བོད་ཡིག

e-texts based on the ACIP/ALL Input

/dpal 'khor lo sdom pa'i sgrub thabs slob dpon chen po brtul zhugs kyi spyod pa'i zhal snga nas mdzad pa rdzogs so/ /[]@##/ /rgya gar skad du/ b+ha ga wAn shrI tsakra saM ba ra maN+Dal bi d+hi/ bod skad du/ bcom ldan 'das dpal bde mchog 'khor lo'i dkyil 'khor gyi cho ga / bcom ldan 'das dpal rdo rje sems dpa' la phyag 'tshal lo/ /dpal ldan khrag 'thung 'gro ba'i mgon/ /nyi shu rtsa bzhi gnyis med la/ /phyag 'tshal dkyil 'khor spyod pa dang / /brtul zhugs rim pa bsnyen pa bshad/ /lugs su 'byung dang bzlog pa dang / /tha dad phyi ni sbas pa dag /shes nas gang yang cho ga 'di/ /bdag gis thams cad bshad par bya/ /sgra dang sgra nyams brda dang ni/ /sdeb sbyor mtshan nyid spangs pa yi/ /'khor lo mchod pa'i cho ga gsal/ /de ni bdag nyid dran phyir bya/ /gar gyi gnas dang mtshungs 'dra ba'i/ /phyi rol bstan bcos sun 'byin pa/ /don la rtogs pa'i de nyid can/ /spyod dang thar ba'ang rang 'ga' yin/ /legs par brtags pa'i slob ma la/ /slob dpon gyis ni dkyil 'khor bri/ /'jam zhing snyan par smra ba dang / /snying rje la sogs phan sems ldan/ /thos dang klog la mngon par brtson/ /gsang ba'i cho ga lhag par dad/ /rtag par rgyun du bla ma gus/ /slob ma de ni yongs su gzung / /de ni dngos grub ma lus pa/ /sgrub byed ye shes bshad bya ste/ /lha ni mnyes par ma byas na/ /bdag nyid rnam par sun 'byin yin/ /dpal ldan khrag 'thung sogs 'khor lo'i/ /sngags rnams mnyes la rab dad cing / /dpa' bo'i snying po'i gsang sngags ni/ /khri phrag gsum du bzlas brjod bya/ /rnal 'byor ma yi 'khor lo yi/ /khri phrag gnyis ni bsnyen par bya/ /kA ka'i gdong sogs rnam pa brgyad/ /snying po rnal 'byor ma bzhi yi/ /stong phrag lnga dang lnga brgya ni/ /sngon du bsnyen pa bya ba ste/ /bdag gam yang na dkyil 'khor ni/ /sngon du bsnyen pas 'grub par 'gyur/ /gang 'dir rjes gnang dbang bskur ba'i/ /bla ma'i gtso bo bri bya zhing / /'khor lo'i yo byad phun tshogs pa'i/ /slob mas de la gsol ba gdab/ /'khor lo mchod pa'i rim ji bzhin/ /khyod kyis thams cad 'byor gyur te/ /rnal 'byor rnal 'byor ma dga' bar/ /gus pa yis ni byed nus sam/ /gal te dpa' bo thams cad du/ /gzi brjid can byed nus smras pa/ /de nas dpa' bo chen pos 'dir/ /shes rab yan lag gnyis med lus/ /dpal ldan khrag 'thung rnal 'byor che/ /'khor lo kun la rnam par bzhugs/ /dang po gnas ni khyad par du/ /de las 'bad pas btsal bar bya/ /sems can don bya'i rgyu ru ni/ /bdag gi byang chub de la gzhag /da ni dngos grub thams cad kyi/ /yon tan gnas ni bshad bya ste/ /shin tu bgrod par dka' ba yin/ /dur khrod chen po'i gnas dag tu/ /ro langs dang ni srin po rnams/ /mi bzad 'jigs pa'i sgra sgrogs pa/ /yi ge pheM gi sgras khyab pa'am/ /sgrub pa po dang mtshams phyogs su/ /'jigs bral yongs su dag pa'i blos/ /ma lus rnam rtog rab bsal te/ /byams dang snying rje'i rgyan gyis ni/ /'dres med rnal 'byor pa bder gnas/ /sems can gcig tu gdug cing gtum/ /sdug bsngal dang ni las kyis gzir/ /stong dang snying rje'i snying po yis/ /byang chub la gzhag yid la bya/ /kye ma sems can sdug bsngal zhing / /kun rtog la ni mngon par zhen/ /de yi rtog pa gzhom phyir bdag /dpal ldan he ru ka rang bya/ / sngon du bsnyen pa'i cho ga'o/ /gnas las langs pa nyid dang ni/ /'jug dang rdzogs pa nyid dag dang / /byin gyis brlabs dang dbang bskur dang / /ting 'dzin mchod pa nye bar bsdu/ /yang dag ye shes rgyud shes shing / /he ru ka dpal gsang sngags shes/ /khro ba med cing gtsang la mkhas/ /sbyor shes ye shes pha rol 'gro/ /dpal ldan khrag 'thung sogs cha lugs/ /bdag nyid sngon du byed bdag ni/ /skye ba bye ba stong phrag tu/ /gsang ba'i ye shes rnam par spangs/ /dman la mos pa'i sems can rnams/ /mthong nas slob dpon tshul la gnas/ /sems can gdon par bya'o zhes/ /snying rjes non pa'i sems dang ldan/ /de bas he ru ka rnal 'byor/ /bde mchog mgon po bdag ston no/ /dam tshig skyong zhing sten byed pa/ /bu khyod ci ga spro gyur tam/ /he ru ka dpal tshul 'di la/ / bza' dang bsrung la brten pa dang / /skye bo mang po'i sdig pa ni/ /bsags pa rnam par 'jig byed pa/ /dpa' bo 'khor lo sdom pa yi/ /sdom pa so sor bsrung bar bgyi/ /slob mas gsol ba'o/ /de nas 'dir ni dpa' bo ches/ /sngon du spyad pa byas nas ni/ /da ni sems can bsgral bya zhes/ /dga' ba'i sems ni sngon du bya/ /'khor lo bde mchog dpal rnal 'byor/ /rgyud kyi cho gas lha rnams ni/ /mnyes byas dkyil 'khor bri bya zhing / /sa yang yongs su brtag par bya/ /ri dang nags dang sman ljongs dang / /rgya mtsho chen po'i 'gram dang ni/ /sngon nas grub pa'i dur khrod dang / /yid du 'ong ba'i sa phyogs dang / /gang yang sems ni 'jug pa dang / /mdzes shing yid ni dga' ba ru/ /chu dang ba lang lci bas byug /me tog sna tshogs rnam par dgram/ /dbugs dbyung mchog dang bar ma dang / /dri ni chu dang bcas par byug /de la sogs pas mnye ba dang / /kun du rgya cher brdung ba dang / /shar dang byang du gzhol bas ni/ /sngags pa rnams ni dngos grub 'grub/ /dbus su mtho bas rgyal srid dam/ /rig pa 'dzin pa'i gnas dag thob/ /byang du mtho bas 'chi 'gyur cing / /nor rnams rab tu 'jig par byed/ /ji skad bshad pa'i shar mtho bas/ /rigs rnams rab tu zad par byed/ /dbus su dma' ba'i rang bzhin gang / /sgrub pa po ni 'joms dang ldan/ /de ltar mtshan nyid bcas pa yis/ /dpa' bo'i dbang po sogs pas mtshan/ /sa yi mtshan nyid bstan pa'o// //de ltar sbyong ba byas mdzes pa'i/ /sa yi dbus su 'dug nas su/ /mdzes dkar ma mo zhes bya ni/ /bskul ba 'di yis gsol ba gdab/ /dang po sgra la sogs sngon gyis/ /rnal 'byor dmigs pa thams cad du/ /dpal ldan khrag 'thung rnal 'byor che/ /gnyis med ye shes la legs gnas/ /sa la reg pa'i phyag rgya dang / /mi shigs thig ler byas pa yis/ /sor mos lan gsum bsnun nas ni/ /bkug nas mdun du 'dug par bsam/ /yan lag rgyan rnams thams cad dang / /kha dog ser pos legs par mdzes/ /lag na bum pa thogs nas ni/ /bdag gis ci bgyi bka' stsol smra/ /mchod yon rkang bkru sogs byin la/ /gzi brjid can des 'di ltar bya/ /skyob pa sangs rgyas thams cad kyi/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dpang du gyur/ /shAkya seng+ge skyob pa yis/ /ji ltar bdud kyi sde bcom pa/ /de bzhin bdag gis bdud sde las/ /rgyal bar byas nas dkyil 'khor bri/ /de skad lan gsum brjod nas ni/ /der ni thim par rnam par bsam/ / sa bslang ba'o/ /mgul rgyan gdu bu rna rgyan dang / /spyi bo'i nor bus rnam par brgyan/ /mchod phyir thogs rgya thal ba yi/ /rgya yis yan lag kun nas brgyan/ /dpal ldan khrag 'thung rnal 'byor che/ /bsgoms nas bgegs rnams bsal bar bya/ /de nas rkang pa gnyis su yi ge hUM las 'bar ba'i rdo rje bsams la/ mig gnyis su ma dang Ta las zla ba dang nyi ma bsams te/ rdo rje'i lta bas thams cad du bltas la/ lag pa g.yon gyis dril bu bzung zhing / /g.yas kyis rdo rje gsor ba la 'bad de/ kha T+wAM ga la legs par 'khyud nas sa de na gnas pa 'dis bskrad par bya'o/ /sa phyogs 'dir sems can gyi don rtsom gyis lha dang / klu dang gnod sbyin dang / dri za dang 'byung bo dang / yi dwags dang / srin po dang srin mo la sogs pa gang dag gnas pa'i sa'i bdag po myur du song shig /'di ltar dpal he ru ka'i bka' nos la myur ba nyid du song shig / gang dag mi 'gro ba de la nga'i ye shes kyi rdo rje dang / kha T+wAM ga 'dis spyi bo nas rnam pa brgyar dgas par bya'o zhes lan gsum brjod par bya'o/ /dbang ldan gyi phyogs nas brtsams te g.yas nas lan gsum du bskor bar bya'o/ /bskal pa'i me lta bu'i 'od zer rkang pa'i 'og nas byung nas gdug pa rnams bsregs par gyur nas/ phan tshun byer bar gyur par bsam mo/ /g.yas dang g.yon du bskor ba dang / 'khyud dang ku tsa pa yi dang / /ba ri ti dang swa ti ka /brid de ke shig kya la sogs/ /chags bcas tshul gyis sbyor bas ni/ /rol ba rab tu bya ba dang / /rol ba'i gom stabs bcas pa'am/ /gom pa brgyad pas gar bya'o/ /rkang pa bskyod dang lag pa bskyod/ /smin ma 'degs dang rab dgas 'brang / /cung zad ngo tsha'i mig zur dang / /brla rgyas blta na sdug pa dang / /mig yangs gar ni byed 'gyur zhing / /kha yi pad+ma 'dzum dang bcas/ /cung zad dmar ba'i mche ba 'chang / /kun+da ltar dkar so yi phreng / /dpal ldan khrag 'thung rnal 'byor che/ /sems can sgrol ba rmad du byung / / de la sogs pa'i gar gyis ni/ /bgegs la sogs pa bskrad par bya/ /zhal bzhi la sogs sngags kyis ni/ /phur bu ra ba dra ba bya/ /mtha' dbyangs yig las byung ba yi/ /sna tshogs rdo rje'i rang bzhin sa/ /yi ge bdun pa'i sngags kyis ni/ /rdo rje'i lta bas bltas nas ni/ /dkyil 'khor gyi ni sa'i cha/ /nyes dang ldan yang dag par 'gyur/ /bgegs bsal ba'o// //nA da sogs pa'i gzugs las byung / /ri la sogs pa ji bzhin bsam/ /in+d+ra nI la'i sa gzhil/ /'khor lo gsum gyi bdag nyid bsam/ /sna tshogs pad+ma 'jam pa la/ / ji bzhin gnas su rnam par bsam/ /A li kA li la sogs las/ /dkyil 'khor du ni rnam par brtag /de la gtso bo'i gnas su ni/ /dpal ldan khrag 'thung shes rab kyis/ /yan lag gnyis med 'dus gyur pa/ /pho brang mchog dpal rnal 'byor ma/ /gnyis su med par ji bzhin bsam/ /rang bzhin mi gnas ye shes 'khor lo ni/ /dam tshig 'khor lor 'di yis gzhug par bya/ /rkang pa gnon cing gyen du bltas nas ni/ /pheM zhes bya ba'i sgra ni bsgrag par bya/ /phyogs bcur gnas pa'i dpa' bo dang / /rnal 'byor ma ni dgug pa ste/ / dang por go cha ji bzhin pas/ /legs pa nyid du bsrung bar bya/ /mdzub gnyis mdud cing gung mo gnyis/ /sbyar te mthe bong rdo rje ni/ /brtan par sbyar la dpral ba yi/ /dbus su legs par gzhag par bya/ /phyag rgya ma mo'i tshogs bskul nas/ /bskor zhing bskor zhing nges gzhug par/ /dam tshig 'khor lo bsam par bya/ /mkha' 'gro kun dang gnas bdag ni/ /yid kyis mkhar bsam yid gzhug bsam/ /sa yi 'jig rten dag phyogs gzhug /sa 'og lus ni kun la sbyar/ /rang mdog phyag sogs yan lag 'khyud pa dang / /thams cad mchod cing phyogs su ma mo rnams/ /mtshams su brgyad po rnams dang sa yi ni/ /bdag po rnams kyang legs par bsam par bya/ /ye shes kyi 'khor lo spyan drangs pa'o// //rang gi ming brjod gsang sngags rgyal/ /dang po oM dang hUM gnyis ldan/ /phaT dang yang dag sbyar ba ni/ /lha rnams ma lus pa yi yin/ /bar ma dbugs dbyung mchog dri chus/ /mchod par rtag tu brtson pa dang / /cho ga'i rjes mthun thams cad mchod/ /dpal ldan khrag 'thung sogs bsam pa/ /rang gnas dbus kyi phyogs su ni/ /yongs su bskor cing bshad pa yi/ / gsang sngags ji bzhin rim dang po/ /g.yon nas bskor zhing rang bdag dang / /tha dad phyi yi me tog sogs/ /mchod par rtag tu brtson pa dang / dpal ldan khrag 'thung rjes mthun 'gro/ /ma lus lhag par gnas bya zhing / /gsang sngags rgyal po sngon 'gro bas/ /phyogs kun ma lus khyab pa dang / /ku tsa gnyis ni 'khyud pa yis/ /dpal ldan khrag 'thung sogs sum cu/ /rtsa bdun rnams bsams cho gas mchod/ /gnyis med ye shes las byung ba/ /khyab bdag dngos kun bdag nyid can/ /ston pa'i gtso bo khrag 'thung dpal/ /phag mo lhan cig yang dag ldan/ /gang du phyogs bcu'i dpa' bo dang / /rig pa'i lha mo rdzu 'phrul can/ /byang chub sems dpa' la sogs kun/ /ma lus bdag la dgongs su gsol/ /slob ma la ni phan pa dang / /khyed rnams la yang mchod pa'i phyir/ /rdo rje can bdag 'di zhes pa/ /nang par dkyil 'khor bri bar bgyi/ /rjes su brtse bar nyer dgongs te/ /kun gyis byin gyis brlab du gsol/ /dri zhim me tog phreng ba dang / /thod pa der ni lnga pa ste/ /dpal ldan khrag 'thung sogs kun la/ /bdug spos legs par dbul bar bya/ /de 'og rang gi dbugs dbyung bsam/ /cho gas brtul zhugs can zhugs bya/ /lha la gsol ba gdab pa'o// //slob ma'i gtso bo la sogs pa/ /lhag par gnas bya mchod par bya/ /bu tshur theg pa chen po la/ /khyod ni tshul chen snod yin te/ /gsang sngags spyod pa'i cho ga 'di/ /khyod la yang dag bshad par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i rdzogs sangs rgyas/ /'gro la phan phyir bzhugs pa kun/ /de dag kun gyis gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /skyob pa dpal ldan he ru kas/ /bdud sde shin tu mi bzad pa'i/ /dpung chen dag kyang de yis bcom/ /de bas kun mkhyen thob pa'i phyir/ /bu yis blo gros 'di gyis shig /dpa' bo'i yan lag las byung ba'i/ /sdom pa la sogs slob ma la/ /byang chub thob pa'i don gyi phyir/ /cho gas thams cad sbyin par bya/ /sangs rgyas chos dang dge 'dun la/ /rtag par bdag ni skyabs su mchi/ /rnal 'byor gsang sogs mkha' 'gro ma/ /'khor lo gsum gyi bdag nyid can/ /kun la rtag tu skyabs su mchi/ /dpa' bo dpa' mo dbang lha mo/ /byang chub sems dpa'i bdag nyid che/ /khyad par du yang slob dpon la/ /rtag par bdag ni skyabs su mchi/ /dpal ldan khrag 'thung sogs dpa' bo/ /rnal 'byor ma dang snang mdzad sogs/ /byang chub sems dpa' dpag med pa/ /thams cad bdag la dgongs su gsol/ /che ge dus 'di nas bzung ste/ /ji srid gnyis med la gnas par/ /de yi tshangs spyod gnyis med pa/ /nyi shu rtsa gnyis legs par bsrung / /rang gi sro ta ni yi rgyun/ /yi ge bdun gyis mngon bsngags pas/ /slob ma rnams ni bsrung ba'i phyir/ /thigs pas kun du dgang bar bya/ /'jig rten dbang phyug gis kun gyi/ /kha nas thams cad dbang bskur ro/ /dkyil 'khor gyi ni sa yi cha/ /gnyis med ye shes las byung mchog /dpal chen kun gyi rang lha mo/ /mchod pa'i cho ga rjes su spyad/ /phyi nang bdag nyid can gyis kyang / /dpal chen khrag 'thung 'khor lo mchod/ /slob ma lhag par gnas pa'i cho ga'o// //shes rab can gyis nang par sngar/ /thig gdab gnyis med ye shes las/ /byung ba'i dkyil 'khor kun bri'o/ /slob dpon mtshan nyid bzang dang ldan/ /yang dag ye shes de nyid shes/ /dpal ldan khrag 'thung gsang sngags shes/ /khro med gtsang la mkhas pa dang / /sbyor shes ye shes pha rol 'gro/ /thod pa las byas spyi bor bcings/ /yan lag thams cad rnam par byugs/ /lus la phyag rgya drug la sogs/ /kha T+wAM ga ni lag na thogs/ /brgya phyed pa yi phreng bas brgyan/ /he ru ka dpal rang byas te/ /'khor lo la bltas snying gar dgod/ /de ltar bdag nyid go bgos shing / /sngags dang phyag rgyas brgyan nas ni/ /dngos grub chen po rab stsol ba'i/ /dkyil 'khor 'jigs pa bri bar bya/ /de nas ro yi srad bu la/ /ma hA ru ti ras brlan pas/ /dpal ldan khrag 'thung dkyil 'khor gyi/ /grong khyer dam pa'i thig gdab bo/ /khru gang pa la sogs bri zhing / /ji srid bcu gnyis bcu drug par/ /rnal 'byor dbang phyug dbang phyug che/ /shes rab can gyis thig gdab bo/ /dpal ldan khrag 'thung sogs bsam pa/ /ji bzhin srad bu lnga ru ni/ /rnam par phye ste bcos nas su/ /dpal ldan khrag 'thung la sogs pa/ /spyan drangs nas ni de ru gzhug /sangs rgyas kun gyi mkha' 'gro ma/ /rtsa ba'i sngags dang gnyis med me/ /pad+ma'i snod du legs gzhag ste/ /rang byung me tog dag gis mchod/ /ye shes thig ni bskyed nas su/ /mkhas pas thig ni gdab par bya/ /sngon chad cho ga mthong gyur pas/ /ye shes thig ni gdab par bya/ /bla mas khu tshur gyis gzung zhing / /gcig gi mtha' ru slob ma yis/ /dbugs 'byin 'gro bar bsams nas su/ /thig gnyis dag ni legs par bsgril/ /gnyis med gnyis su med sngags kyis/ /bsgril nas de ni thig gdab bya/ dz+dza dz+dza zhes pas legs btang zhing / /blo ldan rgyab nas 'gro bar bya/ /dang por shar dang lho yi ni/ /sgo dbus ji bzhin gnas nas su/ /lho ru mngon bar phyogs nas kyang / nam mkhar de bzhin thig gdab bo/ /g.yon pa rdo rje khu tshur gyis/ /lte ba'i phyogs su bzung nas su/ /shar du bltas nas dpa' bo yis/ /sa la tshangs pa'i thig gnyis gdab/ /thig skud dag ni 'debs pa'i tshe/ /'jig rten khams ni ma lus pa'i/ /sangs rgyas la sogs 'gro don gyi/ /khyod kyi dus ni yin zhes bskul/ /slob dpon nyid dang grogs kyis ni/ /g.yon nas bskor ba shin tu brtson/ /rlung dang dbang ldan phyogs gnas dang / /me dang bden bral phyogs gnas te/ /bla mas mtshams su thig gnyis ni/ /me yi phyogs nas brtsams te gdab/ /byang du mngon par bltas nas ni/ /me yi phyogs su thig gdab bo/ /nub phyogs su ni kha bltas pas/ /bden bral du ni srad bus bri/ /rlung gi phyogs su gnas pa dang / /lho phyogs su ni bltas pa yis/ /nub kyi thig ni gang yin ba/ brtul zhugs can gyi cho gas gdab/ /dpa' bos shar du bltas nas ni/ /byang gi thig ni gdab par bya/ /phyogs la sogs pa'i dbye shes nas/ /kun nas thig ni thams cad kyang / /man ngag ji ltar thob pa las/ /blo ldan ji bzhin thig gdab bo/ /zur bzhi pa la sgo bzhi pa/ /rta babs bzhis ni rnam par brgyan/ /dra ba dra phyed 'phyang bas mdzes/ /g.yer kha'i phreng ba'i dra ba can/ /mtshams kyi cha ni thams cad dang / /sgo khyud kyi ni nang rnams su/ /rdo rje rin chen gyis spras pa/ /phyi'i dkyil 'khor thig gdab bo/ /de yi nang du pad+ma ste/ /pad+ma'i rgyab tu 'khor lo bya/ /'khor lo gnyis pa de yi rgyab/ /rdo rje phreng bas bskor bar bya/ /rdo rje 'khor lo cha mnyam par/ /rdo rje'i thig gis bskor bar bya/ /ge sar dang ni 'dab mar bcas/ /'dab ma bcu drug dag tu gnas/ /man ngag dag ni thob pa las/ /dkyil 'khor thig gdab kun shes nas/ /sgo ni 'khor lo'i brgyad cha ste/ /khyams ni de yi phyed du bya/ /sgo khyud dag ni sgo yi tshad/ /lha yi snam bu'i tshad de bzhin/ /mtshams kyi thig nas bskor ba dag /rta babs kyi ni gnas su bshad/ /ba dan dril bu'i 'od zer gyis/ /brgyan par thams cad thig gdab bo/ /lcags ri'i mthar thug ba yi bar/ /rdo rje'i phreng bas mngon bskor zhing / /'od kyi dkyil 'khor nang du ni/ /rim gnyis thig ni gdab par bya/ /tshon gyi sa ni de yi phyed/ /rtsa ba'i thig ni gdab par bya/ /dang por rdo rgyus thig sogs pas/ /thig rnams thams cad nges par bya/ /de yi steng du ye shes thig /kun nas yongs su brkyang bar bya/ /ye shes kyi thig gdab pa'o// //dur khrod rus pa'i phye ma dang / /de yi so phag yang dag ldan/ /de yi shing gi 'dab ma ni/ /rnal 'byor bas de'i tshon du sbyar/ /de yi sol ba'i phye ma dang / /ba bla dag dang de bsres te/ /kha dog lnga dang yang dag ldan/ /lnga po lngar ni sprul par bya/ /dur khrod sa gnas thams cad ni/ /dbang phyug chen po'i rgya 'di yis/ /ye shes thig ni ji bzhin du/ /brtul zhugs can gyis tshon bskyed bya/ /sems dag nang par langs nas ni/ /khrus ni ma lus byas nas su/ /rgyud kyi yan lag ma lus pa'i/ /las ni dkyil 'khor dag tu brtsam/ /'di ni chos dbyings dag pa ste/ /sems can khams ni sgrol byed pa/ /dpal ldan khrag 'thung rgyal po nyid/ /de bzhin gshegs pa kun gyi gnas/ /nyes pa kun las rnam par grol/ /tshon gyi las ni yang dag brtsam/ /slob dpon gyis ni dang por dgye/ /phyi nas kun du slob mas so/ /gnas lnga sogs par brtsams nas ni/ /ri mo lnga la rgyab tu'o/ /tshon dang bzo yi las byed pa/ /dam tshig dang ni bslab pa sbyin/ /mthe'u chung gi ni sor gyi dpangs/ /drang la mtho bar yang dag bri/ /gal te ri mo mi mnyam pa'am/ /yo zhing dma' dang chad pas kyang / /ri mo dma' bas mi 'grub cing / /yon pos gdud ba skyed byed la/ / chad pas slob dpon slob ma dag /gnyis ka 'chi bar shes par bya/ /de bas mtshan ldan ri mo ni/ /mtshan nyid kun gyis mtshan par bya/ /slob ma la sogs 'dir zhugs nas/ /dri yi chus ni rab gang bas/ /lus kun dbang ni bskur bya zhing / / gnod mdzes sngags kyi rig pas blud/ /yig bdun rnal 'byor bdag nyid can/ /skye ba bdun sogs sdig pa can/ /slob ma cho gas bkrus pas ni/ /sems ni shel dang 'dra bar 'gyur/ /nang gi pad+ma'i 'dab ma ni/ /gser la sogs pa'i phye mas so/ /pad+ma'i rgyab kyi 'khor lo ni/ /rtsibs brgyad pa yang de dang mnyam/ /rdo rje ka ba'i rtsibs la ni/ /rdo rje'i thig gis bskor bar bya/ /mthing shun la sogs mdog gis ni/ /thugs kyi 'khor lo rab tu grags/ /de bzhin 'khor lo'i rtsibs dag kyang / /pad+ma'i ka bar yang dag ldan/ / pad+ma'i thig gis bskor ba ni/ /gsung gi 'khor lo zhes sprul pa/ /byi ru la sogs mdog 'dra'i phyes/ /'khor lo 'bar ba'i las bya'o/ /sku yi 'khor lo rnam dgod pa/ /rtsibs brgyad snga ma de dang 'dra/ /de bzhin 'khor lo'i ka ba dang / /'khor lo'i thig gi dbye bar bya/ /mu tig la sogs phye ma yis/ /sku yi 'khor lo bri bar bya/ /ji ltar pad+ma la sogs cha/ /sgo yi cha yi kha dog ste/ /ri mo lnga sogs kha dog mdzes/ /ji ltar mdzes par rab tu brtag /tshon dgye ba'o// //de ltar sna tshogs bris pa yi/ /gzhal yas khang mchog lha yi gnas/ /cho ga mthong bas dang por ni/ /ji srid bshad bzhin rdzogs par bya/ /tshogs rnams kun gyis rab brgyan cing / /bde ba thams cad rab ster ba'o/ /dpal ldan khrag 'thung la sogs ni/ /'khor lo gsum bdag nyid can sprul/ /mkha' spyod sa spyod ces bya dang / /sa 'og la sogs mi 'am ci/ /khwa gdong la sogs brgyad po ni/ /rang gi stan la bzhugs par dgong / /ri yi rtse mor ge sar dang / /sna tshogs pad+mar A li dang / /kA li uSh+ma Ni'i bzhi pa/ /thig le sgra las yang dag 'byung / /he ru ka dpal rgyal po che/ /shes rab yan lag gnyis med 'du/ /zhal bzhi zhal re spyan gsum pa/ /mgo dang dum bus rnam par brgyan/ /ljang dang dmar dang de bzhin ser/ /phyag ni bcu gnyis yang dag ldan/ /g.yas brkyang pa yi rnam pas bzhugs/ /ral pa'i thor tshugs dar dpyang dang / /phyag gnyis dag gis 'khyud par mdzad/ /gzhan gnyis glang chen pags pa ste/ /dgra sta rtse gsum gri gug dang / /Da ma ru ni phyag g.yas na/ /kha T+wAM ga dang de bzhin du/ /thod pa khrag gis bkang ba dang / /phyag na zhags pa dag dang mgo/ /bdud ni bzhi las rnam rgyal ba/ /phyag g.yon dag na bsnams par mdzad/ /yi dwags chen po kun khyab po/ /pang na gnas pa'i phag mo ni/ /phyag gis 'khyud par mdzad pa las/ /gdug pa bdud kyi khrag 'chang zhing / /zhal nas khrag gi rgyun 'dzag pa/ /khrag chen gyis byugs sku yan lag / chags dang bcas shing skra grol ba/ /thod pa'i phreng bas bcings pa yin/ /ha ha zhes bzhad spyan gsum sku/ /dum bu dang ni thod pas brgyan/ /g.yas na sdigs 'dzub rdo rje ste/ /bdud sogs kun la bsdigs par mdzad/ /mkha' 'gro ma ni mA ma kI/ /mdun gyi 'dab ma 'don par bzhugs/ /phyag bzhi skra ni grol ba la/ /rtse mo lnga yis rnam brgyan pa/ /phyag rgya lnga sogs sku la mnga'/ /spyan gsum khro ba'i hUM mdzad cing / /sku mdog sngo la 'jigs pa che/ /ha ha zhes ni 'jigs par mdzad/ /thod pa'i cod pan lnga pa ste/ /dbu skra grol zhing 'jigs par mdzad/ /kha T+wAM ga brten thod pa rnams/ /rnal 'byor mtshon cha DA mar g.yas/ /phyag bzhi pas ni rnam par brgyan/ /g.yon nas bskor ba'i pad+ma la/ /lA ma zhes bya sgrol mdzad ma'o/ /sku mdog ljang gu 'jigs pa che/ /ha ha zhes bzhad gtsigs pa'o/ /rtse bran lngas ni brgyan pa ste/ /dbu skra grol zhing 'jigs mdzad pa/ /spyan gsum pa la hUM mdzad cing / /kha T+wAM ga brten thod pa bsnams/ /rnal 'byor mtshon dang Da ma ru/ /phyag bzhi pas ni rnam par brgyan/ / khaN+Da ro ni gos dkar mo/ /byang gi 'dab ma gnon pas bzhugs/ /sku mdog dmar mo shas cher 'bar/ /phyag bzhi 'jigs pa'i hUM mdzad pa/ /dbu skra grol zhing 'bar ba la/ /rtse bran lngas ni rnam par brgyan/ /rnal 'byor snod dang kha T+wAM ga /rnal 'byor mtshon dang DA ma ru/ /phyag rgya lngas ni brgyan pa dang / /spyan gsum 'og pag dag gis brgyan/ /nub kyi 'dab mar gzugs can ma/ /spyan ni sra ba'i bdag nyid can/ /sku mdog ser zhing cher 'bar ba/ /ha ha zhes bzhad 'jigs par mdzad/ /skra grol kha T+wAM ga dang bcas/ /phyag bzhi dag gis rnam par brgyan/ /spyan gsum hUM gis 'jigs par mdzad/ /rtse bran lngas ni rnam par brgyan/ /phyag rgya lnga sogs sku la mnga'/ /rnal 'byor mtshon snod bsnams pa'o/ /chu dang me dang rlung dang ni/ /sa yi khams dag nyid yin no/ /grub pa'i rnal 'byor ma bzhi'o/ /phyi dang nang na yang dag bzhugs/ /mtshams kyi cha yi pad+ma la/ /ma dang de bzhin pha dag dang / /rgyal po dang ni rgyal rigs gnyis/ /mgo bo'i snod ni mchod byed pa/ /gnyis med ye shes rnal 'byor ma/ /bu la sogs pas yang dag drangs/ / bkug ste 'khor lo'i nang du gzhug /rnal 'byor can gyis rtag tu mchod/ /de la bu skyes rnal 'byor ma'i/ /'khor lo'i gnas ni bshad bya ste/ /pu zhes bya ba ni bul+li ra ma la ya ste/ thod pa'i dum bu can dang / rab tu gtum ma'o/ /dzA zhes bya ba ni dzA lan+d+ha ra ste/ /keng rus chen po dang / gtum mig ma'o/ /o zhes bya ba ni o D+yan te/ keng rus can dang / 'od ldan ma'o/ /a zhes bya ba ni arbu da ste/ mche ba rnam par gtsigs pa dang / sna chen ma'o/ /de dag ni gnas so/ /go zhes bya ba ni go dA ba ri ste/ lha dgra dang / brtan pa'i blo can ma'o/ /ra zhes bya ba ni ra mi shwa ri ste/ /'od dpag med dang / mi'u thung ma'o/ /de zhes bya ba ni de bi ko Ti ste/ rdo rje 'od dang / laM ka'i dbang phyug ma'o/ /mA zhes bya ba ni mA la be ste/ rdo rje'i sku dang / shing grib ma'o/ /de dag ni nye ba'i gnas yin la/ thugs kyi 'khor lo ste/ nam mkha' la rgyu ba yin no/ /kA zhes bya ba ni kA ma rU pa ste myu gu can dang / sa srung ma'o/ /o zhes bya ba ni o Te ste/ rdo rje ral pa can dang / 'jigs byed chen mo'o/ /de dag ni zhing ngo / /tri zhes bya ba ni tri sha ku ne ste/ dpa' bo chen po dang / rlung gi shugs can ma'o/ /ko zhes bya ba ni ko sa la ste/ rdo rje hUM mdzad dang / chang 'thung ma'o/ /de dag ni nye ba'i zhing ngo / /ka zhes bya ba ni ka ling ka ste/ rab tu bzang po dang / mdog ljang ma'o/ /la zhes bya ba ni laM pA ka ste rdo rje bzang po dang / shin tu bzang mo'o/ /de dag ni tshan+do ha'o/ /ka zhes bya ba ni kAny+tsi ste/ 'jigs byed chen po dang / rta rna ma'o/ /hi zhes bya ba ni hi mA la ya ste/ mig mi bzang dang / bya gdong ma'o/ /de dag ni u pa tshan+do ha yin pas gsung gi 'khor lo ste/ sa la rgyu ba yin no/ /pre zhes bya ba pre ta pu ri ste/ stobs po che dang / 'khor lo'i shugs can ma'o/ /gr-i zhes bya ba ni gr-i ha de ba ste/ rin chen rdo rje dang / dum skyes ma'o/ /de dag ni 'dus pa zhes bya'o/ /sau zhes bya ba ni sau rASh+Ta ste/ rta mgrin dang / shoN+Di ni'o/ /su zhes bya ba ni su war+N+Na dwI pa ste/ nam mkha'i snying po dang / 'khor lo'i go cha ma'o/ / de dag ni nye ba'i 'dus pa can no/ /na zhes bya ba ni na gar ste/ dpal he ru ka dang / shin tu dpa' mo'o/ /si zhes bya ba ni sin+d+hu ste/ pad+ma gar gyi dbang phyug dang / stobs chen ma'o/ /de dag ni dur khrod do/ /ma zhes bya ba ni ma ru de sha ste/ rnam par snang mdzad dang / / 'khor los sgyur ma'o/ /ku zhes bya ba ni ku lu tA ste/ rdo rje sems dpa' dang / brtson 'grus chen mo'o/ /de dag ni nye ba'i dur khrod do/ /sku'i 'khor lo ste sa'og na gnas pa yin no/ /sgo rnams ni khwa gdong can ma dang / 'ug gdong can ma dang / khyi'i gdong can ma dang / phag gdong can ma'o/ /mtshams rnams su ni gshin rje brten ma dang / gshin rje'i pho nya mo dang / gshin rje mche ba ma dang / gshin rje 'joms ma'o/ /grub pa'i dpa' bo rnal 'byor ma/ /phyogs kun du ni rnam par gnas/ /pha rol phyin bcu dag pa de/ /sa bcu la ni rnam par bzhugs/ /he ru ka dpal rgyal po che/ /phyi dang nang du yang dag bzhugs/ /de la sogs pa mtha' yas mchog /byang chub sems dpa' du ma'o/ /dkyil 'khor du lha dgod pa'o// //mkha' 'gro ma la sogs pa dang / /sgo srung brgyad po ma gtogs pa/ /'khor lo gsum la thod pa'i dum bu la sogs pa rnams ni phyag gnyis pa/ zhal gcig pa ral pa'i thor tshugs dang dar gyis brgyan pa/ phyag rgya lnga dang spyi gtsug gi nor bu dang ldan pa 'og pag gis brgyan pa/ spyan gsum pa/ phyag gnyis kyis 'khyud pas/ rdo rje dang dril bu bsnams pa/ lha mo la gzigs shing sgros 'dzin pa'o/ /rab tu gtum mo la sogs pa'i lha mo rnams ni/ rang gi bdag po'i sku mdog dang ldan pa/ zhal gcig pa phyag gnyis pa ste/ dbu skra grol bas rnam brgyan pa/ /thod pa dang ni 'khyud pa dang / /gri gug dang ni sdigs mdzub can/ /spyan gsum hUM gis 'jigs par byed/ /rtse bran dum bus rnam par brgyan/ /mkha' 'gro ma sogs thams cad kyang / /g.yon nas bskor ba sngon 'gro ba/ /rgyu dang mi rgyu'i 'jig rten gsum/ /'gro kun g.yon nas 'byung ba yin/ /dkar min dkar dang dmar po ni/ /tha ma mchog dang bar ma ste/ /thams cad ji bzhin dgod pa ni/ /bla ma'i rim gyis drin yin no/ /kha la sogs pa brgyad po ni/ /mkha' 'gro la sogs dbye ba yis/ /zhabs kyis rol gnon pa dang / /sna tshogs gzugs can bzhi po yin/ /thams cad khro bo rnam rgyal sogs/ /rnal 'byor ma brgyad sprul pa yin/ /rdo rjes mtshan pa'i kha T+wAM ga/ /pad+ma'i snod ni lnga can te/ /g.yas pas mtshon cha 'phyar ba ni/ /gdug ba thams cad nges gnon pa'o/ /dpal ldan he ru ka sogs kun/ /g.yon gyis 'khyud cing nu ma 'dzin/ /lha rnams kyi phyag dang / sku mdog dang phyag mtshan te/ byang chub kyi yan lag sum cu rtsa bdun du byas pa'o/ /nA da'i gzugs sogs sngon du 'gro ba dang / gos dang phyag rgya lnga la sogs pa dang / shes rab kyi yan lag dang / phur bu dang dra ba dang A li kA li zhes brjod nas/ rgyu sogs stong pa sngon 'gro ba/ /'jug pa sgra la sogs pa nas/ /ji srid bsdus pa'i rim gyis so/ /'bad pa yis te de bzhin du/ /shes rab yan lag stan gyi sting / /mgul rgyan gtsug tor dbu rgyan dang / /rna rgyan tshangs pa'i srad bu dang / /mgul par rgyan bcings mgo por phreng / /ska rags dang ni sil khrol sgra/ /ral pa cod pan dar dang ni/ /bcos ma'i sgra yis rnam par brgyan/ /rdo rje pad+ma kha T+wAM bcas/ /rde'u chung sgra dang hUM sgrogs shing / /dpa' mo kun dang rnal 'byor ma'i/ /go cha gsum gyis brgyan pa yin/ /he ru ka dpal dpa' bo che/ /rang gi bdag nyid gcig tu byas/ /sems can kun la rjes brtse ba'i/ /blo ldan bum pa mngon par bzlas/ /bum pa mchog ni bcu dag tu/ /de nyid kyi ni mtshan nyid gsungs/ /chu ni 'o mar yang dag bsre/ /chu chen chu chung bum pa dag / dri dang me tog sna tshogs pas/ /dbugs dbyung mchog dang bar ma yis/ /dri yi chus ni yang dag byug /kha ni 'dab mas yang dag brgyan/ /sangs rgyas kun gyis mkha' 'gro ma/ /cho ga bzhin du mngon par bzlas/ /mgul pa gos kyis rnam dkris shing / /rgyan ni mdzes pas rnam par brgyan/ /me tog phreng gis kun bskor ba/ /brgyad po dag ni sgo ru dgod/ /bum pa dgu pa dbus su'o/ /ma dang de bzhin pha dag dang / /rgyal po rgyal rigs gnyis kyis ni/ /bum pa chus ni rab tu dgang / /kha dog lnga pa'i gos kyis ni/ /brgyan cing mgul pa dkri bar bya/ /sna tshogs 'dab mas kha dgab cing / /rang byung me tog dag gis mchod/ /lho yi sgo yi logs su ni/ /ri mo'i dbus su gzhag par bya/ /bla re dag ni bre bya zhing / /sna tshogs pa yi gos kyang bre/ /rgyal mtshan gdugs sogs dar rnams kyis/ /gnas dang gnas su rnam par brgyan/ /bum pa gzhag nas mchod pa ni/ /ji skad bshad pa bzhin du bya/ /rin chen gser gyis mdzes par ni/ /dkyil 'khor kun du gtor bar bya/ /spos snod dag ni brgyad po dang / /mar me'i sdong bu de mnyam bya/ /til mar chen pos rab sbar la/ /spos ni lnga po sngon 'gro ba'o/ /sna tshogs me tog 'chang ba dang / /sna tshogs chad dang khu ba dang / /rol mo dag gis rab bkang zhing / /sna tshogs zhal zas lha bshos dang / /sna tshogs rnal 'byor ma pang na/ /dri bzangs me tog sna tshogs ldan/ /sna tshogs pa yi glu len cing / /sna tshogs gar gyis gar bzang byed/ /bkra shis sgra ni sna tshogs pa'i/ /dga' ston shrI he ru ka yi/ /spyod pa dang ni 'gro ba'i gnas/ /'dod pa rnal 'byor ma yi lam/ /sgo bzhi dag tu rnal 'byor ma/ /dpa' bo gnyis med dag gis mtshan/ /tshon chen la sogs gos dag gam/ /dar la sogs pa dag gis brgyan/ /phyag rgya lnga la sogs pa'i lus/ /rtse bran lngas ni rnam par brgyan/ /rdo rje dril bu'i yang dag 'khyud/ /sgo brgya dag tu kha sbyar ro/ / chogs kyi gtso bo bdag po kun/ /'khor los sgyur ba'i rnal 'byor yin/ /sngar bshad rgyan gyis brgyan pa dang / /stan dang gnas ni rnam mdzes par/ /dpal ldan rdo rje dril bu 'phyang / /'khyud cing nu ma 'tshir ba dang / /snying ga mgo bo spyi gtsug dang / /mig sogs go chas rnam par brgyan/ /rdo rje sems sogs byin brlabs la/ /rnal 'byor chen po gnyis med gnas/ /byang chub yan lag sum cu bdun/ /byas shing go bgos mnyam par gzhag /de ltar go bgos bdag nyid ni/ /sum cu gsum pas kyang mi shigs/ /dkyil 'khor gyi lha mo dang dpa' mo rnams la mchod pa'o/ /rang nyid ji ltar grub par ni/ /ye shes 'khor lo rnam par bsgom/ /bdag nyid kha sbyar byas pa yis/ /dam tshig la ni gzhug par bya/ /dang por spyan drangs phyag rgya yis/ /gyen du pheM gyi sgra bsgrags la/ /mchog dang bar ma'i rnal 'byor ma/ /'jig rten khams la sogs pas dgug /rang nyid sku mdog phyag mtshan dbyibs/ /sngar bshad pa yi rgyan dang ldan/ /rang gi phyag mtshan brgyan bcas la/ /ral pa'i thor tshugs dag dang ldan/ /dam tshig 'khor lor zhugs nas ni/ /gnyis med ye shes bsgom par bya/ /he ru ka dpal la sogs kun/ /g.yas brkyang pas ni gdan la bzhugs/ /ye shes kyi 'khor lo spyan drang ba'o// //he ru ka dpal sogs 'khor lo'i/ /lha rnams phyi dang nang gis mchod/ /lha yi grangs bzhin blo ldan pas/ /mdzes pa'i gos kyang dbul bar bya/ /'khor los sgyur dang dpa' bo ni/ /rang byung me tog gis mchod cing / /gdong ni dag par bkru bar bya/ /lho phyogs sgo nas dag pas so/ /gnyis med gnyis med sngags kyis ni/ /mngon par bzlas la byin gyis brlab/ /sangs rgyas kun gyi mkha' 'gro mas/ / khyad par du ni mngon par bzlas/ /sgo srung kun gyi rnal 'byor mas/ /ji srid brgya rtsa brgyad bzlas par/ /sngags pas lha yi grangs bzhin du/ /A li kA li zhes smra zhing / /byin gyis brlabs la mnyam par mchod/ /dkyil 'khor lha rnams mnyes par bya/ /dkyil 'khor byin gyis brlab pa'o/ / //bya ba'i mchod pa'i khyad par ni/ /b+ha ra tis ti ki bri ste/ /ki shig kya dang ar ba ti/ /gar rnams kun gyis gar bya'o/ /chags bcas mngon sbyor tshul gyis ni/ /rnam par 'phyar bas rnam rol cing / /sgeg dang bcas pa'i gom stabs kyis/ /gom stabs brgyad kyis gar bya'o/ /'khyud sogs bya ba kun dang ni/ //'khyud cing nu ma btsir ba dang / /bya ba mchod pa'i khyad par gyis/ /dang po rnal 'byor ma mnyes bya/ /nang gi bdag nyid sbyin sreg gis/ /skye bo dam pa kun 'dus bya/ /he ru ka dpal rgyal po che/ mdza' ba thams cad yang dag 'dus/ /zhi ba'i chu las dngos grub ni/ /dam pa'i gnas ni rtag pa 'grub/ /rgyun chags la sogs thams cad dang / /bza' ba zhim po sna tshogs dang / /sha rlon dag gis khyad par du/ /sngags dang ldan pas sbyin sreg bya/ /oM sarba badzra ki mi ni b+ha k+ShaM sho d+ha ya gu h+ya badzrI Ni hUM phaT swA hA/ mngon par bsngags shing byin gyis brlab pa'o/ /lto ba yis ni sbyin sreg mes/ /pad+ma'i 'dab ma 'dab brgyad pa/ /dpa' bo'i dbang sogs sum cu bdun/ pad+ma'i lte ba ge sar la/ /ji bzhin las kyi rjes mthun par/ /lha yi bdag nyid dngos byas la/ /cho gas sbyin sreg kun byas na/ /brtag mi dgos par dngos grub 'gyur/ /bza' 'am yang na btung ba dag /brtul zhugs can ni ci za ba/ /mchog dang bar ma'i dbugs dbyung ba/ /bsam pa thams cad rab tu brtag / bdag nyid lha ni lha yi mchog /bdag nyid lha ni lha dam pa/ /bdag gi gzugs la ma chags la/ /gzugs brnyan la sogs lta bur shes/ /bdag nyid sangs rgyas thams cad dang / /dpa' bo kun gyi gnas yin te/ /de las 'bad pa thams cad kyis/ /bdag nyid he ru ka dpal mchod/ /de ltar 'bad pa thams cad kyis/ /dge ba yongs su rgyas par 'gyur/ /las tshogs gang zhig bsams pa rnams/ /'grub 'gyur 'di la the tshom med/ /dkyil 'khor las kyi nang gi sbyin sreg go/ /drug cu pa sogs bzar bcas pa'i/ /zan dron sha dang nya sha dang / /bar dang mchog gi lnga po yi/ /gtor ma 'bad de dbul bar bya/ /thod pa'i nang du legs bzhag ste/ /dang po phyag rgyas spyan drang ngo / /gyen du pheM gyi sgra sgrogs shing / /mig dang gdong dang yan lag bsgyur/ /bkug cing bkug cing kun mchod la/ /dpa' bo rnal 'byor mas spyan drangs/ /rdo rje thal mo spyi bor dbye/ /reg par gyur na 'byung bar 'gyur/ /dpa' bo rdo rje rnal 'byor ma/ /ji bzhin las la sbyar bar bya/ /mtshan mo skra grol gcer bu yis/ /brtul zhugs can gyis gtor ma sbyin/ /he ru ka dpal rnal 'byor bdag /des ni rnal 'byor ma rnams mnyes/ /gtor ma'i cho ga'o/ /pha rol phyin pa'i rgya drug sogs/ /byang chub sum cu rtsa bdun nyid/ /gnas la sogs pa sa bcu dang / /che mchog lha yi bdag nyid can/ /gdan du byas pa'i bdag nyid can/ /dbang bskur ba ni dam pa'o/ /dag dang ma dag 'dres pa ste/ /sgrub pa po ni mngon sum gnas/ /mnyes byed rnam par dag pa dang / /gsal byed yon tan ldan pa'i mi/ /de ltar phyi dang nang gi sbyin sreg bya/ /gtor ma'i bya ba dang / mchod pa'i bya ba'i las ma lus par byas pa'i rnal 'byor gyis slob ma ma lus pa'i tshogs kyi bdag nyid mngon sum du byas la 'di skad ces brjod par bya'o/ /gong nas gong ma'i sdom pa ni/ /bu khyod kyis ni bsrung bya ste/ /grol ba'i rgyu ni de las gzhan/ /thabs ni ci yang yod ma yin/ /gnyis med gnyis med rnal 'byor bdag / byang chub shes rab yan lag sprul/ /ma dang de bzhin pha dag dang / /rgyal po dang ni rgyal rigs gnyis/ /thod pa der ni legs bzhag pa/ /slob ma'i sdig pa 'jig byed pa'o/ /slob dpon khas ni dbang bskur ba/ /yig bdun kun mkhyen gyi slob ma/ /bu tshur zhes ni brjod bya zhing / /go cha che la sogs pas bsrung / /rdo rje sems sogs pas go bskon/ /dar dpyad dag kyang bcing bar bya/ /sems can dman dang mchog dang ni/ /slob ma la sogs yid shes bya/ /dngos grub 'dod pas dngos kun gyis/ /dang por slob dpon mgu bar bya/ /slob ma yongs su brtag pa'o// //de nas slob ma sogs bya ba/ /lag pas lag pa bzung nas ni/ /shrI he ru ka ya bid ma he bid+yA rA dzA ya d+hi ma he swA hA/ zhes bya bas dpa' bo bskul bar bya'o/ /sangs rgyas kun gyi rang bzhin sku/ /slob dpon la ni skyabs su mchi/ dpa' bo rnal 'byor ma 'khor lo/ /rnal 'byor gnas la bdag phyag 'tshal/ /slob ma'i gsol ba'o/ /don dam smra ba'i seng+ge rnal 'byor che zhes pa/ nyon mongs gcod pa'i don la shin tu mkhas gyur pa/ /srid pa'i nyes brgya bskyed pa nyon mongs gcod mdzad lha'i/ /rnal 'byor don dam rgyal po de nyid grub par mdzod/ /de bzhin gshegs pa kun gyi gnas/ /he ru ka dpal grong khyer mchog /snying po'i dkyil 'khor 'di ru ni/ /bdag gis slob ma gzhug par bgyi/ /de nas lho phyogs kyi sgor mngon du phyogs par byas la/ oM na maHste hUM/ na maHmi hUM/ ma mo na maHhUM swA hA/ zhes bya bas sku gsung thugs kyi sgo nas phyag bya ba sngon du 'gro bas lan gsum phyag byas la/ oM sarba bI ra yo gi ni pU dzo pas+tha na ya At+ma na nI r+ya ta yA mi/ sarba ta thA ga ta bI ra yo gi ni At+ma naM badzra DA ki ni a d+hi tiSh+ThaM swA maM zhes bya bas lus thams cad kyis phyag byed du gzhug go/ /de nas g.yon phyogs su de snying gar thal mo sbyor du bcug la shar phyogs kyi sgo nas/ oM sarba bI ra yo gi ni pU dza a b+hi She ka ya At+ma naM nI r+ya ta yA mi sarba ta thA ga ta bI ra yo gi ni At+ma naM badzra lA mi rat+na a b+hi Shiny+tsa tu mAM/ de nas byang phyogs kyi sgor thal mo de nyid dpral bar bzhag la phyag byed du gzhug ste/ oM sarba bI ra yo gi ni pU dza pra brta na ya At+ma naM nIr+ya ta yA mi/ sarba ta thA ga ta bI ra yo gi ni At+ma naM badzra khaN+Da ro hir+ya pra brta ya mAM/ de nas nub phyogs kyi sgor thal mo de nyid mgor bzhag la phyag byed du gzhug ste/ oM sarba bI ra yo gi ni pU dza karma ka ra Na ya At+ma naM nIr+ya ta yA mi/ sarba ta thA ga ta bI ra yo gi ni At+ma badzra rU bi ni r+ya karma ku ru mAM/ phyag bzhi'o/ /de nas lhor ni phyogs byas te/ /slob ma'i lag nas bzung nas ni/ /bde mchog sdom pa'i cho ga bzhin/ /thams cad brjod de sbyin par bya/ / sangs rgyas chos dang dge 'dun te/ /dkon mchog gsum la skyabs su song / /'di ni sangs rgyas rigs 'ongs pa'i/ /sdom pa brtan par gyur pa'o/ /rdo rje dril bu'i phyag rgya ni/ /blo chen khyod kyis gzung bar bya/ /byang chub sems gang de rdo rje/ /shes rab dril bu zhes grags so/ / slob dpon khyod kyis gzung bya ste/ /bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par bshad/ /rin chen rigs la rtag tu ni/ /nyin re bzhin yang lan drug tu/ /chos dang zang zing mi 'jigs byams/ /sbyin pa rnam bzhi rtag tu sbyin/ /phyi dang gsang ba'i theg pa gsum/ /dam pa'i chos kyang ma lus bzung / /'di ni pad+ma'i rigs dag pa'i/ /dam tshig yid du 'ong ba'o/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /rtsa ba'i ltung ba bcu bzhi ni/ /gang phyir rgyud las gsungs pa rnams/ /blo chen khyod kyis rtag tu ni/ /dngos grub phyir ni bsrung bar bya/ /dam tshig bsgrags pa'o/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la/ /sdom pa yi ni tshul khrims dang / /dge ba'i chos ni sdud ba dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi gtang ngo / /rdo rje'i rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus gzung / /ma bsgral ba ni bsgral par bgyi/ /ma grol ba ni dgrol bar bgyi/ /dbyugs ma phyung ba dbugs dbyung zhing / /sems can mya ngan 'das la dgod/ /sdom pa gzung ba'o/ /deng khyod dpa' po dang rnal 'byor ma thams cad kyis rigs su zhugs kyis/ ngas khyod la dpal he ru ka'i ye shes bskyed par bya ste/ ye shes gang gis khyod de bzhin gshegs pa thams cad dang / dpa' bo dang rnal 'byor ma thams cad kyi dngos grub kyang thob par 'gyur na dngos grub gzhan lta ci smos/ khyod kyis dkyil 'khor ma mthong ba rnams kyi mdun du smra bar mi bya ste/ dam tshig nyams par gyur ta re/ he ru ka dpal deng khyod kyi/ /snying la yang dag zhugs par gyur/ /gal te tshul 'di smras na ni/ /de ma thag tu dral te gshegs/ /de nas dam tshig blud pa ni/ /ga bur tsan+dan ldan pa dang / /bde ba'i me tog chur bcas pa/ /sangs rgyas kun dang mkha' 'gro ma'i/ /slob ma blo gros brtan pa la/ /blangs te rgyun gyis de la sbyin/ /thob pa legs par sbyangs nas ni/ /gzi mdangs bcas pas 'di skad brjod/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'thob/ oM sarba pany+tsa a mr-i tod ka Tha Tha hUM/ deng nas brtsams te khyod kyi dpal he ru ka nga nyid yin gyis/ /gang 'di byos shig ces bsgo ba de khyod kyis bya'o/ /khyod kyis nga la brnyas par ma byed cig /khyod mi bde ba ma spongs par dus byas nas dmyal bar ltung bar gyur ta re/ de nas dpa' bo dang rnal 'byor ma thams cad kyis byin gyis rlobs shig / dpal he ru ka bdag la dbab par mdzod cig ces smrar gzhug go/ /thang chu lnga rtsi legs sbyar ba'i/ /bskus shing gos ni legs brdungs dang / /byi la'i stug pa nyid dang ni/ /gu gul lhan cig sbyar nas ni/ /pad+ma'i snod du gzhag nas su/ /yi dwags me yis gdung bar bya/ /gnyis med gnyis med sngags kyis ni/ /'gying bcas 'dug ste gzi ldan pa/ /sngar bshad rgyan dang ldan pa dang / /de bzhin go cha bgos nas ni/ /'khor lo kun gyi dpa' bo dang / /rnal 'byor ma rnams de snying gzhug /g.yas brkyang pa la legs bsdams pas/ /gnyis med sngags ni brjod nas ni/ /gdug pa de dang gsang sngags kyis/ /skad cig de nyid dag la 'jug /oM tiSh+Tha ma hA kro d+ha A be sha hUM/ oM shrI he ru ka ya bid ma he bid+yA rA dzA ya d+hi ma he swA hA/ zhes bya ba 'dis dpa' bo bskul bar bya'o/ /de nas lag pa gzung ba yis/ /mig phye nas ni blta bar bya/ /he ru ka dpal deng khyod kyi/ /mig 'byed par ni brtson par mdzad/ oM badzra ne tra ya a ba ha ra pa Ta laM hrIH dkyil 'khor bzang po 'di la ltos/ /da ni dad pa rab tu bskyed/ /khyod ni rnal 'byor ma rigs skyes/ /sngags dang phyag rgyas byin gyis brlabs/ /'gro ba phun sum tshogs kun dang / /dngos grub phun tshogs khyod mngon 'gyur/ /dam tshig thams cad bskyang ba dang / /gsang sngags la yang brtson par gyis/ /gang du me tog lhung gyur pa/ /de yi gnas sogs bstan par bya/ /slob ma gzhug pa'o// //sna tshogs pad+ma'i lte bar gzhug /gnyis med gnyis med pang na gnas/ /brtan g.yo kun gyi bdag nyid can/ /spyod dang grol ba rab stsol ba/ /kun mkhyen kun mdzad gtso bo ste/ /dpa' bo che la bu khyod ltos/ / rnal 'byor ma la sogs pa'i tshogs/ /grub pa'i rnal 'byor ma lnga po/ /thod pa'i dum bu la sogs kun/ /'khor lo mkha' la spyod pas bskor/ /rab gtum mo sogs yang dag 'khyud/ /gnyis po thugs kyi sprul pa yin/ /myu gu can la sogs pa kun/ /rnal 'byor ma brgyad gnyis su med/ /gsung ni rnam ngag ngo bo yis/ /mi yi 'jig rten dag tu khyab/ /stobs po che sogs pang gnas pa/ /grub pas sa 'og gnas pa yin/ sku yi sprul par bshad pa ste/ /chags pa kun gyis rjes su chags/ /he ru ka dpal sogs 'khor lo/ /g.yon nas 'khyud cing nu ma 'dzin/ /sku gsum zhes bya'i sprul pa ste/ /'bring dang mchog dang tha ma'o/ /khwa la sogs pa brgyad po yi/ /gzugs ni sgyu yis yang dag bstan/ /khro bo rnam rgyal la sogs brgyad/ /byang chub sum cu rtsa bdun sprul/ /mkha' la spyod dang sa la spyod/ /sa 'og dag gi ma mo brgyad/ /brgyad gnyis mchod pa'i lha mo yis/ /lha rnams de nyid mtshan pa yin/ /dkyil 'khor gyi de kho na nyid do// //de nas slob mas bla ma yi/ /zhabs la dad pas phyag 'tshal te/ /thal sbyar yon ni phul ba yis/ / dbang bskur don du gsol ba gdab/ /he ru ka dpal dbang bskur ba/ /'gro ba skyob phyir gzi brjid can/ /ji ltar yon tan 'byung gnas sogs/ /de bzhin bdag la de stsol cig /dpa' bo chen po mi ldog pa'i/ /dbang bskur ba ni bdag la stsol/ /sems can kun gyi don gyi phyir/ /bdag ni rtag tu slob dpon bgyid/ /'jug pa sgo yi lho phyogs su/ /he ru ka dpal bdag nyid sems/ /pad+ma 'dab brgyad steng du ni/ /seng ge'i khri sogs la bzhag ste/ slob ma gnyis med sbyor ldan pa/ /sna tshogs stan la bzhag nas ni/ /gnyis med ye shes sems ldan gyis/ /me tog dbang bskur la sogs pa/ /thams cad cho ga bzhin sbyin zhing / /dkyil 'khor lus nang chud par bya/ /phyag rgya lnga la sogs pa'i lus/ /he ru ka dpal bdag nyid sprul/ /spyod dang brtul zhugs brtan pa dang / /de bzhin gnyis med tshangs spyod bstan/ /steng du gdugs dkar bzung nas ni/ /dpa' bo rnal 'byor ma tshogs kyis/ /bkra shis sgra yi gang ba yis/ /glu len rol mo snyan pa yi/ /he ru ka dpal bdag nyid sprul/ /rab tu 'bad de mchod par bya/ /dbang bskur bar gsol ba'o/ / rnal 'byor pa yis yungs kar ni/ /cho ga bzhin du yongs bzlas pas/ /gsang sngags brjod cing brdeg pa ste/ /he ru ka dpal sogs gnyis med/ /bzlas nas dkyil 'khor thams cad ni/ /dkyil 'khor glu yis glu len cing / /gnyis med ye shes gzigs pa rnams/ /thams cad cho ga bzhin dbang bskur/ /yang na sngar gyi cho ga yis/ /rnam rgyal bum pa bteg par bya/ /'dab ma'i rtse mos blangs nas ni/ /snga ma bzhin du dbang bskur zhing / /gsang sngags nyi shu gnyis pa dang / /sngar bsnyen pa yi sngags kyis ni/ /he ru ka dpal rnal 'byor che/ /brtag mi dgos par 'grub par 'gyur/ /yang na nus pa med gyur na/ /'khor lo kun gyi lha rnams ni/ /gnyis su med pa'i ye shes can/ /nam mkha'i khams ni thams cad dgang / /sngon mdzad pa yi shugs kyis ni/ /dgyes pa chen pos legs byon te/ /he ru ka dpal la sogs pa/ /bsgoms nas thams cad dbang bskur ro/ /bkra shis glu yi rnam pa dang / /chang dang sha khu'i dga' ston gyis/ /rnal 'byor ma kun dpa' bo rnams/ /gnyis med ye shes dag gis sprul/ /lha yi rigs kyis mtshan pa yi/ /me tog ji bzhin gtor bar bya/ /me tog lhung ba blangs nas ni/ /slob ma'i mgo la bcing bar bya/ /'dab ma'i rtse dang lag gnyis kyis/ /sngags pas bum pa bteg nas ni/ /lus nang gtogs pa'i dkyil 'khor ni/ /cho ga bzhin du kun dbang bskur/ /de 'og rnam rgyal bum pa dang / /dril bu sgra sgrogs glu yis ni/ /dpa' bo rnal 'byor ma sogs kun/ /bsgoms la thams cad dbang bskur ro/ /chu yi dbang bskur byin pa yis/ /sdig pa thams cad bkru bar bya'o/ /de nas rdo rje rgya gram mgor/ /ral pa'i thor tshugs kyis brgyan pa/ / sangs rgyas krun gyis bsngags pa yi/ /dar dpyang dbang bskur sbyin par bya/ /oM sarba bud+d+ha DA ki nI ye badzra war+N+Na nI ye hUM hUM phaT swA hA/ zhes brjod la 'khor lo thams cad kyi dpa' bo la sogs pa brjod do/ /sngags kyis bskul ba'o/ /lag tu rang mtshan de nyid dang / / mtshan ma'i dbang ba skur sbyin par bya/ /'di ni sangs rgyas thams cad de/ /he ru ka dpal dbang bskur bas/ /de ring khyod ni dbang bskur ro/ /de nas 'dir rang gi mtshan ma'i dbang bskur sbyin par bya ste/ oM shrI he ru ka a d+hi pa ti s+t+waM a b+hi Shiny+tsa mi tiSh+Tha bI ra sa ma ya s+t+waM/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /rdo rje'o/ /'di ni rnal 'byor ma kun gyi/ /shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal ba bzhed/ /srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' ni/ /srid pa dam pa byed par 'gyur/ /dril bu'o/ /rdo rje dril bu yang dag 'khyud/ /g.yon bsnyems pa dang sgros gnon 'chang / /gnyis med gnyis med rnal 'byor bdag / phyag rgya chen por byin gyis brlab/ /nyi shu rtsa gnyis sngags kyis ni/ /sngags kyi dbang bskur sbyin par bya/ /oM shrI he ru ka a d+hi pa ti s+t+waM a b+hi Shiny+tsa mi/ shrI he ru ka nA ma a b+hi She ka ta zhes bya ba dang / shrI'i sgra dang bcas pas ming gi dbang bskur ba sbyin par bya'o/ /'di ni sangs rgyas thams cad de/ /he ru ka dpal phyag na gnas/ /khyod kyis kyang ni rtag tu bcang / /he ru ka dpal brtul zhugs brtan/ /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra yA mi hUM ha ha ha ha ho/ /rdo rje'i brtul zhugs so/ / //kha T+wAM ga dad Da ma ru bzung ste/ /he ru ka dpal kha T+wAM ga /rnal 'byor ma ni Da ma ru/ /rdo rje kha T+wAM rdo rje bcas/ /dril bu sil sil sgra sgrogs shing / /tshangs pa'i skud thogs rnal 'byor bdag /kha T+wAM ga dang rnal 'byor snod/ /dpa' bo chen pos blang bar gyis/ /dbang bskur ba bdun no/ /deng nas brtsams te rdzogs sangs rgyas/ /rnal 'byor ma dang dpa' bo'i tshogs/ /shes rab thabs kyi snyems chen gyis/ /gar mchod bde ba'i dga' sngon gyis/ /gang ro/ /sgeg dang bcas pas phreng ba 'phang / /sangs rgyas kun sogs rnal 'byor ma/ / des ni bral bar mi 'gyur te/ /phreng ba de ni rgyan yin no/ /phreng ba'o/ /lus can kun la dam chos kyi/ /khyod kyis glu ni blang bar bya/ /de nas rnal 'byor ma de dang / /myur du bde ba myong bar 'gyur/ /glu'o/ /khyod kyis rgyal la dri phul bas/ /tshul khrims ting 'dzin shes rab dang / /rnam grol ye shes mthong ba yi/ /byang chub lus can rnams la bsgo/ /dri'o/ /rdzogs sangs rgyas la sbos phul bas/ /brtul zhugs bzang pos legs tshim gyis/ /lus can bde gshegs cha lugs su/ /ye shes kyis ni tshim par 'gyur/ /spos so/ /chos kyi mig ni legs gsal ba/ /pad+ma gar dbang rang nyid de/ /sems can ma rig ldongs byas pa/ /ye shes sgron mas snang bar gyis/ /mar me'o/ /ji ltar mig mkhan rgyal po yis/ /'jig rten rab rib bsal ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ / oM badzra nai tra a pa ha ra pa Ta laM hrIHthur ma'o/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du 'byung / /ngo bo med cing gnas med par/ /de ltar chos 'di shes kyis la/ /sems can don ni mnyam med byos/ /'on kyang rnal 'byor ma sras skye/ /me long ngo / /sems can kun la phan pa'i phyir/ /'jig rten khams ni thams cad du/ /bya ba spyod tshul gsang ba yi/ /chos kyi 'khor lo bskor bar gyis/ /'khor lo'o/ /khyod kyis the tshom dogs med bar/ /yid gnyis med pa'i sems kyis ni/ /chos kyi dung ni bla med pa/ /dri med kun du gang bar gyis/ /dung ngo / /de dag ni chos kyi de kho na nyid do/ /zhi dang rgyas dang dbang dang dgug /sdang bar byed dang gnod sogs dang / /gsod dang bskrad pa thams cad de/ /las de rnams ni grub par gyis/ /ral gri mig sman sa 'og dang / /mchil lham de bzhin ril bu ste/ /rnal 'byor ma yi dngos grub ni/ /de ni ci dgar bsgrub par gyis/ /gnang ba'o/ /nang par sngar langs sems bdag nyid/ /ma lus las ni byas nas kyang / /bsrung dang bza' la sogs pa yi/ /sdom pa'i bdag nyid can bsrung ngo / /lus dang srog la ltos med par/ /dam tshig dang ni sdom pa bsrung / /nyin dang mtshan mo lan gsum du/ /nyin re bzhin ni bzlas par bya/ /gang tshe nyams na rnal 'byor pa/ /kha na ma tho sbom por 'gyur/ /dgun zla 'bring po nas brtsams te/ /zla ba re re bsrung bar ni/ /gnyis med gnyis med 'khor lor gnas/ /tshes bcu la ni de rab mchod/ /chang dang sha sogs gang ci'ang rung / /dpa' bo rnal 'byor ma yi tshogs/ /thams cad gnyis med pang na gnas/ /he ru ka dpal rab tu mchod/ /theg pa dman la 'dod mi bya/ /sems can la yang rgyab mi phyogs/ /'khor ba dag kyang mi spang zhing / /mya ngan 'das la dgar mi 'gro/ /dpa' bo rnal 'byor ma kun la/ /khyod kyis brnyas par mi bya ste/ /phyag rgya bzhon ba mtshon cha dang / /mtshan ma 'gom par mi bya'o/ /dam tshig rab bsrungs bsod nams kyis/ /tshe 'di nyid la 'grub par 'gyur/ /bud med thams cad mthong ba na/ /g.yon nas lan gsum bskor bya zhing / /spyi bos phyag ni byas nas kyang / /lan gsum bar du gsol ba gdab/ /bdag gi ma khyod bu yin te/ /ji srid byang chub byung bar du/ /byang chub yan lag nu ma las/ /byung ba'i rang gi 'o mas skyangs/ /gnyis med ye shes spyod ldan pa'i/ /bslab pa blangs pa sngon 'gro ba'i/ /nA da la sogs sngon 'gro bas/ /tshangs par spyod pa shin tu bsrung / /dam tshig de la rtag tu bsrung / /de sngon 'gro ba sbas pa'i gnas/ /spyod dang grol ba'i gnas 'dod pa'i/ /yid la 'dod pa kun 'byung 'gyur/ /gtso bos ji ltar bka' stsal pa/ /ji ltar bdag ni bgyid par 'tshal/ /dam tshig dang sdom pa bsrung ba'o// // 'dir dbang bskur ba'i slob ma ni/ /lag nas bzung nas gzi bcas pas/ /gnyis med ye shes bla med pa/ /ma lus don ni kun brjod bya/ /gnyis med ye shes sems ldan la/ /mi bya ba ni ci yang med/ /tshangs par spyod la rtag mnos la/ /'dod pa lnga ni spyad par gyis/ / gnyis med la gnas zas la ni/ /rdo rje sems dpa' la sogs brda/ /gnyis med pa dang thogs med pa/ /dam tshig spyod pa'i spyod pa bya/ /sna tshogs dbang phyug legs spyad cing / /tshangs par spyad pa'ang de bzhin no/ /khro ba med pa'i rgyun spyad pa/ /sgrub pa pos ni yongs su bsrung / /rtag tu sgrub la gnas nas ni/ /yul kun la ni rnal 'byor pa'i/ /gnyis med grub pa'i rnal 'byor ma/ /mi brtan srog ni ji srid par/ /bu khyod kyis ni bsgrub par bya/ /'dod pa'i longs spyod thams cad la/ /ci dga' bar ni longs spyod cig /he ru ka dpal rnal 'byor cher/ /bsams nas thams cad rab tu brtag /bdag nyid sangs rgyas thams cad dang / /rnal 'byor ma ni kun gyi gnas/ /de bas 'bad pa thams cad kyis/ /he ru ka dpal bdag mchod do/ /'dod chags bral ba lta bu yi/ /khams gsum na ni sdig med pas/ /de bas 'dod la chags bral bar/ /khyod kyis nam yang mi bya'o/ /bsrung ba'i dam tshig go/ //g.yon pa yis ni chos gos mtha'/ /g.yas kyis mi 'jigs dbugs 'byin pa/ /he ru ka dpal rnal 'byor che/ /'khor lo thams cad rnam par gnas/ /he ru ka dpal lung ston bzhin/ /mgrin gcig tu ni thams cad kyis/ /'di ltar nga yis lung bstan te/ /he ru ka dpal de bzhin gshegs/ /dngos po mchog tu grub pa'i phyir/ /srid pa'i ngan 'gro rnams las bton/ /shrI he ru ka nA ma ta thA ga ta sid+d+hi sa ma ya s+t+waM b+hur b+hu ba swaH/ / gdal tshigs su bcad pa 'dis don yong par grub pa'i phyag rgyas gnas pa las mchog tu gsang ba'i cho gas mgrin gcig tu rgyal ba rnams kyis lung ston par mdzad do/ /lung bstan pa dang gzengs bstod pa'o// //khams gsum gyi ni rgyal srid che/ /rgyal ba'i bdag por bstan pa dang / /deng ni bdud las rnam rgyal zhing / /grong khyer mchog tu zhugs pa yis/ /deng ni sangs rgyas nyid thob par/ /khyed rnams the tshom med pa yin/ /dbang ni bskur ba tsam gyis ni/ /slob ma yon tan bdag por 'gyur/ /slob dpon nyid kyi bde ba yis/ /brtan g.yo kun gyi dam tshig yin/ /dbugs dbyung ba'o// //rta dang glang po shing rta nor/ /nor bu byi ru mu tig sogs/ /yon gyi mchog ni blangs pa rnams/ /phyag byas nas ni dbul bar bya/ /de nas brtsams te bdag bran du/ /khyod la bdag ni phul ba lags/ /rang gi slob mar gyur pa dang / /cha yis kyang ni spyad du gsol/ /slob ma gus pa med pa yis/ /dngos grub ring bar the tshom med/ /mos pa kun gyis slob ma yis/ /dang por yon gyi bya ba yin/ /gal te lha ni mnyes 'dod na/ /'bad de bla ma mnyes par bya/ /dpa' bo ji bzhin rig de bzhin/ / rig pa ji bzhin bla ma 'dra/ /dpa' bo rig dang bla ma la/ /mchod pa'i 'bras bu mnyam pa yis/ /slob dpon gyi ni yon yin no/ /de bas 'dir ni mdor bsdus nas/ /me tog ldan zhing shin tu bslabs/ /shin tu gsang ba'i sa phyogs ni/ /khams lnga dang ni yang dag ldan/ /phye mar byas te de thams cad/ /rdo rje lam du byug par bya/ /kun du dga' la sogs pa bzhi/ /'khor lo kun bdag rnal 'byor ldan/ /'dod chags chos las byung ba'i mgon/ /chags pa kun gyis rjes chags pas/ /pad+ma'i snod du lag gzhag ste/ / rnal 'byor ma ni 'di skad smra/ /bram ze rgyal rigs rje rigs dang / /dmangs rigs thar gnas bud med kun/ /gus dang bcas pas mchod pa dang / /gnyis med tshul gyis tsum pa na/ /dpa' bo khyod ni spror gyur tam/ /smras shig dpa' bo bde ba che/ /ci gsungs dam tshig bsten par ni/ /lha mo bdag gis byed par nus/ /pad+ma rgyas par byas nas ni/ /skra bshigs gos dang bral byas nas/ /me tog chun ldan dpa' bo yis/ /rnal 'byor ma la rdo rje sbyin/ /deng nas brtsams te bu khyod ni/ /brtul zhugs bzang pos 'gro don gyis/ /bram ze rgyal rigs rje rigs dang / dmangs rigs tha ma dag spyad cing / /b+ha ga pad+mar tsum pa na/ /bdud rtsi lnga ni bsgrub par bya/ /rnal 'byor ma yi rkang g.yon ni/ /lung bsgo bar ni spyi bor gzhag /rdo rje rnal 'byor ma dpa' bo/ /gnyis med ye shes sems ldan la/ /dpa' bo las byung byang chub sems/ /rgyun gyis dbang ni bskur bar bya/ /'di ni byang chub 'grub rnal 'byor/ /khams lnga bcud kyi bdag nyid can/ /he ru ka dpal bdag sbyor bas/ /yang dag bde ba myong bar gyis/ /gnyis med ye shes dbang bskur ni/ /gsang ba kun la sogs par bshad/ /'di dag thams cad gsang ba che/ /dbang bskur ba ni mchog gi gnas/ /yon dang dad pa sngon 'gro bas/ /der ni phyag rgya gtad par bya/ /de nas ji skad bshad pa yi/ /cho gas sbyin sreg las bya zhing / /rnal 'byor ma la gtor ma sbyin/ /mkha' 'gro ma ni mchod 'grub 'gyur/ /sangs rgyas zhing sogs zhing rnams la/ /khyad par du ni sbyin la spyod/ /dmangs rigs stong phrag gnyis dag kyang / /bram ze gtsang ma gcig dang 'dra/ /bram ze stong phrag gnyis dag ni/ /dge slong gcig dang rab tu sbyar/ /dge slong stong phrag gnyis dag ni/ /rdul med pa ni gcig dang mnyam/ /rdul med stong phrag gnyis dag ni/ /ye shes ldan pa gcig dang sbyar/ /ye shes ldan pa stong phrag gnyis/ /slob dpon gcig dang mnyam par brtag /de ltar sbyin pa'i zhing byas nas/ /blo dang ldan pas rtag tu sbyin/ / rnal 'byor rtsa ba'i chos la ni/ /zhing bzang po la sa bon btab/ /mtshams med pa dang sdig can yang / /tshon rtsi mthong bas grol bar 'gyur/ /mngon par zhugs pa tsam gyis ni/ /gtsang ma'i gnas su skye bar 'gyur/ /sbyin bdag bzang po rnal 'byor pa/ /rim gyis myur du byang chub 'thob/ /me tog chu yi dbang bskur dang / /cod pan rdo rje bdag po dang / /ming dang gsang sngags brtul zhugs dang / /gnang dang dam tshig spyod pa dang / /de bzhin lung bstan dbugs dbyung dang / /gsang dang phyag rgya gtang ba dang / /dbang bskur 'di rnams thob pa ni/ / sangs rgyas kun gyis rab tu mchod/ /dbang bskur ba bcu bzhi pa'o/ /g.yas dang g.yon gyi logs su ni/ /bskor la de nas 'jug par bya/ /longs spyod rdzogs pa bzung nas ni/ /gnyis med ye shes ngal bso'o/ /tshon la sogs pa'i dngos po kun/ /nang par tho rangs bsdu bar bya/ /bsdus nas gser gyi bum par ni/ /bcug nas chu bo chen por dor/ /bum pa thams cad bsdus nas ni/ /sngon bzhin du ni dga' ston bya/ /de nas bdud rtsi lnga sogs dang / /sbyar bas sa ni byug par bya/ /sngar gyi rdzas kyi lhag ma rnams/ /gnyis med ye shes sbyin sreg bya/ /mdza' bo sdug dang rigs mthun bcas/ /snod gyur skye bo gnyis med dang / /bkra shis glu yi rnam pa dang / /rdo rje dril bus rol pa bya/ /srid pa gsum 'bar sku ni rjes chags 'dul bar ldan/ /'od zer rnon po stong ldan nyi ma brgya stong ldan/ /rnam mang sku dang cha lugs rjes chags sems dpar ldan/ /he ru ka dpal sngags pa lhan cig gar byed do/ /ha ha hi hi hu hu ho/ /bcom ldan 'das dpal bde mchog 'khor lo'i dkyil 'khor gyi cho ga slob dpon chen po brtul zhugs spyod pa nag po pas mdzad pa rdzogs so// //rgya gar gyi mkhan po bud+d+ha shrI shAn+ti dang / lo tsA ba dge slong rin chen bzang pos bsgyur/ slad kyis paN+Di ta chen po ga ya d+ha ra dang / lo tsA ba 'gos lhas btsas kyis bcos te gtan la phab pa'o/ /[]@##/ /rgya gar skad du/ shrI tsakra sam+ba ra ho ma bi d+hiH/ bod skad du/ dpal bde mchog 'khor lo'i sbyin sreg gi cho ga /

CLOSE WINDOW