བོད་ཡིག

e-texts based on the ACIP/ALL Input

/rgya gar skad du/ /shrI sam+pu Ta ta n+t+ra rA dza TI ka a ma nA ya many+dza ri nA ma/ bod skad du/ dpal yang dag par sbyor ba'i rgyud kyi rgyal po'i rgya cher 'grel pa man ngag gi snye ma zhes bya ba/ bcom ldan 'das dpal rdo rje sems dpa' la phyag 'tshal lo/ /'phags pa spyan ras gzigs dbang phyug thugs rje chen po la phyag 'tshal lo/ /rdo rje sgeg mo'i dga' ba shin tu mang dang gnyis su med pa'i sku yis 'gro rnams kyi/ /mun pa'i tshogs rnams nub par mdzad pa'i sprul pa rnams kyis nang gi 'od zer 'char mdzad kyang / /gang gi stobs ni gnyug ma'i spros med shes rab mchog dang thugs rje yang dag sbyor yin pa/ /rdo rje'i dbang phyug de yis khyed la chen po'i sa yi phun tshogs rol pa mdzad gyur cig /phal cher mgon po de yis bdag / byin gyis brlabs pas de gsung gi/ /don ni rang nyid gsal smra ste/ /dbul po la ni ma bzhin no/ /gzhan yang rmi lam du mthong ba'i/ /rdo rje btsun mos bskul ba'i phyir/ / rin chen lta bu'i yang dag sbyor/ /sems can don du dbye bar bya/ /gang yang yang dag bla mas rgyas mdzad pa'i/ /man ngag dpag bsam ljon pa'i snye ma ni/ /'bras bu'i dga' ston gags med gyur rnams kyis/ /'gro ba tshim bya'i ched du bskyed par bya/ /'dir nges par brjod par bya ba la sogs pa thos pa med na phal cher dam pa rnams nyan pa la sogs pa la mi 'jug pa'i phyir na brjod par bya ba la sogs pa sdud pa pos don gyi shugs kyis 'phen zhing gsungs pa/ 'di skad bdag gis thos pa zhes pa la sogs pa'o/ /'dir brtag pa bcu'i bdag nyid dpal yang dag par sbyor ba'i rgyud ni rjod par byed pa'o/ /de'i ston pa po ni 'bras bu'i rgyud kyi bdag nyid bcom ldan 'das rdo rje sems dpa' ste/ brjod par bya ba yang ngo / /de mngon du byed pa'i rgyu nyid kyis na rgyu'i rgyud dang thabs kyi rgyud kyang brjod par bya'o/ /de lta na yang bstan par bya ba dang ston pa po'i 'brel ba dang / rjod par byed pa dang brjod par bya ba'i 'brel pa dang / rgyu dang 'bras bu'i 'brel pa brjod do/ /gdul bya rnams kyis kyang dpal yang dag par sbyor ba'i don rtogs pa ni dgos pa'o/ /rdo rje lta bu bde ba chen po ro gcig pa 'gro ba thams cad la phan pa byed pa 'bras bu rdo rje 'chang gi ngo bo phyag rgya chen po'i dngos grub ni dgos pa'i dgos pa'o zhes 'phangs so/ /de skad du yang / /dgos pa bsdus pa'i don bcas shing / /tshig don bcas shing mtshams sbyar bcas/ /brgal len bcas pa mdo yi don/ /smra ba rnams kyis brjod par bya/ /zhes pa'i rigs pas dgos pa brjod pa'o/ /bsdus pa'i don la sogs pa brjod par bya ste/ /de la rab tu byed pa dang por bskyed pa dang rdzogs pa'i rim pa'i bdag nyid can gyi rim pa gnyis mdor bstan cing / gnyis par ni rgyu'i rgyud rdzogs pa'i rim pa kho na rgyas par bshad do/ / gsum pa dang bzhi pa dag gis ni rdzogs pa'i rim pa kho na rab tu rgyas par bshad pas mngon par gsal bar byas so/ /lnga par ni rim pa gnyis po 'di yang dbang bskur ba kho na la bstan par bya zhing goms par bya'o zhes rim pa gnyis kyi yan lag tu dbang bskur ba rnam par spros so/ /drug par ni kun rdzob dang don dam pa'i dbang bskur ba thob cing rdo rje 'chang chen po nyid thob par 'dod pas dbang po rab la phyag rgya chen po'i dngos grub kyi dngos kyi thabs phyag rgya'i rnal 'byor gyi dngos su ba'i thabs rdzogs pa'i rim pa bsgom pa kho na nges par bzhag go/ /bdun pa dang brgyad pa dang dgu pa dang bcu pa dang bcu gcig pa dang bcu gnyis par dbang po 'bring dang rtul po dag gis rdzogs pa'i rim pa ni bskyed pa'i rim pa rim gyis dang cig car bsgom pa sngon du 'gro bas bsgom par bya'o zhes rdzogs pa'i rim pa'i dngos su ba'i thabs bskyed pa'i rim pa bsgom pa gsal bar mdzad do/ / bcu gsum pa dang bcu bzhi pa dang bco lnga pa dang bcu drug par de ltar rim pa gnyis sgom pa po'i rnal 'byor pa las dang po pa'i mngon par 'dod pa sgrub pa'i don du nye bar gyur pa'i rnal 'byor ma rnams kyi brda yongs su shes pa'i ched du thabs kyi yan lag ngag gi brda la sogs pa rnams gsungs so/ /bcu bdun par brda shes pa rjes su gzung ba'i don du gnas pa la sogs pa 'du ba'i gnas gsungs so/ /bco brgyad par der 'dus pa'am gzhan gyis rim pa gnyis bsgoms pas thabs kyi yan lag rnam par dag pa kho na'i yul longs spyod pa'i don du rim pa gnyis dang phung po la sogs pa rnam par dag pa gsal bar mdzad do/ /bcu dgu pa dang nyi shu par rnam pa de lta bu'i yang spyod pa med na phyag rgya chen po'i dngos grub ma yin no zhes pas kun du bzang po'i spyod pa gsal bar mdzad do/ /nyi shu rtsa gcig pa dang nyi shu rtsa gnyis par de'i rjes su rab tu byed pa gsum par gsungs pa'i rdzogs pa'i rim pa dang rtsa'i gnas kyi khyad par rnam par gzhag pa yang legs par gzhag par mdzad do/ /nyi shu rtsa gsum pa dang rtsa bzhi par ni rdzogs pa'i rim pa 'di ltar bsgom pa'i don du phyi rol gyi dkyil 'khor dang sbyin sreg la sogs par 'dzin pas slu ba las grol ba'i ched du rdzogs pa'i rim pa'i dkyil 'khor dang sbyin sreg dang mchod pa la sogs pa rgyas par bstan to/ /nyi shu rtsa lnga pa dang rtsa drug pa dang rtsa bdun pa dang rtsa brgyad par sngar bshad pa'i brda dang lta stangs bzhi po rnams dang las rab 'byam yang thabs kyi yan lag nyid kyi phyir na rab tu spros so/ /nyi shu rtsa dgu par ni rdo rje dang rdo rje dril bu'i rang bzhin bstan to/ /sum cu par bgrang phreng la sogs pa'o/ /sum cu rtsa gcig par 'pho ba'o/ /sum cu rtsa gnyis par thabs kyi yan lag nyid kyis na sngags rnams bsdus so/ /sum cu rtsa gsum par ni rdzogs pa'i dkyil 'khor bsgoms pas phyag rgya chen po'i bdag nyid can gyi bltams pa dang / byang chub pa dang chos kyi 'khor lo bskor ba la sogs pa'i rnam par 'phrul pa rnams kyis skye ba bstan to/ /sum cu rtsa bzhi par ni bgegs nye bar zhi ba la sogs pa'i don du thabs kyi yan lag gtor ma gsungs so/ /sum cu rtsa lnga par ni thabs kyi yan lag thang sku dang glegs bam dag go/ /sum cu rtsa drug par ni sngar gsungs pa'i gnas la sogs pa rnams su tshogs la 'du ba na rnal 'byor pa'i rol mo la sogs pa gsungs so/ /sum cu rtsa bdun par ni de ltar zhugs pa bsgom pa dang ma bral ba la phyi rol gyi phyag rgya med par phyag rgya chen po'i dngos grub ma yin no zhes pas phyag rgya chen po'i dngos grub kyi dngos su ba'i thabs rigs kyi sgeg mo bsten pa nges par byas so/ /sum cu rtsa brgyad par ni de ltar phyag rgya chen po'i dngos grub kyi dus su rnal 'byor can gyi dbang phyug gi gtsug gi nor bu la bsnyen bkur bla na med pa gsungs so/ /sum cu rtsa dgu par ni rang gi don phun sum tshogs par ldan pa'i bcom ldan 'das 'di'i rang gi ngo bo'i khyad par dang sgyu ma'i rnam par 'phrul pa sum cu rtsa gsum par mdor bstan pa rgyas par bstan to/ /bzhi bcu par rang dang gzhan gyi don phun sum tshogs pa 'di dag 'bras bu'i rgyud yin zhing / skyes bu'i don gyi mchog 'di thams cad kyang rtog pa'i dra ba mtha' dag drungs phyung ba'i bla na med pa'i shes rab dang thabs bsgom pas dam tshig bstan pa med na phun sum tshogs pa ma yin zhes dam tshig bsten pa gsal bar mdzad do/ /de ltar bsdus pa'i don gyis rgyud kyi don thams cad phul du byung bar bstan pa'i don du rgyud kyi 'brel pa brjod nas/ 'chad pa po dang nyan pa po rnams kyis bde blag tu 'chad pa dang / gzung ba'i ched du mdor bsdus pas mngon par brjod pa'i don gyi tshig gi don bshad pa la sogs pa gnas skabs ji lta ba bzhin bshad par bya'o/ /de la 'di skad ces pa la sogs pa 'dzum pa mdzad do'i tshig mthar thug pa dang por gleng gzhi ste/ 'di yod na bstan pa rab tu 'jug pa'i phyir ro/ /yul dang dus dang ston pa po dang 'khor tshogs pa ni bstan pa'i dang po'i rgyu ste/ de rnams med na bstan pa mi 'thad pa'i phyir ro/ /de gsungs pa/ dad ldan 'jug pa'i yan lag tu/ /ston pa 'khor dang dpang po dang / /yul dang dus dag nges bstan pa/ /rang nyid tshad mar grub ched du'o/ /zhes so/ /'dir rang nyid tshad ma ni sdud par byed pa'i 'o/ /de la bcom ldan 'das kyis ji ltar mngon par rdzogs par sangs rgyas pa bzhin chos bstan pa de ltar gdul bya mtha' yas pa rnams rjes su 'dzin pa yang dag par zhugs pa'o/ /yang de'i dus na skal pa med par gyur pa'i gdul bya gzhan rnams yod de/ de rjes su gzung ba'i ched du bcom ldan 'das kyis byin gyis brlabs pa kho na'i byang chub sems dpa' rnams kyis zhus pa'i bcom ldan 'das kyis/ 'di skad bdag gis thos pa zhes byas nas nga'i chos bsdu bar bya'o zhes chos yang dag par sdud pa'i mdor gsungs te/ des na sdud par byed pas de bzhin kho nar bsdus so/ /'dir sdud pa po ni su yin zhe na/ ming nges par byed pa 'dis ci bya ste/ bcom ldan 'das kyis bka' gnang ba kho nas des brjod pa'i phyir 'dir ni bcom ldan 'das kho na'i gsung ste/ sdud par byed pa ni rjes su brjod pa kho na'o/ /de nyid kyi phyir rgyud rnams su mtha' mar yang sdud pa po'i ming ma brjod do/ /bcom ldan 'das kyis 'khor chen por gtad pa'i khur yin pa nyid kyi phyir na thams cad kyis smra bar bya ba yang ma yin te/ de'i phyir ston pa po las ji skad thos pa bzhin du gcig gis smra bar byed cing / de las gzhan pa de la shes pa dang ldan pa rnams kyang de'i rjes su sems par byed do zhes pas na bsdu bar brjod par bya'o/ /'dir zhu ba po yin pa nyid kyi phyir rdo rje snying po'o zhes gsung ngo / /gzhan yang gdul bya'i skye bo'i dbang gis ston pa po kho na sdud pa por 'gyur ro zhes 'chad par 'gyur ro/ /de la bsdu bar bya ba'i rgyud kyi don mtha' dag phyin ci ma log par yid la mngon du bzhag par 'di skad ces pa'i tshig phrad 'dis gsal bar mdzad do/ /de'i phyir e waM gyi yi ge 'di rgyud kyi don mtha' dag gis don dang ldan pa bstan to/ /rgyud kyi don yang shes rab dang thabs kyi rang bzhin nyid kyis na yi ge gnyis kyi cha shas su gyur pas gnas pa'o zhes 'doms par mdzad do/ /e waM gyi yi ges spyir bshad nas khyad par du rgyas par 'chad par 'gyur bas na zlos pa nyid med do/ /de ltar na yang 'di ni ngag chen po gcig tu gyur pa ste/ rgyud gcig tu brjod do/ /bdag gis zhes pa bdag nyid kho nas rang nyid kyis bcom ldan 'das las thos kyis brgyud pas ma yin pa'o/ /thos pa zhes pa rna ba'i rnam par shes pas tshig las dang yid kyi rnam par shes pas don las rtogs kyi/ 'di bdag gis mngon sum du byas pa ni ma yin te/ bcom ldan 'das kho nas 'dir rnam pa thams cad rtogs pa'i phyir ro zhes chos la gus pa nye bar ston to/ /yang na rtogs pa yang mngon pa'i nga rgyal med pa nyid kyis ston pa po la ston pa'i 'du shes bskyed nas/ chos rin po che nyan pa'i bdud rtsis mi ngoms pa nyid kyis byang chub sems dpa' chen po rnams dang de bzhin gshegs pa thams cad kyis kyang gsan na/ gzhan phra mo rnams kyis lta ci zhes bslab pa'i don du thos pa smos so/ /de ltar spyir nye bar 'phangs nas khyad par du/ dus gcig na zhes pa la sogs pas gleng gzhi de rim gyis ston par byed do/ /gcig 'di ni bsod nams dang ye shes kyi tshogs du mas nye bar thob pa tshes dang rgyu skar la sogs pa rnams kyis yongs su ma bcad pa bsam gyis mi khyab pa'i dus kyi khyad par 'ga' zhig go/ /de yang 'dir skad cig bzhi pa'i ngo bo la dus zhes brjod par bya'o/ /dus gcig po der bcom ldan 'das de'i bdag nyid kyis bzhugs so zhes 'brel to/ /yang na dus gcig na zhes pa skad cig las te/ 'dis bdag nyid bsam gyis mi khyab pa'i rnam par thar pa'i sgo thob pa nyid gsal bar byed do/ /yang na dus gcig gi tshe 'di thos shing / gzhan gyi tshe gzhan no zhes pas bdag nyid mang du thos pa nyid du gsungs so/ /yang na dus gcig kho na na 'di thos kyi gzhan gyi tshe ni ma yin pas na/ rgyud sde rin po che 'di rnyed par dka' ba nyid du rtogs par byed do/ /'dis bdud bzhi po gzhom par bya bas na bcom pa ste/ shes rab kyi pha rol tu phyin par brjod do/ /de rdo rje rtse mor gsungs pa/ nyon mongs bdud sogs 'joms pa'i phyir/ /'joms pa bcom pa zhes brjod do/ /shes rab kyis gzhom nyon mongs de/ /de phyir shes rab bcom par brjod/ /yang na 'di rnams kyis skal bar byed do zhes pa skal ba ste/ dbang phyug la sogs pa'i yon tan rnams so/ /gang gsung bar 'gyur ba dbang phyug dang ni zhes pa la sogs pa'o/ /skal pa de 'di la yod pas bcom ldan no/ /yang na mi mthun pa'i phyogs bdud bzhi rnams bcom pas na bcom ldan te/ nges pa'i tshig gis na phyis pa'o/ /thams cad kyang de rnams yin zhing / chos rnams thams cad kyi yang dag pa ji lta ba de bzhin nyid ni de bzhin te/ de gshegs shing rtogs pa rnams kyang ngo / /de bzhin nyid las byon pa yang ste/ 'gro ba'i don du spro bar byed pa'i phyir ro/ /gzhan rnams la de bzhin kho nar gsung ngo zhes pa nges pa'i tshig gis sgrub pas/ de bzhin gshegs pa rnams kyang ngo / /de rnams kyi sprul pa dang longs spyod rdzogs pa dang chos kyi bdag nyid sku dang gsung dang thugs rnams so/ /de rnams kyi de rnams kho na ni snying po ste/ de ro gcig pa rdo rje 'dzin pa'o/ /de rnams de las byung ba'i phyir dang de'i rang bzhin nyid kyi phyir ro/ /glegs bam kha cig la snying po zhes klog pa med de/ 'bri mkhan gyi skyon nyid kyi phyir ro/ /bcom ldan 'das kho nas snying po'i sgra 'dir nye bar blangs pa ni rab tu byed pa bzhi par 'chad par 'gyur ro/ /de nyid ni rdo rje ste stong pa nyid kyi ngo bo nyid kyi phyir la/ de nyid btsun mo ste bla na med pa'i dga' ba'i rgyu nyid kyi phyir na/ rdo rje snyems ma shes rab kyi pha rol tu phyin pa'i bdag nyid de/ de'i de kho na yang b+ha ga chos 'byung ste/ de yongs su gyur pa nyid kyi phyir dang de'i rang bzhin nyid kyi phyir te/ de skad du yang gnyis su med pa rnam par rgyal ba'i rgyud du gsungs pa/ b+ha ga bcom ldan sangs rgyas te/ /des na 'dod chags sun mi dbyung / / zhes so/ /de bzhin gshegs pa thams cad kyi sku dang gsung dang thugs kyi rang bzhin nyid kyi phyir zur gsum pa/ b+ha ga'i bdag nyid can stobs bcu la sogs pa'i chos 'byung ba/ 'khyud pa'i brten par bya ba lha mo'i pad+ma zhes bya ba rten gyi ngo bo la bzhugs so/ /mang po'i tshig ni rdo rje snyems ma ni btsun mo thams cad bsdus pa'i rnam pa can nyid kyi phyir dang / gdul bya'i dbang gis phyogs bcu'i 'jig rten gyi khams mtha' yas pa thams cad kyi brtan pa dang g.yo ba'i dngos po thams cad kyi rdul phra rab so so'i nang du 'jug pa'i chos 'byung gi nang la gnas pa'i sna tshogs pad+ma dang rdo rje la gnas pa'i rdo rje nor bu'i rtse mo can khang pa brtsegs par bzhugs pa'i rdo rje 'dzin pa chen po'i dkyil 'khor nye bar ston pa'i phyir yang ngo / /'dir rten gyi bdag nyid la khang pa brtsegs pa ma gsungs pa nyid na yang b+ha ga na gnas pa'i khang pa brtsegs par zhes don gyis te/ dper na grong khyer na phyug po gnas so zhes pa grong khyer na gnas pa'i khang bzangs na'o zhes don gyis yin pa bzhin no/ /de ltar ma gsungs pa ni don gzhan bsdu ba'i don dang / bde ba chen po'i sa gzhi gtso bo nyid du nye bar bstan pa'i don du'o/ /khang pa brtsegs pa yang de dang ro gcig pa kho na yin pas so/ /yang na nang gi bdag nyid can sa la sogs pa'i rang bzhin spyan ma la sogs pa'i btsun mo'i b+ha ga rnams te chos 'byung dang sprul pa la sogs pa'i pad+ma rnams te de rnams su bzhugs so/ /bzhugs so zhes pa ni rnam pa sna tshogs pa'i thabs can gyi sku dang gsung dang thugs rnams kyis mos pa sna tshogs pa gdul bya'i sems can gyi yid phrogs te a wa rdzi ta wan kun nas 'dun par mdzad pa gang gi tshe yin pa de'i tshe de las der bdag gis thos so zhes snga ma dang sbrel lo/ /gnas par mdzad do zhes ma brjod pa ni de kho na nyid du na bcom ldan 'das gang du yang mi gnas pa'i phyir ro/ /gang gsung bar 'gyur ba/ b+ha ga der de bzhin gshegs pa mtha' dag btsun mo dang bcas pa gnas so zhes pa der ni/ dus kyi mtshams med par gnas zhes mngon par dgongs so/ /de ltar gyur pa'i yul gsum du bcom ldan 'das bzhugs pa bstan pas stong pa nyid dang snying rje dbyer med pa lhan cig skyes pa'i sku la gsal bar rtogs par bya ste/ sku de kho nas kyang rgyud bstan pas yang de dang ro gcig par bstan to/ /yang na de bzhin gshegs pa thams cad kyi sku dang gsung dang thugs kyi snying po rdo rje ni bcom ldan 'das de bzhin gshegs pa thams cad kyi bdag po ste thugs rje chen po'i rang bzhin byang chub kyi sems rdo rje kho na ste/ de'i btsun mo phyag rgya chen mo bcom ldan 'das ma shes rab chen mo kun du bzang mo'i ming gzhan can no/ /de'i b+ha ga ni stong pa nyid do/ /bcom ldan 'das de der bzhugs te de'i bdag nyid du gyur nas ro gcig pa'i rang bzhin gyis te/ dbye ba mtha' dag gi mchog tu 'dzin pa med pa'i phyir 'khor ba'i bar du brjod du med pa'i yang brjod du med pa'i byang chub sems dpa' dang de bzhin gshegs pa dang r nal 'byor pa dang rnal 'byor ma dang mkha' 'gro dang mkha' 'gro ma dang phyag rgya dang dkyil 'khor dang sngags bye ba phrag rnams dang lhan cig tu rnam par rtog pa med kyang sngon gyi 'phen pa'i shugs kyi dbang las sems can rnams thams cad la ci bya zhes smra ba'i tshul gyis gnas pa'o zhes pa'i don te/ ji skad du gsungs pa/ yid bzhin nor bu ltar rtog pa'i/ /rlung rnams kun gyis bskyod bya min/ /de ltar gnas kyang sems can gyi/ /re ba ma lus rdzogs par mdzad/ /ces pa dang / 'khor lo 'khor ba'i sbyor ba yis/ /bya ba med pa'i skyob pa la'ang / /'du byed 'phen pa'i shugs las ni/ /bstan pa yang dag rab 'jug byed/ /ces so/ /gang yang 'dir e wa gyi yi ge la sogs pa'i don gzhan yang 'dir dang rgyud gzhan rnams su gsungs pa ni bstan pa gzhan kho na yin cing gdul ba'i skye bo rnams kyis gzungs thob pa'i don du ste/ yi ge gcig tu don gyi phung po chen po 'phangs nas 'dzin pa'i phyir ro/ /de bzhin du de rnams don chen po nyid kyis mchog tu bkra shis pa nyid kyis na rgyud kyi dang por nye bar bstan to zhes kyang gsal bar byas par 'gyur ro/ /'dir de brjod pa po nyid kyis na 'di rnams sdud pa ru 'thad pa ni ma yin te phan tshun 'brel pa mi 'thad pa'i phyir ro/ /don de yang dag gzhan rnams su nye bar dmigs par bya ba'o zhes pa 'dir rnam par bshad pa'i 'bad pas ci bya/ de ltar dus dang yul dang ston pa po phun sum tshogs pa gsungs so/ /'khor phun sum tshogs pa gsungs pa/ de nas bcom ldan 'das kyis rnal 'byor gyi dbang phyug bye ba phrag brgyad cu'i dbus su zhes so/ /rnal 'byor ni thabs dang shes rab snyoms par 'jug pa'o/ /de la dbang phyug ni dbang 'byor ba ste/ de thob pa nyid kyi phyir rnal 'byor gyi dbang phyug rnams te/ sa bcu'i dbang phyug byang chub sems dpa' chen po rnams so/ /mang po nyid du nye bar mtshon pa nyid kyis na rigs mthun pa rnams las rdo rje snying po nges par gzung ba'i don du dang por bstan gyi/ 'khor 'di rnams kho na tsam ni ma yin te/ de rnams mtha' yas pa nyid kyi phyir ro/ /gang mjug tu gsung bar 'gyur ba/ de nas rnal 'byor pa dang rnal 'byor ma dang mkha' 'gro dang mkha' 'gro ma dang byang chub sems dpa' bye ba phrag brgyad cu dang de bzhin gshegs pa'i tshogs rnam pa du ma ste thams cad dang ldan pa'i 'khor rnams zhes so/ /bcom ldan 'das gzhan gyi sems mkhyen pa nyid kyis yang dag par sbyor ba nyan pa'i skal ba dang ldan par 'khor rnams rtogs shing / rdo rje snying po gsol ba 'debs par nus par gzigs nas/ ma bskul bar gsol ba 'debs pa po med do zhes pas na bskul bar dgongs pas/ rgyud kyi rgyal po'i don 'di ni mgo smos pas shes pa kho na'i sems can rnams kyi spyod yul lo zhes gsal bar byed cing 'dzum pa mdzad do/ /mgo smos pas go ba nyid kyis dgongs pa de rtogs nas rdo rje snying pos gsol ba 'debs par zhugs so zhes ston to/ mdzad ma thag tu ni bar ma chad par ro/ /stan las te zla ba'i dkyil 'khor las so/ /sa la zhes pa ni stan la ma yin pa'o/ /'di yang ma 'ongs pa rnams la yang gsol ba 'debs pa slob pa'o/ /gsol ba 'debs pa gsungs pa/ nyan par zhes bya ba la sogs pa'o/ /ye shes kyi dbang po zhes pa la ye shes ni bag chags dang bcas pa'i nyon mongs pa ma lus pa dang shes bya'i sgrib pa ma lus pa spangs pa phun sum tshogs pas chos thams cad kyi rnam pa thams cad byang chub pa rtogs pa phun sum tshogs pa ste/ de la dbang po ni mchog tu dbang thob pa'o/ /yang na mchog gi dbang phyug thob pa des seng ge dang 'phrog byed dang dbyig gi snying po la sogs pa ston pa po'i tshogs kyi gtsug gi nor bu nyid kyis na dbang po'o/ /yang na me long lta bu la sogs pa'i ye shes kyi rang bzhin nyid kyis na ye shes ni rnam par snang mdzad la sogs pa de bzhin gshegs pa lnga rnams yin la/ de rnams kyi dbang po bdag po ste/ de skyed pa po nyid kyi phyir ro/ /de'i phyir bdag lta bu rnams kyi thun mong ma yin pa'i ston pa ni khyod kho na'o zhes pa'i bsam pa ni gsol ba 'debs pa po ye shes kyi dbang po zhes bod pa po'i 'o/ /e ma'o rdo rje snying po dris shig ces pa tshig yongs su bsgyur bas 'dri bar 'dod pas zhes sbrel lo/ /e ma byang chub sems dpa' chen po zhes kyang sbrel bar bya'o/ /mgo smos pas go ba nyid kyis mnyan par 'os pa dang rjes su mthun pa'i nyan pa po rdo rje snying po la sogs pa rnams ngo mtshar gyi spyod yul nyid kyi phyir/ e ma zhes ngo mtshar bar byas nas bod pa'o/ /rdo rje stong pa nyid ye shes snying po nang du byas pa 'di'i yin pa zhes pa rdo rje snying po'o/ / de ltar shes rab phun sum tshogs pa bshad nas thugs rje phun sum tshogs pa gsungs pa/ brtse ba chen po legs so legs so zhes pa ste/ snying rje chen po ni shin tu legs pa nyid kyi phyir legs so legs so zhes gsungs so/ /bdag cag ni 'dir zab mo'i chos la skal pa med pa'i phyir bcom ldan 'das kyis ma bos zhes dogs pas so so'i skye bo nyan pa po'i bsam pa sgyid lug pa bsal ba'i ched du bod par byed pa ni chen po zhes pa ste/ nyan thos la sogs pa'i byang chub las che ba'i byang chub la sems dpa' ste/ bsam pa 'di rnams kyi yin pa zhes pas byang chub sems dpa' chen po rnams so/ /yon tan rnams ni stobs dang mi 'jigs pa la sogs pa rnams te de rnams kyi 'byung gnas ni rten rnams so/ /tshig gnyis pos ni 'di rnams kyi shes rab dang thugs rje'i rang bzhin nyid gsungs so/ /de ltar shes rab dang thabs gsal bar gyur pa nyid kyis khyed kyang 'di nyan par dbang ba'o zhes gsal bar byas so/ /de ltar gyur pa kho na'i gzhan rnams kyang 'di la dbang ba'o zhes kyang bstan par 'gyur ro/ /rgyud thams cad la zhes pa/ de rnams la yod pa'i gsang chen yang 'dir dogs pa med pa nyid du brjod par 'gyur ba nyid kyi phyir ro/ /gsang chen rnam pa mang po bshad par bya ba nyid kyis na gsungs pa/ de thams cad ces pa'o/ /bla na med pa'i chos nyan par rung ba nyid kyis bsngags pa'o/ /rab tu dga' zhing zhes pa la sogs pa ste/ rab tu dga' ba kho na las dregs pa med pa nyid du bsgrub pa'i ched du yang yang du phyag byas pa'o/ /ci zhes pa ni brjod par bya ba'o/ /ci ltar zhes pa tshad ma'i rnam pa dris pa'o/ /ci zhes pa chos rnams thams cad kyi thun mong ba la ste/ de'i rang gi ngo bo ci zhig pa'o/ /thams cad kyi yul ma yin pa nyid kyis gsang chen no/ /yang dag sbyor byung zhes pa ni dang po'i gcig gi tshig phyis pa'o/ /ci ltar zhes pa rgyu dang 'bras bu'i dngos po dris pa'o/ /de la ste yang dag par sbyor ba las byung ba las sgrub par byed pa'i mtshan nyid du 'gyur ba ci ltar dang ci zhig pa'o/ /thams cad kyang de yin la rgyud rnams kyang yin pas zhes pa/ rgyud ni rgyun rnam pa gsum ste/ de skad du yang 'dus pa phyi mar gsungs pa/ rgyud ni rgyun zhes bya bar brjod/ /rgyun de rnam pa gsum du 'gyur/ /gzhi dang rang bzhin nyid dang ni/ /mi 'phrogs pa yi rab dbye las/ /mdor bstan pa'i tshig rnams kyi rgyas par bstan pa gsungs pa/ rang bzhin rnam pa rgyu yin te/ /de bzhin mi 'phrogs 'bras bu'o/ /gzhi ni thabs zhes bya ba ste/ /gsum gyis rgyud kyi don bsdus pa'o/ /zhes so/ /dngos po rnams kyi stong pa nyid kyi ngo bo ni rang bzhin dang rnam pa zhes pa don gzhan ma yin te rang gi ngo bo zhes pa'i don to/ / de rgyu ste nye bar len pa'i byed pa po rgyu'i rdo rje 'dzin pa ste/ gang 'di rnams kyi thog ma med pa'i bag chags kyi dri mas ma gos pa ngo bo nyid kyis grub pa'i sangs rgyas nyid de kho na ni dri ma med pa nyid thob pa'i mtshan nyid can sangs rgyas nyid kyi rgyu'o zhes pa'i don to/ /gal te yang ngo bo nyid kyis 'di rnams 'od gsal bar gyur pa ma yin na/ sol ba bzhin du bkrus kyang dri ma med par mi 'gyur ro/ /de 'phags pa byams pas gsungs pa/ thams cad la ni khyad med kyang / /de bzhin nyid ni dag gyur pa/ /de bzhin gshegs nyid de yi phyir/ /'gro kun de yi snying po can/ / zhes so/ /rgyu de las glo bur ba'i dri ma dang bral ba las gang dri ma dang bral ba nyid thob pa'i mtshan nyid can gyi 'bras bu 'bras bu'i rdo rje 'dzin pa de ni mi 'phrogs par brjod par bya ste/ bag chags kyi dri ma rnams kyis mi 'phrogs pa nyid kyi phyir te/ 'phrogs pa ni yang dag par 'phrogs pa ste 'grib pa'am sdud pa'o/ /dri ma med pa nyid thob pa'i thabs te lhan cig byed pa'i rkyen bskyed pa dang rdzogs pa'i rim pa'i ngo bo ni gzhi zhes brjod par bya ste/ de la brten nas skye ba dang gnas pa'i phyir na myu gu'i sa gzhi bzhin no/ /thabs de yang dngos su ba ni phyag rgya chen po 'grub pa'i dus su/ phyag rgya'i rnal 'byor las 'chad par 'gyur ba'i rjes su bsgrub pa ste/ de'i yang dngos su ba'i thabs rdzogs pa'i rim pa dang / de'i ni bskyed pa'i rim pa'o/ /de'i yan lag rnams ni las rab 'byam dang dbang bskur ba la sogs pa rnams so/ /de ltar rgyu'i rgyud dang 'bras bu'i rgyud dang thabs kyi rgyud ces pa rgyud gsum rnams kyis rgyud kyi don khyad par du rtogs par bya ba bsdus so/ /'dus pa la sogs pa rnams zhes pa la 'dus pa ni brjod par bya ba'i don te/ de ltar ni 'dus pa phyi mar/ sku dang gsung thugs rnam pa gsum/ /gsang ba zhes par brjod par bya/ /'dus pa tshogs par rab brjod de/ /sangs rgyas thams cad mngon brjod pa'o/ /zhes so/ /stong pa nyid dang ro gcig pa'i ye shes kyi bdud rtsi nyid kyis na/ so sor rdo rje gsum gyi rang bzhin nyid kyi phyir sku gsung thugs ni rnam pa gsum mo/ /skal pa med pa'i skye bo'i spyod yul ma yin pa nyid kyi phyir gsang ba ste sba bar bya ba'o/ /sangs rgyas thams cad kyi ngo bo nyid kyis na 'gro ba'i don gsal bar gyur pa de'i 'dus pa ni bde ba chen po'i rang bzhin bcu gsum pa rdo rje 'dzin pa'i sa la tshogs pa ste/ de nyid kyi phyir de sangs rgyas thams cad mngon rjod byed du 'gyur ro/ /de bzhin du dpal bde mchog ste/ shrI ni gnyis su med pa'i ye shes yin zhing / sham ni bde ba ste/ khams gsum las 'das pa'i phyir mchog go/ /mchog tu bde ba chen po gnyis su med pa bsam gyis mi khyab pa'i sku can 'khor los sgyur ba la sogs pa rnam pa sna tshogs pa'i gzugs kyi bkod pa la mkhas pa'i spyod pa can/ bag chags dang bcas pa'i kun du rtog pa ma lus pa so sor nub kyang ka la ping ka'i ltar snyan pa'i sgras chos bstan pas sa bcu'i dbang phyug byang chub sems dpa' rnams tshim par mdzad cing / skal pa ji lta bar sprul pa sna tshogs pa rnams kyis sa'i dbang phyug la sogs pa sems can gyi phung po ma lus pa smin par mdzad grol bar mdzad pas/ gnas gtsang ma'i steng 'og min gyi gnas stug po bkod pa rdo rje nor bu'i rtse mo can la sogs pa'i ming can gyi khang pa brtsegs par srid pa dang zhi ba la mi gnas pa'i mya ngan las 'das pa'i bdag nyid can phyag rgya chen po'i mtshan gzhan can byang chub chen po mngon du mdzad nas bzhugs pa'o/ /de bzhin du kye rdo rje ste/ he yig gis ni snying rje che/ /badzra'ang shes rab brjod par bya/ /snying rje chen po ni 'gro ba ma lus pa'i don byed pa dmigs pa med pa'i snying rje ste/ de yang 'dir lhan cig skyes pa'i bde ba chen po'i rang bzhin no/ /shes rab ni stong pa nyid kyi ye shes te/ de yang stong pa nyid dang ro gcig pa'i phyir stong pa nyid bzhin kho nar rdo rjer brjod par bya'o/ /de ltar na stong pa nyid dang ro gcig pa'i bde ba chen po'i rang bzhin 'gro ba ma lus pa'i don byed pa sku bzhi pa kye'i rdo rje'o/ /de ltar bcom ldan 'das dpal rdo rje sems dpa' kho na 'bras bu'i bdag nyid ni 'dus pa dang bde mchog dang kye'i rdo rje la sogs pa'i rang bzhin nyid kyis thams cad du brjod par bya ba ste/ thabs dang rgyu yang ngo / /de rjod par byed pa nyid kyis na de ltar tha snyad du byas pa ni gzhung gi rgyud kyi khyad par 'dus pa la sogs pa rnams so/ /de rnams kyi gleng gzhi ni thog ma'i rgyu yang dag par sbyor ba rgyu'i rgyud de/ gang gi phyir 'di yod pa kho na na thabs kyi rgyud byed pa po 'jug pa'i phyir te/ rnam pa gzhan du na mi rigs pa'i phyir ro zhes de ma thag tu brjod zin to/ /yang dag pa ni phyin ci ma log pa ste/ gnod par byed pa'i tshad ma med pa'i phyir ro/ /nges pa ni tshad ma dang lung gis grub pa'o/ /de ltar na/ brtse ldan sdug bsngal gzhom don du/ /thabs rnams la ni mngon sbyor mdzad/ /thabs byung de rgyu lkog gyur pas/ /de 'chad pa ni dka' phyir ro/ /lung dang rigs pas rnam dpyod pas/ /sdug bsngal rgyu ni yongs su brtag / ces pa'i rigs pa las/ gus pa dang bcas par bar ma chad par dus ring por goms pa las bcom ldan 'das kyis rnal 'byor pa'i mngon sum so so rang gis rig par bya bas mngon du mdzad pa'o/ /bcom ldan 'das rnams kho na'i mngon sum gang yin pa ni rnam pa thams cad pa'i de kho na nyid kyi spyod yul can nyid kyi phyir na/ de kho na mi slu ba nyid kyis de kho na nyid rnam pa thams cad pa la mi 'khrul ba dngos so/ /des chos rnams thams cad mtshan nyid med par sangs rgyas bcom ldan 'das rnams kyis rab tu mkhyen to/ /rnam pa thams cad mkhyen pa nyid kyi ye shes dngos po nyid du thal bar 'gyur ba yang ma yin te/ de yang chos thams cad kyi nang du 'dus shing rang bzhin med pa nyid du de rnams kyis mngon par rdzogs par sangs rgyas pa'i phyir ro/ /de skad du yang 'phags pa shes rab kyi pha rol tu phyin par gsungs pa/ rnam pa thams cad mkhyen pa nyid kyi ye shes ni mngon sum gyi mtshan nyid can te/ de yang de bzhin gshegs pas mtshan nyid med pa'o zhes mngon par rdzogs par sangs rgyas so/ /zhes so/ /de'i bstan pa mchog tu che ba'i rjes su dpag pas so/ /mthong dang ma mthong ba dag la/ /rigs pas grub dang rang tshig gis/ /gnod med bstan bcos gang yin te/ /gzung bar bya zhes pa'i rigs pa'am/ lung gis kyang tshu rol mthong ba rnams kyis nges pa'o zhes pa'i don to zhes pa ni/ 'di gleng gzhi'i sgra'i shugs kyis rtogs par bya ba'i don te/ cig shos ltar na gnod par byas pa nyid kyis na yang dag pa ma yin pa nyid kyi phyir dang sgrub par byed pa med pas na ma nges pa nyid kyi phyir ci ltar gleng gzhi nyid yin/ 'di yang phyin ci log pa'i bdag la sogs par lta ba la mngon par zhen pa seng ge dang 'phrog byed dang / dbyig gi snying po rnams kyi yul ma yin zhing / nyan thos gang zag gi bdag med pa nyid mngon sum du byas pa nyid kyis nyon mongs pa'i sgrib pa spangs pa rnams kyi yang ste/ shes bya'i sgrib pa mtha' dag yod pa'i phyir dang / rang sangs rgyas rnams kyi yang ste shes bya'i sgrib pa'i phyogs gcig yod pa'i phyir la/ de'i phyir gsang chen no/ /yang dag par sbyor ba 'chad pa ni shes rab dang thabs kyi bdag nyid ces pa ste/ shes rab ni stong pa nyid dang de'i ye shes kyang ste stong pa nyid dang ro gcig pa nyid kyi phyir ro/ /thabs ni dmigs pa med pa'i snying rje chen po 'gro ba'i don byed pa lhan cig skyes pa'i bde ba chen po'i rang bzhin no/ /shes rab dang thabs de dag gnyis su med par gyur pas gang gi bdag nyid de rang bzhin yin pa de ni de skad de/ yang dag par sbyor ba zung 'jug gi ngo bo'o/ /de skad du yang 'dus pa phyi mar/ shes rab thabs ni snyoms 'jug pa/ /rnal 'byor zhes par mngon par brjod/ /rang bzhin med gang shes rab ste/ /thabs ni dngos po'i mtshan nyid do/ /zhes so/ /mchog tu byung ba zhes pa/ nyan thos la sogs pa rnams las mchog tu gyur pas mngon par shes pa la sogs pa'i yon tan 'bras bu'i rgyud kyi bdag nyid rnams 'di las byung zhing skyes pas na mchog tu byung ba'o/ /ma ning ni gtsug lag nyid kyi phyir ro/ /'dis ni gleng gzhi nyid mngon par gsal bar byed do/ /de kho na'i phyir gsungs pa/ yang dag par sbyor ba'i zhes pa la sogs pa'o/ /yon tan rnams 'dis yang dag par kun nas 'dzin par byed/ yongs su rgyas par byed ces pas ting nge 'dzin te rnam par mi rtog pa'o/ /'on kyang sgom pas rnam par g.yeng ba ma lus pa bzlog pas ting nge 'dzin par byed pa la 'di mchog tu 'byung bar 'gyur ro/ /sems mnyam par gzhag pa ni yang dag pa ji lta ba bzhin shes par byed cing / de'i rjes su 'gro ba can du de'i yon tan rnams 'gyur ro zhes ting nge 'dzin gyi sgra brjod pas gsal bar byed do/ /de nyid kyi phyir gsung bar 'gyur ba mtshan nyid ces pa ste/ ting nge 'dzin par byed pa kho na las mtshon par bya ba nyid kyi phyir ro/ /de nyid kyi phyir gsungs pa/ zhes pa'i don to zhes pa ste/ 'di ni lhur len pa nyid kyi don to/ /'byung ba ni skye ba'o zhes pa'i don brjod kyi/ 'byung ba dngos po'i rkyen gyi mtha' can ni ma yin te/ de kho na 'byung ba'o zhes gzhi mthun pa nyid kyi phyir ro/ /yang na de kho na ste/ yang dag par sbyor ba ni ting nge 'dzin par byed pa las glo bur ba'i dri ma dang bral bas mchog tu ste 'bras bu rdo rje 'dzin pa'i rang bzhin du 'byung ba'o zhes pa mchog tu 'byung ba ste byed pa po la a tsa'o/ /de lta bur gyur pa zhes pa bshad zin pa'i khyad par gyis khyad par du byas pa'o/ /brtan pa ni ri dang chu klung dang rgya mtsho dang sa gzhi dang rlung la sogs pa snod kyi 'jig rten gyi rang bzhin rnams so/ /g.yo ba ni sems can rnams so/ /rgyu dang rkyen tshogs pa las byung ngo zhes pas dngos po rnams te/ de rnams kyi rang bzhin de gnyug ma'i ngo bo gang gi bdag nyid de rang gi ngo bo yin pa de ni de'i bdag nyid can te de las gzhan pa'i brtan pa dang g.yo ba'i dngos po'i rang bzhin med pa'i phyir ro/ /brtan pa la sogs pa rnams ni byis pa rnams kyis kyang rtogs par bya ba nyid na yang de'i rang bzhin 'di rtogs bya ma yin pa nyid ni de kho na nyid kyi cha la ma goms pa las so zhes gsungs pa/ 'di mtshon par bya zhing mngon sum du bya'o zhes pa 'dis te bsgom par bya bzhin pas so zhes pa mtshan nyid do/ /ji ltar mi rtag pa nyid la sogs par rjes su dpag pa'i dngos po'i rang bzhin nyid la yang sgom pa'i bdag nyid kyi 'jug pas mngon du bya ba de bzhin du 'di'o zhes dgongs pa'o/ /bshad pa 'di la yang dag par sbyor ba yang de yin la mchog tu byung ba yang yin zhing mtshan nyid kyang ngo zhes tshig rnam par sbyar ro/ /de ltar rgyu las 'bras bu 'byung ngo zhes 'bras bu'i rgyud gsungs pa/ yang na thams cad ces pa la sogs pa ste/ tshig gi don rnams ni sngar bzhin no/ /gleng gzhi nyid ni bcom ldan 'das kyis sngags la sogs pa ston pa'i 'o/ /rdo rje ni stong pa nyid de/ stong nyid rdo rjer brjod par bya/ /zhes mkha' 'gro ma rdo rje gur du gsungs pa'i phyir ro/ /de'i rang bzhin bde ba chen po dang snying rje'i rang bzhin gyi sems kyi sems pa gang gi yin pa de rdo rje sems dpa' ste rdo rje 'dzin pa'o/ /khyad par du gyur pa'i thabs kyis phan btags pa'i rgyus 'bras bu mngon par 'grub par byed do zhes thabs kyi rgyud gsungs pa/ gsang chen zhes pa la sogs pa ste gsang chen ni seng ge dang 'phrog byed la sogs pa'i spyod yul ma yin pa sngags dang dkyil 'khor pa la sogs pa'i mtshan nyid do/ /man ngag gi bya ba las byung ngo zhes pa man ngag las byung ba ste/ 'dis ni mchog tu 'byung ngo zhes pas na byung ba zhes pa'i don bshad do/ /yang na byung ba'i sgra'i don ni sngar bzhin te/ de'i yang sngags la sogs pa rnams thabs nyid du don gyi shugs kyis thob pa nyid kyi phyir 'dir byung ba'i sgras gsungs so/ /sogs pa'i sgra las rab 'byam dang dam tshig la sogs pa'o/ /mtshan nyid kyi sgra'i don ni sngar bzhin no/ /bshad pa 'di la yang dag par sbyor ba las byung ba ni yang dag sbyor byung ste/ de yang yin la mtshan nyid kyang ngo zhes tshig rnam par sbyar ro/ /de ltar gyur na rgyud thams cad kyi gleng gzhi yang dag par sbyor ba yang yin la/ gsang chen las byung ba'i mtshan nyid kyang ngo zhes don gnyis kyi rjes su mthun par bshad pa na don gcig go zhes pa don gsum ni/ thams cad ces pa la sogs pa'i ngag lan gnyis bzlas pas gsungs te/ don gsum po 'di de ni shes rab thabs kyi rang bzhin te/ de kho na rgyud do zhes pas gtso bor bla na med pa'i thabs kyi cha gsal bar byed pa'i phyir rgyud kyi don ni phul du byung ba dang bcas par gsungs te/ 'dir phyag rgya chen po dang yang dag par sbyor ba mchog gi go 'phang gi ngo bo rnams kho na dang sangs rgyas thams cad kyang 'chad par 'gyur ba'i phyir ro/ /shes rab kyi cha ni pha rol tu phyin pa'i tshul dang thun mong ba ste/ ye shes kyi sku ni rnal 'byor gyi rgyud kyi khyad par dang ngo / /phyag rgya chen po'i bde ba ni thun mong ma yin pa'o/ /rnal 'byor gyi rgyud kyi tshig gi don brjod pas ni shes rab kyi de kho na nyid kyang gtso bor 'chad par 'gyur ro/ /bdag gis te rdo rje sems dpa' bdag nyid kho nas skal pa dang ldan pa'i gdul bya rnams la so sor rtog pa'i bsam pas gzhag pa'i bag chags yongs su smin pa'i 'phen pa las/ bshad pa ste nang gi de kho na nyid dang phyi'i de kho na nyid kyis bshad bzhin pa ni/ mchog tu tshad ma'i skyes bus byas pa nyid kyi phyir mi slu ba nyid kyis na the tshom dang phyin ci log dag mi bya'o zhes dgongs pa'o/ /dgongs pa 'di kho na man ngag las byung ba'i sgra yis rtogs kyang slar yang 'dir rtogs par byas pa ni/ ci ltar yang yid ches par dka' ba'i 'jig rten yid ches par 'gyur zhes pa'o/ /gal te yang byang chub sems dpa' mang po rnams kyis zhus mod kyi/ de ltar yang gsol ba 'debs pa po gtso bo nyid kyi phyir nyon zhes gcig gi tshig ste/ gzhan rnams rnam par gcod pa ni ma yin no/ /chos thams cad rang bzhin med pa nyid du bsgom pa kho nas thog ma med pa'i skye ba brgyud par bsags pa'i dri ma rtsad nas phyung bas tha mal pa'i phung por 'dzin pa spong ba sngon du 'gro bar bskyed pa dang rdzogs pa'i rim pa dag gis lha bsgom par bya'o zhes gsungs pa/ dang por zhes pa la sogs pa ste/ stong nyid ni rang bzhin med pa nyid de 'od gsal ba'o/ /dri ma rnams ni nyon mongs pa dang shes bya'i sgrib pa rnams te/ de rnams kyis lus gos pa'o/ /de dang ldan pa rnams kyi khams bco brgyad rnams stong nyid du rnam par bsams te/ gos rnams ltar bkrus nas te bsam pa gtso bo nyid las bkrus par byas nas lha bsgom par bya'o zhes lhag ma'o/ /de nyid kyi phyir rgyas par ston te/ gzugs khams zhes pa'o/ /rU pa gnod pa la skad kyi byings te gzugs su byed rang la pha rol 'jug pa la gnod par byed do zhes pa gzugs te dkar po dang ser po la sogs pa dang ring po dang thung ngu la sogs pa'o/ /rang gi mtshan nyid 'dzin par byed do zhes pa khams so/ /gzugs kyang de yin la khams kyang zhes pa gzugs khams te des so/ /gzugs khams kyi zhes pa gsum pas gzugs te/ gtsug lag nyid kyi phyir ro zhes bya ba rang gi ngo bos don dam par gzugs kyi khams kyis stong pa rnams zhes pa'i don to/ /kun rdzob tu yang gzugs med pa ni ma yin no/ /de'i zhes pa de'o/ /nyid kyi sgra ni bzhin gyi don la ste/ gzugs kyi khams bzhin du sgra yang stong par bla mas slob ma la byed du gzhug go zhes pa'i don to/ /'di gsal bar byed cing sgra'i khams shes pa la sogs pa dkyus ma'i don dang 'brel bar byed do/ /yid ces pa yid kyi yul chos kyi khams te yul can gyis yul bstan pa'i phyir ro/ /de bzhin du phyi mar yang ji ltar rigs par brjod par bya'o/ /mig bdag nyid ces bya zhes pa 'dis rang gi ngo bos stong pa rnams la rnam par shes pa ste/ rnam par shes pa'i yul dang dbang po dag stong pa dag gi dbus su rnam shes ci ltar mi stong par 'gyur te stong pa kho na'o zhes dgongs pa'o/ /yid ni dbang po dang phyi rol ni yul chos kyi khams te/ de dag gis stong pa rnams kyi'o/ /nye bar sdud pa ni de'i phyir zhes pa la sogs pa'o/ /yang yig gis rnam par shes pa'o/ /myong ba po yang shes pa'i yang gis de'i rnam par shes pa'o/ /sems ni yid kyi dbang po dang de'i spyod yul ni sems las byung ba ste/ yang gis de'i rnam par shes pa'o/ /yang na gzugs la sogs pa rnams yul lnga rnams dang / lta ba po la sogs pa rnams ni de'i yul can dbang po rnams te/ sems dang mtshungs par ldan pa tshor ba dang 'du shes dang 'du byed kyi phung po sems kyi khyad par rnams ni sems las byung ba chos kyi khams yul drug pa'o/ /sems ni yul drug gi rnam par shes pa rnams te yid kyi dbang po yang ngo / /yid kyi dbang po ni mig la sogs pa'i dbang po bzhin du logs su med kyi/ 'das ma thag pa'i rnam par shes pa kho na ni rnam par shes pa'i khyad par phyi ma bskyed pa'i bdag po nyid kyi phyir yid kyi dbang por brjod do/ /de ltar khams bco brgyad rnams brjod de/ gzugs kyi khams dang mig gi khams dag dang mig gi rnam par shes pa'i khams nas/ ji srid du chos kyi khams dang yid kyi khams dang yid kyi rnam par shes pa'i khams kyi bar ro/ /rnam par shes pa drug rnams yid kyi skye mched kyi nang du 'dus pa'i phyir skye mched bcu gnyis te/ gzugs kyi skye mched dang mig gi skye mched nas ji srid du chos kyi skye mched dang yid kyi skye mched ces pa'i bar ro/ /dbang po lnga rnams dang yul lnga rnams kyang gzugs kyi phung po'o/ /dbang po lnga'i rnam par shes pa rnams ni rnam par shes pa'i phung po'o/ /de las gzhan pa rnam par shes pa dang rnam par shes pa'i khyad par rnams ni 'du byed kyi phung po'o/ /tshor ba dang 'du shes kyi phung po dag ni sems las byung ba'i 'du byed kyi phung po kho na'i rab tu dbye ba dag ste/ 'khor ba'i rtsa ba'i rgyu nyid kyi phyir logs pa brjod pa dag go/ /de la tshim par byed pa dang yongs su gdung bar byed pa dang de gnyig las grol ba'i rang gi yul gyi rang gi ngo bo mngon du bya bas yul nyams su myong ba rnam par shes pa'i nyams su myong ba'i rig pa ni tshor ba zhes brjod do/ /mtshan ma ste lto che ba nyid la sogs pa'i khyad par sems las byung ba'i chos gang gis 'dzin cing 'dus te shes la ye shes la yongs su gcod par byed pa de ni mtshan mar 'dzin pa'i bdag nyid can 'du shes zhes brjod do/ /de las gzhan pa'i sems las byung ba sems pa la sogs rnams ni 'du byed kyi phung po'o zhes pa phung po lnga rnams te/ thub pa'i dgongs pa'i rgyan du rab tu spros zin no/ /de ltar khams bco brgyad po rnams kho na chos thams cad de/ de rnams de kho na nyid du na rang bzhin med pa nyid du gsungs so/ /de skad du yang / brtag pa gnyis par gsungs pa/ dbang po dang ni yul nyid dang / /dbang po'i rnam par shes pa nyid/ /rnal 'byor ma rnams go bya'i ched/ /khams ni bco brgyad rnams su bshad/ /rang bzhin gdod nas ma skyes pa/ /bden min brdzun min de bzhin du/ /thams cad chu yi zla ba ltar/ /'dod pas rnal 'byor mas shes gyis/ /zhes so/ /'di ji lta ba bzhin du rnam par ma shes nas gal te c hos thams cad kyi rang bzhin stong pa nyid yin na 'on med pa nyid kyi mthar lhung ngo zhes pas stong pa nyid rnam par bsams pas ci'i phyir dri ma med pa'i bdag nyid kyi dag pa yin zhes rgol ba'i bsam pa ma 'ongs pa'i skye bo la ldem por dgongs pas rdo rje snying po'i lan glan pa'i ched du stong pa nyid kyis de ma thag par lha'i rnal 'byor phyogs tsam ston pa gsungs pa/ nyon zhes bya ba la sogs pa'o/ /ji lta bar khyad par gang gis tshol bar byed rnam par sems par byed bsgom par bya ba'o zhes pa lam mo/ /de de ltar nyon zhes phyi ma dang 'brel lo/ / de'i khyad par gsungs pa gnyis med ces pa gnyis yod pa ma yin pa nyid ni gnyis med de/ gang gi phyir na gnyis spangs pa ste/ gnyis te yod pa dang med pa la sogs spangs shing bor la bkag pa ste/ yod pa ma yin zhes pa'i don to/ /'o na gnyis dang bral ba dbu mar gyur pa'i sems tsam yang sna tshogs pa'i mdo sder gsungs pa med dam ci zhe na/ med de gang gi phyir kun rdzob tu bcom ldan 'das kyis sems tsam nyid du bstan gyi don dam par yod pa ni ma yin pa'i phyir te/ mdo gzhan du de yang rang bzhin med pa nyid du bsgrub pa'i phyir ro/ / ji skad du 'phags pa dkon mchog brtsegs par gsungs pa/ 'od srungs sems ni yongs su btsal bar bya na mi rnyed do/ /gang ma rnyed pa de ni nye bar mi dmigs so/ /gang nye bar ma dmigs pa de ni 'das pa yang ma yin ma 'ongs pa ma yin/ da ltar byung ba ma yin te/ de ni dus gsum las yang dag par 'das pa'o/ /de ni yod pa ma yin med pa ma yin te/ gang yod pa ma yin med pa ma yin pa ste ma skyes pa'o/ /gang ma skyes pa de la rang bzhin med do/ /gang la rang bzhin med pa de la skye ba med do/ /gang la skye ba med pa de la 'gag pa med do/ /gang la 'gag pa med pa de la bral ba med cing ma bral ba la ni 'gro ba med/ 'ong ba med/ 'chi 'pho ba med/ skye ba med do/ /gang la 'gro ba med 'ong ba med 'chi 'pho ba med skye ba med pa de la 'du byed 'ga' yang med do/ /gang la 'du byed 'ga' yang med pa de 'dus ma byas pa ste/ gang 'dus ma byas pa de 'phags pa rnams kyi rigs so zhes rgyas par ro/ /de nyid kyi phyir 'di nyid du gang gsungs pa/ 'od srungs rtag ces bya ba 'di ni mtha' gcig go/ /mi rtag go zhes pa 'di ni mtha' gnyis pa'o/ /'od srungs de bzhin du yod ces bya ba 'di ni mtha' gcig ste/ med ces pa mtha' gnyis pa'o/ /gang mtha' 'di dag gi dbus ni dpyad du med pa bstan du med pa rab tu mi gnas pa gnang ba med pa rnam par rig pa ma yin pa gnas med pa ste/ 'di ni dbu ma'i lam du brjod par bya ste/ chos rnams kyi yang dag pa so sor rtog pa'o zhes so/ /chos kyi dbyings de yang 'di'o zhes rang gis nges par dpyad par mi nus pa nyid kyi phyir dpyad du med pa'o/ /pha rol po rnams la bstan par mi nus pa nyid kyi phyir bstan du med pa'o/ /nang gi khams dang skye mched kyi ngo bor mi gnas pa nyid kyi phyir rab tu mi gnas pa'o/ /phyi'i khams dang skye mched bzhin du snang nas mi rtogs pa'i phyir snang ba med pa'o/ /mig gi rnam par shes pa la sogs pa'i khams kyi rang gi ngo bo las 'das pa nyid kyi phyir rnam par rig pa ma yin pa'o/ /'dod chags la sogs pa nyon mongs pa mtha' dag gi gnas ma yin pa nyid kyi phyir gnas med pa'o zhes brjod do/ /gal te dbus su rang gi sems kyi ngo bo'i bdag nyid can gyi dngos po don dam pa cung zad yod par gyur na de'i tshe de yod do de med do zhes pa'am rtag go zhes pa'am mi rtag go zhes mngon par zhen pa mthar ci ltar 'gyur ji srid du dngos po'i don gyi de kho na nyid kyi rjes su song ba na yid la byed pa tshul bzhin pa kho na ni lhung ba'i gnas so zhes rigs pa ma yin zhing / brtag pa la sogs pa'i ngo bo nyid las ma gtogs pa dngos po'i rnam pa gzhan gang dngos po'i de kho na nyid du 'gyur ba yang med do/ /dbus na dngos po'i rang gi ngo bo med na don med do zhes 'dzin pa yang mtha' ma yin par 'gyur ro zhe na/ de mi rigs te med ces bya bar nges par 'dzin pa ni yod par 'dzin pa med na mi 'byung ba nyid kyi phyir te yul med pa'i dgag pa yod pa ni ma yin pas so/ /'phags pa klu'i rgyal po rgya mtshos zhus par yang gsungs pa/ sngon mtha' stong zhing phyi ma'i mtha' stong dang / /skye 'jig gnas pa'i dngos po stong pa ste/ /'di la dngos po yod min dngos med min/ / chos rnams thams cad rang bzhin gyis stong pa'o/ /zhes so/ /'phags pa klu sgrub zhabs kyis kyang gsungs pa/ yod ces pa ni rtag par 'dzin/ /med ces pa ni chad par blta/ /de phyir yod nyid med nyid la/ /mkhas pas gnas par mi bya'o/ /zhes so/ /dbu mar 'dzin pa yang 'phags pa lha'i zhabs kyis/ yod dang med pa las grol ba/ /dbu ma nyid du gang rtog pa/ /dbu mar mngon par zhen pa 'di/ /sgyu ma'i rang gi mtshan nyid min/ /zhes bkag go/ /de'i phyir 'di ni mchog tu zab pa'i de kho na nyid de/ brtag bya min te spyi med pa'i phyir rtogs pas rtogs bya ma yin pa'o/ /rnam shes bya min te khyad par med pa'i phyir dpyod pa'i yul ma yin pa'o/ /spyi dang khyad par dag las gzhan pa'i yang rtogs par bya ba'i rang gi ngo bo mi srid pa'i phyir rtogs dka' ba'o/ /yang na thos pa dang bsam pa dang sgom pa'i rang bzhin gyis shes pa'i yul ma yin pa'i phyir rim pa ji lta bar tshig gsum mo/ /rtog ge ba rnams kyis te spyi la sogs pa'i rnam par rtog pa la dga' ba seng ge dang 'phrog byed dang dbyig gi snying po dang phyi rol gyi 'dod chags dang bral ba la sogs pa so so skye bo rnams kyis so/ /de nyid kyi phyir de rnams kyi spyod yul ma yin pa nyid kyi phyir gsang chen no/ /nam mkha' dang mnyam ste rang bzhin med pa nyid kyis mtshungs pa/ sangs rgyas bcom ldan 'das rnams te/ de rnams dang de kho nas 'dra ste ro gcig tu gyur pa sgrib pa thams cad spangs pa las sangs rgyas thams cad nyid kyi so so rang gis rig par bya ba'o zhes pa dgongs pa'o/ /gang gsung bar 'gyur ba sangs rgyas spyod yul lo zhes so/ /de yang rtog pa'i dra ba ma lus pa dang bral ba'i 'jig rten las 'das pa'i ye shes kyis chos thams cad snang ba med pa so so rang gis ma dmigs pa las rig gi dmigs pa las ni ma yin no/ /ji skad du bden pa gnyis nges par bstan pa'i mdor gsungs pa/ lha'i bu don dam pa'i bden pa ni ji srid du rnam pa thams cad mchog dang ldan pa'i mchog thams cad mkhyen pa'i ye shes kyi bar gyi yul las 'das pa'o zhes so/ /'dis ni yul gyi dngos po las yang dag par 'das pa nye bar blangs pa'i phyir nye bar dmigs pa las de mthong ba 'gegs par byed do/ /mi shes pa ni shes bya'i sgrib pa ste/ de kho na ni de kho na nyid mthong ba la 'gebs pa'i phyir mun pa dang 'dra bas mun pa'o/ /rang sangs rgyas rnams kyis sprul te sgom pas bskyed pa'i ye shes ni shes bya'i sgrib pa phyogs gcig spangs na yang / gal te gang gi phyir bag chags kyi rjes su son ba de'i phyir de rnams kyis kyang mi shes so/ /'dis ni 'di gsungs te/ gnyis su med pa'i ye shes kho na lha'i rnal 'byor gyi bdag nyid can ni byang chub kyi lam mo zhes pa'o/ /su rnams kyi zhe na gsungs pa/ 'khor ba zhes pa la sogs pa ste/ 'khor ba ni khams gsum du nyon mongs pa dang las kyis 'phangs pa'i skye ba'i rgyun no/ /de kho na mdza' ba dang bral ba dang mi mdza' ba dang phrad pa la sogs pa nye bar 'tshe ba mang po'i rgyu nyon mongs pa'i chu srin la sogs pas yongs su bskor ba nyid kyis dang rgya che ba nyid kyis rgal dka' ba nyid kyi phyir rgya mtsho ste/ de nyid kyi phyir de ni 'jigs pa ste gang rnams kyi 'jigs pa chen po thob par byed pa'o/ /sgrol ba ni rgal bar byed pa'o/ /der son pa'i sems te mngon par 'dod pa gang rnams kyi yin pa rigs mchog rab tu sad pa rnams kyi'o/ /'khor ba'i rgya mtsho'i dbus su 'jug bzhin pa'i lus can rnams bsgral bar ji ltar 'gyur ba de ltar mtshon bya ste/ mtshon par bya ba gnyis su med pa'i ye shes kyi bdag nyid lha'i rnal 'byor/ brjod pa po ste thub pa'i dbang po rnams kyis 'khor ba'i bar du gsungs so zhes pa'i don to/ /mtshon byed ces klog pa na/ mtshon byed ni mtshan nyid do/ /mtshan nyid de gsungs pa/ mtshon pa rnams kyi ste mtshon par bya ba rnams kyi mtshon byed de rang gi ngo bo mtshon par bya ste nges par brtag par bya'o/ /rnam par shes par bya'o zhes pa rnam shes te yul rnams so/ /'di rnams kyis shes par bya ba'o zhes pa shes pa ste dbang po rnams so/ /de'i sems rnams ni drug go/ /shes bya rnams kyi ste khams bco brgyad po de rnams kyi shes bya ste shes par bya ba mtshan nyid/ shes pas te stong pa nyid kyi ye shes kyis blta bya ste de gnyis su med pa'i ye shes kyi rang gi ngo bor mtshon par bya'o zhes pa'i don to/ /gang las 'di rnams blta ba ste/ nges par dpyad pas rtogs pa ste gnyis su med pa'i de kho na nyid chub par 'gyur ba de las rtogs pa blta ba'i bsam ldan pa'i ste de kho na nyid kyi ye shes nges par rtogs pa'i sems dang ldan pa'i rnal 'byor pa'i 'o/ /lam zhes pa lam ste gnyis su med pa'i ye shes kyi bdag nyid lha'i rnal 'byor gyi lam mngon du phyogs par 'gyur ba'o/ /'dis kyang rang 'dod bzhin du rdzogs pa'i byang chub rtogs 'gyur ro/ /rnal 'byor pa 'di'i rjes su bsngags pa gsungs pa/ stong phrag ces pa la sogs pa ste/ stong phrag rnams rnam pa du mar skye ba snga ma rnams su 'gro bar te mi khom pa la sogs pa'i 'gro ba thob cing / da ni snga ma'i mtshan nyid brjod pa las/ mnyam nyid de ro gcig pa nyid kyis stong par sna tshogs pa sgom par byed pa ni dngos grub med na yang bde 'gro brgyud pa kho na thob ste/ de'i phyir 'dis rang 'dod bzhin rtogs par 'gyur zhes pa'i don to/ /stong pa nyid bsgoms nas ci'i don du lha bsgom par bya zhe na gsungs pa/ stong pa zhes pa la sogs pa'o/ /stong pa yang de yin la/ 'di las yongs su dag pa nyid kyi phyir zhing yin zhing dang po ste tha mal pa'i lus kyang yin te/ de la sa bon 'debs pa rab tu bsngags shing de'i phyir de bya ste/ blo chos rab tu rnam par 'byed pa ste de dang ldan pas so/ /stong pa nyid kyis yongs su dag pa'i lus la sa bon bskrun pa ni blo dang ldan pa'i byang chub kun nas thob par byed pa'o zhes pa bsdus pa'i don to/ /de ltar gnyis su med pa'i ye shes kyi bdag nyid lha'i rnal 'byor ni bskyed pa dang rdzogs pa'i rim pa dag gis goms par bya'o/ /don 'di kho na/ bskyed pa'i rim pa nyid dang ni/ /rdzogs pa yi yang rim pa nyid/ /rim gnyis mnyam par gnas nas ni/ /rdo rje can rnams chos 'chad do/ /zhes so/ / de la rdzogs pa'i rim pa nges pa'i don du ston pa/ rtsa zhes pa la sogs pa'o/ /rtsa ni a ba d+hU tI'i ste gtsug tor nas nor bu'i mtha' dang rkang mthil gyi mtha' ji srid par gnas pa'o/ /'on kyang gtsug tor dang spyi bo dang mgrin pa dang snying ga dang / lte ba dang gsang ba dang nor b u'i dbus su chud pa'i rim pa ji lta bar bzhi dang sum cu rtsa gnyis dang bcu drug dang brgyad dang drug cu rtsa bzhi dang sum cu rtsa gnyis dang brgyad kyi grangs can pad+ma nyid dang b+ha ga nyid dang 'khor lo nyid du bstan par bya ba rnams kyi dbus su mdud pa'i gzugs so/ /de'i spyi bor gnas pa'i mdud pa'i bu gnas las kyi gtum mo'i rnal 'byor gyis sam/ rdzogs pa'i rim pa dpyid kyi thig le zhes bya ba rnal 'byor gyi gtum mo'i rnal 'byor gyis sam lhan cig skyes pa'i gtum mo'i rnal 'byor gyis nor bu'i mdud pa'i dbus su ' am gsang ba'i mdud par nges par byung ba'i kun rdzob dang don dam pa'i ngo bo'i byang chub kyi sems bcom ldan 'das dang bcom ldan 'das ma'i rang gi ngo bo sangs rgyas kyi chos thams cad kyi sa bon ni rnal 'byor gsum rnams las gang yang rung ba'i rnal 'byor gyis bskyed par bya'o/ /de kye'i rdo rje'i rgyud du gsungs pa/ dkyil 'khor 'khor lo'i thabs dang pos/ /rang byin brlab pa'i rim pas kyang / /kun rdzob don dam ngo bo can/ /byang chub sems ni bskyed par bya/ /kun rdzob kun da lta bu la/ /don dam bde ba'i ngo bo can/ / zhes so/ /slar yang / chos 'byung las skyes ye shes ni/ /mkha' mnyam thabs dang bcas ldan pa/ /'jig rten gsum po de las skyes/ /shes rab thabs kyi rang bzhin las/ /khu ba'i rnam pa bcom ldan 'gyur/ /de yi bde ba 'dod mar bshad/ /ces dang / slar yang / rang byin brlab pa'i rim 'di ni/ /kun mkhyen ye shes de rang bzhin/ /zhes dang / slar yang / dkyil 'khor 'khor lo'i thabs dang pos/ /rtag par nges par 'gro bar 'gyur/ /zhes so/ /'dir thabs dang bcas ldan pa zhes pa ni thabs dang bcas pa thams cad du ldan pa ste/ ldan pa nyid kho nar 'jig rten gsum zhes pa la sogs pas bstan to/ /gsum rnams kun rdzob tu skad cig so sor 'jig cing rnam par 'jig go zhes pa 'jig rten lus dang ngag dang rtog pa rnams 'di'i yin pa zhes pa 'jig rten gsum ste sems can no/ /de kho na 'jig rten gsum nyid de rang gi don la ya Na'o/ /mtshungs pa kho na mtshungs pa nyid ces pa ji lta ba bzhin no/ /khu ba dang bde ba dag gi bar ni shes rab dang thabs kyi rnam par dbye ba ste/ snyoms par zhugs pa'i lha dag gi ltar yin gyi/ 'di don dam pa ni ma yin no/ /don dam pa'i shes rab dang thabs nyid ni stong pa nyid dang snying rje dag kho na'i'o/ /rang byin brlab pa ni dbang bskur ba la sogs pa la rang nyid byin gyis rlob par byed pa gang yin pa ste/ kun mkhyen ye shes kyang de'i rang bzhin kho na'o/ /'od gsal ba zhes pa spros pa thams cad kyi mun pa dang bral ba nyid kyi phyir phul du byung bar gsal ba'i ngang tshul can te/ shel dag pa ji lta ba bzhin no/ /lnga zhes pa la sogs pa ste/ de bzhin gshegs pa lnga'i bdag nyid me long lta bu la sogs pa ye shes lnga'i rang bzhin de kho na nyid ni drug pa rdo rje sems dpa'i ngo bo ste/ de'i dbus na de'i bdag nyid kyis gnas pa rol par byed pas na lha byang chub kyi sems lhan cig skyes pa'i bde ba'o/ /de brtag pa gnyis par yang gsungs pa/ byang chub sems ni lha nyid do/ /zhes so/ /klu sgrub zhabs kyis kyang / sems kyi rdo rje rnam grol las/ /lha gzhan mngon par brjod du med/ /ces so/ /mi gsal ba ni don dam par te/ stong pa nyid kyi phyir ro/ /gsal ba'i gzugs can zhes pa kun rdzob tu'o/ /'phel ba zhes pa la sogs pa la/ ri dU 'phel ba la'o/ /'phel bar byed pa 'phel ba dang / de'i tsam ste mtha' dag nyid mchog ste phul du byung ba gang gi yin pa de de skad do/ mchog gi rdzu 'phrul ma lus pa dang ldan pa zhes pa'i don to/ /phra ba ste don dam par zab pa nyid kyi phyir ku sha'i rtse mo lta bu'i blo can gyi spyod yul lo/ /kun rdzob tu ni thig le'i gzugs can no/ /gang gis nye bar 'jal ba yid yin pa de ni yid dpe can zhes pa gtsug lag ste yid kyi rang bzhin zhes pa'i don to/ /snying gi dbus na zhes lhan cig skyes pa'i gtum mo'i rnal 'byor goms par gyur pa rnams kyi snying po nyid kyi phyir snying zhes bya ba bde ba chen po'i 'khor lo'i mdud pa'i dbus su'o/ /rtag tu zhes pa thams cad kyi tshe ste/ 'khor lo gzhan du res 'ga' gnas kyi dus thams cad du ma yin no zhes dgongs pa'o/ /'od dang ldan pa zhes pa ni 'od zer dang ldan pa ste sgrib pa'i mun pa thams cad 'joms pa'i ye shes ni 'od zer ro/ /de nyid kyi phyir gegs med pa'i snang ba rab 'byam pa nyid kyi phyir 'od chen te/ lung nyid kyi phyir skyes pa nyid do/ /bcu gnyis mtha' zhes pa bcu gnyis dang mtha' ste/ nye ba las de rnams kho na'i 'o zhes pa kun du sdud pa las bcu gsum mo/ /dgu mtha' zhes pa de ltar bcu'o/ /skud pa zhes pa skud pa la ste/ thams cad skud pa'i rang bzhin kho na'o/ /gcig ces pa gnas so/ /'di rnams ni ji ltar rigs par/ rkang mthil nas ni mgo bo'i bar la gnas pa rnams ni 'chad par 'gyur ba'i pu yig la sogs pa gnas nyi shu rtsa bzhi rnams te rnam 'byung nas te 'phros pas khyab par byas nas so/ /lte ba'i dbus su zhes pa gsang ba yang lte bar brjod par bya ste/ de'i phyir 'dir gsang ba'i mdud pa'i dbus su rnal 'byor gyi gtum mo bsgom pa las khyad par can gyi bde ba chen po'i bdag nyid kyis spros pa bcom nas gnas pa'o/ /lnga pa zhes pa la sogs pa ste/ gtsug gi 'khor lo'i rtsa bzhi po rnams kyi dbus su a wa d+hU tI lnga pa'i cha kho na cha tsam ste/ gang klu'i dbang po'i ltar 'khyil pa'i rnam pas mdud pa'i rang gi ngo bos 'khor lo so sor rnam par rgyas shing khyab par byed ces pas rnam rgyas pa'o/ /cha bcas kyang zhes lung ste/ cha rnams te rtsa rnams dang lhan cig 'jug go zhes pa cha bcas kyang ste/ de 'byed cing ngo / /ni ni khyad par can gyi lhan cig skyes pa'i bde ba'i bdag nyid du rdo rje nor bu'i dbus su mtshan nyid dang bral ba'i skad cig nyid kyis spros pa med pa'i rang gi ngo bor byung zhing rtogs pa ste las kyi gtum mo bsgom pa rnams kyi'o/ / de ci ltar zhe na gsungs pa/ skye gnas zhes pa la sogs pa ste/ skye gnas kyi ste shes rab ma'i pad+ma'i dbus su 'dug pa'i rdo rje nor bur gnas pa zhes pa ma 'phos pa'o/ /'di yang ci ltar zhe na gsungs pa/ chos zhes pa la sogs pa ste/ chos kyi dbyings kyis te sems rnal 'byor sgrub pa las brtan par gyur pas zhu bar byas pa'o/ /'di ni rnal 'byor gzhan la yang rtogs par bya'o/ /khyad par 'di rnams kyis 'di sa bon nyid do zhes bstan par bya ba'i ched du gsungs zin yang dran par byed pa sa bon zhes pa'o/ /'di ni rdzogs pa'i rim pa'i phyogs la nges pa'i don du rnam par bshad pa'o/ /bskyed pa'i rim pa'i phyogs la drang ba'i don du dpyid kyi thig le'i rnal 'byor bskyar te ston pa ni rtsa zhes pa la sogs pa ste/ rtsa'i mdud pa'i bu ga la brten pa'i sa bon te hUM yig nag po bcom ldan 'das kyi rang gi ngo bo dpyid ces bya ba'o/ /phyed ces bya ba las la sogs pa'o/ /phyi mo phyed pa yang de ste gsal byed ni/ phyi mo phyed pa can no zhes pa'i rigs pa las/ ha yig mi 'gyur ba gzhom du med pa yin zhing mchog kyang ste/ a yig la gnas pa nyid kyis phul du byung ba ste/ a yig ni chos thams cad skye ba med pa nyid rjod par byed pa nyid kyi phyir ro/ /thig le spyi bor gnas pa yis/ /gzugs su byas shing mtshan mar byas/ /zhes pa thig le'i gzugs can no/ /man ngag las zla tshes dang nA da dang bcas pa'o/ /gnas gsungs pa/ snying gi dbus su gnas zhes pa dpyid do/ /man ngag las bde ba chen po'i 'khor lo'i dbus su haM yig go/ /bcu gnyis mtha' can ni aM yig mi 'gyur ba ste/ r-i r-I l-i l-I ma ning bzhi spangs nas dbyangs rnams kyi bcu gnyis pa mtha' ma can 'di'o zhes tshig rnam par sbyar ba'i phyir ro/ /man ngag las zla tshes dang nA da dang bcas pa'o/ /dgu mtha' zhes pa dgu pa mtha' la yod pa mtha' can te o yig mi 'gyur ba'o/ / man ngag las zla tshes dang thig le dang nA da dang bcas pa'o/ /gnas gsungs pa lte ba'i dbus su rnam par gnas te aM ngo / /man ngag las mgrin pa'i dbus su oM mo/ /sa bon bzhi po 'di yang rkang mthil nas ni spyi gtsug bar mngon par khyab par byas nas gnas pa'i skud pa gcig ste a wa d+hU tI zhes bya ba/ cha bcas rnams kyang ste 'khor lo'i skud pa rnams 'byed pa rdo rje'i dbus su son pa la nges par byung zhing brten nas/ skye gnas b+ha ga pad+ma bzhi po rnams kyi lte ba'i dbus su gnas pa chos kyi dbyings byang chub kyi sems zla ba zhu bar byas pa dag brtan par gyur pa gang gis yin pa de ni sa bon no zhes pa snga ma bzhin no/ /rdzogs pa dang bskyed pa'i rim pa 'di dag gi yang sgom pa ston par byed de/ rim pa zhes pa la sogs pa ste/ byang chub kyi sems de'i rim pas 'pho ba ste 'gro ba bzung ngo zhes phyi ma dang 'brel lo/ /rlung gi bzhon pa can gyi sems 'gog par bya zhing / rnal 'byor goms pas mi g.yo bar byed par gyur pa na rdzogs pa'i rim pa la gnas pa'o/ /sgo dgu rnams ni 'dir mig dang spyi bo dang sna dang rna ba dang lce dang mgrin pa dang / dpung pa dang snying ga dang lte ba'i rtsa rnams te/ bskyed pa'i rim pa la gnas pas ni sa bon dgod pas gzung bar bya'o zhes gsungs pa/ sa yi sa bon gnyis po ni/ /zhes pa/ sa'i sa bon gnyis ni hUM yig gnyis so/ /de'i mig tu zhes pa mig gnyis su bsgom par bya'o/ /'bar ba zhes pa me'i sa bon k+ShuM rkan la'o/ /rlung gi stong pa sogs sa bon/ /zhes pa stong pa nyid la sogs pa rnam par dag pa/ rlung gi sa bon ni yaM yig go/ /sna dang rna ba sogs zhes pa sna'i khung bu gnyis dang rna ba'i khung bu gnyis su'o/ /dang po'i sems zhes pa gtso bo'i sems kyi ngo bo zhes pa'i don to/ /bdud rtsi chu yi sa bon ni/ /zhes pa bdud rtsi'i sa bon suM yig ste/ de yang chu rnam par dag cing de'i sa bon lce'i dbang po la sbyar bar bya'o/ /gang las de der gtso bo nyid yin pa ste/ 'di'i rgyas par bshad pa dbang phyug ces pa'o/ /mgrin par gti mug sa bon te/ /zhes pa mgrin pa la gti mug rnam par dag pa'i sa bon s+m+r+yuM'o/ /dpung par zhes pa dpung pa'i rtsa ba gnyis su'o/ /nyon mongs de bzhin no zhes pa nyon mongs pa rnam par dag pa'i sa bon s+m+r+yuM'o/ /g.yo ba zhes pa rlung ste/ de'i sa bon y+m+r+yuM snying gar ro/ /phyugs zhes pa phyugs kyi sgras 'ug pa ma ste/ de'i sa bon k+Sh+m+r+yuM lte ba'i rtsa bar zhes pa lte ba'i rtsa ba dag la'o/ /yan lag brgyad kyi sa bon rnams/ / zhes pa khyad par du gyur pa'i yan lag brgyad kyi sa bon rnams kyis so/ /brgyad kyi yan lag gis zhes klog pa la yang de ltar ro/ /cha brgyad ces pa gang gi yan lag brgyad rnams yin pa de rim gyis 'pho ba gzung bar bya go char byad gag par bya zhes pa'i don to/ /'o na sgo dgu rnams su gsungs na ci ltar 'dir yan lag brgyad rnams yin zhe na/ sna dang rna ba dag sa bon gcig nyid kyis na gcig nyid du nye bar btags pa las te/ dngos por ni yan lag rnams dgu kho na'o zhes pas 'gal ba med do/ /cho ga ldan zhes pa 'chad par 'gyur ba'i rim pas stong pa nyid bsgoms pa'i rjes thogs su ye shes mkha' 'gro ma'i gzugs su bdag nyid rnam par bsgoms nas sa bon rnams sam sa bon las yongs su rdzogs pa'i lha rnams yan lag brgyad rnams su ldan par 'gyur ro zhes pa'i don to/ /de ltar rim pa gnyis la goms par byed bzhin pa'i stong pa nyid dang snying rje dbyer med pa'i byang chub kyi sems ni/ khyab pa pos khyab par byed pa ste ci ltar zhe na/ gang gi phyir des de'i bdag nyid du 'gro kun khyab pas so/ /ji skad du/ brtag pa gnyis par gsungs pa/ 'di nyid ye shes chen po ste/ /thams cad lus la rnam par gnas/ /gnyis med gnyis kyi ngo bo can/ /dngos dang dngos med bdag nyid gtso/ /brtan g.yo khyab gnas yang dag gnas/ /sgyu ma'i gzugs bzhin snang ba yang / /zhes so/ /'gro ba de ci zhig ce na/ rgyas par ston te brtan pa sogs/ /zhes pa ste brtan pa sogs ni sa gzhi la sogs pa snod dang / sems can gyi 'jig rten no/ /ci zhig tu 'gro ba la khyab par bya ba de nye bar mtshon par bya zhe na gsungs pa/ rten du zhes pa la sogs pa ste/ tshangs sogs kyi bar gyi lha dang lha min dang bcas pa'i sems can gyi 'jig rten gyi ngo bo de'i rten du 'gyur zhing gtso bo de gang du kun du spyod pa de yang b+ha ga ste chos kyi 'byung gnas so/ /gang rab tu byed pa bzhi par gsung bar 'gyur ba/ gru gsum yangs pa'i gzugs can no/ /rten du 'gyur zhes so/ /sprul pa'i 'khor lo sogs pa yang b+ha ga ste/ gang gi phyir 'dir byang chub kyi sems bde ba chen po'i ngo bo nyid du 'byung zhing skye ba'o zhes pa khyim mo/ /gtso bo zhes pa byang chub kyi sems kyi bdag nyid kho na byed pa dang 'phrog pa la gtso bo ste/ rang nyid byed por rang 'phrog po/ /rang nyid rgyal po rang gtso bo/ /zhes gsungs pa'i phyir ro/ /dbang phyug la sogs pa ni ma yin te/ tshad mas gnod pa nyid kyi phyir ro/ /de'i phyir byed pa po de kho na'i las dang las ma yin te dge ba dang mi dge bar 'gyur ro/ /dus ji tsam du zhe na gsungs pa/ ji srid ces pa la sogs pa ste/ lus la tha mal ba'i nga rgyal gyis yul du byas pa la/ rnam pa sna tshogs pa'i 'dzin pa rnams kyis gnas pa ji srid par ro/ /'di nyid rgyas par ston par byed/ /ces pa la sogs pas tha mal pa'i nga rgyal la sogs pa 'di kho na slar mi skye ba'i ched du lha'i rnal 'byor sgom pa gsungs so/ /rnal 'byor ni zhes pa la/ rnal 'byor ni mnyam nyid de shes rab dang snying rje dag ro gcig pa nyid do/ /bsgom pa ni gus pa dang bcas par rgyun ma chad par yun ring du goms par byed pa'o/ /de yod pa na gang tshe las kyi lus zhes pa las dge ba dang mi dge ba'i 'bras bu'am rgyu'i lus so/ /de 'dra ba zhes pa thog ma med pa'i tha mal pa'i nga rgyal la sogs pa'i skyon dang ldan pa'o/ /bcom pa zhes pa bag chags dang bcas pa'i skyon 'gags pa ste/ de'i tshe byang chub kyi sems kyi bdag nyid kyi gtso bo de kho na lha nyid de/ rdo rje 'dzin par 'gyur ro/ /bde ba chen po'i rang bzhin can gyi rnal 'byor pa de'i yang rang gi dang kho nas ji ltar 'dod pa spro ba dang sdud pa'i phyir/ ci zhig las las kyi sgrib pa'am nyon mongs pa'i sgrib pa yin/ 'o na de ltar gyur na byed pa po nyid la sogs pa med pa'i phyir 'di ci ltar gzhan gyi don byed pa nyid zhe na/ gsungs pa/ rang gi nus pa ni zhes pa la sogs pa ste/ rang ste thun mong ma yin pa rnam pa thams cad yongs su dag pa'i dge ba gcig pu mthar thug pa mchog tu nus pa'o/ /gang gis zhes pa 'khor ba'i bar du rgyun ma chad par dpag tu med pa'i sprul pa'i sku rnams kyis 'gro ba khyab par byas nas kun ston pa la sogs pa'i cho 'phrul ngo mtshar ba rnams kyis skal pa ji lta ba bzhin du gdul bya rnams bde 'gro dang theg pa gsum la 'jog par mdzad cing sdig pa la sogs pa rnams 'phrog go/ /'o na de ltar gyur na 'di spros pa dang bcas pa'o zhe na/ ma yin te/ gang gi phyir/ kha dog ces pa la sogs pa ste/ kha dog tu bya bas na kha dog ste rang gi ngo bo'o/ /nam mkha' dang 'dra ba stong pa ste/ de'i phyir 'di spros pa ma yin no zhes pa'i don to/ /de las zhes pa rang gi nus pa las so/ /gal te de lta na nyan thos bzhin du mya ngan las 'das pa'i mthar lhung ba'o zhe na/ ma yin zhes gsungs pa/ mya ngan 'das zhes pa'o/ /shes rab kyis srid mi gnas shing / /snying rjes zhi la mi gnas pa/ /zhes pas srid pa dang mya ngan las 'das pa la mi gnas pa sgrib pa thams cad nges par song ba zag pa med pa'i bde ba chen po gcig pu'i rang bzhin la rgyun mi 'chad par 'khor ba ji srid par gnas pa ste/ gang las 'di dpa'o zhes pa/ chu skyes bzhin du mi mthun pa'i phyogs chu'i skyon rnams kyis thub par dka' ba nyid kyi phyir dang de las nges par rgyal ba'i phyir dpa' bo yin gyi nyan thos bzhin du 'khor ba las mchog tu skrag pa'i yid can mtha' gcig tu mya ngan las 'das pa thob ba'i 'du shes can ni ma yin no/ /de skad du yang 'phags pa klu sgrub zhabs kyis gsungs pa/ chos 'di rnams ni stong shes nas/ /las dang 'bras bu bsten pa gang / /ngo mtshar las kyang ngo mtshar zhing / /rmad byung las kyang rmad byung ngo / /sems can bskyab pa'i bsam pa yis/ /srid pa'i 'dam du skyes kyang 'di/ /de byung skyon gyis ma gos te/ /pad+ma'i 'dab ma chu yis bzhin/ /'di rnams stong nyid ye shes mes/ /nyon mongs bud shing rnams bsregs shing / /'on kyang snying rjes brlan pa gang / /bzang la sogs pa rgyal sras rnams/ /'pho dang skye dang mngon byang chub/ /ltad mo dka' spyad ston pa dang / /bdud kyi sde nyid 'joms pa dang / /chos kyi 'khor lo rab bskor dang / /lha ru gshegs kyang mya ngan 'das/ /de bzhin khyim nas nges 'byung ba/ /thugs rje'i dbang gis rab 'jug pa'i/ /'gro ba'i mgon rnams ston par mdzad/ /tshangs dbang nye dbang drag sogs kyi/ /gzugs brnyan du ni rab zhugs rnams/ /'gro ba 'dul ba'i sbyor ba yis/ /snying rje'i bsam ldan zlos gar mdzad/ /ces so/ /ci zhig las dpa' bo yin zhe na/ gang gi phyir/ gos pa bag chags la nges par byung ba yang 'di yin la/ sgrib pa gnyis kyi dri ma spangs pa yang ste/ ma ning nyid ni lung ngo / /de ltar don dam pa'i de kho na nyid gsungs so/ /de yang thabs kyi de kho na nyid med na mngon du bya bar sla ba ma yin no zhes pas/ ji lta ba bzhin du de'i thabs dang ldan pa'i rdo rje theg pa la brten pas mngon du bya ste/ de ston pa'i ched du gsungs pa/ ma dang zhes pa la sogs pa'o/ /de la ma ni dbang sbyin pa mo'o/ /sring mo ni rdo rje theg pa la yang dag par zhugs pa ste/ ma la sogs pa'i sgras ma la sogs pa dang 'dra ba rnams so zhes kha cig go/ /rab kyi rnal 'byor pa la sgra ji lta ba bzhin no zhes bla ma rnams so/ /nges pa'i don ni rang nyid kyis gsung bar 'gyur ro/ /shes rab ni stong pa nyid kyi ngo bo'i rnal 'byor ma rnams so/ /thabs ni dpal rdo rje 'dzin pa'o/ /de dag gi cho ga ste phyag rgya dang / bdag nyid la lhag par mos pa las so/ /mchod par bya zhes pa ni 'dod can ma dgyes par bya ba'o/ /gang gsungs pa/ nan gyis rnal 'byor mar sbyor las/ /rnal 'byor sbom po'i ltung bar 'gyur/ /zhes so/ /gang gi phyir yang gsungs pa/ ji srid khu ba ldan gyur pa/ / de srid shes rab bsten par bya/ /zhes so/ /de kho na nyid ni 'dir thabs dang shes rab kyi rang bzhin te/ de la dga' ba ni de mgu bar gyur pa yin gyi chags pa can nyid la sogs pa rnams kyis ni ma yin no/ /rab tu 'bad pa ni gsang ba la 'bad pa'o/ /bye ba zhes pa ni mchog tu bye ba ste rang nyid kho nas rigs pa bshad pa'i stobs las brtag par bya'o/ /sngags bye ba yang bye ba ste/ rgyags pa dang rgod pa dang khro ba la sogs pa rnams kyis rang nyid dam de dang lhan cig pas gzhan la smra ba sngags bye ba'o/ /ma gsang na dmyal bar lhung ba la sogs pa ma mthong ba'i skyon ni rab tu grags pa kho na ste/ mthong ba'i skyon yang gsungs pa/ ma gsang na ste ma sbas na'o/ /sbrul ni sbrul dang stag la sogs pa'o/ /sa spyod ni mi dang sha za la sogs pa gnod par byed pa rnams so/ /de kho na nyid shes par 'dod pa po la 'di rnams kyis ci bya zhe na gsungs pa/ phyag rgya zhes pa la sogs pa'o/ /'dir bram ze mo dang rgyal rigs mo dang rje'u rigs mo dang dmangs rigs mo rnams ni rnam par snang mdzad kyi rigs can ma rnams so/ /bdud rtsi rdo rje mo ni rgyal rigs mo kho na ste/ bdud rtsi bzhin du nyams pa'i sdug bsngal rnams las skyob pa'i phyir ro/ /las kyi rigs las skyes zhes pa ni tshong pa la sogs pa las gtso bo'i rigs kyi rje rigs te de las skyes pa'o/ /ba lang rdzi mo yang dmangs rigs mo'o/ /rnam par snang mdzad chen po ni 'dir rnam par snang mdzad kho na'o/ /de bzhin nyid du zhes pa la sogs pa ste/ de bzhin nyid ni de bzhin pa nyid de/ chos kyi khyad par ma bstan pa'i phyir 'di ni chos thams cad kyi'o/ /de'i phyir chos thams cad kyi yang dag pa ji lta ba'i de kho na nyid ni de bzhin nyid du brjod do/ /de yang stong pa nyid tsam du pha rol tu phyin pa'i theg par rtogs par byas shing / / 'dir ni nye bar ston par 'gyur bzhin pa'i thabs kyi khyad par dang ldan pa'i stong pa nyid ni de bzhin nyid du zhes pa'o/ /der gshegs pa ni de bzhin gshegs pa ste/ ta yig phyis pa las so/ /dpal ldan te tshogs gnyis dang ldan par gyur pa zhes snga ma dang sbrel lo/ /de bzhin kho nar byon pa'o zhes pa ji ltar gshegs pa de bzhin kho nar byon pa ste/ thabs dang shes rab kyi rang bzhin kho na 'gro ba'i don du rigs lnga la sogs pa'i dngos por spro ba'i phyir ro/ /de bzhin nyid 'dis dang phul du byung ba'i ye shes dang dbyer med pa'i shes rab kyis dang sbyor bas te de'i bdag nyid kyi rnal 'byor gyis so/ /'dir thams cad ni sems gtso bo ste/ sems kyi rgyun gyi mtshan nyid can gyi sems can rnams kyang rang bzhin med pa'i bdag nyid kyi de bzhin gshegs pa'i snying po can rnams so/ /de bzhin gshegs pa rnams kyi yang chos kyi bdog pa thams cad pa ni me long lta bu la sogs pa'i ye shes lnga rnams te/ de rnams kyang chos nyid kyis lus kyi rang bzhin yongs su dag pa kho na yin zhing / glo bur gyi sgrib pa rnam par dag pa na rang gi rang bzhin la gnas bzhin pa rnams ni ye shes lngar bshad pa dang sangs rgyas dang byang chub sems dpar bshad pa 'thob pa 'ba' zhig ste/ snga ma ni sa bon du bshad pa kho na'o/ /de'i phyir yang byang chub sems dpa'i sa bon nyid yin pa'i phyir skye rigs rnams dang sde rigs rnams su brjod do/ /'o na de lta na de bzhin gshegs pa thams cad me long lta bu la sogs pa'i ye shes lnga can rnams te/ so sor de rnams me long lta bu la sogs pa'i rigs lnga rnams yin na/ de ci ltar sde rigs tha dad pa yin zhe na/ skye rigs tha dad pa'i phyir te/ byang chub sems dpa' rnams kyi me long lta bu la sogs pa rnams kyi re re'i mthun pa'i skye rigs thog ma med pa nas grub cing / du ma'i mthun pa'i skye rigs ni drug pa ste du ma'i mthun pa drug pa'i yang re re'i mthun pa cher stobs dang ldan pa nyid kyis na de dang de'i sde rigs kyi rjes su byed pa'i phyir na de dang der bsdu'o zhes pas/ lnga nyid do zhes gsungs pa/ sde rigs rnam pa lnga ru bshad/ /ces so/ /yang na 'di ltar 'jug par bya ste/ 'o na rigs lngas ma bsdus pa gzhan rnams lam khyab pa'i phyir nyi tshe ba'i spro bar byed par 'gyur ro zhe na/ ma yin te/ de rnams sems can gyi rigs nyid kyis bsdus pa'i phyir ro/ /'o na de lta na sems can gyi sde rigs mchog nyid du 'gyur te/ rdo rje sems dpa' thams cad kyi bdag po nyid kyi phyir ro zhe na/ de lta ma yin te/ gzhan rnams kyang de las byung ba nyid kyi phyir ro/ /phul du byung ba'i khyad par las ni de rnams rigs gzhan nyid du nye bar bstan pa ste/ gang la de 'dra ba'i phul du byung ba med pa de la rigs gzhan du rnam par bstan pa'i rgyu med pa'i phyir sems can gyi rigs kho nar tha snyad gdags te/ sems can gyi rigs de dang de'i rigs kyi rjes su byed pa ni de dang der bsdus pa'i phyir lnga nyid do zhes gsungs pa/ rigs ni rnam pa lnga zhes pa ste/ de yang spros pa las phung po lnga dang khams bzhi rnams dang dbang po lnga rnams dang yul lnga rnams so sor de bzhin gshegs pa lnga'i bdag nyid kyis sam zhi ba dang rgyas pa dang dbang du bya ba dang drag po dang sna tshogs kyi ngo bo'i dbye bas dang / me long lta bu la sogs pa'i ye shes lnga rnams dang lhan cig rnam pa brgya'o/ /de yang dbye ba byas na mtha' yas te mur thug pa med cing grangs med pa'o zhes pa'i don to/ /rnam gsum zhes pa rnam pa gsum nyid ni de dang de'i rjes su byed pa rnams de dang der bsdus pa'i phyir ro/ /de ltar ni mnyam pa nyid kyi ye shes ni me long ye shes su bsdu zhing / bya ba grub pa'i ye shes ni so sor rtog pa'i ye shes su'o zhes 'thad pa dang bcas pa 'chad par 'gyur ro/ /yang na nga rgyal dang phrag dog shes rab kyi rang bzhin can dag 'dod chags kyi nang du 'du ba'i phyir ro/ /yang na nga rgyal ni sku'i rigs su ste/ gti mug gi rten can nyid kyi phyir ro/ /zhe sdang gi rigs su phra ma dang phrag dog dag yang na ste zhe sdang las byung ba nyid kyi phyir ro/ /de thams cad kyang rdo rje sems dpa'i rigs gcig pur shes par bya ste/ gang gsung bar 'gyur ba/ rigs ni rnam pa lngar gsungs shing / stong nyid rdo rje'i gcig kho na'o/ /zhes so/ /'dus par yang rdo rje gsum mi phyed pa'i ngo bor rnam par gzhag ste khyod rnams kyis sems lus kyi rnam par bskyed cig ces pa la sogs pas so/ /gang las rigs gzhan rnams su 'gyur ba dang dang po'i 'byung ba'i rigs de rnams ci zhig yin cing ji ltar na de rnams rigs zhes brjod par bya zhe na gsungs pa rigs rnams zhes pa la sogs pa'o/ /'byung ba lnga rnams sam phung po rnams ni rigs rnams te de rnam par dag pa'i ngo bo sangs rgyas rnams yin pa nyid kyi phyir ro/ /de'i ngo bo nyid du dang por rdo rje 'dzin pas spro ba'i phyir dang po nyid do/ /de rnams kyang de ma thag tu dpag tu med pa'i ngo bos gang 'di rnams kyi rigs so zhes brjod par bya ba de dang de'i ngo bos de las byung ba rnams rigs su byed pa'i phyir bgrang bar byed pa'i phyir ro zhes pa'i don to/ /de la 'byung ba lnga rnams ni sa dang chu dang me dang rlung dang rnam par shes pa rnams te/ phung po lnga rnams ni gzugs dang tshor ba dang 'du shes dang 'du byed dang rnam par shes pa rnams so/ /rab skyes rigs rnams zhes pa de rnams las rab tu skyes pa'i rigs gzhan rnams zhes pa'i don to/ /'o na de ltar na stong pa nyid kyi de kho na nyid dang phyag rgya'i rnal 'byor las shes par bya ba'i don gyi thabs dang ldan pa ste/ de gnyis gsal bar byas kyi/ /'dir bsgom par bya ba cung zad nye bar bstan pa ni ma yin te/ rdzogs pa'i ngo bo'i rigs lnga'i rnal 'byor ma rnams nges par bstan pa'i phyir dang / rnal 'byor pa rnams kyang de'i sgo kho nas de ltar gsal bar byed pa'i phyir ro zhe na/ bden te/ de kho na nyid du na bsgom par bya ba dang / sgom pa po dang / bsgoms pa rnams skye ba med pas gdod ma nas zhi ba nyid kyi phyir chos thams cad der ston pa ni/ sgom pa po med ces pa la sogs pa'o/ /de ci sngags dang lha dag chad pa kho na rdzogs pa'i rim pa'am zhe na gsungs pa/ gnas zhes pa'o/ /spros pa med pa ni stong pa nyid dang ro gcig pa nyid kyi phyir ro/ /rang bzhin ni lhan cig skyes pa'i bde ba chen po'i ngo bo ste de'i ngo bos sngags dang lha dag gnas so/ /de nyid rgyas par ston pa rnam snang zhes pa la sogs pa'o/ /A ro lika ni 'od dpag tu med pa'o/ /snying stobs can ni lus dang ldan pa ste rdo rje sems dpa'o/ /zhi ba ni 'od dpag tu med pa'o/ /thams cad ni don yod do/ / rnam sangs rgyas ni rin chen 'byung ldan no/ /rnam par snang mdzad la sogs pa'i ngo bos spros pa med pa'i rang bzhin ni de kho na nyid du brjod do zhes pa'i don to/ /tshangs pa la sogs pa'i tshig rnams rang gi gzhung lugs su ma grags pa nyid kyi phyir don gsungs pa/ /tshangs pa zhes pa la sogs pa'o/ /mya ngan las 'das pa ni mya ngan las 'das pa'o/ /de'i phyir sangs rgyas kho na dngos por na tshangs pa yin gyi gzhan ni ma yin te/ de ni rang gi ngo bos mya ngan las ma 'das pa nyid kyi phyir ro/ /de ltar phyi ma rnams la yang ngo / /'jug phyir zhes pa khyab pa'i phyir ro/ /dge phyir zhes pa shin tu dge ba nyid kyi phyir ro/ /thams cad kyi bdag nyid ni gnyug ma'i ngo bo ste/ gang gi phyir de la rgyun gyis gnas pa nyid kyi phyir thams cad do zhes pa'i don to/ /'di thams cad gang gi bdag nyid yin pa de kho na nyid de ni da dung yang mi shes so zhe na gsungs pa/ bde ba dam pas zhes pa ste/ bde ba dam pa ni spros pa med pa'i bde ba chen po'o/ /dga' ba rtogs phyir rnam sangs rgyas/ /zhes pa bde ba chen po de kho na rtogs pa'i phyir rnam sangs rgyas te sangs rgyas kho na'o/ /'o na lha'i khyad par rnams bsgrubs zin mod/ ci lha nyid ni ma bsgrubs so zhe na gsungs pa/ lus la zhes pa'o/ /lus la 'byung zhes pa lha ste yi ge bsnan pa dang phyis pa dag gis so/ /de ltar gyur pa de kho na bcom ldan 'das su brjod par bya'o zhes gsungs pa/ skal ba zhes pa la sogs pa'o/ /de ltar yongs su dag pa'i yid la bde ba chen po'i ros rjes su dran pa'i dbang phyug la sogs pa'i yon tan rnams gnyug ma'i sa bon las skye ba'o zhes pas de rnams 'di la yod pa'o/ /phyag rgya rnams kyi nges pa'i don gsungs pa/ skyed byed ma zhes pa la sogs pa'o/ /'gro ba'i skye bo zhes pa 'gro bar 'jug pa 'phags pa'i 'jig rten no/ /rnam dbye zhes pa spang bar bya ba dang blang bar bya ba'i rnam par dbye ba'o/ /tshos ma zhes pa la sogs pas mdor bstan nas/ chags byed phyir zhes pa la sogs pas rgyas par bshad do/ /chags byed phyir zhes pa rjes su chags par byed pa'i phyir ro/ /shes rab kyis ni bsam pa dang bag la nyal rnam par mkhyen nas ji ltar rigs par rjes su gnas par byed pa'i phyir sems can thams cad rjes su chags pa can nyid du 'gyur ro zhes pas shes rab kho na de skad brjod do/ /yon tan te stobs dang mi 'jigs pa la sogs pa'i ngo bo nam mkha'i 'dod 'jo las 'jo phyir te skyed par byed pa'i phyir shes rab kho na de skad brjod par bya'o/ /g.yo ba'i phyir zhes pa srid pa dang mya ngan las 'das pa la mi gnas pa nyid kyi phyir ro/ /reg min zhes pa stong pa nyid dang ro gcig pa nyid kyi phyir ro/ /phyi rol gyi phyag rgya rnams kyang shes rab kyi yon tan de rnams nyid kyi rjes su byed pa'i phyir shes rab nyid du rjes su rtogs par bya'o/ /de nyid kyi phyir 'di ltar gyur pa'i shes rab kyi rang bzhin phyi rol gyi phyag rgya rnams kho na lhag par mos pas kyang bcom ldan 'das de bzhin gshegs pa'i rigs rnams kyi stong pa nyid dang ro gcig pa'i bde ba chen po'i de kho na nyid shes rab 'dod pa pos bsten pa'o zhes pas brten #par bya'o zhes bshad do/ /rdzogs pa'i ngo bo'i lha bsgrubs nas sngags sgrub pa gsungs pa/ bzlas pa zhes pa la sogs pa ste/ A li dang kA li shes rab dang thabs kyi ngo bo dag sngags mchog nyid kyi phyir na thams cad de'i ngo bo nyid kyi phyir brjod pa bzlas pa zhes pa 'di ni spros pa med pa'i sngags so/ /dkyil 'khor dang phyag rgya dag kyang rdzogs pa la rtogs par byed pa gsungs pa/ dkyil 'khor zhes pa'o/ /'bri ba ni ri mo ste rdul dang 'dam la sogs pa rnams la rkang pa'i gzugs brnyan ni rkang pa'i ri mo'o/ /nyed phyir zhes pa nyed par byed pa'i phyir te/ kun du bskyod pa'i phyir ro zhes pa'i bar ro/ /'di ni mngon par dgongs pa ste/ dkyil 'khor gzhan yang de bzhin gshegs pa kun nas gshegs par byed pa kho na'i phyir te/ de ltar 'di yang de bzhin gshegs pa'i ngo bor rdzogs pa'i rnal 'byor pas kun nas bskyed pa'i phyir de mthong ba rnams kyi yang bsod nams du ma nye bar sog pa'i rgyu nyid kyi phyir dkyil 'khor du brjod par bya'o zhes pa'o/ /lag pa bskyod pa phyag rgyar 'gyur/ /sor mo nyed pa'ang de bzhin no/ /zhes pa 'dir ni rgyu rjes su ma bkod par 'di ltar ston par byed de/ bya ba dpag tu med pa can gyi rnal 'byor pa rnams kyi/ thams cad la rgyu bkod na rgya ches par 'gyur te/ 'di thams cad ni shes rab dang thabs kyi rang bzhin nyid kyi dkyil 'khor dang phyag rgya'i ngo bor rtogs par bya'o zhes pa'o/ /'o na de ltar bsgom par bya ba dang sgom pa po dang bsgoms pa mi 'thad na/ rdzogs pa'i dkyil 'khor nges par bstan pa'i bsam par bya ba dang bsam pa la ci rnam pa thams cad du rdzogs pa kho na ma yin no zhe na gsungs pa/ de ni bsam bya zhes pa la sogs pa'o/ /'o na de ltar sems kyi rgyu ba dpag tu med pa mi 'gag na rnam par g.yeng ba kho na ste/ bsam gtan ma yin no zhes pas de bsam byar yang mi 'gyur ro zhe na gsungs pa/ phal zhes pa la sogs pa ste/ bde de rang gis longs spyad bya/ /zhes pa man ngag ji lta ba bzhin rgyun mi 'chad par goms pa las sam/ lang tsho can dbang bskur bdag gis de ltar thog ma dang bar ma dang tha ma rnams su gang bde ba de 'gog pa med par nyams su myong ba ni bsam gtan du brjod par bya'o/ /de bzhin du bsam pa gzhan rnams la yang 'gog pa med par rab tu 'byung ba'i bde ba chen po rjes su dran pa las gang la bsam bya dang bsam gtan dag tu mi 'gyur ba g.yeng ba ci las yin zhes pa dgongs pa'o/ /yang na phal zhes pa bla ma la dbang bskur ba'i dus su gang thob ste nyams su myong ba'i lhan cig skyes pa'i bde ba chen po de longs spyad bya ste rang nyid kun nas spyad par bya zhing gzhan gyi tshe na yang ngo / /yang na phyag rgya'i sbyor ba las de lta kho nar spyad par bya'o/ /nye bar spyad pa'i bde ba gang gis 'chi ste dbang po rnams 'gog par 'gyur zhing / 'dir zhes pa mthong ba'i skye ba kho na la ste/ bde ba de bsam gtan du brjod do/ /rdzogs pa'i rnal 'byor pa'i de ltar gyur pa'i bsam gtan ni lhun gyis grub pa las de ltar rjes su dran pa tsam gyis bshad ma thag pa'i man ngag la yang rjes su shes par bya'o zhes pa'o/ /ces pa zhes pa yongs su rdzogs pa'o/ /sogs pa'i sgra yis go cha la sogs pa ste/ rjod par byed pa dang brjod par bya ba byang chub tu sems bskyed pa dang go cha la sogs pa sgom pa rnams kyi de kho na nyid de phyin ci ma log pa'i de kho na nyid 'dis skabs su byed cing skabs su bab par byed pas na skabs te yongs su bcad pa dang / le'u zhes pa don tha dad pa ma yin zhing / dang po ni thog mar bstan pa nyid kyi phyir ro zhes pa'o/ /yang dag par sbyor ba'i rgyud kyi rgya cher 'grel pa/ man ngag gi snye mar snye ma dang po'o/ / //de ltar yang dag pa'i byang chub kyi sems kho na bsgom byar mdor bstan to/ /de kho na yang 'bras bu dang / rgyu dang / thabs kyi rab tu dbye bas rgyud gsum gyi bdag nyid can no zhes pa 'di tsam ni bcom ldan 'das kyis bstan pa'o/ /ji skad du mkha' 'gro ma rdo rje gur du gsungs pa/ stong nyid snying rje dbyer med pa/ /gang du sems ni rab bsgom pa/ /de nyid sangs rgyas chos dang ni/ /dge 'dun gyi yang bstan pa'o/ /zhes so/ /bsgom par bya ba de kho na la byang chub kyi phyogs kyi chos rnams nang du 'dus kyi/ log par bsgom par bya ba ni ma yin no/ /yang na yongs su 'dris pa'i don du byang chub kyi phyogs pa'i rnam pa rnams kyis yongs su bskor ba'i bsgom bya byang chub sems de goms par bya ste/ de'i phyir de rnams skabs su mdzad pa de nas zhes pa la sogs pa'o/ / de nas zhes pa lam bstan pa'i de ma thag par ro/ /byang chub ni rnam pa thams cad mkhyen pa nyid de/ de'i phyogs ni rjes su mthun pa rnams so/ /byang chub kyi phyogs rnams kho na ni byang chub kyi phyogs nyid do/ /de la rjes su lta ba gang rnams kyis lus dang tshor ba dang sems dang chos rnams la gcig nyid dang du ma nyid la sogs pa mi rung bas na/ rang bzhin med pa nyid kyi shes pa rnams kyis dran pa nye bar 'jog pa de rnams ni dran pa'i rgyu shes rab kyi rang bzhin rnams te dran pa nye bar gzhag pa rnams yin zhing / dmigs pa'i bye brag las bzhi rnams te/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa'o/ /de la nang gi lus ni mig la sogs pa lnga'o/ /phyi'i lus ni rang gi lus las phyi rol gyi gzugs la sogs pa lnga'o/ /nang dang phyi'i lus ni rang gi lus la sogs par gtogs pa'i 'byung ba dang 'byung ba las gyur pa lhag ma'o/ /tshor ba la sogs pa rnams kyi gsum nyid ni lus rnam pa gsum rnams la dmigs pa'i bye brag gis so/ /tshor ba ni bde ba dang sdug bsngal dang sdug bsngal yang ma yin bde ba yang ma yin pa'o/ /sems ni dbang po lnga'i shes pa rnams so/ /chos rnams ni sems las byung ba dge ba dang mi dge ba dang lung du ma bstan pa rnams so/ /lus la sogs pa'i rjes su lta ba zhes pa/ lus la sogs pa'i chos nyid kyi rjes su lta ba ste/ 'di ni lus so bdag gi lus so rtag pa'o mi rtag pa'o bde ba'o sdug bsngal ba'o zhes pa 'di lta bu la sogs par rnam par mi rtog pa'i phyir te/ rjes su lta ba dang / rnam par mi rtog pa de yang mi dmigs pa'i sbyor bas so/ /'o na gal te dran pa nye bar gzhag pa rnams kyis chos thams cad shes na byang chub kyi phyogs phyi ma rnams kyis ci bya zhe na/ de lta ma yin te/ gang gi phyir de rnams kyis chos nyid du yongs su shes na yang mi rtag pa la sogs pa'i rnam pa nyid kyis chos kyi khyad par yongs su shes pa'i ched du sum cu rtsa bdun du yang goms par byed do/ /de nyid kyi phyir nyan thos kyi theg pa rnams ni mi rtag pa la sogs pa'i rnam pa nyid du dmigs par byed la byang chub sems dpa' rnams ni mi dmigs pa'i tshul gyis so/ /de nyid kyi phyir mi rtag pa la sogs pa'i rnam pa dang stong pa nyid kyang 'di rnams kyi yul du 'gyur ro zhes pas nyan thos kyi lam yang chos nyid kyi sgo nas goms par byas par 'gyur ro/ /yang gis gdung ba med pa nyid sdud par byed do/ /de'i phyir gus par byas te rgyun du sbyor ba'i phyir gdung ba med pa'o/ /rjes su blta bas dang shes bzhin du yang sbyor ba'i phyir shes bzhin can no/ /mi brjed pa'i bdag nyid dang srung ba med pa nyid kyis dang / g.yeng ba med par 'byung bas dran pas sbyor ba'i phyir dran pa dang ldan pa'o/ /brtson 'grus dang shes rab dang dran pa 'di rnams kho na'i rjes su bsngags pa gsungs pa/ rnam par bsal te zhes pa la sogs pa'o/ /rnam par bsal te zhes pa ni rab tu spangs nas so/ /'jig rten la zhes pa 'jig rten gyi chos rnyed pa dang grags pa dang bde ba dang bstod pa rnams la brnab sems te chags pa dang ma rnyed pa dang ma grags pa dang sdug bsngal ba dang smad pa rnams la yid mi bde ba'o/ /'di rnams kyis sems sam lus dang ngag dang yid rnams yang dag par 'jog ste yang dag par 'dzin pa'am rab tu 'jug pa'o zhes pa yang dag par 'jog pa rnams dang / 'di rnams kyis bag la nyal rnams rab tu spong ba'o zhes byas nas yang dag par spong ba rnams su brjod do/ /de rnams ni chos dran pa nye bar gzhag pa las gong du brtson 'grus kyi ngo bo bzhi rnams te/ 'di lta ste/ ma skyes pa rnams zhes pa la sogs pa ste/ ngan 'gro rnams su ltung bar byed cing / rgyu rnam pa sna tshogs pa rnams kyis gnod pa byed la/ las rigs mthun pa'am las kyi bag chags byed do zhes pa sdig pa rnams te/ nges pa'i tshig gi mtshan nyid kyis so/ /mi dge ba rnams ni lus kyi nyes par spyod pa la sogs pa phyin ci log gi ngo bo kun nas nyon mongs pa rnams te/ thar pa 'dod pa rnams kyis spang bar bya ba nyid na yang rang gi mtshan nyid 'dzin pa'i phyir chos rnams so/ /'dun pa bskyed de/ go cha'i brtson 'grus 'di ltar bya'o zhes par ro/ /'bad do ste sbyor ba'i brtson 'grus kyis so/ /brtson 'grus rtsom ste/ skyo ba med pa'i brtson 'grus kyis so/ /sems rab tu 'dzin cing yang dag par 'jog ste thabs kyi brtson 'grus kyis so/ /de la sems zhum pa na rab tu 'dzin cing gzengs stod par byed pa'o/ /rgod pa'i sems ni yang dag par 'jog ste mngon par sdud par byed do/ /dge ba rnams ni byang chub kyi sems dang sbyin pa'i pha rol tu phyin pa la sogs pa 'khor dang bcas pa rnams te/ rang dang gzhan la phan pa 'dod pa rnams kyis blang bar bya ba nyid kyis na gzung bar bya bzhin pa nyid kyi phyir chos rnams so/ /de skyes pa rnams rgyun gyis gnas pa'i ched du ste tshogs kyi lam du'o/ /dpag tu med pa'i bsam gtan dang gzugs med pa dang tshad med pa la sogs pa'i thabs rnams kyis bsgom pa ste/ sbyor ba'i lam du ji ltar slar yang 'byung bar 'gyur bltar ro/ /mthong ba'i lam du yongs su rdzogs pa ste ji ltar rigs par 'phel bar ji ltar 'gyur ba ltar ro/ /yongs su ma rdzogs pa yongs su rdzogs pa ni dri ma med pa la sogs par bsgom pa'i lam la ste ji ltar rigs par yangs pa nyid du ji ltar 'gyur ba ltar ro/ /yang 'byung ba dang 'phel ba dang yangs pa nyid ces pa kun sdud pa ste 'dun pa bskyed pa la sogs pa bya ba'i khyad par rnams so/ /rdzu 'phrul ni phun sum tshogs pa ste mngon par shes pa dang dbang po dang stobs dang mi 'jigs pa nyid la sogs pa 'jig rten las 'das pa'i chos rnams so/ /rdzu 'phrul gyi bzhi ste rgyu rnams ni rdzu 'phrul gyi rkang pa rnams so/ /de rnams kyang bzhi rnams te/ 'dun pa'i ting nge 'dzin dang brtson 'grus kyi ting nge 'dzin dang sems kyi ting nge 'dzin dang dpyod pa'i ting nge 'dzin zhes pa'o/ /de ltar na kha cig 'dun pa drag po nyid kho nas yang dag par spong ba rnams kyis sems nang du 'jog pa la sems rtse gcig pa nyid kyi mtshan nyid can gyi ting nge 'dzin gus par bya ste sbyor ba'i stobs las skye'o/ /kha cig yang dag par spong ba'i brtson 'grus rnams kyis mi dge ba spong ba dang dge ba bskyed pa la shin tu rab tu sbyor ba la'o/ /kha cig zhi gnas dang rab tu 'dzin pa dang btang snyoms kyi rgyu mtshan sems rnams kyis yongs su sbyong ba la'o/ /kha cig ni ci bdag mi dge ba phra mo rnams kun du spyod dam/ /gang bdag yongs su dpyad par bya'o zhes yang dag par nye bar 'jog pa la'o/ /der de rnams ni 'dun pa la sogs pa'i ting nge 'dzin rnams te/ 'di rnams skyes pa na rmugs pa dang gnyid dang rgod pa dang 'gyod pa dang phrag dog dang ser sna dang ngo tsha med pa dang khrel med pa dang khro ba dang sdig pa sbed pa'i ngo bo 'chab pa zhes pa kun nas dkris pa bcu po thub pa'i dgongs pa'i rgyan du rnam par phye ba rnams ring du gyur pa na/ 'dod chags dang khong khro ba dang nga rgyal dang ma rig pa dang the tshom dang 'jig tshogs la lta ba dang / mthar 'dzin par lta ba dang / log par lta ba dang lta ba mchog tu 'dzin pa dang / tshul khrims dang brtul zhugs mchog tu 'dzin pa zhes pa bag la nyal bcu po thub pa'i dgongs pa'i rgyan du rnam par phye ba rnams spang ba'i ched du yang dag par spong ba rnams kyis brtson 'grus rtsom pa kho na'i ting nge 'dzin thams cad kyi skyon le lo dang dmigs pa brjed pa dang / bying pa dang rgod pa dang / 'du mi byed pa dang 'du byed pa zhes pa drug gi gnyen po'i phyogs spong ba'i 'du byed brgyad rnams bsgom par bya ste/ 'di lta ste/ dad pa dang 'dun pa dang rtsol ba dang shin tu sbyangs pa dang dran pa dang shes bzhin dang sems pa dang btang snyoms shes pa'o/ /de la dang po bzhi rnams le lo'i gnyen po ste/ de ltar ni ting nge 'dzin gyi yon tan rnams la yod pa nyid dang yon tan can nyid dang nus pa nyid du mngon par yid ches pa'i mtshan nyid can gyi dad pas de la rnal 'byor pa rnams mngon par 'dod pa skye zhing / de las brtson 'grus dang / de las lus dang sems las su rung ba nyid de de las le lo ldog go/ /dran pa ni dmigs pa brjed pa'i gnyen po'i phyogs so/ /shes bzhin ni bying ba dang rgod pa dag gi gnyen po ste/ des de dag nye bar mtshon pa'i phyir ro/ de la sems bying ba'i rgyu ni gnyis te/ lus dang yid dag lji ba nyid du gyur pas sems dmigs pa rtogs pa la/ las su mi rung ba nyid kyi mtshan nyid can rmugs pa dang / rnam par shes pa lnga 'jug pa dang 'gal ba'i chos yid kyi rnam par shes pa yang blun par 'gyur ba'i rgyu shes pa 'di lta bu'i mtshan nyid can gnyid can zhes pa'o/ /rmugs pa dang gnyid dag gi zas ni rmya ba dang mi dga' ba dang glal ba dang zas la snyoms ma shes pa dang sems zhum pa nyid ces pa lnga rnams so/ /rgod pas ni 'gyod pa nye bar mtshon par byed de/ de dag gi zas ni nye du'i rtog pa dang ljongs kyi rnam par rtog pa dang mi 'chi ba'i rnam par rtog pa dang / brgad pa dang brtses pa la yongs su spyad pa dran pa zhes pa bzhi rnams so/ /de dag gi bya ba ni sems rnam par ma zhi bar byed pa'o/ /bying ba dang rgod pa dang rab tu ma zhi ba'i dus na ni rtsol ba med pa skyon te de'i gnyen por sems pa bsgom par bya'o/ /bying ba dang rgod pa rab tu zhi bar 'gyur ba na/ gang gi tshe sems rang gi ngang gis 'byung ba de'i tshe rtsol ba'i skyon te/ de'i tshe de'i gnyen por btang snyoms bsgom par bya'o/ /spong ba'i rgyu brgyad po 'di rnams kyis ting nge 'dzin las su rung bar 'gyur zhing / de yis rdzu 'phrul la sogs pa'i yon tan rnams rdzogs par byed do/ /'di yang 'dir zhi gnas kyi rim pa ste/ thog mar byang chub sems dpa' nang du ting nge 'dzin gyi dmigs pa la sems 'jog go/ /de nas gzhan du 'gro ba bkag pa las rgyun gyis rab tu 'jug par byed do/ /sems rang bzhin gyis g.yo ba nyid kyi phyir ci zhig ltar gzhan du 'gro ba na de rtogs nas myur du sdud par byed do/ /gong nas gong du phra bar byed pas sems de kho na la 'jog par byed do/ /ting nge 'dzin la dga' bar byed do/ /ting nge 'dzin gyi yon tan mthong ba la ste/ de yang ji srid du de bzhin gshegs pa'i bar gyi yon tan khyad par du 'phags pa thams cad do/ /mi dga' ba zhi bar byed de/ /rnam par g.yeng ba'i skyon rnams mthong ba las te/ de rnams kyang mnar med pa ji srid pa'i sdug bsngal thams cad do/ /brnab sems dang yid mi bde ba la sogs pa skyes pa rnams nye bar zhi bar byed de/ mi dga' ba bzhin du'o/ /de ltar rnam pa bdun rnams kyis skyon dang bral ba'i sems rtsol ba las rang gi ngang gis 'byung bar byed do/ /rang gi ngang gis zhugs nas rang nyid las rtsol ba med par rang gi dang gis 'byung ba nyid kyis yang dag par dmigs pa la sems 'dzin par byed do/ /de ltar gang gi tshe dmigs pa de la mngon par 'du bya ba mang bar 'byung ba nyid kyis ji srid 'dod par sems rab tu 'jug par 'gyur ba de'i tshe zhi gnas rdzogs par rig par bya'o/ /sgom pa'i rim pa 'di kho na gsungs pa 'dun pa zhes pa la sogs pa'o/ /'dun pa'i ting nge 'dzin dang spong ba'i 'du byed rnams dang ldan pa/ nyon mongs pa rnams las dben pa/ srid pa las 'dod chags dang bral ba nyid 'dod chags dang bral ba/ sdug bsngal 'gog pa ste de rnams la brten pa'o/ /rnam par spong ba ni rdzas thams cad mchog tu 'dor ba ste de'i ched du yongs su bsgyur ba'o/ /shin tu rab tu bzung ba ni rgod pa'o/ /dbang byed pa'i phyir dbang po ste/ dad pa la sogs pa lnga rnams 'jig rten las 'das pa'i chos bskyed pa'i ched du bdag po nyid thob pa ni dbang po rnams su 'gyur te/ dad pa'i dbang po dang brtson 'grus [(]gyi [,]kyi [)]dbang po dang dran pa'i dbang po dang ting nge 'dzin gyi dbang po dang shes rab kyi dbang po'o/ /de la bden pa dang dkon mchog gsum dang las kyi 'bras bu rnams la mngon par yid ches pa ni dad pa ste/ rdzu 'phrul gyi rkang pa rnams la shin tu rab tu sbyor ba po la rtags mthong ba las gong ma'i khyad par skye ba la nges pa skye ba'i phyir/ ston pa dang byang chub sems dpa' rnams kyi rtogs pa la mngon par yid ches pa skye ste/ de 'di'i dad pa'i dbang po'o/ /dad pa lhag pa las brtson 'grus la sogs pa rnams lhag pa nyid de/ de'i phyir dbang po lnga rnams su 'gyur ro/ /de rnams de zhes pa la sogs pas gsungs te/ 'dod pa na spyod pa ni mnyam par ma bzhag pa'i sa pa'o/ /'jig rten pa ni de kho na nyid ma rtogs pa'o/ /yang dag pa'i lta ba ni chos thams cad bdag med pa nyid du mos pa'i mtshan nyid can dang 'jig rten pha rol nges pa'o/ /dad par byed de yod pa nyid la sogs par yid ches par byed do/ /lhag ma ni go sla'o/ /dbang po rnams kho na bsgom bzhin pa ni de ltar 'phel te/ ji ltar bdud la sogs pa rnams dang ma dad pa la sogs pa mi mthun phyogs rnams kyis thub par dka' ba nyid las gzhom du med pa nyid kyi phyir stobs zhes bya ba 'thob po zhes gsungs pa/ lnga zhes pa la sogs pa'o/ /de la zhes pa la sogs pa la mthong ba'i lam la ji lta ba'i yang dag par rtogs pa ni byang chub ste/ rdzogs pa'i byang chub kyang ngo / /de'i yan lag rnams ni rdzogs pa'i byang chub kyi yan lag bdun rnams so/ /de la chos rnam par 'byed pa dang brtson 'grus dang dga' ba zhes pa gsum rnams ni lhag mthong gi phyogs dang / shin tu sbyangs pa dang ting nge 'dzin dang btang snyoms rnams ni zhi gnas kyi phyogs te/ dran pa ni gnyi ga'i ngo bo'o/ / dga' ba ni gang dmigs pa de kho na la yid dga' ba nyid do/ /ting nge 'dzin ni brtag par bya ba'i dngos po la sems rtse gcig pa nyid do/ /de la dran pa ni gnas kyi yan lag ste thams cad rnams de la brten pas 'jug pa'i phyir ro/ /chos rab tu rnam par 'byed pa ni rang bzhin gyi yan lag ste/ byang chub ni de'i rang bzhin nyid kyi phyir ro/ /brtson 'grus ni nges par 'byung ba'i yan lag ste/ des thob bya mthar thug pa lhag par gnas par byed pa'i phyir ro/ /dga' ba ni phan yon gyi yan lag ste sems bde ba nyid kyi phyir ro/ /shin tu sbyangs pa dang ting nge 'dzin dang btang snyoms gsum rnams ni gang gis gang la brten nas gang zhig nyon mongs pa med pa zhes pas kun nas nyon mongs pa med pa'i yan lag ste/ gang phyir kun nas nyon mongs pa'i rgyu gnas ngan len gyi mi mthun pa'i phyogs ni shin tu sbyangs pa ste de'i phyir kun nas nyon mongs pa med pa'i rgyu'o/ /gnas ni ting nge 'dzin no/ /rang bzhin ni btang snyoms so/ /de ltar byang chub kyi yan lag 'di rnams thob pa las bdag nyid kyi mthong bas spang bar bya ba'i nyon mongs pa rnams spangs par mthong nas bsgom pas spang bar bya ba rnams spang ba'i ched du phung po gsum po 'phags pa'i lam yan lag brgyad pa bsgom mo zhes mdor ston pa/ 'phags pa'i lam yan lag brgyad ces pa ste/ 'phags pa rnams ni slob pa'i rnal 'byor pa rnams te/ de rnams kyis lam 'di nyon mongs pa las rnam par grol ba mngon du bya ba'i ched du bskyed bar bya'o/ /de'i phyir 'di 'phags pa rnams kyi yan lag brgyad do zhes pa 'phags pa'i lam yan lag brgyad do/ /yan lag 'di rnams la nges pa kho na'i ste/ lam la mnyam par gzhag pa la ni yang dag pa'i rtog pa dang dag dang las kyi mtha' dang 'tsho ba dang dran pa rnams mi srid do/ /'o na lam la snyoms par zhugs pa la yan lag brgyad sgrub pa'i chos ci ltar 'gyur zhe na/ 'jig rten las 'das pa'i chos thob pa las de'i ngo bo'i zag pa med pa'i rnam par rig byed ma yin pa thob ste/ gang thob pa las langs kyang log pa'i ngag la sogs pa rnams la mi 'jug cing yang dag pa'i ngag la sogs pa rnams la yang 'jug go/ /de'i phyir rgyu mtshan can la rgyu mtshan can btags pa las yan lag brgyad nyid de/ rnam pa gzhan du na lam la snyoms par zhugs pa las 'gal lo/ / 'phags pa'i lam yan lag brgyad pa 'di yang tshangs pa mya ngan las 'das pa la phan par spyod pas tshangs par spyod par mdor gsungs so/ /'di'i yang yang dag pa'i lta ba lus te lhag ma 'khor ro/ /de la yang dag pa'i lta ba dang rtog pa dang / rtsol ba rnams shes rab kyi phung po'o/ /yang dag pa'i ngag dang las kyi mtha' dang 'tsho ba rnams tshul khrims kyi phung po'o/ /yang dag pa'i dran pa dang ting nge 'dzin dag ting nge 'dzin gyi phung po'o/ /de la yang dag pa'i lta ba ni byang chub kyi yan lag gi dus las gong du chos thams cad bdag med pa'i mtshan nyid can gyi yang dag pa ji lta ba rtogs pa rjes su 'jug pa dang / brnab sems dang gnod sems dang log par lta ba las ldog pa'i ngo bo'o/ /yang dag pa'i rtog pa ni rtogs pa de kho na'i rnam par 'jog pa las spang bar bya ba dang blang bar bya ba spong ba dang mngon du bya bar yid la byed pa dang dge ba 'ba' zhig sems pa'o/ /yang dag pa'i ngag ni yang dag pa ji lta ba bzhin gyi don rtogs par byed pa dang / brdzun du smra ba dang phra ma dang tshig rtsub po dang ngag 'khyal pa las ldog pa'i rang bzhin yang ngo / /yang dag pa'i las kyi mtha' ni/ gang las gong na med pa'i lus dang ngag dang yid kyi bya ba ste/ srog gcod pa dang ma byin par len pa dang 'dod pas log par spyod pa zhes bya ba lus kyi nyes par spyod pa la byed pa dang byed du 'jug pa dang rjes su yi rang ba las ldog pa'i bdag nyid do/ /yang dag pa'i 'tsho ba ni rigs pas bsags pa'i nor gyis 'tsho ba ste/ tshul 'chos dang kha gsag la sogs pa log pa'i 'tsho ba las ldog pa'i phyir ro/ /yang dag pa'i rtsol ba ni brtson 'grus te rang dang gzhan gyi don phun sum tshogs pa dang rjes su 'brel ba'i mngon par spro ba'o/ /yang dag pa'i dran pa ni ji ltar rtogs pa'i chos mi brjed pa nyid de/ yang dag pa'i byang chub kyi dmigs pa dang rnam pa mngon du byed pa yang ngo / /yang dag pa'i ting nge 'dzin ni bsgom par bya ba la sems rtse gcig pa nyid do/ /de la mthong ba'i lam yongs su gcod pa yang dag pa'i lta ba'o/ /gzhan go bar byed pa ni yang dag pa'i rtog pa dang yang dag pa'i ngag ste/ yang dag pas kun nas bslang ba'i ngag gis de go bar byed pa'i phyir ro/ /gzhan yid ches par byed pa'i yan lag ni rnam pa gsum po yang dag pa'i ngag dang las kyi mtha' dang 'tsho ba rnams so/ /de rnams kyis ni rim pa ji lta bar gsum rnams la yid ches par 'gyur te gtam dang 'brel ba'i gtam rnam par nges pas shes rab la'o/ /bya ba ma yin pa mi byed pa las tshul khrims la'o/ /chos tsam gyis 'tsho ba'i yo byad tshol ba las yo byad bsnyungs pa la'o/ /mi mthun phyogs kyi gnyen po'i yan lag rnam pa gsum ni yang dag pa'i rtsol ba dang dran pa dang ting nge 'dzin rnams so/ /gnyen po'i phyogs de rnams ni rim pa ji lta bar nyon mongs pa bsgom pas spang bar bya ba dang / nye ba'i nyon mongs pa bying ba dang rgod pa'i dbang nyid kyis mi mthun pa'i phyogs yon tan khyad par can sgrub pa'i gegs kyi gnyen po'o zhes pa bsdus pa'i don to/ /'di'i rgyas par bshad pa gsungs pa/ de la ci zhig ces pa la sogs pa ste/ 'jig rten las 'das pa zhes pa 'jig rten las 'das pa'i bsgom pa'i lam du bskyed par bya ba nyid kyi phyir ro/ /lta ba ni sgro btags pa ste/ bdag ni rtag pa khyab bdag ste 'khor bar byed grol bar byed ces pa la sogs pa pha rol po rnams kyis sgro btags pa'o/ /bdag kho na lta ba so so la btags pa'i khyad par rnams kyis sems can la sogs pa'i sgra'i brjod par bya ba'o/ /de ltar gang zag gi bdag med pa rtogs pa bsgrubs nas chos kyi bdag med pa rig pa brjod pa'i ched du gsungs pa/ chad pa ma yin zhes pa la sogs pa'o/ /rtag pa ni gang gi 'dod pa la rnam par shes pa la sogs pa skad cig gcig tu yang rang bzhin yod pa ste/ de med pa'i phyir skad cig gnyis pa la chad pa'o/ /dbu ma'i rtsa bar gang gsungs pa/ /yod ces pa ni rtag par lta/ /med ces pa ni chad par lta/ /gang phyir ngo bo nyid kyis yod/ /de med min pas rtag pa'o/ /sngon byung da lta med ces pa/ /chad pa nyid la rab tu 'jug /ces so/ /'byung zhing skye bas na srid pa ste rnam par shes pa la sogs pa'o/ /'gag pa ni 'jig pa'o/ /'di'i skye ba dang 'jig pa de dag kyang dbu ma'i snye mar nges par dpyad zin pa'i rigs pas don dam par med pa dag go zhes pas sgro btags pa dag go/ /ngan snyil ni dge ba ste/ rnam par grol ba ni nye bar 'tshe ba thams cad ldog pa'i ngo bo nyid kyi phyir rnam grangs med par dge ba ste nad med pa nyid bzhin no/ /lam gyi bden pa ni de thob pa'i rgyu nyid kyi phyir ro/ /sdug bsngal dang kun 'byung gi bden pa dag ni zag pa dang bcas pa dag ste/ 'dod pa'i rnam par smin pa can nyid kyis na ngo bo mthun pa'i gzugs brnyan mngon par 'grub par byed pa'i phyir ro/ /ma chags pa dang zhe sdang med pa dang gti mug med pa rnams ni rang nyid dge zhing dge ba gzhan rnams kyi rtsa ba ste/ shing gi rtsa ba bzhin du skye ba dang gnas pa dang 'phel ba'i rgyu nyid kyi phyir ro/ /de la ma chags pa ni sred pa dang 'gal ba'i chos dngos po la mngon par ma zhen pa'i mtshan nyid can no/ /zhe sdang med pa ni khong khro ba dang 'gal ba sems can rnams la mi rtsub pa nyid kyi mtshan nyid can no/ /gti mug med pa ni ma rig pa dang 'gal ba shes rab kyi rang bzhin yang dag pa'i lta ba'o/ /lus dang ngag gi las rnams ni ma chags pa la sogs pas kun nas bslang ba nyid kyi phyir dge ba dag go/ /'di las bzlog pas 'dod chags dang zhe sdang dang gti mug rnams ni mi dge ba dang / mi dge ba rnams kyi rtsa ba rnams kyang ngo / /des kun nas bslang ba'i lus dang ngag dang yid kyi las thams cad kyang mi dge ba'o/ /nyon mongs pa dang nye ba'i nyon mongs pa thams cad mi dge ba ste/ gzugs dang gzugs med pa na spyod pa'i nyon mongs pa dang nye ba'i nyon mongs pa thams cad dang 'dod pa'i khams kyi 'jig tshogs dang mthar 'dzin par lta ba dag dang de dang mtshungs par ldan pa'i gti mug ni lung du ma bstan pa'o/ /ji srid du zhes pa 'dis ni lta ba gzhan gang ci yin pa bsal bar byas so/ /de nyid kyi phyir sgro 'dogs pa thams cad dang bral ba'i de kho na nyid rtogs pa'i phyir yang dag pa'i lta ba'o/ /kun du rtog pa rnams kyis zhes pa mdza' ba dang cig shos su sgro 'dogs pa rnams kyis so/ /kun du mi rtog ces pa mi bskyed pa'o/ /tshul khrims kyi phung po ni lhag pa'i tshul khrims kyi bslab pa'o/ /ting nge 'dzin gyi phung po ni lhag pa'i sems kyi bslab pa'o/ / shes rab kyi phung po ni lhag pa'i shes rab kyi bslab pa'o/ /rnam par grol ba'i phung po ni mi slob pa'i lam mo/ /rnam par grol ba'i ye shes mthong ba'i phung po ni mi slob pa'i yang dag pa'i lta ba'o/ /ngag gis te slu bar byed pas bdag nyid gdung ba ste/ nyon mongs pa can gyi sems nyid kyi phyir de'i tshe 'di nyid du dang phyi mar ro/ /bdag nyid nyon mongs pa ste/ gang las nyon mongs pa can gyi sems kyis so/ /gzhan rnams dbye ba'i don dang mi 'dum pa'i don du smra ba'am mtshang 'dru ba dang skyon sgrogs pas so/ /bdag nyid la ngag 'khyal pa smra ba las bzhad gad de/ de ltar ni nyon mongs pa can gyi sems kyis 'dod pa dang chos ma yin pa dang don med pa dang grong pa'i nyams dang ldan pa dang byis pa'i brjod pa dang 'du 'dzi dang smre sngags dang glu dang yang dag par chags par bya ba dang gar la sogs pa'i gtam rnams dang bstan bcos ngan pa rnams smra ba 'di ni rang nyid kyis mngon par mi shes pa nyid kyis bdag nyid la'ang bzhad gad byed do zhes dam pa rnams kyis brjod par bya'o/ /des te ngag gi nyes par spyod pa rnam pa bzhi dang bral bas/ mnyam par gzhag pa ste yang dag pa ma yin pa'i rnam par rtog pas ma snyogs pa gnyis su med pa'i shes rab ste de dang rjes su 'brel pa'i ngag go/ /de ni 'di'i yang dag par kun nas slong ba'o/ /'jug par byed de gzhan dang rang nyid do/ ngag 'ga' zhig brjod pas de'i brjod par bya ba go bar byed do/ /nag po ni mi dge ba ste srog gcod pa la sogs pa sdug bsngal gyi rnam par smin pa can 'dod pa'i khams kho na ste/ sdug bsngal myong bar 'gyur ba'i las ni gzhan med pa'i phyir ro/ /dkar ba ni dge ba sbyin pa la sogs pa'o/ /de yang zag pa dang bcas pa dang zag pa med pa'o/ /zag pa dang bcas pa ni 'dod pa'i khams su dang bsam gtan gsum pa ji srid par bde ba'i rnam par smin pa can no/ /bsam gtan bzhi pa nas srid pa'i rtse mo'i bar du ni bde ba yang ma yin sdug bsngal yang ma yin pa'i rnam par smin pa can te gang gi phyir dge ba ni 'dod pa'i rnam par smin pa can du brjod do/ /zag pa med pa ni 'jig rten las 'das pa'i rtogs pa'i rnam par smin pa can no/ /dkar po zhes pa ni dkar por snang ba ste/ ji lta bar sdig pa rmongs pa rnams bsod nams kyi blos pha dang ma dang rgas pa gsod pa bzhin no/ /de bzhin du gzhan yang kla klo la sogs pa rnams kyi gti mug las dge ba 'dod pa'i bsam pas srog gcod pa la sogs pa'i las ni dkar po bzhin du snang ngo zhes pas dgongs pa can gyi dkar po zhes gsungs kyi dngos por ni nag po kho na'o/ /de'i phyir 'di'i rnam par smin pa nag po ste sdug bsngal yin pa'o/ /nag po zhes pa ni mngon spyod la sogs pa ste/ de ni blo ma sbyangs pa rnams la nag po bzhin du snang ngo zhes pas 'di mngon par rloms pa'i nag po nyid de/ snying rje dang ldan pa'i byang chub sems dpas kun du spyod pa'i phyir de ni dkar po kho na'o/ /de'i phyir rnam par smin pa dkar po 'ba' zhig tu ma zad kyi/ sdig pa zad pa'i ched du yang rab tu 'gyur ro/ /de ltar yang rnam pa 'di lta bur 'byed par 'gyur ro/ /de ltar dam pa'i las rjes su 'brang ba ste/ bzlog pa'i tshul khrims dang dge ba'i chos sdud pa'i tshul khrims dang sems can gyi don byed pa'i tshul khrims rnams rjes su sgrub par byed pa'i phyir ro/ /yang dag pa ni slu ba med pa ste/ las rnams kyi mtha' ste mthar thug pa'o/ /gang zhes pa gang zhig 'phags pa'i rigs kyi skyon sbyang ba'i ched du yon tan du bya zhing goms par bya'o zhes pa yon tan rnams te/ bsod snyoms pa nyid dang / chos gos gsum pa nyid dang stan gcig pa nyid dang / zas phyis mi len pa nyid dang / gzhi ji bzhin pa nyid dang / cog bu pa nyid dang blag pa med pa nyid dang shing drung pa nyid dang dur khrod pa nyid dang phyag dar khrod pa nyid dang phying ba pa nyid dang dgon par gnas pa nyid ces pa bcu gnyis rnams so/ /de rnams la rjes su bsgrub par nges pa mi gtong ba'o/ /tshul 'chos ni rnyed pa dang 'dod pas zol gyis chos gos la sogs pa'i ched du spyod lam sdom pa'o/ /kha gsag ni rnyed pa'i don du rnyed pa dang bkur sti 'dod pa'i bsam pas ngo bstod kyi dag go/ /gtam kho na dri zhim pa ste/ pha rol dga' ba dang snying la 'bab pa gang gi yin pa ni de nyid do/ /'di ni nye bar mtshon pa ste/ thob kyis 'jal ba nyid dang gzhogs slong nyid kyang / /de la rnyed pa 'dod pas gzhan gyi mdun du 'di ltar 'di ni ser sna can no zhes pa la sogs pas gzhan la smod pa ni thob kyis 'jal ba nyid de/ thob kyis 'jal ba kho na gzhan las rnyed pa sgrub par sred pa'o/ /nyung du byin nas mang po tshol ba dang 'dod pas dngos po la bsngags pa ni gzhogs slong nyid de/ rnyed pa'i rgyu mtshan du cung zad byin pa la bsngags pa yang ngo / /legs par kun du spyod pa ni dge ba'i bya ba'o/ /bdag nyid kyi rnyed pas tshim zhing ma zhen pa nyid dang tshod shes pas nye bar longs spyod pa la sogs pa kha na ma tho ba dang bral ba gang yin pa de nyid do/ /rjes su gnang ba ni bde ba len pa ma yin pa nyid la sogs pa rnams kyis 'tsho ba'o/ /rtsol ba ni brtson 'grus so/ /log pa ni mi dge ba'i yul can no/ /'jug pa ni sbyor ba'i brtson 'grus so/ /bsgrub pa ni lam mo/ /shin tu nye bar gnas pa ni lam bsgom pa'i sbyor ba'i gnas skabs su'o/ /mi g.yo ba'i yang dag pa ma yin pa'i rtog pa la sogs pa rnams kyis te dngos gzhi'i gnas skabs su'o/ /drang po ni gnyis su med pa'i de kho na nyid kyi yul can nyid kyi phyir ro/ /mi 'khyogs pa ni lam log pa yongs su spangs pa'o/ /de nyid kyi phyir 'phags pa'i lam la 'di yis yang dag par sbyor ro zhes pas yang dag par sbyor ba'o/ /yang dag pa nyid ni tshang mas 'thad pa'i de kho na nyid rang bzhin med pa nyid de/ /des ting nge 'dzin no/ /'o na byang chub kyi phyogs kyi chos bsgom pa ni nyan thos dang rang sangs rgyas kyi theg pa pa mya ngan las 'das pa la mchog tu gzhol ba rnams kho na la rigs kyi byang chub sems dpa' rnams la ni ma yin te ji skad du 'phags pa 'jam dpal gyis zhus pa rdzu 'phrul gyi cho 'phrul theg pa chen po'i mdor gsungs pa/ 'jam dpal ma 'ongs pa'i dus su dge slong rnams 'byung bar 'gyur te/ de rnams mi gtsang ba las lus la lus kyi rjes su lta ba ni dran pa nye bar gzhag par ston par 'gyur ro nas ji srid du 'di kho na don dam pa'o zhes pa'i bar du'o zhe na/ 'di skyon med de byang chub sems dpa' rnam pa thams cad du chos thams cad rtogs pa don du gnyer ba nyid kyi phyir dang / chos thams cad mi dmigs pa lhur len pa nyid kyi phyir na sems can thams cad la phan pa sgrub pa'i rgyu nyid kyi phyir 'khor ba la yang yongs su mya ngan las 'das pa bzhin du yon tan mthong ba/ mya ngan las 'das pa la yang sems can la phan pa bsgrub pa'i rten ma yin pa nyid las 'khor ba bzhin du mi mthun par lta ba/ chos nyid tsam nyid kyi phyir 'khor ba dang mya ngan las 'das pa bdag mnyam pa nyid du lta ba rnams kyang rang bzhin mi dmigs pa so sor rtog pa'i don kho nar byang chub kyi phyogs rnams sgom par byed do/ /bcom ldan 'das ma stong phrag brgya par gsungs pa/ dran pa nye bar gzhag pa mi dmigs pa nyid nye bar bzung nas zhes pa la sogs pa'o/ /'di rnams byang chub kyi phyogs mngon du byed par 'gyur ba 'ba' zhig yin gyi rgyun du zhugs pa'i 'bras bu la sogs pa'am mya ngan las 'das pa mngon du mi byed do/ /de skad du yang stong phrag nyi shu lnga par gsungs pa/ byang chub kyi phyogs kyi chos rnams la gnas pa nyid shes te/ 'di ni yongs su 'dris par bya ba'i dus yin gyi 'di mngon du bya ba'i dus ni ma yin no zhes pa la sogs pa'o/ / de'i phyir byang chub kyi phyogs rnams bsgom pas ni mya ngan las 'das pa mngon du mi byed kyi/ de rnams kho na goms par byed cing rab tu mthun par byed pa 'ba' zhig ste/ ji skad du mdo de nyid du gsungs pa/ bcom ldan 'das don dam par dran pa nye bar gzhag pa la sogs pa rnams ji ltar blta bar bya/ bka' stsal pa/ 'jam dpal gang gis lus nam mkha' dang mnyam par mthong ba 'di ni lus la lus kyi rjes su blta ba'i dran pa nye bar gzhag pa'o/ /gang gis tshor ba dang sems dang dge ba dang mi dge ba la sogs pa'i chos rnams mi dmigs pa nas ji srid 'jam dpal de ltar don dam par dran pa nye bar gzhag pa bzhi rnams blta bar bya'o nas ji srid du gang rang bzhin gyis snyoms par zhugs pa dang / rang bzhin gyis g.yeng ba med par chos thams cad blta ste/ dmigs pa mi dmigs pa nyid kyi phyir 'di ni yang dag pa'i ting nge 'dzin to/ /'jam dpal gang la la/ 'di lta bur dran pa nye bar gzhag pa rnams nas 'phags pa'i lam yan lag brgyad pa'i bar du yang dag par rjes su lta ba de ni rgal ba pha rol tu 'gro bar nga smra'o nas/ ji srid rnam pa thams cad mchog dang ldan pa'i thams cad mkhyen pa'i ye shes mngon par rdzogs par sangs rgyas par 'dod pas chos 'di rnams la mos pa bya'o zhes pa'i bar du'o/ /de nyid kyi phyir 'di rnams byang chub kyi sems kyi nang du 'dus par gsungs so/ /bsgom par bya ba shes rab dang thabs kyi rang bzhin byang chub kyi sems de yang rnam pa gnyis te/ e ma ma la bdag gis sems can thams cad kyi sangs rgyas nyid kyi ched du bla na med pa yang dag par rdzogs pa'i byang chub mngon par rdzogs par byang chub par bya'o zhes don du gnyer ba'i rnam pa can smon pa'i sems dang / rab tu 'jug pa'i rnam pa can 'jug pa'i sems so/ /de la smod pa'i sems ni rnam pa gsum ste/ 'dun pa dang ldan pa chos thams cad mngon par rdzogs par byang chub par 'dod pa nyid kyi mtshan nyid can dran pa nye bar gzhag pa bsgom pa'i rang bzhin dang / bsam pa dang ldan pa pha rol tu phyin pa drug spyod par 'dod pa nyid kyi mtshan nyid can yang dag par spong ba bsgom pa'i rang bzhin dang / lhag pa'i bsam pa dang ldan pa byang chub kyi phyogs kyi chos sum cu rtsa bdun bsgom par 'dod pa nyid kyi mtshan nyid can rdzu 'phrul gyi rkang pa bzhi bsgom pa'i rang bzhin no/ /gsum po 'di ni las dang po pa'i sa tshogs kyi lam thar pa'i cha dang mthun pa'i dge ba'i rtsa bar brjod par bya ste/ thar pa'i cha ni thob pa ste/ de'i ched du phan pa'o zhes byas nas so/ /'jug pa'i sems ni sa bcu gnyis rnams te/ de la gcig ni sbyor ba'i gnas skabs rin po che pad ma'i pha rol tu phyin pa'i rang bzhin no/ /bcu ni sbyin pa la sogs pa'i pha rol tu phyin pa'i rang bzhin rgyu'i gnas skabs rnams so/ /tha ma ni 'bras bu'i gnas skabs rdo rje las kyi pha rol tu phyin pa rab kyi mthar phyin pa rtogs pa'o/ /de la sbyor ba'i gnas skabs rnam pa bzhi ste/ dro ba dang rtse mo dang bzod pa dang chos mchog ces pa ste/ rim pa ji lta bar srub shing bsrubs pa las me'i rang bzhin du mthong ba'i lam zhes bya ba spros pa med pa'i 'jig rten las 'das pa'i ye shes kyi me'i snga ltas nyid kyi phyir dang / dge ba'i rtsa ba g.yo ba'i rtse mo nyid kyi phyir dang / 'jig rten pa'i chos mchog la bzod pa'i phyir dang / 'jig rten pa'i chos thams cad kyi mchog nyid kyi phyir ro/ /'dir dang po gnyis dbang po'i rang bzhin te/ tha ma gnyis ni stobs kyi rang bzhin no/ /'di ltar yang gong nas gong du khyad par du 'gro ba'i phyir phul du byung ba'i sbyor ba ni rab tu sbyor ba ste/ bar chad med na mthong ba'i lam myur bar skye ba'o/ /'jig rten pa'i bsam gtan dang gzugs med pa la brten pa nyid kyis na 'jig rten pa'i sgom pa'i lam mo/ /nges par 'byed pa brten pa la phan pa'i dge ba yang ste/ rnam par mi rtog pas 'byed pa ni nges par 'byed pa ste/ mthong ba'i lam yin zhing de sten par byed pa ni bsten pa ste thob pa'o/ /de'i ched du phan pa'o zhes byas nas so/ /gnas skabs 'dir rnal 'byor ba'i mos pa gtso bo nyid kyi phyir dang yon tan gyi rten du grub pa nyid kyi phyir zag pa dang bcas pa'i mos pa spyod pa'i sa 'di'o zhes rnam par gzhag go/ /'dun pa dang bsam pa dang lhag pa'i bsam pa dang sbyor ba'i bdag nyid sems bskyed pa bzhi po 'di rnams kyang brda las byung ba dang kun rdzob pa dang 'jig rten pa rnams kyang ngo / /de las gong ma'i sems bskyed pa rnams ni don dam pa pa dang 'jig rten las 'das pa dang zag pa med pa rnams te/ gong nas gong du yon tan gyi rten du gyur pa nyid kyi phyir na rab tu dga' ba dang dri ma med pa dang 'od byed pa dang 'od 'phro ba dang sbyang dka' ba dang mngon du gyur pa dang ring du song ba dang mi g.yo ba dang legs pa'i blo gros dang chos kyi sprin dang / kun du 'od ces pa sa bcu gcig po rnams su blta bar bya'o/ /de la sems bskyed pa dang po mthong ba'i lam gyi rang bzhin byang chub kyi yan lag bdun gyi ngo bo la nyon mongs pa thams cad spangs pa las lhag pa'i bsam pa dag pa'i byang chub sems dpa' ste/ gang gi phyir 'dir thog ma med pa'i 'khor bar ma mthong ba'i de kho na nyid rang dang gzhan gyi don grub par byed pa mthong ba las yongs su mya ngan las 'das pa la sogs pa mchod 'os rnams la mchod pa'i bsam pa dang de las gzhan pa rnams la dbang po'i 'byung ba chen po la phan 'dogs par 'dod pas ster bar byed de/ gang gis de rang gi ba nyid yongs su gtong zhing pha rol po'i rang gi bar byed pa'i sems ni sbyin pa'o zhes pa 'di lta bu'i mtshan nyid can chos dang zang zing dang mi 'jigs pa'i sbyin pa'i pha rol tu phyin pa'i lhag pa nyid kyis mu mtha' med pa'i sems can tshim par byed na yang yongs su mi zad pa'i phyir rab tu dga'o/ /de'i phyir 'di rab tu dga' ba'i sa'o/ /de las phyi ma rnams ni 'phags pa'i lam yan lag brgyad pa'i bdag nyid kyis rnams te/ de la g ang gi phyir 'dir bdag dang gzhan rjes su 'dzin pa la rab tu 'jug pa'i phyir 'gyod pa med cing rab tu dga' ba nyid kyi sbyor bas nyon mongs pa mi gnas pa'i phyir dang mi dge ba bcu las ldog pas sam sems kyi 'gyod pa'i me nye bar zhi bas bsil ba len pa'i sems ni tshul khrims so zhes pa sdom pa dang chos yang dag par sdud pa dang sems can gyi don bya ba'i mtshan nyid can gyi tshul khrims kyi pha rol tu phyin pa lhag pa nyid kyi tshul khrims 'chal pa'i dri ma dang bral ba ste de'i phyir dri ma med pa'o/ /gang gi phyir 'dir gzhan gnod pa byed pa la ji mi snyam pa dang sdug bsngal dang du len pa dang / chos nges par sems pa'i bzod pa'i dbye ba las rnam pa gsum po sran tshugs pa nyid kyi mtshan nyid can gyi bzod pa'i pha rol tu phyin pa lhag pa nyid las mi 'dod pa thog tu bab pa thams cad kyis mi 'khrugs pa nyid kyi phyir ma nyams pa'i ting nge 'dzin la brten pa'i chos kyi snang ba chen po byed pa de'i phyir 'od byed pa'o/ /gang las 'dir lus dang ngag dang sems kyi dge ba'i chos kyi tshogs kyi rgyun 'jug pa can dang sems can gyi don rjes su 'brel pa can dang sangs rgyas kyi zhing yongs su sbyong bar byed pa rnam pa gsum po spro ba'i mtshan nyid can gyi brtson 'grus kyi pha rol tu phyin pa lhag pa nyid las byang chub kyi phyogs rnams kyis kun nas nyon mongs pa'i bud shing bsregs te/ de'i phyir ye shes kyi 'od zer 'byung ba'i phyir 'od 'phro ba'o/ /gang gi phyir 'dir chos rnams thams cad la bri ba dang g ang ba nyid med pa'i phyir skyon sel bar byed pa dang gnas pa can dang 'byor pa can gyi mtshan nyid can gsum gyi bsam gtan gyi pha rol tu phyin pa lhag pa nyid las dmigs pa'i rnam par g.yeng bas mi bskyod pa na yang 'jig rten pa dang 'jig rten las 'das pa dag gi rig pa dang bden pa'i shes pa dag phan tshun 'gal ba'i phyir yongs su sbyang ba bya dka' ba dang / gang gi phyir yang 'jig rten gyi khams thams cad na gnas pa'i bdud rnams kyis byang chub sems dpa' thub par mi nus te de'i phyir sbyang dka' ba'o/ /gang gi phyir 'dir stong pa nyid dang snying rje dbyer med pa rab tu mi gnas pa'i sems ni byang chub kyi sems dang shes rab kyi pha rol tu phyin pa'o zhes pa thos pa dang / bsam pa dang sgom pa'i rang bzhin shes rab kyi pha rol tu phyin pa rnam pa gsum po lhag pas nyon mongs pa dang shes bya'i sgrib pa thams cad rab tu zhi bar byed pa las dang rten cing 'brel par 'byung ba rab tu rnam par 'byed pa las chags pa med pa'i sgo zhes bya ba shes rab kyi pha rol tu phyin pa'i gnas pa mngon du 'gyur te/ de'i phyir mngon du gyur pa'o/ /pha rol tu phyin pa rdzas su na drug po 'di rnams ming gis bcur 'gyur te/ shes rab kyi pha rol tu phyin pa kho na khyad par gyi rnam par zhugs pa rnams thabs dang smon lam dang stobs dang ye shes kyi pha rol tu phyin par mngon par brjod pa'o/ /de ltar ni pha rol tu phyin pa drug gis nye bar bsags pa'i dge ba'i rtsa ba bla na med pa yang dag par rdzogs pa'i byang chub tu yang dag par yongs su bsngo ba rang gi skyon sel bar byed pa dang sems can gyi don la 'jug par byed pa dang / myur du bde blag tu mngon par byang chub par byed pa'i mtshan nyid can ni thabs kyi pha rol tu phyin pa ste/ thabs des de mi zad par byed pa'i phyir ro/ /smon lam chen po bcu la sogs pa smon lam grangs med pa rnams ni smon lam gyi pha rol tu phyin pa yin cing tshogs kyi rgyun can dang sems can gyi don rjes su 'brel ba can dang sangs rgyas kyi zhing sbyong bar byed pa'i mtshan nyid kyi dbye bas rnam pa gsum ste/ gang gis skye ba so sor pha rol tu phyin pa drug la spyod pa'o/ /bsgom pa'i stobs dang so sor rtog pa'i stobs ni stobs kyi pha rol tu phyin pa yin zhing / las ldog par byed pa dang nyon mongs pa sel bar byed pa dang / bdud dang phas kyi rgol bzlog par byed pa'i mtshan nyid kyi dbye bas rnam pa gsum ste/ gang gis nyi ma so so'am skad cig so sor de rnams la spyod pa'o/ /dgongs pa ji lta ba dang sgra ji lta ba bzhin ma yin par theg pa chen po shes pa ni ye shes kyi pha rol tu phyin pa ste/ rnam par mi rtog par byed pa dang rnam par rtog pa mnyam pa nyid du rtogs par byed pa dang sems can gyi don gyi thabs lkog tu ma gyur pa'i mtshan nyid can gyi dbye bas rnam pa gsum mo/ /de la thabs kyi pha rol tu phyin pas byams pa dang snying rje dang dga' ba dang btang snyoms kyi mtshan nyid can tshad med pa mi zad pa dang ldan pa nyid kyis na gnas skabs thams cad du sems can gyi don yongs su mi gtong ba las gang gi phyir 'dir byang chub kyi phyogs dang bden pa dang rten cing 'brel par 'byung ba la dmigs pa'i mtshan ma med pa'i gnas pa rtsol bas 'byung ste de'i phyir ring du song ba'o/ /gang gi phyir 'dir smon lam gyi pha rol tu phyin pas smon lam ji lta ba bzhin 'bras bu 'grub pa'i phyir byang chub kyi phyogs dang bden pa dang rten cing 'brel par 'byung ba la dmigs pa'i mtshan ma med pa'i gnas pa rang gi ngang gis 'byung ba nyid kyi phyir mi g.yo ba ste/ de'i phyir mi g.yo ba'o/ /gang gi phyir 'dir stobs kyi pha rol tu phyin pas sbyin pa dang stan par smra ba dang don spyod pa dang don mthun pa'i mtshan nyid can bsdu ba'i dngos po bzhi mi zad pa rnams kyis gdul bar bya ba'i sems can yongs su smin par byed pa'i phyir/ chos dang don dang nges pa'i tshig dang spobs pa so so yang dag par rig pa rnams kyis chos ston pa po nyid kyi phyir byang chub sems dpa' legs pa ste de'i phyir legs pa'i blo gros so/ /gang gi phyir 'dir byang chub sems dpa' chos rnams la rgyal tshab kyi ched du dbang bskur te de'i phyir chos kyi sprin te/ mi ha bran pa la'o/ /g+hanya ste ming la g+ha nyid do/ /ye shes kyi pha rol tu phyin pa la so so yang dag par rig pa mi zad pa rnams kyis gdul bya 'dun par byed pa'i chos ston pa po nyid kyi phyir sprin chen po bzhin du rtsol ba med par chos thams cad mngon par char du 'babs te dga' ldan gyi gnas la sogs pa'i rim pas 'jig rten gyi dge ba mngon par 'phel ba'i don du'o zhes pas kyang chos kyi sprin no/ /gang gi phyir ' dir bag chags dang bcas pa'i nyon mongs pa dang shes bya'i sgrib pa ma lus par spangs pa'i phyir shin tu ba'i rnam par dag pas me long lta bu la sogs pa ye shes lnga'i rang bzhin nyid kyis na ji ltar snying rje dang shes rab gnyis su med par chos kyi dbyings rtogs pa ltar d ang chos la bdag med par mnyam pa ji lta ba bzhin dang sems can gyi sems kyi spyod pa ji lta ba bzhin dang 'gro ba'i bya ba ji lta ba bzhin du kun nas rdul phra rab so so bar mu mtshams med pa khams gsum pa'i sems dang cig shos kyi dngos po rab tu snang ba'i 'od can te de'i phyir kun du 'od/ chos kyi sku la sogs pa'i rang bzhin shin tu dga' ba chen po'i bde ba dam pa zhes pa'i ming gzhan can gang shes rab kyi pha rol tu phyin pa dngos pha rol tu phyin pa thams cad kyis yongs su bskor ba/ rnam pa thams cad mkhyen pa nyid/ chos kyi sprin gyi mthar thug pa'i byang chub sems dpa'i sa rnams kyi 'bras bu'i gnas skabs bcu gcig pa sangs rgyas kyi sa'o/ /de ltar sa bcu gcig rnams te/ mos pa spyod pa'i sa dang lhan cig bcu gnyis dang las dang po pa'i sa dang lhan cig bcu gsum rnams so/ /yang na khyad par gyi ngo bo dpe med pa'i sa dang lhan cig bcu gnyis te/ sangs rgyas kyi sa'i bar chad med pa'i lam gyi bdag nyid ye shes dang ldan pa'i sa dang lhan cig bcu gsum mo zhes pa ji ltar rigs par gdul bya'i bsam pa ji lta bar mdo dang rgyud la sogs pa rnams su rnam par gzhag pa'o/ /sa 'di rnams la so so rang gis ji ltar rig par phyi ma phyi ma'i sems kyi gnas skabs rnams su rim pas skye ba'i phul du byung ba mchog dang rab mchog la sogs pa'i dbye bas lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa dang / rdzu 'phrul gyi mngon par shes pa la sogs pa'i yon tan rin po che'i phung po rnams 'thob bo/ /de rnams kyi lam gyi rnam pa rgyas pa dang bcas par thub pa'i dgongs pa'i rgyan du'o/ /'di thams cad nang gi tshul du gsungs pa/ 'di rnams kho na zhes pa la sogs pa ste/ ni ni khyad par la'o/ /zag pa med pa nyid kyis na 'jig rten las 'das pa rab tu dga' ba la sogs pa rnams so/ /zag pa dang bcas pa ni so so'i skye bo'i sa gnyis te/ 'di rnams kyi rgyu nyid kyis go sla ba nyid kyi phyir ma gsungs pas so/ /kun te thams cad du de'i bdag nyid kyis gang du gnas shing 'brel pa de ni kun gzhi'o/ /rab tu dga' ba la sogs pa'i rang bzhin kho na ni zag pa med pa'i dad pa la sogs pa'i dbang po la sogs rang bzhin nam/ zag pa med pa'i mig la sogs pa'i rang bzhin sa'i snying po la sogs pa rnams so/ /sangs rgyas thams cad kyang rnam par snang mdzad la sogs pa rnams te/ sgrib pa med pa'i gzugs la sogs pa phung po lnga dang me long lta bu la sogs pa'i ye shes lnga'i bdag nyid rnams so/ /khyad par gyi zhes pa 'bras bu'i sa ste 'di rnams kyi gzhi'o/ /yang na gzhi ni rten te/ snga ma snga ma'i sa ni phyi ma phyi ma'i rgyu nyid kyis na'o/ /'di nyid gsal bar byed de/ sangs rgyas rnams kyi zhes pa la sogs pas so/ /'byung byed ni 'thob byed do/ /mchog ni dam pa ste nyan thos la sogs pa'i sa rnams las so/ /'on de lta na pha rol tu phyin pa'i tshul dang mtshungs pa nyid kho nar 'gyur ro zhe na/ de ltar ma yin te/ bde ba chen po'i ngo bo rdo rje 'dzin pa'i sa 'di kho na ru rtogs par byed pa'i phyir ro/ /'o na de yang me long lta bu la sogs pa'i ye shes kyi ngo bo kho na ste/ des na khyad par ci zhe na/ khyad par yod de de'i ngo bo nyid du sgrub par byed pa kho na'o/ /dper na dngos por na stong pa nyid dang ro gcig pa'i stobs dang mi 'jigs pa nyan thos kyi tshul la sgrub pa rnams kyi yang / stong pa nyid du ma bsgrub pa'i phyir dang / pha rol tu phyin pa'i tshul la bsgrub pa'i phyir khyad par chen po brjod pa bzhin no/ /'on bsam gtan dang po thob pa rnams kyang 'khor los sgyur ba rnams bzhin du bde bar nye bar bstan na/ bdag med pa nyid gnyis ka rab tu rtogs pa na lta ci smos/ de ltar ni rab tu dga' ba lhag pa nyid las sa dang po rab tu dga' ba'o zhes brjod par bya bas so zhe na/ bden te/ 'di lhan cig skyes pa'i bde ba ni ma yin te/ de nyid kyi phyir bde ba chen po ma yin zhing / las dang po pa'i gnas skabs su gyur pa yang ma yin te/ khab kyi bu ga ni bu ga'o zhes pa kho nas nam mkha' dang yang mnyam par gyur pa ma yin pas so/ /'on shes rab kyi pha rol tu phyin par gang yang bla na med pa yang dag par rdzogs pa'i byang chub kyi bde ba zhes gsungs so zhe na/ 'di gsungs mod/ 'di'i thabs bstan pa ni ma yin te/ thabs su gyur pa lhan cig skyes pa'i bde ba chen po nye bar ma bstan pa'i phyir ro/ /de'i phyir de yang rim pa 'di kho nas rtogs par bya'o/ /de skad du yang rnam par snang mdzad mngon par byang chub par gsungs pa/ rigs kyi bu khyod kyis rang gi sems zla ba'i rnam par ltos shig ces pa la sogs pa'o/ /de ci pha rol tu phyin pa'i tshul gyis byang chub pa med dam zhe na/ de lta ma yin te/ shes rab kyi pha rol tu phyin pa med par bla na med pa yang dag par rdzogs pa'i byang chub kyi dri yang ga la yod/ mchog tu mthar thug pa na yang nges par thabs 'di la ltos so zhes brjod par bya ste/ dper na nam mkhar bzhugs pa'i rdzogs pa'i sangs rgyas rnams kyis gnang ba'i shes rab kyi dbang la shAkya'i mgon po byang chub kyi shing drung du bzhugs pa byang chub thob pa'i ched du mtshan phyed na ltos pa bzhin dang / ji ltar yang bcom ldan 'di kho nas rdo rje snying po dang thig le mchog ma la dbang bskur phyin pa bzhin no zhes pa shin tu rgyas pas mchog ste/ man ngag rig pa rnams kyis khyad par 'di yongs su gsal bar rnam par shes par 'gyur ro/ /nam gyi tshe 'di rnams sangs rgyas nyid du 'byung bar byed ce na gsungs pa/ sum cu rtsa gnyis zhes pa ste/ rtsa rnams ni drug pa'i rab tu byed pa gsum par 'chad par 'gyur ba'i rdzogs pa'i dkyil 'khor gyi lhar mos pa las tha mal pa'i nga rgyal bsal nas las dang rnal 'byor dang lhan c ig skyes pa'i de bzhin nyid rnams las gang yang rung bas bla ma'i man ngag ji lta ba bzhin du yan lag drug rnams kyis shes rab dang thabs kyi rang bzhin kun rdzob dang don dam pa dbyer med pa'i byang chub kyi sems bsgom pa las gang gi tshe kun rdzob pa'i byang chub kyi sems kyis rtsa rnams gang bar gyur cing / de gang ba'i rjes thogs te bar ma chad pa de'i tshe kho na 'bras bu'i gnas skabs don dam pa'i byang chub kyi sems kyi rang bzhin dbang po la sogs pa rnams rdo rje 'dzin pa'o/ /'di tsam kho nas rdo rje 'dzin pa mchog ma yin gyi 'on kyang lhan cig skyes pa'i de kho na nyid rtogs pa'i ched du phyag rgya la ltos par bya ste/ sum cu rtsa bdun par phyag rgya chen po'i dngos grub ni phyag rgya dang lhan cig kho na'o zhes nges par byed par 'gyur ro/ /de ltar gyur pa na rang lus nyid la zhes pa la sogs pa'o/ /ci gzhan du yang sangs rgyas nyid du 'dod pa yod dam zhe na/ yod de nyan thos dang rang sangs rgyas kyi theg pa pa rnams so/ /de rnams ni phung po lnga 'gags pa na phung po lhag ma med pa 'dus ma byas pa thob bya rtag pa mya ngan las 'das pa ni sangs rgyas nyid du rjod par byed do/ /dbang po la sogs pa rnams rdo rje 'dzin pa nyid du gsal bar byed de/ rang lus gnas zhes pa la sogs pa ste rang gi lus las log pa ma yin par 'jug pa'i phyir rang lus gnas pa'o/ /chos thams cad kyi rtsa ba nyid kyis ye shes chen po'o/ /stong pa nyid dang ro gcig pa nyid kyi bde ba chen po'i nyid kyis rtog pa thams cad rnam spangs pa'o/ /dngos po kun la khyab pa po/ /zhes pas thams cad du nye bar mi 'bral ba'i nyams su myong ba las bde ba chen po gsal ba nyid du gsungs te chu yis rlabs rnams la bzhin no/ /de nyid kyi phyir gsungs pa/ lus la gnas kyang lus skyes min/ /zhes pa lus nyid ni de las de dang ro gcig tu 'byung ba'i phyir te chu rlabs ni chu las bzhin no/ /de ltar dngos po thams cad la khyab par byed pa nyid kyis dkyil 'khor ba dang bcas pa'i dkyil 'khor gyi dbang phyug shes mod kyi/ de lta na yang dkyil 'khor pa'i lha khyad par du shes pa'i ched du zhu ba/ lus la zhes pa la sogs pa'o/ /rtsa rnams kyang rang bzhin spyi dang khyad par du rgyas par ston par bzhed pas dang por grangs kho na gsungs pa/ bcu phrag gnyis lhag brgya phrag gcig /ces pa ste nyi shu lhag pa'o/ /spyir gsungs pa/ 'khor lo bzhi yi rab dbye las/ /zhes pa sprul pa dang chos dang longs spyod rdzogs pa dang bde ba chen po'i 'khor lo rnams kyi drug cu rtsa bzhi dang brgyad dang bcu drug dang sum cu rtsa gnyis kyi rtsa'i dbye ba las so/ /khyad par gsungs pa/ byang chub sems kyi rang bzhin gyis zhes pa byang chub kyi sems kho na rang ste bdag nyid kyi ngo bo ste/ phal cher de 'bab par byed pa'i phyir ro/ /de skad du yang brtag pa gnyis par byang chub kyi sems sum cu rtsa gnyis 'bab pa bde ba chen po'i gnas su 'dzag pa rnams so zhes gsungs so/ /dga' ba ma zhes pa dga' ba'i gdong can ma'o/ /nag mo zhes klog pa la ni nag po'i gdong can zhes pa ming gzhan te/ ji ltar rgyud gzhan du gzhan no/ /kha dog ma zhes pa ni gzugs can ma'o/ /gtum mo zhes pa gtum byed ma'o/ /rtsa 'di rnams kyi lha nyid dang bya ba la sogs pa ni 'chad par 'gyur ro/ /de ltar mdor bstan pa'i rtsa rnams kyi don dam pa'i rang bzhin shes par bya ba'i ched du zhus pa 'di rnams zhes pa la sogs pa ste/ srid gsum ni lus dang ngag dang sems rnams te khu ba dang khrag dang sems rnams so/ /gang gsung bar 'gyur ba/ snying stobs lus te rdul ni ngag / sems ni mun pa'i rang bzhin las/ /snying stobs khu ba rdul ni khrag /mun pa skye ba kho na'o/ /zhes so/ /de rnams las de'i ngo bor yongs gyur rnams so/ /de la kun 'dar ma ni gtso bor sems 'bab pa'i phyir sems kyi ngo bor yongs su gyur pa nyid do zhes gzhan du rnam par bzhag go/ /brkyang ma ni lus 'bab pa'i phyir lus kyi ngo bor ro/ /ro ma ni ngag gi ngo bor ro/ /ngag gi skye gnas rlung 'bab pa'i phyir rkyang ma dang ro ma dag ngag gi ngo bor zhes kyang ste/ de las gzhan rnams lus 'bab pa'i phyir lus kyi ngo bor ro/ /de lta bu'i ngo bor gyur pa rnams thams cad/ gzung ba dang 'dzin pa dang bral ba/ spros pa med pa'i rang gi ngo bo rnams te stong pa nyid dang ro gcig pa rnams so zhes pa'i don to/ /de ltar na yang kun 'dar ma ni khyad par du gzung ba dang 'dzin pa nyid dang bral ba'i zhes rtogs par bya ste/ spros pa med pa'i bde ba chen po 'char ba'i rgyu nyid kyi phyir ro/ /de skad du yang gsungs pa/ kun 'dar ma ni dbus gnas su/ /gzung dang 'dzin pa rnam par spangs/ /zhes so/ /de ltar stong pa nyid kyi ngo bo nyid dang thabs kyi ngo bo nyid du bsgrub pa na stong pa nyid dang snying rje dbyer med pa'i byang chub kyi sems kyi ngo bo nyid kho nar 'di rnams don dam par bsgrub par 'gyur ro zhes pa rdzogs pa'i dkyil 'khor mdor bsdus nas bstan pa ste/ rgya cher ni rgyas par bshad pa la gsal bar byed par 'gyur ro/ /byang chub kyi sems 'bras bu'i gnas skabs la lam gyi bdag nyid kyi byang chub kyi sems gang gis 'jug pa de ni de skad ces bya'o/ /de mngon par brjod pa'i gzhung gi tshogs kyang de skad do/ /mdor bstan pa tsam gyis rab tu gsal bar 'dis byed do zhes pa rab tu byed pa'o zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma gnyis pa'o/ / //bla na med pa'i byang chub kyi sems bstan pas bya ba byas pa'i de bzhin gshegs pa rnams kyis byang chub sems dpa' rnams kyi don gyi ched du gsol ba 'debs par mdzad pa ni de nas zhes pa la sogs pa ste/ stong pa nyid du ro gcig pa nyid kyis bstan pa nyid kyi phyir snying po'o/ /gsang chen ni sbas pa ste/ de bzhin gshegs pa rnams las gzhan rnams kyi spyod yul ma yin pa nyid kyi phyir ro/ /ye shes ni byang chub kyi sems te/ bla med ni srid pa dang zhi ba la mi gnas pas de las mchog med pa'i phyir ro/ / mkhyen nas ni mngon du mdzad nas so/ /rgyud thams cad kyi snying po zhes bya ba bshad zin to/ /ye shes kho na sgron ma ste/ dngos po dang dngos po med pa la sogs par rnam par rtog pa'i mun pa 'joms par byed pa'i phyir ro/ /de kho na rdo rje stong pa nyid dang ro gcig pa nyid kyi phyir ro/ /de skad ces bya ba'i ting nge 'dzin la snyoms par zhugs nas te rnam pa thams cad shin tu rnam par dag pa'i shes rab dang thabs gnyis su med par rtogs pa'i thugs brtan por mdzad nas zhes pa'i don to/ /gsang chen zhes pa la sogs pa ni 'di skad bdag gis zhes pa la sogs pa'i ngag gi don 'dir yang bstan par bya'o/ /gsang ba'i sgras de bzhin gshegs pa thams cad de/ de la chos kyi dbyings kyi ngo bo nyid kyi yod pa ni gsang chen chos 'byung ngo / /der ri rab kyi steng gi khang pa brtsegs par gnas pa'o/ /yang na de lta kho na'i gsang chen du ste 'khyud pa'i lha mo'i b+ha ga la'o/ /yang na de lta bu kho na'i gsang chen sprul pa la sogs pa'i 'khor lo rnams te sa la sogs pa'i rang bzhin spyan ma la sogs pa btsun mo'i b+ha gar bshad pa rnams so/ /yang na gsang chen ni shes rab kyi pha rol tu phyin ma'i b+ha ga stong pa nyid dang / der gnas pa ni bzhugs pa'o/ /cir gyur pa'i gsang chen du zhe na gsungs pa/ mchog gyur zhes pa ste/ mchog gyur ni 'jig rten las 'das pa'i phun sum tshogs pa ma lus pa gang na yin pa'o/ /yang na mchog gi ye shes kyi yul na'o/ /yang na mchog mya ngan las 'das pa rnam pa ji zhig ltar 'bras bu nyid kyis na 'dir 'jal bar byed yongs su gcod par byed ces pas mchog 'jal lo/ /yang na pha rol dgra bo nyon mongs pa rnams rgyu'i gnas skabs su gang gis gsod par byed cing chung ngur byed pa ste mchog go/ /dgyes pas na kye spyan ma la sogs pa mtha' yas pa'i lha mo dang yang dag par sbyor ba'i bde ba chen po'i rol pa'i bya bas dga' bar bya ba nyid kyi phyir mchog tu bde ba bskyed pa'i spyod yul na'o/ /thams cad bdag nyid la zhes pa de bzhin gshegs pa thams cad kyi bdag nyid kyi phyir gsang chen thams cad do/ /yang na me long lta bu la sogs pa'i ye shes kyi bdag nyid kyi phyir thams cad bdag nyid do/ /yang na thams cad ni rdo rje 'chang ste/ de'i bdag nyid kyi phyir de de skad ces bya'o/ /'dis gnas phun sum tshogs pa gsungs so/ /rtag tu bzhugs zhes pa 'tsham pa med pa'i dus su gang du yang ma bzhud pa ste/ sna tshogs pa de'i rang bzhin nyid kyi phyir ro/ /da ltar byung ba nyid kyi rang bzhin dang rgyun gyis byung ba'i rtag pa nyid kyis na chos dang lhan cig skyes pa dang longs spyod rdzogs pa dang sprul pa'i ngo bo ni 'dir bstan pa'i gnas na mtha' yas pa'i btsun mo'i dbus su bzhugs so zhes pa'i don to/ /gzhan yang ra zhes pa la sogs pa'i yi ge bcu drug gis brjod par bya ba'i khams rnams bcom ldan 'das rdo rje 'dzin pa'o zhes nyi shu rtsa gcig pa dang nyi shu rtsa bzhi par gsang ba zhes pa la sogs pa'i tshig rnams kyi don rnam pa gsum rnams bshad pas lnga'i khams dang ye shes dang de bzhin gshegs pa rnams su nges par bstan nas/ de'i rang bzhin rdo rje sems dpa'o zhes 'chad par 'gyur ro/ /sangs rgyas thams cad ni 'jig rten gyi khams thams cad kyi rdul phra rab dang mnyam pa'i rtag pa la sogs pa rnams te/ de'i rang bzhin nyid kyi phyir dang / de'i rgyu can nyid kyi phyir sangs rgyas kun dngos so/ /'dis ni sangs rgyas thams cad kyis yongs su bskor ba nyid kyi phyir 'khor phun sum tshogs pa gsungs so/ /sems can rnams dang sa bcu'i dbang phyug rnams dang gzhan rnams kyi dngos dang brgyud pas don bya ba shin tu nus pa nyid kyi phyir sems dpa'o/ /'dis ni longs spyod rdzogs pa'i sku gsungs so/ /rdo rje sems dpa' ni stong pa nyid kyi bdag nyid chos kyi sku dang snying rje bde ba'i bdag nyid lhan cig skyes pa'i sku dbyer med pa'i byang chub kyi sems kyi rang bzhin shes rab dang thabs kyi bdag nyid do/ /mchog ste zag pa med pa mi 'gyur ba dang bde ba chen po ste de'i rang bzhin rdo rje sems dpa' lhan cig skyes pa'i sku bzhi pa'o/ /'o na sangs rgyas thams cad mnyam par sbyor ba'i mkha' 'gro ma dra ba'i sdom pa 'chad par 'dod pa nyid kyi phyir gzhan ci zhig brjod par bya zhe na/ 'di ltar ma yin te/ ni ste gang gi phyir 'dir ni rang dang gzhan gyi don phun sum tshogs pa gang da lta rgyas par bshad pa de kho na sangs rgyas thams cad dang mnyam par sbyor ba mkha' 'gro ma dra ba'i sdom pa'o zhes bya ba'i don to/ /rnal 'byor ni stong pa nyid dang snying rje zung du 'brel ba'o/ /yang na lha mo rnams dang yang dag par sbyor ba'i bde bas sbyor bar byed pas rnal 'byor ro/ /brtan pa ste rnam par rtog pa'i rlung gis mi g.yo ba nyid kyi phyir ro/ /rtag pa ni phyi ma'i mtha' ji srid par gnas pa'i phyir ro/ /yid thub mchog ni phul du dbyung du med pa'i rjes su chags pas lha mo thams cad kyi yid srub par byed pa'i phyir ro/ /so so zhes pa so sor chos thams cad kyi rang gi ngo bo nyid kyis so/ /byung ba ni yod bzhin pa'o/ /yang na da ltar byung ba ni 'jug bzhin pa ste/ rtag tu zhes pa 'das pa dang ma 'ongs pa'o/ /gang gi phyir 'di rang bzhin med pa nyid kyis chos kyi sku'i bdag nyid kyi phyir dus gsum du 'jug pa'i chos thams cad kyi rang bzhin te/ kun rdzob tu ni thams cad yod/ /don dam par ni yod ma yin/ /chos rnams rang bzhin med pa nyid/ /dam pa'i don du nye bar bstan/ /zhes chos yang dag par sdud pa'i mdor gsungs pa'i phyir/ don dam par rang bzhin med pa 'di rnams kyi rtag tu rang bzhin med pa nyid kyi bdag nyid ni rang bzhin no/ /tshad mas 'thad pa nyid kyi phyir 'da' dka' ba ste thams cad mkhyen pa rnams kyis kyang 'gom par bya ba ma yin na gzhan rnams kyis lta ci smos te/ ji skad du gsungs pa/ de bzhin gshegs pa rnams byung yang rung ma byung kyang rung chos rnams kyi chos nyid 'di ni gnas pa kho na ste/ 'di lta ste stong pa nyid dang de bzhin nyid dang yang dag pa'i mtha'o zhes pa la sogs pa'o/ /'di rnams kyis chos kyi sku bshad do/ /sprul pa'i sku rtogs par byed bzhin pas gsungs pa/ sna tshogs zhes pa la sogs pa'o/ /sna tshogs las ni 'dod chags la sogs pa kun du spyod pa'o/ /cho ga sna tshogs ni rdo rje sems dpa' la sogs pa'i ngo bor bsgrub pa'o/ /de ltar ni 'dod chags la sogs pa spyod pa rnams rdo rje sems dpa' la sogs pa'i cho ga 'dod par 'gyur zhing de rnams kyi 'dod chags la sogs pa'i gnyen po rnams ni/ sangs rgyas rdo rje 'dzin sogs rnams/ /zhes pa/ sangs rgyas rnam par snang mdzad ni gti mug gi gnyen po'o/ /yang na sangs rgyas ni sa bcu'i dbang phyug ste/ ji skad du gsungs pa/ sa bcu pa la ni byang chub sems dpa' sangs rgyas kho nar brjod par bya'i yang dag par rdzogs pa'i sangs rgyas ni ma yin no zhes so/ /rdo rje 'dzin ni byang chub kyi sems rdo rje'o/ /mdzad pa rnams ni kun rdzob kyi bden pa'i rang bzhin rnams so/ /nyon mongs pa dang shes bya'i sgrib pa mi mthun pa'i phyogs yongs su bcom pas ni sems can rnams dri ma med pa nyid du 'dren par byed do zhes pa 'dul ba rnams so/ / dran pa rnams ni bsgom par 'gyur ba rnams te/ thos pa tsam gyis ni ma yin no zhes pa'i don to/ /yang na dran pa rnams ni bcom ldan 'das kyis rgyu'i gnas skabs su rnam pa 'di lta bu'i rnam pa sna tshogs pa'i ngo bo sprul pa'i thabs rnams kyis sems can 'dul bar 'gyur ro zhes gang bsams pa rnams te/ de rnams 'bras bu'i gnas skabs su rnam par mi rtog par spro bar byed do zhes pa'i don to/ /de ltar sku bzhi'i bdag nyid byang chub kyi sems rdo rje 'di ni sangs rgyas kun dang byang chub sems dpa' la sogs pa brtan pa dang g.yo ba'i dngos po thams cad kyi rang bzhin du 'gyur te/ rang gi sems las tha dad par gyur pa'i brtan pa rnams kyang med pa'i phyir ro/ /de lta bu 'di ci yin zhe na gsungs pa/ kun zhes pa la sogs pa ste/ sangs rgyas kun rnams ni me long lta bu la sogs pa'i ye shes kyi ngo bo rnam par snang mdzad la sogs pa rnams so/ /de rnams dang lhan cig stong pa nyid du ro gcig pa'i ye shes kyi bdud rtsi'i rang bzhin nyid kyis sangs rgyas kun gyi ngo bo nyid kyis na 'gro ba'i don du gsal bar gyur pa'i rdo rje sems dpa'i yang dag par sbyor ba ste bde ba chen po'i rang bzhin bcu gsum pa rdo rje 'dzin pa'i sar 'dus pa gang gi yin pa'o/ /de yang yin zhing / mkha' 'gro'i ngo bo ni mkha' 'gro ste/ nam mkha' la 'gro ba'o/ /mkha' 'gro'i sgra ni gsum pa'o/ ag ag gya gyur 'gro ba la'o/ /'dir thams cad nas 'gro ba ni gya gyur 'gro ba'o/ /mkha' la 'gro ba yis gya gyur 'gro ba'i ngang tshul 'di'i yin pas mkha' 'gro ma ste rdzu 'phrul gyis lus dpag tu med pa rnams kyis cig car thams cad du 'gro ba zhes pa'i don to/ /'ga' zhig tu gzhan la rdo rje spros pa ni phyi rol gyi mkha' 'gro ma rnam par bcad pa'i don du ste/ rdo rje yang de rnams yin la spros pa med pa'i ye shes kyi rang bzhin mkha' 'gro ma rnams kyang yin pas rdo rje mkha' 'gro ma rnams so zhes pa'i don las so/ /'dir 'di lta bu'i ni thams cad du 'gro ba kho nas rnam par gcod do zhes pa dgongs pa'o/ / yang na mkha' la 'gro ba ste dmigs pa med pa'i ye shes bdag nyid du byed pa'i ngang tshul 'di'i yin bzhis DA yi nI dang nges pa'i tshig la ka ru gyur pa na DA ki nI ste shes rab stong pa nyid do/ /dra ba ni thabs snying rje'o/ /de dag las shaM bde ba dang bar mchog gang gi yin pa ste/ spros pa med pa nyid dang chen po nyid dang rgyun mi 'chad pa nyid dang mthar thug pa med pa'i dus su gnas pa nyid mchog rnams kyis de kha na ma tho ba rnams las phyi rol du byas nas mchog tu byed do zhes pa mkha' 'gro ma dra ba bde mchog ste nges pa'i don du'o/ /drang ba'i don du ni/ sangs rgyas kun dang mnyam sbyor bas te gzugs kyi phung po la sogs pa'i ngo bo rnam par snang mdzad la sogs pa 'dus pas/ mkha' 'gro ma rnams ni nang gi rdul gyi ngo bo rnams sam rtsa rnams te/ de rnams kyi dra ba ni tshogs dang / de bcom ldan 'das khu ba'i bdag nyid dang 'dus pas bde mchog tu byed pa bde ba chen po dang ro gcig tu byed do zhes pa mkha' 'gro ma dra ba bde mchog go/ /yang na sangs rgyas kun dang mnyam sbyor bas te dkyil 'khor gyi 'khor lo rnam par snang mdzad la sogs pa 'dus pas na/ phyogs bcu rnams su nam mkhar 'gro ba yang dag par ston pa'i ngang tshul can gyi mkha' 'gro ma rnams gang gi dra ba ste rgyu ma yin pa ste/ mngon brjod kyi bstan bcos su dzA la tshogs dang dra sgo dag la ste/ me tog phon po nya rgya sgyu la yang / /zhes bshad pa'i phyir/ glang po che la sogs pa'i sgyu ma bzhin du mi bskyod pa la sogs pa'i de bzhin gshegs pa rnams bud med kyis gdul ba'i skye bo 'dun par bya ba'i ched du gau rI la sogs pa'i rdo rje lha mo'i gzugs kyi sgyu ma ston pa'i phyir ro/ /de yang yin la sdom pa yang yin pa'o zhes pa/ sangs rgyas kun dang mnyam sbyor ba/ /mkha' 'gro ma'i sgyu ma sdom pa rdo rje 'dzin pa kho na 'bras bu'i rgyud kyi rang gi ngo bo sku bzhi'i bdag nyid do/ /'di kho na mchog tu rang gi don phun sum tshogs pa dang gzhan gyi don phun sum tshogs pa'o/ /'bras bu'i rgyud ni sngar sems dpa'i sgras thun mong ma yin pa dang / dngos dang brgyud pas ni thun mong bar zhar las byung bar brjod nas da lta ni gtso bor brjod par bya'o/ /'di yis ni ste rnam pa 'di lta bur gyur pas so/ /thams cad du ni ste yul dang dus thams cad rnams su'o/ /ji ltar rigs par sna tshogs pa'i gzugs rnams kyis 'dren no zhes pa 'dul 'os te/ de rnams kyis 'grub pa ste 'dul bar byed pa zhes pa lhag ma'o/ /sna tshogs ni rnam pa sna tshogs pa ste/ rigs ji lta ba dang bsod nams kyi bag chags sad pa'i dus ji lta ba bzhin du gzugs mtha' yas pa sprul pa'i phyir ro/ /mchog ste bde blag pa'i thabs yang dag par ston pa nyid kyis so/ /grub pa ni rdzogs pa ste sangs rgyas kyi sar rnam par rtog pa med par 'jug pa'i phyir ro/ /yang na grub pa ni rtag pa ste mtha' yas pa'i sems can gyi rgyud rnams la rgyun mi 'chad par 'jug pa'i phyir ro/ /sems can rnams thams cad kyi don 'di las so zhes pa sems can kun don can te/ dbang po tha ma dang 'bring dang rab kyi so so skye bo'i sems can rnams kyi dang nyan thos dang rang sangs rgyas kyi bdag nyid can cung zad yongs su dag pa'i sems can rnams kyi don du gnyer bar bya zhing bsgrub par bya ba skyes bu'i don gyi mchog mi gnas pa'i mya ngan las 'das pa thob par byed pa'i phyir ro/ /de nyid kyi phyir mchog ste/ gzhug pa ldem por dgongs pas theg pa gsum bstan pa las theg pa chen po'i chen po mthar thug pa ston pa'i phyir yang ngo / /yang na sna tshogs ni bde 'gro dang grol ba gsum gyi ngo bo nyid kyi phyir ro/ /mchog ni gzhan gyis brjod pa'i grol ba rnams las so/ /grub pa ni nye bar mtshon pa ste grub bzhin pa dang 'grub par 'gyur ba yang ngo / /sems can rnams kun gyi don mchog ni bde 'gro la sogs pa las kyang yang dag par rdzogs pa'i byang chub mchog nyid kyi phyir ro/ /'di rnams la ma ning gi rtags nyid ni lung nyid do/ /da ni ji skad bshad pa'i rdo rje sems dpa' 'grub pa'i don du gtso bo'i thabs kyi rgyud rgyas par ston te/ kun zhes pa la sogs pa'o/ /bud med rnams thams cad ni rang gi gzugs sgrib pa dang bcas pa'i rten 'ga' zhig sgrib pa phra mor byas pa nyid kyis dang 'ga' zhig sgrib pa med pa nyid du yongs su bsgyur ba rnams kyis sgyu ma'i rang bzhin du grub ste/ grub pa'i rnal 'byor ma rnams dang rdo rje rnal 'byor ma rnams 'grub par 'gyur te/ bsten pas phyag rgya chen po'i dngos grub sbyin par 'gyur zhing / mi dge ba gdug pa rnams la spyod pa'i ngang tshul 'di rnams kyi yin pa de rnams kyang mi dge ba spangs pas dge ba'i rjes su bsgrub pa lhur len pa rnams kyis de ltar 'grub par 'gyur ro/ /ci ltar zhe na kun rnams kyis te ji ltar tshogs pa'i gzugs la sogs pa'i yul nye bar longs spyod pa 'khyud pa dang 'o byed pa dang / rdo rje rab tu 'jug pa la sogs pa rnams kyis thob par bya'o zhes pas kun thob kyang de yin la bde ba lhan cig skyes pa yang yin zhing / de'i dga' ston ni gong nas gong du rjes su 'brel zhing skye ba rnams te/ nye bar len pa'i rgyu de rnams kyis so/ /bud med de rnams thams cad kyang rim pa gnyis la lha'i rang gi ngo bor mos par bya'o zhes gsungs pa/ sna tshogs zhes pa rdo rje phag mo la sogs pa sna tshogs pa'i gzugs so/ /sgyu ma ni don dam par rang bzhin med pa nyid na yang kun rdzob tu so sor snang ba nyid kyi phyir ro/ /phyag rgya ni 'chad par 'gyur ba'i bye brag tu bshad pa ste/ de kho na mkha' 'gro ma'o/ /ci ltar zhe na/ zhes bya ba 'chad par 'gyur ba'i brda yis te/ bcom ldan 'das kyi brda yis so/ /de ltar ni Dai zhes pa la sogs pa ste/ nam mkha' la 'gro ba ni stong pa nyid rtogs pa'o/ /de nyid kyi phyir gsungs pa/ thams cad nam mkha' chos thams cad rang bzhin med pa nyid do/ /de spyod de de'i rang bzhin du 'gyur ro zhes pa thams cad nam mkha' spyod pa 'dis 'grub par byed do zhes pa grub pa'o/ /de mkha' 'gro ma ste shes rab kyi pha rol tu phyin pa'i rang gi ngo bo nyid kyi phyir ro zhes pa de ltar brjod pa bud med rnams la de'i bdag nyid du mos bzhin pa 'di'o/ /'ga' zhig tu 'gro ba zhes klog pa de'i tshe 'gro'o ste 'dis dngos po la sogs par mngon par zhen pa 'gro'o zhes pas 'gro'o/ /phyag rgya zhes mdor bstan pa'i rgyas par ston te/ kun du zhes pa'o/ /kun du ste phyogs bcu rnams su sna tshogs te phung po la sogs pa rgyas 'debs par byed cing dga' ba len par byed do zhes pa'am/ sna tshogs pa'i phyag rgya ni sna tshogs phyag rgya'o/ /ci ltar zhe na/ kun du ste gzugs la sogs pa'i yul nye bar longs spyod pa la sna tshogs kyis te sna tshogs pa'i rang bzhin gyi bde ba mchog dam pa rnams kyis te/ stong pa nyid kyis yongs su dag pa nyid kyi phyir ro zhes pa de ltar lhag par mos pa'i spyan ma la sogs pa lha mo'i rang bzhin 'di rnams kyi rigs rnams su 'gyur te/ rdo rje ni gnyis su med pa'i ye shes kyi bdag nyid mi bskyod pa'o/ /rdo rje 'dzin pa ni rdo rje sems dpa'o/ /pad+ma dang 'dra bas pad+ma ni rnam par snang mdzad de/ chu'i skyon gyis mi gnod pa'i pad+ma bzhin du 'khor ba'i skyon rnams kyis mi gnod pa nyid kyi phyir ro/ /de bzhin gshegs pa thams cad kyi sgrib pa med pa nyid gsal bar byed pa'i dgongs pa can 'dir nye bar brtags pa ni nye bar mtshon pa lhur byed pa'o/ /pad+ma 'dzin pa ni snang ba mtha' yas so/ /nor bu dang ldan pa'i phyir nor bu ste rin chen 'byung ldan no/ /nor bu 'dzin pa ni don yod grub pa ste nor bu ral gri rin po che 'dzin pa'i phyir ro/ /rdo rje 'dzin pa la sogs pa rnams kyi gang yang rung ba'i gzugs rang rang gi gzugs mkha' 'gro mas yongs su bskor bar bdag nyid rdzogs par byed pa'i rnal 'byor pas 'grub bo zhes pa dgongs pa'o/ /de ltar 'dis ni ye shes kyi phyag rgya yang gsal bar mdzad do zhes gsungs so/ /de ltar thabs kyi rgyud bka' stsal nas rgyu'i rgyud bla na med pa'i rgyur gyur pa byang chub kyi sems ston pa ni/ de nas zhes pa ste thabs gsal bar mdzad pa'i bar ma chad par ro/ /thams cad ni phyi dang nang gi bdag nyid rnams so/ /de bzhin te sgrib pa gnyis kyi bag chags cha phra mo dang lhan cig pa nyid du gshegs pa'i phung po lnga po rnams gang du zil gyis gnon cing stong pa nyid du byed pa'o/ /de yang yin la de nyid kyi phyir bag chags dang bral ba nyid kyis na rdul dang bral ba yang yin pa ste/ rdul dang 'dra bas rdul zhes brjod pa'i phyir ro/ /gnas kyang ste rang dang gzhan gyi don phun sum tshogs pa mthar thug pa'i gzhi zhes bya ba'i ting nge 'dzin la snyoms par zhugs nas byang chub kyi sems gzung ba dang 'dzin pa la sogs par 'dzin pa dang bral ba/ stong pa nyid dang ro gcig pa/ phan tshun tha mi dad pa'i lus dang ngag dang sems kyi mtshan nyid rgyas par bstan te/ ting nge 'dzin de kho na'i ji lta ba bzhin snyoms par zhugs pa phyag rgya chen po dang yang dag par sbyor ba'i go 'phang mchog gi ngo bo rgyu rdo rje 'dzin pa'i rang gi ngo bo gsungs so zhes pa'i don to/ /stong pa skur pa 'debs pa'i ngo bo ma yin te/ kun rdzob tu so sor snang bzhin pa nyid kyi phyir ro/ /mi stong min pa ni don dam par rang bzhin med pa nyid kyi phyir ro/ /don dam pa ba zhig rab tu gsal ba'i lus kyis med pa ma yin zhing de las gzhan pa gzung ba la sogs pa rnams kyis yod pa ma yin pa'i 'gro ba dbu ma'i lam du dmigs pa yang ma yin te/ gang gi phyir de'i sgrub par byed pa ni dmigs pa yin na de yang rang rig pa'i mngon sum du yod pa ma yin pas so zhes pas sgrub byed kyi tshad ma med do/ /gnod byed kyi tshad ma ni/ ji ltar me long ngos rnams la/ /gcig dang gzhan nyid spangs pa'i gzugs/ /snang yang de la yod ma yin/ /de ltar dngos la rang bzhin med/ /ces pa la sogs pas mdo la sogs pa rnams su mang du gsal bar byas so zhes pa dgongs pa'o/ /de ltar phyed snga mas stong pa nyid kyi de kho na nyid gsal bar mdzad do/ /de kho na yang rgyu'i rgyud ma yin te/ ni ste gang gi phyir snying rje'i bdag nyid de rdo rje'i rang gi ngo bo shes rab pha rol phyin dang ste stong pa nyid dang sbyor ba ste de'i bdag nyid nyid ni thabs te 'bras bu rdo rje 'dzin pa'i rgyu'o/ /kha cig tu snying rje'i bdag nyid kyis zhes klog go/ /gang gi phyir de lta yin pa de'i phyir snying rje bzang po ste dmigs pa med pa'i snying rje chen po gang gis de'i bdag nyid du 'brel ba las thabs yin pa de ni shes rab pha rol phyin pa kho na gsal ba'o ste kun rdzob tu rab tu gsal bzhin pa ni byang chub kyi sems so zhes sbrel to/ /'dis ni thog ma dang tha ma med pa stong pa nyid dang snying rje'i bdag nyid kyi 'gro ba kho na bla na med pa'i rgyur gyur pa'i byang chub kyi sems su gsungs par 'gyur ro/ /de rtogs pa'i thabs bsgom pa le'u drug par rgyas par ston par 'gyur ba mdor ston pa/ rnam par mi rtog ces pa sgro 'dogs pa thams cad dang bral ba'i chos rnams la ste gzugs la sogs pa'i phung po lnga rnams la dngos po bsgom par bya ba'i rang bzhin med de chos rnams thams cad rang bzhin gyis stong pa'i phyir ro/ /sgom pa'am sgom pa po med de bsgom par bya ba med pa'i phyir te/ chos thams cad la rnam par mi rtog pa kho na sgom pa'o zhes dgongs pa'o/ /gang gsung bar 'gyur ba/ gang la sgom byed cung zad med/ /sgom pa'ang cung zad med pas na/ /bsgom bya'ang yod pa min pa de/ /de kho na nyid sgom par brjod/ /ces so/ /gal te rnam par mi rtog na ci ltar dam tshig bsten pa la sogs pa las rang gi rtog pa'i gnas skabs kyi khyad par ram gzhan gyi don rdzogs par byed ce na gsungs pa/ rnam mi zhes pa la sogs pa ste/ rnam mi rtog par mos pa la'ang ste gyur pa la dam tshig bsten pa la sogs pa'i rtog pa rnams thams cad rnal 'byor pas rdzogs par byed do/ /rnam par mi rtog pa la lhag par mos pa na phal cher gzhan don la phyir phyogs pa srid de/ slar yang sems can gyi don la sbyor ba ni rnam par mi rtog ces pa la sogs pa'o/ /de ltar 'dis dang po goms par byed pa'i skabs su lhag par mos pa kho nas rnam par mi rtog pa 'byung zhing der yang thams cad bsgrub par bya'o zhes mngon par dgongs pa'o/ /gang gi tshe bsgoms pa las rim gyis rab kyi mthar phyin pa na byang chub kyi sems ni/ de bzhin gshegs kun bdag nyid chos/ /chos kyi skur 'gyur ba de'i tshe/ /chos can gzugs la sogs pa'i phung po med de rang bzhin med pa nyid kyi phyir ro/ /de'i chos kho na'i chos nyid stong pa nyid kyang med do/ /kun rdzob tu ni gnyis ka yang dbyer med par yod do zhes rnam par gzhag ste/ stong pa nyid ni dngos po rnams las log pa ma yin pa nyid kyi phyir ro/ /de skad du yang rnam par mi rtog pa la 'jug pa'i gzungs su gsungs pa/ dam chos 'di la rgyal ba'i sras/ /rnam par mi rtog bsams gyur nas/ /rnam rtog bgrod dka' las 'das te/ /rim gyis mi rtog thob par byed/ /rab tu zhi ba mi g.yo mchog /dbang sgyur mnyam dang mi mnyam pa/ /rnam par mi rtog bde de'i phyir/ /byang chub sems dpa' rtogs par byed/ /ces so/ /'dir rnam par mi rtog bsam pa ni/ rnam par mi rtog par lhag par mos pa bstan pa'o/ /dam chos la ste de kho na nyid la'o/ /rnam rtog kho na rnam pa bzhi'i bgrod dka' ba'o/ /rim pa ni goms nas so/ /mi rtog pa spros pa med pa'i ye shes 'thob bo/ /de'i phyir ye shes las bde ba rtogs par byed do/ /rab tu zhi ba ni nyon mongs pa med pa'i phyir ro/ /mi g.yo ba ni yongs su nyams par mi 'gyur ba nyid kyi phyir ro/ /mchog ni 'jig rten pa dang 'jig rten las 'das pa'i bde ba thams cad kyi mchog nyid kyi phyir ro/ /dbang sgyur ni ji ltar 'dod pa dang ji srid 'dod par yang dag par mngon du byed pa'i phyir ro/ /mnyam pa ni de las gzhan pa'i bde ba rnams dang bde ba'i rigs su mnyam pa'o/ /mi mnyam pa ni khyad par bzhi po 'di rnams kho nas so/ / de ltar rnam par mi rtog rnams la zhes pa la sogs pas 'bras bu'i rdo rje 'dzin pa ni rnam par rtog pa ma lus pa nub par dgongs pa'o/ /de lta yin yang sngon gyi smon lam gyi dbang gis mu mtha' med pa'i gzhan la phan 'dogs pa'i rdo rje 'dzin pa de las 'jug ces gsungs pa/ brag ca'i sgra dang mtshungs pa yi/ /zhes pa kun nas slong bar byed pa'i rnam par rtog pa dang bral ba nyid kyis dang rang bzhin med pa nyid kyis mtshungs pa'i phyir ro/ /chos kyi ste rang gis rtogs pa'i rgyu'i rgyud la sogs pa'i ngag ste yang dag par sbyor ba'i rgyud la sogs pa theg pa chen po'o/ / de ltar rang dang gzhan gyi don phun sum tshogs pa rab tu gyur pa'i rten 'bras bur gyur pa'i byang chub kyi sems bla na med pa ni byang chub kyi sems kyi zhar las byung ba las rgyu kho na rnam par dag pa ni 'bras bu'o zhes mngon par dgongs nas gsungs so/ /don 'di la rnam par snang mdzad la sogs pa'i de bzhin gshegs pa rnams kyis rtogs nas dang po bstod pas nye bar bstan pa'i ched du gsungs pa/ de nas zhes pa la sogs pa'o/ /gang gi phyir rgyu dang 'bras bus gzhan gyi don phun sum tshogs pa sgrub par byed pa dang ldan pa de'i phyir rdo rje 'dzin pa de la yang dag par bstod pa'o/ /de bgrod par bya thob par bya ba gtso bo'i theg pa ste/ 'bras bu dang / 'dis 'gro'o zhes pa ni de'i don nyid las phal ba'i theg pa lam ste/ de gnyis ka rjod par byed pa'i gzhung gi tshogs kyang ngo / /nyan thos la sogs pa'i theg pa rnams las thub pa'i dgongs pa'i rgyan du rnam par phye ba'i chen po nyid rnam pa dgu dang ldan pa'i phyir chen po yang de yin la theg pa yang de yin pa zhes pa theg pa chen po'o/ /de la 'chad par 'gyur ba'i yon tan gang rnams kyi yang dag par 'byung zhing rab tu skye ba de rnams rgyas pa ste rgya che ba rnams kyis so/ /dus gsum ni dus rnams te de rnams su byung ba ni dus gsum pa'o/ /de la gang 'jig rten gyi khams 'dir ston pa la sogs pa'i bya ba zhig pa de rnams 'das pa rnams so zhes rnam par gzhag ste/ yod kyang cung zad kyang mi byed pa nyid kyis na med pa dang 'dra ba rnams so zhes dgongs pas so/ /gang ston pa de rnams da ltar byung ba'o/ /gang ston par 'gyur ba de rnams ma 'ongs pa'o/ /yang thams cad yod pa kho na'o/ /'jig rten gyi khams gzhan du yang 'di ltar rnam par gzhag go/ /rnal 'byor ni byang chub kyi sems kyi ngo bo ste/ de la dbang ba nyid kyis na rnal 'byor bdag po'o/ /'di yis rang don phun sum tshogs pas bstod pa gsungs nas/ gzhan don phun sum tshogs pas gsungs pa/ sems can sgrol byed ces bya'o/ /de bzhin gshegs pa lnga'i rang bzhin nyid kyis kyang gsungs pa/ kun gyi bdag nyid skyes zhes pa ste/ kun gyi ste rnam par snang mdzad la sogs pa rnams kyi bdag nyid de rang bzhin du skyes pa zhes pa kun gyi bdag skyes te rdo rje sems dpa'o/ /kun gyi bdag nyid du skyes pa nyid kho na rgyas par ston te/ gcig gis sgom byed ces pa la sogs pa ste/ gcig gis te mnyam pa nyid kyi ye shes kyi bdag nyid kyis sna tshogs pa ro gcig pa nyid du nyams su myong ngo zhes pas gcig gis myong byed de rin chen 'byung ldan no/ /me long lta bu'i ye shes kyi bdag nyid kyis rmongs pa gcod pa rnam par snang mdzad do/ /bya ba grub pa'i ye shes kyi bdag nyid kyis don thams cad byed pa'i phyir thams cad ni don yod grub pa'o/ /gsungs pa yang / thams cad kun bdag nyid la gnas/ /zhes so/ /so sor rtog pa'i ye shes kyi bdag nyid kyis spros pa med pa'i bde ba chen po'i de kho na nyid kyis 'gro ba la so sor rtog pa'i phyir de nyid ni 'dir 'od dpag tu med pa'o/ /de gsungs pa/ bde ba dam pas de nyid do/ /zhes so/ /chos kyi dbyings shin tu rnam par dag pa'i ye shes kyi bdag nyid kyis na mi bskyod pa ni ye shes so/ /de ltar de bzhin gshegs pa lnga'i rang bzhin gcig pu 'dren pa byang chub kyi sems rdo rje bcom ldan 'das ni gdul bya'i ngor mi bskyod pa la sogs pa'i gzugs su ston to zhes pas ston par mdzad pa'o/ /bdag ces pa de bzhin gshegs pa gcig go/ /de bzhin du thams cad rnams so sor phyag mdzad pa'o/ /de nyid kyi phyir sdud pa pos bstod pa rnams zhes mang po'i tshig tu gsungs so/ /rgyu'i rgyud nyid khyab par byed pa nyid du rtogs par 'dod pa rnams gsol ba 'debs par byed do zhes gsungs pa/ yang zhes pa la sogs pa'o/ /snying po ni byang chub kyi sems so/ /chos rnams kun gcig pa gnyis su med pa'i bdag nyid gang du bsdus pa ste nang du 'dus pa de ni chos kun gcig tu bsdus pa'o/ /dbang po rnams ni mig la sogs pa rnams te/ de rnams kyi lam nyid ni yul nyid do/ /myur te thob pa gang dang gang dngos po cung zad mthong ba dang nyan pa dang snom pa dang ro myang ba dang reg pa dang sems pa de dang de so sor mnyam par gzhag pa'o zhes 'brel lo/ /rang bzhin gyis ni dngos po ste gnyug mas zhes pa'i bar ro/ /thog ma dang tha ma med pa'i chos kyi dbyings ni chos rnams thams cad kyi gnyug ma'o/ /ci ltar zhe na/ mi mnyam gzhag pa'i rnal 'byor gyis te mi mnyam pa ni 'jig rten las 'das pa'i byang chub kyi sems spros pa med pa rdo rje 'dzin pa zhes bya ba ste/ de la gzhag pa kun nas 'dzin pa ni mi mnyam gzhag pa'o/ /de la rnal 'byor ni lhag par mos pa ste des so/ /mthong byed la sogs pa la so sor snang bzhin pa blta bya la sogs pa ni rdo rje sems dpa'i rang gi ngo bo kho nar mos pas so zhes pa'i don to/ /rtag tu ni ma dag pa dang dag pa'i gnas skabs dag tu'o/ /mnyam par te stong pa nyid dang snying rje dbyer med pa'i byang chub kyi sems la gzhag pa ste de'i bdag nyid du 'dzin pa'o/ /'dis ni gzugs la sogs pa rnams kyi dang ma dag pa dang dag pa'i sems kyi gnas skabs rnams kyi khyab par byed pa ni de'o zhes gsung bar 'gyur ro/ /de nyid kyi phyir rnal 'byor ma bzhi yang dag par sbyor ba'i rgyud du gsungs pa/ gang gang dbang po'i lam nyid du/ /'gyur ba de de rang bzhin gyis/ /'dod pa kun la longs spyod pas/ /sangs rgyas kun gyi rang bzhin 'thob/ /ces so/ /gal te rang bzhin gyis mnyam par gzhag pa yin na 'o na mi mnyam gzhag par lhag par mos pas ci bya zhe na/ gang gi phyir rtogs par ma gyur to/ /phung por zhes pa'i rigs la gcig gi tshig go/ /bdag gzhan med pa'i phyir phung po lnga'i ngo bo'i bdag ni rnam par shes te khyad par du 'phags pa'i shes pa byang chub kyi sems la brten pa ni kun gyi bdag nyid kyis te de'i bdag nyid du'o zhes mngon sum gyis mi rtogs so/ /blun sems zhes pa blun pa'i sems ldan pa rnams so/ /tha shal mi rnams zhes pa mu stegs pa la sogs pa rnams so/ /de rnams ni byang chub kyi sems kho na la 'khrul pa rnams sems byed la sogs par rtogs par byed do/ /de la sems byed ni rtag pa dang mi rtag pa'i shes pa ste/ skyes bu'i dbang phyug go zhes dbang phyug smra ba rnams so/ /sog byed ces klog pa la ni dge ba dang mi dge ba sog par byed phung por byed ces pa'i don to/ /sems te sems can no sems can du smra ba rnams so/ /sems pa'i dngos te skyes bu zhes grangs can pa rnams so/ /rnam shes thams cad do zhes pa nyer ston pa rnams so/ /shes bya'i rang bzhin zhes pa bdag la sogs pa'o/ /de la bdag kho na sems can bzhin du skye'o rgas so 'chi'o 'ching ngo grol lo zhes bdag tu smra ba rnams so/ /de ltar srog ces nam mkha'i gos can rnams so/ /dus kyis 'byung ba rnams spro byed/ /dus kyis skye dgu sdud par byed/ /ces dus smra ba rnams so/ /yang dang yang du 'gro ba rnams su gnas pa'i gnas 'cha' ba'i phyir gang zag ces pa'am/ las rnams kyis gang zhing de rnams kho na nges par nub pa'i phyir zag pa'o zhes gang zag tu smra ba rnams so/ /rgyu nyid ces pa 'bras bu'i tshogs kyi rgyu ni dbang phyug kho na'o zhes dbang phyug smra ba rnams kho na'o/ /chos can sgom pa zhes pa zhib pa'i grub pa'i mthar bsod nams la sogs pa'i 'jug pa po dbang phyug go zhes de rnams kho na'o/ /'dis ni 'di rnams kyi gang yul 'di grub mtha' ngan pas 'khrul ba de de kho na nyid do zhes bstan par 'gyur ro/ /ci ltar 'khrul zhe na/ gang gi phyir chos rnams te sems byed la sogs pa rnams mang po nyid kyis de kho na nyid mang po nyid du 'thad pa ma yin zhes pa drang ba'i don to/ /nges pa'i don ni tha shal mi rnams zhes pa so so'i skye bo rnams ma rig pa thog ma med pa'i srid par 'byung bas yang dag pa ma yin par sgro 'dogs pa'i phyir yang dag pa ji lta ba'i de kho na nyid mngon sum du mi 'gyur ro zhes pas/ /de mngon sum du bya ba nyid kyi ched du so so'i skye bo rnams lhag par mos pa rigs so/ /bdag 'ba' zhig tu ma zad kyi/ sems byed ces pa la sogs pa yang rnam par shes pa'o zhes ma rtogs pas/ slar yang don gzhan la brten nas/ don de kho na 'das pa yin zhes pa'i rigs pas/ slar yang rnam par shes pa gsungs so/ /sems byed ni mig la sogs pa'i tshogs pa ste/ de'i shes pa ni sems so/ /sems kyis blta bar bya ba'o zhes pa sems gzugs te sngon po la sogs pa'o/ /rU pa lta ba la la'o zhes pa byings so/ /de ltar khams bco brgyad po rnams byang chub sems kyi rang gi ngo bo'o/ /de yang shes bya'i rang bzhin can te/ so so'i skye bo rnams kyis shes bya mngon sum du bya ba'i rang bzhin te don dam pa stong pa nyid gang gi rang bzhin yin pa'o/ /de'i phyir mos par bya'o zhes dgongs pa'o/ /gal te de ltar lhag par mos pa bsgom pas de mngon sum du bya ba'o zhes pas rgyu dang 'bras bu'i dngos po yin na/ stong pa nyid gzugs la sogs pa chos can rnams kyi chos kyang ched du gtad pas bsgom par bya'o zhes pas chos dang chos can gyi dngos po yang byang chub kyi sems las gzhan du 'gyur bas na de khyab byed ma yin no zhe na gsungs pa/ 'bras bu rnams la zhes pa ste gong nas gong du rtogs pa rnams la'o/ /chos rnams ni rang bzhin med pa nyid dang skad cig pa nyid dang / gzung ba dang 'dzin pa nyid dang bral ba nyid la sogs pa rnams te/ de rnams chos can rnams la sgom pa ni chos can bsgom pa'o/ /gang cung zad rgyu dang 'bras bu rnams dang gang ci yang rung ba'i chos dang chos can rnams sam de'i dngos po de rnams ni byang chub sems kyi bdag nyid kho na'o zhes pas stong pa nyid ni khyab par byed pa'o/ /'o na chos can rnams so so rang nyid tha dad pa'i phyir de'i chos rang bzhin med pa nyid kyang don dam par chos can gyi rang gi ngo bo las tha mi dad pa na/ chos can so so tha dad pa la ci ltar khyab par byed pa yin zhe na gsungs pa/ gang gi phyir zhes pa la sogs pa'o/ /rang gi mtshan nyid 'dzin pa'i phyir chos gzugs la sogs pa rnams mang po nyid du tha dad pas de'i chos brten pa de kho na nyid mang po nyid du tha dad par rtogs par bya ba ma yin te/ dper na chu bo rnams kyi rgyun mang po rang nyid nang du ston pa rnams kyang khyab par byed pa rgya mtshor mang po nyid ma yin pa bzhin no/ /chu bo'i rgyun zhes pa rigs pa gcig gi tshig dang drug pa'i don la mang po ste/ chu bo'i rgyun rnams kyi mang po nyid du zhes sbrel lo/ /ci'i phyir rtogs bya min zhe na/ gang phyir te gang gi phyir thar bar byed ces pa a tsa yid thar ba byang chub kyi sems rgyu'i rgyud gcig kho na yin pas so/ /'di gsungs te/ stong pa nyid kho na chos thams cad kyi de kho na nyid de/ de yang sgro 'dogs pa mtha' dag las ldog pa'i ngo bo'i gcig kho nar tha snyad bya ba ste/ kun rdzob tu dngos po so so la de'i bdag nyid du de yod pa'i phyir ro/ /gzhan gyis yongs su brtags pa'i spyi bzhin du don dam pa pa'i gcig ni de ma yin no/ /don dam par ni chos rnams med cing chos nyid kyang med de de rnams kyi gzhan dang gzhan min pa dag kyang med do zhes bshad do/ /stong pa nyid dang ro gcig pa nyid kyi phyir stong pa nyid kyi ye shes kyang stong pa nyid bzhin du de kho na nyid du brjod cing de kho na yang byang chub kyi sems te/ de'i phyir de yang khyab par byed pa kho na'o zhes pa'o/ /de sngar gsungs pa/ brtan sogs g.yo ba dang bcas pa'i/ /'gro kun khyab pas khyab pa po/ / zhes so/ /'di yang bde ba chen po'i ngo bo kho nar bsgom par bya bzhin pas ni 'bras bu bde ba chen po'i rang bzhin gyi thar pa skyed par byed de/ nye bar len pa dang nye bar blang bya dag rigs mtshungs pa nyid kho na'o/ /de skad du mtha' drug gi rgya cher 'grel du/ rdo rje sku nyid kyis tshad med pa'i lha mo dang snyoms par 'jug pas 'khor ba'i bar du mchog tu dga' ba'i skad cig gcig gis lha dang mi la sogs pa las 'das pa yon tan brgyad kyi dbang phyug gi bde ba nyams su myong ba'i phyir thar pa'o zhes pa nges pa'i don no zhes so/ /bde ba chen po de yang ji ltar las kyi gtum mo la sogs pa'i thabs kyi dbye ba gang gis bdag nyid la rnam par rtog pa rnams bsal nas gnas par 'gyur ba de ltar bla ma rnams 'chad par 'gyur ba'i ngag rnam par phye nas 'chad par 'gyur ro/ /gang gsung bar 'gyur ba/ nang gi dbye ba 'di nyid ni/ /bla ma'i zhal las gsal rnyed 'gyur/ /zhes so/ /de kho na nyid rgyas par te rgya chen po rab tu rgyas par ston pa'i ngo bos ston pa gang gis rab tu bya ba de ni de kho na nyid rgyas par ston pa'i rab tu dbye ba'o zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma gsum pa'o/ / //byang chub kyi sems rab tu rgyas par bstan nas bde ba chen po'i rang bzhin de ma thag par gsal bar byas pa 'di kho na thabs dang bcas pa rgyas par ston par gsungs pa/ de nas zhes pa la sogs pa'o/ /gtan la phab par gyur pa ni nges pa ste nges pa'i don bde ba chen po'o/ /ji ltar 'di nges pa'i don yin zhe na/ gsungs pa/ mnyam nyid phyir zhes pa/ sems can rnams kun bde ba chen po byang chub kyi sems dang lhan cig ro gcig pa nyid kyi phyir te de'i bdag nyid kyi phyir zhes pa'i don to/ /de rtogs pa'i rten ci yin zhe na/ gru gsum b+ha ga dang chos 'byung dang sprul pa'i pad+ma la sogs pa ste/ 'di la la la nA dang ras nA dang a wa d+hU tI'i gru gsum rnams so zhes byas nas so/ /rgya che ba rnams kyi ste stobs dang / mi 'jigs pa la sogs pa yon tan ma lus pa rnams kyi rang gi ngo bo phul du byung ba dang / ldan pa 'dir 'gyur ro zhes pas de dang ldan pa'i phyir de rgya che ba'i ngo bo can no/ /tshangs pa la sogs pa'i bar gyi lha dang lha min dang bcas pa'i sems can rnams kyi dbyer med pa'i bde ba chen po'i rten no/ /'o na mdo dang rgyud la sogs pa rnams su shes rab kyi pha rol tu phyin pa kho na nges pa'i don du gsungs pa ma yin nam/ bde ba chen po ni ma yin no zhe na gsungs pa/ de zhes pa nges pa'o/ /kun rdzob pa'i rnam pa ni kha dog dang dbyibs la sogs pa ste/ de'i rang gi ngo bo dang ldan pa'o/ /'di skad gsungs te/ kun rdzob pa'i sngon po la sogs pa rnams bde ba'i rang bzhin no/ /gang gsungs pa/ bde ba sngon po bde ba ser/ /bde ba kun du ru skyes zhes pa la sogs pa'o/ /bde ba yang byang chub kyi sems te/ de kho na shes rab pha rol phyin ma zhes pa'o/ /de nyid kyi phyir kha cig tu btsun mo shes rab kyi pha rol tu phyin par brjod cing / kha cig tu chos 'byung la sogs pa'o/ /'di'i phyir yang nges pa'i don te/ gang gi phyir/ de nyid yul las 'das pa'o/ /don dam par yul du sgro btags pa dang bral ba'o/ /srog chags kun gyi snying la ste sems la de'i bdag nyid kyis gnas shing srog chags rnams kyang de'i rang bzhin no/ /'o na de kho na nyid ma rtogs pa'i gnas skabs su bde ba chen po nyams su ma myong ba ma yin nam/ ci ltar sems can kun gyi sems kyi bdag nyid du brjod ce na/ bde ba chen po nyams su myong bar rung ba nyid kyis so zhes rgyas pa dang bcas par gtan la 'bebs par 'gyur ro/ /gal te de lta na sngags kyi theg pas ci ste/ pha rol tu phyin pa'i tshul la brten pa kho na las bya ba'i rang bzhin pha rol tu phyin pa drug goms pa rgyas pas byang chub 'thob pas so/ /gal te yang de bde ba chen po'i rang bzhin yin na de yang rab tu dga' ba'i sa nas rtsom mo zhe na gsungs pa/ ci zhes pa la sogs pa'o/ /khyod la ste rdo rje snying po shes rab rnon po la'o/ /rgyas pas ci zhig ste rgya che bas so/ /shes rab rno bas ni 'di las te byang chub kyi sems las so/ /pha rol tu phyin pa rnams ni 'dir bsdu'o zhes pa'am/ bsdus pa'i ngo bo ni bsdus pa yin zhing de las 'thob ste/ byang chub sems kyi nang du 'dus pa'i pha rol tu phyin pa bcu po rnams bsgom pas yongs su rdzogs pa las so/ /de las ni gzhan gyi don bya ba lhun gyis grub pa kho na'o/ /sangs rgyas nyid ni sa bcu'i dbang phyug nyid do/ /rnam sangs rgyas nyid ni khyad par gyi lam 'thob pa nyid do/ /rdo rje 'dzin pa nyid ni sa bcu gcig gi dbang phyug nyid do/ /'khor los sgyur ba nyid ni dkyil 'khor gyi 'khor lo dpag tu med pa sprul pa'i gtso bo nyid do/ /bskal pa kho na grangs med pa rnams dang bye ba rnams te de rnams kyis so/ /bskal ba ni 'dir bskal pa chen po'o/ /de ltar ni ji tsam pa'i dus kyi tshe lo bcu pa'i mi rnams 'phel bar son pas tshe lo stong phrag brgyad cu bar 'gyur zhing / de las 'grib par gyur pa tshe lo bcu par te de tsam pa'i 'phel ba dang 'grib pa'i dus ni bar gyi bskal pa'o/ /bar gyi bskal pa brgyad cu ni bskal pa chen po'o/ /de bzhin du bskal pa chen po gnas gzhan drug cur son pa'i grangs rjes su thob pa rnams ni grangs med pa zhes brjod do/ /grangs med pa kho na bzlas nas slar yang bgrangs pa ni grangs med pa gsum rnams te/ de rnams kyis thob bya min pa ni pha rol tu phyin pa'i tshul la gnas pa rnams kyis bskal pa grangs med pa gsum rnams kyis de 'thob pa'i phyir ro/ /de la bskal pa grangs med pa dang pos tshogs kyis nas brtsams nas ji srid sa dang po'i bar rdzogs par byed cing / gnyis pas ni dri ma med pa la sogs pas drug rnams te/ gsum pas sa mi g.yo ba nas brtsams te sangs rgyas kyis ji srid pa'o/ /bskal pa bye ba rnams kyis kyang thob bya min pa ni/ brtson 'grus chen po dang ldan pa rnams kyang bskal pa grangs med pa gnyis pa kho na la mngon par rdzogs par byang chub pa'i phyir ro/ /khyod ces pa ji ltar zhes nye bar byed pa ste/ ji ltar khyod skye ba 'di kho na la sangs rgyas nyid la sogs pa 'thob pa de ltar du zhes pa'i don to/ /'di skad bshad de/ ji ltar pha rol tu phyin pa'i tshul can gyi byang chub sems dpa' brtson 'grus chen pos 'bad bzhin pa'i bskal pa mang po rnams ldog pa ste/ dper na bdag cag gi bcom ldan 'das shAkya thub pa byang chub sems dpar gyur pa'i sangs rgyas skar rgyal mnyes par byas pas bskal pa dgu rnams log pa lta bu dang / de bzhin du shin tu che ba'i brtson 'grus kyis 'bad bzhin pa'i bskal pa bye ba khrag khrig brgya stong phrag mang po rnams kyang ldog par 'gyur ba de ltar phul du dbyung du med cing shin tu che ba'i brtson 'grus kyis dang thabs kyi khyad par gyis 'bad bzhin pa rnams kyis bskal pa grangs med pa gnyis kyang ldog par 'gyur zhing / ji srid du bskal pa gcig la dang / skye ba cung zad rnams kyis dang ji srid du skye ba 'di kho na la mngon par rdzogs par byang chub pa'o zhes pa'o/ /de nyid kyi phyir gsungs pa/ gang gis zhes pa ste/ las kyi phyag rgya la sogs pa'i thabs las skyes pas zhes dgongs pa'o/ /bde ba dam pa ni zag pa med pa bde ba chen po ste nges so/ /de nyid kyi phyir bde ba chen po'i ngo bo rdo rje 'dzin pa'i sa 'di kho nar rtogs par byed pa'i phyir pha rol tu phyin pa'i tshul las sngags kyi tshul khyad par du 'phags pa'o zhes rgya cher bshad zin to/ /'o na 'dir bde ba chen po ni phyag rgya'i rnal 'byor kho na gsungs shing / de yang 'dod chags la sogs pa'i dbang las gyur te/ de las kyang 'dod chags la sogs pa rnams 'gyur zhing / de rnams gal te 'ching ba'i rgyu ma yin na de lta na srog chags rnams thams cad grol bar 'gyur ro zhe na/ de ltar ma yin zhes gsungs pa/ gti mug ces pa la sogs pa ste/ chos gang dang ldan pa las bden pa'i don mi mthong zhing / dngos po rnams la yang yod pa ma yin pa'i rang bzhin gang zag dang chos sam dngos po med par sgro 'dogs pa de ma rig pa gti mug ste ma rig pa'i mi mthun pa'i phyogs bden pa gnyis yongs su mi shes pa'o/ /rig pa ni chos kyi rang bzhin gyi yul can zag pa med pa'i ye shes so/ /zhe sdang ni khong khro gnod sems te/ sems can gyi yul la kun nas mnar sems pa zhes pa'i don to/ /'dod chags ni rjes su chags pa dang sred pa dang zhen pa dang chags pa'o/ /bdag nyid gzhan las yang dag pa'am/ yang dag pa ma yin pas khyad par du 'phags par rtog cing rlom bzhin pa'i gang sems kyi rang bzhin gyi rnam 'gyur ltung ba'i rgyu sems las byung ba'i chos nyon mongs pa can 'di nga rgyal lo/ /phrag dog ni gzhan gyi yon tan rnams kyis gdung ba'o/ /sems can rnams kun nas nyon mongs par byed pas kun nas nyon mongs pa rnams so/ /rang lus gnas pas zhes pa rigs la gcig gi tshig go/ /gang rnams kyis gang rnams shin tu bcings pa de rnams gdung bar byed de rang gi yan lag rnams kyis so/ /de rnams kyang ma rig pa dang ma rig pa'i rkyen gyis mi dge ba 'dod pa na spyod pa kho na dang dge ba zag pa dang bcas pa khams gsum pa'i las 'du byed rnams so/ /'du byed kyi rkyen gyis ma'i mngal du nying mtshams sbyor ba'i skad cig la sems sam phung po lnga ni rnam par shes pa'o/ /rnam par shes pa'i rkyen can ming dang gzugs te/ de la nying mtshams sbyor ba'i gnas skabs su ma'i mngal du gzugs can ma yin pa'i phung po tshor ba la sogs pa bzhi po rnams dang 'byung ba dang rgyur byas pa'i gzugs ji ltar srid pa ste/ de kho na nur nur po zhes brjod do/ /rim gyis mer mer po dang nar nar po dang gor gor po dang yan lag 'gyus pa la sogs pa'i gnas skabs so/ /ming dang gzugs 'phel bar son pa ni mig la sogs pa skye mched drug gi rkyen du 'gyur ro/ /skye mched drug rnams yongs su smin pa las dang yul mngon par phyogs par gyur pa las reg pa dbang po dang yul dang rnam par shes pa gsum 'dus pa'i bdag nyid yang dag par skye'o/ /de las tshor ba reg pa dang rjes su mthun pa bde ba dang sdug bsngal ba dang btang snyoms nyams su myong ba'i ngo bo'o/ /de las sred pa ste gang bde ba'i tshor ba la mi 'bral bar mngon par 'dod cing / sdug bsngal la 'brel bar 'dod la/ sdug bsngal yang ma yin bde ba yang ma yin pa la rnam grangs kyis gnyis kar mngon par 'dod pa'o/ /sred pa las len pa ste gang 'dod pa la sogs pa'i yul rnams la 'dun pa dang 'dod chags so/ /sred pa dang len pa dag gi khyad par ci zhe na/ khyad par med par yang srid la mngon par dga' ba ni sred pa ste/ khyad par gyis ni len pa'o/ /yang na ring ba'i rgyu sred pa dang nye ba'i rgyu len pa'o/ /de las de ltar 'du byed kyi sa bon sred pa dang len pas mngon par brlan pa 'bras bu bskyed pa la mngon du phyogs pa'i las ni srid par brjod do/ /srid pa las skyes pa ni ming dang gzugs kyi rim pas tshor ba ji srid pa'o/ /skye ba ni rga shi la sogs pa rnams su 'gyur ro zhes pa yan lag bcu gnyis rnams 'khor ba'o/ /gang zhig gnas skabs kyi bar 'di rnams la reg pa yin gyi/ gang bar skabs kho nar shi ba la ma yin zhing / gang gzugs dang gzugs med pa na spyod pa'i yang ma yin no/ /de la ma rig pa dang / 'du byed rnams 'das pa'i skye ba ste/ rnam par shes pa nas srid pa'i bar da ltar ba dang / skye ba dang rga shi ma 'ongs pa'o/ /rten cing 'brel bar 'byung ba'i yan lag bcu gnyis po 'di yang lam gsum du rig par bya ste ma rig pa dang srid pa dang len pa rnams nyon mongs pa'i lam mo/ /'du byed dang srid pa las kyi lam mo/ /yan lag lhag ma rnams rnam par smin pa'i lam mo/ /de 'phags pa klu sgrub zhabs kyis gsungs pa/ 'khor ba'i 'khor lo lam gsum pa/ /thog ma dbus dang mtha' med pa/ /mgal me'i 'khor lo bzhin du ni/ /phan tshun rgyu can 'khor bar byed/ /ces so/ /'dir nyon mongs pa gtso bo ste/ nyon mongs pa'i dbang gis las dang skye ba 'phen pa ste/ bden pa mthong ba la las yod na yang yang srid pa mi 'phen pa'i phyir ro/ /de skad du yang / 'jam dpal gyi rgyud du gsungs pa/ gzhan yang lha'i tshogs rnams sngags kun rig pa rnams kyis chos rnams thams cad rten cing 'brel bar 'byung ba nyid du rab tu shes so/ /de rnams 'di snyam du 'gyur te chos 'di rnams 'di ltar stong pa sgyu ma lta bur g.yo ba rnams so nas ji srid du 'di rnams kyi skye ba yang rab tu shes shing gnas pa dang 'jig pa yang ste/ ma rig pa'i rkyen can 'du byed 'di rnams skye ba nas/ ji srid du 'di ltar sdug bsngal gyi phung po 'di 'byung bar 'gyur ro/ /de'i phyir mkhas pa'i rigs can gyis ma rig pa spang ba'i ched du 'bad par bya'o/ /ma rig pa 'gags pa las mi shes pa la brten pa'i chos 'di rnams 'gag par 'gyur ro/ /mi shes pa spangs pa las nyon mongs pa rnams kun du mi rgyu/ 'gro ba rnams mi 'jug 'khor ba'i rgyu rnams 'gag par 'gyur/ mya ngan las 'das pa nye bar gyur par 'gyur ro/ /'khor ba'i rang bzhin rtogs pa'i skye ba dang 'chi ba bstan pas rtsol ba med pa kho nar sngags rnams thams cad 'grub pa rjes su 'jug go zhes so/ /de nyid kyi phyir gsungs pa/ nyon mongs rnams kyis ma rmongs pa/ /zhes pa'o/ /gang gi phyir 'ching ba'i rgyu yin pa de'i phyir nyon mongs pa 'di rnams bsal bar bya'o zhes gsungs pa/ /de'i phyir zhes pa la sogs pa ste/ sbyor ba ni rnal 'byor te thabs dang shes rab snyoms par 'jug pa'i byang chub kyi sems so zhes pa'i bar ro/ /sdug bsngal 'bral ba zhes pa sdug bsngal dang dga' ba 'jig rten pa dang 'jig rten las 'das pa'i don bral ba'o zhes kun bsdus pa'o/ /ci ltar sbyor bas nyon mongs pa rnams gzhom pa yin zhe na gsungs pa/ rkyen du gyur pa zhes pa la sogs pa ste/ byang chub kyi sems kyi ngo bos sbyangs pa'i 'dod chags la sogs pa rnams ni 'dod chags la sogs pa nyid gtong zhing / slar la 'bras bu'i lhan cig byed pa'i rgyur 'gyur la/ /byang chub kyi sems kyang rgyu ste nye bar len pa'i rgyu'o/ /de ltar na 'dod chags la sogs pas phyag rgya'i rnal 'byor la sogs pa ma yin zhing / de las 'dod chags la sogs pa yang ma yin no zhes gsung bar 'gyur ro/ /'o na de ltar na yang phyag rgya'i rnal 'byor la sogs pa ci ltar mchog dang rjes su 'brel te sgro btags pa'i khyad par gyi phyir ro zhe na/ sgro btags pa ni rnam pa gnyis te/ de kho na nyid kyi ngo bo dang de kho na nyid ma yin pa'i ngo bo'o/ /de la de kho na nyid kyi ngo bo'i sgro btags pa ni ma la sogs par sgro btags pa bzhin du brgyud pas byang chub sgrub par byed pa'i phyir skyon med do/ /'o na 'ga' zhig gi yang bud med kyi gzugs nyams su myong ba yang bkag pa'i phyir 'gal bar 'gyur ro zhe na/ ma yin te/ las ni rnam pa gnyis te/ kun nas bslang bar bya ba dang kun nas slong bar byed ba'i dbye bas so/ /de la lus dang ngag gi las thams cad ni kun nas bslang bar bya ba ste/ yid kyi ni kun nas slong bar byed pa'o/ /de yang rnam pa gnyis te/ ma chags pa la sogs pa'i ngo bo dang de las cig shos so/ /de la chags pa la sogs pas kun nas bslang ba'i lus dang ngag gi las thams cad ni mi dge ba ste de yang bkag pa'o/ /ma chags pa la sogs pa kun nas bslang ba thams cad ni dge ba kho na'o/ /phyag rgya chen po gnyis su med pa'i rnal 'byor pa ni mtha' dag pa ma chags pa la sogs pa'i bdag nyid can 'gro ba la lta ste/ de'i phyir 'di spyod lam thams cad dang ldan yang mi dge ba mi dmigs pa'i ngo bo can nyid kyi phyir dge ba'i bdag nyid kho na'o/ /de nyid kyi phyir zla gsang thig le la sogs pa'i rgyud rnams su gsungs pa/ shes rab thabs kyi sems kyis ni/ mi bya cung zad yod ma yin/ /dgos pa med par rtag gyur nas/ /khyod kyis 'dod pa lnga la spyod/ /gang gis byang chub sems brtan cing / /chags pa med pa'i blor 'gyur na/ /the tshom za bar mi bya ste/ /de yis 'di ni nges par 'grub/ /de nyid shes nas 'bad pa yis/ /gang zhig mos pas sten byed pa/ /de yis 'grub ste gzhan du na/ /de ni dmyal ba chen por lhung / /zhes so/ /dkon mchog brtsegs pa'i mdor yang gsungs pa/ 'od srungs 'di lta ste 'bras sA lu'i zhing rnams la lud kyi phung po phan par byed par 'gyur ro/ /de bzhin du byang chub sems dpa'i nyon mongs pa rnams kyang phan pa byed par 'gyur ro/ /'od srungs 'di lta ste sngags dang sman gyis yongs su zin pa'i dug gis ltung bar mi byed do/ /de bzhin du shes rab dang thabs dang ldan pa'i byang chub sems dpa' nyon mongs pa rnams kyis mi ltung ngo zhes so/ /de nyid kyi phyir reg pa las skyes pa'i bde ba yongs su gyur pa ni bla na med pa'i 'bras bu'i rgyur gsungs so/ /de skad du yang rdo rje mkha' 'gro'i rgyud du gsungs pa/ de ltar yang de ltar gyur pa'i sgyu ma lta bu'i dngos po rnams kyis kyang khyad par can gyi longs spyod pa las skyes pa'i bde ba yongs su smin pas gal te 'di rnams khyad par can gyi sgom pa goms pa'i stobs las khyad par can gyi yid bde ba la sogs pa'i 'bras bu bskyed nas bla na med pa'i 'bras bu thob pa na/ rgyu'i dngos po rtogs par byed pa de'i tshe bcom ldan lha mo skyon ci yang med do zhes so/ /de nyid kyi phyir sbyin pa gzhan las 'dod pa'i sbyin pa 'bras bu chen por rgyud gzhan rnams su gsungs so/ /ji skad du mchog gi dang po'i rgyud du gsungs pa/ 'dod pa'i longs spyod thams cad la/ /ji ltar 'dod par spyod bzhin pas/ /rang lhag lha yi rnal 'byor gyis/ /rang dang gzhan la mchod par gyis/ /'phrod pa min yang sbyin bya ba/ /'dod pa'i bde ba thams cad ni/ /bdag nyid dang ni gzhan rnams kyi 'ang / / bsam pa thams cad yongs rdzogs byed/ /ces so/ /'phags pas kyang gsungs pa/ phan min par yang gang mthong bar/ /mkhas pas la lar de phan te/ /nad kyi dbang las thams cad ni/ /sman zhes bya bar skye min nam/ /zhes so/ /de nyid kyi phyir bcom ldan 'das kyis gsungs pa/ sgyu ma lta bu'i chos la mos pa la nye bar longs spyod pa thams cad sbyar bar bya'o zhes so/ /lha thams cad yang dag par 'dus pa'i rgyud du yang gsungs pa/ gang gis rmongs pa 'ching 'gyur ba/ /de yis mkhas pa 'dir rtsen byed/ /sems dpa' yongs rdzogs sbyor ba yis/ /gzhan du mar me lta bur 'gro/ /dogs pa med pa'i sems dpa' yis/ /rtag tu gnas skabs kun du yang / /spyod pa kun la rab zhugs kyang / /'ching bar 'gyur ba ma yin te/ /stong pa'i dngos po thams cad 'di/ /stong pa'i rnam pa can mig gis/ /mthong ba rnam par rtog med pa'i/ /dam pa dogs med 'gyur ba yin/ /zhes so/ /thabs chen ldan pa rnams kyis ni/ /nyon mongs byang chub yan lag 'gyur/ /'khor ba'ang zhi ba'i bdag nyid du'o/ /de'i phyir rgyal sras bsam mi khyab/ /ces so/ /de'i phyir shes rab dang thabs kyis yongs su zin pa'i gzugs la sogs pa'i yul rnams yongs su longs spyod pa rnams khyad par 'phags pa'i 'bras bu thob par byed pa rnams su 'gyur ro zhes pa gnas pa'o/ /khyad par 'phags pa'i 'bras bu de ci zhe na gsungs pa/ 'bras bur gyur zhes pa la sogs pa ste/ 'di ni ste rgyu kho na bde ba chen po'i rang bzhin byang chub sems kyi bdag nyid 'di'i mngon sum du rab kyi mthar thug par 'jug pa ni/ mtshon par bya bas mtshon bya ste/ dri ma med pa ni dpag tu med pa'i dngos po mthong ba'o/ /'dis ni nye bar 'khor ba'i thams cad mkhyen pa nyid dang thams cad mkhyen pa nyid 'bras bur gsungs so/ /'o na rgyud gzhan rnams dang 'dir yang rnam par snang mdzad la sogs pa rnams kyis gti mug la sogs pa rnams zhi ba rab tu gsal bar byas na shes rab dang thabs kyis ci brjod ce na/ gsungs pa gang dang gang gis zhes pa ste rnam par snang mdzad la sogs pa'i ngo bos so/ /'byung po sems can rnams nyon mongs pa ldog pas sbyar bar bya ba'i rnam par snang mdzad la sogs pa de rnams byang chub sems rdo rje bcom ldan de kho na'i ngo bo 'dzin pa rnams te/ dper na lha'i me dang khyim bdag gi dang sbyin sreg la sogs pa'i me rnams tha dad kyang bud shing rnams dang rdo dreg gi gos la sogs pa'i dri ma sreg pa ni me'i rang bzhin thams cad yin pa bzhin no/ /gdul bya'i bsam pa'i dbang las ni/ / rgyal ba bde ba chen po'i mgon po kho na'i gar 'di ste rnam par snang mdzad la sogs pa'i ngo bo'o/ /gang gsung bar 'gyur ba/ gang du bde chen mgon po gar mdzad cing / /gcig pu du ma'i nyams kyis gar byed do/ /zhes so/ /nyams dga' ni de la mos pa rnams kyi mngon par dga' ba'i gnas nyid kyi phyir ro/ /bzang po ni rnam par dag pa'i thabs can nyid kyi phyir ro/ /de nyid kyi phyir 'di nyid de mgon po ni bag chags dang bcas pa'i sgrib pa gnyis spangs pa'i phyir dag pa yang ngo / /gzugs kyi phung po la sogs pa gang rnams rnam par snang mdzad la sogs pa'i ngo bor lhag par mos par bya ba de rnams kyang 'di kho na ste/ 'di kho na ni nus pa ste gti mug la sogs pa'i dgra de 'joms so/ /rnam par snang mdzad la sogs pa'i rang gi ngo bos kyang zhes gsungs pa/ gti mug ces pa la sogs pa ste/ gti mug 'joms so zhes sbrel lo/ /gti mug rnam par dag pa ni rnam par snang mdzad do/ /zhe sdang dag pa ni mi bskyod pa'o/ /'dod chags dag pa ni 'od dpag med do/ /nga rgyal dag pa ni rin chen 'byung ldan no/ /phrag dog dag pa ni don yod grub pa'o/ /rdo rje 'dzin zhes pa 'di la 'dus pa phyi mar ni/ lnga spangs pa dang rtogs pa yis/ /rdo rje zhes par mngon par brjod/ /'dzin pa 'chang zhes brjod pa ste/ /rnam shes rdo rje 'dzin yid do/ /zhes so/ /spangs pa ni bcom pa ste stong pa nyid do/ /rtogs pa ni rig pa ste ye shes so/ /stong pa nyid kyi ngo bo'i ye shes lnga rnams ni rdo rje'o zhes pa'i don to/ /de nyid kyi phyir de gsal bar byed pa ni gnyis kar rtse mo lnga pa'i rdo rje'o/ /'chang zhing 'dzin pa po rnam par shes pa ni 'dzin zhes par brjod do/ /de'i phyir na rdo rje 'dzin yid do ste byang chub kyi sems su brjod par bya ste rdzogs pa'i rim pa la'o/ /de skad du yang gsungs pa/ dag pa'i blo ni zla dang 'dra/ /rdo rje zhes par mngon par brjod/ /ces so/ /mi phyed so sor 'bigs byed pa/ /gdug pa thams cad 'joms pa'i phyir/ /bdag ni rdo rje sangs rgyas kun/ /bdag ni byang chub sems brtan pa'o/ /zhes kyang ngo / /bskyed pa'i rim pa la yang gsal bar byed pa'i rdo rje 'dzin pa'i phyir rdo rje 'dzin pa'o/ /ci ltar gti mug la sogs pa rnam par dag pa rdo rje sems dpa' gang yin zhe na/ gang gi phyir/ de yi ngo bo rnam dag pas/ /zhes pa la sogs pa ste/ de nyid kyi phyir 'di rnams rnam par snang mdzad la sogs pa'i rigs lnga rnams te rdo rje 'dzin pa kho na mi bskyod pa la sogs pa'i rnam pas spro ba'i phyir ro/ /de 'dus pa phyi mar gsungs pa/ rigs ni rjes 'gror bshad pa ste/ /rgyud can gdod mar brjod par bya/ /'jig pa med cing skye ba med/ /gang de mgon por rab brjod do/ /zhes so/ /gdod mar gyur pa gang zhig rjes su 'gro zhing rjes su 'jug pa ni rigs te/ de nyid kyi phyir gsungs pa/ rgyud can gdod mar brjod par bya/ /zhes so/ /yang 'di ci zhe na gsungs pa/ 'jig pa med ces pa la sogs pa'o/ /yang ci ltar rnam par shes pa la sogs pa'i phung po rnam par dag pa'i ngo bo mi bskyod pa la sogs pa rnams zhe sdang la sogs pa'i rigs yin zhe na/ 'di la lan 'dus pa phyi mar/ sdang rnams 'joms rtogs gnyis rnams kyis/ /rnam shes zhe sdang yin par brjod/ /gzugs ni gti mug ces bshad de/ /bems dang 'ching ba'i rang bzhin las/ /nga ru byed pa'i rang bzhin las/ /tshor ba rgyags pa nga rgyal bshad/ /'du shes yang dag chags bdag nyid/ /dngos la zhen pa'i mtshan nyid can/ /brten nas bskul ba'i bdag nyid kyis/ /'du byed rtag tu phrag dog go/ /rang bzhin gyur pa'i byang chub sems/ /kun la 'byung zhing yang dag 'byung / /zhes so/ /'joms rtogs gnyis rtse mo lnga pa'i ngo bo rnam par shes pa'o/ /sdang rnams kyi ste mi mthun pa'i phyogs sgrib pa rnams kyi gnyen po'i ngo bo zhe sdang ngo / /gzugs ni blun pa'i rang bzhin nyid kyi phyir dang / 'ching ba'i rang bzhin nyid kyi phyir gti mug go/ /'ching ba'i rang bzhin nyid kyang gzugs ni mngon par zhen pa'i yul nyid kyi phyir ro/ /tshor ba ni nga rgyal gyi rang bzhin te/ bde ba la sogs pa myong ba ni nga bde'o zhes pa la sogs pa nga'o snyam pa'i nga rgyal kun du spyod pa'i phyir ro/ /'du shes kun nas chags bdag nyid/ /ces pa kun nas chags pa'i bdag nyid 'du shes te/ gang las dngos po la kun du zhen pa'i mtshan nyid can yin pa'o/ /dngos po kun nas zhen pa'i mtshan nyid can ni dngos po'i mtshan nyid 'dzin pa'i phyir ro/ /'du byed ni phrag dog gi rang bzhin te/ brten nas bskul ba'i bdag nyid kyis te rten cing 'brel bar 'byung ba nyid kyis bskul ba'i ngo bo nyid kyis so/ /rgyu dang rkyen rnams kyis 'dus byas pa'o zhes pas 'du byed rnams te/ rgyus bskul nas 'jug pa rnams su brjod par bya zhing / phrag dog kyang skul bar byed pa'i ngo bo kho na'o zhes pas 'du byed rnams phrag dog gi ngo bo'o/ /rdo rje 'dzin pa de rnams kyi rigs nyid du bsgrubs zin gyi de'i rang bzhin nyid ni ma yin no zhes pa ste gsungs pa/ rang bzhin zhes pa'o/ /de ci dri ma med pa nyid de kho na yin nam zhe na gsungs pa/ kun la 'byung zhing yang dag 'byung zhes pa/ 'khor ba thams cad las ma spangs pa ni 'di rnams kyi de'i ngo bor 'byung ngo zhes pa'i don to/ /de nyid kyi phyir de nyid du gsungs pa/ 'dod pa sems zhes rab tu bshad/ /'dod chags zhe sdang mun par ldan/ /dam tshig sna tshogs 'dra ba yi/ /mngon phyogs las las skyes 'bras bu/ /zhes so/ /dam tshig sna tshogs 'dra ba yi/ /zhes pa 'dod chags rdo rje la sogs pa rnams dang ji ltar rigs par 'dus bzhin pa sna tshogs su so sor snang ba'i sems gang 'dir las las skyes pa'i 'bras bu mngon du phyogs shing nye bar 'dud pa de 'dod pa'o zhes brjod de/ /las kyi dbang kho na las de dang de'i rnam pa can 'dod chags la sogs pa dang rjes su mthun pa'i sems skye bas so/ /de thams cad kyang rnal 'byor pa rnams kyi 'dod pa ste 'dod chags rdo rje la sogs pa dang / rjes su mthun pa nyid kyi phyir ro/ / de nyid kyi phyir zhe sdang rdo rje la sogs pa rnams phyag rgya chen po dang yang dag par sbyor ba mchog gi go 'phang rnams su brjod par bya ste/ zhe sdang rdo rje la sogs pa 'di rnams kyang bde ba chen po'i rang bzhin rang nyid las dogs pa med pa'i rnal 'byor pas spros pa rnams gzhan gyi don rnams su 'gyur ro/ /'dir zhe sdang la sogs pa'i 'bras bu sku rnams kho na de ltar kun nas slong ba ni ma yin zhing yongs su dag pa'i zhe sdang la sogs pa rnams ma yin no/ /gang 'ga' zhig tu brjod pa/ nang du kha ba lta bur bsil zhing phyi rol kho nar rtsub pa zhes pa la sogs pa de ni rnam par ma dag pa'i zhe sdang la sogs pa'i ngo bor ro/ /gang yang zhe sdang la sogs pa zad pa'i ched du zhe sdang la sogs pa rnams bstan pa de yang 'di rnams kyi rnam par dag pa'i ngo bo la dmigs pa na ma dag pa'i ngo bo med pa'i dbang du byas nas so/ /gang yang zhe sdang la sogs pa'i rigs can gyi sems can rnams gdul ba'i don du gsungs pa de yang 'di rnams de'i ngo bor spros nas las dang po pa rnams kyi dor de ltar rjes su gnas par byed pa'i phyir te/ rang nyid de ltar gnas pa rnams kyis gzhan rnams de ltar gnas par byed pa'i phyir ro/ /gal te rigs lnga po 'di rnams yin na 'o na ci ltar byams pa la sogs pa rnams 'dir nang du 'du bar 'gyur ro zhe na/ dge ba'i rang bzhin nyid kyi phyir te/ de ltar ni sems can rnams la bde ba nye bar sdud par 'dod pa'am mnyen pa'i sems ni byams pa'o/ /sdug bsngal bsal bar 'dod pa'am phan pa'i sems ni snying rje'o/ /gzhan phun sum tshogs par rjes su chags pa'i rnam pa'am bde ba dang mi 'bral bar 'dod pa ni dga' ba'o/ /chos rnams rang bzhin med pa nyid kyi phyir btang snyoms su byed pa'am sems mi bskyod pa ni btang snyoms so/ /rang bzhin med pa nyid kho na'i phyir 'jig rten gyi chos brgyad la btang snyoms pa yang btang snyoms kyi mtshan nyid yongs su dag par 'gyur ro/ /de ltar 'di rnams gti mug la sogs pa'i ngo bor gsal ba kho na ste/ de nyid kyi phyir yang byams pa la sogs pa'i rang bzhin spyan ma la sogs pa rnams gti mug dga' ma la sogs pa'i tshig rnams kyis 'dus pa la sogs pa rnams su gsungs shing zhe sdang la sogs pa rnams kyang ji skad bshad pa'i rigs pa las dge ba nyid du rig par bya ba kho na ste/ de'i phyir dge ba 'di rnams kyis dge ba'i rang bzhin byams pa la sogs pa spros pa na/ de rnams su byams pa la sogs pa nang du 'du'o/ /ye shes lnga rnams zhes pa ste/ de la shin tu rnam par dag pa'i chos kyi dbyings kyi ye shes ni gang bag chags dang bcas pa'i sgrib pa gnyis las grol ba snying rje dang shes rab gnyis su med pa/ chos kyi dbyings rtogs pa rdzogs pa spangs pa dang rtogs pa phun sum tshogs pa yang dag pa'i don sgom pa rab kyi mthar thug pa las skyes pa gsal bar snang ba ste/ yang dag pa'i don can nyid kyis na mi slu ba'i phyir tshad ma yin zhing / rtog pa dang bral zhing ma 'khrul ba nyid kyis na mngon sum ste nye bar mkho ba'i thams cad mkhyen pa bcom ldan 'das so/ /me long lta bu'i ye shes ni gang la rdul phra rab so so bar mtshams med pa'i khams gsum pa'i sems dang cig shos kyi dngos po thams cad ji ltar ring ba dang cig shos kyi yul 'das pa dang ma 'ongs pa dang da ltar byung ba'i dus bzhin gnas skabs so so ba me long la gzugs brnyan bzhin du so sor snang ba'o/ /mnyam pa nyid kyi ye shes ni gang gis da ltar gzugs brnyan du gyur pa'i 'gro ba chos kyi bdag med par mnyam pa nyid rtogs nas sems can rnams thams cad la rtag tu bdag dang mnyam pa'i sems nyid thob pa'o/ /so sor rtog pa'i ye shes ni gang gis de ltar mnyam par gzhag pa kho na'i bcom ldan 'das rnam par rtog pa med kyang sngon gyi smon lam dang sems can gyi bsod nams kyi dbang las sems can rnams thams cad kyi sems kyi spyod pa rnams so sor rtog pa'o/ /bya ba grub pa'i ye shes ni gang gis de ltar so sor brtags pa'i 'gro ba'i bya ba rjes su bsgrub par mdzad pa'o/ /ye shes bzhi po 'di yang rtogs pa phun sum tshogs pa ste/ de kho nar mngon sum pa thams cad mkhyen pa bcom ldan 'das so/ /ye shes lnga po bcom ldan ' das rdo rje 'dzin pa'i kun rdzob tu so sor rang gis rig par bya ba rgyun yin bzhin pa 'di rnams kyang phan tshun rgyu dang 'bras bu'i dngos pos na gzugs dang ro dang dri dang reg bya'i rdul phra rab kyi rgyun rnams la bum pa gcig tu gdags pa bzhin du tshogs pa gcig la rag las pa'i 'brel pa las dbyer med par 'jug pa nyid kyis sems can gcig tu gdags pa'i yul nyid kho na'o/ /de bzhin du ye shes lnga'i rab tu dbye ba dpag tu med cing mtha' yas pa'i stobs dang mi 'jigs pa la sogs pa sangs rgyas kyi ye shes rnam par mi rtog pa so sor rang nyid tha dad par cig car rgyun yin bzhin pa rnams kyang ngo / /sems can rnams ni rnam par shes pa'i rgyud re re ba'o zhes pa ni sems can gcig la rnam par rtog pa gnyis cig car ma yin no zhes pas yid kyi rnam par shes pa'i rgyun gcig pa nyid kyi phyir ro/ /sangs rgyas kyi ye shes 'di rnams kyang ye shes lnga ro gcig par thub pa'i dgongs pa'i rgyan du bshad zin to/ /de bzhin du me long lta bu'i ye shes dang de'i rten can mnyam pa nyid kyi ye shes zhes pa gnyis tshul gcig pa ste chos kyi dbyings rnam par dag pa la dmigs pa nyid kyi phyir ro/ / de las cig shos kyi ye shes gnyis kyang ro gcig pa ste/ gzhan la phan pa byed par rgyud gcig pa nyid kyi phyir dang / de bzhin nyid la dmigs pa nyid kyi phyir yang ngo / /de'i phyir gnyis dang gnyis dang chos kyi dbyings shin tu rnam par dag pa'i ye shes rnams rang gi tshul tha mi dad pa ste/ de'i bdag nyid kyi chos kyi dbyings shin tu rnam par dag pa la dmigs pa nyid kyi phyir ro/ /ji skad du sangs rgyas kyi sa'i mdor gsungs pa/ chos kyi dbyings rnam par dag pas 'dres shing nye bar 'dres pas 'bras bu ro gcig pa ye shes la rdzogs par longs spyod pa'o zhes so/ /don dam par ni ye shes lnga rnams tha dad pa dang tha mi dad pa la sogs pa'i spros pa mtha' dag gis stong pa nyid kho na'o/ /de la rnam par mi rtog pa kun gyis bskyod bya ma yin pa'o zhes pa mi bskyod pa rnam par shes pa rnam par dag pa'i ngo bo ni chos kyi dbyings shin tu rnam par dag pa'i ye shes kyi bdag nyid do/ /dri ma thams cad dang bral ba las rnam par snang zhing gsal lo zhes pa rnam par snang mdzad gzugs rnam par dag pa'i ngo bo ni me long lta bu'i ye shes kyi bdag nyid do/ /bla na med pa'i dga' ba rgyas par byed ces pas rin chen tshong pa rnam par dag pa'i ngo bo ni mnyam pa nyid kyi ye shes so/ /de'i bdag nyid ni rin chen 'byung ldan te/ rin po che'i bdag nyid du 'byung ngo zhes byas nas so/ /dpag tu med pa'i shes bya so sor rtog pa'i bdag nyid kyis na 'di'i 'od dpag tu med pa 'du shes rnam par dag pa'i ngo bo ni so sor rtog pa'i ye shes kyi bdag nyid do/ /'gro ba thams cad la phan pa sgrub par byed pa'i rgyu nyid kyis na don yod de 'bras bu med pa ma yin pa 'di la grub pa'o zhes pa don yod grub pa 'du byed rnam par dag pa'i ngo bo ni bya ba grub pa'i ye shes kyi bdag nyid do/ /de ltar phung po rnam par dag pa'i ngo bo sangs rgyas lnga rnams te/ 'di rnams kyang stong pa nyid kho na de kho na nyid do zhes pas stong pa nyid dang snying rje dbyer med pa nyid kyis na drug pa rdo rje sems dpa'i rang gi ngo bo nyid kho na'o/ /gang yang de bzhin gshegs pa lnga rnams las skyes pa rnams ni sems pa zhes pa rang rang gi rigs can gyi byang chub sems dpa' sa'i snying po la sogs pa/ mig ni gti mug rdo rje'o zhes pa la sogs pas nang gi bdag nyid kyi skye mched rnam par dag pa'i rang bzhin du 'chad par 'gyur ba rnams dang gzugs rdo rje la sogs pa phyi'i skye mched gzugs la sogs pa rnam par dag pa'i rang bzhin rnams dang / sa la sogs pa'i khams rnam par dag pa'i rang bzhin spyan ma la sogs pa rnams so/ /khro bo rnams kyang gshin rje gshed la sogs pa dad pa la sogs pa rnam par dag pa'i ngo bo rnams so/ /de rnams kyang de kho nar rdo rje sems dpa'i rang gi ngo bo nyid de/ rlabs rnams chu'i rang bzhin nyid yin pa bzhin no/ /de bzhin gshegs pa la sogs pa 'di rnams kyang dpag tu med pa'i dbye bas tha dad pa'i phung po la sogs par mngon par zhan pa'i dpag tu med pa'i sems can gyi bsam pa'i dbang gis dpag tu med pa'i gzugs rnams su 'byung ba'i phyir mtha' yas pa nyid du rig par bya'o/ /dri ma med pa nyid kyi skabs la gnas pa'i de bzhin gshegs pa la sogs pa rnams kho na yang ma yin gyi/ khams gsum yang ste/ rdo rje 'dzin pa'o zhes thams cad la sbrel bar bya'o/ /'dod pa dang gzugs dang gzugs med pa'i khams gsum rnams 'di la'o zhes pa khams gsum pa ste/ sems can gyi phung po yang de bzhin kho nar rgyu'i rgyud kyi rdo rje 'dzin pa'i rang bzhin kho na'o/ /gsungs pa yang / kun la 'byung zhing yang dag 'byung / /zhes so/ /rdo rje 'dzin pa 'di kho na bdag nyid la dbye bar bya'o zhes pas dga' ba la sogs pa'i dbye ba tha dad pa'i lhan cig skyes pa'i bde ba chen po'i ngo bo ni/ gsal bar bla ma las rtogs par bya ste/ slob mas ni bla ma'i man ngag las te/ shes rab sbyor bas dpal ldan ni/ /de kho na nyid mtshon par bya/ /rdo rje skyil krung gis sems ni/ /nor bu'i nang du gnas lta bas/ gang gi phyir 'di ltar yin pa de'i phyir zur gsum 'dir te/ sangs rgyas bde ba chen po'i ngo bo rnams kyis bsten pa'o/ /stong pa nyid dang ro gcig pa nyid kyi phyir dag pa'o/ /e yig gi dbyibs can nyid du ste gru gsum nyid kyi phyir ro/ /nyams dga' ba'i zhes pa nyams dga' bar te mngon par dga' ba'i gnas nyid kyi phyir ro/ /e'i sgra'i brjod byar te shes rab kyi ngo bo nyid kyi phyir ro/ /'dis ni lte ba'i pad ma la sogs pa yang gsungs so/ /dbus su ste ze 'bru la waM rdo rje dang thabs kyi bdag nyid kyis khyad par du byas par/ ji ltar du nang gi dbye bar 'gyur ba de ltar bla ma'i zhal las thob par bya zhes sbrel lo/ /gsungs pa yang / e yig dbyibs can bzang po gang / /dbus su waM yig gis brgyan pa/ /bde ba thams cad kyi ni gnas/ /sangs rgyas rin chen za ma tog /ces te/ 'dir rol bar byed do zhes pa bzang po'o/ /nye bar sdud de/ gru gsum zhes pa la sogs pa'o/ /rdo rje ni bo l+la dang kun rdzob byang chub kyi sems so/ /de'i rol za ni dga' ston te bde ba chen po'i bdag nyid rdo rje sems dpa'o/ /ri gI a ral+li'i rgyud du gsungs pa/ ri gI lha mo rol pa ni/ rdo rje 'dzin pa'o zhes so/ /rdo rje rol ba'i rgyud du yang / rdo rje rol ba ni rdo rje sems dpa'o zhes so/ /sU ta kA ru ni rol ba ni rtse ba'o zhes so/ /de ltar rdo rje rol ba'i brten par bya'o zhes pas rten te gzhi gru gsum pa'o/ /de nyid kyi phyir de'i chos bde ba chen po dang dkyil 'khor chos thams cad kyi bdag nyid 'dir 'byung ba'o zhes pa chos 'byung ste skye gnas zhes 'di dang rgyud gzhan du grags pa'o/ /nges pa'i don ni chos rdo rje gsum po rnams kyi bde ba chen po'i rdo rje 'dzin pa'i bdag nyid du 'byung ste/ 'dir mchog tu 'byung ba'o zhes chos 'byung chos kyi sku rdo rje 'dzin pa'i gtso bo'i sku ste chos rnams kyang de'i bdag nyid kyis na chos 'byung dang chos kyi sku'o/ /bde ba chen po 'dir rten no zhes pa b+ha ga'o/ /'di bde ba chen po 'byung ba'i gnas yin pa 'ba' zhig tu ma zad kyi/ ngag gi rang bzhin thams cad kyi yang ngo zhes skabs su bab pa brjod pa gsungs pa de'i zhes pa la sogs pa ste/ pad+ma ni 'dir skyes pa dang bud med dag gi'o/ /'dab ma brgyad pa ni dkyil 'khor gnyis pa rtsa brgyad kyi ngo bo nyid kyi phyir ro/ /dgu pa ni mkha' 'gro gdong gi rtsa'o/ /lte ba ni a wa d+hU tI'o/ /pad+ma der a'i phreng ba ste bsgrigs pa ni A li ste dbyangs bcu drug rnams so/ /gtso bo'i rjes su 'gro ba ni 'brel ba la sogs pa'i tha snyad do/ /ka'i phreng ba ni kA li ste gsal byed sum cu rtsa bzhi rnams so/ /rnam gnas zhes pa ni mi gsal ba'i ngo bos so/ /brjod pa'i dus su ni b+ha ga'i pad mar rlung gi skye gnas can rnams mi gsal ba'i rang bzhin du skyes nas rkan la sogs pa byed pa rnams las gsal bar skye ste/ gang gsung bar 'gyur ba/ sgra ni sngags so zhes so/ /bskyed pa'i rim pa la ni bris pa'i gzugs kyis rnam gnas pa'o/ /las rnams ni zhi ba la sogs pa rnams so/ /cung zad ces pa yi ge'o/ /sde tshan brgyad rnams gsungs pa/ a ka zhes pa la sogs pa'o/ /a sde ni A li'o/ /ya ra la wa rnams ya'i sde'o/ /bskyed pa'i rim pa la 'ga' zhig tu sngags btu ba la sogs pa'i don du sha Sha sa ha rnams kho na sha'i sde tshan du gsungs so/ /k+Sha yig ni ka dang Sha yig dag brtsegs pa'o zhes pa logs su ma bstan to/ /'dir ni sha Sha sa ha k+Sha rnams sha'i sde tshan no/ /ka la sogs pa'i sde pa rnams ni so sor yi ge lnga rnams so/ /dga' ba ni sde pa rnams la chags pa rnams te 'brel pa rnams so/ /mnyam pa ni bya ba mnyam pa rnams so/ /de kho na nyid kyi rnal 'byor ba'i ni gang cung zad yi ge gcig gis kyang mngon par 'dod pa 'grub par byed de/ /de skad du yang brtag pa gnyis par gsungs pa/ mnyam par byed pa mtshungs pa rnams/ /ro mnyam de nyid bsgom rnams kyis/ /mnyam pa mtshungs pa zhes par brjod/ /de'i ro 'khor lor zhes par bshad/ /ces so/ /mnyam pa de'i ro ste ro'i ngo bo nyid ni 'khor lo ste bde ba chen por brjod de/ /de'i bde ba 'khor lo zhes de lta kho nar gsungs pa'i phyir ro/ /de nyid kyi phyir gsungs pa/ rdo rje rol pa zhes pa ste bde ba chen po'i dga' ston 'byung ba na mnyam pa rnams yin gyi/ gzhan gyi tshe ni ma yin no zhes dgongs pa'o/ /'dab ma so sor zhes pa rtsa gcig tu yang yi ge lnga bcu rnams kyang 'byung ba'i phyir ro/ /bris pa sgom pa po'i yang yi ge rnams sam sde tshan rnams kyi phyogs kyi 'dab ma nges pa med de/ gdul bya'i ngor rgyud la sogs pa 'ga' zhig dang kha cig tu rnam pa gzhan du gsungs pa'i phyir ro/ /mchog gi dbang phyug ces pa gdod ma nas ma skyes par chos thams cad sgom pa las mchog gi dbang phyug rdo rje sems dpa' rdzogs pa gsal bar byed pa'i phyir ro/ / de nyid kyi phyir gnyis su med pa'i ye shes kyi rang bzhin shes rab kyi pha rol tu phyin pa mngon par brjod pa'i phyir a yig ni shes rab kyi pha rol tu phyin par brjod do/ /gang phyir a yig ni chos thams cad skye ba med pa gsal bar byed pa ste/ skye ba med pa kho na don dam pa dngos po rnams thams cad kyi de kho na nyid/ rang gi mtshan nyid stong pa nyid rang bzhin med pa nyid pha rol tu phyin pa ye shes dag pa'o/ /bskyed pa'i rim pa la rdo rje sems dpa' ni 'ga' zhig tu a yig 'gyur med las rdzogs pa'i phyir ro/ /thams cad las phul du byung ba'i phyir mchog kyang 'di yin la chos kyi dbyings kyi ngo bo nyid kyi phyir mi 'gyur ba yang 'di yin pa ni mchog mi 'gyur ba chos kyi sku ste/ de gsal bar byed pa a yig kyang mchog mi 'gyur ba'o/ /de nyid kyi phyir yi ge kun gyi thu bo 'am yi ge rnams la khyab par byed pa nyid kyi phyir yig 'bru kun gyi mchog go/ /gang gsung bar 'gyur ba de'i bdag nyid can nyid kyi phyir zhes so/ /mtshan yang dag par brjod par yang gsungs pa/ tshig kun rab tu gsal bar byed/ /ces so/ /rim pa lnga par/ thung du ma lus ngag tu 'gyur/ /du ma ma yin gcig pa min/ /zhes te/ a yig dang ldan par brjod pa'i phyir gcig min ma yin pa'o/ /so sor tha dad pa'i phyir gcig ma yin pa'o/ /don dam par ni gcig dang gcig min gyi rang bzhin dang bral ba'o/ /chos kyi sku'i dbang kho na las sems can thams cad kyi don phun sum tshogs pa'i phyir 'di las don chen po'o zhes pas don chen no/ /de skad du rnam par snang mdzad mngon par byang chub par gsungs pa/ gsang ba ba'i bdag po ci ltar de bzhin gshegs pa rnams kyis sngags kyi tshul dang sngags kyi cho ga bris pa'i yi ge rnams kyis byin gyis brlabs/ gsang ba ba'i bdag po de la gang de bzhin gshegs pa rnams kyis bskal ba stong phrag du mar bsgrubs pa'i bden pa'i ngag ste/ de la gsang ba ba'i bdag po byang chub sems dpas a yig la gnas pas bya ba thams cad bsgrub par bya'o zhes so/ /de skad du yang mi g.yo ba'i rtog par/ /byang chub sems ni brtan byas nas/ /sngags kyi dngos grub gsungs pa ste/ /gzhan du sngags grub cho ga yi/ /bya ba thams cad 'bras bu med/ /dngos po thams cad mdor bsdus pas/ /rang bzhin med nyid bsam pa las/ /byang chub sems ni nges par 'thob/ /gzhan du 'ba' zhig 'gyur ba min/ /zhes gsungs so/ /'phags pa 'jam dpal gyi rgyud du yang / kye lha'i tshogs chos snang ba'i sgo bcu rnams dang yang dag par ldan pa rnams ni sngags thams cad nges par zlos shing sngags kyi spyod pa thams cad la rjes su zhugs par 'gyur/ myur du bla na med pa yang dag par rdzogs pa'i byang chub mngon par rdzogs par sangs rgya ba dang / sngags kyi dngos grub rnams thams cad kyang mngon du 'gyur te/ 'di lta ste/ de bzhin gshegs pa rnams ni chos kyi sku can te chos la mchod na de bzhin gshegs pa thams cad dang rang sangs rgyas dang 'phags pa nyan thos thams cad dang byang chub sems dpa' thams cad dang sngags thams cad mchod par shin tu nye bar gnas par 'gyur gyi zang zing gi mchod pas ni ma yin pas na chos mchod pas dang / sgrub pa'i mchod pas dang / sems can rnams la phan pa dang bde ba byed pas dang / sems can gyi don la 'jug pa nyid kyis dang yang dag par blangs pa mi gtong ba nyid kyis dang / sngags kyi spyod pa dang las mi gtong ba nyid kyis dang / ji skad smras pa de bzhin du byed pa nyid kyis dang / shes rab rno ba nyid kyis dang / yid yongs su mi skyo ba nyid kyis dang / byang chub kyi sems mi gtong ba nyid kyis de bzhin gshegs pa rnams mnyes pa'o nas ji srid du zang zing gi sbyin pas ni ma yin no zhes pa'i bar ro/ /yang na 'gyur ba med mchog ni rnam par snang mdzad de de bzhin gshegs pa thams cad kyi sku rdo rje'i ngo bo nyid kyis na 'gyur ba med do zhes byas nas so/ /a yig ni snang ba mtha' yas so/ /dkar po dang ljang gu la sogs pa kha dog thams cad kyi mchog ste sna tshogs pa'i gzugs nyid kyi phyir yig 'bru kun gyi mchog don yod grub pa'o/ /sems can rnams thams cad kyi don chen po ni yid bzhin gyi nor bu 'dzin pa'i rin chen 'byung ldan 'di las so zhes pas don chen ni rin chen 'byung ldan no/ /rnam par snang mdzad la sogs pa sde tshan gyi bdag po nyid kyi phyir sde tshan gyi gtso bo ni mi bskyod pa'o zhes pa sangs rgyas lnga'i bdag nyid mchog gi dbang phyug drug pa ste de gsal bar byed pa'i a yig kyang de ltar ro/ /de yang ze 'bru'i bu gar skyes nas 'dab ma rnams su 'pho ste/ de'i phyir 'dab ma rnams su yang bshad do/ /yi ge gzhan rnams kyang de ltar ro/ /de nyid kyi phyir bskyed pa'i rim pa la de rnams kyang bris pa'i ngo bo'i bu gar re re yang bsgom par bya ba nyid du kha cig tu gsungs shing a yig ni de rnams kyi mchog tu gsungs so/ /de nyid kyi phyir a yig kho na las dang sngags rnams dang sngags kyis bsgrub par bya ba rnams 'grub par 'gyur ro/ /ci'i phyir 'di ltar yin zhe na gang zhes pa la sogs pa'o/ /thams cad ces pa rdzogs pa'i rim pa'i rnal 'byor pa rnams kho na'i'o/ /sgra tsam mi gsal ba'i sgra ni nA da ste/ dngos ni a yig kho na'o/ /de nyid kyi phyir gyen du ri mo'i rnam par bris pa ni nA da ru brjod do/ /sna tshogs rnams kyi ste sems can rnams kyi skye ba'i gnas nyid kyi phyir sna tshogs mdud pa'o/ /de nyid kyi phyir de ni gnas chen te mang po rnams kyi go 'byed pa'i phyir ro/ /'dir chos bde ba chen po'i sgeg pa'o zhes pa chos kyi rol pa ste skye gnas so/ /ci ltar ngag rab 'byam thams cad sngags yin zhe na/ med ces pa la sogs pa ste/ gang gi phyir ma skyes pa'i rang bzhin ni shin tu brtan par mi skye bar mos pa la thams cad sngags kho na'o zhes pa dgongs pa'o/ /da ni e yig la sogs pa rnams kyi don chen po nyid gsungs pa la nye bar 'jug ste/ de nas zhes pa la sogs pa'o/ /yang dag sbyor las byung mtshan nyid/ /ces pa shes rab dang thabs dag gi skye ba gang gis mtshon par bya ba de'o/ /thabs chen po zhes pa thabs kyi pha rol tu phyin pa'i rang gi ngo bo'o/ /sna tshogs gzugs ni sprul pa sna tshogs kyis spro ba'i phyir ro/ /sna tshogs spyod yul ni skal pa dang ldan pa'i sems can rnams kho nas mang po rnams kyis mthong bar bya ba nyid kyis na/ de rnams kyi bsod nams kyi dbang las dang / rang gi smon lam gyi 'phen pa las de rnams kyi yul nyid kyi phyir ro/ /sems can dpag tu med pa rnams kyi skye ba'i gnas nyid kyi phyir sna tshogs 'dam skyes te skye gnas so/ /'dir ni bud med dang skyes pa dag gi lte ba'i 'og gi gnas ni skye gnas te/ de nyid ni sna tshogs mdud pa zhes pa la sogs pas gsungs zin to/ /skyes pa'i yang rnal 'byor pa dpag tu med pa'i sems can gyi don byed pa'i sprul pa'i sku'i gzugs rnams sems can rnams kyi skye gnas las skye'o zhes bshad par bya'o/ /smon lam ngo bo zhes pa smon lam gyi pha rol tu phyin pa'i rang gi ngo bo'o/ /rdo rje'i rigs can zhes pa rdo rje ste mi bskyod pa 'di'i rigs so zhes byas nas te gtso bo'o/ /phal pa ni rin chen 'byung ldan gyi 'ang shes rab 'di'o zhes pas rin chen 'byung ldan gyi rigs can no/ /stobs zhes pa stobs kyi pha rol tu phyin pa'o/ /gtso bo zhes pa ste/ rdo rje sgrol ma'i gzugs la rin chen 'byung ldan gyis rgyas btab pa'i phyir na phal ba ni rin po che'i rigs can yang ngo / /'chi ba slu ba'i sgrol ma'i gzugs la rnam par snang mdzad kyis rgyas 'debs pas rnam par snang mdzad kyi rigs can ma'o/ /ku ru ku l+le'i gzugs la 'od dpag med kyis rgyas 'debs pa'i phyir 'od dpag med kyi rigs can ma yang ngo / /ral gcig ma'i gzugs la mi bskyod pas rgyas 'debs pa'i phyir mi bskyod pa'i rigs can ma yang ngo / /ye shes zhes pa ye shes kyi pha rol tu phyin pa'o/ /de ltar 'di rnams khams dang phyag rgya dang tshad med pa dang pha rol tu phyin pa rnam par dag pa'i ngo bo rnams te/ stong pa nyid dang snying rje'i ngo bo nyid kyis na shes rab dang thabs kyi rang bzhin spyan ma la sogs pa'i lha mo rnams sprul pa la sogs pa'i 'khor lo rnams la mos par bya'o/ /e waM mA yA yi ge'i brjod par bya ba'o zhes pa brjod par bya ba dang rjod byed dag dbyer med par mos pas bskyed pa'i rim pa la kha cig tu e waM mA ya'i yi ge'i rang gi ngo bo rnams dang / kha cig tu phyag la sogs pa'i ngo bo can rnams kyang bsgom par bya'o zhes gsungs par 'gyur ro/ /e waM gyi yi ge'i brjod par bya ba gzhan gsungs pa/ e yig gis ni zhes pa la sogs pa'o/ /gyen du lta ba'i chu skyes dang 'og tu phyogs pa'i spyi bo'i mtsho skyes ni e yig ste e yig gi dbyibs can gru gsum shes rab kyi rang bzhin du mos par bya'o/ /thur du bltas pa'i snying ga'i chu skyes dang gyen du bltas pa'i mgrin pa'i chu skyes ni waM yig ste waM yig gi dbyibs can zlum po thabs kyi rang bzhin du'o/ /gang gsung bar 'gyur ba/ spyi bo lte bar son 'khor lo/ /e yig rnam par yang dag gnas/ /snying ga mgrin par yang dag gnas/ /waM gyi yi ge 'dra bar 'dod/ /ces so/ /lte ba dang snying ga'i chu skyes dag dang mgrin pa dang spyi bo'i mtsho skyes dag gi dang de'i rjes su zung gnyis kyi yang gtum mo 'gro ba dang 'ong ba'i dus su bde bar ro gcig pa nyid kyis snyoms par 'jug pas mdzes so/ /de ltar na e yig kyang shes rab dang thabs kyi ngo bo ste waM yig kyang ngo / /de nyid kyi phyir gsungs pa/ e yig ces pa la sogs pa'o/ /gzhan yang shes rab chos kyi 'byung gnas dang thabs rdo rje'o/ /mdzes te snyoms par 'jug pas bde ba chen po 'byung ba'i phyir ro/ / de nyid kyi phyir stong pa nyid dang snying rje'i bdag nyid shes rab dang thabs kyi rang bzhin gyis na so sor shes rab dang thabs kyi rang gi ngo bo'o zhes bzlas te bshad pa 'di'o/ /slar yang brjod par bya ba gzhan rtogs pa'i ched du dang po'i ngag 'chad de/ 'di skad ces pa la sogs pas so/ /'di skad brjod do zhes pa dang sbrel lo/ /gang las bdag gis thos pa'o/ /ci ltar rgyud kyi tshogs pa gsal bar byed ce na/ gang gi phyir 'di skad shes rab dang thabs kyi bdag nyid 'dod chags chen po bde ba chen po'i ngo bo bcom ldan 'das rgyud 'dir rtag tu ste rgyun ma chad pa nyid du brjod par bya ba nyid kyis gnas shing de'i rjod par byed pa yang rgyud do zhes ldan par gsal bar byed do/ /de nyan byed kyi yul du byas pa ni thos pa'o/ /de ci rjod par byed pa 'ba' zhig gam zhe na/ ma yin te bde ba chen po'i mgon po yang thos te sgra dang don gcig pa dag kho na'i ngag chen po thos so zhes pa'i don to/ /dbyer med pa ste khyad par med par 'gyur ro/ /de lta yang ma yin te/ gang gi tshe ston pa po las rgyud tha dad par nyan pa po dang sdud pa po gdul bya'i nges pa las 'gyur bas na'o/ /rgyud tha dad pa med pa na ni yang na zhes pa la sogs pa ste/ chos ni bstan par bya ba'o/ / sdud par byed pas dogs pa ni de zhes pa la sogs pa ste/ de kho na ston pa po la sogs pa zhes pa de'o/ /gcig pu zhes pa gcig go/ /nyams zhes pa so so rang la yod pa'i yid kyi 'gyur ba'i khyad par ro/ /gang du ste gzhan gyi don bya ba la'o/ /rdo rje 'dzin pa gcig kho na yid kyi 'gyur ba'i bye brag las rnam pa sna tshogs pa'i gzugs rnams kyis rol par mdzad do zhes pa'i don to zhes pa 'di kho na rgyud 'dir tshig ste/ de las so/ /bcom ldan 'das zhes pa la bcom ldan 'das kyis so/ /bshad pa gzhan gsungs pa dus zhes pa la sogs pa'o/ /sna zhes pa mi'i sna ste a wa d+hU tI'o/ /de ni mi dag gi ste bud med dang skyes pa dag gi sna ste/ skyes pa'i yang bol+la'i rtsa ba nas brtsams te sna ru brjod pa'i phyir ro/ /de nyid rtse mo ste/ de'i bug par 'ongs pa'i 'o ma'i rgyun byang chub kyi sems kyi thig le'o/ /dus bzang po ste skad cig bzang ba dga' ba dang mchog dga' dang dga' 'bral gyi dga' ba'i ngo bo'o/ /song ba dang ni phyir song ba thig le me bzhin du yongs su gdung ba sdug bsngal gyi ste sdug bsngal yang ma yin bde ba yang ma yin pa nyams su myong bas 'bab pa ni gal te bde ba ste yongs su gdung ba'i phyir ro/ /bsam gyis mi khyab nyid gyur ni bzhi pa'i skad cig gi ngo bo'o/ /ci ltar bsam gyis mi khyab pa yin zhe na gsungs pa/ ma yin zhes pa la sogs pa'o zhe na/ mtshan nyid ni bde bar rnam par rtog pa'i phyir dga' ba gsum gyi ngo bo'o/ /'gog pa ni bde ba med pa sdug bsngal lam sdug bsngal yang ma yin bde ba yang ma yin pa'i tshor ba'o/ /dbu ma ni 'dir nyan thos rnams kyi bde ba la sogs pa med par dgag pa'i ngo bo'i dngos por gyur pa ma yin pa so sor brtags pa'i 'gog pa'i grol ba'o/ /de ni ji ltar mu stegs byed rnams kyi grol ba ltar tha shal ma yin te/ gang gsungs pa/ gzhan smra ba'i thar pa rnams ni srid pa'i phyogs gcig rnams so zhes gsungs shing / ji ltar rdzogs pa'i sangs rgyas rnams kyi ltar mchog ma yin pas so/ /mi dmigs so zhes pa gang gi phyir med par dgag pa tsam ni kun rdzob tu yang ma yin no zhes gzhan du bsgrub zin to/ /chags pa dang chags bral dag ni kun rdzob tu yang lhan cig skyes pa'i gnas skabs la med do/ /ci ltar zhe na gang gi phyir/ 'dod chags zhes pa la sogs pa'o/ /rnyog med ni lhan skyes te rnam par rtog pa'i rnyog pa med pa'i phyir ro/ /'o na lhan cig skyes pa la chags pa dang chags bral dag med pa'i phyir ci ltar 'dres pa nyid yin zhe na gsungs pa/ de bzhin zhes pa ste/ rnyog pa med pa nyid kyis na 'dres pa nyid dang gcig nyid du brjod do/ /de nyid kyi phyir gsungs pa/ ro mnyam zhes pa ste/ ro ste rang bzhin 'di'i mnyam pa'o zhes pa ro mnyam mo/ /brtag pa gnyis par yang gsungs pa/ ro mnyam dngos po gcig tu ni/ /don 'di yis ni brjod par bya/ /zhes te/ dngos po gcig ni rang bzhin gcig go/ /don 'di yis zhes pa bde ba chen po'i ngo bo nyid kyis so/ /'di skad bshad de bde ba chen po kho na nyams su myong ba'i phyir chags pa dang chags bral dag so sor nyams su ma myong ba tsam gyis na 'dres pa nyid dang gcig nyid du srid pa dang mya ngan las 'das pa dag bzhin tha snyad bya'o/ /ro mnyam pa nyid kyang spros pa med pa'i bde ba chen po'i ngo bo nyid kyis nyams su myong ba'i phyir ji ltar sngon po la sogs pa ltar ro/ /de nyid kyi phyir gsungs pa/ dngos po thams cad ro mnyam pa/ /zhes pa'o/ /bcom ldan 'das kho na dus su brjod de/ dbang phyug ni gzhan dbang ma yin pa yin zhing / de bcom ldan 'das kyi phun sum tshogs pa ste/ bag chags dang bcas pa'i sgrib pa thams cad spangs pa'i phyir ro/ /rnam pa thams cad pa'i yon tan thams cad phun sum tshogs pa'i mtshan nyid can yang ste/ gang gi phyir bcom ldan 'das sgrib pa med pa ni bde ba chen po'i bdud rtsis dbang bskur bsgrib pa med pa'i sku dang gsung dang yid phun sum tshogs pa rtogs pas so/ /gzugs phun sum tshogs pa ni bla na med pa'i mtshan dang dpe byad thams cad kyis rnam par gsal ba'i sku can nyid kyi phyir ro/ /grags pa phun sum tshogs pa ni phyogs dang phyogs mtshams rnams su sgra grags pa nyid kyi phyir ro/ /phun sum tshogs pa gang gis na mang po rnams kyis bsten par bya ba de ni dpal te/ bla na med pa'i bsod nams kyi tshogs kyi mtshan nyid can no/ /de phun sum tshogs pa ni 'jig rten pa dang 'jig rten las 'das pa'i phun sum tshogs pa 'dod pa thams cad kyis bsten par bya ba nyid kyi phyir ro/ /ye shes phun sum tshogs pa ni shes bya thams cad la rnam pa thams cad du dag cing chags pa med la thogs pa med pa'i ye shes can nyid kyi phyir ro/ / brtson 'grus phun sum tshogs pa ni bla na med pa'i gsung phun sum tshogs pa ste lhun gyis grub pas chags pa med cing rgyun ma chad pa la 'bad pa med par 'byung bas 'gro ba thams cad bsam pa ji lta ba bzhin tshim par byed pa dbyangs kyi yan lag thams cad dang ldan pa 'gro ba grol bar byed pa'i gsung ste/ gzhan gyi don rnam pa thams cad pa la longs spyod rdzogs pa dang sprul pa pa'i sku dag gis rtag tu ldog pa med pa'i bya ba can nyid kyi phyir ro/ /chos zhes pa chos ma yin pa ma rig pa la sogs pa rnams kyang rang gi mtshan nyid 'dzin pa'i phyir chos rnams so/ /de bzhin gshegs pa mtha' dag btsun mo dang lhan cig ces pa/ de bzhin gshegs pa rnams thams cad kyang yin la btsun mo rnams kyang yin pa spyan ma la sogs pa rnams te/ de rnams lhan cig pa'o/ /mchod pa'i dus su ni de bzhin gshegs pa thams cad kho na btsun mo rnams te/ de'i phyir gsungs pa/ e ma zhes pa la sogs pa'o/ /bcom ldan 'das rdo rje 'dzin pa yongs su mnyes pa'i don du de bzhin gshegs pa rnams rang gi rigs dang rjes su mthun pa'i bud med lha mo'i gzugs su sprul par mdzad de/ rig ma'i tshogs 'jug pa bud med kyi yon tan lhag pa phun sum tshogs pa skyes pas shin tu dgyes pa bskyed pa'i ched du/ rdo rje 'dzin pa'i rig ma'i nang du 'dus pa rnams kyang rdo rje sems dpa' la mchod par byed do/ /chos rnams kyis te chos kyi phung po stong phrag brgyad cu rtsa bzhi rnams kyi dang por rtag tu rgyun mi 'chad par bzhugs te rang gi ngo bos so/ /kha cig tu don gyis te/ ji ltar gsang ba na zhes pa la sogs pa ltar ro/ /dag pa ni dag pa'i don rjod par byed pa nyid kyi phyir ro/ /de nyid kyi phyir de'i don bsgoms pas rdzogs pa'i sangs rgyas nyid 'grub pa'o/ /rgyas par ston pa'i yi ge zhes pa la sogs pa'o/ /'khor ba'i pha rol ni mya ngan las 'das pa'o/ /nyan thos la sogs pa'i spyod yul ma yin pa nyid kyi phyir shin tu ring ba srid pa dang / mya ngan las 'das pa la mi gnas pa'o/ /rdo rje sems dpa' nyid kho na rab tu rgyas par ston pa/ bsam gyis mi khyab pa'i go 'phang zhes pa'o/ /bde gshegs rnams kyis zhes pa la/ /bde gshegs rnams ni 'dir sa bcu gsol ba rnams te phyi rol pa dang slob pa dang mi slob pa rnam par gcod pas legs par dang mi ldog par dang ma lus par gshegs pa 'di rnams la yang srid pa'i phyir ro/ /rnam pa thams cad pa ni bcom ldan 'das la'o/ /yang dag par mtshon zhes sbrel lo/ /gsungs pa ni gti mug la sogs pa'i nyon mongs pa rnams kyis bcings pa'i sems can rnams zhes pa la sogs pas so/ /mtshon bya ni 'dir shes rab kyi ye shes so/ /yang dag par zhes pa stong pa nyid dang snying rje dbyer med pa kho nar gang gi tshe mtshon par byas par 'gyur na'o/ /stong pa nyid kho na nyon mongs pa mtha' dag 'joms pa po'o/ /de med par nyon mongs pa'i sems kyis shes rab ye shes bsten na 'khor ba pa nyid de de las ngan 'gro yang ngo / /de'i phyir nyon mongs pa'i sems spangs pa las dag pa'i sems te dag pa'i shes rab ye shes so/ /ci ltar zhe na/ shes rab thabs kyis rab sbyor ba ste stong pa nyid dang snying rje dbyer med par rtogs pas so/ /gang gi phyir kun rdzob pa'i phyi rol gyi shes rab la ji ltar thob pa ltar ji lta ba bzhin bsten pas bde ba chen po rtogs te de kho nas spros pa thams cad nye bar zhi ba las dag pa'o/ /bden pa ste stong pa nyid kyi ngo bo nyid kyi phyir don dam pa'i bden pa dang / myong ba'i bdag nyid kyi phyir kun rdzob kyi bden pa'o/ /'dis mtshon par bya bas na mtshan nyid de rgyu'i rgyud do/ /de lan cig ma yin par bsten cing bsgoms pas rnam par 'gyur bzhin pa ni rab kyi mthar thug pa na shes rab dang thabs kyi rnam 'gyur du 'gyur te bag chags dang bcas pa'i sgrib pa gnyis spangs pa las stong pa nyid dang bde ba chen po'i rang bzhin snying rje dag dri ma med pa nyid du 'gyur ba mngon du byed pa gang gis yin pa de de skad do/ /don dam par nam mkha' dang mnyam pa dngos po dang dngos po med pa la sogs pa'i spros pa las 'das shing / kun rdzob tu ni sa gsum gzigs pa ste sngar ji skad bshad pa bzhin no/ /de mtshon bya ste/ de kho na mtshan nyid kyis sgom pa rab tu gyur pa na mtshon par bya ba'o/ /mtshon pa'i dus na yang lhag par mos pas so/ /'on kyang mtshon dka' ste bla ma'i man ngag las mngon par brtson pa can rnams kyis ci ltar yang mtshon par bya ba nyid kyi phyir ro/ /kun du son pa ni sna tshogs la yang bde ba chen po'i rang bzhin nyid du so sor snang ba'i phyir ro/ /rgyu ni nye bar len pa'i rgyu ye shes kyi tshogs te/ rkyen ni lhan cig byed pa'i rgyu shes rab dang sbyor ba la sogs pa bsod nams kyi tshogs so/ /de dag yongs su rdzogs pa dag las skye'o zhes pa rgyu dang rkyen la rag las pa'o/ /sna tshogs shing dpag tu med pa'i lus la sogs pa spros pas skal ba ji lta ba bzhin du 'jig rten gyi don grub par byed pa'o/ /'jig rten pa dang 'jig rten las 'das pa'i dngos grub ma lus pa rnams kyi mchog ni dngos grub mchog ste/ phyag rgya chen po'i dngos grub kyi bdag nyid rdo rje 'dzin pa'i rang gi ngo bo'o/ /rgyud thams cad kyi gleng gzhi gsang chen ni rdo rje 'dzin pa ste/ de las yang dag thob bo zhes sbrel bar bya'o/ /dpal ni bcom ldan 'das te rang dang gzhan gyi don phun sum tshogs pa bla na med pa dang ldan pa'i phyir ro/ /yang dag sbyor las byung ba yang ste/ de kho na yang rnam par mi rtog kyang rang gi smon lam dang sems can gyi bsod nams kyi dbang las yid bzhin gyi nor bu bzhin du sems can gyi don byed pa'o/ /sems can rnams kyi rang gi mos pas de lta de ltar brtag bya'o zhes pa brtag pa'o/ /de skad du yang bde ba chen po'i rdo rje gsang ba brtag pa'i rgyal por gsungs pa/ rnam par mi rtog ting 'dzin las/ sems can don ni yongs byed phyir/ /des na brtag par yang dag bshad/ /rtog pa yongs su dag byed du'o/ /zhes so/ /rnam par mi rtog pa'i ting nge 'dzin ni bcom ldan 'das so/ /de kho na nyid bsdus par yang / /sangs rgyas rnams kyi mi rtog par/ /ye shes ther zug gyur pa ste/ mi rtog ye shes de las ni/ /rtog phyir rtag par brjod par bya/ /zhes so/ /de ltar yang sems can smin par byed pas rnam par gsal ba'i phyir rgyal po'o/ /de rtogs par byed pa'i gzhung gi tshogs ni dpal yang dag par sbyor ba las byung ba'i brtag pa'i rgyal po'o/ /'dis ni rgyud gzhan la ltos nas mchog tu bshad de/ phul du dbyung du med cing thun mong ma yin pa'i thabs 'di kho nar gsal bar byed pa'i phyir ro/ /dang po ni brtag pa gzhan la ltos nas dang por bshad pa nyid kyi phyir ro/ /rdzogs pa ni yang dag par gzung ngo zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bzhi pa'o// //rdzogs pa'i rim pa dang bskyed pa'i rim pa 'di dbang bskur med par ma yin zhing de yang dkyil 'khor med par ma yin pas ji lta ba'i cho ga bzhin de dag gsungs pa/ de nas zhes pa la sogs pa'o/ /cho ga yang dag bshad bya ste/ /dkyil 'khor gyi zhes pa lhag ma'o/ /gang gis slob ma dbang bskur ba'i/ /cho ga de yang rab bshad bya/ /zhes sbyar ro/ /dang por lha yi bdag nyid kyis/ /zhes pa ting nge 'dzin gsum bsgoms pas sngon du bsnyen pa byas pa dpal rdo rje 'dzin pa'i skur gyur pas so/ /hUM zhes pa hUM yig go/ /rdo rjer bya ba ni rkang mthil dag dang sa'i mthil gyi bar hU las skyes pa'i rdo rjer bsgom pa'o/ /'bad pas te 'chad par 'gyur bas so/ /lha'i rdul tshon ni rin po che rnams kyi'o/ /bar ma ni 'bras kyi phye ma la sogs pa rnams kyi'o/ /bzhi zhes pa logs bzhi rnams la sor gsum lhag pa'i khru gsum mo zhes dkyil 'khor mdor bstan pa nyi shu brgyad par rgyas par ston par 'gyur ro/ /de la phreng ba dang chu la sogs pa'i dbang bskur ni rgyas par rgyud gzhan rnams su go sla bar 'dir yang shes par bya'o/ /de skad du yang gsungs pa/ gang du las ni yod gyur cing / /rang gi las kyi cho ga med/ /der ni spyi yi rgyud gsungs pa'i/ /cho ga mkhas pas bsten par bya/ /zhes so/ /mdor bsdus pas ni dkyil 'khor sgrub pa'i don dang dbang bskur ba'i don du skabs gsungs pa/ rig ma zhes pa la sogs pa'o/ /bzang mo mchog rnams rdo rje rnal 'byor ma rnams gzhug par bya'o/ /ci 'di rnams dbang bskur ba kho na'i don du bsten par bya'am zhe na ma yin te/ gang gi phyir sngags zhes pa la sogs pa ste/ sngags kyi lam ni sngags kyi tshul lo/ /mtha' yas 'jig rten khams dbang ma/ rdo rje lha mo dbang gi dus su rang byin gyis brlab pa'i gnas gnyis su med pa'i bde ba chen po'i go 'phang rtogs nas gzhan gyi tshe yang bstan par bya'o/ /dam tshig ni bde ba chen po nyams su myong ba ste sngar ji skad bshad pa bzhin no/ /don dam par zhes pa dam pa bla na med pa zag pa med pa'i bde ba chen po'i rgyun nyams su myong ba don dgongs pa yin pa de la ste de'i rgyu mtshan du rdo rje sems dpa' la sogs pa rnams kyis kyang 'di 'da' bar dka' na gzhan rnams kyis lta ci smos/ 'di kho na yang grub pa'i mtha' ste/ de ltar ni/ dkyil 'khor nges pa'i dus dang ni/ /brda dang sngags dang phyag rgya dang / /lha dang grub pa'i mtha' la yang / /dam tshig rgyal ba rnams kyis gsungs/ /de'i phyir don zhes pa bshad pa'i dgos pa 'di yis so/ /dbang bskur yang de'i don nyid kyi phyir ro/ /dbul zhes mdor bstan pa rgyas par ston par 'gyur te/ shes rab ma 'bul bas so/ /rdo rje ni byang chub kyi sems te de'i rang bzhin gyi 'jig rten pa dang 'jig rten las 'das pa'i spyod pa ston to zhes pa rdo rje slob dpon bla ma ste de la'o/ /yon tan mtshor zhes pa cho ga ji lta ba bzhin bla ma rnams kyis dbang bskur ba nyid dang rjes su gnang ba nyid dang snying rje dang dad pa dang thos pa dang bsam pa dang sgrub pa la sogs pa'i rnam par dbye ba shes pa nyid dang zab mo'i de kho na nyid rig pa nyid dang de kho na nyid bcu shes pa la sogs pa rnams yon tan no/ /dkyil 'khor rang gi ting 'dzin dang / /phyag rgya byed pa gdan dang ni/ /bzlas pa sbyin sreg de bzhin mchod/ /las kyi sbyor ba nye bar sdud/ /ces pa dang / srung ba dbang bskur gtor ma bzlas pa dbye/ /phyir zlog dag dang dkyil 'khor sgrub thabs dang / /btsan thabs sbyor ba gshegs su gsol ba'o/ /zhes pa de nyid bcu rnams su ni bshad/ /de rnams ni skabs ji lta bar 'chad par 'gyur ro/ /shes rab ni bzang mo rnams ma rnyed na gzhan rnams kyang ngo zhes gsungs pa/ yang na zhes pa la sogs pa ste/ de zhes pa de dang lhan cig tu lhan cig skyes pa'i bde ba bsgrub pa'o/ /bu mo rnams zhes pa bu mo nyid de 'di rnams longs ma spyad pa'i phyir ro/ /de la 'chad par 'gyur ba'i rim pas rig ma'i brtul zhugs la longs ma spyad pa kho na gzung bar bya'o/ /dkyil 'khor du zhugs pa la sogs pa la ni de med na rdul dang ldan pa'i de ma thag tu longs ma spyad pa yang gzung bar bya'o/ /de med na yang nyi ma de la nye bar ma spyad pa'ang ngo / /'di rnams kyang bu mo nyid de bu ma skyes pa nyid kyi phyir dang lang tsho phun sum tshogs pa nyid kyi phyir ro/ /rin thang med ni rin thang med pa zhes pa rnyed par dka' ba nyid dang mchog tu dga' bas mchod bya nyid du gsal bar byed do/ /rigs kyi rim pa ni rnam par snang mdzad la sogs pa'i rim pa'o/ /lo grangs bcu drug ma zhes bshad pa lang tsho gtso bo nyid kyi phyir ro/ /tshig 'di yang ji ltar srid pa ste ma ya zhes brjod pa'i phyir ro/ /de nyid kyi phyir gsungs pa/ lang tsho gsar pa phun sum tshogs/ /zhes pa/ de med na gzhan yang zhes pa'o/ /de ltar ni/ bcu gnyis lo lon nyi shu'i bar/ /phyag rgya gsar pa mchog rnams te/ /dkyil 'khor kun la thun mong du 'am/ /yang na rnal 'byor pa kun gyi'o/ /lo ni nyi shu rtsa lnga'i bar/ /phyag rgya bar ma'o gzhan rnams dman/ /gang phyag rgya chen po thig ler gsungs pa/ nyi shu rtsa lnga'i lo lon pa/ /gzung bya lhag ma rnam spang bya/ /zhes so/ /lo bcu gcig ma ni bcud len la phan pa'o zhes gsungs so/ /skyabs gsum rnams ni sangs rgyas dang chos dang dge 'dun rnams te de rnams bdag nyid kyi skyabs nyid du shin tu khas len pa 'da' bar bya ba ma yin pa'i shes rab ni skyabs su 'gro ba'o/ /de khon nyid gsang chen zhes pa de kho na nyid dang gsang chen dam tshig la sogs pa ba'o/ /'on gang de ltar 'chad pa de kho na bla ma dang / mo de yang slob ma yin na rtse bar 'dod pa'i bla ma de dang lhan cig snyoms par 'jug par 'os sam/ ma yin zhe na 'os te/ de skad du yang rdo rje A ral+li'i rgyud du gsungs pa/ the tshom yongs su spangs nas ni/ /dgod dang de bzhin steg pa dang / /bla mas lha mo rab dga' ba'i/ /rol ba'i gtso bo sba mi bya/ /bla ma 'bras bu kun ster ba/ /skyes bu 'dod na dga' bar bya/ /bla ma'i steng du nges lta ste/ /rtag tu chags bcas bla ma la'o/ /de nas lag pa g.yas pa yis/ /bla ma'i rtags ni gzung byas nas/ /b+ha gar bla ma'i lag son byas/ /rig pa gsang sngags rjes dran bya/ /de yi ro ni rtag bzung nas/ /tsA ru byas te bza' bar bya/ /rgyud dang rgyud du ngas bshad pa'i/ /dngos grub rnams ni bzhin bzang ma/ /bla ma mnyes na thob par 'gyur/ / de phyir bla ma rtag mnyes bya/ /zhes so/ /sgra ni sgeg pa dang dgod pa'i ro dang ldan pa legs par sbyar ba dang / rang bzhin la sogs pa ste mchog tu ltung ba la sogs pa'i 'khun pa yang ngo / /'og gi lam ni skyes pa'i 'og tu kun du gnas pa la mkhas pa dang pad+mar lta ba'o/ / lce'i de kho na nyid ni lces rdo rje'i dang pad+ma'i lte ba spro ba bskyed pa la dang gdong pas sbrang rtsi 'thung ba la sogs pa la mkhas pa nyid do/ /mig gi rjes su chags pa dga' ba la rjes su chags pa dang bcas par gyur pa ni bde ba skyed par byed pa'o/ /steng du bskyod pa ni skyes pa 'dod pa'i lag pa dang rkang pa 'god pa'i khyad par ro/ /phan tshun du gdong dang mig lta ba yang ngo / /nam mkhas ni mig la sogs par 'o byed pa dang yi ge gsum dang sen mo 'debs pa dang chu ri ta ka la sogs pa dang / rdo rje bsdams pas mgrin pa bsdams shing lag pa g.yas pas nu ma 'dzin pa la sogs pa'o/ /sna tshogs pa'i byed pa rnams ni cher rgyas pa la sogs pa rnams so/ /de la lus kyi ro stod dma' ba'i phyogs su byas shing phyi ma phyed mtho bar bzhag nas bud med kyi pus mo dag skyes pa'i dkur dang rgyab kyi phyogs su rkang pa dag ste bud med kyi 'phang tshos dag gi dbus dang 'og tu dma' bar byas pa'i skyes pa'i rkang pa dag dang / rtsib logs la rig pa'i dpung ba can skyes pa dang bud med skyes pa'i rgyab la reg pa'i dbung pa gnyis can no zhes pa cher rgyas pa'o/ /byin pa gnyis bkug cing gan rkyal du bud med byas te/ skyes pa yang lus drang por byas shing / bud med kyi rkang pa dag skyes pa'i rkub tshos dag la dang / phan tshun mgrin pa la 'khyud pa las mi mnyam par sbyar ba'o/ /bud med gan rkyal gyi byin pa dag nye bar gnas pa'i skyes pa'i brla la son zhing bud med kyi lag pa dag skyes pa'i mgrin par dang / skyes pa'i lag pa dag bud med kyi gzhogs su dang bud med kyi rkang pa dag skyes pa'i rtsib logs dag tu'o zhes pa grong ba'o/ /bud med kyi pus mo gnyis bdag nyid kyi phyogs su 'ongs shing byin pa dag brkyang ba ste/ rkang pa dag skyes pa'i rtsib logs la reg cing bud med kyi lag pa dag skyes pa'i mgrin par dang / bud med kyi pus mo'i phyi rol du son par skyes pa'i lag pa dag ma la stan la'o zhes grong khyer gyi gar ro/ /bud med gan rkyal gyi rkang pa dag brang du bzung nas/ skyes pas dpung pa gnyis kyis mgrin pa dkris shing bud med kyi lag pa dag skyes pa'i tshang ra la'o zhes pa brang 'bugs pa'o/ /rkang pa gcig snying gar dang gnyis pa brkyang ste lag pa dag rgyab tu 'jus shing / skyes pa'i lag pa dag bud med kyi rked ngos su'o zhes pa rab tu brkyang ba'o/ /bud med gan rkyal gyi khri las phyi rol du rkang pa dag brkyang ste/ de ltar nye bar zhugs pa'i skyes pa'i rkang pa dag khri las phyi rol du brkyang zhing / skyes pa'i lag pa dag bud med kyi mgrin par 'jus la/ bud med kyi lag pa dag skyes pa'i rgyab tu sbyar ba'o zhes pa kha ba can no/ /gang du steng du gnas pa kho na'i bud med rol zhing rdza mkhan gyi 'khor lo bzhin du bskor la/ rkang pa zung gyen du bskyod cing bskyod nas/ lag pa g.yon pa'i gru mo g.yas pa'i steng du sbyin zhing / g.yas pa yang gru mo g.yon pa'i steng du 'dzin pa zhes pa bung ba can no/ /skyes pa gan rkyal gyis yang dag par mthong bar byas pa'i rkang pa gnyis kyi rtse mos nam mkha'i mthil bkag cing / mngon du phyogs pas nye bar zhugs pa'i rab myos ma skyes mdun stan du byas nas rol cing lag pa mgrin par 'khyud de/ skyes pa'i lag pa dag bud med kyi rgyab tu sbyar ba'o zhes pa myos byed kyi rta babs so/ /skyes pa nye bar 'dug pa brkyang bzhin cung zad bkug pa'i rkang pa gnyis la gnas pa'i 'dod ldan ma rkang pa gnyis bskum pa can rol cing bsrub pa ni srub byed do/ /de bzhin du byed pa gzhan rnams kyang de la mngon par brtson pa rnams kyis gzhan du rig par bya'o/ /byed pa rnams kyis ni lus mnyen par byed pa'i phyir shin tu dga' ba'i bde ba chen po'i ro myong ba thob par rnal 'byor ma rnams skye'o/ /'bad pa 'di ci'i don du yin zhe na/ dngos grub kyi don du'o/ /gang gi phyir 'di ltar bye brag tu bshad pa'i rim pa gnyis goms pas sam/ rigs lnga'i tshogs bkod pas sbyangs pa'i rig ma ni phyag rgya chen po'i dngos grub kyi rgyur 'gyur na/ dngos grub gzhan rnams kyis lta ci smos zhes pa dgongs pa'o/ /de'i phyir de ltar 'dus byas pa'i rig ma ni rig pa 'dzin pa rang gi shes rab dang bcas pas dbul zhing / bdag la rjes su brtse bas dbang bskur ba zhal gyis bzhes par mdzod cig ces bla ma las rtogs par bya'o/ /ci byas nas she na gsungs pa/ dri dang zhes pa la sogs pa'o/ /'o ma ni 'dir chang ngo / /phyag rgya ni 'dir sgrub pa po ste/ des kyang bsnyen bkur la sogs pa bya'o zhes pa'i don to/ /stong nyid snying po zhes pa stong pa nyid las rab tu skyes pa nyid kyi phyir ro/ /kun mkhyen ye shes rnams ni stobs dang mi 'jigs pa la sogs pa rnams so/ /shin tu rnam par dag pa'i ye shes kyi ngo bo nyid kyi phyir ye shes sku'o/ /de ltar mi bskyod pa'i ngo bos bstod nas rnam par snang mdzad la sogs pa'i ngo bor stong par byed de/ 'gro ba zhes pa la sogs pa'o/ /sgrib pa gnyis kyi dri ma dang bral ba'i phyir dag pa ste/ de kho na nyid ni me long lta bu'i ye shes so zhes pa'i don to/ /byang chub sems ni mnyam pa nyid kyi ye shes te/ rin chen 'byung ldan no/ /so sor rtog pa'i ye shes kyis ni mi mthun pa'i phyogs las rgyal ba nyid kyis 'gro ba la so sor rtog pa'i phyir 'gro ba'i dpa' bo 'od dpag tu med pa'o/ /rdo rje 'dzin pa'i sems can gyi don bya ba'i bka' bsgo rdzogs par byed pa'i phyir bde gshegs bka' bzhin mdzad do/ /dpal ni bya ba bsgrub pa'i ye shes te/ de'i bdag nyid kyi phyir de dang ldan pa don yod grub pa'o/ /rdo rje 'dzin pas bskyed pa nyid kyi phyir sangs rgyas sras po'o/ /bla med de kho na nyid ni dbang bzhi pa'o/ /rdo rje ni byang chub kyi sems kun rdzob pa dang don dam pa la ste/ des bum pa'i dbang la sogs pa la gang dbang bskur ba de yis so/ /gsang chen ni nyan thos la sogs pa'i spyod yul ma yin pa'i de kho na nyid do/ /rdo rje chos can ni rdo rje snying po ste de la dbang bskur nas so/ /gang gsungs pa/ rdo rje snying por dbang bskur ba/ /sbyin ched ti la mchog ma bkug go/ /zhes so/ /de nas zhes pa yang dag par mchod nas rig ma dbul ba sngon ma can gsol ba btab nas so/ /lnga zhes pa ste ma thob pa rnams 'dod par bya zhing mngon par 'dod par bya ba'o zhes pa 'dod pa'o/ /thob pa rnams yon tan du bya zhing yang dang yang du spyad par bya ba'o zhes pa yon tan rnams so/ /'dod pa rnams kyang de yin la yon tan rnams kyang ngo zhes pa 'dod par yon tan rnams te/ gya nom pa'i gzugs dang sgra dang dri dang ro dang reg bya rnams so/ /'di rnams kyi 'dod pa nyid kyang byis pa rnams dang rnal 'byor pa rnams kyi'o/ /rnal 'byor zhes pa rnal 'byor ba'o/ /phyag rgya dang sbyor ba ni slob mas phul ba'i phyag rgya dang snyoms par 'jug pa'o/ /pad+ma'i snod du ste chos 'byung du'o/ /byang chub kyi sems ni khu ba ste/ rgyal ba'i bdag nyid skyes zhes pa/ rang gi snying ga'i sa bon gyi 'od zer gyis bkug pa'i de bzhin gshegs pa rnams bdag nyid kyi sku shes rab ma dang bcas pa bde ba chen po'i dga' ston gyis zhu bar gyur te rnam par snang mdzad kyi lam nas nang du btsug nas rdo rje'i lam nas phyir byung bar bsgoms shing / des pad+mar gnas pa'i slob ma dbang bskur nas de las skyes pa pad+ma nas phyung nas phyi'i nam mkhar gnas pa'i de bzhin gshegs pa rig ma dang bcas pa rnams kyis dang lha mo rnams kyis kyang dbang bskur bzhin pa pad+ma las phyir byung ba'i slob ma ye shes kyi phyag rgya dang ldan pa la dbang bskur bar bya'o/ /'gro ba'i gtso bo ni rdo rje 'dzin pa'i ngo bo'i bla ma'o/ /rin chen dam pa zhes pa mchog tu dga' ba'i rgyu bum pa'i dbang ngo / /nyams dga' ni lha'i byin rlabs dang srung ba la sogs pa'i rgyu nyid kyi phyir ro/ /bzang ba ni mchog ste bskyed pa'i rim pa can rnams kyi bdud rtsi byed pa'i phyir dang / rdzogs pa'i rim pa la gnas pa rnams kyi ni rang bzhin gyis 'dus byas so/ /khrag chen po ni rdul lo/ /ga bur ni sha chen po 'am rkang ngam mar ram bad kan sra ba'o/ /tsan+dan dmar po ni bshang ba ste lus dang sems rgyas pa bskyed pas smin par byed pa'i phyir dang dga' bar byed pa'i phyir ro/ /rdo rje'i chu ni gci ba'o/ /sems las yang dag byung ni khu ba ste/ 'dus pa phyi mar yang gsungs pa/ rang bzhin gyis lus chos rnams la/ /dri ma lnga yis rnam par mdzes/ /ye shes lnga yis byin brlabs phyir/ /bdud rtsi lnga zhes bya bar bshad/ /ces so/ /dam tshig ces pa bdud rtsi lnga'o/ /srog chags gsod pa zhes pa nyes par spyod pa gzhan rnams nye bar mtshon pa'o/ /gsang ba'i dbang bskur ba'i skabs byed de/ sngon du gsungs pa zhes pa gang slob mas phul ba'o/ /sprul pa zhes pa lha mo'i gzugs su'o/ /sih+la ga bur gyis bsgos pa ni rdul dang khu ba mang ba'o/ / gang 'dus pa phyi mar gsungs pa/ dri dang me tog gis dkrigs nas/ /zhes dang / bu mo gsar pa'i mkha' yi khams/ /me tog ces par mngon brjod bya/ /zhes kyang ngo / /de la gsar ba ni rig ma'i pad+ma'o/ /gsar ba nyid kyang mngon par gsar par rgyas pa nyid kyis te/ rdul yang dag par skyes pas ni/ de rgyas pa dang yongs su dag par gyur par 'gyur te/ rim gyis ni yongs su mnyes par 'gyur ro/ /me tog gis dkrigs par byas nas zhes pa me tog dang ldan par gyur pa la 'dod pa bya'o/ /pad+ma ma zum pa ni rdul dang ldan ma thag pa nas nyi ma bcu gsum ji srid par nyi ma gsum las gong du 'dod de/ 'gyur du zin yang 'ga' zhig rtsol ba chen pos kyang khu ba mi 'dzag pa de spang ba'i don du 'di gsungs pa'o/ /gdong bcing ba ni gnyis ka dag mi mthong ba'i don du ste/ mthong na mi dad par dogs pas so/ /gang zhes pa khu ba'o/ /dbab par bya zhes pa rdo rje mthe bong dang ming med kyis btsir nas pad+ma las byung ste/ dngos su gzhug par bya'o/ /slob dpon gyi shes rab kyang langs nas pad+ma kho nas dbab par bya'o zhes pa shes rab dang thabs dag gi gsang bdag gis dbang bskur ba'o zhes pa gsang ba'i dbang gsungs so/ /shes rab ye shes kyi dbang gsungs pa/ byed du gzhug ces pa la sogs pa'o/ /de nyid la zhes pa slob ma'i phyag rgya kho na la'o/ /gang slob mas thams cad kyi tshe longs spyod pa'i don du phul ba'am/ bdag nyid kyi rnal 'byor ma de la ni ma yin te/ de bsten pas dmyal ba'i rgyu nyid kyi phyir ro/ /'jigs rung dmyal ba sdig can du/ /bla ma'i shes rab ma bgrod 'gro/ /zhes gsungs pa'i phyir ro/ /bcom ldan 'das kyis gsungs pa yang / /bla ma'i rdzas ni srog bzhin te/ /de yi rig ma bla ma bzhin/ /de yi 'khor ni gnyen bzhin du/ /mnyam par gzhag pas rtag tu blta/ /mchod rten bshig 'dra'i sdig 'jigs pas/ /de yi grib ma'ang mi 'gom na/ mchil lham gdan dang bzhon pa sogs/ /'gom par bya ba smos ci dgos/ /zhes so/ /gang bla ma'i grib ma la sogs pa 'gom pa la yang sdig pa 'byung ba des bla ma'i mchog tu dga' ma la bla ma bzhin du blta bar bya ste/ gang la 'gom pa ni sdig pa chen po kho na'o/ /de nyid kyi phyir mkha' 'gro ma rdo rje gur du gsungs pa/ bla ma'i grib ma chung ma dang / /mchil lham gdan dang mal stan la/ /gang rnams rmongs chen las 'gom byed/ /mi de spu gri gcod pa rnams/ /legs dbang bskur yang slob ma nam/ /bla ma'i bka' la 'gom byed pa/ /'jig rten 'dir ni lkugs par 'gyur/ /'jig rten pha rol dmyal bar gnas/ /sgyu dang g.yo yi sbyor ba yis/ /brdzun pa'i gus pa gsal byed las/ /zad byed mdze dang nad chen can/ /dmyal sogs rnams su skye bar 'gyur/ /zhes so/ /gang yang rig ma slob mas gsang ba'i dbang gi don kho nar bla ma la phul ba de bla mas rang nyid nye bar spyad nas slob ma la sbyin par bya zhing / de la yang slob mas shes rab ye shes myong bar bya ste/ de ltar yang 'dus pa phyi mar gsungs pa/ shin tu dad cing shes rab che/ /gzugs bzang sgrub pa po la dga'/ /rnal 'byor gcig pu'i bya ba goms/ /dam tshig rnams kyi dam tshig can/ /sgrub pa po yis bla ma la/ /yon gyi ched du dbul bar bya/ /bla mas byin gyis brlab byas nas/ /sgrub po de la sbyin par bya/ /zhes so/ /sgrub pa po dang lhan cig tu/ /gang gis lha'i rnal 'byor gcig pu goms shing / gcig kyang yin la bya ba yang ste de sgom pa dang snyoms par 'jug pa rjes su sgrub pa'i mtshan nyid can gang gis goms par byas pa de rnal 'byor gcig pu'i bya ba goms pa'o/ /rnam par snang mdzad la sogs pa'i gzugs kyi sgrub pa po'i dam tshig can te rang gi rigs dang rjes su mthun pa'o/ /ma rtogs pas ni rnal 'byor gcig pa'i bya ba goms pa kho na las 'di'i dam tshig can ma 'di'o zhes rtogs par bya'o/ /yon ni mi 'khyog pa ste yon ni nye bar phul ba 'di nye bar 'dun par byed do/ /byin gyis brlabs nas rang nyid nye bar longs spyod de bla mas yang sgrub pa po la sbyin par bya'o/ /de ltar na 'di byin gyis brlabs par 'gyur ro/ /ro mnyam zhes pa lhan cig skyes pa'i bde ba'o/ /slob ma'i spyod yul ni slob mas yang dag par rig par bya ba ste/ ji ltar 'dir de kho na nyid rtogs pa bzhin te/ gzung ba la sogs pa'i rtog pa dang bral bas byang chub sems spro ba'i dus su bshad zin pa'i sgrub pa'i khyad par las bla ma'i zhal las rtogs par bya'o/ /gang brtag pa gnyis par gsungs pa/ mchog tu dga' ba thob pa na/ /sna tshogs spangs pa'i skad cig la/ /ston pas gsungs pa sems dpa' che/ /bde ba chen po gzung bar bya/ /zhes so/ /mchog tu dga' ba ni 'dir lhan cig skyes pa'i dga' ba kho na ste sna tshogs spangs pa nyid kyis khyad par du byas pa nyid kyi phyir ro/ /'byung ba'i rim pas de 'thob pa rtogs par bya'i/ /de byung ba na bla ma'i gsung skabs ma yin te/ nye bar mi mkho ba nyid kyi phyir ro/ /gzung bar bya ba ni nges par gzung bar bya ba'o/ /'dir yang myong bar smra ba rnams ni de kho na bde ba chen po myong ba de kho na nyid du smra'o/ /dbu ma pa rnams ni thabs des chos thams cad bsam gyis mi khyab pa nyid du brjod cing / de'i phyir de kho na bzhi par 'chad do/ /des ci zhe na gsungs pa/ rang gis rig bya zhes pa la sogs pa ste/ gang gi phyir ro mnyam par rang gis rig pa bsgoms pas ye shes 'bras bur gyur par 'gyur te/ nye bar ma mtshon pa'i phyi'i sgom pa mi 'thad do zhes pa dgongs pa'o/ /'bras bu'i ye shes kho na khyad par du byed de/ rang gzhan yang dag rig pa spangs/ /blang bya dang dor bya la sogs pa'i rnam par rtog pa dang bral bral ba'i phyir ro/ /de nyid kyi mkha' mnyam ste spros pa med pa'o/ /rngul dang bral ba ste sgrib pa gnyis med pa'i phyir ro/ /stong pa ste rang bzhin med pa'o/ /gang gi phyir dngos dang dngos med bdag nyid de/ 'byung bas na dngos po ste gzugs la sogs pa rnams dang / de rnams kyi dngos med ni ma skyes pa ste de'i bdag nyid do/ /yang na dngos po ni rnal 'byor pa'i lus so/ /dngos med ni de kho na'i tshor ba la sogs pa ste/ de dag 'di'i bdag nyid yin pa zhes pa ni de skad gsungs so/ /mchog ni don dam pa'o/ /srog ces pa ni 'tsho ba ste/ de dang bral na 'tsho ba med pa nyid kyi phyir ro/ /'gyur med dam pa ni thog ma dang tha ma med pa nyid kyi phyir ro/ /thams cad khyab pa ni chos thams cad byang chub kyi sems kyi rang bzhin nyid kyi phyir ro/ /sangs rgyas ye shes can ni rnam par snang mdzad la sogs pa'i ngo bo me long lta bu la sogs pa'i ye shes dang ldan pa'i phyir ro/ /dpal he ru ka ni gnyis su med pa'i ye shes phun sum tshogs pas rgyu dang rang bzhin dang 'bras bur sgro 'dogs pa dang bral ba'i phyir ro/ /de nyid kyi phyir byang chub kyi sems rgyu'i rgyud kyi ngo bo las sna tshogs skye ste/ de'i bdag nyid kyi phyir nyon mongs pa dang las 'byung ba'i phyir ro zhes pa 'di gsungs pa/ dngos dang zhes pa la sogs pas so/ /dngos po ni byis pa'i bar gyi dngos po'i tha snyad kyi yul nyid kyi phyir rigs pa'i ngo bo lus so/ /dngos med ni phra ba'i dngos po sems dang sems las byung ba'i ngo bo'o/ /nye bar mtshon pa las bar ma yang dag gi rang bzhin du rig par bya'o/ /de ltar na lus dang ngag dang sems rnams gsungs so/ /gzhan rnams ni dbang po rnams so/ /gang rnams de rnams zhes pa 'dis brtan pa la sogs pa rnams dang g.yo ba gzhan srog chags rnams brjod do/ /de sad du yang brtag pa gnyis par gsungs pa/ dman pa phra ba'i dngos po ste/ /mchog ni dngos por brjod par bya/ /bar ma gnyis ka spangs pa'o/ /gzhan rnams zhes pa dbang po drug /gang rnams de rnams brtan dang g.yo/ /zhes so/ /dngos po la sogs pa 'di rnams bsgom pas bde ba chen po'i rang bzhin nyid du 'grub po/ /byang chub kyi sems kho na ni rmi lam la sogs pa na bzhin du de dang de'i rnam par so sor snang ba rnams te/ de bde ba'i rang bzhin nyid na de rnams kyang de'i rang bzhin nyid du grub pa kho na ste/ chu bsil ba nyid na de'i rang bzhin chu rlabs rnams bzhin no zhes dgongs pa'o/ /de nyid kyi phyir yang byang chub kyi sems las de'i rang bzhin dga' ba bzhi rnams spro bar byed do zhes gsungs pa/ dga' ba zhes pa la sogs pa'o/ /dpa' bo ni sgrub pa po ste rang gzhan dag pha rol du 'gro ba'i don du brtson 'grus brtsams pa nyid kyi phyir ro/ /de kho na dga' ba ste/ dga' ba las gzhan pa'i bde ba spyod pa po mi srid pa'i phyir ro/ /mchog tu dga' ba rnal 'byor ma/ /zhes pa shin tu dga' ba'i kun dga' don du gnyer bar bya ba nyid kyi phyir ro/ /rab rtse'i dga' ba ni khyad par dga' ba ste khyad par gyi ngo bos rab tu rtse ba na dga' ba'i phyir ro/ /mtha' dag ces pa shes rab dang thabs kyi ngo bo ste/ de'i tshe bud med dang skyes pa dag bsam pa mtshungs pa nyid kyi phyir ram/ dga' ba dang / mchog gi ngo bo'i dpa' bo dang rnal 'byor ma dag gi 'du ba'i gnas nyid kyi phyir ro/ /de bde ba'i thabs can zhes pa/ rab tu rol ba'i dga' ba'i bde ba de 'di'i thabs te de ma thag pa'i rgyu yin pa'o zhes pas de bde'i thabs can yang 'di yin la thams cad rig pa thams cad mkhyen pa yang ste/ bcom ldan 'das ni lhan cig skyes pa'i dga' ba'i ngo bo nyid kyi phyir ro/ /'di rnams kyi ngo bo mtshon pa'i ched du gsungs pa/ dang po zhes pa la sogs pa'o/ /dga' ba tsam ni phul du byung ba ma yin pa bde ba chung ba rnam pa sna tshogs pa gzung ba dang 'dzin pa'i rnam par rtog pa yod par gyur pa'i phyir/ 'khyud pa dang 'o byed pa la sogs pa rnams kyis pad+ma dang rdo rje dag yang yang du reg pas 'dod pa phul du byung ba'i mtshan nyid can rdo rje dang pad+ma drud pa'i mthar thug pa ste/ shes rab bcu drug lon pa la/ /lag pa dag gis 'khyud byas nas/ /dril bu rdo rje mnyam sbyor las/ /slob dpon gyi ni dbang du 'dod/ /ces brtag pa gnyis par gsungs pa'i phyir ro/ /mchog tu dga' ba yang gong nas gong du bde ba 'dod pa'i mtshan nyid can dga' ba las phul du byung ba nyid kyis bzlog pa'i bde ba'i ye shes nye bar longs spyod pa rnam par smin pa'i ngo bo ste/ srab par gyur pa'i gzung ba dang 'dzin pa'i rtog pa gnyis kyis bsgribs pa nyid kyi phyir ro/ /khyad par dga' bar bshad ces pa khyad par du 'phags par dga' ba ste/ bde ba 'dod pa'i ngo bo nyid chags pa dang bral ba'i phyir rtsol ba dang bral ba'i mtshams khyad par dga' ba 'byung bar 'gyur ba'i bde ba chen po'i lta ba nye bar mtshon pa 'di ste de'i bde ba bdag gis bshad do zhes pa rnam par nyed pa'i ngo bo rab kyi gnas skabs/ bde ba la chags pa'i ngo bor 'dzin pa'i rnam par rtog pa dang ldan pa de dang bral ba'i mtshams te/ brtag pa gnyis par ji skad gsungs pa/ gsum pa 'dod chags nyams pa'i phyir/ /zhes so/ /bzhi pa lhan cig skyes zhes pa lhan cig skyes pa'i dga' ba/ kun rdzob pa'i byang chub sems kyi rang bzhin rang gi dngos po stong pa bde ba chen po'i myong ba rnam par rtog pa med pa ste/ de nyid kyi phyir bde ba'i chags pa spangs pa dang de las bzlog pa'i mngon par zhen pa dang bral ba'o/ /de gsungs pa/ /mtshan nyid bral ba gsum las gzhan/ /chags dang chags bral rnam par spangs/ /zhes so/ /de ci 'di mthong ba'i lam yin nam zhe na/ de lta ma yin te/ thabs kyi khyad par las dang sangs rgyas dang byang chub sems dpa' rnams kyi dang bla ma'i byin rlabs las 'thob pa'i phyir ro/ /rang gi ngang gis 'thob na ni de ltar 'gyur ro/ /de kho na dbugs dbyung ba gnyis su smra ste/ bde ba chen po'i ye shes dang stong pa nyid dag de'i b dag nyid kyi phyir phan tshun rgyas btab pa dag mi bskyod pa dang rdo rje 'dzin pa'i ngo bo nyid kyi phyir de bzhin gshegs pa dang rdo rje 'dzin par gdon mi za bar 'byung bar 'gyur ro zhes pa de'i lam thob pa'i phyir zhes pa ni de bzhin gshegs pa'i dbugs dbyung dang rdo rje 'dzin pa'i dbugs 'byung ba skyed par byed pa nyid kyi phyir ro/ /ji skad du gsungs pa/ thabs dang thabs byung dbye ba yis/ /bzhi pa'i don ni rnam gnyis 'dod/ /gcig ni de bzhin gshegs dngos grub/ /gzhan ni rdo rje 'dzin par 'dod/ /ces so/ /'o na lhan cig skyes pa'i rjes thogs su khyad par gyi dga' ba rigs te/ ji skad du brtag pa gnyis par gsungs pa/ lhan cig skyes dga'i rang bzhin pa/ /mchog mtha' khyad dga' dang po can/ /zhes so zhe na/ ma yin te/ mchog gi mtha' khyad dga' ni gang gi dang po yin pa ste/ mchog gi rjes su khyad par dga' ba dang de'i rjes su lhan cig skyes pa'o zhes don gyi shugs las so/ /gang mchog gi mtha' dang khyad dga'i dang po ste/ mchog dang khyad par dga' ba dag gi bar ro zhes don 'chad pa de ni mi 'thad de/ khyad dga' dang por mtshon par bya/ /de yang dga' ba gsum spangs pa/ /zhes pa'i gsung las so/ /'di ni khyad dga' yang 'di yin la/ dang po yang ngo zhes pas khyad par dga' ba'i dus kho na lhan cig skyes pa nye bar 'char ba dang po kho nar mtshon par bya'o zhes bsgrubs te/ lhan cig skyes pa shar ba na ni rnam par rtog pa thams cad nub pa'i rang bzhin nyid kyi phyir ga la mtshon/ de nyid kyi phyir ye shes rdo rje kun las btus pa rnal 'byor chen po'i rgyud du dang / rim pa lnga par gsungs pa/ sgyu ma rnams ni thams cad las/ /bud med sgyu ma khyad par 'phags/ /ye shes gsum gyi dbye ba 'di/ /'di la gsal bar mtshon par 'gyur/ /zhes pa 'dis dang / rim pa lnga par/ snang ba mtshan mo'i cha yin gsal ba'i nyi ma'i 'od can nyin mo snang ba mched par 'gyur/ /mtshams ni snang ba thob pa rang bzhin rang nyid rnams kyis lan cig min par sbyor ba 'di'o/ /mtshan mo ma yin mtshams kyang ma yin nyin mor yang ni ma yin mi 'gyur rang bzhin bral ba gang / /de 'di byang chub skad cig thub mchog gis gsungs rnal 'byor pa rnams kho na'i rtogs bya'o/ /zhes pa 'dis kyang dga' ba gsum mtshon pa dang bzhi pa mi mtshon par gsungs so/ /bcom ldan 'das kyis kyang / mtshan nyid bral ba gsum las gzhan/ zhes pa 'dis so/ /de'i phyir ci ltar lhan cig skyes pa'i rjes su khyad dga' skye ste/ mtshon par mi nus pa nyid kyi phyir ro/ /khyad dga'i de ma thag pa'i rjes su dran pa kho nas mtshon pa nyid na nyams su myong ba'i thabs ma bstan par 'gyur ro/ /lhan cig skyes pa 'char ba'i gnas la ni log par rtog pa med pa kho na'o/ /'o na dang por yang ci'i phyir mtshon de nyams su ma myong ba nyid kho na'i phyir zhe na/ ma yin te tho rangs kyi dus su mtshams bzhin no/ /'o na de lta na yang de'i ngo bo nye bar ma mtshon pa kho na'o zhe na/ bden te/ nyams su myong ba'i thabs ni 'di ltar nye bar bstan par bya'o/ /'o na de lta bu thabs su'ang 'gyur bar 'os pa ma yin te/ de nas bzung nas de nye bar mtshon par mngon par zhen pa 'di la de mi srid pa'i phyir ro zhe na/ bden te/ gal te de ltar gyur na'o/ /der ni de ltar 'byung bzhin pa na ji ltar bya ba de ltar bla ma rnams gsung bar 'gyur ro/ /de ltar 'dod pa gnyi ga la yang nye bar mtshon pa'i rim pa gsal bar byas so/ /de ltar de kho na nyid kyang bstan par bya'o/ /de la/ /mchog mtha'i khyad dga' dang po can/ zhes pa 'di la yang mchog gi mtha' ni mchog mtha' ste/ gang gi dang po khyad dga' yin pa zhes pa khyad dga' dang po can te/ mchog dang khyad dga' dag gi mtha'o zhes pa'i don to/ /de kho na nyid de ci 'dra zhes 'dri ba la/ thog ma tha ma dbus med pa/ /sred med mya ngan 'das pa med/ /'di ni mchog tu bde chen po/ /gzhan min bdag kyang ma yin pa'o/ /zhes pa dang po dang tha ma dang dbus rnams te skye ba dang 'jig pa dang gnas pa rnams bkag pa las chos thams cad stong pa nyid kho na 'dir bde ba chen po dang ro gcig pa thabs 'dis mngon par rtogs par bya'o zhes pa lan gyi don to/ /dga' ba dang khyad dga' dang mchog dga' rnams bkag pa las dang mi 'pho ba nyid kyi phyir srid pa dang zhi ba la mi gnas pa lhan cig skyes pa'i dga' ba ni de kho na nyid do zhes pa yang na'o/ /de bzhin du/ mchog mtha' dbus ma khyad dga' yi/ /stong dang stong min he ru ka / zhes pa 'dir mchog dga'i mtha' gang zhig dbus yin pa khyad dga' ste/ de'i bar ma chad pa nyid kyis na 'brel pa can du mtshon par bya ba/ rang gi ngo bo dang bral ba'i phyir stong pa dang / de ltar yang brjod du med pa'i phyir stong min te/ gnyis dang bral bas na bde ba chen po'i ngo bor gnas pa'i phyir la/ de kho na nyid bcom ldan 'das he ru ka'o zhes pa'i don to/ /mchog dang khyad dga' dag dbus su/ /mtshon bya ba ltas nas bstan par byos/ /zhes pa 'di gal te so so'i skye bo'i ngag yin na'o na 'di la gus pas ci zhig /ci ste lung yin na de'i cha/ dbus ma dga' ba tsam nyid de/ /zhes brtag pa gnyis par gsungs pa'i phyir/ dga' ba dang mchog dga' dang khyad par gyi dga' ba rnams yod pa na nye bar 'char ba'i lhan cig skyes pa mtshon bya'o zhes pa'i don to/ /yang na drug pa ni nges par 'dzin pa la ste/ mchog ni rab ste lhan cig skyes pa'o/ /gnyis dag gi dbus su mchog de mtshon par bya'o zhes pa'i don to/ /bde ba mchog ni mchog dga' ste 'dir lhan cig skyes pa'i dga' ba kho na'o/ /mchog dga' yang dag thob pa na/ /sna tshogs spangs pa'i skad cig la/ /zhes gsungs pa'i phyir ro/ /phyag rgya bzhi pa'i rjes su 'gro ba'i gzhung ni so so skye bo gdams ngag mi shes pa kho nas byas pa ste/ phan tshun 'gal ba ni 'phags pa rnams kyis mi sbyor bas so/ /de ltar ni 'phags pa klu sgrub zhabs kyis rim pa lnga pa'i don gsal bar byed pa'i 'phags pa shAkya bshes gnyen zhabs kyis gsungs pa/ stong pa nyid dang shin tu stong / /gsum pa stong pa chen po dang / /bzhi pa thams cad stong pa ni/ /'bras bu rgyu yi rab dbye las/ /shes rab thabs kyi mnyam sbyor las/ /rdzogs pa nye bar dmigs pa'o/ /rdzogs pa nye bar thob pa las/ /thams cad stong pa 'od gsal ba'o/ /rgyu yi rim pa rnam dag ni/ /rnam shes gsum gyi sbyor ba las/ /stong pa gsum po snyoms 'jug las/ /go 'phang bla na med pa 'thob/ /snang dang stong dang shes rab ma/ /zhes dang / snang ba mched pa zhes gsungs pa/ /shin tu stong pa dang ni thabs/ /zhes dang / snang ba mched sbyor las skyes pa/ /snang ba nye bar thob pa ste/ /de bzhin nye bar thob pa nyid/ /ces dang / sgyu ma rnams ni thams cad las/ /bud med sgyu ma khyad par 'phags/ /ye shes gsum gyi dbye ba 'di/ /gsal bar 'di kho na la mtshon/ /chags pa nyid dang chags bral dang / /de dag gi dbus gnas gsum po/ /zhes so/ /de bzhin du rnam pa 'di lta bu'i gsung rab gzhan la yang ji ltar phan tshun mi 'gal ba ltar don gzhung gzugs par bya'o/ /khyad dga' lhan cig skyes pa'i de ma thag pa nyid na/ 'o byed de bzhin 'khyud pa dang / /rnam gzhan rnams kyis sna tshogs pa/ /b+ha ga ling ga rab sbyor bas/ /rnam par smin pa'i ye shes mchog /phyag rgya rnam par nyed bya zhing / /mtshan nyid bral ba nges mtshon bya/ /dga' ba dang po ye shes dang / /mchog tu dga' ba yang dag ldan/ /rab dga'i dga' ba dngos grub che/ /lhan skyes dga' ba bla ma'o/ /zhes pa mngon par brjod pa phyi ma'i rgyud do/ /rgyud gzhan rnams las kyang / /dga' ba de ni bskyod byas nas/ /bde ba gnas dang mi 'gyur ba/ /thun gcig gam ni nyin gcig gam/ /zla phyed zla ba lo dang ni/ /bskal pa'am bskal ba stong phrag tu/ /ye shes mngon sbyor gyis gnas bya/ /rnal 'byor pa yis ji srid du/ /byang chub sems gshegs mi byed pa/ /de srid dga' ba la skyes bde/ /ci yang rgyun mi 'chad par 'thob/ /dngos grub kun gyi gter gyur pa/ /byang chub sems ni lhung gyur na/ /phung po rnam shes brgyal gyur la/ /ma smad dngos grub ga la yod/ /ces dang / phyag rgya chen po thig ler yang / /brtan pas mchog tu bde nyid de/ /mi brtan pas ni ga la bde/ /zhes dang / bcu drug phyed phyed thig le 'chang / /zhes pa phyag rgya chen po'i dngos grub mi 'thad cing lhan cig skyes pa nyams su myong ba'i thabs kyang srid pa ma yin te/ lhan cig skyes pa'i ngo bo kho na 'ba' zhig pa ni mi 'thad pa med do zhes pas lugs snga ma kho na gdams ngag rig pa rnams smra'o/ /gang rnams sbyor ba med pa'i bdag nyid btsan thabs kyi rnal 'byor kho na la khyad par can gyi bde ba khyad par gyi dga' ba gsum pa dang lhan cig skyes pa bzhi pa ste/ gzhan pa ni/ lhan cig skyes pa gsum pa dang / /khyad par dga' ba bzhi pa'o/ /zhes smras pa de rnams kyi shin tu bab col kho na'o zhes pa shin tu rgyas pas chog go/ /skabs su bab pa rjes su sbrel bar bya ste/ de la bo l+la'i rtsa ba nas te gsang ba'i pad+ma las rdo rje nor bu las sngar dga' ba la sogs pa gsum dang nor bu'i dbus su ni lhan cig skyes pa'o zhes pa rnam par gzhag pa gcig go/ /pad+ma'i nam mkha' nor bu dang / /ze 'bru dag btsir ba'i gnas su/ /rdo rje skyil krung gis sems ni/ /nor bu'i nang du chud lta zhing / /ye shes skye ba gang yin de/ /ye shes de yi ngo shes nus/ /zhes mchog gi dang po'i rgyud du gsungs pa'i phyir/ chu skyes kyi dbus stong pa'i phyogs su ste rdo rje'i yongs su ba'i mtshan ma gdengs pa la'o/ /yang na rdo rje skyil krung du 'dug pa la gang las nor bu'i nang du chud pa'i ye shes ni shes rab ye shes yin zhing de'i ngo bo ste de dang 'dra ba'i ye shes nus te/ yongs su rdzogs shing rtogs pa mthar thug par 'jug pa'o/ /rgyud gzhan rnams su yang lhan cig skyes pa nor bu'i nang du chud pa gsal bar byed pa'i gsung mang po rnams te/ kha cig 'chad par yang 'gyur ro/ /gang gi drud pa'i mthar thug pa dga' ba ste/ drud pa yang byang chub kyi sems nor bu dang nye ba ji srid pa'o/ /nor bu'i mdun du reg pa ni mchog dga' rin po che'i rtse mo ji srid pa'o/ /bo l+la'i snying po'am de rtse mor/ /yang na thod par lhung gyur pa'am/ /bar du'ang 'dod pa ma yin te/ /de nyid bla ma'i zhal las rig /ces pa rdo rje'i khar lhan cig skyes pa dang de las byang chub kyi sems ltung ba na khyad par dga' ba ste/ gnyis song nas ni gnyis gnas pa/ /rdo rje nas lhung pad+mar reg /rdo rje nas lhung mi bskyod pa/ /pad+mar reg pa rdo rje ste/ /'bras bur rgyu yis rgyas gdab pa/ /'di ni bde chen rgyal po'o/ /zhes 'dod pa de ni ma bcad par snyil ba ste/ gang phyir pad+ma dang nor bu reg pa na yang rdo rje nor bu reg pa'i gnas rnams kho nar byang chub kyi sems nyams su myong ba nye bar mkho'o/ /rdo rje las phyi rol du byung ba na/ pad+mar reg pa la yang bde ba myong ba'i dri yang yod pa ma yin pas khyad dga' ni dga' ba nyid ma yin zhing / rdo rje sems dpa'i bde ba chen po'i rgyal po nyid kyang ma yin/ bde ba myong ba dang bral ba'i rdo rje sems dpa' gang ci yang yod pa yang ma yin/ bde ba myong ba las tha dad pa'i dus su 'byung ba de dang bde ba chen po'i ngo bo mi bskyod pa phan tshun rgyas gdab pa yang ma yin te/ chos dang chos can stong pa nyid dang snying rje dag ni de'i bdag nyid kho na rgyas 'debs par brjod la/ dus tha dad pa dag la de'i bdag nyid med pas so/ /rin po che las pha rol rdo rje'i zhal du lhan cig skyes pa'i bde ba chen po nyams su myong ba yang ma yin na/ de'i phyir de kho na nyid ci zhig tu rig gang zhig rin po che'i snying por rang dang gzhan gyi grub mtha' gzhan thal bar 'gyur bar byed pa de yang shes pa chung ba'i rnam par rol ba ste/ nor bu'i dbus su so so rang gis rig par bya ba/ rnam pa thams cad mchog gis yongs su bskor ba/ kun rdzob pa/ bde ba chen po myong ba/ don dam par rang bzhin med pa/ dbu ma'i lam gyi ngo bo ni med pa ste/ dbu ma las gzhan pa rnams smra'o zhes pa u ta pu tra'i rtog pa rnams las ched cher byed pas chog go/ /rnam par gzhag pa gzhan ni/ gtsug tor nas ni mdzod spu yi/ /pad+mar khu ba 'ongs dga' ba/ /mgrin pa snying gar mchog dga' ba/ /khyad par dga' bar de nas 'gyur/ /sna tshogs dga' byed lte bar te/ /gsang ba'i pad+mar gang 'ongs pa'o/ /gsang gnas rdo rje nor bu'i bar/ /lhan skyes dga' ba mi 'pho ba'o/ /mi gnas mya ngan 'das pa ste/ /'dod chags chen po 'gyur med gtso/ / chags bral dang po 'pho las 'das/ /shes de mya ngan 'das par gnas/ /zhes dus kyi 'khor lor gsungs so/ /de la chen po'i rags pa'i rtog pa med pa las mchog gi'o/ /'bring po'i rags pa med pa las khyad dga'o/ /chung ngu'i rags pa med tsam gyis phra mo yod na yang lhan cig skyes par gzhag go/ /rnam par rtog pa phra mo'i ni chung ngu dang 'bring dang chen po dang chen po'i chen po'i dbye bas tha dad pa'i rim pa ji lta bar med pa las sngar brjod pa'i dga' ba bzhi'o zhes man ngag rig pa rnams 'doms par byed do/ /bud med rnams kyi gsang ba'i chu skyes kyi lte ba ni nor bu lta bu ste/ gang phyag rgya chen po thig ler gsungs pa/ lte 'og gnyer ma gsum gyi gnas/ /gru gsum po'o de steng du/ /gru gsum ze 'bru'i rnam pa ste/ /rdo rje'i rang bzhin can du gsal/ /gru gsum pa ni rtsa kun gyi/ /gnas ni mchog tu bshad pa'o/ /zhes so/ /de ltar dbang bskur ba gsum brjod nas bzhi pa rim pa so sor bsgrub pas rtogs par bya ba'i ched dang dga' ba bzhi rnam par dag pa'i ngo bor dbang bzhi rnams bstan pa'i ched du gsungs pa/ de yang zhes pa la sogs pa'o/ /bzhi pa de yang de bzhin no/ /zhes pa shes rab ye shes myu gur gyur pa'i byang chub kyi sems de nyid yang ste phyis bzhi par brjod do/ /de bzhin zhes pa de 'dra ba kho na ste/ cho ga ji lta bas 'phel bzhin pa sgrib pa med pa nyid du 'gyur ba'i de khon nyid bla ma'i man ngag las yan lag bdun dang ldan pa'i phyag rgya chen po'i bdag nyid rdo rje 'dzin pa chen po'i rang gi ngo bor brjod par bya'o/ /de nyid kyi phyir mtha' drug pa'i 'grel par gsungs pa/ skyon thams cad kyi dri ma 'khrud pas na ye shes 'char bar byed pa'i phyir byang chub ni dbang bskur ba'o zhes so/ /de yang bsod nams dang ye shes kyi bag chags bsags pa rnams la shes rab ye shes kyi dbang gi dus kho nar gsal zhing / de las gzhan rnams la tshig gis gsal bar bya'o/ /shes rab ye shes thabs su gyur pa lhan cig skyes pa mtshon byed man ngag ji lta ba bzhin ni yan lag gzhan dang ldan pa goms bzhin pa ni mi 'gyur ba'i bde ba chen po mtshon par bya ba phul du dbyung du med pa thabs las byung ba yan lag yang dag par rdzogs pa nye bar skyed do/ /lam gyi gnas skabs su yang / grub pa nga'o zhes sems kyis/ zhes rgyud du gsungs pa'i phyir 'bras bu dang rgyu dag dbyer med par mos pas phyag rgya chen po'i nga rgyal dang ldan pas bsgom par bya'o/ /de skad du yang dpal 'dus pa stong phrag nyi shu lnga par gsungs pa/ rdo rje skyil krung gis sems ni/ /nor bu'i nang du chud lta bas/ /rgyu mthun la sogs bde ba rdzogs/ /dri med ji srid de 'gro'o/ / de bzhin du/ b+ha gar ling ga rab bzhag nas/ /byang chub sems ni spro mi bya/ /khams gsum po ni ma lus nas/ /sangs rgyas gzugs su bsgom par bya/ /zhes so/ /bde mchog tu yang / yid ni nang du chud pa yis/ /'dod pa'i dngos grub bsgom par bya/ /zhes so/ /'dir rdo rje gyen du langs pa ni skyil krung gdan te/ der cha bcu drug rdzogs pa rdo rje nor bu'i nang du chud pa'i byang chub kyi sems ni yid nang du chud par brjod cing / des 'pho ba med pas dang las dang ye shes dang bde ba chen po'i phyag rgya'i rnal 'byor gyis khams gsum pa ste brtan pa dang g.yo ba'i dngos po'i rang bzhin gyi bdag nyid du ma lus par rnam pa thams cad mchog dang ldan par/ bde ba chen po rang bzhin gyi phyag rgya chen po'i dngos grub kyi ched du/ yod pa dang med pa las 'das pa la rten med pa nyid kyis dmigs pa med pa'i blos bsgom par bya'o/ /de gsungs pa/ rnal 'byor pa yis ji srid du/ /skye gnas rgyun mi 'chad sbyor bas/ /byang chub sems 'dor mi byed pa/ /de srid bar du dga' mchog 'thob/ /bde ba'i ngo bo de nyid kyis/ /yang dag ldan pa'i sangs rgyas gzugs/ /ji srid khu ba brtan 'gyur ba/ /bdag nyid rtag tu bsgom par bya/ /zhes so/ /de ltar na byang chub kyi sems rdo rje bcom ldan ni/ rdo rje skyil krung rdzogs sangs rgyas/ /sangs rgyas 'gro ba'i chos 'dzin pa ru 'gyur te gang las/ rnam pa thams cad rnam pa med/ /bcu drug phyed phyed thig le 'dzin/ /cha med cha las 'das pa ste/ /bsam gtan bzhi pa'i rtse mo 'chang / /'dir sangs rgyas 'gro ba'i chos ni dga' ba gsum po ro gcig pa lhan cig skyes pa'i dga' ba ste/ de 'dzin pa ni de'i bdag nyid kyis so/ /rnam pa thams cad mchog dang ldan pa ni kun rdzob tu ste/ don dam par ni rnam pa med pa rang bzhin med pa ste/ thams cad du rnam pa ni rang bzhin du brjod par bya'o/ /de skad du yang 'phags pa klu sgrub zhabs kyis gsungs pa/ rnam bcas dngos po kun brtags dang / /rnam pa med pa nyid brtags pa/ /gcig byas rnal 'byor pa yis dpyad/ /de ni zung du 'jug par rig /ces so/ /cha med pa ni cha bco lnga'i mthar gnas pa'o/ /tshe las 'das pa ni nag po'i tshes gcig la rab tu ma zhugs pa'o/ /'di dag gi thabs dang thabs las byung ba'i bde ba dag gi de kho na nyid ni stong pa nyid kho na'o/ /gang rnams bde ba kho na de kho na nyid du rtogs nas gnas pa de rnams kyi 'khrul pa bsal ba'i don du bcom ldan 'das kyis gsungs pa/ gang phyir 'byung ba che bde ba/ /de phyir bde ba de nyid min/ /zhes so/ /'byung ba che zhes pa khu ba dang bde ba dag de'i bdag nyid kyi phyir ro/ /lhan cig skyes pa yang rtag tu thams cad du mi 'byung ste/ de ltar ni lhan cig skyes pa ni dngos po'i rang gi ngo bo ste de'i don dam pa stong pa nyid kho na dang / kun rdzob pa rtogs pa'o/ /bde ba ni rtogs pa yin mod de lta na yang thams cad kyi tshe thams cad du lhan cig skyes pa ma yin te/ sdug bsngal dang btang snyoms nyams su myong ba'i dus su dang bsam gtan bzhi pa dang gzugs med pa la snyoms par 'jug pa rtogs pa bzhin nyams su ma myong ba nyid kyi phyir ro/ /gang mtshan yang dag par brjod par gsungs pa ni/ bsam gtan bzhi pa'i rtse mo 'chang / /zhes pa de la bsam gtan bzhi pa ste/ lhan cig skyes pa'i dga' ba'i rtse mo la sgrib pa med pa'i rtogs pa mthar thug pa la de'i bdag nyid kyis gnas pa nyid kyi phyir de'i rang gi ngo bo 'dzin pa'o zhes pa'i don to/ /bde ba chen po'i rang bzhin du mu mtha' med pa'i khams gsum pa snang bar gyur pa na bsam gtan la sogs pa yang bde ba chen po'i rang bzhin ni bcom ldan 'das kho na'i ste/ gzhan gyi ma yin no zhes gsungs pa/ bzlas te bshad pa'i don to/ / 'o na ci ltar bde ba lhan cig skyes par brjod ce na/ ji ltar dmigs pa med pa'i snying rje chen po ni de kho na nyid ma mthong ba'i yod pa ma yin pa lhag par mos pas bsgom bzhin pa ni de kho na nyid rtogs pa la rtogs pa'i bdag nyid kyi phyir kun rdzob pa'i rang bzhin gyi lhan cig skyes par brjod pa/ de ltar bde ba res 'ga' nyams su myong ba'i gnas skabs su dang nyams su ma myong ba'i gnas skabs su de kho na nyid ma mthong bas lhag par mos pas snying rje chen po dang dbyer med pa'i rang bzhin stong pa nyid kyi bdag nyid rnam pa thams cad mchog dang ldan par bsgom bzhin pa ni de kho na nyid rtogs pa'i gnas skabs na 'jig rten las 'das pa ni rtsol ba med pa nyid kyis ma bcos pa nyid kyis na lhan cig skyes par brjod do/ /de kho na nyid ma rtogs pa'i gnas skabs su nyams su myong ba zag pa dang bcas pa mi brtan pa ma rgyas pa yan lag mtha' dag ma yin pa glog 'gyu ba bzhin du skad cig tsam pa/ 'jig rten pa kun rdzob pa ste/ rtsol ba dang bcas pa nyid kyis na bcos ma nyid na yang lhan cig skyes par brjod de/ lhan cig skyes pa'i grib ma'i rjes su byed pa nyid kyi phyir 'od gsal ba bzhin no/ /ji skad du phyag rgya chen po thig ler gsungs pa/ gang 'dir dga' ba de snang ba/ /snang ba mched pa mchog tu bshad/ /khyad dga' nye bar thob par shes/ /lhan cig skyes de 'od gsal ba'o/ /zhes so/ /de ltar lhan cig skyes pa las byung ba'i de kho na nyid byang chub kyi sems stong pa nyid dang snying rje dbyer med pa'o/ /de ci 'di shes rab ye shes las gzhan pa kho na'am zhe na/ gzhan ma yin te/ de kho na'i 'di mi mthun pa'i phyogs bsal bas de ni rnam pa 'di lta bu'o zhes rang gi ngo bo rab tu gsal ba'o/ /de'i phyir shes rab ye shes 'di nyid nyams su myong nas yan lag dang bcas pa sgom pas 'phel ba ni bag chags dang bcas pa'i rnam par rtog pa'i dri ma rnams dngos su 'khrud pa'i phyir phyag rgya chen po'i dbang bskur yin zhing bzhi pa 'od gsal ba ste/ dpag bsam gyi rkang 'thung bzhin/ mngon par mtho ba la sogs pa'i 'bras bu rnams kyis skal pa ji lta ba bzhin du shes rab dang yang dag par sbyor ba'i dpal bde mchog la sogs pa'i gzugs kyi longs spyod rdzogs pa'i sku la sogs pas 'gro ba tshim par byed cing rgyun mi 'chad par mu mtha' med pa'i dus su bzhugs zhes gnas so/ /de ltar 'di longs spyod rdzogs pa dang yang dag par sbyor ba dang bde ba chen po dang rang bzhin med pa dang thugs rjes gang ba dang rgyun mi 'chad pa dang 'gog pa med pa'i mtshan nyid kyi yan lag bdun dang ldan par gsungs so/ /'dir yan lag dang po gsum theg pa gzhan dang thun mong ma yin pa ste/ gang gi phyir rgyu'i gnas skabs su bskyed pa'i rim pas/ dpal bde mchog la sogs pa'i gzugs su bsgom par gsungs pa pha rol tu phyin pa'i tshul la med pa ste/ mtshan dang dpe byad 'bar ba'i longs spyod rdzogs pa'i sku ni 'bras bu'i gnas skabs kho nar gsungs pa'i phyir ro/ /shes rab dang sbyor ba yang ma yin la/ de las skyes pa'i bde ba chen po yang ma yin no/ /kha cig gi ni sems longs spyod rdzogs pa dang stong pa nyid kyi ye shes kyi bdag nyid can gyi shes rab dang yang dag par sbyor ba dang sgom pa las skyes pa'i bde ba chen po dang de rang bzhin med pa nyid dang de las byung ba'i snying rje zhes pa de ltar yan lag lnga thun mong ma yin pa'o zhes rnam par 'jog pa ni mi 'thad de/ pha rol tu phyin pa'i theg par yang 'di mang du gsal bar mdzad pa nyid kyi phyir ro/ /ci ste sems ni byang chub kyi sems te/ rdzogs pa'i rim pas dpal he ru ka la sogs pa'i rang gi ngo bor mos pa dang / rang bzhin med pa'i blo rdo rje phag mo la sogs pa nyid du'o/ /de gnyis kas khyad par du byas pa'i lha dang yang dag par sbyor bsgom pas skyes pa'i bde ba chen po dang de rang bzhin med pa nyid dang / rnam pa 'di lta bu'i lam ston pas khyad par du byas pa'i sems can gyi don byed pa yod pa'i phyir thugs rje chen po'o zhes pas thun mong ma yin pa nyid de/ 'di rnams pha rol tu phyin pa'i theg pa la de ltar ma brjod pa'i phyir ro zhe na/ gal te de lta na de ltar 'gyur ba'i b com ldan 'das bar skabs su rnam par chad pa med pa'i phyir rgyun mi 'chad pa dang mtha' gcig tu mya ngan las 'das pa med pa'i phyir 'gog pa med pa yang thun mong ma yin pa'o zhes pas yan lag bdun rnams kyang thun mong ma yin par gsungs par brjod cing ste bskyed pa'i rim pa la yang ngo / /kha cig longs spyod rdzogs pa'i yan lag kho na thabs nyid du 'khrul pa las snying rje'i yan lag tu smra'o/ /de mi rigs te/ gang phyir sdug bsngal las gdon par 'dod pa ni snying rje ste/ de yang las dang po pa'i ni sems can chos can gyi ngo bo rnams kho na la dmigs nas skye zhing / de nas byang chub sems dpa' rnams kyi rang bzhin med pa nyid kyi chos sbyar ba la dmigs nas dang / de nas rab tu gyur pa las rnam par mi rtog pa nyid kyis na sangs rgyas rnams kho na'i dmigs pa med pa lhun gyis grub pa las rgyun mi 'chad par 'gro ba 'don par brjod do/ /de ltar yang gsung bar 'gyur ba/ yid bzhin nor ltar ma lus pa'i/ /sems can don byed snying rje'o/ /zhes so/ /dmigs pa med pa'i snying rje 'di kho na dbang po rab las dang po pas kyang lhag par mos pas sgom mo zhes pa snying rje ni yan lag tha dad pa'o/ /dbang bskur bzhi pa 'di kho na/ dbang bskur sbyin bya zhes pa la sogs pas rgyas par 'chad par 'gyur ro/ /dbang po rab kyi sems can la ni dga' ba bzhi po kho na dbang bskur bzhi rnams so zhes ston pa'i don du/ de yang dbang bskur rnam pa bzhi/ /zhes gsungs te/ de ni dga' ba la sogs pa'o/ /de skad du yang brtag pa gnyis par gsungs pa/ slob dpon gsang ba shes rab dang / /bzhi pa de yang de bzhin no/ /dbang ni bzhi yi grangs kyis ni/ /dga' ba la sogs rim shes bya/ /zhes so/ /'dir ni nu ma'i bum pa'i dang / /byang chub kyi sems kyi rten rdo rje bum pa'i bya ba byed pa'i phyir na bum pa'i dbang dang / kun du spyod pa'i khyad par las skyes pa'i phyir slob dpon gyi dbang ni dga' ba'o/ /de ltar yang phyag rgya chen po thig ler gsungs pa/ bcu drug lo lon gzugs bzang ma/ /dga' ba'i ro yis de gang ba/ /phyag rgya de ni gcer bur bya/ /dang por dam tshig sogs kyis mchod/ /de rjes kha sbyor rnal 'byor gyis/ /yang dang yang du 'dod pa spyad/ /ji srid sa bon 'byung 'gyur bar/ /chung ngu ru ni bsrub par bya/ /chu skyes su ni byung ba na/ /snying gar shin tu bran par bya/ /de yis slob dpon dbang mchog tu/ /'gyur ro legs dga'i dbang phyug ma/ /gsang ba'i dbang ni mchog gyur pa/ /bshad kyis gus par mnyam par gyis/ /gang tshe gsang gnas skad cig gcig /bde ba legs par gnas 'gyur ba/ /de tshe gsang bar yang dag bshad/ /gzhan du 'jig rten par 'gyur ro/ /shes rab ye shes dbang bskur yang / /kun du rnyed dka' bshad par bya/ /shes rab khu ba'i ngo bor bshad/ /ye shes bde ba'i rang bzhin bshad/ /dbang bskur zhu ba lhung ba ste/ /ye shes gnas skabs gzhan du bde/ /de 'gog pa ni bzhi par brjod/ /lhan skyes ye shes mtshan nyid do/ /zhes so/ /da ni dbang bzhi pa'i rjes thogs su rjes su gnang ba sbyin pa'o zhes ston pa/ byang chub ces pa la sogs pa'o/ /byang chub sems kyi dbang bskur ni bzhi pa'o/ /chos kyi 'khor lo zhes pa'i chos kyi gnas su rdo rje dang rin po che dang pad+ma dang las kyi sgra bcug pa las rim pa bzhin du slob ma la de bzhin gshegs pa de dang de bsgoms pas lan lngar bklag go/ /rdo rje sems dpar bsgoms pas shes rab ces pa la sogs pa'i tshigs su bcad pa'o zhes pa rjes su gnang ba sbyin pa'o/ /skye ba 'bras bur bcas pa ni dbang bskur thob pa las so/ /son pa 'bras bur bcas te/ gzhan gyi don byar rung ba nyid kyi phyir ro/ /sangs rgyas rigs su skyes pa ni rab tu dga' ba'i sa kho nar 'gyur te/ da lta ni dbang bskur ba bzhi rnams kyis rdo rje sems dpa'i sdom pa skye ba las der rung ba nyid kyis na brjod do/ /sgrol ba dang rdzogs pa dang byang chub gzhan la mngon par 'dod pa dang bag chags spangs pa rnams kyang de dang der rung ba nyid kho nar rig par bya'o/ /kun 'dzin gzhig pa ni rdzas la'o/ /phan pa ni phyis 'phrod pa'o/ /shin tu dang ba zhes pa 'di ni chos nyid de gang cho ga ji lta bar dbang bskur ba ni sdug pa'i bu bzhin du dang ba'i yid kyis dge ba'i ched nyid du sangs rgyas thams cad kyis dgongs pa'o zhes pa'o/ /khyod kyi ste nyid kyi mthu las zhes 'brel lo/ / 'di'i rgyas par ston pa rdzogs par bgyi zhes pa la sogs pa'o/ /go 'phang ni gnas pa'o/ /kun mchog rnams kyis te byang chub sems dpa' chen po rnams kyis kyang mchod pa'o/ /dbang bskur ni dbang bskur ba gsum mo/ /rtogs byas te zhes pa bzhin ras dang ba dang ba spu ldang ba la sogs pa'i rtags rnams kyis so/ /dbang bskur rin chen ni bzhi pa ste bla na med pa'i dga' ba rgyas par byed pas na'o zhes byas nas so/ /de ltar 'dir dbang po rab kyi sems can gyi dbang du byas pa las dkyil 'khor dang dbang bskur gyi cho ga mdor bsdus nas gsal bar byas la/ rgyas par ni kho bos dkyil 'khor gyi cho ga rdo rje phreng bar bshad pa las rig par bya'o/ /de ltar kun rdzob dang don dam pa'i dbang bskur thob pas rdo rje sems dpa' nyid kyi dngos grub kyi ched du spyod pa la sbyor ba gsungs pa/ gang zhes pa la sogs pas so/ /rab mchog ces pa la sogs pa la/ rdo rje 'dzin pa'i bla na med pa'i phun tshogs longs spyod ched du sems can gyi zhing dag pa phun sum tshogs pa las dang / snod kyi zhing yang dpag bsam gyi shing dang rin po che'i rang bzhin gyis gzhi la sogs pa'i phun sum tshogs pa 'dzin pa'i ched du dbang bzhi pa'o zhes pa'i don to/ /byang chub kyi sems kho na shin tu brtan par pha rol tu phyin pa drug gi nang du 'dus par bsgom pa ni go cha ste/ byang chub tu ste dbang bskur ba rin po che'i sems bskyed nas/ rgya che ba ni rang dang gzhan gyi don phun sum tshogs par byed pa'i phyir spyad de byang chub kyi sems bsgom par bya'o zhes pa'i don to/ /'dis ni 'chad par 'gyur ba'i sgom pa mdor byas pa'o/ /dri ma med pa ni le lo la sogs pa dang bral ba nyid kyi phyir dang / ltung ba'i dri ma'i rnyog pa dang bral ba'i phyir ro/ /rdo rje sems dpa'i sdom pa can gyi ltung ba'i ris ni gnyis te/ rtsa ba'i ltung ba dang sbom po'i ltung ba zhes bya ba dag go/ /de la bla ma la brnyes pa dang de bzhin gshegs pa'i bka' la 'gong ba dang zhe sdang gis rdo rje'i spun la skyon gsal bar byed pa dang / byams pa gtong ba dang / theg pa gsum la smod pa dang yongs su ma smin pa la gsang ba 'chad pa dang / de bzhin gshegs pa'i bdag nyid kyi phung po lnga la smod pa dang / chos thams cad rang bzhin gyis yongs su dag pa la the tshom za ba dang gdug pa'i byams pa dang / thog ma dang tha ma dang dbus stong pa'i chos thams cad la thog ma dang tha ma dang dbus su rtog pa dang / byang chub kyi sems gtong ba dang / dad pa can gyi sems sun 'byin pa dang ji ltar rnyed pa'i dam tshig mi bsten pa dang bud med la smod pa zhes pa rtsa ba'i ltung ba bcu bzhi rnams so/ /de bzhin du stobs kyi rnal 'byor ma rang gir byed pa dang stobs kyis de'i byang chub kyi sems len pa dang gsang ba mi sbed pa dang dam tshig la rtsod pa dang / dad pa can la phyin ci log gi chos ston pa dang nyan thos kyi theg pa rnams dang lhan cig zhag bdun gnas pa dang rnal 'byor mi shes par rnal 'byor pa nyid du mngon pa'i nga rgyal ba dang / mi dad pa la chos ston pa zhes pa sbom po'i ltung ba brgyad rnams te/ rdo rje sems dpa'i sdom pa la gnas pas kun nas yongs su spang bar bya'o/ /yang gnyis su med pa'i skabs mngon du byed pa'i gnas skabs las 'og ma'i gnas skabs su lhan cig skyes pa mi bsam pa la sogs pa'i rnal 'byor la so sor re bas ji ltar 'dod par spyod pa'i phyir na/ nang rul ba'i shing thog ku Sh+ma N+Da bzhin du phyi rol gyi tshugs tsam gyis gnas par mi bya'o/ /de nyid kyi phyir snyom las la sogs pa dang bral ba las bar ma chad par phul du byung bas na de kho na nyid kyi rnal 'byor dang ldan pa'o/ /byang chub sems kyi dbang bskur ba gtso bor 'chad pa'i phyir gzhung yang de skad do/ /gnyis pa'i ste brtag pa'i 'o/ /dpal yang dag pa'i sbyor ba'i rgyud kyi rgya cher 'grel pa/ man ngag gi snye mar snye ma lnga pa'o/ / //byang chub kyi sems te sgom pa med par gsal bar 'gyur ba ma yin no zhes de ma thag par mdor byas pa de rgyas pa dang bcas par gsungs pa'i don du 'jug ste de nas zhes pa la sogs pas so/ /byang chub kyi sems kho na yang dang yang du yid la byed pa ni bsgom pa ste/ rkang pa brkyang bas mngon par 'dod pa 'grub pa ni ma yin pas so/ /de'i phyir rdo rje sems dpa'i sdom par 'dzin pa sngan ma can gyis sgrub pa la sbyar bar bya'o/ /de ting nge 'dzin gyi rgyal po'i mdor gsungs pa/ gzhon nu sgrub pa snying por byed pa'i bla na med pa yang dag par rdzogs pa'i byang chub rnyed par dka' ba ma yin zhes so/ /de nyid kyi phyir gsungs pa/ gzhan don zhes pa la sogs pa'o/ /mya ngan las 'das pa ni nyan thos la sogs pa'i 'o/ /rab mthar thug pa ni sems bskyed pa nyi shu pa'i bar chad med pa'i lam gyi ngo bo'o/ /bag chags dang bcas pa'i nyon mongs pa dang shes bya'i sgrib pa'i dri ma med pa'i phyir dri med do/ /stobs dang ma 'dres pa la sogs pa'i yon tan dang ldan pa'i phyir rmad byung ngo / /der gyur pa na/ 'grib dang 'phel las rnam par grol/ /zhes pa don dam par stong pa nyid kyi rang bzhin nyid kyi phyir mi mthun phyogs dang gnyen po'i phyogs dag gis nyams pa dang 'phel ba dag med pa ste/ kun rdzob tu ni yod pa dag kho na'o/ /ji ltar bsgom zhe na/ gsungs pa/ lnga zhes pa la sogs pa ste/ dor mi bya ni chad par mi bya ba'o/ /theg gsum pa ni theg pa gsum la rab tu grags pa'o/ /'o na byis pa dang bud med la sogs pas rtogs pa rnams sgom pas ci zhe na/ gsungs pa/ chu shing lta bur zhes pa ma rig pas sgro btags pa'i don dam par yod pa'i rang bzhin med pa'i phyir snying po med pa nyid du rtogs kyi kun rdzob tu yang med par ni ma yin no/ /ci'i phyir zhe na/ gang gi phyir chos kyi dbyings dang rang bzhin med pa nyid du mnyam zhing mtshungs pa'i rang gi ngo bo can gzugs la sogs pa rnams te/ de rnams kyi mtshan nyid tha dad pa dngos po pa ni ma yin no/ /mi mnyam pa rnams kyang ste kun rdzob tu so sor tha dad pa'i phyir ro/ /de nyid kyi phyir chad pa dang rtag pa'i rang gi ngo bo dag dang mi ldan pa'i phyir stong pa dang mi stong par bsgom pa bkag ste/ don dam par rang bzhin med pa nyid kho na kun rdzob tu yod pa'i gzugs la sogs pa rnams kyi rang bzhin no zhes pas stong pa dang mi stong pa'i rang gi ngo bo spong ba rigs pa ma yin no/ /gang 'phags pas gsungs pa/ ji lta'i de nyid brjod pa na/ /kun rdzob 'chad pa nyid ma yin/ /kun rdzob las ni logs pa ru/ /de kho na nyid dmigs pa med/ /kun rdzob stong pa nyid du bshad/ /stong nyid kho na kun rdzob ste/ /med na mi 'byung nges pa'i phyir/ /byas dang mi rtag pa dag bzhin/ /zhes so/ /sgom pa zhes pa rtog pa'o/ /nyung ba min pa'i rnam par rtog pa'i dra ba ni dngos po dang dngos po med par 'dzin pa'i rtsa ba can nyid kyi phyir ro/ /rnam 'gyur med ces pa sgro 'dogs pa mtha' dag med pa'i phyir ro/ /dogs pa med pa ni the tshom med pa'o/ /de nyid kyi phyir lam gzhan mngon par mi 'dod pa'o/ /de ltar yang bsod nams 'byung ba'i phyir sdig pa med pa'o/ /gang 'phags pas gsungs pa/ skyes bu gang zhig byang chub sems/ /skad cig gcig kyang sgom byed pa/ /de yi bsod nams phung po ni/ /'di tsam zhes pa bgrang mi nus/ /zhes so/ /byang chub kyi spyod pa la 'jug par yang / /'dis ni dus mtha'i me bzhin sdig chen rnams/ / skad cig gcig gis nges par sreg par byed/ /ces so/ /de bzhin gshegs pa'i ye shes kyi phyag rgya'i mdor yang / /gang rnams phyi ma'i dus su zhum pa med par byang chub kyi sems dang ldan pa yang dag par blangs pa brtan pa byang chub kyi ched du lhag pa'i bsams phun sum tshogs pa rnams 'byung ste/ de rnams kyis gang ngan song myong bar nges pa'i las mngon par 'dus byas pa 'byung ba de phyi ma'i dus su mgon ba tsam gyis sam sems kyi sdug bsngal tsam gyis sam nad mang ba tsam gyis sam dbul po'i rigs su skyes pas yongs su zad par 'gyur ro zhes so/ /dang po tha ma'i rtog las grol ni thog ma dang tha ma med pa de kho na nyid gcig pu'i mthar thug pa nyid kyi phyir te/ de ni byang chub kyi sems kyi ngo bo'o/ /de yang bdag dang skyes bu dang gang zag la sogs pa dang bral ba/ gzung ba gzugs kyi phung po dang de las gzhan 'dzin pa spangs pa chos rnams sgyu ma la sogs pa bzhin du rang bzhin med pa nyid kyis na rigs pa mtshungs pa nyid kyi phyir gdod ma nas ma skyes pa stong pa nyid dang snying rje dbyer med pa'o/ /de gsungs pa/ dngos po thams cad dang bral ba/ / phung po khams dang skye mched dang / /gzung dang 'dzin pa rnam spangs pa/ /chos bdag med pa mnyam nyid pas/ /rang sems gdod nas ma skyes pa/ /stong pa nyid kyi rang bzhin no/ /zhes so/ /nam mkha' bzhin zhes pa spros pa med pa nyid kyis so/ /gang 'phags pas gsungs pa/ dmigs pa med pa'i sems ldan pa'i/ /nam mkha'i mtshan nyid can gnas te/ /nam mkha' bsgom pa 'di kho na/ /stong pa nyid ni bsgom par 'dod/ /ces so/ /de ltar yang sems can gyi don la phyir phyogs pa las dang po pa la srid pa 'gog pa ste/ mi bya zhes pa la sogs pas so/ /sems can yang yod pa nyid dang med pa nyid dag tu brtag par mi bya ste dngos po dang dngos po med pa dag mi rigs pa'i phyir ro/ /'dis ni sgrub pa'i gnas gsungs so/ /de ni mdor bsdus pas byang chub kyi sems bsgom pa bsgoms pa las byung ba dang sbyin pa la sogs pa rjes su bsgrub pa'o/ /byang chub kyi sems de ni shes rab dang thabs kho na'o/ /de ltar na/ spros pa med ces pa la sogs pa ste/ chos thams cad spros pa med par gyur par rtogs pa ni shes rab bo/ / spros pa med pa nyid 'di ci zhig /mdor bsdu na ji srid du dngos po dang dngos po med pa la sogs pa'i rnam par rtog pa de thams cad ni phyin ci log pa spros pa ste/ /spros pa med pa ni chos kyi dbyings stong pa nyid do/ /'o na stong pa nyid kho na spros pa'o zhe na/ stong pa nyid kyi sgras cung zad kyang sgrub pa med kyi/ stong pa nyid kyi brjod pa gsal ba ni sgro 'dogs pa mtha' dag ldog pa rtogs par byed pas gdul bya'i skye bo'i rgyud la de kho na nyid kyi rang gi ngo bo mngon par gsal bar byed ces pas de brjod byar nye bar btags pa las brjod de/ stong pa nyid la sogs pa'i sgra rnams las sgro 'dogs pa mtha' dag ldog pa'i ngo bo de kho na nyid du lhag par zhen pa'i phyir ro/ /thabs ni snying rje chen po ste/ 'dis sems can gyi don byed pa'o zhes pas sems can gyi don byed do/ /rnam par rtog pa med pa'i gnas skabs na yang snying rje chen po goms pa'i bag chags sad pa las lhun gyis grub par 'byung ba'i gzhan gyi don bya ba 'byung ba ni snying rje chen po kho nas te/ de'i dbang kho nas de 'byung ba'i phyir ro/ /de nyid kyi phyir bcom ldan 'das ni stong pa nyid dang snying rje dbyer med pa'o zhes bshad do/ /de yang bsgom par bya bzhin pa yang don dam par dmigs pa med pa ste chos thams cad rang bzhin med par dmigs nas skye ba nyid kyi phyir ro/ /de'i phyir de dag de'i bdag nyid kho nar bsgom ste/ thabs dang shes rab kyi tha snyad tha dad pa ni ldog pas byas pa'o/ /de nyid kyi phyir gsungs pa/ gcig gyur pa zhes so/ /de nyid kyi phyir bden pa gnyis su byar med pa mthong ba tsam gyis grol ba'i phyir sgom pa po dang sgom pa dang bsgom par bya ba'o zhes mngon par zhen pa zung 'jug gi rim pa rtogs pa rnams la med do zhes gsungs pa/ med ces pa la sogs pa ste/ de lta na bsgom bya dang sgom pa po dang sgom pa las 'das pa gdod ma nas ma skyes pa rang bzhin zhi ba'i lus dang ngag dang sems stong pa nyid dang snying rje zung du 'jug pa'i ngo bo byang chub kyi sems zhes bshad par 'gyur ro/ /de ni de nyid sgom pa zhes pa/ gang rnam par rtog pa mtha' dag nye bar zhi ba kho nas yin pa'o/ /de ltar na rang bzhin stong pa'i chos rnams thams cad la sgom pa dngos po med cing / nye bar ston bzhin pa yang sgyu ma'i gzugs bzhin du don gyis sgom pa ni sgom pa kho nar mi 'gyur te/ rang bzhin stong pa nyid kyi phyir dang rnam par rtog pa'i ngo bo nyid kyi phyir ro/ /rjes su mthun pa tsam nyid kyis nye bar dgod pa'o/ /de ltar na yang lha'i rnam pa la sogs pa'i dngos po ni bsgom par bya ba'i ngo bor mi 'gyur te/ gang gi phyir 'di la sgom pa nye bar mi dmigs te/ rtog pa'i ngo bo nyid kyi phyir ro/ /de skad du yang gsungs pa/ dngos po med la sgom pa med/ /bsgom pa sgom pa kho na min/ /de bas dngos po dngos med pas/ /sgom pa dmigs su med pa'o/ /zhes so/ /'o na rnam par mi rtog pa sgom pa zhes pa'i don ci zhe na/ bde ba chen po'i thabs kyi chos thams cad sems pa med pa kho na ni sgom pa zhes pa'i don to/ /de ci bde ba chen po'i rnam par rtog pa sun ma phyung ngam zhe na/ sun phyung ba ma yin te/ de yang 'gro ba dang tha mi dad pa nyid kyis na 'gro ba stong pa nyid kyis stong pa nyid kyi phyir te/ stong pa nyid bsam par nus pa yang ma yin no zhes pas de'i rnam par rtog pa yang skyon pa ste/ rnam par mi rtog pa'i rjes su mthun pa nyid kyi phyir ni rjes su bstan pa ste/ ji skad du gsungs pa/ 'khrul pa rnams kyang nyer mkho'i ched/ /'khrul pa gzhan ni sel ba'i phyir/ /zhes so/ /de'i phyir rnam par mi rtog par chos thams cad yongs su shes pa kho na don dam pa la rgyun du 'jug pa na/ sgom pa zhes gdags par bya'o/ /gal te de lta na nga ni da lta tshogs gnyis rjes su sgrub pa'i byed pa po ste de'i 'bras bu rnams kyang nye bar spyad par bya'o/ /de lta na bdag ni sgrub pa po dang lam ni gtong ba po dang sgrib pa gnyis spang bar bya ba dang gzung bya sangs rgyas nyid do zhes pa'i rnam par rtog par mi 'gyur zhing / de ltar gyur na ci zhig la yang 'jug pa dang ldog pa dag med par 'gyur ro zhe na/ bden te/ gang phyir 'jug pa dang ldog pa dag don dam pa rnam par dpyod pa ma yin pas so zhes gsungs pa/ ci yang med ces pa la sogs pa'o/ /de kho na nyid mngon du ba'i dus las sngon du ni/ gang las bdag gi skyon 'di zad par 'gyur zhes pas lam goms pa la 'jug pa gegs med par 'jug par 'gyur ba/ 'jug pa dang ldog pa dag tha snyad du yod pa kho na ste/ de kho na nyid kyi nges pa de'i bdag nyid du gyur pa med pa'i phyir/ thog ma med pa'i ma rig pa'i bag chags kyis sems dbang du byas pas nges bar 'dris pa ma yin pa kho na'i tha snyad du 'jug pa'i phyir ro/ /de nyid kyi phyir mthong ba'i lam thob pa na yang bsgom pa'i lam la ltos so/ /'di ltar sgom pa 'di kho na la ji ltar 'gro ba snang ba de gsungs pa/ dri za zhes pa la sogs pa'o/ /ji ltar dri za'i grong khyer la sogs pa rnams thams cad kyi dbang po'i shes pas kun rdzob tu rtogs shing don dam par rang bzhin med pa nyid kyi phyir nye bar dmigs pa med pa de ltar 'gro ba'o zhes pa'i don te/ cung zad gnas pa zhes 'brel zhing / 'gro rnams de bzhin no zhes pa lhag ma'o/ /byang chub kyi sems de yang bde ba'i rang bzhin gyi thabs med par mi skye'o zhes thabs mdor ston te/ ji ltar zhes pa la sogs pa'o/ /reg pa'i bde ba nyams su ma myong ba nyid kyis na gzhon nu ste/ lo bco brgyad kyi bar ro/ / de skad du gzhon nu dang gzhon nu ma ni lo bco brgyad do zhes 'dul bar gsungs pa'i phyir ro/ /de dag snyoms par 'jug pa na ji ltar bde ba chen po ci yang skye ba ltar rnal 'byor pa shes rab dang snyoms par 'jug pa na ste/ khyad par ni bde ba chen po skye ba'i ched du dang rgyun gnas pa'i ched du 'gyur ba med pa goms pa las rnal 'byor ba dang shes rab dag 'du ba'o/ /'du brgyas par ston te/ b+ha gar ling ga rab bzhag nas/ /zhes pa dang / sangs rgyas rjes su dran pa bsgom/ /zhes pa ste/ sangs rgyas ni byang chub kyi sems rdo rje rdo rje 'dzin pa ste/ der bdag nyid dang shes rab kyang de'i rang bzhin du bsgom par bya zhing / bskyed pa'i rim pa sgom pa pos de rdo rje snyems ma'i ngo bor de 'chang bar 'gyur ba'i rim pas so/ /ye shes ci yang zhes pa bde ba chen po'i zhes pa'i don to/ /thog na dbus mtha' dri med pa/ /zhes pa thog ma dang dbus dang tha ma rnams su rtog pa med pa'o/ /de rnams kho na'i skye ba dang gnas pa dang 'gag pa'i mtshan nyid can rnams de kho na nyid du med pa'i phyir ro/ /yang na dga' ba dang mchog dang khyad par gyi dga' ba rnams la nye ba lhan cig skyes pa ni rnam par mi rtog pa'o/ /de yang sangs rgyas rjes su dran pa bsgom pas mnyam par ma bzhag pa'i skabs su yang rnal 'byor rdzogs par byed do zhes gsungs pa/ lta ba'i zhes pa la sogs pa'o/ /gzhan du song ba'i sems kyis min/ zhes pa de kho na nyid la gcig tu mthar thug pa nyid kyis rnam par ma g.yengs pa'i yid can rnams kyi'o/ /rgyun du ni rgyun mi 'chad par ro/ /rnam par rtog pa rab tu rgyu ba'i phyir mnyam par ma bzhag pa na yang / byang chub sems kyi rang bzhin kho nar 'gro ba mos par byed pa rnams kyis mnyam par ma bzhag pa'i rnal 'byor skye'o/ /de kho na nyid dang mthar thug pa'i sems rnam par mi rtog pa ni mnyam par bzhag pa'i rnal 'byor ro/ /de kho na nyid las pha rol tu phyogs pa thams cad kho na ni rnam par g.yengs pa'o/ /'di ni zhes pa ni bde ba chen po'o/ /mchog ni 'jig rten las 'das pa ste sgom pas 'gyur ro/ /pha rol phyin pa kun rang bzhin/ /zhes pa sbyin pa la sogs pa'i pha rol tu phyin pa rnams de'i rang bzhin nyid kyi phyir ro/ /'dir rab tu dga' ba la sogs pa'i sa'i ngo bo nyid du gsungs pa'o/ /sgom pa mchog ces pa bskyed pa'i rim pa la ltos pas so/ /de ltar rgyu dang 'bras bu'i ngo bo nyid dang khyab par byed pa nyid du bsgrubs nas sgom pa slar yang brtan par byed de/ de nyid ces pa la sogs pas so/ /de nyid ni bde ba chen po'o/ /dngos po ste yod pa nyid dang dngos med de med pa nyid cing / de dag cung zad med de/ sems ni gcig dang du ma'i rang bzhin dang bral ba nyid kyis na rang bzhin med pa nyid kyi phyir ro/ /yang na 'byung ba'o zhes pas dngos po ste/ sngar med pa nyid 'byung ba kho na la rnam par gzhag par bya zhing / don dam par yang skye ba med pa'i phyir dngos po'i ngo bo nyid med pa'o/ /de nyid kyi phyir de nyams pa'i ngo bo dngos po med pa'i ngo bo nyid kyang med do/ /tshad ma gang gis 'di rang bzhin med pa nyid du bsgrub pa de ni bdag cag gis rgyas pa dang bcas par de bu ma'i snye mar nye bar bkod cing / thub pa'i dgongs pa'i rgyan du yang lung gi rjes su 'brang ba ste/ mdor bsdus pas 'jigs pa med pa'i gzhung 'grel du'o/ /de'i phyir dngos po dang dngos po med pa'i rang bzhin med pa'i phyir spros pa thams cad med pa ste/ de rnams dngos po dang dngos po med pa la brten pa nyid kyis na de dag gis khyab pa nyid kyi phyir na/ khyab par byed pa med na khyab par bya ba yang med pa'i phyir ro/ /'di kho na yang de kho na nyid mthong ba ste/ gang shes rab kyi mig gis nges par dpyad pa las yang dag pa'i ye shes kyi snang ba skyes pa na chos rnams thams cad ma mthong ba'o/ /de'i phyir de kho na nyid kyi rnal 'byor pa spyod lam thams cad la gnas pa rnams kyis chos rnams thams cad mthong yang mthong ba med pa'o/ /'di 'dra ba kho na mthong ba med par mngon par dgongs kyi gnyid log pa dang mig btsums pa dag gi bzhin du gang yid la mi byed pas ni ma yin no/ /the tshom gyi sa bon dang bral ba kho na las gzugs la sogs par mngon par zhen pa bsal bar bya'i tsher ma 'don par bya ba bzhin du ni ma yin no zhes pa nges pa'o/ /de ltar dngos po dang dngos po med pa dang rang gi dngos po dang gzhan gyi dngos po la sogs pa yid la byed pa bsal bas thams cad las yid bsdus te/ cung zad kyang mi bsam ste/ de gsungs pa/ gang tshe dngos dang dngos med dag /blo yi mdun na mi gnas pa/ /de tshe rnam pa gzhan med pas/ /dmigs pa med par rab tu zhi/ /zhes so/ /rnal 'byor pa de de ltar mi sems pa las gang bla ma'i bka' drin gyis rtogs pa kho na'i bcom ldan 'das ma shes rab ma bskyed de/ tshad ma dang gzhal bya'i cha yang dag par bral ba nyid kyis na/ kun rdzob pa'i rang gsal ba'i rang bzhin spros pa med pa nyid kyis na spros pa'i bdag nyid kyi 'khor ba'i rang bzhin gyi sdug bsngal gyi tshogs dang bral ba mchog tu dga' ba'i rang gi ngo bo'o/ /de mthong ba med pa'i tshul gyis mngon sum du rtogs nas de'i mthu las/ kye ma ma la gti mug gi nus pa gang gis sems can 'di rnams mya ngan las 'das pa'i rang bzhin yin yang bdag nyid ma rtogs te/ 'di rnams ci ltar rtogs par bya zhes pa rnam par bsams nas/ de'i bdag nyid kho na ra 'gro ba mtha' dag dmigs nas dmigs pa med pa'i ngo bo'i snying rje chen po skye'o/ /de'i bdag nyid can kho na'i rdzogs pa'i dkyil 'khor gyi ngo bo'i bdag nyid dngos po thams cad kyi rang bzhin snying rje chen po'i bdag nyid ni bcom ldan 'das ma shes rab ma ming gzhan phyag rgya chen mo dang de'i bdag nyid kyi phyir dbyer med pa'i rang bzhin du lta'o/ /de'i tshe stong pa nyid dang snying rje dag de'i bdag nyid de/ de yang rnam par mi rtog pa'i rnal 'byor ro/ /de la gang tshe gang gi tshe sems brtan par 'gyur ba de'i tshe dang de'i tshe kho na mnyam par gzhag pa'i rnal 'byor te/ gzhan gyi tshe ni mnyam par ma bzhag pa'i rnal 'byor kho na'o/ /de nyid kyi phyir rdzogs pa'i rim pa la phyag rgya'i rnal 'byor med kyang mnyam par gzhag pa'i rnal 'byor du nye bar bstan te/ bde ba chen po'i thabs kyis chos thams cad la mnyam par mi rtog par gnas pa'i phyir ro/ /phyag rgya chen po'i dngos grub ni phyag rgya'i rnal 'byor kho na las so/ /stong pa nyid dang snying rje dag de'i bdag nyid kyi rnal 'byor 'di kho na ni/ so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting 'dzin te/ /rnal 'byor yan lag drug tu 'dod/ /ces 'dus pa phyi mar gsungs pa'i yan lag drug gi rnal 'byor ro/ /de ltar ni gzhon nu ma'i pra phab pa na mthong bzhin du dbang po rnams stong pa nyid dang ro gcig pa nyid kyis rang gi yul rnams la ma chags pa ni so sor sdud pa ste/ so sor de rnams las dbang po rnams sdud cing 'gugs pa'o zhes byas nas so/ /de las rnam par g.yeng ba dang bral bas bsam gtan te/ de yang rtog pa dngos po med par rtog pa dang / dpyod pa dngos po'i stong pa nyid kyi rang bzhin du rnam par dpyod pa dang / de ltar phyi rol gyi yul la bklog pas yid tsam pa nang du phyogs pas/ lha'i bdag nyid du dmigs bzhin pa bla na med pa'i shes rab dang thabs ro gcig par rnam par dpyod cing / /de kho na nyid la 'jug par mngon du phyogs pas gang yid bde ba nyid de dga' ba dang / de las lus shin tu sbyangs pa la sogs pa bde ba dang / de ltar goms pa la sa chos thams cad stong pa nyid du gcig par mthar thug pa'i shes rab kyi bdag nyid sems rtse gcig pa nyid ces pa rnam pa lnga'o/ /de nas la la nA dang ra sa nA dag 'gags pa'i a wa d+hU tI'i lam kho nar 'jug pa dang gnas pa dang 'byung ba'i bdag nyid kyi srog gi rlung phra mo 'jug pa ni srog rtsol lo/ /de nas a wa d+hU tI'i las phyir ma byung ba lte ba dang snying ga dang mgrin pa dang dpral ba'i pad+ma'i lte ba rnams su sa dang chu dang me dang rlung rnams rim pas sdud pa las byang chub kyi sems kyi thig le la sems kyi bzhon pa srog gi rlung 'jug pa stong pa nyid dang ro gcig pa ni 'dzin pa ste/ de'i tshe gtum mo rang bzhin gyis 'bar zhing / ri bong can yang des mchog tu sbar ba ches shin tu 'dzag go/ /de'i tshe rdo rje nor bu'i nang du son pa ma 'phos pa'i byang chub kyi sems rim gyis rgyu mthun pa la sogs pas bde ba rdzogs pa dri ma med pa ji srid par 'gro bar 'gyur ro/ /de nas 'dzin pas sems rab tu zhugs pa na rang gi ngang gis smig rgyu dang du ba dang mkha' snang dang sgron ma dang rtag tu snang ba zhes pa mtshan ma so sor snang ba sngon ma can/ rdzogs pa'i dkyil 'khor gyi lha mthong ba gzugs brnyan gyi rnam pa can rnam par rtog pa med pa ste/ de las 'od zer du ma 'phro ba'o/ /de nas khams gsum du lha'i 'khor lo spro ba zhes pa rjes su dran pa ste/ de la gnas pa'i pha rol la yang skal pa ji lta bar so sor snang bar 'gyur ro/ /de nas de kho na rnam par rtog pa med pa'i rnal 'byor mi 'gyur ba'i bde ba chen po'i rang bzhin zung du 'jug pa'i bdag nyid ye shes kyi sku rdo rje 'dzin pa chen po'i rang bzhin ting nge 'dzin no zhes pa'o/ /yan lag drug gi phan yon ni 'dus pa phyi mar/ so sor sdud pas snyoms zhugs nas/ /sngags rnams kun gyis byin gyis rlob/ /bsam gtan ye shes snyoms zhugs nas/ /mngon par shes pa lnga thob 'gyur/ /srog gi rtsol bas nges par ni/ /byang chub sems dpa' rnams kyis gzigs/ /'dzin pa'i stobs kyis rtag par ni/ /rdo rje sems dpa' mnyam par 'jug /rjes dran yang dag sbyor ba las/ /'od kyi dkyil 'khor skye bar 'gyur/ /ting 'dzin dbang 'gyur tsam gyis ni/ /sgrib pa med dang ldan par 'gyur/ /zhes so/ / ting nge 'dzin 'di kho na slob dpon klu sgrub zhabs kyis gsungs pa/ sgyu 'phrul dra bas mngon sangs rgyas/ /'khor ba'i rgya mtsho'i pha rol son/ /bya ba byas pa'i rnal 'byor che/ /bden pa gnyis kyi tshul la gnas/ /'di nyid gnyis med ye shes te/ /mi gnas mya ngan 'das pa yin/ /sangs rgyas rdo rje 'dzin pa nyid/ /de bzhin kun gyi dbang phyug nyid/ /rdo rje lta bu'i ting 'dzin yang / /rdzogs pa'i rim pa kho na ste/ /sgyu ma lta bu'i ting 'dzin dang / /gnyis su med par de bshad do/ /skye ba med la sogs pa'i sgra/ / gnyis med ye shes gsal byed rnams/ /thams cad 'di yi rjod byed de/ /der ni gzhan pa ma brjod do/ /gang gA'i bye ma snyed lta yi/ /sangs rgyas rnams kyis 'di nyid kyis/ /yod dang med pa'i rtog spangs pa/ /phyag rgya chen po'i bdag nyid 'grub/ /ces so/ /sgom pa nye bar sdud de/ dngos po zhes pa la sogs pa'o/ /skyon rnams ni le lo la sogs pa sngar bshad pa rnams so/ /nyon mongs pa rnams dang las rnams dang skye ba zhes pa gsum ni kun nas nyon mongs pa rnams so/ /kun nas nyon mongs pa las phyir phyogs pa bya dka' ba yang ma yin no zhes sgrub pa gsungs pa/ mi chud zhes pa la sogs pa ste/ rnam par rtog pa thams cad kho na ni mun pa rnams te shes bya'i sgrib pa rnams so/ /g.yo ba ni ting nge 'dzin la mngon par mi dga' ba'i phyir ro/ /'dod chags sogs ni nyon mongs pa'i sgrib pa rnams so/ /bsgos pa ni bag chags so/ /gzung ba med ni rang gi ngo bo kho na med pa'i phyir ro/ /de nyid kyi phyir 'dzin pa med de/ de las gzhan pa'i gzung bar bya ba med pa'i phyir yang ngo / /de kho na ste sems ni mya ngan 'das mchog ni mi gnas pa'i mya ngan las 'das pa'o/ /de las te sems las so/ /nus pa ni mi phod pa'i gnyen po nyid do/ /dpyad ces pa gcig dang gcig ma yin pa'i rang bzhin dang bral ba nyid la sogs pas so/ /de'i ste sems kyi rang bzhin te rang bzhin med pa nyid rang bzhin du ste/ bdag nyid kyi gnyug ma'i ngo bor gyis shig /dngos med ces klog pa la ni sems kyi dngos med de/ rang bzhin med pa nyid rang bzhin du gyis shig ces pa'i don to/ /des te rtog pa'i mun pas de nyid 'gyur/ zhes 'brel lo/ /brtson pa ni byang chub kyi sems sgom pa la'o/ /sdig pa rnams las 'phags te ring du song ba rnams ni 'phags pa rnams so/ /de zhes pa rtog pa'o/ /de zhes pa bde ba nyid do/ /rjes su gnang ba ni bla ma rnams kyis so/ /dam tshig ni phyag rgya'i rnal 'byor te gtso bo dang phal pa yang 'chad par 'gyur ro/ /de ltar rgyun du rdzogs pa'i rim pa sgom pa po la bya ba gzhan g.yeng ba'i ched du ba kho na'o zhes 'gog ste/ ci zhig ces pa la sogs pas so/ /sngags ni oM yig la sogs pa'o/ / sku gzugs kyi nga rgyal ni bskyed pa'i rim pa'i lha'i nga rgyal lo/ /dam tshig ni bdud rtsi lnga la sogs pa'o/ /'dis ni rnam pa 'di lta bu'i lus dang ngag dang sems kyi bya ba yang mi bya na gzhan lta ci smos zhes gsungs so/ /zhen pa med pas ni ji ltar tshogs pa'i dam tshig bsten pa rjes su gnang ngo / /'o na des bya ba ci zhe na gsungs pa/ mtshon bya zhes pa la sogs pa ste/ rang 'dod lha ni bde ba chen po'o/ /gang brtag pa gnyis par gsungs pa/ byang chub sems ni lha nyid do/ /zhes so/ /de'i rnal 'byor mtshon par bya ba bskyed pa'i ched du bsgom par bya'o/ /nam mkha' lta bu zhes pa de kho na nyid dang ro gcig pa'o/ /gnas ni byang chub kyi sems so/ /pad+ma'i tshal ni dur khrod do/ /gnas mngon par 'dod pa zhes rnam dbye bsgyur bas sbrel lo/ /sngags shes pa/ man shes pa la'o zhes pa'am/ ma nu rtogs pa la'o zhes pa'i phyir bklags pa'i phyir dang / gtso bo la mngon par yid ches pa'i phyir ji skad brjod pa'i phyag rgya chen po gnyis su med pa'i ngo bo stong pa nyid kyi ye shes kho na sngags so/ /gal te yang rnam pa de lta bu'i ye shes bsgoms pas sgrib pa gnyis spangs nas rdo rje 'dzin pa nyid thob pa'i phyir yid skyob pa'i don gyis na de kho na sngags nyid du phyag rgya chen po'i ye shes kho na'i dbang du byas nas 'chad par 'gyur te/ de'i phyir de nyid rang gi sems zhes pa la sogs pas so/ /rnam par snang mdzad mngon par rdzogs par byang chub pa'i rgyud du yang gsungs pa/ 'on kyang gsang ba pa'i bdag po sngags rnams kyi mtshan nyid ni sangs rgyas rnams thams cad kyis ma mdzad byed du ma bcug /rjes su yi rang bar ma mdzad do/ /de ci'i phyir zhe na/ chos rnams kyi chos nyid ni 'di lta ste de bzhin gshegs pa rnams byung yang rung ma byung yang rung gnas pa kho na ste/ chos rnams kyi chos nyid 'di ni 'di lta ste/ sngags rnams kyi chos nyid de nas ji srid du gang gi tshe sangs rgyas bcom ldan 'das rnams 'jig rten du byung ba d e'i tshe chos nyid de tshul sna tshogs dang dgongs pa sna tshogs rnams kyis bsam pa sna tshogs pa rnams la tshig sna tshogs rnams dang yi ge sna tshogs rnams dang bstan pa dang nges pa'i tshig dang dper brjod sna tshogs rnams kyis dang dbyangs dang rtog pa sna tshogs rnams kyis byin gyis brlabs nas sngags kyi tshig ston to zhes te nges pa'i tshig ni lha'i skad la sogs pa'o/ /de ltar na sngags shes pa nyid kyis 'di la stong pa nyid kyi ye shes kho na srung ba dam par byed de/ bskyed pa'i rim pa sgom pa po'i bzhin du kun rdzob pa'i srung bsngags klog pas ci bya zhes gsal bar byed do/ /ji skad du bcom ldan 'das mar gsungs pa/ kau shi ka shes rab kyi pha rol tu phyin pa de kho na de la bsrung ba dang 'gebs pa dang sba bar byed de/ khyod kyis ci bya zhes pa'o/ /ji ltar gzhon nu ma'i zhes pa mdor bstan pa rgyas par ston te/ shes rab thabs kyis zhes pa la sogs pa'o/ /dngos su zhes sgom pa'i rang bzhin gyi shes rab ni skyes pa'i ma yin zhing sgom pa'i rang bzhin gyi thabs kyang bud med kyi ma yin no zhes pa'i don to/ /de'i phyir dngos su phyi rol gyi shes rab ma spangs nas sangs rgyas nyid ma yin pa kho na'o zhes sbrel lo/ /bzang mo ni yid 'phrog ma'o/ /gang gi phyir gcig bsgom pa'i rang bzhin gyi shes rab 'di kho na'am gcig ste phyi rol gyi shes rab ma ni phyag rgya mngon sbyor ba ste phyi rol gyi phyag rgya dang mnyam par sbyor ba med pa dngos grub ste phyag rgya chen po'i dngos grub mi ster te/ phyi rol gyi phyag rgya dang snyoms par 'jug pa kho na las ye shes bde ba chen po skye ba'i phyir ro/ /de nyid kyi phyir phyi rol gyi phyag rgya'i rnal 'byor ni phyag rgya chen po'i dngos grub kyi dngos su ba'i thabs su gsungs so/ /'on kyang rdzogs pa'i rim pa la yang skyes pa dang bud med kyang rdzogs pa'i lha'i ngo bor bdag nyid lhag par mos par bya ste/ de las kyang gnyis ka'i bdag nyid kyi shes rab tu 'gyur ro zhes dgongs pa ste/ gcig dang gcig ces pa'i gsung las so/ /bskyed pa'i rim pa la ni ye shes kyi phyag rgya gcig kyang 'gyur te/ dngos grub kyi dus su ni de yang gnyis ka'i bdag nyid kho na'o/ /de'i phyir phyag rgya bzhi sbyar bya ste rim pa gnyis ka la yang ngo / /de la rdzogs pa'i rim pa la phyi rol gyi shes rab ma ni las kyi phyag rgya ste 'khyud pa la sogs pa'i las kyi dga' ba ster zhes byas nas so/ /nang gi shes rab ma a wa d+hU tI'i stong pa nyid dang ro gcig pa lhan cig skyes pa'i dga' ba'i bdag nyid dang chos kyi dbyings ni chos kyi phyag rgya'o/ /bde ba chen po'i rang bzhin bla na med pa'i byang chub kyi sems 'bras bu'i ngo bo ni phyag rgya chen po'o/ /lha rnams sna tshogs pa sprul pa ni dam tshig gi phyag rgya'o/ /yang na las kyi phyag rgya de kho na bshad zin pa'i phyag rgya chen po kho na las dag pa mthar thug par gnas pa ni chos kyi phyag rgya chos kyi sku ste/ de ni sems kyi chos nyid kyi rang bzhin nyid kyi phyir ro/ /las kyi phyag rgya dang yang dag par sbyor ba ji ltar rigs par mtshan dang dpe byad kyis rnam par mdzes pa'i sku longs spyod rdzogs pa'i sku dang mu mtha' med par sna tshogs pa mtha' yas pa'i dkyil 'khor gyi 'khor lo la sogs pa'i rnam par sprul pa'i sku ni skal pa dang ldan pa'i gdul bya'i skye bo rjes su 'dzin pa'i dus las mi 'da' ba'i phyir dam tshig gi phyag rgya'o/ /byang chub kyi sems bde ba chen po'i sku ni stong pa nyid kyi rang bzhin nyid kyi phyir dang / khyab pa nyid kyi phyir ngo bo nyid kyi sku ni phyag rgya chen po'o/ /phyag rgya yang chos rnams la rgyas 'debs te gang rang gi ngo bo'o zhes gtso bor na byang chub kyi sems kho na ste/ de'i rang gi ngo bo nyid kyi phyir ni phyag rgya gzhan yang phyag rgya dang 'dra ba phyag rgya'o/ /yang na chen po'i dga' ba len to zhes pas phyag rgya chen po ste mtshan dang dpe byad mchog tu 'bar ba phyag dang zhal dang phyag mtshan la sogs pa dang ldan pa'i gzugs longs spyod rdzogs pa'i sku'o/ /dam tshig gi phyag rgya ni byang chub sems kyi rang bzhin so so rang gi rig par bya ba chos kyi sku ste/ dam tshig ni rdzogs pa'i byang chub bo zhes byas nas so/ /chos kyi phyag rgya ni chos dang longs spyod rdzogs pa'i sku'i byin rlabs las rnam pa sna tshogs pa'i chos kyi de kho na nyid gsal bar byed pa'i ngag gi bdag nyid do/ /las kyi phyag rgya ni bya ba sgrub pa'i ngo bo nyid kyi phyir sprul pa sna tshogs pa rnams kyis bya ba sgrub par byed pa'i phyir sprul pa'i sku'o/ /yang na las kyi phyag rgya ni sprul pa'i sku'o/ /chos kyi phyag rgya ni chos kyi sku'o/ /phyag rgya chen po ni longs spyod rdzogs pa'i sku'o/ /dam tshig gi phyag rgya ni byang chub kyi sems te bde ba chen po dang stong pa nyid dang snying rje rnams kyi dang / chos rnams thams cad kyi yang 'dus pa'i ngo bo nyid kyi phyir ro/ /'dus pa ni gzugs la sogs pa rnams de'i rang bzhin du nye bar dmigs par bya ba nyid kyi phyir ro/ /rnam par gzhag pa 'di yang 'di skad bdag gis zhes pa'i rnam par bshad par byas so/ /phyag rgya bzhi po 'di rnams kyang so sor phyag rgya bzhi'i bdag nyid rnams so zhes 'di kho na las shes rab can rnams kyis rnam par shes par bya ste/ mi brjod pa ni/ rgya che bas 'jigs pa las so/ / bskyed pa'i rim pa la ni phyi rol gyi shes rab ma kho na mngon par 'dod pa'i lha mo'i gzugs su bsgom pa ni las kyi phyag rgya'o/ /rang 'dra'i bud med ni ye shes kyi phyag rgya zhes pa ming gzhan no/ /lus la bsgoms pa'i hUM yig la sogs pa'ang chos kyi phyag rgya'o/ /dam tshig gi phyag rgya ni sa bon la sogs pa las rdzogs pa dkyil 'khor gyi 'khor lor 'dus pa'i spro ba dang sdud pa la sogs pa'i byed pa can rnams te mtshan ma yang ngo / /gtso bo'i lha'i sku rang nyid ni phyag rgya chen po'o/ /de las 'phros pa'i lha'i 'khor lo yang dam tshig gi phyag rgya'o/ /rnam par gzhag pa 'di thams cad kyang rgyud gzhan rnams su bcom ldan 'das kho nas gdul bya'i bsam pa'i dbye bas rjes su 'jug pas mdzad pa'o/ /de dang de'i gzhung rnams ni mangs bas skrag pa las 'dir ma brjod do/ /'di ni rnam pa gzhan du rnam par 'jog ste/ gti mug ces pa la sogs pas so/ /'dod chags zhes pa rnam par dag pa'i 'dod chags te/ 'od dpag tu med pa dang rin chen 'byung ldan no/ /de ni rnam par dag pa'i bde ba'i tshor ba dang nga rgyal gyi rang bzhin no/ /ma dag pa'i gnas skabs su ni tshor ba kho na nga rgyal gyi rang bzhin te/ bde ba la sogs pa'i tshor ba la nga bde ba can no zhes pa la sogs pa nga'o snyam pa'i nga rgyal kun du spyod pa'i phyir ro zhes sngar bshad zin to/ /rig ma ni phyi rol gyi'o/ /der ni ste snod du'o/ /gnyis ka ste rig ma dang thabs dag gi'o/ /lha'i gzugs te/ rdzogs pa'i rim pas sam bskyed pa'i rim pas so/ /lha'i gzugs su bsgom pa yang 'chad par 'gyur ro/ /gti mug las zhes pa la sogs pa phyis pa la lnga pa'o/ /zhi ba ni rnam par snang mdzad do/ /'di yang rnam par dpyad pas chos thams cad rang bzhin med pa ma rtogs pa'i ngo bo can gti mug gi rang bzhin nyid kyi phyir zhi ba nyid de/ zhi ba'i ting nge 'dzin las byung ba nyid kyi phyir yang ngo / /snying rje chen po kho nas phyi rol gyi khro bo'i ngo bo nyid kyi phyir khro ba ni mi bskyod pa dang don yod grub pa'o/ /khro ba ni sems can dang sems can ma yin pa'i yul la sems 'khrug pa'o/ /'dir ni zhe sdang dang phrag dog kyang khro bar brjod par bya ste/ phrag dog ni khro ba'i rgyu can nyid kyi phyir ro/ /chags pa ni snang ba mtha' yas dang rin chen 'byung ldan no/ /'dod chags ni 'dir 'dod chags dang nga rgyal yang ste/ pha rol po rnams kyi gti mug dang zhe sdang dang phrag dog dang 'dod chags dang nga rgyal yang mngon par mtshon nas de dang de rnam par dag pa'i bya ba byed do zhes pa'i don to/ /de'i don can rab byed ces pa de ste de dang de rnam par dag pa'i ngo bo don te/ dgongs pa yin pa de rab tu gyur pa'i byed pa ste de'i don du bya ba'i ched du zhes pa'i don to/ /rnam par snang mdzad la sogs pa'i ngo bo 'di rnams dang ldan pa ni rgyal ba rdo rje 'dzin pa'o/ /dbang du gyur pa ma thob pa'i nyin mtshan rgyun mi 'chad par phyag rgya bsten par mi nus na dus kyi khyad par gsungs pa/ tho rangs zhes pa la sogs pas so/ /yang dag ces pa rnam par mi g.yeng ba ste/ ji ltar lhan cig skyes pa nyams su myong ba shin tu gsal zhing dran pa'i bag chags 'jog pa ltar ro/ /gzhan du ste mi gsal bar nyams su myong ba ma dran nas sam/ /bde ba chen po rgyun ma chad par ma goms pa la dngos grub min pa kho na'o/ /rang sems tsam gyi byang chub kyi sems kho na'o/ /sems ni lhan cig skyes pa'i bde ba dbang bskur ba gzhan gyi tshe rtogs pa lhag par mos nas so/ /'di nyid kyi dbang du byas nas gzhan du lag pa'i phyag rgya gsungs so/ /rnal 'byor zhes phyi rol gyi phyag rgya dang lhan cig goms par bya'o zhes 'brel lo/ /'dir te rnal 'byor la legs te mkhas pas dud 'gro rnams las kyang ste/ dud 'gro mo dgug par bya'o zhes pa lhag ma'o/ /de skad du yang rdo rje a rA li'i rgyud du gsungs pa/ de nas rdo rje mchod pa gsungs/ /rab dben skye bo med yul dang / bdag gi khyim kyi nang rnams su/ /mchod bya bcu gnyis lo lon ma'am/ /de bzhin bcu drug lo lon nyid/ nyi shu lnga ba'i gzhon nu ma/ de bzhin ba mo ma he mo/ /spre'u mo khyi mo dang yang ni/ /de bzhin bong mo rnga mo skyes/ /ri dgas mo dang ra mo nyid/ /phag mo ba men las byung la/ /he ru ka bdag gis 'dod bya/ /'grub par the tshom med pa nyid/ ces so/ /dngos su zhes pa phyi rol gyi phyag rgya las te/ ye shes kyi phyag rgya ni ma yin pa kho na'o/ /lo las pha rol tu/ dam tshig ste 'da' bar mi bya ba phyag rgya'i rnal 'byor ro/ /de nyams na bag med de 'khrul par byed pa'o/ /rnal 'byor las ni bde ba chen po las so/ /dam tshig bslang ba ni shes rab ye shes kyi dbang bskur gyis so/ /khyad par du stong pa nyid dang snying rje dbyer med pa'i byang chub kyi sems dam tshig nyams pa na rjes su dran par bya'o/ /rtul pos ni don yod grub pa'i rnal 'byor dang ldan pas dbang bskur rnams thams cad gzung bar bya'o/ /gzung ste gzung bar bya ba'o/ /sdom pa ni bshad zin cing 'chad par yang 'gyur ro/ /bla na med pa'i sdom pa ni byang chub kyi sems te/ chos thams cad bsdus pa'i ngo bo nyid kyi phyir ro/ / byang chub kyi sems ni mi dge ba rnams thams cad las yang dag pa ma yin pa'i rtog pa rnams las sems sdom par byed pa'i phyir ro/ /gsang ba'i rdzas rnams ni dga' ba dang ldan pa'i spro ba'i don du 'chad par 'gyur ba rnams so/ /sngags dang rgyud rnams kyis zhes pa/ bskyed pa'i rnal 'byor pas rigs lnga'i thod pa can ma nyid la sogs pa'i don du bklag par bya ba'i sngags rnam par bshad pa 'chad par 'gyur ba rnams kyis so/ /nye bar sdud de 'di ltar zhes pa la sogs pa'o/ /srid pa gsum ni mtho ris dang mi yul dang sa 'og rnams so/ /de la mtho ris ni rgyal chen ris bzhi'i gnas nas 'du shes med 'du shes med min skye mched ji srid pa'o/ /yang na 'dod pa la sogs pa khams gsum gyi srid pa gsum ma ma lus dang ngag dang sems bde ba chen po rang bzhin byang chub kyi sems kyi rang gi ngo bor bsgom par bya'o zhes pa'o/ /dpal yang dag par sbyor ba'i rgyud kyi rgya cher 'grel ba/ /man ngag gi snye mar snye ma drug pa'o// //rdzogs pa'i rim pa rgyas par bstan nas de'i dngos kyi thabs bskyed pa'i rim pa rgyas par ston pa'i ched du gsungs pa/ /de nas zhes pa la sogs pa'o/ /'khor lo kun gyi rnam par 'phrul/ /zhes pa kye'i rdo rje zhes pa la sogs pa'i dkyil 'khor rnams thams cad du/ 'khor lo dkyil 'khor zhes par brjod ces pa'i tshig las/ brtag pa gnyis par dkyil 'khor te snying po len to zhes pas lha rnams kyi 'du ba ni dkyil 'khor te/ gzhal yas khang ni dkyil 'khor gyi gzhi nyid kyi phyir dkyil 'khor ro/ /'khor lo ni stong pa nyid kyi bdag nyid kyi lha rnams kyi tshogs pa ste/ gzhal yas khang ni 'khor lo'i rten nyid kyi phyir 'khor lo'o/ /dkyil 'khor gyi 'khor lor brjod par bya ste/ snying rje dang shes rab kyi bdag nyid kyi phyir lha'i tshogs dang gzhal yas khang yang de'i gzhi nyid kyi phyir ro zhes don gyis bshad pa'i phyir ro/ /'khor lo lha'i tshogs pa ste de'i rol pa spro ba la sogs pa rnam pa sna tshogs pa rnams kyis so/ /khyad par ci lta bu zhe na/ kun du ste phyogs thams cad du rnam pa sna tshogs pa dpag tu med pa'i gzugs sprul pa'i phyir sna tshogs te sna tshogs pa'i ngo bo'o/ /mchog ste skal ba ji lta ba bzhin du sems can rnams la bya sla ba'i thabs ston pa'i phyir ro/ /yang de ci zhig tu bsgrub par bya zhe na/ gsungs pa/ gsang chen zhes so/ /gsang chen ni rdo rje gur gyi nang ste/ ji ltar rigs pa'i gzhal yas khang yang ngo / /'di ni gang dang gang du gnas pa de dang der ji ltar rigs par 'chad par 'gyur ro/ /don gzhan ni bshad zin te mchog la sogs pa yang ngo / /ci zhig tu gnas nas she na/ gsungs pa/ dben pa zhes pa la sogs pa'o/ /rnam par 'phrul pa mdor bstan pa rgyas par ston te/ kun du zhes pa la sogs pa'o/ / rnam pa thams cad pa'i sna tshogs pa'i phung po la sogs pa rgyas 'debs na kun du sna tshogs phyag rgya'o/ /lha'i gzugs can gyi rnal 'byor pas kun du yul la nye bar longs spyod pa'i phyir rnam pa sna tshogs pa yongs su dag pa'i bde ba rnams kyis phyogs thams cad du sems can thams cad la phan pa rnams skal pa ji lta bar bde ba kho nas byed de/ sgom pa kho nas sems can gyi bya ba 'grub pa'i phyir pha rol tu phyin pa'i tshul bzhin du lag pa dang rkang pa gcod pa la sogs pa'i sdug bsngal med pa'i phyir ro/ /de ci byang chub kyi sems kyi rang bzhin 'di bsgom par mi bya'am zhe na/ bsgom par bya ste/ gang gi phyir dkyil te snying po len cing 'dzin par byed do zhes pa dkyil 'khor ni stong nyid ye shes khon ste/ stong pa nyid dang snying rje dbyer med pa'i bde ba chen po'i snying po len pa'i phyir ro/ /'dus pa phyi mar yang gsungs pa/ b+ha ga dkyil 'khor bshad pa ste/ /byang chub sems kyi dkyil 'khor dang / lus ni dkyil 'khor zhes bshad de/ gsum pa dkyil 'khor brtags pa'o/ /zhes so/ /mngon par brjod pa'i bla ma'i rgyud du yang / dkyil 'khor de kho na nyid mchog/ /he ru ka dpal ye shes mchog /phag mo'i b+ha ga pad+ma ni/ dkyil 'khor lus las skyes pa mchog /dkyil 'khor 'dus pa'o de la ni/ dkyil 'khor bde ba dam pa ste/ /dkyil 'khor dpa' bo rnal 'byor ma/ /kha sbyor gnyis su med pa mchog// ces gsungs pa'i byang chub sems dang / b+ha ga dang lus kyi dkyil 'khor rnams las byang chub kyi sems kho na sgom pa'i yan lag kun 'das shing / rtog pas brtag pa rnam par spangs/ phyi mo thig le mnyam 'das pa/ /'di ni dkyil 'khor dam pa'o/ /zhes gsungs so/ /de bzhin gshegs pa thams cad kyi sku dang gsung dang thugs kyi gsang ba rgyan gyi bkod pa'i rgyud chen por yang / dkyil 'khor phyi mo thams cad kyi/ stong nyid ye shes brjod par bya/ /kun rtog thams cad spangs pa ste/ /bdag gis ci zhig bstan par bya/ / zhes so/ /rdo rje snying po rgyan gyi rgyud chen por yang / rtog tu med cing snang ba med/ /rnyog pa med cing mi 'gyur la/ /stong pa mkha' mnyam pa yi sems/ /gang tshe skyes par yang gyur pa/ /de tshe phyag rgya lnga rnams dang / /lha rnams su ni rab tu brtag /ces so/ /'di kho na la mngon par dgongs nas nag po'i zhabs kyis gsungs pa/ de bzhin gshegs tshogs ci zhig ste/ /lha mo khro bo'i tshogs ci yin/ /dkyil 'khor 'khor lo las grol ba/ /lhan cig skyes pa'i skad cig yod/ /ces so/ /lha rnams la zhes pa ni lha rnams kyi dang gzhan rnams kyi yang ngo / /'dis ni stong pa nyid dang snying rje dbyer med pa'i byang chub kyi sems rang bzhin lha'i rnam pa'i bdag nyid kyi lus kyi ngo bo'i dkyil 'khor ni rnam pa sna tshogs pa'i lha'i sprul pa rnams kyis sna tshogs pa'i don mdzad pa'o zhes gsungs shing de gsal bar byed pa'i phyir rdul tshon gyi dkyil 'khor yang dkyil 'khor du brjod par bya'o/ /'on ci rang bzhin gyis yongs su dag pa dpag tu med pa'i chos kyi gzhi rang gi sems kho na dkyil 'khor ro zhes gdul bya rnams la bstan pa ma yin nam zhe na/ ston te/ sems rnam par dag pa'i rnal 'byor ba'i dkyil 'khor gyi rnam par spro ba na yang shin tu rnam par dag pa'i sangs rgyas rnams su lhag par zhen pa nyid na yang rang bzhin gyis yongs su dag pa kho na rtogs pa'i phyir rang gi sems kyi rang bzhin yongs su dag pa kho na rtogs pa las sangs rgyas dang rnal 'byor pa ste cha las so/ /de'i phyir dkar po'i chos thams cad kyi rang bzhin du dkyil 'khor brjod mod kyi/ de lta na yang sems can thams cad kyi sems kyi ngo bor yang mi 'gal lo/ /gal te de lta na bskyed pa'i rim pa bstan pa la dgos pa ci yang med cing / ci ste gzhan yod na brjod cig ce na/ gsungs pa ci zhes pa ste/ gang byang chub kyi sems bsgom pas 'grub pa ma yin pa cung zad kyang yod pa ma yin no zhes dgongs pa'o/ /gang bskyed pa'i rim pa bsgom pa la sogs pa bdag gis bshad pa de sems chung ba las dang po pa rnams la phan pa'i ched du kho nar rjes su 'jug pa'i don du sangs rgyas rdo rje sems dpa'i gar 'di'o/ /de ni sna tshogs pa'i gzugs sprul pa rnams kyis sna tshogs pa'i cha byad dang rgyan dang / nyams dang bkod pa'i skal ba bzang po rnams kyis spros pa nye bar ston cing gcig tu gyur nas mang por 'gyur/ mang por gyur nas gcig tu 'gyur/ /snang bar 'gyur zhing mi snang bar 'gyur ba'i gzugs yang dag par ston cing rnam par snang mdzad la sogs pa'i sangs rgyas la sogs pa 'khor dang bcas pa rnams su gar byed do/ /de dang de'i gdul bya rnams so sor rnam par 'byor bar byed do zhes pa rnam pa sna tshogs pa bsam gyis mi khyab pa'i sprul pa rmad du byung ba ni 'di'i gar ro/ /las dang po ba rnams ni 'di ltar bsod nams nye bar bsags pa nyid kyis na shes rab shin tu che ba rnams dang 'jig rten pa'i 'bras bu grub pas na rab tu dang ba skyes pa rnams rdzogs pa'i rim pa bsgom pa la shin tu gus par byed do/ /de yang de lta bu'i dgos pa rtogs par mi nus pa blo zhan pa rnams kyi ngor dang por bsam par bya ba ma yin te de rnams ni rdzogs pa'i rim pa bsgom pa kho nas thams cad 'grub po zhes thos nas de ni nus par bskyed pa'i rim pa las kyang nyams par 'gyur ro/ /de nyid kyi phyir de rnams kyi ngor bskyed pa'i rim pa bsgom pa kho na nges pa'i don to zhes 'ga' zhig nye bar ston te/ ji skad bshad pa'i don rgyu dang 'bras bu'i dngos po'i shes pa ni bsam par byed pa na yang nyams pa ma yin no zhes ba'i don to/ /de nyid kyi phyir rdzogs pa'i rim pa rig pas kyang yongs su smin pa la ltos pas bskyed pa'i rim pa kho na dang por bsgom par bya'o zhes 'doms so/ /sgom pa ni sa bon dang phyag mtshan la sogs pa'i ste/ de las byung ba lha'i rnal 'byor ro/ /bzlas bya'i sngags ni oM yig la sogs pa'o/ /de rnams kyi cho ga'i rim pa ni 'chad par 'gyur ba'o/ /sems kyi rnam 'phrul lo zhes pa 'dis 'di thams cad byang chub sems kyi rang gi ngo bor mos pa kho nar bya'o zhes gsal bar byed de/ gang gi phyir 'dir thams cad rnam par snang mdzad la sogs pa rigs lnga rnams su 'dus shing / de rnams kyang rdo rje 'dzin pa byang chub sems kyi bdag nyid gcig pu kho na'o/ /stong nyid rdo rje can zhes pa/ /stong pa'i rdo rje can no/ /'di skad bshad de/ bcom ldan 'das rdo rje sems dpa' kho na shes rab dang thabs kyi ye shes kyi ngo bo kho na ni 'dod chags la sogs pa'i rang bzhin de bzhin gshegs pa lnga dang rig ma la sogs pa'i rnam pas kun rdzob pa'i gzugs 'dzin te/ nyon mongs pa yongs su spong ba'i sems can gyi khams kyi sems dri ma med par byed pa'i don du'o/ /gdul bya de ltar gyur pa'i lam la 'jug pa'i skal ba can de rnams de kho na nyid la sbyor zhing rnam par rtog pa med kyang 'di ltar nges par gnas so zhes pa'o/ /ji skad du mkha' 'gro ma rdo rje gur du gsungs pa/ zhe sdang nga rgyal de bzhin rmongs/ /'dod chags ser sna can skye'o/ /bsdu ched rdo rje can rang nyid/ /'khor lor gzugs rnams du ma'o/ /dngos po gang dang gang gis ni/ /mi rnams yid la sbyor byed pa/ /des de'i rang bzhin nyid du 'gyur/ /sna tshogs gzugs can nor bu bzhin/ /de phyir kun nas 'bad pa yis/ /sems kyi rdo rje sbyar bar bya/ /sems dag pa na bde 'gyur zhing / /nyon mongs dug rnams thams cad 'joms/ /zhes so/ / 'phags pa'i lha'i zhabs kyis kyang gsungs pa/ spyod pa bsdus par gang bstan pa'i/ /sangs rgyas lnga yi rigs chen po/ /de de'i rigs las byung gyur pa/ /lha rnams rnam pa so so ste/ /pho nya pho nya mo khro bo/ /bran pho bran mo ci bgyi rnams/ /pho mo de rnams yod min te/ /sems can don du so sor bstan/ /rnal 'byor pa yis bdag nyid kyis/ /'di kun spro zhing bsdu bar bya/ /sgyu ma lta bu'i ting 'dzin gnas/ /dkyil 'khor sogs kyang rgya chen po/ /zhes so/ /dgyes pa chen po bde chen po/ /yang na chen po la ste gzhan gyi don la shin tu mngon par dgyes pa'o/ /de nyid kyi phyir gtso bo bzang po'o/ /bskyed pa'i yi ge dang gzugs ni bskyed pa'i rim pas yi ge ni 'gyur med de/ gzugs ni sngon po la sogs pa'o/ /dang por zhes pa snying rje la sogs pa la ltos pas dang po nyid de/ byams pa'i stobs las 'bad pa med pa kho nar snying rje la sogs pa rnams gsal bar 'gyur ba'i don du'o/ /gang thams cad kyi dang por bsgom par bya ba de ni/ dang por ro ni bsgom par bya/ /zhes pa la sogs pas gsungs par 'gyur ro/ /byams pa la sogs pa rnams kyi mtshan nyid ni bshad zin to/ /de ltar kun rdzob pa'i byang chub kyi sems bskyed pa la sogs pa'i de ma thag par don dam pa pa gsungs pa/ slar yang zhes pa dang po la sogs pa'i rim pas so zhes pa'i don to/ /stong nyid ni gcig dang du ma'i rang bzhin dang bral ba la sogs pas chos rnams thams cad bdag med pa nyid du man ngag ji lta ba bzhin rjes su rig par bya'o/ /de'i ngo bo'i byang chub dang por bsgom zhes 'brel to/ /bde ba chen po mngon par byang chub pa ni phyis so zhes mngon par dgongs so/ /sa bon bsdu zhes pas sa bon te lha bskyed pa'i rgyu mtshan bsdu ste yang dag par gzung bar bsgom mo/ /de la sa bon ni stong nyid byang chub 'chi ba'i bar ma chad du bar do'i srid pa'i ngo bo stong pa nyid dang snying rje dbyer med pa'i byang chub kyi sems kyi myu gu'i ngo bos ji ltar rigs par hUM yig la sogs pa hoH yig gnyis kyi nang du bcug pa ste/ de bsdu ba'i ni rdo rje gur la sogs pa'i rim pas zla ba dang nyi ma dag gam pha ma dag gi rdo rje dang chu skyes dag gi bar na gnas pa'o/ / gzugs ni lha'i rnam pa'o/ /yi ge dgod ces pa 'gyur med dgod pa ste/ 'khor lo bzhi rnams la dang snying gar yi ge dgod pa zhes pa ji srid pa'o/ /yi ge ni dang po dgod pa dang rigs kyi bdag po dgod pa dag nye bar mtshon pa'o/ /de ltar don dam pa'i byang chub kyi sems yan lag bzhi pa mdor bstan nas yongs su bskor ba gsungs pa/ re phas zhes pa la sogs pa'o/ /sna tshogs rdo rje ni ji ltar 'dod par shin tu rgya che ba rten gyi rang bzhin no/ /ra ba dang ni gur bcing ba yang zhes pa rdo rje ra ba dang rdo rje'i gur dang mtshams bcing ba zhes pa'o/ /de la de'i 'od zer rgya chen po'i snang bas kun nas 'bar ba'i rang bzhin mtshams bcing ba ste/ de'i dbus su gnas pa sa bon las skyes pa'i rdo rje'i tshogs mkhregs shing bar med pa mi g.yo bar gnas pa rnams kyi rdo rje ra ba dang rdo rje gur yang bsgom par bya'o/ /stong nyid byang chub kyi bar ma chad du yongs su bskor ba 'di'o/ /dang por bya ba'i yan lag gsungs pa/ dang por zhes pa la sogs pa ste/ shi ba ni ro'o/ /bdag med pa nyid kyi phyir chos kyi dbyings gsal bar byed pa nyid kyis na chos kyi dbyings kyi bdag nyid do/ /gnas nas zhes pa bdag nyid gnas par mos nas so/ /shes rab thabs kyi bdag nyid ces pa de ni stong pa nyid dang snying rje'i byang chub sems kyi rang bzhin nyid kyi phyir ro/ /de 'di ni ji ltar rigs par rnal 'byor gzhan dang thun mong ba'i cho ga'o/ /he ru ka gsum gyi rnal 'byor gyi dbang du byas nas gsungs pa/ hUM yig las zhes pa la sogs pa ste/ rdo rje byung ba ni rdo rje skyes pa'o/ /lte ba ni dbus kyi zlum po'o/ /hUM yig kho na de kho na nyid do/ /zhe sdang bdag nyid ni gdug pa can rnams kyi skyon zad pa'i ched du bcos ma'i khro bo'i ro'o/ /rdo rje skye ba zhes pa kye'i rdo rje'o/ /dad pas zhes pa 'dod pas so/ /sngon po'am sngon po dmar po'i 'od ni snying brtse ba chen po'i chags pa gsal bar byed pa'i don du'o/ /de ltar skad cig gis he ru ka'i gzugs su bdag nyid rnam par bsgoms nas rnam par sbyangs pa'i bdag nyid kyis rang gi snying ga'i sa bon gyi 'od zer gyis bkug pa/ nam mkhar rje btsun bltas nas ni/ /lha mo brgyad po rnams kyis mchod/ /rang gi snying gi sa bon las/ /nges par byung ba rnams kyis so/ /ri dgas mtshan ma ni ri bong can no/ /bdud las rgyal ba ni khrag go/ /sman ni rnam par snang mdzad do/ /rdo rje ni sha'o/ /dri'i lag ces klog pa la ni dri ni 'dir sha'o/ /gang gsungs par 'gyur ba/ shas gang ba'i thod pa zhes so/ /ro ni chang ngo / /de la cang te 'us ni phyi'i mchod pa'o/ /bdud rtsi lnga'i ro rnams kyis gsang ba'i mchod pa'o/ /de kho na nyid kyi mchod pa ni bde ba chen po'i rang bzhin mgrin pa nas 'khyud nas rjes su chags par Dom+bi yis byed pa'o/ /stong nyid byang chub mdor bstan pa rgyas par ston te/ de nas zhes pa la sogs pa'o/ /gnas ni zhen pa'i rnam par rtog pa ste/ des grol ba ni grol ba stong pa nyid do/ /chos rnams thams cad ngag gi bdag nyid yin pa de ni chos kun bdag nyid can du 'gyur ro/ /skyabs su 'gro ba la sogs pa ni 'dir ma bstan te/ 'dir dbang po rab kyi rab rnams kyi dbang du byas pa nyid kyi phyir ro/ /de rnams kyis ni dkyil 'khor du 'jug pa kho na las 'di thams cad shin tu byas pa nyid kyi phyir te de lta kho nar 'dzin pa'i phyir ro/ / de lta na yang de rnams kyi'ang mi 'jigs pa'i don dang / rtul po rnams rjes su gzung ba'i don du rgyud gzhan las 'jug par bya'o/ /de'i de ma thag tu tshangs pa'i gnas rnams bsgom par bya'o/ /de nas stong pa nyid do/ /de nas rdo rje gur ro/ /rim pa 'di yang rnal 'byor gzhan la yang ji ltar rigs par rnam par shes par bya'o/ /sa bon dang mtshan ma dag dang de yongs su gyur pa 'dod pa'i lha'i gzugs dang 'dod pa'i lha mchod par bya ba zhes pa la sogs pa'i khyad par rnams brtag par bya'o/ /de'i de ma thag tu rdo rje gur gyi nang du yud kyis bltas pa'i dur khrod brgyad kyi dbus su/ 'dab ma sna tshogs pa'i bad ma'i lte ba la gnas pa'i ro'i snying ga'i steng du nyi ma'i gdan la gang bsam par bya ba de gsungs pa/ A li zla ba zhes pa la sogs pa ste/ zla ba'i gzugs su yongs su gyur pa'i A li ni zla ba A li'o/ /kA li yongs su gyur pa'i nyi ma ni kA li'i nyi ma'o/ /sa bon ni hUM yig ste nyi ma dang zla ba yang dag par sbyar ba'i dbus su bsam par bya'o/ /sa bon de kho na sems can te ma dang pha zla ba dang nyi ma'i bar du 'jug pa mchog tu dga' ba'i rang bzhin du gsungs te/ de kho na 'dir lhan cig skyes pa'i don bsgom par bya'o zhes pa'i don to/ /rang gi lus 'dra zhes pa sa bon de yongs su gyur pa'i rdo rje'i lte bar gnas pa'i sa bon las kye'i rdo rje'i lus 'dra ba rnams te/ de dang 'dra bar kha dog sngon po khro bo'i nyams can 'gro ba 'dul ba'i thabs su gyur pa'i lha'i gzugs can rnams so/ /snying gar zhes pa sa bon la'o/ /mngon par byang chub pa rnam pa lnga'i rim pa'i sbyor ba yang 'chad par 'gyur ba 'dir go bar bya'o/ /de ltar zla ba dang ni nyi ma dang rdo rje dang sa bon yongs su gyur pas zhe sdang bdag nyid kye'i rdo rje mchog tu dga' ba'i rang bzhin rang rang gi sa bon las skyes pa'i 'khor dang bcas pa kho na nye bar skye'o/ /nam mkha'i khams zhes pa la sogs pa nas sngo dang dmar ba'i 'od ces pa'i bar gyi gzhung ni/ chos kun bdag nyid can du 'gyur/ /zhes pa'i bar ma chad du rtogs par bya'o/ /hUM yig las skyes ni rdo rje zhes pa lhag ma'o/ /ci 'dra ba'i kye'i rdo rje sgom pa zhe na/ gsungs pa/ rgyan kun zhes pa la sogs pa'o/ /rgyan rnams ni mgo bor gnas pa'i thod pa lnga dang 'khor lo can dang / rna rgyan dang / mgul rgyan dang / lag gdub dang / ska rags dang / thal ba dang mi mgo rlon pa'i phreng ba rnams dang stag gi pags pa'i gos te/ de yang shes rab dang bcas pa nyid na rgyab kyi cha kho nar ro/ /g.yon pa'i brla la zhabs g.yas pa'i rtse mo yang dag par bzhag nas skyil krung phyed pa can no/ /spyan rnams dmar zhing zlum pa'o/ /'jigs byed ni 'jigs su rung ba'i gzugs can gyi ro'o/ /rdo rje kha T+wAM ga ni rdo rje rtse gsum pas mtshan pa'i kha T+wAM ga ste/ mchod phyir thogs bzhin du gzung ba'o/ /thod pa ni khrag chen pos gang zhing rdo rjes mtshan pa'o/ /rdo rje nag po ni rtse mo lnga pa 'bar ba'i phreng ba can yang dag par gsor ro/ /sgrogs pa'i bdag nyid ni sgrogs pa'i ngang tshul can no/ /dur khrod ces pa ni 'dir gnas so zhes pa wa sa na ste gnas yin zhing sha wA nAM ba sa na ro rnams kyi gnas ni dur khrod do zhes pa'i lnga pa'i cha la wa'i cha ma nyid du dang / phyi ma'i tshig la wa sa'i cha shar 'gyur te/ yi ge bsgyur ba'i nges tshig gis so/ /der de rnams kyi gnas pa'i bya ba ci zhe na/ 'chag pa dang gnas pa dang nyal ba dang 'dug pa rnams te/ mgo med pa dang / dbyangs pa dang / 'gyel ba dang / gsal shing gis phug pa la sogs pa rnams kyi rim pa ji lta ba bzhin no/ /'di ni dgongs pa yin te ji ltar dur khrod na ro rnams bdag med pa de ltar thams cad la'o zhes pas bdag med par sems can thams cad gnas pa ni dur khrod de/ sems can rnams sems can gyi rang bzhin gyis stong pa dang / sems can gyi gnas rnams kyang sems can gyi gnas rnams kyi rang bzhin gyis stong pa'o zhes pa dur khrod kyi don to/ /de nas gnas de kho nar dmigs pa med pa'i snying rje chen po dang shes rab chen po'i bdag nyid byang chub kyi sems chen po phyag rgya chen po'i rang bzhin bcom ldan 'das rol bar rigs so zhes pa'o/ /lha mo ni rdo rje drag mo la sogs pa rnams so/ /brgyad ni gling bu ma la sogs pa'i lha mo brgyad rnams nye bar mtshon pa ste/ de'i phyir lha mo bcu drug gis yongs su bskor ba'o/ /de ltar phyag bzhi pa dang phyag drug pa dag kyang grub ste/ khyad par rgyud du gsungs pa yang blta bar bya zhing / go cha la sogs pa 'chad par 'gyur ba rnams kyang rtogs par bya'o/ /de lta na yang phyag gnyis pa bsgom pa na phyag rgya chen po'i dngos grub srid pa kho na'o/ /skabs su dang mthar yang phyag rgya'i rnal 'byor gyi rjes su 'brang ba las bdag med ma bsgom pa na bzhin no/ /de ltar na 'khor dang bcas pa'i bcom ldan 'das rdzogs pa na go cha la sogs pa dang ye shes sems dpa' gzhug pa dang dbang bskur zhing rgyas gdab pa dang / mchod pa dang bstod pa dang bdud rtsi myong ba'i bar ma chad du/ shin tu dga' ba'i rnal 'byor ma zur mig blta ba dang bstod pa'i zol gyis zur gyis smra ba la sogs pas dgongs pa nye bar ston cing rjes su chags pa lhag pa las ba spu ldang ba dang 'dar ba la sogs pa 'thob pa rnams bcom ldan 'das la nye bar phyin nas skyes bu 'dod pa bzhin du rjes su gnas te/ de la thog mar rdo rje ma 'khyud par byed cing / de nas de las gzhan rnams de'i rjes su 'jug ces pas lhan cig skyes pa'i bde ba chen po skabs su 'bar ba kho na'o/ /gzhan rnams la yang ji ltar rigs par rim pa 'di rtogs par bya'o zhes pa bsdus pa'i cho ga'o/ /bar ma ni chos 'byung gi nang du chu skyes dang sna tshogs rdo rje la gnas pa'i gzhal yas khang gi nang du rol sogs pa bsgom pa la snga ma bzhin no/ /rgyas pa dang bcas pa ni bar ma bsgom pa'i de ma thag tu dkyil 'khor ba dang bcas pa'i dkyil 'khor gyi dbang po rdzogs pa na phyag bcu drug pa bzhin zhu ba la sogs pa'i rim pa las shes par bya'o/ /'jig rten gsum kun du bskyod pa bcom ldan 'das kyang bdag med ma dang snyoms par zhugs par rtogs par bya ste/ bla ma kha cig rnams ni g.yung mo dang ngo zhe'o/ /gtso bor ni cho ga mdor bsdus pa'i dbang du byas pas he ru ka gsum rnams so/ /bar ma'i cho ga'i dbang du byas nas bdag med ma'i dkyil 'khor ro/ /rgya che ba'i cho ga'i dbang du byas pas zhal brgyad pa'i dkyil 'khor ro zhes pa'o/ /rnal 'byor kun gyi bdud rtsi zhes pa 'chad par 'gyur ba'i rnal 'byor rnams thams cad kyis gang bar byed pa nyid kyis bdud rtsi'i cho ga'o/ /phyag bzhi pa'i khyad par brjod pa'i ched du gsungs pa/ de nyid ces pa la sogs pa ste/ dga' ba bzhi'i rang bzhin ni/ dga' ba bzhi rnams ro gcig pa nyid du 'char ba'i phyir ro/ /de'i rang bzhin nyid kyis na bdud bzhi rnams las rnam par rgyal ba rnam par dag pa'o/ /des kyang phyag bzhi pa nyid do/ /sku la 'khyud ces pa shes rab ma'i skul gang gis lus 'khyud pa de bsgom par bya'o/ /phyag drug pa'i khyad par brjod pa'i ched du gsungs pa/ dang po zhes pa la sogs pa ste/ stong pa zhes pa cho ga lhag ma nye bar mtshon pa'o/ / cha med pa ni rdo rje sems dpa' ste/ don dam par spros pa thams cad dang bral ba nyid kyi cha bya bar mi nus pa nyid kyi phyir ro/ /ci ltar zhe na/ gsungs pa/ zla ba zhes pa la sogs pa ste/ hUM yig ni phyag drug pa bsgom pa kho na la rgyu rdo rje 'dzin pa'i ngo bo nyid kyi phyir zla ba'i dkyil 'khor can nyid de/ 'bras bu'i ngo bo ni he ru ka gsum char yang nyi ma'i dkyil 'khor can rnams so/ /phyag drug pa ni pha rol tu phyin pa drug rnam par dag pa'o/ /dkar min ni nag po ste khros pa'o/ /dang yig las bdud rtsi lnga pa ste/ thod pa bdud rtsi lngas gang ba'o/ /phyag g.yon pa rnams kyis rdo rje dril bu dang gzhu dang thod pa 'dzin pa/ g.yas pa rnams kyis rdo rje dang mda' dang rtse gsum pa'o/ /shes rab rdo rje lcags sgrog ma ni bcom ldan 'das kyi gzugs can te/ de la rdo rje dang rdo rje dril bu dang ldan pa'i phyag gnyis kyis 'khyud pa'o/ /b+ha ga'i dbus su zhes pa/ b+ha ga ni chos 'byung ste/ rdo rje gur gyi nang du dur khrod kyis yongs su bskor ba'i chos 'byung dang chu skyes dang sna tshogs rdo rje la gnas pa'i khang ba brtsegs pa'i dbus su sna tshogs chu skyes kyi lte ba la gnas pa'i ro'i snying gar gnas pa'i thod pa khrag gis bkang ba'i steng du nyi ma la bcom ldan 'das shes rab dang bcas pa bsgom par bya'o zhes pa'i don to/ /ldan pa ni 'dus par ji ltar 'gyur ba ltar ro/ /lha rnams dang ni gling bu ma la sogs pa'i lha mo rnams dang ngo / /phyag rgya rnam bsgom bya zhes mdor bstan pa rgyas par ston te/ 'dab ma dag gis zhes pa 'dab ma brgyad rnams la lha mo brgyad bri zhes pa bri bya'i dkyil 'khor la yang de ltar zhes pa dgongs pa'o/ /shar gyi 'dab mar rdo rje drag mo dkar mo g.yon dag na gzhu dang thod pa dag ste/ g.yas pa dag na mda' dang lcags kyu dag go/ /lhor rdo rje gzugs can ma ser mo g.yas pa dag na mdung dang rdo rje dag /g.yon pa dag na thod pa dang zhags pa dag go/ /nub tu rdo rje chags ma dmar mo g.yas pa dag na ral gri dang rdo rje dag /g.yon pa dag na thod pa dang dril bu dag go/ /byang du rdo rje zhi ba ma ljang gu mu su N+DI ni thal sbyar ram phub ces gzhan rnams te/ mthe'u chung dang mthe ba chen dag bskum nas sor mo dbus ma gsum bsgreng ba ni ba dan gsum pa'o/ /dbang ldan du rdo rje gnod sbyin ma dkar ser ma'o/ /me'i phyogs su rdo rje mkha' 'gro ma ser dmar ma'o/ /rdo rje zhi ba ma la sogs pa gsum gyi g.yon pa dag dang g.yas pa dag tu rim pa ji lta bar phyag mtshan dgod do/ /bden bral du sgra rdo rje ma dmar zhing sngon mo'o/ /rlung du sa rdo rje ma ljang dkar ma ste/ bum pa dang rdo rje dang dril bu dang thod pa zhes pa bzhi'i 'di dag gi g.yas pa gnyis su dang g.yon pa gnyis su rim pa ji lta bar phyag mtshan rnams so/ /rdzas ni bdud rtsi lnga'o/ /nye bar sdud de/ 'dab mar zhes pa la sogs pa'o/ /bde ba chen po ni rdo rje 'dzin pa'o/ /rol cha zhes pa ni rol cha dang ldan pa'i lha mo'o/ /de la 'dab ma brgyad kyi lha mo rnams las phyi rol du dbang ldan du gling bu ma'o/ /mer pi wang ma'o/ /bden bral du mu kun+da ma'o/ /rlung du rdza rnga ma'o/ /bzhi po 'di rnams phyag gnyis ma spyan gsum ma/ zhal gcig ma phyag dag gis rang rang gi rol cha sgrogs pa ral pa'i cod pan can skyil krung phyed ba'i gar stabs can rim pa ji lta bar dmar ba dang ser ba dang dkar ba dang du ba'i kha dog can ma'o/ /shar sgor rdo rje lcags kyu ma nam mkha' ltar sngo bsangs ma zhal g.yas pa nag po g.yon pa dkar po can/ phyag g.yas pa gsum rnams na lcags kyu dang ral gri dang 'khor lo rnams te/ g.yon pa rnams na zhags pa sdigs mdzub dril bu rnams so/ /lhor rdo rje zhags pa ma dkar ser ma/ zhal g.yas pa nag po/ /g.yon pa dmar po/ /phyag g.yas pa rnams su zhags pa rdo rje ral gri rnams dang / g.yon pa rnams su 'khor lo dril bu sdigs mdzub dang bcas ba'i zhags pa'o/ /nub tu rdo rje lcags sgrog ma dmar mo/ /zhal g.yas pa nag po g.yon pa dkar po/ /g.yas pa rnams na rdo rje dang lcags sgrog dang rdo rje ral gri rnams/ g.yon pa rnams na 'khor lo dang dril bu dang lcags kyu rnams so/ /byang du rdo rje dril bu ma ljang gu zhal g.yas pa nag pa/ g.yon pa dkar po/ /g.yas pa rnams su dril bu dang rdo rje dang ral gri rnams/ g.yon pa rnams na 'khor lo dang lcags kyu dang zhags pa rnams so/ /lha mo bcu drug po 'di rnams ni/ dmar zhing zlum pa'i spyan gsum ma/ gtso bo la gzigs pa/ mgo bor gnas pa'i thod pa lnga dang 'khor lo can la sogs pa dang rkang gdub la sogs pas brgyan ma stag gi pags pa'i sha ma thabs can gar gyi nyams dgus gar thabs can ma khrag gis gang ba'i thod pa la gnas pa'i nyi ma'i steng du ste/ gling bu ma la sogs pa'i lha mo bzhi rnams las gzhan rnams dbu skra dmar ser gyen du 'bar ba'o/ /gling bum la sogs pa brgyad rnams kyi thod pa'i 'og tu sna tshogs pad+ma rnams so/ /de la sgo skyong ma rnams g.yas brkyang gi zla 'os bzhugs pa rnams te/ gzhan rnams skyil krung phyed pas so/ /nye bar sdud de/ b+ha ga'i dbus su bsgom par bya/ /zhes pa'o/ /oM AH hUM hrIH swA hA/ zhes pa phyag gnyis pa la sogs pa he ru ka gsum gyi bzlas pa bya ba'i sngags so/ / so so'i sngags ni 'chad par 'gyur te/ lha mo bcu drug po rnams kyi yang ngo / /yi ge gcig ni bskyed pa'i sa bon te/ bcom ldan 'das shes rab dang bcas pa'i hUM dang / 'dab ma'i lha mo rnams kya hrIH dang / gling bu ma la sogs pa brgyad rnams kyi rim pa ji lta bar/ oM auM e aiM dzaH hUM baM hoH'o/ /sa bon bzhi dang yang dag ldan/ /zhes pa la sogs pa ni bzlas bya'i sngags mdor bstan pa ste/ oM AH oM haM swA hA/ zhes pa la sogs pa ni rgyas par bstan to/ /dang po'i dbyangs ni sngags bzhi'i oM yig ste/ de gang gi dang po yin pa AH yig yin zhing des khyad par du byas pa'i sngags oM AH badzra aM ku sha dzaH haM swA hA zhes pa la sogs pa rgyas par ston par 'gyur ba'o/ /rdo rje dang pad+ma'i byin gyis rlob pa'i sngags gsungs pa/ de nas zhes pa la sogs pa'o/ /gzhug par bya ba ni bsgom par bya ba dang brjod par bya'o/ /rdo rje ni hUM las skyes shing hUM yig gis byin gyis brlabs pa rtse mo oM yig gis byin gyis brlabs pa'o/ /pad+ma ni hrIH yongs su gyur pa des byin gyis brlabs pa rtse mo AH yig gis byin gyis brlabs pa'o/ / phyi rol gyi dga' ba la yang 'di ltar rjes su bsgrub par bya'o/ /de la shin tu chags pa'i bud med dang skyes pa dag gis shin tu dga' ba'i dga' ston gyi dus su 'dzin ma nus pa las khu ba shor ba ni kha kho nar bzung nas bza' bar bya ste/ gang rdo rje bdud rtsi'i rgyud du gsungs pa/ lag pa de bzhin sor mo yis/ /gnas de nas ni phyung mi bya/ /rmongs pas gal te de lta bur/ /skyed na phyung nas nyams 'gyur te/ /kha nyid kyis ni rtag blang zhing / /lce yis rol ba de bzhin no/ /zhes so/ /'di ni mchod pa mchog kyang yin no zhes gsungs pa/ me tog dri yis mchod par bya ste/ /khu ba dang rdul rnams kyis so/ /phyi rol gyi dril sogs pa rnams kyis kyang / drang ba'i don du'o/ /b+ha ga zhes pa shes rab ma nye bar mtshon pa'o/ /bzlas pa ni rdo rje bzlas pa la sogs pa 'chad par 'gyur ba'o/ /de kho nar te rdo rje dang / pad+ma sbyor ba kho na la'o/ /ji skad du gsungs pa/ b+ha gar ling ga rab bzhag nas/ /yang dang yang du bsngags bzlas bya/ /rnal 'byor ba yis rtag spro ste/ /dkyil 'khor las ni dkyil 'khor rnams/ /zhes so/ /phyag gnyis pa la sogs pa'i dkyil 'khor gsum po 'di'i mngon par rtogs pa'i rim pa ni 'di lta ste/ dang por ro la gnas shing snying gar re pha las skyes pa'i nyi mar hUM las skyes pa'i rdo rje dang hUM las skyes pa'i he ru kar bdag nyid rnam par bsgoms te/ snying ga'i sa bon gyi 'od zer rnams kyis bkug pa'i rje btsun ma lha mo brgyad po rnams kyis yang dag par mchod nas/ sdig pa bshags pa la sogs pa nas ji srid btang snyoms kyi bar gyi de ma thag par/ oM shU n+ya tA dz+nyA na badzra swa b+hA wa At+ma kou0f85haM zhes pas stong pa nyid bsgoms te/ re pha las skyes pa'i nyi ma la hUM las skyes pa'i sna tshogs rdo rje dang / de'i 'od zer la sogs pa bsams shing dur khrod brgyad kyi dbus su sna tshogs chu skyes dang ro'i snying gar nyi ma la a phreng dang ka phreng las skyes pa'i zla ba dang nyi ma dang hUM las skyes pa'i rdo rje dang hUM yongs su gyur pa'i phyag gnyis pa'am phyag bzhi pa'am phyag drug pa rang rang gi sa bon las skyes pa'i lha mo'i 'khor los yongs su bskor ba bsgom par bya'o/ /de nas mig dang rna ba dang sna dang lce dang reg bya dang yid rnams la gti mug rdo rje ma dang zhe sdang rdo rje ma dang ser sna rdo rje ma dang 'dod chags rdo rje ma dang phrag dog rdo rje ma dang bdag med ma rnams dang / sku dang gsung dang thugs rnams la mkha' la spyod ma dang sa spyod ma dang bdag med ma rnams rim pa ji lta bar bsam par bya ste/ 'di rnams kyang nag mo gri gug dang thod pa'i phyag can zla ba la gnas pa rnams so/ /sprul pa'i 'khor lo la sogs pa rnams su oM hUM oM haM yig sngon po dang nag po dang dmar po dang dkar po rnams so/ /de'i rjes su snying ga'i sa bon gyi 'od zer rnams kyis ye shes sems dpa'i dkyil 'khor bkug ste/ rang gi snying po'i sngags kyis byin gyis brlabs pa'i mchod yon dang zhabs bsil sngon du 'gro bar/ dzaH hUM baM hoH zhes brjod pa las/ dgug pa dang gzhug pa dang bcing ba dang dbang du bya ba rnams kyis dam tshig gi dkyil 'khor dang gcig tu byas nas snying ga'i sa bon gyi 'od zer rnams kyis sangs rgyas rnams bkug lam ma brgyad rnams kyis yang dag par mchod de/ oM a b+hi Shi ny+tsa n+tu maM/ sarba ta thA ga tA zhes gsol ba btab pa'i de ma thag tu/ de rnams kyis bdud rtsi lnga'i bum pa rnams kyis dbang bskur bar bya zhing rgyas gdab par bya'o/ / de la bcom ldan 'das dang bcom ldan 'das ma la mi bskyod pa dang / rdo rje drag mo la sogs pa rnams ni rdo rje sems dpa'i dkyil 'khor du 'chad par 'gyur ba'i mi bskyod pa la sogs pa rnams kyis so zhes bya ba sbyor ba dang po'o/ /de nas cho ga ji lta bar bdud rtsi myang bar bya'o/ /sgyu ma ji bzhin rmi lam bzhin/ /bar do'i srid pa ji lta bar/ /de lta kho nar dkyil 'khor snang / /rtag tu goms pa'i rnal 'byor las/ /zhes pa dkyil 'khor rgyal po mchog gi ting nge 'dzin to/ /de'i rjes su de bzhin gshegs pa la sogs pa dkyil 'khor gyi 'khor lo sprul pa rnams kyis rdzogs pa'i sangs rgyas su byas pa'i 'gro ba ji ltar rigs par rang gi lus la nang du gzhug par bya'o/ /rang gis 'khyud pa'i lha mo la ni de las gzhan pa'i rnal 'byor ma rnams te/ de dang lhan cig dga' bde nyams su myong ba las lta bar phyir 'byung ba'i rlung gis bskul ba'i gtum mo rab tu gtum pa'i me'i re khA drang po'i gzugs kyi 'od kyis bsregs pa/ ri bong can thig le'i gzugs kyis 'jug pa'i rlung dang lhan cig 'dzag pa/ gtum mo dang lhan cig gcig tu gyur pa ni lhan cig skyes pa'i bde ba nyams su myong zhing rim gyis lte ba'i dkyil 'khor du lhung bzhin pa ni dmigs pa med par 'gyur te/ de ltar yang dang yang du'o/ /de nas rlung lte bar 'gags par lhag par mos nas thig le tsam du blta ste/ thig le de'i dbus su yud kyis rdzogs pa'i dkyil 'khor gyi 'khor lo rjes su dran par bya'o/ /de de ltar 'di lta bu'i dkyil 'khor gyi 'khor lo sgyu ma'i rang bzhin du bsgom par bya'o zhes pa las rgyal po mchog gi ting nge 'dzin to/ /bsgoms pas skyon ji lta ba'i rang gi sngags 'chad par 'gyur ba bzlas par bya'o/ /yang na rdo rje gur bsgom pa'i de ma thag tu yud kyis bltas pa'i 'dod pa'i lha yongs su gyur pa'i chos 'byung gi nang du sna tshogs chu skyes kyi lte ba la sna tshogs rdo rje'i lte bar cho ga ji lta bar rlung gi dkyil 'khor la sogs pa las skyes pa'i gzhal yas khang dur khrod brgyad po 'jig rten gyi khams thams cad bdag med pa nyid gsal bar byed pa rnams kyis yongs su bskor ba bsgom par bya'o/ /gzhan ni snga ma bzhin no zhes pa'o/ /dpal yang dag par sbyor ba'i rgya cher 'grel pa/ man ngag gi snye mar snye ma bdun pa'o/ / //de ltar bcom ldan 'das kyi sgrub thabs kyi cho ga nye bar bstan nas 'khor lo la sogs pas zhi ba la sogs pa'i don du lha sna tshogs bsgom pa la 'jug par byed de/ nyon cig ces pa la sogs pa'o/ /rdo rje ni rdo rje snying po ste/ 'jigs pa ni 'jigs sde'o zhes pa bzhin no/ /'khor los bsgrub bya zhes pa zhi ba dang rgyas pa dang dbang du bya ba dang srung ba dang mngon spyod do/ /khyad par du ni kha dog la sogs pa'i khyad par gyis so/ /zhi ba ni da ltar ba'i gnod pa byed pa'o/ /srung ba ni 'byung bar 'gyur ba'o/ /re mig dgu sogs 'khor lo yi/ /zhes pa rtsibs brgyad rnams lte ba dang lhan cig re mig dgu gang gi yin pa de yang yin la dang po yang ste 'chad par 'gyur ba'i 'khor lo la ltos pa ste/ 'khor lo yang ngo / /de'i phyi rol mu khyud do/ /las kyi kha dog sogs zhes pa las dang rjes su mthun pa'i mdog tu bsam pa la sogs pa bsgom par bya'o/ /'di'i zhes pa sngags kyi sa bon tA la sogs pa'i sa bon rnams so/ /kun gyi ste shar dang me la sogs pa'i re mig rnams la phyag 'tshal te/ oM dang / sreg pa ste swA hA dang / de'i mtha' bri ba hA'o/ /dbus su ming zhes pa lte ba la oM dang hA yig dag gi dbus su bsgrub bya'i ming srungs kyi ngag dang bcas pa'o/ /mnyam nyid ye shes ni stong pa nyid kyi ye shes so/ /de kho na stong pa ste de dang ldan par bdag nyid kyis gcig pa'o/ / mnyam nyid kun rig stong pa nyid kyi ye shes ni srung ba mchog ste gnas su dang 'khor lor bsgom pa'o/ /de'i phyir de sbyar bar bya'o/ /de ltar gyur na srung par 'gyur te/ ye shes can rnams kyi'o/ /'jigs pa ni nye bar 'tshe ba byas pa ring po ste 'gyur ba ma yin zhes pa'i don to/ /de'i phyir dngos po med par te stong pa nyid du'o/ /sems can rnams zhes pa snod kyi 'jig rten nye bar mtshon pa'o/ /rnal 'byor dngos po ni lha rdzogs pa'o/ /mig la zhes pa mig dag la'o/ /sna la zhes pa sna dag la'o/ /mgo la sogs pa rnams kyi nang gi bug pa la gnas pa'i yi ge rnams so/ /las rnams thams cad bsgrub par bya/ /zhes pa ni zhi ba la sogs pa rnams so/ /lha rnams thams cad ces kha cig tu klog ste/ lha rnams thams cad kyang zhes pa'i don to/ /don ni 'di yin te/ chos thams cad stong pa nyid du bsams nas yud kyis skyes pa/ pad+ma dkar po dang zla ba la tAM yongs su gyur pa lte ba la tAM gis byin gyis brlabs pa'i ut+pal ste/ de yongs su gyur pa las 'phags ma sgrol ma sems dpa'i skyil krung can/ rin po che la sogs pa sna tshogs pa'i rgyan can ma/ phyag g.yas pa mi 'jigs pa dang / g.yon pas ut+pal 'dzin pa/ rnam par snang mdzad kyis rgyas btab par bdag nyid rnam par bsgoms nas/ ji skad bshad pa'i sngags rnams kyis go cha byas la/ snying ga'i chu skyes dang zla ba la gnas pa'i rtsibs brgyad pa'i 'khor lo'i lte ba la oM lhas byin srungs shig hA/ shar dang me la sogs pa'i rtsibs rnams la g.yas skor gyis/ tA re tu t+tA re tu re swA zhes pa bsgom par bya'o/ /bcom ldan 'das ma dang pad+ma dang 'khor lo dang yi ge rnams dang 'od zer rnams kyi kha dog ni las kyi rjes su 'brang ba las shes par bya'o/ /de la zhib dang srung ba la dkar po'o/ /rgyas pa la ser po'o/ /dbang du bya ba la dmar po'o/ /mngon spyod la nag po'o/ /rang gi lus dang 'khor lo dang yi ge'i 'od zer mang po rnams kyis bsgrub bya khyab par bsam zhing sngags bzlas par bya ste/ oM tA re tu t+tA re tu re swA hA/ zhes pa'o/ /swA hA'i sngon du ji ltar rigs par spel tshig go/ /sngon du bsnyen pa'i dus su ni spel tshig mi bya'o/ /gro ga la ni pad+ma dang zla ba dang 'khor lo dang yi ge rnams bris nas/ gro ga dang bcas pa rnams steng gi bu gnas nang du bcug ste/ snying ga'i pad+ma la sogs pa rnams dang gcig tu byas la/ 'og tu bcom ldan 'das ma'i pad+ma'i sgo nas phyung nas gzung bar bya ste/ mngon par 'dod par 'gyur zhing / rig pa'i rab tu gnas pa yang 'di ltar ro zhes pa man ngag go/ /cho ga 'di ni 'chad par 'gyur ba'i rnal 'byor dag la yang ji ltar rigs par rtogs par bya'o/ /dbang du bya ba'i las la ku ru kul+le khyad par du 'phags shing / de ni bcom ldan 'das ma sgrol ma kho na ste/ stong pa nyid du bsgom pa'i de ma thag tu yud kyis pad+ma dmar po dang ro dang nyi ma la hrIH yig dmar po yongs su gyur cing des byin gyis brlabs pa'i ut+pal dmar po yongs su gyur pa'i ku ru kul+le dmar mo zhal gcig ma/ spyan gsum g.yol dmar zhing zlum pa dbu skra dmar ser gyen du brdzes pa/ 'od dpag tu med pas rgyas btab la/ spyi bor gnas pa'i thod pa lnga dang 'khor lo can la sogs pa'i rgyan can ma/ mgrin par 'phyang ba'i mgo bo'i phreng ba can ma phyag bzhi ma/ g.yas pa dag gis ut+pal dmar po kha 'bus pa'i mda' dang me tog dmar po las byas pa'i lcags kyu dang g.yon pa dag gis me tog dmar po'i gzhu dang ut+pal dmar po 'dzin ma/ skyil krung phyed pas gar byed par bsams nas/ rang gi snying gar nyi ma la gnas pa'i 'khor lo'i yi ge'i 'od zer rnams kyis bkug pa'i bsgrub bya slong bar gyur cing khyab pa ut+pal yis mgul bar bcings te/ skyes pa la ni snying gar dang bud med kyi skye gnas su lcags kyus gzir zhing mda'i dra ba rnams kyis 'bugs pa por bdag nyid sgom par byed cing dbang du bya ba'i don du sngags bzlas par bya'o/ /'khor lo ni 'chad par 'gyur ba'i zur drug pa pad+ma 'dab ma brgyad pa dang nyi ma la gnas pa ste/ rtsibs rnams la oM ku ru kul+le swA dang / dkyil du hriH che ge mo dbang du gyis shig hrIH ha'i yi ge rnams sbyar bar bya'o/ /'bri ba'i rdzas ni 'chad par 'gyur ro/ /bcing ba dang zhi ba la sogs pa rnams la ji ltar rigs pas cho ga rtogs par bya'o/ /'jigs pa zhes pa sbrul rnams kyi'o/ /rims dang glo bur du 'chi ba dang dug zhi bar byed pa la 'di dkar mo'o/ /srung ba 'di ni zhes pa 'di yang de yin la srung ba yang ngo zhes byas nas so/ /sngags pa'i zhes pa ye shes can ni brgya phrag gcig gis te de rnams ni snying rje dang ldan pa nyid kyi phyir ro/ /shes rab kyi 'khor lo gsungs pa/ 'dab brgyad ces pa la sogs pa'o/ /'dab ma ni rtsibs so/ /sngon ni sgrol ma'i 'khor lo'o/ /sngon du gsungs pa ni dgod pa la sogs pa'i cho gas so/ /yang na/ dang por stong nyid rnam bsams nas/ /lus can rnams kyi dri bkrus te/ /gzugs khams shes pa zhes pa la sogs pa'i mtshan nyid yang dag ldan pa'i mnyam nyid ngo bo zhes 'brel te/ sngar gsungs pa'i rigs pas so/ /'di ni ste 'chad par 'gyur ba'o/ /gus shing gus pas ni yang dang yang du bsam pa phul du byung ba dang bcas pas so/ /shes rab bdag nyid ces te bdag nyid shes rab kyi pha rol tu phyin pa'o zhes bsgom par bya'o/ /bzlas byas te bzlas pa las so/ /sa bon ni sngags so/ /shes rab spel ba'i sbyor ba ste shes rab kyi pha rol tu phyin pa'i 'khor lo'i sbyor ba'o/ /don 'di yin te/ stong pa nyid kyi bar ma chad par pad+ma dkar por zla ba la hUM las skyes shing byin gyis brlabs pa'i chu skyes dang shes rab kyi pha rol tu phyin pa'i pu sti yongs su gyur pa'i shes rab kyi pha rol tu phyin ma dkar mo sems dpa'i skyil krung can rin po che la sogs pa'i rgyan can mi bskyod pas rgyas btab pa phyag gnyis ma/ shes rab kyi pha rol tu phyin pa'i pu stis mtshan pa'i pad+ma gnyis g.yon pa dang g.yas pa'i logs dag tu nang du bsgreng ba gru mo gnyis kyis bzung nas/ phyag dag gis chos 'chad kyi phyag rgyas gnas par bdag nyid bsgom par bya'o/ /'khor lo la yi ge dgod pa ni sgrol ma'i sngags bzhin no zhes pa'o/ / gti mug la sogs pa'i nyon mongs pa 'jig pa'i ched du rnam par snang mdzad la sogs pa'i rnal 'byor gsungs pa/ zla ba zhes pa la sogs pa ste/ yi ge ni b+h+rUM yig go/ /'khor lo dril bu g.yas pa dag tu'o/ /don 'di yin te stong pa nyid kyi bar ma chad du sna tshogs chu s kyes dang khrag gis gang ba'i thod pa dang zla ba la b+hUM yig las skyes shing byin gyis brlabs pa'i 'khor lo'i mtshan ma las skyes pa rnam par snang mdzad dkar po ral pa'i cod pan can skyil krung phyed pa'i gar stabs can snying gar zla ba la gnas pa'i sa bon las skyes pa'i 'od zer dang bcas pa rang dang 'dra ba'i lha rnams kyis 'gro ba'i mi shes pa'i mun pa bsal nas sangs rgyas nyid la dgod pa byed par bdag nyid bsam par bya'o zhes pa'o/ /phyi ma rnams la yang ji ltar rigs par cho ga 'di'o/ /de nyid kyi phyir gsungs pa/ 'di yis shes pa la sogs pa'o/ /'di'i sa bon oM ste mtshan ma ni rin po che cha dgu pa'o/ /rin po che zhes pa la sogs pa rnams kyis nga rgyal dang 'dod chags la sogs pa sel ba ni/ g.yas pa dag na rin po che dang lcags kyu'o/ /'od dpag tu med pa'i sa bon hrIH ste mtshan ma pad+ma'o/ /g.yas pa dag na mtsho skyes dang mda' dag go/ /'dod chags zhi bar byed pa'o/ /don yod grub pa'i sa bon khoM dang mtshan ma ral gri ste/ g.yas pa dag na ral gri dang lcags kyu dag ste/ phrag dog zhi bar byed pa'o/ /mkha'i khams dang 'chad par 'gyur ba'i b+ha ga dang nam mkha' yang 'dir chos 'byung ngo / /chos 'byung gi nang du 'jug pa ni 'chad par 'gyur ba'i rdo rje dbyings kyi dkyil 'khor ro zhes dgongs pa'o/ /de nyid kyi phyir gsung bar 'gyur ba/ gsang ba'i dkyil 'khor zhes pa'o/ /'dis ni rnam par snang mdzad la sogs pa'i lha brgyad dkyil 'khor du bsgom par bya ba rnams 'dir so sor gsungs pa'i phyir so sor yang ngo zhes gsal bar byed do/ /spyan ma la sogs pa bzhi rnams ni so sor bsgom pa na chos 'byung gi nang du pad+ma dang pad+ma'i snod dang zla ba la gnas par shes par bya'o/ / spyan ma'i mtshan ma 'khor lo ste/ g.yas rnams na 'khor lo dang rdo rje dang ral gri dang mda' rnams so/ /cod pan la thod pa lnga rnams so/ /rnam par snang mdzad la sogs pa lha brgyad po rnams la yang ste/ 'khor lo can la sogs pa'i rgyan rnams kyang ngo / /nad la sogs pa'i nye bar 'tshe ba zhi bar byed pa'o/ /mA ma kI'i mtshan ma rdo rje ste g.yas pa rnams su rdo rje dang rin po che dang 'khor lo dang pad+ma dang ral gri dang mda' rnams yin zhing / 'jigs pa la sogs pa la rjes su 'dzin par mdzad pa'o/ /gos dkar mo'i mtshan ma pad+ma dang rdo rje dang ral gri dang mda' rnams te/ nyam chung ba rnams rgyas par byed pa'o/ /sgrol ma'i mtshan ma ut+pal dmar po ste/ g.yas pa rnams su ut+pal dmar po dang ral gri dang lcags kyu dang mda' rnams te sdang ba la sogs pa rnams dbang du mdzad pa'o/ / nye bar sdud de zhes pa 'di lta bu'i rnam pa'i thabs rnams kyis gzhan gyi don byed cing rab kyi mthar thug pa rdo rje 'dzin pa dang mnyam par 'gyur ro/ /dpal yang dag par sbyor ba'i rgyud kyi rgya cher 'grel ba/ man ngag gi snye mar snye ma brgyad pa'o// //he ru ka mngon par 'byung ba'i skabs byed de/ nyon zhes pa la sogs pa'o/ /de kho na nyid ni rgyu dang 'bras bu'i ngo bo ste/ gnyis gnyis dga' ba zhes pa la sogs pas 'chad par 'gyur ba yang ngo / /mkha' 'gro ni bcom ldan 'das so/ /mkha' 'gro ma ni lha mo rnams so/ /rdo rje sems dpa' zhes pa dang por rdo rje sems dpar gyur nas rdo rje can de ni rgyu rdo rje 'dzin pa ste/ slar yang rdo rje nyid de 'bras bu rdo rje 'dzin par 'gyur ba'o/ /'di ni mdor bstan pa ste 'di'i rgyas par ston pa zla ba zhes pa la sogs pa'o/ /zla ba'i dkyil 'khor la A li kA li'i sa bon phreng ba ni rgyu rdo rje 'dzin pa rdzogs pa'i ched du'o/ /zla ba'i dkyil 'khor can nyid kyis 'di sku mdog dkar po nyid du gsal bar byed do/ /'dir bcom ldan 'das kyis skye ba'i rim pa ma bstan to/ snga ma dang khyad par med pa nyid kyi phyir ro/ /de ltar ni 'dir yang / dang por ro ni bsgom par bya/ /zhes pa la sogs pa bsgom par bya'o/ 'dir gzhan pa ni hUM yig yongs su gyur pa las thod pa'i mtshan ma dang rnam pa lnga mngon par byang chub pa'i rim pa la yang hUM yig dang a yig de dag yongs su gyur pa'i thod pa dang gri gug la gnas pa dag bsgom par bya ste/ 'bras bu'i rdo rje 'dzin pa sa bon gnyis po 'di las skyes pa nyid kyi phyir na/ rgyu rdo rje 'dzin pa'i 'ang sa bon 'di gnyis kho nar rtogs par bya'o/ /'di rig ma dang bcas pa'i yang bsrub cing srubs pa'i sbyor ba las dga' ba la sogs pa'i bde ba nyams su myong nas/ byang chub sems kyi thig le las byung ba'i rang gi sa bon las skyes pa'i lha mo rnams ji lta ba'i gnas su bsgom par bya'o/ /lha mo rnams kyi sa bon dang mtshan ma la sogs pa ni 'bras bu'i dkyil 'khor dang mtshungs par rtogs par bya'o/ /de ltar lha mo rnams phyung nas 'dod chags chen po las man ngag ji lta bar lha mo dang lhan cig zhu ba'i ngo bo nyid du gyur te/ de nas puk+ka sI la sogs pa rnams thim pa'i ting nge 'dzin las bslang ba'i phyed du skul bar byed do/ /de la dang por puk+ka sI yis skul bar byed de/ rje btsun thugs rje'i yid can bzhengs par gyur pas puk+ka sI bdag la skyobs shig /ci ltar zhe na/ bde chen ni thar pa chen po'i bde ba ste/ de'i don du sbyar ba ni zhu ba las byung ba'i kye'i rdo rje'i sku'o/ / des bdag la bzhed mdzod de rol bar mdzod cig pa'o/ /stong pa'i rang bzhin de zhu ba'i ngo bo nyid spongs shig pa'o/ /de nas ri khrod mas khyod med na ste bral na bdag 'gums pa ste/ kye'i rdo rje khyod bzhengs shig /stong pa'i rang bzhin nyid de zhu ba'i ngo bo nyid spongs mdzod la/ ri khrod ma 'bras grub par mdzod/ /de nas gtum mos/ dga' gtso 'jig rten sangs rgyas nyid du mgron gnyer nas/ stong par te zhu ba'i ngo bor ci'i phyir na bzhugs/ gdol pa mo bdag zhu bar bgyid/ cis she na/ khyod med phyogs ni mi 'tshal ba ste mun pa tsam du mthong ngo zhes pa'i don to/ /de nas g.yung mos/ mig 'phrul mnga' ba khyod bzhengs shig /ngo bo sna tshogs mtha' dag kyang khyod kyi 'di mig 'phrul lo/ /g.yung mo bdag ni sgrin te grong khyer ba'o zhes dgongs mdzod de/ bdag slu bar mi nus pa'o/ / de'i phyir mi smra ba kho nar zhu ba'i ngo bo nyid kyis snying rje rgyun chad ma mdzad cig pa'o/ /'dir yang bcom ldan 'das ni stong pa nyid dang ro gcig pa'i ting nge 'dzin ma yin te/ 'on kyang shes rab dang thabs kyi bdag nyid kho na'o/ /de lta na yang stong pa nyid kyi rang bzhin spongs zhes pa la sogs pa'i tshig ni 'gro ba'i don mi byed pa'i phyir rim gyis stong pa nyid du ltung ba srid pas blta bar bya'o/ /'dir yang rang rang gis bskul ba'i bar ma chad du lha mo rnams du ba la rjes su zhugs par blta ste slar yang 'byin pa'i tshig las so/ /bskul ba'i bar ma chad du zhu ba'i ngo bo'i bcom ldan 'das kyis dngos po mtha' dag sgyu ma lta bur yang dag par rig pas a hUM gi ngo bos gsal bar 'gyur zhing / de las gri gug dang thod pa dag des byin gyis brlabs pa dag ste/ de las 'bras bu rdo rje 'dzin pa bsdebs par mdzad cing bsdigs par mdzad pa rdzogs shing de lta kho nar lha mo rnams spro'o/ /de la lha mo rnams kyi sa bon ni gaM caM baM g+haM paM shaM laM DaM ste/ 'byin pa'i sngags kyang 'di rnams kho na ste/ sa bon rnams kyis dbyung bar bya/ /zhes gsungs pa'i phyir ro/ /bdag po dga' ma zhes pa/ bdag po ni bcom ldan 'das te dga' mo ni bcom ldan 'das ma'o/ /de dag kyang sa bon dag gis spro'o zhes sbrel lo/ /sa bon gnyis po de nyid gsungs pa/ hUM a zhes pa'o/ /'bar 'khrugs sngon po dag ces pa pad+ma'i nang du son pa'i sems kyi zhu ba'i rang bzhin dag gis te/ 'bar bas 'khrugs pa ste drag pa'ang de rnams yin la/ sngon po dag kyang ngo zhes pa'o/ /gsum pa ni gnyis kyi tshig ni 'byin pa la ltos pas so/ /de la lha mo phyung ba rnams kyis 'gro ba'i don byas nas 'chad par 'gyur ba'i gnas su dgod par blta bar bya zhing / bcom ldan 'das ni bdag nyid kyi nang du chud par bya'o/ /dkyil 'khor rdzogs pa ston pa/ ma mo'i 'khor lo zhes pa la sogs pa'o/ /zhal rnams ni gdong pa rnams so/ /zhabs rnams ni brla dang byin pa dang / rkang mthil tshogs pa rnams so/ /bdud bzhi rnams bcom nas kun du mnan pa'o/ /de bcom pa ni blo gros rgya mtsho'i mdor gsungs pa/ de la phung po'i bdud ni chos thams cad sgyu ma bzhin du rtogs pas bcom mo/ /nyon mongs pa'i bdud ni stong pa nyid du nges par 'dzin pas bcom pa'o/ /'chi bdag gi bdud ni ma skyes shing mi skye bas bcom pa'o/ /lha'i bu'i bdud ni chos thams cad bsam du med par rtogs pas bcom pa'o zhes so/ /de ltar phung po'i bdud gzugs su na tshangs pa ser po dang / nyon mongs pa'i bdud khyab 'jug nag po dang / 'chi bdag gi bdud dbang phyug chen po dkar po dang / lha'i bu'i bdud lha'i dbang po kham ser ro/ /'jigs pa'i zhes pa ni 'jigs par byed pa'i'o/ /khams gsum pa las 'das pa'i rang bzhin yum la longs spyod pa'i phyir cher rol cing rnam par sgeg pa'i nyams ni sgeg pa'o/ /bdud gnon pa'i phyir dpa' ba'o/ /mi mgo'i phreng ba la sogs pa'i rgyan 'dzin pa'i phyir ram gcer bu nyid kyi phyir mi sdog pa'o/ /sgeg pa'i rjes su byed pa gang yin pa de ni dgod pa zhes grags so/ /'jigs pa'i dus su dus gcig tu shar ba'i nyi ma'i dkyil 'khor drag po rnams dang nye bar mtshungs pa'i spyan rnams kyis drag po'o/ /lha dang lha ma yin mtha' dag skrag par byed pa'i gzugs nyid kyis 'jigs su rung ba'o/ /rnam par rtog pa mtha' dag pas nye bar mi mtshon pa'i bde ba chen po'i rang bzhin nyid na yang sngon gyi smon lam gyis 'jug pas rnam par spros pa'i sprul pa ma lus pa'i phreng ba rnams kyis skal ba ji lta bar 'gro ba la phan pa bsgrub pa'i phyir snying rje chen po'o/ /'gro ba las shin tu 'das par mthong ba nyid kyis na rmad byung ngo / /'dod chags la sogs pa'i nyon mongs pa'i phung po zhi ba nyid kyi phyir zhi ba'o/ /ro zhes bya ba 'di ci zhig ce na/ gang 'di myang bar bya'o/ /ci ltar zhe na/ 'di la b+ha ra tas bshad pa/ ji ltar rdzas sogs sbyar ba yi/ /tshod ma mang po dang ldan pa'i/ /zan ni zan za'i skye bo rnams/ /za zhing myong bar byed pa ste/ /de ltar mi rnams bsam 'gyur tshul/ /phun tshogs gnas byed bsam gyur pa/ /yid kyis myong bar byed de'i phyir/ /gar gyi nyams rnams su ni bshad/ /ces so/ /gnas byed bsam 'gyur bdag nyid de/ /thams cad sgeg sogs ro ru 'dod/ /ro mtha'i bar du gnas par byed/ /ces pa gnas byed rnams te/ de rnams kyang b+ha ra ta yis/ /dgod bro dga' dang mya ngan dang / /khro dang spro ba de bzhin 'jigs/ /rma bya ngo mtshar zhes pa ni/ /gnas byed bsam 'gyur rab tu bsgrags/ /sna tshogs tshul dang 'brel ba yi/ /ro 'di gang phyir bsam 'gyur byed/ /de phyir 'di rnams bsam 'gyur bar/ /gang sbyor rnams kyis shes par bya/ /gang phyir don la mngon phyogs par/ /'dren pa de phyir tshul yin no/ /sdud dang lus ngag snying stobs kyi/ /dbye bas de nyid tha dad 'dod/ /de la sgeg pa'i tshul ni sna tshogs pa mchog tu gsal ba'i gos dang byug pa dang phreng ba dang so rtsi dang rgyan la sogs pa ni kun nas sdud pa'i tshul lo/ /de la/ kun nas 'bigs dang bcing bya dang / /bskon bya btags bya nyid kyang ste/ /rgyan gyi gar ni rnam pa bzhi/ /phreng du bya ba rnam lngar bshad/ /kun nas 'bigs pa rna rgyan sogs/ /rna ba dag la sgrub pa yin/ rked rgyan skud pa dpung rgyan sogs/ /bcing bar bya ba rnams su bstan/ /rkang gdub rkang rgyan bcas pa dang / /rkang 'ching gos kyi rigs rnams ni/ /bskon bya gser gyi skud sogs dang / do shal la sogs gdags byar 'dod/ /dkris dang brdal ba nyid dang ni/ /bsdu dang de bzhin mdud par ldan/ /dpyangs pa phred du bya ba ni/ /rnam lngar mkhas pas shes par bya/ /dga' bas cung zad blta ba dang / /smin ma bskyod pa dang zur mig la sogs pa'i ngo bo ni rol pa dang lus sgyur gyi 'gyur ba dang lus kyi tshul lo/ / tshig snyan pa rnam par 'god pa ni ngag gi tshul lo/ /rab gsal ngo bo snying stobs te/ /snying stobs las ni bsam 'gyur 'byung / /spu ldang thim dang rengs pa dang / /rdul dang mdog 'gyur 'dar ba dang / /dbyangs dbye mchi ma de rnams 'dir/ /ming brgyad rnams kyis tha dad pa'o/ /dga' dang mya ngan 'jigs dang grang / /zhes pa spu long rgyu rnams so/ /brgyal dang sems ni rmongs gyur pa'i/ /srog chags rnams kyi thim par 'gyur/ /shin tu dga' dang 'jigs dang khro/ /nad rnams las ni rengs pa 'byung / /dga' ba khro ba 'jigs pa dang / /ngo tsha rjes chags de bzhin ngal/ /mnan pa dog pa dang bcas pa/ /rdul gyi rgyu ru shes par bya/ /grang dang dro dang 'jigs dang nad/ /dug ni mdog 'gyur rgyu rnams so/ /'dar ba'i grang dang dga' dag dang / /rims dang khro ba 'jigs rnams so/ /myos dang dpag med khro ba las/ /dbyangs kyi dbye ba yang dag 'byung / /dga' dang phrag dog nyen las byung / /mchi ma yod pa rnam gsum nyid/ /gang yang ro gcig la mthong zhing / /ro gzhan la yang mthong gyur pa/ /de rnams snying stobs dman nyid kyis/ /skyed pa 'khrul pa can rnams so/ /de rnams kyang yid 'byung ba dang rid pa can dang dogs pa dang mi bzod pa dang dregs pa dang ngal ba dang snyom las dang zhum pa nyid dang sems pa dang rmongs pa dang dran pa dang blo gros dang ngo tsha ba dang g.yo ba nyid dang dga' ba dang kun du skyo ba dang blun pa nyid dang khengs pa dang yi bsad pa dang sgyid lug pa dang 'dod pa dang brtan pa dang khro ba dang gnyid dang nyal ba dang sad pa dang bcos sbed dang sbungs che ba dang rjed byed dang / gdung ba dang smyo ba dang 'chi ba dang skrag pa dang rtog ba zhes pa sum cu rtsa gsum mo/ / mgo dang lag pa rked pa brang / /rkang pa logs dang yang dag ldan/ /yan lag nye ba'i yan lag ldan/ /yan lag drug pa'i gar bsdus pa'o/ /mgo dang logs dang brang dang rked pa dang lag pa dang rkang pa rnams ni yan lag drug rnams so/ /smin ma dang mig dang sna dang mchu dang 'gram pa dang / o sko rnams nye ba'i yan lag go/ /lta stangs ni rnam pa sna tshogs pa ste de la/ chung zad dgod bcas ngo mtshar bcas lta bu/ /smin ma bskyod bcas zur mig dang ldan pa/ /mdza' ba gsal byed rab dga' gcig mthar thug /sgeg pa las skyes lta stangs su 'dir bstan/ /cung zad gyen zlog mig gis gang / /steng gi mig lpags mdzes brdzes pa/ /mig zur mnyam par rgyas byas pa/ /ngo mtshar ba yi lta stangs 'dod/ /gang zhig dbus ni cung phye zhing / /sbubs ni rtag tu cher ma phye/ /mig rgyan mu ku la de 'gyur/ / reg pa 'dzin la rtag tu'o/ /rdzi ma'i rtse mo g.yo bzhin pa/ /steng gi mig lpags snum mdzes pa/ /dri dang reg pa dga' ba la/ /lta stangs mu ku lA ru 'dod/ /'jam la cung zhig bskums pa gang / /cung zad 'dzum zhing de bzhin mdzes/ /lta stangs rol ba zhes bya ste/ /bud med rnams kyis phyed lta ba'o/ /zhes pa la sogs pa/ /lta stangs so drug bstan bcos su/ /bsam 'gyur ro yi rten rnams bshad/ /byed pa rnams ni khyad par las/ /brgyad kyi lhag pa'i brgya ru bshad/ /lus sgyur sum cu rtsa gnyis te/ /de bzhin dbyung ba bzhi rnams so/ /de las cung zad bdag gis 'dir/ /slob mas rtogs pa'i ched du bshad/ /de rnams rgya cher nges byas pa/ /b+ha ra ta sogs su shes bya/ /bsam pa'i 'gyur ba la sogs pa 'di rnams kyang ji ltar rigs par rgyud 'dir rtogs par bya zhing / khyad par du bcom ldan 'das kyi gar gyi kun du bskyod pa'i bye brag rnams ni gom pa bskyod pa'i rgyud la sogs pa rnams su nye bar bsgrags te/ bdag gis rdo rje phreng bar rgyas pa dang bcas par rnam par phye'o zhes pas 'dir zhar byung rgya che bas chog go/ /'dis mgo bo'i phreng bas do shal byas pas ni de skad brjod do/ /gar stabs ni drag po'i gar ro/ /ji ltar 'jigs par byed par 'gyur ba de lta bu'i sku mdog nag po'o/ /spro bar bya zhes pa ni spro bar byed pa'o/ /sku ni lus so/ /dga' ba ni dga' rtsed de khyad dga'i dga' ba'o/ /de kho na gnyis gnyis te rnam par rtog pa dang bcas pa nyid kyi phyir ro/ /de la snyoms zhugs pa ni de sngon du mngon du byed pa'i phyir ro/ /de kho na nyid 'dis cis phyag rgyar bya zhe na gsungs pa/ bdag med ma zhes pa bdag med ma dang lhan cig sbyor ba/ dba' rlabs med pa spros pa med pa'i bde ba lhan cig skyes pa'i dga' ba'o/ /de thob pa ni thob par gyur pa'o/ /de kho na nyid 'dis ci zhig rgyas gdab ce na/ gsungs pa dba' rlabs med pa'i rang bzhin can/ /spros pa thams cad kyi gnyen po nyid kyi phyir dba' rlabs med pa gang rang gi ngo bo yin pa kye'i rdo rje'i ngo bo ste/ de 'di la yod pas na de skad bshad do/ /rnam par gtsigs pa ni mche ba rnam par gtsigs pa'o/ /nyi shu rtsa bzhi'i spyan gyis phyug pa ni zhal brgyad la/ so sor dmar la zlum pa'i spyan gsum pa nyid kyi phyir ro/ /tshigs bcad 'di'i rjes thogs su sgeg pa la sogs pa'i tshigs bshad gcig rtogs par bya'o/ /zhal thams cad ni sgeg pa'i ro ste/ dkar po la zhi ba dang nag po la drag po dang lhag ma rnams la ji ltar rigs par ro/ /gshor ni thod pa chang gis bkang ba'o/ /thod pa ni khrag gis gang ba'o/ /rnam pa 'di lta'i cho ga yis/ /zhes pa bcom ldan 'das rdzogs pa'i cho ga byas nas phyung ba'i gau rI la sogs pa rnams dgod par bya'o/ /gau rI g.yon pa dag na gzhu dang ro hi ta'i nya dang bcas pa'i khrag gis gang ba'i thod pa'o/ /chom rkun ma'i g.yon pa dag na lcags kyu dang bcas pa'i khrag gis gang ba'i thod pa'o/ /rab rmongs ma ni g.yung mo ste/ /de'i g.yon pa dag na bdud rtsi lnga'i thod pa la gnas pa'i ce spyang dang / sa 'don te thod pa'o/ /ro langs ma dkar po dang bsres pa'i ser po ste/ g.yon pa dag na thod pa gzung ba na chang dang gci ba dag dang g.yas pa khrag dang bcas pa'i thod pa na rus sbal lo/ /puk+ka sI'i g.yas pa dag na shas gang ba'i thod pa dag la gnas pa'i seng ge dang mchog sbyin gyi phyag rgya'o/ /gtum mo'i g.yas pa na khrag gis gang ba'i thod pa la stag go/ /g+ha sma rI ljang gu cung zad ser ba g.yon pa dag na rdo rjes mtshan pa'i me thab dang dgra sta dang / g.yas pa dag na tshil gyis gang ba'i thod pa la gnas pa'i sbrul dang mi 'jigs pa'i phyag rgya'o/ /sha ba rI'i g.yas pa dag na khu ba dang bcas pa'i thod pa la gnas pa'i dge slong dang rdo rje'o/ /nye bar sdud de/ sna tshogs gzugs can ma rnams bsgom/ /zhes pa'o/ /cho ga bzhin zhes pa thod pa rnams su ma bshad pa'i rdzas nya ro hi ta la sogs pa'i cho ga'o/ /rgyan ni 'khor lo can la sogs pa'o/ /'di rnams kyi yang sa bon gyi rim pa bzhin dgod do/ /de la gau rI dang chom rkun ma dang ro langs ma dang / g+ha sma rI dang puk+ka sI dang ri khrod ma dang gtum mo dang rab rmongs ma rnams rim pa ji lta bar zhi ba dang drag po dang dga' ba dang / shi ba slong ba'i tshul gyi gar dang zhi ba dang steng du phyogs pa dang myos pa dang rab tu rmongs pa'i lta stangs can gyi zhal can rnams te/ shar dang lho dang nub dang byang dang dbang ldan dang me dang bden bral dang / rlung gi phyogs dang phyogs mtshams su rim pa ji lta bar bsgom par bya'o/ /rta gzugs la sogs pa rnams kyi gtso bo dang g.yas pa dang cig shos dang steng gi rim pas zhal gyi kha dog gsungs pa/ nag ces pa la sogs pa'o/ /seng ge'i zhal ni dmar ba'o/ /g.yas brkyang gi zla bo'i zhabs ni sgo skyong rnams kho na'o/ /lha gzhan rnams ni skyil krung phyed pa can rnams so/ / gling bu ma la sogs pa rnams kyi rim pa ji lta ba bzhin hUM hUM hUM hUM hrIH trAM TAM trAM zhes pa sa bon rnams so/ /'dir yang dbang po byin gyis brlab pa dang sku gsung thugs byin gyis brlab pa dang dbang bskur zhing rgyas gdab pa dang mchod pa la sogs pa'ang shes par bya'o zhes pa'o/ /bcom ldan 'das 'di'i mngon par rtogs pa ni sngar bshad pa'i he ru ka gsum gyi ji lta ba bzhin te/ khyad par ni gzhal yas khang gi nang du cho ga bzhin du A li dang kA li las skyes pa'i zla ba dang nyi ma'i dbus su hUM dang a las skyes pa'i thod pa dang gri gugs gnas pa'i sa bon gnyis so zhes pa/ thams cad yongs su gyur pa'i rdo rje sems dpa' phyag rgya drug pa can zhal brgyad pa la sogs pa'i khyad par can rnam par bsgoms nas/ bsrub cing srubs pa las skyes pa'i byang chub kyi sems kyi thig le las byung ba'i gaM tsaM baM b+haM paM shaM laM DaM gi sa bon las skyes pa'i gau rI la sogs pa rnams pad+ma'i nang nas phyung nas gnas ji lta bar blta bar bya'o/ /de nas hoH yig gnyis kyi dbus su chud pa'i sa bon gyi ngo bo'i sems zhal nas pad+ma'i nang du gzhug cing / de nas 'dod chags chen pos rig ma dang bcas pa'i rdo rje can zhu bar gyur pa/ bzhengs shig ces pa la sogs pas bskul zhing / zhu ba las lha mo zhugs ma thag tu zhu ba de las skyes pa'i hUM zhes pa la sogs yongs su gyur te/ oM d+har+m+ma d+hA tu swa b+hA ba At+ma kou0f85haM zhes brjod do/ /de nas mig byin gyis brlab pa la sogs pa dang po'i sbyor ba'i rjes thogs su bdag med ma'i spyi bor oM yig dkar po ste/ oM yig phra mo gzhan dang gzhan rnams kyis snying ga'i mthar thug par khyab pa dang / snying gar hUM yig nag po ste/ de lta kho nar rked pa'i mthar thug pa dang / gsang bar AH yig dmar po ste de bzhin kho nar rkang mthil gyi mthar thug par bsgoms nas/ oM pad+ma su khA d+hA ra ma hA rA ga su khaM da da tsa tu rA na n+da b+ha ga bi shwa hUM hUM hUM kA r+ya ku ru Sh+wa me/ oM badzra ma hA dwe Sha tsa tu rA na n+da dA ya kaH kha ga mu khai ka ra so nA tha hUM hUM hUM kA r+ya ku ru Sh+wa me/ zhes pas pad+ma dang rdo rje byin gyis brlabs nas dga' ba brtsams te/ sngon bzhin du gau rI la sogs pa'i lha mo rnams dbyung bar bya'o/ /lha mo dang bcom ldan 'das kyang rang gi sa bon las skyes pa na de dag spros nas bdag nyid kyi nang du gzhug par bya'o/ /de nas mig la sogs pa byin gyis brlab pa ni snga ma bzhin te thams cad bya'o/ /de nas ye shes sems dpa' gzhug cing dbang bskur te rgyas gdab pa dang / bdud rtsi myang ba zhes pa dkyil 'khor gyi rgyal po mchog la sogs pa bsgom pa dang bzlas pa bya'o zhes pa'o/ /dpal yang dag par sbyor ba'i rgyud kyi rgya cher 'grel pa man ngag gi snye mar snye ma dgu pa'o// //ye shes mkha' 'gro ma bsgom pa la sbyar ba'i ched du gsungs pa/ nyon cig ces pa la sogs pa'o/ /gtso bo ni rang gi gdul bya rnams phan pa la sbyar ba'i ched du rab tu 'byung ba'i ngang tshul can nyid kyi phyir ro/ /de nyid kyi phyir gsal ba'o/ /stong pa nyid bsgom pa gsungs pa/ spangs pa ste spangs shing bral ba ni stong pa nyid do zhes pa'i don to/ /ci zhe na/ gnyis kyi dngos po ste dngos po dang dngos po med pa la sogs pa gnyis kyi rang bzhin gyi'o/ /de bsgom par bya ste sus she na/ gnyis med chos kyi ye shes can gyis te stong pa nyid kyi ye shes dang ldan pas so/ ci ltar zhe na/ gsum gyis te rgyud gzhan du gsungs pa'i phyir oM yig dang swa b+hA wa dang badzra dang yo ga rnams kyis khyad par du byas pa'i shud+d+ha zhes pa la sogs pa'i sngags gsum brjod par bya'o/ /nam gyi tshe zhe na/ rnal 'byor kun ni shin tu rnam par dag pa'i chos kyi dbyings kyi ngo bo ye shes mkha' 'gro'o/ /de'i dang po pa ni rgyu ste hUM dang bcas pa'i rdo rje'o/ /de'i sngon ni stong pa nyid mngon du byed pa'i rtsom pa'o/ /rnal 'byor kun dang po dang sngon te de rnams su rim pa ji lta bar yo ga zhes pa la sogs pa dang badzra zhes pa la sogs pa dang / swa b+hA wa zhes pa la sogs pa brjod par bya'o/ /a gra'i a'i yi ge dbye ba ni nges pa'i tshig go/ /swa b+hA wa yis te rang bzhin stong pa nyid las dngos po dang dngos po med pa dang gzung ba dang 'dzin pa la sogs pa'i sgro btags pa dang bral ba'i phyir shud+d+ha ste dri ma med pa'i phung po la sogs pa rnams yin zhing / nga yang de lta ste chos thams cad kyi nang du 'dus pa nyid kyi phyir ro zhes dgongs pa'o/ /badzra ni stong pa nyid de/ stong nyid rdo rjer brjod par bya/ /zhes pa'i gsung las so/ /des mtshan mar sgro btags pa ma lus pa dang bral ba'i phyir shud+d+ha rnams so/ /yo ga ni byang chub kyi sems te/ des smon pa dang bral ba nyid kyi phyir/ shud+d+ha rnams so/ /bdag tu 'dzin pa ni dor bar dka' ba nyid kyi phyir na swa b+hA wa shud+d+hou0f85haM zhes pa la sogs pa'i tshig go/ /gsum rnams kyis ni stong pa nyid dang mtshan nyid med pa dang smon pa med pa ste/ rnam par thar pa'i sgo gsum rnams gsungs so/ /rang bzhin gyis yongs su dag pa nyid na yang 'di rnams kyis glo bur gyi dri ma sel ba'o/ /de ltar byas nas shes pa bsgoms nas/ slar yang khyad par du de'i ste bral ba chos thams cad mi dmigs pa'i'o/ /ci zhig tu gnas nas she na/ yid dang rjes mthun phyogs rnams su'o/ /bsam gtan ci 'dra ba zhen gsungs pa/ yud kyi rnam pa zhes pa la sogs pa ste/ ye shes mkha' 'gro mar bsam bya/ zhes pa rnam dbye bsgyur bas 'brel bar bya'o/ /de'i rjes su de nam mkhar gzhag par bya ste mchod pa sngon ma can du ji ltar 'gyur bar ro/ / blo ldan zhes pa 'dis gzhan du brjod pa dran pa la sbyor ba'i phyir chog gzhan gsal bar byed do/ /ye shes rgya mtsho ni ye shes mkha' 'gro ma la sogs pa'i lha'i 'khor lo'o/ /ci byas nas she na gsungs pa/ lhun po'i zhes pa la sogs pa'o/ /lhun po gang gi kha dog bzhi rnams yin pa ste/ dngul dang in+d+ra nI la dang / shel dang gser gyi rang bzhin nyid kyi phyir ro/ /shar dang lho dang nub dang byang gi phyogs rnams su dang / phyogs min du de ltar te/ /phyogs bral rnams su yang phyogs kyi kha dog kho na ste phyogs bral rnams ni de dang de'i phyogs rnams kyi nang du 'dus pa'i phyir ro/ /ci bsams nas she na/ gser gyi rang bzhin gyi khang pa brtsegs pa yang dag par byung bo'o/ /rin chen bdun ni/ gser dang dngul dang bai DUr+ya dang mu sA ra ga lba dang / rdo'i snying po dang mu tig dmar po dang ka rke ta na rnams so/ /pad+ma rA ga dang / in+d+ra nI la dang baiDUr+ya dang ma ra ka ta dang rdo rje dang mu tig dang byu ru rnams so zhes kha cig go/ /rang 'dod rgya khyon zhes pa rang gi 'dod pa'i dbang du gyur pa'i rgya khyon no/ /'di'i rjes su bla re zhes pa la sogs pa phyed dang bcas pa'i tshigs bcad do/ / seng ge la sogs pas mtshan pa ni rgyal mtshan no/ /phyogs brgyad rnams su dang steng dang 'og ces pa gnas bcu rnams su kun du ste khyab par ro/ /dri'i dkyil 'khor ni dri kun nas bsdus pa ste gzhal yas khang gi nang du'o/ /der yang gdan la sogs pa gsungs pa/ seng ge zhes pa la sogs pa'o/ /bdag nyid kyi spro ba'o zhes pa dbugs ni sa bon te srog tu gyur pa nyid kyi phyir ro/ /de nyid kyi phyir snying gar bsgom par bya'o/ /de yongs su gyur pas byung na ste rab tu skyes nas so/ /de la ye shes mkha' 'gro ma'i rang bzhin gsungs pa/ zhal gsum zhes pa la sogs pa'o/ /rang gi gdan gyi steng du skyil krung gi rnam par zhabs g.yon pa bkod nas g.yas pa cung zad brkyang bar bya'o zhes pa 'dir sems dpa'i skyil krung ste/ lha mo bcu gsum po rnams kyang sems dpa'i skyil krung can rnams so/ /sangs rgyas lnga 'phro ba rnams kyis mngon par brgyan pa'i cod pan dang dar gyis bcings pa'i cod pan gyi steng du rdo rje'o/ /bzhad pa ni zhal g.yas pa rab tu bzhad pa dkar po'o/ /rtsa ba ni khros shing gad rgyangs can no/ /g.yon pa dmar po sgeg pa dang bcas pa ste zhal so so la spyan gsum pa'o/ /phyag g.yas pa gsum na gyen du bsgreng ba'i kha T+wAM ga dang dgra sta dang / rdo rje ste/ phyag g.yon pa gsum na dril bu dang thod pa dang ral gri rnams so/ /drag tu gsangs mthon por 'jigs su rung bar dgod pa gang gi yin pa de ni de skad do/ /snod ces pa khrag gis gang ba'i thod pa'o/ /rnal 'byor snod ni thod pa ste g.yon du'o/ /rdo rje mkha' 'gro ma la sogs pa rnams spyan gsum pa gtso mo la gzigs pa rnams so/ /ye shes kyi zhes pa ye shes mkha' 'gro ma'i'o/ /seng ge'i gdong can zhes pa ni seng ge'i zhal lo/ /glang po'i dbang po ni lag ldan no/ /phyag g.yas par rdo rjes mtshan pa'i lcags kyu'o/ /g.yon na sdigs mdzub dang bcas pa'i zhags pa'o/ /stag mo la sogs pa gsum ni stag dang ce spyang dang 'ug pa'i gdong pa can no/ /klu zhes pa gdengs can gyi dbang po brgyad rnams te rigs la gcig gi tshig go/ /de kho na'i ni sbrul gyi'o/ /rgyal po'i dbang mo zhes pa ming ngo / /phyag rnams zhes pa phyag gnyis thal mo sbyar ba'i tshul lo/ /phyag gnyis thal mo sbyar ba'i zhes pa phyag gnyis thal mo sbyar la spyi bo'i steng du mar me'i rnam pas ston pa'o/ /khrag gi rgyun zhes pa la sogs pa ni lag pa gnyis kyi snyim pa steng du byas pas khrag srad bu dmar po bzhin du rgyun gyis 'thung pa'o/ /sdigs mdzub mdung gi phyag can zhes pa phyag gnyis kyis rdo rje thal mo byas te/ mthe bo'i rtse mo gnyis phan tshun sbyar nas/ sdigs mdzub gnyis kyi rtse mor byas pa ni mdung lta bu'o zhes pas de skad brjod do/ /de yang rang gi b+ha gar 'dzin pa'o/ /rmongs par mdzad ces pa rmongs par byed ma ste sems ldan rnams thams cad dbang du byed pa zhes pa'i don to/ /nye bar sdud de thams cad rig pas thams cad bsgom zhes pa/ 'di lta bu'i dkyil 'khor thams cad kha dog dang phyag mtshan la sogs pa thams cad shes pa'i rnal 'byor pas bsgom par bya'o/ /seng ge'i gdan bzhin du gdan gzhan rnams kyang nyi ma mnan pa rnams so/ /thams cad du yang rang rang gi sa bon yongs su gyur pa'i lha mo rnams so/ /'di rnams zhes pa la sogs pa ni/ lha mo 'di rnams kyi mdun du dam tshig gi phyag rgya rang nyid ji lta bar bstan par bya'o/ /ye shes mkha' 'gro ma'i sa bon btu ba ni/ rlung dang me las bdun pa nyid/ /ces pa/ rlung gis te rlung gi dkyil 'khor zla ba phyed pas steng du khyad par byas shing me las te re pha las bdun pa ha yig rdo rje ma'i sa bon u yig 'og tu ldan pa'o/ /zla ba phyed pa'i steng du thig le dang nA da dag gis mnan pa ste/ de ltar hUM du 'gyur ro/ /hUM de yang byang chub sems kyi rgyun char du 'bebs so zhes pas char gyi rgyun te 'dis phra mo'i rnal 'byor gsal bar byed do/ /de'i don 'di yin te/ sa phyogs yid dang rjes su mthun pa 'ga' zhig tu nub tu gdong phyogs shing skra grol bas gtor ma sbyin pa sngon du 'gro bas yud kyis ye shes mkha' 'gro ma'i gzugs su bdag nyid lhag par mos nas rang gi snying ga'i sa bon gyi 'od kyis nam mkhar spyan drangs pa'i ye shes mkha' 'gro ma 'khor dang bcas pa la/ snying ga'i sa bon las skyes pa'i lha mo rnams kyis phyi dang cig shos kyi mchod pas mchod de/ sdig pa bshags da nas ji srid btang snyoms kyi bar du bsgoms nas/ oM swa b+hA wa shud+d+haH sarba d+harmAH swa b+hA wa shud+d+hou0f85haM/ zhes pa nang gi brjod pas klog cing / don mngon du byas te/ chos thams cad stong pa nyid la gzhug par bya'o/ /de nas oM hUM swA hA zhes pa'i sngags kyis rdo rje'i rang bzhin gyis gzhi bsgom par bya zhing / oM dzaM b+ha ni hUM phaT zhes pas rdo rje'i ra ba dang / oM juM swA hA zhes pas rdo rje'i gur te/ oM hUM phaT zhes pas bgegs rnams phur bus btab la de'i dbus su yuM k+ShuM su hU~M hU~M rnams las rim pa ji lta bar skyes pa'i rlung dang me dang chu dang sa dang ri rab kyi steng du oM hU~M phaT ces pa yongs su gyur pa'i rin po che sna bdun gyis spras pa gser gyi rang bzhin gyi khang pa brtsegs pa'i dbus dang phyogs bzhi rnams su seng ge lnga rnams la sna tshogs pad+ma la gnas pa'i nyi ma'i gzugs lnga rnams te/ dbus kyi seng ge la gdugs dkar po'o/ /der dbus kyi nyi ma la A li dang kA li las skyes pa'i zla ba dang nyi ma'i dbus su gnas pa'i hU~M las skyes shing des byin gyis brlabs pa'i rdo rje bsgoms nas/ oM badzra shud+d+haH sarba d+harma badzra shud+d+hou0f85haM zhes brjod cing / de las spros pa'i de bzhin gshegs pa dang lha mo rnams kyis 'gro ba'i don byas te/ der bsdus pa na zla ba la sogs pa rnams las rdzogs pa'i ye shes mkha' 'gro ma dang de skye ba dang dus mnyam du dkyil 'khor pa rnams kyang rang rang gi sa bon rnams las skyes par bsgoms la/ oM yo ga shud+d+haH sarba d+harmA yo ga shud+d+hou0f85haM zhes pas nga rgyal bya'o/ /de la rdo rje mkha' 'gro ma la sogs pa rnams kyi rang rang gi gdan dang sna tshogs chu skyes dang nyi ma rnams la/ rim pa ji lta bar hU~M hU~M hU~M hU~M/ AM IM UM r-iM l-iM aiM auM aH ni sa bon rnams so/ /lha mo bcu gsum po rnams kyang dbu skra grol ba sbrul gyi rgyan can ji skad bshad pa'i sku mdog dang phyag mtshan la sogs pa can rnams blta bar bya'o/ /der bdag nyid kyi spyi bor k+ShuM dgod de/ mig rnams la hUM ngo / /rna ba dang sna'i nang rnams su yuM mo/ /lce rnams la suM ngo / /mgrin par s+m+r+YuM ngo / /dpung pa'i rtsa ba dag tu h+m+r+yuM ngo / /snying gar y+m+r+yuM ngo / /lte bar k+Sh+m+r+yuM ngag dang yid rnams byin gyis brlab par byas nas/ rang gi snying ga'i sa bon gyi 'od zer rnams kyis ye shes kyi 'khor lo nam mkhar spyan drangs te/ ji lta ba bzhin du yang dag par mchod cing dam tshig bstan par bya'o/ /de la rdo rje khu tshur gnyis bcings nas sor mo gung mo gnyis brkyang ste rtse mo sbyar ba ni ye shes mkha' 'gro ma la ste/ oM hUM swA hA zhes brjod cing bstan par bya'o/ /rdo rje thal mo byas nas mthe bong rgan po dag gis gung mo gnyis la yang dang yang du reg cing bskyod pa'i phyag rgya dang oM badzra DA ki nI hUM phaT swA hA zhes pa rdo rje mkha' 'gro ma la'o/ /khu tshur gnyis mnyam por bcings te mthe bong rgan po gnyis brkyang zhing / oM gau rI hUM swA hA zhes pa 'jigs ma la'o/ /phyag rgya de kho na bcings nas mthe chung gnyis brkyang bar bya zhing / oM be tA lI haM zhes pa ro langs ma la'o/ / phyag rgya 'di gnyis bcings te sor mo gung mo gnyis brkyang zhing / oM tsa N+Da lI hUM swA hA zhes pa gtum mo la'o/ /rdo rje khu tshur gnyis bcings nas sdigs mdzub gnyis brkyang ste/ rtse mo dag sbyar zhing oM A swA hA/ oM IM swA hA/ oM UM swA hA/ oM r-i swA hA/ zhes pa seng ge ma la sogs pa bzhi rnams la'o/ /lag pa gnyis thal mo'i tshul du brkyang ste khar bcug pa dang / oM l-IM swA hA zhes pas rgyal po'i dbang mo la'o/ /thal mo sbyar ba spyi bor 'dzin cing oM aiM swA hA zhes pas mar me ma la'o/ /thal mo gyen du byas nas kha dang nye bar bzhag cing / oM auM swA hA zhes pas 'jib ma la'o/ /lag pa gnyis kyis pad+ma'i bskor ba byas nas rdo rje thal mo byas te snga ma bzhin gsang gnas su bzhag cing / oM AH swA hA zhes pas kam+po dzi la'o/ /de'i rjes su pad+ma'i bskor ba sngon du 'gro bas ye shes kyi 'khor la dam tshig gi 'khor lo ji ltar rigs par gzhug par bya'o/ /de nas dbang bskur ba dang rgyas gdab pa bsam par bya ste/ de la ye shes mkha' 'gro ma la sogs pa rnams la rim pa ji lta bar mi bskyod pa dang rnam par snang mdzad dang rin chen 'byung gnas dang / 'od dpag med dang don yod grub pa rnams kyis so/ /seng ge ma la sogs pa rnams la mi bskyod pa dang rnam par snang mdzad dang rin chen 'byung ba dang 'od dpag tu med pa rnams kyis so/ /rgyal po'i dbang mo la sogs pa rnams la yang rnam par snang mdzad dang rin chen 'byung ba dang 'od dpag med dang don yod grub pa rnams kyis so/ /ro'i rjes su mchod pa'i lha mo spros pa rnams kyis bdag nyid mchod nas bstod du bcug ste des bstabs pa'i bdud rtsi myangs la/ bde ba chen po'i pad+mar zla ba'i dkyil 'khor la gnas pa kha thur du phyogs pa smin ma'i dbus su chags pa'i thig le hUM yig ste/ bdud rtsi'i rgyun 'dzag pa nyid kyis char rgyun 'bab par bsam par bya'o zhes pa thig le'i rnal 'byor nang du 'dus pa'i phra mo'i rnal 'byor gyi bar ma chad du skyon oM hrIH swA hA zhes pa'i sngags 'bum phrag gsum bzlas shing rdo rje mkha' 'gro ma la sogs pa rnams kyis yang 'chad par 'gyur ba'i sngags rnams te/ mngon par 'dod pa'i dngos grub 'thob po zhes pa'o/ /dpal yang dag par sbyor ba'i rgyud kyi rgya cher 'grel pa man ngag gi snye mar snye ma bcu pa'o/ / //bdag med ma la sogs pa rnal 'byor ma'i 'khor lo'i dbang du byas nas bar ma'i rim pas rgyas par ston pa'i don du gsungs pa/ de nas zhes pa la sogs pa ste/ ji ltar bcom ldan 'das kyis gsungs pa de ltar mdor bsdus te bshad par bya zhes pa sdud pa pos so/ /nam mkha'i khams kyi tshig gis stong pa nyid kyi byang chub kyi ngo bo la rnal 'byor gcig bstan to/ /de'i yan lag gdan dang snying ga'i sa bon la sogs pa btang snyoms kyi mthar thug pa bsgoms pa ni bdun par gsungs par blta bar bya'o/ /nam mkha'i dkyil 'khor gyi dbus su nyi ma'i dkyil 'khor zhes pa 'dis re phas sngon du nyi ma zhes pa la sogs pa gsal bar byas so/ /rdo rje gur yang ste sa bon bsdu ba'i don du'o/ /de'i rjes su sngon du mchod cing stong par gyur pa las yud kyis bltas pa'i 'dod pa'i lha yongs su gyur pa las zur gsum pa nyid kyi chos 'byung dang chos mthun pa nyid kyi phyir dang sgrib pa thams cad spangs pa'i phyir ston ka'i zla ba ltar dkar ba chen po/ /sku gsum gyi bdag nyid kyi rdo rje 'dzin pa'i rang bzhin nyid kyis zur gsum gyi chos 'byung gi phyag rgya rnam par bsams te/ de'i dbus su rten gyi 'khor lo bsam par bya'o/ /ci ltar zhe na/ gsungs pa/ 'khor lo zhes pa ste khang pa brtsegs pa'o/ /sngon ni dang por ro/ /ji lta'i tshul ni tshul las ma 'das pa ste sa la sogs pa yongs su gyur pa'o/ /de'i rjes su lha rnams ji ltar 'byung ba'o zhes pa rnam pa lnga las ma 'das par bsam par bya'o zhes rjes su 'jug go/ /mdor bstan pa 'di rgyas par 'chad de/ 'khor lo zhes pa dkyil 'khor ro/ /thams cad du 'brel par bya ste/ sa'i dkyil 'khor chu'i dkyil 'khor zhes pa la sogs pa'o/ /sngon zhes pa dang po ste me dang rlung gi dkyil 'khor la ltos nas sa dang chu'i dkyil 'khor dag kyang rgyas par bshad pa'i rim pa kho na las sngon ma dang phyi ma'i dngos po shes par bya'o/ /ji lta'i tshul du zhes pa/ rlung gi dkyil 'khor gyi steng du me'o/ /de'i steng du chu dang de'i steng du sa'i dkyil 'khor bsgom par bya'o zhes pa 'di ni tshul te/ de lta kho nar snod kyi 'jig rten gyi dkyil 'khor rnams gnas pa'i phyir ro/ /lha rnams kyi zhes pa yang thams cad du 'brel bar bya ste/ de dang de rnam par dag pa'i ngo bo spyan ma la sogs pa'i lha rnams kyi de'i ngo bor dkyil 'khor 'di rnams blta bar bya'o zhes pa'i bar ro/ /rlung la sogs pa rnams kyi sa bon ni ya~M ra~M ba~M la~M yig rnams so/ /sgom pa po zhes pa ni stong pa nyid dang snying rje dbyer med pa'i byang chub sems kyi ngo bo'o/ /ji ltar 'byung bzhin ni 'byung tshul las ma 'das par sprul pa bzhin dus la sogs pa'i dkyil 'khor rnams blta bar bya'o/ /chos 'byung las byung zhes pa 'di chos 'byung du byung zhing skye ba zhes pa'o/ /'khor lo ni khang pa brtsegs pa ste 'byung ba chen po bzhi bsdus pa las skyes pa zhes shugs las so/ /rim gnyis te rdo rje phreng bas yongs su bcad pa'i 'phar ma gnyis dang ldan pa nyid kyi phyir ro/ /dag pa ni shin tu dang pa nyid kyi phyir ro/ /nyes med pa ni skyon med pa nyid kyi phyir ro/ /ze 'bru yis ni gcig tu 'gyur/ /zhes pa ze 'brus nye bar mtshon pa pad+ma 'dab ma brgyad pa ni nang gi 'phar ma'o/ /sku gsum 'dzin pa'i rdo rje can/ /zhes pa sku gsum gyi bdag nyid can rdo rje 'dzin pa zur gsum pa'i chos 'byung gi gzugs can chos 'byung la gnas pa'i khang pa brtsegs pa'i nang du dbus kyi pad+ma las phyi rol gnyis pa ni phyi'i 'phar ma'o zhes pa'i don to/ /gru bzhi nyid la sogs pa 'di'i yon tan rnams ni 'chad par 'gyur ro/ /gdan rnams ni zla ba'i dkyil 'khor rnams so/ /de'i zhes pa zla ba dang bcas pa'i ro'i steng du snying gar zla ba'o/ /nyi ma mnan zhes pa kun nas mnan pa ste/ de la zla ba la gnas pa'i sa bon gyi steng du phyi nas bsgom par bya'o zhes pa'i don to/ /sngar ji skad bshad pa/ A lis zla ba kA lis nyi/ /sa bon dbus su son par 'gyur/ /zhes so/ /gnyis 'dus pa ni bde ba chen po zhes pa/ rnam par shes pas byin gyis brlabs par zhes pa lhag ma ste/ de lta kho nar skye ba la sogs pa la nyams su myong ba nyid kyi phyir na/ 'dir yang de lta kho nar rnam par shes pa'i ngo bo'i sa bon gyis byin gyis brlabs par zla ba dang nyi ma 'dus pa 'di bsgom par bya'o/ /zla ba dang nyi ma'i sa bon gsungs pa/ gnas zhes pa la sogs pa/ A li kA li yongs su gyur pa dag de dag go/ /gau rI la sogs pa rnams kyang de lta kho nar bskyed do zhes gsungs pa/ zla ba zhes pa la sogs pa ste/ zla ba nyi ma la 'dus pa kho na rgyu la 'bras bu nye bar btags pa las gau rI la sogs zhes bshad do/ /rdo rje ma la sogs zhes brjod par bya ba la/ gau rI la sogs zhes gang gsungs pa ni de rnams rim gyis bskyed pa bsal ba'i don du ste/ thams cad dus gcig kho nar bskyed pa'i phyir ro/ /'o na ye shes lnga'i rang bzhin rnam pa lnga mngon par byang chub pa las sangs rgyas nyid de/ yang zla ba la sogs pa bsgom pas ni ma yin no zhe na/ gsungs pa/ me long zhes pa la sogs pa ste/ 'di rnams gzugs brnyan gyi ngo bos kun nas mthong ngo zhes pa me long ste shin tu dang ba'i me long la sogs pa'o/ /de bzhin du ye shes shin tu dang ba yang me long ye shes su brjod par bya ste/ gang du 'gro ba me long la bzhin du so sor snang ba de de'i bdag nyid kyis 'dir yod do zhes pa me long ye shes dang ldan pa ni zla ba ste/ zla ba bsgom pa kho na me long ye shes bsgom pa'o zhes pa'i don to/ /'gro ba thams cad kyi yid shin tu dang ba zla ba'i tshul can kho na ni me long ngo zhes mngon par dgongs pa'o/ /mnyam nyid ye shes ni gang gis de ltar gzugs brnyan du 'gyur ba'i 'gro ba mnyam pa nyid du rtogs pa ste/ de'i bdag nyid ni/ mnyam nyid ye shes bdun bdun pa/ /nyi ma ste 'di'i rta bdun pa rnams so zhes byas nas so/ /nyi ma bsgom pa kho na mnyam pa nyid kyi ye shes bsgom pa zhes pa'i don to/ /zla ba dang nyi ma 'dus pa na bde ba chen po'i rang bzhin gyi yid kyi chos thams cad gzugs brnyan lta bu nyid du'ang dbye ba rnams mthong ba'i phyir so sor rtog pa'i ye shes te/ gang gis de ltar mnyam par gzhag pa kho nas sems can rnams kyi sems kyi spyod pa rnams so sor rtog par mdzad pa'o/ /de 'dir/ rang lha'i sa bon gyi phyag mtshan/ /so sor rtog par brjod par bya/ /sa bon las skyes pa nyid kyis dang sa bon gyi byin gyis brlabs pa nyid kyis sa bon rnams kyis mtshan pa'i rang gi lha'i phyag mtshan ni so sor rtog pa'i ye shes so zhes pa'i don to/ /de ni 'gro ba'i don la nges par spyod pa lhur len pa gsal bar gyur pa'o zhes mngon par dgongs pa'o/ /sa bon rnams kyis zhes pa mang po'i tshig ni lha mo rnams kyi sa bon sna tshogs pa nyid kyi phyir ro/ / phyag mtshan zhes gcig gi tshig ni bco lnga rnams kyi phyag mtshan rdo rje sngon po gcig pa nyid kyi phyir ro/ /bya ba sgrub pa ni gang gis de ltar so sor brtags pa'i 'gro ba'i bya ba sprul pa dpag tu med pa rnams kyis rjes su sgrub pa ste/ de 'dir/ kun gyis gcig gyur rjes su sgrub par brjod par bya zhing / kun gyis zhes pa zla ba dang nyi ma dang sa bon dang phyag mtshan dang sprul pa rnams kyis dang 'gro ba dang yang lhan cig tu gcig pa nyid de/ rnam pa thams cad spros pa thams cad nye bar zhi ba'i phyir ro mnyam 'gyur ba yin zhing / 'dir 'di ni skad cig gcig la mngon par byang chub pa ste/ skad cig kho na la 'gro ba thams cad spros pa thams cad dang bral ba la de ltar mngon par byang chub pa'i phyir ro/ /gzugs rdzogs pa ni dag pa'o zhes pa/ de'i bar ma chad du lha'i rnam pa yongs su rdzogs pa ni shin tu rnam par dag pa'i chos kyi dbyings kyi ye shes so zhes pa'i don to/ /de kho na nyid shin tu rnam par dag pa'i chos kyi dbyings kyi ye shes kyi ngo bo nyid kyi phyir ro/ /rnam pa ye shes lnga'i rang bzhin rnams/ /cho ga bshad pas de zla ba la sogs pa rnams kyis te/ las dang po pas de lhag par mos pas dang / cung zad yongs su rdzogs pa ni cho ga bshad pa kho nas de'i don cung zad dngos su byed pa las so/ /'dir rgyu'i ye shes bzhi'i rang bzhin nyid la yang bde ba chen po mos pa pa yod pa kho na ste/ de nyid kyi phyir 'di rgyu rdo rje 'dzin par brjod par bya'o/ /rnam pa lnga mngon par byang chub pa la yang ni bde ba chen po lhag par mos pa ba ste/ de nyid kyi phyir lha mo dang yang dag par sbyor ba nyid kyis bde ba chen po mngon par byang chub pa yongs su rdzogs pa kho na la rdo rje 'dzin pa bskyed pa'o zhes pas de kho na dngos por na rnam pa lnga mngon par byang chub pa'o/ /de kho na yang 'dir bdag med ma dang he ru ka'i dkyil 'khor du bstan to/ /bdag med ma'i dkyil 'khor 'dir ni bde ba chen po man ngag las rtogs par bya ba yin gyi/ 'di ltar yud kyis mngon du 'gyur ba yang ma yin no/ /de nyid kyi phyir 'di ni bar ma'i rim pa'o/ /shes rab dang thabs yang dag par sbyor ba nyid na ni de yongs su gsal lo zhes bde ba chen po 'di nye bar ston to/ /de nyid kyi phyir yang rgyud gzhan rnams su zla ba la sogs pa'i rim pas rnam pa lnga mngon par byang chub pa gsungs na yang bde ba chen po'i tshul nyid du nye bar ston pa ni ma yin no/ /rnam pa 'di lta bu'i rnal 'byor dang rnal 'byor ma'i rgyud rnams kho nar ni bde ba chen po'i rang bzhin rdo rje 'dzin pa'i sa yongs su gsal zhing de'i rjes su 'brang ba las gzhan du yang rtogs par bya'i/ lhan cig skyes pa'i dbang med par nye bar bstan pa ni ma yin te/ bcom ldan 'das kyi bka' kho nas so/ /lhan cig skyes pa'i dbang ni rnam pa 'di lta bu'i rgyud rnams kho nar ro/ /rgyu rdo rje 'dzin pa med par 'bras bu rdo rje 'dzin pa bskyed pa ma yin no zhes gsungs pa/ A li zhes pa la sogs pa'o/ /gdan ni gdan no/ /zla ba dang nyi ma'i dbus na gnas pa'i phyag mtshan gyi nang du son pa'i sa bon gyi ngo bo ni 'dir rgyu rdo rje 'dzin pa'o/ /yi ge las byung zhes pa yi ge las skyes pa'i gong bu ste rdo rje sems dpa'i sku la/ hUM zhes pa pad+ma bskyod pa'i dus su brjod par bya bzhin pa dang phaT yig ser po rdo rje rtse mo bu ga dag tu byang chub kyi sems bzung ba'i ched du bsgom par bya ba ni mi 'dod de/ 'dir mi sbyor ba'i phyir ro zhes pa lhag ma'o/ /sems pa'i gzugs las byung ba zhes pa bshad ma thag pa'i rgyu rdo rje 'dzin pa las skyes pa'o/ /dkyil 'khor dbang mo zhes pa bdag med ma'o/ /'di skad gsungs te ye shes bzhi rnams ni rgyur gyur pa rnams te/ lnga pa 'bras bu'i zhes pa'o/ /de ci 'bras bu rdo rje 'dzin pa ye shes lnga'i rang bzhin med dam zhe na/ de ltar ma yin te 'di rnams shin tu rnam par dag pa rnams de'i ngo bor skye ba'i phyir yin zhing / dbang po la sogs pa 'byung ba'i rim pas spro ba dang sdud pa'i rim pas de rnams kho na shin tu rnam par dag pa rnams su mthong bas so/ /sngon bzhin zhes pa mchod pa dang sdig pa bshags pa la sogs pa'i don du spyan drangs pa'i bdag med ma bzhin no/ /bcom ldan 'das kyis ni zhal dang phyag mtshan dang rgyan la sogs pa ma rtogs par mdzad mod/ rdo rje snying pos snga ma phyi mar yang sdud pa ni zlos pas 'jigs pa las phyis kho na ste bcom ldan 'das kyi bka' kho na yis so/ /bcom ldan 'das kyis bzhin du bla mas sngon du rtogs su gzhug par bya'o zhes mngon par dgongs pas so/ /zla ba chu shel nor bu ni mtshan ma med pa'i zla ba gang ba lta bu ste/ de'i 'od lta bu gang gi 'od yin pa ste/ zla ba'i 'od can zhes pa'i don to/ /'di ni gdan yang nye bar mtshon pa ste/ drag mo nyid na yang lha mo zla ba'i gdan dang zla ba'i 'od can no zhes pa'i don to/ /de ltar thams cad ces pa de las gzhan pa'i rnal 'byor ma bcu bzhi rnams so/ /shes rab thabs kyi rang bzhin las zhes pa so sor rtog pa dang bya ba sgrub pa'i ye shes dag kyang de'i rang bzhin nyid kyi phyir ro/ /'di nyid kyi rgyas par ston pa gsungs pa/ shes rab A li zhes pa la sogs pa'o/ /yi ge'i dbye ba zhes pa/ AM iM IM uM aM l-iM eM aiM oM UM r-iM r-IM l-IM eM aM zhes pa'i sa bon gyi dbye ba rdo rje ma la sogs pa rnams kyi'o/ /phung po lnga'i rang bzhin gyis/ /zhes pa de dang de'i don rnam par dag pa'i rang bzhin du rnal 'byor ma rnams bsgom par bya'o/ /'di lta kho nar ni ma yin no zhes ston to/ /gau rI la sogs pa rnams dang rdo rje ma la sogs pa phyogs su gnas pa rnams te/ puk+ka sI la sogs pa rnams dbang ldan la sogs pa'i mtshams su gnas pa ste g.yas skor gyis so/ /'og srung ngo zhes pa 'og srung ma ste/ de bzhin du steng srung ma'o/ /de nas kyang su dag ce na/ gsungs pa/ mkha' spyod ma dang sa spyod ces pa ste sa spyod ma srid pa'i rang bzhin gyis gnas pa ste/ 'og tu 'gro ba nyid kyi phyir ro/ /de nyid kyi phyir de 'og zhal ma'o/ /mkha' spyod ma mya ngan las 'das pa'i rang bzhin gyis gnas pa ste steng du 'gro ba nyid kyi phyir ro/ /de nyid kyi phyir de steng du lta ba'o/ /dngos su gnas pa zhes pa bdag med ma'i 'og nub kyi ngos su sa spyod ma dang / steng shar gyi ngos su mkha' spyod ma'o/ /kha dog sna tshogs pa zhes pa phyi'i 'phar mar gnas pa'i brgyad po rnams phyag bcu drug pa'i dkyil 'khor bzhin du ser mo la sogs pa'i mdog can rnams so/ /cher drag pa zhes pa la sogs pa'i khyad par rnams thams cad rnams kyis te/ khyad par ni rtsa ba kho na la'o/ /'khor lo can la sogs pa rnams ni mgo dang rna ba dang mgul ba dang lag pa dang rked pa rnams la'o/ /'di 'dra ba zhes pa kha dog sngon por mtshungs pa ma gtogs pa'o/ /bdag med ma ci lta bu zhe na/ gsungs pa/ rnal 'byor snod ces pa ste/ khrag gis gang ba'i thod pa'o/ /'od 'bar zhes pa sku yis 'bar zhing sems kyi 'od do/ /mdog sngon zhes pa 'dis nang gi 'phar mar bzhugs pa rnams dang sa spyod ma dang mkha' spyod ma yang mdog sngon mo rnams so zhes gsungs so/ /de zhes pa bdag med ma'o/ /phyag bcu drug pa'i dkyil 'khor bzhin du 'dir yang sgo srung ma rnams dang mchod pa'i lha mo rnams rtogs par bya ste/ khyad par gsungs pa ni lho zhes pa la sogs pa shar dang nub dag nye bar mtshon pa'o/ /de la shar gyi sgor rta gdong ma dkar sngo'o/ /lho ru phag gdong ma ser sngo'o/ /nub tu khyi gdong ma dmar sngo'o/ /byang du seng gdong ma ljang sngo ma'o/ /bzhi po 'di rnams kyang gri gug dang thod pa 'dzin pa'i phyag gnyis ma ming dang rjes su mthun pa'i zhal gcig ma rnams so/ /bzhad cing khro la sgeg pa ste/ /zhes pa ni lha mo nyi shu rtsa gsum po rnams kyi 'ang khyad par ro/ /de mchod pa'i gzugs zhes pa/ dbang ldan la sogs pa'i mtshams rnams su gling bu ma dang pi wang ma dang rnga zlum ma dang rdza rnga ma'i lha mo rnams sngon bzhin du rig par bya'o/ /'dis ni stong pa nyid la sogs pa'i rnal 'byor gsum gsungs so/ /de'i rjes su bsgom par bya ba'i rnal 'byor bzhi pa gsungs pa/ gsum zhes pa la sogs pa ste/ de nyid gsum gyi ngo bo rnams ni oM AH hUM gi yi ge rnams te/ de rnams kyis mgo dang mgrin pa dang snying ga rnams su ldan par bdag nyid do/ /dbus su zhes pa/ dbus ma'i stan la gnas nas mA ste rang dang gzhan gyi don phun sum tshogs pa 'di'i zhes byas nas so/ /'di ni 'dir mngon par rtogs pa'i rim pa ste/ rang gi snying ga'i sa bon gyis bkug pa'i bdag med ma'i dkyil 'khor la lha mo brgyad po rnams kyis yang dag par mchod de sdig pa bshags pa la sogs pa nas ji srid gzhal yas khang gi bar du'o/ /der dkyil 'khor 'phar ma gnyis pa ro'i gdan nyi shu rtsa gsum dang bcas pa ste/ ro so so'i snying gar zla ba la A li kA li las skyes pa'i zla ba nyi ma dang rang rang gi sa bon las skyes pa'i phyag mtshan sa bon can yongs su gyur pa'i rnal 'byor ma nyi shu rtsa gsum rnams bsgom par bya'o/ /de'i rjes su he ru ka gsum gyi mngon par rtogs pa bzhin du mig la sogs pa byin gyis brlabs pa nas ji srid dbang bskur gyi bar du bsams te/ bdag med ma dang rdo rje ma dang gau rI/ dang chu ma dang rdo rje mkha' 'gro ma rnams mi bskyod pa dang rnam par snang mdzad dang rin chen 'byung ba dang / 'od dpag med dang don yod grub pa rnams kyis dang / gau rI dang tsau rI dang be tA lI dang g+ha sma ri rnams dang puk+ka sI dang ri khrod ma dang gtum mo dang g.yung mo rnams mi bskyod pa dang rnam par snang mdzad dang rin chen 'byung ba dang 'od dpag med rnams kyis dang sa spyod ma rnam par snang mdzad kyis dang / mkha' spyod ma 'od dpag med kyis dang / rta gdong ma la sogs pa rnams rdo rje lcags kyu ma la sogs pa bzhin dang / gling bu ma la sogs pa rnams rdo rje sems dpa'i dkyil 'khor bzhin rgyas gdab par bya'o/ /de las gzhan thams cad he ru ka gsum gyi mngon par rtogs par bshad pa rtogs par bya'o zhes pa'o/ /dpal yang dag par sbyor ba'i rgyud kyi rgya cher 'grel pa man ngag gi snye mar snye ma bcu gcig pa'o/ / //bcom ldan 'das rdo rje sems dpa' 'grub pa dang / /dngos grub gzhan rnams kyang dkyil 'khor sngon ma can no zhes/ bsgom bya'i dkyil 'khor dang 'dra ba'i bri bya'i dkyil 'khor bshad pa'i ched du gsungs pa/ de nas zhes pa la sogs pa'o/ /de'i phyir zhes pa gang gi phyir 'di med par dngos grub rnams med pa'i'o/ /dkyil 'khor chen po zhes pa rgyu dang 'bras bu'i bdag nyid kyi phyir dang 'jig rten las 'das pa'i yon tan dang ldan pa'i phyir chen po yang de yin la dkyil 'khor yang ste/ byang chub kyi sems sngar ji skad bshad pa'o/ /de'i ngo bor lhag par mos pa'i phyir rdul tshon gyi dkyil 'khor yang dkyil 'khor chen por brjod par bya'o/ /de nyid kyis na mchog go/ /de nyid gsal bar byed pa ni rdo rje zhes pa la sogs pa ste/ rdo rje stong pa nyid 'di'i dbyings te rang bzhin yin pas rdo rje dbyings te/ byang chub sems kyi bdag nyid rdo rje 'dzin pa'o/ /de gsal bar byed pa'i phyir dang de'i bdag nyid du mos pa'i phyir de dang 'dra ba'i rnam pa 'di'i yin pa ni de skad do/ /yang na gal te byang chub kyi sems rdo rje'i dkyil 'khor yin na de lta na rigs drug gi bdag nyid du gyur pa ma yin no zhe na/ gsungs pa rdo rje zhes pa la sogs pa'o/ /dkyil 'khor de ni rigs drug gi bdag nyid kho na ste/ gang gi phyir rdo rje dbyings dang rdo rje 'dzin pa dang 'dra ba bdag po'i ror ldan pa nyid kyis na rnam par bya ba'o zhes pas rnam pa rnams te rnam par snang mdzad la sogs pa rnams gang du yin pa de ni de skad do/ /de nyid kyi phyir rdo rje dbyings zhes par 'di'i mtshan de kho na nyid bsdus pa la sogs pa'i rgyud rnams su rgyas par brjod do/ /yang dag sbyangs nas zhes pa cho ga ji lta bar sa yongs su gzung ba la sogs pa rnams kyis so/ /phyag rgya chen po ni lha'i sku ste/ de yongs 'dzin pa gang du de ji lta bar 'gyur ba ste/ cho ga ji lta bar bsgoms pas sam myur bas kyang rung lhag pa'i bdag po'i rnal 'byor sngon ma can gyis zhes pa'i don to/ /'di ni ste rdo rje dbyings kyi dkyil 'khor ro/ /sngags pas zhes pa ji ltar rigs par sngags 'don cing / dkyil 'khor gyi gnas thams cad bgegs bskrad pa'i don du blta'o/ /gsar pa byung nas yun ring po ma lon pa longs ma spyad pa sra bas so/ / legs sbyar ba ste legs par bsgril ba dang ye shes kyi skud par byas pas so/ /legs par tshad ldan ni dkyil 'khor gyi dkyus kyi tshad nyis 'gyur du ring bas so/ /mdzes pa ste kha dog lnga dang ldan pas dang mdud pa med pas so/ /shes rab can ni dkyil 'khor gyi cho ga shes pa dang ri mo la sogs pa'i las la mkhas pa'o/ /ji bzhin te khru gang la sogs pa'i tshad kyi khyad par gyis so/ /gang gsungs pa/ khru gang nas ni brtsams nas ni/ /ji srid khru ni stong gi bar/ /zhes so/ /nus pas zhes pa 'dri ba'i yo byad nye bar sgrub pa la sogs pa'i nus pa nges par bzung nas so/ /de lta na yang mi mkhas pa'i dkyil 'khor gyi tshad nges pa sel bar byed do/ /dkyil 'khor ni 'khor lo ste/ 'khor lo dkyil 'khor zhes su brjod/ ces gsungs pa'i phyir ro/ /sangs rgyas dang sangs rgyas ma yin pa mnyam pa nyid kyis ni mi mnyam pa med pa nyid las gru bzhi pa ste zur bzhi pa'o/ /sgo rnams ni 'khor lo'i brgyad cha can rnams so/ /rta babs rnams kyi tshad ni sgo'i sum 'gyur ro/ /thig bzhi dang ni yang dag ldan/ /phyogs bzhi'i thig rnams dang zur thig rnams kyis mnyam par byas pa'o/ /thams cad du ste bzhi rnams su/ sgo dang sgo khyud rnams kyi mtshams rnams su ste brgyad rnams su sgo dang sgo khyud dag gi mtshams 'di ni phyi rol lo/ /rin chen rdo rje rnams kyi ste zla ba phyed pa la gnas pa'i rin po che'i steng du rdo rje rnams kyis so/ /de'i zhes pa phyi'i dkyil 'khor gyi'o/ /'khor lo 'dra ba ni zlum po ste de'i dbus su 'khor lo ni yongs su zlum po kun nas bri zhes pa'i gsung las so/ /de yang phyi'i dkyil 'khor gyi phyed kyis te/ grong ste dkyil 'khor slar yang thig gdab par bya'o/ /rdo rje skud pa ni rdo rje sngon po'i phreng ba'i skud pa dag ste/ de dag gis yongs su bcad pa ni/ gang las nang gi dkyil 'khor gyi mthar thig zlum po gnyis kyi dbus su rdo rje phreng ba 'di yin pa'o/ /'khor lo'i ka bdag dang rin po che'i ka ba dag dang pad+ma'i ka ba dag dang ral gri'i ka ba dag ces pa ka ba brgyad rnams so/ /rdo rje ka rtse'i gnas rnams su/ /zhes pa/ rdo rje ste rdo rje phreng ba gnas pa rnams kyis mtshan pa'i ka ba'i rtse mo de rnams kyi gnas ni yang dag pa'i gnas rnams te/ de rnams yod pa na/ nang gi re mig dang lhan cig dkyil 'khor lnga rnams kyi bzhin du de bzhin gshegs pa'i re mig rnams kyis brgyan cing spyan ma la sogs pa'i re mig rnams dang lhan cig dgu rnams kyis so/ /sngar gsungs pa ni de bzhin gshegs pa rnams bdag po nyid du rtogs par dgongs pas so/ /nang gi re mig spangs nas brgyad rnams kyis brgyan pa ste/ de skad du yang gsungs pa/ de yi nang gi 'khor lo ni/ /dkyil 'khor brgyad pa lta bu yin/ /phyi yi 'khor lo'i phyed kyis te/ /kun nas yongs su zlum po yi/ /'khor lo ka ba sogs pas spras/ /rdo rje phreng bas bskor ba dge/ /zhes so/ /dkyil 'khor brgyad pa lta bu ni dkyil 'khor brgyad pa 'dra ba'o/ /sangs rgyas gzugs zhes pa gnas ji lta bar zla ba la sogs pa'i gdan rnams bris la/ ji ltar rigs par rdo rje 'dzin pa la sogs pa rnams kyi sa bon nam phyag mtshan rnams sam/ lag pa'i phyag rgya rnams bri bar bya'o/ /de skad du yang mngon par brjod pa phyi ma'i rgyud du gsungs pa/ bri ba'i dkyil 'khor dang po ste/ gnyis pa mtshan ma'i dkyil 'khor ro/ /gsum pa lag pa'i phyag rgya ste/ bzhi pa gzugs su 'gyur ba'o/ /lnga pa me tog mchod pa ste/ /drug pa tshogs kyi dkyil 'khor ro/ /zhes so/ /gzugs ni thang kar bris pa dang brkos pa dang lugs ma dang gsar ma'i las kyis 'dus byas pa'o/ /shes rab dang thabs kyi bdag nyid can phyag rgya chen po'i sku ni rdul tshon du son pa ma yin te/ mu stegs rnams la phan don du/ /sangs rgyas btsun mo sbas pa yin/ /zhes gsungs pa'i phyir ro/ /skal ba med pa'i skye bo 'dus pa na yi ge dang gzugs dag kyang ma yin pa kho na'o/ /lha'i khyim zhes pa nye bar mtshon pa ste yid dang rjes su mthun pa'i gnas so/ /sngags pa ni gnas dang bdag dang rnal 'byor srung ba'i sngags dang ldan pa'o/ /a yig gis zhes pa snying gar gnas pas so/ /rdo rje ni hUM las skyes shing hUM gi snying po can no/ /tshogs zhes pa stong pa nyid du mos pas tha mal pa'i nga rgyal bsal te/ yud kyis bdag nyid 'chad par 'gyur ba'i sku mdog dang phyag mtshan la sogs pa dang ldan pa'i rdo rje sems dpar lhag par mos nas/ de'i sa bon gyi 'od zer gyis lha mo bcu drug spros pas so/ /brjod ces pa sgrub pa pos brjod pa'o/ /dgongs su gsol te nges par 'dzin pa dang bcas pas rnam par gzigs shig pa'o/ /che ge mo zhes bgyi ba zhes pa nges par byas nas khas blangs pa yongs su mi gtong bar dgongs pas rang gi ming gzung ba'o/ /byang chub ni stong pa nyid dang snying rje'i rang bzhin bde ba chen po'i ngo bo'o/ /de kho na snying po ste chos thams cad kyi nyid khu'o/ /de la 'dug pa ni gnas pa'o/ /dam pa ni 'jig rten las 'das pa'i yon tan 'thob par byed pa'i phyir ro/ /de nyid kyi phyir bla na med ces pa'o/ /mgon du bya bas na mgon po rnams te sangs rgyas bcom ldan 'das rnams dang byang chub sems dpa' rnams so/ /rang dang gzhan rdzogs par byang chub pa'i rgyu mtshan gdon mi za bar bsgrub par bya ba nyid du nges par mdzad pa ste/ ji ltar byang chub tu sems bskyed zin pa rnams dang bskyed bzhin pa rnams dang skyed par 'gyur ba de ltar bdag kyang ngo / /de yang rnam pa gnyis te smon pa dang 'jug pa'i dbye ba las so/ /de la dang po sems bskyed nas sdom pa 'dzin te/ rnam pa gsum zhes pa la sogs pa'o/ /rnam pa gsum gsungs pa/ dge ba dang zhes pa mi dge ba las ldog pa'i ngo bo sdom pa'i tshul khrims te/ de yang byang chub sems dpa'i sems gnas pa'i ched du 'gyur ro/ /'dir chos rnams thams cad sdud do zhes pa chos sdud dge ba'i chos yang dag par sdud pa'i tshul khrims te bdag nyid kyi sangs rgyas kyi chos yongs su smin pa'i ched du'o/ /sems can don bya ba'i tshul khrims ni sems can yongs su smin pa'i ched du'o/ /'di tsam yang bya ba ste/ 'di lta ste mthong ba'i chos la bde bar gnas pa'i ched du sems gnas pa dang / lus dang sems ngal ba med pa'i yongs su smin pa gnyis so zhes pa'o/ /sdom pa gnyis po 'di yang 'jug pa'i tshul khrims so/ /bdag gis zhes pa 'gro ba sgrol bar khas blangs pa nyid kyi phyir nga rgyal byed pa'o/ /brtan pa ni phyir mi ldog pa nyid kyis na mi nyams par thob par ji ltar 'gyur ba'o/ /chos ni rgyu dang 'bras bu'i bdag nyid kyi byang chub kyi sems te/ de las gzhan pa'i sku 'bras bu'i ngo bo sangs rgyas dang / rgyu'i ngo bo ni byang chub sems dpa'i dge 'dun no zhes pa dkon mchog gsum rnams te/ gong na med pa'i dga' ba'i rgyu nyid kyi phyir dang rnyed par dka' ba nyid kyi phyir ro/ /dkon mchog gsum rnams kyi tshogs de ni de skad do/ /de nyid kyi phyir bla med de/ de las mchog tu gyur pa med pa'i phyir ro/ /sgrib pa rnams las lus dang ngag dang yid rnams sdom pa ste dge ba 'byung ba'o/ /sangs rgyas rnal 'byor las skyes ni rnam par snang mdzad kyi rang bzhin te sdom pa 'di ni gti mug rnam par dag pa gtso bo nyid kyi phyir ro/ /phyag rgya ste phyag rgya chen po'o/ /de kho na nyid ces pa rdo rje dang dril bu dang phyag rgya chen po rnams kyi de kho na nyid rnams ni nyi shu rtsa dgu pa dang sum cu par 'chad par 'gyur ro/ /'dis ni dam tshig gsum gzung ba gsungs so/ /slob dpon ni bla ma de kho na nyid kyi ye shes 'byung ba'i rgyu ste de 'byung bar bdag nyid khas len pa'o/ /sdom pa 'di yang de kho na nyid shes pa gtso bo'i phyir mi bskyod pa'i rigs la'o zhes gsungs pa/ rdo rje chen po'i rigs bsdus la zhes pa ste/ rdo rje chen po'i ni mi bskyod pa'o/ /de kho na rigs te de las dpag tu med pa'i sprul pa 'byung ba'i phyir ro/ /de nyid kyi phyir sna tshogs pa'i lha rnams 'di las bsdu bar bya'o zhes bsdus pa'o/ /sbyin pa bzhi zhes pa yang dag par bsdus pa ste/ bzhi rnams ni chos dang zang zing dang mi 'jigs pa dang snyan par smra ba'i sbyin pa rnams so/ /yang na nor dang shin tu ba'i nor dang lus dang shin tu ba'i lus sbyin pa rnams so/ / nor ni gser dang dngul la sogs pa rnams so/ /shin tu ba'i nor ni bu dang chung ma la sogs pa rnams so/ /yan lag ni lag pa dang rkang pa la sogs pa'o/ /shin tu ba'i yan lag gi mgo bo dang tshil dang rkang la sogs pa'o/ /drug byas nas zhes pa/ nyin mo gsum rnams dang mtshan mo gsum rnams zhes pa lan drug rnams su byas nas so/ /rung bar zhes pa/ rin chen 'byung ba'i sbyin pas sems can tshim par byed pa la dbang du byas pa'i phyir ro/ /dam tshig la ni 'da' dka' ba la ste 'das na tshogs yongs su rdzogs par mi 'gyur ro/ /yid du 'ong ba la ni sbyin pas dga' ba'i dga' ston bskyed pa'i phyir ro/ /dam pa'i chos phyi'i ni bya ba'i rgyud la sogs pa'o/ /de la bya ba'i rgyud ni dam tshig gsum gyi rgyal po dang 'byung po 'dul byed la sogs pa ste/ gang du khrus dang smra bcad la sogs pa rnams kyi bya ba phyi rol gyi lugs ma dang bris sku la sogs pa la lha ru dmigs pa'o/ /spyod pa'i rgyud ni rnam par snang mdzad mngon par byang chub pa la sogs pa'o/ /gsang ba ni rnal 'byor gyi rgyud la sogs pa ste/ rnal 'byor gyi rgyud ni de kho na nyid 'dus pa la sogs pa'o/ /rnal 'byor bla ma'i rgyud ni 'dus pa la sogs pa'o/ /rnal 'byor bla na med pa'i rgyud ni rnal 'byor ma'i rgyud do/ /gang mkha' 'gro ma rdo rje gur du gsungs pa/ skyes pa rnams ni gdul bya'i rgyur/ /rnal 'byor rgyud ni yang dag bshad/ /bud med rnams ni bsdu ched du/ /rnal 'byor ma rgyud rab tu bshad/ /dman pa rnams la bya ba'i rgyud/ /de bas lhag la spyod rnal 'byor/ /sems can mchog la rnal 'byor mchog /rnal 'byor bla med de lhag la'o/ /zhes so/ /de la rnal 'byor gyi rgyud ces pa 'dis de kho na nyid 'dus pa la sogs pa dang gsang ba 'dus pa la sogs pa yang brjod do/ /de nyid kyi phyir de gnyis rnal 'byor gyi rgyud kyi sde zhes brjod par bya'o/ /theg pa gsum ni nyan thos kyi theg pa dang rang sangs rgyas kyi theg pa dang pha rol tu phyin pa'i theg pa rnams so zhes pa mtshan nyid kyi theg pa chen po dang 'brel pa ste/ sngags kyi tshul gyi theg pa chen po ni phyi la sogs pas bshad pa nyid kyi phyir ro/ /sdom pa 'di ni 'od dpag tu med pa'i rigs dag pa la ste/ 'di ni kha na ma tho ba med pa'i ngag gi rang bzhin nyid kyi phyir ro/ / de nyid kyi phyir 'di las don dam byang chub chen po so sor rtog pa'i ye shes kyis 'byung ba'o/ /sdom pa mchod pa'i las zhes sbrel bar bya'o/ /thams cad dang ldan pa ni phyi dang gsang ba dang de kho na nyid kyi mchod pa'i ngo bo nyid kyi phyir ro/ /de la nye bar spyod pa lnga rnams kyis phyi'i mchod pa'o/ /bsam gtan gyi dkyil 'khor du rang gi khu ba la sogs pa yongs su 'dzin pa rnams kyis gsang ba'i mchod pa'o/ /de kho na la shes rab dang snyoms par 'jug pa ni de kho na nyid kyi mchod pa ste/ dga' ba la sogs pa'i rim pas nyon mongs pa rnam par dag pa'i go 'phang mngon du byed pa nyid kyi phyir ro/ /bla na med pa'i de kho na nyid kyi mchod pa ni byang chub kyi sems sgom pa kho na ste/ gang mngon par brjod pa phyi mar gsungs pa/ rang bzhin med pa'i gnas goms las/ /lha yi snying po sgom byed pa/ /de ni mchod pa chen por 'dod/ /sangs rgyas thams cad rtogs byed pa'o/ /zhes so/ /rang bzhin med pa nyid du rang gi lhag pa'i lha'i ngo bo'i rjes su byed pas mchod pa ni 'jig rten las 'das pa'i 'bras bu thob par byed pa'o/ /sdom pa 'di yang don yod grub pa'i rigs la ste/ mchod pa ni bya ba sgrub pa'i ye shes kyi ngo bo yin pa nyid kyi phyir ro/ /'jug pa'i sems skyed par byed de/ /ma brgal ba rnams zhes pa ste/ nyan thos dang rang sangs rgyas rnams ni shes bya'i sgrib pa las ma brgal ba'o/ /ma grol ba ni gti mug la sogs pa sgrib pa gnyis kyi 'ching ba can gyi phyir tshangs pa la sogs pa rnams so/ /dbugs ma phyin pa rnams ni dmyal ba la sogs pa rnams so/ /sems can 'di rnams mya ngan las 'das pa la ste mi gnas pa'i 'o/ /byang chub kyi sems gnyis po 'di yang lhag par mos pa tsam 'dir gsungs so/ /gang yang dag pa de ni 'dun pa la sogs pa'i dbye ba las so/ /don dam pa pa'i byang chub kyi sems brjod pa'i ched du gsungs pa/ de nas zhes pa la sogs pa'o/ /rdo rje 'dzin pa gang rnams kyi mchog yin pa de rnams thams cad de/ rnam par snang mdzad la sogs pa rnams 'chad par 'gyur ba'i rim pas 'di las yang dag par 'byung ngo zhes pa de lta bu'i ting nge 'dzin rnam par rtog pa'i spros pa mtha' dag dang bral pa'i stong pa nyid la ste/ thabs byung de rgyu lkog gyur pas/ /de 'chad pa ni dka' ba yin/ /zhes rtogs nas so/ /ched du brjod pa ni don rtogs pa la rab tu dang ba dag dga' ston gyis brjod pa'o/ /chos thams cad kyi ste gzung ba dang 'dzin pa gnyis ka dang bral ba sems tsam gyi ngo bo rnams rang bzhin med pa nyid mdor bstan nas rgyas par ston te/ 'di thams cad de phyi ni sngon po la sogs pa'o/ /nang gi bdag nyid ni mig la sogs pa'o/ /sems kho nas gzhag pa sgro btags pa ste/ gang gi phyir sems las gzhan logs pa gzung bar bya ba bems po yod pa ma yin zhing / de med pa'i phyir 'dzin pa yang cung zad med la/ sems gcig pu la yang ngo bo gnyis nyid mi 'thad pa'i phyir ro/ /yid kyis zhes pa rnam par dpyod pa pos so/ /brjod nas zhes pa rnam par rtog pa nang gi brjod pa'i rnam pa can nyid kyi phyir ro/ /'o na sems tsam dngos por yod par 'gyur ro zhe na/ ma yin te/ de yang chos thams cad kyi nang du 'dus pa nyid kyis na rang bzhin med pa nyid du sgrub pa'i phyir ro/ /ci ltar chos thams cad rang bzhin med ce na/ gang gi phyir ma skyes pas so/ /de nyid kyi phyir rang bzhin gyis sgro btags pa'i mun pa thams cad dang bral ba'i phyir 'od gsal ba'o/ /ci'i phyir zhe na/ rang bzhin ni gdod nas ma skyes pa nyid kyi phyir te/ sngar skyes nas phyis 'jig pa ni 'ga' yang med do/ /de'i phyir ji ltar chos gzhan rnams sgyu ma la sogs pa bzhin du gdod ma nas ma skyes pa nyid kyis na don dam par rang bzhin gyis stong pa de ltar sems kyang ste/ rigs pa mtshungs pa nyid kyi phyir ro/ /'dir yang da ltar ba'i dbang du byas te/ 'das pa dang ma 'ongs pa dag kyang spyir stong pa nyid du bshad pa'i phyir/ stong pa nyid la sogs pa'i ting nge 'dzin rnam par thar pa'i sgo gsum bstan pa kho na'o/ /de'i rjes su las gang la zhes pa la sogs pa'i rigs pas yi ge gsum gyi ngo bo rang gi lus dang ngag dang sems gzugs brnyan lta bu stong pa nyid dang ro gcig par brtag par bya ste/ oM shU n+ya tA dz+nyA na badzra swa b+hA ba At+ma kou0f85haM zhes pa'i sngags kyi don mngon du byed cing ngo / /chos rnams thams cad kyi rang bzhin dang rgyu dang 'bras bu dang bral ba ni stong pa nyid do/ /stong pa nyid kyi ye shes ni stong nyid ye shes te/ stong pa nyid dang mtshan ma med pa dang smon pa med pa ro gcig pa'i sems so zhes pa'i don to/ /de kho na rdo rje ste rang bzhin stong pa nyid kyis na mi mthun phyogs rnams kyis mi phyed pa nyid kyi phyir dang / de 'byed pa'i phyir dang thog ma dang tha ma med pa nyid kyi phyir ro/ /de'i rang bzhin bshad ma thag pa'i ngo bo 'am/ yang na de kho na rang bzhin te rang la yod pa ste/ de bzhin nyid kyi lus kyi rang bzhin gyis yongs su dag pa'i sems sgrib pa glo bur ba dang bral ba las rang gi ngo bo la gnas pa'o zhes pa'i don to/ /de nyid kyi phyir rang bzhin gyis rnam par dag pa nyid kyi phyir de gang gi bdag nyid de rang gi ngo bo yin pa de nga ste/ de'i ngo bo can kho na nga'o zhes pa'o/ /des na byang chub kyi sems 'di stong nyid ye shes kyi sgras rang gi mtshan nyid du lhag par mos shing / rdo rje'i sgras rnam par dag pa mthar thug par dang / rang bzhin gyi sgras rnam par dag pa mthar thug pa'i dus na yang lhag po nyid min par dang / bdag nyid dang nga'i sgra dag gis de'i bdag nyid la rang bzhin gyis rnam par dag pa nyid du'o/ /ji ltar chos kyi dbyings thog ma dang tha ma med pa de ltar byang chub kyi sems kyang ste de ni de bzhin nyid la dmigs pa nyid kyis na de bzhin nyid gtso bo'i lus can nyid kyi phyir ro/ /oM yig gis kyang a dang u dang ma yig ro gcig pas lus dang ngag dang sems kyi ngo bor bdag nyid rnam par 'jog go/ /de ltar lus la sogs pa stong pa nyid kyi ngo bo'i stong pa nyid dang snying rje dbyer med pa'i byang chub kyi sems kyi don can sngags 'di'o/ /yang na oM zhes pa 'dis sku rdo rje'o/ /stong nyid ye shes rdo rje'i rang bzhin zhes pa 'dis thugs rdo rje'o/ /nga'o zhes pa 'dis gsung rdo rje ste/ bdag ni rtag tu med pa nyid kyis na ngag tsam nyid kyi phyir ro/ /de ltar tshig gsum gyis rigs gsum gyi bdag nyid kyi sngags gsungs so/ /yang na dngos po rnams gdod ma nas ma skyes pa nyid kyi phyir dang / rtag pa dang bral ba nyid kyi phyir dang sgyu ma lta bu nyid kyi phyir ma skyes pa la sogs pa'i tshig rnams kyi dang po'i yi ge yon tan dang rjes su nga ror gyur na/ oM zhes pa 'grub ste/ des me long lta bu'i ye shes gsungs so/ /stong nyid ces pas mnyam pa nyid kyi ye shes so/ /ye shes zhes pas so sor rtog pa'i ye shes so/ /rdo rje zhes pas spro ba brtan pa nyid kyi phyir bya bsgrub pa'i ye shes so/ /rang bzhin zhes pas chos rnams kyi rang bzhin ni kun nas nyon mongs pa med pa'o zhes pas shin tu rnam par dag pa'i ye shes so/ /nga'o zhes pa ye shes lnga'i bdag nyid rdo rje 'dzin pa chen po'i ngo bor bdag nyid nges par ston to/ /de ltar rigs lnga'i bdag nyid du sngags kyi don bshad do/ /bshad pa gsum po 'di yang rgyud rnams su bcom ldan 'das kho nas phye bar mdzad cing 'dir gsal bar byas pa'o/ /de ltar don dam par yod pa'i dngos po ci yang med de/ 'on kyang thams cad mtha' gnyis dang bral ba chos ma lus pa rang bzhin med pa nyid kyi mtshan nyid can/ spros pa med pa'i bdag nyid chos kyi dbyings kho na'o zhes nges par byed pas/ gang tshe dngos dang dngos med pa/ /blo yi mdun na mi gnas pa/ /de tshe rnam pa gzhan med pas/ /dmigs pa med par rab tu zhi/ /zhes pa chos thams cad mi dmigs pa'i bdag nyid can stong pa nyid la rab tu gzhug go/ /de ltar 'od gsal ba la rab tu gzhug pa ni blo gros rgya mtshos yongs su zhus pa'i mdor/ khyad par dang bcas pa gsungs pa/ 'gog pa la snyoms par 'jug bzhin pa ni gaN+DI'i sgra byin gyis brlab pa byas nas 'gog pa la snyoms par 'jug ste/ de'i gaN+Di'i sgra 'gog pa la snyoms par zhugs pa med cing 'brel ba med mod/ 'on kyang gaN+Di'i sgra des 'gog pa las ldang ngo / /de bzhin kho nar byang chub sems dpa' sems can thams cad bsgral ba'i ched du/ snying rje chen pos byin gyis brlab pa byas nas zab pa zab par snang ba sems dang yid dang rnam par shes pa mi rgyu ba'i ting nge 'dzin rnams la snyoms par 'jug cing / de sngar gyi sems can 'grol ba'i snying rje chen pos byin gyis brlabs pa des nyan thos dang rang sangs rgyas kyi sar lhung ba ma yin te/ blo gros rgya mtsho byang chub sems dpa' rnams kyi thabs yongs su sbyong ba'i khyad par la ltos/ stong pa nyid dang mtshan ma med pa dang smon pa med par chos thams cad so sor rtog cing nyan thos la sogs pa dang thun mong pa'i ting nge 'dzin de rnams snyoms par 'jug la/ nyan thos dang rang sangs rgyas kyi sar yang mi ltung ngo zhes so/ /'di'i rjes su rten sngon du 'gro bar brten pa rnam par gnas zhes pas 'khor dang bcas pa'i dkyil 'khor gyi don ni de ltar bdag nyid ces pa la sogs pa hUM zhes pa'i mthar thug pa'i gzhung ngo / /de'i bar ma chad kho nar gcig aM ka rigs te dbus su ni sus kyang dgod par dka' ste/ aM ka rnams thams cad kyang gtsug lag min pa'o/ /de'i rjes su de nas rang gi sems de nyid ces pa la sogs pa dge ba'o zhes pa'i bar ro/ /de'i rjes su rang gi snying ga zhes pa la sogs pa rab brtag bya zhes pa'i mtha'o/ /de'i rjes su de nas rdo rje snying po zhes pa la sogs pa de bzhin gshegs pa thams cad ces pa mtha'o/ /de'i rjes su shar du rnam par snang mdzad ces pa la sogs pa'o zhes pa rim pa'o/ /bla ma med pa srid pa'i mthar 'gro min/ /zhes pas glegs bam las mkhas pa nyid bsal ba'i don du rim pa ma yin par bklag pa ste/ gzhan du yang ji ltar rigs par 'di ltar rtogs par bya'o/ /ji ltar bklags pa ltar bshad par bya ste 'brel ba ni don gyi rjes su 'brang ba kho nas shes par bya'o/ /de'i phyir stong pa nyid kyi byang chub 'chi ba'i bar ma chad du bar ma do'i srid pa byang chub sems kyi sa bon bsdu ba'i don du/ khang pa brtsegs pa'i bar ma chad du bsgom par bya ba gsungs pa de nas zhes pa la sogs pa'o/ /de nyid de stong pa dang snying rje dbyer med pa'i rang gi sems so/ /ci dgar zlos pas zhes pa nang gi brjod pa ste/ khyad par la gsum pa'o/ /rang gi sems kho na zla ba'i dkyil 'khor gyi rnam par blta ste/ sngags nang du bzlas par bya'o zhes pa'i don to/ /oM zhes pa la sogs pa kun rdzob pa'i sngags te/ des rtogs par bya ba ni sems so sor rtog par byed pa don dam pa'i sngags rjes su bsgrub pa'o/ /sems so sor rtog pa yang phyag rgya chen po'i gnyis su med pa'i ye shes mngon du byed pa kho na'o/ /ye shes de nyid ni stong pa nyid dang snying rje dbyer med pa nyid kyi phyir stug pa'o/ /nam mkha'i khams mthar thug pa med pa'i phyogs kyi 'khor lo khyab pa nyid kyis na dkyil 'khor ro/ /'dod chags la sogs pa glo bur ba'i dri ma'i rnyog pa mtha' dag dang bral ba nyid kyis 'od gsal ba'i ngo bo nyid kyi phyir dag pa chen po'o/ /de nyid kyi phyir gsungs pa/ nam mkha' lta bur dri ma med/ /ces pa'o/ /bsod nams dang ye shes kyi tshogs thams cad kyi bdag nyid kyis 'gro ba dga' bar byed pa'i ngo bo yin pa nyid kyi phyir/ yid mi bde ba kun las grol lo/ /dpal ldan rdo rje sems dpa'i sprul ba'i 'od zer rnams kyis sems can gyi khams mtha' dag la phan 'dogs pa'i nus pa dang ldan pa nyid kyi phyir rnam par rtog pa sel ba'o/ /de nyid kyi phyir mchog ste khyad par du gyur pa'o/ /dag pa che ba nyid rgyas par ston pa ni/ nyon mongs kun gyi dri ma dag / ces pa'o/ /mngon par mtho ba dang des par legs pa'i 'bras bu rgya chen po mtha' dag dang ldan pas yongs su rdzogs pa nyid kyi phyir zla ba gang ba lta bu ste/ de'i phyir de gsal bar byed pa nyid kyi phyir bskyed pa'i rim pa la yang sems zla ba'i dkyil 'khor gyi rnam par blta ba'o/ /ci ltar zhe na/ gang phyir thams cad ces pa la sogs pa'o/ /gru gsum zhes pa chos 'byung ste/ der skyes pa nyid kyis na 'bras bu la rgyur nye bar btags pa las gru gsum ni 'dir pha las skyes pa'i khu ba ste/ thabs gzhan med pa nyid du gsal ba'i don du nye bar btags pa'o/ /'di ni rgya che ba'i gzugs can gyi byang chub kyi sems su brjod de/ zab cing rgya che ba'i gzugs can ni stong pa nyid dang snying rje gnyis su med pa kho na'o/ /sangs rgyas kun gyi yon tan rnams ni bde ba chen po'i ngo bo me long lta bu'i ye shes kyi nang du gtogs pa rnams te/ de rnams kyi gnas ni de'i bdag nyid kyi gzhi'o/ /bsgom par bya ba zla ba'i dkyil 'khor dkar po khu ba nyid du mos par bya bzhin pa 'di yang / de'i yon tan khyad par du 'phags pa nyid kyis lhag par mos par bya'o/ /shel dang zla ba 'dra ba ni dkar po dang zla ba'i 'od dang bcas pa'o/ /de'i steng du zhes pa zla ba'i steng du ste/ skyes pa 'dod pa'i bud med kyi bzhin no/ /bskyed par bya zhes pa bskyed bzhin pas nang gi brjod pas sngags bklag ces pa'i don to/ /oM zhes pa la sogs pa sngags te/ sngar bzhin du brjod par bya'o/ /khyad par gsungs pa/ snying rje rjes su chags las byung / /zhes pa 'di ni mnyam pa nyid kyi ye shes kyi ngo bo ste/ de yang rtag tu thugs rje chen po dang byams pa chen po dang ldan pa'o/ /de ltar yang rgyas pa dang bcas par thub pa'i dgongs pa'i rgyan du nye bar bshad do/ /nges par gnon pa ni nyams par byed pa'o/ /byang chub zla ba zhes pa byang chub kyi sems zla ba ma las skyes pa kha dog dmar ba ste bskyed par bya zhes sbrel lo/ /skar ma'i rnam pa ste/ mig dmar la sogs pa'i skar ma bzhin du 'od dang bcas pa'i kha dog dmar pos so/ /sangs rgyas yon tan rnams ni bde ba chen po'i mnyam pa nyid kyi ye shes rjes su son pa rnams so/ /gzugs brnyan sbyor bas zhes pa snga ma yang shes par bya'o/ /A li dang kA li dag zla ba'i gzugs su yongs su gyur pa dag slar yang zla ba dag la gzugs brnyan du byas pa dag blta bar bya'o/ /de la 'chad par 'gyur ba'i dga' ba bcu drug gi dbye ba las zla ba cha bcu drug pa ste tshes gcig la sogs pa rnams su 'phel ba la sogs pa'i dbye ba las kyang ngo / /de skad du yang bcom ldan 'das kyis gsungs pa/ a yig mthe ba chen rtsa bar 'gyur/ /A yig byin pa dag la nyid/ /i yig kyang ni brla zung la/ I yig gsang ba'i phyogs su'o/ /u yig lte ba'i rtsa bar te/ /U yig lto ba mchog la'o/ /r-i yig nu ma'i dbus su ste/ r-I yig de bzhin lag la'o/ /l-i yig mgrin pa'i phyogs su ste/ /l-I yig kyang ni mchu la gnas/ /e yig 'gram pa'i phyogs su ste/ /e yig kyang ni mig la'o/ /o yig rna ba'i rtsa bar te/ au yig mgo bor yang dag gnas/ /aM aH spyi gtsug tu lus la/ /mkhas pas 'di ltar bsam par bya/ /dkar po'i phyogs la 'di ltar gnas/ /nag po zlog pas de ltar ro/ /bud med la 'di rdo rje sems/ /skyes pa rnams la'ang dus kun du'o/ /zhes so/ / de ltar cha bcu drug rtogs par byed pa dbyangs bcu drug rnams te/ cha rnams ni/ khu ba'i rnam pa bcom ldan 'gyur/ /de yi bde ba 'dod mar bshad/ /ces pa shes rab dang thabs kyi dbye bas sum cu rtsa gnyis so/ /de ltar ni a'i yi ge la sogs pa lnga rnams rim pa ji lta bar mgrin gyur dang rkan du gyur dang mchur gyur dang spyi bor gyur dang sor gyur rnams te/ nam mkha' dang rlung dang chu dang me dang sa rnams kyi rjod par byed pa ste/ mnyam pa'i tshes rnams la nyis 'gyur du brjod par bya'o zhes pa'i ring por yi ge gnyis pa rnams so/ /bcu gcig pa la ni rlung dang sbyor ba las nam mkha' gong du byung ba ste/ bcu gnyis pa la shin tu gong du byung ba'o/ /bcu gsum pa dang bcu bzhi pa la chu dang sbyor ba las de ltar ro/ /bco lnga pa'i nyin mo la ye shes kyi khams rjes su nga ro brjod par bya'o/ /mtshan mo la de kho na nyis 'gyur mgrin pa las byung ba rnam par bcad par brjod par bya'o/ /nam mkha'i khams kho na stong pa nyid dang snying rje dbyer med pa nyid kyis ye shes kyi khams so zhes kha cig tu rnam par gzhag go/ /kha cig tu ni de lta nyid du yang nam mkha'i khams kho nar brjod par bya'o/ /de nyid kyi phyir dang po dang mtha' dag tu nam mkha' dang ye shes kyi khams dag rlung la sogs pa'i khams la khyab par byed pa nyid du gsal bar byed pa a yig gsungs so/ /de ltar yang / a yig yig 'bru kun gyi mchog / ces sngar bshad pa'o/ /de ltar nam mkha' la sogs pa'i khams kyi rang bzhin nyid na yang khu ba kho na la khu ba ma yin pa'i las ldog pa'i phyir rnam pa bcu drug tu dbye ste/ bde ba ma yin pa las ldog pa'i phyir yang rnam par bcu drug ces pas sum cu rtsa gnyis so/ /zla ba gnyis pa ni bud med rnams kyi zla mtshan mang ba las byung ba'i nyi ma'i dkyil 'khor bzhin no/ /de nyid kyi phyir de sngon du nyi mar gsungs so/ /de'i phyir 'di gsal byed rnams kyis bsgrub par bya ste/ de ltar ni 'dir sa dang chu dang me dang rlung ste bzhi rnams gang na 'byung ba gcig yod pa der bzhi rnams so zhes pa'i lung las/ so sor rnam pa bzhi nyid kyis bcu drug ste/ bde ba nam mkha'i khams zhes pa'i gsung las nam mkha'i khams zhes bya ba dga' ba bzhi'i rang bzhin nyid kyis nyi shu'o/ /rdul dang ldan pa'i phyir nyis 'gyur rnams te bzhi bcu rnams so/ /stong pa nyid dang snying rje'i ngo bo shes rab dang thabs kyi rang bzhin nyid kyis na slar yang nyis 'gyur te brgyad cu'o/ /de ltar de rjod par byed pa'i gsal byed rnams kyang / ka la sogs pa rnams yang ba dang lci ba'i 'bad pa nyid kyis rnam pa gnyis su brjod par bya bzhin pa nyid kyi phyir ro/ /Da D+ha ya ra la wa dang bcas pa rnams nyis 'gyur nyid kyis na brgyad cu kho na'o/ /de ltar ni ha dang ya dang ra dang la dang wa rnams rim pa ji lta bar mgrin gyur dang rkan gyur dang spyi bor gyur dang sor gyur dang mchur gyur rnams te/ nam mkha' dang rlung dang me dang sa dang chu'i khams rnams kyi rjod par byed pa'o/ /de bzhin du ka la sogs pa'i sde pa lnga rnams kyang ste/ sde pa rnams ni gsal byed lnga'i bdag nyid kyis na so sor slar yang rim pa ji lta bar sa dang chu dang me dang rlung dang nam mkha' rnams kyi'o/ /sha dang Sha dang rnams ni rlung dang me dang sa rnams kyi'o/ /k+Sha yig ni nam mkha'i khams gong du gyur pa me rdul dag de'i bdag nyid du yang dag par ldan pa nyid dang gong du gyur pa dang khams gzhan la khyab par byed pa nyid du sgrub pa'i don du mthar bklag pa'o/ /thams cad la khyab pa po stong pa nyid dang snying rje dbyer med pa'i byang chub kyi sems sgom pa rab kyi mthar thug pa las skyes pa sgrib pa med pa'i ni bsgrub par bya'o zhes shes par bya ba'i ched du a yig dang tsheg drag dag thams cad kyi mthar bklags pa dag go/ /de nyid kyi phyir snying rje nye bar mtshon pa'i stong pa nyid gsal bar byed pa'i a yi ga ni/ ka la sogs pa'i gsal byed kyi mtha' rnams su brjod pa'o/ /de nyid kyi phyir 'ga' zhig tu ye shes kyi mes sgrib pa'i bud shing thams cad sreg par dgongs pas/ k+Sha yig dus kyi me gsal bar byed par rnam par gzhag go/ /'dir ni/ k+Sha yi yi ge srin por bshad/ /'og gi cha la lhag par gnas/ /'chad par 'gyur te/ byang chub kyi sems kho na rnam par rtog pa ma lus pa za bar mtshungs pa'i phyir srin po 'dra ba ni srin po'o/ /de ltar na ka nga nya Na na ma ha k+Sha rnams nam mkha'i khams kyi gsal bar byed pa rnams so/ /g+ha dang dz+ha dang D+ha dang d+ha dang b+ha dang ya dang sha rnams rlung gi'o/ /ga dza Da da ba ra Sha rnams me'i 'o/ /kha tsha Tha tha pha wa rnams chu'i 'o/ /tsa dang Ta dang ta dang pa dang la dang sa rnams sa'i 'o/ /de ltar bzhi bcu nyis 'gyur du byas pa gsal byed brgyad cu rnams so/ /a yig la sogs pa'i yig 'bru 'di rnams kyang gzhan zhig tu brjod par bya ba dang rjod par byed pa dag tha mi dad par nye bar btags pas kyang rnam par gzhag par bya ste/ dper na a yig nam mkha'i khams/ /zhes pa la sogs pa bzhin no/ /sgom pa'i rnam par rtog pa la yang zla ba gnyis dang yig 'bru rnams gzugs brnyan du byas pa kho nar rtogs par bya ste/ de nyid kyi phyir gsungs pa/ gzugs brnyan sbyor ba yis zhes pa'o/ /chos rnams thams cad kyang gzugs brnyan lta bu nyid du gsal bar byed par 'dir dgongs pa'o/ /de la A li'i rnam par smin pa'i 'bras bu ni me long ye shes te/ rgyu mthun pa'i 'bras bu ni mtshan sum cu rtsa gnyis rnams so/ /kA li'i rnam par smin pa'i 'bras bu ni mnyam pa nyid kyi ye shes te rgyu mthun pa'i 'bras bu ni dpe byad bzang po brgyad cu rnams so/ /'di thams cad nang gi tshul du gsungs pa/ 'di zhes pa la sogs pa ste/ dkyil 'khor kun gyi cho ga zhes pa rdul tshon gyi dkyil 'khor gyi dang 'khor dang bcas pa'i bsgom bya'i dkyil 'khor gyi cho ga'o/ /der te zla ba de dag la hU~M las skyes shing lte bar gnas pa'i hUM dang ldan pa'i rdo rje'i gzugs bsgom par bya ste/ bar do'i srid pa'i sems kyi sa bon pha ma dag dang rdo rje dang chu skyes kyi bar du gnas pa'i zla ba dang / nyi ma dag la gnas pa bzhin no/ /rtse lnga pa ni lag pa dang rkang pa dang mgrin pa'i mtshams kyi yan lag mchog ste/ 'bur po lnga rnams kyi rgyu nyid kyis so/ /ngos gnyis par gnas pa'i rtse mo lnga nyid du 'bur po so so la slar yang 'bur po lnga rnams kyi rgyu nyid kyi phyir ro/ /de rnams ni bzhi rnams la sor mo rnams dang / mgo bo la ni mig dang rna ba dang sna dang lce dang lus kyi dbang po rnams te lus kyi dbang po gtso bo ni bde ba chen po'i gnas dpral ba nas bzung ba'i steng la rnam par gzhag go/ /kun du bzang po'i sems ni sgrib pa med pa nyid kyis rnam pa thams cad du yongs su dag pa'i spyod pa'i byang chub sems kyi ngo bo kho na'i 'dod chags pa spro ba'i phyir ro/ /de don dam par skye ba med pa'i ngo bo'i sgyu ma bzhin du bskyed pa ste/ de brtan par byed pa ni nges par byas pa nyid kyis mtha' med pa'i dus su rgyun du gnas su 'jug pa'o/ /de yis rgyur te/ 'di yis zhes 'brel lo/ /bdag nyid ni sems te/ sems bdag go zhes pa'i gsung rab las so/ /tiSh+Tha gnas par gyis te nam mkha' ji srid par ro/ /badzra ni so sor rtog pa'i ye shes kyi bdag nyid kyi byang chub kyi sems so/ /'dis ni sa bon gyi mtshan ma'i phyag mtshan ni so sor rtog pa'i ye shes su mdor bstan to/ /bya ba sgrub pa'i ye shes mdor ston te/ byang chub spyod pa zhes pa sems can rnams bla na med pa yang dag par rdzogs pa'i byang chub la dgod pa ste/ de nyid kyi phyir bla na med pa ste bsgom par bya zhes 'brel lo/ /ci'i phyir zhe na/ gang gi phyir de'i ste kun du bzang po'i sems kyi 'di ni ste byang chub spyod pa ni sa ru spyod yul du rtogs sla ste/ so sor rtog pa ni byang chub sgrub pa'i don kho nar zhes pa go sla ba'o/ / de'i phyir de'i bar ma chad du 'di'o/ /de'i rjes su ye shes dag pa'o/ /ci'i phyir zhe na gang gi phyir zag pa med ces pa/ srid pa'i rtse mo nas mnar med pa ji srid par skye mched kyi rma drug rnams kyis zag go zhes pa'am/ 'di rnams kyi rgyud yul rnams su zag go zhes pas zag pa bcu rnams te/ 'dod chags dang khong khro dang nga rgyal dang ma rig pa dang the tshom dang 'jig tshogs la lta ba dang mthar 'dzin par lta ba dang log par lta ba dang lta ba mchog tu 'dzin pa dang tshul khrims dang brtul zhugs mchog tu 'dzin pa'o/ /'di rnams kyi rim pa ni ji ltar gnas pa'i dngos po ji lta ba bzhin nyid ma rtogs pa las dang yod pa ma yin pa'i rang bzhin sgro 'dogs pa las dang por ma rig pa'o/ /de nas yang dag pa dang log pa'i phyogs gnyis thos nas 'di bden nam 'di mi bden zhes the tshom mo/ /de nas log pa'i phyogs goms pa las dngos po la yang dag par yod pa nyid du sgro 'dogs pas phyin ci log tu lta ba ni log par lta ba'o/ /'dir log par lta ba ni log par nges pa 'di lta bu'i bdag nyid kho na gzung bar bya'i/ rgyu dang 'bras bu la skur ba 'debs pa'i bdag nyid ni ma yin no/ /de nas 'jig tshogs la lta ba ste/ de ni 'jig pa'i bdag nyid can nye bar len pa'i phung po lnga po rang bzhin med pa rnams la phyin ci log las rang bzhin dang bcas pa nyid du gzung ba rnams la bdag tu byed pa dang bdag gir byed par rab tu zhugs pa'i bdag nyid can nyid kyi phyir ro/ /de nas mthar 'dzin pa'i lta ba ste/ de ni nye bar len pa'i phung po lnga po rnams la kye ma bdag dang 'jig rten 'di rtag pa'am chad pa'am/ de bzhin du yod do med do zhes pa la sogs pa mtha' gnyis su rtog pa'i ngo bo nyid kyi phyir ro/ /de nas tshul khrims dang brtul zhugs mchog tu 'dzin pa ste/ gang la mthar 'dzin pa des dag par yid ches pa'i phyir ro/ /de nas lta ba mchog tu 'dzin pa ste/ gang gis dag par yid ches pa de mchog tu 'dzin pa'i phyir ro/ /de nas rang gi lta ba la 'dod chags so/ /lta ba des kyang nga rgyal lo/ /de nas de las gzhan la zhe sdang ngo zhes pa'o/ /zag pa 'di rnams dang bral ba ni zag med de zag pa dang bcas pas gnas gzhan du gyur pa'i phyir ro/ /'dis shin tu rnam par dag pa'i chos kyi dbyings kyi ye shes mdor bstan to/ /de la so sor rtog pa'i ye shes kyi rgyas par ston pa gsungs pa/ zla ba zhes pa la sogs pa'o/ /rdo rje ni rang gi mngon par 'dod pa'i nam mkha' khyab pa'i tshad 'di tsam mo/ /oM tiSh+Tha badzra zhes pa byin gyis brlab pa'i don can gyi sngags so/ /oM badzra At+ma kou0f85haM zhes pa 'di bdag nyid so sor rtog pa'i ye shes kyi ngo bo nyid du rtogs par byed pa'i don can no/ spro dang bsdu ba'i sbyor ba las/ /zhes pa bya ba sgrub pa'i ye shes rgyas par ston pa'o/ /de ltar ni hUM yig las spros pa'i de bzhin gshegs pa rnams kyis 'gro ba yang dag par rdzogs pa'i sangs rgyas su byas shing de rnams kyang hUM yig gi nang du zhugs pa na bya ba sgrub pa'o/ /de ltar zla ba dang zla ba'i sa bon rnams gsungs nas de'i gsang ba brjod pa'i ched du gsungs pa/ thams cad ces pa la sogs pa'o/ /sangs rgyas rnams thams cad kyi ste me long lta bu la sogs pa'i ye shes kyi ngo bo can rnam par snang mdzad la sogs pa rnams kyi sku gang yin pa zla ba gnyis dang sa bon dang phyag mtshan dang sprul pa dang 'gro bar ro gcig pa de bsgom par bya'o zhes sbrel lo/ /ci 'dra ba zhe na/ snang ba med pa dngos por na rang bzhin med pa ste/ snang ba dang rnam pa dang dngos po rnams ni rnam grangs so/ /gnas med pa zhes pa gnas kyang rang bzhin med pa nyid kyi phyir mtshan ma med pa'o/ /ci las snang ba med ce na/ gang gi phyir ma skyes pa ste don dam par skye ba mi rung ba'i phyir ro/ /de nyid kyi phyir rgyu'i bya ba la mi ltos pa'i phyir ma byas pa'o/ /dag pa ni dri ma med pa ste/ gang las med do dang yod do la sogs pa'i spros pa spangs pa'o/ /dag pa de yang lus dang ngag dang sems kyi ngo bo gzugs la sogs pa ni gcad du med pa ste mi rtag pa la sogs pa spyi'i mtshan nyid tha dad pa nyid kyi phyir ro/ /dbyer med pa ste gzugs su rung ba la sogs pa'i rang gi mtshan nyid tha dad med pa nyid kyi phyir ro/ /gzung ba med pa ste/ sems 'di kho na lus dang ngag gi rnam par snang ba'i lus la sogs pa zhes bya ba gzung bar bya ba ni yod pa ma yin pas so/ /'di ltar gyur pa'i lus la sogs pa las logs pa 'dzin pa po gzhan sems yod pa yang ma yin te/ gzung ba med na de 'dzin pa ma yin pa'i phyir ro/ /de ltar na gzung ba dang 'dzin pa dang bral ba'i stong pa nyid du ro gcig pa phan tshun tha mi dad pa'i lus dang ngag dang sems ni byang chub kyi sems su brjod cing / de kho na yang chos kyi sku dang phung po med pa ste rgyu la 'bras bu nye bar btags pa'i phyir ro/ sgrib pa dang bcas pa'i phung po lnga'i ngo bo phung po gnas gzhan du gyur pa'i bar ma chad du yod pa'i phyir ro/ /rdo rje'i bdag nyid yang dag par byung ba ni lus dang ngag dang sems rdo rje'i rang gi ngo bor skyes pa ste/ byang chub kyi sems la yang thog ma dang tha ma med na yang / mngon du byed pa'i gnas skabs na yang kun rdzob tu skyes par brjod do/ /de nyid kyi phyir nye bar sdud de/ de ltar rdo rje'i sku bla na med pa zhes pa ste/ 'dis kyang sku'i gsang ba sgrub pa'i zur gyis ji ltar de bzhin gshegs pa thams cad ces 'chad par 'gyur ba'i dpe'i ngo bo chos kyi sku'i rang bzhin 'bras bu'i byang chub kyi sems kyang gsal bar byas so/ /de nyid kyi phyir de bzhin gshegs pa thams cad kyi sku dang gsung dang thugs rnams byang chub kyi sems nyid du rtogs nas dpe can rtogs pa'i ched du 'dri ba ni/ slar yang zhes pa la sogs pa ste/ rdo rje de ni gang lus dang ngag dang sems kyi bdag nyid du gsungs pa'o/ /'o na skad cig gcig gis mngon par rdzogs par byang chub pa'i gnas skabs 'dir yang rdo rje lta bu'i bar chad med pa'i lam gyi ngo bor gyur pa na/ gal te gzhan gyi gdams ngag la ltos nas mngon par rdzogs par byang chub par 'dod na/ de ci bcom ldan 'das bsod nams dang ye shes kyi tshogs yongs su rdzogs pa nyid kyi phyir slob dpon med pa'i ye shes can du rnam par gzhag par bya ba ma yin zhing / rang byung nyid du yang ma yin no zhe na/ ma yin te rnam par gzhag par bya ba ma yin te/ so so'i skye bo'i bsam pas rdo rje snying po'i dri ba 'di'o/ /de yang gnas skabs 'di la lhag par mos pa kho na yin gyi mngon du byas pa ni ma yin no/ /de'i phyir 'di'i dri ba rigs so/ /de'i gnas skabs rtogs pa'i bar ma chad pa kho nar mngon par rdzogs par byang chub pa ni slob dpon med pa kho na'o/ de bzhin gshegs pa'i sgra ni de'i rang gi ngo bo dang mtshungs pa'i dbang po nyid kyi don to/ /gang gi rdo rje gsum gyi bdag nyid rdo rje gsungs pa de nyid slar yang khyad par du 'chad par 'gyur ba'i phyag dang zhal la sogs pas/ rdo rje sems dpa'i gzugs me long lta bu'i ye shes la sogs pa rnam pa thams cad mchog dang ldan pa/ shin tu rnam par dag pa'i chos kyi dbyings kyi ye shes kyi bdag nyid/ sangs rgyas kyi sku de bzhin gshegs pa thams cad dang bdag nyid kyi dngos po mtshungs pa nyid du bsgom zhing sngags brjod do/ /nye bar sdud pa lus kyi gsang ba zhes te/ lus kyi ste zla ba dang zla ba'i sa bon gyi bdag nyid kyi ji skad bshad pa'i rang gi ngo bo ni gsang ba ste/ gzhan rnams kyi spyod yul ma yin pa nyid kyi phyir ro/ /'dis ni ye shes gsum nye bar bsdus so/ /spyod pa zhes pa la sogs pas bzhi pa'o/ /de kho na nyid ces pa la sogs pas lnga pa'o/ /rnam par snang mdzad la sogs pa sangs rgyas lnga'i bdag nyid can nyid kyi phyir sangs rgyas kun bdag ste drug pa'o/ /bag chags dang bcas pa'i sgrib pa ma lus pa spangs pa las mchog tu bla na med pa'i dge ba nyid kyis na dge ba'o/ /'di 'dra ba kho na'i mngon par byang chub pa rnam pa lnga pa rdzogs pa'i rim pas rdo rje sems dpa'i ngo bor rtogs par byed pa ni/ skye gnas dbus su rtsa gnyis dag /ces pa la sogs pas gsal bar byed par 'gyur ro/ /'di kho na yang 'dir 'bras bu rdo rje 'dzin pa'o/ /snga mas ni zla ba gnyis dang sa bon dang bcas pa'i phyag mtshan dang sprul pa rnams dang 'gro ba dang lhan cig ro gcig par gyur pa'i gnas skabs su rgyu rdo rje 'dzin pa'o/ /de kho na yang 'dir skad cig gcig la mngon par byang chub pa rdo rje lta bu ste/ 'bras bu rdo rje 'dzin pa'i sa chos kyi sku'i bar chad med pa'i lam nyid kyis na chos kyi sku dang phung po med par brjod do/ /de skad du yang 'phags pa sa bcu par gsungs pa/ sangs rgyas kyi yul rgya chen po la yang dag par gzhol ba dang / bsam pa ji lta bar sems can thams cad la yang dag par bstan cing tshim pa'i ched du zhes so/ /'dis ni rgyu yongs su dag pa ni rgya che ba'i sangs rgyas kyi yul la rab tu 'jug pa mngon par sgrub pa nyid kyis dang / 'bras bu dag pa ni bsam pa ji lta bar sems can la yang dag par ston cing tshim par byed pa nyid kyis te/ ye shes dang mthu dag gis zhes gsungs so/ /de ltar ni 'das pa'i srid pa'i gnas skabs bzhin du byang chub sems dpa' rnams kyi tshogs kyi sa ste/ yang dag par sog par chos mthun pa nyid kyi phyir ro/ /'dir ni sbyin pa la sogs pa bsod nams rnams sog cing / snga mar ni dge ba dang mi dge ba rnams so/ /'chi ba la mngon par phyogs par sbyor ba'i gnas skabs bzhin du mos pas spyod pa'i sa ste/ de kho na nyid nges par 'byed pa'i sbyor ba'i ngo bo yin pa nyid kyi phyir ro/ /de'i rjes su 'das pa'i srid pa 'gog pa las bar do'i srid pa'i gnas skabs bzhin du sbyor ba'i gnas skabs kyi mtha' nye'i skad cig gi mthar thug pa 'gog pa las mtha'i skad cig gi ngo bor rab tu dga' ba'i sa'i bar chad med pa'i lam gyi gnas skabs so/ /de'i rjes su bar do'i srid pa ji lta ba bzhin gyi gzugs 'gags pa'i rjes kyi mngal gyi gnas skabs bzhin du byang chub sems dpa' rnams kyi bar chad med pa'i lam 'gags pa'i rjes la sa bcu'i gnas skabs rig par bya ste/ sa 'di rnams sgrib pa dang bcas pa nyid kyi phyir ro/ /btsas pa'i gnas skabs dang 'dra ba ni sangs rgyas kyi gnas skabs te/ 'bras bu yongs su rdzogs pa nye bar bzung nas spyod yul thams cad so sor nyams su myong ba'i phyir te/ btsas pa ni dbang po thams cad kyi spyod yul so sor nyams su myong bas so/ /de nas bu la sogs pa skyod par byed pa'i gnas skabs dang 'dra ba ni sprul pa'i sku lha spro ba'i gnas skabs so/ /de la mngal gyi gnas skabs bcu rnams te/ khu ba'i lus kyi gnas skabs dang / nur nur po'i lus kyi gnas skabs dang / ltar ltar po'i lus kyi gnas skabs dang / mkhrang gyur gyi lus kyi gnas skabs dang / lus dang rjes su mthun pa'i lus kyi gnas skabs dang / rang bzhin dang rjes su mthun pa'i lus kyi gnas skabs dang / las dang bcas pa'i lus kyi gnas skabs dang / yongs su rdzogs pa'i lus kyi gnas skabs rnam pa gsum ste/ dbang po yongs su rdzogs pa dang / mtshan yongs su rdzogs pa dang / chu zheng yongs su rdzogs pa'o/ /de rnams dang rab tu dga' ba la sogs pa'i sa rnams chos mthun pa nyid du nye bar mtshon par bya'o/ /de ltar de dang der lhag par mos par bsgom pa la yang ste/ gang phyir 'di la'ang rang gi snying ga'i sa bon gyi 'od zer gyis spyan drangs pa'i de bzhin gshegs pa la sogs pa mchod pa la sogs pa rnams kyis bsod nams kyi tshogs kyi sa'o/ /de'i rjes su stong pa nyid la gzhug pa ni sbyor ba'i gnas skabs so/ / de nas de'i gnas skabs 'gags pa las srid pa bar do'i gnas skabs dang 'dra bar kha cig tu hoH yig dmar po gnyis kyi nang du chud pa'i sa bon gyi yi ge'i gnas skabs sam yi ge gsum gyi gnas skabs sam kha cig tu nA da tsam ste/ rnam pa gsum ka yang lus dang ngag dang sems rnams bskyed pa'i phyir ro/ /stong pa nyid kyi ting nge 'dzin 'chi ba'i rjes thogs su yi ge'i gzugs dang de bsdus pa nA da'i gzugs dri za ni rgyud gzhan rnams su bstan pa lags so/ /sa bon la sogs pa'i yi ge rnams dang nA da ni rnam pa sna tshogs su bskyed par 'gyur ba'i lha'i 'byung gnas nyid kyi phyir ro/ /gang phyir dri za rnams kyang rnam pa sna tshogs pa rnams te/ 'ong bar 'gyur ba'i srid pa'i gnas skabs nyid kyi phyir ro/ /des na dri za'i ji lta ba bzhin pa'i ngo bo 'gags pa'i rjes thogs su mngal gyi gnas skabs bzhin du/ sa bon las skyes pa'i rang gi rten la gnas pa'i sa bon dang bcas pa'i phyag mtshan gyi gnas skabs so/ /kha cig tu phyag mtshan med pa'i sa bon gyi gnas skabs so/ /de yang ji ltar srid pa bzhin du rgyu rdo rje 'dzin pa'i gnas skabs su'o/ /de nyid kyi phyir 'di la yang dgongs nas 'chad par 'gyur te/ zla ba bcu rnams sa rnams so/ /sems can sa bcu'i dbang phyug go/ /zhes so/ /de yongs su rdzogs pa lha'i sku yang 'bras bu rdo rje 'dzin pa'i gnas skabs te/ bcas pa la sogs pa'i gnas skabs bzhin no/ /rnam par gzhag pa 'di yang gang gi tshe lha zhu bar gyur pa ma yin pa na'o/ /gang gi tshe phyag bcu drug pa dang 'jam pa'i rdo rje la sogs pa zhu bar gyur pa de'i tshe stong pa nyid la gzhug pa la sogs pas rnam pa lnga mngon par byang chub pa nas brtsams nas dri za 'jug pa las sngon gyi gnas skabs thams cad ni srid pa bar ma'i gnas skabs lta bu'o/ /dri za 'jug pa las zhu bar gyur pa nas brtsams te/ sa bon gyi yi ge yongs su gyur pa'i gnas skabs ni mngal gyi gnas skabs bzhin no/ /de'i tshe gnas skabs gnyis po 'di rgyu rdo rje 'dzin pa'i gnas skabs so/ /de'i rjes su de yongs su gyur pa'i sku ni btsas pa'i gnas skabs bzhin te/ 'bras bu rdo rje 'dzin pa'i gnas skabs so/ /rnam pa lnga mngon par byang chub pa lan gnyis ni rgyu la dang 'bras bu la yang bde ba chen po yod pa kho na'o zhes rtogs pa'i don du'o/ /'di'i rjes su 'brangs pa las ni ye shes bzhi'i bdag nyid du rgyu la yang lhag par mos par bya ste sngar ji skad bshad pa bzhin no/ /kha cig tu rnam pa gzhan du rnam par gzhag ste/ bsdus pa'i rim pa la ji lta ba bzhin no/ /de la ni stong pa nyid la 'jug pa la sogs pa/ yud kyis lhag par mos pas bskyed pa'i bcom ldan 'das kyi sku ni bar do'i srid pa'i gnas skabs bzhin no/ /de rim pas 'gog pa'i rjes su nyi ma dang zla ba dang pad+ma dang yi ge gsum dang brtan pa dang g.yo ba ro mnyam par gyur pa'i byang chub kyi sems phyag mtshan dang sa bon yongs su gyur pa'i dang po'i mgon po'i sku/ ting nge 'dzin sems dpa'i ming can hUM dgod pa ji srid pa ni mngal gyi gnas skabs bzhin no/ /de'i rjes su btsas pa'i gnas skabs lta bu ni gzugs dang long tsho la sogs pas brgyan pa'i bu mo dang snyoms par 'jug pa la sogs pa'i gnas skabs so zhes pa'o/ /de'i gnas skabs ni spros pa'i mi bskyod pa bcug pa las sngar ni 'bras bu'i rdo rje 'dzin pa nyid na yang gzugs dkar po mi 'gal te/ rgyu dang 'bras bu dag gzugs gzhan par nges pa med pas so/ /de ltar yang dpal sangs rgyas thod pa'i rgyud du dang / dpal bde mchog tu yang gzugs gcig kho nar rab tu gsal bar byas so/ /spros pa'i lha nang du zhugs pa na ni kha cig tu 'bras bu'i gzugs gzhan dang kha cig tu ma yin te/ gdul bya'i bsam pa tha dad pa'i dbang las ni snying rje'i rang bzhin gyi sku can rnams kyi sgom pa la sogs pa bstan pa sna tshogs pa'o/ /de nyid kyi phyir 'bras bu rdo rje 'dzin pa bcom ldan 'das kyang dri za 'jug pa med pas yang zhu bar gyur pa bsdus pa'i rim par gsungs te/ de'i gnas skabs kyi'ang gdul byar rung ba rnams ma byung ba na/ bde ba chen po'i rang bzhin gyi sku kho nas gnas pa'o zhes dgongs pas so/ /byung na ni snying rje dang byams pa dang dga' ba dang btang snyoms chen po'i rang bzhin sa dang chu dang me dang rlung rnam par dag pa'i ngo bo spyan ma dang mA ma kI dang gos dkar mo dang sgrol ma rnams kyis slar yang slong bar byed do/ /gang gi tshe gzhan gyi don bya ba la skad cig kyang ngal bso ba med pa de'i tshe/ nam yang zhu bar 'gyur ba ma yin te/ bcom ldan 'das rdo rje sems dpa' 'di ji bzhin no/ /kha cig tu stong pa nyid kyi rjes su yi ge'i gzugs la sogs pa'i dri za bshad pa med de/ las kyi khyad par gyi dbang gis/ shi ba'i rjes thogs su bar do'i srid pa'i gnas skabs med par yang srin bu pad+ma 'pho ba bzhin du skye bo rnams 'gro ba gzhan du skye ba'i phyir/ de'i rjes su 'brang ba las sgom pa la yang rnam par gzhag pa'o zhes dgongs pa'i phyir ro/ /de'i tshe ni yi ge'i gzugs la sogs pa'i dri za'i rjes su 'brang bar rnam par gzhag pa ma yin no/ /de ltar 'di lta bu'i rnam par gzhag pa tha dad pa shes rab can mang du mthong ba rnams kyis rang nyid kyis brtag par bya ste/ cis gang ji srid pa bdag gis brjod par bya zhes pa re zhig gzhag go/ /gsang ba'i rdo rje pad+ma'i rigs/ /zhes pa la/ gsang ba ni skal ba med pa'i spyod yul ma yin pa'o/ /rdo rje dang pad+ma yang de bzhin gshegs pa la sogs pa skye ba'i rgyu nyid kyi phyir rigs so/ /de bzhin gshegs pa kun la zhes pa de bzhin gshegs pa thams cad kyi bdag nyid can rdo rje sems dpa' la'o/ / lha mo chen mo ni rdo rje snyems ma ming gzhan rdo rje dbyings phyug ma'o/ /rgyud gzhan du ni rdo rje sems dpa'i shes rab mA ma kI ru yang gsungs so/ /'dis ni rdo rje dang pad+ma byin gyis brlab pa la sogs pa gsal bar byas so/ /srung ba'i rjes thogs su bya ba gsungs pa/ de ltar zhes pa la sogs pa'o/ /bdag nyid rnam snang mdzad byas nas/ /zhes pa sngags kho na yis zhes pa'i rjes thogs su sbrel bar bya'o/ /steng dang 'og tu sngags kyi yi ge zhes pa/ hUM suM hU~M zhes pa'o/ /cho ga bzhin zhes pa srung ba'i 'khor lo rtsibs bcu pa la gnas pa'i rdo rje 'dzin pa yongs su gyur pa gru gsum pa'o/ /de nyid kyi phyir gsungs pa/ de nga'o zhes pa rdo rje 'dzin pa dang rnam par snang mdzad do/ /gnas ni bzhi ste chos 'byung dang khang pa brtsegs pa'o/ /de nyid kyi phyir yang 'di dang rjes su 'brel ba'i don/ rnam par snang mdzad byas nas/ zhes sngar gsungs so/ /gru gsum der/ sna tshogs pad+ma nyi dkyil 'khor/ /zhes pas sna tshogs rdo rje nye bar mtshon pa'o/ /rdzogs par bya zhes pa dang sbrel lo/ /ci lta bu'i ri rab ce na gsungs pa/ rlung me'i dkyil 'khor rnams dang zhes pa mang po'i tshig las chu dang sa'i dkyil 'khor dag kyang shes par bya'o/ /de'i steng du zhes pa sna tshogs pad+ma dang nyi ma dang rdo rje'i steng du'o/ /sngags ni b+hUM yig ste/ b+hUM yig gnas bsams nas zhes pa'i gsung las so/ /b+hUM las skyes pa'i 'khor lo las yang dag par 'byung ba'i rnam par snang mdzad yongs su gyur pa'i khang pa brtsegs pa bsam par bya'o zhes 'brel lo/ /ci lta bu zhe na/ de bzhin gshegs pa kun gyis bsten cing ste lhag par bsten pa dang bstod pa yang ngo / / gang las bsngags pa'i bkra shis ni rgyud gzhan rnams su gsungs so/ /khang pa brtsegs pa rdzogs pa'i rjes thogs su srid pa bar do ru gzhag par bya ba yi ge gsum gyi ngo bo'am sa bon gyi yi ge'i ngo bor bdag nyid rjes su bsam par bya ste rlung dang chu dang me dang zla ba'i dkyil 'khor rnams kyi steng du'o/ /kha dog lnga nyid du rlung ni bcom ldan 'das kyis bstan pa'i phyir chu dang me dang sa'i dkyil 'khor rnams kyang 'dir de'i ngo bo rnams kho nar rtogs par bya ste/ rlung la zhon pa'i sems kho nar dri zar tha snyad byed pa'i phyir ro/ /'dir hoH yig dmar po gnyis ni dri za'i chags pas bsgribs pa mchog tu gyur pa nyid gsal bar byed pa'i don du'o zhes bla ma rnams 'doms par mdzad do/ /kha cig ni ma dang pha las byung ba shes rab dang thabs kyi rang bzhin bde ba chen po'i 'dod chags hoH yig dmar po gnyis dang spel ba'i yi ge gsum du 'dir nye bar ston to/ /sangs rgyas rnams kho na 'di'i ma dang pha'i dngos por nye bar gnas so zhes mngon par dgongs pa'i phyir ro/ /'dir ni dri za dang 'dra ba'i nA da kho na yi ge gsum la sogs pa'i rang bzhin no zhes 'doms par byed do/ /'di thams cad ni rdo rje gur gyi rjes thogs su'o/ /de'i 'grub pa ci ltar zhe na/ gsungs pa/ sngags 'di yis te/ hUM zhes pa'o/ /re pha las skyes pa'i nyi ma la gnas pa'i hUM las skyes pa'i sna tshogs rdo rje dang hUM las skyes shing 'bar ba'i rdo rje rnams kyis so zhes pa'i don to/ /rnam pa lngas mngon par rdzogs par byang chub pa'i rdo rje sems dpa'i snying gar zla ba'i dkyil 'khor gyi dbus su gnas pa'i ye shes sems dpa' bsam par bya zhes pa la sogs pa 'chad par 'gyur ba'i rim pas sgom pa'i ye shes sems dpa'i snying gar zla ba la rdo rje'i lte bar ting nge 'dzin sems dpa' hUM bsgom par bya'o zhes gsungs pa/ rang gi zhes pa la sogs pa'o/ /rdo rje ni rtse lnga pa'o/ /spro bar bya ste hUM yig las so/ /dam tshig sems dpa'i ngo bo'i rdo rje sems dpa'i sa bon yang 'di kho na'o zhes gsungs pa/ rdo rje sems dpa' zhes pa la sogs pa ste/ de kho na zhes pa hUM zhes pa'i yi ge'o/ /rdo rje rab bskor ni rdo rje chang zungs kyi nang du chud pa'i rdo rje sems dpa' bsgom par bya'o zhes sbrel lo/ /ci 'dra ba zhe na gsungs pa/ thams cad ces pa la sogs pa'o/ /bcom ldan 'das 'di'i rdo rje dang pad+ma 'dus byas pa'i rjes thogs su lha mo'i pad+mar gnas pa'i byang chub sems kyi rang bzhin gyi dkyil 'khor bsgom par bya'o zhes gsungs pa/ rang gi rig ma zhes pa la sogs pa ste/ 'di'i rgyas par bstan pa ni de nas rdo rje snying po zhes pa la sogs pa'o/ /phyung ba'i de bzhin gshegs pa la sogs pa rnams kyi gnas la sogs pa gsungs pa/ shar du zhes pa la sogs pa'o/ /kha cig pags pas g.yogs pa ni mu kun+da ste/ de rol mor byed pa'i phyir mu kun+da ma'o/ /rdza rnga ni rnga chen po ste de yang gyen du kha phyogs te brdung bar bya'o/ /de brdung ba'i phyir rdza rnga ma'o/ /dgod do zhes pa ni gnas su gzhug par bya'o/ /rdo rje dril bu ma ni mdog ljang gu'o/ /thams cad ces pa sgo skyong ma thams cad do/ / me tog ma la sogs pa mdor bstan pa rnams kyis rgyas par ston pa gsungs pa/ me zhes pa la sogs pa'o/ /'dir bzhad ma dang sgeg mo dang / glu ma dang gar ma dang me long ma dang ro ma dang / reg bya ma dang chos ma rnams te/ lha mo brgyad rnams kyang rgyud gzhan du gsungs pa'i phyir rig par bya'o zhes mang du mkhyen pa rnams gdams par byed do/ /shar la sogs pa zhes pa la sogs pa ni sgo skyong ma rnams rgyas par ston pa'o/ /sgo skyong dang yang dag ldan zhes pa 'di rnams sgo skyong ba la nges par sbyor ba'o/ /mi mthun phyogs thams cad bzlog pas srung ba dang dgug pa la sogs pa'i don du ste/ gshin rje mthar byed dang / shes rab kyis mthar byed dang pad+mas mthar byed kyi rang bzhin sgo skyong ma rnams de bzhin gshegs pa thams cad kyi dkyil 'khor bsrung ba'i phyir dang ye shes kyi 'khor lo 'gugs ba la sogs pa byed pa'i phyir ro/ /'di rnams kyi zhes pa 'di rnams kyi'o/ /lugs ma'i gzugs ni zangs la sogs pa las gzugs su byas pa'o/ /byas pa ni shing la sogs pa'i rang bzhin no/ /sogs pa'i sgras ni skud ris dang bris pa la sogs pa gzung ngo / /lugs ma la sogs pa'i cho ga ni lha rnams thams cad kyi'o/ /de ltar sgrub thabs 'dir gnas dang lhag par mos pa'i rdo rje sems dpa'i gzugs dang sdig pa bshags pa la sogs pa dang stong pa nyid dang bar do'i srid pa dang / srung ba'i ' khor lo 'khor dang bcas pa dang khang pa brtsegs pa 'khor dang bcas pa dang rnam pa lnga mngon par rdzogs par byang chub pa dang shes rab dang thabs yongs su mnyes pa dang sems dpa' dbang bskur ba dang mig la sogs pa byin gyis brlabs pa dang rigs lnga'i tshogs dang rdo rje dang pad+ma byin gyis brlabs pa dang / dkyil 'khor pa'i lha spro ba dang ye shes sems dpa' gzhug pa dang dbang bskur ba dang rgyas gdab pa dang / mchod pa dang bstod pa dang bdud rtsi myang ba dang / thig le'i rnal 'byor dang phra mo'i rnal 'byor dang bzlas pa dang brtas par bya ba dang bsdu ba la sogs pa'o zhes pa'i rim pa ni/ cho ga'i sa zhes pa dang cho ga bzhin zhes pa'o/ /dkyil 'khor gyi cho ga 'di thams cad rgyud gzhan rnams su gsungs pa'o zhes pas tshig rnams kyis gsal bar byas pa'o/ /de la srung ba'i 'khor lor gshin rje mthar byed dang shes rab mthar byed dang pad+ma mthar byed dang bgegs mthar byed dang mi g.yo ba dang 'dod pa'i rgyal po dang dbyug pa sngon po dang / stobs po che dang gtsug tor 'khor los sgyur ba dang / gnod mdzes zhes bya ba khro bo bcu rnams bsgom par bya'o/ /de la gshin rje ni sems can rnams 'jigs par byed pa'o/ /mthar byed ni ma skyes pa'i rang bzhin nyid kyi phyir chos thams cad mi 'jig pa'i bdag nyid kyis na/ gshin rje mthar byed par 'gyur te/ 'chi bdag gi bdud las rgyal ba'i phyir ro/ /gti mug kyang gshin rje ste de mthar byed pa'i phyir yang gshin rje mthar byed do/ /shes rab mthar byed ni sems kyi ngo bo'i shes rab mthar byed pa ste/ de'i phyir yang lha'i bu'i bdud las 'dis rgyal bar byed do/ /sems kyi khyad par la brten nas byang chub las nyams par bya ba'i ched du bdud rnams 'jug cing / 'dis ni sems rnams thams cad dang byang chub kyang de bzhin nyid dag pa las mi g.yo ba nyid la gnas pa'o zhes pas de rnams la brnyas par byed do/ /pad+ma mthar byed ni phung po stong pa nyid la dran pa'i ngo bo nyid kyis na ma dag pa'i 'dod chags las skyes pa'i thun mong ba'i ngag phyag rgya dang snyoms par 'jug pa las kyang mthar byed pa'i phyir ro/ /de nyid kyi phyir phung po'i bdud las rgyal ba la yang 'di rab tu nus so/ /byang chub sems dpa' rnams ni rnam par rtog pa'i nyon mongs pa can no zhes pas ma dag pa'i nyon mongs pa dang las thams cad dang rnam par rtog pa'i mtshan nyid can gyi bgegs la gnod pa byed pa'i phyir nyon mongs pa'i bdud las mchog tu rgyal ba ni bgegs mthar byed do/ /'dzin pa dngos po dmigs pa tsam dang / chags pa de la 'dun pa dang / rnam pa dngos po'i rnam par byed pa dang / g.yo med brtan par gyur pa'i reg pa dang / rgyu nyid rang dang rjes su mthun pa'i sems gzhan skye ba'i ngor dang / /'bras bu nyid rang dang rjes su mthun pa'i rgyu la ltos nas te/ 'di rnams rnam par dag pas na rnam par dag pa rnam pa drug gi sems skye ba'i ngo bo rnams ni 'dod pa'i rgyal po la sogs pa drug rnams te/ khro bo'i dbang po de rnams kyang mi mthun phyogs las ldog pa na mthu thogs pa med pa'i ngo bo can yin pa nyid kyi phyir ro/ /de skad du yang 'dus pa phyi mar gsungs pa/ 'dzin dang chags pa nyid dang ni/ / rnam pa de bzhin g.yo med pa/ /rgyu nyid dang ni 'bras bu nyid/ /drug por sems yang dag 'byung ba/ /'dod pa'i rgyal po sogs drug rnams/ /khro bo'i dbang po rnams zhes bsgrags/ zhes so/ /rnam par rtog pa mi mthun phyogs ma lus pa zil gyis gnon pa'i phyir rdo rje lta bu'i ting nge 'dzin las g.yo ba med do zhes pa mi g.yo ba'o/ /'dod pa ni 'dod par byed pa ste/ de rnam par dag pas na mngon par 'dod pa thob pas gsal ba'o zhes 'dod pa'i rgyal po'o/ /sems can rnams kyi sdig pa ni sngon po ste/ de dbyig pas 'debs par byed tshar gcod par byed do zhes pa dbyug pa sngon po'o/ /sems can rnams kyi nyon mongs pa'i phung po 'jig pa'i ched du 'di stobs te nus pa chen po'o zhes pa stobs po che'o/ /gtsug tor ni khams gsum pa las shin tu 'das pa stong pa nyid dang snying rje dbyer med pa'i ye shes te/ de 'khor lo bzhin du gdul bya rnams la bskor ba la 'di'i ngang tshul yin pa ni gtsug tor 'khor los sgyur ba'o/ /bgegs rnams gnod pa ste 'jigs par byed pa bsal lo zhes pa gnod mdzes rgyal po'o/ /ye shes sems dpa' dam tshig sems dpa' la gzhug pa ste/ de ni 'dir tha mal pa'i nga rgyal bsal bar rang gi sems snang ba'i ngo bo phyag la sogs pas rnam par mdzes pa'i lha'i sku'o/ /kha cig tu sa bon yang gsungs shing / kha cig ni sa bon kho na'o/ /de'i bdag nyid du mngon du byas pa'i gnyis su med pa'i ye shes kyi ngo bo nyid kyi phyir 'dir ye shes sems dpa' yang dag par 'gro'o 'du'o zhes pa dam tshig go/ /sems dpa' yang ste/ sems can gyi don byed pa nyid kyi phyir dang rnam par dag pa'i sems can gyi tha snyad kyi yul nyid kyi phyir ro/ /sa bon yang nur nur po bzhin du sems can no/ /'o na dam tshig sems dpa' ni ye shes sems dpa' dang ste kha cig tu sangs rgyas rnams thams cad dang / kha cig tu byang chub sems dpa' rnams dang / kha cig tu 'gro ba dang yang lhan cig de'i bdag nyid du gsungs na ci ltar 'gal ba ma yin/ de lta na ni rgyud gzhan med pa'i phyir rig byed mtha' ba'i grub mthar lhung bar 'gyur zhing / mchod pa dang sdig pa bshags pa la sogs pa'i dang snying rje chen po'i dang / sbyin pa la sogs pa'i tshogs kyi spyod yul cung zad kyang med par yang ngo / /gang 'ga' zhig 'ga' zhig tu ye shes sems dpa' dang sangs rgyas dang byang chub sems dpa' rnams dang 'gro ba rgyud gcig gi nang du chud na yang / slar yang spro ba gsungs pa de ni ches shin tu 'gal te/ sems can rnams ni rnam par shes pa'i rgyun re re ba'o zhes pa'i grub mtha'i phyir ro/ /cig car rtog pa med pa'i shes pa du ma skye ba la ni/ rnam par dbye ba med par 'jug cing bya ba gcig byed pa rnams la gcig tu mos pa kho na'i gzugs dang dri dang ro dang reg bya'i rdul phra rab 'dus pa la bum par mos pa bzhin no zhes pas sems can gcig tu tha snyad bya ba kho na'o zhe na/ gal te rang dang gzhan gyi rgyud dag gcig pa nyid dngos po pa brjod par 'dod na 'gal bar 'gyur mod/ de ltar yang ma yin no/ /'o na ci zhe na/ lhag par mos pa pa'o/ /gcig nyid du lhag par mos pa yang thog mar goms pa dang ldan pa kho na'i sgrib pa med pa'i byang chub sems kyi rang bzhin yongs su dag pa'i sems dpa' de'i bdag nyid du lhag par mos pa ni/ brtan par gus pa dang bcas shing rgyun mi 'chad par 'jug pas so so skye bo'i nga rgyal bsal nas 'jig rten las 'das pa'i rnam par dag pa nye bar byed do/ /de skad du yang / dpal de kho na nyid 'dus par/ rnam pa lnga mngon par byang chub par gyur pa na/ oM ji ltar de bzhin gshegs pa thams cad yin pa de ltar nga'o zhes pa'i rjes thogs su gsungs pa/ de nas byang chub sems dpa' chen po rdo rje dbyings kyis de bzhin gshegs pa'i skur bdag nyid mngon par rdzogs par byang chub nas/ de bzhin gshegs pa de rnams la phyag 'tshal zhing bod nas 'di skad ces gsol to/ /bcom ldan 'das de bzhin gshegs pa rnams thams cad bdag la byin gyis rlobs shig /mngon par byang chub pa 'di brtan par mdzad du gsol zhes so/ /de nas de skad gsol ba na de bzhin gshegs pa rnams thams cad de bzhin gshegs pa rdo rje dbyings kyi sems dpa'i rdo rje la rab tu zhugs so zhes pa'o/ /de nas bcom ldan 'das de bzhin gshegs pa rdo rje dbyings/ skad cig de kho na la de bzhin gshegs pa thams cad dang mnyam pa nyid kyi ye shes mngon par rdzogs par sangs rgyas so/ /de bzhin gshegs pa thams cad kyi rdo rje mnyam pa nyid kyi ye shes phyag rgya gsang ba'i dam tshig la zhugs so/ /de bzhin gshegs pa thams cad kyi chos mnyam pa nyid kyi ye shes rtogs pa rang bzhin gyis dag go/ /de bzhin gshegs pa thams cad kyi thams cad mnyam pa nyid rang bzhin gyis 'od gsal ba'i ye shes kyi 'byung gnas su gyur to/ /de bzhin gshegs pa dgra bcom pa yang dag par rdzogs pa'i sangs rgyas su gyur to zhes so/ /'dir rdo rje dbyings kyis ma 'ongs pa'i skye bo la mngon par dgongs pas don du gnyer bar byed de/ de bzhin gshegs pa'i sku ni ye shes lnga'i bdag nyid do/ /de nyid kyi phyir gsungs pa/ de bzhin gshegs pa'i zhes so/ /sems dpa'i rdo rje la ni dam tshig sems dpa' la'o/ /de kho na la ste rnam par snang mdzad la sogs pa de bzhin gshegs pa lnga'i bdag nyid kyi ye shes sems dpa' rdo rje 'dzin bzhugs pa'i rjes thogs kyi skad cig la'o/ /de bzhin gshegs pa thams cad ces pa la sogs pa la/ ye shes zhes pa'i tshig bzhi rnams kyis me long lta bu la sogs pa'i ye shes bzhi rnams gsungs so/ /yang dag par rdzogs par sangs rgyas zhes pa 'dis lnga pa'o/ /mnyam pa nyid ces pa'i tshig rnams kyis ye shes thams cad kyis mnyam pa nyid gsungs so/ /de ltar de bzhin gshegs pa rnams thams cad dang lhan cig bdag nyid brtan par gcig pa nyid du lhag par mos pa ni mnyam pa nyid du yid ches pa'i don kho na'o/ /de bzhin du 'gro ba yang lhan cig gcig pa nyid du lhag par mos pa ni rang bzhin rnam par dag pa'i de bzhin nyid mtshungs pa nyid du rtogs pa'i ched du'o/ /de ltar na yang 'bras bu dang rgyu'i gnas skabs dag la byang chub kyi sems kyi rang bzhin kho na sna tshogs pa'o zhes pa dgongs pa'o/ /de nyid kyi phyir rang gi sems kyi rgyun kho na'i 'byung bar 'gyur ba'i 'bras bu'i gnas skabs ye shes sems dpa' ngo bo dang lhan cig de'i bdag nyid du lhag par mos par byed cing gzhan gyi rgyud kyi ye shes sems dpa' dang mnyam pa nyid kyis bar ma'i sems can rnams dang ngo zhes pa man ngag go/ /de'i phyir dngos po par rang nyid gzhan gyi sems kyi rgyud dang de'i bdag nyid du bsgom pa ma yin zhing / rang nyid las de 'phro ba yang ma yin no zhes pas 'gal ba cung zad kyang med do/ /de bzhin du gzhan la yang ji ltar rigs par brtag par bya'o/ /gang yang lha mo gcig la lha mo gzhan rnams nang du 'dus nas gtso bo la bde ba chen pos mchod par byed do zhes gsungs pa de la/ yid kyi rang bzhin gyi lus can thogs pa med pa de rnams kyi rgyud tha dad pa nyid na lhan cig yul gcig tu gnas pa tsam ni nang du 'dus pa ste/ phan tshun de'i bdag nyid ni ma yin no/ /rnal 'byor pa'i rgyud las sprul pa nyid la ni de'i bdag nyid kyang mi 'gal lo/ / gang phyir dkyil 'khor pa'i lha rnam pa gnyis te/ kha cig tu phal cher rgyud tha dad pa'i tshul te/ dper na dpal de kho na nyid 'dus par rgyas par bstan pa'i 'gro ba 'dul ba'i dkyil 'khor du lha rnams bzhin no/ /kha cig tu phal cher rnal 'byor pa'i rgyud la sprul pa ste/ dper na dpal 'dus pa dang bde mchog dang kye'i rdo rje'i dkyil 'khor gyi lha rnams bzhin no zhes pa'o/ /dbang po lhag par rno ba'i sems can rnams la ni su zhig dang yang de'i bdag nyid du bsgom pa med de/ gang phyir de ni yud kyis rdzogs pa'i rdo rje 'dzin pa'i sku kho nar 'ba' zhig pa'am dkyil 'khor pa dang bcas pa yang rung / shes rab dang bcas pa'am shes rab med par bdag nyid goms par byed do/ /de ni bcom ldan 'das rdo rje sems dpa' la byang chub sems kyi rang gi ngo bor nges pa nyid du goms par byed cing 'di snyam du sems te/ bcom ldan 'das byang chub kyi sems rdo rje de bzhin gshegs pa shes rab dang thabs kyi ye shes kyi ngo bo 'di kho na 'dod chags la sogs pa'i rang bzhin de bzhin gshegs pa lnga dang rig ma la sogs pa'i rnam pas kun rdzob pa'i gzugs 'dzin pa ni/ nyon mongs pas yongs su gos pa'i sems can gyi khams kyi sems dri ma med par byed pa'i don du/ de ltar gyur pa'i lam la 'jug pa'i skal pa dang ldan pa'i gdul bya de rnams de kho na nyid la sbyor bar mdzad cing 'di ltar rnam par gnas pa'o zhes pa'o/ /'di lta bu kho na yang man ngag go/ /'di ltar yang rdo rje sems dpa' la sogs pa dang 'dra ba kho nar chos rnams thams cad kyang rang bzhin med pa nyid du bla ma'i man ngag las rtogs par bya'o/ /de nyid kyi phyir rim pa 'dis rdo rje sems dpa' la sogs pa bsgoms pas chos thams cad rang bzhin med pa nyid rtogs par 'gyur ro zhes dgongs nas/ rdo rje sems dpa' la sogs pa bsgom pa phyag rgya chen po'i dngos grub kyi ched du 'gyur ro zhes bcom ldan 'das rnams kyis nye bar bstan to/ / 'di kho na la mngon par dgongs nas gdul bya rnams kyi sems kyi 'jug pa rjes su gzhug pa'i ched du dam tshig gi de kho na nyid kyi rgyud chen por gsungs pa/ 'dir ni bdag gi gsang ba yi/ /snying po kun bsdus la gnas nas/ /rdo rje lha mo kun 'dus dang / gar kun gyis ni gar mdzad do/ /zhes so/ /'di la shin tu mang zhing legs par bshad par nus te/ gzhung mangs pas 'jigs pas ma brjod do/ /dbang bskur ba ni ye shes kyi chu rnams kyis bag chags dang bcas pa'i sgrib pa thams cad kyi dri ma 'khrud pa'o/ /de'i phyir dbang bskur ba'i khu bas spyi bor gnas pas rgyas gdab par rigs kyi dbye bas 'gyur ro/ /de ltar yang gus par byed pa'i tshul du gang spyi bor bsgom pa de ni rgyas gdab pa'o/ /'di rnams ni rang gi bdag po'i ting nge 'dzin las 'byung ba'i phyir te/ de med par rang nyid 'byung bar mi 'gyur ro/ /'di ni 'di rnams mgu bar byed pa dang sdug bsngal bar byed pa ni ma yin gyi/ 'on kyang yongs su tshim par byed pa kho na'o/ /de la sems tsam gyi lus can nyid kyi phyir gzugs la sogs pa'i phung po rnams la mi bskyod pas rgyas gdab ste/ de'i rang bzhin nyid du nye bar gsal ba'i don du'o/ /byang chub sems las rab tu byung ba nyid kyi phyir mi bskyod pa ni rdo rje 'dzin pas so/ /rdo rje 'dzin pa ni mi bskyod pa ste/ rgyu'i nang du 'dus pa'i phyir te/ 'bras bu kho nar 'byung ba'i phyir ro/ /'dis gnyis kar yang gnyis ka khyab par byed pa nyid kyi phyir yang 'di dag phan tshun rgyas gdab po/ /de skad du yang gsungs pa/ 'bras bus rgyu la rgyas gdab cing / /rgyu yis 'bras bu rgyas gdab bya/ /bsgom bya gzhan du dngos grub ni/ /bskal pa byed pas skye mi 'gyur/ /zhes so/ / 'bras bu mi bskyod pas rgyu rdo rje 'dzin pa la rgyas btab nas bsgom par bya ste/ 'bras bu la yang rgyu yis so/ /gang yang rdo rje 'dzin pa ni de bzhin gshegs pa lnga'i cod pan can nyid du de dang der gsungs pa'i rgyas gdab pa de yang de ni ye shes lnga rnams su de'i bdag nyid kyis nang du 'dus pa'i phyir/ 'bras bu de rnams kyi ste rab tu bsgom pa'i dbang du byas nas so/ /'o na de lta na 'di dag kho na dkyil 'khor gyi bdag po nyid du rigs te/ thams cad kyi bdag po nyid kyi phyir ro zhe na ma yin te/ rnam pa sna tshogs pa la mos pa'i dbang las gzhan gyi sgo nas kyang dkyil 'khor mtha' dag gi de kho na nyid rnam par gzigs pa'i phyir rnam par snang mdzad la sogs pa rnams kyang bdag po nyid do/ /gang gsung bar 'gyur ba/ lha ni gang dang ci zhig ni/ /'khor lo'i dbus su nges gnas pa'i/ / mtshan mngon 'byung ba'i rdo rje zhes/ /dkyil 'khor sangs rgyas rnams kyis bsgrags/ /zhes so/ /rigs kyi bdag pos rgyas gdab pa ni bu'i sgo nas pha'i rjes su 'brang ba na/ de las skyes pa nyid du bshad pa'i don du'o/ /de kho na la mes po yang nang du 'dus so/ / gang yang mi bskyod pa dkyil 'khor pa nyid yin pa de ni me long lta bu la sogs pa shin tu rnam par dag pa'i ye shes kyi bdag nyid de bzhin gshegs pa rnams kyi shin tu rnam par dag pa'i me long lta bu la sogs pa'i ngo bo yin pa de yis rig par bya'o/ /rgyas gdab pa la ni shin tu rnam par dag pa'i chos kyi dbyings kyi ye shes tsam gyi ngo bo mi bskyod pa'o/ /byang chub sems dpa'i ting nge 'dzin rnams ni de bzhin gshegs pa'i ting nge 'dzin gyi phyogs gcig yin pa nyid kyi phyir/ 'chad par 'gyur ba'i gti mug rdo rje la sogs pa'i byang chub sems dpa' sa'i snying po la sogs pa'i ming gzhan gzugs rdo rje ma la sogs pa'i shes rab kyis 'khyud pa rnams de bzhin gshegs pa rnams kyis rgyas gdab po/ /de ltar na 'o na sa'i snying po la sogs pa lnga rnams dang gzugs rdo rje ma la sogs pa rnams dang spyan ma la sogs pa rnams rnam par snang mdzad kyis rgyas gdab pa 'thob ste/ 'di rnams gzugs kyi phung po'i phyogs gcig pa nyid kyi phyir ro zhe na/ ma yin te/ de bzhin gshegs pa rnams ni so sor de bzhin gshegs pa lnga'i bdag nyid yin pa nyid kyi phyir/ gzhan gyi yul la yang de bzhin gshegs pa gzhan bdag po nyid du yod do zhes pas/ ji ltar rigs par gzhan rnams kyis rgyas gdab pa'o/ /de ltar ni 'du byed kyi phung po'i rang bzhin gti mug la sogs pa rnams kyang de bzhin gshegs pa lnga'i bdag nyid can du brjod par bya bas so/ /shin tu dang ba nyid kyi phyir mig ni rnam par snang mdzad kyis rgyas gdab pa'o/ /nam mkha' dang mnyam pa nyid kyi phyir rna ba ni mi bskyod pas so/ /dri la longs spyod pa srid pa bar do dang cig shos kyi gnas skabs dag la dril mngon par dga' bas khyab pa'i phyir sna la rin chen dbang pos so/ /ro la chags pa ni shin tu stobs dang ldan pa nyid kyi phyir lce la 'dod chags kyis so/ /lus kyi yan lag thams cad la rnam par rgyu ba nyid kyi phyir reg byed la don yod kyis so/ /dbang po thams cad la rjes su 'gro ba nyid kyi phyir yid la mi bskyod pas so/ /dbang po'i rjes su 'brang bas de'i yul gzugs la sogs pa rnams kyis rgyas gdab pa kha cig tu gsungs te/ ji ltar ye shes zhabs kyis 'jam pa'i rdo rje'i sgrub thabs ltar ro/ /kha cig tu ni rnam pa gzhan du ste/ ji ltar bsdus pa'i rim pa ltar ro/ /gti mug gi gzhi can nyid kyi phyir gzugs ni rnam par snang mdzad kyis rgyas gdab pa'o/ /bstod pa la sogs pa'i sgra rnams kyis mtho bar khengs pa'i phyir sgra la rin chen 'byung bas so/ /gur gum la sogs pa rnams la rjes su chags pa'i phyir dri la 'od dpag med kyis so/ /lus kyi yan lag thams cad tshim par byed cing rnam par rgyu ba nyid kyi phyir rol don yod pas so/ /dbang po thams cad la khyab pa'i phyir reg bya la mi bskyod pas te/ chos kyi dbyings la yang ngo zhes pa'o/ / sra zhing mkhregs pa nyid kyis gti mug chen po'i gzhi nyid kyi phyir sa la rnam par snang mdzad kyis so/ /chu ni nam mkha' bzhin pa nyid kyi phyir dang chad pa dang phug pa rnams kyang de lta kho nar sdud pas mi bskyod pa nyid kyi phyir mi bskyod pas so/ /me de 'od dang bcas pa'i rang bzhin nyid kyi phyir 'od dpag med kyis so/ /rnam par rgyu ba nyid kyi phyir rlung ni don yod kyis so/ /gti mug dga' ma la sogs pa'i ngo bo yin pa nyid kyi phyir spyan ma la sogs pa rnams gti mug rdo rje la sogs pa rnams kyis rgyas gdab pa'o/ /de bzhin du gti mug la nye bar longs spyod pa las dang gti mug zad pa'i ngo bo yin pa nyid kyi phyir gshin rje mthar byed dang mi g.yo ba rnam par snang mdzad kyis rgyas gdab par bya'o/ /nga rgyal la nye bar longs spyod pa dang nga rgyal zad pa'i ngo bo nyid kyi phyir shes rab mthar byed dang 'dod pa'i rgyal po rin chen 'byung bas so/ / 'dod chags la longs spyod pa las dang 'dod chags zad pa'i ngo bo nyid kyi phyir pad+ma mthar byed dang dbyug pa sngon po 'od dpag med kyis so/ /phrag dog la longs spyod pa dang phrag dog zad pa'i ngo bo nyid kyi phyir bdud rtsi 'khyil pa dang stobs po che don yod kyis so/ / zhe sdang la longs spyod pa dang zhe sdang zad pa'i ngo bo yin pa nyid kyi phyir gtsug tor 'khor los sgyur ba dang gnod mdzes rgyal po mi bskyod pas so/ /'jam pa'i rdo rje'i sgrub thabs su ni sems las skye ba'i khyad par gyi ngo bo nyid kyi phyir dang khro bo'i ngo bo nyid yin pa'i phyir khro bo brgyad rnams mi bskyod pas rgyas gdab par bya'o/ /sems las skye ba'i khyad par nyid yod na yang gshin rje mthar byed pa dang pad+ma mthar byed dag sngar bzhin zhes 'dod do/ /gang kha cig tu rigs kyi bdag po rnams ni byang chub sems dpa' rnams su nang du 'dus par gsungs pa de rang gi ngo bo tha mi dad par bstan pa'i don du'o/ /rigs kyi bdag po'i kha dog gi rim pa las 'das pa la rgyu dang yang / ci ltar rgyu rdo rje 'dzin pa tha mi dad pa la 'bras bu rdo rje 'dzin pa rnams tha dad ces pa'i dogs pas gang ba la/ bcom ldan 'das kho nas gsungs pa/ rgyags pas kha dog tha dad de/ /ro yi snying yang de bzhin no/ /rang gi rgyu ni dbang bskur bas/ /'bras bu rten gyi dbye bas so/ /sngags kyis chos ni dbye bar bya/ /rig ma'ang chos kyi phyag rgyas so/ /zhes so/ /rgyags pa ni 'dir sems spro ba'i khyad par ro/ /de'i tha dad las sa bon la sogs pa rnams kyi kha dog tha dad pa'o/ /ro ni so so rang la yod pa'i bsam pa'i 'gyur ba'i bye brag ste/ snying na sems so/ /de nyid kyi phyir dang po pa'i sa bon la sogs pa'i kha dog gi dbye ba dang snying ga'i sa bon gyi dbye ba ji ltar rigs par brjod do/ /rang gi rgyu ni ji ltar rigs par zhe sdang la sogs pa rnams te/ de dbang bskur bas tha dad de/ /rgyas 'debs pa las so/ /rgyu'i dbye ba las rgyas 'debs pa'i dbye ba'o zhes pas gang du rgyas 'debs tha dad pa der rgyu yang tha dad pa kho na'o zhes rtogs par bya'o/ /de ltar kha dog gi dbye ba la sogs pa la yang rtogs par bya'o/ /de ltar rigs gcig nyid du yod na yang bsam pa'i 'gyur ba'i dbye ba las dang / spro ba'i dbye ba las khro bo la sogs pa rnams las rdo rje 'dzin pa la sogs pa rnams dbye bar 'gyur zhing / bsam pa'i 'gyur ba la sogs pa'i dbye ba med na yang khro bo rnams kha cig zhe sdang gi rigs nyid yin gyi zhe sdang gi ngo bo nyid ma yin te/ sems las skye ba'i khyad par rnam par dag pa'i ngo bo nyid kyi phyir dang / mi bskyod pas ni sems kyi ngo bo nyid kyi phyir ro/ /de ltar rten gyi dbye ba las ji skad bshad pa'i ngo bo gnas kyi khyad par bskyed nas/ rgyu rdo rje 'dzin pa mtshungs na yang 'bras bu'i rdo rje 'dzin pa tha dad pa'o/ /de yang gtso bo'i phyir 'bras bu rdo rje 'dzin pa ni sems kyi ngo bo nyid kyi dbang du byas nas gsungs par rtogs par bya'o/ /ngag gi dbang du byas nas gsungs pa ni sngags kyis zhes pa sa bon gyi yi ges chos zhes pa yi ge gsum la sogs pa'i bdag nyid kyi sngags so/ /de ltar rig ma yang ste lus kyang chos kyi phyag rgyas zhes pa sa bon de kho nas so zhes pa shin tu 'phros pas chog go/ /'di ltar man ngag ji lta bar bsgom pa'i rim pa ni 'di'o/ /snga bar sgom pa dang rjes su mthun pa'i gnas su stan bde ba la ji ltar bde bar 'dug pas/ oM AHhU~M zhes pas gnas dang bdag dang rnal 'byor srung ba byas nas/ dam tshig bsten pa sngon ma can gyis gtor ma byin te/ sdug bsngal bar gyur pa'i 'gro ba ma lus pa la bltas nas snying rje bar gyur bzhin pas/ yud kyis stong pa nyid du mos pa las 'chad par 'gyur ba'i phyag mtshan dang sku mdog la sogs pa dang ldan pa shes rab dang bcas pa'i rdo rje sems dpar bdag nyid lhag par mos nas/ rang gi snying gar aM yig las skyes pa'i zla ba la gnas pa'i byang chub kyi sems mngon par gsal ba'i ngo bo/ /dbus su sngon po nyid kyis dang phyi rol du dkar po nyid kyis dngul chu 'dra ba'i mdog can gyi hUM yig 'od zer lnga 'phro ba yang dag par bltas te/ de'i 'od zer gyi tshogs rnams kyis lus mtha' dag snang bar byas nas phyir 'phros pa rnams kyis/ bcom ldan 'das rdo rje sems dpa' dkyil 'khor ba'i lha dang bcas pa 'og min gyi mthar thug pa bdag nyid dang nye bar mdun gyi nam mkha' la mar me len pa'i rigs pas bkug nas/ hUM yig la 'od zer zhugs pa'i rjes thogs su cig car spros pa'i lha mo bcu drug po rnams kyis mchod par bya'o/ /de la gling bu ma dang pi wang ma dang rnga zlum ma dang rdza rnga ma dang bzhad ma dang sgeg mo dang glu ma dang gar ma dang me tog ma dang bdug pa ma dang mar me ma dang dri chab ma dang / me long ma dang reg bya ma rnams phyi'i mchod pa ste/ reg bya mas sna tshogs pa'i gos 'bul ba'o/ /ro mas gsang ba'i mchod pas so/ /chos mas de kho na nyid kyi mchod pa ste/ rdo rje snyems ma la rab tu zhugs nas/ bcom ldan 'das la 'khyud de bde ba chen po'i rjes su chags par byed pa'i phyir ro/ /de'i rjes su phyag 'tshal zhing / bdag nyid kyi sdig pa bdag gis 'chags shing slar yang mi bgyid do/ /sangs rgyas dang byang chub sems dpa' dang 'phags pa dang so so'i skye bo rnams thams cad kyi bsod nams thams cad la rjes su yi rang ngo / /bdag nyid dang 'gro ba'i dge ba bla na med pa yang dag par rdzogs pa'i byang chub kyi ched du yongs su bsngo bar bgyi'o/ /byang chub kyi bar du sangs rgyas dkon mchog dang / shes rab kyi pha rol tu phyin ma chos dkon mchog dang / phyir mi ldog pa'i byang chub sems dpa'i dge 'dun dkon mchog la skyabs su mchi'o/ /e ma ma la bdag bla na med pa yang dag par rdzogs par byang chub par bgyi'o/ /de'i lam sgrub pas bde ba chen po'i 'khor ba'i sdug bsngal dang bral ba/ nam mkha' ji srid par rgyun mi 'chad par 'byung ba/ de bzhin nyid dang ro gcig pa la sems can rnams thams cad dgod par bgyi'o zhes sdig pa bshags pa la sogs pa bya ba'am/ dkon mchog gsum la skyabs su 'gro ba'i rjes thogs su/ byang chub sems ni bla na med/ /dam pa bdag gis bskyed par bgyi/ /zhes pa nas sems can mya ngan 'das la dgod/ /ces pa'i mtha' thug pa don mngon du byed cing bklag par bya'o/ /de ltar dge ba'i tshogs nye bar bsags nas ye shes kyi tshogs kyi don du/ 'gro ba de nyid lta ba'i dra bas 'khrugs pa la bltas nas gdon par 'dod pas/ don dam pa'i byang chub kyi sems gcig dang du ma'i rang bzhin med pa'i phyir dang ma skyes pa nyid kyi phyir dngos po rnams dang de'i rgyu rnams kyang ma dmigs pa ste/ dngos po ma grub na dngos po med pa yang mi 'grub pa'i phyir de la yang mi gnas pa stong pa nyid dang mtshan ma med pa dang smon pa med par chos rnams thams cad bsgom pa bskyed par bya'o/ /de nas/ oM AHhU~M gi ngo bor bdag nyid kyi lus dang ngag dang yid steng dang 'og dang 'og tu gnas pa gzugs brnyan lta bu stong pa nyid dang ro gcig par rtog cing / oM yig AH yig la dang / a yig gdon dang bcas pa hUM yig la dang / u yig ha yig la dang de mgo bo la dang / mgo bo zla ba phyed pa la dang / de thig le la dang thig le nA da la nang du gzhug ste/ skra'i rtse mo brgya phrag stong gi cha'i tshad du gzhag nas snying rje chen po bsgom par bya'o/ /oM shU n+ya tA dz+nyA na badzra swa b+hA wa At+ma kou0f85haM/ zhes pa'i sngags kyi don mngon du byed pas/ chos thams cad mi dmigs pa'i bdag nyid stong pa nyid la rab tu gzhug cing nA da tsam gyi rnam par rtog pa yang yongs su dor bar bya'o/ /de'i rjes su snying rje chen po'i dbang gis/ nA da'i ngo bor bdag nyid srid pa bar do'i rang bzhin nam mkha' la gzhag nas/ sna tshogs chu skyes la raM las skyes pa'i nyi ma la gnas pa'i hUM yig las byung ba'i sna tshogs rdo rje la gnas pa'i hUM yig gi 'od zer las skyes pa'i 'bar ba'i rdo rje'i tshogs rnams kyis mtshams med par dum bu gcig tu gyur pa'i rdo rje'i ra ba dang gur dang mda'i dra ba dang bla re dang / 'og tu sna tshogs rdo rje'i rang bzhin gyi sa gzhi rjes su bsams nas/ de'i dbus su sna tshogs chu skyes dang nyi ma la gnas pa'i b+h+rUM yongs su gyur pa las 'khor lo ser po g.yas skor du 'khor ba rtsibs bcu pa'i lte ba'i dbus kyi bar skabs su gnas pa'i bdag nyid 'chad par 'gyur ba'i sku mdog dang phyag mtshan la sogs pa dang ldan pa'i rdo rje sems dpar lhag par mos te/ rang gi snying ga'i sa bon gyi 'od zer rnams kyis khro bo bcus yongs su bskor ba'i mi bskyod pa spyan drangs pa kha nas bcug pa zhu bar gyur pa lha mo'i mtsho skyes su khro bo'i tshogs dang bcas pa'i mi bskyod par bltas shing / hUM zhes brjod la mi bskyod pa spros nas rang gi lus dang ro mnyam par byas te/ rdo rje sems dpa'i gzugs yongs su gyur pas rdo rje hUM mdzad kyi gzugs kyi hUM yig bcu po rnams kyi khro bo bcu rnams spro bar bya'o/ /gang gsung bar 'gyur ba/ khams gsum rnam par rgyal gyur nas/ /bgegs rnams thams cad bskrad par bya/ /slar yang khro bo rnam rgyal gyur/ /zhal gsum phyag drug par bsgoms te/ /khro bo'i sprin rnams spro bar bya/ /zhes so/ /de la rdo rje hUM mdzad khros pa 'jig pa'i dus kyi me ltar 'bar ba'i me lce'i tshogs can/ 'gro ba ma lus pa'i bgegs kyi tshogs dbang med pa rnams za ba lta bu sngon po dang ser po dang ljang gu'i rtsa ba dang g.yas pa dang cig shos kyi zhal gsum gdangs shing rnam par 'gyur ba can/ mche ba gtsigs shing ljags 'gyur ba/ shin tu 'jigs su rung ba/ zhal so so la smin ma 'khyog cing g.yo ba dang bcas pa'i spyan gsum dmar zhing zlum pa yang yang du hUM yig sgrogs pas nga ro 'don cing phyogs su lta ba/ dpral ba'i steng du yongs su bskor ba'i thod pa lnga'i phreng ba can mgul bar 'phyang ba'i khrag 'dzag cing / dring ba'i mgo bo lnga bcu'i phreng ba can/ yid du 'ong ba'i mi'i rus pa'i rang bzhin gyi 'khor lo can dang rna rgyan dang mgul rgyan dang phyag gdub dang mgo bo'i ske rags kyis brgyan pa/ stag gi pags pa'i gos bshus pa/ mi rus las byung ba'i thal ba'i rdul gyis byugs pa/ mtha' yas sngon pos dbu skra dmar ser gyen du 'bar ba dkris pa/ 'jog po dmar pos rna ba'i rgyan du byas pa/ /pad+ma'i rtsa ba ltar dkar ba'i pad+ma chen pos do shal byas pa/ dUr ba ltar ljang ba'i stobs kyi rgyus se ral khar byas pa/ nor rgyas dkar pos ske rags byas pa/ kun da ltar dkar ba'i pad+mas rkang gdub byas pa/ dung skyong ser pos lag gdub byas pa/ du ba lta bu khra bo'i rigs ldan gyis dpung rgyan byas pa/ rdo rje sems dpas rgyas btab pa/ rdo rje dang rdo rje dril bu dang ldan pa'i phyag dag gis 'jig rten gsum las rnam par rgyal ba'i phyag rgyas rang 'dra'i shes rab ma la snyoms par zhugs pa ste/ rdo rje khu tshur gnyis bcings shing / /dpung pa rdo rje mnyam gzhag nas/ /mthe'u chung lcags kyu bcing byas pa/ /sdigs mdzub gnyis kyis bsdigs pa ni/ /'jig rten gsum rgyal zhes bya'o/ /zhes de kho na nyid 'dus par te/ rdo rje khu tshur gnyis rgyab sprad nas sdigs mdzub gnyis brkyang ba dang phyag g.yas pa dag na lcags kyu dang zhags pa dag dang / g.yon pa dag na thod pa dang kha T+wAM ga dag ste/ g.yas brkyang gi stabs kyis zhabs gnyis kyis 'jigs byed dang dus mtshan mnan pa'o/ /de'i 'og tu sna tshogs pad+ma la gnas pa'i nyi ma'o/ /de ltar rdo rje hUM mdzad du bdag nyid rnam par bsams nas/ khro bo rnams 'byin bzhin par bsam par bya'o/ /de la gshin rje gshed rang dang 'dra ba'i rdo rje ro langs ma la yang dag par 'khyud pa/ rnam par snang mdzad kyis rgyas btab pa/ shar gyi rtsibs la gnas pa nag po dang dkar po dang dmar po'i zhal can phyag g.yas pa rnams su rdo rje lcags kyu dang 'khor lo dang rdo rje rnams te/ g.yon pa rnams su thugs kar sdigs mdzub dang bcas pa'i zhags pa dang dril bu dang dgra sta rnams so/ /lhor gzhan gyis mi thub pa rang dang 'dra ba'i gzhan gyis mi thub ma la 'khyud pa rin 'byung gis rgyas btab pa/ dkar po dang nag po dang dmar ba'i zhal can te/ g.yas pa rnams su rdo rje zhags pa dang rdo rje dang ral gri dang / g.yon pa rnams su snying gar sdigs mdzub dang dril bu dang dgra sta'o/ /nub tu rta mgrin rang dang 'dra ba'i khro gnyer can ma la yang dag par sbyor ba/ 'od dpag tu med pa'i cod pan can/ dmar po dang nag po dang dkar ba'i zhal can te/ g.yas pa rnams su lcags sgrog dang pad+ma dang ral gri dang / g.yon pa rnams su dril bu dang dgra sta dang / zhags pa'o/ /byang du bgegs dgra rang 'dra'i ral gcig ma dang ldan pa/ don yod grub pas rgyas btab pa/ sngon po dang dkar ba dang dmar ba'i zhal can/ g.yas pa rnams su rdo rje dril bu dang sna tshogs rdo rje dang 'khor lo ste/ g.yon pa rnams su sdigs mdzub can gyi zhags pa dang gtun shing dang dgra sta'o/ /dbang ldan du gtum po chen por khro ba rang dang 'dra ba'i sna tshogs rdo rje ma dang ldan pa rnam par snang mdzad kyis rgyas btab pa/ nag po dang dkar po dang dmar po'i zhal can/ g.yas pa rnams su ral gri dang 'khor lo dang rdo rje dang / g.yon pa rnams su sdigs mdzub dang dgra sta dang zhags pa'o/ /me mtshams su 'dod pa'i rgyal po rang 'dra'i sna tshogs rin chen ma la 'khyud pa rin 'byung gi cod pan can/ nag po dang dkar ba dang dmar ba'i zhal can/ khu tshur gnyis rgyab sprad cing mthe chung gnyis lcags sgrog tu sbrel bas rdo rje hUM mdzad kyi phyag rgya 'dzin pa/ g.yas pa dag na lcags kyu dang ral gri dag dang cig shos dag na rdo rje dang zhags pa dag go/ /bden bral du hUM zhes pas dbyug pa sngon po rang 'dra'i sna tshogs pad+ma la 'khyud pa 'od dpag med kyi cod pan can/ zhal sngon po dang dkar ba dang dmar ba dang / g.yas rnams su dbyug pa dang ral gri dang 'khor lo rnams te/ g.yon pa rnams su snying gar sdigs mdzub dang bcas pa'i zhags pa dang pad+ma dang dgra sta'o/ /rlung mtshams su hUM zhes pa las stobs po che rang dang 'dra ba'i sna tshogs las ma la snyoms par zhugs pa/ rnga sgra'i dbu rgyan can zhal nag po dang dkar po dang dmar ba/ g.yas pa rnams su rtse gsum pa dang ral gri dang / 'khor lo rnams dang cig shos rnams su snying gar sdigs mdzub zhags pa dang pad+ma dang dgra sta'o/ /steng du hUM zhes pa'am b+h+rUM zhes pa las gtsug tor 'khor lo can rang 'dra'i nam mkha' rdo rje ma la yang dag par sbyor ba/ mi bskyod pas rgyas btab pa/ ser po dang dkar ba dang dmar ba'i zhal can phyag dag gis gtsug tor spyi bor 'dzin cing / g.yas pa dag na 'khor lo dang pad+ma/ g.yon pa dag na sdigs mdzub dang ral gri dag go/ /'og tu hUM zhes pa las gnod mdzes rang dang 'dra ba'i sa 'dzin ma la snyoms par zhugs pa/ mi bskyod pas rgyas btab pa/ nag po dang dkar ba dang dmar ba'i zhal can/ g.yas pa rnams na rdo rje dang 'khor lo dang rin po che rnams dang / g.yon pa rnams na snying gar sdigs mdzub zhags pa dang / pad+ma dang ral gri'o/ /'di rnams thams cad kyang rang rang gi rtsibs kyi rtse mo'i steng du cung zad ma reg pa'i sna tshogs pad+ma dang nyi ma rnams la g.yas brkyang gi zla ba'i stabs kyis gnas pa/ zhal dang po dang 'dra ba'i mdog can/ zhal rnams ni dang po dang g.yas pa dang g.yon pa'i rim pa ste shin tu khro ba spyan gsum dmar la zlum pa/ 'bar zhing sgra sgrogs pa shin tu 'jigs pa bsgom par bya'o/ /gtsug tor dang 'dod pa dang mi g.yo ba dang gnod mdzes rnams ni rin po che'i cod pan can rnam pa sna tshogs pa'i rgyan gyis brgyan pa rol pa'o/ /de las gzhan rnams ni dbu skra dang smar dmar ser gyen du brdzes pa sna tshogs pa'i sbrul rgyan can/ mgo la thod pa lnga 'chang ba/ /'khor lo la sogs pa'i phyag rgya lnga dang ldan pa/ mgrin par 'phyang ba'i mgo bo'i phreng ba can/ sbom zhing lto ba che ba rnams te/ thams cad kyang gdan dang bcas par mi g.yo ba'o/ /'khor lo yang shin tu 'khor bas g.yo ba med pa lta bu/ kun nas bar mi 'chad par 'bar ba'i tshogs du ma 'phro bar blta bar bya'o/ /de nas rdo rje hUM mdzad kyis 'jig rten gsum las rnam par rgyal ba'i phyag r gya'i g.yon pa'i sdigs mdzub dang mthe bong gis se gol byas pa las gshin rje mthar byed dang shes rab mthar byed dang pad+ma mthar byed dang bgegs mthar byed rnams rang rang gi gnas su rang gi sku gnyis pa sprul te 'ongs nas mdun du bzhugs pa ci bgyi zhes bka' nod pa rnams la grangs ji lta bar/ oM badzra aM ku sha A ka R+Sha ya hUM/ oM badzra pA sha ba n+d+ha hUM/ oM badzra kA li ta rdza ya hUM/ oM badzra mu Sh+Ti gr-i h+Na hUM zhes pa'i sngags bzhi rnams kyis bka' bsgo bar bya'o/ /de rnams ni phyogs bcu rnams su song nas bgegs kyi bdag po rnams lcags kyus bkug cing zhags pas mgrin par bcings la yang dag par bsdigs te/ khu tshur gyis bzung nas/ /khro bo bcu rnams la gtod do/ /khro bo rnams kyis kyang phyag g.yon pas lte ba las 'og tu rdo rje rtse gcig pa'i rnam pas steng du bdag nyid kyi gzugs can gyi phur ba bzung nas/ sgra ring por brjod pa'i hUM yig las grub pa'i rang rang gi phyogs kyi rtsibs kyi rtse mo dang nye ba'i khron par bgegs rnams bcug ste/ oM badzra kI la kI la ya hUM zhes brjod pa sngan ma can/ mgo bo la phur bus 'debs shing / oM badzra mung+ga ra A ko Ta ya hUM zhes gsungs shing phyag g.yas pas bzung ba'i rdo rje tho ba 'bar bas brdung bar bsams te/ brdung ba dang phur pa 'debs pa dag gis bgegs kyi tshogs bde ba chen po de bzhin nyid gcig pa'i ngo bor bsam par bya zhing bgegs lhag ma rnams ring du 'bros bzhin pa ste/ de ltar steng dang 'og dang logs su 'khor lo'i khor yug chen po'i mthar thug par 'gro ba rnam pa thams cad du bgegs med par lhag par mos nas/ 'khor lo'i lte ba'i dbus kyi nang du bdag nyid kyi 'og tu ya~M` las skyes pa ba dan gnyis pa can gzhu lta bu sngon po'i rlung gi dkyil 'khor gyi steng du ra~M` yig yongs su gyur pa me'i dkyil 'khor dmar po gru gsum pa 'bar ba bdun 'dren pa ste/ de'i steng du baM las byung ba bum pas mtshan pa zlum zhing dkar ba'i chu'i dkyil 'khor la gnas pa'i la~M` yig las skyes pa rdo rjes mtshan pa gru bzhi pa 'dod par bya ba'i gser gyi sa'i dkyil 'khor ro/ /de'i steng du hU~M suM hU~M yongs su gyur pa'i ri rab rnam par bsams te/ der yud kyis rdo rje hUM mdzad kyi gzugs yongs su gyur pas 'chad par 'gyur ba'i phyag mtshan la sogs pa dang ldan pa'i rdo rje 'dzin pa yongs su gyur pa'i chos 'byung dkar po gru gsum pa nam mkha'i tshul can/ 'og tu phra zhing steng yangs pa/ 'og zur nas byung ba'i sna tshogs pa'i 'dab ma can gyi pad+ma'i steng du sna tshogs rdo rjes brgyan pa bsam mo/ /sna tshogs rdo rje'i lte ba ni sngon po ste/ phyogs so so'i rwa gsum ni rnam par snang mdzad la sogs pa dang mtshungs pa'i kha dog can no/ /de'i dbus su b+h+rUM yig las skyes shing des byin gyis brlabs pa'i 'khor lo rtsibs brgyad pa las yang dag par byung ba'i rnam par snang mdzad yongs su gyur pas/ gru bzhi pa sgo bzhi pa rta babs bzhis brgyan pa/ dra ba dang dra ba phyed pa la sogs pa rnam par bkra bas mdzes pas brten pa/ sna tshogs 'dab ma can gyi pad+ma la gnas pa'i zla ba dang nyi ma'i gdan sum cu rtsa bdun rnams dang ldan pa'i khang pa brtsegs pa bsgom mo/ /de nas nam mkha'i dkyil 'khor mtha' yas pa khyab pa'i sangs rgyas byon pa rnams/ shes rab dang thabs kyi rang bzhin nyid nyis 'gyur gyi dbyangs dang / yar la wa Da D+ha lhag pa'i gsal byed nyis 'gyur gyi gzugs rnams su mos te/ khang pa brtsegs pa'i nang na gnas pa'i bdag nyid nA da'i ngo bo la bcug pa rnams rang gi sems dang tha mi dad par mos nas de las gdan dbus ma'i steng du 'phros pa rnams dbyangs kyi phreng ba gnyis kyi gzugs su brtags te/ de yongs su gyur pa zla ba dkar po de'i rnam pa gzugs brnyan du shar ba bsgom zhing / oM tsi t+ta pra ti be d+haM ka ro mi zhes pa'i sngags nang gi brjod pas byin gyis brlab bo/ /gsal byed kyi phreng ba gnyis kyi gzugs su yang brtags te/ de yongs su gyur pa'i zla ba dmar po de'i rnam pa gzugs brnyan du byas pa blta zhing / oM bo d+hi tsi t+taM u t+pA da yA mi zhes pa'i sngags kyis byin gyis brlab bo/ /de'i dbus su sngar gnas pa'i bar do'i srid pa nA da las thig le dang zla phyed dang mgo bo dang ha dang u'i rim pas rdzogs pa'i hUM las skyes pa'i rdo rje'i lte ba la gnas pa'i hUM bsgom pa na/ oM badzra At+ma kou0f85haM zhes brjod la/ hUM yig las spros pa'i de bzhin gshegs pa rnams kyis 'gro ba rdzogs pa'i sangs rgyas su byas pa de rnams kyang nang du 'dus pa na bya ba sgrub pa ste/ 'od zer gyis bskul ba'i nam mkhar gnas pa'i de bzhin gshegs pa rdo rje 'dzin pa'i gzugs su gyur pa rnams hUM yig gi nang du chud pa na/ oM ma hA su kha badzra sa twa dzaH hUM baM hoH su ra ta s+t+wAM/ zhes pa'i sngags nang gi bzlas pas bskul ba'i rjes thogs su ro mnyam par gyur pa thams cad yongs su gyur pas rdo rje 'chang sems dpa' gsum gyi bdag nyid bsgom zhing / oM ya thA sarba ta thA ga ta ta thA a haM/ zhes brjod par bya ste/ 'dzum dang bcas pa cung zad dmar brjes su 'brel ba'i dkar po'i mdog can/ ral ba'i thor cog nag po la gnas pa'i nor bu dang sna tshogs rdo rje dang de'i 'og tu g.yon ngos su gnas pa'i zla ba'i cha dang sangs rgyas lnga'i cod pan can/ dpral ba'i steng du thod pa lnga dang / 'khor lo can dang rna rgyan dang mgul rgyan dang / phyag gdub dang ske rags dang thal bas brgyan pa/ zhal gsum pa/ zhal g.yas pa dang cig shos sngo ba dang dmar ba/ zhal so so la spyan gsum pa/ phyag drug pa rdo rje dang rdo rje dril bus rnam par mdzes pa'i phyag zung gis rang 'dra'i shes rab ma la 'khyud cing mtsho skyes la gnyis sbyar ba'i dga' ba'i tshogs dang ldan pa/ phyag g.yas pa dag gis ral gri dang lcags kyu 'dzin pa/ g.yon par thod pa dang zhags pa 'dzin pa/ nyi ma'i 'od kyi dkyil 'khor can/ /sna tshogs pad+ma dang thod pa dang zla ba la skyil krung phyed pa gar gyi nyams dgu rnams kyi gar stabs can no/ /de'i thugs kar sna tshogs pad+ma dang zla ba la ye shes sems dpa' dkar dmar zla ba'i 'od can/ sems dpa'i skyil krung dang ldan pa sangs rgyas lnga'i cod pan dang rin po che'i cod pan can rin po che'i rgyan can/ rdo rje dang rdo rje dril bu dang bcas pa'i phyag gnyis kyis rang dang 'dra ba'i shes rab ma la 'khyud pa'o/ /de'i thugs kar zla ba la ting nge 'dzin sems dpa' hUM nag po'i gzugs so/ /de nas sangs rgyas kyi zhing yongs su sbyangs nas mngon par rdzogs par 'tshang rgya bar bya'o zhes pas sems can gyi khams sbyang ba'i don du/ /shin tu dga' ba'i sgras bskul ba'i rgyal ba'i tshogs rdo rje 'dzin pa'i nang du chud pa na/ shes rab ma dgyes te rang rang gi rigs dang 'brel ba'i spyan ma la sogs pa lha mo'i gzugs su phyung ba de rnams shes rab ma'i nang du chud pa na/ thabs yongs su mnyes par bsgoms nas/ ting nge 'dzin sems dpa'i 'od zer rnams kyis bkug pa'i de bzhin gshegs pa rnams zhal du bcug cing rang gi lus kyi nang du bcug ste bde ba chen po nyams su myong ba sngon ma can byang chub sems kyi khu ba'i gzugs kyis/ shes rab ma'i pad+mar spros la/ de yongs su gyur pa mi bskyod pa'i gtso bo can gyi dkyil 'khor du blta'o/ /sems can 'di la sems kyis bcug pa rnams kyang / de lta kho nar spyan drangs shing bcug la nang du chud pa'i de bzhin gshegs pa thams cad kyi rang bzhin byang chub sems kyi khu ba rdo rje nor bur gnas pas/ dbang bskur ba rnam pa byang chub sems kyi khu ba'i ngo bo de bzhin gshegs pa thams cad kyi bde ba dang yid bde ba thob pa rnams rang rang gi s a bon yongs su gyur pa las phung po dang khams dang skye mched rnam par dag pa las mi bskyod pa dang rnam par snang mdzad la sogs pa lha'i gzugs su grub pa rnams su ma 'ongs pa'i de bzhin gshegs pa nyid la ldem por dgongs pas lhag bar mos nas/ blos rang rang gi 'jig rten gyi khams su btang ste/ dkyil 'khor yang mi bsam mo/ /de'i rjes su/ mig ni gti mug rdo rje+er bshad/ /ces pa la sogs pa 'chad par 'gyur ba'i rim pas/ mig dag tu chu skyes dang zla ba la 'khor lo dang a~M yig las skyes pa'i gti mug rdo rje dkar po gzugs rdo rje ma la 'khyud pa bsgom mo/ /rna ba dag la chu skyes dang nyi ma la rdo rje dang hU~M las skyes pa'i zhi sdang rdo rje nag po sgra rdo rje ma la 'khyud pa'o/ /sna bug dag tu pad+ma dang nyi ma la rin po che dang trAM yongs su gyur pa las ser sna rdo rjes ser po dri rdo rje ma dang ldan pa'o/ /lce'i rtsa bar chu skyes dang nyi ma la AHyongs su gyur pa 'dod chags rdo rje ma dang snyoms par zhugs pa'o/ /dpral bar chu skyes dang nyi ma la ral gri dang haM yongs su gyur pa phrag dog rdo rje ljang gu reg bya rdo rje ma dang snyoms par zhugs pa'o/ /snying gar pad+ma nyi ma la rdo rje hU~M las skyes pa'i dbang phyug rdo rje dkar po chos dbyings rdo rje ma la snyoms par zhugs pa'o/ /gti mug rdo rje la sogs pa 'di rnams ni nang gi skye mched rnam par dag pa'i rang bzhin lha'i mig la sogs ster pa po rim pa ji lta bar sa'i snying po dang phyag na rdo rje dang / /nam mkha'i snying po dang 'jig rten dbang phyug dang sgrib pa thams cad rnam par sel ba dang kun tu bzang po'i ming gzhan rnams te/ rnam par snang mdzad dang mi bskyod pa dang / rin chen 'byung ba dang 'od dpag med dang don yod grub pa dang rdo rje sems dpas rgyas btab pa/ ral ba'i cod pan can/ spyan gsum pa/ phyag rgya lnga dang ldan pa zhal gcig pa phyag gnyis pa/ phyag g.yas pas 'khor lo dang rdo rje dang rin po che dang / pad+ma dmar po dang sna tshogs rdo rje dang rdo rje dkar po 'dzin pa/ g.yon pas rdo rje dril bu 'dzin pa/ g.yas brkyang gi rkang stabs can rnams so/ /'di rnams kyi shes rab ni dzaHhU~M baM hoHkha~M raM kyi sa bon las skyes pa phyi'i skyed mched rnams par dag pa'i ngo bo rang 'dra rnams te/ 'on kyang g.yas brkyang gi zla bo'i zhabs stabs can/ phyag g.yas bas me long dang bi wang dang dri'i dung dang bcud kyi snod dang / na bza' sna tshogs dang chos 'byung 'dzin pa/ g.yon pas rdo rje dril bu 'dzin pa rnams so/ sgra rdo rje ma ni g.yon pas kyang bi wang 'dzin pa rin chen 'byung ba'i cod pan can no/ /lte ba dang snying ga dang mgrin pa dang mgo bo'i pad+ma dang zla ba rnams la spyan ma dang mA ma kI dang gos dkar mo dang sgrol ma rnams so/ /gsang bar pad+ma dang zla ba la pad+ma 'bar ba ma du ba'i mdog can zhal gsum pa/ zhal g.yas pa dang cig shos dkar ba dang dmar ba/ phyag g.yas pa gsum lcags kyu dang tshangs pa'i mgo bo dang gri gug gis mdzes pa/ phyag g.yon pa gsum na thod pa dang kha TAM ga dang zhags pa 'dzin pa spyan gsum pa phyag rgya lnga can skra grol ba gcer bu g.yas brkyang gi zhabs stabs can no/ /lha mo lnga po 'di rnams ni rim pa ji lta bar sa dang chu dang me dang rlung dang nam mkha'i khams rnam par dag pa'i rang bzhin rnams te/ rnam par snang mdzad dang mi bskyod pa dang 'od dpag med dang don yod grub pa dang rin chen 'byung ba dang gzugs dang rnam par shes pa dang 'du shes dang 'du byed dang tshor ba'i phung po rnam par dag pa'i rang bzhin rnams kyis 'khyud cing rgyas btab pa'o/ /pad+ma 'bar ba ma ni mA ma kI bzhin no zhes gsungs pa'i phyir mi bskyod pas rgyas btab pa'o/ /gzugs la sogs pa'i phung po'i de bzhin nyid la rdo rje sems dpa' ni spyi gtsug tu pad+ma dang zla ba la rdo rje 'bar ba ma la 'khyud pa ste/ de ni ye shes kyi khams rnam par dag pa'i ngo bo'o/ /mgo bo dang mgrin pa dang snying ga rnams su rnam par snang mdzad dang 'od dpag med dang mi bskyod pa shes rab dang bcas pa ni lus dang ngag dang sems rnam par dag pa'i ngo bo'o/ /sa'i snying po la sogs pa'i lha 'di rnams ni yang dag par sbyar ba'i bde ba chen po zhu bar gyur nas skye mched dang khams dang phung po dang lus la sogs pa rnams la nang du thim par bya'o/ /de'i rjes su ha hi hu he ho haM zhes pa 'chad par 'gyur ba'i sngags rnams kyis go cha bsam par bya ste/ snying gar oM ha yongs su gyur pa'i rdo rje sems dpa'o/ /mgo bor na maHhi las skyes pa'i rnam par snang mdzad do/ /spyi gtsug tu swA hA hU~M las grub pa'i pad+ma gar gyi dbang phyug go/ /phrag pa gnyis su bau Sha Ta he las rdzogs pa'i mi bskyod pa'o/ /mig dag la hUM hUM ho las skyes pa'i rdo rje nyi ma'o/ /yan lag thams cad la phaT haM las skyes pa'i rta mchog go/ /drug po 'di rnams ni rim pa ji lta bar rdo rje phag mo dang gshin rje ma dang rmongs byed ma dang skyod byed ma dang skrag byed ma dang gtum mos 'khyud par byas pa'o/ /de la rdo rje phag mo ni dmar mo zhal g.yas pa dang cig shos sngon po dang ljang gu phyag g.yon pa gsum thod pa dang kha T+wAM ga dang zhags pa 'dzin pa/ phyag g.yas pa gsum gyis lcags kyu dang tshangs pa'i mgo bo dang gri gug 'dzin pa'o/ /gshin rje ma la sogs pa rnams ni sngo ba dang dkar ba dang ser ba dang ljang gu dang dud kha'i mdog can/ dbu skra grol ba gcer bu zhal gcig pa spyan gsum pa phyag bzhi pa/ g.yon pa dag gis thod pa dang bcas pa'i kha T+wAM ga dang dril bu/ g.yas pa dag gis cang te'u dang gri gug dag 'dzin pa/ phyag rgya lnga pa can/ g.yas brkyang gi zhabs stabs can rnams so/ /'dir lha dkar po rnams ni zla ba'i 'od can zla ba'i dkyil 'khor can te/ gzhan rnams ni nyi ma'i 'od can nyi ma'i dkyil 'khor can no/ /de ltar bdag nyid la bsams nas rang gi shes rab ma la yang mig la sogs pa rnam par dag pa'i rang bzhin 'di thams cad yud kyis bsam par bya'o/ /de'i go cha ni oM hoM hraM hrI swA hA zhes pa 'chad par 'gyur ba'i sngags rnams kyi steng / de la lte bar o baM las skyes pa'i rdo rje phag mo'o/ /snying gar haM yoM las skyes pa'i gshin rje ma'o/ /mgrin par hoM moM las skyes pa'i rmongs byed ma'o/ /mgo bo hreM hrIM las skyes pa'i skyod byed ma'o/ /spyi bor swA hU~M las rdzogs pa'i skrag byed na 'o/ /yan lag thams cad la hA ba Ta las skyes pa'i gtum mo ste/ drug po 'di rnams bdag po'i mgrin pa 'dzin pa'o/ /yang shes rab ma'i spyi bo'i nang du zla ba la gnas pa'i oM yig sku'i rigs kyi rang bzhin zhu bas/ de'i rdul phra rab kyis rnam par spras par snying ga'i bar du bltas te/ thugs rdo rje las 'og tu snying gar nyi ma la gnas pa'i hU~M yig thugs kyi rigs kyi rang bzhin snga ma bzhin pa des lte ba'i bar du khyab nas/ lte ba las 'og tu nyi ma la gnas pa'i swA yig rin po che'i rigs kyi rang bzhin snga ma lta bus rked pa'i bar du khyab cing / gsang ba'i steng du nyi ma la AH yig dmar po 'dod chags kyi rigs kyi rang bzhin du rked pa khyab pa ste/ brla gnyis kyi nyi ma dag la hA yig ljang gu sngar bzhin du rkang pa'i mthar thug par khyab par bsams nas/ rigs lnga tshogs pa can du byas te/ hU~M yig gis rang gi rdo rje nor bu oM las skyes shing byin gyis brlabs pa dang / de'i pad+ma hrIH yongs su gyur pa dang b+h+rUM las skyes shing byin gyis brlabs pa'i ze 'brur bltas la/ rang gi snying ga'i 'od zer gyis bskul ba las/ lus gcig la cung zad dgod pa dang yongs su 'khyud pa dang gcer bu nyid dang skra grol ba dang spu ldang ba'i mtshan nyid rnams dang / 'dod pa gzhan la mngon par 'dod pa dang dran pa dang sems pa dang yid 'byung ba dang / cher myos pa'i mtshan nyid rnams te/ gnas skabs lnga thob pa bsgrubs pa'i rig ma shes rab kyi pha rol tu phyin pa'i rang bzhin la rang nyid thabs su gyur pas/ oM sarba ta thA ga ta a nu rA ga Na badzra swa b+hA ba At+ma kou0f85haM/ zhes de bzhin gshegs pa thams cad kyi rjes su chags pa'i bsam pas snyoms par 'jug par bya'o/ /de la rjes su chags pa'i dus su mnyam pa nyid kyi ting nge 'dzin mngon du gyur pa las bsgrubs pa'i rig ma dang rang gi bdag nyid la tha dad pa bsal ba kho nas snyoms par 'jug cing / de bzhin gshegs pa thams cad rjes su chags pa'i bsam pas kyang / de bzhin gshegs pa rnams thams cad la dbye ba sel ba'o zhes pas mnyam pa nyid kyi ye shes kyi bdag nyid du 'gyur ro/ /de ltar yang skyes pa'i gzugs de bzhin gshegs pa thams cad kyi bdag nyid rdo rje 'dzin pa chen po'i gzugs kyis btsun mo thams cad kyi bdag nyid phyag rgya chen mo la sogs pa longs spyod pa ni sangs rgyas rnams yongs su mnyes par byed pa ste/ nor bu gnyis kyi 'od zer gyis bskul ba'i de bzhin gshegs pa rnams kyang byon nas zhal nas zhugs te zhu zhing / pad+ma'i nang du lhung ba rnams kyis ye shes lnga'i bdud rtsi de lce'i rtse mo'i rol pas 'dzin bzhin par bsam mo zhes pa sbyor ba dang po zhes pa'i ting nge 'dzin to/ /de nas snying ga'i 'od zer gyis yang dag par bkug pa'i de bzhin gshegs pa rnams thams cad rnam par snang mdzad kyi sgo nas bcug ste/ 'dod chags chen po las bde ba chen po nyams su myong ba pad+ma'i nang du byang chub sems kyi zhu ba'i ngo bor rdzogs par bya'o/ /de las byung ba'i hUM buM AM hrIH khaM b+h+rUM h U~M hrIH tAM aM AM iM IM uM UM aM aHraM haM AM riM laM r-IM laM dz+haM liM gaM b+haM l-IM naM raM oM au aiM dzaHhUM baM hoHzhes pa'i sa bon rnams kyis yud ces pas rdzogs pa'i bde ba chen po'i rang bzhin stong pa nyid dang ro gcig pa mi bskyod pa'i bdag po can lha sum cu rtsa bdun gyi rang bzhin gyi dkyil 'khor blta'o/ /de nas 'byin pa'i sngags rnams kyis bskul nas spros te/ so sor sprul ba mtha' yas pa rnams kyis rigs dang rjes su mthun par 'gro ba'i don byas nas gnas ji lta bar dgod par bya'o/ /de la hU~M zhes pas mi bskyod pa nag po zhal dang phyag dang phyag mtshan la sogs pa rnams kyis rdo rje sems dpa' lta bu bdag nyid kyi nang du bsdu'o/ /de nang du bsdus kyang rdo rje 'dzin pa ni dkar po kho na'o/ /buM zhes pas mdun du rnam par snang mdzad dkar po zhi ba/ phyag bzhi pa/ g.yas pa dag gis 'khor lo dang dril bu dag dang g.yon pa dag gis thod pa dang zhags pa 'dzin pa'o/ /aM zhes pas lhor rin chen 'byung ba ser po phyag bzhi pa/ g.yas pa dag gis rin po che dang lcags kyu dag dang g.yon pa dag gis thod pa dang zhags pa dag 'dzin pa'o/ /hrIHzhes pas nub tu 'od dpag med mdog dmar po phyag bzhi pa/ g.yas pa dag gis mda' dang / pad+ma dag dang / g.yon pa dag gis gzhu dang zhags pa 'dzin pa'o/ /khaM zhes pas byang du don yod grub pa ljang gu phyag g.yas pa dag gis rdo rje dang lcags kyu dag dang / g.yon pa dag gis dril bu dang thod pa dag 'dzin pa'o/ /b+h+rUM zhes pas dbang ldan mtshams su spyan ma dkar mo phyag brgyad ma g.yas pa rnams kyis 'khor lo dang rdo rje dang ral gri dang mda' 'dzin pa'o/ / cig shos rnams kyis thod pa dang dril bu dang / zhags pa dang gzhu bsnams pa'o/ /hUM zhes pas me mtshams su mA+e makIsngon mo phyag bcu gnyis pa/ g.yas pa rnams kyis mda' dang ral gri dang rdo rje dang 'khor lo dang rin po che dang pad+ma 'dzin pa/ g.yon pa rnams kyis gzhu dang lcags kyu dang dril bu dang zhags pa dang thod pa dang kha T+wAM ga 'dzin pa'o/ /hrIHzhes pas bden bral mtshams su gos dkar mo dmar mo phyag brgyad ma g.yas pa rnams kyis mda' dang pad+ma dang ral gri dang rdo rje 'dzin pa/ g.yon pa rnams kyis gzhu dang thod pa dang zhags pa dang dril bu 'dzin pa'o/ /tAM zhes pas rlung gi mtshams su sgrol ma ljang gu phyag brgyad ma g.yas pa rnams kyis ut+pal dmar po dang ral gri dang lcags kyu dang mda' 'dzin pa/ cig shos rnams kyis 'khor lo dang zhags pa dang thod pa dang gzhu 'dzin pa'o/ /de bzhin du lha gzhan rnams kyang rang rang gi bskyed pa'i sa bon rnams kho nas dbyung bar bya'o/ /de la rim pa gnyis par shar phyogs su rdo rje drag mo dkar mo phyag bzhi ma la g.yas pa dag na mda' dang lcags kyu dag dang / de las cig shos dag na gzhu dang thod pa khu bas gang ba dag go/ /lhor rdo rje gzugs ma ser mo phyag bzhi ma/ g.yas pas rdo rje dang mdung 'dzin cing g.yon pas zhags pa dang khrag gis gang ba'i thod pas brgyan pa'o/ /nub tu 'dod chags rdo rje ma ming gzhan rdo rje 'dod chags ma dmar mo phyag bzhi ma g.yas par ral gri dang rdo rje 'dzin cing / g.yon pas chus gang ba'i thod pa dang dril bu dang ldan pa'o/ /byang du rdo rje zhi ba ma ljang gu phyag bzhi pa/ g.yas pas thal sbyar dang ba dan gsum pa ldan pa/ g.yon pas rdo rje kha T+wAM ga dang thod pa 'dzin pa'o/ /dbang ldan du rdo rje gnod sbyin ma dkar ser phyag bzhi pa g.yas pas dbyug pa dang ut+pal la 'dzin pa/ cig shos kyis thod pa dang cang te'u 'dzin pa'o/ /me mtshams su rdo rje mkha' 'gro ma ser dmar phyag gi yal 'dab bzhi pa g.yas pas pad+ma dang me long 'dzin cing cig shos kyis tshil gyis gang ba'i thod pa dang dgra sta 'dzin pa'o/ /bden bral du sgra rdo rje ma dmar sngo phyag bzhi ma g.yas pas sha k+ti dang / dung 'dzin pa/ g.yon pas 'khor lo dang khrag gis gang ba'i thod pa 'dzin pa'o/ /rlung mtshams su sa rdo rje ma ljang dkar phyag bzhi ma g.yas pas bum pa dang rdo rje 'dzin cing / sgron ma dang bdud rtsi bcu'i rdzas kyis gang zhing mi'i pags pas g.yogs pa'i thod pa dang dril bu 'dzin pa cig shos so/ /rim pa gsum pa la shar phyogs su bzhad ma dmar mo phyag gnyis rdo rje dang dril bu dang bcas pas bzhad pa'i tshul can no/ /lhor sgeg mo sngon mo phyag gnyis rdo rje dang rdo rje dril bu 'dzin pas 'gying ba dang bcas pa'i sgeg pa'i tshul can no/ /de gsungs pa/ hUM gi glu len cing gar sngon ma can/ rked pa'i phyogs su rdo rje khu tshur gnyis bcing bas g.yas rol du bzhag nas rol ba dang bcas par mgo bo cung zad g.yon gyi char dud pa ni rdo rje sgeg mo'o zhes so/ /nub tu glu ma ser mo sgeg pas lus cung zad g.yo zhing phyag gnyis 'khar ba'i sil khrol 'dzin pa'o/ /byang du gar ma ljang gu pad kor gyi tshul la sogs pas gar byed pas phyag gnyis sbrel ba'o/ /de gsungs pa/ lag pa gnyis bskor zhing grol ba gzhogs gnyis su bskor ba/ sgeg pa'i ro'i dga' ston las gar byas te gcig mgo bor gar byed pa'i tshul can zhes pa gar ma'o zhes so/ /dbang ldan mtshams su gling bu ma dmar mo'o/ /mer pi wang ma ser mo sgeg pa'i nyams kyis lus cung zad g.yo ba'o/ /bden bral du rnga mu kun+da dkar mo'o/ /rlung mtshams su rdza rnga ma du ba'i mdog can no/ /bzhi po 'di rnams ni phyag gnyis rang rang gi rol cha sgrogs pa lhur len pa'o/ /de las phyi rol gyi sna ma bu la me mtshams su me tog ma dkar mo g.yon pa dang cig shos kyi phyag gis me tog phreng ba dang 'khor lo 'dzin pas gar byed pa sngon du 'gro bas rdo rje thal mo spyi bor bzhag nas phab ste/ snying gar me tog 'bul ba'i tshul dang ldan pa'o/ /bden bral du bdug spos ma du ba'i mdog can g.yon pa dang cig shos kyi phyag gis bdug spos kyi snod dang rin po che 'dzin pa'o/ /rlung du mar me ma gser gyi mdog can g.yon pa dang cig shos kyi phyag gis mar me'i mchod sdong dang pad+ma 'dzin pa'o/ /dbang ldan du dri chab ma dmar mo dri'i dung dang ral gri g.yon pa dang cig shos kyi phyag gis 'dzin pa'o/ /shar du me long ma dkar mo phyag zung gis me long 'dzin pa'o/ /lhor ro ma dmar mo phyag gnyis ro'i snod 'dzin pa'o/ /nub tu reg bya ma ljang gu phyag gnyis kyis gos sna tshogs tshogs 'dzin pa'o/ /byang du chos ma dkar mo phyag gnyis kyis chos 'byung dkar mo 'dzin pa'o/ /rnam par snang mdzad la sogs pa'i lha 'di rnams kyang zhal gcig pa spyan gsum pa ral pa'i cod pan can/ thod skam lnga dang 'khor lo can la sogs pas rgyan du byas pa lha'i gos can/ skyil krung phyed pa'i gar stabs can no/ /shar sgor rdo rje lcags kyu ma nam mkha' sngo bsangs g.yas pa dang cig shos kyi zhal nag po dang dkar po/ /phyag drug pa/ g.yas pa rnams kyis lcags kyu dang ral gri dang / 'khor lo rnams dang / g.yon pa rnams kyis zhags pa dang sdigs mdzub dang dril bu rnams 'dzin pa'o/ /lhor rdo rje zhags pa ma dkar ser g.yas pa dang cig shos kyi zhal nag po dang dmar po phyag drug pa/ g.yas pa rnams kyis zhags pa dang rdo rje dang ral gri rnams dang / g.yon pa rnams kyis 'khor lo dang dril bu dang sdigs mdzub dang bcas pa'i zhags pa rnams 'dzin pa'o/ /nub tu rdo rje lcags sgrog ma dmar mo g.yas dang cig shos kyi zhal nag po dang dkar ba/ phyag drug ma g.yas pas lcags sgrog dang rdo rje dang ral gri 'dzin cing / g.yon pas 'khor lo dang dril bu dang lcags kyu 'dzin pa'o/ /byang du rdo rje dril bu ma ljang gu g.yas pa dang cig shos kyi zhal nag po dang dkar ba/ phyag drug pa g.yas pa rnams kyis dril bu dang rdo rje dang ral gri rnams dang / g.yon pa rnams kyis 'khor lo dang lcags kyu dang zhags pa rnams 'dzin pa'o/ /bzhi po 'di rnams zhal so so la spyan gsum pa/ skra dmar ser gyen du 'bar ba thod pa lnga dang 'khor lo can la sogs pas brgyan pa stag gi pags pa'i gos can/ g.yas brkyang gi zla bos gar byed pa ste sna tshogs pad+ma dang thod pa dang nyi ma la'o/ /rin chen 'byung ba dang 'od dpag med dang don yod grub pa rnams kyang sna tshogs chu skyes dang thod pa dang nyi ma la ste/ lha gzhan rnams thams cad ni sna tshogs mtsho skyes dang thod pa dang zla ba la gnas pa ste thams cad nyi ma'i 'od can kho na'o/ /de ltar sum cu rtsa bdun gyi bdag nyid kyi lha'i 'khor lo 'di bkod nas/ snying ga'i 'od zer gyi lcags kyu spros la/ snying ga'i 'od zer gzhan rnams kyis rdo rje lcags kyu ma yang dag par bskul te/ des dzaHzhes brjod pas snying ga nas spros pa'i khro bo rnams kyis yongs su bskor bas ye shes kyi dkyil 'khor spyan drangs nas mdun du bzhugs su gsol te/ mchod yon dang zhabs bsil phul cing yang dag par mchod la/ snying ga'i 'od zer gyis bskul ba'i rdo rje zhags pa ma hUM yig brjod pa mos snying ga nas spros pa'i 'od zer dkar po rnams kyis ye shes kyi 'khor lo bzhengs su gsol te/ oM ku ru ku ru sa ma ya a d+hi pa ti hUM dzaHswA hA zhes brjod cing spyan drangs nas pad kor sngon ma can gyis rang gi 'khor lo la gzhug go/ /de lta kho na'i ba~M yig brjod pa mo'i rdo rje lcags sgrog mas snying ga nas spros pa'i 'od zer ser po rnams kyis dkyil 'khor la khyab par byed pa'i phyir 'ching ba'o/ /de lha kho nar rdo rje dril bu ma hoHyig brjod pa mos 'od zer dmar po rnams kyis dkyil 'khor 'gegs pa'i phyir mnyes par bya'o/ /thams cad la mig la sogs pa byin gyis brlab pa dang / sku gsung thugs byin gyis brlab pa dang / ye shes sems dpa' ni lhag par mos pas bskyed par bya'o/ /dkyil 'khor gyi bdag po'i snying ga'i sa bon gyi 'od rnams kyis bskul ba'i de bzhin gshegs pa rnams kyis dang des bskul ba'i rnal 'byor ma rnams kyis ye shes lnga'i chus gang ba'i rin po che'i bum pa rnams kyis sngar bzhin du thams cad la dus gcig tu dbang bskur ba na cod pan la rigs kyi dbang po 'grub par bsgom mo/ /de la rdo rje sems dpa' la sogs pa de bzhin gshegs pa rnams dang mA ma kI dang sgra rdo rje ma dang glu ma dang reg bya rdo rje ma dang chos kyi dbyings rdo rje ma rnams kyi rigs kyi dbang po mi bskyod pa'o/ /spyan ma dang rdo rje drag mo dang sa rdo rje ma dang me tog ma dang bzhad ma dang gling bu ma dang rdo rje lcags kyu ma rnams kyi rnam par snang mdzad do/ /rdo rje mkha' 'gro ma dang rdo rje gzugs ma dang bdug spos ma dang sgeg mo dang / pi wang ma dang rdo rje zhags pa ma rnams kyi rin chen 'byung ba'o/ /gos dkar mo dang rdo rje chags pa ma dang mar me ma dang dri chab ma dang mu ku n+da ma dang rdo rje lcags sgrog ma rnams kyi 'od dpag med do/ /sgrol ma dang rdo rje zhib ma dang rdo rje gnod sbyin mo dang gar ma dang ro ma dang rdza rnga ma dang rdo rje dril bu ma rnams kyi don yod grub pa'o/ /de nas snying ga'i sa bon gyis bkug cing zhal du zhugs pa'i de bzhin gshegs pa'i rang bzhin gyi byang chub sems zhu ba las skyes pa pad+ma'i nang du gnas pa'i lha mo bcu drug gi sa bon gyi 'od zer rnams kyis bkug pa'i lha mo'i tshogs lha mo'i zhal nas zhugs pa byang chub sems zhu ba'i ngo bos de nyid du dbab po/ /de nas sa bon dang bcas pa'i byang chub sems dang 'od zer rnams shes rab ma'i ba spu'i bu ga nas phyung ba rnams las lha mo'i tshogs dang sna tshogs pa'i mchod pa dang nye bar spyod pa dbyung bar bya ste/ oM sarba ta thA ga ta pU dza badzra swa b+hA wa At+ma kou0f85haM/ zhes pa'i sngags kyis dkyil 'khor mchod par bya'o/ /de nas sum cu rtsa gnyis par 'chad par 'gyur ba rkang pa brgyad pa'i sngags rnams kyis bcom ldan 'das la lha mo rnams kyis zhal rnams kyis bstod par bya'o/ /'od zer gyis bskul ba'i sems can thams cad kyis kyang phyag 'tshal ba dang bstod pa dang gsol ba 'debs pa mos par bya'o/ /de nas sum cu rtsa bzhi par 'chad par 'gyur ba'i cho gas bdud rtsi rab tu bsgrubs te/ snying ga'i 'od zer gyis bskul ba las/ snod sum cu rtsa bdun du son pa'am so so'i lag par gnas pa/ hU~M dkar po las skyes pa nas kyi 'bras bu'i tshad tsam pa hUM yig gis byin gyis brlabs pa'i rdo rje rtse gcig pa'i lce'i 'od zer gyi sbu gu rnams kyis sam yid kyis drangs pa rnams ma zhen par myang bar bya'o/ /dkyil 'khor gyi de kho na nyid kyang kun rdzob dang don dam pa yang brtag par bya'o zhes pa dkyil 'khor rgyal po mchog ces bya ba'i ting nge 'dzin gnyis pa'o/ /de'i rjes su rdo rje 'dzin pas bskul ba'i dkyil 'khor pa'i lha ma l us pa rnams dang bcom ldan 'das kyis sku'i bkod pa spros pa yud kyis nam mkha'i khongs khyab pa rnams kyis gzhan rnams kyi don dang rdo rje 'chang chen po'i go 'phang 'thob par nus pa nyid du bskyed nas rang gi lus kyi bkod pa rnams rtsa ba'i lus la bsdu'o zhes pa las rgyal po mchog ces bya ba'i ting nge 'dzin gsum pa'o/ /de'i rjes su dngos grub thams cad myur du 'grub pa'i ched du sems brtan par byed par 'dod pas lte ba dang snying ga dang mgrin pa dang bde ba chen po'i mdud pa'i bu ga rnams su aM hU~M oM haM ste/ gsang ba'i 'khor l or gnas pa'i rlung gis me bskul ba'i gtum mo'i rang bzhin aM yig 'bar ba'i 'od zer gyis zhu ba'i haM yig la sogs pa yi ge gsum dang lhan cig dbyer med pa'i aM yig lhan cig skyes pa'i dga' ba'i rang bzhin gyis thig ler gyur par bsgom zhing sgom pa yongs su smin par mos nas/ de nyid las 'od zer gyi re khA phra mo me lce gcig tu 'bar ba ltar gnas par blta'o/ /de'i mthus bdud rtsi 'dzag pas gang ba'i thig le brkyal zhing / 'od zer gyi re khA de yang bsil bar gyur te/ de nas thig le sems nges pas ji srid du brtan pa thob par mtshan ma rnams kyis nye bar dmigs pa de srid du blta'o/ /brtan pa nye bar mtshon pa na 'od zer gyi re khA de'i snang ba gsal bas sna tshogs par mtshon par byed par bsams te thams cad lag pa'i mthil gyi skyu ru ra bzhin du blta'o/ /ting nge 'dzin yang myur du rdzogs par 'gyur ro zhes pa thig le'i rnal 'byor ro/ /yang na snying ga'i sngags kyi 'od zer gyi tshogs las byung ba'i de bzhin gshegs pa rnams kyis 'gro ba rdzogs pa'i sangs rgyas su byas pas der nang du 'dus pa na thig le'i rnam par hU~M yig la ji srid 'dod par yid gzhag go/ /de'i rjes su dbugs 'byung ba nges par 'byin pa'i rim pas sku dang gsung dang thugs rdo rje'i mthar thug par de'i 'od zer rnams kyis snang bar byas nas dbugs 'jug pa'i tshul gyis bsdus pa na sa bon dang thig le la ni yud kyis rdzogs pa'i dkyil 'khor du mos par bya'o/ /slar yang dbugs 'byung ba'i tshul gyis 'od 'phro ba na 'gro ba snang bar byas nas/ de las byung ba'i de bzhin gshegs pa rnams kyis kyang 'gro ba'i don byed par mos te dbugs 'jug pa'i tshul gyis rang gi snying ga snang bar bya'o zhes pa ji srid 'dod par bya'o zhes pa 'di ni thig le'i rnal 'byor gzhan pa'o/ /yang na ting nge 'dzin sems dpa'i 'od zer rnams kyis a wa d+hU tI nas song nas bde ba chen po'i 'khor lor gnas pa'i byang chub sems zhu zhing de kho nas 'ongs nas snying gar hUM thig le la de'i bdag nyid du rdul phra rab kyi ngo bor gnas par de ltar bsam mo zhes pa thig le'i rnal 'byor ro/ /de'i rjes su phra mo'i rnal 'byor sgom pa ni sems brtan par byed pa'i thabs dam pa'o zhes pas/ de lta kho na aM yig la sogs pa'i yi ge zhu ba ro gcig pa lhan cig skyes pa'i dga' ba'i rang bzhin byang chub sems kyi thig le yungs kar gyi 'bras bu'i tshad tsam pa yud kyis yongs su rdzogs pa'i dkyil 'khor dang ldan pa rdo rje'i rtse mo'i nor bu'am de las 'phos pa pad+ma'i sna'i rtse mor bzhag nas brtag par bya zhing ji skad bshad pa'i brtan pa'i mtshan ma mthong nas dkyil 'khor spro bar bya'o zhes pa phra mo'i rnal 'byor ro/ /yang na snying ga'i sngags kyi 'od zer gyis bkug cing zhal du zhugs pa'i de bzhin gshegs pa zhu ba las skyes pa'i sa bon las yang dag par byung ba'i yungs kar gyi 'bras bu'i tshad tsam pa'i rdo rje la sogs pa yud kyis rdzogs pa'i dkyil 'khor dang ldan pa rdo rje'i rtse mo nas pad+ma'i sna rtser bzhag ste bsgom zhing / sngar bzhin spro bar bya'o zhes pa 'di yang phra mo'i rnal 'byor ji ltar 'dod par bsam par bya'o/ /de'i rjes su oM yig dkar po sangs rgyas la sogs pa rnams sprul nas rlung dang lhan cig zhugs shing snying ga'i pad+mar gnas pa'i AHyig dkar po thung ngu'i steng du gnas pa dang ldan pa/ rlung dang lhan cig sprul pa rnams rgyun 'jug pa la gzhag cing / brtan pa na AH yig dmar po rlung dang lhan cig sprul pa rnams 'byin cing sdud pa dang hU~M yig nag po yang bsgom par bya'o/ /de gsungs pa/ 'jug dang gnas dang ldang rnams kyi/ /rjes su 'gro ba'i bdag nyid can/ /don gyi rjes 'gro'i bzlas pa ni/ /rang bzhin med pa bzang po yis/ /shes rab thabs kyi go 'phang gnas/ /yan lag dbyer med sngags bzlas bya/ /zhes so/ /de nyid kyi phyir gnyis su med pa'i ngo bo nyid kyi phyir 'di ni ma ning gi bzlas pa'o/ /'o na brjod pa dang rnam rtog dag gis sangs rgyas nyid ga la zhe na/ bden te 'on kyang sangs rgyas kyi byin gyi rlabs las 'di'i rtsol ba med par 'byung ba/ de thams cad phun sum tshogs par 'gyur ro/ /de l tar 'di ni dkyil 'khor chen po'i rnal 'byor la mngon du phyogs par byas pa'i sku la sogs pa'i de kho na nyid gsal bar byed pa'i sngags bzlas pa las sna tshogs pa'i mchod pa dang nye bar spyod pas brgyan pa rnam pa sna tshogs shing mur thug pa med pa'i spro ba dang sdud pa las 'gro ba'i don byed pa dngos grub chen po ster ba po shes rab dang thabs kyi ngo bo rdo rje bzlas pa brjod pa'o/ /'di kho na las phyung nas 'das pa gzhan rnams su rnam par bzhag ste/ sngags brjod pa tsam sngags kyi bzlas pa'o/ /lha'i rnal 'byor tsam rjes su dran pa ni gzugs kyi bzlas pa'o/ /de kho na nyid tsam rjes su sems pa ni rnal 'byor gyi bzlas pa'o zhes pa'o/ /sngags kyi bzlas pa ni yang rnam pa mang po ste/ de la snying ga'i sa bon la snying po'i sngags sam/ nye ba'i snying po'i sngags rjod par byed cing dkyil 'khor gyi lha'i tshogs spros te/ 'gro ba'i don byas nas sngags dang lhan cig kho nar phreng ba'i skud pa 'dren pa'i tshul gyis 'jug pa'i rlung gis snying ga'i sa bon de kho na la gzhug cing / lha so so'i sngags brjod pa yongs su rdzogs pa na so sor spro ba dang sdud pa'o zhes pa dam tshig gi bzlas pa'o/ /chos thams cad mnyam pa nyid kyi nga rgyal gyis sngags kyi phreng ba rang gi zhal du zhugs te rdo rje'i lam nas pad+mar son zhing / a wa d+hU tI'i lam nas gyen du byung ste/ bcom ldan 'das ma'i zhal nas phyung ba rang gi zhal gyi sgo nas zhugs shing de bzhin kho nar 'khor ba bsgoms pas phreng ba'i sngags bzlas par bya zhes pa yi ge lhod cing zhi ba ni khyogs kyi bzlas pa'o/ /'di kho nar bcom ldan 'das ma'i zhal du 'jug cing rang gi zhal nas phyung ba tsam gyi khyad par gyis stug cing rtsub pa'i yi ge can ni khros pa'i bzlas pa'o/ /snying po la sogs pa drag tu brjod pa las khro bo'i bzlas pa'o/ /de la rdo rje sems dpa'i/ oM badzra a mr-i ta ma hA su kha haM swA hA zhes pa snying po sta/ oM AHhU~M hU~M swA hA zhes pa nye ba'i snying po'o/ /oM na mo b+ha ga wa te bI re shA ya/ ma hA kA lba a g+ni sa n+ni b+hA ya/ dza TA mu ku To t+ka TA ya/ daM Sh+TA ka rA lo gra b+hI Sha Na mu khA ya/ sa ha sra bU dzA b+hA su rA ya/ pa ra shu pA sho d+ya ta shU la kha T+wA ga d+hA ri Ne/ byA g+h+rA dzin a m+hA ra d+ha rA ya/ ma hA d+hU m+thA n+d+ha ka ra wa pu ShA ya/ ka ra ka ra/ ku ru ku ru/ ba n+d+ha ba n+d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrau/ hraH hraH/ pheM pheM/ phaT phaT/ da ha da ha/ pa tsa pa tsa/ b+ha k+Sha b+ha k+Sha/ ba sa ru d+hi ra a n+t+ra mA la a ba la bi ne/ gr-i h+na gr-i h+na/ sa p+ta pA tA la ga ta b+hu dzaM ga sa r+paM wA/ ta rdza ya ti rdza ya/ A ka D+D+h+ya A ka D+D+h+ya/ hrIM hrIM/ dz+nyauM dz+nyauM/ k+Sh+mAM k+Sh+mAM/ hA hAM hi hiM hU~M hU~M/ ki li ki li/ si li si li/ d+hi li d+hi li hU~M hU~M phaT phaT swA hA/ zhes phreng ba'i sngags so/ /bcom ldan 'das ma'i ni/ oM badzra bai ro tsa nI ye bud+d+ha DA ki nI ye swA hA/ zhes pa rtsa ba'i sngags te/ gang gsung bar 'gyur ba/ yi ge bcu drug pa 'di ni/ mkha' 'gro ma'i rtsa ba'i sngags zhes so/ /snying po'i sngags su yang 'di kha cig tu brjod do/ /oM badzra bai ro tsa nI yai swA hA/ zhes pa nye ba'i snying po'o/ /'di dag dang dkyil 'khor ba'i sngags bzlas par bya ba rnams thams cad 'chad par 'gyur ro/ /bcom ldan 'das ma'i phreng ba'i sngags ni/ oM na mo b+ha ga wa tI badzra wA rA hI/ AR+YA pa rA dzi te/ tre lo kya mA te/ ma hA bi d+ya shwa ri/ sarba b+hU ta b+ha yA ba te/ ma hA ba dzre/ badzra A sa ne a dzi te a pa rA ji ta ba sh+yaM ka ri Ni ne tra b+h+rA ma Ni bi Sha Ni/ sho Sha Ni ro Sha Ni/ kro d+ha ka rA li ni/ trA sa ni mA ra Ni/ su pra b+he da ni/ a pa rA dza ye/ bi dza ye/ dzaM b+ha ni/ stam+b+ha ni/ mo ha ni/ badzra wA rA hI/ ma hA yo gi nI kA me shwa ri kha ge/ ta d+ya thA/ pro taM ge pro taM ge/ ha na ha na/ prA NA na/ kiM ki ni/ khiM khi ni/ d+hu na d+hu na/ badzra ha ste/ sho Sha ya sho Sha ya/ badzra ka pA la kha T+wAM ga d+h+ba ri Ni/ ma hA pi shi tA mAM sA shA ni/ ma nu Sha a n+t+ra pra br-i te/ sA n+ni d+h+yaM na ra shi ro mA lA gra n+thi ta d+hA ri Ni/ su m+b+ha ni su m+b+he/ ha na ha na prA NAM/ sarba pA pa sa twA nAM/ sarba pa shU nAM mAM sa ts+tshed ni/ kro d+ha mU rte daM Sh+T+wA ka rA li ni ma hA mu dre/ shrI he ru ka de wa s+ya a gra ma hi Shi/ sa ha sra shi re/ sa ha sra bA hA be/ sha ta sa ha sra A na ne/ dzA li ta te dza se/ dzA lA mu khe/ piM ga la lo tsa na/ badzra shA rI re/ badzra A sa ni/ mi li mi li/ ti mi li ti mi li/ he he ha ha hUM hUM/ kha kha/ d+hu d+hu/ d+hu ru d+hu ru/ mu ru mu ru/ a dai te ma hA yo gi nI pa Thi ta si d+d+he/ dre d+haM dreM d+haM/ graM gra/ he he/ ha ha/ b+hi me ha sa ha sa bI re/ hA hA/ hoHhoH/ hU~M hU~M/ trai lo kya bi nA sha ni/ sha ta sa ha sra ko TI/ ta thA ga ta pa ri wA re hUM hUM phaT/ siM ha rU pe/ khaHga dza rU pe gaH/ AH trailo kyo da re sa mudra me kha le/ gra sa gra sa hUM hUM phaT/ bI rA a dwi te hU~M hU~M/ hAHhAH/ ma hA pa shu mo ha ni/ ma hA yo ge shwa ri taM/ DA ki nI sarba lo kA nAM/ ban+d+ha ni sat+yaH pra t+ya ye kA ri Ni hU~M hU~M phaT/ b+hU ta trA sa ni ma hA waM ra pa ra ma sid+d+ha yo ge shwa ri phaT hU~M hU~M phaT swA hA/ zhes pa'o/ / bsgom pa dang bzlas pas skyo na snying ga'i sa bon gyi 'od zer rnams kyis zhu ba/ de rnams kyis bkug pa'i de bzhin gshegs pa rnams dang gcig tu gyur pa bde ba chen po'i 'khor lo'i khu ba bde ba chen po'i rang bzhin khu ba'i rgyun gyi char rnams kyis lus mtha' dag khyab par bsgoms nas tshim par bya'o zhes pa lta ba bsgrubs nas ngal bso ste yang yang du sngar bzhin du bsgom pa dang bzlas par bya'o/ /gshegs su gsol bar 'dod na 'chad par 'gyur ba'i rim pas gtor ma byin te sngar bzhin du mchod pa la sogs pa byas nas yi ge gsum gyis 'khor lo snying ga'i sngags kyi nang du gzhug cing smon lam rnams kyang gdab par bya'o/ /langs nas dag pa'i sems kyis bcom ldan 'das ma la 'khyud pa'i bcom ldan 'das kyi sku can gyi stong pa nyid dang ro gcig pa'i bde ba chen po'i rang bzhin sgyu ma'i ngo bor bdag nyid dang mu mtha' med pa'i khams gsum pa lhag par mos shing / ji ltar 'dod pa'i spyod pas bde bar gshegs pa mchod pa dang / gzhan gyi don kun du bsgrub par bya'o/ /khrus kyi dus su dbang bskur gyi cho gas bsgrub par bya'o/ /bdud rtsi myang ba'i cho gas hU~M yig tshim par byed cing bza' bar bya'o/ /dam tshig nyams na ji lta ba bzhin du don yod grub pa'i 'khor lo can khaM dang sna tshogs rdo rjes snying gar brgyan pas rang bzhin gyis rnam par dag par 'gro ba bsam zhing sngar bzhin du bdag nyid la dbang bskur bar bya'o/ /bla ma la brnyas pa la sogs pa'i skyon la ni ci nus pa ji lta bar ston mo byas te yon yang phul nas bzod par gsol ba sdom pa gzung bar bya'o zhes pa dam tshig las ldang bar bsgrub po/ /thun gzhan la ni snying ga'i sa bon las dkyil 'khor gyi 'khor lo yang dag par spros te sngar bzhin du mchod pa la sogs pa bya'o/ /thun thams cad la yang mthar 'chad par 'gyur pa'i yi ge brgya pa brjod par bya'o/ /nyal bar 'dod na ngag gi bya ba thams cad A li kA li'i rang bzhin du rtogs par byas te/ oM tshur gshegs tshur gshegs dpa' bo che/ /dag pa'i ngag gi ston pa po/ /stong nyid ye shes 'di lta bu/ /spros dang sdud pa rang 'byung ba'o/ /a yig la sogs pa k+Sha yig gi bar dang hUM hUM phaT zhes brjod de/ /stong pa nyid kyi rang bzhin lhan cig skyes pa'i dga' ba'i ngo bor bdag nyid dang gnyid kyang 'od gsal ba'i rang bzhin du lhag par mos nas shes rab dang thabs kyi bdag nyid kyis nyal bar bya'o/ /tho rangs kyi thun la 'od gsal ba las langs te/ oM tshur gshegs tshur gshegs zhes pa la sogs pa thams cad brjod nas de lta kho nar thams cad ma tshang ba med par las dang po pas bya'o/ /brel pas ni thun gzhan gyi cho ga rjes su bsgrub po/ /skabs yod na ni mtha' dag bsgrub po/ / gang zhig ji skad bshad pa'i mtshan ma thob pa/ dang po'i rnal 'byor la sems brtan pa des ni cung zad ye shes la dbang bas 'bad pas yud kyis dkyil 'khor sprul te bsgom mo/ /gang yang goms pas dkyil 'khor mtha' dag la sems brtan pa de ni ye shes la dbang ba thob pa can te spro ba dang sdud pa las 'gro ba'i don rgyas par byed cing chos nyid rjes su rtogs pa las byang chub sems mngon du byas te/ dri ma phra mo'i phra mo rnams bsal bar bya'o/ /de nas bsgom pa rab tu gyur pa las cho ga ji lta bar phyag rgya chen po'i dngos grub rtogs nas/ yang dag pa'i ye shes dbang du gyur pa ni mu med par gzhan gyi don yang dag par sgrub pa'i nus par 'gyur ro zhes pa'o/ /gang gi tshe bzhad ma dang sgeg mo dang glu ma dang gar ma dang me long ma dang / ro ma dang reg bya ma dang chos ma rnams bsgom par mi bya ba de'i tshe lha nyi shu rtsa dgu'i bdag nyid kyi dkyil 'khor gyi bsgom pa la sogs pa'i cho ga 'di kho na'o/ /gang gi tshe brgyad po de rnams spangs te/ rim pa gsum pa'i snam bu la byams pa la sogs pa'i byang chub sems dpa' chen po rnams bsgom pa de'i tshe yang bsgom pa la sogs pa'i cho ga 'di kho na'o/ /de la shar gyi snam bu la byams pa dang sa'i snying po'o/ /lho ru phyag na rdo rje dang nam mkha'i snying po dag go/ /nub tu 'jig rten dbang phyug dang 'jam dpal dag go/ /byang du sgrib pa thams cad rnam par sel ba dang kun du bzang po dag go/ / 'jam dpal ni ma yig las skyes pa/ gur gum ltar dmar ba mi bskyod pas rgyas btab pa'i ral pa'i cod pan can spyan gsum pa phyag rgya lnga can rdo rje dril bu g.yas dang cig shos kyi phyag gnyis kyis 'dzin pa/ zhal gcig pa g.yas brkyang gi zhabs stabs can no/ / byams pa ni mai yig las skyes pa gser gyi mdog can rnam par snang mdzad kyis rgyas btab pa'i ral pa'i cod pan can spyan gsum pa'i phyag rgya lnga can nA ga ge sar dang rdo rje dril bu 'dzin pa'i phyag gnyis pa/ zhal gcig pa g.yas brkyang gi zhabs stabs can no/ / gzhan drug rnams ni ji ltar mig la sogs pa byin gyis brlab pa ltar ro/ /phyogs 'di la ni byams pas mgo bo byin gyis rlob ste/ 'jam dpal gyis ni dbang po thams cad kyi shes pa rnams so/ /phyogs gsum ka la yang bcom ldan 'das rdo rje sems dpa' kho na ji skad bshad pa ltar shes rab ma la 'khyud pa ste/ lha gzhan rnams thams cad shes rab ma med pa'o zhes pa phyogs gcig go/ /rang 'dra'i shes rab ma dang bcas pa rnams so zhes pa gnyis pa'o/ /las thams cad pa'i cho ga la rdo rje phag mo dang bcom ldan 'das dag ji skad bshad pa'i sku mdog can dag ste/ zhi ba la dkar po dag dang / rgyas pa la ser po dag dang / dbang du bya ba la dmar po dag dang / drag po la nag po dag tu shes par bya'o/ /'dir rnam par gzhag pa gzhan yang shes par bya ste/ ji skad du gshin rje gshed kyi rgyud du gsungs pa/ rdo rje sems dpa' rdzogs pa ni/ /rnal 'byor zhes par mngon brjod bya/ /de yi rgyu mthun lha gang zhig /rjes su rnal 'byor du brjod do/ /'khor lo thams cad rdzogs pa ni/ /shin tu rnal 'byor rnam bsgoms pa/ /lha yi mig sogs byin brlab cing / /sku dang gsung dang thugs nyid kyang / /ye shes 'khor lo gzhug pa dang / bdud rtsi myang ba nyid dang ni/ /mchod pa che dang bstod pa yang / /rnal 'byor chen por 'dod pa'o/ /zhes so/ /'dir ni dpal 'dus par/ bcom ldan 'das de bzhin gshegs pa mi bskyod pa la sogs pa rnams thams cad yod de/ de bzhin gshegs pa rnams thams cad rig ma bye ba khrag khrig brgya stong du ma dang lhan cig sems can gyi don bya ba la gar rab tu ston cing / phyogs bcu'i 'jig rten gyi khams kyi mthas gtugs pa'i 'jig rten gyi khams nas thams cad du 'dod pa lnga'i bde ba rnams kyis rtse zhing dgyes la rab tu rgyu'o/ /de rnams kyis gsang sngags spyod pa la mngon par brtson par mi gzigs so zhes pa la sogs pa rgyas par bstan pa'i phyir/ btsan thabs kyi sgrub thabs kyi cho ga nye bar ston to/ /mthar thug pa na yang ji lta ba bzhin du zla ba drug rnams rig ma'i brtul zhugs spyad pas snying ga'i 'od zer gyis spros pa'i khro bo rnams kyis dang rang nyid kyang thal mo sbyar bas phyogs bcu rnams su sangs rgyas rnams la dngos grub sgrub pa'i don du gsol ba btab ste/ ting nge 'dzin du'am rmi lam du rjes su gnang bas sam ma bkag pas/ mchod pa dang nye bar bsgrub pa longs spyad pa'i don dang dngos grub ster ba'i don du/ de lta kho nar 'di rnams la srod la snyan gsan phab ste/ nang par sgrub pa'i dkyil 'khor mngon par sprul nas de lta kho nar rjes su bsgrub po/ /de lta na yang mi gzigs na phyogs bcu na bzhugs pa'i sangs rgyas rnams blos dmigs te yang dag par mchod nas bzod par gsol la zla ba drug pa'i rig ma'i brtul zhugs spyad cing de nas de lta kho nar rjes su bsgrub bo/ /de lta na yang mi gzigs na slar yang de lta kho nar zla ba drug pa'i rig ma'i brtul zhugs spyad nas de lta kho nar rnam par bsgrub bo/ /de lta na yang ma grub na nyes pa med pa'i rnal 'byor pas btsan thabs kyi bsgrub pa bya ba ste/ rang gi rig ma dang gnyis su med par snyoms par zhugs pas nag cing khros pa'i dkyil 'khor pa dang bcas pa'i rnam par snang mdzad kyi rnal 'byor las snying ga'i sa bon gyi 'od zer gyis rnam par snang mdzad bkug nas rig ma'i pad+mar ji ltar bsgoms pa'i tshul gyis gtum mo'i me'i dkyil 'khor la 'jigs shing 'jigs pas 'dar bzhin bcug ste/ snying ga'i 'od zer gyi lcags kyus bkug cing khar zhugs pa'i de bzhin pa'i tshogs shes rab dang sbyor bas zhu bar gyur nas rdo rje'i lam nas byung ba byang chub sems kyi bdag nyid gshin rje mthar byed kyi phur bur bskyed de/ de lta kho nar rnam par snang mdzad nag por gzhan bskyed par bya'o/ /de nas bkug pa'i rnam par snang mdzad rang gi gsang ba'i rdo rjes bsdams te/ bskyed pa'i rnam par snang mdzad phyag g.yas pa dang cig shos dag gis phur bu'i mgrin pa dang tho ba bzung bas/ oM AH ts+tshin+dats+tshi n+da/ ha na ha na/ da ha da ha/ dIlta tsa krA bai ro tsa na badzra bai ro tsa na ku la de wa tAM wa kI la ya hUM phaT/ zhes pa bsgyings pa dang bcas pa brjod pas phur bus gdab po/ /de nas phur bus btab pa tsam gyi rjes thogs su dngos su mngon par phyogs pa'am mngon par ma phyogs pa yang rung / de ltar bsam pa gser gyi dkyil 'khor la gnas nas/ oM AH badzra kI la u da kI la ya hU~M/ zhes pa'i sngags kyis phur bu phyung nas snying ga'i 'od kyis spros pa'i spyan ma rnams kyis/ oM ru ru spu ru dz+wa la tiSh+Thasid+d+ha lo tsa ne swA hA/ zhes zlos shing mngon par dbang bskur te/ mchod pa dang bstod pa dang bdud rtsi myang ba dang bzod par gsol bar bya'o/ /de ltar nyi ma bdun ji srid par rjes su bsgrub ste 'grub par 'gyur ro/ /de ltar rnam par snang mdzad dang de'i rigs kyi lha rnams kyi btsan thabs kyi bsgrub pa'o/ /de bzhin du nag cing khros pa'i 'od dpag med kyi rnal 'byor gyis/ pad+ma mthar byed dmar po'i phur bus/ oM AH hrIH b+hu r+b+hu waHa mi tA b+haM a mi tA b+haM ku la de wa tAM wa kI la ya hU~M phaT ces pa'i khyad par gyis 'od dpag med dang de'i rigs kyi lha rnams kyi btsan thabs kyi bsgrub pa'o/ /de bzhin du nag cing khros pa'i mi bskyod pa dang rin chen 'byung ba dang don yod grub pa'i rnal 'byor gyis bdud rtsi 'khyil pa'i phur bus/ oM AHbadzra rA dza ak+Sho b+h+yaM rat+nasam+b+ha wa a mo g+ha sid+d+hiM ta ta ta ku la de wa tAM wA kI la ya hU~M phaT/ ces pas phur bus gdab po zhes pa'i khyad par gyis mi bskyod pa la sogs pa rnams kyis btsan thabs kyi bsgrub pa'o/ /'di thams cad ni phur bu gdab bya dang 'debs pa po dang 'debs par mngon par ma zhen par byas na dngos grub 'thob bo/ /de ci gang las btsan thabs su bsgrub par bya ba sangs rgyas bcom ldan 'das rnams gzhan dbang can rnams thugs rje dang mi ldan pa rnams sam rnal 'byor pa yang de rnams la mi 'dud pa yin zhe na/ 'dus par/ gar 'di rnams ni yang dag 'byung / /zhes gsungs pa ma yin nam/ 'di ni sangs rgyas rnams kyi gar te/ ci zhig ltar rnal 'byor pa rnam pa gzhan du sems mthon por dang rnal 'byor pa'i yang de ltar rjes su bsgrub pa ma gzigs pa rnams kyi rtsed mo pa'i bzhin du de bzhin gshegs pa la rjes su chags pa'i don du gar kho na'o/ /bcom ldan 'das de rnams kyang 'jigs pa bzhin du 'jigs pa rnams so zhes pa yang gar gzhan te/ snying rje'i gzhan dbang can rnams kyi'o/ /de gsungs pa/ 'jigs shing skrag pa'i yid can ni/ /mchog ster rnam par gzigs par mdzad/ /yid ni dga' zhing mgu rnams la/ /dngos grub rgya chen thob par mdzad/ /ces so/ / dur khrod la dgyes pa phyag gnyis pa'i he ru ka'i dkyil 'khor gsungs pa/ phyi zhes pa la sogs pa'o/ /snga ma bzhin zhes pa rdo rje sems dpa'i dkyil 'khor ltar gru bzhi pa nyid la sogs pa dang ldan pa dang rdo rje drag mo la sogs pa lha nyi shu rtsa brgyad dang ldan pa'o/ /phyi'i dkyil 'khor de'i phyed kyi nang du zla ba phyed pa'i rnam pa'i dkyil 'khor ro/ /phyi rol zhes pa zla ba phyed pa'i rnam pa las te/ ri mo bzhi rnams ni rdo rje dang 'od zer gyi phreng ba'i ri mo gsum las pha rol tu pad+ma dang / 'khor lo'i phreng ba dag gi'o/ /lha thams cad ni rdo rje sems dpa' la sogs pa rnams so/ /khyad par gsungs pa/ gau rI la sogs pa rnams zhes pa ste/ rnam par snang mdzad la sogs pa brgyad rnams kyi gnas rnams su'o/ /dbus su rdo rje sems dpa'i gnas su he ru ka'i bskyed pa'i sa bon hrIH'o/ /hrIH yig la sogs pa'i sa bon rnams ni gau rI la sogs pa rnams kyi ste/ 'di rnams kyi ming dang dgod pa dang / kha dog dang phyag mtshan la sogs pa ni phyag bcu drug pa'i dkyil 'khor du ji skad bshad pa bzhin no/ /phyi'i dkyil 'khor du zhes pa zla ba phyed pa'i dbyibs las so/ /snga ma bzhin zhes pa 'dir phyag bcu drug pa'i dkyil 'khor ltar zhes pa'i dogs pa bsal ba'i ched du 'chad par 'gyur ba'i sngags kyi rjes su 'brang bas ji ltar rigs par rdo rje sems dpa'i dkyil 'khor pa rnams kyi yang sa bon rnams nye bar mtshon pa'i ched du/ gling bu ma la sogs pa rnams kyi sa bon oM yig la sogs pa rnams gsungs so zhes bla ma kha cig go/ /dbus kyi rim par bcom ldan 'das dang gau rI la sogs pa rnams te/ gnyis par gling bu ma la sogs pa rnams so zhes pa'i lha bcu bdun pa rim pa gnyis pa rnams dkyil 'khor 'di'o zhes bla ma gzhan rnams gsung ngo / /phyogs 'di la ri mo bzhi rnams ni rdo rje dang 'od zer gyi phreng ba dang lha rnams kyi thig rnams te/ phyi rol zhes pa khang pa brtsegs pa las so/ /ha ri b+ha sa ni shing tsan+dan no/ /lha'i tshogs ni brgya byin no/ /sprin gyi rgyal po ni chu lha ste/ sprin rnams la bdag po nyid kyi phyir ro/ /gnod sbyin gyi sde can zhes pa gang gi sde gnod sbyin yin pa de ni de skad de lus ngan pa'o/ /drang srong gi tshogs kun du 'khrigs pa ni me lha ste/ drang srong rnams kyis yongs su bskor ba nyid kyi phyir ro/ /srin po ni bden bral lo/ /yi dags ni b+h+ri ng+gi la sogs pa'i tshogs rnams te/ de bzhin gshegs pa'i bstan pa las ring du rab tu song zhes byas nas so/ /de rnams gang gi 'dus pa ste dbang du gyur pa yin pa de ni yi dags 'dus pa ste bde byed do/ /kha cig tu gzhi tha dad pa 'bru mang po'i phyir drag po dang bcas pa'i tshogs rnams so/ /dbang bcas nye dbang bcas ni lha rnams so/ /zla ba nyi mar bcas ni tshangs pa la sogs pa rnams so/ /gshin rje ni chu lha la sogs pa rnams nye bar mtshon pa'o/ /de rnams kyi cha shas can ni rang rang gi phyogs na gnas pa'i sems can gyi phung po ste/ de phyogs kyi bdag po la sogs pa snying rje dang shes rab ma goms shing gzhan la gnod pa byed pa shin tu goms par byas pa'i bdud kyis byin gyis brlabs pa'i bdud kyi sprul pa de rnams kyis rgyas btab ste/ dge ba rjes su sgrub pa la rang dbang med par byas shing / rmongs byas te blang bya dang dor bya la phyin ci log tu byas la/ zos te dge ba'i phyogs zad par byed pa'i phyir dang / thal bar bcas kyang zhes pa thal bar bcas pa rnams kyang zos te dge ba'i bag chags kyang 'jig par byed pa'i phyir ro/ /gso bar mdzad ni bcom ldan 'das kyis de rnams zil gyis mnan nas de dang de las bzlog par mdzad pa'i phyir ro/ /'dir 'di ni rgyud gzhan du gsungs pa'ang 'du ba'o/ /khang pa brtsegs pa'i shar phyogs su gtum drag ces pa'i dur khrod de/ sgrub pa po rjes su 'dzin pa zhes pa ming gzhan no/ /shing tsan+dan te/ rdzu 'phrul chen po pa glang bo che'i gdong pa can dang / phyogs skyong ba dbang po dang khyab 'jug dang / klu nor rgyas dkar po dang / sprin sgrogs pa zhes bya'o/ /mer drag tu dgod pa'am ming gzhan rab 'jigs chen po zhes bya ba'i dur khrod do/ /shing ka ra ny+dza dang rdzu 'phrul chen po pa ra'i gdong pa can dang me lha dang pad+ma chen po dkar po dang sprin stug po'o/ /lhor keng rus 'jigs pa'am ming gzhan 'jigs su rung ba mun pa can zhes bya ba'i dur khrod de/ shing a mra dang / rdzu 'phrul chen po ba ma he'i gdong pa can dang / gshin rje dang pad+ma dkar po dang sprin 'khor byed do/ /bden bral du ku co ca co sgrogs pa'am/ ming gzhan rnal 'byor mang du 'dus pa chen po'i dur khrod de/ bar ka TI dang rdzu 'phrul chen po pa ro'i gdong pa can dang / srin po dang / mtha' yas sngon po dang / sprin 'gengs byed do/ /nub tu 'bar ba 'khrigs pa'i dur khrod ming gzhan khro bo'i me ste/ shing kaM ke l+li dang rdzu 'phrul chen po pa chu srin gyi gdong pa can dang chu lha stobs rgyu ljang gu dang sprin 'jigs su rung ngo / /rlung du 'jigs rung mun pa can gyi dur khrod ming gzhan seng ge'i sgra phaT yig chen po sgrogs pa ste/ shing a rdzu na dang rdzu 'phrul chen po pa ri dgas kyi gdong pa can dang / rlung lha dang rigs ldan khra bo dang sprin char 'bebs so/ /byang du gaM ga ra'i dur khrod ming gzhan gnyis mi byed de/ shing a shwa t+tha dang rdzu 'phrul chen po pa mi'i gdong ba can dang lus ngan dang log 'dren sde dang bcas pa dag dang / 'jog po dmar po dang sprin 'ur 'ur sgrogs so/ /dbang ldan du phun tshogs nags zhes bya ba'i dur khrod ming gzhan mtsho skyes dpa' bo ste/ shing wa Ta dang rdzu 'phrul chen po pa ba lang gi gdong ba can dang dbang ldan dang dung skyong ser po dang sprin gtum byed can no/ /thams cad mchod rten blta bar bya'o/ /de la/ sa srung dkar po la zhon pa/ /zhes pa la sogs pa/ cang te'u yis brel ba'i phyag /ces pa'i bar sum cu rtsa bzhi par 'chad par 'gyur ba 'dir shes par bya'o/ /gdengs can brgyad rnams mi'i gdong can/ /rgyan bzang can gang bye brag med/ /brgya byin la sogs 'di bcu drug / g.yon pa yid 'ong ma la 'khyud/ /cig shos phyag ni sgeg bcas rnams/ /shing dang nye bar shes par bya/ /nyi mar gshin rje srin por me/ /gzhan rnams zla bar zla 'od can/ /dbang ldan gshin rje srin po rnams/ /ma gtogs rin chen cod pan 'bar/ /dbang ldan rin chen cod pan zhes/ /kha cig rdzu 'phrul chen po brgyad/ /lus stod phyed mthong phyag rnams kyis/ /thod pa 'dzin par byed pa ste/ /gzhan gyis byin pa'i gtor ma la/ /g.yas pas 'dzin pa'i tshul gyis brel/ /sprin rnams ni nam mkha' la kha dog sna tshogs pa glog 'gyu ba dang / sgra sgrogs par byed pa ste/ 'ga' zhig char gyi rgyun can rnams so/ /brgyad po 'di rnams ni rnam pa sna tshogs pa'i shing mchog gzhan rnams kyis kyang rnam par mdzes pa/ bya rog dang 'ug pa dang bya rgod dang khyi dang ce spyang dang seng ge dang phag dang stag la sogs pa rnams kyis 'jigs su rung ba/ go nas la sogs pa'i sbrul rnams kyis shin tu bag tsha bar byed pa can/ keng rus dang gsal shing gis phug pa dang dpyangs pa dang / phyed tshig pa dang mgo bo dang thod pa dang pus mo dang / ro mgo med dang rus pa dang mgo bo'i dum bu la sogs pa rnams kyis 'jigs su rung ba rnam pa sna tshogs pa'i grub pa dang rig pa 'dzin pa rnams dang dam tshig spyod pa'i rnal 'byor ba dang rnal 'byor ma'i tshogs rnams dang ca co sgrogs bzhin pa'i ro langs dang gnod sbyin dang srin po la sogs pa rnams kyis dang / 'di nas dang de nas rgyug pa dang / g.yo ba dang 'greng ba dang sdod pa dang nyal ba dang / ldang ba rnams kyis shin tu ngo mtshar bar byed pa'i dur khrod chen po rnams so/ /'di rnams kyis y ongs su bskor ba'i khang pa brtsegs pa'i nang du lha sum cu rtsa bdun gyis yongs su bskor ba'i bcom ldan 'das bde mchog sku mdog sngon po nor bu dang sna tshogs rdo rje dang zla ba'i cha dang mi bskyod pas mtshan pa'i ral pa'i cod pan can dpral ba'i steng du thod pa'i phreng ba 'dzin pa/ phyag rgya drug pa/ spyan gsum pa/ rnam par 'gyur ba'i zhal gcig pa/ mgo bo'i phreng ba mdun du 'phyang ba/ rgyab tu zhus bzhin pa'i stag gi pags pa'i sham thabs can mchod phyir thogs pa'i tshul gyis kha T+wAM ga can gyi khrag gis gang ba'i thod pa 'dzin pa'i phyag g.yon pas rdo rje phag mo la 'khyud pa/ phyag g.yas pa steng du phyar ba'i rdo rje 'bar ba 'dzin pa/ sna tshogs chu skyes dang nyi ma dang 'jigs byed dang / dus mtshan rnams mnan nas skyil krung phyed pas gar gyi nyams dgu rnams kyis gar stabs mdzad pa ste/ bcom ldan 'das ma yang dmar mo spyan gsum pa/ dbu skra grol ba/ dpral ba'i steng du bcings pa'i thod pa lnga'i phreng ba can/ phyag rgya lnga pa can/ gcer bu ska rags dum bus brgyan pa/ mgo bo skam po'i phreng ba 'phyang ba/ bcom ldan 'das la bcar bzhin pa rgyun mi 'chad par 'bab pa'i rdul gyis gang ba'i thod pa 'dzin pa'i phyag g.yon pas gtso bo la 'khyud pa/ g.yas pas sdigs mdzub dang bcas pa'i rdo rje 'dzin pa/ byin pa gnyis kyis dkris nas bde ba chen po nye bar bskyed pa'o zhes rig par bya'o/ /phyogs gzhan gsungs pa/ yang ni zhes pa la sogs pa ste drag po'i gdan can phyag gnyis pa 'di ni shes rab ma med pa ste/ khyad par gzhan ni sngar bzhin no/ /tshangs sogs rnams kyis zhes pa tshangs pa sogs mnan te zil gyis mnan nas/ nye bar longs spyod de tshangs pa mo la sogs pa'i lha mo rnams so/ /sems can rnams la yang sbyin te dngos grub ces 'brel lo/ /rdo rje sems dpa' dang mtshungs pa'i de bzhin gshegs pa'i tshogs 'phro ba rnams kyis phyogs bcu rnams thams cad du 'od zer ji ltar 'gyur ba ltar ro/ /bcom ldan 'das dur khrod la dgyes pa phyag gnyis pa 'di dang drag po'i gdan can phyag gnyis pa'i yang sgom pa'i rim pa ni ji ltar rigs par sngar dang 'dra bar rig par bya ste/ gzhung mangs par ma gyur cig ces pas 'dir rnam par ma phye'o/ /'di dag gi bzlas bya'i sngags gnyis ni 'chad par 'gyur ro/ /dngos grub ces pas phyag rgya chen po'i dngos grub 'thob bo zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bcu gnyis pa'o// //de ltar rdzogs pa'i rim pa sgom pa po'am bskyed pa'i rim pa sgom pa po 'di'i rnal 'byor pa gnas pa la rdo rje rnal 'byor ma rnams 'du ba'i don du bdag nyid brdas nges par ston te/ de'i phyir brda de shes pa'i don du gsungs pa/ bcom ldan 'das zhes pa la sogs pa'o/ /gzhan rnams kyis kyang 'di shes par bya ba kho na ste/ res 'ga' de rnams la yang ston par 'gyur bas so zhes pa'o/ /phyag rgya ni brda ste de gsal bar byed pa'i ngag gang yin pa de'i mtshan nyid do/ /gsang chen ni sba bar bya ba'o/ /rnal 'byor pa rnams dang rnal 'byor ma rnams kyi yang ngo / /mkha' 'gro ma rnams kyi rnam par rgyal ba'i ched du ste dga' ba'i bdag nyid du 'gyur bar bya ba'i ched du stobs te nus pa gang la yod pa de ni de skad do/ /dam tshig ni 'du ba ste/ de'i ched du phyag rgya gsungs so/ /ko l+la i re zhes pa ko l+la'i ri la ste gnas la'o/ /bo la ste bo la yis nye bar mtshon pa'i rnal 'byor pa'o/ /mu m+mu Ni re ste mu m+mu ni'i zhing du'o/ /ka k+ko lA ste des nye bar mtshon pa'i rnal 'byor sa'o/ /'dir ring po na gnas pa'i yang shes rab dang thabs dag ji ltar rigs par lhag pa'i rgyal po dag kyang de'i skad cig la 'du bar glu blang bar bya'o/ /kr-i pi Ta zhes pa cang te'u 'o/ /ho ni bod pa la'o/ /kA ru Ni ni snying rjes so/ /ki a i na ni mi bya ba'o/ /ro lA ni 'thab mo'o/ /ma a NA ni myos byed do/ /mA la i i n+d+ha Na sA li a zhes pa shA li'i tshod ma'o/ /b+ha ru ni mang po'o/ /aM ga ni yan lag rnams la'o/ /tsa DA bi a ni gdags par bya ba'o/ /ta hiM dza ni der yang ngo / /shA rA ba ni yid ches pa'o/ /pa Ni a i ni gzhug par bya ba'o/ /'di tsam gyis tshigs su bcad pa bzhi rnams so/ /'di rnams kyi mthar nges byed glur blang bar bya'o/ /de kho na gsungs pa ma la a dze zhes pa la sogs pa'o zhes pa drang ba'i don to/ / nges pa'i don ni ko l+la i ri ni bde ba chen po'i 'khor lo'o/ /mu m+mu Ni ni sprul pa'i 'khor lo'o/ /der shes rab dang thabs dag ni bo la dang ka k+ko la dag tu gsungs pa'o/ /de dag nI da ni cang te'u'i sgra'o/ /'dir yang a yig gi nA das gyen du bskyod pa'i gtum mo dang lhan cig bcom ldan 'das rtsod par 'gyur ba ma yin no/ /snying rje chen po bcom ldan 'das ni snying rje bdud rtsi'i ngo bo nyid kyi phyir ro/ /'on kyang bcom ldan 'das ni de la 'khyud pa kho na'o/ /ba la ste snying ga'i 'khor lo la sogs par son pa gtum mos sreg pa ni za ba'o/ /myos byed ni byang chub sems kyi rgyun no/ /kA li ny+dza ra ni rjes su mthun pa'i rlung ste de gzhug pa ni a wa d+hU tI ru'o/ /du n+du ro ni rkyang ma dang ro mar song ba'i rlung ngo / /dor ba ni der de rab tu mi rgyu ba'o/ /bzhi mnyam pa la sogs pa rnams gtum mo'i 'od kyis gdungs pa'i yan lag rnams su thim pa ni sbyar ba'o/ /de nas thim pa'i bzhi mnyam yan lag thams cad pa shA la'i tshod mar gzhag par bya ba gtum mo'i 'od kyi me la ji ltar 'dod par sbyin sreg mchog ni bza' pa'o/ /phreM kha Na kha Ta dag ni bcom ldan 'das gnas su 'gro ba dang de dang lhan cig gtum mo 'ong ba'o/ /de'i tshe yang bde ba chen po dang ro gcig pa'i sems la sdug pa dang mi sdug pa'i rnam par rtog pa rnams mi 'byung ba ni dag pa dang ma dag pa dag mi sems pa'o/ /gtum mo'i 'od kyis yongs su sbyangs pa'i rtsa rnams su bde ba chen po'i zla ba'i 'od rnams kyis kun du 'gengs pa ni/ ra shu yan lag rnams la 'dogs pa'o/ /de ltar ro ru gyur pa'i lus kyi lhag ma zla ba dang nyi ma'i 'od rnams la rnam pa thams cad du thim pa ni ro gzhug pa'o/ /de ltar yan lag thams cad la mngon par khyab pa'i shes rab thabs dag 'khor ba'i bar du ro mnyam pa'i bde ba chen po nyams su myong ba ni ma la yar skyes pas ku n+du ru 'jug pa'o/ /de ltar gyur pa'i skabs su yang thams cad las mngon par 'phags pa gnyid skyes par gyur pa na Di N+Di ma dang 'dra ba'i nyon mongs pa rnams dor bar 'gyur ba ma yin gyi/ 'on kyang yongs su dag cing de dang ro gcig pa 'di rnams de'i tshe mngon par mtho ba kho na'o/ /nges pa'i don 'di la yang sngar bshad pa'i drang ba'i don nye bar mkho zhing / 'chad par 'gyur ba'i thabs kyi yan lag kyang ngo / /de skad du yang sngar gsungs pa/ byang chub sems ni sum cu gnyis/ /gang tshe gang ba nyid 'dir gyur/ /de yi rjes thogs dbang po dang / /phung po 'byung ba sangs rgyas nyid/ /ces so/ /'di tsam kho nas rdo rje 'dzin pa nyid ni ma yin gyi/ 'on kyang tha mal ba'i rnam par rtog pa spang ba'i ched dang / lhan cig skyes pa'i de kho na nyid rtogs pa'i ched du man ngag ji lta bar bsgrub par bya ste/ de las 'bad pa med par phyag rgya chen po'i dngos grub bsgrub par bya ba'o zhes pa'i don to/ /glu gsungs nas phyi rol gyi phyag rgya mdor ston te/ mu khe zhes pa la sogs pa'o/ /'di rgyas par bstan pa ni nyi shu rtsa lnga par ro/ /yan lag gi phyag rgya yang rnal 'byor bas g.yas pas bstan par bya zhing rnal 'byor mas ni g.yon pas so/ /lag pa gnyis snyim pa'i tshul du brkyang nas kha ru bcug pa ni lha mo mkha' 'gro ma'i mtshan ma'o/ /g+ho g+hu zhes pa ngag gi brda dang spyi bor thal mo sbyar ba gzhag pa ni mar me ma'i mtshan ma'o/ /gu g+hu zhes pa ngag dang / thal mo spyi bor byas nas khas sor mo gung mo btsir ba ni 'jib pa mo'i mtshan ma'o/ /mu g+hu zhes pa ngag dang / lag pa gnyis rna ba dag la brdeg pa ni kaM po dzi'i mtshan ma'o/ /lu g+hu zhes pa ngag dang / rna ba'i rtse mor khyor ba gzhag pa dang / dra Sh+Tu zhes pa'i ngag gnyis ka ni dge ba'am mi gtam 'dri ba gsal bar byed pa'o/ /ri dwags kyi mgo'i sor mo lnga dang dra Sh+Tu zhes pa'i ngag gnyis ka ni lan no/ /skyes pa ni DA ru brjod par bya'o/ /yi ge re re tsam gyi skabs su bab pa ji lta bar tha snyad bya ba'i don du'o/ /DI ni bud med do/ /pu ni rengs pa'o/ /su ni za ba'o/ /ma ni 'a ma'o/ /yo ni chung ma'o/ /sring mo ni b+hi'o/ /grogs mo ni d+hI'o/ /bu mo ni lu'o/ /khrag ni ti'o/ /zhi ba'i ste khu ba'i btung ba ni sa'o/ /btung bya ni pi'o/ /shA ni phI'o/ /za ba ni b+ha'o/ /rnal 'byor ma 'du ba'i gnas ni b+hu'o/ /dur khrod ni pI'o/ /sha bi ni b+hu'o/ /rnal 'byor ma ni hI'o/ /lA ma'i rigs can rnams ga'o/ /gzugs can ma'i rigs can rnams tri'o/ /mkha' 'gro ma'i rigs can rnams ku'o/ /dum skyes ma'i rigs can rnams hA'o/ /byin pa gnyis ni dza'o/ /dpung pa gnyis ni ke'o/ /mngon du smra ba ni b+ha'o/ /legs par 'ongs pa'i ngag ni swA'o/ /pu l+lI ra ma la ya ni bu'o/ /dzA la n+d+ha ra ni dzA'o/ /o Di ya na ni o'o/ /arbu da ni a'o/ /go dA wa rI ni go'o/ /rA me shwa ra ni rA'o/ /de wI ko Ti ni de'o/ /mA la wa ni mA 'o/ /kA ma rU pa ni kA'o/ /o tre ni o'o/ /tri sha ku ni tri'o/ /ko sa la ni ko'o/ /ka li ng+ga ni ka'o/ /la m+pA ka ni la'o/ /kA ny+tsi ni kA'o/ /hi mA la ya ni hi'o/ /pre ta pu ri ni pre'o/ /gr-i ha de wa ni gr-i'o/ /sau rA Sh+Ta ni sau'o/ /su wa r+Na dwI pa ni su'o/ / nA ga ra ni nA'o/ /si n+d+hu ni si'o/ /ma ru ni ma'o/ /ku lu tA ni ku'o/ /brda gzhan yang bstan pa'i ched du gsungs pa/ de nas zhes pa la sogs pa'o/ /brda ni 'du bar 'dod pa'i rnal 'byor ma rnams kyi brda'o/ /ming po ni rnal 'byor pa'o/ /sring mo ni rnal 'byor ma'o/ /bo taM gi ni phyag byed pa'o/ /pra ti po taM gi ni phyag gi lan no/ /'gro ba ni ga mu'o/ /long ba ni lum pa'o/ /byin cig pa ni na ga ra'o/ /len pa ni tsa Tu ka'o/ /dpa' bo ni hri da ya'o/ /gsod pa ni ko ra wA dang kau ra wa'o/ /dril bu ni ka r+Ni kA'o/ /mgo bo ni a li ka ra na'o/ /skra ni ba rA ha'o/ /rna ba ni shra wa Na'o/ /bdud rtsi ni man thA na'o/ /yang dag 'dus pa ni nA ra'o/ /mkha' 'gro ma ni tA li kA'o/ /dkyil 'khor ni ra na ka'o/ /dur khrod ni a mu ka'o/ /sgo ni kA khi la'o/ /bram ze ni swa sa na'o/ /rgyal rigs ni pa ri d+hi'o/ /rje rigs ni bi ra ti'o/ /dmangs rigs ni krU ra'o/ /gdol ba'i khyim ni a n+ta'o/ /phyugs ni a lI ka'o/ /mkha' 'gro ma ni b+ha gi nI'o/ /tshil ni mu dka'o/ /gr-i ha na zhes pa'i don la yang kha cig tu mu da ka ru brjod do/ /mu drA zhes pa yan lag gi phyag rgya'o/ /'di ngag gi brda'i skabs su bshad pa ni ngag dang lus kyi phyag rgya dag rim pas nges pas rjes su sgrub pa gsal bar byed pa'i don du ste/ phyi mar yang de bzhin no/ /lce la sos reg pa ni zas 'dod par ston pa'o/ /skom pa ni ga n+d+ha wA si nI'o/ /ga n+d+ha bA hi ni zhes klog pa gzhan no/ /gang nas ni A ga ma na'o/ /che ge mo ni s+thA nA ta'o/ /me tog ni ka ra na'o/ /'jigs pa ni lam pa'o/ /rgod pa ni da n+ta'o/ /char pa ni ni ro d+ha'o/ /tshim pa ni bi dz+nyA pa ti'o/ / phyi rol ni d+hu R+Yu'o/ /sprin rnams ni d+hu ma pri ya'o/ /ri bo ni sA nu'o/ /chu rlung ni sa ri ta'o/ /cha shas ni aM gu l+yA'o/ /a gu lI zhes klog pa kha cig tu'o/ /gdong ba ni wa da na'o/ /lce ni rA dza ka'o/ /so ni a da nA'o/ /rgyal mtshan ni pa saM ka ti'o/ /phreng ba ni tsha n+do'o/ /rlung ni rtsa la'o/ /phyugs ni mr-i gi pa ti'o/ /dam tshig ni maN+Dala'o/ /yA n+ti ni zhes kha cig tu brjod do/ /bzhi mdo ni sa ma la'o/ /skye bo ni phal gu sa'o/ /phyugs chen po ni ma hA k+Sha ra la'o/ /ra ni tsha'o/ /ma ni nA'o/ /glang ni go'o/ /ma he ni ma'o/ /bza' ba ni b+ha ste hA yang ngo / /hA ni mo rtags te/ hA las rab tu skye ba'i phyir zhes pa tshig las so/ /rgyal srid kyi bya ma rta'i skyes bu ni a pya ka'o/ /a pya kA'i sgra ni bud med kyi rtags te/ a pya ka las rgyas par bshad pa de'o zhes pa'i tshig las so/ /gnas pa ni s+tha'o/ /lag pa kha la reg pa ni zos pa nyid gsal bar byed pa'o/ /so la reg pa ni tshim pa'o/ /hoM zhes pa yang tshim pa'o/ /ngo tsha ba ni hrI ka'o/ /nam mkha' la ni shu n+ya ste bud med kyi dbang po zhes pa'i don to/ /de la reg pa na 'khrig pa gyis shig ces gsal bar byed do/ /brla la reg pa ni 'og tu gnas nas 'di ltar bya'o zhes pa'o/ /brla la reg pa ni steng nas 'og tu zhes kha cig tu klog pa ni/ steng du gnas nas khyod kyis 'khrig pa gyis shig /nga 'og tu gnas par bya'o zhes pa'i don to/ /steng nas zhes klog pa med pa la yang don 'di kho na'o zhes pa'o/ /dpal yang dag par sbyor ba'i rgyud kyi rgya cher 'grel ba man ngag gi snye mar snye ma bcu gsum pa'o// //bde mchog gi dkyil 'khor la gnas pa'i rnal 'byor ma nyi shu rtsa bzhi rnams bsdus pa nyid kyis bdun po rnams kyi ming dang mtshan nyid bstan pa'i ched du gsungs pa/ /nyon zhes pa la sogs pa'o/ /ni ni khyad par la'o/ /rnam bdun zhes pas 'chad par 'gyur ba rig pa'i rgyal po'i dkyil 'khor pa rnal 'byor ma nyi shu rtsa bzhi rnams kyi yang ngo bo 'di rnams su bsdus pa'o zhes pa dgongs pa'o/ /de la man ngag ni 'di yin te/ brtson 'grus chen mo dang 'khor los sgyur ma dang stobs chen ma dang shin tu dpa' mo ste bzhi po rnams ni gshin rje ma ste/ de kho na gzugs can ma yang ngo / /'khor lo'i go cha ma dang chang 'tshong ma dang dum skyes ma dang 'khor lo'i shugs can ma ni 'o byed ma ste de kho na skrag byed ma'o/ /mkha' 'gro gdong ma dang rta rnam dang shin tu bzang mo dang sngo bsangs lha mo rnams lA ma ste de kho na kA na nI dang drag mo'o/ /chang 'thung mo dang rlung gi shugs can ma dang 'jigs byed chen mo dngas srung ma rnams yongs gyur ma ste/ /de kho na 'jigs ma dang gtum mo'o/ /shing grib ma dang lang ka'i dbang phyug ma dang mi'u thung ma dang dpa' bo'i blo gros ma rnams ni byis can ma ste/ de kho na'i yang dag par spyod ma dang tshe za ma'o/ /sna chen ma dang 'od ldan ma dang gtum pa'i mig can ma dang rab gtum rnams ni mi ldog ma ste de kho na 'od gsal ma'o/ /yang dpa' bo'i blo can ma ni bdun pa e hi kI ste/ de kho nan tshe za ma dang kA na nI yang ngo zhes pa'o/ /gzugs can ma la sogs pa rnams kyi rim pa ji lta bar mtshan nyid gsungs pa chags shing zhes pa la sogs pa'o/ /dpa' bos gnyis med bsten gyur pa/ /zhes pa dpa' bo ste bde mchog gi rnal 'byor pas gnyis su med pa'i rnam pas bsten par bya ste rtse ba'i ched du sbyar bar bya'o/ /de yid dbugs ni rnam pa gzhan/ /zhes pa 'dod pa bsal bar byed pa'o/ /de nas yang 'jigs byed ni 'jigs su rung ba'o/ /de nyid kyi phyir dga' bar byed do zhes pa rA mA ste/ re pha'i la nyid kyi phyir lA ma'o/ /skrag par byed ces pa ni de mthong bas phag la sogs pa rnams 'jigs so zhes pa'i don to/ /gzhan rnams gang las yongs su gyur pa de ni yongs gyur ma'o/ /byis pas mtshon nas gcig tu 'gro ba ste de dang lhan cig pa de ni byis bcas ma'o/ /skyo ba na ni yid 'byung bar 'gyur ba na'o/ /mi ldog ma ni 'di la phyir ldog pa med ces byas nas so/ /rgod byed ces pa la sogs pa'i bya ba rnams la glo bur zhes pa 'brel par bya'o/ /phyogs 'dir yun ring du gnas so zhes pa 'di dpa' mo'o/ /rnal 'byor ma mo zhes pa rnal 'byor dang rjes su mthun pa nyid kyi phyir ro/ /rab tu rgod ces pa la sogs pa brgyad pa rdo rje phag mo'i mtshan nyid do/ /de skad du yang rnal 'byor ma bzhi sbyor ba'i rgyud du gsungs pa/ gzugs can 'o byed lA ma dang / yongs sgyur ma dang byis bcas ma/ /mi ldog ma dang 'di pa mo/ /rdo rje ma ni brgyad por bshad/ /dang po rgyas 'debs phyag rgya ste/ /gnyis pa snying nas 'gugs byed ma/ /gsum pa rmongs byed phyag rgya'o/ /de bzhin bzhi pa langs byed ma/ /lnga pa gar byed phyag rgya ma'o/ /de bzhin drug pa gsod byed 'gyur/ /bdun pa za byed phyag rgya mo/ /brgyad pa nges par slong byed ma/ /gshin rje skrag byed drag mo dang / / gtum mo dang ni tshe za mo/ /'od gsal ma dang kA na nI/ /phag mo'ang brgyad par 'dod pa yin/ /zhes so/ /mche ba ni phag gi so'o/ /thod pa la sogs pa'i phyag rgya brgyad ni rim pa ji lta bar rnal 'byor ma brgyad rnams kyi phyag rgya ste khyim du bris pa yang mtshan nyid do/ /bdun pa zhes kha cig tu klog pa ni yig mkhan gyi skyon las so/ /gzugs can ma la sogs pa mtshon pa 'di rnams dang lhan cig yang dag par sbyar bas de snyoms par zhugs pas so/ /bsgrub par bya bas na cho ga ste lhan cig skyes pa bde ba chen po'o/ /mtshon par byas te stong pa nyid dang snying rje'i rnal 'byor ma la mkhas pas so/ /lus sprul pa mo ni 'jig rten rnams kyi 'jig rten las 'das pa'i ma ma gzugs can ma la sogs pa rnams te/ de rnams kyi mtshan ma mtshan nyid dang phyag rgya thod pa la sogs pa mtshan ma'i phyag rgya ste de rjod par byed pa'i rab tu byed pa yang de skad do/ /mo rtags nyid ni/ bdun ma mi rnams gzhug par bya/ /zhes pa la sogs pa bzhin no zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bcu bzhi pa'o/ / //lA ma'i rigs can gyi bud med rnams kyi mtshan nyid la 'jug pa/ de nas zhes pa la sogs pa'o/ /pad+ma gar dbang ni snang ba mtha' yas so/ /ri ni ra nyid do/ /mkha' 'gro ma rnams zhes pa mkha' 'gro ma'o/ /de bzhin gshegs pa ni rnam par snang mdzad do/ /spu ldan zhes pa ni lus la spu rnams dang ldan pa'o/ /'dres pa ni rna shal te de'i rnam pa can gyi ri mo'o/ /rnam par 'dren pa ni dpal bde mchog go/ /mi g.yo ba ni shin tu brtan pa dang ldan pa'o/ /lag pa gnyis sbyar bar bya ste mthe bo gnyis bkug nas sor mo gzhan rnams cung zad bkug cing rtse mo dang rtse mo sprad pa las pad+ma'i phyag rgya'o/ /lag pa gcig brkyang nas de'i steng du de las gzhan pa'i lag pa bskum pa rus sbal ltar gnas pa las rus sbal gyi phyag rgya'o/ / phyag rgya gnyis po 'di ni sgrub pa po'i'o/ /phrag pa g.yon pa nas 'phyang ba'i gos g.yo ba dpung pa g.yon pa bskum pas 'dzin pa'i tshul ni rgyal ba'i phyag rgya'o/ /mchod par bya zhes klog pa la ni/ gang mchod par bya ba de rgyal ba de kho na'o zhes pas rgyal ba'i phyag rgya kho na dkyogs pas gsungs par 'gyur ro/ /phyag rgya gnyis po 'di ni rim pa ji lta bar phyag rgya'i lan du rnal 'byor mas sbyin par bya'o/ /mdung gi phyag rgya zhes pa mthe bos mthe chung mnan nas de la gzhan pa'i sor mo rnams gyen du brkyang ba las so/ /rkang pa g.yon pa bskum nas skyil krung phyed pa'i gar gyis g.yon du yongs su bskor ba ni rnal 'byor ma'i lan gyi phyag rgya'o/ /mchod ces pa mchod pa'i dus so/ /'jig rten dbang phyug ma rnams kyi zhes pa snang ba mtha' yas kyi rigs can ma rnams kyi'o/ / dar bcings pa zhes pa dpral bar dar bcings pa lta bu'i ri mo gcig go zhes pa'i don to/ /mthe bos sor mo thams cad mnan nas gyen du sdigs mdzub brkyang ba las 'phang mdung gi phyag rgya'o/ /dril bu dkrol ba'i tshul gyis dril bu'i phyag rgya'o/ /gnyis pa zhes pa lan gyi phyag rgya zhes pa'i don to/ /de byas nas yongs su bsgyur bar bya ste/ de bzhin du 'og ma la yang ngo / /rdo rje thal mo byas nas gung mo gnyis bslang ste/ sdigs mdzub gnyis kyis ming med gnyis dkris shing / /mthe bo gnyis drang por byas nas kha dang nye bar gzhag par bya'o zhes pa kha'i phyag rgya'o/ /ming med bzlog pa dag lag pa dag gi nang du byas la/ mthe bong gdengs ka'i rnam pa dag sbyar zhing mthe chung dang gung mo khab lta bu ngag ste/ gung mo khab lta bu'i ngos su sdigs mdzub dag bskum nas tshigs gsum par bya'o zhes pa kha'i phyag rgya'o zhes dam tshig gsum gyi rgyal po'i rgyud du gsungs so/ /'khor lo'i phyag rgya zhes kha cig tu klog ste/ de'i tshe lag pa gnyis gan rkyal du byas shing gung mo dang ming med kyi sen mo dag gi steng du mthe bo dgod par bya'o zhes pa 'khor lo'i phyag rgya'o/ /dung gi phyag rgya zhes pa gung mo dang ming med dang mthe chung rnams bskum nas dung gi tshul gyis mthe bo dang sdigs mdzub dag brkyang ba'o/ /de bzhin kho na zhes pa g.yon pa yis lan gyi phyag rgya'o zhes bshad pa ste ji lta ba'o/ /dus tshigs zhes pa bsod nams kyi dga' ston gyi dus so/ /gcig pa zhes pa so bsnyer ba'o/ /lag pa g.yon pa phyung bar byas te/ de'i steng du gru mo g.yas pa bzhag nas mthe bong dang sdigs mdzub dag bslang zhing / sor mo gsum bskum pa'i lag pa g.yas pa gzung bar bya'o zhes pa sbrul gyi phyag rgya'o/ /snga ma bzhin zhes pa g.yon pas lan gyi phyag rgya'o/ /'di rnams phal cher lA ma'i rigs can rnams kyi mtshan nyid rnams gsungs shing / rnal 'byor ma sum cu rtsa bdun po rnams kyi 'ang 'di rnams su rig par bya'o zhes pa man ngag go/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bco lnga pa'o// //phyag rgya gzhan brjod pa'i ched du gsungs pa/ de nas zhes pa la sogs pa'o/ /yan lag phyag rgya zhes pa yan lag gi phyag rgya'o/ /ku lA zhes pa ni 'phongs tshos so/ /gsang ba ni skye gnas so/ /mthe bong dang mdzub mo dag dang por byas te rtse mo dang rtse mo sbyar nas sor mo lhag ma rnams bskum pa las chos 'byung gi phyag rgya'o/ /mthil zhes pa rkang pa'i 'o/ /lag pa'i zhes pa kha cig go/ /nyi ma zhes pa ni lus g.yas so zhes kha cig go/ /chu bo zhes pa lag pas nam mkha' la ri mo 'khyog po byed pa'i tshul lo/ /rab tu brkyang ba'i sor mo bskyod bzhin pa'i lag pa gnyis kyis chu rlabs kyi tshul gyis nye bar ston pa las rgya mtsho'i phyag rgya'o/ /gang zhig sor mo gcig ston ma/ /zhes pa skyes pa'i nye bar mtshon pa ste/ phyi mar yang de bzhin no/ /sor mo gnyis kyi zhes pa sor mo gnyis te/ 'di ni lan gyi phyag rgya'o/ /smin ma g.yon pa bskyod pa'i tshul ston pa ni lan gyi phyag rgya'o/ /slob dpon dag gi ste dam tshig la sogs pa kun du spyod pa la mkhas pa'i rnal 'byor pa dang rnal 'byor ma dag gi'o/ /ston pa ni bsam pa gcig pa nyid ston pa ste/ da lta'i dgos pa'o zhes pa'i don to/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bcu drug pa'o/ / //de ltar brda shes pa gang du 'du bar bya ba de brjod pa'i ched du gsungs pa/ de nas zhes pa la sogs pa'o/ /dam pa kun rnams ni bden pa gnyis yongs su shes pa las bsam pa dag pa rnams so/ /dam tshig rjes su sgrub pa la sogs pa la dad pa'i rnal 'byor pa dang rnal 'byor ma'i skye bo ni dam pa'i skye bo rnams te de rnams 'du ba'o/ 'du ba der tsA ru'i bza' ba ni bdud rtsir byas pa'o/ /shes rab dang thabs dag gi snod gnyis su son pa lhag ma bza' bar bya ste/ brtson par ji ltar 'gyur ba'o/ /gnas zhes pa la sogs pa mdor bstan pa'o/ /'di rnams zhes pa gnas la sogs pa rnams rab tu dga' ba la sogs pa mos pas spyod pa'i sa dang bcas pa bcu gnyis rnams so/ /'di rnams su 'byung ngo zhes pas rnams te/ su rnams she na/ sangs rgyas dang byang chub sems dpa' rnams so/ /sa bcu'i dbang phyug ni byang chub sems dpa'o/ /mgon po zhes pa sangs rgyas so/ /de la mos pa'i mtshan nyid can so so'i skye bo'i sa dang sangs rgyas kyis ma gtogs pa sa bcu'i dbang phyug ni byang chub sems dpa' rnams so/ /sangs rgyas bcom ldan 'das rnams ni sa thams cad kyi dbang phyug go/ /'di rnams kyis ni gnas la sogs pa rnams so/ /gzhan gyis min zhes pa gnas la sogs pa las gzhan pa rnams kyis te/ 'di rnams su bdag po med par sangs rgyas dang byang chub sems dpa' rnams yongs su rdzogs pa'i phyir ro zhes pa dgongs pa'o/ /rgya chen ni rang gi don phun sum tshogs pa ste/ yangs pa ni gzhan gyi don phun sum tshogs pas/ sangs rgyas dang byang chub sems dpa' rnams las 'byung ba de rnams ni che zhing yangs pa 'byung ba rnams so/ /thung ngu nyid ni lung ngo / /gnas ni dzA la n+d+ha ra dang / o Di ya na dang pu l+lI ra ma la ya dang a rbu da'o/ /bol+la gi ri dang ko l+la gi ri dang pu l+lI ra ma la ya dang rdo rje'i gnas zhes pa rnam grangs so/ /nye ba'i gnas ni go dA ba rI dang rA me shwa ri dang de wI ko Ta dang mA la wa yang ngo / /zhing ni kA ma rU pa dang o tre'o/ /nye ba'i zhing ni tri sha ku ne dang ko sha la'o/ /tshan+po ha ni ka li ng+ka dang la m+bA ka'o/ /nye ba'i tshan+do do ha ni kA ny+tsi dang kha ba'i khor yug can no/ /'du ba ni pre ta pu ri dang gr-i ha de wa ta'o/ / nye ba'i 'du ba ni sau rA Sh+Ta dang gser gling ngo / /dur khrod ni grong khyer pa Ta li pu tra dang si n+d+hu zhes pa gnyis so/ /nye ba'i dur khrod ni ma ru dang ku lu tA'o/ /'thung gcod ni kA ra N+ya pA Ta ka dang kar ma pA Ta ka dang / ha ri ke la dang 'bigs byed kyi nags dang gzhon nu'i grong khyer zhes pa lnga dang tsa ri tra dang grong dang grong khyer gyi mtha'i sa zhes pa gnyis kyang rgyud gzhan du gsungs pa 'dir man ngag las shes par bya'o zhes pa bdun no/ /lan tshwa'i rgya mtsho'i dbus son pa/ /zhes pa ha ri ke la'i khyad par ro/ /nye ba'i 'thung gcod de dang nye/ /zhes pa 'thung gcod dang nye ba ste thag nye ba'i sa gzhi bdun gyi bdag nyid do/ /dur khrod ni ro 'dus pa dur khrod kyis gzhi dang rgya mtsho'i 'gram zhes pa gnyis so/ /skyed tshal dang rdzing bu'i 'gram ni nye ba'i dur khrod do/ /dur khrod dang nye ba'i dur khrod 'di dag tu res 'ga' rnal 'byor ma rnams su 'du'o zhes phyis rgyas par ston cing / gtso bo'i gnas pul+lI ra ma la ya la sogs pa nyi shu rtsa bzhi rnams nang du 'dus par yang ngo / /pul+lI ra ma la ya la sogs pa'i yul rnams su dkyil 'khor ba'i lha mo rnams bram ze mo la sogs pa'i skye gnas rnams su skye'o/ /de skad du yang rdo rje mkha' 'gro'i rgyud du gsungs pa/ mkha' 'gro ma zhes yang dag grags/ /rdo rje dkyil 'khor gtso mo de/ ye shes ldan rnams yul yul du/ /rang nyid skye gnas rnams su skye/ /zhes so/ /'o na brtag pa gnyis pa'i rgyud du/ gnas dang nye ba'i gnas dang ni/ / zhing dang nye ba'i zhing nyid dang / 'dun rtog nye ba'i 'dun rtog dang / /'du ba nye ba'i 'du ba dang / /'thung gcod nye ba'i 'thung gcod dang / /dur khrod nye ba'i dur khrod de/ /'di rnams sa ni bcu gnyis so/ /zhes mdor bstan cing / gnas ni dzA la n+d+ha ra dang / o Di ya na dang pU r+Na gi ri dang kA ma rU pa'o/ /nye ba'i gnas ni mA la wa dang si n+d+hu dang nA ga ra'o/ /zhing ni mu m+mu Ni dang ka rA N+ya pA Ta ka dang de wI ko TA dang ka ra mA ra pA Ta ka'o/ /nye ba'i zhing ni ku lu tA dang a rbu da dang go dA ba rI dang kha ba'i ri'o/ /tshan+do ha ni ha ri ke la dang / la m+pA ka dang kA ny+tsi dang sau rA Sh+Ta'o/ /nye ba'i tshan+do ha ni ka li ng+ka dang gser gling dang ko ng+ka Na'o/ /'thung gcod ni grong dang grong khyer gyi mtha'i sa gzhi dang tsa ri tra dang ko sha la dang 'bigs byed dang gzhon nu'i grong khyer zhes pa lnga'o/ /nye ba'i 'thung gcod ni 'thung gcod dang nye ba lnga'o/ /dur khrod ni dur khrod kyis gzhi dang rgya mtsho'i 'gram zhes pa gnyis so/ /nye ba'i dur khrod ni skyed mos tshal dang rdzing bu'i 'gram mo zhes rgyas par bshad la 'du ba dang nye ba'i 'du ba dag ni rgyas par ma bstan pa dang / phyag rgya chen po'i thig le'i rgyud du ni gnas ni dzA la n+d+ha ra dang o Di ya na dang / pU r+Na gi ri dang kA ma rU pa'o/ /nye ba'i gnas ni mA la wa dang nA ga ra dang si n+d+hu dang sing ha la'o/ /zhing ni mu m+mu Ni dang de wI ko Ta'o/ /nye ba'i zhing ni ku lu tA dang a rbu da'o/ /tshan+do ha ni go dA wa rI dang ha ri ke la'o/ /nye ba'i tshan+do ha ni kA ny+tsi dang la m+pA ka'o/ /'du ba ni ka rmA ra pa Ta ka dang gser gling ngo / /nye ba'i 'du ba ni ko ng+ka Na dang 'bigs byed do/ /dur khrod ni rab song gis gzhi dang rgya mtsho'i ngogs so/ /nye ba'i dur khrod ni tsa ri tra dang gzhon nu'i grong khyer ro/ /'thung gcod ni kha che dang ki rA ta'i dkyil 'khor ro/ /nye ba'i 'thung gcod ni bal po dang kA n+ya ku ba dza'o zhes gsal por mdzad pa dang / ri gI a ra li'i rgyud du/ shar lus 'phags po dang lho 'dzam bu gling dang nub ba glang spyod dang byang sgra mi snyan ni gnas te/ gnas bzhis ni lha mo bzhi rnams dang ri rab kyi rtse mo la ri gI gnas so zhes gsungs pa dang / rgyud gzhan rnams su yang gnas la sogs pa phyi dang nang du yang rnam pa gzhan du rnam par gzhag ste/ ci tsam bri bar bya/ de'i phyir thams cad du phan tshun 'gal bar 'gyur ro zhen mi 'gyur te/ gang phyir arbu da la gnas dang nye ba'i zhing nyid dag grang ba dang dro ba bzhin nam dngos po dang dngos med dag bzhin du phan tshun 'gal ba srid pa ma yin pas so/ /gcig la ming sna tshogs pa ji ltar yang mi 'gal bas so/ /de bzhin du go dA ba rI la nye ba'i gnas nyid dang nye ba'i zhing nyid dang tshan+do ha rnams so/ /de bzhin du gzhan rnams la yang mi 'gal ba shes par bya'o/ /gzhan yang gdul bya'i bsam pa'i rjes su 'jug pa las thugs rje'i rang bzhin gyi sku can rnams kyi bstan pa sna tshogs pa nyid do/ /gdul bya'i sems can rnams kyang rnam pa lnga ste/ chung ngu dang 'bring dang chen po'i chung ngu dang chen po'i 'bring dang chen po'i chen po'i dbye ba las so/ /de la chung ngu'i dbang du byas nas phyi rol gyi gnas la sogs pa'i yul bstan to/ /de skad du yang dri ma med pa'i 'od du gsungs pa/ 'dir thun mong du byis pa rnams yul du 'khyam pa'i don du dzA la n+d+ha ra la sogs pas gnas la sogs par gsungs shing / de yang thams cad la khyab par byed par mi 'gyur ro/ /bram ze dang rgyal rigs dang rje rigs dang dmangs rigs mtha'i rigs rnams su skyes pa'i rdo rje rnal 'byor ma rnams ni grong khyer gcig na yang gnas pa'i phyir na/ bod dang rgya nag la sogs pa'i yul rnams na yang gnas pa la sogs pa rnams yod do/ /de rnams ni bsdus pa'i rgyud gzhan du ma bstan pa rnams so/ /rgyas pa'i rgyud gzhan du ni yul thams cad dang grong khyer thams cad du gnas la sogs pa rnams su gsungs so zhes so/ /'bring gi dbang du byas nas khang pa brtsegs pa'i sa gzhi la dkyil 'khor pa'i lha mo rnams kyi gnas la sogs pa rnam par gzhag pa'o/ /chen po'i chung ngu'i dbang du byas nas puM yig la sogs pa yongs su gyur pa'i byis pa'i 'khor lo'i tshul gyis gnas la sogs pa rnams lus la mgo bo la sogs pa rnams la bstan cing / de dang der son pa'i rtsa rnams kyang lha mo rnams zhes par ro/ /chen po'i 'bring po'i dbang du byas pa las rdzogs pa'i rim pas sa bon gyi yi ge la sogs pa med par yang lus la ji ltar gnas pa'i spyi bo la sogs pa rnams gnas la sogs pa rnams su dang / de dang der son pa'i rtsa'i rang bzhin ngo bo rnams su rdo rje lha mo rnams zhes par lhag par mos pa'i don du rnam par gzhag go/ /chen po'i chen po rdzogs pa'i rim pa la gnas pa ni/ stong pa nyid dang snying rje dbyer med pa'i byang chub kyi sems lus la sogs pa mig yor gyi ngo bo'i rang bzhin gnas la sogs pas sa dang pha rol tu phyin pa'i bdag nyid dkyil 'khor gyi 'khor lo kun nas sgyu rtsal du byed do/ /de'i dbang du byas nas sngar gsungs te/ ye shes chen po rang lus gnas/ /kun du rtog pa thams cad spangs/ /zhes pa la sogs pa'o/ /mgon po sa bcu'i dbang phyug ste/ /'dis te gzhan gyis brjod mi bya/ /zhes pa ni gtso bor ro/ /dpal ldan mngon par brjod pa bla ma'i rgyud du yang gsungs pa/ mkha' 'gro ma kun 'di nyid du/ /thugs rje ldan rnams rnam par gnas/ /sangs rgyas byang chub sems dpa' kun/ /'gro ba gsum po'ang de nyid du'o/ /nyi shu rtsa bzhi'i dbye ba yis/ /gnas sogs 'di kho na la gnas/ /de bas de ru bskor ba yi/ /skyob bya de nyid can gyis min/ /gal te de nyid med gyur na/ /de rnams bskor bas cung zad min/ /gal te de nyid ldan gyur na/ /de rnams bskor bas ci zhig dgos/ / phyi rol rnal 'byor pa de rnams/ /bskor bas khams rnams zad par 'gyur/ /de bas phyi rol spangs nas ni/ /rnal 'byor rol pas gnas par bya/ /dpal ldan rdo rje rnal 'byor mas/ /rnam dag ye shes spyan rnams kyis/ /rdo rje rnal 'byor can rnams gzigs/ /thugs rjes khyab pa'i thugs kyis ni/ /de rnams dges pas dngos grub mchog /ji ltar 'dod bzhin stsol par mdzad/ /de yis rje btsun ye shes ni/ /rab tu 'bad pas bsgrub par bya/ /sna tshogs 'bad pa yang dag ldan/ / spyod dang brtul zhugs brtan pa yi/ /de nyid brtul zhugs la dgar bya/ /spyod dang brtul zhugs 'di spongs la/ /gyi na'i rnam pas bza' bar bya/ /gnas pa byas nas brtul zhugs can/ /bsam gtan bza' ba lhur len nas/ /smyon pa'i spyod pas gnas par bya/ /gcer bu'am yang na gcer bu min/ /gang der ji lta de lta bur/ /rang gi lhag pa'i lha dmigs te/ /de kho na nyid gcig pu bsam/ /lkugs pa'i dngos por rab gyur pa'i/ /zla drug tsam gyis nges par ni/ /rnal 'byor ma yis nyer bstan pa'i/ / rnal 'byor chen po 'di gsal 'gyur/ /ye shes 'od zer mchog mthong nas/ /rnal 'byor ma rnams legs 'du ste/ /pad+ma'i 'byung gnas nyams dga' bar/ /ngang pa'i tshogs 'du ji bzhin no/ /dpal ldan rdo rje 'dzin dngos su/ /'gyur bar 'di la the tshom med/ /mig 'phrul mkhan bzhin 'jig rten du/ /sems can kun gyi don byed rnams/ /sems ni dag par gyis shig ces/ /sems can rnams la bdag gsol 'debs/ /spyod pa byed pa 'di las ni/ nges par gang bshad de 'gyur ro/ /zhes so/ / de nyid kyi phyir chung ngu la sogs pa bzhi rnams kyi gnas la sogs pa bstan pa ni lnga pa la ltos nas drang ba'i don to/ /lnga pa la ni rab tu dga' ba la sogs pa 'jig rten las 'das pa'i sa'i rang bzhin kho na gnas la sogs pa ste/ nges pa'i don to/ /gang yang phyi rol du dang dkyil 'khor gyi 'khor lor dang lus la yang rab tu dga' ba la sogs pa'i sa rnam par gzhag pa de yang drang ba'i don te/ gang phyir de dang de'i sar lhag par mos pa las 'jig rten las 'das pa'i sa de dang de gsal bar gyur pa'i ched du 'bad par gyur na ci ma rung zhes pas so/ /spros pas chog go/ /rnal 'byor ma rnams phal cher 'du ba'i gnas kyi shing rnams brjod pa'i don du gsungs pa de nas zhes pa la sogs pa'o/ /'dir lhag par gnas par byed do zhes pa lhag par gnas te/ shing la sogs pa'o/ / tsu ta ni shing a mra ste gang du lha mo a ma bi ka dang zhing skyong me yod pa'o/ /ka ra ny+dza la gnas pa'i lha mo ka ra ny+dza la gnas pa mo dang zhing skyong dril bu chen po'o/ /shing ka dam pa la lha mo bzhin bzangs ma dang zhing skyong rgyu can no/ /shing wa Ta pa la gnas pa'i lha mo rna ba chen po dang zhing skyong rgyu'i dbang phyug go/ /ha ri ni a ru ra'i shing ngo / /shing mya ngan med la gnas pa'i lha mo gsang ba ma dang zhing skyong stobs po che'o/ /gser shing ni gser gyi se phA lI la ste/ gang du lha mo gtum mo dang / zhing skyong skye ba 'dren yod pa'o/ /rdul bral la sogs pas ni rgyud gzhan du gsungs pa'i gnas rnams nye bar mtshon pa ste/ de pU r+NaM gi ri ru ra'i rtse mo ni 'du ba'i gnas te/ gang na lha mo phun tshogs chen mo dang zhing skyong me'i gdong can yod pa'o/ /'dzin mar shing ta la ste gang na lha mo bde byed ma dang zhing skyong skra gyen du brdzes pa can no/ /e ru DA ni shing k+ShaM tsa na ste/ gang du lha mo me lce'i gdong pa can dang zhing skyong dril bu'i sgra can no/ /dmar ser pre ta'i grong du shing dza DA ste gang du lha mo dmar ser mo dang zhing skyong byin pa chen po can no/ /e la'i grong du shing A la ta na ste gang du lha mo bong bu la gnas ma dang zhing skyong glang po'i rna ba can no/ /kha cher ri'i rtse mo ste gang du lha mo ba lang sna ma dang zhing skyong rtsa'i byin pa can no/ /ma ru ru thang chen po ste gang du lha mo rim pa mo dang zhing skyong gtsigs pa can no/ /pa Ta li pu tra ru we nu gar ta ste/ gang du lha mo ro langs ma dang zhing skyong spu'i byin pa can no/ /po Na Da ba r+d+ha na ru skye mched kyi bye brag ste gang du lha mo rgan byad ma dang zhing skyong bum pa can no/ /rgyal ba can du khang pa brtsegs pa ste gang du lha mo bzhin ras dang ba dang zhing skyong ral pa gsum pa'o/ /rgyab kyi grong du A ya ta na'i bye brag ste/ gang du lha mo glog gi zhal can dang zhing skyong dril bu'i sgra can no/ /su pA ra ru shing shal ma lI ste/ gang du lha mo me'i kha dang zhing skyong lha chen po'o/ /'o ma can du shing shwa la ste/ gang la lha mo 'jig rten gyi ma dang zhing skyong ri rab chen po'o/ /sgyu ma'i grong du shA kho Ta ste gang lha mo 'od ldan ma dang / zhing skyong 'jigs pa can no/ /a mra gcig par A mra ste gang du lha mo lus srul ma dang zhing skyong brtul zhugs chen po'o/ /rgyal po'i khab tu A ya ta na na'i bye brag ste gang du lha mo rgud pa 'jigs ma dang zhing skyong dz+hi la lA'i sgra can no/ /bod du brag brtsigs pa ste gang du lha mo lhan cig skyes ma dang zhing skyong longs spyod can no/ /mA la wa ru shing ma d+hu ste gang du lha mo dbang bskur ma dang zhing skyong skyes bu dbang phyug go/ /gnas de dang de ru 'dus pa'i rdo rje rnal 'byor ma rnams kyis 'dus pa'i rnal 'byor pa rjes su 'dzin te/ de skad du yang rdo rje mkha' 'gro'i rgyud du gsungs pa/ zhing 'di rnams su bu mo gang / /dpa' bo rnams la grub ster ma/ /mtshan mo 'du bar rab tu byed/ /rtag tu yongs su rgyu bar byed/ / mkha' spyod rnams su rnyed dka' ba'i/ /dngos grub rgya chen ster bar byed/ /sgrub pa po yi las rnams kun/ /'grub par 'gyur te the tshom med/ /ces so/ /yongs su rgyu ste sgrub pa po'i ched du'o/ /mkha' spyod rnams su ni lha rnams su'o/ /'jig rten las 'das pa'i gnas la sogs pa rnam par gzhag pa gsungs pa/ gnas zhes pa la sogs pa ste/ gnas te gzhi ni rab tu dga' ba'i sa ste/ thog ma med pa'i 'khor ba brgyud pa rnams su ma mthong ba'i de kho na nyid mthong ba las 'di'i rab tu dga' ba mang ba ste/ ting nge 'dzin dang mngon par shes pa la sogs pa rnams kyi dang / sbyin pa'i pha rol tu phyin pas sems can dpag tu med pa tshim par byed pa las kyang ngo / /gnas dang nye ba ni nye ba'i gnas dri ma med pa'i sa ste tshul khrims kyi pha rol tu phyin pa rab tu gyur pa las dge ba bcu rnam par dag pa'i phyir dang ting nge 'dzin dang mngon par shes pa la sogs pa rnams [(]gyi [,]kyi [)]gzhi nyid kyi phyir ro/ /gnas dang nye ba'i gnas dag gi nye ba nyid ni phan tshun phan gdags par bya ba dang phan 'dogs pa po'i don gyi 'brel pa'i sgo nas yin gyi/ yul dang dus nye ba nyid kyis ni ma yin no/ /rgyu yang 'bras bus phan gdags par bya ba ste/ /'bras bu bskyed pa'i nus pa nyid kyi tha snyad kyi spyod yul nyid du byed pa'i phyir ro/ /phyi rol gyi gnas dang nye ba'i gnas dag gi phan tshun du phan 'dogs pa ni brten pa rnal 'byor ma rnams phan tshun phan 'dogs pa'i phyir nye bar btags pa kho na'o/ /de bzhin du zhing dang nye ba'i zhing la sogs pa rnams la yang rtogs par bya'o/ /'od byed pa'i sa ni zhing ste/ bzod pa'i pha rol tu phyin pa rab tu gyur pa las ma nyams pa'i ting nge 'dzin la brten pa'i chos kyi snang ba chen po dang / mngon par shes pa la sogs pa phul du byung ba bskyed pa'i phyir ro/ /nye ba'i zhing ni 'od 'phro ba can gyis ste/ brtson 'grus kyi pha rol tu phyin pa lhag pa'i phyir snga ma las yon tan phul du phyin pa skye ba'i phyir ro/ /'dun rtog shin tu sbyang dka' ba/ /zhes 'brel te/ 'dun pa ni rang dang gzhan gyi don phun sum tshogs pa don du gnyer ba ste rtog pa ni 'di lta 'di ltar bdag gis bya'o zhes rtog byed do/ /shin tu sbyang dka' ba'i sa la ni byang chub sems dpa' bsam gtan gyi pha rol tu phyin pa lhag pa las rdzu 'phrul chen po'i rnam par 'phrul pas mngon par sgrub pa'i thabs sna tshogs pa'i sbyor ba rnams kyis kyang / sems can rnams yongs su smin par byed do/ /de ni de ltar sems can smin par byed pa las mngon par sbyor ba sangs rgyas kyi ye shes kyi rjes su 'gro ba'i sems kyi rgyud can mi ldog par dge ba'i rtsa ba la rab tu sbyor ba ni khyad par 'phags pa'i chos tshol ba la mngon par sbyor bas so/ /mngon gyur gyis ni nye ba'i 'dun rtog go/ /shes rab kyi pha rol tu phyin pa mngon du phyogs par gyur pas 'dun rtog bzhin du tshol ba la phul du byung ba dang bcas par mngon par sbyor ba'i phyir ro/ /'du ba ring du song ba'i sa ste/ 'du ba'i ngo bo ni 'du ba dang de thob pa ste de byed do zhes byas nas so/ /'dir thabs kyi pha rol tu phyin pa ring du rab tu gyur pa las byams pa dang snying rje dang dga' ba dang / btang snyoms kyi mtshan nyid can tshad med pa dang bsam gtan dang rnam par thar pa dang ting nge 'dzin dang snyoms par 'jug pa dang mngon par shes pa la sogs pa rnams mtshan ma med par rtsol bas 'du ba'i phyir ro/ /nye ba'i 'du thob mi g.yo ba'i sa ste/ smon lam gyi pha rol tu phyin pa'i 'bras bu phun sum tshogs pa las mtshan ma med cing lhun gyis grub par byams pa la sogs pa rnams kyis sems can rnams dang snod kyi zhing yongs su dag pa rnams la rab tu 'jug pa'i phyir ro/ /dur khrod legs pa'i blo gros kyis ste bdag med pa nyid kyis dur khrod dang mtshungs pa nyid kyi phyir te/ stobs kyi pha rol tu phyin pas byang chub sems dpa' chos thams cad bdag med pa nyid kyi chos kyi dbyings kyang rtogs nas de nyid sems can rnams kyis rtogs pa'i ched du ston pa la 'bad cing 'khor ba ji srid par lhun gyis grub pas sems can gyi don du yang dag par rdzogs pa'i byang chub rdzogs par byed pa'i phyir ro/ /nye ba'i dur khrod chos kyi sprin gyis ste/ ye shes kyi pha rol tu phyin pas chos thams cad rang bzhin med pa nyid kyi chos rtogs pa dang ston pa dang phul du dbyung du med cing rab kyi mthar thug pa rtogs pa dag rdzogs par byed pa'i phyir ro/ /sa 'di rnams kyang byang chub sems kyi rab tu dbye ba rnams so/ /sa bcu gnyis kyi rang bzhin de'i dang po dang tha ma'i sa dag ni sa bar pa bcu'i rgyu dang 'bras bu nyid kyis 'thung gcod dang nye ba'i 'thung gcod nyid du rnam par gzhag pa shugs kyis rtogs par bya'o zhes pas ma gsungs pa'o/ /de la pIng 'thung ba la'o/ /btung bar bya ba'o zhes las la kwi ba byas pas na 'thung ba'o/ /gcod cing gcod par byed do ba dge ba rjes su sgrub pa dang dge ba'o zhes pa gcod pa'o/ /'thung ba ste nyon mongs pa'i phung po 'dis gcod pa'o zhes pa 'thung gcod mos pas spyod pa'i sa'o/ /'dis ni rab tu dga' ba la sogs pa'i sa skyed par byed pa'i rim pas nyon mongs pa rnams spang bar bya ba'o/ /de ltar bag chags dang bcas pa'i sgrib pa ma lus pa spangs par gyur pa nas bcu gnyis pa kun du 'od ni nye ba'i 'thung gcod do/ /de ltar rgyu dang 'bras bu dang bcas pa'i pha rol tu phyin pa bcu'i rang bzhin gyi byang chub kyi sems kyi rang bzhin sa bcu gnyis po rnams la de'i bdag nyid kyi ji ltar rigs par rnal 'byor ma rnams rten dang bcas pa rnam par gzhag par bya'o/ /kla klo'i skad ces pa brda'i skad kyis so/ /phal cher phyi rol gyi 'thung gcod dang gnas la sogs pa nye ba'i 'thung gcod kyi mthar thug pa rnams la rim pa ji lta bar mos pas spyod pa la sogs pa'i sa'i dbang phyug ma rnal 'byor ma rnams skye bar 'gyur ro/ /sa bcu'i dbang phyug ma rab tu gtum mo la sogs pa rnams de rnams su skyes pa ni shin tu nyung ba'o/ /de'i phyir de'i rten kA rA N+ya pA Ta le sogs pa dang pu l+lI ra ma la ya la sogs pa rnams dang kA rA N+ya pA Ta ka la sogs pa dang nye ba'i sa gzhi rnams kyang mos pas spyod pa la sogs pa'i sa nyid du lhag par mos par byed de/ phyi rol du 'dzin pas slu ba phra mo las kyang grol ba'i ched du'o/ /ji ltar rtul po la sogs pa'i sems can rnams kyi phyi'i yul du 'dzin pa rags pa bsal ba'i ched du phyi'i 'thung gcod dang gnas la sogs pa rnams la mos pas spyod pa la sogs pa'i sar lhag par mos pa bzhin no/ /des na 'di thams cad la mngon par dgongs nas gsungs pa/ puM yig ces pa la sogs pa ste/ puM yig la sogs pa'i yul pu l+lI ra ma la ya la sogs pa phyi rol pa ni rab tu grags pa'i gnas dang gzhal yas khang ngo / /nang du ni lus dang byang chub kyi sems so/ /gal te yang kha cig tu dkyil 'khor gyi 'khor lo dang byang chub kyi sems kyang lhur len pa gsungs mod/ /de lta na yang 'dir de ltar rnam par gzhag pa ma yin no/ /lus la pul+lI ra la sogs pa rnams 'chad par 'gyur ro/ /phyi rol du 'du ba'i dus gsungs pa nyin par zhes pa la sogs pa ste/ yi dags kyi phyogs ni nag po'i phyogs so/ /rgyal mtshan ni dbyangs pa'o/ /rang nyid kyi sha dang rus pa dang rkang la sogs pa rnams kyis kyang sems can thams cad kyi mngon par 'dod pa'i don bdag gis bya'o zhes smon lam byas pa'i byang chub sems dpa' rnams kho na bar ma chad par mi'i skye ba bdun rnams kyi mthar 'jug pa'i phyir na skye ba bdun pa'o/ /gang gi grib ma bdun rnams su 'gyur te/ de ni de rnams kyis mtshon par bya'o/ /de gang gi tshe rang nyid shi ba de'i tshe khyad par du bza' bar bya'o zhes pa lhag ma'o/ /gsod du gzhug par bya ba ni ma yin pa kho na'o zhes mgo bo skra lta bus gsungs pa/ snying rje bskyed nas 'bad pas ni/ /gsad par bya'o zhes pa ste/ 'on kyang ma yin pa kho na'o zhes pa dgongs pa'o/ /gang gi tshe byang chub sems dpa' bslang bar bya ba des rang gi sha la sogs pa ster ba de'i tshe slong ba po rnams la sems can gdung ba byas pa'i kha na ma tho ba med do/ /gzhan du na byang chub sems dpa' rnams kyi sbyin pa'i pha rol tu phyin par mi 'gyur te/ slong ba po'i skye bo la sdig par dogs pas na/ sbyin pa med pa'i phyir ro/ /gdug pa'i bsam pa can rnams las gzhan du slong ba po dmyal bar 'gro ba ni gang du yang ma thos so/ /yang na dmyal ba'i las la mngon du phyogs pa'i gdug pa can rnams kyi dbang du byas nas gsungs pa/ snying rje bskyed nas zhes pa la sogs pa'o/ /de nyid kyi phyir brtag pa gnyis par gsungs pa/ gdug pa gzhug pa cho ga ni/ /thams cad gtso bo las 'grub 'gyur/ /zhes so/ / gdug pa can rnams dam pa'i lam la 'jug pa'i rgyu mtshan du ste/ thams cad ces pa mngon spyod 'ba' zhig tu ma zad kyi dbye ba la sogs pa rnams kyang gdug can rnams gzhug pa'i don kho na'o/ /gtso bo las te gtso bor 'jug pas ni 'di thams cad 'grub pa'o/ /de la de ltar byed pa'i rnal 'byor pas gal te de yang dag pa'i lam la gzhug par nus pa de'i tshe 'di bya ste/ gzhan du na 'di la 'di'i snying rje nyid du mi 'gyur ro zhes gsungs pa snying rje dman pas zhes pa la sogs pa'o/ /de nyid kyi phyir tshar gcad pa dang rjes su 'dzin pa'i nus pa ma thob pa rnams la gsod pa rgyud rnams thams cad du bkag go/ /de la dpal 'dus par gsungs pa/ khams gsum po ni ma lus nas/ /gsod pa dang ni gso ba nyid/ /skad cig tsam gyis byed pa ni/ /gsal bar nus par the tshom med/ / ces so/ /de nyid kyi phyir yang mi bskyod pa la sogs pa'i 'jig rten gyi khams su de'i rnam par shes pa drangs nas de ltar rjes su bsgrub par bya'o zhes gsungs pa'o/ /gang yang kha cig tu shig shig bzhin pa'i srog chags dang bcas pa'i rnam par snang mdzad la sogs pa bza' bar gsungs pa de la yang shi ba na'o zhes go bar bya'o/ /de gdan bzhi par gsungs pa/ dang por skye bor mi 'tshe ba/ /snying rjes bskyed pa'i sems ldan pas/ /srog chags gsad par bya ba min/ /de bas 'chi ba 'ongs pa mchog /ces so/ /snying rje ston te ji ltar bdag nyid la nga'o zhes mos pa de ltar sems can yang ngo zhes mos par bya'o zhes pa ste/ gzhan yang bdag mnyam pa nyid du 'dir bstan pa'o/ /snying rje 'ba' zhig gis 'di ltar bya ba ma yin gyi/ 'on kyang shes rab kyis kyang ngo zhes gsungs pa/ 'di ltar zhes pa la sogs pa ste/ rnal 'byor bdag nyid ni stong pa nyid dang snying rje dbyer med pa'i rdo rje 'dzin pa zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bcu bdun pa'o// //rim pa gnyis po kho nas goms pas nye bar longs spyad bzhin pa'i yul rnam par dag pas rdo rje 'dzin pa nyid 'grub po zhes de rtogs pa'i don du 'jug ste/ nyan par zhes pa la sogs pa ste/ gsang ba ni skal ba med pa'i yul ma yin pa nyid kyis na nang ngo / /pad+ma ni bde ba chen po la sogs pa'i pad+ma rnams te/ rigs la gcig gi tshig go/ /ni ni khyad par du'o/ /mtshan nyid ni ji ltar mtshon par bya ba'o/ /de la ye shes dang sems zhes pa rdul dang khu ba 'dus pa'o/ /yang dag byang chub ni rim pa las ci 'drar 'gyur ba'o/ /gnas bzhi zhes pa chos dang longs spyod rdzogs pa dang bde ba chen po sprul pa'i chu skyes bzhi po rim pa ji lta bar bdag dang gzhan dang sbyor ba dang gsang ba'i gdan rnams kyi ste/ kun du bsdus pa'o/ /bdag ni sems te de'i rten ni snying ga'o/ /gzhan gyi ste ston par byed pa la longs spyod pas dang gzhan te ro drug longs spyod pas mgrin pa'o/ /sbyor ba'i ste bcom ldan 'das dang bcom ldan 'das ma dag ro gcig pa nyid kyi gdan mgo bo'o/ /gsang ba'i ste lhan cig skyes pa'i bde ba dang sprul pa'i yang lte ba'o/ /gsang ba yang yin la de gdan kyang ngo zhes par yang shes par bya'o/ /pad+ma yang gsang ba ste rung ba yang ma yin pa la gsal bar bya ba ma yin pa nyid kyi phyir ro/ /kha cig gis ni 'ga' zhig tu bdag gi gdan la sogs pa rnams rnam pa gzhan du rnam par 'jog pa ni bsam par bya'o/ /rgyud gzhan du ni/ gzhan gyi gdan la shes rab brjod/ /bdag gi gdan ni thabs yin no/ /'di dag gnyis med gyur pa ni/ /sbyor ba'i don du rnam par gzhag /de las skyes pa de nyid gdan/ /de spangs par ni gang 'gyur ba/ /lhan cig skyes zhes yang dag bshad/ /dag gi lam gyi spyod yul 'das/ /zhes gsungs te/ de spangs pa ni bdag dang gzhan gnyis kyi rtog pas stong pa'o/ /de ltar 'di ni dri ba dang po'i lan mdor bstan pa'o/ /gnyis pa'i ni/ rdzogs byang chub rim rdo rje 'dzin/ /zhes pa ste ye shes dang sems shes pa dang 'brel lo/ /rim pa mdor bstan pa ni mnyam nyid ces pa la sogs pa'o/ /mnyam nyid sems ni stong pa nyid dang ro gcig pa'i sems so/ /'dod chags la sogs rnams ring du ste rgyu yang mngon par 'jug pa med pas spangs pa'o/ /gnas pa nyid kyi rnam g.yeng med pa nye bar mtshon to/ /brtan pa rnams la brtse ba ni nye bar btags pa las te/ de ni sems can rnams sdug bsngal rgyu dang bcas pa las 'don par 'dod pa'o/ /sa dang sa las skyes pa la sogs pa yang rdo ba dang mi zhim pa'i 'bras bu la sogs pa dang ldan pa nyid kyis sdug bsngal gyi rgyu nyid kyi phyir sdug bsngal lo/ /de'i rgyu yang sems can rnams kyi thun mong ba'i las mi dge ba'o/ /de las 'don pa ni snod kyi zhing dag pa'o/ /yang na gnas pa ni brtan pa dang / g.yo ba'i dngos po rnams kun la mnyam pa nyid kyi sems bskyed nas/ snying rje dang bcas pa ni rdo rje sems dpar 'gyur zhes 'brel lo/ /ci ltar zhe na gsungs pa/ mgon med ces pa la sogs pa'o/ /mgon med ni bdag gi gdan te/ sems kyi rten nyid kyis na 'dra ba la dgag pa'o/ /mgo bo ni mngon par phyogs pa'i chu skyes nyid kyi phyir mgo bo ste gzhan gyi gdan no/ /gtum mo'i nA da mthar byed do zhes pas nA da mtha' ste sbyor ba'i gdan yin zhing de kho na nyid kyi gdan yang de'o/ /gsang ba'i pad+ma ni gsang ba'i gdan te/ sngags kyi gdan du yang brjod do/ /cha ni zla ba'i cha ste 'khyud pa'i rtsa rnams so/ /sna tshogs pa'i gzugs rnams te gdan rnams ni/ de rnams kyi so sor nye ba las 'chad par 'gyur ba'i pu l+lI ra ma la ya la sogs pa rnams so/ /sku gsung thugs rnams kyi rdo rje stong pa nyid kyi bdag nyid rnams rdo rje sems dpa' gang gi yin pa ste/ 'di thams cad de'i bdag nyid du 'brel ba can no/ /gang gi phyir chos zhes pa/ chos skye mched drug la sogs pa rnams kyi dbyings rang bzhin te/ kun rdzob pa khu ba dang khrag dang rnam par shes pa 'dus pa gang nyi shu rtsa gcig par 'chad par 'gyur ba'o/ /de 'dus pa'ang chos kyi dbyings bsdus pa'o/ /snying stobs lus dang rdul ngag dang / /sems mun pa'i rang bzhin la ste/ /snying stobs khu ba rdul ni khrag /skyed pa nyid ni mun pa'o/ /zhes so/ /de'i rnam 'phrul ni rnam 'gyur ro/ /don dam pa ni chos kyi dbyings de bzhin nyid de/ de'i rnam 'gyur ro/ /de skad du yang gsungs pa/ stong pa kho na'i chos rnams las/ /stong pa'i chos rnams rab tu 'byung / /zhes so/ /de'i phyir bsdus nas zhes pa la sogs pa rgyas par ston pa chu khams zhes pa la sogs pa'o/ /khu ba dang rdul gyi khams dag la sems kyang ro mnyam pa gong bu'i ngo bo ni go 'phang gnas pa'i rgyu ste rdo rje 'dzin pa rdzogs pa'i phyir ro/ /gang gi phyir shes rab thabs bdag ste/ stong pa nyid dang snying rje dbyer med pa'o/ /de nyid kyi phyir rnal 'byor ro/ /dbang po drug can ni 'di'i dbang po drug rnams yin pa zhes byas nas so/ /sangs rgyas gzugs ni rdo rje 'dzin pa'i skur 'gyur ro/ /de ltar gang gi phyir rdo rje sems dpa' rang gi don phun sum tshogs pa dang ldan pa zhes pa de'i phyir de kho na las yang dag bstan bcos te phyin ci ma log pa'i chos bstan pa rnams su 'gyur gyi gzhan las ni ma yin te/ thabs byung de rgyu lkog gyur pas/ /de 'chad pa ni dka' ba yin/ / de nyid kyi phyir gsungs pa de nyid shes pa'i slob dpon zhes dor bar bya ba dang rgyu dang bcas pa'i rang gi ngo bo mngon sum du byed pa las gzhan rnams la de dag spang ba dang len pa kun du spyod pa bskul ba la legs pa ni mkhas par 'gyur gyi/ gzhan du nam yin no/ /de nyid kyi phyir 'di rgyu'i gnas skabs su lung gi rjes su 'brang zhing / de kho na nyid las nges pa'i don gyis/ gsang chen te bde byed la sogs pa'i spyod yul ma yin pa'i brjod par bya ba'i ngo bo 'byung ba ste thos pa dang bsam pa dang bsgom pa'i rim pas 'bras bu gnas skabs su gsal bar gyur pa ni/ mchog tu ste rab kyi mthar thug pa la gnas par yongs su mngon du byed do/ /de ltar na rang dang gzhan gyi don phun sum tshogs pa dang ldan pa'i rdo rje 'dzin par 'gyur ro/ /bskyed pa'i rim pa la ni mgo med ni sngar bzhin du hUM do/ / mgo bo ni oM mo/ /nA da'i mtha' ni haM ngo / /gsang ba'i pad+ma ni oM ste/ gsang ba'i pad+ma 'di'i rten yin zhes byas nas so/ /hUM yig la sogs pa rnams rim pa ji lta bar bdag gi gdan la sogs pa'i gnas so/ /rim pa gnyis mdor bstan pa 'di ni skabs bzhin du rgyas par 'chad par 'gyur ro/ /rdo rje sems dpa' bskyed pa'i rim par gsungs pa/ sngon zhes pa la sogs pa'o/ /thams cad de gzugs kyi khams la sogs pa rnams/ sngon du rab tu byed pa dang por gsungs pa'i mtshan nyid kyi stong nyid de nyid dang mtshan ma med pa dang smon pa med pa'i mtshan nyid gang yin pa des bkrus nas so/ /sgro btags pa'i dri ma ste gos pa'o/ /dkar ba zhes pa la sogs pa ste/ dkar po kun da zla ba dang 'dra ba'i mdog gang gi yin pa de ste/ gnyis pa'i don la drug pa'o/ /zla ba'i 'od rnams bzhin du 'di'i 'od zer rnams 'phro ba ni gyen du 'greng ba'o/ /sems dpa'i skyil krung can ni de dang ldan pa'i phyir ro/ /bzhugs pa ni 'dug pa'o/ /phyag rgya chen po ni rang 'dra'i shes rab ma ste/ de la phyag gnyis dag gis gnas pa ste gnas pa la btsir ba'o/ /gzugs rnams kyis rdzogs pa'i mdzes pa ste 'dod par bya ba nyid 'di'i yin pa ni gzugs rdzogs pa'i mdzes pa can no/ /de ltar ye shes sems dpa' rnams la ste ye shes sems dpa' gnyis su med pa'i ye shes kyi rang bzhin dam tshig sems dpa' sgom pa'o/ /de las gzhan pa'i bsgom par bya ba gsungs pa/ chu shing zhes pa la sogs pa ste/ cung zad kha bye ba nyid kyis na chu shing gi me tog bzhin du gnas pa'i rtsa rnams so/ /lte bar de rnams kho na bsgreng ba ste gyen du son pa snying gar gnas pa'i pad+ma'o/ /sngar gyi rab tu byed pa bzhi par gsungs pa'i mtshan nyid yongs su rdzogs pa'o/ /spros nas ni phyung nas so/ /bcom ldan 'das rdzogs pa dang dus mnyam du ste de'i yan lag nyid kyi phyir ro/ /der sngon gyi pad+mar ni snying ga'i pad+mar ste/ mngal gyi gnas skabs su de skye ba las phyis pad+ma gzhan rnams skye ba'i phyir ro/ /'dab mar te 'dab ma brgyad rnams so/ /lte bar bcas ni lte ba dang bcas pa rnams so/ /yi ge rnam par 'god par byed do zhes pa rnam 'god ni yid de de dgod pa'o/ /sgom pas yid kho na yi ge'i rnam par dgod par bya'i/ phyi rol gyi yi ge ni ma yin no zhes pa dgongs pa'o/ /'di thams cad ci byas nas she na/ gsungs pa/ dbus su dkyil 'khor zhes pa la sogs pa ste/ rdo rje dbyings kyi dkyil 'khor bzhin du bskyed pa'i rim pa gcig pa'i dkyil 'khor la zhugs pa'i dam tshig sems dpa' rnam par snang mdzad la sogs pa lha brgyad sems kyi dbus su bsams nas/ de'i dbus su ste snying gar zhal gcig phyag gnyis dkar po can/ gsung rdo rje nyid kyi phyir dmar ba'i mdangs can rnam shes te ye shes sems dpa'o/ /ye shes sems dpa' de kho na'i thugs kar ye shes te ting nge 'dzin sems dpa' hUM ngo / /de nyid kyi phyir rdo rje dbyings kyi dkyil 'khor du yang bcom ldan 'das sems dpa' gsum gyi bdag nyid can no zhes pa man ngag go/ /de'i shar gyi 'dab mar byams pa'i rang bzhin nyid kyis na sems can gyi log par sgrub pa rnams kyis mi 'khrugs pa'i phyir mi bskyod pa ni 'dir rnam par snang mdzad de/ de'i sa bon ni buM mo/ /sgo zhes pa phyogs nye bar mtshon pa'o/ /rin chen de nyid sa bon ni lhor rin chen 'byung ldan gyi ste A ngo / /nub tu snang ba mtha' yas kyi hrIH'o/ /don yod gtso bo'i sems kyi sa bon ni don yod grub pa'i ste khaM ngo / /lte ba'i pad+mar dbyangs kyang 'di ste a yig go/ /a yig sogs rnams las thog ma yang yin la mchog gtso bo yang ste/ chos rnams thams cad a yig gi sgo can nyid kyi phyir ro/ /sa bon yang ste 'bras bu 'grub par byed pa'i phyir ro/ /zla ba phyed pa dang thig le ldan pa aM ngo / /buM yig la sogs pa'i yi ge rnams ni/ zla ba'i 'od kyis mngon par brgyan pa rnams so/ / phyogs mtshams rnams su ni dbang ldan la sogs pa rnams su'o/ /r-iM r-IM l-iM l-IM ma ning rnams te/ sngar bshad pa ni/ sa bon bzhi dang yang dag ldan/ /zhes pa la sogs pas so/ /yi ge brgyad po de rnams kyi dbus su de'i ste pad+ma'i lte ba sems kyi yi ge mi bskyod pa'i sa bon hUM ste des so/ /bshad zin pa'i ting nge 'dzin sems dpa' kho na mi bskyod pa'i sa bon no zhes dgongs pas nye bar sdud pa'o/ /de skad gsungs te/ dam tshig sems dpa' lte ba'i chu skyes la aM ngo / /snying ga'i chu skyes la gnas pa'i ye shes sems dpa'i thugs kar mtsho skyes la yang yi ge dgu rnams bsgom par bya'o zhes pa'o/ /de ltar bskyed pa'i rim pa ni stong pa'i bdag nyid can nyid kho nas rdzogs pa'i byang chub sgrub par byed pa'o zhes rtogs par bya ba'i ched du gsungs pa/ ya mtshan zhes pa la sogs pa'o/ /ya mtshan gyi rnam pa gsungs pa/ mtshan nyid med pa'i zhes pa la sogs pa'o/ /sbyor ba dang pos ni dang po'i sbyor ba ste/ nye bar mtshon pa nyid kyi phyir dkyil 'khor rgyal po mchog la sogs pa yang ngo / /yi ge ni hUM la sogs pa'o/ / stong pa 'di ni ste/ ci ltar te rnam pa ci zhig gis kyang mtshon par mi nus na/ de la ci zhig las de'i 'bras bu don du gnyer ba 'jug pa yin/ rdo rje ni rdo rje snying po'o/ /mtshon bya ni gzugs nas rnam par shes pa'i bar ro/ /mtshan nyid ni gzugs su yod pa nas rang gsal ba'i bar te/ de dag la snying po nyid du sgro btags pa dag gi stong pa nyid ni phyin ci ma log pa'i de kho na nyid do/ /gzhan ni phyin ci log pa las de kho na nyid du snying por sgro 'dogs so/ /de'i phyir ji ltar snying po med pa'i chu shing las snying po bdud rtsi lta bu'i ' bras bu yin pa de ltar snying po med pa'i kun rdzob pa dang po'i sbyor ba la sogs pa bskyed pa'i rim pa spros pa med pa nyid du bsgom bzhin pa'i snying po spros pa med pa'i bdud rtsi srid pa dang mya ngan las 'das pa la mi gnas pa'i mya ngan las 'das pa'i ye shes sku 'bras bu ste/ chu shing ni chu shing ngo / /'bras bu ni de'i 'bras bu'o/ /ci ltar rab tu gsal ba yang mtshan nyid yin zhe na/ gang gi phyir rnam par shes pas na rnam shes dang 'dis shes par bya ba'o zhes pas ye shes te/ gzung ba dang 'dzin pa de dag gi dbus su gzugs med ye shes gzugs su ste/ yod pa ma yin pa'i gzung ba dang 'dzin pa'i ngo bor rang nyid rab tu gsal ba nyid kho nar mngon sum mam rjes su dpag pas mtshon par bya rtogs par bya'o/ /so so skye bos ni gzung ba dang 'dzin pa'i rang bzhin kho nar mtshon par bya ste/ rnal 'byor pas ni ye shes sku/ /zhes pa stong pa nyid dang snying rje chen po dbyer med pa spros pa med pa'i ye shes kyang ste longs spyod rdzogs pa'i sku la sogs pa'i rten yang ngo / /ye shes sku ni chos kyi sku ste/ de nyid 'bras bu'i zhes khyad par can skabs las thob pa'o/ /sgro btags pa'i bag chags ma lus pa dang bral ba'i phyir mi g.yo ba'o/ /gang las dngos po ste rang rig pa'am gzhan don dam par yod pa nyid dang / dngos med de med pa nyid de/ de dag las rnam par grol ba'o/ /kha dog gzugs ni kha dog med/ ces pa la/ kha dog ni sngon po la sogs pa gzung ba nyid du mngon par zhen pa ste/ kha dog med pa ni bde ba la sogs pa 'dzin pa nyid du ste/ de'i ngo bo nyid du med pa'i phyir ro/ /de'i ngo bo ma yin pa ni shin tu dngos po dngos med pa dag go/ /de las dbus ni gzung ba dang / 'dzin pa dag gi ste/ tha mi dad pa'am/ tha dad pa dngos po dang dngos po med pa'i rang gi ngo bo stong pa kho nar de kho na nyid kyi rnal 'byor pas gzung bar bya'o/ /ji ltar 'di dang tshu rol mthong bas mtshan nyid la sogs pa 'dzin pa dang rjes su dpag pa yang mi srid pa dang / stong pa nyid du yid ches pas srid pa de ltar rgyas pa dang bcas par kho bo cag gis gzhung du phye bar zin to/ /de ltar kun rdzob dang don dam pa'i rang gi ngo bo phyin ci ma log par shes nas bskyed pa'i rim pa mnyam pa nyid kyi ye shes kyis dang snying rje chen po'i sems kyis kyang yongs su sbyangs pa goms par bya'o/ /de ltar na de ni de bskyed pa'i rim pa rdzogs pa'i byang chub lam gyi 'bras bu yun mi ring ba nyid kyis mthong bar 'gyur ro/ /de ci ltar 'di ltar 'di lta bu'i shin tu sbas pa'i don can gyi ngag rnams kyis rtogs par bya zhe na gsungs pa/ bla ma zhes pa la sogs pa'o/ /bla ma ni bcom ldan 'das rdo rje 'dzin pa ste/ des nye bar gnang ba'i lam shes su 'jug pa las gzhan yang ngo / /de'i man ngag ni yang dag pa ji lta ba ston pa ste/ lam ni rtogs pa'i thabs so/ /bstan bcos ni gsung rab ste/ mdor ston par byed do zhes pas mdor ston tsam mo/ /mdor bstan par bya ba ni mtshan nyid do/ /rang gi ngo bo ni de kho na nyid do/ /ye shes ni de kho na nyid kyi rnam pa can la/ rnam shes ni kun rdzob kyi rnam pa can te/ de'i ngo bo las so/ /bden pa gnyis kyi de kho na nyid de rnams kyang dpa' ba ste bla mas gsal bar byed de/ so so skye bos kyang ngo zhes pa'o/ /zhar la 'ongs pa'i de ma thag tu dkyus ma rjes su sbrel ba ni 'di'i zhes pa la sogs pa ste/ kun gyi bsgom byas pa ni rnal 'byor pas te/ mngal du dang por lnga ste lag pa dang rkang pa dang mgo bo 'bur ba dang ldan pa rnams so/ /mchod rten ni gzugs la sogs pa'i phung po rnams te/ de rnams sems par byed pa ni rtas par byed pa'o/ /bdud rtsi ni khu ba ste/ de nyid sa bon te bskyed pa'i phyir ro/ /oM ha yig kyang bskyed pa'i rim pa la bdud rtsi'i sa bon no/ /de la 'od zer dkar po can bzang po ste bde ba chen po'i rang bzhin kha dog dkar po'i 'od can khu ba'i rgyun gyi ngo bo 'dzag cing / snying ga'i sa bon gyi chu skyes la ni lte bar mthe bong gi tshad tsam gyi zlum po zla ba'i gzugs te/ de la sa bon A li kA li dag las phyung ba'i hU~M nag po'o/ /de ltar tshim par byed pa gsungs nas thig le'i rnal 'byor gsung ba'i ched du gsungs pa/ dkar po zhes pa la sogs pa'o/ /hUM yig de'i 'od zer dkar po zla 'od lta bu rnams gyen du mgo bo'i mtsho skyes la brten te/ mgo bo'i chu skyes de'i sgo rtsa'i bu ga rnams kyi dbus su a wa d+hU tI'i bug par rab tu bsgrags pa'i gang thig le'i sems byang chub kyi sems kyi thig le ste/ de dang lhan cig gcig tu gyur nas a wa d+hU tI'i lam nas 'ongs shing / snying gar hUM gi thig le la de'i bdag nyid du skra'i rtse mo brgyar gshags pa'i cha shas bzhin du rdul phra rab kyi ngo bor yang dag gnas/ rdul phra rab kyi ngo bo dkar po de yang mtshon bya mtshan nyid ye shes can rnams dbyer med pas na/ spros pa dang rnam par bral ba'i shes pa'i rang bzhin gang yin pa ni stong pa nyid dang snying rje dbyer med pa ste/ der ltos shig ste/ nges par dpyad nas mngon sum du gyis shig pa'o/ /mtshon par bya ba'am mtshan nyid kyang ci zhe na/ thig le'i go 'phang gnas te thig le kho na mtshan nyid kyi rten mtshon par bya ba zhes pa'i don to/ /shes med sems kyi mtshan nyid do/ /shes pa gzung bar bya ba'i dngos po dang dngos po med pa dag dang / de'i 'dzin pa yang med pa ni mtshan nyid do/ /ci zhig tu zhe na/ snying gar ro/ /ci zhig gis 'ongs nas she na/ gser gyi sgo'i zla ba'i bdud rtsi'i rlabs rtsa dang 'brel pa nyid kyi phyir na gang thig le'i sgo ni mdzod spu'i sgo ste/ de'i lam las ni 'og gi mtha'i lam gyis a wa d+hU tI'i bu gas so zhes pa'i don to/ /rdo rje'i tshig 'di yang bla ma'i bstan pas dbye bar bya ste/ gzung bya gzung bar 'os pa la rnam shes ye shes dag ni las la ste/ kun rdzob dang don dam pa dag go/ /gang gi phyir bden pa gnyis kyi bdag nyid rtogs pa can gyi lam las sam/ yang dag pa ji lta ba bzhin gyi bstan bcos kyi don rtogs pa dang ldan pa las bstan pa lhur len pa de yin gyi/ lam dang bstan bcos las phyi rol pa ring ba las te phyin ci log gi don ston pa las ni ma yin no/ /de ltar na 'di las bsgrub par bya ba la sgrub pa snying por byed pas 'byung bar bya dgos so zhes dgongs pa dang ldan pas gsungs pa/ rnyed par sla zhes pa la sogs pa'o/ /de'i phyir dang por sbyor bar 'dod pa bla ma yongs su mnyes pa'i thabs kyi bsnyen bkur gyis rnal 'byor gyi rab tu sbyor ba lhur len pa'i slob ma la/ bla ma mkhas pas ji ltar 'os par bden pa gnyis dang rim pa gnyis rtogs par bya ba'i ched du mkhas pas bstan par bya'o/ /mnyam par gzhag pa ste/ mnyam par te srid pa dang / zhi ba dag ro gcig pa'i rang gi ngo bo la gzhag pa ste de'i rang bzhin bden pa gnyis gnyis su med pa shes rab dang snying rje yongs su 'brel pa'i yid can no/ /mi g.yo ba ni the tshom gyis mi bskyod pa'i phyir ro/ /nyer 'tshe med pa ni 'dod chags la sogs pa'i nye bar 'tshe ba bsal ba'i phyir ro/ /ci zhig las she na/ yid kho na 'di lta bu yin gyi gzhan ni ma yin no/ /dngos po 'byung bas te rgyu yis so/ /'byung bas na dngos po ni gzugs kyi phung po la sogs pa rnams so/ /dag pa rnams kyang de rnams kyi 'byung ba ste 'byung byed kyi skyed par byed pa nyid do/ /gang gi phyir yid nyon mongs pa dang las kyi bdag nyid ni rgyu nyid kyi phyir sngon du 'gro ba'i chos rnams 'khor ba can gyi phung po rnams so/ /'di kho nas dag pa ni yid kyis dag pa ste/ yid dag pa rnams kyis de rnams dag pa skyed pa'i phyir ro/ /dag pa ni sgrib pa thams cad 'gog pa'o/ /yid kho nas mgyogs pa rnams ni shugs dang ldan pa rnams te/ thabs kyi khyad par gyi shugs dang ldan pa'i yid kyi sbyor ba kho na las tshul gzhan pas myur bar dag pa thob pas na mgyogs pa'i lam yin pa nyid kyi phyir ro/ /'dis ni bden pa bzhi'i bdag nyid can ni yid kho na ste gtso bo nyid las so zhes gsungs shing / rang gi don phun sum tshogs pa dang gzhan gyi don phun sum tshogs pa'i ngo bo yang ngo / /de gsungs pa/ yid kyis shes pa yid kyi'o/ /rgyal po ni rgyal po'i'o/ /dang bas te/ phrag dog la sogs pa'i dri ma'i rnyog pa bkrus pa nyid kyis na rab tu dang ba nyid kyis so/ /gzhan gyi don ni chos gsung ba dang rdzu 'phrul gyi cho 'phrul la sogs pa byed par 'gyur ro/ /de nyid kyi phyir rnam par rtog pa med pa nyid na yang sngon gyi smon lam gyi dbang nyid kyis skye dgu smin par byed pa'i phyir 'di'i rgyal po nyid de/ 'di de bzhin gshegs pa'i bdag nyid kyi'o/ /byang chub sems dpa'i ngo bo'i yang rnam par rtog pa can nyid na yang ngo / / so so skye bo'i bdag nyid kyi ni ji ltar rigs pa kho na ste/ rnam pa gzhan du yang ngag dang lus kyi las dag go/ /gang gi phyir yang de ltar thams cad du yid gtso bo yin pa de'i phyir yid kyi rang bzhin gyi 'bad rtsol rnams kyis thos pa dang bsam pa'i rang bzhin gyi yid las byung bsgom pa'i blo ldan du gyur pa ni gal te de la mnyam par gzhag pa'i yid lhag par rtogs par 'dod na de'i tshe bzlas bya goms par bya ste sgom pa'i rang bzhin gyi yid kyis so/ /ci zhe na sems pa ste rtas par byed pa dang / bde mchog ste sham bde ba 'dam par byed pa ni g.yeng ba thams cad zad par byed pa'i phyir ro zhes pa bde mchog thig le'o/ /'on kyang rgyu sgom pa'i dbang dang 'bras bu mnyam par gzhag pa'i yid kyi dang yang dag pa'i sa bon thig le bsgom par bya ba'i yin gyi/ rang bzhin med pa nyid kyi rang gi ngo bor nges mi dpyod pa las ni min zhing / kun rdzob pa'i 'bras bu dang rgyu'i dngos po la sogs pa rnams de kho na nyid rnams su ste don dam pa pa rnams su lta ba sgro btags pa las 'di'i goms pa 'bras bu dang bcas pa ma yin no/ /bzlog pa kho na las de kho na nyid 'di rnams so zhes dbu ma'i snye mar nges par dpyad zin to/ /thig le'i rnal 'byor gzhan dang phra mo'i rnal 'byor gsal bar bya ba'i ched du yang dag pa'i sa bon nyid rtogs par byed de/ gzugs zhes pa la sogs pa'o/ /gzugs la sogs pa rnams srid pa 'khor ba ste de'i longs spyod ni gtso bor na reg bya'i bde ba'i ro myong ba'o/ /de'i dmigs pa sa bon lnga po ni 'di'i cha shas lnga rnams so zhes pa lnga pa ste sa bon rnams kyi tshogs pa'o/ /de rnams kyang rgyu dang rkyen rnams las 'byung ba'i sa dang chu dang me dang rlung dang nam mkha' rnams te lnga'o/ /nam mkha' ni 'dir bde ba'o/ /de rnams kho na sa bon rnams te/ ma'i mngal du ming dang gzugs kyi gnas skabs rnams skye mched drug la sogs pa'i dang / lang tsho la sogs par bu rgyud kyi dang / 'chi ba na bar do'i 'o/ /dmigs pa rnams kyang ste/ sa bon lnga po la dmigs nas rang gi bde ba ro myang ba skye ba'i phyir ro/ /'chi ba na ni de sdig pa can gyis nges par mi byed do zhes gsung ngo / /dang po'i nam mkha'i dmigs pa ni 'byung ba bzhi rnams te/ gnas skabs gsum du yang ngo zhes go sla ba nyid kyis ma gsungs so/ /kun gyi kun gyis ni/ sa bon lnga po rnams kun gyi yang kun gyis te/ chung ngu la sogs pa'i dbye bas so/ /rtsa ni a wa d+hU tI'o/ /mgo bo ni gtso bo'i gnas te/ gzhan du mi gnas pa ni ma yin no/ /'bab pa ni mngal gyi gnas so/ /sems can 'ga' zhig 'gyur te/ gang srid pa bar do'i gnas skabs su bud med kyi'am skyes pa'i 'dod chags kyis ji ltar rigs par bdag nyid kyi dga' ba'i bya ba lhag par mos nas nyon mongs pa dang las kyis 'phen pa las de spangs shing / pha dang ma snyoms par zhugs pa dag gi 'dzag pa 'dres pa'i zla ba dag kho na bsil ba'i 'od can nyid kyi phyir sems sgra gcan skye gnas kyi sgo nas rab tu zhugs te kun nas sbyor gyi/ nyi ma 'dres pa ni ma yin te/ 'od zer tsha ba'i rang bzhin nyid kyi phyir ro/ /ji ltar phyi rol gyi gnam stong gi mthar ri bong can nyi ma la zhugs pa'i phyir nyi ma gzas zin no zhes tha snyad byed pa de ltar nang ngo / /kha cig ni mchu'i sbrang rtsi 'jib pa la sogs pa'i tshul gyis kha nas zhugs nas 'dzag bzhin pa'i zla ba la 'khyud de phyi nas zla ba dang nyi ma gzhan dang 'dre'o/ /de skad du yang phyag rgya chen po thig le'i rgyud du gsungs pa/ sngon las rlung gi rnam shes ni/ /gang tshe glo bur du 'khyam zhing / /pha yi kha dang nye gnas pa/ /de tshe 'dod chags dbang du 'gyur/ /gang tshe mi mo zla mtshan ldan/ /me dang nyi ma 'byung gyur nas/ /de tshe shin tu chags pas non/ /rol rtsed 'dod pa lhur len 'gyur/ /bo lA ka k+ko la du phyogs na/ /pha yi kha ru rlung 'jug cing / /de tshe sa bon yang dag 'byung / /sa bon las ni sems can 'byung / /zhes so/ /rlung ni rnam par shes pa dang bcas pa'o/ /'ga' zhig ni skra nas 'dzin pa dang 'o byed pa la sogs pa'i tshul gyis rnam par snang mdzad kyi sgo nas te sngar bzhin du 'dre bar byed do/ kha'i sgo dang gser gyi sgor yang skyes pa las chags pas pha yir te/ bud med la ma yir ro/ /pha kho na yir te ma yir ni ma yin no zhes kha cig go/ /thams cad du mthar skye gnas kho nar 'jug go/ /de nyid kyi phyir 'di la dgongs nas lha 'ga' zhig la gser gyi sgo nas dri za'i sems can 'jug pa dang / 'ga' zhig la kha nas dang / 'ga' zhig la rnam pa gzhan du'o zhes bcom ldan 'das kyis rgyud rnams su rtogs par mdzad do/ /lang tsho la sogs par ni bde ba chen po'i 'khor lo la sogs pa rnams su gnas pa rnams gnas skabs ji lta bar 'bab po/ /khyad par du ni rtag tu ste rgyun mi 'chad par ro/ /rtsa ba ni rtsa rnams kyi ste lte ba'i 'khor lo'i mdud pa'i ngo bo rnams btsir ba las te 'phrul pa las ji ltar mos pa bzhin du gtum mo gsum las gang yang rung ba'i rnal 'byor gyis de rnams su rlung 'phrul par byed pa las so/ /ye shes rnam shes sa bon las ni stong pa nyid kyi ye shes dang snying rje'i rang bzhin gyi sa bon gyi rang bzhin gyis so/ /thig le yang khu ba'i bdag nyid mgo bo la gnas pa dang nA da yang rdul gyi ngo bo lte bar gnas pa ste/ yang dag ldan ni nA da steng du rab tu song ba las thig le dang 'dus pa'i phyir mgo bor 'bab bo/ /de'i rjes su de gnyis 'dres pa 'bab bzhin pa ni 'khor ba'i longs spyod 'dod pa'i kho na'i 'bab ste/ nor bu las phyi rol 'thob kyis 'jig rten las 'das pa'i bde ba phun sum tshogs pa la spro ba dang ldan pa'i ni ma yin te/ de'i lte bar thig le'i rnal 'byor goms pa las dang nor bu yang phra mo'i rnal 'byor goms pa las rim pas de mi 'gyur bar gyur cing 'jig rten las 'das pa'i bde ba chen po'i rang bzhin nye bar skye'o/ /de nyid gsungs pa yid kyis zhes pa la sogs pas so/ /yid kyis bzlas pa ni bsgom pa'o/ /sngags kyi yi ge smra ba dang bral ba'o/ /brtan pa ni gnas pa mi 'gyur ba'o/ /rang bzhin rtag pa nyid kyis na rtag pa ni chos kyi sku ste/ go 'phang longs spyod rdzogs pa la sogs pa gang gi rten yin pa de'i gnas ni gzhi ste/ 'di la brten nas bde ba'i ngo bo nyid kyi phyir ro/ /ther zug pa ni rang bzhin gyi rtag pa nyid kyis te/ de bzhin nyid kyi ngo bos so/ /kun rdzob pa'i ngo bos kyang rtag pa yang ste/ skad cig rgyun mi 'chad pa'i phyir ro/ /phra ba yang ste bden pa gnyis kyi ngo bo nyid kyi blo phra mos rig par bya ba nyid kyi phyir ro/ /mi g.yo ba yang ste sgrib pa thams cad dang bral ba'i phyir te/ sa bcu gcig pa la'o zhes khyad par gsal bar byed pa ni'o/ /snga ma'i gnas skabs su/ ye shes rnam shes dag thim par gyis te/ de'i bdag nyid kyis zhes sbyor ro/ /de'i tshe ni ye shes kyi rang bzhin gyis rnam par shes pa rdzogs pa'i byang chub kyi ste stong pa nyid dang snying rje'i rang bzhin 'jig rten las 'das pa'i byang chub sems kyi ngo bo de kho na nyid rtogs pa'i rim pa de rtogs pa'i mtshan ma rnams kyang rang nyid kyis yongs su gcad par bya zhing gzhan rnams la yang ji ltar rigs par bstan par bya'o/ /sems bskyed pa gzhan de rnams kyang gegs brten pa nye bar gyur pa med na brgyud nas sam dngos su gong ma'i rtogs pa bskyed par rung ba rnams su gsal bar byed de/ de la 'dun pa'i gnas skabs su mar me'i lta bu 'bar zhing ser ba'i snang ba yongs su thams cad kyis mthong ngo / /bsam pa'i gnas skabs su gcig nas gcig tu rab tu rgyu ba 'byung zhing 'jigs pa'i ser po nyid dang ldan pa'i phyir me khyer gyi rnam pa'i rdul rnams so/ /lhag pa'i bsam pa'i gnas skabs su rdul dkar po'i 'khor lo phyogs rnams su rab tu 'phro'o/ /de bzhin zhes pa ji ltar lhag pa'i bsam pa'i gnas skabs su rdul dkar po'i 'khor lo yin pa de ltar drod la ste/ khyad par ni 'dir nyon mongs phyung ba ste/ nyon mongs pa rnams cher son pa 'joms pa ste/ phra mo nyid ces pa'i don to/ /de ltar sems bskyed pa gnyis su mtshan ma gsum pa'o/ /rtse mo la 'dod pa'i khams par gyur pa'i lha'i longs spyod bya 'dod pa'i lha mo la sogs pa rnams kyang rang gi ngang gis 'dus pa rnams so/ /bzod pa la gzugs kyi mtho ris shin tu dang ba'i lus la sogs pa dang bsam gtan gyi bde ba la sogs pa yang lha rnams kyi bzhin te gzugs khams par gyur pa rnams kyi lta bur ro/ /mthong ba ni mthong bar byed pa'o/ /chos mchog la gzugs med longs spyod de/ 'khor 'ga' zhig tu gzhan gyi don la dgongs pas nam mkha' mtha' yas la sogs pa la snyoms par 'jug pa ni drug pa'o/ /mthong ba'i lam du rab tu dga' ba'i sa la chos kyi dbyings te de kho na nyid rtogs pa ni bdun pa'o/ /bsgom pa'i lam gyi bdag nyid can gyi dri ma med pa la sogs pa'i sa rnams su de kho na nyid mthong ba kho na bya dka' ba'o zhes dgongs pa las/ rang 'dod de 'bad pa chung ngus sangs rgyas nyid 'di'i don te dgos pa mchog yin pa ni rang dgar sangs rgyas nyid don la ma rtogs pa'i ngo bo dang 'bras bu yang ste/ de kho na nyid yang dag par byang chub pa ni brgyad pa'o/ /'di thams cad thig le'i rnal 'byor la sogs pa goms pa'i 'bras bu'o/ /de yang bskyed pa'i rim pas sngar rgyas pa dang bcas par brjod zin la/ rdzogs pa'i rim pas ni rgyas par 'chad par 'gyur ro/ /de ltar thabs kyi rgyud yan lag dang bcas pa las dngos grub gsungs shing / de yang rnam par dag pa'i ngo bo kho na'o zhes de'i dbang du byas nas 'bras bu'i rgyud bshad pa'i don du gsungs pa/ nyon cig ces pa la sogs pa ste/ rdo rje sems dpa' ni rdo rje snying po'o/ /rnam par dag pa las de bzhin nyid tha mi dad pa nyid kyi phyir rnam dag de bzhin nyid ces gsungs shing / rnam par dag zin pa'i de bzhin nyid ni rnam par dag pa'o zhes pa'i don yin gyi de bzhin nyid tsam ni rnam par dag pa ma yin te/ de bzhin nyid ni thams cad du thams cad kyi tshe yod pa'i phyir na/ thams cad kyang thams cad kyi tshe rnam par dag pa thal bar 'gyur ba'i phyir ro/ /de ltar thun mong du bshad nas khyad par du gsungs pa/ phyi nas zhes pa la sogs pa'o/ /yang khyad par gyi ngo bo gsungs te/ lha'i ngo bo nyid k yis na rnam par dag pa ni lha rnams dang 'brel pa can nyid kyi phyir lha rnams kyi zhes gsungs te de bzhin nyid rnam par dag par ni zhe sdang la sogs pa rnam par dag pa'i ngo bo dkyil 'khor gyi 'khor lo'i bdag nyid can bcom ldan 'das kyis 'gro ba'i don gsal bar 'gyur ba'i phyir ro/ /ci zhig rnam par dag par bya zhe na/ phung po khams dang skye mched rnams so/ /'o na gang rnam par ma dag pa de dag par byed mi nus te rnam par ma dag pa'i rang bzhin can nyid kyi phyir la/ gang dag pa de yang dag par bya ba ma yin te/ dag pa nyid kho na'i phyir ro zhes pas rnam par dag pa la 'bad pa don med pa'o zhe na/ gsungs pa/ rang bzhin gyis zhes pa la sogs pa'o/ /shes bya chos kyi dbyings la ye shes skye ba'i gegs su gyur pa'i sgrib pa nyon mongs pa can ma yin pa'i mi shes pa shes bya'i sgrib pa ste/ gang so sor rim gyis spangs pa las rim gyis byang chub sems dpa'i sa bcu rnams 'thob pa'o/ /nyon mongs pa ni 'dod chags la sogs pa rnams te nyon mongs pa'i sgrib pa'o/ /ci'i zhe na thar pa thob pa'i ste/ de la nyon mongs pas gegs byed par 'gyur te/ khyim du 'jug pa la sgo glegs bzhin no/ /ci ltar des gegs yin zhe na/ /de yod na de mi skye ba'i phyir ro/ /de rnams kyis bsgribs te dri ma can du zhes pa ni glo bur ba'i dri ma bsal ba las gser bzhin du rdzab kyi dri mas gos pa rnams sbyang bya'o/ /rnam par dag pa de kho na rgyas par ston pa rang zhes pa la sogs pa'o/ /stong pa nyid dang ro gcig pa kun rdzob pa'i rang rig pa bde ba chen po'i rang bzhin rnam par dag pa ste/ dag pa gzhan gyis min zhes pa 'di 'dra ba'i de bzhin nyid kyi rnam par dag pa med par dag pa gzhan gyis rnam par grol ba min no/ /'o na yul rnams rnam par dag par mi 'gyur te rang rig pa ma yin pa'i phyir ro zhe na/ gsungs pa/ yul rnams zhes pa la sogs pa ste/ 'di rnams dag pa nyid kyi phyir/ /rang gis rig bya bde ba mchog /'di rnams kyi bde ba chen po rang rig par bya ba kho na'o zhes pa'i don to/ /de nyid sgrub par byed pa gsungs pa/ gzugs zhes pa la sogs pa'o/ /rnam dag rang bzhin phyir zhes pa/ /gang phyir 'di rnams rnam par dag pa'i rang bzhin yin pa'i phyir ro/ /rnal 'byor par zhes pa rnal 'byor pa la'o/ /so sor snang gi rang dbang can du yod pa rnams ni ma yin te/ rnal 'byor pa'i shes pa 'di kho na ltar snang ba'o zhes pa'i don to/ /gal te 'di lta bu de ltar 'gyur mod/ de lta na yang ji ltar rnam par dag pa'i rang bzhin rnams yin zhe na/ gsungs pa/ gang phyir sna tshogs sangs rgyas dngos/ /zhes pa rnam par dag pa'i rnal 'byor pa sangs rgyas kho na sna tshogs pa'i ngo bor rnam par gnas pa'i phyir ro/ /'di skad bshad par 'gyur te/ rnal 'byor pa'i shes pa las nges par skyes pa nyid kyis na gzugs la sogs pa so sor snang ba rnams de'i rang bzhin kho nar brjod kyi/ de las gzhan pa nyid ni ma yin no/ /des na rnal 'byor pa'i rang rig pa de ltar rnam par dag pa na yul rnams kyang rang rig bya'i bdag nyid kyi dag par 'grub bo/ /'gro ba sangs rgyas kyi rang bzhin du rtogs par byas pa na rnam par ma dag pa ma mthong bas kye zhes pa la sogs pas zhu ba'o/ /gzung ba dang 'dzin par mngon par zhen pa ni mi shes pa'i sgrib pa'i gtso bor bstan zin te/ de med na nyon mongs pa'i sgrib pa yang med pa'i phyir ro/ /de'i phyir gzung ba dang 'dzin pa'i ngo bos gzugs la sogs pa rnams rnam par ma dag pa rnams so zhes brjod par bya'o/ /de rnams kyang ci'i slad du zhes pa la sogs pa'o/ /'o na nyon mongs pa rnams rnam par dag par 'dod pa ma yin na ma zhe na/ bden no/ /'o na ji ltar sgrib pa yin zhe na/ gzung ba dang 'dzin pa'i dngos po kho na las so/ /'o na de sgrib par 'gyur mod ce na/ ma yin te de rnams kyang de'i lhan cig 'gyur ba nyid kyis sgrib par byed pa'i phyir ro/ /gang phyir byams pa la sogs pa sgrib par bya ba rnams kyang sgrib pa'i ched du 'gyur ba ni ma yin zhing / 'dod chags la sogs pa rnams ni 'gyur ba kho na'o/ /gang rnal 'byor pa'i 'dod chags la sogs pa rnams thabs nyid du sgrub pa de ni yongs su shes pa'i khyad par las cha shas kyis ma bsgribs pa'i phyir ram thabs kyi khyad par gyi phyir te/ rnam pa gzhan du ma ni 'di rnams sgrib pa kho na'o/ /'o na gti mug rnam par dag par mi 'gyur te/ rtsa ba'i sgrib pa'i ngo bo'i phyir la/ gti mug rnam par dag par rnam par snang mdzad du yang 'dod do zhe na/ bden te gti mug gi ngo bo'i yid rnam par dag pas so zhes pa kho na'o/ /de'i ngo bo nyid med pa'i phyir ro/ /de lta na de'i ngo bo nyid rnam par dag pas 'gyur ba ma yin no zhe na bden te/ yang dag pa ma yin pa glo bur ba'i dri ma de'i rnam par dag pa ci zhes bya ste/ ri bong gi rwa'i bzhin no/ /de ltar thams cad rnam par dag pa na yongs su dag pas dkyil 'khor gyi 'khor lo'i ngo bo 'grub par 'gyur ro/ /gal te gzung ba dang 'dzin pa'i dngos po'i phyir rnam par dag pas na de'i tshe gzugs la sogs pa rnams bsten par bya ba ma yin no zhe na/ gsungs pa/ bsten bya zhes pa bsten par 'os pa rnams te/ 'dod pa'i yon tan lnga rnams med par stong pa nyid ni ro bro ba med pa kho nar 'gyur ro zhes dgongs pa'o/ /'o na de ltar stong pa nyid du 'gyur na ma yin te/ gzung ba dang 'dzin pa'i dngos po'i dug gis sun phyung ba nyid kyi phyir ro zhes gsungs pa/ dag pas dug med byas nas ni/ / zhes pa'o/ /rnam par dag pa de kho na shin tu ma yin pa ni bskyed pa'i rim pa la ltos pas rab tu gsungs pa/ gzugs zhes pa la sogs pa'o/ /rdo rje nyi ma ni rin chen 'byung ldan no/ /pad+ma gar dbang ni snang ba mtha' yas so/ /rdo rje rgyal po ni don yod grub pa'o/ /rdo rje sems dpa' ni 'dir chos kyi dbyings shin tu rnam par dag pa'i ye shes kyi rang bzhin no/ /kun gyi ngo bo zhes pa/ gzugs la sogs pa'i rang gi ngo bo thams cad 'di'i yin pa zhes pas gzugs la sogs pa'i rang bzhin nyid kho na he ru ka ste mi bskyod pa zhes pa'i don to/ /gti mug rdo rje ni gti mug 'jig par byed pa'i phyir sa'i snying po ste rnam par snang mdzad kyi rgyu mthun pa'o/ /zhe sdang rdo rje ni zhe sdang la zhe sdang ba'i phyir phyag na rdo rje ste mi bskyod pa'i rgyu mthun pa'o/ /phrag dog rdo rje ni phrag dog rnam par 'jig pa'i phyir nam mkha'i snying po ste rin chen dbang po'i rgyu mthun pa'o/ /'dod chags rdo rje ni 'dod chags pa thams cad 'jig pa'i phyir 'jig rten dbang po'i ste snang ba mtha' yas kyi rgyu mthun pa'o/ /kha ni gtso bo lce'o 'dis reg par byed do zhes pas reg byed ni lus so/ /ser sna rdo rje ni ser sna 'jig pa'i phyir sgrib pa thams cad rnam par sel ba ste/ don yod grub pa'i rgyu mthun pa'o/ /skye mched khams kun ni yid de skye mched thams cad kyi rjes su 'gro ba nyid kyi phyir ro/ /he ru ka ni kun du bzang po ste mi bskyod pa'i rgyu mthun no/ /rdo rje sems dpa'i rgyu mthun du yang 'di gzhan du bshad do zhes pa nang gi skye mched rnam par dag pa'i rang bzhin byang chub sems dpa' rnams te/ mngon par shes pa 'grub pa'i rgyu rnams so/ /zhi bas nad la sogs pa ltung par byed pa'i phyir ltung byed ma ni spyan ma'o/ /gsod byed ma ni mA ma kI'o/ /'gugs byed ma ni gos dkar mo'o/ /dbang du byed pa'i don du rnam pa sna tshogs pa'i gzugs rnams kyis gar byed pa'i phyir gar gyi dbang phyug ma ni sgrol ma'o/ /yang dag par 'dzin pa dang / lta bar byed pa dang mi dge ba bsregs pa dang bsod nams dang ye shes nye bar 'phel bar byed pa nyid kyis sa la sogs pa rnam par dag pa'i rang bzhin spyan ma la sogs pa bzhi rnams mngon par brjod do/ /ci ste sa la sogs pa rnams de kho na nyid ces gang brjod pa de ci ltar zhe na/ de bzhin nyid kyi lus kyis so zhes smra'o/ /longs spyod rdzogs pa'i skus bsdus pa'i phyi dang nang gi gang sa la sogs pa de rnams kyang de kho na nyid kho na ste/ shin tu rnam par dag pa'i ye shes kyi rang bzhin nyid kyi phyir ro/ /nang gi pad+ma gsal bar byed pa'i phyir pad+ma 'bar ba ma rdo rje snyems ma ni nam mkha'i khams te/ bde ba chen po'i ngo bo nyid kyi phyir dang chos thams cad stong pa nyid kyi ngo bo nyid kyi phyir ro/ /bcom ldan 'das kyis gang gsungs pa/ /nam mkha'i rdo rje dbyings dam tshig /de ni rdo rje 'dzin par bshad/ /ces so/ /rdo rje snyems ma yang rdo rje 'dzin pa las tha mi dad pa'i phyir rdo rje 'dzin par bshad ces gsungs so/ /de nyid kyi phyir bde ba chen po stong pa nyid dang ro gcig pa nyid kyis na spros pa'i 'khrug pa med pa'i phyir ma dkrugs las zhes gsungs so/ /de ltar na nang gi skye mched nyid kyis na mig la sogs pa rnams las gtso bo nyid kyi phyir 'byung ba rnams kyi rnam par dag pa gsungs so/ /'byung ba la brten pa nyid kyis na gtso bo ma yin pa nyid kyis 'byung ba las gyur pa gzugs la sogs pa phyi'i skye mched rnam par dag pa'i rang bzhin byang chub sems ma rnams te gzugs rdo rje ma la sogs pa'i lha mo rnams rig par bya'o/ /bcom ldan 'das kyis gang gsungs pa/ /gzugs kyi rdo rje ma sogs drug /rdo rje bdag po can zhes bshad/ /thugs gsung sku yi rdo rje yis/ /bdag nyid che rnams yang dag 'byung / /zhes so/ /rdo rje ste de bzhin gshegs pa rnams 'di rnams kyi bdag po rnams te longs spyod pa po nyid kyis so zhes de ltar gsungs so/ /rnam par dag pa'i gzugs la sogs pa'i rang bzhin nyid kyis 'di rnams de bzhin gshegs pa thams cad kyi longs spyad bya bla na med pa'i ngo bo nyid kho nar bstan to/ /de ltar phung po dang khams dang skye mched rnam par dag pa'i ngo bor de bzhin gshegs pa la sogs pa rnams gsungs so/ /de las gzhan pa dpag tu med pa rnams kyang 'di lta bu la sogs pa rnams rnam par shes par bya ste/ de rnams thams cad ni phung po la sogs pa rnam par dag pa las tha mi dad pa rnams so zhes pas 'di rnams mi bskyod pa la sogs pa'i sgo can du 'grub pa'o/ /'o na ci ltar mtha' yas pa yin zhe na/ dpag tu med pa'i dbye ba can gyi phung po la sogs pa tha dad par zhen pa'i sems can dpag tu med pa'i bsam pa'i dbang gis rten dang brten pa'i dkyil 'khor gyi bdag nyid dpag tu med pa'i tshul can rnams su 'di rnams 'char ba'i phyir ro/ /de ltar ni rten gyi dkyil 'khor ni de kho na nyid las rnam pa thams cad yongs su dag pa'i byang chub bo/ /byang chub de la gang rnam pa kun yongs su dag pa'i sems de ni nges pa'i don du na brten pa'i dkyil 'khor ro/ /de ltar ni 'di ni thun mong du lha'i de kho na nyid do/ /'dir ni lha thams cad shes rab dang thabs kyi bdag nyid can rnams so/ /de la shes rab kyi de kho na nyid ni zab mo nyid do/ /de 'ang rnam par mi rtog pa nyid kyi phyir ro/ /thabs kyi de kho na nyid na rgya che ba ste/ de yang rang dang gzhan gyi don phun sum tshogs pa la dbang ba nyid kyi phyir ro/ /rnam par mi rtog pa la dbang ba nyid de yang sems kho na'i dag pa'o/ /de'i phyir sems kho na lha thams cad kyi bdag nyid du dang snga ma yang rgyas pa dang bcas par bshad zin to/ /de ltar yang lha'i sgo nas dang de kho na nyid kyi sgo nas sems rab tu rgyas par byed pa na 'bras bur gyur pa pha rol tu phyin pa la sogs pa sangs rgyas kyi chos rnams 'thob kyi rnam pa gzhan du ni ma yin no/ /gal te rnam par shes pa tsam bsgoms na 'jig rten pa'i ting nge 'dzin tsam 'thob ste rnam shes mtha' yas skye mched pa bzhin no/ /ci ste stong pa nyid tsam bsgom pa de'i tshe yang nyan thos bzhin du mya ngan las 'das pa tsam gyi 'du shes can nyid du 'gyur te/ sangs rgyas kyi chos rnams yongs su sbyong ba med pa'i phyir ro/ /ci ste yang lha'i bdag nyid 'ba' zhig kho nar bsgoms na de lta na yang yongs su sbyang ba dman pa nyid kyi phyir de tsam gyis sangs rgyas nyid ma yin gyi dge bar ni 'gyur ro/ /ci ste stong pa nyid kyi ye shes bsgom gyi lha ma yin pa de lta na yang yun ring pos sangs rgyas nyid 'thob kyi myur du ma yin la/ gsum ka bsgom pa na ni shin tu dga' bar bya ba nyid kyi phyir dang byin rlabs kyi khyad par gyi phyir shin tu myur bar bla na med pa yang dag par rdzogs pa'i byang chub 'thob bo/ /de nyid kyi phyir mkha' 'gro ma rdo rje gur du gsungs pa/ tha mal nga rgyal gzhom don du/ /sgom pa yang dag rab tu bsgrags/ /zhes dang / slar yang 'on kyang mi gtsang ba'i lus sbyang ba'i slad du sangs rgyas kyi sku bsgom par bgyi'o zhes so/ /thun mong ma yin pa shin tu ba ma yin pa'i rnam par dag pa ni bskyed pa'i rim pa la gdul bya'i khyad par la dgongs nas rnam pa mang po gsungs te de 'dir ma spros so/ /rnam par dag pa'i snying po mdor bsdus pa'i rjes su 'brang ba'i shes rab chen po la de rab tu spros pas ci bya/ shes rab chen po'i dbang du byas pa kho nar rgyud kyi rgyal po 'di bstan to/ /de rab tu spros pa 'dod pa rnams rjes su gzung ba'i ched du rnam par dag pa rgyas pa dang bcas par bdag gis brjod do/ /de la phyogs bcur rgyu ba'i bgegs kyi tshogs mi 'jug pa la sogs pa'i don du dbye bar byar med pa'i chos nyid rnam par dag pas rdo rje rab la sogs pa'o/ /sdug bsngal dang kun 'byung ba dang 'gog pa dang lam dang zad pa dang mi skye ba dang chos dang rjes su shes pa dang kun rdzob dang yongs su 'dres pa shes pa zhes pa shes pa bcu rnam par dag pas 'khor lo'i rtsibs bcu pa'o/ /me long lta bu la sogs pa ye shes lnga dang rnam par byang ba nyid kyi phung po lnga zhes pa bcu rnam par dag pas khro bo bcu rnams so/ /me long lta bu la sogs pa bcu rnam par dag pas 'khor lo'i lte ba la gnas pa'i mgon po'o/ /gzhan gyi sems shes pa dang sgra ji bzhin shes pa dag la yang ngo zhes kha cig go/ /chos thams cad nam mkha'i rang bzhin rnam par dag pas mtha' yas pa'i phyogs kyi 'khor lor 'jug pa'i 'od zer sna tshogs dang chos 'byung ba'i phyag rgya'o/ /sku gsung thugs rnam par dag pas de'i zur gsum ste/ dbus su skyon gyis mgos pa'i chos nyid rnam par dag pas 'dab ma sna tshogs pa'i pad+ma'o/ /stong pa nyid kyi rang bzhin nyid kyis na dbyer med pa'i ye shes lnga rnam par dag pas sna tshogs rdo rje'o/ /rten cing 'brel bar 'byung ba'i yan lag bcu gnyis 'byed pa rnam par dag pas rwa bcu gnyis so/ /'jig tshogs la lta ba'i ri'i rtse mo mtho ba nyi shu 'joms pa rnam par dag pas rwa nyi shu pa yang ngo / /de'i lte ba la byang chub kyi sems rnam par dag pas zla ba'i dkyil 'khor ro/ /der rnam par snang mdzad rig ma dang bcas pa rnam par dag pas ye shes lnga rnam par dag pa'i kha dog lnga pa'i rin po che'i khang pa brtsegs pa thar pa chen po'i grong khyer gyi rang bzhin no/ /de yang de bzhin gshegs pa dang so so skye bo dag de kho na nyid du na gnyis su med pa'i rang bzhin nyid kyis mi mnyam pa med pa gsal bar byed pa rnam par dag pas dang 'phags pa'i bden pa bzhi rnam par dag pas gru bzhi pa'o/ /tshangs pa'i gnas bzhi rnam par dag pas zur bzhi'o/ /dran pa nye bar gzhag pa bzhi rnam par dag pas shar gyi sgo'o/ /yang dag par spong ba bzhi rnam par dag pas lho'i sgo'o/ /rdzu 'phrul gyi rkang pa bzhi rnam par dag pas nub kyi sgo'o/ /dad pa la sogs pa dbang po lnga rnam par dag pas byang gi sgo'o/ /bsdu ba'i dngos po bzhi rnam par dag pas sam stong pa dang mtshan med pa dang smon pa med pa dang mngon par 'du mi byed pa rnam par dag pas kyang sgo bzhi'o/ /sgo nyid ni byang chub kyi thabs nyid kyi phyir ro/ /dad pa la sogs pa stobs lnga rnam par dag pas tshon lnga'i rtsig pa rnams so/ /rdzu 'phrul gyi rkang pa bzhi rnam par dag pas sgo khyud rnams so zhes klu'i blo'i zhabs so/ /'phags pa'i lam yan lag brgyad rnam par dag pas sgo'i ka ba brgyad rnams so/ /sangs rgyas kyi yon tan thams cad kyis nye bar bstan pa'i phyir yan lag rnams ni ka ba rnam par dag pa rnams so/ /de skad du yang klu'i blo'i zhabs kyis rnam par thar pa brgyad po ka bar 'gyur zhes gsungs nas/ 'phags lam yan lag brgyad po nyid/ /ka ba brgyad po zhes par bshad/ /ces gsungs so/ /bde mchog gi dkyil 'khor du ni/ /sangs rgyas kun gyi snying po ches/ /rtag tu ka bar gyur pa rnams/ /'phags lam yan lag brgyad po ni/ /ka ba brgyad po zhes par bshad/ /ces so/ /de'i steng du so so yang dag par rig pa bzhi rnam par dag pas gdung bzhi ste/ /gzhan gyi don gyi khur khur bar nus pa nyid kyi phyir ro/ /dpa' bar 'gro ba dang nam mkha'i mdzod dang dri ma med pa'i phyag rgya dang / seng ge rnam par rtsen pa ste ting nge 'dzin bzhi rnam par dag pas stegs bu bzhi'o/ /de rnams su gnas pa rnams ni bzod pa dang chos dang don dang sngags kyi gzugs rnam par dag pas mchod pa'i yo byad sna tshogs pas phyag gi yal ga brel ba'i lha mo rnams so/ /'gro ba'i re ba sna tshogs rdzogs par byed pa rnam par dag pas/ rin po che ma lus pas rnam par spras pa'i rgyan rnam par bkra ba rnams so/ /gdul bya'i dbang gis phyung ba mdo dang dbyangs kyis bsnyad pa dang lung du bstan pa dang tshigs su bcad pa dang ched du brjod pa dang gleng gzhi dang rtogs pa brjod pa dang de lta bu byung ba dang skyes pa'i rabs dang / shin tu rgyas pa dang rmad du byung ba dang gtan la phab pa bstan pa zhes bya ba yan lag bcu gnyis thams cad du 'gro ba dam pa'i chos kyi sgra rnam par dag pas rlung gis bskyod pa'i ba dan dang dril bu'i sgra rnams so/ /ji ltar rigs par 'gro ba'i 'khor ba'i gdung ba zhi ba dag pas gdugs rnams so/ /rnam par rtog pa ma lus pa nub par 'gro na yang bsod nams ji lta bar sna tshogs pa'i rin po che la sogs pa rnams kyis gzhan don phun sum tshogs pa sgrub pa dag pas bum pa bzang po dang dpag bsam gyi shing rnams so/ /nyon mongs pa'i rtsa ba bton pas 'jig rten las 'das pa'i bsgom pa'i lam rnam par dag pas dra ba rnams so/ /nyon mongs pa gnon pa'i phyir 'jig rten pa'i bsgom pa'i lam rnam par dag pas dra ba phyed pa rnams so/ /byang chub kyi sems rnam par dag pas zla ba rnams so/ /shes rab ye shes rnam par dag pas nyi ma rnams so/ /de bzhin gshegs pa'i lam gyi ye shes rnam par dag pas rnga yab rnams so/ /byang chub kyi yan lag gi me tog phun sum tshogs pa rnam par dag pas me tog gi phreng ba rnams so/ /me long ye shes rnam par dag pas me long ngo / / de skad du yang thams cad gsang ba'i rgyud du gsungs pa/ gang zhig do shal yang dag bshad/ /nyon mongs thams cad gcod pa'o/ /nyon mongs 'phrog pa dra ba ste/ /yang dag gcod dang spong las so/ /rnam par gnon dang spong ba ni/ /tshogs gnyis kyi ni sbyor ba las/ /nyon mongs rnams kyi phyed 'phrog pa/ /dra ba phyed pa zhes par bshad/ /rang bzhin 'od gsal dag pa yi/ /byang chub sems ni bla na med/ /sems can kun don 'byung ba ni/ /zla ba'i dkyil 'khor brjod par bya/ /shes rab ye shes rang bzhin dag/ /rdo rje lta bu'i ting 'dzin skyes/ /thar pa'i snang ba gzi brjid che/ /nyi ma'i dkyil 'khor du brjod bya/ /sgrib pa gnyis las rnam grol zhing / /ting 'dzin ye shes kyis byas pa/ /lam gyi ye shes khyad par ni/ /rnga yab ces ni yang dag bshad/ /byang chub yan lag bdun phreng ba/ / de bzhin me tog thag pa bkod/ /ces so/ /rags pa dang phra ba dang bar ma'i blo can gyi gdul bya rnams la ji ltar 'os pas chos ston pa la 'bab pa rnam par dag pas rtse mo dud pa'i ba ku la'i phreng ba'o/ /'jig rten las 'das pa mchog tu dkar ba'i chos btsugs pa rnam par dag pas mda' yab rnams so/ /bsam gtan bzhi rnam par dag pas rta babs bzhi rnams so/ /gdul bya rnams la ston pa'i chos kyi 'khor lo bskor ba'i mi mthun phyogs gcod pa rnam par dag pas chos kyi 'khor lo'o/ /de'i rtsibs rnams phyogs gcig la brgyad rnams ni sdug bsngal dang kun 'byung dang 'gog pa dang lam dang kun rdzob dang don dam pa dang 'jig rten pa dang 'jig rten las 'das pa'i chos rnam par dag pas so/ /phyogs gzhan la bcu gnyis rnams ni/ /sdug bsngal shes par bya ba dang shes pa dang slar shes par byar med pa dang / kun 'byung spang bar bya ba dang spangs pa dang / slar spang bar byar med pa dang / 'gog pa mngon du bya ba dang byas zin pa dang slar mngon du byar med pa dang / lam bsgom par bya ba dang bsgoms zin pa dang slar sgom du med pa zhes pa chos kyi 'khor lo bskor ba rnam pa bcu gnyis yongs su dag pa ste/ rten cing 'brel bar 'byung ba'i yan lag bcu gnyis dag pas kyang ngo / /seng ge bzhin du tshugs pa med pa nyid na yang tshad ma yongs s u dag pa'i chos bstan pa'i dang bsdu ba'i dngos po rnams kyis rab tu dang ba las mgrin pa gyen du bteg cing chos dang dad pa'i rjes su 'brang ba'i mu stegs ngan pa'i ri dgas dang ri dgas mos tshol bar rung ba chos kyi 'khor lo'o zhes mngon par dgongs pa rnam par dag pas mgrin pa gyen du bteg pa'i ri dgas dang ri dgas mo'o/ /ngo tsha shes pa dang khrel yod pa rnam par dag pas bla re dang gos dang phreng ba la sogs pa rnams so/ /yang dag pa'i ye shes kyi snang ba rnam par dag pas 'od zer 'bar ba'o/ /dur khrod brgyad rnams ni rnam pa thams cad pa'i sems rang bzhin med pa nyid rnam par dag pa ste/ mig la sogs pa lnga dang kun gzhi dang yid dang nyon mongs pa can gyi yid de rnam par shes pa gnas gyur pa rnam par dag pas kyang ngo / /rtsig pa'i nang gi dkyil 'khor du zur thig gnyis kyi bar gyi dkar po'i sa gzhi dang steng gi g.yogs ni rnam par snang mdzad rnam par dag pa'o/ /ser po ni rin chen 'byung ldan dag pas so/ /dmar po snang ba mtha' yas dag pas so/ /ljang gu don yod grub pa dag pas so/ /nag po mi bskyod pa dag pas so/ /rnam par thar pa brgyad rnam par dag pas 'khor lo la sogs pa'i ka ba brgyad rnams so/ /rnam par thar pa rnams ni 'di rnams kyis gnas pa'i phyir 'phags pa'i gnas pa rnams te/ de'i phyir gnas pa'i bde ba rnams kyis nye bar ston pa'i phyir 'di rnams ka ba rnam par dag pa rnams so/ /rnam par thar pa brgyad gang yin/ /de rnams rta babs ka bar bshad/ /ces pa gtsug lag go/ /yang dag spong ba bzhi po ni/ /rta babs ka bar yang dag 'byung / /zhes bde mchog gi dkyil 'khor du bshad do/ /phyogs thams cad du dus gsum pa'i rdzogs pa'i sangs rgyas rnams kyi rdo rje theg pa'i chos gsungs pa gang de rnam par dag pas ka ba brgyad kyi steng du rdo rje'i phreng ba'o/ /de bzhin gshegs pa'i de bzhin nyid la 'gro ba mtha' dag tha mi dad par brjod cing der son pa'i skyon gyis ma gos pa rnam par dag pas gdan gyi mtsho skyes rnams so/ /zhi ba la sogs pa'i las thams cad rnam par dag pas 'dab ma sna tshogs rnams te/ zhi ba la sogs pa'i las thams cad rnam par dag pas dkar po la sogs pa'i kha dog rnams so/ /sems can mtha' dag gi rgyud du gtogs pa'i ma rig pa'i mun pa sel zhing / mi dge ba'i 'dam skam par byed la byang chub sems kyi myu gu yongs su smin par byed pa'i shes rab rnam par dag pas gdan gyi nyi ma'i dkyil 'khor rnams so/ /sems can thams cad kyi nyon mongs pa'i gdung ba zhi zhing dge ba'i rtsa ba'i myu gu nye bar rtas par byed pa'i snying rje chen po rnam par dag pas gdan gyi zla ba'i dkyil 'khor rnams so/ /ji ltar rigs par chags pa chen po'i tshul ston pa'i bdag po nyid rnam par dag pas khrag gis gang ba'i thod pa'i gdan rnams so/ /kha cig tu gdan 'jigs byed la sogs pa dang kha cig tu tshangs pa la sogs pa dang kha cig tu 'dod lha la sogs pa dang kha cig tu ro ni rang bzhin med pa dang gnyis su med pa'i de kho na nyid kyi skyon rtsad nas 'don pa rnam par dag pas so/ /nga rgyal rtsad nas bton pa dang mu stegs ngan pa'i ri dgas zil gyis gnon pa dang zil gyis mi non pa'i de kho na nyid rtogs pa rnam par dag pas seng ge'i gdan no/ /gti mug rtsa ba nas med pa rnam par dag pas glang po che'o/ /'dod chags zhi ba rnam par dag pas rin po che'o/ /zhe sdang 'joms pa rnam par dag pas sprul lo/ /tshe la dbang ba nyid la sogs pas 'chi ba dang nad rnams zhi bar byed pa rnam par dag pas ma he'o/ /gnyis su med pa'i de kho na nyid la dbang ba nyid rnam par dag pas rdo rje'o/ /nye bar spyod pas gsum spong ba las thugs dang gsung dang sku rnam par dag pas rim pa bzhin du nag po dang dmar po dang dkar po'i 'khor lo'i gdan rnams so/ /de rnams kyi rtsibs rnams ni nyon mongs pa spong ba rnam par dag pas so/ /de las gzhan pa'i glo bur ba'i dri ma spong ba rnam par dag pas 'khor lo'i mu khyud la gnas pa'i rdo rje dang chu skyes dang 'khor lo'i phreng ba rnams so/ /thugs rjes brlan pa nyid kyis bsod nams dang ye shes kyi tshogs kyi bdud rtsis yongs su gang ba dag pas bum pa gang ba brgyad do/ /phyin ci ma log pa las gzugs la sogs pa rnam par dag pas bla na med cing mtha' yas pa'i 'dod pa'i yon tan lnga rnams te/ /gar dang glu la sogs pa bde ba chen po 'phel ba bskyed pa rnams so/ /chos kyi dbyings shin tu rnam par dag pa'i rgyu mthun pa phun sum tshogs pa rnam par dag pas nye bar spyod pa lnga dpag tu med pa rnams so/ /kha cig tu gsungs pa ni chos kyi sgron ma rnam par dag pas mar me'o/ /grags pa rnam par dag pas dri bzang dang / chos kyi zas rnam par dag pas lha bshos so zhes te/ rten dkyil 'khor gyi rnam par dag pa'o// //de la brten pa'i lha'i rnam par dag pa yang rgyud rnams su rnam pa mang por bstan te/ de la rnam par shes pa'i phung po dang zhe sdang dang shin tu rnam par dag pa'i chos kyi dbyings rnam par dag pa mi bskyod pa'o/ /gzugs kyi phung po dang gti mug dang me long ye shes rnam par dag pa rnam par snang mdzad do/ /tshor ba'i phung po dang nga rgyal dang / mnyam pa nyid kyi ye shes rnam par dag pa ni rin chen 'byung ldan no/ /'du shes kyi phung po dang 'dod chags dang so sor rtog pa'i ye shes rnam par dag pa 'od dpag med do/ /'du byed kyi phung po dang phrag dog dang bya ba grub pa'i ye shes rnam par dag pa don yod grub pa'o/ /sa'i khams dang las kyi phyag rgya dang sprul pa'i 'khor lo dang rnam par thar pa'i sgo stong pa nyid dang snying rje chen po dang thabs kyi pha rol tu phyin pa dang sa ring du song ba rnam par dag pa spyan ma'o/ /chu'i khams dang chos kyi phyag rgya dang chos kyi 'khor lo dang mtshan ma med pa rnam par thar pa'i sgo dang byams pa dang smon lam gyi pha rol tu phyin pa dang sa mi g.yo ba rnam par dag pa mA ma kI'o/ /me'i khams dang phyag rgya chen po dang longs spyod rdzogs pa'i 'khor lo dang dga' ba dang smon pa med pa rnam par thar pa'i sgo dang stobs kyi pha rol tu phyin pa dang sa legs pa'i blo gros rnam par dag pas gos dkar mo'o/ / rlung gi khams dang dam tshig gi phyag rgya dang bde ba chen po'i 'khor lo dang / btang snyoms dang mngon par 'du mi byed pa rnam par thar pa'i sgo dang ye shes kyi pha rol tu phyin pa dang sa chos kyi sprin rnam par dag pas sgrol ma'o/ /sbyin pa'i pha rol tu phyin pa dang rab tu dga' ba'i sa rnam par dag pas gzugs rdo rje ma'o/ /tshul khrims kyi pha rol tu phyin pa dang sa dri ma med pa rnam par dag pa'i rang bzhin sgra rdo rje ma'o/ /bzod pa'i pha rol tu phyin pa dang sa 'od byed pa rnam par dag pas dri rdo rje ma'o/ /brtson 'grus kyi pha rol tu phyin pa dang sa 'od 'phro ba rnam par dag pas rdo rje ma'o/ /bsam gtan gyi pha rol tu phyin pa dang sa sbyang dka' ba rnam par dag pas reg rdo rje ma'o/ /shes rab kyi pha rol tu phyin pa dang sa mngon du gyur pa rnam par dag pa'i rang bzhin chos kyi dbyings kyi rdo rje ma'o/ /stobs bcu rnam par dag pa yang lha mo bcu po rnams so/ /ma dad pa dang 'chi bdag gi bdud dang shes bya'i sgrib pa spong ba'i phyir dad pa la sogs pa rnam par dag pas gshin rje mthar byed do/ /le lo dang lha'i bu'i bdud dang nyon mongs pa'i sgrib pa bzlog pas brtson 'grus la sogs pa rnam par dag pa shes rab mthar byed do/ /brjed ngas pa dang phung po'i bdud dang skye ba'i sgrib pa spong ba'i phyir dran pa la sogs pa rnam par dag pa'i rang bzhin pad+ma mthar byed do/ /rnam par g.yeng ba dang nyon mongs pa'i bdud dang las kyi sgrib pa dang bral ba'i phyir ting nge 'dzin la sogs pa rnam par dag pa ni bgegs mthar byed do/ /mi 'jigs pa bzhi rnam par dag pas kyang sgo skyong bzhi po rnams so/ /de bzhin nyid dang yang dag pa'i ye shes dang nam mkha'i khams dang chos kyi dbyings rnam par dag pas rdo rje sems dpa'o zhes pa 'jam pa'i rdo rje'i dkyil 'khor du'o/ /bsdus pa'i rim pa'i dkyil 'khor du yang de bzhin te/ khyad par ni chos kyi dbyings kyi rdo rje ma med do/ /mig dang rna ba dang sna dang lce dang lus dang yid dang rtsa dang tshigs dag pas rim pa ji lta bar sa'i snying po dang phyag na rdo rje dang nam mkha'i snying po dang 'jig rten dbang phyug dang sgrib pa thams cad rnam par sel ba dang 'jam dpal dang byams pa dang kun du bzang po rnams so/ /g.yas dang c ig shos kyi lag pa dang kha dang rdo rje dang g.yas dang cig shos kyi rtsib logs dang g.yas pa dang cig shos kyi pus mo dang spyi gtsug dang rkang pa'i mtha' gnyis rnam par dag pas rim pa ji ltar bar gshin rje mthar byed dang gzhan gyis mi thub pa dang rta mgrin dang bgegs mthar byed dang mi g.yo ba dang 'dod pa'i rgyal po dang dbyug po sngon po dang stobs po che dang gtsug tor 'khor los sgyur ba dang gnod mdzes rgyal po'o/ /stobs bcu rnam par dag pa yang 'di rnams te rab tu dga' ba la sogs pas bcu rnam par dag pa yang ngo / /sa kun du 'od rnam par dag pa rdo rje sems dpa'o/ /rgyud 'dir ni rdo rje sems dpa'i dkyil 'khor la zag pa med pa'i bde ba chen po rnam par dag pas ri rab ste/ sangs rgyas kyi chos rnams de la brten pa'i phyir ro/ / srung ba'i 'khor lor sngar bzhin te/ shes rab dang stobs dang sa bcu rnam par dag pa khro bo rnams so/ /dbus kyi rim pa'i lha dgu sngar bzhin rnam par dag pa'o/ /sgo skyong bzhin du sgo skyong ma rnams so/ /chos dang don dang nges pa'i tshig dang spobs pa so so yang dag par rig pa bzhi rnam par dag pas rdo rje drag mo la sogs pa bzhi rnams so/ /sbyin pa dang snyan par smra ba dang don spyod pa dang don mthun pa ste/ bsdu pa'i dngos po bzhi rnam par dag pas rdo rje gnod sbyin mo la sogs pa bzhi rnams so/ /sa bcu dang rdzu 'phrul dang lha'i mig dang lha'i rna ba dang gzhan gyi sems shes pa dang sngon gyi gnas rjes su dran pa dang zag pa zad pa ste mngon par shes pa drug rnam par dag pas bzhad ma la sogs pa lha mo bcu drug rnams so/ /tshe dang sems dang yo byad dang las dang skye ba dang mos pa rnams dang / smon lam dang rdzu 'phrul dang chos rnams dang ye shes la dbang bzhes pa dbang bcu dang pha rol tu phyin pa drug rnam par dag pas kyang 'di rnams so/ /phyogs gzhan la byams pa la sogs pa snga ma bzhin du rnam par dag pa'o/ /rig pa'i rgyal po'i dkyil 'khor du ni/ dam tshig dang sku dang gsung dang thugs kyi 'phar ma la gnas pa'i lha rnams rim pa ji lta bar don yod grub pa dang rnam par snang mdzad dang / 'od dpag tu med pa dang mi bskyod pa rnam par dag pa rnams so/ /bde ba chen po'i 'phar ma la gnas pa bzhi po rnams rin chen dbang po rnam par dag pa rnams so/ /bcom ldan 'das ni mi bskyod pa rnam par dag pas te/ rdo rje phag mo ni rdo rje sems dpa' rnam par dag pas so/ /gnyis ka dag pas bcom ldan 'das te/ rdo rje phag mo ni rnam par snang mdzad rnam par dag pa'o zhes kyang rnam par gzhag go/ /rnam par gzhag pa gzhan yang mkha' 'gro ma dang lA ma dang du ma skyes ma dang gzugs can ma dang / gshin rje 'joms ma dang gshin rje mche ba ma dang gshin rje sreg ma dang gshin rje pho nya ma dang / rab tu gtum mo dang gtum pa'i mig can ma dang 'od ldan ma dang sna chen ma dang dpa' bo'i blo can ma dang mi'u thung ma dang lang+ka'i dbang phyug ma dang / shing grib ma dang / sa srung ma dang 'jigs byed chen mo dang rlung shugs ma dang chang 'thung ma dang / lha mo sngo bsangs ma dang shin tu bzang mo dang 'khor lo'i go cha ma dang chang 'tshong ma dang / mkha' 'gro gdong ma dang 'khor lo'i shugs can ma dang dum skyes ma dang rta rna ma dang shin tu dpa' mo dang stobs chen ma dang 'khor los sgyur ma dang brtson 'grus chen mo dang / khwa gdong ma dang 'ug gdong ma dang khyi gdong ma dang phag gdong ma dang dpal he ru ka rdo rje rnams rim pa ji lta bar lus dran pa nye bar gzhag pa la sogs pa byang chub kyi phyogs kyi chos sum cu rtsa bdun rnam par dag pa rnams so/ /de bzhin nyid dag pas rdo rje phag mo'o/ /rang rang gi shes rab ma snying rje chen po dang ro gcig pa rnams kyi dag pa gang yin pa de 'dra ba kho na ni de 'dra ba'i rang bzhin can dpa' bo nyi shu rtsa bzhi rnams kyi dag pa'o/ /bdag gis byas pa'i dpal bde mchog gi mngon par rtogs par bshad pa'i rim pas/ mgo bo dang spyi gtsug la sogs pa'i rtsa dang so dang sen mo la sogs pa rnam par dag pas kyang lha mo sum cu rtsa bdun rnams dang dpa' bo nyi shu rtsa bzhi rnams so/ /rnam par gzhag pa gzhan yang thugs rje chen po dang mngon par shes pa drug dang / sangs rgyas kyi chos ma 'dres pa bco brgyad rnam par dag pas rim pa bzhin du bde mchog la sogs pa'i dpa' bo nyi shu rtsa lnga rnams te/ shes rab kyi ye shes dang / byams pa dang snying rje dang dga' ba dang btang snyoms tshad med pa bzhi rnams dang / smon lam mkhyen pa dang bsam gtan bzhi dang gzugs med pa bzhi dang 'gog pa'i snyoms par 'jug pa ste dgu rnams dang / sa dang chu dang / me dang / rlung dang / sngon po dang / ser po dang / dmar po dang / dkar po dang / nam mkha' dang / rnam par shes pa ste/ 'di rnams kyis kun nas rgyas par byed pa'i phyir zad par rnams su brjod cing yang dang yang du mi snang bar gyur nas kyang mthong bar bya ba la sogs pa'i zad par bcu rnams dang / nyon mongs pa'i bag chags rnams thams cad kyi rten dang shin tu bral zhing bdag gi dngos po yang / ji ltar bzhed par len pa dang gnas pa dang 'chi 'pho ba rnams la dbang sgyur ba rnam pa thams cad du gnas yongs su dag pa dang / dmigs pa rnams thams cad sprul pa dang yongs su sgyur ba dang yang dag par mkhyen pa rnams la dbang sgyur ba dmigs pa rnam pa thams cad yongs su dag pa dang / sems kyi gnas ngan len thams cad dang bral zhing sems la yang rnam pa thams cad pa'i dge ba'i rtsa ba nye bar sog pa sems rnam pa thams cad du yongs su dag pa dang / ma rig pa'i phyogs kyi gnas ngan len thams cad dang bral zhing shes bya thams cad shes pa la dbang sgyur ba rnam pa thams cad du ye shes yongs su dag pa/ zhes pa dag pa bzhi rnams dang / mngon par rdzogs par byang chub pa dang zag pa zad pa dang bar chad kyi chos rnams dang nges par 'byung ba'i chos rnams la/ seng ge bzhin du dogs pa med pa nyid kyis rigs par gsungs pa nyid mi 'jigs pa rnam pa bzhi dang / bsdu ba'i dngos po bzhi rnams zhes pa sum cu rtsa bdun rnam par dag pas/ rim pa ji lta bar rdo rje phag mo la sogs pa gshin rje 'joms ma'i mthar thug pa'i lha mo rnams so/ /kye'i rdo rje'i dkyil 'khor du ni/ gau rI la sogs pa bzhi rnams rnam par snang mdzad la sogs pa bzhin du rnam par dag go/ /gzugs la sogs pa yul dag pas kyang 'di rnams so/ /puk+ka sI la sogs pa bzhi rnams spyan ma la sogs pa dang 'dra bar rnam par dag pa'o/ /sha dang khrag dang khu ba dang rkang dang tshil bu dag rnam par dag pas kyang 'di rnams so/ /mi bskyod pa bzhin du he ru ka ste/ reg bya dag pa yang ngo / /chos thams cad bdag med pa nyid dang chos kyi dbyings kyi yul dag pas bdag med ma'o/ /sgo skyong ma rnams ni sgo skyong bzhin rnam par dag pa'o/ /gling bu ma la sogs pa bzhi rnams bsdu ba'i dngos po bzhi rnam par dag pa'o/ /bdag med ma'i dkyil 'khor du rdo rje ma dang gau rI dang / chu ma dang rdo rje mkha' 'gro ma dang bdag med ma rnams rnam par snang mdzad la sogs pa'i rang bzhin rnams so/ /phyi'i 'phar ma la gau rI la sogs pa rnams gzugs la sogs pa'i yul dag pa ste/ reg bya dag pa rnams kyang ngo / /snga ma bzhin du bdag med ma'o/ /sa spyod ma dang mkha' spyod ma dag srid pa dang mya ngan las 'das pa dag go zhes pa khyad par ro/ /bcom ldan 'das sangs rgyas thod pa dang rdo rje 'jigs byed dang / gshin rje gshed dang rdo rje bdud rtsi dang sgyu 'phrul chen mo la sogs pa rnams kyi dang / de dang de'i dkyil 'khor pa'i lha rnams kyis yang bshad pa'i rjes su 'brangs pa las dang rgyud ji lta bar yang brtag par bya ba'i dag pa rnams shes rab can rnams kyis rnam par shes par bya'o/ /thams cad du yang lha rnams kyi gnyis su med pa'i de kho na nyid rnam par dag pas sku'i mchod sdong gcig dang zhal gcig go/ /lam yon po min pa rnam par dag pas sku drang ba'o/ /chos dang longs spyod rdzogs pa dang sprul pa'i sku dag pas sku gsum 'khyog pa'o/ /chos nyid kyi sku las 'byung ba'i sku gzhan gsum dag pas mgrin pa gsum mo/ /ro gcig pa'i yang sku bzhi gdul bya'i ngor phye nas bstan pa dag pas mgrin pa bzhi rnams so/ /de bzhin gshegs pa lnga dag pas mgrin pa lnga rnams so/ /de bzhin gshegs pa drug dag pas mgrin pa drug rnams so/ /so sor stong pa nyid dang snying rje ro gcig pa bde ba chen po dag pas shes rab dang thabs snyoms par 'jug pa'o/ /gang gsungs pa/ lha mo bde chen thugs rje'i bdag nyid can/ / zhes so/ /don dam pa'i shes rab dang thabs dag dbyer med pa dag pas phyed mi mo'i dbang phyug ma nyid dang sku phyed gzugs gzhan pa nyid do/ /stong pa nyid rtogs pa dag pas rna ba phug pa'o/ /srid pa ma'i bdag po la sogs pa rnams kyis ma phug pa'i de kho na nyid rtogs pa dag pas rna ba ma phug pa'o/ /kun rdzob dang don dam pa'i bden pa rnam par dag pas zhabs gnyis dang phyag gnyis so/ /bsdu ba'i dngos po bzhi rnam par dag pas zhabs bzhi rnams so/ /dga' ba bzhi rnam par dag pas phyag bzhi rnams so/ /pha rol tu phyin pa drug rnam par dag pas zhabs dang phyag drug rnams so/ /rnam par thar pa brgyad dag pas zhal brgyad rnams so/ /stobs bcu dag pas bcu'o/ /rten cing 'brel bar 'byung ba yan lag bcu gnyis po 'gog pa dag pas bcu gnyis so/ /pha rol tu phyin pa bcu dang kun rdzob dang don dam pa'i bden pa dang nyon mongs pa dang shes bya'i sgrib pa rnam par dag pas bcu bzhi'o/ /stong pa nyid bcu drug dag pas bcu drug go/ /sangs rgyas kyi chos ma 'dres pa bco brgyad dag pas bco brgyad do/ /de rnams dang sgrib pa gnyis te nyi shu dag pas nyi shu'o/ /de rnams dang mi 'jigs pa rnams zhes pa nyi shu rtsa gnyis dag pas nyi shu rtsa gnyis so/ /de rnams dang dbang po drug rnams zhes pa nyi shu rtsa bzhi dag pas nyi shu rtsa bzhi'o/ /de rnams dang yul drug dang sems dang sems las byung ba zhes pa nyi shu rtsa drug dag pas nyi shu rtsa drug go/ /de rnams dang stobs bcu rnams zhes pa nyi shu rtsa brgyad dag pas nyi shu rtsa brgyad do/ /de rnams dang skye mched bcu gnyis rnams zhes pa sum cu rnam par dag pas sum cu'o/ /de rnams dang stobs rnams dang mi 'jigs pa rnams dang zhes pa sum cu rtsa gnyis dag pas sum cu rtsa gnyis so/ /khams bco brgyad dang bden pa gnyis dang stobs dang mi 'jigs pa rnam par dag pas sum cu rtsa bzhi'o/ /gdug pa dang bdud thams cad rnam par 'joms pa dang / 'jig par byed pa rnam par dag pas g.yas brkyang dang g.yas brkyang gi zla bo dang sa ga dang zlum po dang mnyam pa'i zhabs stabs la sogs pa rnams dang / rdo rje'i gdan la sogs pa rnams so/ /'gro ba stong pa nyid du kun nas myong ba nyid gsal bar byed pa dag pas g.yas brkyang gi zhabs nyid do zhes kha cig go/ /'jig rten gsum dmigs pa med pa nyid du mtshon pa dag pas skyil krung phyed pa nyid do/ /thams cad du sgro btags pa dang bral ba'i snying rje chen po'i chags pa dag pas zhabs kyi mthe bong gi rtse mo cung zad gdan la reg pa'o/ /bden pa gnyis dag pas spyan gnyis so/ /rnam pa thams cad pa'i dus gsum gzigs pa dag pas spyan gsum rnams so/ /sku gsung thugs rnam par dag pas zhal gsum rnams so/ /rnam par thar pa bzhi dag pas bzhi rnams so/ /sku lnga dag pas lnga'o/ /mngon par shes pa drug dag pas drug rnams so/ /de rnams dang gnyis su med pa'i ye shes zhes pa bdun dag pas bdun rnams so/ /rnam par thar pa brgyad dag pas brgyad rnams so/ /'dir rnam par thar pa brgyad dang stobs dang ma 'dres pa la sogs pa rnams thub pa'i dgongs pa'i rgyan du rnam par phye bas ma phye ste btags pa la 'thag pas ci zhig ces pa'o/ /me long lta bu la sogs pa ye shes lnga dang dga' ba bzhi dag pas dgu'o/ /rab tu zhi ba nyid kyi phyir sgrib pa gnyis dag pas zhal zhi ba'o/ /bde ba chen po'i dga' ston dag pas 'dzum pa dang bcas pa'o/ /bdud bzhi 'joms pa'i dgongs pa dag pas gad rgyangs dang bcas par bzhad pa'o/ /log par lta ba spangs pa las rnam par 'gyur ba'o/ /bdud bzhi 'joms pa las mche ba gtsigs shing 'jigs pa'o/ /zhi ba dang rgyas pa dang dbang dang mngon spyod dang las thams cad dag pas dkar po dang ser po dang dmar po dang nag po dang ljang gu'i kha dog rnams te/ lta stangs kyi bye brag rnams kyang ngo / /byams pa rnam par dag pas kyang yan lag nag po nyid do/ /snying rjes kyang dmar po nyid do/ /byang chub kyi yan lag bdun dag pas pags pa'o/ /rtogs pa bsags pa bla na med cing dpag tu med pa'i chos kyi phung po dag pas ral ba'i thor gtsug gyen du brdzes pa nyid do/ /gdug pa 'dul ba dag pas dbu skra dmar ser gyen du brdzes pa'o/ /de kho na nyid gnyis su med pa'i chos kyi phung po brgyad khri bzhi stong rnam par spro ba dag pas skra'i tshogs grol ba'o/ /bden pa gnyis rgyas pa ston pa dag pas dbu skra'i phon po gnyis byas pa'o/ /bde ba chen po'i ting nge 'dzin dag pas sgeg pa dang bcas par dbu skra bcings pa'o/ /'gro ba thams cad stong pa nyid kyis gsal ba zhes mtshon pa dag pas ral pa gcig pa'o/ /chos dang longs spyod rdzogs pa dang sprul pa'i sku dag pas zur phud gsum rnams so/ /me long lta bu la sogs pa'i ye shes lnga dag pas zur phud lnga pa'o/ / ye shes sna tshogs pa rnams kyis 'gro ba'i don byed pa nyid dag pas dbu skra sna tshogs rdo rjes mnan pa'o/ /yid bzhin gyi rin po che bzhin du rnam par mi rtog pa nyid na yang bsod nams ji lta ba bzhin du gzhan gyi don phun sum tshogs par byed pa dag pas ral ba'i thor gtsug gi steng na yid bzhin gyi nor bu'o/ /gtsug tor ji srid par mi 'gyur ba'i byang chub sems kyi cha yis khyab pa rnam par dag pas zla ba'o/ /me long lta bu la sogs pa'i ye shes lnga dag pas dpral bar rdo rje'i phreng ba'o/ /rigs lnga'i rnam par rtog pa dag pas dpral ba'i steng du thod pa lnga rnams so/ /mi bskyod pa dang 'od dpag med dang rin chen dbang po dang rtag pa dang don yod dag pas 'khor lo can dang rna rgyan dang mgul rgyan dang gdu bu dang ske rags rnams so/ /rdo rje sems dpa' dag pas thal ba ste/ yan lag thams cad la byugs pa ni byang chub kyi sems kyis yan lag thams cad la khyab pa nyid gsal bar byed pa'o/ /tshangs pa ni mya ngan las 'das pa ste/ de rnam par dag pas tshangs pa'i skud pa'o/ /A li dang kA li'i yi ge lnga bcu dag pas mi mgo lnga bcu'i phreng ba'o/ /ye shes lnga po ro mnyam par gyur pa dag pas rdo rje rtse lnga pa'o/ /de dang spyan ma la sogs pa bzhi dag pa dang lhan cig pas rtse mo dgu pa'o/ /sku gsung thugs dag pas rtse mo gsum pa'o/ / stong pa nyid dang snying rje dbyer med pa dag pas rtse gcig pa'o/ /shes rab kyi pha rol tu phyin pa dag pas rdo rje'i dril bu'o/ /rgyas par rdo rje dang dril bu dag gi dag pa ni 'chad par 'gyur ro/ /gti mug dag pas glang po che'i pags pa brgyangs pa dang tshangs pa'i pags pa'o/ /'dod chags dag pas dbang phyug chen po'i pags pa'o/ /zhe sdang dag pas khyab 'jug gi pags pa'o/ /bgegs nye bar bcom pa dag pas tshogs kyi bdag po'i pags pa'o/ /'jig rten las 'das pa'i phul du dbyung du med pa'i phun sum tshogs pa'i bdag po nyid rnam par dag pas dbang po'i pags pa'o/ /thams cad la dbang sgyur ba nyid dag pas 'dod lha'i pags pa'o/ /sgrib pa thams cad dag pas rgyal ba'i pags pa'o/ /chos kyi phung po brgyad khri bzhi stong dag pa dang mchog tu dga' ba dag pas cang te'u ste/ de'i sgras sangs rgyas thams cad yang dag par bskul ba'i phyir ro/ /lus ngag sems kyi skyon gcod pa dag pas dgra sta'o/ /dngos po dang dngos po med pa'i rnam par rtog pa gcod pa'i shes rab dag pas gri gug go/ /srid pa gsum gyi nyon mongs pa 'joms pa dag pas rtse gsum pa'o/ /byang chub kyi sems dag pas kha T+wAM ga'o/ /bde ba chen po dang snying rje'i ro dag pa dang bdud bzhi dag pas khrag gis gang ba'i thod pa'o/ /yang dag pa'i ye shes kyis 'ching ba dag pa dang dam tshig thams cad kyis 'ching ba dag pas rdo rje zhags pa'o/ /spros pa med pa'i thar pa dag pas tshangs pa'i mgo bo'o/ /gzhan la rag ma las pa'i thar pa dag pas dbang phyug gi mgo bo'o/ /yul dang dus dang lus gzhan rnams la tshangs pa gcig sgro btags pa las log pa'i thar pa dag pas khyab 'jug gi mgo bo'o/ /bdud bzhi gzhan du 'gyur ba dag pas bdud bzhi'i mgo bo'o/ /'dod chags la sogs pa dag pas stag gi pags pa'o/ /ser sna dag pas nya ro hi ta'o/ /gti mug dag pas phag pa'o/ /phrag dog dag pas rus sbal lo/ /zhe sdang dag pas sbrul lo/ /'dod chags dag pas rnal 'byor gyi snod do/ /byang chub kyi sems dag pas dge slong ngo / /dran pa nyams pa dag pas gsil byed do/ /bgegs thams cad 'byed par byed pa dag pas thong gshol lo/ /chos thams cad mnyam pa nyid kyis dbye ba la sdig pa dag pas sdigs mdzub bo/ /glo dang dbugs mi bde ba dang smyo ba dang zad byed dang mdze dang bi rdzi ka dang / lus 'phrog dang skran dag pas/ glang po dang rta dang bong bu dang ba lang dang rnga mo dang / mi dang sha ra b+ha dang phyi la rnams te/ sems can rnams kyi glo la sogs pa bsal nas so/ /dbang phyug gi dngos grub thams cad dag pas sa dang chu dang rlung dang me dang zla ba dang nyi ma dang gshin rje dang nor sbyin rnams so/ /gdug pa'i log 'dren thams cad gcod pa dag pas ral gri'o/ /gdug pa dang log 'dren thams cad brdung ba dag pas gtun shing ngo / /yi dags la sogs pa thams cad bskul ba dag pas ba dan no/ /mi mthun phyogs thams cad brdung ba dag pas dbyug pa'o/ /mngon par 'dod pa'i don 'gugs pa dag pas lcags kyu'o/ /bdud thams cad brdung ba dag pas rdo rje tho ba'o/ /bdud kyi 'khor thams cad zil gyis gnon pa dag pas mda'o/ /gdug pa can thams cad bsdigs pa dag pas gzhu'o/ /bdud kyi rjes su spyod pa thams cad gsod pa dag pas sha k+ti'o/ /'gro ba'i mig skal ba bzang ba'i mtshan nyid la sogs pa phun sum tshogs pa dag pas ut+pala'o/ /'gro ba'i yid 'phrog pa lhan cig skyes pa'i lus kyi dri bzang po dag pas nA ga gser gyi me tog go/ /sems can thams cad dga' bar byed pa dag pas gling bu la sogs pa'i rol cha rnams so/ /de ltar rdo rje rab la sogs pa'i rnam par dag pa 'di rnams dpal mchog dang po dang rdo rje rtse mo la sogs pa rnal 'byor dang rnal 'byor ma'i rgyud rnams su gsal bar mdzad pa dag gis phye ba'o/ /de las gzhan gzhal yas khang gi dbye ba rnams dang lha'i bye brag rnams dang de'i gdan dang dbyibs dang sku mdog dang zhal dang rgyan dang mtshan ma dang zhabs dang phyag dang mtshon cha'i khyad par rnams kyi rnam par dag pa dpag tu med pa rnams yod mod/ de rnams la 'ga' zhig brjod zin pa'i rjes su 'brang bas brtag par bya ste/ rnam par dbye bar nus na yang gzhung mangs pas 'jigs pas ngal bso'o/ /de ltar shin tu ba'i yang khyad par gyi rnam par dag pa rgyas par bstan pa rtogs par bya'o/ /de dang 'di kho na nges par rim pa gnyis ga la yang mnyam par gzhag pa dang mnyam par ma bzhag pa'i rnal 'byor dag la lhag par mos par bya'o/ /phung po la sogs pa rnams lha'i ngo bor mnyam par ma bzhag pa'i rnal 'byor la mos par bya'o/ /mnyam par gzhag pa'i rnal 'byor la lha rnams kho na de rnams rnam par dag pa'i ngo bor mos par bya'o/ /de ltar rtag tu lhag par mos pa'i dngos grub ni de kho na nyid gcig tu mthar thug pa'i rnal 'byor pa la 'gyur gyi/ lha'i rnam pa tsam du rtog pa po la ni ma yin no/ /de kho na nyid shes pas dman pa la ni nam yang dngos grub srid pa ma yin pas so/ /de kho na nyid kyang stong pa nyid dang snying rje ro gcig pa'o/ /de nyid kyi phyir nye bar sdud te de ltar shes pa la sogs pa'o/ /nyon mongs la sogs pas yul nye ba la sogs pa thob nas so/ /gang lus de bskyed pa'i cha de bskyed pa'i rim pa dang nye bar blang bya nyid kyis na rdzogs pa'i rim pa la yang brten nas lha'i bdag nyid du gyur pa ni srid pa yongs su shes pa kho na mya ngan 'das yin zhes pa'i rig pa las/ srid pa'i mya ngan las 'das pa ni srid pa mya ngan las 'das pa de/ /shes rab dang / snying rje dag gis 'khor ba dang / zhi ba dag la mi gnas pa 'thob po/ /skye ba dang 'jig pa la brten nas zhes 'don pa la ni/ skye ba dang 'chi ba la brten nas lus gang yin pa'o zhes sbrel bar bya'o/ /dpal yang dag par sbyor ba'i rgyud kyi rgya cher 'grel ba/ man ngag gi snye mar snye ma bco brgyad pa'o/ / //rim pa gnyis la mngon du phyogs par gyur na yang spyod pa med na phyag rgya chen po'i dngos grub ma yin zhes spyod pa mdor bstan pa gsungs pa/ de nas zhes pa la sogs pa'o/ /lus dang ngag dang yid rnams kyi bya ba khyad par can ni spyod pa'o/ /lus dang ngag dag kyang sems rnam par dag pa kho nas dag pa nyid kyi phyir sems kyi spyod pa ni spyod pa gzhan las mchog nyid kyis na yang dag pa'o/ /gang gi phyir rnam par rtog pa'i bar du gcod pa ma lus pa 'dul bar nus pa kun rdzob pa'i gzugs kyi phung po la sogs pa chos thams cad kyi rang gi ngo bos yang dag pa don dam pa la gsal bar gyur pa ste/ ji skad du gsungs pa/ gang zhig rten cing 'brel 'byung ba/ /de ni stong pa nyid du bshad/ /de ni brten nas gdags pa ste/ /de nyid dbu ma'i la ma yin no/ /zhes so/ /de nyid spyod pa ni de kho na nyid bsgom pa'i khyad par can gyi go 'phang 'di'o/ /bla na med pa ni nyan thos kyi theg pa dang gong ma dang bcas pa'i theg pa chen po bya ba'i rgyud la sogs pa'i spyod pa rnams las mchog nyid kyi phyir ro/ /phan pa ni rdo rje 'dzin pa nyid do/ /de'i don du ste/ rnam par g.yeng ba rnams bsal nas gang brtan par gyur pa'i sems rgyud do/ /de nyid du ste yang dag pa ji lta ba'i phyir ro/ /yan lag med ni 'dod pa mi 'gyur ba'i bde ba chen po dang / rdo rje stong pa nyid 'di'i yin pa'am/ ma rig pa la sogs pa yan lag bcu gnyis dang bral ba'i phyir yan lag med pa'i rdo rje ni rdo rje 'dzin pa ste des gsungs pa'o zhes sbrel bar bya'o/ /shes rab kyi pha rol tu phyin pa ni stong pa nyid dang snying rje gnyis su med pa'i ye shes so/ /mchog ni 'jig rten las 'das pa'i phyir ro/ /gru ni gzings so/ /dge ba ni thar pa ste 'khor ba'i pha rol lo/ /shin tu spros pa med pa'i spyod pa yin pa nyid kyi phyir na spyod pa gzhan la ltos nas myur du dngos grub byed pa ste/ skye ba 'di kho na la rang gi ngo bo yongs su sgyur ba'i phyir ro/ /spros pa dang bcas pa dang spros pa med pa dang shin tu spros pa med pa'i spyod pa rnams ni rim pa ji lta bar bud shing dang tA la'i 'dab ma dang ras bal sreg pa'i dus bzhin du yun ring ba dang yun mi ring ba dang myur bar 'grub pa'i rgyu nyid du spyod bsdus su gsungs so/ /bzang po ni phul du dbyung du med pa'i bde ba dang ldan pa'i phyir ro/ /yid 'ong ba ni thabs sla ba nyid kyi phyir ro/ /yon tan kun gyi gnas ni mngon par shes pa la sogs pa rnams bskyed pa'i phyir ro/ /sems kyi rin chen ni byang chub kyi sems te/ de'i ngo bo chags pa dang bral ba las yang dag par rab tu byung ba rang dang gzhan gyi don phun sum tshogs pa bskyed pa'o/ /ldog pa'i sgo nas gsungs pa/ 'di med ces pa la sogs pa'o/ /rjes su 'gro ba'i sgo nas gsungs pa/ 'di zhes pa la sogs pa'o/ /sdig 'joms zhes pa/ ji ltar mar me'i snye ma phra mos kyang phug gi mun pa yun ring du bsags pa yang skad cig gis 'joms pa de ltar rnal 'byor 'dis kyang yun ring por bsags pa'i nyes pa'i tshogs chen po yang ngo / /byang chub kyi sems la 'jug pa na ni kha na ma tho ba thams cad rnam par dag pa la the tshom med do/ /ji skad du de bzhin gshegs pa'i gsang ba'i mdzod kyi mdor gsungs pa 'od srungs gang pha yang yin la rang sangs rgyas kyang yin pa de srog dang phral ba 'di ni srog gcod pa rnams kyi che ba'o/ /'di lta ste dkon mchog gsum gyi dkor 'phrog pa 'di ni ma byin par len pa rnams kyi che ba'o/ /ma yang yin la dgra bcom ma yang yin pa de la bgrod pa 'di ni 'dod pas log par g.yem pa rnams kyi che ba'o nas/ ji srid du 'od srungs mi dge ba'i las kyi lam bcu po 'di rnams thams cad ni kha na ma tho ba dang bcas pa chen po rnams te/ 'od srungs de gal te sems can gcig kha na ma tho ba dang bcas pa chen po'i las kyi lam bcu po 'di rnams dang ldan par gyur la/ de yang de bzhin gshegs pa'i chos ston pa rgyu dang rkyen dang ldan pa la 'jug cing nas ji srid du/ 'di ltar ma byas pa mngon par 'dus ma byas pa sgyu ma'i chos nyid la 'jug go nas/ ji srid du sems can de ngan 'gror 'gro ba rang mi smra'o dang ji srid du gang 'di ltar lhag par mos par 'gyur ba/ de la ni nam yang ltung ba'am ltung ba'i gnas med do/ /de ci'i phyir zhe na/ gang sgrib pa med pa la ltung ba gnas par byed pa ni gnas med cing go skabs med de/ 'di ni gnas yod pa ma yin no zhes pa'i bar du'o/ /de'i phyir shes rab dang thabs las byung ba gnyis su med pa'i ye shes kyi rang bzhin bsgom pa kho na sdig pa thams cad dag par byed pa shin tu legs pa thams cad byed pa'o/ /ji skad du 'phags pas gsungs pa/ gang rnams rnam par dben pa zhes/ /g.yo ba'i yid kyang mi g.yo ba/ /de rnams nyon mongs sbrul dkrigs pa'i/ /srid pa'i rgya mtsho 'jigs pa brgal/ /zhes so/ /byang chub kyi spyod pa la 'jug pa la yang / /sdig pa shin tu mi bzad byas na yang / /dpa' la brten nas 'jigs pa chen po ltar/ /gang la brten nas yud kyis sgrol de la/ /mi shes sems can rnams kyis cis mi brten/ /zhes so/ /go 'phang ni byang chub ste/ gzhan gyi don gyi phun sum tshogs pa rnams kyi thabs bla na med pa nyid kyi phyir ro/ /a wa d+hU tI yis te kun du rtog pa mtha' dag nges par spong bas spyod pa'o/ / de nyid kyi phyir gsungs pa/ 'di ltar zhes pa la sogs pa ste/ sdig pa la 'gong ba'i phyir bzang ba'o/ /rigs kyi dngos po dang dngos po med pa la sogs pa'i rnam par rtog pa lam du byed pa'i phyir bsam mi khyab bo/ /rang dang gzhan gyi phun sum tshogs pa'i rten nyid kyi phyir gnas so/ /nyan thos la sogs pa rnams kyi spyod yul ma yin pa nyid kyi phyir shin tu gsang ba'o/ /dam tshig ni rgyas par ston par 'gyur ro/ /'o na rnam pa 'di lta bu'i rgyun mi 'chad par 'byung ba'i rnal 'byor sgrub par dka'o zhes dogs par byas nas spyod pa'i rim pa mdor ston te/ dang po zhes pa la sogs pa'o/ /'dra ba 'byung ba ni rgyu mthun pa'o/ /thos pa dang bsam pa la sogs pa rnams kyi rgyu mthun gyi 'bras bu ni sgom pa ste/ de'i rang gi ngo bo la rgyun mi 'chad pa nyid du gnas par 'gyur ro/ /de ltar yang yul dang dus kyi bye brag la mnyam par gzhag pa dang mnyam par ma bzhag pa'i rnal 'byor gyi gnas skabs dag tu goms pa'i bye brag las rnal 'byor rgyun mi 'chad par 'byung ba'i don du/ brtag pa gnyis par gsungs pa/ dang po goms par byed dus kyi/ / gnas ni bzang po rnam brtags pa/ /gang du gnas pa'i sngags pa sems/ /gcig tu mnyam gzhag 'grub 'gyur ba'o/ /rang gi khyim du mtshan dus su/ /bdag ni grub pa'o zhes sems kyis/ /bsgom bya zhes so/ /de las gnas skabs gnyis ka la yang bar ma chad par bsgom pa brtan pa nyid kyi phyir ro/ /sgom pa zhum pas ni nges pa'i gnas la sogs pa bsdus pa las/ rang gi 'dun pa zhes pa la sogs pa 'chad par 'gyur ba'i rim pas byis pa bzhin du gnas par bya'o/ /de la yang rnal 'byor rab tu gyur pa la 'dod par bya ba'i gzugs su 'dul bar rung ba'i skye bo la 'gyur ro/ /bla na med pa'i spyod pa nyid mdor bstan pa rgyas par 'chad pa/ dngos grub ces pa la sogs pa'o/ /ji skad gsungs pa ni bya ba dang spyod pa'i rgyud la sogs pa rnams su'o/ /de rnams su ni so sor nges pa'i spyod pas so sor nges pa'i bsgrub par bya ba re re 'grub bo zhes gsungs so/ /'di ni mnyam med las te phyag rgya chen po las 'grub pa kho na'i spyod pa'o/ /kun du bzang po ni dngos grub rnam pa thams cad 'di las 'byung ba'i phyir ro/ /gang cung zad tshangs pa la sogs pa pa lang rdzi'i bar gyi sems can gyi rgyud la yod pa'i ye shes sam ting nge 'dzin gzhan la phan pa'i thabs su gyur pa de thams cad de nyid du ste/ de ni thabs kun gyi rang bzhin yin pa nyid kyi phyir ro/ /ji skad du/ dpal 'dus par gsungs pa/ de bzhin gshegs pa thams cad kyi sku dang gsung dang thugs kyi dngos grub rnams kyi bcom ldan 'das ci la gnas lags/ bka' stsal pa/ sku gsum gyi gsang ba sku dang gsung dang thugs ni rdo rje slob dpon gyi sku dang gsung dang thugs la gnas so/ /sku dang gsung dang thugs rdo rje ci la gnas/ ci la yang ma yin no zhes te/ stong pa nyid kyi rang bzhin nyid kyi phyir ro zhes pa dgongs pa'o/ /gzhan du yang gsungs pa/ 'di de rnal 'byor mchog de'i phyir/ /de bzhin gshegs rnams kyis phyag 'os/ /de las rab byung sbyor ba ni/ /mtha' yas pa rnams rab tu grags/ /de phyir lha yi ting 'dzin rnams/ /mtha' yas pa rnams yang dag 'byung / /phyag rgya dkyil 'khor gsang sngags rnams/ /rnal 'byor de las rnam dag nyid/ /zhi ba rgyas pa nyid kyi las/ /sngags las skyes pa gzhan gang yang / /chu bo gang+gA'i bye ma'i grangs/ /ji snyed dngos grub phra mo dang / /phyag rgya'i dngos grub gzhan nyid rnams/ /ji snyed sa la rnam grags pa/ /rnal 'byor 'di la skyes pa ru/ /thugs kyi rdo rjes gsungs pa yin/ / zhes so/ /shes rab dang thabs kyi rang bzhin gnyis su med pa'i ye shes bsgom pa 'di kho na don dam pa'i sngags kyi spyod pa ste/ de skad du yang 'dus pa phyi mar/ gang gang dbang po yul rnams kyis/ /brten nas bskyed par bya ba'i yid/ /yid de ma na na zhes bshad/ /tra yig skyob pa'i don las te/ 'jig rten spyod las nges grol ba'i/ /dam tshig sdom pa gang gsungs pa/ /skyob pa rdo rje thams cad kyi/ /sngags kyi spyod pa zhes par gsungs/ /zhes so/ /dbang po la sogs pa byed par gyur pa rnams kyi gang yid de ni yid kyi ngo bo ste ma na zhes bshad do/ /man shes pa la'o zhes pa'i byings bklags pa las/ stong pa nyid kyi ye shes ma na'o/ /de'i sgrib pa gnyis spangs pas kun du bzang po nyid thob pa ni/ skyob pa'i don las te yongs su mi stong pa'i don gyis tra'o/ /stong pa nyid dang snying rje dbyer med pa'i ye shes kho na sngags so zhes pa'i don te de'i spyod pa'o/ /'jig rten yang rnam pa gnyis te byis pa dang 'phags pa'o/ /de la byis pa'i spyod pa las nges par grol ba ni dam tshig rnams so/ /'phags pa'i las grol ba ni 'dod pa rnams so/ / de rnams skyong ba ni kun du spyod pa'o/ /rdo rje thams cad kyis ni rnal 'byor gyi ngo bo'i de bzhin gshegs pa rnams kyis so/ /sngags kyi spyod pa'i yan lag nyid kyis na sngags kyi spyod pa ste/ dper na oM la sogs pa kun rdzob pa'i sngags bzhin no/ /gzhan min zhes pa spyod pa gzhan ni kun du bzang po ma yin zhing / de'i phyir bla na med pa ma yin no/ /yang na min zhes klog pa ni/ yang na 'di spyod pa ma yin te/ don dam par spyod pa med pa'i ngo bo nyid kyi phyir ro zhes bshad par bya'o/ /gsungs pa ni shes rab kyi pha rol tu phyin pa la nga spyod do shes rab [(]gyi [,]kyi [)]pha rol tu phyin pa la spyod pa ma yin no zhes pa la sogs pa'o/ /dang po zhes pa la sogs pa'i rgyas par ston pa gsungs pa/ phyag byas zhes pa la sogs pa'o/ /slob dpon rdo rje can ni bla ma'o/ /gsang ba sba bar bya ba'i spyod pa ji ltar gzhan rnams kyis mi shes pa ltar de dang por bsten par bya ste/ phun sum tshogs pa thams cad kyi rgyu nyid kyi phyir ro/ /gang 'phags pas gsungs pa/ de ltar shes nas rnal 'byor pas/ /dogs med bya ba thams cad spyod/ /sbas pa'i brtul zhugs bsgrub byas nas/ /phun sum tshogs pa thams cad 'grub/ /ces so/ /bya ba byas pa ni rnal 'byor phul du byung ba thob pa nyid kyi phyir ro/ /gang brtag pa gnyis par gsungs pa/ rtag tu goms pa'i rnal 'byor gyis/ /mnyam par gzhag pa dngos grub thob/ /zla ba gcig tu gsang la spyod/ /ji srid phyag rgya ma thob par/ /zhes so/ /dngos grub ni 'dir rnal 'byor phul du byung ba sems brtan pa nyid la sogs pa'i ngo bo'o/ /de nyid kyi phyir blo gros che ste/ gzhan gyi don la mngon par dga' ba'i bsam pa can nyid kyi phyir ro/ /'di ltar lhag par mos pa rnams la yang rang don la rjes su chags pa'i dri ma'i skabs yod pa ma yin pa'i phyir ro/ /de nyid kyi phyir gsungs pa/ dogs pa kun las phyi rol phyogs/ /zhes pa'o/ /ral pa can bzhin ni seng ge bzhin du 'jigs pa'i dogs pa med pa'o/ /yang dag lta ba ni gnyis su med pa'i ye shes so/ /sems brtan pa ni yang dag pa'i lta ba la the tshom med pa nyid kyi phyir ro/ /gnas med ni gnas ma nges pa nyid kyi phyir ro/ /rmi lam sgyu ma'i dpe gnyis ni rang bzhin med par ro gcig cing kun rdzob tu sna tshogs su snang bar mtshungs pa nyid kyis don gcig kyang 'ga' zhig la 'ga' zhig rab tu grub pa'o zhes gsungs pa'o/ /sgrib pa kun dang lhan cig ces tshig sdud do/ /sgrib pa ni 'dir chung ma la sogs pa kun nas 'dzin pa'o/ /brgyad rnams ni rnyed pa dang ma rnyed pa dang grags pa dang grags pa min pa dang bstod pa dang smad pa dang bde ba dang sdug bsngal rnams so/ /rnam mi rtog ni dgra dang bshes dang btang snyoms pa la sogs pa'i rtog pa las grol ba'o/ /gang gi phyir gnyis med ni dgra la sogs pa dang bral ba'o/ /nges pa byas pa ni/ sangs rgyas dngos grub rab 'grub rnams/ /zhes pa dang 'brel lo/ /med ces pa sems can rnams sgyu ma bzhin du yod pa dang med pa la sogs pa'i rtog pa'i spyod yul nyid du mi rung ba'i phyir ro/ /phyogs las rnam par rgyal ba'i spyod pa'i mtshan nyid bshad par bya zhing / myur du dngos grub byed pa zhes pa rgyas par 'chad de/ shes rab ces pa la sogs pa'o/ /dam tshig bsrung ba med par dngos grub cung zad kyang med do zhes pa de gsungs pa/ rtog pa thams cad ces pa la sogs pa ste/ rtog pa thams cad ni phyi rol gyi 'jig rten gyi rnam par rtog pa'o/ /de nyid kyi phyir gsungs pa/ sgyu ma zhes pa la sogs pa'o/ /thams cad ni gzugs la sogs pa'o/ /'di mi 'dod pa'i rnam par smin pa can ma yin no zhes gsungs pa/ chos zhes pa la sogs pa ste/ chos kyi dbyings las te rang bzhin gyis yongs su dag pa las dang chos kyi dbyings kyi ngo bos byung ba rnams te gzugs la sogs pa'i 'dod pa rnams kyang rang bzhin yongs su dag pa rnams te/ sa bon dang rjes su mthun pa nyid kyi phyir dang de'i ngo bo nyid kyi phyir ro/ / rang bzhin gyis yongs su dag par lhag par dmigs pa kho nas dam tshig bsten par bya'o zhes pa'i don to/ /ji ltar 'dod pa bzhin du 'dod pa thams cad la nye bar longs spyod pa tsam gyis dngos grub tu 'gyur ba ni med do/ /bskal ba bye ba brgya yis kyang / / de nyid dman rnams 'grub ma yin/ /zhes gsungs pa'i phyir ro/ /'o na 'dod chags la sogs pa rnams log par ltung ba'i chos su gsungs pa ma yin nam zhe na/ bden te nyan thos kyi theg par dang gong ma dang bcas pa'i theg pa chen por ro/ /theg pa mchog 'di ni bla na med pa ste/ 'di la tshul gzhan dang 'gal ba ma yin no/ /der ni de ltar ma rtogs pa'i phyir de ltar gsungs shing / 'dir ni gnyis su med pa'i ye shes las yang dag par byung ba'i sems kyi spyod pa de'i rang bzhin rnams thams cad de ltar rtogs pa las sangs rgyas nyid kyi ched du nye bar ston te ji skad du dpal 'dus par gsungs pa/ 'dod pa kun la longs spyod cing / /ji ltar 'dod par bsten pa yis/ /rang lhag lha yi rnal 'byor gyis/ /rang dang gzhan la mchod par bya/ /dka' thub sdug bsngal nges rnams kyis/ /bsten pas 'grub par mi 'gyur te/ /'dod pa thams cad longs spyod pas/ /bsten pas myur du 'grub par 'gyur/ /zhes so/ /dka' thub ni smyung bar gnas pa la sogs pa rnams so/ /sdug bsngal nges pa ni nas tsam gyi zas za ba la sogs pa rnams so/ /de rnams ni sdug bsngal gyi rgyu nyid kyis na/ ting nge 'dzin gyi yan lag ma yin pa nyid kyi phyir te/ sdug bsngal las ni sems g.yengs byed/ /g.yengs pas byang chub gzhan du 'gyur/ /zhes pa'i rigs pa las dang / 'dod pa kun la bsten pa de/ /lus sogs bde bar gnas pa yis/ /byang chub 'thob cing bde gyur pa'i/ /sems ni mnyam par 'jog par byed/ /ces pa'i rigs pa las so/ /ji ltar byang chub sems dpa' rnams kyis dka' ba'i spyod pa spyad ces brjod par bya ba yang ma yin te/ byang chub sems dpa' rnams kyang sngags kyi spyod pa mchog spyod pa kho nar gyur pa rnams 'dod pa thams cad nye bar spyod pas sangs rgyas nyid lhag par rtogs kyi/ dka' ba spyod pas ni ma yin zhing de spyad nas kyang mthar thug pa na sngags kyi spyad pa spyod pa kho na las de rnams kyang 'grub pa'i phyir ro/ /gang srid pa tha ma'i byang chub sems dpar gyur pa'i bcom ldan 'das kyis dka' ba'i spyod pa spyad pa de ni gdul bya gzhug pa'i don du bcom ldan 'das kyi sprul pa kho na'o/ /de lta na yang de la gus pa bzlog pa'i don du mthar bde ba'i spyod pa kho na ste/ de ltar 'o ma gya nom pa'i zas nye bar longs spyad pa las kyang rdzogs par byang chub pa bstan to zhes pa rgya che bas mchog go/ /khams gsum pa zhes pa khams gsum rnams ni dman pa dang bar ma dang mchog rnams yin la de kun bsdus pa ste rang gi don la a Na'o/ /rnam pa gsum nyid ni mchog la mngon par zhen pa bsal ba'i don du gsungs so/ /gang 'dus par gsungs pa/ gzugs la rnam gsum shes byas nas/ /mchod pa'i bdag nyid mchod par bya/ /ji srid du/ reg la rnam gsum shes byas nas/ /rang gi rigs la dbul bar bya/ /zhes pa'i bar du'o/ /mchod pa'i bdag nyid ni rang gi sems las tha mi dad pa'o zhes gzugs la lta ba'o/ /rang gi rigs las zhes pa nye bar mtshon pa ste/ lha rnams thams cad la'o/ /sprul pa ni nges par dpyad nas gzhal ba ste/ yongs su dpyad cing nges par byas zhes pa'i don to/ /dbang phyug gis bzhin du byas pa ni ma yin te/ bcom ldan 'das 'gro ba'i byed pa po nyid du mi rigs pa'i phyir ro/ /yang na byang chub sems kyi bdag nyid sgrub par byed pa po'i rang gi ngo bo rdo rje sems dpa' ste/ des sprul pa ste nges pa'o/ /rdo rje sems dpa'i ngo bo'i rnal 'byor pas ni rang bzhin med pa nyid kyis phan tshun dbyer med pa'i phyir rdo rje sems dpa'i ngo bor gzugs la sogs pa rnams rnam par shes nas de lta kho nar dga' ba nyams su myong ngo / /'phags pa klu sgrub zhabs kyis gang gsungs pa/ 'di la skye ba ci yang med/ /'ga' zhig gis ni 'chi ba 'ang med/ /sems kyi tshul gyis rnam par gnas/ /'khor ba kho nar shes par bya/ /zhes so/ /'phags pa'i lha'i zhabs kyis kyang gsungs pa/ kun rdzob bden pa gang gsungs pa/ /sangs rgyas rnams kyi sku mtshan nyid/ /de 'dir sgyu mar bstan pa ste/ /rang byin brlab par de brjod do/ /lus dang longs spyod rab gnas dang / /sa dang pha rol phyin la sogs/ / sangs rgyas rdzu 'phrul rnam 'phrul sogs/ /thams cad sgyu ma'i g.yo ba yin/ /zhes so/ /mi 'dud ces pa/ tha dad du mngon par zhen pas ting nge 'dzin 'jig pa'i phyir ro/ /de skad du yang 'dus par/ sangs rgyas byang chub sems dpa' dang / / de bzhin rang rgyal nyan thos rnams/ /lus dang ngag sems sbyor rnams kyis/ /phyag 'tshal bsam pa thob pa'o/ /zhes so/ /'di'i phyag 'tshal ba ni 'phags pa shAkya bshes gnyen gyis dgongs pa bla na med par gsungs pa/ ji ltar chu la chu gzhag dang / / ji ltar mar la mar bzhin du/ /rang gis rang gi ye shes ni/ /mthong ba gang yin 'dir phyag yin/ /zhes so/ /rang gi ba ni rang las tha mi dad pa ste phyag 'os pa'i ngo bo'o/ /rdo rje sems dpa'i bsam gtan kho na 'di'i de la phyag go/ /phyag rgya chen po grub pa rnams phyag 'os pa kho na yin gyi/ /nyan thos la sogs pa rnams ma yin no/ /lugs ma ni gser la sogs pa blugs pa'i sku gzugs so/ /de nyid kyi phyir gsungs pa/ thams cad ces pa la sogs pa'o/ /de gsungs pa/ thams cad dngos po'i rang bzhin bdag / rang gi snang ba'i lam 'ongs pa'i/ /gzugs la sogs pa yul kun gyis/ /rang nyid bdag nyid rab mchod bya/ /slar yang / thams cad dngos po'i rang bzhin bdag /de las gzugs sogs thams cad kyis/ /rnal 'byor pa yis bdag nyid mchod/ /rang bzhin med pa'i dbang las so/ /zhes so/ /'phags pas kyang / /rdo rje sems dpa' rang de'i phyir/ /rang nyid mchod pa rab 'jug bya/ /zhes so/ /dkyil 'khor zhes pa la sogs pa la/ byang chub kyi sems 'grub par byed pa kho na 'di'i dkyil 'khor la sogs pa'i las te/ gzhan gyi dogs pa ci yang med do/ /gzhan ni zhi ba la sogs pa rnams so/ /chos kyi bdud rtsi ni byang chub sems so/ /de ltar dkyil 'khor la sogs pa'i rtog pa rnams dang dam tshig rnams la phyi rol 'jig rten pa'i rnam par rtog pa rnams bral ba las 'bras bu gsungs pa/ mi rtog ces pa la sogs pa'o/ /dogs pa spangs pa ni byang chub kyi sems dam tshig bsten pa'i grogs can kho na phyag rgya chen po'i dngos grub kyi rgyu'o zhes nges pa dang ldan pa'o/ /thugs kyi rdo rje'i gsung ni rdo rje 'dzin pa'i gsung ste/ rnam pa gzhan du mi 'gyur ba/ /thub pa'i gsung ni yang dag pa'o/ /ldog pas rgud pa gsungs pa/ dmyal ba zhes pa la sogs pa'o/ /rnam rtog las te byang chub sems dang dam tshig la phyin ci log dang the tshom gyi bdag nyid las so/ /ji srid du dngos grub sgrub par byed pa lta zhog gi / bcom ldan 'das kyi gsung la brnyas pa ni dmyal bar ltung ngo / /rtog pa las grol ba ni ji skad bshad pa'i sgrub pa las sangs rgyas nyid sgrib pa gnyis dang bral ba thob po/ /de ltar bsgrub pa la spro bar byas nas nges par sbyor te/ de phyir zhes pa la sogs pa'o/ /sngags ni byang chub sems ji skad bstan pa'o/ /dngos po kun la'ang ste/ dam tshig rnams 'ba' zhig par ma zad pa'o/ /dngos kun las 'das zhes klog pa la ni sems can mchog gi dngos po rnams kun las 'das pa'i dam tshig rnams la zhes pa'i don to/ /byang chub sems dpa' la goms pa kho na gus pa dang bcas par bya ste/ de kho nas thams cad la chags pa sel bar 'gyur ro/ /de nyid kyi phyir gsungs pa/ blta zhes pa la sogs pa'o/ /gzhan yang dngos po thams cad kyi rang bzhin nyid kyis de kho na nyid kyi rnal 'byor pas rnam par snang mdzad la sogs pa'i rdzas rnams chos kyi sku'i bdag nyid rang gi lus kyi nang du 'dus pa'i phyir de'i gzhi yang 'thad do/ /de gsungs pa/ chos rnams thams cad stong nyid du/ /ro gcig rdzogs sangs rgyas kyis bstan/ /de yi ro myong ngo bo nyid/ /rang nyid kho na de tshe gnas/ /zhes so/ /dam tshig gsungs pa/ khyi zhes pa la sogs pa ste/ 'gong bar bya ba ma yin pa nyid kyis na dam tshig ste/ bdud rtsi lnga rnams dang sgron ma lnga rnams so/ /de'i zhar la byung ba'i phyir de las gzhan rnams kyang ngo / /blta ched ces pa de dang de la 'dod pa bsal ba'i don du'o/ /ji srid du nye bar longs mi spyod pa de la mngon par 'dod kyi/ longs spyod pa na phal cher rnams ma yin no/ / srog chags can ni shi ba rnams kho na ste/ 'tsho ba rnams kyis shig shig bzhin pa gang 'dra ba de phyis rang nyid shi ba rnams dang lhan cig ces pa'i don to/ /skyug bro ba yongs su spang ba'i don du 'di ltar skyug bro'i yan lag gzhan yang gsungs pa'o/ /rdo rje'i chu ni lci ba'o/ /rdo rje'i chu ni chang ste/ rdo rje ste rnal 'byor ba rnams kyi btung bya nyid kyi phyir ro/ /sha yi gzugs su rnam btags pa/ /zhes pa shas nye bar mtshon pa nyid kyi phyir/ bdud rtsi lnga dang sgron ma lnga'i bdag nyid du mos par byas nas gzhan bza' bar bya'o/ /'o na 'jig rten du spangs pa'i dam tshig la sogs pa rnams ci ltar 'dir bsgrub par bya ba yin zhe na/ sems kyi khyad par las so zhes gsungs pa/ gang rnams zhes pa la sogs pa'o/ /de nyid dbang po ni de kho na nyid la nges pa bstan pa nyid kyi phyir ro/ /de'i phyir 'di la phyi rol 'jig rten pa'i log pa'i rtog pas ci bya/ bgrod min ni ma la sogs pa rnams so/ /bya min ni yan lag g.yo ba la sogs pa rnams so/ /btung bya min ni lci ba dang chang la sogs pa'o/ /gcig gi rnam pa'i ngo bor zhes pa ji ltar rnal 'byor pa rang nyid kha dog dang dbyibs sna tshogs pa'i bdag nyid can stong pa nyid kyi rang bzhin gyi byang chub sems rdo rje yin pa de ltar 'gro ba yang ngo zhes pa'i don to/ /de ltar sgom pa la mngon par dga' ba rab tu rgyas par ston par mi bya zhes pa la sogs pa ste/ ji skad bshad pa'i byang chub sems bsgom pa kho na las mngon par 'dod pa 'grub pa'i phyir ro/ /de skad du yang shes rab kyi pha rol tu phyin par gsungs pa/ kau shi ka rig pa 'di la slob pa'i byang chub sems dpa' sems dpa' chen po ni bla na med pa yang dag par rdzogs pa'i byang chub tu mngon par rdzogs par sangs rgya'o/ /thams cad mkhyen pa'i ye shes kyang 'thob bo/ /des na de ni bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams thams cad kyi sems la rnam par lta bar 'gyur ro/ /de ci'i phyir zhe na/ rig pa 'di la slob pa'i byang chub sems dpa' ni/ gang ma thob pa'am ma shes pa'am mngon sum du ma byas pa ci yang med do zhes so/ /sngags kyang bzlas pa min zhes pa rtsol ba med pa kho nar rdo rje bzlas pa rtag tu 'jug pa'i phyir sngags bzlas pa gzhan gyis ci bya/ sgom pa la mngon par mi dga' ba rnams la ni rnam par g.yeng ba gzhan 'jug pa na 'di thams cad bsngags pa ste mngon par ma zhen pa las so/ /rgyud slob dpon med pa can du ma gyur cig ces 'gal bar brjod pas sdom pa gsungs pa/ smra bar bya zhes pa la sogs pa'o/ /gdug la ste thog ma med pa'i ma rig pas sgro btags pa'i dngos po dang dngos po med pa la sogs pa'i rang bzhin la'o/ /gang phyir byams pa min pa de'i phyir sangs rgyas dang sems can rnams gsad par bya'o/ /'di gsum gyis ni ma byin par len pa nye bar mtshon pa'o/ /de skad du yang brtag pa gnyis par gsungs pa/ khyod kyis srog chags gsad par bya/ /brdzun gyi tshig kyang smra bar bya/ /ma byin par yang khyod kyis blang / /pha rol bud med bsten par bya/ /zhes so/ /'di ltar ni bla na med pa yang dag par rdzogs pa'i sangs rgyas sems can chen po'i mthar thug pa'i sems can gyi khyams stong pa nyid kyis rang bzhin med par byed pa'i phyir srog chags thams cad gsod pa la dgongs nas gsod pa gsungs so/ /bdag nyid mi dmigs pa na gzhan med pa'i phyir gzhan gyi nor yang nye bar mi dmigs so zhes dgongs nas gzhan gyi nor 'phrog pa'o/ /pha rol te mchog tu gyur pa'i bud med ni bcom ldan ma shes rab de bzhin gshegs pa thams cad skyed pa mo ming gzhan phyag rgya chen mo ste/ de dang lhan cig ro gcig tu 'gyur ba la dgongs nas pha rol bud med bsten pa'o/ /dngos po thams cad mi dmigs pa na de rjod par byed pa rnams kyang brdzun pa'i don can no zhes dgongs nas thams cad rdzun du smra bar bya'o/ /ji skad du/ theg pa gsum ka la gsungs pa/ /ma dang pha ni bsad byas shing / /rgyal po gtsang sbra can gnyis dang / /yul 'khor 'khor dang bcas bcom nas/ /mi ni dag pa'o zhes par brjod/ /ces so/ /ma ni sred pa'o/ /pha ni las kyi srid pa'o/ /rgyal po ni zag pa dang bcas pa'i sems so/ /gtsang sbra can dag ni lta ba mchog tu 'dzin pa dang tshul khrims dang brtul zhugs mchog tu 'dzin pa'o/ /yul 'khor ni dbang po'i tshogs te/ 'khor ni yul rnams so zhes pa ste de ltar gzhan du yang ston pa'i dgongs pa'i don ston par dgongs pa ji ltar rigs par rtogs par bya'o/ /gang rnams ji skad bshad pa'i dam pa'i chos kyi don mi shes pa rnams dam tshig dang sdom pa la sogs pa'i sgra dmigs nas dge ba lhag pa 'ba' zhig tu ma zad kyi/ sangs rgyas bcom ldan 'das rnams kyis 'di bdag cag rnal 'byor pa rnams la rjes s u gnang ngo zhes gsangs mthon por sgro 'dogs shing 'dod chags la sogs pas sems rgyud dbang du byas pa nyid kyis mi dge ba yang byed pa de rnams sangs rgyas bcom ldan 'das rnams slu ba'i phyir te mchog tu dam tshig nyams pa'o zhes pas mnar med pa kho nar nges par gnas pa'o/ /gang yang mtshams med pa lnga la sogs pa byed pa rnams skal ba dang ldan pa nyid du gsungs pa de ni de rnams de kho na nyid la gzhug pa'i don du ste/ ji skad du/ gdol pa smyig ma mkhan la sogs/ /gsod don don du sems pa pa dang / /sems can mtshams med byed pa dang / /gang zhig sdig pa che byas dang / /sems can srog gcod byed pa rnams/ /de yang bsam pas 'grub par 'gyur/ /zhes so/ /de rnams ni srog gcod pa dang ma byin par len pa dang bgrod bya min pa la bgrod pa la sogs pa la rang nyid zhugs zin pa dang phyir bcos su med par 'jug pa rnams/ ci zhig ltar rnam pa de lta bu thos pa las de rnams 'di la skal ba dang ldan pa'o zhes bsams nas dkyil 'khor du 'jug pa la sogs pa'i rim gyis phyag rgya chen po gnyis su med pa'i rnal 'byor la brten te/ de goms pa las sdig pa mtha' dag spangs nas rdo rje 'dzin pa nyid mngon du byed par 'gyur ro zhes pa'o/ /de yang zhes pa'i yang gi sgra las bsod nams byed pa rnams shin tu yang 'grub pa kho na'o zhes grub bo/ /de gsungs pa/ dge ba bcu la goms pa dang / /bla ma la gus dbang po thul/ /nga rgyal khro las rnam par grol/ /re zhig de ni nges par 'grub/ /ces so/ /las dang 'bras bu la yid ches pa bstan pa rnams kho na 'di la dbang du byas kyi/ 'jig rten pha rol la sogs pa la skur ba 'debs pa gzhan rnams ni ma yin no/ /de bzhin gshegs pa la sogs pa rnams phyag mi 'tshal bzhin pa yang bla ma la phyag 'tshal ba la sogs pas bsnyen bkur bya'i brnyas par mi bya'o zhes bstod pa gsungs pa/ rgyal ba zhes pa la sogs pa'o/ /gang so sor snang ba'i rdo rje 'byung bar gsungs pa/ mi shes rab rib kyis long rnams/ /ye shes spyan gyis rnam sbyor ba/ /bla ma sangs rgyas bla ma chos/ /bla ma dge 'dun bla ma pha/ /chos kyi sbyin bdag gtso bo ste/ /yid bzhin nor bu bla na med/ /ces so/ /'o na sems kyi spyod pa rnams thams cad yongs su dag pa nyid na bla ma la brnyas pa la skyon ci yod ce na/ de ltar ma rtogs pa las skyon kho na'o/ /rnam pa de lta bu'i de kho na nyid kyi ro myong ba ni bla ma la brnyas pa mi byed de/ yid ches pa lhan cig lhag pa thob pas shin tu rab tu dang ba'i phyir ro/ /ma rtogs pas ni brnyas par byed de/ de ltar na ni skyon kho na'o/ /'di ni ltung ba gzhan rnams nye bar mtshon pa yang ste/ de rnams kyang de kho na nyid la yid ma ches pa las byung ba kho na'o/ /rgyal bas mchod pa zhes pa/ rdo rje 'dzin pa'i ngo bor gnas pa'i slob dpon ni rgyal ba sprul pa'i skur gnas pa rnams kyis bstod pa la sogs pa mdzad de/ rdo rje 'dzin pa'i dngos por gnas pa rnams kyis ma yin no/ /slob dpon ni bla ma'o/ /ye shes dam tshig ces pa/ ye shes te byang chub sems yang dag par rtogs so zhes byas nas so/ /de ni de kho na nyid mngon du byed pa'i gnas skabs su dang lhag par mos pa'i gnas skabs ming gzhan mnyam par ma bzhag pa'i rnal 'byor la yang de kho na nyid kyi rnal 'byor pa ni de bzhin gshegs pa rnams kyis byang chub kyi sems rdo rje'i rang bzhin du bstan to/ /ji skad du/ dpal 'dus par gsungs pa/ kye bcom ldan 'das rnams de bzhin gshegs pa thams cad kyi sku dang gsung dang thugs gsang ba 'dus par dbang bskur ba'i rdo rje slob dpon la de bzhin gshegs pa thams cad dang byang chub sems dpa' thams cad kyis ci ltar blta bar bgyi/ bka' stsal pa/ byang chub kyi sems rdo rje kho nar ro/ /de ci'i phyir zhe na/ byang chub kyi sems rdo rje dang slob dpon ni gnyis su med cing gnyis su byar med do/ /ji srid du mdor bsdus pas nged kyis bshad de/ phyogs bcu'i 'jig rten gyi khams rnams nas sangs rgyas dang byang chub sems dpa' ji snyed bzhugs pa de rnams thams cad dus gsum du byas nas slob dpon de la de bzhin gshegs pa thams cad kyi mchod pa rnams kyis yang dag par mchod de/ sangs rgyas kyi zhing de dang der 'gro bar bya bar sems shing / gsung rdo rje yang 'di skad du 'byin te/ bdag cag de bzhin gshegs pa rnams thams cad kyi pha'o ma'o byas nas/ ji srid du bdag cag rnams kyi ston pa'o zhes pa'i bar du'o/ /'di lta ste rigs kyi bu sangs rgyas bcom ldan 'das ji snyed cig phyogs bcu na bzhugs pa de rnams kyi sku dang gsung dang thugs rdo rje las skyes pa'i bsod nams kyi phung po ji snyed pa de ni slob dpon gyi ba spu'i bu ga'i rtse mo las kyang khyad par 'phags pa ma yin no/ /de ci'i phyir zhe na/ rigs kyi bu byang chub kyi sems ni sangs rgyas thams cad kyi ye shes kyi snying por gyur pa'o nas ji srid du thams cad mkhyen pa'i 'byung gnas kyi bar du'o zhes so/ /ma gzigs zhes pa ba spu'i khung bu gcig la mthar thug pa med pa'i sangs rgyas spro bas 'di'i bsod nams mang ba nyid kyi phyir ro/ /'di thams cad ni slob ma la slob pa la dgongs pas gsungs pa'o/ /rang gi dam tshig sangs rgyas rnams zhes pas rang gi bzhin du 'da' bar mi bya ba'i kun du spyod pa shes pa rnams so/ /gang de ltar bla ma dam pa la bsnyen bkur mi byed cing phyir smod par byed pa de rnams ni nges par mnar med pa kho nar lhung ngo zhes 'gegs pa ni/ mi bya zhes pa la sogs pas so/ /byin pa ni bla ma rnams kyis so/ /bla ma rnams la bzhin du gzhan la yang phyag bya bar dogs pa de'i ngor gsungs pa/ min zhes pa la sogs pa'o/ / de ltar dam tshig dang sdom pa la sogs pa gsungs nas spyod pa kho na la shin tu spro ba skyed pa gsungs pa/ min zhes pa la sogs pa'o/ /longs spyod ni longs spyad bya ste bud med mchog la sogs pa'o/ /rgyal srid ni chos kyi 'khor los sgyur ba nyid de rdo rje 'dzin pa nyid do/ /rab tu bshad pa ni mchog tu sgrogs pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bcu dgu pa'o// //spyod pa bsgrags nas de la goms pa rab tu gyur pa thob pa'i rnal 'byor pa'i mtshan nyid gsungs pa/ de nas zhes pa la sogs pa'o/ /rdo rje rnal 'byor pa ni phul du byung ba dang bcas par byang chub sems rdo rje'i rnal 'byor dang bcas pa'o/ /bzhi mdo la sogs pa ni bsgom pa'i gnas so/ /rgyun mi 'chad par rnal 'byor gtsor byed pa la spyod pa ni dben pa rnams kho nar sbyar bar bya'o zhes pa dgongs pa'o/ /shing gcig ni gang gi grib ma shing gzhan gyis mi gnon zhing gang gzhan gyis mi gnon pa'o/ /tshangs pa mo dang khyab 'jug ma dang / drag mo dang dbang mo dang lus ngan mo dang phag mo dang rgan byad ma zhes pa ma mo bdun rnams gzhan mu stegs kyi lha rnams te/ de rnams kyi khyim ni ma mo'i khyim mo/ /spyod pa bab col kho nar bya ba ma yin par gsungs pa/ cung zad ces pa la sogs pa'o/ /drod ni rnal 'byor gyi mthu ste/ gang las 'di rnal 'byor la dga' bas rab tu mgu bar 'gyur ba dang / klags 'tshol ba rnams kyis kyang 'di la mi bzod pa dang / tshar gcod pa dang rjes su 'dzin par nus par 'di rnams 'gyur ba dang grang ba dang rlung la sogs pa rnams kyis zil gyis mi non pa'o/ /de'i tshe yang gal te 'dod na ste/ mi 'dod pas kyang spyod pa bya ba ni ma yin no/ /de cis mi 'dod pas bya ba ma yin zhe na gsungs pa/ bdag nyid ces pa la sogs pa'o/ /rang gi nus pa yongs su bcad pa las skye ba 'di kho na la gdon mi za bar 'byung ba'i dngos grub sgrub pa'i ched du gal te 'bad pa de'i tshe byis pa nyid de chags pa thams cad dang bral ba las yongs su 'dzin pa med pa'i spyod pa spyad par bya'o/ /'di ni dgongs pa ste/ 'dod pas dus yongs su smin par mtshon par bya ste/ gzhon nu ma'i 'dod pa khyad par can gyi dbang las skyes pas mngal 'dzin pa'i dus yongs su smin pa bzhin no/ /spyod pa 'di med pa ni dngos grub ma yin no zhes pa'o/ /sems can rjes su 'dzin pa ni 'di'i sgom pa las byung ba'i sbyin pa la sogs pa rnams kyis so/ /sprul pa'i sku la sogs pa 'grub pa'i ched du ngal mi bso bar bsgom mo zhes gsungs pa/ ba spu zhes pa la sogs pa'o/ /ba spu rnams kyi khung bu dang rtse mo dang sbubs te/ de rnams las spros pa'i phyogs rnams su dkyil 'khor pa dpag tu med pa sna tshogs pa'i kha dog dang dbyibs dang phyag dang mtshon cha can rnams bsgom par bya'o/ /'jam pa'i rdo rje ste stong pa nyid kyi ye shes 'di'i yin pa zhes pas rdo rje 'dzin par gyur pa'o/ /do shal sogs rnams kyis de 'bras bu la sogs pas spras pa rnam pa rnams dang ldan pa'o/ /bgo ba ni gos te stag la sogs pa'i pags pas bya'o zhes pa lhag ma'o/ /sbyin par bya ste shes rab kyis rang gi ngang gis ster bas rang nyid la'o/ /grub pa rnams su ni sa gzhi'i bkod pa 'grub pa'i dus su grub pa rnams su'o/ /ri la sogs pa rnams su ste yun ring ba rnams su zhes pa'i don du/ gdod nas grub pa ni yun ring po can du'o/ /skye ba'i sgrib pas bsgribs pa'i skye bo rnams kyi sgrib pa kun las grol ba nyid rgyas par ston te/ mtha' dag ces pa la sogs pa'o/ /bsgos pa ni bag chags te/ 'di thog ma med pa'i dus can ni spangs pa las dang phyi ma'i sa bon ma bzhag pa las rnam spangs pa'o/ / 'di yis te rnam par grol ba nyid rdzogs par byed pa nyid kyi bdag nyid gnyis su med pas so/ /dgos pa thams cad kho na phyogs te yun ring du gnas pa nyid kyi phyir dang skye bo ma lus pa la khyab pa'i phyir ro/ /de rnams ji skad bshad pas zil gyis mnan pa las rnal 'byor pa dgos pa thams cad kyi phyogs las rnam par rgyal ba'o/ /ji skad bshad de sprul pa ma lus pa'i 'khor los sgyur ba'i bcom ldan 'das rdo rje 'dzin pa kho nar rang gi bag chags dang bcas pa'i sgro btags pa bar chad rnams thams cad zil gyis mnan nas phyogs bcur son pa'i skye ba can rnams kyi'ang sprul pa dpag tu med pa'i tshogs rnams kyis de rnams rtsad 'don du 'jug pa dang phan pa rnams phun sum tshogs par byed du 'jug pa ni phyogs las rnam par rgyal ba'o zhes brjod par bya'o zhes pa'o/ / de ltar zhes pa de ltar phyogs las rnam par rgyal ba phun sum tshogs par bya'o zhes so/ /mi shigs pa ni nus pa gzhom du med pa'o/ /rig pa'i lha mo zhes pa shes rab kho na rig ma ste 'dir bcom ldan 'das lhan cig skyes pa'i sku rig par byed pa'i phyir ro/ /lha mo yang ste bde ba mtha' dag gi gzhi nyid kyi phyir ro/ /phyag rgya nye bar longs spyod pa na ni 'dod pa thams cad yang dag par longs spyad pa yin te/ gang phyir de'i gzugs la sogs pa lta ba la sogs pa kho na gzugs la sogs pa 'dod pa rnams longs spyod pa mchog yin pas so/ /de skad du yang mkha' 'gro ma rdo rje gur du gsungs pa/ bud med bzang mo mthong bas bde/ /glu ni thos pas bde ba mchog /dri snom pa ni bde ba che/ /skye gnas reg las bde ba che/ /ro 'dren pa yi sbyor ba la/ /bde ba ci yis zlog par byed/ /ces so/ /rin chen zhes pa dga' ba'i gnas nyid kyi phyir ro/ /lcags kyu dang zhags pa dag ni snying ga'i 'od zer gyi rang bzhin dag go/ /yo byad kyang yin la shes rab yongs su longs spyod pa'i yul yang ste za ba la sogs pa'o/ /gtso bo'i yul ni shes rab kho na'o zhes pa dgongs pa'o/ /spyod pa ni bdag nyid gtong ba sngon ma can no zhes gsungs pa/ lus kyi zhes pa la sogs pa ste/ sangs rgyas rnams thams cad mnyes pa'i ched dang sems can rnams thams cad kyi don gyi ched du lus btang nas zhes pa'i don to/ /gang gi phyir de ltar yin pa de'i phyir slong ba ci rung rung la lus sbyin par bya ba ma yin no zhes pa lhag ma'o/ /sems can rnams thams cad kyi don gyi ched du btang ba'i lus gcig pu'i cha gang yin pa de rnam par spyad bzhin pa ni cha med pa kho nar 'gyur te/ sems can rnams mur thug pa med pa'i phyir ro zhes pa des skal ba skal ba min dpyad pas so/ /yang na skal ba zhes pa la sogs pa rung ba nyid dang mi rung ba nyid rnam par dpyad pa dor nas ltos pa med par sbyin pa'i phyir ro/ /bslab pa ni nyan thos la sogs pa gzhan rnams kyis slob par byed pa'o/ /dbang bskur ni mngon par dbang bskur ba'o/ /ngo tsha'i bya ba ni yan lag g.yogs pa la sogs pa ste/ gal te de ltar 'di'i bya ba rnams dang rnam par rtog pa rnams bzlog par bya na ci ltar 'dis gnas par bya zhe na gsungs pa/ thams cad ces pa la sogs pa ste/ thams cad dngos po'i rang bzhin gyis ni shes rab mdor bstan pa'o/ /gzhan gyi dor bya ba dor ba gsungs zin zhing da ni bdag nyid kyi ngor gsungs pa/ sbyin sreg ces pa la sogs pa'o/ /'di'i nang gi sbyin sreg dang rnal 'byor dag nyi shu rtsa gsum par bshad par bya ste/ mchod sbyin dang mchod pa dang shes rab bsten pa yang ngo / /lus kyi las thams cad ni dka' thub bo/ /ji skad du/ dpal rdo rje mkha' 'gror gsungs pa/ gang zhig las ni thams cad la/ /shes rab kyis ni nges sbyar bya/ /de yang stong nyid gnas la sbyar/ /sbyar nas de ni bdag nyid che'i/ /rtog pa med par goms pa yis/ /rtag tu las rnams thams cad ni/ /dogs pa med par spyod byed pa/ /de rnams de yi dka' thub mchog / ces so/ /sngags ni byang chub sems so/ /bsam gtan ni byang chub sems la goms pa brtan pa nyid do/ /de ltar na yang dag dang yid kyi las thams cad ni sngags dang bsam gtan no/ /de'i phyir sbyin sreg la sogs pa gzhan rnams kyis ci bya/ dam tshig dang sdom par mngon par zhen pa spang ba'i don du gsungs pa ni/ dam tshig sdom las rnam par grol/ /zhes pa ste/ gang kho na byed pa de kho na ni 'di'i dam tshig go/ /gang kho na mi byed pa de kho na ni 'di'i sdom pa'o/ /'jigs pa spong ba gsungs pa brgya byin zhes pa la sogs pa'o/ /de skad du yang 'dus pa phyi mar gsungs pa/ shes rab thabs las mchog byung ba'i/ /phung po khams dang skye mched lus/ /sngags pas rnal 'byor las nges nas/ /rdzogs pa'i rim pa'i rnal 'byor las/ /thams cad dag par mos pa yis/ /skrag pa thams cad dor byas pa/ /sngags pas seng ge bzhin du spyad/ /dogs pa med pa'i sems kyis so/ /zhes so/ /stong pa nyid dang snying rje dbyer med pa'i byang chub sems las byung bar phung po la sogs pa nges pa byas nas 'jigs pa spangs pa nyid kyis na dogs pa med pa nyid kyis brtan pa nyid ston to/ /yang 'dir brtan pa med na yang lus la sogs pa'i bya ba rnams thams cad kyang yongs su dag pa ma yin no zhes mngon par dgongs pa'o/ /de nyid kyi phyir rnal 'byor bar ma chad par goms pa las brtan pa ni 'jigs pa la sogs pa rang nyid 'phral du nyams par 'gyur ro zhes yid ches pa la shin tu brtan pa las goms pa'i don du/ brtag pa gnyis par gsungs pa/ gzhan pa'i sems kyis skad cig kyang / / ma rig pa dang gdug sems kyis/ /dngos grub 'dod pas dngos grub ched/ /mkhas pas 'bad pas gnas mi bya/ /bsam gtan nyon mongs 'jig byed pa/ /rdo rje snying po nga yis bshad/ /dngos grub don du ltad mos kyang / /zla ba phyed du yongs brtag bya/ /bsam pa thams cad yongs spangs nas/ /lha yi gzugs su sems dpa' yis/ /nyin mo gcig tu ma chad par/ /bsgoms nas yongs su brtag par gyis/ /rang gzhan don ni rab bsgrub ched/ /'khor bar thabs gzhan yod ma yin/ /rig ma lan cig goms byas pas/ /'phral du yid ches byed pa can/ /'jigs smyo de bzhin sdug bsngal dang / /mya ngan gdung sogs 'tshe ba dang / /'dod chags zhe sdang gti mug ches/ /sgrub pa po nyid nyon mi mongs/ /phan dang mi phan 'bras 'byung bar/ /de ltar rnam par sems pa rnams/ /rnal 'byor pa de skad cig ma/ /gcig kyang ca cor ji ltar gnas/ /zhes so/ /zla ba phyed du mnyam par gzhag pa dang / mnyam par ma bzhag pa'i rnal 'byor dag gis te/ bsam pa thams cad yongs su spangs pa las mnyam par gzhag pa'i rnal 'byor kho nas mthar nyin mo gcig tu yang brtag par bya ste/ 'dir yid ches pa'i gdams ngag gis ci zhig /yongs su rtog bzhin pa 'di ni yun ring po mi thogs par rang gi nus pa ston par 'gyur ro/ /'jigs zhes pa la sogs pa yid ches pa'i rgyu'o/ /phan pa 'byung ba ni rnal 'byor 'di las so/ /mi phan pa 'byung ba ni 'jig rten gyi spyod pa las so/ /ca cor te 'jig rten spyod par ro/ /btung ba la chags pa bsal ba'i don du gsungs pa/ snying rje zhes pa la sogs pa'o/ /snying rje ni stong pa nyid dang ro gcig pa ste de'i'o/ /btung ba ni ro myong na nyams su myong ba'o/ /dga' ba dang bcas pas de'i rnal 'byor gyis de'i rnal 'byor las byung pa'i dga' ba 'thung ba ni rnal 'byor btung ba'o/ /dag byed ni dag pa ste yongs su dag pa'i bde ba'o zhes pa'i don to/ /gang zhig sa bcu brnyes pa rnams bzhin du rgyal tshab kyi ched du de'i bya ba 'ga' zhig byed pa'i phyir na brtul zhugs kyi spyod pa 'dod pa de'i ngor gsungs pa/ de nas zhes pa la sogs pa'o/ /'di'i brtul zhugs ji skad du rdo rje mkha' 'gror gsungs pa/ gang tshe rnams ni rtog gyur pas/ /las rnams thams cad thabs dang bcas/ /dogs pa med par spyod byed pa/ /brtul zhugs rnams kyi mchog gi mchog /ces so/ /gang gis te gang zhig gis so/ /grub pa'i mthar ni rnam par gzhag pa de kho na nyid do/ /bzang ba ni mi rus kyi rang bzhin nyid kyi phyir ro/ /'di ni nye bar mtshon pa ste 'khor lo can la sogs pa rnams kyang de'i rang bzhin nyid kyi phyir ro/ /bdud rtsi bcu phyed ni bdud rtsi lnga'o/ /rdo rje'i rigs ni phyag rgya'i mchog go/ /rgyas par 'gyur ni sbyor bar 'gyur te/ de'i rigs phul du byung ba nyid kyi phyir dang / gzhan gyis dbrog bya min pa nyid kyi phyir ro zhes pa dgongs pa'o/ /rang 'dod lha'i rigs ni phyag rgya 'bring po'o/ /gzhan gyi rigs byung ni tha ma'o/ /byang chub sa bon ni byang chub sems te/ de gzhag pa ni rdo rje yang dag par ldan pa'i pad+ma'i ze 'bru'i nang du gnas pa'i phyir ro/ / des sbyangs byas pa ni des legs par byas pas de la mkhas par byas pa'o/ /rdo rje ldan pa zhes pa rdo rje mi phyed pa'i ye shes te de dang ldan pa de gsal bar byed pa nyid kyi phyir rdo rje'i glu zhes pa'i don to/ /rdo rje rkang pa ni rkang pa dag gi de kho na nyid gsal bar byed pa g.yas brkyang gi stabs la sogs pa bkod pa'i khyad par rnams so/ /'dis ni lag pa dang lta stangs dang gar dang phyag rgya rnams kyi yan lag gzhan rnams kyang nye bar mtshon pa ste/ de rnams ni rdo rje phreng bar rgyas par bstan pa rnams blta bar bya'o/ /'o na spyod pa spyod par byed pa 'di'i ngag dang lus kyi bya ba thams cad sngags dang phyag rgya'i rnam pa ma yin nam/ des na rdo rje'i glu dang gar nye bar bstan pas ci bya zhe na/ bden te khyad par gsal bar bya ba'i don du 'di dag bstan pa'o/ /de bzhin du gzhan du yang ngo / /de kho na nyid dang mi 'gal ba nyid la yang bya ba rnams thams cad phul du byung ba'i khyad par 'byung bar byed par spyod pa'i khyad par ston pa'o/ /gdon mi za bar bya ba nyid gsal ba'i don du gal te'i sgra'o/ /sngar bshad pa'i phyag rgya rnams kyi rnam dag ston pa ni mi bskyod ces pa la sogs pa'o/ / sman ni gzhi mnyam mo/ /chu ni mi bskyod pa'o/ /rtag pa nyid ni rtag tu'o/ /rga ba ni skra dkar dang gnyer ma'o/ /de ltar gyur pa'i rnal 'byor pa ni gzhan rnams kyi yang srung bar gyur par 'gyur na bdag nyid lta ci smos/ hUM byung ni mi bskyod pa'o/ /skra'i dag byed ni skra las byung ba'i mchod phyir thogs pa'o/ /chags pa la sogs pa rgyas par ston pa ni chags pa zhes pa la sogs pa ste/ gang gi phyir chags pa la sogs pa spang bar bya ba de'i phyir bya ba yang ste/ de rnams kyi gang chags pa la sogs pa la mngon par zhen na bya ba ma yin no/ /spyad par bya ste slong mo la sogs pa'o/ /rigs lnga pa ni shin tu dman pa ste/ rigs gcig kho nar sna tshogs pa bram ze la sogs pa'o/ /rigs lnga dang ni yang dag ldan ni blun po rnams kyis brtags pa'o/ /gang phyir srog chags rnams rigs tha dad can dbyibs tha dad can du mtshon dgos te/ dper na ba lang rnams las rta dang bya rnams lta bu'o/ /rigs mthun pa can rnams ni rnam pa mtshungs pa kho na ste/ dper na ba lang las ba lang rnams dang lag ldan las lag ldan rnams lta bu'o/ /de ltar ba lang la sogs pa rnams las rnam pa tha dad pa rnams ni de rnams kho na las rigs tha dad kyi phan tshun ni ma yin te/ rnam pa mtshungs pa'i phyir ro/ /de ltar shin tu gsal por 'jig rten gyi kun rdzob tu yang rigs gcig nyid yin na/ rnal 'byor pa'i kun rdzob tu lta ci smos te/ thog ma med pa dang ldan pa'i shin tu 'khor bar thams cad rigs thams cad can nyid kyi phyir zhing / don dam par slar smra ci dgos/ de ltar ni thams cad don dam par de bzhin nyid yin zhing / de yang rang bzhin kho nas yongs su dag pa ste/ de kho na la lhag par mos nas rigs lngar gnas pa'o/ /de'i phyir du ma'i rigs kyi tshul can du rigs gcig brtags pas dbye ba mi srid do/ /gnyid ni rnal 'byor gyi gegs chen po ste/ lus dang 'tsho ba la ltos pa yang rnal 'byor gyi gegs rnams kyi rtsa ba ste/ the tshom med pa ni gnyid kyi bdag nyid spong ba la som nyi med pa'o/ /de ltar shin tu spros pa med pa'i spyod pa ni/ dbang po rab kyi sems can gyis ye shes kyi phyag rgya dang snyoms par 'jug pas sam phyag rgya chen po'i rnal 'byor gyis/ 'khor ba mu mtha' med par gnas pa'i sdug bsngal brgyud pa rjes su dran nas 'jig rten las 'das pa'i bde ba 'dod pas chags pa thams cad spang zhing / tha na rgyal srid kyi dbang phyug dang 'jig rten pa'i bsam gtan dang yid kyi rgyal srid la yang ste/ don dam pa'i bden pa la mngon par dgongs nas/ rigs kyi bu de'i phyir byang chub sems dpa' sems dpa' chen pos ting nge 'dzin 'di 'dod pa dang myur du bla na med pa yang dag par rdzogs pa'i byang chub tu mngon par rdzogs par sangs rgyas par 'dod pas lus dang srog la ltos pa med par 'byung bar bya'o/ /de bzhin du 'jig rten pa'i dngos grub phra mo dang 'jig rten pa'i grub pa chen po brgyad kyang don du gnyer bar mi bya ste/ rnam par g.yeng ba'i phyir dang phyir ldog pa'i phyir ro zhes ting nge 'dzin rgyal por gsungs pa'i phyir na/ lus dang srog la sogs pa la 'dod pa med par goms par bya'o/ /de skad du yang dpal 'dus par gsungs pa/ rdo rje sems dpa' rgyal po che/ /yang dang yang du bskul bar bya/ /zhes te/ bskul bar bya ba ni yid la bya ba'o/ /gsang ba grub par yang / rkang pa brkyang ba spangs nas ni/ 'khor ba'i sgrom ni dkrol byas nas/ /rtag tu brtson pa ldan yid kyis/ /rdo rje sems dpa' zhes bya ba sgrub/ /'gyod dang rmugs dang gnyid sogs rnams/ /'bad pas yongs su spangs nas so/ /gzhan du bskal pa bye ba rnams/ /brgyas kyang dngos grub mi 'gyur ro/ /zhes so/ /de ltar yang goms par byed pa 'di'i mngon par 'dod pa'i dngos grub thams cad 'bad pa med pa kho nar 'grub bo/ /ji skad du/ gsang ba grub par gsungs pa/ rang bzhin med pa'i go 'phang gnas/ /thabs bzang po dang ldan pa yi/ /rtog pas bskul ba gang ci rung / / dpyad pa med par 'grub par 'gyur/ /sgom pa'i rnal 'byor nus pa las/ /dngos grub mtshan nyid ci yang rung / /de kun skad cig tsam gyis ni/ /rang nyid nye bar gnas par 'gyur/ /zhes so/ /bcom ldan 'das kyis kyang gsungs pa/ gang tshe dpa' bo rnams mi rtog / 'jig rten pa yi gnas bcom nas/ /bya ba thams cad spyod byed pa/ /de tshe de sangs rgyas kyis gzigs/ /byis pa bzhin du spyod ldan pas/ /gud nas the tshom chad pa can/ /gang tshe rnal 'byor lhun grub pa/ /de tshe phun sum tshogs rnams 'byung / /sdig pa ma lus ldan rnams kyi/ /gti mug sgrib pa cher gnas rnams/ /smyon pa'i brtul zhugs sbyor ba yis/ /zla ba drug gis don yod grub/ /de ltar gyur nas nges zhugs pas/ /dngos po ched du gtad pas bsgom/ /ji srid sems skyor ma gyur par/ /blo bzang mnyam par gzhag yid kyis/ /skyo na phyi nas ji lta bur/ /'dod pa'i spyod pas rgyu bar bya/ /byang chub rgya chen sgom byed cing / /cung zad mig mi 'dzum lta ba/ /de ltar ting 'dzin ldan pa yi/ /rnam par mi rtog sngags pa yis/ /dus kyi mtshan ni yongs spangs te/ /bla na med pa'i go 'phang 'grub/ /ces so/ /'phags pas kyang gsungs pa/ ting 'dzin 'di ni ma shes nas/ /kun rdzob la ni dmigs pa las/ /sna tshogs nad rnams skye bar 'gyur/ /de rnams sgyu ma'i sman gyis rgyal/ /sgyu ma la gnas rnal 'byor pa/ /lha rnams rtag tu 'dir srung byed/ /sgyu ma lta bu'i ting 'dzin gyis/ /'di ltar 'di ni kun mkhyen 'gyur/ /rdo rje mtshon cha brtson 'grus che/ /lang tsho nad med dam pa'i sde/ /sangs rgyas rdzu 'phrul yongs thob nas/ /rang 'dod bzhin du skye bar 'gro/ /mthong ba kho nas bskul ba yi/ /sems can rnams kyang dbang du 'gyur/ /sgyu ma lta bu'i ting 'dzin gyis/ /thams cad don du ma gnyer 'thob/ /mi 'grub pa ni ci yang med/ /rdo rje sems dpas mtshan pa ste/ /sangs rgyas kun gyi bde ba che/ /rang nyid so so rjes su 'grub/ /ces so/ /grub pa'i mtshan ma yang rdul phra rab kyi ngo bo nyid dang lus yang ba nyid dang 'jig rten gsum po mtha' dag khyab par byed pa nyid dang sangs rgyas kyi yon tan 'thob pa dang ye shes kyi snang ba dang de la brtan par gyur pa nyid dang skye bo thams cad bdag nyid kyi dbang du gyur pa nyid dang 'dod dgur sgyur ba mthar skye'o/ /de skad du yang gsungs pa/ phra mo'i gzugs dang reg yang ba/ /khyab dang yang dag thob pa nyid/ /rab tu gsal dang gtan pa nyid/ /dbang ldan 'dod dgur sgyur mtha' can/ /zhes so/ /gzugs phra ba nyid la sogs pa kho na shin tu phra ba dang yang ba dang shin tu che ba dang gar yang phyin pa dang gsal bar 'os pa dang / dbang po nyid dang dbang sgyur ba nyid dang gang du 'dod par gnas pa zhes pa/ dbang phyug nyid rnam pa brgyad du brjod par bya'o/ /b+hu su ku'i spyod pa yang ste/ za ba dang nyal ba dang bshad sar 'gro ba tsam gyi bya ba la yang byang chub kyi sems sgom pa bar ma chad pa nyid kyi ngo bo can shin tu spros pa med pa'i spyod pa ste/ nges kyang spyad par bya'o/ /bar mas ni las kyi phyag rgyas lha mo'i gzugs can lnga rnams dang dam tshig gcig gis spros pa med pa'i spyod pa goms par byed do/ /chung ngus ni tha mal pa'i nga rgyal bsal ba dang ldan pa'i gzhon nu ma mdzes ma rnams dang lhan cig dogs pa med pa'i sems kyis/ lag pa'i phyag rgya dang glu dang nye bar spyod pa dang kun skyong dang tshul gyi gar la sogs pa'i rab tu sbyor ba rnams kyis rtag tu brtson pa'i yid can gyis nyin mtshan du spros pa'i spyod pas phyag rgya chen po'i dngos grub sgrub par byed de/ dper na rgyal po i n+d+ra b+hU ti'i bzhin no/ /spyod pa gnyis po 'di yang 'dir gsal bar byas shing / shin tu spros pa med pa'i spyod pa ni rgyas par mdzad de/ dbang po rnon po'i sems can gyi dbang du byas pa'i phyir ro/ /de'i phyir de spyad nas gang bya ba de sum cu rtsa bdun bar 'chad par 'gyur ro/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu pa'o// //rdzogs pa'i rim pa kho na rnam pa gzhan gyis gsal bar bya ba'i ched du bcom ldan 'das ma rdo rje snyems mas zhus pa/ thos zhes pa la sogs pa'o/ /rang gi ste phung po lnga'i bdag nyid can lhag pa'i lha nyid du gnas pa rtogs pa ni byin gyis brlab pa'i rim pa'o/ /gsang chen zhes pa la sogs pa'i man ngag ni/ gsang chen mchog tu dgyes bya na/ /thams cad bdag nyid la rtag zhugs/ /zhes pa rab tu byed pa gsum par mdor bstan pa ste/ rab tu sbyar ba'o zhes pa dgos pa ste brjod par bya ba 'di'i ci yin pa'o/ /rdo rje sems dpa' brtse ba che/ /zhes pa'i tshig dag gis stong pa nyid dang snying rje'i rang bzhin gyi skur bdag nyid brjod cing / bcom ldan 'das kyis rang byin gyis brlab pa'i don rgyas par mdzad do/ /nges par drang bar bya'o zhes pa nges pa ste brjod bya'o/ /e yig ni dang po'i dag nya bar mtshon pa'o/ /rab gsungs pa ni e yig sa ru shes bya ste/ las kyi phyag rgya zhes pa la sogs par dang / dang po'i ngag tu yang ngo / /'gro ba dang rjes su 'gro ste 'ong ba'o/ /sems ni sems kyi'o/ /bgrod pa ni 'og nas steng du'am steng nas 'og tu'o/ /ci las zhes pa brjod par 'dod pa la gnas pa'i brjod par bya ba las gang rjod par byed pa'o/ /gsang chen du zhes pa ni mchog tu zhes pa la sogs pa nye bar mtshon pa ste zhes yi ge bcu drug gsungs pa gang de'i brjod par bya ba 'di tsam ste/ 'di lta ste/ khrag la sogs pa'o/ /reg par bya bas na reg bya ste rlung ngo / /khrag bzhin du reg bya la sogs pa rnams kyang 'phel ba'am 'grib pa na lus dang srog dag 'dzin pas na khams rnams so/ /ldan pa ni tshogs pa gcig la rag las pa nyid kyis phan tshun 'brel ba'o/ /shin tu mdzes pa ni rang bzhin gyis sgom pas phan tshun bskyed pa'i rgyu nyid kyi phyir ro/ /byang chub sems las byung ba ni skye ba la sogs pa khu ba las byung ba'i phyir ro/ /gang gsungs pa/ khu ba las ni gong bu skye/ /gong bu las ni mi 'byung ngo / /zhes so/ /khu ba ni rdul nye bar mtshon pa'o/ /gang gsungs pa/ rtsa zhes pa la sogs pa ste/ a wa d+hU tI la nA da ni gtum mo rdul gyi ri mo'o/ /cha'i bdag nyid ni cha bcu drug gi rang bzhin no/ /rdul dang khu ba'i rnam 'gyur gyi rang bzhin 'di thams cad yin zhes pa'i don to/ /de nyid kyi phyir khrag dang rlung dang bad kan dang / mkhris pa dang ro dang tshil bu dang me dang sha dang bshang ba dang zhag dang pags pa dang rus pa dang gci ba dang glo ba dang pad+ma dang khu ba ste/ khams bcu drug rnams kyi dang po dang mthar rdul dang khu ba dag gsungs pa ni/ de dag gi rnam 'gyur thams cad yin no zhes rtogs pa'i don du'o/ /'di thams cad kyang sems kyi rang bzhin yin zhing / bcom ldan 'das rdo rje 'dzin pa yang stong pa nyid dang ro gcig cing zag pa med pa bde ba chen po'i sems kyi rang bzhin rdul dang khu ba'i rang bzhin te/ de dang dbyer med pa'i bcom ldan 'das ma rdul gyi ngo bo stong pa nyid kyi rang bzhin la sogs par 'gyur ba ni rnam par gzhag pa tsam nyid kyi phyir ro/ /de'i phyir rdo rje 'dzin pa kho na khrag kyang yin rlung yang yin la ji srid khu ba'o zhes pa ste las 'dzin pa las so/ /rdzas bcu drug po 'di rnams kho na ma bzhin du 'phel bar byed pa nyid kyi phyir khrag rnams so/ /'di rnams dang rdo rje 'dzin pa'i bdag nyid kyi lha dbyer med par mos pa las lus kyi dkyil 'khor du 'gyur ro/ /de skad du yang rdo rje mkha' 'gror gsungs pa/ bcu drug rnams nyid sgyu ma che/ /ma bzhin du ni yongs sgom pa/ /de yis nang gi dkyil 'khor du/ /the tshom med par 'gyur ba nyid/ /ces so/ /de nyid kyi phyir rdul dang khu ba'i rang bzhin sa dang chu dang me dang rlung rnams kyi mer mer po la sogs pa'i gnas skabs la khyab pa nyid kyis na khams kyi gtso bo nyid kyis sa bon nyid de/ bar gyi gnas skabs su ni me dang chu la sogs pa yongs su 'gyur ba'i ngo bo nyid kyis mkhris pa dang bad kan la sogs pa rnams phal pa'i khams nyid kyis na sa bon nyid do zhes brjod pa'i ched du gsungs pa/ ra yig ces pa la sogs pa'o/ /ra ni me ste brjod par bya ba dang rjod byed dag tha mi dad par sgro btags pa'i phyir ro/ /khrag ni rdul lo/ /'phro 'du ni 'du ba ste gnas sna tshogs na gnas pa'i ro 'dus pa rnams bad kan te/ de ni rdul du 'gro ste/ chu rgyus kyi lhan cig byed pa can de las skyes pa'o/ /de yang rtags gzhan dang dbyibs gzhan gyi rtags rnams nye bar mtshon pa ste/ de rnams ni bstan bcos gzhan las shes par bya'o/ /'dir mkhris pa dang bad kan ni phal pa'i khams rnams nye bar mtshon pa'o/ /de ste khu ba ni mgon po ste/ thams cad kyi bdag po nyid kyi phyir ro/ /ha yig ni ha yig gi brjod bya'o/ /kun du 'gro ba ni khams thams cad la khyab pa nyid kyi phyir ro/ /de nyid kyi phyir des khams rnams de dang de nas drangs pa rnams so/ /ro ni chu'i khams so/ /sa ni rgyus pa dang rus pa'i tshigs kyis gsal bar byas shing rten nyid kyis rtogs pa kho na'o zhes pas ma gsungs so/ /de'i phyir 'thad pa 'dis thob pa sa bon rnam lnga can no/ /ji ltar zhe na gsungs pa/ ra yig ces pa la sogs pa ste/ ra yig ni me ste gtum mo rdul gyi ngo bo yab yum snyoms par zhugs pas 'bar ba ni/ rkan la ste bde ba chen po chu skyes su son pa gang gi tshe khu ba dang 'dus pa de'i tshes dang chu dang me dang rlung ste khams bzhi po rnams thams cad sa bon mchog ste bde ba'i rgyu nyid kyi phyir ro/ /de ste sa bon bzhi 'di'i dang po yin pa zhes pa de thog ma can sa bon lnga/ mdzes pa ste lha'i ngo bo nyid kyi phyir dang lha bskyed pa'i rgyu nyid kyi phyir ro/ /lnga pa ci zhig ce na gsungs pa/ ha zhes pa la sogs pa'o/ /ha dang u'i brjod par bya ba lus dang ngag dang ldan pa ma yin brjod par bya ba sems te/ 'dus pa ni hUM ngo / /brjod par bya ba zhes pa gzhan du bsgrubs zin pa nyid kyi phyir ro/ /de ni lnga par gsungs so/ /de ni bar do'i srid pa nas gsum rnams las gang yang rung ba'i sgo nas zhugs te/ 'byung ba bzhi la thim pa las ma'i lto ba'i phyogs su sa bon lnga can du 'gyur ro/ /de phyag rgya chen po thig ler gsungs pa/ rnam shes ngo bo la brten nas/ /dang por 'byung ba bzhi po la/ /rang bzhin nges par bskrun pa yis/ /de tshe rang gi gnas nas thim/ /rnam shes las ni rlung skye ste/ /de las me ni yang dag 'byung / /'di las chu rnams yang dag 'byung / /de las sa ni yang dag 'byung / /'di rnams las kyang phung po 'byung / /de las skye mched rnams kyang ngo / /de las shes pa'i rang bzhin can/ /drug cu lhag pa'i brgya rim pas/ /ji ltar skyes pa de ltar 'dir/ /thim par 'gyur ro rang bzhin las/ /zhes so/ /rang bzhin nges par bskrun pa ni bdag dang 'byung ba rnams kyis te/ 'di kho na las rnam shes las rlung la sogs pa rnams yongs su gyur pa brgyud pas ni skye ba'o/ /rdo rje phreng ba'i rgyud du yang khyad par dang bcas par gsungs shing / 'phags pa'i lha'i zhabs kyis rnam par phye ba/ sa la sogs pa bzhi rnams dang / /de bzhin stong pa rnam pa bzhi/ /dngos po brgyad du rnam shes bya/ /'jig dang skye ba'i rgyu rnams so/ /'od gsal ba las stong pa che/ /stong pa las kyang thabs 'byung zhing / /de las shes rab skye bar byed/ /de las rlung ni yang dag 'byung / /rlung las me ni yang dag 'byung / /me las chu ni yang dag 'byung / /chu las kyang ni sa skye ste/ /sems can rnams kyi 'byung ba 'di'o/ /sa yi khams ni chu la thim/ /chu ni me la thim pa'o/ /me yang phra ba'i khams la'o/ /rlung ni sems la rnam par thim/ /sems ni sems las byung la thim/ /ma rig pa la sems 'byung ngo / /de yang 'od gsal ba la 'gro/ /'di ni srid gsum du 'gog pa'o/ /thog ma med pa'i dus can gyi/ /srid pa'i 'khor lo 'di 'jug ste/ /ji srid sgyu lta'i ting 'dzin gyis/ /bdag nyid ma mthong bar du'o/ /zhes so/ /'dir 'od gsal ba ni thams cad stong pa ste 'chi ba'o/ /stong pa chen po ni snang ba thob pa ste dri za'i sems can gyi ngo bo can sems so/ /thabs ni snang ba mched pa ste/ 'dod pa nye bar len pa'i sems so/ /shes rab ni snang ba ste skye ba bzung ba'i sems so/ /de las las las skyes pa rlung la sogs pa rnams shin tu dang ches shin tu byung ba rnams su 'gyur te/ de dang de'i sems kyi rang bzhin rnams kyang ngo / /de rnams kyang dgongs pa bla na med par dka' 'grel gyis bdag cag gis gsal bar byas pas 'dir ma spros so/ /thim pa na ni sa la sogs pa'i rim pa ste/ lhong pa nyid dang ro bro ba med pa nyid dang / me drod zhen pa nyid dang lus la sogs pa'i g.yo ba zhen pa ni/ snang ba la sogs pa rlung du son pa na rim pas rang nyid ji lta bar rang bzhin rnams zhen par gyur nas 'gag go/ /de nas thams cad stong pa 'chi ba ste/ slar yang sngar bzhin du 'khor ro/ /de ltar 'di ni rkyen nyid tsam gyis skye ba thog ma dang dbus dang mtha' med pa 'khor lo'i rtsibs bzhin du mtho ba dang dma' bar 'gro ba srid pa'i 'khor lo'o/ /de zlog pa ni bskyed pa dang rdzogs pa'i rim pa dag gis sgyu ma lta bu'i ting nge 'dzin gyi ngo bo byang chub kyi sems kyis so/ /de'i phyir gsungs pa/ ha yig kho nas zhes pa U dang ma yang dag par sbyar ba las/ hUM yig gis te byang chub kyi sems kho nas zhes pa'i don to/ /yang dag par ldan pa nyid ni de bdag nyid kho nas so/ /de ltar yang dpal 'dus par gsungs pa/ khyed rnams sems lus kyi rnam pas dang lus sems kyi rnam pas dang sems tshig tu brjod pas bskyed cig ces te/ yid kyis rang bzhin gyi lus bskyed cig pa'o/ /ci ltar zhe na/ gang longs spyod rdzogs pa'i lus kyi rnam par rdzogs pa'i sems kho na de'o zhes pa sems lus kyi rnam pa ste/ kun rdzob pa'i sems las gzhan ci yang yod pa ni ma yin pas so/ /gang yang tshig tu brjod pa de'i ngo bor sems kho na bskyed cig pa'o/ /de ltar gzung ba dang 'dzin pa dang bral ba stong pa nyid dang ro gcig pa phan tshun tha mi dad pa'i lus dang ngag dang sems ni byang chub kyi sems su bka' stsal to/ /'di kho na rang byin gyis brlab pa'i rim pa'o zhes bstan to/ /gang 'phags pa klu sgrub zhabs kyis gsungs pa/ rang byin brlab pa'i rim zhes bya/ /kun rdzob bden par bstan pa ste/ /zhes so/ /slar yang / 'di la skye ba ci yang med/ /su yi 'ang 'chi ba ci yang med/ /sems kyi ngo bo'i rnam gnas pa/ /'khor ba kho nar shes par bya/ /rlung gi sbyor ba med par ni/ /sems kyi rang bzhin gzung du med/ /sems te rang bzhin rgyu nyid las/ /las dang skye ba kun du 'byung / /de nyid rlung dang yang dag ldan/ /rnam shes gsum po slar yang ni/ /rnal 'byor pa yi lus skye'o/ /de ni sgyu ma'i lus su brjod/ /ces pa nas/ ji srid du/ kun rdzogs bden pa sgyu ma nyid/ /longs spyod rdzogs pa'i sku yang ste/ /de nyid dri za'i sems can 'gyur/ /rdo rje'i sku yang de kho na'o/ /zhes pa'i bar ro/ /kun du zhes pa rdzogs pa'i rim pa la dang bskyed pa'i rim pa la'o/ /sangs rgyas thams cad de gzugs kyi phung po la sogs pa dang me long lta bu'i ye shes la sogs pa'i rang bzhin rnam par snang mdzad la sogs pa rnams kyi yang dag 'dus pa gsal bar gyur par 'gyur ro/ /ni ste gang phyir dbang po gnyis snyoms par zhugs pa las sam bde ba khu ba dang ro gcig pa 'dres par 'dir 'byung ngo zhes pa/ bde 'byung nA da ste de las te khu ba 'dus pa las nges byung ba'o/ /dam tshig ni spyan ma la sogs pa'i lha mo la sogs pa'i rang bzhin rnams te/ de rnams kyi spyod pa ni rab tu 'jug pa'o/ /de'i spyod yul ni yul rnams te/ rnam par snang mdzad la sogs pa gzugs kyi phung po la sogs pa'i rang bzhin rnams so/ yang na dam tshig ni sems dang spyod pa ni ngag dang / spyod yul ni lus so zhes pa drang ba'i don to/ /bde ba chen po dang ro gcig pa'i chos kyi sku ni dam tshig ste/ spyod pa ni longs spyod rdzogs pa'o/ /spyod yul ni dag pa dang ma dag pa'i sems can gyi phung po la sprul pa'i sku'o zhes pa nges pa'i don to/ /bskyed pa'i rim pa la ni bde 'byung dang nA da ni rdo rje sems dpa'i mngon par rtogs par rnam par phye'o/ /dam tshig spyod pa spyod yul rnams ni thugs dang gsung dang sku'i bdag nyid ting nge 'dzin dang ye shes dang dam tshig sems dpa' rnams so/ /de nyid kyi phyir byang chub kyi sems 'di ni rim pa gnyis ka la yang lha 'byung ba'i rgyu nyid kyi phyir/ rnyed dka' ba ste bsod nams dman pa rnams kyis so/ /'jig rten gsum du ste mtho ris dang mi yul dang sa 'og rnams su'am/ 'dod pa dang gzugs dang gzugs med pa'i khams su'am/ lus dang ngag dang sems rnams su'o/ /thog ma dbus mthar te 'das pa dang da ltar byung ba dang ma 'ongs pa'i dus rnams su 'am/ skye ba gnas pa dang 'gog pa rnams la rgyun du gyur bzhin pa gnas so/ /de bzhin gshegs pa rnams byung yang rung ma byung yang rung / chos rnams kyi chos nyid 'di ni gnas pa ste/ 'di lta ste/ de bzhin nyid dang stong pa nyid dang chos kyi dbyings so zhes gsungs pa'i phyir na/ stong pa nyid dang ro gcig pa'i ye shes kyang stong pa nyid kyi sgra'i brjod par bya ba nyid kyi phyir ro/ /gang gi phyir de ltar gnas kyang rnyed par dka' ba de'i phyir bsrub bya ni bdud rtsi'i rgya mtsho chos 'byung ste/ srub byed ni rdo rje'o/ /de dag yang dag sbyor ba las bdud rtsi bzhin du bde ba chen por ji ltar 'gyur ba de ltar nyon cig pa'o/ / sngags kyi bzlas pa ni rdo rje bzlas pa'o/ /dpyid kyi thig le la sogs pa bsam gtan no/ /mchod pa la sogs pa yang ste/ de rnams dang lhan cig go/ /de rnams kyang nyon zhes pa'i don to/ /rgyud du zhes pa rigs brjod pa'i phyir sna tshogs pa'i rgyud rnams su bshad pa 'dir khyad par du gsungs pa'o/ /skye gnas zhes pa skye gnas kyi 'khor lo'i dbus su'o/ /g.yon du skyes pa'i khu ba dang g.yas su bud med kyi khrag go/ /g.yon du khu ba'o/ /de'i zhes pa khu ba'i dang khrag gi'o/ /chos kyi dbyings stong pa nyid dang ro gcig pa'i sems yang dag par 'dzin pas na chos dbyings bsdus pa'o/ /'di yang thog ma snying stobs dang rdul dang mun pa rnams mnyam pa'i gnas skabs ni rang bzhin te/ de las gzhan pa'i gnas skabs yongs su 'gyur ba'i khyad par ni rnam 'gyur ro/ /de la snying stobs zhes pa la sogs pa la/ dang po'i gnas skabs su snying stobs lus te khu ba'o/ /rdul ni ngag go/ /mun pa ni sems te bskyed pa dang ldan pa'o/ /nam gyi tshe zhe na/ gang gi tshe dri za'i sems can gyi gnas skabs dor nas dngos por mnyam 'gyur ba na ste/ dngos po dag dang ste khu ba dang khrag dag dang ro mnyam pa ste phyis ci'o/ /de las gsum por ro mnyam pa/ rim gyis de bzhin gshegs pa lnga'i bdag nyid kyis lus drug pa rdo rje 'chang du brjod do/ /rdo rje lus kyang ste/ rdo rje de bzhin gshegs pa rnams dang / de'i rang bzhin gyis lus so zhes byas nas so/ /'dir de ltar bdud rtsi lnga gsungs so/ /rgyud kha cig tu bad kan gyi gnas su rkang mar gsungs shing / kha cig tu sha ste/ ji skad du phyag rgya chen po thig ler/ rin chen dbang po khrag ces bshad/ /snang ba mtha' yas khu bar brjod/ /don yod grub pa sha chen te/ /mi bskyod pa ni rdo rje'i chu/ /rnam par snang mdzad rtug par bshad/ /'di rnams bdud rtsi lnga mchog go/ /zhes so/ /rnam pa gzhan gyis sdud de/ rus pa zhes pa la sogs pa'o/ /yang 'di rnams kyi skye ba ni bza' ba dang btung ba la sogs pa smin pa la 'byung ste/ dang por ro'o/ /de nas khrag dang sha dang pags pa dang rus pa dang rkang mar dang khu ba rnams rim pas so/ /de nyid kyi phyir khu ba ni 'di skye ba bdun pa'o zhes pas skye ba bdun pa zhes brjod de/ nges pa'i don gzhung 'dzugs pa la/ /skye ba bdun pa phyugs nyid ni/ /mkha' spyod dngos grub ster ba po/ /phung po khams ni brgyal ba dang / /nad dang rgas pa 'phrog par byed/ /'khor los sgyur ba nyid ster byed/ /yul dang dbang po bsad byas pas/ /shin tu phra sogs yon tan ldan/ /mkha' la spyod pa nyid 'dis ster/ /phyi rol dngul chu bcing ji ltar/ /de ltar ye shes ro 'di yang / /zhes dgongs pa'i dbang las so/ /gang gi phyir de ltar yin pa de'i phyir/ /gong bu gcig ces pa khu ba dang khrag dang rnam par shes pa rnams ro gcig pa nyid kyi phyir ro/ /rnam gnyis ni khu ba dang khrag gi dbye bas so/ /rnam pa du ma ni sha dang pags pa dang rus pa dang rkang mar dang bshang ba dang gci ba dang bad kan la sogs pa'i dbye ba las so/ /de ltar rang bzhin gcig kho na du ma'i rang bzhin du de'i rang gi ngo bo bcom ldan 'das rdo rje can stong pa nyid dang snying rje'i rang bzhin gyi sku can byang chub kyi sems rdo rje 'dir te rdzogs pa'i rim pa la bstan to zhes pa mjug sdud do/ /sngags kyi bzlas pa yan lag dang bcas pa mdor ston pa'i ched du gsungs pa/ rtsa zhes pa la sogs pa'o/ /de ma thag par gsungs pa'i gong bu sprul pa'i 'khor lo la sogs pa'i rtsa rnams su dkyil 'khor bzhi'i bdag nyid rlung gi bzhon pa can sems/ 'pho ba kho na gsungs pa ni/ gnas pa nye bar mtshon pa nyid kyis/ /e yig sa ru shes par bya/ /zhes pa la sogs pa ste/ gang 'khrul 'khor byas pa las byang chub sems gang ba nyid du 'gyur bsgo la sogs pa ni ma yin pas/ de 'dir brjod par bya'o zhes dgongs so/ /gang gi phyir byang chub sems de sgo gnyis dag tu 'khrul 'khor du byed pa na/ de rnams zhes pa rtsa de rnams 'du ba'i dus su ste yang dag par gang ba nyid kyis rgyun gyis khyab pa'i dus rnams su chung ngu la sogs pa'i rim pas khyab pa las mang po rnams su lha nyid de byang chub kyi sems dang de'i rang bzhin phung po la sogs pa rnams dmigs pa ste stong pa nyid dang ro gcig pa'i bde ba chen po nyid du rtog par 'gyur ro/ /de gsungs pa/ byang chub sems ni sum cu gnyis/ /gang tshe 'dir ni gang bar 'gyur/ /dbang po phung po 'byung ba rnams/ /de ma thag tu sangs rgyas nyid/ /ces so/ /sgo gnyis po de ci zhig ce na mdor ston pa/ steng gi zhes pa la sogs pa'o/ /rnam par shes pa ni byang chub kyi sems te/ 'og gi sgo nas lte ba ji srid par 'jug par bsam par byas shing nges par brtag par bya'o/ /khams rnams kyang steng gi sgo nas 'byung ba'i nang du lte ba ji srid par 'jug pa'o/ /de bzhin du lte ba'i 'og tu yang rtsa gsum nas rnam par shes pa dang khams rnams lte bar 'jug pa'o/ /de nas de ltar 'khrul 'khor byed pa nas sems brtan pa nyid las rlung phyi rol du 'gro ba 'gog pa ni/ rim gyis na rtsa rnams thams cad du 'du ba ji skad gsungs pa'i khyab par byang chub kyi sems 'gyur ro/ /kun nas khyab pa na ni steng gi sgor dang 'og gi sgor yang 'khrul 'khor byas pa na/ byang chub kyi sems de rdo rje 'dzin pa bcom ldan 'das lus la rtag pa ste rgyun mi 'chad pa/ kun tshe ste 'tsham pa med pa'i dus su bzhugs par 'gyur gyi 'ga' zhig gi tshe 'jig pa ni ma yin no/ /de la steng sgor te yang dang 'brel ba las 'og gi sgor yang 'khrul 'khor gsum rnams kun du sdud pa ni 'khrul 'khor gsum mo/ /ci yis zhes pa grangs can pa'i skyes bu bzhin du phul du byung ba sgrub tu med pa la bgrod pa mi rigs pa'i phyir ro zhes pa bsam pa'o/ /yang na dri ba la ci'o/ /ci ltar 'khrul 'khor gsum yin zhes 'brel lo/ /sgo dgus yongs su bskor ba nyid ni lus kyi 'khrul 'khor kho nar gsal bar byed par 'gyur ro/ /dri ba dang po la lan gsungs pa/ lus la sogs pa gsum rnams 'khrul 'khor du byed do zhes pa 'khrul 'khor rnams so/ /gnyis pa la ni rnam gsum ste/ tha mal sogs pa yis so zhes pa'o/ /ci ltar zhes pa rab tu rgyas par 'chad de/ gcig ces pa la sogs pa ste/ keng rus kyi dbyug pa 'di'i ka ba gcig yin pa zhes pa'o/ /rags pa ni sgo gzhan la ltos pa ste/ 'di'i lhag pa'i lha phung po lnga'i bdag nyid rnam par snang mdzad la sogs pa yin pa zhes pa lhag pa'i lha lnga can no/ /de ltar 'khrul 'khor phyi ma gnyis kyang lhag pa'i lha lnga can no/ /mgo bo dang smin ma dang mig dang rna ba dang sna dang kha dang lte ba dang / gci ba dang bshang ba'i rtsa rnams ni bug pa dgu rnams te/ byang chub kyi sems 'bab pa'i phyir ro/ /der son pa'i lus kyi sgo rnam pa dgu'o/ /'byung ba la sogs pa'i rang bzhin spyan ma dang rnam par snang mdzad la sogs pa'i lha rnams kyis sprul pa ste sngags la sogs pas sprul pa bzhin du rang bzhin med pa'o zhes pa dgongs pa'o/ /dri ba gsum pa lan 'debs te/ sems kyi zhes pa sems rlung la zhon pa ni skyes bu rnal 'byor pa stong pa nyid dang snying rje dbyer med pa kho na'o zhes pa'i don te/ dam pa'i don yin gyi/ grangs can po'i skyes bu bzhin du rtag par rang bzhin dang bcas pa ni ma yin te/ gang las 'di'i de dang 'dra bar 'gro ba la sogs pa med pa yin pa'o zhes dgongs pa'o/ /rtag tu ni rgyun mi 'chad par ro/ /'gro ba'i khyad par ni 'og dang steng dag tu 'jug pa dang 'byung ba dag ste/ sgo dgu rnams kyi bar gyi gnas skabs su rlung 'bab pa'i dbang las so/ /de skad du ni rdo rje'i sgo'i rnal 'byor gyi rgyud du/ srog dang thur sel dang mnyam gnas dang gyen rgyu dang khyab byed dang rgyu ba dang rnam par rgyu dang yang dag rgyu dang nges par rgyu dang rab tu rgyu ste rlung bcu rnams kyi bya ba bstan to/ /de la snying gar gnas pa'i rlung ni/ rab gnon las dang srog rtsol las/ /dbang po'i sgo yi rgyun rnams kyis/ /rtag pa'i dus su rab 'gro ba/ /srog ces par ni mngon par brjod/ /rab gnon ni 'byung ba dang 'jug pa dag go/ /srog rtsol ni tshe ring bar byed pa ste/ srog ste sems kyi rtsol ba ste ring du byed cing rgyas par byed pa zhes pa srog rtsol lo/ / srog tu byed dbugs su byed pas srog ste/ rlung rnam pa bcur 'gyur ro/ /bshang lam du gnas pa ni/ rlung gcig bshang ba khu ba sogs/ /thur du 'dren phyir thur sel lo/ /lte gnas bza' btung la sogs rnams/ /mnyam par 'dren phyir mnyam gnas so/ /mgrin par gnas pa ni/ gyen 'gro'i phyir dang sdud pa las/ /bza' dang bca' sogs za ba yis/ /gyen rgyu'i las su rnam shes bya/ /shes dang lhan cig sbyor las so/ /gyen 'gro ni sna'i bu ga la sogs pa rnams nas so/ /sdud pa ni nang du 'jug pa'o/ /shes pa dang sbyor ba ni rlung bcu po rnams kyang 'bab par byed pa nyid kyi phyir ro/ /tshigs la gnas pa ni/ khyab dang 'dzin pa nyid dang ni/ /'gro ba dang ni 'ong ba sogs/ /tshigs rnams kun du khyab pa'i phyir/ /khyab byed ces par mngon par brjod/ /rgyu ba ni mig la brten nas gzugs kyi rnam shes skyed par byed do/ /rnam par rgyu ni rna ba la brten nas sgra la shes pa'o/ /yang dag rgyu ni sna la brten nas dri'i shes pa'o/ /rab tu rgyu ni lce la brten nas ro'i shes pa'o/ /nges par rgyu ni lus kyi skye mched la brten nas reg bya la shes pa'o/ / 'phags pa'i lha'i zhabs kyis kyang gsungs pa/ rlung bcu po 'di rnams ni slar yang dbugs rngub pa dang 'byung bar 'gyur te/ dkyil 'khor bzhi'i bdag nyid rnams dang 'byung ba lnga'i bdag nyid rnams dang me long lta bu la sogs pa ye shes lnga'i bdag nyid dang 'od zer lnga'i bdag nyid rnams te/ de rnams kyang yi ge gsum gyi gzhir gyur nas 'jug pa dang gnas pa dang / ldang ba'i rim gyis rdo rje bzlas pa byed do/ /de rnams kyang a yig gi gzhir gyur nas tshig brjod pa ma lus pa byed du 'jug go/ / de rnams kyang gzhom du med pa thob nas rang bzhin med par 'gyur ro zhes so/ /dgongs pa lung ston pa'i rgyud du yang / byang chub sems ni rlung 'gyur zhing / /nam mkha' la yang rnam par gnas/ /sems can rnams kyi srog gyur pa/ /lnga yi bdag nyid bcu ming can/ /zhes so/ /nam mkha' la ste lus kyi bu ga la'o/ /lnga'i bdag nyid ni de bzhin gshegs pa lnga'i bdag nyid do/ /mtha'i gnas skabs su ni bgrod pa'i khyad par 'pho ba'i rab tu byed par 'chad par 'gyur ro/ /ngag gi bgrod pa'i sgo brjod pa'i ched du gsungs pa/ de ltar zhes pa ste bgrod pa'i khyad par las 'gro ba'i rlung nyid la sogs dbye bas rlung rnam pa bzhi'o/ /'gro ba ni sems kyi gnas pa'i khyad par kho na ste/ gnas pa yang rnam pa gnyis so/ /de la zhum pa'i rgyas par ston pa/ zhum pa'i gnas pa'o zhes pa brtan pa nyid de 'bab par gyur pa'i rlung brtan pa'i phyir ro/ /rab rgyu'i cho ga rgyas par bstan pa ni/ /rtag tu rab rgyu'i 'gro dang 'ong zhes pa'o/ /bgrod pa'i khyad par zhes pa 'di ci zhe na/ gsungs pa/ me zhes pa la sogs pa'o/ /'khor lor ni dkyil 'khor du'o/ /kun spyod ni 'jug pa dang 'byung ba dag go/ /song ni bgrod pa'o/ /steng du song ba ni me'i dkyil 'khor du 'bab pa ste sna'i bu ga'i g.yas ngos nas so/ /g.yon ngos su son pa ni rlung gi ru'o/ /thad kar gnyis kar son pa ni sa'i ru'o/ /'og tu son pa ni chu'i ru'o/ /'byung ba lnga pa nam mkha'i khams ni khyab par byed pa nyid kyis gnas bzhi rnam pa gsum yang dkyil 'khor bzhi yang dag rgyu ba'i dus kho nar yang dag par rgyu'o zhes pa la sogs su ma gsungs so/ /de skad du yang 'phags pa'i lha'i zhabs kyis gsungs pa/ rdo rje dang pad+ma dag gi sna dag las 'od zer byung zhing / gyen du song ste rab tu grags pa'i sna'i rtse mo nas rgyu'o/ /de las dang chu dang me dang rlung zhes khams kyi bya ba dkyil 'khor bzhi rnams phyir 'byung zhing / khyab byed ni khyab par byed pa'i rlung phyir mi 'byung ba khyab pa'i 'od zer can te/ rnam par snang mdzad de bzhin gshegs pa nam mkha' dang mnyam pa'i rang bzhin no/ /'on kyang 'od zer re re 'byung ba na/ 'od zer lnga can rnams phyir 'byung ste/ khams kyi dkyil 'khor gcig gis khams bzhi rnams la khyab pa'o zhes so/ /'dir ni sa la sogs pa'i rlung 'od zer bzhi po rnams 'di yis khyab pa rnams so zhes pas khyab pa'i 'od zer can zhes par khams kyi zhes pa la sogs pas gsal bar mdzad do/ /cha shas re re ni dkyil 'khor bzhi po rnams kyi dkyil 'khor so so'i 'od zer dge ba ste bde ba bskyed par rung ba nyid kyis bde ba'i ngo bo nam mkha'i bdag nyid kyi rlung ma'i skye gnas nas phyi rol du byung ba nas brtsams te 'byung zhing / de nyid dang lhan cig sa la sogs pa rnams 'od zer lnga can rnams su 'gyur ro/ /rlung bcu po rnams dkyil 'khor bzhi'i bdag nyid can rnams dang 'byung ba lnga'i bdag nyid rnams shes pa yang 'thad do/ /dus tha dad par nam mkha' rgyun ni thun phyed kyis me la sogs pa'i dus sbyor bzhi po rnams kho na'i 'o/ /dgongs pa lung ston pa'i rgyud du/ gos dkar la sogs bzlas bshad pa/ / brgya phrag gnyis dang nyi shu lnga/ /bzhi yis yang dag bsgyur ba ni/ /sbyor ba bzhi la brgya phrag dgu/ /zhes nyin mtshan gyi thun phyed pa nyi shu rtsa bzhi rnams kyis so sor 'byung ba'i rnam pas bsgyur ba las/ dgu brgya rnams su gang bstan pa/ /nyi shu rtsa bzhi'i rim rnams kyis/ /de ni so sor 'byung ba las/ /nyi khri chig stong drug brgya'o/ /zhes 'pho ba'i dbugs kyis grangs gsungs pa ci ltar yin/ so sor rang dbang du yang dag par rgyun ni nam mkha'i yang dbugs kyi grangs gsungs pa'i bya ba shor bar 'gyur ro/ /dpal rdo rje phreng ba'i rgyud du yang nam mkha' nang du 'dus pa kho nas dkyil 'khor bzhi rnams kho na'i rgyu ba gsungs pa/ sna rtse yungs kar zhes bya ba/ /srog dang rtsol bar brtags pa ste/ /srog dang rtsol ba la gnas pa/ /'od lnga sangs rgyas rnams su sgom/ / steng du sna las nges 'byung ba/ /g.yon dang g.yas dang gnyi ga dang / /dal ba zhes pa rnam pa bzhi/ /nang gi dus ni yin par 'dod/ /mgrin pa snying ga lte ba dang / /gsang ba'i pad+mar 'gro 'ong ston/ /thun phyed dus su rim 'ongs pas/ /go rims ji bzhin gnas par byed/ /g.yas pa nas ni 'byung ba'i 'od/ /me yi dkyil 'khor de yin te/ /kha dog dmar zhing gsal ba 'di/ /pad+ma mgon po 'di la lha'o/ /g.yon pa nas ni 'byung ba'i 'od/ /rlung gi dkyil 'khor ming can te/ /ljang sngon ru ni rab snang ba/ /las kyi mgon po 'dir lha nyid/ /gnyis ka las ni byung ba'i 'od/ /kha dog ser po'i 'od chen po/ /dbang po chen po'i dkyil 'khor 'di/ /rin chen mgon po 'di la lha'o/ /dal zhing dman par rab rgyu ba/ /dkar ba kun da ltar snang ba/ /'di ni chu yi dkyil 'khor te/ / rdo rje mgon po 'di lha nyid/ /lus kun la ni rjes song rlung / /bya ba kun la 'jug byed pa/ /'di ni rnam snang mdzad rang bzhin/ /shi ba'i lus las nges 'byung 'gyur/ /rlung gi de nyid gsal ba 'di/ /ye shes lnga yi ngo bo nyid/ /ces so/ /de bzhin du gnyis su med pa mnyam pa nyid rnam par rgyal ba'i rgyud du/ ya yig don gyis gang ci'ang rung / dngos grub 'dod pas bya ba'o/ /ra la sogs pa gsum gyis kyang / /'gro ba'i don la 'jug par bya/ /me dang rlung dang dbang chen dang / /chu ste sa'i dkyil 'khor du/ /thun ni phyed phyed dus rnams su/ /las dag gnyis gnyis gnas par 'gyur/ /zhes pa 'dis sa dang chu dang me dang rlung gi dkyil 'khor rgyu ba rnams su rim pa ji lta bar zhi ba dang rgyas pa dang dbang du bya ba dang mngon spyod kyi las gtso bor dang / dkyil 'khor re re la ni gang na gcig yin pa de na bzhi rnams so zhes pa'i rig pa las gzhan pa'i las gsum phal pa'o zhes thun phyed kyi dkyil 'khor so so la gtso bo'i las gnyis gsungs shing / de ltar nam mkha'i dkyil 'khor gyi gang du yang ma yin no/ /las thams cad pa nyid ni 'di la gcig dkyil 'khor bzhi'i nang du 'dus pa kho na las shes par bya'o zhes pas ma brjod do/ /a wa d+hU tI'i lam nas kyang rgyu ba'i rlung ni dkyil 'khor bzhi rnams sna bug dag las rgyu ste/ lnga pa de ni de'i nang du 'dus pa kho na'i phyir logs par ni ma yin no/ /gzhan yang brtag pa gnyis pa'i rgyud du/ bde ba nyid ni nam mkha'i khams/ /zhes pa 'dis mer mer po'i gnas skabs su khams bzhi'i rnam pa can kho na'i bde ba'i shes pa ni nam mkhar gsungs kyi/ lhan cig gnas pa'i rnam pa med pa ni ma yin no/ /khu ba'i rnam pa bcom ldan 'gyur/ /de yi bde ba 'dod mar bshad/ /ces pa 'dis kyang shes rab dang thabs dag dbyer med pa mang du gsal bar byed pa'i phyir khu ba'i rnam pa can kho na bde ba nyams su myong bar gsungs kyi/ ye shes rnam pa med pa yang ma yin no/ /de las gzhan pa'i nam mkha' zhes bya ba cung zad yod pa yang ma yin la/ de 'byung ba yang ma yin te/ ma skyes pa nyid kyi phyir ro/ /snang ba dang / mun pa'i ngo bo yang 'byung ba dang / 'byung ba las gyur pa'i ngo bo'i khyad par gzugs kho na'o zhes gzhan du dpyad zin to/ /des na cis stong pa'i dkyil 'khor gzhan pa'o zhes brjod/ gang dus kyi 'khor lor nam mkha'i dkyil 'khor logs su bton nas gsungs pa de ni mu stegs pa'i lta ba la mngon par zhen pa'i nyi ma'i shing rta la sogs pa gdul bya rnams nges pa'i don la gzhug pa la ldem por dgongs pas drang ba'i don kho na ste/ phag la sogs pa 'dod pa'i rjes su 'jug pas ri rab kyi steng gi mtshams su khams gsum pa'i snod kyi 'jig rten gyi bkod pa la sogs pa brten pa bzhin no/ /'o na dus kyi 'khor lo dang de'i rjes su 'brang ba'i gzhung rnams su theg pa gsum dang 'gal ba'i rnam par gzhag pa mang po rnams bya ste/ de'i gzhung byed pa grags pa dang pad+ma dkar po dang rdo rje snying po dang phyag na rdo rje'i ming can de rnams byang chub sems dpa' rnams ma yin pa kho na'o zhes mang du shes pa rnams smra'o/ /'di'i phyir 'gal ba thams cad ma spangs pas na/ 'ga' zhig tu 'gal ba spong ba'i 'bad rtsol gyis ci bya zhe na/ dus kyi 'khor lor bstan pa rgyud gzhan dang mi 'gal ba'i don gyi cha 'ga' zhig gi ni kho bos rang gzhung gi phyogs rnams su rjes su 'brang zhing / gdul bya 'ga' zhig gi bsam pa'i rjes su 'jug pas 'gal ba'ang kha cig spangs so/ /de las gzhan la ni 'gal ba ma spangs na yang 'di rnams la nyes pa ci yang med do zhes pa shin tu rgyas par brjod pas chog go/ /shi ba'i lus la nges 'byung 'gyur/ /zhes pa 'di la man ngag gis nyin mtshan so sor thun tshod phyed pa so so la bzhi rnams so zhes pas thun tshod phyed pa nyi shu rtsa bzhi rnams kyis khams bzhi'i dkyil 'khor rnams to/ dgu bcu rtsa drug go/ /khams kyi dkyil 'khor gcig la rkang pa dang bcas pa'i brgya phrag gnyis kyi dbugs rnams so/ /de la dbugs phyed dang bcas pa'i bdun rnams ni khyab byed kyi ste/ mi phyed ma la sogs pa rtsa sum cu rtsa gcig rnams su dbugs sum cu rtsa gcig gi rjes su bdud 'dral ma zhes bya ba dus kyi rtsar dbugs re re rgyu ba'i phyir dang lhag ma gcig gi phyed rgyu ba'i phyir ro/ /des na dkyil 'khor dgu bcu rtsa drug rnams la khyab byed kyi dbugs bdun brgya nyi shu ste chu tshod gnyis zhes bya'o/ /lo brgya'i nyin mtshan rnams chu tshod gnyis kyis bsgyur ba rnams la/ chu tshod stong phrag bdun cu rtsa gnyis rnams su 'gyur ro/ /de nyid kyi phyir ma'i skye gnas las phyir 'byung ba nas brtsams nas nyin mtshan so so la lus kyi chu tshod gnyis dag tshe zad pa'i phyir lo brgya rnams kyis chu tshod stong phrag bdun cu rtsa gnyis rnams la tshe thams cad zad de/ 'di'i phyir 'chi ba'i skad cig la khyab byed kyi rlung / shi ba'i lus las nges 'byung 'gyur/ /zhes brjod par bya'o/ /ngag gi ba zhes pa/ ji srid 'jig rten brdar btags dang / /de bzhin brtags pa sna tshogs rnams/ /byang chub sems las 'byung ba'o/ /rnam rtog rlung las rtag tu'o/ /zhes dgongs pa lung ston pa'i rgyud du gsungs pa'i phyir na/ ngag rnams kyi rgyu ni rlung dang rnam par rtog pa dag go/ /rnam par rtog pa'i ni sngar gyi shes pa dang rlung ngo / /de'i phyir de rnams kyi yang dngos su dang brgyud pas rlung rgyu yin no zhes pa ngag gi ba'i sgo'o/ /rlung dang sems 'di dag kyang sgro btags pa nyid kyis te/ don dam pa pa nyid kyi ni/ de'i rang bzhin gyis ngo bos rgyu yang ma yin gyis/ 'on kyang stong pa nyid kyi rang bzhin gyis so/ /gang mi'am ci'i rgyal pos zhus pa'i mdor gsungs pa/ de ci lus kyi nang gi khong nas sems can rnams thams cad kyi sgra dbyangs rnams 'byung ngam/ 'on te sems las yin/ smras pa lus las ma yin/ sems las ma yin no/ /'o na ci las yin/ smras pa/ nam mkha' las 'byung ngo / /nam mkha'i rang bzhin can ni sgra rnams te/ rnam par rig ma thag tu 'gag go/ /'gag pa rnams kyang nam mkha'i rang bzhin kho na la yang dag par gnas so zhes so/ /rdo rje bzlas pa nyid kyi phyir na 'bad pas ngag rnams mi brjod par bya ba nyid kyis 'di yid kho na'i yin pa ni yid kyi sgo ste rnam pa gnyis so/ /ci ltar zhe na/ zla ba ni la la nA ste/ rlung la zhon pa'i khu ba 'bab pa'i phyir ro/ /nyi ma ni ra sa nA ste rlung la zhon pa'i khrag 'bab pa'i phyir ro/ /de dag gi rab dbye las te rab tu gyur pa'i khyad par las ni nye bar ma btags pa las sgo la 'jug pa dang 'byung ba'o/ /nye bar brtags pa las ni la la nA dang ra sa nA dag sems rgyu ba'i ste rlung gi sgo nyid kyis na sems kyi yang zhes pa'o/ /gzhan yang la la nA spro bar byed pa po ni/ phal cher khu ba 'og tu 'bab pa'i phyir 'og gi sgo ste/ des rnam par shes pa khu ba 'og tu lte ba ji srid par 'jug go/ /ra sa nA ni sdud pa mo phal cher gyen du khrag 'bab pa'i phyir steng gi sgo'o/ /'on kyang 'dir gtso bo'i sgo gnyis kyi rnam par shes pa nye bar mtshon pa nyid kyi phyir khams la sogs pa rnams kyang ngo / /khams rnams ni sa la sogs pa rnams te/ spyan ma la sogs pa'i bdag nyid kyi rnam par snang mdzad sogs de bzhin gshegs pa lnga po 'od zer lnga'i rang bzhin rnams rab tu 'jug cing nges par 'byung ngo / /'on kyang steng gi sgor rnam shes la sogs pa rnams g.yo ba ste 'jig pa'i ngang can nyid kyi phyir mi brtan pa'o/ /g.yo zhing mi gnas zhes 'don pa la ni 'jig pa'i ngang can nyid kyis ni mi gnas pa rnams so zhes pa'i don to/ /gang gi phyir de rnams kyi 'og tu lte ba'i chu skyes la rnam par gnas shing steng du 'gro ba na ni gshegs su gsol ba ste/ de las 'jig pa kho na'o/ /de ltar a ba d+hU tI ru yang rlung 'bab pa'i dbang las spros pa dang sdud par byed pa 'jug pa dang 'byung ba dag rig par bya ste/ go sla ba'i phyir ma gsungs pa'o/ /lte ba'i 'og tu yang la la nA dang ra sa nA dang a ba d+hU tI rnams su go skabs ji lta bar 'jug pa dang 'byung ba dag shes par bya ste/ lte ba'i steng dang 'og tu de rnams dbyer med pa'i phyir ro/ /gang gsungs pa/ zla ba'i lam gyis bshang ba'i rtsa/ /nyi mas gci ba 'bab pa ste/ skye 'chi mnyam pa chags pa la/ /sgra gcan gyis ni khu ba 'bab/ /lte ba'i chu skyes snying mgrin dang / /dpral ba gtsug tor 'dam skyes la/ sa chu me rlung stong pa rnams/ /sdud pa yis ni rab tu 'bab/ /'byung byed de ni 'jug pa ni/ /spro bas 'jug ste sa la'o/ /pad lte nas ni pad lte'i dbus/ /a wa d+hU tIs 'gro dang 'ong / /lte gsang nor bu'i chu skyes la/ /lus ngag sems rnams 'bab pa ni/ /'byung dang de ni 'jug pa dag /sdud dang spro ba'i ngo bo can/ /zhes so/ /mnyam pa la ste sna'i bu ga dag gang yang rung bar 'pho ba na'o/ /chags pa la ni shes rab dang sbyor ba las so/ /sgra gcan ni sems so/ /stong pa ni bde ba'o/ /de ltar gnas pa ni sems dgug pa 'jug pa dang gshegs gsol 'byung ba ste/ de'i rang gi ngo bo'i 'gro ba ni nyin mo dang mtshan mor ro/ /de ltar na ni dus gsum pa ste skyes nas thim pa dang skye bzhin pa dang skye bar 'gyur ba'i sangs rgyas thams cad de rnam par snang mdzad la sogs pa 'od zer gyi bdag nyid can rnams dang / mkha' 'gro ma spyan ma la sogs pa sa la sogs pa sbyor ba'i bdag nyid can yin zhing ma ma rnams kyang ste gnas skabs kyi khyad par skyed pa'i phyir ro/ /dbugs rngub pa dang 'byung ba'i rang bzhin gyis 'jug pa na ste rab tu 'jug pa na spro bas rgyas pa la sogs pa'i yon tan rnams kyis bde ba'i ngo bo rnams dang / ldog pa na ste phyir 'byung ba nas khams zad pa la sogs pa'i skyon rnams kyis sdug bsngal gyi ngo bo rnams te/ sems can rnams thams cad kyi'o/ /ci 'ga' zhig kho nas 'bad pa las grub pa yin nam zhe na ma yin te/ gang gi phyir lhan cig skyes par gnas shing 'ga' zhig gi 'bad pa med par yang snga ma'i las kyi sprul pa las grub pa ste rdzogs pa rnams so/ /'di ni rdzogs pa'i rim pa la lhan cig skyes par grub pa'i rdo rje bzlas pa gsungs so/ / 'di yang 'dir khyad par dang bcas pa'i sdud pa'i don te/ 'dir lus la rlung 'byung ba ni steng gi sgor brjod cing / 'jug pa ni 'og gi sgo ste de la zhon pa'i sems 'gro ba dang 'ong ba'i thabs nyid kyi phyir ro/ /sgo gnyis ka yang 'khrul 'khor du bya ba nyid kyi phyir 'khrul 'khor dngos ste/ de dang ldan pa'i phyir gzhan ni nye bar brtags pa'o/ /de yang rnam pa gsum ste lus la sogs pa'i dbye ba las so/ /de la sems kyi sgo yang dag par rgyu ba'i rlung ni sgo dngos so/ /rlung gi ni lus kyi ba spu'i bu ga sgo dgur rags pa rnams te/ de'i dbang las sgo gnyis kyi ngo bo'i rlung yang sems kyi sgo lus kyi bu ga rnam pa dgur brjod do/ /bu ga rnams kyang sems kyi yang ngo / /de bzhin du la la nA 'am a wa d+hU tIr yang dag rgyu ba'i sgo gnyis kyi bdag nyid kyang dkyil 'khor bzhi'i ngo bo nyid kyis na sems kyi sgo rnam pa bzhi ste/ ngag rnams kyi yang rgyu nyid kyi phyir ngag gi ba'o/ /de kho na dkyil 'khor gyi dbye ba dang ngag gi rgyud nyid du brjod par mi 'dod pas sems kho na'i sgo rnam pa gnyis so zhes pa yid kyi ba'o/ /la la nA dang ra sa nA dag ni rim pa ji lta bar phal cher khu ba dang rdul dag 'og dang steng du 'bab pa'i phyir 'og dang steng gi yid kyi ba'i sgo nyid du brjod do/ /ji ltar la la nA khrag cung zad 'dres shing shas cher lus dang snying stobs zhes bya ba dang zla ba 'bab pa'i phyir lus kyi dang snying stobs kyi dang zla ba'i dang thabs kyi rtsa zhes tha snyad bya ste lam du yang ngo / /ra sa nA ni cung zad khu ba dang shas cher ngag ces bya ba dang rdul dang nyi ma 'bab pa'i phyir ngag gi dang rdul gyi dang nyi ma'i dang shes rab kyi rtsa zhes par te phal cher ro/ /a wa d+hU tI ni shas cher khu khrag dang sems dang mun pa dang sgra gcan 'bab pa'i phyir sems kyi dang mun pa'i dang sgra gcan gyi dang ma ning gi rtsa zhes par ro/ /re re la bshad pa'i yid kyi ba'i sgo gnyis med pa ni ma yin te/ rdo rje bzlas pa rtsa gsum rnams la yang rnam pa mang por bstan pa'i phyir ro/ /la la nA dang ra sa nA dang a wa d+hU tI rnams kyi rlung rnams kyang rim pa ji lta bar zla ba dang nyi ma dang sgra gcan rnams so zhes rnam par gzhag par bya'o/ /de la gang gi tshe la la nA dang ra sa nA dang a wa d+hU tI rnams kyi rlung sna bug dag nas 'bab pa de'i tshe sprul pa'i 'khor lo'i rtsa 'dab drug cu rtsa bzhi rnams su so sor dbyu gu re re ste/ dbugs phyed dang bcas pa'i sum cu rtsa bdun lhag pa'i brgya phrag gsum rnams su dbyu gu rnam par gzhag pas so/ /gang brtag pa gnyis par gsungs pa/ dbyu gu drug cu rtsa bzhi rnams dang / zhes so/ /bde ba chen po'i 'khor lor rtsa sum cu rtsa gnyis rnams su so sor dbyu gu gnyis kyi bdag nyid kyi chu tshod do/ /longs spyod rdzogs pa'i 'khor lor rtsa 'dab bcu drug rnams la so sor chu tshod gnyis kyi bdag nyid kyi thun phyed do/ /de brtag pa gnyis par gsungs pa/ 'pho ba bcu drug rnams dang zhes so/ /lte ba'i 'khor lo'i rtsa brgyad rnams la bzhin du chos kyi 'khor lo'i rtsa brgyad rnams la so sor thun tshod phyed pa gnyis kyi bdag nyid kyi thun tshod do/ /gtsug tor gyi 'khor lo'i rtsa bzhi rnams la bzhin du lte ba'i chu skyes kyi rtsa bzhi rnams la so sor thun tshod gnyis so/ /sprul pa'i 'khor lo'i dkyil 'khor dang po la rtsa bzhi'o/ /gnyis pa rtsa brgyad de/ rab tu byed pa bzhi par ji skad bshad pa bzhin no/ /gsum pa rtsa bcu drug pa ste/ de mngon par brjod pa bla ma'i rgyud du gsungs pa/ lte ba'i dbus su pad ma che/ /skud pa bcu drug thig byas pa'o/ /zhes so/ /bzhi pa la rtsa drug cu rtsa bzhi pa'o/ /thun tshod brgyad rnams dang dus sbyor bcu gnyis rnams nyin mtshan no/ /de la la la nA nas sam ra sa nA nas byung ba'i rlung sna bug gcig tu/ dbugs drug cu lhag pa'i brgya phrag gsum rnams kyi dbyu gur rnam par gzhag pas dbyu gu lnga'i bdag nyid kyi dus sbyor gcig rgyun ma chad par 'bab po/ /de'i rjes su sna bug gnyis par yang de bzhin no zhes pa dus sbyor bcu gnyis rnams dbyu gu drug cu rnams su 'gyur ro/ /de skad du yang gdan bzhi par gsungs pa/ sum brgya de bzhin drug cu ni/ /dbyu gu'i dbugs te chu tshod bzhin/ /chu tshod drug cu'i grangs kyis ni/ /nyin dang mtshan mo'i gzung bar bya/ /zhes so/ 'dir chu tshod dang nA Di ni dbyu gu kho na'o/ /chu tshod kyi dbugs rnams gzung bar bya'o/ /dgongs pa lung ston pa la sogs pa rnams su ni dus sbyor phyed kho na thun tshod phyed du rnam par gzhag go/ /de la thun tshod phyed las dang chu dang me dang rlung gi dkyil 'khor bzhi po so sor dbugs nyis brgya nyi shu rtsa lnga'i bdag nyid can rnams 'bab cing / bzlas nas kyang slar yang thun tshod phyed la bzhi rnams bu ga gcig tu ste/ de'i rjes su bu ga gzhan du'o zhes pas/ thun tshod phyed pa nyi shu rtsa bzhi rnams la dkyil 'khor bzhi rnams kyis yongs su bskor ba yongs su rgyu ba rnams nyi shu rtsa bzhir 'gyur ro zhes pa'i nyin mtshan gyis so/ /nang du ma rig pa la sogs pa'i yan lag gi dbye bas dus sbyor dang 'pho ba rnams bcu gnyis kho na ste/ ji ltar phyi rol du nyi ma'i lo gcig bzhin no/ /dus kyi 'khor lor ni 'jug pa dang 'byung ba'i rlung dbugs gcig tu bgrang bar bya ste/ dbugs drug la chu srang ngo / /chu srang drug cu rnams dbyu gu'o/ /dbyu gu gnyis pa la yid tsam mo/ /rkang pas dman pa'i dbyu gu bzhi la dbyu gu thun phyed do/ /dbyu gu lnga rnams dus sbyor ro/ /phyed dang bcas pa'i dus sbyor ni thun tshod do/ /thun tshod gnyis la thun mtshams so/ /thun mtshams bzhi rnams dang dus sbyor bcu gnyis rnams nyin mtshan te/ dus sbyor so so la bu ga gzhan du 'pho ba las dus sbyor dang 'pho ba rnams bcu gnyis so/ /'pho ba so so'i 'pho ba'i mtshams su a wa d+hU tI nas dbugs rkang pa dang bcas pa lnga bcu rtsa drug sna bug gnyis dag las cig car 'bab ste/ nyin mtshan gyis bdun cu rtsa lnga lhag pa'i drug brgya rnams so/ /lhag ma rnams la la la nA dang / ra sa nA dag tu ste/ rkang pa dang bcas pa'i dgu brgya lhag pa'i stong phrag nyi shu'i grangs rnams su rnam par gzhag go zhes kha gcig go/ /gzhan rnams ni dbugs brgya phrag phyed dang bcas pa'i bcu gsum rnams kyis thun tshod phyed du rnam par gzhag pas thun tshod phyed pa so so la longs spyod kyi 'khor lo'i rtsa rnams la bzhin du bu ga gzhan du yang dag par rgyu ba'i phyir 'pho ba bcu drug rnams te/ sna bug dag tu'o/ /'pho ba bcu gnyis su rnam par gzhag pa ni/ dbugs brgya phrag bco brgyad bu ga gcig tu rgyu ba ste/ sa dang chu dang me dang rlung dang nam mkha'i dkyil 'khor lnga rnams so sor rgyu ba bzhin dang / rim pa ji lta bar 'og dang g.yon dang g.yas dang steng dang dbus rnams su rgyu ba bzhin dang / mgrin pa dang / spyi bo'i rtsa'i grangs bzlog pa bzhin dang so sor drug cu lhag pa'i sum brgya'i dbugs kyi bdag nyid can gyi dbyu gu drug cu rnams kyis nyin mtshan nyid kyis na/ lte ba'i chu skyes kyi zlum po bzhi pa la stong pa'i rtsa bzhi rnam par gzhag pa bzhin du nyi ma'i shing rta la sogs pa'i gdul bya'i dor drang ba'i don yin gyi nges pa'i don ni ma yin no/ /lte ba'i chu skyes kyi zlum po gsum pa la rtsa bzhi spangs nas rtsa bcu gnyis rnams su dus sbyor dang 'pho ba bcu gnyis rnam par gzhag pa na/ ci ltar phyi rol de bzhin nang / /zhes pa yang legs par gnas so/ /'di ni thams cad du 'dod pa yang ma yin no zhes gsung ngo / /thams cad 'dod pa ni rtsa gsum rnams su nyin mtshan nyid gyis drug brgya lhag pa'i stong phrag nyi shu rtsa gcig gi dbugs rnams su 'gyur ro zhes pa'o/ /de ltar yang rdzogs pa'i rim pa la ltos pas stong pa nyid dang snying rje dang dbyer med pa'i ngo bo'i sngags dang dbyer med pa nyid kyi phyir sngags zlos pa yang rdzogs par grub pa lhan cig skyes pa gnas zhes pa'i mthar thug pas gsal bar byas so/ /de gsungs pa/ khri phrag gnyis dang stong phrag dang / de bzhin kho nar brgya phrag drug/ /rnal 'byor dbang po nyin mtshan du/ /bzlas brjod kyis ni grangs byed do/ /zhes so/ /de ltar rig pa bzlas pa'i sems brtan pa na 'dod chags la sogs pa sems kyi rang bzhin rnams nges su 'jug cing / la la nA dang ra sa nA dag yongs su dor nas a wa d+hU tI ru zhugs pa'i rlung ni phyir 'byung ba med cing nyin mtshan gyi tshul med pa/ zla ba dang nyi ma zin pa'i sgra gcan bzhin du rim gyis kyang 'gags pa ni yon tan skyed par byed do/ /gang gsungs pa/ zla ba nyi ma'i rtsa 'gags na/ /bshang dang gci ba'i rtsa dag 'gag /sgra gcan rtsa ni 'gags pa na/ /'og tu khu ba 'bab 'gag 'gyur/ / dbu mar srog ni nyin mtshan du/ /zhugs pas nad rnams 'phrog par byed/ /srog ni tshes kyi nyin bcings pa/ /'dis ni mkha' la spyod nyid ster/ /zla gcig snying la gnas gsang bas/ /rnal 'byor pa la 'chi med nyid/ /zla ba drug tu lte bar bsregs/ /des ni thams cad mkhyen nyid ster/ /dpral ba mgrin pa'i 'khor lo dang / snying ga lte bar rim ji bzhin/ /'di ni brgyal dang 'di bzhin bcings/ /bsad dang bsregs pa'o mi rnams kyi/ /srog dang thur sel 'gog pa yis/ /'dod chags bral ba nyid du 'dod/ /de bzhin sangs rgyas nyid du ni/ /gnyis bsregs pa yis sngags mkhan 'gyur/ /srog dang thur sel zad kho nas/ /yan lag bcu gnyis zad par 'gyur/ /rgyu dang 'bras bu 'gog pa yis/ /sangs rgyas mi 'gyur su zhig yin/ /zhes so/ /rlung bkag pa na ni gtum mo rang bzhin gyis 'bar te/ zla ba des gdungs pa yang 'dzag go/ /de las bde ba chen po'i rang bzhin rdzogs pa'i dkyil 'khor mngon du 'gyur ro/ /byang chub sems kyang mi g.yo zhing / /srid pa dang mya ngan las 'das pa la mi gnas pa sprul pa'i 'khor lo la sogs pa rnams su nye bar bsags pa phul du byung ba mchog dang rab mchog la sogs pa'i rim gyis dpral ba nas rdo rje nor bu'i mthar thug pa bar ma chad pa ni stong pa nyid dang snying rje dbyer med pa/ rim gyis 'phel ba nye bar bgrod cing bde ba chen po'i 'khor lo'i rtsa sum cu rtsa gnyis su khyab par byed do/ /de las gzhan rnams te/ ji srid rtsa stong phrag bdun cu rtsa gnyis po rnams kyi bar ro zhes pa ste/ rab tu dga' ba la sogs pas rnams gsal bar 'gyur ba'i phyir zhes rdo rje 'dzin pa nyid du mi 'dod/ /bskyed pa'i rim pa la ni dkyil 'khor chen po'i rnal 'byor gyis rdo rje bzlas pa sngar bshad zin to/ /'on kyang / /sgom pa yi ni bar chad can/ /rnal 'byor phyi rol bzlas pa spang / /sngags don bcom ldan rdo rje can/ /rdo rje'i bdag nyid ci ltar bzlas/ she na/ gang rnams bzlas pa 'di mi nus pa'i sngags pa byis pa'i blo can te/ de rnams kho na bgrang phreng gis/ /rab tu brjod pa rab bstan te/ /sngags pa bsod nams thob byed du/ /phyi'i ngag mngon par 'dod rnams la'o/ /de ltar rdo rje bzlas pa la yang sems kyi rang bzhin rnams nges par byas te/ /ji ltar rigs par spangs shing blangs nas shin tu goms pa las rlung 'gags pa na sngar bzhin du yon tan rnams su 'gyur ro zhes pa'o/ /nye bar sdud pa/ /'di skad ces pa la sogs pa'o/ /bde ba chen po'i khyad par gyis ni 'di ltar goms pa'i phyir bde ba chen po'i rang bzhin rdo rje 'dzin pa 'grub pa zhes gsal bar byed do/ /bsam gtan la sogs pa rgyas par bstan pa'i ched du gsol ba 'debs pa/ de nas zhes pa la sogs pa'o/ /khyod kyi ni nyid kyi'o/ /ci ltar te bya ba'i khyad par ci la brten nas mi phyed ma la sogs pa'i rtsa rnams 'byung / /de rnams kyi rtsa de rnams kyi'o/ /de rnams la pu l+li ra la sogs pa'i gnas ji skad bcu bdun par gsungs pa dang / de bzhin 'khor lo dgod pa dang gzhan sa la sogs pa'i rnam pa ji ltar lags/ /gsang ba ni nyan thos la sogs pa la gsal bar mi bya ba'i phyir phyi'i gnas la sogs pa'o/ /shin tu gsang ba ni de lha'i dkyil 'khor 'khor lor ro/ /mchog ni ches gsang ba ste lus la'o/ /ci zhe na/ rtsa'i ngo bo mkha' 'gro ma rnams dang gnas la sogs pa rnams dang sa bcu rnams dang pha rol tu phyin pa bcu rnams te/ de rnams kyi kho na nyid nyi shu rtsa bzhir bcu bdun par gsungs par gyur pa ste/ /'dir ni rab tu rnam par phye nas bshad par bya'o/ /dang por rten nyid kyi phyir mgo zhes pa la sogs pas dri ba bzhi pa'i lan gyis so/ /rgyab kyi stod ni rgyab kyi dbus las steng gi sgal tshigs kyi steng gi cha ste/ mgo bo'i rgyab ces pa'i don to/ /smin ma mig dag dbus gnas pa/ /zhes pa smin ma dag gi dang mig dag gi dbus na gnas pa'i cha'o/ / mig dag gi zhes pa mig gnyis ni de wI ko Ta'o/ /thugs kyi 'khor lor zhes pa mgo bo la sogs pa rnams dang ma la ya la sogs pa nang dang phyi'i yul rnams sems kyi rang gi ngo bor tha snyad byas so/ /nam mkha' ni stong pa nyid dang ro gcig pa sems te rab tu grags pa'i nam mkha' yang ngo / /gzhan gyi don du de la spyod pa'i ngang tshul can mtho ris su son pa'i rdo rje lha mo rnams kyi'o/ /chu so ni sa bon gyi sbubs gnyis so/ /yul rnams thams cad ni kA ma rU pa la sogs pa rnams te/ mchan khung la sogs pa rnams kyang ngo / / sa ni sa gzhi ste ngag gi tha snyad kyi rten nyid kyi phyir ro/ /de la spyod pa mi yul ma rnams kyi'o/ /rtags ni rdo rje'o/ /sor mo zhes pa rkang pa la sogs pa'i sor mo rnams so/ /mthe bong ni rkang pa la sogs pa'i mthe bong gnyis so/ /mkha' 'gro ma rnams kyis ni sku'i 'khor lo la rnam par gnas pa rnams kyis te sa 'og la spyod ma rnams kyis brjod cing bdag nyid bde bar bya ste/ khyab ces pa'i bar ro/ /yul rnams zhes pa ma la ya la sogs pa 'dzam bu gling dang 'brel ba rnams te/ 'di ni las kyis yin gyi gling cig shos rnams ni ma yin no/ /gser gling ni 'dzam bu'i gling gi nang du gtogs so/ /las kyis kyang sems can rnams kyi dngos grub rnams so zhes pas rnal 'byor ma rnams phal cher gzhan du rgyu ba ma yin no/ /rang gi lus skyes zhes pa/ gang gi phyir sems can so so la rang gi lus 'dzam bu gling yin pa de'i phyir gsungs pa/ rang nyid ces pa'o/ /rang dang 'dra ba'i phyi rol ni rang nyid phyi rol te 'dzam bu gling ngo / /nang yang ste lus kyi bdag nyid de/ de la gnas pa ste/ rang gi sems kyi snang ba tsam sgyu ma'i rang bzhin 'gro ba'o zhes dgongs pa'o/ /'di nyid kyi phyir 'di rnams su ste rang bzhin gyi 'khor lo gsum du rnam par gzhag pa rnams su rdo rje lha mo rnams bzhugs pa'o/ /rtsa'i gzugs kyis zhes gsungs pa ni dri ba lnga pa'i lan te/ rtsa'i ngo bo rnams kyang lha mo ste phyag la sogs pa rnams dang ldan pa lha mo'i gzugs rnams kyang rtsa'o zhes khyad par med pa rtog par byed pa lhur len pa'o/ /sa rnams pha rol tu phyin pa rnams ni/ gnas ni rab tu dga' ba'i sa/ /zhes pa la sogs pa bcu bdun par gsungs pa'i rjes su 'brang bas ma la ya la sogs pa rnams la rnam par gzhag pa go sla'o zhes pas 'dir rgyas par ma bstan to zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu gcig pa'o// //dang po'i brten pa dri ba gnyis kyi lan mdor bstan pa'i ched du gsungs pa/ de nas zhes pa la sogs pa'o/ / gang yang rung ba'i zhes pa sems can so so'i lus de bzhin gshegs pa'i rang bzhin te/ de la gcig gi lus gang 'dra bar rnam par 'jog pa de 'dra bar gzhan gyi yang ngo zhes pa'i don to/ /de'i ni pad+ma'o/ /rtsa ni a wa d+hU tI'o/ /til mar mar me'i rang bzhin can/ /til mar dang ldan pa'i me sgron ma ste/ de dang 'dra bar 'od zer gyi rang bzhin nyid kyi phyir te/ gtum mo 'bar ba'i dus na'o/ /cung zad dbye ba'i kha can nyid kyis na chu shing gi me tog lta bu'o/ /kha ni 'di'i pad+ma'i mdud pa'i nang du son pa'i cha la ltos pas rnam par gzhag pa'o/ / de'i ni kha'i 'o/ /dpa' bo ni mi mthun pa'i rtog pa 'joms pa'i phyir he ru ka sta/ lha nyid sngags kyi tshul gyis ni/ /dngos grub thams cad ster bar mdzad/ /ces gsungs pa'i phyir ro/ /de nyid kyi phyir mi shigs pa ste/ mngon par 'dod pa sgrub par byed pa'i ched du gzhom du med pa'i nus pa can no/ /sa bon ni gtum mo'i bde ba 'byung ba'i 'o/ /khu ba 'dzag pa ni bsil ba'i 'od can te/ de dang mnyam par bdud rtsi'i 'od 'dzag pa nyid kyis dang dga' bar byed pa nyid kyis so/ /de nyid kyi phyir na bde ba'i dga' ston 'bar bar byed pa'i phyir dpyid do/ /rtag tu goms bzhin pa ni bde ba phun sum tshogs pa'i rgyud nyid kyi phyir dga' byed pa'o/ /rgod mkha'i me yi gzugs/ /zhes pa ni/ ji ltar rgod mkha'i me rgya mtsho ma lus pa'i chu la sogs pa kham du byed pa de ltar 'di phung po la sogs pa'i bud shing ma lus pa'o/ /gang gi phyir bcom ldan 'das ma bdag med ma kho na bdag med nyid de rang bzhin med pa spros pa mtha' dag las ldog pa'i ngo bo'o/ /de ltar gyur pa ni ti la ka ste thugs rje chen po'i bdag nyid can no/ / ti la dga' bar byed pa la'o/ /ti la ti ste dga' bar byed de/ dbang phyug mchog nyid ldan pa'i phyir ro zhes byas nas so/ /e yig a yig tu 'gyur ba ni gtsug lag nyid kyi phyir ro/ /las ni bsgom pa las byung ba'i sems kyi bya ba ste/ des bskul ba lte ba'i 'og gi rlung ngo / /des bskyod pa ni rab tu rgyas par byas pa'o/ /tshim pa ni dga' ba bskyed pa'i phyir ro/ /snyoms par zhugs pa ni 'khyud pas so/ /ba san ta yang yin la de kho na nyid til ka yang yin pas dpyid kyi thig le'o/ /gang gi phyir rnal 'byor ma'i ste ti la ka'i rang gi ngo bo bdag nyid la dbyer med par bzung nas gnas te/ rgyu ba yang dag rgyu'i rlung dang mi rgyu ba gnas pa ste de la'o/ /de nyid kyi phyir rlung / sgo rnams gsum gyis 'byung bas na/ 'byung ba ni 'jug pa nye bar mtshon pa ste/ 'gro'o 'ong ngo rnam par gnas so/ /de ltar mdor bstan nas kyang / dpyid kyi thig le/ lte bar zhes pa la sogs pas rgyas par ston to/ /a yig gzugs kyis zhes pa a yig ti la kA'o/ /de ni thung ngu ste phyi mo gcig pa'o/ /thig le zhes pa ni phra mo'o/ /'dir phyi mo gcig pa la sogs pas nang gi brjod pa'i dus gsal bar byas kyi/ brjod pa'i dus ni ma yin gyi/ de gtum mo sgom pa la med pa'i phyir ro/ /AH hUM oM haM/ bris pa ni bskyed pa'i rim pa sgom pa'i yang ste 'dir rdzogs pa'i rim pa la 'jug pa'i thabs nyid rtogs pa'i dgongs pas rdzogs pa'i rim pa'i skabs su rgyas par bshad do/ /rdzogs pa'i rim pa la a yig ni phra mo thung ngu rdul gyi ri mo drang ba'i ngo bo ste/ chos thams cad skye ba med pa las tha mi dad pa'i byang chub kyi sems nyams su myong ba'i bdag nyid do/ /de skad du yang gsungs pa/ ga bur nyid ni bdag med ma/ /bde ba bdag med tshul can no/ /de yi bde ba phyag rgya che/ /lte ba'i dkyil 'khor la gnas pa'o/ /dang po'i dbyangs kyi rang bzhin te/ /blo zhes sangs rgyas rnams kyis brtags/ /de nyid bcom ldan shes rab ma/ /rdzogs pa'i rim pa'i rnal 'byor las/ /zhes so/ /de yi bde ba 'dod mar bshad/ /ces pas ga bur las tha mi dad pa bde ba'o/ /de'i ste ga bur gyi shes rab bdag med ma ni lte bar gnas pa'i shes rab bdag med ma ste/ bskyed pa'i rim pa kho na la ni bdag med ma phyag la sogs pa dang ldan pa dang / yi ge'i gzugs kyang ngo / / don dam par ni rim pa gnyis ka la yang / de ni ring min thung ba min/ /gru bzhi ma yin zlum po min/ /myang dang dri dang ro las 'das/ /lhan cig skyes dga' byed pa ma'o/ /de bzhin hU~M yig dang oM yig dag sems dang ngag dag rdzogs pa'i rim pa la'o/ /haM yig ni taM gi dbyibs can gyi rtsa dang 'brel ba'i byang chub sems kho na'o/ /de nyid kyi phyir yi ge sgom pa ni zhar la byung ba nyid du rdzogs pa'i rim pa'i rnam par gzhag pas gsal bar byed do/ /sa sogs zhes pa la sogs pas/ ma zags pa bde ba las tha mi dad pa'i khu ba'i rnam pa bcom ldan 'das/ ngag dang sems dang rdul rnams dang tha mi dad pas ni sa dang chu dang me dang rlung rnams kyi rim pa ji lta bar sprul pa la sogs pa'i 'khor lo rnams su khyad par can nyid las rol par byed do zhes 'brel lo/ /ma 'phos pa'i byang chub kyi sems ni lte ba la sogs pa rnams su rim pa ji lta bar sa la sogs pa 'phel ba'i phyir nye bar rgyas par bya ba'o zhes bdag gis drug pa dang nyi shu rtsa gcig par bshad zin to/ /de lta kho nar 'phel ba la dgongs nas bzhi par/ e yig sa ru shes par bya/ /zhes pa la sogs pa sprul pa la sogs pa rnams su gsungs so/ /thun mtshams bzhi zhes pa la/ mtshan mo dang nyin mo'i bdag nyid zla ba dang nyi ma dag gtum mo 'bar bas 'dus pa dag gis lhan cig skyes pa'i dga' ba'i rang bzhin nyid kyis dang stong pa nyid dang ro gcig pa nyid kyis dbye ba mi dmigs pa ni mtshams te/ yang dag pa'i bsam gtan ni mtshams ting nge 'dzin rnam par mi rtog pa zhes pa'i don gyi mthar thug pas so/ /de'i 'char ba ni nor bu nas brtsams nas lte bar ji srid par te/ ma 'phos pa'i byang chub kyi sems 'phel bzhin pa ni steng du nye bar 'gro/ bde zhing stong pa nyid kyi ye shes phul du byung ba 'gugs par byed/ chung ngu dang 'bring dang chen po dang chen po'i chen po'i rim pas sprul pa la sogs pa'i pad+ma rnams su'o/ /de ltar yang 'di rnams su rgyu mthun pa dang rnam par smin pa dang skyes bu byed pa dang / dri ma med pa nyid rnams kyi bcom ldan 'das yang dag par 'byung ngo / /de nyid kyi phyir gsungs pa/ pad+ma bzhi ru yang dag 'byung / /zhes so/ /de skad du yang phyag rgya chen po thig ler gsungs pa/ mtshan mo shes rab ces par bshad/ /mtshan mo'i cha ni zla bar 'gyur/ /nyin mo thabs su bshad pa ste/ /thabs ni nyi ma yin par 'gyur/ /de yang gnyis med tshul du brjod/ /zla ba'i skye ba nyi ma las/ /'od gsal nyid phyir nyi mar 'gyur/ /rtog pa dam pa'i don du ste/ /mchog tu bde ba cha med pa/ / mi snang stong pa'i lus can te/ /'od gsal go 'phong zhi ba ste/ /kha cig tu ni yang dag bzhugs/ /de nas gzhan pa mtshams bshad de/ /mun dang mun min gnyis ka spangs/ /'dus pa gnyis kyi dbus na gnas/ /zhen pa gos pa rnam spangs pa/ /rdo rje pad+ma'i bdud rtsi byung / /zla ba nyi ma yang dag ldan/ /gang zhig mtha' nyid yang dag 'dren/ /de ni mtshams te srid pa sbyor/ /mchog gi rnam pa'i ngo bor bshad/ /phra ba'i mig gi mthong mtshan nyid/ /sems can kun gyi mtshams rnams ni/ /rdo rje 'dzin pa'i btsun mo'o/ /'char ba mchog tu grags pa ste/ /khyad dga' dang po rnam par spangs/ /mdud pa'i rtser gnas mchog tu zhi/ /tsa na ka yi 'bru'i ngo bo/ /de nas 'char ba gzings bdag po/ /gang phyir steng gi go 'phang gnas/ /la lar thig le'i ngo bo ste/ /rnam pa bzhi po yang dag gnas/ /kha cig tu yang thog ma spangs/ /la lar de yang thob bya min/ /gang phyir rang rig bya bdag nyid/ /de phyir brjod par bya ba min/ /zhes so/ /'dir de yang ni zla ba dang nyi ma 'dres pa dag go/ /skye ba ni 'phel ba mchog dang chos kyi'o/ /rtog pa ni kun rdzob pa 'di thams cad do/ /de nas mi dmigs pa kho na gzhan pa 'jig rten pa ma yin pa gang las mun pa la sogs pa gsum las ldog pa'i ngo bo yin pa ste/ snang ba mtshan mo'i cha'o gsal bar nyi ma'i 'od can nyin mo snang ba mched pa yin/ /mtshams ni snang ba thob pa rang bzhin rang nyid rnams kyis lan cig min par sbyor ba 'di'o/ /mtshan min mtshams kyang ma yin nyin mor yang ni mi 'gyur gang zhig rang bzhin dang bral ba/ /de 'di'i byang chub skad cig rgyal ba mchog gis gsungs pa rnal 'byor pa nyid rtogs byar 'gyur/ /zhes pa 'dis gsal bar byas pa'o/ /gnyis 'dus pa ni gtum mo rnam pa gsum las gang yang rung bas la la nA dang ra sa nA'i rlung dag a wa d+hU tIr te/ rdul dang khu ba dag kyang ngo / /de'i dbus na gnas pa ni de la khyab pa'i phyir ro/ /zhen pa ni chags pa'o/ /btsun mo ni gang las de'i bde ba 'dod mar bshad pa dang gang las stong pa nyid do/ /mchog ni phul du byung ba lhan cig skyes pa'i bde ba'o/ /khyad dga' dang po dag ste dga' ba dang mchog dga' dag ste/ de rnams dang rnam par bral ba'o/ /nor bu'i rtsa ba'i mdud pa'i rtse mor gnas pa'o/ /la lar ni kun rdzob tu'o/ /kha cig tu ni rnam par mi rtog pa'i bde ba nyams su myong ba na'o/ /la lar ni don dam par te/ de yang ni zla ba yang bde ba nyams su myong ba dang bcas pa yang rang bzhin med pa nyid kyi phyir thob bya min no/ /ji ltar bde ba chen po'i 'khor lor ma 'phos pa'i byang chub kyi sems chung ngu la sogs pa'i dbye ba rnams kyis dga' ba'i rang bzhin du lugs dang mthun pas 'gyur ba de ltar lugs dang mi mthun pas kyang ste/ gnyi ga ltar yang sbyor ba bzhi'i bdag nyid do/ /de gsungs pa bzhi zhes pa la sogs pa'o/ /de la lugs dang mthun pas ni bde ba chen po'i 'khor lo nas bzung nas mgrin pa'i pad+mar bde ba chung ngu ni dga' ba'o/ /de'i 'og nas bzung nas snying ga pad+mar bde ba bar ma ni mchog dga'o/ /de'i 'og nas brtsams nas lte ba'i chu skyes su bde ba chen po ni khyad dga'i dga' ba'o/ / de'i 'og gsang ba'i mtsho skyes nas bzung nas rdo rje nor bu chen po'i chen po'i bde ba ni lhan cig skyes pa'i dga' ba ste/ 'jig rten pa'o/ /dga' ba la sogs pa rnams so sor chung ngu dang bar ma dang chen po dang chen po'i chen po'i dbye ba kho nas bcu drug go zhes pa cha bcu drug gang ba'o/ /nyi ma'i sbyor ba la ltos pas ni chung ngu dang 'bring dang chen po'i dbye ba rnams kyis cha bcu gnyis so/ /lugs las bzlog pas kyang lhan cig skyes pa ma 'phos pa de kho na 'jig rten las 'das pa rnam pa bzhir rnam par gzhag ste/ nor bu nas bzung nas lhan cig skyes pa chung ngu'o/ /lte ba nas brtsams nas bar ma'o/ /snying gnas bzung nas chen po'o/ /mgrin pa nas brtsams nas chen po'i chen po'o/ /chung ngu la sogs pa rnams la slar yang chung ngu la sogs pa'i dbye ba bcu drug rnams so zhes pa cha bcu drug rdzogs pa'o/ /nyi ma'i sbyor ba la ltos pas snga ma bzhin du rnam pa bcu gnyis so/ /ji skad du phyag rgya chen po'i thig ler gsungs pa/ ri bong mtshan ma'i cha 'di rnams/ /dga' ba'i thig le bcu drug de/ /A li'i ngo bor shes par bya/ / 'khor lo bzhi ru rim pa las/ /ji skad bshad rnams de lta na'ang / /nyi ma'i bcu gnyis rnams su bshad/ /ces so/ /de ltar dga' ba la sogs pa bzhin dang lhan cig skyes pa chung ngu la sogs pa bzhin du sbyor ba bzhi rnams ni bcu drug rnams te/ lugs dang mthun pa dang lugs las bzlog pa la yang ngo / /sbyor ba ni zla ba dang nyi ma dag gi dang bde ba rdul dang zla ba dang bcas pa dag dang 'char ba dang nub pa dag gi'o/ /de skad du phyag rgya chen po'i thig ler gsungs pa/ sor mo bcu gnyis mthar thug par/ /skud pa mdud med mtshan nyid can/ /bde chen chu skyes lte ba nas/ /ji srid mgrin pa'i thod pa'i bar/ /de las pha rol 'dud par ldan/ /rlung gi mthar thug pa yang ngo / /mgrin pa'i rgyab nas mtha' ji srid/ /de srid sbyor ba bzhi yin no/ /mtha' yi gnas nas snying ga'i phyogs/ /de srid gnyis par rab brjod do/ /snying ga'i phyogs nas lte rtsa ba/ /de srid gsum par rab brjod pa'o/ /lte ba'i gnas nas rin chen mgrin/ /de srid du ni bzhi par bshad/ /de ltar sbyor ba rnam pa bzhi/ /cha dang dga' ba gnyis dga' ldan/ /cha rnams ji ltar rigs pa ru/ /yod pa de ltar lha mo nyon/ /bcu drug de bzhin nyi ma yi/ /gnyis ka gang du yang dag 'dus/ /der skye'i go 'phang cha med pa/ /lhan skyes bdag nyid shes par bya/ /'byung po thams cad tshim byed pa/ /thabs dang shes rab rang bzhin no/ /bcu drug cis bya shes rab 'gyur/ /nyi ma thabs su bshad pa yin/ /rin chen mgrin pa thob tsam na/ /gsal bar zla ba gang bar 'gyur/ /de nyid gnyis ka'i shes bya ste/ /cha ni dga' bas rgyan byas pa'o/ /bco lnga rnams kyi skye ba ni/ /bcu drug pa ste rtog mi byed/ /'char dang nub pa spangs pa'i phyir/ /de la sbyor ba med pa'o/ /zhes so/ /'dir/ ji srid gser bu gnas mgrin pa/ /de srid brgyad phyed thig le rnams/ /zhes pa'i gsung las/ mgrin pa'i rgyab nas ni steng zhes pa lhag ma'o/ /mtha'i gnas nas ni mgrin pa'i 'o/ /bcu drug gi ni zla ba'i cha bcu drug gi'o/ /gang du ni rin chen gyi dbus su'o/ /tshim byed pa ni dga' bar byed pa'o/ /gnyis ka'i ni nyi ma dang zla ba dag gi'o/ /de nyid ni cha gang ba ste/ nor bu dga' ba rnams kyis yang ngo / /skye ba dang 'jig pa yang ste bco lnga rnams kyi ni cha rnams kyi'o/ /bcu drug pa ni cha ste kun rdzob pa'o/ /rtog mi byed ni rnam par mi rtog pa'o/ /de nyid kyi phyir chos rnams thams cad la skye ba dang 'jig pa srid na yang 'di 'char ba dang nub pa med cing rnal 'byor zhes brjod de/ de'i rnam par rtog pa med pa'i phyir dang don dam pa mthar thug pa nyid kyi phyir ro/ /de lta bu kho na la mngon par dgongs nas brtag pa gnyis par gsungs pa/ gang phyir bcu drug pa cha med/ /ces so/ /kun rdzob tu ni 'char ba dang nub pa ldan zhing / lhan cig skyes pa yang chung ngu la sogs pa'i dbye bas yod pa kho na ste/ ji ltar ni/ gtsug tor las ni 'char ba'o de'i/ /gang ba rdo rje nor bur 'gyur/ /'di yi bde ba che rang bzhin/ /gang ba'i sgra yis brjod par bya/ /de ltar/ gang bar mi g.yo ba 'di ni/ sa rnams kyis ni yongs rdzogs nyid/ /nyi khri brgyad gnyis brgya yi dbugs/ /'gyur med skad cig zos rnams kyis/ /bden don rnam pa bcu gnyis pa/ /rnam pa bcu drug 'gyur ba med/ /sa rnams kyis ni rnam bcu gnyis/ /gang ba gnyis su med pa mchog /cha rnams kyis ni rdzogs pa'i sems/ /rnam pa bcu drug mi 'gyur ba'o/ /de skad du yang phyag rgya chen po thig ler/ /gang phyir pad+ma rnams kyi dngos/ /kha sbyor rnam pa'i sbyor ba las/ /de phyir kun dga' ba'i sems kyis/ /'gro dang 'ong ba ci ltar lags/ /bka' stsal pa/ shes rab thabs ni snyoms 'jug pas/ /gang tshe bde ba yang dag 'byung / /de tshe a wa d+hU tI'i lam/ /'jig rten pa min gnas su 'gro/ /gang tshe srog rlung rnal 'byor pas/ /der mi 'dor ba de yi tshe/ /'og tu kha phyogs pad+ma rnams/ /'gro'o gyen du phyogs par yang / /de nas srog gi steng du yid/ /de mi mthun pas 'bab par 'gyur/ /pad+ma'i lte ba'i dbus gnas pa/ /gang tshe phyi nas brtan 'gyur ba/ /de tshe mgon po 'gro mi 'gyur/ /ji ltar bu ga me snod du/ /chu rnams zad pa med gnas ltar/ /de tshe bde ba brtan par 'gyur/ /brtan pas lhan cig skyes pa'i dga'/ /de phyir sangs rgyas mi zad pa/ /rnal 'byor pa yis nges par 'thob/ /'di ltar skad cig gis sgom na'o/ /zhes gsungs so/ /gnas ni nor bu'o/ /'gyur ba ni 'jig rten pa ste/ lhan cig skyes pa'i gnas nyid na yang / 'jig rten pa min ni bde ba mi 'gyur ba'i phyir ro/ /yid ni khu ba'o/ /mi mthun pas ni lugs las bzlog pas so/ /brtan ni spyi bor ro/ /goms pa'i stobs su ni mchog tu zhes pa la sogs pa'o/ /lhan cig skyes pa'i dga' ba'i ngo bo kho na stong pa nyid dang snying rje dbyer med pa nyid kyi dpal ldan rdo rje sems dpa'i gzugs te/ des 'gro ba dang 'ong ba'i bya ba dag byed cing / byang chub kyi sems rdo rje rol to/ ji ltar bde bar ni/ chung ngu la sogs pa'i dbye ba tha dad par 'gyur ro/ /'dir ni ste lus la dang rtsa rnams la'o/ /de ni mngal gyi gnas skabs su dang por snying gi rtsa lnga rnams skyes pa gsum rnams so zhes pa brgyad rnams so/ /de la 'dab ma rnams kyi bzhi yis 'byung ba'i rtsa rnams rnam par gzhag go/ /phyogs rnams su bzhi rnams ni 'byung ba bzhi rnams dang de'i rang bzhin rnams 'bab po zhes byas nas so/ /mtshams su bzhi rnams ni so sor bshang ba dang gci ba dang bad kan dang khrag dang khu ba rnams 'bab pa 'byung ba'i rtsa rnams kyi lhan cig byed pa/ gzugs dang dri dang ro dang reg bya rnams 'bab pa'i phyir mchod pa'i rang bzhin te/ de'i rang bzhin yang dngos por na 'byung ba dang 'byung ba las gyur pa tha dad pa med pa'i phyir ro/ /'di ltar a wa d+hU tI'i dang lhan cig rtsa lnga rnams dang po ste/ de'i rjes su gsum dang de nas nyi shu rtsa bzhi zhes pa'o/ /rtsa sum cu rtsa gnyis mgo bor skyes pa rnams rab tu byed pa gnyis par mdor bstan pa rnams so/ /de rnams kyi gsum ni rdul dang snying stobs dang mun pa'i ngo bo ra sa nA dang la la nA dang a wa d+hU tI rnams gtso mo ste/ khyad par gyi las kyis lhag pa'i phyir ro/ /de ltar ni bde ba chen po'i 'khor lor skyes pa sum cu rtsa gnyis rnams kyis thun mong gi las ni byang chub kyi sems 'bab pa'o/ /khyad par gyi las ni so so ste/ de gsungs pa/ pul+lir zhes pa la sogs pa'o/ /rgyus pa gnas zhes pa rgyus pa 'bab pa dang zhag 'bab pa ste thung ngu ma'o/ /rus sbal skyes ma ni rus pa 'bab pa'o/ / snying gnas ni snying 'bab pa'o/ /glo ba bcas zhes pa glo ba 'bab pa'o/ /rgyu ma 'bab pa ni mtshan mo ma'o/ /lto ba gnas zhes pa lto ba 'bab pa'o/ /skra mtshams 'bab pa ni dga' ba'i gdong ma'o/ /gzugs bzang ma'i rtsa ni bad kan dang reg bya 'bab pa'o/ /de nyid kyi phyir 'jigs pa med pa'i gzhung 'grel du bshad pa/ reg la rnal 'byor ma zhes pa ni gzugs can ma'o/ /de lta kho nar rgyud gzhan du gsungs so/ /dmar po zhes pa khrag 'bab cing bad dkan yang ste rgyud gzhan du gsungs pa'i phyir ro/ /sdu gu ma ni tshil dang smyon chu 'bab pa'o/ /'di ni 'dir bsdus pa'i don te/ mgo bo ma la yar mi phyed ma ni sen mo dang so rnams 'bebs so/ /spyi gtsug dzA lan+d+ha ra ru phra mos skra dang ba spu rnams so/ /rna ba g.yas pa o Di yA na ru rtsen mas lpags pa dang dri ma rnams so/ /rgyab stod a rbu da ru g.yon pa ma sha'o/ /rna ba g.yon pa go dA ba rI ru thung ngu ma ni zhag dang rgyus pa'o/ /smin ma gnyis kyi dbus rA me shwa ra rus sbal skyes ma ni rus pa rnams so/ /mig gnyis de wI ko Ta ru sgom pa mo ni mkhal ma'o/ /dpung pa gnyis kyi rtsa ba mA la ba ru dbang bskur ma ni snying ste bad kan yang ngo / /mchan khung gnyis kA ma rU par skyon ma ni mig dag go/ /nu ma gnyis o tre ru 'jug ma mkhris pa'o/ /lte ba tri sha ku ni ru ma ma ma ni glo ba'o/ /sna ko sha la ru mtshan mo ma ni rgyu ma'o/ /kha ka ling+ga ru bsil ster ma ni rtsib logs kyi rgyud rnams so/ /mgrin pa lam+ba ka ru drod ma ni lto ba'o/ /snying ga kA ny+tsi ru rab 'bar ma ni bshad pa'o/ /pho mtshan hi ma la ya ru dga' gdong ma ni skra mtshams so/ /rtags yi dags kyi gnas su gzugs can ma reg bya dang bad kan no/ /bshang lam gri ha de wa ru spyi ma rnag go/ /brla gnyis sau rA Sh+Ta ru rgyu sbyin ma khrag dang bad kan dag go/ /byin pa gnyis gser gling du sbyor bral ma rdul lo/ /sor mo bcu drug nA ga ra ru sdug gu ma myos byed dang tshil bu'o/ /rkang pa'i bol gnyis sin+d+hU ru grub pa ma mya ngan dang mchi ma dag go/ /mthe bong bzhi ma ru ru mtshed ma mchil ma'o/ /pus mo gnyis ku la ta ru yid bzang ma snabs dang kha chu'o/ /sum bskor ma ni gzugs so/ /'dod pa ma ni sgra'o/ /khyim ma ni dri'o/ /gtum mo ni ro'o/ /bdud 'dral ma ni chos so/ /a wa d+hU tI ni byang chub kyi sems mun pa'i ngo bo 'bebs so/ /la la nA lte ba'i rtsa bar 'phyang ba ni snying stobs 'bebs shing / zos pa dang 'thungs pa pho ba'i mes zhu ba rnams las ro yang ste de las ro bcud rtsa gzhan dang gzhan du 'phos pas lus khyad par byed do/ /ra sa nA ro las khrag 'bebs te/ de las de yang de lta kho nar lus khyab par byed do/ /rtsa 'di gnyis la nye bar brten pa'i ro dang khrag la brten pas gzhan rnams kyi las gsungs so/ /rgyud 'di las ma gsungs pa'i rtsa rnams kyi las ni rgyud gzhan gyi rjes su 'brang bas brjod par shes par bya'o/ /a wa d+hU tI ming gzhan ni a wa d+hU tI kho na dung can ma ste khu ba dang khrag 'bab pa'i phyir ro/ /rdul 'bab phyir na gtum mo ste/ khu ba 'bab phyir mkha' 'gro sdong / /steng du bud med zla mtshan la/ /g.yung mo skyes pa'i kun 'dar ma/ /zhes pa la sogs pa gdul bya'i 'dod pa sna tshogs pa nyid las so/ /'dir ma la ya la sogs pa'i gnas brgyad rnams ni thugs kyi 'khor lo'o/ /kA ma ru pa la sogs pa brgyad rnams gsung gi 'khor lo'o/ /yi dags gnas pa la sogs pa brgyad rnams sku'i 'khor lo'o/ /'khor lo 'di rnams su gang rdo rje sems dpa'i dkyil 'khor du rdo rje drag mo la sogs pa'i lha mo rnams dang / gang yang rig pa'i rgyal po'i dkyil 'khor du rab gtum mo la sogs pa rnams dang / gang yang kye'i rdo rje'i dkyil 'khor dang bdag med ma'i dkyil 'khor du gau rI la sogs pa rnams dang / gang yang ye shes mkha' 'gro ma'i dkyil 'khor du seng ge ma la sogs pa rnams dang / gang yang sangs rgyas thams cad mnyam par sbyor ba mkha' 'gro ma dra ba sdom par sdom pa mo dang kI li kI la la sogs pa rnams dang / gang yang rdo rje bdud rtsir zla ba'i ri mo ma la sogs pa rnams te/ de rnams thams cad ni rtsa nyi shu rtsa bzhi'i rang bzhin du gnas ma rnams so/ /gang spyan ma la sogs pa rnams dang mkha' 'gro ma la sogs pa dang rdo rje ma la sogs pa dang rdo rje mkha' 'gro ma la sogs pa rnams te/ de rnams ni sum skor ma la sogs pa rtsa bzhi'i rang bzhin no/ /rkyang ma dang ro ma dang kun 'dar ma rnams ni rdo rje snyems ma dang rdo rje phag mo dang bdag med ma dang ye shes mkha' 'gro ma'i rang bzhin rnams so/ /yang na 'dis ci ste/ gdul bya'i bsam pa'i dbang las lha mo'i khyad par rnam par gzhan pa las gang ci yang rung rnal 'byor dang rnal 'byor ma'i rgyud rnams su rdo rje lha mo gsungs pa dpag tu med pa de rnams thams cad kyang so sor 'khor dang bcas pa'i rtsa sum cu rtsa gnyis kyi rang bzhin rnams su shes par bya'o/ / sum cu rtsa gnyis pa bdud 'dral ma ni a wa d+hU tI dang 'dres pa kho na ste/ lce'i rtse mo ji srid par lte ba nas langs pa dus kyi rtsa rnal 'byor ma rnams kyis 'gog pa'i mtshan nyid can gyi chos 'babs so/ /de ni rnal 'byor ma rnams kyi 'bab bo/ /de ni rnal 'byor ma sdud pas 'jug ste/ de ni ma rig pa'i ngo bo can nyid kyi phyir ro/ /'o na sngar/ byang chub sems rnams sum cu gnyis/ gang tshe 'dir ni gang bar 'gro/ /zhes dang / brtag pa gnyis par yang / byang chub kyi sems sum cu rtsa gnyis 'bab pa'o zhes pa ji ltar zhe na/ 'gal ba can nyid kyis dus kyi rtsa la 'bab pa'i phyir skyon med do/ /rnal 'byor ma'i ngo bor rtsa ston pa'i skabs su de ston pa ni yongs su spong ba'i don can no/ /de'i dbang nas 'jig rten 'di bde ba chen po'i rang bzhin du skyes kyang de'i dkyil 'khor mi mthong ngo / /de'i dbang kho na las 'chi ba yang ngo / /de nyid kyi phyir gsungs pa/ 'bad pas kun gyi lhag ma sbang / /zhes so/ /'gog pa'i chos 'bab pa la sogs pa 'di ni sgrib pa dang bcas pa'i gnas skabs kho na ste/ sgrib pa med pa'i skabs su ni sum cu rtsa gnyis pa bdud 'dral ma yang byang chub sems kyis gang ba'o/ /bcom ldan 'das byang chub kyi sems rdo rje dpag tu med pa'i de bzhin gshegs pa la sogs pa'i rang bzhin ni kun gyi thabs so/ /'di yang don dam par sa bon la sogs pa las bskyed pa med pa kho nar stong pa nyid dang snying rje dbyer med pa'i byang chub sems kyi ngo bo ni rdzogs pa'i dkyil 'khor du gsungs pa'o zhes so/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu gnyis pa'o// //shes rab mchog gi rdzogs pa'i rim pa'i dkyil 'khor la sogs pa rgyas par bstan pa'i ched du 'dri ba/ thos lags zhes pa la sogs pa ste/ thos pa ni rab tu byed pa gnyis par mdor bstan pa'o/ /rtsa rnams kyi ngo bo ste rang gi ngo bo'i lha rnams kyis yang dag gzung ba ni lha'i rang bzhin du mos pas dri ma med pa nyid kyis na nges pa'i don du rgyas par byas pa'o/ /de'i phyir 'khor dang bcas pa'i rtsa'i rang bzhin ni/ lus kyi dkyil 'khor nyams dga' ba ste/ he ru ka la sogs pa rnams kyi bde ba chen po'i rim pa'i gnas nyid kyi phyir ro/ /ji skad gsungs pa ni brjod pa'i rim pa las ma 'das pa ste/ nyi shu rtsa gcig par ni/ /lus dang ngag gi sgo dag dang / sems kyi sgo yang mchog nyid kyis na rnam pa gnyis su byas pa zhes sgo bzhi rnams gsungs so/ /yan lag brgyad rnams ni mgo dang lag pa dang rkang pa dang lte ba dang snying ga dang kha rnams so/ /lte ba la sogs pa gcig ste rtsib logs gnyis kyang ngo zhes gzhan rnams so/ /dngos po kun gyis ni chu dang zheng du'o zhes pa drang ba'i don to/ /stong pa nyid kyis zhes pa nges pa'i don to/ /'khor lo gsum bdag ni ji ltar nyi shu rtsa gcig par bshad pa'o/ /'khor lo gsum gcig ces 'don pa la/ /gcig ni dkyil 'khor ro/ /ri bo la sogs pa rnams dang b+hai ram b+ha la sogs pa rnams kyi rim pa las ma 'das pa zhes pa mdor bstan pa'o/ /bla ma rnams ni sangs rgyas bcom ldan 'das rnams te/ de rnams kyi dus thams cad ni man ngag brgyud pa'o/ /de ltar dkyil 'khor de ni gang gi phyir/ gnas te rang gi rgyu dang rkyen rnams las byung bar gyur pa ni rgyun can no/ /da lta nyid du bsgom pas rdzogs pa ni ma yin te bskyed pa'i rim pa'i dkyil 'khor bzhin no/ /b+hai ram b+ha la sogs pa rgyas par 'chad pa/ rkang pa zhes pa la sogs pa'o/ /gzhu'i dbyibs ni gzhu'i rnam pa can te/ rtsa'i bu gar gnas pa nyid kyi phyir ro/ /ri bo la sogs pa rgyas par ston pa/ sgal tshigs zhes pa la sogs pa ste/ ri rab ni mgo bo'i gnas so/ /sngar rab tu gsal bar byas pa'i rnam par gzhag pas sum cu rtsa gnyis kyi dbyangs rnams dang gsal byed rnams kyi brgyad cu'i rang nyid ni mi gsal ba'i rang bzhin te/ de'i rgyun gyis zla ba dang nyi ma yongs su gyur pa'i ngo bos gnas pa ni rtsa sum cu rtsa gnyis rnams kyi byang chub kyi sems khu ba dang rdul cung zad kyi ngo bo zla ba'i dkyil 'khor gdan du brjod de bskyed pa'i rim pa la'o/ /de 'dir glad pa kho na'o/ /de'i zhes pa byang chub kyi sems sum cu rtsa gnyis kyi dang glad pa'i'o/ /haM yig ni haM gi dbyibs can rtsa la yang dag par zhugs pa'i byang chub kyi sems so/ /gzhom du med pa ni spros pa rnams kyis te/ stong pa nyid dang ro gcig pa'i bde ba'i rang bzhin nyid kyis na rgyu rdo rje 'dzin pa zhes pa'i don to/ /gang 'chad par 'gyur ba rdo rje can gyis zhes so/ /gang phyir rtsa ba dang bcas pa'i 'jig rten ni phung po lnga rnams te/ de rnams kyang rnam pa gnyis so/ /de la brten pa rnams ni mig la sogs pa rnams so/ /g.yo ba rnams ni sems dang sems las byung ba rnams so/ /thugs rdo rje ni dri za'i sems can gyi gnas skabs dor nas pha ma'i khu ba dang rdul dang lhan cig tu gyur pa'i phan tshun phan gdags bya dang phan 'dogs pa po nyid kyis de lta de ltar gnas skabs yongs su 'gyur ba brgyud pa'i ngo bo'i phung po lnga rnams nye bar bskyed de/ skye ba la sogs pa'i gnas skabs rnams su'o/ /'on kyang bar gyi gnas skabs su mgo bo'i mtsho skyes su khu ba shas che ba rdul shas chung ba ste/ gsang ba'i chu skyes su bzlog pa'o/ /sems bde ba'i ngo bo ni 'ga' zhig tu ci zhig ltar res 'ga' 'phel ba'am 'grib pa'o/ /de gsungs pa/ gnas zhes pa la sogs pas so/ /sa bon ni gnas skabs gzhan dang gzhan gyis te/ 'jig rten pa dang 'jig rten las 'das pa'i yang ngo / /gsal ba ni ji ltar rig par khu ba dang rdul bde ba rig pa'i bdag nyid do/ /mi 'gyur ba'i skabs 'phel ba na ni gsum ka yang shas cher 'jug pa ni gsal ba'o/ /de nyid kyang kun rdzob pa kho na'i ngo bos te/ gang gi phyir don dam par rang bzhin med pa nyid kyis mi gsal ba'i ngo bor gnas pa'o/ /ji ltar 'jig rten las 'das pa'i gnas skabs kyi sa bon 'di yin zhe na/ gsungs pa/ kun gyi zhes pa la sogs pa'o/ /lus can rnams kyi ni sgom pa po rnams kyi ste/ cig shos rnams kyi ni bdud rtsi 'dzag par rung ba'o/ /gzugs ni rang gi ngo bo ste lus so/ /de las ni haM yig las te skyes pa'i rang gi ngo bo las so/ /bdud rtsi ngo bor 'di las 'dzag pa ni bdud rtsi 'dzag pa'i rang gi ngo bo can te/ haM yig ni gsal ba dang mi gsal ba'i ngo bo gang yang rung ba'i gtum mos gus pa dang bcas par bar ma chad par goms pa ni/ chung ngu goms pa na bdud rtsi 'dzag pa'o/ /bar man cher 'dzag go/ /chen por na rgyun mi 'chad par ches cher 'dzag go/ /thabs kyi rgyud kyi ngo bo'i rdzogs pa'i rim pa'i dkyil 'khor bsgom pas ni yid brtan pa na gtum mo nges par spro ba las 'bar zhing / des gdungs pa'i ri bong can yang 'dzag go/ /de'i tshe yang de kho na ste haM yig 'dzag pa can gyi nA da gtum mo rdul gyi ri mo 'byed cing khyad par du 'phags par byed de/ 'dres par gyur pas bde ba dang ro gcig tu byed pa'i phyir ro/ /'di kho na me zhes pa la sogs pas gsungs te/ gtum mo'i me mnyes pa ni bde ba'i rang bzhin nyid kho na'o/ /de nyid kyi phyir gsungs pa/ yongs rdzogs zhes pa la sogs pa ste/ des ni khyad par du thob pa'i haM yig gis yang dag rdzogs pa kho nar rtsa'i 'khor lo'i dkyil 'khor nges par 'gyur ro/ /med pa kho na'o zhes pa 'di la the tshom mam phyin ci log med pa'o/ /ci las 'di ltar yin zhe na gsungs pa/ de zhes pa la sogs pa ste/ de zhes pa phyi ma la ltos pas ma ning ngo / /haM yig kho na khyad par thob pa ni phung po dang khams la sogs pa rnams kyi gnas skabs khyad par ba'i rgyu nyid kyi phyir snying po ste/ bshad pa ni 'dir dang rgyud gzhan du'o/ /'o na rtsa'i tshogs kyang snying po ste rgyas pa la sogs pa byed pa'i phyir te/ sngar ji skad bshad pa bzhin no zhe na gsungs pa/ mchog ces pa ste/ ji ltar 'di mchog yin pa de ltar 'chad par 'gyur ro/ /rtsa rnams kho na de len gyi lus ni ma yin te/ des na dkyil 'khor ga la yin zhe na gsungs pa/ sum cu rtsa gnyis zhes pa la sogs pa'o/ /ni ste gang gi phyir rtsa'i 'khor lo la dkyil 'khor te/ de yang pags pa dang rus pa la sogs pas yongs su bskor ba'i lus su brjod cing / de'i phyir lus kyi dkyil 'khor du 'dod do/ /de ltar yang b+ha ga dang lus dang byang sems kyi dbye ba las dkyil 'khor rnam pa gsum gsungs shing / de las b+ha ga'i dkyil 'khor ni bskyed pa'i rim pa kho na'o zhes pas gnyis 'dir rgyas par bstan to/ /ci ste lus ni byang chub kyi sems len pa'i phyir dkyil 'khor du brjod mod/ byang chub sems ni ci ltar zhe na gsungs pa/ byang chub sems zhes pa haM yig khyad par du gyur pa ni/ chen po yang ste stong pa nyid dang snying rje dbyer med pa'i phyir la/ dga' ba rgyas par byed pa'i phyir rin po che yang yin pa bde ba chen po ni snying po ste/ stong pa nyid dang snying rje dbyer med pa bde ba chen po'i snying po de de'i bdag nyid kyis len pa'i phyir byang chub sems kho na bla na med pa'i dkyil 'khor ro/ /ci ltar na 'di ltar yin zhe na gsungs pa/ de zhes pa la sogs pa'o/ /sna tshogs ni rnam pa gnyis te/ phyi dang nang ngo / /khyab pa ni de'i rang gi ngo bos khyab bya dang de'i bdag nyid kyis khyab byed 'di yin te/ gang 'chad par 'gyur ba de ni phyi dang nang gis shes pa'o/ /dbang po thams cad 'jug byed pa ni/ dbang po rnams thams cad so so rang gi rnam shes bskyed pa la 'dis 'jug go zhes byas nas so/ /'dis ni rnam par rtog pa'i gzung bya gzugs la sogs pa don med pa ni phyi rol ma yin no zhes gsungs par 'gyur ro/ /grub pa yang de ste rdzogs pa yin gyis/ bskyed pa'i rim pa bzhin du bskyed par bya ba ni ma yin no/ /rdzas kyang ste don bya ba byed pa'o/ /rnam par gnas pa yang ste kun rdzob tu gnas gzhan du gnas pa lhur len pa khu ba dang khrag la sogs pa dang dbang po rnams dang sems dang sems las byung ba rnams so/ /'di'i mchog nyid ni myur du skyes bu'i don gyi mchog 'grub pa'i rgyu nyid kyi phyir te/ de'i phyir de rtogs par byed pa/ de zhes pa la sogs pa'o/ /sbom po ni gzugs kyi phung po'o/ /phra ba ni tshor ba la sogs pa'i phung po bzhi rnams so/ /de rnams kyi rang gi ngo bo ni rang bzhin med pa nyid do/ /gnyen nyid ni phan pa'i rgyu nyid kyis so/ /khyad par gnyis kyis stong pa nyid dang / snying rje dbyer med pa la byang chub kyi sems rdo rje can gyi sgra 'jug pa'i rgyu mtshan gsal bar mdzad do/ /de ltar na yang stong pa nyid dang snying rje dbyer med pa'i byang chub sems kyi rang bzhin lha'i rnam pa'i bdag nyid kyi lus kyi ngo bo'i dkyil 'khor ni rnam pa sna tshogs pa'i lha sprul pa rnams kyi sna tshogs pa'i don byed pa'o zhes gsungs so/ /sangs rgyas rnams kyi ste 'bras bu'i gnas skabs kyi dang byang chub sems dpa' rnams kyi ste rgyu'i gnas skabs kyi dam tshig ni rtog pa ste/ de las 'di dam tshig gi don byung zhing skyes so/ /sangs rgyas nyid de rdo rje 'dzin pa nyid 'thob bo/ /ci las she na/ byung ba'i dkyil 'khor goms pa 'di kho na las so/ /rang rgyal rnams kyi ste so so gcig pu sangs rgyas rnams kyi 'grub pa ni yang dag par rdzogs pa'i sangs rgyas nyid de/ mi khom pa spangs pa'i skye ba mi rnams kyis dang lha rnams kyi'o/ /nyan thos la sogs pa rnams kyi yang dkyil 'khor 'di goms par rung ba nyid dang sangs rgyas nyid kyang ngo zhes shes pa'i ched du/ nyan thos rnams kyi zhes pa la sogs pa gsungs so/ /'ga' zhig tu sems can gyi phung po ma lus pa sangs rgyas nyid du rung bar gsungs pa ni/ mi khom par skyes pa rnams dal 'byor thob par gyur pa na'o zhes mngon par dgongs pas mi 'gal lo/ /mchod pa'i las dang sbyin sreg gi las rgyas par ston pa/ nang gi zhes pa la sogs pa'o/ /shes rab ni stong pa nyid kyi ye shes so/ /de ni me ste lhan cig skyes pa'i gtum mo'o/ /rnam par rtog pa'i rab rib ma lus pa sel bar byed pa'i phyir cher 'bar ba ste 'od gsal ba'o/ /de la nang du sbyin sreg ni khu ba la sogs pa rnams kyi nang du 'dus pa'o/ /phyi rol du ni gzugs la sogs pa rnams kyi'o/ /phyi dang nang zhes pa'i tha snyad ni 'byung ba'i kun rdzob kyis te/ don dam par gnyis ka byang chub sems kyi rang bzhin nyid kyi phyir ro/ /de nyid kyi phyir byang chub kyi sems rdo rje bcom ldan 'das me lha la/ stong pa nyid dang bde ba'i rang bzhin snying rje'i rnal 'byor gyi mchod pa'i dgang blugs kyis/ de'i nang du rtogs pa'i skye mched drug la sogs pa rnams kyang mchod par 'gyur te/ khyad par du ste de kho na nyid kyi mchod pas so/ / mkha' 'gro ma rnams ni rtsa rnams so/ /des ni ste rnal 'byor kyis so/ /de rnams ni lha'i ngo bo rnams so/ /rnam par gzhag pa gzhan gsungs pa/ mgo zhes pa la sogs pa ste/ bde ba chen po'i chu skyes su gnas pa'i khu ba ni sreg rdzas so/ /ra sa nA ni blugs gzar gyi yu ba ste de'i gdong pad+ma'i 'dab ma'i dbyibs can gyi kha ni mgrin pa'i pad+ma'o/ /la la nA ni dgang gzar gyi yu ba ste/ de'i gdong ni snying ga'i pad+ma'o/ /yu ba'i 'og rdo rje rin po che dang thab khung ni lte ba'o/ /las ni yid mnyam par gzhag pa'am dbang po gnyis kyi bya ba'o/ /des bskul ba'i rlung ste/ des sbar ba'o/ /tshangs pa'i de kho na nyid ni stong pa nyid kyi ye shes te/ de de'i rang bzhin gyi me dro ba rdul gyi ngo bo rnal 'byor gyi gtum mo thab khung gi dbus kyi 'og gsang ba'i chu skyes su gnas so/ /sgra tsam ni gtum mo rdul gyi ri mo goms pa'i skabs na nang gi brjod pa dang ldan pa'o/ /'di skad gsungs te/ slob dpon thugs rdo rje'i byang chub sems bsgom pas yid brtan pa na la la nA dang ra sa nA ru son pa'i rlung dag a wa d+hU tI'i rlung gi nang du 'du'o/ /de yang gtum mo sbor zhing / de yang mgo bo'i 'khor los gnas nas sreg rdzas zhu bar byed do/ /de'i tshe ra sa nA dang la la nA'i rlung ma lus pa a wa d+hU tI ru zhugs shing / a wa d+hU tI'i rlung yang tshangs pa'i me dang ro gcig cing de la 'jug par byed do/ /zhugs pa yang sbyin sreg gi mchod pa yang ste/ mngon par 'dod pa gnyis su med pa lhan cig skyes pa'i bde ba sgrub par byed pa'i phyir ro/ /de ltar yang dang yang du 'bar byed la sogs pa'o zhes pa skor bar byed pa ni bzlas pa zhes pa'o/ /sgom pa ni snying rje dang shes rab gnyis su med pa'i ngo bo lhan cig skyes pa'i byang chub sems kyi rang bzhin dkyil 'khor so so snang ba so sor yang dang yang du rgyun mi 'chad par bskyed par bya bzhin pa'o/ /gang gi phyir lhan cig skyes pa la gnas pa ni de'i bdag nyid kyis gzugs kyi phung po la sogs pa lha rnams kyi dkyil 'khor te/ sbyin sreg dang mchod pa yang ngo / /dkyil 'khor gyi bdag po ni dbang du byas pa'i byang chub kyi sems rdo rje ste/ de kho na ni bshad pa 'di thams cad rjes su sgrub bo/ /'o na dri ba la dkyil 'khor mchod pa la sogs zhes pa'i sogs pa'i sgras mngon par dgongs pa/ rdul tshon gdab pa la sogs pa gzhan du gsungs pa/ ci ltar 'dir rnam par ma bzhag ce na/ gsungs pa/ thams cad ces pa la sogs pa'o/ /'dir ni ste rdzogs pa'i dkyil 'khor la sogs pa la'o/ /shes rab mchog la ni de las cig shos kyi dkyil 'khor la sogs pa'i 'dzin pa gsal ba'i ched du cung zad 'dir rnam par gzhag cing gzhan ni rang nyid kyis dpyad nas rnam par gzhag par bya ba'am yang na ma yin te/ de med kyang 'dir nyams pa ci yang med pa'i phyir ro zhes dgongs pas gus par bya ba min no/ /de skad du yang dril bu zhabs kyis gsungs pa/ sems gnas las kyi thig dang ni/ /rdul gdab rim pa las byung ba'i/ /'gro 'di dkyil 'khor kho na ste/ /rang bzhin gyis grub gnyis med pa'o/ /bcos ma gnyis kyi ngo bo gang / /de ni gdul bya'i dbang las 'dod/ /de ni 'dod pa'i grub bya min/ /thar pa yang dag don mthong las/ /zhes so/ /ji ltar phyi rol gyi dkyil 'khor gyi khang pa la sogs par dang bskyed pa'i rim pa la slob dpon rol par byed pa de ltar 'dir yang yin nam/ rnam pa gzhan du yin zhes the tshom pas 'dri ba da dung zhes pa ste rdzogs pa'i rim pa'i dkyil 'khor du ci ltar zhes pa rol pa'i rnam pa dris pa'o/ /bye brag ni khyad par te chos la sogs pa rnams kyis dang rang gi rten gyi yang ngo / /rten gyi bye brag gsungs pa/ mgo zhes pa la sogs pa'o/ /e yig rnam pa ni gru gsum ste/ baM yig 'dra ba ni zlum po thig le'o/ /brten pa'i bye brag gsungs pa/ 'dab ma drug cu rtsa bzhi zhes pa la sogs pa ste/ sprul pa la sogs pa rnams kyi mtshan nyid 'chad par 'gyur ro/ /bye brag gzhan gsungs pa/ sprul pa zhes pa la sogs pa'o/ /sprul pa'i 'khor lo ste de'i dbus su dang 'chad par 'gyur ba yang ste chos kyi dang longs spyod rdzogs pa'i dang bde ba chen po'i yang ngo / /rtsa'i dbyibs kho na 'khor lo nyid kyis dang pad+ma nyid kyi tshul du bya ba'o/ /sde chen brgyad la sogs pa rnams kyi rang gi ngo bo la sogs pa ni rdzogs pa'i rim pas bzhi pa dang nyi shu gnyis par bshad do/ /bskyed pa'i rim pa la bsgom par bya ba rnams ni rdzogs pa'i rim pa la 'jug pa la thabs nyid du 'dir rgyas par bstan to/ /sde tshan brgyad la sogs pa rnams ni bris pa'i ngo bo'o/ /de la lte bar gyen du kha phyogs pa'i chu skyes dmar po la/ sde tshan rnams kho na brgyad do zhes pas shar la sogs pa'i 'dab ma rnams la a ka tsa Ta ta pa ya sha'i sde pa rnams te sngar rnam par phye'o/ /kha cig tu rnam par thar pa brgyad rnam par dag pa a ka la sogs pa yi ge brgyad dgod pa gsungs pa ni gdul bya'i ngor te/ de'i phyir sde tshan brgyad rnams so zhes kyang shes par bya'o/ /dbus su zla ba la aM ste 'gyur ba med pa dam pa ni skye ba med pa gsal bar byed pa'i phyir ro/ /snying gar kha thur du phyogs pa'i pad+ma dkar por zla ba la hUM ste/ mi shigs pa ni spros pa rnams kyis te chos sku mtshon pa'i phyir ro/ /mi shigs pa brjod pas haM yig tu dogs pa sel ba la lnga zhes pa'i grangs kyi tshig ste/ u yig 'og na gnas pa dang lhan cig go/ /des na shar la sogs pa'i 'dab ma rnams la A I A U ai dbyangs rnams so/ /dbang ldan la sogs pa rnams su ya ra la wa rnams so/ /mgrin par steng du phyogs pa'i chu skyes dmar po la zla bar oM ste shar la sogs pa'i 'dab ma rnams la A I A U ai cha rnams so/ /ya ra la wa rnams kyis zhes rjes su 'jug pa'i phyir dbang ldan la sogs pa rnams su ya ra la wa rnams so/ /mgo bor 'og tu phyogs pa'i sna tshogs mtsho skyes su zla ba la haM yig mgo bo stong pa ste zla ba phyed dang thig le dang nA da dang ldan pa'o/ /nyi shu rtsa gnyis par gsungs pa/ haM yig 'di/ /nA da dang thig le gzhom du med pa'o/ /zhes so/ /gcig gis bar du chod pa'i 'dab ma bcu drug rnams su dbyangs bcu drug rnams so/ /a yig la sogs pa'i yi ge 'di rnams zla phyed dang thig le dang bcas pa ba mo lta bu 'dzag pa rnams so zhes shes par bya ste/ khyad par dang bcas pa ni gtum mo bsgom pa na bshad par bya'o/ /dkyus ma la ni zla ba zhes pa la sogs pa ste/ ngos dag ni hUM yig gi ngos so/ /g.yon dang g.yas dag ni rlung dag ste la la nA dang ra sa nA ru son pa dag dang / khu ba dang rdul dag kyang ngo / /la la nA dang ra sa nA'i rtsa dag ni mgo bo'i 'khor lo nas gsang ba'i 'khor lor ji srid par mdud pa rnams su lcags sgrog gi rnam pas a wa d+hU tI la 'khyud nas gnas pa dag go/ /'on kyang la la nA ni zos pa dang 'thungs pa lto ba'i mes smin pa rnams las khu ba 'bab po zhes pas mgrin pa nas zhes dang ngal so zhes gsungs kyi de dag kho na'i mthar thug pa ni ma yin no/ /de nyid kyi phyir yang zhes gsungs so/ /myos byed kyang 'bebs te/ spros pas gso'o/ /ra sa nA ni zhu ba las khrag 'bebs te/ dang por lte bar dang mgrin par ji srid par ro zhes gsungs pa/ lte ba nas zhes pa la sogs pa'o/ /yang rjes su 'jug pa'i phyir ngal so ba yang ngo / /des na de'i khrag gis lus la mngon par khyab bo/ /zla ba ni khu ba'o/ /'jug pa'i rlung 'og gi sgo dang 'byung ba steng gi sgo ni la la nA dang ra sa nA la mnyam par gnas pa'o/ /rlung gnyis ji ltar sgo yin zhe na/ ni ste gang gi phyir/ 'di dag ste brjod pa dag brten pa dag go/ /zla ba dang nyi ma dag gi gtso bo'i sgo gnyis su gyur pa rlung 'di'i sgo gnyis ni so sor rtsa gnyis so/ /de nyid kyi phyir nye bar btags pa las la la nA zla bar brjod cing ra sa nA nyi mar ro/ /'di dag sgo nyid du rtogs par byed pa gsungs pa/ dpa' bo zhes pa la sogs pa ste/ dpa' bo khu ba'i rnam pa rnams kyis dang mkha' 'gro ma bde ba'i tshul dang khrag gi tshul te/ de dang ldan pa rlung la zhon pa rnams kyi 'gro ba dang 'ong ba dag gi rgyu ste rten dag go/ /rgyud dag ces pa ni lung nyid kyi phyir ro/ /yang na 'gro ba dang 'ong ba dag gang dag gi nges 'brel dag ste dgos pa dag go zhes kyang tshig rnam par sbyar ro/ /ni ste gang gi phyir de ltar yin pa de'i phyir 'di rnams kyi rtsa so sor phyi rol du 'gro ba na nub pa ste nub par 'gro ba dang sdud pa dang thim pa ste gnyid log pa'i gnas skabs bzhin no/ /nang du 'ong ba dang 'char ba dang spro ba ste sad pa'i skabs na bzhin no/ /gang la la nA spro ba'i rtsa dang ra sa nA sdud pa'i rtsar brjod pa de ni rim pa ji lta bar khu ba dang rdul shas che ba dag 'bab pa'i phyir zhes phal che bar gsungs pa'o/ /A li dang kA li dag gi yang 'gro ba dang 'ong ba'i rgyu dag ni de dag go zhes rtogs pa'i ched du gsungs pa/ g.yon zhes pa la sogs pa ste/ a wa d+hU tI'i g.yon ni la la nA dang / g.yas ngos ni/ ra sa nA ste/ kun sdud pa'i zlas dbye ba'o/ /dbyangs bcu drug rnams kyi nang nas r-i r-I l-i l-I ste ma ning dang bral ba dbyangs bcu gnyis rnams so/ /bskor ba ni yongs su bskor ba ste/ 'og tu bltas pa'i ka sogs rnams kyis so/ /g.yon dang cig shos kyi ngos su gnas pa'i rtsa dag gi dbus a wa d+hU tI ru bya ba dpa' bo la sogs pa'i khams rgyas pa la sogs pa ste der nges par byas pa rnams so/ /dbus smos pas ni a wa d+hU tI ru yang A li dang kA li dag 'bab par gsal bar mdzad do/ /srin po ni gtum mo ste/ dus kyi me'i rang bzhin nyid kyis phung po la sogs pa mi dmigs pa'i bdag nyid du za bar rung ba nyid du mtshungs pa'i phyir srin po lta bu'o/ /'og gi cha rnams su ste lte ba'i 'o/ /'di skad bshad de la la nA ra dang ra sa nA ra dang a wa d+hU tI ru yang rlung 'byung ba na steng du phyogs pa'i rlung gi rang bzhin mi gsal ba'i ngo bo can dbyangs bcu drug dang ka la sogs pa sum cu rtsa gsum ma 'khrugs pa dang 'khrugs pa rnams/ rim pa dang rim pa ma yin pas re rer yang khams rnams 'byin par byed sdud par byed do/ /sna tshogs pa'i rnam par rtogs pa bsal bar gyur pa ni de'i rjes su 'jug pa'i phyir 'di rnams kyang sna tshogs pa 'byung ba'o/ /'jug pa na ni 'og tu phyogs pa rnams de ltar kho nar 'jug par byed spro bar byed do/ /rtsa dang po dag ni r-i r-I la l-I k+Sha rnams rlung la thim pa rnams 'bab kyi shas cher ni ma yin no zhes pas de rnams dor ba dag tu gsungs te/ dper na A li kho na shas cher 'bab pa'i phyir A li la la nA dang / kA li kho na'i phyir kA li ra sa nA zhes gzhan du gsungs pa bzhin no/ /yi ge thams cad kyang shas cher gyur pa 'bab pa ni a wa d+hU tI'o/ /k+Sha ni thim ste de ni shas cher gyur pa 'og tu cha rnams su lhag par gnas par gsungs so/ /de nyid kyi phyir shes rab dang bcas pa'i thabs dag snyoms par 'jug pas la la nA'i rlung dag a wa d+hU tI ru 'jug pa na gtum mo 'bar ro/ /de yang phung po la sogs pa bsreg cing spyi bor zla ba 'ju bar byed do/ /de zhu ba yang de dang ro gcig pa'i bde ba'i rang bzhin mgrin par 'bab bo/ /de'i phyir gsungs pa gang tshe zhes pa la sogs pa ste/ chags chen ni bde ba chen po dga' ba rab tu gyur pa'i gnas skabs so/ /longs spyod ni bde ba nyams su myong ba'i phyir ro/ /sangs rgyas rnams kyi ste gzugs kyi phung po la sogs pa'i bdag nyid rnam par snang mdzad la sogs pa rnams kyi'o/ /rim gyis 'bab bzhin pa ni shes rab ma'i sna'i rtse mo dang / thabs kyi rdo rje'i rtse mor te nor bur gang gi tshe gnas pa de'i tshe shin tu ches longs spyod rdzogs par bshad do zhes snga ma dang 'brel te/ lhan cig skyes pa'i dga' ba nye bar longs spyod pa'i phyir ro/ /gang gi tshe longs spyod rdzogs pa'i sku yang sna'i rtse mo las dang rdo rje'i rtse mo las 'phos shing nub pa ni bde ba nyams su myong ba rnam par 'chad pa'i phyir na/ de'i tshe shes rab kyi b+ha ga'i pad+ma'i nang du son pa ni/ 'gro zhing 'gro'o zhes pa nyungs kar te lung nyid kyi phyir ro/ /yungs kar brjod pas yungs kar gyi 'bras bu'i tshad tsam phra mo'i rnal 'byor la bsgom par bya'o zhes gsal bar byas so/ /de gsungs pa/ rin chen chen po kha dog lnga/ /yungs kar gyi ni 'bru tshod tsam/ /sna yi rtse mor nan tan du/ /rnal 'byor las ni rtag tu bsgom/ /zhes so/ /ye shes lnga'i rang bzhin nyid kyi phyir dkar po la sogs pa kha dog lnga'o/ /rnal 'byor las ni shes rab dang thabs snyoms par 'jug pa las so/ /rtag tu ni mtshan ma 'byung gi bar du'o/ /nyi ma'i gzugs ni rdul mang po 'dres pa nyid kyi phyir te/ bar do'i srid pa las skyes pa'i rnam par shes pa dang bcas pa ni sprul pa'i sku'o/ /gang gi phyir phung po rnams dang mig la sogs pa rnams des spro ba ni sprul pa'o/ /de nyid kyi phyir skye gnas kyi pad+mar spro ba'i gar gyis dbang byed pa'i phyir pad+ma gar gyi dbang phyug go/ /phung po la sogs pa rnams rgyas pa la sogs pa bskyed pas smin par byed pa'i phyir rgyal po'o/ /gang gi tshe yang ji skad bshad pa'i byang chub kyi sems goms pa yid brtan pa phul du byung ba las 'pho ba med cing nyi ma yang nub ste mi mthong ba dang mi skye ba kho nar 'gro ba de'i tshe gang 'byung ba de gsungs pa/ de ru zhes pa la sogs pa'o/ /nyi ma gzhan ni lte ba'i 'og tu gnas pa ste de dang bcas pa ni yod do zhes pa dgongs pa'o/ /gang rtogs pa'i don can du gsungs pa de rtogs par gyur cing gong bur gyur pa stong pa nyid dang snying rje dbyer med pa nyid kyis lhan cig skyes pa'i bde ba chen po'i bdag nyid kyis na/ phung po la sogs pa rnams de dang ro gcig pa nyid kyis de nye bar longs spyod pa'i phyir/ de rnams kyi yang gnas skabs kyi khyad par sprul pa las/ chos dang bde ba chen po dang longs spyod rdzogs pa dang sprul pa'i sku bzhi ro gcig par gyur pa ni/ rnyog pa med pa ste nyon mongs pa'i rnyog pa dang bral ba'i phyir ro/ /de nyid kyi phyir 'khor ba'i lam 'dod chags la sogs pa dang / 'pho ba yang 'dis rnam par bcad pa'o/ /spros pa ni shes bya'i sgrib pa ste/ de 'dir nye bar zhi ba'o/ /de'i phyir zhi ba ste dge ba'o/ /ci ltar nye bar zhi ba yin zhe na/ gang gi phyir dngos po la sogs par 'dzin pa gnyis spangs pa'o/ /de nyid kyi phyir mchog 'jig rten las 'das pa'i phun sum tshogs pa ste/ stobs dang mi 'jigs pa la sogs pa'i ngo bo'i'o/ /dag pa ni sgrib pa gnyis kyi bag chags cha shas dang bral ba'i phyir ro/ / bshad pa ni rgyud gzhan rnams su yang ngo / /rgyud ni 'bras bu'i rgyud do/ /dgod dang lta dang lag bcangs rgyud/ /dgod pa'i rgyud ni 'phrul dga' ba rnams kyi bde ba lta bu'o/ /lta ba'i rgyud ni dper na gzhan 'phrul dbang byed pa rnams kyi bde ba lta bu'o/ /lag bcangs kyi rgyud ni dper na dga' ldan pa rnams kyi bde ba lta bu'o/ /dgod pa la sogs pa rnams la 'khyud pa'i tshul srid pa'i phyir dang 'khyud pa la yang dgod pa la sogs pa srid pa'i phyir 'khyud pa'i rgyud nang du 'dus shing / de ni 'thab bral ba rnams kyi bde ba lta bu'o/ /gnyis gnyis kyi rgyud sngar gsungs zin cing dper na sum cu rtsa gsum pa rnams dang rgyal po chen po bzhi'i ris pa rnams dang mi rnams kyi bde ba lta bu'o/ /de ltar yang de dang de'i bde ba rnams dag p as lhan cig skyes pa'i dga' ba kho na chung ngu dang 'bring dang chen po dang chen po'i bdag nyid dga' ba dang mchog dga' dang khyad dga' dang lhan cig skyes pa'i dga' ba'i rang bzhin ni thabs kyi rgyud de byang chub kyi sems kho na rang bzhin gyis rnam par dag par bstan to/ /'on kyang 'gyur ba nyid kyis na chags pa ste khyad dga'i mthar thug pas dang chags bral gyis te bde ba rnam par chad pas nye bar bcom pa'o/ /'bras bu'i rgyud ni bstan pa za bar mtshungs pa'i phyir shing srin te shing srin 'dra ba ni shing srin te/ de ni chags pa dang chags bral dag zos nas mi 'gyur ba srid pa dang mya ngan las 'das pa la mi gnas par gnas so/ /g+hu Na dang g+hu r+Na ni 'khyam pa la'o/ /'khyam par byed cing mi gnas te 'dod chags la sogs pa rnams la'o zhes pa g+hu Na'o/ /de kho na bcom ldan 'das rnal 'byor ma'i rang bzhin rtsa rnams thams cad yang dag par te sgrib pa med par bde ba chen po dang ro gcig pa nyid kyis kun nas sbyor bas mkha' 'gro ma'i dra ba sdom/ don gzhan yang gsungs par bshad do zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu gsum pa'o// //chos kyi sku la sogs pa rnams kyi dbye ba gzhan slar yang bstan pas rdzogs pa'i rim pa kho na rgyas par bya ba'i ched du dri ba la gzhug pa'i don du gsungs pa/ de nas zhes pa la sogs pa'o/ /'khor lo ni dkyil 'khor ro/ /lha ni he ru ka la sogs pa rnams so/ /mkha' 'gro ma rnams ni bdag med ma la sogs pa rnams so/ /dgongs pas te mngon par dgongs pas gang gsungs pa ni dgongs pa'i skad de/ ldem por dgongs pa gtso bor gsungs kyi yi ge gtso bo ni ma yin no zhes pa'i don to/ /rnal 'byor ma'i ste bdag med ma'i sdom pa zhes 'brel lo/ /lus dbus ni lte ba'o/ /a yig ces pa dbyangs dang po'o/ /ci ltar a yig sdom pa yin zhe na gsungs pa/ ji ltar zhes pa la sogs pa ste/ ji ltar phyi rol gsal bar nyams su myong ba de ltar nang yang ste/ kun rdzob pa de yang yod do zhes pa'i don to/ /phyi rol dang nang gi kun rdzob a yig la ci zhig yin zhe na gsungs pa/ bo la zhes pa la sogs pa'o/ /gang po la las skyes pa'i bde ba phyag rgya chen po kho na a yig gi ngo bo can ni de'i zhes pa'i don to/ /'o na bde ba chen po 'di shes rab 'ba' zhig gis 'gyur ba ma yin no zhe na/ gsungs pa/ rdo rje zhes pa la sogs pa'o/ /rdo rje rnams kyi ste de bzhin gshegs pa rnams kyi skye mched gnas bde ba chen po'i 'khor lor gnas ba'i haM yig dang ri bong can rdo rje 'dzin pa'i ngo bo de ni 'dir thabs so/ /de ni 'di la brten nas yang dag par sbyor ro zhes pas bde ba chen po'i ngo bo phyag rgya chen por brjod do/ /gsang bdag gi ste a dang haM yig dag gi snyoms par zhugs pa ste/ ro mnyam par gyur pas so/ /phyi rol gnyis sprod ni las kyi phyag rgya'i snyoms par 'jug pa'i ngo bo ste/ des bstan pa ni dper byas pa'o/ /de'i 'di sdom pa'o/ /de ltar shes rab dang thabs dag gi sdom pa gsungs nas/ sku gsum gyi sdom pa gsungs pa/ sku gsum zhes pa la sogs pa'o/ /gal te sku gsum 'khor lo'i gzugs kyis sdom pa yin na/ 'o na 'khor lo bzhi pa ci'i ngo bor 'gyur zhe na gsungs pa sku gsum yongs su shes pa'i ngo bo bde ba chen po'i 'khor lo sku gsum sdud pa'i rnam pa can bzhi pa 'di ni 'dir lhan cig skyes pa'i sku'o zhes pa'i bar ro/ /'khor lo rnams kyi ming rnams gsungs pa chos zhes pa la sogs pa'o/ /ji ltar rigs par 'di rnams kyi gnas gsungs pa/ skye gnas zhes pa la sogs pa ste/ so sor dang tshogs pa yang ngo / /skye gnas ni 'dir bud med dang skyes pa dag gi lte ba'i 'og gi gnas so/ /gsum ni bzhi pa dang lhan cig go zhes pa lhag ma'o/ /de lta na yang ci zhig tu ci zhig sdom pa mi shes so zhe na gsungs pa/ ma lus zhes pa la sogs pa ste/ rab tu brjod ces pa rab tu grags pa'o/ /skye gnas kyi 'khor lor sprul pa'i sku'o zhes pa'i don to/ 'o na ji ltar dpag tu med pa'i sems can gyi rgyun skye gnas su skye ba de ltar ci sprul pa yang yin nam zhe na gsungs pa/ sprul pa zhes pa la sogs pa'o/ /sprul pa yang dpag tu med pa'i sems can gyi don byed pa ste/ gang gi phyir dpag tu med pa brgyud pa'i ngo bor brtan pa ste gnas pa yin pa de'i phyir de yang 'dir bskyed par bya'o zhes pa'i don to/ /skye ba yongs su dag pa kho na ni sangs rgyas rnams kyi sprul pa'i sku'o/ /ci ltar skye gnas brtan pa yin zhe na/ zur gsum nyid kyis nas gzhi dang chos mthun pa'i phyir ro/ /gang gi phyir yang skye gnas kyi 'khor lor sprul pa'i skur 'gyur ba de'i phyir de kho na sprul pa'i sku'i ngo bor sdom pa'o/ /sprul pa'i sgrub par byed pa nyid kyis nye ba'i phyir skye gnas kyis ni sprul pa'i sku'i sangs rgyas bskyed cing / skye gnas las skyes pa yang sems can rnams so/ /chos shes pa rang bzhin med pa nyid sems kyi rang bzhin ngo bo sems las tha mi dad pa'o/ /de'i phyir sems kyang chos so/ /de'i phyir chos nyid kyi sku'am/ chos sems kyi khyad par rnams kyi sku chos kyi sku ni snying gar 'gyur ro zhes pa/ chos kyi 'khor lo snying gar 'gyur te sems ni gtso bor snying ga kho nar gnas pa'i phyir ro/ /ci ltar na sems kyi rang gi ngo bo chos yin zhe na gsungs pa/ thams cad ces pa la sogs pa ste/ phung po la sogs pa'i chos rnams thams cad brtan pa nyid de gcig dang du ma nyid dang bral ba la sogs pa'i tshad mas nges pa nyid do/ /de'i phyir gang cung zad yod pa'i rang bzhin yod bzhin pa'i dngos po skyes pa de thams cad ni chos kho na yin zhing rang bzhin med pa nyid dang tha mi dad pa kho na ste/ sems kyang de ltar chos thams cad kyi nang du gtogs pa nyid kyi phyir ro/ /de nyid kyi phyir 'di'i de ma thag tu/ chos rnams kun la brtan nyid phyir/ /thams cad yod pa'i rang bzhin can/ /zhes shes par bya ste/ po ti'i mkhas pa gsal ba'i don du bar du chod pas gsungs pa'am/ glegs bam kha cig tu 'di lhung ba ni dgongs par dka' ba'i bya rog gi rkang pa can nyid kyi phyir ro/ /ro'i ngo bo can rnams kyi zhes pa ro drug gi ngo bo can rnams kyi'o/ /longs spyod pa ni nye bar spyod pa ste/ longs spyod rdzogs pa'i sku'o/ /de'i phyir longs spyod rdzogs pa'i 'khor lo mgrin par ro/ /pha rol tu phyin pa'i tshul la ni gsung rdo rje ni ston par byed pa gtso bos longs spyod rdzogs par gsungs shing / ro nye bar longs spyod pa gtso bo ma yin par byas so/ /'dir ni bzlog pa nyid kyis so/ /de ltar ni pha rol tu phyin pa'i tshul la ni sa bcu brnyes pa rnams la zab mo'i chos bstan pas chos la rdzogs par longs spyod pa'i yan lag nyid kyis ni/ mtshan sum cu rtsa gnyis dang dpe byad brgyad cu'i bdag nyid kyi sku longs spyod rdzogs pa'i sku kho nar brjod cing / 'dir ni 'di chos kyi sku'i dbang gis gdul bya'i ngor bde mchog dang 'dus pa dang kye'i rdo rje la sogs pa'i gzugs kyis de ltar sprul pas so sor snang ba'i phyir sprul pa'i sku yang ngo / /gang sprul pa'i sangs rgyas sprul pa'i skur pha rol tu phyin pa'i tshul la gsungs pa de ni/ 'dir yang de dang 'dra ba kho na ste/ sprul pa'i sprul pa bzhin yang ngo / /chos kyi skus sprul pa nyid yin na yang longs spyod rdzogs pa'i sku ni pha rol tu phyin pa'i tshul la tha dad pa nyid de/ chos la rdzogs par longs spyod pa kho na las so/ /'dir ni ngag gi ngo bo nyid kyis kyang ste/ ro la longs spyod pa las kyang ngo / /spyi bor gnas zhes pa spyi bo kho na zla ba'i gnas nyid kyi phyir/ bde ba chen po ni gtso cher gtso bo'i gnas kho nar gnas so zhes pa'i don to/ /'bras bu rnams kyang 'dir 'khor lo bzhir sdom pa gsungs pa/ e baM zhes pa la sogs pa'o/ /e baM yi ge ni sprul pa'i 'khor lo ste/ shes rab dang thabs ro gcig pa dag gi rten nyid kyi phyir ro/ /rgyu mthun pa la sogs pa 'di yang ci zhe na gsungs pa/ 'bras bu zhes pa la sogs pa'o/ /bye brag las te khyad par las so/ /rgyu mthun pa'i 'bras bu zhes pa la sogs pa'o zhes pa'i don to/ /de la gang ji ltar byas pa de de ltar nye bar longs spyod pa de rgyu mthun pa'i 'bras bu ste/ 'dra bar 'byung ba ni rgyu mthun pa'o/ /rgyu mthun rgyu dang 'dra ba'o zhes pa ni mtshan nyid do/ /khyad par du smin cing smin pa ni rnam par smin pa dang de kho na 'bras bu ste/ 'dra ba las lhag pa ste las chung ngu la yang ngo / /gang skyes bu ste skyes bu'i byed pas nye bar bsgrub pa de skyes bu byed pa'i 'bras bu'o/ /shes rab dang thabs kyi rang bzhin gyi rnal 'byor rnam par dag pa las sgrib pa gnyis kyi mtshan nyid can gyi dri ma dang bral ba las dri ma med pa'i 'bras bur 'gyur ro/ /de ci 'bras bu 'di gnyis las la mi ltos pa kho na yin nam zhe na/ de ltar ma yin te snga ma'i 'bras bu gnyis la skyes bu'i byed pa la mi ltos pa nyid kyi phyir las 'bras bu kho na'o/ /skyes bu byed pa'i 'bras bu la ni las gtso bo min pa'o/ /dri ma med pa'i 'bras bu ni las dang skyes bu'i byed pa gnyis ka dag mtshungs pa'o/ /'o na dri ma med pa'i 'bras bu 'di 'jig rten la med cing / 'jig rten la med pa yang ci ltar 'jig rten las 'das pa la 'gyur te/ sa bon med pa'i phyir ro zhe na/ 'di ltar ma yin te/ 'jig rten la yang ji ltar rigs par lus dang ngag dang yid dri ma med par byed pa nges par yod pa'i phyir ro/ /gang / dri med rnal 'byor dag pa las/ /zhes brtag pa gnyis par gsungs pa de ni mthar thug pa'i dbang du byas nas so/ /de nas 'bras bu bzhi po 'di yang 'khor lo bzhi la rim pas rnam par dag par 'gyur ro zhes pas de la sdom par brjod do/ /ci zhig gis 'bras bu 'di nye bar spyod ce na gsungs pa/ las zhes pa la sogs pa'o/ /'bras bu rnams las kyis byas pa nyid kyi phyir/ de rnams nye bar spyad pa na las kho na nye bar spyad par 'gyur ro zhes pas las la spyod ces gsungs so/ /bdag med pa'i phyir shes rab ces gsungs so/ /ci ltar las la spyod pa shes rab tu 'gyur zhe na gsungs pa/ las zhes pa la sogs pa'o/ /dbang phyug la sogs pas bskul ba ni ma yin te/ dbang phyug la sogs pa med pa'i phyir ro zhes mngon par dgongs so/ /las kho na rlung 'thor byed de/ des bskul ba ni bskyod par gyur pa'o/ /las kyis bskyed pa yang rlung ngo / /rnam pa thams cad du las kho na bskul ba po ste/ rlung de yang des byas pa nyid kyi phyir ro/ /yang na mthong ba dang ma mthong ba dag de ltar bstan pa dag go/ /de ltar ni las la spyod ces pa 'dis ni ma mthong ba ste/ las kyi rlung zhes pa 'dis ni mthong ba'o/ /de ltar mthong ba dang ma mthong ba tshogs pa las byung ba ni 'bras bu'o zhes pa'i grub mtha' rjes su mthun par 'gyur ro/ /las kyi rlung 'di de yang lte ba'i 'og tu gnas te/ de skad du yang sngar gsungs pa/ sum mdo'i phyogs su gnas pa yi/ /las kyis byas pa las kyi rlung / /zhes dang / las kyi rlung gis bskyod byas pa/ /lte ba'i dkyil 'khor du 'bar ro/ /zhes so/ /'khor lo bzhi po de nyid la sde ba rnams sdom pa gsungs pa/ gnas brtan pa zhes pa la sogs pa'o/ /brtan pa nyid dang ldan pa'i phyir gnas brtan pas dge slong gi tshogs so/ /de la ni rgyun gyis 'jug pas brtan par dngos po rnams brjod par bya'o/ /sprul pa yang brtan pa kho na ste/ sngar bshad pa'i rigs pas so zhes pas sprul pa'i 'khor lo la de sdom pa'o/ /thams cad yod do zhes gang du smra ba de ni thams cad yod par smra ba ste/ de la ni 'das pa dang ma 'ongs pa'i dus dag gi chos rnams kyang yang dag par yod 'o zhes brjod do/ /de ji ltar chos kyi 'khor lor yin zhe na/ chos zhes pa la sogs pa'o/ /chos te sems ni thams cad yod ces pa'i ngag gi 'byung byed de rgyu'o/ /'das pa la sogs pa nyid kyis gzhag pa kho na chos rnams kyis 'di ltar gyur pa smra ba'o zhes dgongs pa'o/ /nyams su myong ba yod do zhes pas nyams myong can te lung nyid kyi phyir ro/ /de la ni nyams su myong ba'i rten gang zag brjod do/ /de ji ltar longs spyod kyi 'khor lor sdom zhe na gsungs pa/ /mgrin par zhes pa la sogs pa'o/ / dge 'dun phal chen pa ni sde pa'i thu bo ste/ de ji ltar bde ba chen po'i 'khor lo la sdom zhe na gsungs pa/ sde chen zhes pa la sogs pa ste/ gang gi phyir spyi bor gnas pa de'i phyir 'di bde ba chen po kho nar sdom pa'o/ /de thu bo nyid kyis na mchog gi gnas su dbang du byed pa'i phyir ro/ /ma'i lto ba gtsug lag khang ngo / /de'i skye gnas kho nar 'dod chags dang bral ba ste/ skye ba len pa'i dus su lhan cig skyes pa nyams su myong ba thob pas so/ /mngal gyi phru ma 'bar te rab tu 'bar ba'i dri ma can ni chos gos so/ /spyi bor thal mo sbyar ba ni spyi bor thal mo sbyar ba ste/ de lta kho nar mngal du gnas pa'i phyir dang phyir 'byung ba'i phyir ro/ /'gro ba'i bya ba zhes pa 'gro ba'i don lhur len pa kho na der gnas pa'i phyir ro/ /de bzhin zhes pa/ de lta a haM zhes pa sngags kyi bzlas pa ste/ ji ltar a yig dang haM yig lte ba dang mgo bo dag la ltar ro zhes pa lhag ma'o/ /sna bug dag gis dbugs phyir 'byung ba yang skye gnas las phyi rol du byung ba kho na yi ste mngal du ni ma yin no zhes gsung ngo / /sngags ni 'di gnyis kho na ste/ ngag gi bzlas pa dang rdo rje bzlas pa'i mtshan nyid can no/ /gcer bu ni 'dom dkris med pa'o/ /'o na de lta bu yin na yang ji ltar sems can rnams sangs rgyas yin te/ sa rnams ma thob pa nyid kyi phyir ro zhe na/ gsungs pa/ sa rnams zhes pa'o/ /sa bcu yongs su dag pas ni zla ba bcu rnams sa bcu rnams so zhes gsungs so/ /bde ba'i sa la rab tu zhugs pa rnams kyi zla ba rnams yongs su dag pa'i phyir 'di brjod par bya'i/ ji ltar sa bcu'i dbang phyug byang chub sems dpa' rnams kyi ltar de'i sa thob pa ni ma yin no/ /yan lag dang nye ba'i yan lag tu bcas pa'i 'khor lo bzhi yongs su rdzogs pas ni sangs rgyas nyid de/ de yang dpag tu med pa'i zla ba rnams kho nas so/ /spros pa ni man ngag ji lta bar rtogs par bya'o/ /sa bcu'i dbang phyug ces pa skye ba'i dus su'o/ /de las gong du brtan pa dang g.yo ba rtogs pa'i phyir sangs rgyas rnams so zhes pa dgongs pa'o/ /gal te de lta na sngon po dang ser po la sogs pa sna tshogs pa'i rnam pa bud med dang skyes pa'i bdag nyid snyoms par 'jug pa'i lha'i ngo bo dga' ba la sogs pa'i dbye bas tha dad pa skye ba dang 'chi ba dang skye ba dang 'gog pa'i ngo bo'i spro ba dang sdud pa'i byed pa po rdo rje sems dpa'i ngo bo dkyil 'khor gyi 'khor lo bde ba chen po'i rang bzhin stong pa nyid kyi ngo bo can mya ngan las 'das pa'i rang bzhin rdzogs pa'i rim pa'i rnal 'byor gyi ngo bo ni sgom pa med par yang yod pa kho na ste/ 'di las pha rol bsgrub par bya ba cung zad kyang med do/ /des na rdzogs pa'i rim pa'i dkyil 'khor gyi 'khor lo bsgom pas ci bya na/ bskyed pa'i rim pa'i dkyil 'khor gyi 'khor lo lta ci smos te/ de skad du yang brtag pa gnyis par gsungs pa/ rdzogs pa'i rim pa'i rnal 'byor 'di/ /bde ba dam pa bde chen 'dod/ /rdzogs pa sgom pa med pa ste/ /bskyed pa yis ni dgos pa ci/ /zhes dang / dgongs pa bla na med par yang / /AHgoms sbyor bas ci bya ste/ /gdod nas grub pa'i rang bzhin can/ /rang bzhin kho nas de grub na/ /de bzhin nyid ni rtog skyes min/ /zhes so zhe na/ de ltar ma yin te/ gang phyir tha mal pa'i gnas skabs na/ de bzhin nyid yod kyang rtogs pa yod pa ma yin pas so/ /bde ba chen po ni rtag tu rgyas pa med pa kho na'o zhes sngar dpyad zin to/ /gzhan yang bde ba rang rig pa'i ngo bo ni gal te yod na rtag tu rtogs te/ ma rtogs pa'i snang rung ni med pa kho na'o/ /yang res 'ga' ba'i lhan cig skyes pa'i bde ba lus las byung ba ni dpe nyid kyis/ bsgrub par bya ba'i bde ba'i rtogs pa sgrub par byed par 'gyur gyi/ /khyad par byed pa ni ma yin te/ de med kyang lus la sogs pa yod pa nyid kyi phyir ro/ /bsgrub par bya ba'i bde ba sgrub par gyur pa ni yongs su dag pa'i gnas skabs su/ mtshan dang dpe byad 'bar ba'i lus las byung ba mi 'gyur ba khyab par bya ba dang khyab par byed pa'i ngo bo rtogs so/ / de'i tshe na ji ltar lus med par bde ba med pa de ltar lus kyang bde ba med na med do/ /de nyid kyi phyir bcom ldan 'das la bde bas khyab par 'gro ba snang ngo / /de skad du yang brtag pa gnyis par gsungs pa/ lus dngos med na gal bde/ /bde ba smra bar mi nus so/ /khyab bya khyab byed tshul gyis ni/ /bde bas 'gro ba khyab pa'o/ /zhes so/ /de nyid kyi phyir stong pa nyid dang ro gcig pa'i bde ba chen po bsgrub par bya ba 'di 'grub pa'i ched du bskyed pa dang rdzogs pa'i rim pa dag gis myos pa ji lta ba'am rim pa ji lta bar lha bsgom pa nges par bsgrub par bya'o zhes rtogs par bya ba'i don du gsungs pa/ btsun mo zhes pa la sogs pa'o/ /btsun mo ni shes rab ma ste/ de'i b+ha ga ru/ /khu ba'i ming gis zhes pa byang chub sems kyi rnam pa kho na'i sems ni de ltar rab tu gsal ba'i phyir ro/ /gang yang de ltar gyur pa ni bsgrub par bya ba'o/ /de ni khu ba'i ming can te/ /bde ba kho na bde nyid do/ /bde ste khu ba'i ming can no/ /phan tshun ltos pa dang bcas pa 'di ni re re la nus pa med pa'i phyir ro/ /de'i phyir yang khu ba dang lus dag gis khyab pa ste/ de'i khyab par byed pa bde ba chen po yang lha'i rnal 'byor las skye'o/ /de'i phyir bsgrub par bya ba'i bde ba don du gnyer bas 'di lta bu kho na'i don rim pa dag gis/ lha'i rnal 'byor la gdon mi za bar bsgom par bya'o zhes mngon par dgongs pa'o/ /de yang bde ba chen po dang ro gcig pa'i lha'i rnal 'byor bsgom par bya bzhin pa stong pa nyid kyi rang bzhin kho na bsgom par bya'o/ /rgyu dang 'dra ba'i 'bras bu'i rgyud ni rgyu'i rgyud bsgom pa med par 'grub pa ma yin no/ /rgyu'i rgyud kyang rang bzhin med pa kho na'o/ /gang gi phyir de ltar yin pa de'i phyir sangs rgyas ni sgrib pa med pa'i bde ba chen po'i rang bzhin byang chub kyi sems rdo rje 'bras bu'i rgyud kyi ngo bo ni dngos po min te/ sgyu ma bzhin du rang bzhin med pa nyid kyi phyir ro/ /de lta na 'o na dngos po med pa'i rang bzhin du 'gyur ro zhe na/ de ni ma yin pa kho na ste/ bde ba sangs rgyas de ni phyag zhabs rnam pa'i gzugs dang ldan pa yang ngo / /'o na dngos po min zhes ci las gsungs she na/ gsungs pa/ gzugs med ces pa rang bzhin med pa ste/ gzugs dang rang gi ngo bo dang rang bzhin zhes pa rnam grangs so/ /mchog gi bde ba las/ mchog ni bla na med pa ste sgrib pa spangs pa'i bde ba'o/ /sgrib pa spangs pa yang stong pa nyid rtogs pa med par ma yin no/ /de ltar gang gi phyir 'bras bu dngos po ma yin zhing dngos med kyang ma yin pa/ de phyir 'gro kun lhan cig skyes/ /zhes pa lhan cig skyes pa sangs rgyas nyid dang ste gnyug ma'i de bzhin nyid dang sbyor ba'i phyir lhan cig skyes pa'o/ /'gro kun zhes pa sems can rnams so/ /sangs rgyas nyid lhan cig skyes pa'o zhes pa'i don ci zhe na/ gsungs pa lhan cig skyes pa zhes pa la sogs pa ste/ rang gi ngo bo ni rang bzhin te/ rang bzhin gyi rnam grangs lhan cig skyes pa'i sgra'o zhes pa dgongs pa'o/ /sangs rgyas nyid kyang gtso cher chos kyi sku ste/ de'i dbang du byas nas gsungs pa/ rang gi zhes pa la sogs pa'o/ /gal te rang gi ngo bo kho na mya ngan las 'das pa yin na/ rang gi ngo bo de 'dra ba thams cad la yod pa kho na'o zhes pas sems can thams cad mya ngan las 'das zin pa thob par 'gyur ro zhe na gsungs pa/ rnam dag rnam pa can sems kyis/ /zhes pa ste/ glo bur ba'i dri ma dang bral ba'i phyir rnam dag can rnam pa can te/ /gang sems des rtogs par gyur pa zhes go bar bya'o/ /de ltar lha'i rnal 'byor las 'di 'dra ba'i rdzogs pa'i ngo bo'i rang bzhin mngon sum du bya'o zhes gsungs so/ /de la 'dir 'gyur mod/ de ltar na lha'i gzugs lhan cig skyes par mi 'gyur ro zhe na gsungs pa/ lha zhes pa la sogs pa'o/ /skyes pa tsam la ni lus can la'o/ /ci las she na gsungs pa/ phyag ces pa la sogs pa'o/ /gal te de ltar na 'o na rdzogs pa'i rim pas sam bskyed pa'i rim pas lha bsgom pas cho ga go zhes gsungs pa/ 'on kyang tha mal bag chags so/ /zhes pa ste/ tha mal pa'i lus kyi rgyu'o zhes pa'i don to/ /de nyid kyi phyir gsungs pa/ tha mal rnam rtog 'jug las gzhan/ /srid pa'i sdug bsngal ci yang med/ /de dang 'gal ba 'di yang ni/ /sems su dngos su rtogs par bya/ /zhes so/ /de ltar rtsod pa spangs nas/ /skabs kho na'i rdzogs pa'i rim pa mjug sdud pa gsungs pa zhes pa la sogs pa ste/ bskyed pa'i rim pa'i rnal 'byor rnams kun las bla na med pa ste lhag ma med pa rdzogs pa'i rim pa'i rang gi ngo bo/ gang du sems can rnams kyang sangs rgyas rnams so zhes gsungs pa'o/ /gal te sems can rnams sangs rgyas yin na/ 'o na sangs rgyas min pa su rnams yin zhes rtogs nas/ bcom ldan 'das kyi gsung yang don gzhan med pa can du shes pa'i rnal 'byor ma rnams gnas skabs gsum thob par gyur to zhes ston pa/ de nas zhes pa la sogs pas so/ /thams cad du mi shes pa las rnam par rgyal ba rdo rje zhes pa la/ thams cad de dgongs pa la sogs pa la mi shes pa ni kun du rmongs pa'o/ /de las rnam par rgyal ba rdo rje ltar dbyer med cing gnod par byar med pa gang du yin pa ste/ byang chub sems kyi rang bzhin gyi ting nge 'dzin de la snyoms par zhugs nas gsungs pa/ sems can rnams sangs rgyas kho na zhes pa'o/ /de ltar ni de bzhin nyid kho na rang nyid rnam par dag pa sangs rgyas te/ de yang rang bzhin kho nas rnam par dag pa'o/ /ci'i phyir 'di ltar mi shes she na/ gsungs pa/ 'on kyang zhes pa la sogs pa ste/ dri ma ni nyon mongs pa'i sgrib pa dang shes bya'i sgrib pa dang / dri ma de bag chags dang bcas pa spangs pa las sangs rgyas rtogs par bya'o/ /'di ni de bzhin no zhes pa/ ngas rtogs par byas pa'i don 'di ni bden pa ste/ 'di la the tshom dang phyin ci log dag bskyed par bya ba ma yin no/ /bcom ldan 'das zhes pa bcom ldan 'das rnams te yang dag pa'i ye shes dang ldan pa rnams zhes mi bskyod pa la sogs pa rnams bod pa'o/ /rigs kyi bu khyod la 'di rnams bshad par bya'o/ /gal te dri ma rnams kyis bsgribs pa ni de rnams kyis bsgribs pa kho na ste 'di rnams la byang chub gal zhe na/ 'di ltar ma yin te/ lha bsgom pas dri ma 'byin pa'i phyir ro/ /gsungs pa ni/ 'on kyang tha mal bag chags so/ /zhes so/ /de nyid kyi phyir 'di spang ba'i ched du dang rang gi bag chags kyi rten yongs su gso ba'i ched du lha bsgom pa don med pa ma yin no/ /'o na bag chags kho na sun 'byin na/ lha'i rnal 'byor gyi bag chags gzhan bskyed par bya ba de ci ste/ 'di tha mal du 'dzin pa spong ba yang bzod par dka'o zhes dogs par byas nas dpe mang po rnams kyis 'di bsgrub pa'i ched du gsungs pa/ brgyal ba zhes pa la sogs pa'o/ /'jig rten sems dpa' med gang gis/ /dus zos pas na brgyal bar 'gyur/ /dug med par byed pa la yid kyi las ni 'dir sems pa'o/ /rmongs spangs ni dug gi de kho na nyid ces pa'i phyir ro/ /dug 'phrog pa'i de kho na nyid la mkhas pa ni de nyid shes pa'i yid can no/ /gang zhe na 'jug go/ /de'i mchog tu gcod de/ mya ngan ni dug zos pa'i gdung ba las skyes pa'o/ /dug ces pa ni dug nyid do/ /rlung gis rlung ni 'joms par byed/ /ces pa sran mA sha ni rlung bskyed de/ des yun ring por bsags pa'i rlung 'byin du 'jug par byed bzhin pas 'byin par byed do/ /de 'di ni bzlog pa'i sman te nad dang rigs mthun pa nyid kyi phyir ro/ /dper bya gsungs pa/ srid pa zhes pa la sogs pa'o/ /srid pa ni 'khor ba ste/ de dag pa ni zad par 'gyur ba'o/ /srid pa kho nas zhes pa 'jig rten pa'i lam kho nas bsgom par bya bzhin pa rdzogs pa'i rim pas sam bskyed pa'i rim pas so/ /de ltar ni nges par 'byed pa'i cha dang mthun pa ji srid pa ni 'jig rten pa'i lam ste/ de med par 'jig rten las 'das pa mthong ba'i lam la sogs pa med cing / de med par srid pa zad pa med do/ /de'i phyir brgyud pas srid pa kho nas srid pa zad par 'gyur ro/ /rnam rtog kyang 'khor bskyed par byed pa ni rab tu rnam par rtog las dag par 'gyur te brgyud pas so/ /de ltar ni yang dag par so sor brtag pa yang rnam par rtog pa kho na ste/ de nyid kyis kyang sgom pa'i stobs bskyed pas rnam par mi rtog pa'i ye shes skyed par byed do/ /des kyang bsgom pa'i rnam par rtog pa'i mthar thug pa'i rnam par rtog pa bag chags dang bcas pa thams cad zad par byed do/ / dpe gzhan gyis gsungs pa/ rna bar zhes pa la sogs pa'o/ /dngos po'i rnam rtog ni tha mal pa phung po lnga la sogs pa'i rnam par rtog pa'o/ /rnam pa rnams kyis zhes pa/ rim pa dag gis rtag pa dang rin chen dbang po la sogs pa lha'i rang gi ngo bo bsgom par bya ba rnams kyis/ dag par byed de/ zad par byed do/ /'khor ba bskyed pa la rtsa ba ni gti mug ste/ de'i rtsa ba can gyi 'dod chags ni de ma thag pa'i rgyu'o zhes pas/ gti mug gi gnyen po rnam par rtog pa gzhan rtogs par byas nas/ 'dod chags kyi gnyen po yang de dang 'dra ba rtogs par byed pa gsungs pa/ ji ltar zhes pa la sogs pa'o/ /'dod chags ni nyon mongs pa'i 'dod chags so/ /de kho na me dang / des tshig pa ni kun nas me ste/ ngan 'gro la sogs pa'i sdug bsngal 'bar ba'i phyir ro/ /'dod chags ni de kho na nyid dang ro gcig pa'i 'dod chags so/ /de kho na me ste/ nyon mongs pa dang rnam par rtog pa'i bud shing sreg pa'i phyir ro/ /de dug tu bya ba ni yongs su smin par bya'o/ /'o na 'dod chags ni las drag po nyid de/ 'khor ba bskyed pa la bar du ma chod pa'i rgyu nyid kyi phyir te de nyid kyi phyir sdom brtson rnams kyis de kho na gtso bor yongs su spang bar bya'o zhe na/ gsungs pa/ gang dang zhes pa la sogs pa'o/ /ni ste gang gi phyir/ gang dang gang gis zhes pa khyab par 'dod pa bstan pa ste/ 'dod chags kho na'i gsal ba'i dbye ba nye bar blangs nas skye ba brgyud pa dpag tu med par rgyu nyid du bstan pa'i don du'o/ /thabs ni stong pa nyid kyi ye shes la sogs pa'o/ /'dir zhar byung las zhe sdang las skyes pa srog gcod pa la sogs pa las drag po dang / thabs snying rje chen po dang sangs rgyas kyi bstan pa bsrung ba la sogs pa dgongs pa'o zhes gsal bar byas te/ brjod pa ni ma yin no/ /de nyid kyi phyir spyir 'phangs nas khyad par du 'dod chags kho na gsungs pa/ 'dod chags zhes pa la sogs pa'o/ /bzlog pa zhes pa ni mthun phyogs su gyur pa yang mthun phyogs ma yin par snang ba'i phyir ro/ /don dam par ni gnyen po'i phyogs su gyur pa kho na'o/ /sangs rgyas kho na ston pas khas blangs pa'i phyir sangs rgyas te/ sangs rgyas kyi bstan pa'i snying po rdo rje theg pa la mi mos pa'i phyir mu stegs pa dang 'dra ba ni sangs rgyas mu stegs pa rnams so/ /de ltar lha'i rnal 'byor med par dngos grub med do zhes bstan to/ /'o na 'di ltar mi 'bad pa'i myur ba kho nar skyon nyams par 'gyur zhes grub cing / lam 'di kho nas ni ma yin la/ dug la sogs pa rnams kho nas dug la sogs pa rnams 'jig pa ni ma yin te/ rnam pa gzhan du yang nyams pa mthong ba'i phyir ro zhe na/ 'di la yang gsungs pa/ 'on kyang tha mal bag chags so/ /zhes so/ /tha mal pa'i rnam par rtog pa yang khyad par gyur pa'i ngo bo bskyed par la 'byung bar mi 'gyur ro zhe na/ bden te/ 'on kyang khyad par du gyur pa'i ngo bo bskyed pa yang rang bzhin las rdo rje 'dzin pa'i bdag nyid la de'i rang bzhin du bsgom pa kho nas de ldog pa las so/ de ltar shes rab dang thabs kyi bdag nyid lha'i rnal 'byor las dngos grub tu bshad nas/ de kho na chos thams cad rnam par dag pa'i ngo bo'i dkyil 'khor gyi 'khor lo'i rnam pa gzhan gyi don dang ro gcig par ston pa gsungs pa/ kun+du ru la zhes pa la sogs pa ste/ kun+du ru rnams ni shin tu dga' ba rdo rje lha mo'i pad+ma las byung ba rnams te/ kun du ru zhes pa brtag pa gnyis par ro/ /kun du ru de rnams la 'gyur te/ reg pa lnga rnams su 'gyur te/ sa dang chu dang me dang rlung dang nam mkha'i khams kyi ngo bos so/ /'byung ba rnams kyang ci zhe na/ gsungs pa/ gcig nyid ces pa la sogs pa'o/ /dga' ba chen po ni lhan cig skyes pa'i dga' ba rdo rje 'dzin pa'o/ /dbye ba rnams kyis zhes pa 'byung ba'i dbye bas so/ /de kho na 'byung ba lnga'i rang gi ngo bo can shin tu rnam par dag pa lngar ston pa gsungs pa/ bo la zhes pa la sogs pa ste/ bo la ni rdo rje/ ka k+ko la ni pad+ma'o/ /gang 'di sra ba'i bag chags ni gti mug gi ngo bo'o/ /de kho na rnam par dag pa ni gti mug ste/ rnam par dag pa'i 'dir sra ba'i ngo bo sa'i khams rnam par snang mdzad ces brjod par bya'o/ /bcad cing phug pa'i chu rnams slar yang de ltar 'du ba'i phyir/ de ltar gnas pa rnams gcod pa dang / 'byed pa mi srid pa'i phyir dang / nam mkha' lta bu nyid kyi phyir na chu rnams bskyod bya ma yin pa'i phyir mi bskyod pa'i ngo bo'o/ /zhe sdang gi gang chos thams cad dngos po med pa la dmigs pa med pa'i phyir dang / nam mkha' lta bu nyid kyi phyir zhe sdang ste/ zhe sdang rnam par dag pa'i ngo bo mi bskyod pa bcom ldan 'das so/ /gzi brjid med pa mgo bor gyur pa rnams kyi 'dod chags lhag pa med pa'i phyir 'dod chags ni me la'o/ /de'i phyir rnam par dag pa'i me'i khams dang 'dod chags ni 'od dpag tu med pa rdo rjer 'gyur ro/ /de ni g.yo ba'i ngo bo can/ /zhes pa/ rlung gi ngo bo can kho na'i sems ka k+ko la ru 'gro ba'i phyir ro/ /de'i phyir phrag dog kyang de la gsal bar 'gyur ro/ /de gnyis rnam par dag pa don yod grub pa bcom ldan 'das so/ /bde ba ni lhan cig skyes pa'i dga' ba'o/ /de kho na ni chags pa'i sems te/ de la kun nas zhen pa'i sems ni de las gzhan ma yin pa nyid kyi phyir ro/ /de kho na dga' ba mchog rgyas par byed do zhes pas rin chen chags pa'o/ /bde ba'i bdag nyid kyi sems ni bdag la chags pa 'di'i mtshan nyid de rang gi ngo bo zhes pas chags pa'i mtshan nyid can no/ /de yang nam mkha' rnam par dag pa'i khams kho na ste/ don dam par rang bzhin med par chos mthun pa nyid kyis nam mkha' dang 'dra ba nyid kyi phyir ro/ /des kyang chos rnams thams cad so sor cha shas su phye ba las stong par byed pas phra ma'i ngo bor de 'gyur te/ de gnyis ka rnam par dag pa phra ma rdo rje'o/ /de ltar khams lnga dang nyon mongs pa lnga rnams rnam par dag pa rnams sangs rgyas lnga rnams su 'gyur te/ 'chad par 'gyur ba'i ye shes lnga rnams dang phung po lnga rnams kyang ngo / /rnam par ma dag pa'i gnas skabs su yang rang bzhin yongs su dag pa'i sangs rgyas lnga po 'di rnams yang dag par 'byung ba kho na ste/ glo bur gyi dri mas gos pa rnams nye bar mi mtshon no/ /rnal 'byor pa rnams kyis ni rang bzhin rnam par dag pa nye bar bzung nas/ dag pa kho nar mos par bya zhing / de'i rigs can mig la sogs pa rnams kyang / byang chub sems dpa' dag par kho nar nges par gzung bar bya'o/ /mjug sdud gsungs pa/ gcig ces pa la sogs pa ste/ sems chen po ni lhan cig skyes pa'i dga' ba'o/ /lnga'i ngo bos ni rigs lnga'i ngo bos so/ /de la btsun mo'i kun+du ru la so sor rigs rnams la rigs du ma skyes pa ston pa/ lnga zhes pa la sogs pa'o/ /nye bar bsdu ba gsungs pa/ de'i phyir zhes pa la sogs pa ste/ gcig gi rang gi dngos po ni rigs mtha' yas pa'i thun mong ba'i ngo bo mchog tu rtag pa ste rigs mtha' yas pa rnams sprul par byed cing mtha' med pa'i dus su gnas pa'i phyir ro/ /de ltar 'dod chags dang zhe sdang la sogs pa rnam pa lnga'i sems kyis bde ba chen po'i rab tu dbye ba rigs lnga rnams so zhes bsgrubs so/ /de rnams kyi yang rab tu dbye ba grangs med pa'i rigs rnams so zhes bsgrub pa'i ched du tshigs su bcad pa gnyis gsungs pa/ bcu zhes pa la sogs pa ste/ bye ma rnams dang mnyam pa'i grangs so/ /rigs gcig rnams la ni rigs rnams re re la'o/ /tshogs kyi rigs rnams la zhes pa de bzhin gshegs pa'i tshogs de rnams ji snyed pa de snyed kyi rigs rnams te/ don de kho na logs su byas pa'i phyir ro/ de'i phyir yang tshogs kyi grangs kyi rigs rnams ni/ tshogs kyi grangs rnams te/ gang+gA'i klung lnga bcu'i bye ma dang mnyam pa rnams so/ /tshogs kyi rigs de rnams slar yang rab tu dbye bar bya bzhin pa rnams la rigs du ma rnams so zhes pas rigs shin tu mang po rnams su 'gyur ro/ /ji ltar zhe na gsungs pa de rnams la zhes pa tshogs kyi rigs rnams la ste/ dang por dbye bar bya bzhin pa rnams la so sor rigs brgya'i grangs rnams su 'gyur ro/ /rigs brgya po de rnams kyang slar yang phye ba rnams so sor rigs 'bum rnams su 'gyur ro/ /rigs 'bum phye ba na so sor rigs bye ba rnams so/ /rigs bye ba la yang phye ba rnams la so sor rigs grangs med pa rnams so/ /de la rigs rnams la zhes pa rigs bye ba rnams la gang so sor grangs med pa'i rigs de rnams thams cad ni mchog tu dga' ba kho na rigs te/ de las byung ba rnams so/ /lhan cig skyes pa'i dga' ba'i rigs gcig po de ni rigs kyi dbye ba thams cad kyi rtsa ba nyid kyi phyir ro zhes de ltar rtogs par byas nas lha mos gsol pa/ rdul gyi ngo bo'i mtshan nyid can ni shin tu chung ba'i 'o/ /shin tu chung ba tshad can gyi gong bu'i ngo bo byang chub kyi sems lhan cig skyes pa'i dga' ba'i bdag nyid kyi rigs ni rigs grangs med pa rnams kyi rang gi ngo bo dang skyes pa'i rgyu dang rten du gsungs te/ 'di 'di las dogs pa ci lags pa'o/ /spangs par 'dis 'byung bar byas te/ cig shos ltar na gdung bar 'gyur ro zhe na cig ni zhes pa cig la'o/ /bye ma zhes pa bye ma ni byang chub sems kyi rdul phran no/ /de kho na lam ste der ro/ /sgra'i lam la zhes pa 'don pa la ni ba spu'i bu gar ro/ /dog pa zhes pa dog pa nyid do/ /bzhengs shig ces pa bzhengs nas te spros nas so/ /zlos pa nges par bstan pa ni/ spro ba byed pa'i gsal ba'i dbye ba grangs med pa nye bar blangs nas spro ba'i rgyun brgyud pa dpag tu med pa rab tu bstan pa'i don du'o/ /'di rnams kyi stobs bcu rnams yin pas na stobs bcu pa rnams so/ /de rnams kyis kyang sna tshogs pa'i rdzu 'phrul dang cho 'phrul la sogs pas gdul bya'i skye bo 'dun pa'i don du rtse bar byed rol par byed pas na lha rnams te de bzhin gshegs pa rnams su bdag rdo rje 'dzin pa'i khyim zhes pa khyim du ste longs spyod rdzogs pa'i skur bde ba chen po'i ston mo gsol bar bzhed pa rnams zhugs shig dang bzhugs shig ces pa lhag ma ste/ ji ltar thub pa'i dgongs pa'i rgyan du bshad pa bzhin no/ /ji ltar na 'di ltar yin zhe na gsungs pa/ rdzu 'phrul zhes pa la sogs pa ni/ de bzhin gshegs pa rnams kyi rdzu 'phrul gyi mthu bsam gyis mi khyab pa ston te des so/ /rigs kyi rdo rje sems dpa'i sras rnams ni de bzhin gshegs pa rnams so/ /byung ba rnams so zhes pa yang dag par 'byung ba rnams so/ /'di skad gsungs te/ ji ltar longs spyod rdzogs pa'i lus la ba spu'i khung bu gcig tu yang rigs grangs med pa rnams cig car du skye zhing gnas la/ de rnams dog pa yang ma yin btsir ba yang ma yin rten yangs pa yang ma yin pa ni bla na med cing bsam gyis mi khyab pa'i rdzu 'phrul gyi mthu phul du byung ba las yin pa de ltar bde ba'i rang bzhin gyi khu ba rdul phra rab gcig la yang mi 'gal ba kho na'o zhes pa'o/ /'di skad bka' stsal pa zhes pa ni de ltar khams la brten pa'i nyon mongs pa rnam par dag pa'i sgo nas rigs ma lus pa'i rang bzhin byang chub kyi sems kyi rdo rje'o zhes dngos nyid du gsungs nas/ yang gtso bor nas khams dang ye shes dang phung po'i rang gi ngo bo 'di'o zhes rtogs pa'i ched du gsungs pa'o/ /bcom ldan 'das kyis bka' ci stsal pa zhe na nyon zhes pa la sogs pa'o/ /yang dag sbyor 'byung mtshan nyid ni rdo rje sems dpa'i rang gi ngo bo ste/ bye brag tu bshad pa'i khyad par rnams kyi dang por rnam par bshad zin to/ /yang na yang dag sbyor ni phyi rol gyi shes rab dang thabs kyi pad+ma dang rdo rje dag dang nang gi gtum mo dang khu ba dag sbyor ba'o/ /de yod na 'byung ngo zhes pa 'byung ba ni lhan cig skyes pa'i dga' ba'i rang bzhin byang chub kyi sems rdo rje'o/ /de gang gis mtshon par bya ba de ni mtshan nyid do/ /gsang ba ni kun+du ru ste/ de la yod pa ni gsang chen sa'i khams so/ /de'i phyir mchog gi phul du byung ba chu ste sdud par byed pa nyid kyis 'dod chags bskyed pa'i phyir ro/ /dgyes pa ni me ste me yod na 'dod chags lhag pa'i phyir ro/ /rlung ni thams cad bdag nyid de/ sa la sogs pa'i khams gsum po thams cad la khyad par byed pa nyid kyi phyir 'di'i bdag nyid do zhes byas nas so/ /yang dag gnas ni sangs rgyas kun bdag bde ba mchog / ces 'brel lo/ /rtag tu zhes pa 'gyur ba med pa nyid kyis mur thug pa med pa'i dus su gnas pa 'di rab tu gsungs pa ni/ gsang chen mchog tu dgyes pa na/ /kun bdag nyid na rtag tu bzhugs/ /zhes pa 'dis gsungs par ro/ /rnam p ar snang mdzad la sogs pa sangs rgyas rnams kun gyi bdag nyid sham bde bas mchog tu byed khyab par byed do zhes pa sangs rgyas kun bdag khu ba'i ngo bos la sogs pa rnams kyis nye bar mtshon pa stong pa nyid dang ro gcig pa nyid kyis nam mkha' dang mtshungs pa'i phyir nam mkha'i khams dga' ba thams cad kyi ngo bo'o/ /de skad du yang phyag rgya chen po thig ler gsungs pa/ gsang ba zhes pa 'dir dga' ba/ /mchog ces pa ni mchog tu 'gyur/ /dgyes pa zhes pa khyad dga'i dga'/ /lhan skyes kun bdag na bzhugs pa'o/ /zhes so/ /me long lta bur/ gang gi ngo bo kun mthong ba yin pa de ni de skad do/ /gsang ba ni chos kyi dbyings rnam par dag pa ste/ de bzhin gshegs pa las gzhan gyi spyod yul ma yin pa nyid kyi phyir ro/ /de la yod cing de la dmigs pas skye ba'i phyir gsang chen ni me long ye shes so/ /mnyam pa nyid la ni mnyam pa nyid kyi ye shes la'o/ /mchog ste chos rnams thams cad rang bzhin med pa nyid du mnyam pa nyid rtogs pa'i phyir mnyam pa nyid kyi ye shes so/ /dgyes pa ni so sor rtog pa'i ye shes te/ rnam par mi rtog pa nyid na yang sems can gyi sems kyi spyod pa so sor rtog pa la spro ba dang bcas pa nyid kyi phyir ro/ /thams cad bdag nyid ni bya ba sgrub pa'i ye shes te/ sems can rnams thams cad la 'di'i bdag nyid bya ba byed pa'i don du nye bar gnas so zhes byas nas so/ /rtag tu ni bzhugs pa shin tu rnam dag gi chos kyi dbyings kyi ye shes te/ mu mtha' med pa'i dus su gnas pa'i phyir ro/ /de bzhin zhes pa ji ltar rnam par dag pa la dmigs pa'i phyir me long ye shes la gsang chen du brjod pa de ltar ro/ /gsang chen rnam par snang mdzad de/ de ni nyan thos la sogs pa'i spyod yul ma yin pa nyid kyi phyir te/ gsang ba ni gzugs kyi phung po rnam par dag pa ste/ de khyad par du byas pa de'i bdag nyid kyis de'i ngo bor 'gyur ro/ /de ltar yang na zhes pa'o/ /mchog ni mnyam pa nyid kyi ye shes su gsungs so/ /yang na de ltar stong pa nyid kyi rtogs pa'i phyir na mchog ni rin chen 'byung ldan tshor ba'i phung po rnam par dag pa'i ngo bo'o/ /dgyes pa ni 'od dpag tu med pa 'du shes kyi phung po rnam par dag pa'i ngo bo nyid kyis rnam par mi rtog pa 'jug pa'i phyir ro/ /'od dpag med kyis zhes pa 'od dpag med la'o/ /thams cad bdag nyid ni don yod grub pa ste 'du byed kyi phung po rnam par dag pa'i ngo bo nyid kyis na tshor ba dang / 'du shes dang sems pa la sogs pa rnams thams cad 'di'i bdag nyid yin zhes byas nas so/ /tshor ba dang 'du shes dag ni 'du byed kyi phung po'i nang du 'dus par sngar bsgrubs zin to/ /de nyid kyi phyir gsungs pa/ gang tshe zhes pa la sogs pa'o/ /gang gi tshe don yod la rtag tu bzhugs pa de'i tshe rin chen 'byung ldan dang 'od dpag med la yang ste/ 'di dag don yod grub pa'i nang du 'dus pa nyid kyi phyir ro zhes pa dgongs pa'o/ /rtag tu bzhugs pa ni/ shin tu rnam dag ye shes che/ /zhes 'brel te/ sngar bzhin du rtag tu bzhugs pa mi bskyod pa'o zhes pa'i don to/ /de ltar gsungs pa'i rim gyis/ bdud rtsi lnga yi dngos gong bu/ /zhes pa/ khams dang ye shes dang de bzhin gshegs pa lnga rnams ni mi gnas pa'i mya ngan las 'das pa'i ngo bo nyid kyi phyir dang / dus mtha' yas pa ma tshang ba med par 'tsho ba'i rgyu nyid kyi phyir dang / gzhan rnams kyi yang tshogs gnyis rgyas par byed pa'i phyir bdud rtsi rnams te/ de'i dngos ni de rnams kyi rang bzhin dang / gong bu ni byang chub sems kyi rang bzhin longs spyod rdzogs pa'i sku'o/ /thig le'i gzugs zhes pa phra ba ste/ ku sha'i rtse mo lta bu'i blo can sa bcu'i dbang phyug rnams kho nas mthong ba'i bya ba nyid kyi phyir ro/ /dpe med pa zhes pa dpe las 'das pa ste/ gang na yang 'di 'dra ba'i bdud rtsi'i rang bzhin cung zad kyang yod pa ma yin pas so/ /lha mo kun gyi ste/ spyan ma dang mA ma kI dang gos dkar mo dang sgrol ma dang rdo rje snyems ma rnams kyi rang bzhin no/ /de ltar gsang ba zhes pa la sogs pa rnams kyi don rnam pa gsum brjod pas khams dang ye shes dang de bzhin gshegs pa bzhi rnams kyi brten pa lnga pa'i rang bzhin nyid du rgyas par bstan cing / rten dang brten pa'i dngos po ni rtog pas ldog pa'i dbye ba nye bar gzung nas so/ /lnga pa yang stong pa nyid dang snying rje dbyer med pa nyid kyis rdo rje 'dzin pa'i rang bzhin nyid do zhes gsungs pa/ rdo rje sems dpa' zhes pa la sogs pa ste/ phal cher bshad zin to/ /rdo rje sems dpa' zhes pa 'di ni/ chos kyi sku ru rab tu bsgrags te/ chos kyi sku rab tu gsal bar byed pa'o/ /snying rje'i rang bzhin gyi bde ba chen po'i ngo bo nyid na yang / stong pa nyid rtogs pa la dri ma ma lus pa rtsa ba med pas na gtso bo'i phyir ro/ /da ni bde ba chen po nyams su myong bar 'di bstan pa'i ched du gsungs pa/ de nyid kyi zhes pa la sogs pa ste/ de'i ste byang chub sems kyi'o/ /rab tu gyur pa bde ba chen po'i ngo bo'i shes pa 'di la yin pa ni shes rab ste/ rdul gyi ngo bo'i gtum mo'o/ /ji ltar lhan cig skyes pa yin zhe na/ gang gi phyir de la ro gcig pa nyid kyis gyur par 'di'i ngo bo yod pas so/ /ji ltar 'di lta bu yin zhe na gsungs pa/ las zhes pa la sogs pa ste/ las ni 'dir bsgoms pas sems brtan pa rdzogs pa'o/ /des bskul ba lte ba'i 'og nas gnas pa'i rlung ste/ des mchog tu 'bar ba byas pa'o/ /sems brtan pa na la la nA dang ra sa nA ru rlung mi rgyu ba'i phyir/ a wa d+hU tI ru 'jug pa na lte ba'i 'og gi rlung gis sngar bzhin pa gang gi tshe 'bar ba de'i tshe 'di lta bu'o zhes dgongs pa'o/ /skra rtse brgya stong yan lag can/ /zhes skra'i rtse mo rnams kyi brgya phrag stong gi yan lag rnams dang 'dra ba yan lag ste cha shas 'od kyi ngo bo rnams su gang gi 'phrog pa de ni de skad do/ /de nyid kyi phyir/ glog gi zer ma mnyam pa'i 'od/ /ces pa'o/ /skra'i rtse mo'i tshig ni yan lag rnams phra ba nyid du nye bar mtshon par byed do/ /'di skad du gsungs te/ rdzogs pa'i dkyil 'khor du bsgoms pas sems brtan pa la sa bon la sogs pa las bskyed pa med par bcom ldan 'das ma dbyings kyi thig le bdag med ma ming gzhan rdul gyi ngo bo'i gtum mo'i rang gi ngo bo rang bzhin gyis 'bar ro/ /'od zer phra mo rnams kyi rtsa rnams yan lag thams cad bzhin du gang bar byed do/ /bcom ldan 'das zla ba yang des gdungs pa shin tu ches 'bab po/ /des gsos pa'i gtum mo yang nges par shin tu 'bar ro/ /zla ba des gdungs pa yang shin tu ches 'dzag go/ /gtum mo'i 'od kyis yongs su sbyangs pa'i rtsa rnams kyang bde ba chen po'i zla ba'i 'od zer rnams kyis gang bar byed do zhes pas yan lag thams cad khyab par byed pa nang du nyi ma dang zla ba'i gzugs shes rab dang thabs 'dus pa 'khor ba'i bar du ro mnyam pa bde ba chen po nyams su myong ba ni phung po dang / khams la sogs pa'i sgro 'dogs pa ma lus pa zil gyis gnon zhing 'byung ngo / /gang rnams de ltar mi mos pa de rnams ni nyi shu rtsa gcig par rgyas par bstan pa'i bzlas pas srog rtsol la dbang ba nyid thob pas thur sel gyi rlung bskums nas/ lte ba'i dkyil 'khor du phyag rgya chen po la dmigs te/ rlung zlog pa rnams kyis gtum mo 'bar bar byed do/ /de las kyang de lta kho nar bde ba chen po gsal bar 'gyur ro/ /de ltar mi nus pas ni de ltar kho nar lte ba'i dkyil 'khor du rlung 'gags par mos nas gnas pa ste/ dbugs 'byung ba gyen du 'gro ba na/ ri mo drang po gtum mo'i ngo bo yis bcom ldan 'das ma 'bar bar mos te/ bde ba chen po'i gnas rjes su thob cing / dbugs 'jug pa na haM yig zla ba 'dzag pa thig le'i gzugs kyis/ de la dmigs bzhin pa bde ba chen po'i rang bzhin ni lte ba'i dkyil 'khor du 'ongs nas dmigs pa med par 'gyur ro/ /de ltar ji srid du srog 'gog pa'i bar du nges par gnas pas de lta kho nar rlung 'byung ba dang / 'jug pa dag yang dang yang du gnas par bya'o/ /gang yang srog 'byung ba dang 'jug pa brtag par mi nus pa des lhag par mos pa tsam kho nar sgrub par byed do/ /bskyed pa'i rim pa sgom pa pos ni de sngon ma can kho nar 'di mtha' dag stobs ji lta bar dmigs par bya'o zhes pa'o/ /rgyas pa la dga' ba'i sgrub pa rgyas par bstan pa'i ched du gsungs pa/ lha'i zhes pa la sogs pa ste/ lha'i rnal 'byor dus su ni bskyed pa'i rim pa bsgom pa na'o/ /ba spu'i bu ga'i mtshams rnams su zhes pa bdun pa ni lnga pa'i don la'o/ /spu rnams kyi bu ga ni khung bu rnams dang rtse mo rnams yin zhing mtshams rnams ni spu dang bral ba'i phyogs rnams te de rnams las so/ /sdigs par byed ces pa/ 'khor ba pa rnams dang por bshad par bya'o zhes sdigs par byed pa ste/ de'i rjes su yang dag par reg nas rdzogs pa'i sangs rgyas kyi rang bzhin du byed do zhes pa man ngag go/ /lha dang lha min rnams zhes pa 'khor ba pa rnams nye bar mtshon pa'o/ /chos kyi 'khor lo ste phung po lnga'i ngo bo de bzhin gshegs pa lnga rnams bsregs nas te gdungs nas so/ /longs spyod kyi 'khor lo sa la sogs pa'i rang bzhin spyan ma la sogs pa'i lha mo rnams kyang ngo / /byang chub sems dpa' rnams zhes pa 'jig rten las 'das pa'i ye shes can nyan thos dang / rang sangs rgyas reg pa tsam gyis rdzogs pa'i sangs rgyas su byas pa rnams kyang nye bar mtshon pa'o/ /sngar bshad kho na'i zhes pa mdzod spur son pa kho na'o/ /snga ma bzhin zhes pa ji ltar de'i shes rab ces pa la sogs pas bshad pa de ltar bde ba chen po'i rang bzhin no/ /'di na 'dir bsdus pa'i don te/ bskyed pa'i rim pas lha'i rnal 'byor dang ldan pas ji ltar nus pa ltar sngar bshad pa'i phyogs bzhi las gang yang rung ba'i phyogs la dmigs nas/ rnal 'byor ma'i 'khor lo mtha' dag gi rang bzhin phyag rgya chen po'i bdag nyid bcom ldan 'das ma bdag med ma gtum mo'i ngo bo nyid 'bar du 'jug go/ /de 'bar ba yang 'od phra mo dpag tu med pa 'phros pa rnams kyis/ ba spu'i bu ga dang rtse mo dang mtshams rnams khyab par byas nas de rnams las 'byung ngo / /a wa d+hU tI'i lam gyis kyang steng du 'gro zhing chos dang longs spyod rdzogs pa dang / bde ba chen po'i 'khor lo rnams dang phung po lnga la sogs pa rnams gdungs nas/ sna bug g.yas pa las dang mdzod spu'i khung bu las 'byung ngo / /rnam pa gsum po phyir byung ba yang glog gi 'od bzhin du phyogs rnams su khyab nas/ 'khor ba pa dang nyan thos dang rang sangs rgyas dang byang chub sems dpa' rnams mtha' dag la reg cing rdzogs pa'i sangs rgyas kyi gzugs su bskyed de/ de rnams kyi dang rang nyid grub pa'i sangs rgyas rnams kyi sna bug g.yon pa nas bzhugs nas bde ba chen po'i 'khor lo gdungs te/ de bzhin gshegs pa de rnams thams cad 'dod chags chen po'i me'i 'od kyis bskul cing 'dod chags chen po'i rjes su chags pa rnams sgom pa po'i smin mtshams kyi mdzod spu'i bu ga nas zhugs te/ bde ba chen po'i 'khor lor gnas pa na zla ba dang lhan cig zhu bar byas nas de zhu ba dang ro gcig pa 'og tu 'dzag pa/ phung po la sogs pa sgro 'dogs pa zil gyis gnon pa shes rab dang thabs ro gcig pa'i bde ba chen po'i nyams su myong ba'i ngo bo lte bar gnas par 'gyur ro/ /de ltar 'di sangs rgyas kyis byin gyi rlabs phun sum tshogs par 'gyur ro/ /yi ge bsgom pa la lhag par mos pa bsdus pa la dga' bas/ lte ba dang snying ga dang mgrin pa dang mgo bo'i mtsho skyes kyi lte ba rnams la rim pa ji lta bar dmar po dang nag po dang dkar po steng dang 'og tu mgo bstan pa'i aM hU~M o ha yig rnams bsgoms te/ aM gi ngo bo bcom ldan 'das ma gtum mo 'bar du gzhug go/ /des kyang hU~M dang oM gyi yi ge dag gdungs nas ha zhu bar byas ta 'og tu 'dzag cing / de zhu ba dang oM hUM dag dang ro mnyam pa sngon bzhin du lte bar gnas par bya'o/ /rgyas pa la dga' bas ni/ yang lte bar steng du kha phyogs pa'i chu skyes dmar po'i lte bar zla ba'i steng du aM ngo / /shar la sogs pa'i phyogs kyi 'dab ma rnams la g.yas skor du rim pa ji lta bar a ka tsa Ta ta pa ya sha ste brgyad rnams so/ /snying gar 'og tu kha phyogs pa'i pad+ma dkar po'i lte ba la zla bar hU~M ste/ shar la sogs pa'i 'dab ma rnams la a i u e yig rnams dang / dbang ldan la sogs pa rnams la ya ra la wa rnams so/ /mgrin par gyen du kha phyogs pa'i chu skyes dmar po'i lte bar zla ba la oM ste/ shar la sogs pa'i 'dab ma rnams la A I U ai yig rnams dang / dbang ldan la sogs pa rnams su yA rA lA wA rnams so/ /mgo bor 'og tu kha phyogs pa 'dab ma sum cu rtsa gnyis pa'i sna tshogs pad+ma la lte ba'i zla bar haM ste/ shar la sogs pa'i 'dab ma rnams la re res bar du chod pa rnams la rim pa ji lta bar dbyangs bcu drug rnams so/ /a dang ka la sogs pa'i yi ge 'di rnams thams cad kyang zla phyed dang thig le dang nA da dang bcas pa ba mo 'dzag pa rnams su bsgom zhing / aM gi ngo bo'i gtum mo 'bar du 'jug go/ /de yang gyen du 'gro zhing yi ge rnams thams cad gdungs par byed zhu bar byed do/ /de zhu ba dang ro gcig pa 'og tu sa bon pa ni lte bar sngar bzhin du ngal so'o/ /dpyid kyi thig le de kho na brtag pa'i rgyal po rdo rje 'dzin pa ste/ sngar bzhin du de rjod par byed pa'i gzhung gi tshogs kyang de skad do/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu bzhi pa'o// //bcu gsum par mdor bstan pa'i brda rnams rgyas par bshad pa'i don dang / dgongs pa'i skad gzhan rtogs par byed pa'i don du gsungs pa/ bcom ldan 'das zhes pa la sogs pa'o/ /ngag dang yan lag gi phyag rgya ni ngag dang phyag rgya'o/ /dam tshig che ni sbas pa'i brda'o/ /ma phug pa ni ma mtshon pa'o/ /'dis ni gsang ba nyid du gsungs so/ /shin tu gsang ba nyid gsungs pa/ dgod ces pa la sogs pa ste/ bya ba dang spyod pa dang rnal 'byor dang rnal 'byor ma bzhi rnams kyi rgyud gang yin pa ni dgod pa dang bltas pa dag dang 'khyud pa dang gnyis gnyis dang lag bcang rnams kyis mtshon pa'o/ /de ltar ni bya ba'i rgyud la sogs pa kha cig tu lha rnams shes rab dang thabs dag gis rjes su chags pa gsal bar byed pa lta ba'o/ /kha cig tu 'dzum pa'o/ /kha cig tu lag pa 'dzin pa'o/ /kha cig tu 'khyud pa'o/ /kha cig tu gnyis gnyis so/ /'di ltar gyur pa lta ba la sogs pa'i shin tu dga' ba can bya ba la sogs pa'i rgyud kyis kyang ma bshad pa ni ma bsgrags pa'o/ /dgongs pa'i skad ni rnal 'byor bla na med pa'i rgyud rnams kho nas bsgrags pa 'ba' zhig ste/ de'i phyir mchog tu gsang ba'o zhes pa dgongs pa'o/ /dmigs pa gcig pa'i sems ni rtse gcig sems so/ /'dir tshig shes pa rnams phan tshun du gal te dgongs pa'i skad kyis ni smra bar skad gzhan gyis tha snyad byed dam/ dam tshig mi shes pa'i mdun du smra bar byed na de'i tshe dam tshig dral ba'i phyir yams nad dang nye bar 'tshe ba la sogs pa rnams kyis gnod do zhes gzhan du gsungs so/ /dpa' bo sring mo'i zhes pa rnal 'byor pa dang rnal 'byor ma dag gi'o/ /phyag rgya chen po'i dngos grub sgrub pa po'i rnal 'byor pas bstan pa la sems can gzhug pa'i ched du ltung bar byed pa dang dbang du bya ba dang dgug pa dang rengs pa zhes pa lta stangs bzhi gsungs pa/ mnyam pa zhes pa la sogs pa ste/ mnyam pa ni mi yo ba'o/ / gdug pa ni khro bo'i nyams te/ de ltar gzhan la yang lta stangs dang rjes su mthun pa las sems kyi nyams shes par bya'o/ /de la gang yang dag par phyogs par blta zhing khro bo'i nyams can mig 'bras dag gis dpral ba la brten pa de ni ltung byed kyi lta stangs so/ /g.yon pa la brten pa'i mig 'bras gnyis can g.yon du blta ba ni dbang du bya ba'o/ /mig 'bras gnyis steng du brten zhing g.yas su blta ba ni dgug pa'o/ /sna gong la brten pa'i mig 'bras gnyis can mngon du phyogs par blta ba ni rengs pa'o/ /mig 'bras gnyis sna'i rtse mor brten cing 'phred du blta ba yang ltung ba'i lta stangs so/ /srog gcod pa yang ni ltung ba'o/ /de ltar yang gsod pa ni slar 'tsho bar bya nus pa kho nas bya ste/ gzhan du na sems can rnams gzhug pa'i don du ji ltar 'gyur/ 'tsho bar bya mi nus pas sems can gsod par byas pa las/ bde 'gror 'gro bar yang mi 'gyur na skyes bu'i don gyi mchog 'grub pa'i don ci zhig /de skad du yang brtag pa gnyis par bka' stsal pa/ gsad pa 'di ni bya ba min/ /dam tshig ches cher nyams par 'gyur/ /sems can slu ba spangs nas ni/ /bya ba ma yin thams cad bya/ /sems can gnod pa tsam gyis ni/ /phyag rgya'i dngos grub rnyed mi 'gyur/ /zhes so/ /dbugs phyir 'byung ba ni 'byung ba'o/ /rab tu gzhug pa ni dgang ba'o/ /nang gang ba ni bum pa can no/ /zhugs nas g.yo med gyur pa ni zhi ba can no/ /'di rnams goms par bya ba'i ched du rim pa ji lta bar khu ba dang bcas pa'i shing dang me tog dang rdo rje'i shing dang g.yo ba rtsa zhes pa mtshon pa bzhi rnams gsungs pa/ ltung ba zhes pa la sogs pa'o/ /'khrul pa ni phyin ci log go/ /ngal so ba med par goms par byed pa ni lta ci smos/ dngos grub gsal bar byed pa'i brda'i bye brag rgyas par ston pa gsungs pa/ gnyis zhes pa la sogs pa'o/ /kun du spyod pa la dge ba ni slob dpon dang kun du spyod pa yod na legs pa can slob dpon ni slob dpon dag ste/ /gcig lhag las so/ /ji skad bshad pa'i dam tshig dang kun du spyod pa la mkhas pa'i rnal 'byor pa ni rdo rje sems dpa' la sogs pa 'dod pa'i lha'i bdag nyid kyi rnal 'byor ma la phyag 'tshal cing / rang gi 'dod pa'i lha'i gzugs can ma de kun du spyod pas yid 'phrog pa mo de yang de la slar phyag byed do zhes pa'i don to/ /de ltar yang rnal 'byor ma g.yas pas steng du lta zhing smin ma g.yas bsgul bas/ nam mkha' la sems can gyi bya ba 'grub pa'i ched du 'gro ba'i ched du rdo rje sems dpa' la sogs pa bsgoms pas rnal 'byor pa la gyen gnas kyi dngos grub rdzu 'phrul dang mngon shes 'byung bar 'gyur ro zhes gsal bar byed do/ /'gyur ro zhes pa ni da ltar ba dang nye ba'i phyir ro/ /de ltar phyi ma la'o/ /g.yon pa steng du lta ba ni/ g.yon pa zhes pa la sogs pa ste/ pha rol gyi dpung ni bsam gtan gyi bar chad byed pa'i pha rol gyi 'khor lo ste/ de 'joms pa ni bdud rnams zil gyis gnon pa'o/ /rnal 'byor de nyid kyi shes pa dpal rdo rje sems dpa' la sogs pa'i rnal 'byor gyis so/ /'du shes ni brda bya bar 'dis 'du shes par bya'o zhes byas nas so/ /der zhes pa gau rI la sogs pa'i gzugs de'i rdzogs pa'i ngo bo'i dngos grub bo/ / g.yon las cig shos kyi 'gul na yang lta stangs kyi bye brag gis so/ /'di ltar 'jig rten las 'das pa'i tha snyad 'grub cing 'jig rten pa'i sgrub pa dgag pa sogs pa yang brda chad la sogs pa kha cig la'o/ /rnal 'byor pa zhes pa rnal 'byor pa'i'o/ /yang dag par brjod pa 'di'i'o zhes pa sdud pa ste/ gsung rab kyi brjod bya'i don no/ /de'i dngos grub ni rang gi don rdzogs pa'o/ /de yong na gzhan gyi don ni legs pa gsungs pa ni bstan pa ste de 'grub pa'o/ /lta stangs lta ba dang phyag rgya smin ma bskyod pa la sogs pa ste/ de dag gis mngon par 'dod pa shes pa ni lta stangs dang phyag rgya'i shes pa ste bshad do zhes pa lhag ma'o/ /las rab 'byam brjod pa'i ched du gsungs pa/ dpal zhes pa la sogs pa'o/ /dpal rdo rje sems dpa'i yang dag pa'i sbyor ba ni shes rab dang thabs kyi ngo bo'o/ / de'i ji lta'i dbyibs ni sku ste/ de dang ldan pa ni de'i bdag nyid kyis so/ /thod pa ni 'dir ram gzhan du gnyis skyes la sogs pa'i khyad par can ma byung ba na rma med pa gzugs mdzes pa bsngags so/ /de yang bud med rnams kyi dang sngags pa rnams kyi'o/ /de gsungs pa/ gser gyi sgo dang yang dag ldan/ /mi yi thod par shes par bya/ /bram ze la sogs thod pa ni/ rna ba re re 'phel ba'o/ /rigs dman pa yi thod pa ni/ /rna ba'i steng du bug par 'gyur/ /rgyab tu bug can ma ning gi'o/ /bud med kyi rtag tu rma med/ /mkhas pa'i thod par shes ldan gyis/ /shes bya de bzhin sngags pa yis/ /mu tig phreng 'dra'i ri mo ni/ /dbral bar rna ba'i dung dag la'o/ /zhes so/ /gzugs bzang ba ni ri bong can la sogs pa rnams gang yang rung ba'o/ /gcig gnyis gsum bzhi'i dum bu can/ /bcu drug bcu gnyis ri bong can/ /ba lang kha ni dkar dmar 'gyur/ /cung zad ring zhing shin tu mdzes/ /pad+ma pad+ma'i rnam pa 'dra/ /ser dang dmar dang de bzhin dkar/ /rab tu bsngags pa'i thod pa rnams/ /lhag ma rnams ni rnam par spang / /zhes so/ /lhag ma rnams ni rul ba dang gas pa la sogs rnams so/ /yungs kar bskyed nas zhes pa yungs kar btab nas so/ /cho ga bzhin zhes pa dang por gnyis skyes kyi thod par bskyed cing / de'i rjes su mi gzhan gyi ru'o zhes pa la sogs pa cho ga'o/ /yi dags la sogs pa rnams thams cad las bsrung ba ni thams cad bsrung ba'o/ /rdo rje sems dpa'i rnal 'byor mdor bstan pa rgyas par bstan pa'i ched du gsungs pa/ dpal zhes pa la sogs pa'o/ /dpal rdo rje sems dpa'i yang dag pa'i sbyor bas steng gi mche ba rnams kyis ma mchu mnan pa ste/ de nyid kyi phyir yang dag par sbyar ba gang gi yin pa de de skad do/ /ma mchu mnan zhing sbyar dang bcas/ /zhes 'don pa la ni ma mchu mnan zhing sbyar ba dang lhan cig 'jug pa'o zhes sbyar bar bya'o/ /g.yon pa rdo rje dril bu dang thod pa dang zhags pa rnams 'gying bas 'dzin no zhes pa g.yon pa 'gying 'dzin no/ /dpal ni bcom ldan 'das ma rdo rje snyems ma ste de dang ldan pa'o/ /g.yas pas rdo rje dang ral gri dang lcags kyus phyogs kyi 'khor lor bgegs 'joms pa'i tshul rnams kyis gsal cing gsal bar so sor snang bar ji ltar 'gyur ba de ltar phyag rgyar mdzad byin gyis rlob par mdzad ces 'brel lo/ /steng 'og ces pa thad kar yang zhes pa lhag ma'o/ /sa dang sa steng zhes pa ni mtho ris zhes pa lhag ma ste/ de ni sa 'og dang mtho ris dang mi yul rnams zhes pa'i don to/ /rang nyid ces pa rdo rje sems dpa'i bdag nyid kyis so/ /rgyas 'debs pa yang 'di rnams la bgegs mi 'jug pa'i don no/ /de ltar bsgoms bzhin pa ni sangs rgyas kun dngos rdo rje sems dpa'i gzugs can las rab 'byam la sogs pa'i dngos grub ster bar 'gyur ro/ /'di skad gsungs te/ yud kyis tha mal pa'i lus stong pa nyid kyi rjes thogs su ji skad bshad pa'i phyag dang sku mdog la sogs pa dang ldan pa'i rdo rje sems dpa'i bdag nyid kyi/ 'og tu nyi ma la gnas pa'i sna tshogs rdo rje la gnas pa'i hUM gi 'od zer las skyes pa'i rdo rje 'bar ba rnams kyis mtshams med cing dum bu las gcig tu gyur pa'i steng du rdo rje gur dang / mda'i dra ba dang bla re dang / logs su rdo rje ra ba dang / 'og tu sna tshogs rdo rje'i rang bzhin gyi sa gzhi bsam par bya'o zhes pa mtho ris dang mi yul dang sa 'og rgyas gdab pa bsgrubs nas/ de'i dbus su sna tshogs chu skyes dang nyi mar b+h+rUM las skyes pa'i 'khor lo ser po g.yas su 'khor ba rtsibs bcu pa'i lte ba'i dbus kyi nang du/ yud kyis rdo rje sems dpa'i ngo bo nges par gyur pas/ ji skad bshad pa'i rdo rje hU~M mdzad kyi gzugs te/ rtsibs kyi rtse mo bcu la sna tshogs pad+ma dang nyi ma la gnas pa'i ji skad bshad pa'i khro bo bcu po bgegs kyi tshogs rnams rtsad nas 'byin par mdzad pa rnams kyis phyogs bcu rnams byin gyis brlabs te/ 'og dang steng dang thad kar khor yug chen po'i mthar thug par 'gro ba la rnam pa thams cad du bgegs med par mos nas/ yud kyis shes rab dang bcas pa'i rdo rje 'dzin pa'i gzugs kho na rnam par snang mdzad la sogs pa sangs rgyas thams cad kyi rang bzhin/ goms pa phul du byung ba las gsal bar rdo rje sems dpa' la sogs pa so sor snang ba dang ldan pas ni/ las rab 'byam thams cad sgrub par byed cing dngos grub thob par byed cing / rnam pa gzhan du ni ma yin te/ yi dags la sogs pa rnams kyis sman gyi mthu 'phrog pa'i phyir ro zhes pa'o/ /sgom pa chen po byas pa 'di las gzhan pa yang ji ltar rdo rje sems dpa'i ngo bor bsgom pa kho nas bsgrub par bya ste/ 'on kyang sman gyis kyang bgegs rnams la bsrung ba byas nas so/ /de'i ngo bor gsungs pa/ mi'i zhes pa la sogs pa'o/ /des ni ji skad bshad pa rigs pas rdo rje 'dzin pa'i bdag nyid kho nas gtor ma sbyin pa sngon du 'gro bar/ dang por bram ze'i thod pa de'i rten gyis sa bkang bar/ gal te dben pa'i sa gzhi thob na/ yungs kar bskyed do/ /de'i 'bras bu mi gang su yang rung ba'i thod par de lta kho na bskyed do/ /de'i lo ma skam por bya ba yang dang 'bras bu'i mar khu tshod mar byas te zos nas 'bras bu'i mar khu mgo bo la byugs pa byas te/ 'bras bus bgegs bskrad pa'i bsam pas phyogs rnams su 'phangs pa rnams kyis srung bar mos bzhin pas thams cad sgrub par byed do/ /gnyis skyes zhes pa la sogs pa ste/ 'di zhes pa 'chad par 'gyur ba'i 'ol ma se dkar po'i 'bras bu dang por bram ze'i thod par sngar bzhin bskyed nas/ de'i 'bras bu mi gzhan gyi thod par de lta kho nar btab cing / de'i 'bras bu bzung nas srog chags gang dang gang gi thod par sngar bzhin du bskyed do/ /de'i 'bras bu de dang de'i gzugs su gsal bar 'gyur bar 'dod pas kha'i dbus su bzhag cing de dang de'i gzugs 'dzin no/ /de'i phyir gsungs pa/ de nas zhes pa la sogs pa la bud med la sogs pa rnams dang bya rog la sogs pa rnams kyi thod par btab nas zhes 'jug go/ /ro'i zhes pa la sogs pa ste/ dur khrod ni sa gang du mi ro bsregs pa'o/ /gu gul ni gu gul lo/ /'byung po'i nyin mo ni nag po'i phyogs kyi bcu bzhi'o/ /'byung po'i nyin mo la mi shi ba'i kha'i nang du gzhag pa'i gu gul dur khrod kyi mes bsregs bzhin pa bdug spos reg pa las mi la yi dags la sogs pa gang dbab par 'dod pa de 'bab par byed cing sgrub pa po'i mngon par 'dod pa smra'o/ /bdug pa spangs pa las babs pa grol ba'o/ /gser shing ni d+ha du ra'o/ /A laM ni ba bla'o/ /dum bu ni dum zhogs so/ /drug po 'di rnams bsres pa ro'i khar gnas pa rnams sngar bzhin no/ /rta gsod ni ka ra bi ra'o/ /nyi ma'i shing ni ar ka ste de'i shing nang na gnas pa'o/ /phye ma leb ni srog chags so/ /sdig pa ni kar ka'i ste/ rnga ma ni mjug ma'o/ /bong nga'i dug gi brgya'i cha shas so/ /'di bzhi btags pas byugs pa'i lag pa ni lag pa kho na'o/ /go nas ni sbrul ti li ta sa ste de dang 'dra bar 'gyur ro/ /de lag pa la reg pa na zos zin pa bzhin dug 'phos pa'i phyir ro/ /bA na rI ni ka si ka ts+tsha ste/ ka ts+tsha sim b+hi zhes rab tu grags pa'o/ /bA na rI'i 'bras bu'i spu rnams a rka'i 'o mas nyin zhag bdun rnams su bsgom zhing / de'i rjes su de rnams dang lhan cig btags pa'i thod lo kor/ de lta kho nar a rka'i 'o ma'i dbus su zhag bdun rnams gzhag par bya'o/ /'di lta'i de dag gis te wa na rI dang thod lo kor dag gis sa gzhi la bris pa'i gdengs can dbang po ni sbrul lo/ /dug gis bsreg go zhes pas na dug gis bsreg par 'gyur ro/ /gang gi phyir de la 'di reg pa las sos zin pa bzhin du dug rab tu rgyu'o/ /'di dag gi ni lag pa dang bris pas dug ldang ba dag gi'o/ /ma la ya ru byung ba ni tsan+dan no/ /nA ge sar zhes pa nA ga ge sar gyi me tog go/ /nad kyi dbang po ni ru rta'o/ /rgya spos ni piN+Di ta ga ra'o/ /'di lnga ni nad med de sman ni/ 'bras bkrus pa'i chu yis gcig tu btags shing dkrugs la btung bar bya'o/ /'phral du skyes pa'i byis pa'i brun sa la ma lhung ba'i ri lu btags pa rgya spos kyi rtsa ba'i dbus su gnas pa zos na/ dug 'thungs pa des mi gnod do/ /sbal ba'i ni sbal ba nyid do/ /bad kan mthar 'byed ni ba hu wA ra te de'i 'bras bu'o/ /de dag bkol ba dag zhag gis btags pa lag pa la byugs nas sos zin pa la des reg par bya'o/ /rdo rje can ni zur gsum pa shrI kha N+Da'i shing ste/ de'i 'o ma'o/ /mjug ma can ni rma bya ste de'i khrag go/ /sbrul gdong gnyis pa'i sha dang keng rus so/ /'di rnams kyis byugs pa'i rnga ni rol ba'i bye brag ste/ de'i skad las te sgra las so/ /lus dang ldan pa la byugs zhes 'don pa la ni lus la byugs nas gzhan la reg pa zhes pa'i don to/ /gcer bu la sogs pa'i cho ga ni 'byung po'i zhag la gcer bur byung zhing skra grol ba gtor ma sbyin pa rnams te/ de rnams kyis mnyam par gzhag pa lha'i rnal 'byor ldan pas bzung ba'i bA la ka'i rtsa ba'i dum bu bdun rnams/ oM badzra ka ra hU~M phaT ces pas lan bdun mngon par bsngags pa lag pa g.yas pas bcings pa rnams so/ /lag 'gro'i dbang po ni sbrul rgyal po ste/ de'i pags pa ni zhus pa dang / de las gang skyes pa de ni de skad do/ /lag 'gro'i dgra ni rma bya ste de'i gshog pa'o/ /gtum pa'i me la cha mnyam pa ste sbrul shun dang gshog pa dag gcig phyed dang gzhan phyed pa de las byung ba'i bdug spos reg pa las pha rol 'byed par byed do/ /ka gnyis pa ni bya rog go/ /nyin mos 'jigs ni 'ug pa'o/ /cho ga ni gshog pa dag cha mnyam par byas pa gtum mo'i me la 'phang ba dang ldan pa'i nyams gsal bar byed pa'o/ /sbrul ni sbrul nyid do/ /gnod sbyin smyon pa ni khyi smyon no/ /thod pa can ni laM ga lI'o/ ro'i mgo skyes ni skra'o/ /mgrin rings ni rnga mo'o/ /'di bzhi sbyar ba dgra'i sgor brkos la gzhag go/ /star bu ni ming grags pa ste/ gsum rnams kyis me long la byugs na der rta la sogs pa rnams kyi gzugs mthong ngo / /lag skyes ni sen mo'o/ /dar du ra ni sbal ba'o/ /de rnams kyi ni rta la sogs pa rnams kyi ste/ snga ma bzhin zhes pa me long la bsku ba'o/ / 'on kyang sen mo'i thal ba dang zhag bsres pas bskus pa de kho na'i gzugs mthong gi/ thams cad cig car nyid ni ma yin no/ /aM ko Tha'i sa bon gyi mar khu yis/ du ba bab pa kha dog gcig pa'i 'o mas mnyes te/ skar ma rgyal la mig dag la mig sman du byas pa las te gzugs rnams ni bdag nyid kyi'o/ /rgya spos kyi 'bras bu dang a ko Ta'i 'bras bu'i mar khus du ba lhung ba tshigs ma ste/ des byugs pa'i mig gis bzang po'i skyes bu'i gzugs mthong ngo / /de'i mar khu'i mig sman gyis ni rang bzhin te sngar gyi rang bzhin no/ / ri bong can gyi chu ni se bA la'o/ /bzhi po sbyar ba rnams kyis rkang pa'i mthil la byugs pa las me rengs par byed do/ /dge sbyong can ni mu N+Di ga'o/ /zla ba las byung ba ni shes pA la'o/ /sbrul du Na Du b+ha ni To Na Da zhes rab tu grags pa'o/ /de'i khrag thum por bcings pa'o/ /shing sh+yo nA ka ni sho Na zhes grags pa'o/ /ru ka ma'i btsag ni gser btsag go/ /dri ba ni sa ste rab tu grags pa'o/ /nya ni nya ste 'dir ro hi ta'o/ /bzhi rnams sbyar ba lde gur gyur pa rna ba la sogs pa rnams byugs pa las chu nub pa na rgyu'o/ /shing srin ni shing gi nang du rgyu ba'i srin bu'o/ /ko k+ki la ni nags kyi sbrang bu'o/ /phye ma gsum po 'di 'thungs nas mi ni yi dags dang 'dra bar smyo bar 'gyur ro/ /bu ram dang rtsab mo 'thungs pa las rnal mar gnas pa'o/ /skye gnyis ni bram ze'o/ /khyi 'tshe ni g.yung po'o/ /bya rog dgra ni 'ug pa'o/ /srog chags tsa ra ma ni byi la'o/ /de'i brun dang lhan cig spu drug phye mar byas pa rnams 'thungs nas sngar bzhin no/ /ba lang 'phel ni ce spyang ngo / /bzhag pa gsal ba las rjod byed zhi ba'o/ /zangs kyi gtsug phud can ni khyim bya'o/ /gsum po rnams kyi brun dang 'bras bu gnyis phye mar byas pa mgo bo la bzhag pa'o/ /skra bregs pas rang bzhin du gnas pa'o/ /dam tshig chen po ni mi sha'o/ /'chi ba ni gal te bu ram dang rtsab mo dag mi mthun na'o/ /bi tsu mar da ni shing ni ma pa'o/ /lag pa gang gis bya rog gi tshang gi shing bzung ba de kho nas dur khrod kyi shing bzung nas gnyis ka gcig tu bsregs pa'o/ /gsang zhes pa 'dis bzhag pa'i thal ba sus kyang mi shes par 'gyur ba ltar ro zhes gsal bar byas so/ /dga' bcas ma ni khyi mo'o/ /sbrang bu ni sbrang bu nyid do/ /de phye ma rang gi khu ba dang ldan pas rgyu skar rgyal la bzung bas bsnun pa'o/ /bud med ni mo rtags brjod par bya ste/ som ba la lI dang / i n+d+ra bA ru NI la sogs pa ste/ 'khris shing ni 'khris shing nyid do/ /de yang des dkris shing bskor ba'o/ /skyes pa ni pho rtags brjod par bya ste shing a mra la sogs pa'o/ /de dag gi 'dab ma'i phye ma mnyam par bsres pa'o/ /glang po che'i ste lag ldan gyi chang 'gram pa las skyes pa bu mo'i lag par bzhag pas/ bag ma byed pa na ni khyim thabs byed pa na ste mag pa'i lag pa 'dzin pa'i dus na'o zhes pa'i don to/ /'byung po'i skra ni b+hu ta ga shI zhes grags pa'o/ /bzhi po rnams kyi phye ma lan bdun du mchi mas bsgos pa rang gi khu ba dang ldan pa bud med kyis zos pa'am/ bzhag pa'am de la des reg pas zhes 'chad par 'gyur ba ni 'dir 'brel bar bya'o/ /A ba na nA ni o nA yi zhes grags pa'o/ /bzhi po rnams kyi phye ma 'di dang 'chad par 'gyur ba yang khu ba dang bral ba sngar bzhin no/ /krA na dA ni pi Sh+Nu krA na dA'o/ /shra ba na ti ni du byed ma'o/ /shing la ga Na ni grags pa'o/ /a ba na tI ni thal sbyar byas te/ ha stU bo Di zhes grags pa'o/ /mig las byung ni mig rnag dag go/ /khyim gyi mchil pa'i mgo bo'o/ /rang lus kyi rma las byung ba ni ming med kyi khrag go/ /lnga po 'di rnams kyis byugs pa ste/ byugs pa ni bskus pa'o/ /rA ma dU tI ni na ga dA na tI zhes dang ha sti dA nA tI zhes grags pa'o/ /phye ma gsum gyi lan bdun du byas nas rang gi khu bas bsgos pas seng ldeng gi reng bu bsres pa so rtsi dang lhan cig zos pa'o/ /lag gdub ces pa dung ngo / /bud med shi ba'i lag pa la gnas pa dur khrod kyi me la bsregs pa da du ra'i khu bas me bsad pa phye mar byas pa dur khrod kyi mes bsregs pa'i thal ba dang bud shing gi thal ba dang bcas pa rang gi khu ba dang bsres pa so rtsi dang lhan cig zos pa'am reg pas dbang du byed do/ /bya'i bdag po'i 'khor lo ni su dar shA nA'o/ /lha'i bdag po'i spos po ni i n+d+ra go ba'o/ /shi lA ni ldong ros so/ /ro tsa na ni gi wang ngo / /ta la ni ba bla'o/ /mr-i ga du rba ni rab tu grags pa'o/ / dzA tri kA ni ru kra dza tra'o/ /lnga po rnams kyi phye ma lan bdun du mig chus bsgos pa bud med la 'phangs pa'o/ /bag ma'i nyin par shi ba'i mi'i me tog dang rtags la gnas pa'i ban du ka'i me tog dang lhan cig bsres pa'i khyo shug gi thal ba rang gi khu bas mnyes pa ste/ des bsnun pa'o/ /dbang du zhes pa ni bsnun pa las so/ /shu dag ni shu dag nyid do/ /bcad skye dkar po ni dur ba dkar po'o/ /be'u 'phral du skyes pa'i lte ba'o/ /dbang po'i nas ni dug mo nyungs kyi 'bras bu'o/ /bkra shis yod ni gi wang ngo / /lnga po cha mnyam du bsres pa rnams kyis so/ /dpal mtha' dag ni tsan+dan dpal gyi dum bu'o/ /tsan+dan dmar po ni tsan+dan dmar po nyid do/ /ri bong 'dzin ni ga bur ro/ /'di rnams tshad mnyam pas so/ /drang srong gi bu ni byi'u kha nya dza rI Ta'o/ /bong bu ni bong bu nyid do/ /de dag gi khrag gis mnyes pa rnams kyis so/ /gi ri ka r+Ni dkar po ni gzhan gyis mi thub pa dkar po'o/ /phag ni phag pa ste/ de'i so dang rgyu skar rgyal la gsum po mnyes pa'i thig le'o/ /bde bar gshegs pa'i gdung gi rang bzhin/ /so sor song ba la dkris pa zhes pa/ de bzhin gshegs pa'i sku gdung gi rang bzhin so sor song ba ni dbus su so sor bcug pa ste/ de la dkris pa'o/ /nyi ma ni zangs ma'o/ /zla ba ni dngul lo/ /me ni gser ro/ /'dir man ngag ni de bzhin gshegs pa'i gdung khrag gis mnyes pa'i dri ma dang mig gis dkris pa'i ri lu ste/ de la gser dang dngul dang zangs ma rnams kyis rim gyis dkris nas/ rgyu skar rgyal la lag par bzung ba la sngon du bzlas pa 'bum byas shing / rang gi 'dod pa'i lha'i gzugs su bdag nyid dang ri lu la'ang bsgom zhing de'i sngags kyang bzlas pa/ dro ba dang du ba dang 'bar ba'i rjes thogs su khar bcug nas rgyu bar bya ste sus kyang mi mthong ngo / /'dir/ /gser ni drug nam gsum rnams dang / phyed dang bcas pa'i ra ti gnyis/ /ra ti'i brgyad kyi cha yang ste/ /thugs kyi rdo rje'i bdag nyid sbyor/ /sku yi rang bzhin dngul yin te/ /drug nam bzhi rnams dang de nas/ /ra ti'i rkang pa gsum rnams ni/ /brgyad cha ldan pa rnams kyis so/ /zangs ni drug nam lnga rnams dang / /phyed bcas ra ti ldan rnams dang / /ra ti brgya rnams rkang pa dang / /bcas pa gang gis gsum gyi rdzogs/ /zhes pa man ngag go/ /kha cig ni gser la sogs pa rnams rim pa ji lta bar/ drug nam gsum dang rig byed bzhi/ /ra ti bdun gsum lnga dang bcas/ /zhes so/ /gzhan rnams na re/ drug nam gsum dang bzhi dang lnga ste/ /rkang pa gsum dang bcas pa'i ra ti gsum dang ra ti'i rkang pa gsum dang phyed dang bcas pa'i ra ti gcig dang lhan cig pa rnams so zhes so/ /gzhan rnams ni/ drug nam gsum dang bzhi dang lnga ste/ ra ti'i brgyad cha lnga dang bdun dang phyed dang bcas pa'i ra ti gcig dang ldan pa'o zhes so/ /bya rog nag po ni bsregs pa'i bya rog go/ /khu byug mo ni khu byug cig gi bu mo'o/ /mig ni mig nyid do/ /mig rnams shrI kha N+Da'i 'o mas mnyes nas de bzhin gshegs pa'i gdung gis dkris nas ril bu sngar bzhin no/ /gdung gi rang bzhin gyi ri lu bsgrub pa gzhan no zhes pa lhag ma'o/ /khyo shi ba dang lhan cig bud med bsregs pa'i thal ba la sogs pa gsum rang bzhin gyis rdul ba'i chus mnyes nas de nyid kyis bde bar gshegs pa'i ring bsrel dbus su byas te/ ril bur byas pa sngar bzhin no/ /shro ta ni mig sman shro ta'o/ /ri bong mtshan ma ni she bA la'o/ /tsher ma ni sa ma ko tsa'i tsher ma'o/ /sbrang rtsi ni sbrang mas byas pa'o/ / mngar ba can ni shing mngar ro/ /na ba ha li nI dag ni gsar pa'i lAM ga pi lI'i me tog dang ka li ka dag ste/ de dag gi ke sa ra'i phung po gnyis kyang / gzhon nu ma rdul dang po can khrag gis mnyes nas ril bur byas pa snga ma bzhin no/ /a shwa ka sngon po'i 'byung ba zhes pa/ a shwa ka sngon po'i 'byung byed sa bon te/ de'i myu gu'o/ /bud med ni 'dir ce spyang ste/ de'i khrag gis bdun du bsgos pa gser la sogs pas dkris pa sngar bzhin no/ /ril bu zhes pa sngags kyis btab pa ste sngar bzhin no/ /i gu dI ni pri yang ku'o/ /'gegs pa ni shi ba'i bud med do/ /ta gnyis pa'i zos pa'i mtha' ni zos pa'i lhag ma dor ba'o/ /zla ba gzas bzung ba ni ril bur byas pa sngags kyis btab pa sngar bzhin khar gnas pa ni mi snang bar byed pa'o/ /brtag pa'i mdzes ma ni yang dag 'dod pa phun sum tshogs par byed pa'i phyir ro/ /pha'i nags ni dur khrod de/ der zla ba gzas zin pa na mnyes pa/ dang po'i me tog dang ldan pa'i gzhon nu ma'i sgrub pa pos bsten pas skyes pa'i khu ba'o/ /a shwa ka sngon po'i byang phyogs su bya rog gi tshang can du song ba'i myu gu zla ba gzas zin pa na blangs pa brjod pa'i khu bas bdar ba rnams kyis so/ / phug ron gyi lto bar bcug cing dur khrod kyi mes btsos pa'i mig sman li ga bu mig byi la nag po'i khrag dang ldan pa'o/ /rgyu skar rgyal la 'phral du skyes pa'i gla sgang gi myu gus btags pa'i sa'o/ /mda' 'jams ni sbrang rtsi'i sbrang bu'o/ /'di zhes pa 'di dag gis so/ /bton nas rab tu sbyor ba zhes pa rab tu sbyor ba dang sbed pa snga ma bzhin te/ 'on kyang ril bu khar gzhug go/ /ka ni thod pa'o/ /sngon ma ni lus kyi stod la gnas pa'i mi'i rus pa'i thur ma'o/ /nyi ma zhes kha cig tu 'don pa la ni g.yas kyi lus su gtogs pa zhes pa'i don to/ /cho ga ni lha'i rnal 'byor la sogs pa'o/ /sngags pa zhes pa rdo rje 'dzin pa'i dang / 'dod pa'i lha'i sngags bzlas pa'o/ /don ni 'di yin te shes rab dang gnas pa lha'i rnal 'byor dang ldan pa gtor ma byin pa bzlas pa 'bum byas pa sngags klog cing / 'byung pho'i nyi ma la mtshan mo dur khrod du mi'i thod pa gsum gyi steng du gnas pa'i thod pa'i sha chen las skyes pa'i mar khu dang dur khrod kyi ras kyi sdong bus bud med kyi thod par dud pa chags pa bsnyil te gzung bar bya'o/ /mtshan mo de nyid la 'ug pa'i mgo bo bsregs pa tsan+dan dmar pos lan bdun du bsgos pa phye mar byas la/ dud pa de dang cha mnyam pas bsres pa bya rgod kyi rkang pa'i rus pa'i rkang sbubs su bcug ste/ bya rgod kyi rkang pa'i pags pas g.yogs nas b+ha ga'i dbus su bcug ste bsgom pa dang sngags kyi dbang las dro ba dang / du ba dang 'bar ba'i rjes thogs su/ de nas phyung la sngar gyi mi'i rus pa'i thur ma des mig sman du bya'o/ /de nas zhi ba'i lta stangs kyis zhi bar 'gyur ro/ /rgyas pa'i lta stangs kyis rgyas pa'o/ /dbang du bya ba'i lta stangs kyis dbang du bya'o/ /khro bo'i lta stangs kyis bgegs dang dgra rnams kun nas gcod par byed do zhes pa'o/ /bsam gtan bzlas pa la dga' ba rnams kho na'i bcud kyi las kyi cho ga brjod par bya'o/ /cho ga de yang ma tshang ba nyid na/ phongs pa dbul po la bde ba mi 'bab ste/ 'dod pa'i dngos grub kyi'o/ /gi ri ni mi'i glad pa'o/ /rgya mtsho skyes ni mi'i gcin gyi lan tsha'o/ /de dag dang lhan cig dngul chu ste dngul chu nyid dang por rtsab mos bkrus pa byas shing 'dus byas pa'i skyur po ni rtsab mo ste/ des mngon par rtsabs pa dang bcas pa rdo ba tshan mor mang du mnyes pa las nges par dud pa can gyi skyon dor nas zin par byed do/ /skyur pos bkrus pa zhes 'don pa ni go sla'o/ /shA kha dza lA ni ru dan ti'o/ /de'i mthar thug pa bzhi po cha mnyam pa rnams rtsab mo dang lhan cig zangs kyi snod du bskol bar bya'o/ /de bzhin cha lus par bskol ba/ gi ri dang rgya mtsho skyas dang sai na d+ha ba rnams dang bcas pa nyin zhag bdun du gzhag pa ni skyur por byas shing mngon par rtsab mor brjod par bya'o/ /de'i rjes su khab len gyi lcags ni khab len gyi lcags te/ de bdar ba'i phyi ma dang / ba ku la bI dzi sA ra dang ut+pal chen po pad+ma ste/ de'i yu ba zhes pa gsum dang byas pa'i sgyur po dang lhan cig mnyes pa las mar gsar bzhin du dngul chu de smin par 'gyur ro/ /de'i rjes su rdo rje can gyi 'o mas lan bdun du bsgos pa sai na d+ha ba dang tshal dag dang lhan cig ma nur ba las zhu bar 'gyur ro/ /de'i rjes su zangs dang dngul so sor ka ra Sha phyed kyi cha can te ma Sha brgyad kyi tshad cig tu bskol te/ tsher mas phug pa'i shog shog byas nas shog shog so so dngul chu de dang skyur pos byugs shing gan+d+ha bA Sha na ma sha bzhi bcug nas kong bu kha bcad par bskol bar bya ste/ de ltar dngul chu de zangs dang dngul gyi cha can du 'gyur ro/ /de ltar bskol nas 'du bar bya'o zhes 'brel lo/ /gser phyed gang du yin pa de ni gser phyed can te da na Di'o/ /de bskol ba'i tA ra ser po'i lhag ma phyed dang lhan cig 'du bar bya ste tshos pa las so/ /dus te khu ba bcing ba ni mi gtong ba'o/ /sbyor ba'i sman gyi phyag rgya nges pa'o/ /shA li skyes ni shA li'i mar khu'o/ / tsan+dan dmar po zhes mdor bstan pa'i rgyas par bstan pa si h+la zhes pa la sogs pa ste/ de yang ku n+du ru yis ka k+ko la ni ka k+ko la las skyes pa rang byung gi me tog ste/ bo la dang ka k+ko la sbyor ba las byung ba'i gnyis ka'i khu ba bsres pa zhes pa'i don to/ /sman chen 'di rnams dus drug rnams su/ 'di rnams kyis rab tu 'gyur bar bya'o zhes pa'i mthu can rnams te/ mthu dang ldan pa rnams zhes pa'i don to/ /de la dpyid ni snga dro ste/ de la bshad pa gzung bar bya'o/ /so ga ni nyin phyed de de la rkang mar ro/ /dbyar ni phyi dro ste/ de la gla rtsi'o/ / ston ka ni srod do/ /de la sbubs can snum ste/ sbubs can bud med kyi shA li las skyes pa'i mar khu'o/ /dgun ni nam phyed de/ der me tog las byung ba si h+la ka'o/ /dgun smad ni tho rangs mtshan mo'i lhag ma ste/ de ga pur ro/ /'di ni dus kyi sman gyi sbyor ba'o/ /pad+ma'i khrag ni rang byung gi me tog go/ /mar ni khu ba'o/ /bzhi po 'di rnams dang lhan cig pa'i sngar bshad pa drug po ni bcu ste/ rdzas ni bzhi dang bcu rnams so/ /rnam pa dgu zhes pa bu ga dgu'i dri ma dang bcas pa rnams so/ /dus drug gi sman rnams la dri ma dgu rnams bsres pa rnams gcig tu bsres pa/ dkar po'i phyogs la tshes gcig la sogs pa rnams su zla ba 'bab pas snar blugs par bya'o/ /nag po'i phyogs la nyi mas zhes pa sbyor ba gcig go/ /dngul chu la sogs pa bzhi rnams de lta kho nar ro zhes pa gnyis pa'o/ /sbyor ba gnyis ka yang nyi ma bdun phrag gsum rjes su bsgrub pa dang rjes su bsngags pa'ang mnyam mo/ /rjes su sgrub pa pos grub pa na/ de'i khu ba dang gci ba dang / brun byugs pa las bsregs pas lcags la sogs pa gser du byed do/ /nA li nI'i ste bud med kyi mar ni klad pa'o/ /byis pa skyes nas ring po ma lon pa'i mar ro/ /mar khu zhes pa shA li las skyes pa'i mar khu'o/ /gzhi mnyam ni gzhi mnyam gyi mar khu'o/ /mar khu bzhi po 'di rnams so sor kham phor re re'i tshad bsre bar bya'o/ /snod kyi dbus su chu dang lhan cig pa'i sle tres kyi nang sha'i snying po lhung ba dbyung ngo / /phye ma zhes pa yung ba nag po'i phye ma dang sle tres kyi phye ma so sor kham phor re re'i tshad do/ /de zhes pa de'i lte ba la'i chu nyis 'gyur te kham phor bzhi'o/ /kham phor bzhi zhes pa mar khu'o/ /kham phor gyi tshad ni srang bcu drug rnams so/ /sle tres ni chu 'o ma'i phyed do/ /'di'i phyed du sle tres kyi khu ba'i phyed du tshigs ma ste/ phye ma gnyis so/ /sngar gsungs pa'i nA li nI la sogs pa bzhi rnams dang gcig tu byas nas tshigs ma la sogs pa'o/ /sle tres phyi rol zhes pa sle tres med pa'o/ / 'dir 'di skad man ngag tu phyed de/ mar khu kham phor bzhi dang tshigs ma kham phor gnyis dang lhan cig pa thog mar ba lA'i khu ba kham phor bzhi dang lhan cig btso bar bya ste/ khu ba zad par gyur pa na slar yang phye ma kham phor bcu drug rnams dang lhan cig go/ /'o ma zad pa na sle tres kyi khu ba kham phor brgyad rnams dang ngo / /tshos pa ni snar blugs pa'i ched du chung ngu sbyin no/ /btung ba'i ched du bar ma'o/ /bsku byug gi ched du drag pa'o/ /mar khu kham phor bzhi lus pa ji srid par bskol bar bya'o/ /snum dang tshigs ma dag gi tshe sor mos reng bur byas pa reng bur 'dra bar 'gyur zhing me la bcug pa na yang sgra med pa de'i tshe grub par ston to/ /de nas nyin zhag bdun pa gsum gyis srang bcu rnams snar blugs par bya'o/ /yang srang brgya rnams btung bar bya'o/ /yang na srang brgyad rnams lhag pa'i brgya rnams bsku byug bya'o/ /rnal 'byor pa ni lha'i rnal 'byor la brtson pa'o/ /mnyam par gzhag pa ni mi g.yo ba ste/ rlung dang nyi 'od spangs pa'i gnas su gnas pas/ lo ma dang skyur po dang chang dang bud med bsten pa la sogs pa spang zhing mar dang sha dang 'o ma tsam gyis zas kyis bsgrub par bya'o/ /bcud len gzhan yang de lta kho nar ro/ /gzhi mnyam gyi phye ma'o/ /'o ma ni ba'i 'o/ /gnyis zhes pa ni nyis 'gyur ro/ /til nag po ni til mar ro/ /cho ga ni chung ngu btso ba la sogs pa'o/ /gser ni d+ha du ra'o/ /mi bdag ni b+h+riM ga rA dzA'o/ /bran mo ni dz+hi Na TI sngon po'o/ /TI Na ni Ti Na zhes grags pa'o/ /khu ba ni khu ba rnams te/ mar khu las rim pa ji bzhin par bzhi dang brgyad dang bcu gnyis dang bcu drug dang nyi shu 'gyur ba rnams so/ /mtshan mo dkar min ni yung ba nag po'o/ /ut+pal snying po can ut+pal kha ma bye ba'o/ /dri'i ri ni dri'i rdo ba'o/ /ri dgas skyes [(]gyi [,]kyi [)]myos byed ni gla rtsi'o/ /'di ni don te/ rnam par snang mdzad dang til nag po dag gi mar khu ni mar khu las nyis 'gyur gyi 'o ma dang lhan cig dang por btso ste/ de zad pa na re re'i khu ba dang ngo / /de'i rjes su tshad mnyam par bsres pa'i yung ba nag po la sogs pa'i phyi ma rnams dang ngo / /thams cad du mar khu'i tshad lus pa ni tshos pa ste/ sngar bzhin du rnam pa gsum mo/ /nyin zhag bdun phrag gsum la sogs pa yang sngar bzhin no/ /snar blugs pa dang 'thungs pa dag gi phan yon gsungs pa ring po zhes pa dus yun ring ba ste/ shugs kyis tshe ring po zhes pa'i don to/ /de kho na zhes pa gzhi mnyam dang til nag po dag gi mar khu'o/ /khrag 'phrog ni karma rang gA'o/ /gser shing ni gser gyi se pha li'o/ /lta byed ni ru dan tI'o/ /pra ro hA ni ba la ka'o/ /sngar gsungs pa'i cho ga ni rim pas 'phel ba ste/ 'bru mar las bzhi dang brgyad dang bcu gnyis dang bcu drug dang nyi shu 'gyur gyi chu ni rim pa ji lta bar khrag 'phrog pa la sogs pa rnams kyi'o zhes pa'i don to/ /sh+yA ma ni 'khri shing sh+yA ma'o/ /pri yA ni pri yang ku'o/ /ke sa rI ni nA ga gser ro/ /rigs 'dzin can ni tsam pa ka'o/ /nA ga ni pun nA ga'o/ /tsa kra mar da ni e Ta ga dza'o/ /mtshan mo spyod ni yung ba'o/ /gser shing ni d+ha du ra'o/ /shi khI ni rma bya'i gtsug phud can no/ /rab mchog ni ba la'o/ /'byung po'i dgra ni si du bA rA'o/ /pa ra hi ta bal la b+hi ni chom rkun me tog can no/ /muk+ta ni a ti muk+ta ste/ gang la a hi ba hu zhes grags pa'o/ /ka rA rA ni ka ra ny+r+dza'o/ /ma ny+dza ri ni da man ka'o/ /gser shing ni gser gyi se phA lI 'o/ /a ba ku dza ni wA gu tsI'o/ /sprin ni gla sgang ngo / /dA ru mtshan mo ni skyer pa'o/ /'di rnams ni 'di rnams nyid do/ 'di 'bru mar ni re re'i chu dang lhan cig btso ste/ de'i rjes su tshad mnyam par bsres pa'i sh+yA ma la sogs pa'i bye ma rnams dang ngo / /gzhan ni sngar bzhin no/ /phan yon gsungs pa thams cad ces pa la sogs pa'o/ /gnyis ni tsan+dan dkar po dang tsan+dan dmar po'o/ /sha pa la kI ni shA pa la kI'i khu ba'o/ /yan lag skyes ni ldog pa la sogs pa'o/ /mtshan mo las byung ba'i rdul ni lung ba'i phyi ma'o/ /tso rA ni rgan po 'byed pa'o/ /khu ba dang gla rtsi dag gis btags pa mnyam po'i dngos po bdun po rnams de dag kho nas bcal te gzhag par bya'o/ /nyi ma so sor bsku byug bya'o/ /bskal pa gsum zhes pa 'bras bu gsum mo/ /tshad mnyam pa'i 'bras bu gsum gyi phye ma dang / de dang mnyam pa'i gzhi mnyam gyi phye ma shes par bya'o/ /bdag gi nus pas zhes pa bdag nyid kyi me drod kyi stobs la sogs pa rtogs nas phye ma lhag cing lhag pa'i rim pas btung ngo / /dro ba na ste gla rtsi dro ba na'o/ /'bras bu gsum zhes pa las kha cig tu skyu ru ra zhes 'don to/ /gsum pa la zhes pas zla ba la'o/ /skra dkar yang 'joms so/ /cha gsum las zhes pa ni cha mnyam pa zhes 'brel te/ nA ga bA la'i rtsa ba ste ha sti kar Na dang ba lA sha'i rtsa ba dang ru rta'i phye ma rnams so sor cha gsum mo zhes pa cha dgu rnams te/ ma ga d+ha dang bcu pa'o zhes pa pi pi ling ni bcu pa cha gcig go/ /'di thams cad phye mar byas pa gcig tu bsres pa gzhag par bya'o/ /de zho do ba re re ba'i 'o ma dang sbyar nas nyin zhag so sor zla ba drug tu bza' bar bya ste/ lo brgya ji srid par ltogs pa dang skom pa dang bral bar 'gyur ro zhes gsungs pa'o/ /don med pa zhes pa sbyor ba gzhan te/ sangs rgyas nyid dang mtshungs pa ste mchog kyang don med pa'o/ /mi 'grogs pa ni bud med dang 'grogs pa med pa'o/ /phug ces pa phug tu'o/ /de'i zhes pa de ru'o/ /bcud len la sogs pa sgrub pa thams cad dang / 'jig rten las 'das pa'i yon tan sgrub pa'i ched du yang / nges par khu ba rmi lam du yang gtang bar mi bya ste/ de btang na thams cad 'bras bu med pa'o zhes gsungs pa/ dus zhes pa la sogs pa ste/ dus kyi ste/ khu ba'i 'ching ba ni yang dag par 'dzin pa'o/ /'di ltar zhes pa la sogs pa ni nye bar bsdu ba ste/ de ltar gsungs pa'i cho ga yis/ gang cung zad bshad pa'i sbyor ba bdun cu gsum sgrub pa de thams cad lha bsgom pa dang sngags bzlas pa lhur len pa sems mi g.yeng bas bya'o/ /srung ba dang gzugs sna tshogs 'dzin pa la sogs pa thams cad la 'di las ye shes 'byung ngo zhes pa shes pa thams cad 'byung ba'o/ / /tshe ni bskal ba mnyam pa'i lus kyi rgyun la rlung 'bab pa dang yid gnas pa'i nus pa'i khyad par te/ sngon gyi las kyi 'phen pas kyang bcud len la sogs pa ste/ mi rnams kyi'o/ /sman rnams kyi ni tshe 'tsho ba'i nus pa'i khyad par te/ de 'di yis rig par bya'o zhes pa tshe yi rig byed do zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu lnga pa'o// //bshad zin pa dang 'chad par 'gyur ba'i las rab 'byam dang sa yongs su 'dzin pa la sogs pa'i las kyang / bgegs bskrad pa med par ma yin zhing / de yang lha nye ba med pa ma yin la/ de rnams kyang sbyin sreg med par de byed pa ma yin no zhes pas/ lha nye bar bya ba'i ched du dang bgegs bskrad par bya ba'i ched du dang slob ma bsrung ba'i ched du dang lha tshim par bya ba'i ched du dang 'ga' zhig tu cho ga ma tshang ba dang lhan cig pa'i skyon zhi ba'i ched du zhi ba la sogs pa'i sbyin sreg gi las kyi mdor ston pa'i ched du zhu ba/ bcom ldan 'das zhes pa la sogs pa ste/ bzlas pa dang sbyin sreg ni sreg mchod de lha la zhal du bsreg bya 'bul ba gang gis dang po yin pa de de skad do/ /de yang zhi ba la sogs pa'o/ / las 'di thams cad kyang gtor ma dang mchod pa la sogs pa sngon du 'gro ba zhes de dris pa'o/ /rdo rje ni rdo rje snying po'o/ /sbyin sreg la sogs mtshan nyid nyon/ /de dang 'brel ba'i cho ga gang gis de mngon par mtshon par bya'o/ /de gsungs pa/ dang por zhes pa la sogs pas so/ /sngags pa zhes pa phul du byung ba'i shes pa las so/ /de ni zhi ba la sogs pa'i sngags gsum gyi lha bsgom pa gang 'dra ba dang gang skul ba po dang bsam pa dang bzlas pa gang 'dra ba de'i shes pa rjes su bsgrub pa dang bcas pa'o/ /de nyid kyi phyir/ de nyid ji bzhin zhes gsungs so/ /'bum bzlas pa ni sngon du bsnyen pa ste sngags rnams thams cad la'o/ /lha'i bkas gnang ba yod min de'i mtshams kho na bzlas pa'o/ /de'i rjes su rkang pa dgod pa la sogs pa'i las brtsam pa'o/ /rnal 'byor ba zhes pa rnam par snang mdzad la sogs pa bsgom pa la brtson pa'o/ /rig ma zhes mdor bstan nas rgyas par ston pa bram ze mo zhes pa la sogs pa'o/ /rab tu rgyas par bshad par 'chad par 'gyur te nyi shu brgyad par ro/ /cho ga ni rjes su sgrub pa ste byas nas zhes pa lhag ma'o/ / zhi ba 'di'i dgos pa'o zhes pa zhi ba'i sbyin sreg ste/ shAn+ti kaM zhes 'don pa la ni thab khung brjod par bya'o/ /de bzhin du phyi mar ji ltar rigs par ro/ /khru'i tshad can sor nyi shu rtsa bzhi kha zheng du brko'o/ /khru phyed ni sor bcu gnyis te/ sa la thur du brko'o/ /'di nyid kyi rgyas par bshad pa ni/ 'og tu khung bu mtho gang ba/ /zhes pa'o/ /mtho gang pa ni sor bcu gnyis so/ /po ti kha cig tu mtho gang zhes 'don pa med do/ /de skad du yang rdo rje mkha' 'gro'i rgyud du gsungs pa/ zhi bar sa gzhi'i cha dkar la/ /khru gang tsam pa legs par zlum/ /de yi 'og tu mtho gang tsam/ /yang dag mnyam gzhag brko bar bya/ /zhes so/ /ngos gnyis dag tu zhes pa thab kyi nang gi ngos thams cad do zhes pa gcig ste/ thab kyi phyi rol gyis gzhi kun nas khru byed tsam pa ni ngos thams cad ces pa gnyis pa ste byug go/ /de rdo rje mkha' 'gror gsungs pa/ sa dkar gyis ni thab khung byugs/ /ba lang lci bas sa gzhi'o/ /dkar po'i dri yis nyer byugs par/ /de gnyis brtul zhugs can gyis bya/ /zhes so/ /de'i phyi rol ni thab khung gi steng gi phyi rol lo/ /mu ran gyi phyogs ni mchu ste/ de'i phyi rol yang kha khyer ro/ /rgyas pa'i thab kyi rjes su dbang du bya ba'i thab bshad par bya ba la/ mngon spyod kyi thab kyi bar du gsungs pa ni/ snga ma dang phyi ma'i las 'brel ba'i don du ste/ phal cher mi mthun phyogs zad par kho na las zhi ba la sogs pa shin tu ches 'grub bo zhes rtogs pa'i ched du'o/ /sdang bar byed pa zhes pas bskrad pa nye bar mtshon pa'o/ /de bzhin du ji ltar rgyas pa la yin pa de ltar rengs pa dang rmongs pa dag la yang ngo zhes shes par bya'o/ /kha dog dkar po zhes pa thab dang rdul tshon yang ngo / /rdul tshon gyi las dang rjes su mthun pa'i thab bya ba'am yang na brko bar bya'o zhes gsungs pa/ rdul tshon zhes pa la sogs pa ste/ snga ma ni lnga ba la'o/ /til dkar po ni dkar po'i til lo/ /lnga zhes pa byang chub shing dang 'dzam bu dang u du m+WA rA dang / n+ya gro d+hA dang par ka TI rnams te/ ba lA sha dang shA mI ka smi rA dang a mra dang ka dam pa rnams nye bar mtshon pa'o/ /me ni 'dir pa lA sha dang / u du m+WA ra'i srub shing las byung ba'o/ /til nag po zhes pa nag po'i til rnams so/ /shA li dmar pos zhes pa gang la 'bras dmar po zhes rab tu grags pa de'i zan no/ /nas la sogs pa ni sngar gsungs pa'i nas dang 'bras bu la sogs pa ste/ yang ni sdug pa la'o/ /de rnams kho na ya ma shing ste/ byang chub shing la sogs pa rnams so/ /khu tshur gyi tshad ces pa snyim pas gzung du rung ba rnams so/ /me tog rgyas pa ni gang las u pha zhes rab tu grags pa'o/ /til dmar po'am nag po'ang zhes pa til dmar po rnams sam nag po rnams so/ /me ni 'dir rje'u rigs kyi khyim pa du skyes pa'o/ /mA Sha la sogs pa zhes pa/ yungs kar la sogs pa shes par bya'o/ /kA la kA ni ha ri Tha zhes grags pa ste/ de'i 'bras bu'o/ /de nyid du zhes pa mngon spyod kyi thab khung du tsaN+Da lI'i me la sbyin sreg bya'o/ /khyim gyi bya rog ces pa bya rog gi tshang gi'o/ /dam tshig chen po ni mi'i sha'o/ /sangs rgyas zhes pa sangs rgyas so/ /'di ni phul du byung ba brjod pa ste sgrub pa po spro ba'i ched du'o/ /khyim gyi me tog ni bud med kyi me tog go/ / khyim gyi ta ma la'i lo ma ni khyim gyi du ba'o/ /kha 'ching ba ni kha rengs pa'o/ /nya sha ni nya'i sha'o/ /bya ni 'ol pa ste/ bya rgod ces kha cig go/ /phub ma'i me zhes pa phub ma'i me la ste/ sreg rdzas ni de ma thag pa gnyis so/ /sngon du 'gro ba ni sngon du bsnyen pa'o/ / de nyid kyi phyir gsungs pa/ dang por sngags pas 'bum bzlas so/ /zhes so/ /'dir thab la sogs pa la ji ltar rigs par khyad par gzhan ni bdag gis 'od kyi snye ma dang dkyil 'khor gyi cho ga rdo rje phreng bar rnam par spros so zhes 'dir rgyas par ma byas so/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu drug pa'o// //sngar dang de ma thag par yang sngags rnams kyi rjes su sgrub pa gsungs shing de yang thos nas/ de rnams kyi btu ba la sogs pa ji ltar yin zhes dri ba/ thos zhes pa la sogs pa'o/ /don dam par shes pa'i phyir dang 'gro ba skyob pa'i phyir na don dam pa'i byang chub kyi sems ni sngags te/ de'i rgyu mthun pa nyid kyi phyir oM yig la sogs pa yang sngags so/ /sngags su byed pa de kho na nyid bskul ba'i skad ces pa yang sngags so/ /bye brag ni sngags gang cho ga gang gis gang du nye bar sbyor ba'o/ /de rnams kyi zhes pa gsungs pa dang gsung bar 'gyur ba'i las rnams kyi'o/ /dkyil 'khor ni mA ma kI'i b+ha ga'o/ /nyams dga' ba ni phul du dbyung du med pa'i bde ba'i rgyu nyid kyi phyir ro/ /de'i dbus su pad+ma'o/ /mA ma kI zhes pa ni rdo rje snyems ma la bod pa ste/ ring po nyid ni lung ngo / /lte ba ni rtsa kha ga mu kha'o/ /'dab ma brgyad pa'i rtsa'i dbus na gnas pa nyid kyis na sbas pa ste yang dag par bsdams pa'o/ /spyod yul ni bzhi ste/ der dbus kyi bug pa gang yin pa'o/ /dpa' bo ni stong pa nyid kyi rang bzhin bde ba chen po'i ngo bo byang chub kyi sems te/ yang dag btu bar bya'o/ /rdo rje sems dpa' gzhom du med pa nA da'i ngo bor gyur pa'i dpa' bo de kho na 'dod pa'i don kun sgrub par byed pa la sogs pa'o/ /sde tshan ni brgyad rnams te/ A li dang kA li'i ngo bor sngags ma lus pa 'byung ba'i rgyu rnams so/ /de rnams kyi gzhom du med pa las skyes pa'i phyir dbang phyug go/ /'dir ni rnal 'byor pa dpal rdo rje sems dpa'i gzugs can shes rab dang bcas pa phyag rgya drug gis brgyan pa skra grol ba phyogs kyi gos can/ dkyil 'khor gyi khang pa la sogs pa'i sa phyogs bdud rtsi lngas nye bar byugs pa me tog la sogs pa rnams kyis yid 'phrog pa sha chen gyis bdug pa mar khu chen pos mar me sbar nas/ phyi rol du gar dang glu dang rol mo la sogs pa sngon du 'gro bas cang te'u dang dril bu dkrol zhing gtor ma byin te/ dur khrod kyi so phag la sogs pa'i rdul tshon gyis pad+ma 'dab ma brgyad pa bris la/ lte bar gzhom du med pa dang 'dab ma rnams la a ka tsa Ta ta pa ya sha'i rab tu dbye bas/ sde tshan brgyad rnams mi mnyam pa med pa ma tshang ba med par bri bar bya'o zhes pa'i cho ga ni man ngag las so/ / de nas sngags rnams btu ste/ dang po'i sde pa'i gnyis pa'i sa bon yi ge ni A'o/ /stong pa ni 'dir zla ba phyed pa ste/ nam mkha'i rten gyi phyir nye bar btags pa'o/ /dgos pa ni sngags rnams thams cad ni stong pa nyid dang ro gcig pa nyid kyis de'i rten can kho na las mngon par 'dod pa'i dngos grub ster ro zhes gsal bar bya'o/ /stong pa ni thig les so/ /bco lnga pa ni thig le'o/ /byang chub sa bon ni ha'o/ /thams cad oM yig gis gsal cing / /swA hA'i mtha' can sngags btu bya/ /zhes gsungs par 'gyur ro/ /de'i phyir oM AM laM haM swA hA zhes pa spyan ma'i snying po'i sngags te/ oM zhes pa rdo rje gsum gyi bdag nyid kyi phyir bsod nams len pa la'o/ /AM zhes pa 'chad par 'gyur ba'i rigs pas dga' ba bcu drug ro gcig pa nyid gsal bar byed pa'o/ /laM ni 'dis rang bzhin nyid du gsal bar byed do/ /haM ni 'chad par 'gyur ro/ /swA hA zhes pa ni zhi ba gsal bar byed pa'o/ /rdo rje mkha' 'gro ma ni u'o/ /nyi shu rtsa dgu pa ni ka'i yi ge la ltos nas so/ /'og mar yang ji ltar rigs par a nas bzung ste 'am/ ka nas brtsams te bgrang ba'o/ /gau rI ni i'o/ /g+ha sma rI ni o'o/ /tsau rI ni e'o/ /oM ru ru s+phu ru dz+wa la tiSh+Tha sid+d+ha lo tsa ne swA hA zhes pa nye ba'i snying po'o/ /ru ru zhes pa sngags kyi lha'i brjod pa ste/ ru sgra la'o/ /s+phu ru ni cher gsal por gyis shig pa ste/ s+phar rgyas pa la'o/ /dz+wa la ni shin tu gzi brjid can du 'gyur ba'o/ /bdag gi re ba rdzogs par byas nas bzhugs shig /sid+d+ha ste gzhom du med pa'i lo tsa na ste spyan gang gi yin pa de la bod pa'o/ /sangs rgyas rnams kyis zhes pa sangs rgyas kyi gzugs su rdzogs pa rnams kyi'o/ /'di ni sangs rgyas rnam par snang mdzad kyi btsun mo 'di'o zhes pas sangs rgyas kyi rnal 'byor las bya ba'o zhes bstan to/ /sngags dang lha dag tha mi dad par mos pa las dngos grub bo zhes pas sngags kyang spyan zhes gsungs pa/ zhi ba bskyed ma zhes pa'o/ /las rnams thams cad sgrub byed ma/ /zhes pa las rnams thams cad zhi ba sngon ma can nyid kyi phyir ro/ /gzhan yang gtso bor zhi ba bskyed cing / zhar las ni las thams cad sgrub ste/ de bzhin du phyi ma la shes par bya'o/ /de bcom ldan 'das kyis gsungs pa/ dang po'i rgyu dbang byas nas kyang / /don gang bshad par 'gyur ba de'i/ / las ni de nyid kho nar gsungs/ /lhag ma zhar las byung bar 'dod/ /ces so/ /shi ba dang 'dra ba ni shi ba ste/ brgyal ba 'chi ba la mngon du phyogs pa ste/ de slong ba'o/ /rdo rje'i dam tshig ni sems brgyal ba ste/ de gang las slong ba'o/ /yang na rdo rje dam tshig ni bar do'i srid pa'i sems so/ /rnam par snang mdzad kyi 'am spyan ma'i rnal 'byor las spyan ma thabs dang bcas pa spros nas sngags 'dis bskul te/ bdud rtsi'i rang bzhin gyi 'od zer gyi ngo bo bdag nyid la bcug nas zhi ba bya'o/ /gzhan gyi zhi ba la ni rang gi snying gar ram mdun du spyan ma dang rnam par snang mdzad kyi gzugs can bud med dang skyes pa dag sprul nas spyan ma spros te/ che ge mo'i zhi ba gyis shig ces pa swA hA'i tshig las snga mar te/ sngags kyis bskul zhing snga ma bzhin du nang du gzhug par bya'o/ /de lta mod kyi stobs med pa mdun du gnas pa nyen pa la rang gi lag pa bdud rtsi'i rang bzhin gyi 'od zer can gyis reg par bya'o zhes pa'o/ /shi ba gso ba la ni spyan ma dang rnam par snang mdzad kyi gzugs can du bud med dang skyes pa dag rang gi sa bon las bskyed de/ ye shes sems dpa' bcug nas/ de'i sa bon gyi 'od zer dang rang gi snying ga'i sa bon gyi 'od zer gyis sngags zlos shing bar do'i srid pa bkug nas gzhug par bya'o zhes pa'o/ /gsungs pa yang zhes pa spyan ma'i nye ba'i snying po gnyis pa'o/ /chu la ni i'o/ /oM g+hI swA hA zhes pa mA ma kI'i snying po'o/ /g+hI zhes pa gdug pa can 'joms pas srung ba gsal bar byed pa'o/ /mkha' spyod ma ni aM ngo / /lnga pas zhes pa ni 'don pa nyams pa ste/ bcu drug pas zhes pa ni 'don pa'o/ /oM sha ka re shAn+ti ka re g+hu Ta g+hu Ta g+hu ni g+hA ta ya g+hA ta ya g+hu Ti ni swA hA/ zhes pa nye ba'i snying po gcig go/ /sha mu nye ba zhi ba la'o/ /gdug pa can nye bar zhi bar byed pa'i phyir shaM ka ra'o/ /gdug pa can nye bar zhi ba'i rjes thogs su shAn+ti ka ra'o/ /g+hu Ta ni gdug pa can nyams par gyis shig pa ste/ g+hu Ta so sor 'joms pa la'o/ /shin tu bskul ba'i phyir gnyis brjod pa'o/ /g+hu Ti ni gdug pa can rab tu 'dul ba'o/ /sngar bzhin du che ge mo bsrung ba gyis shig ces bskul nas bsrung ba bya ste/ gdug pa can skyod par byed pa lhur len pa'i mA ma kI ru bsam par bya'o/ /bsrung ba ni 'chi byed la sogs pa rnams las so/ /de kho na rdo rje mi phyed pa nyid kyi phyir ro/ /de'i sbyor ba rnams la rtag tu sku gsum 'grub par byed do/ / rdo rje chen po 'jigs pa ni bgegs dang log 'dren 'jigs pa'o/ /gsungs so zhes pa ni mA ma kI'i nye ba'i snying po gnyis pa'o/ /b+h+yo zhes pa 'jigs par byed pa la'o/ /gnyis pa zhes pa la sogs pa ni gos dkar mo'i'o/ /oM ka Te bi ka Te ni ka Te ka Ta ka Te swA hA/ zhes pa snying po ste/ oM badzra zhes pa la sogs pa nye ba'i snying po'o/ /ka Te ni shin tu zad pa gso ba la ste/ ka Ta dka' ba 'tsho ba la'o/ /bi ka Te ni khyad par du 'tsho bar byed pa la'o/ /ni ka Te sgrub pa po la nye ba la'o/ /ka TaM ka Te ni shin tu yang 'tsho byed la'o/ /chos ni 'od dpag med de/ de de'i gzugs can gyi don du gnyer ba po'i rgyas pa dang stobs byed cing / gos dkar mo'i gzugs can gyi yang ste/ gnyis ka yang gnyis ka'i ngo bo nyid kyi phyir ro/ /shes rab dang thabs gtso bo las tha dad du bya ba'o/ /mdzod ldan ma zhes pa khyad par du mdzod rgyas pa yang ston to/ /bzlas pa tsam gyis zhes pa rig pa bzlas zin pa rnams kyis rang gi sbyor ba las bzlas pa tsam gyis dngos grub tu gsungs te/ de bzhin du gzhan la yang ngo / /de la sngon du bsnyen pa la sngags tsam bzlas pa'o/ /rab tu sbyor ba la ni bdag gi 'am che ge mo'i rgyas par mdzod cig ces bcug pa'o/ /gsung zhes pa gsung rdo rje'i tshig ni ji ltar dngos grub 'byung bar byed pa ste de ltar sgrub po'i yang ngo / /bcu drug pa zhes pa la sogs pa sgrol ma'i'o/ /oM tA re tu t+tA re tu re swA hA/ sdug bsngal gyi rgya mtsho las sgrol ba'i phyir tA ra sgrol ma'o/ /de nyid kyi phyir tu t+tA ste gdung ba las sgrol lo zhes pa tu t+tA ra'o/ /myur du mdzad pa'i phyir tu re ste/ tu rA myur ba la'o/ /'phags ma sgrol ma'am don yod grub pa'i rnal 'byor byas nas don yod grub pa'i gzugs su 'am 'phags ma sgrol ma'i gzugs su mngon par 'dod pa'i skyes pa'am bud med bsams te/ rang gi snying ga nas 'phags ma sgrol ma spros nas/ che ge mo bdag gi dbang du gyis shig ces spel te sngags zlos shing bskul bas/ bsgrub bya la gzhug par bya'o/ /de de ltar shin tu rjes su chags shing spong ba ye shes te 'od zer gyi lcags kyus bkug pa rang ngam rang dang 'dra ba la bcug nas te/ bud med dang skyes pa dag gi dbang du skyes pa dang bud med bya ba la'o/ /bud med skyes pa'i dbang du bya ba la ni rang gi bdag nyid la'am rang gi snying gar yang ngo / /de ltar sangs rgyas rnams ni skyes bu gtso bo rnams so/ /rdo rje rnams ni snying sra ba rnams so/ /sde chen can ni rgyal po rnams so/ /sems can khams ni 'jig rten thun mong ba rnams so/ /kun nas ni rnam pa thams cad du'o/ /de ltar spyan ma la sogs pa'i lha rnams gang yang rung ba sngar bzhin bsgom zhing / de'i sngags 'bum bsnyen pa byas nas ni/ ji skad gsungs pa bya ste/ ji ltar rigs par sngar gsungs pa'i sbyin sreg kyang ngo / /oM yig gsal byed gang yin pa de thams cad la'o/ /rnam dbye dang po dang mang po'i tshig ni lung ste don gcig la'o/ /swA hA gang gi mtha' yin pa de'o/ / 'di thams cad kyang de bzhin gshegs pa'i gsung ji bzhin du brjod pa'i don can kho na ste/ ji lta bar gzhan skyes bu'i don mchog mngon par brjod pa ni de bzhin gshegs pa'i gsung ngo zhes dman pa rnam par spro bar byed do/ /rig pa'i rgyal po'i zhes pa/ rdo rje phag mo la sogs pa rig ma rnams rjes su chags par byed pa'i phyir rig pa'i rgyal po ste/ de yang rdo rje sems dpa'o/ /de bsgom pa'i cho ga ni sngar rgyas par byas zin to/ /rgyud gzhan du gsungs pas de kho na 'khor lo bde mchog gi gzugs can gyi bsgom pa'i rim pa gsal zhing rdzogs pa man ngag dang bcas pa ni bdag gis byas pa'i dpal bde mchog gi mngon par rtogs pa'i cho gar rtogs par bya zhing / bye brag rgyud 'dir gsungs pa'i mig la sogs pas byin gyis brlabs pa la sogs pa shes rab la rjes su chags pa ji srid pa ni rdo rje sems dpa' kho na'i'o/ /oM shrI he he ru ru kaM badzra DA ki nI dzA la sa m+ba raM hU~M phaT swA hA/ zhes pa snying po'o/ /oM hrIH ha ha hU~M hU~M phaT zhes pa nye ba'i snying po ste/ bcom ldan 'das kyi'o/ /bcom ldan 'das ma'i ni/ o badzra bai ro tsa nI ye bud+d+ha DA ki nI ye swA hA zhes pa snying po dang / oM badzra bai ro tsa nI ye swA hA zhes pa nye ba'i snying po zhes pa'o/ /gang kun du bzang po dang 'jam dpal dang 'jig rten dbang phyug dang sa'i snying po dang phyag na rdo rje dang byams pa dang nam mkha'i snying po dang nam mkha' mdzod dang / sgrib pa thams cad rnam par sel ba dang spos kyi glang po dang / blo gros mi zad pa dang / ye shes tog dang spobs pa brtsegs pa dang / mya ngan dang mun pa thams cad nges par 'joms pa'i blo gros dang ngan song kun 'joms dang dra ba can gyi 'od dang / zla ba'i 'od dang rin chen 'od dang nyi ma'i 'od dang rdo rje 'od dang nor bzang dang mthu chen thob dang blo gros rgya mtsho dang bzang skyong rnams te byang chub sems dpa' chen po nyi shu rtsa bzhi kho na ni rim pa ji lta bar khaN+Da ka pA la la sogs pa'i ngo bo rnams dang / de rnams kyi shes rab ma rdo rje pho nya mo dang skul byed ma dang rin chen sgrol ma dang / rdo rje 'od byed ma dang ro langs ma dang rdo rje gzhon nu ma dang kaM po dzi dang sangs rgyas byang chub dbang phyug ma dang / ye shes sgrol ma dang rdo rje 'jigs ma dang / gAn+ngA rI dang rgyal ba can ma dang sgrol ma dang gos dkar mo dang spyan ma dang mA ma kI dang / rgyal mtshan rtse mo'i dpung rgyan ma dang so sor 'brang ma dang rma bya chen mo dang ri khrod lo ma can dang rdo rje lcags sgrog ma dang phyir bzlog ma dang gtsug tor ma dang rdo rje 'jigs byed ma rnams rim pa ji lta bar rab tu gtum mo la sogs pa'i ngo bo dang / gau rI dang chom rkun ma dang rmongs byed ma dang ro langs ma dang puk+ka sI dang gtum mo dang g+ha sma rI dang he ru ka'i 'od ma rnams kho na ni khwa gdong ma la sogs pa'i ngo bo brgyad rnams te/ bde mchog gi dkyil 'khor gyi khyad par la 'di rnams kyi thabs gshin rje gshed dang rta mgrin dang bgegs mthar byed dang shes rab mthar byed dang 'dod pa'i rgyal po dang dbyug pa sngon po dang stobs po che dang mi g.yo ba rnams te/ gzugs rdo rje ma dang sgra rdo rje ma dang dri rdo rje ma dang ro rdo rje ma rnams ni mkha' 'gro ma rnams la sogs pa'i ngo bo dang / reg bya rdo rje ma rdo rje phag mo'i ngo bo dang kha cig tu 'di spyan ma'o zhes gsungs shing ye shes sems dpas 'khyud pa'i chos kyi dbyings rdo rje ma'o zhes mngon par brjod pa bla ma'i rgyud kyi rjes su 'brang ba dang / gzhan du yang kun du bzang po la sogs pa rnams gzugs gzhan du gzhag pa ji ltar rigs par brtag par bya'o zhes rnam par gzhag pa de ni 'dir gshin rje gshed la sogs pa brgyad spangs nas rtogs par bya'o/ /rnam par snang mdzad ni oM yig go/ /gang zhig rnam snang mdzad gsal ba/ /oM yig dag pa rnam dag pa/ sprul pa nga yi sangs rgyas so/ /zhes pa'i gsung rab las so/ /puk+ka sI ni u'o/ /oM hU~M swA hA zhes pa rengs pa'i sngags so/ /yi ge'i bdag po ni oM mo/ /oM aM swA hA zhes pa dbang du byed pa'i sngags so/ /rig byed rnams kyi dang po ni rab bsngags so/ /oM khaM swA hA zhes pa skrod pa'i sngags so/ /oM dzrIM swA hA zhes pa 'byed pa'i sngags so/ /oM buM swA hA zhes pa mngon spyod kyi sngags so/ /oM hU~M swA hA zhes pa 'gugs pa'i sngags so/ /oM g+huH swA hA zhes pa gsod pa'i sngags so/ /'dir bla ma rnams man ngag mdzad pa rdo rje 'dzin pa'i gsung la brten pa las/ aM gi sa bon las skyes pa'i rdo rje ma ser mo phyag g.yon pa dag gis thod pa dang kha T+wAM gdag dang g.yas pa dag gis rdo rje dang gri gug dag 'dzin pa snying gar hU~M ser po'i sa bon can bsgoms nas/ oM hU~M swA hA zhes sngon du bsnyen pa 'bum gyi rjes thogs su 'chad par 'gyur ba'i spel tshig dang bcas pa'i sngags kyis sngar bshad pa'i sbyin sreg bya'o/ /'di yang las gzhan te kham phor so ma btang ba gnyis su thod lo kor ser pos bum pas mtshan pa'i chu'i dkyil 'khor zlum po la gnas pa'i sna tshogs rdo rje'i lte bar/ oM hU~M badzra che ge mo sta m+b+ha ya hUM swA hA zhes pa bris nas/ gcig tu dur khrod kyi thal bas bkang ste/ kham phor gzhan gyis sbyar bar byas la/ steng du dbang chen gyi dkyil 'khor zung dag phyogs rdo rje rnams kyis nye bar mdzes pa bris shing sa 'og tu bzhag nas/ bud med la rkang pa g.yon pas dang / skyes pa la g.yas pas mnan te/ ting nge 'dzin la gnas pas de ma thag pa'i sngags stong phrag bzlas pas/ bsgrub bya rengs par 'gyur ro/ /iM las rdzogs pa'i gau rI gur gum ltar dmar ba zhags pa dang kha T+wAM ga dang lcags kyu dang rdo rje 'dzin pa thugs kar aM gi sa bon dmar po byas pa bsgoms la/ oM aM swA hA zhes pa sngon du bsnyen pa 'bum byas pas spel ba dang bcas pa'i sngags kyis sngar gsungs pa'i sbyin sreg bya'o/ /las gzhan yang 'di yin te/ bsgrub bya dmar po gcer bu skra grol ba'i mgul par zhags pas bcings nas/ lcags kyus skye gnas phug ste/ bkug cing rkang pa'i 'og tu 'gyel bar bsams la/ de'i b+ha gar aM yig dmar po ste/ de'i me 'bar bas slong bar bsams shing / skyes pa la ni de bzhin kho nar snying gar reg ste/ oM aM gau rI che ge mo bdag gis ba sha mA na ya aM swA hA zhes bzlas te nges par de dbang du 'gyur ro/ /iM gi sa bon las skyes pa'i chu ma sngon mo thod pa dang tho ba dang rdo rje dang sdigs mdzub 'dzin pa snying gar nyi ma la gnas pa'i khaM sngon po dang ldan pa bltas te/ oM khaM swA hA zhes bzlas pa 'bum byas pas spel tshig dang bcas pa'i sngags kyis sngar gyi sbyin sreg bya'o/ / 'di ni las gzhan te bsgrub bya gcer bu skra grol ba rlung la gnas pa'i rnga mo sngon po la zhon pa lhor kha bltas pa la khros pa rnams kyis dbyug pas brdeg bzhin par bsam zhing / oM khaM bA ri yo gi ni che ge mo u ts+tsA Ta ya khaM hU~M hU~M hU~M phaT swA hA zhes bzlas te/ zhag bdun gyis skrod par byed do/ /uM yig las skyes pa'i rdo rje mkha' 'gro ma chu ma dang 'dra ba snying gar nyi ma la gnas pa'i dzrIM yig sngon po can bsams oM ba dzriM swA hA zhes pas 'bum bzlas nas/ spel tshig dang bcas pa'i sngags kyis sngar bshad pa'i sbyin sreg bya'o/ /las 'di yang bya ste/ bsgrub bya rta dang ma he la zhon pa dag phan tshun 'thab bzhin par bsam zhing / oM badzriM badzra DA ki nI che ge mo dang che ge mo dag bi dwe ShaM ku ru dzrIM hU~M hU~M hU~M phaT swA hA zhes bzlas pas bye nas sdang ngo / /aM gi sa bon las skyes pa'i bdag med sngon mo rnam par 'gyur ba'i gzugs can thod pa dang kha T+wAM dang rdo rje dang gri gug 'dzin pa snying gar nyi ma la gnas pa'i buM yig sngon po can du bsam zhing / oM buM swA hA zhes pa zlas pa 'bum byas pas/ spel tshig dang bcas pa'i sngags kyis sngar gsungs pa'i sbyin sreg bya'o/ /las gzhan yang 'di yin te bram ze'i thod par dug dang skye tshe dang lan tshwa dang sdigs mdzub kyi khrag gis 'khor lo zur drug pa ste/ zur rnams su hU~M dang ldan pa dbus su oM buM nai rA t+n+ya che ge mo dz+wa ra ya buM hU~M hU~M hU~M phaT swA hA zhes pa'am nye bar 'tshe ba gzhan spel te bris nas zlos shing phub ma'i me la gdung bar byas pas rims kyis 'debs so/ /aM las skyes pa'i mkha' spyod ma gau rI lta bu snying gar hU~M dmar po'i sa bon can bsam zhing / oM hU~M swA hA zhes pa'i bzlas pa'i 'bum byas pas/ spel tshig dang bcas pa'i sngags kyis sngar gyi sbyin sreg bya'o/ /'di yang las te/ bsgrub bya rlung dang me'i dkyil 'khor gyi steng du slong bar bsams nas rang gi snying ga'i sa bon gyi 'od zer gyi lcags kyu rnams sna bug g.yon pas phyung zhing / bsgrub bya'i sna bug g.yas par bcug ste/ snying ga dang skye gnas phug nas/ sna bug g.yon nas phyung zhing / sna bug g.yas pa nas snying ga'i sa bon la bcug cing dbugs kyi rlung gis dgug par bya'o/ /oM hU~M khe tsi ri che ge mo A ka R+ShA ya hUM swA hA zhes bzlas pa las 'gugs so/ /oM yig las skyes pa'i sa spyod ma bdag med ma lta bu snying gar g+hu yig sngon po can bsgom zhing / oM g+hu swA hA zhes 'bum du bsnyen pa byas pas spel tshig dang bcas pa'i sngags kyis sngar gyi sbyin sreg bya'o/ /las 'di yang ste/ g+huH yig las skyes pa'i rdo rje 'bar bas 'og tu kha ba ltas pa'i bsgrub bya'i rked par brko bar bsam zhing / oM g+huH b+hU tsa ri che ge mo mA ra ya g+huH hU~M phaT swA hA zhes zlos pas gsod par byed do/ /rdo rje ma la sogs pa bdun po 'di rnams kyang pad+ma dang nyi ma dang ro la gnas pa gar mdzad pa phyag bzhi ma phyag rgya lngas brgyan par byas pa/ skra dmar ser gyen du brdzes pa rnams so zhes pa'o/ /gsungs pa yang / rdo rje ma dang gau rI dang chu ma dang rdo rje mkha' 'gro ma dang bdag med ma dang mkha' spyod ma dang spyod ma'i rnal 'byor las rengs pa la sogs pa rnams brtul zhugs can gyis byed do zhes so/ /las kha cig la gnyis dang gsum la sogs pa'i lha mngon par brjod pa ni mngon par 'dod pa'i lha gang yang rung bas bsgrub bya 'grub bo zhes nges par rig par bya'o/ /sgo srung gi sngags btu ba/ brgyad pa rnams kyi zhes pa la sogs pa'o/ /a A i I u U ri rI zhes pa dang / li l-I e ai o au aM aHzhes pa brgyad gnyis kyi dbus su/ r-i r-I l-i l-I zhes pa ma ning gi bzhi'o/ /brgyad pa gnyis pa rnams kyi brgyad pa aHyig ste des brgyan pa'o/ /de la gti mug gi rigs oM yig de kho na dang po'o/ /cha med ni thig le ste de spyi bor byin nas swA hA'i yi ge dag gang gi mthar sbyar ba de ni de skad do/ /chos kyi sa bon ni haM ste/ de las te swA hA las sngon du'o/ /de ltar mdor bstan nas rgyas par ston pa/ rnam par snang mdzad ces pa la sogs pa'o/ /sgo skyong rnams la zhes pa ni drug pa'i don la'o/ /dbyangs lhag ma ni aH'o/ /'di ni 'dir bsdu ba ste/ oM r-iM aH haM swA hA/ oM r-IM aH haM swA hA/ oM l-iM aH haM swA hA/ oM l-IM aH haM swA hA zhes pa'o/ /me tog ma la sogs pa'i sngags btu ba mdzad de/ rig byed rnams kyi zhes pa la sogs pa'o/ /chos kyi sa bon 'dir rjes su 'jug par bya'o/ /oM pu Sh+pe haM swA hA zhes pa la sogs pa'i sngags so/ /bsgre ba gsungs pa/ de ltar zhes pa brjod pa'i btu ba'i cho ga gang du rjes su bsgrub pa de dkyil 'khor ba'i lha gzhan rnams kyi dkyil 'khor brtag par bya ste/ de rnams kyi yang sngags btu ba rtogs par bya'o zhes pa'i don to/ /'khrul 'khor gyi sngags rnams btu ba/ de nas zhes pa la sogs pa ste/ sgrol ma'i bskyed pa ste/ gang du las rnams thams cad rnam par 'phrul zhing khyad par du dbang du bya ba'i'o/ /'di'i kha ste 'dab ma bzhi rnams phyogs rnams su dang mtshams rnams su'o/ /ta zhes pa ta yig gsum sbyor bas phyogs dang phyogs bral rnam par gnas te/ 'dab ma so so la man ngag las zla phyed dang thig le dang bcas pa'i ta yig gsum mo zhes pa'i don to/ /cho ga ni gur gum dang gi wang ngam rgya skyegs kyi khu ba ste/ de dag gis sam/ des 'khrul 'khor bris te/ sngags la/ pra zhes pa la sogs pa'i sngags bzlas pa 'bum byas pas so/ /kun nas zhes pa pha rol dang 'brel lo/ /de'i lte ba'i yi ge rnams ni oM oM swA hA zhes pa la sogs pa'o/ /de'i steng 'khor lo'i'o/ /bskor ba bya ba ste 'khor lo mu khyud la oM pra zhes pa la sogs pa'o/ /swA hA'i mtha' gang gi yin pa'o/ /ze 'bru la zhes pa 'khor lo'i lte ba la tAM yig gis bskor bar bya'o/ /spel ba ni ta yig kho nas so/ /sngags pa ni sngags zlos pa la brtson pa'o/ /cho ga bzhin zhes pa ni gro ga zhes pa la sogs pas 'chad par 'gyur ba 'dir cho ga'o/ /'di ni 'dir bsdus pa'i don to/ /rab tu dad pa'i sgrol ma'i rnal 'byor dang ldan pas sngags 'bum bzlas pa'i sngags pas gro ga la/ phyogs brgyad du son pa'i 'dab ma brgyad pa'i ut+pal/ 'dab ma so so la tAM yig gsum pa'o/ /lte ba zlum po la shar nas bzung nas kun du oM pra sa n+na zhes pa la sogs pa'i sngags kyi phreng ba khor yug gi rnam pa'o/ /khor yug de'i dbus su 'khor lo rtsibs brgyad pa ste/ mu khyud la de ltar sngags kyi phreng ba'o/ /oM oM swA hA/ oM tA swA hA/ oM ra swA hA/ oM tu swA hA/ oM t+tA swA hA/ oM re swA hA/ oM tu swA hA/ oM re swA hA/ zhes rtsibs brgyad rnams la'o/ /'khor lo'i lte ba la tAM yig brgyad kyis bskor ba'i tAM yig gi nang du oM hrIH che ge mo me ba shwi ku ru hrIH swA hA tAM zhes pa bris nas 'khor lo bcom ldan 'das ma'i spyi bo'i bu gnas snying gar bsgoms pa 'khor lo 'di kho na la bcug nas/ chos 'byung gi sgo nas phyung ste de la rang gi snying ga'i sa bon gyi 'od zer gyis bkug pa'i bcom ldan 'das ma ye shes sems dpa'i ngo bo de lta kho nar bcug cing phyung ste/ yi ge'i ngo bor yongs su gyur pa nang du bcug nas mchod par bya'o zhes rab gnas byas pa'i 'khor lo gcig dpung ba la gdags par bya'o/ /de ltar gnyis pa mar dang sbrang rtsi'i nang du gzhag par bya'o/ /bsgrub bya ni rang gi lus kyi 'khor lo'i 'od zer gyi phyi rol du song ba rnams kyis khyab par byed cing sngags zlos pas dbang du bya'o zhes pa'o/ /'khrul 'khor gyi phyi ma rnams la yang ji ltar rigs par 'di'i rjes su 'brang bas rab gnas la sogs pa bsgrub par bya'o/ /slar yang zhes pa rab tu dang ba'i sgrol ma bsgom pa kho na 'di ste/ pad+ma 'dab ma brgyad pa'i steng du 'khor lo rtsibs bcu pa'o/ /de'i mu khyud la oM pra san na zhes pa la sogs pa'i sngags kyi phreng ba bskor ba ste/ rtsibs rnams la oM tA re tu t+tA re swA hA zhes pa'i yi ge re re'o/ /lte bar oM tA re tu t+tA re tu re che ge mo ba shI ku ru swA hA zhes bris nas sngar bzhin du thams cad bya'o zhes pa'o/ ku ru ku l+le'i 'khrul 'khor ni brgyad par bshad zin to/ /cho ga bzhin zhes pa rdo rje ma'i rnal 'byor gyis te sngar cho ga bshad zin te/ thod lo ko r-i ni thod lo kor gyis so/ /kun du ste phyogs brgyad rnams su'o/ /yi ge rnams kyi dgod pa sna tshogs pa gang yin pa'i 'khor lo de ni de skad do zhes pa mdor bstan pa'o/ /lhag ma rgyas par bstan pa'o/ /rdo rje 'dzin pa bsgom bzhin pa'i sngags pas phyogs brgyad kyi 'dab ma can gyi pad+ma'i lte ba la gaHyig brgyad rnams kyis bskor ba'i rtsibs brgyad pa'i 'khor lo ste/ rtsibs so so la gaH'o zhes pa gaHyig brgyad kyis brgyan pa'o/ /dbus su yang ste 'khor lo'i lte bar gaHyig brgyad kyis bskor ba gaH che ge mo sta m+b+ha ya swA hA gaH'a bsgrub bya spel ba gang du yin pa zhes pa de skad do/ /thun mtshams so sor rkang pas mnan nas brgyad lhag pa'i brgyar gaHche ge mo sta m+b+ha ya swA hA gaHzhes bzlas te gzhag par bya'o zhes pa cho ga'o/ /de nyid ces pa de ma thag pa'o/ /gaH yig rnams kyi gnas su hU~M hU~M phaT do/ /khrag ni sdigs mdzub kyi'o/ /thod pa khu sbub pa rkang pas mnan nas/ hU~M hU~M phaT che ge mo mA ra ya swA hA hU~M hU~M phaT ces pa thun so sor brgya rtsa brgyad du bzlas nas gzhag par bya'o/ /de kho na zhes pa 'khor lo dgod pa'o/ /gaH yig gi gnas su oM oM che ge mo rgyas par mdzod cig swA hA oM zhes bzlas nas gzhag par bya'o/ /de kho na zhes pa 'khor lo'o/ /yi ge ni de ma thag pa oM mo/ /de nas oM gaH yig gi gnas su swA hA ste/ oM swA hA che ge mo ra k+Sha ku ru swA hA oM swA hA zhes pa de bzhin du gzhag par bya'o/ /de zhes pa 'khor lo dgod pa'o/ /'khor lo ni AH yig rnams kyis bskor ba'o/ /rtsibs rnams la AH oM swA hA AHtA re tu t+tA re tu re zhes pa yang snying por byas nas rim pa ji lta bar brgyad rnams la bri bar bya'o/ /lte bar AH yig brgyad kyi dbus su AH oM tA re tu t+tA re tu re che ge mo'i nad la sogs pa shAn+tiM ku ru swA hA aH zhes pa'o/ /kham phor du ste so ma btang bar ro/ /bzlas pa ni sgrol ma dkar mo bsgoms pas sngon du bsnyen pa 'bum gyi de ma thag tu'o/ /che ge mo bri zhes 'brel lo/ /sgrol ma dkar mo'i rnal 'byor gyis AH yig gi dbus su/ che ge mo'i che ge mo ba sha mA na ya zhes pa bri'o/ /phyi'i phyogs rnams su hUM mtshams su baM ste/ de'i phyi rol du ri mo gsum rnams kyis bskor ba'o/ /de las zhes pa de rnams las so/ /ku ru ku l+ler bsam zhing ut+pal 'dab ma bzhi pa ste de'i phyi ru hUM/ 'dab ma so so la hrIM/ lte ba la phyogs rnams su hU~M/ dbus su hrIH che ge mo'i ko paM sha ma ya hrIH zhes pa bris nas gzhag par bya'o/ /tha dad pa zhes pa oM pra sa n+na tA re zhes pa la sogs pa'i sngags las so/ /gos kyi mtha' la bsgoms pas gdug pa can thams cad bcug nas lag pa g.yon pas g.yas skor gyi mdud pa bya'o zhes pa man ngag go/ /'khor los mtshan ma ni snga ma bzhin du bsgoms pas so/ /ut+pal yis mtshan pa'i 'khor lo'i ste sngar gsungs pa'i cho ga 'di'i zhes pa lhag ma'o/ /pra sa n+na'i sgrol ma bsgom pa kho nas 'dir thams cad snga ma bzhin te/ oM sarba zhes pa la sogs pa sngags so/ /pha rol ni gzhan pa'o/ /shrIH hrIH zhes pa 'dab ma so so la'o/ /lte ba la hrIH che ge mo'i so so wa sh+yaM ku ru hrIH gzung bar bya ste dpung pa la'o/ /pad+ma ni 'khor lo rtsibs brgyad pa'i lte ba la gnas pa man ngag tu byed do/ /'chad par 'gyur ba'ang 'khor lo de kho na zhes so/ /gti mug gi rigs kyi sngags ni oM ste/ rtsibs so so dang 'dab ma so so dang mu khyud dang pad+ma'i lte ba la yang ngo / /oM A mu ka s+ya ra k+ShaM ku ru oM/ 'khor lo'i phyi rol du ri mo zlum po gsum mo/ /de'i phyi rol du phyogs brgyad du phyogs so sor rdo rje rtse gsum pa'o/ /rnam par snang mdzad kyi rnal 'byor ma spyan ma'i rnal 'byor gyis bri'o/ /de ni de ma thag pa de'o/ / phyi rol du zhes pa mu khyud la'o/ /rta mgrin bsgom zhing 'khor lo 'di bsgrub par bya'o/ /mngon spyod kyi rdzas ni dug dang khrag dang yungs kar ro/ /yang dag bris ni dur khrod kyi ras la ma hi'i rmig pa'i nang du 'khor lo gcig ste/ gnyis pa rta'i la gzhag par bya'o/ /me'i dkyil 'khor ni gru gsum pa ste/ de gnyis de lta bur bris te/ ji ltar 'og gi phyogs kyi zur gyi ngos dag tu zur gnyis dang / steng gi phyogs kyi zur gyi rwa gnyis 'gyur ba ltar ro/ /de bzhi rnams la so sor hUM gaHhU~M hU~M gaHhU~M/ steng gi zur du hU~M hU~M phaT/ 'og zur du hU~M gaHhU~M hU~M gaHhU~M dang / dbus su hU~M gaH hU~M che ge mo sta m+b+ha ya hU~M gaHhU~M/ zlum po gnyis phyi rol du ni ri mo gnyis kyi dbus su na ma s+sa ma n+ta bu d+d+he b+h+yo na mo ma hA ba lA ya u ts+tshu sma kro d+ha rA dzA ya sarba nA gA nI hr-i da yaM ta Da ya hU~M phaT ces pa'am/ oM badzra kro d+ha ma hA ba la ha na ha na pa tsa pa tsa/ bi d+h+waM sa ya/ u ts+tsh+wa Ta ya sarba nA gA na mA ra ya hU~M phaT/ ces pas stobs po che'i sngags khor yug gi rnam par bri zhing stobs po che bsgoms pas so/ /'di dang snga mar dang 'chad par 'gyur ba rnams la yang sngags mgo phyir bstan pa bri'o/ /oM zhes pa la sogs pa ste/ rdo rje 'dzin pa bsgom zhing / oM AHhU~M zhes 'bum phrag sngon la yongs su bzlas nas dbang chen gyi dkyil 'khor gru bzhi pa'i steng du phyogs dang mtshams rnams su so sor oM mo/ dbus su pad+ma'i 'dab ma brgyad rnams la so sor AH'o/ /lte ba la hUM hUM badzra d+ha ra A mu kaM sta m+b+ha ya hU~M hU~M zhes pa yung ba'i khu bas bris te/ kham phor so ma btang ba gnyis su'o/ / de'i rjes su der gnyug ma'i sa bon gyi 'od zer gyis bkug pa'i bsgrub bya nang du bcug nas/ kham phor gnyis po de rdo rje phra mo'i phreng ba'i ngo bor bsgoms pa'i skud pas dkris te/ bsgrub bya'i mgo bor mnan nas/ oM AH badzra d+ha ra che ge mo sta m+b+ha ya hU~M zhes bzlas pas rengs par 'gyur ro/ /rdo rje 'dzin pa bsgom zhing / phyi rol gyi steng du rdo rje brgyad kyis mtshan pa'i sa'i dkyil 'khor gru bzhi pa'i dbus su dkyil 'khor gru bzhi pa gzhan gyi steng du phyogs rnams su sngags rnams te/ de rnams las nang du ri mo gru bzhi pa'i dbus su sa'i dkyil 'khor te/ de'i nang du che ge mo rengs par gyis shig ces bri'o/ /zlum po zhes pa la sogs pa ste/ 'od zer can du bsam zhing / zlum po rtsibs med pa byis pa'i 'khor lo ste de'i phyi rol gyi phyogs bral rnams su steng du rdo rje rnams so/ /de rnams kyi steng dang 'og tu so so'i dbus kyi rtse mo hU~M bzhi can no/ /so so'i lte ba la dbang ldan nas brtsams nas/ dbu nas rim gyis tshig bcu gnyis pa can gyis phreng ba'i sngags te/ 'di'i tshig so so la dang por oM yig go/ /'khor lo'i dbus su sna tshogs rdo rje'o/ /de'i phyogs rnams su rtse mo bcu gnyis rnams kyi rtse mo so so la rkang pa gsum gyi sngags so/ /phyi rol gyi zur so so la oM mA rI ts+yai'o/ / lte ba la dbang ldan nas bzung nas oM la sogs pa sta m+b+ha ya'i mthar thug pa'o/ /de'i nang du mAM yig gi dbus su che ge mo srungs shig ra k+Sha'o/ /mAM yig las phyi rol du zur so sor oM mA rI ts+yai de wa ta yai zhes bri'o zhes pa rnam pa gcig go/ /so so'i dbus kyi rtse mo la hU~M yig gcig go/ /lte ba so so la rim pa ji lta bar tshig gsum kho na'o/ /shar gyi rtse mo gsum gyi dbus kyi rtse mo la oM ba t+tA li/ rtse mo g.yon pa dang rtse mo g.yas pa la oM bA rA ha mu khi'o/ /zur so so la yi ge gcig go/ /oM mA rI ts+yai de ba ta yai/ dbang ldan la sogs pa rnams su yi ge re re ste gzhan sngar bzhin no zhes pa rnam pa bzhin no/ /rnam pa gnyis ka yang gzhan du bstan pa'i phyir 'dir bsdus pa'o zhes bshad par bya'o/ /phyogs kyi gos can zhes pa la sogs pa ste/ rdo rje 'dzin pa sgom pa pos/ skyes bu mdun du dpung pa g.yon pa sdigs mdzub dang bcas pa brkyang ba/ steng du brkyang zhing brdeg pa'i tshul can gyi lag pa g.yas pa can skra grol ba sos ma mchu bsdams pa/ gdong rnam par 'gyur ba rab tu gtum pa can bri bar bya'o/ /haM yig mgo thur du bstan pa dbus lte ba la'o/ /ye nas brtsams pa rAH zhes pa'i mthar thug pa os ko g.yon pa ji srid par ro/ /de'i ni skyes bu'i'o/ /de zhes pa mchod rten te steng du gnas pa'o/ /gyen du bstan pa'i ye d+harmA zhes pa ye d+harmA he tu pra b+ha wA he tu n+te ShA n+ta thA ga to t+ya wa da ta/ te ShA ny+tsa yo ni ro d+ha e waM wA dI ma hA shra ma NaHzhes pa'i tshigs su bcad pa'o/ /de'i ni mchod rten gyi'o/ /de'i steng mchod rten gyi'o/ /hUM yig ces pa rdo rje'i ngos so sor hU~M yig drug rnams so/ /ma ning rnams ni/ r-i r-I l-i l-I zhes pa bzhi rnams te de spangs nas dbyangs rnams so/ /snga ma bzhin zhes pa/ ye ma ma zhes pa la sogs pa rAHzhes pa'i bar klog pa'i rim pa ste/ 'on kyang phreng dang po'i rnam pas so/ /slar yang zhes pa ye ma ma zhes pa la sogs pa'o/ /mgo dang lag pa'i mthil gnyis dang brla gnyis dang rtsib logs gnyis dang brang zhes pa yan lag brgyad rnams so/ /rol bcas kyis rgyab dag ni lag pa'i rgyab dag la'o/ /rkang pa dag la ni rkang pa'i rgyab dag la'o zhes shes par bya'o/ /de ba dat+ta'i zhes dang ra k+ShaM ku ru zhes pa lhag ma'o/ /rdo rje zhes pa rdo rje rtse lnga pa gnyis kyi lte ba la'o/ /gur gum gyis rdo rje gsum rnams dang yi ge rnams thams cad bri'o/ /zur brgyad ni rtse mo brgyad do/ /rdo rje sems dpa' bsgom zhing / dkyil 'khor gru bzhi pa gnyis kyi ltar phyogs rnams su dang mtshams rnams su yang zur rnams su 'gyur ba de ltar bri ste/ phyi rol du rdo rjes mtshan pa rnams so/ /de'i dbus rnams su dbang ldan phyogs dang po nas/ hUM naM a na n+ta pu Sh+TiM ku ru hUM dang / ku li ka /ka rko Ta ka /ta k+Sha ko/ /bA su ki/ pad+ma/ ma hA pad+ma/ shaM kha pA la zhes pa bcug ste bri'o/ /de bzhin du zur gnyis gnyis kyi dbus su'o/ /phyi rol du ri mo zlum po dag gis yongs su bskor ba'i ri rab bo/ /de'i ni ri rab kyi'o/ /hU~M drug rnams dang ldan pa'i sngags gcig kho na'o/ /mdor bsdus pas zhes pa ni tshogs kyi bdag po'i zhes pa dor nas/ gaHzhes pa sa bon tsam bri ba'i phyir ro/ /'di zhes pa 'khrul 'khor ro/ /de nyid ces pa tshogs kyi bdag po'i gzugs so/ /gang char ba bskyed pa'i ched du gdong steng du phyogs pa de nyid 'og tu phyogs pa ni char rengs pa'i ched du'o/ /brgyad ces pa la sogs pa/ rtsibs so so la gaHyig go/ / lte ba la gaHyig brgyad kyi dbus su gaH che ge mo sta m+b+ha ya gaHzhes cho gas zhes pa 'dis gsal bar byas so/ /'dir man ngag ni rdo rje sems dpa'i rnal 'byor gyis bsgrub bya dang tshogs kyi bdag po phyi rol gyi thun gsum du bzlas zhes pa'o/ /mi bskyod mchog ces pa drug pa'i don la'o/ /mAM zhes pa la sogs pa ni 'od zer can bsgoms pas so/ /de nas zhes pa la sogs pa/ b+ha ga rtags dang yang dag par ldan pa/ phyi rol du hrIH yig rnams kyis dang / de'i phyi rol du rdo rjes mtshan pa'i zhags pas khor yug tu byas pa ste/ dbus su hrIH a mu kIM A ka R+Sha ya hrIM zhes pa dang / yang dag par sbyor ba'i gnas su hrIM bris nas/ ku ru kul+le bsgom zhing bsgrub bya mkha' 'gro gdong du bzhu ba'i hrIHyig gis/ mgrin par zhags pas bcings bkug ste/ ming gi nang du bcug nas ji skad gsungs pa rjes su bsgrub par bya'o zhes pa cho ga'o/ /zla ba zhes pa la sogs pa ste/ so sor 'brang ma chen mo'i rnal 'byor gyis/ phyi rol gyi shar la sogs pa rnams su gyen du rdo rje la sogs pa dang ldan pa zla ba la gnas pa'i 'khor lo rtsibs brgyad pa'i lte ba la zla ba'i dbus su/ oM a mr-i ta zhes pa la sogs pa'i sngags kyis khor yug tu byas pas/ che ge mo dang che ge mo bu tra la b+ha tAM zhes bri'o/ /dbus kyi zla ba'i phyi rol du oM ma ni zhes pa la sogs pa'i sngags so/ /'khor lo las phyi rol gyi zla ba la/ oM a mr-i ta zhes pa la sogs pa'i sngags so/ /mgrin par nges par byung bzhin pa'i bsgrub bya'i ming gi dang po sogs yi ge re res bar chod pa'i sngags bri'o zhes 'brel lo/ /rdo rje 'dzin pa bsgom zhing bsgrub bya bkug nas bcug ste zhes pa cho ga'o/ /hU~M zhes pa rtsibs so so la'o/ /lte ba la rdo rje rtse lnga pa'i lte bar nyi ma la hU~M brgyad kyis yongs su bskor ba'i hU~M che ge mo srungs shig hU~M/ rtse mo so so la hU~M zhes pa rdo rje sems dpa'i rnal 'byor gyis bri'o/ /ri mo gsum ni phyi rol du'o/ /oM hrI klIM zhes pa 'dab ma so so la ste/ lte ba la yang phyogs rnams su'o/ /de'i dbus su oM hrIM klIM che ge mo dbang du gyis/ oM hrIM klIM zhes bris pa gang gis bzung ba des reg pa na zhes 'brel lo/ /ku ru ku l+le'i rnal 'byor gyis gur gum dang gi wang dag gam rgya skyegs dang gi wang dag gis grog la bri'o zhes pa cho ga'o/ /nges par gnod mdzes ni gsod pa gtso bo'i las so/ /las kyi rdo rje ni las kyi byed pa'i rdo rje lag na gnas pa'o/ /las thams cad ni zhi ba la sogs pa rnams so/ /cho ga ni gang rgyud gzhan du gsungs pa ste der mthong ba'o/ /sngags ni rkang pa bzhi pa ste/ 'on kyang 'dir swA hA'i mtha' can dang rkang pa bzhi pa'i dang por oM yig dang bral ba'o/ /de ltar yang cho ga de yang 'dir rtogs par bya'o zhes dgongs pa'o/ /sgrib pa thams cad las gnod par byed ces sum+b+ha'o/ /nges par gnod par byed do zhes pa ni sum+b+ha'o/ /hU~M yig rnams kyis 'dzin pa la sogs pa la nges par sbyor ba'o/ /de las rdo rje 'dzin pa bsgom zhing 'jig rten gsum las rnam par rgyal ba'i rnal 'byor dang ldan pas 'byung po thams cad pa'i gtor ma dang mchod pa la sogs pa sngon du 'gro bas/ phyi rol du rdo rje gsum rnam par dag pa'i ri mo gsum gyis bskor ba'i sna tshogs pad+ma'i lte ba la sna tshogs rdo rje ste/ de'i lte bar g.yon skor gyis shar la sogs pa'i phyogs rnams su rim pa ji lta bar rkang pa bzhi po rnams te/ phaT yig rnams la sngon du che ge mo mA ra ya zhes pa la sogs pa ldan pa rnams so/ /de rnams kyi nang du rdza rnga'i rnam pa'i 'khor lo re mig bzhi bcu rtsa dgu pa can te/ gdong gi re mig nas brtsams pa nang gi re mig ji srid par sbrul 'khyil ba bzhin yi ge bzhi bcu rtsa dgus yongs su bskor ba las kyi rjes su 'brang bas bri'o/ /de la shin tu dpa' ba'i mtsho skyes kyi snad gnyis rlon par ram/ bram ze'i skam por dug dang khrag dang tsan+d+ra'i sa bon thod par gnas pa rnams kyis mi'i rus pa'i 'bri smyug gis bris te/ bcu pa'am bcu bzhi pa la mi sha'i gtor ma byin nas/ gos sngon po can gshin rje'i phyogs su kha bltas pas/ thod pa gnyis sbyar ba'i 'khrul 'khor gnyis kyi dbus su bsgrub bya bsams nas spel tshig dang bcas pa'i sngags zlos shing lag pa g.yas pas gzung ba'i rdo rjes yang yang du brdegs pas 'jig par byed do/ /de bzhin kho nar ma he dang rta'i thod pa dag tu bris nas/ 'khrul 'khor gyi dbus su bsgrub bya rta dang ma he la zhon pa phan tshun mtshon 'debs pa dag bsams nas sngags bzlas pas sdang bar byed do/ /zhi ba la sogs pa'i las kyi rjes su 'brang bas ni 'khor lo gro ga la sogs pa la rnam pa gnyis bris nas kha sbyor du byas te rjes su mthun pa'i skud pas dkris pa za ma tog la sogs par bzhag nas mchod de bzlas pas mngon par 'dod pa sgrub par byed do/ /'dir ni 'khor lo 'di 'di ltar dgod pa kho nas gnon pa dang / bcing ba dang rmongs pa dang ltung ba dang / rmugs pa dang / bye zhing sdang ba dang / skrod pa dang / zhi ba dang rgyas pa dang dbang dang rengs pa dang dgug pa rnams 'grub bo zhes 'doms so/ /dgod pa gzhan ni gdul bya rnam pa sna tshogs pa las gzhan du gsungs so/ /'dir 'di ni 'jig rten gsum las rnam par rgyal ba'i rnal 'byor te/ 'gro ba rdo rje 'dzin pa'i go 'phang thob pa'i ched du bgegs med par bya'o zhes bsams nas/ yud kyis stong pa nyid bsgoms pa'i rjes thogs su sna tshogs chu skyes dang / nyi ma la gnas pa'i b+h+rUM las skyes pa'i 'khor lo ser po g.yon skor du 'khor ba rtsibs bcu pa'i lte ba'i dbus kyi nang du bdag nyid hUM yongs su gyur pa'i rdo rje hUM mdzad du bsgom par bya ste/ 'di'i sku mdog dang phyag mtshan la sogs pa rdo rje sems dpa'i mngon par rtogs par rnam par phye'o/ /de'i snying ga'i sa bon gyi 'od zer gyis bkug pa'i khro bo'i tshogs shes rab kyi pad+ma las spro'o/ /de la shar gyi rtsibs la rdo rje dbyug pa sngon po rtsa ba dang g.yas pa dang cig shos kyi zhal rnams sngon po dang ser po dang ljang gu can/ phyag g.yas pa dag na rdo rje tho ba dang rdo rje phyar ba'i sdigs mdzub/ g.yon dag na thod pa dang kha T+wAM ga can no/ /byang du nyi ma'i me ser po ser po dang sngon po dang ljang gu'i zhal can rdo rje dbyug pa 'dzin pa'o/ /phyag mtshan gzhan snga ma bzhin 'di phyi ma rnams la yang ngo / /nub tu rdo rje gtsug tor dmar po dang dkar po dang ljang gu'i zhal can phyag na pad+ma dmar po'o/ /lhor rdo rje 'khyil pa ljang gu ljang gu dang ser po dang dkar po'i zhal can/ phyag sna tshogs rdo rjes spras pa'o/ /me'i phyogs su rdo rje gnod sbyin du ba'i mdog can/ du ba dang ser po dang ljang gu'i zhal can lcags kyu 'dzin pa'o/ /srin po'i mtshams su rdo rje dus dmar po dmar po dang ser po dang ljang gu'i zhal can phyag na dgra sta'o/ /rlung mtshams su stobs po che sngon po/ /sngon po dang ser po dang ljang gu'i zhal can/ phyag na rtse gsum pa'o/ /dbang ldan phyogs su rdo rje 'jigs su rung ba nag po mi g.yo ba nag po dang ser po dang ljang gu'i zhal can phyag na ral gri'o/ /steng du gtsug tor 'khor los sgyur ba dkar po dkar po dang sngon po dang ljang gu'i zhal can/ phyag na 'khor lo'o/ /'og tu gnod mdzes rdo rje sngon po/ /sngon po dang ser po dang ljang gu'i zhal can rdo rje gtun shing gis rol pa'i phyag can te/ 'di'i g.yon pa na ni klu'i zhags pa sdigs mdzub can dang kha T+wAM ga'o/ /'di rnams thams cad kyang phyag mtshan gtso bo dang thod pas mtshan pa'i phyag dag gis rang 'dra ba'i shes rab ma la 'khyud pa/ dbu skra dmar ser 'bar zhing gyen du 'khyil ba/ rang gi rigs kyi mgon pos mchog tu gsal ba'i dbu rgyan can/ smin ma dang khro gnyer dang bcas pa/ mche ba gtsigs pa'i zhal can rnams te/ zhal so so la dmar la zlum pa'i spyan gsum pa/ mi mgo'i phreng ba dang 'khor lo can dang rna cha la sogs pa'i rgyan can/ rgyan gyi klu'i rgyal po brgyad kyis phuT yig phyogs kyi sgor sgrogs pa can/ sna tshogs chu skyes dang nyi ma rnams la phyogs skyong ba brgyad rnams dang steng du tshangs pa dang 'og tu thags bzangs ris g.yas brkyang gi stabs kyis mnan nas bzhugs pa'o/ /rdo rje 'bar ba 'khrigs 'jigs pa/ /phyogs bcu rnams su 'phro mdzad pa/ /bka' yi 'khor lo 'dis myur bar/ /'gro ba rnams la bgegs med mdzad/ /ces so/ /de skad du yang gsungs pa/ dpal ldan rdo rje hU~M mdzad kyi/ /'khor lo'i rnal 'byor bdag nyid kyi/ /rdza rnga'i las gsungs dngos grub ni/ /kun gyi 'bras bu 'byung ba brtsam/ /zhes so/ /'khor lo 'di yang rgyud gzhan du gsungs pa 'dir bshad pa ste/ sngags gsungs pa las so/ / de nyid kyi phyir de kho na nyid bsdus pa la sogs pa rnal 'byor dang rnal 'byor ma'i rgyud rnams 'dir 'brel bar nye bar 'gro'o zhes pa man ngag go/ /'di nyid kyi phyir rgyud gzhan du gsungs pa'i lha rnams kyang 'dir bsgom par bya ba 'grub bo zhes gsal bar byas so/ /de ltar na yang rgyud 'di ni lha thams cad pa kho na'o zhes gsungs par 'gyur ro/ /rdo rje hUM mdzad gtso bo can srung ba'i 'khor lo 'di'am rdo rje sems dpa'i mngon par rtogs par brjod pa ni/ 'dir g.yon skor du bsgoms nas/ gtsug tor 'khor los sgyur ba'i sngags de bskul ba'i bsam pa can gyis/ gsum mam bdun nam nyi shu rtsa gcig gam brgya rtsa brgyad du gdon par bya ste/ de lta kho nar khro bo bcu'i sngags rnams yang na'o/ /de la/ oM kha badzra d+h+r-i ka badzra hU~M ka ra badzra hU~M phaT/ oM badzra daN+Da badzra hU~M phaT/ oM badzra a na lA rka badzra hU~M phaT/ oM badzra u Sh+NI Sha badzra hU~M phaT/ oM badzra kuN+Da li badzra hU~M phaT/ oM badzra ya k+Sha badzra hU~M phaT/ oM badzra kA la badzra hU~M phaT/ oM badzra ma hA bA la badzra hU~M phaT/ oM badzra b+hi Sha Na badzra hU~M phaT/ oM badzra u Sh+NI Sha tsa kra wa rti badzra hU~M phaT/ oM badzra pA tA la badzra hU~M phaT/ ces pa rdo rje hU~M mdzad la sogs pa'i sngags so/ /de ltar goms nas thun bzhir rjes su bsgrub pa la glags tshol ba rnams kyi rjes su bsam pa nus pa med par 'gyur ro/ /phyir la de rnams kho na la las la gnod pa las ltung ngo zhes pa bsgom bya'i phyir zlog 'di gsungs so/ /gzhan gyi ni stong pa nyid kyi ting nge 'dzin gyi rjes thogs su/ yi ge gsum dang spel ba'i rang gi ming gi yi ge dang po'i gzugs su gnas pa srung ba'i 'khor lo dang ldan pa'i dkyil 'khor gyi mdun du rnam par snang mdzad kyi gzugs su bskyed pa la spyan ma'i sngags kyis sngon bzhin du dbang bskur ba'i/ ji skad gsungs pa'i sngags bzlas pa las srung ba'o zhes pa'o/ /gnas skabs thams cad du srung ba'i don du bri bya'i phyir bzlog brjod par bya ste/ 'khor lo rtsibs brgyad pa la gnas pa'i pad+ma 'dab ma brgyad pa'i lte ba'i steng du sna tshogs rdo rje'i lte ba la hU~M yig gi nang du baM ste/ de'i nang du/ oM AH hUM/ che ge ra k+ShaM ku ru oM AHhU~M zhes pa bri'o/ /shar du rwa dbus ma la/ r-iM DA de r-iM ngo / /byang du r-I laM de r-IM ngo / /nub tu l-iM khaM de l-IM ngo / /lhor l-IM rUM l-IM ngo / /pad+ma'i 'dab ma la 'khor lo'i rtsibs shar la gnas pa la hUM khaM paM che ge hU~M/ byang du hU~M mam tsaM che ge hU~M/ nub tu hU~M kaM paM che ge hUM/ lhor hU~M bIM maM che ge hU~M/ me ru hU~M suM bIM che ge hU~M/ bden bral du hU~M aM khaM che ge hU~M/ rlung du hU~M baM laM che ge hU~M/ dbang ldan du hU~M baM druM che ge hU~M/ pad+ma las phyi rol khor yug gnyis kyi dbus su shar la sogs pa rnams la g.yon skor gyis/ kaM khaM gaM g+haM/ me la sogs pa rnams su g.yas skor du ngaM tsaM tshaM dzaM 'o/ /de las phyi rol du sna tshogs rdo rje'i shar gyi rwa dbus ma la/ oM suM b+ha ni suM b+ha hU~M hU~M che ge phaT/ lho phyogs su oM gr-i h+Na gr-i h+Na hUM hUM che ge phaT/ nub tu oM gr-i h+NA pa ya gr-i h+NA pa ya hU~M hUM che ge phaT/ lhor A na ya hoH b+ha ga wAn bi d+yA rA dza hU~M hU~M che ge phaT swA hA/ de las phyi rol khor yug gnyis kyi dbus su shar la sogs par g.yon skor gyis zla ba dang thig le dang bcas pa'i dbyangs bcu gnyis rnams so/ /de las phyi rol pad+ma'i 'dab ma bcu drug rnams la shar la sogs par g.yon skor gyis rim pa ji lta bar zla ba dang thig le dang bcas pa'i dbyangs bcu drug rnams so/ /de las phyi rol khor yug gnyis kyi dbus su g.yon skor du/ oM badzra he ru ka sa ma ya ma nu pA la ya/ he ru ka twe no pa tiSh+Tha dr-i D+ho me b+ha wa/ su to Sh+yo me b+ha wa/ a nu ra k+to me b+ha wa/ su po Sh+yo me b+ha wa/ sarba sid+d+hi m+me pra ya ts+tsha/ sarba karma su tsa me tsi t+ta shre yaH ku ru hU~M/ ha ha ha ha hoHb+ha ga wAn badzra he ru ka mA me mu ny+tsa he ru ko b+ha ba ma hA sa ma ya sa twa AHhU~M phaT do/ /de las phyi rol 'khor lo'i rtsibs bcu drug rnams la shar la sogs par g.yon skor gyis rim pa ji lta bar/ aM aiM baM ma/ maM baM/ baM suM/ suM sh+yaM baM suM/ maM haM/ baM khaM/ maM tsaM/ raM khaM/ haM shaM/ aM tsaM/ haM suM/ paM maM/ bai tsaM/ baM maM mo/ /'dir so sor sa bon gnyis la oM dang hrIHyig spel ba ste dper na/ oM hIH aiM che ge hrIH oM zhes pa la sogs pa'o/ /de'i phyi rol khor yug gnyis kyi dbus su de bzhin du/ dz+haM nyaM/ TaM ThaM DaM D+haM NaM/ taM thaM daM D+haM NaM/ paM phaM baM b+haM maM po/ /de'i phyi rol gzhal yas khang gru bzhi pa'i shar sgo'i nang du/ /hU~M phaT yaM kAM yaM che ge hU~M phaT/ de bzhin du byang la sogs par/ raM UM raM dang / la shwA lam dang / waM sU waM ste/ me la sogs par/ sha yaM shaM/ Sha yaM ShaM/ saM yaM sa/ haM yaM haM do/ /bdun po rnams la yang sa bon gsum po so so la hU~M phaT spel zhing dbus su ming yang ngo / / sgo'i steng du rdo rje phyed pa rtse lnga pa rnams te/ zur gyi steng du zla ba nyi ma rdo rje phyed pa rnams so/ /de lta bu'i rdo rje brgyad po rnams kyi rwa dbus ma rnams la snga ma lta bu'i skor dag gis/ oM na mo b+ha ga wa te wI re shA ya zhes pa la sogs pa mchod pa'i sngags brgyad rnams so/ /de las phyi rol khor yug gnyis kyi dbus su shar la sogs par g.yon skor gyis/ /na maHsa man+ta kA ya wA ka tsi t+ta badzra he ru kA NAM oM hU~M badzra he ru ka tsa kra warte/ sarba lo ki ka lo ki t+ta rA ni yan+t+ra man+t+ra tan+t+ra tsur+Na pra yo gA dI ni/ ye na ke na tsita kr-i tA nI sa rbA Ni/ A ka d+d+h+ya/ A ka d+d+h+ya/ ta rdza ya/ ta rdza ya/ gr-i h+Na gr-i h+Na/ b+ha k+Sha b+ha k+Sha/ trA sa ya trA sa ya/ ha na ha na/ da ha da ha/ pa tsa pa tsa/ k+Sh+mAM k+Sh+mAM/ dz+nyauM dz+nyauM/ ma tha ma tha/ bi ng+h+waM sa ya/ bi ng+h+waM sa ya/ sha ta sa ha sra d+hA bi tsU r+NA ya bi tsU r+NA ya/ oM phaT/ badzra he ru ka u Sh+NI Sha tsa kra wa rti ni/ ta s+yai ba mu khaM tsa k+Shu ra ba n+d+ha hU~M hU~M phaT/ che ge la shAn+tiM ra k+ShA ku ru hU~M hU~M phaT phaT oM swA hA/ zhes pa gtsug tor 'khor los sgyur ba'i sngags so/ /'di thams cad k+Sha yig gi nang du ste k+Sha ni tha yig gi dbus su'o/ /de'i phyi rol du A li kA li dag go/ /de'i phyi rol du shar la sogs pa'i g.yon skor gyis bcom ldan 'das kyi phreng ba'i sngags so/ /de'i phyi rol du rdo rje'i phreng ba'am/ 'khor lo'am pad+ma'am rin po che'am ral gri'i phreng ba'o/ /de nas 'od zer 'bar ba'i phreng ba bri'o/ /rigs ngan mo'am bram ze mo'am/ rgyal po'i bu mo'i me tog dang glang po che'i 'gram pa'i chang dang snyoms 'jug las skyes pa'i khu ba dang gi wang dang mar khu chen po las byas pa'i dud pa bsre bar byas nas rdo rje dang pad+ma'i chu yis mnur te/ des mi'i pags pa'am gro ga'am ro'i ris la 'khor lo 'di lha'i rnal 'byor las gtor ma sbyin pa sngon du 'gro bar kha shar du bltas pas bri bar bya'o/ /rab gnas kyang nub tu kha bltas pas bya'o/ /de la cho ga ji lta bar 'khor lo rtsibs bcu pa'i lte ba la/ rdo rje hU~M mdzad kyi rnal 'byor gyis sam de yongs su gyur pas/ cho ga ji lta bar bsgoms pa'i khang pa brtsegs pa dang bcas pa'i rnam par snang mdzad kyi ngo bo'i rig pa'i rgyal po'i gzugs kyis/ bris pa'i 'khor lo la rig pa'i rgyal po'i dam tshig gi dkyil 'khor bskyed nas/ ye shes kyi dkyil 'khor yang 'dir bcug ste/ mchod pa la sogs pa byas shing / rkang pa brgyad pa'i sngags rnams kyis mngon par mchod nas yi ge rnams kyi nang du bcug ste/ bsgrub bya yang dang po'i rang ming gi yi ge las byung ba'i dam tshig sems dpa' la bcug pa de dang / 'khor lo de yid kyis kha dang snying ga dang rdo rje'i lam nas pad+mar bcug ste/ rang gi snying ga'i sa bon gyi 'od zer gyis bkug pa'i lha'i tshogs kyis dbang bskur nas phyi rol du gzhag cing / bsgrub bya kho na khro bo'i tshogs dang khyad par du bgegs mthar byed kyi tshogs spros pas legs par bsrungs pa la/ bcom ldan 'das kyi sngags kyi 'od las byung ba'i bdud rtsi dang byang chub sems kyi rgyun rnams kyis lus la mngon par khyab pa la/ sngags kyi tshogs mtha' dag gi 'od las byung ba'i lha'i tshogs dkar po rnams kyis bum pa dkar po'i bdud rtsi'i dbang bskur bas yang dag par sbyor ba las zhu bar gyur te/ byang chub sems kyi bdag nyid 'jug pa'i dbang bskur gyis kyang mngon par dbang bskur bzhin pas/ skyon thams cad dang bral bar bsams nas/ rig pa'i rgyal po'i phreng ba'i sngags dang / oM hrIH ha ha che ge la shAn+tiM rak+ShAM ku ru ku ru hU~M sarba pA pa phaT/ ces pa nye ba'i snying po yang bsgrag go/ /de nas phreng ba'i sngags zlos shing 'khor lo skud pa dkar pos dkris te rig pa'i ngo bo mgo bo'am mgrin pa'am dpung par gdags so/ /de las rdo rje lha mo rnams byin gyis rlob cing bgegs med par 'gyur ro/ /g.yul du yang rgyal lo/ /mar dang 'o ma dang / bdud rtsi lnga'i chur 'khor lo bcug ste/ phreng ba'i sngags kyis mngon par bkrus nas nad dang bcas pa nad med par byed do/ /chang gi nang du bcug nas des de ltar gtor na nad med pa nad dang bcas par byed do zhes pa la sogs pa rtogs par bya'o/ /las kyi dbye ba las kha dog dang bsam pa dang rab tu sbyor bar byed pa dang bskul ba'i dbye ba rtogs par bya'o/ /gzhan yang zhi ba'i las su las rab 'byam thams cad 'dus par gsungs te/ zhi ba ni mngon par mi 'dod pa'i skyon thams cad zhi bar byed pa'i bdag nyid can gyi phyir ro zhes pa bri bya'i phyir zlog gi de kho na nyid do/ /de ltar rdo rje hU~M mdzad kyi rnal 'byor gyis kha sbyor 'byed pa yang brjod par bya ste/ rang gi snying ga'i sa bon gyi 'od zer gyis bkug pa'i lha'i 'khor lo rdo rje'i lam nas phyung ste/ lha mo'i pad+mar gnod mdzes kyi gzugs su bskyed cing bka' bsgos nas/ sgrub byed rdo rje'i lam nas zhugs pas/ des de'i snying pad+ma sbyar ba phye nas der gnas pa'i bsrung ba'i lha rnams la/ de la gnod pa dang dmyal bar mchog tu gzhol ba nyid gsan du gzhug cing / 'byed pa'i ched du gsol ba gdab par bya ste/ khyed rnams kyis 'di rjes su gnang ba kho na'o zhes mkhyen par gsol bar bya'o/ /ji srid du rim gyis de'i skyon rjes su dgongs nas khros pa rnams bcom ste phyir gshegs pa'i bar du bsgom mo/ /de nas de rnams rang gi 'khor lo la gzhug cing / bcing ba dang mnyes pa dang dbang bskur ba dang mchod pa dang bstod pa dang bdud rtsi myang ba yang cho ga bzhin du sgrub po zhes 'di'i ye shes kyi dkyil 'khor sbyar ba 'byed pa gsungs so/ /de nas gnod mdzes kyis de'i shes pa'i sems la khu tshur gyis bzung nas rdo rje gnyis sbyar ba'i dbus su bcug ste/ oMlo phaT che ge b+ha k+Sha ya phaT k+ShaH hU~M phaT ces pa dang / hU~M phaT raM raM raM che ge mtshams med pa lnga byed pa raM ra ra hU~M phaT ces bzlas pa las khro bo dang mkha' 'gro ma rnams kyis brdeg bzhin pa gsol bzhin pa rang gi lha mo'i pad+ma'i nang du bcug nas/ 'od gsal ba la bcug pa'i de ma thag tu hU~M las skyes shing hU~M dang bcas pa'i rdo rjes mi bskyod pa'i gzugs su bskyed de/ ye shes kyi dkyil 'khor bcug la mi bskyod pa'i sangs rgyas kyi zhing du btang ngo / /'o na de ltar byed pa ci ltar sdig pa rnams kyis mi gos she na/ gang phyir sbyin pa dang mgu bar bya ba la sogs pa rnams kyis ma bzlog pa dbang du bya ba dang bskrad pa la sogs pa rnams kyis bsgrub bya ma yin pa la/ sangs rgyas dang byang chub sems dpa' yang dag par gsol ba btab pa rnams kyis rjes su gnang bas sam ma bkab pas/ snying rje chen po kho nas sgyu ma lta bu'i chos nyid la rjes su byed pa kho nas kha sbyor 'byed pa 'di bsgrub par bya'i/ ma rtogs pas ni de la mos pa brtan pa mi bya ba kho na'o/ /gzhan yang bsgrub bya sdig pa byas pa ngan 'gro rnams su skye bar 'gyur ro zhes mngon shes kyis shes nas mngon spyod bya bar bcom ldan 'das kyis rjes su gnang ngo zhes gsungs so/ /de ltar gsungs pa'i cho ga yis/ /yang dag gsungs pas gang gsungs pa'i/ /gsod pa de yang rmongs rnams kyis/ /phyin ci log tu brtags byas shing / /phyin ci log tu bzung ba 'di/ /sred dang zhe sdang mun bsgribs pas/ /skye bo rnams ni bsad byas nas/ /kha ni thur bltas mnar med 'gro/ /zhes so/ /brgyad pa zhes pa ha'i sa bon te/ rigs kyis gcig nyid de gsal bas ni ha yig bcu gnyis rnams so/ /r-i r-I l-i l-I dang bral ba'i phyi mo bcu gnyis dang ldan pa rnams ni ha hA hi hI hu hU he hai ho hau haHzhes pa'o/ /yi ge bar du chod byas nas/ /zhes pa/ hA hI hU hai hau haHzhes pa dor nas he ru ka'i yan lag drug rnams zhes rten dang brten pa dag tha mi dad par brtags pa las brjod pa'o/ /de ltar gzhan du yang ji ltar rigs pa rtogs par gyis shig / dpa' bo rnams mnyam sbyor ba ni/ oM na maHswA hA/ bau ShaT hU~M hU~M phaT ces pa drug rnams/ ha yig re re las sngon du gnas pa rnams te/ oM ha na ma hi/ swA hA hu/ bau Sha Ta he/ hU~M hU~M ho/ phaT haM zhes sbyar bar bya'o/ /'di rnams ni go cha'i sngags kyi yi ge drug rnams te/ snying ga la sogs pa drug rnams su gzhag par bya'o zhes gsungs pa/ dang po zhes pa la sogs pa'o/ /cis go cha rim pas bsgom zhe na gsungs pa/ rdo rje zhes pa la sogs pa'o/ /bzang po ni gar gyi nyams dgu rnams kyis rtsen pa la mkhas pa'o/ /srung ba'i 'khor lor he ru ka rdo rje sems dpar byas nas ye shes sems dpa' mi bskyod pa bcug ste de dang ro gcig par byas nas/ he ru ka nyid de rdo rje hU~M mdzad kyi gzugs nyid du dran par bya'o/ /yang na he ru ka ni dam tshig sems dpa' ste/ de'i snying gar ye shes sems dpa' dang ting nge 'dzin sems dpa' bsams nas/ he ru ka nyid de sngon du grub pa'i ye shes sems dpa'i bdag nyid can bsam mo/ /khro bo spros pa 'bar bas nye bar mtshon pa rnams kyis te/ gang las bgegs rnams 'khrugs pa de de skad do/ /gtsigs pa ni rol pa'i sku can nyid kyi phyir ro/ /kha cig rnams mchog tu gtsigs pa ste/ rtsub pa'i sku can nyid kyi phyir ro/ /'jigs rung ni sbrul gyi rgyan dang rnam par 'gyur ba'i zhal nyid la sogs pa rnams kyis so/ /khro bo rnams kyis gang gi bka' sgrub par byed pa'i he ru ka de ni de skad do/ /phyogs ni phyogs dang 'brel ba'i gdug pa can rnams so/ /nyis 'gyur ni 'dab ma bcu drug gnyis te gzhan no/ /dpa' bo dgod pa ni/ 'dab ma rnams la zhes pa lhag ma'o/ /mkha' 'gro ma zhes pa mkha' 'gro ma'i sa bon te/ rdo rje'i lte bar ro/ /de nas des de'i sgo mtshan pa'o zhes sbrel lo/ /kun nas ni phyogs bzhi rnams su'o/ /'khor lo ni 'khrul 'khor te/ dkyil 'khor gyi 'khor lo bzhin du gnas pa nyid kyi phyir ro/ /snying por ni gzhal yas khang gi'o/ /pho nyas zhes pa pho nya rnams kyis nye bar mtshan pa'o/ /cho ga lha dgod pa la sogs pa'i rig pa gang du yin pa de ni cho ga'i rim pa ste/ bsam gtan dang 'khrul 'khor bri ba yang ngo / /de la bcom ldan 'di'i sgom pa'i rim pa'i rgyal po'i bzhin no/ /khyad par ni bcom ldan 'das ni gzhal yas khang gi dbus kun du ser ba/ sna tshogs pad+ma 'dab ma brgyad pa'i lte ba la nyi mar 'jigs byed dang dus mtshan mo g.yas brkyang gi stabs kyis mnan nas gar mdzad pa/ mgo phreng dang thod pa'i phreng ba can/ phyag rgya drug gis rgyas btab pa'i sku can/ sku mdog ser po/ ser po dang ljang gu dang dmar po dang nag po'i shar dang / byang dang nub dang lho'i zhal can phyag bzhi pa/ g.yon dag gis kha T+wAM ga dang gzhu dag /g.yas dag gis thod pa dang mda' dag 'dzin pa/ rang 'dra'i rdo rje phag mo la snyoms par zhugs pa'o/ /de'i shar gyi 'dab ma la ltung byed ma dkar sngo snang ba/ phyag g.yon pa dag na kha T+wAM ga dang dril bu dag /g.yas dag na rdo rje dang thod pa dag go/ /byang du gsod byed ma ma ga ta ser bar snang ba/ g.yon pa dag na kha T+wAM ga dang zhags pa dag / g.yas dag na cang te'u dang thod pa dag go/ /nub tu 'gugs byed ma dmar dkar du snang ba/ g.yon pa dag na gzhu dang sna tshogs pad+ma dag /g.yas dag na mda' dang thod pa dag go/ /lhor gar gyi dbang phyug ma dkar ser mdog can/ g.yon pa dag na mdung dang rin po che/ g.yas pa dag na ba dan dang thod pa dag go/ /bzhi po 'di rnams zhal gcig pa spyan gsum pa/ phyag rgya lnga can/ dbu skra gyen du 'bar ba gcer bu g.yas brkyang gi zhabs stabs can/ rol gnas pa/ gar mdzad pa spyan ma dang mA ma kI dang gos dkar mo dang sgrol ma'i rang bzhin rnams so/ /phyogs bral gyi 'dab ma rnams la pad+ma'i snod bdud rtsi lngas gang ba rnams so/ /sgo rnams su rdo rje lcags kyu ma la sogs pa bzhi rnams de lta bu kho na'o/ /de ltar lha bcu rnams snying po'i dkyil 'khor 'di'o zhes pa'o/ /khyad par gzhan yang ji ltar rigs par brtag par bya'o/ /'khrul 'khor 'bri ba'i dus ni sngags pas skad cig gis srung ba'i 'khor lo la sogs pa'i yongs su bskor ba bcing ba byas nas/ go cha dang bcas pa 'khor dang bcas pa'i he ru ka'i bdag nyid kyis/ yongs su bskor ba dang bcas pa'i gzhal yas khang ste/ de'i snying por zla ba'i gzugs gnyis ri mo zlum po gnyis kyi rnam pa dang / de'i nang du sna tshogs rdo rje'o/ /de'i lte ba la pad+ma 'dab ma bcu gnyis pa'o/ /de'i lte ba la zla ba'i gzugs gnyis dang / de'i nang du pad+ma 'dab ma drug pa'o/ /dang po'i zla ba'i dkyil 'khor gnyis las phyi rol du 'dab ma drug gi thad kar rdo rje drug go/ /de la chu skyes dbus ma'i lte bar/ hU~M che ge mo srungs shig ces pa la sogs pa dang hUM ngo / /shar la sogs pa'i 'dab ma rnams la/ oM ha/ na maHhi swA hA hu/ bau sha Ta he/ hU~M hUM ho/ phaT haM/ zhes pa drug rnams rim pa ji lta ba bzhin no/ /zla ba las phyi rol gyi zla ba gnyis pa'i steng du/ oM na maH/ swA hA/ bau Sha Ta/ hU~M hU~M phaT 'o/ /'dab ma bcu gnyis rnams la grangs ji lta bar/ oM baM/ haM yoM/ hrIM moM/ hreM hrIM/ hU~M hU~M/ phaT phaT do/ /zla ba las phyi rol zla ba gnyis pa la/ ha hi hu he ho/ haM ngo / /rdo rje drug pa'i lte ba rnams la/ hAM hAM hI+uM/ haiM hauM/ haH zhes pa'o/ /sngags kyi cho ga rnams gur gum dang rgya skyegs dang / rang gi khrag dang gi wang rnams kyis grog la bris te/ rang gi snying ga'i sa bon gyi 'od zer rnams kyis rdo rje sems dpa' la sogs pa'i de bzhin gshegs pa drug po gshin rje ma la sogs pas mnyam par 'khyud pa rnams bkug nas/ bdag nyid la bcug cing zhu bar gyur pa rnams rdo rje'i lam nas byung ste/ lha mo'i pad+mar lha'i gzugs su spros shing sngags rnams la nang du bcug nas gzugs brnyan bzhin du snang brnyan du bsams te/ rab tu gnas pa'i de ma thag tu bcom ldan 'das bsgom pa sngon du 'gro bar/ thun gsum du/ bcom ldan 'das dang bcom ldan 'das ma'i go cha gnyis rim pa ji lta bar bzlas nas/ cho ga ji lta bar dpung pa la gdags te/ ji skad bshad par 'gyur ro/ /gos kyi mthar mdud pa/ oM haM zhes pa la sogs pa dang oM baM zhes pa la sogs pa go cha'i sngags kyis bdun byas nas mngon par bsngags te lam du 'gro ba chom rkun dang stag la sogs pas 'jigs par mi 'gyur ro zhes pa la sogs pa yang rtogs par bya'o/ /cho gas zhes pa bcom ldan 'das dang dkyil 'khor gyi dbus kyis gzhi dang sngags kyi yi ge rnams dkar por bsgom zhing bzlas pa zhes pa cho ga'o/ /lnga gnyis 'dab ma la zhes pa 'dab ma bcu rnams la/ oM tA re tu t+tA re tu re swA hA/ zhes pa dgod do/ /de'i lte ba la zla ba'i dkyil 'khor la zhes pa lhag ma ste/ oM pra se na zhes pa la sogs pa'o/ /'khor yug ni dbus su che ge mo dbang du gyis shig ces pa'o/ /oM sarba zhes pa la sogs pa'i sngags/ oM pra se na zhes pa la sogs pa'i gnas su ste/ gzhan snga ma bzhin no/ /'khrul 'khor gnyis po 'di'i cho ga ni/ dang por gsal bar byas pa'i cho ga dang 'dra'o/ /de'i zhes pa lte ba'i 'o/ /dang po yis zhes pa dang po ta yig go/ /'khrul 'khor snga ma kho na la zla bar pra se na zhes pa la sogs pa'i gnas su ta yig zlum po'i khog par 'khor lo zur drug pa ste/ zur gyi nang rnams su/ oM ku ru ku l+le hrIH ste/ dbus su oM hrIHche ge mo me ba shwI ku ru hrIH swA hA zhes pa bri'o zhes pa'i don te/ /'chad par 'gyur ba'i rigs pas sku ru ku l+le bsgoms pas/ gi wang dang rgya skyegs dang tsan+dan dmar po dang rang gi khrag gis bri zhing rab tu gnas pa la sogs pa ni cho ga'o/ /sgrol ma sgrub po'i mngon par phyogs pas 'dir 'byung ngo zhes pa sgrol ma mngon par 'byung ba ste 'khrul 'khor dang sngags dang cho ga'o/ /'di zhes pa oM ku ru ku l+le hrIHswA hA zhes pa'i sngags so/ /thod pa dang bcas pa'i gyo dum la ste thod pa'i cha'i gzugs gsar pa la'o/ /bcings pa rnams su 'gyur ro zhes pa/ gyo dum gyi nang du ste gnod par byed pa'i ched du mi 'jug go zhes pa'i don to/ /bskul ba zhes pa gang gi phyir lha rnams bskul ba de'i phyir nges par rnam pa 'di lta bu 'grub po zhes pa nye bar bsdu ba'o/ /'khrul 'khor gzhan rnams la yang de bzhin no/ /zhi ba la sogs pa'i las kyi dbye bas kha dog dang bsam pa dang phyogs la sogs pa'i dbye ba ni phye bar byas zin pa'i rjes su 'brang ba las ji ltar rigs par rtogs par bya'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu bdun pa'o// //lnga par dkyil 'khor gsungs na de'i rab gnas ni ma gsungs shing / thang sku la sogs pa yang dngos grub thams cad kyi rgyu nyid du gsungs na/ 'di rab tu gnas pa med pa 'di ni ma yin te zhes pas de dag gi rab gnas gsal ba'i ched du gsungs pa/ bstan du gsol zhes pa la sogs pa'o/ /gzugs brnyan dang po ti'i yi ge dang 'khrul 'khor dang mchod rten la sogs pa rnams la dbang bskur bar bya ba'i slob ma la dam tshig dang ye shes sems dpa' dag de'i bdag nyid du gnas par byed pa ni rab gnas te cho ga gzhan de'i 'khor ro/ /bzlas pa ni bsam gtan sngon ma can nyid kyi phyir bzlas ba'i bsam gtan ni bzlas pa bsam gtan no/ /rab tu gnas pa'i rgyu'o/ /sbyin sreg gi las ni nyi shu drug par gsungs pa'i cho ga gzhan ci ltar zhes pa rgyas par bshad pa'i ched du dri ba'o/ /rdo rje ni stong pa nyid yin zhing / de kho na snying po ste tshad mas 'thad pa nyid kyis mchog gang gi bdag nyid yin pa de ni de skad do/ /chos thams cad rnams kyi ste/ phyi'i mtshan sum cu rtsa gnyis la sogs pa rnams dang / nang gi thugs rje chen po'i rang bzhin dang stobs dang mngon par shes pa la sogs pa rnams kyi gcig kyang 'di yin pa bsdus pa yang yin pa'o/ /chen po ni phul du dbyung du med pa shin tu rgyas pa nyid kyi phyir ro/ /zag pa med pa nyid kyi phyir mdzes pa'i dga' ba gang gi yin pa de ni de skad do/ /de ltar na yang stong pa nyid dang snying rje dbyer med pa bde ba chen po'i rang bzhin sku bzhi'i bdag nyid kyis bod pa gsum ni/ slob dpon yang de kho na nyid kyi bdag nyid la lhag par mos pas/ 'chad par 'gyur ba rjes su sgrub par 'gyur ro zhes bslab par dgongs pas so/ /rnyed dka' ba zhes pa bod pa'o/ /'phrul nyid du gsung du gsol te/ phyis sems can gyi bsod nams stobs chung ba nyid kyi phyir/ 'di lta bu'i bstan pa ga la yin zhes dgongs pa'o/ /slob dpon de yang de ltar rjes su sgrub pa po rnyed dka'o zhes mtshon to/ /las rnams thams cad ces pa bzlas pa dang rab gnas dang de'i 'khor sa yongs su sbyor ba la sogs pa rnams bsam gtan kho na rjes su bsgrub pa las bsgrub par bya'o/ /de skad du ni/ rdo rje theg par slob dpon ni/ /rnam gnyis de bzhin gshegs pas gsungs/ /sngags gtsor byed pa gcig tu 'gyur/ /gcig ni bsam gtan dpung gnyen can/ /sngags smra la gnas rnal 'byor pa/ /lha la dmigs pa lhur len te/ /de las mtshan ma thob gyur pas/ /rdul tshon dkyil 'khor kun nas bri/ /sngags tshul la gnas rnal 'byor pa/ /gnyis med ye shes rnal 'byor ldan/ /sgyu ma lta bu'i lus kyis ni/ /'khor lo sgyu ma lta bur bri/ /zhes gsungs so/ /bsam gtan tsam la yang ngo / /dga' ba ni nus pa phul du byung ba thob pa las bsod nams bsags pa'i slob ma rjes su bzung ba la sogs pa'i don du gsal bar dkyil 'khor mngon par sprul par bya'o zhes gzhan du gsungs so/ /de ltar yang rnam pa 'di lta bu ni bdag gis mi 'jigs pa'i gzhung 'grel du rab tu phye zin to/ / de'i phyir las rnams thams cad la bsam gtan kho na gtso bor nges par bsgrub par bya'o/ /de la zhes pa las rnams thams cad la sngar dpal rdo rje sems dpa' bsnyen par byas pa/ ting nge 'dzin gsum gyi rjes thogs su nyin par dge ba la/ bkra shis pa'i dkyil 'khor gyi sa gzhi yang dag par sbyang ba bsgrub pa'i ched du dang por gsungs pa/ rdo rje zhes pa la sogs te/ rdo rje sems dpa' bzhin du rab tu gsal bar bsgyings pa can/ rdo rje snyems ma'i ngo bo'i las kyi phyag rgya dang snyoms par zhugs pas sam ye shes kyi phyag rgya dang lhan cig bde ste bde ba de'i rang bzhin du gnas par gyur pa'i slob dpon no/ /'dir gang zhig shes rab zab pa bsgom pa la blo gros byas pa chos thams cad skye ba med par bsgom pa de la bgegs rnams thams cad dang skyon gzhan rnams kyang 'jig par 'gyur to/ /rmi lam du yang snang ba'i lam du 'gro ba ma yin no zhes pas rim pa 'di kho na glags tshol ba thams cad sel ba la mchog go/ /'di la mi brtan pa yin na rnam pa thams cad du rang gi lhag pa'i lha'i rnal 'byor kho na brtan par bar ma chad par lhag par mos pa ni nga rgyal stobs can gyi rnal 'byor pa'i bgegs bzlog pa la sogs pa thams cad phun sum tshogs par byed pa kho na'o/ /mos pa tha dad pa rnams kyi dbang du byas nas lha dang phyag rgya dang sngags la sogs pa tha dad pa de dang de gsungs pa 'ba' zhig go zhes gsungs pas 'jig rten gsum rgyal zhes pa la sogs pa'o/ /rdo rje rkang pas yongs su rgyu/ /zhes 'chad par 'gyur te/ de dgod pa ni ji ltar rgyud gzhan du gsungs pa de kho na'o/ /lha mo rnams kyi ste spyan ma la sogs pa nyid kyis rgyas par 'chad par 'gyur ba'i rig ma rnams kyi yang dgod pa dang / gzhug pa mdor bstan pa de lta kho na'o/ /khro bo'i sbyin sreg gis kyang bgegs rnams tshar gcad par bya ba ste/ sbyin sreg gi phyogs la slob ma srung ba'i don du dang por zhi ba'i sbyin sreg kyang bya'o/ /de'i phyir de'i las la sogs pa de kho na'o/ /bsnyems bcas gnyis med bde gnas pa/ /zhes mdor bstan pa'i rgyas par ston pa/ phyag rgya'i rnal 'byor byas nas zhes pa'o/ /'jig rten gsum las rnam rgyal zhes pa 'di'i rgyas par ston pa ni/ /khro bo rnam par rgyal ba zhes pa'o/ /bgegs rnams gzhom pa'i ched du khro bar mdzad pas na khro bo rnams te/ gshin rje mthar byed la sogs pa rnams so/ /de rnams gyis de rnams rnam par rgyal te zil gyis gnon to zhes byas nas so/ /gnod mdzes rgyal po 'di dang rdo rje hU~M mdzad bcom ldan 'das kyi sku mdog dang zhal dang phyag dang phyag mtshan la sogs pa ni rdo rje sems dpa'i mngon par rtogs par rgyas par byas so/ /de rnams kyi ni khro bo rnams kyis so/ /'khor dang bcas pa rnams kyis ni thob pa rnams kyi zhes pa lhag ma ste/ byang chub sems dpa' la sogs pa'i 'khor dang lhan cig pa rnams kyis zhes pa'i don to/ /byin gyis brlab pa'i gnas rnams kyis/ /zhes pa dang po'i gcig gi tshig gi don la gsum pa'o/ /khyed rnams kyis de bzhin gshegs pa la sogs pa rnams la gsol ba btab nas/ de rnams kyis byin rlabs kyis skyabs bskyed par bya'o/ /rang nyid kyis bsrung bar bya'o zhes bskul nas so/ /de ltar bka' bsgo byas pa de rnams snying ga'i zla bar rdo rje'i lte ba la gnas pa'i hU~M yig la nang du gzhug par byas te/ 'jig rten gsum las rnam par rgyal ba de yang ye shes sems dpa'i bdag nyid de bzhin gshegs pa thams cad dang lhan cig khro bo bkug pa bdag nyid la nang du bcug nas zhes 'brel lo/ /de ltar ro gcig tu gyur nas 'chad par 'gyur ba'i rim pas sa'i lha mo bkug ste/ oM b+hU khaM zhes pa'i sngags kyis nam mkha' dang 'dra ba dang / hU~M laM hU~M zhes pas rdo rje'i rang bzhin du sa gzhi bsgoms nas/ oM me di nI badzrI b+ha ba badzra ban+d+ha hU~M zhes mngon par bsngags te/ oM AHhU~M zhes pa yi ge gsum gyis byin gyis brlab po zhes pas sa gzhi yongs su dag par 'gyur ro/ /gang gsungs pa/ sngags pas rdo rje sems bzlas shing / /rdo rje lta stangs kyis blta bya/ /dkyil 'khor gyi ni sa yi cha/ skyon dang ldan pa'ang dag par byed/ /rtog pa la gnas sngags pa yis/ /gang zhig sa ni rnam sbyong ba/ /'di ni dag min gsang dbang po/ /byang chub sems ni rnam spangs pas/ /zhes so/ /de yang 'chad par 'gyur ba'i rim pas 'dus bya'o zhes sa gzhi yongs su sbyang ba/ yi ge gsum gyis byin gyis brlab pa sngon ma can nye bar sdud pa na/ /pad+ma'i skor ba yang de sngon ma can byas nas sa yongs su gzung ba'i don du nye bar 'gro'o zhes gsungs pa/ g.yas pa zhes pa la sogs pa'o/ /rkang pa'i mthil dag tu hU~M las skyes pa'i rdo rje 'bar ba gang gis bkod pa de ni de skad do/ /nga rgyal dang bcas pa yang brtan pa ste/ sangs rgyas thams cad kyi rang bzhin rdo rje 'dzin pa'i ngo bo nyid la/ nang thugs rdo rje'i rang bzhin yin yang / phyi rol du zhal rnam par 'gyur zhing smin ma 'khyog pa la sogs pa rnams kyi sgro btags pa'i khro bo/ de dag gis snying gar gnas pa'i hUM yig las spro bzhin pa shin tu nga rgyal gyi hU~M yig yang yang du brjod cing / 'di yang brjod de/ phyir dengs shig ces pa la sogs pa 'gyes par 'gyur zhes pa'i mthar thug pa'o/ /khro bo zhes pa khro bo'i lha'i sku can gyi snying ga'i sa bon las phyogs rnams su spros pa'o/ /de ltar zhes pas de'i phyir 'di ltar brjod pa'o/ /phyag na rdo rje zhes pa la sogs pas bdag nyid nye bar ston zhing / 'gro ba tshar gcod pa dang rjes su 'dzin pa'i nus pa 'chad par byed do/ /ji skad du/ de kho na nyid bsdus par gsungs pa/ de nas phyag na rdo rjes/ 'jig rten gyi khams rab 'byam sprin rgya mtsho rnams thams cad na/ 'jig rten gsum gyi bdag po dbang phyug chen po la sogs pa ji snyed pa de rnams lcags kyus bkug nas gsungs pa/ de bzhin gshegs pa'i bstan pa la gtsug lag rnams rtogs par gyis shig /bdag gi bka' yang srungs shig /de nas gang 'jig rten gyi khams 'di na lha chen po des smras pa/ bcom ldan 'das dbang phyug bdag la yang bka' ster ba 'di su lags bcom ldan 'das kyis dbang phyug chen po la sogs pa rnams la bka' stsal pa/ gsum la skyabs su 'gro ba dang dam tshig dang sdom pa la gtsug lag rnams sgrubs shig /'di ni gnod sbyin phyag na rdo rje khros pa khro bo gtum po byang chub sems dpa' chen po/ rdo rje 'bar bas khyed rnams dang khams gsum po mtha' dag brlag par byas na mi rung ngo / /de nas dbang phyug chen pos 'jig rten gsum po mtha' dag gi bdag po nyid kyi shes pa la dbang bas phyag na rdo rje la 'jigs pa bstan pa'i don du/ /gtum zhing khro ba chen po nyid/ /'jigs pa'i gzugs 'chang chen po nyid/ /'bar ba spro ba chen po nyid/ /drag po'i gad rgyangs dgod pa chen po nyid tshogs pa rnams dang lhan cig ston cing smras pa/ nga ni 'jig rten gsum po mtha' dag gi bdag po yin na/ khyod nga la bka' sbyin par byed do/ /de nas phyag na rdo rjes/ rdo rje rol pa dang bcas par gsor zhing / rnam par dgod cing gsungs pa/ kho ste rtogs par gyis shig /lus srul po dang mi'i sha nga'i bka' bzhin byed na zo zhig /smras pa/ khyod kyang nga'i bka' skyongs shig /de nas phyag na rdo rjes hUM zhes gsungs pa na 'jig rten gsum gyi bdag po rnams thams cad kha bu btu 'gyel lo/ /lha chen po yang sa la 'gyel zhing shi'o/ /badzra u t+ti Sh+Tha zhes gsungs pa na lha rnams lha'i bde ba rnams nyams su myong bas langs te/ badzra A yuHzhes pa shi ba slar 'tsho ba'i snying pos gsos nas/ phyag na rdo rjes lha chen po zhabs g.yon pas mnan nas/ g.yas pas u ma'i nu ma'i khur 'tshir ro/ /de nas lha chen po phyag na rdo rje'i zhabs kyi mthil reg pa las de bzhin gshegs pa thams cad kyi ting nge 'dzin dang gzungs dang rnam par thar pa'i sgo rnams nyams su myong zhing / lha chen po'i lus dang u ma yang bla ma'i yon du phyag na rdo rje'i zhabs kyi mthil la phul nas/ 'og gi 'jig rten gyi khams grangs med pa rnams 'das te thal bas g.yogs pa'i 'jig rten gyi khams su thal ba'i dbang po zhes bya ba'i de bzhin gshegs par skyes so/ /lha langs pa rnams kyang phyag na rdo rjes rang gi dam tshig la gzhag go zhes so/ /chen po zhes pa chen po rnams kyang ste/ don chen po bsgrub pa'i phyir la/ rdo rje rnams kyang ste/ bdud rnams kyis mi phyed pa nyid kyi phyir ro/ /byed pa rnams ni g.yas brkyang stabs la sogs pa rnams te/ rnams kyi dgod pa ni tshul rnam pa sna tshogs so/ /des yongs su bskor zhes sbrel lo/ /byed pa rnams kyang bdag gis rdo rje phreng bar rnam par spros so/ /rdo rjes mtshan pa'am rdo rje'i rnam par byed pa can gyi rkang pa ni rdo rje'i rkang pa'o/ /gdug pa can thams cad skrag par bya'o zhes pa nye bar bsdus pa'o/ /de nas dkyil 'khor gyi sa gzhi dris byugs par/ me tog la sogs pa rnams dang gar dang glu la sogs pa rnams kyis mchod nas/ lag pas reg cing dkyil 'khor gyi bdag po'i sngags brgya rtsa brgyad dang yi ge brgyad pa lan bdun rnams yongs su bzlas te/ de nyid du mnyam par gzhag pa'i yid kyis nyal nas yongs su gzung bar 'gyur ro/ /de'i rjes su rab dang gur la sogs pa bsgoms nas/ khro bo'i gzugs su bsgoms pa'i seng lding la sogs pa'i phur bu rnams kyis sngar bzhin du bgegs rnams phur bus gdab pa dang brdung ba dag gis nye bar zhi bar byas nas so/ /de nas zhes pa la sogs pa zhes pa po'i bar gnyis mdor bstan pa'o/ /sngags zhes pa la sogs pa rgyas par bstan pa'o/ /sngags kyis tshul nye bar phyin nas bklag par bya ba gang las yin pa de la phyag byas nas des rjes su gnang bas cho ga snga ma yang rjes su bsgrub po/ /sa'i lha mo'i dkyil 'khor gyis gzhi'i dbus su dri'i dkyil 'khor la baM yig las skyes pa bsams nas/ ye shes sems dpa'i gzugs bkug ste de la gzhug go/ /sbyin sreg las zhes pa nye bar mtshon pa ste/ dkyil 'khor gyi las kyang ngo / /des na de'i skabs su dkyil 'khor gyi las zhes brjod par bya ste/ lhag par gnas pa zhes pa la sogs pa'o/ /de ltar ni e hi e hi zhes pas ye shes sems dpa'i ngo bo dgug pa rtogs par byas so/ /su swA d+ha ya zhes pa 'dis shugs kyis nye bar gnas pa'o/ /thams cad kyis lhag par gnas pa'o/ /lha mo de de nyid du thim par bsams nas sa gzhi 'dus bya'o zhes pa gsungs pas gzhi zhes pa la sogs pa'o zhes pa ni rgyu las te/ sa dag par bya'o zhes pa bdud rtsi lnga rnams kyis bsang gtor bya'o/ /'di'i rgyas par bshad pa ni byug ces pa'o/ /yang dag par mchod nas ni me tog gi rnam pa la sogs pas so/ /phyag rgya'i rig ma bzhag ste bdud rtsi gnyis kyi don du'o/ /gdug pa zhes pa la sogs pa rjes su brjod nas lha mos zhu ba'o/ /lugs ma ni gser la sogs pa'i rang bzhin no/ /'dus byas pa ni gsar pa'i las kyis so/ /zhes gsungs so zhes pa ni sdud par byed pa po'i tshig go/ /thun mong zhes pa ni zhi ba la sogs pa rnams la yang ngo / /yan lag ces mdor bstan nas rgyas par ston pa snying gar zhes pa la sogs pa'o/ /khros pa'i las la sngar gyi rjes su 'brang bas rig ma mA ma kI ru bsgom par bya'o zhes kyang rtogs par bya'o zhes pa 'di ltar las kyis dbye ba las so zhes pa 'dis mngon par dgongs so/ 'am ni sdud pa la'o/ /rdul dang khu ba de la byug pa'o/ /'du byed pa ni sa rnams kyi'o/ /de'i phyir nye bar sdud de/ 'di ltar zhes pa'o/ /sbyin sreg gi sa gzhi ni phyi rol te/ phyi rol gyi dkyil 'khor gyis gzhi nye bar mtshon pa'o/ /nang gi sbyin sreg gi sa gzhi ni gsang ba'i pad+ma ste/ der sbyin sreg 'khor bcas ni nye bar gsum par brjod zin to/ /'dir ni las kyi gtum mo'i mer mngon par dgongs so/ /de ni rdo rje dang chu skyes bsrubs pa las byung ba'i me ste/ las byed cing dge ba byed pa'o/ /don dam par dge ba yang thar pa ste/ 'dzin pa'i tshogs tshar gcod pa'o/ /de nyid kyi phyir gtum mo gsum po phan tshun rjes su mthun pa nyid kho na'o/ /de nyid kyi phyir de kho na la mngon par bsams nas byang chub sems zhes pa la sogs pas 'grel pa gsal bar byas so/ /'o na ci dkyil 'khor gyi cho ga la yang bu mo khyad par can ma yin nam zhe na gsungs pa dkyil 'khor zhes pa la sogs pa'o/ /'o na nang gi sbyin sreg gi cho ga la ni rig ma nye bar mkho mod/ /dkyil 'khor gyi cho ga la des ci bya zhe na gsungs pa/ dkyil 'khor zhes pa la sogs pa'o/ /don ni 'di yin te/ lha tshim pa'i ched du sbyin sreg ste/ de rnams kyang dkyil 'khor pa rnams so/ /de'i phyir dkyil 'khor med par sbyin sreg gi cho ga ma yin te/ de nye bar bsten pa'o/ /gang du nang yin pa de la gsang ba ste/ nang gi bdag nyid chos rnams kyi ste byang chub sems rdo rje spro ba'i ngo bo can phung po la sogs pa'i lha rnams kyi dkyil 'khor yang thig gdab par bya ste/ thun mong pa'i bu mo nye bar mkho ba'i cho ga 'dis so/ /thig gdab pa ni nyi shu gsum par/ lus kyi dkyil 'khor nyams dga' ba/ sgo bzhi zhes pa la sogs pas bshad zin to/ /'o na dkyil 'khor 'di las sbyang ba la sogs pa'i cho ga ci ltar gsungs she na gsungs pa/ rnam pa gnyis zhes pa la sogs pa ste/ ji snyed pa ni mtha' dag nyid la'o/ /rang gi ba'i dam tshig ni rgyu dang 'bras bu'i gnas skabs dag rtogs pa'o/ /gnas skabs gnyis ka yang rtog pa ni chos kyi dkyil 'khor blang bar bya'o zhes pa'i don to/ /'di'i rjes su 'brang ba las ni gdul bya'i dbang las thabs kyi yan lag nyid kyis rdul tshon gyi dkyil 'khor te/ de dang rab tu 'brel pa phyi'i sbyin sreg kyang ngo / /de nyid kyi phyir gsungs pa/ de ltar rnal 'byor pa zhes te/ nang gi rnal 'byor dang ldan pa'o/ /gnas ni gsang ba'i gnas lte ba'o/ /thab kyang ste lte ba'i dkyil 'khor du zhes gsungs pa'i phyir ro/ /de nyid gnas te/ de dang mnyam par mos pa ni der gyur pa ste/ phar gyur pa bzhin no/ /ci ltar las thams cad sgrub par byed pa yin zhe na gsungs pa/ ma'i zhes pa la sogs pa'o/ /ni ste gang gi phyir/ me la gang rnams kyi zhal yin pa de rnams ni de skad do/ sbyin sreg de nyid la ni sbyin sreg gi rang bzhin la ste/ de'i don du'o/ /srubs pa ni bsrub shing ngo / /mi dge ba ni sngon spyod la sogs pa'o/ /kha ran ni kha khyer ro/ /de'i phyi rol gyi zur rnams su khro bo'i rdo rje rtse gsum pa ni mngon spyod kyi thab khung du'o/ /zhi ba la 'khor lo'am rdo rje rtse gsum pa rnams so/ /rgyas pa la rin po che rnams so/ /dbang du bya ba la chu skyes dmar pos mtshan pa'i lcags kyu rnams so/ /las thams cad pa la ral gri rnams sam sna tshogs rdo rje rnams so/ /zhi ba'i thab dang 'dra ba khyad par dang bcas pa ni las thams cad pa'i thab tu yang 'dir shes par bya'o/ /gtsug tor ni 'khor lo'o/ /thab khung gi dbus su las dang rjes su mthun pa'i mtshan ma re re ste/ las rnams thams cad la mtshan ma bzhi'i nang du byas pa'i las dang rjes su mthun pa'i gtso bo'i mtshan ma'o/ /sbyin sreg cas pa/ sbyin sreg gi rang bzhin gyi cho ga shes pa'o/ /ji ltar rigs par shes pa las dang rjes su mthun pa'i phyogs su'o/ /dgang gzar yang mar gyis bkang zhing / de ltar gyur pa de dag gis/ /dgang gzar gyi khar blugs gzar gyi kha bzhag nas dgang blugs so/ /sbyin sreg yo byad ni bsreg bya'i bud shing la sogs pa'o/ /chu ni las thams cad pa'o/ /drag po'i las ni g.yas pa ro/ /las thams cad pa ni bdud rtsi 'khyil pa'i sngags te/ des bzlas pa'i chu'o/ /des bsang gtor te/ sbyin sreg bya ba la sogs pa dang lha la yang gtor ma dang zhal bsil lo/ /ku sha'i rtse mo rnams kyis kun du phyogs rnams su phyi ma dang nang g.yogs nas thab khung dgab par bya'o/ /de nas cho ga bzhin zhes pa lha'i bdag nyid kyis rang gi lha'i sa bon gyis thab khung bskyed de/ me 'bar bar rig nas/ de'i dbus su bdag med par dmigs la/ raM las byung ba'i me'i dkyil 'khor gru gsum par/ pad+ma dang nyi ma la gnas pa raM yig las byung ba'am yud kyis rdzogs pa'i me'i lha bsgoms te/ dam tshig sems dpa'i snying ga'i sa bon gyi 'od zer gyi lcags kyus nam mkhar ye shes sems dpa' me lha me'i phyogs nas byon pa/ drang srong gi tshogs kyis yongs su bskor ba bltas nas/ 'bod pa'i tshul gyis g.yas pa mi 'jigs pa'i lag pa'i mthe bong bskyod cing dgug par bya ste/ oM e hi zhes pa la sogs pas so/ /ha bya ma ni gang lha rnams la sbyin par bya ba ste ka bya ma ni gang lha rnams la'o/ /phar gyur pa yang me lha ste/ sgrub pa po'i sgrub pa'i mngon par 'dod pa'i gnas skabs bskyed pa'i phyir ro/ /bsang gtor bya ste/ ku sha'i rtse mos bzung ba ni las thams cad pa'i chu yis so/ / spyan gsum pa ni zhal so so la'o/ /sbom zhing thung ba nag po dang ser po dang dkar po dang g.yas dang nub dang byang gi zhal can no/ /gzhug par bya ba ni dam tshig sems dpa' la ro gcig tu gyur pas so/ /sreg blugs ni dgang blugs so/ /de'i rjes su thams cad de til dang 'bras la sogs pa rnams rang nyid ji lta ba'i sngags kyis sbyin sreg kho na ni thams cad kyi sbyin sreg ste/ de byas nas so/ /yongs su bsgyur ro ni me lha'o/ /sbyor ba'i rim pa ni dam tshig sems dpa' la ye shes sems dpa' gzhug pa dang / dgang blugs la sogs pa'o/ /lha rnams ni zhi ba la sogs pa'i las dang rjes su mthun pa las rnam par snang mdzad la sogs pa'o/ /'dod pa'i dngos grub ces pa mngon par bsams pa'i dngos grub po/ /de nas bgegs med pa dang bgegs dang bcas pa'i me mtshan ma rnams kyis mtshon par bya'o zhes gsungs pa/ gdugs zhes pa la sogs pa ste/ gdugs la sogs pa'i rol pas 'bar ba rnams ni rab tu bsngags so/ /rtse mo gsum pa ni tha ma'o/ /g.yas skor du 'bar ba ni mchog tu mtshon pa'o/ /me lce mang ba zhes pa la sogs pas bgegs mtshon par byed pa'o/ /brtson pa zhes pa drug pa'i don la'o/ / oM yig swA hA mtha' zhes pa ni rang gi sngags kyi yi ge'i mthar/ zhi ba la shAn+tiM ku ru swA hA dang / rgyas pa la rgyas par gyis shig oM/ dbang du bya ba la pa shaM ku ru hoHdgug pa la dgug par gyis shig dzaHzhes spel nas glu dbyangs kyis yi ge bar ma chad par sngags bzlas so/ /drag po la ni mA ra ya hUM yang na phaT ces spel nas brjod pa dang yi ge bar ma chad par sngags bzlas so/ /zhi ba la sogs pa'i las kyi sngags la sogs pa 'di byin gyis rlob pa po'i lha rnam par snang mdzad la sogs pa rnams te/ de rnams ji ltar rigs par bya ba rnam pa sna tshogs pa rnams kyis mchod par bya'o/ / de nas de rnams mngon par 'dod pa'i dngos grub kyi ched du ji ltar rigs par skul ba'i tshig gis bskul bar bya'o/ /ci zhe na gsungs pa/ thams cad ces pa la sogs pa ste/ las de thams cad sreg blugs la sogs pa gzhan rnams kyis dang de las skyes pa'i dge ba rnams kyis yongs su rgyas pa'i bsam pa'o/ /cho ga 'di thams cad kyang sbyin sreg gi de kho na nyid kyis khyad par can bsgrub par bya'o/ /sbyin sreg 'khor dang bcas pa'i de kho na nyid ni stong pa nyid dang ro gcig pa de nyid de/ de'i phyir sbyin sreg mkhan po dang bsreg bya dang sbyin sreg sbyin pa'i lha la sogs pa rnams sgyu ma nyid du mos pa kho nas ji skad bshad pa'i cho ga ni yang dag par mngon par 'dod pa phun sum tshogs pa'i rgyu'o/ /bshad ces pa la sogs pa ni drag po'i las la'o/ /zhi ba la sogs pa'i sbyin sreg thams cad kyis zhes pa la sogs pa ni nye bar bsdu ba'o/ /de las mngon par 'dod pa sgrub par byed do zhes pa ni nye bar bsdu ba'i lhag ma'o/ /zhi ba la sogs pa 'di rnams la ji skad bshad pa las gzhan pa'i las so so ni khyad par dang bcas pa bdag gis 'od kyi snye mar gsal bar bya'o zhes pas 'dir ma spros so/ /bshad pa'i sa sbyang ba la sogs pa rnams kyi khyad par dang de rnams kyis gsal bar byas pa thig gdab pa la sogs pa'i cho ga dang / rab gnas kyi cho ga ni dkyil 'khor gyi cho ga rdo rje'i phreng bar rgyas par byas so/ /'dir ni rab tu gnas pa'i cho ga gtso bo'o/ /de sngon ma can las rab 'byam sgrub pa'i don du gsungs pa/ de nas zhes pa la sogs pa'o/ /rnam par snang mdzad rdo rje chen po ni rdo rje 'dzin pa'o/ /ye shes kyi 'khor lo ni ye shes sems dpa'i dkyil 'khor te/ de'i sgrub byed ni dam tshig sems dpa' dang lhan cig ro gcig par byed pa rdo rje ste mi phyed pa gang du yin pa de ni de skad do/ /rnam par snang mdzad la sogs pa thams cad kyi dkyil 'khor rab tu sgrub byed kyi ched du sbyor ba ni bsgrub pa ste/ des zhi ba la sogs pa'i las rnams rab 'byam gsal bar 'gyur ba'o/ /gang su zhig ste rnam par snang mdzad la sogs pa dkyil 'khor gyi gtso bor gzhag pa de'i dkyil 'khor te/ rnam par snang mdzad 'byung ba rdo rje zhes pa la sogs par brjod par bya ste/ rnam par snang mdzad la sogs pa 'dir gtso bor mngon par 'byung ngo zhes pa dang de bzhin du rdo rje ste mi tshugs pa nyid kyi phyir ro zhes byas nas so/ /gang gi tshe de bzhin gshegs pa rnams las gzhan pa'i dkyil 'khor pa dbus su 'khor lo'i dbang por 'gyur ba de'i tshe de'i bdag po'i gnas su dbus kyi de bzhin gshegs pa ste/ de'i bdag po ni de'i spyi bor ro/ /rdo rje sems dpa' kho na lhag pa'i bdag por gzhag mod/ gzhan rnams kyis ci bya zhe na gsungs pa/ zhi ba zhes pa la sogs pa'o/ 'khor lo can dang ye shes dag ste/ dam tshig dang ye shes sems dpa' dag rnam par bsgoms pa rnams kho na mngon par 'dod pa'i dngos grub kyi ched du rnam par snang mdzad la sogs pa ni/ 'di rnams kyi bdag po nyid du nges par sbyor ro zhes pa nges par sbyor ba rnams te/ de rnams kyi zhi ba la sogs pa'i las rnams byed do zhes pa ni bdag po gzhan nyid kyi dgod pa'o/ /dbang po mchog gi sems can la ni rdo rje sems dpa' bdag po nyid kho nas zhi ba la sogs pa'i las rab 'byam mtha' dag 'grub bo/ /de nyid kyi phyir de las cig shos dang / de la dgongs nas mngon par brjod pa'i rgyud bla mar/ sangs rgyas byang chub sems dpa' dang / /khro bo dang ni rigs kyi yum/ /'od zer can dang tsung+gA dang / /shes rab pha rol phyin sogs rnams/ /ji ltar 'dod par bsgom pa yis/ /dbus kyis gtso bor brtags pa ste/ /dngos po gang dang gang gis ni/ /mi rnams yid ni yang dag sbyor/ /de yis de yi rang bzhin 'gyur/ /sna tshogs gzugs can nor bu bzhin/ /yang na rdo rje sems dpa' ni/ sna tshogs gzugs can 'gro ba'i gzhi/ /kun mkhyen thams cad byed pa kun/ /kun la khyab pa bde ba che/ /zhes phyogs gnyis gsungs so/ /de la dbang du bya ba la sogs pa'i las rnams la phal cher mthu phul du byung ba gsal bar byas pa nyid kyis na sgrol ma bdag po nyid du sgom pa gsungs pa/ bsgom par bya zhes pa la sogs pa ste/ b+ha ga'i dbus su ni chos 'byung gi dbus su gnas pa'i khang pa brtsegs par ro/ /do shal la sogs pa ni mi'i rus pa las byung ba'o/ /sna tshogs rgyan rnams ni mgo bo rlon pa'i phreng ba la sogs pa rnams so/ /skabs gsum bdag po ni dbang po ste des so/ /de rnams kyis skrag pa'i phyir ro/ /kun nas skug pa'i tshangs pa la sogs pa rnams kyis kyang / gang la thal mo sbyar bar byas pa de ni de skad do/ /'dis ni thal mo sbyar bar byas pa'i bdud bzhi mnan pa nyid gsungs so/ /gang las mchog ste khyad par du 'phags pa ci yang med pa de ni mchog med do/ /rnam par gtsigs pa ni sgeg pa can nyid kyi phyir ro/ /cher gtsigs pa ni gdug pa can skrag par byed pa lhur len pa nyid kyi phyir ro/ /de nyid kyi phyir 'jigs su rung ba'o/ /steng gi zhal zhes pa dang po'i zhal gyi steng du gnyis pa bong bu'i rnam pa nyid na yang yid du 'ong ba'i gzugs can no/ /rtse gsum ni g.yas logs su'o/ /sgrol ma 'di'i ming du bya ba he ru ka'i zhes pa'o/ /bcom ldan 'das ma 'di ni he ru ka phyag bcu drug pa'i gnas su bdag po nyid du bsgom par bya zhing / dkyil 'khor pa'i lha'i khyad par bsgom pa yang de lta kho na'o/ /'di ni rgyud 'dir pra se na'i sgrol ma zhes gsungs so/ /gzhan yang 'di gcig pu yang bsgom par bya ba/ de'i tshe rang gi snying gar pad+ma dang zla ba la gnas pa'i tAM yig sa bon gyi 'od zer gyis bkug pa mdun du yang dag par mchod de/ ji srid btang snyoms kyi bar du bsgoms nas/ oM shU n+ya tA dz+nyA na badzra swa b+hA wa A t+ma kou0f85haM/ zhes pas stong pa nyid kyi rjes thogs su/ chos 'byung gi nang sna tshogs chu skyes dang zla ba la tAM las skyes pa'i ut+pal dang bcas pa'i tAM yongs su gyur pa las bdud bzhi zhabs kyis mnan pa bsams te/ g.yon pas dbang po mnan zhing / g.yas pas nye dbang dang zhabs gnyis kyi dbus su drag po dang tshangs pa dag go/ /snying ga'i sa bon gyi 'od zer gyis bkug pa'i ye shes kyi lha mo bcug pa las ro gcig tu gyur pa mchog gi thugs rje dang shes rab kyi rang bzhin du shin tu yun ring bar brtag par bya'o/ /de'i rjes su dang ba'i sgrol ma'i sngags bzlas te mngon par 'dod par byed do/ /'di lta bu'i rnam pa'i rim pa ni phyi ma la yang rtogs par bya'o/ /sa bon la sogs pa'i dbye ba ni 'chad par 'gyur ro/ /du ba ni cung zad dmar ba'i nag po'o/ /'jam pa'i gzugs can ni 'jam pa'i dpal shin tu ser ba cung zad khros pa/ phyag zung gis rdo rje dang rdo rje dril bu 'dzin pa/ zhal gcig pa'o/ /nyi ma'i dkyil 'khor las zhes pa de'i steng gi hU~M yig las so/ /rdo rje ni shes rab nyid kyi phyir te/ 'jigs byed ni thabs nyid kyi phyir ro/ /shin tu yang drag cing 'jigs par byed pa nyid ni thugs rje kho nas so/ /de gsungs pa/ nyi ma'i 'od kyis gdungs pa'i mtsho chen dang / /mnyam pa'i sku can thugs rje'i bdag nyid gang / /nang du ba mo lta bur bsil yin kyang / /phyi rol kho na 'gro bar rtsub par 'gyur/ /zhes so/ /de'i phyir stong pa nyid dang snying rje dbyer med pa'i byang chub kyi sems ni rdo rje 'jigs byed do/ /ma he'i gzugs can zhes pa rtsa ba'i zhal la ste/ sbrul gyi mchod phyir thogs pa can/ /tshangs pa dang dbang po dang nye dbang dang drag po dang nyi ma dang gzhon nu la sogs pa kha sbub tu zhabs 'og tu lhung ba rnams 'jigs par mdzad pa'o/ /rwa g.yas par te/ de'i g.yas logs su'o/ /g.yon du ste rwa g.yon pa'i g.yon logs su'o/ /b+hi n+dI pA la ni mdung thung gi rnam pa can rtse mo la chags pa'i rma bya'i sgro mdongs can no/ /ka Na ya ni mdung phyed pa'o/ /phub kyi gnas su phub chung zhes pa kha cig tu 'don to/ /rkang pa ni mi'i'o/ /lag pa yang mi'i'o/ /kham phor ni btung ba'i snod kyi thod pa'o/ /ne tso'i gnas su seng ge zhes kha cig tu 'don to/ /khra ni bong khra'o/ /man+t+rI ni khyim bya'o/ /bya chen po ni mgo dang mchu dkar ba'i 'ol ba'o/ /zhabs g.yas pa brgyad kyi 'og tu mi la sogs pa brgyad rnams so/ /g.yon pa'i zhabs brgyad kyi 'og rnams su bya rgod la sogs pa brgyad rnams so/ /'dir dang por dur khrod la sogs par dam tshig bsten pa la sogs pa sngon du 'gro bar rang gi snying gar pad+ma dang zla ba la d+hIHyig gi 'od kyis bkug pa'i dpal rdo rje 'jigs byed yang dag par mchod de/ stong pa nyid ji srid pa bsgoms nas/ yud kyis chos 'byung du yaM las skyes pa'i rlung la aM las skyes pa'i zla bar d+hIHyig las skyes pa'i 'jam pa'i dpal gyi gzugs can gyi bdag nyid rgyu rdo rje 'dzin pa'i thugs kar AHyig las skyes pa'i nyi ma la gnas pa'i hU~M las skyes pa'i rdo rje la gnas pa'i hU~M yig gi 'od rnams kyis bkug pa'i dpal rdo rje 'jigs byed yang dag par mchod nas bdag nyid la bcug cing / de yongs su gyur pa las bdag nyid chos 'byung du chu skyes dang rlung dang nyi ma'i dkyil 'khor la mi la sogs pa rnams dang tshangs pa la sogs pa rnams zhabs rnams kyis mnan pa'i 'bras bu rdo rje 'dzin pa'i rang bzhin dpal rdo rje 'jigs byed bsgom par bya'o/ /de'i rjes su oM hrIHSh+T-IHwi kr-i tA na na hU~M hU~M phaT phaT swA hA zhes pas 'chad par 'gyur ba dang / oM hrIHSh+T-I wi kr-i tA na na hU~M phaT ces pa'i yi ge bcu pa dang / oM ya mAn+ta ka hU~M phaT ces pa yi ge bdun pa dang / oM ya ma rA dzA sa do me ya/ ya me do ru Na yo da ya/ ya da yo ni ra ya k+She ya/ yak+She yats+tsha ni rA ma ya phaT ces pa phreng ba'i sngags bzlas so/ /drag po'i las thams cad ces pa thob par byed pa nyid kyis nye bar mtshon pa ste/ 'jig rten pa dang 'jig rten las 'das pa thams cad 'grub pa'i phyir ro/ /stong pa nyid kyi rjes thogs su yud kyis skyed par byed pa'i shing rta'i dbus su paM las skyes pa'i pad+ma la aM las skyes pa'i zla bar mAM yongs su gyur pa 'od zer can g.yas brkyang gi zla bo'i stabs kyis bzhugs pa/ gdug pa can rnams kyi kha dang mig dag 'tshem pa/ zhal g.yas pa sngo ba/ g.yon pa dkar ba'o/ /'di'i sngags 'chad par 'gyur ba gnyis po mngon par 'dod pa'i tshig spel ba bzlas so/ /nam mkha'i khams ni stong pa nyid do/ /chu skyes dkar por nyi ma la paM ser po las skyes pa'i rdo rje dang paM yongs su gyur pa/ shing lo dang sgro'i sham thabs can/ sbom pa zhal g.yas pa sngo ba/ g.yon dmar ba 'og tu bgegs rnams bsgyel nas g.yas brkyang zla bo'i stabs kyis bzhugs pa/ mi bskyod pas rgyas btab pa/ snying gar g.yon pa'i khu tshur sdigs mdzub kyi 'og tu bgegs kyi tshogs rnams bsdigs te/ g.yas pa rdo rje khu tshur brdeg pa'i tshul can no zhes pa ri khrod lo ma can gcig go/ /gang gi tshe 'di kha dog dkar bzla ba'i gzugs can bdud rtsi'i char 'bebs pa bsgom par bya ba de'i tshe gnyis pa'o/ / ri khrod ma gnyis po 'di'i sngags 'chad par 'gyur ro/ /khro mo'i gzugs ni dam tshig sems dpa'i ngo bo'o/ /khro bo'i rgyal po ni ye shes sems dpa'o/ /rdo rje dang rdo rje dril bu dang ldan pa'i phyag dag gis rang 'dra'i shes rab ma la 'khyud pa'o/ /phyag g.yas pa gnyis pa na rtse gsum pa 'phyar ba/ g.yon par thod pa/ rtsa ba'i zhal dkar ba/ byang dmar ba/ nub ser ba/ g.yas nag po'o/ /yi dags chen po ni 'dir 'jigs byed do/ /de skad du ni de kho na nyid 'dus bar/ ka Ta pu ta na zhes pa la sogs pa'i bod pa'o/ /nye bar mtshon pa las gau rI yang ste/ sna tshogs chu skyes dang zla ba'i steng du'o/ /kha dog dmar po mnyam pa'i 'od ni nyi ma'i 'od dang dkyil 'khor can no/ /sangs rgyas rnams kyis mdzes pa ni dbu la'o/ /rta'i gzugs nag po/ /phyag g.yas pa na lcags kyu dang ral gri dag /g.yon pa dag na zhags pa dang bcas pa'i sdigs mdzub dang dril bu dag go/ /zhal g.yas pa dkar ba/ g.yon ser ba/ steng ma rta'i zhal ljang gu'o/ /phag gdong ma ser mo/ g.yas dag na sdigs mdzub dang bcas pa'i zhags pa dang rdo rje dag /g.yon pa dag na 'khor lo dang dril bu dag go/ /zhal g.yas pa nag po/ g.yon pa dkar ba/ steng ma phag zhal dmar po'o/ /khyi gdong ma dmar po/ /zhal g.yas pa nag po/ g.yon pa dkar po/ steng ma khyi'i gdong ser mo/ g.yas pa dag na lcags sgrog dang rdo rje dag /g.yon dag na 'khor lo dang lcags kyu dag go/ /seng ge ma ljang gu zhal g.yas nag po/ g.yon pa dkar ba/ steng ma cung zad nag po rjes su 'brel ba'i dmar ba/ g.yas pa dag na dril bu dang rdo rje dag /g.yon pa dag na lcags kyu dang zhags pa dag go/ /bzhi po 'di rnams dbu skra 'bar ba gyen du brdzes pa/ g.yas brkyang zla bo'i stabs kyis ro la gnas pa/ spyan gsum pa/ khro bo'i sgeg pa can/ bzhad pa'i zhal can no/ /'di skad gsungs te gzhal yas khang gi nang du pad+ma'i lte ba'i nyi ma la/ bcom ldan 'das shes rab dang bcas pa ste/ shar dang lho dang nub dang byang gi 'dab ma rnams la rim pa ji lta bar rta gzugs la sogs pa rnams so/ /mtshams kyi 'dab ma rnams su bdud rtsi lngas gang ba'i chu skyes kyi snod rnams so/ /de ltar lha drug gi snying po can sgo skyong ma dang bral ba ni dkyil 'khor 'di'o/ /'di'i sgom pa'i rim pa ni rig pa'i rgyal po'i ji lta ba bzhin te/ khyad par ni 'dir bshad pa'o/ /gzhan yang 'di'i rjes su 'brang bas rtogs par bya'o/ /gzhung rgya che ba'i 'jigs pas 'dir ma smras so/ /bcom ldan 'das rdo rje sems dpa' de'i sems can gyi mos pa sna tshogs pa las sku mdog dang zhal dang phyag dang phyag mtshan dang dbyibs la sogs pa rnams dang dkyil 'khor ba'i lha rnams dang de rnams kyi dgong pa la sogs pa ma nges pa rnams so/ /de nyid kyi phyir de nye bar mtshon pa/ ji srid phyag ni 'bum gyi bar/ /zhes gsungs so/ /yi ge dang yi ge rnams kyi phan tshun 'od zer rnams kyis sbyor ba gang du yin pa de ji ltar 'gyur ba de ltar brgyan pa'o/ /rang nyid rdo rje khro bo'i gzugs can gyis bsgrub bya yang rdo rje khro bo'i gzugs thod pa la gnas par bsgoms nas/ de'i rkang pa dag gi 'og tu yaM yig las skyes pa rlung gi dkyil 'khor sngon po g.yo ba'i ba dan gyis mtshan pa gzhu'i dbyibs can la yang ngo / /gsang ba'i chu skyes su raM dmar po yongs su gyur pa me'i dkyil 'khor gru gsum pa la raM mo/ /snying gar laM las skyes pa'i dbang chen gyi dkyil 'khor ser po rdo rje phyed pas mtshan pa zur bzhi pa la laM mo/ /mgo bo'i chu skyes la baM yig las skyes pa chu'i dkyil 'khor dkar po zlum po bum pas mtshan pa la baM zhes pa rnam par bsams te/ rlung gis sbar ba'i me'i 'od zer rnams kyis sa'i dkyil 'khor dang chu'ang sa bon dang bcas pa zhu ba na/ zhu ba'i khu bas a wa d+hU tI'i lam nas gsang ba'i pad+mar gang ngo zhes yang yang bsgoms pas 'ju'o zhes pa cho ga'o/ /raM zhes pa la sogs pa ste/ stong pa nyid kyi rjes thogs su pad+ma dang nyi ma la raM las skyes pa'i snying gar de bzhin du raM dang ldan pa/ thod pa dang mgo bo'i phreng ba la sogs pa'i rgyan can/ g.yas dag gis rdo rje dang ral gri/ g.yon dag gis kha T+wAM ga dang thod pa can/ rtsa ba'i zhal dmar ba/ g.yas pa dang cig shos dag nag po dang dkar ba/ steng ce spyang gi zhal ser zhing dmar ba'o/ /sna'i rtse mor hU~M las skyes pa'i sna tshogs rdo rje phra mo'i steng du hU~M ste/ de las 'phros pa'i sna tshogs rdo rje phra mo rnams kyis phug pa'i yan lag gi tshigs rnams su bsgrub bya'i khrag gis gtams pa'i khrag gi rgyun ce spyang gi zhal gyis 'thung ba dang / rdo rje mkha' 'gro ma spros pa rnams kyis kyang sngags zlos pa sngon ma can khrag 'jib par bsgom mo/ /de kho na nyid mtha' dag gis snga ma bzhin du bskyed pa'o/ /gzugs dang kha dog dang zhal rnams kyis 'jigs pa la sogs pa rnams so/ /rtsa ba'i ma he'i gdong ste/ rwa las g.yas pa dmar ba/ rwa las g.yon pa dkar ba'o/ /steng gi khyi'i gdong cung zad ser ba'i dmar po/ /khros pa rnam par bsdams pa spro ba bya ste/ snying ga'i hU~M yig las so/ /hU~M gi 'od zer rnams kyis dang rdo rje khro bo rnams kyis bsgrub bya'i lus la gnas pa'i lha bkug nas/ 'di la srung ba byed ces bka' bsgo'o zhes pa cho ga'o/ /rdo rje khro bo de rnams kyis 'dren par bdag nyid bsgom mo zhes pha rol dang 'brel lo/ /gsod byed rnams zhes pa ni gsod par byed par ro/ /dral bar byed pa ni rdo rje khro bo gzhan rnams kyis so/ /bsgrub bya rgyu ma nar ba las slong ba nyid do/ /oM badzra rA k+Sha sa che ge b+ha k+Sha ya phaT ces klog cing khyi'i zhal gyis bza'o/ /oM hrIHzhes pa la sogs pa'i yi ge bco lnga pa ni ma he'i zhal can gyi gshin rje'i gshed kyi bzlas bya'i sngags so/ /bskrad pa'i ched du gsungs pa/ rlung zhes pa la sogs pa ste/ rdo rje mche ba can ni rnga mo'o/ /zhon pa ni bsgrub bya'o/ /de'i ni bsgrub bya'i'o/ /rdo rje khro bo de rnams kyis rnga mo'i rkang pa rnams su sbed du gzhug ste/ shing los bcings pa'i rdul rang nyid gzhag pa de rnams kyis sbed par 'gyur ro zhes pa'i don to/ /de ltar gsungs pa'i cho ga las so/ / chos ma yin pa la zhugs pa'i mdza' bo gnyis chos ma yin pa las bzlog pa'i ched du bye zhing sdang ba'i ched du gsungs pa/ bram ze zhes pa la sogs pa ste dge sbyong ni shAkya'i dge slong ngo / /'ug pa'i gshog pa la bsgrub bya'i ming spel nas/ oM hrIHzhes pa la sogs pa'i sngags bris te/ des dkris pa'i 'khrul 'khor gnyis so sor bsgrub bya gnyis kyi gnas su sa brkos pa las dbugs bkag pas gzhug go/ /'thab bzhin pa ni 'thab par byed pa'i bdag nyid can gyis bsgrub bya dag go/ /stong pa nyid kyi rjes thogs su sna tshogs pad+ma dang nyi ma la tsI'i sa bon las skyes pa'i rta mgrin ljang gu cung zad ser ba/ rin po che sna tshogs pa'i cod pan can 'od dpag tu med pas rgyas btab pa/ mdog ljang gu'i rta'i zhal can phyag bzhi pa ste/ logs so sor mthe chung mthe bos mnan nas sor mo bar ma gsum brkyang ba las ba dan gsum pa'i tshul lo/ /langs pa'i tshul gyis g.yon pa gcig gis seng ge dang 'phrog byed dag dang / gnyis pas tshangs pa dang 'dod pa'i lha dag dang / g.yas pas dpal mo dang 'jigs ma'i lha mo dang / gnyis pas zhi ba'i lha mo dang dga' ba mo mnan te/ g.yas brkyang stabs dang g.yon brkyang stabs kyis zhabs bzhi pa'o/ /'di'i sngags ni oM ha ya grI wa rtsI swA hA/ zhes pa'am/ oM ha ya grI wa hrIH hrIH a haM a haM AM AM hU~M hU~M swA hA zhes pa'o/ /cho gas zhes pa 'dis ye shes sems dpa' gzhug pa la sogs pa mtshon to/ /tsI'i sa bon gyi 'od rdo rje rtse gcig pa'i sbub kyi rnam pa rnams kyis rta'i zhal nas nges par byung ste/ chang 'tshong ma la sogs pa'i khyim na gnas pa'i chang dgug go/ /rtsI zhes brjod cing zhes kyang shes par bya'o/ /sbyor ba gzhan gsungs pa/ bsgrub bya'i zhes pa la sogs pa'o/ /kun du ste phyogs rnams so/ /yongs su sa bon zhes pa ya yig gis te/ yongs su gyur pa dang ldan pa rnams kyang ngo / /'jig pa ni 'jig pa na'o/ /'di gsungs te/ rta mgrin gyi rnal 'byor dang ldan pa'am/ rgyud gzhan du gsungs pa las 'chad par 'gyur ba'i 'phags pa mi g.yo ba'i rnal 'byor gyis/ gla rtsi la sogs pa'i dri nag pos gru bzhi pa'i dbus su so sor ya yig gi dbus su gnas pa'i thig le bdun po rnams yaM las skyes shing byin gyis brlabs pa'i rlung gi dkyil 'khor bdun gyi ngo bo rnams dang / de las skyes shing de la gnas pa ri dgas la zhon pa'i rlung lha nag po 'khor drug can gyi gtso bo gcig pa rnams snying gnas phyung ba'i khro bos zhags pas bkug pa'i ye shes sems dpa' dang gcig pa'i ngo bo rnams bcings par bsams te/ badzra hU~M baM d+ha zhes klog cing dbugs nang du bcug pas/ kham phor kha sbub pa/ hU~M suM hU~M las skyes pa'i ri rab rtse brgyad pa'i ngo bos bkab nas/ de'i steng du laM las skyes shing rdo rjes mtshan pa gru bzhi pa ser po sa'i dkyil 'khor sna tshogs rdo rje chen pos mnan pa bsgoms la/ dbugs bsdams pas thams cad g.yas brkyang stabs kyi rkang pa g.yon pas nyed cing mdun du ral gri dang zhags pa'i lag pas/ rlung lha la bsdigs shing sngags bzlas pas rab gnas la sogs pa la rlung chen po nye bar zhi'o/ /klu'i sa bon ni naM'o/ /gzir ba ni gzir byed pa'o/ /hU~M yig ni dang por dang tha mar gnas pa'o/ /'dab mar gnas pa'i klu brgyad rnams mjug ma rnams la dang chu lha lte bar gzir cing / 'chad par 'gyur ba'i rim par bzlas pas char pa 'bebs so/ /nyi ma dmar po'i mdog legs par phyogs bcu rnams su 'phro ba'i 'od gang yin pa'i rta mgrin de nam mkha'i mtshan can khros par bdag nyid bsgoms nas hUM las skyes shing byin gyis brlabs pa'i 'bar ba'i lces/ chu 'khyil ba la sogs pa'i sprin chen po bdun rnams dbugs kyis bkug pa zos nas phyir 'byung ba'i dbugs kyis gtor bar bya'o/ /gal te hU~M gis bsdigs pa la brtson pas nang gi rdo rje khro bo'i lus thams cad kyi tshogs rnams snying ga'i sa bon las spros nas mtshon cha sna tshogs rnams kyis dral ba la sogs pa byed na shin tu char ches pa zlog par byed do/ /gnas ni lus so/ /ji skad bshad pa'i sku mdog la sogs pa can rnam par snang mdzad du bdag nyid bsams te/ dpral ba las spros pa raM las skyes pa'i me la gnas pa gtum po khros pa chen po ji skad bshad pa'i zhal la sogs pa can khro bo grangs med pas yongs su bskor bas bgegs rnams 'joms par byed do/ /yang na mi'i khrag dang sa dag las mi'i gzugs brnyan byas pa la bsgrub bya'i bgegs rnams dang ro mnyam par byas nas de la snga ma bzhin du bsgoms pa'i khro bo'i gzugs can mi'i rus pa'i phur pas/ che ge'i big+h+nAM kI la ya zhes spel nas phur pa'i sngags kyis phur pas btab ste/ brdung ba'i sngags kyis brdungs shing mig dga' chad par 'gyur ba'i 'od zer can gyi sngags kyis lan nyi shur mngon par bsngags te/ khro bo gnod mdzes kyis/ /oM suM b+ha zhes pa bka'i sngags kyis brdung bzhin pa myur bas tshogs bdag gi zhal du bcug pa nyams par bsgom mo/ /mkha' lding ni bya khyung ngo / /gdong brgya ba ste/ kha cig gdong stong can no/ /char ba bsgrubs nas slar yang bsgrub ste/ sprin gyi tshogs rnams bsgrubs nas de rnams kyis so/ /mche ba'i dug can rnams kyi ste klu rnams kyi me ni dug gis 'bar ba'i me'o/ /'tsham pa med pa'i me zhes kha cig tu klog go/ /'dir 'di ni man ngag ste/ stong pa nyid kyi rjes thogs su yud kyis pad+ma rang gi phyogs kyi klu'i kha dog can gyi 'dab ma brgyad pa bsams te/ de'i lte ba la nyi mar hU~M las skyes pa'i rdo rje bya khyung zhes bya ba rje btsun mdog nag po/ /mche ba gtsigs pa 'jigs su rung ba gdong bzhi pa phyag brgyad pa khros pa lo bcu drug pa'i rnam pa can bsgom mo/ /de'i dang po sngon po g.yas pa du ba'i mdog /g.yon pa ljang gu/ steng mkha' lding gi gdong pa dmar po/ nyi ma bcu gnyis lta bur drag po'i 'od can/ zhal so so la spyan gsum pa/ gshog pa gnyis dang ldan pa/ phyag g.yas pas rdo rje gsor ba la brtson pa/ g.yon pas zhags pa dang sdigs mdzub bzung ba/ g.yon dang g.yas gzhan pa dag gis dbang po'i pags pa'i gos 'dzin pa/ de bzhin du rim pa ji lta bar thod pa dang kha TAM ga gzung ba/ de ltar lcags kyu dang cad te'u 'dzin pa/ ral pa'i cod pan can/ sna tshogs rdo rje dang zla ba phyed pas mdzes pa'i dbu rgyan can/ phyag rgya drug dang ldan pa/ mgo bo'i phreng ba can/ stag gi pags pa'i sham thabs can/ mche ba rnams kyis ma mchu 'tshir ba/ g.yas brkyang stabs kyi zhabs kyis chu lha dkar po dang klu gzhan gyi mjug ma mnan pa bsgoms nas/ shar dang byang dang nub dang lho'i 'dab ma rnams la rim pa ji lta bar mtha' yas dang / nor rgyas dang 'jog po dang pad+ma rnams dkar po dang sngon po dang dmar po dang ljang gu rnams dang / dbang ldan dang me lha dang bden bral dang rlung gi zur rnams su pad+ma chen po dang dung skyong dang stobs kyi rgyu dang ma dros pa rnams ser po dang dud ka dang ljang gu dang / ser po rnams bsgom mo/ /klu 'di rnams thams cad gdengs ka dmar po gsum bsgreng ba/ thal mo sbyar bar byas pa/ bcom ldan 'das la blta bzhin pa/ bka' nod cing 'jigs par gyur pa rnams bsgom par bya'o/ /de la chu ba dag la sogs pa dgu po rnams kyi snying gar so sor/ hU~M naM hU~M zhes bsgoms te/ sngags pa kha shar du bltas pas/ rdo rje bya khyung gi thang sku'i mdun du/ oM badzra nA rA ya Na zhes pa la sogs pa'i sngags 'bum phrag gcig bzlas so/ /de nas sngags 'di grub par 'gyur ro/ /grub par gyur pa na khro bo sgom pa dang ldan pa mi smra bar tshangs par spyod pa 'o ma dang 'bras shA la'i bza' ba can gyis/ klu rnams la 'o ma'i khrus dang 'o ma'i zas ster zhing thun so sor 'o ma can gyi shing bud shing dang 'o ma dag gis sbyin sreg byed cing / chu lha dang klu rnams kyi sngags so sor khri bzlas so/ /oM aM a na n+tA ya hU~M naM hU~M wa R+Sha ya swA hA/ oM bAM bA su ka ye hU~M naM hU~M ba R+Sha ya swA hA/ oM taM ta k+Sha ka ya hU~M naM hU~M wa R+Sha ya swA hA/ oM paM pad+ma ya hU~M naM hU~M wa R+Sha ya swA hA/ oM maM ma hA pad+mA ya hU~M naM hU~M wa R+Sha ya swA hA/ oM shaM shaM kha pA lA ya hU~M naM hU~M wa R+Sha ya swA hA/ oM kaM ka rko TA ya hU~M naM hU~M wa R+Sha ya swA hA/ oM aM a na ba ta p+tA ya hU~M naM hU~M wa R+Sha ya swA hA/ oM baM ba ru NA ya/ nA ga a d+hi pa ta yi nA gA na wa R+Sha ya hU~M naM hU~M swA hA/ zhes pa'o/ /de'i rjes su rdo rje mkha' lding gi gshog pa'i rlung rnams kyis mtshams med pa'i me zhi bar byed cing / mchu bsnun pas kyang chu bo byed do zhes pa bsgom zhing / oM badzra nA rA ya Na zhes pa la sogs pa'i sngags bzlas so/ /de nas zhag bdun gyi nang du klu rnams thams cad chu kun nas 'bab par byed do/ /char chen gu gul dang sa rdza ras dang sgog skya rnams kyis bdugs pas thang sku la gnas pa'i klu rnams sreg cing / klog pa spangs nas bzlas bya bzlas pas char ches pa zlog par byed do zhes pa'o/ /yang na rdo rje sems dpa'i rnal 'byor ram rdo rje hUM mdzad kyi rnal 'byor can nam rang gi 'dod pa'i lha'i rnal 'byor gyis nam mkha' la hU~M gaM hU~M yongs su gyur pa mkha' lding bka' byed pa/ zhal gyi chu stong phrag sbyin pa klu brgyad can bsams nas/ oM badzra nA rA ya Na zhes pa la sogs pa'i sngags kyis bskul bar bya'o/ /'di yang nam mkhar gnas pa'i brgya byin la bka' bsgo zhing / de yang char sprin pa rnams la char pa'i don du bka' bsgo bar byed do/ /bka' yang thos nas chu'i char pa rnams kyis sprin rnams la me gsod pa lhur len par bsam zhing / nam mkha' lding yang de ltar gsod par byed cing / chu klung yang byed do zhes bsam mo zhes pa'o/ / nam mkha'i khams ni stong pa nyid do/ /der chu skyes dmar po dang nyi ma la hrIHlas skyes pa'i ut+pal dmar po hrIHyongs su gyur pa las ku ru kul+le'i gzugs dmar po dang sngon po dang dkar po rnams kyi rtsa ba dang g.yas pa dang cig shos kyi zhal can/ phyag g.yas pa rnams su ral gri dang mda' dang Da ma ru dang lcags kyu dang mi 'jigs pa'i tshul lo/ /nyi mar gnas zhes pa nyi ma'i steng du rol gnas pa'o/ /gos chen po ni 'dir 'dod pa'i lha'i pags pa'o zhes gsungs so/ /de bla rer gang gis lag pa gnyis kyis gzung ba de ni de skad do/ /de'i phyir sgrol ma 'di phyag bcu gnyis pa'o/ /de nas zhes pa la sogs pa 'bum bzlas pa'i rjes thogs su'o/ /oM ku ru kul+le hrIHswA hA/ zhes pa sngags so/ /rang gi lus las te snying gar gnas pa'i hrIH'i sa bon las so/ /de'i zhes pa bsgrub bya'i 'o/ /oM tA re tu t+tA re tu re swA hA/ zhes pa'i yi ge bcu pa'i sngags te/ kha dog dmar po'o/ /de'i 'od zer rnams kyis yang bsgrub bya'i ye shes pa bkug nas bcug ste sngags bzlas so/ /rdo rje ni rdo rje'o/ /spyan gsum pa dkar po dang nag po dang dmar po'i rtsa ba g.yas dang cig shos kyi zhal gsum pa'o/ /bsnyems pas zhes pa bsnyems pa dang ldan pa'i phyir bsnyems pa ste rdo rje dril bu'o/ /de'i sgeg pa dang bcas par dril bu 'dzin pas dkur gnas pa'i phyag ste/ byed pa zhes pa lhag ma'o/ /lus las phyung ba ste/ spros pa gang rnams kyis yin pa'i sangs rgyas de rnams kyis mdzad pa'i sprin gyi tshogs gang yin pa de rnams so/ sems can las phyung ba zhes klog pa las ni/ sems can las te lus can gyi gzugs las phyung ba zhes pa'i don to/ /dbang bskur ni cod pan no/ /bcom ldan 'das kyis cod pan la sogs pa rnams las 'dzag pa ste spros pa rnams so/ /de la man ngag tu byed pa ni stong pa nyid kyi rjes thogs su gzhal yas khang gi nang du sna tshogs pad+ma'i lte bar nyi ma la hU~M las skyes pa'i rdo rje dang hU~M yongs su gyur pa bdud bzhi po g.yas brkyang stabs kyis mnan pa phyag drug pa/ mgo bo la sogs pa'i rgyan can/ dbu skra dmar ser gyen du brdzes pa/ rang 'dra'i shes rab dang bcas pa'i rdo rje sems dpa'o/ /de'i sa bon kho na las 'dab ma rnams la/ nyi ma dang ro rnams la lha mo rnams so/ /de la shar du rdo rje mtshon cha ma ser mo ser po dang sngon po dang ljang gu'i gtso bo dang g.yas pa dang g.yon pa'i zhal can no/ /lho ru rdo rje kI le kI la dmar mo/ /dmar ba dang ser ba dang ljang ba'i zhal gsum pa'o/ /nub tu rdo rje snum pa ma/ dkar po dang sngo ba dang dmar ba'i zhal gsum pa'o/ /byang du rdo rje snyems ma ljang gu ma ljang gu dang dmar ba dang dkar ba'i zhal can no/ /lnga char yang spyan gsum pa skra grol ba gcer bu/ phyag rgya lngas brgyan pa/ phyag bzhi pa/ bdag po bzhin du rdo rje la sogs pa'i mtshon cha 'dzin pa rnams bsam par bya'o/ /de'i rjes su nam mkha' las lhung ba'i rdo rje/ oM ma hA zhes pa la sogs pa'i sngags mthar che ge'i phyogs che ge ru badzra pA taM ni wa ra ya phaT/ zhes pa spel nas byings dang bcas par zlos shing / rang nyid dang sangs rgyas spros pa rnams kyis rdo rje rdul phra rab tu phye mar byas pa rlung chen po sa ring du 'phen par bsgom pas nges par zlog par byed do/ /bsgrub bya yang sngags 'dis byin gyis brlabs nas rdo rje sems dpa'i gzugs la sangs rgyas nyid du dbang bskur nas dar dpyangs dang phreng ba'i dbang bskur bya'o zhes pa'o/ /nang gi bdag nyid can gyi rdo rje byang chub sems nor bu las phyi rol du lhung ba zlog pa zhar la bshad pa'i don du gsungs pa/ byas na zhes pa la sogs pa'o/ /shes rab dang thabs dag stong pa nyid dang ro gcig pa nyid kyis mdzes pa'i dga' ba ni legs par dga' ba ste/ des byang chub kyi sems 'ching ba'o/ /gtum mo gsum la yang de kho nas bde blag tu yun ring du 'ching ba ste/ btsan thabs kyi rnal 'byor gyis ni de ltar ma yin no/ /des na de bcings pas rdo rje zlog pa ste/ 'ching ba kho na zlog pa'o zhes pa'i don to/ /de ltar byas na ste zlog par gyur pa na gsungs pa'i dpal mchog gi dang po'i rnal 'byor gyi bla na med pa'i go 'phang mchog tu zag pa med pa bde ba'i rang bzhin rdo rje 'dzin pa nyid gsal bar 'gyur ba dang ldan par rnal 'byor pa 'gyur ro/ /dkyus ma las rab 'byam gyi don gsungs pa/ gsod ces pa la sogs pa'o/ /'di ste 'khrul 'khor zhes pa lhag ma'o/ /shar du mngon du phyogs pas ri mo drang por gnyis te/ de bzhin du byang du mngon par phyogs pas so/ /dbus su ri mo zlum pos re mig dgu ru 'gyur ro/ /de la ya ni dbus su ste/ ma me da k+She shar la sogs pa'i phyogs rnams su g.yas skor gyis so/ /zur gyi re mig bzhi rnams su re mi ga so sor/ hU~M che ge ra k+Sha zhes pa la sogs pa dang hUM zhes rab tu sbyor ba'o/ /zlum po'i ri mo las phyi rol du zur rnams su ri mo drang po bzhi byas pa na re mig bcu gnyis so/ /de rnams su shar gyi re mi gnas brtsams nas/ g.yas skor gyis/ rA dzA sa do/ ru Na yo ni ra ya ts+tsha ni zhes pa bri ste/ sngags kyi lha'i rnal 'byor gyis so/ /de las ya ma rA dzA sa do me ya/ ya me do ru Na yod ya/ ya da yo ni ra ya k+She ya/ ya k+She ya ts+tsha ni rA ma ya zhes par 'gyur ro/ /zhi ba'i don kho na la ni ya gnyis dang ni gnyis mi bri'o/ /de'i gnas bzhi rnams su rab tu sbyor ba'o/ /ri mo de las phyi rol du zur so so la phyi rol du phyogs pa'i ri mo gnyis byas pa na phyi rol gyi ri mo zlum pos re mig bcu drug rnams su 'gyur te/ de rnams kyi shar la sogs pa gcig gis bar du chod pa'i re mig brgyad rnams su/ oM hrIH Sh+T-iHwi kr-i tA na na hU~M hU~M phaT phaT swA hA/ zhes pa'i sngags g.yon skor gyis te/ oM hrIH zhes dang Sh+T+r-IH wi zhes/ kr-i tA zhes dang nan zhes dang / hU~M hU~M zhes dang phaT phaT ces dang swA zhes dang hA zhes pa'o/ /gzhan brgyad rnams su dgod pa'o/ /yi ge rnams thams cad dbu phyi rol du bstan pa'o/ /khros pa'i las nyid la dbus nas g.yas su phyung ste/ g.yon skor gyis yi ge dgod pa'o/ /khros pas gshin rje'i phyogs su kha phyogs pas rang gi khrag dang / ro bsregs pa'i thal bas bya rog chen po'i gshog pa'i 'bri smyug gis bris te/ gsod la gshin rje'i lus la gnas/ /sdang la ma he rta dag la'o/ /bskul la'ang rnga mo'i rgyab la gnas/ /zhi la zla ba'i dkyil 'khor du/ /dbang la mi mo'i snying gar ro/ /rgyas la rta yi rgyab tu'o/ /rengs pa dang dgug pa la sogs pa rnams la mngon par brtag par bya'o/ /gi wang ngam gur gum mam gzhan gyis gro ga la sogs pa la ji ltar rigs pa'i 'bri smyug gis bris te/ kham phor kha sbyar du 'khrul 'khor gzhag go/ /bsten pa khri sngon ma can gyis 'di khyim gang du bzhag pa der 'thab mor 'gyur ro/ /gshin rje gshed kyi rnal 'byor gyis 'di bri'o/ /'dir ni mchog gi dang po'i rnal 'byor gyis kyang / oM ya ma zhes pa la sogs pa phaTa'i mtha' can gyi sngags bzlas par bya'o zhes mtshon pa'i ched du gsungs so/ /yang zhes gsungs pa ni mya ngan med pa'i brgyad pa la sogs pa la ltos pas te/ myos byed kyi 'bras bu dang thig le dag ni der yang shes par bya ba dag go/ /'bras bu'i khu bdag ni khu ba dang rdul dag go/ /sgra ji lta ba dag go zhes gzhan no/ /oM ku ru ku l+le hrIHche ge mo me ba shI b+ha wa tu hrIHswA hA zhes pa khri bzlas te sngags grub pa na'o/ /sngon du 'bum bzlas pas phyi nas spel tshig go/ /de nas zhes pa la sogs pa la stong pa nyid kyi rjes thogs su chu skyes dkar po dang zla ba la iM las rdzogs pa'i klu lhag ma can du bdag nyid de/ g.yas brkyang stabs kyis gnas pa dkar po mi'i gdong pa can/ gdengs ka stong phrag can/ lag pa gnyis pa/ g.yon pas yid 'ong ma la rol pa dang bcas par 'khyud pa/ g.yas pas ut+pal 'dzin pa'o/ /snying gar pad+ma 'dab ma brgyad pa dkar po'i lte bar zla ba dang 'dab ma rnams la/ so sor gnas pa'i oM yig dkar po'i 'od zer rnams kyis bdud rtsi char du 'bebs shing / gdengs ka so so dang mig dag las nges par byung ba'i bdud rtsi'i rgyun rnams kyis mgo bo nas brtsams pa'i zin pa'i lus rkyal bar byas nas dug med par bsam mo/ /de nas zhes pa la sogs pa'i sbyor ba gsum ni/ kye'i rdo rje bzhi gang yang rung ba'i rnal 'byor gyis so/ /zla ba la khu ba dang nyi ma la rdul bsre'o/ /bye ba drug rnams sngon du bsnyen par bya'o/ /de'i rjes su las ni sA lu zhes pa la sogs pa'o/ /bdud rtsi lnga ni nang du'o/ /bye ba bzlas pa'i rjes thogs su/ oM badzra kA rta ri zhes pa la sogs pa'i sngags kyis ril bu byas te bzung nas 'bum bzlas so/ /de nas ril bu 'grub po/ /des dgra bo dpung dang bcas pa'i gzugs su bsams pa'i ril bas mgrin pa dkri ba dang bcag par bya'o/ /lha rnams kyi zhes pa pha rol po'i lta ba'i lha rnams so/ /rdo rje ste rdo rje 'dzin pa'i khu ba dang rngul chu 'ching ngo zhes pa rdo rje 'ching ba ste ba lA sha'i sa bon no/ /de kho na ni rdo rje can te/ ro bcud 'ching ba la gzhom du med pa'i nus pa can nyid kyi phyir ro/ /'dir pa lA sha'i sa bon gyi snying po gzung ngo / /rgyal la zhes pa skar ma rgyal la'o/ /cho ga bzhin zhes pa chu sngon po can gyi klu'i rdzing bu'i/ oM AHphuHzhes pa'i sngags kyi brgyad lhag pa'i brgyar bsngags pa'i sa kha dog sngon po'i dbus su sngags de bsgoms nas/ sa des yang dag par bkod pa'i mtha' yas sngags des yongs su gyur pa can bsam mo zhes pa cho ga'o/ /bdud rtsi lnga ni 'o ma la sogs pa'o/ /kham phor gnyis ni sa de kho nas byas pa so ma btang ba mtha' yas nang du gzhag pa'o mas bkang ba la dkri bar bya'o/ /bdud rtsi lnga la sogs pa'i bya ba bcu rnams la so sor oM AH phuHzhes pa'i sngags brgyad lhag pa'i brgyar bzlas so/ /cho gas zhes pa/ mi bskyod pa rnam par dag pas rdul tshon nag po dur khrod kyi sol bas bya'o/ /rnam par snang mdzad rnam par dag pas rdul tshon dkar po ni mi'i rus pa'i phye mas so/ /rin chen 'byung ldan rnam par dag pas rdul tshon ser po ni ba blas so/ / 'od dpag med rnam par dag pas rdul tshon dmar po ni dur khrod kyi so phag gis so/ /don yod grub pa rnam par dag pas rdul tshon ljang gu ni mi rus dang rkun ma'i lo ma dag gis so/ /rdo rje sems dpa' rnam par dag pas rdul tshon sngon po ni mi'i rus pa dang dur khrod kyi sol ba dag gis so/ /bcu bzhi pa'am brgyad pa la sbyang ba byas pa'i ro'i sa gzhi la thig skud byin gyis brlab par bya zhing / ji srid du 'dus bya ba rdzogs pa'i bar du ste/ skud pa des mthe bong gsum lhag pa'i khru gsum pa'i dkyil 'khor thig btab nas/ rdul tshon rnams kyis mi bskyod pa rnam par dag pas bzhengs te/ de'i dbus su mtha' yas mnan pa'i kye'i rdo rje dang / gnas ji lta bar rnal 'byor ma rnams bri'o zhes pa cho ga'o/ /yang na kye'i rdo rje la sogs pa rnams kyi mtshan ma rnams bri bar bya'o zhes gsungs so/ /shin tu ba ni brtson 'grus chen po'i tshul can no/ /khro bo'i sems ni khros zin pa'i sems so/ /bzlog nas zhes pa swA hA la sogs pa'i tshig gi zlog pas bzlas so/ /a rdza ka ni pa r+NA sha'o/ /'dis ni gdon mi za bar char 'bab po zhes gsungs so/ /de'i tshe zhes pa gang gi tshe char ches par 'gyur ba de'i tshes bcu bzhi pa la sogs pa la ro'i kha bkab pa'i ras kyi dum bu gcig la 'dug cing / dum bu gzhan la sngags bris te bzlas pas/ sprin rnams dral bar byed do zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu brgyad pa'o/ / //gtor ma dang dkyil 'khor bzhengs pa la sogs pa bya ba rnams rdo rje la sogs pa 'dzin pa sngon du 'gro ba'o zhes pas de'i rang gi ngo bo gsal ba'i ched du gsungs pa/ bcom ldan zhes pa la sogs pa'o/ /gong med rnams kyis ni 'di rnams las mchog khyad par du 'phags pa yod pa ma yin pa zhes pa rdo rje theg pa'i rnal 'byor pa rnams kyis so/ /mtshon bya rnams kyi mtshan nyid de ltos pa dang bcas pa nyid na yang kha cig tu tshig sdud du bstan pa'i phyir ro/ /ci zhe na bzhi rnams kyi ste rdo rje la sogs pa mtshon bya rnams kyi de kho na nyid rang gi ngo bo ste/ thabs kyi rgyud kyi yan lag nyid kyis so/ /'khor ba las 'dis mchog tu sgrol/ /zhes pas 'khor ba las sgrol ba yang yin la mtshan nyid kyang ngo zhes pa 'dis ni nyan pa la shin tu don gnyer ba'i ched du spro bar byed pa'o/ /ji bzhin de nyid ces mdor bstan pa rgyas par 'chad de/ rdo rje zhes pa la sogs pa'o/ /rdo rje'i de kho na nyid dang po dang de'i rjes su dril bu dang bgrang phreng dang ye shes kyi de kho na nyid ces pa rim pas bstan pa mdor bstan pa'o/ /ji ltar 'khor ba las sgrol bar mdor bstan pa yin zhe na/ gang phyir bzhi po'i de kho na nyid kyis de'i yul can rnam par rtog pa rnams 'khor ba'i chu bo'i rlabs rnams te/ de rnams las shin tu brgal nas pha rol thar pa skyes bu'i don mchog tu don gnyer ba'i sems can gyi don mthun 'dren pa'o/ /so sor rgyas par 'chad de/ dbus su zhes pa la sogs pa'o/ /dbu ma la sogs pa'i rtse mo rnams la me long la sogs pa'i ye shes kyi bdag nyid rnam par snang mdzad la sogs pa rnams bsam par bya'o/ /rwa las 'og tu lte ba'i mthar thug par pad+ma'i 'dab ma rnams la rdzogs pa'i byang chub kyi yan lag brgyad rnams te/ thabs nyid kyis/ 'dir lam gyi yan lag rnams kho na'o/ /sa ji lta bar te/ gnas ji lta bar shar dang me la sogs pa'i rim pas byams pa dang sa'i snying po dang phyag na rdo rje dang nam mkha' mdzod dang 'jig rten dbang phyug dang 'jam dpal dang sgrib pa thams cad rnam par sel ba dang kun du bzang po rnams bsam mo zhes rgyud gzhan gyi dgongs pas gdams ngag tu byed do/ /ji ltar 'don pa ltar ro zhes gzhan no/ /lha brgyad po 'di rnams gzhag go zhes pa nye bar bsdu ba'o/ /dbus su ni rdo rje'i'o/ /lha'i sgo nga rnams kyi zhes pa sgo nga'i gnas su ye shes kyi lha ni rdo rje sems dpa' 'brel par bya ste/ lha thams cad 'dus pa'i ngo bo nyid kyis na/ de dang der shes rab dang thabs ro gcig par bsgom zhes pa'i don to/ /chang zungs kyi mtha'i pad+ma gzhan la shar la sogs pa'i phyogs kyi 'dab ma rnams la rdo rje lcags kyu ma dang / rdo rje zhags pa ma dang rdo rje lcags sgrog ma dang rdo rje dril bu ma rnams so/ /phyogs bral te phyogs bral gyi 'dab ma rnams su rtsen ma ste tsu n+dA dang / rin chen sgron ma dang rdo rje lu gu rgyud ma dang gzhan gyis mi thub ma rnams bsam mo/ /mtha' gzhan gyi rtse mo rnams la ye shes mkha' 'gro ma la sogs pa rnams so/ /mtha' rnams kyi ni mtha' ru ste nub kyi phyogs su'o/ /de ltar rdo rje'i de kho na nyid rnams lha ru shes par bya ste/ mkhas pa kun rdzob dang cig shos kyi rnam par dag pa'i rnam pa la byang ba'i shes pa can gyis so/ /ci ltar don dam pa shes pa yin zhe na/ gang phyir rdo rje'i de kho na nyid rnams ni/ rdo rje'i bdag nyid yin te/ rdo rje'i ste/ stong pa nyid kyi ye shes kyi rang gi ngo bo'o/ /de'i bdag nyid de'i rang bzhin phyi'i rdo rje sems la nges par gyur pa na/ rnal 'byor pa'i ste/ rdo rje'i snying po can gyi'o/ /'di la ni stong pa nyid dang snying rje dbyer med pa'i ye shes kho na snying po mchog ste/ de dang ro gcig pa nyid kyis byas pa'i rdo rje de yang de ltar so sor snang ngo zhes dgongs la de'i phyir ro/ /ni ni khyad par la ste khyad par du 'phags pas rdo rje'i sems te gnyis su med pa'i sems slob ma byed du gzhug go/ /rang nyid kyang bden pa gnyis la lhag par mos pa'i ngo bo rdo rje'i don bstan par bya'o/ /de la don dam pa rnam par dag pa ni rdo rje byang chub kyi sems kho na chos te gzugs la sogs pa chos can rnams so/ /de la brtson zhing de la rtse gcig tu 'don pa'i yid do/ /yid ces kha cig tu 'don to/ /ci ltar rdo rje chos yin zhe na/ rdo rje de kho na nyid de dag ci'i ngo bo yin pa de rnams ni rdo rje'i de kho na nyid can rnams te kun rnams ni gzugs la sogs pa rnams so/ /rdo rje las kyang gnod bya ma yin pa nyid kyi phyir zhi ba la sogs pa'i las so/ /de rnams la mngon par 'gro ba'i phyir te/ chos kyi dbyings ni de'i bdag nyid kyis thams cad du 'gro ba nyid kyi phyir ro/ /kun rdzob kyi rnam par dag pa ni rdo rje lha rnams su lhag par mos bzhin pa rnams spro bar byed pas rdo rje rnams kyi brtan par mos pa las dbyer med pa rnams kyi sems can rnams 'khor ba las sgrol ba ni tshogs kyi sar ro/ /gang gi phyir rdo rje ste bden pa gnyis dbyer med pa goms pas bkug pa gsal bar bsgoms pa'i rnal 'byor shes rab dang thabs snyoms par 'jug pa gang rnams kyi yin pa de rnams kyi/ rdo rje bdud la sogs pa rnams kyis mi phyed pas gus pa dang bcas pa bar ma chad par yun ring du goms pas/ gang rengs pa ni rnam par g.yeng ba'i 'phro ba 'gog pa ste/ rnal 'byor de rig pa shin tu brtan par lhag par mos par 'gyur te/ mos pa spyod pa'i sa la'o/ /de las kyang mun pa lta bu ni gang nyon mongs pa rnams te/ de rnams la mar me lta bu rnams shes te/ de kho na nyid rtogs pa'i phyir khyad par du 'phags pa'i shes pa'o/ /ye shes ni rdo rje dang 'bar ba dang lhan cig ste dus mnyam par gzhom par bya'o/ /de gsungs pa/ blo ldan sems mchog bskyed ma thag tu ni/ /sems ni mtha' yas nyes byas las ldog pa'o/ /zhes so/ /mthong ba'i lam kho nar de kho na nyid mthong bas spang bya phrag brgyad cu rnams spong bar thub pa'i dgongs pa'i rgyan du gsal bar byas so/ /de ltar na yang snang ba de kho na nyid mthong ba ste/ de kho na phyogs so/ /des ni lhag par rtogs pa brgyud pas rdo rje 'dzin pa'i sa rnam pa thams cad du rtogs par bya ba de 'thob bo/ /rdo rje ste de kho na nyid mthong ba des bsgrubs pa bsgom pa'i lam ni/ thams cad ste bag chags kyi gnas skabs bag la nyal rnams la rdo rje'i bdag nyid ma lus pa 'byed pa po'o/ /sgom pa'i lam de las pha rol bla na med pa'i rdo rje'i bdag nyid de/ rdo rje stong pa nyid dang snying rje'i rang bzhin byang chub sems kyi bdag nyid de rang bzhin no/ /rdo rje thar pa'i ste 'khor ba'i rgyu nyon mongs pa'i phung po'i bag chags lhag ma phra mo'i gnas skabs kyang gcod par byed pa'i rnam par grol ba'i'o/ /'dis ni spangs pa phun sum tshogs pa ste/ rdo rje chos nyid kyis ni chos kyi sku rtogs pa mtshon pa'o/ /de nyid kyi phyir gnyis ka phun sum tshogs pa mthar phyin pas snying po nyid de mtha'i sa'i'o/ /de'i bdag nyid kyis de 'dzin pa'i phyir yang bcom ldan 'das rdo rje 'dzin pa'i phyir ro zhes bsgrags so/ /'di'i dngos su ba'i thabs kyang rdo rje'o zhes gsungs pa/ rdo rje zhes pa la sogs pa'o/ /rdo rje ni bo la'o/ /pad+ma ni ka k+ko la'o/ /mdor bstan nas rgyas par ston pa/ rdo rje kun rdzob pa'i byang chub sems pad+ma rnams su rim pas zhugs pa'i bde ba chen po nyams su myong ba'i ngo bo'i ni/ de kho na nyid thams cad nas stong pa nyid kyis goms pa las rdo rje 'dzin pa nyid bsgrub par bya ste/ mkhas pa ni bskyed pa dang rdzogs pa'i rim pa la byang zhing mkhas pa'o/ /'di skad gsungs te las dang sbyor ba dang lhan cig skyes pa'i gtum mo rnams kyi bde ba chen po'i mtsho skyes las 'og gi mtsho skyes rnams su sbyor ba'i kun rdzob pa'i byang chub kyi sems bo la ka k+ko la'i nang ji srid pa de bzhin nyid dang ro gcig pa'i lhan cig skyes pa'i bde ba myong ba'i rang bzhin de ma thag pa'i thabs kyi ngo bo ni rdo rje zhes pa'o/ /de yang thams cad gsang ba'i rgyud du gsungs pa/ tshogs gnyis kyi ni sbyor ba yis/ /sems can kun gyi don ston pa/ /rang bzhin 'od gsal ba yi sems/ /rdo rje zhes ni mngon par brjod/ /chos rnams thams cad ma skyes pa/ /gdod nas zhi ba nam mkha' mnyam/ /zhes pa'i tshig ni rab 'jug pa'ang / /rdo rje dril bu zhes par bshad/ /sangs rgyas bzhi po gdan bzhugs pa/ /rdo rje pad+ma rnams la gnas/ /nyams su myong ba'i rim kho nas/ / dga' ba bzhi yi mtshan nyid do/ /zhes so/ /de ltar rdo rje'i de kho na nyid rgyas par bstan nas rdo rje phyed pas mtshan pa'i dril bu'i de kho na nyid rgyas par ston pa gsungs pa nyon zhes pa la sogs pa ste/ gsungs zin pa'i rdo rje 'dzin pa'i phyir dang / de nyid kyi phyir sems can mgu bar byed pa'i phyir rdo rje 'dzin pa dang rgyal por khyod skyes te/ da ni 'di rdo rje snying po nyon cig /'dis ci bya zhe na gsungs pa/ shes rab ces pa la sogs pa'o/ /shes rab kho na dkrol ba ste bsgrags pa'i de kho na nyid gang rnams kyi yin pa de rnams kyis nyan par byed de/ sgra zhes pa lhag ma'o/ /shes rab la lhag par mos pas dkrol ba rnams kyi sgra shin tu dga' bas nyan pa las mngon par 'dod pa 'grub pa ni mtshan nyid kyi dgos pa'o zhes dgongs pa'o/ /mtshan nyid kyang kun rdzob kyis dang don dam pas kyang ngo / /de la dang po gsungs pa gsum/ /zhes pa la sogs pa'o/ /'di ni dril bu'i steng du rdo rje phyed pa'i zhar las/ rdzogs pa'i rdo rje'i yang ngo / /cha gsum rnams mnyam pa gang gi ring ba nyid du yin pa de ni de skad do/ /'dzin byed ni rdo rje dril bu dag gi lus so/ /gsal ba ni so so'i cha shas gsal ba'o/ /ra'i 'og zla ba'i steng du dkris pa'i ri mo ni ske rags te/ mu khyud ces gang ming du grags pa mdzes pa'o/ /cha ni rnam pa gsum du byas nas de'i dbus kyi cha zlum po cha shas brgyad pa mtho ba'o/ /dbus su sna tshogs pa'i phreng ba ldan pa ste/ rin po che dang pa tra dang myu gu rnams kyis bkra ba zhes pa la sogs pa'i mtshan nyid dang ldan pa nyid kyi phyir ro/ /ut+pal kha bye 'dod pa ni bye bas rgyas pa'i ut+pal kha ma bye ba'i rnam pa can no/ /zhi ba ni ma gdangs pa'i rdo rje'o/ /ut+pal ku mu da zhes kha cig tu 'don te/ dril bu la sbyar bar bya'o/ /rin chen pad+ma rnam par gnas/ /zhes pa 'di ni/ lha dgu la sogs rtse mo can/ /zhes pa 'di dang 'brel lo/ /pad+ma'i 'og tu yang rin po che phra mo'i phreng ba'i khor yug bya'o/ /rdo rje rtse dgu pa'i de kho na nyid rgyas par ston pa'i ched du gsungs pa/ phyogs zhes pa la sogs pa/ phyogs dang phyogs bral gyi rwa brgyad rnams la rnam par snang mdzad la sogs pa rnams dang / spyan ma la sogs pa rnams bsgom mo/ /rwa dbus ma la sangs rgyas dgu pa mi bskyod pa'o/ /mtha' gzhan du lha dgu rnam par dag par byed pa po nyid kyi phyir mchog rnams te/ gtso bo rnams kyi yin pa'i rtse mo de rnams shar la sogs pa'i phyogs dang phyogs bral rnams la phyag na pad+ma la sogs pa brgyad rnams dang / dbus kyi rtse mo la rdo rje sems dpa'o zhes pa lha dgus byin gyis brlab pa ste/ gzhan snga ma bzhin no/ /thun mong gi mtshan nyid gsungs pa/ chu srin zhes pa la sogs pa ste/ dbus kyi rtse mo ma gtogs pa shar la sogs pa'i rtse mo rnams chu srin kha nas byung ba rnams so/ / thams cad ni 'od zer dang zla bar gnas pa rnams bya'o zhes pa rtse dgu ba'i rdo rjer bshad de/ lnga pa ni me long lta bu la sogs pa'i ye shes rdo rje'o/ /gnyis ka yang de kho na nyid la mos pa las 'gro ba 'di las sgrol lo zhes pa 'gro ba sgrol ba'o/ /zhar las byung ba song ste/ dkyus ma gsungs pa/ nam mkha' zhes pa la sogs pa'o/ /'di ni gong gi shes rab dkrol zhes pa la sogs pa 'brel lo/ /dril bu shes rab kyi bdag nyid ni nam mkha' ji srid pa dang byang chub snying po ji srid par gnas pa ste/ sems can dang snod kyi dbye bas tha dad pa'i 'jig rten gyi khams mu mtha' med pa rnams shes rab kyi pha rol tu phyin pa'i rang bzhin du sgra rnams kyis gsal bar byed cing dga' bskyed par byed do zhes mos par bya'o/ /'di'i rgyas par bstan pa ni bcu zhes pa la sogs pa'o/ /dril bu'i steng du 'og tu kha phyogs pa'i pad+ma'i 'dab ma brgyad rnams la lha mo brgyad rnams sam de'i sa bon gyi yi ge rnams bsam mo/ /mdog mdzes ma ni nor rgyun ma'o/ /mngar ba ma ni tsun+da'o/ /mdzes ma ni khro nyer can no/ /rdo rje phreng ba ma ni don ji lta ba'i ming ngo / /de la baM ser po las skyes pa'i ser mo lang tsho gsar pa rgyan dang gos kyis brgyan pa/ 'bras so ba'i snye ma dang rin po che sna tshogs kyi char 'bab pa'i bum pa phyag g.yon na ste/ g.yas pas mchog sbyin pa/ zla ba la gnas pa rdo rje skyil krung can/ rin chen 'byung ldan gyi cod pan can snying gar rang gi sa bon yod pa'i nor rgyun ma'o/ /tsuM dkar po'i sa bon las skyes pa dkar mo rgyan thams cad kyis brgyan pa/ rnam par snang mdzad kyis rgyas btab pa/ phyag bzhi pa/ g.yas pas mchog sbyin pa/ g.yon pas po ti dang bcas pa'i pad+ma 'dzin pa/ phyag dag gis lhung bzed 'dzin pa/ zla ba la sems dpa'i skyil krung gis bzhugs pa skul byed ma'o/ /b+h+riM ser po'i sa bon las skyes pa ser mo spyan gsum pa/ lang tsho gsar pa can ral pa'i cod pan can/ zhi brgyan med pa/ snang ba mtha' yas kyis rgyas btab pa/ phyag bzhi ma/ g.yas pas mchog sbyin dang bgrang phreng 'dzin pa/ g.yon dbyu gu gsum pa dang ril ba chung ngu 'dzin pa/ zla ba'i gdan can khro gnyer can no/ /de bzhin du maM gyi sa bon las skyes pa ljang gu rgyan thams cad kyis brgyan pa phyag dag gis sgeg pas me tog dang bcas pa'i rdo rje phreng ba 'dzin pa/ sgeg pa dang bcas par dbu g.yon gyi char cung zad 'dud pa can/ zla ba la gnas pa don yod grub pas rgyas btab pa'o/ /nam mkha' ste stong pa gang gi dbus yin pa de dril bu'i gzugs te 'dod pa'i khams so/ /dril bu'i steng du 'og tu kha phyogs pa'i pad+ma rgyas pa rab byung ba'i ngo bo gzugs khams so/ /pad+mas bskor ba'i steng du gzugs med srid pa'i phyogs gzugs med pa'i khams te/ de ru shes rab bdud rtsi'i bum pa ste/ pad+mas bskor ba'i steng du ri mo gsum gyis bum pa'i rnam par dbyibs bya'o zhes pa'i don to/ /ye shes te shes rab ye shes kho na bdud rtsi ste/ de'i gnas pa'o/ /bum pa'i rnam pa de'i dbus su shes rab bdud rtsi gnas su yid kyis mos par bya ba ni yid can te/ bum pa'i dbus su shes rab kyi pha rol tu phyin ma'i lus su mos par bya zhing bum pa'i steng du ni zhal kho na blta bar bya ste/ shes rab kyi pha rol tu phyin ma kho na chos thams cad kyi sgo yang dag pa ji lta ba'i rang gi ngo bo ston pa'i thabs so zhes pa'i don du'o/ /shes rab kyi zhal gyi steng du ske rags kyi skud pa la gnas pa'i pad+ma ste/ de'i steng du zla ba la gnas pa'i snga ma lta bu'i rdo rje'o/ /dril bu'i dbus su zur brgyad pa'i ye shes kyi dbyug pa ste lhan cig skyes pa'i ye shes gsal bar byed pa'o/ /de yang rang gi dang kho nas bde ba chen po'i rang bzhin can gyi rnal 'byor ba'i dngos po rnams thams cad spro ba dang sdud pa dag byed do zhes pas dbyug pa yang de ltar tha snyad du bya ste sgra spro ba dang sdud pa'i cha las so/ /de nyid kyi phyir gsungs pa/ bskyod par bya zhes pa la sogs pa'o/ /ci ltar zhe na gsungs pa/ A li zhes pa la sogs pa'o/ /A li ni rdo rje ste/ de'i kA li dril bu chos 'byung ngo / de la rtsa brgyad kyi phyogs rnams su bde ba rab tu rtogs pa'i ched du rab tu sbyor bar ji ltar 'gyur ba de ltar rdo rje g.yas kyi rgan po dang / ming med dag gis dang dril bu g.yon pa dag gis bsdams nas dril bu'i nang gi phyogs brgyad rnams su lce bskyod cing dkrol bar bya'o zhes pa'i don to/ /de nyid kyi phyir nang gi rtsa brgyad bskyod pa mtshon pa'i don du lce zur brgyad pa ste/ de ltar rdo rje'i lte ba yang cha brgyad pa'o/ /lcags kyi lce gang du 'phyang ba de ni mkha' 'gro gdong mtshan pa'o/ /'dis ci zhe na gsungs pa/ A li zhes pa la sogs pa'o/ /A li shes rab dang kA li thabs te/ bsam pa'i dbye bas so/ /de dag rab sbyor bas te/ phan tshun rjes su 'gro bas 'khor ba gcod do/ /gang gi phyir dril bu shes rab la nye bar 'gro'o zhes pas thabs te rdo rje'o/ /rdo rje shes rab nye bar 'gro'o zhes pa thabs ni dril bu'o/ /de dag dus gcig tu 'dzin pa'i phyir zhes dgongs pa'o/ /ci zhig tu zhe na/ dbus ni dbus su ste chang zungs su'o/ /'dzin pa'i dag pa gsungs pa/ lag pa zhes pa la sogs pa ste/ pad+ma'i bskor ba ni rab tu grags so/ /mngon par 'dod pa'i dngos grub la nye bar 'gro'o zhes pa thabs te lha'i bdag nyid do/ /lag pa g.yas par nyi ma ste/ g.yon par zla ba bsam zhing rdo rje dang dril bu yang gzung bar bya'o zhes pa'i don to/ /byang du zhes pa ni shar la sogs pa rnams nye bar mtshon pa ste/ sgro 'dogs pa ni lhag par mos pa'o/ /sangs rgyas thams cad kyi bdag nyid rdo rje sems dpa' mnyes par bya'o zhes lhag par mos pas hUM yig brjod pa sngon du 'gro bar/ mdzes pa zhes pa la sogs pa glog cing rdo rje gsor bar bya'o/ /rdo rje gsor ba mdzes pa yis/ /sems can bsgral ba/ gang las sems can rnams rnam par thar par byed rnam par dag par byed do zhes pa rnam thar ro/ /cis she na/ gang gi phyir gzugs la sogs pa'i chos stong pa nyid de/ de kho nas rnam thar rnam par rtog pa rnams mtha' dag nye bar zhi ba ste/ des bya ba thar pa 'dod pa rnams kyis bsgrub par bya'o/ /de slar yang mtho ba nyid de/ rdo rje sems dpa'o zhes mnyes bzhin par brjod par bya'o/ /gang gi phyir rdo rje gsor ba 'di ni/ rdo rje stong pa nyid dang snying rje dbyer med pa'i ngo bo'i byang chub sems ni khyod kyi gzugs brnyan te rnal 'byor pa'i lhag par mos pa tsam nyid kyis 'dzin to/ /brjod pa yang hU~M gsum gyi sku dang gsung dang thugs rnams phan tshun dbyer med pa rtogs par byed cing / hoHgsum gyis chung ngu dang 'bring dang chen po'i sems can grol bar byed pa nyid kyis na yang dag par sad par byed do/ /dril bus sgra byed pa yang shes rab dang thabs su lhag par mos pas shes rab dang thabs kyi ngo bo nyid dang lha'i ngo bo nyid du yang gzhan rnams la bya ba'i ched du gsungs pa/ shes rab ces pa la sogs pa ste/ shes rab dang thabs kyi bdag nyid zla ba dang / nyi ma ldan pa'i lag pa dag gis 'gro ba rnams kyi nad de/ nad rnams ni 'dod chags la sogs pa'i nyon mongs pa rnams so zhes gsungs pa'i phyir ro/ / nye bar zhi bar gyis zhes pa lhag ma'o/ /oM badzra zhes pa la sogs pa dril bu dkrol ba'i sngags so/ /oM sarba zhes pa la sogs pa rdo rje dang dril bu 'dzin pa'i sngags so/ /shes rab thabs kyis dkrol ba yis/ /zhes pa rgyas par ston pa shes rab ces pa la sogs pa'o/ /byang chub sems kyi ngo bos sangs rgyas bcom ldan 'das rnams bskyed pa'i ched du 'gro'o zhes pa 'gro ba ste/ sems can gyi 'jig rten dang / sogs pas snod kyang rtogs par bya'o zhes sgra bsgrags so/ /sems can zhes pa sems can rnams kyis sangs rgyas don du zhes pa sangs rgyas nyid kyi don du'o/ /de ltar rdo rje thugs dang dril bu skur dang de'i sgra gsung ngo zhes gsum po byang chub kyi sems kho nar rtogs par bya'o zhes nye bar bsdu ba/ rdo rje zhes pa la sogs pa'o/ /rnal 'byor pa rnams kyi ni kye rnal 'byor pa'o/ /de lta bu'i de kho na nyid mi shes pa las dngos grub ma yin no zhes gsungs pa/ de nyid ces pa la sogs pa'o/ /'dir cha gsum mnyam pa nyid ni rdo rje rnams thams cad kyi thun mong gi mtshan nyid do/ /cha gsum pa'i sum cha'i tshad du lte ba cha shas brgyad pa'o/ /rwa rnams ni cha shas zur bzhi pa rtse mo gug pa'o/ /rwa'i dbus kyi 'og ni zlum pa'o/ /rwa dbus ma ni drang ba gru bzhi pa rno ba rked dkris gsum dang ldan pa nas kyi dbyibs can no/ /'di'i rtse mo dang phyogs kyi rwa'i rtse mo rnams kyi bar ni nas brtsams te/ rwa thams cad phan tshun mnyam pa'o/ /dbus ma ni cung zad lhag pa'o/ /rwa rnams kyi cung zad 'og phra ba/ dbus de las sbom pa/ steng ni 'og gi cha las phra ba'o/ /dbus kyi cha yis yang dbus sbom zhing mtha' gnyis de bas phra ba'o/ /rwa rnams chu srin gyi so'i bar na gnas pa rnams te/ 'di'i sna ni steng du 'bras so ba'i lkog pa'i phyed kyi tshad do/ /chu srin gyi gdong ni rwa'i bzhi cha'o/ /chu srin gyi gdong gi phyed kyi mu khyud do/ /ske rags 'di'i dbus kyi cha ni cung zad lhag par bya'o/ /cha lhag ma dag phan tshun mnyam zhing rim gyis nyis 'gyur gyis mtho ba'o/ /bskor ba yang rdo rje'i phyed kyi tshad de/ bskor ba'i tshad gnyis ni rdo rje thams cad kyi ring bar ro/ /'od zer la sogs pa yang lung ji lta bar blta bar bya'o/ /sor bzhi nas brtsams nas sor nyi shu'i bar du rdo rje rab tu grags so/ /ji ltar 'dod par ro zhes pa kha cig go/ /gang du dbus kyi lte ba la bla na med pa'i chos nyid mtshon par byed pa hU~M yig go/ /rwa dbus ma la mngon du phyogs pa nyid kyi rwa rnams kyi yongs mtha' 'jug pas gzugs la sogs pa rnams thams cad rnam par shes pa'i gtso bo can no zhes gsal bar byed pa'o/ /'di thams cad kyang thams cad kyi bdag nyid do zhes rig pa'i ched du thams cad du gru bzhi pa'o/ /stong pa nyid dang mtshan ma med pa dang smon pa med pa nyid rtogs pa'i don du thams cad du rgyas pa gsum mo/ /rtse gcig pa dang rtse gsum pa dang rtse lnga pa dang rtse dgu pa zhes pa rdo rje rnam pa bzhi'o/ /rno ba dang mi rno ba dang gdengs pa dang zhi ba'i dbye bas rnam pa gnyis so/ /sna tshogs rdo rje ni rtse mo lnga'i sgo bzhi pa can dang rtse gsum pa'o/ /de la khro bo'i rdo rje kha gdengs pa ste/ rdo rje rtse gcig pa ni 'dod chags dman par byed pa'o/ /rgyan gyi rdo rje ni spyi bor sor lnga pa'i tshad do/ /rna ba dag la sor drug pa'i tshad do/ /mgrin pa la sor bzhi pa'i tshad do/ /snying gar sor lnga pa'i tshad do/ /gsang bar sor drug pa'i tshad do/ /lag pa dag la sor drug pa'i tshad do/ /yang na rgyan rdo rje rnams kyi tshad ni ji ltar mdzes par ro/ /dril bu rnams thams cad ni cha gsum mnyam pa rdo rje dang rjes su mthun pa'i tshad do/ /de rnams kyi 'og gi cha gsum pa ni kha nas bzung ste 'khar ba dag pa'i rang bzhin du bya'o/ /de'i steng gi cha gnyis ni gser la sogs pa las byung ba'o/ /de'i 'khar ba'i dbus kyi nam mkha' rgya dang mchur mnyam pa'o/ /mchu las sked du ska rags dag gi dbus su rdo rje la sogs pa'i phreng ba'o/ /bdud rtsi'i bum pa'i 'og tu stegs bu gru bzhi pa'o/ /de'i 'og tu phreng ba gsum mo/ /de'i 'og tu pad+ma'o/ / de'i 'og tu ska rags dag gi dbus su ji ltar rigs par rdo rje la sogs pa'i phreng ba'o/ /de'i 'og tu rin po che sna tshogs pa'i dra ba dang dra ba phyed pa'o/ /dra ba'i nang brgyad du mtshan ma brgyad rnams te/ shar la sogs pa rnams su 'khor lo dang rin po che dang pad+ma dang ral gri'o/ /spyan dang rdo rje dang pad+ma dang ut+pal la ni me la sogs pa phyogs mtshams rnams su'o/ /ji ltar mdzes par gnas rnams su ku mu da dang ut+pal dang pad+ma dang rin po che dang pa tra dang mu khyud la sogs pa ste/ lung ji lta bar gzhan yang shes par bya'o/ /bum pa'i tshad du shes rab kyi zhal lo/ /zhal las steng du sngar gyi rdo rje phyed lta bu'i rdo rje phyed pa'o/ /'dir dril bu 'ga' zhig dpal rgyal ma cung zad zlum pa'i chu skyes kyi kha can no/ /kha cig pad+ma'i'o/ /kha cig ba lang gi kha can no/ /rdo rje sems dpa'i dril bu ni rtse dgu pa/ sor bcu gnyis pa'i tshad can shar la sogs pa'i phyogs rnams su mtsho skyes dkar po dang chu skyes sngon po dang chu skyes dmar po dang ut+pal rnams so/ /kha cig tu dril bu sor mo dgu pa dra ba dang dra ba phyed pa'i mtshan ma spangs pa kha sor lnga pa'o zhes gsungs so/ /rtse lnga pa'am rtse dgu pa ni dpa' bo'i dril bur brjod do/ /rnam par snang mdzad la sogs pa'i yang / 'khor lo'i phreng ba gnyis dang ldan pa ni ske rags gnyis kyi dbus su ste/ de bzhin du pad+ma dang rin po che dang ral gri'i phreng ba gnyis dang ldan pa'o/ /rdo rje'i rigs kyi ni ba lang gi kha can rdo rje'i phreng ba'i ske rags gnyis dang ldan pa'o/ /gang 'dir steng dang 'og gi cha dag tu rdo rje phreng ba zung gis mdzes pa de ni chos 'byung ni mi phyed pa'i ye shes kyi gnas nyid du rtogs pa'i don du'o/ /'khor lo la sogs pa zung dang ldan pa rnams ni ji ltar rigs par bla na med pa'i zhi ba la sogs pa'i gnas nyid du'o/ /khams gsum pa'i rang bzhin gzhal yas khang nyid du 'di bshad pa'i ched du dra ba dang dra ba phyed pa'i rnam pa'o zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma nyi shu dgu pa'o// //bgrang phreng gi de kho na nyid rgyas par bstan pa'i ched du gsungs pa/ nyon zhes pa la sogs pa'o/ /bgrang ba ste ye shes su lhag par mos pa'i lha'i gzugs kyi skud pa ni bgrang phreng ngo / /yang mi 'gyur bsngags rnams phreng bar byed grangs su byed pa'i phyir bgrang phreng ste/ ra yig phyis pa ni nges tshig go/ /sogs pas de la rab gnas la sogs pa'i mtshan nyid dang / gang gis sngags rnams 'grub pa'o/ /mu k+ti zhes pa mu tig go/ /khams dkar po rnams ni rus pa rnams so/ /sogs pas rdo ba'i khyad par dkar po rnams so/ /nor bu dkar po nor bu rnams so/ /sogs pas dri ma med pa'i rdzas kyang dri bzang bar byas pa'o/ /nag po'i sa bon ni lung thang gi sa bon no/ / khyad par gyi las dang rjes su mthun pas las thams cad pa'i sngags 'grub pa'i don du/ ril bu lnga bcu rnams kyis bgrang phreng ngo / /phyogs dang phyogs bral gyi skud pa brgyad rnams la phyag na pad+ma la sogs pa brgyad rnams blta bar bya'o/ /skud pa dbus ma la sangs rgyas thams cad kyi rang bzhin rdo rje sems dpa'o/ /skud pa yang ras bal las byung ba gzhon nu mas bkal ba gzung bar bya'o/ /dgra 'dod chags la sogs pa rnams bcom mo zhes pa'am/ mchod pa la sogs 'os so zhes pas/ dgra bcom pa rdzogs pa'i sangs rgyas rnams te ril bu'i rang bzhin rnams so/ /skud pa'i sna gnyis mdud pa'i steng du ril bu bsgreng ba ni stobs dang mi 'jigs pa la sogs pa'i chos kyi ngo bo mchod rten zhes bsam mo/ /de'i steng du ril bu gzhan ni chos kyi dbyings/ de bzhin nyid chos thams cad mngon du byed pa'i ngo bo can te/ chos nyid rtogs pa kho na las rnam par dag pa'i chos rtogs pa'o/ /ci byas nas rtogs pa 'di yin zhe na/ lag mthil zhes pa la sogs pa'o/ /dbyangs rnams kyi snga ma a yig gang gi dang po yin pa de la AH zhes pa yi ge ste/ de yongs su gyur pa las lag pa g.yas par yud kyis bsgom pa'i sor mo rdo rje rtse lnga pa'i ngo bo can la nyi ma des byin gyis brlabs pa'o/ /lag pa g.yon pa na yud kyis sor mo'i 'dab ma can pad+ma'i rnam par bsams la/ bdud rtsi'i yi ge a yig ste/ de yongs su gyur pa zla ba kha dog dkar po des byin gyis brlabs pa'o/ /de dag gi dbus su bgrang phreng bzung nas bshad pa'i lha'i rang bzhin du bsgom zhing / a k+kha ru zhes pa la sogs pa'i sngags kyis byin gyis brlabs po zhes pa 'di'i rab gnas so/ /lag pa g.yon pa rdo rje ma yin pa rdo rje ru gyur pa ste/ ci ltar zhe na rdo rje lag pa g.yas pa dang gnyis su med pa'i phyir ro/ /rdo rje dang pad+ma dag stong pa nyid dang snying rje dag dbyer med par bsgom pas lag pa g.yas pas sngags bzla'o zhes pa'i don to/ /sor mo'i khyad par gsungs pa/ zhi ba zhes pa la sogs pa'o/ /khro bo zhes pa sdigs mdzub la'o/ yongs kyi mtha' zhes pa mthe'u chung la'o/ /lha rnams dgug pa'i bsams pas rdo rje lcags kyu'i ngo bor bsgom pa'i mthe bong gis bgrang phreng rab tu 'bebs shing bzla'o/ /de lta bu yang mnyam par gzhag pa ji skad bshad pa'i ngo bo la ting nge 'dzin par gal te gyur pa de'i tshe 'grub kyi gzhan du ma yin no zhes gsungs pa/ de nyid med pas shes pa ste/ ji skad bshad pa'i de kho na nyid mi bsgom pas so/ /phyag rgya'i de kho na nyid stong pa nyid du/ lhag par mos pa med par mi 'grub pa zhes pa lhag ma'o/ /de'i phyir rnal 'byor pa de kho na nyid sgom pa kho nas de kho na nyid gang gi gang ngo bo yin pa des thams cad byed do/ /de nyid kyi phyir a k+kha ru zhes pa la sogs pa swA hA'i mthar thug pa'i sngags so/ /yi ge a yig la sogs pa rnams gang gi rgyu yin pa de rnams de skad do/ /de gang gi ngo bo yin pa de de kho na nyid kyis sbyang ba'i sngags so/ /dngos grub kyi rgyu nyid kyi phyir snying po'o/ /de nyid kyi phyir rgyas par ston pa/ bgrangs zhes pa la sogs pa'o/ /bgrangs pa las te grangs las kyang grangs med pa ste/ don dam par ro/ /gang gi phyir brdzun pa sgyu ma lta bu ste/ brdzun par rtogs pa kho nas 'grub bo/ de'i phyir de kho na nyid kho na snying po ste/ mngon par 'dod pa sgrub par byed pa'i phyir ro zhes pa'i don to/ /nye bar sdud de/ bgrang zhes pa la sogs pa'o/ / de ltar bgrang phreng dag par byed pa'i sngags rnams kyis byin gyis brlabs la/ gang gi tshe kha cig tu bsgrub par bya ba la thob par 'dod par gyur pa de'i tshe de sgrub par byed de/ de dang rjes su mthun pa'i sngags zlos shing byin gyis brlabs pa'i bgrang phreng gis so/ /de nyid ces pa de kho na nyid kyis so/ /yongs su mi gsal ba ni mi gsal ba ste/ gal te nges pas lhag par mos pa med na de'i tshe dngos grub ring ba ste/ med pa kho na'am/ dus yun ring pos res 'ga' cung zad tsam 'grub bo zhes pa dgongs pa'o/ /ye shes kyi mtshan nyid rgyas par ston pa/ nyon zhes pa la sogs pa ste/ ye shes chen po ni rdo rje snying po'o/ /mnyam par gzhag pa na ste/ ting nge 'dzin par gyur pa na'o/ /'khor lo ni lha'i tshogs pa dang khams gsum pa'i 'khor lo'o/ /shes rab dang snying rje dag ro gcig pa nyid kyi byang chub kyi sems kyi khyad par las so/ /zla ba la ste sna tshogs pad+ma'i steng du'o/ ye shes kho na sa bon te/ shes rab rnon pos rdzus skyes nyid kyis ye shes rdzogs pa'i phyir ro/ /de gsungs pa/ rnam pa thams cad mchog ldan pa/ /spro dang sdud pa'i byed pa po/ /yud kyis ye shes rdzogs pa ni/ /rnal 'byor rdzogs par brjod par bya/ /zhes so/ / shes rab rtul po ni ye shes kyi sa bon hU~M ngo / /rgyan ni 'khor lo can la sogs pa'o/ /rdo rje dang rdo rje'i dril bu dang ldan pa'i phyag dag gis phyag rgya chen mo rang dang 'dra ba kha dog dkar mo shin tu mdzes ma la 'khyud pa snying gar 'tshir ba'o/ /A rA ta ste ring du sgrib pa gnyis las song ba ni 'phags pa'o/ / de nyid kyi phyir mngon par shes pa la sogs pa rnam pa sna tshogs pa rnams kyis snang bar mdzad pas na rnam par snang mdzad do/ /rnam par snang mdzad de kho na rdo rje 'dzin pa'o/ /gtso bo ni spro ba dang sdud pa la sogs pa rnams la mthu can gyi ngang tshul nyid kyi phyir ro/ /cig car zlos pa ni dam tshig gi bzlas pa'o/ /rim gyis zlos pa ni khyogs la sogs pa'i bzlas pa'o/ /de gnyis ka khyad par du byed de/ g.yon zhes pa la sogs pas so/ /lag pa gnyis gang yang rung bas bgrang phreng bskor ba'i phyir bzlas pa yang bskor ba lta bu'o/ /lha rnams de las te sngags bzlas pa las bde bar dgyes par 'gyur ro/ /ci'i sngags kyi bzlas pa zhe na/ A li dag gi oM AH yig dag go/ /kA li ni swA hA'o/ /sa bon ni hU~M ste de rnams kyi'o/ /ci ltar zhe na hU~M yig skud pa ste/ lus dang ngag dang sems kyi de kho na nyid gsal bar byed pa'i phyir ro/ /des brgyus shing snying por byas par ji ltar 'gyur ba ltar ro/ /oM AHhU~M swA hA zhes pa'o/ /sa bon 'di kho na bskyed pa'i don du snying gar yang bsgom mo zhes pa drang ba'i don to/ /cig car 'ga' zhig gi tshe stong pa nyid dang snying rje zung du 'jug pa'i rim pa khyad par du bskyed pas sngags gnyis su med pa'i ye shes kyi bzlas pa goms pa'o/ /khyad par ci zhe na/ brjod par bya ste/ g.yon pa shes rab bo/ /g.yas pa thabs so/ /de dag gi lag pa dag gi bde ba 'dzin pa'i thabs rdo rje dang pad+ma dag go/ /de gnyis las mkha' 'gro ma rnams kyi ste/ a wa d+hU tI la sogs pa rnams kyi de'i bde ba khyad par te gang rnams kyis bgrod par bya'o zhes dgongs pa'o/ /bskor ba ni srid pa dang mya ngan las 'das pa dag la mi gnas pa'o/ /A li ni khu ba'o/ /kA li ni rdul lo/ /sa bon ni gnyis ka'i nang du son pa'i sems te/ mngal 'dzin pa'i gnas skabs su bar do'i srid pa nas 'ongs nas skye ba'i myu gu skye ba'i phyir ro/ /de rnams dang 'brel ba can hU~M yig ste/ lus dang ngag dang sems kyi dga' ba gsum po dga' ba dang mchog dga' dang khyad dga'i ngo bo'o/ /de kho na skud pa lta bu ste/ des brgyus pas na sbrel ba ste/ dga' ba gsum po ro gcig pa'i lhan cig skyes pa ni khyad par ro zhes pa'i don to/ /'di'i zhes pa 'di kho na ste sa bon gyis rang gi ngo bo stong pa nyid dang snying rje'i rang bzhin goms par bya'o zhes pa nges pa'i don to/ /de ltar bskyed pa'i rim pa dang rdzogs pa'i rim pa la bcom ldan 'das rdo rje sems dpa' sems can gyi don gyi dbang las dkar po d ang ser po dang dmar po la sogs pa gzugs dang dbyibs dang phyag la sogs pa ma nges par khams gsum pa mu mtha' med pa rnams su de bzhin gshegs pa la sogs pa'i bkod pa sna tshogs rnams kyis spro ba dang sdud cing stong pa nyid dang snying rje ro gcig pa bde ba chen po'i rang bzhin ni ye shes kyi de kho na nyid do zhes gsungs so zhes pa'o/ /dpal yang dag par sbyor ba'i rgyud kyi rgya cher 'grel ba/ man ngag gi snye mar snye ma sum cu pa'o// //skye ba'i bye brag kyang thabs kyi yan lag yin pas/ 'chi ba'i rtags yongs su shes pa las/ gal te phyir bcos par mi nus na de'i tshe 'pho bas rnam par shes pa btang ba las khyad par can gyi gnas su skye'o zhes pas 'pho ba bshad pa'i ched du rtsom pa nyon zhes pa la sogs pa'o/ /gyen du bgrod pa ni 'pho ba ste/ de'i don du ba'i rnal 'byor ting nge 'dzin gyi khyad par te de'i rang gi ngo bo'o/ / 'gro ba mdzes pa zhes gsungs na yang yon tan gyi khyad par bstan pa'i ched du zhus pa'o/ /rab tu sbyor ba ni rjes su bsgrub pa ste 'chi ba'i dus su'o/ /tshad ma ni de kho na'i 'o/ /srid par skyon ni ngan 'gro gsum du sdug bsngal bar gnas pa'o/ /rgyas par ston pa'i ched du gsungs pa/ thig le zhes pa smin ma'i dbus kyi bu ga ste/ de nas 'phos pa'i rnam par shes pa ni gzugs kyi khams su skye'o/ /lte ba'i khung bu nas 'dod pa'i khams su'o/ /steng ni gser gyi sgo ste/ de nas steng rnams su ste/ byang chub sems dpa' la sogs pa'i gnas rnams su'o/ /'gro ba ni 'gro ba gzhan khyad par can du'o/ /mig nas mi'i 'gro bar ro/ /sna nas ni gnod sbyin gyi skye gnas so/ /sogs pas kha srid pa'i sgor shes par bya ste/ de nas yi dags kyi 'gro bar ro/ /rna ba nas grub pa'i lha'i skye gnas su'o/ /btung ba ni gci ba'i lam ste/ des dud 'gror ro/ /btung min ni bshang lam ste/ des dmyal ba rnams su'o/ /brgyad ces pa dmyal ba gzhan rnams nye bar mtshon pa'o/ /sgo'i khyad par gyis 'pho ba'i rnal 'byor mchog go zhes 'brel lo/ /shin tu mnyam gzhag ni legs par mnyam par gzhag cing las gzhan med pa rnams kyi'o/ /'chi ba'i dus thob pa rnams kyi ste/ 'chi ba gang yang mtshan mas shes par bya'o/ /de yang rgyud gzhan rnams su bstan to/ /'chi ba'i dus lam bab pa kho nar rgas pas dang nad rnams kyis gdungs pas ni rnam shes dbye mi bya ste 'pho bar mi bya'o/ /gsung bar 'gyur ba yang / dus min lha rnams gsod pa'o/ /zhes so/ /de la 'pho ba byed par 'dod pas thog mar dgang ba bum pa can goms par bya ste/ des ni sgo rnams thams cad du rlung rengs pa 'gro ba bcom par 'gyur ro/ /'on kyang sa bon rnams kyis sgo rnams bu ga med par btsir bar bya zhes gsungs pa/ lnga zhes pa la sogs pa'o/ /mgo bo dang lag pa dang rkang pa ste/ 'bur ba lnga rnams 'di la yod do zhes pa 'bur po lnga can te lus so/ /de'i mchod rten ni mgo bo dang de'i sgo gser gyi sgo dang smin ma'i dbus so/ /de'i bu gar sgom pa ste/ k+ShuM yig dang hUM yig go zhes pa lhag ma'o/ /de la gser gyi sgor k+ShuM yig ste/ de'i 'og tu hUM bsgom mo/ /smin ma'i dbus sgor ni hU~M dang / de'i nang du bde ba chen po'i chu skyes kyi lte bar haM ngo / /mchod rten de'i 'og gi sgo lce'i rtsa ba dang mgrin pa'i bu ga ste/ de dag gi sa bon suM dang / s+m+r+yuM chu ltar dkar po ste/ de rnam par dag pa'i phyir ro/ /btung dang btung min gyi'am/ de'i ste lte ba'i sgo'i me'i sa bon k+Sh+m+r+yuM 'bar ba lta bu'o/ /gsungs zin pa 'di rnams dang 'chad par 'gyur ba'i sa bon rnams snga ma'i bum pa can gyi 'brel ba can rnams te/ lhan cig byed pa nyid kyis bsgom mo zhes pa rlung 'ching ba ni 'di rnams kyi dgongs pa'o zhes mngon par dgongs pa'o/ /rlung gi mdog can sngon po lus hU~M yig ni/ rlung gi dkyil 'khor rnam par dag pa'i sems kyi sgom ste/ mig dag la'o/ /hU~M gi sa bon 'di ni 'pho ba la sogs pas dkar po kho na'o/ /'di dang sa bon gzhan rnams kyi yang sngon po nyid ni las gzhan la kha dog gzhan nyid nye bar mtshon to/ /rlung gi sa bon ni yuM yig go/ /gang gi phyir de'i rtsa ba rnams ni rlung gi rtsa ba ste/ de'i sa bon gyi rtsa ba can no/ /rtsa ba ci zhe na rlung ste/ sa bon dang myu gu la sogs pa bzhin rnams te 'bras bu dang rgyu'i dngos po'i rgyun thog ma med pa'o zhes thams cad pa'i rigs pa mtshon pa zhar la byung ba'o/ /de yang thig le dang nA da dag dang u yig dang ldan pa ste/ de'i phyir yuM gyi sa bon rna bdag dang sna bug dag la bsgom pa'o/ /des dang gzhan rnams kyis te/ sems kyis yongs su bsgoms pa nyid kyi phyir sems kyi sa bon rnams kyis dgug par bya zhing nad du gzhug ste/ rlung dgag par bya zhes pa'i don to/ /rdo rje ma zhes pa rdo rje mkha' 'gro ma dang seng ge ma ste/ de dag gi sa bon dag ni suM dang s+m+r+yuM ste de dag kha la mdor bstan pa dag gi rgyas par bstan pa 'di'o/ /'jigs ma'i sa bon ni k+ShuM ste/ de tshangs pa'i sgor bsgom pa rgyas par bstan pa 'di'o/ /de ltar rnam par bsgoms te/ lcags kyu la sogs zhes pa'o/ /'di rgyas par ston te/ 'jigs ma zhes pa gtum mo'i lte bar te/ kun du rtog pa mtha' dag bsregs pas bya dka' ba nyid kyis na mos pa chung ba rnams skrag pa'i gnas nyid kyi phyir ro/ /de'i 'od zer gyi lcags kyu lta bus dgong pa la sogs pas bkug pa zhes pa bkug pa'i brten pa rnams kyis rten la nye bar btags pa las sgo dgu dang snying ga'i rlung rnams kyis so/ /dang po mgo bo dang spyi gtsug dang smin dbus dang / mig dang rna ba g.yas dang rna ba g.yon dang sna dang kha dang mgrin pa dang rgyab stod ltag pa dang / phrag pa dang mchan khung dang nu ma dang snying ga dang lte ba dang pho mtshan dang rtags dang bshang sgo dang brla dang pus mo dang byin pa dang rkang pa'i rgyab dang mthe bong dang sor mo ste gnas nyi shu rtsa bzhi rnams las bkug nas/ de'i nang du son pa gnas bcu la gnas su bcug pa rnams kyis/ gsang ba'i 'khor lo nyid du gong bur byas pa rnams kyis/ des sbar ba ni gtum mo 'bar ba'i lcags kyu snying ga'i rlung gi dkyil 'khor la sogs pa rnams la sbyar bar bya'o/ /des na rab tu rgyas par ston te/ ci zhes pa la sogs pa'o/ /ci rtags med pa'i go 'phang gi gnas kyi gzhi la goms pas gnas nas/ gzhi la ste rten la gong du sa bon sbyar bar bya'o/ /'og gi gnas su ci la sbyar/ /zhes shugs kyis gsung ngo / /de ltar hi ka zhes phyed dang bcas pa'i yi ge ni sgo dgu rnams kyi steng du ste gser gyi sgo la dag par bya'o/ /mdzod spu ni smin dbus so/ /der skra dkar nyams par byed pa nye bar mtshon pa'i sa bon haM dang hU~M ste des so/ /nang du goms pa'i gnas skabs su mdzod spu'i 'og gi mtshams ji srid par drang ste/ des steng du mig las 'pho bar 'gyur ro/ /de ltar dbang du byed pa kho na steng du sbyor ba'o/ /snying gar slar yang rlung gi dkyil 'khor gyi dbus su hU~M sngon po sbyor ba sbyang bar skra dkar sa bon gyis zhes gsungs pas gsal bar byas te/ gzhan du na bug pa'i sa bon gyis zhes gsungs byar 'gyur ro zhes 'doms so/ /ci ltar goms pa yin zhe na gsungs pa/ drag pa zhes pa la sogs pa ste/ drag pa zhes pa ni 'chi ba'i rgyu'o zhes pas 'tsho ba 'dzin pa rnams kyi sgra skad de/ des steng du gsang chen por nang gi brjod pas bskul bar zhes sbrel lo/ /ci zhe na/ sde ba brgyad rnams kyi mtha' ni ha'i sa bon te/ nang gi gau rI'i sa bon i yig gis khyad par du byas pa ni drag pa ste/ yi ge phyed kyi sbyar ba'o/ /drag pa ste ci zhig ce na/ sde pa rnams kyi snga ma dbyangs kyi sde pa gang gi dang po yin pa de ni sde pa snga ma dang po can te ka sde'o/ /de'i snga ma ka'i sa bon no/ /sgra'i sgras ni 'og gi rlung gis sbar ba'i gtum mo'i sgras so/ /rlung gi sa bon ni yuM ste/ dma' bar ni rlung gi dkyil 'khor gyi 'og gi mthar ro/ /steng gi mthar yang rlung gi sa bon no/ /'di thams cad rlung gi dkyil 'khor la gnas pa zhes bsgom pas/ gnas nyi shu rtsa bzhi rnams kyis bskyod pa'i rlung bkug nas/ gsang ba'i 'khor lo las steng du lte ba dang snying gar dang de las steng du mgrin pa dang smin dbus kyi mtshams dang de las kyang gong du 'pho ba'i dus su bskul bar bya'o/ /gal te slar yang 'chi ba bcom nas skra dkar la sogs pa yang nyams par 'dod pa de'i tshe 'pho ba ni thabs sgom pa bor nas gzhan sgom zhing skra dkar nyams byed kyi sa bon haM dang hU~M yig nag pos 'od zer nag po rnams kyis bdud rtsi'i char pas khyab par byas nas mgo bor dang gzhan du yang skra dang spu dkar po nyid bsal bar bya'o/ /'di yang nye bar mtshon pa ste/ gdams ngag ji lta bar bsgom pa'i dbye ba las gnyer ma dang nad dang 'chi ba nyams par byed pa la sogs pa'o/ /'dir nus pa med pa yang mchog tu bskul bar bya'o zhes gsungs so/ /de'i tshe ni sgo dgu rnams kyi mchog ste dam pa gser gyi sgo phye nas/ de'i skad cig la yid 'pho bar 'gyur ro/ /yid nyid ces pa drug pa'i don la dang po'o/ /'pho ba 'di'i phan yon ston pa/ lha zhes pa la sogs pa'o/ /lha sku gzugs la sogs pa rnams dang / bram ze rnams sdig pa dang bral ba'i mi rnams gsod pa po dang / ma dang pha dang dgra bcom pa gsod pa dang dge 'dun gyi dbyen dang de bzhin gshegs pa la ngan sems kyis khrag 'byin pa ste/ mtshams med pa lnga byed pa dang / ma byin par len pa dang 'dod pa log par spyod pa yang gser gyi sgo'i lam 'dis 'pho ba ni ngan 'gro rnams las grol te/ des ni ma yin pa kho na'o des ni sngon bag med pa las byas pa'i sdig pas gos pa ma yin no/ /mang pos ci bya ste 'khor ba'i skyon nyon mongs pa la sogs pa dang nad dang rgas pa'ang de la ring du 'gyur te/ bde 'gror skyes pa na byang chub sems dpa' la sogs pa mthong bas de rnams rtsad nas 'byin pa'i thabs rjes su bsgrub pa'i phyir ro/ /ji ltar 'dam du skyes kyang pad+ma mdzes pas shin tu dri ma med pa de bzhin du/ sdig pa rnams kyis dang por sngar mi shes pa la sogs pas gang rnams kyi lus gos pa de rnams kyis zhes pa 'pho bas srid pa bar do la sogs pa rnams su ye shes kyi rang bzhin gyi sku rang 'dod pas spyod par 'gyur ro/ /'pho ba yang 'chi ba'i dus la bab pa na bya ste/ dus ma yin par byas na lha gsod par 'gyur ro/ /de'i phyir 'chi ba'i rtags rnams lus la mtshon par bya ba ni rang bzhin du gnas pa'i lus la ste gzhan du na the tshom mo/ /khams mi mnyam pa las dang nad las dang rab rib la sogs pa'i mthu las dang 'jigs pa dang mya ngan la sogs pa'i nus pa las rnam pa gzhan du snang ngo / /dbang thang dang 'byung ba dang gnyis ka 'khrugs pa las 'chi ba'i mtshan nyid rnam pa gsum mo/ /'chi ltas 'byung ba thob nas de las dbye bas mtshon par bya'o/ /de la bskal pa 'khrugs pa nang dang phyi ste/ rim pa ji lta bar a na sha na la sogs pa dang thog 'bab pa la sogs pa'o/ /de bzhin du 'byung ba 'khrugs pa ni mkhris pa la sogs pa dang me dang chu la sogs pa'i nye bar 'tshe ba'o/ /'chi ba'i rtags rnams ni slar yang phyi'i rnams dang nang gi rnams so/ /de la phyi'i 'chi ba'i rtags rnams grangs las 'das pa rnams te/ de rnams kha cig gis ni lo brgya rnams kyis kyang sus smra bar nus/ gzhan yang phyi'i mtshan nyid tsam las 'chi ba yang dag par nges pa ma yin te/ phyi rol du blo phyin ci log pas nad la sogs pa las kyang dogs so/ /nang gi rnams ni mnyam pa rang bzhin du gnas pas brtag par bya'o/ /de la ni dkar po'i tshes gcig nas brtsams nas nyin gsum du rlung zla ba nas tho rangs dus sbyor gcig gam thun phyed du 'bab ste dus sbyor ram thun phyed gnyis pa nyi mar ro/ /de'i rjes su nyin gsum rnams nyi ma nas tho rangs dus sbyor gcig gam thun phyed du ste gnyis pa'i dus sbyor ram thun phyed ni zla ba nas so/ /dbugs brgya phrag bco brgyad dus sbyor gcig dang / dbugs phyed dang bcas pa'i brgya phrag bcu gsum thun phyed do zhes sngar bshad zin te/ 'dod pa gnyis kyang ngo / /de ltar nyin zhag gsum gsum rnams kyis dus sbyor re re 'am thun phyed phyed rnams kyis sna bug dag tu rlung snrel zhi'i rim pa'o/ /rim pa 'di bzlog pa ni 'chi ba'i rtags su rnam par nges so/ /zla ba phyed pa gsum phyin ci log pa las zla ba drug rnams kyis 'chi ba'o/ /zla phyed gnyis kyis mdza' bo rgud pa'o/ /zla ba phyed kyi gcig gis nad do/ /sna bug dang kha ste lam gsum rnams kyis rgyun nyi ma phyed las pha rol du 'chi'o/ /sna bug dag 'pho ba dang bral bar 'bab na nyin bcu rnams kyis 'pho ba na'o/ /mnyam pa ldan pa'i skad cig la mig dag 'gul na nyin zhag gis so/ /sna bug gnyis spangs nas kha nas rgyu na nyin de kho na la'o/ /dgun zlar ba'i 'pho ba'i dus nas brtsams nas nyin lngar nyi ma'i lam nas rgyun lo bco brgyad rnams kyis so/ /tha skar can la de ltar rgyun lo bco lnga rnams kyis so/ /dbyar zla tha chungs la de ltar rgyun lo bcu gnyis rnams kyis so/ /dbyar zla ra ba la de ltar rgyun lo dgu rnams kyis so/ /nag pa can gyi la de ltar rgyun lo drug rnams kyis so/ /mchu can gyi la de ltar rgyun lo gsum rnams kyis so zhes pa thun mong du dus so/ /khyad par du ni/ mnyam pa bdun song nyi ma la/ /gal te skye skar la zla ba/ /dus 'di rgyas can zhes bya ste/ /'chi ba nges par byed pa'o/ /khyim gang la ni mi skyes pa/ /de las bdun pa gang yin gzhan/ /mnyam pa bdun zhes grags pa ste/ /de ru nyi ma mnyam bdun 'gro/ / gal te khyim der zla ba na/ /skyes pa'i skar mar son par 'gyur/ /rgyas pa'i dus su de shes bya/ /de la 'chi ba brtag bya ba'o/ /rgyas pa'i dus su gal te rlung / /nyin phyed nyi mar son par 'bab/ /lo ni bcu bzhi'i grangs rnams kyis/ /de tshe 'chi bas mtshon par bya/ /nyin mo gcig dang nyin mtshan gcig /nyin mo gnyis gsum bzhi 'bab na/ /nyi ma phyogs dang ri bo drug /rig byed lo yis rim pas 'chi/ /gzhan yang ma rig pa la sogs pa'i rang bzhin khyim bcu gnyis kyi 'khor lo rim pa gnyis pa bri'o/ /de la rim pa dang po la/ /skye ba'i khyim nas gzung ba'i 'chi ltas kyi rlung rgyu ba'i nyin mo/ /nyin mtshan gyi bdag nyid rnams so/ /gnyis pa la 'chi ltas kyi nyin zhag gi lhag ma cho lo dang zla ba dang nyin zhag rnams mdor bstan pa tsam gyis/ rdo rje mkha' 'gro dang dus kyi 'khor lor gsungs so/ /rgyas par bstan pa las ni nyin zhag 'dor ba brjod par bya ste/ 'dir gang gi dus na tshe'i lhag ma lo gsum rnams lte ba la ste/ dus sbyor gyi rtsa rnams la shar du skye ba'i dus sbyor gyi rtsal/ rlung nyi ma'i lam nas nyin mo lnga rnams rgyun mi 'chad par rgyu ba de'i tshe lo gsum gyis nyin zhag brgyad cu lhag pa'i stong phrag rnams las 'chi ltas kyi nyin zhag rnams dang lhan cig mda' dang me dang me'i nyin zhag rnams 'dor ro/ /rtsa gzhan la yang nyin zhag 'dor ba ni 'chi ltas kyi nyin zhag dang lhan cig pa kho nas shes par bya'o/ /de nas rtsa de dor nas rtsa gnyis pa la/ lhag ma bzhi bcu rtsa lnga dang bdun brgya'i nyin zhag rnams dang lhan cig 'jug ste/ 'pho ba bcu gcig rnams kyis dbugs khri phrag gnyis dang brgyad brgya pa gnyis kyis nyin zhag byed do/ /rtsa dor na yang dbugs kyi 'khor lo dman pa med do/ /de bzhin du rtsa gzhan ji snyed pa rnams su rgyu ba de snyed kyi 'pho ba rnams kyis nyin mtshan te/ dbugs kyi 'khor lo yang sman pa med pa kho na'o/ /rtsa gnyis pa la yang nyin zhag bcu rnams de lta kho nar rgyun/ mda' dang chu gter dang me'i nyin zhag rnams la dor te/ de spangs nas lhag ma'i nyin zhag rnams dang lhan cig gsum pa la zhugs te/ nyin zhag bco lnga de ltar rgyu zhing nyin zhag bdun cu lhag pa'i brgya 'dor ro/ /de spangs te lhag ma'i nyin zhag rnams dang lhan cig bzhi pa la zhugs nas nyin zhag nyi shu rnams de ltar rgyu ste/ nyin zhag brgyad cu rtsa gnyis 'dor ro/ /de spangs nas nyin zhag lhag ma rnams bzung nas lnga pa la ste/ nyin zhag nyi shu rtsa lnga rnams de ltar rgyu zhing / nyin zhag lnga bcu rtsa bdun rnams 'dor ro/ /lhag ma rnams dang lhan cig drug pa la zhugs te nyin zhag nyi shu rtsa drug rnams rgyu zhing nyin zhag nyi shu rtsa brgyad rnams 'dor ro/ /lhag ma rnams dang lhan cig bdun pa la zhugs te nyin zhag nyi shu rtsa bdun rnams rgyu zhing nyin zhag nyi shu rtsa bdun rnams 'dor ro/ /lhag ma nyin zhag sum cu rtsa drug rnams dang lhan cig brgyad par zhugs nas nyin zhag bco lnga rgyu ste/ nyin zhag bco lnga rnams 'dor ro/ /lhag ma rnams dang lhan cig dgu par zhugs te nyin zhag bcu rnams rgyu zhing nyin zhag bcu rnams 'dor ro/ /lhag ma rnams dang lhan cig bcu pa la zhugs te nyin mo lnga rnams rgyu'o/ /lnga 'dor ro/ /lhag ma rnams dang lhan cig bcu gcig pa la zhugs nas nyin zhag gsum rgyu ste nyin zhag gsum 'dor ro/ /lhag ma rnams dang lhan cig bcu gnyis pa la zhugs nas nyin mo gnyis rgyu ste nyin zhag gnyis 'dor ro/ /nyin zhag gcig bzung nas lte ba la a wa d+hU tI ru 'jug go rgyu'o 'dor ro/ /'dir nyin zhag lnga dang nyi shu rtsa lnga dag gi bar du nyin zhag bcu drug rnams la brjod de/ de la nyin zhag drug rgyun nyin zhag nyi shu rtsa bzhis dman pa'i lo gsum na 'chi ba'o/ /nyin zhag bdun na ni bzhi bcu rtsa brgyad kyis dman pa rnams kyis so/ /nyin zhag brgyad na bdun cu rtsa gnyis kyis dman pa rnams kyis/ /dgu'i nyin zhag na dgu bcu rtsa drug rnams kyis dman pa rnams kyis so/ /nyin mo bcu gcig na lo gnyis las nyi shu rtsa bzhis dman pas so/ /nyin mo bcu gnyis na ni bzhi bcu rtsa brgyad kyis dman pa las so/ /nyin zhag bcu gsum gyis bdun cu rtsa gnyis kyis dman pa las so/ /nyin zhag bcu bzhis dgu bcu rtsa drug gis dman pa las so/ /nyin zhag bcu drug gis lo gcig las bcu gnyis kyis dman pa las so/ / nyin zhag bcu bdun gyis nyi shu rtsa bzhis dman pa las so/ /nyin zhag bco brgyad kyis sum cu rtsa drug gis dman pa las so/ /bcu dgus bzhi bcu rtsa brgyad kyis dman pa las so/ /nyi shu rtsa gcig gis zla ba drug gis dman pa las so/ /nyi shu rtsa gnyis kyis bcu gnyis kyis dman pa las so/ /nyi shu rtsa gsum gyis zla ba lnga las drug dman pa las so/ /nyi shu rtsa bzhis nyin zhag bcu gnyis kyis dman pa las so zhes pa nyi ma'i 'chi ltas so/ /gang gi tshe dus sbyor gyi rtsa snga ma la rlung zla ba'i lam nas/ zla ba sum cu rtsa drug rnams kyis zla ba thog ma'i dang po'i zhag gcig 'bab bo/ /zla ba gnyis pa la mi rgyu'o/ /gsum pa'i dang por nyin zhag gnyis rgyu'o/ /bzhi pa la ma yin no/ /lnga pa'i dang por nyin zhag gsum 'bab ste drug pa la ma yin no/ /de ltar rtsa gcig la 'chi ltas kyi nyin zhag gsum rnams dang lhan cig zla drug 'dor ro/ / lhag ma rnams dang lhan cig gnyis pa la zhugs nas/ bdun pa la sogs pa'i zla ba gsum rnams la rim pa ji lta bar nyin zhag bzhi rnams dang lnga rnams dang drug rnams rgyu ste/ de ltar nyin zhag drug rnams kyis zla ba gsum 'dor ro/ /lhag ma rnams dang lhan cig gsum par 'pho ste/ de las gzhan pa'i zla ba gsum la nyin zhag bdun dang brgyad dang dgu rnams 'bab bo/ /de ltar nyin zhag dgu rnams kyis zla ba gsum 'dor ro/ /lhag ma dang lhan cig bzhi par song nas gsum rnams su de ltar bcu dang bcu gcig dang bcu gnyis rnams 'bab bo/ /de ltar nyin zhag bcu gnyis rnams kyis zla gsum 'dor ro/ /lhag ma rnams dang lhan cig lnga par zhugs te/ bcu gsum pa dang bcu bzhi pa dang bco lnga rnams rgyu'o/ /de ltar nyin zhag bco lnga rnams kyis zla ba gsum 'dor ro/ /lhag ma dang lhan cig drug par zhugs te gsum rnams la bcu drug dang bcu bdun dang bco brgyad rnams rgyu'o/ /de ltar nyin zhag bco brgyad rnams kyis zla ba gsum 'dor ro/ /lhag ma rnams dang lhan cig bdun par song nas gsum rnams su bcu dgu dang nyi shu rtsa gcig rgyu ste/ de ltar nyin zhag nyi shu rtsa gcig rnams kyis zla ba gsum 'dor ro/ / lhag ma dang mnyam du brgyad par song bas gsum rnams su nyi shu rtsa gnyis dang / nyi shu rtsa gsum dang nyi shu rtsa bzhi rgyu ste/ de ltar nyin zhag nyi shu rtsa bzhi rnams kyis zla ba gsum 'dor ro/ /lhag ma rnams dang lhan cig dgu bar zhugs nas gsum rnams su nyi shu rtsa lnga dang nyi shu rtsa drug dang nyi shu rtsa bdun rgyu ste/ de ltar nyin zhag nyi shu rtsa bdun rnams kyis zla ba gsum 'dor ro/ /lhag ma rnams dang lhan cig bcu par song ba gsum rnams su nyi shu rtsa brgyad dang nyi shu rtsa dgu dang sum cu rgyu'o/ /de ltar nyin zhag sum cu rnams kyis zla gsum 'dor ro/ /lhag ma rnams dang lhan cig bcu gcig par song nas gsum rnams su sum cu rtsa gnyis dang sum cu rtsa gsum rnams rgyu ste/ de ltar nyin zhag sum cu rtsa gsum rnams kyis zla ba gsum 'dor ro/ /bcu gnyis par zhugs nas thog ma'i rtsa la ma bab pa'i nyin zhag gsum gyis nyin zhag gnyis 'bab bo/ /lte ba la nyin zhag gcig go zhes pa zla ba'i 'chi ltas so/ /'dir gal te mngal nas skyes pa'i dang por byis pa la sogs pa la nyin zhag gcig gam nyin zhag gnyis la sogs pa rnams 'bab pa de'i tshe lte ba nas bzung ste/ lugs las bzlog pas tshe'i nyin zhag rnams 'dor ro zhes shes par bya ste/ nyi ma dang zla ba'i 'chi ltas dag la'o/ /dus tshod kyi skad cig gang la rlung gi 'gro ba gzhan 'jug pa'i dus tshod kyi skad cig de rdzogs pa na 'chi ba ste 'di la the tshom med do/ /de ltar nyi ma'i 'chi ltas kyis sam zla ba'i 'chi ltas kyis khyim bcu gnyis 'dor ba las rnam par shes pa yang dbugs kyi 'khor lo spangs shing skal ba mnyam pa'i rgyun 'gags pa ni las kyis bskul ba'i srog gi rlung dang lhan cig dri zas bar med par ram rnam pa gzhan gyis 'gro ba gzhan du 'gro zhing / skal pa mi mnyam pa'i rgyun mngon par 'grub par byed do/ /'chi ba ni skal ba mnyam pa'i rgyun gyis rnam par shes pa dang dbang po dang tshe 'gag pa'o/ /de kho na mtshan rtags nges pa rnams kyis shes nas 'pho ba'i don du rnal 'byor brtsam par bya'o/ /rnal 'byor brjod pa'i ched du gsungs pa/ nyon zhes pa la sogs pa'o/ / rnal 'byor ni stong pa nyid dang snying rje dag gcig pa nyid de/ de'i bdag nyid kyis bsgrub bya'i khyad par las lha'i rnal 'byor gyis so/ /mnyam nyid ni ro gcig pa nyid de/ sems zhes pa khams bco brgyad kyi ngo bo thog mar gsungs pa'i chos rnams thams cad nye bar mtshon pa'o/ /de nyid kyi phyir gsungs pa/ sngar gyi mtshan nyid thams cad las/ /zhes so/ /mnyam pa nyid 'di'i sgrub par byed pa'i rim pa gsungs pa/ snying gar zhes pa la sogs pa ste/ sangs rgyas lnga'i sa bon ni hU~M 'od zer dmar po can no/ /de ni des bkug pa'i lha mo'o/ /ji srid du gzugs la sogs pa thams cad du stong pa nyid kyi rjes thogs su'o/ /hU~M zhes pa ni sa bon gzhan nye bar mtshon pa'o/ /dbugs mi g.yo ba nyid ci ltar zhe na/ dgang bya zhes pa la sogs pa ste/ hU~M suM yuM yuM k+ShuM s+m+r+yuM h+m+r+yuM y+m+r+yuM k+Sh+m+r+yuM zhes pa sgo dgu rnams su'o/ /snying gar ni hU~M zhes pa'o/ /sa bon brgyad rnams ni/ hU~M suM yuM s+m+r+yuM h+m+r+yuM y+m+r+yuM k+Sh+m+r+yuM zhes pa go cha'i sa bon brgyad rnams so/ /de rnams spyir btub ni/ A li zhes pa la sogs pa ste/ ji bzhin zhes pa ji ltar rigs par ro/ /sa bon ldan ni sa bon dang ldan pa ste/ de dang de'i gnas so/ /gal te yang sngar kha dog sna tshogs rnams brjod mod/ de lta na yang 'dir sa bon rnams thams cad dkar po 'od zer dkar po can rnams so/ /snying ga'i sa bon mdor bstan pa/ chu shing zhes pa la sogs pa ste/ snying gar pad+ma chu shing me tog bzhin cung zad kha bye ba 'og tu kha phyogs pa ste/ de'i dbus su sgong skyes so/ / de yang ye shes rlung la zhon pa hU~M ngo / /rnam shes ni yuM yuM hi ka ces pa'o/ /dngos po ni 'byung bas na ste khams bco brgyad kyi ngo bo'o/ /de'i dngos po ni rang bzhin te/ rang bzhin med pa nyid mnyam pa nyid do/ /stong pa nyid dang snying rje zung du 'jug pa 'di thams cad bsgom par bya zhes pa'i don to/ /de las phyi rol te gzhan rnal 'byor rnam shes 'phrog pa bsam par bya'o/ /phyogs kyi khyim rnams ni steng dang 'og gi gnas rnams so/ /de rnams su sems par byed do zhes sems te rlung rnams so/ /de rnams kyi dgang ba dang bum pa can dang zhi byed rnams kyis sdud pas gang lte ba'i 'og tu sor bzhi dor nas rlung gi dkyil 'khor te/ de yi sems kyis bzlas pa bya/ /zhes 'brel lo/ /phyogs gnyis gnas zhes pa 'don pa la yang gnyis dag tu steng dang 'og tu zhes 'don te kho na'o/ /de yi ste rlung gi dkyil 'khor gyi steng du dbus su me'i dkyil 'khor ro/ / de'i steng du dbus su lte ba la nyi ma rtul lo/ /de ru A li'i gtso bo aM sa bon te nA da'i ngo bo'o/ /kA li ldan pa'i sa bon ni hU~M ste snying gar ro/ /de kho na ni aM gi sa bon te kha dog dmar po'o/ /sems kyi rgyal po zhon pa'i phyir khyogs dang 'dra bas khyogs te steng du rjes su 'gro ba'i rlung ngo / /'khyer bar byed do zhes pa 'khyer ba kho na 'khyer byed de 'og tu 'jug pa'o/ /de dag gis goms par bya'o/ /de la khyogs kyis bsnun bzhin pa ni snying ga'i hUM gi sa bon 'khor dang bcas pa mgo bo ji srid par 'dren no/ /de'i rjes su khyer byed kyis de nas snying ga ji srid par tshur 'dren no/ /de ltar kA shI'i me tog bzhin 'dren pa dang tshur 'dren pa ni rnam par shes pa khyer bar byed pa'o/ /khyogs kyi khyogs ni gyen du bskyod pa ste/ du la 'degs pa la'o zhes byings so/ /des khyogs kyi rjes thogs su khyer byed kyang bzlas pas dbang du byas nas rnal 'byor pas bdag nyid kyi lus las phyi rol du yang goms par bya'o/ /ji ltar zhe na gsungs pa/ khyogs zhes pa la sogs pa'o/ /'degs pa ni khyogs te snying gnas phyi rol du 'dren pa'o/ /de kho na mtshan nyid de/ des mtshon bya rlung la sogs pa'i'o/ /khyer ba ni khyer byed de snying ga ji srid par 'jug par bya'o/ /de kho na mtshan nyid de bsam par bya'o/ /de ltar mnyam par gzhag pa rnam g.yeng med par ji ltar 'gyur ba de ltar yang dang yang du goms pas/ khyogs dang khyer byed kyi ting nge 'dzin las mnyam pa nyid du ro gcig pa nyid rang gi ngang gis 'byung ba nyid 'grub 'gyur te/ rlung dang rnam par shes pa dag gi de kho na nyid ro mnyam pa nyid dang / de bsgom pa rang gi ngang gis 'byung ba 'grub bo/ /de ltar gyur pa na yang de nas zhes pa la sogs pa ste/ sgrub pa po'i lus las phyi rol du gyur pa/ rnam par shes pa srid pa bar do la sogs par ram pha rol gyi lus la sprul par 'gyur ro/ /gzhan gyi sems ni rang gi lus kho na las me la gzung ba'i rjes su ba'i sems/ gzhan gyi snying gar bcug nas rjes su sems pa shes par bya'o/ /de ltar tshar gcad pa dang rjes su bzung bar nus pa 'di ni bdag nyid chen po'o zhes gzhan la rtogs su gzhug par bya'o/ /de ltar ni bstan pa la sogs pa la gnod par byed pa yongs su spangs nas phan pa byed pa lhur len par pha rol por 'gyur ro/ /'di thams cad ni seng ge rnam rol du gsungs te/ seng ge'i bzhin du mnan nas/ 'gro ba gzhan du dang gzhan gyi grong du yang tshar gcod pa la sogs pa dang ji ltar mngon par 'dod par yul nye bar spyod pa rnams kyis dogs pa med par 'dir rol ba'o zhes byas nas so/ /mig dang rna ba dang sna dang kha rnams sor mo rnams kyis 'gog pa ni seng ge rnam par rol pa'i phyag rgya ste des rlung steng dang 'og tu bsdams nas ji skad gsungs pa'i rnal 'byor goms par bya zhes kha cig go/ /de lta kho nar bsgom pa la sogs pa rnams kyis sems par byed pa'i gser gyi lam mngon par 'dod pa rdzogs pa'i ched du 'grub po zhes pa nye bar bsdu ba'o/ /de nas kyang 'pho ba'i rjes thogs su ye shes kyi gzugs kyi yid kyi rang bzhin gyis lus su gyur nas rang dang gzhan gyi mun pa 'joms pa'i phyir mar mes bzhin du de kho na nyid snang ba'i ngo bo'i sems kyi yul rnams kyis seng ge bzhin du dogs pa med par rnam par rol cing rang dang gzhan la phan pa'i las so/ /'o na 'di thams cad legs par bshad pa kho na ste/ 'di 'dra ba cha shas kyang blta ba gzhan la yod pa ma yin mod/ 'on kyang de kho na nyid la goms pa dang ldan pa ni de kho na las mngon par 'dod pa thams cad 'grub pa'i phyir na/ 'pho ba'i thabs bshad pas ci bya zhe na/ gsungs pa/ nyan zhes pa la sogs pa nyan thos la sogs pa'i rigs can rnams skye ba gcig la de kho na nyid la lhag par mos pa brtan pa ma yin no zhes dgongs pa'o/ /gang shin tu yun ring bar bsod nams bsags pa/ rigs chen po sad pa ni the tshom dang bcas pa'i phyin ci log gi dri mas ma rnyogs pa nyid kyis shel bzhin du nye bar gzhag pa ji lta ba'i sna tshogs pa'i rnam pa 'dzin pa nyid kyis kyang gsungs te/ spros pa gzhan la phan pa'i ched du rtogs nas dor bar bya'o/ /'od kyi ngo bo'i sems kyis kyang stong pa nyid dang snying rje gnyis su med pa'i rnal 'byor kho na la dmigs par bya'o/ /'dir dang po rang gi snying gar zla ba la gnas pa'i hU~M dmar po'i 'od zer gyis bkug pa'i ye shes mkha' 'gro ma yang dag par mchod nas/ ji srid stong pa nyid kyi bar mchod du sna tshogs chu skyes dang zla ba la hU~M dkar po las skyes pa'i bdag nyid ye shes mkha' 'gro ma sems dpa'i skyil krung can dkar mo bzhad cing dkar ba dang khros shing nag pa dang sgeg cing dmar ba'i rtsa ba dang g.yas pa dang cig shos kyi zhal gsum pa/ spyan gsum ma/ phyag drug ma/ g.yas pa rnams kyis rdo rje gdengs pa dang mda' dang lcags kyu 'dzin pa/ g.yon pa rnams kyis snying gar sdigs mdzub dang bcas pa'i zhags pa dang dpag bsam gyi 'khri shing dang steng du go gon pa'i gzhu bsnams pa/ skra'i zhags pa chas legs pa/ sna tshogs pa'i rin po che dang gos kyi rgyan can/ cod pan nas de bzhin gshegs pa la sogs pa 'phro ba rnams kyis nam mkha'i khong 'gengs par bltas te steng gi sgor k+ShuM/ de'i 'og tu hU~M/ smin mtshams kyi bu gar hU~M/ de'i steng du ha~M/ lce'i rtsa bar suM/ mgrin pa'i bug par s+m+r+yuM/ mig dag la hUM/ rna ba dag la yuM ngo / /sna bug dag la yuM/ lte ba'i sgor k+Sh+m+r+yuM/ btung bar k+Sh+m+r+yuM/ thur sel du k+Sh+m+r+yuM/ sgo dgu rnams su sa bon 'di rnams dkar po ste/ 'od zer 'thug po rnams kyis mtshams med par byas nas nang du mgo bos gnas pa rnams bsam mo/ /go cha'i don du phrag pa dag la h+m+r+yuM snying gar y+m+r+yuM zhes pa ste sa bon gzhan gnyis de ltar kho na'o/ /de'i rjes su snying gar kha thur du bltas pa'i chu skyes kyi dbus su thur du phyogs pa'i srog gi rlung gi dkyil 'khor te/ de'i dbus su rnam par shes pa'i rang gi ngo bo hU~M/ steng gi mthar yuM/ yuM gi dbus su haM/ 'og gi mthar yuM/ yuM gi steng du ka zhes pa'o/ /hU~M yig la sogs pa rnams 'og tu mgo bstan pa'o/ /yuM yig la sogs pa rnams sngon por bsgoms te/ khyad par du skyil krung bcas nas yan lag thams cad drang por byas shing mig sna rtser gtad la/ lus thams cad la song pa'i khyab byed kyi rlung bkug ste lto ba'i nang dgang bar bya'o zhes pa dgang bas/ dug dang gdud pa dang rims la sogs pa zhi ba'i 'bras bu mthong bas ni rab tu zhugs pa/ lte ba kho nas bum par chu mi 'bo bar gnas pa lta bu'i bum pa can bya'o/ /des ni sgo dgu rnams rengs par 'gyur ro/ /de'i rjes su dal bus de yang gsang ba'i chu skyes kyi lte ba kho nar ril por byas pa 'byung ba dang 'jug pa dang bral bar bsam par bya'o zhes pa rab tu zhi ba'i mthar thug pas rlung dbang du byas te/ des khyogs kyis rab tu sbar ba'i me cher gsal ba/ ji skad gsungs pa'i ji ltar 'dod pa'i gtum mo yang dag par sbar bas/ bsnun bzhin pa'i snying ga'i pad+ma gyen du phyogs par byas nas/ der son pa'i rlung gi dkyil 'khor yi ge dang bcas pa steng du phyogs pa/ hi dang ka dag steng dang 'og tu gnas pa dang 'og dang steng du gnas par gyur pa dag ces bsgoms te/ man ngag ji lta bar nang gi bzlas pa byed cing bde ba chen po'i 'khor lo ji srid bar drang bar bya'o/ /de'i rjes su rlung de kho na 'og tu 'jug pa'i khyer byed kyis sngar bzhin du thams cad 'og tu phyogs shing ka dang hi dag kyang rang gi gnas su slar drang bar bya'o/ /de ltar yud tsam so so la de lta kho nar 'dren pa dang slar 'dren pa dag gis rnam par shes pa'i bzhon pa srog gi rlung dbang du byas te/ dbyung ba de kho nas steng gi sgo phye nas 'pho bar rung ba nyid kyi ched du/ phyi rol du yang de lta kho nar de dag gis dbang du bya'o/ /de las de'i rnam par shes pa rang gi 'dod pas 'phos nas bar do'i srid par gnas pa lam 'gro ba gzhan yongs su 'dzin te/ yang na gzhan gyi grong du 'jug go'am/ gzhan rnams tshar gcod pa dang rjes su 'dzin pa dag byed do/ /de la gtum mo'i sa bon gyis thig le las byung ba'i 'od zer dang bcas pa'i 'bar bas A li kA li'i phreng ba dang lhan cig sna g.yas pa nas byung ste/ bsgrub bya'i sna bug g.yon nas zhugs nas snying ga'i chu skyes su song ba'i 'bar ba'i rin po che'i rnam pa can rnam par shes pa la khyab par byas te khyer nas/ sna g.yas pa nas byung zhing rang gi g.yon pa nas zhugs te gsang ba'i mer bcug la bsreg cing tshar bcad do/ /de'i rjes su de gnod pa byed pa la sogs pa'i bsam pa log pa me dang bral ba la/ man ngag ji lta bar gzhom du med pa'i bdud rtsi'i rgyun dkar po rnams kyis dbang bskur ba las/ nad la sogs pa rab tu zhi zhing / ser po rnams kyis yon tan gyi tshogs rgyas la dmar po rnams kyis dbang du byas pa/ de lta kho nar bton te/ bcug nas snying ga'i chu skyes su gzhug pas rjes thogs su 'dzin to/ /de las phyung nas rang gi lus la rab tu 'jug go/ /'chi ba ni ji skad bshad pa'i gtum mo'i rnal 'byor goms pa rab tu gyur pa kho na las nges par slu bar byed cing gnyer ma la sogs pa yang ste/ de kho na las rlung dbang du gyur pa la sogs pa yon tan rin po che'i phung po bskyed pa'i phyir ro/ /rnam pa 'di lta bu ni sngar rnam par spros so zhes pa man ngag dang bcas pa'i bsdus pa'i don to/ /de nyid kyi phyir spros pa thams cad ldog pas snying rje dang shes rab ro gcig pa nyid goms pa phul du byung ba kho na las tshogs gnyis las skyes pa mngon par mtho ba dang nges par legs pa phun sum tshogs pa shin tu chen po nyid rnams gsal bar 'gyur ro zhes rtogs pa'i ched du skabs byed pa la zhus pa/ kye zhes pa la sogs pa'o/ /ye shes kyi khyad par ci lags pa'o/ /gsang ba ni dman pa rnams kyi spyod yul ma yin pa nyid kyi phyir ro/ /yul rnams me long la bzhin bzhin du dang bas phal cher mi dge ba mi spyod pa'i phyir dang / 'ga' zhig gi yid kyi rang bzhin gyis lus snang brnyan du byed pa'i phyir ro/ /lha min rnams ni lha'i phun sum tshogs pa rnams la mi bzod pa 'bar ba'i sems so/ /bkres pa la sogs pa'i sdug bsngal kyis 'khrugs pa nyid kyi phyir yi dags rnams dman pa'i yid can rnams so/ /dmyal ba ba rnams kyi ni gshin rje'i skyes bu rnams las mi mnyam pa'i sdug bsngal dang 'jigs pas yang dag par non pa'i sems rnams so/ /dud 'gro rnams kyi ni shin tu brtan pa'i rmongs pa dang ldan pa'i sems so/ /mi rnams kyi ye shes ni ji ltar rigs par dang ba nyid la sogs pa'i khyad par can no/ /rang bzhin nyid kyi phyir phal che bas de rnams mdor bstan nas bstan pa 'jug pa las rnam par shes par bya'o/ /'o na shing rnams sems pa can yin te/ nyal ba'i phyir ro zhes phyogs kyi gos can 'dod pa'i ye shes kyi khyad par ci yin zhe na/ ci yang med de/ shing rnams la sems med pa de kho na'i phyir ro zhes gsungs pa/ sems med ces pa sems pa med pa'o/ /bstan pa ni 'dir rgyun du gnas pa'i chos dang ldan pa shing sdong la sogs pa ni dus thung dur gnas pa klog la sogs pa gang gi dang po yin pa de ni de skad do/ /ri dang chu klung dang klog la sogs pa bzhin du ljon shing dang 'khri shing la sogs pa la yang sogs pa med pa'o zhes dgongs pa'o/ /sgrub byed nyal ba la sogs pa ni gzhan du shing rta chen po rnams kyis sun phyung zin to zhes pas gyi na'o/ /de'i phyir dkyus mnye bar sdud de/ lnga yis zhes pa la sogs pa'o/ /me long ye shes nyid dang khro ba dang / dman pa nyid dang 'jigs pas du ba dang rmongs pa zhes pa rnam pa lnga ste/ phal cher khyad par ni/ ji ltar rigs par khyad par gzhan rnams nye bar mtshon pa'o/ /rnam pa 'di lta bu'i shes pa can 'khor ba pa lha la sogs pa 'di rnams ni glen pa nyid mi shes pa ste/ ma rig pa nyid kyis yang dag pa ma yin pa sgro btags pa'i 'dod chags la sogs pas ngan par sems pa'i phyir glen pa rnams kyang ngo / /de nyid kyis khyab pas lus kyis nyes par spyad pa spyod pa'i phyir khebs pa rnams kyang ngo / /yang dag pa ji lta ba'i don gyi de kho na nyid smra bar mi nus pa'i phyir lkugs pa rnams kyang ngo / /de nyid kyi phyir byis pa'o/ /bsam pa ngan pa sems shing bya ba ngan pa byed pa smra ba ngan pa smra ba'i ngang tshul can ni byis pa zhes gsungs so/ /de rnams kyi byis pa'i shes pa ni 'di 'dra ba ste/ de'i gnyen po'i phyogs ni khams gsum par so sor snang ba'i yod pa dang med pa dang gnyis ka dang gnyis ka ma yin pa'i phyogs so sor spong ba las/ de kho na nyid kyi bye brag rang bzhin med pa ni/ shes rab dang thabs dbyer med pa gsal bar byed pa'i phyir dang / nyon mongs pa'i dgra 'chos pa dang ngan 'gro'i 'jigs pa las skyob pas na bstan bcos las te/ rgyud rnam pa gsum bsdus pa rdzogs pa snying po'i don rab tu gsal bar byed pas na/ rgyud gzhan rnams las khyad par du 'phags pa zhes pas khyad par las te dpal yang dag par sbyor ba'i rgyud 'di las rtogs par bya'o/ /'di las kyang rgyud 'di'i bdag nyid chen po nyid gsal bar byed cing gsungs pa/ skye ba zhes pa la sogs pa'o/ /bcom ldan 'das mar me mdzad tshun chad du sangs rgyas kyi zhing 'dir bskal pa shin tu mang po rnams la rgyud ma lus pa'i snying po rgyud sde rin po che 'di dag kho nas bshad kyi/ rdzogs pa'i sangs rgyas gzhan rnams kyis ni ma yin no/ /de'i phyir bdag gis 'dir bshad pa'i gnyis su med pa'i ye shes kyis bskul ba ste/ kye thar pa 'dod pa rnal 'byor gyi bstan bcos 'di kho na la mkhas pa shes pa dang ldan pa shin tu bar 'gyur ro/ /'byung ba mo'i bdag po la sogs pa bshad pa bla na med pa'i de kho na nyid las phyir phyogs pa'i bstan bcos rgyud la sogs pa'i sgra bkod pa rnams la ni yin no/ /de rnams ni gar gyi gnas kyi sa gzhi la mngon par gsar du tshig bkod pa rnams kyis 'thad pa dang bral ba nyid kyis na de la mos pa rnams rangs pa tsam gyis yid chags par byed pa'i phyir mtshungs shing drang ba rnams so/ /des na 'di kho na las chos thams cad kyi rang gi ngo bo yongs su shes pas yang dag pa'i yul bstan pa'i ched du dang grol ba'i ched du rnal 'byor la 'bad pa bsgrub par bya'o/ /don 'di kho na snying po las te shin tu mchog bskyed pa'i rim pa las snying po drang bar bya ba mchog phul du byung ba'i rnal 'byor bshad do zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu gcig pa'o// //bskyed pa'i rim pa ni sngags dang sngags kyi sku can gyi rang bzhin nyid kyi phyir dang / zhi ba la sogs pa bskyed pa'i rim pa'i yan lag rnams kyang sngags kyi bsgrub par bya ba nyid kyi phyir sngags rgyas par ston pa gsungs pa nyon zhes pa la sogs pa ste/ rdo rje la mchog tu gyur pa'i 'od byed 'di'i yin pa zhe'am rdo rje dang 'dra ba'i 'od 'di'i yin pa zhes pa rdo rje 'od de/ rdo rje snying po'o/ /sngags rnams kyis gdul bya'i yid mgu bar byed pa'i phyir rgyal po khyed nyon cig pa'o/ /sngags rnams ni rang gi ngo bo rtogs par byed pa'i tshig rnams so/ /de cis rang gi brjod bya rtogs par byed pa sngags yin zhe na/ bden no/ /de skad du yang gsungs pa/ ngag kun sngags su brjod par bya/ /zhes so/ /sngags kyi tha snyad du bya ba ni/ gsang ba'i de kho na nyid 'chad pa mdor bsdus pa/ sbas pa'i don can la/ shing rta chen po rnams kho nas cho gas grub par gyur cig ces byin gyis brlabs nas brdar byas pa'i tshig go/ /gang dang gang gsungs pa/ sngags dang sngags zhes rab bshad pa/ /de kho na nyid bskul ba'i skad/ /ces so/ /bskul ba rtogs par byed par bshad/ /ji ltar lus la sogs pa rnams kyi rang gi ngo bo oM yig la sogs pa rnams kyis rtogs par bya ba bzhin no/ /bcom ldan 'das kyis byin gyis brlabs pa'i ched du thugs bskul ba'i don du gsungs pa/ oM zhes pa la sogs pa'o/ /dang por thams cad oM yig ni zhi ba gsal bar byed pa la ste/ rnam par snang mdzad kyi snying po zhi ba chen po'i ting nge 'dzin gsal bar byed pa nyid kyi phyir ro/ /khros pa'i las la yang rang dang gzhan gyi zhi ba la mkhas pa'i rnal 'byor pa'i rab tu 'jug pa'i phyir ro/ /badzra ni stong pa nyid dang snying rje dbyer med pa'i ye shes te/ de'i rang bzhin can ni mu mtha' med par 'chi ba dang bral ba nyid kyi phyir a mr-i ta ste khu ba'o/ /bdud rtsi khu ba zhes bshad de/ /de las 'phros pa 'gro ba gsum/ /lus ngag sems rnams bsgrub don du/ /sgrub po rnams kyi bde ba 'bab/ /ces rdo rje bdud rtsi'i rgyud du gsungs pa'i phyir ro/ /de ltar don dam pa dang kun rdzob ngo bo'i byang chub sems ni ma hA su kha'o/ /bcom ldan 'das lha mo'i dang nang gi bdag nyid b+ha ga'i dbus rnams su byang chub kyi sems rdo rje bdud rtsi'i ngo bos 'khor ba'i bar du/ phyi dang nang dang dngos po dang dngos po med pa la sogs par rnam par rtog pa'i rnyog pa dang dra ba mtha' dag nges par bcom pa ni bde ba chen po'i ye shes ro mnyam par gyur par bzhugs pa'o/ /haM yig gis bde ba chen po'i pad+ma'i lte bar byang chub kyi sems zad pa med pa ni rdo rje sems dpa' gzhom du med pa nyid gsal bar byed do/ /kha cig tu hU~M yig gis so/ /swA hA'i yi ge ni thams cad nges par mchog tu zhi bar gsal bar byed do/ /a u ma yig rnams kyis oM mo/ /a aHma yig rnams kyis AH ste/ ma yig ni ro gcig pa nyid du dgongs pas phyis pa las so/ /ha U ma yig rnams kyis hU~M ngo / /de ltar oM yig la sogs pa ni so sor sku dang gsung dang thugs gsal bar byed pa las gsum gyi bdag nyid do/ /gtso bor na oM ni sku rdo rje ste/ de dang cig shos gnyis po ro gcig pa ste/ chos nyid kyis so/ /AH gsung rdo rje ste de ltar ro/ /hUM ni thugs rdo rje ste de ltar ro/ /yi ge gsum gyis ni chos kyi brda'i dbang kho na las lus dang ngag dang sems stong pa nyid gsal bar byed pa'i phyir ro/ /hU~M yig gnyis pa ni sku gsum po gsal bar byed pa ste/ bde ba chen po dang ro gcig pa sku gsum sdud pa'i rnam pa rdo rje 'dzin pa'i sa bon pa nyid kyi phyir ro/ /swA hA zhes pa'i don rnam par phye zin to/ /gong du swA hA'i yi ge ma gsungs pa der rigs gsum la ltos pa ste rigs gsum po nyid du nye bar bstan pa'i don du ste/ yi ge gsum gyi rang gi ngo bo kho na'i nang du 'dus pa nyid kyi phyir ro zhes go bar bya'o/ /sngags 'di ni nye ba'i snying po'o/ /rdo rje bdud rtsi'i zla ba de yang dga' ba bcu drug gi dbye ba las cha bcu drug pa ste/ de gsal bar byed pa aM yig la sogs pa bcu drug rnams so/ /dzaHhU~M baM hoH'i yi ge rnams bskul ba sngon ma can gyi dgug pa dang gzhug pa dang bcing ba dang mnyes par byed pa'i don can no/ /bzhad ma la sogs pa'i lha mo'i sngags rnams ni/ /oM badzra hA s+ye hUM hUM phaT/ oM badzra lA s+ye hUM hUM phaT/ oM badzra gI te hUM hUM phaT/ oM badzra nr-i t+ya hUM hUM phaT/ oM rU pa badzrI hUM hUM phaT/ oM rA sa badzrI hUM hUM phaT/ oM spa R+she badzrI hUM hUM phaT/ oM d+ha rma d+hA tu ba dzrI hUM hUM phaT/ oM badzra wI ni hUM hUM phaT/ oM badzra baM she hUM hUM phaT/ oM badzra mr-i daM ge hUM hUM phaT/ oM badzra mu ra dze hUM hUM phaT/ oM badzra pu Sh+pe hUM hUM phaT/ oM badzra d+hU pe hUM hUM phaT/ oM badzra dI be hUM hUM phaT/ oM badzra ga n+d+he hUM hUM phaT/ 'di rnams kyis rig ma bcu drug tshang / zhes mngon brjod bla ma'i rgyud du gsungs pa rnams so/ /hIHyig ni lhan cig skyes pa'i dga' ba gsal bar byed pa'o/ /de nyid kyi phyir dbang dang bcas pa'i dgug par byed pa'o/ /he ru ka'i ste phyag bcu drug pa'i nye ba'i snying po'o/ / phaT yig ni sgrib pa thams cad ltung ba'i ched du dang bgegs gcod par byed pa gsal bar byed pa'o/ /ru ni 'jig par gyis shig pa'o/ /lu ni chod cig pa'o/ /ru dzo 'jigs pa la'o/ /lu nya gcod pa la'o/ /byings dag go/ /hUM ni sdigs pa la ste/ sngags kyi lha bcom ldan 'das kyis bsdigs par mdzad do/ /b+h+yo ni 'jigs par byed pa la'o/ /sa ma ya ni rdo rje sems dpa'i bka'o/ /raM gaM ni gar gyi gnas te/ raM ga raM ga zhes pa 'dis kun nas 'khyam pa dang bcas par bcom ldan 'das kyis de nye bar ston to/ /raM gA pa ya/ pha rol po rnams la ste/ de nye bar ston cig pa'o/ /ha ha zhes pa ngo mtshar ba la lan gnyis brjod pa ste 'khyam pa la'o/ /stong pa nyid dang ro gcig pa'i bde ba chen po kho na sku bzhi'i zhes pa haM yig bzhi rnams so/ /phul du dbyung du med pa'i mthu can rnams kyang 'gugs pa'i phyir mtshar ba la hrI ste/ de ltar khyab bdag gi bka'i mthar thug pa'i phyir rnam par bcad pa'o/ /hriHni gsal bar gyis shig pa ste/ nye ba ma yin pa nye bar gyur pas gsal por gyis shig pa'o/ /TAM TAM zhes pa shin tu bsgyings pa dang bcas par/ ba ste chings shig ces bskul lo/ /traT ces pa yid 'byung ba mi dga' ba drol cig ste dga' bar gyis shig pa'i don to/ /tA sI yid 'byung ba la'o/ /s+thi Ta mi gus pa'o/ /des pa'i tshig las so/ /thams cad du zhes pa dzaHhU~M baM hoHyig rnams kyis bar ma chad du'o/ /oM a A/ i I/ u U/ r-i r-I/ l-i l-I/ e ai/ o au/ aM aH hU~M phaT swA hA zhes pa bdag med ma'i phreng ba'i sngags so/ /bla na med pa'i dga' ba dang ldan pa'i phyir rol bar byed pas na de wa'o/ /pi tsu ni skud pa bskyed pa'i don du yang dag par byung ba'i shing ba la gyi bye brag go/ /byams pa'i rang bzhin gyi thugs can nyid kyis 'jam pa nyid kyis na pi tsu yang 'di yin la/ gdug pa can tshar gcod par byed pa nyid kyis na rdo rje yang ngo zhes pa de wa pi tsu badzra'o/ /hU~M yig gsum ni lus dang ngag dang sems stong pa nyid gsal bar byed pa ste/ lus dang ngag kyang sems las tha mi dad pa nyid kyi phyir na/ de stong pa nyid du gsal bar byed pa'i sngags kho nas de dag kyang stong pa nyid du gsal bar byed pa'o/ /kye'i rdo rje'i ste phyag bcu drug pa'i'o/ /'jig rten gsum gdul ba'i don kun du bskyod par byed skrag par byed ces pa trai lo kya A k+She pa'o/ /yang na gsum ni lus dang ngag dang yid rnams te/ 'jig rten rnams kyang ste phung po lnga rnams so/ /de rnams kho na gsum 'jig rten nyid de/ de rang bzhin med pa nyid kyis kun du bskyod do zhes pa'o/ /shin tu 'bar bar byed pas na dz+wa la dz+wa la'o/ /de nyid kyi phyir gdug pa can yang dag par skrag par byed pa nyid kyis na b+h+yo te 'jigs par byed pa zhes pa'i don to/ / ki Ti ki Ti ni gdug pa can skrag par byed pa'i thabs kyi bye brag go/ /des gdug pa 'joms pa'i phyir rdo rje'o zhes pa'i ki Ti ki Ti badzra'o/ /phyag 'bum pa ni nyi shu rtsa brgyad par/ de bzhin phyag 'bum ji srid par/ /zhes gsungs so/ /'di ni bde mchog gzhan nye bar mtshon pa'o/ /de nyid kyi phyir sngags su/ sa ha sra b+hu dza b+ha su rA ya zhes gsungs so/ /'di ni rkang pa brgyad pa bstod pa'i sngags te/ rkang pa so sor dang por oM yig nye bar bstan pa las/ hUM hU~M phaT kyi yi ge rnams so/ /gnyis pa la sogs pa'i oM yig rnams dang swA hA'i yi ge spangs pas/ oM yig gsal pa'i ka ra ka ra zhes pa la sogs pa dang bcas pa ni phreng ba'i sngags bzlas par bya ba'o/ /mkha' 'gro ma ni rdo rje phag mo bde mchog gi mnyam par 'khyud pa dang ma 'khyud pa ste/ de'i rtsa ba'i sngags so/ /dngos grub rnams thams cad gtor ma sngon ma can nyid kyi phyir de'i sngags gsungs pa/ oM badzra zhes pa la sogs pa/ dr-i sh+ya hoHzhes pa'i mthar thug pa sngags gcig go/ /gsum zhes pa la sogs pa ni gcig dang gnyis nye bar mtshon pa'o/ /bgegs sel ba dang zhi ba thob pa gsal bar byed pa/ swA hA'i yi ge'o/ /dbang po la sogs pa 'khor dang bcas pa rnams ni 'byung po thams cad de/ de rnams 'di'i lha'o zhes pa 'byung po thams cad pa'o/ /gtor ma ni nye bar spyod pa'i bye brag go/ /de byin gyis rlob cing gsal bar byed pa'i sngags ni 'byung po thams cad pa'i gtor ma'i sngags so/ /'di'i cho ga 'chad par 'gyur ro/ /las 'grub pa rnams ni dam tshig bsten pa sngon ma can no zhes pas de byin gyis rlob pa'i sngags so/ /de nas dkyil 'khor du zhugs pa kho nas 'di thams cad bsgrub par bya'o zhes bstan pa'i ched du dkyil 'khor bri ba'i dang por sa sbyang ba'i sngags so/ /bsnun pa ni mngon par 'dod pa'i rnam par bsnun pa la sogs pas brdeb pa'o/ /gar byed pa ni dbang du byed pa'o/ /ji skad gsungs pa'i rdo rje mkha' 'gro ma la sogs pa gang yang rung ba'i sku can gyis sngon du 'bum bzlas pa'i rjes thogs su sgrub par byed do/ /dam tshig la rang gi snying ga'i sa bon gyi 'od zer rnams kyis bsgrub bya bkug nas/ man ngag ji ltar swA hA'i yi ge las sngon du bsgrub bya'i ming dang lhan cig pa'i g+hA ta ya zhes pa la sogs pa bskul ba'i tshig spel te bzlas so zhes pa cho ga'o/ /a r+g+ha'i sngags la sogs pa ni lha rnams kyi'o/ /oM haM zhes pa la sogs pa'i sngags gsum ni bcu gnyis par bshad zin to/ /phyag rgya chen mo ni rdo rje phag mo'i zhes pa'o/ /dpal yang dag par sbyor ba'i rgyud kyi rgya cher 'grel ba man ngag gi snye mar snye ma sum cu gnyis pa'o// //de kho na nyid legs par bsgoms pas ji skad gsungs pa'i rdzogs pa'i dkyil 'khor gyi bdag nyid can rdo rje 'dzin pa rnam pa sna tshogs pa'i sprul pa'i rlabs kyis yongs su bskor ba kho na skye bo'i zhes gsal bar 'gyur ba'i ched du gsungs pa/ de nas zhes pa la sogs pa'o/ /lha zhes pa rol rtsed kyi skabs su 'os pa'i bod pa'o/ /myang 'das ni kun du rtog pa mtha' dag spangs pa'i phyir shes rab dang snying rje dag gis srid pa dang zhi ba la mi gnas pa'o/ /de'i go 'phang ni gnas te kun rdzob tu'o/ /de las rgyas pa ni cho 'phrul rnam par 'phro ba'o/ /mdor bstan pa 'di rgyas par ston pa ni/ ci zhig tu zhes pa la sogs pa'o/ / nyon cig ni mngon par 'dod pa'i gnas so/ /rigs pa ni 'dir rdzogs pa'i rim pa'i dkyil 'khor rab tu gsal ba ste/ de las ma 'das par bshad par bya'o/ /rtog pa'i sems kyi 'dzin pa'i ni 'gog pa ste/ mya ngan las 'das pa'o/ /gang sngar gnyis pa dang drug pa'i brtag par/ thams cad bdag nyid la rtag gnas/ /zhes pa 'di ltar rgyun gyis gsal bar byas pa/ de kho na 'dzin pa'o zhes 'brel lo/ /de kho na stong pa nyid dang snying rje dbyer med pa bde ba chen po'i snying po'i ngo bo byang chub kyi sems bla na med pa'i dkyil te/ de len pa'i phyir lus ni dkyil 'khor zhes sangs rgyas rnams gsung ngo zhes pa sdud pa mdzad pa'i'o/ /de ci ltar shes par bya zhe na/ brjod pa'i rjes su 'brang bas so/ /de'i gnas ni lus kyi dkyil 'khor lte ba'i chu skyes so/ /gang gsungs pa/ kun zhes pa la sogs pa ste/ kun mkhyen ye shes ni ji skad gsungs pa'i bde ba chen po ste/ des mngon par khyab pa rab tu gsal ba'o/ /de'i phyir lte ba'i pad+ma der ro/ /dga' ba ni spros pa rtsa ba nas phyung ba de ma thag tu bshad pa'i byang chub sems kyi bdag nyid rdo rje sems dpa'o/ /cha med ni don dam par dga' ba la sogs pa'i cha rnams stong pa nyid kyi phyir ro/ cha rnams spangs pa ni khu ba'i cha rnams kyang rang bzhin med pa nyid kyi phyir ro/ /rtsen par byed ni kun rdzob tu'o/ /lus can rnams kun la zhes pa thams cad la de'i bdag nyid du 'brel bas so/ /don dam pa ni lus las 'das te/ gang gi phyir lus kyi bag chags spangs pas so/ /ji skad du gsungs pa/ lus gnas ye shes chen po yang / kun du rtog pa thams cad spangs/ /dngos po kun la khyab pa po/ /lus la gnas kyang lus skyes min/ /zhes so/ /de ni ma rig pa dang bcas pas rtogs bya ma yin no/ /yongs su dag pa ni de rtogs pas sangs rgyas thams cad rdzu 'phrul chen po rnams kyis rnam 'phrul cing / gzhan gyi don du shin tu dga' ston la spro bas rnam par rol cing rang gi ngo bo 'jug par mdzad do/ /de'i 'jug pa gsungs pa/ la lar zhes pa la sogs pa ste/ dper na/ bdag cag gi ston pas ni bcom ldan 'das shAkya thub pa yang dag par rdzogs pa'i sangs rgyas la/ rab gsal zhes bya ba'i rgyal por 'gyur bas smon pa'i byang chub kyi sems bskyed par gyur to/ /bcom ldan 'das mar me mdzad la yang 'jug pa byang chub kyi sems so/ / de skad du yang bcom ldan 'das kyis gsungs pa/ ji srid sangs rgyas shAkya thub nas/ /'dren pa yul 'khor skyong gi bar/ /stong phrag bdun cu rtsa bdun gyi/ /sangs rgyas rnams ni ngas mchod do/ /bdag gis rgyal ba rnams mchod las/ /grangs med gcig ni song gyur te/ bdag gi sems ni skyo ba'ang med/ /sangs rgyas nyid ni mngon 'dod pas/ /ji srid sangs rgyas mar me mdzad/ /thub pa dbang po'i rgyal mtshan par/ /stong phrag bdun cu rtsa drug gi/ /sangs rgyas rnams ni bdag gis mchod/ /bdag gis rgyal ba mchod pa las/ /grangs med gnyis pa song bar gyur/ /ji srid sangs rgyas dge mdzad nas/ /sangs rgyas 'od srungs ji srid par/ /stong phrag bdun cu rtsa bdun gyi/ /sangs rgyas rnams ni bdag gis mchod/ /bdag gis rgyal ba rnams mchod las/ /grangs med gsum pa 'das par gyur/ /zhes pa la sogs pa'o/ /ji srid rjes mthun zhes pa/ bskal pa grangs med pa gsum rnams su yang byang chub sems dpar gyur pa'i bcom ldan 'das kyis/ sbyin pa la sogs pa'i pha rol tu phyin pa rnams spyad cing rim gyis rdzogs pa'o/ /de'i rjes su byang chub sems dpa' gzhan gyi don du dga' ldan pa rnams su 'khrungs par gyur to/ /de nas dam pa tog dkar po zhes bya ba 'dis rigs dang yul dang dus dang rus dang bud med rnams brtags te/ 'dod pa na spyod pa'i lha rnams la lan gsum rjes su bsgrags nas/ nam gyi gung thun la glang po che'i rgyal po'i gzugs su nges par bstan pas lha mo sgyu 'phrul chen mo'i lhums su zhugs so zhes pa 'bab pa'o/ /de nas zla ba bcu rnams 'das pa dang / lha mo las lum+bi nI'i tshal du mtshan mo'i gung thun la bltams te/ 'jig rten gyi khams rnams kyang byang chub sems dpa'i 'od dang snang ba chen pos gsal bar byas shing / sa gzhi yang rnam par 'gyur ba drug tu g.yos/ /lha rnams kyis kyang bar snang las rnam pa sna tshogs pa'i gos dang gdugs dang rnga yab dang me tog dang tsan+dan la sogs pa rnams kyis gtor ro/ /byang chub sems dpa' yang mngal gyi dri mas ma gos pa nor bu bzhin du dang ba'i sku skyes bu chen po'i mtshan sum cu rtsa gnyis rnams dang dpe byad bzang po brgyad cus brgyan par 'khrungs so zhes pa skye ba rnam par dag pa'o/ /de nas gzhon nu'i rol rtsed nye bar bstan nas grags 'dzin ma dngas skyong ma la sogs pa bud med stong phrag drug cu'i btsun mo'i 'khor du zhugs nas/ 'di skyes bu min pas rab tu byung ngo zhes smod pa yongs su spang ba'i ched du lha mo grags 'dzin ma dang lhan cig yongs su rgyu ba mdzad do/ /de nas brgya byin dang tshangs pa la sogs pa lha rnams kyis spro bar byas pa/ 'dun pa dang lhan cig rta'i rgyal po bsngags ldan la chibs te/ 'dod pa na spyod pa dang gzugs na spyod pa'i lha rnams kyis rjes su 'brang bzhin pa rnam pa sna tshogs pa'i gos dang me tog la sogs pa bus mo nub tsam la gshegs shing / dpag tshad bcu gnyis rnams su gshegs so zhes pa khab nas 'byung ba ste/ gsal ba ni rab tu grags pa'o/ /de nas 'dun pa dang bsngags ldan dag bskur nas dbu skra rnams gris bregs te brgya byin la gnang zhing na bza' ngur smrig rnams bsnams te dge slong du gyur pas/ chu bo nai ra ny+dza na'i 'gram du dbugs dbyung ba dang dbugs rngub pa bkag pa las mi g.yo ba'i ting nge 'dzin gyis til gcig re tsam gsol ba'i dka' thub lo drug spyad de/ 'di ni byang chub kyi ched du ba'i lam ma yin no zhes ji ltar bde bar dbugs phyung nas sbrang dang 'o thug yongs su gsol te/ bzhugs pa tsam gyis brag ri chen po zhig pa'i rjes thogs su lha rnams kyis nye bar bstan pa'i lam nas/ klu'i rgyal po nag pos bstod bzhin byang chub kyi ched du gzigs mo chen pos gshegs te/ rdo rje gdan gyi sa gzhi la 'dzegs nas byang chub shing gi rtsa bar/ ku sha gser gyi kha dog can ras bal ltar reg bya 'jam pa rnams la bzhugs shing / 'byung po bye ba phrag sum cu rtsa drug gi 'khor can 'dod pa'i khams kyi dbang phyug gi bdud byams pa'i mtshon gyis btul te bla na med pa yang dag par rdzogs pa'i byang chub tu mngon par rdzogs par sangs rgyas so/ /tshangs pas gsol ba btab pa wA rA Na sI ru gshegs te/ rnam pa bcu gnyis lan gsum gsum du bzlas pa'i chos kyi 'khor lo rab tu bskor ro/ /sum cu rtsa gsum pa'i lha'i gnas su gshegs nas chos bstan te brgya byin dang tshangs pa la sogs pa 'dod pa na spyod pa dang gzugs na spyod pa'i lha rnams rjes su 'brang bzhin pa grong khyer gsal ldan du babs nas/ mnyan yod du cho 'phrul chen po rab tu bstan te/ gzhan mu stegs byed rnams tshad mas tshar bcad cing / ser skya'i gzhi'i nags su seng ge dang 'phrog byed dang dbyig gi snying po dang / gzhon nu dang bgegs kyi bdag po dang dbang po d ang zla ba dang nyi ma dang sgra gcan dang gza' dang rgyu skar dang dpal mo dang rnam thos sras dang yul 'khor srung dang 'phags skyes po dang mig mi bzang dang sa dang me dang gshin rje dang chu lha la sogs pa'i lha dang klu dang gnod sbyin dang srin po dang dri za dang lha ma yin dang nam mkha' lding dang mi 'am ci brgya stong phrag du ma rnams mya ngan las 'das pa dang / so sor ldan pa'i chos bstan pas btul lo/ /de lta bu la sogs pa'i gdul bya'i gnas rnams su nye bar byon nas/ thabs rnam pa sna tshogs pa rnams kyis skal ba ji lta ba bzhin du sems can gyi phung po dpag tu med pa rnams theg pa gsum rnams la btul nas/ bde 'gro'i 'bras bu dang thar pa'i byang chub tu yang rab tu bkod do/ /theg pa chen po la rung ba shes rab rno ba rnams kyi dbang du byas te/ rdo rje 'dzin pa la sogs pa'i gzugs kyis dngos grub thams cad kyi dbang phyug nyid nye bar ston cing / rdo rje theg pa bstan to/ /de la yang mi 'jug pa dbang phyug chen po la sogs pa 'jig rten gsum gyi 'khor lo'i dkyil 'khor du gzhug pa la sogs pas gdul bya'i ched du 'jig rten gsum las rnam par rgyal ba'i sku ru gsal bar gyur to/ /'gro ba 'dul ba la sogs pa'i brtag pa rnams su yang dngos grub chen po'i lhag pa'i bdag po nyid bla na med pa nye bar bstan to/ /shAkya thub pa'i skus ni wA rA Na sI ru 'phags pa byams pa bla na med pa yang dag par rdzogs pa'i byang chub tu lung bstan nas da lta de rgyal tshab nyid du bsgrags so/ /rgyal po'i khab tu bya rgod phung po la 'dzegs te/ kun dga' bo ma ga d+hA'i sa gzhi ni dga' bar 'os pa'o zhes gsungs nas/ yangs pa can du yang kun dga' bo de bzhin gshegs pas rdzu 'phrul gyi rkang pa bzhi rnams bsten pa ste/ bzhed na bskal ba'am bskal pa'i lhag mar gnas so zhes lan gsum bka' stsal te/ gang kun dga' bo cad mi smra bar dgongs nas/ mdo sde la rton pas thams cad 'byung bar bya'i gang zag la rton pas ni ma yin no zhes bslabs te/ grong khyer ku sha can du rgyal po chen po bzhi rnams dang brgya byin la bstan pa gtad nas/ sems can rnams kyi don gyi ched du rdo rje lta bu'i ting nge 'dzin gyis sku gdung rnams til tsam du bzhag ste/ bsam gtan bzhi pa la snyoms par zhugs pas mi g.yo ba'i zhi ba lcogs nas 'jig rten gyi khams 'dir yongs su mya ngan las 'das so/ /'tsham pa med pa'i khams gsum pa gzhan rnams su slar yang dpag tu med cing bsam gyis mi khyab pa sna tshogs pa'i sprul pa'i tshogs rab 'byam rnams kyis rgyun mi chad par skye ba la sogs pa ston cing / lus 'dzin rnams la phan pa'i bya ba rnams kyis chos kyi rgyal srid mu mtha' med pas mchog tu rol cing da dung yang yod la/ bskal pa dpag tu med pa rab 'byam du chos kyi skur slar yang 'di dang gzhan du yang gnas par 'gyur ro zhes pa thams cad la dgongs nas gsungs pa/ 'di lta ste zhes pa la sogs pa'o/ /'di lta sogs kyis te rnam 'phrul gyi las rnams kyis rab tu 'jug ces snga ma dang 'brel lo/ /mchog ni dang po'o/ /'o na rgyu'i gnas skabs kyi rjes thogs su las rnams yod pa'i phyir dang po yod do zhe na ma yin te/ dpag tu med cing thog ma med pa'i sangs rgyas rnams kyi las rnams kyang thog ma med pas so/ /chos kyi sku la ltos pas ni shin tu yang ste/ de nyid kyi phyir gsungs pa/ kun zhes pa ste sangs rgyas kun rnams kyi bdag nyid la ste chos nyid la gang rnams sdom pa ste/ de'i rang bzhin nyid kyis nang du 'dus pa de rnams ni de skad do/ /de rnams kyi spro ba dang sdud pa dag kyang de kho na'i'o/ /gang mngon par rtogs pa'i rgyud du gsungs pa/ chos kyi sku yi phrin las 'di/ /rnam pa nyi shu bdun du bzhed/ /ces so/ /de yang thams cad mkhyen pa'i ye shes dang ro mnyam par gyur pa'o/ /de yang dngos po dang dngos med du sgro btags pa dag dang bral ba kho na dang sprul pa nus pa ste/ rmongs pa ma yin no/ /de dag kho na ni rmongs pa ste/ de phyir de yongs su ste bag chags dang bcas pa dor bya ste/ rdzogs pa'i rim pa dang dkyil 'khor bsgom pas so/ /de yang sngar rgyas pa dang bcas par gsungs zin cing / sdud pa gsung ba'i ched du bka' stsal pa/ bung ba zhes pa la sogs pa ste/ mi mnyam pa'i bde ba len cing kun nas 'dzin no zhes pas A li ste khu ba'o/ /'khrul ba bral bar byed do zhes pa bum pa'o/ /ci ltar 'khrul pa 'dor bar byed ce na gang gi phyir de rdo rje 'jigs byed bcom ldan 'das te/ khu ba'i rnam pa bcom ldan 'gyur/ /zhes gsungs pa'i phyir ro/ /rdo rje ni stong pa nyid dang ye shes ro gcig pa nyid kyi phyir ro/ /de nyid kyi phyir de ni/ e ste a yig ma skyes pa la thim mo zhes pa A li'o zhes kyang gsung ngo / /de nyid kyi phyir 'jigs byed de/ byis pa rnams skrag pa'i rgyu nyid kyi phyir ro/ /gang 'phags pa sgra gcan 'dzin gyis gsungs pa/ byis pa rnams la 'jigs ston ma/ /zhes so/ /rgyas par bstan te/ A li zhes pa la sogs pa'o/ /bde ba mur thug par byed 'brel par byed do zhes pa nam mkha'i mtha' klas pa ste/ a ti a di 'ching ba la skad kyi dbyings so/ /ci ltar zhe na/ chos kyi dbyings ni de bzhin nyid yin la de gang gi rang bzhin de kho na nyid du yin pa ste chos can gyis chos nye bar mtshon pa'i phyir ro/ /yang na chos kyi dbyings kyi rang bzhin de las skyes pa zhes 'brel lo/ /mtha' dag ni rgyu ba dang bcas pa'i mi rgyu ba rnams so/ /sdig pa la shin tu spyod do zhes rgyu ba'o/ /mi spyod do zhes pa mi rgyu ba ste/ 'khor ba can gyi lus can rnams so/ /gsang bar byas na gsang ba shes rab dang thabs kyi rang bzhin gyi de kho na nyid 'dzin par byed do zhes pa 'dzin te/ skyes zhes 'brel lo/ /sangs rgyas dang byang chub sems dpa' rnams kyang mngon par ma zhen par gzhan gyi don bya ba'i ched du chos kyi dbyings kho na las skye ba zhes pa'i don to/ /gsang ba nges 'dzin zhes 'don pa la yang don 'di ltar ro/ /de ltar de kho na nyid mi shes pa'i lus can rnams dang de kho na nyid shes pa rnams kyang byang chub kyi sems kho na las skye'o/ /des kyang skyes zin pa rnams phung po la sogs pa rnams bdud rtsis dga' bar byed pa nyid kyi phyir te/ thams cad pa ste khyab par byed pa nyid kyi phyir ro/ /dbang po ste bde ba skyed pa'i dor lhag pa'i bdag po nyid kyi phyir ro/ /gang gi phyir de lta yin pa de'i phyir de thams cad de rtsa stong phrag bdun cu rtsa gnyis su son pa'o/ /lte ba'i chu skyes kyi rtsa ba'i dbus su ji ltar sbyor ba de ltar goms par bya'o zhes lhag ma'o/ /de'i tshe ci ltar bya zhe na/ 'jigs byed rdo rje dang sgra zhes pa yang dag sdud pa ste/ de dang ro gcig tu gyur pas so/ /de yang gang las she na/ rdzogs pa'i dkyil 'khor du gtum mo gsum rnams gang yang rung bas sbyor ba ste/ de kho na phyag rgya yin zhing de goms pa las so/ /ci ltar zhe na gsungs pa/ rlung dang zhes pa la sogs pa ste/ rlung ni rlung nyid do/ /me ni me'o/ /bdun nyid ni de kho na nyid du chos dang chos can dag tha mi dad pa nyid kyi phyir/ khams bdun pa khu ba ste de'o/ /rdo rje ma ni rdo rje phag mo'o/ /de'i sa bon rdul des so/ / thig le ni bde ba chen po'i 'khor lor gnas pa'i khams bdun pa'o/ /sgra tsam ni lte bar gnas pa'i rdul gyi ri mo'o/ /de dag gi yang dag mnan pa ni phan tshun ro mnyam pa nyid du ji ltar 'gyur ba de ltar gyur na byang chub sems te rgyun gyis char 'bebs te/ skye gnas kyi pad+mar ro/ /bshad pa gzhan ni bcu bar bshad zin to/ /gang gi phyir gsungs pa/ dbyangs zhes pa la sogs pa'o/ /dbyangs rnams kyi sngon ma a yig dang por ma'i mngal du skye ba'i sa bon ni gang rdul gyi dbus su gnas pa na bu rgyud kyi skye/ de gang du yin pa de'i ste lte ba'i chu skyes kyi dbus su'o/ /de la kaM bde ba kun nas myong ngo zhes pa kA li'o/ /skye gnas kyi chu skyes 'dis rgyas par byed do zhes pa me tog ste rdul lo/ /rang gi gnas su drangs nas byang chub kyi sems 'tshed par byed do zhes pa rgyal po ste des khyad par du byas pa'o/ /me tog khyad par du len no zhes pa me tog lus can khu ba'i khams so/ /des khyad par du byas pa'i rdo rje can ni sems kyi rdo rje ste de gzung bar bya'o/ /ji ltar skye ba 'dzin pa'i gnas skabs su sems kyi rdo rje sgra gcan ni zla ba kho na la 'jug ste/ 'od zer bsil ba nyid kyi phyir ro/ /zla ba ni nyi ma la zhugs pa na nyi ma bzung ngo zhes pa phyi rol gyi bzhin du nye bar sgrogs pa de ltar dbus mi'i gnas skabs su yang ngo / /'di yang rlung la sogs pa'i sgom pa'i rim par sngar rgyas par byas so zhes pas ma spros so/ /sems skye ba yang zla ba dang nyi ma dag la brten nas so zhes zhar las byung ba ston pa/ 'khor zhes pa la sogs pa ste/ thams cad ni yongs su ma dag pa rnams dang yongs su dag pa rnams so/ /gnyis ka'i rten can skye ba na yang rdul ma dang khu ba pha ste/ de'i sgo nas pad+ma dang rdo rje dag dang bud med dang skyes pa dag ma dang pha dag go zhes rnam par gzhag pa'o zhes pa ji ltar rigs par go bar bya'o/ /'dir ni ma'i zhes pa rdul te khu ba'i bdag nyid pha nye bar mtshon pa'o/ /sa kun du ste 'gro ba'i dbye ba rnams su'o/ /ye shes ni bde ba nyams su myong ba'o/ /de kho na ni chu ste gdung ba zhi bar byed pa'i phyir ro/ /de phal che bar brten pa'i phyir dang shes rab la sogs pa dang sbyor ba'i phyir rgya mtsho'o/ /'di ni ma dang pha yang ngo / /'di ltar phyi rol gyi rgya mtsho la rab tu shes par bya zhing bsod nams nye bar bsags pa rnams kyis blta bar bya'o zhes pas shes rab ste rin po che'i bye brag rnams yin pa/ de ltar 'dir stong pa nyid dang snying rje dbyer med pa'i ye shes rin po che ni yongs su dag pa rnams kyis te/ gzhan rnams kyis ni chu srin la sogs pa bzhin du 'dod chags la sogs pa'o/ /thabs zhes pa thabs khu ba ste rdul shes rab nye bar mtshon pa'o/ /phan tshun 'dres pa de gnyis kyi 'dam du rnam par shes pa'i sa bon myu gu zhes pa'o/ /gang 'phags pas gsungs pa/ rnam shes srid pa'i sa bon no/ /zhes so/ /des yang sbrang rtsi rdul dang bdud rtsi khu ba ste/ de dag gi gnas skye gnas kyi pad+ma'i lte ba rgyas par byed do/ /gang gi phyir rnam par shes pa'i ltar rdul dang khu ba dag gi'ang rnam pa bsgyur te/ mer mer po la sogs pa gong nas gong du 'phel ba'i bdag nyid dang 'grib pa'i ngo bo ni yongs su 'gyur ba'i khyad par du 'gyur te/ gang las 'di rnam par bsgyur ba'o/ /me tog chu mtha' ni me tog dang chu dag ste rdul dang khu ba dag mtha' ru byed mtha' mar byed pa ste/ Sho ni mtha'i las la byings so/ /gsungs pa yang / 'og tu khu ba zad 'gro ste/ /lus can thams cad 'chi ba na'o/ /steng du ma yi rdul sgra gcan/ /rnam shes bsam pa'i mtshan nyid la/ / zhes so/ /bsam pa ni/ mngon par 'dod pa ste/ de las ji lta bar yul du byas pa'i 'gro ba'i bye brag tu'o/ /skabs su bab pa gsung ba'i ched du 'brel par byed de/ gnyis dag gi zhes pa la sogs pa'o/ /de ltar nyi ma dang zla ba dag skyes pa'i 'o/ /cho ga ni lha'i bdag nyid do/ /dang por te sngon du'o/ /reg pa las ni rdo rje dang pad+ma dag go/ /du ba'i zhes pa du ba'i bzhin du rlangs pa 'thul ba'i phyir rlung ngo / /gzugs ni sra ba nyid do/ /ye shes rdo rjes byin gyis brlabs pa me la sogs pa rnams so/ /cha rnams dang lhan cig 'jug go zhes pa zla ba'i dkyil 'khor khu ba'o/ /slar yang ni bya ba'i khyad par du brjod do/ /dbyibs ni yang dag par gnas pa ste sdud pa'o/ /zad pa ni skems pa'o/ /rtag tu ste rgyun gyi dbugs su byed rab tu rgyu bar byed ces rtag tu dbugs te/ a na srog byed la byings so/ /dbang po'i ngo bo ni 'dzin pa'o/ /'dis ni sa'i khams ni rtsub pa nyid dang sra pa nyid de/ 'dzin pa'i las can no/ /chu'i khams ni gsher ba nyid dang brlan pa nyid de sdud pa'i las can no/ /me ni dro ba nyid de 'tshed pa dang skems pa'i las can no/ /rlung ni yang pa nyid de g.yo bar byed pa nyid dang rab tu rgyu ba'i las can no zhes gsungs so/ /hU~M zhes nga rgyal dang bcas par nang gi brjod pa'i rnam pa can gyi shes pa can ni khams bzhi rnams byin gyis rlob par byed do/ /lhan cig skyes pa nyams su myong ba na ni brjod pa med pa'o/ /de ltar rdzogs pa ni lus kyi bar gyi gnas skabs so/ /'di rnams so sor lha'i bdag nyid du 'thad pa dang bcas pa sngar bshad zin to/ /'di thams cad kyang stong pa nyid dang snying rje dbyer med pa nyid kyis bcom ldan 'das rdo rje 'dzin pa'o/ /des na de kho na rang gi ngo bo gsal bar byed pas lha mo rnams kyis dga' bar byed do/ /badzra hU~M zhes pa la sogs pas so/ /rdo rje ni ste snying rje dang shes rab ro gcig pa'o/ /legs par te snying rje chen pos gzhan gyi don bya ba la dga' ba 'di yin pa zhes pa legs par dga' ba'o/ / gzhan gyi don gyi ngor rab tu 'byung ba'i ngang tshul nyid kyi phyir gtso bo'o/ /sha dang lha dang shes rab dang chos dang sangs rgyas kyi spyan gyis gzigs pa rnams kyis so/ /'gyur med ni mtha' med du gyur pa nyid kyis so/ /dngos po ni bde ba chen po gnyis su med pa ste/ rang bzhin ni de bzhin nyid do/ /de dag gis stong pa rnams la ni chos rnams thams cad la'o/ /rdzu 'phrul gyi rnam par 'phrul pa sna tshogs rnams kyis rnam par rol par mdzad do zhes pa'am rol du 'jug go zhes pa stong pa rnam par rol pa'o/ /de khyod de dngos po dang dngos med dag gis rnam par spangs pa'o/ /snying po ni de kho na nyid de/ de khyad par gyis khyod lta bu rnams kyis mkhyen pa'o/ /yi ge rnams te rjod byed rnams bcom nas/ de bcom pa las brjod par bya ba thams cad brjod par byar med pa nyid du 'gro ba ma lus pa rnam par bsams shing nges par dpyad de khyod kyis so/ /gnyis gnyis 'khyud pa ni shes rab dang thabs snyoms par 'jug pa ste/ des rnal 'byor ni ting nge 'dzin no/ /des chu ni byang chub sems so/ /de kho na bya ba ste/ de phul du byung bar yod do zhes pa de'i 'bras bu can gyi chos stong pa nyid do/ /dngos po dang dngos med la sogs pa gnyis nyid dang bral ba'i ngo bo gnyis med pa kho na ni gnyis med do/ /lhag ma med pa lhag par rtogs nas sgrib pa thams cad las rnam par grol ba rang gi don phun sum tshogs pa thob pa'o/ /bde ba phyin ci log pa ste/ des 'khor bar phan pa dang mi phan pa mngon par mi shes pa nyid kyis rnam par rmongs pa rnams thar pa khyad par du bya ste/ gzhan gyi don phun sum tshogs pa des tha snyad mdzad do/ /stong pa nyid kyi rang bzhin gyis rnal 'byor ma rnams dang sngags rnams rnam pa sna tshogs pa'i chog rnams kyis khyod kyi gar mdzad do/ /lnga po rnams kyang ste/ sa dang chu dang me dang rlung dang nam mkha'i rang bzhin spyan ma dang mA ma kI dang gos dkar mo dang sgrol ma dang rdo rje dbyings kyi dbang phyug ma rnams ni lhag par rtogs pa'i gnyis su med pa'i de kho na nyid de/ des nye bar mtshon pa rnams te/ de kho na nyid kyi ngo bo rtogs pa rnams so zhes pa'i don to/ /sgyu ma rnam pa sna tshogs pa'i ngo bos sems can rnams khyed kyis smin par mdzad do/ /rdo rje stong pa nyid dang snying rje dbyer med pa'i legs par brkyang zhing lhag par rtogs par bya ba ste/ rang dang gzhan gyi don phun sum tshogs pa'i ngo bo'o/ /des bde ba dang sdug bsngal la sogs pa'i rang gi mtshan nyid 'dzin pa'i phyir chos sems can rnams chos ston pa la sogs pa rnams kyis rmongs pa dang bral bar khyod kyis mdzad do/ /de ltar bstod nas rab tu dang ba lhag pos gzhan rnams la yang smras pa/ de ltar bsam gyis mi khyab pa dpag tu med pa'i legs pa'i snying po'i chos rnal 'byor ma rnams kyis thar pa bcom ldan 'das la phyag 'tshol cig ces pa'o/ /'dir tshigs su bcad pa dang pos ni bde ba chen po'i sku nyid kyis bcom ldan 'das bstod do/ /gnyis pas ni chos kyi sku nyid kyis so/ /gsum pa la sogs pa rnams kyis longs spyod rdzogs pa'i sku nyid kyis so/ /sgyu ma'i zhes pa la sogs pas sprul pa'i sku nyid kyis te/ ji ltar rigs par gzhan gyi don nyid kyis so/ /lhag ma phyed kyis spro bar byed pa'o/ /bstod pa'i dgos pa gsungs pa/ 'dis zhes pa la sogs pa ste/ 'di'i don goms pa las so/ /rgyal ba rnams thams cad de rnam par snang mdzad la sogs pa rnams gang gi bdag nyid las skyes pa yin pa de ni de skad de/ rdo rje sems dpar 'gyur ba'o/ /'di kho na de bzhin gshegs pa thams cad kyi rang bzhin nyid kyi phyir de bzhin gshegs pa thams cad ces pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu gsum pa'o// //'jig rten dang 'jig rten las 'das pa'i dngos grub kyi cho ga rjes su sgrub pa'i ched du bgegs nye bar gzhom pa'i ched du gtor ma'i cho ga la nges par sbyor ba gsungs pa nyon zhes pa la sogs pa'o/ /dri dmar po ni gur gum mo/ /sogs pas zhabs bsil lo/ /sogs pas btsong dang sgog skya la sogs pa'o/ /chang ni dga' byed 'dod pa ste/ dga' bar nus pa mchog go zhes pa'i don to/ /chu ni zhabs bsil lo/ /yang dag par sbyang ba ni ji ltar rigs par bdud rtsi lnga'i ril bu btab pas sam/ bdud rtsi lnga'i ngo bor bsgoms pas so/ /dang yig las ye shes mkha' 'gro ma'i ting nge 'dzin la gnas pa'o/ /cho ga naM rgyud gzhan du gsungs pa ste/ de 'di'i 'chad par 'gyur ro/ /pad+ma'i snod kyi gtor ma'o/ /de nyid kyi lha'i de kho na nyid de de'i khyad par rnams kyis te kha dog lnga'i 'od zer sbu gu'i ngo bo can rnams kyis sam de bzhin gshegs pa lnga rnams kyis yid kyis bkug nas/ bdag po'i lha la sogs pa rnams thams cad tshim par bya'o zhes pa lhag ma'o/ /ci ltar zhe na gsungs pa/ ye shes zhes pa la sogs pa'o/ /skye dgu'i bdag po ni mi bskyod pa'o/ /sgrol ba ni rnam par snang mdzad do/ /rab mchog ni rin chen dbang po'o/ /mang po ni snang ba mtha' yas so/ /byis pa ni don yod grub pa'o/ / 'di rnams lcags kyu bzhin du mngon par 'dod pa'i don nye ba ru byed pa'i phyir lcags kyu rnams so/ /ye shes lnga rnams ni shin tu rnam par dag pa'i ye shes la sogs pa rnams so/ /de nyid kyi phyir 'di rnams don chen po bya ba nus pa'i phyir ye shes chen po'o/ /rnam pa de lta bu'i ye shes kyi rang bzhin de bzhin gshegs pa lnga nyid du mos pa rnams ni sgron ma lnga rnams dang lcags kyu lnga rnams so/ /de rnams kyi dbye ba ni sgom pa'i bye brag nye bar mtshon pa ste/ bdud rtsi lnga'i sa bon gyi yi ge rnams kyang ngo / /rgan po la sogs pa'i sor mo rnams skye dgu'i bdag po la sogs pa'i ming can du gzhan du gsungs pa rnams 'dir yang ngo zhes kha cig ste/ de ni 'byor pa ma yin no/ /las rnams kun la ni zhi ba la sogs pa rnams la'o/ /rtag tu ni brtan pa de rgyun gyis 'byung ba zhes pa'i don to/ /rnal 'byor ma kun zhes pa lha/ /zhes nye bar mtshon pa ste/ dam tshig can rnams dang bdag nyid kyang ngo / /tshim par bya ste lcags kyu la sogs pa rnams kyis so/ /ma yin pa ste 'dod pa de rnams la kun nas chags par 'gyur ba ma yin pa kho na'o/ /'dis ni nang gi gtor ma mtshon to/ /longs spyad par bya bas na longs spyod de/ phun sum tshogs pa'i bye brag tshim par byed pa'i bsod nams las skyes pa mthong ba'i chos kyi 'am brgyud pa'i'o/ /des rang nyid la mi sbyor ro/ /gzhan rnams kho na la de gtang bar bya'o zhes dgongs pa'o/ /de nyid kyi phyir gsungs pa/ sems can zhes pa la sogs pa'o/ /oM zhes pa la sogs pa rgyas par bstan pa gsungs pa/ bcu zhes pa la sogs pa'o/ /de'i ste zla ba'i steng du oM AHhU~M gi sa bon rnams A li kA li yongs su gyur pa rnams so/ /gsal ba ni shel bzhin du shin tu gsal bzhin pa nyid do/ /sbar ba ni kha T+wAM ga rdo rjes so/ /gdungs pa ni 'og gi mes so/ /de las te shel gyi gzugs las bar ma chad du thams cad de zla ba dang A li dang kA li dang yi ge gsum las 'od zer spro ba la sogs pa'o/ /de'i ste shel gyi ngo bo'i dbus nas byung ba'i bdud rtsi dkyil 'khor pa dang bcas pa'i dkyil 'khor gyi bdag po mchod yon la sogs pa sngon du 'gro bar myang du gzhug go/ /Ni tsa yis nges par bstan pa'o/ /de nas bar ma chad du lhag ma bdud rtsi dang mchod yon la sogs pa'i dngos po rnams kyis phyogs skyong la sogs pa rnams tshim par bya'o/ /ci ltar zhe na gsungs pa/ g.yon zhes pa la sogs pa'o/ /dgug pa'i phyag rgyas rgyas par ston te/ mnan zhes pa la sogs pa'o/ /gyen zhes pa gyen du'o/ /phaT ces pa'i sngags brjod cing dgug par bya'o/ /mchod nas zhes pa phyi yis yang dag par mchod nas so/ /mchod pa'i bdag nyid ces pa nang gi mchod pa dang ldan pa 'di'i bdag nyid yin pa zhes byas nas so/ /chu zhes pa chu la'o/ /phal che bar 'dir lha rnams nye bar byed do zhes pa nag po'i phyogs zhes pa la sogs pa'o/ / shing gcig ces pa la sogs pa gtor ma sbyin pa'i gnas gsungs pa'o/ /nag po drag po ni dbang po'o/ /drag po chen po ni lus ngan no/ /lha mo ni lhas byin te chu lha'o/ /nag po ni gshin rje'o/ /thod pa can ni dbang phyug chen po'o/ /mi sdug pa ni me lha'o/ /dga' las 'das ni bden bral lo/ /log 'dren ni rlung lha'o/ /zla ba dang nyi ma dang tshangs pa dang thags bzangs ris dang sa'i lha rnams 'dir ma gsungs pa rgyud gzhan du gsungs pa rnams kyang shes par bya ste 'khor dang bcas pa yang ngo / /de la dbang po'i khyab 'jug go/ /drag po chen po'i log 'dren no/ /zla ba dang nyi ma dag gi gza' dang rgyu skar la sogs pa rnams so/ /sa'i klu rnams so/ /phyogs bcu rnams su yang de dang de'i phyogs kyi dbang po'i 'khor sems can dpag tu med pa rnams so/ /mkha' 'gro ma lnga rnams ni ye shes mkha' 'gro ma dang rdo rje mkha' 'gro ma dang drag mo dang ro langs ma dang gtum mo rnams so/ /chen po shin tu rnam par dag pa'i chos kyi dbyings kyi ye shes la sogs pa rnams gang rnams kyi de kho na nyid yin pa de rnams ni de skad do/ /de rnams kyi las rnams thams cad gdul bya'i bsam pa dang rjes su mthun par rnal 'byor pas sgrub par byed do/ /rnal 'byor dkyil 'khor du ni snying po'i 'phar mar ro/ /rgyal mo che rnams ni seng ge mo dang stag mo dang ce spyang mo dang 'ug pa mo rnams so/ /rdo rje dbang phyug ma rnams ni mkha' 'gro ma dang gsal byed ma dang 'jib byed ma dang ka m+po dzi rnams so/ /gtso bo rnams ni phyogs skyong nag po drag po la sogs pa rnams so zhes pa rim pa'o/ /rdo rje sems dpa'i dkyil 'khor du mkha' 'gro ma lnga rnams ni rdo rje snyems ma dang spyan ma dang mA ma kI dang dkar mo dang sgrol ma rnams te/ de rnams dang de nyid chen po rnams kyang ste/ rdo rje sems dpa' la sogs pa rnams so/ /rnal 'byor dkyil 'khor du ste rim pa gnyis par rgyal mo che rnams ni rdo rje drag mo la sogs pa rnams so/ /rdo rje dbang mo rnams ni me tog ma la sogs pa rnams so/ /rig pa'i rgyal po'i dkyil 'khor du ni mkha' 'gro ma lnga rnams ni rdo rje phag mo dang mkha' 'gro ma dang lA ma dang dum skyes ma dang gzugs can ma rnams so/ /de rnams kyi de nyid chen po ni bde mchog go/ /rnal 'byor ni thod pa'i dum bu la sogs pa rnams kyis te/ de'i dkyil 'khor ni thugs dang gsung dang sku'i 'khor lo rnams te/ de rnams su rgyal mo che rnams ni rab tu gtum mo la sogs pa rnams so/ /rdo rje dbang phyug ma rnams ni khwa gdong ma la sogs pa rnams so/ /he ru ka'i dkyil 'khor du ni mkha' 'gro ma lnga rnams bdag med ma dang gau rI la sogs pa rnams so/ /de rnams kho na gang gi de nyid chen po yin pa de ni de nyid chen po ste/ kye'i rdo rje'o/ /sbyor ba'i dkyil 'khor rnams ni zhi ba la sogs pa'i dkyil 'khor rnams te/ de rnams su rgyal mo chen mo rnams ni puk+ka sI la sogs pa bzhi rnams so/ /rdo rje dbang mo rnams ni rta gdong ma la sogs pa rnams so zhes pa don rnam pa bzhir gnas pa'o/ /lha rnams thams cad de bzhin gshegs pa'i sku/ chen po'i rang bzhin du shes par bya'o/ /gang las skyon 'dod chags la sogs pa las nges par 'byung ba ni skyon med de stong pa nyid dang snying rje dbyer med pa'i ting nge 'dzin te de byung ba rnams so/ /'di zhes pa 'dis so/ /rdo rje dbang phyug ma ni ye shes mkha' 'gro ma'am rdo rje snyems ma'am rdo rje phag mo'am bdag med ma'o/ /de'i bka' ni oM ka k+ka zhes pa la sogs pa'o/ /des thams cad de ye shes kyi lha'i 'khor lo kun nas tshur spyon cig ste/ thams cad nas dam tshig gi 'khor lo dang lhan cig ro mnyam par gyur cig pa'o/ /de'i rjes su bdud rtsir bsams nas/ ye shes mkha' 'gro ma'i 'khor lo tshim pa'i rjes thogs su/ oM tiSh+Tha zhes pa la sogs pa'i sngags kyis lha rnams kyi zhal bdud rtsis dgang bar bya'o/ /rnal 'byor pa dang rnal 'byor ma'i lha de rnams kyang gang zhi ba la sogs pa'i las sam bsod nams mngon par 'dod pa de mdzad par bsgom par bya'o/ /kha cig tu tshig gis las la sogs pa la zhes 'don te/ de'i tshe bdud rtsi ste myos byed kyis kha bkang nas gtor la pi ka'i rnam pas de 'phangs par bya'o zhes gsung ngo / /rkang pa'i las te gar ni rdo rje'i rkang pas bya'o zhes kha cig go/ /de las thams cad 'grub bo/ ha yig bdud rtsi lnga la sogs pa las bsam pas ni de'i tha mal ba'i kha dog 'phrog go/ /ho yig gis tha mal pa'i dri 'joms so/ /hrIHyig gis tha mal pa'i nus pa 'joms so/ /bya ba rnam pa gsum yang yi ge gsum po rnams brjod nas rim pa ji lta bar snang ba mtha' yas dang rnam par snang mdzad dang mi bskyod pa ste lha gsum gyi ngo bor bsgoms pa rnams kyis bltas par byas pa'i gtor ma la 'gyur ro/ /de gsungs pa/ pad+ma zhes pa'o/ /pad+ma'i dbang phyug ni 'od dpag tu med pa ste/ gser mdog ni gtor ma la gzugs mchog byed pa'o/ /legs par rnam snang mdzad ni dkar po ste/ dri'i chu bskyod par bya ba ma yin gnod bya ma yin pa dri dam pa'o/ / rdo rje dbang phyug ni mi bskyod pa nag po rdo rje'i phyag can no/ /myang ba ni ro'i bye brag go/ /gsum rnams kyis te gser gyi mdog la sogs pa rnams kyis so/ /de ltar bdud rtsir byas pa'i myos byed dam tshig can rnams la sbyin pa'i tshigs su bcad pa gsungs pa/ ltos zhes pa la sogs pa'o/ /gzugs la sogs pa'i chos 'di rnams don dam par dngos po'i rang bzhin stong pa nyid kyis dag pa rnams ltos te tshad mas yongs su mthong ba'o/ /de nyid kyi phyir med pa kun nas bsgom pa yang ring du dor cig /dngos po dang dngos po med par sgro 'dogs pa dag ni gcig dang bral ba las gzhan pa dang bral ba bya sla ba kho na'o/ /de ltar sgro 'dogs 'dogs pa mtha' dag stong pa nyid kyis rang bzhin gcig tu zos pa ste bram ze la sogs pa tha dad pa'i kun du rtog pa snang ba med par byas pa rnams so/ /de'i phyir rigs dang rigs ma yin pa dang bgrod bya dang bgrod min dang bza' bya dang bza' min dang btung bya dang btung min la sogs pa'i rnam par rtog pa bsal nas 'thung cig ces dgongs pa'o/ /de lta sbyin par bya'o/ /bya ba ni sbyin pa po dang len pa pos kyang ngo / /ci ltar zhe na/ g.yon zhes pa la sogs pa ste/ rtse mo rnams ni sor mo rnams kyi'o/ /'jug pa ni tshogs kyi dkyil 'khor du 'jug pa'o/ /bde gshegs chos ni de bzhin nyid do/ /mchod yon ni mchod pa ste/ de mchod par rung ba khams gsum na yang cung zad yod pa ma yin te/ sgrub pa kho na de la mchod pa dam pa'o zhes pa dgongs pa'o/ /de ni thams cad du 'dod chags kyi dri ma dang bral ba ste/ bde ba kun nas tshor ba ni 'khor ba'i gtso bo'i rgyu ste/ de'i yang rgyu 'dod chags so/ /'dod chags rnam par dag pas 'khor ba yan lag dang bcas pa'i tshogs pa rnam par dag par byed do zhes dgongs pas 'dod chags tsam dang bral ba gsungs so/ /de nyid kyi phyir gzung ba dang 'dzin par mngon par zhen pa spangs pa'o/ /de ltar rab tu dang ba'i gzhan dbang gis de la gus pas phyag 'tshol cig ste/ sems kyi de kho na nyid dang ro gcig pa brten pa nyid ni phyag dam pa'o/ /de sgrub pas kun du chags pa med pa las 'dzin pa la sogs pa la mngon par ma zhes par blang ngo zhes pa ma dan blang ngo zhes pa dgongs pa'o/ /de ltar dam tshig la sogs pa thams cad la brten pa la sogs pa ni spyod pa ste/ yang dag yongs su dag pa nyid kyis gtsang ba gtsang sbra'o/ /lhag par mos bzhin pa'i bshad pa'i de kho na nyid kyang dngos po thams cad rnam par dag par byed do/ /brjod bya ste ma dan byin nas so/ /de 'dir 'thung zhing bar skabs su bkra shis kyi glu blang bar bya'o/ /de gsungs pa/ phyag 'tshal zhes pa la sogs pa'o/ /dngos po ni skye ba ste/ don dam par de las rnam par grol ba rdo rje sems dpa' la'o/ /kun rdzob tu ni don du ma gnyer ba dang don du gnyer bas 'gro ba rnams su 'gro bar byed do zhes pa yan lag rnams te/ sems can rnams so/ /de'i don du legs par yongs su dag pa nyid kyis 'dis sems can gyi don 'byung bar byed do zhes pa gang gis yan lag ste bskyed pa yin pa'i don du ma gnyer mgon byas yan lag legs bskyed pa de la'o/ /shes rab dang thabs 'khyud pa'i sbyor ba sgyu ma ste rnam pa sna tshogs sprul pa'i ngo bos rnam par brgyan pa'o/ /hU~M hU~M hU~M zhes pa sku dang gsung dang thugs ro gcig pa'o/ /glu'i rjes thogs su dril bu dkrol bar bya'o/ /de'i rjes su rdo rje thal mo snying gar bzung nas byed du gzhug ste/ sbyin bdag dang bdag nyid kyang ngo / /'jug bzhin pa la ste dbugs ma phyin pa dmyal ba la sogs pa la rjes su brtse bar bya'o/ /rnal 'byor ni shes rab dang thabs dbyer med pa nyid de/ de kho na sgrib pa gnyis kyi dgra bo 'chos pa'i phyir dang sems can skyob pa'i phyir bstan bcos so/ /de'i bya ba thos pa dang bsam pa la sogs pa'o/ /de las byung ba ste de'i rgyu can gyi rjes su brtse bar ji ltar 'gyur ba ltar ro zhes pa'i smon lam dam tshig can rnams dang lha rnams kyang gtor mas yang dag par tshim nas so/ /smon lam gyi rjes thogs su de dag gshegs su gsol ba'i ched du gsungs pa/ rdo rje zhes pa la sogs pa'o/ /g.yon pa ni lag par ro/ /sa gzhi la ni dkyil 'khor gyi'o/ /'di ni 'dir cho ga'i rim pa ste/ dang por ye shes mkha' 'gro ma'i gzugs kyi mdun du gzhong pa la sogs pa'i snod chen po rnams su zan dang sran ma Sha dang nya dang sha dang btsong dang sgog skya dang chang dang chu dang 'o ma la sogs pa dang / me tog la sogs pa rnams dang ldan pa bla re la sogs pas brgyan pa/ rol mo la sogs pa mdun du byas pa'am/ zan dang chu la sogs pa tsam yang rung / ji ltar rnyed pa bzhag ste/ bza' ba dang btung ba dag sbyang bar bya'o/ /de la yaM las skyes pa'i rlung gi steng du raM las skyes pa'i me la/ AHyig las skyes pa'i chu skyes kyi snod dkar po yi ge gsum las skyes pa'i mgo bo gsum gyi thab la gnas pa'o/ /der bza' ba la sogs pa/ hU~M buM aM hrIM khaM/ b+h+rUM hU~M hrIH trAM yig las skyes shing de rnams kyis byin gyis brlabs pa'i bdud rtsi lnga dang sgron ma lnga'i ngo bor grub la/ ha ho hrIHyig bsams pa rnams kyis rim pa ji lta bar tha mal pa'i kha dog dang dri dang nus pa phrogs shing / rlung gis sbar ba'i me 'bar bas gdungs pas zhu ba'i yi ge la sogs pa shar ma thag pa'i nyi ma'i mdog can khu ba'i ngo bo lbu ba can te/ de'i rlangs pa yongs su gyur pa'i hU~M yig las skyes pa'i rdo rje kha T+wAM ga 'bar ba zhu nas der lan gsum du lhung bas bdud rtsi'i dngos por nye bar song shing / shel gyi rnam pa shin tu gsal bzhin par bsgom par bya'o/ /de nas de nyid du 'gro ba la rnam par rgyu ba'i 'od zer gyis 'di'i gzugs sangs rgyas rnams la bstan par bya'o/ /de nas de'i steng du oM las skyes pa'i zla ba la gnas pa'i A li kA li yongs su gyur pa'i oM AHhU~M gi yi ge rim pas steng nas steng du gnas pa rnams las 'phros pa'i 'od zer rnams kyis phyogs bcur bzhugs pa'i rdo rje 'dzin pa la sogs pa rnams bskul te/ de rnams las bdud rtsi dang rgya mtsho la sogs pa na gnas pa mtha' dag kyang mar me 'pho ba'i tshul gyis bkug nas de la gzhug par bya'o/ /de nas yi ge gsum dang zla ba dag de nyid du thim par bltas shing / yi ge gsum gyis lan gsum du byin gyis brlab pa zhes pas bdud rtsi bsgrubs nas/ mdun du tsan+dan gyis byas pa'i chos 'byung gru gsum pa'i dbus su gur gum gyis maN+Dal gru bzhi pa khru'i tshad byas te/ de'i dbus su thig bzhi'i sbyor bas re mig dgu bya'o/ /der re mig dbus mar lha bcu gsum gyi bdag nyid can ye shes mkha' 'gro ma sngar ji lta bu dam tshig sems dpa'i ngo bo yud kyis bsgom par bya'o/ /shar la sogs pa'i re mig rnams su rang rang gi sa bon dang mtshan ma yongs su gyur pas dbang po la sogs pa rnams so/ /de la dbang po'i sa bon dzuM ngo / /nye dbang gi hU~M ngo / /lus ngan gyi b+haiM mo/ /log 'dren gyi sho'o/ /chu lha'i baM mo/ /gshin rje'i kAM ngo / /dbang ldan gyi AH'o/ /me'i raM mo/ /bden bral gyi yuM ngo / rlung lha'i yaM ngo / /nyi ma'i AH'o/ /zla ba'i aM ngo / /tshangs pa'i oM mo/ /thags bzangs ris kyi baiM mo/ /sa'i laM ngo / /de nas rang gi snying ga'i 'od zer rnams kyis bcu gsum gyi bdag nyid can ye shes mkha' 'gro ma dang dbang po la sogs pa rnams dang sems can thams cad kyang bkug nas nam mkhar blta'o/ / de la/ sa srung dkar po la zhon pa/ /rdo rje can ser mig stong pa'o/ /nag po 'khor lo dbyug to dung / /kau stu b+ha 'dzin mkha' lding gnas/ /me lha dmar po smin ma dang / /ral thod sma ra 'bar zhing 'khrug /tshon po rang gnas mi 'jigs dang / /bgrang phreng ril ba dbyu gu 'dzin/ /dus nag ma he'i gdan can te/ /g.yas brkyang zla bo'i rkang stabs can/ /skra ni gyen du 'bar zhing khros/ /lag par dbyug pa sdigs mdzub 'dzin/ /de 'dra'i bden bral ro la gnas/ /gcer bu mi rus kyis brgyan pa/ /zhal ni mche ba gtsigs pa can/ /gri gug thod pa dag 'dzin pa'o/ /chu srin lha ni chu lha dkar/ /gdengs ka bdun can sbrul zhags 'dzin/ /e Ne ya ser la gnas pa/ /rlung lha ljang gu rlung ras can/ /mi la gnod sbyin sbom po ser/ /na ku la bI dza pU ra 'dzin/ /byi bar glang chen gdong can dkar/ /la phug dbyug la du phreng 'dzin/ /dbang ldan khyu mchog la zhon dkar/ /ral pa'i thor tshugs rus rgyan 'dzin/ /rtse gsum pas mtshan kha T+wAM ga /cang te'us brel ba'i phyag can no/ /rta yi shing rtar nyi ma dmar/ /bzod dka'i 'od can mtsho skyes 'dzin/ /de'i g.yon zla ba 'khor lor son/ /'od dkar ku mud bgrang phreng 'dzin/ /dad par mes po ser pad+ma/ /mi 'jigs bgrang phreng dbyug pa can/ /thags bzangs ris ni shing rtar gnas/ /nag po ral gri ldan par 'gyur/ /de g.yon sa yi lha mo ser/ /pad+ma la gnas pad+ma 'dzin/ /rin chen cod pan can lag pa/ /sgeg ldan khyad par med gang kun/ /de nas mchod yon dang zhabs bsil la sogs pa sngon du 'gro bar rkang pa g.yon pas g.yas pa mnan te/ g.yon skor gyis gyen du blta bas/ rdo rje khu tshur gnyis phan tshun rgyab sbyar zhing / mthe chung gnyis sbrel la/ sdigs mdzub gnyis bsgrengs nas/ sdigs mdzub g.yas pa cung zad bkug ste de'i rgyab tu sdigs mdzub g.yon pa gzhag go zhes pa spyan 'dren pa'i phyag rgya spyi bor bcings nas/ phaT ces pa brjid bag dang bcas pa lan gsum brjod do/ /oM ku ru ku ru sa ma ya a d+hi pa ti hU~M dzaHswA hA/ zhes pa'i sngags kyis ye shes mkha' 'gro ma'i dkyil 'khor dang / oM ka k+ka zhes pa la sogs pas kyang 'jig rten skyong ba la sogs pa rnams bkug la/ rang rang gi dam tshig sems dpa' rnams la ro gcig tu gyur pas gzhug par bya'o/ /de la re mig dbus mar bcu gsum gyi bdag nyid can gyi ye shes mkha' 'gro ma ji skad bshad pa'i gdan dang kha dog la sogs pa can no/ /shar gyi re mig gi dbus su nag po/ drag po sngun dang g.yon dang rgyab dang g.yas rnams su rim pa ji lta bar gtum mo dang 'jigs ma dang gzugs ma dang u ma'i lha mo dkar ba dang ser ba dang dmar ba dang nag po'i mdog can ma rnams kyis yongs su bskor ba'o/ /u ma'i g.yas su cung zad ring bar khyab 'jug go/ /byang gi re mig tu drag po chen po ste de bzhin kho nar 'di'i 'khor rgyal ma dang rnam par rgyal ma dang mi thub ma dang gzhan gyis mi thub ma ser ba dang dmar ba dang nag pa dang dkar mo rnams so/ /gzhan gyis mi thub ma las g.yas su cung zad ring bar tshogs bdag go/ /nub kyi re mig tu lhas byin te/ de bzhin du 'di'i nag mo bzang mo dang nag mo chen mo dang dus ma sbom mo dang dbang mo dmar ba dang nag pa dang dkar ba dang ser mo rnams so/ /lho'i re mig tu nag po ste/ 'di'i zla ba mo dang 'jigs ma dang gdug can ma dang 'phyang ba rnams nag mo dang dkar ba dang ser ba dang dmar ba rnams so/ /dbang ldan gyi re mig tu thod pa can dkar ser te/ 'di'i skabs gsum dbang phyug ma dang kaM po dzI dang mar me ma dang 'jib byed ma dkar ba dang ser ba dang dmar ba dang nag po rnams so/ /me'i re mig tu mi gdug pa dmar po rjes su 'brel ba'i ser nag ste/ 'di'i 'jigs gzugs ma dang gzugs chen ma dang mche ba gtsigs ma dang thod pa can ma rnams nag pa dang dkar ba dang ser ba dang dmar ba rnams so/ /bden bral mtshams kyi re mig tu dga' ba las 'das pa nag cing dmar ba ste/ 'di'i thod pa'i phreng ba ma dang 'phyang ba can ma dang lag pa kha T+wAM ga can ma dang rdzu 'phrul chen mo rnams dmar ba dang nag pa dang dkar ba dang ser mo rnams so/ /rlung gi phyogs kyi re mig tu log 'dren ljang gu'i kha dog rjes su 'brel ba'i dmar ser te/ 'di'i lag na ral gri ma dang lag na dgra s+t+wa ma dang lag na rdo rje ma dang / lag na gzhu can ma ser ba dang dmar ba dang nag pa dang dkar mo rnams so/ /'di rnams dang steng du nyi ma dang zla ba dang mes po dang gza' dang rgyu skar la sogs pa rnams dang / 'og tu thags bzangs ris dang sa'i lha mo dang gdengs can dbang po la sogs pa rnams dang / phyi rol du kun nas bskor te sems can rnams thams cad do/ /'dir gtum mo la sogs pa rdzu 'phrul chen mo'i bar rnams rnam par sgeg pa can lag na me tog la sogs pa nye bar spyod pa lnga can te/ lag na ral gri ma la sogs pa bzhi ni sgra ji lta ba'i phyag mtshan can rnams so/ /thams cad kyang phyag gnyis 'khyud pa'i phyag rgya dang ldan ma/ phyag lhag mas gtso bo'i mtshan ma 'dzin ma rnams so/ /drag mo nag po la sogs pa rnams ni/ phyag mtshan bzhi can de bzhin kho nar 'gyur/ /'di rnams gcig tu ral gri yang na'o/ /mtshan ma gnyis can rnams kyis pad+ma 'dir/ /nor bu yang ni mtshan ma gcig can la'o/ /dbang po klu rlung tshogs bdag dang / /gnod sbyin zla ba mes po dang / /sa yang zla bar shes bya ste/ /lhag ma nyi ma'i dkyil 'khor la'o/ /tshangs dang sa ni sku dbang rigs/ /rin chen rigs la nyi ma'o/ /lus ngan dbang ldan klu rnams ni/ /gsung rigs don yod rigs la rlung / /lhag ma mi bskyod rigs can rnams/ /dbang po la sogs pa 'di rnams kyang rang dang 'dra ba'i shes rab ma dang bcas pa ste/ sa ni rang 'dra'i thabs dang bcas pa'o/ /de nas mchod yon dang zhabs bsil la sogs pa sngon du 'gro bar yang dag par mchod de/ rdo rje khu tshur gnyis rgyab sprad pa'i ming med gnyis lcags sgrog tu byas pa zhes pa'i phyag rgya bstan te/ lag pa g.yon pa'i mthil du zla ba la gnas shing hU~M las skyes pa'i sna tshogs rdo rje'i lte bar bdud rtsi'i snod bzhag nas sam bsgoms nas/ rdo rje khu tshur du byas pa'i lag pa g.yas pa'i khro bo brkyang bas de ston cing / oM b+ha k+Sha b+ha k+Sha sarba yo ge shwa ri hU~M hU~M hU~M dzaHswA hA zhes pa 'bul ba'i sngags kyis ye shes mkha' 'gro ma'i dkyil 'khor hU~M las skyes pa'i rdo rje dkar po rtse gcig pa'i ljags can de'i 'od zer gyi sbu gu rnams kyis sam yid kyis bdud rtsi 'dren pa la brtson pa la/ stong pa nyid dang snying rje dbyer med pa'i byang chub sems su lhag par mos pas 'khor gsum yongs su dag pas tshim par byas shing / bdud rtsi lhag ma rnams kyis/ oM tiSh+Tha b+ha k+Sha b+ha k+Sha dzaHswA hA zhes pa 'dis 'jig rten skyong ba la sogs pa rnams de ltar tshim par bya'o/ /de nas dkyil 'khor gyi bdag po la sogs pa rnams bdud rtsi gsol ba las bde ba chen po'i rang bzhin stong pa nyid dang ro gcig par ji srid 'dod par bsam par bya'o/ /zhal bsil dang phyag phyi ba dang so rtsi la sogs pa phul te mchod par bya'o/ /de nas rdo rje 'dzin pa'i rang bzhin ye shes mkha' 'gro ma mnyes pa'i don du dang / chad pa dang lhag pa'i skyon zhi ba'i ched du dang bya ba thams cad 'grub pa'i don du/ oM badzra sa twa sa ma ya/ ma nu pA la ya/ badzra sa twa twe no pa tiSh+Tha dr-i D+ho me b+ha ba/ su to Sh+yo me b+ha ba/ su po Sh+yo me b+ha ba/ a nu ra k+to me b+ha ba/ sarba sid+d+hi m+me pra ya ts+tsha/ sarba karma su tsa me tsi t+taM shre yaHku ru hU~M/ ha ha ha ha hoHb+ha ga wA na badzra sa twa ma me mu ny+tsa badzri sa twa b+ha wa ma hA sa ma ya sa twa AH hU~M phaT ces pa yi ge brgya pa dril bu dkrol ba sngon ma bklag par bya'o/ /de'i rjes su pad+ma bskor ba'i phyag rgya mnyes par byas nas phyag rgya nye bar sdud pa na 'khyud pa'i tshul byas te/ snying gar g.yon pa'i rdo rje khu tshur gzhag cing / lag pa g.yas brkyang nas re mig gi sa la gzhag ste/ zhabs la 'jug par mos pas/ bya ba bsgrub pa lhur len pa'i ye shes mkha' 'gro ma 'khor dang bcas pa/ oM At+ma tiSh+Tha hU~M swA hA zhes brjod cing re mig nas bzhengs su gsol lo/ /de'i rjes su 'jug pa'i dbugs kyis bcug ste rang gi lus dang lhan cig ro gcig tu byas nas mchod par bya'o/ /de'i rjes su 'khyud pa'i phyag rgyas se gol gsum bya zhing oM sarba du Sh+Ta gr-i h+Na gr-i h+Na ga ts+tsha hU~M phaT ces brjod cing 'jig rten skyong ba la sogs pa mngon par 'dod pa bsgrub pa la gzhol ba rnams gnas ji lta bar gshegs su gsol lo zhes pa ye shes mkha' 'gro ma'i rnal 'byor gyis gtor ma'i cho ga'o/ /'dir yang thog mar rdo rje sems dpa'i ting 'dzin can/ /yang na he ru ka la brtson/ /zhes gsungs so/ /de na gang gi tshe rdo rje sems dpa'i rnal 'byor gyis gtor ma sbyin par brtson pa de'i tshe ye shes mkha' 'gro ma'i gnas su rdo rje sems dpa' bsgom par bya zhing / dkyil 'khor pa rnams kyi ru rdo rje sems dpa'i dkyil 'khor ba'i lha rnams so/ /'di'i spyan 'dren pa'i phyag rgya ni 'bar ba'i phyag rgya ste de kho na spyan drang ba'i don du bcing bar bya'o/ /oM b+ha k+Sha b+ha k+Sha zhes pa la sogs pa'i sngags ni 'di'i ma yin gyi/ 'di'i dbul ba'i sngags ni/ oM badzra DA ka i maM ba liM gr-i h+Na gr-i h+Na hU~M phaT oM dzaH hU~M baM hoHsa ma ya s+t+waM dr-i sh+ya hoHzhes pa 'di lan gcig brjod pas bcom ldan 'das la'o/ /lan gcig gis de'i shes rab ma la'o/ /lan gcig gis rnam par snang mdzad la sogs pa rnams la 'bul lo/ /lan gcig gis ni rdo rje drag mo la sogs pa rnams la dang / lan gcig gis ni me tog ma la sogs pa rnams la dbul lo/ /de las gzhan rnams la/ oM kha kha khA hi khA hi sarba ya k+Sha rA k+Sha sa b+hU ta pi shA tsa u n+mA da a ba sma ra DA ki n+yA da ya/ i maM ba liM gr-i h+Na n+tu sa ma yaM ra k+Sha n+tu sarba sid+d+hi m+me pra ya ts+tsha n+tu hU~M hU~M phaT phaT swA hA/ zhes pa khyad par te/ gzhan thams cad sngar bzhin no zhes pa rdo rje sems dpa'i gtor ma'i cho ga'o/ /gang gi tshe bcom ldan 'das 'di rig pa'i rgyal po'i gzugs yin pa de'i tshe bcom ldan 'das dang de'i shes rab dang mkha' 'gro ma la sogs pa rnams dang / khwa gdong ma la sogs pa rnams la ji ltar rigs par phyogs rnams su g.yon skor dang phyogs bral rnams su me'i zur nas brtsams te g.yas skor gyis gtor ma bskor bar bya zhing / oM badzra DA ka zhes pa la sogs pa/ gcig dang gnyis dang gsum dang bzhi dang lnga'i lan brjod pas phul nas 'khor lo gsum gyi lha la/ oM ka ra zhes pa la sogs pa/ hU~M hU~M phaT swA hA zhes pa'i mtha' lan gcig brjod pa dbul bar bya'o zhes pa khyad par te/ gzhan rdo rje sems dpa'i gtor ma'i cho ga bzhin no zhes pa rig pa'i rgyal po'i gtor ma'i cho ga'o/ /gang gi tshe dpal he ru ka'i gzugs kyis gtor ma sbyin par brtson pa de'i tshe yang / ye shes mkha' 'gro ma'i gnas su he ru ka bsam par bya ste/ dkyil 'khor pa rnams kyi sa ru de'i dkyil 'khor pa rnams so/ /oM b+ha k+Sha zhes pa la sogs pa'i sngags ni 'di ma yin gyi/ 'di'i gtor ma 'bul ba'i sngags ni/ phyag bcu drug pa nyid dam phyag drug pa nyid dam phyag bzhi pa nyid dam phyag gnyis pa nyid las so sor rang gi snying po'i sngags so/ /'dis bcom ldan 'das ma shes rab dang bcas pa la'o/ /oM badzra gu h+ye zhes pa la sogs pa rang rang gi sngags sngar gsungs pa rnams kyis gau rI la sogs pa lha mo bcu drug po rnams la dbul bar bya'o zhes pa khyad par te/ gzhan thams cad ye shes mkha' 'gro ma'i gtor ma'i cho ga bzhin no zhes pa kye rdo rje bzhi'i gtor ma'i cho ga'o/ /'di thams cad kyang rgyas pa dang bcas pa'i gtor ma'i cho ga'o/ /re mig rnams su yongs su bskor ba dang bcas pa'i dam tshig sems dpa' sgom pa med pa kho nar ye shes sems dpa' gzhug pas gzhan thams cad rjes su bsgrub pa la cho ga 'bring po'o/ /brgya byin la sogs pa thams cad rang gi lha'i gzugs su lhag par mos nas gnas ji lta bar gnas pa 'di rnams la rang gi 'dod pa'i lha'i gtor ma sngon ma can gtor ma sbyin par bya'o zhes pa mdor bsdus pa'i cho ga ste/ de'i tshe ni gru gsum pa la sogs pa ma yin zhing / dam tshig sems dpa' dang ye shes sems dpa'i dgug pa la sogs pa bsgom pa yang ma yin la/ gshegs su gsol ba yang ma yin no/ /de ltar bskyed pa'i rim pa'i gtor ma'i cho ga rnam pa gsum mo/ /rdzogs pa'i rim pa la ni shes rab dang thabs las ma g.yos pa'i sems kyis/ bsams pa tsam gyis spyan drangs pa'i shes rab dang thabs kyi ngo bo kho na'i rang gi 'dod pa'i lha dang bcas pa'i dbang po la sogs pa rnams la ye shes kyi ro las tha mi dad pa'i gtor ma 'bul ba ni gtor ma'i cho ga'o/ /cho ga 'di rnams la yang zhi ba la sogs pa gtso bo'i bya ba'i dbye ba las dus dang phyogs dang kha dog gi dbye ba rtogs par bya'o/ /dkyil 'khor gyi khang pa la sogs pa'i shar la sogs pa phyogs dang phyogs bral rnams su kham phor la sogs par brgyad rnams sbyin par bya'o/ /dbang ldan dang dbang po dag gi bar du nyi ma la sogs pa rnams la'o/ / chu lha dang bden bral dag gi bar du thags bzangs ris dang sa'i lha mo dag la'o/ /ji ltar rigs par 'dod pa'i lha rnams la ba dan la sogs pa'o/ /dbang po la sogs pa rnams la ni rang rang gi phyogs su rang rang gi mdog can gyi ba dan bco lnga rnams te/ gzhan yang phyi rol du kun nas phyar bar bya'o/ /gzhan gyi don du gtor ma sbyin pa na yang sngags pa ji ltar yod pa'i/ me'am ma ma zhes pa ni ji ltar gnas pa kho na ltar bklag par bya ste/ de yang bdag nyid du mos par bya'o/ /'di la phan btags pa na bdag la phan btags par 'gyur ro zhes pa'i bsams pa las de'i bya ba 'grub par 'gyur ro/ /mthar yang de'i don zhu bar bya'o zhes pa'o/ /gtor ma ni nye bar bsgrub pa ste 'dis gsal bar bya'o zhes pa gtor ma nye bar bsgrub pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu bzhi pa'o// //dngos grub kyi thabs kyi yan lag brjod pa'i ched du gsungs pa/ gsang ba zhes pa la sogs pa'o/ /gsang ba zhes pa la sogs pas rdo rje dang pad+ma sbyor ba la sogs pa yang bris sku dang pu sti 'bri ba'i tshogs par 'gyur ro zhes bstan to/ /sbas pa dam pa'i dgongs pa ste mngon par dgongs pa dam pa'i spyod yul gang du yin pa de gsal bar mdzad do/ /lha rnams su ni lha rnams kyi'o/ /rnam rtog med pa ni dam tshig brtan pa la sogs pa la'o/ / yang na zhes pa gsungs pa'i yon tan med pa'i phyir ro/ /dpa' bo zhes pa skyes bu dpa' bo shi ba'i'o/ /khrag chen po ni mi'i khrag go/ /mi can ni mi'i thod pa'o/ /ji skad bshad pa rnams kyis ni gnas dang gnas rnams su de bzhin gshegs pa lnga'i bdag nyid du gsungs pa rnams kyis te rdul dang khu ba la sogs pa bdud rtsi lngas bgos pa rnams kyis so/ /dang por ni mchod yon sbyin pa'i dus su'o/ /dpal yang dag par sbyor ba ni rdo rje sems dpa'o/ /gyur pa rnams ni kha dog lnga rnams so/ /pho nya mo ni rdo rje rnal 'byor ma'o/ /zla ba ni byang chub kyi sems so/ /gcig tu ste gnas su rnal 'byor ma rnams dang lhan cig go/ /de la pho nya mo'i gtsang sbra ni bcom ldan 'das ma'i gzugs su bsgoms pas so/ /zla ba ni gtum mo la sogs pa bsgoms pas so/ /mdzes pa'i ston mo ni bdud rtsi myong ba'i cho ga bsgoms pas so/ /'di kho na'i gtsang sbra ni phyi rol gyi shes rab ma'i khu ba tsA ru yang dag par spyod pa las kyang kun nas spyad do/ /des ni yid dag pas rnam pa 'di lta bu kho na'i dag byed rjes su 'brel bar bya'i/ khrus dang kha shol ba la sogs pa ni ma yin no/ /de'i rang gi sems 'dod chags la sogs pas dri ma can du gyur pas 'bras bu med pa ni dag byed ma yin no/ /slar zhing mi 'dod pa'i 'bras bur 'gyur ro zhes gsungs pa/ mi mthun chos kyi zhes pa rdo rje 'dzin pa'i rnal 'byor las phyin ci log nyid kyis so/ /'dod pa mi 'grub pa 'ba' zhig tu ma zad kyi/ phyin ci log las nyes pa byas pas ngan 'gror 'gyur ro zhes gsungs pa/ khyi zhes pa la sogs pa'o/ /'bras bu med pa nyid rgyas par ston pa/ dper na zhes pa la sogs pa'o/ / dpe can brjod pa gsungs pa gzhan gyi zhes pa blta ba gzhan brjod pa seng ge dang 'phrog byed la sogs pa'i'o/ /don med ni de kho na nyid ma mthong bas dang 'dod chags la sogs pa'i cha shas kyang ma nyams pa'i phyir ro/ /'dzin pa nges par 'dzin pa ste bsgom pa'o/ /khrus zhes pa nye bar mtshon pa ste/ kha cig tu rnal 'byor zhes 'don to/ /'dis ni rang dang gzhan la phan pa spyod pa la mkhas pa rnams kyis dpal yang dag par sbyor ba mgon po kho na yang dag par bsten par bya'o zhes gsung bar 'gyur ro/ /des ni bcom ldan 'das kyis 'dzin pa'i thod pa la sogs pa shin tu dag byed do zhes ston pa gsungs pa/ dung zhes pa la sogs pa'o/ /dung la sogs pa rnams rang gi rgyu dag byed ma yin pa nyid du 'dod pa rnams las yang dag par byung ba rnams kyang gtsang byed nyid du 'jig rten yang dag par 'dod na/ gang gtsang byed kyi rgyu las byung ba de ches shin tu dag byed do zhes gsungs pa/ chos zhes pa la sogs pa ste/ don dam par chos kyi sku ni de bzhin nyid rang bzhin gyis yongs su dag pa nyid kyis na/ dag byed kyi lus mi gang rnams kyi yin pa'o/ /thod pa zhes pa nye bar mtshon pa ste/ ci'i rgyus na gtsang byed ma yin pa nyid kyis smod/ mchod phyir thogs ni mi'i snal ma bkod pa ste/ de kho na dag byed de/ thos pa dang dran pas byas pa ni ma yin no/ /gang gi phyir bden pa ste tshad mas 'thad pa'i chos de bzhin nyid rang bzhin med pa nyid de/ dri ma med pa nyid yongs su dag pa nyid 'dren no zhes pa tshul gang du yin pa de ni de skad do/ /gtsang ba nyid do/ /so so'i skye bo nyid la rang bzhin gyis yongs su dag pa'i de kho na nyid la lhag par mos pa las de'i rgyu can dang de'i rang bzhin thams cad dag byed kho na yin na/ dri ma med cing rnam par dag pa'i de kho na nyid rtogs pa na ni bcom ldan 'das dang / de 'dzin pa rnams kyi shin tu ches dag byed nyid do zhes mngon par dgongs pa'o/ /de nyid kyi phyir gsungs pa/ gnas zhes pa brtan pa ste/ mi g.yo zhes pa'i don to/ /gang gi phyir rnam pa 'di lta bu kho na dag byed yin pa de'i phyir mchod bya ste/ bcom ldan 'das la bde ba chen po'i mchod pas so zhes pa skabs su bab pa nye bar bsdu ba'o/ /pir la zhes pa pir te/ rdo rje sems dpa'i rnal 'byor dang ldan pas/ gtor ma dang mchod pa la sogs pa sngon ma can pir bzung nas rdo rje sems dpa'i snying po'i sngags kyis lan nyi shu rtsa gcig mngon par bsngags te sbyin no/ /bzo bo rdo rje sems dpa'i gzugs su bsgoms pa la yi ge gsum gyi snying ga dang mgrin pa dang spyi bor byin gyis brlabs pa'i lag par gnas pa'i zla ba la pir rdo rje'i rnam pa can dang / tshon yang pad+mar gnas pa'i ye shes kyi bdud rtsi'i rnam pa can du lhag par mos te/ de'i rjes su bri bar bya'o/ /'bri smyug ni shes rab ye shes kyi rang gi ngo bor lhag par mos nas shes pa kho na khyad par te/ gzhan snga ma bzhin no/ /legs par gsal ba'i lo 'dab ni legs par brdungs pa'i lo 'dab bo/ /tA la'i 'dab ma'o zhes kha cig go/ /legs par brkyang ba'i 'dab ma zhes kha cig tu 'don to/ /sbrang chen zhes pa mi'i mar khu'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu lnga pa'o// //yang dang yang du rnal 'byor goms pas dbang du gyur pa'i rnal 'byor pa rnams nus pa nye bar ston pa la grub pa'i dus su yang rdo rje sgeg mo rnams la rol par gsungs pa/ nyon zhes pa la sogs pa'o/ /yang dag sbyor bcom ldan 'das 'dis mtshon par bya'o zhes pa yang dag sbyor mtshan nyid do/ /de kho na la 'di 'dra ba'i rol mo srid pa'i phyir ro/ / rdo rje 'dzin pa la sogs pa'i'o zhes pa'i sogs pas rnam par snang mdzad la sogs pa'i'o/ /'di ltar zhes pa la sogs pa rol mo ste 'dod pa'i rgyal po'o/ /rdo rje can ni shi ri khaN+Da'i shing ngo / /bcu gnyis ni ring ba nyid du'o/ /gzhan pa ni thung ba nang dang ldan pa'i cang te'u'o/ /bud med khrag ni me tog ste des chu skyes bri bar bya'o/ /de la maN+Dal gru bzhi pa'i dbus su rdo rje 'dzin pa'i gzugs su gnas pas 'dab chags chu skyar gyi rkang pa bzhin du steng du byas pa'i rkang pa g.yon pa'i rting pas 'gugs pa'i tshul gyis che ge mo A ka R+Sha yA mi khe ma hU~M zhes bsgyings pa dang bcas pa brjod cing de de'i rkang pa'i 'og tu gnas pa dkyil 'khor du gdung bar bya'o/ /nga ngag ces pa nga'i ngag go/ /gal te zhes pa dngos grub 'gor bar gyur na bskul ba'i tshigs bcad gsungs pa/ mdzes zhes pa la sogs pa'o/ /kye khro bo sngon po mdzes pa khyod de/ khyed kyi dam tshig la bya ba can te/ phyag gis ni dbyug pa nor bu rnams kyis bcings pa 'dzin to/ /dpa' bo bdag 'du ba la 'khrugs pas brdeg pa la sogs pa yongs su spong ste dor cig pa'o/ /rnal 'byor ma'i dbus su khyod do khyod ni blta ste/ rnal 'byor ma'i dkyil 'khor gyi dbus su bdag kyang zhugs te khyod la pad+mas mchod par bya zhes dgongs pa'o/ /de nas sgo ni mi gnas pa'i mya ngan las 'das pa'i grong du 'jug pa'i thabs bde ba chen po'o/ /khrol ni grol bar mdzod ces pa'i don to/ /des 'khor ba las sgrol ba ste grol bar bgyi'o/ /tshigs su bcad pa 'di yang slob ma dkyil 'khor du 'jug pa'i dus su dang / tshogs kyi dkyil 'khor du 'jug pa'i dus su yang sgo srung la gsol ba gdab pa'i ched du brjod par bya'o/ /de'i phyir gsungs pa nyon cig ces pa la sogs pa'o/ /bdud rtsi ni bdud rtsir byas pa'i bdud rtsi lnga dang sgron ma lnga'i rang bzhin no/ /kla klo ni brda'o/ /sbrang chang dang rgun 'brum chang ni dpa' bo gcig pa'o/ /nya phyis ni tsu kra ste rtsub pa'i 'dod can ma'o/ /kA ny+dzi ka zhes pa kA ny+dzi ka'i 'bras bu'o/ /dga' ba zhes pa rnam pa 'di lta bu'i dga' ba'i dngos po nye bar longs spyad pas skal ba bzang ba kun dga' dang bcas pa'i dpal rdo rje sems dpa'i gzugs su rnal 'byor pa 'grub bo/ mgu ba yang glu len pa la sogs pa byed de/ de la glu ni ka zhes pa la sogs pa kaM dz+dza hi hi zhes pa'i mthar thug pa'o/ /de ltar gzhan yang de kho na nyid kyi don kun nas rtogs pas/ dor de sgrib pa rnams gang gi bsal ba de kun dor te rdo rje'i glu zhes pa'i don to/ /phyag rgya dang rdo rje'i rkang stabs rnams ni rgyud gzhan du gsungs so/ /gang las lta stangs zhes pa la sogs pa ni de nye bar mtshon pa ste/ de rnams kyang rdo rje phreng bar rgyas pa dang bcas par rnam par phye'o/ /sgyug mo ni sgyug mo nyid do/ /sgyug mo can zhes klog pa la yang de ltar ro/ /de rnams kyi ni de rnams so/ /bzang po ni rma med pa'o/ /don ni 'di lta ste/ dben zhing yid dang rjes su mthun pa'i gnas su lha'i rnal 'byor dang ldan pa'i bla ma shes rab ma dang bcas pa dang / de bzhin du de las gzhan pa rnams kyang dbang bskur zhing lha'i rnal 'byor can rnams rgan rim du gzhag par bya'o/ /sgrub pa pos skal med rnams spang bar bya'o/ /bla ma la gus shing bag yod pa can las kyi rdo rje bya'o/ /gtor ma dang po dang bar ba dang tha mar sbyin par bya'o/ /tshogs kyi gtso bos kyang bza' bya dang btung bya la sogs pa bdud rtsir bya'o/ /myos byed kyi chos 'byung byas par rang gi snying ga'i 'od kyis spyan drangs pa'i ye shes kyi 'khor lo cho ga ji lta bar tshim par bya'o/ /de la nyis 'gyur sbyin par bya/ /sngags pa gzhan la mnyam po nyid/ /bla ma la snod gnyis te/ gzhan rnams la re re'o/ /snod ni shin tu skam mi bya/ /de bzhin shin tu bkang mi bya/ pad+ma'i bskor bas/ pad+ma'i lag pas blang ba dang / de nyid kyi ni lag pas dbul bar bya'o/ /sa la bka' med par 'dug na chad pa sbyin par bya'o/ /phyag byas pa kho nas 'khor lo'i dbang phyug la dbul te blang ba 'ang ngo / /glu gar de bzhin rol mo dang / /dri dang lan dang legs smra ba/ /'khor lo can gyi rjes gnang med/ /tshogs kyi dkyil 'khor du mi bya/ /lha yi rnal 'byor lhur len pas/ /dal bus thams cad bya'o/ /gzhan du na shin tu 'thungs pa las brgyal ba shin tu shes pa med pa las sam sems rnam par g.yengs pa las dngos grub ga la zhig / 'gro bar 'dod pas 'khor lo'i gtso bo la phyag byas te/ zhus nas 'gro bar bya'o/ /zos pa'i lhag ma'i gtor ma ji ltar bcug pa'i sngags rnams kyis sbyin par bya ste/ oM AH u ts+tshi Sh+Ta badzrA d+hi tiSh+Tha/ i ma~M ba li gr-i h+Na gr-i h+Na hU~M phaT ces pa 'di yang na'o/ /'dir gal te bla ma las gzhan rnams la shes rab ma med pa de'i tshe dpa' bo'i ston mor brjod par bya'i tshogs kyi 'khor lo ni ma yin no/ /bla ma la ni dpa' bo'i ston mo la yang phyag rgya nges par dbul bar bya ste bsod nams 'phel ba'i ched du'o/ /de ltar/ 'khor lor yon bcas ston mo ni/ /ngan 'gro 'jig par byed byas nas/ /ji ltar nus pas yon phul te/ /tshogs kyi 'khor lo gshegs su gsol/ /zhes pa'o/ /rol mo dang glu dang gar dang phyag rgya'i bya ba'i de kho na nyid bzhi rnams kyis gsal ba'o zhes pa bya ba'i de kho na nyid bzhi'i rgyal po'o/ /rnam dbye phyis pa ni lung ngo / /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu drug pa'o// //sngar gsungs pa'i spyod pa spyad pa dang ldan pa rnal 'byor cher 'phel ba la dbang du gyur pas phyag rgya dang lhan cig kho nas phyag rgya chen po'i dngos grub bo zhes brjod pa'i ched du gsungs pa/ nyon zhes pa la sogs pa ste/ rdo rje slob dpon ni 'dir rdo rje 'dzin pa'i gzugs kyis mthar thug par 'jug pa nyi ma bdun pa'i lhar blta bar bya ba'i cho gas gnas pa'i rnal 'byor pa'o/ /de'i dngos grub kyi ched du bya ba'i dam tshig kun spyod de rjes su sgrub pa'o/ /'khor lo chen po ni rdo rje sems dpa'i dkyil 'khor te/ dang po ni dam tshig sems dpa'i gzugs so/ /de la rab tu zhugs pa'i snying po'i dkyil 'khor ni ye shes sems dpa'i gzugs so/ /de ltar rang nyid dang por rdo rje sems dpa'i rang bzhin can gyi bdag nyid la/ rang nyid kyi dbang bskur sogs rgyas pa ji skad bshad pa rnams dang ldan par brtag cing bsam nas 'grub po zhes pa lhag ma'o/ /de gsungs pa rdo rje slob dpon nyid ces pa rdo rje sems dpa'o/ /ci las she na gang phyir legs thos ni rnam par thos shing legs par rtogs pa ste/ tshad mas 'thad pa nyid kyis so/ /ci zhe na bsam gtan zhes pa la sogs pa 'gro zhes pa'i bar ro/ /gang yun ring du bar ma chad par gus pas sems par byed pa de'i tshe bsam gtan rab tu gyur pa mthar phyin pa gsal bar snang bar 'gyur te/ dper na 'dod pa can gyis 'dod ldan ma sems pa bzhin/ mchog gi skyes bu don du gnyer bas kyang rim pa gnyis bsam gtan par byed do/ /de'i phyir the tshom ga la yod/ rim pa gnyis bsgom bzhin pa yang stong pa nyid kyi chos sgom pa lhur len pa'i mthar thug pa'i bya ba can kho na dngos grub kyi rgyu'o zhes ston to/ /rdo rje zhes pa la sogs pa la/ rdo rje sems dpa' ni dam tshig sems dpa' ste/ snying po ni ye shes sems dpa'o/ /sogs pas dbang bskur la sogs pa'o/ /de rnams kyis mtshon par bya'o zhes pa mtshon bya ste rang bzhin med pa nyid do/ /de bzlas pa ni sgom par byed pa'o/ /chos goms pa kho na 'khor ba sel bar 'gro bar byed pa ste/ chos can bsgom pa ni ma yin no/ /'dod ldan ma'i lus bsgom pas 'dod chags zum par byed pa ma yin gyi/ 'on kyang mi rtag pa la sogs pa nyid du'o zhes pa la sogs pa gzhan du mang po gsungs so/ /rdo rje 'dzin pa'i snying po'i sngags la sogs pa rnams kyis bzlas pa sngar byas pa ni dngos grub kyi thabs kyi yan lag tu 'gyur ro zhes 'dir de ltar gsungs so zhes pa ni drang ba'i don to/ /'o na de ltar na rdo rje sems dpa' kho na 'grub kyi/ rnam par snang mdzad la sogs pa ni ma yin nam zhe na gsungs pa/ dang po zhes pa rdo rje 'dzin pa'i gzugs grub par 'gyur ba'i rnal 'byor pa'i dbang po'i gtsug gi nor bus brtag par bya zhing bsgom par bya'o zhes pa rtag pa rnams ni rnam par snang mdzad la sogs pa kun te/ de rnams kyi rtse mo mchog bla na med pa ste/ skyed par byed pa nyid kyi phyir dang rang bzhin nyid kyi phyir ro/ /rdo rje sems dpa' kho na me long lta bu la sogs pa'i ye shes kyi rang bzhin ni gdul bya'i 'dod pa sna tshogs pa las sna tshogs shing bsam gyis mi khyab par spyod pa rnam par snang mdzad la sogs pa dpag tu med pa'i skur 'byung bar 'gyur ro zhes pa'i don to/ /'o na rnam par snang mdzad la sogs pa rnams/ so so rang nyid kyis 'khor los sgyur ba rnams su bshad pa ma yin nam/ de'i phyir de bsgom pa kho nas de 'grub po zhe na/ nges pa med de/ gang gi phyir 'dis kyang dang rdo rje sems dpa'i gzugs gtso bor sems dpa'i cho gas kyang dang / de bzhin gshegs pa gzhan gyi gzugs/ gtso bor bsgoms kyang / rnam par snang mdzad la sogs pa'i ngo bo'i rgyal ba rnams skye bas so/ /de rnams kyang so so ra stong pa nyid dang snying rje dbyer med pa'i/ byang chub kyi sems rdo rje'i rang bzhin rnams kho na ste/ me long lta bu'i ye shes kyi bdag nyid rnam par snang mdzad do zhes pa la sogs pa ni/ de dang de'i sku la dgos pa'i dbang las/ de dang de'i ye shes kyi gtso bo nyid du/ brjod par 'dod pas so zhes dgongs pa'o zhes pa drang ba'i don to/ /'o na rdzogs pa'i rim pa bsgom pa'i rim pa kho na rdzogs pa'i byang chub 'grub pa'i cho ga ste/ des na 'dis ci bya zhe na gsungs pa/ cho ga zhes pa la sogs pa'o/ /bskyed pa'i rim pa ni rdzogs pa'i rim pa'i dngos su ba'i thabs te/ des na shes rab kyi sbyor ba bsgrub pa'i dang / de yang phyag rgya chen po'i dngos grub kyi'o zhes mngon par dgongs pa'o zhes pa nges pa'i don to/ /de ltar yang dang por rnam pa 'di lta bur kho bos phye zin to/ /gnyis med ni rnam g.yeng mtha' dag so sor spangs pa bsgom par bya ba la/ yid gcig tu byed do/ /spro bar bcas ni brtson 'grus mchog dang ldan pa rnams so/ /tshig gi don gnyis po 'di'i yul nyid kyis tshig phyi ma gnyis kyi shes rab dang snying rje'i rnal 'byor gsal bar byas so/ /snying rjes ni rnam pa sna tshogs pa'i rdzu 'phrul gyi rnam pa rnams kyis sems can gyi don mthun gyi sgrib pa'i dgra bo spang ba'i ched du dang / sbyin pa la sogs pas tshim par bya ba'i ched du go gyon no/ /de ltar rim pa gnyis kyis kyang / shes rab mas 'grub pa'o zhes gsungs pa/ gang zhes pa la sogs pa'o/ /phyag rgya rnams kyi mchog la sogs pa nyid ni/ lnga par bkral zin to/ /cho gas shes pa lha mo'i rang bzhin du/ bsgom pa la sogs pa dang byed pa'i khyad par rnams kyis dang / sor mo bskyod pa la sogs pas kyang / ji ltar rigs par 'dus bya ste/ bde ba chen po nyams su myong ba'i ched du'o/ /'o na 'dir ma phyag rgya nyid du gsungs pa/ ci ltar te de ni nye bar longs spyad zin pas so/ /zhe na gsungs pa/ dam pa zhes pa la sogs pa ste/ rgyu dang 'bras bu'i tshogs pa bsam gyis mi khyab pa'o zhes pas/ de kho na yud kyis bde ba dam pa 'char ro/ /de nyid kyi phyir de gsal bar bya ba'i ched du bde ba chen po'i tshig go/ /zhe sdang bdag nyid gdol pa mo/ /zhes pa 'dis rigs nges par rtogs pa yang dang po pa'i lhag par mos pa la ltos pa kho na ste/ rnam pa 'di lta bu'i rnal 'byor pa ni ma yin no zhes bsgrubs so zhes 'doms par byed do/ /de nyid kyi phyir phyag rgya chen po thig ler gsungs pa/ gdol mo pad+ma'i rigs las skyes/ /chos ma rigs chen las skyes bshad/ /g.yung mo rdo rje'i rigs nyid dang / /gar ma las kyi rigs de bzhin/ /thod pa ma ni 'khor lo'i rigs/ /lnga po 'di rnams lus dag pa/ /zhes so/ / bud med ni gdol ba'i bud med dam/ g.yung mo'i bud med dam/ bu'i bud med do/ /ma la sogs pa rnams/ lha mo'i khyad par gyi ngo bo nyid du brjod pa'i ched du gsungs pa/ spyan ma dang zhes pa la sogs pa'o/ /rin chen sgron ma ni/ gser gyi mdog can spyan gsum pa/ g.yon pa'i phyag gsum na/ dril bu dang lcags kyu dang / gzhu rnams dang / g.yas pa rnams kyis/ rin po che dang ral gri dang / mda' 'dren pa lhur len pa can rgyan thams cad kyis brgyan pa/ thod pa'i dbu rgyan mtho ba/ sna tshogs pad+ma dang / zla ba'i dbus su son par rnam par shes par bya'o/ /rnam par snang mdzad la sogs pa rnams kyis/ rang gi shes rab ni rim pa ji lta bar/ spyan ma la sogs pa'i ngo bo rnams su rtogs par bya'o/ /de bzhin gshegs pa 'di rnams kyang rdo rje sems dpa' dang bcas pa ni 'khor los sgyur ba rnams te/ 'di rnams kyi yang khyad par dang ldan pa'i ming bshad pa ni/ gzugs kyi khyad par gsal bar bya ba'i don du ste/ gtsug tor gyi gnas lta bu nyid kyi rigs kyi bdag po'i dngos po gsal bar byed pa'i phyir ro/ /'di rnams kyang dkyil 'khor pa nyid du/ ji ltar rigs par gsungs pa yod na yang / dkyil 'khor gyi lhag pa'i bdag po'i dngos por yang rtogs par bya'o/ /ji skad du 'dus pa phyi mar gsungs pa/ 'khor los sgyur drug rgyal po yis/ /gtsug tor zhes pa rnam par spros/ /zhes so/ / 'o na ji ltar phyi rol gyi phyag rgya kho na dang lhan cig dngos grub yin/ ci ltar yang rgyu rdo rje 'dzin pa tha mi dad pa las/ 'bras bu rdo rje 'dzin pa'i gzugs rnam par snang mdzad la sogs pa rnams tha dad pa yin zhe na/ gsungs pa/ sems kyi sbyor ba 'di gsungs so/ /zhes sems te bde ba chen po skye ba la/ 'di kho na 'dis sbyar bar bya'o zhes pas sbyor ba ni phyag rgya ste/ rgyu nyid du yang dag par rtogs nas/ thams cad mkhyen pa rnams kyis gsungs so/ /de'i phyir tshad mas rab tu grub pa'i rgyu dang / 'bras bu'i dngos po'i bye brag la the tshom ga la yod/ rtag pa la sogs pa'i gzugs tha dad na yang / sems kyis sbyor ba rnams te/ 'di'i spro ba'i khyad par ro/ /de skad du yang / rgyags pas kha dog tha dad de/ /zhes pa la sogs pa sngar rnam par bye zin to/ /de nyid kyi phyir bsgre ba ston pa/ 'grub ces pa la sogs pa'o/ /'di yis ni sems kyis sbyor bas so/ /khro bo rnams ni mi bskyod pa'i rigs can rnams dang mi bskyod pa'o/ /cho ga ni nyams kyis spro ba'i khyad par gyis rjes su bsgrub pa'o/ /bde ba'i bsgrub pa zhes pa bde ba chen po'i sgrub byed de/ nye bar mtshon pa las bsnyen pa la sogs pa yang ngo / /yang 'dir bsnyen pa la sogs pa ci 'drar blta zhe na/ gang 'dra ba ni 'dus pa phyi mar te/ bsgrub bya sgrub byed yang dag sbyor/ /gang de bsnyen pa zhes par brjod/ /rdo rje pad+ma mnyam sbyor ba/ /nye ba'i bsgrub par brjod par bya/ /bsgrub pa bskyod par rab bshad de/ /hU~M phaT yi ge yang dag ldan/ /rang bzhin rang gi bde zhi ba/ /sgrub pa chen por brjod par bya/ /zhes gsungs pa rnams so/ /bsgrub bya sgrub byed yang dag sbyor ni rig ma la 'khyud pa la sogs pa'o/ /de ltar mthar thug pa na 'jug pa'i yan lag bzhi po thabs su gyur pa rnams kyis/ sangs rgyas thams cad kyi lhag pa'i bdag po dpal dang ldan pa/ rdo rje 'dzin pa chen po'i go 'phang thabs las byung ba/ sangs rgyas rnams thams cad kyi chos rnams kyi chos nyid de kho na'o zhes 'dis thabs byung gsungs so/ /'di skad gsungs te/ zla ba drug tu rig ma'i brtul zhugs spyad nas nyin mo bdun rang gi lha blta ba byas te/ sbyor ba rab tu gyur par shes shing / gang gi tshe nyin mtshan du mar me'i 'od kyi rgyun bzhin du rtag tu de kho na nyid kyi rnal 'byor la mngon du phyogs par nus pa de'i tshe/ lhan cig spyod pa'i phyag rgya dang lhan cig rdo rje sems dpa' la sogs pa rnams las gang yang rung ba'i rnal 'byor mngon du byas te/ tho rangs kyi thun nas brtsams la rdzogs pa'i rim pa'i rnal 'byor khams gsum pa thams cad gcig pa'i rang bzhin mnyam par gzhag pa dang mnyam par ma bzhag par gcig pa'i ngo bor lhag par mos nas/ rdo rjes rgyas btab pa'i phyag rgya dang / ro mnyam pa nyams su myong zhing / mar me'i 'od kyis rgyun lta bur rtag par nyin mtshan thog thag gnas par bya'o/ /de nas rab kyi mthar thug par son pa'i dga' ba bzhi'i de kho na nyid mngon du byed pa las skya rengs 'char ba'i dus su 'grub ste/ sgrub thabs mchog rnams kyis zhes bshad pa'i phyir man ngag ji lta bar phyag rgya chen po 'grub pa'i nye ba'i nyin zhag la ste/ byang chub kyi sems zla ba'i cha mtha' dag yongs su rdzogs pa'i phyir/ skya rengs shar ba'i dus su shin tu yongs su dag pa'i ye shes bdud rtsi yongs su rdzogs pas phyag rgya chen po grub pa rdo rje 'dzin pa'o zhes pa'o/ /de nyid kyi phyir mkha' 'gro ma rdo rje gur du gsungs pa/ me tog sogs kyis mchod byas nas/ /bsam gtan gnas su rab bdugs te/ /phyag rgya lhan cig rab zhugs la/ /rdo rje rnal 'byor yang dag brtsam/ /zla ba nyi ma nub pa na/ /sbyor ba 'di ni yang dag brtsam/ /skya rengs 'char ba'i dus su ni/ /'grub 'gyur 'di la the tshom med/ /ces so/ /'di'i don bla ma rnams 'doms par 'gyur te/ rdo rje nyi ma zhes klog pa gzhan la yang ngo / /shin tu ni bla na med par ro/ /snying rje'i gzhan dbang nyid las 'di rjes su bsgrub pa'i ched du spro ba bskyed pa gsungs pa/ thob nas zhes pa la sogs pa'o/ /le lo 'di yang 'di la the tshom dang phyin ci log dag gis tshul gzhan la zhugs pa dang 'dir zhugs pa nyid na yang don ma rtogs pa nyid kyis rmongs pa'am ma zhugs pa'i dbang du byas nas gsungs pa'o/ /'dir ji ltar rigs par thob par rung ba nyid kyis na thob nas zhes gsungs so/ /gang du zhes pa bde 'gror ram ngan 'gror ro/ /mi shes so ni thams cad mkhyen pa ma yin pa rnams kyis te/ dge ba dang mi dge ba'i las sna tshogs pa nyid kyi phyir ro/ /ji skad gsungs pa/ las dang de yi bag chags dang / /de yi 'jug rnyed de las 'bras/ /nges pas sangs rgyas las gzhan gyis/ /rnam pa thams cad mi shes so/ /zhes so/ /legs par zhugs par brtson 'grus dang ldan pa'i ngor gsungs pa/ 'di ltar zhes pa la sogs pa'o/ /de ste las bya ste/ gang gis sangs rgyas rnams kyi chos rgyud la sogs pa kun shes pa phun sum tshogs par 'gyur ba'o zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu bdun pa'o// //de ltar phyag rgya chen po grub pa'i rdo rje slob dpon la bsnyen bkur phul du byung ba brjod pa gsungs pa/ de nas zhes pa la sogs pa ste/ gang du ni nyin mor rab gnas su'o/ /grub pa ni sku dang gsung dang thugs rdo rjes so/ /rig ma lngar gsungs pa'i phyag rgya dang lhan cig ldan pa'i skyes bu ni rig ma'i skyes bu ste/ don dam par dbyer med pa'i ngo bo nyid kyis dang / kun rdzob tu rnam pa'i dbye ba las so/ /gang gi phyir rdo rje slob dpon ni rdo rje 'dzin pa ste/ don dam par byang chub kyi sems kyi ngo bo dang / kun rdzob tu rig ma'i skyes bu'i gzugs can no/ /de skad du yang 'dus pa phyi mar/ sku gsung thugs kyi rdo rje yis/ /dbyer med dbye ba'i dngos po las/ /rig ma lhan cig yang dag sbyor/ /rig ma'i skyes bur brjod par bya/ /zhes so/ /'byor pa ni bsnyen bkur la sogs pa'i dga' ston no/ /rnam 'gyur drug tu g.yos pa kho na gang du yin pa de ji ltar 'gyur bar ro/ /'dir 'gul ba dang g.yo ba dang ldeg pa dang 'ur ba dang / 'khrug pa dang chem pa zhes pa rnam par 'gyur ba drug rnams so/ /de las gzhi 'gul ba'o/ /ljon shing rnams thams cad g.yos pa'o/ /ri bo rnams thams cad ldeg pa'o/ /lha dang lha ma yin la sogs pa rnams 'ur ba'o/ /rgya mtsho la sogs pa rnams 'khrug pa'o/ /sprin la sogs pa rnams sgrogs pa'o/ /'di rnams kyang so sor dman pa dang bar ma dang mchog rnams so zhes pa bco brgyad do/ /de la gang gi tshe shar phyogs su ljon shing dang ri la sogs pa rnams 'khrug pa chen por 'gyur ba de'i tshe shar phyogs mtho bar snang ste nub phyogs dma' bar ro/ /de ltar gzhan la'ang ngo / /'ur ro zhes pa 'og tu sgra 'ur 'ur ba'o/ /gang gis rgya mtsho chen po 'khrug pa de lta bu'i sgra de gang rnams kyi yin pa de rnams ni de skad do/ /phyag rgya'i snying po ni phyag rgya dang ldan pa nyid kyi phyir ro/ /khams ni 'dir dbang po ste chung ngu dang bar ma dang rnon po zhes pa rnam pa gsum mo/ /de ltar khams gsum rnams gang rnams kyi yin pa de rnams ni khams gsum kho na khams gsum pa nyid de sems can rnams so/ /gang gi tshe gzugs med khams pa gzugs cung zad dang ldan pa ste/ chung ba la dgag pa'o zhes 'dod pa dang / gang gi tshe 'di skad du gzugs med pa'i khams par gyur pa dang gzugs khams par 'gyur ba'i sems can rnams/ dgos pa'i dbang las 'dod pa'i khams su 'ongs pa na ji ltar thog ma med pa'i bag chags bsal bar gyur pa ltar bud med dang skyes pa'i dbang po can rnams te tshangs ma bzhin dang tshangs pa bzhin zhes 'dod pa/ de'i tshe 'dod khams par gyur pa la sogs pa khams gsum pa nyid rnams so/ /'dod pa 'di kho na mang po rigs pa rnams gsung ngo / /tha skar gyi bu dag ni lha'i sman pa dag go/ /ched du brjod pa ni/ dang ba dang dga' bas cher rol pa'i tshig go/ /gzhan zhes pa gzhan 'phrul dbang byed pa rnams so/ /gzhan min dbang sgyur ni 'phrul dga' ba rnams so/ /bsgrub bya'i bsod nams kyis zhes pa la bsgrub bya ni rdo rje sems dpa'o/ /khams gsum rnams su ste ji skad bshad pa rnams su gang mchod pa srid pa'o/ /bde ba chen po'i dngos grub ni phyag rgya chen po'i dngos grub bo/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu brgyad pa'o/ / //de ltar grub pa'i rang bzhin dang gzhan gyi don la 'jug pa rtogs par bya ba'i don du gsungs pa/ grub pa zhes pa la sogs pa'o/ /rig pa'i skyes bu ni longs spyod rdzogs pa'i sku ste/ yang dag par sbyor ba nyid kho nar gsal bar gyur pa'i bde ba chen po'i sku'o/ /ma song ba ni chos kyi sku'i bdag nyid de de bzhin nyid kyi ngo bo nyid kyi phyir ro/ /gang gsungs pa/ rigs kyi bu de bzhin nyid ni gang las kyang 'ong ba'am 'gro ba med do/ /gang de de bzhin nyid de ni de bzhin gshegs pa'o zhes so/ / 'dis ni don dam par chos kyi sku bya ba med pa nyid du rig par bya'o/ /ma yin pa kho na zhes pa rten dang brten pa dgag pa yang ngo / /gang gi phyir dang po skye ba dang mtha' 'gog pa dang dbus gnas pa ste/ de rnams 'di la don dam par med pa'o/ /gang gi phyir gnyis med pa ste spros pa med pa shin tu rnam par dag pa'i chos kyi dbyings kyi ye shes kyi bdag nyid do/ /srid pa gsum rnams ni 'dod pa la sogs pa'i khams rnams te phyogs so sor dpag tu med pa snang bar byed do zhes pas de skad de me long ye shes kyi ngo bo'o/ /snang bar byed pa ni bcom ldan 'das kyi yid kyi blo bzhin du dbang po'i blo la sogs pa rnams kyis kyang yul thams cad yongs su gcod pas yul thams cad par bshad de/ bcom ldan 'das kyis ji skad du gsungs pa/ thams cad du ni phyag zhabs mtha'/ / kun nas spyan dang dbu dang zhal/ /kun du thos ldan 'jig rten du/ /thams cad khyab par byas te gnas/ /zhes so/ /dad pa'i stobs bskyed pa'i mdor yang / 'jam dpal de la de bzhin gshegs pa ni kun du gzigs pa'i mngon par shes pa drug gis sems can 'chi 'pho dang skye ba rnams gzigs te/ bde 'gro 'am ngan 'gror 'gro ba yang ngo / /de bzhin du de bzhin gshegs pas gtsug tor gyis kyang gzigs so/ /de bzhin du mdzod spus kyang gzigs so/ /de ltar mtshan re res so/ /de ltar dus cig car du phyogs bcu rnams su 'jig rten gyi khams rab 'byam thams cad du gzigs so zhes so/ /thams cad thams cad ces pa ni 'di lta ste phung po lnga rnams so/ /der son pa ni khyab par byed pa ste/ chos bdag med par mnyam pa nyid kyis so zhes pa thams cad du song ba ste/ mnyam pa nyid kyi ye shes kyi bdag nyid do/ /mu mtha' med pa'i sems dang sems byung rnams mkhyen to zhes pa thams cad mkhyen pa ste so sor rtog pa'i ye shes kyi rang bzhin no/ /bya ba thams cad la mkhas pa ni thams cad pa ste bya ba grub pa'i ye shes kyi rang bzhin no/ /thos 'joms la mkhas pa ni thos 'joms pa zhes pa ltar a Na no/ /de nyid kyi phyir thams cad kyis don du gnyer bar bya'o zhes pa skyes bu'i don mchog go/ /rnam par ma dag pa'i sems rnams la rang bzhin gyi de bzhin nyid kyi ngo bor gnas shing / rnam par dag pa'i sems rnams la dri ma med pa'i de bzhin nyid kyi bdag nyid du'o zhes pa sems can kun gyi sems la gnas pa zhes pa'o/ /'di ni chos la bdag med pa mnyam pa nyid kyis brjod pa'o/ /bcom ldan 'das kyi ni dri ma dang bral ba nyid kyi rnam par dag pa kho na'o/ /de nyid kyi phyir de ni ngan 'gro la sogs pa rnams las rnam par grol ba'o/ /yon tan ni stobs dang mngon par shes pa la sogs pa rnams so/ /thugs rje chen pos ji ltar rigs par 'gro ba bzang po dang rnam grol la 'god par mdzad pa'i phyir thams cad la phan pa ni kun phan no/ / de ltar 'di ni stong pa nyid dang snying rje'i rang bzhin gyis zung du 'jug pa'i byang chub kyi sems rdo rje gsungs so/ /zhi ba ni mchog tu dge ba'i ngo bo'o/ /mnyam pa med pa'i phyir mi mnyam pa'o/ /rtag tu byung ba ni chos kyi sku rang bzhin rtag pa nyid kyis dang / bde ba chen po la longs spyod pa ni ldog pa med pa ste/ rgyun mi chad pa rtag pa nyid kyis dang sprul pa'i sku 'jig rten gyi khams sna tshogs rnams su skye ba la sogs pa ston pa'i phyir rgyun gyis rtag pa nyid kyis so/ /de ltar 'gro ba'i mgon po gtso bo'o/ /skyob pa ni ngan 'gro dang lam log pa las so/ /de lta na yang bag chags dang bcas pa'i rnam par rtog pa ma lus pa spangs pa'o/ /dbyibs ni lag pa dang / rkang pa la sogs pa yang dag par bkod pa'i khyad par ring po nyid la sogs pa'o/ /kha dog ni ser po la sogs pa ste/ de dag dang bral ba ni don dam par ro/ /de'i phyir mig gi yul ma yin pa'o/ /de lta na yang phan pa mdzad pas gsal bar byed pa'i phyir rgyal po ste/ kun rdzob tu dbyibs la sogs pa ldan pa'i phyir zhes dgongs pa'o/ /rdo rje bzhin du dbye bar mi nus so zhes pas dbye bar dka' ba ste/ ngo bo gang dbyer med pa de rdo rje ste/ phyi rol gyi yang rdo rje gang yin pa de mi phyed pa kho nar brjod do/ /de la rdul phra rab kyang phyogs kyi cha'i dbye bas dang blos yongs su brtags pas kyang dbye bar nus pa nyid kyi phyir stong pa nyid kho na dbyer med pa'o/ /de gsungs pa/ stong pa nyid rdo rjer brjod par bya/ /zhes so/ /chos kyi sku bcom ldan 'das de yang zla ba lta bu ste/ nyon mongs pa'i gdung ba dang bral ba nyid kyis so/ /nye bar mtshon pa las snying rje chen pos dga' bar byed pa'i phyir yang ngo / /de ni 'gro ba ma lus pa'i don byed pa dmigs pa med pa'i snying rje ste/ de yang 'dir lhan cig skyes pa'i bde ba chen po'i rang bzhin ni/ ches shin tu dga' bar byed de/ tsa di dga' ba la'o zhes pa byings so/ /seng ge bzhin du 'phrog byed dang tha gu'i lto la sogs pa'i ri dgas kyi tshogs rnams la'o/ / rgya mtsho bzhin du 'phrog byed la sogs pa rnams dang 'dod chags dang bral ba la sogs pa dang byang chub sems dpa' rnams kyis kyang gting mi rtogs pa yon tan zab pa nyid kyi phyir ro/ /gdul bya thams cad kyi bsod nams dang rang gi smon lam gyi dbang las rnam par rtog pa med kyang yid bzhin gyi rin po che dang 'khor lo 'khor ba bzhin sems can gyi don byed pa'o zhes lan cig ma yin par bsgrubs zin to/ /sems can gyi don kho nas bsam gyis mi khyab cing dpag tu med pa sprul pa'i lus rnams su bstan pa'i ched du gsungs pa/ bltams pa zhes pa la sogs pa ste/ sngar bshad zin to/ /'dir ni lha ru gshegs pa dang cho 'phrul dag rim pa bzlog ste/ gsungs pa las shAkya thub pa'i ltar sangs rgyas gzhan rnams kyi gzhan don mdzad pa'i rim pa nges pa ma yin zhes mngon par dgongs pa'o/ /dad pa'i stobs bskyed pa'i mdor yang bka' stsal pa/ 'jam dpal de la de bzhin gshegs pa ni phyogs bcu rnams su 'jig rten gyi khams rab 'byam rnams su 'jig rten gyi khams rab 'byam rnams su 'jig rten gyi khams re rer dang gling re rer dus cig car dga' ldan gyi gnas na bzhugs shing 'pho ba dang bltams pa dang mngon par 'byung ba dang / dka' ba spyod pa la sbyor ba dang byang chub kyi snying por nye bar gshegs pa dang bdud 'joms pa dang mngon par rdzogs par byang chub pa dang chos kyi 'khor lo bskor ba dang yongs su mya ngan las 'da' ba chen po dang chos gnas pa dang chos nub pa yang yang dag par ston to/ /mu stegs pa'i skye mched kyi spyod pa rnams thams cad du dang skyes rab thams cad du 'ang dus cig car yang dag par ston to/ /de ci'i phyir zhe na/ chags pa med par ston pa nyid kyi phyir thogs pa med pa'i ston pa'o/ /yang dag par mi phyed pa nyid kyi phyir yang dag par dbyer med pa ste/ mi bsten pa nyid kyi phyir ro/ /yang na rtsol ba med pas rnam par mi rtog pa dpag tu med pa'i bya ba rnams 'jug par mdzad cing / de bzhin gshegs pa dga' ldan gyi gnas nas kyang mi g.yo'o zhes so/ /de ltar zhes pa ji ltar gcig pur grags pa bltams pa la sogs pa ston pa de ltar gang lam legs par goms pa'i rigs kyi bu nye bar bsngags pa'i tshul thob pa mang po de rnams kyang rim pas dang cig car du 'jig rten gyi khams gzhan rnams su ston te zhes tshig rnam par bsgyur bas sbrel ba'o/ /rgyu mngon du phyogs pa nyid kyi phyir 'bras bu 'byung ba nges par 'gyur ba'o/ /de yang ji ltar gcig gi yin pa de ltar gzhan gyi bzlog tu med pa'o zhes dgongs pa'o/ /de nyid kyi phyir nye bar sdud de/ de ltar gang grub pas ston to zhes khyad par med pas so/ /ma rtogs pa'i skabs su sna tshogs pa rmi lam 'dra ba'o zhes brjod par bya zhing sgyu ma lta bur yang ngo / /rtogs pa'i gnas skabs su ni rmi lam gyi ngo bo kho na dang sgyu ma'i rang bzhin kho na de'i zhes rmi lam lta bu zhes dang sgyu ma'i ngo bo zhes pas gsungs so zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma sum cu dgu pa'o// //bla na med pa'i 'bras bu phun sum tshogs pa 'di ni rim pa gnyis goms pas dam tshig bsten pa kho nas so zhes de rgyas par bshad pa'i ched du 'jug pa gsungs pa/ gsungs pa zhes pa la sogs pa'o/ /khrag ni me tog ste ba lang la sogs pa'i khrag kyang ngo / /nya ni chu'i nya la sogs pa'o/ /sha ni ba lang la sogs pa'i 'o/ /ye shes sems dpa' rnams kyi ste phyi rol du thab khung dang nang du bsgoms pa rnams kyi zhal mi gtsang bas bkang ba ci ltar te 'di mi rigs zhes dgongs pa'o/ /'bras bu ni sbyin sreg gi'o/ /mi shes pa yang dag pa'i shes pa dang bral ba yang de rnams yin la/ rmongs pa 'khrul ba rnams kyang ngo / ye shes thab ni 'chad par 'gyur ba'o/ /bshang ba la sogs pa'i phyi rol gyi dngos po don dam par yod do zhes 'khrul bas de ma yin la der 'dzin pa'i ngo bo'i mngon par zhen pas mi gtsang ba la sogs par sgro 'dogs pa rnams kyis blun par byas pa dngos po'i de kho na nyid mi shes te/ de rnams mi gtsang ba kun du spyod pa la sogs pas sdig pa dang gtsang ba nye bar spyod pa la sogs pas bsod nams ye shes rtogs par byed do/ /de la rang bzhin yongs su dag par lhag par dmigs pa kho nas dam tshig bsten par bya'o zhes dgongs pas 'khrul pa 'gags pa yang dag pa'i ye shes kyi thabs chos kyi dbyings rang bzhin gyis yongs su dag par ston pa/ rang zhes pa la sogs pa'o/ /rang bzhin ni ma bcos pa don dam par rang bzhin med pa nyid de/ des dag pa rnams ni mi gtsang ba la sogs pa'i ngo bo rnams ma yin no/ /chos rnams ni rang gi mtshan nyid 'dzin pa'i phyir bshang ba la sogs pa rnams so/ /gang gi phyir ma skyes pa rnams te skye ba dang bral ba nyid kyis na rang bzhin med pa nyid du bsgrub par bya bar mngon par dgongs so/ /de ltar yang dbu ma'i snye mar rnam par bsgrubs zin to/ /gnas med pas na gnas med rnams/ /zhes te mi gtsang ba nyid la sogs pa'i rten ma yin pa'o/ /rigs pa 'di de kho na nyid shes pa 'phel ba'i ched du thabs so zhes pa sgom pas yun ring du rnam par gnas pa kho na'i gnyis su med pa'i ye shes kyis 'khrul pa nyams kyi/ rnam pa thams cad du dus shin tu thung ba skyes pa tsam gyis ni ma yin no zhes dgongs pa'o/ /'o na de lta na sdig pa med na legs spyad pa rnams kyang ji ltar 'dod pa'i g.yo bar 'gyur zhing ngan 'gro med la/ bsod nams med na ni bde 'gro yang med na thar pa'i gtam ci zhig / gzhan yang las med na skye ba med pa'i phyir rtag tu grol bar 'gyur ba'am/ yang na nam yang ma yin no/ /'ching ba med na grol ba ga las yin/ /zhes pas thams cad ma bcad par bsnyil ba'o zhes dogs par byas nas gsungs pa/ bsod nams zhes pa la sogs pa'o/ /dam pa ni bla na med pa ste/ don du gnyer bar bya'o zhes pa don no/ /yang na ye shes dam pa'i de'i bdag nyid kyi yul lo/ /yang na dam pa'i don te lam gyi ye shes kyi bsgrub par bya ba ni dam pa'i don te sangs rgyas nyid do/ /der bsod nams rgyu'i gnas skabs kyi ngo bo dor bar bya ste/ bsod nams dang de'i rnam par rtog pa yang bag chags dang bcas pa spangs pa'i phyir ro/ /'bras bu'i gnas skabs pa'i bsod nams rnam par mi rtog pa ni yod pa kho na ste/ byang chub kyi sems rdo rje ni bsod nams thams cad kyi rang bzhin nyid kyi phyir ro/ /sdig pa ni ma yin te so so skye bo'i gnas skabs su yang de kun du mi spyod pa'i phyir mi srid pas so/ /so so skye bo'i sa la ni ches shin tu'o/ /de nyid kyi phyir gsungs pa/ su zhig 'dzin zhes so/ /don ni 'di ste tshang mas nges par dpyad na phung po lnga bo rnams kyang don dam par rang bzhin med mod/ /'on kyang kun rdzob pa rnams yod pa kho na'o/ /de'i phyir 'du byed kyi phung po'i nang du 'dus pa'i sdig pa dang bsod nams dag kun rdzob tu yod pa kho na'o/ /de la sdig pa ni lus dang ngag dang sems kyi nyes par spyod pa rnam pa bcu ste/ rang bzhin gyi kha na ma tho ba dang bcas pa dang ji ltar rigs par bcas pa'i kha na ma tho ba dang bcas pa'o/ /bsod nams ni sbyin pa la sogs pa'i rang bzhin no/ /bsod nams dang bsod nams ma yin pa 'di dag kyang thub pa'i dgongs pa'i rgyan du rgyas pa dang bcas par brjod do/ /de la bsod nams ma yin pa ni mi 'dod pa'i rnam par smin pa can no zhes pas spang bya'o/ /bsod nams ni bde 'gro'i dang 'khor ba'i chu bo las sgrol ba'i rgyu'o zhes pas blang bar bya'o zhes pa'o/ /'di kho na dpes rtogs par mdzad pa/ pha rol zhes pa la sogs pa ste/ brgal nas zhes pa chu klung brgal nas so/ /dor nas ni gzings so/ /de bzhin du chos te bsod nams blang bar bya ba nyid kyis dang chos min te sdig pa dor bya nyid kyis/ brten nas te blos lhag par gnas pa ste/ 'khor ba las brgal nas 'khor ba las pha rol rdo rje 'dzin pa'i sa'i bar chad med pa'i lam gyi sems bskyed pa'o/ /de'i de ma thag par byang chub sangs rgyas nyid rtogs pa'o/ /'o na ji ltar kun rdzob pa'i sdig pa'ang rab tu spang bar bya ba de bzhin du kun rdzob pa'i yang mi gtsang ba'i nyer spyod spang bar bya ba'o zhes dogs par byas nas nye bar sdud pas lan 'debs pa de'i phyir zhes pa la sogs pa ste/ rnam rtog dra ba ni don dam pa pa'i dngos po yod do zhes pa 'di lta bu la sogs pa'o/ /chos rnams kyi zab pa ni zab mo nyid de de bzhin nyid do/ /de gsungs pa/ stong nyid chos kyi zab mo nyid/ /yon tan gzhan rnams rgya che ba'o/ /zhes so/ /der 'phel ba ni tshad mas nye bar drangs pa'i nges pa bsags pa ste/ de bzhin gshegs pa tshad ma mchog tu gyur pas gsungs pa'i bshad pa la sogs pa'i sbyin sreg la sogs pa byas pa dngos grub kyi lam yin pa la/ 'di mi gtsang ba'o zhes pa la sogs pa sgro gdags par mi bya'o/ /mi gtsang ba nyid ces bya ba'am gtsang ba nyid ni kun rdzob tu yang 'gar yang yod pa ma yin gyi/ rig byed kyis rnam par bslus pa'i bram ze rnams kyis tha snyad byas pa 'ba' zhig ste/ de'i rjes su 'jug pa gzhan dang gzhan rnams kyis kyang ngo / /de lhag par mos pa'i gdul bya'i ngor bcom ldan 'das kyis kyang tshul gzhan du dang bya ba'i rgyud 'ga' zhig tu bstan te/ zab mo la lhag par mos pa shes rab mchog can gyi sngags kyi tshul gyi dor ni ma yin no/ /de nyid kyi phyir gsungs pa/ sngags rig ces pa'o/ /mi gtsang ba'i sgrib pa bsod nams ma yin pa yang ma yin te/ de ni rang bzhin gyis kha na ma tho ba ma yin zhing bcas pas kyang ma yin no/ /gdul bya'i khyad par la ni bcas pas kha na ma tho bar 'gyur mod/ / sngags kyis rtsa ba la ma gsungs so/ /gzhan gyi lta ba la yang ji srid du thams cad du 'di ltar ma yin te/ mchog gi dad pa pa dang long pa pa la yang thams cad bza' zhing thams cad btung ba la sogs pa dang ba lang gi sha'i sbyin sreg la sogs pa bsgrags pa'i phyir ro/ /de bzhin gshegs pas gsungs pa'i lam la rnam par rtog pa rnam pa 'di lta bu lta ci smos/ de ni gti mug chen po ma rig pa ste/ 'dod chags la sogs pa rnams dang las dang skye ba'i rgyu'o/ /des na dri ma de rtsad nas dbyung bar bya'o/ /de'i phyir dri ma dang bral ba so sor snang ngo / /gang goms par byas nas 'di ltar 'byung ba'i ting nge 'dzin 'di ci zhig yin zhe na gsungs pa/ gnyis zhes pa la sogs pa'o/ /dbye nyid ces pa/ nga'o zhes byed cing bya ba mngon par khengs pa gang du yin pa de'i dngos po ni de nyid de/ des rgyal ba'i gzugs so/ /kun gyi ste lus dang ngag dang sems rnams kyi rnam pa rang bzhin no/ /des don dam par stong pa nyid kyi na spangs pa'o/ /ye shes ni byang chub kyi sems te/ rdo rje dang pad+ma sbyor ba las/ lus dang ngag dang sems ro gcig pas stong pa nyid dang snying rje dbyer med pa'i ye shes kyi rang bzhin rdo rje sems dpa'i sku'i nga rgyal brtan pos sgom par byed pa rnams/ rim pa gnyis ka la yang ting nge 'dzin 'di rdzogs pa na/ skye ba 'di kho na la rnal 'byor pa rnams ye shes can rnams su 'gyur ro zhes pa'i don to/ /dam tshig gsungs pa/ bud med ces pa la sogs pa ste/ bud med dang skyes pa'i lus rnam pa sna tshogs pa'i las srog chags gsod pa la sogs pa skye ba ni mi shes pa yod na 'gyur ro zhes bstan to/ /las de phan pa dang mi phan pa'i rgyu yongs su shes pa dang ldan pas mi bya'o zhes dgongs pa'o/ /dam tshig tu bya zhing 'gong par mi bya ba nyid kyis rtogs par bya bas na dam tshig go/ / sems ni rang gi'o/ /lus dang ngag gi dang nyes par spyod pa dag kun nas slong ba nyid kyis de dag las rnam pa sna tshogs pa'i gnod pa gang rnams las yin pa de rnams kyis so/ /kun rtog ngan pa ni brnab sems la sogs pa rnams te/ de rnams kyi rtog pa'i tshogs rnams kyis so/ /gdug pa yang de yin la rtsub pa yang yin pa ni/ gdug rtsub bo/ rtsub pa'i ngag gdug pa ma yin pa yod de/ dper na bcom ldan 'das kyis lhas byin gyi dor 'bangs mchil mdor cig ces pa lta bu'i ngag phan pa'i rgyu kho na'o/ /khyad par 'di yang nye bar mtshon pa lhur len pa ste gzhan la yang mi gdug pa nyid rtogs pa'i ched du'o/ /de yang ji lta ba de ltar sngar srog chags zhes pa la sogs pa sdom pa rgyas par bstan pas brjod zin to/ /sogs pas brdzun gyi tshig go/ /rna ba'i mi bde byed pa ni ngag 'khyal ba'o/ /de ltar nyes par spyod pa gsum las ldog pa'i tshul khrims gsungs shing / ting nge 'dzin dang shes rab dag kyang dbang po gnyis zhes pa la sogs pas de ma thag tu bshad zin to/ /de ltar na yang 'khor ba zad pa las ji skad bshad pa'i mya ngan las 'das pa kho na'o/ /de gsungs pa/ tshul khrims la ni gnas nas mis/ /sems dang shes rab bsgom par bya/ /sdom pa yang dag bsrungs pa ni/ /myur du sdug bsngal zad par 'gro/ /zhes te/ sems ni ting nge 'dzin dang / shes rab ni stong pa nyid shes pa'o/ /phyag rgya dang lhan cig stong pa nyid dang ro gcig pa'i bde ba chen po nye bar longs spyod pa kho na 'di'i sdom pa ste/ spros pa thams cad las sdom pa'i phyir ro/ /ji skad du 'dus par gsungs pa/ rtag tu gzhan gyi nor 'phrog cing / /gsod pa yang ni rmad byung che/ /'dod chags rdo rje'i go 'phang spyod/ /'di ni sdom pas bsdams pa'o/ /zhes so/ /gzhan gyi nor 'phrog pa la sogs pa'i gsang chen ni sngar phye zin to/ /tshul khrims la sogs pa gsum po 'di kho na lhag pa'i tshul khrims dang lhag pa'i shes rab ste bslab pa gsum dang phung po gsum mo/ /rnam par grol ba'i phung po yang rdo rje 'dzin pa'i sa'i dngos gzhi'i sems bskyed pa ste/ rnam par grol ba shes pa'i phung po ni rjes kyi'o zhes pa la sogs pa 'dir gdul bya'i 'dod pa sna tshogs las rnam par gzhag go/ /theg pa gzhan du ni ma yin te/ chos kyi phung po stong phrag brgyad cu rtsa bzhi rnams su yang chos 'ga' zhig rnam par gzhag pa gang yod pa ni rgyu dang 'bras bu'i gnas skabs dag tu byang chub kyi sems rdo rje bcom ldan 'das kyi ngo bor ni ma yin no zhes pa ste/ rgyas pas ci bya/ de ltar 'dir dang sngar srog chags zhes pa la sogs pas shes rab kyi chags pas zhu ba'i dga' ba bcu drug gi thig le ro gcig tu gyur pa rnams rdo rje nor bur rab tu zhugs pa/ tshangs par spyod pa de bzhin zhal/ /zhes gsungs pa'i phyir/ ma 'phos pa'i tshul khrims kyi rang bzhin du byed pa/ rdo rje nor bu las steng du gsang ba dang lte ba dang snying ga dang mgrin pa dang dpral ba'i lte bar 'dren pa yang bsrung bar bya ba'i dam tshig tu gsungs so/ /bza' bar bya ba brjod pa gsungs pa/ sha zhes pa la sogs pa'o/ /che mchog ni rdo rje sems dpa' ste de las skyes pa'o/ /mi bskyod pa gnas pa'i sbyor ba mi bskyod pa gnas pa rkang ngo / /'dres pa 'bab la ste yan lag la rus pa'o zhes 'brel lo/ /cho ga las zhes pa snga mar yang shes par bya ste/ cho ga ni sha la sogs pa rnams de bzhin gshegs par de'i bdag nyid du mos pa'o/ /gang khams kha cig la de bzhin gshegs pa khrag 'khrugs su 'ga' zhig tu brjod pa de ni de bzhin gshegs pa rnams phan tshun du don dam par dbye ba dang bral ba nyid du dgongs pas so/ /de la sha yis pags pa bsdus shing / khrag gis ro dang rtsa 'ching bas khu ba'o zhes khams bdun gyi rang bzhin gyi lus lha'i bdag nyid du bshad pa ni/ rnam par dag pa'i lus dang 'brel ba las/ go ku da ha na'i sgron ma rnams rnam par dag pa'i don du ste/ rnam pa gzhan du na dam tshig gi skabs su khams rnam par dag pa'i rnam pa ci ltar yin/ sngar rtogs par byas pa rnams 'dir skabs kyis rtogs pa'o zhes rang gi ming gis ma brjod pa'o zhes man ngag rig pa rnams so/ /de nyid kyi phyir gsungs pa/ ye shes la mkhas zhes pa ye shes la mkhas pa gnyis su med pa'i ye shes rtogs pa de bzhin gshegs pa rnams kyis gsang ba gsang chen dam tshig go/ /bsten bya ni bza' bar bya ba'i dam tshig rnams so/ /bsgom bya ni de bzhin gshegs pa rnam par dag par ro/ /byang chub sems rdo rje'i rang bzhin gyi rnal 'byor pa blo ldan gyis ni rnam par dag par lhag par mos par mkhas pas so/ /sred pa ni 'dir tshor ba ste rgyu la 'bras bu nye bar brtags pa las so/ /'du byed kyang 'di yin la 'phel ba yang ste/ sprul pa sna tshogs rnams kyis bya ba rjes su bsgrub pa'i phyir ro/ /'dod chags la sogs pa 'di rnams sangs rgyas rnams su dang bshad pa la sogs pa bdud rtsi lnga rnams dam tshig rnams su gsungs te/ de bzhin gshegs pa lnga'i rang bzhin du mos par bya ba rnams so zhes pa'i don to/ /sred pa ni nga rgyal nye bar mtshon pa ste/ 'du byed ni phrag dog la sogs pa'o/ /'dod chags la sogs pa spong ba kho na bdud rtsi lnga bza' ba'i nges pa'i don to zhes dgongs pa'o/ /de skad du yang rnal 'byor ma bzhi yang dag par sbyor ba'i rgyud du gsungs pa/ khu ba khrag dang de bzhin sha/ /bshad dang lnga pa gci ba ni/ /rnam rtog med pas bza' bya ste/ /rang bzhin med pas blo ldan gyis/ /rmongs cha de bzhin nga rgyal dang / /zhe sdang de bzhin 'dod chags nyid/ /phrag dog ser sna phra ma ste/ /dam tshig dri med bsten par bya/ /zhes so/ /de rnams kho na yongs su 'dzag go zhes pas yongs su 'dzag pa'o/ /sa dang chu dang me dang rlung rgyu dang rkyen rnams las 'byung ba bzhi rnams kyis yongs su gzung bar bya ba ste/ nur nur po'i gnas skabs nas brtsams nas ji ltar rigs par de las byung ba nyid kyi phyir dang / sgron ma dang bshad pa la sogs pa rnams de'i rang bzhin nyid kyi phyir ro/ /'di rnams kyang nang du 'dus par bshad pas spyan ma la sogs pa'i rnam par dag pa yang bsgrubs so/ /de nyid kyi phyir bdud rtsi'i bsam gtan gyi cho ga la spyan ma la sogs pa rnams kyi yang sa bon rnams so/ /rdzogs pa'i blo ste byang chub kyi sems bcom ldan 'das bsgom pa gang rnams kyi yin pa de rnams de skad de/ de rnams kyis so/ /bza' ba ni bza' bya ste/ de'i don du 'byung ba rtsol ba med par 'du ba gang rnams kyi yin pa zan dang bya na la sogs pa de rnams kyang bsten par bya zhes rtags bsgyur bas sbrel lo/ /don 'di ste/ bskyed pa'i rim pa bsgom pa dang po pas/ bdud rtsi lnga dang sgron ma lnga/ /zhes pa gnyis nag po'i brgyad pa'am bcu bzhi pa la ril bu byas te grib ma la skams pa pad+ma'i snod kha sbyor du bzhag nas/ cho ga ji lta bar bdud rtsir byas te/ nyin zhag so sor re ra bza' bar bya'o/ /ji ltar rnyed pa'i 'di gnyis dang myos byed kyang bya na sogs bzhin du yongs su bza'o/ /'di ni rdzogs pa'i rim pa la gnas pas kyang ste/ 'on kyang 'di rang bzhin yongs su dag pa kho nar dmigs pas te/ ce spyang bzhin du ni ma yin no/ /gzhan yang bshad pa la sogs pa rnams yul lnga rnams su nges pa'i tshig gis dgongs te de rnams kyis phyag rgya dang lhan cig dga' ba thams cad spyad par bya'o/ /gzhan yang dgongs pa'i skad kyis go ku da ha na rnams dang sbrang bu skyugs pa ni rim pa ji lta bar mig dang rna ba dang sna dang lce dang lus dang yid de brjod zin pa zhes bza' bar bya zhing / de rnams med pa las de'i yul rnams dang de'i rnam par shes pa rnams kyang ngo zhes pa khams bco brgyad rnams bza' bya ste/ stong pa nyid kho nas so/ /de ltar na yang sgro btags pas thams cad las log pa'i shes rab dang thabs phyag rgya chen po'i bdag nyid kyi de kho na nyid can gyi rnal 'byor pa 'di/ ji skad bshad pa'i dam tshig dang sdom pa'i rang bzhin kho nar rig par bya'o/ / de ltar yang bcu dgu par gsungs pa'i 'gal ba brjod pas gsod pa dang 'phrog pa dang bsten pa dang brdzun gyi tshig rnams kyis sdom pa thams cad kyi ngo bo'o/ /dngos po thams cad kyi rang bzhin nyid kyis de kho na nyid kyi rnal 'byor pa'i rnam par snang mdzad la sogs pa'i rdzas rnams chos sku'i bdag nyid rang gi lus kyi nang du 'dus pa las/ der byin gyis rlob pa'i zhes pa dam tshig thams cad kyi rang bzhin no/ /de'i phyir/ dngos po kun gyi rang bzhin bdag /ji ltar 'dod par rang mchod de/ /yul 'dus rnams kyis rnal 'byor pas/ /rang bzhin med pa'i dbang las so/ /don dam par gcig tu mthar thug pa 'di ni gar yang 'jug pa dang ldog pa ma yin no/ /de ltar ni dam tshig spyod pa rnams mi smra bar gyur pa'i mthar thug pa nyid du bstan pa'i ched du de nas phyag na rdo rje de bzhin gshegs pa thams cad kyi bdag po/ /rdo rje 'dzin pa thams cad kyi sku dang gsung dang thugs rdo rje'i snying po rdo rje mnyam pa nyid rnam par bsams nas cang mi gsung bar gyur to zhes so/ /de ltar don chen po'i rgyud bstan pa yongs su rdzogs par gsungs pa ji ltar shes pa la sogs pa/ ji ltar bud med rnams dang byis pa blang bya dang dor bya mngon par mi shes pa'i skyes bu rnams kyi dga' rtsed sna tshogs pa'i gtam gyis skye ba snga mar goms pa las rjes su yi rang ba ni rjes su yi rang ba rnams te/ 'di lta 'di ltar bdag gis bya'o zhes sim pa dang bcas bar m ngon par dga' ba skye bar 'gyur ro zhes ci zhig ltar rtogs nas mdza' bos de rnams 'du ba dang rjes su mthun par kun du smra ba dga' rtsed kyi bye brag dang rjes kyi gnas skabs su nyams su myong ba'i don gtam pa yang 'dus smra 'du ba'i gtam rnams brjod du gzhug pa ste/ 'du ba'i ched du mngag gzhug pa rnams la 'di rnams la 'di skad smros shig /de las 'grogs pa na dga' rtsed kyi bde ba skye bar 'gyur/ gang gis de 'dra ba'i dga' rtsed kyi rol par 'gyur ba nyams su myong ba'i don ma smras par gnas pa'i ched du 'bros sum 'jug cig ces mdza' bos smras pa'o zhes pa'i don to/ /'du ba'i gnas su 'jug pa'i ched du lam yang thob pa na/ mi mthun phyogs med pa nyid kyis 'ching ba med pa'ang brjod du gzhug pa'o/ /rnam pa 'di lta'i rnam pa gang du yin pa de ni 'di lta'i rnam pa'o/ /rnal 'byor ba'i ste rnal 'byor pa rnams kyi lam bstan pa ste/ de rnams ni skye ba brgyud par 'dris pas nye bar rgyas pa'i rigs chen po phun sum tshogs pa de nyid la shes rab dang thabs bde ba chen po sna tshogs pa ston pas 'dod pa rgyas pa dang bcas pa'i dad pa'i gzhan dbang nyid skye bar 'gyur ro zhes rig nas/ bdag rdo rje sems dpa' de'i bde ba'i go 'phang thob pa'i ched du/ rgyu'i gnas skabs su tshogs gnyis yongs su rdzogs pa'i don du gdul bya rnams la skal pa ji lta bar chos ston pa las sogs pa bya'o/ /de nas 'bras bu'i rgyud kyi gnas skabs su bla na med pa'i shes rab dang thabs ro gcig pa bde ba chen po'i rang bzhin gyi sku skye bar 'gyur zhing / de bzhin du ji ltar nyams su myong ba'i de kho na rgyu'i gnas skabs dang bcas pa ltar mi nyung ba'i bskal pa brgyud pa rnams su nges par ston cig ces pa brjod du 'jug pa'o/ /lam yang yan lag dang bcas pa'i thabs kyi rgyud kyis yongs su bskor ba'i rgyud kyi ngo bo rgyas pa dang bcas par gsal bar byas zin to/ /lam rtogs pa'i rim pa las rim gyis sgrib pa gnyis spangs pa na/ 'bras bu'i rgyud rtogs pa la ni bag chags dang bcas pa drung phyung ba'i phyir 'ching ba dang bral ba yang ngo / /rgyud kyi don mtha' dag po 'di ji ltar rigs par sgrub pa khyed rnams kyis bya zhing byed du gzhug par bya'o zhes dgongs pa'o/ /des na ma 'ongs pa'i gdul bya spro bar bya bar dgongs pas mchog gi thugs rje'i gzhan dbang las 'khor rnams spro bar byed pa 'di gsungs pa'o/ /de ltar ni rgyud thams cad kyi mtha' ru rnam pa 'di lta bu'i dgongs pa mngon par brjod par bya'o zhes dgongs pas/ 'dus par gsungs pa/ bcom ldan 'das de bzhin gshegs pa rnams thams cad sangs rgyas thams cad mnyam pa nyid mthong ngam/ bcom ldan 'das de bzhin gshegs pa thams cad kyi rdo rje ye shes kyi spyod pa mthong lags so/ /bcom ldan 'das de bzhin gshegs pa thams cad rnams 'jig rten gyi khams thams cad du de bzhin gshegs pa thams cad kyi sku dang gsung dang thugs rdo rje 'di 'gro ba gyis shig / de ci'i phyir zhe na/ phyogs bcu na gnas pa'i byang chub sems dpa' sems dpa' chen po de rnams chos kyi rnam grangs 'di'i skal pa can gyi phyir ro zhes so/ /de ltar gleng gzhi dang bcas pa'i rgyud sdud pa pos bsdus nas 'di dag gcig nyid du ston zhing yongs su rdzogs par gsungs pa/ de nas zhes pa la sogs pa ste/ dngos por na chos rnams thams cad rang bzhin med pa nyid kyi phyir ngag dang yid kyi spyod yul ma yin pa nyid kyi mthar thug pa nyid du gsal bar bya ba'i don du de skad ces bka' stsal pa dang zhes ma gsungs pa'o/ /rgyud kyi lhag pa'i rgyal po ston pa'i dus su khang pa brtsegs pa'i nang dang phyi rol du'ang 'khor thams cad de/ rnal 'byor pa rnams ni thod pa'i dum bu la sogs pa rnams so/ /rnal 'byor ma rnams ni rdo rje phag mo dang rab tu gtum mo la sogs pa rnams so/ /mkha' 'gro rnams ni sangs rgyas mkha' 'gro la sogs pa rnams so/ /mkha' 'gro ma rnams ni sangs rgyas mkha' 'gro ma dang rdo rje mkha' 'gro ma dang 'jib byed ma la sogs pa rnams so/ /de bzhin gshegs pa rnams ni rnam par snang mdzad la sogs pa rnams so/ /rnam pa du ma ni sna tshogs pa'i kha dog dang dbyibs dang rgyan dang zhal dang phyag dang mtshon cha la sogs pa rab tu dbye ba mang po rnams dang ldan pa rnams so/ /chos ston pa bla na med pa nyan pa'i dga' ston las mchog tu dga' bas bde bar 'gyur ba'i sems dang ldan pa rnams te/ ni ni khyad par la ste/ phul du dbyung du med pa'i dga' ba dang bde ba bskyed pa'i phyir ro/ /de bzhin gshegs pa rnams thams cad kyi ye shes ni sgrib pa bag chags dang bcas pa rtsad nas phyung ba stong pa nyid dang snying rje'i rang bzhin bde ba chen por ro gcig pa me long ye shes la sogs pa'i rang bzhin stobs dang mngon par shes pa dang sangs rgyas kyi chos ma 'dres pa'i rnam pa ma lus pas yongs su bskor ba rtogs par 'gyur ba rnams te/ thams cad du zhes pa rtogs par bya ba'i rang bzhin thams cad rtogs pa'i phyir ro/ /bye ba phrag brgyad cu'i nang du gtogs na yang / rdo rje snying po ni sdud pa po nyid kyis dang / sa'i snying po dang phyag na rdo rje la sogs pa rnams ni mig la sogs pa yongs su dag par byed pa nyid kyis na gtso bo nyid kyi phyir slar yang gsungs so/ / 'di rnams thams cad 'jig rten las 'das pa'i 'khor ro/ /lha la sogs pa rnams 'jig rten pa'o/ /thams cad de gshin rje dang chu lha dang rlung lha dang thags bzangs ris dang bden bral dang nam mkha' lding dang mi'am ci la sogs pa rnam pa 'di la yod do zhes pa thams cad dang ldan pa'o/ /A yig ni 'dir nges pa'i tshig go/ /ci 'khor rnams thams cad kyis bcom ldan 'das kyi longs spyod rdzogs pa'i sku dang sprul pa'i sku mthong ngam zhe na/ ma yin te kha cig kho nas mthong ngo / /kha cig rnams kyis sprul pa'i sku kho na'o/ /chos ston pa ni thams cad kyis thos pa kho na'o/ /de nyid kyi phyir thams cad gsungs pa la mngon par dga' ste/ rgyud kyi don rnams la dogs pa med pa nyid kyis na rgyud kyi rgyal po 'di ni legs par gsungs pa'o zhes pa la sogs pa bstod pa rnams kyis mngon par dga' bar gyur pa'o/ /dpal yang dag par sbyor ba las byung ba dang rgyud thams cad kyi gleng gzhi dang brtag pa'i rgyal po chen po yang bcom ldan 'das te/ de brjod pa'i gzhung yang dpal yang dag sbyor ba las byung ba rgyud thams cad kyi gleng gzhi brtag pa'i rgyal po chen po yin zhing yang dag par rtogs so zhes pa'o/ /dpal yang dag par sbyor ba'i rgyud kyi rgya cher 'grel pa/ man ngag gi snye mar snye ma bzhi bcu pa'o// //rnal 'byor ma dang rnal 'byor rgyud rnams la/ /gzhan pa rnams kyis 'grel byas yod mod kyi/ /rab phye ma yin kho bos byas pa ni/ /nyams bcud bzang ngan srog bcas mchog yin no/ /rgyud gzhan thams cad rnams kyi gsang chen 'dir ni bla mar bsnyen bkur ba/ /byas pa kho bos 'grel pas mchog tu rnam par phye'o mang mkhyen pa'i/ /skye bo dam pa rnams kyis sgyu rtsal mdzod cig bla ma dam pa ni/ / bdud rtsi'i 'od can las 'dir bdud rtsi skal ldan su yang 'thung bar byed/ /bla med bla ma ring du gnas las bdag la 'dir/ /rgyud kyi gsang chen nges sbas rig pa gsal bar gyur/ /mkha' yi nor bu'i mthu las 'og tu pad+ma yi/ /'dab ma sbyar ba'i snying po rnam rgyas ma mthong ngam/ /man ngag dpag bsam ljon pa'i snye ma 'jigs med kyis/ /bskrun pa rnams kyis 'bras bu dam pa 'jig rten 'das pa'i dpal/ /skal ldan rnams kyis rdzogs pa'i byang chub ro bcud kyi/ /dga' ston rnams kyis yang dag 'phel byas gzung bar mdzod/ /legs byas bdud rtsi rnams kyis 'grel pa snye ma 'di ni phyogs dang phyogs su yun ring du/ /'khor ba'i ngal bzhi byed 'gro ba gsum gyi longs spyod bde dpal chen du gnas gyur cig /bdag ni shes rab thabs dang bde chen gnyis med rang bzhin gnas pa ches che rnams kyi skur/ /gyur cig 'di las sna tshogs sprul pa'i ro bcud rnams kyis 'di yi dga' ston rgyas byed shog / dpal yang dag par sbyor ba'i rgyud kyi rgyal po'i 'grel pa man ngag gi snye ma mkhas pa chen po 'jigs med 'byung gnas sbas pas mdzad pa rdzogs so// //rnam gnon tshul mkhas 'jigs med kyis/ /gnad la reg pa'i tshig 'di ni/ /dga' ba skyong gis rgyal srid lo/ /sum cu rtsa bdun pa la byas/ /yul dbus kyi mkhas pa chen po de nyid dang / mang du thos pa'i bsod snyoms pa sangs rgyas grags pas na le n+d+rar bsgyur cing zhus te gtan la phab pa'o// //yang slad nas ma hA paN+Di ta shAkya shrI dang / dpyal lo tsA ba chos kyi bzang pos yul dbus kyi dpe dang bstun nas bcos shing bsgyur te zhu tig dag par bgyis so/ /slar yang bla ma dam pa rnams kyi bka' drin dang sbyin bdag rnams kyis mthun rkyen bsgrubs pa las brten nas legs par sbyar ba brda sprod pa'i tshul la blo'i snang ba cung zad skyes pa dpang lo tsA ba dge slong dpal ldan blo gros brtan pas/ rgya gar gyi dpe gnyis la gtugs te/ 'di'i snga 'gyur ma dag pa gzigs pa'i dge ba'i bshes gnyen sde snod 'dzin pa mang po'i gsung gis bskul nas/ bsgyur cing zhus te gtan la phab pa'o// //

CLOSE WINDOW