བོད་ཡིག

e-texts based on the ACIP/ALL Input

@##/ /rgya gar skad du/ pa ra mAr+tha saM gra ha nA ma se kod de shA TI ka /bod skad du/ dbang mdor bstan pa'i 'grel bshad don dam pa bsdus pa zhes bya ba/ dpal dus kyi 'khor lo la phyag 'tshal lo/ /sgrib pa thams cad rab zhi dri med sangs rgyas chos/ / nges par 'byed pa'i khang bzang mngon 'dzegs sku gnyis kyis/ /phan pa sna tshogs sgrub pa zlos gar gar rnams ni/ /nye bar mkhyen pa bcom ldan 'das de la phyag 'tshal/ /dri med 'od sogs gsung gi chu blangs skom pa ni/ /nye bar zhi ba sgrub phyir chu gter chu 'thor bzhin/ /mdor bstan gsang ba'i tshig gi lam gyi mtsho phran 'dir/ /bdag gis rnam par gtor ro mkhas rnams bsten par mdzod/ /zla ba bzang pos gsol pa zhes pa chu bo shI ta'i byang phyogs na grong bye ba phrag dgu bcu rtsa drug dang sham+b+ha la'i yul gyi bdag po/ lha dang lha ma yin dang klu'i sprul pa'i sku rgyal po chen po'i rigs kyi sras dgu bcu rtsa drug rin po che chen po'i cod pan bcings pa grong bye ba bye ba'i bdag po rnams kyis zhabs kyi pad+ma la phyag byas pa/ sems can thams cad kyi skad gzhan rnams kyis de bzhin gshegs pas gsungs pa'i chos rnams kyi yang dag par 'dzin pa po nyid kyis de bzhin gshegs pa thams cad kyi nyan pa por gyur pa nyid kyi phyir dang / cha bcu drug gi sgrib pa spangs pas rdo rje zla ba dri med 'od nyid kyi phyir bzang po yang 'di yin la/ zla ba yang yin pas zla ba bzang po ste/ gsang ba pa'i bdag po ro ldan na gnas pa dpal phyag na rdo rje'o/ /de la gsang ba ni nyan thos dang rang sangs rgyas kyi theg pa dag gi mchog rdo rje theg pa ste/ de'i sdud par byed pa po nyid kyis bdag po'o/ /de bzhin du 'jig rten kun rdzob tu gsang ba'i sgras gnod sbyin rnams te/ de rnams kyi bdag po ni gsang ba'i bdag po'o/ /phyi rol du ro'i sgras shi ba'i tshogs te de dang ldan pa'i phyir ro ldan dur khrod kyi sa'o/ /de na gnod sbyin chen po sems can rnams la rnam par tho 'tsham zhing bgegs du ma byed pa dag yod la/ de rnams gsod par byed pa ni ro ldan na gnas pa gnod sbyin gyi bdag po chen po ste/ nags kyi ri dgas kyi bdag po bzhin no/ /nang du ni dbugs 'byung ba dang 'jug pa drug brgya lhag pa'i stong phrag nyi shu rtsa gcig brgya phrag sum cu rtsa drug gis dman pa 'gog pa ro yin la/ de 'di la yod pa'i phyir ro ldan te chos kyi sprin gyi sa'o/ /de la gnas pa ni ro ldan na gnas pa'o/ /bdud dang nyon mongs pa dang shes bya'i sgrib pa dang snyoms par 'jug pa'i sgrib pa'i gnod sbyin rnams gsod par byed pa ni gnod sbyin gyi bdag po ste/ de bzhin gshegs pas chos kyi seng ge'i sgra dang sems can thams cad kyi so so'i sgra dag gis bstan pa'i chos rnams rab tu ston par byed pa po gsang ba'i bdag po dpal phyag na rdo rje yin la/ de'i sprul pa'i sku rgyal po zla ba bzang pos gsol ba btab pa'o/ /de rtsa ba'i rgyud du gsungs pa/ mdun gyi nya ba zla bar te/ /rgyab kyi nya ba nyi ma la'o/ /g.yon gyi mun can gdong pa la/ /g.yas kyi mjug mar gnas pa ni/ /'jig rten gsum las rnam rgyal ba/ /zhes bya bdud ni 'joms pa'i dus/ /der ni ston pa shar gyi zhal/ /rin chen seng ge'i khri la bzhugs/ /'od zer lnga yi tshogs rnams kyis/ /'gro ba gsum po rab bkang ste/ /byang chub sems dpa' lha min dbang / /lha dbang rnams kyis lha yi gdugs/ /lha yi me tog sna tshogs dang / /lha yi dri bzang yid 'phrog dang / /lha yi rin chen sgron ma dang / /lha yi bdug pa dri bzang skyes/ /lha yi phye ma sna tshogs dang / /zhal zas bdud rtsi'i 'bras bu dang / /lha yi rnam par bkra ba'i rgyan/ /lha yi gos dang rnga yab dang / /dri la bu me long ba dan dang / /bla re rnams kyis gtso bo mchod/ /cod pan ldan pa'i yan lag lngas/ /yang dang yang du phyag 'tshal te/ /byang chub sems dpa' 'chi med sogs/ /rang rang stan la 'khod de rnams/ /'jig rten gsum 'dren sangs rgyas la/ /sngags kyi theg pa thos don gnyer/ /byang chub sems dpa' lha la sogs/ /kha cig mngon shes la thob pa/ /de rnams thams cad dga' mgu yi/ /bsam pas yod kyis sems par byed/ /mar me mdzad kyis sngon du gang / /sngags kyi theg pa bstan pa yis/ /bdag cag bya ba mdzad do deng / /gau ta ma legs pa yis/ /de nas sham+b+ha lar grags nas/ /phyag na rdo rje'i sprul pa ni/ /mi bdag zla bzang rdzu 'phrul gyis/ /rang nyid dpal ldan chos dbyings byon/ /dang por g.yas su bskor byas nas/ /ston pa'i zhabs kyi chu skyes gnyis/ / rin chen me tog rnams kyis mchod/ /yang dang yang du phyag 'tshal te/ /thal mo sbyar ba byas gyur nas/ /rdzogs sangs rgyas kyi spyan sngar 'dug /zla ba rgyud kyis gsol 'debs dang / /ston pa sdud par byed pa po/ /zhes pa'o/ /yang dag par ston par mdzad pa nyid kyis kye ston pa zhes bod pa'o/ /gang zhig 'chad par 'gyur ba chu la sogs pa dbang bskur ba rnam pa bdun dang bum pa la sogs pa rnam pa gsum dang bla na med ces pa mchog tu mi 'gyur ba ste de bzhin zhes pa dbang bskur ba'o/ /'dis 'khrud cing lus la sogs pa dri ma med pa dang sgrib pa med par byed pa'i phyir dbang bskur ba ste/ de bdag la gsungs zhes pa'o/ /'jig rten pa'i dngos grub ces pa 'og min gyi srid pa'i mthar thug pa'i bdag po dang / 'das pa'i dngos grub ces pa nyon mongs pa dang shes bya dang snyoms par 'jug pa'i sgrib pa bag chags dang bcas pa thams cad rab tu spangs pa las sa bcu gnyis so sor thob pas yang dag par rdzogs pa'i sangs rgyas nyid de/ de'i phyir du'o/ /mdor bsdus pa yis zhes pa gsol ba 'debs pa po nyon mongs pa dang / bskal ba dang / sems can dang / lta ba dang / tshe'i mtshan nyid snyigs ma lngas nye bar bcom pa'i skye bo rnams rjes su 'dzin pa la rab tu zhugs pa'i phyir dang / dbang bskur ba'i le'u dang ye shes kyi le'ur rgya cher bshad par 'gyur ba'i phyir yang ngo / /bcom ldan 'das kyis bka' stsal pa zhes pa khams drug rnam par dag pa las dbang phyug la sogs pa'i yon tan gyi mtshan nyid kyi b+ha ga 'di la yod pa'i phyir b+ha ga wAn no/ /de rtsa ba'i rgyud du gsungs pa/ dbang phyug dang ni gzugs bzang dang / /grags dang dpal dang ye shes dang / /brtson 'grus phun sum tshogs pa ste/ /drug rnams b+ha ga zhes brjod do/ /rnam dag sum cu rtsa drug khams/ /sa sogs rdo rje btsun mo ste/ /de rnams dbang phyug sogs yon tan/ /drug po de rnams b+ha gar grags/ /zhes pa'o/ /kye'i rdo rjer yang / 'joms byed b+ha ga zhes grags te/ /nyon mongs bdud sogs 'joms pa'i phyir/ /nyon mongs gsod pa shes rab ste/ /de'i phyir shes rab b+ha gar brjod/ /ces pa'o/ /gnas gang du ci zhig /dkyil 'khor gang du/ gang la gnas te/ 'khor su yis yongs su bskor nas bcom ldan 'das kyis bka' stsal na/ dpal ldan 'bras phung du nges par sngags kyi tshul bstan pa ste/ gnas bde ba chen po'i gnas su rdo rje dbyings kyi dkyil 'khor chen por rdo rje seng ge'i khri la bzhugs pa sangs rgyas dang byang chub sems dpa' dang khro bo dang lha dang klu dang lha mo'i tshogs kyis yongs su bskor ba/ khams gsum pas zhabs kyi pad+ma la phyag byas pa/ mchog gi dang po'i sangs rgyas kyi ting nge 'dzin la snyoms par zhugs pa/ sku dang gsung dang thugs kyi bdag nyid baM yig go /yang na bde ba chen po'i gnas der chos kyi dbyings nam mkha'i mtshan nyid la mchog tu mi 'gyur ba mi 'pho ba'i skad cig ni dus zhes brjod de de nyid rdo rje ye shes so/ /dus de'i sgrib pa med pa'i phung po dang / khams dang skye mched ni 'khor lo ste srid pa gsum gcig pa nyid kyi phyir sgrib pa med pa'i shes bya'o/ /de nyid rdo rje dbyings kyi dkyil 'khor chen po zhes brjod de/ /rnam pa thams cad pa dang dbang po thams cad pa thig le'i gzugs sna tshogs sgyu ma 'dzin pa bcom ldan 'das kyi sku shes rab dang thabs kyi bdag nyid ces pa'o/ /mi chod pa dang mi phyed pa zla ba dang nyi ma dang me'i dkyil 'khor gyi mtshan nyid dam/ e yig gi mtshan nyid rdo rje seng ge'i khri la bzhugs pa'o/ /rtsa ba'i rgyud du gsungs pa yang / ston pas bya rgod phung po ru/ /shes rab pha rol phyin tshul bzhin/ /chos bstan dpal ldan 'bras phung du/ /de bzhin gsang sngags tshul rab gsungs/ /gang la gnas nas ston pa ni/ su yis rgyud kyang ci zhig bstan/ /gnas ni gang du 'jig rten pa'i/ /'khor ni su yis rgyu ci yis/ bya rgod phung po'i ri chen por/ /theg pa chen po bla na med/ /shes rab pha rol phyin pa'i tshul/ /byang chub sems dpa' rnams la bstan/ /de nas gcig tu mchod rten cher/ /chos kyi dbyings kyi dkyil 'khor du/ /byang chub sems dpa' sogs rnams kyis/ /thabs cig de bzhin gshegs pa bzhugs/ /nam mkha'i khams min shin tu dang / /go skabs med pa rab tu gsal/ /sna tshogs rdo rje'i khang par gnas/ /chos kyi dbyings dang yid 'ong bar/ /rgyud bstan skyes bu rnams kyis ni/ /bsod nams ye shes dgos pa'o/ /e yig nam mkha'i snang ba che/ /chos kyi dbyings su rab tu grags/ /baM yig bde bar gshegs pa'i tshogs/ /i yig rnam par yang dag gnas/ /zhes pa'o/ /slar yang de nyid du/ e dang gsang chen nam mkha'i khams/ / b+ha ga chos 'byung chu skyes dang / /seng ge'i khrir gnas rdo rje can/ /rgyud gzhan dag tu bdag gis brjod/ /rdo rje rdo rje can ni baM/ /rdo rje 'jigs byed dbang phyug gang / /he ru ka dang dus 'khor lo/ /dang po'i sangs rgyas sogs ming gis/ /sna tshogs sems can bsam pa yi/ /sna tshogs yum gyi ming rnams kyis/ /gnas dang rten gyi mtshan nyid dang / /brten pa yang ni bdag gis brjod/ /kun mkhyen ston pa rdo rje 'dzin/ /sangs rgyas seng ge'i khrir bzhugs pa/ dus kyi 'khor lo'i ston pa po/ /zla bzang khyod kyis gsol btab pa/ /zhes pa'o/ / nyin cig zla bzang zhes pa la sogs pa nas mdor bstan pa rdzogs so zhes pa'i bar bcom ldan 'das kyis gsung ngo / /dbang bskur don zhes pa dbang bskur ba dang / de'i dgos pa yang ngo / /mchog ces pa mchog tu mi 'gyur pa ste/ mchog tu mi 'gyur ba'i bde ba'i thabs nyid kyi phyir gsol ba ma btab par yang ngo / /rtsa'i kun spyod la sogs pa gsungs pa/ rtsa'i kun spyod ces pa la sogs pa ste/ steng dang 'og tu la la nA la sogs pa rtsa drug po rnams su srog dang thur sel gyi rlung dag 'chang par 'gyur ba'i rigs pas yang dag par rgyu ba'o/ / rtsol ba ni zhes pas mu nye bar 'gag pa la'o zhes pa'i khams 'di'i a sa man+d+ra ta ya ma naM A yA maHste/ srog dang thur sel gyi rlung dag gnyi ga'i bgrod pa 'gog pa las dbu ma'i rtsar rab tu zhugs pa'o/ /mdor bstan pa yis zhes pa mdor bsdus pas so/ /rnal 'byor dang rnal 'byor ma la sogs pa'i rgyud nyid thams cad du mdor bstan pa rnam pa gsum ste rgyas par bshad pa yang ngo / /de la mdor bstan pa ni rang ming nyid kyis brjod pa'o/ /rab tu mdor bstan pa ni gnyis pa'o/ /mdor bstan che ba ni gsum pa'o/ /de bzhin du rgyas par bshad pa yang rang ming nyid kyis brjod pa'o/ /rab tu rgyas par bshad pa ni gnyis pa'o/ /gzhan zhes pa rgyas par bshad pa chen po ste gsum pa'o/ /mdor bstan pa dang / rgyas par bshad pa gnyis nyid dag ni rgyud yang dag par bsdus pa ste/ de la mdor bstan pas yang dag par bsdus pa ni bsdus pa'i rgyud mtha' dag ste dper na brgya phrag bco brgyad pa'i gzhung dpal 'dus pa la sogs pa'o/ /rgyas par bshad pas yang dag par bsdus pa ni rtsa ba'i rgyud kyi rgyal pos bstan pa mtha' dag ste dper na stong phrag nyi shu rtsa lnga pa'i dpal 'dus pa la sogs pa'o/ /de bzhin du rab tu mdor bstan pas bsdus pa'i rgyud la dka' 'grel lo/ /'dir rgyas par bshad pa ni rab tu rgyas bshad du mngon par 'dod de de'i rtsa ba'i rgyud la dka' 'grel lo/ /de bzhin du mdor bstan chen pos rgyud la 'grel bshad do/ /'dir rgyas par bshad pa ni rgyas bshad chen por mngon par 'dod de rgyas bshad chen pos rtsa ba'i rgyud 'grel bshad do/ /de rnams ni slar yang yang dag par bsdus pa dang dka' 'grel dang 'grel bshad rnams so/ /de yang mngon shes thob rnams kyis/ /zhes pa lha'i mig dang lha'i rna ba dang gzhan gyi sems shes pa dang rang dang gzhan gyi sngon gyi gnas rjes su dran pa dang nam mkha' la 'gro ba'i rdzu 'phrul thob pa rnams nyid kyis bya'o/ /mkhas pa rnams kyis min nyid ces pa rtog ge skam po sbyangs pas nye bar dub pa sems gdungs pa rnams dang / so so rang gis rig par bya ba nang gi bdag nyid brjod pa la kha phyir phyogs pa rnams kyis ni ma yin no/ /de ltar zhes pa brjod pa'i rim pas mtha' drug rnams kyis mdor bstan pa la sogs pa rnam pa drug rnams kyis dag pa ni yongs su dag pa ste/ 'di ni dang po'i sangs rgyas kyi rgyud/ dus kyi 'khor lo mngon rjod byed/ 'gyur ro zhes 'chad par 'gyur ba dang 'brel lo/ /de bzhin rdo rje'i rnal 'byor rnam bzhi yis/ /dag pa zhes thams cad du sprel bar bya'o/ /rnam par dag pa dang chos dang sngags dang dbyibs kyi bdag nyid rdo rje'i rnal 'byor rnams kyis te/ stong pa nyid dang mtshan ma med pa dang smon pa med pa dang mngon par 'dus ma byas pa ste rnam par thar pa rnams snying rje dang byams pa dang dga' ba dang btang snyoms te/ tshangs pa'i gnas rnams kyis lhan cig rim pas ro mnyam pa'i dngos po'i gzugs rnams dang / bzlog par dka' ba'i 'dod chags kyi dri mas bsgos pa dbang po gnyis kyi bdag nyid bzhi pa dang mun pas zil gyis mnan pa shin tu gnyid log ba dang srog gis bskyed pa yod pa dang / med pa'i rmi lam dang rnam par rtog pa du ma'i dngos po 'du shes kyi bdag nyid sad pa'i gnas skabs bcom pa rnams kyis lhan cig skyes pa dang chos dang longs spyod rdzogs pa dang sprul pa'i sku'i gzugs rnams kyis so/ /de la rang bzhin med pa nyid las stong pa ste/ stong pa de'i dngos po ni stong pa nyid do/ /'dir 'das pa dang ma 'ongs pa'i shes bya ni stong pa'o/ /de'i dngos po mthong ba ni stong pa nyid de zab pa dang rgya che ba'o/ /'das pa dang ma 'ongs pa med pa'i phyir zab pa'o/ /'das pa dang ma 'ongs pa rgya che ba'i phyir rgya che ba'o/ /des nye bar mtshon pa'am de 'dzin par byed pa'i ye shes ni stong pa nyid kyi rnam par thar pa'o/ /des rnam par dag pa bzhi pa'i gnas skabs zad pa las mi 'gyur ba'i bde ba chen po'o/ /kaM bde ba 'gog par byed do zhes pa snying rje'i mtshan nyid ye shes rdo rje ste/ de nyid lhan cig skyes pa'i sku shes rab dang thabs kyi bdag nyid rnam par dag pa'i rnal 'byor zhes brjod do/ /mtshan ma ni sangs rgyas dang byang chub ces pa la sogs pa rnam par rtog pa'i sems kyi rgyu ste/ rgyu stong pa nyid kyi phyir rgyu med la de'i phyir gang la mtshan ma med pa ni mtshan ma med pa'i ye shes mtshan ma med pa'i rnam par thar pa'o/ /des rnam par dag pa shin tu gnyid log zad pa las rtag pa dang mi rtag pa la sogs pa gnyis dang bral ba byams pa'i bdag nyid sku gnyis su spros pa rnams kyis 'gro ba'i don byed pa rnam par rtog pa med pa'i sems thugs rdo rje ste/ de nyid chos kyi sku shes rab dang thabs kyi bdag nyid kyi rnal 'byor zhes brjod do/ /mtshan ma med pa nyid kyi phyir rtog pa med la rtog pa med pa ni smon pa med pa ste/ smon pa ni bdag rdzogs pa'i sangs rgyas su gyur cig ces pa la sogs pa yin la gang la de med pa ni smon pa med pa'i rnam par thar pa'o/ /des rnam par dag pa rmi lam zad pa las mi zad cing gzhom du med pa'i sgra sems can thams cad kyi skad kyi bdag nyid kyi sngags dga' ba'i mtshan nyid sems can thams cad kyi skad rnams kyis sems can thams cad dga' bar byed pa'i phyir dang yid skyob par byed pa'i phyir yang sngags gsung rdo rje ste/ de nyid longs spyod rdzogs pa'i sku shes rab dang thabs kyi bdag nyid sngags kyi rnal 'byor zhes brjod do/ /smon pa med pa'i phyir gang la dkar po dang srog gi rtsol ba dang / rnam par shes pa'i mtshan nyid mngon par 'du byed pa ni mngon par 'dus ma byas pa'i rnam par thar pa'o/ /des rnam par dag pa sad pa'i gnas skabs zad pa las mtha' yas pa mtha' yas pa'i sprul pa'i sku spros pa rnams kyis nyon mongs pa'i gnyen po las 'dren par byed pa drag po dang chags pa dang bcas pa dang zhi ba la sogs pa'i gzugs rnams kyis dog pa med pa btang snyoms kyi bdag nyid sku rdo rje ste/ de nyid sprul pa'i sku shes rab dang thabs kyi bdag nyid dbyibs kyi rnal 'byor zhes brjod do/ /de dri ma med pa'i 'od du tshigs su bcad pa dang po'i bshad par gsungs pa/ de nyid lhan cig tu skyes pa'i sku stong pa nyid kyi rnam par thar pas rnam par dag pa ye shes rdo rje thams cad mkhyen pa shes rab dang thabs kyi bdag nyid rnam par dag pa'i rnal 'byor zhes brjod do/ /de nyid chos kyi sku mtshan ma med pa'i rnam par thar pas rnam par dag pa thugs rdo rje ye shes sku shes rab dang thabs kyi bdag nyid chos kyi bdag nyid kyi rnal 'byor zhes brjod do/ /de nyid longs spyod rdzogs pa'i sku smon pa med pa'i rnam par thar pas rnam par dag pa gsung rdo rje nyid mor byed pa'i sku shes rab dang thabs kyi bdag nyid rnal 'byor zhes brjod do/ /de nyid sprul pa'i sku mngon par 'dus ma byas pa'i rnam par thar pas rnam par dag pa sku rdo rje pad+ma'i 'dab ma rgyas pa'i spyan shes rab dang thabs kyi bdag nyid dbyings kyi rnal 'byor zhes brjod do zhes pa'o/ /rdzogs pa'i byang chub bzhin rnams kyis/ /zhes pa skad cig gcig dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid rnams kyis so/ /de la mngal nas skyes pa bskyed pa'i rim pas pha ma gnyis ka'i thig le ro mnyam par gyur pa dang kun gzhi rnam par shes pa ma'i gsang ba'i 'khor lor zhugs pa na/ skad cig gcig gis bde ba 'ba' zhig yang dag par rig pa dang / lus kyang nya ro hi ta ltar rnam pa gcig pa gang yin pa de skad cig gcig gis mngon par rdzogs par byang chub pa'o/ /gang gi tshe mngal na gnas pa de nyid kyi gzugs la sogs pa'i bag chags kyi bdag nyid can shes pa lnga yang dag par rig cing rus sbal ltar 'bur po rnam pa lnga 'thon pa de'i tshe rnam pa lngas rdzogs par byang chub pa'o/ /de nas gang gi tshe shes pa lnga po rnams kyi so so rang gi sa la sogs pa khams bzhi bag chags kyi dbye bas lus kyang sor mo nyi shu yongs su rdzogs pa de'i tshe rnam pa nyi shu mngon par rdzogs par byang chub pa'o/ /de nas mngal nas 'thon te sgyu ma'i dra ba ltar mtha' yas pa'i dngos po yang dag par rig pa ni sgyu 'phrul dra bas mngon par rdzogs par byang chub pa'o/ /de'i chos mi mthun pas dag pa ye shes rnam par shes pa'i bdag nyid thig le 'pho ba med pa rang bzhin gyi sku ye shes rdo rje'i rnal 'byor rdo rje sems dpa' don thams cad gzigs pa ste/ skad cig gcig gis mngon par rdzogs par sangs rgyas pa'i phyir ro/ /skad cig gcig gis mngon par rdzogs par byang chub pa ni 'dir dbugs drug brgya lhag pa'i stong phrag nyi shu rtsa gcig yongs su rdzogs pa'i mtshan nyid de dbugs kyi 'khor lo bzang po zad pa'i phyir ro/ /rtsa ba'i rgyud du yang / rgyal dbang rnams kyi skye ba'i gnas/ /dus gcig 'gyur ba med pa dang / /srog chen po dang sems gnas dang / /srog rlung dang par son pa dang / /lha yi dbang por gyur pa dang / /sha yi dbang po'i tshogs nyams dang / /tha mal skye mched nyams pa dang / /lha yi skye mched kyis mthong na/ /thams cad blta'o rgyal po'i dbang / /bdag la rtag tu mi mthong med/ /ces so/ /de nyid chos kyi sku thugs rdo rje'i rnal 'byor sems dpa' chen po mchog tu mi 'gyur ba'i bde ba ste/ rnam pa lngas mngon par rdzogs par sangs rgyas pa'i phyir ro/ /rnam pa lngas mngon par rdzogs par byang chub pa ni 'dir me long lta bu la sogs pa ye shes lnga'i mtshan nyid de sa la sogs pa khams dang gzugs la sogs pa phung po lnga shes rab dang thabs kyi bdag nyid dkyil 'khor lnga 'gog pa'i rang bzhin yin pa'i phyir ro/ /de nyid longs spyod rdzogs pa'i sku gsung rdo rje'i rnal 'byor byang chub sems dpa' bden don rnam pa bcu gnyis pa byang chub sems dpa' rnams rjes su 'dzin pa'i sems can thams cad kyi skad rnams kyis chos ston pa po ste rnam pa nyi shus mngon par rdzogs par sangs rgyas pa'i phyir ro/ / rnam pa nyi shus mngon par rdzogs par byang chub pa ni 'dir dbang po lnga dang yul lnga dang las kyi dbang po lnga dang las kyi dbang po'i bya ba lnga sgrib pa med pa'i mtshan nyid de 'pho ba bcu gnyis 'gog pa'i mthu las rnam par shes par bya'o/ /de nyid sprul pa'i sku sku rdo rje'i rnal 'byor dam tshig sems dpa' de nyid rnam pa bcu drug rig pa lha la sogs pa rnams rjes su 'dzin pa mtha' yas pa'i sgyu 'phrul dra ba rnams kyis spros pa'i sku ste sgyu 'phrul dra bas mngon par rdzogs par sangs rgyas pa'i phyir ro/ /sgyu 'phrul dra bas mngon par rdzogs par byang chub pa ni 'dir cig car mtha' yas shing mthar thug pa med pa'i sna tshogs pa'i sgyu ma sprul pa'i mtshan nyid de'i sku'i dga' ba la sogs pa'i thig le bcu drug 'gog pa las rnam par shes par bya'o/ /rdzogs pa'i rim pas ni du ba la sogs pa mtshan ma bcu po rnams kyi chung ngu dang 'bring dang chen po dang shin tu chen po'i dbye bas bzhi po rtogs par bya'o/ /phung po rnams kyi ni gzugs dang tshor ba dang 'du shes dang 'du byed dang rnam par shes pa dang ye shes rnams kyis so/ /khams rnams kyi ni sa dang chu dang me dang rlung dang nam mkha' dang ye shes rnams kyis so/ /skye mched rnams kyi ni lus dang lce dang mig dang sna dang rna ba dang yid rnams dang dri dang gzugs dang ro dang reg bya dang sgra dang chos kyi dbyings rnams kyis so/ /mang po'i tshig las bshang lam dang rkang pa dang lag pa dang dag dang gci ba'i lam dang dung can ma rnams dang / bshang ba 'dzag pa dang 'gro ba dang len pa dang brjod pa dang dri chu 'dzag pa dang khu ba 'pho ba rnams kyis te/ rnam par snang mdzad la sogs pa rnam par dag pas so/ /so sor rigs drug po 'di rnams kyis so/ /'jig rten khams dang nang dang mngon par dbang bskur ba dang / sgrub thabs dang ye shes zhes bya ba'i le'u lnga po snod kyi 'jig rten dang sems can gyi 'jig rten dang sems can sbyong bar byed pa dang 'jig rten pa'i dngos grub bsgrub pa dang mchog tu mi 'gyur ba'i ye shes kyi don rab tu gsal bar byed pa rnams kyis so/ /bden gnyis 'jig rten dang 'jig rten las 'das pa dag gis so/ /dang po'i sgra ni thog ma dang tha ma med pa'i don to/ /chos thams cad phyin ci ma log par sangs rgyas pa dang ldan pa'i phyir sangs rgyas so/ /dang po 'di yin la sangs rgyas kyang yin pas dang po'i sangs rgyas te skye ba dang 'jig pa dang bral ba thams cad mkhyen pa zhes pa'i don to/ /mtshan yang dag par brjod par yang / sangs rgyas thog ma tha ma med/ /dang po'i sangs rgyas rigs med pa/ /zhes so/ /snying rje dang ni stong nyid sku/ /dus ni kun rdzob gzugs can ma/ /stong nyid 'khor lo zhes brjod de/ /dus kyi 'khor lo gnyis med 'dod/ /yang na/ ming gi yi ge re re ste/ /kA yig las ni rgyu zhi ba/ /la yig las 'dir thim pa nyin/ /tsa yig las ni g.yo ba'i sems/ /kra yig rim pa bcings las so/ /'di'i don 'di yin te/ rgyu ni byang chub kyi sems te lus zhes brjod do/ /zhi ba ni sad pa'i gnas skabs zad pas rnam par rtog pa dang bral ba ste/ dpral bar lus kyi thig le 'gog pa las sprul pa'i sku'o/ /de ltar gyur pa la rmi lam gyi gnas skabs zad pa'i bdag nyid srog thim pa ste/ mgrin par dag gi thig le 'gog pa las longs spyod rdzogs pa'i sku'o/ /sad pa dang rmi lam gyi gnas skabs su sgra la sogs pa'i yul rnams 'ba' zhig don du gnyer ba 'pho ba'i chos can mun pas zil gyis mnan pa'i sems ni khams bco brgyad gyi rnam par 'gyur ba rnams rdzogs pa de'i bcings pa mun pa dang bral ba shin tu gnyid log pa sad pa ste snying gar sems kyi thig le 'gog pa las chos kyi sku'o/ /'di gang las she na/ gsungs pa kra yig las zhes so/ /rim pa ni lus la sogs pa'i thig le rnams kyi 'pho ba yin la/ de bcings pa ni lhan cig skyes pa'i bde bas bzhi pa'i gnas skabs zad pa ste lte bar g.yo ba'i bgrod pa ye shes kyi thig le 'gog pa las lhan cig skyes pa'i sku'o zhes pa sku bzhi'i bdag nyid do/ /de nyid bcom ldan 'das dus kyi 'khor lo shes rab dang thabs kyi bdag nyid shes pa dang shes bya'i 'brel pas ji lta ba bzhin du brjod pa'o/ /'gyur med bad ba'i ye shes sgrib pa thams cad zad pa'i rgyur gyur pa ni dus zhes brjod de/ thabs dang snying rje'i bdag nyid mngon par shes pa drug gi bdag nyid do/ /'khor lo shes bya'i rnam 'gro shes bya khams gsum pa mtha' yas pa'i dngos po'i mtshan nyid ni 'khor lo ste/ de nyid shes rab stong nyid bdag nyid rnam pa thams cad pa'i bdag nyid do/ /'di dag gcig pa nyid ni dus kyi 'khor lo zhes brjod de/ dpal dus kyi 'khor lor yang / mtha' yas sangs rgyas zhing rnams dang ni dpag med yon tan rnams dang nam mkha' la sogs khams rnams dang / /gnas dang skye dang nyams pa rnam gsum zhes pa'i srid pa dang ni 'gro ba drug tu sems can kun/ /sangs rgyas khro bo la sogs rnams dang snying rje'i thugs ldan byang chub sems dpa' btsun mor bcas rnams te/ /'di rnams srid pa gsum po rnams kyis phyag byas rgyal ba bde 'byung gcig phu'i 'khor lo gcig yin no/ /zhes so/ /dang por zhes pa la sogs pa'i tshigs su bcad pa gnyis ni gsal lo/ /da ni chu dang zhes pa la sogs pas dbang bdun mdor bstan te/ 'dir rgyud ma thos pa nyid kyi phyir las dang po pa rab tu ma rtogs pa'i blo can rnams kyis rab tu rtogs par bya ba'i phyir/ dpal ldan rgyud dang dri ma med pa'i 'od las kyang dbang bdun la sogs pa'i cho ga cung zad blang bar bya'o/ /de la re zhig dang por slob ma bsrung ba'i cho ga gsungs pa/ slob ma'i mgo bo snying ga de bzhin gtsug tor lte ba mgrin pa dpal ldan gsang ba'i pad+mar yang / / rgyal ba la sogs gnyi ga'i rigs su gyur pa sku gsung thugs kyis phye ba rnams kyis bsrung byas shing / /de bzhin sku gzugs sogs dang glegs bam rnams ni rab gsal nges pa'i dpal ldan dbyangs rnams dag gis te/ /sems can rnams kyi thar pa'i slad du che ge bdag kyang gtso bo'i dkyil 'khor dag ni bzhengs par bgyid/ /'dir dang por slob ma la sogs pa bsrung ba byas te/ phyi nas slob ma la sogs pa bsdu bar bya'o/ /'dir rgyal ba la sogs pa lha mo gnyi ga'i rigs su gyur pa rnams kyi srung ba ni mgo bor U yig dang snying gar I yig dang gtsug tor du A yig dang lte bar l-I yig dang mgrin par r-I yig dang gsang bar AHyig ste/ gnyis ka'i rigs su gyur pa sku gsung thugs kyi phye ba rnams kyis zhes pa'o/ /de bzhin sku gzugs sogs dang glegs bam rnams ni rab gsal nges pa'i dpal ldan dbyangs rnams dag gis te/ /zhes pa a i r-i u l-i zhes pa'i dbyangs lnga po rnams kyis bsrung ba byas nas/ de nas sangs rgyas rnams la gsol ba btab par byas te/ sems can rnams kyi thar pa'i slad du che ge bdag kyang gtso bo bcom ldan 'das dus kyi 'khor lo'i dkyil 'khor bri bar bgyid do/ /de'i phyir sangs rgyas dang byang chub sems dpa' rnams kyis slob ma la sogs pa rnams byin gyis brlab par mdzad du gsol zhes pa gsol ba btab pa'i nges pa dang bsrung ba'i nges pa'o/ /da ni bum pa gsungs pa/ de bzhin shel gyi bum pa dngul mchog rang bzhin dpal ldan thod pa dag dang lcags kyi dang / /zangs zhes bya ba gser gyi bum pa rab gsal nges par shing las skyes dang sa yi rang bzhin no/ /zhi ba la shel gyi bum pa'o/ /rgyas pa la dngul gyi'o/ /gsad pa la mi'i thod pa'o/ /bskrad pa dang dbye ba la lcags kyi'o/ /dbang la gser gyi'o/ /dgug pa la zangs kyi'o/ /rengs pa la sa'i rang bzhin no/ /rmongs pa la shing las skyes pa'i bum pa bcu'o/ /de nas zhib dang rgyas pa'i mtshan nyid gsungs pa/ zlum po brgyad gnyis sor du brjod de gnyis kyis bsgyur ba'i bcu yi dpangs dang sor gnyis dag gi mchu/ /drug gis mgrin pa sor brgyad kha ste ri bong 'dzin pa ltar dkar zhing rgyas dag la 'o gzhan la min/ /'dir bum pa'i lto ba zlum po ni brgyad gnyis sor du brjod de sor bcu drug tu brjod do/ /gnyis kyis bsgyur ba'i bcu yis dpangs zhes pa bum pa'i lto ba 'og nas kha dang mchu'i mthar sor nyi shu ni dpangs so/ /sor gnyis dag gi mchu zhes pa gang dag gi mchu sor gnyis 'phyang ba de sor gnyis dag gi mchu'o/ /kha'i mtshams nas sor drug gi mgrin pa'o/ /sor brgyad kha ste mchu nas mchu'i mthar kha sor brgyad de/ sor brgyad cha gsum byas nas cha gnyis kyis mgrin pa'i bug pa'o/ /cha gcig gis mchu gnyis kyi zheng ngo / /de rnams kyang ri bong 'dzin pa ltar dkar zhi rgyas dag la'o/ /gzhan la min par mi 'gyur ro zhes pa'o/ /shel dang dngul gyi bum pa rnams med na sa'i rang bzhin gyi bum pa nag po dang rtsa ba med pa rnams sA li btags pa'am tsan+dan gyis byugs te dkar por ba'o/ /de bzhin du rtsa ba'i rgyud du bcom ldan 'das kyis gsungs pa/ gsang ba la mi'i thod pa rnams dur khrod kyi sol ba'i phye ma dang mi'i zhag gis byugs te nag por bya'o zhes so/ /bskrad pa dang dbye ba la mgrin pa ring po sor brgyad pa 'khyog po/ lus phra ba zlum po sor bcu gnyis pa dpangs su sor nyi shu rtsa bzhi pa/ mchu sor gcig pa/ kha sor drug pa rnams so/ /dbang dang dgug pa la ni 'jig rten gyi tha snyad kyis bzo bos ji ltar byas pa rnams so/ / rengs pa la sbom thung ste zlum po dang dpangs mtshungs par sor bcu drug pa/ mgrin pa sor bzhi pa'o/ /kha sor drug pa/ mchu sbom po sor gnyis pa rnams so/ /las thams cad pa la zhi ba la sogs pa dang dbang la sogs pa'i las la gsungs pa rnams gzung bar bya'o zhes pa bum pa'i nges pa'o/ /de nas rdo rje bum pa lhag par gnas pa brjod pa'o/ /de la sngags kyi tshig rnams ni/ oM ha hAM hIM hIM hr-iM hr-IM hUM hUM h+l-IM h+l-IM badzra pad+ma a mr-i ta g+ha Ta su bi shud+d+ha d+harma d+hA tu swa b+hA wa sarba d+harma su bi shud+d+ha d+harma d+hA tu swa b+hA bAM ku ru ku ru swA hA/ dkyil 'khor gyi dbus su dri la sogs pa phul nas rnam par rgyal ba'i bum pa gzhag par bya'o zhes pa bum pa lhag par gnas pa'o/ /de nas slob ma lhag par gnas pa ste/ dang po'i dkyil 'khor la gsol ba gdab pa'i dus la sogs pa gzung ba dang mthar dkyil 'khor du 'jug pa'i dus thams cad du maN+Dal byas nas so shing byin te de nas bsrung bar bya'o/ /de la 'di ni cho ga ste khrus byas shing gos gtsang ma bgos te zhi ba la sogs pa'i las dang rjes su mthun pa'i sa de nyid maN+Dal byas nas shar du mngon par phyogs pa la u dum+WA ra'i so shing ngam 'o ma can gyi shing gzhan las skyes pa sor bcu gnyis pa mgo bor me tog gi phreng ba bcings pa dri la sogs pa rnams kyis mchod nas sngags 'dis sbyin par bya'o/ /oM AHhUM hoHhaM k+ShaHbadzra dan+dA klaSh+Tha tsa tur bi mok+Sha mu kha bi shud+d+haHswa b+hA wa kA ya wAka tsit+ta dz+nyA na mu kha dan+tA di ma laM bi sho d+ha ya swA hA/ zhes pas so shing byin nas lhag par gnas pa'i mthar steng nas dor ba maN+Dal du lhung ba'i so shing mtshon par bya ste/ nang du mgo bo lhung ba des der gnas pa'i las rab 'byams la sogs pa de'i bsgrub par bya ba'o zhes pa so shing gi cho ga'o/ /de nas slob ma dkyil 'khor gyi sa la bcug ste mgo bo dang mgrin pa dang snying ga dang lte ba dang gtsug tor dang gsang ba la oM AHhUM hoHhaM k+ShaHrigs drug po rnams dgod par byas nas sngags tshig 'di rnams kyis rdo rje sems dpa' bskul bar bya ste/ oM a A aM aHbadzra satwa ma hA su kha badzra kA la tsakra shi Sh+ya s+yA b+hi mu kho b+ha ba sa na tuSh+To b+ha ba bar do b+ha ba kA ya wA ka tsit+tA d+hiSh+ThA nAM ku ru ku ru swAhA/ zhes pa slob ma lhag par gnas pa'i cho ga'o/ /da ni lha rnams mchod pa gsungs pa/ rin chen gser zla me tog rnams dang rnam pa mang po'i gos dang dri dang spos dang mar me dang / /dril bu me long bla re rnams dang rnam mang 'bras bu ba dan sogs dang gar dang rol mo yis/ /rnam bkra mchod pa byas te gzhan pa rnam bcu rnams kyang bdag nyid nus pas ji ltar gsungs pa bzhin/ /slob dpon dag gi zhabs kyi rtsa bar mchog gi bu yis yon ni dag pa'i slad du dbul bar bya/ /'dir sngar brjod pa'i cho gas lha rnams dmigs pa byas te/ de nas ye shes kyi 'khor lo dam tshig gi 'khor lo dang lhan cig gcig tu byas nas sngar gyi sngags kyi tshig rnams kyis mchod yon la sogs pa phul te/ de nas mchod pa'i don du dang por tsan+dan la sogs pa'i dri bzung nas mthe bong dang ming med dag gis phyi rol du byas pa'i maN+Dal du gtso bo la sogs pa rnams mchod par bya'o/ /thams cad kyi ming gi dang por oM yig sbyin par bya ste/ las thams cad pas mchod la ming gi mthar na maHzhes par 'gyur zhing / las so so las ni rgyas pa la sogs pa la swA hA mthar rig par bya'o/ /'dir las thams cad pa la mchod pa'i phyir/ lha rnams kyi sngags kyi tshig rnams rtsa ba'i rgyud du 'di lta ste/ oM bud+d+hA ya na maH oM d+harmA ya na maH oM saM g+hA ya na maH oM badzra satwa ya na maH oM pradz+nyA pA ra mi tA yai na maH oM swa b+hA bi ka kA yA ya na maH oM d+harmA kA yA ya na maH oM saM b+ho ga kA yA yan maH oM nermA Na kA yA ya na maH oM dz+nyA na badzrA ya na maH oM tsit+ta badzrA ya na maH oM wAka badzrA ya na maH oM kA ya badzrA ye na maH/ oM tsa tur bi mo k+She b+h+yo na maH oM tsa tur brah+ma bi hA re b+h+yo na maH oM sap+ta triM shata bo d+hi pIk+Sha ka d+harma b+h+yo na maH oM tsa tur shI ti sa hA sra d+harma ska na d+hi b+h+yo n a maH oM sarba d+harma de sha ke b+h+yo na maH oM rat+na tra yA ya na maH oM shAkya mu na ye na maH oM kA la tsakrA ya na maH oM dA na pA ra mi tA yai na maH oM shrI la pA ra mi tA yai na maH oM k+Shan+ti pA ra mi tA yai na maH oM bIR+Ya pA ra mi tA yai na maH oM d+h+yA na pA ta mi tA yai na maH oM pra dz+nyA pA ra mi tA yai na maH oM u pA ya pA ra mi tA yai na maH oM pra Ni d+hA na pA ra mi tA yai na maH oM ba la pA ra mi tA yai na maH oM dz+nyA na pA ra mi tA yai na maH oM dza ya g+ha Te b+h+yo na maH oM bi dza ya g+ha Te b+h+yo na maH oM sarba tsih+na b+h+yo na maH oM sarba mu dA b+h+yo na maH oM tsin+ta ma Na ye na maH oM d+harma gan+De na maH oM d+harma shaM khA ya na maH o M kalpa br-Ik+Sha ya na maH oM ak+Sho b+h+yA ya na maH oM a mo g+ha sid+d+hA ya na maH oM rat+na naM saM b+ha bA ya na maH oM a mi tA b+hA ya na maH oM bai ro tsa nA ya na maH oM lo tsa nA yai na maH oM mA ma kyai na maH oM pAN+Da rA yai na maH oM tA rA yai na maH oM badzra d+hA twI shwaR+Yai na maH oM badzra pA Na ye na maH oM k ha gar+b+hA ya na maH oM k+Shi ti gar+b+hA ya na maH oM lo ke shwa rA ya na maH oM sarba ni bar na bi skaM b+hi ne na maH oM sa man+ta b+ha drA ya na maH oM gan+d+ha badzrA yai na maH oM rU pa badzrA yai na maH oM rA sa badzra' yai na maH oM s+phar sha badzrA ye na maH oM shab+da badzrA yai na maH oM d+harma d+hA tu badzrA yai na maH oM uSh+NI ShA ya n a maH oM big+h+'+NA na ta kA ya na maH oM pradz+nyAn+ta kA ya na maH oM pad mAn+ta kA ya na maH oM ya mAn+ta kA ya na maH oM staM b+hi n+yai na maH oM mA R+Shi t+yai na maH oM s+t+wa b+hi n+yai na maH oM a ti bIR+YA yai na maH oM a ti nI lA yai na maH oM sarba d+hA ri NI b+h+yo na maH oM Sha DAM gA ya na maH zhes pa thugs kyi dkyil 'khor la mchod pa'i cho ga'o/ /de nas gsung gi dkyil 'khor la 'di lta ste/ oM badzra tsar tsi kA yai na maH oM badzra bA rA h+yai na maH oM badzra ma he shwa R+Yai na maH oM badzra in+d+yai na maH oM badzra brah+ma N+yai na maH oM badzra ma hA lak+Sh+m+yai na maH oM badzra kau mA R+Yai na maH oM badzra baiSh+Na byai na maH oM aSh+TASh+Ta ke na tsa tuH ShaSh+Thi badzra yo gi nI b+h+yo na maH oM ShaT triM shata its+tsha b+h+yo na maH zhes pa gsung gi dkyil 'khor la mchod pa'i cho ga'o/ /de nas sku'i dkyil 'khor la 'di lta ste/ oM badzra baiSh+Na be na maH oM badzra nairdz-i t+yA ya na maH oM badzrAng g+na ye na maH oM badzrod d+ha ye n+wa maH oM badzren+b+rA y a na maH oM badzre shwa rA ya na maH oM badzra brah+ma Ne na maH oM badzra bi nA ya kA ya na maH oM badzra kArti ke yA ya na maH oM badzra bA ya be na maH oM badzra yA mA ya na maH oM badzra yak+She b+h+yo na maH oM ba ru N+yai na maH oM bA ya byai na maH oM yA mi n+yai na maH oM yak+Shi n +yai na maH oM ma hA ba lA ya na maH oM a tsa lA ya na maH oM Tak+ki rA dzA ya na maH oM nI la daN+DA ya na maH oM su b+ha rA dzA ya na maH oM rau drAk+Sh+yai na maH oM badzra shriM kha lA yai na maH oM tsun+dA yai na maH oM b+h+r-i ku T+yai na maH oM mA rI ts+yai na maH oM pra t+ye ka mA sa b+he de na ShaSh+Thi ut+ta r i tri sha ta badzra ti thi de bI b+h+yo na maH oM ShaT triM sha ta pra tIts+tsha b+h+yo na maH oM badzra dza yA ya na maH oM badzra karkoT kA ya na maH oM badzra bA su ka ye na maH oM badzrA nan+ta ya na maH oM badzra tak+Sha kA ya na maH oM badzra ma hA pad+mA ya na maH oM badzra ku li kA ya na maH oM badzra shaM kha pA lA ya na maH oM badzra pad+ma ya na maH oM badzra bi dza yA ya na maH zhes pa sku'i dkyil 'khor la mchod pa'i cho ga'o/ /de nas dur khrod rnams su 'di lta ste/ oM shwA nA s+yai na maH oM shA ka rA s+yai na maH oM byA g+hA s+yai na maH oM dzam+bu kA s+yai na maH oM ga ru DA s+yai na maH oM u lU kA s+yai na maH oM gr-i D+hA s+yai na maH oM kA kA s+yai na maH oM sarba b+hU te b+h+yo na maH zhes pa dur khrod brgyad po rnams la'o/ /de nas phyi rol du 'jig rten gyi lha rnams kyi/ oM badzra tsan+d+rA ya na maH oM badzra sUr+yA ya na maH oM badzra ma ga lA ya na maH oM badzra bud+d+hA ya na maH o M badzra bri haspa ta ye na maH oM badzra shu krA ya na maH oM badzra sha nai sh+tsa rA ya na maH oM badzra ke ta be na maH oM badzra rA ha be na maH oM badzra kA lA g+na ye na maH oM badzra d+h+ya be na maH oM badzrA gas+t+ya ya na maH oM sar ba nak+Sha tre b+h+yo na maH oM dwa da sha rA shi b+h+yo na maH oM sho Da s ha ka le b+h+yo na maH oM da sha di ka pA le b+h+yo na maH oM badzra nan+di ke shwa rA ya na maH oM badzra ma hA kA lA ya na maH oM badzra g+han+N+DA kar+N+NA ya na maH oM badzra b+h+r-iM gi Ne na maH oM sarba k+She tra pA le b+h+yo na maH oM sarba dU tI b+h+yo na maH oM sarba sid+d+hi b+h+yo na maH oM d+harma tsakrA ya na maH oM b+ha dra g+ha TA ya na maH oM dun+du b+h+yai na maH oM bo d+hi br-ik+ShA ya na maH oM gu ru bud+d+ha bo d+hi satwe b+h+yo na mo na maH zhes pa mchod pa'i cho ga'o/ /de nas rin chen in+d+ra nI la la sogs pa rnams dang / gser gyi me tog rnams dang / rnam pa mang po'i kha dog lnga'i gos dang dri dang bdug pa dang / mar me rnams dang dril bu dang me long dang bla re rnams dang rnam mang 'bras bu rnams dang kha dog lnga'i ba dan rnams dang gar dang rol mo'i sgras mchod pa byas te/ rnam pa bcu yang rgyud du gsungs pa rnams so/ /de ltar slob ma bdag nyid kyi nus pas ji ltar gsungs pa'i mchod pa byas te/ de nas slob dpon ngag gi zhabs kyi rtsa bar maN+Dal byas nas mchog gi bu yis yon ni dag pa'i slad du dbul bar bya/ /dag pa gsum gyis rdzas dang bdag nyid bu dang bu mo dang bcas rigs las skyes pa'i gzhon nu/ /de ring nyid nas mi bzad 'khor bas 'jigs pas bdag ni rgyal ba rnams la skyabs su lhag par mchi/ /khyed kyi zhabs kyi chu skyes nges par srid pa'i 'jigs 'phrog dag la lus ngag sems ni dag pas so/ /zhes pa gser bcas me tog rnams kyis maN+Dal byas nas bla ma la ni gsol ba btab par 'gyur/ / dag pa gsum gyis zhes pa lus dang ngag dang sems dag pas rdzas dang bdag nyid bu dang bu mo dang bcas te gal te rang la med na rigs las skyes pa'i bu mo gzhon nu ma dbul bar bya'o/ /de ltar yon phul te de nas gsol ba gdab pa dang smon lam gdab pa yang bya'o/ /de ring nyid nas bdag nyid rgyal ba rnams la skyabs su lhag par mchi ste byang chub bar du'o/ /khyed kyi zhabs kyi chu skyes nges par srid pa'i 'jigs 'phrog dag la lus ngag sems ni dag pas so/ /zhes pa gser bcas me tog rnams kyis maN+Dal byas nas bla ma la ni gsol ba gdab par 'gyur/ de nas smon lam gdab par bya ste/ 'dod pa'i rdo rje la ni rdo rje dril bu phyag rgya bla ma dag kyang spyi bos gzung bar bgyi/ /rin chen la ni sbyin pa sbyin bgyi 'khor lo 'di la rgyal ba mchog gi dam tshig bskyang bar bgyi/ /ral gri la ni mchod par bgyi ste gsal bar chu skyes rigs la sdom pa dag ni bskyang bar bgyi/ /sems can rnams kyi thar ba'i slad du rgyal ba skyed mdzad rigs la byang chub bdag gis bskyed par bgyi/ /'dod pa'i rdo rje la ni rdo rje dril bu phyag rgya bla ma dag kyang spyi bos gzung bar bgyi/ /zhes pa rdo rje'i rigs la gnas pas dam tshig 'di thams cad gzung bar bgyi'o/ /rin chen la ni sbyin pa sbyin gyi rin po che'i rigs la gnas pas bsod nams kyi tshogs kyi phyir sbyin pa rnam pa bcu sbyin par bgyi'o/ /rin chen lcags bzang ba lang rta/ /glang chen bu mo nor 'dzin dang / /'dod pa'i chung ma rang gi sha /sbyin pa rnam pa bcu ru 'dod/ /ces pa ste/ yid bzhin gyi nor bu bsgrubs nas sbyin pa sbyin par bgyi'o zhes pa smon lam mo/ /'khor lo 'di la rgyal ba mchog gi dam tshig bskyang bar bgyi/ /'khor lo'i rigs la gnas pas bdud rtsi lnga la sogs pa dang / go ku da ha na dang phung po dang / dbang po'i tshogs pa bsrung bar bgyi'o zhes pa smon lam mo/ /ral gri la ni mchod pa bgyi ste ral gri'i rigs la gnas par gyur pas bla ma dang sangs rgyas dang byang chub sems dpa' rnams dang gzhan rnams la yang yo byad thams cad kyis mchod par bgyi'o zhes pa smon lam mo/ /gsal bar chu skyes rigs la ste pad+ma'i rigs la gnas pas rigs dang rigs ma yin pa la mngon par 'gro bas gsal bar pad+ma la reg pa na tshul khrims kyi tshogs kyi phyir tshangs par spyod pa'i sdom pa dag ni bskyang bar bgyi zhes smon lam bya'o/ /sems can rnams kyi thar pa'i slad du rgyal bskyed mdzad rigs la rdo rje rtse gcig pa la gnas par gyur pas stong pa nyid dang snying rje'i bdag nyid phyag rgya chen po'i dngos grub byang chub bdag gis bskyed par bgyi/ /zhes smon lam btab par bya'o/ /khrus byas dri yis rjes su byugs pas brtul zhugs nges pa dang ldan shar gyi sa la bzhag byas te/ /dngos grub don du so shing rgyal ba mchog gi rdo rje rnams kyis mngon par bsngags dze+e pa rab tu sbyin/ /lce la'ang bdud rtsi nges par rgyal ba mchog gi dam tshig rnams kyis spos ni dbab pa'i don du'o/ /sngags ni hUM gi yi ge gcig ste a ral dang bcas pa khro bo'i gtso bo skul ba'o/ / de ltar smon lam byas par gyur pa na dbang bskur ba'i phyir gsol ba gdab pa'i bla ma dgyes shing mnyes par gyur pas slob ma khrus byas dri yis rjes su byugs pa brtul zhugs nges pa dang ldan shar gyi sa la dkyil 'khor gyi phyi rol du gzhag par bya ste/ dngos grub don du so shing sngar brjod pa'i cho gas rgyal ba mchog gi rdo rje rnams kyis zhes pa oM AH hUM ste 'di rnams kyis lan bdun mngon par bsngags pa byas te/ de nas gsor nas dkyil 'khor du dor bar bya'o/ /gang zhig ltung ba'i phyogs kyi cha yis der de'i las rab 'byams 'grub par 'gyur te/ phyogs brgyad rnams su zhi ba la sogs pa lngar gsungs pa'o/ /de nas khar chu khyor ba gsum blud de dag par byas nas dkyil 'khor la yol ba bkod cing shar gyi sar slob ma khrid de de nas de'i lce la bdud rtsi lnga sbyin par bya'o/ /rgyal ba mchog gi dam tshig rnams kyis te bdud rtsi lnga dang sgron ma lnga po rnams kyis sngar spos bsgrubs nas spos de nyid lha dbab pa'i don du'o/ /de la sngags ni hUM gi yi ge gcig ste a ra la dang bcas pa zhes pa oM a ra ra ra ra la la la la badzra A be sha ya hUM zhes pa ste sngags 'dis khro bo'i gtso bo bskul ba byas nas khro bo dbab po zhes pa'i don to/ /'di la bzlas pa bya ba dang sbyin sreg 'bum phrag bcu yis sngon du bsnyen pa bya'o/ /de nas 'grub par 'gyur te dran pa tsam gyis khro bo 'bebs par byed do/ /de'i mtshan nyid ni 'di yin te/ khro bo'i rgyal po phebs nas mtshon chas mdzes pa'i lag pa dag gis bdud kyi tshogs la sdigs byed cing / /zhes pa 'dis slob ma la khro bo'i rgyal po phebs par gyur na mtshon chas mdzes pa'i lag pa dag gis brtan pa dang g.yo ba gang la bsnun pa de phye ma brgyar byed do/ /bdud kyi phyogs chos la rnam par 'tshe ba byed pa gang la sdigs mdzub kyis bsdigs pa de sa la ltung ba dang sems med par byed do/ / de bzhin du/ g.yon brkyang la sogs stabs rnams dang ni rnam mang bcing ba rnams kyis rdo rje'i gar gyis gar byed de/ /zhes pa 'dir slob ma gang zhig sngar gar gyi mtshan nyid cung zad kyang mi shes pa de nyid khro bo phebs par gyur pa na rdo rje'i gar byed do/ /bar snang la yang rnam mang bcing ba rnams kyis gar byed do/ /ci ste bzhad pa byed na de'i tshe hUM gi yi ge 'dres pa dgra ste bdud kyi tshogs la 'jigs pa ste rab dang ni de bzhin du slob ma gang zhig sngar mi shes pa de khro bo phebs pa na mi la sogs pa rnams kyis rtogs par bya ba ma yin pa'i sgras rgyud gzhan du mar gang gsungs pa'i glu byed do/ /de'i phyir khro bo'i rgyal po phebs pa ni ngo tsha med cing dogs pa med par 'gyur te yon tan dbang gis ni khro bo'i rang bzhin gyis so/ /lha gzhan dag kyang zhi ba'o zhes pa ci ste spyan ma la sogs pa'i lha yin na zhi ba'o zhes pa ste khro bo dbab pa'i nges pa'o/ /'dir yang rgya cher gzhan khro bo bcu po rnams kyi rang bzhin bcu po rnams ni phyag rgya bcing bas rig par bya'o/ /mtshan ma gang gis gang bskyed pa de yang de'i mgrin pa dang / gsang bar rgyal ba rnams dang rang gi rigs kyi sar gnas rang gi rdo rje gsum gyis bsrung bar bya/ /lus la ser po'i gos dag byin te 'dren byed bsgribs par gyur pa'i slob ma 'dir ni gzhug par bya/ /kun rdzob don du brtul zhugs rab mchog bgrod pa dag la bgrod pa de rnams nyid ni sbyin par bya/ /'dir gang gi tshe slob ma khro bo'i lha la sogs pas byin gyis brlabs pa de'i tshe slob dpon gyis gang cung zad mngon par 'dod pa'i bya ba 'dri bar bya'o/ /de nas oM AHhUM yi ge gsum gyis me tog mngon par bsngags te mgo bor sbyin par bya'o/ /des phebs pa gtong zhing rang gi gnas su 'gro bar 'gyur ro/ /de ltar phebs pa gtong bar 'gyur te de nas phebs pa btang ba'i phyi nas mgo bor rgyal ba rnams kyis bsrung bar bya/ /zhes pa'i gsung las mgo bor oM yig gis so/ /snying gar hUM yig gis so/ /spyi gtsug ste gtsug tor du haM yig gis so zhes pa thabs kyi ste rang gi rdo rje gsum gyis zhes pa sku gsung thugs rnams kyis so/ /de bzhin du lte bar ho yig gis so/ /mgrin par AHyig gis so/ /gsang bar k+Sha yig gis so zhes pa shes rab kyi ste rang gi rdo rje gsum gyis zhes pa sku dang gsung dang thugs rnams kyis so/ /'dir gnyis ka'i yul sku gsung rdo rje'i yul la hUM yig ring po gsung gi rdo rje dang thung du thugs rdo rje ste gzhan du gang yod pa'o/ /de nas bsrung ba byas nas lus la ser po'i gos dag byin te 'dren byed bsgribs par gyur pa'i slob ma dkyil 'khor 'dir ni gzhug pa bsgrub par bya'o/ /dang por kun rdzob don du brtul zhugs byang chub kyi mthar thug pa'i bar du ste kun rdzob ni bsod nams kyi tshogs so/ /de'i don ni de'i don no/ /rab mchog bgrod pa dag las bgrod pa de rnams zhes pa la rang mchog ni bskal ba bzang po la rnam par gzigs pa la sogs pa shAkya thub pa'i mthar thug pa de bzhin gshegs pa bdun po rnams so/ /de rnams kyi bgrod pa ni bsod nams dang tshul khrims dang ye shes kyi tshogs kyi bdag nyid do/ /de la bgrod pa ni rab mchog bgrod pa dag la bgrod pa ste de rnams nyid slob dpon gyis slob ma la sbyin par bya'o zhes pa de bzhin gshegs pa'i nges pa'o/ /de la brtul zhugs rnams byang chub kyi mthar thug pa'i bar du bcom ldan 'das kyis gsungs pa/ 'tshe dang mi bden gzhan gyi bud med spang bya gzhan gyi nor dang chang gi btung ba de bzhin nyid/ /'khor bar rdo rje'i zhags pa dag ste rang gi dge ba 'joms byed sdig pa lnga po 'di rnams so/ /gang zhig gang gi dus su byung ba lha dang mi yi bla ma de yi mtshan gyis rab sbyin bya/ /sna tshogs gtso bo'i bka' 'di srid pa'i 'jigs pa 'joms pa dag ste khyod kyis kyang ni bskyang bar bya/ /'tshe dang mi bden gzhan gyi bud med spang bya gzhan gyi nor dang chang gi btung ba de bzhin nyid/ /ces pa brtul zhugs lnga'i nges pa'o zhes pa'i don to/ /ci'i phyir zhe na/ gang gi phyir 'khor bar rdo rje'i zhags pa dag ste rang gi dge ba 'joms byed sdig pa'i las lnga po 'di rnams so/ /de'i phyir mi bya'o zhes pa nges pa'o/ /sna tshogs gtso bo su zhig gi zhe na/ gang zhig gang gi dus su byung ba'i de bzhin gshegs pa lha dang mi yi bla ma de yi mtshan gyis rab sbyin bya/ /sna tshogs gtso bo'i bka' 'di srid pa'i 'jigs pa 'joms pa dag ste khyod kyis kyang ni bskyang bar bya/ /zhes pa rigs kyi bu dang rigs kyi bu mo rnams kyis bsod nams kyi tshogs kyi phyir bskyangs pa ji lta ba bzhin du'o zhes pa ste de bzhin gshegs pa'i nges pas bslab pa'i gnas dang ldan pa'o/ /cho lo kha na ma tho bcas pa'i zas dang tshig ngan klog dang 'byung po lha min dbang po'i chos/ /ba lang byis pa bud med skyes pa rnams dang lha mi'i bla ma gsod pa lnga ni mi bya'o/ /grogs po rje bo rnams dang lha dang mi yi bla ma dge 'dun yid brtan rnams la 'khu ba dang / /dbang po rnams ni chags pa dag dang de ltar srid pa'i bdag po'i brtul zhugs rnams ni nyi shu lnga/ /de nas gal te 'dod na de'i tshe gzhan rnams sbyin par bya'o/ /de la cho lo dang kha na ma tho bcas pa'i zas sngar brjod pa dang tshig ngan klog pa dang 'byung po'i chos pha mes kyi bya ba dang mchod sbyin gyi bya ba rig byed las brjod pa dang lha min gyi kla klo'i chos te mi bya'o zhes pa nye ba'i sdig pa lnga dang / de bzhin du snga ma dang phyi ma bcu po rnams kyis dang po gsod pa lnga dus thams cad du mi bya ste ba lang gsod pa dang byis pa gsod pa dang bud med gsod pa dang skyes pa gsod pa dang lha dang mi'i bla ma zhes pa sku gzugs dang mchod rten la sogs pa ste rnam par bshig pa ni gsod pa gzhan no/ /de bzhin du grogs po la 'khu ba dang rje bo la 'khu ba dang sangs rgyas la 'khu ba dang dge 'dun la 'khu ba dang yid brtan pa la 'khu ba zhes pa lnga mi bya'o/ /de bzhin du dbang po rnams ni chags pa dag dang zhes pa gzugs la chags pa dang sgra la chags pa dang dri la chags pa dang ro la chags pa dang reg bya la chags pa'o/ /de ltar srid pa'i bdag po rdo rje sems dpa'i nges pas brtul zhugs rnams ni nyi shu lnga ste slob ma rnams kyis bskyang bar bya zhing / rdo rje slob dpon gyi dbang gi dus su slob ma la sbyin par bya'o zhes pa brtul zhugs sbyin pa'i nges pa'o/ /da ni dkyil 'khor du 'jug pa gsungs pa/ dpal ldan sngags kyis mngon par bsngags te lag pa'i pad+ma sbyar bar me tog gcig ni sbyin par bya/ /dang por lan gsum bskor te lag pa'i pad+ma sbyar ba dag las dkyil 'khor du ni me tog dor/ /gang gi gnas su me tog bzang po lhung ba de ni mi yi bdag po de yi rigs su nges/ /phyi nas dbang ni bdun po rnams dang rnam gsum 'dir ni de bzhin bla med yang dag rab sbyin bya/ /'dir dang por brtul zhugs sbyin pa'i bar ma chad par las thams cad la gos ser po'am gos dmar pos gdong bcing bar bya zhing zhi ba la sogs pa rnams la gos srab mo lha'i kha dog gis te/ oM dwA da shaM ga ni ro d+ha kA ri Ne hUM phaT ces pa'i sngags 'di yis so/ /de nas mig la sogs pa bkab nas dge ba'i grogs kyis dang por dkyil 'khor la lan gsum bskor te/ de nas shar gyi sgor slob dpon gtso bo'i gzugs su gnas pa ste/ gal te dkyil 'khor la lha g.yon brkyang ba la sogs pa'i stabs kyis bzhengs pa yin na de'i tshe slob dpon bzhengs pas slob ma la dbang sbyin par bya zhing / ci ste bzhugs pa yin na de'i tshe bzhugs pas sbyin par bya'o/ /de nas dge ba'i grogs kyis gtad pa'i slob ma'i mgo bo la dung gi chus bsang gtor byas te oM AHhUM zhes pa'i yi ge gsum gyis lan bdun mngon par bsngags pa'i me tog de'i lag pa'i pad+ma sbyar ba kun nas sbyin par bya ste/ me tog gi snyim pa rnam par dag pas so/ /de nas lag pa'i pad+ma sbyar ba dag las dkyil 'khor gyi phyi rol du rgyal ba'i bum pa'i steng du me tog dor bar bya'o/ /gang gi phyir rdul tshon gyi dkyil 'khor la me tog la sogs pa dbul bar mi bya ste phul na rdul tshon subs par 'gyur ro/ /rab tu gnas pa byas pa'i rdul tshon gyi dkyil 'khor bsubs pa las mchod rten 'jig pa'o/ /de nas rigs yongs su brtag pa'i don du dkyil 'khor gyi phyi rol shar gyi sgor rnam par rgyal ba'i bum pa'i steng du me tog dor bar bya'o/ /rnam pa gzhan du na khru stong pa'i dkyil 'khor la slob mas dor ba'i me tog shar gyi rdo rje 'bar ba spangs nas gang du lhung bar 'gyur/ de la rdo rje 'bar ba yang rkang pa dang bcas pa'i khru brgyar 'gyur te/ lhas byin gyis brlabs pa ma gtogs pa stobs kyis de brgal nas rigs phyogs rnams su ji ltar me tog lhung bar 'gyur/ de phyir rnam par rgyal ba'i bum pa la mtshan ma lnga byas nas der me tog dor bar bya'o/ /des na dri la sogs pa rnams rdul tshon gyi dkyil 'khor gyi phyi rol du ste/ rdul tshon gyi sa lam yin no/ /rdul tshon gyi dkyil 'khor ni bcom ldan 'das kyi skur rig par bya'o/ /me tog dor ba dang dus gcig tu mig gi dar dgrol bar bya'o/ /yang na sngar me tog dor bar byas la phyi nas dgrol bar bya ste/ oM de byen dri yA Ni ud g+hA Ta ya swA hA zhes pa'i sngags 'di yis so/ /mig dbye ba byas nas gang gi gnas su me tog bzang po yig gsum gyis mngon par bsngags pa lhung ba der gnas pa'i lha ni de'i rigs kyi lhar 'gyur te/ de yis las kyi phyag rgya'i dngos grub bo zhes pa nges pa'o/ /de nas de'i rigs kyi lha bstan te phyi nas chu la sogs pa dbang bdun po rnams dang rnam gsum 'dir ni ji bzhin te/ de bzhin du las kyi phyag rgya mchod nas bum pa la sogs pa rnams dang / bla med 'chad par 'gyur ba yang dag rab sbyin bya/ /zhes pa rdo rje slob dpon gyis te de bzhin gshegs pa'i nges pa'o/ /da ni dbang bdun gyi cho ga gsungs pa/ klu dang bzhi yi nor bu gser gyi bum pa rnams sam rgyal pos yi rang bzhin rin chen bcas/ /sman dang dri dang ldan pa'i rgyal dang rnam rgyal bum pa rnams kyis lha mo rnams kyis khrus bya'o/ /sangs rgyas rab tu dbye bas cod pan sbyin te mchog gi bla ma nus ma rnams kyis ngar dbyangs nyid/ /rdo rje dril bu nyi zla las te brtul zhugs dag kyang dbang por bcas pa'i yul gyis sbyar bar bya/ /khro bo rnams kyis byams sogs ming ste gsal bar rgyal ba'i bdag pos rjes gnang 'dogs bcas rab tu sbyin/ /rdo rje dril bu rab tu sbyin nas rab mchog snying rje dag gis dag pa'i chos ni bstan par bya/ /'dir klu zhes pa brgyad dang yang na bzhi'i rgyal dang rnam rgyal bum pa rnams kyis zhes pa bum pa brgyad kyi phyogs la rgyal ba'i bum pa lnga dang rnam par rgyal ba'i bum pa lnga rnams kyis so/ /bum pa bzhi'i phyogs la rgyal ba'i bum pa gsum rnam par rgyal ba'i bum pa gsum gyis te/ nor bu gser gyi rang bzhin nam de med na sa'i rang bzhin rin chen dang bcas sman dang dri dang ldan pa rnams kyis zhes pa'o/ /de la sman ni dri'i le tshe sbyar bar sngar gsungs pa'i mig la sogs pa'i cha shas kyis gzung bar bya ste/ slob dpon gyis rtsa ba'i rgyud las gsungs pa'i tshogs nyi shu rtsa lnga po rnams kyi nang nas ji ltar rnyed pa lnga gzung bar bya'o/ /der bcom ldan 'das kyis bka' stsal pa/ dri yi le tshe sbyar ba la/ /rgyal po tshangs ma la sogs sman/ /mig zla me sogs cha shas dang / /lnga lnga yis ni rim pas dgod/ /tshangs ma sred med drag mo dang / /dbang phyug mchog gi dbang phyug ma/ /dbang mo dpal mo phag mo dang / / gzhon nu tsa rtsi kA de bzhin/ /sa mo chu mo me mo dang / /rlung mo mkha' spyod ma de bzhin/ /ma dang sring mo bu mo dang / /tsha mo rang skyes ma de bzhin/ /bram ze rgyal rigs rje'u rigs mo/ /dmangs mo g.yung mo de bzhin bshad/ /ces pa'i sman ni dngos grub che/ /zos pas rtag tu rdzu 'phrul ster/ /zhes pa'o/ /de la tshangs ma ni tshangs ma'i dbyug pa ste cha gnyis so/ /sred med ma ni khyab 'jug gnon pa ste cha gcig go/ /drag mo ni drag mo'i ral pa ste cha gsum mo/ /dbang phyug ma ni rab tu grags pa ste cha bzhi'o/ /mchog gi dbang phyug ma ni de ba dA li ste cha lnga'o zhes pa dang po lnga dgod pa'o/ /dbang mo ni dbang mo chu lha mo ste cha gsum mo/ /dpal mo ni mtshan nyid de cha bzhi'o/ /phag mo ni phag rna ste cha lnga'o/ /gzhon nu ma ni kar Na kA ste cha gnyis so/ /rtsa rtsi kA ni thur bltas me tog can te cha gcig go zhes pa gnyis pa lnga dgod pa'o/ /sa mo ni gtun shing can ma ste cha lnga'o/ /chu mo ni 'du byed ma ste cha gnyis so/ /me mo ni me ldan ma ste cha gcig go/ /rlung mo ni ngo tsha can ma ste cha gsum mo/ /mkha' spyod ma ni a kar te cha bzhi'o zhes pa gsum pa lnga dgod pa'o/ /ma zhes pa pu trAM dzA ri ste cha gcig go/ /sring mo ni lha dang bcas pa ste cha gsum mo/ /bu mo ni snyim pa byas pa ste cha bzhi'o/ /tsha mo ni a dza ka ra NA ste cha lnga'o/ /rang skyes ma ni rmongs pa 'dab chen ma ste cha gnyis so zhes pa bzhi pa lnga la dgod pa'o/ /bram ze mo ni bri hastI ste cha bzhi'o/ /rgyal rigs mo ni b+h+riM ga ra dzA ste cha lnga'o/ /rje'u rigs mo ni shing mngar te cha gnyis so/ /dmangs rigs mo ni kaN+Da kA ri ste cha gcig go/ /g.yung mo ni rma bya'i gtsug phud de cha gsum mo zhes pa lnga pa lnga dgod pa'o/ /de bzhin du grangs ji lta bas so ba la sogs pa 'bru'i tshogs rnams te so ba chen po dang mon sran dang tsan ka dkar po dang / til nag po zhes pa dang po lnga'o/ /ko tra bA dang mung+gA dang sran ma dang / til dkar po dang gro zhes pa gnyis pa lngar 'gyur ro/ /mauSh+ThaM dang Ti bu TA dang yungs nag dang nas dang mon sran zhes pa gsum pa lnga'o/ /sran chung dang yungs kar dang kaM gu dang tu ba ri dang pa ri pa Ta ka zhes pa bzhi pa lnga'o/ /a ta shI dang bar TI dang ba ra Na dang ku len+tha dang tsa na ka nag po zhes pa ste le tshe sbyar ba'i chas 'bru lnga ji ltar rnyed pa gzung bar bya'o/ /'dir cha rnams ni ril bu'i grangs so/ /de nas rin po che rnams ni bram ze dang rgyal rigs dang rje'u rigs dang dmangs rigs las skyes pa'i rdo rje rnams dang mthar skyes kyi rigs rnams so/ /de bzhin du in+d+ra nI la dang pad+ma rA ga dang zla ba chu shel dang karke ta ka dang marka ta zhes pa rnams gtso bo'o/ /de bzhin du lcags rnams ni gser dang dngul dang zangs dang lcags rnon po dang khab len rnams so/ /de bzhin du rin po che 'bring po rnams ni mu tig dang byu ru dang mu men dang shU la ma ni dang thig le drug pa rnams so/ /de bzhin du tha ma rnams ni shel dang dzI ba dza ti dang Da ho ri dang mching bu dang nor bu ljang gu rnams so/ /'di rnams ji ltar 'byor ba gzung bar bya'o/ /ci ste bka'i 'khor los sgyur ba rin po che chen po'i dbang bskur ba la ni lha dang klu rnams kyi nor bu kha dog lnga rnams su 'gyur ro/ /de med na dri bzang po'i kha dog lnga rnams so zhes pa dbul po rnams kyi nges pa'o/ /'dir rin po che ljang gu ni rnam par rgyal ba dung la'o/ /rin po che sngon po ni shar dang nub kyi rgyal ba dang rnam par rgyal ba'i bum pa la'o/ /nag po ni shar dang me'i bum pa la'o/ /dmar po ni lho dang bden bral gyi bum pa la'o/ /dkar po ni byang dang dbang ldan gyi bum pa la'o/ /ser po ni nub dang rlung gi bum pa la'o/ /de bzhin du khab len dang lcags rnon po dang zangs dang dngul dang gser ro/ /de bzhin du sman rnams te cha gcig pa ni rgyal ba dang rnam par rgyal ba'i bum pa la'o/ /cha gnyis pa ni shar dang mer ro/ /cha gsum pa ni gshin rje dang lha min du'o/ /cha bzhi pa ni byang dang dbang ldan du'o/ / cha lnga pa ni nub dang rlung du'o/ /de bzhin du ril bu'i dbye bas 'bru rnams dang / de bzhin du sngar gsungs pa'i le tshe sbyar ba'i dri'i rdzas lnga rnams te/ de ltar lcags dang rin po che dang nags kyi sman dang 'bru dang dri'i rdzas rnams bum pa rnams su blugs nas/ slar yang nyi shu rtsa lnga po de rnams thum por bcings te rnam par rgyal ba'i dung chus gang bar gzhug par bya'o/ /des skyes pa'i gnas lnga rnams su dbang bskur bar bya ste/ gtsug tor dang phrag pa dang dpung ba'i tshigs g.yon pa dang g.yas pa dang / de bzhin du dpyi dang brla'i tshigs dag la'o/ /de nas rigs kyi lha rnam par sbyang ba'i phyir me tog gtor ba'i sngags ni/ oM sarba ta thA ga tA ku la bi sho d+ha ni swA hA/ sngags 'dis slob dpon gyis slob ma me tog 'thor du gzhug par bya'o/ /sngags 'dis mig dbye bar bya ste/ oM di bya na ya na mu ta g+hA Ta yA mi swA hA zhes pa'o/ /de nas rigs kyi lha dang dkyil 'khor gyi gtso bo dang por byas te dkyil 'khor mtha' dag bstan par bya'o/ /de nas shar gyi sgor rigs dag par byas nas slob dpon gyis slob ma lag pa g.yon pa nas bskyod de/ las kyi rdo rje can dang lhan cig bskor ba byas te byang gi sgor khrid la der lus rnam par dag pa'i don du sgrol ma la sogs pa lha mo rnams kyi sngags kyis bum pa thams cad nas chu blangs te rnam par rgyal ba'i dung du blugs nas chu'i dbang la slar yang skye ba'i gnas lnga rnams su sngags 'dis dbang bskur bar bya'o/ /oM A I r-I U l-I pany+tsa d+hA tu bi sho d+ha ni swA hA/ de nas cod pan gyi dbang la skye ba'i gnas lnga rnams su sngags 'dis dbang bskur bar bya'o/ /oM a i r-i u l-i pany+tsa ta thA ga ta pa ri shud+d+ha swA hA/ de nas rin po che dang gser gyi cod pan bcing bar bya'o/ /de ltar dbang bskur ba gnyis kyis khams dang phung po rnam par dag pas lus rnam par dag par 'gyur ro/ /sku'i zhal gyi sar lus rnam par dag par byas te/ de nas g.yas sgor gyis slar yang lho'i sgor slob ma khrid nas ngag rnam par dag pa'i don du dar dpyangs kyi dbang la skye ba'i gnas lnga rnams su sngags 'dis dbang bskur bar bya'o/ /oM a A aM aHha hA haM haHho phreM da sha pA ra mi tA pa ri pU ra Ni swA hA/ de nas rin po che'i dar dpyangs dang gser gyi dar dpyangs sam ma rnyed na me tog gi phreng ba dpral bar bcing bar bya'o/ / de nas rdo rje dang rdo rje dril bu'i dbang la skye ba'i gnas lnga rnams su sngags 'dis dbang bskur bar bya'o/ /oM hUM ho sUr+ya tsan+d+ra bi sho d+ha ka swA hA/ de nas rdo rje dang dril bu spyi bor bzhag nas dung gi chus dbang bskur bar bya'o/ /de nas dbang bskur gnyis kyis gsung rdo rje sbyangs te rdo rje'i mthe bo byin nas g.yas sgor gyis slar yang bskor ba byas te shar gyi zhal du thugs rdo rje sbyang ba'i don du rdo rje brtul zhugs kyi dbang la skye ba'i gnas lnga rnams su sngags 'dis dbang bskur bar bya'o/ /oM a A e ai ar Ar o au a la Al bi Sha yan+d+ri ya bi sho d+ha ni swA hA/ de nas rna ba la sogs pa rnams la me tog bskor nas slar yang ming gi dbang la skye ba'i gnas lnga rnams sa sngags 'dis dbang bskur bar bya'o/ /oM ha hA ya yA ra rA ba bA la lA tsa tur brah+ma bi hA ra bi shud+d+ha swA hA/ de nas gdu bu dang rkang gdub la sogs pa med na lag pa dang rkang pa la me tog gi phreng ba bcings te de nas ming gi dbang bskur bas khyod ni che ge mo rdo rje zhes byas nas lung bstan par bya'o/ /de nas dbang bskur gnyis kyis thugs rdo rje sbyangs nas ye shes rnam par dag pa'i don du g.yas skor gyis slob ma nub kyi zhal du khrid de rjes su gnang ba'i dbang la skye ba'i gnas lnga rnams su sngags 'dis dbang bskur bar bya'o/ /oM haM k+ShaHd+harmA tsakra pra warta ka swA hA/ dbang bskur byin nas sku gsung thugs ye shes rdo rje rnams dbang bdun gyis rnam par sbyangs te de nas slob ma la lag par rdo rje dang rdo rje dril bu byin nas che ge mo rdo rje de dag gis rdo rje slob dpon te rdo rje dril bu rab tu byin nas/ /rab mchog snying rje dag pa'i chos ni bstan par bya/ /zhes pa byed dang bcas pa'i tshigs su bcad pa gnyis po 'dis so/ /'di lta ste/ nges par rdo rje'i rigs dag la ni srog gcod bya ste ral gri la yang bden pa min pa'i tshig /rin chen la ni gzhan nor dbrog bya mchog gi pad+ma'i rigs nyid la yang gzhan gyi bud med dbrog / chang dang sgron ma sangs rgyas rnams dang bzang po'i yul rnams mtha' dag 'khor lo la ni brten par bya/ /g.yung mo la sogs mtha' dag bud med rnams ni gri gug la yang mkha' yi pad+mar smad mi bya/ /sems can don gyi slad du nor dang bcas pa'i lus 'di sbyin par bya ste khyod kyis bsrung mi bya/ /rigs kyi bu kye sangs rgyas nyid du 'gyur ba gzhan du mtha' yas bskal bas min par rgyal bas gsungs/ /chu ni sgrol ma la sogs lha mo cod pan zhes pa rgyal ba dpa' bo'i ngar dbyangs nus ma rnams/ /rdo rje dril bu nyi zla dag dang brtul zhugs dag kyang yul rnams ming ni byams sogs sbyor ba'o/ /rjes gnang rdzogs pa'i byang chub dpal mo srid pa'i 'jigs 'joms dus kyi 'khor lo rjes su rig pa ste/ /sdig pa'i dri ma 'phrog pa'i dbang bskur bdun po 'di rnams dkyil 'khor du ni yang dag rab sbyin bya/ /zhes pa'o/ /de ltar dkyil 'khor bdun gyi cho ga byas te/ de nas slob ma la sangs rgyas kyis byin gyis brlabs par bsam par bya'o/ /slob dpon gyis rgan pa dang gzhon pa'i don du lo la sogs pa rab tu bsgrags par bya ste/ 'dir lo che ge mo dang / rigs ldan gyi rgyal po che ge mo chos ston pa dang / zla ba che ge mo dang / nya che ge mo dang / gza' che ge mo dang / tshes che ge mo dang / skar ma che ge mo dang / sbyor ba che ge mo dang / byed pa che ge mo la rdo rje slob dpon che ge mo bdag gis slob ma che ge mo mchog gi dang po'i sangs rgyas sam dkyil 'khor gzhan du dbang bdun gyis dbang bskur te/ 'og min gyi srid pa'i mthar thug pa 'jig rten pa'i dngos grub bsgrub pa dang sems can thams cad kyi 'dren pa nyid kyis bsod nams dang ye shes kyi 'bras bu thob pa'i phyir bdag gis lung bstan cing rjes su gnang ba'o zhes pa dbang bdun gyi nges pa'o/ /'dir rgyud gzhan dang gzhan du byis pa'i skye bo gzhug pa'i phyir de bzhin gshegs pa lnga rnam par dag pas dbang lnga ste/ rnam par snang mdzad kyi chu'i dbang dang rin chen 'byung ldan gyi cod pan no zhes gang gsungs pa de la snga ma dang phyi ma 'gal te/ rgyud thams cad du dkyil 'khor du me tog dor ba nas slob ma'i rigs kyi lha gang yin pa de'i cod pan dang de'i rigs kyi phyag rgyas de'i dngos grub po zhes pa bcom ldan 'das kyi nges pa'o/ /de nas mtshan yang dag par brjod par/ sangs rgyas mnga' bdag cod pan can/ /zhes pa'i gsung las/ gang du me tog lhung ba'i de bzhin gshegs pa de cod pan du 'gyur gyi/ thams cad du rin chen 'byung ldan ni ma yin no/ / de bzhin bsdus pa'i rgyud du chu la sogs pa rnam par dag pa med de cho ga gzhan stobs dang ldan pa'i phyir ro/ /da ni nges par rdo rje'i rigs dag la ni zhes pa la sogs pa'i don brjod par bya'o/ /'dir srog gcod pa la sogs pa'i dam tshig ni rnam pa gnyis te drang ba'i don dang nges pa'i don gyis phyi rol dang nang gi bdag nyid do/ /de la phyi rol du bcom ldan 'das kyis srog gcod pa'i bya ba gang yin pa de ni/ mtshams med pa lnga byed pa rnams dang / sangs rgyas kyi bstan pa la gnod pa byed pa rnams dang / dam tshig bye ba rnams so zhes pa ste/ mtshams med pa lnga po de nyid sngon dang phyi mar shes nas so/ /'dir 'ga' zhig sngar mtshams med pa lnga byed pa po phyi nas bsod nams byed pa por 'gyur te/ gtum po mya ngan med pa dang chos rgyal mya ngan med pa bzhin no/ /de phyir de la gnod pa byas na dmyal bar 'gyur te/ bsngags pas dge ba dang mi dge ba las yongs su shes pa'i phyir ro/ /de nas ji srid mngon par shes pa lngar ma gyur pa de srid du bsngags pas zhi ba dang rgyas pa dang dbang dang dgug pa ma gtogs pa drag po'i las mi bya'o/ /de bzhin du brdzun du smra ba dang ma byin par len pa dang / gzhan gyi bud med 'phrog pa dang / dam tshig bsten pa dang / rigs ma yin pa la mngon par 'gro ba dang / rang gi lus kyi mthar thug pa sbyin pa yang gzhan la phan pa'i phyir te/ rang gi don du ni ma yin no zhes pa nges pa'o/ /gang gi tshe 'chi ba'i mtha'i bar du mtshams med pa lnga byed pa de'i tshe/ khro bo'i rigs la sngar bsgrub pa'i sngags dang / mi bskyod pa'i ting nge 'dzin 'dis gsad par bya'o zhes pa bcom ldan 'das kyis drang pa'i don to/ /de bzhin du lam ma yin par lhung ba rnams mngon par gdon pa'i phyir brdzun gyi tshig smra bar mi bya ste/ rang gi don du ni ma yin no/ /de bzhin du gzhan gyi bud med 'phrog pa ni/ dud 'gro'i 'gro bar 'gro ba bzlog pa'i phyir te/ rang gi don du ni ma yin no/ /rigs su 'dzin pa rnam par gzhig pa'i phyir bdud rtsi lnga la sogs pa dam tshig rnams kyang bsten par bya'o/ /de bzhin du las kyi phyag rgya'i dngos grub kyi don du g.yung mo la sogs pa bud med rnams la smad par mi bya'o/ /bsod nams kyi tshogs kyi phyir sbyin pa chen po sbyin par bya'o/ /de ltar ral gri'i rigs dang / rin po che'i rigs dang / pad+ma'i rigs dang / 'khor lo'i rigs dang / gri gug gi rigs la sngags rnams bsgrubs nas nus pa dang ldan par gyur pa na rnal 'byor pas thams cad bya ste ji ltar 'jig rten du bzhad gad du mi 'gyur ba'o zhes pa drang ba'i don to/ /da ni nges pa'i don brjod par bya'o/ /'dir rang gi lus la srog bkag pa ni srog gcod pa ste/ rdo rje'i rigs dag la ni ste gtsug tor du dgag par bya'o/ /srog gcod pa des rnal 'byor pa'i khu ba steng du 'gyur ro zhes pa nges pa'o/ /ral gri la yang bden pa min pa'i tshig 'dir bden pa min pa zhes bya ba rab tu mi gnas pa'i tshig drang ba'i don dang nges pa'i don gyis sems can thams cad kyi skad kyi tshig tu cig car rnams la chos ston pa po ste de nyid snying gar gzhom du med pa'i sgra'o zhes pa nges pa'o/ /rin chen la ni gzhan nor dbrog bya zhes pa la/ 'dir gzhan ni rdo rje sems dpa'o/ /de'i nor ni rin po che ste yid bzhin gyi nor bu'o/ /de dbrog pa ni rin chen rigs la ste mgrin par sa brgyad pa'i gnas su'o zhes pa nges pa'o/ /mchog gi pad+ma'i rigs nyid la yang gzhan gyi bud med dbrog /ces pa la gzhan gyi bud med ni phyag rgya chen mo ste de dbrog pa ni gzhan gyi bud med 'phrog pa'o/ /dbrog pa de ni mchog gi pad+ma'i rigs la ste/ dpral bar sa bcu pa'i gnas su steng du khu ba'o zhes pa nges pa'o/ /chang dang sgron ma sangs rgyas rnams dang bzang po'i yul rnams mtha' dag 'khor lo la ni brten par bya/ /zhes pa la ni 'dir chang ni lhan cig skyes pa'i dga' ba'o/ /sgron ma ni go ku la sogs pa rnams te nang du ni dbang po lnga rnams so/ /sangs rgyas rnams ni bdud rtsi lnga rnams so/ /'khor lo la ni lte ba'i pad+mar bsten par bya ni bza' bar bya ste/ bshang ba dang gci ba dang khu ba phyi rol du mi 'dzag par bya'o zhes pa nges pa'i don to/ /g.yung mo la sogs pa bud med rnams ni gri gug la ste gsang ba'i pad+mar smad par mi bya'o/ /mkha'i pad+mar ni skye gnas su bsrung ba na tshangs par spyod pas te khu ba phyi rol du mi 'pho bas so zhes pa nges pa'o/ /sems can don gyi slad du sbyin par bya ste/ nor dang bcas te bu dang chung ma la sogs pa dang lhan cig tu rang gi lus bsod nams kyi tshogs kyi don du sbyin par bya'o/ /de bzhin du tshul khrims kyi tshogs kyi don du bud med rnams la kha'i pad+mar smad par mi bya'o/ /de'i phyir bsod nams dang tshul khrims kyi tshogs dag las ye shes kyi tshogs so/ / de ltar tshogs gsum gyis rigs kyi bu khyod yang dag par rdzogs pa'i sangs rgyas nyid du 'gyur gyi/ gzhan du mtha' yas bskal pas min par gang rgyal bas gsungs pa'o zhes pa rgyud thams cad du rnam par dag pa'i chos bstan pa'i nges pa'o/ /dag pa gzhan yang yod pa de gzhan pa zhes pa la sogs pas gsungs so/ /'dir chu'i dbang gang yin pa de ni sa la sogs pa khams lnga po rnams kyi dag pa ni sgrib pa med pa nyid de sgrib pa dang bcas pa'i sa la sogs pa khams lnga po rnams spyan ma la sogs pa'i rig ma lnga po nyid kyis rdzogs pa las chu'i dbang mtshon par byed do zhes pa'i don to/ /de bzhin du cod pan zhes pa cod pan gyi dbang ste/ gzugs la sogs pa phung po lnga rnams sbyong byed ni sgrib pa med pa nyid de gzugs la sogs pa'i phung po lnga po rnams rnam par snang mdzad la sogs pa nyid kyis rdzogs pa cod pan gyi dbang ngo zhes pa ji srid par ro/ /du ba la sogs pa rnams pha rol tu phyin pa bcu ste/ de rnams kyis dag pa ni yongs su rdzogs pa so sor dmigs pa ste de'i don dpa' bo'i dar dpyangs kyi dbang ngo / /rdo rje mi 'gyur che dril bu sangs rgyas skad dang zhes par sbyar te 'khor ba'i sdug bsngal mtha' dag gis mi phyed cing des de 'byed pa nyid kyis mi 'gyur ba'i bde ba chen po nyid rdo rje'o/ /mtha' yas pa'i lha dang mi la sogs pa rnams la de dang de'i skad kyis rgyun mi 'chad par chos kyi bdud rtsi bstan pa'i don du gzhom du med pa'i sgra'i rang bzhin ni rdo rje dril bu'o/ /nyi zla gcig tu zhes pa srog dang thur sel g.yas dang g.yon du 'bab pa dag gcig pa nyid kyis a wa d+hU tIr rab tu zhugs pa ste de'i don du rdo rje dang rdo rje dril bu dang ldan pa'i lag pa dag gis 'khyud pa'i tshul byed pa ni rdo rje dang rdo rje dril bu'i dbang ste bzhi pa'o/ /rdo rje brtul zhugs kyi dbang ni gzugs la sogs pa yul dang mig la sogs pa dbang po legs par dag pa ste/ tha mal pa'i yul dang dbang po dang rnam par shes pa rnams 'gags nas lha'i mig la sogs pa dbang po rnams kyis lha'i rnam par shes pa rnams stong pa nyid kyi gzugs kyi yul la bems po ma yin par rab tu 'jug par nges pas phyag rgya chen po'i dngos grub thob par byed pa'i phyir rdo rje brtul zhugs kyi dbang ste lnga pa'o/ /bram ze la sogs pa rnams gcig pa nyid kyi dgongs pas che ge mo rdo rje zhes pa ming gi byed pa las byams pa la sogs pa tshangs pa'i gnas bzhi yongs su rdzogs pa dus thams cad du 'dod chags dang zhe sdang la sogs pa rnam par dag pa sgrib pa med pa nyid do zhes pa ming gi dbang ste drug pa'o/ /dpag tu med pa'i sems can gyi khams la bsam pa'i dbang ji lta bar kun rdzob dang don dam pa'i rnam par dbye bas mchog tu gsang ba rdo rje theg pa bstan pa'i don du rjes su gnang ba ni rjes su gnang ba'i dbang sangs rgyas nyid rdzogs par byed pa ste bdun pa'o/ /dbang bskur bdun po 'di rnams rdul tshon gyi dkyil 'khor rnam par spangs nas gzhan ras bris la sogs pa'i dkyil 'khor du sbyin par bya ba ma yin no/ /bum pa la sogs pa'i dbang rnams ni dkyil 'khor bzhengs pa las gzhan gyis kyang sbyin par bya'o/ /sngar mdor bstan pa'i dbang bcu gcig po rnams kyi nang nas 'jig rten l as 'das pa'i dngos grub kyi khang bzangs kyi them skas su gyur pa 'og ma kun rdzob kyi gzugs can dbang bdun po rnams rnam par bshad nas gang zhig rnal 'byor pa la kun rdzob tu gyur pa 'jig rten pa'i dngos grub sgrub par byed cing don dam pa'i rjes su mthun pa'i dbang gsum po rnams bum pa zhes pa la sogs pas mdor bstan to/ /ji srid phyogs kyi lo ni gcig pa rnam pa bcu ru 'gyur te blta ba dang ni reg par bya/ /de nas 'khyud par bya ste ro dang bcas pa'i chu gter g.yo ba la sogs pa rnams bsten par bya/ /lo ni nyi shu yan chad phyag rgya mchog tu 'jigs byed ma ste khro bo 'byung po lha min cha/ /dbang gi don du drug dang bzhi ste bde mnyam 'bras bu ster ba gzhan ni bsgom pa'i don du'o/ /dpal ldan shes rab nu ma la yang dang por reg pa gang yin de nyid bum pa'i dbang yin no/ /gsang ba dag las ri bong 'dzin pa myang ba dang ni lta ba dag gis gsang ba'i dbang du 'gyur/ /shes rab ye shes dbang las mtha' dag rgyal ba'i rigs kyi yan lag zhal gyis sbyang ba byas nas ni/ /rgyal ba dag kyang 'dir ni bla mas dang por byas nas slob ma la ni phyag rgya byin par bya/ /rgyan rnams thams cad dang ldan zhun ma'i gser dang mtshungs shing bcu gnyis lo lon mdzes pa'i bu mo ni/ /khrag dang ldan la shes rab thabs kyi bdag nyid dag gis rang gi rdo rje nor bus 'dod spyad nas/ /sa bon dang bcas rdo rje dag kyang slob ma dag par shes nas kha ru 'phang ba byas nas ni/ /phyi nas rang gi phyag rgya sbyin bya de nas slar yang gzhan pa du pa'i lam sogs ldan pa'o/ /skrag dang rnam par 'khrul pa'i sems ldan g.yo sgyu gzhan dbang 'gro ma nad dang ldan dang bu skyes ma/ /khro khengs nor la sred dang mi bden rtsod pa la dga' rang gi yan lag dman dang rnam dag min/ /shes rab 'di rnams dbang la shin tu mkhas pa'i bla ma dag gis spang bar bya'o mi yi dbang / /sngar brjod sangs rgyas la gus bla ma'i dam tshig 'dzin ma rnams ni phyag 'tshal ba dang mchod par bya/ /da ni dbang gong ma gsum gyi cho ga gsungs te/ 'dir bum pa la sogs pa'i dbang gi don du phyag rgya lo bcu'i bar gzhon nu ma spang bar bya'o/ /gang gi phyir shes rab kyi pha rol tu phyin ma gcig pu rnam pa bcur 'gyur te/ lo so sor sbyin pa la sogs pa rnam par dag pas so/ /de la yang ji srid so lhung bar ma gyur pa de srid du ye shes kyi khams te mi zad pa nyid kyi phyir ro/ /de nas so lhung nas nam mkha'i khams te de ltar khams gnyis kyis gzhon nu ma skye gnas ma nyams pa'o/ /de nas de ni blta bar bya ba dang reg par bya ba dang mchod par bya'o/ /lo bcu po de nas lo bcu gcig pa dang por byas nas lo nyi shu ma'i bar du 'khyud par bya ba ste/ drug dang bcas pa'i bzhi po rlung gi khams la sogs pa rnams bsten par bya'o/ /de'i phyir lo bcu gcig ma la rlung gi khams so/ /bcu gnyis ma la me'o/ /bcu gsum ma la chu'o/ /bcu bzhi ma la sa'o zhes pa bzhi'o/ /bco lnga ma la sgra'o/ /bcu drug ma la reg bya'o/ /bcu bdun ma la ro'o/ /bco brgyad ma la gzugs so/ /bcu dgu ma la dri'o/ /nyi shu ma la chos kyi khams so/ /de nas lo ni nyi shu yan chad phyag rgya mchog tu 'jigs byed ma ste khro bo 'byung po lha min cha/ /'dir lo nyi shu phyi nas lo nyi shu rtsa gcig nas brtsams te lo so so rnam grangs ji ltar shin tu sngon mo dang / shin tu stobs ma dang / rmugs byed ma dang / khengs byed ma dang / rengs byed ma dang / 'od zer can ma dang / tsun+dA dang / khro gnyer can dang / rdo rje lcags sgrog ma dang / drag spyan ma ste bcu ni khro bo'i lha mo rnams so/ /de nas lo sum cu rtsa gcig nas brgyad ni 'byung po'i cha ste/ tsa rtsi kA dang / phag mo dang / drag mo dang / dbang mo dang / tshangs ma dang / dpal chen mo dang / gzhon nu ma dang / khyab mjug ma'o/ /de nas lo sum cu rtsa dgu nas brgyad ni lha min gyi cha ste/ khyi gdong ma dang / phag gdong ma dang / stag gdong ma dang / ce spyang gdong ma dang / mkha' lding gdong ma dang / 'ug gdong ma dang / bya rgod gdong ma dang / bya rog gdong ma ste lo bzhi bcu rtsa drug ji srid par phyag rgya bsgom pa'i don du'o/ /dbang gi don du slar yang drug dang bzhi ste bde mnyam 'bras bu ster ba me'i khams nas brtsams te chos kyi khams ji srid par ro/ /rlung gi khams ni rdul med pa nyid kyi phyir gzung bar mi bya'o zhes pa nges pa'o/ /'dir dbang gong ma ni rnam pa gnyis te/ gcig ni sems can gzhug pa'i don dang lam yongs su shes pa'i don dang rgyud nyan pa la dbang ba'i don du'o/ /gzhan ni slob dpon chen po'i gnas sbyin pa dang ston pa po byed pa'i slad du'o/ /dang por dbang 'di la re zhig skrag pa dang rnam par 'khrul pa'i sems la sogs pa'i skyon dang bral ba'i bu mo lo bcu gnyis ma la sogs pa yongs su smin pa ni slob mas bla ma la dbul bar bya'o/ /de nas gsol ba btab pa la sogs pa byas nas slob mas bla ma la 'chad par 'gyur ba'i bstod pas gsol ba gdab par bya'o/ /de nas bla ma mnyes pas 'jig rten kun rdzob kyis rang gi phyag rgya'i nu ma la reg par byed du gzhug ste des na de nyid bum pa'i dbang yin no/ /de nas gsang ba'i mchod pa byas nas slob ma la bdud rtsi sbyin zhing phyag rgya'i pad+ma yang gsal bar byed du gzhug go/ /de nas ri bong 'dzin pa myong ba dang blta ba dag gis gsang ba'i dbang du 'gyur ro/ /de nas shes rab dang ye shes kyi dbang la oM yig la sogs pa'i sa bon rnams kyis rigs lnga'i cha dang ldan par byas te/ de nas ji ltar skal ba ngan pa'i s ems can 'di'i sgom pa la sogs pa la dbang bskur ba'i nges pa'i slad du ste slob ma rnams la rgyud bstan pa dang dkyil 'khor bri ba'i slad du ni ma yin no zhes bla mas rgyal ba ste rdo rje sems dpa' dbang por byas nas lag bcangs dang gnyis gnyis 'khyud pa byed pa'i slad du phyag rgya de slob ma la sbyin par bya'o/ /dang por slob ma gzhug pa la dbang bskur ba'i nges pa'o/ /de bzhin du slob dpon ni rgod pa yon tan gnyis kyi bdag nyid khu ba'i bde ba'i lha rnam par dag pas so/ /gsang ba zhes pa lta ba yon tan gsum gyi bdag nyid rnam par dag pas so/ /lag bcangs zhes pa yon tan bzhi'i bdag nyid rnam par dag pas so/ /gnyis gnyis 'khyud pa zhes pa yon tan lnga'i bdag nyid khu ba'i bde ba'i lha rnam par dag pas so/ /'jig rten pa'i kun rdzob kyis sems can gzhug pa'i slad du dbang rnam pa bzhi'i nges pa'o/ /de nas 'grel bshad dang bcas pa'i rgyud thams cad thos shing shes pa na bdag po chen po nyid kyi slad du gsungs pa'i rig ma bcu po rnams khyim na gnas pa'i slob mas bla ma la rim pa ji lta bas dbul bar bya'o/ /'dir rtsa ba'i rgyud du bcom ldan 'das kyis bka' stsal pa/ tsha mo dang ni bu mo dang / /sring mo de bzhin skyed byed ma/ /de bzhin chung ma'i ma dang ni/ /de bzhin zhang po'i bud med dang / /pha yi spun zla'i chung ma dang / /de bzhin pha yi sring mo dang / /rang gi ma yi spun zla nyid/ /rang gi chung ma mchog gzugs can/ /sgrol ma la sogs chos khams mthar/ /rang rigs las skyes rig ma bcu/ /thar pa 'dod pa'i slob ma yis/ /dbang gi dus su rab sbyin bya/ /rig ma 'di rnams rigs bsrung phyir/ /gal te bla mar mi dbul na/ /de tshe khyim na gnas rnams la/ /gzhan gyi dbang bskur sbyin mi bya/ /dkyil 'khor du ni dbang bskur ba'i/ /dmangs rigs skyes sogs gzhan rnams kyis/ /dge slong dge tshul rnams la ni/ /bla mas sbyin bya mi yi bdag /rlung sogs rim pas dmangs rigs mo/ /rgyal rigs de bzhin bram ze mo/ / rje mo g.yung mo nya ba mo/ /gar ma de bzhin tshogs mkhan mo/ /ko lpags byed ma gtum mo ni/ /chos khams mthar skyes ma ste bcu/ /rig ma chen mor yang dag brjod/ /longs spyod grol 'bras rab tu ster/ /zhes pa'o/ /de ltar gsungs pa'i rim pas pha rol tu phyin pa bcu dang dbang bcu dang sa bcu dang stobs bcu rnams 'di rnams kyis rnam par dag par 'gyur ro zhes pa ste/ bdag po nyid byed pa'i slad du dkyil 'khor chen po'i slob dpon gyi gnas mngon par 'dod pas phyag rgya bcu sbyin par bya'o zhes pa de bzhin gshegs pa'i nges pa'o/ /de ltar slob mas bla ma la phyag rgya bcu phul te/ de nas bka' stsal don du gnyer bar bya'o/ /kye bcom ldan 'das pha rol tu phyin pa thams cad thob pa bdag gis da ni ci zhig bgyi/ de nas slob dpon gyis gsungs pa/ bcu'i nang nas rang gi chung ma 'di bzung nas de dang lhan cig tu bdag la gsol ba gdab pa byos shig /dge slong dang dge tshul rnams la ni gtum mo rang gi chung mar bya'o/ /de nas bla ma'i nges pa de bzung nas gnyis kyis gser la sogs pa'i me tog rnams kyis maN+Dal byas te de nas gsol ba gdab par bya'o/ /sgrib pa thams cad bcom pa yis/ /dus kyi 'khor lo khyod la 'dud/ /mchog tu mi 'gyur bde ba rdzogs/ /ye shes sku khyod la 'dud do/ /stong nyid snying rje dbyer med pa/ /byang chub sems ni 'gyur med gang / /dbang bskur de yis bdag la ni/ /mgon po da ni bka' drin mdzod/ /bu dang chung ma la sogs bcas/ /bdag ni dus kun khyod kyi 'bangs/ /ji srid byang chub snying po'i mthar/ /bdag la skyabs gzhan yod ma yin/ /zhes pas gsol ba btab par gyur pa'i slob ma chung ma dang bcas pa gzigs nas slob dpon gyis sgra rdo rje ma la rgyan thams cad dkrol zhing gcer bur byas nas 'khyud du gzhug par bya'o/ /khyim pa rnams ni chung ma'i ma la'o/ /de nas shar du sgrol ma/ lhor gos dkar mo/ byang du mA ma kI / nub tu spyan ma/ mer reg bya rdo rje ma/ bden bral du ro rdo rje ma/ dbang ldan du gzugs rdo rje ma/ rlung du dri rdo rje ma ste rnal 'byor ma'i 'khor lo gcer bu skra grol ba gri gug dang thod pa can rnams dgod par bya ste rig ma dgu po rnams kyis rim pa bzhin du'o/ / de ltar sngar dbang bskur ba ni chu la sogs pa rnam pa bdun no/ /de nas gong ma'i dbang ni thun mong ba'i las kyi phyag rgyas so/ /gong ma'i yang gong ma'i dbang ni phyag rgya dbul ba'i don du dmangs rigs las skyes pa sngar gsungs pa bcu po rnams kyis so/ /bum pa brgyad rnams dang rgyal ba dang rnam par rgyal ba'i bum pa dag gis dge slong 'khrus bya'o/ /dge tshul la de rnams kyi nang nas phyag rgya drug gi bum pa bzhi dang rgyal ba'i bum pa dag gis khrus bya'o/ /khyim na gnas pa la dgu po de rnams kyi nang nas rang gi chung ma gcig pu dang rnam par rgyal ba'i bum pa gcig pus sngar gsungs pa'i cho gas dbang bskur bar bya'o/ /de nas phyag rgya gtad par bya/ /bum dbang sbyin pa'i don du'o/ /zhes pa ste/ 'dir rgyan rnams thams cad dang ldan zhun ma'i gser dang mtshungs shing bcu gnyis lo lon mdzes pa'i bu mo lo nyi shu'i mthar thug khrag dang ldan pa la shes rab thabs kyi bdag nyid dag gis ni lha'i rnal 'byor gyis rang gi rdo rje nor bus 'dod pa spyad nas/ sa bon dang bcas rdo rje dag kyang gong ma'i dbang la slob ma dag par shes nas kha ru 'phang ba byas nas ni/ /phyi nas rang gi phyag rgya sbyin bya ni slob dpon gyis gang la 'khyud pa'o/ /yang na bu'i chung ma la slob dpon rang gis mngon par bgrod de/ de nas dbang gi dus la bab pa na slob ma la slar yang rang gi chung ma gtad par bya'o/ /'dir bum pa'i dbang la shes rab kyi nu ma la thabs kyis reg par byed de/ bla ma las slob ma chung mar byed do/ /gsang ba'i dbang la slob mas chung ma'i khar rdo rje gzhug par bya'o/ /slob ma'i mig bcings te bla mas shes rab kyi na rA na si ga gzhib par bya'o/ /de nas slob dpon gyi chung ma shes pas rang gi phyag rgya gtad par bya'o/ /zhes pa thams cad du bdag po chen po la dbang gi cho ga'o/ /gal te phyag rgya bcu yod na de'i tshe gang dang gang la 'dod pa spyod par nus pa'i slob ma la de dang de gtad par bya ste/ mtshan mo phyed nas chu tshod gnyis kyi rting la nyi ma 'char ba ji srid bar ro/ /de nas tshogs kyi 'khor lo gshegs su gsol bar bya ste/ gshegs su gsol nas slob ma la sdom pa sbyin par bya'o/ /kun rdzob tu khyad par dga' ba'i mthar lhan cig skyes pa'i skad cig bdag gis brjod pa gang yin pa 'di dang thig le gsum gyi mthar gang yin pa de ni don dam par mi 'gyur te don dam par rnal 'byor pa rnams kyi bde ba ni 'pho ba med pa'i phyir ro/ /des na bde ba chen po 'di ni khyod kyis bsrung bar bya'o/ /rtsa ba'i rgyud du gang gsungs pa/ las kyi phyag rgya rab sbyor dang / /ye shes phyag rgya'i rjes chags la'ang / /bde ba chen po'i byang chub sems/ /brtul zhugs brtan por bsrung bar bya/ /b+ha gar ling+ga rab bzhag nas/ /byang chub sems ni spro mi bya/ /khams gsum pa ni ma lus nas/ /sangs rgyas gzugs su bsgom par bya/ /bsrung ba 'di nyid kho na yis/ / skye ba 'di la sangs rgyas nyid/ /tshul khrims tshogs ni yang dag rdzogs/ /bsod nams ye shes yang dag ldan/ /pha rol phyin bcu thob pa yis/ /rdzogs pa'i sangs rgyas dus gsum 'jug /'di yis rdzogs sangs rgyas kun gyis/ /chos kyi 'khor lo rab tu bskor/ /rang dang gzhan don bsgrub pa'i slad/ /stong nyid snying rje dbyer med pa/ /khams gsum dbang phyug ye shes ni/ /'di las gzhan pa yod ma yin/ /skyob pa kun gyi sdom pa ni/ /gal te khyod skyong bdag gi bu/ /de tshe sangs rgyas thams cad kyis/ /byin brlabs rdzogs byang chub thob 'gyur/ /ci ste chags pas zil mnan bdag /gtso bo'i mdun du blangs nas ni/ /sdom pa skyong bar mi byed na/ /de tshe ngu 'bod du 'gro 'gyur/ /dman pa'i sems las skye gnas su/ /gang tshe byang chub sems gyur ba/ /de tshe phyag rgyar shes nas ni/ /pad+ma'i phyi rol rang lces blang / /zhes pa ste/ slob dpon gyis slob ma la sdom pa byin nas slob mas kyang bla ma la yon phul te slar yang maN+Dal byas nas gsol ba gdab par bya'o/ /bcom ldan 'das bdag la dbang bskur ba'i bar du byed pa bka' drin mdzad du gsol/ de nas bla mas slob ma bos te bu khyod nyon cig /kun rdzob ji lta bu bzhin du sems can thams cad kyi thun mong gi bde ba dga' ba bcu drug gi mtshan nyid ni tshigs su bcad pa nyi shu rtsa gcig lhag pa'i nga rgyal sogs pa rnams kyis mchog gi dang po'i sangs rgyas las 'jam pa'i rdo rjes 'dod pa bskyod par zhes pa la sogs pa rnams kyis phyung ba/ 'dod pa skyod par byed pa 'gro ba'i rang gi yid la 'o gang bdag ni gang nyid du 'gyur/ /gang la yan lag mchog las 'bar ba'i ri bong 'dzin pa khu bar byas nas thig le 'dzag / o Tas bkug pa mchog gi bde ba rang bzhin gyis ster thig le grol ba dag ni gsum gyi mthar/ /blta dang reg dang 'grogs la 'dzag pa'i bde ba 'di dag dga' ba'i dbye ba la sogs dag gis so/ /'dod pa dag 'bar byed pa mi rnams kyi ni dang po dag kyang mig gis blta ba dag la'o/ /phyi nas gang ba rab tu 'grogs pa la ste slar yang mchog gi dga' ba nyid do rang lus la/ /'bar ba thig le 'dzag pa dang ni dga' ba yang ste khyad par dga' ba rdo rjes pad+ma la/ /o Ta thig le gsum gyi mtha' ru 'gyur ba la gnas lhan cig skyes pa'i dga' ba rdo rje byed/ /'dod dang dga' ba dag ni 'dar dang 'gyur med kyang ste bzhi po yis ni sbyin pa de gcig ste/ /gang ba dang ni nus dang skye ba dag dang mchog gi dga' ba de ltar gnyis par nges par 'gyur/ /'bar ba dang ni thig le brgyal ba dag dang slar yang khyad par dga' ba de ltar gsum pa'o/ /o Ta dang ni nA da dag dang gnyid dang lhan cig skyes pa'i dga' ba de ltar bzhi par 'gyur/ /'dir 'gro ba thams cad kyi yid la 'dod pa skyes par byed pa de ni dang po dga' ba'o/ /de nas gang ba'i gnas skabs ni shes rab la 'khyud pa la sogs pas dpral bar byang chub sems rdzogs pa nyid kyi phyir gang ba nyid du 'gyur pa ste gnyis pa mchog dga'o/ /de nas gang pa yan lag mchog las 'khrig pa la 'bar ba'i gnas skabs ni ri bong 'dzin pa khu bar byas nas thig le 'dzag pa ste gsum pa khyad par dga' bar byed do/ /de nas o Ta'i gnas skabs ni thig le 'pho ba'i dus su sku dang gsung dang thugs kyi thig le rnams kyi mthar thig le bzhi pa 'byung ba'i dus na lhan cig skyes pa'i dga' ba byed do/ /de ltar tshes gcig la sogs pa cha lnga lnga po nam mkha' dang rlung dang me dang chu dang sa'i rang bzhin dga' ba dang bzang po dang rgyal ba dang stong pa dang rdzogs pa'i ming can/ a i r-i u li ka /a e ar o a la tsa/ ha ya ra wa la Ta zhes pa'i dbyangs 'di rnams kyi chos can rnams kyis so/ /de ltar lnga pa ni dga' ba rdzogs pa'o/ /bcu pa ni mchog dga' rdzogs pa'o/ /nya ni khyad par dga' ba rdzogs pa'o/ /lhan cig skyes pa'i dga' ba zhes pa ni cha bcu drug pa ste/ khams thams cad sdud pa dang 'du ba dang 'dus pa dang sdom pa'o/ /de ltar byang chub kyi sems kyi chags pa ni dkar po'i phyogs te chags bral ni nag po'i phyogs so/ /ji ltar mtshan yang dag par brjod par/ chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ /zhes pa dang / de bzhin du/ rnam pa thams cad rnam pa med/ /bcu drug phyed phyed thig le 'chang / /cha med cha las 'das pa po/ /bsam gtan bzhi pa'i rtse mo 'chang / /zhes bcom ldan 'das kyi nges pa'o/ /don dam par phyag rgya chen po'i ye shes ni le'u lnga par rgya cher shes par bya ste/ 'dir rgyas par ma byas so/ /da ni 'dod pa zhes pa la sogs pa dga' ba bcu drug po rnams kyi sbyor ba bzhi gsungs te/ 'dir sems can thams cad kyi sad pa dang rmi lam dang shin tu gnyid log pa dang bzhi pa'i gnas skabs kyi dbye bas sku dang gsung dang thugs dang ye shes kyi sbyor ba ste de rnams kyang dga' ba la sogs pa'i dbye bas bcu drug go/ /de la 'dod pa zhes pa sku'i dga' pa'o/ /dga' ba zhes pa gsung gi dga' ba'o/ /'dar ba zhes pa thugs kyi dga' ba'o/ /'gyur med ces pa'i ming gis ye shes kyi dga' ba'o/ /de ltar bzhi'i dga' ba ste gcig pa'i sbyor ba'o/ /de bzhin du gang ba zhes pa sku'i mchog dga'o/ /'dir mchog gi dga' ba la sogs pa gsum po rnams mtha' ma la sogs pas gsung dang thugs dang ye shes rdo rje rnams te sdeb sbyor gyi dbang gis so/ /de phyir mchog gi dga' ba zhes pa gsung gi mchog dga'o/ /skye ba zhes pa thugs kyi mchog dga'o/ /nus pa zhes pa ye shes kyi mchog dga'o zhes pa gnyis pa'i sbyor ba'o/ /'bar ba zhes pa sku'i khyad par dga' ba'o/ /khyad par dga' ba zhes pa gsung gi khyad par dga' ba'o/ /rgyal ba zhes pa thugs kyi khyad par dga' ba'o/ /thig le zhes pa ye shes kyi khyad par dga' ba'o zhes pa gsum pa'i sbyor ba'o/ / de bzhin o Ta zhes pa sku'i lhan cig skyes pa'i dga' ba'o/ /lhan cig skyes pa'i dga' ba zhes pa gsung gi lhan cig skyes pa'i dga' ba'o/ /gnyid ces pa thugs kyi lhan cig skyes pa'i dga' ba'o/ /nA da zhes pa ye shes kyi lhan cig skyes pa'i dga' ba'o/ /de ltar sprul pa dang longs spyod rdzogs pa dang chos dang ngo bo nyid kyi dbye bas sku rnam pa bzhi dang gsung rnam pa bzhi ste/ de bzhin du thugs rnam pa bzhi dang ye shes rnam pa bzhi'o/ /de ltar dga' ba bcu drug gi dbye ba rnams rgya cher dpal ldan rgyud du blta bar bya'o/ /dga' ba bcu drug gi mtha' lhan cig skyes pa'o zhes pa nges pa'o/ /'jig rten pa'i dngos grub par byed pa'i dbang rnam pa gsum mdor bstan nas 'jig rten las 'das pa'i dngos grub kyi thun mong ma yin pa dbang bcu gcig pa gsungs pa slar yang zhes pa la sogs pa'o/ / shes rab chen po zhes pa rnam par rtog pa kun dum brtags pa 'chad par 'gyur ba'i phyag rgya chen mo'o/ /de'i ye shes ni de bsgoms pa las skyes pa mi 'gyur ba'i bde ba chen po ste dbang bcu gcig pa'o/ /mkha' 'gro ma rdo rje gur du yang dbang bcu gcig nyid gsungs te/ 'di ltar/ chu yi dbang gis dang po ste/ /cod pan dbang bskur gnyis pa'o/ /gsum pa dar dpyangs dbang gis te/ /rdo rje dril bus bzhi pa'o/ /lnga pa rang gi bdag po nyid/ /ming gi dbang ni drug pa ste/ /sangs rgyas rjes gnang bdun par 'dod/ /bum pas dbang bskur brgyad pa yin/ /dgu pa gsang ba'i dbang gis te/ /shes rab dbang bskur bcu pa'o/ /de nyid rdo rje'i rab sbyor gyis/ /rdo rje'i brtul zhugs kun sbyin zhing / /rang nyid ston pas lung ston pa/ /'di ni dbang bskur cho ga yin/ / slob dpon smad par mi bya zhing / /bde gshegs bka' las 'da' mi bya/ /zhes pa ste/ de ltar de nyid rdo rje'i rab sbyor gyis zhes pas gtso bor dbang bcu gcig pa bcom ldan 'das kyis gsal por gsungs pa'i phyir mkhas pa rnams kyis dbang bzhi pa'am bcu gcig pa tha dad pa nyid du rtogs par bya'o/ /bum pa la sogs pa bzhi po 'di rnams kyis rjes su 'gro ba dang bcas pa ni grangs bzhin du 'gyur ba dang mi 'gyur ba dang 'dzag pa dang mi 'dzag pa zhes bya ba'i ming rnams so/ lus zhes pa la sogs pa go sla'o/ /de bzhin du byis pa dang dar ma dang rgan po dang skye dgu'i bdag po'i ming rnams so/ /shes rab ces pa lo bcu gnyis ma nas brtsams nas lo nyi shu ma'i bar du ste/ dbang bskur ba na rang gi sems dga' ba'i skal ba dang ldan ma de'i nu mar yan lag ni/ reg pas byang chub sems ' pho zhes pa gtsug tor gyi pad+ma 'dab ma bzhi pa las khu ba bdud rtsi'i rgyun dpral ba'i pad+ma 'dab ma bcu drug gi bar 'ongs pas sku'i dga' ba dang gsung gi dga' ba dang thugs kyi dga' ba dang ye shes kyi dga' ba'i bdag nyid kyi bde ba nyams su myong bar byed pa gang yin pa de ni byis pa ste/ rnal 'byor pa'i 'o ma 'dzin pas dbang bskur ba ni dbang dang po thob pa nyid kyi phyir byis pa zhes brjod do/ /de nas de'i gsang bar cung zad rdo rje gsor bas byang chub sems ni 'pho ba zhes pa mgrin pa'i pad+ma 'dab ma sum cu rtsa gnyis pa las snying ga'i pad+ma 'dab ma brgyad pa'i lte bar sku'i mchog dga' dang gsung gi mchog dga' dang thugs kyi mchog dga' dang ye shes kyi mchog dga'i bdag nyid kyis bde ba nyams su myong bar byed pa gang yin pa de ni rgan po ste/ shes rab ye shes kyi dbang bskur ba'o/ /phyag rgya chen po zhes pa nam mkha' las byung ba'i gzugs te de'i rjes chags phyi rol rang gi nyams su sgom pa zhes bya ba las skyes pa g.yo med ces pa rdo rje nor bu las phyi rol du g.yo ba las 'dzag pa 'gog pa/ sku'i lhan cig skyes pa'i dga' ba dang gsung gi lhan cig skyes pa'i dga' ba dang thugs kyi lhan cig skyes pa'i dga' ba dang ye shes kyi lhan cig skyes pa'i dga' ba'i bdag nyid zla ba bdud rtsi mi 'pho ba'i bde ba gang yin pa de ni shes rab chen po zhes bya ba dbang bskur bzhi pa ste/ bzhi pa de yang de bzhin no zhes pa'i gsung gis brjod pa'o/ / 'di ni sgrib pa med pa 'jig rten las 'das pa'i ye shes lhag par rtogs pa ste grub pa'i ros zangs la sogs pa'i khams rnams gser gyi ngo bo bzhin du sgrib pa dang bcas pa'i phung po dang khams lnga la sogs pa rnams de bzhin gshegs pa lnga dang lha mo lnga la sogs pa skye dgu'i ngo bos rdzogs par byed pa nyid kyi phyir skye dgu'i bdag po'o/ /skyob pa nyid gzigs pa'i lam gsung ba/ de la sbyor ba'i phyir skyob pa ste skyob pa ni skyob pa de bzhin gshegs pa la sogs pa rnams so/ /gsung ba ni mchog tu mi 'gyur ba'i ye shes kyi rnal 'byor dang ldan pa'i lus la sogs pa'i rnam par gzhag pa ste/ dpal dus kyi 'khor lor gsungs pa/ lus ni dang zhing rdul phran nyams pa nam mkha' dang mtshungs mtshan la sogs pa rnams kyis rab rdzogs 'gyur/ /sna tshogs 'jig rten gsum po nyid ni dang zhing sgrib pa rnam par bral ba rmi lam bzhin du snang / /skad ni kun nas chad pa med cing du ma'i skad gzhan dag gis gzhan gyi snying la 'jug pa ste/ /sems ni dam pa'i bde bas gang zhing mi g.yo thams cad dus su lhan cig skyes pas 'khyud pa'o/ /zhes pa'o/ / 'di nyid ni gnyis med mi 'gyur ba de khu ba steng du gsang ba dang lte ba dang mgrin par bgrod pas rim pa ji lta bar rdo rje sems dpa' la sogs pa'i ming bzhi thob pa'o/ /dpral bar son pa ni sngar brjod pa'i rnam par dag pa la sogs pa'i rnal 'byor rnam pa bzhi zhes bya'o/ /gtsug tor du son pa ni dus kyi 'khor lo zhes pa'i ming ngo zhes pa sems dpa' drug rnams so/ /da ni/ 'di nyid kyis ni bsgrub par bya/ /zhes pa la sogs pas 'jig rten las 'das pa'i dngos grub kyi thun mong ma yin pa'i rgyu yan lag drug gi rnal 'byor mdor bstan pa gsungs te/ 'di ltar/ rab gsal bsam gyis mi khyab pa'i/ /zhes pa nas brtsams te/ sna tshogs gzugs brnyan 'od gsal ba/ /zhes pa'i mthar thug pas yan lag drug gi rnal 'byor gyi yan lag dang po so sor sdud pa zhes bya ba mdor bstan to/ / bkab dang ma ba ka ba ces pa la sogs pa'i tshigs su bcad pas bsam gtan gyi yan lag go/ /gzugs brnyan mthong na de nas ni/ /zhes pa la sogs pa'i tshigs su bcad pas srog rtsol gyi yan lag go/ /srog ni thig ler gzhug par bya/ /zhes pa 'dis 'dzin pa'i yan lag kyang mdor bstan to/ /rjes su dran pa la sogs pa yan lag gnyis kyi mdor bstan pa yang de'i don mdor bstan pa'i nus pa las ji ltar rigs par brtag par bya'o/ /yan lag drug gi rnal 'byor yang bcom ldan 'das kyis 'dus pa phyi mar yang dag par rdzogs pa'i byang chub kyi mtshan nyid mchog gi dngos grub sgrub pa nyid kyis mdor bstan pa dang rgyas par bshad pa dang rab tu rgyas par bshad pa rnams kyis ji ltar gsungs pa bzhin te/ mi snang la sogs dngos grub rnams/ /thun mong pa zhes grags pa ste/ /sangs rgyas nyid sgrub sangs rgyas kyi/ /dngos grub mchog ces gsungs pa yin/ /thabs ni rnam pa bzhi po dag /byang chub rdo rjes gsungs pa ste/ /rnal 'byor rgyud rnams thams cad du/ /rnal 'byor pa yis rtag tu bsngags/ /bsnyen pa'i cho ga dang po ste/ /nye bar sgrub pa nges par gsum pa ste/ /sgrub pa chen po bzhi pa'o/ /thun mong mchog gi dbye ba yis/ /bsnyen pa'ang rnam pa gnyis su 'gyur/ /rdo rje bzhi yis thun mong ba/ /yan lag drug po rnams kyi mchog /dang po stong nyid byang chub ste/ /gnyis pas sa bon bsdu ba yin/ /gsum pa gzugs brnyan rdzogs pa ste/ /bzhi pa yi ge dgod pa'o/ /rdo rje bzhi po 'di rnams kyis/ /thun mong sgrub la bsnyen pa ste/ /ye shes bdud rtsi kho na yis/ /bsnyen pa kun nas rtag tu bya/ /yan lag drug gi rnal 'byor gyis/ /bsnyen pa byas nas mchog sgrub ste/ /gzhan du bsgrub pa bya dngos grub mchog / 'byung bar 'gyur ba med pa nyid/ /so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting nge 'dzin/ /rnal 'byor yan lag drug tu brjod/ /dbang po bcu po rnams kyi ni/ /rang la 'jug gnas thams cad las/ /'dod pa phyi phyir sdud pa ni/ /so sor sdud pa zhes brjod do/ /'dod pa lnga rnams sdud pa yis/ /sangs rgyas lnga dang rab sbyor bas/ /rtog pa bsam gtan zhes brjod de/ /bsam gtan rnam pa lnga ru 'gyur/ /rtog pa dang ni dpyod pa dang / /dga' dang de bzhin bde ba nyid/ /sems rtse gcig pa nyid dang lnga/ /de rnams bsam gtan sdud pa'o/ /gsang ba'i rgyud rnams thams cad du/ /rnam pa sna tshogs yongs grags pa'i/ /gsang ba gsum 'byung rtog pa ste/ /de la rab sbyor dpyod pa'o/ /dga' ba rab gsal gsum pa ste/ /bde ba bsdus pa bzhi pa'o/ /shes dang shes bya 'byung zad pa'i/ /rang sems lnga par shes par bya/ /sangs rgyas thams cad rang bzhin zhi/ /'dod pa thams cad rab tu gnas/ /ye shes lnga yi rang bzhin dbugs/ /'byung ba lnga yi rang bzhin can/ / gong bu'i gzugs kyis phyung nas ni/ /sna yi rtse mor brtag par bya/ /rin chen chen po kha dog lnga/ /srog gi rtsol ba zhes par dran/ /rang sngags snying gar bsams nas ni/ /srog ni thig ler son pa dgod/ /'gags pa rin chen dbang por bcas/ /gzung bar bya'o 'dzin par brjod/ /'gog pa rdo rjer bgrod sems la/ /mtshan ma nyar 'dzin 'byung 'gyur te/ /mtshan ma de ni rnam pa lngar/ /byang chub rdo rjes bshad pa yin/ /dang po smig rgyu'i rnam pa ste/ /gnyis pa du ba'i rnam pa yin/ /gsum pa mkha' snang rnam pa ste/ /bzhi pa sgron ma 'bar ba'o/ /lnga pa rtag tu snang ba ni/ /sprin med nam mkha' lta bu'o/ /brtan de rdo rje'i lam nas ni/ /nam mkha'i khams su spro bar bya/ /gang zhig bsgom bya rjes dran pas/ /de yi rnam par yang dag spro/ /rjes su dran pa zhes shes bya/ /rab gsal de la skye bar 'gyur/ /shes rab thabs ni snyoms 'jug pas/ /dngos po thams cad mdor bsdus pa/ /byas te gong bu'i sbyor ba yis/ /dbus su gzugs brnyan rnam bsgom bya/ /skad cig ye shes rdzogs pa ni/ /ting 'dzin zhes pa'i ming can no/ /so sor bsdus pa snyoms 'jug pas/ /sngags rnams kun gyis byin gyis rlob/ /bsam gtan ye shes snyoms 'jug pas/ /mngon shes lnga ni thob par 'gyur/ /srog gi rtsol bas nges par ni/ /byang chub sems dpa' rnams kyis gzigs/ /rtag tu 'dzin pa'i stobs kyis ni/ /rdo rje sems dpa' mnyam par gzhug /rjes dran mnyam par sbyor ba yis/ /'od kyi dkyil 'khor 'byung bar 'gyur/ /ting 'dzin dbang gyur tsam gyis ni/ /sgrib pa med pa nyid du 'gyur/ /zhes pa'o/ /tshigs su bcad pa 'di rnams kyi mdor bsdus pa'i 'grel ba brjod par bya'o/ /ye shes bdud rtsi kho na yis/ /bsnyen pa zhes pa la sogs pa la bsten par bya ba dang thar pa 'dod pa rnams kyis goms par bya ba'i phyir bsnyen pa'o/ /de ci zhe na/ du ba la sogs pa gzugs mthong ba'i mthar thug pa so sor sdud pa'i yan lag go/ /de dag ni mchog gi bsnyen pa ste/ ye shes bdud rtsi kho nas yan lag drug gi rnal 'byor kho nas rdzogs par bya'o/ /kun nas ni thams cad bdag nyid do/ /rtag tu ni dus thams cad pa'o/ /kho na'i yi ge ni nges par gzung ba'o/ /de rnams ni ye shes kyi bdud rtsi zhes bya ste/ yan lag drug gi rnal 'byor ro/ /so sor sdud dang zhes pa la sogs pa mdor bstan pa'i tshig rnams kyis rgyas par bshad pa dang / rab tu rgyas par bshad pa/ dbang po bcu po rnams kyis ni/ /zhes pa la sogs pa'i tshigs su bcad pa rnams kyis gsungs so/ /de la dbang po rnams dang dbang po'i don rnams kyang dbang po rnams te/ dbang po bcu po rnams kyi ni yul dang yul can de rnams kyi'o/ /rang 'jug ces pa la rang la ni bdag nyid kho na la'o/ /'jug ni 'jug pa yod tsam ste/ /de ni rang la 'jug pa'o/ / yul dang yul can rnams kyi yul gyi dngos po rtog pa yul 'dzin pa'i mtshan nyid kyi bya ba la nye bar dga' ba ni rang la 'jug pa'o zhes pa'i don to/ /de la gnas pa nyid ni rang la 'jug gnas te gzung ba dang 'dzin pa'i rang bzhin gyis rab tu 'jug pa ni rang la 'jug pa ma yin no/ /don 'di nyid 'dod pa phyi phyir sdud pa ni zhes rab tu rgyas par bshad pas gsungs te/ 'dod pa bya ba dang mngon par 'dod pa bya ba'i phyir 'dod pa na gzugs la sogs pa'i yul rnams so/ /de rnams la dbang po rnams kyis sdud pa gang yin pa de 'dod pa sdud pa'o/ /'dod pa sdud pa de'i phyir zhes pa mig la sogs pa'i dbang po rnams kyis gzugs la sogs pa'i yul 'dzin pa'i mtshan nyid kyi byed pa ste phyir ni mi 'jug pa'i so sor sdud pa zhes brjod do zhes pa phyi rol gyi gzugs la sogs pa'i yul rnams la m ig la sogs pa'i dbang po rnams kyis mig gi rnam par shes pa la sogs pa rnams rab tu mi 'jug par nang gi yul rnams la sha'i mig la sogs pa'i dbang po rnams kyis sha'i mig gi rnam par shes pa la sogs pa rnams rab tu 'jug pa nang stong pa nyid la dmigs pas pra phab pa'i gzhon nu mas me long la mthong ba ltar stong pa lam ma brtags pa'i dngos po thams cad mthong ba ni so sor sdud pa'i yan lag tu brjod do zhes pa'i don to/ /yan lag gnyis pa gsungs pa/ 'dod pa lnga rnams zhes pa la sogs pa'o/ / lnga zhes pa gnyi gar nye bar mtshon pa ste/ 'dod pa lnga rnam zhes pa brtan pa dang g.yo ba'i bdag nyid dngos po thams cad do/ /sangs rgyas lnga dang rab sbyor bas/ /zhes pa sangs rgyas thams cad dang rab tu sbyor ba ste rang bzhin gyis dngos po thams cad dang rab tu sbyor ba sangs rgyas thams cad kyi rang bzhin no/ /bsdus pa zhes pa sangs rgyas thams cad kyi rang bzhin dngos po de rnams thams cad rnal 'byor pa'i so so rang gis rig par bya ba khams gsum rab tu gsal ba gcig pu'i gzugs kyi rtog pa ste/ rnam par rtog pa'i 'khrul pa sel ba'i rgyun rab tu 'jug pa'i mthong ba gang yin pa de bsam gtan du brjod do/ /don 'di nyid/ sangs rgyas thams cad rang bzhin zhi/ /'dod pa thams cad rab tu gnas/ /zhes rab tu rgyas par bshad pas 'chad par 'gyur ro/ /bsam gtan de yang rtog pa dang ni zhes pa la sogs pa'i dbye bas rnam pa lngar 'gyur ro/ /gsang ba gsum zhes [(]ba [,]pa [)]la sogs pa la sku dang gsung dang thugs kyi bdag nyid dus gsum khams gsum ni gsang ba gsum mo/ /de rags pa'i rnam pas khams gsum rab tu gsal ba tsam nyid kyis lan cig sems pa ni 'byung ba yin la/ de rtogs shing khong du chud pa ni gsang ba gsum 'byung ba ste de nyid rtog pa'o/ /de la rab sbyor dpyod pa'o/ /zhes pa rtog pa'i yul de la rab sbyor dpyod pa ste/ brtan pa dang g.yo ba bum pa dang snam bu la sogs pa'i khyad par gyi dngos po 'dzin pa ni dpyod pa'o/ / dga' ba rab gsal ni dpyod pa'i yul dngos po thams cad la sems gnas pa'i rgyur gyur pa'i yid bde ba'o/ /bde ba bsdus pa zhes pa sems gnas pa'i dngos po thams cad las bde ba yang dag par rtogs pa lus shin tu sbyangs pa'i rgyud can bde ba ni bde ba bsdus pa'o/ /shes dang zhes bya ba la sogs pa la shes pa mig la sogs pa'i rnam par shes ba drug shes bya gzugs la sogs pa chos kyi khams kyi mthar thug pa la rab tu 'jug pa ni 'byung ba ste shes pa dang shes bya 'byung ba'o/ /de'i zad pa ni sems kyis gzung ba dang 'dzin pa stong pa nyid kyi mtshan nyid sems rtse gcig pa nyid ni sems zhes brjod do/ /rnam pa de lta bu'i rang sems de sangs rgyas thams cad kyi rang bzhin te gzung ba la sogs pa'i rnam par rtog pa zhi ba'i phyir zhi ba'i khams gsum par rab tu gsal ba tsam nyid kyis stong pa nyid gcig pu'i mthar thug ba'o/ /'dod pa thams cad rab tu gnas/ /zhes pa la 'dod pa thams cad ni dngos po thams cad de rang las dbyer med pa rab tu gsal pa gcig pu'i gzugs kyi rab tu gnas pa ni 'dir gnas pa'o zhes 'dod pa thams cad rab tu gnas so/ /yan lag gsum pa gsungs pa/ ye shes lnga zhes pa la sogs pa ste/ ye shes lnga ni mi bskyod pa la sogs pa'i sangs rgyas lnga rnams te la la nA dkyil 'khor lnga'i chos can rnam par shes pa la sogs pa'i phung po lnga rnams so/ /de'i rang bzhin dbugs ni sna bug g.yon pa la'o/ /'dir 'byung ba lnga'i sgras ra sa nA dkyil 'khor lnga'i chos can sa la sogs pa'i khams lnga rnams te de'i rang bzhin dbugs 'byung ba lnga'i rang bzhin can ni sna bug g.yas pa la'o/ /gong bu'i gzugs kyis phyung nas ni/ /zhes pa la/ 'dir gong bu ni g.yas pa dang g.yon pa'i dkyil 'khor rnams kyi srog gi rlung dbu ma a wa d+hU tIr gcig pa nyid de srog rlung de yang gong bu'i gzugs kyis phyung nas/ sna'i rtse mor zhes pa sna'i sgras lte ba dang snying ga dang mgrin pa dang dpral ba dang gtsug tor gyi pad+ma'i lte bar brjod de/ srog gi rlung de phyung nas sna'i rtse mo der brtag par bya ba ni bsgom bya ste lte ba nas lte ba'i dbus su yin gyi g.yas dang g.yon du pad+ma'i 'dab ma la ma yin no/ /g.yon pa dang g.yas pa'i rgyu ba gnyis 'gags pas dbu ma 'ba' zhig 'bab pa'i srog gi rlung 'di nyid/ rin chen chen po kha dog lnga/ /zhes pa dang srog gi rtsol ba zhes dang rdo rje'i bzlas pa zhes kyang brjod de srog g.yon pa dang g.yas pa'i rtsar rab tu rgyu ba med pa dbu ma dbyer med pa'i yan lag gis bzlas par bya'o/ /de bzhin du yid ni skyob par gyur pa'i phyir rang sngags te srog snying gar pad+ma'i lte ba'i dbus su bsams nas thig ler son pa ni thig le'i gnas dpral ba ste der dgod ces pa dgag par bya'o/ /'gags pa rin chen dbang por bcas/ /gzung bar bya'o zhes pas 'gro 'ong dang bral bar bya'o/ /'dzin par brjod ni 'dzin pa'i yan lag tu brjod do/ /'gog pa rdo rjer zhes pa phyed dang bcas pa'i tshigs su bcad pa gnyis so sor sdud pa'i yan lag gis blta bar bya'o/ /bla ma'i nye bar bstan pa las 'dzin pa'i rin chen klog gi 'di'i glegs bam klog pa ni don dang bcas pa ma yin no/ /'dir dgag par bya ba'i phyir 'gog pa yang ste 'gog pa yang 'di yin la rdo rje yang yin pas 'gog pa rdo rje a wa d+hU tI'i lam ste der bgrod sems la ni rlung gi rlung la'o/ /mtshan ma nyer 'dzin 'byung 'gyur te/ /zhes pa du ba la sogs pa'i mtshan ma rnams kyi nyer 'dzin rab tu gsal ba 'byung 'gyur te ni skye bar 'gyur ro/ /dang po dang gnyis pa'i mtshan ma bzlog ste bstan pa ni bla ma'i gzhan dbang nyid du bstan pa'i don to/ /bstan pa ni 'dzin pa'i yan lag gis mi g.yo bar gyur pa ste rin chen chen po'i byed pa por gyur pa'o/ /de zhes pa gtum mo ste spro bar bya ba ni lte ba'i 'khor lo las bslang bar bya'o/ /rdo rje'i lam nas ni dbu ma'i lam nas te nam mkha'i khams su ni gtsug tor gyi 'khor lor ro/ /de yang gtsug tor gyi pad+ma'i lte bar langs pa nyid du gyur pas haM yig zhu bar byas nas sku dang gsung dang thugs dang ye shes kyi rang bzhin thig le bzhi po rnams dga' ba la sogs pa'i dbye bas rdo rje nor bu'i pad+ma'i lte bar 'dren pa'o/ /'dzin pa de ma thag tu rang gi nyams kyi gtum mo 'bar bar 'gyur ro zhes pa bla ma'i nye bar bstan pa'o/ /yan lag lnga pa gsungs pa/ gang zhig bsgom bya zhes pa la sogs pa ste/ gang zhig bsgom bya ni so sor sdud pa dang bsam gtan gyi yan lag gis bstan par byas pa khams gsum pa rab tu gsal ba'i bdag nyid kun rdzob kyi bden pa ste rjes su dran pas/ de yi rnam par yang dag spro/ /de'i rnam par ni kun rdzob kyi bden pa'i rnam par te yang dag spro ni nam mkha'i mthil mtha' dag khyab par blta bar bya'o/ /rjes su dran pa zhes shes bya/ /dus gsum pa'i srid pa gsum po mtha' dag mthong ba ni rjes su dran pa'i yan lag tu shes par bya'o zhes pa'i don to/ /de nyid kyi phyir gsungs pa/ rab gsal de la skye bar 'gyur/ /zhes pa ste/ khams gsum pa rab tu gsal ba ni de la zhes pa rjes su dran pa'i yan lag la skye bar 'gyur ro/ /yan lag drug pa gsungs pa/ shes rab ces pa la sogs pa ste/ shes rab thabs ni snyoms 'jug pas/ /zhes pa rgyu mthun pa la sogs pa'i rim pas nam mkha' pad+mar 'phags pa ni mi 'gyur ba'i bde ba'i dbang gis shes bya dang shes pa gcig tu 'dres par gyur pa nyid kyis dri ma med pa'i gnas skabs su brtan pa dang g.yo ba'i dngos po thams cad rab tu gsal ba'i gzugs su mdor bsdus pa ni mdor bsdus pa ste/ byas te zhes pa nye bar byas te gong bu'i sbyor bas ni 'dzag pa med pa mchog gi bde ba chen po'i bdag nyid 'od gsal ba gcig pu'i gzugs kyis zos pa ste lcags la sogs pa'i khams thams cad ro gcig pa'i gzugs grub pa'i ro'i gzugs kyi bzhin no/ /'dzag pa med pa'i mchog gi bde ba chen po ro gcig pa 'od gsal ba de'i dbus su gzugs brnyan kun rdzob kyi bden pa'i bdag nyid rnam bsgom bya ni blta bar bya'o/ /'di'i rab tu rgyas par bshad pa skad cig ces pa la sogs pa ste/ ye shes bden pa gnyis gnyis su med par gyur pa'i skad cig rdzogs pa ni rtogs pa ste ting nge 'dzin zhes pa'i ting nge 'dzin gyi yan lag gi ming can no zhes pa'o/ /yan lag drug gi rnal 'byor ni dus kyi 'khor lo'i rgyud phyi mar 'jam dpal zhabs kyis gsal bar gsungs pa ji lta ba bzhin te/ so sor sdud sogs drug po rnams kyis stobs bcu'i stobs dang ldan pas stong pa nyid ni bsgom pa gsungs/ /mtshan mo du ba la sogs rnal 'byor slar yang nyin mo mkha' la 'bar ba la sogs rnams kyang ngo / /so sor sdud pas rnal 'byor ba ni nam mkha'i mthil du son pa dus gsum gzugs rnams mthong bar 'gyur/ / de la bsam gtan gyis sems brtan par yang ni byed de phyi rol dngos po rnams ni rnam par spongs/ /srog gi rtsol bas ri bong can dang nyi ma dang bral mun par srog gi rlung ni dbab par bya/ /'byung ba dang ni 'jug pas dman par slar yang byed de 'dzin pa'i yan lag gis ni thig ler ro/ /rjes su dran pas mkha' la ri bong can bzhin rang gi gzugs las 'od zer chen po nges par rgyu/ /ting nge 'dzin gyi khu ba rdo rje las ni mgo bor bgrod byed dri med bde ba rab tu rdzogs/ /zhes pa'o/ /da ni/ so sor sdud pa snyoms 'jug pas/ /zhes pa la sogs pa tshigs su bcad pa gsum gyis so sor sdud pa la sogs pa'i 'bras bu gsungs te/ so sor sdud pa snyoms 'jug pa/ /zhes pa du ba la sogs pa'i mtshan ma bcu'i rim pas khams gsum pa'i gzugs mthong ba'i so sor sdud pa'i yan lag gis brtan par byas pa ste/ gang gi tshe rnal 'byor pa yang gzugs mthong ba so sor sdud pa'i yan lag gis brtan par byas par gyur pa de'i tshe sngags rnams kyis byin gyis rlob ste tshig gi mchog sbyin la sogs pa byin bar 'gyur ro/ /bsam gtan ye shes snyoms 'jug pas/ /zhes pa gang gi tshe bsam gtan gyi yan lag gi gzugs la sems brtan pa mig mi 'dzums par gyur pa de'i tshe lha'i mig tu 'gyur ro/ /de bzhin du lha'i rna ba la sogs par 'gyur ba'i phyir/ mngon shes lnga ni thob par 'gyur/ /zhes so/ /srog gi rtsol bas zhes pa gang gi tshe rnal 'byor ba srog gi rtsol bas dag par gyur pa ri bong can dang nyi ma'i lam dang bral te rtag tu dbu ma 'bebs pa de'i tshe/ byang chub sems dpa' rnams kyis gzigs te bsngags par yang 'gyur ro/ /'dzin pa'i stobs kyis zhes pa nges pa'i stong pa nyid kyi gzugs bzung ba dang rdo rje sems dpa' 'dzin pa'i sems mnyam par zhugs te/ 'dzin pa'i stobs kyis srog gi 'gro ba dang 'ong ba'i skad cig gcig tu 'dres par 'gyur ro/ /rjes dran mnyam par sbyor ba yis/ /zhes pa rjes su dran pa mnyam par sbyor ba gzugs brnyan la 'khyud pa'i sems rnam par rtog pa thams cad dang bral ba de'i tshe/ dri ma med pa'i 'od kyi dkyil 'khor 'byung bar 'gyur te ba spu'i khung bu nas 'od zer lnga 'phro ba dang nges par rgyu bar 'gyur ro/ /ting 'dzin dbang gyur tsam gyis ni/ /zhes pa la/ 'dir gzung ba dang 'dzin pa'i sems dag gcig pa nyid kyis mi 'gyur ba'i bde bar gyur pa gang yin pa de bde ba'i ting nge 'dzin zhes brjod do/ /de'i dbang gyur tsam ni de las mi g.yo ba ste/ de las sgrib pa med pa nyid du 'gyur ba ni mchog tu mi 'gyur ba'i ye shes kyi skad cig 'od gsal ba'i ye shes kyi dbang du gyur pa tsam nyid kyis sgrib pa med pa nyid du 'gyur ro zhes pa'i don to/ /de las phyi ma'i dus su bden pa gnyis gnyis su med par gyur pa'i mtshan nyid yang dag pa'i tshul gyis bdag nyid kyi ting nge 'dzin rtogs pa ni 'bras bu yang dag par 'gyur ro zhes pa'i rim pa'o/ /dpal dus kyi 'khor lor yang gsungs shing dri ma med pa'i 'od du yang rgya cher rnam par bshad pa 'di lta ste/ so sor sdud pa rgyal ba'i dbang por 'gyur zhing rnam pa bcu ste bsam gtan mi bskyod pa nyid do/ /srog rtsol dag kyang ral gri can no slar yang rnam pa bcu ste 'dzin pa phyag na rin chen no/ /gdol pa mo la rjes su dran pa pad+ma 'dzin par 'gyur te dpal ldan ting 'dzin 'khor lo can/ /re re dbye ba lnga rnams kyis te slar yang gang las a sogs ka sogs rnams kyis phye ba'o/ /zhes so/ /'di'i don 'di yin te dang po'i las la so sor sdud pa ni rgyal ba'i dbang po zhes pa ye shes kyi phung po'o/ /de yang mtshan ma'i dbye bas rnam pa bcu ste/ du ba dang / smig rgyu dang / mkha' snang dang / sgron ma dang / 'bar ba dang / zla ba dang / nye ma dang / sgra gcan dang / cha shas dang / thig le mthong ba'i dbye bas ma brtags pa'i ye shes kyi phung po'o/ /bsam gtan mi bskyod pa nyid do/ /zhes pa rnam par shes pa'i phung po ste rnam pa bcu ste bcu ni yul dang yul can bcu po rnams gcig nyid du sna tshogs gzugs la bsam gtan pa'o/ /srog rtsol dag kyang ral gri can 'du byed kyi phung po ste rnam pa bcu ni g.yon dang g.yas kyi dkyil 'khor bcu gcig tu 'dres par gyur pa'i phyir ro/ /slar yang rnam pa bcu ste 'dzin pa phyag na rin chen no/ /zhes pa tshor ba'i phung po ste srog gi 'dzin pa lte ba dang snying ga dang mgrin pa dang dpral pa dang gtsug tor gyi pad+ma la 'gro ba dang 'ong ba'i dbye bas rnam pa bcu'o/ /gdol pa mo la rjes su dran pa pad+ma 'dzin par 'gyur te zhes pa 'du shes kyi phung po'o/ /gdol ba mod dbu ma'i rtsa la rjes su dran pa de yang rnam pa bcu ste 'dod pa'i gnas skabs bcu'i dbye ba las so/ /bsam dang 'dod dang lus la rims dang kha mchog pad+ma skam dang zas la rab tu mi 'jug dang / /'dar dang smyo dang rab tu rmongs par 'gyur dang yid ni rnam par 'khrul dang drag tu brgyal ba rnams/ /rdo rje can gyi du ba la sogs rab gsal rnam pa bcu ste srog chags lus la 'jig rten du/ /rab tu gsal zhing nges pa'i de rnams yid srub gnas skabs su zhig rgyal ba 'dod pa de ni su/ /zhes pa bcu'o/ /dpal ldan ting 'dzin 'khor lo can/ /zhes pa rnam par snang mdzad de/ ting nge 'dzin rnam pa bcu ni rlung bcu po rnams 'gog pa'i phyir ro/ /de ltar bcom ldan 'das ni rab tu mi gnas pa'i mya ngan las 'das pa ste rlung rnams mi 'bab pa gang gi phyir zhes pa'i don to/ /da ni so sor sdud pa la sogs pa'i mtshan nyid gsungs pa/ so sor sdud pa lus la yul dang yul can bcu po rnams kyi rab tu 'jug pa med pa'o/ /bsam gtan dag kyang shes rab rtog dang dpyod pa dag dang g.yo med bde ba rtse gcig sems pa'o/ /srog gi rtsol ba dag kyang lam ni gnyis po bsgyel zhing dbu mar srog ni zhugs pa dag tu 'gyur/ /thig ler srog ni rab tu zhugs shing gnyis ka'i bgrod pa bcom ste rtse gcig sems pa 'dzin pa'o/ /gtum mo'i snang bar gang zhig gyur pa nges par lus dang nam mkha' la yang rjes su dran par 'gyur/ /shes rab thabs kyi bdag nyid kyis ni 'gyur med bde ba'i dbang gis ye shes gzugs la ting nge 'dzin/ /'di dag dman pa la sogs dbye ba rnams kyis sna tshogs gtso bo'i sgrub thabs rnam gsum du yang 'gyur/ / phyag rgya gsum dang gnas skabs gsum ni bgrod pa'i dbang gis las dang kun rtog mchog rnams so/ /'dir so sor sdud pa zhes bya ba ni lus la yul dang yul can bcu po rnams kyi 'grel pas rnam par shes pa rab tu 'jug pa med pa ste stong pa'i gzugs kyi yul rnams la gzhan mig la sogs pa rnam pa lnga po rnams kyis rab tu 'jug pa'o/ /de bzhin du gzugs de nyid la shes rab ces pa lta ba'o/ /rtog pa zhes pa dngos po 'dzin pa'o/ /dpyod pa zhes pa de'i don nges pa'o/ /dga' ba zhes pa gzugs la chags pa'o/ /g.yo med bde ba zhes pa sems gzugs dang lhan cig gcig tu byed pa'o/ /de ltar gzung ba dang 'dzin pa'i dbye bas bsam gtan rnam pa bcu'o/ /'dir srog gi rtsol ba dag kyang lam ni gnyis po zhes pa g.yon pa g.yas pa'i lam bsgyel ba ste 'gog cing dbu ma'i lam du rab tu zhugs pa'o/ /de yang dkyil 'khor bcu 'gog pa las rnam pa bcu'o/ /'dir thig ler zhes pa dpral bar srog ni rab tu zhugs shing gnyi ga'i bgrod pa bcom pa dang 'gro ba dang 'ong ba dang bral ba ste/ rtse gcig sems pa zhes bya ba dpral bar srog 'dzin pa'o/ / gtum mo'i snang bar gang zhig srid pa gsum gyi nam mkha' las gyur pa ni rjes su dran pa ste/ rnam pa bcur sngar gsungs so/ /shes rab thabs kyi bdag nyid kyis shes bya dang shes pa gcig tu 'dres par gyur pa nyid kyis 'gyur med bde ba'i dbang gis ye shes gzugs ting nge 'dzin no/ /de yang srog la sogs pa rnams med pa las rnam pa bcu'o/ /de ltar yan lag drug gi rnal 'byor sgrub thabs so/ /'di dag dman pa la sogs dbye ba rnams kyis sna tshogs gtso bo dus kyi 'khor lo'i sgrub thabs rnam gsum du yang 'gyur/ /phyag rgya gsum dang gnas skabs gsum ni rnam gsum bgrod pa'i dbang gis zhes pa 'dir byang chub kyi sems 'dzag pa'i bgrod pa ni dman pa'i gnas skabs so/ /g.yo ba'i bgrod pa ni 'bring po'i gnas skabs so/ /mi g.yo ba'i bgrod pa ni mchog gi gnas skabs so/ /'di rnams la las kyi phyag rgya ni 'dzag pa'i bde ba sbyin pa mo'o/ /ye shes kyi phyag rgya ni g.yo ba'i bde ba sbyin pa mo'o/ /phyag rgya chen po ni mi g.yo ba'i bde ba sbyin pa mo'o/ /de ltar yan lag drug gi rnal 'byor gyis phyag rgya gsum bsgom par bcom ldan 'das kyis gsungs pa'i phyir rnal 'byor bas sangs rgyas nyid kyi phyir yan lag drug gi rnal 'byor bsgom par bya'o/ /da ni stong pa nyid kyi gzugs bsgrub pa'i phyir lta stangs gsungs pa/ bsnyen pa la ni dang po'i rnal 'byor rnam bcu mkha' la 'khor lo can gyi khro bo'i lta bas so/ /bgegs mthar byed pa'i lta ba bdud rtsi'i lam du son pa yis kyang nye bar bsgrub la yan lag drug /shes rab la spros zla ba thig le rdo rje nor bur 'gyur med gsum yang sgrub pa la 'gyur ro/ /bde ba ma nyams gcig pu zhi ba lhan skyes ye shes rnal 'byor zhes pa sgrub pa chen po la/ 'dir bsnyen pa zhes pa dang po du ba la sogs pa'i mtshan ma bsgom pa ni bsnyen pa ste/ bsnyen pa de las dang po'i rnal 'byor ni sems kyi du ba la sogs pa'i mtshan ma 'dzin pa'o/ /de yang du ba la sogs pa dang ldan cig rkyen du 'gyur ba rnam pa bcu ste des na de yang rnam pa bcu'o/ /'khor lo can gyi zhes pa gtsug tor gyi khro bo'i lta bas zhes pa mig mi 'dzums par steng du lta bas mtshan mar 'gyur te/ mtshan mo'i rnal 'byor la rnam pa bzhi dang nyin mo'i rnal 'byor la rnam pa drug ste de nas gzugs so/ /de ltar gzugs kyi mthar thug par so sor sdud pa dang bsam gtan gyis bsnyen pa'i yan lag tu 'gyur ro/ /bgegs mthar byed pa'i lta ba zhes pa la bgegs mthar byad ni bdud rtsi 'khyil pa'o/ /de'i lta ba ni bdud rtsi'i gnas su son pa ste dpral bar son pa'o/ /des kyang / nye bar bsgrub la yan lag drug /kyang yig gis srog rtsol dang 'dzin pa bya ste/ srog gi gzugs mthong bar gyur pa na nye bar bsgrub pa'o/ /shes rab la spros zla ba thig le zhes pa 'dir shes rab la chags pas spros pa yang 'di yin la zla ba thig le yang 'di yin pas/ spos pa zla ba thig le ste shes rab la spros pa'i byang chub kyi sems kyi thig le rdo rje nor bur gnas pa de'i gsang ba lte ba dang snying gar 'gyur med gsum gyi rnal 'byor du 'gyur ba gang yin pa de yang sgrub pa la 'gyur ro zhes pa gsum bsgrub pa'i yan lag la 'gyur te/ de ltar bsgrub pa'i yan lag bya'o/ /bde ba ma nyams gcig pu zhi ba zhes pa 'dir bde ba ma nyams pas byang chub kyi sems kyi skad cig gcig pu gang yin pa de ni zhi ba zhes gsungs te/ lhan skyes ye shes rnal 'byor zhes pa sgrub pa chen po la sems kyi 'gyur ba med pa'i bde ba dang lhan cig gcig pa nyid do zhes pa sgrub pa chen po'i yan lag bzhi pa'o/ /de ltar ye shes kyi sgrub thabs la yan lag bzhi pa'o/ /lha'i sgrub thabs la bskyed pa'i rim pas sngar gsungs pa ste 'jig rten pa'o/ /'jig rten las 'das pa ni de kho na'i sgrub thabs rdzogs pa'i rim pas so/ /da ni rang gi sems 'di'i snang ba la rab tu gzhug pa gsungs pa/ nam mkhar kun nas zhen pa'i sems dang mig ni mi 'dzums rdo rje lam du rab tu zhugs pa yis/ /stong pa las ni du ba smig rgyu rab gsal dri ma med pa'i mkha' snang nyid dang mar me dang / /'bar ba dang ni zla ba nyi ma rdo rje rnams dang mchog gi cha dang thig le mthong bar 'gyur/ /de yi dbus su sangs rgyas gzugs ni yul dang rnam par bral ba du ma longs spyod rdzogs pa'i sku/ /'dir sngags kyi theg pa dang pha rol tu phyin pa'i theg pa la yang rnal 'byor goms pa rnam pa gnyis te nam mkha' dang bla gab med pa la rnal 'byor goms pa'o/ /gang zhig nam mkha' la rnal 'byor goms par byed pa des mtshan mo bug pa med pa'i khyim du mun pa la nam mkha' kun nas zhes pa'i sems bsam pa thams cad yongs su spangs pas stong par rtse gcig pa'i yid du byas nas nyi ma gcig yongs su brtag par bya'o/ /mig ni mi 'dzums rdo rje'i lam du rab tu zhugs pa zhes pa 'dir dbu mar srog rab tu zhugs pa ste stong pa kho na las du ba la sogs pa'i mtshan ma mthong ngo / /nam mkhar kun nas zhen pa'i sems dang mig ni mi 'dzums rdo rje'i lam du rab tu zhugs pa yis/ /stong pa las ni du ba smig rgyu rab gsal dri ma med pa'i mkha' snang nyid dang mar me dang / /zhes pa mtshan mo'i rnal 'byor gyis mthong ngo / /de nas sprin med pa'i nam mkha' la blta ste nam mkha' de las slar yang nyin mo rnal 'byor gyis/ nam mkha' las byung rang byung ba/ /shes rab ye shes me bo che/ /zhes pa 'bar ba mthong ste sprin med pa'i nam mkha' la'o/ /de bzhin/ 'od chen rnam par snang bar byed/ /ye shes snang ba lam me ba ni zla ba snang ba'o/ /'gro ba'i mar me ni nyi ma'o/ /ye shes sgron ni rdo rje ste sgra gcan no/ /gzi brjid chen po 'od gsal ba ni glog ste mchog gi cha'o/ /rig pa'i rgyal mchog sngags dbang po ni thig le'o/ /de ltar mtshan ma rnam pa bcu ste 'dus pa la sogs par mtshan mo'i rnal 'byor dang mtshan yang dag par brjod pa la sogs par nyin mo'i rnal 'byor gyis bcom ldan 'das kyis dgongs pa'i skad gzhan gyis gsungs so/ /de nas/ gsang sngags rgyal po don chen byed/ /ces pa bum pa dang snam bu la sogs pa rnam pa thams cad pa'i gzugs mthong ba'o/ /de'i dbus su ste thig le'i dbus su sangs rgyas gzugs ni rdzas med pa'i phyir dang brtags pa med pa'i phyir yul dang rnam par bral ba du ma la longs spyod rdzogs pa'i sku'o/ /de nas gzugs kyi rnal 'byor gyis gzhom du med pa'i sgra gang yin pa de nyid thos te de ltar gzugs snang ba las sprul pa'i sku dang sgra snang ba las longs spyod rdzogs pa'i sku'o zhes pa'i don to/ /nam mkha' chu 'dzin bral ba dag ni rnal 'byor pa yis bgrod pa'i mig gis blta bar bya ba ste/ /re khA nag po dri med 'od zer 'phro ba dus kyi rtsa la mthong bar gyur gyi bar du'o/ /de la kun mkhyen gzugs ni chu la nyi ma lta bu gos pa med pa kha dog sna tshogs te/ /rnam pa kun ldan rang sems yul dang rnam par bral ba dag go sems ni gzhan pa min pa nyid/ /'dir nyin mo'i rnal 'byor ni nam mkha' chu 'dzin bral ba dag ni rnal 'byor ba yis bgrad pa'i mig gis blta bar bya'o/ /snga dro dang phyi dro nyi ma la rgyab bstan nas so/ /rnam pa gzhan du na nyi ma'i 'od zer gyis rab rib tu 'gyur te/ de yis zhes pa de'i gnod pa las so/ /nyi ma so sor blta bar bya ste thig le'i dbus su re khA nag po skra'i tshad tsam dri med 'od zer 'phro ba dus kyi rtsa a wa d+hU tI la mthong bar gyur gyi bar du'o/ /nang du 'dus pa kun mkhyen gzugs ni khams gsum pa ma lus pa chu la nyi ma lta bu gos pa med pa kha dog sna tshogs te/ rnam pa kun ldan rang sems yul dang rnam par bral ba dag go sems ni gzhan ma min pa nyid/ /gzhan gyi sems ni ma yin te gzhan gyi sems shes pa med pa'i phyir ro/ /'dir de bzhin gshegs pa'i sha'i spyan gyis dang por rang gi sems kyi snang ba mthong zhing lha la sogs pa'i spyan gyis gzhan gyi sems shes pa mthong ste des chos yang dag par sdud par bcom ldan 'das kyis spyan lnga gsungs so/ /de ltar shes pa'i rim pas sha'i spyan dang lha'i spyan dang sangs rgyas kyi spyan dang shes rab kyi spyan dang ye shes kyi spyan ni bsgoms pa'i stobs kyis 'byung bar 'gyur ro/ /de'i phyir thams cad mkhyen pas ma gzigs pa cung zad kyang med do/ /de bzhin du 'phags pa phyag na rdo rje'i zhabs kyis kyang yan lag drug gi rnal 'byor gsungs pa/ 'dir so sor sdud pa zhes bya ba ni gzugs la sogs pa phyi rol gyi yul rnams la mig la sogs pa'i dbang po rnams kyis mig gi rnam par shes pa la sogs pa rnams rab tu mi 'jug par nang gi yul rnams la lha'i mig gi dbang po la sogs pa rnams kyis lha'i mig gi rnam par shes pa la sogs pa rnams rab tu 'jug pa ste/ nang du stong pa nyid la dmigs pas pra phab pa'i gzhon nu mas me long la mthong ba ltar stong pa la ma brtags pa'i dngos po thams cad mthong ba ni so sor sdud pa'i yan lag ste khams gsum pa'i sangs rgyas kyi gzugs brnyan mthong ba'i phyir ro/ /de nas bsam gtan zhes bya ba ni yod pa'i chos thams cad stong par mthong ba rnams la shes rab ces bya ba de rnams la sems rab tu 'jug pa dang / rtog pa zhes bya ba sems kyi dngos po 'dzin pa dang / dpyod pa zhes bya ba 'dzin pa'i dngos po rtogs pa dang / dga' ba zhes bya ba dngos po thams cad la sems gnas pa dang / g.yo med bde ba zhes bya ba dngos po thams cad las bde ba phun sum tshogs pa ste de ltar rnam pa lnga ni bsam gtan gyi yan lag go/ /de nas srog rtsol zhes bya ba ni la la nA dang / ra sa nA g.yon pa dang g.yas pa'i lam 'gog pa las srog gi rlung rtag tu dbu ma a wa d+hU tI'i lam du rab tu 'jug pa ste/ a wa d+hU tIr dgang pa ni bum pa can dang dbyung ba'i sbyor bas oM yig gis 'gog pa dang / a yig gis 'byung ba zla ba dang sgra gcan dang nyi ma'i rang bzhin gyis rnal 'byor pas byed pa ni srog rtsol gyi yan lag go/ /de nas 'dzin pa zhes bya ba ni lte ba dang snying ga dang mgrin pa dang dpral bar dbang chen dang chu dang me dang rlung gi dkyil 'khor la srog rab tu zhugs pa phyi rol du 'byung ba med pa ste/ thig le la srog rab tu zhugs pa ni 'dzin pa'i yan lag go/ /de nas rjes su dran pa zhes bya ba ni rang gi 'dod pa'i lha mthong ba gzugs brnyan gyi rnam par rtog pa dang bral ba ste de las 'od zer du ma 'phro ba'i gzugs 'od kyi dkyil 'khor dang de las rnam pa du ma 'phro ba'i gzugs khams gsum la spro ba ni rjes su dran pa'i yan lag go/ /de nas ting nge 'dzin zhes bya ba ni 'dod pa'i lha la rjes su chags pa las gang zhig 'gyur ba med pa'i bde ba thob pa ste/ de la sems rtse gcig tu byed pa gzung ba dang 'dzin pa dang bral ba'i sems ni de bzhin gshegs pa rnams kyi ting nge 'dzin gyi yan lag tu brjod do/ /'dir yan lag drug gi dang po bsgom pa'i nye bar bstan pa rgyud gzhan rnams su yang gsungs te 'dir 'dus pa phyi mar bsnyen pa dang nye bar sgrub pa dang sgrub pa dang sgrub pa chen po zhes pa'o/ /de nyid bcom ldan 'das kyis gsungs pa/ bsnyen pa'i dus su gtsug tor che'i/ /gzugs brnyan 'bad pas rnam bsgom bya/ nye bar sgrub pa'i dus su ni/ /bdud rtsi 'khyil ba'i gzugs brnyan no/ /sgrub pa la ni lha yi gzugs/ / rnal 'byor brtson pas bsgom par bya/ /sgrub pa chen po'i dus su ni/ /gtso bo sangs rgyas mnga' bdag gzugs/ /zhes pa'o/ /'dir dgongs pa'i skad gzhan gyis gtsug tor chen po'i gzugs brnyan ni sangs rgyas kyi gzugs brnyan te khams gsum pa ma lus pa nam mkha'i chos 'byung la thugs rdo rje rab tu bzhag nas bsnyen pa'i dus su ste dus dang por so sor sdud pas bsgom par bya zhing bsam gtan gyi yan lag gis brtan par bya'o/ /'dir bcom ldan 'das kyis dam bca' ba ni/ bsam pa thams cad yongs spangs nas/ / nyi ma gcig ni yongs su brtag /gal te rtags ni ma byung na/ /de tshe nga yis tshig de brdzun/ /zhes pa'o/ /'dir rtags ni du ba la sogs pa'i mtshan ma ste gzhan sngags la sogs pa nyi ma gcig gis bsgrub par bya ba ma yin na gang gis bsngags pa rnams la rtags 'byung bar 'gyur/ de'i phyir yod pa dang med pa'i blo yongs su spangs te rten med par byas nas stong pa la zab mo dmigs pa med pa'i rtags su 'gyur te/ de du ba la sogs pa'i rtags kyi don du rnal 'byor pas bsgom par bya'o zhes pa de bzhin gshegs pa'i nges pa'o/ / de bzhin du/ byed pa bcing ba'i sbyor ba yis/ /sa gsum po ni bsgrub par bya/ /zhes pa byed pa mig la sogs pa rnams kyis sa gsum sangs rgyas kyi gzugs brnyan bsgrub par bya ste/ de nyid kyi nye bar bstan pa ni bla ma'i zhal las rtogs par bya'o/ /de la bla ma'i nye bar bstan pas/ rnal 'byor pas nam mkha' la dang por du ba mthong ste smig rgyu ni ma yin no zhes rang gi nyams su myong bas shes par bya'o/ /de'i phyi nas smig rgyu ste du ba la sogs pa de nyid rnam par rtog pa dang bral ba pra phab pa lta bu'o/ /de ltar du ba ni mtshan ma dang po'o/ /smig rgyu ni mtshan ma gnyis pa'o/ /mkha' snang ni mtshan ma gsum pa'o/ /sgron ma ni mtshan ma bzhi pa'o/ /sprin med pa'i nam mkha' lta bu ni mtshan ma lnga pa ste/ bcom ldan 'das kyis 'dus pa phyi ma dang mkha' 'gro ma rdo rje gur du yang gsungs so/ /mkha' 'gro ma rdo rje gur du de'i steng du yang bcom ldan 'das kyis gsungs pa/ phyi nas sgyu ma'i rnam pa ste/ /rmi lam rnam pa skad cig las/ /de yi thams cad mkhyen pa'i rgyu/ /dngos grub nye bar gyur pa'o/ /zhes pa la sogs pa'o/ /bcom ldan 'das kyi gsung 'di'i phyir du ba la sogs pa'i mtshan ma ni dang por sgom pa'i rtags su 'gyur ro/ /kha cig grub pa'i dus su zhes smra bar 'gyur ba de thams cad ni bcom ldan 'das kyis dam bca' 'joms par byed pa ste/ bsam pa thams cad yongs spangs nas/ /nyi ma gcig ni yongs su brtag /ces pa'i bcom ldan 'das kyis bka' la rnam par mtho brtsams pa'o/ /sgrub pa'i dus su 'jig rten pa'i du ba la sogs pa gang zhig sgyu ma dang rmi lam lta bu de ni mtshan mar mi 'gyur te/ 'dir du ba dang 'bar ba la sogs pas dngos su bsreg pa'i bya ba nus pa'i phyir ro/ /de bzhin du gur gum dang rin po che dang me tog dang / gser la sogs pa'i char yang ngo / /de'i phyir yan lag drug gi rnal 'byor las du ba la sogs pa'i mtshan mar 'gyur ro/ /de bzhin du mkha' 'gro ma rdo rje gur du bcom ldan 'das kyis gsungs pa/ yan lag drug bsgom de nas ni/ /slar yang rang byin brlab pa ste/ /rjes mthun cho ga'i rim pa yis/ /phyi nas mtshan ma mtshon par bya/ /zhes pa'o/ /'dir rang byin gyis brlab pa zhes bya ba ni so sor sdud pas kun rdzob kyi bden pa mthong ba'o/ /mtshan ma zhes bya ba ni sprin dang du ba la sogs pa ltar rab tu snang ba ste de yang sgron ma'i mthar thug pa dang po mthong ba'o/ /de nas sprin med pa'i nam mkha' dri ma med pa'o/ /rgyud rnams su 'bar ba la sogs pa'i thig le'i mthar thug pa mtshan ma gzhan drug po sgyu 'phrul dra ba'i ting nge 'dzin dra ba'i le'ur yang bcom ldan 'das kyis gsungs pa 'di lta ste/ nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /rig pa'i rgyal mchog sngags dbang po/ /gsang sngags rgyal po don chen byed/ /ces pa'i tshigs su bcad pa gnyis sgyu 'phrul dra bar mtshan ma gzhan bcom ldan 'das kyis dgongs pa'i skad gzhan gyis gsungs te/ sngar brjod pa'i sprin med pa'i nam mkha' las byung ba'i rab tu snang ba gang yin pa de ni nam mkha' las byung rang byung ba ste/ sems rnam par rtog pa thams cad dang bral ba'i phyir ro/ /'di/ shes rab ye shes me bo che/ /zhes pa 'bar ba'i rab tu snang ba'o/ /'od chen rnam par snang bar byed/ /ces pa zla ba'i rab tu snang ba ste/ de nyid/ ye shes snang ba lam me ba/ /zhes so/ /'gro ba'i mar me zhes pa nyi ma'i rab tu snang ba'o/ /ye shes sgron zhes pa sgra gcan gyi rab tu snang ba'o/ /gzi brjid chen po 'od gsal ba/ /zhes pa klog gi rab tu snang ba'o/ /rig pa'i rgyal mchog sngags dbang po/ /zhes pa thig le'i rab tu snang ba ste kha dog sngon po zla ba'i dkyil 'khor gyi rnam pa'o/ /gsang sngags rgyal po don chen byed/ /ces pa khams gsum pa'i dngos po'i rnam pa thams cad rab tu snang ba sgyu ma dang rmi lam dang pra phab pa dang mtshungs par rnal 'byor pas so sor sdud pas mthong ba'o/ /mig la sogs pa'i dbang po'i byed pa dang / de nas srog gi rtsol ba bcing ba ste/ byed pa bcing ba'i sbyor ba 'dis sa gsum po 'dod pa dang gzugs dang gzugs med pa'i mtshan nyid brtan pa dang g.yo ba'i rang bzhin gyi bdag nyid ni bsgrub par bya zhes pa'o/ de bzhin du mkha' 'gro ma rdo rje gur du bcom ldan 'das kyis gsungs pa/ 'jig rten khams ni thams cad du/ /ji srid rdo rje'i lus dang ldan/ /khams gsum rgyu bcas mi rgyu ba/ /ma lus lus pa med par 'grub/ /ces pa ste/ yan lag drug bsgoms pas so zhes pa bcom ldan 'das kyis nges pa'o/ /de bzhin du dpal 'dus par bcom ldan 'das kyis gsungs pa/ dngos po med la sgom pa med/ /sgom pa sgom pa nyid ma yin/ /de ltar dngos po dngos med 'gyur/ /sgom pa nye bar mi dmigs so/ /zhes pa'o/ /'dir dngos po med pa sprin med pa'i nam mkha' la sgom pa ni so sor sdud pa ste de nyid/ dngos po med la sgom pa med/ /ces pa'o/ /sgom pa sgom pa nyid ma yin/ /zhes pa 'dir dngos po med pa sprin med pa'i nam mkha' la so sor sdud pa bsgom pa gang yin pa de ni sgom pa sgom pa nyid ma yin par 'gyur te rnam par rtog pa'i sgom pa dang bral ba'i phyir ro/ /de ltar dngos po gang zhig so sor sdud pas mthong ba de ni dngos po dngos med 'gyur te rnam par ma brtags pa 'das pa dang ma 'ongs pa dang da ltar byung ba'i dngos po med pa mthong ba'i phyir ro/ /de'i phyir so sor sdud pa'i sgom pa la rnam par rtog pa'i sgom pa rnam par brtag pa nye bar mi dmigs so zhes pa bcom ldan 'das kyis gsung ngo / /bsgom pa 'di shes rab kyi pha rol tu phyin par yang bcom ldan 'das kyis gsungs pa 'di lta ste/ de nas lha rnams kyi dbang po brgya byin gyis tshe dang ldan pa rab 'byor la 'di skad ces smras so/ /'phags pa rab 'byor 'dir gang zhig shes rab kyi pha rol tu phyin pa la rnal 'byor du byed pa yin/ rab 'byor gyis smras pa/ kau shi ka gang nam mkha' la rnal 'byor du byed pa de shes rab kyi pha rol tu phyin pa la rnal 'byor du byed pa'o/ /kau shi ka gang bla gab med pa la rnal 'byor du byed par 'dod pa de shes rab kyi pha rol tu phyin pa la rnal 'byor du byed pa'o zhes sprin med pa'i nam mkha' la phyag rgya chen po sgom pa pra phab pa dang sgyu ma dang mtshungs pa bcom ldan 'das kyis gsungs so/ /de ltar so sor sdud pa dang bsam gtan gyis bsnyen pa'i yan lag brjod do/ /de nas bdud rtsi 'khyil pa'i gzugs brnyan gyis ming can dgongs pa'i skad gzhan gyis rlung gsungs so/ /de yang rnam pa lnga ste de bzhin du yang 'dus pa phyi mar bcom ldan 'das kyis gsungs pa/ rin chen lnga yi rang bzhin dbugs/ /sangs rgyas lnga yis byin brlabs pa/ /gong bu'i gzugs kyis phyung nas ni/ /sna yi rtse mor rnam bsgom bya/ /zhes pa'o/ /'dir rin chen lnga'i sgras/ ra sa nA dkyil 'khor lnga'i chos can sa la sogs pa'i khams lnga po rnams so/ /de'i rang bzhin gyi dbugs ni rin chen lnga'i rang bzhin dbugs zhes pa sna bug g.yas la'o/ /de bzhin du sangs rgyas lnga ni la la nA dkyil 'khor lnga'i chos can rnam par shes pa la sogs pa'i phung po lnga po rnams so/ /des byin gyis brlabs pa'i dbugs ni sna bug g.yon pa la'o/ /gong bu'i gzugs kyis phyung nas ni/ /zhes pa la 'dir gong bu ni g.yas pa dang g.yon pa'i dkyil 'khor rnams kyi srog gi rlung dbu ma a wa d+hU tIr gcig pa nyid do/ /srog gi rlung de yang / gong bu'i gzugs kyis phyung nas ni/ / sna yi rtse mor rnam bsgom bya/ /'dir sna'i sgras lte ba dang snying ga dang mgrin pa dang dpral ba dang gtsug tor gyi pad+ma'i lte ba brjod de de'i rtse mor ni sna'i rtse mor ro/ /rnam bsgom bya ni lte ba nas lte ba'i dbus su yin gyi g.yas dang g.yon du pad+ma'i 'dab ma la ni ma yin no/ / de ltar thig le'i gnas su gong bu'i gzugs kyis srog 'gags pa ste/ de nyid kyis na de 'dzin par brjod do/ /de ltar yan lag gnyis kyis nye bar sgrub pa ste bdud rtsi 'khyil pa'i gzugs brnyan gyis shes pa'o/ /nye bar sgrub pa de nyid rdo rje'i bzlas pa zhes brjod de dbu ma dbyer med pa'i yan lag gis bzlas par bya'o/ /dbu ma dbyer med pa'i yan lag gis zhes pa g.yon pa dang g.yas pa'i rtsa la srog gi rgyu ba med pa'o/ /gtsug tor gyi gzugs brnyan mthong bar gyur pa na phyi nas sngags pas srog rtsol bya'o zhes pa bla ma dam pa'i nye bar bstan pa dgongs pa'i skad gzhan gyis rtogs par bya'o zhes pa srog rtsol dang 'dzin pa ste nye bar sgrub par brjod do/ /de nas/ sgrub pa la ni lha yi gzugs/ /zhes pa 'dir 'dzin pa'i stobs kyis lte bar gnas pa'i gtum mo 'bar ba sgrib pa thams cad dang pra p hab pa lta bu phyag rgya chen po sangs rgyas kyi 'od zer gyi sprin mtha' yas pa spro bar byed pa'i 'od kyi dkyil 'khor gyis rnam par spros pas rnal 'byor pas mthong ba de ni rjes su dran pa sgrub par gsungs te 'dzin pa'i mthar gtum mo'i rnal 'byor bsgom par bya'o zhes pa nges pa'o/ /de nas de'i ye shes kyi 'od zer gyis phung po dang khams dang skye mched la sogs pa rnams bsregs te g.yon pa dang g.yas pa'i rtsar bgrod pa rnam par shes pa la sogs pa dang sa la sogs pa'i dkyil 'khor gyi rang bzhin rnams dpral bar zla ba'i dkyil 'khor la rab tu zhugs pa gcig tu 'dres par 'gyur ro/ /de nas gtum mo'i ye shes kyi 'od zer gyis zla ba zhu bar gyur pa na byang chub kyi sems de thig le'i gzugs kyis 'og tu bgrod pa mgrin pa dang snying ga dang lte ba dang / gsang ba'i pad+mar dga' ba dang / mchog dang khyad par gyi rang bzhin dang / de nas rdo rje nor bu ji srid pa lhan cig skyes pa'i rang bzhin gyis sam/ yang na rnam pa sna tshogs pa dang rnam par smin pa dang rnam par nyed pa dang bral ba'i rang bzhin gyis so/ /de ltar cha bcu drug pa rdzogs pa nor bu'i nang du son pa gang gi tshe bsgoms pa'i stobs kyis bde ba ster ba ni 'dzag pa'i bde ba lta bu'o zhes pa dpe tsam mo/ /rang gi ngo bos ni dbang po gnyis las skyes par gyur pa'i bde bas mchog tu mi 'gyur ba'i bde ba'i bye ba phrag stong gi char yang mi phod do/ /'dir 'gyur ba med pa'i bde ba'i gnas skabs lhan cig skyes pa'i dga' ba gzugs can ma gang yin pa de ni byis pa'i rnal 'byor pa rnams kyi gnas skabs kyi 'bras bur shes par bya'o/ /byang chub sems dpa' rnams kyis stong pa nyid kyi ting nge 'dzin zhes brjod de/ 'on kyang 'jig rten la grags pa med pa'i don gyis rjes su lhung ba ni ma yin no/ /de ltar yan lag drug gi rnal 'byor gyis rnal 'byor pa rnams kyis sangs rgyas nyid 'grub par 'gyur ro zhes pa'o/ /bdud rtsi lnga la sogs dang chu gter rdo rje rnams dang sngags kyi bzlas pa sogs kyis bsnyen pa ste/ /so sor sdud pa la sogs pa dang rdo rje pad+ma las skyes bdud rtsi yis ni nye bar sgrub par 'gyur/ / dga' ba la sogs rnams kyis rdo rje gsum dang chu skyes ro mnyam gyur pa bsgom pa sgrub par 'gyur/ /shes rab 'grogs la 'pho med 'gyur ba phra mo'i rnal 'byor dag las nges par sgrub pa chen po'o/ /'dir las dang po pas dang por sgrub thabs kyi cho ga bsnyen pa bya ste/ bdud rtsi lnga la sogs pas bsnyen pa zhes pa la/ phyi rol du bdud rtsi lnga ni bshang ba la sogs pa dang sogs pa'i sgras go ku la sogs pa ste lha mnyes pa'i don du don rnams zos pas bsnyen pa bya'o/ /nang du bdud rtsi lnga ni phung po lnga rnams so/ /sogs pa'i sgras dbang po rnams sgron ma lnga'o/ /de rnams la ltos pa med pa ni bsnyen ba ste lus dang rdzas la sred pa yongs su spangs pa'o/ /bskyed pa de'i lha rnams mchog ster bar 'gyur te bshang ba la sogs pa zos pas ni ma yin no/ /chu gter rdo rje rnams kyis zhes pa lus kyi longs spyod la ltos pa med pa dang ngag gi longs spyod la ltos pa med pa dang sems kyi longs spyod la ltos pa med pa dang 'pho ba'i bde ba la ltos pa med pa ni bsnyen pa ste/ lus dang ngag dang sems dang tshangs par spyod pa'i sdom pa'o zhes pa'i don to/ /'di yis lha mchog ster bar 'gyur te srid pa'i longs spyod la zhen pas ni ma yin no/ /sngags kyi bzlas pa la sogs kyis/ /zhes pa las/ 'dir sngags kyi bzlas pa zhes bya ba srog sdom pa ste sogs pa'i sgras dbyung ba dang dgang ba dang bum pa can gyi sbyor ba ni rtag tu bsnyen pa'o/ /de yis lha mchog ster bar 'gyur te srog ma bsdams par dag tu brjod pas ni ma yin no zhes pa nges pa'i don to/ /drang ba'i don gyis slar yang thun mong gi dngos grub kyi don du bgrang phreng la sogs pa bzlas pa la sogs pa bya'o/ /da ni nye bar sgrub pa gsungs pa/ so sor sdud pa zhes pa la sogs pa'o/ /'dir 'khor ba pa rnams kyi sdud pa ni mig la sogs pa'i dbang po rnams kyis gzugs la sogs pa'i yul 'dzin pa'o/ /de yongs su spong ba ni so sor sdud pa zhes brjod de/ stong pa nyid kyi gzugs las gzhan sha la sogs pa'i mig la sogs pa'i dbang po rnams kyis gzhan gzugs la sogs pa'i yul 'dzin pa ni nye bar sgrub pa'o/ /de bzhin du bsam gtan dang srog rtsol dang 'dzin pa yang ste rdo rje pad+ma las skyes bdud rtsi 'pho ba med pas ni nye bar sgrub pa ni nges pa'i don gyis so/ /drang ba'i don gyis ni phyi rol du lha spros pas so zhes pa nye bar sgrub pa'o/ /da ni sgrub pa gsungs pa/ dga' ba zhes pa la sogs pa'o/ /'dir dga' ba la rdo rje gsum zhes pa sku dang gsung dang thugs kyi thig le rnams dang / chu skyes ro mnyam gyur pa sgom pa sgrub par 'gyur te/ snying ga dang lte ba dang gsang bar thig le rnams gnas pa'o zhes pa'i don to/ /de ltar sgrub pa'o/ /de nas sgrub pa chen po ni shes rab 'grogs la gang gi tshe 'pho med bde bar 'byung ba de'i tshe phra mo'i rnal 'byor dag las nges par sgrub pa chen po'o zhes nges pa'i don gyis shin tu yid bzang ma'i rtsa'i steng du khu ba yang dag par sbyor ba las sgrub pa chen por gsungs te/ drang ba'i don gyis ni slar yang shes rab kyi chos 'byung gi sna rtser nyungs kar la sogs pa'o zhes pa nges pa'o/ /de ltar sgrub pa chen por 'gyur ro/ /da ni dman pa la sogs pa'i dbye bas bsnyen pa la sogs pa gsungs pa/ dang por stong nyid byang chub nges par slar yang de nas zla ba thig le dag ni yang dag 'dzin/ /de nas gzugs dag skyed cing rab mchog ro yi rigs rnams dag gis yi ge dgod pa nyid yin te/ /'di ni spyi yi bsnyen pa chu yi gter gyi rdo rje rnams kyis sgrub pa dag ni 'bring po yang / /'di la thabs ni rnam bzhir 'gyur te dman dang brtan pa sgrub pa'i yan lag dag la de bzhin nyid/ /'dir bskyed pa'i rim pa la dang por stong pa nyid byang chub ces pa srog chags rnams shi ba'i mthar phung po yongs su dor nas skye ba'i cha shas can gyi phung po 'dzin pa las bar gang yin pa stong pa nyid kyi skad cig gcig srid pa gsum mthong ba de ni stong pa zhes brjod de nges par ni gdon mi za bar ro/ /skad cig de yi phyi nas zla ba thig le dag ni yang dag 'dzin/ /zhes pa 'dir kun gzhi rnam par shes pas ma'i mngal du khu ba'i thig le 'dzin pa zhes bya ba ni yang dag 'dzin pa'o/ /de nas khu ba la sogs pa bzung ba de nas gzugs dag bskyed pa zhes bya ba zla ba bdun gyis mngal rdzogs pa ste lus rdzogs pa'i don to/ /de nas rab mchog ro'i rigs rnams dag gis zhes pa phung po drug po rnams kyis mig la sogs pa rnams kyi yi ge dgod pa ste gzugs la sogs pa'i yul la rab tu 'jug pa'o/ / de bzhin du lha'i sgrub thabs la yang las dang po pas brtag pa'i bdag nyid bsgom par bya'o/ /'di ni spyi'i bsnyen pa'o/ /chu'i gter gyi rdo rje rnams kyis zhes pa sku dang gsung dang thugs dang ye shes rdo rje rdzogs pa rnams kyis sgrub pa dag ni 'bring po yang ste srog rdzogs pa'o/ /'di la thabs ni rnam bzhir 'gyur te zhes pa bsnyen pa'i yan lag dang nye bar sgrub pa'i yan lag la dman pa dang brtan pa'o/ /sgrub pa'i yan lag la de bzhin nyid de lo bcu drug gi mtshams su zhes pa nges pa'o/ /'dir dman pa ni skyes pa'i byis pa'o/ /so skyes nas 'bring po byis pa'o/ /so lhung nas gzhon nu'o/ /slar yang so skyes nas lo bcu drug gi steng du dar ma ste bu dang bu mo skyed par byed pa'i phyir ro/ /de bzhin du lha thams cad yan lag rnam pa bzhir rnal 'byor pas bsgom par bya'o zhes pa 'jig rten pa'i bden pa'i nges pa'o/ / da ni don dam pa'i bden pas sangs rgyas kyi gzugs rdzogs pa brjod par bya ste/ 'dir dang por stong nyid byang chub ces pa mun pa la cung zad kyang bsam par mi bya'o/ /de nas/ zla ba'i thig le dag ni yang dag 'dzin/ /zhes pa du ba la sogs pa'i mtshan ma thig le'i mthar thug pa 'dzin pa'o/ /de nas gzugs dag bskyed cing zhes pa thig le de nas sna tshogs pa mthong ba ni gzugs bskyed pa'o/ /rab mchog ro'i rigs rnams dag gis zhes pa sgrib pa med pa'i phung po drug rnams kyis yi ge dgod pa zhes pa nyi tshe ba'i phung po dang khams dang skye mched la sogs pa rnams 'gog pa'o/ /de'i phyir sa thob pas dman pa la sogs pa'i dbye bar 'gyur te/ ji srid sa bcu gnyis kyi dbang phyug tu ma gyur gyi bar du'o/ /de'i phyir/ bden don rnam pa bcu gnyis ldan/ /de nyid rnam pa bcu drug rig /rnam pa nyi shus byang chub pa/ /rnam pa sangs rgyas kun rig mchog / ces pa nges pa'o/ /da ni so sor sdud pa la sogs pa'i 'bras bu gsungs pa/ so sor sdud pas rnal 'byor pa ni yul dang rnam par bral ba sngags rnams kun gyis byin gyis rlob/ /mngon par shes pa lnga ni thob par 'gyur te mi yi bdag po bsam gtan sbyor bas dag pa'o/ /srog gi rtsol bas dag pa ri bong can dang nyi ma dang bral byang chub sems dpa' rnams kyis mchod/ /bdud dang nyon mongs la sogs nyams shing stobs bcu la ni 'jug par 'gyur te 'dzin pa stobs kyis so/ /rjes su dran pas legs par dag pa dri med 'od kyi dkyil 'khor dag kyang ye shes gzugs las so/ /de nas ting nge 'dzin gyis dag pa nyin zhag 'ga' zhig rnams kyis ye shes lus ni 'grub par 'gyur/ /so sor sdud pa la sogs rnams kyis gal te bsngags pa rnams kyis 'dod pa grub par ma gyur na/ /nA da goms pas btsan thabs chu skyes su gnas rdo rje nor bur thig le bkag nas bsgrub par bya/ /'dir gang gi tshe so sor sdud pa gzugs brtan par gyur pas rnal 'byor pa rnam par dag par gyur pa de'i tshe sngags rnams kun gyis byin gyis rlob par 'gyur te tshig gis mchog sbyin la sogs pa sbyin par 'gyur ro/ /mngon par shes pa lnga ni thob par 'gyur te mi yi bdag po bsam gtan sbyor bas dag pa'o/ /zhes pa 'dir gang gi tshe mig mi 'dzums par gyur pa de'i tshe lha'i mig tu 'gyur ro/ /de bzhin du bsam gtan gyis rnam par dag pa la lha'i rna ba la sogs par 'gyur ro/ /srog gi rtsol bas dag pa zhes pa 'dir gang zhig gi tshe rnal 'byor pa nyi ma ri bong can gyi lam dang bral te rtag tu dbu ma 'bab par gyur pa de'i tshe srog gi rtsol bas dag par gyur pa na/ byang chub sems dpa' rnams kyis mchod de sngags par byed do zhes pa'i don to/ /bdud dang nyon mongs la sogs nyams shing stobs bcu la ni 'jug par 'gyur te zhes pa stong pa nyid kyi gzugs gzung ba dang 'dzin pa'i sems la 'jug par 'gyur te 'dzin pa'i stobs kyis so zhes pa srog gi 'gro ba dang 'ong ba zad pa gcig tu 'dres par gyur pas so/ /rjes su dran pas legs par dag pa zhes pa la/ 'dir rjes su dran pa ni gzugs la 'khyud pa'i sems rnam par rtog pa thams cad dang bral ba'o/ /de yis gang gi tshe dag par gyur pa de'i tshe dri med 'od kyi dkyil 'khor du 'gyur ro/ /kyang gi sgras ba spu'i khung bu nas 'od zer lnga 'phro zhing nges par rgyu'o/ / ye shes gzugs las so zhes pa stong pa'i gzugs las so/ /de nas ting nge 'dzin gyis dag pa zhes pa 'dir gzung ba dang 'dzin pa'i sems dag gcig pa nyid kyis gang zhig 'gyur ba med pa'i bde bar gyur pa'i bde ba bde ni ting nge 'dzin zhes brjod do/ /de yis dag pa ni ting nge 'dzin gyis dag pa ste dri ma med par gyur pa nyin zhag 'ga' zhig rnams kyis te lo gsum dang phyogs gsum gyi nyin zhag rnams kyis/ ye shes lus ni 'grub par 'gyur/ /zhes pa dbang bcu la sogs pa thob pa'i byang chub sems dpar 'gyur ro zhes so sor sdud pa la sogs pa'i nges pa'o/ /da ni btsan thabs kyi rnal 'byor gsungs te/ 'dir gang gi tshe so sor sdud pa la sogs pa rnams kyi gzugs mthong bar gyur pa la srog ma bcings pa nyid kyis 'gyur ba med pa'i skad cig ma skyes na de'i tshe nA da goms pa las btsan thabs kyi srog dbu mar 'bab par byas nas shes rab kyi chu skyes su gnas pa'i rdo rje nor bu byang chub kyi sems kyi thig le bkag nas mi g.yo bar 'gyur ba med pa'i skad cig bsgrub par bya'o zhes pa btsan thabs kyi rnal 'byor ro/ /'dir nA da goms pa nyid gsungs pa/ nus ma gang zhig lte ba'i dbus nas gzhan gyi gnas su bcu gnyis mthar dang cha yi mthar 'gro ba/ /de ni lte bar 'gags par gyur pa dri med glog dang mtshungs shing dbyug pa'i gzugs can langs pa yang / /'khor lo las ni 'khor lo'i bar du nges par dman zhing mdzes pa'i bgrod pas dbu mar rtsal bskyod/ /ji srid gtsug tor bug par btsan thabs nyid kyis phyi rol gyi ni pags pa dag la khab bzhin reg / de yi dus su thur du sel ba mchog gi btsan thabs nyid kyis steng gi lam du bskul bar bya/ /zungs kyi rlung dag 'gags pa na ni gtsug tor phug nas mchog gi grong khyer dag tu 'gro bar 'gyur/ /de ltar yid la rdo rje rab tu sad pas yul dang bcas pa mkha' la spyod pa nyid du 'gyur/ /mngon shes lnga yi rang bzhin du 'gyur slar yang 'di ni rnal 'byor pa rnams dag gi sna tshogs yum/ /shes rab ye shes dag ni sems dang de yi snang ba dag kyang rnam pa bcu po nyid du 'gyur/ /dbang ni dri med ri bong can mtshungs me long gzugs brnyan lta bu 'di la zhugs pa gang yin pa/ /de la mya ngan 'das pa'i bde ba 'pho med lhan cig skyes pa nyid ni bzhi pa ste/ /sangs rgyas zhal 'di gang gi snying dang kha la gnas par gyur pa de ni dpal ldan bla ma'o/ /'dir shes rab dang ye shes ni grangs ji lta bar 'dzin par byed pa'i sems dang 'dzin par byed pa'i sems de'i gzung bar bya ba du ba la sogs pa rnam pa bcu po pra phab pa'i me long gi snang ba lta bu gang yin pa de nyid ye shes te gzung bar bya ba'i sems so zhes pa'i don to/ /de ltar me long la mig gi gzugs brnyan rang gi mig gis gzung bar bya ba yin pa bzhin du shes rab dang ye shes kyang ngo / /dbang ni/ 'di la zhugs pa gang yin pa/ /zhes pa 'dir 'dzin par byed pa'i sems kyis gzung bar bya ba'i sems de la rab tu zhugs pa phyi rol gyi yul rnams la rab tu mi 'jug pa gang yin pa'o/ /yan lag drug las so sor sdud pa dang bsam gtan dang srog rtsol dang 'dzin pa ni zhugs pa zhes brjod de/ zhugs pa de la mya ngan las 'das pa'i bde ba 'pho med lhan cig skyes pa 'gyur med nyid ni bzhi pa ste bde ba byis pa dang dar la bab pa dang g.yo ba rnams kyi mchog 'jig rten pa'i dpe las 'das pa 'jig rten gsum gyi spyod pa las grol ba zhes pa'i don te/ dgod pa dang blta ba dang reg pa dang 'khyud pa dang lag bcangs dang 'khrig pa dang bral ba las kyi phyag rgya dang ye shes kyi phyag rgya'i rgyu dang bral ba stong pa nyid rnam pa thams cad pa rab tu gsal ba'i mtshan nyid do/ /sangs rgyas zhal te ye shes zhal 'di slob dpon gang gi snying la gnas pa ni bsgoms te rang gi nyams su myong ba dang / slob ma rnams la bstan pa'i phyir dus thams cad du kha la gnas par gyur pa de ni dpal ldan bla ma ste rdo rje 'dzin pa'o zhes pa'i don to/ /da ni rnal 'byor nye bar bsdu ba gsungs pa/ dbu mar srog ni rab zhugs nyi ma dang bcas ri bong can gyi bgrod pa g.yas dang g.yon la bcing / /phyag rgya rab tu 'grogs la sems dang mchog gi bde ba la gnas rdo rje yang dag bslang ba yang / /pad+mar rdo rje'i sgra'am rang gi lag pa'i chu skyes dag gis gsor ba bde ba'i slad du ste/ /sa bon gtang ba min pa'i gtong ba de ni 'chi ba'i 'jigs 'phrog 'di ni dpal ldan bla ma'i zhal/ /'dir dang por rnal 'byor pas dbu mar srog ni rab tu gzhug par bya ste/ gang gis mtshan ma mthong bar 'gyur ba a wa d+hU tIr ro/ /'di ni dpal ldan bla ma zhes pa sangs rgyas kyi sku rdo rje ste zhal gcig tu brjod do/ /de nas nyi ma dang bcas te g.yas pa'i bgrod pa dang lhan cig tu ri bong can gyi bgrod pa zhes pa g.yon pa'i rtsa la bgrod pa'i bgrod pa bcing ba'o zhes pa nges pa ste srog rtsol ni gnyis pa gsung rdo rje'o/ /phyag rgya rab tu 'grogs la sems zhes pa gzugs la rjes su chags pa byang chub kyi sems zhu ba dang / mchog gi bde ba la gnas rdo rje yang dag bslang ba yang gsum pa thugs rdo rje'o/ /ci ste gzugs kyi sgo nas dga' bar ma gyur na de'i tshe pad+mar rdo rje'i sgra'am zhes pa dal bu rnams kyis bya'o/ /ci ste bud med ma rnyed na de'i tshe rang gi lag pa'i pad+mas gsor bar bya'o/ /bde ba 'phel ba'i slad du ste lhung ba'i slad du ni ma yin no/ /de ltar sa bon gtong ba min pa'i bde ba de ni 'chi ba'i 'jigs 'phrog tu 'gyur te 'di ni dpal ldan bla ma'i zhal bzhi pa ye shes kyi zhal lo zhes pa rnal 'byor goms pa'i nges pa'o/ /da ni dkyil 'khor lnga zad pa gsungs pa/ sa ni chu la rab tu 'jug cing chu yang 'bar byed la ste gtsang bar byed pa rlung la'o/ /rlung ni stong pa la ste stong pa nges par mtshan ma rnam pa bcu ru 'gyur zhing mtshan ma ni/ /rnam pa thams cad pa ru 'gyur te mi zad mchog gi bde ba gzhom du med pa'i ye shes sku/ /ye shes las ni rdzu 'phrul dngos grub tu 'gyur mi bdag skyes bu rnams kyi skye ba 'di nyid la'o/ /'dir gang gi tshe khro bo'i lta bas stong pa la sems bkod pa'i rnal 'byor pa mig mi 'dzums par gyur pa de'i tshe g.yon nam g.yas su sa zhes pa nye bar mtshon pa ste/ gang gi tshe g.yas su sa rab tu 'bab pa'i dus su rnal 'byor pa sgom par byed na de'i tshe cho ga 'di'o/ /slar yang g.yon pa'i rtsa la rab tu 'bab pa'i dus su ni ma yin te nam mkha'i dkyil 'khor la sogs pa'i rim pa las so/ /des na g.yon dang g.yas su srog gi dkyil 'khor gang 'bab pa de'i chos can nyid kyi phyir dkyil 'khor de nyid gsungs so/ / des na g.yas kyi rtsa la sa'i dkyil 'khor las srog chu'i dkyil 'khor la 'jug ste de bzhin du ye shes kyi dkyil 'khor gyi bar du'o/ /g.yon gyi rtsa la nam mkha' la sogs pas 'jug go/ /de bzhin du stong pa nges par du ba la sogs pa'i mtshan ma rnam pa bcur 'gyur zhing mtshan ma ni rnam pa thams cad pa'i gzugs su 'gyur ro/ /gzugs kyang 'gyur ba med pa'i bde bar 'gyur te de nyid ni shes rab kyi pha rol tu phyin pa'i ye shes so/ /ye shes las ni rdzu 'phrul nam mkha' la 'gro ba la sogs pa dang / dngos grub khams gsum gyi dbang phyug nyid du 'gyur te mi bdag skyes bu rnams kyi skye ba 'di nyid la'o zhes pa lam la zhugs pa'i nges pa'o/ /dbang phyi ma phyi ma ni dbang snga ma snga ma la ltos pa dang bcas pa yin la de ni dpal dus kyi 'khor lo dang dri ma med pa'i 'od la sogs pa'i gsung rnams kyis spros nas mngon par brjod de/ 'jig rten las 'das pa'i dbang gis dbang bskur nas de kho na rab tu gsal bar bya'o zhes pa yan lag drug gi rnal 'byor ni sngon du 'gro ba 'jig rten pa'i dbang gi yang rgyu can nyid do/ /yan lag drug gi rnal 'byor yang dpal dus kyi 'khor lo la sogs pa'i gsung rnams nyid kyis rgya cher rtogs par bya'o/ /da ni 'di nyid kyis bsgrub pa zhes pa la sogs pa'i rang bzhin rnam par bshad par brtsam par bya'o/ /nyon mongs pa dang shes bya'i sgrib pa'i bud shing ma lus pa sreg par byed pa thams cad mkhyen pa'i ye shes kyi me 'di nyid kyi ni sgrub pa ste gsal ba'i dngos po rnal 'byor pas du ba la sogs pa rnams kyis bu'o/ /ci ltar gyur pa rnams kyis she na/ de rnams kyi rtsa ba'i rgyud dang 'phags pa shes rab kyi pha rol tu phyin pa la sogs pa nges pa'i don gyi mdo sde thams cad rab tu grags pa rnams kyis te/ stong pa la glo bur du rab tu gsal ba'i phyir rab gsal lo/ /rnam par rtog pa thams cad nye bar zhi ba'i phyir bsam gyis mi khyab pa'o/ /de kho na'i 'bras bu'i snga ltas su gyur pa'i phyir mtshan ma'o/ /gzung ba dang 'dzin pa dang bral ba rang bzhin stong pa nyid kyi blo ni shes rab ste/ de'i gzugs brnyan ni rnal 'byor la mngon sum du snang ba'o/ /phyi nang gi dri ma rjes su chags pa med pa'i phyir nam mkha' mnyam pa rnams kyis so/ /yod pa dang med pa la sogs pa'i rnam par rtog pa'i mtshan mas mtshon du med pa'i phyir yod dang med las rnam par 'das so/ /rnal 'byor pas rang rig pa nyid kyi phyir rang gi sems kyi rkyen gyi don no/ /rnam pa thams cad du ma byas pa rmad du byung ba rang bzhin med pa'i dngos po'i gzugs nyid kyi phyir/ rdul phran las skyes tshogs pa rnams/ /kun nas yongs su dor ba yis/ /zhes pa'o/ /phyi nang mtha' dag khyab pa dkar po du ba'i rnam pa stong pa'i snang ba ste/ /'di yang sprin ltar snang ba'i de ma thag 'byung bar 'gyur ro/ /ji skad du gsungs pa/ dang po sprin dang 'dra bar snang / /gnyis pa du ba lta bu'o/ /zhes pa'o/ /de bzhin du chu g.yo ba'i rnam pa ni smig rgyu'o/ /mkha' snang dang sgron me'i rnam pa dag ni rab tu grags so/ /mtshan ma bzhi po 'di rnams ni bug pa med pa'i khang par mun pa la 'byung ba'i phyir mtshan mo'i rnal 'byor dang nam mkha'i rnal 'byor ro/ /ji skad du/ dpal 'dus pa la sogs par dang po dang gnyis pa bzlog pas gsungs pa/ 'gog par rdo rjer bgrod sems la/ /mtshan ma nyer 'dzin 'byung 'gyur te/ /dang po smag rgyu'i rnam pa ste/ /gnyis pa du ba lta bu'o/ /gsum pa mkha' snang rnam pa ste/ /bzhi pa sgron ma 'bar ba'o/ /lnga pa rtag tu snang ba ni/ /sprin med nam mkha' lta bu'o/ /zhes pa'o/ /de nas sprin med pa'i nam mkha' dang mtshungs par snang ba sngon du 'gro ba me'i rnam pa stong pa'i snang ba ni 'bar ba'o/ /zla ba dang nyi ma'i snang ba dag ni rab tu grags so/ /mun can ni sgra gcan te ri mo nag po ltar snang ba'o/ /cha dang zhes pa klog gi snang ba'o/ /thig le che zhes pa rgyu ba dang bcas pa'am mi rgyu ba'i snang ba kha dog sngon po zla ba'i dkyil 'khor gyi rnam par snang ba'o/ /mtshan ma drug po 'di rnams ni sprin med pa'i nam mkha' ltar snang ba las 'byung ba'i phyir/ nyin mo'i rnal 'byor dang / bla gab med pa'i rnal 'byor ro/ / de nas de'i dbus su son pa longs spyod rdzogs pa'i sku'i bdag nyid sangs rgyas kyi gzugs mthong ba dang lhan cig skad cig gcig la lag par gnas pa'i chu ltar shin tu dang ba rnam pa thams cad pa'i bum pa dang snam bu la sogs pa mthong ba ni sna tshogs gzugs brnyan 'od gsal ba'o/ /bkab dang ma bkab mi dag gis/ /shes par snang la dmigs pa nyid kyis mig phyed btsums pa dag gis stong par te nam mkha' la gzung ba dang 'dzin pa dang bral ba 'di ni rjes brtags min par rmi lam bzhin du gzugs rnal 'byor pas mngon sum du mthong bar 'gyur ro/ /gzugs de ni sna tshogs gzugs de bsgom par bya ba ni bsam gtan gyi yan lag gis brtan par bya'o/ /rgyal ba'i yum par mar gsungs pa/ rin chen snang ba zhes bya ba'i ting nge 'dzin dang / rin chen sgron ma zhes bya ba'i ting nge 'dzin dang / zla ba snang ba zhes bya ba'i ting nge 'dzin dang / nyi ma sgron ma zhes bya ba'i ting nge 'dzin dang / rnam pa thams cad gzigs pa zhes bya ba'i ting nge 'dzin dang / zhes pa la sogs pa'o/ mtshan yang dag par brjod par yang / sangs rgyas kun gyi mngon sum pa/ /ye shes me lce 'od rab gsal/ /zhes pa'o/ / 'phags pa klu sgrub zhabs kyis kyang / gang rnams kyi blo rten dang bral/ /yod dang med las rnam par 'das/ /zab mo dmigs med de rnams kyis/ /mtshan ma'i don rnams rnam par bsgom/ /zhes pa'o/ /zla ba'i gos can gyi zhabs kyis kyang / snang ba thob pa'i rnal 'byor pa/ /gzhan du rtags ni shes bya ste/ /sgrub pa'i 'khrul pa med pa rnams/ /lam nag gi ni du ba bzhin/ /mig dag rengs par byed pa dang / /mgo bo dud pa nyid dang ni/ /sems dang sems 'byung nub pa dang / /stong nyid mthong ba'i stong pa nyid/ / ces pa la sogs pa'o/ /gzhan gyis kyang / gang du dri ma med pa'i mkha' la mig phyed sprul pa na/ /'phro ba chen po'i thugs rjes brlan pa'i bsam pa'i rten zab las/ /yod dang med dang gnyi ga dngos po dngos med 'byed pa bral/ /stong pa nyid kyi rjes 'gro du ba sogs ni mtha' dag glo bur 'char/ /de bzhin du/ dang por thog mtha' las grol ba'i/ /dbu ma tsam la yang dag gnas/ /gang zhig der gnas 'dor ba de/ /'di yi snang ba bcu bdag nyid/ /ces pa'o/ /'dir bsod nams dang ldan pa rnams kyis/ bla ma chen po bka' drin las bar snang la khong du chud pa dper brjod pa'o/ /'di nyid rnal 'byor gyi dbang phyug rnams kyi rdo rje'i glu kun rdzob dang don dam pa'i tshig gis rab tu gsungs te/ dpal ldan dpa' bos ra has gsungs pa/ rmongs pa nam mkha'i tshad ma ni/ /gal te shes na rmongs tshogs gcod/ /dang por rnam dag nam mkha' la/ /blta zhing blta bas mthong ba 'gag /de bzhin du/ mang po smra bas ci zhig bya/ /chos kyi mtshan ni 'di yis chog /mig phyed gyen du blta ba na/ /mthong ba brten pa nyid kyis shes/ /rmad byung nam mkha'i dkyil 'khor shar ro b+hu su kU/ /stong nyid gzugs mdzes ltos shig b+hu su kU/ /dpe med me tog shar ro b+hu su kU/ /rin chen rin thang med pa'i me tog long / /me tog 'di ni kha dog sna tshogs can/ /me tog 'di ni stong nyid dgon par skyes/ /de bzhin du/ lA mA nam mkha'i me tog shar/ /rab tu mi gnas lci ba'o/ /blta zhing blta bas nam langs kyang / /shAn+ti sgron mas lam tshol lo/ /de bzhin du/ skya rengs shar ro b+hu su kU/ /shAn+ti sa smras pa nam langs thun/ /gang tshe zla ba nya ba shar gyur pa/ /de tshe sems kyi rgyal po rab tu nyal/ /dga' dang snying rje'i Da ma ru yi sgra/ / 'phags pa lha yi dmigs pa med pa gsal/ /g.yon dang g.yas su khral ba la/ /kah+nas smras pa bar lam mo/ /sems rtogs rin chen rab dgas grol/ /grong khyer mis smra rmongs pa rnams/ /me tog lnga byung de ru thim/ /dga' ba'i sems nyid nam mkha' byin/ / de bzhin du/ rmad du byung ba gang zhig mthun las byung / /gang zhig nyi zla bcings shing sgron me sbar/ /shAn+ti rang nyid dpang bzhag rang nyid rgod/ /nam mkha'i sbrum ma la ni skye ba mthong / /slar yang / zab mo'i chos thos nas ni lam ngan pa/ /mun pa'i lam la ci yang mthong ba med/ / gal te nam mkha' rtse mor me tog byung / /shArnyis smras pa de tshe 'khrul ba zhig /gzhan rnams kyis kyang gsungs pa/ bar snang la ni yid dang rlung dang mig /dus gcig tu ni gal te legs sbyar na/ /rgyal ba'i yon tan rin chen nges par skyes/ /'di rnams mtha' dag de bzhin gshegs pa'i gsung / /sna tshogs rnam rtog bral zhing mi sems par/ /gal te bar snang la ni mig gtad na/ /phyogs bcu'i 'jig rten dag ni yin nam snyam/ /rnal 'byor dbang phyug mtha' dag 'di las thob/ /de bzhin du/ rang yid mtshan nyid mtha' dag bral ba yis/ /mig phyed gyen du lta ba dang bcas pas/ /gang tshe dbu mar rlung ni bus gyur pa/ /de tshe rdo rje'i me dang du ba byung / /zhes pa'o/ /de'i phyir sangs rgyas nyid don du gnyer bas the tshom med par du ba la sogs pa'i lam bsgom par bya'o/ /phyag rgya chen po yang rtog pas sgro btags pa'i mtshan ma mtha' dag gis mtshon du med pa ma yin nam/ de bsgom par bya zhes ci ltar brjod ce na/ gsungs pa/ dngos med ces pa la sogs pa'o/ /'dir dmigs pa'i rnam pa gnyis te/ mngon sum dang rjes su dpag pa'o/ /de dpal dus kyi 'khor lo'i rgyud dang 'grel par yang gsungs pa/ lha'i dmigs pa gang yin/ 'dir ni/ mngon sum dang ni rjes su dpag pa rnam pa gnyis su 'gyur ba ste/ /mngon sum dag ni de nyid sbyor bas mkha' la skar ma bzhin du du ma longs spyod rdzogs pa'i sku/ /mngon sum min na rjes su dpag pa shi ba'i lus bzhin de nyid min pa yis ni brtags pa gang / /de ni ri mo sogs la blta bya yongs su ma smin blo can rnal 'byor rnams kyi bsgom pa'i don/ /'dir sems can rnams kyi bsam pa'i dbang gis rnal 'byor pa rnams kyi lha'i dmigs pa gang yin mngon sum dang ni rjes su dpag pa rnam pa gnyis su 'gyur ba ste/ mngon sum dang rjes su dpag pa de dag las mngon sum rtog pa'i mtshan ma mtha' dag bral ba bla ma dag pas lam nye bar bstan pa las skyes pa gang yin pa de nyid sbyor bas mkha' la skar ma bzhin du 'gyur te skar ma'i tshogs bzhin du du ma longs spyod rdzogs pa'i sku sha la sogs pa'i mig gis gzung bar bya ba srid pa gsum dang dus gsum sgyu ma dang rmi lam dang mtshungs pa'o/ /'dir dang por las dang po pa'i rnal 'byor pa mngon par shes pa med pas sha'i mig gis sna tshogs mthong ngo / /de nas mngon par shes pa'i mtshams kyi dbang gis lha'i mig gis so/ /de nas 'dod chags dang bral ba'i mtshams kyi dbang gis sangs rgyas kyi spyan gyis so/ /de nas byang chub sems dpa'i mtshams kyi dbang gis shes rab kyi spyan gyis so/ /de nas yang dag par rdzogs pa'i sangs rgyas kyi mtshams kyi dbang gis ye shes kyi spyan gyis te/ lhag ma kun las rnam grol ba/ /zhes pa'o/ /de ltar de bzhin gshegs pa'i sha la sogs pa'i spyan lnga po rnams stong pa nyid gzigs pa gsungs te/ sems can gzhan rnams ni stong pa nyid lta ba'i yul la dmus long ngo zhes pa de kho na sgom pa'i nges pa'o/ /de kho na ma yin pa'i sgrub pa la slar yang / mngon sum min na rjes su dpag pa shi ba'i lus de nyid min pas ni brtags pa gang / de ni ri mo sogs la blta bya zhes pa de kho na mthong ba med pa'i dbang gis thams cad du shi ba'i lus bzhin du sangs rgyas dang byang chub sems dpa' rnams kyi ri mo dang sku gzugs byas pa dang lugs ma'am dkyil 'khor gyi 'khor lo bris nas nges pa'i rnam par blta ba bya ste/ byis pa'i rnal 'byor pa dman pa rnams kyi bsgom pa'i don du'o zhes pa rnam par rtog pa'i sgom pa'i nges pa'o zhes pa'o/ /de'i phyir dngos med sprin med pa'i nam mkha' gzugs rmi lam dang sgyu ma la sogs pa ltar so sor sdud pas mthong ba la sgom pa bsam gtan gyi yan lag so sor bcings pas dus gsum dang khams gsum pa rab tu gsal ba'i bdag nyid rnal 'byor ba'i rang gi sems so sor rang gis rig par bya ba rab tu 'jug pa gang yin pa de ni rnal 'byor ba'i rtog pa'i sgom pa ma yin te/ yul dang rnam par shes pa la sogs pa yod pa dang med pa dang dngos po med pa la sogs pa rnam par rtog pa'i dra ba mtha' dag dang srog gi rlung rnams kyi rtsol ba nye bar zhi ba nyid las dus gsum dang khams gsum pa gsal bar rab tu snang ba 'byung ba'i phyir ro/ /'phags pa lha'i zhabs rnams kyis kyang gsungs pa/ bcom ldan srog gi lhag pa'i bdag po rje bo bdag nyid la ni thim 'gyur zhing / /'tsho ba'i rlung gi rgyu ba 'byung dang 'jug pa'i tshogs rab zhi bar gyur pa na/ /gang zhig rnal 'byor dbang phyug rnams kyi 'od gsal skar ma'i snang ba rab 'byams 'di/ /rang lus nyid las nges thon mun pa bcom nas 'jig rten gsum po gnon par byed/ /ces pa'o/ /sa ra ha'i zhabs kyis kyang / rtog pa nyams pas blo nyams te/ /blo ngan rjes su rtogs byed lo/ /'di nyid las ni blo bzang la/ /nam mkha' las lhag ci yang 'byung / /sngon med dpyid byung nam mkha'i me tog 'bras/ /lag pas 'thog reg byar med sa wa ri/ /mig mi 'dzums par blta dang mi bsam dang / /rlung 'gog pa ni bla ma dam pa'i gsung / /zhes pa'o/ /sems kyi dus gsum pa'i sna tshogs gzugs kyang dngos po ma yin te/ de rnams 'das pa la sogs pa'i dngos po'i ngo bo nyid du med pa'i phyir dang rdul phra rab kyi chos nyid las 'das pa nyid kyi phyir ro/ /sems kyi 'das pa la sogs pa'i dngos po med pa yang nye bar brjod pa thams cad dang bral ba'i mtshan nyid dngos med kho na min te/ ci'i phyir zhe na gsungs pa/ stong par ma brtags mthong phyir ro/ /zhes pa ste gang gi phyir stong par te/ sna tshogs gzugs kyi rnam pa'i sems lam brtags te/ rtog pa mtha' dag dang bral bar mthong ba ste mngon sum du yang dag par rig pa bsnyon mi nus par nyams su myong ba nyid kyi phyir ro/ /rtsa ba'i rgyud du yang gsungs pa/ yod dang med las rnam par 'das/ /gnyis med dngos po dngos med zad/ / phra rab rdul gyi chos nyid 'das/ /stong pa nyid chos rnam par spangs/ /rtag dang chad las nges par grol/ /rdo rje'i rnal 'byor rigs med pa/ /zhes pa'o/ /sa ra ha'i zhabs kyis kyang / thams cad dngos por rtogs pa dang ldan g.yo ba'i yid ni 'khor ba 'dir/ / g.yang sar rab tu lhung 'gyur blo yang rmongs par rab tu lhung bar 'gyur/ /gal te 'dir ni gang las dmigs pa'i don med chos rnams rtag rengs par/ /gyur pa de tshe lha mo phyag 'tshal bde ba dam pa dpal gyi mthu/ /zhes pa'o/ /rnam par ma brtags par mthong ba grub pa'i don dang rjes su mthun pa'i dpe gsungs pa/ ji ltar pra phab pa zhes pa la sogs pa'o/ /pra phab pa'i sgras sgrub pa pos ma bsams pa me long la sogs pa rnams la rab tu gsal bar gyur pa'i don brjod de de ni me long la zhes pa me long la dngos med skyes pa'i chom rkun la sogs pa bems po'i chos nyid ma yin pa mthong ba'o/ /pra dbab pa la 'jug pa'i rgyud du/ phur bu'i me long dang / ral gri'am mthe bo dang / mar me dang / zla ba dang / nyi ma dang / chu dang / thabs dang / mig ste brgyad rnams la pra dbab pa 'jug par gsungs so/ /de bzhin 'das dang ma 'ongs chos/ /mkha' la stong pa rnam pa thams cad pa'i/ /gzugs la de nyid rnal 'byor pa/ /rnam par rtog pa med pa'i lam thob pas mthong bar 'gyur ro/ /'di las pra phab pa las dngos po rab tu gsal ba'i mtshan nyid gang yin pa de dngos med 'gyur te dngos po ma yin par 'gyur ro/ /ci'i phyir zhe na/ gsungs pa/ dngos po stong pa'i don mthong phyir/ /zhes pa'o/ /dngos po rdul phra rab tshogs pa'i bdag nyid kyis stong pa rnam par bral ba ste/ de yang don de'i rab tu gsal ba'i mtshan nyid 'di mthong ba rnam par rtog pa med par mngon sum du dmigs pa'i phyir ro/ /dngos po rdul phran tshogs pa'i bdag nyid 'das pa la sogs pa'i dngos med don rab tu gsal ba'i mtshan nyid yod pa dper na 'jig rten pa nyid kyis dngos po med kyang don mthong ba sgyu ma rmi lam mig 'phrul bzhin no/ /don 'di nyid gsungs pa/ med pa'i zhes pa la sogs pa'o/ /rnam par rtog pa dang bral zhing 'khrul pa med pa'i ye shes skye ba de yang rnam pa thams cad pa ste/ 'gro ba'i don phun sum tshogs pa byed pa nyid kyi phyir yid bzhin gyi nor bu lta bu'o/ /gang dmigs pa de 'gro ba'i don byed pa ma yin nam/ yul med na ci ltar bskyed ce na/ dpe dag pa gsungs pa/ pra phab pa'i zhes pa la sogs pa'o/ /gnas 'dir sngon ma mthong ba'i rkun po la sogs pa pra phab pa'i gzhon nu mas sngags kyis byin gyis brlabs pa'i mig gis mthong ba ste/ sgrub pa po'i skyes bu ni gnas der song nas gzhon nu mas smras pa/ thun mong ba'i mig dag gis mthong bar 'gyur ro/ /bsam pa ni 'di yin te rnal 'byor pa'i dngos grub 'dzag pa med pa'i byang chub kyi sems zla ba nye bar bstan pa so so'i skye bos rtogs par bya ba ma yin pa 'jig rten las 'das pa'i de kho na nye bar bstan pa'i sngags kyis byin gyis brlabs pa'i blo dang mig gis gzhon nu ma'i bzhin du nam mkha' la mthong bar 'gyur ro/ /de yang yod pa dang med pa la sogs pa spros pa thams cad kyis spros pa dang bral ba'o zhes gsungs pa gal te zhes pa la sogs pa'o/ /gzhan gyi mig dang dpral ba la sogs par bsgoms pa dang rang gi mig dag gis gzhan mthong ba med pa'i phyir pra phab pa'i dpe 'dis rnal 'byor pa'i mngon sum rnam pa thams cad du rang gi dngos po dngos po med pa las ma skyes pa rmi lam du gzhon nu ma'i bu dmigs pa bzhin du thams cad mkhyen pa'i ye shes grub bo/ /ting nge 'dzin rgyal po'i mdor yang gsungs pa/ ji ltar rmi lam nang 'dir gzhon nu ma/ /de yi bu ni skye dang 'chi ba'ang mthong / /skyes zhes dga' dang shi na mya ngan gnas/ /de bzhin chos rnams thams cad nye bar 'jal/ /zhes so/ /gzhon nu mas skye ba med pa skyes par mthong ba gang yin pa dang ldan pa gang yin pa de ji ltar skyes pa bzhin du de'i skyed par byed pa'o zhes pa'i don to/ /srog rtsol gsungs pa/ gzugs brnyan mthong na zhes pa la sogs pa'o/ /rmi lam dang sgyu ma ci 'dra ba de 'dra'i gzugs brnyan rnam pa thams cad pa'i gzugs mthong bar gyur na de nas de'i bar ma chad par srog rtsol srog dang thur sel gyi rlung dag dgang ba dang bum pa can dang dbyung ba'i sbyor bas 'gog pa bar ma chad par te rgyun mi 'chad par bya'o/ /gang du zhe na/ gsungs pa/ steng 'og ces pa la sogs pa'o/ /lte ba'i steng dang 'og tu yang rtsa gsum gsum po rnams la rim pa ji lta bar srog dang thur sel gyi rlung dag 'gog pa ste/ srog dang thur sel gyi lus la sogs pa'i khams gsum 'gog par byed pa las so/ /ci ltar gyur pa rnams la zhe na/ gsungs pa/ zla zhes pa la sogs pa ste/ steng du g.yon pa dang g.yas pa dbu ma rnams dang 'og tu dbu ma dang g.yon pa dang g.yas pa rnams su zla ba dang nyi ma dang sgra gcan 'bab pa gsum rnams dang bshang ba dang gci ba dang khu ba 'bab pa gsum rnams la'o/ /de bzhin du/ chu dang me dang stong pa 'bab pa rnams dang sa dang rlung dang ye shes 'bab pa rnams la ste/ /gzhan ni rtsa stong phrag bdun cu rtsa gnyis kyi skye gnas las skyes pa rnams la'o/ /gang zhig ces pa la sogs pa la steng du zla ba la sogs pa'i rtsa gsum lus dang ngag dang sems te 'og tu bshad ba la sogs pa'i rtsa gsum lus dang ngag dang sems rnams so/ /rigs drug po 'di rnams kyi rtogs pa gsungs pa/ zla ba zhes pa la sogs pa'o/ /zla ba ni chu'i khams te thabs kyi khu ba'i khams kyi skur 'gyur ro/ /nyin mor byed pa ni me'i khams te shes rab rdul gyi khams kyis gsung du 'gyur ro/ /rdul gyi khams nyid kyi sku ni bshang ba'i rtsa'o/ /gci ba 'bab ma gtso bo khu ba'i khams kyi gsung ngo / /steng 'og ces pa la sgra gcan 'bab ma khu ba'i khams kyi thugs so/ /khu ba 'bab ma rdul gyi khams kyi thugs so/ /steng 'og rigs drug ces pa la chu dang rlung dang nam mkha' 'bab pa rnams thabs kyi yan lag las so/ /sa dang me dang ye shes 'bab pa rnams shes rab kyi yan lag las so/ /phyed dang bcas pa'i zla ba bcu dang ldan pa'i lo dgu bcu rtsa drug gi nang du 'chi ba de 'chad par 'gyur ba'i nges pa las 'chi ltas su 'gyur te/ steng dang 'og tu yang lhag pa'i rlung 'bab pa rnams kyis so/ /gang dag la zhe na/ gsungs pa/ lus ngag rtsa dag la ste ji ltar rigs par la la nA dang ra sa nA dag dang bshang ba dang gci ba'i rtsa la yang ngo / / gang gi tshe 'og tu bshang ba'i rtsa 'gags par gyur pa de'i tshe steng du g.yon pa'i rtsa la 'chi ltas su 'gyur ro/ /gang gi tshe 'og tu gci ba'i rtsa 'gags par gyur pa de'i tshe steng du g.yas pa'i rtsa la 'chi ltas su 'gyur ro/ /'di yang spros pas 'chad par 'gyur ro/ /mun can zhes pa la sogs pa mdor bstan pa ste de'i rgyas par bshad pa skye dang zhes pa la sogs pa'o/ /mun can ma dang khu ba 'bab ma dag la yang 'chi ltas su mi 'gyur ram zhe na/ mun can khu ba 'bab ma dag gi rlung la skye ba mngal nas 'byung ba dang ni 'chi dang gnas pa rang gnas pa'o/ / khu ba 'bab pa 'ba' zhig ma yin gyi a wa d+hU tI yang skye ba la sogs pa'i dus gsum du 'bab bo/ /dus sbyor bcu gnyis 'khor ba mtshungs pa'i phyir nyi ma ste/ srog gi rlung gi lug la sogs pa'i dus sbyor gyi bdag nyid sna bug g.yon pa las glang la sogs pa'i dus sbyor rmi bdag nyid sna bug g.yas par 'pho ba'i mtshams su mnyam par sbyor ba la yang dbu ma cung zad 'bab po/ /de rgyas par bshad pa dus sbyor 'char ba'i zhes pa la sogs pa ste/ zla ba dang nyi ma dag mnyam par 'bab pa'i phyir mnyam pa'o/ /mnyam pa'i grangs gsungs pa/ rkang pa dang bcas zhes pa la sogs pa ste/ dus sbyor gcig 'char ba'i mngon mtshams su 'jug pa dang 'byung ba dag gcig tu byas pa la rkang pa dang bcas pa'i lnga bcu rtsa drug 'bab po/ /de bzhin du nyin mtshan gyi dus sbyor bcu gnyis kyi mtshams su 'byung ba dang 'jug pa bdun cu rtsa lnga lhag pa'i drug brgya 'bab bo/ / sems can thams cad kyi lus la dbugs drug brgya lhag pa'i stong phrag nyi shu rtsa gcig bdun cu rtsa lnga lhag pa'i drug brgya'o/ /'dis dman pa gang yin pa de rnams la la nA dang ra sa nA ra 'bab po/ /nyin zhag so sor dbu ma'i dbugs bdun cu rtsa lnga lhag pa'i drug brgya po rnams lo brgya'i nyin zhag stong phrag sum cu rtsa drug rnams kyis bsgyur te de las nyin zhag gi dbugs drug brgya lhag pa'i stong phrag nyi shu rtsa gcig rnams kyis bgos pas thob pa nyin zhag nyi shu rtsa lnga lhag pa'i brgya phrag bcu gcig rnams so/ /de rnams kyang lo'i nyin zhag drug cu lhag pa'i sum brgya rnams kyis rnam par phye bas phyogs gsum lhag pa'i lo gsum rnams su 'gyur ro/ /steng du g.yon pa gang yin pa de nyid zla ba dang brkyang ma dang lug dang chu 'bab pa ste de bzhin gshegs pa 'od dpag med kyi rang bzhin no/ /g.yas pa ni nyi ma dang ser skya dang gzhan zhes pa ro ma dang me 'bab pa ste rin chen 'byung ldan gyi rang bzhin no/ /'og tu dbu ma bshang ba'i rtsa dang sa 'bab pa ste rnam par snang mdzad kyi rang bzhin no/ /g.yon pa ni gci ba'i rtsa dang rlung 'bab pa ste don yod grub pa'i rang bzhin no/ /steng du dbu ma sgra gcan gyi rtsa dang stong pa 'bab pa ste mi bskyod pa'i rang bzhin no/ /de nyid 'og tu g.yas pa khu ba'i rtsa dang ye shes 'bab pa ste rdo rje sems dpa'i rang bzhin no/ /bshang ba'i rtsa steng du zla ba'i lam dang lhan cig gcig tu 'gyur te bug pa gcig pa'i phyi rol de bzhin du gci ba'i rtsa nyi ma dang gcig tu 'gyur ro/ /de bzhin du skye ba la sogs pa'i dus bzhir khu ba la 'bab ma sgra gcan dang gcig tu 'gyur ro/ /lte ba'i steng du kun 'dar ma gang yin pa de'i ming gnyis te yid bzang ma dang mun pa 'bab pa'o/ /'og tu khu ba 'bab ma gang yin pa de'i yang ming gnyis te mkha' 'gro gdong ma dang dung can ma zhes pa'o/ / lte ba la sogs pa 'dab ma lnga'i lte ba rnams su a wa d+hU tIr son pa'i srog gi nus pa sa la sogs pa'i khams lnga rnams 'bab pa'i rim pas 'byung bar 'gyur ro/ /de la lte ba'i chu skyes la sa'i yon tan lnga ste dri dang gzugs dang ro dang reg bya dang sgra'i mtshan nyid rnams so/ /snying ga'i chu skyes la chu'i yon tan bzhi ste gzugs dang ro dang reg bya dang sgra'i mtshan nyid rnams so/ /mgrin pa'i chu skyes la me'i yon tan gsum ste ro dang reg bya dang sgra'i mtshan nyid rnams so/ /dpral ba'i chu skyes la rlung gi yon tan gnyis te reg bya dang sgra'i mtshan nyid dag go/ /gtsug tor gyi chu skyes la stong pa'i yon tan gcig ste sgra tsam mo/ /'di rnams bzung nas a wa d+hU tI 'byung bar 'gyur ro/ /sdud pas zhes pa la sogs pa'i rim pas so/ /de 'phags pa lha'i zhabs kyis gsungs pa/ sa yi khams ni chu la thim/ /chu ni me la thim par 'gyur/ /me ni phra mo'i khams la'o/ /rlung yang sems la thim par 'gyur/ /sems ni sems byung la thim 'gyur/ /sems byung ma rig pa la ste/ /de yang 'od gsal ba ru 'gro/ /'di ni srid pa gsum du 'gag /ces ba ste/ rlung phyi rol du 'bab pas khams zad pa'i yang ngo / /de ni 'jug pa dag slar yang gtsug tor gyi pad+ma la sogs pa'i rim pas sa la ste lte ba'i pad+ma la 'jug ste ni 'jug par 'gyur ro/ /skyed pas ni nam mkha' la sogs pa'i rim pas so/ /'phags pa lha'i zhabs kyis kyang gsungs pa/ 'od gsal las ni stong pa che/ /stong pa las kyang thabs byung ngo / /de las shes rab skye bar 'gyur/ /de las rlung ni yang dag 'byung / /rlung las me ni 'byung bar 'gyur/ /me las chu ni yang dag 'byung / /chu las kyang ni sa skyes 'gyur/ /'di ni sems can rnams 'byung ba'o/ /zhes pa ste/ nang du 'bab pas las kyi khams 'phel ba'i phyir yang ngo / /de ltar a wa d+hU tIr 'gro ba dang 'ong ba na lte ba nas lte ba'i dbus su yin gyi yongs su lhag par 'gyur ba'i phyir la la nA dag gi pad+ma'i 'dab ma rnams la 'gro ba dang 'ong ba ni ma yin no/ /'og tu lte gsang nor bu'i chu skyes la/ dung can ma'i lus ngag sems rnams 'bab pa ni snying stobs dang rdul dang mun pa'i dbye bas yon tan gsum dang gnyis dang gcig gi bdag nyid sdud pa'i rim pas 'byung ba dang skyed pas 'jug pa'o/ /dung can ma 'di nyid bud med bde ba las te shin tu dga' ba chags pa'i bde ba las khu ba 'bab bo/ /dus rtag tu sde rdul 'byung ba'i dus su de nyid khrag 'bab bo/ /nub dang shar du zhes pa la sogs pas 'chad par 'gyur ba shes rab dang thabs 'khyud pa'i mdor bstan pa shes rab ces pa la sogs pa'o/ /steng du srog la g.yas dang g.yon dag ste g.yas dang g.yon pa dag shes rab thabs dang dngos yan lag go/ /'og tu thur sel la g.yas pa dang g.yon pa dag go/ /'og dang steng du rdul dang khu ba 'bab pa dag go/ /bud med rnams kyi dung can ma nyid rdul gyi dus su rdul 'bab pa'i phyir gtum mo zhes brjod de de nyid khu ba 'bab pa'i phyir mkha' 'gro gdong ma'o/ /steng du bud med rnams kyi a wa d+hU tI'i dus su ste rdul gyi dus su rdul 'bab pa'i phyir g.yung mo zhes brjod do/ /skyes bu'i dus su ste khu ba bgrod pa'i dus su kun 'dar ma zhes brjod do/ /g.yon pa dang g.yas pa'i sna bug dag la dkyil 'khor 'char bar gsungs pa/ rnam shes la sogs pa la sogs pa'o/ /rnam par shes pa la sogs pa bskyed pa'i rim pa dang / sa la sogs pa sdud pa'i rim pas te/ sna bug g.yon pa la 'chad par 'gyur ba'i rim pas rnam par shes pa dang 'du byed dang / tshor ba dang 'du shes dang / gzugs zhes bya ba'i phung po lnga 'bab po/ /de bzhin du g.yas pa la sa dang chu dang me dang rlung dang nam mkha' zhes bya ba'i khams lnga 'bab po/ /dbus su ste dbu ma'i lam du drug pa ye shes kyi dkyil 'khor la sogs pa'i dkyil 'khor lnga las dkyil 'khor so so'i dbugs rkang pa dang bcas pa'i bcu gcig bzung nas dbugs rkang pa dang bcas pa'i lnga bcu tsa drug gi bdag nyid 'bab po/ /g.yon pa dang g.yas pa dbu ma'i rtsa 'di rnams la nyin mtshan gyi dkyil 'khor drug cu 'bab po/ /de la lte ba'i pad+ma'i 'dab ma'i g.yon gyi 'dab ma drug lug dang 'khrig pa dang seng ge dang srang dang gzhu dang / bum pa'i bdag nyid rnams la so sor rnam par shes pa la sogs pa dkyil 'khor lnga'i bdag nyid las dkyil 'khor sum cu rnams so/ /de bzhin du g.yas kyi 'dab ma drug glang dang karka Ta dang bu mo dang sdig pa dang chu srin dang nya'i bdag nyid rnams la so sor sa la sogs pa dkyil 'khor lnga'i bdag nyid las dkyil 'khor sum cu rnams so/ /de la gang gi tshe g.yas su glang la sogs pa'i dus sbyor la rlung 'bab pa de'i tshe rtsa ba ste sna bug gi 'og gi cha la sa'i dkyil 'khor dbyu gu gcig 'bab po/ /de bzhin du de nyid kyi cha sna rgyud kyi phyogs su chu'i dkyil 'khor ro/ /g.yas te g.yas kyi cha la me'i dkyil 'khor ro/ / steng gi cha la rlung gi dkyil 'khor ro/ /dbus su stong pa'i dkyil 'khor ro/ /de ltar sna bug gnyis ka la dkyil 'khor re re zhing dbyu gu nas dbyu gu'i bar du 'bab ste dbyu gu lnga rnams kyi dkyil 'khor lnga 'bab po zhes pa'i don to/ /g.yon pa'i sna bug gi ni 'dab ma'i dbus dang zhes pa la sogs pas 'chad par 'gyur te de la ltos nas sna bug dag la'o zhes gsungs so/ /chu tshod gcig la dbugs du 'bab ce na/ gsungs pa/ rim pas zhes pa la sogs pa ste/ rim pas ni sa la sogs pa dang nam mkha' la sogs pas so/ /de la chu tshod gcig la 'jug pa dang 'byung ba dag gcig tu byas pa'i dbugs drug cu dang bcas pa'i sum brgya 'bab po/ /de ltar dkyil 'khor lnga dus sbyor zhes bya bas bsgyur na dbugs brgya phrag bco brgyad du 'gyur te/ de rnams kyang sa la sogs pa'i dkyil 'khor lnga'i rang bzhin chu tshod lngar 'gyur ro/ /de ltar dbugs brgya phrag bco brgyad po rnams kyang 'pho ba bcu gnyis kyis bsgyur bas nyin mtshan gyis dbugs drug brgya lhag pa'i stong phrag nyi shu rtsa gcig tu 'gyur te/ de rnams kyang lus la chu tshod drug cur 'gyur ro/ /de gsungs pa/ chu tshod ces pa la sogs pa'o/ /rtsa g.yon par dus sbyor 'char ba gsungs pa/ 'dab ma'i dbus dang zhes pa la sogs pa'o/ /gang gi g.yon pa'i rtsa la lug la sogs pas sna bug gi dbus su stong pa'i dkyil 'khor 'bab pa de'i tshe nang du lte ba'i dkyil 'khor la 'dab ma'i dbus su 'bab po zhes bshad par 'gyur ro/ /de nas shar zhes pa steng du rlung gi dkyil 'khor ro/ /g.yas su me'i dkyil 'khor ro/ /g.yon du chu'i dkyil 'khor ro/ /gzhan du zhes pa 'og gi cha la sa'i dkyil 'khor ro/ /rim pas zhes pa nam mkha' la sogs pa'i rim pas so/ /g.yon par zhes pa la sogs pas sngar brjod pa nyid gsal bar byed de/ phung po'i rten ni 'byung ba zhes pa'i gsung las brten pa'i bdag nyid rnam par shes pa la sogs pa'i phung bo rnams dang lhan cig rten nam mkha' dang rlung dang me dang chu dang sa'i khams rnams dbyer med par gsungs pa/ g.yon par zhes pa la sogs pa'o/ /gzhan las so zhes pa snga ma bzhin rtsa ba nas brtsams te zhes pa'i don te sna bug g.yon pa las gzhan las so/ /g.yon pa rnam par shes pa la sogs pa las 'byung ba zhes pa bskyed pa'i rnam par gnas te/ zla ba nyid yin pa'i phyir ro/ /g.yas par sa la sogs pa'i sdud pa ste/ nyi ma nyid yin pa'i phyir ro/ /g.yon par zla ba gnas pa gang yin pa de shes rab dang bcas pa'i mi bskyod pa la sogs pa'i rang bzhin rnam par shes pa la sogs pa'i dkyil 'khor gyi 'khor lo dang g.yas par yang thabs dang bcas pa'i spyan ma la sogs pa'i rang bzhin sa la sogs pa'i dkyil 'khor gyi 'khor lo ste sngags dang lha'i bdag nyid spro ba dang sdud pa'i gzugs can lhan cig skyes pa sems can la gnas pa'o/ /shes rab ces pa la sogs pas shes rab dang thabs nyid mdor bstan pa de'i rgyas par bshad pa nub dang zhes pa la sogs pa'i dkyil 'khor sna bug so sor nub dang ste nub tu sa'i rang bzhin spyan ma dang rnam par snang mdzad dag go/ /shar du rlung gi rang bzhin sgrol ma dang don yod grub pa dag go/ /de la rnam par snang mdzad kyi shes rab sgrol ma dang don yod grub pa'i spyan ma'o zhes pa phan tshun zhal phyogs pas 'khyud pa'i nges pa'o/ /de'i phyir byang chub sems dpas mdzad pa'i thabs dang bral zhing bsdus pa'i rgyud nyan pa ma rnyed pa rnams la yang dag pa'i rkyen gyis don gsal por shes par byed pa gsungs pa/ mthe bo zhes pa la sogs pa'o/ /gang gi phyir lag pa g.yon pa'i mthe'u chung la sogs pa'i sor mo lnga nam mkha' la sogs pa'i rang bzhin rnams kyi dbus su mthe bo dang ming med sa dang rlung gi rang bzhin dag 'khyud pa lha mnyes pa'i phyag rgya gsang ba'i dbang bskur ba'i don du slob ma'i kha dang lha mnyes pa la ston pa de'i phyir sa dang rlung dag phan tshun gzung ba dang 'dzin pa'i dngos por shes rab dang thabs nyid grub po/ /'di ltar gzhan gyi rigs la 'khyud pas bya ba 'grub kyi rang gi rigs la 'khyud pas ma yin te/ rang gi bdag nyid la bya ba 'gal ba'i phyir ro/ /sa'i khams las byung ba'i lus kyi dbang po rlung gi khams las byung ba'i yul reg bya 'dzin par byed de/ de nas bshang ba dang gci ba'i rtsa dag shes rab dang thabs su brjod do/ /g.yas su me'i rang bzhin gos dkar mo dang rin chen 'byung ldan dag go/ /g.yon du chu'i rang bzhin mA ma kI dang 'od dpag med dag go/ /de'i phyir 'od dpag med kyi shes rab gos dkar mo dang rin chen 'byung ldan gyi mA ma kI'o/ /gang gi phyir lag pa g.yas pa'i gung mo mdzub mo me dang chu'i rang bzhin dag 'khyud par ral gri'i phyag rgya ston cing me'i khams las skyes pa'i yul ro chu'i khams las byung ba'i ro 'dzin dbang po 'dzin par byed pa de'i phyir me dang chu dag shes rab dang thabs nyid du grub po/ /des na la la nA dang ra sa nA dag shes rab dang thabs nyid do/ /dbu mar steng gi phyogs su rnam par gnas pa stong pa'i rang bzhin mi bskyod pa 'og gi phyogs su rnam par gnas pa mi 'gyur ba'i ye shes kyi bdag nyid shes rab kyi pha rol tu phyin ma dang lhan cig 'khyud pa'o/ /phan tshun zhes pa 'chad par 'gyur ba'i steng 'og tu gnas pa rdo rje dbyings kyi dbang phyug ma dang rdo rje sems dpa' dag 'khyud pa yang snga ma la ltos nas shes par bya'o/ /gang gi phyir lag pa g.yas pa'i khu tshur la mthe'u chung zla ba phyed pa'i rnam par byas pa'i mi bskyod pa'i mche ba'i phyag rgya gang yin pa de ni shes rab kyi pha rol tu phyin ma'i gri gug gi phyag rgya yin pa de'i phyir stong pa dang ye shes dang shes rab dang thabs nyid do/ /de nas a wa d+hU tI dang dung can ma dag shes rab dang thabs nyid do/ /de ma thag tu 'chad par 'gyur ba'i tshigs su bcad par rigs drug pa 'khyud pa'i shes rab byed pa gsungs te/ gang gi phyir g.yon pa dang g.yas pa'i lag mthil yang dag par sbyar ba spyi bor byas pa na stong pa la sogs pa'o rang bzhin sor mi rnams phan tshun sbyor ba dkyil 'khor bcu sbyor ba byas pa gang gi tshe rdo rje sems dpa'i rdo rje rtse gcig pa'i phyag rgya yin la/ de nyid rdo rje dbyings kyi dbang phyug ma'i chu gri'i rnam pa gri gug gi phyag rgya yin te/ de'i phyir 'di dag shes rab dang thabs nyid do/ /'dis 'di yang nye bar mtshon par byed de dbu ma 'bab pa'i sbyor bas byang chub kyi sems zhu ba 'pho ba med pa'i bde bas rdo rje'i rtse mo las steng du bya'o/ /de nyid gri gug ste mi shes pa gcod pa'i ngo bo nyid kyi phyir ro/ / phyi rol du rigs drug pa gri gug dang bcas pa'i rdo rje rtse gcig pa'i bdag nyid gang yin pa de yang nang du mnyam pa ste nyi ma dang zla ba mnyam par 'bab pa'i phyir ro/ /dbu ma'i rtsa a wa d+hU tI la 'bab pa'i mnyam pa yang skye ba'i dus su 'bab pa las skyed pa'i rgyu'o/ /'chi ba'i dus su 'bab pa las sdud pa'i rgyu'o/ /yang de kho na sgom pa'i rnal 'byor pa rnams kyis phyi rol du 'bab pa 'gags pa 'jig rten las 'das pa'i phung po la sogs pa'i rgyu nyid las skyed pa'i rgyu'o/ /'khor ba pa rnams kyis ma 'gags pa phung po la sogs pa nyams par byed pa nyid kyis bsdus pa'i rgyu'o/ /de yang mnyam pa sngar brjod pa'i sna bug g.yon par 'bab pa'i phung po lnga rnams dang / sna bug g.yas par 'bab pa'i khams lnga rnams dang / lte ba dang gsang ba dang nor bu'i pad+mar gnas pa sku dang gsung dang thugs rdo rje rnams kyi yang gcig nyid kho na dbu ma'i rtsar son pa ni yin gyi/ gzhan ni ma yin no zhes pa rlung 'bab pa'i rnam par gzhag pa'i zol gyis dkyil 'khor gyi 'khor lo'i lha thams cad dang ye shes kyi rnam par gzhag pa brjod pa'o/ /zla ba nyi ma'i zhes pa la sogs pa la gang gi tshe steng du zla ba dang nyi ma dang sgra gcan gyi rtsa rnams 'gags pa de'i tshe 'og tu bshang ba dang gci ba dang khu ba'i rtsa rnams 'gag go/ /de bzhin du steng du gsum po rnams grol nas 'og tu gsum po rnams grol lo/ /rtsa drug po de rnams kyang snga ma bzhin skyed pa dang sdud pa'i byed pa can no/ / 'chi ltas kyi mtshan nyid gsungs pa/ g.yon pa la sogs pa'o/ /lug la pogs pa mi mnyam pa'i dus sbyor la skyes pa tshe thung ba rnams kyi lus la rlung dang mkhris pa dang bad kan mi mnyam ste/ mi mnyam pas srog ces bya ba'i rlung dbyu gu lnga 'bab pa'i rim pa las 'das nas g.yon pa'i rtsar lhag pa 'bab po/ /ci ltar lhag ce na/ gsungs pa/ mtshan mo gcig ces pa ste/ gang gi tshe mtshan mo gcig nyin mtshan du 'bab pa de'i 'chi ltas rtsom pa ste/ 'chi ltas de las lo gsum gyis 'chi bar shes par bya'o/ /de bzhin du glang la sogs pa mnyam pa'i dus sbyor las skyes pa rnams kyi g.yas pa'i rtsar nyin mtshan lnga 'bab pa las lo gsum gyis 'chi bar shes par bya'o zhes pa mdor bstan pa'o/ /re zhig nyi ma'i 'chi ltas rgyas par bshad pa/ g.yas pa zhes bya ba la sogs pa'o/ /lte ba'i pad+ma'i snying por yongs su bskor ba la khyim gyi bdag nyid 'dab ma bcu gnyis kyi sngon gyi 'dab ma la nyin mtshan lngar srog 'bab po/ /de nas g.yas skor gyi 'dab ma gnyis pa'i phyogs zhes pa bcu'o/ /gsum pa la tshes zhes pa bco lnga'o/ /bzhi pa la nyi shu'o/ / lnga pa la de nyid ces pa nyi shu rtsa lnga'o/ /drug pa la gcig lhag rim pas te nyi shu rtsa drug go/ /bdun pa la slar yang gcig lhag rim pas nyin zhag nyi shu rtsa bdun du srog 'bab bo/ /gang gi phyir 'dir nyi mas zla ba'i yon tan sgra dang reg bya dang ro dang gzugs dang dri rnams bzung nas 'chi ltas kyi nyin zhag rnams bstan te/ des na khyim lnga'i bar du lnga pa lngas 'phel lo/ /de nas khyim drug pa dang bdun pa la gcig lhag pas rim pas 'phel lo/ /khyim bdun pa la rdzogs pa'i dus te khu ba'i khams la 'chi ltas kyi rlung rab tu zhugs pa'i phyir gang du 'ga' zhig gis kyang srog ldog par byed mi nus so/ /rdzogs pa'i dus de nas khu ba'i khams zad pa'i don du brgyan pa la sogs pa'i 'dab ma rnams la rim pas nyin zhag sum cu rtsa gsum rgyu'o/ /de la brgyad pa la bco lnga'o/ /dgu pa la bcu'o/ /bcu pa la lnga'o/ /bcu gcig pa la gsum mo zhes pa nyin zhag sum cu rtsa gsum rnams so/ /bcu gnyis pa la ni stong pa ste slar yang g.yas pa'i rtsa la 'bab pa med pa'i phyir ro/ /de nas g.yas pa'i rtsa dor nas g.yon par nyin zhag gnyis srog gi rlung 'gro'o/ /de nas nyin zhag gcig dbu mar 'gro'o/ / kye'i rdo rje 'bum phrag lnga par yang gsungs pa/ gang tshe g.yas pa'i rtsa dag la/ /rlung ni nyin zhag bcur 'bab na/ /khyim gyi 'dab ma gnyis pa la/ /de la lo gnyis kyis 'chi 'gyur/ /khyim gyi 'dab ma gsum pa la/ /tshes zhes brjod pas lo gcig la/ /nyin zhag nyi shu 'bab gyur na/ /bzhi pa la ste zla drug na/ /'dab ma lnga par nyi shu lnga/ /'bab na tshe ni zla ba gsum/ /nyin zhag nyi shu drug 'bab na/ /drug pa la ste zla gnyis tshe/ /nyin zhag nyi shu bdun 'bab na/ /zla ba nyid tshe bdun pa la/ /nyin zhag sum cu rtsa gsum rnams/ / 'di las bar ma chad 'bab na/ /'dab ma brgyad pa dgu pa dang / /bcu dang bcu gcig rim pa yis/ /nyin zhag tshes phyogs lnga yon tan/ /rnams kyis 'dab ma de rnams 'dor/ /de nas g.yas pa'i rtsa spangs nas/ /rlung ni g.yon par nyin zhag gnyis/ /'gro'o de nas dbu ma yis/ /gnas su nyin zhag gcig 'gro'o/ /de nas dbugs ni zad byas nas/ /'chi ba'i phyir na rim pa 'dis/ /'og tu khu ba zad par 'gro/ /steng du ma yi rdul 'gro 'gyur/ /rang las bag chags kyis bcings pa'i/ /rnam shes srog dang yang dag ldan/ / shi nas slar yang srid par 'gro/ /des na pha rol med mi 'gyur/ /dper na mkhan po las rig pa/ /mar me las ni mar me dang / /bzhin las me long la bzhin dang / /rgya las rgya gzhan ji lta bar/ /zhes pa 'chi ltas kyi nyin zhag rgyu ba'i rim pa'o/ /da ni 'chi ltas kyi bdag nyid 'tsho ba'i dus kyi rim pa gsum gsungs pa/ de rtogs pa'i don du zlum po rim pa gnyis pa bris la gsum gnyis gcig lo zhes pa lo rnams ni sngon gyi 'dab ma la gsum mo/ /'dab ma gnyis pa la gnyis so/ /gsum pa la gcig go/ /zla ba rnams kyang 'dab ma bzhi pa la drug go/ /lnga pa la gsum mo/ /drug pa la gnyis so/ /bdun pa la gcig go/ /nyin zhag rnams ni 'dab ma brgyad pa la bco lnga'o/ /dgu pa la bcu'o/ /bcu pa la lnga'o/ /bcu gcig pa la gsum mo/ /bcu gnyis pa la gnyis so/ /pad+ma'i lte ba la gcig go/ /'dis 'di gsungs te/ dang po sngon gyi 'dab ma la nyin zhag lnga 'bab po/ /de nas tshe lo brgya pa rnams kyi bzhin du 'pho ba bcu gnyis kyis 'tsho bar bya ba'i lo gsum gyi nyin zhag gi tshogs brgyad du lhag pa'i stong gi bdag nyid sa sum cu rtsa lnga lhag pa'i sum brgya 'bab po/ /de slar yang gzhan la rab tu zhugs pa'i phyir 'dab ma de skam par 'gyur ro/ /de nas 'dab ma de stong par byas te lhag ma'i nyin zhag gi tshogs lhag ma bzung nas srog gi nus pa 'dab ma gnyis pa la rab tu 'jug ste de la nyin zhag bcu 'bab po/ /de la yang rgyu ba'i nyin zhag rnams dang / lhan cig 'pho ba bcu gcig gis nyin zhag bzhi bcu rtsa lnga lhag pa'i sum brgya 'bab po/ /de nas gnyis pa stong par byas te nyin zhag lhag ma bzung nas gsum pa la rab tu 'jug ste/ de la nyin zhag bco lnga 'bab po/ /de la yang rgyu ba'i nyin zhag rnams dang lhan cig 'pho ba bcus nyin zhag bdun cu lhag pa'i brgya 'bab ste 'dab ma de skam par 'gyur ro/ /gsum pa stong par byas te nyin zhag lhag ma bzung nas bzhi pa la rab tu 'jug ste de la nyin zhag nyi shu 'bab po/ /de la yang rgyu ba'i nyin zhag rnams dang lhan cig 'pho ba dgus nyin zhag brgyad cu rtsa gnyis 'bab ste bzhi pa skam par 'gyur ro/ /'dab ma de stong par byas te nyin zhag lhag ma bzung nas lnga pa la rab tu 'jug ste de la nyin zhag nyi shu rtsa lnga 'bab po/ /de la yang rgyu ba'i nyin zhag rnams dang lhan cig 'pho ba brgyad kyis nyin zhag lnga bcu rtsa bdun 'bab ste 'dab ma de skam par 'gyur ro/ /de nas nyin zhag lhag ma bzung nas drug pa la rab tu 'jug ste de la nyin zhag nyi shu rtsa drug 'bab po/ /rgyu ba'i nyin zhag rnams dang lhan cig 'pho ba bdun gyis nyin zhag nyi shu rtsa brgyad 'bab ste drug pa yang 'dor ro/ /de nas drug pa stong par byas nas bdun pa la rab tu 'jug ste de la nyi shu rtsa bdun 'bab bo/ /rgyu ba'i nyin zhag rnams dang lhan cig 'pho ba drug gis nyin zhag nyi shu rtsa bdun 'bab ste bdun pa yang 'dor ro/ /bdun pa stong par byas te lhag ma nyin zhag gi tshogs sum cu rtsa drug bzung nas brgyad pa la 'jug go/ /'pho ba lngas nyin zhag bco lnga 'bab ste brgyad pa 'dor ro/ /brgyad pa stong par byas nas lhag ma nyin zhag gi tshogs nyi shu rtsa gcig bzung ste dgu pa la rab tu 'jug go/ /'pho ba bzhis nyin zhag bcu 'bab ste dgu pa 'dor ro/ /de ltar lhag ma nyin zhag bcu gcig bzung nas bcu pa la rab tu 'jug go/ /'pho ba gsum gyis nyin zhag lnga 'bab ste bcu pa 'dor ro/ /'pho ba gnyis kyis nyin zhag gsum 'bab pas bcu gcig pa 'dor te/ de ltar mkhris pa'i bdag nyid rngul gyi khams skams pa las 'dab ma bcu gcig skam mo/ /slar yang g.yas pa'i rtsa dor nas 'dab ma bcu gnyis pa la g.yon pa'i rtsar 'pho ba med pas nyin zhag gnyis 'bab ste bad kan gyi bdag nyid snying stobs kyi khams skams pa las 'dab ma de skam par 'gyur ro/ /de nas pad+ma'i lte ba dbu ma'i rtsar 'pho ba med pas nyin zhag gcig 'bab ste/ rlung gi rang bzhin mun pa'i khams zad pa las de skams nas rnam par shes pa rjes su chags pa'i srog gi nus pa sna bug g.yas pa nas 'thon te dge ba dang mi dge ba la sogs pa'i las kyis 'phangs nas srid pa gzhan du 'pho bar byed do/ /zla ba'i 'chi ltas gsungs pa/ rtsa ba nas zhes pa la sogs pa'o/ /rtsa ba nas zhes pa lte ba'i 'khor lo'i lug la sogs pa mi mnyam pa'i skye ba'i dus sbyor gyi bdag nyid sngon gyi 'dab ma nas brtsams te/ gcig lhag pas zhes pa gcig dang gnyis dang gsum la sogs pa'i rim pas nyin zhag sum cu rtsa gsum gyi bar du 'dab ma bcu gcig la g.yon gyi rtsa zla ba'i rgyu ba 'bab po/ /ji ltar gcig lhag pas shes nas gsungs ba/ snying bo'i sngon gyi 'dab ma la nyin zhag gcig g.yon par 'bab po/ /nyin zhag des dman pa'i zla ba gnyis ji lta ba bzhin 'bab po/ /de nas zla ba gsum pa'i dang por 'dab ma de nyid la nyin zhag gsum g.yon par 'bab po/ /nyin zhag des dman pa'i zla ba gsum pa dang bzhi pa la ji lta ba bzhin du 'bab po/ /zla ba lnga pa'i dang por 'dab ma de la nyin zhag gsum g.yon par 'bab po/ /nyin zhag des dman pa'i zla ba lnga pa dang drug pa dag la ji lta ba bzhin 'bab po/ /de ltar snga ma snga ma dang lhan cig tshogs pa'i zla ba dang po dang gsum pa dang lnga pa las gsum po 'di rnams nyid 'chi ltas kyi nyin zhag tu rnam par gzhag go/ /yang na nyin mtshan rnam par ma chad par 'bab pa rnam par bzhag ste/ 'chi ltas kyi nyin zhag gsum po 'dis lo gsum gyi nyin zhag gsum dang zla ba drug song ste 'dab ma de la srog gi rlung yang dag par rgyu ba med do/ /de ltar na 'pho ba bcu gcig rnams dang nyi khri brgyad gnyis brgya'i dbugs rnams kyis nyin mtshan byed de 'dab ma yongs su dor yang dbugs kyi 'khor lo dman pa med do/ /de bzhin du 'dab ma gnyis pa la zla ba bdun pa'i dang por 'chi ltas kyi nyin zhag bzhi'o/ / brgyad pa'i dang por lnga'o/ /dgu pa'i dang por drug ste sngar nyin zhag gsum du rnam par bzhag pa sngon gyi 'dab ma'i nyin zhag rnams dang lhan cig 'chi ltas kyi nyin zhag drug go/ /gnyis pa dang gsum pa la sogs pa'i nyin zhag rnams la ji lta bzhin 'bab po/ /'dis kyang zla ba gsum song ste de ltar zla ba gsum gsum gyis nyin zhag gsum rnam par 'phel ba las 'dab ma bcu gcig po 'di rnams lo gsum la rim pas 'dor ro/ /de ltar 'dab ma bcu gcig pa la 'bab pa las bad kan gyi bdag nyid snying stobs kyi khams rnams skam par 'gyur ro/ /'dab ma bcu gnyis pa la g.yas pa'i rtsar rab tu 'bab pa las 'dab ma gzhan la gnas pa zla ba gnyis pa dang bzhi pa drug pa'i mtshams kyi nyin zhag gsum gyis nyin zhag gnyis zad de mkhris pa'i bdag nyid rdul gyi khams zad pa las 'dab ma bcu gnyis pa skam par 'gyur ro/ /lte ba la snga ma bzhin du nyin zhag gcig dbu ma 'bab pa las rlung gi bdag nyid mun pa'i khams bskams nas srid pa gzhan du 'gro'o zhes pa g.yon pa'i 'chi ltas kyis rnal 'byor pa ma yin pa rnams 'chi ba'o/ /'di rtogs pa'i don du bri b a'i rim pa ni khyim bcu gnyis kyi 'khor lo rim pa gnyis pa'i shar la sogs pa'i 'dab ma bcu gcig la gsum dang drug dang dgu dang bcu gnyis dang bco lnga dang bco brgyad dang nyi shu rtsa gcig dang nyi shu rtsa bzhi dang nyi shu rtsa bdun dang sum cu dang sum cu rtsa gsum rnams te bcu gnyis pa la ni g.yon pa 'bab pa med pa'i phyir stong pa'o/ /phyi'i 'dab ma bcu gnyis la rim pas zla ba sum cu dang nyi shu rtsa bdun dang nyi shu rtsa bzhi dang nyi shu rtsa gcig dang bco brgyad dang bco lnga dang bcu gnyis dang dgu dang drug dang gsum rnams te bcu gcig pa la zla ba zad pa mtshon par byed pa stong pa'o/ /bcu gnyis pa la nyin zhag gnyis so/ /lte ba la nyin zhag gcig go/ /de ltar na gsum pa la sogs pa nyin zhag rnams la 'chi ltas 'phel lo/ /sum cu la sogs pa'i zla ba rnams la dge ba 'grib pa ni 'tsho ba zad pa'o/ /phyed dang bcas pa'i zla ba bcu dang ldan pa'i lo dgu bcu rtsa drug gi mtshams su nyi ma dang zla ba 'bab pa'i dus so/ /lo brgya rdzogs pa'i nyin zhag gsum gyis dman pa'i lo gsum dang phyogs gsum la dbu ma'i 'chi ba rgyu'o/ /'di rgyas par bshad pa mnyam dang mi mnyam zhes pa la sogs pa'o/ /gnyis pa la sogs pa sum cu rtsa gnyis kyi mthar thug pa mnyam pa'i nyin zhag rnams kyis g.yas dang / gcig la sogs pa sum cu rtsa gsum gyi mthar thug pa mi mnyam pa'i nyin zhag rnams kyi g.yon la ste de 'chi ba rgyu'o/ /ci zhe na skye ba'i dus su skyes pa glang la sogs pa'i dus sbyor gyi sa la sogs pa gang yang rung ba'i dkyil 'khor dang / de bzhin du lug la sogs pa'i dus sbyor gyi stong pa la sogs pa gang yang rung ba'i dkyil 'khor rnams kyis te de'i dkyil 'khor nas brtsams te zhes pa'i don to/ /'di yang g.yas pa dang cig shos kyi rtsa khams dang phung po la sogs pa'i 'bab pa rnam par nyams pa'i dbang du byas te lag pa phyis pa na ste spyir btang ba'i i byas pa la zas lnga pa'o/ /'thad pa gsungs pa/ gzhan du 'chi bar mi 'gyur te zhes pa'o/ /'dis 'di gsungs te/ mnyam pa'i dus sbyor la skyes pa'i dang po nyin zhag gnyis g.yas pa la 'bab po/ /slar yang nyin zhag gnyis ji lta ba bzhin du'o/ /de nas nyin zhag g.yon pa la 'bab po/ /nyin zhag gcig ji lta ba bzhin du'o/ /nyin zhag bzhi g.yas pa la'o/ /bzhi ji lta ba bzhin du'o/ / gsum g.yon pa la'o/ /gsum ji lta ba bzhin du'o/ /drug g.yas pa la'o/ /drug ji lta ba bzhin du'o/ /lnga g.yon pa la'o/ /lnga ji lta ba bzhin no/ /de bzhin du sum cu rtsa gnyis g.yas la'o/ /sum cu rtsa gnyis ji lta ba bzhin du'o/ /sum cu rtsa gsum g.yon pa la'o/ /sum cu rtsa gsum ji lta ba bzhin du'o zhes pa'i bar du'o/ /'dir g.yas pa la gnyis la sogs pa sum cu'i mthar thug pa mnyam pa'i nyin zhag gsum gsum gyi rim pas sa la sogs pa'i khams zad do/ /g.yon pa la gcig la sogs pa nyi shu rtsa dgu'i mthar thug pa mi mnyam pa'i nyin zhag gsum gsum gyi rim pas nam mkha' la sogs pa'i khams zad do/ /de la nyin zhag sum cu rtsa gcig gis snying stobs kyi khams zad do/ /nyin zhag sum cu rtsa gnyis kyis rdul gyi khams zad do/ /nyin zhag sum cu rtsa gsum gyis mun pa'i khams zad do/ /mi mnyam pa'i dus sbyor la skyes pa rnams kyi ni gcig la sogs pa'i rim pas 'di 'bab po zhes pa khyad par ro/ /de ltar nyin zhag gsum gyis dman pa'i lo brgya ste de'i steng du nyin zhag sum cu rtsa bzhi rgyu'o/ /de la nyin zhag gcig g.yas pa la'o/ / nyin zhag gcig g.yon pa la'o/ /de lta bzhin du rim pas nyin zhag sum cu rtsa gsum gyi bar du 'bab ste de las rim pa khams dang phung po dang yul dang dbang po dang las kyi dbang po'i bya ba dang / las kyi dbang po lnga rnams zad do/ /de nas dbu ma la nyin zhag gcig ste de las khams dang phung po la sogs pa drug pa rnams bskams nas srid pa gzhan du 'gro'o/ /de ltar rnal 'byor pas 'chi ltas kyi mtshan nyid shes nas de slu ba'i thabs gsungs pa/ 'chi ltas zhes pa la sogs pa'o/ /de la nyi ma'i 'chi ltas su gyur na rdo rje skyil krung bcings nas srog rtsol sngon du 'gro bas dpung pa g.yas pa nu ma g.yas pa btsir ba las dkyil 'khor lnga 'bab pa'i bdag nyid g.yas pa las bkug ste g.yon pa la srog yang dag par rgyu bar bya'o/ /des nyi ma'i 'chi ltas ldog go/ /de bzhin du g.yon pa las g.yas pa la zla ba'i 'chi ltas ldog go/ /de bzhin du skyil krung byas nas thig ler te dpral bar gnas pa'i pad+ma 'dab ma bcu drug dkar po'i dbus su srog rtsol sngon du 'gro bas sems gzhug par bya'o/ /srog ni thig ler gzhug par bya/ /zhes pa gtso bor 'dzin pa'i mtshan nyid do/ /'di ni bsnyen pa'i yang gtso bo ste 'chi ltas slu ba'i thabs so/ /a wa d+hU tI'i zhes pa la sogs pa'i gzhung yang de'i dgongs pa nyid kyis sbyar bar bya'o/ /de bzhin du skyil krung bcings nas a wa d+hU di'i zhabs ni lte ba'i pad+ma drug cu rtsa bzhi pa ser po ste de'i dbus su zla ba'i dkyil 'khor la aM yig dkar po'i steng du re khA'i rnam pa de dang rab tu sbyor ba bsgom par bya'o/ /de bzhin du rtag tu rdo rje bslang bar bya rang gi lag pa'i mtsho skyes la sogs pas ji ltar thig le phyi rol du mi 'byung bar te 'chi ltas kyi rgyu zla nyi'i bgrod pa 'joms pa las so/ /thabs 'di gtso bor gsungs pa/ gzhan du zhes pa la sogs pa'o/ /steng gi 'chi ltas slu ba brjod nas/ 'og gi 'chi ltas gsungs pa/ 'og tu'ang dung can mar thur sel zhes pa ste 'og tu yang dung can ma'i rtsa 'ba' zhig la ma yin par bshang ba dang gci ba 'bab pa dag thur sel zhes bya ba'i rlung 'bab na zhes pa lhag ma'o/ /rgyun du bshang ba dang gci ba 'bab pa nyid kyis de ma zhugs pa las kyang 'chi ba'o/ /de la 'chi ltas slu ba'i thabs kyi zol gyis dga' ba rnams 'chi ltas zhes pa la sogs pas mdor bstan te/ mgo bo'i zhes pa la sogs pa rgyas par bshad pa'o/ /gtsug tor gyi pad+ma 'dab ma bzhi pa'i dbus las dpral ba'i chu skyes 'dab ma bcu drug pa'i dbus su khu ba dga' ba dang bzang po dang rgyal ba dang stong pa dang rdzogs pa zhes bya ba cha lngas 'ongs pa gnyis ka la khyab pa ni dang po dga' ba'o/ /de nas mgrin pa snying gar mchog dga' zhes pa mgrin pa'i chu skyes 'dab ma sum cu rtsa gnyis pa las snying ga'i pad+ma 'dab ma brgyad par snga ma bzhin khyab pa mchog dga'o/ /dga' bral dga' ba de nas 'gyur/ /zhes pa lte ba'i pad+ma 'dab ma drug cu rtsa bzhi pa las gsang ba'i chu skyes 'dab ma sum cu rtsa gnyis par khyab pa dga' bral dga' ba'o/ /de yang sna tshogs dga' ba dam por 'khyud pa dang / shAti yig dang mgrin pa'i kU dza na la sogs pa lte ba dang gsang bar yang phyi rol rtogs pa kha phyir phyogs pa'i bde ba zos pa ste bdag gis zhes rtogs pa'i mtshan nyid rang rig pa tsam dga' ba'i mthar thug pa skye ba yin gyi dga' ba dang bral ba'i bde ba ni ma yin no/ /de nas gsang ba'i pad+ma nas rdo rje nor bu'i nang du gnas pa'i chu skyes 'dab ma brgyad pa'i bar du mi g.yo ba'i cha bcu drug pa 'ongs pa ni lhan cig skyes pa'i dga' ba ste/ 'dzin pa'i stobs kyi phyi rol du bgrod pa med pa'i phyir mi 'pho ba'o/ /'dod chags bral las te chags pa'i dga' ba dang bral ba las gtsug tor du gnas pa'i bde ba ste khu ba gang yin pa de rab tu gnas pa'o/ /rdo rje nor bu las 'pho ba med pa gang yin pa de ni mya ngan las 'das pa'o/ /bde ba'i rgyal po 'di ni gtsug tor dang rdo rje nor bu'i bar du khyab pa'i phyir rab tu mi gnas mya ngan 'das pa yin no/ /de nyid kyi phyir chags chen dang mi 'gyur ba yang ste/ gtso bo yin pa'i phyir khyab bdag 'jig rten gsum gyi dbang phyug ste thams cad de'i gnas 'dod pa dang mngon par 'dod pa nyid kyi phyir ro/ /bdud rtsi yin pa nyid kyi phyir khu ba nyid zla ba ste khu ba zla ba de'i gtsug tor du 'char ba ni dkar po'i tshes gcig ste gsang bar rdzogs pa gsum pa ji srid par ro/ /'dir byang chub kyi sems la dga' ba la sogs pa'i dbye bas rdzogs pa gsum du 'gyur te gsang bar dga' bral dga' ba las ni/ bcu drug cha gang de nor bu'i/ /pad+ma rdo rje'i rtse mor gnas/ /rdo rje'i rtse mo'i mthar gnas par 'gyur ro/ /de las steng du nag po'i tshes gcig 'ongs pa na ste chags bral rab tu zhugs pa'i dus su 'gyur te 'pho ba'i dus nyid nag po'i tshes gcig go zhes pa'i don to/ /de ni 'dod chags nyams pa'i phyir nag po'i phyogs te rdul gyi gzugs kyis nyi ma'i cha dang po nor bu'i rtse mo la'o/ /de nas 'dod chags bral bas nyi ma mdzod spu'i gnas dpral bar 'gro ste gnam stong ngo zhes pa'i don to/ /de nas/ nyi ma'i cha shas bcu drug ma/ /gtsug tor pad+mar son pa'o/ /de nyid zla ba nyams pa zhes brjod de nyi mas rdul gyi gzugs kyis bkab pa nyid kyi phyir ro/ /chags pa'i bde ba la chags bral phyir yang de nyid do/ /lus can thams cad de lha dang lha ma yin dang mi la sogs pa rnams 'chi ba na ste 'chi ba'i dus su zla ba bdud rtsi 'og tu 'gro zhes pa zla ba bdud rtsi byang chub kyi sems 'pho ba'i chags pa goms pa las brjod pa'i rim pas 'og tu khu ba'i lam nas 'gro'o/ /de bzhin du nyi ma rdul steng du 'gro'o/ / sgra gcan mi shes pa ma rig pa'i bag chags dang lhan cig stobs dang ldan pa'i srog dang bcas pa'irnam shes 'di dngos po'i mtshan nyid la ste dge ba dang mi dge ba'i las kyi sprul pa'i skye ba gzhan du 'gro'o/ /gang gi phyir de ltar yin pa'i rgyu de'i phyir zla ba bdud rtsi khu ba'i khams ni brjod pa'i lam bsgoms pas steng du ste gyen du bgrod pa dang / 'og tu yang nyi ma rdul bgrod pa dang / sgra gcan gyi mtshan nyid rnam shes 'gyur med bde ba la bgrod par bya'o/ /bcom ldan 'das kyis kyang sngon 'di mdzad do zhes pa la sogs pa ston pa sangs rgyas zhes pa la sogs pa'o/ /sangs rgyas rnams kyi ni zla ba bdud rtsi nya ste cha bco lnga yongs su rdzogs pa nyid mdzod spu'i pad+mar te dpral bar 'gyur ro/ /nyi rdul gnam stong gsang bar 'gyur ro/ /sangs rgyas rnams kyi de dag ste zla ba dang nyi ma cha bcu drug pa dag rim pa ji lta bas gtsug tor dang rdo rje nor bu'o/ /de mtshan yang dag par brjod par gsungs pa/ rkang pa gcig gis mthil gnon pa/ /sa yi snying po mthil gnas pa/ /tshangs pa'i sgo nga'i rtse mo gnon/ /rkang mtheb sen mo la gnas pa/ /zhes pa ste/ brjod pa ni rdo rje'i tshig ste bgrod par bya ba dang rtogs par bya ba'o/ /gang gis tshig mi 'gyur ba'i ye shes de'i zhabs la tshig gi sgrub byed spyi bos rtag tu phyag 'tshal ba'o zhes pa mi phyed pa'i ye shes ni ston pa'o/ /lus can kun gyi zhes pa 'khor ba pa thams cad kyi phyin ci log la rab tu gnas pa ma yin pa'o/ /de'i phyir/ rab gnas mya ngan 'das pa min/ /zhes bya ba bde ba chen po'i ming can lus dag pa las sa la sogs pa'i khams rnams phyin ci log sgrib pa 'bad pa nyid du 'gyur ro/ /khams gzhan de rnams dbyer med pa 'dzin pa'i stobs kyis rang n yams su rab tu 'jug pa'i gtum mo 'bar ba las dga' ba la sogs pa'i dbye bas spyi bo las babs pa'i lus dang ngag dang sems ye shes kyi thig le rnams brjod pa'i rims pas phyi rol du 'byung ba med pa'i phyir mi 'gyur ba'i bde ba rdzogs pa rnams kyi sku bzhi'i rnam par dag pa gsungs pa/ nor bur zhes pa la sogs pa'o/ /bde chen las zhes pa bde ba chen po'i ming can dag pa'i sku las te phyin ci log gis sku'i thig le gang yin pa de bzhin pa'i gnas skabs zad pa'i sku ste/ de yang rdo rje rtse mor gnas so/ /de las nor bur thugs shin tu gnyid log zad par las so/ /gsang bar rmi lam zad par las so/ /lte bar sku sad pa'i gnas skabs zad pa las so/ /chos dang longs spyod rdzogs pa dang sprul pa'i sku 'di rnams kyang dag pa'i sku las spro ba'o/ /thabs kyi 'og tu zhes pa rdo rje nor bu'i rtse mo las chos kyi sku la sogs pa 'di rnams kyi spro ba gang yin pa de thabs kyi cha'i rnam par gzhag pa'o/ /shes rab kyi ni slar yang steng du 'gyur te/ de ston pa 'di'i zhes pa'o/ /shes rab 'di'i sprul pa zhes bya ba sku rdo rje dpral bar te snga ma bzhin du phyin ci log gis so/ /de bzhin du/ mgrin snying lte ba'i 'dab skyes la/ / rim pa ji lta bas gsung thugs ye shes rdo rje rnams ni longs spyod rdzogs pa dang chos dang lhan cig skyes pa'i sku rnams te shes rab kyi cha'i rnam par gzhag pa'o/ /de bzhin du shes rab dang thabs kyi bdag nyid de rdo rje sems dpa'i sku las phung po la sogs pa rnams rnam par snang mdzad la sogs pa'i gzugs nyid kyi sems can gyi ched du spro ba'o/ /'dis ni don gyis rjes su dran pa'i yan lag mdor bstan pa'o/ /'bras bu mdor bstan nas de sgrub thabs gsungs pa/ las kyi phyag rgya zhes pa la sogs pa'o/ /las kyi phyag ni nu ma dang skrar ldan pa 'dod pa'i khams kyi bde ba'i rgyu'o/ /las ni tsum+ba na dang 'khyud pa dang gsang bar reg pa dang rdo rje bskyod pa la sogs pa bya ba'i bdag nyid can te/ des nye bar mtshon pa'i phyag rgya ni yid ches par byed pa mo yin la yid ches pa ni 'dir 'gyur ba'i bde ba mtshon par byed pa ste/ mu dam bde ba'i khyad par rA ste ster ba'o zhes pa phyag rgya'o/ /ye shes kyi phyag rgya ni rang gi sems kyis yongs su brtags pa sna tshogs yum la tshogs pa lha mo'i rang bzhin rjes su longs spyod pa ji srid par te gzugs kyi khams kyi bde ba'i rgyu'o/ /ye shes ni sngon dgong pa dang blta ba la sogs pa bsgoms pa'i mtshan nyid de/ yid ches pa ni 'dir g.yo ba'i bde ba mtshan par byed pa'o/ /chen po yang 'di yin la phyag rgya yang yin pas phyag rgya chen po'o/ /slar yang 'di'i chen po nyid ni rnam pa thams cad kyi mchog dang ldan pa nyi tshe ba ma yin pa nyid yin la byang chub kyi sems rdo rje 'dis rgyas 'debs pa'i phyir phyag rgya ste/ yid ches pa ni 'dir rang gi sems kyis yongs su brtags pa'i chos dang bral ba du ba la sogs pa'i mtshan ma sngon du 'gro ba'i rang gi sems rab tu gsal ba rnal 'byor bas rtogs par bya ba pra phab pa lta bu'o/ /'bras bu'i ngo bo phyag rgya chen po ni mu dam mchog tu mi 'gyur ba'i bde ba'i ye shes kyi mtshan nyid de rA ti gang ba'i gnas skabs mi g.yo ba'i sbyor bas dus thams cad kun nas ster ba'o zhes pa phyag rgya'o/ /'di'i chen po nyid kyang spangs pa chen po nyid dang rtogs pa chen po nyid kyis so/ /de la spangs pa chen po nyid ni bag chags dang bcas pa'i sgrib pa thams cad spangs pa'i mtshan nyid rang bzhin zhes bya ba'i 'od gsal ba mngon du byed pa'i mtshan nyid do/ /rtogs pa chen po nyid ni yongs su dag pa sangs rgyas thams cad kyi bdag nyid zung du 'jug pa zhes bya ba chos sku mngon du byed pa'i rang bzhin no/ /gang zhig yid mun pa nyams pa la sogs pa dri ma ma lus pa dang bral ba nam mkha' lta bu stong pa nyid dang ro gcig pa 'od gsal ba mngon sum du byed pa kho na sangs rgyas kyi chos mtha' dag rtogs pas te/ ma lus pa'i rgyu ni sna tshogs pa'i don phun sum tshogs pa'i nus pa'i ngo bos de la sangs rgyas kyi chos thams cad yod pa nyid kyi phyir ro/ /de nyid kyi phyir chos rnams kyi rten gyi sku ni chos kyi sku'o zhes brjod do/ /de la yang rab tu snang ba ma yin na yang rtogs par rnam par gzhag pa yin na bum pa rab tu snang ba na snam bu la sogs pa rtogs par thal ba bzlog par dka' ste/ gang yang grangs can pa'i lta ba sun ma phyung ba kho nar 'gyur ro/ /gzhan yang sgyu ma rang rmi lam dang dri bra'i grong khyer dang bral bab la sogs pa bzhin du ma brtags pa'i phung po khams dang skye mched la sogs pa ma lus pa mthong ba kun rdzob kyi bden pa mthong ba ste rang byin gyis brlab pa yang brjod do/ /kun rdzob kyi bden pa nyid kyang don dam pa'i dben pa'i bdag nyid 'od gsal ba yongs su dag pa me long lta bu'i ye shes la sogs pa'i ngo bo rnam par snang mdzad la sogs pa brten pa'i tshogs dang khang pa brtsegs pa la sogs pa rten gyi dkyil 'khor yang ste de nyid 'jig rten las 'das pa'i dkyil 'khor nyid dang sangs rgyas kyi chos kyi rang bzhin nyid kyis kyang rgyud kyi rgyal po thams cad du gsungs so/ /bden pa gnyis gnyis su med pa'i rang bzhin 'di nyid zung du 'jug pa zhes brjod do/ /de'i phyir zung du 'jug pa'i sku nyid chos kyi sku ste/ longs spyod rdzogs pa dang rang bzhin dag las tha dad par gyur pa rnal 'byor pas so so rang gis rig par bya ba'o/ /'phags pa 'jam dpal zhabs kyis kyang rgyud phyi mar gsungs pa/ gang du yang dag min zhes bden par dkar po dge ba'i tshogs rnams rgyal ba rnams kyi chos kyi sku/ /chos la longs spyod rdzogs pa'i sku ste mtha' dag skad kyi tshogs so mtshan dang dpe byad rnams kyi ni/ /phung po sprul pa'i sku ste mchog tu mi 'gyur ba yi bde ba chos sku ma yin de yi phyir/ /sku rnams kyi ni mtshan nyid gang de 'dir ni bde bar gshegs dang 'phags pa klus bod kyis kyang ste/ /gang zhig gcig min du ma yang min rang dang gzhan la phan pa phun tshogs chen po'i gzhir gyur pa/ /dngos med nyid min dngos po ma yin nam mkha' bzhin du ro mnyam rtogs par dka' ba'i rang bzhin can/ /gos pa med la rnam 'gyur med cing zhi zhing mi mnyam mnyam la khyab pa rab tu spros med pa/ /so so rang gis rig bya rgyal ba rnams kyi chos sku dpe med de la bdag ni phyag 'tshal lo/ /gang zhig 'jig rten las 'das bsam gyis mi khyab legs byas brgya yi 'bras bu bdag nyid 'byor ba ni/ /blo ldan rnams kyi dga' ba'i rgyur ni 'khor gyi nang du rnam pa sna tshogs rgyas par ston mdzad cing / /sangs rgyas rnams kyis dam pa'i chos sgra rgya chen 'jig rten thams cad du ni rab tu spro mdzad pa/ /'dir ni chos kyi rgyal srid chen por gnas pa longs spyod rdzogs sku de la bdag ni phyag 'tshal lo/ /gang zhig sems can rnams ni smin pa'i slad du 'ga' zhig dag tu me bzhin 'bar bar snang byed cing / /gang zhig rdzogs pa'i byang chub chos kyi 'khor lor la lar yang ni slar yang rab tu zhi ba ston/ /srid pa gsum gyi 'jigs pa 'phrog pa sna tshogs thabs tshul rnams kyis rnam pa du mar rab 'jug pa/ /thub pa rnams kyis sprul sku don chen phyogs bcu rnams su rjes su son pa de la phyag 'tshal lo/ /'jig rten gsum gyi spyod pa las grol nam mkha' mnyam par gnas pa dngos po thams cad kyi/ /rang bzhin dag pa zhi zhing rnam par dben la mchog tu zhi ba'i rang bzhin rnams kyis rtogs bya nyid/ /rtogs par dka' zhing rnam par spyad dka' rang dang gzhan la phan pa khyab pa mtshan med rnam rtog dang / /bral ba gcig pu'i sku ni rgyal ba rnams kyi mi mnyam mnyam pa bde ba'i sku la phyag 'tshal lo/ /bdag gi sdig pa'i chos rnams thul/ /des na nyer 'gro nga rgyal ba/ /zhes pa'i gsung las bdud bzhi las rnam par rgyal ba ste/ yang dag par rdzogs pa'i sangs rgyas rnams so/ /de rnams kyi bde ba'i sku la phyag 'tshal lo zhes pa bde ba chen po'i ming can sgrib pa thams cad dang bral ba nyid kyis nam mkha' ltar 'od gsal ba mchog tu mi 'gyur ba'i bde ba'i ye shes kyi mtshan nyid can sku bzhi pa la phyag 'tshal lo zhes pa'i don to/ /mi mnyam pa mnyam pa zhes pa rgyu mthun pa la sogs pa'i rim pas phul du byung ba mthar thug pa thob pa dri ma med pa'i ngo bo nyid kyi phyir mi mnyam pa nyan thos dang rang sangs rgyas dang byang chub sems dpa'i bde ba rnams dang thun mong ma yin pa ste/ chos thams cad ro gcig pa nyid kyi phyir mnyam pa'o/ /'jig rten gsum gyi spyod pa las grol zhes pa 'jig rten gsum gyi spyod pa ni dgod pa dang blta ba la sogs pa'i mtshan nyid kyi bde ba ste/ de las grol ba ni yongs su spangs pa'o/ /gzhan du na bde ba yang de kho nar 'gyur ro/ /rtsa ba'i rgyud du gsungs pa/ dbang po gnyis skyes bde de nyid/ /lha dang chags can rnams kyir brjod/ /'jig rten gsum spyod nges par grol/ /sangs rgyas rnams kyi mi 'gyur bde/ /dgod dang blta ba sogs las grol/ /kun du 'khyud pa rnam par spangs/ /rgyu dang 'bras bu nges par grol/ /gnyis med 'jig rten gsum du snang / /zhes pa ste/ dgod pa dang blta ba dang lag pa bcangs pa dang gnyis gnyis 'khyud pa las yang dag par byung ba 'jig rten pa'i spyod pa'i bde bar 'gyur ba dang g.yo ba spangs pa mchog tu mi 'gyur ba zhes pa'o/ /nam mkha' mnyam par gnas pa zhes pa nam mkha' mnyam pa 'dra bar gyur pa rtogs pa gnag zhig yin pa de bzhin du de'o/ /ji ltar nam mkha' khyab pa nyid kyis thams cad du gnas kyang dngos po 'ga' zhig la chags pa med la mtshan nyid spangs pa yang yin pa de bzhin du bcom ldan 'das kyang shes bya'i yul lam lus pa mkhyen yang chos 'ga' zhig la rab tu gnas pa med la mtshan nyid spangs pa yang yin no zhes pa'i don to/ /ji skad du lung du gsungs pa/ ye shes nges pa med pa yis/ /zhing rnams thams cad gzigs par gyur/ /sems can kun gyi spyod pa yang / /dmigs med khyod la phyag 'tshal lo/ /zhes pa'o/ /in+d+ra b+hU ti'i zhabs kyis kyang ye shes grub par/ /ji ltar rab tu mi gnas pa'i/ /nam mkha' khyab par mtshan nyid spangs/ de ni mchog gi de nyid brjod/ /rdo rje ye shes bla na med/ /ces pa'o/ /gzhan du yang / ji ltar rab tu mi gnas pa'i/ /nam mkha' khyab par mtshan nyid spangs/ /bstan du med cing gzugs med kyang / /'di ni de nyid mtshan nyid do/ /zhes pa'o/ /yang nam mkha' la mnyam par gnas pa ni 'di'i gnas skabs so zhes pa nam mkha' mnyam par gnas pa bde ba chen po'i sku ste/ kha dog dang dbyibs dang bral ba'i phyir nam mkha' ltar snang ba thams cad dang bral ba'o zhes pa'i don no/ /gsungs pa yang / /sangs rgyas rnams la sku gang zhig /snang ba med cing rten med pa/ /ma skyes ma byas dag pa ste/ /dngos po dngos med la sogs spangs/ /zhes pa'o/ /dpal ldan rgyud du yang / /nor bu shel bzhin rgyal ba'i ye shes rdo rje zhes pa'o/ /tsan+d+ra go mi'i zhabs kyis kyang / gang zhig rnam dag nam mkha' bzhin/ /mi shes mun pa 'khrigs pa yis/ /bsgribs pa zla ba'i 'od kyis bzhin/ / dngos po rgyal ba rnams kyis rig /ces pa'o/ /dngos po thams cad kyi rang bzhin zhes pa rgyu dang rkyen dag 'dra ba las byung ba'i phyir dngos po phung po dang khams dang skye mched la sogs pa'i ngo bo brtan pa dang g.yo ba gnas pa'i don rnams te/ de rnams thams cad dang khams gsum ba ma lus pa yang dag par bsdus pa'i dngos po rnams kyang ngo / /de rnams kyi rang bzhin de skyed pa dang de nyams pa dag las yod pa dang med pa la sogs pa'i spros pa thams cad spangs pa bde ba chen po'i rang bzhin de bzhin nyid gcig pu'i ngo bo nyid do/ / 'phags pa rdo rje snying po'i zhabs kyis kyang gsungs pa/ rnam par rtog pa med yid la/ /sgom pa po med bsgom bya med/ /sngags med lha ni yod ma yin/ /gnas pa chad pa yod pa ste/ /spros pa med pa'i rang bzhin las/ /zhes pa lhan cig skyes pa'i dga' ba'i rang bzhin rnam par rtog pa'i mtshan ma thams cad so sor nub pa de nyid kyi gzugs kyis so zhes pa'o/ /tsan+d+ra go mi'i zhabs kyis kyang / /chos kyi sku 'di'i de bzhin nyid/ /rnam rtog rnams kyi spyod yul min/ /sems can thams cad kyi rang bzhin/ /don kun gyi ni rjes su 'gro/ / yod dang med dang mi rtag nyid/ /brtan dang sna tshogs nyid gcig nyid/ /dag dang ma dag byang chub kyang / /thams cad 'dir ni brtags pa ste/ /chu gter la ni rlabs bzhin dang / /me long la ni gzugs brnyan bzhin/ /don la rmi lam ro mnyam bzhin/ /gang du dngos rnams yang dag 'byung / /gang zhig rnam dag nam mkha' bzhin/ /mi shes mun pa 'khrigs pa yis/ /bsgribs pa zla ba'i 'od kyis bzhin/ /dngos po rgyal ba rnams kyis rig /sna tshogs gzugs can sku rnams kyis/ /de nyid 'gro ba'i ngo bo nyid/ /gang du ro gcig nyid 'gyur ba/ /rgya mtsho la ni chu bo bzhin/ /rnam pa de lta'i sku 'di de/ /chos sku 'di ni skyob pa yi/ /rnam pa thams cad rnam dag pa'i/ /rdzogs pa'i byang chub spyod yul nyid/ /ces pa ste/ yongs su dag pa'i sangs rgyas rnams kyi chos rnams mtha' dag gi rten dang / rgyu'i sku ni chos sku'o/ /dag pa zhes pa nyon mongs pa'i dri ma rnams dang ma 'dres pa'o/ /zhi zhing zhes pa khams bco brgyad kyi rnam 'gyur dang bral ba ste/ 'phags pa rdo rje snying po'i zhabs kyis kyang gsungs pa/ ngo bo gzugs med ces pa la sogs pa la rang gi ngo bo ni rang rig par byed pa de bzhin nyid kyi ye shes te/ rang gi ngo bo gzung ba dang 'dzin pa'i khams bco brgyad kyi rnam 'gyur dang bral ba des rnal 'byor pa rnams kyi phyi rol gyi gzugs med mthong ba med mig gi rnam par shes pa med do/ /de bzhin du sgra med nyan pa med rna ba'i rnam par shes pa med do/ /de bzhin du dri med sgom pa med sna'i rnam par shes pa med do/ /de bzhin du ro med myong ba'ang med lce'i rnam par shes pa med do/ /de bzhin du reg bya med reg par bya ba'ang med lus kyi rnam par shes pa med do/ /de bzhin du chos kyi khams med 'dzin pa med yid kyi rnam par shes pa med do/ /de ltar khams bco brgyad kyi rnam 'gyur dang bral ba'i de kho na rin po che rnal 'byor pas bsgom par bya'o zhes pa'o/ /rnam par dben la zhes pa shes bya dang snyoms par 'jug pa la sogs pa'i sgrib pa las tha dad par gyur pa'o/ /de nyid kyi phyir nye bar 'tshe ba thams cad dang bral ba las shin tu brtags pa'i bdag nyid dang rgyus kyang mchog tu zhi ba'i rang bzhin no/ /rnal 'byor rnams kyis rtogs bya nyid/ /ces pa rnal 'byor ni yan lag drug gi rnal 'byor yin la/ /gang la rnal 'byor de phul du byung ba mthar thug pa thob pa de rnams 'di rnal 'byor pa ste rdo rje 'dzin pa chen po'i gnas thob pa de rnams kyi rtogs bya nyid do/ /de'i phyir rkyen gzhan gyis mi rtogs pa 'dis 'di'i so so rang gis rig par bya ba rab tu gsal bar mdzad de/ de ni gus pa dang rgyun mi 'chad par rab tu 'jug pa du ba la sogs pa'i lam bsgom pa phul du byung ba mthar thug pas rtogs par bya ba nyid kyi phyir byis pa'i rnal 'byor pa rnams kyis rtogs par dka' ba'o/ /thos pa dang bsam pa'i rang bzhin gyi shes pas phul du byung ba'i 'bad pa dang ldan pa rnams kyis kyang yongs su gcod par mi nus pa nyid kyi phyir rnam par dpyad dka' ba'o/ /rang dang gzhan la phan pa zhes pa bag chags dang bcas pa'i sgrib pa thams cad spangs pa'i mtshan nyid rang gi don phun sum tshogs pa'i sbyor ba las mtha' gcig tu rang la phan pa dang bsam pa ji lta ba dang rigs ji lta bar yang de'i byin rlabs las longs spyod rdzogs pa dang sprul pa dag gis gzhan gyi don ma lus pa rdzogs pa gzhan la phan pa yang zhes pa'i don to/ /yul dang dus so sor nges pa med pa'i phyir khyab par bya ba gzhan gyi sems la sogs pa dngos po thams cad khyab par byed pa'o zhes pa khyab pa'o/ /las dang ye shes kyi phyag rgya la sogs pa'i rgyu dang bral ba nyid kyi phyir mtshan med do/ /gzung ba dang 'dzin pa'i dbyibs dang rnam par rtog pa gnyis gnyis 'khyud pa spangs pa'i phyir rnam rtog dang bral ba'o/ /don dam pa'i bden pa gcig pu'i gzugs la gcig pu gnyis med pa ste 'dir gnyis pa kun rdzob kyi bden pa med pa'i phyir ro zhes pa rnam rtog dang bral ba gcig pu'i sku'o/ /'phags pa pad+ma dkar po'i zhabs kyis kyang gsungs pa/ rnam pa thams cad mchog ldan pa'i/ /sku ni mos pa sna tshogs las/ /rang rang bsam pas sems can gyi/ /mthong ba sprul pa'i mtshan nyid do/ /gang zhig sems can kun gyi sgras/ /rdzu 'phrul bdag nyid rab gsal byed/ /sems can bsam pa'i dbang gis 'di/ /longs spyod rdzogs sku'i mtshan nyid do/ /mi rtag pa min rtag pa'ang min/ /gcig min du ma'i mtshan nyid min/ /dngos min dngos po med pa'ang min/ /gang 'di rten bral chos sku'o/ /stong nyid snying rje dbyer med cing / /chags dang chags bral rnam par spangs/ /shes rab ma yin thabs kyang min/ /'di ni ngo bo nyid sku gzhan/ /zhes pa'o/ /rang gi lta ba'i 'dod pa mdor bstan par yang / gzugs kyi phung po mtha' yas pa/ /bdag gi sprul sku mchog yin te/ /sgra yi phung po mtha' yas pa/ /bdag gi longs spyod rdzogs sku mchog /chos kyi phung po mtha' yas pa/ /bdag gi chos skur rab tu grags/ /bde ba'i phung po mtha' yas pa/ / bdag gi bde sku 'gyur med mchog /bsdus pa phung po de bzhin sku/ /yang dag bsags par yongs su grags/ /zhes pa'o/ /mngon par rtogs pa'i rgyan la sogs pa rnams su yang rang bzhin dang longs spyod rdzogs pa dag las tha dad pa nyid kyis chos kyi sku rnam par gzhag go/ / rang bzhin brjod par bya ste/ dang po nye bar bstan pa thob pa'i rjes su mthun par las kyi phyag rgya'i snyoms 'jug gis rnam par rtog pa chen po'i chen po zad pa las 'gyur ba'i bde ba chung ngu'i chung ngu 'phel lo/ /de bzhin du sna tshogs yum la sogs pa'i lha mo ye shes phyag rgya'i dmigs pas rnam par rtog pa chen po zad pa las 'gyur ba'i bde ba chung ngu 'phel lo/ /dpal ldan rgyud du yang gsungs pa/ rgyal ba'i lhan skyes bde ba 'di ni 'phel ba'i don slad dang por las kyi phyag rgya bsten par bya/ /de nas nyi ma'i gzugs ni gdong dang lag pa rkang pa gtsug tor yan lag thams cad rdzogs pa ste/ /zhes pa la sogs pa'o/ /dang po'i sgra las phyag rgya chen po'i gzugs snga ma du ba la sogs pa'i gzugs chos kyi phyag rgya'i dmigs pas nyon mongs pa chung ngu zad pa las mi 'gyur ba'i bde ba chen po 'phel lo/ /gzugs phyi ma sna tshogs gzugs zhes bya ba phyag rgya chen mo goms pas bag chags dang bcas pa'i sgrib pa chung ngu'i chung ngu zad pa las mi 'gyur ba'i bde ba chen po'i chen po 'phel lo/ /'phel ba zad pa spangs pa ma yin nam mi 'gyur ba'i bde ba ji ltar 'phel bar 'gyur zhe na/ gsungs pa/ 'phel ba'i 'phel bar 'gyur ba med/ /ces pa'o/ /rim gyis 'byung ba'i don rnams gser dang nam mkha' dag pa bzhin du sgrib pa spangs pa ni 'phel ba ste/ brjod pa'i 'phel ba'i bag chags dang bcas pa'i sgrib pa thams cad spangs pa dri ma med pa zhes bya ba rdzogs pa'i gnas skabs kyi bdag nyid 'phel bar 'gyur ba de yang med do/ /de bzhin du rim gyis 'byung ba'i sgrib pa nye bar bsags pas slar yang nyams par 'gyur ro/ /de'i phyir nyams pa de'i nyams pa nyid du brtags pa gang yin pa de yang med de/ rtag par brjod pa nyid kyi phyir ro/ /de lta mod kyi 'on kyang 'phel ba dang zad pa dag med pa'i phyir ci ltar lam la sogs pa 'bras bu med par mi 'gyur zhe na/ gsungs pa/ rang bzhin med pa'i chos rnams kyi/ /zhes pa'o/ /chos gang zhig 'phel ba la sogs pa rnams kyi rang bzhin med pa de rnams ni rang bzhin med pa'i chos rnams te/ de rnams kyi skye ba dang 'jigs pa gang yin pa de yang de kho na ma yin pa sgyu ma lta bu'o/ /de bzhin no'i sgra las nub pa dang 'char ba la sogs pa'i mtshan nyid kyang 'jig rten kun rdzob sgyu ma lta bu ste/ de gsungs pa/ 'byung rnams 'jigs par mi 'gyur te/ /rang bzhin nyid kyis skye mi 'gyur/ /zhes pa'o/ /de nyid kyi phyir/ sna tshogs 'di ni rang bzhin med/ /dngos po dngos med mtshan nyid gcig /ces pa kun rdzob tu don bya ba byed pa'i phyir dngos po'i ngo bo ste/ de kho na rang bzhin stong pa nyid kyi phyir dngos po med pa'i mtshan nyid do/ /'gyur ba dang g.yo ba la sogs pa bsgom pa gsungs pa/ rang gi shes rab ces pa la sogs pa'o/ /gang gi tshe las kyi phyag rgya la sogs pa rang gi shes rab la 'khyud pa'i byang chub kyi sems rdo rje nor bu'i pad+mar son pa de'i tshe rdo rje nor bu der son pa'i zla ba las kyi phyag rgya'i bde ba ni 'gyur ba'i gnas skabs so/ /ye shes kyi phyag rgya'i bde ba ni g.yo ba'i gnas skabs te/ g.yo ba zhes pa dngos po ste de'i chos las 'gyur ba yang yang dag par bzung ba'o/ /bde ba'i gnas skabs 'di dag mngon sum du byas pa'i 'dod pa dang gzugs kyi khams kyi dbang phyug gi mtshan nyid 'jig rten pa'i dngos grub bsgrub pa'o/ /phyag rgya chen po mi g.yo ba dang mi 'gyur ba bsgom pa ni thams cad mkhyen pa nyid kyi mtshan nyid 'jig rten las 'das pa'i dngos grub bsgrub pa'o/ /lus ngag sems kyi rtsa rnams su/ /zhes pa la sogs pa la dbu ma nyid dga' ba bzhi la srog rtsol gyi stobs kyi khu ba thig les khyab pa'i cha bzhi lus la sogs pa'i rtsa bzhir rnam par gzhag go/ /de nas dpral bar sku bsgom pa'o/ / snying gar gsung bsgom pa'o/ /gsang bar thugs bsgom pa'o/ /sku la sogs pa'i thig le rnams legs par bsdus pa gcig pa nyid kyang rdo rje nor bur ye shes pa bsgom pa ste tshigs su bcad pa gnyis kyis ting nge 'dzin gyi yan lag mdor bstan pa'o// //thig le bzhi po rnams kyi bcing ba gsungs pa/ shes rab ces pa la sogs pa'o/ /shes rab chags pas zhu ba'i ni gtum mo 'bar bas zhu ba'i thig le rnams brjod pa'i rim pas mgo bo dpral ba'i pad+ma las rdzogs pa'i gnas nor bu'i pad+ma ste der zhugs pa nor bu'i pad+mar son pa rnams 'ching ba dam pa'i shes rab ces pa la sogs pa'o zhes pa srog bcings pa mi 'gyur ba'i bde bas kho na bsgom par bya'o zhes pa ji srid par ro/ /brjod pa'i rim pas mi 'gyur ba'i bde ba 'phel ba dang zad pa la sogs pa de kho na ma yin par rtogs pa de nyid 'jig rten pa'i dpes ston pa/ ji ltar zla shar zhes pa la sogs pa'o/ /ji ltar zla shar rim pa yis/ /cha rnams kyis ni rdzogs par 'gyur/ /'jig rten pa'i zla ba rdzogs pa ni grib ma nyams pa nyid 'ba' zhig rdzogs pa ste/ de chad pa'am rdzogs pa ni ma yin no/ /de ni rtag tu rdzogs pa'i yin yang mun pas bkab pa dang ma bkab pa dag las nyams pa dang rdzogs pa'i tha snyad byed do/ /de bzhin du mi 'gyur ba'i ye shes kyang rdo rje nor bur shar ba rim pas rgyu mthun pa la sogs pa'i dbye bas 'chad par 'gyur pa'i sa rab tu dga' ba la sogs pa rnams kyi steng du gtsug tor gyi 'khor lo rdzogs par 'gyur ro/ /nyon mongs pa la sogs zhes pa nyon mongs pa dang shes bya dang snyoms par 'jug pa'i sgrib pa bag chags dang bcas pa nyams pa spangs pa nyid rdzogs pa'i sgras bstan pa yin gyi ye shes chad pa ma yin la/ de rdzogs pa yang ma yin no/ /de lung du gsungs pa/ sangs rgyas rnams kyi rtag tu shar/ /ma rig gdug sems can gyis min/ /zhes pa'o/ /sa ra ha'i zhabs kyis kyang / byed pa dang bral 'gro la rtag tu shar/ /gang zhig dus su nges par gsungs pa na/ /thams cad mkhyen pa'ang tshig gis dbul 'gyur ba/ /bde ba'i rgyal po gcig pu rgyal gyur cig /ces pa'o/ /rdzogs pa'i dpe gsungs nas chad pa'i dpe gsungs pa/ ji ltar zhes pa la sogs pa'o/ /ji ltar sa bon du gyur pa'i zla ba'i dkyil 'khor gyi dbus su son pa mtshan mar gyur pa'i ri bong rim par 'phel bas rdzogs par ri bong can mi gnas rdzogs pa mi rtag go zhes pa'i don to/ /de bzhin du 'khor ba'i bag chags 'gyur ba'i bde ba'i mtshan nyid rim par 'phel bas sems kyang 'gyur med bde bar mi gnas te chags pa dang bral ba skye ba dang 'gag pa la sogs pa med pa'i phyir gnyis med pa ni 'gyur med bde ba'o/ /phyi nang sbyar ba'i zol gyis dpe bstan pa gsungs pa/ skyed dang zhes pa la sogs pa'o/ /ji ltar zla ba'i tshes gcig la sogs pa'i cha rnams rim pas skyed pa dkar po'i phyogs dang cha rnams rim pas nyams pa nag po'i phyogs te de dag rab tu gnas pa ni 'jig rten pas rtogs par bya ba'o/ /de dag gi dbus su son pa cha bcu drug pa ni skad cig gcig 'byung ba ji lta ba de bzhin du khu ba'i thig le'i'o/ /gang gi tshe rnal 'byor pas byang chub kyi sems nor bur rdzogs pa la ni skad cig gcig mi 'gyur bar mngon par rdzogs par sangs rgyas par gyur pa/ de g.yo bar mi 'gyur ba de'i tshe sems kyi rdo rje rdo rje nor bur mi g.yo bas de ni skad cig thams cad rdzogs zhes pa 'byung ba dang 'jug pa nyi khri brgyad gnyis brgya'i skad cig rnams kyis rdzogs pa rnam par ma chad par 'bab pa'o/ /don dam pa'i bsnyen par yang gsungs pa/ nyin mtshan bsam gtan dbang gis rim pa yis/ /gang tshe sems ni dbu ma'i rtsar gnas pa/ /shin tu rnam dag gnyis med mtha' yas sku/ /rdo rje rtse gcig pa de la phyag 'tshal/ /zhes pa'o/ /de bzhin du sems kyi rdo rje 'di dkar po'i phyogs chags pa la mi gnas shing dkar min phyogs chags bral la yang mi 'gro ste chags pa dang chags pa dang bral ba'i mtha' spangs pa'i phyir ro/ /de nyid kyi phyir/ phyogs gnyis po yi dbus gnas pa/ /rdzogs pa la gnas gnyis su med ni rab tu gnas pa ma yin pa'o/ /de mtshan yang dag par brjod par gsungs pa/ skad cig gcig mngon rdzogs sangs rgyas/ /skad cig thams cad rnam bsgom pa/ /cha med cha las 'das pa ste/ /bsam gtan bzhi pa'i rtse mo 'chang / /zhes pa'o/ /kye'i rdo rjer yang / de la thog ma dbus mtha' med/ / srid med mya ngan 'das pa med/ /'di ni mchog tu bde chen nyid/ /bdag med gzhan yang med pa'o/ /zhes pa'o/ /'khor ba pa'i rim pa gsungs pa/ de'i zhes pa sa bon du gyur pa'i thig le'i cha bcu drug po rnams rdzogs pa nyid kyi phyir rdo rje nor bur rdzogs pa ste/ 'on kyang thabs med pas de chags bral las te chags pa nyams pa'i sbyor ba las cha nyams pa cha bco lnga po rnams nyams pa'o/ /rdo rje nas brtsams te nyams pa la nyi ma rdul gyi gzugs kyis gtsug tor du rab tu rdzogs pa nyid do/ /slar yang ste yang dang yang du las kyi phyag rgya la sogs pa'i rnal 'byor gyis gtsug tor du shar ba/ slar yang rdo rje nor bur rdzogs/ /de chags bral las chags nyams pa/ /lus can ye shes nyams pa min/ /ye shes ni cha bcu drug pa ste de nyams pa ma yin no/ /de gsungs pa/ sems can thams cad de bzhin gshegs pa'i ye shes kyi snying po can zhes pa ste/ ci ste yang ye shes nyams pas 'chi ba nyid du 'gyur ro/ /rdzogs pa'i sgra'i don gsungs pa/ 'di'i bde ba che zhes pa la sogs pa'o/ /'di'i zhes pa byang chub kyi sems kyi bde ba'i rang bzhin gang yin pa de nyid rdzogs pa zhes brjod de/ 'di nyid rnal 'byor pa rnams kyis bya ba'o/ /bde ba chen po bsten pa'i rgyu rnam par spangs pa dngos po bar ma gzhan ni lus can rnams kyi bde ba chen po de'i skye ba dang 'jig pa'i mtshan nyid 'byung ba dang sdud pa'i rgyu yin no/ /rdzogs pa la brtan par byas pa ma yin pa'i bde ba thig le 'di ni yang dang yang du skye ba dang 'jig par 'gyur ro/ /'dir dpe gsungs pa/ rang phyogs dag las zhes pa la sogs pa'o/ /ji ltar dkar po dang nag po'i phyogs dag las zla ba dang byang dang lhor bgrod pa dag las nyi ma bzhin te/ nyin mo 'phel ba dang zad pa mthong ba'i phyir ro/ /bsgoms pa'i stobs kyis rdzogs par brtan pa'i bde ba chen po 'di ni rim par gtsug tor du sa bcu gnyis po rnams kyis yongs su rdzogs pa nyid do/ /gsang ba la sogs pa gtsug tor gyi mthar thug pa 'khor lo so sor dbugs brgya phrag sum cu rtsa drug 'gog pa mi 'gyur ba'i skad cig rnams kyis sa gnyis thob bo/ /gang gi tshe mi 'gyur ba de 'char ba dang zad pa chags pa dang chags bral gyi phyogs gnyis gnon pa'i phyir/ phyogs gnyis spangs pa de yi tshe/ /sa rnams kyis ni yongs su rdzogs/ /bden don rnam pa bcu gnyis pa/ /rnam pa bcu drug ces pa'o/ /de rgyas par bshad pa/ rnam pa bcu gnyis sa rnams kyi/ /zhes pa la sogs pa'o/ /rnam pa bcu gnyis sa rnams kyis ni sa kun du 'od dang / bdud rtsi'i 'od dang / nam mkha' 'od dang / rdo rje 'od dang / rin chen 'od dang / pad+ma 'od dang / sangs rgyas phrin las byed pa dang / dpe med pa dang / dpe ldan dang / shes rab 'od dang / thams cad mkhyen pa nyid dang / so so'i bdag nyid rig pa zhes bya ba rnams kyis te lug dang glang la sogs pa'i 'pho ba bcu gnyis 'gags pa las sa bcu gnyis thob pa'i phyir ro/ /gnyis su med pa mchog ni shes rab dang thabs kyi mtshan nyid med pa'i phyir te/ shes rab ma yin thabs kyang min pa 'di ni lhan cig skyes pa'i sku ste zhes dpal ldan rgyud du mngon par brjod pa'i phyir ro/ /rnam pa bcu drug mi 'gyur ba ni 'khor ba pa'i cha bcu drug zad pa'i phyir ro/ /cha shas rnams kyis kun nas rdzogs pa'i sems 'di ni don gcig la sogs pa ji ltar mthong ba'i bdag nyid de gnyis su med pa chos gang yin pa de don gcig ste phyogs gnyis ka med pa'i phyir ro/ /chags bral dang po chags pa che/ /zhes pa dbang gis skad cig bzhi pa ste/ de mtshan yang dag par brjod par yang gsungs pa/ chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ /zhes pa'o/ /de yang chags pa dang chags pa bral ba'i phyogs gnyis kyis/ bag chags rnams kyis ma 'khyud pa/ /mi 'gyur ba de rab tu zhugs pa'i dngos po'i tshogs mi 'gyur ba nyid do zhes pa ste/ mi 'gyur ba'i rig pa 'dzin pa'i ston pa bde ba'i rang bzhin rnam pa thams cad la dngos po thams cad rab tu gsal ba zhes pa'i don to/ /ji ltar zhes pa dpe ni gsal lo/ /dpe gzhan pa'i don yang ji ltar lhang tsher la sogs pa'i khams kyi tshogs ros zos pa las ro nyid du 'gyur ro/ /gser la sogs pa'i sa bon zhu ba rnams kyis kyang sa bon nyid de/ lcags brgyad 'bugs pa'i mtshan nyid 'bras bu'i dus su bzhu bas bye ba la sogs pa lhag par 'bugs pa nyid kyis nga rgyal spangs pa'o/ /de ltar zhes pa dpe can te de ltar brtan pa dang g.yo ba'i bdag nyid dngos po'i tshogs pa yang / mchog tu mi 'gyur zos pa yis/ / mchog tu mi 'gyur ba nyid rang bzhin gyis 'od gsal ba nam mkha' dri ma med pa bde ba chen po dang ro gcig par 'gyur ro/ /de las kyang rnam pa thams cad rang bzhin 'dzin par 'gyur te/ dngos po thams cad rab tu gsal ba'i ngo bo nyid kyi phyir ro/ /dug gi dpes rnam par mi rtog pa'i bde ba chen po khyab pa nyid du gsungs pa/ che ba'i zhes pa la sogs pa'o/ /rdzogs pa'i gnas skabs su mche ba'i dug khyab pa nyid du gyur pa na tshor ba sdug bsngal rma'i gnas su rig pa min zhing lus kyi gnas gzhan 'ga' zhig tu yang min la gzugs la sogs pa'i yul rnams dbang po'i sgo rnams kyis rig pa yang ma yin no/ /de bzhin du sems rdzogs char gyur na ste khyab pa nyid du gyur pa na rnal 'byor pa'i dam pa'i bde ba rdo rje nor bur rig pa min zhing gzhan du yang min la yul rnams dbang po'i sgo rnams kyis rig pa yang ma yin no zhes pa ste/ phyogs gcig na gnas pa yang ba spu'i khung bu dang tshigs kyi mthar thug pa rim pas 'gro'o zhes pa'o/ /grub pa'i ro dang lcags kyi dpes gsungs pa/ phyogs gcig rdo rje nor bur bstan par byas pa'i bde ba byed pa po las kyi phyag rgya la sogs pa'i rnal 'byor gyis sbar ba'i gtum mo 'bar bas sems la gdungs na lus kun nas 'bugs par byed de de'i rang bzhin nyid kyis rdzogs par byed pa'i phyir ro/ /ji ltar zhes pa la sogs pa'i tshigs su bcad pa gnyis ni gsal lo/ /'dod chags la sogs pa nyon mongs pa rnams kyi bag chags ni ji ltar zhes pa ste/ gang nor bu rin po che 'ga' zhig yod na reg pa las rdo ni rab tu 'bar ba nyid 'od gsal ba'i rin po che nyid du 'gyur ro/ /dpe can ni gsal te zhes pa nges pa'o/ /ji ltar khu ba'i khams byis pa'i skye bo dang thun mong pa yang sangs rgyas nyid du sgrub par byed ces pa'i dogs pa bsal ba'i don du gsungs pa/ 'dir ni zhes pa la sogs pa'o/ /ci zhig slar yang don dam pas te don dam pa'i bden pas/ glo bur dri mas g.yogs pa yis/ /sems ni rab tu 'bugs byed pa/ / ye shes mthu ni mthu ste brtags bya min zhes pa rnam par dpyad par bya ba ma yin no zhes pa'i don no/ /nyon mongs pa la sogs pa de rnams kyi de kho na nyid sems la zhes pa la sogs pa'i tshigs su bcad pa gsum gyis 'gog par byed do/ /re zhig sems la rnam par tho 'tsham pa'i nyon mongs pa la sogs pa de rnams glo bur ba ma yin te/ 'dod chags dang bral ba yang 'dod chags can du thal ba'i phyir ro/ /de la zangs kyi dpes rtogs par byed pa gal te zangs la dri ma 'di glo bur du byung ba yin pa de'i tshe sngon du zangs dri ma dang bral bar 'gyur ro/ /gang gi tshe dri ma dus ring po can dang phyi nas zangs byung ba de'i tshe dri ma de ci las te gang las skyes par 'gyur ro/ /ci ste zangs med par skye ba de'i tshe nam mkha'i me tog kyang skye bar 'gyur ro/ /'od de zangs la ni mi zad pa nyid kyis yang dag par gnas pa de'i tshe thub pa'i ros kyang gsal bar mi nus par 'gyur ro/ /de'i phyir 'di thams cad rigs pas yang dag par gnas pa ma yin no/ /de'i phyir 'di rang dben pa'i don yin te dri ma zangs dang lhan cig skyes pa 'di yang ro'i sbyor ba las nyams par 'gyur gyi/ sngar ma yin zhing phyis ma yin la de dang bral ba ma yin no zhes pa ste dri ma med pa'i gser nyid kyi gnas so/ /de bzhin du sems kyi yang ston par byed pa de bzhin zhes pa la sogs pa'o/ /stong nyid ni du ba la sogs pa'i lam ste ye shes nyid ni so so rang gis rig par bya ba nyid do/ /'phags pa klu sgrub zhabs kyis kyang chos kyi dbyings la bstod par gsungs ba/ dri med zla ba nyi ma dag /sprin dang khug rna du ba dang / /sgra gcan gdong dang rngul rnams kyi/ /dri ma lnga yis kun nas bsgribs/ /de bzhin 'od gsal ba yi sems/ /'dod dang gnod sems le lo dang / /rgod pa dang ni the tshom gyis/ /dri ma lnga yis kun nas bsgribs/ /ji ltar me yis dag pa'i gos/ /sna tshogs dri mas dri ma can/ /me nang bcug na dri ma 'tshig /gos nyid min pa ji lta ba/ de bzhin 'od gsal ba yi sems/ /chags skyes dri mas dri ma can/ /ye shes me yis dri ma bsreg/ de yi 'od gsal bsreg ma yin/ /stong nyid ston par byed pa'i mdo/ /rgyal bas gsungs pa gang ci'ang rung / /de rnams kun gyis nyon mongs ldog /khams nyid nyams par byed pa min/ /sa yi nang na yod pa'i chu/ /dri ma med par gnas pa ltar/ /nyon mongs nang na ye shes kyang / /de bzhin dri ma med par gnas/ /zhes pa'o/ /'phags pa lha'i zhabs kyis kyang gsungs pa/ mun pa bral ba'i skad cig las/ /'od gsal blo gros shin tu dang / /rtag tu snang ba'i rang bzhin can/ /don dam bden pa'i mtshan nyid ni/ /ye shes rang bzhin 'od gsal ba/ /ye shes mig gis mthong bar 'gyur/ /zhes pa'o/ /ji ltar bcud kyis zhes pa la sogs pa'i tshigs su bcad pas srog bcad pa grol ba'i slar yang 'gro ba med par gsungs so/ /chags bral las gzhan sdig pa med/ /ces pa la sogs pa la/ 'dod chags nyams las sdig ste gang phyir shin tu sdug ma la ni zhe sdang skye/ /sdang bas gti mug 'di las rang gi rdo rje lhung las sems ni rtag rmongs te/ /mchog ni ma lus bza' dang btung ba la sogs yul gzhan dag la rab tu 'jug /de yis sems la co dris bde ba nyams shing skye ba drug tu 'khor bar 'gyur/ /'dod chags nyams las sdig pa ni snying rje zad pa'i bdag nyid las so/ /'di nyid ci'i phyir zhe na gang phyir te gang gi phyir shin tu sdug pa la ni 'dod/ ma la zhes dang mdza' ba nyams pa byams pa zad pa'i bdag nyid skye'o zhes so sor mngon bar sbrel bar bya'o/ /sdang las gti mug ni yang dag par dga' ba nyams shing dga' ba zad pa'i bdag nyid do/ /rmongs pa ni bde ba nyams pa'i mtshan nyin btang snyoms zad pa'i bdag nyid do zhes pa ste tshangs pa'i gnas bzhi med pa'i phyir ro/ /sdig pa gang las bsod nams yin/ 'dod chags 'phel ba'i mtshan nyid snying rje/ zhe sdang nyams pa'i bdag nyid byams pa/ gti mug zad pa'i bdag nyid dga' ba/ mi 'gyur ba'i bde ba'i bdag nyid btang snyoms zhes pa ma yin nam/ ci 'di yang yod ce na/ yod de ci ltar sangs rgyas thod par/ lta ba ldan pa snying rjer 'gyur/ /kun nas 'khyud pa byams pa ste/ /drud pa'i sbyor ba'i bdag nyid ni/ /dga' ba'o bud med mchog de bzhin/ /gnyis 'dus pa na 'gyur ba gang / /de na bdag gis btang snyoms brjod/ /de ltar dngos po'i sbyor ldan pa/ /ci ltar 'dod chags kyis 'ching 'gyur/ /zhes pa'o/ /gnas par bya zhes pa lam bsgoms pas so/ /mi 'gyur ba'i bde ba tshig gi lam las 'das pa nyid gsungs pa/ gzhon nu ma'i zhes pa la sogs pa'o/ /lang tsho'i dga' ba thob pa na rang nyid kho nas rig go/ /ting nge 'dzin dang bral ba ni stong pa nyid kyi ting nge 'dzin dang bral ba'o/ /yid bde min chags bral zhes pa bde ba ma yin pa las khams chags pa dang bral bar mi bya'o/ /'pho ba nyid gzhan dang gzhan du 'khor ba'i rgyu'o zhes ston pas 'phos pa las zhes pa la sogs pa'o/ /de ltar zhes pa brjod pa'i rim pas sems can gyi srid pa/ chags bral las 'gyur gzhan min zhes pa gal te de rnams kyi 'pho ba'i rgyu can 'dod chags dang bral ba 'byung bar mi 'gyur ba de'i tshe rnam pa gzhan gyis de rnams kyi 'khor ba 'byung ba ma yin no/ /de'i phyir 'pho ba nyid rgyu'o zhes pa'i don to/ /gang gi phyir de ltar yin pa de'i phyir 'pho ba'i chags pa rnam par spang zhes pa'o/ /ji ltar 'bum phrag lnga mngon par brjod pa gsungs pa/ 'gyur ba'i ma rig 'gags pa yis/ /'du byed nges par 'gag par byed/ /'du byed nges par 'gags pa yis/ /rnam par shes pa 'gag par byed/ /rnam par shes pa 'gags pa yis/ /ming dang gzugs rnams 'gag par byed/ /ming dang gzugs rnams 'gags pa yis/ /skye mched drug rnams 'gag par byed/ /skye mched drug rnams 'gags pa yis/ /reg pa yang ni 'gag par byed/ /reg pa 'gags pa yis kyang ni/ /tshor ba nges par 'gag par byed/ /tshor ba nges par 'gags pa yis/ /sred pa yang ni 'gag par byed/ /sred pa yang ni 'gags pa yis/ /nye bar len pa 'gag par byed/ /nye bar len pa 'gags pa yis/ / srid pa yang ni 'gag par byed/ /srid pa yang ni 'gags pa yis/ /skye ba'ang nges par 'gag par byed/ /skye ba 'gags pa yis kyang ni/ /rga shi nges par 'gag par byed/ /phung po khams rnams nges 'gags pa/ /da nyid nye bar zhi bar brjod/ /de ltar lus ni 'gags pa yis/ /srog kyang nges par 'gag par byed/ /srog ni 'gags pa yis kyang ni/ /byang chub sems ni 'gag par byed/ /byang chub sems ni 'gags pa yis/ /'pho ba nges par 'gag par byed/ /'pho ba skad cig 'gags pa yis/ /lus can thams cad sangs rgyas nyid/ /de bzhin nyon mongs 'gags pa yis/ /las kyang nges par 'gag par byed/ /las ni nges par 'gags pa yis/ /sdug bsngal yang ni 'gag par byed/ /sdug bsngal 'gags pa yis kyang ni/ /nyon mongs skye ba de mi 'gyur/ /nyon mongs skye ba de med na/ /las ni skye ba de mi 'gyur/ /de yis skye ba skye med na/ /sdug bsngal yang ni skye mi 'gyur/ /sdug bsngal med na bde ldan pa'i/ /rnal 'byor sems can don rtag byed/ /ces pa'o/ /gang gis zhes pa la sogs pa 'pho ba'i bde ba rnam par spangs pas so/ /'dod ldan zhes pa la sogs pas mi 'gyur ba'i bde ba la 'bad par gsungs te/ sdug bsngal ni chags bral gyi mtshan nyid do/ /khu ba zhes pa la sogs pa la/ gang gi phyir rten khu ba 'pho ba na brten pa bde ba'i 'dod chags dang bral ba nyid ni nyams pa ste de'i phyir khu ba mi 'gyur ba nyid kho nas bde ba chen po bsgrub par bya'o/ /ji srid du rten dang brten pa'i dbye ba 'di yang yod pa de srid du gtsug tor du rdzogs pa nyid ma yin no/ /gang gi tshe rdzogs pa la sems kyi 'gyur ba med pa nyid thob na de'i tshe rten dang brten pa'i mtshan nyid med do/ /dri ma dang bral ba'i gnas skabs gsungs pa/ 'gyur med ces pa la sogs pa'o/ /'dir 'gyur med ni mchog tu mi 'gyur ba bde ba'i ye shes te de las byung ba nyid kyi phyir 'gyur med las byung ngo / /sku ni phung po dang khams dang dbang po la sogs pa'i lus te mchog tu mi 'gyur pa las byung ba'i sku gang yin pa de'i mdzod spu'i 'khor lo ni dpral ba'i 'khor lo ste der bgrod pa nyid kyis gtsug tor du son pa cha bcu drug pa'i nus pa las 'di'i brten par brjod do/ /a yig la sogs pa'i dbyangs yongs su gyur pa las zla ba dang ka yig la sogs pa gsal byed yongs su gyur pa las nyi ma ste yang dag par sbyor ba ni brten pa yin te A li kA li dag gam g.yon pa dang g.yas pa dag mnyam par sbyor ba 'dus pa ste dbu mar rab tu 'bab pa nyid do/ /hUM yig la sogs pa yongs su gyur pa las dkyil 'khor gyi gtso bo'i gzugs brten pa yang ma yin gyi 'on kyang gtsug tor dang nor bu'i pad+ma'i lte bar gnas pa zla ba dang nyi ma dang rten dang thams cad du khyab pa bde ba chen po'i gzugs brten pa'o/ /de dri ma med pa'i 'od du gsungs pa/ zhabs gcig rdo rje nor bur rdul dang nyi ma dang / /gnyis pa gtsug tor khu ba ri bong can la ni/ /rtag tu mi chod dbyer med 'dod pa bkod gyur pa/ /'jig rten gsum gyi mchod pa'i gtso la spyi bos 'dud/ /ces pa'o/ /gtso bo byang chub kyi sems rdo rje'i dus kyi 'khor lo'i gang gis bgrod par bya ba dang rtogs par bya ba de zhabs te mi 'gyur ba'i ye shes so/ /bkod gyur pa ni gzha ga pa ste ma rig pa dgag pa'i phyir/ rdo rje nor bur zhes pa rab gnas mya ngan las 'das pa min pa'i sar rdul dang nyi ma la ni sa'i snying po'i mthil ye shes kyi khams la gcig ni g.yas pa gang yin pa'o zhes pa rkang pa gcig gi mthil gnon pa'o/ / gtsug tor srid pa'i bde ba las shin tu 'das par khu ba ri bong can la ni/ rkang ma theb sen mo sngar 'dod pa'i cha 'char ba'i bdag nyid rnam par shes pa'i khams la gnyis pa ni g.yon pa gang yin pa'o zhes pa tshangs pa'i sgo nga'i rtse mo gnon no/ /rtag tu ste dus gsum du nyon mongs pa'i sgrib pa las shin tu 'das pa'i phyir ma rig pa mi shes pa'i gri gug gis mi chod pa'o/ /rnam par shes pa'i chos nyid las 'das pa'i phyir gzung ba dang 'dzin pa la sogs pas dbyer med pa'o/ /bde ba chen po'i gzugs nyid kyi phyir 'dod pa ste bya ba byas pas skam sar ni nor bur gnas pa'o/ /'jig rten gyi spyod pa spangs pa nyid kyi phyir 'jig rten gsum gyi mchod pa ste 'khor ba'i pha rol mthar ni gtsug tor du gnas pa'o/ /'di skad brjod par 'gyur te gang zhig steng dang 'og tu rtsa drug 'gags pa'i rang bzhin khams drug pa ye shes kyi sku bcom ldan ' das khams gsum pas zhabs kyi pad+ma la phyag byas pa dkar po dang nag po'i phyogs gnyis su gyur pa srid pa'i bdag nyid sgrib pa med pa nyid las nya dang gnam stong la mngon par khyab pa dang ldan pa 'gro ba'i gtso bo gcig pu de'i zhabs stong pa nyid dang snying rje bco lnga'i bdag nyid zla ba dang nyi ma'i rang bzhin 'khor ba pa dang mya ngan las 'das pa'i lam 'gog par byed pa'i zhabs gnyis dag la phyag 'tshal lo zhes pa'o/ /mchog tu mi 'gyur ba'i ye shes drug par ni/ mi 'gyur ba'i sgras mchog tu mi 'gyur ba'i bde ba'i ye shes rdo rje sems dpa'o/ /de bzhin du yid skyob par gyur pa nyid kyi phyir sngags kyang mchog tu mi 'gyur ba'i ye shes su brjod do/ /rtsa ba'i rgyud du yang / lus ngag sems kyi khams rnams ni/ /gang phyir skyob par gyur de'i phyir/ /sngags don sngags kyi sgra yis ni/ /stong nyid ye shes 'gyur med de/ /bsod nams ye shes las byung sngags/ /stong nyid snying rje'i bdag nyid can/ /zhes pa'o/ /de bzhin du gzhan nang gi rig pa shes rab kyi pha rol tu phyin pa'i rang bzhin gyis 'od gsal ba phyag rgya chen mo lhan cig skyes pa'i dga' ba'i gzugs can ma chos kyi dbyings kyi rgyu mthun pa rdzogs pa'i gnas skabs so/ /rdo rje sems dpa' dang sangs rgyas kyi yul rten cing 'brel bar 'byung ba'i dbang po rnams kyi spyod yul ma yin pa mchog gi dbang po'i spyod yul mchog tu mi 'gyur ba'i bde ba'i rang bzhin rdul phra rab kyi chos nyid las 'das pa me long gi pra phab pa dang rmi lam dang mtshungs pa de dag ni rgyal ba rnams kyis lhan cig skyes pa'i sku zhes gsungs te mchog tu mi 'gyur ba'i rang bzhin gyi phyir ro/ /'dir 'gyur med rnams ni gzugs dang tshor ba dang 'du shes dang 'du byed dang rnam par shes pa sgrib pa med pa rnams 'gyur med lnga ste stong pa chen por gsungs so/ /de bzhin du sa dang chu dang me dang rlung dang nam mkha'i khams sgrib pa med pa rnams 'gyur med sngar gsungs so/ /'gyur med drug ni mig dang rna ba dang sna dang lce dang lus dang yid sgrib pa med pa rnams te so sor rang gi yul 'dzin pa rnam par spangs pa rnams so/ /de bzhin du gzugs dang sgra dang dri dang ro dang reg bya dang chos kyi khams sgrib pa med pa rnams kyang 'gyur med drug tu gsungs te/ phung po dang khams dang skye mched 'di rnams gcig tu ro mnyam par gyur pa ni thig le stong par 'gyur ro/ /thig le de yang mi 'pho bar gyur na mchog tu mi 'gyur bde bar brjod do/ /mchog tu mi 'gyur ba yang a yig ste/ a yig las byung ba ni yang dag par rdzogs pa'i sangs rgyas shes rab dang thabs kyi bdag nyid rdo rje sems dpa' ma ning gi go 'phang lhan cig skyes pa'i sku zhes brjod de shes pa dang shes bya'i bdag nyid rgyu dang 'bras bu dbyer med pa'i phyir ro/ /de yang bcom ldan 'das dus kyi 'khor lo ste mchog tu mi 'gyur ba'i bde ba'i go 'phang ngo / /mtshan yang dag par brjod par yang gsungs pa/ gsang sngags don kun skyed pa po/ / thig le chen po yi ge med/ /stong pa chen po yi ge lnga/ /thig le stong pa yi ge drug /ces pa'o/ /rtsa ba'i rgyud du yang / a yig ming gis rab brjod pa/ /chos kyi dbyings ni 'gyur med che/ /rgyal dbang rnams kyi rdo rje yis/ /skye gnas sku gsung thugs kyi rgyu/ / 'di ltar sangs rgyas bcom ldan 'das/ /rdzogs pa'i sangs rgyas a yig byung / /a yig yig 'bru kun gyi mchog /don chen mchog tu mi 'gyur ba/ /srog chen po ste skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /dbyer med chos can sku gsung thugs/ /rdo rje gsung rnams skyed byed pa/ /rgyal ba'i sku rnams kyi gang de/ /rdo rje'i skye gnas rab tu brjod/ /gang phyir sangs rgyas chos rnams kyi/ /dbang phyug la sogs kun 'byung ba/ /chos kun 'byung bar brjod pa'i phyir/ /bsod nams ye shes rang bzhin mchog /ces pa'o/ /'di ni ting nge 'dzin gyi yan lag mdor bstan pa'o/ /da ni kun rdzob tu rgyu dang 'bras bu'i ngo bo nyid gsungs pa/ stong pa zhes pa la sogs pa'o/ /stong pa nam mkha' las byung ba'i gzugs brnyan rnam pa thams cad pa'i mtshan nyid rgyu ste byed pa dang khu ba mi 'gyur ba las skyes bde ba 'bras bu'o/ /rgyu yang 'bras bu zag pa med pa'i bde bas rgyas btab pa bde ba'i gzugs su byas pa ste bde ba'i ngo bo nyid kyi phyir ro/ /zag pa med pa'i bde ba de yang de lta bur gyur pa'i rgyus rgyas btab pa ste/ dmigs pa med pa stong pa'i bdag nyid kyi phyir ro/ /stong pa nyid dang snying rje 'di gnyis kyi mtshan nyid gsungs pa/ stong pa nyid ces pa la sogs pa'o/ /dmigs pa dang bcas pa'i stong pa nyid gzugs brnyan 'dzin pa'i sems ni rgyus te dmigs pa med pa'i snying rje 'gyur med 'dzin pa 'bras bu'o/ /stong nyid snying rje 'di dag dbyer med pa nyid gcig pa'i mtshan nyid byang chub sems gang yin pa de mi 'pho ba zhes brjod de/ gzhan las dang ye shes kyi phyag rgya las skyes pa 'gyur ba dang g.yo ba'i mtshan nyid ni ma yin no/ / de yang chad pa dang 'khor ba dang bral bar gsungs pa/ mya ngan las 'das pa zhes pa la sogs pa'o/ /mya ngan las 'das pa stong pa'i ngo bo dang bral ba'i gzugs dang / 'khor bar 'gyur ba'i bde ba'i mtshan nyid las 'das pa'i mi 'gyur ba zag pa med pa'i bde ba chen po ste gzugs dang mi 'gyur ba de dag sbyor ba gnyis med mchog phul du byung ba'o/ /de nyid kyi phyir gsungs pa/ rtag dang chad las nges par grol/ /zhes pa'o/ /'dir tha dad pa gsungs pa/ dngos med ces pa la sogs pa'o/ /gzugs rnam pa thams cad pa'i rang gi sems kyi snang ba ni dngos med pa chad min te/ de ci'i phyir zhe na/ dngos med las byung mtshan nyid phyir te dngos med stong pa nyid nam mkha' dri ma med pa'i mthil nyid 'ba' zhig las dus gsum dang khams gsum pa rab tu gsal ba so so rang gis rig pa 'byung ngo / /rtsa ba 'dir 'chad par 'gyur ba yang / nam mkha' las byung gzugs brnyan ni/ /bsten pas bdag la de bzhin no/ /zhes pa'o/ /'gyur ba med pa zag pa med pa'i bde ba ni dngos po med min te/ ci'i phyir zhe na/ dngos po las byung mtshan nyid phyir te/ rab tu gsal bar gyur pa gzugs kyi mtshan nyid kyi dngos po las yang dag par phyung ba'i phyir ro/ /'di yang / /shes rab rgyu las ma skyes phyir/ /zhes pa la sgos pas gsal bar 'gyur ro/ /gang zhig g.yon pa steng du bgrod pa khu ba'i gzugs dngos po las 'jig rten dang mtshan nyid mi mthun pa zag pa med pa'i bde ba yang dag par 'byung ba'o/ /stong pa nyid snying rje'i mtshan nyid la dngos po dang dngos po med pa zhes brjod de/ kun rdzob dang don dam pa'i bden pa'i rang bzhin 'di dag yang dag par sbyor te 'dus pa ni rdo rje'i rnal 'byor ro/ /de yang gnyis med zung du 'jug pa dang / mi 'gyur ba zhes brjod pa ste/ 'di nyid de kho na'o/ /de 'phags pa lha'i zhabs kyis kyang gsungs pa/ gang yang dag pa de de kho na'o/ /bcom ldan 'das yang dag pa zhes bya ba 'di ci zhig /gang mi slu ba de yang dag pa'o/ /mi slu ba zhes bya ba 'di ci zhig / yang dag pa'i tshul gyi bdag nyid can gyi ting nge 'dzin de la mi slu ba'o/ /gang yang dag pa'i tshul gyi bdag nyid can gyi ting nge 'dzin zhes bya ba 'di ci zhig /gang bden pa gnyis gnyis su med pa'i mtshan nyid de yang dag pa'i tshul gyi bdag nyid can gyi ting nge 'dzin no/ /bcom ldan 'das bden pa gnyis zhes bya ba 'di ci zhig /dang po kun rdzob kyi bden pa dang gnyis pa don dam pa'i bden pa'o zhes pa'o/ /de nyid kyi phyir/ gzugs dang gzugs min rnam par grol/ /zhes brjod de/ phra phab pa na me long la sogs pa la dmigs par 'gyur ba'i lus la gzugs kyi mtshan nyid med de rdul phra rab kyi tshogs 'dus pa med pa'i phyir ro/ /gzugs min pa'i mtshan nyid ma yin te/ dmigs par 'gyur ba bsnyon par dka' ba'i phyir ro/ /de'i phyir gzugs ni srid pa 'khor bar mi 'ong ste/ 'gyur med mya ngan las 'das pa 'chad par mi 'gro'o/ /phan tshun 'khyud pa zhi ba rnam 'gyur med pa ste dbang po'i rnam 'gyur dang bral ba'i phyir ro/ /gnyi ga'i bdag nyid 'di nyid ma ning go 'phang ste shes rab dang thabs 'ba' zhig pa ma yin pa'i phyir ro/ /mchog ni phul du byung ba ste 'gro ba mtha' dag dang thun mong ma yin pa'i phyir ro/ /phyag rgya chen po las yang dag par skyes pa'i phyir lhan cig skyes pa'i rgyu nyid dang / phyag rgya chen po'i yang 'bras bu nyid ma yin nam/ de lta na ni gnyis po yang rgyu dang 'bras bu las ma 'das so/ / de'i phyir las kyi phyag rgya'am ye shes kyi phyag rgya rgyur gyur pa dang phyag rgya chen po la yang khyad par ci yod ce na/ gsungs pa/ shes rab ces pa la sogs pa'o/ /shes rab gzugs kyi mtshan nyid rnam pa thams cad pa rtogs pa chos thams cad stong pa nyid kyi gzugs can ma ste de yang rgyu las ma skyes ma byung ba mi skye ba ste don dam par rang bzhin gyis ma byas pa nyid kyi phyir ro/ /gang yang / shes rab rgyu las byung ba 'bras/ /shes rab las skyes pa zhes brjod par bya ba de yang rgyu skyes min zhes pa shes rab kyi rgyu las skyes par mi 'gyur te/ ci'i phyir zhe na/ shes rab rgyu las ma skyes pa'i phyir te shes rab rgyu las skyes pa ma yin pa'i phyir 'bras bu lhan cig skyes pa zhes bya ba yang 'dir ci ltar rgyu las skyes par 'gyur bar 'os 'di yin pa sngar nyid bsal zin pa'i phyir ro/ /rgyu de'i phyir mi 'gyur ba'i ye shes gang yin pa de shes rab ye shes te rgyu las skyes pa min no/ /de'i phyir yang rgyu dang 'bras bu'i dngos po med pa'i phyir 'bras bu nyid kyis rgyu la rgyas btab pa'am rgyu nyid kyis 'bras bu la rgyas btab pa zhes pa gzhan dang gzhan du yang mi 'gyur la/ 'bras bus kyang rgyu la rgyas btab pa rgyus kyang 'bras bu la rgyas btab pa zhes pa phan tshun du yang mi 'gyur ro/ /ci'i phyir zhe na gsungs pa/ rgyu zhes pa la sogs pa'o/ /gang gi phyir rgyu dang 'bras bu dag rten cing 'brel par 'byung ba nyid kyi phyir kun rdzob pa dang de'i thog ma dang tha ma med pa nyid kyi phyir 'jig rten las 'das pa ste/ de'i phyir phan tshun rgyas btab pa gnyis ka dbyer med pa zung du 'jug pa zhes bya ba'i gzugs/ skye min mya ngan 'das pa'ang min/ /zhes pa skye pa dang 'jig pa bral ba'o/ /gsungs pa/ yang de bzhin gshegs pa rnams byung yang rung de bzhin gshegs pa rnams ma byung yang rung ste chos rnams kyi chos nyid 'di ni gnas pa nyid do zhes pa'o/ /gang gi phyir gnyis ka dbyer med pa'i gzugs kyi shes rab kyi cha dang por zhi ba nyid kyi phyir rtag tu skye ba med pa dang thabs kyi cha ni so so rang gi rig pa nyid kyi phyir rtag tu skye ba nyid de de'i phyir yang rgyu dang 'bras bu med la phan tshun rgyas btab pa yang ma yin no/ /gzhan dang gzhan rgyas btab pa med pa'i rigs pa gzhan gsungs pa/ ma skyes pa zhes pa la sogs pa'o/ /shes pa'i rnam pa las ldog pa'i phyi rol mi srid pa'i phyir rang gi sems nyid khams gsum pa'i rnam pa can des phyi rol gyi rnam par dbye ba dmigs par 'gyur ro/ /rang gi sems las gzhan ni ma yin te de'i tshe rnal 'byor ba la rang dang gzhan gyi cha'i rnam par rtog pa med pa'i phyir ro/ /kye'i rdo rjer yang gsungs pa/ mtho ris sa 'og sa steng rnams/ /skad cig las ni sku gcig 'gyur/ /rang gzhan cha yi rnam rtog gis/ /gnod pa yis ni nus ma yin/ /zhes pa'o/ /phyi yi shes bya rnams 'byed phyir/ /zhes pa phyi rol gyi shes bya tha dad du byed pa'o/ /de phyir zhes pa la sogs pa nye bar bsdu ba ste ral gri zhes pa la sogs pa dpe'o/ /phyag rgya chen po skye ba med pa nyid kyi phyir 'bras bu yang ma byung ba ma yin nam/ skye ba med pa'i chos 'ga' zhig gi 'bras bu 'ga' zhig kho na 'ga' zhig gis kyang nyams su myong bar mi 'gyur ro zhe na/ gsungs pa/ mo gsham zhes pa la sogs pa'o/ /ma skyes kyang mo gsham bu mo dang yang dag par sbyor bas rmi lam gyi dus su bde ba nyams su myong bar 'gyur ba gang yin pa de bzhin du nam mkha' las byung ba'i gzugs bsten pas 'bras bu lhan cig skyes pa'i bde ba'i gzugs shes rab dang thabs kyi dbang po las ma skyes pa phyag rgya chen po las yang dag par skyes pa nam mkha' bzhin du sgrib pa spangs pa 'byung po thams cad la gnas pa rnal 'byor pa rnams kyi rang rig par bya ba kho na yin gyi/ de kho na ma rig pa rnams kyis rig par bya ba ni ma yin no/ /phung po dang khams dang skye mched med na dbang po gnyis yang dag par sbyor ba dang bral ba ni shes rab ye shes rang rig par mi 'gyur te/ 'pho ba med pa nyid kyi phyir ro zhes de bzhin gshegs pas gsungs pa ma yin nam/ ji ltar rnal 'byor pa rang gi sems kyi snang ba la rang gi sems kyi rjes su chags par byas nas rang gi sems sgrib pa med par byed cing mchog tu mi 'gyur ba'i bde ba chen po'i ye shes kyang longs spyod par byed de/ rdul phra rab tshogs pa'i lus med pa'i phyir ro/ /'di nyid ni phyin ci log pa ste/ lha sbyin rang nyid kyi phrag par zhon nas grong du 'gro'o zhes pa'i tshig bzhin no zhes 'dir 'ga' zhig gis bsam pa 'byung bar 'gyur te/ de'i phyir brjod par bya'o/ /'dir gang rmongs pa rnams kyis brjod par bya ba rdul phra rab tshogs pa'i bdag nyid phung po dang khams dang skye mched rnams ma gtogs pa sems tsam gyis shes rab ye shes rang rig par mi 'gyur ba de ni ma yin te/ gang gi phyir glo bur ba'i sems kyi bag chags kyi dbang gis so/ /'dir phung po khams dang skye mched ces bya ba ni glo bur ba'i sems kyi bag chags so/ /de'i drin gyis sems la bde ba dang sdug bsngal sems kyi bag chags rab tu 'jug ste/ don dam par rnam par dpyad na lus 'di'i nye bar 'tshe ba phran tshegs kyis ni ma yin no/ /'dir rdul phra rab tshogs pa'i bdag nyid kyis lus ni rmi lam gyi gnas skabs na rab tu lhung ste gnas shing 'di'i nye bar 'tshe ba phran tshegs 'ga' yang yod pa ma yin na gang gis sems la sdug bsngal rab tu 'jug/ /'dir 'jig rten thams cad du rab tu grags pa gnas skabs de nyid na sems kyi bag chags kyi bdag nyid kyi lus gzhan rdul phra rab tshogs pa dang bral ba yul gzhan du 'gro bar rab tu snang ste/ yul gzhan du song ba de'i lus la chom rkun la sogs pa rnams kyis nye bar 'tshe ba byas par gyur pa na nye bar 'tshe ba des sems la sdug bsngal rab tu 'jug cing sdug bsngal des ngu bar byed de/ lus med cing chom rkun la sogs pa med par sems kyi sdug bsngal gyi shes pa rang rig par bya ba rab tu 'jug pa 'di de rmad du byung ba chen po'o/ /de bzhin du rmi lam du 'dod pa chen po nye bar longs spyod pa rnams kyis sems la bde ba rab tu 'jug ste lus med cing 'dod pa nye bar longs spyod pa rnams nges par sems can rnams kyi sems kyi bde ba'i shes pa rang rig par bya ba rab tu 'jug pa de ni ngo mtshar che'o/ /nyi tshe ba'i shes pa 'di nyid kyang mkhas pa rnams kyis rnam par dpyad par mi nus na 'khor ba'i bag chags las 'das shing mya ngan las 'das pa'i bag chags las byung ba rnal 'byor pa'i kun du bzang po mi 'gyur ba'i bde ba chen po'i ye shes rang rig par bya ba rmongs pa rnams kyis rnam par brtag par mi nus pa lta ci smos zhes pa'o/ /gal te shes rab dang thabs dbyer med pa zhes brjod pa de yang don dam pa ma yin no zhe na/ gsungs pa/ shes rab ma yin zhes pa la sogs pa'o/ /shes rab ma yin thabs kyang min na tha dad du gyur pa'i phung po yod na gang gis de dbyer med pa byang chub kyi sems su 'gyur te gnas skabs de gyis pa'i rnal 'byor ba rnams kyis rnam par shes par bya ba ma yin pa'i phyir ro/ /lhan cig skyes pa zhes pa yang shes rab blo dang lhan cig skyes pa nyid kyi phyir brjod do/ /kun nas bde ba rdzogs pa'i gnas skabs thob pa las sgrib pa thams cad ni 'dod chags la sogs pa nyon mongs pa dang shes bya la sogs pa sgrib pa thams cad dang bral ba'o/ /gos med ni lag pa la sogs pas reg tu med pa'i phyir ro/ /gzung ba dang 'dzin pa dang bral ba'i phyir lus dang dbang po spangs pa'o/ /thams cad la yongs su khyab par byed pa nyid kyi phyir kun nas so/ /rnam pa thams cad mkhyen pa nyid kyi phyir 'byung po kun la gnas pa ste/ dus gsum la yang ngo / /rdul phra rab kyi chos nyid las 'das pa nyid kyi phyir ma rig pa mi shes pa'i gri gug gis gcad du med pa'o/ /rnam par shes pa'i chos nyid las 'das pa'i phyir gzung ba dang 'dzin pa dbyer med pa nyid las dbye ba spangs pa'o/ / rang 'byung zhes pa la sogs pa tshigs su bcad pa gsum 'jig rten las 'das pa'i sems dpa' drug mdor bstan pa'o/ /ma skyes ma 'gags pa'i phyir rang 'byung ngo / /'gro ba'i don byed pa nyid kyi phyir don chen no/ /gsang ba la sogs pa'i gtsug tor gyi mthar thug pa 'khor lo drug tu rim pas rdo rje sems dpa' dang sems dpa' chen po dang byang chub sems dpa' dang dam tshig sems dpa' dang rdo rje rnal 'byor dang dus kyi 'khor lo zhes bya ba drug go/ /'di'i rgyas par bshad pa'i rdo rje zhes pa la sogs pa'o/ /rdo rje stong pa'i gzugs te gang gi phyir de mi phyed pa de'i phyir ro/ /don chen ni chen po mdor bstan pa'o/ /sems dpa' ni gang 'dod pa'i khams la sogs pa'i ngo bo lus dang ngag dang sems rnams gcig pa nyid ces bya ba ste/ de ni mchog tu mi 'gyur ba'i mdor bstan pa'o zhes pa rdo rje sems dpa'o/ /yang na rdo rje ni gang mi phyed pa sku dang gsung dang thugs ro gcig pa ste bde ba chen po'i ye shes so/ /sems dpa' srid gsum gcig pa nyid/ /ces bya'o/ /'di dag gcig pa ni mchog tu mi 'gyur ba ste chen po ni bde ba chen po rdzogs pa nyid kyi phyir ro/ /'dod chags chen po ni mdor bstan pa ste/ de yang sems dpa' sa yongs su rdzogs pa'i phyir ro/ /sems can thams cad dga' bar byed pa ni mdor bstan pa'o zhes pa sems dpa' chen po'o/ /yang na gang zhig chen po sgras 'dir mchog tu mi 'gyur ba'i bde ba ste de dang sems dpa' sa rnams kyi rdzogs pa gang yin pa de sems dpa' chen po'o/ /gang gi phyir 'di ni byang chub stong pa nyid dang snying rje'i bdag nyid chos kyi 'khor lo la gnas pa ni mi g.yo bar gnas pa ste nyon mongs pa la sogs pa'i ngo bo zhe sdang gi tshogs rnams las rnam par rgyal ba'i phyir ro/ /zhe sdang chen po dgra che ba yang mdor bstan pa ste de'i phyir byang chub sems dpa'o/ /dam tshig ni 'dus pa ste zla ba bdud rtsi'i khu ba'i bde ba 'pho ba med pa'i ngo bo zab ste gti mug las rnam par rgyal ba'i phyir ro/ /gti mug chen po gti mug blo can rnams kyi gti mug gti mug gsod par byed pa yang mdor bstan pa de'i phyir dam tshig sems dpa'o/ /gang gi phyir de nyid sku la sogs pa'i rdo rje rnams kyi shes rab gzugs dang mi 'gyur ba'i thig le rnams dang bcas pa gcig tu sbyor ba las gcig pa nyid ni khro bo las nges par rgyal ba khro bo chen po ste bdud las rnam par rgyal ba'i phyir ro/ /khro bo'i bdud rnams kyi dgra yang mdor bstan pa'o zhes pa rdo rje'i rnal 'byor ro/ /gang gi phyir rdo rje'i rnal 'byor bde ba chen po de ni dus te thabs de las mtha' yas pa'i sems can gyi don yongs su mi 'dor ba ni 'khor lo zhes bya ste bcom ldan 'das so/ /de nyid kyi phyir/ sems can grol nas chags chen po/ /'gyur ba'i chags pa sel bar byed kyang mdor bstan pa'o zhes pa dus kyi 'khor lo'o/ /rtsa drug gi rang bzhin rtsibs drug pa'i 'khor lo la rdo rje sems dpa' la sogs pa 'di rnams so sor rnam pa drug go/ /de la dung can ma'i rang bzhin 'og gi rtsibs la mi 'gyur ba'i ye shes so/ /ra sa nA'i rang bzhin lho'i rtsibs la mi 'gyur ba'i tshor ba'o/ /a wa d+hU tI'i rang bzhin steng gi rtsibs la mi 'gyur ba'i rnam par shes pa'o/ /bshang ba'i rtsa'i rang bzhin nub kyi rtsibs la mi 'gyur ba'i gzugs so/ /gci ba'i rtsa'i rang bzhin shar gyi rtsibs la mi 'gyur ba'i 'du byed do/ /la la nA'i rang bzhin byang gi rtsibs la mi 'gyur ba'i 'du shes so zhes pa phung po drug rnams so/ /rigs drug po de rnams nyid rim pa ji lta bar mi 'gyur ba'i ye shes la sogs pa khams drug rnams kyi'o/ /de bzhin du mi 'gyur ba'i yid la sogs pa'i dbang po drug po rnams dang / de bzhin du mi 'gyur ba'i sgra la sogs pa'i yul drug po rnams dang / dbang pos nye bar mtshon nas mi 'gyur ba'i mchog gi dbang po dang lag pa dang gci ba'i lam dang bshang lam dang ngag dang rkang pa zhes bya ba las kyi dbang po rnams dang / de bzhin du yul gyis nye bar mtshon nas mi 'gyur ba'i khu ba 'pho ba dang len pa dang gci ba 'dzag pa dang bshang ba 'dzag pa dang brjod pa dang 'gro ba zhes bya ba las kyi dbang po'i bya ba rnams kyi'o/ /sum cu rtsa drug po 'di rnams kyang rim pas dkyil 'khor la ste 'dod pa chen po zhes bya ba rdo rje sems dpa' dang 'dod chags chen po zhes bya ba rin chen dbang po dang khro bo chen po zhes bya ba mi bskyod pa dang / gti mug chen po zhes bya ba rnam par snang mdzad dang / zhe sdang chen po zhes bya ba don yod grub pa dang / chags pa chen po zhes bya ba 'od dpag med dang / shes rab kyi pha rol tu phyin ma gos dkar mo rdo rje dbyings kyi dbang phyug ma/ spyan ma/ sgrol ma/ mA ma kI rnams dang / kun du bzang po/ sa'i snying po/ phyag na rdo rje/ sgrib pa thams cad rnam par sel ba/ nam mkha'i snying po/ 'jig rten dbang phyug rnams dang / sgra rdo rje ma/ ro rdo rje ma/ chos dbyings rdo rje ma/ dri rdo rje ma/ reg bya rdo rje ma/ gzugs rdo rje ma rnams dang / gnod mdzes/ shes rab mthar byed/ gtsug tor 'khor los sgyur ba/ gshin rje mthar byed/ bgegs mthar byed/ pad+ma mthar byed rnams/ /shin tu sngon mo/ rmugs byed ma/ drag spyan ma/ rengs byed ma/ brtson 'grus chen mo/ khengs byed ma rnams so/ /lha sum cu rtsa drug la khyab par byed pa bsam du med pa'i thugs rdo rje 'di yang sgrib pa dang bcas pa'i 'dod chags la sogs pa 'gog pa'i phyir khro bo'i rgyal po ste/ 'dod pa chen po la sogs pa gdong drug po 'chi bdag gi bdud la sogs pa rnams 'jigs par byed pa nyid kyi phyir 'jigs byed ces pa ste/ brjod pa'i ye shes la sogs pa rigs drug rnams kyi tshul gyi yongs su dag pa'o/ /lus zhes pa sku'i dkyil 'khor dang / gsang ba dbang po gsung gi dkyil 'khor dang / sems thugs kyi dkyil 'khor te gsum po 'di rnams kyi bdag nyid 'di ni rigs drug gi dkyil 'khor ro/ /lam bsgoms pas grub pa dag pa de yang sngar brjod pa'i shes rab thabs kyi rdo rje gsum rnam par dag pa drug po rnams kyi rdo rje sems dpa' nyid bsam du med pa'i thugs rdo rje nyid du 'grub par 'gyur ro/ /dbang mdor bstan pa zhes bya ba dbang bcu gcig gi sgrub thabs dang mchog tu mi 'gyur ba'i dbang gi sgrub pa'i thabs kyang rab tu gsal bar brjod pa dang rtsa dang rigs kyang rab tu gsal bar brjod pa 'di ni/ kye zla ba bzang po phyag na rdo rje/ mdor bstan pas ni mdor bsdus te gsal bar bshad do zhes pa bcom ldan 'das kyis gsungs pa'o/ /dag pa don dam gsal byed pa/ /sgrib dang mun pa thams cad 'joms/ /'gro ba'i gdung 'phrog 'di ni dbang / /mdor bstan zla ba'i zla 'od do/ /zhes pa dbang mdor bstan pa'i 'grel bshad don dam pa bsdus pa zhes bya ba phyag rgya chen po grub pa'i slob dpon dpal nA ro'i zhabs kyis mdzad pa rdzogs so/ / //kha che'i paN+Di ta d+harmA d+ha ra dang / lo tsA ba grags pa rgyal mtshan gyis bal po'i mthil du bsgyur ba las/ slar yang legs par sbyar ba'i skad kyis brda sprod ba'i tshul rig pa rin chen rgyal mtshan gyis dpal sa skya'i chos grwa chen por legs par bsgyur cing zhus te dag par byas pa'o/ / //'dis 'gro ba du ma la phan par gyur cig/ //

CLOSE WINDOW