བོད་ཡིག

e-texts based on the ACIP/ALL Input

/rab rib rnams ni zhi byed shog/ /mkha' 'gro ma rdo rje gur gyi man ngag de kho na nyid bcu pa zhes bya ba/ slob dpon chen po dri med grags pas mdzad pa rdzogs so// //mar pa chos kyi blo gros kyis bsgyur pa//[]@##/ /rgya gar skad du/ badzra tA ra sA d+ha naM/ bod skad du/ rdo rje sgrol ma'i sgrub thabs/ bcom ldan 'das rin chen 'byung ldan la phyag 'tshal lo/ /phun sum tshogs pa kun spel ma/ /sgrol ma la ni gus phyag 'tshal/ /de yi sgrub thabs man ngag bzhin/ /mdor bsdus nas ni bri bar bya/ /dang por re zhig rnal 'byor pas me tog dri zhim pa la sogs pas nyams dga' ba'i bsam gtan gyi khang pa la sogs par zhugs te/ stan bde ba la skyil mo krung bcas nas rang gi snying gar aM yig yongs su gyur pa las zla ba'i dkyil 'khor ro/ /de'i steng du tAM yig ser po las byung ba'i rdo rje'o/ /rdo rje la tAM yig gi sa bon gnas pa'o/ /de'i 'od zer gyis bkug pa'i bcom ldan 'das ma'i 'khor lo nam mkha'i phyogs su mngon par bltas te/ rang gi snying ga'i sa bon las 'thon pa'i me tog ma la sogs pa'i lha mo rnams spros la/ me tog la sogs pa rnams kyis mchod par bya'o/ /de nas bcom ldan 'das ma'i 'khor lo de nyid kyi mdun du sdig pa bshags pa la sogs pa bya ste/ bdag gi sdig pa thams cad ni so sor bshags par bgyi'o/ /sangs rgyas dang byang chub sems dpa' dang / 'phags pa dang so so skye bo thams cad kyi dge ba thams cad la rjes su yi rang ngo / /bdag gi dge ba thams cad kyang bla na med pa yang dag par rdzogs pa'i byang chub tu yongs su bsngo bar bgyi'o/ /'di nas bdag byang chub ma thob kyi bar du rkang gnyis rnams kyi mchog sangs rgyas la skyabs su mchi'o/ /zhi ba'i mchog theg pa chen po'i chos la skyabs su mchi'o/ /phyir mi ldog pa'i tshogs byang chub sems dpa'i dge 'dun la skyabs su mchi'o/ /e ma'o sems can thams cad kyi don dang / phan pa dang / bde ba dang / ji srid mthar thug pa'i mya ngan las 'das pa'i dbyings su sangs rgyas kyi byang chub la rab tu gzhag pa'i phyir/ bdag bla na med pa yang dag par rdzogs pa'i byang chub tu mngon par 'tshang rgya bar bgyi'o/ /de nas bdag gi bla na med pa yang dag par rdzogs pa'i sangs rgyas kyi lam la brten par bgyi'o/ /de nas gsum la skyabs su 'gro ba'i tshigs su bcad pa bklag par bya'o/ /de nas sems can thams cad la bde ba nye bar sdud pa'i rnam pa ni byams pa'o/ /sdug bsngal thams cad sel ba'i rnam pa ni snying rje'o/ /lha'i bde ba dang mi 'bral ba'i rnam pa ni dga' ba'o/ /nyon mongs pa'i gnyen po la nye bar sdud pa'i rnam pa btang snyoms bsgom par bya'o/ /de nas chos thams cad yid la dmigs nas rnam par dpyad par bya ste/ 'di dag ni sems nyid de/ des na de'i rnam pa ni 'khrul snang ngo / /rmi lam ji bzhin te/ sems las phyi rol na med do/ /sems las phyi rol gyi gzung ba'i dngos por med cing sems 'dzin par mi 'gyur ro/ /de'i phyir chos thams cad kyi lus ni sems so/ /gzung ba dang 'dzin pa de rnams don dam par ni stong pa nyid do/ /de ltar gcig tu nges par chos thams cad kyi rnam pa ni 'khrul pas bskyed pa 'khrul pa'i mtshan ma'o/ /de rnams kyi rang bzhin nyid ni gnyis su med pa'i rnam par rig byed kyi ngo bo 'ba' zhig pa rnams so/ /dag pa'i shel lta bu dang / ston ka'i nyi ma gung gi dri ma med pa'i nam mkha' lta bu mtha' yas par blta bar bya'o/ /'di brjod de 'jig rten las 'das pa stong pa nyid kyi ye shes spros med rnam rtog med pa'o/ /de nas de'i sngags kyis byin gyis brlab par bya'o/ /oM shU n+ya tA dz+nyA na badzra swa b+hA wa At+ma kou0f85haM/ de nyid ni bcom ldan 'das ma shes rab kyi pha rol tu phyin ma'o/ /de nyid ni mchog gi bsrung ba'o/ /de nas de'i rgyu mthun du gyur pa'i rnam pa dang ldan pa'i bsrung ba dag pa 'jig rten pa'i ye shes kyi rang bzhin bsgom par bya ste/ de la raM las nyi ma/ nyi ma de'i steng du hUM las byung ba'i sna tshogs rdo rje'o/ /rdo rje de nyid las rdo rje'i ra ba dang / gur bcings par bsgom mo/ /yang sna tshogs rdo rje'i 'od zer 'jig pa'i dus kyi me lta bu bzod par dka' ba phyogs thams cad du tshan cher spros pas/ thad kar ni rdo rje ra ba gru bzhi 'bar bas gtams/ steng du ni rdo rje'i gur/ 'og tu ni rdo rje'i rang bzhin gyis gzhi dang / 'og thams cad gtams par blta'o/ /de nas nyi ma dang sna tshogs rdo rje'i 'od kyis yang phyogs mtshams su thug par spros pas/ yang phyi'i sgo'i mtshams bcing bar bya'o zhes pa ni tshigs bcad kyi don to/ /de'i dbus su 'byung ba chen po nam mkha'i rang bzhin chos kyi 'byung gnas zhes pa/ rdo rje 'chang chen po'i rang bzhin ston ka'i ri bong 'dzin ltar dkar ba/ 'og phra ba/ steng yangs pa/ zur gsum pa/ nang nam mkha'i rang bzhin no/ /de'i dbus su sna tshogs pad+ma'i 'dab ma'i lte ba la gnas pa'i sna tshogs rdo rje yangs pa'o/ /de'i gzhi ma la 'byung ba chen po bzhi'i dkyil 'khor gyi rnam pa bzhi po lha mo bzhi'i rang bzhin rnams steng nas steng du blta'o/ /de la dang po yaM gi yi ge las rlung gi dkyil 'khor gzhu'i dbyibs can nag po du ba'i mdog can/ rtse zur gnyis su g.yo ba'i ba dan gyis mtshan pa'o/ /de'i steng du raM yig las me'i dkyil 'khor gru gsum pa dmar po zur dur gyis mtshan pa'o/ /de'i steng du baM yig las chu'i dkyil 'khor zlum po dkar po bum pas mtshan pa'o/ /de'i steng du laM yig las dbang chen gyi dkyil 'khor gru bzhi ser po zur rnams su rdo rje rtse gsum pas mtshan pa'o/ /de'i steng du b+hUM yig las skyes pa'i 'khor lo'o/ /da ni sgom pa po de nyid 'jig rten las 'das pa'i ye shes khyab pa po nyid du gnas te/ de nas sna tshogs rdo rje'i gzhi'i dbus kyi 'byung ba chen po bzhi yongs su gyur pa las skyes pa'i sangs rgyas kyi zhing yongs su dag pa bsdus pa'i gzugs thar pa chen po'i grong rnam par snang mdzad kyi rang bzhin rin po che sna tshogs pa'i rang bzhin gyi khang pa brtsegs pa/ gru bzhi pa la sgo bzhi pa/ /ka ba brgyad kyis nye bar mdzes/ /stegs bu bzhi yis yongs su bskor/ /rta babs bzhi yis brgyan pa ste/ /dra ba dra phyed me long dang / /dar dang me tog bla bres dang / /rnga yab rdo rje'i srad bus mdzes/ /sangs rgyas 'od tshogs 'phro ba ste/ /ba dan sna tshogs g.yo ba'i rtser/ /dril bu'i sgra ni phyogs su sgrogs/ /mchog tu gyur pa'i 'dod pa lnga/ /nye bar spyod pas dgyes pa'o/ /rim gnyis gcig la pad+ma bsgom/ /gnyis pa gru gsum dag tu shes/ /de'i dbus su A li nyis 'gyur yongs su gyur pa las zla ba'i dkyil 'khor ro/ /de'i steng du tAM yig yongs su gyur pa las rdo rje/ de'i lte ba la tAM yig go/ /de nas yang Da D+ha da d+ha nyis 'gyur dang ldan pa'i kA li nyis 'gyur yongs su gyur pa las nyi ma'o/ /gnyis ka 'dus pa bde ba chen po mchog tu dga' ba dang ldan pa zla ba'o/ /zla ba me long ye shes ldan/ /rta bdun pa ni mnyam nyid ldan/ /rang lha'i sa bon mtshan ma dag go/ /so sor rtog par brjod pa'o/ /thams cad gcig gyur bya nan tan/ /rdzogs pa chos nyid dag pa'o/ /'di ni mngon par byang chub pa rnam pa lnga'o/ /de nas sa bon gyi 'od zer gyis sems can rnams rang gi yi dam lha'i 'khor lo'i rnam par bkug ste de nyid la zhugs pa dang / mtshan ma dang sa bon yongs su gyur pa las rnal 'byor pas lha mo sgrol ma bsgom par bya ste/ phyag brgyad ma la zhal bzhi ma/ /rgyan rnams kun gyis rnam par brgyan/ /gzhon nu ma yi mtshan gyis 'bar/ / kha dog gser dang mtshungs par bsgom/ /dbang bskur rdo rje nyi ma 'khrungs/ /sangs rgyas bzhi yi dbu rgyan che/ /lang tsho gzhon la bab pa'i dus/ /gser gyi rna cha g.yo bag can/ /sna tshogs pad+ma'i gdan la bzhugs/ /'od zer dmar pos rnam par brgyan/ /rdo rje de bzhin zhags pa dang / /dung dang mda' ni g.yas na 'dzin/ /rdo rje lcags kyu ut+pal/ /gzhu dang sdigs mdzub g.yon na 'dzin/ /rdo rje sgrol ma'i rnal 'byor dag /sems can don kun pha rol phyin/ /rdo rje skyil krung sbyor ba yis/ /sa gsum po ni bsgrub par bya/ /pad+ma'i phyogs bzhi'i 'dab ma la/ /shar du me tog sgrol ma ste/ /kha dog dkar po yid 'ong ma/ /oM yig ye shes las rdzogs ma/ /phyag na me tog phreng ba 'dzin/ /zhal gcig phyag ni gnyis ma ste/ /rgyan rnams kun gyis rnam par brgyan/ /lhor ni spos kyi sgrol ma ste/ /mdog nag mo la gzugs mdzes ma/ /bdug spos snod kyis phyag brel ma/ /rgyan rnams kun gyis rnam par brgyan/ /nub tu mar me'i sgrol ma ste/ /phyag na mar me'i kong bu 'dzin/ /kha dog ser zhing cher brgyan ma/ /gser gyi rna cha g.yo bag can/ /byang du dri yi sgrol ma ste/ /dri yi dung phor phyag na bsnams/ /lha mo kha dog 'od dmar mtshungs/ /snying po'i dkyil 'khor du bsgom bya/ /de nas sgo skyong ma rnams bsam/ /lcags kyu sogs kyis rab phye ba'o/ /g.yas pa'i phyag na lcags kyu ste/ /g.yon pas sdang la sdigs mdzub mdzad/ / nyi ma'i dkyil 'khor dbus su bzhugs/ /kha dog dkar mo yid 'ong ma/ /lcags kyu ma'o/ /g.yas kyi phyag na zhags pa ste/ /g.yon gyis sdang la sdigs mdzub mdzad/ /dkyil 'khor dmar po'i dbus su bzhugs/ /gzugs ni dkar skya yid 'ong ma/ /zhags pa ma'o/ /g.yas kyi phyag na lcags sgrog ste/ /g.yon gyis sdang la sdigs mdzub mdzad/ /rdo rje dkyil 'khor dbus su bzhugs/ /kha dog dmar por bsgom par bya/ /rdo rje lcags sgrog go/ /rdo rje dril bus phyag brel zhing / /g.yon gyis sdang la sdigs mdzub mdzad/ / 'od kyi dkyil 'khor dbus su bzhugs/ /ma rgad dang ni ut+pal mtshungs/ /rdo rje dril bu ma'o/ /cho ga'i sbyor bas mtshams rnams kyi/ /char ni mtshan ma bzhi rnams te/ /byang sems snod dang ri rab dang / /me thab dang ni rgyal mtshan che/ /steng du gtsug tor rnam rgyal te/ /kha dog dkar la gzugs mdzes ma/ /g.yas kyi phyag na 'khor lo ste/ /g.yon gyis sdang la sdigs mdzub mdzad/ /'og tu gnod mdzes rnam bsgom bya/ /g.yas kyi phyag na sbrul zhags te/ /g.yon gyis gdug la sdigs mdzub mdzad/ /mdog nag drag shul che ba'o/ /de ltar bsams te sngags spro zhing bzlas par bya'o/ /oM tA re tut+tA re tu re swA hA/ /pha rol phyin pa bcu yi gnas/ /yi ge bcus ni lha mo bcur/ /'bad pa yis ni bsgoms gyur na/ /las kun rab tu sgrub par byed/ /mig la gti mug rdo rje dgod/ /rna bar zhe sdang rdo rje ste/ /de bzhin phrag dog rdo rje snar/ /kha la 'dod chags rdo rje'o/ /reg la ser sna rdo rje ste/ /snying gar bdag med rnal 'byor ma'o/ /skye mched rnams su shes bya ste/ /nyon mongs mun pa kun sel ba'o/ /'di ni mig sogs byin brlabs te/ /zhal gcig phyag ni gnyis par shes/ /sna tshogs gzugs ldan btsun mo ni/ /gri gug thod pas phyag rnams brel/ /srog song steng na yang dag bzhugs/ /de nas lus ngag yid byin brlab/ /oM yig sku yi rdo rje ste/ /rgyal po chen pos rnam par brgyan/ /hUM yig thugs kyi rdo rje ste/ /rgyal chen rdo rje sems dpa' bzhugs/ /AH yig de nyid dam pa ste/ /ngag lam gsal bar byed par 'dod/ /ma mo 'di kun nyid kyi ni/ /snying gar ye shes rang bzhin dgod/ /ye shes sems dpa'i sbyor ba yis/ /sangs rgyas byang chub thob par 'gyur/ /rang sngags yi ge las byung ba'i/ /phyag rgya mtshan ma yongs su brtag /spro dang bsdu ba byas pa yis/ /dkyil 'khor ba yi rnam par byung / /nam mkha'i dbyings kyi dbus bzhugs pa/ /ye shes dkyil 'khor bsgom par bya/ /kun nas sna tshogs gzugs su ni/ /ye shes lnga yi yon tan bkod/ /mchod pa chen pos mchod bya zhing / /bsnyen bkur chen pos bkur sti bya/ /sgo skyong ma yi sbyor ba yis/ /ye shes rgya mtsho bsgrub bya ste/ /ye shes 'khor lo la mnyam gzhug /rnal 'byor sangs rgyas kun mnyam par/ /skad cig gis ni gnyis med 'gyur/ / oM badzra aM ku shI A kaR+Sha ya dzaH oM badzra pA shI pra be sha ya hUM/ oM badzra s+pho Ta ban+d+ha ya baM/ oM badzra A be sha pa shi ku ru hoH rang gi snying ga'i sa bon las 'thon pa'i 'od zer lcags kyu lta bu rnams kyis khams gsum na bzhugs pa'i sangs rgyas rnams spyan drangs te ma mo brgyad rnams kyis yang dag par mchod la/ byang chub rdo rje sangs rgyas la/ /mchod chen ji ltar sbyin pa ltar/ /bdag kyang bskyab pa'i don gyi phyir/ /nam mkha' rdo rje deng bdag stsol/ /de bzhin gshegs pa thams cad kyis bdag la dbang bskur du gsol zhes dbang bskur zhu bas/ dbang bskur ba ni rdo rje che/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes 'don ci sangs rgyas he ru ka'i gzugs can rnams kyis de bzhin gshegs pa lnga'i bdag nyid bdud rtsi lnga 'dzin pa'i bum pa lngas dbang bskur ro/ /dbang bskur ba na me tog gi char 'bab par 'gyur ro/ /rnga bo che'i sgra sgrogs so/ /gur gum gyi char 'bebs so/ /gzugs rdo rje ma la sogs pas mchod par byed do/ /spyan ma la sogs pas rdo rje'i glus stod par byed do/ /dbang bskur bas spyi bor rdo rje nyi ma bskyed do/ /dbu rgyan gyi phyogs bzhir de bzhin gshegs pa rnam par snang mdzad dang / mi bskyod pa dang / 'od dpag med dang / don yod grub pa rnams so/ /rim pa dbus ma'i lha mo bzhi dang / sgo skyong ma rnams kyi dbu rgyan la yang rim pa bzhin no/ /gtsug tor la ni rin chen dbang phyug go/ /gnod mdzes kyi dbu rgyan la ni mi bskyod pa'o/ /zhe sdang rdo rje phyag 'tshal 'dud/ /gti mug rdo rje phyag 'tshal bstod/ /ser sna rdo rjes bdag la skyobs/ /'dod chags rdo rje bdag la stsol/ /nga rgyal che dang phrag dog che/ /mgon po dam tshig rdo rje kun/ / las kun rab tu sgrub pa po/ /rdo rje can kun bdag dgyes mdzod/ /bstod pa'o/ /gtsang zhing gtsang ma las byung ba'i/ /lha rdzas dge ba'i me tog 'di/ /bdag ni gus pas 'bul lags kyis/ /bzhes nas bdag la dgyes par mdzod/ /me tog go/ /nags tshal bcud 'di yid 'ong ba/ /gang zhig dri bzang bdug spos mchog /bdag ni gus pas 'bul lags kyis/ /bzhes nas bdag la dgyes par mdzod/ /bdug spos so/ /srin po 'joms shing dag byed la/ /dge zhing mun pa rnam sel ba/ /bdag ni gus pas 'bul lags kyis/ /bzhes nas bdag la dgyes par mdzod/ /mar me'o/ /gtsang zhing skye gnas gtsang las byung / /lha rdzas dge ba'i dri bzang 'di/ /bdag ni gus pas 'bul lags kyis/ /bzhes nas bdag la dgyes par mdzod/ /dri bzang ngo / /de'i rjes su yaM yig sngon po yongs su gyur pa las rlung gi dkyil 'khor gzhu lta bu ba dan gyis mtshan pa'o/ /sa bon raM dmar po las byung ba'i me'i dkyil 'khor gru gsum pa'o/ /steng du aH yig dmar po las byung ba'i pad+ma'i snod do/ /sa bon b+hUM AM dzrIM khaM hUM rnams yongs su gyur pa las/ dri dang nyi ma dang zla ba dang sman dang chu'i mtshan nyid can sa bon de rnams kyis byin gyis brlabs pa grangs ji bzhin du de bzhin gshegs pa lnga'i rang bzhin bdud rtsi lnga'o/ /sa bon go ku da ha na zhes pa lnga yang bsam mo/ /de'i steng mtho gang tsam 'phags par zla ba la gnas pa'i hUM yig las byung ba'i rdo rje rtse lnga pa chen po dkar ba bsam/ de'i 'og ma oM yig rnam par bsam mo/ /rlung gis bskul bas me'i dkyil 'khor gyi me'i steng gi rdo rje'i mes de dag thams cad bskol bar bsams te/ de'i rlangs pas oM dang rdo rje zhu bas de nyid du bdud rtsi mar khu lta bur ro mnyam par gyur par bsams nas/ de'i steng du oM yig dkar po bsams pa'i 'od kyis 'jig rten gsum gyi khongs na gnas pa'i bdud rtsi thams cad bkug ste de'i nang du chud par bsgom/ chos kyi dbyings dang mnyam pa'i de bzhin gshegs pa thams cad kyi thugs ka na gnas pa'i ye shes kyi bdud rtsi bkug ste/ de nyid dang lhan cig tu byas nas/ de'i steng de nyid gsum bsam zhing de nyid kyis mngon par bsngags te/ dkyil 'khor pa thams cad kyi thugs kar dkyil 'khor gyi 'khor lo bsams nas/ de dag gi ljags la shin tu dkar ba'i hUM las skyes pa'i rdo rje dkar po nas 'bru'i tshad tsam pa bsams te/ bdud rtsi lnga po des dkyil 'khor pa rnams dang bdag nyid mchod par bya'o/ /des dkyil 'khor rdzogs pa'o/ /thun mtshams gsum du bsgom zhing ldang bar bya ste/ rtag tu lha'i skur gnas par bya'o/ /de la 'di ni bzlas pa'i sngags so/ /oM tA re tut+tA re tu re swA hA/ sngags 'di mchog dang gtso bo ste/ /sangs rgyas kun gyis phyag mdzad pa/ /bklags pas 'grub byed drag po ste/ /rdo rje gur gyis gsungs pa'o/ /de nas gzhan yang gzungs sngags ni/ /na maH Ar+yA ba lo ki te shwa rA ya/ bo d+hi satwA ya/ ma hA sarwA ya/ ma hA kA ru Ni kA ya/ tad+ya thA/ oM tA re tut+tA re tu re sarba du Sh+Ta pra duSh+Ta/ na ma kri te dzaM b+ha ya/ staM b+ha ya/ mo ha ya/ ban+d+ha ya/ hUM hUM hUM phaT phaT phaT sarba duSh+Ta staM b+ha ni tA re swA hA/ sngags 'dis bla gos kyi gra zur la lan bdun mngon par bsngags te mdud pa bcings nas 'brog dgon par song yang gang gis kyang bag tsha bar mi 'gyur te/ /stag dang chom rkun dang / chu srin dang sbrul dang / glang po che dang / ma he dang / dom dang / ba men la sogs pa rnams mtshan dran pa tsam gyis rlag pa dang zhum par byed do/ / sngags 'dis ut+pala'i sbyin sreg ji srid lan brgya rtsa brgyad du bya'o/ /oM tA re tut+tA re t+tu re a mu kaM me ba sha mA ma ya swA hA/ yang sngags de nyid kyis khra'i sgro la lan sum cu rtsa gnyis su bzlas te/ dgra'i khyim du sbas na nyi ma bdun gyis skrod par byed do/ /oM tA ra tut+tA re tu re tsa la pra tsa la sI g+h+ra gA mi ni de ba tang+ta uts+tshA Ta ya hUM phaT/ de nas gzhan yang sbyor ba 'byung ste/ oM tA re tut+tA re tu re a mu kA b+hi d+hA naM ku mA re ma hA mud ba bI he na s+yaH pra ti pra yats+tsha tu swA hA/ myos byed gtum po'i sa bon dang / /smyo bar byed pa nyid dang ni/ /a sho ka yi lo ma dang / /me tog stong phrag lngar bsreg pa'am/ /sbrang rtsi bu ram mar bcas pa'i/ /sbyin sreg bu mo 'grub par bsngags/ /zhag bdun tshe na rnal 'byor pas/ /rang 'dod pa yi bu mo thob/ /de nas gzhan yang sbyor ba 'byung ste/ oM tA re tut+tA re tu re a mu kA b+hi d+hA naM swa swA na dA kaR+Sha ya mA na ke dzaH sngags 'dis rgya shug gi tsher ma rang byung gi me tog tu sbags te stong phrag lnga sbyin sreg byas na/ mi'i bdag po'i bu mo yang 'gugs par 'gyur ro/ /de nas gzhan yang sbyor ba 'byung ste/ zla mtshan gyis gos pa'i ras la/ bcom ldan 'das ma zhal gcig phyag gnyis ma lcags kyu dang ut+pal dang zhags pa phyag na bsnams pa'i rnam par bris te/ de'i mdun du/ lha rdzas dge ba'i me tog 'di/ zhes pa la sogs pas mchod par bya'o/ /phyi nas bsgom pa dang ldan par sngags bzlas par bya ste/ oM tA re tut+tA re tu re amu kAM ka n+yaM ma me pi si haM swa pa nAM ka tha ya hUM phaT/ stong phrag lngas 'ong bar 'gyur ro/ /zhags pa yis ni mgul bcings te/ /lcags kyu yis ni rnam drangs nas/ /bsgrub bya rkang 'og tu bsams nas/ /bran mo'i tshul du spyod par byed/ /de nas gzhan yang rab tu sbyor ba 'byung ste/ sgrol ma'i gzungs kyis lan bdun mngon par bsngags pa byas nas/ bdag gi mig gnyis la mig sman bzhin du byugs te/ rgyal po'i khyim du zhugs na rgyal po des slob ma bzhin du bsnyen bkur byed par 'gyur ro/ /'gal ba mi smra zhing bka' drin stsol bar 'gyur ro/ / snyan par smra bar byed cing bran bzhin du nye bar 'gro ste/ khros pa yang dbang du 'gyur ro/ /'di ni mngon sum du mthong ba ngo mtshar dang bcas pa'o/ /de nas gzhan yang rab tu sbyor ba 'byung ste/ sgrol ma'i gzungs lan brgyar brjod nas/ sbrul kha gnyis pa'i so dug thal bar bya ste/ ba dmar mo'i mar khur arka'i shing bal gyi sdong bu byas nas rab tu sbar zhing mig sman dbab par bya'o/ /mig sman rdo rje nyid ma dang / rdo rje chos dag dang mnyes la rta mchog gi sha chen gyis bdug par bya'o/ /thal ba dang lhan cig mig la bskus te/ rdo rje'i mig gis gang la bltas pa de/ gal te pad+ma gar gyi dbang phyug mi 'bab na de'i tshe bdag sgrol ma ma yin zhing / bdag gis sangs rgyas bcom ldan 'das rnams bkrongs par 'gyur ba lags so/ /de nas gzhan yang rab tu sbyor ba 'byung ste/ byis pa so ma skyes pa'i lce blangs la/ sgrol ma'i gzungs lan bdun mngon par bsngags pa byas nas/ shing b+h+r-ing+ga ra dza'i rtsa ba gi wang dang lhan cig tu byas nas/ dpral bar thig le yongs su byas na/ gang dang gang la bltas pa de dang de dbang du byed do/ /de nas gzhan yang rab tu sbyor ba 'byung ste/ lto ba'i srin bu la gzungs lan bdun mngon par bsngags pa byas nas/ rdo rje chos dang lhan cig go la ldan par bu mo gang la byin na sbyin pa mchog 'di zos pa tsam gyis mi spong ba dang / gzhan la mi dga' ba dang / gzhan du mi 'gro ba dang / skyes pa gzhan mi 'dod pa dang / rang gi bdag po yang spong ngo / /de nas gzhan yang sbyor ba 'byung ste/ mar khu chen pos bdag nyid la byugs te/ 'od dpag med bsgoms nas sgrol ma'i gzungs bzlas par bya'o/ /bzlas pa'i mthar 'bras sA lu btags pas bskus te/ dril phyis byas pa'i dri ma la snum khur byas nas gang la byin pa de 'tsho chas lnga dang bral yang mi spong ngo / /de nas gzhan yang sbyor bar 'gyur te/ zla ba gzas gzung ba'i dus su sgrol ma'i gzungs bzlas pa byed cing bsnyen par byas te/ de las byung ba'i 'jig rten dbang phyug blangs la/ dung gi phye ma dang bsnol te rab tu myos ma gang zhig la byin na/ ji srid lnga dang bral yang de rjes 'brang ngo / /de nas gzhan yang sbyor ba 'byung ste/ sgrol ma'i gzungs sngags kyis ma da na'i 'bras bu la lan brgya rtsa brgyad yongs su bzlas la/ myos byed kyi 'bras bu de dang rta mgrin lhan cig byas te gang la bskus pa de dbang du 'gyur ro/ /de nas gzhan yang rab tu sbyor ba 'byung ste/ oM tA re tut+tA re tu re a mu ka s+ya ban+d+ha na mug tiM ku ru muHswA hA zhes bya ba'i sngags 'dis/ shing arka'i lo ma la bsgrub bya'i ming nang du chud par bris la/ nya khyi ba'i khyim du sbas na de bcings pa las nges par grol bar 'gyur ro/ /rdo rje sgrol ma'i sgrub thabs 'di/ /bris pas bsod nams gang bsags pa/ /de yis 'jig rten 'di rnams ni/ /bde gshegs nyid du 'gro bar shog /'di ni dpal rin chen 'byung gnas zhi ba'i zhabs kyis mdzad pa'o/ /paN+Di ta chen po bud+d+ha shrI dz+nyA na dang / paN+Di ta chen po shAkya shrI b+ha dra la zhus shing mnyan nas/ yul dbus kyi sgra bsgyur ba chag lo tsA ba dge slong dgra bcom gyis bsgyur ba'o// @##/ /rgya gar skad du/ AR+Ya badzra tA ra sA d+ha naM/ bod skad du/ 'phags ma rdo rje sgrol ma'i sgrub thabs/

CLOSE WINDOW