALL Input

dpyal lo tsA ba chos kyi bzang pos bsgyur ba'o// @##/ /rgya gar skad du/ shik+Sh+ya nu gra ha bi d+hi nA ma/ bod skad du/ slob ma rjes su gzung ba'i cho ga zhes bya ba/ rdo rje phag mo la phyag 'tshal lo/ /de nas gsang ba bshad par bya/ /bla ma'i bka' yi rjes 'brangs nas/ /sna tshogs sgrub thabs rtogs don du/ /slob ma 'bebs pa'i cho ga mchog /dang po re zhig slob dpon gyis/ /slob ma rjes su gzung don du/ /sh+Da he ru ka zhes pa'i yi ge bzhi'i don dang ldan pa'i rnal 'byor pas/ rang gi yid dang rjes su mthun pa'i gnas su 'jam pa'i stan la gnas la/ lag pa'i sor mo rnams la sngags bkod la/ bdud rtsi lnga dang yang dag par ldan pa'i bza' btung bzang po pad+ma'i snod du bzhag la cho ga ji lta ba bzhin sbyangs la/ zhu ba'i rdzas kyi bdag nyid khrus bya'o/ /de'i rjes su gnas dang bdag dang rnal 'byor bsrung ba'i don du se gol gtogs pa sngon du 'gro bas/ /sum+b+ha la sogs pa zhal bzhi pa'i sngags kyi sgras mtshams bcing ba dang / /go cha'i sngags drug dgod pa dang / dag pa gsum gyi sngags brjod pa de nyid kyis sems bsrung bar bya'o/ /de'i rjes su yongs su dag pa'i sa gzhi khru gang tsam la maN+Dal byug par bya ste/ tsan+dan dmar po la sogs pas zur drug pa'i 'khor lo bris te/ de'i dbus su rnal 'byor ma'i sa bon dgod/ /zur drug la 'khor los sgyur ma'i sngags dgod pa sngon du 'gro bas ji lta ba bzhin du skad cig gis/ dpa' mo drug dang ldan pa'i bcom ldan 'das ma'i dkyil 'khor bskyed la/ de nas de'i phyi rol du khwa gdong ma la sogs pa rnam pa brgyad dang / dur khrod brgyad kyis brgyan pa bsam par bya'o/ /de nas ar+g+haM la sogs pas yang dag par mchod la/ ye shes kyi 'khor lo cho ga bzhin du dgug pa dang gzhug pa dang / bcing ba dang dbyer med par bya ba dang / sku gsung thugs byin gyis brlab pa la sogs pa bya/ bdud rtsi myang ba'i mthar thug pa byas la bstod pa dang bzod gsol bya'o/ /sngon du bsnyen pa bya'o/ /de nas slob ma rjes su gzung ba'i don du tshes bcu la de bzhin du maN+Dal byugs pa'i dbus su/ lha'i btung ba bzang pos bkang ba'i dbyangs kyi snod yang dag par bzhag la de'i steng du 'khar ba'i snod dri ma med pa gur kum la sogs pas byugs la/ der ni sin+d+hu ra'i phye ma btsags la gser gyi smyu gus cho ga bzhin du mngon par bris te/ de nas ye shes kyi 'khor lo dgug gzhug byas la mchod pa la sogs pas yang dag par mchod la/ de'i rjes su bcom ldan 'das ma rdo rje rnal 'byor ma'i rkang pa brgyad dang ldan pa dang / rdo rje gsor zhing dril bu gsil ba sngon du 'gro bas bstod la ras dmar pos g.yogs la gzhag go/ /de nas phyogs skyong rnams la gtor ma byin la yi ge brgya pa lan gsum bton la bzod par gsol bar bya'o/ /slob ma rjes su gzung ba las phyi'i mchod pa'i cho ga'o/ / //de'i rjes su mtshan nyid thams cad dang ldan pa'i bum pa yang dag par bzhag la lhag par gnas par bya'o/ /ras dmar pos mgul pa bcings pa dang / kha rgyan tsu ta la sogs pa'i shing lo ma can dang / rin po che lnga dang / sman lnga dang / 'bru lnga dang ldan par byas la de nyid kyis grub pa'i 'khor lo la/ ye shes kyi 'khor lo dgug gzhug la sogs pa byas la/ ar+g+haM la sogs pa'i mchod pa mthar phul la/ sku gsung thugs byin gyis brlab pa dang dbang bskur ba dang bdud rtsi myang ba'i mthar thug pa cho ga bzhin byas la/ mchod pa la sogs pas yang dag par mchod la/ rkang pa brgyad pa'i sngags kyis bstod pa bya'o/ /me tog dmar po'i phreng ba dang ldan pa'i rdo rje bum pa'i khar bzhag la/ de dag gi sngags ji srid 'dod kyi bar du bzlas la me tog dmar po gtor bas 'khor lo de nyid zhu/ de nyid kyi ngo bor blta bar bya'o zhes slob ma rjes su gzung ba las bum pa lhag par gnas pa'i cho ga'o/ /de nas de'i rjes su bla ma dang sangs rgyas dag la mi phyed pa'i gus pa'i yid can slob ma dam pas maN+Dal byas la/ yang nas yang du gsol ba btab ste/ sangs rgyas kun gyi rang bzhin sku/ bla ma la ni skyabs su mchi/ / dpal ldan rdo rje rnal 'byor mas/ /bdag ni byin gyis brlab tu gsol/ /byang chub rdo rje sangs rgyas la/ /mchod chen ji ltar gsol ba ltar/ /bdag kyang rjes su drang ba'i phyir/ /nam mkha'i rdo rje bdag la stsol/ /zhes pas so/ /tshes bcu'i dus su thugs rje dang ldan pa'i bla mas slob ma'i lag pa nas bzung nas 'di skad brjod do/ /rtog pas g.yogs pa'i sems kyis ni/ /legs pa'i sngags rgyal phyir zlos ltar/ /dad pa'i chu yis bkrus pa'i sems/ /phan pa'i sems kyis 'dir gzhug bya/ /dad pa med pa'i sems can la/ dkar po'i chos ni mi 'byung ste/ dper na sa bon tshig pa la/ /myu gu sngon po skye mi srid/ /ces gsungs so/ /de'i phyir slob ma dad ldan gyis/ /gsang sngags byin rlabs bsgrubs pa la/ /yon dang bcas te phyag 'tshal na/ /thal mo sbyar te spyi bor gzhag /de yi rjes su slob dpon gyis/ /bum pa'i chu ni bzung byas nas/ /cho ga bzhin du khrus byas la/ /de nas ras dmar pos gdong g.yogs bcings la thal mo snying gar sbyar du bcug la/ u rgyan gyi gnas su kha bltas te/ /cho ga bzhin du slob ma gzhag /de nas sum+b+ha ni la sogs pa'i sgra yis bsrung ba dang mtshams bcing ba byas la/ mnyam par bzhag la/ rkang 'og rlung gi dkyil 'khor ni/ /gzhu yi dbyibs can du ba'i mdog /de steng sprul pa'i 'khor lo ru/ /gru gsum me ni 'bar bar blta/ /phung po la sogs dri dag phyir/ /dag pa'i sngags ni brjod par bya/ /rang gi sngags ni sgyu ma bzhin/ /sprul pa ru yang rtogs par bya/ /skad cig gis ni lha mo bsam/ /phag mo snying rje'i bdag nyid can/ /kun nas kun du skad cig ste/ /skad cig gis ni gsang sngags brjod/ /sprul pa'i 'khor lo nas song sems/ /g.yung drung 'khyil pa dge bar blta/ /smin mtshams gnas pa'i thig le ni/ /drag tu 'khor ba'i 'khor lo ltar/ /phyag rgya gnyis kyi sbyor ba yis/ /so sor bsdu ba'i rim pa'am/ /bla ma'i man ngag lam gyis ni/ /rim pa rgyas par shes par bya/ /de ltar bstan pa'i sems kyis ni/ /grub pa'i rtags ni 'byung bar 'gyur/ /ye shes thob pa'i slob ma la/ /de yi tshe ni ba spu ldang / /'chi ma 'byung dang chu 'dzags dang / /tsha ba dang ni grang ba dang / /'dar ba dang ni g.yo ba dang / /oM tiSh+Tha badzra zhes brjod do/ /de dus brtan par gyur cig ces brjod do/ /rang bzhin du ni gnas pa ni/ /bsgom pa phyi nas brtan par bya/ /mchod pa sngags dang lha mo yi/ /lhan cig skyes pa'i bdag nyid do/ /zhes slob ma rjes su gzung ba las ye shes 'bebs pa'i cho ga'o// //de nas yang dag rab bshad bya/ /tshogs kyi 'khor lo'i cho ga mchog /dad pa med pas mi bya ste/ /sbyin pa po rnams snying rjer ldan/ /rang gi khyem mam dben pa ru/ /tsan+dan la sogs byug par bya/ /bla na med pa'i don du ni/ /tshogs kyi 'khor lo bskor bar bya/ /dad pa chen po'i yon bdag gis/ /dang por bla ma la phyag 'tshal/ /ji ltar 'byor pa ldan pa yis/ /lha rnams la ni snyan gsan dbab/ /mnyam par gzhag pa'i bla ma ni/ / rdo rje dril bu yang dag ldan/ /thod pa la sogs brgyan pa la/ /rnal 'byor bzhi dang yang dag ldan/ /thog mar gtor ma mdun du gzhag /cho ga bzhin du mchod par bgyi/ /snyan gsan phab pa byin pa la/ /gtsang ma yis ni zhabs bkru bya/ /yongs su sbyangs pa'i dkyil 'khor du/ /der gzhug gdan gyi rim pa la/ /rgan dang gzhon gyi rim pa yis/ /bla ma phyag 'tshal 'dud par bya/ /skal ba med dang nga rgyal can/ /tshogs kyi 'khor lor spang bar bya/ /bsgom pa ldan pa shes byas la/ /de tshe mchod pa'i cho ga bya/ /nye bar spyod pa lnga yis mchod/ / khyad par du ni tsan+dan dang / /gur kum la sogs ldan pa dang / /me tog phreng ba dmar po dang / /mchod pa lnga yis mchod par bya/ /las kyi rdo rje mkhas pa yis/ /dang po lcags kyu bzung byas la/ /sbrang ngam bu ram sbyar ba'am/ /ji ltar rnyed pa bzung byas la/ /chos 'di la ni khyod ltos la/ /med pa'i rnam rtog dor nas ni/ /khyi dang bram ze gdol pa dang / /rang bzhin gcig tu bza' bar gyis/ /zhes tshigs su bcad pa 'dis dbul bar bgyi'o/ /rin thang med las legs 'ong chos/ /'dod chags dri ma dag pa'i phyir/ /gzung ba dang ni 'dzin pa spangs/ /de nyid kyi ni phyag 'tshal lo/ /zhes des blang bar bya'o/ /las kyi rdo rje mkhas pa yis/ /thun mong du ni dbul bar bya/ /bza' ba dang ni btung ba yang / /nya dang sha dang de bzhin du/ /bza' ba la sogs rdzogs pa la/ /slob dpon gyis ni byin brlab bya/ /yi ge gsum gyis byin gyis brlab/ /kha dog dri yang dag par byed/ /oM sar+b+ba badzra kA mi Ni sar+b+ba b+ha k+ShaM bi sho d+ha ya gu h+ya badzra Ni hUM swA hA/ /zhes pas so/ /de nas mdun du maN+Dal byas la/ pus mo phab la thal mo sbyar/ /sems can kun gyi don du ni/ /re la smon lam gdab par bya/ /gdan la sogs pa bcu yis ni/ / sa dang pha rol phyin pa sogs/ /dpa' bo dpa' mo dbang phyug rnams/ /gus pas bdag ni phyag 'tshal lo/ /lha mo tshad ma dam tshig tshad/ /de gsung mchog tu tshad ma ste/ /bden pa dag gis lha mo yis/ /de dag bdag gi rjes 'dzin shog /ji snyed rdo rje mkha' 'gro ma/ /kun du rtog pa 'ching gcod cing / /'jig rten bya ba rab 'jug ma/ /ji snyed rnams la phyag 'tshal lo/ /dga' bar bcas pa tshogs 'khor la/ /tshigs bcad gsum pos bstod byas la/ /snying rje ldan pa'i sbyin pa pos/ /ji ltar dgyes par gsol bar zhu/ /de nas lha yi phud phul nas/ / cho ga bzhin du bza' bar bya/ /btung bas dgyes par gyur pa yi/ /rdo rje'i glu ni blang bas bya/ /cang te'u la sogs sgra dang ni/ /sna tshogs lnga yis yid 'phrog byed/ /sngags dang phyag rgya rnal 'byor gyis/ /mchog tu dga' bas gar bya'o/ /de nas tshogs kyi slob dpon gyis/ /sbyin pa po la dge sems dang / /rnal 'byor ma rnams 'dus pa yis/ /bkra shis de la sbyin par bya/ /lag pa 'khru dang so rtsi dang / /khyad par du ni yon dang bcas/ /khro ba bral ba'i yon bdag gis/ /thun mong du ni dbul bar bya/ /rdzogs sangs rgyas dang lha rnams dang / /de sras bcas dang tshangs la sogs/ /'jig rten skyong dang nges 'byung la/ /cho ga 'di la bzod par gsol/ /zhes pa'i rim pa'i bzod gsol te/ /lha mo'i tshogs kyi 'khor lo la/ /lhag ma bsdu ba'i gtor ma ni/ /'byung po yi dags kun la sbyin/ /zhes slob ma rjes su gzung ba las tshogs kyi 'khor lo'i cho ga'o/ / //de nas yang dag bshad par bya/ /gzhon nu ma 'am rnal 'byor ma/ /rdo rje rnal 'byor ma yi dngos/ /cho gar ldan pas mchod par bgyi/ /nag po'i phyogs kyi tshes bcu'am/ /dkar po yang de bzhin du/ /dad pa'i sems kyis snyan gsan dbab/ /gus dang bcas pas khrus sogs bya/ /gcig gam gnyis sam bzhi'am lnga/ /drug pa gnyis ni de bzhin du/ /ji srid nyi shu rtsa bzhi dang / /mchod pa la sogs gnas gnas la/ /yid 'ong gnas su tshur bkug nas/ /dri dang me tog la sogs ldan/ /ku sha'i chun po bzung byas nas/ /de yi mdun du stan du 'dul/ /gnas la sogs pa bsrung don du/ /sum+b+ha la sogs sngags brjod bya/ /nub phyogs kha ni ltar gtsug la/ /cho ga bzhin du lha bskyed la/ /sin+d+hu ra yis dpral bar bsku/ /gla rtsi gur kum ga pur dang / /khyad par du ni tsan+dan bcas/ /lag pa rkang pa gdong pa dang / /rkang mthil lag mthil bsku bar bya/ /me tog dmar po'i phreng bas brgyan/ /de bzhin na bza' dmar po dang / /mig sman nag po spyan la bsku/ /spos kyi du bas bdug par bya/ /lha yi btung ba ldan pa dang / /bza' dang bcas pa yang dag ldan/ /gtor ma sngon du 'gro byas la/ /tsa ru sgron ma dbul bar bya/ /rdo rje rnal 'byor ma mchod la/ /sngags kyi nus pa ldan pa yis/ /dge dang mi dge las byung bas/ /de la brtags pa rtogs par 'gyur/ /bde mchog rgyud las gsungs pa bzhin/ /rim pa rgyas par shes par bya/ /de phyir kun nas 'bad pa yis/ / rnal 'byor shes pas mchod par bgyi/ /yongs su rdzogs pa'i byang chub tu/ /'gro ba'i don du yongs su bsngo/ /so rtsi yod kyang phul byas nas/ /cho ga bzhin du gshegs su gsol/ /zhes slob ma rjes su gzung ba'i cho ga las gzhon nu ma mchod pa'i cho ga'o// //de nas yang dag rab bshad bya/ /gtor ma'i las kyi cho ga ni/ /gtor ma las dang bral ba la/ /dngos grub mchog ni de la med/ /de'i phyir kun nas 'bad pa yin/ /gtor ma mchod par byed pa la/ /'dod pa'i don ni de yis thob/ /thams cad rgyud las gsungs pa bzhin/ /dang por re zhig rnal 'byor pas/ /dpal rdo rje rnal 'byor ma'i rnal 'byor dang ldan pas/ /kha zas la sogs pa mdun du yang dag par bzhag la sbyang bar bya'o/ /yaM las rlung gi dkyil 'khor de'i steng du raM las me'i dkyil 'khor/ /de nas a yig dkar po las pad+ma'i snod dkar po mgo bo gsum gyi sgyed [(]bu'i [,]pu'i [)] khar gzhag go/ /dam tshig rdzas kyis bkang ba la/ /oM AHtraM khaM hUM/ lAM mAM pAM traM bAM de rnams la byin gyis brlabs la bdud rtsi lnga dang sgron ma lnga'i ngo bor bsgrub par bya/ /de'i steng du zla ba'i dkyil 'khor la hUM las kha T+wAM ga dkar po mgo thur du bltas pa'o/ /de'i rjes la rlung gis me sbar bas sa bon rnams zhu bar gyur pas nyi ma gzhon nu'i kha dog 'dra bar bltas la/ /oM AHhUM gi yi ge rnams rim gyis steng nas steng du gnas pa las sku gsung thugs kyi lha spros pa las 'gro ba'i don du bya ba ji lta bu bzhin du de rnams la zhugs par bltas la/ de nas hUM yig la sogs pa rim pa bzhin du zhugs par blta'o/ /'bru gsum gyis byin gyis brlab par bya/ /de nas 'bar ba'i phyag rgya bcings la/ de'i sngags dang bcas pas ye shes kyi 'khor lo mdun du yang dag par bzhag la/ /mchod yon la sogs pas yang dag par mchod la bdud rtsi myang ba'i cho gas mchod par bya'o/ /mngon par 'dod pa'i don du gdon par bya ste/ /lha mo tshad ma dam tshig tshad/ /des gsungs mchog tu tshad ma ste/ /bden pa bdag gis lha mo yis/ /de dag bdag la rjes 'dzin shog /mchod pa'i mchod bya mchod pa rnams/ /mi phyed par ni blta bar bya/ /de nas rdo rje thal mo kha phye ba/ /bdud rtsi'i snod lag mthil du bzhag la g.yon dang g.yas su bskor bar bya'o/ /lce ni rdo rjer sbyor ba yis/ /lha mo'i tshogs ni tshim par bya/ /de nas dur khrod chen po brgyad la gnas pa'i phyogs skyong rnams la/ /oM kha kha hi khA hi la sogs pa'i sngags kyis phyogs la/ g.yon skor mtshams rnams la g.yas skor du phul bas/ /de rnams kyis bdud rtsi myangs pas/ bde ba chen po thob par bsams la/ de nas mchod pa la sogs pas yang dag par mchod pa dang / rkang pa brgyad pa'i sngags kyis bstod la 'dod pa'i don la gsol ba gdab bo/ /lhag chad kha bskang bar bya ba'i don du yi ge brgya pa lan gsum brjod do/ /de'i rjes su oM badzra muH /zhes brjod la pad+ma'i phyag rgya bskor bas dgyes par byas la/ de nas se gol gtogs pa sngon du 'gro bas lhag ma'i gtor ma bsdus pa la/ /dam tshig gis ni kha bskang nas/ /'bar ba'i phyag rgyas bcing bar bya/ /drag po'i hUM yig gdon byas nas/ /lhag ma'i gtor ma'i snod du dbul/ /oM sar+b+ba b+ha k+Sha kha kha khA hi khA hi u ts+tshi Sh+Ta b+hak+Sha b+h+yaHswA hA/ zhes gshegs su gsol lo/ /slob ma rjes su gzung ba las gtor ma'i las kyi cho ga'o// //de nas sbyin sreg cho ga bshad/ /rdo rje rnal 'byor ma mchod pa'i/ /phyi dang nang gi dbye ba yis/ /sbyin sreg yang ni gnyis su 'byung / /phyi yi las kyi dbye ba yis/ /sbyin sreg yang ni bzhi ru bshad/ /nang gi sbyin sreg gnyis su shes/ /ro dang tshim par bya ba'o/ /phyi ni 'di ru bshad par bya/ /rdo rje rnal 'byor ma sgrub pa'i/ /de bzhin cho ga lhag chad la/ /sbyin sreg gis ni bskang bar bya/ /rnal 'byor nub tu kha bltas la/ /rgyan cha dmar po yis brgyan la/ /skye gnas lta bu'i thab khung du/ /phyed ni bskor te dmar por bya/ /sor gsum dor ba'i dbus su ni/ /rdo rje dmar po 'bar ba dgod/ /phyi rol rdo rje phreng bas bskor/ /khyad par du ni gri gug bskor/ /gsang sngags bzhi yis bsrung bya dang / /mtshams kyang de bzhin bcing bar bya/ /mchod yon la sogs snod kyang ni/ /bsreg pa'i rdzas rnams g.yon du gzhag /yam shing 'o ma can ni brtsig /cho ga yis ni bsam par bya/ / me ni raM yig las byung ba/ rlung yab kyis ni g.yab par bya/ /zhal gcig pa la kha dog dmar/ /spyi blugs mchod sbyin dbyug pa dang / bgrang phreng de bzhin 'dzin pa la/ /lag pa g.yas dang g.yon pa yi/ /mthe bong gnyis ni dgug par bya/ /oM e h+ye hi ma hA b+hU ta de ba r-i Shi dwi dza satwa ma/ gr-i hi twA ma hA rA smin san+ni hi to b+ha ba zhes bya bas/ ye shes me ni de la gzhug /de la 'thor 'thung mchod yon sogs/ /khrus kyi cho ga de bzhin dbul/ /raM yig sa bon lce la bsams/ /de la dgang blugs dbul bar bgyi/ /oM na maHsa man+ta bud+d+hA nAM/ oM ag+na ye a mu ka s+ya satwa sid+d+hi ku ru/ zhes pas so/ /ji ltar rim pa gsum gsum gyis/ /sreg rdzas thams cad bsreg par bya/ /mar gyis bsreg pa'i sreg rdzas ni/ /don gyi khyad par sgrub par byed/ /oM ag+na ye swA hA/ mar gyi'o/ /oM sar+b+ba pA paM da han badzrA ya swA hA/ til gyi'o/ /oM A yu'e swA hA/ dU rba'i'o/ /oM badzra puSh+Ta ye swA hA/ 'bras ma nyams pa'o/ /oM sar+b+ba sam+pa de swA hA/ zho zan gyi'o/ /oM badzra be gA ya swA hA/ gro'i'o/ /oM a pra ti ha ta badzrA ya swA hA/ ku sha'i'o/ /oM badzra bo d+hi br-ik+ShA ya swA hA/ yam shing gi'o/ /lhag ma kun de nyid gsum gyis bsreg par bya'o/ /de nas dgang blugs phul la mchod pa dang bstod pas bstod la/ de'i thugs kar nyi ma'i dkyil 'khor la/ snying rje'i bdag nyid phag mo ni/ /cho ga bzhin du bsam par bya/ /cho ga yis ni ye shes dgug /dam tshig la ni yang dag gzhug /'thor 'thung mchod yon la sogs dang / /cho ga'i rim pas de la dbul/ /lce la raM yig byung ba las/ /de la dgang blugs dbul bar bya/ /las kyi dngos grub bye brag gis/ /sreg rdzas kun gyis bsreg par bya/ /mchod pa dang ni bstod pas bstod/ /bzod par gsol la dngos grub blang / /yang dang yang du gsol byas la/ /oM badzra muHzhes pas/ cho ga bzhin du gshegs su gsol/ /lhag pa dang ni chad pa la/ /yongs su rdzogs pa'i don du ni/ /sreg rdzas kun gyis bsreg par bya/ /yi ge brgya pa gdon par bya/ /slob ma rjes su gzung ba las sbyin sreg gi cho ga'o// //de nas srung 'khor rab bshad bya/ /rdo rje sems dpa' nyid gsungs pa/ /gang la btags pa tsam gyis ni/ /nad kun dang ni bral bar byed/ /gur kum dang ni gi wang bsres/ /rgyal gyi nyi ma dge ba la/ /rtsibs drug 'khor lo bri bar bya/ /go cha'i sngags ni mkhas pas dgod/ /sum+b+hu la sogs sngags dang ni/ /rdo rje phreng bas bskor bar bya/ /gtsang ma'i ras sam dar la'am/ /yang na smyug shun gro ba la/ /dbus su ming yig bsrung ba dang / /drug po la ni de bzhin du/ /'bad pa yis ni bri bar bya/ /ye shes 'khor lo gzhug par bya/ /mgrin pa'am ni dpung pa la/ /yang na spyi bo'i gtsug tu ni/ /dus rtag tu ni bcang bar bya/ /'byung po la sogs 'jigs dang bral/ /tshe ni ring ba thob par 'gyur/ /yang na bum pa dkar po la/ /tsan+dan chu yis dgang bar bya/ /dam pa'i 'khor lo der bcug la/ /cho ga bzhin du bsgom par bya/ /gang gi khyim du gzhag pa las/ /de yi sdug bsngal zhi bar byed/ /me tog dmar pos dus gsum du/ /cho ga bzhin du rtag tu mchod/ /ces slob ma rjes su gzung ba las/ /srung ba'i 'khor lo'i cho ga'o// //gang gi dge bas legs gnas chos kyi mchog /thob nas ri khrod zhabs kyis 'gro ba'i don/ /rdzogs mdzad rdo rje phag mo'i skur gyur cig/ /slob ma rjes su gzung ba'i chog zhes bya ba grub thob sha ba ri pA das mdzad pa rdzogs so// //yul ma ga d+h+wa'i paN+Di ta gau ta ma b+ha dra'i zhal snga nas legs par mnyan te/ lo tsA ba shAkya'i dge slong nyi ma rgyal mtshan dpal bzang pos gtsang nyang ro tshong dus kyi sa'i cha la chos gnas chen po gnyal sper legs par bsgyur ba'o/ / //sa steng nyi zla ltar gyur cig /'gro kun sangs rgyas thob par shog/ @##/ /rgya gar skad du/ badzra yo gi nI a b+hi She ka saM k+She pa nA ma/ bod skad du/

CLOSE WINDOW