བོད་ཡིག

e-texts based on the ACIP/ALL Input

zhu chen gyi lo tsA ba 'gos lha btsas kyis bsgyur cing zhus te gtan la phab pa'o// @##/ /rgya gar skad du/ pra tiSh+Tha bi d+hi nA ma/ bod skad du/ rab gnas kyi cho ga'i tshul zhes bya ba/ sangs rgyas dang byang chub sems dpa' thams cad la phyag 'tshal lo/ /nges pa'i tshig dang rnam par dbye ba dang / cho ga rim par phye ste rab gnas bshad/ /de la dang por nges pa'i tshig ni pra ka sha Na nA di pra tiSh+Tha zhes bya ba ste/ mchog tu gnas pas rab gnas zhes bya'o/ /de yang yun ring bas mchog dang / /khyad par du gyur pas mchog go/ /de la yun ring ba ni mchog thams cad do/ /khyad par du gyur pa ni mchog gnas thams cad de/ ye shes sems dpa'i rang bzhin du byas pa'i phyir ro/ /rnam par dbye ba la gnyis te/ gzhis rnam par dbye ba dang / cho ga rnam par dbye ba'o/ / de la gzhis rnam par dbye ba la gsum ste/ sku'i bdag nyid du rab gnas bya ba dang / gsung gi bdag nyid du rab gnas bya ba dang / thugs kyi bdag nyid du rab gnas bya ba'o/ /de la sku'i bdag nyid du rab gnas bya ba ni mchod rten dang / gtsug lag khang dang / rdo rings dang / shing ljon pa dang / khron pa dang / chu mig dang / lteng ka dang / rta babs dang / shing rings rnams so/ /gsung gi bdag nyid du rab gnas bya ba ni phreng ba dang / 'jig rten pa'i glegs bam dang / 'jig rten las 'das pa'i glegs bam rnams so/ / rigs so so'i bdag nyid du rab gnas bya ba ni sku gzugs rnams rang rang gi sku gang yin pa de nyid du rab gnas bya'o/ /cho ga rnam par dbye ba ni cho ga rgyas pa dang / mdor bsdus pa nyid do/ /da ni cho ga rim par phye ste bshad par bya'o/ /de la rab gnas byed pa'i slob dpon gyis/ /zla ba dang / tshes grangs dang / gza' dang / rgyu skar shis pa la bya ste/ de yang / zla ba drug dang gza' bzhi dang / /rgyu skar bcu bzhi gang yin dang / /tshes grangs bdun gyi grangs nyid la/ /rgyal ba'i rab gnas la sogs nyid/ /ces pas so/ /dus de dag la gnas yid du 'ong bar/ /bla re dang yol ba dang 'phan la sogs pas brgyan cing me tog bkram ste/ dri zhim por byas la/ gnas der stegs bu khru do ba/ rgyar khru bzhi pa/ gru bzhi lham pa mdzes pa/ 'jam pa zur bzhi ya yo med pa gcig byas te/ de yang rdo'am/ so phag dang / phag gu las byas pa/ rdo thal gyis dkar por byug go/ /stegs bu de'i steng du rab gnas bya ba'i lha la khrus gsol ba dang / mchod pa la sogs pa bya'o/ /de la cho ga'i rim pa ni dang por stegs bu'i steng du sku gzugs zhal shar du bltas pa bzhugs pa la/ ras ser po sku la gsol te/ oM badzra wasta hUM zhes pa'i sngags kyis so/ /de nas hUM zhes bzlas pa'i yungs kar chu'i shis pa de/ lan gsum du g.yas g.yon nas bskor te/ me ru dor te nges par sbyang ngo / /de nas ba'i rnam lnga dang / bdud rtsi lnga dang bcas pa'i kham phor bzhag la/ dUr ba'i pir gyis blang zhing sngags 'dis bkru'o/ /oM sarba ta thA ga ta kA ya bi sho d+ha ni swA hA/ de nas dag par gyur pa na/ til mar dri zhim pos bsgos pa khar ba'i snod du bzhag la/ dUr ba'i pir gyis blang zhing / sngags bzlas pas sku khyab par legs par byugs te/ oM hUM traM hrIHkhaM zhes pas so/ /de nas til mar bsal ba'i phyir/ shun lpags lnga po'i phye ma dang sbyar ba'i chus bkru'o/ /de nas yang a ma ka la sogs pa'i 'dag chal gyi lde gus byugs la/ bum pa chu gtsang ma bdud rtsi lnga dang sbyar bas dbang bskur ba'i khrus gsol te/ bkra shis kyi tshigs su bcad pa brjod cing dril bu gsil te/ glu gar dang rol mo sil snyan du ma sgrogs shing chu bum pas blugs so/ /de'i tshe slob dpon gyis nam mkha' la sangs rgyas dang byang chub sems dpa' dang / grub pa'i rig 'dzin dang / lha dang lha mo mang pos kyang bdud rtsi'i chu blugs par bsams la/ tshigs su bcad pa dang bcas pas sngags 'di brjod cing dbang bskur te khrus bya'o/ /ji ltar bltams pa tsam gyis kyang / /de bzhin gshegs kun khrus gsol ba/ /lha yi chu ni dag pa yis/ /de ltar bdag gis khrus gsol lo/ /oM sarba ta thA ga ta a b+hi She ka sa ma ya shrI hUM/ AHswA hA/ de nas ras dmar pos sku la chags pa'i chu legs par phyis te/ 'di ni khrus kyi cho ga'o/ /de nas tsan+dan gnyis dang gur kum dang la gu dang skran de ka te/ dri'i lde gus lha'i thugs kar byugs te/ sngags 'di brjod do/ /oM badzra gan+d+he AHswA hA/ de nas me tog dang spos dang / mar me dang dri chab dang / lha bshos rnams rang rang gi sngags kyis phul la/ thugs ka dang mgur dang spyi bo dang / phrag pa rnams su rdo rje dang bcas pa'i lag pas lan gsum du reg la lag par bdug spos thogs la/ pus mo g.yas pa'i lha nga sa la btsugs te/ lce hUM las rdo rjer byas te/ sta gon la gnas par bya ba'i phyir/ 'di skad ces lan gsum brjod par bya'o/ /bcom ldan rdo rje che ge mo/ /rig pa'i rgyal po phyag 'tshal bstod/ /slob ma rnams la brtse ba dang / /khyed rnams la ni mchod pa'i phyir/ /mgon po thugs rje'i bdag nyid can/ /sang ni rab gnas bgyid pa lags/ /gus pas bdag dang dam la ni/ /bcom ldan bka' drin mdzad par rigs/ /'gro la 'khor lo'i mdzad don sbyin/ /sangs rgyas rnams ni bdag la dgongs/ /dgra bcom byang chub sems dpa' rnams/ /gang yang sngags kyi lha gzhan dang / /lha dang 'jig rten skyong ba dang / / bstan pa la ni mngon dga' zhing / /byang chub sems la rten 'byung la/ /rdo rje'i spyan ldan sems can gzhan/ /rdo rje 'chang chen cho ga bdag /rig pa'i rgyal po 'di yi ni/ /ji ltar nus pa'i mchod pa dang / /'gro ba zhi phyir rab gnas bgyid/ /slob ma mchog dang bdag la ni/ /khyod kyis thugs brtses nyer bzung nas/ /rab gnas 'di la thams cad kyis/ /thugs brtser ldan pas gnang par mdzod/ /de skad ces brjod pas phyogs bcu'i sangs rgyas la sogs pa thams cad rab gnas kyi gnas de'i nam mkha' la byon par bsam mo/ /de nas rab gnas bya ba'i gzhi ste/ stong pa nyid du bsgoms la pad+ma dang zla ba la sogs pa'i rim pas rigs kyis sam/ yang na yig 'bru las yud tsam gyis lhar bskyed do/ /de nas rang gi snying gar 'od zer byung bas/ /ye shes sems dpa' bkug ste/ /mdun du byon par bsams la/ oM pra tIts+tsha a r+g+haM hUM zhes pas yon chab dbul te/ oM ni ri ti hUM khaM zhes pas zhal bsil dbul lo/ /oM sar+b+ba saM sho d+ha ni hUM phaT ces pas zhabs bsil dbul lo/ /yang me tog dang / spos dang mar me dang / dri dang bshos dang / dril bu'i sgra dag phul la/ dzaHhUM baM hoH/ /zhes pas dam tshig sems dpa' la bstims te dbang bskur la rgyas gdab ste/ yang me tog dang / spos dang / mar me dang / dri dang bshos dang sil snyan rnams phul la/ lha de'i sngags mang du bzlas te/ de nas yi ge brgya pa muHdang bcas pas gshegs su gsol lo/ /'di ni sta gon la gnas pa'i cho ga'o/ /de nas nang par stegs bu'i gnas der mchod pa ci 'byor pa dang / gser gyi thur ma any+dza na dang bcas pa bshams la rab tu gnas par bya ste/ de yang dang por slob dpon gyi lag tu spos thogs la/ pus mo g.yas pa'i lha ngas la btsugs te/ lce hUM las rdo rjer byas te/ bcom ldan zhes pa nas/ thugs brtser ldan zhes pa nas/ gnang bar mdzod ces pa'i bar du brjod pas lha rnams bskul te/ de yang sang ni zhes pa'i skabs su de ring zhes pa sbyar la/ de nas ye shes sems dpa' spyan drangs la/ yon chab dang zhabs bsil la sogs pa'i mchod pa'i tshogs phul la lha thams cad kyi sku gzugs la bstims te/ yang mchod pa byas la/ oM badzra A b+ha ra Na wa pu Sha ne swA hA/ zhes pas rgyan ci 'byor pa yang 'bul lo/ /de nas bstod pa yang bya ste/ gser gyi thur ma a ny+dza na byugs pas spyan phye ste/ sngags 'dis so/ /oM tsa k+Shu sa man+ta tsa k+Shu bi sho d+ha ni badzra swA hA/ zhes zlos shing / de nas di bya a gne sa mA d+hi d+h+ya na pra Na ni swA hA/ zhes brjod cing / bza' ba bzang po cung zad cig zangs bur sku la gsol/ /de nas bdud rtsi 'khyil pa'i sngags bzlas shing / sku'i zhabs dang / rked pa dang dbu la/ lag pa g.yas pa gcus pas rdo rje lan gsum du bskor te brtan par byas la/ stegs bu'i steng du sku'i cha gsum pa'i khri la/ ha cang yang ma 'dud pa dang / ma gyed pa dang / ma yo bar ci mdzes su pra tiSh+Tha badzra swA hA/ zhes brjod la bzhag go/ /de nas slob ma brjod pa ni/ /khyod kyis nga la gsol btab pa'i/ /sku gzugs dag ni khyad par du/ /ji skad gsungs bzhin rab gnas pa'i/ /de ni ngas kyang byas gyur te/ /khyod kyis de ni rab rdzogs pas/ /ci bde bar ni mchod par gyis/ /slob mas kyang sku la ci 'byor ba phul la bstod par yang bya ste/ lan du mar bskor ba bya ba'o/ /de nas slob dpon gyis gtor ma byin la/ sku gzugs byin che zhing bkra shis pa dang / yun ring du bzhugs pa'i phyir chos skyong ba'i srung ma la gsol ba gdab po/ /'byor pa de yod na zangs bur zas phul ba'i rjes la rgyas pa'i sbyin sreg bya'o/ /'di ni rab gnas rgyas pa'o// //rab gnas mdor bsdus pa ni sta gon la gnas pa mi bya bar nyin gcig la khrus la sogs pa sngar smos pa bzhin du rdzogs par bya'o/ /de la glegs bam dang / bris sku dang / lder so la sogs pa la ni me long la khrus bya'o/ /lugs ma la sogs pa ni dngos su khrus bya'o/ /lha khang ni lha'i sku ji snyed pa de snyed la khrus bya'o/ / spyir dril te bya ba ma yin no/ /mchod rten dang / rdo rings dang / rta babs dang / shing ljon pa dang / gtsug lag khang ni rnam par snang mdzad du bsgrub bo/ /chu mig dang khron pa la sogs pa ni rnam par snang mdzad du rab gnas byas la/ mjug de gyur pa las chu mig la sogs par rab tu gnas par bya'o/ /bzlas pa'i phreng ba dang / glegs bam dag ni 'od dpag med du bya'o/ /rab gnas kyi ched du dkyil 'khor 'dri na rab gnas gang byed pa'i lha de gtso bor bya'o/ /lha khang ngam sku mang du bzhugs pa ni rnam par snang mdzad gtso bor gyur pa'i dkyil 'khor bri bar bya'o/ /gal te rab tu gnas pa ma byas par gyur na nyes pa cir 'gyur zhe na/ sku gzugs rab gnas ma byas pas/ /phyag 'tshal ba dang mchod byed pa/ /sngags med pas ni thal ba la/ /sbyin sreg byas bzhin 'bras bu med/ /ces pa ste ma byas pa'i nyes pa'o/ /rab tu gnas pa'i cho ga'i tshul zab mo/ /paN+Di ta chen po nag po'i zhal snga nas mdzad pa rdzogs so// @##/ /rgya gar skad du/ ga na tsa kra pU dzA kra ma/ bod skad du/ tshogs kyi 'khor lo'i mchod pa'i rim pa/ 'phags pa spyan ras gzigs dbang phyug la phyag 'tshal lo/

CLOSE WINDOW