བོད་ཡིག

e-texts based on the ACIP/ALL Input

/rdzogs so// @/ /gtor ma'i cho ga bzhugs// @##/ /dkon mchog gsum la phyag 'tshal lo/ /dang po thod pa'am snod gang rung ba'i nang du/ gtor ma'i phud bkros la/ bsang nan dang bcas pa blugs la/ de nas bdag nyid lhag pa'i lhar bsgoms la/ gtor ma'i steng du nyi ma'i dkyil 'khor gyi gdan la hUM mthing ga gcig bsam/ de zhu ste gtor ma la thim pas/ gtor ma'i rdzas kyi dngos po sbyangs par bsam mo/ /de nas yang pad+ma dmar po 'dab ma brgyad pa'i steng / a dmar po gcig bsam/ de 'od du zhu ste thim pas/ kha dog dmar po la dngas shing dag la dri ma med pa/ ro mchog dang ldan par bsgom/ de nas yang zla ba'i dkyil 'khor gyi steng du/ oM dkar po gcig bsgom/ de 'od du zhu ste thim pas/ dkar la dang ba ro mchog brgya dang ldan pa'i bdud rtsi'i rang bzhin du gyur par bsam mo/ /de nas bdud rtsi las 'od 'phros pas/ de bzhin gshegs pa'i thugs mi rtog pa'i ye shes kyi bdud rtsi dang / lha yul na yod pa'i bdud rtsi bkug ste/ de la thim par bsam/ de nas bdud rtsi de nyid las yang 'od 'phros pas/ bla ma dam pa dang bcas pa'i sangs rgyas dang byang chub sems dpa' dang / phyi nang gi chos skyong mkha' 'gro ma dang bcas pa nam mkha' la bkug la/ oM a kA ro mu khaM sarba d+harmA NAM A d+ya nut+pan+na twA ta oM AH hUM phaT swA hA/ zhes brjod pas gtor ma las 'od 'phros pas so so'i lce la reg pas/ bdud rtsi'i bde ba chen po'i ro stobs shing myong bar bsam mo/ /de nas chos bshad par bya ste/ chos rnams gzugs brnyan lta bu ste/ zhes pa la sogs pa bya/ mkha' 'gro ma rnams la ci 'dod pa'i las bcol lo/ /bzod gsol byas la gshegs su gsol/ rdzogs so// //

CLOSE WINDOW