བོད་ཡིག

e-texts based on the ACIP/ALL Input

/ @##/ /rgya gar skad du/ shrI ma hA dz+nyA na DA ki shwa ra sA d+ha naM no pi ka /bod skad du/ dpal chen po ye shes mkha' 'gro'i dbang phyug gi sgrub pa'i thabs/ dpal rdo rje mkha' 'gro ma la phyag 'tshal lo/ / srid dang mya ngan 'das na bzhugs/ /srid dang mya ngan 'das dang bral/ /bzhugs dang bral las rnam grol ba/ /brjod du med pa la phyag 'tshal/ /dpal ldan thig le'i rgyud dbang po/ /rgyud kun gyi ni mnga' bdag che/ /gang gi drin gyis rnyed sla ba/ /bla ma'i zhal snga bdag phyag 'tshal/ /rgyud 'di yi ni rgyal po yis/ /skal ldan rnams ni 'grub don du/ /rgyud kyi bskyed pa'i rim pa yi/ /mdor bsdus sgrub thabs bdag gis bshad/ /dri med chu yis bskor ba yi/ /ne'u sing 'jam mo dang ldan pa/ /me tog 'bras shing yod pa yi/ /der gnas he ru ka mnyes bya/ /dang po rnal 'byor dbang phyug gis/ /'di ltar bur ni rab bsgom bya/ /lte ba'i rtsa bar yaM yig 'bru/ /yaM las rlung gi dkyil 'khor ro/ /de yi steng du raM yig 'bru/ /raM las me yi dkyil 'khor ro/ /de gnyis yongs su gyur pa yis/ /'bar ba'i me ni yang dag bsgom/ /rtog pa'i bdag nyid lus po kun/ /me de yis ni sreg par byed/ /bde 'khor bdud rtsi yod pa dang / /'od du zhu ba'i gzugs bsgom bya/ /rgyun mi 'chad par 'byung ba yis/ /bsregs pa'i lus po gso bar bya/ /dngos po kun gyi ngo bo nyid/ /dbang po'i gzhu dang mtshungs par blta/ /gzugs kyi phung po'i bdag nyid ni/ /'gro ba kun la khyab pa yin/ /de ni gti mug yin pa'i phyir/ /sangs rgyas rnam par snang mdzad bdag /tshor ba'ang de bzhin kun la khyab/ /rin chen 'byung ldan nga rgyal phyir/ /'du shes kyang ni 'gro la khyab/ /snang ba mtha' yas chags pa'i phyir/ /'du byed 'gro la khyab pa ste/ /don yod grub pa phrag dog phyir/ /rnam par shes pas 'gro kun khyab/ /mi bskyod pa ni zhe sdang phyir/ /de bzhin gshegs kun gzugs su ni/ /he ru ka dpal bdag nyid bzhugs/ /mig dang rna ba sna dang ni/ /lce dang lus dang de bzhin yid/ /rang rang gi ni rang 'od can/ /shes rab dbang po dag pa yin/ /sa dang chu dang me dang rlung / /mA ma kI sogs khams yin no/ /legs dgyes dbang mo rnal 'byor ma/ /nam mkha'i khams su shes par bya/ /de kun gyi ni ngo bo bdag /yin par 'di dag dpyad par bya/ /chos 'di kun gyi rang ngo bos/ /bdag med ma skyes pa yin no/ /de dag 'khrul pas mig yor ni/ /smig rgyu chu zla ji bzhin ni/ /byang chub kyi ni tshogs bsgom pas/ /sems tsam nyid la rab gnas shing / /de nas rang snying mkha' pad du/ /zla ba'i dkyil 'khor bsgom par bya/ /sems kyi sa bon de dbus su/ /'od zer lnga ni rab tu 'phro/ /de yi snang bas mdun du ni/ /nam mkhar gser gyi pad+mo che/ /'od zer 'bar ba dang ldan pa/ /lte ba yod pa'i 'dab ma 'bum/ /'dab mar sangs rgyas byang chub sems/ /chos kyi phyag rgya 'dzin pa'i mchog / dbus su rdo rje sems dpa' ni/ /ye shes sems dpa'i ngo bo nyid/ /nam mkha' khyab par mthong nas su/ /mchod pa byas nas skyabs su 'gro/ /dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /sangs rgyas chos dang 'dus gtso la/ /byang chub thob par skyabs su mchi/ /rang dang gzhan ni 'grub don du/ /byang chub mchog tu sems bskyed do/ /byang chub sems mchog 'byung byas nas/ /sems can thams cad mgron du gnyer/ /'gro ba kun la phan don du/ /bdag ni sangs rgyas thob bya'i phyir/ /dgyes mchog byang chub spyad par bgyi/ /de nas tshangs pa yi ni gnas/ /byams pa la sogs ldan bsgom bya/ /bu gcig pa yi ma lta bur/ /brtse ba'i sems kyis mthong ba yin/ /de bzhin sems can thams cad la/ /sems bgyid de ni byams pa'o/ /gang gis thabs kyi sems can 'di/ /sdug bsngal me las bdag gis gdon/ /de lta bur ni gang zhig sems/ /de ni snying rjer bstan pa'o/ /sdug bsngal me las bton pa yis/ /rang gi yid ni dga' ba yin/ /bdag gis sems can phan don byas/ /de ni dga' bar bshad pa'o/ /gdul dka' 'dul ba'i sems can rnams/ /de la zhe sdang bskyed mi bya/ /btang snyoms kyang ni mi bya ste/ /sems can nang na yod phyir ro/ /de lta min na smon lam ni/ /the tshom med par don med 'gyur/ /skyon la btang snyoms ldan pa'i sems/ /de ni btang snyoms mchog yin no/ /de yi bsod nams kyi ni tshogs/ /yang dag par ni 'phel bar 'gyur/ /ye shes tshogs ni 'phel don du/ /stong pa nyid ni bdag nyid yin/ /'das pa dang ni ma 'ongs pa/ /da ltar byung ba'i 'khor ba gsum/ /ngo bo nyid bral stong pa yin/ /ji ltar nam mkha' de bzhin no/ /oM swa b+hA wa shud+daH sarba d+harmAH swa b+hA ba shud+d+hou0f85haM/ oM swa b+hA wa shUn+ya tA sarba d+harmAH swa b+hA wa shU nya tA he/ oM shU n+ya tA dz+nyA na badzra swa b+hA wa At+ma kou0f85haM/ de yis ye shes kyi ni tshogs/ /yang dag par ni 'phel bar 'gyur/ /tshogs gnyis po ni rdzogs pa yis/ /the tshom med par byang chub 'thob/ /de nas paM byung pad+ma ni/ /kha dog dmar po 'dab ma brgyad/ /de yi lte ba'i dbus su ni/ /raM las nyi ma'i dkyil 'khor ro/ /de yi steng du sa bon hUM/ /'od zer lnga ni 'phro ba yin/ /de nyid yongs su gyur pa yis/ /skad cig gsum rgyal nyid du 'gyur/ /sku mdog gnag la 'jigs byed che/ /bskal pa'i me bas drag 'jigs che/ /zhal bzhi pa la phyag bzhi pa/ /zhabs bzhi dang ni ldan pa'o/ /zhabs kyis bdud bzhi po ni mnan/ /zhal ni re re spyan gsum ldan/ /rtsa ba'i phyag gnyis bdud phur 'dril/ /gzhan ni ral gri dbyug pa 'dzin/ /de lta bu yi khro rgyal po/ /bdag rang nyid ni bsgom par bya/ /bdag ni suM b+ha nyid yin phyir/ /de la go cha dgos ma yin/ /oM suM b+ha ni suM b+ha hUM hUM phaT/ oM gr-ih+na gr-ih+na hUM hUM phaT/ oM gr-ih+nA pa ya gr-ih+nA pa ya hUM hUM phaT/ oM A na ya ho b+ha ga wAn badzra bid+yA rA dza hUM hUM phaT/ shar phyogs la sogs se gol gyis/ /suM b+ha'i rnam pas sngags gdab bya/ /sna tshogs rdo rje sa yi 'og /hUM las 'od ni spro bar bya/ /de yi 'od kyis snang ba yis/ /rtsig pa dang ni bla re'o/ /rdo rje me lce 'bar ba yin/ /steng du mda' yi 'dra ba'o/ /oM g+ha g+ha g+hA ta ya g+hA ta ya/ sarba du Sh+TAM phaT/ kI la ya kI la ya/ sarba pA paM phaT/ hUM hUM badzra kI la ya/ badzra d+ha rA dz+nyA pa ya ti/ kA ya wa ka tsit+ta badzra kI la ya hUM phaT/ badzra mung+ga ra badzra kI la ya/ A ko Ta ya hUM phaT/ de lta'i cho ga'i sbyor ba yis/ /rdo rje'i gur ni bsam par bya/ /de yi dbus su snyoms pa ni/ /chos kyi dbyings kyi b+ha ga'i dbyibs/ /rlung la sogs pa'i 'khor lo bzhi/ /de yi nang du bsgom par bya/ /yaM gi yig 'bru las byung rlung / /dkyil 'khor gzhu yi dbyibs lta bu/ /chos kyi dbyings kyi nang du ni/ /nag po rgyal mtshan dang ldan bsgom/ / daM gyi yig 'bru las byung me/ /dkyil 'khor gru gsum kha dog dmar/ /me lce dang ni ldan pa ste/ /rlung gi dkyil 'khor steng du bsgom/ /baM gyi yig 'bru las byung chu/ /dkyil 'khor zlum po'i dbyibs lta bu/ /bum pas mtshan pa kha dog dkar/ /me yi steng du bsgom par bya/ /laM gyi yig 'bru las byung sa/ /dkyil 'khor gru bzhi'i dbyibs lta bu/ /rdo rjes mtshan pa kha dog ser/ /chu yi steng du bsgom par bya/ /'khor bzhi yongs su gyur pa las/ /gzhal yas khang du rab tu bsgyur/ /gru bzhi pa la sgo bzhi pa/ /rta babs bzhis ni rnam par brgyan/ /dra ba dra phyed chun 'phyang dang / /'dod yon rin chen la sogs brgyan/ /de yi phyi rol dur khrod bcas/ /phyogs mtshams bye brag brgyad po ru/ /gtum drag de ni tshig pa yin/ /dbyibs can de ni ma tshig pa/ /tshang tshing dum bur gyur pa yin/ / 'bar ba dum bur ma gyur pa/ /dmyal sogs 'jigs par bshad pa yin/ /mi bzad pa ni 'jigs par byed/ /ha har dgod ni mdung rtser bskyon/ /g.yer ka can ni 'gegs pa'o/ /pa ta li dang pan+da li/ /sa le shing dang shi ri Sha/ /a dum+WA ra n+ya gro d+ha/ /a shwa ta nA ga ge sar shing / /dur khrod re re shing re ni/ /dpa' bo sogs kyis dbang du byas/ /bya rog byi la 'ug pa dang / /stag dang khyi dang bya rgod phag /sha za'i gdong bcas brgyad po ni/ /shing rnams steng na 'dug pa yin/ /bya rog spyang ki 'ug pa dang / /dpa' bo khyi dang srin po dang / /phag pa dang ni ro langs dag / rang rang rnam par 'og na gnas/ /de lta bu yi dur khrod kyis/ /gzhal yas khang ni yang dag bskor/ /sna tshogs pad+ma 'dab ma brgyad/ /de yi dbus su bsgom par bya/ /lte ba'i nang du phyag rgya ni/ /gru gsum me tog kun+da mtshungs/ /nyi zla A li kA li las/ /rdo rje sems dpa'i rang bzhin can/ /rang gi rig pa dang ldan pa/ /phyag rgya yi ni dkyil du bsgom/ /bde ba chen po 'byung ba ni/ /mchog gi dga' ba'i pho brang las/ /rdo rje ro langs ma ni 'phros/ /de ni dang po'i ro las so/ /gnyis pa'i ro ni 'byung ba las/ /rdo rje dra ba ma ni 'phros/ /gsum pa'i ro ni 'byung ba las/ /rdo rje rtse mo ma ni 'phros/ /bzhi pa'i ro ni 'byung ba las/ /rdo rje zlum po ma ni 'phros/ /gcer bu dang ni skra grol ba/ /shar sgo la sogs shes par bya/ /gnag dang dmar dang ser dang dkar/ /spyan gsum pa dang phyag bzhi pa/ /chu srin nya dang seng ge dang / /ga ru Da ni phyag g.yas bsnams/ /ka pA la dang kha T+wAM ga /sgeg mo yi ni phyag g.yon bsnams/ /gzhan gnyis rdo rje mda' gzhu ni/ /rna ltag tu ni 'gengs par mdzad/ /kun kyang phyag rgya lnga po 'chang / /sna tshogs pa yi rgyan gyis brgyan/ /'jigs byed ro yi gdan gnas nas/ /sems can rnams kyi don mdzad pa/ /yang na shes rab thabs sbyor bas/ /bde chen rgya mtsho'i pho brang las/ /rdo rje'i ske rags ma ni 'phros/ /de ni lnga pa'i ro las so/ /drug po'i ro yi 'byung ba las/ /rdo rje ser mo ma ni 'phros/ /bdun pa'i ro yi 'byung ba las/ /rdo rje rgod ma ma ni 'phros/ /brgyad pa'i ro yi 'byung ba las/ /rdo rje nyi ma mo ni 'phros/ /bcom ldan 'das ni mnyes byed gnas/ /mtshams ni bzhi po dag na bzhugs/ /rnga dang de bzhin gling bu dang / /rgyud mangs dang ni rdza rnga dang / /rdza rnga chung ngu chal chung dang / /tam bu ra dang ka ra to/ /de rnams phyag ni gnyis gnyis shes/ /gzugs gnyis pa la 'jig chen ma/ /yang ni shes rab thabs sbyor bas/ /bde ba'i nang gi pad chen las/ /rdo rje legs dgyes ma ni 'phros/ /de ni dang po'i dga' ba las/ /gnyis pa'i dga' ba 'byung ba las/ /rdo rje rgya mtsho ma ni 'phros/ /gsum pa'i dga' ba 'byung ba las/ /rdo rje glang chen ma ni 'phros/ /de dag gnag dang ser dang dmar/ /phyag rgya yi ni grwa na bzhugs/ /gur kum ro dang ga pur dang / /de yis pad snod bkang ba'o/ / g.yas pa yi ni phyag na bsnams/ /kha T+wAM ga ni g.yon na'o/ /gru gsum phyag rgya dbu steng du/ /mdzub rtse gnyis ni thur du btsugs/ /g.yon brkyang ba yi gnas pas bzhugs/ /phyag rgya'i dngos grub ster ba'o/ /yang ni shes rab thabs sbyor bas/ /rang bzhin gyis ni dga' ba 'byung / /rang gi rig ma dang ldan pa/ /rang bzhin las ni nyi 'od zhu/ /de nas smon lam gzhan don du/ /rnal 'byor ma la lha mos zhu/ /bde chen legs dgyes mgon po bzhengs/ /rdo rje legs dgyes bdag dga' mdzod/ /mgon po khyod mi na bdag ro 'dra/ /thugs rje ro yis bdag skye mdzod/ /kye mgon stong pa chad pa'i mtshan/ /rdor mtsho ma bdag dga' bar mdzod/ /pad+ma'i kha phyi rol cig rol/ /mgon po stong pa'i rang bzhin min/ /a la la la legs dgyes mgon/ /rdo rje glang chen ma dga' mdzod/ /khyod rang gis gsungs bdag min na/ /sangs rgyas 'byung bar mi 'gyur ro/ /glu 'di yi ni ngor mdzad nas/ /soM hUM 'od du zhu las 'phros/ /de las rdo rje gri gug ni/ /yongs su gyur pa las ni nyid/ /dpal chen ye shes mkha' 'gro che/ /lha mo legs dgyes dbang mos 'khyud/ /sems can kun la phan don du/ /snying rje yis ni rngam pa bzhengs/ /sku mdog sprin gyi gnag dang mtshungs/ /zhal bzhi pa la phyag brgyad pa/ /zhal ni re re spyan gsum pa/ /zhabs gcig gyen du bsgreng ba ste/ /bdud bzhi yan lag ma dang ldan/ /zhabs gcig gis ni gnon pa yin/ / thod rlon phreng ba'i do shal byas/ /sna tshogs 'od ldan nyi la bzhugs/ /dpa' bo mi bskyod pas dbu brgyan/ /phyag rgya drug gis yan lag brgyan/ /thod pa'i phreng bas dbu la brgyan/ /thor cog zla ba phyed kyis mtshan/ /sku smad gshin rje'i pags pas dkris/ /gar dgu'i ro dang ldan pa'o/ /gnag dang ser dang dmar dang ljang / /g.yon nas bskor ba'i zhal dang ldan/ /'khyud pa'i phyag g.yas rdo rje bsnams/ /g.yon pa na ni dril bu'o/ /nyi ma mda' dang ka pA la/ /khrag gis bkang ba g.yas na bsnams/ /zla ba gzhu dang kha T+wAM ga /rdo rjes mtshan pa g.yon na bsnams/ /legs dgyes dbang mo de dang mnyam/ /yang na phyag ni gnyis dang ldan/ /zhal gcig pa dang spyan gsum pa/ /sna tshogs rgyan gyis brgyan pa'o/ /phyag na gri gug snod ni bsnams/ /byin pa gnyis kyis legs 'khyud cing / /mchog gi rnam pa rang 'od 'byung / /mtshan kun dang ni ldan pa'o/ /skra grol ba dang spyan ring ba/ /sku smad ske rags bar du chad/ /ji ltar sgo sogs rnal 'byor ma/ /brkyang ba la sogs pa yis bzhugs/ /de bzhin gru gsum grwar bzhugs pa/ /sgom pa yis ni shes par bya/ / de lta'i ye shes 'khor lo ni/ /bdag nyid dang ni bcas par bsgom/ /de nas bde ba chen po'i gzhi/ /pad+ma'i snod kyi dbus su ni/ /bdud rtsi lnga yi lha yi mchog /de bzhin gshegs pa kun bdag nyid/ /lte ba'i me 'od tsha ba yis/ /bdud rtsi de ni zhu bar bya/ /rdor gsum ye shes sa bon gyis/ /dkar byas dag byas 'bar byas so/ /sngags kyi byin gyi rlabs kyis ni/ /rang gi lce yi 'dab mar gzhag /phyi dang nang gi sbyor ba yis/ /lus ni de yis tshim par bya/ /oM yo ga a mr-i ta shud+d+haH sarba d+harma yo ga a mr-i ta shud+d+hou0f85haM/ /de nas mgon po'i snying po ni/ / thams cad 'grub don bzlas par bya/ /oM ma hA kro d+he shwa ra dzA ya we dza yaT+Ta T+Ta hA sa ma hA ka pA lA gne b+ha ya hUM hUM phaT swA hA/ de ni bcom ldan 'das kyi snying po'o/ /oM badzra Ti dzu gra hr-iM hr-iM phaT/ nye ba'i snying po'o/ /oM so ra ta sa ma ye shwa re hUM hUM phaT/ bcom ldan 'das ma'i sngags so/ / oM kliM bl-iM dz+l-iM phaT swA hA/ nye ba'i snying po'o/ /thog mar oM dang hUM phaT mthar/ /bar du ming ni spel bar bya/ /'khor gyi lha mo thams cad kyi/ /mchod pa'i sngags su dran pa'o/ /sngags dang phyag rgyar ldan pa yis/ /de nas gtor ma gtang bar bya/ /rdo rje khu tshur gnyis bcangs nas/ /rgyab dang rgyab ni sprad pa'o/ /mthe'u chung lug rgyud rnam pa'i tshul/ /mdzub mo gnyis ni cung zad dgug /rnal 'byor ma rnams thams cad dang / /mkha' 'gro ma thams cad tshur spyon/ /sha dang nya la sogs pa yi/ /gtor ma 'di long dam tshig bsrungs/ /bdag gi don thams cad la grogs mdzod/ sgrub thabs 'di la dad pa yod pa de bsrung ba'i don du stsol cig /oM AH hUM phaT swA hA/ gru gsum phyag rgya steng bzhag ste/ /'bad pa yis ni gtor ma gtang / /las rim de dag kun rdzogs nas/ /de sogs rnam par dag par bya/ /dga' ba bzhi ni rab gnas phyir/ /zhal bzhi po ni mdzes pa yin/ /de nyid ye shes gsum dag pas/ /zhal ni so so'i spyan gsum mo/ /srid dang mya ngan 'das gcig pa/ /de bas zhabs gcig gyen du bsgreng / /pha rol phyin pa drug lam gyis/ /phyag rgya drug pos yan lag brgyan/ /tshangs pa'i spyod pa chen po yis/ /gshin rje'i pags pas sku smad dkris/ /byams pa chen po'i bdag nyid ni/ /de bas sprin gyi mdog dang mtshungs/ /gnyis su med pa'i shes rab thabs/ /de phyir rdo rje dril bu ldan/ /bdud kun bsdigs par byed pa'i phyir/ /mda' dang gzhu ni khengs par 'gengs/ /snang ba dang ni snang ba mched/ /de la bdag rang bdag po yin/ /de bas zla ba nyi ma gnyis/ /rol pa yis ni phyag na bsnams/ /dngos dang dngos min rtog pa med/ /de phyir mgo bo'i pad+ma'i snod/ /chos kun stong pa'i ngo bo nyid/ /de bas kha T+wAM ga bsnams pa/ /phyag rgya chen po'i bdag nyid yin/ /zla ba phyed pas thor cog brgyan/ /nam mkha' ji bzhin ngo bo yis/ /de bas mi bskyod pas dbu brgyan/ /snying rje chen pos rngam pa'i don/ /de phyir yang dag 'jigs pa'i tshul/ /mu stegs rnams la khrel rgod phyir/ /rus pa la sogs pa yis brgyan/ / bdud kun gyis ni mi tshugs pa/ /de bas bdud kyi steng na bzhugs/ /chags pa la sogs spangs pa yis/ /de phyir dur khrod nang du rol/ /de kun dag pa shes pas na/ /da ni ngal bso bya ba'o/ /rang gi snying gar mkha' pad du/ /dri med rgyas pa'i zla ba bsgom/ /de yi dbus su tshul tsam ni/ /mchog gi rnam pa skye med mkha'/ /phra mo'i 'od kyi rang bzhin can/ /rlabs med pa yi rang rig go/ /de nyid bsgoms pa tsam gyis ni/ /myur du dngos grub thob par 'gyur/ /dngos grub chen po 'dod gyur na/ /de la the tshom mi bya'o/ /gang zhig rgyud kyi nang med pa/ /de ni bdag gi rang bzo min/ /'di byas bsod nams rnyed pa gang / /sems can kun gyis thob par shog /dpal ye shes mkha' 'gro'i sgrub thabs/ slob dpon chen po longs spyod rdo rjes mdzad pa rdzogs so// //rgya gar gyi mkhan po pra dz+nyA shrI gup+ta nyid dang / zhu chen gyi lo tsA ba dge slong rin chen rgyal mtshan gyis bsgyur cing zhus te gtan la phab pa'o// @##/ /rgya gar skad du/ sarba pA paM shud+d+ha ag+ni pU dzanA ma sa mA d+hi/ bod skad du/ sdig pa thams cad 'dag pa'i me'i mchod pa'i ting nge 'dzin zhes bya ba/ /

CLOSE WINDOW