བོད་ཡིག

e-texts based on the ACIP/ALL Input

@##/ /rgya gar skad du/ gu h+ya badzra tan+t+ra rA dza br-it+ti/ bod skad du/ gsang ba rdo rje'i rgyud kyi rgyal po'i 'grel pa/ dpal kun du bzang po la phyag 'tshal lo/ /dus bzhi las kyang bye brag tu/ /rtsod ldan dus kyi rnal 'byor pa/ /'khrul pa'i lam 'di dgag pa'i phyir/ /yang dag lam ston bdag gis bshad/ /dpal ldan 'khor lo sdom pa ru/ /zhes pa ni/ dpal ni gnyis su med pa'i ye shes te/ thams cad rang rig pa'i snang pa dang / thams cad sgyu ma'i mtshan nyid du ye nas shes pa ste/ bum pa'i dbang dang 'brel ba dang / /gsang ba'i dbang dang 'brel ba dang / /shes rab ye shes kyi dbang dang 'brel ba'o/ /bum pa'i dbang dang 'brel pa ni bskyed pa'i rim pa la sems gnas pa ste/ rten dang rten can tha mi dad pa dang / yum dang yab tha mi dad pa ste/ gtso bo sangs rgyas la sogs pa bsam gyis mi khyab pas tha mi dad cing / sgyu ma'i rang bzhin du shes pa dang / de bzhin du gtso bo'i yon tan gyi cha yin pas tha mi dad cing sgyu ma'i rang bzhin no/ /ye shes bzhi'i snang ba yin pa dang / yab kyi phyag gis phar 'khyud pa'i ye shes bzhis kyang chos kyi dbyings kyi ye shes yul du byas pa dang / yum gyi zhabs kyis tshur 'khyud pas ye shes bzhi yang chos kyi dbyings kyi ngo bo ste/ go rims bzhin du sbyar bar bya'o/ /gsang ba'i dbang dang 'brel pa'i rten dang bcas pa'i rdzogs pa'i rim pa la sems gnas pa ste/ srog dang rtsol ba tha mi dad pa dang / sih+la dang ga pur tha mi dad pa dang la la nA dang ra sa nA tha mi dad pa dang rtsa dang byang chub sems tha mi dad pa dang / thig le dang man+t+rar tha mi dad pa ste/ gnyis ni tha dad pa dang / de sdang ba ni bla ma dam pa las shes par bya'o/ /shes rab ye shes kyi dbang dang 'brel ba ni khyad par gyi rten dang bcas pa'i rdzogs pa'i rim pa ste/ rten tha mi dad pa dang / pad+ma dang rdo rje tha mi dad pa dang / chos dang chos can tha mi dad pa dang / dga' ba dang mchog dga' dang bral ba'i dga' ba dang tha mi dad pa ste/ dbang gi dus su nyams su myong ba de dag kyang / bsam gyis mi khyab cing sgyu ma'i rang bzhin no/ /de kho na'i dbang dang 'brel pa ni rten med pa'i rdzogs pa'i rim pa ste/ thabs kyi cha ye shes bzhi dang / shes rab kyi cha chos kyi dbyings kyi ye shes tha mi dad cing rang rig pa'i ye shes te/ nam mkha' bzhin no/ /de yang lung las gsungs pa/ /dang po sprin gyi rnam pa ste/ gnyis pa du ba lta bu yin/ /gsum pa glog gi rnam pa ste/ /bzhi pa mar me lta bu yin/ /lnga pa nam mkha' lta bu'o/ /dang po la ni bum pa ste/ / gnyis pa gsang ba'i dbang bskur bshad/ /gsum pa shes rab ye shes te/ /de bzhin de ltar bzhi po'o/ /zhes 'byung bas/ dang po la gnyis te go rims bzhin du shes par bya'o/ /dbang ni rnam par rtog pa 'thor zhing 'khru ba'i phyir ro/ /rnam par rtog pa ni 'og ma 'og ma'i rnam par rtog par 'gyur ro/ /'brel pa ni snod du rung ba'i dbang dang / bcud du rung ba'i gdams ngag gnyis 'brel pa'o/ /ldan pa ni ye shes kyi tshogs te rang rig pa'i snang ba ste/ rtag pa ma yin pa/ chad pa ma yin pa/ yod pa ma yin pa/ med pa ma yin pa/ brdzun pa ma yin pa/ 'dus byas ma yin pa/ 'dus ma byas ma yin pa/ dag pa ma yin pa/ ma dag pa ma yin pa ste/ mtha' dang bral ba'i tha dad pa med pa ste/ don dbu ma dang ldan pa'o/ /de yang lung las gsungs pa/ gzung 'dzin tha dad kun spangs te/ rtag chad la sogs mtha' dang bral/ /lta ba'i dbus na gnas pa la/ /shes rab pha rol phyin pa'i ming / /zhes gsungs so/ /tsakra ni d+harma'i tsakra dang / mtshon cha'i tsakra dang / srid pa'i tsakra dang rnal 'byor pa 'khrul pa'i lam yang dag par ston par byed pa'i phyir dang / rnam par rtog pa thams cad gcod pa dang / las dang las kyi rnam par smin pa ste/ go rims bzhin du shes par bya'o/ /sdom pa ni de thams cad kyi snying por gyur pa ste/ chos thams cad rang bzhin gyis 'od gsal ba/ rang rig pa'i ye shes so/ /gzhan yang 'khor lo ni/ me long lta bu'i ye shes dang / mnyam pa nyid kyi ye shes dang / so sor kun du rtog pa'i ye shes dang / bya ba nan tan gyi ye shes te/ sdom pa ni chos kyi dbyings kyi ye shes so/ /'khor lo ni nam mkha' 'gro la sogs pa ste/ sdom pa ni he ru ka'o/ /'khor lo ni sum cu rtsa gnyis la sogs pa ste/ sdom pa ni haM la sogs pa'o/ /'khor lo ni zhabs kyu dang zla tshes dang / thig le dang / nyi ma dang zla ba dang / sngags kyi phreng ba ste/ sdom pa ni ha'i rnam pa yongs su shes pa'o/ /'khor lo ni dga' ba dang / mchog dga' dang bral ba'i dga' ba ste/ sdom pa ni lhan cig skyes pa'i dga' ba'o/ /'khor lo ni mi bskyod pa dang / rin chen 'byung ldan dang / 'od dpag tu med pa dang / don yod grub pa ste/ sdom pa ni rnam par snang mdzad kyi rang bzhin/ 'khor lo ni sangs rgyas spyan dang mA ma kI dang / gos dkar mo dang / dam tshig sgrol ma ste/ sdom pa ni pad+ma'i dra ba can no/ /'khor lo ni sa dang chu dang me dang rlung ste/ sdom pa ni nam mkha'o/ /'khor lo ni tshogs kyi lam dang sbyor ba'i lam dang mthong ba'i lam dang / sgom pa'i lam mo/ /sdom pa ni mthar phyin pa'i lam mo/ /'khor lo ni mos pa spyod pa'i sa gnyis dang / byang chub sems dpa'i sa bcu'o/ /sdom pa ni rdo rje 'chang gi sa gsum mo/ /'khor lo ni la la nA dang ra sa nA'o/ /sdom pa ni a wa d+hU tI'o/ /gzhan bye brag gi 'khor lo dang sdom pa ni bla ma'i zhal las shes par bya ste/ gzhung mangs pa'i 'jigs pas ma gsungs so/ /'khor lo dang sdom pa'i dpe las gsungs pa/ chu dang chu bran chu bo rnams/ /sna tshogs du mar 'bab byed kyang / /rgya mtsho chen por ro gcig 'gyur/ /zhes gsungs so/ /ru zhes pa ni rtsa ba'i rgyud 'khor lo sdom pa ru zhes pa'o/ /gsang ba'i 'khor lo mi gsung ba/ /zhes bya ba ni gsang ba ni spyi'i sgra ste/ skabs kyi stobs kyis spyi'i sgra bye brag la 'jug pas/ pad+ma dang rdo rje de nyid tshad dang dbyibs gsang ba ste/ tshad ni tshad med pa bzhi rnam par dag pa sor bzhi dang / rnam par thar pa brgyad rnam par dag pa sor brgyad dang / skye mched bcu gnyis rnam par dag pa'i sor bcu gnyis te/ de yang rnam par dag pa tha dad pa tshul tha dad pa las/ mtshan nyid la tha dad pa med do/ /dbyibs ni chos kyi sku'i gzugs brnyan yin pas bum pa lta bu la sogs pa dang / chos thams cad 'byung ba'i gnas yin pas e lta bu la sogs pa ste thams cad du brjod par bya ba ma yin no/ /'khor lo ni rdo rje'am pad+ma de la brten pa bzhi ste/ 'og nas rgyas par ston pas rtsig pa dang ri mo'i tshul du rten dang brten par shes par bya'o/ /mi gsung ba ni rtsa ba'i rgyud du mi gsung ba'o/ /gzhan yang gsung ba'i gras ni bsgrub par bya ba thams cad la khyab ste/ de nyid du ma'i tshul lam bskor bas na 'khor lo zhes gsungs so/ /mi gsung ba ni go sla'o/ /yang na gsang ba'i pad+ma dang rdo rje la gsungs te/ nyon mongs pa'i skyon gyis ma gos pa'i pad+ma de nyid gsang bas gsang bar 'gyur te/ dpe'i phyogs nas bstan pa me tog pad+ma 'dam nas skyes kyang 'dam gyi skyon gyis ma gos pa bzhin no/ /de nyid kyis phar ni rnam par rtog pa 'joms la tshur mi brdzi bas na rdo rje ste/ de nyid gsang bas gsang bar 'gyur ro/ /de yang dpe'i phyogs nas bstan pa/ 'dus byas rdzas kyi rdo rje pha lam des phar ni rdzas thams cad 'bigs shing 'joms la tshur ni gang gis kyang mi brdzi bas de bzhin du shes par bya'o/ /bdag gis zab mo'i don ma rtogs/ /zhes bya ba ni/ bdag gi sgra ni rdo rje phag mo bdag gis te/ ma 'ongs pa'i sems can kun nga rgyal bcag cing zab mo'i lam la gzhug par bya ba'i phyir gsungs kyi/ rdo rje phag mo nyid ni rdo rje 'chang gi sprul pa ste/ de yang lung las/ 'chad pa po nga chos kyang nga / /rang gi tshogs ldan 'khor yang nga / zhes bya ba la sogs gsungs pas so/ /zab pa ni phung po ma yin pa'i thabs te/ 'dod chags kyis 'dod chags rnam par dag par byed pa ste/ bla ma'i zhal nas shes par bya'o/ /zhe sdang la sogs pa la yang de bzhin du shes par bya ba ni/ thabs khyad par can no/ /don ni don bya bas na ste bsgrub par bya ba dang / rtogs par bya ba dang / thob par bya bas na don to/ /ma rtogs pa ni zab mo'i don de nyid khong du ma chud cing the tshom dang bcas pa dang / 'khrul pa dang bcas pa dang lha'i bu'i bdud dang bcas pa ste/ bla ma dam pa la rag las zhes bya'o/ /gzhan yang bdag gi ni zhu ba bo ste/ rdo rje phag mo'o/ /zab mo'i don ni rnam par rtog pa thams cad spangs pa ste/ rnam par rtog pa ma bral bar gtsang ba dang mi gtsang ba las so sor rtog pa dang sgra mkhan dang / mkhan po dang / so sor thar pa'i dge slong la sogs pas rtogs par mi 'gyur bas na zab pa dang phra ba dang gting dpag dka' ba'o/ /ma rtogs pa ni thams cad gcig gi ngo bor ma rtogs pa'o/ /de phyir khyod kyis bdag la gsungs/ /zhes bya ba ni/ de'i phyir sgra ni gtan tshigs sam nges pa'i tshig yin te/ gang gi phyir na zab cing phra ba ste de'i phyir rtogs shing khong du chud ces bya bar gsungs so/ /khyod kyis zhes pa ni 'chad pa'i skyes bu rdo rje 'chang chen po'o/ /bdag la zhes bya ba ni zhu ba po ste/ ma 'ongs pa'i skye bo kun tshogs bsags pa'i don du'o/ /gsungs zhes pa ni zab pa'i lam ste/ de nyid du sems can kun zhugs pa'i phyir gsungs zhes bya'o/ /gzhan yang snod du mi rung ba kun la zab mo'i don ma bstan pa de'i phyir ro/ /'chad pa pos zhu ba po la don phyin ci ma log pa bstan pa'am/ 'chad pa po che bar 'gyur ba'i phyir dang / zhu ba po cher dad pa dang / snod dang ldan pa'i phyir dang / rgyud kyi don shin tu dkon pa'i phyir khyod kyis bdag la gsungs zhes bya bar gsungs so/ /bcom ldan 'das kyis bka' stsal pa zhes bya ba ni/ bcom pa ni bdud bzhi bcom pa ste/ gcig dang du ma'i rang bzhin dang bral bas phung po'i bdud bcom pa dang / 'dod chags sku ru rnam par dag pa dang / zhe sdang thugs su rnam par dag pa dang / gti mug gsung du rnam par dag pas nyon mongs pa'i bdud bcom pa ste/ longs spyod rdzogs pa'i sku sa bcu'i rdo rje 'dzin pa la sku'i sgo nas chos 'chad pa dang / thugs yang dag pa'i ye shes ni chos kyi sku ste/ kun la khyab pa'i tshul te yang dag pa'i sangs rgyas 'ba' zhig gi spyod yul lo/ /sprul pa'i sku ni gsung gi sgo nas chos 'chad pa ste/ nyan thos dang rang rgyal ba dang / mos pa spyod pa'i byang chub sems dpa' rnams la snang ba'o/ /de dag kyang 'dod chags la sogs pa dang go rims bzhin du sbyar bar bya'o/ /lung las kyang / 'dod chags sku la gti mug gsung / /zhe sdang thugs su shes par bya/ /thams cad du ni sprul pa'i sku/ /nyan thos la sogs pa yis mthong / /byang chub sems dpa'i rdzogs longs spyod/ /chos sku sangs rgyas spyod yul te/ /zhes gsungs so/ /tshangs pa la sogs pa'i lam 'khrul par ston pa dang / nyan thos la sogs pa rang 'dod kyi byang chub dang / yang dag par rdzogs pa'i sangs rgyas lta bu'i bla ma yongs su spangs pa ste/ yang dag pa'i lam la zhugs nas/ yang dag pa'i 'bras bu thob pas lha'i bu'i bdud bcom pa ste/ de yang lung las/ pha ma dag gam bla ma dang / /btsun mo dag gam lha yi bur/ /bdud kyis yang dag sprul nas kyang / /log pa'i lam dang 'bras bu ston/ /zhes gsungs so/ /chos thams cad rang bzhin gyis 'od gsal zhing skye ba med pa'i 'chi bdag gi bdud bcom pa ste/ 'chi 'pho ba ni rnam pa gnyis te/ rnam par 'chad pa'i 'chi 'pho ba dang / bsam gyis mi khyab pa'i yongs su gyur pa'i 'chi 'pho ba'o/ /de yang gnyen po ni bye brag gi ye shes bzhi dang / dga' ba bzhi dang / tshad med pa bzhi dang / bsdu ba'i dngos po bzhi dang / skad cig ma bzhi dang / 'byung ba bzhi dang / yum bzhi dang / sku bzhi dang / 'khor lo bzhi dang / thig le bzhi la sogs pa dang ldan pas na ldan pa'o/ /yang na rigs lnga dang / sku lnga la sogs pa dang ldan pa ste/ de yang lung las/ ngo bo nyid longs rdzogs bcas dang / /de bzhin gzhan ni sprul sku dang / /chos sku mdzad dang bcas pa dang / / tshad med la sogs de bzhin no/ /yang / sangs rgyas sku lnga'i bdag nyid can/ /khyab bdag ye shes lnga yi bdag /sangs rgyas lnga bdag cod pan can/ /zhes gsungs so/ /'das pa ni rnam pa gnyis te/ shes rab kyis 'khor ba la mi gnas par lhag ma med pa'i mya ngan las 'das pa'i 'bras bu mthar phyin pa thob pa dang / snying rje chen pos zhi ba la mi gnas pa ste/ chos kyi sku nam mkha' dang 'dra ba des byin gyis brlabs pa las/ longs spyod rdzogs pa'i sku sprin dang 'dra ba 'byung ba dang / longs spyod rdzogs pa'i sku sprin lta bu de'i byin gyis brlabs pa las sprul pa'i sku char gyi rgyun lta bu 'byung bar 'gyur ro/ /de yang lung las/ ngang pa rab dga' chu dang 'o ma 'dres pa 'byed pa ltar/ /shes rab kyis kyang chos rnams rnam par 'byed/ /chos sku skye med nam mkha' lta bu las/ /sku gnyis skye ba'i cho 'phrul sprin dang char/ /zhes gsungs so/ /bka' ni 'chad pa po'i rgyud kyi don to/ /stsal pa ni rgyud kyi don ston pa'o/ /nyon cig lha mo spyan bzangs ring / /zhes pa ni/ nyon cig ces pa ni rnam par rtog pa dang g.yeng ba thams cad spangs te yid gzhungs pas nyon cig ces pa'o/ /lha mo ni bod pa'i sgra'o/ /spyan ni shin tu gces pa dang / /gsal bar byed pas spyan no/ /bzang ba ni rigs kyi khyad par dang / longs spyod kyi khyad par dang / lang tsho'i khyad par dang / rgyan gyi khyad par dang / rten gyi khyad par dang ldan pa'o/ /ring ba ni sems can gyi don la rtag tu gnas pa'o/ /de yang lung las/ rtog pa thams cad gcig tu bsdus nas ni/ /shin tu bsam pa bzang po ldan pas nyon/ /brjed ngas blo la bde bar gshegs sogs pa'i/ /de bzhin gshegs pa rnams kyis byin mi rlob/ /yang dag don lta khyad par rtag tu 'phags/ /zhes gsungs so/ /gsang ba'i 'khor lo shin tu zab/ / ces bya ba ni/ rnam pa gnyis te spyi dang khyad par ro/ /de gnyis las kyang khyad par gyi gsang ba ste/ bum pa'i dbang dang 'brel pa las kyang gzhan pa/ gsang ba'i dbang dang 'brel pa las kyang gzhan pa/ shes rab ye shes kyi dbang dang 'brel ba ste/ tshig gi dbang dang gzugs brnyan gyi dbang yang tha dad pa/ mngon par rtogs pa'i don gyi dbang dang 'brel ba ni gsang ba'o/ /'khor lo gsang ba bde skyong dang / rta mgrin dbang gi 'khor lo dang / gsang ba'i 'khor lo dang / rig pa'i 'khor lo'o/ /gzhan yang gsang ba yang yin la 'khor lo yang yin pas gsang ba'i 'khor lo ste/ gang la gsang zhe na/ dbang dang mi ldan pa'i skye gnas kyi skyon yongs su ma dag pa dang / skal ba dang mi ldan pa byang chub kyi sems rgyun chad pa dang / rkyen gyi byang chub kyi sems rgyun chad pa dang / rkyen gyi skye gnas rgyun chad pa dang / yang dag pa'i bla ma'i zhal nas ma thos pa dang / gnyen po'i stobs dang mi ldan zhing 'dod chags kyi dbang du gyur pa de la gsang zhes gsungs so/ /gang gsang na/ dga' ba bzhi la sogs pa skye ba'i rten du gyur pa/ 'khor lo bzhi pa de dag gsang ba'o/ /de yang las dang po pa las kyi phyag rgya la brten pa'i dbang du mdzad pa ste/ las kyi phyag rgya dang / las kyi phyag rgya'i yan lag go/ /de yang gang zag gi bye brag gis gnyis te/ skal pa dang mi ldan pa'i las kyi phyag rgyal brten pa dang / las kyi phyag rgya dngos la brten pa dang / las kyi phyag rgya'i gzugs brnyan la brten pa'o/ /skal ba dang mi ldan pa la ni las kyi phyag rgya'i yan lag bco brgyad la brten te/ lag gi 'du byed dang / bzor byas pa dang / sngags dang sman la sogs pa gsungs so/ /de yang ye shes kyi phyag rgya las kyang gzhan pa/ dam tshig gi phyag rgya las kyang gzhan pa/ chos kyi phyag rgya las kyang gzhan pa ste/ gzhan pa bzhi po 'dis ni gang zag mchog gi dbang du gsungs pa'o/ /de nyid las tha dad pa'i don de gsang ba'o/ /gang gis gsang zhe na/ gsang ba'i don dang ldan pa'am/ dbang dang man ngag tu 'brel pa'i bla ma dam pa des gsang ngo / /gzhan yang ro brgyad ma'am/ mtshan ma lnga'am/ sa non pa'am gzi byin dang ldan pa'i bla ma des gsang ngo / /gang gi phyir gsang zhe na/ gsang sngags kyi rgyu'am/ rten ni dam tshig yin pas/ dam tshig bsrung zhing rdo rje 'chang chen po thob par bya ba de'i phyir gsang ba'o/ /gzhan yang blo dman zhing snod du mi rung ba/ sgro 'dogs shing skur ba 'debs pa'i phyir gsang ba'o/ /gang zhes pa dang de zhes pa ni ring na 'dug kyang 'brel par 'gyur ro/ /de dag lung las/ gsang ba de nyid 'khor lo ste/ 'khor lo de nyid gsang ba yin/ /gang la gsang dang gang gsang dang / /gang gis gsang dang gang phyir gsang / /gang zhes pa dang de zhes pa/ /ring na 'dug kyang 'brel par 'gyur/ /zhes gsungs so/ /shin tu zab pa ni mtha' med pa'i phyir na nam mkha' dang mnyam par gsungs so/ /thams cad gsal bar byed pas na nyi ma ltar gsungs so/ /bsil bar byed pas zla ba ltar gsungs so/ /rten pa dang sdud pa dang sreg pa dang g.yo ba dang / go 'byed pa'i phyir na/ sa dang chu dang me dang rlung dang nam mkha' ltar gsungs so/ /zab cing dpag dka' bas rgya mtsho ltar gsungs so/ /shin tu lhun sdug cing gzhan gyis bskyod par mi nus pas na ri rab ltar gsungs so/ /rgyud 'di shin tu 'byung ba dkon pa'i phyir u du m+WA ra'i me tog ltar gsungs so/ /skye ba med pa las ma lus pa skyes pas rdul phra rab ltar gsungs pa la sogs pa dang / so so'i shin tu zab pa ni bla ma'i zhal nas shes par bya ste/ bsam gyis mi khyab pa'i tshul du gsungs pas shin tu zab pa'o/ /de yang lung las/ ji ltar nad pa so so la/ /sman pas sman rnams ster ba bzhin/ /de bzhin sna tshogs gcig gi don/ /de phyir shin tu zab par gsungs/ /zhes gsungs so/ /rgyud rnams kun du ma gsungs pa/ /zhes bya ba ni/ rgyud ni rtsa ba'i rgyud dang / bshad pa'i rgyud dang / man ngag gi rgyud do/ / rnams ni du ma'i sgra ste/ dpal gsang ba 'dus pa dang / dpal kye'i rdo rje la sogs pa'o/ /kun du'i sgras ni gong du gsungs pa'i rgyud kun du'o/ /ma gsungs pa ni zab pa'i don gzhan ma gsungs pa'o/ /gzhan yang rgyu'i rgyud dang / thabs kyi rgyud ni 'khor lo de brjod par nus pa'i yi ge 'dus pa ste/ 'bras bu'i rgyud do/ /gzhan yang thabs kyi rgyud dang / shes rab kyi rgyud dang / gnyis su med pa'i rgyud de/ de yang brjod par bya ba'i rgyud dang / rjod par byed pa'i rgyud gnyis so/ /brjod par bya ba'i rgyud ni sems can kun la rang bzhin gyis gnas pa'i rtsa dang 'khor lo rnams so/ /rjod par byed pa'i rgyud ni rtsa dang / 'khor lo de brjod par nus pa'i yi ge 'dus pa ste/ rgyu'i rgyud kyis ni brjod bya'i rgyud dang / rjod byed kyi rgyud do/ /de bzhin du gzhan la yang brjod bya'i rgyud dang rjod byed kyi rgyud bla ma'i zhal nas shes par bya'o/ /rnams ni mdo sde dang 'dul ba dang mngon pa ste/ ston pa'i zhal nas gsungs pa'o/ /kun ni sde snod gsum po kun du'o/ /ma gsungs pa ni rtsa dang 'khor lo la sogs pa sde snod gsum du ma gsungs pa'o/ /de yang lung gzhan las/ ji ltar mar dang kha ra dang / mar gyi snying po la sogs pa/ 'thungs te zhu na sman du 'gyur/ /ma zhu na ni dug tu 'gyur/ /de bzhin nga yis gsungs pa'i bka'/ /skal dang ldan na lam du 'gyur/ /skal med skrag cing sgro skur 'debs/ /de phyir kun du gsungs pa med/ /ces gsungs so/ /khyod kyi ngor mdzad nga yis bshad/ /ces bya ba ni/ khyod kyi ni zhu ba po ste/ rdo rje phag mo khyod kyi'o/ / ngor mdzad pa ni zhu ba po la cher dgongs nas rgyud kyi don mdzad pa'o/ /nga yis bshad ces pa ni zhu ba po la sogs pa 'khor 'dus pa kun la rgyud kyi don bshad par zhal gyis bzhes pa'o/ /gzhan yang zhu ba po'i ngor mdzad pa ni yin te/ ma 'ongs pa'i sems can sred pa'i srad bus dam por bcings bde grol bar bya ba'i phyir mdzad de bshad pa ste/ ston pa po ni shes rab kyi pha rol tu phyin pas byas pa dang 'dra ba'o/ /ma 'ongs pa'i sems can ni ma rig pa'i rab rib kyis bsgribs pa'i ri dgas rgyar chud pa dang 'dra'o/ /de yang lung las/ srid pa'i srad bu dam po gcad bya'i phyir/ /shes rab la brten ral gri bdag gis bshad/ /'gro ba 'khrul pa ri dgas rgyar chud 'dra/ /shes rab ldan pa mkha' la bya bzhin 'dra/ /zhes gsungs so/ /gsang ba rdo rje'i rgyud kyi rgyal po'i 'grel ba yang dag pa'i lam ston pa las/ gleng slong ba'i le'u ste dang po'o// //de nas 'bras bu thabs gzhan 'byung bar bya ba'i phyir/ lha mos gsol ba bcom ldan 'das/ /zhes pa ni/ lha mo ni zhu ba po ste/ ston pa'i tshig go/ /gsol ba ni bye brag gi don bshad du gsol zhes pa'o/ /bcom ldan 'das ni 'chad pa'i skyes bu rdo rje 'chang chen po ste/ bcom ldan 'das kyi bye brag ni gong du bshad pa dang / 'og nas 'chad par 'gyur ba'o/ /gsang ba zhes pa ji ltar lags/ /zhes pa ste/ gsang ba ni bzhi'i bye brag dbye ba dang / bzhi po de'i don gsang ba'o zhes pa ni tshig gi phrad do/ /ji ltar lags pas ni zhu ba'i tshig ste/ 'chad pa po che bar 'gyur ba'i yan lag dang / rgyud kyi don dkon par gyur pa'i yan lag dang / rgyud mdzes par gyur pa'i yan lag ste/ thams cad la sbyar bar bya'o/ /de'i 'khor lo ji ltar lags/ /de yi rdo rje ji ltar lags/ /de yi pad+ma ji ltar lags/ /zhes pa ni 'khor lo dang rdo rje dang pad+ma ni gong du bshad zin to/ /'og nas kyang 'chad par 'gyur bas skabs 'dir ma bshad do/ /ji ltar lags pa ni gong du gsungs pa'i yan lag gsum dang / 'khrul pa dang bcas shing the tshom dang bcas pa'i phyir/ zhu ba po'i tshig go/ /de re re'i bye brag zhal nas shes par bya'o/ /bcom ldan 'das kyis bka' stsal zhes pa ni/ bcom pa dang ldan pa'i bye brag ni bshad zin to/ /yi ge gsum gyis 'chad pa po ston to/ /yi ge gsum gyis zhu ba po'i don bzhi po ston to/ /yi ge gnyis kyis don bzhi po gsungs shig par bstan pa'o/ /gzhan yang gang bka' stsal na/ zhus pa'i don bzhi bka' stsal to/ /gang la bka' stsal na lha mo la sogs pa'i 'khor 'dus pa la bka' stsal to/ /gang gis bka' stsal na/ bcom ldan 'das kyis bka' stsal to/ /gang gi phyir bka' stsal zhe na/ 'khrul pa dang the tshom yongs su gcad pa'i phyir bka' stsal pa ste/ gzhan dag tu yang ci rigs par sbyar bar bya'o/ /gsang ba zhes pa rnam pa bzhi/ /zhes pa ni/ grangs kyi dbye ba ston pa ste/ a dang phaT dang e dang baM dang / thig le rnams gsal ba'o/ /gsang ba'i pho brang dang po ste/ /zhes pa ni/ rdo rje'i sna rtse nas/ gnas gsum na gnas pa ste/ 'khor lo bzhi'i dang po yin pas dang po zhes bya'o/ /kun rdzob steng sgo sna rtse las tha dad par shes par bya'o/ /gzhan yang gsang ba'i a'i rnam pa'i rtsa'i mdud pa de la brten nas lhan cig skyes pa'i dga' ba skyes pa de nyid gsang bas na gsang bar gnas pa'o/ /pho brang ni bde ba'i rten dang / gnas dang / gzhal yas khang dang / 'khor lo ste ming gi rnam grangs so/ /dang po ni bde ba rten pa'i gnas kyi dang po kho na yin pas dang po'o/ /rten ni tshig gi lhag ma ston pa yin no/ /de nas gsang ba'i dbang bskur phyir/ /zhes bya ba ni/ gsang ba'i 'khor lo de nas so/ /gsang ba'i dbang ni shes rab ston pa'i rang bzhin yin la/ thabs ye shes bzhi'i rang bzhin ga pur gnyis tha mi dad pa ni gsang ba'i dbang ngo / /bskur ba ni slob ma'i ro ma'i 'khor lor te longs spyod mnyam par sbyar ba'o/ /phyir ni gsang ba'i pho brang la brten nas gsang ba'i dbang bskur ba'i gtan tshigs/ yang na nges pa'i tshig tu shes par bya'o/ /de yang rgyud gzhan nas gsungs pa/ gnas gsum 'das nas gnas gsum gsungs/ /bde ba'i go bzlog sbyor ba ni/ /dang po bde ba tha ma ste/ /tha ma de bzhin dang por 'gyur/ /zhes gsungs so/ /gnyis pa rig pa'i pho brang ste/ /zhes pa ni/ steng gi sna rtse las tha dad pa gsang ba'i rdo rje'i sna rtse nas drug na gnas pa ste/ gnyis pa'i gcig sngon du song ba las 'byung ba ste/ gsang ba pho brang la ltos nas gnyis pa 'byung ba'o/ /rig pa ni khyad par gyi don rig par byed pa'o/ /pho brang ste zhes pa ni bshad zin to/ /bzhi pa'i don ni rig pa'i phyir/ /zhes pa ni/ bzhi pa ni gsum pa la ltos nas 'byung ba ste/ gsum pa'i don ni shes rab ye shes te me tog lta bu'o/ /me tog las byung ba'i dri lta bu ni bzhi pa'o/ /don ni rang rig pa'i ye shes te/ de nyid rig pa'i phyir na rig pa'i phyir zhes gsungs so/ /dri de nyid me tog las tha dad pa yang ma yin/ me tog nyid kyang dri ma yin pa de bzhin du/ bzhi pa yang gsum pa las tha dad pa yang ma yin te/ gsum pa nyid kyang ma yin no/ /gsum pa las tha dad na ni gsum pa don med par 'gyur la/ gsum pa nyid yin na bzhi pa dgos pa med par 'gyur ro/ / de'i phyir gsum pa de nyid rang bzhin med par gyur pa ni bzhi pa'o/ /de yang lung las/ stong nyid rnam par shes pa ste/ rnam par shes pa'ang stong nyid yin/ /me tog dang ni dri yi tshul/ /phan tshun brten pa'i mtshan nyid can/ /zhes gsungs so/ /gsum pa rta mgrin 'khor lo ste/ / zhes pa ni/ gsum pa rdo rje'i rtse mo nas/ sor gnyis na rten yod de/ gnyis las ltos nas gsum 'byung ba'o/ /rta'i mgrin pa lta bu'i rtsa'i 'dab ma'o/ /'khor lo ni bskor ba'i don to/ /de yi mgrin par gnas pa'i phyir/ /zhes bya ba ni/ de'i mgrin pa ni kun rdzob steng gi mgrin pa las tha dad pa dang / rdo rje ba gam gyi mgrin pa na gnas pas na gnas pa'o/ /phyir ni bshad zin to/ /bzhi pa gsang ba bde skyong ste/ /zhes pa ni bzhi pa ni gsum la ltos nas 'byung ba ste/ sna rtse nas sor bzhi na gnas pa'o/ /gsang ba bde skyong ni bde ba'i go bzlog sbyor bas/ khyad par gyi bde ba skyes pas so/ /sdig pa sbyong phyir bde skyong ste/ /zhes pa ni/ sdig pa ni mtshan ma la sogs pa ste/ de nyid sbyangs te bde ba la sems gnas pas bde skyong ngo / /gzhan yang 'khor lo bzhi po de'i nyams su myong ba dang / las gsungs pa/ gsang ba'i pho brang du sems zin na/ lte ba man chad bde bas gang ste/ rtsa'i snyigs ma kun 'od du zhu ba ste/ rdo rje sna rtse 'gags pa snyam byed pa la sogs pa rtags drug byung ba ni/ thur sel gyi rlung khegs pa ste/ kham gyi zas kyi srid pa chud par 'gyur te/ kha zas kyi tshod gzung ba la sogs pa bsrung ba bcu'o/ /de las kyang bde ba khyad par can rig pa'i pho brang du skye ste/ snying ga man chad gang bar 'gyur ro/ /rtsa'i dngas ma 'od du zhu ste/ lud pa dang snabs la sogs pa rgyun 'chad do/ /de yang srog gi rlung dang mnyam pa'i rlung khegs pa'o/ /snying 'dar ba la sogs pa'i rtags drug dang / snying gar sman dang snum dang dri bzang po byug pa la sogs pa bsrung ba brgyad do/ /de las kyang khyad par can gyi rten bde ba rta mgrin gyi 'khor los skye ste/ mgrin pa man chad gang bar 'gyur nas/ rtsa ba'i rtsa dang rkang dang rus pa yang 'od du bzhu ste/ byang chub sems su 'gyur ro/ /de yang gyen du sel ba'i rlung khegs pa'o/ / skad shin tu snyan pa la sogs pa'i rtags drug 'byung ngo / /sgra mi 'don pa la sogs pa bsrung ba bdun no/ /de las khyad par gyi bde ba gsang ba bde skyong du skye ste/ sha la sogs pa kun 'od du zhu ste/ de yang khyab byed kyi rlung khegs pa yin no/ /thams cad bde ba'i ngo bor snang ste/ dper na mig ser gyis btab pa las/ thams cad ser por snang ba de bzhin du thams cad bde ba'i ngo bor snang ba la sogs pa lnga 'byung ngo / /bde ba de la shes par mi bya ba la sogs pa bsrung ba gsum mo/ /gzhan yang phyi rtags gsum 'byung ste/ sku'i rtags nam mkha' la 'gro ba la sogs pa drug dang / gsung gi rtags lha'i skad 'byung ba la sogs pa bdun dang / thugs kyi rtags thos bsam las ma byung ba'i tshogs shes pa la sogs pa bdun no/ /gzhan yang skyon brtag pa'i rim pa ni/ nad gzhi dang gdon la sogs pa'i skyon brtag par bya'o/ / de yang lung gzhan las/ phyi rtags nang du zhugs pa dang / /nang rtags phyi ru byung ba dang / /nad gzhi gdon gyi bye brag rnams/ /mkhas pas brtags na khyad par 'byung / /zhes gsungs so/ /de rnams don ni gsang ba ste/ /zhes pa ni/ de rnams ni 'khor lo bzhi po rnams so/ / don ni bde ba'i khyad par du ma'o/ /gsang ba ni snod du mi rung ba ste skal ba med pa la gsang ba'o/ /'o na thams cad la gsang ngam zhe na/ brtul zhugs byed cing gtong phod che/ /zhes pa ni/ brtul zhugs ni rnam pa gsum ste/ rgyan 'chang ba dang / phyag rgya 'chang ba dang / bdud rtsi myang ba'i brtul zhugs te/ rigs su 'dzin pa dang / gtsang ba dang mi gtsang ba thams cad kyi rnam par rtog pa spang ba'i phyir byed pa'o/ /gtong phod che ba ni/ rta dang / glang po dang / rin po che dang bang mdzod dang / rang gi bu dang chung ma la sogs pas mnyes par byed pa'o/ /e baM zab cing chags la dga'/ /zhes pa ni/ e ni shes rab pad+ma ste/ zab pa ni yon tan mda' mkhrang ba'o/ /baM ni thabs kyi rdo rje'o/ /zab pa ni skye gnas kyi skyon dang bral ba'o/ /chags pa dang dga' ba ni rang rig pa'i 'od gsal ba de ni chags pa ste/ de thob par byed pa'i thabs la dga' ba'o/ /gzhan yang e ni chos kyi dbyings kyi ye shes te shes rab po/ /baM ni ye shes bzhi ste thabs so/ /zab pa ni gnyis su med pa ste nyan thos la sogs pas rtogs par dka' bas so/ /chags pa'i 'bras bu mthar thug pa de thob par 'dod pa'o/ /dga' ba ni de thob par byed pa'i thabs la dga' ba dang mgu ba dang / rangs pa'o/ /gzhan yang thabs dang shes rab kyi cha ni/ yab dang yum dang / sbom po dang phra mo la sogs pa bcu drug gi cha'o/ /de yang lung gzhan las/ thabs dang shes rab gnyis med tshul/ /sna tshogs du ma snang bas na/ /de nyid nges par bya ba'i phyir/ /stong pa bcu drug nges pa'o/ /zhes gsungs pa'o/ /khu ba 'dzag cing rak+ta 'bab/ /ces pa ni/ khu ba 'dzag pa ni byang chub sems kha ba lta bu dang ldan pa'o/ /'dzag pa ni bde ba skye ba'o/ /rak+ta 'bab pa ni byang chub sems dmar la dngas pa ste/ mtshal chen dang ldan pa'o/ /de yang 'jig rten gyi g.ya' ba sel na 'dzag pa'i bde ba skye'o/ /gzhan yang khu ba 'dzag pa ni ye shes bzhi yul la 'jug pa'o/ /rak+ta 'bab pa ni chos kyi dbyings kyi ye shes yul du 'gyur zhing rgyun mi chad par 'bab pa'o/ /gzhan yang bskyed pa'i rim pa la sogs pa bla ma'i zhal nas shes par bya'o/ /'di la bstan gyi gzhan la gsang / /zhes pa ni/ 'di la bstan gyi bya ba ni gong du gsungs pa'i sgra ji bzhin pa dang ji bzhin ma yin pa'i yon tan dang ldan pa'o/ /gzhan la gsang ba ni gong gi yon tan dang mi ldan pa la gsang ba'o/ /rdo rje pad+ma zhes bya ba ni rdo rje ni thabs kyi ngo bo pad+ma ni shes rab kyi ngo bo 'og ma ni tshig gi phrad do/ /bzhi po rnams kyi rten yin te/ /zhes pa ni/ bzhi po ni gsang ba'i 'khor lo la sogs pa'o/ /gnas dang rten dang 'dug sa ni ming gi rnam grangs te/ der gnas zhes bya'o/ /sgra ji bzhin ma yin pa ni bla ma'i zhal las shes par bya'o/ /bzhi pa rnams kyi rten yin te/ /zhes pa ni dpe'i sgo nas ston pa ste/ khang pa ni thog g.yogs pa la bya ste/ gdung dang phyam dang gral bu la sogs pa kun kyang ka ba la brten pa dang 'dra bar 'khor lo bzhi po kun kyang rdo rje dang pad+ma la brten par shes par bya'o/ /de yang lung las/ mkha' la rlung brten de la chu yi phung po brten/ /zhes bya ba la sogs pa gsungs so/ /rgyud kyi don ni rgyun yin no/ /zhes pa ni/ rgyud kyi don ni brjod par bya ba lam dang 'bras bu tshogs pa la bya'o/ /rjod par byed pa ni rdo rje 'dzin pa'i zhal nas gsungs pa'i ming gi tshogs dang tshig dang yi ge'i tshogs la'o/ /rgyun yin bya ba ni de gnyis rgyun du gnas pa'o/ /gzhan yang rgyud ni thabs dang shes rab dang / gnyi ga'i rgyud do/ /yang rgyud ni rgyu dang 'bras bu dang / thabs kyi rgyud do/ /rgyud ni bshad zin to/ /gsang ba rdo rje'i rgyud kyi rgyal po'i 'grel pa yang dag pa'i lam ston pa zhes bya ba las dka' ba'i rtog pa sel ba'i le'u gnyis pa'o/ / //de nas de nyid bye brag bshad pa'i phyir/ /lha mos gsol pa bcom ldan 'das/ /de yi dbye ba ma 'tshal bas/ /zhes pa ni/ tshig gong ma ni rgyas par bshad zin to/ /de'i dbye ba ni 'khor lo re la rtsa'i grangs dang rim pa'o/ /ma 'tshal ba ni mi shes pa dang / ma rig pa dang 'khrul pa dang / ma rtogs pa'o/ /'jig rten kun rdzob nyid du ltung / /zhes pa ni/ 'jig rten ni snga ma 'jig cing phyi ma rten pa'am 'jig rten phal pa'o/ /kun rdzob ni slu ba'i chos so/ /nyid du ltung ba ni slu ba dang gsog dang gsob la sogs pa 'gro'o/ /'khrig pa'i zug rngu mi bzad pas/ /zhes pa ni/ 'khrig pa ni tha mal pa'i 'dod chags te/ zug rngu ni des gdungs pa'o/ /mi bzad pa ni shin tu sdig dang ldan pa'o/ /bdag ni 'di nyid du ni 'gum/ /zhes pa ni/ bdag ni ma 'ongs pa'i sems can kun te/ de nyid du ni 'dod chags skyes pa'i dus de nyid do/ /'gum pa ni 'dod chags kyis kun nas bslang ba'i zhe sdang la sogs pas sdug bsngal ba dang / tshe 'phos nas kyang bskal pa grangs med par sdug bsngal nyams su myong ba ste/ de yang tha mal pa ste/ lam 'khrul pa las khyad par rnyed par bya ba'i phyir zhus pa'o/ /de yang lung gzhan las dpe'i sgo nas gsungs pa/ dang po de nyid rang bzhin te/ /gnyis pa smig rgyu chur 'khrul dang / gsum pa smig rgyu nyid du snang / bzhi pa smig rgyu med snang ba'o/ /zhes bya ba gsungs so/ /sgra ji bzhin ma yin pa ni bla ma'i zhal nas shes par bya'o/ /bcom ldan 'das kyis bka' stsal pa ni/ 'chad pa po tha mal pa dang 'khrul pa'i khyad par bka' stsal pa'o/ /gsang ba'i pho brang rim pa drug /ces bya ba ni/ a dang po ni a ste chos thams cad skye ba med pa'i snang ba brdar gyur pa'o/ /gnyis pa ni 'byung ba'i yi ge bzhi ste/ sra shing shes pa'i rten du gyur pa'o/ /'dod chags kyi me chen po de thugs rje chen po'i chu'i rgyun gyis brlan par byed pa dang / dbang po'i sgo thams cad nang du sdud pa dang / ye shes kyi mes haM 'dzag pa dang / rtog pa bsreg pa dang / lus yang ba dang / mi rtog pa la g.yo ba rnams rim pa bzhin du sbyar bar bya'o/ /gsum pa ni sde tshan gyi dang po brgyad de gsang ba'i grong khyer dkrugs pa'i sngags so/ /bzhi pa ni dbyangs yig bcu drug go/ /lnga pa ni dbyangs kyi g.yas skor sum cu rtsa gnyis so/ /drug pa ni kA li g.yas skor g.yon skor drug cu rtsa bzhi de thams cad kyang rtsa'i rang bzhin no/ /de dag chos thams cad skye ba med pa dang / ye shes bzhi dang / rnam par thar pa brgyad dang / stong pa bcu drug dang / mtshan sum cu rtsa gnyis dang / dpe byad bzang po brgyad cu ru go rims bzhin rnam par dag par shes par bya'o/ /'dab ma'i grangs ni nyis 'gyur ro/ /zhes bya ba ni/ bzhi pa'i phyi na brgyad dang / brgyad kyi phyi na bcu drug la sogs pa'o/ /rta mgrin grangs ni dgu ru shes/ /zhes bya ba ni/ 'dab ma'i grangs ni dgu ste rta'i mgrin pa lta bu'o/ /thig le sum cu bdun gyis brgyan pa ste byang chub kyi phyogs kyi chos sum cu rtsa bdun no/ /gsang ba bde skyod rim pa gnyis/ /zhes bya ba ni/ 'khor lo nang dang phyi gnyis te phyi nang gi rim pa ni dbang dang ye shes kyi bye brag tu shes par bya'o/ /brgyad dang lnga bcu'i grangs yin no/ /zhes bya ba ni/ rtsa'i grangs dang thig le'i grangs ston pa ste/ a ka tsa Ta ta pa ya sha bshad dang / a A i I u u r-i r-I l-i l-I e ai o au aM a/ /ka kha ga g+ha nga / tsa tsha dza dz+nya nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH/ lnga bcu po de dag kyang mnyam par gnas pa ste ye shes kyi rang bzhin du shes par bya'o/ / rig pa'i pho brang 'dab ma lnga/ /zhes bya ba ni/ rtsa'i grangs dang thig le'i grangs lnga ste/ ra la sha Sha sa lnga ni/ ye shes lnga dang rig pa lnga la sogs pa'o/ /rigs ni me tog lta bu'o/ /zhes bya ba ni dpe'i phyogs nas ston pa ste/ spen pa'i me tog lta bu'o/ /da ni rten gyi bye brag dang / sgra ji bzhin ma yin pa bshad par bya ba'i phyir/ b+ha ga rab 'bring gsum yin te/ /zhes bya ba ni/ b+ha ga ni 'joms pa'i don te/ rnam par rtog pa 'joms pas so/ /rab ni kun 'dar gyi rtsa rang bzhin gyis yongs su rgyas pa'o/ /'bring ni he ru ka ma gshegs shing rdo rje mda' yis ma phog pa ste/ cha phra ba'i rkyen gyis yongs su rgyas pa'o/ /tha ma ni skye shing dang sman dang / sngags la sogs pa 'og nas 'byung ba'i sbyor bas yongs su rgyas par 'gyur ro/ /gzhan yang b+ha ga ni gnyen po ste/ tha mas 'dod chags dang zhe sdang dang gti mug gis kun nas bslang ba'i nyon mongs pa mgo gnon pa dang / 'bring pos kyang mngon du rgyu ba mgo mnan pa'o/ /rab kyis ni mngon du rgyu dang bag la nyal spong bar byed pas na b+ha ga'o/ /rnal 'byor mkhas pas btsal bar bya/ /zhes bya ba ni/ rnal ba ni rtsa de la brten pa'i don phyin ci ma log pa ste de la sems 'byor pas rnal 'byor to/ /mkhas pas ni sgra ji bzhin dang / ji bzhin ma yin pa'i don mtha' dag shes pa'o/ /btsal ba ni rtsa de'am de'i don btsal bar bya'o/ /sman dang snum gyi ri lu yis/ /zhes bya ba ni/ sman ni lca ba dang / nye'u shing dang / ra mnye ba dang / ba spru ba dkar po dang / /gze ma ni rtsa ba lnga'o/ /gzhan yang yan lag gi sman ni drug cu rtsa bdun te shin tu zhib par btag go/ /snum ni til la sogs pa bcu gcig go/ /ri lu ni sman snum gyi ri lu bya ba ste bya'i sgo nga tsam dang / sran ma tsam mo/ /rnal 'byor sor mo la bskus la/ /zhes bya ba ni/ rtsa de'i don la shes par 'byor pas na rnal 'byor ro/ /sor mo ni dang 'og gi rtse mo'o/ /bskus pa ni sor mo'i rtse mor ri lu nan tan bya'o/ /gzhang kha nas kyang phye mas bdug /ces bya ba ni/ rlung gi sgo de nyid nas sman dang snum gyi phye ma drod dang ldan pas bdug go/ /de yang tshad shes par bya ste kha dog dang / dbyibs dang ngag gi bye brag la shes par bya'o/ /de'i tshad ma shes na nad gzhi skye ba dang / gdon 'jug pa dang / lus smad 'jig pa la sogs pa skyon bcu drug 'byung ngo / /tshad kyang de nyid grangs su shes par bya'o/ /gsang ba nas kyang snum gyis bdug /ces bya ba ni/ pad+ma de nyid snum gyis dugs bya/ dugs tshad du phyin nas ri lu'i sbyor ba bya ste/ tshan bdun no/ /de nas rnal 'byor pho'am mos/ /zhes bya ba ni/ dugs byas pa de nas rtsa'i man ngag shes pa ni rnal 'byor te pha'am ma ni skye gnas gang 'brel ba'o/ /rtsa de sor mos legs par btsal/ /zhes bya ba ni/ rtsa ni kun 'dar ma ste gsum 'dus pa'i mtshan nyid de'o/ /sor mos ni mi bskyod pa ste/ khro bo'i mdzub mo'i rtse mo la ri lus nan tan byas te/ legs par btsal te thabs dang ldan pas rten las sor bzhi drang ba'o/ /ring thung tshad ni sor gnyis nas/ /zhes bya ba ni/ rnam par thar pa brgyad rnam par dag pas brgyad pa ni sor gnyis na gnas so/ /skye mched bcu gnyis rnam par dag pa bcu gnyis pa ni sor bzhi na gnas so/ /stong pa bcu drug rnam par dag pa'i bcu drug pa ni sor drug na gnas so/ /sor brgyad bar du b+ha gar gnas/ /zhes bya ba ni/ khams bco brgyad rnam par dag pa'i sor brgyad na gnas so/ /'dam kha ma dang / ya nga ba spong ba ste nyi shu lnga ma ni lte ba dang / snying ga ste de yang chos can ni dang po kho na na gnas pa ste/ chos lang tsho'i rim pas gnas 'pho ba'o/ /gzhan yang sman dang snum ni brten pa dang / rten de lha dang gzhal yas khang dang / rtsa dang dbugs dang / rtsa dang byang chub kyi sems dang / bde ba dang / stong pa nyid de ci rigs par sbyar bar bya'o/ /gzhan yang sgra ji bzhin ma yin pa ni bla ma'i zhal nas shes par bya'o/ /shes rab b+ha ga che chung dang / /zhes bya ba ni/ shes rab ni skye gnas dang ldan pa'i rnal 'byor ma'o/ /b+ha ga ni pad+ma ste de la brten nas dug rnams 'joms pa ste/ zur gsum e lta bus so/ /che ba ni rten de nyid che ba ste khyad par gyi bde ba skye bar mi nus pa'o/ /chung ba ni rten de nyid ha cang yang chung bas bde ba skye bar mi 'gyur bar nad kyi zug rngu bskyed pa'o/ /gzhan yang shes rab ni blta bar bya ba dang / lta bar byed pa ste so sor rtog pa'i shes rab dang / de'i yul lo/ /b+ha ga ni mnyen pa'o/ /che ba ni rtag pa'i mtha'o/ /chung ba ni chad pa'i mtha'o/ /de bzhin b+ha ga grang dro dang / /zhes bya ba ni/ de bzhin gyi sgra ni gang gi phyir skyon de bzhin no/ /b+ha ga ni 'dug stangs kyis zur gsum pa de nyid do/ /grang ba ni chu rlung shas che ba ste/ pha las thob pa gsum po ni zhe sdang chu'i khams so/ /ma las thob pa gsum ni 'dod chags rlung gi khams te/ gti mug ni gnyi ga'i rgyu ste grang ba ni skyon dang ldan pa'o/ /dro ba pha las thob pa gsum dang / ma las thob pa gsum po me'i khams shas che ba 'bras bu 'byin pa snga na skyon dang ldan no/ /de ma yin pa'i yon tan dang ldan no/ /gzhan yang b+ha ga ni bum pa'i dbang la sogs pa bzhi'o/ /grang ba ni dam tshig dang mi ldan pa'o/ /dro ba ni dam tshig dang ldan zhing ye shes kyi mes rnam par rtog pa bsreg pa'o/ /de yang lung gzhan las gsungs pa/ 'gro ba'i chos rnams ye shes kyi/ /me yi bud shing yin par 'dod/ /ces gsungs so/ /de la rnal 'byor mkhas pa yis/ /zhes bya ba ni/ de la ni gang gi skyon de nyid la'o/ /rnal ba ni don phyin ci ma log pa'i mtshan nyid do/ /don de la shes pa 'byor pas na rnal 'byor ro/ /mkhas pa'i sgras ni don ma 'khrul ba mtha' dag la sbyar bar bya'o/ /b+ha ga che na bde ba chung / /zhes bya ba ni/ b+ha ga ni 'joms pas na b+ha ga ste tha mal pa'i 'dod chags la sogs pa dang bral ba'o/ /che ba ni tha mal pa'i 'dod chags la sogs pa shin tu yang che ba'o/ /bde ba chung ba ni gnyen po'i stobs shas chung ba ste/ gzhan yang che ba ni rnam par rtog pa che ba'o/ /chung ngu bya ba ni bla ma la brten pa'i gdams ngag gi stobs kyis rnam par rtog pa de nyid spang bar bya'o/ /dper na lan tshwa'i rgya mtsho'i nang du skyu ru ra thig pa gcig blugs pa dang 'dra ba'o/ /b+ha ga che na chung ngu bya/ /zhes bya ba ni/ b+ha ga ni gong du bshad zin to/ /che na chung ngu bya ba ni sbyor thabs kyi bye brag dang / sngags dang sman dang rin po che'i sbyor bas che ba sel bar bya'o/ /chung na de bzhin bskyed par bya ba ni/ chung ba ni pad+ma de rdo rje'i mdas bsnun du mi rung ba'o/ /bskyed pa ni rigs dang mthun pa'i shing bu la srog chags kyi rgyud mas bsrung ba bya ste sman dang snum gyis nad kyi zug rngu sel bar byas la des bsnun pas tshad dang ldan pas che bar 'gyur ro/ /gzhan yang chung ba ni gnyen po'i stobs chung ba ste tha mal pa'i 'dod chags kyi spyod pa la sogs pa'o/ /bskyed pa ni ting nge 'dzin gyi stobs kyis ma chags pa'i spyod pa la sogs pa bskyed pa'o/ / grang na de bzhin bsro bar bya/ /zhes bya ba ni/ grang ba ni pad+ma de me'i shas chung ba ste haM 'dzag pa'i yon tan dang mi ldan pa'o/ /gong gi skyon bsal ba de bzhin du bsro bar bya ste/ bcud dang ldan pa'i sha dang / bska ba'i chang dang / 'bras bu'i sman nyi shu rtsa bdun dang / tsha ba lngas lus la drod bskyed do/ /gzhan yang grang ba ni mtha' dang ma bral ba'o/ /dro ba ni mtha' dang bral bas nam mkha' lta bu'o/ /chu rnams che na chung ngu zhes bya ba ni/ chu che ba ni skyon mda' ltar grang ba ste/ de bsal ba'i thabs bya ba ni 'dod pa'i brtson cha dgu'am/ bcu gcig gam/ bco lnga'am/ nyi shu rtsa gcig gam/ sum cu rtsa bdun gyis chu de sel bar bya'o/ /'di 'dra'i b+ha ga gang la yod/ /ces bya ba ni/ 'di 'dra'i khyad par can no/ /b+ha ga ni thabs des 'joms pa'o/ /gang la yod pa ni gang zag gi rgyud la yod pa'o/ /bud med 'di la b+ha ga mang / /zhes bya ba ni/ bud med ni ngo tsha dang bral zhing khrel dang bral ba ste 'jig rten pa'i ngo tsha med pa ni 'jig rten las 'das pa'i ngo tsha dang ldan pa ste gzhan du yang sbyar bar bya'o/ /'di la ni 'jig rten pa'i ngo tsha med pa la sogs pa dang ldan pas 'di la'o/ /b+ha ga ni bdud bzhi la sogs pa 'joms pa'o/ /mang ba ni de dang ldan pa'o/ /de phyir bud med bcom ldan 'das/ /zhes bya ba ni/ de'i phyir ni gong gi yon tan de dang ldan pa'i phyir ro/ /bud med ni ngo tsha med cing khrel med pa ste/ 'jig rten pa'i kha na ma tho ba med par dgon pa'am/ dur khrod dag tu bdud rtsi lnga dang / sha lnga dang / rus pa'i rgyan la sogs pa dang / phyag rgya la rol bar byed na yang 'jig rten pa'i ngo tsha med pa'o/ /khrel med pa ni rnal 'byor stobs dang ldan pas dus su grong khyer chen po'i dbus su song ste bdud rtsi la sogs pas sprul pa ston pa'o/ /de yang dang po ni bdag gi don de rigs su 'dzin pa dang / gtsang ba rlung 'dzin pa dang / 'jig rten pa'i spyod pa kun spangs te mkha' 'gro ma'i spyod pas dngos grub thob pas so/ /'og ma ni gzhan gyi don ting nge 'dzin gyi zas dang / ldan pa ni kham gyi zas dang bral ba ste ma 'ongs pa'i rnal 'byor pa sprul pa dang / bsgyur ba dang mi ldan pa zab mo'i spyod pa dang / lta ba byed pa la sgro 'dogs pa dang / skur pa 'debs pa de bsal bas na'o/ /bcom pa ni bskyed pa'i rim pas 'jig rten pa'i rnam par dag par rtog pa bcom pa'o/ /ldan pa ni lha'i sku mdog dang phyag mtshan la sogs pa dang / gzhal yas khang dang ldan pa'o/ /'das pa ni 'jig rten pa'i spyod pa las 'das pa'o/ /gzhan yang bcom pa ni bskyed pa'i rim pa nyid do/ /ldan pa ni rtsa dang 'khor lo yin te/ 'das pa ni bskyed pa de nyid la mi gnas pas so/ /gzhan yang gong ma gong mas 'og ma bcom pa dang / 'og ma 'og ma la mi gnas pa dang / gong ma gong ma yon tan dang ldan pa ste/ ci rigs par sbyar ro/ /thabs kyi rdo rje phra sbom dang / /zhes bya ba ni/ thabs ni ye shes bzhi pa'i rang bzhin te he ru ka'o/ /rdo rje ni bzhi ste/ don gyi rdo rje dang rdzas kyi rdo rje gsum las tha dad pa ste gsang ba'i rdo rje de nyid do/ /phra ba ni ma Na'i tshad dang mi ldan pa ste/ glang po che'i rtse mo tsam mo/ /de nyid kyang ci rigs par bla ma'i zhal nas pra ma Na dang ldan par bya'o/ /sbom pa ni stobs dang mi ldan pa la sogs pa dbye ba lnga ste de nyid kyang stobs dang ldan pa la sogs pa shes par bya'o/ /gzhan yang thabs ni gang zag gi rgyud do/ /rdo rje ni de'i sems so/ /phra ba ni rtog pa phra ba'o/ /sbom pa ni rnam rtog che ba ste de nyid spang zhing mi rtog pa bskyed par bya'o/ /ring ba dang ni thung ba zhes bya ba ni/ ring ba ni tshad las tha dad pa ste/ bde ba mi skyed par nad kyi zug rngu bskyed pa'o/ /thung ba ni tshad dang mi ldan pa ste/ bde ba yang mi skyed nad gzhi yang mi skyed pa ste/ de gnyi ga'i skyon bla ma'i zhal nas shes par bya'o/ /gzhan yang ring ba dang ni bskal pa grangs med par sdug bsngal nyams su myong ba ste/ de nyid las thar par bya'o/ /thung ba ni bdag gi don 'ba' zhig dang / tshe 'di'i grags pa'i dbang du rnal 'byor spyod pa ste/ de bsal ba 'phen pa ring bar bya'o/ /shes rab ji bzhin thabs la'o/ /zhes pa ni/ gong du gsungs pa'i rtsa drangs pa la sogs pa dang / sems can kun de bzhin gshegs pa'i snying po can yin pas so/ /gzhan yang shes rab la gsang ba'i 'khor lo bzhi yod pa de bzhin du thabs la'ang yod par gsungs pa'o/ /de yi gnas su gzung bar bya/ /zhes pa ni/ de'i gnas ni rtsa'i mdud pa bzhi po de'o/ /gzung ba ni dbugs dang ting nge 'dzin gyi byang sems bde ba dang bcas pa rtsa'i mdud pa der gzung ba'o/ /gzhan yang gnas ni chos 'byung ba'i gnas te/ rang rig pa'o/ /gzung ba ni rang rig pa de la sems gzung ba ste/ dbang po'i sgo gzhan dgag pa ni seng ge rnam par rol pa'i phyag rgya'o/ /gsang ba'i rdo rje rgyud kyi rgyal po'i 'grel pa yang dag pa'i lam ston pa las/ gsang ba rtog pa'i le'u ste gsum pa'o/ / //lha mos gsol pa bcom ldan 'das/ /zhes pa ni/ lha mo ni zhu ba po'o/ /gsol ba ni 'jig rten pa las ches khyad par du 'phags pa'i don 'og nas zhu ba'o/ /bcom ldan 'das ni ston pa po ste/ the tshom zhu ba'i gnas so/ /e baM rnam pa'i dbus gang du/ /zhes pa ni/ e ni yum gyi pad+ma'o/ /baM ni yab kyi rdo rje'o/ /rnam pa ni skye gnas de la brten pa'i rtsa'i grangs dang / 'khor lo'o/ /dbus gang du ni dbus kyi rtsa thig le bzhi pa ru'o/ /bde ba'i khyad par tshol ba la/ /zhes pa ni/ bde ba dga' ba bzhi po'i don te thig le la brten nas skye ba'o/ /khyad par ni tha mal pa las bye brag tu dbye ba ste/ dgongs pa dang bcas pa'o/ /'di la khyad par med dam ci/ /zhes pa ni/ 'di las ni gong du gsungs pa'i thabs 'di las so/ /khyad par ni gnyen po'i stobs so/ /med dam ci ni zhu ba'i tshig go/ /bcom ldan 'das kyis bka' stsal pa/ shin tu dben pa'i gnas btsal la/ /zhes pa ni/ tshig gong ma'i 'og tu bshad zin to/ /'jig rten pa'i kha na ma tho ba med pa'i gnas btsal bar bya'o/ /bza' ba bcud can sna tshogs dang / /zhes pa ni/ rol pa'i rnal 'byor gyi rkyen/ kha ba'i chang dang / bska ba'i sman dang / tsho ba'i sha dang / mngar ba'i btung ba brgyad dang / ro drug go/ /btung ba dri zhim mang po dang / /zhes pa ni/ bdud rtsi lnga rgyun du btung bar bya'o/ /gur gum la sogs dri zhim dang / zhes pa ni/ gur gum dang / tsan+dan dang / ga pur dang / hu lu ka dang / gi wang cha mnyam par sbyar te/ lus khrus byas la dris byug go/ /gzhan yang dbu rgyan dang / stod g.yogs la sogs pas lus brgyan par bya'o/ /de dag kun kyang zhag tu dam tshig bya bar gsungs so/ /shin tu 'jam pa'i stan bting la/ /zhes pa ni/ stan ni nang tshangs can dang / stan chen po dang / stag gi stan go rims bzhin du bting ste/ gong du gsungs pa de dag kyang rnam par dag pa dang bcas par shes par bya'o/ /rnal 'byor ma yi gnas dgu ru/ /dri zhim thig le re re bya/ /zhes pa ni/ nu ma dang / lag rtse dang / mgrin pa dang / 'gram pa dang / mig dang / rna ba'i rtsa ba dang / spyi bo dang / lte ba dang / gsang ba'i gnas dang dgu ste/ gong du gsungs pa'i dri lnga po des thig le cha mnyam po dgu bya'o/ /rnal 'byor pa yi gnas lnga ru/ /de bzhin thig le lnga yang bya/ /zhes pa ni/ pad+mo 'dzum pa dang / tshig 'jam pa dang / zhen par blta ba dang / sen mo gdab pa dang / byed pa bsdam pa dang / lnga ste rang bzhin gyi thig le cha mnyam par bya'o/ /de nas mkha' gsang byin gyis brlab/ /ces pa ni/ mkha' ni pad+ma ste de byin gyis brlab pa'o/ /gsang ba ni rdo rje ste byin gyis brlab par bya'o/ /e las gru gsum gting rings bsam/ /zhes pa ni/ chos kyi dbyings kyi rang bzhin sku gsum po de nyid rtogs par dka' bar bsam mo/ /de yi nang du paM las ni/ /pad+ma 'dab ma brgyad du bsam/ /zhes pa ni/ pad+ma de'i nang du pad+ma 'dab ma brgyad de nyon mongs pa'i skyon gyis ma gos pa dang / rnam par thar pa brgyad rnam par dag pa'i rang bzhin du bsam mo/ /de yi dbus su 'khor lo bsam/ /zhes pa ni/ pad+ma nas spyi bo'i gtsug tor gyi bar du/ rtsa dang 'khor lor yid la dran par bya'o/ /'khor lo'i dbus su reg mi bzod/ /ces pa ni/ 'khor lo de rnams kyi dbus su thig le rnam par rtog par mi reg par bsam mo/ /de nas thabs kyi rdo rje dang / hUM las rdo rje rtse lngar bsam/ /zhes pa ni/ yum gyi pad+ma byin gyis brlabs pa de nas yab kyi gsang ba la rdo rje rtse lnga par bsam mo/ /de yang ye shes lnga'i rang bzhin no/ /oM las rdo rje'i mgo bor bsam/ /zhes pa ni/ rdo rje'i rwa'i bar du aM gi chos kyi sku'i ngo bor gyur pa ste/ yum lnga'i rang bzhin no/ /de nas drug pa bshad pa'i phyir/ /phaT las rdo rje ba gam bsam/ /zhes bya ba smos te/ ba gam de nyid rigs kyi drug pa'am/ ye shes drug pa'am/ dbugs kyi drug pa'i rang bzhin no/ /de nas bde ba'i stan thog tu/ /zhes pa ni/ pad+ma rdo rje gnyis skye gnas mi dmigs par byas pa de nas/ sbyor ba'i gnas bstan pa ste/ shin tu 'jam pa'i stan dang / nang tshangs can gyi stan gyi steng du/ stag gam zhing gi stan bting ste/ /rnam par rtog pa thams cad dang bral ba'i rtags dang / dbang po thams cad nang du bsdus pa'i rtags so/ /sbyor ba rnam pa gsum bya ste/ /zhes pa ni/ 'jig rten pa las khyad par bstan pa'i phyir dang / mos pa spyod pa'i sa la sbyor ba dang / sangs rgyas kyi sa la sbyor ba gsum mo/ /de nyid gsal bar bya ba'i phyir/ /yan lag thabs dang sbyor ba dngos/ /zhes gsungs pa ste/ sbyor ba'i yan lag ni gnas nyi shu rtsa dgu la sogs par 'dod pa'i mtshon cha 'bebs pa'o/ /sbyor ba'i thabs ni gan rkyal dang / kha sbub dang / tsog pu dang / 'phreng dang / langs pa lnga ste/ rigs lnga dang yum lnga'i rang bzhin te/ de las bye bas rigs brgya'i dbye ba dang stong la sogs par 'gyur ro/ /sbyor ba dngos ni rtags gsum 'byung ba la sogs pa'o/ /'khor lo nyi shu rtsa dgu'am/ chags pa skye ba'i dri yis byug /ces pa ni/ gnas nyi shu rtsa dgu'am bcu drug tu gur gum mam/ ga pur ram khyad par gyi dri drug sbyar ba'i thig le byas la/ de nas kha ru yang tam po la dang / gur gum la sogs pa bcug ste/ phar bud pa ni oM gyi ngo bo'i dbugs so/ /tshur rngub pa ni hUM gi ngo bo'i dbugs te/ thun mong gi mtshon cha bstan pa'o/ /bde ba skyed pa'i zas zos nas/ /zhes pa ni/ 'bras bu ni bde ba yin la/ de'i rgyu ni kha ba'i chang dang / tsho ba'i sha dang / bcud dang ldan pa'i kha zas kyi bye brag khams kyi tshod dang sbyar te/ chu tshod dang thun tshod kyis btang ngo / /de'i dus su yang chu rlung bsrung ba dang / spyod lam kun du gzabs na bde ba skyed do/ /bde ba'i stan la 'dug nas ni/ /zhes pa ni/ gong du gsungs pa'i stan de nyid la bag dang bcas par 'dug par bya'o/ /thabs kyi gnas dgur 'o yang bya/ /zhes pa ni/ shes rab ma'i gnas gong du gsungs par mtshon cha dgur shes par bya'o/ /shes rab kyis kyang gnas par bya/ /zhes pa ni go sla'o/ /thabs kyi shes rab pad+ma la/ /'o bya pad+ma rgyas su gzhug /ces pa ni/ thabs kyi lce'i rtse mo la rtsa rgyas par byed pa'i sman gyi nan tan byas la/ pad+ma'i skyon dag par byed pa'i nus pa brtsal te/ lce'i rtse mos legs par g.yos na nges par rgyas so/ /shes rab kyis kyang de bzhin no/ /zhes pa ni/ shes rab ma'i lag pa la rdo rje zab pa'i sman dang / rtsa rgyas par byed pa'i sman nan tan byas te/ lag pas rdo rje skyon dang bral bar byas la/ legs par bskyod na dus gsum du zab par nges so/ /chags pa skye ba'i rtags 'byung ste/ /zhes pa ni/ gong gi sbyor ba'i yan lag gi nus pa'i stobs las byung ba/ chags pa'i zil dang ldan pa/ kha dog dmar ba/ kha skom pa dang / mig gi rdzi ma la sogs pa rtags bcu gsum 'byung ngo / /de nas sbyor ba dang sbyor ba'i thabs brtsam pa'i phyir/ gcig gis gcig 'khyud de zhes gsungs te/ gcig gong ma'i sgras ni yab kyi phyag dang po gnyis kyis yum la 'khyud pa ste/ ye shes bzhis chos kyi dbyings kyi ye shes yul du byas pa'o/ /'og ma'i sgras ni yum gyi zhabs gnyis kyis yab la 'khyud pa ste/ chos kyi dbyings kyi ye shes kyi ngo bor ye shes bzhi po rang rig pa'i ngo bor gsal bar gyur pa'o/ /he ru ka dang phag mor bsam/ /zhes pa ni/ de gnyis ni rten mi dmigs par ston pa ste/ he ni rigs dang bral bar ston to/ /ru ni gzugs las 'das par ston to/ /ka yis gang la mi gnas pa ste/ de yang snod kyi bye brag gis shes par bya ba'o/ /drug zhan pa thams cad dang bral ba'o/ /mo ni zhen pa med pa'i sras bskyed pa'o/ /gzhan yang thabs dang shes rab de gnyis kyi bye brag sa dang lam dang / dbang bzhi la sogs pa bla ma'i zhal nas shes par bya'o/ /sbyor thabs dang bskyed pa'i bye brag bstan pa'i phyir/ shes rab rkang pa gnyis brkyang nas/ thabs ni thabs ldan gyis bskyod pas/ /zhes pa ni/ thabs dang shes rab gnyis 'brel bar/ /rkang pa gnyis 'phres kyi tshul du skyon dang bral ba'o/ /rlung bcu po gcig gi ngo bor bsdus te/ gtum mo'i me nyes pa med par sbar bar bya ba ni/ thabs dang ldan zhing bskyod pa'o/ /nang rtags phyi ru bstan pa'i phyir/ /shes rab ma la rtags gsum 'byung / /zhes pa ni/ rgyud de las byung ba'i 'bras bu sku gsum ston pa'o/ /de nyid kyi bye brag bstan par bya ba'i phyir/ lus 'dar 'phar ba sku yi rtags/ /zhes pa ni/ de nyid kyi lus cher 'dar ba dang / 'phar ba 'ong ste/ khams kyi skyon dang / gdon dang / 'dod chags kyi skyon kun bral nas/ 'bras bu longs spyod rdzogs pa'i sku 'byung ngo / /gzhan yang 'og ma gnyis po yang de bzhin du shes par bya'o/ /de'i ngo bo bshad par bya ba'i phyir/ 'di ni gsang ba'i dkyil 'khor ro/ /zhes bya bar gsungs so/ /de nyid las thun mong gi yon tan dang thun mong ma yin pa'i yon tan bstan pa'i phyir/ 'di yis skra dkar gnyer ma spong / /zhes gsungs te/ gsang ba'i bcud len gyis phyi dang nang gi skra dkar ba dang / gnyer ma spong bar byed pa'o/ /nad kyi zug rngu thams cad 'joms/ /zhes pa ni/ sgra ji bzhin pa dang / ji bzhin pa ma yin pa'i don to/ /'di ni zhes pa'i tshig gcig ni gong du bshad zin to/ /phyi'i dkyil 'khor bsgom pa min/ /zhes pa ni/ gsang ba'i dkyil 'khor nyid la sems gnas na/ g.yeng ba'i rgyu rdul tshon dang thig le la sogs pa spangs pa'o/ /de'i bye brag bstan pa'i phyir/ sbyin sreg la sogs bya ba min/ /zhes gsungs te/ phyi'i sbyin sreg dang / gtor ma dang mchod pa kun spang zhes gsungs so/ /da ni rgyud kyi che ba dang / gnas dang tshad bstan pa'i phyir/ gsang ba rdo rje'i rgyud 'di ni/ /zhes pa la sogs pa gsungs te/ rgyud 'di ni thun mong ma yin pa'i don bstan par byed pa dang / kun gyis thos par mi 'gyur zhing / rtogs par dka' ba ste/ 'dod chags rnam par dag par byed pa'o/ /gzhan yang glegs bam gyi tshad ni sor bcu gnyis te/ skye mched bcu gnyis dang / 'khor lo bcu gnyis dang / sku bcu gnyis kyi rang bzhin no/ /gnas ni gzhan gyis mi mthong zhing mi rig par bya ba'i phyir/ gsang ba'i gnas te/ lte ba'am/ spyi bor thabs mkhas pas kha na ma tho ba med par sba bar bya'o/ /da ni rgyud de bshad pa'i gang zag bstan pa'i phyir/ yongs su smin pa'i rnal 'byor ma/ /'ga' yis mthong na gzhan la sbas/ /zhes pa ste/ shin tu rnam par dag pa dang bral zhing / brtul zhugs spyod pa la ya nga ba med pa ni/ yongs su smin pa'i rnal 'byor ma ste/ 'bras bu smin pa dang 'dra'o/ /de ni shin tu snod dang ldan pa'o/ /gzhan gong du gsungs pa'i yon tan dang mi ldan zhing / nyon mongs pa'i dbang du gyur pa kun la gsang ba dang / sbas pa'i don yin te/ lto 'grangs pa la kha zas kyi gtam dang 'dra'o/ /de nas bla ma thun mong ma yin pa bstan pa'i phyir ro/ /gsang ba ston pa'i bla ma ni/ /sangs rgyas nyid pas btsun pa yin/ /zhes pa ste/ ya nga ba dang ya nga ba'i gzhi gnyis te/ de nyid kyang gang zhe na/ ya nga ba'i gzhi ni 'jig rten pa'i lta spyod do/ /ya nga ba ni gsang ba'i don 'khrul pa ste/ de nyid la tha dad cing ma 'khrul ba'i don ston pa ni/ yang dag pa'i bla ma ste/ 'tshang rgya ba'i 'bras bu ster bar byed pas sangs rgyas nyid pas btsun zhes bya ba'o/ bla ma ni 'og ma las khyad par du 'phags pa'o/ /ma ni thun mong ma yin pa'i sras skyed par byed pa'o/ /da ni sbyor thabs kyi bye brag rgyas par bstan pa'i phyir/ gzhan yang 'dod pa'i bstan bcos su/ /gsungs pa'i sbyor thabs kun byas nas/ /zhes pa ste/ sbyor thabs kyi bye brag gis kun 'dar gyi rtsa kha 'byed pa dang / pad+ma che ba'i skyon dang / chung ba'i skyon spang pa bstan pa dang / rdo rje ring ba dang thung ba dang / phra ba dang sbom pa la sogs pa'i skyon spang ba'i phyir/ dbu rgyan dang / snyan cha dang / dpung rgyan dang / se mo do dang / khyogs dang / brla dang / bud pa dang / rkang gcig dang / kun rtsa 'dren pa dang / khyung lding dang / dung la sogs pa nyis brgya dang / drug cu shes par byas na/ khyad par gyi bde ba skye ba'o/ /bde ba de gang las skye snyam pa la/ lnga bcu nas gzung stong gi bar/ /zhes bya ba la sogs pa gsungs te/ rnal 'byor pa ni drug cu la drod dang 'bral te bdun cu na/ bde ba dang bral lo/ /rnal 'byor ma ni lnga tshan bcu na drod dang 'bral te lnga tshan bcu gnyis na bde ba dang 'bral lo/ /de bde ba dang ldan par bya ba'i phyir/ sngags kyi sbyor thabs dang / /sman gyi sbyor thabs mkhas pas a wa d+hU tI'i rtsa'i rnam pa yongs su rgyas par bya ste/ skyon dang bral ba'i bdug pa'i sbyor thabs kyis bskyod par byas na khyad par gyi bde ba'i rten ni lhan cig skyes pa'i bcu gnyis ma ste/ bcu gnyis ma dang bde mnyam pas/ /sngags skyes ma la lang tsho med/ /ces gsungs so/ /da ni sbyor ba'i skyon bshad par bya ste/ sbyor thabs mi shes sbyor byas pa/ /rlung mkhris bad kan kun nas skye/ /zhes gsungs te/ sngags kyi sbyor thabs dang / sman gyi sbyor thabs dang / bdug pa'i sbyor thabs mi shes pas bde ba med par/ nad gzhi'i gzhir 'gyur ro/ /de ni sgra ji bzhin pa'o/ /sgra ji bzhin ma yin pa ni/ ting nge 'dzin gyi sbyor thabs mi shes pas/ 'od gsal gyi 'bras bu med par/ mnar med pa'i 'bras bu 'byin pa'o/ /de nas thabs dang shes rab gnyis phan tshun thun mong bstan pa'i phyir/ shes rab kyis kyang thabs la ste/ /zhes bya ba gsungs te/ sbyor thabs bzhi po la mkhas pa'i shes rab mas/ thabs la rtag tu bde ba sbyin pa'o/ /da ni dam tshig bsrung zhing dus gsum du dam tshig dang ldan par bya ba'i phyir/ sbyor thabs mkhas pa'i shes rab ma/ /thabs kyis rtag tu bsten par bya/ /zhes gsungs so/ /sbyor ba'i lam khyad par can la shes pas sbyor byed do/ /lam de nyid thabs kyang yin la/ /de la mkhas pa'i shes rab ma drug ste/ lam gyi rig ma dang / rgyun gyi ma dang / gnyen po ma dang / skabs kyi ma dang / ye shes ma dang / shes rab ma rnams so/ /lam ni dbang bzhi don tha dad cing 'brel par shes pa ste/ de rnams dus gsum du yid la dran zhing ma brjod pa'i dam tshig dang ldan pa'i thabs su gsungs so/ /de las bzlog pa ni dam tshig dang mi ldan pa'o/ /dam tshig de nyid thun mong du bstan pa'i phyir/ sbyor thabs mkhas pa'i rnal 'byor pa/ /rnal 'byor ma yi gsang la brten/ /zhes gsungs te/ sbyor ba ni shes rab dang bral ba'i thabs la shes rab sbyor ba dang / thabs dang bral ba'i shes rab la/ thabs sbyor bar byed pa ni sbyor ba yin te/ de nyid gnyis su med par shes pa ni mkhas pa ste thabs so/ /thabs dang shes rab kyang steng 'og dang / g.yas g.yon dang / kha dog dang / dbyibs dang / skye gnas la sogs par gsungs so/ /de ni gsang ba la brten pa'i the tshom yongs su bcad pa dang / gsang ba'i thabs bstan pa'i phyir/ gsang ba la brten pa ji ltar lags zhes pa dang / de'i lan bcom ldan 'das kyis gsungs pa/ bcom ldan 'das kyis bka' stsal pa/ zhes gsungs te go sla'o/ /da ni gsang ba bsten pa'i thabs sam tshul bstan pa'i phyir gsungs pa/ ming sring tshul lam zhes pa la sogs pa gsungs te/ ming sring gi tshul 'jig rten pa'i kha na ma tho ba la sogs pa mi 'byung ba ste/ ngo tsha dang mi ldan pa'i phyir ro/ /rje 'bangs kyi tshul ni dbang gi kha na ma tho ba med pa ste/ gzhan yang rgan gzhon dang ngo tsha bkur ba'i rim pa'i dbang du byas te/ kha na ma tho ba med pa'o/ /da ni kha na ma tho ba med pa'i dben pa'i gnas su sbyor ba bstan pa'i phyir/ dben pa ni kha na ma tho ba med pa ste/ de nyid gnas kyang yin la dben pa yang yin pas dben pa'i gnas so/ /phyag rgya dang mi ldan na dam tshig nyams pa'i phyir/ gal te ma bstan dam tshig nyams/ tshe 'di nyid du dmyal bar ltung / /zhes gsungs te/ dbang dang ldan zhing dam tshig dang ldan pa'i phyag rgya ma bsten na/ gsang ba'i dam tshig nyams te tshe'i dus byas te/ dmyal bar skye ba'o/ /gong du gsungs pa de nyid kyi the tshom yongs su zhi bar bya ba'i phyir/ lha mos gsol ba zhes bya ba la sogs pa zhu ba'i tshig gsum gsungs te/ man ngag med pa'i rnal 'byor pa spang ba dang / bde ba khyad par med pa spang ba dang / phyag rgya ma bsten na nyes pa ji ltar 'byung zhes zhus pa'o/ /de'i lan bcom ldan 'das kyis bka' stsal pa/ zhes gsungs so/ /lan de nyid zhu ba po nyid kyi ngor mdzad de gsungs pa'i tshig gsung ba'o/ /bde ba la gnas gsang ba'i don/ /khyod kyi ngor mdzad nga yis bshad/ /ces gsungs te/ lam khyad par can de nyid kyi nyes pa spangs te/ lam la gnas pa bstan pa'o/ /da ni dri ba'i tshig gi bye brag bstan pa de'i lan bye brag tu gsungs pa/ sbyor thabs mi shes rnal 'byor dang / stan yang gcig la mi 'dug ste/ /zhes gsungs te/ thabs khyad par can dang mi ldan pa'i rnal 'byor dang / stan dang gnas dang yul gcig tu gnas par mi bya'o/ /de dang gnyis nyon mongs pa'i bde ba mi btsal ba'i phyir/ 'dod chags bsam pa yang mi btang / /zhes gsungs so/ /bsam pa tsam yang mi bya'o/ /nyon mongs pa'i dbang du byas te/ sbyor ba byed pa'i nyes pa bstan pa'i phyir/ gal te de 'dra bsten 'gyur na/ /'jig rten phal pa'i 'dod chags te/ /zhes gsungs te/ sbyor thabs kyi bye brag gis 'khrul pa'i lam spong ba ste/ de dang mi ldan pa'i grogs bsten ni/ 'jig rten pa'i 'dod chags nyid du 'gyur ba'o/ /'jig rten pa'i 'dod chags las 'bras bu sems can dmyal bar skye bar gsungs/ shi nas sems can dmyal bar skye/ /zhes bya ba la sogs pa tshig lnga gsungs te/ tshul bzhin ma yin pa'i spyod pa dang lta bas/ dus ma yin pa'i nad dang rims 'byung ste/ tshe'i dus byas nas sems can dmyal ba chen por skye ste/ sdug bsngal dpag pa las 'das pa myong ngo / /de ni 'dod chags chen po las 'byung ba'o/ /de nas dmyal ba ngu 'bod du skye ste/ lcags kyi sor bcu drug pa'i ri la 'dzeg pa dang / mar 'bab pa ni/ dga' ba bcu bsten dang po mi shes pa las 'byung ba'o/ /de bzhin du yar 'dzeg pa dang / mar 'bab pa ni thabs med pa'i phyag rgya bsten pas/ nyon mongs pa'i rdzu 'phrul las byung ba'o/ /bde ba'i khyad par bstan pa'i phyir/ /de phyir sbyor thabs mkhas pa bsten/ /zhes bya ba la sogs pa gsungs te/ gang gi phyir zhe na/ rgyu dang 'bras bu dman pa de dgag pa'i phyir dang / sbyor thabs gang la yang mgo ma rmongs par bya ba'i phyir rnal 'byor pa bsten te/ de las bde ba khyad par lnga dang ldan pa skye bar gsungs so/ /khyad par med pa'i bde ba'i skyon bstan pa'i phyir/ bde ba khyad med lus zungs nyams/ /rlung mkhris bad kan kun nas skye/ /zhes gsungs te/ thabs khyad par can dang mi ldan na/ /'dod chags la sogs pa'i nyon mongs pa sna tshogs skye ba dang / rlung dang mkhris pa la sogs pa nad gzhi kun skye ba dang / lus zung nyams pa'i skyon bcu gnyis 'byung bar nges so/ /zhu ba'i tshig tha ma'i lan bstan pa'i phyir/ las kyi phyag rgya rtag tu bsten/ / zhes bya ba la sogs pa gsungs te/ gsang ba bla na med pa'i rnal 'byor ni thun drug gam thun brgyad du rgyun mi 'chad pa ru mchod par bya ba'i phyir/ las kyi phyag rgya rtag tu bsten par bya ba'o/ /phyag rgya ma bsten dam tshig nyams/ /zhes pa ni/ dam tshig nyams par 'gyur te/ mchod pa la sogs pa rgyun 'chad par 'gyur ba'i phyir ro/ /gsang ba bla na med pa'i lta ba la brten nas spyod lam gyi dus su tha snyad kyi lam la 'jug pa'i phyir/ phyag rgya bsten pa'i dus su yang / /zhes bya ba la sogs pa gsungs te/ mdzub mo ston pa ni 'ongs sam zhes 'dri ba'o/ /srin lag ston pa ni legs par 'ongs sam zhes dris pa'o/ /mthe bong drang por ston pa ni rdo rje zab pa'o/ /de bzhin du srin lag drang por ston pa ni pad+ma yongs su rgyas pa'o/ /gzhan ni go sla bas ma bshad do/ /de ni sems gzung ba'i gnas bstan par bya ba'i phyir zhus pa/ lha mos gsol ba bcom ldan 'das/ /zhes bya ba la sogs pa tshig gsum gyis zhus te/ de'i lan mdor bsdus pa/ bcom ldan 'das kyis bka' stsal pa/ zhes bya ba la sogs pa gsungs te/ pad+ma dang rdo rje gnyis kyi 'khor lor gzung ste/ de la yang gnyis te/ rab kyis srog dang rtsol ba'i rlung bkag la/ /ting nge 'dzin dang dbugs kyis gzung ngo / /'bring dang tha mas btsan thabs kyi sbyor ba bcus gzung ste 'gron bu'i sbyor ba dang / tang ku la'i sbyor ba dang / ker ko'i sbyor ba dang / kru sna'i sbyor ba dang / 'phres kyi sbyor ba dang / e ra'i sbyor ba dang / dung la'i sbyor ba dang / sbom po phra mo'i sbyor ba dang bcu ste/ bla ma dam pa'i zhal nas shes par bya'o/ /gzung ba'i rten ni/ gsang ba'i 'khor lo bzhi man ngag gnyen po'i stobs brjod par bya ba'i phyir/ gal te de ru ma zin na/ /zhes bya ba la sogs pa gsungs te/ byang chub sems kyi thig le de skad cig ma snga ma la pad+mar 'phros pa'i dus na gong bur gnas pa ni longs spyod rdzogs pa'i skur bsam mo/ /de nas phyogs bcur 'phros pa sprul pa'i skur bsam mo/ /de nas sprul pa'i sku yang longs spyod rdzogs pa'i sku la bsdu ste/ de nyid chos kyi skur bsdu ste rang rig pa'i 'od gsal bar bsgom mo/ /de nas byang chub kyi sems kyi thig le pad+ma las lces blangs te/ ro ma'i 'khor lor bstim mo/ /lce dang byang chub kyi sems dang / ro ma kun byin gyis rlob bo/ /de ltar byas na gsang ba'i dam tshig dang ldan par nges so/ /da ni thabs dang shes rab gnyis bskyod pa dang / sbyor thabs thun mong du gnyi gas bya ba dang / bde ba'i khyad par dang ngo bo bstan par bya ba'i phyir/ lha mos gsol ba zhes bya ba la sogs pas zhus pa dang / de'i lan/ bcom ldan 'das kyis bka' stsal pa/ zhes bya ba la sogs pa gsungs te/ rnal 'byor mas kyang gtum mo'i me sbar bar bya ba'i phyir rlung gis bskyod par bya'o/ /rnal 'byor pas kyang rtsa kha dbye ba'i phyir sbyor thabs bya ba'o/ /de ltar gtum mo'i me sbar ba dang / dbus kyi rtsa kha dbye ba las bde ba khyad par du 'phags pa skye ba'o/ /rnal 'byor ma dang / rnal 'byor pa'i bde ba'i khyad par ni dar dang dar gyi snal ma'i dpes ston to/ /rnal 'byor pas bde ba shas chung ba las med par dar gyi snal ma'i dpes so/ /dzo gis cher nyams su myong ba ste/ shes pa brgyal ba dang / skad 'don pa dang / 'dar ba la sogs pa'i rtags kyang 'byung ste/ dar gyi sham bu tsam gyi dpe'o/ /dzo gi la su kha ma hA ra skye ba'i phyir/ dzo gi kho na bsgrub par gsungs so/ /da ni zhu ba'i tshig tha ma bstan te/ su kha'i sa bon gsal ba'i 'bras bu bskyed pa'i rgyu'i nang nas 'di mchog tu gsungs te/ phyi'i rab gnas sbyin sreg dang / dbang bskur dang mchod pa dang / bzlas pa la sogs pa kun gyis ni/ g.yeng bas na dman pa'o/ /ye shes lnga ni 'od gsal nyid do/ /da ni the tshom yongs su zad nas tshogs bsags pa bstan pa'i phyir/ de nas lha mo dang zhes bya ba la sogs pa gsungs te/ 'dod chags rnam par dag nas stong pa nyid kyi rang bzhin 'khyud de/ gsang ba'i mchod pas mchod nas rang rang gi rdzu 'phrul gyis mi snang bar gyur to/ /da ni rgyud kyi che ba brjod par bya ste gsang ba'i yang gsang ba zhes bya ba la sogs pa gsungs te/ gsang ba dang po ni thabs kyi rgyud do/ /gnyis pa ni he badzra la sogs pa'o/ /gsum pa ni tsakra sam+ba ra'o/ /bzhi pa ni 'di nyid du shes par bya'o/ /shin tu 'khrul pa'i mun pa lta bu la/ / yang dag lam ston mar me lta bu brtsams/ /mar me 'dra ba brtsams pa'i bde 'thob pas/ /tshe 'di sems can thams cad bde thob shog /gsang ba rdo rje rgyud kyi rgyal po'i 'grel pa yang dag pa'i lam ston pa las/ rgyu dang 'bras bu'i de kho na nyid bstan pa'i le'u ste bzhi pa'o/ / //dpal 'khor lo sdom pa las/ bla ma Dom+bi he ru ka zhes bya ba brtul zhugs brnyes pas mdzad pa rdzogs so// //gu ru rat+na badzra dang / lo tsA ba bla ma shAkya ye shes kyis bsgyur cing zhus te gtan la phab pa// //

CLOSE WINDOW