བོད་ཡིག

e-texts based on the ACIP/ALL Input

/ //khams pa ba ri lo tsA ba dge slong rin chen grags pa dang / paN+Di ta chos skyong gis bsgyur cing zhus so// //[]@##/ /rgya gar skad du/ u b+ha ya ni bi d+hA nA ma/ bod skad du/ gnyis ka'i bshad sbyar zhes bya ba/ dpal bde mchog la phyag 'tshal lo/ /mgon po bde mchog dpal btud de/ /slob dpon kong+ka na yi bzhed/ /dka' 'grel gang na mi gsal na/ /man ngag bdag gis bri bar bya/ /nam mkha'i khams thams cad khyab ste zhes bya ba ni nam mkha'i phyogs thams cad bsdus nas gzhal yas khang gi mtshan nyid gnas pa rdo rje phag mo la sogs pa rnams dang yang dag par ldan pa'o/ /sngon gyi smon lam gyi dbang gis zhes bya ba ni stong pa nyid bsgoms pa'i rjes thogs la oM badzra pra kA ra hUM baM hUM zhes bya ba'i sngags kyis rdo rje'i ra ba'o/ /oM badzra pany+dza ra hUM yaM hUM/ oM badzra bi tA na hUM khaM hUM/ oM sarba sa ra dzA la traM saM traM/ oM badzra dz+wA la a na lar+k+ka hUM raM hUM/ oM me dI nI badzrI b+ha ba badzra ban+d+ha hUM hUM hUM zhes bya bas mngon par bsngags te/ rim pa ji lta bar rdo rje'i gur dang / rdo rje'i ra ba dang / bla re dang / mda'i dra ba dang / me'i ra ba dang rdo rje'i rang bzhin gyis gzhi'i rnam par bsgom par bya'o zhes bya bar dgongs pa'o/ /de'i steng du yang zhes pa ni ri'i rgyal po ri rab la de'i steng du rdo rje sems dpas gtso bo mdzad pa'i srung ba'i 'khor lo rtsibs bcu pa cho ga ji lta ba bzhin du rnam par bsgoms la/ /rdo rje sems dpa' yongs su gyur pa las 'khor lo'i dbus su chos kyi 'byung gnas rnam par bsam par bya'o/ /de nyid la yi ge oM de las yang 'khor lo oM gyis mtshan pa de yongs su gyur pa las rnam par snang mdzad/ rnam par snang mdzad yongs su gyur pa nyid las gzhal yas khang sgo bzhi zhes bya ba la sogs pa khyad par du byed pas khyad par du 'phags pa'o/ /pad+ma la gnas pa'i sna tshogs rdo rje'i lte bar gnas par blta zhes bya ba la sogs pa ni brjod par bya'o/ /yi ge hUM rim bzhin du zhes pa ni nA nga las phyag la thig le las zla ba phyed pa/ de las mgo bo/ /de las kyang yi ge ha'o/ /yi ge ha las yi ga U zhes bya ba'i don to/ /cho ga'i ye shes zhes bya ba ni cho ga ste mngon par rtogs pa de'i ye shes zhes bya ba'i don to/ /thugs dang gsung dang sku la yang dag par gnas zhes bya ba ni 'khor lo gsum la gnas pa'o/ /yang na rog cig pa'i phyir zhes bya ba ni bsgom pa la sogs pa nas bzung ste mthar thug ji srid rtogs kyi bar du'o/ / mchod pa bzhi zhes bya ba la sogs pa ni gsum pa'i don gyi bdun pa ste/ dgyes pa rdo rjer gsungs pa'i rang gi gzugs can ma ni phyag rgya chen po'o/ /gang zhig de la dam tshig ma rnyed pa ni dam tshig gi phyag rgya'o/ /bsgoms pa las byung ba ni chos kyi phyag rgya'o/ /bstan pa las rnyed nas bdag nyid kyis 'dus byas pa ni las kyi phyag rgya'o/ /rim par phye ba dang po'o// //rim pa phye ba gnyis pa gsungs pa ni/ de la chu la sogs pa la btung ba ni chu ste/ chu dang lhan cig pa'i lci ba ni chu dang bcas pa'i lci ba'o/ /yang na rnam par snang mdzad do/ /dur khrod so pag ni zhes bya ba la sogs pa ni de la 'dir gang zhig rdul tshon gnyis tsam zhig bstan to/ /'di ltar dgyes pa'i rdo rje las gsungs pa/ rdul tshon dkar po rus pa'i phye mas bya/ /zhes bya ba la sogs pa ni mos pas bya'o/ /yang na dam tshig skyong ba'i don du rdul tshon gnyis so/ /'jig rten pa'i bsam pa rdul tshon gyi dngos po thams cad kyi cho ga zhes pa'o/ /slob dpon gyi mtshan nyid dang ldan pa zhes bya ba ni brtan pa la sogs pa'i yon tan dang ldan pa'o/ /so sor snang ba las bskyed ces pa ni nus pa thob pa'o/ /slob dpon gyi mtshan nyid bstan pa/ mtshan nyid bzang dang ldan zhes bya ba 'dis bstan to/ /phyag rgya drug dang ldan pa ni thal ba dang bcas pa'i 'khor lo nas gzung ba'i phyag rgya rnams dang ldan pa'o/ /bdag nyid de ltar zhes pa bya ba la sogs pa ni skabs 'dir mdog dang mtshan ma la sogs pa bstan pa rnams dpal he ru ka nyid du gzhan thams cad bsgom par bya ste/ bdag nyid dpal he ru ka'i gzugs su bsgom par bya'o zhes bya ba'i don to/ /ra ba rnams ni phyogs su dgod/ /ces bya ba la sogs pa ni bdud la sogs pa gnod par byed pa rnams kyis mi tshugs par bya ba'i phyir thams cad kyi phyi rol du oM badzra dzrA lA na lAr+k+ka hUM hUM hUM zhes bya ba 'dis me'i dra ba'o/ /oM badzra prA kA ra hUM baM hUM zhes bya ba'i sngags 'dis rdo rje'i ra ba'am zhe sdang gi sgrar brjod par bya'o/ /de bzhin du pad+ma'i ra ba dang / 'khor lo'i ra ba ni oM pad+ma prA kA ra hUM baM hUM/ oM tsakra prA kA ra hUM tsaM hUM zhes pa dag ni 'dod chags kyi ra ba dang gti mug gi ra ba zhes bya ba'i ming can bsgom par bya'o/ /ra ba 'di gsum gyi thig dkyil 'khor la gdab par bya'o/ /gzhal yas khang la sogs pa rdzogs pa'i dus su rdo rje'i ra ba dang ldan pa'o/ /gzhan ra ba gsum po rang rang gi sngags yongs su gyur pa las byung ba der dgod par bya'o zhes dgongs pa'o/ /bdag nyid 'khor lo la gnas zhes pa ni srung ba'i 'khor lo'i lte ba la gnas pa'o/ /dkyil 'khor gyi 'khor lo'i dbus su 'dug pa'o/ /de nas zhes bya ba la sogs pa la ro'i skud pa zhes bya ba ni dkyil 'khor nyis 'gyur gyis yun ring du shi ba'i rgyus pas bya'o/ /de de ltar na gsungs pa/ dkyil 'khor nyis 'gyur ring ba'i skud/ /ces bya ba la sogs pa ni/ khrag chen po yis bsgos pa bya/ /zhes pa'o/ /kyang zhes bya ba'i sgra ni mig gis gzung ba'i khru brgyad kyis nye bar mtshon pa gzhan yin te/ /yon bdag gis mos tshad kyi phyir so so'i nges pa'i tshad du dkyil 'khor dngos po brtag par bya'o/ /rta babs bzhi yis rnam par brgyan/ / zhes pa ni nye bar mtshon pa ste/ /gzhan gyis kyang khyad par byas pa yin te/ /ka ba brgyad kyis nye bar mdzes/ /zhes bya ba la sogs pa'i shes par bya'o/ /mchod sbyin yang bya zhes pa yin te/ bgegs dang bral nas dkyil 'khor rdzogs pa'i rgyur phyi rol gyi dge 'dun gyi ston mo dang / /tshogs kyi 'khor lo mi mnan zhing mi zhen pa snying brtse ba'i slad du bya bar 'os pa yin no zhes bya ba yin no/ /'khor lo gsum la rnam gnas pa/ /zhes bya ba la sogs pa ni nye bar mtshon pa gzhan yin pa'i phyir te/ mkha' 'gro ma yi bde ba'i mchog / ces dgongs pa'o/ /'dab mar bcas zhes pa ni 'dab ma dang ldan pa ni pad+ma zhes dgongs pa'o/ /brgya phyed phreng bas rnam par brgyan/ /zhes pa ni nye bar mtshon pa'o/ /phyag rgya drug dang ldan par zhes bya ba las rtogs par bya'o/ /sdigs mdzub byed ces bya ba la sogs pa'i bcom ldan 'das ma yang khyad par du byed pas nye bar mtshon pa ste/ zhal gcig spyan gsum zhes bya ba la sogs pa yang 'byung zhing ldan pa'i phyir ro/ /mkha' 'gro ma zhes bya ba la sogs pas ni dang po dpal he ru ka'i mdun gyi shar gyi 'dab ma la mkha' 'gro ma bzhugs so/ /byang gi 'dab ma la lA mA'o/ /nub kyi 'dab ma la dum skyes ma'o/ /lho'i 'dab ma la gzugs can ma dgod par bya'o/ /phyogs dang bral ba bzhir thod pa bdud rtsi'i rang bzhin gyis bkang ba rim pa ji lta bar dgod par bya'o/ /de'i 'og tu/ /rab tu gtum mo la sogs pa'i/ /mkha' 'gro ma ni nyi shu bzhi/ /phag mo yi ni rigs las byung / /zhes pa ni shes rab kyi lus las yang dag par byung ba yin no/ /'khor lo'i lte ba ni thugs kyi 'khor lo la sogs pa 'khor lo gsum gyi dbus su mchod par bya'o/ /rdul tshon thams cad der bri bar bya ste/ de la thugs kyi 'khor lo'i shar du rab tu gtum ma'o/ /byang phyogs su ni gtum mo'i mig can ma'o/ /nub phyogs su ni 'od ldan ma'o/ /lho phyogs su ni sna chen ma'o/ /me'i mtshams su ni dpa' bo'i blo can no/ /bden bral gyi phyogs su ni mi'u thung ma'o/ /rlung du lang+ka'i dbang phyug ma'o/ /dbang ldan du ni shing grib ma'o/ /de bzhin du gsung gi 'khor lo la ni shar phyogs su ni sa srung ma'o/ /byang phyogs su ni 'jigs byed ma'o/ /nub phyogs su ni rlung gi shugs can ma'o/ /lho phyogs su ni chang 'thung ma'o/ /mer ni sngo ba bsangs ma'o/ /bden bral du ni shin tu bzab mo'o/ /rlung du ni rta rna ma'o/ /dbang ldan du ni bya gdong ma'o/ /de bzhin du sku'i 'khor lo la ni shar phyogs su 'khor lo'i shugs can ma'o/ / byang phyogs su dum skyes ma'o/ /nub phyogs su chang 'tshong ma'o/ /lho phyogs su ni 'khor lo'i go cha ma'o/ /mer ni shin tu dpa' mo'o/ /bden bral du ni shin tu stobs chen ma'o/ /rlung du ni 'khor los sgyur ma'o/ /dbang ldan du ni brtson 'grus chen mo zhes bya ste rim pa ji lta bar bri bar bya'o/ /phyogs dang phyogs kyi mtshams zhes pa ni shar dang / byang dang / nub dang / lho'i sgo rnams su ni khra gdong ma dang / 'ug gdong ma dang / khyi gdong ma dang / phag gdong ma dang bzhi'o/ /mer ni gshin rje brtan ma dang / bden bral du ni gshin rje pho nya ma'o/ /rlung du ni gshin rje mche ba can/ dbang ldan du ni gshin rje 'joms ma zhes bya ste/ phyogs dang bral ba bzhi'i rnal 'byor ma yin no/ /dpa' bo yang zhes bya ba la sogs pa ni dpa' bo nyi shu rtsa bzhi ji lta ba de bzhin du dkyil 'khor 'dir dpa' bo dang dpa' mo snyoms par 'jug pa nyi shu rtsa bzhi bris te dgod par bya'o/ /ji ltar dgod ce na/ gsungs pa/ 'khor lor yang dge gnas pa mchod/ /ces pa ste/ thugs kyi 'khor lo la sogs pa 'khor lo gsum gyi dkyil 'khor thams cad du rnal 'byor ma bzhin du bri bar bya'o zhes bya ba'i don to/ /de la thugs kyi 'khor lo ni shar phyogs su thod pa'i dum bu'o/ /byang phyogs su keng rus chen po'o/ /nub phyogs su kong+ka ma'o/ /lho phyogs su mche ba rnam par gtsigs pa'o/ /mer ni su ra bI ri'o/ /bden bral du ni 'od dpag tu med pa'o/ /rlung du rdo rje'i 'od do/ / dbang ldan du ni rdo rje'i sku'o/ /de bzhin du gsung gi 'khor lo la ni shar phyogs su myu gu can no/ /byang phyogs su ni rdo rje ral pa can no/ /nub phyogs su ni dpa' bo chen po'o/ /lho phyogs su ni rdo rje hUM mdzad do/ /mer ni shin tu bzang po'o/ /bden bral du ni rdo rje bzang po'o/ / rlung du ni 'jigs byed chen po'o/ /dbang ldan du ni mig mi bzang ngo / /de bzhin du sku'i 'khor lo ni shar du stobs po che'o/ /byang phyogs su ni rin chen rdo rje'o/ /nub phyogs su ni rta mgrin no/ /lho phyogs su ni nam mkha'i snying po'o/ /mer ni dpal khrag 'thung ngo / /bden bral du pad+ma gar gyi dbang phyug go/ /rlung du ni rnam par snang mdzad do/ /dbang ldan du ni rdo rje sems dpa' zhes bya ste dpa' bo nyi shu rtsa bzhi po rnams bri bar bya'o/ /dpa' bo dpa' mo 'di thams cad kyi sku mdog dang phyag mtshan dang zhal dang dbyibs la sogs pa rnams ni sgrub thabs las gsal bar rtogs par bya'o/ /de bzhin du dkyil 'khor pa rnams rnam par dgod par bya'o/ /de nas zhes bya ba la sogs pa gsungs pa/ dpa' bo zhes bya ba la sogs pa ste/ mchod ces pa ni dpa' mo rnams dang lhan cig tha mi dad par 'jug pa dpa' mo dang snyoms par 'jug pa'i dpa' bo'i 'khor lo gnyis su med par ji ltar 'gyur ba de bzhin du mchod par blta bar bya'o gsungs pa yang / gang zhig 'di la rtag tu blta/ /de ni rgyal ba'i mchod par bzhed/ /ces pa'o/ /sgrub po gal te sgrub 'dod na/ /zhes pa ni slob dpon gang zhig m ngon par 'dod pa'i dgos pa grub par bya ba'i phyir slob ma dbang bskur ba'i mtshan nyid rdzogs par 'dod pas lha mi sgom zhing sems mnyam par mi 'jog pa'i slob dpon ni bdud la sogs pa nye bar gsod pa dang ldan pa'i phyir gang la bgegs dang bral nas mngon par 'dod pa grub par 'gyur zhes dgongs pa'o/ /bum pa zhes bya ba la sogs pa ni zangs kyi rgyu las grub pa'i bum pa dgu bstan te/ zangs zhes bya ba ni bum pa'i khyad par ro zhes pa'o/ /'di yang nye bar mtshon pa tsam mo/ /ma rnyed na 'jim pa'i rang bzhin la sogs pa'i bum pa bsdu'o/ /dgu'i grangs ni nye bar mtshon pa ste bum pa sum cu rtsa dgu bsdu'o/ /slob dpon gyi zhabs nyid las 'dir ma rnyed pa zhes bya ba la sogs pas mi gsal bar 'gyur ro/ /rtsa ba nag po la sogs spangs/ /zhes pa ni rtsa ba ni 'bur ba'i dbyibs can no/ /nag po ni nag pa'o/ /sogs pa'i sgra yis rnam par 'gyur ba dang nyams pa'i skyon la sogs pa de rnams spangs pa'o/ /sgrub thabs las grub pa nye bar sbyar bas gang yang phyag mtshan legs par bris pa de bzhin du mgrin pa ring ba la sogs pa'i mtshan nyid dang ldan pa'i bum pa'i dkyil 'khor 'dir bya'o zhes pa'i don to/ /de la gtso bor gyur ba'i bum pa la sna tshogs pad+ma'i lte bar gnas pa'i dbang phyug chen po dang / gau rI'i snying ga'i steng gi nyi ma la rdo rje dang rdo rje ma'i brda mtshan gnyis bri bar bya'o/ /mkha' 'gro ma dang / lAm dang / dum skyes ma dang / gzugs can ma rnams kyi bum pa bzhi la sna tshogs pad+ma'i lte ba la gnas pa'i ro'i snying gar nyi ma'i dkyil 'khor bzhi la gri gug bzhi'o/ /rab tu gtum mo la sogs pa dang snyoms par zhugs pa'i thod pa'i dum bu la sogs pa'i dpa' bo nyi shu rtsa bzhi po rnams kyi bum pa nyi shu rtsa bzhi la sna tshogs pad+ma'i dkyil du gnas pa'i ro'i snying ga'i nyi ma rnams la so sor gri gug dang rdo rje'o/ /khwa gdong ma la sogs pa phyogs dang phyogs bral na gnas pa brgyad po'i bum pa rnams sna tshogs chu skyes kyi steng du ro'i snying ga'i nyi ma la so sor gri gug go/ /las thams cad pa dang rnam par rgyal ba'i bum pa dag la yang re re la yang glang po che dang / seng ge dang / rta dang / yang rta dang / rma bya rnams kyi steng du gnas pa'i sna tshogs pad+ma'i lte ba rnams la yi dags lnga bris pa'i snying gar zla ba dang nyi ma bzhi la rim pa ji lta bar 'khor lo dang / /rin po che dang / pad+ma dang / sna tshogs rdo rje dang / rdo rje'o/ /rnam par snang mdzad dang / rin chen 'byung ldan dang / 'od dpag tu med pa dang / don yod grub pa dang / mi bskyod pa ste/ de bzhin gshegs pa lnga po rnams kyi mtshan ma bri bar bya'o zhes bya ba'i rim pa'o/ /byi ru zhes pa la sogs pa ni rin po che mu man gyis ming ngo / /bza' ba kun zhes bya ba ni/ nas dang / gro dang / so ba dang / til dang / mon sran gre'u dang / 'bru rnam pa lnga thod pa'i nang du blugs nas kyang ngo / /legs bkang ba ni lto ba yongs su kang bar bya'o zhes pa'o/ /bza' ba thams cad ces smos pa 'di yang nye bar mtshon pa tsam ste/ dkar po gzhan gyis mi thub pa dang / sdong bu dkar po ut+pal dang / ha sa de ba dang / kaN+Da ka ri dang / br-i ha tis mtshon pa'i sman rnam pa lnga dang / bdud rtsi lnga dang / /sgron ma lnga dang lhan cig pa'i dri chu yis kyang lto ba yongs su dgang bar bya'o zhes dgongs pa'o/ /srad bu zhes bya ba la sogs pa ni hUM lan bdun bzlas pa'i byi ru bdun na skud pa dkar po la brgyus te/ de rnams kyi mgul par bskon par bya'o zhes pa'i don to/ /kha ni 'dab mas brgyan par bya/ /zhes pa ni 'dab ma rnams lhan cig tu byas te kha brgyan par bya'o zhes pa'o/ / brgyad ni zhes pa ni lA ma la sogs pa'i bum pa bzhi dang / khwa gdong ma la sogs pa'i bum pa bzhi ste/ brgyad po rnams sgo bzhi'i 'gram rnams su ji lta ba bzhin du re re'o/ /ku sha'i stan steng du bzhag go/ /dgu pa ni gtso bor gyur pa bcom ldan 'das kyi bum pa lte ba'i steng de nyid du dgod par bya'o zhes pa'i don to/ /'dis kyang bum pa'i grangs dgur bya bar bstan to/ /gang gi tshe bum pa sum cu rtsa dgur gyur pa de'i tshe lha rnams rang rang gi gnas su rjes su 'brangs te rnam par dgod par bya'o zhes pa'o/ /de nyid dkyil 'khor ba'i gnas ji lta bar mos pas lhag pa'i cho gas sta gon la gnas par bya'o/ /de la 'di'i cho ga ni slob dpon bdag nyid lha'i rnal 'byor dang ldan pas rang gi snying ga'i sa bon gyi 'od zer gyis nam mkha' la gnas pa'i dkyil 'khor gyi 'khor lo spyan drangs te/ mchod yon dang zhal bsil la sogs pa dbul lo/ /de'i 'og tu 'khor lo 'dod chags chen pos zhu zhing khu bar gyur nas/ /rim pa ji lta bar rang rang gi bum pa rnams la zhugs shing me tog gi phreng bas mdzes par byas pa'i rnam par rgyal ba'i bum pa'i steng du rdo rje bzhag pa la/ oM badzra kuN+Da li badzra hUM phaT ces brgya rtsa brgyad kyis mngon par bsngags la las thams cad pa'i bum pa yang sngags 'di brgya rtsa brgyad kyis mngon par bsngags par bya'o/ /gtso bor gyur pa'i bum pa la ji ltar sbyar ba bzhin du gtso bo'i dkyil 'khor ba yang sngags kyis so/ /de nas me tog dang bdug pa la sogs pa rnams kyis yang dag par mchod nas gtor ma yang gtong ngo / /mi bskyod rdo rje zhes bya ba la sogs pa'i bstod pa sngon du 'gro bas dril bu dkrol zhing bya ba yin no/ /mu tig rnams kyis mdzes par bya/ /zhes pa ni rin chen ni byi ru'i ming ngo / /mu tig ni mu tig ste 'di dag dang lhan cig tu zhes bya ba'i don to/ /ci 'dir rin po che bzhi po de kho na dkyil 'khor pa la rnam par bkram pa yin nam zhe na/ de gsungs pa/ bkram zhes bya ba la sogs pa ni rin chen gser ni gser dang 'dra ba nyid du gser du snang ba ste/ mu man du brjod pa ste/ des mdzes par ldan pa bdud rtsi lngas byugs pa thams cad nyid rin po che lngas ji lta ba bzhin du mdzes shing rnam par bkram pa yin no zhes dgongs so/ / sngags kyis btab ces pa ni las thams cad pa'i bum pa'i chu sngar bzhin du mngon par bsngags so zhes pa'i don to/ /nam mkha' mkha' 'gro ma zhes bya ba la sogs pa ni 'khor lo'i dbus su mchod par bya ba la sogs pa'i tshul gyis mdor bstan to/ / de'i rgyas par bshad pa de ni zhes dgongs so/ /de ltar rim pa bzhin dgod do zhes pa ni de ltar rim pa bzhin du dgod pa dngos su bstan pa rtogs par bya ba dkyil 'khor gyi sgrub thabs kyi rim pa las man ngag nyid kyang shes par bya'o/ /'di yang man ngag ni 'di yin te/ / rdo rje slob dpon bdag nyid lha'i rnal 'byor dang ldan pa nub tu mngon par phyogs pa rang gi snying ga'i ye shes sems dpa'i thugs ka'i sa bon gyi 'od zer gyis spyan drangs pa'i nam mkha' la gnas pa'i dkyil 'khor gyi 'khor lo'i spyi bo'i dkyil du zhugs te/ kun 'dar ma'i lam nas rang gi rig ma'i pad+mar spros te zhu bar gyur pas blta'o/ /de nas de la zhu ba dang ldan pa'i nam mkha'i nA da rang gi gzugs dang ldan pa las rim pa ji lta bar rdul tshon gyi dkyil 'khor gyi gtso bo la sogs pa spros te/ mig la sogs pa byin gyis brlab pa dang / mchod pa dang / bstod pa dang / bdud rtsi myang ba'i mthar thug par bya'o zhes pa'o/ /rim par phye ba gnyis pa'o// //rnga brdung zhes bya ba la sogs pa la/ de nas zhes bya ba la sogs pa ni 'dir gtso bo dang / gzhan tshogs pa'i slob dpon rnams kyis phyi rol gyi 'jig rten pa la rab tu grags pa'i rdo rje dang dril bu'i mtshan nyid ni sgra'i dus su dril bu'i sgra skad rab tu grag pa dril bu dang / cang te'u dang / pa Ta ha dang / ca co'i sgra dang gling bu dang / pi wang dang / rnga dang / rdza rnga dang / dgod pa dang / sgeg pa dang / glu dang / gar dang / me tog dang / bdug pa dang dri dang / bshos gtsang dang / me long dang / ro dang reg bya dang / chos kyi dbyings kyi mtshan nyid nyi shus dkyil 'khor mchod par bya'o/ /de de ltar na rtsa ba las gsungs pa'i dril bu'i sgra 'khrol ba la sogs pa la/ me tog spos kyis brgyan zhes pa ni me tog spos la sogs pa rnams dang lhan cig pa'o/ /sgrub pa po ni slob ma ste/ dril bu dang pa Ta ha nas bzung ba rnams kyis dkyil 'khor mchod par bya'o zhes pa'i don to/ /de bzhin du las thams cad kyi dkyil 'khor la cho ga ji lta ba bzhin du yang dag par mchod nas slob dpon gyis/ sngags kyi dngos grub don gnyer 'ga'/ /dkyil 'khor 'dir ni gzhug par bya/ /zhes bya ba la sogs pa slob ma rnams kyis mnyan nas/ sems kyis he ru ka'i gzugs kyis bdag nyid kyi lus la zhugs te/ rdo rje phag mo'i pad+mar gnas pa la de bzhin gshegs pa thams cad zhu bas dbang bskur bar bltas la dngos su dkyil 'khor gyi shar sgor nye bar 'dug pas/ /dga' chen khyod bdag ston pa la/ /zhes bya ba la sogs pa yang brjod du bcug pa la dkyil 'khor du 'jug pa'i gsol ba gdab par bya'o/ /de nas slob dpon gyis slob ma gcig gtso bor byas nas/ bu tshur theg pa chen po la/ /zhes bya ba la sogs pa brjod pa la de rnams gsum la skyabs su 'gro ba byed du bcug la/ /oM badzra kuN+Da li badzra hUM phaT ces bya ba'i sngags kyis bsrung ba byas la/ de rnams kyi snying ga dang / mgrin pa dang / spyi bo rnams su rim pa ji lta bar rdo rje dang pad+ma dang 'khor lo'i dbus su/ hUM AH oM zhes rnam par bsams nas rdo rjes snying ga la sogs par reg la/ oM AHhUM/ bdag nyid kyis brjod la mgo la me tog dang / bdun du spos la sogs pa dbul lo/ /gzhan nas bstan pa'i sngags lan bdun du bzlas pas shing ma gas shing 'bus ma zos pa sor bcu gnyis kyi tshad la me tog gi phreng bas rtse mo dkris la slob ma rnams la so sor sbyin par bya'o/ /de yang shar du kha bltas pas 'chos la steng du bltas te/ ba lang gi pags pa tsam gyi gzhi'i phyogs ba'i lci bas byugs te dor bar bya'o/ /de nas de'i mngon par phyogs pa la sogs pas dor ba de rnams kyis mchog la sogs pa'i dngos grub rtogs par bya'o/ /oM hrIHbi shud+d+ha d+harmAHsarba pA pa niSh+tsa saM shod+ha ya sarba bi ka wAn a pa na ya hUM zhes pa'i sngags kyis 'thor 'thung dang dri'i chu khyor ba gsum sbyin pa yin no/ /so shing gi cho ga'o/ /byin gyis brlabs pa de'i mdun du yang 'dug la/ oM badzra kuN+Da li la sogs pa'i sngags kyis lan bdun bzlas pa'i ku sha gding ba dang / sngags kyi phyir de rnams kyi lag par sbyin no/ /lag pa g.yas pa la sngags 'di nyid kyis lan bdun mngon par bsngags la sum 'gyur du byas te/ mdud pa gsum dor ba'i srung skud bcing bar bya'o/ /thams cad mkhyen nyid 'jig rten du/ /zhes pa la sogs pa'i tshigs su bcad pa rnams kyis chos bshad de nyan du bcug la/ slar yang sngags 'dis bsrung ba'i 'khor lo bya'o/ /phyir mi ldog pa'i dbang zhes bya ba la sogs pa rnams kyis slob dpon la slob mas gsol ba gdab par bya ste/ gsol ba btab pas yang bla mas rigs thams cad la go bas/ bdag ming 'di zhes bgyi ba ni/ byang chub sems ni gzung bar bya/ /gsang ba'i 'khor lo 'dir 'tshal bas/ /dam tshig sdom pa la 'jug go/ /zhes bya ba 'dis so/ /de nas/ sems dpa' bdag nyid che 'dod na/ /gsang ba chen po'i rigs dag pa/ /gsang chen yongs su gzung bar gyis/ /zhes brjod par bya'o/ /slob mas 'tshal lo zhes brjod par bya'o/ /de nas/ sangs rgyas chos dang dge 'dun la/ /zhes bya ba la sogs pa nas/ ltung ba sbom por 'byung bar 'gyur/ /zhes pa yan chad bla mas brjod par bya'o/ /slob mas kyang / slob dpon 'dir ni bdag la gson/ /'di bzhin du ni bdag bgyid do/ /gtso bos ji ltar bka' stsal pa/ /zhes brjod par bya'o/ /de bzhin du slob dpon gyis sdom pa 'dzin du gzhug cing ku sha bting ste nyal du bcug la rmi lam du gang cung zad mthong ba tho rangs su bdag la smros shig ces brjod la dkyil 'khor gyi khang par 'jug go/ /oM badzra kuN+Da li badzra hUM phaT ces pa'i sngags kyang bsrung ba'i don du bzlas so/ /de nas gtor ma gtong ngo / /nang par phyir byung ste slob ma bos la dge ba dang mi dge ba'i rmi lam dris la rmi lam dang rjes su mthun pa'i gnas rjes su gnang la bris pa'i dkyil 'khor la mchod pa rgya chen po bya'o/ /rang lha'i rnal 'byor sngon du 'gro bas slob ma 'jug pa'i cho gas bdag nyid kyang zhugs la phreng ba'i dbang la sogs pa yid kyis thob par byas la slob ma rnams gzhug pa'i don du/ /chos rnams gzugs brnyan lta bu ste/ /zhes bya ba la sogs pas gsol ba gdab par bya'o/ /gsol ba 'debs pa de nyid la yol ba'i phyi rol du yon phul ba'i slob ma dbang bskur ba'i don du rnam par snang mdzad kyi gzugs su dmigs la/ A khaM bI ra hUM zhes bya ba'i sngags kyi me tog gi phreng ba gzung zhing las thams cad ba'i bum pa'i chus gtor zhing mig dkris bcing bar bya'o/ /'di nyid rtsa ba las gsungs pa/ /bkab ces bya ba la sogs pa ste/ bu sdug ces bya ba ni slob ma'o/ /gzhug bya zhes bya ba la sogs pa 'di'i don ni 'di ltar dgongs te/ slob ma la mig dkris bkab la/ /slob dpon gyis dkyil 'khor du gzhug pa'i ched du dri bar bya'o/ /bu khyod dga' ba gang la yin/ /zhes pa'o/ /de nas de nyid kyis brjod par bya ste/ /skal bzang bde ba chen po lags so/ /de nas bla mas slob ma'i snying gar rdo rje bzhag la/ oM sarba yo ga tsit+ta ut+pA dA ya mi zhes pas byang chub tu sems bskyed par bya'o/ /deng khyod de bzhin gshegs pa thams cad kyis byin gyis brlab par 'gyur gyi zhes bya ba la sogs pa brjod la/ hUM dzaHhUM zhes bya bas yol ba'i nang du bcug la/ dkyil 'khor gyi shar sgo'i phyogs su gzhag go/ /deng khyod de bzhin gshegs pa thams cad kyi rigs su yang zhugs kyi zhes bya ba la sogs pa brjod de/ /de'i spyi bor rdo rje bzhag la gal te khyod kyis 'di 'ga' la smras na dam tshig gi rdo rje 'di yis mgo bo rnams ni 'gems par 'gyur ro zhes brjod par bya'o/ /de'i rjes su me tog dang bcas pa'i rdo rje snying gar bzhag la/ oM rdo rje sems dpa' deng khyod kyi/ /snying la yang dag zhugs par ni/ /gal te tshul 'di smras na ni/ /de yi mod la dral te gshegs/ / zhes bya ba la 'dis mna' bsgags la pad+ma'i snod du son pa'i bdud rtsi'i rnam pa yi ge gsum gyis byin gyis brlabs la/ oM badzra a mri tod+ka Tha zhes bya ba lan bdun bzlas la/ 'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na 'grub 'gyur ba'i/ /rdo rje bdud rtsi'i chu 'thung shig/ /ces brjod la 'thung du gzhug go/ /de nas yang / deng phan chod khyod kyi phyag na rdo rje nga yin gyis zhes bya ba la sogs pa brjod par bya'o/ /slob mas kyang de bzhin du smras la/ de bzhin gshegs pa thams cad kyi byin gyi rlabs kyis rdo rje sems dpa' bdag la dbab tu gsol zhes pa'o/ /de nas de'i yan lag lnga la de bzhin gshegs pa lnga'i sa bon gyis byin gyis brlabs la mar khu chen po dang / gu gul chen po dang lhan cig tu cha mnyam pa chang dang gu gul dang yang dag par ldan par byas pa'i spos sbyar ba 'dis rdo rje phag mo'i sngags zlos shing slob dpon gyis slob ma la bdug par bya'o/ /des 'bab par 'gyur ro/ /lus babs na g.yo zhing 'dar ba la sogs pa 'byung ngo / /ngag babs na sngar med pa'i tshigs su bcad pa brjod par 'gyur ro/ /sems babs na byung ba dang 'byung ba dang da ltar ba rnams shes par 'gyur ro/ /oM tiSh+Tha sa ma ya pa ri bi ma li te hUM hUM ho ho ho swA hA/ zhes bya ba 'dis rdo rje mgo bor bzhag la gshegs su gsol bar bya'o/ /des oM tiSh+Tha badzra zhes bya bas brtan par byas la mig sngar ci 'dra ba mthong zhes dri bar bya'o/ /des smras pa/ dkar po dang / ser po dang / dmar po dang / nag po rnams mthong na zhi ba dang / rgyas pa dang / dbang dang / mngon spyod kyi dngos grub skal bar ldan pa'i bya bas bstan par byas nas/ yang dag dkyil 'khor zhes bya ba la sogs pa'i tshigs su bcad pa rnams kyis bden pa'i byin gyi rlabs bya'o/ /slob mas kyang g.yon skor gyis bskor ba lan gsum du byas la lhor mngon par phyogs par gyur pas sngar bzung ba'i me tog gi phreng ba/ pra tIts+tsha badzra hoH/ zhes bya ba 'dis dkyil 'khor du dor ro zhes pa'o/ /snyim pas me tog ces pa ni A khaM bI ra hUM zhes bya ba'i sngags kyis sngar bzung ba'i lag par son pa'i me tog gi phreng ba'o/ /de nas bskor ba zhes bya ba la sogs pa dang / lhan cig tu tshigs su bcad pa'i don bstan pa'i phyir go sla'o/ /gang gi steng du bya zhes pa la sogs pa ni dpal bde mchog dang dpa' bo dang dpa' mo rnams la der 'phangs pa'i me tog babs pa na'o de nas sgrub pa po de'i rim pa slob dpon gyis bstan par bya'o/ / de nyid gsungs pa/ de yi rigs kyi ming 'gyur ba/ /zhes bya ba la sogs pa ste/ slob dpon gyis ni ming de gdags/ /zhes pa ni ming gi dbang bskur ba'i tshe rigs dang rjes su mthun par de'i ming yang gdags so/ /de nas dpal he ru ka la sogs pa'i gnas sogs de la bstan par bya zhes pa ni 'dir 'di'i rim pa ni me tog dor ba'i rjes su 'brangs nas dman pa dang mchog la sogs pa dngos grub slob ma la yang dag par mtshon te/ der 'phangs pa'i me tog gi phreng ba blangs te slob ma'i mgo la bcings la sems can stobs chen khyod kyis 'di rab tu gzung bar gyis shig ces brjod do/ /de nas mig gnyis la yi ge oM gnyis bltas la/ oM rdo rje sems dpa' deng khyod kyi/ /mig 'byed par ni brtson par byed/ /phye bas thams cad nyid mthong ba/ /rdo rje'i mig ni bla na med/ / ces brjod la mig ras bkrol te/ dkyil 'khor tsam bstan par bya'o/ /de kho na nyid med de/ de kho na nyid yang gsang ba'i dbang bskur ba'i rjes su bstan par bya zhes pa'o/ /phyag rgya zhes bya ba la sogs pa ni 'di'i don ni 'di yin te/ yol ba la sogs pas dben par byas pa'i sa phyogs su slob ma rang gi yid du 'ong ba gzugs dang lang tshos brgyan pa dam tshig dang sdom pa'i snod rigs lnga dang 'brel ba me tog dang ldan pa'i shes rab ma gsang ba'i dbang bskur ba'i don du bla ma la dbul bar bya'o/ /de ni bdag nyid dang 'brel ba spangs pa'i bla ma la phyag 'tshal du bcug nas pus mo btsugs te thal mo sbyar nas/ skyob med skyob pa skyabs med pa'i/ /skyabs ni bde mchog 'khor lo dpal/ /bud med rnams la thugs rje che/ /mgon med mgon du bka' drin gsol/ /bdag nyid chen po khyod ji ltar/ /bdag kyang gtso bos de mdzod cig /'khor ba'i 'dam rdzab kun chom la/ /bying ba bdag la 'dir skyobs shig /ces bya ba'i tshigs su bcad pa gnyis kyis gsol ba gdab po/ /de nas bla mas lung las gsungs pa'i gsang ba'i dbang bskur ba brtsam par bya'o/ /bdag nyid dpal he ru ka'i rnal 'byor brtan par bya ba dang zhes bya ba la sogs pa ni sgom pa'i rim pas sam/ skad cig gis dpal bde mchog 'khor lo bdag nyid rnam par bsgom par bya'o/ /de yang zhes bya ba ni slob ma la gtad pa'o/ /go cha chen po zhes bya ba la sogs pas go bgo zhes pa ni gnas ji lta ba go cha gnyis dgod par bya'o/ /de bzhin du sku dang gsung dang thugs byin gyis brlabs cing rigs lnga'i tshogs kyi byed pa yang legs par bstan par byas nas so/ /gnyis pa slar yang zhes pa ni nyi ma dang po la slob ma lhag gnas byas la/ nyi ma gnyis pa rgyud gzhan las drangs pa'i phreng ba dang chu la sogs pa nas slob dpon gyi dbang bskur ba la thug par sbyin no/ /byin gyis brlabs pa la sogs pa legs par byas nas zhes pa ni dgyes pa'i rdo rje las gsungs pa'i rim pas rdo rje dang pad+ma byin gyis brlab pa'o/ /de bzhin du yi ge d+yA sna rtse'o/ /yi ge byA mtshan ma'i lte ba la yang dag par sbyar ro/ /lte ba dang snying ga dang dpral ba'i phyogs su sngags kyi tshogs kyis lhan cig tu byin gyis brlab par bya'o/ /rnal 'byor ma'i lte ba dang / snying ga dang lce la dpa' bo gnyis kyis byin gyis brlab par bya'o/ /rnal 'byor ma dang dpa' bo dag gnyis su med ces pa ste/ rnal 'byor ma kun du spyod pa las gsungs pa'i sgo nas rdo rje dang pad+ma la sogs pa yongs su gyur nas 'o yang bya'o/ /gsang ba'i dbang bskur ba brtsam par bya'o zhes bya ba ni gsang ba'i dbang bskur sbyin par bya bar phyir thabs cig tu las mtshungs par brtsam mo/ /'di nyid kyi don ni bsdus nas bstan cing gsungs pa bcom ldan 'das kyis so/ /de nas zhes pa la sogs pa la/ mchod pa zhes pa ni me tog dang bdug pa la sogs pa rnams kyis yang dag par mchod nas/ 'di'i las mtshungs par spyad ces pa'o/ /gsang ba'i dbang bskur ba'i don du 'dod pa'i bstan bcos las gsungs pa'i dga' ba dang 'o dang 'khyud pa la sogs pa'i yi ge hUM brjod cing mtshungs par brtsam par bya zhes pa'i don to/ /khrag ces pa ni 'dir rang byung gi me tog nye bar mtshon pa ste/ 'dir ga bur yang btung bar rtogs par bya'o/ /bstan pa yang rdo rje dang pad+ma dbang bskur ba sbyin par bya'o zhes pa'o/ /lan gsum bzlas zhes pa ni oM AHhUM zhes pa'am/ ha ho hrIHzhes pa ste/ yi ge gsum bzlas so/ /thig le zhes pa ni spyi bo nas bzung ba rnams la thig le la sogs pa rdo rje dang pad+mas dbang bskur ba sbyin pa yin no/ /dus mtshungs par 'jigs pa med par yang dag pa la sogs pa gsang ba gnyis kyis mthe bong dang ming med dag gis kun du btsir te rdo rje dang pad+ma las so/ /ji ltar 'das pa'i sangs rgyas sras/ /rdo rje 'dzin sogs kyis dbang bskur/ / byang chub sems kyi tsA ru yis/ /de bzhin bu khyod dbang bskur ro/ /zhes brjod la dbang bskur ro/ /slob mas kyang zhes bya ba la sogs pas kyang ni a ho su kha zhes brjod la/ snang ba mtha' yas kyi bdag nyid kyis slob ma la gnyis po dag byin la gsang ba gnyis myang bar bya'o zhes bya ba'i don to/ /de nas de'i 'og tu zhes bya ba la sogs pas ni gsang ba'i dbang gi dam tshig ma dang shes rab ma mig ras kyis bcings pa'i mig gnyis la yi ge oM gnyis bsams la/ oM rdo rje sems dpa' deng khyod kyi/ / mig 'byed par ni brtson par mdzad/ /ces bya ba la sogs pa brjod de phye la/ dkyil 'khor dang dkyil 'khor gyi de kho na nyid la sogs pa bstan par bya'o zhes pa'i don to/ /gsang ba'i dbang bskur ba'i gnas zhes bya ba ni lha'i bdag nyid gsang ba'i dbang bskur ba'i gnas slob ma'i mgo bo dang dpral ba la sogs pa bstan par bya'o zhes dgongs so/ /dbang bskur zhes bya ba la sogs pa ni gsang ba'i dbang bskur thob nas/ shes rab ye shes kyi dbang bskur ba'i don du de nyid kyi phyi rol gyi yan lag tsam mtshan nyid thams cad dang ldan pa gtad par bya'o/ /de la 'di'i rim pa ni slob dpon la yan lag lngas phyag btsal btud nas pus mo g.yas pa'i lha nga sa la btsugs te/ snyim pa thal mo sbyar te mdun du 'dug la de'i sngon du bstan pa'i tshigs su bcad pa gnyis kyis gsol ba gdab pa dang ldan pas shes rab ma'i lag pa de'i lag par gtad la dpa' bo dang dpa' mo'i tshogs thams cad dpa' bor byas te rdo rje'i skur dmigs la/ phyag rgya chen po'i lha mo 'di/ /mtha' yas pa yi bde ba ster/ /byin nas rnam pa kun du bus/ /mchod pa bla na med pa gyis/ /zhes brjod par bya'o/ /de'i rjes thogs su rjes su gnang bar gyur pa'i lha mo des tshig ni/ dpa' bo'i bu ni bla na med/ /bstan pa cho ga khyod spro'am/ /byang chub sems ni za ba dang / /rigs lnga yang dag 'byung ba yi/ /rig ma kun mchod gus byed dam/ /bshang gci stobs dang dri chen sogs/ /gzhan yang dam tshig lha mo rnams/ /bu khyod ji ltar 'dod pa smros/ /zhes pa'o/ /slob mas kyang brjod par bya ste/ lha mo ji ltar bdag mi spro/ /dam tshig la sogs bsten pa dang / /rtag tu bya cis mi nus pa/ /btsun mo'i pad+ma cis mi mchod/ /de nas tshim byed lha mo des/ /skra grol gos dang bral byas nas/ /pad+ma rnam par bstan nas ni/ /rjes gnang pad+ma'i snod ni kye/ /kye ma bdag gi pad+ma 'di/ /bde ba rnams kyis rnam par brgyan/ /gang zhig cho ga bzhin byed na/ /bdag ni de yi mdun na gnas/ /sangs rgyas mnyes pa la sogs pa/ pad+mar ji ltar bya ba gyis/ /bde chen rgyal po rang nyid kyang / /'di nyid na ni rtag tu bzhugs/ /zhes pa'i rim pas de nyid kyang sngar bzhin du shes rab gtad par bya'o/ /rnam par mi rtog pa de gtad/ /ces bya ba nyid kyis rnam par mi rtog pa'i the tshom ste/ de dang bral ba'i sems the tshom med pa yin no zhes bya ba'i tha tshig go/ /de nas slob mas kyang zhes bya ba la sogs pa'i dgos pa ni 'di yin te/ slob ma la gtad pa'i rjes thogs su slob mas shes rab ye shes kyi dbang bskur ba'i don du dkyil 'khor dang bla ma la phyag 'tshal nas dkyil 'khor la g.yon skor gyis bskor ba lan gsum byas te/ de nyid la brtsam pa'i phyir slar rtsom pa la 'jug ste/ bla ma la ni phyag bya'o/ /zhes bya ba la sogs pa ni ji skad du bshad pa nyid kyi don bstan pa dang / dang por bla ma la phyag btsal ba'i rim pas dkyil 'khor gyi 'khor lo bsgom pa la sogs pa'i go rims kyi rang bzhin bla mas gsang ba'i dbang bskur ba sbyin pa de bzhin du cho ga dang de nyid kyi rim pas brtsams te/ thams cad grub par rtogs nas/ bla ma la mchod par bya ste/ bla ma'i mdun du zhes bya ba'i tha tshig go/ /de nyid bsgrub bya zhes pa ni dus gcig kho nar shes rab ma dang slob mas lhan cig skyes pa'i bde ba nyams su myong zhes bya ba'i don to/ /bdag nyid dpal bde mchog gi gzugs kyis dang de yang rdo rje phag mo'i gzugs kyis bskyed la go cha chen po la sogs pa rnams kyis go bgos la rdo rje dang pad+ma dag la ji skad bstan pa'i sa bon yongs su gyur pa las byin gyis brlabs nas g.yon ngos su 'jug pa'i bla ma'i man ngag gis go bar byas la sor mos bsgul bar bya ste/ oM sarba ta thA ga ta a nu rA ga Na badzra swa b+hA ba at+ma kou0f85haM zhes brjod de pad+mar rdo rje bzhag la/ bstan bcos las bshad pa'i dga' ba'i bya ba bla ma'i mdun du bya'o/ /gsang ba'i dbang bskur thob nas shes rab kyang gnas ji lta ba bzhin du blangs te/ slob mas brda yis/ shes rab ye shes nyams su myong / /zhes pa'o/ /bla mas kyang slob ma'i brda yis bde pa nyams su myong bar khong du chud nas/ dbang bskur ba ni rdo rje che/ /khams gsum kun gyis phyag byas pa/ /zhes bya ba la sogs pa brjod do zhes pa man ngag go/ /de nas zhes bya ba la sogs pa ni de bzhin du dbang bskur ba ma lus pa thob pa'i slob ma bya ba byas shing yang dag par skyes pa'i sems mngon par 'dod pas bla ma la yon dbul bar bya'o zhes pa'i don to/ /da ltar cho ga zhes bya ba la sogs pa ni de ltar rjes thogs su bstan pa'i yon gyi cho gas so/ /nges pa zhes bya ba ni gdon mi za'o/ /de nas dbang bskur thob pa'i rjes la sgrub pa po yis zhes bya ba ni sgrub pa pos so/ /yon phul ba'i phan yon gsungs pa/ de nas de la zhes bya ba la sogs pa ste/ mkha' 'gro ma nyi shu rtsa bzhi thabs dang bcas pa'o/ /rnal 'byor ma ni rdo rje phag mo dang yang dag par ldan pa'i bcom ldan 'das ma'o/ /ma mo khwa gdong ma la sogs pa brgyad dang / mkha' 'gro ma la sogs pa yang bzhi ste/ de rnams tshim par gsungs pa mkha' 'gro ma zhes bya ba la sogs pa ste/ mkha' 'gro ma zhes bya ba ni mkha' 'gro ma'o/ /de bzhin du gzhan du yang ngo / /'di rnams ci'i phyir sgrub pa pos mnyes par byed ce na/ gsungs pa/ 'di dag ces bya ba la sogs pa ni mkha' 'gro ma zhes pa ni mkha' 'gro ma ni mkha' 'gro'o/ /sgrub pa po'i 'gro ba'ang 'khyam na/ mkha' 'gro ma la sogs pa yang ci 'khyam mam zhe na/ gsungs pa/ kun zhes bya ba la sogs pa ste/ de ni rim pa ji lta ba bzhin du dbang bskur ba thob cing yon phul na dpal bde mchog gi rnal 'byor pa ci bgyi ba ltar gsungs pa'i don du phyi nas snyeg ste 'khyam mo zhes pa'i don to/ /gzhan yang de'i phun sum tshogs pa gsungs pa/ rnal 'byor 'di ni sgrub 'gyur zhes bya ba la sogs pa ni rnal 'byor ni zhi ba la sogs pa de'i sgrub pa ni rdzogs pa ste 'gyur zhes pa dang 'brel to/ /'jig rten gsum du mi ldog cing / /zhes pa ni gang gis kyang 'jig rten gsum du bzlog par mi nus so zhes bya ba'i don to/ /mi snang ba ni mang po'i gseb tu bdag nyid yib pa'o/ /rkang mgyogs ni sa 'og gi dngos grub po/ /steng du zhes pa steng du 'gro ba'o/ /mkha' spyod ces pa ni grags pa'i mkha' spyod kyi dngos grub po/ /rkang mgyogs zhes pa ni de bzhin du cho gas sman rkang pa la byugs te/ yul gzhan 'dod pa'i sar 'khyam pa'o/ /bcud kyis len zhes pa ni gang zhig nye bar longs spyod pa'i dus du mar bde bar gnas pa'o/ /'dir yid kyis thams cad shes pa ci 'dod pa 'grub par 'gyur ba gsungs pa/ 'dod tsam gyis zhes bya ba la sogs pa ste/ 'dir thams cad sgrub pa po'i 'dod pa la rag las pa'o/ /gzugs ni zhes bya ba la sogs pa ni gdul bya'i skye bo'i rang ngor 'dod pas shAkya seng ge la sogs pa'i gzugs du ma'i rnam par byed do zhes pa'i don to/ /nam mkha' la ni 'gro bar 'gyur/ /zhes pa ni rdzu 'phrul gyis nam mkha'i steng du 'gro ba la 'di dag ni nye bar mtshon pa ste/ chu'i steng du nyal ba dang / brtag cing 'dug pa dang / 'chag pa dang / rtsig ngos la thogs pa med par 'gro ba'o zhes bya ba la sogs pa rtogs par bya'o/ /mkha' 'gro rnams dang khyad par du/ /zhes bya ba ni rgyud gzhan las grags pa'i rnal 'byor ma de ni tshim par byed pa'o/ /rnam par bzlas pa'i skad cig gis/ /zhes pa ni bstan zhing mtshungs pa dang ldan pa'i sgrub pa po skye ba 'dir bsgom pa gsal ba rab kyi mthar thug pa'i mtshan nyid dang ldan pa'i skad cig gis dpal bde mchog 'khor lor 'grub par dgongs so/ /nges don zhes bya ba la sogs pa ni rnal 'byor ma rnal 'byor pa'o/ /gnon zhes bya ba ni bla ma dang sangs rgyas la sogs pa slu ba'i sems can no/ /lan cig bltas pa'i zhes bya ba ni dus gcig tu bcos pa'i khro bos nges par gnon par 'gyur zhing snying rjes dmyal ba las 'don pa'i bsam pas kha sbyor dang sngags kyis kyang slu ba po gsod par 'gyur ro/ /bltas zhes bya ba la gang cung zad dge ba'i rtsa ba bskyed pa'i skyes pa'am bud med kyis mthong bar 'gyur ro/ /de ni rnal 'byor ba mthong btsam gyis tshig gi spyod yul ma yin pa'i so so'i bdag nyid rig pa'i ye shes kyis sa ra ha'i zhabs bzhin du de nyid spros pa med pa'i spyod pa spyad pa'i tshul gyis rnal 'byor pa nyid du 'gyur ro zhes bya ba'i don to/ /de ltar re zhig dbang bskur ba'i 'bras bu gsal bar byas nas/ dbang ma bskur ba'i rnal 'byor pa ni mngon par 'dod pa'i dgos pas stong par bstan par bya ba'i phyir gsungs pa/ ma mthong bar zhes bya ba la sogs pa ste/ ji ltar mi bden pa'i smig rgyu dang / nam mkha' la 'thung ba dang brdeg pa mi rigs pa de bzhin du dkyil 'khor ma mthong bar lha'i rnal 'byor ba dang sngags kyi rnal 'byor pa nyid du mi rigs so zhes pa'i don to/ /gang las she na/ gsungs pa/ rnal 'byor 'di ni mngon mchog ces bya ba la sogs pa'i dgongs pa ni 'di yin te/ gang gi phyir dpal bde mchog gi rnal 'byor pa thams cad kyi rnal 'byor pas mchog go/ /de'i phyir na rnal 'byor pa sna tshogs pa'i dbang bskur thob pa'i rnal 'byor pa zhes sbyar ba yin no/ /gzhan yang thob pa'i phan yon gsungs pa/ /gang zhig ces bya ba la sogs pa ni dpal bde mchog gi rnal 'byor dang ldan pa'i sngags pa gang la la zhig go/ /gang cung zad ces pa ni gang cung zad 'jig rten gsum gyis 'jug pa'i dga' ba la som nyi med cing 'dod par 'dod pa ste/ de ni lha mi dang mi dang lha ma yin du bcas pa'i sems can de rnams kyis bdag po zil gyis mnan nas mthu stobs las shin tu 'das nas 'gro bar 'gyur te/ de dang lhan cig tu rol par 'gyur ro zhes bya ba'i don to/ /'dir zhes bya ba la sogs pa ni bde mchog gi dkyil 'khor 'dir rim pa ji lta ba bzhin du dbang bskur ba thob pa'i skyes bu des rgyud gzhan du kun nas kyang gsungs pa'i zhi ba la sogs pa rnams 'grub par 'gyur ro zhes dgongs so/ /gang las she na/ gsungs pa sbas pa zhes bya ba la sogs pa ste/ gang gi phyir 'dir dbang bskur thob pas bya ba dang / spyod pa dang / rnal 'byor dang rnal 'byor bla na med pa dang / rgyud gzhan rnams kyi yang thob par 'gyur ba de'i phyir zhes pa'i don to/ /'dir rgyu ci'i phyir zhe na/ gsungs pa/ rgyud rnams kun gyi dam pa yin/ /zhes pa ste/ gang gi phyir rgyud 'dir gzhan thams cad kyi nang nas gcig pu gnyis su med pa'o/ /dam pa ni mchog tu byung ba ste/ rnal 'byor bla na med pa zhes bya ba'i tha tshig go/ /rgyud 'di nyid kyi phyir na zhes dgongs pa'o/ /rnal 'byor bla na med pa'i rgyud de yang gang zhig ce na/ /gsungs pa de nyid ces bya ba la sogs pa ste/ bde mchog dang zhes pa ni nam mkha' dang mnyam pa'i mngon par brjod pa'o/ /'di zhes pa ni gang gi phyir dpal bde mchog gi bdag nyid ma byung ba 'byung bar mi 'gyur ro zhes pas che ba'i bdag nyid bstan pa de'i phyir 'di yang rnal 'byor bla na med pa zhes dgongs pa'o/ /da ni bris pa'i dkyil 'khor gyi cho ga kun rdzogs par bstan par bya ba'i phyir gsungs pa/ bstan zhes bya ba la sogs pa ste/ bstan dang zhes pa ni de yang chu dang ba'i lci ba la sogs pa'i rjes su bstan to/ /ma bstan pa ni rnal 'byor ma'i rgyud thams cad dang rnal 'byor gyi rgyud las bshad pa'i gang zhig dkyil 'khor gyi sa gzhi 'dus byas la sogs pa de gnyi gas kyang / dpal he ru ka'i rnal 'byor pa gnas shing thams cad nyid kyis byin gyis brlabs pa'o zhes dgongs pa'o/ /de de ltar na gsungs pa dpal he ru ka'i rnal 'byor 'dzin pa zhes bya ba la sogs pa'o/ /rim par phye ba gsum pa'o// //'khor lo gsum la gnas pa'i zhes pa ni bris pa'i dkyil 'khor la 'khor lo gsum bkod pa'i go rims las bzlog nas bstan pa yin te/ slob dpon med par 'jug par ma gyur cig snyam pas 'khor lo dgod pa de'i mthar thug par gyur pa'i brtson 'grus chen po dang por brjod nas 'khor lo'i shugs can ma la thug pa'i rnal 'byor ma brgyad go rims las bzlog pa bstan te/ de bzhin du bya gdong ma la sogs pas gsung gi dkyil 'khor brgyad po yang ngo / /de ltar sa srung ma la sogs pa ni thugs kyi 'khor lo brgyad po yang yin no/ /'di dag sngon nyid grub pa yin/ /zhes pa ni sngar bris pa'i dkyil 'khor lo 'di rnams dgod pa yin par dgongs pa'o/ /de bzhin du dpa' bo dang mkha' 'gro ma la sogs pa rnams dang / bcom ldan 'das ma dang lhan cig par bcom ldan 'das dgod pa ni shugs kyis rtogs par bya ba yin no/ /oM zhes bya ba la sogs pa bstan pa'i phyir ro zhes pa ni/ /rang gi ming brjod sngags la ni/ /zhes pa'i rjes thogs su bstan pa'i phyir na de'i 'og tu 'di nyid brjod par bya ba yin no zhes dgongs pa'o/ /'di ltar bstan te/ oM DA ki nI ye hUM hUM phaT ces bya ba la sogs pa'i sngags su 'gyur ro/ /mthong na zhes bya ba la sogs pa ni 'dis 'khor lo gsum gyi gtso bo rnal 'byor dang ldan pa'i rnal 'byor ba'i che ba'i bdag nyid du rig par 'gyur ro/ /de lta bas na grub ces bya ba la sogs pa gsungs so/ /ji skad du bshad pa'i yon tan zhes pa ni rnal 'byor dngos grub 'gyur zhes bya ba la sogs pa rim par phye ba gsum pa las bshad pa zhi ba la sogs pa zhes bya ba'i don to/ /rim par phye ba bzhi pa'o// //rtsa ba'i sngags btu ba'i don du rim par phye ba lnga pa gsungs pa de nas zhes bya ba la sogs pa ste/ /de nas ni rim par phye ba bzhi pa bshad pa'i rjes thogs su'o/ /chos 'byung zhes pa ni chos thams cad stobs bcu dang mi 'jigs pa la sogs pa'o/ /de rnams 'byung ba ni chos 'byung ste stong pa nyid do/ / 'dir de'i phyag rgya chos 'byung ngo / /sna tshogs zhes pa ni chos 'byung khong stong gi nang du pad+ma 'dab ma drug cu rtsa bzhi pa'o/ /lte bar mi shigs zhes pa ni pad+ma'i lte ba la zla ba'i dkyil 'khor gyi steng du nA da'i gzugs las byung ba'i yi ge hUM ngo / /shis zhes pa ni rdo rje sems dpa'i rang bzhin gyi phyir na dge ba 'dren par byed pa'o/ /chos kun gcig tu bsdu bar bya/ /zhes pa ni phyi dang nang du bcas pa'i chos thams cad stong pa nyid kyi tshul gyis bsdus par 'gyur ba'o/ /bris nas cho ga bzhin sngags pas/ /zhes pa ni dpal 'khor lo sdom pa'i rnal 'byor d ang ldan pa shes rab dang bcas pa phyag rgya drug gis brgyan pa skra grol ba phyogs kyi gos can gyi sngags pas dkyil 'khor gyi khang pa la sogs pa'i sa phyogs su bdud rtsi rnam pa lngas byugs pa'i sa'i khar me tog dang bdug pa dang dri la sogs pas yid 'phrog par gyur ba sha chen po'i spos dang mar khu chen po'i mar me sbar la phyi rol du glu dang gar dang rol mo la sogs pa sngon du 'gro bas cang te'u dang dril bu dkrol bas gtor ma dbul lo/ /dur khrod brgyad la sogs par rdul tshon gyis spras te bri bar bya'o zhes bya ba'i don to/ /'dir dgos pa ci'i ched du bri bar bya zhe na/ gsungs pa/ 'dir zhes bya ba la sogs pa ste/ 'dir zhes pa ni gzhan du med pa'o/ /sngags kyi tshig ces pa ni sngags ni rtsa ba'i sngags la sogs pa'o/ /tshig ni rgyus te A li kA lir gyur pa'i sde tshan brgyad po zhes pa'i don to/ /'gyur ba ni 'gro ba'o/ /de nyid gsungs pa/ /A li zhes bya ba la sogs pa ni dbyangs dang yi ge rnams mi mnyam pa med cing ma tshang ba med par bri ba'i don to zhes pa ni dbyangs yig bcu drug dang / ka la sogs pa nas yi ge ha'i mthar thug pa'i gsal byed rnams bstan ma thag pa'i cho gas bri bar bya'o zhes pa'i don to/ /yi ge brgya nyid ces bya ba la sogs pa ni/ chos kyi phyag rgya'i sa bon dang / /zhes pa ni pad+ma'i sa bon gyi yi ge'o/ /yi ge zhes bya ba la sogs pa ni bcom ldan 'das chos kyi phyag rgya'i rdo rje'i sa bon gyi yi ge zhes dgongs so/ /rig pa'i rgyal po zhes bya ba la sogs pa ni/ rig pa zhes pa la sogs pa ni rab tu grags zhes bya ba la thug pa'i gzhung rnams ni/ de bzhin nyi shu rtsa drug pa'o/ /zhes pa'i rjes thogs la bstan par bya'o/ /rtsa ba'i sngags zhes pa ni rkang pa brgyad pa'i sngags kyi tshogs so so la dang por yi ge oM tha mar yi ge huM hUM phaT do/ /de bzhin du ka ra ka ra zhes bya ba la sogs pa'i sngags la dang por yi ge oM dang tha mar yi ge huM hUM phaT rim pa ji lta ba bzhin du rang gi ming ji lta bar brten la thod pa'i dum bu la la sogs pa'i dpa' bo nyi shu rtsa bzhi po rnams la yang shes par bya'o/ /de de ltar na bstan pa 'di rnams rab tu grags pa zhes pa 'di de ma thag par blta bar bya'o/ /phreng ba'i sngags ji ltar brjod pa ltar shes pa'o/ /rim par phye ba lnga pa'o// //gzhan yang zhes bya ba la sogs pa ni snying po dang nye ba'i snying po'i sngags nye bar dgod pa'o/ /shes rab dang ldan pa'i ma dad pa rnams rmongs par byed pa'i don du don dam pa'i dpa' bo drug gi go cha'i sngags btu bar bya'o/ /de lta bas na gsungs pa/ ya'i sde tshan zhes bya ba la sogs pa ste/ brgyad pa'i sa bon ni ha'o zhes pa ni tshig gcig gi rigs su brjod pa'o/ /don dam pa'i ha bcu gnyis bri bar bya'o/ /ma ning spangs pa zhes pa ni r-i r-I l-i l-I dang bral ba'o/ /yi ge oM la sogs pa zhes pa ni sogs pa'i sgras na maHswA hA/ bau Sh+Ta hUM hUM phaT ces bya bar khong du chud par bya'o/ / re re yang dag gnas zhes pa ni yi ge ha re re'i 'og tu yi ge oM ke aM la sogs pa bzhag ces dgongs pa'o/ /de de ltar na gsungs pa yi ge ha'i sngon du yi ge aM zhes bya ba la sogs pa ni 'dir nye bar mtshon pa tsam ste/ gzhan yi ge hi la sogs pa lnga po rnams kyi sngon du yang / na maHla sogs pa lnga dgod par bya'o zhes pa'i don to/ /oM na maHswA hA bau ShaT hAM hUM phaT/ yi ge dang yang dag par ldan par shes par bya zhes pa ni yi ge oM la sogs pa rnams bzhag pa'i rim pa ji lta ba bzhin du ha hi hu he ho haM zhes bya ba'i drug po rnams sbyar bar bya'o zhes dgongs pa'o/ /sgrub pos zhes bya ba la sogs pa ni 'dir go cha'i sngags drug btus pa'i 'og tu snying ga la sogs par dgod par bya'o zhes pa'i don to/ /de nyid gsungs pa/ dang por snying ga nyid ces bya ba la sogs pa gsungs te/ rdo rje sems dpa' de'i snying gar zhes pa ni rdo rje sems dpa' lhag par mos par bya'o/ /de ltar gzhan la yang go bar bya'o/ /de ltar re zhig yi ge'i sgo nas go cha bstan to/ /gang yang sgom pa po la ltos nas lha dgod cing bri ba ni snying gar yi ge ha dang rdo rje yongs su gyur pa las rdo rje sems dpa' sku mdog dkar po zhal gcig phyag bzhi pa/ g.yas kyi phyag gnyis na rdo rje dang cang te'u/ g.yon gyi phyag na kha T+wAM ga dang thod pa dang gri gug bsnams pa phag mo dmar mo la 'khyud pa'o/ /mgo bo la yi ge hi dang 'khor lo yongs su gyur pa las rnam par rnam par snang mdzad ser po zhal gcig phyag bzhi pa g.yas na 'khor lo phyag gzhan gsum na sngar bstan pa'i phyag mtshan bsnams pa gshin rje ma sngon mo la 'khyud pa'o/ /spyi gtsug tu yi ge hu dang pad+ma yongs su gyur pa las pad+ma gar gyi dbang phyug dmar po zhal gcig phyag bzhi pa rmongs byed ma dkar mo'i mgrin pa nas 'khyud pa/ phyag bzhi pa g.yas pa na pad+ma/ gzhan rnams kyi phyag mtshan sngar gyi bzhin no/ /phrag pa gnyis la yi ge he dang rdo rje yongs su gyur pa las he ru ka sngon po zhal gcig pa/ skyod byed ma ser mo'i mgrin pa nas 'khyud pa/ phyag bzhi pa phyag rnams na rdo rje sems dpa'i mtshan ma'o/ /mig dag la yi ge ho dang rin po che yongs su gyur pa las/ rdo rje nyi ma gser btso ma lta bu zhal gcig pa/ skrag byed ma ser mo la 'khyud pa phyag bzhi pa g.yas na rin po che bsnams pa/ phyag bzhi na gsum po sngar gyi bzhin no/ /dpral bar yi ge haM dang sna tshogs rdo rje yongs su gyur pa las rta mchog rdo rje ljang gu'i mdog can zhal gcig pa/ gtum byed ma du ba'i mdog can ma la 'khyud pa/ phyag bzhi pa g.yas na sna tshogs rdo rje phyag gzhan gsum po rnams sngar bstan pa bzhin no/ /bsgom par bya ba 'di rnams kun rgyan thams cad kyis brgyan pa/ g.yas brkyang bas gdan la bzhugs pa/ ral pa'i cod pan gyis mtshan pa/ /rim par phye ba drug pa'o// //yi ge oM zhes pa la sogs pa ni rkang pa brgyad pa'i sngags rim par phye ba gnyis kyis btus par rtogs par bya'o/ /dang por yi ge oM mo/ /tha mar yi ge huM hUM phaT sbyar bar bya zhes dgongs pa'o// //rim par phye ba drug par gzhan yang zhes bya ba la sogs pas snying po bstan pa'i btu ba'i rim par phye ba brgyad pa gsungs la/ de nas rang gi zhes bya ba la sogs pa gsungs te rang la bdag nyid ces pa ni dang po'i don gyi gnyis pa ste/ ma phyi ba bsdu bar byas pa'o/ /rang nyid kyis gnyug ma'i sku dpal bde mchog 'khor lo'i rang bzhin sngags dang phyag rgya lha dang tha mi dad pa'i snying po'i sngags ni de skad ces bya ba'i don to/ /mkha' 'gro ma yi dra ba sdom/ /zhes pa ni sngags kyi rgyal po 'di rim pa gsum du rnam par gzhag ste/ phag mo la sogs pa dang lhan cig tu mkha' 'gro ma'i tshogs rnams gcig tu yi ge ji lta ba bzhin du bsdams shing skyed par byed pas mkha' 'gro ma'i dra ba sdom zhes bya'o/ /'di yang dang po'i don gyi gnyis pa'o/ /de lta bas na gsungs pa/ bdag dpal he ru ka'i bdag nyid ces bya ba'i 'khor lo gsum na rnam par gnas pa zhes pa ni man ngag gi rim pa gsum pa'i dkyil 'khor bskyed par bya'o/ /mkha' 'gro ma thams cad kyi rang bzhin zhes pa ni rdo rje phag mo la sogs pa dang / mkha' 'gro ma so so'i sa bon gyi yi ge las byung ba'i sngags spyir sngags dang lha dag de'i bdag nyid kun du 'gro ma'i rang bzhin no zhes dgongs pa'o/ /man ngag gi rim pa ni 'di yin te/ go rims ji lta ba bzhin du dpal 'khor lo sdom pa'i sku yongs su gyur pa de'i bdag nyid kyi snying gar skad cig gis gzhal yas khang rnam par gzhag par bya'o/ /de'i dbus su 'khor lo rtsibs brgyad pa'o/ /de'i lte ba la sna tshogs pad+ma bsgom par bya'o/ /de nas de'i lte ba la zla ba dang nyi ma'i dkyil du gnas pa'i yi ge hUM yongs su gyur pa las zhal brgyad pa phyag bcu drug pa'o/ /de la gnas pa'i yi ge hrIHhUM yongs su gyur pa las byung ba'i rdo rje phag mo las byung ba sku mdog sngon po thod pa'i phreng bas rnam par brgyan pa'i sku phyag rgya drug dang ldan pa'o/ /spyi bor sna tshogs rdo rjes mtshan pa ral pa'i cod pan la gnas pa'i zla ba phyed pas mdzes pa/ g.yas brkyang bas 'jigs par byed pa dang / dus mtshan mnan pa/ drag po chen po g.yas dang g.yon pa'i phyag gi gtso bo dag gis rdo rje dang dril bu bsnams pa/ rdo rje phag mo la 'khyud pa dpal bde mchog 'khor lo'i thugs kar byung ba'i bcom ldan 'das kyi zhal dang po sngon po/ /g.yon dmar ba/ g.yas dkar bo'o/ /de bzhin du g.yon skor gyis ser po dang ljang gu dang / du ba dang sngo bsangs dang / thal skya ste zhal gzhan rnams so/ /g.yon dang g.yas pa'i phyag gnyis kyis tshangs pa'i pags pa bshus nas rgyab tu phyar te bsnams pa'o/ / rtse gsum pa dang / dgra sta dang / ral gri dang / cang te'u dang / gri gug dang / lcags kyu rnams g.yas kyi phyag drug na bsnams pa'o/ /de bzhin du g.yon gyi phyag drug na rim pa ji lta bar/ thod pa dang / kha T+wAM ga dang / mgo bo dang / zhags pa dang / tho ba dang / sdigs mdzub rnams bsnams par bsgom par bya'o/ /de bzhin du bcom ldan 'das ma ni skra grol ba mdog dmar po bsgom par bya'o/ /'on kyang zhal gyi gtso bo dmar po g.yas sngo ba g.yon dkar po zhal gzhan ma lnga po bcom ldan 'das kyi zhal dang mtshungs pa'o/ /lha mos mda' dang gzhu bsnams pa/ tshangs pa'i pags pa rnam par spangs pa'o/ /phyag gzhan rnams na bcom ldan 'das kyi mtshon cha bsnams pa'o/ /dum bus brgyan pa'i ske rags can gcer bu thod pa'i phreng bas rnam par brgyan pa/ pus mo gnyis kyis bcom ldan 'das la 'khyud pa phyag rgya lngas rnam par brgyan pa'o/ /de bzhin du re zhig bcom ldan 'das ma dang bcom ldan 'das sna tshogs pad+ma 'dab ma brgyad pa'i lte bar dgod do/ /de'i shar gyi 'dab ma la ni yi ge oM las byung ba'i rab tu bsngags pa'i zhes bya ba'i mkha' 'gro ma ser mo zhal gsum pa/ zhal gyi gtso bo yid tsam ser ba/ g.yas sngo ba/ g.yon ljang gu'o/ /byang gi 'dab ma la yi ge ba las rta rgod ma'i zhal can/ ljang gu zhal gsum pa zhal gyi gtso bo ljang gu g.yon dmar ba/ g.yas dkar ba'o/ /nub phyogs kyi 'dab ma la/ yi ge dza las skyes pa'i sin d+hUr grags pa zhes bya ba'i mkha' 'gro ma dkar mo zhal gsum pa/ zhal gyi gtso bo dkar po'o/ /g.yas kyi zhal sngo ba/ g.yon ljang gu'o/ /lho'i 'dab ma la yi ge he las gdangs lta bu zhes bya ba'i mkha' 'gro ma dmar mo zhal gsum pa zhal gyi gtso bo dmar ba/ g.yas sngo ba/ g.yon ljang gu'o/ /'di thams cad spyan gsum pa/ phyag rgya rnam pa lngas brgyan pa/ gcer bu skra grol ba/ ro'i steng du g.yas brkyang bas bzhugs pa phyag drug ma'o/ /g.yas kyi phyag gsum na mda' dang lcags kyu dang cang te'u bsnams pa'o/ /de bzhin du g.yon gyi phyag gsum na gzhu dang zhags pa dang kha T+wAM ga dang lhan cig par thod pa bsnams pa'o/ /pad+ma ltar dag pa/ g.yas ngos su spyan zur gyis gzigs pa bsgom par bya'o/ /mtshams bzhir gnas pa'i snod bzhi po byang chub kyi sems kyis yongs su gang zhing bum pa'i steng gi thod pa'o zhes bya ba ni nang gi rim pa'o/ /de'i rjes thogs su rim pa bar ma'i shar du yi ge he las he lA s+ye ka'o/ /byang phyogs su yi ge ru las gdu bu can no/ /nub phyogs su yi ge ru las dung gi phreng ba'o/ /lho phyogs su yi ge kaM las keng rus ma'o/ /me'i mtshams su yi ge hUM las hUM mdzad ma'o/ /bden bral du yi ge phaT las phaT yig ma'o/ /rlung gi phyogs su yi ge DA las mkha' 'gro ma'o/ /dbang ldan du yi ge ki las gzha'i sgra ma'o/ /brgyad po 'di rnams ni sku mdog sngon mo zhal gcig pa phyag bzhi pa g.yon na kha T+wAM ga dang thod pa bsnams pa'o/ /g.yas na cang te'u dang gri gug bsnams pa spyan gsum pa/ skra grol ba ro'i steng du g.yas brkyang bas bzhugs pa bsgom pa'o zhes pa ni rim pa bar ma'i lha rnams dgod pa'o/ /de nas phyi rol gyi rim pa la/ yi ge nI las dbang ldan gyi mtshams su sngon mo yang dag 'byung zhes pa ni ser mo'o/ /rlung du yi ge dza las dra ba'i mchog ma ljang gu'o/ /bden bral du yi ge la las stobs 'phyang ma sngon mo'o/ /mer yi ge saM las bde mchog ma dmar mo'o/ /'di thams cad zhal gcig pa phyag bzhi pa g.yon gnyis na rdo rje lcags kyu dang thod pa lhan cig pa'i kha T+wAM ga bsnams pa'o/ /g.yas kyi phyag gnyis na cang te'u dang gri gug bsnams pa/ gcer bu ro'i gdan la g.yas brkyang bas bzhugs pa phyag rgya lnga 'chang ba thod pa'i phreng ba can spyan gsum pa bsgom par bya'o/ /de bzhin du shar gyi sgor yi ge ba las bar lo gra sngon mo/ /zhal gsum pa/ zhal dang po sngon po/ g.yon dmar ba/ g.yas dkar ba/ phyag drug pa/ g.yon gyi phyag gsum na thod pa dang kha T+wAM ga dang mgo bo dang sdigs mdzub bsnams pa/ de bzhin du g.yas kyi phyag gsum na lcags kyu dang gri gug dang cang te'u bsnams pa'o/ /lho'i sgor ni yi ge raM las dge byed drag shul ma'i mkha' 'gro ma dkar mo zhal gsum ma zhal gyi gtso bo dkar ba/ g.yas dmar ba/ g.yon ljang gu phyag drug pa/ g.yon gyi phyag gsum na thod pa dang lhan cig tu kha T+wAM ga dang / gri gug dang lhan cig tu sdigs mdzub dang / tshangs pa'i mgo bo bsnams pa'o/ /g.yas kyi phyag gsum na zhags pa dang / lcags kyu dang / cang te'u bsnams pa'o/ /nub kyi sgor na yi ge swA las/ rang lta bu'i dra ba dam pa ma dmar mo zhal gsum pa/ zhal gyi gtso bo yid tsam dmar ba/ zhal g.yon nas rim pa ji lta bar sngo ba dang ljang gu'o/ /phyag drug na lcags sgrog dang gri gug bsnams pa ste/ g.yas kyi phyag gsum na'o/ /g.yon gyi phyag gsum na thod pa dang kha T+wAM ga dang mgo bo dang sdigs mdzub bsnams pa'o/ /byang du yi ge hAM las do shal rnam rgyal dam pa ma ljang gu zhal gsum pa/ gtso bo'i zhal dang / g.yas dang cig shos kyi zhal rnams ni rim pa ji lta bur ljang gu dang ser mo dang dmar mo'i mdog go/ /phyag drug pa g.yas kyi gsum na dril bu dang cang te'u gri gug go/ /de bzhin du g.yon gyi phyag gsum na sdigs mdzub dang mgo bo dang / thod pa dang kha T+wAM ga'o/ /brgyad po 'di rnams skra grol ba/ phyag rgya lnga 'dzin ma/ ro'i steng du g.yas brkyang bas bzhugs pa/ thod pa'i phreng bas rnam par brgyan pa/ phyogs kyi gos can bsgom par bya'o/ /thams cad rim pa gsum na bzhugs pa/ mi bskyod pa'i cod pan can nyi ma la bzhugs pa/ nyi ma'i dkyil 'khor gyi rgyab yol can no/ /yi ge baM zhes bya ba la sogs pa ni 'dir drug pa'i don ni bdun pa ste/ oM baM zhes bya ba la sogs pa'i don to/ /oM baM zhes bya ba la sogs pa ni 'di yin te/ yan lag thams cad la mtshon cha'i gzugs kyis zhes bya ba la sogs pa yan chad nas ji lta bar rdo rje phag mo la sogs pa'i rang bzhin gyi sngags rnams dmar po dang / sngon po dang / dkar po dang / ser po dang / ljang gu dang / du ba sngo nag gi kha dog rnams dgod par bya'o zhes bstan pa yin no/ /de dang de'i sngags rdzogs pa'i lha mo dgod pa ni gang yang sgrub pa po'i mos pa dang sbyar te bstan par bya'o zhes rtogs par bya'o/ /bcom ldan 'das ma rdo rje phag mo gcig pu'am/ rang gi 'khor lo'i gtso bo'i bcom ldan 'das dang lhan cig tu yid brtan par bsgoms nas zhes bya ba ni de'i lte ba la oM baM gyi sngags las skyes pa'i mdog dmar po dang / sngon po dang / ljang gu'i zhal can no/ /g.yon na thod pa dang / kha T+wAM ga dang / zhags pa bsnams pa'o/ /g.yas na lcags kyu dang / tshangs pa'i mgo bo dang / gri gug bsnams pa nyi ma la bzhugs pa bsgom par bya'o/ /de bzhin du rim pa ji lta bar snying ga dang / kha dang / mgo bo dang / spyi gtsug dang / yan lag thams cad la gshin rje ma dang / rmongs byed ma dang / skyod byed ma dang / skrag byed ma dang / ltung byed ma rnams haM yoM/ hriM moM/ hreM hriM/ hUM hUM phaT phaT/ yongs su gyur pa las sngon po dang / dkar po dang ser po dang / ljang gu dang / du ba dang / sngo nag gi mdog can/ zhal gcig pa/ skra grol ba/ spyan gsum pa/ phyag bzhi pa g.yon thod pa dang bcas pa'i kha T+wAM ga dang dril bu g.yas na cang te'u dang gri gug bsnams pa/ rmongs byed ma ma gtogs pa rnams nyi ma la bzhugs pa nyi ma'i dkyil 'khor gyi rgyab yol dang ldan pa'o/ /rmongs byed ma ni zla ba la bzhugs pa zla ba'i dkyil 'khor gyi rgyab yol dang ldan pa bsgom par bya'o/ /rnal 'byor ma drug gi snying po zhes bya ba ni oM baM zhes pa la sogs pa'i sngags drug ste/ rdo rje phag mo la sogs pa go cha drug gi sngags yongs su gyur pa la las sa bon gyi yi ge'o zhes dgongs pa'o/ /sa stengs zhes bya ba la sogs pa ni sa stengs su 'jig rten pa la rab tu grags pa'i glang po dang / rta la sogs pa rin po che sna bdun zhes bya ba'i don to/ /'dir bcom ldan 'das dang bcom ldan 'das ma'i zhes bya ba la sogs pa ni 'dir thun mong nyid du phreng ba'i sngags la sogs pa bzung nas bstan par 'gyur ro/ /don dam par ni sngags brgyad yod/ /ces pa ste/ de la ka ra ka ra zhes bya ba la sogs pa dang lhan cig pa'i rkang pa brgyad pa'i sngags nyid btu ba bcom ldan 'das kyi phreng ba'i sngags so/ /bcom ldan 'das ma ni/ oM na mo b+ha ga ba ti badzra bA rA hI paM huM hUM phaT ces bya ba la sogs pa'o/ /'di yang bshad pa'i rgyud du blta bar bya'o/ /oM shrI badzra zhes bya ba la sogs pa bstan ma thag pa ni bcom ldan 'das kyi snying po'o/ /bcom ldan 'das ma'i ni oM sarba bud+d+ha DA ki nI zhes bya ba la sogs pa'o/ /oM hr-IHha ha zhes bya ba la sogs pa ni rim par phye ba bcu pa las bstan par bya ste/ bcom ldan 'das kyi nye ba'i snying po'o/ /oM badzra bai ro tsa nI ye zhes bya ba la sogs pa ni bcom ldan 'das ma'i nye ba'i snying po'o/ /oM ha na maHhi la sogs pa'i go cha ni bcom ldan 'das kyi'o/ /bcom ldan 'das ma'i bstan ma thag pa nyid kyis sngags oM baM zhes bya ba la sogs pa'i go cha zhes pa ni/ sngags bzhi po thun mong du rin chen bzhi zhes pa'i dgongs pa'o/ /rin chen bzhi po 'di las phreng ba'i sngags dam pa yin no/ /de bzhin du bcom ldan 'das ma la rdo rje phag mo rig pa chen mo zhes bya ba'i ming gzhan no/ /bcom ldan 'das kyang he ru ka'i rig pa'i rgyal po ming gi dam pa zhes bya bar rig par bya'o/ /rin chen bzhi can zhes brjod par ro/ /rin chen bzhi po zhes gang las sha na/ gsungs pa/ rgyud las sems can rnams rnam par rmongs par bya ba'i don la sogs par rnam par phye ste nges par bstan pa nye bar mtshon pa'o/ /rtags nges par bstan pas kyang zhes bya ba'i don to/ /'di gnyis kyi snying po dang nye ba'i snying po zhes bya ba'i sngags bzhi rin chen bzhi zhes bstan par bya'o/ /phyogs 'dir sngags 'di'i rin po che'i sgra'i tshig gang dang gang zhig gzhan gyi phreng ba'i sngags sa stengs na dam pa yin no/ /de bzhin du bcom ldan 'das ma dang / bcom ldan 'das dam pa'o zhes sbyar ro/ /'di ni rim par phye ba brgyad pa'o// //rtsa ba'i sngags zhes pa ni/ /rigs zhes pa'i sngags gzhan las gsungs pa/ ji srid du rtsa ba'i sngags zhes pa'i brjod pa de srid du yang phreng ba'i sngags nyid du dgongs so zhes pa'i don to/ /'jig rten gsum zhes bya ba la sogs pa ni go sla'o zhes pa ni sngags 'di 'dod pa'i don to/ /las rnams thams cad byed pa'o/ /zhes pa ni mdor bstan pa'o/ / 'di'i rgyas par bshad pa ni 'jig rten zhes bya ba la sogs pa'o/ /'di'i yang shin tu rgyas par bshad pa ni klu thams cad ces bya ba la sogs pa nas/ gsod par byed do zhes pa yan chad kyi bar du'o/ /lha thams cad kyi skye gnas zhes bya ba la sogs pa ni klu thams cad la sogs pa'i yang lha thams cad kyi skye gnas smos pas kyang 'grub po/ /lha thams cad kyi skye gnas zhes slar brjod pa ni shin tu gsal bar bya ba'i don du zhes pa'i dgongs pa'o/ /dang po'i sgra ji bzhin du gzung bar bya'o zhes pa ni 'di'i man ngag ni 'di yin te/ skad cig gis pad+ma 'dab ma brgyad pa bltas la de'i lte ba la rje btsun rdo rje khyung zhes bya ba sku mdog nag po mche ba gtsigs shing 'jigs su rung ba/ zhal bzhi phyag brgyad pa/ khro bo lo bcu drug lon pa'i rnam par bsgom par bya'o/ /de'i zhal dang po mthing nag/ g.yas du ba'i mdog/ g.yon ljang gu/ steng gi nam mkha' lding gi zhal dmar ba nyi ma bcu gnyis sam zla ba'i 'od zer lta bu'i zhal re re la spyan gsum pa/ g.yas kyi phyag na rdo rje gsor ba/ gzhan g.yon na zhags pa dang sdigs mdzub bsnams pa/ g.yas dang g.yon na gzhan dag gis dbang po'i pags pa man bas pa'i tshul du bsnams pa de bzhin du rim pa ji lta bar thod pa dang kha T+wAM ga bsnams pa'o/ /de bzhin du lcags kyu dang cang te'u bsnams pa'o/ /ral pa'i cod pan can/ sna tshogs rdo rje dang zla ba phyed pas cod pan la nye bar mdzes pa/ phyag rgya drug dang ldan pa'i mgo bo'i phreng ba can/ stag gi pags pa'i sham thabs can ya sos ma mchu mnan na pa/ zhabs g.yas brkyang bas chu bdag mdog dkar po mnan par bsgom par bya'o/ /shar dang byang dang nub dang lho'i 'dab ma rnams la rim pa ji lta ba bzhin du mtha' yas dang / nor rgyas kyi bu dang / 'jog po dang / pad+ma rnams la ni dkar po dang / sngon po dang / dmar po dang / ljang gu'o/ /de bzhin du dbang ldan dang / me dang / bden bral dang / rlung gi mtshams rnams su pad+ma chen po dang / dung skyong dang / stobs kyi rgyu dang / ma dros pa rnams ser po dang / du ba dang / ljang gu dang / cung zad skem pa ser po bsgom par bya'o/ /klu 'di rnams thams cad gdengs ka dmar po bsgreng ba/ thal mo sbyar ba byas pa/ bcom ldan 'das la bka' bsgo zhu bar gyur pa 'jigs shing skrag par bsgom mo/ /de nas chu bdag la sogs pa dgu'i snying gar so sor hUM nAM hUM zhes pa bsgoms la/ shar du phyogs pa'i sngags pas ras ris kyi mdun du phreng ba'i sngags 'bum phrag gcig bzlas par bya'o/ /de yang sngags 'dis 'grub par 'gyur te/ dngos grub kyi khro bo chen po bsgom pa dang ldan pa'i tshangs par spyod pa zas thub pasA+o ma dang dkar ba'i zas bza' zhing klu rnams 'o mas khrus gsol nas 'o ma'i bza' ba dbul bar bya'o/ /thun re re zhing yang shing 'o ma can gyi nags tshal du 'o ma'i sbyin sreg bya zhing chu bdag dang klu rnams kyi so so'i sngags khri phrag re re bzlas par bya'o/ /de la 'di rnams kyi sngags ni/ oM aM a nan+dA ya hUM nAM hUM baR+Sha ya swA hA/ oM baM ba su ka ye hUM nAM hUM baR+Sha ya swA hA/ oM taM ta k+Sha kA ya hU nAM hUM baR+Sha ya swA hA/ oM baM pad+mA ya hUM nAM hUM baR+Sha ya swA hA/ aM saM saM kha pA lA ya hU nAM hUM baR+Sha ya swA hA/ oM kaM ka rko TA ya hUM nAM hUM baR+Sha ya swA hA/ oM aM a na ba tab+hA ya hUM nAM hUM baR+Sha ya swA hA/ oM waM wa ru NA ya hUM nAM hUM baR+Sha ya swA hA/ nA gA d+hi pa ta ye nA ga na baR+Sha hUM nAM hUM baR+Sha ya swA hA zhes pa'o/ /zhag bdun gyi nang tshun chad klu thams cad char 'bebs par 'gyur ro/ /zlog par byed do zhes pa ni char ches pa'i tshe gu gul dang / sra rtsi pog dang / sgog skya bsregs pa'i bdug pas klu'i ras ris la bdug par bya zhing / baR+Sha ni baR+Sha ya zhes bya ba'i tshig bcug ste/ phreng ba'i sngags bzlas pas char ches pa zlog par byed par 'gyur ro/ /yang na rdo rje 'dzin pa'i sprul pas bzung la phreng ba'i sngags kyis lan bdun mngon par bsngags par byas la/ de yang nam mkha'i sprin bdugs pas char bzlog par 'gyur ro/ /rgya mtsho skems par byed do zhes pa ni khros pas phreng ba'i sngags 'bum bzlas pas rgya mtsho'i nang du thims te skems pas 'di the tshom med do/ /chu bo zhes bya ba la sogs pa ni phreng ba'i sngags bdun bzlas pa ste kha T+wAM ga bsnun pas chu bo rgyun las bzlog par 'gyur ro/ /dbang po zlog par byed do zhes pa ni khros pas sdigs mdzub bsgreng ste phreng ba'i sngags 'bum bzlas par bya'o/ /sa g.yo bar byed pa dang zhes pa ni 'bum bzlas la rdo rje rkang pas gar bya'o/ /shing las 'dzegs te zhes bya ba la sogs pa ni 'bum phrag bzlas pa'i sngags kyi dngos grub kyi mthu stobs kyis so/ /shing las 'dzegs pa de bzhin du gnas dang nye ba'i gnas la sogs pa ste/ slar 'ongs nas 'du bar 'gyur ro/ /thams cad ces bya ba la sogs pa ni 'di rnams kyis sngags gzhan gyi mthu stobs 'phrog par 'gyur ro/ /dngos grub thams cad ces bya ba la sogs pas ni de bzhin du sgrub pa po gzhan rnams kyi zhi ba la sogs pa'i dngos grub 'phrog par byed do/ /khrag ces bya ba la sogs pas ni bstan pa la gnod pa slar mi byed pa'i rgyur khrag 'gugs par byed do/ /slar gtong bar byed do zhes pa ni bkug pa ltar de bzhin du rab tu 'jog par byed do/ /gzugs brgya stong phrag la sogs pa ni dka' 'grel las bshad pa'i phyir ro zhes bya ba ni go sla'o/ /cho ga de lta bu zhes bya ba la sogs pa ni sngags kyi nus pas las thams cad nus pa nyid du bstan pa yin no/ /de bzhin du bstan ma thag pa'i rim pas phreng ba'i sngags kyis bzlas pa'i cho ga dang yang dag par ldan pa'i sgrub pa pos thams cad 'grub par byed do zhes pa'i don to/ /de nyid bstan pa'i phyir gsungs pa/ dran pa zhes bya ba la sogs pa ni go sla'o/ /gang gi zhes bya ba la sogs pas ni bsgrub bya gang gi ming rten la phreng ba'i sngags lan cig bzlas pas de dang de'i mod la 'chi bar 'gyur ro zhes pa'i don to/ /rgyud gzhan rnams las 'di phul du byung bar bstan pa'i phyir gsungs pa/ 'di lo ni zhes bya ba la sogs pa ste/ 'di la zhes pa ni phreng ba'i sngags so/ /bcom ldan 'das zhes pa ni bde mchog 'khor lo'i bdag nyid de/ sngags dang lha dag tha mi dad pa'i phyir ro/ /de lta bas na de ni mi sbyar ro/ /brtul zhugs med pa la sogs pas ni 'dod pas zhes dgongs pa'o/ /de lta na gsungs pa/ 'di zhes bya ba la sogs pa ste/ rtogs pa'i cho gas 'dis zhes pa ni phreng ba'i sngags bzlas pas so/ /gang zhig ces bya ba la sogs pas ni phreng ba'i sngags gang zhig shes par gyur nas nyams su len pa'i sgrub pa po la sngags dang phyag rgya bstan ma thag pa'i bza' ba dang btung ba la sogs pa dngos grub gzhan sgrub pa po la ster bar 'gyur ro/ /sngags dang phyag rgya drug pa'i don gyi dang por rig par bya'o/ /rim par phye ba dgu ba'o// //sku gsum bstan pa'i phyir gsungs pa/ de nas zhes bya ba la sogs pa ste/ ji ltar bshad pa yin pa de rnams gsungs pa/ he ru ka zhes bya ba la sogs pas ni dpal bde mchog 'khor lo dang tha mi dad par zhes bya ba'i don to/ /chos zhes bya ba la sogs pa ni sgrub thabs nas bshad pa'i rim pas gang gi tshe chos kyi sku bsgom pa de'i tshe longs spyod rdzogs pa'i sku bsgom pa dang sprul pa'i sku bsgom par bya'o zhes pa'i don to/ /don 'di nyid kyi rim pas dka' 'grel las gsal bar byas pa'o/ /gcig ces bya ba la sogs pa ni zhes pa 'dis ci sku gsum bsgom par bya'o zhe na/ /gsungs pa/ ye shes kyis zhes bya ba la sogs pa'o/ /don 'di nyid gsal bar bya ba'i phyir gsungs pa/ he ru ka dpal zhes bya ba la sogs pa ni dpal he ru ka bdag nyid kyi gzugs su sgrub pa pos 'grub par 'gyur ro zhes dgongs pa'o/ /tshig 'phrog ces pa ni bstan pa la gnod pa gang la la zhig de ni ngan song du ltung bar 'gyur bas snying rjes bcings pa'i sems kyi rgyud kyis de las bzlog par bya ba'i phyir rim par phye ba brgyad pa las gsungs pa'i snying po'i sngags nyon mongs par byas pa'i sngags las sngags bzlog pa tsam gyis tshig la sogs pa'i 'dod pas 'jig par byed do/ /de'i bzlog pa 'di ni nye bar mtshon pa ste/ de bzhin du so sor 'gugs par byed do zhes go bar bya'o zhes pa ni rim par phye ba bcu pa'o/ / //de'i sna nyid dang zhes pa ni de'i dri zhim po can gyi dri'i sgo nas sna'i rnam par shes pa yongs su gcod pa'o/ /'dis kyang nye bar mtshon pa'i tshig gis gzhan mig gi rnam par shes pa la sogs pa yang yongs su gcod pa'o zhes so sor bya'o/ rim par phye ba bzhi bcu rtsa dgu las gsungs pa/ de ni rim par phye ba 'di las gsungs pa yang mig mi 'dzums pa la sogs pa'i mtshan nyid kyi mig gi rnam par shes pa la sogs pa'i yul yin pa'i phyir ro zhes so/ /rim par phye ba bcu gcig pa'o// //dpa' bo shi ba'i chu zhes bya ba ni dpal bde mchog gi 'khor lo sgom par byed pa yon tan lhag pa can shi ba de ni dpa' bo shi ba'o/ /mi'i khrag ces pa ni ji snyed pas so/ /btags la nang du lig bu mig bcug la zhes pa ni lig bu mig ni rdo'i bye brag go/ /gzhug pa ni de yis ri lu byas te zhes pa'i don to/ / lcags gsum zhes bya ba la sogs pa ni gser dang dngul dang zangs rnams rim pa ji lta ba bzhin du man cha gsum dang phyed dang brgyad/ de bzhin bzhi dang phyed dang brgyad dang gsum/ /man cha gsum dang ra ti lngas/ /ri lu nges par bcing bar bya/ /zhes pa'i gzhung gi sgo nas tshad nges pas byang bu gsum gyis rim pas lu gtum par bya'o zhes dgongs pa'o/ /yang lhag par gnas par byas la zhes pa ni bstan ma thag pa'i lcags gsum du gtums pa'i ri lu lhag par gnas pa la sogs pa sngon du 'gro bas rdul tshon gyi dkyil 'khor du rab gnas bya'o zhes dgongs pa'o/ /skar ma rgyal la bab na zhes pa ni skar ma rgyal la'o// 'am gyis sgras 'dir dge ba'i rgyu skar thams cad la bya'o zhes bcom ldan 'das kyis dgongs pa'o/ /dpal he ru ka zhes bya ba ni dpal bde mchog 'khor lo'i rnal 'byor dang ldan pa'i bdag nyid ces dgongs pa'o/ /rdo rje drag po'i sbyor ba dang ldan pa la zhes bya ba ni dpal bde mchog 'khor lo'i rnal 'byor pa'o/ /gnas lnga zhes pa ni mgo dang mgrin pa dang / snying ga dang / lte ba dang / gsang ba'i gnas rnams so/ /yi ge re re zhing yang bzlas brjod 'bum zhes bya ba ni nye ba'i snying po'i sngags zhes dgongs pa'o/ /cho ga dang rjes su mthun pa zhes pa ni 'chad par 'gyur ba'i rim par phye ba sum cu rtsa lnga pa las gsungs pa'i rim pa zhes bya ba'i don to/ /sems can gang rjes su dran pa zhes bya ni srog chags gang gi gzugs su byed par 'dod pas blta zhing der rnam par bsam mo zhes pa'o/ /thod pa'i phyag rgya zhes pa ni lha'i rnal 'byor dang ldan pa'i sngags pas nyi ma phyed kyi dus tshod la lag pa g.yon pas thod pa'i rnam pa'i phyag rgya bcings pa/ g.yas pas rdo rje'i rnam pa'i phyag rgya kha sbyor du snying gar byas te/ spyi gtsug grol ba/ g.yon brkyang bas kun du bzlas pa bya'o zhes pa ni man ngag go/ /'di dag ni rim par phye ba bcu gnyis pa'o// //da ni go cha'i sngags kyis kyang las bya bar 'dod pas rim par phye ba bcu gsum pa gsungs pa/ de nas zhes bya ba la sogs pa'o/ /go cha zhes pa ni go cha'i sngags gnyis khyad par med pa'o/ /mi snang bar 'gyur ro zhes pa ni sgrub pa po de chom rkun la sogs pas mi mthong bar 'gyur ro zhes pa'i don to/ de bzhin du gzhan yang skyob bo/ /ras byas zhes pa la sogs pa ni rgyud gzhan las gsungs pa'i rim pa zhes pa lhag ma'o/ /las 'di dag thams cad ji ltar bya ba la sogs pa de nas gsungs pa/ gang dang gang zhes bya ba la sogs pa ni gang zhig sngar bstan pa'i las rnams dbang po'i spyod yul du 'gro ste/ yid kyi dbang po'i yul du de 'gro bas mngon par 'dod par bya zhes bya ba'i tha tshig go/ /de dang zhes pa ni de dang der 'di thams cad bya'o zhes pa lhag ma'o/ / mchog tu mnyam gzhag sbyor ba yis/ /zhes pa ni shin tu mnyam par gzhag pa'i yid kyi rang bzhin nyid yin no/ /sangs rgyas kun gyi rang bzhin gyur pa ni don dam par sangs rgyas thams cad kyi rang bzhin dpal bde mchog thob par 'dod pas lha'i rnal 'byor sngon du 'gro bas las thams cad bya ba yin par dgongs pa'o/ /'di dag ni rim par phye ba bcu gsum pa'o// //de nas sgrub thabs zhes bya ba la sogs pa 'dis 'grub par byed pas na sgrub thabs so/ /de'i sgrub thabs ci zhe na/ gsungs pa/ bong bu zhes bya ba la sogs pa'o/ /ci'i don du rnal 'byor 'di bya zhe na/ gsungs pa/ yid kyi shugs kyis ni bzlog par bya ba'i phyir bong bu'i rnam pa'i rnal 'byor gyi shugs kyis bzlog ste/ /'khor ba las bzlog nas sangs rgyas kyi mtshan de'i don du zhes pa'i don to/ /ci bcom ldan 'das gcig pu bong bu'i rnam par bya'am/ 'on te gzhan yang bya zhe na/ gsungs pa/ rnal 'byor zhes bya ba la sogs pa ni/ /rnal 'byor ma rdo rje phag mo'o/ /de bzhin zhes pa ni ji ltar bong bu'i zhal can yin pa de bzhin du rdo rje phag mo la sogs pa rnal 'byor ma lnga yang zhes pa'i don to/ /ci'i phyir 'di rnams de lta bu'i zhal du bya zhe na/ rnal 'byor ma zhes bya ba la sogs pa ste/ gang gi phyir 'dod pa'i dbang gis gzugs gzhan du bya ba de'i phyir zhes dgongs pa'o/ /mkha' 'gro ma so so'i bye brag gsungs pa/ bong bu'i zhes bya ba la sogs pa ste/ dgongs pa ni 'di yin te/ bcom ldan 'das dang rnal 'byor ma lnga po thams cad nyid kyi phyag dang mdog dang dbyibs la sogs pa de ltar gnas so/ /zhal tsam gzhan du'o/ /mkha' 'gro ma'i gri gug yongs su dor te rtse gsum pa'i mtshan mas mtshan pa ni khyad par ro zhes pa'o/ /yang gzhan lha 'di rnams kyi zhal ni man ngag las shes par bya'o/ /de la 'di'i man ngag ni 'di yin te/ thugs kyi 'khor lor ni nam mkha' lding gi zhal lo/ /gsung gi 'khor lor gnas pa ni rma bya'i zhal can no/ /sku'i 'khor lor gnas pa ni seng ge'i zhal lo/ /khwa gdong ma la sogs pa bzhi ni rim pa ji lta bar khyi dang phag dang / 'ug pa dang / khwa'i zhal lo/ /gshin rje brtan ma nas bzung ba'i mtshams kyi lha mo bzhi ni ma he'i zhal yin no/ /da ni dgongs pa la gzhan bstan pa'i phyir gsungs pa/ grub ces bya ba la sogs pa ste/ 'dir ni zhes pa gzhan dang sbyar ro/ /'dir bong bu'i rnam pa'i rnal 'byor bsgrub pa bstan par gyur nas tshe zad pa dang / tshe ring ba rnams mthong bar 'gyur te/ 'di ni tshe thung ba'o/ /'di ni tshe ring ba'o zhes shes par 'gyur ro/ /de bzhin zhes bya ba la sogs pa ni bong bu de bzhin du glang po yang shes par 'gyur ro/ /ji ltar shes she na/ gsungs pa/ mngon du zhes bya ba la sogs pa ni mngon du gyur pa'i bong bu dang glang po che yin par ngo shes par 'gyur ro/ /glang po che'i gzugs kyis nye bar mtshon pa'i bong bu yang rig par bya'o/ /mang pos ci zhig bya ste/ mdor na rigs thams cad nyid shes par bstan pa'i phyir gsungs pa/ gang dang gang gi tshe zhes bya ba la sogs pa ste/ 'dir zhes pa ni sngon du 'byung ba'o/ /rnal 'byor pas ni rnal 'byor pa'o/ /man ngag kyang dka' 'grel mdzad pas gsal bar mdzad pa nyid do/ /sngon gyi gzugs yongs su shes pa 'dis ci zhig bya zhe na/ gsungs pa/ gyur pa zhes bya ba la sogs pa ste/ skye ba bdun pa zhes pa ni dang po'i don gyi bdun pa'o/ slar yang dgos pa gzhan bstan pa ni/ 'di ni zhes bya ba la sogs pa ste/ rnal 'byor sngags mchog ces pa ni bong bu'i rnal 'byor gyi rtsa ba'i sngags la sogs pa gzhan las dam pa'i sngags mchog go/ /dam pa ni mthu stobs che ba'o/ /gang las she na/ gsungs pa/ mkha' 'gro ma la sogs pa ste/ mkha' 'gro ma ni rdo rje rnal 'byor ma'o/ /de rnams dang lhan cig tu sbyor zhing 'du ba dang / gnas dang nye ba'i gnas la sogs pa rnams su rnal 'byor gyi sgrub pa po gang gi zhes pa'i don to/ /bstan pa de nyid gsal bar bya ba'i phyir gsungs pa/ rnal 'byor ma zhes bya ba la sogs pa ste/ 'grub par 'gyur zhes pa ni rnal 'byor ma mnyes par 'gyur ro/ /'di gnyis shin tu yang gsang bar 'os pa yin nam zhe na/ gsungs pa/ gsang ba zhes bya ba la sogs pa gsungs te/ bong bu'i rnal 'byor dang sngags 'di gnyis mchog go/ /gsang ba pa zhes sbas pa'o/ /de ci'i phyir zhe na/ gsungs pa/ rgyud ces bya ba la sogs pa ni bong bu'i rnal 'byor rgyud kyi rgyal po bde mchog 'khor lo zhes pa'i ming ngo / /snying po ni nying khu ste/ rtsa ba'i sngags la sogs pa sngags rnams kyi rgyal po 'di sngags gzhan las snying po zhes dgongs pa'o/ /gsungs pa ni sa gzhi rin chen bzhi la sogs pa'o/ /phan yon gsungs pa/ gang zhig ces bya ba la sogs pa ste/ gzhan de nyid shes pa ni rnal 'byor sngags kyi rgyal po'o/ /mjug bsdu ba gsungs pa/ 'di rnams zhes bya ba la sogs pa ste/ de phyag na rdo rje khyod kyis so/ /'di dag ni 'di gnyis so/ /thams cad kyi rjes su 'gro ba dang bcas par bstan to/ /mkha' 'gro dra ba'i sdom pa yin/ /zhes pa ni dpal bde mchog gi sku las kyang gzhan ma yin no/ /rim par phye ba bcu bzhi pa'o// //sdom pa thams cad ces bya ba ni mkha' 'gro ma dang / mngon 'byung dang / kun du spyod pa dang / kha sbyor bshad pa rnams su shes par bya'o/ /gang zhig brda ni rnal 'byor ma'i brda ste/ de'i rgyud 'dir bstan par bya zhes pa tshig gi lhag ma zhes dgongs pa'o/ /DA zhes pa ni rnal 'byor ma'o/ /dran pa zhes pa ni rdo rje phag mo bstan pa'o/ /dpa' bo sring mo'i brda zhes pa ni rnal 'byor ma'i brda'i don to/ /rim par phye ba bco lnga pa'o// //de nas zhes bya ba la sogs pa ni sgrub pa po'i dam tshig gi rdzas bstan pa yin te/ bza' ba ni bza' ba dang tshod ma'o/ /mi bza' ba ni 'jig rten gyi bsams pas bza' bar bya ba ma yin te/ go ku da ha na la sogs pa'o/ /sgrub pa po zhes pa ni sgrub pa po'i'o/ /'dir yang gang rnyed ce na/ mchog ces bya ba la sogs pa ste/ mchog ni mchog tu 'byung ba'o/ /dam tshig ni rnal 'byor ma bdun no/ /gang gi grub pa'i mtha' de mchog gi dam tshig ste/ rang gi grub pa'i mtha' zhes pa'i don to/ /'di'i don ni rang gi dam tshig gi mtshan nyid ces pa 'dis dka' 'grel las bshad do/ /de la mchog gi dam tshig gnas te bza' ba'o/ /'di gnyis kyang bdud rtsi myong ba'i cho gas rdzogs pa'i skabs su'o/ /rnyed par bya zhes pa ni dam tshig gi lhag ma'o/ /dam tshig gi rdzas 'di thams cad kyis mi rnyed par gsungs pa/ gus pa zhes bya ba la sogs pa ste/ rnal 'byor ma rnams zhes kha bskang ba'o/ /de'i phyir des gus par bya'o zhes dgongs pa'o/ /yang 'di ji ltar shes par 'gyur zhe na/ gsungs pa/ de nas zhes bya ba la sogs pa ste/ dpa' bo rnal 'byor gnyis med pa/ /zhes pa ni dpa' bo dang rnal 'byor ma bdun rigs drug tu 'gyur pa yin no/ /rigs ni rigs su byung ba ni rgyal rigs ma ste rdo rje sems dpa' 'o/ /dpa' bo'i rjes chags ni gdol pa mo ste/ rin po che'o/ /dpa' bo drug rjes 'gro ni g.yung mo ste don yod kyi'o/ /dpa' bo'i blo ma ni g.yung mo ste mi bskyod pa'o/ /rdo rje'i rigs 'byung ba ni gar ma ste/ mgon po dpag tu med pa'o/ /rnam par snang mdzad kyi rigs rjes 'gro ni bram ze ma ste/ rnam par snang mdzad kyi zhes pa ste/ rnam pa drug du 'gyur ro zhes pa'i don to/ /'ching ba dang zhes bya ba la sogs pa ni thams cad bsdus te/ spyi'i mtshan nyid du gsungs pa/ rang gi phyag rgya zhes pa ni 'chad par 'gyur ba'i mtshan nyid do/ /rang gi rigs las byung ba ni rang gi rigs dang rjes su mthun pa'o/ /mtshan nyid sngon du 'gro bas sgrub pa po'i slar de'i rang gi rigs gsungs pa/ g.yon gyi zhes bya ba la sogs pa ste/ dam tshig dang ldan pa zhes pa ni dam tshig ma'o/ /rigs kyi sa bon zhes pa ni rigs kyi sa bon rjod par byed pa'i tshig go/ /sgrub pa pos mnyes par bya ba gsungs pa/ phyag 'tshal ba zhes pa la sogs pa ste/ dam tshig dang ldan pa la phyag 'tshal ba ni thal mo sbyar te 'ching ba'o/ /'di dag ni rim par phye ba bcu drug pa'o// //dkyil 'khor gzhan na dgod pa'i rnal 'byor ma bcu bzhi'i mtshan nyid dang ming bstan pa'i phyir gsungs pa/ de nas zhes bya ba la sogs pa ste/ rnam pa bdun zhes pa ni rnal 'byor ma nyi shu rtsa bzhi po 'di rnams kyi gzugs dang rnam pa zhes dgongs pa'o/ /de la 'dir man ngag ni brtson 'grus chen mo dang / 'khor los sgyur ma dang / stobs chen mo dang / shin tu dpa' mo zhes pa ste/ rnal 'byor ma bzhi ni gshin rje ma'o/ /de bzhin du 'khor lo'i go cha ma dang / chang 'tshong ma dang / dum skyes ma dang / 'khor lo'i shugs can ma rnams ni skrag byed ma'o/ /khwa gdong ma dang / rta rna ma dang / shin tu bzang mo dang / lha mo sngo bsangs ma rnams ni shin tu 'od ldan ma'o/ /chang 'thung ma dang / rlung gi shugs can ma dang / 'jigs byed chen mo dang / sa srung ma rnams ni 'jigs su rung ba'o/ /shing grib ma dang / lang ka'i dbang phyug ma dang / mi'u thung ma dang / dpa' bo'i blo can ma rnams ni skyed byed ma rnams so/ /sna chen ma dang / 'od ldan ma dang / gtum pa'i mig can ma dang / rab tu gtum mo zhes pa bzhi po rnams ni b+hI su ra'o/ / yang dpa' bo'i blo can ma ni/ dI pa ma dang / tshe za ma zhes pa yin no/ /'dis kyang rU pi ka la sogs pa'i bar bya'o/ /rang gi mtshan nyid 'dir bshad bya/ /zhes pa ni dam bca' ba tsam ste/ de de ltar na dka' 'grel las bshad do/ /mtshan nyid cung zad 'chol bar bshad pa zhes pa ni yang bshad pa'i rgyud las shes par bya'o/ /la ba'i na bza' can gyi zhabs kyis gsungs pa yang / dang po rgyas gdab phyag rgya can/ gnyis pa snying gar 'dug pa ste/ gsum pa rmongs pa'i phyag rgya can/ /bzhi pa la ba can de bzhin/ /lnga pa gar gyi phyag rgya can/ /drug pa de bzhin gsod ma'o/ / bdun pa zla ba'i phyag rgya can/ /zhes pa'o/ /dpa' bo gnyis med bstan par bya/ /zhes pa ni dpal 'khor lo sdom pa'i rnal 'byor pas gnyis su med pa'i rnam par bya zhes pa'i don to/ /khaN+Da ro hA zhes pa ni byis bcas mo zhes pa ming gzhan no/ /'di rnams kyi mtshan nyid la ba'i na bza' can gyi zhabs kyis gsungs pa las khong du chud par bya'o/ /sku thung ba dang / phyag thung ba dang / chags pa'i spyan dang / tshems dkar ba dang / skra la sogs pa shes pa'o/ /mchod pa'i phyag rgya la sogs pa phyag rgya 'di thams cad nyid lha mo bcu bzhi pa las ji ltar 'dod par rtogs par bya'o/ /phyag rgya brgyad du brjod pa yin no/ /rim par phye ba bcu bdun pa'o// //mchog gi go 'phang zhes pa ni sgrub pa po'i dngos grub kyi rgyur gyur pa'o/ /mkha' 'gro ma yi dam tshig la/ /zhes pa ni dam tshig 'di dag dang gzhan mtshan nyid gang gis shes par 'gyur ba zhes pa'i don to/ /bsgom pa dang zhes pa ni bsgom pa dang ldan pa'o/ /stobs kyi dregs pa zhes pa ni nus pa thob pa'o/ /sems stobs zhes pa ni sems pa dang ldan pas 'jigs pa med do zhes pa'i don to/ /stong phrag bco lnga dang ldan pa yin zhes pa ni/ stong phrag bco lnga yin zhes dgongs pa'o/ /ba spu ma zhes pa ni lus la ba spu dang ldan pa'o/ /thig le ni mdung gi rnam pa'o/ /rnam par 'dren pa'i rigs 'byung ba/ /zhes pa ni dpal bde mchog gi rigs las 'byung ba'o/ /mkha' 'gro ma tshogs zhes pa ni mkha' 'gro ma'o/ /shrI he ru ka'i rigs byung yin/ /zhes pa ni dngos su 'am brgyud pa'o/ /'di dag ni rim par phye ba bco brgyad pa'o// //mi g.yo zhes pa ni brtan pa dang ldan pa'o/ /pad+ma'i phyag rgya zhes pa ni lag pa gnyis kha sbyar du byas te/ mthe bong gnyis bkug la sor mo gzhan rnams cung zad bkug ste rtse mos rtse mor reg pa'o/ /lag pa gnyis brkyang ba de'i steng du lag pa ya gcig rus sbal ltar bzhag pa ni rus sbal gyi phyag rgya'o/ /sgrub pa pos phyag rgya 'di gnyis bstan par bya ste/ /lag pa g.yon pa bskum ste/ /gos kyi mtha' ma 'dzin pa lta bu ni rgyal ba'i phyag rgya'o/ /g.yon pa'i lag pa yid tsam dbyangs te spyi blugs 'dzin pa lta bu byas pa ni spyi blugs kyi phyag rgya'o/ /phyag rgya'i lan du brjod par bya/ /zhes pa ni rnal 'byor mas phyag rgya'i lan du 'di gnyis sbyin par bya'o/ /bud med ces bya ba la sogs pa ni lA ma'i rigs kyi rnal 'byor ma rnams kyi mtshan nyid 'di yin no zhes dgongs pa'o/ /de ltar na dka' 'grel las gsungs pa 'ba' zhig ces bya ba la sogs pa ste/ ring ba gtsigs zhes pa ni mche ba dag go/ /mdung gi phyag rgya zhes pa ni mthe bos mthe'u chung gi tshigs bar pa mnan la sor mo gzhan de rnams gyen du bsgreng ba'o/ /yongs su bzlog pa zhes bya ba la sogs pa ni sgrub pa pos lag pa g.yas pas mdung gi phyag rgya byas nas rnal 'byor mas go bzlog ste lag pa g.yon pas phyag rgya'i lan bya ba yin no zhes bya ba'i don to/ /yang na sgrub pa pos kyang lan la g.yon pa nyid kyi phyag rgya bstan par bya ste/ bzlog pa ni yang g.yon pa de nyid rnal 'byor mas bzlog pa yin pa de bzhin du 'dir yang zhes pa'o/ /'jig rten dbang phyug ces pa ni dpal bde mchog gi rigs yin no/ /khung bu zhes pa ni cung zad dma' ba'o/ /mdung gi phyag rgya zhes pa ni mthe bos sor mo thams cad mnan te/ sdigs mdzub gyen du bsgrengs nas sbyar ba'o/ /dril bu'i phyag rgya ni dril bu 'dzin pa lta bu'o/ /gdong gi phyag rgya zhes pa ni lag pa kha sbyar te mthe bong gnyis dang mdzub mo dag dang gung mo gnyis zung du sbyar te brkyang nas mig dag ma gtogs pa'i gdong pa rnams la lag pas dgab par bya'o/ /dung gi phyag rgya zhes pa ni gung mo dang ming med dang / mthe bong la mdzub mo brkyang ste dung lta bur bya'o/ /shrI he ru ka zhes pa ni dkyil 'khor gyi bdag po'i mtshan zhes dgongs pa'o/ /lag pa gnyis kyis gdengs ka 'dzin pa lta bur byas pa ni klu'i phyag rgya'o/ /mdung gi phyag rgya bshad pa yin no/ /'di dag ni rim par phye ba bcu dgu pa'o// //spun dang zhes pa ni dpal bde mchog 'khor lo'i dam tshig can gyi rnal 'byor pa'o/ /sring mo ni de'i yon tan dang ldan pa'i dam tshig ma'o/ /gzhan ma rnams ni go sla'o/ /gang zhig ces pa ni brda gzhan yang phreng ba'i lag pas phreng ba mngon par gtong ba la sogs pa sgrub pa pos bya zhes pa'i don to/ /yang na rnal 'byor ma gang la la zhig gis bstan pa dang ma bstan pa de thams cad 'di'i brda yis bya'o/ /bstan pa gcig po de bstan pa tsam gyis dgongs pa la brda zhes byed pa dang / gang su dag gis dgongs pa'i rigs gzhan dag tu 'gyur ba de rnams rnam par rtog pa'i bzo bos sprul pa'o/ /'dir yang phyag rgya yang go bar bya'o/ /'di dag ni rim par phye ba nyi shu pa'o// //lta stangs bstan pa gsang ba chen po ni 'chad par 'gyur ba'i yan lag dang nying lag ste de'i phyag rgya yang gsang ba chen po dang thabs tha mi dad pa'i phyir de yang rnal 'byor ma bstan pa'i phyir rgyur brjod do zhes pa'i don to/ /lag pas chu'i rnam par ri mo bstan pa ni chu bo'i phyag rgya'o/ /lag pa mtha' dag gis rlabs g.yo ba'i tshul du nye bar bstan pa de ni rgya mtsho'i phyag rgya'o/ /'di dag ni rim par phye ba nyi shu rtsa gcig pa'o// //rnal 'byor ma kun zhes pa ni rnal 'byor ma thams cad do/ /mig gi phyag rgya zhes pa ni gung mo dang ming med dang / mthe chung rnams brkyang ste/ mthe bong dang mdzub mo rnams bkug nas reg par mngon pa'i tshul du bstan pa'o/ /mdung gi phyag rgya ni bshad zin pa nyid do/ /rnal 'byor ma kun zhes pa ni bod pa 'am drug pa'i dang po'o/ /gsang ba zhes pa ni rdo rje rnal 'byor ma'o/ /'di dag ni rim par phye ba nyi shu rtsa gnyis pa'o/ / //dpa' bo zhes pa ni sgrub pa pos so/ /dpa' bo'i sring mo ni rnal 'byor ma'o/ /mtshan nyid gsungs pa/ 'di rnams zhes bya ba la sogs pa ni 'di nyid 'chad par 'gyur te/ rnal 'byor ma'i mtshan nyid yin no zhes dgongs pa'o/ /de ci'i phyir zhe na/ gsungs pa lta zhes bya ba la sogs pa ste/ go bzlog ces pa ni g.yon gyis so/ /rtag tu bde ba'i zhes pa ni phyi dang nang gi bde ba chen po gsal ba'i de kho na nyid do/ /sna tshogs zhes bya ba la sogs pa ni sngar gyi dang 'brel to/ /rnam pa sna tshogs du mar lta ba la sogs pa'i mtshan nyid du shes par bya zhes dgongs pa'o/ /de bzhin mkha' 'gro ma las byung ba'o zhes pa'o/ /sgrub pa po mthong na nan gyis khyim nas dbyung ngo zhes pa ni sgrub pa pos mthong na nan gyis khyim nas dbyung zhing / /rnam bsgyur bskor bar shes bya ste/ zhes bya ba la sogs pa ni bskor zhing rnam par bsgyur ba'i tshul gyis dpral ba'i ri mo gsum yod pa ste/ mdzod spu'i gnas su zhe pa ni khyad par gyi don to/ /glo bur du zhes pa la sogs pa ni dgos pa med du zin kyang cung zad cig tsam song nas ldog pa'o/ /sngar zhes pa ni dang po las su mtshon pa'i rjes thogs su'o/ /tshig gi gtong bar 'gyur ba zhes pa ni mchu sho re'o/ /rdo rje lta bu zhes pa ni 'dis mchu sho re'o/ /gang gi ngo bo gsungs pa'o/ /sgra zhes pa la sogs pa ni rtogs pa'i don to/ /rgyal mtshan zhes bya ba la sogs pa ni dka' 'grel las gsal bar mdzad do/ /mtshan mar byas pa'i gsal shes bya/ / zhes bya ba ni bstan pa'i tshul gyi mtshan nyid yin no zhes pa'i don to/ /'di dag ni rim par phye ba nyi shu rtsa gsum pa'o/ /lag pas gos kyi mtha' ma nas bzung ste bstan la pro taM gI ni bstan pa la pro taM gI zhes brjod do/ /gos kyi mtha' ma nas bzung ste/ sbrug cing bstan pa ni pra ti pro taM gI'o/ /'di dag ni rim par phye ba nyi shu rtsa bzhi pa'o// //rim par phye ba lnga pa dang bdun pa las btus pa'i sngags shin tu gsal bar bya ba'i phyir gsungs pa/ de nas zhes bya ba la sogs pa ste/ kun ni sems can 'di rnams so/ /don ni sangs rgyas nyid du nges par sbyor ba der ro/ /'dod pa ni mngon par 'dod pa gang yin pa bcom ldan 'das la de skad ces bya'o/ /de'i phreng ba'i sngags gsal bar mdzad do zhes pa ni lhag ma'o/ /cir 'gyur nas der rig par bya zhe na/ gsungs pa/ sbas zhes pa ni gang du btus pa'i skabs su sbas pa'o/ /brgyad mthar sbyar zhes pa ni rkang pa brgyad kyi sngags kyi mthar ka ra ka ra la sogs pa sbyar bar bya'o/ /gang dang gang zhig yang sngags du ma 'di rnams de bzhin du yang rkang pa brgyad pa'i sngags kyi mthar sbyar bas rtsa ba'i sngags zhes bya ba'i don to/ /mang po'i tshig kyang de la ltos nas zhes pa'i don to/ / ci'i don du sbas she na/ gsungs pa/ dman pa'i zhes bya ba la sogs pa ste/ mkhas snyam sems pa dam tshig med pa gang zhig dman pa la mos pa gang zhig mi shes shing rmongs par bya ba'i phyir ro/ /rmongs pa'i mtshan nyid ni mi shes pa'i blo can no zhes dgongs pa'o/ /de la zhes pa ni rim pa gnyis pa de la'o/ /gsal bar zhes pa ni sbas su zin kyang gsal bar byas pa'o/ /dpa' bo rnal 'byor ma zhes pa ni bod pa'am drug pa ston to/ /gsungs pa ni bka' stsal pa ste/ rim par phye ba 'dir slar yang gsungs shing gcig tu nges par gsal bar mdzad do zhes dgongs pa'o/ /oM zhes bya ba la sogs pa ni sngags so/ /'di dag ni rim par phye ba nyi shu rtsa lnga pa'o// //bstan pa'i sngags kyis phye ba'i bdag nyid gsungs pa/ de nas zhes bya ba la sogs pa ste/ de nas ni sngags 'di'i phyir ro/ /gzhan yod min zhes pa ni gzhan mchog tu gyur pa'i sngags med pa'o/ /rig pa zhes pa ni mngon sum du ste/ de'i rgyu de'i phyir na zhes pa ni tshig gi lhag ma'o zhes bya ba la sogs pa ni rtogs pa'i don to/ /rim par phye ba bzhi pa las rim par bzlog nas gsungs pa'i rnal 'byor ma rnams dgod pa rigs su bstan pa'i phyir gsungs pa/ lugs las bzlog ces bya ba la sogs pa ste/ thams cad dka' 'grel las bshad pa nyid do/ /'dir ni tshig nyung bar ci rigs par phye ste/ de yang dka' 'grel nas 'brel bar gnas pa'o/ /bdag gi pho nya kun du 'gro/ /zhes pa ni pho nya rnams 'khor lo gsum la kun du 'gro bar rnam par gzhag go/ /bdag gis zhes pa ni rang rang gi gzugs kyis dgod par bya'o zhes dgongs pa'o/ /'dod pa'i dngos grub ster zhes pa ni gang zhig rnal 'byor ma la g.yon nas bskor te 'gro ba des de'i mngon par 'dod pa'i dngos grub ster bar 'gyur ro zhes pa'i don to/ /kA kA la sogs pa zhes pa ni ji ltar kA kA s+ye la sogs pa'i ma mo brgyad mchod pa de bzhin du sgrub pa pos zhes pa'i don to/ /brgyad ces bya ba la sogs pa ni rjes thogs su 'og nas 'chad par 'gyur ba'o/ /gus pas dad pa 'phel byed pa/ /zhes pa ni gus pa dang dad pa dag las yid byin gyis rlob pa yin no/ /mthe chung zhes bya ba la sogs pa ni lha mo mchod pa'i dus su lce'i thur ma 'am lag pa g.yon pa'i ming med kyis g.yon pa'i rtsa bskyod par bya zhes pa'i don to/ /'di ni rim par phye ba nyi shu rtsa drug pa'o/ / //de nas zhes bya ba la sogs pa la spyod pa ni spyod pa ste/ gnas dang nye ba'i gnas la sogs pa'i rnal 'byor ma 'tshol ba'o/ /de nyid dka' thub dka' ba'i brtul zhugs lta bu yin pas brtul zhugs so/ /de bshad par bya zhes pa ni lhag ma'o/ /de ci 'dra ba gzhag ce na gsungs pa dpa' bo'i zhes bya ba la sogs pa ste/ brtul zhugs gang gis rnal 'byor dang rnal 'byor ma rnams su sgrub pa po 'gyur ro zhes pa'i don to/ /ji ltar zhe na/ gsungs pa/ shes par bya zhes bya ba la sogs pa ste/ rnal 'byor ma bstan pa'i mtshan nyid kyi khyad par rnams bud med gzhan spyi las thun mong ma yin par rtogs par bya'o zhes dgongs pa'o/ /ci lta bu zhe na/ gsungs pa/ yul dang zhes bya ba la sogs pa ste/ dka' 'grel las gsal lo/ /legs 'dres pa zhes bya ba la sogs pa la/ legs 'dres ni snyoms par 'jug pas mnyes par ro/ / pho nya ni pho nya ma'o/ /de bzhin zhes pa ni rtag tu'o/ /bzlas brjod bsam gtan mchod med par/ /myur ba nyid du 'grub par 'gyur/ /zhes pa ni mi 'khor bar skye ba 'di la zhes pa'i don to/ /bzlas pa zhes pa'i don ni gsang sngags bzlas pa'o/ /bsam gtan zhes pa ni dkyil 'khor gyi 'khor lo la sogs pa bsgom pa'o/ /mchod pa ni yo byad rnam pa lngas lha la sogs pa mchod pa'o/ /'di rnams kyis re zhig sangs rgyas thams cad 'grub par bstan te/ pho nya mo dang legs par 'dres par 'gyur ba dang bral yang sgrub pa pos 'grub par 'gyur ro zhes dgongs pa'o/ / 'o na mchod pas ji ltar 'bras bu ster zhe na/ mchod pa zhes bya ba la sogs pa ste/ sgrub pa pos zhes bya ba ni sgrub pa po'o/ /gang las she na/ gsungs pa/ 'di las zhes bya ba la sogs pas ni pho nya mo dang yang dag par 'dres par gzhan la mchod pas lha mnyes pa'i bdag nyid du rig par bya ba nyid yin no/ /bstan bcos ni rnal 'byor ma dang rnal 'byor gyi rgyud kyi mtshan nyid kyi theg pa chen po sna tshogs su nges pa yin no/ /tsA ru bza' ba rtag tu bya/ /zhes pa ni bdud rtsi la sogs pa'i tsA ru bdud rtsi myang ba'i cho gas rdzogs par bya ste bza' bar bya'o/ /pho nya mo rnams dang lhan cig tu 'am gcig tu bza' bar bya'o/ /rtag tu zhes pa ni nyi ma re re'o/ /legs par mnyam pa zhes pa ni bdag med cing mnyam par ma gzhag pa'i rnal 'byor pas brgya la'ang mi 'grub bo zhes dgongs pa'o/ /rigs rnams kun las nye bar spyad bya zhing / /zhes pa ni rigs thams cad ni mi bskyod pa la sogs pa'i rigs su gyur pa rnams dang lhan cig tu tsA ru bza' ba zhes pa'i don to/ /bza' ba min par ni mi brtag go zhes pa ni bza' ba dang bza' bar bya ba ma yin par dpyad par bya ba ma yin no/ /dbyer med pa zhes pa la sogs pa ni de'i dam tshig bsten pa'i sgrub pa po dang / pho nya dag dbyer med cing bskyod du med par phan gdags par 'dod par 'gyur ro zhes pa'i don to/ /gnyis zhes bya ba ni 'brel ba las bshad zin to/ /gang las she na gsungs pa/ dngos grub cho ga zhes bya ba la sogs pa ste/ dngos grub gnyis kyi rgyur spyad pa las rdo rje rnal 'byor ma dang / /dpal he ru ka'i rnal 'byor pas gang gi phyir zhes pa'o/ /rnal 'byor ma'i che ba'i bdag nyid gsungs pa/ pho nya yang dag bstan pa yin/ /zhes pa ni rnal 'byor ma rnams bsngags pa yin no/ /'di'i don ni dka' 'grel las go bar bya'o/ /nying lag gi mtshon cha ni shin tu rno ba yin no/ /bdag nyid ces bya ba la sogs pa ni dpal bde mchog 'khor lo bdag nyid kyi rang bzhin ngo bo'i don te zhes pa'i don to/ /de la 'di de'i bdag nyid don du gnyer ba'i rnal 'byor pa gang dang gang zhig mnyam par gzhag pa'i gnas skabs de bzhin du yang thun mtshams re re la yang da don du gnyer bar bya ste/ de nyid kyi don du bcom ldan 'das kyi sku bsgom par bya ba yin no/ /'di'i don ni rtag tu zhes bya ba la sogs pa dka' 'grel las bstan pa yin no/ /zla ba ni byang chub sems so/ /tsA ru gcig pu za ba nyid/ /ces pa ni rnal 'byor ma rnams dang lhan cig gcig tu 'dug ste tsA ru bza'o/ /rgyud mang po du ma'i nang nas gnas pa'i gtsang sbra bstan pa'i phyir gsungs pa/ de nyid bsdus pa dang zhes bya ba la sogs pa'o/ /bzlas dang brtul zhugs la zhes pa ni sogs pa'i sgra yis gtsang sbra bsdus so/ /'dus byas pa la ltos nas 'bras bu ster bar gsungs pa/ de 'dir zhes bya ba la sogs pa ste/ de 'dir bde mchog ni gtsang sbra rnal 'byor mas bsgrub pa de skad cig ces pa dang 'brel to/ /ji ltar 'grub ce na/ gsungs pa bsam gtan tsam mam/ pho nya'i mtshan nyid kyi gtsang sbras bcom ldan 'das ma'i sku bsgom pa na zla ba'i tsA ru bdud rtsi myang ba'i cho ga bsgoms pa tsam gyis zhes bya ba'i don to/ /gtsang sbra 'di dag spyad par bshad/ /ces pa ni gtsang sbra 'di yang spyad par bstan to/ /phan yon gsungs pa/ gtsang sbra zhes bya ba la sogs pa ste/ dgra bcom pa zhes pa ni sangs rgyas kyis so/ /sgrub pa po zhes bsgrub pa po'o/ /kha cig ces pa ni kha cig gis so/ /stong phrag gcig pa'i khar gyur pa 'am ni/ kha stong phrag gcig tu gyur pas kyang de'i gal te bsod nams kyi tshad brjod par mi nus so zhes dgongs pa'o/ /rgyud so so'i bsod nams mang po gsungs pa/ dpal ldan khrag 'thung zhes bya ba la sogs pa ste/ gyur cig ces bya ba lhag ma'o/ /gnyis med za ba'i rnal 'byor gyis/ /zhes pa ni thabs dang shes rab gnyis su med pa'i rnal 'byor gyis za ba'o/ /sdig pa zhes bya ba la sogs pa ni gang gi phyir sdig pa thams cad las rnam par grol nas dag pa'i sku skyon med par 'gyur te/ de'i phyir mnyam par spyad par bya ste/ gtsang sbra'i spyod pa bya ba la sogs pa phyi ba yin par dgongs so/ /sdig pa thams cad rnam par dag pas dgos pa ci yod ce na/ gsungs pa/ sdig pa kun zhes bya ba la sogs pa ste/ go sla'o/ /de ltar zhes bya ba la sogs pa ni de ltar mjug thogs su bstan ma thag pa'i rim pas mchod pa dang / tsA ru'i bza' ba la sogs pas mnyes par bya ste/ gtor ma sbyin no zhes pa'i don to/ /'dir ji ltar sbyin zhe na/ gsungs pa/ sbyin par bya zhes pa la sogs pa ste/ rang 'dod ces pa ni rang 'dod pa ste/ yid la 'dod par gyur pa zhes pa'i tha tshig go/ /las rnams la cho ga ji lta ba bzhin zhes pa ni phyin ci ma log pa'i cho gas gtor ma sbyin par bya'o/ /rnal 'byor pa zhes pa ni rnal 'byor pa'o/ /tshes gsungs pa/ mar ngo zhes bya ba la sogs pa'o/ /he ru ka dpal mngon dga' ba'i/ /zhes pa ni dpal bde mchog gi rnal 'byor pa'o/ /bya ba gsungs pa/ mtshan mo zhes bya ba la sogs pa ni gtor ma'i cho gas slar yang ma lus par khyad par du bya ba ste/ gtor ma so sor dbul bar bya'o/ /'di ni rim par phye ba nyi shu rtsa bdun pa'o// /mya ngan 'das 'byung zhes bya ba ni mya ngan las 'das pa mchog gi gzugs can bde ba chen po ni mya ngan las 'das pa'o/ /der dmigs pa'i byang chub kyi sems gang zhig 'byung ba yin pa de'i tshe ni de yis dpa' bo'i gzugs bdag nyid mchod par bya ste/ de bza' bar bya zhing de bzhin du phyi'i mchod pa rnams kyis kyang yang dag par mchod par bya'o zhes pa'i don to/ /de nyid kyang dka' 'grel las gsungs pa/ mya ngan las 'das pa zhes bya ba la sogs pa'o/ /dpa' bo kun dang rnal 'byor ma/ /zhes pa ni dpal bde mchog 'khor lo'i bdag nyid la phyi dang gsang ba'i mchod pa rnams kyis mchod na dpa' bo dang dpa' mo'i tshogs rnams kyang mchod par 'gyur ro zhes dgongs pa'o/ /zla ba'i 'dus pa legs gnas pa'i/ /zhes pa ni zla ba ni byang chub rdzogs pa la sogs pa'i byang chub sems so/ /de'i don du 'dus pa ni 'dus pa des so/ /legs par gnas pa ni gcig pu gnas pa ste spun zhes bya ba la sogs pa'i don to/ /dka' 'grel las kyang 'di nyid kyi don go bar bya'o zhes pa'o/ /bde dang sdug bsngal yang dag 'byung / /zhes pa ni sgrub pa po'i bde ba dang / sdug bsngal bar 'gyur ba yin te/ srog chags spyi yang spun la sogs pa zhes bya ba'i don to/ /yang na bde ba ni mya ngan las 'das pa'o/ /sdug bsngal ni 'khor ba'i rnam pa'i khyad par te/ de dag 'byung ba ni 'byung ba gang la de de bzhin du mi gnas pa'i mya ngan las 'das pa'i rang bzhin gyi ye shes zhes dgongs so/ /gzhan dag las zhes bya ba ni tha mal pa'o/ /brtul zhugs mnyams zhes bya ba ni g.yon pa las spyod pa'i mtshan nyid kyi brtul zhugs ma nyams pa'o/ /de de ltar na brtul zhugs pa'o/ /rigs lnga zhes bya ba la sogs pa ni rin chen 'byung ldan gyi rigs mi bskyod pa'i rigs kyi khongs su bsdus te rnam pa bzhi ru bya'o/ /slar yang rnam par shes pa tsam yin pas de la yang gsum po mi bskyod pa'i rigs kyi khongs su bsdus pa'o/ /thams cad bdag nyid gcig ces bya ba ni rigs gcig la spyod pa ni rigs gcig tu ma nyams par spyod pa'o/ /rnal 'byor grub pa po ni rnal 'byor ma rnams rab tu mchod cing rab tu bsngags so zhes bya ba'i don to/ /gru gsum pa zhes bya ba la sogs pa ni nim pa dang sa gzhi tsha sgo can nag po gas par steng du sor nyi shu nang du sor mo bcu tham pa mgo byang du bstan pa zur gsum la sna tshogs rdo rje dang rtse gsum pa dang rdo rje tho bas bskor ba nang du mdung rtse mo gyen du bstan pa'o/ /sor mo gsum bskor ba na kha ran gyis bskor bar bya'o/ /nim pa dang seng ldeng dang / ske tshe dang / ba la ta ki'i shing rnams la brtsigs te sor bcu tham pa'i tshad dang / dug dang / khrag dang mar khu byugs la de bzhin du yungs mar dang / kha ra dang / khrag dang / lan tshwa dang / ske tshe dang / ni ma pa'i 'dab ma dang / thal ba dang / bsgrub bya'i rkang rjes kyi sa dang / bong bu dang / rnga mo'i rtug pa dang / skra dang / zhag dang / khwa dang / 'ug pa'i sgro dang / brun dang / chu dang / mi'i rus pa phye mar byas te me sbar la ba lang gi sha la sogs pa rnams kyis so sor dug dang khrag dang myos byed kyi 'dab ma la khu/ bas byugs te/ sbyin sreg bya'o/ /khyad par gyi gdams ngag dka' 'grel nyid las gsal ba yin no/ /nyer spyod kyi gus pa dang bcas pa'o/ /bstan bcos kun ma spangs zhes pa ni 'di thams cad bshad pa la sogs pa bstan bcos las yongs su ma spangs pa de 'chang zhing nye bar sbyor ba'o/ /las rnams dag ni thams cad ces pa ni thams cad 'dir bya'o/ /ji bzhin 'grub ces pa ni phyag rgya chen po'i dngos grub bo/ /'dir ni las la brtson par byed/ /ces pa ni/ ji ltar las la shes pa de bzhin du bya'o zhes dgongs pa'o/ /'di ni rim par phye ba nyi shu rtsa brgyad pa'o/ / //spu ni dmar ser yin zhes pa ni skra ser skya'o/ /dran pa dang zhes bya ba la sogs pa ni sgrub pa po khyad par du byed pa ste/ dka' 'grel las rnam par bshad do/ /rnal 'byor rol pas 'bras rab ster/ /zhes pa ni shes rab dang mnyam par sbyor ba zhes pas bla na med pa'i bde ba'i bya ba dang ldan pa'o/ /rol mo'i sgras brjod pa ni dpal bde mchog 'khor lo'i bdag nyid do/ /'di nyid gsungs pa glo bur zhes bya ba la sogs pa ste/ sngags zhes pa ni sngags kyi mthus so/ /rgyu dang mi rgyu'i 'jig rten gsum/ / zhes pa ni bzlas brjod pa'i rig pa'i sngags pas 'jig rten gsum la longs spyod par 'gyur ro/ /yang na 'jig rten gsum gyi rang bzhin du rnal 'byor pas 'gyur ba yin no/ /sngags dang phyag rgya zhes bya ba la sogs pa ni rgyu 'di nyid kyi phyir na sgrub pa pos sngags dang phyag rgya dang yang dag par 'grub pas bya'o zhes dgongs pa'o/ /sngags tsam gyis cho ga mod phyag rgya shes rab ma ci zhig bya zhe na/ gsungs pa/ phyag rgya dman zhes bya ba la sogs pa ni sngags kyi bya ba dang / phyag rgya dman pa dang / lhan cig dngos grub nye bar sbyor bas mi 'byung ngo zhes pa'i don to/ /sngags dang phyag rgya tsam kho na blang bar bya ba yin gyi/ rnal 'byor pa la lhas ci zhig bya zhe na/ gsungs pa/ shin tu sbyor ba zhes pa la sogs pa dka' 'grel las gsal bar byas so/ /de de ltar na gang zhig sdang ba zhes bya ba la sogs pa ste/ rnal 'byor che zhes pa ni dpal bde mchog gi rnal 'byor ro/ /gzhan la zhes pa ni rnal 'byor gzhan la'o/ /gzhan du zhes pa ni 'bras bu dang bral ba'o/ /bzang po zhes pa ni phyag na rdo rje zhes 'bod pa'o/ /de nyid gsungs pa/ 'tsho ba'i zhes bya ba la sogs pa'o/ /gdol ba'i kla klo zhes pa ni de re zhig gzhan zhes bya ba'i don to/ /tshig gis yongs su dge bar byed/ /ces pa ni tshig tsam gyis kyang phyag 'tshal ba la sogs pa yin no zhes pa dgongs pa yin no/ /de'i zhes pa ni snying gar ro/ /'di ni rim par bye ba nyi shu rtsa dgu pa'o/ /kun byas zhes pa ni lha rnams kyis yang dag par rdzogs par bya'o/ /phyogs bcings pa zhes pa ni rdo rje ra ba la sogs pa rnams kyis phyogs bcings pa'o/ /ri mo dgu zhes pa ni dgu'i sgra yis brgyad du bya ba'i tshogs legs par bskor ba ste/ ri mo brgyad ces pa'i don to/ /dpa' bo ni zhes pa ni sngags bzhi pa'o/ /ji ltar btu bar bya zhe na/ gsungs pa/ rim pa bzhin zhes bya ba la sogs pa ste/ rim pa dang rim pa las 'das par zhes pa'i don to/ /grangs ni 'di'i nang bsdu bya/ /zhes pa ni bzhi bcu rtsa dgu pa'i grangs 'di rnams re'u mig de rnams kyi nang du chud par 'gyur ba de ltar byas pa yin no/ /thub pa zhes pa ni thub pa sde tshan bdun gyi bdag nyid do/ /sku brgyad kyis ni yang dag brgyan/ /zhes pa ni khwa gdong ma la sogs pa nas gshin rje 'joms pa'i bar la thug pa'i sku brgyad do/ /sku spro ba'i bdag nyid des na brgyad pa'o/ /yang na/ sa dang chu dang / me dang / rlung dang / zla ba dang / nyi ma dang / gshin rje dang / nor sbyin no/ /gzugs brgyad ces pa dka' 'grel las go bar bya'o/ /rnal 'byor thun mong zhes pa ni dpal bde mchog gi rnal 'byor byas nas so/ /brjod pa ni brjod pa dang ldan pa'o/ /dngos grub kun gyi 'bras ster ba ni de la dngos grub kyi 'bras bu thams cad 'byung bar 'gyur ro/ /'di ni rim par phye ba sum cu pa'o// /'di kun zhes pa ni dkon mchog gsum la sogs pa la gnod par byed pa can no/ /rdo rje skyes zhes bya ba ni rdo rje 'dzin pa ste/ bde mchog ces pa ming gzhan no/ /de bsgom pa sngon du 'gro bas sbyin sreg gis 'jigs par 'gyur ro zhes pa'i don to/ /de ltar zhes bya ba la sogs pa ni 'dir drug pa'i gnyis pa la gsum pa'i don to/ /khyi sha la sogs pa zhes dgongs so/ /bza' ba zhes bya ba la sogs pa ni bya ba'i sgra ni so sor 'brel to/ /de bzhin du byas pas cir 'gyur zhe na/ 'grub cing zhes bya ba la sogs pa ste/ ma lus lus pa med pa ni/ /zhes bya ba ni khams gsum ma lus pa sangs rgyas kyi rang bzhin no/ /rgyal srid thams cad ni mngon sum du dbang chen gyi dkyil 'khor mtha' dag gi bdag por 'gyur ro/ /bcom ldan 'das thod pa bsnams pa shin tu phul du byung bar yang dag par bstan par bya ba'i don du gsungs pa/ dung dang zhes bya ba la sogs pa ste/ gsum char rgyu las byung yin na/ /zhes pa ni srog chags gsum gyi rgyu las byung ba ma dag par gyur pa dag pa'i bsam pas dung la sogs pa yin par dgongs so/ /chos kyi sku'i lus can gyi zhes pa ni don dam par chos kyi sku nyid kyi lus mi'i thod pa 'di la rgyu mtshan cis sun 'byin te/ shin du dag pa thod pa 'di sun 'byin par ma byed ces pa'i don to/ /'di nyid las gsungs pa thod pa'i phreng ba la sogs pa ste/ bshad pa 'dis kha bskang zhes dka' 'grel las bshad par go bar bya'o/ /'di bcom ldan 'das 'ba' zhig la ma yin te/ 'on kyang dkyil 'khor ba thams cad la yin par gsungs pa/ de ltar cho ga zhes bya ba la sogs pa ste/ dag byed kyi thod pa de 'di 'dra ba nyid dpa' bo rnams la nye bar mtshon pa ste/ dpa' mo la yang ngo / /dpa' 'byung zhes pa ni chos kyi sku'i lus can dpa' bo dang 'dra bar mgo bo las 'byung bar zhes bya ba'i don to/ /tsum+bi ka zhes pa ni chos kyi dbyings kyi dbang phyug ma'o/ /pha rol tu phyin pa zhes pa ni de nyid khyad par byed do/ /dbus su zhes pa ni de nyid stong pa nyid do/ /dpa' bo kun gyi gnas zhes bya ba ni stong pa nyid kyi tshul 'dis dpa' bo'i gnas zhes bya ba'i don to/ /rgyab tu gshegs su gsol zhes bya ba ni rgyab tu shin tu nges par byed pa ste zhes bya ba nges par bstan no/ /gshegs su gsol zhes pa ni khyad par du gshegs su gsol ba yin no/ /'di ni rim par bye ba sum cu so gcig pa'o/ /de nas gzhan yang zhes pa la sogs pa ni bza' ba dang bca' ba bsdu pa zhes pa ni bza' bar gyur pa'i lus su gyur pa'i phyugs de rnams bza' zhing bca' ba'o/ /de'i don du bsdu ba ni phyugs nyid blang ba'o/ /ci ste de yis cir 'gyur zhe na/ gsungs pa phyugs zhes bya ba la sogs pa ni bdag nyid dkyil 'khor byas te 'tshe ba med pas phyugs blang ngo / /yang dag pa'i cho ga ni bdud rtsi myang ba'o/ /'di nyid gsungs pa/ phyugs rnams kyi dgug pa nyid ces bya ba la sogs pa ste/ dgug pa ni blang bar bya ba la sogs pa go bar bya'o/ /ji ltar bya zhe na/ gsungs pa/ sngar bstan rim pa zhes pa ni gsum pa'i don to/ /sngar bstan pa'i tsA ru'i bza' ba ji lta bar bsags pa 'tshe ba med pa de'i rigs ni zhes pa'i don to/ /he ru ka'i bya bas blta 'am zhes pa ni bod bu'i rnal 'byor gyis skye ba bdun pa blta ba'o/ /dngos grub bsgrub pa'i dkyil 'khor du/ /zhes pa ni tshogs kyi 'khor lo la bza' bar bstan pa yin no/ /skye gnyis sngags chen po ni ne tso'o/ /gtor ma sbyin sreg bya zhes pa ni bdun pa phyis pa'o/ /'dod pa 'grub par 'gyur zhes pa ni sgrub pa po de'i mngon par 'dod pa 'grub par 'gyur ro zhes pa'i don to/ /nag po zhes pa la sogs pa ni khyi nag po'i 'o ma dang / mon sran gre'u nag po dang / 'bras nag po'i khyad par la'o/ /thug pa btsos la zhes pa'i don to/ /ro'i kha zhes bya ba la sogs pa ni man ngag ni 'di yin te/ mar ngo'i tshes brgyad dam bcu bzhi la ri'i rtse mo 'am dur khrod du dur khrod kyi rus pa phye mas dkyil 'khor bzhengs la sgrub pa po g.yog bzang po dang bcas pa'i lha'i rnal 'byor dang ldan pas bdud rtsi lnga dang ldan pa'i dri zhim pos ro khrur bcug la mar khu chen po byugs te/ yi dags kyi me tog gis yang dag par mchod la ra skyes kyi chus lan bdun du spangs pa'i shing ak+Sha'i bal gyi sdong bu mar khu chen po la thod par sbyar te/ dud pa blangs la de yis mig la bskus te/ dkyil 'khor gyi dbus su gan rkyal du bsnyal bar bya'o/ /phyi nas sha chen po la sogs pa rnams kyis dkyil 'khor mchod pa sngon du 'gro bas sngags pas shar du mngon par phyogs pas de'i snying gar nye bar 'dug ste bdud rtsi rnam pa lnga dang bcas pa'i sha chen dang khrag dang tshul bu rnams kyis yongs su bkang ba'i mchod yon gyi snod g.yon ngos su bzhag go/ /dur khrod kyi kham phor du'o thug blugs la ngag gis suM b+ha la sogs pa'i sngags brjod pas sbyin sreg bya ba yin no/ /'di thams cad kyang dka' 'grel du go bar bya'o/ /de nas ro de langs nas ni/ /zhes pa ni de'i rjes thogs su 'jigs byed chen po'i gzugs su mngon par sprul te gad mo cher sgrogs shing ldang ba'o/ /de langs nas de la sngar bstan pa'i mchod yon dbul bar bya'o/ / sgrub pa po dam pa de'i g.yas ngos su bzhag pa'i dril bu dkrol zhing sha chen pos rgyun ma chad par bdug par bya ba yin no/ /de ltar nges par byas pas cir 'gyur zhe na gsungs pa/ steng dang 'og tu pho nya 'grub/ /ces bya ba la sogs pa ste/ 'khor lo gsum la gnas na de yis 'grub par 'gyur na/ 'di lta smos kyang ci dgos te/ 'grub par 'gyur ro zhes pa'i don to/ /sgrub thabs gzhan gsungs pa/ lci ba'i thal ba zhes bya ba la sogs pa dka' 'grel las go sla'o/ /dung chen po'i ngo bo zhes pa ni thod pa'i btung ba'o/ /mi 'dod na rus sbal gyi khog pas so/ /de gsungs pa/ yang na zhes bya ba la sogs pa gsungs pa'o/ /phan yon gsungs pa/ de lta'i zhes bya ba la sogs pa'o/ /yang na gzhan du bshad par bya ste/ chos kyi brda gzhan gyis lci ba'i thal ba la sogs pa'i rlung gi dkyil 'khor ro/ /lhag ma mgo skam zhes pa ni gzhan gsum ste/ me dang chu dang dbang chen gyi dkyil 'khor la mgo skam gyi sgra'i brjod bya yin no/ /de bzhin du zhes bya ba la sogs pa ni de'i rjes thogs su de'i steng du thod pa'am rus sbal sgom zhes pa'i don to/ /de yi zhes bya ba la sogs pa ni de ltar cho ga ji lta ba bzhin du bsgoms pa las dkyil 'khor 'dir dngos grub thob po zhes dgongs pa'o/ /dus ni rtag tu zhes pa ni mngon sum du'o/ /dus zhes pa ni thun re re'o/ /de ltar zhes bya ba la sogs pa ni de ltar bstan pa'i rim pas bcom ldan 'das bsgom pa las mngon par 'dod pa'i dngos grub thob po/ /'di ni rim par phye ba sum cu rtsa gnyis pa'o/ / //da ni bza' ba dang bca' ba'i sun 'byin par byed pa'i nyan thos de gzhug par bya ba'i ched du gsungs pa/ de nas mchog ces bya ba la sogs pa ste/ de nas ni bza' ba dang btung ba'o/ /mchog ni gtso bo ste thams cad kyi thams cad du med pa'o/ /sbyor ba kun zhes pa ni rnal 'byor gzhan thams cad kyi nang nas so/ /sgrub pa po zhes pa ni sgrub pa po ste rgyu'i phyir na'o/ /bza' ba ni go ku da ha na la sogs pa rnams bza' bar bya ste zhes bya bar 'brel to/ /bza' ba 'ba' zhig las bya ba med dam zhe na gsungs pa nya zhes bya ba la sogs pa ste/ nya ni ro hi ta la sogs pa'o/ /sha ni ra la sogs pa'i sgra smos pas/ de bzhin du khu ba dang tshod ma yang zhes pa'o/ /ci nus pas zhes pa ni sbyor tshad kyi tshul dang mthun pa'o/ /dngos su med kyang zhes bya ba la sogs pa de ni dka' 'grel nyid las gsal lo/ / mtshan mo zhes bya ba la sogs pa ni re zhig nyin mo'i bya ba nyid do/ /nub mo ni gdon mi za bar rtag tu bya ba yin par bstan to/ /pho nya zhes bya ba la sogs pa ni bdag nyid gcig pu mi za bar 'on kyang rnal 'byor ma pho nya ma la yang bza' ba dang btung ba la sogs pa dbul bar bya'o zhes so/ / phyis ci bya zhe na/ gsungs pa/ rang gi pang par zhes bya ba la sogs pa ni pho nya mo yang logs su bzhag la lag pa g.yon pas 'khyud pa'o/ /dpa' bo gnyis med mchod par bya/ /zhes pa ni dpa' bor gyur pas bdag nyid gnyis su med pa'i ye shes kyi don du mchod pa ji lta bar 'gyur ba de bzhin du pho nya mo de la gsang ba'i mchod pa bya'o zhes dgongs pa'o/ /ma zhes bya ba la sogs pa pho nya mo bstan pa yin no/ /de lta'i cho ga zhes pa ni 'dis pho nya ste cho gas rdo rje phag mo'i rnam par bsgom par bya'o/ /gsang ba'i mchod pa zhes pa tshig gi lhag ma'o/ /ci'i don du zhe na/ gsungs pa/ bcings pa legs par grol bar bya/ /zhes pa ste/ bcings pa ni 'khor ba'i mtshan nyid kyi phyir ro/ /grol ba ni mchog gi zhes dgongs so/ /de nas zhes bya ba la sogs pa ni de nas gsang ba'i mchod pa'i rjes thogs su'o/ /sngags ni 'grub 'gyur te zhes pa ni sngags 'dis 'di lhan cig skyes pa'i ye shes kyi ming rdzogs par gyur te/ sgrub pa po zhes pa ni lhag ma'o/ /ji srid me chu yod par du/ /zhes pa ni ji srid du bstan pa yongs su zhig pa'i bar du'o/ /slob dpon zhes bya ba la sogs pa la/ mchod ces pa ni phyi dang nang gi mchod pa'o/ /bza' ba zhes pa ni bza' ba nyid bstan te go ku da ha na la sogs pa'o/ /phyag rgya zhes pa ni pho nya mo'o/ /'di thams cad sgrub pa pos rdo rje 'dzin pa'i skur blta zhing khas 'che ba'o zhes dgongs so/ /klu zhes bya ba la sogs pa dka' 'grel las go sla'o/ /de srid ces bya ba la sogs pas thabs dang shes rab kyi rnal 'byor las byung ba'i ye shes kyi che ba'i bdag nyid gsungs te go sla'o/ /de nyid gsungs pa/ mchod par bya ba la sogs pa ste/ phyag rgya zhes pa ni pho nya mo'o/ /mchod par 'dod pa zhes pa ni mchod pas na mchod pa ste/ sgrub pa po de rjes su gzung ba'o/ /nges par sreg ces bya ba la sogs pa ste/ go sla'o/ /pho nya mo rgyud gzhan dang thun mong du bstan par bya ba'i phyir gsungs pa/ dang po sgrub ces bya ba la sogs pa ste/ dang po zhes bya ba ni sgrub pa'o/ /dpa' bo rnams las dpa' bo nyid/ /spyad par bya zhes bya ba ni dpa' bo rnams las dpa' bo nyid ni phyag rgya chen po'i dngos grub la sogs pa bsams pa ji lta ba bzhin du 'grub po zhes bya ba'i don to/ /mchod pa'i 'bras bu gsungs pa/ sa 'og ces bya ba la sogs pa ni rmongs par byed pa dang 'gugs par byed pa'o/ /las kyi dngos grub kyi phyir mchod pa yin pas zhi ba la sogs pa'i las bsgrub par bya'o/ /de lta bu'i cho ga ni sgrub pa po ji skad du bstan pa'i las dka' ba med pa nyid kyis 'grub par 'gyur ba gsungs pa/ las rnams thams cad ces bya ba la sogs pa ste/ zhi ba la sogs pa las 'di rnams thams cad kyi nang nas gang cung zad ci yang rung ba'i las nyon mi mongs par der 'grub po/ /dngos grub thams cad ces pa ni sa 'og la sogs pa'i dngos grub kyang de yis 'grub par 'gyur ba yin no/ /'di ni rim par phye ba sum cu rtsa gsum pa'o// //nges par sbyar ba zhes pa ni gnas ji lta bar nges par sbyar te mchod par bya'o/ /'di nyid dka' 'grel las gsungs pa/ 'khor lo gsum mchod par bya'o zhes pa yin no/ /ji ltar zhe na gsungs pa/ de zhes pa ni sgrub pa po'o/ /rtsibs cher zhes pa ni dka' 'grel las rnam par bshad do/ /lte bar zhes pa ni 'dir yi ge yang blta bar bya'o/ /kun la thun mong du'o/ /'di nye bar mtshon pa tsam ste mkha' 'gro ma la sogs pa bzhi dang / khwa gdong ma la sogs pa brgyad dang / rab tu gtum mo la sogs pa gnas ji lta bar nges par dgod par bya ba yin no/ /nges par gzhag ces bya ba la sogs pa ni dpral ba la gnas pa'i rdo rje'i phreng ba'i 'od zer rnams rdzogs pa a ba d+hU tI'i gnas na gnas pa rnam pa thams cad mthong ba de'i mi bzad pa'i spyan gsum pa zhes bya ba'i sgra brjod pa dpa' bo la sogs pa 'di rnams thams cad la zhes bya ba'i don to/ /bza' ba zhes pa ni bza' ba ji ltar shes pa'o zhe'o/ /dka' 'grel las kyang ji ltar rnyed pa'i sha yis zhes bya ba la sogs pas bshad do/ /las dang rjes su mthun pas zhes pa ni thab khung gi nang du skad cig gis rdo rje sems dpa' ji skad du bshad pa'i mtshan nyid du ldan pa skyil krung du bzhugs pas blta ste/ shes rab dang bcas pa zhu bar bsgom par bya'o/ /de nas de zhu bar gyur pa raM gyi sa bon las yang dag par byung ba kun du gtum par byed pa blta bar bya ste/ sku mdog nag po thung ba spyan gsum pa/ dbu skra kham pa gyen du brdzes pa/ g.yas kyi phyag gnyis na bgrang phreng dang mi 'jigs pa bsnams pa'o/ /phyag g.yon pa gnyis na thod pa'i snod dang dbyug pa/ /phyag g.yas dang g.yon dag gis rang gi rig ma las 'khyud pa gdug pa'i me lha rnam par bsgom par bya'o/ /de'i lce la raM bltas la ba lang gi sha dang / dug dang / lan tshwa dang / ske tshe dang / khrag rnams myos byed kyi 'dab ma'i khu bas spags te sbyin sreg bya'o/ /zhi ba la dkar po'o/ /dbang dang dgug pa dag la dmar po'o/ /rgyas pa dang rengs pa dag la ser po rnam par bsgom par bya'o/ /sngar gyi bzhin du lce la yi ge raM bltas te/ de'i kha la bdud rtsi lnga dang bcas pa'i dri zhim po'i chus sbags pa'i ba lang gi sha'i sbyin sreg bya'o zhes dgongs so/ /shin tu 'bar ba'i mer zhes pa la sogs pa ni gdug pa mtha' dag gi las la nim pa dang seng ldeng dang / tsher ma sgur po dang / bal+la ta ka'i yam shing rnams la/ yungs mar dang / khrag dang dug gis sbags te/ sor mo bcu bcu'i tshad rnams kyis yungs mar dang / mar dang / khrag dang / dug dang / lan tshwa dang / ske tshe dang / nim pa'i lo ma dang / thal ba dang / rkang rjes kyi sa dang / bong bu dang / rnga mo'i rtug pa dang / spu dang / tshil rnams sngon du 'gro bas/ khwa ta dang / 'ug pa'i sgro dang / chu dang / brun dang / mi'i rus pa dang bcas pas me sbar bar bya'o zhes pa'i don to/ /zhi ba dang / rgyas pa dang / rengs pa dang / dbang dang / dgug pa rnams la pa la sha'i shing dang pa la k+Sha dang / u dum+WA ra dang / seng ldeng dang arka dang / bya kri ha dang / aM bra dang / bi kaM ka dang / gam pa ya dang / a ba marga dang / byang chub kyi shing gi yam shing rnams bdud rtsi rnam pa lnga dang bcas pa'i dri chus spags la mdzub mo'i mtho gang gi tshad rnams kyis zho dang / nas dang / gro dang / so ba dang / mon sran gre'u dang / mon sran sde'u dang bcas pa rnams kyis me sbar bar bya ba yin no/ /rgyab kyi 'dab ma la gnas pa'i zhes bya ba la sogs pa ste/ las dang rjes su mthun pas zhes pa ni mjug thogs su 'chad par 'gyur ba'i rim par phye ba gsungs pa/ rim pa las ji lta ba bzhin du phyag mtshan bya zhing khaN+Da ro ha bya'o zhes spro bar dgongs so/ /brtan par bya zhes pa ni khaN+Da ro ha khyad par du byas pa ste/ khaN+Da ro ha rang gi gnas su blta bar bya'o zhes pa'i don to/ /pho nya gnyis zhes bya ba la sogs pa ni 'di thams cad kyi lam dang / shes rab dang bcas pa'i sngags pas byed pa de yis 'grub par 'gyur gyi gzhan du ni ma yin no/ /'di ni rim par phye ba sum cu rtsa bzhi pa'o// //khaN+Da ro ha zhes bya ba la sogs pa ni las kyi sgra smos pas thun mong ba'i bya ba gnyis te/ sngags bzlas pa dang / khaN+Da ro ha'i bya ba mngon par 'dod pa'o/ /de nyid mchog ste dam pa thun mong ma yin pa'i phyir ro/ /rab ces pa ni shin tu thun mong ma yin pa'o/ /ji bzhin rim gyis mtshan ma ste/ /zhes pa ni go rims su rim gyis so/ /gang zhig sngags kyi bzlas pa rim gyis sa dang / gang zhig 'dra ba'i khaN+Da ro ha'i bya ba'i rim gyis de dag gi phyir mtshon zhes bya ba'i don to/ /yang de las gnyis ci'i phyir bya zhe na/ gsungs pa/ mchod pa gnyis med sbyor ba'i bdag /ces pa ste/ gsang ba'i mchod pa ste/ de'i don du thabs dang shes rab gnyis kyi ngo bo'i rnal 'byor ro/ /de'i bdag nyid kyi phyir de skad ces bya ste/ shes rab dang bcas pa zhes pa'i don to/ /bya'o zhes pa ni tshig gi lhag ma'o/ /dang por re zhig sngags kyi bzlas brjod gsungs pa/ las ni so sor zhes bya ba la sogs pa ste/ las so so zhes pa ni zhi ba la sogs pa'i las so/ /sbyar bar bya zhes pa ni bar du ldan pa'o/ /'grub par byed pa zhes pa ni 'jig rten gsum du rab tu grags pa'i phreng ba'i sngags la sogs pa'o/ /de'i dbye ba zhes pa ni las kyi bye brag las bzlas pa'i bye brag go/ rim pa ji bzhin zhes pa ni rim par brgyud pa de'i rim pas bshad ces bya bar sbyar ro/ /de ltar na gsungs pa/ yi ge zhes bya ba la sogs pa ste/ yi ge ni yi ge a la sogs pa nas k+Sha'i bar du'o/ /pho nya mo ni mkha' 'gro ma la sogs pa nas gshin rje brtan ma la thug pa'i bar gyi rnal 'byor ma'o/ /sogs pa smos pas dpa' bo rnams la bcom ldan 'das ma phag mo dang bcas pa'ang yongs su gzung ngo / /'di rnams kyi sngags gang zhig so so rang gi der go bar bya'o/ /de'i sngags mda'i shugs kyis yongs su 'khor ba ni ji ltar gzhu bkang ste mda' rgyang 'phangs pa'i shugs cher 'gro ba de bzhin du shugs kyis myur du yongs su 'khor bar zhes pa'i don to/ /sngags de ji lta bur gyur nas yongs su 'khor zhing 'gro zhe na gsungs pa/ phan tshun zhes bya ba la sogs pa ste/ dka' 'grel las bshad do/ /sa bon phreng ba la sogs pas gdug pa can gyi khyad par gsungs pa dka' 'grel las bshad pa nyid do/ /dgag par bya zhes pa ni rnam par 'chad pa'o/ /sngags bstan pa'i rim pa yis/ /zhes pa ni sngags las lung bstan pa 'jig rten pa la yang rab tu grags pa nyid kyi kha sbyor gyi zhes dgongs pa'o/ /zhi ba'i sngags kyi kha sbyor bstan nas/ de nyid dgug pa'i las la yang / /rdo rje lu gu rgyud bcings la/ /zhes bya ba la sogs pa bstan pa yin no/ /de nyid gsungs pa/ kha sbyar zhes bya ba la sogs pa'o/ /da ni khaN+Da ro ha'i bya ba bstan pa'i phyir gsungs pa dgug par zhes bya ba la sogs pa ste/ lo ma la bkod pas sngags spel zhes pa ni ji ltar lo 'dab kyi phyi shun dang / de las nang rim dang yang nang shun no/ /de bzhin du 'dir yang dang po'i sngags/ de nas bsgrub bya'i ming dang / de nas sngags so zhes dgongs so/ /thod pa zhes bya ba la sogs pa ni thod par bdud rtsi lngas yongs su bkang bas khaN+Da ro ha'i zhal du mchod yon phul nas mtshon cha rnams kyi nges par sbyar ba la sogs pa'o zhes pa'i don to/ /sngags kyi yi ge'i phreng ba zhes bya ba la sogs pa ni sngags kyi mthar che ge mo mA ra ya zhes pas mtha' brtan pa'i sngags kyi phreng ba'o/ /lhan cig mtshon cha sbyar bar bya'o/ /yang na ji ltar bzlas pa'i skabs su sngags kyi phreng ba rang gi kha'i nang du zhugs pa de bzhin du khaN+Da ro ha'i zhal gyi nang du mchod yon gyi dus su sngags zhugs par bsgom par bya ba yin no/ /'di dag ni rim par phye ba sum cu rtsa lnga pa'o/ / //phyag rgya rengs zhes pa ni gzhan gyi grub pa'i mtha' la zhugs pa'i rnal 'byor ma rnams kyi rengs par byed pa'o/ /zas las zhes pa ni ji ltar gdug par bya ba'i sngags kyi brjod pa bstan pa dang / rdo rje yis ni gzung bar bya/ /zhes bya ba smos pa 'dis khaN+Da ro ha'i bya ba bstan to/ /de bzhin du 'di las de gnyis kar bya ba yin no zhes dgongs so/ /'di rnams kyi don nyid ni dka' 'grel las kyang bstan to/ /rnal 'byor ma snyan gsan dbab pa zhes pa ni mtshan mo'i dus su me tog sbyin pa sngon du 'gro bas rnal 'byor ma mtshan mor snyan mnan no/ /dag pa'i lus zhes pa ni yun ring por bsgoms pas nyon mongs pa dang bral ba'o/ /ji ltar 'dod pa zhes pa ni 'byor pa'i tshul dang mthun par 'dod tshad du bcu 'am bco lnga 'am de las khyad par ro/ /rjes thogs su tshes bcu'am brgyad la nang par tho rangs tshogs kyi bza' bar gsungs pa dpa' bo zhes bya ba la sogs pa ni dka' 'grel las go sla'o/ /las thams cad kyi thun mong du gang gi tshe rnal 'byor ma la bsrung bar bya'o zhes bya ba'i tshig de bzhin du bsrung zhing snyoms par 'jug par bya'o zhes pa'i don to/ /dpa' bo mchod pa ni snyoms par 'jug pa'o/ /'di dag ni rim par phye ba sum cu rtsa drug pa'o// //gal te rtag tu khros zhes pa ni bsgrub bya la khros par 'gyur ba de srid la gtang bar gyur pa de srid du las gtang bar mi bya ste/ de ni phyin ci log gi las su mi 'gyur ro zhes pa'i don to/ /bshang lam las 'byung ba zhes pa ni gsang ba'i lam nas phyi rol du byung ba'o/ /'di yang lto ba'i srin bu'i khyad par ro/ /lag skyes ni sen mo'o/ /de'i mdun du zhes bya ba ni sbyin sreg gi thab khung gi dbus su son pa der dpal he ru ka 'khor dang bcas pa blta zhes pa'i don to/ /sngags pas gang 'dod de bzhin du/ /zhes pa ni sgrub pa po 'dod pa la rag las pa tsam gyis sgrub pa yin zhes dgongs pa'o/ /dam tshig spyod pa'i mtshan nyid ces pa ni dam tshig la sbyor bas na dam tshig ste sgrub pa po'o/ /de'i spyod pa'i mtshan nyid kyi bya ba'i tshul rjes thogs su bshad zin to/ /sbas pa ni gsang ba'o/ / sngags zhes pa ni sngags rnams kyis so/ /'di skal ba dman pa rnams kyi yang yul du ma gyur pa gsungs pa/ mthong mi 'gyur zhes bya ba la sogs pa ni skal ba dman pa'i skye bo la 'di gsang bas na mi rnyed pa dang mi mthong bar 'gyur la nga mnyes pas 'thob bo zhes sbyar ro/ /de nyid gsungs pa/ sgrub pa pos kyang zhes bya ba la sogs pa ste go sla'o/ /'di ni rim par phye ba sum cu rtsa bdun pa'o// //de nas zhes bya ba la sogs pa 'grub par 'gyur zhes pa ni rab tu grags par gyur pa nyid thams cad sngar bstan pa'i phyir ro/ /'di'i dgongs pa ni rnal 'byor ma rnams las brda rnams dang / dpa' bo'i lus kyi khyad par sngar bstan pa'i dam tshig rnams kyi spyod yul du bya'o/ /'di nyid gsungs pa/ sgrub pa po zhes bya ba la sogs pa ni sba bar bya bas na sba bar bya'o/ /phyin ci log la skyon gsungs pa/ mi gdon zhes bya ba la sogs pa ste/ g.yon spyod ces pa ni rnal 'byor ma mnyes pa'i don du g.yon na spyod pa'i tshul lo/ /yang na 'dis ci bstan pa yin pas na g.yon pas so/ /gsang ba'i mtshan nyid ces pa ni gnyis pa mtha' ma phyis pa'i tshig go/ /mkha' 'gro ma zhes pa ni mkha' 'gro ma rnams so/ /de la zhes pa ni de la'o/ /mkha' 'gro ma stong phrag ces pa ni dang po'i don gyis gsum pa'o/ /zos pa la zhes pa ni zos pa'o/ /de bzhin du thams cad kyi gnyis pa'i don gyis dang po'o/ /gsang ba zhes pa ni rnal 'byor ma rnams so/ /phyugs zhes pa ni phyugs dang 'dra bas bza' bar 'os pa yin no zhes pa'i don to/ /phyin ci ma log pa las yon tan gsungs pa/ gang zhig bslu bar byed ces bya ba la sogs pa ste/ mkha' 'gro ma dang bcas zhes pa ni rdo rje phag mo la sogs pa'i dpa' bo dang dpa' mo kun rnams so/ /de la zhes pa ni bla ma'i zhal de'i'o/ /gsang ba zhes pa ni bsdams shing bsdams pa'o/ /dpa' bo nyid 'dod pa zhes pa ni dpa' bo nyid la gang gis som nyi yod pa de dpa' bo'i 'dod pa dang ldan pa ste drug pa'i don to/ /sngags 'di yis zhes pa ni 'og nas 'chad par 'gyur ba yis so / /bstod par bya zhes pa ni tshig gi lhag ma'o/ / dpa' bo dang ni rnal 'byor ma/ /pho nya rnams dang lhan cig gnas/ /zhes pa ni rdo rje rnal 'byor ma kun dang lhan cig tu'o/ /de nas zhes pa ni rgyu gang gis de dang de bsrung ba'i rgyu de yis/ /thams cad du ni mkha' 'gro ma/ /kun du zhen par blta la gnas/ /zhes pa gzhan dang 'brel to/ /bsod nams thob pa yin zhes pa ni bsod nams gzigs pa'o/ /rnal 'byor ma dang gsang ba'i mi/ /zhes pa ni dam tshig yongs su bskang bar bya ba'i phyir na'o/ /gsang ba'i mi'i bdag nyid dang mtshungs pa'i phyir ro/ /rnal 'byor ma dang mi zhes pa dang / lhan cig tu zhes dgongs pa'o/ /'di ni rim par phye ba sum cu rtsa brgyad pa'o// //mda' zhes pa ni ka ni bde ba'o/ /sgo nga ni gnas yin te gnas bcom ldan 'das so/ /tshogs zhes pa ni bcom ldan 'das 'di zhes pa ste tshogs pa phag mo'o/ /'dir sngags dang lha dag tha mi dad pa yin pa'i phyir bcom ldan 'das ma ni bcom ldan 'das dang bcom ldan 'das ma dag gis rtsa ba'i sngags gsungs pa/ /gnyi ga zhes pa ni drug pa'i don gyis gsum pa'o/ /gnyis ka'i rtsa ba'i sngags yang dag par bsgoms pa so sor rnam pa bzhi zhes bya ba'i don to/ /de zhes pa ni sgrub pa po'o/ /de de ltar na dpa' bo zhes bya ba la sogs pa dka' 'grel las bshad do/ /de nas zhes bya ba la sogs pa'i tshig gzhan no/ /grub ces pa ni nus pa skyes pa'o/ de de ltar na rnal 'byor che/ sngags zhes pa ni rtsa ba'i sngags gnyis so/ / dgos pa gsungs pa/ de nas zhes bya ba la sogs pa'o/ /de ci'i 'gyur zhe na/ gsungs pa/ 'jigs pa zhes bya ba la sogs pa'o/ /'jigs pa zhes pa ni 'jigs pa'i rgyu'o/ /'jigs pa med pa'i don ni 'bras bu gsungs pa g.yon zhes bya ba la sogs pa ste/ sgrub pa po zhes pa ni sgrub pa po'o zhes pa'o/ /sngags lus can zhes pa ni drug pa'i dang po'i to/ /'di dag ni rim par phye ba sum cu rtsa dgu pa'o// //dpa' bo rnal 'byor sngags kyi cho gas gnas zhes pa ni dpa' bo ni bcom ldan 'das so/ /rnal 'byor ni de'i rnam par bskyed pas so/ /sngags ni rkang pa brgyad pa'o/ /de'i cho ga ni byin gyis brlabs so/ /de la gnas pa ni de dbang du byed pa yin par dgongs so/ /sreg rdzas gsungs pa/ sha zhes bya ba la sogs pa ste/ dpung dang bcas pa zhes pa ni/ dpung dang lhan cig par ro/ /phyed kyis zhes pa ni brgya rtsa brgyad kyi phyed kyis so/ /nyi ma bdun gyis zhes pa ni thams cad du gzhug go/ /dpa' bo chen po zhes pa ni grong dpon no/ /de'i phyed kyis zhes pa ni brgya rtsa brgyad kyi phyed kyis so/ /blon po dang / dum sa dang / 'thab nas bzung ba'o/ /rigs rnams las khyad par du gsungs pa/ nyi shu la zhes bya ba la sogs pa'o/ /de bzhin rgyal rigs dag la bdun/ /zhes pa ni nyi ma bdun gyi bar du thun re re la lan bdun bdun sbyin sreg bya'o/ /de bzhin du/ /sbyin sreg lnga po rje'u rigs la/ /dmangs rigs la ni sbyin sreg gsum/ /zhes pa ni/ sbyin sreg bzhi nyi ma bdun gyi bar du'o/ /tha ma la ni sbyin sreg gcig/ /zhes pa ni/ nyi ma gnyis kyi bar du sbyin sreg gcig rigs dman pa la bsreg par bya'o zhes dgongs so/ /'di nyid gsungs pa/ /de ltar zhes bya ba la sogs pa'o/ /'dod pa zhes bya ba ni dbang du bya ba la 'dod pa lnga bsten pa'o/ /dpa' bo zhes pa ni dang po'i mtha' ma phyis pa'o/ /cho ga dang po thob par 'gyur/ /zhes pa ni sbyin sreg gi cho ga sngon du 'gro bas 'dod pa thob par 'gyur zhes bya ba'i don to/ /rnal 'byor ma kun gyi zhes pa ni drug pa'i don to/ /sgrub pa po zhes pa ni dang po'i don to/ /'di ni rim par phye ba bzhi bcu pa'o/ / //de nas zhes bya ba la sogs pa ni las kyi rab ces dbang du bya ba la sogs pa'o/ /mchog gi ni 'jug pa'i thabs kyi sbyor ba'o/ /gang gis zhes pa ni gang gis rnal 'byor ma rnams dran par mtshon pa'i cho gas so/ /shes nas zhes pa ni bsgrubs nas te/ bshad do zhes pa lhag ma'o/ /dbang dang dgug pa zhes bya ba la sogs pa de nyid las kyi mchog tu bstan to/ /dran pa zhes bya ba la sogs pa ste/ gang gis shes nas so/ /sgrub pa po zhes pa ni gsal lo/ /dngos grub ces pa ni las kyi rab 'byams rdzogs pa'o zhes pa'i don to/ /sgrub pa pos de gang ci dran par bya zhe na/ gsungs pa/ thams cad bla ma zhes bya ba la sogs pa ste/ gnas 'di rnams thams cad kyi nang nas bla ma'i gnas la sogs pa'o zhes dgongs so/ /gnas la sogs ni gnas dang nye ba'i gnas la sogs pa rnams so/ /mkha' 'gro ma zhes pa ni rab tu gtum mo la sogs pa'o/ /thams cad khyab ces pa ni thams cad la khyab par byed par yang gnas la sogs pa rnams su nges par gnas so zhes pa'i don to/ /yul dang yul du zhes pa ni gnas la sogs pa rnams su'o/ /ye shes ldan pa zhes pa ni phyin ci ma log pa de'i de kho na nyid mnyes pa'o/ /rang skye gnas zhes pa ni sems can rjes su 'dzin par 'dod pa'i dbang gis gang cha'i sems kyi srog rang gi bdag nyid kyi 'di yin te/ tha snyad du bstan pa'i byang chub kyi sems las skye gnas su bskyed pa yin no/ /ku lu tA zhes bya ba la sogs pa la ku lu tA re dpa' bo chen po'o/ /mya ngan gyi yul du 'khor los sgyur ba'o/ /sin+d+hur stobs chen mo'o/ /na ga ra'i dbang phyug tu shin tu dpa' mo'o/ /gser gyi gling du 'khor lo'i go cha ma'o/ /sau rASh+Tar ni chang 'tshong ma'o/ /lha'i khab tu ni dum skyes ma'o/ /yi dags grong du ni 'khor lo'i shugs can ma'o/ /kha ba can du ni bya gdong ma'o/ /kAM tsir ni rta rna ma'o/ /laM pA kar ni shin tu bzang mo'o/ /ka ling+gar ni lha mo sngo bsangs ma'o/ /ko sa lar ni chang 'thung ma'o/ /tri sha ku ne ra ni rlung gi shugs can ma'o/ /o Ter ni 'jigs byed chen mo'o/ /kA ma ru par ni sa srungs ma'o/ / mA la bar ni shing grib ma'o/ /de bI ko TIr ni lang ka'i dbang phyug ma'o/ /rA me shwa rir ni mi'u thung ma'o/ /go dA ba rir ni dpa' bo'i blo can ma'o/ /argu dar ni sna chen ma'o/ /au D+yan du ni 'od ldan ma'o/ /dzA lan+d+ha rar ni gtum pa'i mig can ma'o/ /pul+lI ra ma la ya la sogs pa smos pas ni gser ri la rab tu gtum ma'o/ /'o na bu mo gang zhes dbye ba'i tshig gis don 'di nyid ci re re yin nam zhe na gsungs pa/ dpa' bo gnyis med ces bya ba la sogs pa ste/ dpa' bo rnams kyis lhan cig tu gnyis su med par snyoms par 'jug pa zhes bya ba'i don to/ /de ci 'byung zhe na/ gsungs pa/ 'dod pa'i gzugs can gyi 'dod pa'i dbang gis gzhan dang gzhan du rnam par sprul to/ /yid kyi shugs kyis 'jug pa yin/ /zhes pa ni sems can rjes su gzung ba'i don du 'di las ma gtogs pa'i yang yid la 'dod pa'i mtshan nyid kyi shugs kyis myur du 'jug pa gang zhig de dang de bzhin zhes bsdu ba'o/ /sin+d+hu'i yul du lA ma zhes pa dang / khro gnyer can dang / mche ba can dang / sna chen ma dang / bya gdong ma dang / byi la'i gdong ma dang / glang chen lce ma dang / ba lang sna ma dang / ra gdong ma ste/ 'di dag ni lA ma'i yin par dgongs so/ /lam+bA ka ra ni gshin rje ma dang / skrag byed ma dang / kA nA ni dang / sha za ma dang / chang 'tshong ma dang / dpal mo dang / ma hA ti dang / sdud mdzad ma yin no/ /sau rASh+Tar rigs kyi lha/ /zhes pa ni khro bo bzhi dang / sku brgyad do/ /gzugs can ma dang / lhan cig skyes pa ni gzugs can ma dang / 'o byed ma dang / lA ma dang / gzhan 'jug ma dang / byis can ma dang / mi sgur ma dang / e hi kyang ngo zhes dgongs so/ /kha ba'i rir zhes pa ni rdo rje mkha' 'gro ma dang / sangs rgyas mkha' 'gro ma dang / rin chen mkha' 'gro ma dang / pad+ma mkha' 'gro ma dang / las kyi mkha' 'gro ma yin no/ /kAny+tsi zhes bya ba la sogs par khrag 'thung ma dang / mdangs za ma dang / 'od za ma dang / gsum pa yin te/ byis can ma yang ngo / /pany+tsa la'i yul dag kyang khyim gyi lha mo zhes pa ni ltung byed ma dang / gsod byed ma dang / 'gugs byed ma dang / gar gyi dbang phyug ma yin no/ /ka ling+gar ni brtul zhugs 'dzin/ /zhes pa ni/ gar ma dang bram ze mo dang / tshos mkhan mo dang / gdol pa mo dang / kun 'gro ma yin no/ /ko sa lar ni sha zan ma/ /zhes pa ni rdo rje dkar mo dang / sde thams cad rab tu 'joms ma dang / gdol pa mo dang / bdud skems ma dang / ma taM gi dang / nad ma dang / mkha' 'gro ma dang / bdud mo dang / dgyes ma mo dang / rgyal ba'i bla ma dang / ye shes ldan ma dang / spos mo dang / gshin rje ma dang / skrag byed ma dang / 'od byed ma dang / sgra du mar kun du 'phro ba dang / 'khor ma dang / gsod byed ma dang / rmongs byed ma dang / klu yang dag par rdzogs pa dang / 'gugs byed ma'o/ /yi dags grong du de bzhin du/ /rdo rje mkha' 'gro ma zhes pa ni rdo rje mkha' 'gro ma dang / bdud mo dang / lcags sgrog ma dang / a be dang / bak+She dang / dkyil byed ma dang / thod pa can dang / drag mo dang / 'jigs pa'i gzugs can ma dang / lang ka'i dbang phyug ma dang / mche ba gtsigs ma dang / glog lce ma dang / gtsigs ma dang / 'jigs byed ma dang / sha za ma dang / mchu 'phyangs ma'o/ /sbom dbang phyug ces pa ni rdo rje sems dpa' dang / rnam par snang mdzad dang / pad+ma gar gyi dbang phyug dang he ru ka dang / rdo rje nyi ma dang / rta mchog go/ /tri sha ku ner khaN+Da ro ha zhes pa ni dum skyes ma dang / khrag ma dang / gtum byed ma dang / sngo bsangs mo dang / stobs chen mo dang / dpag tshad ri dang / ru ka ma ti dang / tshig bden ma dang / dge zhal ma dang zhes pa'o/ /pul+lir ma la yar ni gser mgo ma dang / dpal he ru ka ma dang / dpal chen ma dang / dra ba ngan bcas ma dang / rdo rje ma dang / thabs chen mo dang / sdang za 'jigs byed ma ste sme sha can gyi rigs las byung ba'i bud med stong phrag nyi shu yin no/ /bya ba gzhan gsungs pa/ 'di'i dam tshig ces bya ba la sogs pa ste/ 'og nas 'chad par 'gyur ba'i dam tshig 'di rnams gdon mi za bar bya ba yin no/ /sgom pa zhes pa ni sgom pa po'o/ /mkha' 'gro ma'i sprul pa zhes pa ni mkha' 'gro ma rnams kyis snying rje'i dbang gis dgod pa yin no/ /dam tshig de ci zhe na/ gsungs pa/ bsam gtan zhes bya ba la sogs pa yin no/ /mtshan mo zhes pa ni dben pa'i gnas su bsam gtan la dga' ba 'dis gsang ba'i mchod pa dang bcas pa bya ba yin par dgongs so/ / phan yon gsungs pa/ skye ba'am zhes pa la sogs pa ste/ dpa' bo'i dbang phyug ces bya ba ni dngos su dpal he ru ka'i rigs so/ /rang 'byung zhes pa ni grub pa'i rnal 'byor ma rnams so/ /g.yon pa zhes pa ni rnal 'byor ma ste/ de rnams mchod pa ste/ bstan pa'i mtshan nyid de nyid kyi phyir 'gyur ro/ /rim par phye ba bzhi bcu rtsa gcig pa'o// //de ltar bya ba yin zhes pa ni de ltar bstan pa'i rim pa dang / 'chad par 'gyur ba'i rim pas bya'o zhes pa'i don to/ /sngags 'dis zhes pa ni rtsa ba'i sngags sam/ yi ge bdun pa'i sngags sam/ oM sarba kA me ni sarba b+hak+Sha saM sho d+ha ya gu h+ye gu hUM badzi Ni swA hA/ zhes bya ba'i sngags 'dis bya'o/ /reg pa dang bzhad pa dang zhes pa ni sgrub pa bos 'khyud de ha ha he hai ho hau hUM hUM hUM zhes bya ba 'dis bzhad par bya'o/ /gad mo che bden pas tshangs par spyod pa dang zhes pa ni phyi rol gyi yan lag can gyi phyag rgya rdo rje phag mo'i bdag nyid kyi gzugs kyis te/ tha snyad kyi dang tshul rdo rje phag mor bsgom zhes pa'i don to/ /de'i chos 'byung zhes pa'i don to/ /de'i mchi ma 'byung zhes pa ni lha mo de'i spyan nas mchi ma 'bab po/ /snying nye de yi spu yang ldang / /zhes pa ni lhan cig skyes pa'i bde bas de'i ba spu ldang bar 'gyur ro/ /rdo rje zhes bya ba la sogs pas sgrub pa po'i so so'i las gsungs pa/ rdo rje ni rang gi mtshan ma'o/ /'gom mi bya zhes pa ni dngos po thams cad las lha mo'i pad+mar 'jug go/ /mchod ces pa ni nu ma dang mchan khung la sogs par blta'o/ /'di ni phyag rgya tshogs kyi rim/ /zhes pa ni 'og nas bstan par bya ba'i 'bod pa la sogs pa'o/ /byas nas ni/ phyag rgya zhes pa ni 'dir 'bod pa la sogs pa ni phyag rgya byas pa yin no/ sngags ni rjes dran byed ces 'og nas 'chad pa'i dgod pa'i rnam pa brgyad kyi sngags so/ /mchog tu dga' zhes pa ni rjes su chags par byed pa'o/ /ha hA'i rnam par zhes bya ba la sogs pas ni bya ba gsungs la 'di nye bar zhes pa ni sgrub pa po'i mngon sum nyid du'o/ /rtag tu zhes pa ni ji tsam du sgrub pa po la gnas pa'i bar de tsam du zhes pa'i don to/ /dga' bar zhes pa ni rtse ba'o/ /sngags dang bsam gtan legs par sbyar/ / zhes pa ni bsam gtan no/ /bcom ldan 'das bsgom pa sngon du 'gro bas bod pa la sogs pa'i phyag rgya'o/ /sngags ni rtogs pa'i mtshan nyid dang bcas pa'o/ /gtso mo la sogs pa ni slar las gzhan bstan pa yin no/ /dpa' bo rnams las khaN+Da ka pA la la sogs pa ste/ gtso mo ni rab tu gtum mo la sogs pa'i rnal 'byor ma de dang lhan cig tu ba spu ldang bar 'gyur ro/ /rdo rje bsgom par mi bya zhes bya ba ni sgrub pa po'i las sngon du 'gro bas zhes pa'i don to/ /g.yon pas yongs su brtags pa yin/ /zhes pa ni rnal 'byor ma gang gis de nges par yin par dgongs pas so/ /'di ni rim par phye ba bzhi bcu rtsa gnyis pa'o/ / //de nas spyan ras gzigs zhes bya ba la sogs pa ni gzigs pa ni sgrub pa po rjes su gzung bar bya ba'i don du rnal 'byor ma rnams kyis gzigs pa'o/ /de bshad do zhes bya bar 'brel to/ /dpa' bo dang ni gnyis med ni/ /gang gi zhes bya bar brtag par bya'o/ /gang gi rnam par bltas pas dpa' bo dang 'dra bar rnal 'byor ma rnams dang lhan cig gnyis su med pa'i tshul du kha sbyor du yod pa der sgrub pa po 'gro bar 'gyur ro zhes dgongs so/ /cir gyur nas rnal 'byor mas gzigs par 'gyur zhe na gsungs pa/ gnas ni zhes bya ba la sogs pa ste/ gnas ni pul+lI ra ma la ya la sogs pa'o/ /de rnams kyi dbye ba ni gnas la sogs pa'o/ /de'i cho ga ni sgrub pa po ste rang gi lus la gnas ji ltar nges par sbyar ro/ /de nyid ni byin gyis brlabs pa'o/ /bsgom la rtag tu mngon dga' ba/ /zhes pa ni bsgom la rtag tu mngon par dga' ba rtag tu mnyam par gnas pa rnams la gzigs par 'gyur zhe na gsungs pa/ lam gyi bzhi mdo zhes bya ba la sogs pa ste/ dpa' bo'i gnas ni gnas la sogs pa'o/ /da ni ma nyes par bya ba bstan pa'i phyir gsungs pa/ gcer bu zhes bya ba la sogs pa ste/ rnal 'byor pa phyogs kyi gos can gyis phyag rgya'i mchod pa ni gcer bus mchod par bya'o/ /las nyid kyi ni go 'phang mchog/ /ces pa ni de nyid mchod pa'i las te/ de'i phyir go 'phang mchog tu grol par gyur pa yin no/ /bkab ces bya ba la sogs pa ste/ stag gi pags pa bsnams pas so/ /gzhan zhes bya ba ni phyag rgya drug go/ /bkab pa ni sgom pa'i lus la bskyed pa'o/ /'dod pa rnams kyis gos mi 'gyur/ /zhes pa ni sgrub pa po brten pa la 'jug pa ji srid du yang dag pa'i ye shes thob pa'i bar de srid du mi gos so/ /yang na yid dga' ba la skyon thams cad kyis mi gos pa yin no/ /de bzhin zhes pa ni nye bar bsdu ba ste/ de bzhin du gcer bu skra grol bar gyur pa de las thams cad kyis mnyes par bya'o zhes dgongs so/ /rtsa ba'i sngags zhes bya ba la sogs pas ni rtsa ba'i sngags sam/ suM b+ha ni la sogs pa'i sngags bzlas pas phyogs bcing bar bya'o/ /de bzhin zhes pa ni phyogs su ra ba dang / gur dang / bla re dang / mda'i dra ba dang / me'i dra ba dang / sngags so/ /mchod par gyis zhes bya ba la sogs pa ni lha rnams kyis kyang ji ltar mi mthong ba de ltar mchod par bya'o/ /'dis ni shin tu gsang bar 'os pa 'dis mchod pa bstan pa'o/ /yang na rtsa ba'i sngags bzlas pa dang / suM b+ha ni la sogs pa'i sngags bzhis phyogs su rnam par bkod pas rdo rje ra ba la sogs pa'i nang du chud par bsgom par byas na 'di ltar lha rnams kyis kyang mi mthong ngo zhes pa'i don to/ /snyim pa me tog gis zhes bya ba la sogs pa ni dka' 'grel las bshad pa nyid do/ /stong phrag gi zhes bya ba la sogs pa ni stong phrag ni nye bar mtshon pa ste/ nam mkha'i phyogs na gnas pa mthar thug pa med pa rnams snyim pa me tog gis dbang du byed pa yin par dgongs so/ /dbang du byed par 'gyur zhes bya ba la sogs pa ni sgrub pa po'i nus pa bstan pa yin no/ /srid pa gzhan yang dbang du byed/ /ces pa ni khams gsum du gnas pa rnams las srid pa dbang du byed do/ /gsung gi dbang phyug ni phur bu'o/ /'di ni nye bar mtshon pa tsam ste/ khyab 'jug dang lha chen po dang / dbyig gi snying po la sogs pa yang 'gugs par 'gyur ro/ /gsung gi dbang phyug rnams dang zhes pa ni/ dbyangs can ma la sogs pa dpag tu med pa'i lha dang lha'i bu mo rnams 'gugs par 'gyur ro/ /g.yo ba sa 'og la sogs pa gang yod dang zhes pa ni 'jig rten gsum gyi gang ci yang rung ba'i tha dad de thams cad shes par 'gyur ba'i don to/ /grong dang grong khyer du zhes bya ba la sogs pa ni gsang sngags kyi bzlas pa'i gnas bstan pa yin no/ /mi phyed ces pa ni yi ge bdun pa dang lhan cig tu dbyer mi phyed par gnas shing ma lus pa yin zhes pa rnams mgo thur du dbog par bya'o/ /sa 'dzin rnams kyang gzhan du min/ /zhes pa ni rim pa 'dis ri la sogs pa yod kyang the tshom med pa yin no/ /bdag gi lus la zhes bya ba la sogs pa ni rmi lam gyi cho ga ston par 'gyur te/ rang gi lus la dkyil 'khor gyi 'khor lo rim pa ji lta ba bzhin du bsgom pa'i khongs su gtogs par byas la bdud rtsi lngas byugs pa'i ku sha'i stan gyi steng du nye bar 'dug ste/ yi ge bdun pa'i sngags brgya rtsa brgyad yongs su bzlas te/ de nyid du nyal du bcug pas ston par 'gyur te/ /rnal 'byor mas zhes pa lhag ma'o/ /yid la 'dod pa ston par 'gyur te/ tshe dang zhes bya ba la sogs pa ni dka' 'grel 'di bla ma'i man ngag gis gzhan dang gzhan du bshad do/ /sngags kyi bzlas pa zhes pa ni dus tshod na ma yin pa la gzhon nu ma bos la tho rangs dri zhim pos khrus byas la/ nye ba'i snying po'i sngags brgya rtsa brgyad kyis mig dag la mngon par bsngags nas ras ris dang lugs ma la sogs pa mchod pa sngon du 'gro bas ral gri 'am mar me 'am me long la rgya skyegs kyis byugs te yungs mar gyis bskus la de la mthe bong bstan par bya'o/ /de bzhin zhes bya ba la sogs pa ni shel lam chu 'am bum par ro/ /de'i rjes la ral gri la sogs pa rnams kyis mig yor gyi tshul du rjes su mthun pa dge ba 'am mi dge ba ston par 'gyur ro/ /dge ba dang mi dge ba ston par 'gyur zhes pa ni 'chad par 'gyur ba'i pra se na ni 'bebs par byed pa'i rjes thogs su blta bar bya'o/ / bsam gtan zhes bya ba la sogs pa ni yang de nas dpa' bo'i yi ge bdun/ /zhes pa 'di dang lhan cig tu sbyar ro/ /'di nyid dka' 'grel las bstan pa bsam gtan zhes pa la sogs pa ste/ de nas zhes bya ba la sogs pa ni dka' 'grel las gsal bar mdzad do/ /nad rnams kun las zhes pa ni dug gnyis las te/ legs par gnas par 'gyur ba zhes pa lhag ma'o/ /nad rnams kun la the tshom med/ /ces pa ni rims la sogs pa'i nad rnams thams cad zhi bar 'gyur bar dgongs pa'o/ /gang las she na/ gsungs pa/ zla ba la sogs pa ste/ spyi bo la sogs pa'i 'khor lo'i nang du yi ge bdun pa gnas par bltas pas phyogs bcu skyong bar gyur pa/ gang gi phyir zhes pa'i don to/ /go maM sa zhes bya ba la sogs pa la/ /mngar gsum sbags zhes pa ni mar dang sbrang rtsi dang sha ka ra rnams byugs pa'o/ /sbyin sreg ces pa ni/ sngar bstan pa'i cho gas las thams cad kyi thab khung du sbyin sreg bya'o/ /gsang ba zhes pa ni dben par ro/ /sgrub thabs gzhan gsungs pa/ de nas zhes bya ba la sogs pa ste/ gang du zhe na/ /rgyal po'i pho brang la sogs par ro/ /der zhes pa ni skye ba gzhan no/ /dkar po zhes bya ba la sogs pa ni las kyi bye brag gis kha dog gi bye brag go/ /sbyin sreg kyang dkar po la sogs pa kun gyi khyad par bstan pa yin no/ /'khrul 'khor zhes pa ni pha rol gyi dmag tshogs rnam par bshams shing bkod pa la sogs pa'i 'khor lo'o/ /dug gi zhes pa ni brtan pa dang g.yo ba'i mtshan nyid kyi dug nges par gdon par byas pas so/ /bsal bar 'gyur zhes pa ni slong bar gyur pa lag pa g.yon pas 'khor lo mig de yis brdeg go zhes pa'i don to/ /sad par zhes pa ni de rnams ji lta ba bzhin du sad par gyur pa de bzhin du byis pa rnams slong bar 'gyur ro zhes dgongs so/ /lag pa mthong ba zhes pa ni 'khor lo bri ba dang bcas pa'i lag pa mthong ba'i phyir ro/ /khu tshur bcings zhes pa ni 'khor lo bris pa dang bcas pa'i lag pas khu tshur bcings pa'o/ /de bzhin nyid du sgrub par byed/ /ces pa ni 'chad par 'gyur ba'i rim pas so/ /'bras bu zhes bya ba la sogs pa ni yi ge bdun pa'i mngon par rtogs pa'i me tog dang 'bras bu la sogs pa rnams kyi don to/ /da ni sngags kyi bzlas pa rim gyis bstan pa gsungs pa/ lus kyi sbyor ba zhes bya ba la sogs pa ste/ grong zhes bya ba la sogs pa ni sngar bstan pa'i gnas gzhan ma'i gnas na gnas pa'o/ /dang po dpal bde mchog 'khor lo'i gzugs kyi bdag nyid du rdzogs pa'o/ /gnyis pa ni lha mo bsgom par bya'o/ /gsum pa ni mkha' 'gro ma la sogs pa nas gshin rje 'joms ma la thug par mchod pa dang / bstod pa nas bzung ba sngon du 'gro bas rim pa ji lta ba bzhin du rdzogs par byas nas sngags kyi bzlas pa las thams cad 'grub par 'gyur ro zhes pa'i don to/ /dngos grub kyang sngags kyi las thams cad kyis 'grub par gsungs pa/ sa gzhi zhes bya ba la sogs pa ste go sla'o/ /'di ni rim par phye ba bzhi bcu rtsa gsum pa'o/ / //de nas pho nya zhes bya ba la sogs pa ni pho nya ni rnal 'byor ma drug go/ /'dir sngags dang lha tha mi dad pa'i phyir na pho nya mo'i go cha'i sngags mtshon cing bstan to/ /bsdus ldan zhes pa ni cho ga ji lta ba bzhin du yang dag par bris pa'o/ /yi ge bdun par ldan 'grub pa/ /zhes pa ni nye ba'i snying po'i sngags kyang ngo / /gang zhig ces pa ni bsgrub par bya ba gang la'o/ /las ni yang dag rtsom zhes pa ni de'i mod la 'grub par 'gyur ro zhes pa'i don to/ /de nyid gsungs pa/ lag pa'i dbus su zhes bya ba la sogs pa'o/ /rnal 'byor ma drug ces pa ni oM baM zhes bya ba la sogs pa'i go cha'i sngags kyang ngo / /'khor lo rnams kyi zhes pa ni lag pa g.yon pa'i mthil du pad+ma dmar po 'dab ma lnga pa bris pas so/ /g.yon pa lnga ni bskul tshig ldan/ /zhes pa ni g.yon skor gyis che ge mo khug cig ces bsgrub byar ldan pas so/ /'dir yang yi ge bdun pa'i sngags kyis blta bar bya'o/ /gang gis gzugs 'dzin bsams na ni/ /zhes pa ni gang gis bsgrub bya'i gzugs de 'dzin par bdag nyid kyi gzugs bltas nas so/ /kha nas gsang sngags rgyal po zlos/ /zhes pa ni nye ba'i snying po'i sngags sam go cha'i sngags kha nas zlos shing lag pa gang la bstan pa de 'gugs par 'gyur ro/ /da ni nges par zhes pa la/ da ni go cha'i sngags 'ba' zhig gi las bya bar gsungs pa/ dmar po zhes bya ba la sogs pa ste go sla'o/ /lag pa gnyis kyis mnyes nas ni/ /rnal 'byor ma la sbyin sreg bya/ /zhes pa ni lag pa g.yon pa dang g.yas pa gnyis la go cha'i sngags bkod pa'i rdul mnyes nas sbyin sreg gi thab khung du rdo rje phag mo la sogs pa'i rnal 'byor ma drug bsgoms pa'i zhal du sbyin sreg bya'o zhes pa'i don to/ /sme sha can gyi me 'am zhes pa ni 'am smos pas dbul bar bya'o/ /mtshan mo zhes pa ni mtshan phyed na'o/ /der ni bsgrub bya mngon phyogs te/ /zhes pa ni thal ba des bsgrub bya'i gzugs brnyan byas te/ gro ga la sogs pa la sngags kyi 'khor lo bris te/ de'i snying gar bcug la/ bdag nyid dang de las mngon par phyogs par 'gyur ba ste/ sbyor ba 'di ni bsam par bya/ /zhes pa'i rjes thogs su bstan par bya ste/ sngags kyi bzlas pa 'bum phrag gcig bya'o zhes pa'i don to/ /'gugs pa'i dgongs pa gsungs pa/ dbang du 'gyur zhes bya ba la sogs pa ni go sla'o/ /de nyid kyi ni zhes bya ba la sogs pas rnam pa gzhan gsungs pa/ dur khrod ras la gtums nas ni/ /zhes pa ni che ge mo'i A yuH s+t+waM b+ha ya zhes bskul tshig sngon du 'gro bas 'khor lo bri nas dur khrod kyi ras la gtums nas bya'o/ /lan bdun bzlas na zhes pa ni go cha'i sngags kyis lan bdun mngon par bsngags so/ /brkos nas ni zhes bya ba la sogs pa ni dgra'i ming dang bcas pa'i sngags brjod pa sngon du 'gro bas sa la sor brgyad thug par brkos te sba zhes pa'i don to/ /brkos pa la sogs pa'i dgongs pa gsungs pa/ brkos pas zhes pa ni sbas pas so/ /de'i tshe na gnon par 'gyur ro zhes bya ba ni don gyi tshe gnon pa ste/ de srid du de'i srog tu 'gyur ro zhes dgongs so/ /ba'i 'o ma yis zhes pa ni ba'i 'o mas 'khor lo de'i rdul bkru ba'o zhes pa lhag ma'o/ /de nyid ces bya ba la sogs pas slar yang las gzhan gsungs pa/ /myos byed lnga dang ldan pa ru/ /zhes pa ni da du ras yan lag lnga dang ldan pas so/ /de ni dur khrod ras kyis bcings/ /zhes pa ni sngar bstan pa'i ras kyis rim pa nyid kyis bcing ngo / /dgra yi ming yang bri bar bya/ /zhes pa ni ras la 'khor lo bri bar ni che ge mo u maM kurbaM ti zhes bri bar bya'o/ /bzlas brjod lan brgya bzlas nas ni/ /zhes pa ni dang por go cha'i sngags lan brgyar yongs su bzlas nas gnyis kar gcig tu byas te phur mar bya'o zhes pa'i don to/ /dur khrod sar ni myur sbas nas/ /zhes pa ni sngar gyi bzhin du sngags brjod pa sngon du 'gro bas dur khrod kyi sa gzhir sor brgyad thug par sba bar bya'o/ /dgongs pa gsungs pa/ smyo bar 'gyur zhes bya ba la sogs pa'o/ /slar gso ba gsungs pa/ bton nas zhes bya ba la sogs pa ste go sla'o/ /'di ni rim par phye ba bzhi bcu rtsa bzhi pa'o// //bzlas brjod brgya yang zhes pa ni go cha'i sngags kyis so/ /ling+ga ni rang 'byung ngo / /mnyam par gzhag pas nyi ma bdun/ /zhes pa ni lha'i rnal 'byor dang ldan pas nyi ma re re 'o ma btung zhing rtag tu khrus bya'o/ /de nas nyin zhag bcu gcig na/ /zhes pa ni nyi ma bdun gyi 'og tu mtshan mo gsum smyung bar gnas nas nyi ma bcu gcig pa la blang / /zhes pa'i don to/ /chu bo chen po zhes pa ni rgya mtsho las 'gro ba'o/ /gsang ba'i rgyud las 'byung ba yi/ /zhes pa ni gsang bar 'os pa'i phyir te gsang ba'i rgyud ni mngon par brjod par 'bum pa'o/ /de las byung ba ni/ de las gsungs pa'i rim pa 'dis/ /zhes pa lhag ma'o/ /rgyud gzhan las gsungs pa'i dam tshig 'grub ste/ rim pa gzhan gyis zhes dgongs so/ /sgrub thabs gzhan gsungs pa/ skye gnas phyag rgya bcing zhes bya ba la sogs pa nas/ /'khor lo sgyur dang bcas pa yang / nges par 'gugs zhes pa'i mthar te/ 'dir yang 'brel pa'i rim pas sbyar bar bya'o/ /bsgrub par bya ba'i gzugs byas la/ /zhes bya ba la sogs pa ni spra tshil la bsgrub bya'i gzugs byas te/ tsan+dan dmar po dang bsgrub bya'i rkang rjes kyi sa dang / tsha ba gsum po rnams kyis byug par bya ba yin pas mi'i bdag po 'khor dang bcas pa zhes bya ba la sogs pa'i ming brten pa zhes bya ba ni mthar ro/ /gro ga'i 'dab ma la yi dags kyi sen rtsi dang gi wang dag gis sngar bstan pa'i cho ga'i sngags kyi 'khor lo la mi'i bdag po 'khor dang bcas pa'i bsgrub bya'i ming brten te bri bar bya'o zhes pa'i don to/ /bsgrub par bya ba'i lto bar gnas/ /zhes pa ni 'khor lo de bsgrub bya'i gzugs brnyan gyi lto bar gzhug par bya'o zhes pa'i don to/ /sgrub pa po ni gsang gnas su/ /zangs ma'i khab kyis phug nas ni/ /zhes pa ni gsang ba'i gnas ni dbang po'o/ /de'i rjes la skye gnas zhes bya ba la sogs pa ni sngags pa'i mtha' ste/ bsgrub bya'i gzugs brnyan gyi mdun du las kyi lhag ma dang lhan cig tu kha sbyor du byas la bsgrub bya'i ming brten pa'i sngags brgya rtsa brgyad bzlas par bya'o zhes pa'i don to/ /de'i rjes thogs su mthe'u chung zhes bya ba la sogs pa ni de la yid kyi gnas zhes pa'i mthar te/ rdo rjes g.yon pa'i mthar rtsa ba'i sgrar brjod do/ /de yid kyi thun gsum du bskyed par bya'o zhes dgongs so/ /'di ni rnal 'byor pa sgrub pa pos chags pa can gyi thams cad rdzogs par 'gyur ba bstan pa yin no/ /kha sbyor du gyur pa'i sgrub pa pos sngags brgya rtsa brgyad yongs su bzlas pas gang byed par gyur pa de bstan to/ /du med ces pa la sogs pa ni brgya rtsa brgyad nas zhes pa ni 'di'i mthar ro/ /nyi ma bdun du thun re la gzugs brnyan du ba med pa'i seng ldeng gi me la bsro zhing sngags brgya rtsa brgyad yan chad bzlas par bya'o/ /bstan pa'i don de gsal bar bya ba'i phyir gsungs pa/ mngon par phyogs te brgya bzlas nas/ /zhes pa la sogs pa nas/ ma zhu ba zhes pa'i bar du go sla'o/ /dgongs pa gsungs pa/ lan brgya zhes bya ba la sogs pa nas/ myur du 'gugs par byed pa yin/ /zhes pa'i mthar te/ bzlas pa zhes pa ni nyi ma bdun du kun du rdzogs pa dang / de dang lhan cig tu nges par bzlas pa bya ba yin par dgongs pa'o/ /de nyid kyi don gsal bar gsungs pa/ gdugs ni shing zhes bya ba la sogs pa nas/ 'gugs par 'gyur bya ba'i mtha' go sla'o/ /nges par cir 'gyur bar gsungs pa/ bram ze gsod pa dag gis kyang / /zhag bdun brgya byin myur bar 'gugs/ /zhes pa'o/ /sbyor ba gzhan gyis kyang mtha' dag 'gugs par bstan pa'i phyir gsungs pa/ rkang rjes rdul zhes bya ba la sogs pa ste go sla'o/ /lag pa gnyis la sngar bstan pa'i 'khor lo gnyis bkod de/ mnyes pa'i rdul gyis seng ldeng gi me mdag la sbyin sreg bya'o zhes bya ba'i don to/ /yun ji srid du gsungs pa/ ji srid bar du bsregs pa 'grub/ /ces pa ni ji srid du ma grub kyi bar du de srid du sbyin sreg bya'o/ /rgyal zhes bya ba la sogs pa go sla'o/ /dud 'gro zhes bya ba la sogs pa ni dgug pa'i rim pa 'dis phyugs rnams rnal 'byor mas zos pa 'am gal te pho nya mas nye gnas byed do zhes dgongs so/ /pho nya ma'i bya ba khyad par du gsungs pa de nas zhes bya ba la sogs pa ste/ de nas zhes bya ba ni slar gso ba'i rjes thogs su'o/ /las kyi pho nya mo zhes bya ba la sogs pa ni las bya ba'i don gyi pho nya mo ste de'i don zhes bya ba'i don to/ /'dzin par 'gyur zhes pa ni de'i ming smos pa sngon du 'gro bas che ge mo zhes bya ba de yis bya'o zhes lan gsum du brjod do zhes dgongs so/ /slar yang 'gugs pa'i phyir gsungs pa/ ka ra bI ra zhes bya ba la sogs pa ni gang la sngags mngon par bris par 'gyur ba bsgrub bya gang la ming dang bcas pa'i sngags brjod de sgrub pa po gang gis gang la'o/ /'bar 'gyur ro bsregs me la dor/ /zhes pa ni dur khrod kyi sol ba gang dang gang la'o/ /myur ba ni myur ba'o/ /rig pa lan bdun bzlas nas ni/ /zhes pa ni rig pa ste go cha'i sngags kyis lan bdun bzlas pa'i lcug ma de'o/ /gang zhig bzlas te bskor na ni/ /zhes pa ni che ge mo'i bu mo zer ba'o/ /skyes pa bzung nas myur du 'ong zhing smra bar bsgrub bya gang zhig bsams te bskor bar bya'o zhes dgongs so/ /de'i skad cig la zhes bya ba la sogs pa ni go sla'o/ /slar yang ngag gi dngos grub gsungs pa/ ka ra bI ra'i me tog ces bya ba la sogs pa ste go sla'o/ /dgongs pa gsungs pa/ sgrub pa po de'i tshig gi dngos grub ces bya ba la sogs pa ste/ tshig gi dngos grub ces pa ni tshig gi dngos grub po zhes pa'i don to/ / gzhan ni go sla'o/ /dgug pa yi ni sbyor ba dag /ces bya ba la sogs pa ni bshad par bya'o zhes pa lhag ma'o/ /me tog dmar po zhes bya ba la sogs pa ni spyir mngon par brjod pa'i ka ra bI ra zhes khyad par du bstan pa yin no/ /blangs nas zhes pa ni khros pa'i tshe yang dag par blang ngo zhes bya ba'i don to/ /gzhan go sla'o/ /rig pa lan brgya bzlas pa dag/ ces pa ni go cha'i sngags kyis mngon par bsngags pa'o/ /kha sbyar zhes pa ni me tog de skye gnas kyi dbus su bcug la phyi rol gyi yan lag can dang lhan cig tu gyur pa zhes dgongs so/ /me tog de rnams las zhes pa ni lnga pa'i don gyi gsum pa'o/ /mngon gyur sems ni ldog pa ru/ /zhes pa ni sbyor ba 'di'i mthu stobs dngos so/ /sems ni sems so/ /ldog pa ni byed pa'o/ /de de ltar na gsungs pa/ 'di ni mngon par grub pa ste/ zhes pa ni yid ches par mthong ba'i sbyor ba zhes pa'i don to/ /don yod ces pa ni 'bras bu don dang bcas pa'o/ /'di ni rim par phye ba bzhi bcu rtsa lnga pa'o// //de nas zhes bya ba la sogs pa ste/ yi ge ha lnga zhes pa ni ha'i yi ge lnga ste bstan par bya'o zhes lhag ma'o/ /gang zhig ces bya ba la sogs pa ni/ gang gis yi ge ha lnga yis/ /zhes pa ni cho ga nan tan du byas pas lag pa'i yi ge ha lnga mnyes par bya'o/ /bskul tshig dang ldan pa'i zhes pa ni bsgrub bya'i rkang rjes kyi sa dang dug dang khrag dang ske tshe rnams kyis lag pa gnyis kyi mthil du byugs te/ de'i steng du ba bla dang / rdo rgyus dang / yung ba dang gi wang rnams kyis khwa'i sgro'i myu gus nyi ma la gnas pa'i rdo rje rtse lnga pa'i lte ba la yi ge ha lnga yang dag par bris te/ bsam gtan gyis kyang de bzhin du bltas la seng ldeng gi me mdag gam dur khrod kyi me la bsgrub bya'i ming brjod pa sngon du 'gro bas lag pa gnyis mnyes nas sbyin sreg bya ba yin par dgongs so/ /'di'i don dka' 'grel las kyang mdor bsdus te bstan pa yin par rtogs par bya'o/ /rang gi khrag ces bya ba la sogs pa ni rim pa 'dis thod pa la sogs par yi ge ha lnga bris la bsam gtan gyis kyang de bzhin du bltas la rang gi khrag bud med kyi khrag dang lhan cig tu bsres te thod par bzhag la bsgrub bya'i ming brjod pa sngon du 'gro bas mnyes par bya'o zhes pa'i don to/ /gal te zhes bya ba la sogs pa ni ci ste gnyis po med pa'i tshe khro ba dang bcas pas yi ge ha lnga bsgrub bya'i ming dang bcas pas bzlas na de'i tshe ji skad du bstan pa de bzhin du 'grub par 'gyur ro/ /rim pa bzhin gyis bsad pa bstan pa ni kha cig go/ /rnal 'byor ma'i sgrub thabs gsungs pa/ byi la dang zhes bya ba la sogs pa ni zla ba la gnas pa'i yi ge ha lnga'i sa bon las rdzogs pa'i byi la'i sha la sogs pa rnams kyis mkha' 'gro ma rnams la sbyin sreg dang gtor ma dbul zhes pa'i don to/ /lag par bzlas brjod byas te zhes pa ni rang gi lag pa'i yi ge lan stong gi bar du bzlas pa'o/ /gang la sdigs mdzub ces pa la sogs pa ni khros pas sngags bzlas pa'i sdigs mdzub bya'o/ /slar yang 'tsho bar zhes pa ni zhi bas sngags bzlas te/ sdigs mdzub dang bral bas zhes pa'i don to/ /'di ni rim par phye ba bzhi bcu rtsa drug pa'o// //de nas zhes bya ba ni 'chad par 'gyur ba'o/ /rim par phye ba las phyin ci log tu bsdus pa'i mkha' 'gro ma'i snying po'i sngags kyi rab 'byam gsungs pa/ gzhan yang zhes bya ba ni las gzhan no/ /sngags gang gis she na gsungs pa/ mkha' 'gro kun gyi snying po ni sngags gang gis rdo rje phag mo la sogs pa'i mkha' 'gro ma thams cad kyi snying po yin par dgongs so/ /'dis cir 'gyur zhe na/ gsungs pa/ 'dir zhes bya ba la sogs pa 'dis ni 'chad par 'gyur ba'i mkha' 'gro ma'i snying pos so/ /'jim pa la zhes pa ni rdza mkhan gyi lag pa la 'byar ba'i 'jim pa la sngags 'di brgya rtsa brgyad mngon par bsngags pa yin no/ /sngon du bsnyen pa 'bum phrag gcig gam yi ge'i grangs kyi 'bum phrag gcig gis bya'o zhes dgongs so/ / rengs pa dang dgug pa la'o/ /kA kaM di ka'i 'bras bu ni nag po chen po'i 'bras bu'o/ /rab tu ltogs pa'i sen mo ni dka' 'grel las shi ba yin no zhes pa'o/ /gzhan las khwa ta'i ta'o/ /ri lu bcu gcig pa ni cha mnyam pa'o/ /lag pa bcings te zhes pa ni de'i lag pas blangs te khu tshur bcang ngo / /nyi ma re re zhing thun re re zhing la nyi ma bcu gnyis kyi bar du stong phrag brgyad bzlas par bya'o/ /bcu gnyis zhes pa ni nyi ma bcu gnyis kyi bya ba yongs su rdzogs par byas nas 'dag pa de rnams phyis te rang gi 'dod pas zhes dgongs pa'o/ /slar 'tsho ba ni skra bregs pas so zhes pa ni man ngag go/ /a ru ra'i zhes bya ba ni a ru ra brgyad brgyas zhes pa'i don to/ /bya chen po zhes bya ba la sogs pa ni 'ug pa'i tshang gi shing bus nyi ma bdun gyi bar du nyi ma re re zhing thun re rer sngags bzlas pa stong phrag brgyad kyi grangs sngon du 'gro bas sbyin sreg bya ba yin no/ /phub ma zhes pa ni stong phrag brgyad kyi grangs kyis so/ /gang gi ming nas smos nas zhes pa ni bsgrub bya'i ming brten pa'i sngags stong phrag brgyad kyis so/ /slar bzlas te zhes pa ni stong phrag brgyad kyis so/ /slar srad bu byas la mngon par bzlas te zhes pa ni srad bu lag tu blangs te/ bsgrub bya'i ming dang bcas pa ni sngags kyis lan brgyad brgyar mngon par bsngags te zhes dgongs so/ /gzhan du yang bya ba nyid do/ /'bru la mngon par bsngags la zhes pa ni nyi ma bdun gyi bar du thun re re la sngags brgyad stong gis mngon par bsngags te/ mtshan mo bdun gyis zhes pa ni mtshan mo bdun pa'i cha la de ltar sbyor ba 'di thams cad sgrub pa pos bya ste/ sngon gyi bsnyen pa'i sngags kyis 'grub par bya'o/ /'di ni rim par phye ba bzhi bcu rtsa bdun pa'o// //de nas zhes bya ba la sogs pa ste/ gzhan yang zhes bya ba ni sngags gzhan no/ /de gang zhe na gsungs pa/ mkha' 'gro kun gyi dge ba yi/ snying po zhes pa ste/ mkha' 'gro kun gyi ni rdo rje phag mo la sogs pa gzung ngo / /snying po ni snying po'i sngags so/ /dge ba'i zhes pa ni dge ba'i phyir 'jug pa rnams las dge ba la 'jug pa'o/ /rnal 'byor ma kun gyis 'dod pa thams cad sgrub byed pa ni rnal 'byor ma kun rnams kyis sgrub pa po rnams kyi phun sum tshogs pa sgrub pa'i phyir nus so/ /dran pa tsam gyis zhes pa ni/ sngar gyi bsnyen pa'i rjes thogs su bzlas pa tsam gyis sbyin sreg la sogs pa la/ tsam gyis zhes bya ba la sogs pa ni sngon gyi bsnyen pa dang po dran pa'o/ /de'i rjes su dran pa dang rjes su dran par sgrub pa'o/ /de tsam gyis sngar gyi bzhin du sbyin sreg la sogs pa mi ltos par ro/ /yang dag dngos grub rim gyis so/ /zhes pa ni rnal 'byor ma rnams kyi bsnyen pa la 'jug pa'i rim pas gnas dang nye ba'i gnas la sogs pa rnams su phyin na des byin gyis brlabs shing bde mchog gi bdag nyid kyis yang dag pa'i dngos grub thob par 'gyur ro zhes bya ba'i don to/ /swA hA zhes bya ba la sogs pa ni phyin ci log tu gsungs pa yin no/ /bklags pas 'grub ste zhes pa ni bsod nams bsags pa gang la la zhig gis sngar gyi bsnyen pa la sogs pa la mi ltos pas las thams cad byed do/ /gzhan gyi sngon gyi bsnyen pa la sogs pa la ltos pa dang bcas pa kho na'o zhes pa'i don to/ /de 'dir gang zhe na/ gsungs pa/ mkha' 'gro ma zhes bya ba la sogs pa ste/ mkha' 'gro ma ni mdor bstan pa'o/ /rnal 'byor ma zhes pa ni rgyas par bshad pa'o/ /de gang zhe na gsungs pa/ khaN+Da ro ha lA ma la sogs te sogs pa smos pas de rnams thams cad gzhal yas khang na bzhugs pa rnams gzung ngo / /de bzhin zhes bya ba la sogs pa ni de bzhin gzhan dang lhan cig pa'i yang grub pa'i rnal 'byor pa rnams kyi snying po zhes dgongs so/ /che ba'i bdag nyid gsungs pa/ sa 'og ces bya ba la sogs pa ste/ thams cad go sla'o/ /de'i steng du zhes bya ba la sogs pa la mkha' 'gro ma zhes pa ni mkha' 'gro ma'o/ /lA ma zhes pa ni lA ma'o/ /khaN+Da ro ha zhes pa ni khaN+Da ro ha ste/ rnal 'byor ma zhes pa gsum po 'di ni nye bar mtshon pa tsam ste/ rnal 'byor ma'i 'khor lo'i tshogs su gnas pa gzhan yang yid kyis bsgom par bya bas so/ /dpa' bo rnams kyi zhes pa ni dpa' mo dang ldan pa'i dpa' bo nyid ces pa ni bcom ldan 'das shes rab dang bcas pa'o/ /ha ha zhes bya ba la sogs pa ni rab tu bzhad par bstan pa yin no/ /dpa' bo rnams las dpa' bo nyid/ /ces bya ba'i tshig dang ldan pa'i rgyas par bshad pa gsungs pa/ nyi shu rtsa bzhi zhes bya ba la sogs pa ste/ dpa' bo nyi shu rtsa bzhi ni/ /zhes pa ni gnyis pa'i don gyi drug pa'o/ /rdo rje sems dpa' zhes bya ba la sogs pa ni dpa' bo nyi shu rtsa bzhi po rnams kyi mngon par brjod pa'i rim pa las sku'i 'khor lo nas brtsams te bstan pa yin no/ /rim pa bzhin du ni sgrub thabs kyi cho gar gsal ba nyid do/ /thod pa'i dum bu la sogs pa/ / zhes pa ni sogs pa smos pas 'dir rnam par gnas par ston par byed do/ /'o'i sgra'i zhes pa ni 'o'i sgra'i don ni yongs su rdzogs pa ste/ bsgom par bya ba yid kyis rdo rje sems dpa' la sogs pa khaN+Da ka pA la la thug par rnam par gzhag pa zhes pa'i don to/ /dkyil 'khor la bkod pa'i dpa' bo rnams kyi che ba'i bdag nyid gsungs pa/ /nyi shu rtsa bzhi zhes bya ba la sogs pa ste/ dpa' bo nyi shu rtsa bzhi rnams kyis zhes pa ni gsum pa'i don gyis drug pa'o/ /ci dpa' bo 'di rnams kho na dgod dam/ /gzhan dang lhan cig tu zhe na/ gsungs pa/ dpa'o bo rnams kyis mkha' 'gro nyid/ /ces pa'o/ /rnal 'byor ma ni zhes pa ni rnal 'byor ma ste bsgom par bya zhes pa lhag ma'o/ /de yang gang zhe na gsungs pa/ rab gtum mo sogs/ de bzhin gzhan yang ni zhes pa ni rab tu gtum mo la sogs pa gzhan yang de bzhin du bsgom par bya'o zhes pa'i don to/ /sngar bshad cho ga yis mchod pa/ /zhes pa ni rim par phye ba dang po dang gsum pa las gsungs pa ni rim pas mchod par bya'o zhes pa'i don to/ /rnal 'byor ma'i zhes pa ni rnal 'byor ma rnams kyi'o/ /dngos grub kun gyi gnas de bzhin/ /zhes pa ni mchod pa la 'jug pa'o/ /de bzhin ni gzhal yas khang gi rnal 'byor ma rnams kyi mchod pa zhes pa'i don to/ /'di ni legs par gsungs zhes pa ni 'di ni mchod cing bsgom pa'i mtshan nyid do/ /legs par gsungs pa ni yang dag bstan pa sangs rgyas bye bas zhes bya ba ni rnam par snang mdzad la sogs pa'i sangs rgyas bye ba rnams kyis so/ /dpa' bo bye ba zhes bya ba ni dpal bde mchog la sogs pa'i bye ba rnams kyis kyang ngo / /slar yang dpa' bo rnams kyi che ba'i bdag nyid gsungs pa/ re re'i zhes bya ba la sogs pa ni 'dir yang dpa' bo re re la rnal 'byor ma bstan pa so sor re re nyid do/ /don dam par na bye ba'i grangs yongs su bcad pa'i rnal 'byor ma zhes bya ba'i don to/ /da ni rnal 'byor ma'i che ba'i bdag nyid gsungs pa rnal 'byor ma ni zhes bya ba la sogs pa ste go sla'o/ /'di ni rim par phye ba bzhi bcu rtsa brgyad pa'o// //de nas gzhan yang zhes bya ba la sogs pa la/ ji ltar cho gas phyugs kyi las/ /zhes pa ni cho ga bzhin du bong bu'i rnal 'byor sngon du 'gro bas bltas te/ bdud rtsi myang ba'i cho gas bza' ba dang / bca' ba dang bcas pa bsgrub pa la sogs pa yin par dgongs so/ /gang zhig ces bya ba la sogs pa ni shes tsam gyis ni zhes pa ste/ khyad par can du byin gyis brlabs pa tsam gyis so/ /dngos grub ni 'og nas 'chad par 'gyur ba'i mtshan nyid do/ /sA lu la sogs pa'i cho ga gsungs pa/ /sA lu'i phye las bong bu'i rnam par gzugs brnyan byas te/ phyugs sna tshogs pa rnams su blta ba la sogs pa bya'o zhes dgongs so/ /de nyid dka' 'grel las gsungs pa/ de he ru ka bya bar gsal bor bshad pa yin no/ /phyugs su zhe na gsungs pa/ bong bu zhes bya ba la sogs pa ste/ sogs pa smos pas khwa dang 'ug pa dang / bya rgod la sogs pa gzung ste/ dang po'i don gyi gsum pa'o/ /sna tshogs zhes pa ni sna tshogs pa'i phyugs gzhan no/ /rim par phye ba bcu gcig pa las gsungs pa'i skye ba bdun pa'i las rdzogs par bya ba'i phyir gsungs pa/ 'di rnams zhes bya ba la sogs pa ste/ 'di rnams ni bstan ma thag pa rnams las gzhan mchog tu gyur pa'i skye ba bdun pa'o/ /skye ba bdun pa'i phyugs kyi las/ /zhes dgongs so/ /mtshan nyid ji lta bar gyur pa dang zhes pa ni skye ba bdun pa'i mtshan nyid kyang bshad par bya'o zhes bya bar 'brel lo/ /gcig ces bya ba la sogs pas skye ba bdun pa srid par ston pa yin no/ /phyugs gang zhe na gsungs pa/ gang zhig ces bya ba la sogs pa ste go sla'o/ /bsnams pa'am zhes bya ba la sogs pa ni skye ba bdun pa ji skad du bstan pa'i mtshan nyid dang ldan pa de'i sna'i rnam par shes pas yongs su gcod do/ /lus kyi rnam par shes pas kyang reg pa zhes bya ba'i don to/ /'di ni nye bar mtshon pa ste/ mig gi rnam par shes pa la sogs pas kyang yongs su gcod par byed do zhes so sor sbyar bar bya'o/ /gang gi thig le byed pa de/ zhes pa ni 'chad par 'gyur ba'i rim pas snying ga'i gi wang gi thig le bya'o zhes dgongs so/ /thig le zhes bya ba ni sems can gyi ming gi snying po'i sngags kyis bstan te mngon par bsngags pa'i gi wang gi thig le byas pa'i don to/ /slar gso bas gso zhes pa man ngag go/ /shing zhes bya ba la sogs pa ni shing gang gi zhes bya ba'i don to/ /thig le zhes pa ni snying po'i sngags kyis zhes pa lhag ma'o/ /phyugs nyid ces pa ni/ bstan pa'i phyugs rnams kyi nang na phyugs 'ga' zhig gcig gi zhes bya ba'i don to/ /de'i yan lag lngar bstan cing zhes pa ni/ spu dang sder mo dang so dang pags pa dang sha rnams kyis lhan cig tu zhes bya ba'i don to/ /bkrol bas thar par bya ba yin no zhes pa ni man ngag go/ /yang 'di rnams kyi dngos grub ci yin zhe na gsungs pa/ /rnal 'byor zhes bya ba la sogs pa ste/ shin tu phul du byung bar goms pa'i rnal 'byor dang sngags kyi bzlas pa'i nang du gang la la zhig gi ming de nyid kyis dngos grub 'grub par 'gyur ro zhes dgongs so/ /nyon mongs zhes bya ba la sogs pa la/ sdig la dga' zhes pa ni sdig la dga' ba rnams kyi bza' ba tsam sems kyis sbyin par dga' zhing mi nus so/ /de zhes bya ba la sogs pa ste/ gang gi phyir sdig pa'i mthu stobs kyis de rnams kyi dngos grub kyi lam 'gog par byed pa yin te/ skye ba bdun pa'i las brjod pa yin no/ /da ni phyugs gzhan rnams kyi las gsungs pa/ glang po che zhes bya ba la sogs pa ste/ 'di rnams kyi cho ga ji lta ba bzhin du zlos pa rnams kyis gzugs ngan pa la yang gzugs bzang por 'gyur zhes bya ba'i don to/ /rang dga' zhes bya ba la sogs pa ni go sla'o/ /'di ni rim par phye ba bzhi bcu rtsa dgu pa'o// //de nas zhes bya ba la sogs pas ni sbyin sreg gsungs te/ yang dag cho ga gang gis ni/ /zhes pa ni gang gis rim par phye ba sum cu rtsa bzhi pa las gsungs pa'i rim pas zhes pa'i don to/ /dngos grub ces pa ni dbang la sogs pa'o/ /kha chu zhes pa ni mchil ma'o/ /ming smos zhes pa ni bsgrub bya gang gi ming nas smos pa'o/ /rang 'dod ni 'dod cing 'dun pa'o/ /rnal 'byor dbang phyug ces pa ni dpal bde mchog gi sku'o/ /kuSh+maN+DaM zhes bya ba la sogs pa ni kha bcing ba gsungs pa dka' 'grel las gsal lo/ /khyim gyi ta ma la'i 'dab ma/ /zhes pa ni gnas pa'i 'dab ma rnams kyi sbyin sreg kyang de'i don du bya'o zhes pa'i don to/ bstan pa'i rnam pas rnal 'byor pa'i don dbang du bya ba'i las gsungs pa/ /rang 'dod ces bya ba la sogs pa ni gal te 'dod par gyur pa de'i tshe bya'o zhes dgongs so/ /de de ltar na gsungs pa/ gang dang de ru rnam par gnas/ /zhes pa la gang dang de ru zhes pa ni bya ba yang mi byed do/ /de nas gzhan yang bshad bya ba/ rnal 'byor ma yis gnas sogs/ /zhes pa ni rab tu dga' ba la sogs pa'i sa bcu gnas dang nye ba'i gnas la sogs pa rnams kyi brdas so zhes pa'i don to/ /rnal 'byor ma zhes pa ni rnal 'byor ma gzhan rnams kyi'o/ /gnas la sogs pa des cir 'gyur zhe na/ gsungs pa/ shrI he ru ka zhes bya ba la sogs pa ste/ sku yan lag ces pa ni yan lag dang nying lag gi rang bzhin no/ /sku kun brtan g.yo'i bdag nyid can/ /zhes pa ni 'di rnams thams cad dpa' bo rnams kyi yan lag go/ /brten pa ni sa 'dzin la sogs pa'o/ /g.yo ba ni srog chags te/ de dag nyid gang la gnas pa zhes pa bsdu'o/ /rnam pa gang gis brda de la de skad bya zhe na/ gnas zhes bya ba la sogs pa ste go sla'o/ /shrI he ru ka dang lhan cig spyad/ /'di ni nang gi bdag nyid can/ zhes pa ni 'di ni nang gi bdag nyid kyi sa la gnas pa la sogs pa'o/ /phyi rol gyi ni sprul pa'i sku/ /zhes pa ni he ru ka sprul pa'i sku dang lhan cig tu spyod cing sa la rgyu'o/ /pha rol phyin bcu'i sa rnams ni/ /zhes pa ni/ pha rol phyin bcu'i rang bzhin sa bcu po rnams so/ /kla klo'i skad kyis rnal 'byor ma/ /zhes pa ni rnal 'byor ma rnams kyi brda zhes bya ba'i don to/ /ji ltar dpal he ru ka'i yan lag dang nying lag gi rang bzhin de gnas la sogs pa yin zhe na gsungs pa/ mtho ris sa stengs zhes bya ba la sogs pa ste/ 'jig rten gsum po las grags pa gang zhig gi rnam pa la sogs pa ji ltar bstan pa bshad par bya ba pul+lI ra ma la ya la sogs pa'i sgra brjod pa gang zhig go/ /nang gi bdag nyid can du gnas/ /zhes pa ni dpal he ru ka'i yan lag dang nying lag la yang dag par gnas pas khong du chud par bya'o/ /'di yang sgrub thabs kyi cho ga las gsal ba yin pas 'dir blta ba'o/ /'di nyid gsungs pa/ dpal ldan khrag 'thung rgyal po che/ /'dod pa kun gyi dbang phyug gtso/ /bsgrub par bya zhes pa gzhan dang 'brel to/ /kun du phyag dang zhabs ldan zhing / /zhes bya ba la sogs pa ni lus la gnas pa kha la sogs pa gsal bar bya ba'i nang gi bdag nyid la gnas par bstan pa yin no/ /ji ltar gsal ba sgrub thabs las shes par bya'o/ /kun du thod ldan 'jig rten ni/ /zhes pa ni nyan cing thos par byed pa'i dngos grub thob pa'i thos pa gang la yod pa de ni thos pa ste rnam pa gnyis so/ /thams cad g.yogs te rnam par zhugs/ /zhes pa ni phung po la sogs pa yul du bya ba can gyi gnas la sogs par bzhugs so zhes bya ba'i don to/ /de nas zhes bya ba la sogs pa ni gang gi phyir de ltar na de'i phyir dngos grub rdzogs pa'i bcom ldan 'das dgos pa bsgrub par bya'o/ /bsam gtan ldan pa'i sems kyis te/ /zhes pa ni bsgom pa dang ldan pa'i yid kyis so/ /sgrub pa po zhes bya ba la sogs pa ni go sla'o/ /'di ni rim par phye ba lnga bcu pa'o// // de nas zhes bya ba la sogs pa la/ man ngag ces pa ni bsgom pa'i rim pa'o/ /sbas pa yin zhes pa ni gsang ba'o/ /dpa' bo'i brda yi skad du ni/ /zhes pa ni dpa' bo sgrub pa pos rtogs par bya ba ste/ de'i brda smras pa yin no/ /gos ni stag gi pags pa'o/ /yang na gzhal yas khang ngo / /phyag rgya lnga zhes pa ni 'khor lo la sogs pa'o/ /sogs pas ni thal ba bsdu'o/ /shes rab yan lag ces pa ni shes rab la 'khyud pa'o/ /phur bu gur zhes pa ni phur bu gdab pa dang / rdo rje'i ra ba dang / gur dang / bla re dang / mda'i dra ba dang / rdo rje'i rang bzhin gyi gnas gzung ba'o/ /A li kA li yang dag brjod/ /ces pa ni kun nas khor yug tu A li kA li'i phreng ba bkod pa'o/ /rgyu sogs stong pa sngon 'gro ba/ /zhes pa ni chos thams cad rgyu dang bral ba'o zhes bya ba la sogs pa dang bcas pa'o/ /'jug pa nA da sogs par gnas/ /zhes pa ni he ru ka 'jug cing bskyed pa'i rgyur yi ge gsum gyi nA da'i ngo bos yongs su gzung ba'o/ /sogs pa'i sgra smos pas de nyid kyi phyir yi ge gsum las 'khor lo gsum gyi lha rnams spro ba'o/ /ji ltar bsdu ba'i sbyor ldan pa/ /zhes pa ni lha de rnams kyis 'gro ba'i don byed pa sngon du 'gro bas yi ge gsum la bsdu'o/ /bdud rtsi tshim byed ces pa ni grags par zad do/ /mya ngan 'das zhes pa ni bsgom pa yongs su rdzogs nas rang gi lus la lha rnams yongs su gzhug par bya'o/ /lag pa'i mchod pa zhes pa ni lag pa g.yon pa la lha rnams dgod pa'o/ /dbang bskur ba zhes pa ni dbang bskur ba'o/ /go cha chen pos yang dag bsrung / /zhes pa ni go cha gnyis kyis lha dang lha mo la gnas ji lta ba bzhin du dmigs par bya'o/ /sngags rnams kun gyis mchod par bya/ /zhes pa ni rkang pa brgyad pa'i sngags kyis bstod par bya'o/ /gang gi kun spyod pa zhes bya ba la sogs pas sgom pa po'i phan yon bstan to/ /ji ltar sngon sogs sdig zad pa/ /zhes pa ni gang zhig sngon dang por sdig pa byas pa'o/ /de yis zad par 'gyur ba yin no zhes bya ba'i don to/ /kun gyi mtshan ma zhes pa ni skyes bu chen po'i mtshan rnams kyis khyad par du 'phags par gyur pa yin no/ /gang zhig 'di ni zhes bya ba la sogs pa ni slar yang gsal bar bya ba'i phyir 'di nyid gsungs pa/ thams cad go sla'o/ /bstan pa'i rnam pa'i rnal 'byor pa brgya la mchi na de bzhin gzhan rnams las de'i khyad par ci zhe na gsungs pa/ 'chi ba'i tshe zhes bya ba la sogs pa ste/ gzhan 'chi na gshin rje'i 'jig rten du 'gro'o/ /rnal 'byor pa rnams zhes pa ni rnal 'byor pa'o/ /mkha' spyod gnas zhes pa ni bde ba can du 'khrid par byed ces bya bar sbyar ro/ /su yis she na gsungs pa/ dpal ldan khrag 'thung sogs rnal 'byor/ /zhes pa ste/ dpal he ru ka la sogs pa'i dpa' bo rnams dang rnal 'byor ma rnams kyis zhes bya ba'i don to/ /cir 'gyur ba rnams kyis she na/ /gsungs pa/ sna tshogs zhes bya ba la sogs pa ni 'dir gnyis ka'i gsum pa'i don la dad pa'o/ /'di nyid gsungs pa/ 'chi ba zhes bya rnam rtog 'di/ / zhes pa ste/ 'chi ba zhes pa ni 'jig rten pa'i rnam par rtog pa'o/ /don dam par na sngon gyi gnas yongs su btang ste shin tu khyad par du 'phags pa'i gnas rnams la brten nas rnal 'byor pa 'gro'o/ /de ltar na zhes bya ba la sogs pa ni gang gi phyir bstan pa'i rim pa kho nas sgrub pa ni khyad par du 'phags pa'i 'bras bu bcom ldan 'das dang rnal 'byor ma'o/ /dpa' chen zhes pa ni dpal bde mchog 'khor lo la sogs pa'i dpa' bo'o/ /rnal 'byor ma zhes pa ni rdo rje phag mo nas bzung ba thams cad du rnyed par dka'o zhes pa'i don to/ /da ni gus pa dang bcas pa'i 'bras bu gsungs pa/ /dpal he ru ka zhes bya ba la sogs pa ste/ gang gis shes nas ma gus na/ zhes pa ni khyad par du 'phags pa'i 'bras bu shes pa de ltar na yang gus par mi byed na zhes pa'i don to/ /dbul ba zhes bya ba la sogs pa ni go sla'o/ /bstan pa'i phan yon don du gnyer bas slar bcom ldan 'das bsgom par bya ba'i phyir gsungs pa/ mgul rgyan zhes bya ba la sogs pa'o/ /sna tshogs pad+ma'i lte bar A li kA li zhes bya ba ni sna tshogs pad+ma'i steng du A li kA li yongs su gyur pa las zla ba'i dkyil 'khor zhes bya ba'i don to/ /rdo rje dril bus sku la 'khyud/ /ces pa ni rdo rje dril bur ldan pa'i phyag dag gis rdo rje phag mo la 'khyud pa'o/ /nyi shu rtsa bzhi'i phyed ldan pa'o/ /zhes pa ni phyag bcu gnyis pa'o/ /dpa' bo rnal 'byor ma tshogs bskor/ /zhes pa ni dpa' bo dang dpa' mos yongs su bskor ba'o/ /de lta bur yongs su gyur pa'i dpal he ru ka rgyal po che bsgom par bya'o/ /dpa' mo kun dang rnal 'byor ma'o/ / zhes pa ni dpa' bo dang rnal 'byor ma'o/ /'khor bcas zhes pa ni mkha' 'gro ma la sogs pa nas gshin rje 'joms ma la thug pa'i 'khor dang bcas pa'i bar ro/ /cir 'byung na gcig tu bsgom zhe na/ dbus su sbyor ldan pa'i zhes pa ni dkyil 'khor gyi dbus su rnam par gzhag go/ /bsgom par bya bar gyur pa de gang zhe na/ gsungs pa/ thams cad ces bya ba la sogs pa ste go sla'o/ /da ni theg pa chen po'i gsang sngags sun 'byin par byed pa dang / rnal 'byor ma'i rgyud sun 'byin par byed pa rtogs par bya ba'i phyir gsungs pa/ mos pa du ma zhes bya ba la sogs pa ste/ 'jig rten pa rnams kyi dgos pa rnams kyi phyir yin te/ 'jig rten pa thams cad ni bde mchog la sogs pa'o/ /'di nyid gsungs pa/ bsam yas shing zhes bya ba la sogs pa'o/ /de nas sangs rgyas kyi rol pa bstan pa'i phyir gsungs pa/ mdo sde zhes bya ba la sogs pa ste/ mdo sde ni rgya cher rol pa la sogs pa'i mdo sde bshad pa'o/ /bya ba ni dpa' bo gcig tu grub pa la sogs pa bshad pa'o/ /spyod pa rnams zhes bya ba ni 'byung po 'dul ba la sogs pa bshad pa ni spyod pa ste/ dang po'i don gyis drug pa'o/ /rnal 'byor gsang ba zhes pa ni thabs dang shes rab snyoms par 'jug pa las 'byung ba'i bde ba shin tu gsang ba'i sngags yin par bshad do/ /sems can 'jug pa zhes pa ni chos kyi 'khor lo bskor ba la sogs pas sems can 'jug pa'o/ /grol ba rnams zhes pa ni stong pa nyid mngon sum du byed pa'o/ /de dang de la dga' ba bzhin/ /zhes pa ni 'di rnams la rjes thogs su bstan pa yin pas gzhan rnams kyang sangs rgyas bcom ldan 'das dgyes pa ltar gdul bya'i skye bo la thugs brtse ba'i slad du bstan par bya'o zhes pa'i don to/ /'di ni rim par phye ba lnga bcu rtsa gcig pa'o// //la lar rgyu dang la lar bshad pa 'chad pa'i skabs su 'di/ /de nyid kun du blangs te gzhung 'di rnam par gzhig par bya/ /bla ma mkhas dang rgyal bas gsungs pa'i bka' lung la goms pa'i/ /spyir ni 'di las gzhan don dran phyir kho bos byas pa yin/ /deng nas skyes bu gzhan rnams ji snyed 'di la som nyi ru/ /'gyur mod 'on kyang 'di ni goms pas kho bos byas pa yin/ /gnyi ga'i bshad pa'i bshad sbyar las/ /'di ni dge gang cher skyes pas/ /'gro ba mtha' dag 'di rnams ni/ /'khor lo gsum gyi gtso bor shog/ /gnyi ga'i bshad sbyar zhes bya ba slob dpon chen po ta thA ga ta rak+Shi tas mdzad pa rdzogs so/ / //rgya gar gyi mkhan po de nyid dang / bod kyi lo tsA ba dge slong d+harmA blo gros kyis bsgyur cing zhus te gtan la phab pa'o// //lho phyogs a ti be+e sha'i yul/ /b+hats+tsha ma yi grong khyer du/ /kA ya ta yi rigs 'khrungs pa'i/ /rje btsun ta zhes grags pa las/ / gang+gA'i chu 'gram gtsug lag khang / /rig pa'i gter gyi gnas su bsgyur/ /[]@#/ /rgya gar skad du/ shrI ta twa biSha dA nA ma shrI sa m+ba ra br-it+ti/ bod skad du/ dpal sdom pa'i 'grel pa dpal de kho na nyid mkhas pa zhes bya ba/ dpal 'khor lo sdom pa la phyag 'tshal lo/

CLOSE WINDOW