/ rgya gar skad du.Ar+ya ku sha la mu la saM pa ri gra ha nA ma ma hA yA na sU tra/ bo den// skad du/ 'phags pa dge ba'i rtsa ba yongs su 'dzin pa zhes byab theg pa chen po'i mdo/ bam po dang po/ / // sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka la na ta ka gnas pa na/ 'di lta ste/ bsam gtan pa rnams kyi gnas/ gnas med pa rnams kyi gnas/ stong pa nyid la gnas pa rnams kyi gnas/ mtshan ma med pa la gnas pa dang / smon pa med pa la gnas pa rnams kyi gnas na/ 'di lta ste/ dge slong 'bum gyi dge slong gi dge 'dun chen po dang thabs gcig tu bzhugs te/ thams cad kyang sgra bsnyungs pa/ dben pa la gnas pa/ nang du yang dag 'jog la mngon par brtson pa sha stag go/ / de'i tshe tshe dang ldan pa shA ra dwa ti'i bu nang du ying dag 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ tshe dang ldan pa mo'u 'gal gyi bu chen po dang / tshe dang ldan pa ka t+ya'i bu chen po dang / tshe dang ldan pa gsus po che dang / tshe dang ldan pa ka pi na dang / tshe dang @#ldan pa skul byed chen po dang / tshe dang ldan pa rab 'byor dang / tshe dang ldan pa don yod rgyal po dang / tshe dang ldan pa rlangs pa dang / tshe dang ldan pa dga' bo dang / tshe dang ldan pa kun dga' bo dang / tshe dang ldan pa dga' byed dang / tshe dang ldan pa ci 'jigs dang / tshe dang ldan pa nye sbas dang / tshe dang ldan pa mis byin gyi bu dang / tshe dang ldan pa thang la gnas dang / tshe dang ldan pa mo ki la dang / tshe dang ldan pa nye bar 'khor dang / de dag dang / gzhan yang dbang dang ldan par gyur pa lnga brgya tham pa phyi 'phred kyi dus kyi tshe/ nang du yang dag 'jog las langs nas bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// yang de'i tshe tshe dang ldan pa grags sbyin dang / tshe dang ldan pa yul 'khor skyong dang / tshe dang ldan pa lhas mchod dang / tshe dang ldan pa grags 'dod dang / tshe dang ldan pa dga' sde dang / tshe dang ldan pa dga' 'dod dang / de dag dang / gzhan yang dge slong lnga brgya tham pa lam du zhugs pa las/ dbyar mnyan yod na gnas nas/ rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod de// yang de'i tshe byang chub sems dpa' sems dpa' chen po ma pham pa de dang 'dra ba'i byang chub sems dpa' stong dang lhan cig tu yul tsam par dbyar gnas nas lam du zhugs te/ rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// yang de'i tshe byang chub sems dpa' sems dpa' chen po bzang skyong dang / dkon mchog 'byung gnas dang / ded dpon bzang po dang / phug sbas dang / mis byin dang / dbang pos byin dang / chu lha dang / tshangs lha dang / stobs bzang dang / bla ma'i blo gros dang / khyad par blo gros dang / 'phel ba'i blo gros dang / mthong ba don yod dang / legs par yang ngag zhugs dang / rab kyi rtsal gyis rnam par gnon dang / rtag tu brtson dang / brtson pa mi gtong dang / nyi ma'i snying po dang / 'gro ba 'dzin dang / sa 'dzin dang / bdud rtsi 'dzin dang / blo gros rab gnas dang / blo gros mtha' yas dang / brtan pa'i blo gros dang / 'jig rten gsum rnam par gnon dang / mtha' yas rnam par gnon dang / dpag med rnam par gnon dang / rdo rje'i gom pas rnam par gnon dang / don yod pa'i gom pas rnam par gnon dang / mi g.yo ba'i gom pas rnam par gnon dang spobs pa chen po dang / spobs pa rnon po dang / spobs pa zab pa dang / spobs pa mtha' yas dang / spobs pa dpag med dang / 'jam dpal gzhon nur gyur pa dang pad+ma dpal gyi snying po dang / chos 'phags dang / lag na rin chen dang / rin chen 'dzin dang / bskal pa 'gyur ba mtha' yas par go cha bgos pa dang / bud med 'gyur ba'i go cha bgos pa dang / skyes pa 'gyur ba'i go cha bgos pa dang / sems can 'gyur ba'i go cha bgos pa dang / mtha' yas khyu mchog dang / dpag med khyu mchog dang / dmigs pa thams cad rnam par 'jigs pa'i khyu mchog dang / byang chub sems dpa' sems dpa' chen po de dag thams cad kyang tha mi dad par spyod pa'i go cha bgos pa stag ste/ yul tha dad pa rnams su dbyar gnas par gnas nas/ yul rgyu zhing gcig tu 'dus te/ rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// de nas bcom ldan 'das kyis byang chub sems dpa' sems dpa' chen po de dag 'dus par thugs su chud nas/ rdzu 'phrul ji lta bu mngon par 'du bya ba mngon par 'du mdzad pas/ rgyal po'i khab grong khyer chen po 'od ma'i tshal bya ka lan ta ka gnas pa na/ dge slong dang / dge slong ma dang / dge bsnyen dang / dge bsnyen ma ji snyed gnas pa de dag thams cad/ bcom ldan 'das la lta ba dang phyag 'tshal ba dang / bsnyen bkur bya ba'i phyir/ 'od ma'i tshal bya ka lan ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod par 'gyur ba de lta bu'i rdzu 'phrul mngon par 'du bya ba mngon par 'du mdzad do// de'i tshe tshe dang ldan pa 'od srungs chen po lus 'phags ri la dbang po'i brag phug na dge slong lnga brgya tham pa thams cad kyang dgon pa pa/ bsod snyoms pa/ phyag dar khrod pa/ chos gos gsum pa/ cog pu pa/ rtswa'i gding ba pa/ shing drung pa/ 'dod pa chung ba/ chog shes pa/ rab tu dben pa pa/ chos gos ngan pa 'chang ba sha stag dang thabs gcig tu 'dug go de nas bcom ldan 'das kyis rdzu 'phrul ji lta bu mngon par 'du bya ba mngon par 'du mdzad pas/ tshe dang ldan pa 'od srungs chen po dge slong lnga brgya tham pa de dag dang lhan cig tu lus 'phags ri'i dbang po'i brag phug nas mi snang bar gyur te/ rgyal po'i khab na 'od ma'i tshal bya ka lan ta ka gnas pa na 'dug pa de lta bu'i rdzu 'phrul mngon par 'du bya ba mngon par 'du mdzad de/ bcom ldan 'das kyis tshe dang ldan pa 'od srungs chen po rgyang ring po nyid nas 'ong ba gzigs te/ gzigs nas kyang / bcom ldan 'das kyis/ dge slong rnams la bka' stsal pa/ dge slong dag gnas brtan 'od srungs chen po 'ong ba 'di ni dgon pa pa/ bsod snyoms pa/ phyag dar khrod pa/ chos gos gsum pa/ chos gos ngan pa 'chang ba bas mtha'i gnas mal la gnas pa/ 'dod pa chung ba/ chog shes pa/ rab tu dben par gnas pa/ ma 'dres pa/ chos thams cad kyi dam pa'i pha rol tu son pa ste/ dge slong dag nga'i nyan thos ji snyed pa ni/ dge slong dag da ltar dge slong 'od srungs chen po'i sbyangs pa'i yon tan dag dang mtshungs pa 'dra ba ni/ ngas yang dag par rjes su ma mthong ngo // dge slong dag dge slong 'od srungs chos gos gsum pa ni/ lha rnams dang yang smra ba dang kun tu smra bar mi 'dod na/ mi rnams dang lta smos kyang mi dgos/ de nas bcom ldan 'das kyis/ tshe dang ldan pa 'od srungs chen po rgyang ring po nying nas 'ong ba gzigs nas bka' stsal pa/ 'od srungs tshur shog/ 'od srungs khyod legs par 'ongs so/ kye ma gnas brtan 'od srungs kyis ni 'di lta ste/ 'dir 'ong bar bya ba'i phyir yun ring po nas rnam grangs byas so// 'od srungs khyod gdan 'di'i phyed la 'dug cig ces/ bcom ldan 'das kyis gnas brtan 'od srungs la gdan gyi phyed gnang ma thag tu/ de nas bcom ldan 'das gdan de las bskyod pa dang / stong gsum gyi stong po'i 'jig rten gyi khams 'di 'gul/ rab tu 'gul/ kun tu rab tu 'gul/ g.yos/ rab tu g.yos/ kun tu rab tu g.yos/ ldeg/ rab tu ldeg/ kun tu rab tu ldeg cing / 'jig rten du snang ba chen po yang byung bar gyur to// stong gsum gyi stong chen po'i 'jig rten gyi khams 'di ni/ 'di lta ste/ dper na yul ma ga d+ha'i 'kha ba'i snod la lcags kyi thu lum gyis bsnun na 'ur bur zer ba de bzhin du btsun pa 'od srungs chen po la gdan gyi phyed gnang ma thag tu/ de bzhin gshegs pa dgra bcom pa yang dag par rdzogs pa'i sangs rgyas gdan las bskyod nas/ de nas de ma thag tu stong gsum gyi stong chen po'i 'jig rten gyi khams 'di sgra skad chen po 'byin to// de nas tshe dang ldan pa 'od srungs chen po chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'ad kyi tha dad du phyin te/ bcom ldan 'das kyi zhabs la mgo bos gtugs nas/ bcom ldan 'das la 'di skad ces gsol to// bcom ldan 'das ni bdag gi ston pa lags la/ bdag ni nyan thos lags pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyi chos gos sam/ lhung bzed dam/ gdan nam/ de las gzhan pa'i longs spyod rnams nyan thos rnams kyis longs spyod par rngo mi thogs lags so// de ci'i slad du zhe na/ bcom ldan 'das de dag ni lha dang / mi dang / lha ma yin du bcas pa'i 'jig rten gyi mchod rten du gyur pa lags shing / bcom ldan 'das bcom ldan 'das las sha na'i ras phyag dar khrod gang dag blangs pa de dag kyang / bcom ldan 'das mchod rten du gyur pa lags pa'i slad du ste/ de dag bdag gis ma spyad lags so// bcom ldan 'das de slan chad 'dod pa'i rnam par rtog pa'i rnam par brtags pa 'am/ gnod sems kyi rnam par rtog pa dang / rnam par 'tshe ba'i rnam par rtog pa'i rnam par brtags pa 'am/ 'dod chags kyis yongs su gdung bas gdungs par gyur pa'am/ zhe sdang gis yongs su gdung ba dang / gti mug gis yongs su gdung bas gdungs par gyur par ma dran lags so// bcom ldan 'das mdor na slob par gyur pa bdag gis bcom ldan 'das las sha na'i ras phyag dar khrod mnos pa rnams/ mi slob pa'i sa la thug gi bar du spyi bos mnos lags so// bcom ldan 'das bdag gis longs sprad pa'i slad du blangs pa ni ma lags kyi/ gdams pa dang rjes su bstan pa las brtsams nas blangs lags so// bcom ldan 'das de dag blangs nas/ sems mtho ba 'am/ dma' bar gyur par ma dran lags so/ / bcom ldan 'das sha na'i ras phyag dar khrod de dag chos gos ma mchis pa'i lus la sbyar bar mi dran lags so// bcom ldan 'das phyag dar khrod de dag sug pa ma ser bas reg par mi dran lags so/ / bcom ldan 'das gang dang gang du mchi ba de dang der sha na'i ras phyag dar khrod de dag mgos 'tshal cing mchis lags so// bcom ldan 'das sha na'i ras phyag dngar khrod de dag yan lag mi gtsang ba gang gis kyang reg par mi dran lags so/ / bcom ldan 'das sha na'i ras phyag dar khrod mchod rten du gyur pa de dag bcangs lags so// bcom ldan 'das de dag ni bcom ldan 'das kyis spangs shing gnang ba lags te/ de dag ni bdag gis bcangs lags so// sangs rgyas rjes su dran pa ma lags par de las gzhan snyoms par 'jug pa dag gis bdag gzhan du gnas par mi dran lags so/ / bdag ji ltar gnas pa na sa la sa'i 'du shes su ma gyur pa dang / chu la chu'i 'du shes dang / me la me'i 'du shes dang / rlung la rlung gi 'du shes su ma gyur pa dang / 'jig rten 'di'i 'du shes dang / 'jig rten pha rol gyi 'du shes su ma gyur pa dang bcom ldan 'das gang mthong dang / thos pa dang / bye brag phyed pa dang / rnam par shes pa dang / yid kyis rjes su brtags pa dang / rjes su bsam pa de la yang bdag tu 'du shes su ma gyur pa dang / bcom ldan 'das gang 'du shes med pa'i gnas pa dang / 'du shes med pa'i snyoms par 'jug pa'i gnas pa dang / gang 'du shes las yang dag par 'da' ba'i gnas pa dang / gang 'du shes med pa las yang dag par 'da' ba'i gnas pa dang / gang 'du shes kyi gnas pa dang / gang 'du shes med pa'i gnas pa dang / gang 'du shes thams cad las yang dag par 'da' ba'i gnas pa de yang slob pa'i gnas pa dang / mi slob pa'i gnas par bdag gis yang dag par rjes su ma mthong lags so/ / bcom ldan 'das gnas pa de la de bzhin gshegs pa yang dag par rjes su ma mthong ngo // de bzhin gshegs pa'i chos rnams / dang / de bzhin gshegs pa'i gnas pa yang dag par rjes su ma mthong lags te/ bdag ni de ltar gnas lags so// bcom ldan 'das dper bgyi na/ nam mkha' bla gab ma mchis pa la ming dang / brda dang / gdags pa rnam pa sna tshogs bgyis pa dag/ bcom ldan 'das ming dang / brda dang / gdags pa gang dag gis nam mkha' zhes tha snyad du btags pa dang / nam mkha' zhes brdar btags pa dang / nam mkha' zhes rten du bgyis pa dang / bcom ldan 'das nam mkha' zhe 'am/ gab ma mchis pa zhe 'am/ stong pa zhe 'am/ gsog ce'am/ gsob ce'am/ ya ma brla zhe 'am/ gzung ba ma mchis pa zhi ba ma/ tshad ma mchis pa zhe 'am rten ma mchis pa zhe 'am/ blang ba ma mchis pa zhe 'am/ dor ba ma mchis pa zhe'am/ lus ma mchis pa zhe 'am/ ji lta ba bzhin zhe 'am/ yongs su dag pa zhe 'am bar snang zhe 'am/ thogs pa ma mchis pa zhe'am/ dngos po ma mchis pa zhe 'am/ bstan du ma mchis pa zhes de dag dang / gzhan yang tha snyad kyi brda tha dad pa rnam pa sna tshogs kyis brjod pa ni/ bcom ldan 'das 'di lta ste/ tshad 'di tsam mam/ yongs su bcad pa 'di tsam mam/ mnyam pa 'am/ mi mnyam pa zhes ming ngam/ brda'am/ rten rnams kyis 'tshal bar mi nus lags so/ / bcom ldan 'das gang dag de'i phyogs tsam zhig 'tshal ba de dag thams cad kyis kyang / kha dog gam/ dbyibs sam/ dmigs pas/ nam mkha' de tshad 'di tsam dang / mchog 'di tsam zhes bgyi ba ma 'tshal lags so// bcom ldan 'das de bzhin du gang de bzhin gshegs pa zhes bgyi ba 'am/ sangs rgyas zhes bgyi ba 'am/ ston pa zhe'am/ skyabs she 'am/ dpung gnyen zhe 'am/ gnas she'am/ 'dren pa zhe'am/ rnam par 'dren pa zhe'am/ yongs su 'dren pa zhe 'am/ sman pa zhe 'am/ gso ba pa zhi 'am/ lam ston pa zhe 'am/ lam brjod pa zhe 'am/ gzhan yang tha snyad tha dad pa'i tshig rnam pa sna tshogs brjod pa'i tha snyad kyi tshig gang dag gis mkhas pa rnams kyis bcom ldan 'das la bstod pa dang / bkur ba dang / bsngags pa dang / rab tu bstod pa dang / rab tu bsngags pa dang bcom ldan 'das tha snyad kyi tshig gang dag gis 'jig rten mngon par brjod pa'i chos de dag ni/ bcom ldan 'das bdag ma 'tshal mi rten ma mthong lags so// de ci'i slad du zhe na bcom ldan 'das chos thams cad ni ngo bo nyid kyis ya ma brla dang / ngo bo nyid kyis gsob lags pa'i slad du'o// bcom ldan 'das dper bgyi na/ sgyu ma mkhan gyis rgyal po rgyal rigs spyi bo nas dbang bskur ba/ dpung gi tshogs yan lag bzhi dang ldan pa/ rin po che sna bdun dang ldan pa'i 'khor los sgyur ba zhig sprul par gyur la/ bcom ldan 'das de'i thad du gling bzhi pa'i 'jig rten gyi khams su gtogs pa'i sems can rnam par rgyal bar bgyi ba la gnas pa mtha' yas pa de dag thams cad lhags shing / bcom ldan 'das de la lus tha dad par yang gda' la/ bcom ldan 'das de la sems can lus tha dad par yang mthong lags mod kyi/ bcom ldan 'das sgyu ma mkhan gyis sprul pa'i 'khor los sgyur ba'i rgyal po de 'di snyam du/ bdag gis ni dpung gi tshogs 'di'i bdag po bya zhing / gling bzhi pa'i 'jig rten gyi khams kyi rjes su 'jug par bya'o snyam du mi sems lags la/ dpung gi tshogs yan lag bzhi po de yang 'di snyam du/ 'khor los sgyur ba'i rgyal po 'di ni bdag cag gi gtso bo yin pas/ bdag cag ni de'i rjes su 'jug par bya'o snyam du mi sems lags mod kyis/ de dag de'i rjes su 'jug par bgyid par yang gda' lags so/ / bcom ldan 'das de bzhin du chos de dag gi chos nyid gang lags pa de la/ bcom ldan 'das de bzhin gshegs pa 'am/ nyan thos sam/ slob pa'am/ mi slob pa 'am/ rang sangs rgyas sam/ so so'i skye bo ma mchis lags so// bcom ldan 'das chos nyid de la de bzhin gshegs pa'i chos nyid dmigs/ pa 'am/ de bzhin gshegs pa'i chos nyid mngon pa 'am/ de bzhin gshegs pa'i chos nyid rten pa 'am/ rang sangs rgyas kyi chos nyid dmigs pa 'am/ rang sangs rgyas kyi chos nyid mngon pa 'am/ rang sangs rgyas kyi chos nyid rten pa 'am/ nyan thos kyi chos nyid dmigs pa 'am/ nyan thos kyi chos nyid mngon pa 'am/ nyan thos kyi chos nyid rten pa 'am/ so so'i skye bo'i chos nyid dmigs pa'am/ so so'i skye bo'i chos nyid mngon pa 'am/ so so'i skye bo'i chos nyid rten pa 'am/ gzugs kyi chos nyid dmigs pa 'am/ gzugs kyi chos nyid mngon pa'am/ gzugs kyi chos nyid rten pa'am/ de bzhin du tshor ba dang / 'du shes dang / 'du byed dang / rnam par shes pa'i chos nyid dmigs pa 'am/ rnam par shes pa'i chos nyid mngon pa 'am/ rnam par shes pa'i chos nyid rten par mi 'gyur lags so// bcom ldan 'das chos nyid de la gzugs stong pa dang / 'dis gzugs stong pa dang / 'di la gzugs stong pa dmigs pa dang / de bzhin du tshor ba dang / 'du shes dang / 'du byed dang / rnam par shes pa stong pa dang 'dis rnam par shes pa stong pa dang / 'di la rnam par shes pa stong pa dmigs pa dang / de bzhin du de bzhin gshegs pa stong pa dang / 'dis de bzhin gshegs pa stong pa dang / 'di la de bzhin gshegs pa stong pa dmigs pa dang / de bzhin du de bzhin gshegs pa'i chos nyid stong pa dang / 'dis de bzhin gshegs pa'i chos nyid stong pa dang / 'di la de bzhin gshegs pa'i chos nyid stong pa dmigs par mi 'gyur lags so/ / bcom ldan 'das de bzhin du/ de la nyan thos ma mchis/ nyan thos kyi chos nyid ma mchis/ so so'i skye bo ma mchis so so'i skye bo'i chos nyid kyi bar du ma mchis lags so/ / bcom ldan 'das dper bgyi na/ sgyu ma mkhan gyis 'khor los sgyur ba 'am/ dpung gi tshogs sprul pa de la 'khor los sgyur ba ma mchis/ dpung gi tshogs ma mchis lags so// sgyu ma la ma mchis/ sgyu ma'i chos nyid la ma mchis/ sgyu ma mkhan rnams la ma mchis lags so// sa lam sa tshul ma mchis/ me la ma mchis/ rlung la ma mchis/ nam mkha' la ma mchis/ rnam par shes pa la ma mchis lags so// sa dang / chu dang / me dang / rlung dang / nam mkha'i khams rnams la ma mchis/ rnam par shes pa'i khams la ma mchis lags so// bcom ldan 'das chos thams cad ni de dang 'dra lags te/ bcom ldan 'das de dag la bdag ni rlom sems su mi bgyid/ de dag la bdag ni byung bar ma gyur/ de dag bdag gis ni ma spras lags so// bcom ldan 'das de ltar bdag ni yon tan gyi chos rnams nyid las dben pa lags pas/ de bzhin gshegs pa'i chos rnams rjes su dran par bgyid lags so// bcom ldan 'das de ni lam lags/ de ni tshul lags te/ lam de la gnas pa'i rigs kyi bu 'am/ rigs kyi bu mo lam de rjes su thob pa rnams ni 'di snyam du/ gzhan yang dag par blangs la 'jug par bya zhing / ston pa yang gzhan btsal bar bya la/ dge sbyong ngam bram ze gzhan smra ba'i gdong du gyen du blta bar bya zhing / tshe dang ldan pa 'di ni shes bzhin pas shes/ mthong bzhin pas mthong / yang dag pa'i lta ba yang 'dogs bzhin pas 'dogs par byed do snyam du mi sems lags te/ de ni gnas ma mchis lags so// bcom ldan 'das gnas pa 'di la ni bdag som nyi ma mchis pas thob par gnas lags so/ / chos kyi sgo de yang rjes su thob pas gnas lags so// chos thams cad ni 'di lta ste/ dben pa'i tshul dang / skye ba ma mchis pa'i tshul dag gis tshul gcig pa lags so/ / bcom ldan 'das bdag ni de bzhin gshegs pa dgra bcom pa yang dag par rdzogs pa'i sangs rgyas la chos kyi the tsom zhu bar 'tshal ba lags la/ de bzhin gshegs pas kyang bdag la skabs phye ba lags te/ dbang po'i drag phug nas 'od ma'i tshal 'dir phyin pa lags so// bcom ldan 'das bdag 'dir mchis pa dang / bcom ldan 'das kyis gdan gyi phyed gnang ste/ bdag la gnang ba na stong gsum gyi stong chen po'i 'jig rten gyi khams 'di rab tu bur bur zhing rnam pa drug tu yang rab tu g.yos lags so/ / bcom ldan 'das bdag ni 'di snyam du/ de bzhin gshegs pa ni bdag nyid chen po'i chos dang ldan pa de lta bu dang / rgya chen po'i chos dang ldan pa de lta bu dang / slob dpon ma mchis shing rang byung ba lags kyang / thugs rje chen po'i tshul la bzhugs shing / lhag pa'i nga rgyal ma mchis pa dang / nga rgyal ma mchis pa la bzhugs nas/ bdag la gdan gyi phyed gnang ba ngo mtshar lags so snyam bgyid de/ bcom ldan 'das dper bgyid na/ mi dbul po 'tsho ba ngan pa tshegs kyis 'tsho ba zhig tshegs kyis khyim gyi phun sum tshogs pa bsgrubs nas/ rgyal po rgyal rigs spyi bo nas dbang bskur ba dpung gi tshogs yan lag bzhi dang ldan pa'i gan du blta ba dang / phyag bgyi ba dang / bsnyen bkur bgyi ba dang / dri bar bgyi ba'i slad du mchis par 'gyur la/ mchis pa de la des stan gyi phyed stsal na/ de nas de 'di snyam du sems lags te/ rgyal po la blta ba dang / phyag bya ba'i phyir bdag song du zin kyang / bdag gis blta ba 'am/ phyag bya bar yang dka' bar 'gyur na/ gsol ba lta cig smos/ rgyal po rgyal rigs spyi bo nas dbang bskur bas/ bdag phyin ma thag pa la stan gyi phyed byin du zin kyang / 'di ni ngo mtshar ro snyam bgyid lags so// bcom ldan 'das de bzhin du/ chos kyi rgyal po de bzhin gshegs pa dgra bcom pa yang dag par rdzogs pa'i sangs rgyas ni rang byung ba/ slob dpon ma mchis pa nyan thos dang / rang sangs rgyas rnams kyis kyang bsnyen par dka' zhing rtogs par dka' ba lags na/ lha dang / mi dang / lha ma yin du bcas pa'i 'jig rten gyis lta smos kyang ci 'tshal/ bcom ldan 'das de bzhin gshags pa dgra bcom pa yang dag par rdzogs pa'i sangs rgyas la chos kyi the tsom zhu ba dang / blta ba dang / phyag bgyi ba dang / bsnyen bkur bgyi ba'i slad du/ bdag ji lta ji ltar mchis pa na/ bcom ldan 'das bdag 'di snyam du sems lags te/ bdag gis ni de bzhin gshegs pa blta ba rnyed cing / phyag bgyi ba rnyed la/ bsnyen bkur bgyi ba dang / zhu ba dang / yongs su zhu par bgyi ba rnyed de/ bcom ldan 'das kyis da ltar bdag 'dir lta mchis pa la gdan gyi phyed gnang ba ni/ bdag gis rnyed pa legs par rnyed do snyam bgyid lags so// bcom ldan 'das ji ltar mi dbul po des 'khor los sgyur ba'i rgyal po de la blta ba nyid dang / phyag bgyi ba nyid kyang ngo mtshar lags pa de bzhin du/ bcom ldan 'das bdag ni 'di snyam du sems te de bzhin gshegs pa ni byams pa chen po dang ldan zhing / thugs rje chen po dang / dga' ba chen po dang / btang snyoms chen po dang ldan pa lags kyang / de bzhin gshegs pa'i yon tan gang dag lags pa de dag ston pa ma gtogs par/ de bzhin gshegs pa 'di snyam du/ bdag ni phul dang / bdag ni mchog dang / bdag ni khyad par du 'phags pa'o snyam du mi dgongs pa ni ngo mtshar lags te/ bdag ni 'di snyam du/ de bzhin gshegs pa dgra bcom pa yang dag par rdzogs pa'i sangs rgyas kyi sangs rgyas kyi yon tan de dag ni/ 1 thos dang / rang sangs rgyas thams cad dang thun mong ma lags so snyam bgyid lags so// de skad ces gsol pa dang // bcom ldan 'das kyis dang ldan pa 'od srungs chen po la bka' stsal pa/ 'od srungs legs so legs so// 'od srungs khyod yang legs so// 'od srungs de bzhin gshegs pa ni dpag tu med cing dpag tu med pa'i chos dang ldan te/ de ni sbyin pa'i tshad de lta bu dang / sbyin pa'i pha rol tu phyin pa'i tshad de lta bu dang / shes rab kyi bar gyi tshad de lta bu dang / shes rab kyi pha rol tu phyin pa'i tshad de lta bu dang / smon lam rnams kyi tshad de lta bu dang / smon lam gyi pha rol tu phyin pa'i tshad de lta bu dang / thabs kyi tshad de lta bu dang / thabs la mkhas pa'i pha rol tu phyin pa'i tshad de lta bu dang / spyod pa'i tshad de lta bu dang / spyod pa'i pha rol tu phyin pa'i tshad de lta bu dang / rnam par grol ba'i tshad de lta bu dang / rnam par grol ba'i pha rol tu phyin pa'i tshad de lta bu dang / rnam par grol ba'i ye shes mthong ba'i tshad de lta bu dang / rnam par grol ba'i ye shes mthong ba'i pha rol tu phyin pa'i tshad de lta bus dpag par mi nus so// 'od srungs bzhi po 'di dag dang / de bzhin gshegs pa'i mi mnyam pa'i ye shes rnams yin te/ de dag dang ldan na de bzhin gshegs pas 'khor gyi nang du seng ge'i sgra sgrogs par byed pa'o// bzhi gang zhe na/ tshul khrims mnyam pa nyid dang / ting nge 'dzin mnyam pa nyid dang / shes rab mnyam pa nyid dang / sangs rgyas kyi chos mnyam pa nyid de/ 'od srungs mi mnyam pa'i ye shes bzhi po de dag ni gang dag dang ldan na/ de bzhin gshegs pa 'khor gyi nang na bzhugs shing / seng ge'i sgra yang dag par sgrogs par byed pa'o// de nas bcom ldan 'das kyis de'i tshe tshigs su bcad pa 'di dag bka' stsal to// sangs rgyas 'jig rten bsam yas na// sangs rgyas ye shes mtha' yas te// sems kyi las ni sbyangs pas na/ / de dag seng ge'i sgra sgrogs byed// seng ge'i sgra sgrogs byed pa ni// mu stegs gzhan rnams skrag par 'gyur// chos kyi chos nyid thos nas su// g.yang sar rab tu ltung bar 'gyur/ / bdag tu 'du shes gang gnas dang // sems can 'du shes gang gnas pa// 'od srungs de dag bstan 'di la// mu stegs can zhes ngas bshad do// dngos po'i 'du shes gang gnas dang // nga ying zhes rten pa dang // 'od srungs de dag bstan 'di la// mu stegs can zhes ngas bshad do// gang dag tshul khrims phung po dang / bsam gtan rnams dang thos mang gis// rlom sems rnam rmongs de dag ni// 'od srungs mu stegs can rnams so// bdag ni mchog shes 'dod chung dang // rab tu dben la gnas pa dang / chos gos ngan pa 'chang snyam pa// 'od srungs de ni mu stegs so// dper na nam mkha' 'di la ni// lag pa bskyod kyang thogs med cing // dper na mkha' la rdul gyis / kyang // nam yang gos par mi 'gyur ba// de bzhin 'od srungs ngas bstan pa'i// chos 'dir gang dag gnas de dag/ nyon mongs rnams kyis mi gos te// mkha' la rdul dang sbyin bzhin no/ / ji ltar mkha' la mo yis me tog spos rnams dang // de bzhin 'phreng ba byug pa rnams kyis 'dir mchod kyang // bdag mchod la la skye 'gyur 'jig par 'gyur ro zhes/ de la blo gros kyang ni 'byung bar mi 'gyur dang // ji ltar nam mkha' de la gos par mi 'gyur dang // ji ltar de yi rang bzhin gos par mi 'gyur dang // ji ltar de yi rang bzhin ngo bo nyid kyis gsob/ / de bzhin dge sbyong dag la stong pa'i chos rnams so// ji ltar gang gis nam mkha' bsdigs pa dang / ji ltar nam du yang na gshe bar mi 'gyur ba/ de bzhin dge sbyong dag la chos rnams gang dag yin// de dag nam mkha' bzhin du gos pa med chos rnams// chos 'di dge sbyong gang dag legs par bslabs rnams dang // gzhan dag slob pa rnams dang slob par 'gyur ba rnams/ / 'di la nam du'ang gang dag chags par mi 'gyur ba// nga yis de dag dge sbyong legs bslabs rnams su bstan// ji ltar mkha' la nam yang lag pa mi thogs dang / / rdul dang du ba rnams kyis gos par mi 'gyur dang // ji ltar lam ni nam yang byed par mi 'gyur ba// chos la de bzhin mos pa rnams ni dge sbyong yin/ / ji ltar sprin dang bral bar gyur pa'i nam mkha' la// zla ba thogs pa med pas mkha' la 'gro byed kyang // bdag gis bar snang la ni snang bar bya snyam du/ de la rnam rtog de ni 'byung bar mi 'gyur bzhin// rgod med bdag nyid dge slong zla ba lta bu yis// sbyin pa'i bdag po'i khyim rnams su ni 'gro bar bya// rgod med nga rgyal rnam grol sems dang ldan pa dang / / 'jig rten chos rnams kyis ni ma gos sems ldan bya// khyim rnams la ni nga rgyal spangs nas bsten par bya// der phyin nas kyang chos nyid rab tu brjod par bya/ / bde dang rnyed pa'i phyir ni 'dod pa'ang spangs nas su// 'jig rten rnam dag tshul khrims can du gnas par bya/ de nas bcom ldan 'das kyis/ tshe dang ldan pa 'od srungs chen po la bka' stsal pa/ 'od srungs longs shig/ longs la rang gi stan la 'dug cig/ 'od srungs khyod la chos kyi the tsom ji snyed yod pa dag de bzhin gshegs pa la dris shig dang / 'od srungs ngas dris pa la lan btab pas khyod kyi sems rangs par bya'o// de nas tshe dang ldan pa 'od srungs chen po sa steng de nas langs te/ bcom ldan 'das kyi zhabs la mgo bos phyag 'tshal nas phyogs gcig tu 'dug go// de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas/ 'dzam bu'i gling 'di na dge slong dang / dge slong ma dang / dge bsnyen dang / dge bsnyen ma ji snyed gnas pa de dag thams cad rgyal po'i khab 'od ma'i tshal byaka lan ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod nas/ dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po gang dag yin pa de dag kyang / 'od ma'i tshal bya ka lan ta ka gnas par zhugs te/ de dag zhugs nas mtha' yas shing dpag tu med par shes par 'gyur ba de lta bu'i rdzu 'phrul mngon par 'du bya ba mngon par 'du mdzad do/ / de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas/ stong gsum gyi stong chen po'i 'jig rten gyi khams na rgyal po chen po bzhi dang / lha rnams kyi dbang po brgya byin dang / tshangs pa dang / tshangs pa chen po dang / 'od gsal dang / mi che ba dang / mi gdung ba dang / shin tu mthong ba dang / 'og min gyi lha'i bu ji snyed pa de dag thams cad sangs rgyas kyi mthus rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod nas/ bcom ldan 'das la thal mo sbyar te phyag 'tshal bar 'gyur ba de lta bu'i rdzu 'phrul mngon par 'du bya ba mngon par 'du mdzad do/ / de nas bcom ldan 'das kyis yang rdzu 'phrul ji lta bu mngon par 'du bya ba mngon par 'du mdzad pas/ klu'i rgyal po rgya mtsho dang / ma dros pa dang snam bu'i dbang phyug dang / go'u ta ma dang / dga' bo dang / nye dga' dang / gzi can dang / 'jog po dang / rab mdzes dang / e la'i 'da' dang / de dag dang / gzhan yang klu bye ba phrag stong sangs rgyas kyi mthus bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod cing / rgya chen po rgya chen po'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma de dag thams cad kyang / sangs rgyas kyi mthus 'od ma'i tshal bya ka lan ta ka gnas par zhugs nas/ gcig la gcig nyam nga ba med pas 'khod par 'gyur ba de lta bu'i rdzu 'phrul mngon par 'du bya ba mngon par 'du mdzad do/ / de nas bcom ldan 'das kyis/ tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu khyod longs la de bzhin gshegs pa'i gdan shoms shig/ de bzhin gshegs pa de la bzhugs nas/ the tsom thams cad gcod pa zhes bya ba'i chos kyi rnam grangs yang dag par ston par 'gyur/ sems can thams cad kyi bsam pa bsgrub pa'i spyod pa yang dag par ston par 'gyur/ sems can thams cad yang dag par tshim pa'i chos kyi rnam grangs yang dag par ston par 'gyur/ sems can thams cad chos la yang dag par gzhol ba'i tshul gyi sgo rgya mtsho'i phyag rgya yang dag par ston par 'gyur/ byang chub sems dpa' sems dpa' chen po rnams kyi spyod pa bsgrub pa yang dag par ston par 'gyur/ sangs rgyas kyi chos bsgrub pa yang dag par ston par 'gyur/ sems can yongs su smin par bya ba bsgrub pa yang dag par ston par 'gyur/ sbyin pa'i pha rol tu phyin pa bsgrub pa yang dag par ston par 'gyur ba nas/ shes rab kyi pha rol tu phyin pa bsgrub pa'i bar du yang dag par ston par 'gyur/ chos thams cad kyi tshul gyi sgo bsgrub pa yang dag par ston par 'gyur/ sems can thams cad kyi dbang po bsgrub pa yang dag par ston par 'gyur/ sems can thams cad kyi gnas pa'i spyod pa bsgrub pa yang dag par ston par 'gyur/ 'khor bzhi yang dag par tshim par byed par 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po'i 'khor yang yang dag par tshim par byed par 'gyur/ 'das pa'i dus la ma chags ma thogs pa'i ye shes mthong ba dang / de bzhin du da ltar dang / ma 'ongs pa'i dus la ma chags ma thogs pa'i ye shes mthong ba dang / las kyi rnam par smin pa dang / spyod pa dang / smon lam rnams dang / ye shes kyi phyogs tsam zhig yang dag par ston par 'gyur ro// de nas tshe dang ldan pa mo'u 'gal gyi bu chen po stan las langs te/ bcom ldan 'das kyi zhabs la mgo bos phyag 'tshal nas/ bcom ldan 'das kyi gdan 'phang du tshangs pa'i 'jig rten srid cig bshams so/ / steng gi bar snang la yang bcom ldan 'das kyi 'chag sa rin po che sna bdun las byas pa/ ka tsa lin da'i gos ltar reg na bde ba/ srid kyi tshad ni stong gi 'jig rten gyi khams dang ldan pa/ rgyar ni dpag tshad bdun brgya dang ldan pa zhig byas so// 'chags de la yang rtsig pa rim pa bdun dang / rta babs bdun dang / stegs bu rim pa bdun dang / dril bu g.yer ka'i dra ba rim pa bdun gyis kun nas bskor ba sprul to// 'chags de'i g.yas g.yon du yang 'di lta ste/ gser dang / dngul dang / shel dang / bai b+huR+Ya rin po che sna bzhi'i shing ljon pa dag mngon par sprul to// gser las byas pa'i shing ljon pa rnams la dngul gyi lo ma dag dang / shel gyi me tog dag dang / bai DUR+Ya las byas pa'i 'bras bu dag dang / dngul las byas pa'i shing ljon pa rnams la gser gyi lo ma dag dang / bai DUR+Ya las byas pa'i me tog dag dang / shel las byas pa'i 'bras bu dag dang / bai DUR+Ya las byas pa'i shing ljon pa rnams la gser gyi lo ma dag dang / dngul gyi me tog dag dang / shel gyi 'bras bu dag dang / shel las byas pa'i shing ljon pa rnams la gser gyi lo ma dag dang / dngul gyi me tog dang / bai DUR+Ya las byas pa'i 'bras bu dag mngon par sprul to// shing ljon pa thams cad kyi bar dag tu yang yan lag brgyad dang ldan pa'i chus bkang ba'i rdzing them skas bzhi dang ldan pa/ them skas de dag kyang rin po che sna bzhi'i gser dang / dngul dang / bai DUR+Ya dang / shel las byas pa/ gser gyi bye ma bdal ba/ ut+pa la dang / pad+ma dang / ku mu da dang / pad+ma dkar pos khebs pa/ steng gi bar snang la yang rin po che sna bdun las byas pa'i dra ba'i bla res bres pa zhig mngon par sprul to/ / 'chag sa de yang dar gyi lda ldi mang pos sbyangs pa/ bdug spos dri zhim pos bdugs pa/ mi bdun gyi srid tsam du me tog sna tshogs kyis gcal bkram pa zhig mngon par sprul to/ / ut+pal dang / pad+ma dang / ku mu da dang / pad+ma dkar po de dag la yang mo'u 'gal gyi bu dang 'dra ba'i dge slong dag mngon par sprul to// de nas tshe dang ldan pa mo'u 'gal gyi bu chen pos rdzu 'phrul gyis byas pa'i gdan de lta bu de mngon par sprul te// bcom ldan 'das kyi thad du phyin nas 'di skad ces gsol to/ / bcom ldan 'das bdag gis gdan bshams lags na/ de'i dus la dbab par mkhyen par mdzad du gsol/ de skad ces gsol pa dang / bcom ldan 'das kyis tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu khyod kyis gdan bshams zin tam/ bcom ldan 'das bdag gis bshams lags so// de nas bcom ldan 'das kyis/ byang chub sems dpa' sems dpa' chen po yul mtha' yas pa la dmigs pa bsgrub pa nges par ston pa la bka' stsal pa/ rigs kyi bu khyod kyis de bzhin gshegs pa'i seng ge'i khri shoms shig/ de bzhin gshegs pa de la bzhugs nas/ sems can thams cad yang dag par tshim par byed pa zhes bya ba'i chos kyi rnam grangs yang dag par rab tu ston par 'gyur ro/ / de nas byang chub sems dpa' sems dpa' chen po yul mtha' yas pa la dmigs pa bsgrub pa nges par ston pas bcom ldan 'das kyi ltar mnyan nas gdan bshams so/ / gdan de shom pa na byang chub sems dpa' ji snyed 'dus pa de dag thams cad kyis/ seng ge'i gdan der rang rang gi bla gos dag bting ngo / / de nas bcom ldan 'das 'di snyam du dgongs te/ bdag gis ni 'di lta ste/ the tsom dang som nyi bsal ba'i phyir/ rdzu 'phrul mngon par 'du bya ba mngon par 'du mdzad pa gang gis/ byang chub sems dpa' de dag gi spyad pa bsgrub pa dang / 'jug pa bsgrub pa dang / smon lam bsgrub pa dang / zhing bkod pa bsgrub pa dang sems can yongs su smin par bya ba bsgrub pa gang dag yin pa dang / byang chub sems dpa' de dag byang chub mngon par rdzogs par sangs rgyas pa'i sangs rgyas kyi zhing rnams su sangs rgyas kyi zhing gi bkod pa 'byung ba dang / nyan thos phun sum tshogs pa 'byung ba dang / byang chub sems dpa' phun sum tshogs pa 'byung ba dang / chos bstan pa phun sum tshogs pa 'byung ba dang / tshe phun sum tshogs pa dang / mdog phun sum tshogs pa dang / gzugs phun sum tshogs pa dang / mtshan phun sum tshogs pa dang / dpe byad phun sum tshogs pa dang / yang dag pa'i sbyor ba phun sum tshogs pa dang / dam pa'i chos rab tu rnam par mi 'jig pa phun sum tshogs pa 'byung ba gang dag yin pa de dag thams cad rang rang gi chos gos dag las mthong bar 'gyur ba de lta bu'i rdzu 'phrul mngon par 'du bya ba des mngon par 'du bya'o snyam mo/ / de nas bcom ldan 'das dran pa dang mkhyen bzhin du gang na de la bzhugs / bcom ldan 'das gdan de la bzhugs nas kyang / yul mtha' yas pa la dmigs pa bsgrub pa nges par ston pa zhes bya ba sangs rgyas kyi ting nge 'dzin la snyoms par zhugs so// de bzhin gshegs pa ting nge 'dzin la snyoms par zhugs nas/ de nas de ma thag tu byang chub sems dpa' de dag gis rang rang gi bla gos ji snyed pa de dag bcom ldan 'das kyi gdan du bting ngo / / de dag gis rang rang gi chos gos de dag la bdag nyid kyi sangs rgyas kyi zhing gi yon tan bkod pa phun sum tshogs pa nas/ rab tu rnam par mi 'jig pa phun sum tshogs pa'i bar du yang mthong ngo / / de nas byang chub sems dpa' de dag yang dag par tshim zhing yi rangs te dga' ba dang dang ba la gnas nas/ bcom ldan 'das la sgra skad mthun par tshigs su bcad de bstod pa/ cho ga spyod pa yon tan gnas gyur pa// chos rnams kun la dbang ldan bsnyengs mi mnga'// yon tan kun la gnas pas khyod mdzes te/ / rgyal ba dbang ldan ting 'dzin yang dag gnas// g.yo dang phywa ni khyod la yong mi mnga'// nga rgyal rgod dang tshul 'chos mi mnga' ste// rig dang rnam grol dag gi spyo pa mkhyen/ / ting 'dzin de la gnas pas khyod mdzes so// dbang ldan bsnyengs bral ting 'dzin gnas nas su// rdzu 'phrul mi mtshungs bla na med pa bstan// chags med ye shes bstan phyir dbang ldan pa/ / ma 'ongs dus na khyod kyis deng bstan to// mi g.yo go 'phang zhi ba thob snyam bgyid// de ring byang chub la ni mchis snyam bgyid// bdud dpung bcas pa rab tu bcom snyam bgyid/ / de ring rig pa rjes su thob snyam bgyid// rgyal bas gang gi 'dus byas stong gzigs pa'i// bla med mig ni thob par 'gyur snyam bgyid// chags med ye shes khyod kyi bka' drin la/ / mig kyang chags pa mchis pa yong ma lags// rnam par mthong yang ci yang ma mthong zhing // chos ni gang la'ang zhe 'gras ma mchis te// gang la yid ni zhe 'gras ma mchis pa/ / de ni sangs rgyas spyan mchog de lags so// ji ltar rgyal ba'i sangs rgyas spun mchog gis// khams gsum shes la ma chags 'jug pa bzhin/ / dngos dang dngos med mnyam mtshungs yid dang ldan// yang dag brtson zhing rang gi mig la gnas// gang tshe rgyal ba ting 'dzin der gnas te// de ring de dag kun gyis thob snyam bgyid/ / de dag gis ni gzungs sgo de dag dang // chos la rnam par grol ba'i sgo mchog thob// sgor 'jug yongs su sbyang ba rnam dag pas// rgyal ba'i blo ni yongs ye nyams mi 'gyur/ / sbyin pa chen po'i rnam smin de 'dra ste// khrims chen yon tan de dag de 'dra lags// shes rab chen po'i yon tan de 'dra ste// sngon chad chos de dag ni bstan pa mdzad/ / khyod ni gdan bzhugs bsam gtan mdzad pa na// mi yi dbang po phyogs bcur lhang nger gyur// rgyal sras thugs kyi sras po 'dus de dag/ gang nas shi 'phos las ni ci mchis pa/ / lha dang klu dang mi min mi 'am ci// kun la de ring shes pa de 'jug go// kun tu snang bar gyur pa'i ting 'dzin la// gang gis bskal byer shes pa de bskyed pa/ / som nyi gcod cing the tsom sel ba yis// mi mchog seng ge bzhin du sgrogs par gyur// bdag dang gzhan la phan pa tshol ba na// 'di ltar sngon chad sbyin pa stsal lags te/ / 'di la sbyin pa tshul khrims bzod brtson gang // sems can kun la de 'drar skal ba mnyam// sems can de dag thams cad ma btud par// 'di la sbyin dang tshul khrims bzod brtson gang / / sems can kun la kun tu mkhas pas na// 'di la ting 'dzin 'jug dang shes rab mchog/ des na khyod kyis ting 'dzin rnam par sbyangs dpa' bo de ring gdan la bzhugs pa la/ / thal mo sbyar nas khyod la zhus lags na// som nyi gcad cing the tsom bsal du gsol// deng 'dir chos la kun tu snang thob cing // the tsom bral te snang ba thob gyur pas// sems can gang dag 'byung dang bdag cag la// chos kyi tshul ni yun ring gnas par 'gyur// gleng gzhi'i le'u zhes bya ba ste dang po'o// / yang de'i tshe 'khor 'dus pa de nyid du pad+ma dpal gyi snying po zhes bya ba gzhon nur gyur pa zhig 'dus par gyur te 'dug go// de nas pad+ma dpal gyi snying po gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas 'dug go/ / de ltar 'dug pa de'i sems la rnam par rtog pa 'di lta bu byung ste/ bdag ni de bzhin gshegs pa la chos kyi sgo rnams zhu bar 'dod pa yin/ rdo rje'i tshig rnams dang / rgyun mi chod pa'i bsgrub pa'i tshig rnams zhu bar 'dod pa yin/ smra ba thams cad tshar gcad pa bsgrub pa'i chos rnams dang rim par phye ba'i tshig rnams dang / chos thams cad bsdu ba'i tshig rnams zhu bar 'dod pa yin na/ rigs kyi bu dang / rigs kyi bu mo dag phyag rgya'i sgo gang dag la bslabs na/ chos thams cad la sgrib pa med pa'i mig dang shes pa la mkhas pa nyid rjes su thob par 'gyur/ bcom ldan 'das kye ma bdag gis bsam pa'i tshogs gang dag dang / 'jug pa bsgrub pa gang dag gis go cha bgos pa sngon gyi dge ba'i rtsa ba'i tshogs skye ba la bsam pa bsgrub pa'i tshogs la dgongs par 'gyur snyam mo// de nas bcom ldan 'das kyis pad+ma dpal gyi snying po gzhon nur gyur pa'o bsam pa thugs su chud cing smon lam dang dge ba'i rtsa ba'i tshogs bsgrub pa thugs su chud nas/ de'i tshe phyogs bzhir rnam par gzigs so/ / phyogs bzhir gzigs pa na/ bcom ldan 'das kyi zhal gyi sgo nas 'od zer chen po bzhi byung ste/ de dag byung nas 'jig rten gyi khams mtha' yas mu med pa dag tu dong ngo / / 'od zer de dag kyang shing ljon pa 'am/ rtsig pa 'am/ ri 'am/ sa 'am/ bar snang gang du bab pa de dag thams cad gser gyi kha dog tu kha dog gcig par gyur to/ / phyogs dang phyogs mtshams thams cad du yang 'od zer de dag thogs pa med par rab tu dong ste/ de ltar stong gsum gyi stong chen po'i 'jig rten gyi khams na 'od de ngag gis reg pa'i sems can ji snyed pa de dag thams cad kyis rang gi lus dag gser gyi lus lta bur shes so/ / gang dag 'dod chags kyi yongs su gdung bas yongs su gdungs pa dang / zhe sdang gi yongs su gdung bas yongs su gdungs pa dang / gti mug gi yongs su gdung bas yongs su gdungs pa de dag thams cad kyis ni bdag nyid 'dod chags chung ba dang / zhe sdang chung ba dang / gti mug chung bar mngon par shes so// stong gsum gyi stong chen po'i 'jig rten gyi khams 'di na sems can dmyal ba ji snyed yod pa de dag tu sems can skyes pa gang dag sdug bsngal tsha ba/ mi bzad pa/ 'chi ba'i mthar byed pa'i tshor ba nyams su myong ba de dag thams cad kyis ni/ bcom ldan 'das kyi mthu dang / byang chub sems dpa' de'i sngon gyi smon lam gyi mthus bde ba snyam du shes par gyur to// stong gsum gyi stong chen po'i 'jig rten gyi khams na/ las kyi sgrib pas bsgribs pa dang / nyon mongs pa'i sgrib pas bsgribs pa dang / las kyi rnam par smin pa'i sgrib pas bsgribs par gyur pa'i sems can ji snyed yod pa de dag thams cad kyis kyang / bcom ldan 'das kyi mthu dang / byang chub sems dpa' de'i sngon gyi smon lam gyis sgrib pa dang bral bar gyur to// de'i tshe sems can rnams kyi dge ba'i rtsa ba cher gsal bar bya ba'i phyir/ bcom ldan 'das kyis spu'i khung bu thams cad nas 'od zer dag phyung ste/ 'od zer de dag kyang shar phyogs su 'jig rten gyi khams tshad med pa dag 'das so/ / de bzhin du lho dang / nub dang / byang dang / steng dang / 'og tu 'jig rten gyi khams tshad med pa dag 'das so// de nas bcom ldan 'das kyis 'od zer de dag phyung nas/ gsung bsal ba'i sgra mdzad de/ gsung bsal ba'i sgra des kyang 'jig rten gyi khams thams cad mngon par go bar gyur to// de'i tshe shar phyogs su 'jig rten gyi khams grangs med pa dag 'das pa na/ 'jig rten gyi khams gdugs gcig pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa zhes bya ba bzhugs te/ 'tsho zhing gzhes la chos kyang ston to// bcom ldan 'das de bzhin gshegs pa dgra bcom pa y ang dag par rdzogs pa'i sangs rgyas rin po che'i bkod pa gcig pa des byang chub sems dpa' sems dpa' chen po dra ba can gyi bod 'di ni nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes/ bla na med pa yang dag par rdzogs pa'i byang chub tu lung bstan to// de nas bcom ldan 'das de bzhin gshegs/ pa rin po che'i bkod pa gcig pa ga la ba der song ste phyin nas/ bcom ldan 'das de la 'di skad ces gsol to// bcom ldan 'das gsung bsal ba'i sgra dang / 'od kyi snang ba chen po gda' ba de su'i lags/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pas/ byang chub sems dpa' dra ba can gyi 'od la bka' stsal pa/ rigs kyi bu nub phyogs su sangs rgyas kyi zhing 'di nas 'jig rten gyi khams tshad med grangs med pa dag 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod sems can thams cad yang dag par tshim par byed pa zhes bya ba'i chos kyi rnam grangs kyi chos kyang ston to// 'khor der byang chub sems dpa' sems dpa' chen po pad+ma dpal gyi snying po zhes bya ba 'dus te/ bcom ldan 'das de bzhin gshegs pa shAkya thub pa de la 'di lta ste/ chos thams cad la yang dag par gzhol ba'i phyag rgya'i yi ge mngon par bsgrub pa'i sgo zhu bar 'dod do/ / dra ba can gyi 'od sangs rgyas kyi zhing de na/ byang chub sems dpa' sems dpa' chen po bsam gyis mi khyab pa'i go cha bgos pa/ tha mi dang bar spyod pa'i go cha bgos pa dag 'khor der 'dus te 'khod do// dra ba can gyi 'od byang chub sems dpa' sems dpa' chen po go cha de dag dang ldan pa de dag gis sangs rgyas kyi zhing gzhan dag kyang stongs so/ / dra ba can gyi 'od de bzhin gshegs pa shAkya thub pa de'i sangs rgyas kyi zhing du skyes pa gang dag yin pa de dag mthong ba dang thos pa yang / byang chub sems dpa' de dag gis gces spras byed par nga smra na/ dra ba can gyi 'od gang dag gis de dag mthong nas bkur sti byed dam/ bla mar byed dam/ ri mo byed dam/ mchod pa byed dam/ dri bar byed pa lta ci smos/ / de nas de bzhin gshegs pa rin po che'i bkod pa gcig pa de la/ byang chub sems dpa' sems dpa' chen po dra ba can gyi 'od kyis 'di skad ces gsol to// bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab ba'i go cha bgos pa de dag lta ba'i slad du/ 'jig rten gyi khams der mchi zhing / 'jig rten gyi khams de yang blta bar bgyi'o// de skad ces gsol pa dang / de bzhin gshegs pa rin po che'i bkod pa gcig pas/ byang chub sems dpa' sems dpa' chen po drab can gyi 'od la 'di skad ces bka' stsal to// rigs kyi bu de'i dus la dbab par shes na song la/ sangs rgyas kyi zhing der shes bzhin du yang spyod cig/ de ci'i phyir zhe na/ rigs kyi bu 'jig rten gyi khams mi mjed de na gnas pa'i byang chub sems dpa' sems dpa' chen po de dag bsnyen par dkar ba'i phyir ro/ / de nas de bzhin gshegs pa rin po che'i bkod pa gcig pas/ byang chub sems dpa' sems dpa' chen po dra ba can gyi 'od la lag pa lta bu'i ut+pal byin te/ dra ba can gyi 'od de bzhin gshegs pa shAkya thub pa de la khyod kyis lag pa lta bu'i u t+pal 'dis mchod cig/ nga'i tshig gis bcom ldan 'das de bzhin gshegs pa rin po che'i bkod pa gcig pa de bcom ldan 'das la gnod pa chung ngam/ / nyamang ba nyung ngam/ bskyod pa yang ngam/ stob dang bde bar reg pa la gnas sam/ spun gsol lo zhes de skad ces gsol cig/ de nas byang chub sems dpa' sems dpa' chen po dra ba can gyi 'od/ de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa de'i zhabs la mgo bos phyag 'tshal te lan gsum bskor ba byas nas/ byang chub sems dpa' sems dpa' chen po tshad med grangs med pa dag dang lhan cig tu 'jig rten gyi khams mi mjed ga la ba der song ste/ sems kyi skad cig gcig gis 'jig rten gyi khams mi mjed der 'dug par gyur to/ / de nas byang chub sems dpa' sems dpa' chen po bla can gyi 'od rgyal po'o khab 'od ma'i tshal bya ga lan ta ka/ gnas pa g.ya ba der song nas/ bcom ldan 'das ga la ba der yang song ste byin nas/ bcom ldan 'das kyi zhabs la mgo bos phyag 'tshal te 'di skad ces gsol to// bcom ldan 'das byang chub sem dpa' dra ba can gyi 'od bcom ldan 'das kyi zhabs la mgo bos phyag 'tshal lo/ / bcom ldan 'das bdag dra ba can gyi 'od lags so// bde bar gshegs pa bdag dra ba can gyi 'od lags te/ bcom ldan 'das kyi zhabs la mgo bos phyag 'tshal lo/ / de skad ces gsol pa dang / bcom ldan 'das kyis/ byang chub sems dpa' sems dpa' chen po dra ba can gyi 'od la 'di skad ces bka' stsal to/ / dra ba can gyi 'od khyod yun ring du 'tsho bar gyur cig/ khyod bde ba dang nad med par gyur cig/ de nas byang chub sems dpa' sems dpa' chen po dra ba can gyi 'od bcom ldan 'das kyi zhabs la mgo bos phyag 'tshal nas phyogs gcig tu 'dug go/ / phyogs gcig tu 'dug nas kyang byang chub sems dpa' sems dpa' chen po dra ba can gyi 'od kyis/ bcom ldan 'das la 'di skad ces gsol to/ / bcom ldan 'das de bzhin gshegs pa rin po che'i bkod pa gcig pa// bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes spyan gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i bkod pa gcig pa des/ bcom ldan 'das la la pa lta bu'i ut+pal 'di yang bskur lags na/ bcom ldan 'das byang chub sems dpa' dra ba can gyi 'od las lag pa lta bu'i ut+pa la bzhes su gsol/ de nas bcom ldan 'das kyis lag pa lta bu'i ut+pa la bzhes nas/ byang chub sems dpa' ma pham pa la byin no// de nas byang chub sems dpa' ma pham pas lag pa lta bu'i ut+pa la de thogs nas/ byang chub sems dpa' bzang skyong la sogs pa lnga brgya la smras pa/ rgan rabs dag lag pa lta bu'i ut+pa la 'di ni de bzhin gshegs pas byin pa'o// de nas bzang skyong la sogs pa byang chub sems dpa' lnga brgya po de dag gis lag pa lta bu'i ut+pa la de thogs/ bcom ldan 'das la 'di skad ces gsol to// bcom ldan 'das bdag cag de ltar yang dag par zhugs pa lags na/ ci bdag cag byang chub sems dpa'i spyad pa spyod pa na sems can gang dag gis ming thos par gyur pa de dag thams cad bla na med pa yang dag par rdzogs pa'i byang chub tu nges par 'gyur lags sam/ bcom ldan 'das lag pa lta bu'i ut+pa la 'di ni byang chub sems dpa' ma pham pas bdag cag la sbrul lags te/ bcom ldan 'das bdag cag gis ni lag pa lta bu'i ut+pa la 'di rang gi smon lam gyi stobs dang / spyod pa'i stobs dang / bsam pa'i stobs dang sems can thams cad yongs su mi gtong ba'i stobs kyis de bzhin gshegs pa la gsol ba 'debs pa'i slad du/ lag pa lta bu'i ut+pa la de gtor bar bgyi'o// bcom ldan 'das shar phyogs na de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs te/ 'tsho zhing gzhes pa dag dang / gang dag ma byung ba dag dang 'byung bar 'gyur ba dag dang / 'byung ba'am 'jig pa der yang bcom ldan 'das gtor bar bgyi'o// de bzhin du lho phyogs dang / de bzhin du nub phyogs dang / de bzhin du byang phyogs dang / de bzhin du 'og gi phyogs dang / de bzhin du steng gi phyogs dang / de bzhin du phyogs mtshams kyi 'jig rten gyi khams rnams na/ sangs rgyas bcom ldan 'das ji snyed byung ba dang / 'byung bar 'gyur ba'i 'jig rten gyi khams de dag tu yang gtor bar bgyi'o/ / bcom ldan 'das gang su dag gis lag pa lta bu'i ut+pal de mthong bar gyur pa de dag thams cad ut+pa la'i ji sdom par gyur cig/ de dag thams cadatha na med pa yang dag pa rdzogs pa'i byang chub tu nges par gyur cig/ de bzhin du sangs rgyas kyi zhing thams cad du yang mchi bar gyur cig/ de dag gis lag pa lte bu'i ut+pa la de gtor nas/ de nas de ma thag tu bcom ldan 'das kyis phyag g.yas pas reg ste/ lag pa lta bu'i ut+pa la de bcom ldan 'das kyis reg nas kyang / de nas de ma thag tu skad cig de nyid la ut+pa la de'i nang nas de bzhin gshegs pa'i sku phyed mngon par byung zhing / ut+pa la re re las kyang de bzhin gshegs pa'i sku'i phyed mngon par byung ste/ de bzhin gshegs pa'i sku'i phyed po de dag gis/ gang dag chos thams cad sgyu ma lta bur mi shes shing mos par mi byed la/ chos thams cad sgrib pa med pa dang / chos thams cad mtshan nyid med par mi shes shing mos par mi byed/ khong du chud par mi byed pa de dag gi ston pa ni/ de bzhin gshegs pa ma yin zhing / de dag de bzhin gshegs pa'i nyan thos dag kyang ma yin no zhes de lta bu'i tshig de dag gsungs te/ gsungs nas kyang bzhud ngo // tshigs su bcad pa 'di dag kyang bka' stsal to/ / sgyu ma 'dra chos gzung du med pa ste// gzugs min thams cad chu zla 'dra ba yin// stong pas stong pa'i rang bzhin mi 'dzin pa// chos nyid 'di ni rgyal bas 'di 'drar gsungs mtshan nyid med chos rnam dag mtshan nyid yin/ / mtshan nyid med pa'i rang bzhin de 'dra ste// brtags pas stong zhing bdag med chos rnams la// 'dzin pa med cing rtsod pa med par 'gyur/ gang dag de ltar chos nyid de 'dod pa// de dag ston pa rgyal ba mthu bo che// phyogs bcur 'jig rten spyod pa thams cad la// de 'dra 'di ni de yi byin brlabs so// de ltar de bzhin gshegs ba'i sprul pa de dag gis tshigs su bcad pa de dag gsungs nas phyogs bcur bzhud do/ / / bam po gnyis pa/ de nas bcom ldan 'das la byang chub sems dpa' sems dpa' chen po dra ba can gyi 'od kyis ji skad ces gsol to/ / bcom ldan 'das rigs kyi bu de dag gis ci tsam du smon lam dag shin tu yongs su sbyangs pa dang / sems can gang dag gis de dag gi smon lam de dag thos pa dang / ming yang bsgrags pa de dag sdug bsngal mang pos reg pa'i sdug bsngal de dag las yongs su thar par 'gyur ba dang / bla na med pa yang dag par rdzogs pa'i byang chub tu nges par 'gyur ba ni ngo mtshar lags so// bcom ldan 'das 'on kyang bcom ldan 'das dang / rigs kyi bu de dag 'jig rten gyi khams 'dir 'byung ba'i cha/ ma lags so// de ci'i slad du zhe na/ bcom ldan 'das dper bgyi na// skyes pa 'am bud med la la zhig rin thang ma mchis pa'i nor bu rin po che dri ma thams cad dang bral ba/ phan pa dang bde// pa thams cad nye bar sgrub par bgyid pa'i nor bu rin po che de'i yon tan bsgrags pa thos nas/ yongs su btsal bar sems shing / nor bu rin po che de'i mtshan ma dag kyang legs par 'dzin par bgyid la/ chab khung sa 'am/ de las gzhan mi gtsang ba dang 'dres pa'i phyogs dag na nor bu rin po che shin tu yongs su byang ba de 'dam du stsal ba mthong zhing / lhag par yang nor bu rin po che de'i khor yug na/ smig ma mkhan gyi rigs sam/ gdol pa'i rigs sam/ g.yung po'i rigs sam/ de dag las gzhan yang tshegs kyis 'tsho ba dma' ba'i rigs dag mchis par gyur na/ de dag ni nor bu rin po che de'i ming yang ma 'tshal na/ yon tan 'tshal bar 'gyur ba lta smos kyang ci 'tshal te/ de ni gnas ma mchis lags so// de nas mi des mi gtsang bar stsal ba'i nor bu rin po che de mthong nas nor bu rin po che de'i snod ni mdzes pa ma yin no zhes de skad ces smra bar bgyid la/ de nas dma' ba'i mi de dag 'di skad ces smra bar bgyid de/ khyod kyis gang gis bsngags pa smras pa'i nor bu rin po che de gang yin zhes/ de skad ces smras pa dang / mi des nor bu rin po che de bstan la/ de ston pa na/ mi byis pa'i rang bzhin can de dag ma 'tshal bzhin du/ kye mi khyod kyis nor bu rin po che de'i yon tan ci'i phyir smras/ khyod kyis gang smras pa'i nor bu rin po che de'i yon tan de dag ni yod pa ma yin no// khyod ni brdzun du smra ba/ gzhan du smra ba ste/ khyod kyis tshig de dag yid mi ches so zhes/ smras la// de'i tshe mi des nor bu rin po che de mi gtsang ba'i gnas de nas mngon par bteg cing blangs nas mchis te/ de nas nor bu rin po che de phyung nas mi de mchis ma thag tu/ mi dbul ba'i rang bzhin can de dag gcig la gcig shin tu rab tu rnam par 'khrug par gyur nas/ de'i rjes la gnod pa mang pos yongs su bskor ba de bzhin du/ bcom ldan 'das bdag cag ni dge ba'i rtsa ba chung ngu dang ldan pa rnams kyi 'jig rten gyi khams mi mjed dbul pos bltams par mchis lags te/ bcom ldan 'das ji ltar mi gtsang ba'i 'dam gyi snod du stsal ba'i nor bu rin po che de mkhas pa'i rang bzhin can gyi mi des ngo 'tshal ba de lta bur ni/ bcom ldan 'das 'jig rten gyi khams mi mjed ni bdag cag blta bar bgyi'o// bcom ldan 'das ji ltar bde ba thams cad nye bar bsgrub par bgyid pa'i nor bu rin po che de legs par sbyangs shing rnam par dag pa de lta bur ni/ bcom ldan 'das de bzhin gshegs pa dang / byang chub sems dpa' sems dpa' chen po bsam gyis mi khyab pa'i go cha bgos pa de dag blta bar bgyi'o/ / bcom ldan 'das ji ltar nor bu rin po che de'i khor yug na/ dma' bas 'tsho ba dbul pos dma' ba'i mi de dag gnas pa de lta bur ni/ bcom ldan 'das 'jig rten gyi khams mi mjed 'di na/ de dag las gzhan pa'i sems can rnams blta bar bgyi'o// bcom ldan 'das ji ltar skyes pa 'am/ bud med kyis nor bu rin po che de'i yon tan dag thos nas/ nor bu rin po che de yongs su btsal bar sems shing / mi gtsang ba'i snod na mchis pa'i nor bu rin po che de mthong nas kyang / nor bu rin po che de'i snod de ni 'tsham pa ma yin no zhes smra bar bgyid pa de bzhin du/ bcom ldan 'das phyogs bcu dag na sangs rgyas bcom ldan 'das dang / byang chub sems dpa' gang dag lags pa de dag bcom ldan 'das kyi sangs rgyas kyi zhing de ni 'tsham pa ma yin no zhes/ sangs rgyas bcom ldan 'das rnams dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi bsngags pa brjod lags so// bcom ldan 'das dper btsu n+tu/ skyes pa'am bud med kyis nor du rin po'i de'i yon tan dgathos nas yongs su btsal bAr sems shing / migatsang ba'i snod na mchis pa de snang mthong nas/ snod don/ 'tsham pa ma yin no zhes tshig smra bar bgyid pa de bzhin du/ bcom ldan 'das bdag cag gis ni/ de bzhin gshegs pa dgra bcom pa yang dag par rdzogs pa'i sangs rgyas dang / byang chub sems dpa' sems dpa' chen po bsam gyis mi khyab pa'i go tshogos pa de dag gi yon tan gyi bsngags pa thos nas blta ba'i slad du/ bdag cag 'dir mchis te/ bcom ldan 'das 'jig rten gyi khams 'dir mchis nas/ bdag gis ni 'jig rten gyi khams 'di gnod pa brgya phrag du mas bltam zhing / sems can dge ba'i rtsa ba chung ngu dang ldan pa dag gis bltam par mthong lags so// bcom ldan 'das dper bgyid na/ 'dam du stsal pa'i nor bu rin po che de'i 'od de mi 'dor ba de bzhin du/ bcom ldan 'das phyogs bcu dag na de bzhin gshegs pa dang / byang chub sems dpa' sems dpa' chen po bsam gyis mi khyab pa'i go cha bgos pa de dag gi 'od de mi 'dor lags te/ 'dir ni sems can rnams kyi bsam pa dang mos pa chung ba'i slad du/ bcom ldan 'das kyis 'od 'dom gang tsam du byin gyis rlob par mdzad lags so/ / bcom ldan 'das dper bgyid na/ mi re nor bu rin po che de'i yon tan dag sgrogs pa na/ mi dbul ba'i rang bzhin can de dag mngon par yid mi ches pa de bzhin du/ bcom ldan 'das sems can de dag ni/ de bzhin gshegs pa'i 'od shin tu rgyas pa 'am/ smon lam chen po 'am/ rnam par 'phrul pa chen po 'am/ / sangs rgyas kyi yon tan dag la'ang yid ches par mi bgyid na/ byang chub sems dpa' sems dpa' chen po de dag gi la lta smos kyang ci 'tshal/ bcom ldan 'das dper bgyid na mi des mi gtsang ba'i snod de nas nor bu rin po che de blangs nas mchis la/ de mchis ma thag tu yang sems can de dag gnod pa rnam pa du mas shas cher yongs su bskor ba de bzhin du/ bcom ldan 'das debazhin gshegs pa yongs su mya ngan las 'das shing / byang chub sems dpa' sems dpa' chen po de dag kyang 'jig rten gyi khams gzhan du mchis nas/ 'di lta bu'i mdo sde 'dzin pa// byang chub sems dpa' yang dag par 'dzin du stsol ba rnams gcig la gcig rab tu rnam par 'khrug par 'gyur zhing / chos kyi sgra yang 'byung bar mi 'gyur la/ chos ma lags pa nyid kyi sgra 'byung ba kho nar bas so zhes/ de skad ces gsol ba lags so// de ci'i slad du zhe na/ 'di ltar sems can de dag ni chos ma lags pa la gnas par 'gyur zhing / chos ma lags pas 'tsho ba nyid yang dag par blangs nas gnas par 'gyur la/ gcig la gcig 'thab mo dang / sun 'byin pa dang / mtshang 'dru ba dang / smod pa la 'jug par bgyid par 'gyur te/ de dag gcig la gcig dge ba'i chos las nyams nas/ sdug bsngal thob par 'gyur zhing / de dag chos sogs pa dang / dge ba sogs pa lhur len par mi 'gyur ba'i slad du'o// bcom ldan 'das rigs kyi bu 'am/ rig kyi bu mo don 'tshal ba/ don yongs su tshol bar 'tshal ba/ sangs rgyas kyi byang chub yang dag par bsgrub par 'tshal ba dang / nyan thos kyi theg pa pas kyang 'jig rten gyi khams 'dir skye bar mi bgyi na/ byang chub sems dpa'i theg pa pas lta smos kyang ci 'tshal/ de ci'i slad du zhe na/ bcom ldan 'das dper bgyi na/ sems can dmyal ba chen po mnar med pa dang / yang sos dang / thig nag dang / tsha ba dang / rab tu tsha ba dang / de dag las gzhan pa sems can dmyal ba chen po dag tu sems can gang dag skyes pa de dag la skad cig thang cig yud tsam yang bde ba mi dmigs pa de bzhin du/ bcom ldan 'das bcom ldan 'das de bzhin gshegs pa rin po che'i bkod pa gcig pa de'i 'jig rten gyi khams rin po che'i gdugs gcig pa na/ byang chub sems dpa' gang dag mchis pa de dag gis/ / 'jig rten gyi khams mi mjed 'di na/ sems can mnar med par skyes pa rnams dang 'dra bar/ byang chub sems dpa' sems dpa' chen po 'dir skyes pa de dag la yang bde ba ci yang yang dag par rjes su ma mthong lags so/ / sangs rgyas kyi zhing bde ba gcig pu mchog tu gyur pa dang / 'jig rten gyi khams de na sems can de dag ni rang bzhin gyis bde ba lags so/ / bcom ldan 'das bdag ni sems can 'dir skyes pa rnams kyis de mngon par yid ches par dka' bar 'gyur bar smra lags te/ bcom ldan 'das 'on kyang chos kyi the tsom bcad pa dang / chos kyi phyag rgya'i sgo mnyan pa'i slad du/ gang gi don du bdag 'dir mchis pa de bcom ldan 'das las bdag cag thos par 'tshal lags so// de ci'i slad du zhe na/ bcom ldan 'das bde ba dang sdug bsngal de dag thams cad mi rtag pa lags pa'i slad du'o/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas las gang la bde ba ma mchis pa dang / sdug bsngal ba ma mchis pa dang / rtag pa ma mchis pa dang / mi rtag pa ma mchis pa dang / rtog pa ma mchis pa dang / rnam par rtog pa ma mchis pa dang / dngos po ma mchis pa dang / dngos po ma mchis pa ma mchis pa dang / 'dus byas ma mchis pa dang / 'dus ma byas ma mchis pa dang / gdags pa ma mchis pa dang / gdags pa ma mchis pa ma mchis pa dang / 'jig rten pa ma mchis pa dang / 'jig rten las 'das pa ma mchis pa dang / zag pa dang bcas pa ma mchis pa dang / zag pa ma mchis pa ma mchis pa dang / bden pa ma mchis pa dang / brdzun pa ma mchis pa dang / byang chub ma mchis pa dang / byang chub kyi yan lag rnams ma mchis pa dang / stobs rnams ma mchis pa dang / snang ba ma mchis pa dang / mun pa ma mchis pa dang / rnam par rig pa ma mchis pa dang rnam par rig pa ma lags pa ma mchis pa dang / 'bras bu ma mchis pa dang / 'bras bu ma lags pa ma mchis pa dang / lam ma mchis pa dang / lam ma lags pa ma mchis pa dang / 'jug pa ma mchis pa dang / mthar thug pa ma mchis pa dang / 'jig rten ma mchis pa dang / 'jig rten nas nges par 'byung ba ma mchis pa rnam pa de lta bu'i chos thos par 'tshal lags so/ / de ci'i slad du zhe na/ bcom ldan 'das bsod nams kyi tshogs las yang dag par byung ba/ kun rtog pa las byung ba'i bde ba de dag dang / gzhan thams cad 'jig rten la bstan par bgyi ba'i slad du'o/ / bcom ldan 'das sangs rgyas kyi chos rnams ni bstan du mi rung lags te/ bcom ldan 'das de la stobs rnams ma mchis/ mi 'jigs pa rnams ma mchis rdzu 'phrul ma mchis/ rdzu 'phrul gyi cho 'phrul ma mchis/ kun brjod pa ma mchis/ kun brjod pa'i cho 'phrul ma mchis/ rjes su bstan pa ma mchis/ rjes su bstan pa'i cho 'phrul ma mchis lags so// mi 'jigs pa rnams ma mchis shing / stobs rnams ma mchis la/ bde ba ma mchis shing / sdug bsngal ma mchis lags te/ de dag thams cad ni rlom sems lags shing / de dag thams cad ni g.yo ba lags pa'i slad du'o/ / bcom ldan 'das de bzhin nyid rjes su thob pa dang / rjes su ma thob pa'i slad du/ de bzhin gshegs pa ni de bzhin gshes/ pa zhes bgyi ba'i grangs su mchi ba ma lags te/ 'di ltar de dag thams cad ni g.yo ba dang / rlom sems dang / g.yos pa dang / spros pa lags pa'i slad du'o// de bzhin gshegs pas ni bden pa 'am/ brdzun pa 'am/ 'dus byas sam/ 'dus ma byas sam/ zag pa dang bcas pa'am/ zag pa ma mchis pa 'am/ kha na ma tho ba dang bcas pa 'am/ kha na ma tho ba ma mchis pa 'am/ 'jig rten pa 'am/ 'jig rten las 'das pa 'am// tshul khrims sam/ 'chal pa'i tshul khrims sam/ stobs rnams sam/ stobs ma mchis pa 'am mi 'jigs pa 'am/ mi 'jigs pa ma mchis pa 'am/ sbyin gnas sam/ sbyin gnas ma lags pa 'am/ de bzhin gshegs pa 'am/ sangs rgyas sam/ byang chub sems dpa' 'am nyan thos sam/ rang sangs rgyas sam/ smon lam rnams sam/ byin gyis brlabs rnams kyi rlom sems thams cad yang dag par bcom zhing lam yongs su mkhyen te/ des na de bzhin gshegs pa ni bag tsha ba mi mnga' bar seng ge lta bu dang / glang po che lta bu'i sgra sgrogs par mdzad lags so// de bzhin gshegs pa ni bzhed na mi mthun pa rnams la mi mthun pa'i 'du shes can du gnas par mdzad/ mthun pa rnams la mthun pa'i 'du shes can du gnas par mdzad do// de bzhin gshegs pa ni bzhed na dran pa dang ldan ni mkhyen bzhin du de gnyis kas kyang btang snyoms par gnas par mdzad do/ / bcom ldan 'das de bzhin gshegs pa'i gnas pa de dag ni/ sangs rgyas kyi gnas pa dag dang / rang byung gi gnas pa dag dang / nyan thos dang rang sangs rgyas rnams dang yang thun mong ma lags pa'i gnas pa dag lags na/ de dag las gzhan pa'i sems can tha chad rnams dang thun mong ma lags pa lta smos kyang ci 'tshal/ bcom ldan 'das ci'i slad du thun mong ma lags she na/ de las gzhan pa'i sems can tha chad kyis de lta bu'i gnas pa de dag dang / de snyed kyi gnas pa de dag dang / yun ji srid nas gnas pa de dag dang / sbyor ba de lta bu'i gnas pa de dag dang / bde ba de lta bu'i gnas pa de dag 'tshal bar rngo mi thog cing / bcom ldan 'das de bzhin gshegs pa dang bral ba'i sems can rnams kyis gnas pa de dag 'tshal bar rngo mi thogs pa'o// slad du'o// bcom ldan 'das de dag ni sems can gzhan dag gi spyod yul ma lags shing / de bzhin gshegs pa'i gnas pa de lta bu de dag ni nyan thos dang / rang sangs rgyas thams cad kyi spyod yul ma lags te/ bcom ldan 'das spyod yul ma lags shes bgyi ba ni/ spyod pa ma mchis shing rnam par spyod pa ma mchis pa ste/ de bas na spyod yul ma lags shes bgyi'o// de ci'i slad du zhe na/ bcom ldan 'das de la nyan thos dag gam/ rang sangs rgyas dag gi spyong ba ma mchis pa'i slad du'o// de ci'i slad du zhe na/ bcom ldan 'das gnas pa de mtha' yas pa'i slad du'o/ / bcom ldan 'das ci'i slad du gnas pa mtha' yas lags she na/ bcom ldan 'das de bzhin gshegs pa dag gi mos pa dag ni mtha' yas te gang gis kyang 'tshal bar rngo mi thog lags so/ / de ci'i slad du zhe na/ bcom ldan 'das gnas pa de ni yi ge ma mchis pa lags te/ yi ge ma mchis pa zhes bgyi ba ni brjod du ma mchis pa lags la/ yi ge ni brjod pa kho na lags pas/ de'i slad du bcom ldan 'das de ni rang byung gi gnas pa ma lags so// bcom ldan 'das gang dag gnas pa de la rnam par smra par mi 'gyur zhing / rab tu 'tshal bar mi 'gyur ba'i sems can de dag 'jig rten gyi khams gzhan nas shi 'phos bu lags so// gang dag gnas pa de b+h+yo bar chud par mi 'gyu ba de dag gis ni gnod pa chen po dang ldan par 'tshal bar gyi'o/ / bcom ldan 'das de bzhin gshegs pa'i gnas pa de ni/ bcom ldan 'das don gyi sgo dang chos kyi sgo de lags te 'khor rdo drug khri brgyad stong dang ldan pa lags so/ / de bzhin gshegs pa rin bro che'i bkod pa gcig pa'i byang chub ni nam mkha' lta bur tsha de ma mchis shing / byang chub sems dpa' sems dpa' chen po de dag sgo gcig pa'i tshad las rjes su thob pa lags so/ / blo'i tshig 'di bstan cing bshad ba na/ byang chub sems dpa' sems dpa' chen po bdun khri bdun stong gis mi rni pa med pa'i chos kyi sgo rjes su thob ste/ 'di lta ste/ de bzhin gshegs pa'i gnas pa de nyid do// de dag thams cad kyis bdag cag gis deng byang chub thob bo// bdag cag gis deng byang chub thob bo zhes bya ba'i tshig kyang smras so/ / srog chags bye ba khrag khrig phrag drug cu ni bla na med pa yang dag par rdzogs pa'i byang chub tu sems skyes te/ bcom ldan 'das kyis de dag sems dang po bskyed pa nyid kyis bla na med pa yang dag par rdzogs pa'i byang chub tu lung bstan to/ / srog chags bye ba khrag khrig sa ya phrag brgyad ni chos rnams la chos kyi mig rdul med cing dri ma dang bral bskyes so/ / dge slong sum stong ni len pa med par zag pa rnams las sems rnam par grol lo// de nas bcom ldan 'das kyis de'i tshe 'dzum pa mdzad de/ bcom ldan 'das kyis 'dzum pa mdzad nas kyang / de nas de ma thag tu de'i tshe 'jig rten du 'od chen po byung bar gyur cing / sa chen po yang g.yos par gyur to// de nas tshe dang ldan pa kun dga' bos chos gos phrag pa gcig tu gzar nas/ pus mo g.yas pa'i lhang sa la btsugs te/ bcom ldan 'das ga la ba logs su thal mo sbyar ba btud nas/ bcom ldan 'das la 'di skad ces gsol to/ bcom ldan 'das 'dzum pa mdzad pa dang / 'jig rten du snang ba chen po byung ba dang / 'jig rten du sa cher g.yos pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ kun dga' bo byang chub sems dpa' dra ba can gyi 'od kyis chos kyi sgo de bstun cing bshad pa na/ byang chub sems dpa' bdun khri bdun stong gis sgrib pa med pa'i chos kyi phyag rgya'i sgo thob par gyur cing / kun dga' bo byang chub sems dpa' dra ba can gyi 'od kyis sgo'i tshig bstan pa de ni/ nam mkhas yongs su zin pa'i sa phyogs de nyid du sangs rgyas brgyad stong las blangs te/ blangs nas kyang de'i rjes la byang chub sems dpa' dra ba can gyi 'od sgrib pa med pa'i chos kyi sgos nges par byung ba dang / sangs rgyas kyi zhing nas sangs rgyas kyi zhing du 'gro ba la mkhas par gyur pa'i phyir ro/ / yang de'i tshe shar phyogs su sangs rgyas kyi zhing grangs med pa bdun cu rtsa brgyad 'das pa na/ 'jig rten gyi khams rin po che brtsegs pa gcig pa na/ de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog ces bya ba da ltar bzhugs te 'tsho zhing gzhes la/ 'khor 'bum phrag du ma la chos kyang ston to// bcom ldan 'das de'i rgyal tshab byang chub sems dpa' sems dpa' chen po don yod khyu mchog rnam par gnon ces bya ba 'khor der 'dus par gyur te 'dug nas// des gsung bsal ba'i sgra de thos te/ de bzhin gshegs pa shAkya thub pa'i 'od de yang mthong nas/ de bzhin gshegs pa rin chen mtha' yas khyu mchog la 'di skad ces gsol to// bcom ldan 'das gsung bsal ba'i sgra dang 'od ganga' ba de su'i lags/ / de nas de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu gachog gis/ byang chub sems dpa' sems dpa' chen po don yod khyu mchog rnam par/ non de la bka' stsal pa/ don yod khyu mchog rnam par gnon nub phyogs su sangs rgyas kyi zhing 'di nas sangs rgyas kyi zhing grangs med pa bdun cu rtsa brgyad 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te/ 'tsho zhing gzhi la/ 'di lta ste/ sems pa dpe med pa'i byang chub sems dpa' rnams las brtsams nas/ byang chub sems dpa'i sde snod sems cani thams cad yang dag par tshim par byed pa/ sems can thams cad kyi the tsom gcod pa zhes bya ba'i chos kyi rnam grangs kyi chos kyang ston to// de nas de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog la/ byang chub sems dpa' sems dpa' chen po don yod khyu mchog rnam par gnon gyis 'di skad ces gsol to// bcom ldan 'das bcom ldan 'das de bzhin gshegs pa shAkya thub pa la blta ba dang / phyag bgyi ba dang / bsnye bkur bgyi ba dang / sems pa dpe med pa'i byang chub sems dpa' sems dpa' chen po dag blta ba'i slad du/ 'jig rten gyi khams mi mjed der bdag mchi bar bgyi'o// de skad ces gsol pa dang / bcom ldan 'das de bzhin gshegs pa rin chen mtha' yas khyu mchog gis/ byang chub sems dpa' sems dpa' chen po don yod khyu mchog rnam par gnon la 'di skad ces bka' stsal to// rigs kyi bu khyod de'i dus la dbab par shes na/ rigs kyi bu khyod song la sangs rgyas kyi zhing der shes bzhin du gnas par yang byos shig/ de ci'i phyir zhe na/ don yod khyu mchog rnam par gnon 'jig rten gyi khams mi mjed der skyes pa'i byang chub sems dpa' sems dpa' chen po gang dag skyes pa de dag bsnyen par dka' ba'i phyir ro/ / nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol la/ de bzhin gshegs pa de la lag pa lta bu'i pad+ma 'di yang phul cig/ de nas byang chub sems dpa' sems dpa' chen po don yod khyu mchog rnam par gnon stan las langs nas/ bcom ldan 'das de'i zhabs la mgo bos phyag 'tshal te bskor ba yang byas nas/ byang chub sems dpa' bdun khri brgya stong dang lhan cig tu 'jig rten gyi khams mi mjed du 'ongs te/ de 'ongs nas de ma thag tu 'jig rten gyi khams mi mjed na me tog gi shing ngam/ 'bras bu'i shing ji snyed yod pa de dag thams cad kyis/ de'i tshe dus ma yin pa'i me tog dag dang / dus ma yin pa'i 'bras bu dag gtor to// me tog gi char pa yang bab bo// thos kyi char pa rnam pa sna tshogs dag kyang bab bo/ / rol mo'i sgra rnam pa sna tshogs dag kyang grag go// de nas byang chub sems dpa' sems dpa' chen po don yod khyu mchog rnam par gnon rgyal po'i khab 'od ma'i tshal bya ka lan ta ka gan+da bAg la ba der song ste phyin nas/ bcom ldan 'das kyi zhabs la mgo bo spyad tshal te/ lag pa gnyid kas bcom ldan 'das kyi zhabs la bzung ngo // gdong gis kyang yongs su gtugs te/ tshig 'di skad ces kyang gsol to// bcom ldan 'das byang chub sems dpa' don yod khyu mchog rnam par gnon/ bcom ldan 'das kyi zhabs la mgo bos phyag 'tshal lo// bcom ldan 'das byang chub sems dpa' don yod khyu mchog rnam par gnon/ bcom ldan 'das kyi zhabs la mgo bos phyag 'tshal lo// de skad ces gsol ba dang / bcom ldan 'das kyi/ byang chub sems dpa' sems dpa' chen po de ni yod khyu mchog rnam par gnon la 'di skad ces bka' stsal to/ / don yod khyu mchog rnam par gnon bkur sti byas pa dang / mchod pa dang / ri mo byas par gyur cig/ de nas byang chub sems dpa' sems dpa' chen po don yod khyu mchog rnam par gnonas las langs te spyan sngar 'dug nas/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mtha' yas khyu mchog/ bcom ldan 'das la gnod pa chung ngam nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'das la bcom ldan 'das kyis lag pa lta bu'i pad+ma skur ba lags na bcom ldan 'das kyis thugs brtse brenye bar bzung ste/ byang chub sems dpa' don yod khyu mchog rnam par gnon las bzhes su gsol// bcom ldan 'das kyis byang chub sems dpa' don yod rgya mchog rnam par gnon las lagru pa m+b+ha bu'i bang+ka ba zhes te/ dkris nas kyang byang chub sems dpa' sems dpa' chen po don yod khyu mchog rnam par gnon la bku' stsal pa/ don yong khyu mchon narnam par gnon/ / ci bcom ldan 'das de bzhin gshegs pa rin chen mtha' yas khyu mchog gnod pa chung ngam/ nyam nga ba nyung ngam/ 'gyur ba mi mnga' 'am/ gsol pa/ bcom ldan 'das de bzhin gshegs pa rin chen mtha' yas khyu mchog de gnod pa chung zhing / stobs dang ldan la/ 'gyur ba mi mnga'i ste/ sangs rgyas kyi zhing de na bde bar reg pa la gnas legs so/ / de nas bcom ldan 'das kyis/ byang chub sems dpa' sems dpa' chen po ma mam pa la lag pa lta bu'i pad+ma byir no// de nas byang chub sems dpa' sems dpa' chen po ma pham pas lag pa lta bu'i pad+ma de blangs nas tshig gsol pa/ bcom ldan 'das dge ba'i rtsa ba 'dis rigs kyi bu dang / rigs kyi bu mo gang dag thun med pa yang dag par rdzogs pa'i byang chub tu sems bskyed pa de dag gis sangs rgyas kyi zhing yongs su dag par gyur cig/ sems can yongs su smin par gyur cig/ de ci'i slad du zhe na/ bcom ldan 'das sems can yongs su ma smin pa rnams la chos bstan pa dang / sems can dge ba'i rtse ba ma skyed pa rnams dang / dge ba'i rtsa ba chung ngu rnams dang / dman pa la mos pa rnams la chos bstan pa dka' ba'i slad du ste/ de ci'i slad du zhe na/ bcom ldan 'das lag pa lta bu'i pad+ma 'di las 'jig rten gyi khams ji snyed mthong bar 'tshal ba de snyed kyang mthong ba dang / lag pa lta bu'i pad+ma 'di nyid las bcom ldan 'das de bzhin gshegs pa rin chen mtha' yas khyu mchog de'i 'jig rten gyi khams rin po che'i phung po zhes bgyi ba gang lags pa de yang mthong ba dang / 'jig rten gyi khams de na byang chub sems dpa' gang dag theg pa la yang dag par zhugs pa de dag kyang mthong ba dang / de na gang nyan thos phun sum tshogs pa phal cher rig pa gsum dang ldan pa la/ rig pa drug dang ldan pa de dag kyang mthong bar 'gyur ba'i slad du'o/ / bcom ldan 'das de bzhin gshegs pa de'i sangs rgyas kyi zhing der pad+ma de dag las kyi rnam par smin pa chen pos mngon par grub pa lags te/ bcom ldan 'das de lta lags pas na/ dge ba'i rtsa ba de ni byang chub sems dpa' dag chos thams cad la sgrib pa ma mchis par bgyi ba'i slad du yongs su bsngo bar bgyi'o// bcom ldan 'das dge ba'i rtsa ba de ni byang chub sems dpa' gang dag bla na med pa yang dag par rdzogs pa'i byang chub tu sems ma skyed pa de dag kyang byang chub tu sems bskyed pa'i slad du yongs su sngo bar bgyi'o// dge ba'i rtsa ba de yang ji ltar de bzhin gshegs pas chos thams cad kyi de bzhin nyid mngon par rdzogs par sangs rgyas pa dang / 'khrug pa ma mchis pa'i de bzhin nyid mngon par rdzogs par sangs rgyas pa de ltar yongs su bsngo bar bgyi'o/ / de nas bcom ldan 'das kyis/ byang chub sems dpa' bzang skyong la 'di skad ces bka' stsal to// bzang skyong khyod kyis byams pas gang smras pa shes sam/ de bzhin gshegs pas mngon par rdzogs par sangs rgyas pa'i chos de dag gang yin/ gsol pa/ bcom ldan 'das gang dag de bzhin gshegs pas de bzhin nyid mngon/ par rdzogs par sangs rgyas shing mi 'khrugs pa nyid mngon par rdzogs par sangs rgyas pa'i chos de dag gang yang ma mchis lags te/ bcom ldan 'das 'di ltar de bzhin gshegs pas chos de dag dmigs pa ma lags shing / de dag ni chos kyang ma lags// chos ma mchis pa yang ma lags pa'i slad du'o// bcom ldan 'das gal te chos shig dmigs par gyur na ni/ de bzhin gshegs/ bas chos kyi 'du shes dmigs pa kho nar 'gyur ba zhig na 'du shes ni mi dmigs lags so// de ci'i slad du zhe na/ bcom ldan 'das 'du shes thams cad ma mchis lags te/ ri zhig de bzhin gshegs pas bdag nyid kyang ma dmigs lags na/ 'du shes rnams yang dag par dmigs par 'gyur ba lta spros kyang ci 'tshal// chos rnams la chos kyi 'du sheg yang dag par 'jug par 'gyur ba lta smos kyang ci 'tshal/ bcom ldan 'das chos de dag kyang 'du shes ji lta ba bzhin lags te/ de lta lags pas/ bcom ldan 'das kyis chos gang yang gzung bar ma gsungs/ / nges par 'byung bar ma gsungs/ yang dag par 'da' bar ma gsungs/ 'thob par ma gsungs lags te/ de ci'i slad du zhe na/ bcom ldan 'das gal te de bzhin gshegs pas chos rnams 'tshal bar bgyi na/ de gang nas kyang btsal bar bgyi lags/ chos de dag ni de bzhin nyid de/ de bzhin nyid la de bzhin gshegs pa ma mchis pa dang / de bzhin gshegs pa ni de bzhin nyid de/ de bzhin nyid kyi rnam pas de bzhin gshegs pa lags pa dang / de bzhin gshegs pa ni mtshan ma mchis pa ste/ mtshan ma mchis pa'i rnam pas de bzhin gshegs pa lags pa dang / de bzhin gshegs pa ni mtshan ma dang bral ba ste// mtshan ma dang bral ba'i rnam pas de bzhin gshegs pa lags pa dang / de bzhin gshegs pa ni bas ma 'tshal ba ste/ bas ma 'tshal ba'i rnam pas de bzhin gshegs pa lags pa dang / de bzhin gshegs pa ni 'khrug pa ma mchis pa ste/ 'khrug pa ma mchis pa'i rnam pas de bzhin gshegs pa lags pa dang / chos thams cad kyang de bzhin gshegs pa ji lta ba bzhin te/ ji lta ba bzhin gyi rnam pas de bzhin gshegs pa lags shing / bcom ldan 'das de ltar chos thams cad ni de bzhin gshegs pa lags te/ bcom ldan 'das des na de bzhin gshegs pa pad+ma dag la bzhugs pa lags shing / pad+ma dag la bzhugs pa ji lta ba bzhin du/ de bzhin gshegs pa nyid dang / sangs rgyas nyid la bzhugs pa yang de dang 'dra lags te/ gang la bzhugs pa de la yang mi 'dzin cing mi dmigs pa de dag ni 'jig rten na sbyin gnas rnams shes bgyi ba'i grangs su mchi ba'i slad du'o/ / de skad ces gsol pa dang / bcom ldan 'das kyis/ byang chub sems dpa' sems dpa' chen po bzang skyong la 'di skad ces bka' stsal to// bzang skyong khyod gang la gnas nas de skad ces ston/ bzang skyong gis gsol pa/ bcom ldan 'das bdag ni 'jig rten gang la gnas pa de nyid la gnas nas de skad ces ston lags te/ ji ltar byis pa dag gis bzung ba bzhin du ni ma lags so/ / byis pa dag gis bzung ba gang zhe na/ 'khrug pa lags te/ gang gi slad du 'khrug pa bzung ba de'i slad du 'khrug cing rab tu 'khrug lags so// bcom ldan 'das 'jig rten ni mi gnas pa lags te/ ji ltar 'jig rten mi gnas pa lags she na/ sgyu ma'i gnas la 'jig rten mi gnas te/ byis pa rnams ni de la bdag gi gnas ni 'jig rten gyi gnas lags so zhes rtsod de/ de ni byis pa rnams kyi 'gro ba ma lags pa'i slad du'o// smig rgyu'i gnas la 'jig rten mi gnas shing / mi rtag pa'i gnas la 'jig rten mi gnas te/ byis pa rnams ni skrag pa lags pa'i slad du'o/ / mig yor gyi gnas la 'jig rten mi gnas te/ 'phags pa rnams dang tha mi dad pa'i slad du'o// mi sdug pa'i gnas la 'jig rten mi gnas te/ byis pa rnams ni las kyi kun nas slong ba'i slad du'o/ / bcom ldan 'das 'jig rten gyi gnas 'di la 'jig rten gyi 'khrug pa'i skabs ma mchis lags te/ bcom ldan 'das de lta lags pas bdag gi gnas ni 'jig rten gyi gnas kho na lags so// de nas bcom ldan 'das kyis/ byang chub sems dpa' bzang skyong la bka' stsal pa/ bzang skyong ci khyod kyis chos yang dag par mthong bas de skad ces ston tam/ gsol pa/ bcom ldan 'das chos gang ngag lags pa de dag ni/ bcom ldan 'das kyis kyang mngon par rdzogs par sangs ma rgyas pa kho na lags so// de skad ces gsol pa dang / bcom ldan 'das kyis/ byang chub sems dpa' sems dpa' chen po bzang srong la 'di skad ces bka' stsal to/ / bzang skyong cings chos rnams mngon par rdzogs par sangs ma rgyas sam/ gsol pa/ bcom ldan 'das ci chos rnams mngon par rdzogs par 'tshang rgya lags sam/ bcom ldan 'das kyis mngon par rdzogs par sangs rgyas pa gang dag lags pa de dag kyang / ci chos rnams lags sam/ 'on te chos ma mchis pa rnams lags/ bcom ldan 'das kyis bka' stsal pa// bzang skyong legs so legs so// de bzhin gshegs pas chos rnams mngon par rdzogs par sangs rgyas pa gang dag yin/ pa de dag ni chos rnams kyang ma yin/ chos rnams med pa yang ma yin te/ bzang skyong de la nga'i ye shes mi rgyu zhing // mig mi 'jug la/ 'gro ba mi shes shing blo mi 'jug ste/ snang ba mi shes shing yongs su gcod pa mi shes la/ mi 'dzin te/ de dag ni kun nas nyon mongs pa yang ma yin la/ rnam par byang ba yang ma yin pa'i phyir ro// bzang skyong 'on kyang gal te gang mtshan nyid med pa'i spyod pa'i 'du she dang / mtshan nyid med pa'i spyod pa'i chos de dag ngas bstan kyang / bzang skyong sems can rnams de la rmongs par 'gyur ro// bzang skyong chos de la de bzhin gshegs pa dang / byang chub sems dpa' sems dpa' chen po srid pa tha ma pa ma gtogs par chog shes pa su yang mi rnyed mi dmigs so// bzang skyong byang chub sems dpa' sems dpa' chen po srid pa tha ma pa dang / skye ba gcig gis thogs pa gang dag yin pa de dag kyang / chos de dag bstan pa thos na skrag par 'gyur na/ de dag las gzhan pa'i sems can tha chad rnams lta ci smos te de dag gis chos de dag rtogs par 'gyur ba 'di ni gnas med do/ / bzang skyong dge slong dang / dge slong ma dang / dge bsnyen dang / dge bsnyen ma lus ma bsgoms pa dag dang / sems ma bsgoms pa dag dang / tshul khrims sa bsgoms pa dag dang / shes rab ma bsgoms pa dag 'byung bar 'gyur ba'i dus de lta du 'byung bar 'gyur zhing / yang skyong tshod de lta bu 'byung bar 'gyur te/ de dag gis rnam par mi rtog cing / kun nas nyon mongs pa med la/ snang ba med pa'i byang chub la ma zhugs pa'i de bzhin gshegs pa rnams kyi de bzhin gshegs pa'i gter dang / chos kyi gter bstan pa'i chos kyi rnam grangs de zos nas skrag cing dadrang la dngang bar 'gyur zhing / g.yang sa chen por yang ltung bar 'gyur ro// de bzhin gshegs pas chos thams cad mngon par rdzogs par sangs rgyas so zhes ji skad brjod de/ de la nga'i ye shes mi 'jug cing / mig mi 'jug la/ blo mi 'jug go zhes de skad ces kyang gsungs pa'i phyir ro// de'i phyir de lta bu'i mdo sde 'dzin pa'i dge slong de dag la gnod sems su gyur pa'i sems dang ldan pa dag dang / zhe 'gras pa'i sems dang ldan pa dag dang / gsod pa'i 'du shes skyed par 'gyur zhing / 'khrug long gi 'du shes skyed par 'gyur ro/ / bzang skyong nga la 'khrug long byed pa gang dag yin pa de dag yongs su 'dzin par 'gyur zhing / nga'i yang dag pa'i ye shes rab tu ston par byed pa de dag brnyas par 'gyur ba'i dus de lta bu ji tsam du byin ci log tu 'gyur ba la ltos/ / bzang skyong de bzhin gshegs pa slob dpon mi mnga' zhing rang byung la/ da ltar 'khor gyi nang du seng ge'i sgra yang dag par sgrog par mdzad na/ mi blun po de dag ni de bzhin gshegs pa mi shes shing / de bzhin gshegs pa'i chos nyid mi shes te/ de dag mi shes shing mi mthong bas/ de'i tshe nga'i bsngags pa gang yin pa de la de dag bsngags pa ma yin pa'i 'du shes 'byung bar 'gyur zhing / gang nga'i bsngags pa ma yin pa de la ni de dag bsngags pa'i 'du shes 'byung ba la ltos/ bzang skyong nga'i bsngags pa ma yin pa yang gang zhe na/ bzang skyong chos gang la la 'dzin pa'i chos 'di ni/ bzang skyong ba'i bsngags pa ma yin pa ste/ de'i tshe de dag ni bsngags pa ma yin pa smra ba dag dang / 'khrug long byed pa dag dang / dge sbyong sun 'byin pa dag dang / dge sbyong gdol pa dag dang / dge sbyong myags pa dag dang / dge sbyong shing rul pa lta bu dag dang / mu stegs can gzhan gyi spyod yul gyi lta ba can dag dang / gnyis la spyod pa dag dang / rtag chad du smra ba dag dang / chos 'dzin pa chos kyi rlom sems nyid la gnas pa dag dang / spros pa dang bcas pa dag dang / mngon par 'du byed pa dang bcas pa dag dang / 'jig rten rgyang 'phen pa la dga' ba dang / 'khor ba na spod pa dag dang / yang dag pa'i lta ba'i lam la phyir phyogs pa dag yin par ngas rab tu bstan pa yin no// de'i tshe de dag ni don dam pa'i 'du shes can dag dang / me'i sbyin sreg 'dzin pa dag dang / ral pa can ma yin pa dag dang / las smra ba dang / byed pa smra ba dag tu 'gyur te/ bzang skyong gal te ting nge 'dzin de lta bu zhig yod par gyur na/ de dag kyang byang chub mngon par rdzogs par sangs rgyas par 'gyur te/ bzang skyong de dag ni nga yongs su mya ngan las 'das nas/ de la las dang byed pa dag gi skyon dag mthong ste/ ldog pa rjes su tho nas nga'i bstan pa la rab tu 'byung bar 'gyur zhing / chos de dag nub par byed par 'gyur te/ bzang skyong de lta bas nang yongs su mya ngan las 'das nas/ mi blun po de dang de dag me'i mchod sbyin pa ral pa can lta bu dang / rgan zhugs lta bu dang / zlum po lta bur yang 'gyur ro// bzang skyong de dag ni dmigs pa dang bcas pa dang / spros pa dang bcas pa dang / mngon par 'du byed pa dang bcas pa dang / 'jig rten pa'i yang dag pa'i lta bas nga'i las dang byed pa la 'jug par byed cing / sangs rgyas kyi ye shes nung zad tsam brjod par byed pa gang dag yin pa de dang de dag ni/ nga'i bsngags pa ma yin pa smra ba dag ste/ de dag nges par 'byung ba ma yin par smra ba'o zhes nga smra'o// de ci'i phyir zhe na/ bzang skyong de dang de dag ni bskal pa grangs med pa bye bas yang dag par bsgrubs pa'i byang chub de spong ba'i me ma ngadag phra mo dag gis sreg par byed pa yin te/ bzang skyong de dag ni de bzhin gshegs pa'i bsngags pa ma yin pa smra ba dag dang / 'khrug long byed pa dag yin no// bzang skyong de bzhin gshegs pa'i bsngags pa smra ba dag dang / gsungs pa smra ba de da/ kyang gang zhe na/ bzang skyong chos thams cad 'dzin pa med pa dag dang / spros pa med pa dag dang / mngon par 'du byed pa med pa dag dang / dus gsum rjes su tshol ba dag dang / yi ge med pa dag dang / 'dor ba med pa dag ste/ bzang skyong de dang de dag ni de bzhin gshegs pa'i bsngags pa smra ba dag dang / gdags pa mi byed pa dag dang // sangs rgyas kyi sras dang / thugs kyi sras dag dang chos las skyes pa dag yin no/ / bzang skyong mdo sde 'di lta bu ston pa dang / mdo sde 'di lta bu yang dag par len pa gang yin pa de dang de dag ni/ bzang skyong de bzhin gshegs pas gsung pa smra ba dag dang / chos smra ba dag dang / de bzhin gshegs pa'i bstan pa la chos kyi rjes su mthun pa'i chos la zhugs pa dag dang / nga'i sras dag dang / thugs kyi sras dag dang / zhal nas skyes pa dag dang / ngas byin gyis brlabs pa dag dang / ngas bskos pa dag dang / ngas yang dag par dga' bar byas pa dag yin zhing / de dag gis chos kyi mchod sdong btsugs pa yin/ de dag gis chos kyi rnga yang brdungs pa yin zhing / / de dag gis chos kyi dung yang bus pa yin// de dag gis chos kyi rgyal mtshan yang bsgrengs pa yin zhing / sangs rgyas bcom ldan 'das rnams kyis de dag gi spyod pa bsags pa yin// de dag gi yon tan gyi 'phreng ba 'di yang rjes su 'brang bar byed cing / de dag gi bsrung ba gzhag pa yang yin/ de dag ni phyir rgol ba rnams tshar gcod par yang 'gyur zhing / de dag ni 'jig rten gyi me tog lta bu dag kyang yin/ de dag 'byung ba yang mchog tu rnyed par dka' zhing / de dag gis mthong ba yang rnam par dag pa yin// de dag ni byang chub kyi snod kyang yin zhing / de dag ni byang chub sems dpa' rnams kyis yang dag par dga' bar byas pa dag kyang yin/ de dag ni de bzhin gshegs pa rnams kyis yang dag par dga' bar byas pa dag kyang yin/ de dag gis chos kyi mig kyang bye ba yin zhing / de dag chos thams cad la sgrib pa med pa yang yin/ de dag ni de bzhin gshegs pa mnyes par byed par 'os pa dag kyang yin zhing / de dag ni de bzhin gshegs pa rnams la byas pa gzo ba dag kyang yin/ / de dag ni chos rgyan gyis brgyan pa dag kyang yin zhing / ye shes kyis brlan pa dag kyang yin/ de dag ni chos kyi char pa 'bebs par byed pa dag kyang yin zhing / rgyal ba'i thugs kyi sras dag tshim par byed pa dag kyang yin/ de dag ni sangs rgyas kyi chos rnams kyis rnam par 'phel bar byed pa dag kyang yin zhing / de dag gi yon tan gyi lo ma rnams skyes pa dag kyang yin/ de dag ni byang chub kyi yan lag gi me tog rnams kyis me tog kun tu rgyas pa dag kyang yin zhing / de dag gi 'dod chags dang bral ba'i bras bu rnams rab tu byed pa dag kyang yin// de dag ni byang chub kyi snying po la 'dug pa dag kyang yin zhing / de dag gis bla na med pa yang dag par rdzogs pa'i byang chub thob pa yang yin/ de dag ni lam ston par byed pa dag kyang yin zhing / de dag ni chos kyi sbyin pas rlan par byed pa dag kyang yin no// bzang skyong mdor na rigs kyi bu de dag gi yon tan rnams te/ bzang skyong gal te de bzhin gshegs pas thams cad yang dag par bstan kyang / de ni yid ches par dka' bar 'gyur ro// bzang skyong de dang de dag ni nga'i bsngags pa smra ba dang / chos kyi rjes su mthun pa'i chos smra ba dag yin no// bzang skyong 'di lta ste/ dper na mi zhig gis mtsho ma dros pa mthong bar gyur cing / de'i bsngags pa yang thos par gyur la/ de'i tshe des sngon ma mthong ba'i mtsho chen po gzhan zhig kyang mthong nas/ mtsho ma dros pa de ni 'di'i tshad kho na'o zhes tshig smra bar byed cing / de bdag gis ma dros pa'i bsngags pa brjod do zhes zer la/ bsngags pa ma yin pa nyid smra ba de bzhin du/ bzang skyong de dag ni mi blun po dag yin zhing / / de dag ni yon tan de lta bu de dag dang / ye shes de lta bu dang bral ba dag ste/ de dag ni bdag cag gis de bzhin gshegs pa'i bsngags pa brjod par bya'o zhes zer la/ 'jig rten pa'i yang dag pa'i lta ba dang / mngon par 'du byed pa dang bcas shing / zag pa dang bcas pa'i phung po thams cad kyi sbyor bas kun tu spyod par byed cing / de bzhin gshegs pa'i ye shes de ni thogs pa med pa'o zhes tshig 'di skad ces kyang smra bar byed de/ de dag ni bdag cag gis bsngags pa brjod par bya'o zhes zer la/ bsngags pa ma yin pa nyid smra bar 'gyur ro// bzang skyong 'di lta ste/ dper na mi la la zhig gis gser mib dog ser po dang / gser ni kha dog ser por snang ba'o zhes gser gyi ming thos par gyur la/ des 'dzam bu'i chu bo'i gser gyi kha dog mthong zhing rin thang yang thos nas/ kye mi khyod kyi brdzun du smra ba ste/ khyod kyis smras pa de la gser gyi kha dog ser po de med do zhes spong bar byed cing gshe bar byed pa de bzhin du/ bzang skyong mi blun po mig med pa de dag gis de bzhin gshegs pa'i mtshan thos shing / chos kyi ming thos kyang / chos kyi ming de yang yang dag pa'i lta ba'o zhes de skad ces thos shing / de bzhin gshegs pa'i mtshan de yang mtshan phun sum tshogs pa dang / rigs phun sum tshogs pa dang / spyod yul phun sum tshogs pa dang / 'khor phun sum tshogs pa dang / cho ga dang spyod pa phun sum tshogs pa'o zhes de skad thos la/ de bzhin gshegs pa ye shes kyi mtshan nyid gang gis/ de bzhin gshegs pa dgra com pa yang dag par rdzogs pa'i sangs rgyas zhes bya ba'i grangs su 'gro ba dang / chos kyi mtshan nyid gang gis/ de bzhin gshegs pas chos thams cad gsungs pa'i de bzhin gshegs pa'i mtshan nyid kyi ye shes de ni thos par ma gyur te/ gang gi tshe de dag de bzhin gshegs pa'i ye shes kyi mtshan nyid de thos par gyur pa de'i tshe/ mi blun po de dag de ni de ltar ma yin no zhes de skad ces smra bar 'gyur ro// bzang skyo 'di lta ste/ dper na mil la zhig gis rgya mtsho chen po'i ming thos par gyur la/ rgya mtsho chen po'i yon tan rnams ni thos par ma gyur te/ gang gi tshe des rgya mtsho chen po ni 'phang du dpag tshad brgyad khri bzhi stong yod la/ thad kar ni dpag tu med pa dang / rin po che rnam pa sna tshogs kyis gang ba dang / ro gcig cing gang ba yang med/ bri ba yang med pa yin no zhes rgya mtsho chen po'i bsgrags pa thos shing / yon tan bsgrags pa de des thos nas/ chu bo chen po de dag kyang 'bab la/ gang bar yang mi 'gyur ba dang / de las rin po che de snyed byung bar yang 'gyur ba dang / de yang rgyar ni dpag tu med pa yin no zhes ji skad bya zhes yid mi ches shing / rgya mtsho chen po'i yon tan de lta bu de dag yin pa 'di ni gnas med do zhes zer ba de bzhin du/ bzang skyong mi blun po de dag gis de bzhin gshegs pa'i mtshan thos par gyur cing / sangs rgyas kyi sgra thos par gyur kyang / de bzhin gshegs pa'i yon tan de dag des thos par ma gyur cing / chos shes pa'i yon tan dag thos par ma gyur te/ gang gi tshe des thams cad mkhyen pa'i ye shes chos dkon mchog dpag tu med pas gang ba/ 'dod chags dang bral ba dang / rnam par grol ba chen po sgrub par byed pa/ dpag tu med pa/ sangs rgyas kyi spyan sgrib pa med pa/ zag pa med pa'i chos gang ba yang med/ bri ba yang med pa dang / gting dpag dka' ba dang / mi 'khrug pa dang / chos thams cad kyi ye shes kyi phyag rgya dang / ji ltar rgya mtsho chen po mi ro dang lhan cig mi gnas pa de bzhin du/ de bzhin gshegs pa lta ba thibs po thams cad kyis chud zos pa'i sems can rnams dang lhan cig mi gnas pa dang / ji ltar rgya mtsho chen po 'di lta ste/ lan tshwa'i ror ro gcig pa de bzhin du/ de bzhin gshegs pa'i rnam par grol bar ro gcig par 'gyur ba'i chos kyi rnam grangs de lta bu de thos shing / de dag de skad ces thos nas/ khong du chud par mi byed cing / mngon par yid ches par mi byed la/ mos par mi byed de/ de lta ma yin no zhes tshig smra bar byed do// bzang skyong mi blun po de dag bdag cag gis ci shes she 'am/ bdag cag gis ji snyed bslabs shes de ltar yang blta bar mi 'gyur ba la ltos/ re zhig bdag ca gang dag nyid kyi spyod pa yang mi shes pa dang / bdag cag ga las spyad ces gnas mi shes pa dang / las mi shes pa dang / rnam par smin pa mi shes pa dang / bdag cag las gang gis 'dir skyes pa dang / bdag cag ga las 'dir skyes pa dang / bdag cag gi 'gro ba yang gang yin pa dang / bdag cag shes pa ji lta bu dang / sbyor ba ji lta bu dang / bdag cag shes pa dang ldan zhing las byed dam/ shes pa dang mi ldan zhing las byed ces de dag gis de skad ces bdag nyid brjod par bya'o// gal te chos de dag la mi thun po de dag chos kyi 'du shes dang / dpe bsngags pa ma yin pa'i 'du shes byed na/ nga'i tshig gis ma blun po de dag mdo sde dag la mi nyon par 'gyur ro// nga'adas nas de bzhin gshegs pa'i bsngags pa brjod pa dang / chos kyi bsngags pa brjod pa dang / dge 'dun gyi bsngags pa brjod pa na/ de la khyed cag gis mi gus par mi bya zhing yid mi ches par ma yin la/ sems gzhan du 'gyur pa dang / mngon par mi dga' bar mi bya'o zhes kyang de bzhin gshegs pas gsungs so// gal te de la ngas gdams ngag bskyed par bya na 'di lta ste/ zhe 'gras pa'i sems dang ldan pa de ni dge sbyong gi chos ma yin zhing / dge sbyong ma yin pa dang thun mong ba 'di lta ste/ dge sbyong ma yin pa rnams dang / dge sbyong ma yin par thun mong ba'i lam la zhugs pa'i gnas de ni skyon mang po shes che ba yin zhing / de bzhin gshegs pa rnams kyi byang chub gting dpag dka' ba yin te/ de'i phyir bdag gis dran pa nye bar gzhag pa rnams kho na bsten par bya'o zhes gdams par bya'o/ / bzang skyong de la chos thams cad kyi ngo bo nyid kyis gnas pa de dag ni mi gnas pa dag nyid de/ chos thams cad de ltar gnas pa dag nyid rnam par mi rtog pa dag go// bzang skyong 'di lta ste/ 'jug pa'i sgo dang / rtogs pa'i sgo dang / rnam par thar pa'i sgo de ni dran pa nye bar gzhag pa rnams kyi sgo yin no// bzang skyong gnas dang gnas ma yin pa de ni gnyis yin no/ / bzang skyong yang dag pa'i lta ba dang mtha' mi dmigs pa'i phyir/ mtha' rnam par spangs pa ni gnyis la ma chags pa yin no// bzang skyong de bzhin gshegs pas mtha' ma brnyes pa'i phyir/ mtha' rnam par spangs pa ma yin mod kyi/ 'on kyang gang gi phyir mi dmigs pa de nyid kyi phyir/ de bzhin gshegs pas de rnam par spangs pa yin no// bzang skyong de bzhin gshegs pas rnam par spangs pa'i chos de dag ji ltar byis pa'i ngag gis bzung ba de bzhin du/ mkhas pa dag 'dzin par mi byed do// bzang skyong ji ltar chos rnams kyi chos kyi mtshan nyid de de ltar rnam par spangs pa ma yin zhing / yang dag par 'das pa ma yin la/ bor ba ma yin zhing rnyed pa ma yin no// bzang skyong gang nga'i thad du phyin nas/ 'di skad ces smra ba'i lha de'i tshig lan ngas 'di skad ces btab ste/ dge slong dgyes pa mdzad dam/ ngas smras pa/ lha ngas ci rnyed/ dge sbyong thugs ngan mdzad dam/ ngas smras pa/ lha nga'i ci chud zos// des gsol pa/ dge sbyong dgyes pa'ang ma lags/ thugs ngan yang mi mdzad pa ni/ dge slong legs so legs so// bzang skyong lha de 'khor 'di nyid du 'dus par gyur nas 'dug ste/ bzang skyong des chos thams cad rang bzhin gyis yod su mya ngan las 'das pa dag kun tu shes so/ / lha de ni sngon sangs rgyas lnga brgya dag mnyes par byas te/ de dag mnyes par byas pas lha de de ltar mngon par shes pa myur bar gyur to// bzang khyong sems can dge ba'i rtsa ba ma bskyed pa rnams dang / dge ba'i rtsa ba yongs su ma smin pa rnams chos de dag la 'dul ba'i phyir mos par da mi smra'o// de bzhin du nyan thos rnams kyi mos pa ma mthong ngo / / bzang skyong chos ngo dag gang la las thos nas// zos pa'i bor la mos par 'gyur ba 'am/ dad par 'gyur ba 'am/ yid ches par 'gyur ba dge ba'i rtsa ba de ni nang gi chung ngur 'gyur te/ de'i gong na shes rab kyi phung po'i ye shes shin tu rgyas pas ye shes la 'jug pa'i dge ba'i rtsa ba rnams ni rgya che bar blta bar bya'o// de nas bzang skyong la sogs pa byang chub sems dpa' lnga brgya tsam po de dag gis/ bcom ldan 'das la lag pa lta bu'i pad+ma des gtor cing / mngon par gtor nas tshig 'di skad ces gsol to// bcom ldan 'das gang dag lag pa lta bu'i pad+ma'i chos kyi rnam grangs de la dmigs nas yongs su tshol bar bgyid pa'am/ mnyan par bgyid pa de dag thams cad bla na med pa yang dag par rdzogs pa'i byang chub tu nges par 'gyur lags so/ / bcom ldan 'das phyogs bcu na sangs rgyas bcom ldan 'das gang dag bzhugs te/ 'tsho zhing gzhes pa'i de bzhin gshegs pa dgra bcom pa yang dag par rdzogs pa'i sangs rgyas de dag la yang dmigs pa des/ 'di lta ste/ sems can rnams kyi byang chub kyi phyogs kyi chos yongs su smin par bgyi ba'i slad du/ chos bstan par gsol ba 'debs lags so/ de nas bcom ldan 'das kyis mkhyen bzhin du/ byang chub sems dpa' sems dpa' chen po bzang skyong la 'di skad ces bka' rgyal to// bzang skyong khyod la sems can rnams kyis phan btags sam/ ci nas gang gi phyir khyod sems can rnams kyi byang chub kyi phyogs kyi chos yongs su smin par bya ba'i phyir/ sems can rnams kyi don du go cha bgos shing / de bzhin gshegs pa dgra bcom pa yang dag par rdzogs pa'i sangs rgyas de dag la yang chos bstan par gsol ba 'debs/ de skad ces bka' stsal pa dang / bcom ldan 'das la byang chub sems dpa' sems dpa' chen po bzang skyong gis 'di skad ces gsol to/ / bcom ldan 'das bdag la sems can de dag gis sman btags pas/ bdag gis de dag kyang sangs rgyas kyi zhing dag tu dgod par bgyi ba 'am/ de dag gis gnod pa bgyis pas/ de dag sangs rgyas kyi zhing dag tu dgod par mi bgyi'o zhes gnod par bgyi ba 'am/ sman gdags pa'i slad du/ sems can rnams kyi don du go cha de bgos pa ma lags te/ bcom ldan 'das byang chub sems dpa' rnams de lta bu'i go cha mi 'tshal ba'i slad du'o// bcom ldan 'das dper bgyi na/ yan lag thams cad las me tog kun tu rgya pa'i shing yongs 'dus brtol gyis sum cu rtsa gsum pa'i lha rnams dga' bar 'gyur ba dang / yan lag thams cad las me tog kun tu rgyas pa'i shing yongs 'dus brtol mthong nas/ de la yang sum cu rtsa gsum pa'i lha rnams mi'i ma lags pa'i 'dod pa'i yon tan lnga po drag gis rtse zhing dga' la dga' dgur spyod par bgyid par gyur na/ bcom ldan 'das 'o na ci sum cu rtsa gsum pa'i lha rnams kyis yan lag thams cad las me tog kun tu rgyas pa'i shing yongs 'du sa brtol la gnod par ba gyi ba 'am/ smar gdags par bgyis lags sam/ gang gi slad du yongs 'du sa brtol mthong nas/ sum cu rtsa gsum pa'i lha rnams dga' bar 'gyur te/ mi'i ma lags pa'i 'dod pa'i yon tan lnga po dag gis rtse zhing dga' la dga' dgur spyod par bgyid cing / yan lag thams cad las me tog kun tu rgyas pa'i shing yongs 'du sa brtol du rig nas/ sum cu rtsa gsum pa'i lha rnams dga' bar 'gyur/ bcom ldan 'das sum cu rtsa gsum pa'i lha rnams kyis shing yongs 'dus brtol la gnod par bgyi ba 'am/ sman gdags pa ci yang ma bgyis lags mod kyi/ 'a'on kyang sum cu rtsa gsum pa'i lha rnams kyis 'dod pa la longs spyad par bgyi ba'i slad du/ yan lag thams cad las me tog kun tu rgyas pa'i shing yongs 'du sa brtol gyi thar du mngon par mchi bar 'os pa lags pa de bzhin du/ bcom ldan 'das bdag la sems can rnams kyis gnod par bgyi ba'am/ sman gdags pa ma bgyis lags mod kyi/ 'on kyang ye shes sangs rgyas kyi ye shes de bsgrubs te/ yan lag thams cad las me tog kun tu rgyas pa'i shing yongs 'dus brtol bzhin du/ ci nas kyang sems can grangs ma mchis/ dpag tu ma mchis pa de dag mngon par mchi ba'i 'os su bgyi ba'i slad du/ sems cad rnams kyi don du de lta bu'i go cha 'tshal lags te/ de la yang sems can rnams dga' ba ma mchis pa'i de bzhin gshe pa'i dbang po lnga po dag gis/ sum cu rtsa gsum pa'i lha dag bzhin du/ rtse zhing dga' la dga' dgur spyod par bgyid lags so// bcom ldan 'das bdag cag gis go cha de yang / sems can las dben par bgyi ba'i slad du bgos lags kyi/ sems can dmigs par bgyi ba'i slad du ma lags/ bdag las dben par bgyi ba'i slad du bgos lags kyi/ bdag dmigs par bgyi ba'i skad du ma lags/ chos las dben par bgyi ba'i slad du bgos lags kyi/ chos dmigs par bgyi ba'i slad du ma lags/ phung po las dben par bgyi ba'i slad du bgos lags kyi/ phung po dmigs par bgyi ba'i slad du ma lags/ khams las dben par bgyi ba'i slad du bgos lags kyi/ khams dmigs par bgyi ba'i slad du ma lags/ skye mched las dben par bgyi ba'i slad du bgos lags kyi/ skye mched dmigs par bgyi ba'i slad du ma lags te/ 'di lta ste/ dben pa'i go cha de lta bu'i go cha de bgos lags so// bcom ldan 'das go cha de ni dben pa'i go cha lags kyi/ de la ni go cha ma mchis/ go cha'i 'bras bu ma mchis te/ gang yang thob par bgyi ba'i slad du ma lags/ dor bar bgyi ba'i slad du ma lags pa de lta bu'i ko cha de bgos lags so/ / bdag 'di ni go cha'o zhes mos par mi bgyid cing / g.yar gyis mi len pa dang / go cha 'di ni 'di lta bu'o zhes g.yar gyis mi len pa dang / tshad de lta bu'o zhes g.yar gyis mi len pa dang / go cha 'di ni 'di'i phyir ro zhes g.yar gyis mi len pa de lta bu'i go cha de bgos lags so// bcom ldan 'das gal te g.yar gyis blangs na ni/ bdag nye bar blangs par 'gyur ba zhig na/ bcom ldan 'das bdag nye bar mi len lags te/ de ni nye bar mi len cing byang chub sems dpa' ni bdag gam bdag ma mchis pa la mi gnas pa'i slad du'o// bcom ldan 'das gang tebadag ma mchis pa la gnas na ni/ bdag kho na la gnas par 'gyur ba zhig na/ bcom ldan 'das chos thams cad mi gnas pa'i slad du'o// bcom ldan 'das 'jig rten du go cha de de ltar rab tu bsgom pa lags te/ bcom ldan 'das ji ltar ci yang ma bsgoms pa de ltar rab tu bsgoms pa lags pa'i slad du'o// gzhan yang bcom ldan 'das la/ byang chub sems dpa' sems dpa' chen po bzang skyong gis 'di skad ces gsol to/ / bcom ldan 'das bdag gis so so'i skye bo'i chos rnams thag ring zhes bgyi bar yang dag par rjes su ma mthong zhing sangs rgyas kyi chos rnams zag nye zhes bgyi bar yang dag par rjes su ma mthong / slob pa'i chos rnams thag ring zhes bgyi bar yang dag par rjes su ma mthong zhing / sangs rgyas kyi chos rnams thag nye zhes bgyi bar yang dag par rjes su ma mthong / sangs rgyas kyi chos de dag ces de ltar yang yang dag par rjes su ma mthong zhing / sangs rgyas kyi chos de dag de bzhin zhes yang dag par rjes su ma mthong lags te/ bcom ldan 'das bdag gis phan yon ci yang yang dag par rjes su ma mthong zhing / nyes dmigs ci yang yang dag par rjes su ma mthong ba de lta bu'i go cha bgos lags te/ 'jig rten du go cha de de ltar rab tu dgos pa lags so// de nas bzang skyong la sogs pa byang chub sems dpa' lnga brgyas/ bcom ldan 'das la pad+ma gang dag gtor ba de dag phyogs bcu'i 'jig rten gyi khams ngag tu dong nas/ sangs rgyas bcom ldan 'das rnams kyi steng du char bab cing / sems can yongs su smin par yang byas so// / / bam po gsum pa// // yang de'i tshe shar phyogs su 'jig rten gyi khams grangs med dpag tu med pa dag 'das pa de'i pha rol gyi yang ches pha rol na/ 'jig rten gyi khams mtshan gyi gzi brjid rgyal po zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro zhes bya ba bzhugs te 'tsho zhing gzhes la chos kyang ston to// bcom ldan 'das des kyang byang chub sems dpa' sems dpa' chen po sems bskyed ma thag tu chos kyi 'khor lo bskor ba zhes bya ba 'di ni nga'i 'og tu dran med pa yang dag/ par rdzogs pa'i byang chub tu mngon par rdzogs par 'tshang rgya bar 'gyur ro zhes/ bla na med pa yang dag par rdzogs pa'i byang chub tu lung bstan to// de nas byang chub sems dpa' sem dpa' chen po sems bskyed ma thag tu chos kyi 'khor lo bskor bas snang ba chen po de mthong zhing gsung bsal ba'i sgra de yang thos te/ thos nas kyang de bzhin gshegs pa mtshan ma med pa'i nga ro la 'di/ skad ces gsol to// bcom ldan 'das 'od gda' ba 'di dang / gsung bsal ba'i sgra grags pa 'di su'i lags// de skad ces gsol pa dang / bcom ldan 'das kyis/ byang chub sems dpa' sems bskyed ma thag tu chos kyi 'khor lo bskor ba la 'di skad ces bka' stsal to/ / sems bskyed ma thag tu chos kyi 'khor lo bskor ba/ sangs rgyas kyi zhing 'di nas nub phyogs legs su 'jig rten gyi khams grangs med dpag tu med pa dag 'das pa de'i pha rol gyi yang ches pha rol na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhel/ byang chub sems dpa'i sde snod sems can thams cad yang dag par tshim par byed pa/ sems can thams cad kyi the tsom gcod pa zhes bya ba'i chos kyi rnam grangs kyi chos kyang ston te/ 'od de dang gsung bsal ba'i sgra grags pa de ni de'i yin no// sangs rgyas kyi zhing de na byang chub sems dpa' sems dpa' chen po bsam gyis mi khyab pa'i go cha bgos/ pa mtha' yas shing dpag tu med pa dag mtshams su lhags so// de nas bcom ldan 'das de la/ byang chub sems dpa' des 'di skad ces gsol to// bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bya ba dang / bsnyen bkur bgyi ba'i slad du/ 'jig rten gyi khams mi mjed der bdag mchi bar bgyi'o// byang chub sems dpa' de dag kyang blta bar bgyi'o/ / de ci'i slad du zhe na/ sems can de lta bu de dag thos par yang shing tu dka' lags na/ blta ba lta smos kyang ci 'tshal zhing / bsnyen bkur bgyi blta smos kyang ci 'tshal ba'i slad du'o/ / de nas de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ros/ byang chub sems dpa' sems dpa' chen po sems bskyed ma thag tu chos kyi 'khor lo bskor ba la 'di skad ces bka' stsal to/ / rigs kyi bu de'i dus la dbab par shes na song zhig/ de bzhin gshegs pas skabs phye bas/ / de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba stan las langs nas/ bcom ldan 'das de'i zhabs la mgo bos phyag 'tshal te/ bskor ba yang byas nas song ste/ bcom ldan 'das kyis sems bskyed ma thag tu chos kyi 'khor lo bskor ba/ khyod kyis pad+ma 'di nga'i tshig gis bcom ldan 'das de bzhin gshegs pa shAkya thub pa de la phul cig ces de'i lag tu pad+ma gcig byin no/ / de nas byang chub sems dpa' sems bskyed ma thag tu chos kyi 'khor lo bskor bas pad+ma de lag pas blangs nas/ 'jig rten gyi khams mi mjed du 'ongs so// pad+ma chen po de las kyang de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro byang chub sems dpa'i spyad pa spyod pa na/ 'khor khyad par du 'phag pa gang dag 'byung bar gyur pa de dag thams cad kun tu snang ste/ sems can de dag gis longs spyad par bya ba'i phyir/ pad+ma chen po de lta bu dag gis kyang 'jig rten gyi khams de khyab bo// de nas byang chub sems dpa' sems dpa' chen po sems bskyed ma/ thag tu chos kyi 'khor lo bskor ba pad+ma de thogs nas/ 'jig rten gyi khams mi mjed du son to// 'jig rten gyi khams mi mjed 'dir de phyin nas/ de nas de ma thag tu de nyid kyi tshe/ 'jig rten gyi khams mi mjed 'di na shing ljon pa'i rnam pa 'am/ 'bras bu'i rnam pa 'am// me tog gi rnam pa'am/ lo ma'i rnam pa ji snyed yod pa dang / tha na sor bzhi tsam pa de thams cad byang chub sems dpa' sems bskyed ma thag tu chos kyi 'khor lo bskor ba'i lag pa las kun tu snang ngo / / 'jig rten gyi khams mi mjed 'di na sems can ji snyed yod pa de dag gis rang rang gi skad ngag mngon par brjod de/ de dag mngon par brjod pa na mi rtag pa dang / sdug bsngal ba dang / bdag med pa'i sgra grag cing / dbang po dang / stobs dang / byang chub kyi yan lag dang bsam gtan dang / rnam par thar pa dang / ting nge 'dzin dang / snyoms par 'jug pa'i sgra dag kyang grag go/ de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / a la la de bzhin gshegs pa dgra bcom pa yang dag par rdzogs pa'i sangs rgyas kyis rdzu 'phrul mngon par 'du mdzad pa chen po 'di kun tu gda' lags so// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// sha ra dwa ti'i bu rdzu 'phrul mngon par 'du byed pa 'di ni/ de bzhin gshegs pa'i ma yin te/ shA ra dwa ti'i bu rdzu 'phrul mngon par 'du byed pa 'di ni/ byang chub sems dpa' sems dpa' chen po sems bskyed ma thag tu chos kyi 'khor lo bskor ba'i yin no// sharadwa ti'i bu sangs rgyas kyi zhing 'di nas shar phyogs kyi phyogs char 'jig rten gyi khams grangs med dpag tu med pa dag 'das pa na/ 'jig rten gyi khams mtshan nyid kyi gzi brjid rgyal po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mtshan ma med pa'i nga ro zhes bya ba bzhugs te 'tsho zhing gzhes pa'i 'jig rten gyi khams de nas/ byang chub sems dpa' sems dpa' chen po sems bskyed ma thag tu chos kyi 'khor lo bskor ba zhes bya ba 'jig rten gyi khams mi mjed 'dir 'ongs te/ byang chub sems dpa' re sngon gyi las kyi rnam par smin pas 'di snang ngo / / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' sems bskyed ma thag tu chos kyi 'khor lo bskor bas/ dge ba'i rtsa ba ji snyed cig bsags shing / dge ba'i rtsa ba gang dag bsags pas/ byang chub sems dpa' sems bskyed ma thag tu chos kyi 'khor lo bskor ba'i rnam par smin pa yongs su sbyang ba de lta bu de dag kun tu gda' lags/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu khyod kyis de bzhin gshegs pa la don 'di 'dri bar sems pa ni legs so legs so// shA ra dwa ti'i bu de bzhin gshegs pa'i mthu kho nas khyod kyi spobs pa de yang skyes pa yin te/ shA ra dwa ti'i bu de'i phyir nyon cig dang / ngas khyod la bshad do// byang chub sems dpa' sems dpa' chen po sems bskyed ma thag tu chos kyi 'khor lo bskor bas sangs rgyas bcom ldan 'das byang chub mngon par rdzogs par sangs rgyas te/ byang chub kyi snying po dam pa na bzhugs pa ji snyed byung ba la/ sngon thog mar chos bskul ba byas shing gsol ba byas te/ 'dis sngon bla na med pa yang dag par rdzogs pa'i byang chub tu tshogs kyi dge ba'i rtsa ba dag bskyed de/ de dag gi thad du song nas kha cig la ni tshangs par gyur pas bskul ba byas shing gsol ba btab bo/ / de dag gi thad du song nas kha cig la ni brgya byin du gyur pa dang / kha cig la ni 'khor los sgyur bar gyur pa dang / kha cig la ni rgyal po drang srong du gyur pas bskul ba byas shing gsol ba btab bo/ / shA ra dwa ti'i bu 'di lta ste/ dper nang thog mar mngon par rdzogs par sangs rgyas nas/ tshangs pa chen pos sems can las kyi sgrib pa chung ngu dang ldan pa dag mchis te/ chos ma thos pa dag las nyams shing / bcom ldan 'das kyi bka' bzhin du bgyid par yang 'gyur na/ bcom ldan 'das chos bstan du gsol/ bde bar gshegs ba chos bstan du gsol zhes chos kyi 'khor lo rab tu bskor ba'i phyir bskul cing gsol ba btab pa de bzhin du/ sha ra dwa ti'i bu byang chub sems dpa' sems dpa' chen po sems bskyed ma thag tu chos kyi 'khor lo bskor bas/ sangs rgyas bcom ldan 'das ji snyed byung ba la/ bcom ldan 'das chos bstan du gsol/ bcom ldan 'das chos kyi 'khor lo bskor du gsol zhes bskul cing gsol ba btab bo/ / 'dis dge ba'i rtsa ba gang dag bsags pa de dag chos kyi 'khor lo bskor bar gsol ba btab pa ma gtog par gang du yang yongs su ma bsngos te/ shA ra dwa ti'i bu de'i phyir don de rab tu grub par bya ba'i phyir khyod la dpe bya ste/ shA ra dwa ti'i bu stong gsum gyi stong chen po'i 'jig rten gyi khams de ni/ gang na zla ba ther 'bum dang / nyi ma ther 'bum rgyu zhing gling chen po bzhi pa'i 'khor rgya mtsho chen po ther 'bum phrag bzhi dang / gling bzhi pa ther 'bum phrag bzhi dang / gling khrag khrig phrag bdun cu dang / 'khor ri'i rgyal po ri rang ther 'bum dang / nang gi 'khor yug ther 'bum yod pa ste/ shA ra dwa ti'i bu stong gsum gyi stong chen po'i 'jig rten gyi khams de ni yongs su brtag pa bzung na/ 'di lta ste/ dper na rgya mtsho chen po dpag tshad brgyad khri bzhi stong dang ldan pa bzhin du/ 'phang du'ang de tsam du gyur la/ shA ra dwa ti'i bu de nas stong gsum gyi stong chen po'i 'jig rten gyi khams de yungs 'brus gang bar gyur te/ de la stobs dang ldan zhing / mthu dang brtson 'grus thob pa'i mi la la zhig byung la/ des yungs 'bru'i phung po chen po de las spar gang blangs nas phyogs bzhir gtor te/ de yang rlung gis mngon par dred la/ gang yungs 'bru re re nas blangs te/ 'jig rten kyigyi khams re rer 'phangs na/ sha ra dwa ti'i bu 'di ji snyam du sems/ yungs kar gyi 'bru re res gzung ba'i 'jig rten gyi khams de dag ji snyed du 'gyur/ de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das dpag tu ma mchis lags so// bde bar gshegs pa dpag tu ma mchis lags so/ / bka' stsal pa/ shA ra dwa ti'i bu khyod mos par bya/ khong du chud par bya ste/ shA ra dwa ti'i bu yungs 'brus yongs su zin pa'i 'jig rten gyi khams ji snyed yod pa de dag thams cad grong khyer chen po gcig tu gyur la/ grong khyer chen po de'i chu zheng du ji tsam du gyur par 'phang du yang de tsam du gyur te/ de'i ra ba sra zhing brtan te mi phyed la mi shigs pa dag kyang de tsam du gyur la/ shA ra dwa ti'i bu grong khyer chen po de yang 'di lta ste/ dper na 'bru'i snod byur bur gyur pa bzhin du bye mas gang bar gyur na/ shA ra dwa ti'i bu 'di ji snyam du sems/ bye ma'i phung po de dag ji tsam du 'gyur/ gsol pa/ bcom ldan 'das dpag tu ma mchis lags so// bde bar gshegs pa grangs ma mchis lags so// bcom ldan 'das kyis bka' stsal pa/ shA ra dwa ti'i bu khyod mos par bya/ khong du chud par bya ste/ rtsis mkhan nam rtsis mkhan chen po dag gis bye ma'i phung po dag gi chad bzung bar ni nus kyang srid kyi/ byang chub sems dpa' sems dpa' chen po sems bskyed ma thag tu chos kyi 'khor lo bskor bas thog ma mngon par rdzogs par sangs rgyas te/ byang chub kyi snying po dam pa na bzhugs pa gang dag mnyes par byas nas/ bcom ldan 'das kyis chos kyi 'khor lo bskor du gsol zhes bskul cing gsol ba btab pa'i de bzhin gshegs pa de dag gi tshad gzung bar ni mi nus so/ / de bas ches mang ba'i sangs rgyas bcom ldan 'das rnams la rin po che sna bdun las byas pa'i 'khor lo chos kyi 'khor lo dag byas te phul ba dang / de bas ches mang ba'i sangs rgyas bcom ldan 'das rnams la me tog gi 'khor lo dag dang / spos kyi 'khor lo dag phul ba yang re zhig bla na med pa yang dag par rdzogs pa'i byang chub tu yongs su ma bsngos na/ sangs rgyas bcom ldan 'das dag la gser dngul dang shing las byas pa rnam pa sna tshogs kyis shin tu brgyan pa'i 'khor lo tha chad gzhan dag phul ba lta ci smos te/ 'di lta ste/ sangs rgyas bcom ldan 'das dag la de dag dbul ba na chos kyi 'khor lo bskor bar bya ba'i phyir dang / yang dang yang du gsol ba gdab pa'i phyir yongs su bsngos so// de'i 'og tu de bzhin gshegs pa dgra bcom pa yang dag par rdzogs pa'i sangs rgyas rab kyi rtsal gyis rnam par gnon pa'i khyu mchog rgyal po zhes bya ba 'jig rten du byung ngo / / de'i tshe rgyal po rnam par bsgrags pa'i stobs kyis 'bar ba zhes bya ba zhig byung ste/ stong gsum gyi stong chen po'i 'jig rten gyi khams na/ me'i skye dgu'i 'khor los sgyur ba'i dbang phyug la dbang byed do// de gang gi tshe btsun mo'i 'khor tam/ skyed mos tshal na 'dug par gyur kyang rung ste/ 'dod pa'i yon tan dag gis dga' bar 'dod dam/ rtse bar 'dod dam/ dga' dgur spod par 'dod na/ de la btsun mo'i 'khor de glu gar rol mo 'dod pa dang ldan pa dag byed cing / de'i tshe des mi rtag pa dang / sdug bsngal ba dang / bdag med pa'i sgra thos so// de'i tshe de 'dod pa'i yon tan dag las yid byung bar gyur te/ ma chags pa'i yid dang / skrag pa'i yid dang / skyo ba'i yid dang ldan pas/ bzhin gshegs pa rab kyi rtsal gyis rnam par gnon pa ga la ba der song ste phyin nas/ bcom ldan 'das de'i zhabs la mgo bos phyag 'tshal te phyogs gcig tu 'dug pa dang / 'ongs pa de la bcom ldan 'das des sngon gyi dge ba'i rtsa ba gleng ba mdzad de/ des de thos nas 'di snyam du sems te/ de bzhin gshegs pa de ni 'di ltar sgrib pa mi mnga' ba'i ye shes gzigs pa dang ldan te/ bcom ldan 'das des ni dus de srid 'das kyang / dge ba'i rtsa ba dag thugs su chud kyi/ bdag gis ni de las dge ba'i rtsa ba gcig kyang mi shes so snyam mo// 'di lta ste/ sangs rgyas bcom ldan 'das de snyed la 'dod pa'i yon tan gyi sngags pas sbags pa/ rgyal srid kyi spags pas sbags pa/ dbang phyug gis spags pa dag gis dge ba'i rtsa ba dag byas shing / byas nas kyang mngon par mi shes la// byang chub tu yang yongs su ma bsngos su zin kyang / gang da ltar bdag dge ba'i rtsa ba gang nges par mngon par 'du byed pa de/ sems can thams cad kyi don du yongs su bsngo bar gyur cig/ gang dang gang du so sor skye ba dang / gang dang gang du skye ba dang / sangs rgyas kyi zhing gang dang gang du 'gro bar gyur pa thams cad du/ sems can de dag la rang rang gi sgra mngon par rjod pas sgra 'byin par gyur cig/ de thams cad kyang sems can thams cad kyis mi rtag pa dang / sdug bsngal ba dang / bdag med pa'i sgra thos par gyur cig/ 'jig rten gyi khams de dag na rtswa dang nags tshal gang dag yod pa dang / tha na sor bzhi rtsam pa dag kyang rung ste/ thams cad las mi rtag pa dang / sdug bsngal dang / bdag med pa'i sgra 'byung bar gyur cig/ sgra de yang sems can thams cad kyis thos par gyur cig/ tshogs kyi dge ba'i rtsa ba de thams cad kyang 'di lta ste/ de bzhin gshegs pa rab kyi rtsal gyis rnam par gnon pa'i khyu mchog gi ye shes ci 'dra ba de lta bu'i theg pa chen po thob par bya ba'i phyir/ sems can thams cad dang thun mong du bya'o zhes/ rgyal po rnam par bsgrags pa'i stobs kyis 'bar bar de ltar rig nas stan las langs te/ bcom ldan 'das de'i spyan sngar 'dug nas 'di skad ces gsol to// bcom ldan 'das gang du bdag dbang phyugs la dbang bgyid pa'i rnam par rgyal ba na bdag gi bdog pa gang ci yang rung / de thams cad sangs rgyas la sogs pa 'phags pa'i dge 'dun gyis longs spyad pa'i slad du phul lags so// phul nas kyang 'khor los sgyur ba'i rgyal po rnam par bsgrags pa'i stobs kyi 'bar ba khyim nas khyim med par rab tu byung ste/ de rab tu byung bar rig nas/ rgyal po de'i dpung gi tshogs yan lag bzhi pa yang rjes su rab tu byung ngo // rab tu byung bar rig nas rgyal po'i btsun mo'i 'khor las khrag khrig phrag bzhi bcu rab tu byung ngo / / de dag rangab byung bar rig nas/ grong mi dang yul mi dag kyang rjes su rab tu byung ngo // shA ra dwa ti'i bu mdor na khrag khrig phrag brgyad cu rjes su rab tu byung ste/ de dag de ltar rab tu byung ma thag tu brtson 'grus brtsams pas gnas so// dge ba'i chos yongs su tshol ba la mngon par brtson pas/ de dag ring po ma thogs pa nyid du mngon par shes pa lnga skyes so/ / de dag rang gi mngon par shes pa dang / rdzu 'phrul gyi stobs dang / lus de nyid dang / skye ba de nyid kyis shar phyogs su sangs rgyas kyi zhing gang+gA'i klung gi bye ma snyed dag tu/ sangs rgyas bcom ldan 'das gang+gA'i klung gi bye ma snyed dag la bcom ldan 'das chos bstan du gsol/ bde bar gshesas pa chos bstan du gsol zhes chos kyi 'khor lo bskor bar bskul cing gsol ba btab po/ / de bzhin du lho phyogs dang / nub phyogs dang / byang phyogs dang / steng gi phyogs dang / de bzhin du 'og gi phyogs dang / de bzhin du phyogs mtshams rnams su sangs rgyas kyi zhing gang+gA'i klung gi bye ma snyed dag tu/ sangs rgyas bcom ldan 'das gang+gA'i klung gi bye ma snyed dgal bcom ldan 'das chos bstan du gsol/ bde bar gshegs pa chos bstan du gsol zhes chos @kyi 'khor lo bskor bar bskul cing gsol ba btaba'o/ / de byin chad byang chub sems dpa' sems dpa' chen po rnam par blags pa'i stobs kyis 'bar bde/ sangs kyi zhing yongs su ma dag par nam yang ma skyes shing / mngal du skye ba nam yang yongs su ma bzung ngo // sangs rgyas kyi zhing gang dang gang du song ba'i sangs rgyas kyi zhing de na/ yal ga 'am 'dab ma'am/ lo ma 'am/ shing ljon pa'am/ nags tshal gang dag yod pa de dag thams cad las mi rtag pa dang / sdug bsngal ba dang / bdag med pa'i sgra dag grag go// 'jig rten gyi khams de dag na sems cad gang dag 'khod pa de dag kyang / de'i tshe rang rang gi sgra rab tu brjod de/ phan tshun sgra thos shing mi rtag pa dang / sdug bsngal ba dang / bdag med pa'i sgra thos so// shA ra dwa ti'i bu de'i tshe de'i dus na de bzhin gshegs pa rab kyi rtsal gyis rnam par gnon pa'i khyu mchog rgyal po de las/ sngon gyi tshogs kyi dge ba'i rtsa ba thos nas/ khyim nas khyim med par rab tu byung ste/ dge ba'i rtsa ba de yang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su bsngos shing lus thob pa des kyang mngon par shes pa rnams so sor thob la/ ting nge 'dzin gyi stobs bskyed pas kyang / shar phyogs su 'jig rten gyi khams gang+gA'i klung gi bye ma snyed dag tu song nas/ sangs rgyas bcom ldan 'das byang chub kyi snying po dam pa na bzhugs pa gang+gA'i klung gi bye ma snyed dag la chos kyi 'khor lo bskor bar bskul cing gsol ba btab la/ de bzhin du phyogs bcu thams cad du song nas rgyas par byas pa'i 'khor los sgyur ba'i rgyal po rnam par bsgrags pa'i stobs kyis 'bar ba zhes bya ba de gzhan zhig yin snyam du sems na/ shA ra dwa ti'i bu khyod kyis de ltar blta bar mi bya ste/ shA ra dwa ti'i bu de ni byang chub sems dpa' sems bskyed ma thag tu chos kyi 'khor lo bskor ba 'di yin no/ / de nas byang chub sems dpa' sems dpa' chen po sems bskyed ma thag tu chos kyi 'khor lo bskor ba rgyal po'i khab kyi grong khyer chen po ga la ba dang / 'od ma'i tshal bya ka lan ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ / phyogs gcig tu 'dug nas kyang / bcom ldan 'das la/ byang chub sems dpa' sems dpa' chen po sems bskyed ma thag tu chos kyi 'khor lo bskor bas 'di skad ces gsol to/ / bcom ldan 'das de bzhin gshegs pa mtshan ma med pa'i nga ro// bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes spyan gsol zhing / bcom ldan 'das des pad+ma chen po 'di yang bskur ba lags na/ bcom ldan 'das bzhes su gsol/ bcom ldan 'das kyis/ byang chub sems dpa' sems dpa' chen po sems bskyed ma thag tu chos kyi 'khor lo bskor ba las pad+ma chen po de bzhes te/ bzhes nas kyang bcom ldan 'das kyis/ byang chub sems dpa' sems dpa' chen po sems bskyed ma thag tu chos kyi 'khor lo bskor ba la 'di skad ces bka' stsal te/ rigs kyi bu ci sangs rgyas kyi zhing de na bcom ldan 'das de bzhin gshegs pa mtshan ma med pa'i nga ro nyid stobs dang ldan nam/ snyun mi mnga' 'am/ 'gyur ba mi mnga' ma/ bde bar reg pa la gnas/ sam/ bcom ldan 'das de bzhin gshegs pa mtshan ma med pa'i nga ro de stobs dang ldan zhing / snyun mi mnga' la/ 'gyu ba mi mnga' ste// bde bar reg pa la gnas lags so// de ci'i slad du zhe na/ bcom ldan 'das sangs rgyas kyi zhing der ni 'di lta ste/ gsum yongs su dag pa dang ldan pa'i sems can yongs su dag pa dag 'dus lags te/ gsum po gang zhe na/ bden par yongs su bsngo ba'i phyir dge ba'i rtsa ba yongs su dag pa dang / smon lam gyis tshul khrims tshad ma mchis pa yongs su dag pa dang / chos thams cad mi dmigs pa'i lhag mthong gis yongs su bsngo ba'i phyir lta ba tshad ma mchis pa yongs su dag pa'o/ / bcom ldan 'das sangs rgyas kyi zhing de na tshul khrims nyams pa 'am/ lta ba nyams pa 'am/ cho ga nyams pa'i sems can gang yang ma mchis lags so/ / bcom ldan 'das sangs rgyas kyi zhing de na nyams pa gsum po dag gi ming yang mi gda' lags so// bcom ldan 'das 'jig rten gyi khams de las brtsams na/ mi mjed kyi 'jig rten gyi khams 'di ni dgum pa'i rib ma dang 'dra ste/ gcig la gcig 'gums par bgyid pa lags kyis/ bcom ldan 'das tshur gshegs/ 'jig rten gyi khams der gshegs so/ / de skad ces gsol pa dang / bcom ldan 'das kyis/ byang chub sems dpa' sems bskyed ma thag tu chos kyi 'khor lo bskor ba la 'di skad ces bka' stsal to/ / rigs kyi bu 'jig rten gyi khams der ci zhig bya ste/ 'jig rten gyi khams mi mjed 'di nyid du sems can rnams la chos ston pas chog go/ bcom ldan 'das la/ byang chub sems dpa' sems bskyed ma thag tu chos kyi 'khor lo bskor bas lan gnyis su yang 'di skad ces gsol to/ / bcom ldan 'das tshur gshegs/ 'jig rten gyi khams der gshegs so// 'jig rten gyi khams der gal te bcom ldan 'das mi gshegs na ni/ bdag gis rang gi rdzu 'phrul gyi stobs dang / sems kyi smon lam gyi mthus 'jig rten gyi khams 'di sug par bzhag ste/ nam mkha' las 'jig rten gyi khams der gzhag par bgyi'o// bcom ldan 'das kyis byang chub sems dpa' sems bskyed ma thag tu chos kyi 'khor lo bskor ba'i mthu yang dag par bstan pa'i phyir dang / sems can rnams kyi dge ba'i rtsa ba yang dag par bskyed pa'i phyir dang / yid dang bar bya ba'i phyir btang snyoms su mdzad do// nas byang chub sems dpa' sems bskyed ma thag tu chos kyi 'khor lo bskor bas/ stong gsum gyi stong chen po'i 'jig rten gyi khams 'di/ 'di lta ste/ dper na rdza mkhan nam/ rdza mkhan/ gyi slob ma mkhas pa zhig gis/ rdza mkhan gyi 'phang lo la dbyug gus btsugs pa 'khor bar byed cing / mig kyang sbrid par byed pa de bzhin du/ de'i tshe stong gsum gyi stong chen po'i 'jig rten gyi khams de yongs su bsgyur nas mngon par bteg go/ de nas 'jig rten gyi khams mngon par bteg cing kun tu 'khrugs pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das 'jig rten gyi khams 'di khrid lags so// bde bar gshegs pa 'jig rten gyi khams 'di khrid lags so// de nas bcom ldan 'das kyis rnar snyan pa dang / snyan zhing 'jebs pa dang / dga' bar byed pa dang / mnyan par 'os pa dang / yid du 'ong ba dang / pho brang 'khor gyi skad dang / skye bo mang po dga' dang / zab pa dang / ma tshang ba med pa dang / shin tu rnam par rig par byed pa ye shes kyi rjes su 'jug pa'i tshig gis/ tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di la nga la dbang med do zhes/ de skad ces bka' stsal nas/ bcom ldan 'das kyis stong gsum gyi stong chen po'i 'jig rten gyi khams 'di go bar mdzad do// de ltar de'i tshe sems can gang dag 'jig tshogs la lta ba la kun tu chags pa dang / 'jig tshogs la lta bar gnas pa dang / 'jig tshogs la rten pa de dag thams cad de'i tshe skyo bar gyur cing/ skyo ba thob bo// de ltar 'khor bzhi po dag gis ni de bzhin gshegs pa dgra bcom pa yang dag par rdzogs pa'i sangs rgyas byang chub sems dpas yongs su skor cing chos ston pa/ 'khor los sgyusbyar ba'i rgyal po bzhin du chos kyi gdan la bzhugs shing chos ston pa/ mi mjed kyi bdag po tshangs pa bzhin du tshangs pas yongs su bskor te/ tshangs pa'i gdan la bzhugs shing chos ston pa mthong ngo / / de nas de'i tshe byang chub sems dpa' sems dpa' chen po sems bskyed ma thag tu chos kyi 'khor lo bskor bas/ sangs rgyas kyi zhing gzhan yang dag par bstan pa byas so/ / de nas bcom ldan 'das kyis ji lta bu'i rdzu 'phrul mngon par 'du bya ba mngon par 'du mdzad pas/ rlung gi dkyil 'khor chen po mngon par sprul par mdzad pa de lta bu'i rdzu 'phrul mngon par 'du bya ba mngon par 'du mdzad do/ / ci nas sangs rgyas kyi zhing de dag phan tshun thug par mdzad do// 'jig rten gyi khams de dag kyang khong stong du gyur cing bu gabyung bar gyur te/ so sor zhig cing rab tu rnam par zhig go/ / de ltar de'i tshe de bzhin gshegs pa'i tshe 'phrul chen po de lta bu de yang dag pa bstan pa na/ 'jig rten gyi khams 'di na gang dag lta ba'i 'du shes nanA/ rtag pa dang ther zug gi 'du shes can/ tshangs pa'am tshangs pa chen po dag ni/ rang rang gi tshangs pa'i gan zhig cing rab tu rnam par zhig la/ 'di lta dper na chu'i phung po chen pos dbu ba rdos pa chen po bskyod na mngon par 'jig pa dang / rlung gi phung po chen pos gtor na rdul du 'gyur zhing rab tu 'jig pa de bzhin du/ tshangs pa de dag rang rang gi gnas su dong nas/ rdul du 'gyur zhing 'jig pa dag mthong ngo // mthong nas kyang shas cher skyo bar gyur te/ de dag skyo bar gyur nas/ bcom ldan 'das nyag gcig la phyag 'tshal zhing 'khod do/ / de nas bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu ngas sngon yang bstan pa yin la/ da yang bstan par bya ste/ shA ra dwa ti'i bu kye ma 'jig rten gnas pa 'di ni yongs su sngags pas yongs su spags pa'o// shA ra dwa ti'i bu kye ma 'jig rten gnas pa 'din snying po med pa nyid kyi phyir dang / sgyu ma lta bu'i phyir dbu ba rdos pa lta bur gzung du med pa'o// shA ra dwa ti'i bu kye ma 'jig rten gnas pa 'di ni phyin ci log tu kun brtags pa'i phyir sgyu ma lta bu'o// shA ra dwa ti'i bu kye ma 'jig rten gnas pa 'di ni nam mkha' la kun tu rgyug pa'i kun tu rtog pas yongs su gcad pa'i phyir smig rgyu lta bu'o/ / shA ra dwa ti'i bu kye ma 'jig rten gnas pa 'di ni dngos por gzung du med pa'i phyir mig yor lta bu'o/ / shA ra dwa ti'i bu kye ma 'jig rten gnas pa 'di ni nam mkha'i kun rtog pa'i las kyis kun nas bslang ba'i phyir brag cha lta bu'o// shA ra dwa ti'i bu 'jig rten gnas pa 'di ji lta ba bzhin du/ shA ra da ti'i bu 'jig rten gnas pa 'di ni phyin ci log tu de bzhin gshegs pa mngon par rdzogs par sangs rgyas so// shA ra dwa ti'i bu kye ma 'jig rten gnas pa 'di ni gsog yin te/ kye ma 'jig rten gnas pa 'di ni chags pa med par de bzhin gshegs pas mngon par rdzogs par sangs rgyas so// shA ra dwa ti'i bu 'jig rten 'di/ ni ro myang ba med pa dang / nyes dmigs dang / nges par 'byung ba med pa'i bar du yang dag pa ji lta ba bzhin du ngas mngon par mngon mkhyen te/ de ltar ngas bla na med pa yang dag par rdzogs par byang chub mngon par rdzogs par sangs rgyas par bdag nyid mngon par mkhyen to/ / shA ra dwa ti'i bu ngas 'jig rten 'di ji lta ba bzhin du mngon par mkhyen pa de bzhin du 'jig rten kun 'byung ba dang / 'jig rten 'gog par 'gyur ba'i lam yang mngon par mkhyen te/ shA ra dwa ti'i bu de ltar ngas bla na med pa yang dag par rdzogs pa'i byang chub mngon par rdzogs par sangs rgyas par bdag nyid mngon par mkhyen to/ / shA ra dwa ti'i bu de la 'jig rten gang zhe na/ shA ra dwa ti'i bu 'jig rten zhes bya ba ni phung po lnga dag go lnga gang zhe na/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po'o// shA ra dwa ti'i bu de la gzugs kyi phung po gang zhe na/ shA ra dwa ti'i bu gzugs kyi phung po ni de bzhin gshegs pas 'das pa dang / ma 'ongs pa dang / da ltar byung ba spangs pa ste/ de la ngas 'das pa dang / ma 'ongs pa dang / da ltar byung ba'i gzugs kyi phung po gang spangs pa de ni/ sems can rnams gang 'das pa dang / gang ma 'ongs pa dang / gang da ltar byung ba de thams cad ni gzugs kyi phung po ma yin no zhes/ de skad ces smra bar gyur na mi rung ste/ sha ra dwa ti'i bu de la de bzhin gshegs pa ni nang ngam/ phyi rol lam/ chen po 'am/ chung ngu 'am/ bzang po 'am/ ngan pa 'am gang dag rgyang ring ba 'am/ gang dag thag nye ba dus gsum du bsdus pa de dag thams cad ni gzugs kyi phung po ste/ mtshan nyid med do zhes bstan to// dper na nam mkha'i phung po ni rlung gi rnam pa dang / chu'i rnam pa dang / me'i rnam pa dang / sa'i rnam pa gang yin pa de bzhin du/ gzugs kyi phung po dang / tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po brjod par bya'o// sha ra dwa ti'i bu ci'i phyir 'di skad ces gzugs kyi phung po zhes bya zhe na/ shA ra dwa ti'i bu byis pa so so'i skye bo rnams ni mun par gyur pa ste/ de dag lus la gzugs kyi mtshan nyid ji lta ba bzhin dang / ji snyed pa rab tu mi shes pas/ bdag gzugs yin no// gzugs bdag gi yin no zhes rnam par rtog par byed la/ bdag go zhes kyang kun tu shes shing gnas par byed de/ de dag de ltar kun tu shes shing gnas par byed la/ rlom sems su byed pas/ dngos po de la yongs su sred pa skyed par byed de/ shA ra dwa ti'i bu dngos po'i tshul shes pa de ni 'di lta ma yin no// de dag ni de ltar mig dang gzugs dngos po med do zhes shes pa mi skyed de/ de ltar med pa'i chos rnams yongs su bzung nas/ byis pa rnams rtog pa skyed par byed do// rtog pa skyes pa'i byis pa de dag ni dngos po de la 'jug par 'gyur zhing / de dag gi nyes pa'i khams dag kyang skye bar 'gyur ro// de ltar dngos po med pa spyod yul ba/ kha dog dang bral ba spyod yul ba/ kha dog med pa spod yul ba de dag ni shas cher rmongs par 'gyur ro// mongs pa dag ni zhing blas byed par 'gyur zhing mtshon cha sna tshogs kyis 'debs par lhur len par yang 'gyur ro/ / de dag gi mngon par 'du byed pa de ni rmongs pa yin no// de la de bzhin gshegs pas ni dngos po mnyam de nyid kyis lta ba mnyam pa nyid rjes su sangs rgyas shing / de rjes su sangs rgyas pas yang dag pa'i lta ba 'dogs par mdzad de/ lta ba de ni mnyam pa nyid yin pas des na yang dag pa'i lta zhes bya'o/ / yang dag par brtson pa rnams dang / yang dag par rnam par grol ba rnams kyi lta ba de ni yang dag par zhugs pa yin pas/ des na yang dag pa'i lta ba zhes bya'o/ / shA ra dwa ti'i bu ngas yang dag pa'i lta ba gang bshad pa de ni sgras bstan par mi nus te/ bstan par bzod par dka' ba yin no// shA ra dwa ti'i bu de la sgrubs shig dang bsgrubs na khyed cag kyang mun pa med par 'gyur ro/ / shA ra dwa ti'i bu chos kyi phung po 'di ni 'khor chos kyi phung po brgyad khri bzhi stong dang ldan pa zhes bya'o// 'di ni 'dus byas dang 'dus ma byas kyi chos thams cad kyi sgo yin te/ chos kyi tshul yang de bzhin no// de bzhin gshegs pa dgra bcom pa yang dag par rdzogs pa'i sangs rgyas kyis chos kyi phung po bstan pa 'di bshad pa nanakhrag khrig phrag bdun cu rtsa bdun ni chos rnams la chos kyi mig rdul med cing dri ma dang bral ba rnam par dag go/ / 'dod pa na spyod pa'i lha khrag khrig kyang chos rnams la chos kyi mig rdul med cing dri ma dang bral ba rnam par dag go/ / mi'i skye dgu'i sems can dpag tu med pa dag kyang chos rnams la chos kyi mig rdul med cing dri ma dang bral ba rnam par dag go// 'dzam bu'i gling pa bye ba brgya phrag ji snyed yod pa dang / de dag gi nang na byang chub sems dpa' gang dag gnas pa de dag ni mi skye ba'i chos la bzod pa thob par gyur to// sems can dpag tu med pa dag gis ni bla na med pa yang dag par rdzogs pa'i byang chub tu sems bskyed do/ / de nas bcom ldan 'das kyis rdzu 'phrul mngon par 'du mdzad pa de phyir bsdu ba mjed do// de nas 'khor bzhi po dang / tshangs pa'i 'khor de dang / 'dod pa na spod pa'i lha'i 'khor dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis kyang 'jig rten gyi khams ji ltar gnas pa bzhin du mthong ngo // de nas de'i tshe tshe dang ldan pa mo'u 'gal gyi bu chen po stan las langs te/ chos gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbar ba btung nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po sems bskyed ma thag tu chos kyi 'khor lo bskor bo/ ji tsam du shin tu rdzu 'phrul chen po dang ldan pa ni ngo mtshar lags so/ / bcom ldan 'das 'jig rten gyi khams 'di dang / bcom ldan 'das kyang mngon par bteg nas/ 'jig rten gzhan du bzhug lags kyang / de'i chu bdag gis mtshan ma yang ma 'tshal cing / rdzu 'phrul gyi ming yang mi dran lags na// rdzu 'phrul mngon par 'gyul pak+ta spos kyang ci 'tshal/ bcom ldan 'das bdag ni 'di snyam du sems lags te/ a la la byang chub sems dpe' de rdzu 'phrul chen po dang ldan pa ni ngo mtshar ro snyam lags so/ bcom ldan 'das bdag gis dus 'gyur ba yang glo bar ma chud cing / bdag cag yun ji srid nas drangs pa'am/ yun ji skrod nas khrid pa yang kade cig gcig dang / zang cig gcig tsa sang glo bar ma chud ma/ ud tsamag cig kyang rjes su mi dzin lags kyang / bdag ni 'di snyam du sems lags te/ re zhig byang chub sems dpa'i rdzu 'phrul de yang de lta bu lags na bzhin gshegs pa'i rgyu rnaMs kung ci 'tshal snyam lhags so/ / de da ces gsol bdud/ bcom ldan 'das kyis/ tshe dang ldan pa mi rigs kyi bus bka' rgyal nu gas kyis khyod 'jig na gyimams drangs shing ku tu rnangs pa'am/ de byin gshegs pa zhi cing sa tu yid de sgyum du sems na/ mon 'gas kyis myod pos lta pa / mthong gas kyi bu bzhin gshegs pa'i chos gis kyi ga sems brtul ba'i dag par gyu sa/ gzhan sang dge slong sa/ zas pa'am/ can thos sas/ rang sa nga sa lha nas lto 'phye chen po'i bar du de yang ngas yang dag par rjes su ma mthong na/ de bzhin gshegs pa mngon par bdegs par nus par 'gyur ba lta ci smos te/ de ni gnas med do// mo'u 'gal gyi bu re zhig lha dang bcas pa'i 'jig rten lta zhog gi/ mo'u 'gal gyi bu yongs su brtag pa bzung ste/ stong gsum gyi stong chen po'i 'jig rten gyi khams na sems can gzugs can nam gzugs can ma yin pa'am/ 'du shes can nam/ 'du shes can ma yin pa 'am/ 'du shes can yang ma yin/ 'du shes can ma yin pa yang ma yin pa ji snyed yod pa/ sems can du gdags pas gdags pa ji snyed yod pa de dag thams cad mi'i lus thob par gyur te/ mi'i lus thob nas rab tu byung bar gyur la// rab tu byung ba de dag thams cad kyis dgra bcom pa nyid rjes su thob par gyur cing / mngon par shes pa drug mngon du byas par gyur la// mo'u 'gal gyi bu dper na da ltar khyod bzhin du rdzu 'phrul gyi stobs de lta bu dang yang ldan par gyur na/ mo'u 'gal gyi bu 'di ji snyam du sems/ rdzu 'phrul dang ldan pa 'dus pa de mang ba yin nam/ gsol pa/ bcom ldan 'das de lta lags so// mo'u 'gal gyi bu nyan thos de dag gis stong gi 'jig rten gyi khams lag pa gcig gis blangs shing / stong gnyis pa dang / stong gsum gyi 'jig rten gyi khams kyang lag pa gcig gis blangs nas/ 'jig rten gyi khams gang+gA'i klung gi bye ma snyed du 'chag par gyur kyang / rdzu 'phrul dam pa thob pa de lta bu de dag gis kyang / de bzhin gshegs pa'i chos gos nas mkha' la 'dug pa'i rma sa mas kyi su dang da dus pa sanan/ / / smon 'phrus myi rmugs ci 'di skyes sun la la zhig rdzus par shA 'i di gang stong gsum gyi stong chen po'i 'jig rten gyi khams de bzhin gshegs pas byin gyis ma brlabs pa kha'i rlung gcig gis rnam par 'thor bar byed/ rdul du rlog par byed/ rnam par 'joms par byed pa'i rdzu 'phrul de lta ba dang ldan par gyur la/ skyong gsum gyi skyong chen po'i 'jig rten gyi khams las byung ba'i rdul dres kyang 'jig rten gyi khams gang+gA'i gung gi bye ma snyed kun tu nog nog por gyur cing / 'jig rten gyi khams gang+gA'i klung gi bye ma snyed las byung ba'i rdul de des phyir yang brtul nas/ stong gsum gyi stong chen po'i 'jig rten gyi khams su so sor bzhag par gyur na/ mo'u 'gal gyi bu 'di ji snyam du sems/ 'o na sems can de rdzu 'phrul gyi rol tu phyin pa thob pa yin nam/ gsol pa/ bcom ldan 'das de lta lags so// bcom ldan 'das kyis bka' stsal pa/ mo'u 'gal gyi bu stong gsum gyi stong chen po'i 'jig rten gyi khams 'di 'di lta ste/ dper na bu ram shing gi tshal lam/ 'dam bu'i tshal lam/ skam sa'i 'dam bu'i tshal lam/ 'bras kyi zhing ngam/ til gyi zhing bzhin du sems can de lta bu dag gis gang bar gyur kyang / mo'u 'gal gyi bu sems can rdzu 'phrul dam pa'i pha rol tu son pa de lta bu de dag gis kyang / de bzhin gshegs pa'i chos gos kyi grwa tsam yang bskul bar mi nus na/ de bzhin gshegs pa mngon par gdeg par bya ba lta ci smos te/ de ni gnas med do// mo'u 'gal gyi bu de bzhin gshegs pa gnas de nyid du gnas shing / seng ge'i gdan de nyid la bzhugs nas/ shar phyogs su 'jig rten gyi khams gang+gA'i klung gi bye ma snyed kyi 'jig rten gyi khams grangs med dpag tu med pa g.yo bar mdzad/ kun tu g.yo bar mdzad/ kun tu rab tu g.yo bar mdzad kyang / sems can de dag 'di snyam du/ bdag cag gi 'jig rten gyi khams gzhan du khrid do// kun tu khrid do sbrum mama?/ kye ma 'jig rten gyi khams 'di 'jig go/ 'chags so snyam du mi sems so// de dag 'di snyam du kye ma 'jig rten gyi khams 'di 'thor ro// rnam par 'jig go snyam du mi sems te/ sems can de dag la 'dul ba'i dbang gis kha cig la ni sangs rgyas kyi gzugs kyis mtshan ma med pa'i tshul dag gis chos ston te/ nyan thos dang / lha dang / mi dang / klu dang // khye'u dang / bu mo'i gzugs kyis kyang de bzhin no// mo'u 'gal gyi bu sangs rgyas kyi stobs dang / mi 'jigs pa dang / ma 'dres pa dang / rdzu 'phrul khyu mchog tu gyur pa ji snyed pa de snyed kyi chos kyi rnam grangs dag la khyod yid ches par gyis shig/ phyogs bcu thams cad du yang de bzhin no// mo'u 'gal gyi bu gal te khyod kyis de bzhin gshegs pa'i spyod yul shes pa lta na/ de la yang khyod spobs par mi 'gyur ro// mo'u 'gal gyi bu ngas dge slong kun dga' bo la 'di lta ste/ mdo'i sde dang / dbyangs kyis bsnyad pa'i sde dang lung du bstan pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / rtogs pa brjod pa'i chos kyi sde dang gtan la bab par bstan pa'i sde'i gzungs kyi sgo dag bstan kyang / mo'u 'gal gyi bu dge slong kun dga' bos ni de bzhin gshegs pa'i spyod yul kun shes par mi nus so// de ci'i phyir zhe na/ mo'u 'gal gyi bu de bzhin gshegs pa'i yi ge gcig kyang nyan thos thams cad kyis bskal pa 'am/ bskal pa brgya 'am/ bskal pa stong ngam/ bskal pa 'bum du'ang kun shes pa 'am/ bsam pa 'am/ kun chub par mi nus pa'i phyir te/ de bzhin gshegs pa'i spyod yul lta ci smos/ mo'u 'gal gyi bu de la de bzhin gshegs pa dmigs pa dang / spyod pa dang / spyod lam rnam pa sna tshogs kyis sems can rnams la 'dems par mdzad cing / sems can rnams la chos ston par mdzad kyang / mo'u 'gal gyi bu de bzhin gshegs pa'i chos gos gsol ba las/ sems can ji snyed kyi don mdzad pa dang / de las chos bstan pa ji lta bu 'byung ba yang nyan thos thams cad kyis kun shes par mi nus te/ mo'u 'gal gyi bu de la yang khyod spobs par mi 'gyur na/ de bzhin gshegs pa'i spyod yul rab tu shes pa lta ci smos te/ de ni gnas med do// de nas bcom ldan 'das kyis de'i tshe pad+ma chen po de bzhes nas/ byang chub sems dpa' sems dpa' chen po bzang skyong drang / bzang skyong la sogs pa byang chub sems dpa' sems dpa' chen po chos kyi grong khyer yongs su skyong bar byed pa de dag la bka' stsal pa/ rigs kyi bu dag khyed kyis de bzhin gshegs pa'i chos kyi gter de bsrung ba'am/ sba ba 'am/ de bzhin gshegs pa'i spyod yul kun shes pa 'am/ brjod pa 'am/ bstan pa 'am/ yang dag par rab tu bstan par nus sam/ de dag gis gsol pa/ bcom ldan 'das rngo thogs lags so/ / bka' stsal pa/ rigs kyi bu dag de'i phyir khyed kyis chos gang dang gang kho na ston pa de thams cad de bzhin gshegs pa'i gter/ de bzhin gshegs pa'i spyod yul la rnam par bltas nas bstan par bya'o/ / rigs kyi bu dag gang sangs rgyas kyi ye shes yongs su rdzogs pa dang / sangs rgyas kyi byang chub yongs su rdzogs pa dang / sangs rgyas kyi ye shes grub pa dang / sangs rgyas kyi byang chub grub pa yang dag par brjod pas brjod pa des ni/ rigs kyi bu dag de bzhin gshegs pa'i spyod yul de yang dag par brjod pas brjod par bya'o/ / rigs kyi bu dag gang du dmigs pa mthong ba der/ de bzhin gshegs pa'i spyod yul la rnam par bltas nas nges par bstan par bya'o// de bzhin gshegs pas chos bstan pa de ni/ gang du sems can gyi spyod pa mthong ba der/ de bzhin gshegs pa'i spyod yul la rnam par bltas nas/ sems can de dag gi spod pa de bzhin gshegs pas chos bstan pa'i spyod pa de dag rnam par bzlog par bya ba'i phyir bstan pa ma yin no/ / gang dag de bzhin gshegs pas mkhyen pa'i dbang po stong phrag dgu bcu rtsa dgu ni/ 'dod chags spyod pa rnams kyi spyod pa de dag dang / zhe sdang sprod pa rnams dang / gti mug spyod pa rnams kyi spyod pa de dag dang / 'dod chags dang / zhe sdang dang / gti mug bcos ma spyod pa rnams kyi spyod pa de dag dang / 'dod chags dang / zhe sdang spyod pa rnams kyi spyod pa de dag dang / 'dod chags dang / zhe sdang bcos ma spyod pa rnams kyi spyod pa de dag dang / 'dod chags dang / gti mug spyod pa rnams kyi spyod pa de dag dang / 'dod chags dang / gti mug bcos ma spyod pa rnams kyi spyod pa de dag dang / zhe sdang dang / gti mug spyod pa rnams kyi spyod pa de ngag dang / zhe sdang dang / gti mug bcos ma spyod pa rnams kyi spyod pa de dag dang / bsam pa yongs su spong bar byed pa'i dbang po de dag dang / dngos po sgrub pa yongs su sbyong bar byed pa'i dbang po de dag dang / srid pa sgrub pa yongs su sbyong bar byed pa'i dbang po de dag dang / sbyor ba las byung ba'i dbang po de dag dang / las byed pa sgrub pa yongs su sbyong bar byed pa'i dbang po dedag dang / nag po'i chos slong bar byed pa'i dbang po de dag dang / dkar po'i chos kun nas slong bar byed pa'i dbang po de dag dang / gnag cing dkar ba'i chos slong bar byed pa'i dbang po de dag dang / lam gyi rjes su mthun par byed pa'i dbang po de dag dang / zhi gnas kyi rjes su mthun pa'i dbang po de dag dang / lhag mthong gi rjes su mthun pa'i dbang po de dag dang zad pa'i rjes su mthun pa'i dbang po de dag dang / skye ba'i rjes su mthun par byed pa'i dbang po de dag dang / bden pa'i rjes su mthun pa'i dbang po de dag dang / mo'u 'gal gyi bu de la sngon gyi spyod pa'i tshogs dang ldan pa'i dbang po stong phrag nyi shu ni gang gis kha dog nag po 'am/ dkar sham mam/ mdog bzang po 'am/ mdog mi sdug pa'am/ gyol po 'am/ lag sor rdum po 'am/ zha bo 'am/ 'on pa 'am/ zhar ba 'am/ lce med pa sgrub par byed pa nag po 'am/ gnag cing dkar ba'i las kun nas slong bar byed pa dag go/ sngon gyi spyod pa'i tshogs dang ldan pa'i dbang po stong phrag nyi shu ni gang gis dbyibs ring po 'am/ thung ngu 'am/ skem po 'am/ sbom po 'am/ bar ma sgrud pa byed pa'i las kun nas slong bar byed pa dag go/ / gang dag mig dang / rna ba dang / sna dang / lce dang / lus dang / yid kyi dbang po 'gyur ba rnams kyi sbyor ba la gnas shing / sngon gyi las mngon par sgrub pa'i dbang po stong phrag nyi shu ni 'dod chags pa 'am/ zhe sdang ba 'am/ gti mug pa 'am/ 'dod chags dang bral ba 'am/ zhe sdang dang bral ba 'am/ gti mug dang bral ba'i yin no/ / skye ba'i 'bras bu mngon par 'grub pa'i dbang po stong phrag sum cu ni 'chi ba'i dus byed pa'i yin no// de dag ni 'gyur ba mngon par 'grub pa'am/ mtshan ma mngon par 'grub pa na snang bar gyur te/ yan lag rnams 'gre ldog pa dang / dbang po 'gyur ba dang / yan lag gi tshigs dag 'chad cing gnad dag 'jig pa na mdog mi sdug pa nyid du snang ba de dag ni mgur zla ngar ngar pos 'gags pa'i yin par shes par bya ste/ de ni sems can dmyal ba'i skye gnas sam/ dud 'gro'i skye gnas sam// gshin rje'i 'jig rten du 'dren par byed/ cing / sangs rgyas rnams mngon du bya ba'i phyir/ mi rnams kyi nang du 'am/ lha rnams kyi nang du 'am/ 'jig rten gyi khams gzhan du skye bar ram/ zag pa zad pa mngon du byed par 'dren par byed pa'o/ / de la dbang po stong phrag bdun cu rtsa bdun ni dge ba'i rtsa ba'i rnam pa la mos pa las blta bar bya'o// dbang po stong phrag nyi shu ni mi dge ba'i rtsa ba'i rnam pa yongs su 'dren par byed pa dag ste/ 'chi ba'i dus byed pa'i yin par shes par bya'o// de bzhin gshegs pa'i gter de ni de bzhin gshegs pa rnams kyi spyod yul yin te/ de bzhin gshegs pa dag de la gnas nas chos rnam par 'grel par mdzad cing / zad par yang mi 'gyur la/ ngom par yang dag par rjes su ma mthong ngo // rdzu 'phrul mngon par 'du mdzad pa'i che ba'i bdag nyid kyi bsngags pa brjod pa'i le'u zhes bya ste gnyis pa'o/ / / de'i tshe 'khor de nyid du brtan pa'i blo gros gzhon nur gyur pa zhes bya ba 'dus par gyur te 'dug go/ de nas byang chub sems dpa' sems dpa' chen po brtan pa'i blo gros gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs thal mo sbyar ba btud nas/ bcom ldan 'das la gsol pa/ bcom ldan 'das chos kyi sgo 'di dag las bdag gis rnyed lags te/ bcom ldan 'das de'i slad du ji tsam du chos de nyid yongs su grub par bgyi ba'i don du chos kyi sgo 'di la spyad par bgyi'o/ / de ci'i slad du zhe na/ bcom ldan 'das bdag gis deng slan chad 'di lta ste/ chos de dag yongs su btsal ba dang / yongs su grub par bgyi ba'i slad du/ de lta bu'i go cha bgos pa'i slad du ste/ slad kyis kyang slad ma'i tshe smad ma'i dus na/ de bzhin gshegs pa'i spyod yu chos kyi gter de thos kyi bar du brtson 'grus dor bar yang mi bgyi'o/ / de skad ces gsol pa dang / bcom ldan 'das kyis/ byang chub sems dpa' sems dpa' chen po brtan pa'i blo gros la 'di skad ces bka' stsal to/ / brtan pa'i blo gros khyod nga'i ye shes chen po bskal par bye ba grangs med pas yang dag par bsgrub pa yongs su tshol ba mngon par brtson// zhing mngon par brtson par byed pa ni legs so legs so// brtan pa'i blo gros khyod yang legs so// brtan pa'i blo gros yongs su brtag pa bzung ste/ gal te stong gsum gyi stong chen po'i 'jig rten gyi khams na sems can gzugs can nam/ gzugs can ma yin pa 'am/ 'du shes can nam/ 'du shes can ma yin pa 'am/ 'du shes can yang ma yin// 'du shes can ma yin pa yang ma yin pa ji snyed yod pa de dag thams cad skad cig gcig dang / thang cig gcig dang / yud tsam gcig la mi'i lus thob par gyur te/ de nas gang sems can de dag la bde ba'i yo byad thams cad nye bar sgrub par byed pa'i mi la la zhig byung bar gyur la/ de nas mi des sems can de dag lag pa ya gcig gis blangs nas/ bskal pa 'am/ bskal pa las lhag par 'dzin par byed cing / de'i tshe sems can de dag gzugs rnams sam/ sgra rnams sam/ dri rnams sam/ ro rnams sam/ reg bya rnams la sems skyes par gyur na yang / de nas mi des de dag thams cad nye bar sbyin par byed la/ sems can de dag gi bshang ba 'am/ gci ba yang lag pa cig shos kyis blangs nas/ 'jig rten gyi khams gzhan du 'dor bar byed de/ de ci'i phyir zhe na/ sems can de dag dri mi zhim par gyur na mi rung ngo snyam du sems na/ brtan pa'i blo gros 'di ji snyam du sems/ 'o na mi des sems can de dag la bde ba'i yo byad thams cad kyis rim gro byas par 'gyur ram/ gsol pa/ bcom ldan 'das mi des ba de'i yo byad shin tu mang pos rim gro bgyis pa lags so// / bka' stsal pa/ brtan pa'i blo gros mi des sems can de dag la bde ba'i yo byad thams cad kyis so sor rim gro byas la/ rigs kyi bu 'am/ rigs kyi bu mo gang sems can thams can gyi don du de bzhin gshegs pa bzhugs kyang rung / yongs su mya ngan las 'das kyang rung ste/ bla na med pa yang dag par rdzogs pa'i byang chub tu sems bskyed cing / byang chub sems dpa'i sde snod kyi chos kyi rnam grangs nyan pa la mos par gyur la/ sangs rgyas kyi ye shes ye shes chen po de yang dag par bsgrubs nas/ 'dod cha dang zhe sdang dang / gti mug spang ba'i phyir dang / skye ba dang / rga ba dang / na ba dang / 'chi ba dang / smre sngag 'don pa dang / sdug bsngal ba dang / yid mi bde ba dang / 'khrug pa las yang dag par 'da' bar bya ba'i phyir/ sems can rnams la de bzhin du chos bstan par bya'o snyam ste/ byang chub sems dpa'i dge ba'i rtsa ba yongs su smin par byed pa dang ldan pas de yongs su tshol ba na/ tshig bzhi pa'i tshigs su bcad pa gcig tsam zhig rnyed par gyur na/ brtan pa'i blo gros sems can la bde ba'i rim gros so sor rim gro byas pa'i bsod nams kyi phung po 'di la bsod nams kyi phung po snga ma des brgya'i char yang nye bar mi 'gro ba nas/ stong gi cha'i bar du yang mi bzod cing / grangs dang / cha dang / bgrang ba dang / rgyu dang / dpe'i char yang mi bzod do// // bam po bzhi pa// / brtan pa'i blo gros byang chub sems dpa' sems dpa' chen pos ji ltar sems can rnams la bde ba'i yo byad ji lta dus so sor rim gro byas pa ni/ de bzhin gshegs pas so sor mkhyen te/ brtan pa'i blo gros gnas 'di la nga'i nyan thos bden pa mtho ba dang / byang chub sems dpa' sems dpa' chen po lhag pa'i bsam pa la yang dag par zhugs pa ma gtogs par su zhig mngon par yid ches par byed/ brtan pa'i blo gros byang chub sems dpa' sems dpa' chen po ni/ bdag cag gis sems can gnas med pa rnams kyi gnas su 'gyur bar bya/ skyabs med pa rnams kyi skyabs su 'gyur bar bya/ sems can gling med pa rnams kyi gling du 'gyur bar bya/ sems can dpung gnyen med pa rnams kyi dpung gnyen du 'gyur bar bya zhing / bdag cag gis theg pa chen po sangs rgyas kyi ye shes ye shes de yang dag par bsgrub par bya/ sems can tshad med grangs med pa dag zag pa med pa'i chos rnams la yang dag par sbyar bar bya'o snyam nas de lta bu'i go cha gyon par byed pa yin yang gal te sems can de dag la snga dro'i dus su rin po che'i phung po ri rab dang mnyam pa dag nye bar sbyin dgos par gyur cing / de bzhin du nyi ma gung gi dus dang / bye ma red kyi dus dang / nyin mtshan du yang rung ste/ rin po che'i phung po ri rab dang mnyam pa dag nye bar sbyin dgos par gyur la/ sems can de dag de lta bus tshim par yang mi gyur zhing / 'di ltar rkyen de dag gis log par ltung bar 'gro ba dag tu 'gyur ba'i gnas dag kyang yod na/ kye bdag cag gis sems can de dag 'di ltar re zhig stong gsum gyi stong chen po'i 'jig rten gyi khams rin po ches bkang ba 'di la mchi ma lta bu'i 'du shes bskyed par 'gyur ba de lta bu'i chos yongs su btsal bar bya'o snyam na/ rdzas bsag pa tha chad gzhan la lta ci smos/ byang chub sems dpa' sems dpa' chen po mkhas pa ni/ rin po che'i phung po de la 'di ni 'dod chags dang / zhe sdang dang / gti mug gi rtsa ba yin/ sems can dmyal ba'i sdug bsngal gyi rtsa ba yin/ dung gro'i skye gnas kyi sdug bsngal gyi rtsa ba yin/ gshin rje'i 'jig rten gyi sdug bsngal gyi rtsa ba yin/ zhing blas kyi kun nas slong ba rnam pa du ma'i rtsa ba yin no zhes/ de lta bus rab tu rnam par sogs par byed de/ de las des mya ngan las 'das pa'i sems thob cing / rin po che'i phung po de la mi lta bar 'gyur ro// mkhas pa ni rin po che'i phung po de la 'di ni rin po che'i phung po ma yin gyi/ 'di ni sems can dmyal ba'i phung po yin te/ de la lhag par zhen pa'i sems can rnams ni/ log par ltung bar 'gro bar 'gyur ro/ snyam du de lta bur so sor rtog par byed do// brtan pa'i blo gros stong gsum gyi stong chen po'i 'jig rten gyi khams na sems can ji snyed yod pa lta zhog gi/ brtan pa'i blo gros yongs su brtag pa bzung ste/ shar phyogs su 'jig rten gyi khams gang+gA'i klung gi bye ma snyed ji snyed yod pa dang / de bzhin du phyogs bcu kun tu 'jig rten gyi khams ji snyed yod pa de dag na sems can gzugs can nam/ gzugs can ma yin pa 'am/ 'du shes can nam/ 'du shes can ma yin pa'am/ 'du shes can yang ma yin/ 'du shes can ma yin pa yang ma yin pa dag yod pa dang / sems can gyi khams su gdags pas gdags pa ji snyed yod pa de dag thams cad snga phyi med par mi'i lus thob par gyur cing / sems can de dag la bde bar bya ba'i phyir/ gang sems bskyed ma thag tu sems can de dag la gzugs rnams sam/ sgra rnams sam/ dri rnams sam/ ro rnams sam/ reg bya rnams kyis bde ba'i yo byad nye bar sgrub par byed pa'i mi la la zhig byung bar gyur te/ sems can de dag thams cad kyang phrag pa 'am mgo bos blangs nas/ bskal pa 'am bskal pa las/ lhag par 'dzin par byed la/ sems can de dag la spyod lam ji lta bus de la 'dug par 'dod pa de lta bus kyang 'dug par gyur cing / sems can de dag gi bshang gci yang lag pa ya gcig gis blangs nas/ 'jig rten gyi khams gzhan du 'dor na/ brtan pa'i blo gros 'di ji snyam du sems/ 'o na mi des sems can de dag la bde ba'i yo byad mang pos so/ sor rim gro byas par 'gyur ram// gsol pa/ bcom ldan 'das mi des bde ba'i yo byad mang pos rim gro bgyis par 'gyur lags so// bcom ldan 'das kyis dka' stsal pa/ brtan pa'i blo gros khyod mos par bya/ khong du chud par bya ste/ mi des bde ba'i yo byad de lta bus rim gro byas la/ rigs kyi bu 'am// rigs kyi bu mo gang gis sems can thams cad bskyab pa dang ldan pa'i sems kyis/ bla na med pa yang dag par rdzogs pa'i byang chub tu sems bskyed nas/ 'di lta ste/ gang las bla na med pa yang dag par rdzogs pa'i byang chub tu byang chub sems dpa'i dge ba'i rtsa ba yongs su smin par 'gyur ba'i byang chub sems dpa'i sde snod kyi chos kyi rnam grangs mnyan par bya/ ba'i phyir/ tha na byang chub sems dpa'i chos yongs su tshol ba la mngon par brtson par gyur cing / byang chub sems dpa'i chos yongs su btsal ba'i phyir ram/ de la brtson par bya ba'i phyir gom pa 'dor ba gcig gis 'gro bar yang byed na/ brtan pa'i blo gros dge ba'i rtsa ba de ni bla na med pa yang dag par rdzogs pa'i byang chub mngon par rdzogs par sangs ma rgyas kyi bar du bar ma dor zad pa 'am/ yongs su gtugs par nga mi smra'o// de ci'i phyir zhe na/ brtan pa'i blo gros bde ba'i yo byad 'di la bde ba'i yo byad snga ma des brgya'i char yang nye bar mi 'gro'o/ / stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang mi 'gyur ba'i phyir ro// de ci'i phyir zhe na/ brtan pa'i blo gros bde ba'i yo byad snga ma de thams cad ni rdzas las byung ba dang bcas pa yin te/ shin tu mthar thug par mi 'gyur zhing / shin tu yongs su byung bar mi 'gyur la/ / brtan pa'i blo gros chos yongs su tshol ba la mngon par brtson pas ni/ tshul khrims rnam par 'phel bar 'gyur/ ting nge 'dzin rnam par 'phel bar 'gyur/ shes rab rnam par 'phel bar 'gyur/ sangs rgyas kyi chos yongs su smin par 'gyur/ thabs la mkhas pa bsam gyis mi khyab pa yongs su smin par 'gyur/ sangs rgyas kyi zhing yongs su dag par 'gyur ba'i phyir te/ de'i phyir de bzhin gshegs pas bla na med pa yang dag par rdzogs pa'i byang chub ni mang du thos pa la rag las par bstan pa yin no// brtan/ pa'i blo gros gal te stong gsum gyi sdong chen po'i 'jig rten gyi kham de 'di lta ste/ 'dam bu'i tshal lam/ 'bras kyi zhing ngam/ til gyi zhing ngam/ 'od ma'i tshal bzhin du de bzhin gshegs pa rnams kyis yongs su gang bar gyur la/ de bzhin gshegs pa dgra bcom pa yang dag par rdzog pa'i sangs rgyas de dag la yang / la la zhig gis ji srid 'tsha bar du bkur sti byas/ bla mar byas/ ri mo byas/ mchod pa byas shing / na bza' dang / bsod snyoms dang / gzims cha dang / gdan dang / snyun gyi gsos sman dang yo byad dag gis bsnyen bkur byas pa/ de bzhin gshegs pa de dag yongs su mya ngan las 'das nas kyang / so so so sor khor yug tu dpag tshad dang ldan pa'i mchod rten rin po che sna bdun las byas pa/ gdugs bsgreng ba/ stegs bus brgyan pa/ bskal par gnas pa'i snang ba kun tu 'bar/ rab tu 'bar ba'i mar me dang mchod yon dag gis brgyan pa dag byas par gyur na/ brtan pa'i blo gros 'di ji snyam du sems/ 'o na rigs kyi bu 'am/ rigs kyi bu mo des gzhi de las bsod nams mang du bskyed dam/ gsol pa/ bcom ldan 'das rigs kyi bu 'am/ rigs kyi bu mo des bsod nams kyi phung po grangs ma mchis dpag tu ma mchis pa bskyed lags so// brtan paba'i blo gros khyod mos par bya/ khong du chud par bya ste/ gang mi des ji skad bshad pa'i bsod nams kyi phung po de lta bu sogs par byed la/ rigs kyi bu 'am/ rigs kyi bu mo bla na med pa yang dag par rdzogs pa'i byang chub tu sems bskyed nas/ 'di lta ste/ gang las byang chub kyi phyogs kyi chos rnams yongs su smin par 'gyur ba'i byang chub sems dpa'i sde snod kyi chos kyi rnam grangs kyi mdo sde de lta bu dag mnyan pa dang / bstan pa dang / bklags pa dang / kun chub par bya ba'i phyir/ yongs su btsal ba la brtson par byed na/ brtan pa'i blo gros bsod nams kyi phung po 'di la bsod nams kyi phung po snga ma des brgya'i char yang nye bar mi 'gro'o/ / stong gi cha dang / 'dum gyi cha dang / bye ba phrag 'bum gyi cha dang grangs dang / cha dang / bgrang ba dang / dpe dang / rgyur yang mi bzod do// brtan pa'i blo gros de lta bas na khyod phyi ma'i tshe phyi ma'i dus lnga brgya pa tha ma la mdo sde de lta bu de dag mnyan pa dang / gzung ba dang / bklags pa dang / kun chub par bya ba'i phyir go cha gyon par sems na/ brtan pa'i blo gros bsod nams kyi phung po de'i tshad pa mi smra'o/ / yongs su gtugs par yang nga mi smra/ yongs su zad par yang nga mi smra'o// brtan pa'i blo gros khyod sems bskyed pa'i bsod nams kyi phung po de'i dpe tsam thos pa'am/ phyogs tsam khong du chud par 'dod na/ de bzhin gshegs pa'i rdzu 'phrul yang thos pa 'am yid ches par nus sam/ gsol pa/ bcom ldan 'das bcom ldan 'das kyi mthus rngo thogs lags so/ / bka' stsal pa/ brtan pa'i blo gros 'di ji snyam du sems/ stong gsum gyi stong chen po'i 'jig rten gyi khams de che ba yin nam gsol pa/ bcom ldan 'das de lta lags so// bcom ldan 'das kyis bka' stsal pa/ brtan pa'i blo gros 'di ji snyam du sems gal te stong gsum gyi stong chen po'i 'jig rten gyi khams de yungs 'brus yongs su grang bar gyur cing / yungs 'bru de dag ji snyed yod pa de snyed kho na'i stong gsum gyi stong chen po'i 'jig rten gyi khams kyi tshad kyi bre bo dag yod par gyur la/ de dag kyang bye ma dag gis so sor gang bar gyur na/ brtan pa'i blo gros 'di ji snyam du sems/ bye ma'i phung po de mang ba yin na ma/ gsol pa/ bcom ldan 'das mang lags so// bcom ldan 'das kyis bka' stsal pa/ brtan pa'i blo gros gal te bye ma'i phung po de lag pas blangs nas phyogs bzhir 'dor bar byed pa'i mi la la zhig byung bar gyur la/ de 'phangs nas de ma thag tu gang dag bye ma'i phung po de las bye ma'i 'bru re re 'jig rten gyi khams re rer 'phen par byed pa'i rlung dag mngon par byung bar gyur na/ brtan pa'i blo gros 'di ji snyam du sems shar phyogs su 'jig rten gyi khams de dag ji snyed yod par 'gyur/ phyogs thams cad du yang / de bzhin no// gsol pa/ bcom ldan 'das dpag tu ma mchis lags so// bde bar gshegs pa dpag tu ma mchis lags so// bka' stsal pa/ brtan pa'i blo gros khyod mos par bya/ brtan po'i blo gros khyod khong du chud par bya ste/ brtan pa'i blo gros de bzhin gshegs pa dgra bcom pa yang dag par rdzogs pa'i sangs rgyas ni spyod lam gyis dpag tu med pa/ lam gyis dpag tu med pa/ tshul khrims kyi pha rol tu phyin pas dpag tu med pa/ rdzu 'phrul gyi pha rol tu phyin pas dpag tu med pa shes rab kyi pha rol tu phyin pas dpag tu med pa ste/ brtan pa'i blo gros de bzhin gshegs pa ni bzhed na/ 'jig rten gyi khams de dag tu gom pa gcig gis gshegs par mdzad kyang / de bzhin gshegs pa'i spyod lam rnam par khrugs par yang mi 'gyur la/ de bzhin gshegs pas da dung rdzu 'phrul gyi pha rol tu phyin pa'i rnam pa thams cad kun tu bstan pa yang ma yin no/ / se go lo gtogs pa tsam gcig gis kyang bye ma'i phung po de dag ji snyed yod pa de snyed kho na'i 'jig rten gyi khams dag tu gom pas gshegs pa gcig gis gshegs par mdzad do/ / se gol gtogs pa tsam gyi tshul des kyang shar phyogs su gshegs pa nas/ phyogs bcur gshegs pa'i bar gyis zhag gcig gam/ zla ba phyed dam/ zla ba gcig nas/ lo gcig gi bar du 'am/ lo brgya nas/ lo stong ngam/ lo 'bum gyi bar du gshegs par mdzad cing / phyogs re re ra yang lo bye ba phrag 'bum gyi bar du gshegs par mdzad do/ / brtan pa'i blo gros 'o na de ltar 'jig rten gyi khams de dag ji snyed yod par de bzhin gshegs pas byon pa'i 'jig rten gyi khams de dag mang ba yin nam/ gsol pa/ bcom ldan pa das mang lags so// bcom ldan 'das kyis bka' stsal pa/ brtan pa'i blo gros gal te bsod nams kyi phung po de gzugs can zhig tu gyur na ni/ / re zhig 'jig rten gyi khams de snyed du yang mi shong ste/ phal cher lhag par 'gyur ro// brtan pa'i blo gros de ltar de bzhin gshegs pa dgra bcom pa yang dag par rdzogs pa'i sangs rgyas kyis bsod nams kyi phung po grangs med pa de rab tu mkhyen te/ dpag tu med pa// dgrang du med pa/ tshad med pa brjod du med pa/ bgrang ba las 'das pa rab tu mkhyen to// brtan pa'i blo gros gang gis bsod nams kyi phung po de shes par nus pa'i yi ge'i grangs sam/ yi ge/ 'bru'i grangs sam/ bgrang ba'i grangs dengs rab tu mi shes te/ gzhan du na grangs med pa'i grangs kho na dang / dpag tu med pa'i grangs kho nar 'gyur bar zad do// byang chub tu sems bskyed pa dang / dam pa'i chos yongs su tshol ba'i bsod nams kyi bsngags pa brjod pa'i le'u zhes bya ste gsum pa'o// // de'i tshe shar phyogs su 'jig rten gyi khams grangs med dpag tu med pa dag 'das pa de'i pha rol gyi yang ches pha rol na/ 'jig rten gyi khams rnam par bsgrags pa'i sgra zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba da ltar bzhugs te 'tsho zhing gzhes la chos kyang ston to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas lhun po'i phung po des kyang / byang chub sems dpa' 'od kyi dkyil 'khor gzi brjid phung po zhes bya ba/ nga'i 'og tu 'di bla na med pa yang dag par rdzogs pa'i byang chub mngon par rdzogs bar 'tshang rgya bar 'gyur ro/ / zhes bla na med pa yang dag par rdzogs pa'i byang chub tu lung bstan te/ 'khor de nyid du 'dus par gyur nas 'dug go// byang chub sems dpa' 'od dkyil 'khor gzi brjid phung pos snang ba chen po de mthong ste/ gsung bsal ba'i sgra de yang thos shing / sa g.yos pa chen po de yang kun tu shes nas/ de bcom ldan 'das de bzhin gshegs pa lhun po'i phung po ga la ba der song ste phyin nas/ bcom ldan 'das de la 'di skad ces gsol to// bcom ldan 'das 'od de dang / gsung bsal ba'i sgra de dang / dogs g.yos pa de su'i lags/ de skad ces gsol pa dang / bcom ldan 'das de bzhin gshegs pa lhun po'i phung pos/ byang chub sems dpa' sems dpa' chen po 'od kyi dkyil 'khor gzi brjid phung po la 'di skad ces bka' stsal to/ / rigs kyi bu 'jig rten gyi khams 'di nas nub phyogs kyi phyogs char 'jig rten gyi khams grangs med dpag tu med pa dag 'das pa de'i pha rol gyi yang ches pha rol na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa/ zhes bya ba bzhugs te 'tshe zhing ga zhes la/ 'di lta ste/ byang chub sems dpa'i sde snod kyi chos kyi rnam grangs kyi chos kyang ston to// byang chub sems dpa' dpe med pa sems dpa' zhes bya ba dag yod de/ 'khor der 'dus par gyur nas 'khod do// rigs kyi bu phyogs bcur 'jig rten gyi khams gang+gA'i klung gi bye ma snyed go cha gang dag gis skyes bu dam pa dag go cha bgos pa'i go cha de lta bu dag gis song ste/ rigs kyi bu skyes bu dam pa de lta bu dag thos pa yang mchog tu rnyed par dka' na/ blta ba be ma/ bsnyen bkur bya ba lta ci smos// de nas bcom ldan 'das de la/ byang chub sems dpa' bod kyi dkyil 'khor gzi brjid phung pos 'di skad ces gsol to// bcom ldan 'das/ bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab pa'i go cha bgos pa de dag kyang blta ba'i slad du/ 'jig rten gyi khams mi mjed der bdag mchi bar bgyi'o/ / bcom ldan 'das nges bka' stsal pa/ rigs kyi du de'i dus la dbab par shes na song la/ bcom ldan 'das de la pad+ma bdun po 'di dag kyang phul te/ phul nas kyang bcom ldan 'das bcom ldan 'das la de bzhin gshegs pa lhun po'i phung po gnod pa chung ngam/ nyam nga ba nyung ngam/ bskyod pa yang ngam/ stobs dang bde bar/ rig pa la gnas sam/ kun gsol lo zhes dag ces gsol cigade nas byang chub sems dpa' sems dpa' chen po 'od kyi dkyil 'khor gzi brjid phung pos bcom ldan 'das de bzhin gshegs pa lhun po'i phung po de la rnam par bltas te/ bcom ldan 'das de'i zhabs la mgo bos phyag 'tshal nas/ bcom ldan 'das de'i thad nas song ngo // byang chub sems dpa' khod kyi dkyil 'khor gzi brjid phung po de 'di lta ste/ dper na skyes bu stobs dang ldan pa zhig gis lag pa skum brkyang bar byed pa 'am/ lag pa brkyang ba skum par byed pa'i skad cig des/ 'jig rten gyi khams rnam par bsgrags pa'i sgra nas mi snang bar gyur te/ 'jig rten gyi khams mi mjed 'dir 'dug go// de la rgyal po'i khab 'od ma'i tshal bya ka lan ta ka gnas pa ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas kyang / bcom ldan 'das la 'di skad ces gsol to/ / bcom ldan 'das bcom ldan 'das la/ de bzhin gshegs pa lhun po'i phung po gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes spyan gsol zhing / bcom ldan 'das bcom ldan 'das la/ bcom ldan 'das des pad+ma 'di dag kyang bskur ba lags so// bcom ldan 'das kyis pad+ma de dag bzhes te/ bzhes nas kyang bka' stsal pa/ 'od kyi dkyil 'khor gzi brjid phung po ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ bde bar reg pa la gnas sam/ gsol pa/ bcom ldan 'das de lnga lags te/ sangs rgyas kyi zhing den spun mi mnga' zhing stobs dang ldan te/ 'gyur ba mi mnga' la/ bde bar reg pa la gnas lags so/ / de nas bcom ldan 'das kyis byang chub sems dpa' ma pham pa la/ ma pham pa khyod kyis byang chub kyi yan lag yongs su rdzogs par bya ba'i phyir/ pad+ma 'di dag gis dge ba'i rtsa ba dag skyed cig ces pad+ma de dag byin no/ / de nas byang chub sems dpa' ma pham pas pad+ma chen po bdun po de dag blangs nas/ bzang srong la sogs pa byang chub sems dpa' rape med pa sems pa dag la phyin te/ bdis ste/ dkon mchog 'byung gnas dang / ded dpon bzang po dang / yon tan rdzas dang / bdas bus byin dang / dbang pos byin dang / rgyun dang thongs bzang dang / bram 'i tho thos dang / thus par thogros dang / ba phel ba'i thams dang / mthong ba don mong dang / legs par yang dag zhugs dang / rab kyi kyil gyis rnam par gnon dang rtag tu brtson dang / brtson pa mi gtong ba dang / nyi ma'i snying po dang / 'gro ba 'dzin dang / sa 'dzin dang / legs par gnas pa'i blo gros dang / mtha' yas blo gros dang / 'jig rten gsum/ rnam par gnon dang / mtha' yas rnam par gnon dang / dpag med rnam par gnon dang / dmigs pa thams cad ston pa'i khyu mchog dang / brtan pa'i blo gros dang / mtha' yas brtson 'grus dang / dpag yas rnam par gnon dang / don yod brtson 'grus dang / seng ge'i brtson 'grus rtsal gyis 'gro dang / don yod gom pa'i rtsal gyis 'gro dang / dga' ba'i spobs pa dang / spobs pa rnon po dang / spobs pa zab pa dang / spobs pa mtha' yas dang / spobs pa dpag med dang / 'jam dpal gzhon nur gyur pa dang / pad+ma'i snying po dang / mtha' yas glang po che dang / spar 'chum ma yin dang / chos 'phags dang / lag na rin chen dang / rin chen lag pa dang / don yod dpal dang / mi g.yos rnam par gnon dang / mya ngan med dang / mya ngan bral dang / tha mi dad par spyod par yang dag zhugs dang / brtson 'grus skyo med dang / mngal 'gyur dang / bud med 'gyur dang / skyes pa 'gyur dang / sems can 'gyur dang / dra ba can gyi 'od dang / mtha' yas snying po dang / sangs rgyas phyag na pad+ma skyes dang / lag na pad+ma dang / spos kyi glang po che dang / don grub dang / seng ge'i legs par brtags pa'i go cha dang / don yod go cha dang / ma smad ba'i go cha dang / kun 'gyur ba'i go cha dang / spyod pa zab pa'i go cha dang / 'gyur ba skyo ba med pa'i go cha dang / me tog rab gtor dang / me tog rin chen dang don yod ming sgrol dang / don yod ming sgrogs dang / dmigs pa kun gyi go cha bgos dang / 'gro ba kun 'gyur ba'i go cha bgos dang / spyod pa zab pa'i go cha bgos dang / 'gyur ba skyo med pa'i go cha bgos dang / rtag tu rab tu dga' ba'i go cha bgos dang / rtag tu gdung ba'i go cha bgos dang / mi lta ba'i go cha bgos dang / dpal ma nyams pa'i go cha bgos dang / drag shul 'chang dang / dga' ba'i sde dang / bzang po'i sde dang / dga' ba'i lha dang / dga' byed dang / byang chub yan lag rtogs dang / sangs rgyas dang ma bral ba'i go cha bgos dang / chos kyi 'khor lo bskor ba'i go cha bgos dang / 'khor lo thogs pa med pa'i go cha bgos dang / thams cad yongs gtong go cha ba gos dang / ma blangs pa'i go cha bgos dang / rnam par ma 'khrugs pa'i go cha bgos dang / sangs rgyas kyi gdung rgyun mi 'chad pa'i go cha bgos dang / zla ba snang dang / yon tan dpal snang dang / ded dpon dang / ded dpon chen po dang / mchog gi tshogs can dang / mchog gi bkod pa dang / rin po che'i bkod pa dang / don kun 'grub dang / don dpal dang / 'dren pa'i dpal dang / 'dren pa'i rgyal mtshan dang / nges par 'dren dang / zhi ba dang / rab tu zhi byed dang / sangs rgyas bzang po dang / shin tu dga' ba dang / rgyal dga' dang / dbang po thul dang / rgyal ba'i sde dang / gzhom thul dang / bdud 'joms/ dang / dgra 'joms dang / dgral zhe 'gras med dang / phyogs bcu rnam par bsgrags dang / rnam par bsgrags pa'i rgyal po dang / nor 'phel dang / bshes gnyen dang / bshes gnyen dang bshes gnyen 'phel dang / gdugs gcig pa dang / rin chen gdugs dang / rgyu skar bzang po dang / chos dang / chos lha dang / dri med dang / dpa' bo dri med dang / dpa' ba'i rtsal gyis 'gro dang / mtha' yas rtsal gyis 'gro dang / don yod rtsal gyis 'gro dang / gom pa med kyis rnam par gnon dang / shin tu rtsal gyis rnam par gnon dang / tha mi dad par spyod pa dang / de dag dang / byang chub sems dpa' gzhan yang bdun khri bdun stong la/ rgan rabs dgra bcom ldan 'das kyis byang chub kyi phyogs kyi chos yongs su smin par mdzad pa'i phyir pad+ma bdun po 'di dag byin pa yin te/ rigs kyi bu dag khyed cag gis pad+ma chen po 'di dag long zhig dang / thams cad gyur nas/ bcom ldan 'das la dbul bar bya/ thams cad gyur nas rang rang gi thabs la mkhas pa gsal bar bya'o zhes pad+ma bdun po de dag byin no/ / de nas byang chub sems dpa' bdun khri bdun stong po de dag gis pad+ma de dag blangs nas/ rang rang gi thabs la mkhas pa gsal bar bya ba'i phyir bcom ldan 'das la phul lo/ / bcom ldan 'das kyis byang chub sems dpa' sems dpa' chen po de dag la thugs brtse ba'i phyir/ pad+ma chen po bdun po de dag bzhes te/ bzhes nas kyang byang chub sems dpa' sems dpa' chen po ma pham pa la bka' stsal pa/ ma pham pa de bzhin gshegs pa ni da ltar khyed kyis dge ba'i rtsa ba bskyed pa'i phyir rtun par mdzad/ / mchog tu rtun par mdzad do// ma pham pa de bzhin gshegs pa dgra bcom pa yang dag par rdzogs pa'i sangs rgyas ni shin tu rnyed par zhing mchog tu rnyed par dka' 'o/ / ma pham pa byang chub sems dpa' rnams kyang shin tu mchog tu rnyed par dka' 'o// de ci'i phyir zhe na/ ma pham pa sangs rgyas kyi chos de dag ni byang chub sems dpa'i spyod pa las nges par byung ba'i phyir ro/ / ma pham pa gal te sngon ngas byang chub tu sems bskyed par ma gyur na/ ma pham pa 'o na da ltar de bzhin gshegs pa'i stobs bcu skye bar 'gyur ram/ gsol pa/ bcom ldan 'das de lta ma lags so// bcom ldan 'das kyis bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar mi 'jigs pa bzhi skye bar 'gyur ram/ gsol pa/ bcom ldan 'das de lta ma lags so// bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da lta 'jig rten du de bzhin gshegs pa'i byams pa chen po 'byung bar 'gyur ram/ gsol pa/ bcom ldan 'das de lta ma lags so// bka' stsal pa/ ma pham pa 'di rje snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du snying rje chen po 'byung bar gyur ram de bzhin du 'jig rten du dga' ba chen po dang / btang snyoms chen po 'byung bar 'gyur ram/ gsol pa/ bcom ldan 'das de lta ma lags so// bka' stsal pa/ ma pham pa 'di ji snyam du sems/ gal te sngon byang chub sems dpa'i spyad pa spyod pa na/ ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du sangs rgyas kyi chos ma 'dres pa bco brgyad 'byung bar 'gyur ram/ gsol pa/ bcom ldan 'das de lta ma lags so// bka' stsal pa// ma pham pa 'di ji snyam du sems/ gal te sngon byang chub sems dpa'i spyad pa spyod pa na/ ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i don yod rnam par gnon pa 'byung bar 'gyur ram/ gsol pa/ bcom ldan 'das de lta ma lags so// bka' stsa pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i seng ge'i stabs su 'gro ba nyid 'byung bar 'gyur ram/ gsol pa/ bcom ldan 'das de lta ma lags so// bka' stsal pa/ ma pham pa 'di ji snyam du sems/ gal tesngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du de bzhin gshegs pa'i glang po che'i lta stangs kyis lta ba nyid 'byung bar 'gyur ram/ gsol pa/ bcom ldan 'das de lta ma lags so// bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ da ltar 'jig rten du de bzhin gshegs pa'i seng ge'i ltar bsgyings pa nyid 'byung bar 'gyur ram// gsol pa/ bcom ldan 'das de lta ma lags so/ / bka' stsal pa/ ma pham pa 'di ji snyam sems/ gal te ngas sngon bla na med pa yang dag par rdzogs pa'i byang chub tu sems bskyed par ma gyur na/ 'o na dad+har/ 'jig rten du de bzhin gshegs pa'i spyi gtsug bltar mi mthong ba nyid 'byung bar 'gyur ram/ gsol pa/ bcom ldan 'das de lnga ma lags so// bka' stsal pa/ ma pa ma/ pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o ma da ltar 'jig rten du skyes bu chen po'i mtshan sum cu rtsa gnyis 'byung bar 'gyur ram/ gsol pa/ bcom ldan 'das de lta ma lags so// bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du chos kyis 'khor lo bskor ba 'byung bar 'gyur ram/ gsol pa/ bcom ldan 'das de lta ma las so// bka' stsal pa/ ma pham pa 'di ji snyam du sems/ gal te sngon ngas bla na med pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du chos kyi mur 'gram 'byung bar 'gyur ram/ gsol ba/ bcom ldan 'das de lta ma lags so// bka' stsal pa/ ma pham pa 'di ji snyam du sems/ gal te sngon ngas than ma pa yang dag par rdzogs pa'i byang chub tu sems bskyed par ma gyur na/ 'o na da ltar 'jig rten du nyan thos phun sum tshogs pa 'byung bar 'gyur ram/ gsol pa/ bcom ldan 'das de ltam lags so/ / bka' stsal pa/ ma pham pa de lta bas na/ gang dag sangs rgyas kyi chos rnams ji snyed yod pa de dag thams cad ni/ sems dang po bskyed pa la rag las pa yin no/ / ma pham pa de lta bas na byang chub sems dpa' rnyed par dka' ba'i phyir/ de bzhin gshegs pa rnyed par dka' ba yin no// ma pham pa 'di lta ste/ dper na mar med pas mar gyi snying khu'i rgyun chad par 'gyur ba de bzhin du/ ma pham pa byang chub tu sems bskyed pa med par/ de bzhin gshegs pa mngon par grub par mi 'gyur ro// pa pham pa 'di lta ste/ dper na mar yod pas mar gyi snying khu'i rgyun mi 'chad par 'gyur ba de bzhin du/ ma pham pa 'jig rten na byang chub sems dpa' yod pas/ 'jig rten du de bzhin ga ba'abyung bar 'gyur ro/ / ma pham pa 'di lta ste/ dper na sa bon yod pas myu gu 'byung bar 'gyur ba de bzhin du/ ma pham pa byang chub sems dpa' yod pas de bzhin gshegs pa 'byung bar 'gyur ro/ / ma pham pa de lta bas na byang chub sems dpa' rnyed par dka' ba nyid kyi phyir/ de bzhin gshegs pa rnyed par dka' ba nyid do// ma bam pa 'di lta ste/ dper na rgya ma chen pon gang dag rin thang med par gyur pa'i nor bu rin po che de dag ni nyung gi/ gang dag rin thang yod par gyur pa de dag ni ches mang ba de bzhin du/ ma pham pa sems can gyi ris na/ gang ngag byang chub kyi sems dang lhan cig gnas pa'i sems can de dag ni nyung ngu 'byung gi/ gang dag de las gzhan pa'i nyan thos dang rang sangs rgyas kyi sems dang lhan cig gnas pa'i sems can de dag ni ches mang du 'byung bar 'gyur ro/ / ma pham pa de lta bas na sems bskyed pa de dag ni rnyed par dka' zhing mchog tu rnyed par dka' 'o// sems bskyed pa de dag ni rnyed par dka' zhing mchog tu rnyed par dka' ba'i phyir u dum wa ra'i me tog dang mtshungs so/ / sems bskyed pa de dag ni rin thang med pa'i phyir rin po che dang mtshungs so// sems bskyed pa de dag ni shin/ tu 'phags pa'i phyir ri rab dang mtshungs so// sems bskyed pa de dag ni rab tu g.yo ba med pa'i phyir nam mkha' dang mtshungs so// sems bskyed pa de dag ni gting dpag dka' ba'i phyir rgya mtsho lta bu'o/ / ma pham pa sems basbed pa des ni rin po ches dkang ba'i stong gsum gyi stong chen po'i 'jig rten gyi khams bzod do// ma pham pa gal te sems bskyed pa de dag gzugs can du gyur nani/ de dag phyag bya ba'i phyir 'os yin te/ ma pham pa lha dang bcas pa'i 'jig rten 'bum phrag du mas bsrungs par 'gyur ro// ma pham pa de lta bas na byang chub kyi sems de bskyed pa'i phyir rnam 'byor du bya/ spro bar bya/ mthu yod par bya/ gsal bar bya/ spobs par bya/ ma than par bya/ 'dun par bya'o// ma pham pa sems bskyed pa de yang gang zhe na/ byang chub tu sems bskyed pa ste/ de ni bgrang ba'am gzhal bar mi nus so// ma pham pa 'on kyang sems bskyed pa de khor du chud par bya ba'i phyir nye bar 'jal ba tsam dang / dpe tsam zhig brjod par bya'o// / ma pham pa sngon cung ba 'das pa'i dus na/ bskal pa tshad med grangs med pa rgya chen po byung ba de'i tshe de'i dus na/ 'di ltar de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das bde ba'i rgyal po zhes bya ba 'jig rten du byung bar gyur to/ / ma pham pa bcom ldan 'das de'i tshe'i tshad ni lo brgyad khri bzhi stong du gyur to// ma pham pa bcom ldan 'das de'i nyan thos 'dus pa gcig ni dgra bcom pa bye ba phrag bdun cu rtsa drug byung bar gyur/ 'dus pa gnyis pa ni bye ba phrag dgu bcu rtsa drug byung bar gyur/ 'dus pa gsum pa ni bye ba phrag brgyar tshang bar byung bar gyur te/ thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ mnyam pa nyid kyi shes pas rnam par grol ba sha stag go/ ma bam pa de'i dus na rgyal po'i pho zang shin tu mthong zhes bya bar/ rgyal po rgyal rigs spyi bo nas dbang bskur ba seng ge'i dpal zhes bya 'byung bar gyu rgyal po seng ge'i dpal de'i btsun mo dam pa mchog las bu gnyis mtshe mar byung bar gyur te/ gcig ni mya ngan med ces bya/ cig shos ni mya ngan bral zhes bya'o// ma pham pa de'i dus na khye'u de gnyis skyes nas lo bdun lon par 'dra zhing / gnyis ka khang bzangs na 'dug par gyur te/ de gnyis kyis de bzhin gshegs pa bde ba'i rgyal po nyan thos kyi tshogs dang thabs gcig tu rgyal po'i ngo zabrang shin tu mthong bar gshegs pa mthong ngo / / de nas khye'u mya ngan med kyis/ phu bo mya ngan bral la smras pa/ mya ngan bral de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po thag ring po kho na nas tshur gshegs pa gzigs sam/ smras pa/ nu bo mthong ngo // smras pa/ mya ngan bral ba dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po de ci 'dra ba de lta bu kho nar 'gyur bar bgyi'o/ / de nas khye'u mya ngar med kyis/ phu bo mya ngan bral de la tshigs su bcad pa dag gis smras pa/ mgon po chen po mi yi mchog/ dge slong dge 'dun mdun bdar ba/ bde ba'i rgyal po tshur gshegs la// mya ngan bral ba khyed gzigs shig/ mi yi khyu mchog de 'dra bar bdag ni 'gyur ba kho nar bgyi/ / bdag la byang chub sems skyes te/ 'jig las 'gro ba thar par bgyi// 'gro 'di chags rgyags zhe sdang dang // chags pas sdug bsngal las bgyid de/ bgyis nas dmyal ba'i g.yang sar ltung / ngan 'gro dag las de thar bgyi// 'jig rten 'dren pa 'jig rten na// u dum wa ra'i me tog bzhin// rnyed dka'i mchog tu rnyed dka' yis/ / khyod kyis 'dun pa bskyed par mdzod// de nas khye'u mya ngan bral gyis/ nu bo la tshigs su bcad pa dag gis slar smras pa/ mang po tshig tu smra byed kyang tshig gis 'grub pa yong ma yin/ / bdag ni sgrub la gnas pas na// ci yang rab tu smra mi bya// mang po rab tu smra byed kyang // lus kyis byed pa yong ma yin// de yi 'bral bu mi snang bar/ / brdzun tshig tu smra ba nyid// gal te tshig gis thob 'gyur na// bdag 'od rin chen dkris par 'gyur// yon tan nyams pa de kun kyang // tshig gis rgyal ba rnams su 'gyur// de nas khye'u mya ngan med kyis/ khye'u mya ngan bral la tshigs su bcad pa dag gis slar smras pa/ bdag nyid yin gyi gzhan min par// gang phyir de 'dra smra byed cing // de phyir ci yang mi smra ba/ / sems de ser sna can gyi lags/ bdag gis sems can mgron du gnyer// bdag ni kun tu bged par bgyid// bdag la ser sna gzhar ma mchis// srog chags 'dren pa rnams su shog/ mkhas pa byung bar gyur pa rnams/ de dag tshig tu smra mi byed// tshig mang rab tu smras nas su// ji ltar don bzhin byed ma yin// de dag sngon chad nyid nas kyang / ser sna'i sems dang ldan par 'gyur// des na 'byung bar 'gyur zhig gam// 'on tu mi 'byung tshig tu smra// de nas khye'u mya ngan bral gyis/ nu bo mya ngan med la tshigs// su bcad pas slar smras pa/ gcig tu gyur nas song byas te// nu bo khyod dang kho bo yi// sems bskyed pa ni gang che zhes// mgon po de la zhu bar bya// de nas khye'u mya ngan bral khang bzangs kyi steng de nas babs te/ nor bu las byas pa'i mchil lham thogs shing / gos bye ba ri ba yang thogs nas/ de bzhin gshegs pa bde ba'i rgyal po ga la ba der song ste phyin nas/ bcom ldan 'das de'i zhabs la mgo bos phyag 'tshal te phyogs gcig tu 'dug go// khye'u mya ngan med kyis ni khang bzangs kyi steng de nyid nas bdag nyid bor ro// de nas khye'u mya ngan med bcom ldan 'das de bzhin gshegs pa bde ba'i rgyal po de ga la ba der song ngo / / khye'u des kyang gos rin po che dang / gtsug gi nor du yang thogs par gyur te/ khye'u des gos de dang gtsug gi nor bu de bcom ldan 'das de la phul ba dang / bcom ldan 'das des khye'u mya ngan med kyi lag pa nas bzhes so// khye'u mya ngan bral ni phyis bcom ldan 'das ga la ba der son gyi/ khye'u mya ngan med ni ches sngar son to/ / des khye'u mya ngan med de bzhin gshegs pa bde ba'i rgyal po'i spyan snga na 'dug pa mthong ngo // mthong nas kyang smras pa/ mya ngan med khyod lam gang nas ches sngar de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po'i thad du song / des smras pa/ phu bo khang bzangs de nyid nas/ bcom ldan 'das gal ba der bdag nyid bor te/ bdag ni lus ma snang ma spang pa kho nar bcom ldan 'das ga la ba der mchis so// de nas khye'u mya ngan bral gyis khye'u mya ngan med las lan thos nas/ bcom ldan 'das de la mchil lham de gnyis dang / gos rin po che de phul nas/ de'i tshe tshigs su bcad de gsol pa/ lam ngan nas ni 'gro ma 'gyur/ 'jig rten 'dren pa mthong gyur cig/ sangs rgyas kyis ni gang bstan pa'i// lam la rtag tu sten par shog/ de nas khye'u mya ngan med kyis kyang / bu bo la tshigs su bcad pa dag gis smras pa/ gang dag lus dang de bzhin du/ / srog gi dbang po srung byed pa// de dag rtag tu la mu tshol 'gyur// phu lo de ni khyod bzhin no// gang dag rtag tu bde ba don gnyer ba// de dag gzhan gyi bde 'tshol mi byed/ / lus srog dbang po bor nas gzhan du ni// sdug bsngal rnam pa sna tshogs 'byung bar 'gyur// mi rnams kyi ni rgya chen don kyang bya// sdug bsngal dra ba la sa ni yongs sbrel bya// lam 'di nyid de sangs rgyas mthong ba 'di/ / sangs rgyas mthong nas phyi nas lam mtshol// bdag cag lam nas bde bar 'gro bya zhes// ma rtogs mi mkhas gzhan dag rlom sems 'gyur// de nas lam ngan lam der 'gro bar 'gyur// de dag gis ni yang dag lam mi shes// lam ngan 'gro ba don dam blo can rnams// lam la de ni lam ngan zhes 'jug pa// de ni rtag tu bdud kyi 'ching bas zin/ / de 'dra de ni lam mchog 'di las ring // rtag tu sangs rgyas dang ni phrad gyur cig/ rtag par rgyun tu ngur smrig gyon par shog/ rtag tu tshangs par spyod pa thob gyur cig/ skyes nas shin tu sems can don byed shog/ dam chos spyod la rtag tu gnas gyur cig/ rtag tu chos kyang kun tu 'dzin par shog/ rtag tu rgyal ba rnams kyi chos bzung nas// rtag tu srog chags rnams la phan byed shog/ rtag tu brtson 'grus brtan por rtsom gyur cig/ thos pa'i chos rnams chud za ma gyur cig/ dus rnams kun tu mnyam par 'jog gyur cig/ yon tan rnams kyis rtag tu brgyan par shog/ ma pham pa de nas khye'u mya ngan med dang / khye'u mya ngan bral gyis tshigs su bcad pa de dag smras nas/ de bzhin gshegs pa bde ba'i rgyal po'i thang du khyim nas khyim med par mthun par rab tu byung ngo / / de ltar de dag rab tu byung ma thag tu gcig la gcig smras pa/ bdag ches thog mar de bzhin gshegs par 'gyur bar bya'o// de nas dge slong mya ngan med kyis/ dge slong mya ngan bral la smras pa/ mya ngan bral khyod kyis bdag ches thog mar bla na med pa yang dag par rdzogs pa'i byang chub mngon par rdzogs par 'tshang rgya bar bya'o/ / zhes de skad ces smras na/ khyod kyis sems ji lta bu zhig skyed/ des smras pa/ mya ngan med 'dir bdag gis ni gal te bdag blun med/ pa yang dag par rdzogs pa'i byang chub mngon par rdzog par sangs ma rgyas kyi bar du sems can re re'i don gyi phyir/ sems can dmyal ba rnams su bskal pa 'bum du smin par gyur na'ang / de'i tshe yang byang chub kyi sems dor bar mi bya'o snyam ste/ mya ngan med bdag gis sems de lta bu bskyed do// mya ngan med 'on kyang bdag gis gal te bdag gi mgo bo la shar phyogs dang / de bzhin du phyogs thams cad nas la la zhig 'ongs te/ bshang ba'i chang bu 'am/ me'i ri lu'am/ rdul gyi ri lu 'am/ bshang ba'i bum pa 'am/ me'i bum pa 'am/ rdul gyi bum pa zhig bzhag kyang / gzhi de las bdag gis gnod sems su mi bya/ / zhe sdang bskyed par mi bya/ sems khros pas mi de la rnam par blta bar mi bya/ sems khros pa dang ldan pas de la ngas gnod pa ci byas shes/ de skad ces kyang smra bar mi bya ste/ phyir rgol ba su gang gis las de brtsams pa'i sems can de nyid kyi don gyi phyir/ bdag gis pha rol tu phyin pa dag la sprad par bya ste/ des gang byas pa'i las de ni sangs rgyas kyi ye shes rtsom pa yin/ las de ni sangs rgyas kyi chos rtsom pa yin te/ gal te bdag gis rkyen dag byung ba na/ sems mnyam par ma gzhog na/ bdag gis bzod pa'i pha rol tu phyin pa ji ltar yongs su rdzogs par byed par 'gyur/ bdag la gnod sems kyi rkyen dag ma byung bar ni ya mtshan cir 'gyur te/ de lta bas na sems can de dag nyid yongs su smin par bya ba'i phyir dang / yongs su mya ngan las 'da' bar bya ba'i don gyi phyir go cha bgo bar bya'o snyam nas/ bzod pa'i go cha de lta bu bgos so// gal te gnod sems su byed pa'i sems can de dag la yang gnod sems su byas na/ bdag la khyad par du 'phags pa ci zhig 'byung bar 'gyur te/ mya ngan med bdag gis de lta bu de lta bu'i go cha bgos so// de nas dge slong mya ngan med kyis/ dge slong mya ngan bral la 'di skad ces smras so/ / phu bo khyod kyis gang gis go cha bgos pa'i sems de khyod kyis gzigs sam/ smras pa/ gal te sems med par gyur na ni/ go cha bgos pa de lta bu med par 'gyur la/ go cha de yang med na ni rab tu bstan pa yang med par 'gyur te/ mya ngan med gang gi phyir sems de yod pa de'i phyir go cha de rab tu bstan pa yang yod do// de nas dge slong mya ngan med kyi/ dge slong mya ngan bral la 'di skad ces smras so// ji ltar sems de yod pa bzhin du/ go cha yang yod do zhes/ de skad ces khyod ma gsung zhig/ de ci'i phyir zhe na/ mya ngan bral sems ni skye dang 'jig pa'i chos can pas sgyu ma lta bu yin pa'i phyir te/ skye ba dang 'jig pa'i chos can gyi sems sgyu ma lta bu la ni yod pa 'am med pa yang med do// mya ngan bral gang yod pa 'am/ med pa de ni lta ba de yin te/ gang de lta bu'i lta ba de ni log par lta ba'o// gang log par lta ba de ni lam gol ba yin zhing lam ma yin la/ de byang chub kyi lam ma yin pas de'i byang chub ni thag ring ba yin zhing / byang chub de thag nye ba ma yin la/ de'i byang chub bgrod par dka' ba yin te/ mya ngan bral de lta bas na de dag thams cad ni spros pa yin no// gang dag chos spros pa dang ldan pa dang / chos rlom sems dang ldan pa de dag ni byang chub sems dpas bsten par bya ba ma yin no// byang chub sems dpas bsten par bya ba'i chos kyang gang zhe na/ byang chub sems dpas chos gang yang bsten par bya ba ma yin pa ste/ de ci'i phyir zhe na/ chos rnams bsten par gyur na ni// chos ma yin pa rnams bsten par 'gyur ba'i phyir ro// de ltar byang chub sems dpas chos thams cad la mngon par zhen par mi bya ste/ de ci'i phyir zhe na/ byang chub ni gzhi med pa'i phyir ro// gal te byang chub sems dpas de ltar rlom sems su byed na/ de yang chos ma yin pa ste/ de ci'i phyir zhe na/ byang chub ni rlom sems med pa'i phyir ro// gal te byang chub sems dpa' de ltar gnas par byed na/ de yang chos ma yin pa ste/ de ci'i phyir zhe na/ byang chub ni gnas med pa'i phyir ro// gal te byang chub sems dpa' de ltar mos par byed na/ de yang chos ma yin pa ste/ de ci'i phyir zhe na/ byang chub ni mos pa med pa'i phyir ro// gal te byang chub sems dpa' de ltar rab tu shes par byed na/ de yang chos ma yin pa ste/ de ci'i phyir zhe na/ byang chub ni mtshan nyid med pa'i phyir ro// gal te byang chub sems dpa' de ltar khong du chud par byed na de yang chos ma yin pa ste/ de ci'i phyir zhe na/ byang chub ni 'gyur ba med pa'i phyir ro// gal te byang chub sems dpas de ltar mngon du bya'o snyam nas de wAr sgom par byed na/ de yang chos ma yin pa ste/ de ci'i phyir zhe na/ byang chub ni med pa'i phyir dang / byang chub de ni yi ge med pa'i phyir ro// de nas dge slong mya ngan bral gyis dge slong mya ngan med la 'di skad ces smras so/ / mya ngan med byang chub de med dam/ ci na de'i phyir de skad ston/ ci ste mya ngan bral yod cing bdag yod na ni byang chub kyang yod do// dge slong mya ngan/ med kyis smras pa/ phu bo khyod spros pa med pa'i byang chub la byang chub yod ce 'am/ med ces rnam par ma rtog cig/ de ci'i phyir zhe na/ ji tsam du spros pa de ni byang chub ma yin no// de ci'i phyir zhe na/ byang chub ni spros pa med pa'i phyir te/ 'di ni tshul yin no// yang na ji tsam du spros pa de tsam du byang chub bo// mya ngan bral gyis smras pa/ nu bo ji tsam du spros pa de byang chub po zhes smras pa de'i don bdag gis mi shes so/ / de nas dge slong mya ngan med kyis/ phu bo la smras pa/ bu bo de'i phyir gnyis ka gyur nas/ bcom ldan 'das de bzhin gshegs pa bde ba'i rgyal po ka la ba der 'dong ngo / / de nas de gnyis bcom ldan 'das de bzhin gshegs pa bde ba'i rgyal po deg la ba der song nas/ bcom ldan 'das de'i zhabs la phyag 'tshal te phyogs gcig tu 'khod do/ / de gnyis phyogs gcig tu 'khod nas kyang / bcom ldan 'das de la gtam kun tu brjod pa de snyed byung ba de thams cad gsol to// de nas bcom ldan 'das des/ dge slong mya ngan med la mya ngan med legs so legs so zhes bya ba byin te/ de la legs so zhes bya ba byin nas kyang / dge slong mya ngan bral la 'di skad ces bka' stsal to/ / mya ngan bral de de bzhin te/ ji tsam du spros pa de ni byang chub ste/ de ci'i phyir zhe na/ spros pa thams cad ni dben pa yin pa'i phyir te/ byang chub de yang dben pa yin no/ / dben pa nyid kyang gang zhe na/ spros pa gang yin pa'o// spros pa gang zhe na/ rtog pa ste/ gzugs spros pa dang / tshor ba dang / 'du shes dang / 'du byed rnams dang / rnam par shes pa spros pa dang / tshul khrims spros pa dang / ting nge 'dzin spos pa dang / 'dod pa chung ba nyid spros pa dang / chog shes pa nyid spros pa dang / dgang sla ba nyid spros pa dang / ma 'dres bapa nyid spros pa'o/ / spros pa de yang gang las byung zhe na/ kun tu rtog pa las byung ste/ gzugs kyi kun tu rtog pa nas/ ting nge 'dzin gyi kun tu rtog pa'i bar du kun tu rtog pa ji snyed yod pa spros pa yang de snyed do/ / de la kun tu rtog pa gang yin pa de ni gzugs can ma yin pa'i phyir/ kun tu rtog pa ni gzugs can ma yin pa'o// kun tu rtog pa gang yin pa de ni rtog pa med pa'o// kun tu rtog pa gang yin pa de ni tshul khrims ma yin pa nas/ chog shes pa nyid kyi bar du'ang ma yin no// byang chub ni gzugs stong pa nyid do// byang chub ni tshor ba dang / 'du shes dang / 'du byed rnams dang / rna par shes pa stong pa nyid do/ / de bzhin du byang chub de ni tshul khrims dang / ting nge 'dzin dang / 'dod pa chung ba nyid dang / chog shes pa nyid dang / dgang sla ba nyid dang / gso sla ba nyid stong pa nyid do/ stong pa nyid ni gcig pa'ang ma yin/ tha dad pa'ang ma yin te/ byang chub de ni de yin no// de nas dge slong bya ngan bral gyis chos kyi rnam grangs de thos nas mi skye ba'i chos la bzod pa thob bo/ sems gang gis byang chub sems dpa' zhes brjod pa'i byang chub kyi sems de yang rab tu shes so// de ltar dge slong mya ngan med dang / dge slong mya ngan bral de ltar chos rnams la lhag mthong dang / de ltar chos rnam rab tu shes pa dang / de ltar chos rnams la mos pas lo brgyad khri bzhi stong du yang rmugs pa dang / gnyid kyis ma non cing / nam yang brtson 'grus ma gtang ste/ gzhan du na rtag tu 'chag pa la mngon par brtson pa 'ba' zhig tu gyur pa ni ma gtogs so/ / nam yang 'dod chags kyi sems ma bskyed/ zhe sdang gi sems ma bskyed/ gti mug gi sems ma bskyed do// de gnyid de nas shi 'phos nas/ 'og gi 'jig rten gyi khams su de bzhin gshegs pa dpung mgo zlum pa zhes bya ba'i sangs rgyas kyi zhing / sangs rgyas kyi zhing stong gi rjes su mthun pa zhes bya bar skyes te/ der yang brtson 'grus brtsam pa yang dag par blangs nas gnas par gyur to// ma pham pa rnam grangs des byang chub sems dpa' de gnyis kyis sangs rgyas bye ba phrag drug cu rtsa brgyad mnyes par byas so/ / skye ba thams cad du yang rab tu byung ste/ thams cad du yang brtson 'grus brtsams pa dag gis gnas so// de'i 'og tu byang chub sems dpa' sems dpa' chen po mya ngan med bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas tshogs mchog bkod pa zhes bya bar 'jig rten du byung ngo / / de'i 'og tu byang chub sems dpa' mya ngan bral bla na med pa yang dag par rdzogs pa'i byang chub mngon par rdzogs par sangs rgyas te/ de bzhin gshegs pa mchog gi tshogs can zhes bya bar byung pabar gyur te/ ma pham pa de dag gi gsung rab de yang rgya chen por gyur to// ma pham pa de bzhin gshegs pa de dag ni tshe yang dpag tu med par gyur to// ma pham pa byang chub sems dpa'i sems gang yin pa de ni gang du yang bskur ba ma yin/ gang nas kyang blangs pa ma yin/ bskyed pa ma yin/ bkag pa ma yin/ gnas pa ma yin/ rgyun chad pa ma yin/ song ba ma yin/ 'ongs pa ma yin no// ma pham pa sems de gang yin pa dang / byang chub sems dpa' gang yin pa de gnyis ka yang mchog tu rnyed par dka' 'o// de nas bcom ldan 'das kyis de'i tshe tshigs su bcad pa 'di dag bka' stsal to// bskal pa bye ba rnams su yang // 'jig rten snang byed rnams ni dkon// u dum wa ri'i me tog bzhin// 'jig rten du ni res 'ga' 'byung // yang dag byang chub phyir zhugs pa'i// byang chub sems dpa' sems debang dkon/ / dpa' bo yi ni sems de dang // 'jig rten du ni res 'ga' 'byung // de lta bas na de 'dra ba'i// dag pa'i sems de bskyed nas su// sangs rgyas dag gi stobs rnams dang // de bzhin mi 'jigs rnams kyang snang / de las seng ge'i sgra sgrogs dang // drang srong smra bar nga yis su// yang dag 'khor lo bskor ba bzhin// chos kyi 'khor lo'ang de bzhin no// nga yi ma 'dres bco brgyad chos/ ma tshang med pa gang yin dang // sangs rgyas rnams kyi mtshan gang yin// de dag kyang ni 'dir ltos shig/ rmongs pa med pas gshegs pa dang // glang po che yi gzigs stangs dang // spyi gtsug bltar mi mthong ba yang // sems de las ni rab tu ltos// tshul khrims pha rol phyin pa dang // ting 'dzin pha rol phyin pa dang // shes rab pha rol phyin pa dang // byang chub sems de'ang/ 'di las ltos// sangs rgyas chos rnams rab bstan pa'i// chos gzhan gang dag yin pa yang // de dag thams cad sems de dang // dang po'i sems la gnas pa yin// nyan thos tshul khrims gang yin dang / / shes rab phung po rdzu 'phrul gang // de dag thams cad 'dir ltos shing // sngon chad sems ni bskyed pa de// gal te 'jug pa ma yin na// bla na med pa'i ye shes kyang / / 'jug par 'gyur ba ga la yin// sangs rgyas chos rnams mthong min na// thos par yang ni ga la 'gyur// 'jig rten du ni nyan thos rnams// 'byung bar srid pa ma yi no/ rdzogs pa'i rang sangs rgyas gang dag/ gnas nas mya ngan 'das pa yi// dge ba'i go cha de yang ni// sems de nyid las blta bar byos// sems can bde ba gang ci'ang rung // 'jig rten pa'am 'jig rten 'das/ / thams cad kyang ni sems de dang // dang po'i sems la gnas pa yin// sems de'i rnam par smin pa ni// rgya chen yin te de mthong na// bskal pa bye ba phrag stong du 'ang/ de ni zad par mi 'dod do// skye ba dang ni 'jig ldan la// rkyen rnams kyis ni bskyed gyur pa// sems kyi dngos po stong pa yi// rnam par smin pa ci 'dra ltos// rkyen rnams kyis ni sems bskyed/ la/ sems de'ang dngos po med pa ste// dngos po med dang ldan sems kyis// rnam par smin pa ci 'dra ltos// dmigs par bya ba de dag gis// sems ni nam yang mi skye ste// gang gi bsngags pa mi nyams pa'i/ / de yi rnam smin nyid la ltos// brtan pa'i blo can mi zhig gis// de 'dra'i sems ni rab shes nas// rtag tu theg pa dam pa la// gnas pa su zhig chung zar 'gyur/ / gang dag mig dang gzugs gnas shing // tshor ba dang ni 'du shes gnas// 'du byed la yang gnas nas su// bdag nyid rnam shes ma byas pa// blo gros ngan pas nam mkha' la/ / kun tu brtags pas 'dag snyam pa// yun ring dag par ma gyur pas// srid par mi mkhas rnams su 'gyur// de phyir sems ni gsob dang gsog/ yod pa min par rab shes nas/ / de la snying por mi gzung ste// de dag ngo bo nyid kyis stong // brten nas sems ni bskyed gyur pa// nam yang chud zar mi 'gyur zhing // gang dag de yi rkyen yin pa// gang dag ngo bo nyid kyis stong // ngo bo nyid kyis stong pa'i chos// de dag la ni sgrub pa med// chos rnams thams cad btags pa ste// rang bzhin de ltar rab tu bstan// gang dag de ltar rab shes pa/ / de de byang chub lung bstan gyi// de dag gzugs kyis lung ma bstan// tshor bar kyang ni lung ma bstan// 'du shes 'du byed rnams kyis min// rnam shes kyi kyang lung ma bstan 'di la chos rnams mi dmigs kyang / / de dag lung ma bstan pa'ang min// gang dag 'di la chos thams cad// mtshan med de 'dra'i shes ldan zhing // shes pas rlom sems mi byed pa// de dag byang chub lung bstan to// bzod pa 'di 'dra de skyes pa// blo gros brtan pas bzod du zad// bong ba'i chad pas mtshon chad la// de dag mi mjed can du 'gyur// gang dag bzod pa de 'dra ba/ / legs par skyes par gyur pa dag/ de dag rnyed dang bkur sti bzod// de ni rnyed pas rlom sems med// de 'dra ba yi bzod pa de// mkhas pa rnams kyis non pa yin/ / mtha' gnyis zil gyis mnan nas su// mkhas rnams dbu mas spyod par byed// de phyir bzod pa bsten par bya// ngo bo nyid kyis chos stong pa// de ni byang chub lam yin te// ngas kyang de ni brten pa yin// byang chub tu sems bskyed pa bsngags pa'i le'u zhes bya ste bzhi pa'o// // bam po lnga pa// / de'i tshe shar phyogs kyi phyogs char 'jig rten gyi khams grangs med pa stong phrag drug cu rtsa brgyad 'das pa na/ 'jig rten gyi khams blo gros rab gnas zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas nam mkha'i rigs zhes bya ba bzhugs te/ 'tsho zhing gzhes la chos kyang ston te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nam mkha'i rigs des kyang / byang chub sems dpa' sems dpa' chen po zla ba zhes bya ba bla na med pa yang dag par rdzogs pa'i byang chub tu lung bstan to// byang chub sems dpa' sems dpa' chen po zla bas snang ba de mthong ste/ gsung bsal ba'i sgra de yang thos so// de nas byang chub sems dpa' sems dpa' chen po zla bas/ de bzhin gshegs pa dgra bcom pa yang dag par rdzogs pa'i sangs rgyas nam mkha'i rigs la 'di skad ces gsol to/ / bcom ldan 'das gsung bsal ba'i sgra grag pa de dang / bod gda' ba de su'i lags/ de skad ces gsol pa dang / bcom ldan 'das de bzhin gshegs pa nam mkha'i rigs kyis/ byang chub sems dpa' sems dpa' chen po zla ba la 'di skad ces bka' stsal to// rigs kyi bu sangs rgyas kyi zhing 'di nas nub phyogs su 'jig rten gyi khams grangs med pa stong phrag drug cu rtsa brgyad 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to// gsung bsal ba'i sgra grag pa de dang / 'od snang ba de ni bcom ldan 'das de'i yin no// de nas bcom ldan 'das de la/ byang chub sems dpa' zla bas 'di skad ces gsol to// bcom ldan 'das bcom ldan 'das shAkya thub pa de'i thad du 'jig rten gyi khams mi mjed der bdag mchi bar bgyi'o// bcom ldan 'das des bka' stsal pa/ rigs kyi bu khyod de'i dus la bab par shes na song zhig/ de nas bcom ldan 'das des skabs phye nas/ byang chub sems dpa' zla bas bcom ldan 'das de la rnam par bltas te/ bcom ldan 'das de'i zhabs la mgo bos phyag 'tshal nas 'gro bar chas so/ / bcom ldan 'das de bzhin gshegs pa nam mkha'i rigs des// byang chub sems dpa' zla ba'i lag par lag pa lta bu'i me tog kus/ dbyin te 'di skad ces kyang bka' stsal to// rigs kyi bu khyod kyi lag pa lta bu'i me tog ku mu da 'di bcom ldan 'das de la phul la/ bcom ldan 'das bcom ldan 'das la de bzhin gshegs pa nam/ mkha'i rigs gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ snyun gsol lo zhes de skad ces kyang gsol cig/ de nas byang chub sems dpa' zla bas/ bcom ldan 'das de'i ltar mnyan te legs so zhes gsol nas song ste/ de rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der 'di lta ste/ dper na skyes bu stobs dang ldan pa zhig gis lag pa bskum pa rkyong bar byed pa'am/ lag pa brkyang bskum par byed pa'i skad cig des song ngo // de nas byang chub sems dpa' zla bas phyin te/ bcom ldan 'das kyi zhabs la mgo bos phyag 'tshal nas phyogs gcig tu 'dug ste/ phyogs gcig tu 'dug nas kyang / bcom ldan 'das la 'di skad ces gsol to// bcom ldan 'das bcom ldan 'das la/ de bzhin gshegs pa nam mkha'i rigs gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam// zhes sku gsol zhing / bcom ldan 'das la bcom ldan 'das des lag pa lta bu'i ku mu da 'di yang bskur pa lags so// bcom ldan 'das kyis byang chub sems dpa' zla ba'i lag pa nas lag pa lta bu'i ku mu da de bzhes te/ bzhin nas kyang bka' stsal pa/ zla ba ci bcom ldan 'das de snyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ bde bar reg pa la gnas sam/ gsol pa/ bcom ldan 'das de lta lags so// // de'i tshe shar phyogs su 'jig rten gyi khams grangs med pa bzhi khri 'das pa na/ 'jig rten gyi khams sa'i snying po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' sems dpa' chen po ye shes rnam par bsgrags pa zhes bya ba bla na med pa yang dag par rdzogs pa'i byang chub tu lung bstan to/ / byang chub sems dpa' sems dpa' chen po ye shes rnam par bsgrags pas snang ba chen po de mthong ste/ gsung bsal ba'i sgra de yang thos so// de nas byang chub sems dpa' ye shes rnam par bsgrags pa/ bcom ldan 'das de bzhin gshegs pa rnam par bsgrags pa'i stobs kyi rgyal po ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das de la 'di skad ces gsol to// bcom ldan 'das 'od de dang / gsung bsal ba'i sgra de su'i lags/ de nas bcom ldan 'das des/ byang chub sems dpa' de la bka' stsal pa/ rigs kyi bu sangs rgyas kyi zhing 'ang nas nub phyogs su 'jig rten gyi khams grangs med pa bzhi khri 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa'i chos kyi rnam grangs kyi chos kyang ston to/ / de nas bcom ldan 'das de la/ byang chub sems dpa' des 'di skad ces gsol to// bcom ldan 'das bcom ldan 'das de la blta ba dang / phyag bgyi ba dang bsnyen bkur bgyi ba dang / dpe med pa sems dpa'i byang chus sems dpa' de dag kyang blta ba'i slad du/ 'jig rten gyi khams mi mjed der bdag mchi bar bgyi'o// bcom ldan 'das des bka' stsal pa/ rigs kyi bu de'i dus la dbab par shes na song zhig/ de nas bcom ldan 'das des skabs phye nas/ byang chub sems dpa' ye shes rnam par bsgrags pas/ bcom ldan 'das de la phyag 'tshal te/ 'jig rten gyi khams mi mjed ga la ba der chas so// de nas de bzhin gshegs pa rnam par bsgrags pa'i rgyal po des tsan dan dmar po'i thum po byin nas/ rigs kyi bu khyod kyis bcom ldan 'das de la 'di bul te/ phul nas kyang nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol cig/ de nas byang chub sems dpa' ye shes rnam par bsgrags pas mnyan nas legs so zhes gsol to// 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa 'am/ lag pa brkyang bskum par byed pa'i skad cig dang / thang cig dang / yud tsam des 'jig rten gyi khams 'dir 'ongs te/ de rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ / bcom ldan 'das bcom ldan 'das la/ de bzhin gshegs pa rnam par bsgrags pa'i stobs kyi rgyal po gnod pa chung ngam/ nyam nga ba nyung ngam// bskyod pa yang ngam/ stobs dang bde bar reg pa la gnas sam zhes snyun gsol zhing / bcom ldan 'dra la bcom ldan 'das des tsan dan dmar po'i zlum po 'di yang bskur ba lags so// bcom ldan 'das kyis bzhes te/ ba zhes nas kyang bka' stsal pa/ ye shes rnam par bsgrags pa/ ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta lags so/ / // de'i tshe shar phyogs su 'jig rten gyi khams grangs med pa sum khri dgu stong 'das pa na/ 'jig rten gyi khams zla ba 'phags pa'i 'od zer zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'od zer rab tu gtang ba zhes bya ba bzhugs te 'tsho zhing gzhes la chos kyang ston te/ bcom ldan 'das des byang chub sems dpa' 'od kyi dkyil 'khor can zhes bya ba bla na med pa yang dag par rdzogs pa'i byang chub tu lung bstan to// byang chub sems dpa' 'od kyi dkyil 'khor can gyis snang ba chen po de mthong ste/ gsung bsal ba'i sgra de yang thos so// de nas bcom ldan 'das de la/ byang chub sems dpa' sems dpa' chen po 'od kyi dkyil 'khor can gyis 'di skad ces gsol to/ / bcom ldan 'das 'od de dang / gsung bsal ba'i sgra grags pa de su'i lags/ de skad ces gsol pa dang / bcom ldan 'das kyis/ byang chub sems dpa' 'od kyi dkyil 'khor can la 'di skad ces bka' stsal to/ / 'od kyi dkyil 'khor can nub phyogs su 'jig rten gyi khams grangs med pa sum khri dgu stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to/ / de nas bcom ldan 'das de la/ byang chub sems dpa' sems dpa' chen po 'od kyi dkyil 'khor can gyis 'di skad ces gsol to// bcom ldan 'das bcom ldan 'das shAkya thub pa la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po de dag kyang blta ba'i slad du/ 'jig rten gyi khams der bdag mchi bar bgyi'o/ / bka' stsal pa/ rigs kyi bu khyod de'i dus la dbab par shes na song zhig/ de nas bcom ldan 'das de bzhin gshegs pa 'od zer rab tu btang bas/ byang chub sems dpa' 'od kyi dkyil 'khor can la pad+ma chen po gcig byin te/ rigs kyi bu khyod kyis bcom ldan 'das de la pad+ma chen po 'di phul la/ bcom ldan 'das la bcom ldan 'das 'od zer rab tu btang ba gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ snyun gsol lo zhes de skad ces kyang gsol cig/ de nas byang chub sems dpa' 'od kyi dkyil 'khor can bcom ldan 'das de'i zhabs la phyag 'tshal te bskor ba byas nas/ 'di lta ste/ dper na skyes bu stobs dang ldan pa zhis gis zhes bya ba nas/ rgyas par skad cig des 'jig rten gyi khams mi mjed 'dir phyin te/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to// bcom ldan 'das bcom ldan 'das la de bzhin gshegs pa 'od zer rab tu btang ba gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das bcom ldan 'das des pad+ma chen po 'di yang bskur ba lags so// bcom ldan 'das kyis bzhes te/ bzhes nas kyang byang chub sems dpa' 'od kyi dkyil 'khor can la bka' stsal pa/ 'od kyi dkyil 'khor can ci bcom ldan 'das de snyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so// // de'i tshe shar phyogs su sangs rgyas kyi zhing grangs med pa sum khri brgyad stong 'das pa na 'jig rten gyi khams 'dren pa'i rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nges par 'dren pa'i rgyal mtshan zhes bya ba bzhugs te/ 'tsho zhing gzhes la chos kyang ston to// bcom ldan 'das des kyang byang chub sems dpa' sems dpa' chen po rin po che'i go cha mtha' yas zhes bya ba bla na med pa yang dag par rdzogs pa'i byang chub tu lung bstan to/ / de nas byang chub sems dpa' rin po che'i go cha mtha' yas kyis snang ba chen po de dang / sa g.yo ba chen po de yang mthong ste/ mthong nas kyang bcom ldan 'das de bzhin/ gshegs pa nges par 'dren pa'i rgyal mtshan de ga la ba der song ste phyin nas/ bcom ldan 'das de'i zhabs la mgo bos phyag 'tshal te/ bcom ldan 'das de la 'di skad ces gsol to// bcom ldan 'das 'od kyi snang ba de dang / dog sa g.yo ba de dang / gsung bsal ba'i sgra de su'i lags/ bcom ldan 'das kyis bka' stsal pa/ rin po che'i go cha mtha' yas/ sangs rgyas kyi zhing 'di nas nub phyogs su sangs rgyas kyi zhing grangs med pa sum khri brgyad stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ ba di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa zhes bya ba'i chos kyi rnam grangs kyi chos kyang ston te/ 'od kyi snang ba de dang / gsung bsal ba'i sgra de ni de'i yin no// de nas bcom ldan 'das de la/ byang chub sems dpa' rin po che'i go cha mtha' yas kyis 'di skad ces gsol to/ / bcom ldan 'das bcom ldan 'das de la blta ba dang / phyag bgyi ba dang / bsnyen bkur bgyi ba dang / byang chub sems dpa' de dag kyang blta ba'i slad du/ 'jig rten gyi khams der bdag mchi bar bgyi'o// de nas bcom ldan 'das des bka' stsal pa/ rigs kyi bu khyod de'i dus la dbab par shes na song zhig/ de nas de bzhin gshegs pa dgra bcom pa yang dag par rdzogs pa'i sangs rgyas nges par 'dren pa'i rgyal mtshan gyis/ byang chub sems dpa' rin po che'i go cha mtha' yas kyi lag par ka shi ka'i gos gcig byin te/ khyod kyis bcom ldan 'das de la ka shi ka'i gos 'di phul la/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol cig/ de nas byang chub sems dpa' sems dpa' chen po rin po che'i go cha mtha' yas/ bcom ldan 'das de'i zhabs la mgo bos phyag 'tshal te song ngo // de nas byang chub sems dpa' sems dpa' chen po rin po che'i go cha mtha' yas/ 'jig rten gyi khams 'dren pa'i rgyal mtshan nas mi snang bar gyur te/ 'jig rten gyi khams mi mjed du 'dug go/ de bcom ldan 'das de bzhin gshegs pa shAkya thub pa ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas kyang / bcom ldan 'das la/ byang chub sems dpa' rin po che'i go cha mtha' yas kyis 'di skad ces gsol to// bcom ldan pa ngas bcom ldan 'das la/ de bzhin gshegs pa nges par 'dren pa'i rgyal mtshan gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das la bcom ldan 'das des ka shi ka'i gos 'di yang bkur ba lags so/ / bcom ldan 'das kyis ka shi ka'i gos de bzhes te/ bzhes nas kyang byang chub sems dpa' sems dpa' chen po rin po che'i go cha mtha' yas la 'di skad ces bka' stsal to/ / rin po che'i go cha mtha' yas/ ci bcom ldan 'das de snyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so// / de'i tshe shar phyogs su 'jig rten gyi khams grangs med pa sum khri bdun stong 'das pa na/ 'jig rten gyi khams me tog pad+ma zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das de bzhin gshegs pa des kyang / byang chub sems dpa' brtson 'grus mtha' yas zhes bya ba bla na med pa yang dag par rdzogs pa'i byang chub tu lung bstan to// byang chub sems dpa' sems dpa' chen po brtson 'grus mtha' yas kyis snang ba chen po de mthong ste/ gsung bsal ba'i sgra de yang thos so// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal la/ / byang chub sems dpa' brtson 'grus mtha' yas kyis 'di skad ces gsol to// bcom ldan 'das mthu su'i lags/ bcom ldan 'das des bka' stsal pa/ rigs kyi bu nub phyogs su 'jig rten gyi khams grangs med pa sum khri bdun stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de ni de'i yin no// de nas bcom ldan 'das de la/ byang chub sems dpa' sems dpa' chen po brtson 'grus mtha' yas kyis 'di skad ces gso/ to// bcom ldan 'das bcom ldan 'das shAkya thub pa'i thad du 'jig rten gyi khams der bdag mchi bar bgyi'o// bcom ldan 'das des bka' stsal pa// rigs kyi bu de'i dus la dbab par shes na song zhig/ de nas de bzhin gshegs pa sna tshogs me tog tshogs kyi dpal gyis/ byang chub sems dpa' sems dpa' chen po brtson 'grus mtha' yas kyi lag par pad+ma chen po gcig byin te/ rigs kyi bu khyod kyis bcom ldan 'das de la pad+ma chen po 'di phul la/ nga'i tshig gis gnod pa chung ngam// nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol cig/ de nas byang chub sems dpa' sems dpa' chen po brtson 'grus mtha' yas/ de bzhin gshegs pa dgra bcom pa yang dag par rdzogs pa'i sangs rgyas sna tshogs me tog tshogs kyi dpal gyi zhabs la phyag 'tshal te bskor ba byas nas/ 'di lta ste/ dper na skyes du stobs dang ldan pa zhig gis lag pa bskums pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des song ste/ sangs rgyas kyi zhing de nas mi snang bar gyur nas/ 'jig rten gyi khams mi mjed du 'dug go/ de nas byang chub sems dpa' sems dpa' chen po brtson 'grus mtha' yas rgyal po'i khab kyi grong khyer chen po ga la ba dang / bod ma'i tshal bya ka lan ta ka gnas pa ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas kyang / bcom ldan 'das la 'di skad ces gsol to// bcom ldan pa das bcom ldan 'das la/ de bzhin gshegs pa sna tshogs me tog tshogs kyi dpal gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das la bcom ldan 'das des pad+ma chen po 'di yang bskur ba lag na/ bcom ldan 'das kyis pad+ma 'di bzhes su gsol/ bcom ldan 'das kyis pad+ma de bzhes te/ ba zhes nas kyang 'di skad ces bka' stsal to/ / brtson 'grus mtha' yas ci bcom ldan 'das de spyan mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das/ de ldan lags so// de'i tshe shar phyogs su 'jig rten gyi khams grangs med pa sum khri drug stong 'das pa na/ 'jig rten gyi khams gdugs gcig pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'jig pa'i spu zing zhes byed pa dang bral ba zhes bya ba bzhugs te 'tsho zhing gzhes la chos kyang ston te/ de bzhin gshegs pa dgra bcom pa yang dag par rdzogs pa'i sangs rgyas 'jigs pa'i spu zing zhes byed pa dang bral ba des/ byang chub sems dpa' dra ba can gyi 'od ces bya babla na med pa yang dag par rdzogs pa'i byang chub tu lung bstan to/ / byang chub sems dpa' sems dpa' chen po dra ba can gyi 'od kyis snang ba chen po de mthong ste/ gsung bsal ba'i sgra de yang thos so/ / thos nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das de la 'di skad ces gsol te/ bcom ldan 'das 'od de dang / gsung bsal ba'i sgra de su'i lags/ bcom ldan 'das des bka' stsal pa/ rigs kyi bu sangs rgyas kyi zhing 'di nas 'jig rten gyi khams grangs med pa sum khri drug stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de ni de'i yin no// de skad ces bka' stsal ba dang / bcom ldan 'das de la/ byang chub sems dpa' sems dpa' chen po dra ba can gyi 'od kyis 'di skad ces gsol to// bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la blta ba dang / phyag bgyi ba dang / bsnyen bkur bgyi ba dang / bsam gyis mi khyab pa'i go cha bgos pa'i byang chub sems dpa' de dag kyang blta ba'i slad du/ 'jig rten gyi khams mi mjed der bdag mchi bar bgyi'o/ / bka' stsal pa/ rigs kyi bu de'i dus la dbab par shes na song zhig/ de nas bcom ldan 'das kyis/ byang chub sems dpa' dra ba can gyi 'od la me tog kha dog lnga pas khal bcu tshang bkang nas byin te/ rigs kyi bu khyod kyis bcom ldan 'das de la 'di phul la/ nga'i tshig gis bcom ldan 'das gnod pa chung ngam/ nyam nga ba nyung ngam/ snyun mi mnga' 'am/ bskyod pa yang ngam/ stobs dang ldan nam/ bde bar reg pa la gnas sam/ zhes de skad ces snyun yang gsol cig/ de nas byang chub sems dpa' sems dpa' chen po dra ba can gyi 'od bcom ldan 'das de'i zhabs la mgo bos phyag 'tshal nas/ 'di lta ste/ dper na skyes bu stobs dang ldan pa zhig gis zhes bya ba nas/ rgyas par skad cig dang / thang cig dang / yud tsam des 'jig rten gyi khams mi mjed 'dir 'dug ste/ de rgyal po'i khab 'od ma'i tshul bya ka lan ta ka gnas pa ga la ba dang / bcom ldan 'das ga la ba der song te phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ / phyogs gcig tu 'dug nas kyang / bcom ldan 'das la/ byang chub sems dpa' sems dpa' chen po dra ba can gyi 'od kyis 'di skad ces gsol to/ / bcom ldan 'das bcom ldan 'das la// de bzhin gshegs pa 'jigs pa'i spu zing byed pa dang bral ba gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes spyan gsol zhing / bcom ldan 'das la/ bcom ldan 'das des me tog kha tog lnga pas bltams pa'i khal bcu tshad 'di/ yang bskur ba lags na/ bcom ldan 'das kyis zhes su gsol/ bcom ldan 'das kyis bzhes te/ bzhes nas kyang bka' stsal pa/ rigs kyi bu ci bcom ldan 'das de spyan mi mnga' ngam stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so// // de'i tshe shar phyogs su 'jig rten gyi khams grangs med pa sum khri lnga stong 'das pa na/ 'jig rten gyi khams shin tu rnam par dag pa zhes bya ba na/ de bzhin gshegs pa dgra bcom pa yang dag par rdzogs pa'i sangs rgyas ye shes kyi dpal zhes bya ba bzhugs te 'tsho zhing ga zhes la chos kyang ston te/ bcom ldan 'das des byang chub sems dpa' ye shes kyi stobs zhes bya ba bla na med pa yang dag par rdzogs pa'i byang chub tu lung bstan to/ / byang chub sems dpa' sems dpa' chen po ye shes kyi stobs kyis snang ba chen po de mthong ste/ gsung bsal ba'i sgra de yang thos nas/ de bcom ldan 'das de bzhin gshegs pa ye shes kyi dpal ga la ba der song ste/ bcom ldan 'das de'i zhabs la mgo bos phyag 'tshal nas/ bcom ldan 'das de la 'di skad ces gsol to// bcom ldan 'das snang ba chen po de dang / gsung bsal ba'i sgra chen po de su'i legs/ bcom ldan 'das kyis bka' stsal pa/ rigs kyi bu sangs rgyas kyi zhing 'di nas 'jig rten gyi khams grangs med pa sum khri lnga stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de lta bu de ni de'i yin no// des gsol pa/ bcom ldan 'das bcom ldan 'das de la blta ba dang / phyag bgyi ba dang / bsnyen bkur bgyi ba dang / bsam gyis mi khyab pa'i go cha bgos pa'i byang chub sems dpa' sems dpa' chen po de dag kyang blta ba'i slad du / 'jig rten gyi khams mi mjed der bdag mchi bar bgyi'o// bka' stsal pa/ rigs kyi bu de'i dus la dbab par shes na song zhig/ de nas de bzhin gshegs pa ye shes kyi dpal gyis/ byang chub sems dpa' sems dpa' chen po ye shes kyi stobs la lag pa lta bu'i ut+pa la byin te/ rigs kyi bu khyod kyis bcom ldan 'das de la 'di phul la/ phul nas kyang bcom ldan 'das bcom ldan 'das la/ de bzhin gshegs pa ye shes kyi dpal gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ snyun gsol lo zhes de skad ces kyang gsol cig/ de nas byang chub sems dpa' sems dpa' chen po ye shes kyi stobs/ bcom ldan 'das de'i zhabs la mgo bos phyag 'tshal te/ 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa 'am/ lag pa brkyang ba skum par byed pa'i skad cig dang / yud tsam des song ste/ 'jig rten gyi khams mi mjed 'dir 'dug go/ de rgyal po'i khab bod ma'i tshal bya ka lan ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ / phyogs gcig tu 'dug nas kyang / bcom ldan 'das la/ byang chub sems dpa' ye shes kyi stobs kyis 'di skad ces gsol to// bcom ldan 'das bcom ldan 'das la/ de bzhin gshegs pa ye shes kyi dbang gnod pa chung ngam/ nyam nga ba nyung ngam/ bskyod pa yang ngam// stobs dang bde bar reg pa la gnas sam/ zhes rgyu/ gsol zhing / bcom ldan 'das la/ bcom ldan 'das des lag pa lta bu'i ut+pa la 'di yang bskur ba lags na/ bcom ldan 'das kyis bzhes su gsol/ bcom ldan 'das kyis lag pa lta bu'i ut+pa la de bzhes te/ bzhes nas kyang bka' stsal pa/ rigs kyi bu ci bcom ldan 'das de snyun mi mnga' bam/ bde bar gnas sam/ stobs dang ldan nam/ 'gyur ba mi mnga' 'am/ / gsol pa/ bcom ldan 'das de lta lags so// // de'i tshe shar phyogs su 'jig rten gyi khams grangs med pa sum khri bzhi stong 'das pa na/ 'jig rten gyi khams spros brtsegs zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas tsan dan gyi dri ba sung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' sems dpa' chen po dri ma med ces bya ba bla na med pa yang dag par rdzogs pa'i byang chub tu lung bstan to// byang chub sems dpa' sems dpa' chen po dri ma med kyis snang ba chen po de mthong ste/ gsung bsal ba'i sgra de yang thos so// de nas bcom ldan 'das de la/ byang chub sems dpa' sems dpa' chen po dri ma med kyis 'di skad ces gsol to/ / bcom ldan 'das snang ba de dang / gsung bsal ba'i sgra grag pa de su'i lags/ bcom ldan 'das des bka' stsal pa/ rigs kyi bu nub phyogs kyi phyogs char 'jig rten gyi khams grangs med pa sum khri ba ni stong 'das pa na/ 'jig rten gyi khams mi mdzad ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod sems can thams cad yang dag par tshim par byed pa zhes bya ba'i chos kyi rnam grangs kyi chos kyang ston to/ / gsol pa/ bcom ldan 'das bcom ldan 'das de'i thad du 'jig rten gyi khams der bdag mchi bar bgyi'o// bcom ldan 'das des bka' stsal pa/ rigs kyi bu de'i dus la dbab par shes na song zhig/ de nas bcom ldan 'das kyis/ byang chub sems dpa' dri ma med kyi lag par tsan dan gyi thum po byon te/ rigs kyi bu khyod kyis bcom ldan 'das de la tsan dan gyi thum po 'di phul la/ nga'i tshig gis bcom ldan 'das bcom ldan 'das la/ de bzhin gshegs pa tsan dan dri ba sung gnod pa chung ngam/ nyam nga ba nyung ngam// bskyod pa yang ngam/ stobs dang bde bar reg pa la gnas sam/ snyan gsol lo zhes kyang gsol cig/ de nas byang chub sems dpa' sems dpa' chen po dri ma med/ bcom ldan 'das de'i zhabs la mgo bos phyag 'tshal te bskor ba byas nas/ 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa'am/ brkyang bskum par byed pa'i skad cig dang / thang cig dang / yud tsam des 'jig rten gyi khams mi mjed 'dir 'dug go/ de rgyal po'i khab 'od ma bi tshal bya ka lan ta ka gnas pa ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go// phyogs gcig tu 'dug nas kyang / bcom ldan 'das la 'di skad ces gsol to// bcom ldan 'das bcom ldan 'das la/ de bzhin gshegs pa tsan dan gyi dri bsung gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das la/ bcom ldan 'das des tsan dan gyi thum bu 'di yang bskur ba lags na/ tsan dan gyi thum po 'di bcom ldan 'das kyis bzhes su gsol/ bcom ldan 'das kyis bzhes te/ bzhes nas kyang bcom ldan 'das kyis/ byang chub sems dpa' dri ma med la bka' stsal pa/ rigs kyi bu ci bcom ldan 'das de snyun mi mngab 'am/ stobs dang ldan nam/ 'gyur ba mi mnga' 'am/ bde bar reg pa la gnas sam/ gsol pa/ bcom ldan 'das snyun mi mnga' zhing stobs dang ldan la/ 'gyur ba mi mnga' ste/ bde bar reg pa la gnas lags so// de'i tshe shar phyogs su/ 'jig rten gyi khams grangs med pa sum khri sum stong 'das pa na/ 'jig rten gyi khams dri 'das zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mig btud ces bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' phan 'dod ces bya ba bla na med pa yang dag par rdzogs pa'i byang chub tu lung bstan to/ / byang chub sems dpa' sems dpa' chen po phan 'dod kyis snang ba chen po de mthong ste/ gsung bsal ba'i sgra de yang thos so// de nas byang chub sems dpa' sems dpa' chen po phan 'dod/ bcom ldan 'das de bzhin gshegs pa mig btud de ga la ba der song nas/ bcom ldan 'das de la 'di skad ces gsol to// bcom ldan 'das 'od de dang / gsung bsal ba'i sgra de su'i lags/ de nas bcom ldan padas kyis/ byang chub sems dpa' de la 'di skad ces bka' stsal to// rigs kyi bu sangs rgyas kyi zhing 'di nas sangs rgyas kyi zhing grang med pa sum khri sum stong 'das pa na/ 'jig rten gyi khams mi mdzod ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bzhugs te 'tsho zhing gzhes la/ 'di lta ste/ byang chub sems dpa'i sde snod sems can thams cad kyi bsam pa yang dag par tshim par byed pa zhes bya ba'i chos kyi rnam grangs kyi kyang ston to/ / des gsol pa/ bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du/ 'jig gyi khams mi mjed der 'drag mchi bar bgyi'o/ / bcom ldan 'das des bka' stsal pa/ rigs kyi bu de'i dus la dbab par shes na song zhig/ de nas bcom ldan 'das de bzhin gshegs pa mig btud kyis/ byang chub sems dpa' phan 'dod kyi lag par pad+ma chen po'i rgyal po mngon par 'phags pa gcig byin te/ rigs kyi bu khyod kyis bcom ldan 'das de la pad+ma'i rgyal po 'di phul la/ nga'i tshig gis bcom ldan 'das bcom ldan 'das la/ de bzhin gshegs pa mig btud gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ snyun gsol lo zhes de skad ces kyang gsol cig/ de nas byang chub sems dpa' phan 'dod/ bcom ldan 'das de'i zhabs la phyag 'tshal te/ 'di lta ste/ dper na skyes bu stobs dang ldan pa zhig gis lag pa bskum pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des 'jig rten gyi khams de nas mi snang bar gyur te/ 'jig rten gyi khams mi mjed 'dir 'dug go// de rgyal po'i khab 'od ma'i tshal bya ka lan ta ka gnas pa ga ya ba dang / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyog gcig tu 'dug go// phyogs gcig tu 'dug nas kyang / bcom ldan 'das la/ byang chub sems dpa' phan 'dod kyis 'di skad ces gsol to// bcom ldan 'das bcom ldan 'das la/ de bzhin gshegs pa mig btud gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das la/ bcom ldan 'das des pad+ma chen po'i rgyal po 'di yang bskur ba lags na/ pad+ma chen po'i rgyal po 'di bcom ldan 'dra/ kyis bzhes su gsol/ bcom ldan 'das kyis bzhes te/ bzhes nas kyang byang chub sems dpa' phan 'dod la bka' stsal pa/ phan 'dod ci bcom ldan 'das de spyan mi mnga' ngam/ stobs dang ldan nan/ 'gyur ba mi mnga' 'am/ gsol pa/ bcom ldan 'das de lta lags so// / de'i tshe shar phyogs su sangs rgyas kyi zhing grangs med pa sum khri nyis stong 'das pa na/ 'jig rten gyi khams rin chen mtha' yas brtsegs pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas zhes bya ba bzhugs te 'tsho zhing gzhes la/ chos kyang ston te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dkon mchog 'byung gnas des/ byang chub sems dpa' ye shes tha ma zhes bya ba bla na med pa/ yang dag par rdzogs pa'i byang chub tu lung bstan to// byang chub sems dpa' sems dpa' chen po ye shes bla mas snang ba chen po de mthong ste/ gsung bsal ba'i sgra chen po de yang thos so// de nas bcom ldan 'das de la byang chub sems dpa' ye shes bla mas 'di skad ces gsol to/ / bcom ldan 'das 'od de dang / gsung bsal ba'i sgra de su'i lags/ bcom ldan 'das des bka' stsal pa/ rigs kyi bu nub phyogs kyi phyogs char sangs rgyas kyi zhing 'di nas sangs rgyas kyi zhing grangs med pa sum khri nyis stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod sems can thams cad kyi bsam ba yang dag par tshim par byed pa zhes bya ba'i chos kyi rnam grangs kyi chos kyang ston to/ / de nas bcom ldan 'das de bzhin gshegs pa dkon mchog 'byung gnas de la/ byang chub sems dpa' sems dpa' chen po ye shes bla mas 'di skad ces gsol to/ / bcom ldan 'das bcom ldan 'das de bzhin gshegs pa shAkya thub pa de la bsta ba dang / phyag bgyi ba dang / bsnyen bkur bgyi ba dang / bsam gyis mi khyab pa'i go cha bgos pa'i byang chub sems dpa' sems dpa' chen po de dag kyang blta ba'i slad du/ 'jig rten gyi khams mi mjed der bdag mchi bar bgyi'o/ / bka' stsal pa/ rigs kyi bu de'i dus la dbab par shes na song zhig/ de nas bcom ldan 'das des/ byang chub sems dpa' ye shes bla ma'i lag par me tog dog lnga pa snyim pa gang byin te/ rigs kyi bu khyod kyis bcom ldan 'das de la me tog kha dog lnga pa snyim pa gang 'di phul la/ bcom ldan 'das bcom ldan 'das la/ de bzhin gshegs pa dkon mchog 'byung gnas gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ snyun gsol lo zhes de skad ces kyang gsol cig/ de nas byang chub sems dpa' ye shes bla ma/ bcom ldan 'das de'i zhabs la mgo bos phyag 'tshal te/ 'di lta ste/ dper na skyes bu stobs ldan pa zhig gis lag pa bskums pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des 'jig rten gyi khams de nas mi snang bar gyur te/ 'jig rten gyi khams mi mjed der 'dug go// de bcom ldan 'das de bzhin gshegs pa shAkya thub pa ga la ba der song nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ / phyogs gcig tu 'dug nas kyang / bcom ldan 'das la 'di skad ces gsol to// bcom ldan 'das bcom ldan 'das la/ de bzhin gshegs pa dkon mchog 'byung gnas gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun gsol zhing / bcom ldan 'das la/ bcom ldan 'das des me tog kha dog lnga pa snyim pa gang 'di bskur ba lags na/ bcom ldan 'das kyis bzhes su gsol/ bcom ldan 'das kyis bzhes te/ bzhes nas kyang bka' stsal pa/ ye shes bla ma ni bcom ldan 'das de spyan mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ des gsol pa/ bcom ldan 'das de lta lags so/ / de'i tshe shar phyogs su 'jig rten gyi khams grangs med pa sum khri chig stong 'das pa na/ 'jig rten gyi khams spos kyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spos kyi glang po che zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rin chen glang po che zhes bya ba bla na med pa yang dag par rdzogs pa'i byang chub tu lung bstan to/ / byang chub sems dpa' sems dpa' chen po rin chen glang po ches snang ba chen po de mthong ste/ gsung bsal ba'i sgra de yang thos so/ / de nas de bcom ldan 'das ga la ba der song ste phyin nas/ bcom ldan 'das de la zhus pa/ mthu de su'i lags/ de nas bcom ldan 'das des de la bka' stsal pa/ rigs kyi bu nub phyogs kyi phyogs char sangs rgyas kyi zhing 'di nas 'jig rten gyi khams grangs med pa sum khri chig stong 'das pa na/ 'jig rten gyi khams mi mjed ces bya ba yod de den de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa sum khri 'das pa na/ 'jig rten gyi khams rdo rje'i snying po zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mchog gi tshogs can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ye shes tshogs can zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// / de'i tshe shar phyogs su 'jig rten gyi khams grangs med pa sum khri nyis stong 'das pa na/ 'jig rten gyi khams sna tshogs rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' nges 'dren ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// / de'i tshe shar phyogs su 'jig rten gyi khams grangs med pa sum khri nyis stong 'das pa na/ 'jig rten gyi khams pad+ma'i gdugs zhes bya ba yod de/ de na de bzhin gshegaso ba dgra bcom pa yang dag par rdzogs pa'i sangs rgyas gdugs gcig pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rin po che'i mdzod gcig pa zhes bya ba bla na med pa yang dag par rdzogs pa'i/ byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// // de'i tshe shar phyogs su 'jig rten gyi kham/ grangs med pa sum khri 'das pa na/ 'jig rten gyi khams rtag tu snang ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas thogs pa med pa'i 'khor lo zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ye shes khyu mchog ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs de zhes bya ba dang / de lta lags so zhes bya ba'i bar du snga ma bzhin du sbyar ro// // de'i tshe shar phyogs su 'jig rten gyi khams grangs med pa sum khri chig stong 'das pa na/ 'jig rten gyi khams bzang po zhes bya ba yod de/ de na de bzhin gshegs pa can dan gyi dri bsung zhes bya ba bzhug te/ 'tsho zhing gzhes la chos kyang ston te/ de bzhin gshegs pa des/ byang chub sems dpa' ye shes lhur len pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// // de'i tshe shar phyogs su sangs rgyas kyi zhing grangs med pa nyi khri dgu stong 'dus pa na/ 'jig rten gyi khams bzang ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dpung mgo zlum pa zhes bya ba bzhun 'tsho zhing gzhes la chos kyang ston te/ bcom ldan 'das des/ byang chub sems dpa' khyad par blo gros zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba'i bar dang / de lta lags so zhes bya ba'i bar du snga ma bzhin du sbyar ro// // de'i tshe shar phyogs su 'jig rten gyi khams grangs med pa sum khri chig stong 'das pa na/ 'jig rten gyi khams rin chen dpal zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dra ba can gyi bod ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ye shes kyi dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// // de'i tshe shar phyogs su 'jig rten gyikyikhams grangs med pa sum khri chig stong 'das pa na/ 'jig rten gyi khams bde ba'i dpal zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ut+pal dmar po'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpab pad+ma mngon 'phags dpal zhes bya ba bla na med pa yang dag par rdzob pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// // de'i tshe shar phyogs su 'jig rten gyi khams grangs med pa sum khri tshig stong 'das pa na/ 'jig rten gyi khams rab tu zhi ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ye shes me tog rin po che'i 'od kyi dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' mchog gi bkod pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// / de'i tshe shar phyogs su 'jig rten gyi khams grangs med pa sum khri chig stong 'das pa na/ 'jig rten gyi khams bzang ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas zla ba 'phags pa'i 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rin po che'i 'od zer ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa sum khri 'das pa na/ 'jig rten gyi khams bzod pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'jigs pa dang bag tsha ba thams cad rnam par 'jig par mdzad pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' bag tsha ba med pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya/ ba'i bar du snga ma bzhin du sbyar ro// / de'i tshe shar phyogs su 'jig rten gyi khams grangs med pa sum khri 'dus pa na/ 'jig rten gyi khams lhun po'i rgyal mtshan zhes bya ba yong de/ de na de bzhin gshegs pa dgra bcom pa yang dag par rdzogs pa'i sangs rgyas lhun po'i phung po zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' phung po shin tu bshig pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / // de'i tshe shar phyogs su 'jig rten gyi khams grangs med pa nyi khri dgu stong 'das pa na/ 'jig rten gyi khams mya ngan dang gnod pa thams cad las rgal ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' tshangs pa'i dbyangs kyi nga ro zhes bya ba bla na med pa yang dag par rdzogs pa'i byang chub tu lung bstan to// zhes bya ba nas/ de yang bongs zhes bya ba dang / de lta lags so zhes bya ba'i bar du snga ma bzhin du sbar ro// de'i tshe shar phyogs su 'jig rten gyi khams grangs med pa nyi khri dgu stong 'das pa na/ 'jig rten gyi khams chos zhes bya ba yod de/ de na de bzhin gshegs pa chos kyi 'byung gnas zhes bya ba bzhugs te/ 'tsho zhing gzhes la chos kyang ston te bcom ldan 'das des/ byang chub sems dpa' ye shes 'byung gnas zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri dgu stong 'das pa na/ 'jig rten khams shin tu rab gnas zhes bya ba yod de/ de na de bzhin gshegs pa bcu las 'phros pa'i 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang sems dpa' bcu las 'phros pa'i 'od zer zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar/ / snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri brgyad stong 'das pa na/ 'jig rten gyi khams kun tu 'od ces bya ba yod de/ de na de bzhin gshegs pa rtag tu bla ma'i 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' kun tu snang ba zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri brgyad stong 'das pa na/ 'jig rten gyi khams kun tu spos zhes bya ba yod de/ de na de bzhin gshegs pa ye shes kyi 'od zer zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' mig bzang zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / de'i tshe shar phyogs su 'jig rten gyi khams grangs med pa nyi khri bdun stong 'das pa na/ 'jig rten gyi khams spos kyi ngang ldang zhes bya ba yod de/ de na de bzhin gshegs pa rin chen mngon 'phags zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' bya/ / snang ba mtha' yas zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar/ dusnga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri bdun stong 'das pa na/ 'jig rten gyi khams lam snang dpal zhes bya ba yod de// de na de bzhin gshegs pa 'od zer mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' sman gyi rgyal po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri drug stong 'das pa na/ 'jig rten gyi khams bzang po mchog gi dpal zhes bya ba yod de/ de na bzhin gshegs pa thogs pa med pa'i dbyangs zhes bya ba bzhugs te/ 'tsho zhing bzhes la chos kyang ston te/ bcom ldan 'das des/ byang chub sems dpa' tshangs pa'i dbyangs zhes bya ba bla na med pa yang dag par rdzogs pa'i byang chub tulung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri lnga stong 'das pa na/ 'jig rten gyi khams chos bzangs zhes bya ba yod de/ de na de bzhin gshegs pa dra bcan gyi 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' khyu mchog ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri bzhi stong 'das pa na/ 'jig rten gyi khams pad+ma can zhes bya ba yod de/ de na de bzhin gshegs pa blos mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ye shes kyi bsung zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin sbyar ro/ / bam po drug pa// de'i tshe shar phyogs su 'jig rten gyi khams grangs med pa nyi khri sum stong 'das pa na/ 'jig rten gyi khams shin tu rnam par dag pa zhes bya ba yod de/ de na de bzhin gshegs pa bkod pa mtha' yas zhes bya ba bzhugs te/ batsho zhing gzhes la chos kyang ston te/ bcom ldan 'das des/ byang chub / sems dpa' rin po che'i bkod pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes/ bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri nyis stong 'das pa na/ 'jig rten gyi khams ut+pa la zhes bya ba yod de/ de na de bzhin gshegs pa khyu mchog mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' chos 'phags zhes bya ba bla na med pa yang dag/ par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa nyi khri chig stong 'das pa na/ 'jig rten gyi khams byang chub yan lag rab gnas zhes bya ba yod de/ de na de bzhin gshegs pa ut+pa la'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' pad+ma'i dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten khams grangs med pa nyi khri 'das pa na/ 'jig rten gyi khams pad+ma rab gnas zhes bya ba yod de/ de na de bzhin gshegs pa ye shes rang gnas zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rin chen rab rdzogs zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / de'i tshe shar phyogs su 'jig rten gyi khams grangs med pa dri dgu stong 'das pa na/ 'jig rten gyi khams ye shes kyi stobs zhes bya ba yod de/ de na de zhin gshegs pa shAkya thub pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rin chen thub pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa khrid rgyang skyong 'das pa na/ 'jig rten gyi khams phyogs su rnam par bsgrags pa zhes bya ba yod de/ den de bzhin gshegs pa ye shes rnam par bsgrags pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rnam par bsgrags pa mtha' yas zhes bya ba bla na med pa yang dag par rdzogs pa'i byang / chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa khri bdun stong 'das pa na/ 'jig rten gyi khams sgrogs pa zhes bya ba yod de/ de na de bzhin gshegs pa sa lo'i dbang po'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' sa la rin po che zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa khri drug stong 'das pa na/ 'jig rten gyi khams zla ba zhes bya ba yod de/ de na de bzhin gshegs pa sa la rin po che zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' kun tu sras zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / de'i tshe shar phyogs su 'jig rten gyi khams grangs med pa khri lnga stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa la sbyar ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' shing rta bzang po can zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa khri zhi stong 'das pa na/ 'jig rten gyi khams gdugs gcig pa zhes bya ba yod de/ de na de bzhin gshegs pa rin po che'i rta zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rgyu skar gyi rta zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / de'i tshe shar phyogs su 'jig rten gyi khams grangs med pa khri sum stong 'das pa na/ 'jig rten gyi khams mya ngan thams cad dang bral ba zhes bya ba yod de/ de na de bzhin gshegs pa brjod pa don yod ces bya ba bzhugs te 'tsho zhing gzhes la chos kyang ston to// bcom ldan 'das des/ byang chub sems dpa' don yod ming rgal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe sha phyogs su sangs rgyas kyi zhing grangs med pa khri nyis stong 'das pa na/ 'jig rten gyi khams mya ngan bral zhes bya ba yod de/ de na de bzhin gshegs pa dpal 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' dpal mtha' yas gzi brjid ces bya ba bla na med pa yang dag par rdzogs pa'i byang chub tu lung bstan to zhes bya ba nas de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa khri chig stong 'das pa na/ 'jig rten gyi khams sdom pa zhes bya ba yod de/ de na de bzhin gshegs pa rnam par bsgrags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' dpas byin zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su sangs rgyas kyi zhing grangs med pa khri 'das pa na/ 'jig rten gyi khams mthong ba don yod ces bya ba yod de/ de na de bzhin gshegs pa don yod rnam par gnon zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' don yod pa'i go cha bgos zhes bya ba bla na med pa yang dag par rdzogs pa'i byang chub tu lung bstan to/ zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su sangs rgyas kyi zhing grangs med pa dgu stong / 'das pa na/ 'jig rten gyi khams spros can zhes bya ba yod de/ de na de bzhin gshegs pa spos snang zhes bya ba bzhugs te/ 'tsho zhing gzhes la chos kyang ston te/ bcom ldan 'das des// byang chub sems dpa' rin chen snang zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / de'i tshe shar phyogs su sangs rgyas kyi zhing grangs med pa brgyad stong 'das pa na/ 'jig rten gyi khams tshangs pa'i dbyangs kyi nga ro zhes bya ba yod de/ de na de bzhin gshegs pa thogs pa med pa'i dbyangs kyi nga ro zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' tha mi dad pa'i go cha zhes byab bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su sangs rgyas kyi zhing grangs med pa brgyad stong 'on 'das pa na/ 'jig rten gyi khams zla ba'i dkyil 'khor gyi 'od zer zhes bya ba yod de/ den de bzhin gshegs pa rnam par bsgrags pa'i stobs kyi 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ye shes rnam par bsgrags pa zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su sangs rgyas kyi zhing grangs med pa brgyad stong kho na 'das pa na/ 'jig rten gyi khams kun tu 'od ces bya ba yod de/ de na de bzhin gshegs pa ri rab kyi rtse mo mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ye shes kyi stobs zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa brgyad stong kho na 'das pa na/ 'jig rten gyi khams rin po che'i dkyil 'khor zhes bya ba yod de/ de na de bzhin gshegs pa rin po che mngon par 'phags pa'i dpal zhes bya ba bzhug 'tsho zhing gzhes la chos kyang ston te/ bcom ldan 'das des/ byang chub sems dpa' ded dpon chen po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ nga 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su sangs rgyas kyi zhing grangs med pa brgyad stong 'das pa na/ 'jig rten gyi khams/ / chos shes bya ba yod de/ de na de bzhin gshegs pa pad+ma'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' ut+pa la'i dpal zhes bya babla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa brgyad stong kho na 'das pa na/ 'jig rten gyi khams pad+ma mngon par 'phags zhes bya ba yod de/ de na de bzhin gshegs pa rin chen mngon par 'phag pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' grags sbyin zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa brgyad stong kho na 'das pa na/ 'jig rten gyi khams sa'i snying po zhes bya ba yod de/ de na de bzhin gshegs pa spos snang zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' sa'i dbang phyug gi rgyal po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa brgyad stong kho na 'das pa na/ 'jig rten gyi khams gser 'od ces bya ba yod de/ de na de bzhin gshegs pa phyogs su rnam par bsgrags pa'i go cha zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' ye shes rnam par bsgrags pa'i go cha zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbar ro// de'i tshe shar phyogs su 'jig rten gyi khams grangs med pa bdun stong 'das pa na/ 'jig rten gyi khams shes 'phags zhes bya ba yod de/ de na de bzhin gshegs pa kun tu sbas pa'i bdag po sprin gyi dbang phyug mar me zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyu skar gyi rgyal po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro/ / de'i tshe shar phyogs su 'jig rten gyi khams grangs med pa drug stong 'das pa na/ 'jig rten gyi khams rtag tu shin tu smras zhes bya ba yod de/ de na de bzhin gshegs pa/ snang ba mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' snang ba chen po zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de'i tshe shar phyogs su 'jig rten gyi khams grangs med pa lnga stong 'das pa na/ 'jig rten gyi khams mar me byed ces bya ba yod de/ de na de bzhin gshegs pa 'od kyi ye shes mtha' yas 'byung gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' yon tan rgyal po snang zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongs te zhes bya ba dang / de lta lags so zhes bya ba'i bar du snga ma bzhin du sbyar ro// de dang 'dab chags na 'jig rten gyi khams sgron ma byed ces bya ba yod de/ de na de bzhin gshegs pa rnam pa du ma rnam par 'phrul pa zhes bya ba bzhugs te 'tsho zhing ka zhes la chos kyang ston te/ bcom ldan 'das des/ byang chub sems dpa' thogs pa med pa'i go cha zhes bya ba bla na med pa yang dag par rdzogs pa'i byang chub tu lung bstan to/ / ci'i phyir 'jig rten gyi khams sgron ma byed ces bya bar bstan ce na/ 'jig rten gyi khams de na ut+pa la dang / ku mu da dang / pad+ma dkar po dag gis khebs pa'i rdzing rgya che zhing yangs pa/ grangs med dpag tu med pa dag yod de/ pad+ma de dag kyang 'dab ma stong pa/ chu mngon par brtol nas gyen du dpag tshad brgyad cur 'phags ste/ pad+ma re re las kyang 'od zer 'bum 'byung bar byed cing // gyen du dang thur du yang 'od zer stong 'byung bar byed la/ de bzhin du phyogs thams cad du yang 'od zer stong stong 'byung bar byed pa'i phyir ro/ / 'jig rten gyi khams de yang mig mangs ris su bris pa/ rin po che'i 'phreng bas brgyan pa/ rin po che'i skud pas brgyan pa/ mig mangs ris thams cad du yang rin po che las byas pa'i shing ljon pa dag skyes par gyur pa/ / gyen du dpag tshad bdun khri bdun stong mngon par 'phags pa/ thad kar ni dpag tshad brgyad khri bzhi stong du yal ga dang / 'dab ma dang / lo ma rab tu song ba'o// rin po che'i shing re re las kyang nor bu bye ba phrag brgyad cu zo ba tsam dag rab tu 'phyang ngo // sangs rgyas kyi zhing de na shing ljon pa de dag kyang grangs med dpag tu med do// sangs rgyas kyi zhing de ni pad+ma'i 'dab ma de dag dang / nor bu de dag gi 'od kyis rtag tu snang bar byas pa ste/ 'od de yang bcom ldan 'das de'i 'od kyis mog mog por byas pa'o// byang chub sems dpa' thogs pa med pa'i go chas snang ba chen po de mthong ste/ gsung bsal ba'i sgra de yang thos so// de nas bcom ldan 'das rnam pa du ma rnam par 'phrul pa de la/ byang chub sems dpa' thogs pa med pa'i go chas zhus pa// / bcom ldan 'das 'od de dang / gsung bsal ba'i sgra de su'i lags/ de nas bcom ldan 'das des/ de la bka' stsal pa/ rigs kyi bu nub phyogs kyi phyogs char 'jig rten gyi khams grangs med pa lnga stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ mthu de lta bu de ni de'i yin no// gsol pa/ bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du/ 'jig rten gyi khams mi mjed der bdag mchi bar bgyi'o// de nas bcom ldan 'das des/ byang chub sems dpa' thogs pa med pa'i go cha'i lag par pad+ma chen po cig byin te/ rigs kyi bu khyod kyis bcom ldan 'das de la 'di phul la/ nga'i tshig gis de bzhin du gsol cig/ de nas byang chub sems dpa' de bcom ldan 'das kyis skabs phye nas/ bcom ldan 'das de'i zhabs la mgo bos phyag 'tshal te/ 'di lta ste/ skyes bu stobs dang ldan pa zhig gis lag pa bskums pa rkyong bar byed pa 'am/ lag pa brkyang ba skum par byed pa'i skad cig dang / thang cig dang / yud tsam des 'jig rten gyi khams de nas mi snang bar gyur te/ 'jig rten gyi khams mi mjed 'dir 'dug go// de bcom ldan 'das de bzhin gshegs pa shAkya thub pa ga la ba der song ste/ bcom ldan 'das kyi zhabs la mgo bos phyag 'tshal nas 'di skad ces gsol to/ / bcom ldan 'das bcom ldan 'das la gnod pa chung ngam/ nyam nge ba nyung ngam// bskyod pa yang ngam/ stobs dang bde bar reg pa la gan sam zhes/ de bzhin gshegs pa rnam pa du ma rnam par 'phrul pa snyun gsol zhing / bcom ldan 'das la/ pad+ma chen po 'di yang bcom ldan 'das des bskur ba lags na/ bcom ldan 'das kyis bdag cag la thugs brtse ba'i slad du bzhes su gsol/ bcom ldan 'das kyis bzhes te/ bzhes nas kyang bka' stsal pa/ rigs kyi bu ci bcom ldan 'das de spyan mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ gsol pa/ bcom ldan 'das de lta lags so// 'jig rten gyi khams de'i 'dab chags na 'jig rten gyi khams sna tshogs rgyal mtshan zhes bya ba yod de/ de na de bzhin gshegs pa mchog gi tshogs can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal mtshan sa ya na zhes bya ba chos kyi skyes byin nas btang ngo // 'jig rten gyi khams de'i 'dab chags na/ 'jig rten gyi khams phyogs su rnam par bsgrags zhes bya ba yod de/ de na de bzhin gshegs pa sangs rgyas me tog tshogs kyi dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab don yod/ rnam par gnon zhes bya ba btang ngo // de'i yang 'dab chags na/ 'jig rten gyi khams rdo rje yang dag gnas zhes bya ba yod de/ de na de bzhin gshegs pa sangs rgyas me tog mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen me zhes bya ba btang ngo // de'i yang 'dab chags na/ 'jig rten gyi khams tsan dan gyi phug ces bya ba yod de/ de na de bzhin gshegs pa rin po che'i lus zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab kun tu bltas pa'i nga ro zhes bya ba btang ngo / / de'i yang 'dab chags na/ 'jig rten gyi khams rtsi lta bu zhes bya ba yod de/ den de bzhin gshegs pa don yod ming bsgrags dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab don yod go cha bgos zhes bya ba btang ngo // de'i yang 'dab chags na/ 'jig rten #/ kyi khams sman 'phags zhes bya ba yod de/ den de bzhin gshegs pa yon tan mtha' yas brtson 'grus go cha zhes bya ba bzhugs te/ 'tsho zhing gzhes la chos kyang ston te/ bcom/ ldan 'das des/ byang chub sems dpa' rgyal tshab yang dag par byin pa'i bslab pa blangs zhes bya ba btang ngo // de'i yang 'dab chags na/ 'jig rten gyi khams kun nas brgyan ces bya ba yod de/ de na de bzhin gshegs pa sems bskyed ma thag tu sems can thams cad kyi sems kyi rgyan mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lag na pad+ma zhes bya ba btang ngo / / de'i yang 'dab chags na/ 'jig rten gyi khams gdugs gcig pa zhes bya ba yod de/ de na de bzhin gshegs pa zla ba'i 'phreng ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin po che'i 'phreng ba zhes bya ba btang ngo // de'i yang 'dab chags na/ 'jig rten gyi khams pad+ma'i 'od zer zhes bya ba yod de/ de na de bzhin gshegs pa 'od kyi dkyil 'khor can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo // de'i yang 'dab chags na/ 'jig rten gyi khams bde ba bkod pa zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yon tan thams cad rab gnas zhes bya ba btang ngo // de'i yang 'dab chags na/ 'jig rten gyi khams yon tan mtha' yas bkod pa zhes bya ba yod de/ de na de bzhin gshegs pa yon tan gyi pha rol tu phyin pa zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab yon tan mtha' yas bsgrags zhes bya ba btang ngo / / de'i yang 'dab chags na/ 'jig rten gyi khams phyogs su rab grags zhes bya ba yod de/ de na de bzhin gshegs pa mar me mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab spyod pa thams cad 'gyur zhes bya ba btang ngo // de'i yang 'dab chags na/ 'jig rten gyi khams lhas brgyan ces bya ba yod do/ / de na de bzhin gshegs pa lha'i rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes 'byung gnas zhes bya ba btang ngo / / de'i yang 'dab chags na/ 'jig rten gyi khams shing thags bzang po can zhes bya ba yod de/ de na de bzhin gshegs pa 'od kyi 'byung gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yon tan 'byung gnas zhes bya ba btang ngo // de'i yang 'dab chags na/ 'jig rten gyi khams bzang ldan zhes bya ba yod de/ de na de bzhin gshegs pa mi 'jig pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab srid pa sel ces bya ba btang ngo / / de'i yang 'dab chags na/ 'jig rten gyi khams bzang ldan zhes bya ba yod de/ de na de bzhin gshegs pa b+ha gi ra sa'i sras zhes bya ba bzhugs te/ 'tsho zhing gzhes la chos kyang sten te/ bcom ldan 'das des/ byang chub sems dpa' rgyal tshab mi 'jigs thob ces bya ba btang ngo // de'i yang 'dab chags na/ 'jig rten gyi khams shin tu bzang po zhes bya ba yod de/ de na de bzhin gshegs pa mi 'jigs pa zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab bag tsha ba med pa zhes bya ba btang ngo / / de'i yang 'da' chags na/ 'jig rten gyi khams pad+ma zhes bya ba yod de/ de na de bzhin gshegs pa pad+ma mchog gi 'od zer zhes bya ba bzhugs te/ 'tshe zhing ga zhes la chos kyang ston te/ bcom ldan 'das des byang chub sems dpa' rgyal tshab lag na ye shes zhes bya ba btang ngo // de'i yang 'dab chags na/ 'jig rten gyi khams ut+pa la zhes bya ba yod de/ den de bzhin gshegs pa ye shes ut+pa la'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab yul na mi gnas pa zhes bya ba btang ngo / / de'i yang 'dab chags na/ 'jigs rten gyi khams rin chen 'phags zhes bya ba yod de/ de na de bzhin gshegs pa dkon mchog 'byung gnas zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab chos kyi 'byung gnas zhes bya ba btang ngo // de'i yang 'dab chags na/ 'jig rten gyi khams zla ba bzang po zhes bya ba yod de/ de na de bzhin gshegs pa smon lam mtha' yas go cha zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab me tog rab gtor zhes bya ba btang ngo / / de'i yang 'dab chags na/ 'jig rten gyi khams shin tu rab gnas zhes bya ba yod de/ de na de bzhin gshegs pa yon tan mtha' yas rgyal po rab gnas zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab chos 'phags zhes bya ba btang ngo // de'i yang 'dab chags na/ 'jig rten gyi khams nags tshal rab gnas zhes bya ba yod de/ de na de bzhin gshegs pa rin po che'i phung po zhes bya ba bzhugs te/ 'tshe zhing gzhes la chos kyang ston te/ bcom ldan 'das byang chub sems dpa' rgyal tshab rtsi'i rgyal po zhes bya ba btang ngo / / de'i yang 'dab chags na/ 'jig rten gyi khams spos can zhes bya ba yod de/ de na de bzhin gshegs pa sa la'i dbang pos rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha khyad par blo gros zhes bya ba btang ngo // de'i yang 'dab chags na/ 'jig rten gyi khams pad+ma'i dpal zhes bya ba yod de/ de na de bzhin gshegs pa rin po che'i 'od ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu mthong zhes bya ba btang ngo // de'i yang 'dab chags na/ 'jig rten gyi khams lhun po brtsegs pa zhes bya ba yod de/ de na de bzhin gshegs pa dkon mchog brtsegs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mes byin zhes bya/ ba btang ngo // de'i yang 'dab chags na/ 'jig rten gyi khams mya ngan bral zhes bya ba yod de/ de na de bzhin gshegs pa yon tan mtha' yas bkod pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu yang dag brtags kyi go cha zhes bya ba btang ngo // de'i yang 'dab chags na/ 'jig rten gyi khams yon tan thams cad rab gnas zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa'i nga ro zhes bya ba bzhugs te/ 'tsho zhing gzhes la chos kyang ston te/ bcom / ldan 'das des/ byang chub sems dpa' rgyal tshab kun tu sbas zhes bya ba btang ngo // de'i yang 'daba' chags na/ 'jig rten gyi khams rin chen snang zhes bya ba yod de/ de na de bzhin gshegs pa ri rab 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo // de'i yang 'dab chags na/ 'jig rten gyi khams yon tan kun gyis brgyan ces bya ba yod de/ de na de bzhin gshegs pa khyu mchog mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' sman ces bya ba btang ngo / / de'i yang 'dab chags na/ 'jig rten gyi khams byang chub yan lag brgyan ces bya ba yod de/ de na de bzhin gshegs pa mngon par 'phags pas 'gro ba zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' legs par bsam pa sems pa blo gros zhes bya ba btang ngo // de'i yang 'dab chags na/ 'jig rten gyi khams rdul dang bral ba'i blo gros zhes bya ba yod de/ de na de bzhin gshegs pa rin chen me tog 'byung ba'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tshab khyad par byin zhes bya ba btang ngo // de'i yang 'dab chags na/ 'jig rten gyi khams sprin ces bya ba yod de/ de na de bzhin gshegs pa @mtha' yas rnam par gnon ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dran pa rnyed ces bya ba btang / ngongo// de'i yang 'dab chags na/ 'jig rten gyi khams me tog dra bas kun tu g.yogs zhes bya ba yod de/ de na de bzhin gshegs pa sems can thams cad mos pa'i go cha bgos zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' khyad par blo gros zhes bya ba btang ngo // de'i yang 'dab tshugs na/ 'jig rten gyi khams rgyu skar gyi 'phreng ba zhes bya ba yod de/ de na de bzhin gshegs pa rin po che'i gdugs mngon par 'phags pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tsha ba mya ngan med ces bya ba btang ngo / / de'i yang 'dab chags na/ 'jig rten gyi khams rin chen me tog ces bya ba yod de/ de na de bzhin gshegs pa mchog gi tshogs can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab khyu mchog ces bya ba btang ngo // de'i yang 'dab chags na/ 'jig rten gyi khams kun nas spos zhes bya ba yod de/ de na de bzhin gshegs pa bdud rtsi'i me tog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab spos kyi glang po che zhes bya ba btang ngo / / de'i yang 'dab chags na/ 'jig rten gyi khams me tog ces bya ba yod de/ de na de bzhin gshegs pa rin chen khyu mchog ces bya ba bzhugs te 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab mya ngan bral zhes bya ba btang ngo // de'i yang 'dab chags na/ 'jig rten gyi khams rin chen sna tshogs rgyal mtshan zhes bya ba yod de/ de na de bzhin gshegs pa zla ba 'phags pa'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tsha ba mtha' yas sgyur zhes bya ba btang ngo / / de'i yang 'dab chags na/ 'jig rten gyi khams mngon du bgrod pa zhes bya ba yod de/ de na de bzhin gshegs pa sems bskyed ma thag tu chos kyi 'khor lo bskor ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha phyir mi ldog pa'i 'khor lo zhes bya ba btang ngo / / de'i yang 'da' chags na/ 'jig rten gyi khams bde ldan zhes bya ba yod de/ de na de bzhin gshegs pa phyogs rnam par bsgrags pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes rnam par bsgrags pa zhes bya ba btang ngo // de'i yang 'dab chags na/ 'jig rten gyi khams rdo rje'i snying po zhes bya ba yod de/ de na de bzhin gshegs pa ka ling ka'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab khyad par du 'gro ba zhes bya ba btang ngo / / de'i yang 'dab chags na/ 'jig rten gyi khams 'da' zhes bya ba yod de/ de na de bzhin gshegs pa nyi ma'i dkyil 'khor sgron ma zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab zla ba zhes bya ba btang ngo // de'i yang 'da' chags na/ 'jig rten gyi khams bde ba zhes bya ba yod de/ de na re// bzhin gshegs pa rin po che'i mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mes byin zhes bya ba btang ngo // de'i yang 'dab chags na/ 'jig rten gyi khams 'byung gnas zhes bya ba yod de/ de na de bzhin gshegs pa ye shes 'byung ba'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tsha ba ye shes kyi dpal zhes bya ba btang ngo // de'i yang 'dab chags na/ 'jig rten gyi khams gcig tu bde ba zhes bya ba yod de/ de na de bzhin gshegs pa yon tan gyi rgyal po rab tu gnas pa zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab mi 'jigs bzhes bya ba btang / / de'i yang 'ad chags na/ 'jig rten gyi khams gdugs kyi 'phreng ba me thos kun du rgyas pa zhes bya ba yod de/ den de bzhin gshegs pa thogs pa med pa'i sgra sa ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mig bzangs zhes bya ba btang ngo // de'i yang 'dab chags na/ 'jig rten gyi khams rdo rje'iri snying po zhes bya ba yod de/ de na de bzhin gshegs pa mi 'jigs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab brag ces bya ba btang ngo / / de'i yang 'dab chags na/ 'jig rten gyi khams zla ba 'phags pa zhes bya ba yod de/ de na de bzhin gshegs pa ye shes kyi dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab stobs brtan zhes bya ba btang ngo // de'i yang 'dab chags na/ 'jig rten gyi khams kun du 'od ces bya ba yod de/ de na de bzhin gshegs pa 'od kyi dkyil 'khor gzi brjid rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byung / chub sems dpa' rgyal tshab spyod pa khyad par can zhes bya ba btang ngo // de'i yang 'dab chags na/ 'jig rten gyi khams mtho ba'i rgyal mtshan zhes bya ba yod de/ de na de bzhin gshegs pa rgyu'i blo gros zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rgyu dag pa zhes bya ba btang ngo // de'i yang 'dab chags na/ 'jig rten gyi khams sgrogs pa zhes bya ba yod de/ de na de bzhin gshegs pa sred med kyi bu zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tsha ba kha lo sgyur ba zhes bya ba btang ngo / / de'i yang 'dab chags na/ 'jig rten gyi khams dri ma med ces bya ba yod de/ de na de bzhin gshegs pa dri ma med pa'i me tog ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab sa bon 'chang zhes bya ba btang ngo // de'i yang 'dab chags na/ 'jig rten gyi khams bzang po zhes bya ba yod de/ de na de bzhin gshegs pa rdo rje bzhed ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba dri med rnam par 'thor zhes bya ba btang ngo / / de'i yang 'dab chags na/ 'jig rten gyi khams bde ba thams cad ces bya ba yod de/ de na de bzhin gshegs pa rnam par dag pa'i blo gros zhes bya bapa bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba bkod pa du ma zhes bya ba btang ngo // de'i yang 'dab chags na/ 'jig rten gyi khams mya ngan dang gnod pa thams cad yongs su spangs zhes bya ba yod de/ de na de bzhin gshegs pa phan bzhed ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab glang po che'i dpal zhes bya ba btang ngo / / de'i yang 'dab chags na/ 'jig rten gyi khams yon tan mtha' yas yongs su rdzogs zhes bya ba yod de/ de na de bzhin gshegs pa shin tu yang dag brtags pa'i go cha zhes bya ba bzhugs te/ 'tshetsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mchog gi bkod pa zhes bya ba btang ngo / / de'i yang 'dab chags na/ 'jig rten gyi khams mnyam pa zhes bya ba yod de/ de na de bzhin gshegs pa dgra rab tu 'joms pa zhes bya ba bzhugs te/ 'tsho zhing kazhes la chos kyang ston te/ bcom ldan 'das des/ byang chub sems dpa' rgyal tshab thogs pa med pa'i go cha zhes bya ba btang ngo // de'i yang 'dab chags na/ 'jig rten gyi khams bzod pa zhes bya ba yod de/ de na de bzhin gshe ba ut+pa la'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyas tshab rtag tu brtson zhes bya ba btang ngo // de'i yang 'dab chags na/ 'jig rten gyi khams phyogs kyi sgron ma zhes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te/ 'tsho zhing gzhes kha chos kyang ston te/ bcom ldan 'das des/ byang chub sems dpa' rgyal tshab zla ba'i rgyal po zhes bya ba bla na med pa yang dag par rdzogs pa'i byang chub tu lung bstan te btang ngo nge// de'i yang 'dab chags na/ 'jig rten gyi khams rtag tu snang bar byas zhes bya ba yod de/ de na de bzhin gshegs pa 'od mtha' yas pa'i lhun po spos kyi rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab lag na ye shes zhes bya ba btang ngo // de'i yang 'dab chags na/ 'jig rten gyi khams rtag tu brgyan ces bya ba yod de/ de na de bzhin gshegs pa me tog sna tshogs zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bdud rtsi'i dbyangs zhes bya ba btang ngo // de'i yang 'dab chags na/ 'jig rten gyi khams gdugs dkar po zhes bya ba yod de/ de na de bzhin gshegs pa 'od mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshad brtson pa mi gtong zhes bya ba btang ngo / / de'i yang 'dab chags na/ 'jig rten gyi khams rtag tu brgyan ces bya ba yod de/ de na de bzhin gshegs pa skyes pa dang bud med 'gyur bar mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab nga ro mtha' yas zhes bya ba btang ngo // de'i yang 'dab chags na/ 'jig rten gyi khams gcig pa zhes bya ba yod de/ de na de bzhin gshegs pa spos mchog dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lag na spos zhes bya ba btang ngo // de'i yang 'dab chags na/ 'jig rten gyi khams tsan dan gyi bsung zhes bya ba yod de/ de na de bzhin gshegs pa rin chen mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab 'od zer du ma zhes bya ba btang ngo // de'i yang 'dab chags na/ 'jig rten gyi khams kun du spos zhes bya ba yod de/ de na de bzhin gshegs pa rin chen mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston bcom ldan 'das des byang chub sems dpa' rgyal tshab rin po che'i lhun po zhes bya ba btang ngo / / de'i yang 'dab chags na/ 'jig rten gyi khams kun nas mtshan zhes bya ba yod de de na de bzhin gshegs pa sems can kun gyi sems kyi mos pa'i ye shes mthong ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ded dpon chen po zhes bya ba btang ngo / / de'i yang 'dab chags na/ 'jig rten gyi khams mtshan ma med pa zhes bya ba yod de/ de na de bzhin gshegs pa mtshan ma med pa'i nga re zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha' chos thams cad dben par gnas pa zhes bya ba btang ngo // de'i yang 'dab chags na/ 'jig rten gyi khams sangs rgyas me tog brgyan ces bya ba yod de/ de na de bzhin gshegs pa ye shes sbas pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal ye shes 'od zer zhes bya ba btang ngo // de'i yang 'dab chags na/ 'jig rten gyi khams me tog rgyas pa zhes bya ba yod de/ de na de bzhin gshegs pa thogs pa med pa'i dbyangs kyi nga ro zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mig bzangs zhes bya ba btang ngo / / de'i yang 'dab chags na/ 'jig rten gyi khams brtan po zhes bya ba yod de/ de na de bzhin gshegs pa mi g.yo rnam par gnon zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab legs pa'i blo zhes bya ba 'atang ngo // de'i yang 'dab chags na/ 'jig rten gyi khams brtan pa zhes bya ba yod de/ de na de bzhin gshegs pa 'od srungs zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba skar ma'i sgron ma zhes bya ba btang ngo / / de'i yang 'dab chags na/ 'jig rten gyi khams pad+ma'i gdugs zhes bya ba yod de/ de na de bzhin gshegs pa dmigs pa kun gyi khyu mchog ces/ bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rna ba'i me tog ces bya ba btang ngo // de'i yang 'dab chags na/ 'jig rten gyi khams bden pa zhes bya ba yod de/ de na de bzhin gshegs pa don grub ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bden pa mthong ba zhes bya ba btang ngo / / de'i yang 'dab chags na/ 'jig rten gyi khams zla ba can zhes bya ba yod de/ de na de bzhin gshegs pa 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab kun dga' bo zhes bya ba btang ngo // de'i yang 'dab chags na/ 'jig rten gyi khams gnod pa med pa zhes bya ba yod de/ de na de bzhin gshegs pa snyan pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab me tog dpal zhes bya ba btang ngo / / de'i yang 'dab chags na/ 'jig rten gyi khams mngon par dga' ba zhes bya ba yod de/ de na de bzhin gshegs pa thams cad yod pas rgyags pa yang dag tsham sa sate/ 'amashing gshes 'jos pang spyod / cos ldan 'das de/ byang chub sems dpa / sa gyung / de'i yang 'dab chags na/ 'jig rten gyi khams rdul med ces bya ba yod de/ de na de bzhin gshegs pa ye shes kyi dpal zhes bya ba bzhugs te/ 'tsho zhing gnas la chos kyang ston te bcom ldan 'das des/ byang chub sems dpa' rgyal tshab me tog kun tu bltas zhes bya ba btang ngo // de'i yang 'dab chags na/ 'jig rten gyi khams me tog sna tshogs zhes bya ba yod de// de na de bzhin gshegs pa rgyu skar gyi rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba shin tu rnam par 'byed ces bya ba btang ngo / / de'i yang 'dab chags na/ 'jig rten gyi khams shin tu yangs pa zhes bya ba yod de/ de na de bzhin gshegs pa bdud rtsi'i tog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen tog ces bya ba 'atang ngo // de'i yang 'dab chags na/ 'jig rten gyi khams 'jigs med ces bya ba yod de de na de bzhin gshegs pa tsan dan zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bzang po'i dpal zhes bya ba btang ngo / / de'i yang 'dab chags na/ 'jig rten gyi khams dra ba can zhes bya ba yod de/ de na de bzhin gshegs pa dra ba can gyi 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab 'od gsal zhes bya ba btang ngo // de'i yang 'dab chags na/ 'jig rten gyi khams 'od ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas tshangs pa'i nga ro zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab tshangs pa'i dbyangs zhes bya ba btang ngo / / 'jig rten gyi khams de'i yang 'dab chags na/ 'jig rten gyi khams mngon par bgrod pa zhes bya ba yod de/ de na de bzhin gshegs pa bdud rtsi 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab bdud rtsi'i dbyangs zhes bya ba btang ngo // 'jig rten gyi khams de'i yang 'dab chags na/ 'jig rten gyi khams dmigs pa med ces bya ba yod de/ de na de bzhin gshegs pa dmigs pa kun la dgyes par mdzad ces bya ba bzhugs te// 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab thogs pa med pa'i go cha zhes bya ba btang ngo // 'jig rten gyi khams de'i yang 'da' chags na/ 'jig rten gyi khams rtag tu bsgrags zhes bya ba yod de/ den de bzhin gshegs pa sems can thams cad kyis mi shigs pa'i go cha zhes bya ba bzhugs te/ 'tsho zhing gzhes la/ chos kyang ston te/ bcom ldan 'das des/ byang chub sems dpa' rgyal tshab thogs pa med pa'i go cha zhes bya ba btang ngo // 'jig rten gyi khams de'i yang 'dab chags na/ 'jig rten gyi khams rtag tu bzod ldan zhes bya ba yod de/ de na de bzhin gshegs pa rnam par 'phrul pa mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab spobs pa mi chod pa zhes bya ba btang ngo / / 'jig rten gyi khams de'i yang 'dab chags na/ 'jig rten gyi kham kun tu mthong zhes bya ba yod de/ de na de bzhin gshegs pa chos thams cad gzigs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mtshan ma med pa'i go cha zhes bya ba btang ngo // 'jig rten gyi khams de'i yang 'dab chags na/ 'jig rten gyi khams kun tu blta zhes bya ba yod de/ de na de bzhin gshegs pa chos thams cad gzigs zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par dag pa'i mig ces bya ba btang ngo // 'jig rten gyi khams de'i yang 'dab chags na/ 'jig rten gyi khams yon tan thams cad 'byung zhes bya ba yod de/ de na de bzhin gshegs pa yon tan mtha' yas 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mig rnam par dag pa zhes bya ba btang ngo / / 'jig rten gyi khams de'i yang 'dab chags na// 'jig rten gyi khams rdul bral zhes bya ba yod de/ de na de bzhin gshegs pa ye shes 'phags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab 'od kyi dkyil 'khor can zhes bya ba btang ngo // de'i yang 'dab chags na/ 'jig rten gyi khams ut+pa las rab tu khebs pa zhes bya ba yod de/ de na de bzhin gshegs pa pad+ma'i mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab ut+pal dmar po'i dpal zhes bya ba btang ngo / / 'jig rten gyi khams de'i yang 'dab chags na/ 'jig rten gyi khams pad+mas rab tu khengs pa zhes bya ba yod de de na de bzhin gshegs pa phyogs su 'phags zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phyogs kyi lhun po zhes bya ba btang ngo / / de'i yang 'dab chags na/ 'jig rten gyi khams me tog gis rab tu khebs pa zhes bya ba yod de/ de na de bzhin gshegs pa me tog 'byung ba'i dpal zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yid gnyis thams cad yang dag bcom zhes bya ba btang ngo // de'i yang 'dad chags na/ 'jig rten gyi khams mar me zhes bya ba yod de/ de na de bzhin gshegs pa sems can gyi snying po zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sred med kyi bu zhes bya ba btang ngo / / de'i yang 'dab chags na/ 'jig rten gyi khams 'od bzang po zhes bya ba yod de/ de na de bzhin gshegs pa ye shes kyi 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bde 'byung zhes bya ba btang ngo // de'i yang 'dab chags na/ 'jig rten gyi khams bde ba'i dpal zhes bya ba yod de/ de na de bzhin gshegs pa ye shes kyi me zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mchog gi nor bu can zhes bya ba btang ngo / / de'i yang 'dab chags na/ 'jig rten gyi khams bde ba can zhes bya ba yod de/ de na de bzhin gshegs pa mngal med ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab chos kyi dbang phyug ces bya ba btang ngo // de'i yang 'dab chags na/ 'jig rten gyi khams nges 'dren ces bya ba yod de/ de na de bzhin gshegs pa sman pa'i rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab sman pa'i mchog ces bya ba btang ngo // de'i yang 'dab chags na/ 'jig rten gyi khams kha dog med ces bya ba yod de/ de na de bzhin gshegs pa tha dad pa med pa'i go cha zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab tha mi dad par spyod pa zhes bya ba btang ngo // de'i yang 'dab chags na/ 'jig rten gyi khams kun tu kha dog ces bya ba yod de/ de na de bzhin gshegs/ pa ye shes mtha' yas grags pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yon tan mtha' yas 'byung zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ btang ngo zhes bya ba'i bar du snga ma bzhin du sbyar ro// de'i yang 'dab chags na/ 'jig rten gyi khams mtsho can zhes bya ba yod de/ de na de bzhin gshegs pa tsan ngan gyi bsung gi dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das nges byang chub sems dpa' rgyal tshab ye shes kyi spos kyi dpal zhes bya ba btang ngo / / de'i yang 'dab chags na/ 'jig rten gyi khams dpe med dpal zhes bya ba yod de/ de na de bzhin gshegs pa sangs rgyas dpe med me tog 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yang dga' phags zhes bya ba btang ngo / / de'i yang 'dab chags na/ 'jig rten gyi khams rin chen ldan zhes bya ba yod de/ de na de bzhin gshegs pa shin tu rab tu gnas pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sdom pa la rab tu gnas pa zhes bya ba btang ngo // de'i yang 'dab chags na/ 'jig rten gyi khams phyogs can zhes bya ba yod de/ de na de bzhin gshegs pa zla ba 'phags pa'i 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das nges byang chub sems dpa' rgyal tshab zla ba zhes bya ba btang ngo / / / bam po bdun pa// / de'i yang 'dab chags na/ 'jig rten gyi khams rgya mtsho zhes bya ba yod de/ de na de bzhin gshegs pa kha lo sgyur ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mya ngan med pa'i blo gros zhes bya ba btang ngo // de'i yang 'dab chagasan/ 'jig rten gyi khams mngon par dga' ba zhes bya ba yod de/ de na de bzhin gshegs pa lus mdzad ces bya ba bzhugs te/ 'tsho zhing gzhes la ches kyang ston te bcom ldan 'das des/ byang chub sems dpa' rgyal tshab drag ces bya ba btang ngo // de'i yang 'dab chags na/ 'jig rten gyi khams dga' ba'i spos zhes bya ba yod de/ de na de bzhin gshegs pa skye med 'gyur bar mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yongs bsgrags nyon mongs yang dag bcom zhes bya ba btang ngo / / de'i yang 'dab chags na/ 'jig rten gyi khams yon tan kun la rab tu gnas zhes bya ba yod de/ de na de bzhin gshegs pa snyan pa'i bshes gnyen zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal ba'i bshes gnyen zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ btang ngo zhes bya ba'i bar du snga ma bzhin du sbyar ro/ / de'i yang 'dab chags na/ 'jig rten gyi khams phun sum tshogs pa kun la rab tu gnas zhes bya ba yod de/ de na de bzhin gshegs pa snyan pa'i nga ro/ zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab chos 'phags zhes bya ba btang ngo // de'i yang 'dab chags na 'jig rten gyi khams mya ngan med pa'i blo gros zhes bya ba yod de/ de na de bzhin gshegs pa mya ngan bral zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rin chen me zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ btang ngo zhes bya ba'i bar du snga ma bzhin du sbyar ro// de'i yang 'dab chags na/ 'jig rten gyi khams snyan pa zhes bya ba yod de/ de na de bzhin gshegs pa pad+ma mngon par 'phags pa'i dpal zhes bya ba bzhugs te/ 'tsho zhing gzhos la chos kyang ston te/ bcom ldan 'das des/ byang chub sems dpa' me tog rgyal po zhes bya ba btang ngo // de'i yang 'dab chags na/ 'jig rten gyi khams me tog kun tu bkram zhes bya ba yod de/ de na de bzhin gshegs pa me tog rab tu gtor ba'i tog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab spos kyi dpal zhes bya ba btang ngo / / de'i yang 'dab chags na/ 'jig rten gyi khams rnam par bsgrags pa zhes bya ba yod de/ de na de bzhin gshegs pa kun nas spos kyi 'od zer ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab nges 'byung zhes bya ba btang ngo // 'jig rten gyi khams de'i yang 'dab chags na// 'jig rten gyi khams phyogs ldan zhes bya ba yod de/ de na de bzhin gshegs pa spun btud ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab / smon lam chen po zhes bya ba btang ngo // de'i yang 'dab chags na/ 'jig rten gyi khams 'od 'phro can zhes bya ba yod de/ de na de bzhin gshegs pa 'od btang zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sbyin sreg byas pa'i 'od ces bya ba btang ngo // de'i yang 'dab chags na/ 'jig rten gyi khams 'od ces bya ba yod de/ de na de bzhin gshegs pa 'od lhun po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ri rab lta bu zhes bya ba btang ngo de'i yang 'dab chags na/ 'jig rten gyi khams rin po che'i 'od ces bya ba yod de/ de na de bzhin gshegs pa rin chen snang zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen byin zhes bya ba btang ngo // de'i yang 'dab chags na/ 'jig rten gyi khams rtag tu 'dug spos bdugs zhes bya ba yod de/ de na de bzhin gshegs pa mtshan gnyis gtsug tor can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' mtshan gnyis 'od ces bya ba bla na med pa yang dag par rdzogs pa'i byang chub tu lung bstan te zhes bya ba nas/ btang ngo zhes bya ba'i bar du snga ma bzhin du sbyar ro// de'i yang 'dab chags na/ 'jig rten gyi khams srid pa zhes bya ba yod de/ de na de bzhin gshegs pa 'jig rten gsum gyi khyu mchog rnam par gnon ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab srid pa gsum zhes bya ba btang ngo / / de'i yang 'dab chags na/ 'jig rten gyi khams mngon par dga' ba zhes bya ba yod de/ de na de bzhin gshegs pa 'od kyi dkyil 'khor can zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab mi 'jigs sbyin zhes bya ba btang ngo // de'i yang 'dab chags na/ 'jig rten gyi khams rtag tu dmigs pa zhes bya ba yod de/ de na de bzhin gshegs pa nam mkha'i rigs kyi khyu mchog ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal che ba lag pa can zhes bya ba btang ngo // de'i yang 'dab chags na/ 'jig rten gyi khams bde ba'i rgyal po zhes bya ba yod de/ de na de bzhin gshegs pa zad mi shes pa'i khyu mchog ces bya ba bzhugs te/ 'tsho zhing gzhes la chos kyang ston te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des byang chub sems dpa' 'byung ba'i dpal zhes bya ba bla na med pa yang dag par rdzogs pa'i byang chub tu lung bstan to zhes bya ba nas/ btang ngo zhes bya ba'i bar du snga ma bzhin du sbyar ro// de'i yang 'dab chags na/ 'jig rten gyi khams kun tu yongs su spangs zhes bya ba yod de/ de na de bzhin gshegs pa rnga smra zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub/ sems dpa' rgyal tsha spos rab gtong zhes bya ba btang ngo // de'i yang 'dab chags na/ 'jig rten gyi khams bde ba zhes bya ba yod de/ de na de bzhin gshegs pa kun tu khyu mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' yul la mi gnas pa zhes bya ba btang ngo // de'i yang 'dab chags na/ 'jig rten gyi khams sgra rnam par bsgrags zhes bya ba yod de/ de na de bzhin gshegs pa ye shes rnam par sgrags zhes bya ba bzhugs te/ 'tsho zhing gzhes la chos kyang ston te/ bcom ldan 'das nges byang chub sems dpa' rgyal tshab mchog gi tshogs can zhes bya ba btang ngo / / de'i yang 'dang chags na/ 'jig rten gyi khams sgron ma'i dkyil 'khor zhes bya ba yod de/ de na de bzhin gshegs pa shin tu rab tu gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab pa rA dzA na zhes bya ba btang ngo // de'i yang 'dab chags na/ 'jig rten gyi khams bkod pa gcig pa zhes bya ba yod de/ de na de bzhin gshegs pa sangs rgyas khyu mchog ces bya ba bzhugs te/ 'tsho zhing gzhes la chos kyang ston te bcom ldan 'das des/ byang chub sems dpa' blo gros dpe med ces bya ba btang ngo // de'i yang 'dab chags na/ 'jig rten gyi khams rab tu dga' byed ces bya ba/ yod de/ de na de bzhin gshegs pa yon tan kun gyi 'byung gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab mtshan ma med pa'i mtshan nyid gocha zhes bya ba btang ngo / / de'i yang 'dab chags na/ 'jig rten gyi khams dga' ba zhes bya ba yod de/ den de bzhin gshegs pa yon tan mtha' yas rin chen ldan zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu yang dag brtags kyi spyod pa zhes bya ba btang ngo / / de'i yang 'dab chags na/ 'jig rten gyi khams rgyu skar gyi 'phreng ba zhes bya ba yod de/ de na de bzhin gshegs pa ye shes 'phags pa'i dpal zhes bya ba bzhugs ca 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab sgrogs pa zhes bya ba btang ngo // de'i yang 'dab chags na/ 'jig rten gyi 'am gdugs kyi 'phreng ba bkod pazhes bya ba yod/ den de bzhin gshegs pa ye shes 'phags pa'i 'od kyi gzi brjid dpal zhes bya ba bzugs/ 'tsho zhing gnas la chos kyang ston no/ bcom ldan 'das des/ byang chub sems dpa' rgyal tshab legs byin zhes bya ba btang ngo // de'i yang 'dab chags na/ 'jig rten gyi khams pad+ma zhes bya ba yod de/ de na de bzhin/ gshegs pa pad+ma 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sangs rgyas chos 'byung zhes bya ba btang ngo / / de'i yang 'dab chags na/ 'jig rten gyi khams me tog can zhes bya ba yod de/ de na de bzhin gshegs pa spos rab khyu mchog ces bya ba bzhugs te/ 'tshe zhing gzhis la/ chos kyang ston te/ bcom ldan 'das des/ byang chub sems dpa' rgyal tshab ye she dal ba 'gyur byed ces bya ba btang ngo // de'i yang 'dab chags na/ 'jig rten gyi khams ku mu das rab tu khebs zhes bya ba yod de/ de na de bzhin gshegs pa zla ba tog gi 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ri rab byin zhes bya ba btang ngo / / de'i yang 'dab chags na/ 'jig rten gyi khams yangs pa zhes bya ba yod de/ de na de bzhin gshegs pa spos kyi glang po che zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mi 'khrug pa zhes bya ba btang ngo // de'i yang 'dab chags na/ 'jig rten gyi khams mchog ces bya ba yod de/ de na de bzhin gshegs pa bdud rtsi'i 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba bdud rtsi'i sgra zhes bya ba btang ngo / / de'i yang 'dab chags na/ 'jig rten gyi khams spos ldan zhes bya ba yod de/ de na de bzhin gshegs pa pad+ma brtsegs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab me tog ces bya ba btang ngo // de'i yang 'dab chags na/ 'jig rten gyi khams me tog can zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te/ 'tsho zhing gzhes la ches kyang ston te/ bcom ldan 'das des/ byang chub sems dpa' rgyal tshab spyi bos byin zhes bya ba btang ngo / / de'i yang 'dab chags na/ 'jig rten gyi khams tsam pa ka dang ldan pa zhes bya ba yod de/ de na de bzhin gshegs pa tsan dang dpal zhes bya ba bzhugs te// 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mig bzangs zhes bya ba btang ngo // de'i yang 'dab chags na/ 'jig rten gyi khams rin chen snying po zhes bya ba yod de/ de na de bzhin gshegs pa rin chen brtsegs zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab shin tu mthong zhes bya ba btang ngo / / de'i yang 'dab chags na/ 'jig rten gyi khams mdzangs pa zhes bya ba yod de/ de na de bzhin gshegs pa mdzangs mchog ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab sangs rgyas zhes bya ba btang ngo // de'i yang 'dab chags na/ 'jig rten gyi khams bde mchog ces bya ba yod de/ de na de bzhin gshegs pa bde mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bde ba'i rgyal po zhes bya ba btang ngo / / de'i yang 'dab chags na/ 'jig rten gyi khams rab gnas zhes bya ba yod de/ de na de bzhin gshegs pa yon tan mtha' yas 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo // de'i yang 'dab chags na/ 'jig rten gyi khams 'od ces bya ba yod de/ den de bzhin gshegs pa 'od kyi tog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab kun tu 'od ces bya ba btang ngo // de'i yang 'dab chags na/ 'jig rten gyi khams dga' ba'i spos zhes bya ba yod de/ de na de bzhin gshegs pa yon tan mtha' yas 'byung gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yon tan 'byung zhes bya ba btang ngo // de'i yang 'dab chags na/ 'jig rten gyi khams blta na sdug ces bya ba yod de/ de na de bzhin gshegs pa yon tan thams cad 'byung ba'i dpal gyi rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tsha ba yon tan ldan zhes bya ba btang ngo // 'jig rten gyi khams de'i yang 'dab chags na/ 'jig rten gyi khams pad+ma can zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sprin mos zhes bya ba btang ngo // 'jig rten gyi khams de'i yang 'dab chags na/ 'jig rten gyi khams gser gyi dra bas kun tu khebs zhes bya ba yod de/ de na de bzhin gshegs pa sgron ma 'tshang zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tsha ba spar 'chums ma yin zhes bya ba btang ngo // de'i yang 'dab chags na/ 'jig rten gyi khams rin chen dra bas kun du khebs zhes bya ba yod de/ de na de bzhin gshegs pa rin chen 'phags pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems/ dpa' rgyal tshab grong khyer sgrogs zhes bya ba btang ngo // de'i yang 'dab chags na/ 'jig rten gyi khams mngon par dga' ba zhes bya ba yod de/ de na de bzhin gshegs pa mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mi khom thams cad 'gyur byed ces bya ba btang ngo // de'i yang 'dab chags na/ 'jig rten gyi khams gdugs gcig pa zhes bya ba yod de/ de na de bzhin gshegs pa rgyu skar gyi rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rgyu skar gyi 'phreng ba zhes bya ba btang ngo // de'i yang 'dab chags na/ 'jig rten gyi khams nam mkha'i rigs zhes bya ba yod de/ de na de bzhin gshegs pa lhun po mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab rin chen lhun po zhes bya ba btang ngo // de'i yang 'dab chags na/ 'jig rten gyi khams mngon par dga' ba zhes bya ba yod de/ de na de bzhin gshegs pa nam mkha'i rna cha gdub kor rnam par dag pa'i rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bsam gyis mi khyab pa'i dpal zhes bya ba btang ngo // de'i yang 'dab chags na/ 'jig rten gyi khams mngon du bgrod pa zhes bya ba yod de/ de na de bzhin gshegs pa bdud rtsi'i sgra zhes bya ba bzhugs te/ 'tsho zhing gzhes la chos kyang ston te/ bcom ldan 'das/ des/ byang chub sems dpa' rgyal tshab mya ngan med ces bya ba btang ngo // de'i yang 'dab chags na/ 'jig rten gyi khams spos rigs btsun zhes bya ba yod de/ de na de bzhin gshegs pa bdud rtsi'i 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mya ngan med pa'i dpal zhes bya ba btang ngo // de'i yang 'dab chags na/ 'jig rten gyi khams shin tu rnam dag ces bya ba yod de/ de na de bzhin gshegs pa rin chen lhun po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rigs btsun zhes bya ba btang ngo / / de'i yang 'dab chags na/ 'jig rten gyi khams rab snang zhes bya ba yod de/ de na de bzhin gshegs pa rin chen me tog sna tshogs me tog kun tu rgyas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab blo gros mtha' yas zhes bya ba btang ngo // de'i yang 'da' chags na/ 'jig rten gyi khams mthu dpal zhes bya ba yod de/ de na de bzhin gshegs pa mchog gi tshogs can zhes bya ba bzhugs te/ 'tsho zhing gzhes la chos kyang ston bcom ldan 'das des/ byang chub sems dpa' rgyal tshab ba lang bdag ces bya ba btang ngo // de'i yang 'dab chags na/ 'jig rten gyi khams rin chen me tog ces bya ba yod de/ de na de bzhin gshegs pa rdul med rdul bral rnam par grol ba'i go cha zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'od byed ces bya ba btang ngo / / de'i yang 'dab chags na/ 'jig rten gyi khams gser du snang ba zhes bya ba yod de/ de na de bzhin gshegs pa gser gyi me tog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par snang byed ces bya ba btang ngo // de'i yang 'dab chags na/ 'jig rten gyi khams gser du snang ba zhes bya ba yod de/ de na de bzhin gshegs pa rin chen khang pa zhes bya ba bzhugs te/ 'tsho zhing ga zhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo / / de'i yang 'dab chags na/ 'jig rten gyi khams snying po can zhes bya ba yod de/ de na de bzhin gshegs pa me tog sna tshogs 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpas byin zhes bya ba btang ngo // de'i yang 'dab chags na/ 'jig rten gyi khams grol ba zhes bya ba yod de/ de na de bzhin gshegs pa grol ba'i 'od zer zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab byams pa zhes bya ba btang ngo // de'i yang 'dab chags na/ 'jig rten gyi khams me dog rab gtor ces bya ba yod de/ de na de bzhin gshegs pa me tog 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab me tog gi gdugs me tog kun tu rgyas pa zhes bya ba btang ngo // de'i yang 'dab chags na/ 'jig rten gyi khams me tog can zhes bya ba yod de/ de na de bzhin gshegs pa me tog gdugs zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab gser gdugs zhes bya ba btang ngo // de'i yang 'dab chags na/ 'jig rten gyi khams pad+ma can zhes bya ba yod de/ de na de bzhin gshegs pab don yod go cha zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab log pa'i go cha bgos zhes bya ba btang ngo // de'i yang 'dab chags na/ 'jig rten gyi khams me tog can zhes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te/ 'tsho zhing ga zhes la chos kyang ston te/ bcom ldan 'das des byang chub sems dpa' rgyal tshab skyed byed ces bya ba btang ngo // de'i yang 'dab chags na/ 'jig rten gyi khams tshangs pa'i dpal zhes bya ba yod de/ de na de bzhin gshegs pa tshangs pa'i dbyangs zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab 'jam pa'i dbyangs kyi nga re zhes bya ba bla na med pa yang dag par rdzogs pa'i byang chub tu lung bstan te zhes bya ba nas/ btang ngo zhes bya ba'i bar du snga ma bzhin du sbyar ro// de'i yang 'da' chags na/ 'jig rten gyi khams me tog gi rgyal mtshan zhes bya ba yod de/ de na de bzhin gshegs pa khyu mchog ces bya ba bzhugs te/ 'tshe zhing gzhes la chos kyang sngon te/ bcom ldan 'das des/ byang chub sems dpa' rgyal tshab mig rnam dag ces bya ba btang ngo // de'i yang 'dab chags na/ 'jig rten gyi khams tog ces bya ba yod de de na de bzhin gshegs pa mtha' yas tshogs can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rig sa zhes bya ba btang ngo / / de'i yang 'dab chags na/ 'jig rten gyi khams gsor zhes bya ba yod de/ de na de bzhin gshegs pa kha khe sgyur ba zhes bya ba bzhugs te/ 'tsho zhing gnas mas kyang stod na/ bcom ldan 'das des/ byang chub sems dpa' rgyal chab sde nas bya ba bdang // de'i yang 'da' chags na/ 'jig rten gyi khams rab gnas zhes bya yod de/ de na de bzhin gshegs pa thogs pa med pa'i 'khor lo zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tsha ba 'das pa rnam par gnon zhes bya ba btang ngo / / de'i yang 'dab chags na/ 'jig rten gyi khams srid pa med ces bya ba yod de/ de na de bzhin gshegs pa 'gro kun rnam par 'joms mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab shin tu yang dag brtags kyi go cha zhes bya ba btang ngo // de'i yang 'dab chags nan/ 'jig rten gyi khams yid gnyis can zhes bya ba yod de/ de na de bzhin gshegs pa yid gnyis yang dag 'joms par mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mthong ma thag tu nges pa'i go cha zhes bya ba btang ngo // de'i yang 'dab chags na/ 'jig rten gyi khams ye shes mchog ces bya ba yod de// den de bzhin gshegs pa mtshan ma med pa'i nga ro zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par bltas pa'i nga ro zhes bya ba btang ngo / / de'i yang 'dab chags na/ 'jig rten gyi khams yon tan rab gnas zhes bya ba yod de/ de na de bzhin gshegs pa yon tan mtha' yas ldan zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab gom pa mtha' yas rnam par gnon ces bya ba btang ngo // de'i yang 'dab chags na/ 'jig rten gyi khams rin chen rang gnas zhes bya ba yod de/ de na de bzhin gshegs pa rin chen 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das/ des byang chub sems dpa' rgyal tshab rdo rje rnam par gnon zhes bya ba btang ngo // de'i yang 'dab chags na/ 'jig rten gyi khams sgrogs pa zhes bya ba yod de/ de na de bzhin gshegs pa pad+ma mngon par 'phags pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen me tog ces bya ba btang ngo / / de'i yang 'dab chags na/ 'jig rten gyi khams pad+ma 'byung zhes bya ba yod de/ de na de bzhin gshegs pa rin chen mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mchog ces bya ba btang ngo // de'i yang 'dang chags na/ 'jig rten gyi khams legs 'byung zhes bya ba yod de de na de bzhin gshegs pa dang / ma 'ongs pa dang / da ltar byung ba'i go cha thogs pa med ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab rdul bral sde zhes bya ba btang ngo // de'i yang 'dab chags na/ 'jig rten gyi khams 'od bzang po zhes bya ba yod de/ de na de bzhin gshegs pa 'od mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu gnon ces bya ba btang ngo // de'i yang 'dab chags na/ 'jig rten gyi khams rnam dag ces bya ba yod de/ de na de bzhin gshegs pa rin chen lhun po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lhun po chen po zhes bya ba btang ngo // de'i yang 'dab chags na/ 'jig rten gyi khams zla ba sgron ma zhes bya ba yod de/ de na de bzhin gshegs pa nyi ma sgron ma zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab nyi ma sgron ma mngon par 'phags pa'i dpal zhes bya ba btang ngo / / de'i yang 'dab chags na/ 'jig rten gyi khams tshon rtsi phung po zhes bya ba yod de/ de na de bzhin gshegs pa ye shes 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dri med 'byung ba'i dpal zhes bya ba btang ngo // de'i yang 'dab chags na/ 'jig rten gyi khams skar mngar zhes bya ba yod de/ de na de bzhin gshegs pa skar mda' sgron ma zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab 'phel ba'i blo gros zhes bya ba btang ngo / / de'i yang 'dab chags na/ 'jig rten gyi khams ye shes 'byung gnas zhes bya ba yod de/ de na de bzhin gshegs pa gong na med pa'i 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tsha yon tan 'byung gnas zhes bya ba btang ngo // de'i yang 'dab chags na/ 'jig rten gyi khams pad+ma'i gdugs zhes bya ba yod de/ de na de bzhin gshegs pa rgyal zhes bya ba bzhugs te/ 'tsho zhing gzhes la chos ston te/ bcom ldan 'das des byang chub sems dpa' rgyal tshabarda sgra zhes bya ba btang ngo / / de'i yang 'dab chags na/ 'jig rten gyi khams gdugs gcig pa zhes bya ba yod de/ de na de bzhin gshegs pa spyan mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab tshangs pa'i nga zhes bya ba btang ngo / / de'i yang 'dab chags na/ 'jig rten gyi khams phyogs zhes bya ba yod de/ de na de bzhin gshegs pa phyogs kyi sgron ma zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal cheb phyogs snang zhes bya ba btang ngo // de'i yang 'dab chags na/ 'jig rten gyi khams sa la zhes bya ba yod de/ de na de bzhin gshegs pa sa la'i dbang po rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tsha ba bru bo zhes bya ba btang ngo / / de'i yang 'dab chags na/ 'jig rten gyi khams rab gnas zhes bya ba yod de/ de na de bzhin gshegs pa seng ge zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab bag tsha ba med pa zhes bya ba btang ngo // de'i yang 'dab chags na/ 'jig rten gyi khams tshogs zhes bya ba yod dede na de bzhin gshegs pa rin chen lhun po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab grags pa zhes bya ba btang ngo / / de'i yang 'dab chags na/ 'jig rten gyi khams pad+ma zhes bya ba yod de/ de na de bzhin gshegs pa rnam par gzigs zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab sprin ces bya ba btang ngo // de'i yang 'dab chags na/ 'jig rten gyi kham/ kun tu 'dzin zhes bya ba yod de/ de na de bzhin gshegs pa sman pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rtsi'i rgyal po zhes bya ba btang ngo / / de'i yang 'dab chags na/ 'jig rten gyi khams dpal bzang po zhes bya ba yod de/ de na de bzhin gshegs pa dpal bzang po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu bzang po zhes bya ba btang ngo // de'i yang 'dab chags na/ 'jig rten gyi khams shin tu rab gnas zhes bya ba yod de/ de na de bzhin gshegs pa mi g.yos pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phug sbas zhes bya ba btang ngo / / de'i yang 'dab chags na/ 'jig rten gyi khams spos can zhes bya ba yod de/ de na de bzhin gsheg pa spos mchog dpal zhes bya ba bzhugs te 'tsho zhing gnas la chos kyang ston te/ bcom ldan 'das des/ byang chub sems dpa' rgyal tshab spos dpal zhes bya ba btang ngo // de'i yang 'dab chags na// 'jig rten gyi khabs spos dpa zhes bya ba yod de/ de na de bzhin gshegs pa phyag na spos mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab pad+ma'i snying po zhes bya ba btang ngo // de'i yang 'dab chags na/ 'jig rten gyi khams tsan dan gyi bsung zhes bya ba yod de/ de na de bzhin gshegs pa tsan dan khang pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpal sbas zhes bya ba btang ngo / / de'i yang 'dab chags na/ 'jig rten gyi khams rin chen dra bas khe bas zhes bya ba yod de/ de na de bzhin gshegs pa brtson 'grus mtha' yas zhes bya ba bzhugs te// 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab blo gros mtha' yas zhes bya ba btang ngo // de'i yang 'dab chags na/ 'jig rten gyi khams me tog can zhes bya ba yod de/ de na de bzhin gshegs pa pad+ma 'jigs byed me tog mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab dbyangs mtha' yas nga ro zhes bya ba btang ngo // de'i yang 'dab chags na/ 'jig rten gyi khams rnam par snang byed ces bya ba yod de/ de na de bzhin gshegs pa rin chen dra ba can zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab pas byin zhes bya ba btang ngo / / de'i yang 'dab chags na/ 'jig rten gyi khams zla ba sgron ma zhes bya ba yod de/ de na de bzhin gshegs pa shin tu rab gnas rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab brjed med nga ro zhes bya ba btang ngo // de'i yang 'dab chags na/ 'jig rten gyi khams tsan dan gyi bsung zhes bya ba yod de/ de na de bzhin gshegs pa phyag na spos mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab 'byor pas byin zhes bya ba btang ngo / / de'i yang 'dab chags na/ 'jig rten gyi khams yid bral zhes bya ba yod de/ de na de bzhin gshegs pa bde ba thams cad nye bar sgrub pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phan 'dod ces bya ba btang ngo // de'i yang 'dab chags na/ 'jig rten gyi khams spos sna tshogs zhes bya ba yod de/ de na de bzhin gshegs pa dmigs pa thams cad ston ces bya ba bzhugs te/ 'tsho zhing gzhes la chos kyang ston te// bcom ldan 'das des/ byang chub sems dpa' rgyal tshab smon lam mtha' yas zhes bya ba btang ngo // de'i yang 'dab chags na/ 'jig rten gyi khams sna tshogs zhes bya ba yod de/ de na de bzhin gshegs pa yongs bsgrags don yod ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab go/ cha mtha' yas zhes bya ba btang ngo // de'i yang 'dab chags na/ 'jig rten gyi khams dri ma med pa zhes bya ba yod de/ de na de bzhin gshegs pa shin tu rab gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba gtsug na nor bu zhes bya ba btang ngo // de'i yang 'dab chags na/ 'jig rten gyi khams bde ba can zhes bya ba yod de/ de na de bzhin gshegs pa yon tan mtha' yas bkod pa'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das des byang chub sems dpa' rgyal tshab thogs pa med pa'i snying stobs go cha zhes bya ba btang ngo / / de'i yang 'dab chags na/ 'jig rten gyi khams pad+ma'i gdugs gcig pa zhes bya ba yod de/ de na de bzhin gshegs pa bde ba bkod pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen tog ces bya ba btang ngo/ de'i yang 'dab chags na/ 'jig rten gyi khams dri ma med pa zhes bya ba yod de/ de na de bzhin gshegs pa nam mkha'i tog ces bya ba bzhugs te/ 'tsho zhing gzhes la chos kyang ston te bcom ldan 'das des/ byang chub sems dpa' rgyal tshab nam mkha' rnam dag spyod pa zhes bya ba btang ngo // de'i yang 'dab chags na/ 'jig rten gyi khams bzangs byed ces bya ba yod de/ de na de bzhin gshegs pa bzang po mchog dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bzang po dbyangs zhes bya ba btang ngo / / de'i yang 'dab chags na/ 'jig rten gyi khams mar med byed ces bya ba yod de/ de na de bzhin gshegs pa khyu mchog mtha' yas zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab khyu mchog ces bya ba btang ngo // de'i yang 'dab chags na/ 'jig rten gyi khams me tog dri zhim zhes bya ba yod de/ de na de bzhin gshegs pa spun rnam dag ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab mig bzangs zhes bya ba btang ngo // de'i yang 'dab chags na/ 'jig rten gyi khams shin tu rab gnas zhes bya ba yod de/ de na de bzhin gshegs pa kha lo sgyur ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab rgya mtsho zhes bya ba btang ngo // de'i yang 'dab chags na/ 'jig rten gyi khams tshad tshogs mtha' yas zhes bya ba yod de/ de na de bzhin gshegs pa lhun po mngon par 'phags pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab tshad med blo gros zhes bya ba btang ngo / / de'i yang 'dab chags na/ 'jig rten gyi khams dga' 'byung zhes bya ba yod de/ de na de bzhin gshegs pa pas ma pham pa'i rgyal mtshan zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phasam pham pa zhes bya ba btang ngo // de'i yang 'dab chags na/ 'jig rten gyi khams rdul zhes bya ba yod de/ de na de bzhin gshegs pa mngon rtogs zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab mi 'jigs pa zhes bya ba btang ngo // de'i yang 'dab chags na/ 'jig rten gyi khams spos 'das zhes bya ba yod de/ de na de bzhin gshegs pa lhun po mtha' yas mu med spos bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab spos mchog dpal zhes bya ba btang ngo // de'i yang 'dab chags na/ 'jig rten gyi khams grong khyer zhes bya ba yod de/ de na de bzhin gshegs pa zla ba'i dkyil 'khor rnam dag rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des byang chub sems dpa' rgyal tshab sgron ma 'chang zhes bya ba btang ngo / / de'i yang 'dab chags na/ 'jig rten gyi khams mchog ces bya ba yod de/ de na de bzhin gshegs pa lhun po mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo // de'i yang 'dab chags na/ 'jig rten gyi khams dga' ba zhes bya ba yod de/ de na de bzhin gshegs pa dga' ba 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa rgyal tshabartul bas byin zhes bya ba btang ngo / / de'i yang 'dab chags na/ 'jig rten gyi khams 'od ces bya ba yod de/ de na de bzhin gshegs pa lhun po rnam dag ces bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen lhun po zhes bya ba btang ngo // de'i yang 'dab chags na/ 'jig rten rgya khams mdzes pa zhes bya ba yod de/ de na de bzhin gshegs pa mdzes pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mdzes pa chen po'i dpal zhes bya ba btang ngo / / de'i yang 'dab chags na/ 'jig rten gyi khams dri zhim zhes bya ba yod de/ de na de bzhin gshegs pa tshangs pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab tshangs pa'i nga ro zhes bya ba btang ngo // de'i yang 'dab chags na/ 'jig rten gyi khams dbang po'i rgyal mtshan zhes bya ba yod de/ de na de bzhin gshegs pa thogs pa med pa'i spyan zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dbang pos byin zhes bya ba btang ngo // de'i yang 'dab chags na/ 'jig rten gyi khams chos kyi rgyal mtshan zhes bya ba yod de/ de na de bzhin gshegs pa yon tan mtha' yas 'byung gnas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dang 'argyal tshab yon tan byin zhes bya ba btang ngo / / de'i yang 'dab chags na/ 'jig rten gyi khams bsam gyis mi khyab pa'i dpal zhes bya ba yod de/ de na de bzhin gshegs pa gzi brjid dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes bsags zhes bya ba btang ngo // de'i yang 'dab chags na/ 'jig rten gyi khams sna tshogs zhes bya ba yod de/ de na de bzhin gshegs pa legs par bsam pa'i smon lam yongs su grub pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab smon lam mtha' yas zhes bya ba btang ngo // de'i yang 'dab chags na/ 'jig rten gyi khams grong khyer brgyan pa'i rgyal po zhes bya ba yod de/ de na de bzhin gshegs pa rnam par dag pa'i dkyil 'khor rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lhun po rnam dag ces bya ba btang ngo / / de'i yang 'dab chags na/ 'jig rten gyi khams ye shes 'od ces bya ba yod de/ de na de bzhin gshegs pa ye shes spos zhes bya ba bzhugs te/ 'tsho zhing ga zhes la chos kyang ston te/ bcom ldan 'das des/ byang chub sems dpa' rgyal tshab ye shes 'byung ba'i dpal zhes bya ba btang ngo // de'i yang 'dab chags na/ 'jig rten gyi khams khang pa zhes bya ba yod de/ de na de bzhin gshegs pa khang pa sde zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes rnam par sems zhes bya ba btang ngo / / de'i yang 'dab chags na/ 'jig rten gyi khams ye shes spos zhes bya ba yod de/ de na de bzhin gshegs pa ye shes brtsegs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes 'byung gnas zhes bya ba btang ngo // de'i yang 'dab chags na/ 'jig rten gyi khams phyogs kyi lhun po zhes bya ba yod de/ de na de bzhin gshegs pa mar me mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phyogs su rnam par grags pa zhes bya ba btang ngo // de'i yang 'dab chags na/ 'jig rten gyi khams yon tan rab gnas zhes bya ba yod de/ de na de bzhin gsheg pa bde bdag ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab chos kyi sgron ma zhes bya ba btang ngo // de'i yang 'dab chags na/ 'jigs rten gyi khams grags dga' zhes bya ba yod de/ de na de bzhin gshegs pa rdul bral mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mi mjed kyi bdag po zhes bya ba btang ngo // de'i yang 'dab chags na/ 'jig rten gyi khams pad+ma mngon par 'phags pa'i rgyal po zhes bya pa yod de/ de na de bzhin gshegs pa mngon par 'phags pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tsha ba dri ma med pa zhes bya ba btang ngo / / de'i yang 'dab chags na/ 'jig rten gyi khams yon tan mtha' yas 'byung zhes bya ba yod de/ de na de bzhin gshegs pa sems can gyi bsam pa yang dag par ston pa'i khyu mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab chos kyi sgron ma zhes bya ba btang ngo // de'i yang 'dab chags na/ 'jig rten gyi khams dga' ba zhes bya ba yod de/ de na de bzhin gshegs pa rin chen mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpa' ba zhes bya ba btang ngo // de'i yang 'dab chags na/ 'jig rten gyi khams so sor bag yangs zhes bya ba yod de/ de na de bzhin gsheg pa thams cad rtser 'jug rtsom pa'i khyu mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshad rtag tu brtsams pa'i go cha zhes bya ba btang ngo / / de'i yang 'dab chags na/ 'jig rten gyi khams shin tu so sor yang dag gnas zhes bya ba yod de/ de na de bzhin gshegs pa thogs pa med pa'i 'od zer pad+mas sangs rgyas mngon par 'phags pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sa'i nga ro rgyal po zhes bya ba btang ngo / / de'i yang 'dab chags na/ 'jig rten gyi khams chu klung gang+gA'i bye ma snyed 'das pa na/ 'jig rten gyi khams yon tan kun dang ldan pa zhes bya ba yod de de na de bzhin gshegs pa bdud thams cad la sangs rgyas kyi sku yang dag par ston pa'i khyu mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' sems dpa' chen po kun tu bltas pa'i byang chub tu nges pa'i dge ba'i rtsa ba'i snying stobs kyi go cha bgos zhes bya ba bla na med pa yang dag par rdzogs pa'i byang chub tu lung bstan to/ / de nas byang chub sems dpa' des snang ba chen po de mthong ste/ gsung bsal ba'i sgra de yang thos so// thos nas kyang bcom ldan 'das la 'di skad ces gsol to// bcom ldan 'das 'od de dang / gsung bsal ba'i sgra de su'i lags/ de nas bcom ldan 'das des bka' stsal pa/ rigs kyi bu nub phyogs kyi phyogs char 'jig rten gyi khams grangs med pa stong 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te/ 'tsho zhing gzhes la/ 'di lta ste/ byang chub sems dpa'i sde snod kyi chos kyi rnam grangs kyi chos kyang ston te/ mthu de lta bu de ni de'i yin no// de nas bcom ldan 'das de la/ byang chub sems dpa' kun tu bltas pa'i byang chub tu nges pa'i dge ba'i rtsa ba'i snying stobs kyi go cha bgos kyis 'di skad ces gsol to/ / bcom ldan 'das bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba dang / chos mnyan pa'i slad du/ 'jig rten gyi khams mi mjed der bdag mchi bar bgyi'o// bcom ldan 'das des bka' stsal pa/ rigs kyi bu de'i dus la dbab par shes na song zhig/ de nas byang chub sems dpa' kun tu bltas pa'i byang chub tu nges pa'i dge ba'i rtsa ba'i snying stobs kyi go cha bgos kyis/ pad+ma brgyad blangs nas/ 'jig rten gyi khams mi mjed ga la ba dang / bcom ldan 'das ga la ba de logs su gtor to/ / de nas pad+ma de dag 'jig rten gyi khams thams cad 'das te/ 'jig rten gyi bar dag las 'das nas/ rgyal po'i khab 'od ma'i tshil bya ka lan ta ka gnas pa ga la ba dang / bcom ldan 'das ga la ba der so sor yang dag par 'khod do// bcom ldan 'das de bzhin gshegs pa shAkya thub pa'i 'khor bzhi po'i 'khor gyi dkyil 'khor gyis de dag mthong nas kyang ngo mtshar du 'dzin par gyur to/ / de nas bcom ldan 'das la pad+ma de dag gis lan gsum bskor ba byas nas spyan sngar 'khod do// de nas bcom ldan 'das kyis phyag g.yas pas pad+ma de dag la reg par mdzad nas/ reg pa tsam gyis pad+ma de dag las kyang / byang chub sems dpa'i lus dag mngon par byung ngo // byung nas kyang bcom ldan 'das la tshigs su bcad pa 'di dag gis mngon par bstod nas mi snang bar gyur to/ / / bam po brgyad pa// / mtha' yas mkhyen mnga' gang zag khyu mchog gtso// rang byung mtha' yas chos rnams thugs su chud/ / khyod kyi rdzu 'phrul mtha' yas rgya chen gda'// 'jig rten khams rnams kun tu snang bar mdzad// de dag sangs rgyas kyi ni mtshan thos nas// zhu ba'i khyad par kun tu zhu ba dang / / sangs rgyas blta dang phyag kyang bgyi slad du// mkhas pa de dag rdzu 'phrul stobs kyis mchis// byang chub go bgos dpa' bo gang mchis dag/ mi mjed 'jig rten khams su rab gnas pa/ / de dag skye ba gcig gis thogs pa ste// de dag ming dang gzugs dang grags pas 'phags// de dag go cha'i dngos pos mi 'jigs shing // sems can sman pa'i slad du yang dag zhugs/ / byang chub mchog la ji ltar reg 'gyur ba// 'jig rten rnam 'dren mchog la de dag zhu// ci skad mngon du chos tshol bgyid ce na// bdud rnams gzhom dang byang chub thob slangad du/ / de nas nu ba zhu ba'i sprul pa rnams// gang yin de la shAkya thub pas gsungs// 'dren pas yang dag tshig gis de bstan nas// mi mchog de yi tshig rnams thos gyur te/ dga' zhing mgu la rjes su yi rang nas// bai de gshegs phyag 'tshal de dag 'khod par gyur// sprul pa de dag der ni mi snang nas// gang dag de bzhin gshegs la zhu ba kru// de dag / gang nas mchis shing ming ci zhes// de tshe 'khor kyang spu rnams zing zhes byed// 'khor rnams bzhi po de dag gus pa yis// rgyal ba la ni zhu bar mi spro ste// de tshe 'jig rten mgon po'i sprul pa sprul/ / de tshe dge slong kun dga' bzang po byung // mgon po zhu ba 'di zhu de dag gang // zhus nas kyang ni mi gda' ma mthong gyur// de dag su lags de dag su yi lags/ / mgon po bshad cing the tsom bsal du gsol// smon lam dpa' bo ldan pa'i go cha ltos// de yis byin gyis brlabs nas 'dir lhags te// shar phyogs kyi ni 'jig rten khams kyi tshul/ / grangs med dag nas de dag lhags pa yin// dpa' bo 'jig rten phan phyir gang lhags pa// rnam par bltas nas dong bar gyur pa ste// bsam pa dag pa byang chub phyir spyod pa/ / de yi smon lam de ni de 'dra'o// de dag dge bas nges par sangs rgyas mthong // de dag 'dir ni de la sgyid mi lug/ tshul khrims kyis kyang dman par mi 'gyur te// thos po mang zhing pha rol phyin pas 'phags// de dag thabs shes pa la shin tu bslabs// mngal gyi gnas su 'gro bar mi 'gyur te// 'khor ba'i tshe na tshe rabs tshe rabs su// de dag chos kyi sems rgyud brjed mi 'gyur// rtag tu sangs rgyas rnams dang mngon du phrad // rtag tu 'phags pa rnams dang 'grogs par 'gyur// dpa' bo de yis sems can 'dir mdzod rnams/ rtag tu de la rab tu 'byung ba thob// mthong ma thag tu dge bas de 'dra ste// gang dag gzhan ma brjod pa de dag mang // dpa' bo de yi yon tan gang yod pa/ / mang du bsgrags kyang mthar thug 'gyur ba med// dpa' bo shin tu gnas pa de yi ming // de tshe bud med gang gis thos gyur pa// de ni phyin chad bud med mangs mi 'gyur// sems can dam pa'i mchog tu de 'gyur ro// skyes pa bud med gang gis ming thos shing // thos nas de la'ang dga' ba skyed byed la// sangs rgyas zhing der smon lam 'debs byed pa// lus zhig nas ni der yang skye bar 'gyur/ / zhing yang dag par skye bar 'gyur ba yin// skyes pa bud med 'on te gzhan yang rung // gang gis ming thos nam zhig dang byed pa// thams cad byang chub ched las nyams mi 'gyur/ / gang dag gcer bu'i sems can ma gtogs par// thos nas su zhig dga' ba skye mi 'gyur// sangs rgyas kyis kyang de ni yod ma gsungs// 'on kyang de dag dge dang ldan par 'gyur// gang dag bsam pas ming yang thos pa ni// ji ltar rtsi yis skyon rnams sel byed bzhin// sems can de dag gis ni der mthong ba// byang chub don du nges 'gyur the tsom med// gang zhig pa la sha yi 'dab thogs shing // de dang der ni rtsi dag byed gyur na// de tshe kun nas sman gyi stobs kyis su// sus kyang der ni mi la tshig mi 'gyur/ / gang tshe sbrul gdug gzi brjid drag po yis// dug gang de dag mi gdug byed 'gyur te// sa yi steng na kun tu ston byed na// de 'dra'i sman brkos pas ni ci zhig bya/ sbrul gdug dri ni gang dag snom byed pa// sbrul de thams cad 'chi ba'i dus byed 'gyur// de ltar rtsi smran 'dra ba'i mi de ni// ming gis sangs rgyas mdzad pa byed par 'gyur// de tshe phyogs bcu dag tu bsgrags pa na// dpa' bo de yi ming ni sus thos pa// de yis ming gis las ni 'di byed de// bud med gang zag la ni reg mi 'gyur// gang gis mthong dang bsti/ stang byed ci smos// de na rgyal bas dge slong gang sprul pa// kun dga' bzang po zhes ni bya ba des// rgyal bas de skad bsgrags pa de 'dra ba// byang chub zhugs pa su mchis de la zhus// kun dga' bzang po go cha dpa' bo'i ming // 'jig rten khams 'dir yod ces ngas thos na// zhum pa med pa'i yid kyis brjod par bya// de ltar bde bar gshegs pas zab bstan pa/ / rgyal ba'i byang chub yid ches dka' ba yi// sems can dge ba chung dang ldan pa lhags// da ltar nga yi tshe ni cung zad gnas// kun dga' 'di na sems can mchog yod de/ de ring kho nar 'khor du lhags par 'gyur// 'jig rten mgon po gang dag 'dir lhags pa'i// / go cha bsngags pa phyogs bcur bzlog mi nus// kun dga' bzang skyong rin chen 'byung gnas dang / / dkon mchog 'byung gnas dang ni ded dpon bzang // yon tan sbas pa mkhas dang de bzhin du// dpa' bo bzang stobs gang yin de la ltos// chu zhes bya ba dang ni chu lha dang // bzang skyong de bzhin dge slong ci 'dra rnams// ji ltar skyob gyur dge slong de dag ltos// de dag rnams kyis go cha de bsam yas// don yod ces ni yongs su bsgrags gyur pa/ / de dag gis ni don yod go cha bgos// de dag mthong ba'ang don yod 'gyur ba yin// de dag bsnyen bkur byed pa smos ci dgos// kun dga' gang su dag gis de dag mthong / / gang dag su yis ming yang thos gyur pa// de dag nam yang byang chub dogs pa med// de dag nam du'ang log par ltung mi 'gyur// de dag thams cad brtson pas tshogs pa yin/ / de dag thams cad shes pas tshogs par gyur// rtag tu tshul khrims phung pos de rtag gnas// thams cad theg pa mchog la de ltar 'dun// kun dag sangs rgyas zhing 'dir phyogs bcu yi/ / 'jig rten da ltar gang dag su gnas pa// dpa' bo de ci go cha 'dod gyur pa// de la rgyal ba kun gyis bsngags pa brjod// gang gis bsngags brjod rgyal ba de dag kyang / / byang chub sems dpa' de'i tshe der shes te// shAkya khyu mchog 'jig rten mgon po dang // byang chub zhugs pa'i dpa' bo de dag blta'o// de thos nas kyang gsol ba bta' gyur pa/ / mgon po mi mjed 'jig rten khams su mchi// rgyal ba rnams kyi sku la bskor byas nas// byang chub sems dpa' de dag thams cad lhags// dge slong dag gi yang ming thos nas/ / de tshe byang chub mchog tu 'dun pa skyed// gang dag ming dang 'dun pas byang chub zhugs// de dag rgyal bas byang chub der lung bstan// bskal pa grangs med dag tu las byas shing / / mi dge bsgrubs pa gang dag su yod pa// de phyir snyigs ma'i dus na de dag ni// nga dang lhan cig sangs rgyas zhing du lhags// nga yi byang chub mchog 'di thob gyur kyang // de tshe sems can blta bar spro ba med// gang dag phyi dus dge slong rnams 'byung ba// rtsub dang gtum dang shin du rtsub pa yin// de tshe kun tu 'jigs pa thob nas su// yang dang yang du brtson 'grus stobs skyed cing / / mu ge'i dus su rdzan rdzin sbyin pa byin// de dag rnams kyi sbyin pa rtsub pa yin// de dag 'di la gus pa che byas nas// phyi dus 'jigs pa chen po de yi tshe// srog kyang btang nas don ni bya snyam ste/ / nga yi chos chog spel zhing 'dzin par byed// dus de na ni mi dge'i las rnams kyi// smon lam gnas kyang 'jig rten dag na yod// 'di na las de dag ni byas pa na/ / de yi tshe na brnyas pa'i tshul du 'gyur// de dag der ni 'dra'i chos thos nas// de tshe der ni chos min 'du shes 'gyur// chos 'di rgyal bas gsungs pa ma yin zhes// 'jig rten phyin ci log la kun dga' ltos/ / de tshe dge slong slob pas 'du byed la// rtag pa cung zad med ces skyo thob pas// de tshe mgo la me 'bar bzhin du rtogs// 'chi med thob par bya phyir ma lus brtsal bstan 'di rab tu rnam par 'jig thob nas/ / der ni lha yang sdug bsngal dag tu gyur// de tshe 'jigs pa mthong na mi rung zhes// da lta'i dus su shi yang sla snyam sems// bag tsha med pa'i sgrogs pa sgrogs pa yi// drang srong che de de ring bdag cag mthong // 'dren pa mchog gi zhal du lta byed cing // kye ma rgyal bas bshad ces yi rangs so// dge slong bsam gtan byed pa dag kyang mthong // dbang thob rdzu 'phrul stobs kyis mkhas gyur pa/ / 'di ni ting 'dzin shes rab pha rol phyin// de dag phyi ma'i dus su ji ltar mthong // sdig pa'i dge slong stobs dang ldan 'gyur zhing // de tshe tshul ldan shin tu tshar gcad 'gyur/ / gnas khang gnas pa tshegs kyis 'thob 'gyur zhing // de tshe lha yid shin tu mi dga' 'gyur// kye ma kye ma bstan pa rab tu 'jig/ gang gi don du de tshe dka' spyod pa// de dag dge slong sdig pas char gcad 'gyur bstan pa 'jig par 'gyur ba 'di la ltos/ / 'dir ni phan tshun kun tu dga' bar 'gyur// des pa rnams la de dag bsngags min brjod// sangs rgyas la ni 'khrug long byed pa dag/ de dag khyim na gnas pa 'dzin par 'gyur/ / dge bsnyen ma dang 'dre bar byed 'gyur zhing // de na de dag lag pa gcig tu byed// rgyal ba'i bstan la mgus gyur nas su// byang chub mchog kyang spong bar byed par gyur dkon mchog gsum la mchog tu 'tshe 'gyur te/ / de dag rtag tu nges pa rnams kyis spangs// khyu mchog rwa chag ma gyur ma rungs pa// de bzhin tshul khrims ldan pa rnam par spong // de tshe tshul khrim ldan pa dpyas 'gyur zhing / / de tshe dge slong sdig pas brnyas tshul 'gyur// 'jigs chen phyin ci log gi dus su ni// skyo ba thob byos bag kyang yod par gyis// bde bar gshegs pa'i bstan la brtson 'grus skyed/ / de tshe 'jigs pa chen po 'byung bar 'gyur// sdig pa'i dge slong rnams dang 'phrad ma byed// de yi tshe na sdug bsngal gnas par 'gyur// de na byang chub sem dpa' kun tu blta ba'i byang chub sems dpa'i dge ba'i rtsa ba'i snying stobs kyi go cha bgos/ / 'di lta ste// dper na skyes bu stobs dang ldan pa zhig gis lag pa bskums pa rkyong bar byed pa 'am// brkyang bskums par byed pa'i skad cig des/ / de nas mi snang bar gyur nas/ 'jig rten gyi khams mi mjed 'dir 'ongs te/ de bcom ldan 'das de bzhin gshegs pa shAkya thub pa ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam stobs dang bde bar reg pa la gnas sam zhes/ de bzhin gshegs pa bdud thams cad la sku kun tu ston pa'i khyu mchog snyun gsol lags so// bcom ldan 'das kyis bka' stsal pa/ rigs kyi bu bcom ldan 'das de spyan mi mnga' 'am/ stobs dang ldan nam/ 'gyur ba mi mnga' 'am/ des gsol pa/ bcom ldan 'das de lta lags so// // 'jig rten gyi khams de'i yang 'dab chags na/ 'jig rten gyi khams mtshan ldan zhes bya ba yod de/ de na de bzhin gshegs pa mtshan med nga ro zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab tshangs dbyangs nga ro zhes bya ba btang ngo // de'i yang 'dab chags na/ 'jig rten gyi khams 'dzin med ces bya ba yod de/ de na de bzhin gshegs pa mtshan ma med pa'i nga ro zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mtshan nyid gcig pas mchod ces bya ba btang ngo // de'i yang 'dab chags na/ 'jig rten gyi khams mtshan nyid med pa'i phyag rgya zhes bya ba yod de/ de na de bzhin gshegs pa pad+ma'i mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tsha ba pad+ma rab tu gtor ba'i char pa zhes bya ba btang ngo // de'i yang 'dab chags na/ 'jig rten gyi khams zla ba'i rgyal mtshan zhes bya ba yod de/ de na de bzhin gshegs pa rin chen 'brang ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sna tshogs brtsegs zhes bya ba btang / / de'i yang 'dab chags na/ 'jig rten gyi khams 'jam pa zhes bya ba yod de/ de na de bzhin gshegs pa rdul med blo gros zhes bya ba bzhugs te/ 'tsho zhing gzhes la chos kyang ston te/ bcom lda 'das des/ byang chub sems dpa' rgyal tshab mu khyud 'dzin ces bya ba btang ngo // de'i yang 'dab chags na/ 'jig rten gyi khams me tog ces bya ba yod de/ de na de bzhin gshegs pa ye shes me tog 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sa 'dzin rab gnas zhes bya ba btang ngo // de'i yang 'dab chags na/ 'jig rten gyi khams nam mkha' rnam par dag ces bya ba yod de/ de na de bzhin gshegs pa gzi brjid mngon par 'phags pa'i rgyal po zhes bya ba bzhugs te/ 'tsho zhing gzhes la chos kyang ston te bcom ldan 'das des/ byang chub sems dpa' rgyal tshab rin chen gdugs zhes bya ba btang ngo // de'i yang 'dab chags na/ 'jig rten gyi khams mtshan ma med pa zhes bya ba yod de/ de na de bzhin gshegs pa rab tu zhi ba zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ut+pa la zhes bya ba btang ngo // de'i yang 'dab chags na/ 'jig rten gyi khams bde ba'i snying po zhes bya ba yod de/ de na de bzhin gshegs pa rdul med khyu mchog ces bya ba bzhugs te/ 'tshe zhing gzhes la chos kyang ston te/ bcom ldan 'das des byang chub sems dpa' rgyal tshab sems dpa' med ces bya ba btang ngo / / de'i yang 'dab chags na/ 'jig rten gyi khams rdo rje'i snying po zhes bya ba yod de/ de na de bzhin gshegs pa 'gro ba thams cad so sor bag yangs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab zab mo 'gyur byed ces bya ba btang ngo / / de'i yang 'dab chags na/ 'jig rten gyi khams yon tan 'byung gnas zhes bya ba yod de/ de na de bzhin gshegs pa yon tan bsam gyis mi khyab pa'i dpal zhes pa bzhug te/ 'tsho zhing gzhes la chos kyang ston te/ bcom ldan 'das des/ bya chub sems dpa' rgyal tshab 'gro ba 'dzin ces bya ba btang ngo // de'i yang 'dab chags na/ 'jig rten gyi khams bde ldan zhes bya ba yod de/ de na de bzhin gshegs pa dga' ba 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par rgyal ba'i sde zhes bya ba tang ngo / / de'i yang 'dab chags na/ 'jig rten gyi khams gnod med ces bya ba yod de/ de na de bzhin gshegs pa mi 'jigs par gshegs pa zhes bya ba 'azhug tete/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpal zhes bya ba btang ngo // de'i yang 'dab chags na/ 'jig rten gyi khams ut+pa la dmar pos khebs pa zhes bya ba yod de/ de na de bzhin gshegs pa spos kyis rgyags mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab spos mchog lhun po zhes bya ba btang ngo / / de'i yang 'dab chags na/ 'jig rten gyi khams kha lo sgyur ba zhes bya ba yod de/ de na de bzhin gshegs pa kun nas gzigs zhes bya ba bzhugs te/ 'tshe zhing gzhes la chos kyang ston te/ bcom ldan 'das des// byang chub sems dpa' rgyal tshabartul ba mtha' yas zhes bya ba btang ngo // de'i yang 'dab chags na/ 'jig rten gyi khams tshogs chen zhes bya ba yod de/ de na de bzhin gshegs pa mi 'jigs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par gnon ces bya/ ba btang ngo // de'i yang 'dab chags na/ 'jig rten gyi khams 'jigs shing 'jigs su rung bas mi 'jigs pa zhes bya ba yod de/ de na de bzhin gshegs pa mi 'jigs pa brnyes pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phyogs su rab grags zhes bya ba btang ngo // de'i yang 'dab chags na/ 'jig rten gyi khams zla ba zhes bya ba yod de/ de na de bzhin gshegs pa zla ba sgron me zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal chab sngon du 'gro ba zhes bya ba btang ngo / / de'i yang 'dab chags na/ 'jig rten gyi khams rab snang zhes bya ba yod de/ de na de bzhin gshegs pa me sgron zhes bya ba bzhugs te/ 'tsho zhing gzhes la chog kyang ston te/ bcom ldan 'das des/ byang chub sems dpa' rgyal tshab mi 'dzin zhes bya ba btang ngo // de'i yang 'dab chags na/ 'jig rten gyi khams 'od byed ces bya ba yod de/ de na de bzhin gshegs pa rab tu 'bar zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par bsgrags pa'i rgyal po zhes bya ba btang ngo // de'i yang 'dab chags na/ 'jig rten gyi khams rab 'dren zhes bya ba yod de/ de na de bzhin gshegs pa shin tu gyen du gshegs zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab shes rab mchog ces bya ba btang ngo // de'i yang 'dab chags na/ 'jig rten gyi khams spos can zhes bya ba yod de/ de na de bzhin gshegs pa mchog gi nor du zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rab kyi blo gros zhes bya ba btang ngo // de'i yang 'dab chags na/ 'jig rten gyi khams rdo rje 'byung zhes bya ba yod de/ de na de bzhin gshegs pa rdo rjes rnam par gnon ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yon tan 'byung gnas zhes bya ba btang ngo / / de'i yang 'dab chags na/ 'jig rten gyi khams nga ro can zhes bya ba yod de/ de na de bzhin gshegs pa ye shes dbang phyug rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sred med kyi bu zhes bya ba btang ngo // de'i yang 'dab chags na/ 'jig rten gyi khams dga' 'byung zhes bya ba yod de/ de na de bzhin gshegs pa ye shes kyi stobs kyis rnam par bsgrags zhes bya ba bzhugs te/ 'tsho zhing gzhes pa chos kyang ston te/ bcom ldan 'das des/ byang chub sems dpa' rgyal tshab smon lam rnam par bsgrags zhes bya ba btang ngo / / de'i yang 'dab chags na/ 'jig rten gyi khams bde 'byung zhes bya ba yod de/ de na de bzhin gshegs pa bde mchog ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab dkar zhes bya ba btang ngo // de'i yang 'dab chag na/ 'jig rten gyi khams skya rengs zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ded dpon zhes bya ba btang ngo / / de'i yang 'dab chags na/ 'jig rten gyi khams tog bzang po zhes bya ba yod de/ de na de bzhin gshegs pa dpal bzang po zhes bya ba bzhugs te/ 'tshe zhing gzhes la chos la kyang ston te/ bcom ldan 'das des/ byang chub sems dpa' rgyal tshab rnam par rgyal ba'i sde zhes bya ba btang ngo // de'i yang 'dab chags na/ 'jig rten gyi khams tshangs pa'i dpal zhes bya ba yod de/ de na de bzhin gshegs pa tshangs pa'i dbyangs nga ro zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rin chen dpal zhes bya ba btang ngo / / de'i yang 'dab chags na/ 'jig rten gyi khams me tog can zhes bya ba yod de/ de na de bzhin gshegs pa rin chen me tog ces bya ba bzhugs te/ 'tsho zhing gzhes la chos kyang ston/ tetebacom ldan 'das des/ byang chub sems dpa' rgyal tshab rin chen dbang phyug ces bya ba btang ngo // de'i yang 'dab chags na/ 'jig rten gyi khams pad+ma'i dpal zhes bya ba yod de/ de na de bzhin gshegs pa pad+ma 'byung ba'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab pad+ma dpal gyi snying po zhes bya ba btang ngo // de'i yang 'dab chags na/ 'jig rten gyi khams 'byung ba'i dpal zhes bya ba yod de/ de na de bzhin gshegs pa me tog sna tshogs zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes brtson 'grus zhes bya ba btang ngo // de'i yang 'dab chags na/ 'jig rten gyi khams bde ba zhes bya ba yod de/ de na de bzhin gshegs pa bde ba'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab bde byed ces bya ba btang ngo // de'i yang 'dab chags na/ 'jig rten gyi khams shi 'phos med ces bya ba yod de/ de na de bzhin gshegs pa pad+ma mngon 'phags dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab me tog bzang zhes bya ba btang ngo / / de'i yang 'dab chags na/ 'jig rten gyi khams rab tu g.yo ba zhes bya ba yod de/ de na de bzhin gshegs pa rtag tu dpung mgo mtho zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rtag tu spro ba zhes bya ba btang ngo // de'i yang 'dab chags na/ 'jig rten gyi khams rtag tu kun tu 'khrugs zhes bya ba yod de/ de na de bzhin gshegs pa rtsi'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab snying rje chen po'i go cha zhes bya ba btang ngo / / de'i yang 'dab chags na/ 'jig rten gyi khams brtan pa zhes bya ba yod de/ de na de bzhin gshegs pa dmigs pa mtha' yas pas gnas pas zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo // de'i yang 'dab chags na/ 'jig rten gyi khams kun nas skabs kyi mtshan nyid ces bya ba yod de/ de na de bzhin gshegs pa khru mchog mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab tshogs chen zhes bya ba btang ngo // de'i yang 'dab chags na/ 'jig rten gyi khams bai DUR+Ya'i 'od ces bya ba yod de/ de na de bzhin gshegs pa 'od zer mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sems tshad med pa'i go cha zhes bya ba btang ngo / / de'i yang 'dab chags na/ 'jig rten gyi khams gser 'od ces bya ba yod de/ de na de bzhin gshegs pa spyan mtha' yas zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab mig po che zhes bya ba btang ngo // de'i yang 'dab chags na/ 'jig rten gyi kham ma smad pa zhes bya ba yod de/ de na de bzhin gshegs pa dmigs pa kun gyi khyumachog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dga' bo zhes bya ba btang ngo // de'i yang 'dab chags na/ 'jig rten gyi khams gdugs kyis khebs pa zhes bya ba yod de/ de na de bzhin gshegs pa tshogs mchog mtha' yas khyu mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab spyan ras gzigs nges pa'i go cha zhes bya ba btang ngo / / de'i yang 'dab chags na/ 'jig rten gyi khams rgyu skar gyi 'phreng ba can zhes bya ba yod de/ 'jig rten gyi khams rgyu skar gyi 'phreng ba can de ni/ / de bzhin gshegs pa rgyu skar gyi rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab pad+ma'i dpal zhes bya ba btang ngo / / de'i yang 'dab chags na/ 'jig rten gyi khams rin chen dra bas khebs zhes bya ba yod de/ de na de bzhin gshegs pa rgyu skar rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab pad+ma'i dpal zhes bya ba btang ngo // de'i yang 'dab chags na/ 'jig rten gyi khams me tog ces bya ba yod de/ de na de bzhin gshegs pa spos mchog dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lag na pad+ma zhes bya ba btang ngo / / de'i yang 'dab chags na/ 'jig rten gyi khams gser can zhes bya ba yod de/ de na de bzhin gshegs pa nam mkha'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mig rnam par dag ces bya ba btang ngo // de'i yang 'dab chags na/ 'jig rten gyi khams rnam par dag ces bya ba yod de/ de na de bzhin gshes pa mngon par 'phags pa'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mig ces bya ba btang ngo / / de'i yang 'dab chags na/ 'jig rten gyi khams mya ngan med ces bya ba yod de/ de na de bzhin gshegs pa gsung mdzad ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab 'od byed ces bya ba btang ngo // de'i yang 'dab chags na/ 'jig rten gyi khams rgyu skar zhes bya ba yod de/ de na de bzhin gshegs pa lhun po mngon du 'phags zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal chab shin tu rab gnas zhes bya ba btang ngo / / de'i yang 'dab chags na/ 'jig rten gyi khams rgyal mtshan sna tshogs zhes bya ba yod de/ de na de bzhin gshegs pa thogs pa med pa'i spyan zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab sna tshogs sde zhes bya ba btang ngo // de'i yang 'dab chags na/ 'jig rten gyi khams spos kyi ngad ldang zhes bya ba yod de/ de na de bzhin gshegs pa rgya mtsho zhes bya ba bzhugs te/ 'tsho zhing gnyis la chos kyang ston te/ bcom ldan 'das des/ byang chub sems dpa' rgyal tshab rgya mtsho'i phyag rgya zhes bya ba btang ngo / / de'i yang 'dab chags na/ 'jig rten gyi khams spos can zhes bya ba yod de/ de na de bzhin gshegs pa skar mda' 'dzin ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab yid gnyis rnam par 'joms zhes bya ba btang ngo // de'i yang 'dab chags na/ 'jig rten gyi khams tsan dan spos zhes bya ba yod de/ de na de bzhin gshegs pa mtshan nyid gnyis pa'i tog ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab grags pa'i sde zhes bya ba btang ngo / / de'i yang 'dab chags na/ 'jig rten gyi khams dga' ba bzang po zhes bya ba yod de/ de na de bzhin gshegs pa zla ba dri ma med pa'i gzi brjid rgyal po zhes bya ba bzhugs te 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab dgra rab tu 'joms pa zhes bya ba btang ngo // de'i yang 'dab chags na/ 'jig rten gyi khams dga' 'byung zhes bya ba yod de/ de na de bzhin gshegs pa ye shes dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab don gyi blo gros zhes bya ba btang ngo / / de'i yang 'da' chags na/ 'jig rten gyi khams rnam par bsgrags zhes bya ba yod de/ de na de bzhin gshegs pa rnam par bsgrags pa'i stobs kyi rgyal po zhes bya ba bzhugs te 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpa' bo zhes bya ba btang ngo // de'i yang 'dab chags na/ 'jig rten gyi khams yon tan can zhes bya ba yod de/ de na de bzhin gshegs pa yon tan rgyal po'i 'od ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab don gyi blo gros zhes/ bya ba btang ngo // de'i yang 'dab chags na/ 'jig rten gyi khams shin tu rnam par bsgoms zhes bya ba yod de/ de na de bzhin gshegs pa rin chen me zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab dpas byin zhes bya ba btang ngo // de'i yang 'dab chags na/ 'jig rten gyi khams yid gnyis mnan zhes bya ba yod de/ de na de bzhin gsheg pa yid gnyis thams cad yang dag par 'joms 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab mi 'jigs pa zhes bya ba btang ngo / / de'i yang 'dab chags na/ 'jig rten gyi khams yon tan can zhes bya ba yod de/ de na de bzhin gshegs pa rim pa'i sras zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab sgron ma 'dzin ces bya ba btang ngo // de'i yang 'dab chags na/ 'jig rten gyi khams bzang ldan zhes bya ba yod de/ de na de bzhin gsheg pa tog gi rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bshes gnyen zhes bya ba btang ngo // de'i yang 'dab chags na/ 'jig rten gyi khams spos mchog ces bya ba yod de/ de na de bzhin gshegs pa pad+ma'i dpal 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab ye shes rab mchog ces bya ba btang ngo / / de'i yang 'dab chags na/ 'jig rten gyi khams tog bzang po zhes bya ba yod de/ de na de bzhin gshegs pa 'od zer rab btang zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab thams cad bshes gnyen zhes bya ba btang ngo // de'i yang 'dab chags na/ 'jig rten gyi khams sprin chen zhes bya ba yod de/ de na de bzhin gshegs pa byams pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab skar rgyal zhes bya ba btang ngo / / de'i yang 'dab chags na/ 'jig rten gyi khams snang ba can zhes bya ba yod de/ de na de bzhin gshegs pa pad+ma snang ba'i 'od zer zhes bya ba bzhugs te 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab chos 'phags zhes bya ba btang ngo // de'i yang 'dab chags na/ 'jig rten gyi khams snyan pa zhes bya ba yod de/ de na de bzhin gshegs pa spyod pa khyad par can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sem/ dpa' rgyal tshab mngon du 'phags zhes bya ba btang ngo // de'i yang 'dab chags na/ 'jig rten gyi khams dbang po'i gnas zhes bya ba yod de/ de na de bzhin gshegs pa mtha' yas rnam par gnon ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab bshes gnyen grags ldan zhes bya ba btang ngo // de'i yang 'dab chags na/ 'jig rten gyi khams pad+ma zhes bya ba yod de/ de na de bzhin gshegs pa rgya mtsho'i lhun po mngon du 'phags zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dkon mchog 'byung gnas zhes bya ba btang ngo // de'i yang 'dab chags na/ 'jig rten gyi khams dga' ba zhes bya ba yod de/ de na de bzhin gshegs pa shAkya thub pa zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab dbang po zhes bya ba btang ngo // de'i yang 'dab chags na/ 'jig rten gyi khams rtag tu brgyan ces bya ba yod de/ de na de bzhin gshegs pa mthong ba don yod ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpa' ba'i dpal zhes bya ba btang ngo / / de'i yang 'dab chags na/ 'jig rten gyi khams rnam par bsgrags zhes bya ba yod de/ de na de bzhin gshegs pa thogs pa med pa'i dbyangs kyi nga ro zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab shin tu rab gnas zhes bya ba btang ngo // de'i yang 'dab chags na/ 'jig rten gyi khams rtag tu rab brjod ces bya ba yod de/ de na de bzhin gshegs pa yon tan dpag tu med pa'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab sgrogs byed ces bya ba btang ngo / / de'i yang 'dab chags na/ 'jig rten gyi khams zas kyi rgyal mtshan zhes bya ba yod de/ de na de bzhin gshegs pa tha dad pa med pa'i go cha zhes bya ba bzhug te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab thogs pa med pa'i go cha zhes bya ba btang ngo // de'i yang 'dab chags na/ 'jig rten gyi khams tsan dan bsung zhes bya ba yod de/ de na de bzhin gshegs pa 'od zer mtha' yas zhes bya ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tshab dri ma med pa'i dpal zhes bya ba btang ngo / / de'i yang 'dab chags na/ 'jig rten gyi khams 'dren pa'i rgyal mtshan zhes bya ba yod de/ de na de bzhin gshegs pa spyan bzangs zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lag na rin chen zhes bya ba btang ngo // byang chub sems dpa' de la sogs pa skye ba gcig gis thogs pa grangs med dpag tu med pa dag rgyal po'i khab 'od ma'i tshal bya ka lan+na ta ka gnas pa ga la ba dang / bcom ldan 'das ga la ba der dong ste lhag nas/ bcom ldan 'das kyi zhabs la mgo bos phyag 'tshal te/ bcom ldan 'das 'ba' zhig la phyag 'tshal zhing phyogs gcig tu 'khod do// / de'i tshe lho phyogs su 'jig rten gyi khams grangs med dngag tu med pa dag 'das pa na/ de na de bzhin gshegs pa rin po che'i mdzod gcig pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ da 'og tu 'di bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ / zhes byang chub sems dpa' rgyu skar gyi 'phreng ba zhes bya ba bla na med pa yang dag par rdzog pa'i byang chub tu lung bstan to/ / de nas byang chub sems dpa' sems dpa' chen po rgyu skar gyi 'phreng bas snang ba chen po de mthong ste/ gsung bsal ba'i sgra de yang thos nas/ bcom ldan 'das de la zhus pa/ bcom ldan 'das gsung bsal ba'i sgra grag pa de su'i lags/ bcom ldan 'das des bka' stsal pa/ rgyu skar gyi 'phreng ba 'di nas byang phyogs su 'jig rten gyi khams grangs med dpag tu med pa ngag 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te/ 'tsho zhing gzhes la/ 'di lta ste/ byang chub sems dpa'i sde snod kyi chos kyi rnam grangs kyi chos kyang ston to/ / 'khor der yang chos mnyan pa'i phyir/ byang chub sems dpa' sems dpa' chen po bsam gyis mi khyab pa'i go cha dgos pa dag 'dus te/ rgyu skar gyi 'phreng ba 'jig rten gyi khams gzhan na ni/ sems can rnams byang chub sems dpa' de dag ji lta bu'i go cha bgos pa'i go cha de lta bu dag gis stongs so// de nas bcom ldan 'das de la/ byang chub sems dpa' sems dpa' chen po rgyu skar gyi 'phreng bas 'di skad ces gsol to/ / bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' sems dpa' chen po bsam gyis mi khyab pa'i go cha bgos pa de dag blta ba'i slad du/ 'jig rten gyi khams mi mjed der bdag mchi bar bgyi'o/ / bcom ldan 'das des bka' stsal pa/ rigs kyi bu de'i dus la dbab par shes na song zhig/ nga'i tshig gis gnod pa chung ngam/ nyam nga banyung ngam/ bskyod pa yang ngam/ stobs dang bde bar rig pa la gnas sam/ zhes snyun gsol la/ rigs kyi bu khyod sangs rgyas kyi zhing der yang shes bzhin du spyod par gnas par byos shig/ de ci'i phyir zhe na/ sangs rgyas kyi zhing de na byang chub sems dpa' de dag ni bsnyen par dka' ba'i phyir ro// de nas byang chub sems dpa' rgyu skar gyi 'phreng bas bcom ldan 'das de'i zhabs la phyag 'tshal te bskor ba yang byas nas song ste/ de 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa 'am/ lag pa brkyang bskum par byed pa'i skad cig des/ 'jig rten gyi khams de nas mi snang bar gyur nas/ 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan ta ka gnas pa ga la ba der song ste phyin nas/ bcom ldan 'das kyi zhabs la phyag 'tshal te/ bcom ldan 'das la 'di skad ces gsol to// bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes de bzhin gshegs pa rin po che'i mdzod gcig pa snyun gsol lags so// de nas bcom ldan 'das kyis/ byang chub sems dpa' rgyu skar gyi 'phreng ba la 'di skad ces bka' stsal to/ / rigs kyi bu ci bcom ldan 'das de snyun mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am des gsol pa/ bcom ldan 'das de lta lags so// byang chub sems dpa' sems dpa' chen po de la sogs pa skye ba gcig gis thogs pa grangs med dpag tu med pa dag/ lho phyogs nas sangs rgyas kyi zhing tha dad pa dag nas/ bcom ldan 'das ga la ba der dong ste phyin nas/ bcom ldan 'das kyi zhabs la phyag 'tshal te phyogs gcig tu 'khod do// / de'i tshe nub phyogs nas byang chub sems dpa' sems dpa' chen po skye ba gcig gis thogs pa grangs med dpag tu med pa dag/ bcom ldan 'das ga la ba der dong ste lhags nas/ bcom ldan 'das kyi zhabs la phyag 'tshal te phyogs gcig tu 'khod do/ / bcom ldan 'das de bzhin gshegs pa rdul med rdul bral rnam grol 'das pa dang / ma 'ongs pa dang / da ltar byung ba la ma chags pa'i go cha'i sangs rgyas kyi zhing nas/ de dag gi dang po byang chub sems dpa' khyu mchog mtha' yas sangs rgyas kyi me tog kun tu ston pa'i go cha zhes bya ba/ byang chub sems dpa' sems dpa' chen po grangs med pa dpag tu med pa rnams dang lhan cig tu 'jig rten gyi khams mi mjed ga la ba dang / bcom ldan 'das de bzhin gshegs pa shAkya thub pa ga la ba der song ste/ bcom ldan 'das kyi zhabs la phyag 'tshal nas/ gnod pa nyung ngam/ nyam nga ba nyung ngam/ zhes snyun gsol te phyogs gcig tu 'dug go/ de nas bcom ldan 'das kyis/ byang chub sems dpa' de la 'di skad ces bka' stsal to/ / rigs kyi bu khyod kyis don gyi dbang ci mthong na/ 'jig rten gyi khams mi mjed 'dir 'ongs/ gsol pa/ bcom ldan 'das de bzhin gshegs pa'i byin gyi rlabs kyis 'dzag rten gyi khams 'dir mchis lags mod kyi/ 'on kyang bcom ldan 'das bdag ni 'jig rten gyi khams de nyid na mchis kyang / 'jig rten gyi khams thams cad mthong zhing de bzhin gshegs pa thams cad dang / byang chub sems dpa' thams cad kyang mthong lags te/ byang chub sems dpa' rnams ni 'di snyam du/ bdag cag 'jig rten gyi khams gzhan du 'dong bar bya'o// de bzhin gshegs pa gzhan yang blta bar bya'o snyam du mi sems lags so// de ci'i slad du zhe na/ byang chub sems dpa' de dag ni 'jig rten gyi khams de dag nyid na mchis kyang / de bzhin gshegs pa thams cad mthong lags te/ bcom ldan 'das de'i slad du de bzhin gshegs pa'i thugs bskyed pa tsam gyis de bzhin gshegs pa'i mthus bdag 'jig rten gyi khams 'dir mchis lags so// byang chub sems dpa' gzhan gang dag mchi ba de dag kyang / de bzhin gshegs pa'i sngon gyi smon lam gyi dbang gis de bzhin gshegs pa'i mthus mchis lags so// de'i tshe nub phyogs nas de bzhin gshegs pa bdud rtsi'i me tog gi sangs rgyas kyi zhing dang / de bzhin du de bzhin gshegs pa bdud rtsi'i 'od dang / bkod pa dpag med dang / 'od zer dpag med dang / 'od dpag med dang / khyu mchog dpag med dang / rnam par gnon pa dpag med dang / rgyu skar gcig pa dang / rgyu skar gyi 'phreng ba dang / rin chen gdugs dang / rgyu skar rgyal po dang / 'od kyi dkyil 'khor can dang / 'od kyi rgyal po dang / 'od zer mngon par 'phags pa'i dpal dang / 'od zer mtha' yas dang / khyu mchog dang / khyu mchog mtha' yas rnam par gnon dang / thogs pa med pa'i dbyangs dang sprin chen 'od zer dang / dra ba can gyi 'od zer dang / sangs rgyas kyi me tog 'od zer dang / pad+ma'i khyu mchog me tog dang / ri'i rgyal po dang / zla ba'i yon tan bdag po dang / 'od zer rab tu gtang ba dang / dpung mgo shin tu zlum pa dang / mthong ba don yod dang / rtse mo mngon par 'phags pa'i rgyal po dang / pad+ma'i rtse mo mngon par 'phags pa'i rgyal po dang / de bzhin gshegs pa de ngag la sogs pa'i sangs rgyas kyi zhing dag nas/ byang chub sems dpa' skye ba gcig gcig gis thogs pa grangs med dpag tu med pa dag 'jig rten gyi khams mi mjed 'dir lhags te/ lhags nas kyang rgyal po'i khab 'od ma'i tshal bya ka lan ta ka ga la ba dang / bcom ldan 'das ga la ba der dong ste/ bcom ldan 'das kyi zhabs la mgo bos phyug 'tshal nas phyogs gcig tu 'khod do/ / // de'i tshe byang phyogs su 'jig rten gyi khams grangs med dpag tu med pa dag 'das pa na/ 'jig rten gyi khams rgyu skar gyi 'phreng ba zhes bya ba yod de/ de na de bzhin gshegs pa don yod ming sgrogs zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' sems bskyed ma thag tu phyir mi ldog pa'i 'khor lo bskor bar nges pa'i go cha zhes bya ba bla na med pa yang dag par rdzogs pa'i byang chub tu lung bstan to/ / de nas byang chub sems dpa' snang ba chen po de mthong zhing / gsung bsal ba'i sgra de yang thos nas// bcom ldan 'das de bzhin gshegs pa don yod ming sgrogs de la/ des 'di skad ces gsol to// bcom ldan 'das 'od kun tu gda' ba dang / gsung bsal ba'i sgra grags pa de de bzhin gshegs pa gang gi lags/ de skad ces gsol pa dang / bcom ldan 'das des/ byang chub sems dpa' sems dpa' chen po sems bskyed ma thag tu phyir mi ldog pa'i 'khor lo bskor bar nges pa'i go cha la 'di skad ces bka' stsal to/ / rigs kyi bu sangs rgyas kyi zhing 'di nas lho phyogs su 'jig rten gyi khams grangs med dpag tu med pa dag 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te 'tshe zhing gzhes la/ 'di lta ste/ byang chub sems dpa'i sde snod ces bya ba'i chos kyi rnam grangs kyi chos kyang ston te/ snang ba de dang / gsung bsal ba'i sgra grags pa de ni de'i yin no// sangs rgyas kyi zhing der ni byang chub sems dpa' bsam gyis mi khyab pa'i go cha bgos pa dag skyes te/ de dag gi ming brjod pa tsam gyis phyogs bcu'i byang chub sems dpa' rnams bla na med pa yang dag par rdzogs pa'i byang chub tu nges par 'gyur ro/ / de skad ces bka' stsal pa dang / de bzhin gshegs pa don yod ming sgrogs la/ byang chub sems dpa' sems bskyed ma thag tu phyir mi ldog pa'i 'khor lo bskor bar nges pa'i go chas 'di skad ces gsol to/ / bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas/ sangs rgyas kyi zhing 'jig rten gyi khams mi mjed der bdag mchi bar bgyi'o/ / bcom ldan 'das des bka' stsal pa/ rigs kyi bu de'i dus la dbab par shes na song zhig/ nga'i tshig gis gnod pa chung ngam/ nyam nga ba nyung ngam/ bskyod pa yang ngam stobs dang bde bar reg pa la gnas sam/ zhes snyan yang gsol cig/ de nas byang chub sems dpa' de bcom ldan 'das de'i zhabs la phyag 'tshal te/ bskor ba yang byas nas song ste/ de 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa 'am/ brkyang ba skum par byed pa'i skad cig dang / thang cig dang / yud tsam des 'jig rten gyi khams denas mi snang bar gyur nas/ 'jig rten gyi khams mi mjed 'dir 'dug ste/ de bcom ldan 'das de bzhin gshegs pa shAkya thub pa ga la ba der song nas/ bcom ldan 'das kyi zhabs la phyag 'tshal te/ phyogs gcig tu 'dug go/ phyogs gcig tu 'dug nas kyang / bcom ldan 'das la 'di skad ces gsol to// bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes/ de bzhin gshegs pa don yod ming sgrogs snyun gsol lags so// bcom ldan 'das kyis bka' stsal pa rigs kyi bu ci bcom ldan 'das de snyan mi mnga' 'am/ stobs dang ldan nam/ bde ba dang ldan nam/ 'gyur ba mi mnga' 'am/ des gsol pa/ bcom ldan 'das des lha lags so// de'i tshe byad phyog/ nas bcom ldan 'das de bzhin gshegs pa don yod ming sgrogs la sogs te/ bcom ldan 'das don yod rnam par gnon gyi sangs rgyas kyi zhing dang / de bzhin du don yod khyu mchog dang / don yod 'od zer dang / brtson 'grus mtha' yas dang / sa la'i dbang po'i rgyal po dang / brtson pa mtha' yas dang / sa la rin po che dang / gdugs gcig pa dang / rgyu skar bkod pa dang / dkon mchog 'byung gnas dang / tsan dan khang pa dang / tsan dan spos kyi 'od dang / 'od mtha' yas dang / 'od kyi dkyil 'khor can dang / lhun po rnam dag dang / thogs pa med pa'i spyan dang / spyan mtha' yas dang rin chen 'byung dang / kun gyi dpal dang / sangs rgyas me tog 'byung ba'i dpal dang / blo gros rab gnas dang / mtha' yas rnam par gnon dang / don yod dpal dang / rin chen rnam par gnon dang / go cha mtha' yas dang / bkod pa mtha' yas dang / nam mkha'i dkyil 'khor 'od zer dang / mtshan ma med pa'i nga ro dang / rtsi'i rgyal po dang / bag tsha ba mi mnga' pa dang / spu zing zhes byed pa'i 'jigs bral dang / yon tan rgyal po'i 'od dang / spyan ras gzigs kyi blo bsgrub me tog dang / nam mkha'i rigs dang / nam mkha'i nga ro dang / nam mkha' bkod pa'i nga ro dang / de bzhin gshegs pa de dag dang / gzhan dag gi sangs rgyas kyi zhing dag nas/ byang chub sems dpa' sems dpa' chen po skye ba gcig gis thogs pa dag/ 'jig rten gyi khams mi mjed ga la ba dang / bcom ldan 'das ga la ba der lhags te/ lhags nas kyang bcom ldan 'das kyi zhabs la phyag 'tshal te phyogs gcig tu 'khod do// // de'i tshe 'og gi phyogs su 'jig rten gyi khams grangs med dpag tu med pa dag 'das pa na/ 'jig rten gyi khams nam mkha'i dkyil 'khor rnam par dag ces bya ba yod de/ de na de bzhin gshegs pa spyan chen po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rim pa'i bu zhes bya ba bla na med pa yang dag par rdzogs pa'i byang chub tu lung bstan to// de nas byang chub sems dpa' rim pa'i bus snang ba chen po de mthong ste/ gsung bsal ba'i sgra de yang thos so// thos nas kyang bcom ldan 'das de la 'di skad ces gsol to// bcom ldan 'das 'od kyi snang ba kun tu gda' ba de dang / gsung bsal ba'i sgra grag pa de su'i lags/ bcom ldan 'das des bka' stsal pa/ rigs kyi bu steng gi phyogs su 'jig rten gyi khams grangs med dpag tu med pa dag 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te/ 'tsho zhing gzhes la chos kyang ston te/ mthu den du ma yin no// de bzhin gshegs pa de ni de ltar byang chub sems dpa'i sde snod sems can thams cad yang dag par tshim par byed pa/ sems can thams cad kyi the tsom gcod par byed pa zhes bya ba'i chos kyi rnam grangs yang dag par rab tu ston te/ mthu de lta bu de ni de'i yin no// 'khor de na yang byang chub sems dpa' sems dpa' chen po go cha chen po bgos pa dpe med pa sems pa dag chos bstan pa de nyan par byed de// de dag gi ming brjod pa tsam gyis sems can rnams bla na med pa yang dag par rdzogs pa'i byang chub tu nges par 'gyur ro// de skad ces bka' stsal pa dang / bcom ldan 'das de la/ byang chub sems dpa' sems dpa' chen po rim pa'i bus 'di skad ces gsol to/ / bcom ldan 'das shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed der bdag mchi bar bgyi'o/ / bcom ldan 'das des bka' stsal pa/ rigs kyi bu de'i dus la da bab par shes na song zhig/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun yang gsol cig/ de nas byang chub sems dpa' sems dpa' chen po rim pa'i bu/ bcom ldan 'das de'i zhabs la phyag 'tshal te/ 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa 'am/ brkyang ba skum par byed pa'i skad cig des/ 'jig rten gyi khams de nas mi snang bar gyur nas/ de 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das la 'di skad ces gsol to// bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes/ / de bzhin gshegs pa spyan chen po snyun gsol lags so// de nas bcom ldan 'das kyis byang chub sems dpa' rim pa'i bu la 'di skad ces bka' stsal to/ / rigs kyi bu ci sangs rgyas kyi zhing de na/ bcom ldan 'das de gnod pa chung ngam/ snyun mi mnga' 'am/ bde bar reg pa la gnas sam/ gsol pa/ bcom ldan 'das de lta lag so/ / de ltar de bzhin gshegs pa spyan chen la sogs te/ bcom ldan 'das de bzhin gshegs pa mchog gi dpal gyi sangs rgyas kyi zhing dang / de bzhin du de bzhin gshegs pa pad+ma'i dpal 'byung dang / seng ge'i dpal dang / don grub dang / dpal sbas dang / seng ge'i 'gram pa dang / shin tu rab tu gnas pa'i rgyal po dang / tshangs pa lhun po dang / spyan rnam par dag dang don yod pa'i gom pas rnam par gnon dang / spos kyi glang po che dang / spos kyi dpal dang / spos kyi lhun po dang / spyan tshad med dang / spos brtsegs dang / rin chen lhun po dang / shin tu rab gnas dang / shin tu rab tu gnas pa'i rgyal po dang / sa la'i dbang po'i rgyal po dang / 'od kyi dkyil 'khor 'dzin dang / me sgron dang / skar mda' sgron ma dang / brtson 'grus don yod dang / shin tu yang dag brtags kyi go cha dang / seng ge dang / sems can gyi kha lo sgyur ba dang / rab mchog rab tu gnas pa'i rgyal po'i sangs rgyas kyi zhing dang / de bzhin gshegs pa dgra bcom pa yang dag par rdzogs pa'i sangs rgyas de la sogs pa/ grangs med dpag tu med pa dag gi sangs rgyas kyi zhing dag nas/ byang chub sems dpa' sems dpa' chen po skye ba gcig gis thogs pa grangs med dpag tu med pa dag/ 'jig rten gyi khams mi mjed ga la ba dang / bcom ldan 'das ga la ba der dong ste lhags nas/ bcom ldan 'das kyi zhabs la phyag 'tshal te phyogs gcig tu 'khod do// // bam po dgu pa// / de'i tshe steng gi phyogs su 'jig rten gyi khams grangs mi dpag tu med pa dag 'das pa na/ 'jig rten gyi khams can dan spos kyi 'od ces bya ba yod de/ de na de bzhin gshegs pa yul mtha' yas par mngon du 'phags pa'i rgyam po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab nga ro dpag tu med ces bya ba bla na med pa yang dag par rdzogs par byang chub tu lung bstan to/ / de nas byang chub sems dpa' nga ro dpag tu med kyis snang ba chen po de mthong zhing / gsung bsal ba'i sgra de yang thos nas de bcom ldan 'das de bzhin gshegs pa yul mtha' yas par mngon du 'phags pa'i rgyal po ga la ba der song ste phyin nas/ bcom ldan 'das de'i zhabs la mgo bos phyag 'tshal te/ gsol pa/ bcom ldan 'das 'od gda' ba de dang gsung bsal ba'i sgra grag pa de su'i lags/ bcom ldan 'das des bka' stsal pa/ rigs kyi bu 'og gi phyogs su 'jig rten gyi khams grangs med dpag tu med pa dag 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te/ 'tsho zhing gzhes la chos kyang ston te/ 'khor der yang chos mnyan pa'i phyir/ byang chub sems dpa' sems dpa' chen po dpe med pa sems pa dag 'dus par gyur te 'khod do/ / gsol pa/ bcom ldan 'das bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i thad du/ 'jig rten gyi khams mi mjed der bdag mchi bar bgyi'o// bcom ldan 'das des bka' stsal pa/ rigs kyi bu de'i dus la dbab par shes na song zhig nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyan yang gsol cig/ de nas byang chub sems dpa' nga ro dpag tu med/ bcom ldan 'das de'i zhabs la phyag 'tshal te/ bcom ldan 'das de la bskor ba byas nas song ste/ 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa'am/ brkyang pa skam par byed pa'i skad cig des/ sangs rgyas kyi zhing de nas mi snang bar gyur nas/ 'jig rten gyi khams mi mjed 'dir 'dug ste/ de rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te phyogs gcig tu 'dug go/ phyogs gcig tu 'dug nas kyang / bcom ldan 'das la 'di skad ces gsol to// bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes/ de bzhin gshegs pa yul mtha' yas par mngon du 'phags pa'i rgyal po snyun gsol lags so// de nas bcom ldan 'das kyis/ de la bka' stsal pa/ rigs kyi bu ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ des gsol pa/ bcom ldan 'das de lta lags so// de ltar de bzhin gshegs pa/ yul mtha' yas par mngon du 'alags pa'i rgyal po la sogs pa/ bcom ldan 'das de bzhin gshegs pa brtson 'grus mngon du 'phags pa'i rgyal po'i sangs rgyas kyi zhing dang / de bzhin du de bzhin gshegs pa yid gnyis yang dag 'joms dang / rgya skar bzang po'i rgyal po dang / nyin mdzad dang / 'od mdzad dang / lhun po 'od dang / 'od kyi dkyil 'khor dang / rnam par dag pa'i 'od dang zas kyi gdugs dang / spos kyi gdugs dang / rin chen gdugs dang / tsan dan gyi khang pa dang / dga' ba'i dpal dang / ri rab phung po dang / rin po che'i 'od dang / sa la'i dbang po'i rgyal po dang / tshangs pa'i dpal dang / rnam par dag pa'i spyan dang / bag tsha ba mi mnga' ba dang / spu zing zhes byed pa'i 'jigs pa dang bral ba dang / rin chen go cha mtha' yas dang bla na med pa'i 'od zer dang / de bzhin gshegs pa dra ba can gyi 'od kyi tog dang / de bzhin gshegs pa rgyu'i rgyal po'i sangs rgyas kyi zhing dang / sangs rgyas bcom ldan 'das de dag la sogs pa grangs med dpag tu med pa dag gi sangs rgyas kyi zhing dag nas/ byang chub sems dpa' sems dpa' chen po grangs med dpag tu med pa dag/ 'jig rten gyi khams mi mjed ga la ba dang / rgyal po'i khab 'od ma'i tshal bya ka lan ta ka gnas pa ga la ba dang / bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te phyogs gcig tu 'khod do/ / // de'i tshe shar lho'i phyogs mtshams su 'jig rten gyi khams grangs med dpag tu med pa dag 'das pa na/ 'jig rten gyi khams sangs rgyas pad+ma'i me tog 'byung ba'i dpal zhes bya ba yod de/ de na de bzhin gshegs pa sangs rgyas thams cad kyi sku kun tu ston pa'i dpal zhes bya ba bzhugs te/ 'tsho zhing gzhes la chos kyang ston te bcom ldan 'das nges/ byang chub sems dpa' rgyal tshab mya ngan bral zhes bya ba bla na med pa yang dag par rdzogs pa'i byang chub tu lung bstan to// de nas byang chub sems dpa' mya ngan bral gyis snang ba chen po de mthong zhing / gsung bsal ba'i sgra de yang thos so// thos nas kyang bcom ldan 'das de bzhin gshegs pa sangs rgyas thams cad kyi sku kun tu ston pa'i dpal de ga la ba der song ste phyin nas/ bcom ldan 'das de'i zhabs la phyag 'tshal nas/ bcom ldan 'das de la 'di skad ces gsol to// bcom ldan 'das 'od gda' ba de dang / gsung bas ba'i sgra grag pa de su'i lags/ bcom ldan 'das des bka' stsal pa/ rigs kyi bu nub byang gyi phyogs mtshams su 'jig rten gyi khams grangs med dpag tu med pa dag 'das pa na/ 'jig rten gyi khams mi mjed ces bya ba yod de/ de na de bzhin gshegs pa shAkya thub pa zhes bya ba bzhugs te/ 'tshe zhing gzhes la chos kyang ston te/ 'di lta ste/ byang chub sems dpa' sems dpa' chen po bsam gyis mi khyab cing dpe med pa'i go cha bgos pa rnams la/ byang chub sems dpa'i sde snod ces bya ba'i chos kyi rnam grangs yang dag par rab tu ston to// gsol pa bcom ldan 'das bcom ldan 'das shAkya thub pa de la blta ba dang / phyag bgyi ba dang / bsnyen bkur bgyi ba'i slad du/ 'jig rten gyi khams mi mjed der bdag mchi bar bgyi'o// bcom ldan 'das des bka' stsal pa/ rigs kyi bu de'i dus la da bab par shes na song zhig/ nga'i tshig gis gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes snyun yang gsol cig/ de nas byang chub sems dpa' mya ngan bral/ bcom ldan 'das de la phyag 'tshal nas song ste/ 'di lta ste/ dper na skyes bu stobs dang ldan pa zhig gis lag pa bskums pa rkyong bar byed pa'am/ brkyang ba skum par byed pa'i skad cig des/ 'jig rten gyi khams mi mjed 'dir 'ongs te/ de bcom ldan 'das de bzhin gshegs pa shAkya thub pa ga la ba der song nas/ bcom ldan 'das kyi zhabs la phyag 'tshal te phyogs gcig tu 'dug go/ phyogs gcig tu 'dug nas kyang / bcom ldan 'das la 'di skad ces gsol to/ / bcom ldan 'das bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam/ zhes de bzhin gshegs pa sangs rgyas thams cad kyi sku kun tu ston pa'i dpal spyan gsol lags so/ / bcom ldan 'das kyis bka' stsal pa/ rigs kyi bu ci bcom ldan 'das de snyun mi mnga' 'am/ stobs dang ldan nam/ 'gyur ba mi mnga' 'am/ gsol pa/ bcom ldan 'das de lta lags so// de ltar de bzhin gshegs pa sangs rgyas thams cad kyi sku kun tu ston pa la sogs pa bcom ldan 'das de bzhin gshegs pa dmigs pa mtha' yas pa sangs rgyas kyi sku kun tu ston pa'i sangs rgyas kyi zhing dang / de bzhin du de bzhin gshegs pa pad+ma bkod pa'i khyu mchog dang / dra ba can gyi 'od dang / 'od mtha' yas sangs rgyas me tog 'byung dang / rin chen sa la dang / rin chen zla ba'i khyu mchog rtsi'i rgyal po dang / sman dang / ye shes mchog dang / mngon du 'phags pa'i go cha dang / lhun po gong na med pa dang / sems bskyed ma thag tu chos kyi 'khor lo bskor ba dang / me tog brtsegs dang / me tog rab gtor dang / rtag tu mdzes pa'i 'od zer dang / bla na med pa'i 'od zer dang / mi g.yos rnam par gnon dang / gom pas rnam par gnon dang / gom pa mtha' yas pas rnam par gnon dang / smon lam mtha' yas dang / spobs pa dpag med dang / khyu mchog mtha' yas dang / smon lam ma nges pa dang / mngal 'gyur mdzad dang / skyon med 'gyur mdzad smon lam dang / dmigs pa'i go cha dang / sangs rgyas nam mkha' dang / 'byung ba'i dpal gyi sangs rgyas kyi zhing dang / de bzhin gshegs pa de dag dang / gzhan dag gi sangs rgyas kyi zhing dag nas/ byang chub sems dpa' grangs med dpag tu med pa dag/ 'jig rten gyi khams mi mjed 'dir lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// // de'i tshe lho nub kyi phyogs mtshams su 'jig rten gyi khams grangs med dpag tu med pa dag 'das pa na/ 'jig rten gyi khams bkra shis bzang po zhes bya ba yod de/ de na de bzhin gshegs pa don yod grub ces bya ba bzhugs te/ 'tsho zhing gzhes la chos kyang ston te/ / bcom ldan 'das des/ byang chub sems dpa' rgyal tshab don thams cad grub ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang 'ongasate zhes bya ba dang / de lta lags so zhes bya ba'i bar du snga ma bzhin du sbyar ro// de ltar de la sogs pa bcom ldan 'das de bzhin gshegs pa grub pa'i go cha'i sangs rgyas kyi zhing dang de bzhin du de bzhin gshegs pa gtsug tor can dang / shin tu rab gnas go cha dang / go cha mtha' yas dang / mtshan gyi go cha dang / go cha mtha' yas dang / kun nas go cha dang / mar me mdzad dang / 'od mdzad dang / mdzod gcig pa dang / sku mi mnga' dang / dra ba can gyi 'od zer dang / brtson 'grus mtha' yas dang / rtse mo dang / rtse mo mngon du 'phags dang / 'od kyi dkyil 'khor can dang / rnam par gzigs dang / don yod ming sgrogs dang / 'jigs pa dang / ngag tsha ba thams cad rnam par 'joms mdzad dang / yon tan/ mthur yas rgyal po'i 'od dang / phyir rgol ba thams cad nges par 'joms dang / bdud thams cad kyi yul las 'das pa dang / dpag med me tog dang / bdud rtsi 'dzin dang / dbyangs nga ro dpag med dang / 'od zer brtsegs dang / sdang ba'i dpal dang / gnyis med bral ba'i dkyil 'khor can dang / 'chi med rtogs pa'i me tog 'od dang / 'od zer dang / bdud rtsi'i dpyas dang / lhun po'i 'od dang / shing tu mthong dang / sbyin bzang dang / mchog gi tshogs can dang / rin chen me tog dang / rin chen 'byung dang / zla ba me tog dang / sems can kun gyi go chadung snying po thams cad 'gyur mdzad dang / spobs pa mtha' yas dang / rtsod pa dang / bag tsha ba mi mnga' ba dang / dmigs pa thams cad spobs pas spyod pa dang / sangs rgyas bco ldan 'das de dag dang / gzhan dag gi sangs rgyas kyi zhing dag nas/ byang chub sems dpa' sems dpa' chen po skye ba gcig gis thogs pa dag/ 'jig rten gyi khams mi mjed ga la ba dang / bcom ldan 'das ga la ba der lhags nas/ bcom ldan 'das shAkya thub pa'i zhabs la mgo bos 'tshal te phyogs gcig tu 'khod do// de'i tshe nub byang gi phyogs mtshams su 'jig rten gyi khams grangs med dpag tu med pa dag 'das pa na/ 'jig rten gyi khams tsan dan spros zhes bya ba yod de/ de na de bzhin gshegs pa kun tu spos kyi 'od zer zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' kun tu bzang po zhes bya ba rgyal tshab tu dbang bskur to zhes bya ba nas/ de yang 'ongs te/ zhes bya ba dang / de lta lags so zhes bya ba'i bar du snga ma bzhin du sbyar ro// de ltar bcom ldan 'das de bzhin gshegs pa kun tu spos kyi 'od zer la sogs pa/ bcom ldan 'das de bzhin gshegs pa spos kyi glang po che dang / spos kyi khyu mchog dang / spos kyi khang pa dang 'od kyi dkyil khor can dang / 'od zer gyi rgyal po dang / pad+ma mngon du 'phags pa'i rgyal po dang / sas rgyas khyu mchog dang / khyu mchog mtha' yas dang / go cha bzang po dang / shin tu go cha bgos pa'i dpal dang / me tog rab gtor dang / me tog gdugs kyi 'phreng ba dang / me tog khang pa dang / gser gyi me tog dang / spos kyi me tog dang / lhun po'i rgyal po dang / sems can kun las mngon par 'phags pa'i go cha dang / sems can thams cad skyon med 'gyur mdzad dang / legs par spyad pa'i go cha dang / kun tu btang ba'i 'od zer rab gteng dang / pad+ma rab gtor 'byung ba'i dpal dang / rin chen dra ba dang / mngon du 'phags pa'i rgyal po dang / sangs rgyas kyi zhing gdugs gcig pas khyab pa dang / rgyu skar gyi rgyal po dang / dpung mgo shin tu zlum pa dang / shin tu yang dag zhugs kyi rgyal po dang / spos ldan dang / ye shes mtha' yas khyu mchog dang / don yod go cha bgos dang / mthong ba don yod dang / thogs pa med pa'i spyan dang / sems dang po bskyed pa dang ldan pa'i mi 'khrugs pa dang / spyan mtha' yas dang / mar me bdag po dang / kun tu snang ba dang / snang ba'i 'od zer dang / sangs rgyas kyi zhing du sems can thams cad gcad du med pa'i spobs pa dang / rdul med rdul bral rnam par gnon dang / gom pa med kyis rnam par gnon dang / sangs rgyas bcom ldan 'das de dag la sogs pa'i sangs rgyas kyi zhing ngag nas/ byang chub sems dpa' sems dpa' chen po skye ba gcig gis thogs pa grangs med dpag tu med pa dag/ 'jig rten gyi khams mi mjed ga la ba dang / bcom ldan 'das ga la ba der song ste lhags nas/ bcom ldan 'das kyi zhabs la phyag 'tshal te phyogs gcig tu 'khod do// / de'i tshe byang shar gyi phyogs mtshams su 'jig rten gyi khams grangs med dpag tu med pa dag 'das pa na/ 'jig rten gyi khams mngon du bgrod bya zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mya ngan thams cad sel mdzad ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab don yod ming sgrol ces bya ba bla na med pa yang dag par rdzogs pa'i byang chub tu lung bstan to zhes bya ba nas/ de yang bcom ldan 'das shAkya thub pa la chos mnyan pa'i phyir 'ongs te zhes bya ba dang / de lta lags so zhes bya ba'i bar du snga ma bzhin/ du sbyar ro// de ltar bcom ldan 'das de bzhin gshegs pa mya ngan thams cad sel mdzad la sogs pa/ 'jig rten gyi khams mngon du bgrod bya de'i yang pha rol na/ 'jig rten gyi khams mya ngan med ces bya ba yod de/ de na de bzhin gshegs pa mya ngan bral zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab 'od chen po zhes bya ba/ bcom ldan 'das kyis chos kyi skyes bskur te btang ngo // de'i yang 'dab chags na/ 'jig rten gyi khams dga' ba zhes bya ba yod de/ de na de bzhin gshegs pa 'byung ba'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tshab lag pa mtha' yas zhes bya ba btang ngo // de'i yang 'dab chags na/ 'jig rten gyi khams yon tan 'byung zhes bya ba yod de/ de ma de bzhin gshegs pa yon tan rgyal po'i dod ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phyang po'i blo gros zhes bya ba btang ngo / / de'i yang 'dab chags na/ 'jig rten gyi khams gser gyi dra bas kun tu khebs pa zhes bya ba yod de/ de na de bzhin gshegs pa lhun mchog ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab seng ge'i lhun po zhes bya ba btang ngo // de'i yang 'dab chags na/ 'jig rten gyi khams spos kyi 'od ces bya ba yod de/ de na de bzhin gshegs pa spos kyis rgyags par mdzad ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dbyangs kyis byin zhes bya ba btang ngo // de'i yang 'dab chags na/ 'jig rten gyi khams rin chen brtsegs zhes bya ba yod de/ de na de bzhin gshegs pa ko'u di rgya zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab mtshan nyid gnyis pa'i dpal zhes bya ba btang ngo / / de'i yang 'dab chags na/ 'jig rten gyi khams brtan pa zhes bya ba yod de/ de na de bzhin gshegs pa mthu dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des// byang chub sems dpa' rgyal tshab tshangs pas byin zhes bya ba btang ngo // de'i yang 'dab chags na/ 'jig rten gyi khams ut+pal zhes bya ba yod de/ de na de bzhin gshegs pa ut+pal dmar po'i dpal zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab pad+ma 'byung zhes bya ba btang ngo // de'i yang 'dab chags na/ 'jig rten gyi khams ku mu da zhes bya ba yod de/ de na de bzhin gshegs pa ku mu da 'byung ba zhes bya ba bzhugs te/ 'tsho zhing gzhes la chos kyang ston te/ bcom ldan 'das/ des/ byang chub sems dpa' rgyal tshab 'jigs pa med ces bya ba btang ngo // de'i yang 'dab chags na/ 'jig rten gyi khams rab sgrogs zhes bya ba yod de/ de na de bzhin gshegs pa spur btud ces bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab gong na med pa'i gzi brjid ces bya ba btang ngo // de'i yang 'dab chags na/ 'jig rten gyi khams spos bkod pa zhes bya ba yod de/ de na de bzhin gshegs pa mchog gi tshogs can zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab brtul zhugs bzang po zhes bya ba btang ngo // de'i yang 'dab chags na/ 'jig rten gyi khams snang ba zhes bya ba yod de/ de na de bzhin gshegs pa snang ba mtha' yas zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab dpal gyi snying po zhes bya ba btang ngo // de'i yang 'dab chags na/ 'jig rten gyi khams tsan dan spos zhes bya ba yod de/ de na de bzhin gshegs pa zla ba 'phags pa'i 'od zer zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab phyogs kyi sgron ma zhes bya ba btang ngo // de'i yang 'dab chags na/ 'jig rten gyi khams snang ba zhes bya ba yod de/ de na de bzhin gshegs pa phyogs su rnam par bsgrags zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par bsgrags pa'i stobs kyi rgyal po zhes bya ba btang ngo / / de'i yang 'dab chags na/ 'jig rten gyi khams zla ba zhes bya ba yod de/ de na de bzhin gshegs pa skar ma'i rgyal po tshogs kyi bdag po zhes bye ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tshab grags pa'i sde zhes bya ba btang ngo // de'i yang 'dab chags na/ 'jig rten gyi khams kun tu snang ba'i dpal zhes bya ba yod de/ de na de bzhin gshegs pa snang ba mtha' yas dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab dri ma med pa'i tog ces bya ba btang ngo / / de'i yang 'dab chags na/ 'jig rten gyi khams spos snang zhes bya ba yod de/ de na de bzhin gshegs pa spos med mchog gi lhun po zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab rnam par rgyal ba srung ba can zhes bya ba btang ngo // de'i yang 'dab chags na/ 'jig rten gyi khams mi 'jigs pa zhes bya ba yod de/ de na de bzhin gshegs pa mi 'jigs pa zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab skye bo'i dbang po zhes bya ba btang ngo / / de'i yang 'dab chags na/ 'jig rten gyi khams bde mchog ces bya ba yod de/ de na de bzhin gshegs pa bde 'byung dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab yid gnyis zhes bya ba btang ngo // de'i yang 'dab chags ni/ 'jig rten gyi khams snang ba mtha' yas zhes bya ba yod de/ de na de bzhin gshegs pa yon tan mtha' yas spyod pa 'byung ba'i dpal zhes bya ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tshab 'gro ba'i dbang po zhes bya ba btang ngo // de'i yang bdab chags na/ 'jig rten gyi khams brgyan pa zhes bya ba yod de/ de na de bzhin gshegs pa yon tan kun gyis so sor brgyan ces bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab dga' spyod ces bya ba btang ngo // de'i yang 'dab chags na/ 'jig rten gyi khams pad+ma'i dra bas kun tu khebs zhes bya ba yod de/ de na de bzhin gshegs pa me tog rgyal po zhes bya ba bzhugs te/ 'tsho zhing gzhes la chos kyang ston te bcom ldan 'das des/ byang chub sems dpa' rgyal tshab me tog 'byung mngon du 'phags pa'i dpal zhes bya ba btang ngo // de'i yang 'dab chags na/ 'jig rten gyi khams rgyal mtshan sna tshogs zhes bya ba yod de/ de na de bzhin gshegs pa phas ma pham pa'i rgyal mtshan zhes bya ba bzhugs te/ 'tshe zhing gzhes la chos kyang ston te/ bcom ldan 'das des byang chub sems dpa' rgyal tshab pas ma pham pa zhes bya ba btang ngo / / de'i yang 'dab chags na/ 'jig rten gyi khams brtan pa zhes bya ba yod de/ de na de bzhin gshegs pa dbang sbas 'od zer zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab kun nas sbas zhes bya ba btang ngo // de'i yang 'dab chags na/ 'jig rten gyi khams dga' ba zhes bya ba yod de/ de na de bzhin gshegs pa pad+ma 'jigs byed mngon du 'phags pa'i rgyal po zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tsha ba ye shes sman zhes bya ba btang ngo // de'i yang 'dab chags na/ 'jig rten gyi khams bde ba zhes bya ba yod de/ de na de bzhin gsheg baspyod pa tha dad med 'byung zhes bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab spyod pa tha dad med ces bya ba btang ngo // de'i yang 'dab chags na/ 'jig rten gyi khams dga' ba zhes bya ba yod de/ de na de bzhin gshegs pa nga ro bsdams zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab nga ro 'bar zhes bya ba btang ngo // de'i yang 'dab chags na/ 'jig rten gyi khams bde ba'i dpal zhes bya ba yod de/ de na de bzhin gshegs pa nam mkha'i dkyil 'khor rnam par dag ces bya ba bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab lhun po mchog ces bya ba btang ngo / / de'i yang 'dab chags na/ 'jig rten gyi khams mngon dga' zhes bya ba yod de/ de na de bzhin gshegs pa mtshan ma med pa'i nga ro nges pa'i dbyangs zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab spyan ras gzigs kyi nga ro zhes bya ba btang ngo // de'i yang 'dab chags na/ 'jig rten gyi khams 'byung ba zhes bya ba yod de/ de na de bzhin gshegs pa mngon du 'phags pa'i dpal zhes bya bo bzhugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab cis 'jigs zhes bya ba btang ngo / / de'i yang 'dab chags na/ 'jig rten gyi khams tshangs ldan zhes bya ba yod de/ de na de bzhin gshegs pa tshangs pa'i dpal zhes bya ba bkugs te/ 'tsho zhing gzhes la chos kyang ston te/ bcom ldan 'das des/ byang chub sems dpa' rgyal tshab tshangs pas mchod ces bya ba btang ngo // de'i yang 'dab chags na 'jig rten gyi khams spos can zhes bya ba yod de/ de na de bzhin gshegs pa thogs pa med pa'i spos kyi glang po che zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab dbang pos byin zhes bya ba btang ngo // de'i yang 'dab chags na/ 'jig rten gyi khams pad+ma can zhes bya ba yod de/ de na de bzhin gshegs pa lhun po'i 'od ces bya ba bzhugs te/ 'tsho zhing gzhes la chos kyang ston te/ bcom ldan 'das des byang chub sems dpa' rgyal tshab rgya mtsho zhes bya ba btang ngo // de'i yang 'dab chags na/ 'jig rten gyi khams mar me byed ces bya ba yod de/ de na de bzhin gshegs pa sgron ma mdzad ces bya ba bzhugs te/ 'tsho zhing gzhes ya chos kyang ston te/ bcom ldan 'das des/ byang chub sems dpa' rgyal tshab sprin gyi 'od zer zhes bya ba btang ngo / / de'i yang 'dab chags na/ 'jig rten gyi khams snyan pa zhes bya ba yod de/ de na de bzhin gshegs pa pad+ma mchog gi 'od zer zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal tshab chos kyi 'byung gnas zhes bya ba btang ngo // de'i yang 'dab chags na/ 'jig rten gyi khams bde ba can zhes bya ba yod de/ de na de bzhin gshegs pa grags ldan zhes bya ba bzhugs te/ 'tshe zhing gzhes la chos kyang ston te/ bcom ldan 'das nges/ byang chub sems dpa' rgyal tshab lhun pos byin zhes bya ba btang ngo / / de'i yang 'dab chags na/ 'jig rten gyi khams shin tu rab gnas zhes bya ba yod de/ de na de bzhin gshegs pa bshes gnyen grags pa zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshab seng ge ltar gnon ces bya ba btang ngo // de'i yang 'dab chags na/ 'jig rten gyi khams sA la zhes bya ba yod de de na de bzhin gshegs pasA la'i dbang po'i rgyal po zhes bya ba bzhugs te/ 'tsho zhing gzhes la chos kyang ston te/ bcom ldan 'das nges/ byang chub sems dpa' rgyal tshabs la'i dbang po'i tog ces bya ba btang ngo / / de'i yang 'dab chags na/ 'jig rten gyi khams snang ba zhes bya ba yod de/ de na de bzhin gshegs pa 'od zer mtha' yas zhes bya ba bzhugs te/ 'tshe zhing gzhes la chos kyang ston te/ bcom ldan 'das des/ byang chub sems dpa' rgyal cheb don yod gom pas rnam par gnon ces bya ba btang ngo // de ltar byang shar gyi phyogs mtshams nas/ byang chub sems dpa' skye ba gcig gis thogs pa grangs med dpag tu med pa dag lhags te/ lhags nas kyang / bcom ldan 'das de bzhin gshegs pa shAkya thub pa'i zhabs la mgo bos phyag 'tshal zhing bskor ba byas te/ rnam pa du mas mchod nas/ bcom ldan 'das 'ba' zhig la lta zhing phyogs gcig tu 'khod do// de'i tshe 'jig rten gyi khams de gang lha dang / klu dang gnod sbyin dang / mi 'am ci dang / lto 'phye chen po dang / byang chub sems dpa' sems dpa' chen po mthu che ba bsam gyis mi khyab cing / dpe med pa'i go cha bgos pa dag gis ma khyab pa'i bar ni tha na 'khar ba bzhag pa tsam yang med do/ / de dag thams cad kyang gcig la gcig nyam nga ba med de/ chos mnyan pa'i sred pas/ bcom ldan 'das kyi zhal du lta ba lhur len cing 'khod do/ byang chub sems dpa' 'dus pa'i le'u ste lnga pa'o// // de nas bcom ldan 'das shAkya thub pas byang chub sems dpa' 'dus pa chen po de mkhyen nas/ gangar de la bzhugs bzhin du dpa' bar 'gro ba zhes bya ba'i ting nge 'dzin la snyoms par zhugs so/ / de las bzhengs nas/ rdo rje'i snying po zhes bya ba'i ting nge 'dzin la snyoms par zhugs so// de las bzhengs nas/ nges pa'i tshig med pa'i gnas la gnas pa bya ba'i ting nge 'dzin la snyoms par zhugs so// de las bzhengs nas/ bkod pa gcig pa zhes bya ba'i ting nge 'dzin la snyoms zhugs so// de las bzhengs nas/ seng ge'i gdugs zhes bya ba'i ting nge 'dzin la snyoms par zhugs so// de las bzhengs nas/ sgrub pa mtha' yas pa zhes bya ba'i ting nge 'dzin la snyoms par zhugs so/ / de las bzhengs nas/ seng ge rnam par bsgyings pa zhes bya ba'i ting nge 'dzin la snyoms par zhugs so// de las bzhengs nas/ 'od zer rgyal po zhes bya ba'i ting nge 'dzin la snyoms par zhugs so/ / de las bzhengs nas/ so'i snying po zhes bya ba'i ting nge 'dzin la snyoms par zhugs so// de las bzhengs nas/ mngon par mi dmigs pa zhes bya ba'i ting nge 'dzin la snyoms par zhugs so/ / de las bzhengs nas/ seng ge rnam par 'phrul pa zhes bya ba'i ting nge 'dzin la snyoms par zhugs so// de las bzhengs nas/ zla ba'i dkyil 'khor rgyal po zhes bya ba'i ting nge 'dzin la snyoms par zhugs so/ / de las bzhengs nas/ bkod pa gcig pa zhes bya ba'i ting nge 'dzin la snyoms par zhugs so// de las bzhengs nas/ 'od zer du ma zhes bya ba'i ting nge 'dzin la snyoms par zhugs so// de las bzhengs nas/ rgya mtsho zhes bya ba'i ting nge 'dzin la snyoms par zhugs so// de las bzhengs nas/ phyag rgya thams cad bsgrub pa chos kyi dbyings su nges pa zhes bya ba'i ting nges 'dzin la snyoms par zhugs so/ / de las bzhengs nas/ smon lam dang dmigs pa mtha' yas ston pa zhes bya ba'i ting 'dzin la snyoms par zhugs so/ / de las bzhengs nas/ chos thams cad khyu mchog tu gyur pa mtha' yas pa bsgrub pa zhes bya ba'i ting nge 'dzin la snyoms par zhugs so// de las bzhengs nas dmigs pa gcig pa bsgrub pa zhes bya ba'i ting nge 'dzin la snyoms par zhugs so/ / de las bzhengs nas/ chos thams cad kyi gnas la gnas pa zhes bya ba'i ting nge 'dzin la snyoms par zhugs so/ / de las bzhengs nas/ 'od zer mtha' yas sangs rgyas pad+ma mngon du 'phags pa bsgrub pa zhes bya ba'i ting nge 'dzin la snyoms par zhugs so// de las bzhengs nas/ chos thams cad shin tu byang ba dri ma med pa'i phyag rgya zhes bya ba'i ting nge 'dzin la snyoms par zhugs so// de las bzhengs nas/ chos thams cad kyi rgyal po'i phyag rgya zhes bya ba'i ting nge 'dzin la snyoms par zhugs so/ / de las bzhengs nas/ khyu mchog mtha' yas kun tu ston pa'i sangs rgyas rnam par 'phrul pa zhes bya ba'i ting nge 'dzin la snyoms par zhugs so// de las bzhengs nas sems can thams cad yongs su mya ngan las 'das pa'i go cha zhes bya ba'i ting nge 'dzin la snyoms par zhugs so/ / de las bzhengs nas/ chos thams cad de bzhin gshegs pa'i spyod yul zhes bya ba'i ting nge 'dzin la snyoms par zhugs so/ / de las bzhengs nas/ khyu mchog tu gyur pa mtha' yas pa kun tu ston pa'i sangs rgyas rnam par 'phrul pa zhes bya ba'i ting nge 'dzin la snyoms par zhugs so/ / de las bzhengs nas/ dmigs pa thams cad sangs rgyas pa'i bsgrub pa zhes bya ba'i ting nge 'dzin la snyoms par zhugs so// de las bzhengs nas/ 'das pa dang / ma 'ongs pa dang da ltar byung ba la ma chags par chos thams cad nges pa zhes bya ba'i ting nge 'dzin la snyoms par zhugs so/ / de las bzhengs nas/ chos thams cad kyi dbang sgyur ba'i sangs rgyas khyu mchog ces bya ba'i ting nge 'dzin la snyoms par zhugs so/ / de las bzhengs nas/ chos thams cad yang dag par 'du ba zhes bya ba'i ting nge 'dzin la snyoms par zhugs so// de las bzhengs nas/ brtan pa zhes bya ba'i ting nge 'dzin la snyoms par zhugs so/ / de las bzhengs nas/ rab tu 'phel ba zhes bya ba'i ting nge 'dzin la snyoms par zhugs so// de las bzhengs nas/ rab tu mi g.yos pa zhes bya ba'i ting nge 'dzin la snyoms par zhugs so/ / de las bzhengs nas/ mi 'khrugs pa zhes bya ba'i ting nge 'dzin la snyoms par zhugs so// de las bzhengs nas/ chos thams cad la lta ba dang rnam par lta ba zhes bya ba'i ting nge 'dzin la snyoms par zhugs so/ / de las bzhengs nas/ kun tu snang ba zhes bya ba'i ting nge 'dzin la snyoms par zhugs so// de las bzhengs nas/ mnyam par rnam par lta ba zhes bya ba'i ting nge 'dzin la snyoms par zhugs so/ / de las bzhengs nas/ lta ba dang rnam par lta ba zhes bya ba'i ting nge 'dzin la snyoms par zhugs so// de las bzhengs nas mi lta ba zhes bya ba'i ting nge 'dzin la snyoms par zhugs so/ / de las bzhengs nas/ chos thams cad thogs pa med pa dang len pa med pa zhes bya ba'i ting nge 'dzin la snyoms par zhugs so// de las bzhengs nas/ dbang po dang ldan pa zhes bya ba'i ting nge 'dzin la snyoms par zhugs so// de las bzhengs nas/ mi zad la zad mi shes par nges pa zhes bya ba'i ting nge 'dzin la snyoms par zhugs so/ / de las bzhengs nas/ dmigs pa mi zad pa zhes bya ba'i ting nge 'dzin la snyoms par zhugs so// de las bzhengs nas/ dmigs pa gcig pa zhes bya ba'i ting nge 'dzin la snyoms par zhugs so/ / de las bzhengs nas/ bkod pa chen po zhes bya ba'i ting nge 'dzin la snyoms par zhugs so// de las bzhengs nas/ bkod pa mtha' yas zhes bya ba'i ting nge 'dzin la snyoms par zhugs so/ / de las bzhengs nas/ bag tsha ba med pa zhes bya ba'i ting nge 'dzin la snyoms par zhugs so// de las bzhengs nas/ sems can thams cad kyi dge ba'i rtsa ba yang dag par skul ba zhes bya ba'i ting nge 'dzin la snyoms par zhugs so/ / de las bzhengs nas/ sems can thams cad kyi dge ba'i rtsa ba mngon du byed pa zhes bya ba'i ting nge 'dzin la snyoms par zhugs so/ / de las bzhengs nas/ chos thams cad yongs su tshol ba zhes bya ba'i ting nge 'dzin la snyoms par zhugs so// de las bzhengs nas/ snang bar byed pa zhes bya ba'i ting nge 'dzin la snyoms par zhugs so/ / de las bzhengs nas// chos thams cad rnam par dag pa'i spyod yul zhes bya ba'i ting nge 'dzin la snyoms par zhugs so// de las bzhengs nas/ chos thams cad ston pa zhes bya ba'i ting nge 'dzin la snyoms par zhugs so/ / de las bzhengs nas/ byang chub sems dpa' thams cad kyi snang ba rnam par dag pa zhes bya ba'i ting nge 'dzin la snyoms par zhugs so/ de las bzhengs nas/ de nas bcom ldan 'das nyan thos thams cad kyi sgrib pa med pa'i mig rnam par sbyong ba zhes bya ba'i ting nge 'dzin la snyoms par zhugs so// de las bzhengs nas/ 'khor thams cad kyi sgrib pa med par rnam par dag pa'i dge ba'i rtsa ba yang dag pa skyed pa zhes bya ba'i ting nge 'dzin la snyoms par zhugs so// de las bzhengs nas/ dud 'gro'i skye gnas dang / gshin rje'i 'jig rten gyi sdug bsngal rgyun gcod pa zhes bya ba'i ting nge 'dzin la snyoms par zhugs so// de las bzhengs nas/ sangs rgyas kyi zhing thams cad du byams pa chen po bsgrub pas dge ba'i rtsa ba yang dag par skyid pa zhes bya ba'i ting nge 'dzin la snyoms par zhugs so/ / de las bzhengs nas/ mi g.yo ba zhes bya ba'i ting nge 'dzin la snyoms par zhugs so// de ltar bcom ldan 'das mi g.yo ba'i ting nge 'dzin la snyoms par zhugs pa na/ gnas gtsang ma'i ris kyi lha rnams kyis tshigs su bcad pa dag gis mngon par bstod pa/ mi g.yo brnyes pas g.yo med mi g.yo ba bsnyen dka' lhun po 'dra ba rnam par mdzes/ / phas kyi rgol ba thams cad zil mnan nas// stong gsum 'jig rten shin tu blangs te bzhugs// sangs rgyas thugs ni nam yang rten ma mchis/ / 'jig rten bsam gtan mdzad pa gang zag mchog/ ming tsam bsam gtan pa ste gar mi gnas// sangs rgyas yon tan de 'dra bsam mi khyab// thub pa khams gsum nges byung rigs gsum ldan// rtag tu mnyam gzhag som nyi mi mnga' brnyes// the tsom gcad cing som nyi bsal du gsol// srog chags rnams la sman slad chos bstan gsol/ / thub pa rab gnas som nyi mi mngab brnyes// byang chub sems dpa' 'dus pa de dag ni// dpa' bo chos kyis 'phags shing chos la gnas// som nyi gcad cing the tsom bsal du gsol/ / sangs rgyas mig brten bsam gtan mdzad ma lags// sangs rgyas mig ma brten par sgom ma lags// rten dang brten min mig kyang mchis ma lags// bsam gtan de ni 'phags pas mngon par bsngags/ / thub pa gal te mi rten bsam tan mdzad// rgyal bas 'dzem pa ma mchis brnyes par 'gyur// 'dir ni mig med bsam gtan mdzad pa na/ sangs rgyas ma mchis brten nas sgom ma lags// sangs rgyas dbang po drug rten sgom ma lags// rgyal ba dbang po ma mchis rten ma lags// 'di la mu stegs gzhan mang de dag 'khrul/ / lhar bcas 'jig rten 'gro ba rtogs ma lags/ de nas bcom ldan 'das mi g.yo ba'i ting nge 'dzin las bzhengs nas// byang chub sems dpa' chog la rjes su rnam par gzigs te/ tshe dang ldan pa shA ra dwa ti'i bu la bka' stsal pa/ shA ra dwa ti'i bu chos bzhi po 'di dag ni/ theg pa chen po la yang dag par zhugs pa rnams kyi yongs su nyams par mi 'gyur ba dang / dge ba'i rtsa ba thams cad kyi bsod nams kyi tshogs dang / mngon par ma dmigs pa'i sangs rgyas kyi ye shes bsgrub pa dang / sgrim pa'i stobs bsgrub pa dang / tshul khrims kyi stobs bsgrub pa dang / bzod pa'i stobs bsgrub pa dang / byams pa'i stobs bsgrub pa dang / snying rje'i stobs bsgrub pa dang / ting nge 'dzin gyi stobs bsgrub pa dang / shes rab kyi stobs bsgrubs pa dang / de bzhin gshegs pa'i stobs bcu thogs pa med pa bsgrub pa dang / shes rab kyi rab tu dbye ba bsgrub pa dang / thogs pa med pa'i spobs pa bsgrub pa dang / gcad du med pa dang / dga' ba dang / rno ba dang / zab pa'i spobs pa mtha' yas pa bsgrub pa dang / gzungs thob pa dang / sangs rgyas mthong ba thob pa dang / mngon par 'byung ba thob par 'gyur zhing / ji ltar 'tsham pa'i dge ba'i tshogs dang bral bar mi 'gyur/ longs spyod ma tshang ba med par 'gyur/ g.yog 'khor ma tshang ba med par 'gyur/ gzugs ma tshang ba med par 'gyur/ yan lag dang nying lag ma tshang ba med par 'gyur/ mig dang / rna ba dang / sna dang / lce dang / lus ma tshang ba med par 'gyur/ sems ma tshang ba med par 'gyur/ lam ngan par zhugs pa ma yin par 'gyur/ sems 'khrugs pa ma yin par 'gyur/ dran pa rmongs pa ma yin par 'gyur/ dran pa dang ldan par yang 'gyur/ dran pa'i stobs mchog dang ldan par 'gyur/ ngo tsha shes pa dang ldan zhing khrel yod pa dang ldan par 'gyur/ sdig pa thams cad bya ba la 'dzem pa dang 'gyod pa can du 'gyur/ dran pa mi chod par 'gyur/ skye ba rnam par log par 'gyur/ dran pa dang ldan pa yang yin te/ dran pa'i stobs mchog dang ldan pas sngon gyi smon lam yang mi gtong bar 'gyur/ sangs rgyas bcom ldan 'das rnams la dge ba'i rtsa ba bskyed pa'i phyir/ bdag gi med pa dang / yongs su 'dzin pa med pa'i sems kyi tshogs kyi dge ba'i rtsa ba dpag tu med pa yang bskyed par 'gyur/ sems can thams cad dang thun mong du byed par yang 'gyur/ sems can du dmigs pa las rnam par dben pa la yang mkhas par 'gyur/ chos rnams rtogs par khong du chud par yang 'gyur zhing / chos la rten pa ma yin par yang 'gyur ro// de rten pa yang ma yin pas/ bdud dam bdud kyi ris kyi lha rnams sam/ de las gzhan pa'i sems can lam ngan par zhugs pa rnams kyis thul bar mi nus te/ byang chub snying po dpung gnyen du yang 'gyur ro// rang gi stan la 'dug ste/ chos thams cad shin tu byang ba dri ma med pa'i phyag rgya'i ting nge 'dzin la gnas nas/ skad cig/ gcig dang ldan pa'i shes rab kyis gang cung zad shes par bya ba dang / blta bar bya ba dang / thob par bya ba dang / mngon du bya ba de dag thams cad kyang mngon du byed par 'gyur zhing / ma lus par mngon du byed la/ thams cad mngon par 'tshang rgya bar kho nar 'gyur/ thams cad mngon par rtogs pa kho nar 'gyur/ thams cad yongs su shes pa kho nar 'gyur zhing / bag chags kyi mtshams sbyor ba ma lus pa nyid rjes su 'thob par 'gyur ba ste/ bzhi gang zhe na/ shA ra dwa ti'i bu 'di la theg pa chen po la yang dag par zhugs pas go cha chen po gyon par byed pa yin/ sems can 'di dog thams cad ni 'dod chags dang / zhe sdang dang / gti mug dag gis yongs su gang ba/ sems can 'di dag thams cad ni mgon med pa'i 'chi bar nye bar gnas pa/ mthas zin pa'i 'chi ba thob pa/ g.yang sa chen por ltung bar 'gyur ba/ sems can 'di dag ni 'chi ba la gso ba rnyed dka' ba dang ldan pa'o snyam ste/ lta ba chen pos sems can la lta ba'i go cha gyon par byed pa yin/ sems can de dag la bdag gis khams gsum pa las nges par 'byung ba'i theg pa chen po de yang dag par bsgrubs nas bstan par bya'o// sems can thams cad gso bar bgos pa'i phyir yongs su ma btsal cing / gsol ba ma btab par bdag cag gis blta bar bya dgos so// ji ltar sems can rnams kyis gzugs kyi chos nyid mi g.yos pa rjes su thob par 'gyur ba dang / tshor ba dang / 'du shes dang / 'du byed dang / rnam par shes pa'i chos nyid mig yos pa rjes su thob par 'gyur ba dang / mya ngan las 'das par 'gro ba'i lam mi g.yos pa rjes su thob par 'gyur ba de lta bu'i gso bas bdag cag gis sbyor bar bya'o snyam du/ de de ltar sems shing go cha bgos nas chos tshol ba la mngon par brtson pa yin te/ chos gang dag tshol bar byed ce na/ de dag ni byang chub kyi phyogs kyi chos yongs su smin par 'gyur ba dang / sangs rgyas kyi chos rnams yongs su smin par 'gyur ba ste/ 'di lta sems can thams cad kyi the tsom gcod par byed pa/ sems can thams cad yang dag par tshim par byed pa'i chos kyi rnam grangs bzung ba dang / dbang po shin tu rgyas par mngon par bsgrub pa yang dag par bsgrub pa'i phyir/ chos de dag yongs su tshol bar byed de/ de ltar chos yongs su tshol ba la mngon par brtson pas gnas pa yin te/ tha na sangs rgyas kyi mtshan dang ldan pa tshigs su bcad pa zab mo dang ldan pa/ thabs la mkhas pa dang / don zab mo dang ldan pa'i tshig bzhi pa'i tshigs su bcad pa gcig tsam lus la thogs te/ sems can gcig tsam la yang yang dag par rab tu ston par byed pa yin/ chos de'i don dang tshigs su bcad pa de'i don gang yin pa de/ sems can de dang sems can thams cad kyis kun shes par 'gyur cig/ ces de lta bu'i smon lam 'debs par byed pa yin no// de dge ba'i rtsa ba des mchog/ gtso bo/ rab mchog/ gya nom pa/ sangs rgyas kyis rjes su gnang zhing 'phags pas rjes su gnang la/ mkhas pas bstod cing / mdzangs pas ma smad pa'i chos bzhi rjes su thob par 'gyur te/ bzhi gang zhe na/ dran pa gcad du med pa yin sangs rgyas kyi chos rnams la dran pa nges pa yin/ bdag nyid kyis kyang chos kyi snod du byed pa yin/ sangs rgyas bcom ldan 'das rnams kyis rten du gyur pa yang yin te/ de la brten nas de bzhin gshegs pa dgra bcom pa yang dag par rdzogs pa'i sangs rgyas chos ston par mdzad do/ / chos gnyis pa 'di yang rjes su thob par 'gyur te/ gzungs thob par 'gyur bapa yin/ skye ba rnam par log nas kyang sangs rgyas kyi byang chub thams cad rjes su thob par 'gyur ba yin/ lta ba sdig pa can ma yin pa'i khyim dag tu yang skye bar 'gyur ba yin/ sangs rgyas bcom ldan 'das rnams kyis bstan pa la yang mngon par 'byung ba la yid gzhol ba yin/ 'dod pa'i yon tan lnga po dag kyang spong ba yin no// chos bzhi po 'di yang rjes su thob par 'gyur te/ dge ba'i rtsa ba des chos bcu rjes su thob par 'gyur ro// bcu gang zhe na/ 'di lta ste/ sems can thams cad kyi the tsom gcod par byed pa rjes su thob par 'gyur ba yin/ sems can thams cad kyi rten bsgrub pa rjes su thob par 'gyur ba yin/ sangs rgyas kyi rnam par thar pa sgrib pa med pa yang rjes su thob par 'gyur ba/ yin/ rnam par thar pa'i sgo des de bzhin gshegs pa rjes su thob nas/ spu'i khung bu re re las 'od zer bya ba khrag khrig 'bum phrag grangs med dpag tu med pa dag 'gyed pa yin/ 'od zer re res kyang sangs rgyas kyi zhing 'bum dag snang bar byed pa yin/ 'od zer de la yang pad+ma 'bum dag mngon par sprul par byed pa yin/ pad+ma thams cad la yang de bzhin gshegs pa'i sku sprul par byed pa yin/ de bzhin gshegs pa re res kyang chos bstan pa re res sems can bye ba khrag khrig phrag 'bum dag yongs su smin par byed de/ ji ltar gzugs kyi chos nyid mi gi yos pa rjes su thob par 'gyur ba de lta bus kyang yongs su smin par byed pa yin/ sgrib pa med pa phun sum tshogs pa de dang ldan pas/ spu gseb re re las me'i phung po lhun po ji snyed 'bar bar byed pa yin/ spu'i cha de nyid las kyang chu'i rgyun gang+gA'i klung gi bye ma snyed rab tu 'bab par byed pa yin te/ sgrib pa med pa'i rnam par thar pa phun sum tshogs pa de dang ldan pas kyang / de bzhin gshegs pas stong gsum gyi stong chen po'i 'jig rten gyi khams spu gcig gi rtse mos phug ste/ 'jig rten gyi khams gang+gA'i klung gi bye ma snyed du 'phangs shing / de bas kyang lhag par 'phangs kyang / sems can de dag 'di snyam du/ bdag cag 'jig rten gyi khams gzhan du khrid do// kun tu khrid do snyam du mi sems so// shA ra dwa ti'i bu sgrib pa med pa'i rnam par thar pa phun sum tshogs pa de dang ldan pas/ de bzhin gshegs pas phyogs thams cad kyis nges pa'i tshig dag rab tu shes so// sems can thams cad kyi sems kyi rgyud lo bye ba phrag 'bum nas skyes pa dang 'gags pa dag rab tu shes so/ / sems can lo bye ba phrag 'bum du skyes pa rnams kyi chos kyi the tsom dag so sor sel bar byed do// babazhin gshegs pa 'byung bar mi 'gyur ba dang / chos gnas par mi 'gyur ba der yang rnam par thar pa phun sum tshogs pa de dang ldan pas/ sems can thams cad kyi sems tshar gcang pa yang rab tu shes so/ / sems rab tu 'dzin pa yang rab tu shes so// sems kyi mtshams sbyor ba dang sems kyi rgyu ba yang rab tu shes so// shA ra dwa ti'i bu de ltar sgrib pa med pa'i rnam par thar pa brnyes pa'i de bzhin gshegs pa ni/ chos thams cad la so sor sgrib pa'i gnas rab tu shes so// gcig tu mthar thug pa chang pa de dang / dngos po thams cad kyi stong pa dngos po med par shes pa de dang / yongs su 'dzin pa thams cad la bdag gi ba'i 'du shes mi skyed do// chos gcig nges par bsams na mdza ba shes rab tu shes pa ma gtogs par yang bya shes thams dul bdagag pa 'dugs pamam ldan/ / rnams yin bskyed pa la mdza' pa shes ma yin par shes ma/ dus byas rnams ca gnas la don tan gyi gnas gcig kyang ma mthong ngo / / 'dus byas thams cad la yon tan med pa dang / skyon dang bcas par shes nas/ chos de 'dra ba de dag rjes su thob par 'gyur ro// gzhan yang chos bzhi rjes su thob par 'gyur te/ bzhi gang zhe na/ bag chags kyi mtshams sbyor ba rgyun chad pa rjes su thob pa yin/ lam du 'gro ba na yang sems can gang dag gis de bzhin gshegs pa'i zhabs dag la reg pa de dag thams cad bde ba thams cad la yang dag par gtad bar 'gyur ba yin/ / de bzhin gshegs pas 'khor lo'i tshad tsam la gzigs na yang / lho nub kyi phyogs mtshams nas dpag tshad drug cu rtsa gnyis su sa yongs su 'gyur ro// shA ra dwa ti'i bu de bzhin gshegs pa la ni gang mnyam par ma gzhag par 'gyur ba'i thugs 'ga' yang mi mnga' ste/ shA ra dwa ti'i bu de bzhin gshegs pa ni rtag tu mnyam par gzhag pa yin no// shA ra dwa ti'i bu de bzhin gshegs pa la ni ting nge 'dzin las nyams pa'am/ ting nge 'dzin las g.yo ba mi mnga' ste/ shA ra dwa ti'i bu mdor na sangs rgyas kyi chos thams cad ni chos yongs su tshol ba la rag las pa yin no// de nas bcom ldan 'das kyis de'i tshe tshigs su bcad pa 'di dag bka' stsal to/ / gang gi don du theg pa yis// sems can rnams la'ang snying rje nyid// chos la gus dang bcas pa yis// ye shes de yi pha rol 'gro// sems can rnams kyi sems shes dang // 'jig rten gsum du mi g.yos pa'i// rdzu 'phrul rtogs par gang 'dod pas// chos la gus dang bcas par byad na chos la gus dang bcas byas na/ / rtag tu mchod 'os nyid du 'gyur// sangs rgyas chos rnams mtha' yas pa'i// chos mchog la yang reg par 'gyur// chos la gus par byas na ni/ de yi dran pa nyams mi 'gyur// skye ba de dang de kun tu// de yi dran pa rab tu 'phel// chos de la ni gus byas na// gzugs las nyams par mi 'gyur te// yan lag nying lag mdzes pa dang / rtag tu tshul du shis par 'gyur// rtag par 'dren rnams mnyes byed cing // mthong na de la dang byed la// sems kyis 'du byed dad pa yis// 'jig rten 'dren rnams mchod byed pa/ skye ba de dang de kun tu// de yi dad pa rab tu 'phel// 'dod pa ngan pa sten mi byed// spangs nas myur du rab tu 'byung // rtag tu tshul khrims phung po la'ang // mkhas pa rab tu gnas par 'gyur/ / tshul khrims kyis kyang rlom sems med// de la ting 'dzin tshol bar byed// rtag tu mnyam par gzhag par 'gyur// ting nge 'dzin la'ang rlom sems med// 'jig rten kun gyi mchog gang yin// shes rab la yang phyir zhing bsten// rtag tu'ang ye shes ldan par 'gyur// ye shes kyis kyang rlom sems med// ye shes de yis mi rlom zhing / / de ni sangs rgyas chos rnams tshol// sangs rgyas kyis ni bsngags pa'i gzungs// chos kyi snang ba thob par 'gyur// chos kyi snod du mkhyen nas kyang // ston pas de la byin rlob mdzad// chos smra de ni byin brlabs 'gyur// srog chags phan phyi ri chos ston cing // thogs med tshig dang spobs ldan te// so so rig thob mthu chen 'gyur// thog ma'i dus dang bar dus dang // tha ma'i dus su chos 'dzin 'gyur// kun tu rtag par sangs rgyas bsngags// mi rnams kyi ni don chen byed// de bzhin lha rnams de'i bsngags brjod gnod sbyin klu yis de mchod 'gyur/ / sangs rgyas rnams kyis rtag bsngags 'gyur// phyogs bcur de yi grags pa 'byung // chos la spyod pa ma smad pa// de yi snyan grags nyams mi 'gyur/ chos min nam yang de mi 'dod// sangs rgyas chos rnams de dag sten// sems can rnams kyi so ma nyi gcod// de ni chos kyi snang ba byed// rnal 'byor tshul du srog chags kyi// khams ni de yis rnam par sbyong // de ni las ngan ston mi byed// drang po'ang rab tu ston par byed// sangs rgyas chos la nges pa yis// chos kyi mchog gis spyod par 'gyur// de ni sem rten pa med/ / de yi gnas ni yod ma yin/ rten pa med pa'i sems kyis su// byang chub spyod pa spyod par byed// yul 'khor grong du skyong byed kyang // gnas ni yod pa ma yin te/ rtag tu rten pa med par 'gyur// de yi gnas ni yod ma yin// 'du byed rnams kyis 'dod pa min// yang dag bstod pa'ang yod ma yin// byang chub sem dpa' ma smad pa// de dag mthong na sus mi mchod/ / nam mkha' lta bur 'od gsal ba'i// sems de 'dra ba gang la yod// de de 'jig rten mi snang ste// de la gnas pa'ang yod ma yin// de bas chos de mnyan byos la/ / 'di la 'phel gtam bslab par bya// srog chags rnams kyi don sgrub pas// sangs rgyas chos la bslab par bya// shA ra dwa ti'i bu gzhan yang byang chub sems dpa' ni chos yongs su tshol ba'i thos pa dang / / thos pa la mkhas pa tshol bar byed pa yin te// shA ra dwa ti'i bu thos pa ni gang / thos pa la mkhas pa ni gang zhe na/ shA ra dwa ti'i bu thos pa ni gzhan gyis rnam par rig par byed do/ / thos pa la mkhas pa ni rang gis tshul bzhin yid la byed pa gang yin pa ste/ so sor rtog pa'o// shA ra dwa ti'i bu de la gzhan gyi sgra gang zhe na/ rjes su mthun pa'i chos gang dag yin pa de dag yin te/ 'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / de lta bu byung ba sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la bab par bstan pa'i sde dang / rtog pa brjod pa'i sde rnams te/ shA ra dA ti'i bu de ni gzhan gyi sgra zhes bya'o// shA ra dA ti'i bu de la thos pa la mkhas pa gang zhe na/ 'di lta ste/ so so rang gi tshul bzhin yid la byed pa'o// so so rang gi tshul bzhin yid la byed pa de gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / chos dkar gnag la mkhas pa dang / snang ba dang bcas pa dang / snang ba med pa dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsnyen par bya ba ma yin pa'i chos rnams la/ gang shes pa dang / so sor rtog pa dang / mkhas pa dang / so sor shes pa dang / rab tu rnam par 'byed pa dang / chos gnas pa nyid dang / chos skyon med pa nyid dang / rang bzhin rjes su rtogs pa ste/ shA ra dwa ti'i bu de ni so so rang gi tshul bzhin yid la byed pa zhes bya'o// / bam po bcu pa// shwa ra dwa ti'i bu gang 'di de bzhin gshegs pas phung po la mkhas pa gsungs pa'i phung po la mkhas pa de gang zhe na/ shA ra dwa ti'i bu de ni ci yang ma gsungs gang 'di de bzhin gshegs pas khams la mkhas pa gsungs pa de ni ci yang ma gsungs pa'o/ / gang 'di de bzhin gshegs pas skye mched la mkhas pa gsungs pa de ni ci yang ma gsungs pa'o/ / gang 'di rten cing 'brel par 'byung ba la mkhas pa gsungs pa de ni ci yang ma gsungs pa'o// gang 'di rten cing 'brel bar 'byung ba'i chos la mkhas pa gsungs pa de ni ci yang ma gsungs pa'o/ / shA ra dwa ti'i bu don phyin tse ma log par yang dag par sdus shig/ gang gis yang dag par bsdu bar bya zhe na/ don yang dag par bsdu bas yin gyi/ tshig 'bru yang dag par bsdu bas nim yin te/ shA ra dwa ti'i bu byis pa rnams ni tshig 'bru'i rjes su 'brang ba yin gyi/ mkhas pa rnams ni don gyi rjes su 'brang ba yin no// shA ra dwa ti'i bu tshig 'bru yang gang zhe na/ shA ra dAdwa ti'i bu yi ge'i gzhi dang / rnam par rig byed kyi gzhi dang / mngon par brjod pa'i gzhi 'jug pa'i tshig bla dgas ni tshig 'bru zhes bya ste/ shes bya 'am/ rnam par shes bya 'am/ yongs su shes bya gang ci yang rung ste/ mngon par brjod pa dang / nges par brjod pa dang / gdags pa dang / rab tu gzhag pa dang / rjes su 'brang ba dang / mngon par brtag pa dang / kun tu brtag pa dang // so sor nye bar brtag pa dang / btsal ba dang / yongs su btsal ba dang / chos gang dag dang / gang la yod pa'i chos rnams dang / brda dang / kun tu rtog pa dang / nye bar rtog pa dang / sems kyi mngon par nges par brjod pa dang / som nyi dang / yid gnyis dang / rnam par 'gyod pa dang / 'jug pa dang / gang dag gzhan yang chos la nges par rtog pa rnams// te/ shwa ra dwa ti'i bu de ni tshig 'bru zhes bya'o// shA ra dwa ti'i bu de la don gang zhe na/ gang tshig 'bru de'i don khong du chud pa ste/ de ni don ces bya'o// shA ra dwa ti'i bu brjod du med pa ni don ces bya ste/ shA ra dwa ti'i bu gang 'di don ces bya ba ji ltar byis pa rnams kyis bzung ba bzhin yin na ni tshig 'brur 'gyur gyi/ don ma yin par 'gyur ro// shA ra dwa ti'i bu de lta bas na don ni brjod du mi nus pa'o/ / shA ra dwa ti'i bu nga ni 'jig rten dang lhan cig tu smra bar mi byed kyi/ 'jig rten ni nga dang lhan cig tu smra bar byed do// zhes bya ba de ni nges ldem por dgongs te gsungs pa'o/ / shA ra dwa ti'i bu gang de bzhin gshegs pas mkhas pas gsungs pa de ni/ de bzhin gshegs pas ci yang ma gsungs pa'o// de la de bzhin gshegs pa ni/ 'di ltar phung po la mkhas pa/ khams la mkhas pa/ skye mched la mkhas pa ste/ de la mkhas pa gang yang med pas/ des na de bzhin gshegs pa ni de ltar mkhas pa zhes gsung ngo // 'di lta ste/ de bzhin gshegs pa ni chos rab tu rnam par 'byed pa ston pa ste/ shA ra dwa ti'i bu chos ni gang / chos rab tu rnam par 'byed pa ni gang zhe na/ shA ra dwa ti'i bu mig ni chos shes bya ste/ de bzhin du rna ba dang / sna dang / lce dang / lus dang / yid ni chos zhes bya'o// shA ra dwa ti'i bu ji ltar na mig chos yin zhe na/ shwa ra dwa ti'i bu 'das pa dang / ma 'ongs pa dang / da ltar byung ba ni mig ces bya ste/ de ni stong pa nyid kyi phyir mi dmigs pa'o// de ci'i phyir zhe na/ de'i rang bzhin de yin pa'i phyir ro// mig gi ji lta ba de bzhin du rna ba dang / sna dang / lce dang / lus dang / yid rnams kyi rang bzhin yang stong pa nyid do// de la mig rab tu rnam par 'byed pa gang zhe na/ mig yongs su tshol ba gang yin pa'o// ji ltar mig yongs su btsal zhe na/ mig la mig mi dmigs so// de ci'i phyir zhe na/ gal te mig la mig yod na ni/ mig gnyis yod cing / nang na yod pa'i gang zag kyang yod par 'gyur te/ de ltar mig gi gdags pa gang yin pa de ni gdags pa dang / chos dang mig yin no// de la byang chub sems dpa' tshul bzhin du mthong ba bsrung ba can ni/ 'di ltar so sor rtog par byed de/ mig dang / mig gi gdags pa dang / chos 'di las yang dag pa'i gzhir 'gyur ba gang yin zhes de de ltar so sor rtog par byed pa na/ de thams cad ni sgra yin gyi/ 'di la yang dag pa'i gzhi'i rten ni med do/ / de ci'i phyir zhe na/ 'di ltar sgra'i rnam par shes pa gang yin pa dang / sgra'i rnam par rig byed gang yin pa de ni 'jig rten pa'o// 'jig rten pa gang yin pa de ni 'jig rten yas 'das pa ma yin no/ / 'jig rten las 'das pa ma yin pa gang yin pa de ni gcer bu pa'i gnas so// de ni gcer bu pa'i tshig go/ gcer bu pa'i tshig gang yin pa de ni sangs rgyas kyi bka' ma yin te/ de bzhin gshegs pa ni 'jig rten las 'das pa gsungs pa'o// 'jig rten las 'das pa ma yin pa gang yin pa de ni des gsungs pa ma yin no// de bzhin gshegs pa smra ba las rnam par grub kyang / de ni de bzhin gshegs pa ni smra ba bcad pa'i phyir chos ston par mdzad kyi/ tshig kun tu sdud par ni mi mdzad do snyam mo// yang 'di ltar so sor rtog par byed de/ dge ba gang gis mig mngon par 'grub ce na/ de 'di snyam du sems te/ dge ba nges pas so snyam mo// de ci'i phyir zhe na/ de ni srid pa'i yan lag yin pa'i phyir ro/ / ci'i phyir srid pa'i yan lag ces bya zhe na/ de ni srid pa'i yan lag ste/ rgyu des na srid pa'i yan lag ces bya'o// shA ra dwa ti'i bu ji ltar na srid pa zhes bya zhe na/ 'gro ba'i phyir srid par 'byung ba ste/ de ni 'dir mig tu gyur pa'o// de la mngon par dga' bas mngon par dga' ba la 'bras bu yod de/ 'di lta ste/ mig bdag yin/ mig bdag gi yin zhes mig gi rlom sems kyi 'bras bur 'gro bas slong ba ste/ des na de ni srid pa zhes bya'o// de la brten nas so sor 'dzin to// ci zhig yongs su 'dzin ce na/ sdug bsngal thams cad yongs su 'dzin to/ / sdug bsngal thams cad kyang gang zhe na/ 'di lta ste/ ngar 'dzin pa dang / nga yir 'dzin pa'o// de gnyis ni 'dir yan lag ste/ des na srid pa'i yan lag ces bya'o/ / shA ra dwa ti'i bu 'di lta ste/ dper na rnga bo che las sgra byung na/ shA ra dwa ti'i bu 'di ji snyam du sems/ sgra de phyi 'am nang gang nas byung ba yin/ gsol pa/ bcom ldan 'das sgra de ni tshogs pa las ldan pa lags so// shA ra dwa ti'i bu khyod kyis 'phrad pa kun shes sam/ gsol pa/ bcom ldan 'das 'tshal te/ kun 'byung ba lags so/ / bcom ldan 'das kyis bka' stsal pa/ shA ra dwa ti'i bu srid pa ni de yin te/ shA ra dwa ti'i bu de bzhin du mig ni mig gis stong ngo // mig la mig med do// de la byis pa rnams ni yang dag pa ma yin pa'i dngos po la chags so// de bzhin du rna ba dang / sna dang / lce dang / lus dang / yid rnams ni stong pa'o// shA ra dwa ti'i bu de tsam gyis na mig legs par yongs su btsal ba yin no/ / de nas bcom ldan 'das kyis de'i tshe tshigs su bcad pa 'di dag bka' stsal to// mig ni stong pa nyid du gsungs// mig de yod pa ma yin no/ / gal te mig yod ma yin na// mi rtag nyid de su yi yin// rna ba mi rtag nyid du gsungs// de ni dmigs pa ma yin no// gal te rna ba yod min na// mi rtag nyid de su yi yin// sna ni mi rtag nyid du gsungs// de ni dmigs pa ma yin no// gal te de dmigs ma yin na// mi rtag nyid de su yir gsungs// lce ni mi rtag nyid du gsungs// lce de yod pa ma yin no/ / gal te de dmigs ma yin na// mi rtag nyid de su yi yin// lus ni mi rtag nyid du gsungs// de ni dmigs pa ma yin no// gal te lus yod ma yin na// mi rtag nyid de su yi yin/ / yid ni mi rtag nyid du gsungs// de ni dmigs pa ma yin no// gal te de dmigs ma yin na// mi rtag nyid de su yi yin// skye mched pa cu gnyis gsungs pa dag/ de dag ming yang de snyed yod/ / gal te skye mched rnams med na// de snyed ming yod su yi yin// 'byung ba chen po'ang bzhi yin te// de dag brtan te gang zag yin// khyi la bong ba 'phangs pa bzhin/ / de dag ming gis rgyug par byed// gang dag ming gis mi rgyug cing // bdag nyid rlom sems mi byed la// sems can med par zhugs pas ni// de dag mya ngan 'das par brjod// gang de mya ngan 'das gyur na// de la chos dmigs yod med de// mya ngan 'das zhes de brjod kyang // mya ngan 'das ni brjod du med// de la gang yang mi 'gro ste// 'gro ba yang ni yod ma yin/ / gang gis de ltar mthun rtogs pa// de dag mya ngan 'das pa shes// sbyor ba med cing rtsom pa'ang med// gos pa med cing yi ge'ang med// gang zag med cing srog kyang med/ / des na mya ngan 'das zhes gsungs// yod dang med par rnam rtog ste// rtog pa yang ni yod ma yin// 'du shes de yang stong pa ste// mya ngan 'das par/ de bsam mo// thag ring ba yi chos ma mthong // thag nye ba yang mthong ma yin// chos rnams rang bzhin gang yin pa// 'chi 'pho'i tshe yang rab tu shes// chos de 'dra ba gang dag gis/ thos nas tshul bzhin shes byed pa// de dag som nyi med 'gyur zhing // mi shes pa yang med par 'gyur// bde mthong srung ba som nyid med// chos rnams kun la 'jigs pa/ / the tsom dag ni bas la nas su// de dag som nyi med par 'gyur// dogs med byang chub sems dpa' ni// sems can rnams la snying brtse'i phyir// the tsom chad pas rgyu byed cing / / chos kyi the tsom gcod par byed// chos rnams kun gyi phyag rgya de// smra ba kun las thar bya'i phyir// mchog gsung ba yis bstan pa yin// de la som nyi ma byed/ tshig/ rtsod pa rnam par 'jig ces gsungs// de yi ngan 'gror 'gro bar 'gyur// gang dag phug nas brten pa rnams// de dag gis ni lus ma shes// don grub par ni de gsungs te/ don thob pa la gnas pa med// gang dag 'gro ba der 'gro ba// byang chub la ni nye bar 'gyur// shA ra dwa ti'i bu gzhan yang byang chub sems dpa' ni gnas bzhi la 'dun pa brtan po yin te/ mngon par 'byung ba dang / dgon pa na gnas pa dang / de bzhin gshegs pa mthong ba dang / sdug bsngal ba'i sems can dug mthong na/ nam zhig bdag gi theg pa chen po'i theg pa de yang dag par bsgrubs nas/ sems can de dag sdug bsngal thams cad las thar par bya ba'i phyir chos ston cig gu snyam nas go cha gyon par byed pa'o// shA ra dwa ti'i bu ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu brtan po yin pa dang / byang chub sems dpa' sems dpa' chen po 'dun pa ji lta bus sangs rgyas kyi ye shes yang dag par sgrub par byed pa de legs par rab tu nyon la yid la zung zhig dang / ngas khyod la bshad do// // shA ra dwa ti'i bu sngon byung ba 'das pa'i dus na/ bskal pa grangs med pa'i yang ches grangs med pa/ yangs pa/ tshad med pa byung bar gyur pa de'i tshe/ de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das bde ba'i rgyal po zhes bya ba 'jig rten du byung ste/ shA ra dwa ti'i bu de bzhin gshegs pa bde ba'i rgyal po'i tshe'i tshad ni lo bdun khri thub par gyur to/ / de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po de'i nyan thos 'das pa gcig ni dgra bcom pa bye ba phrag nyi shur gyur to// gnyis pa ni dgra bcom pa bye ba phrag bzhi bcur gyur to// 'dus pa gsum pa ni dgra bcom pa bye ba phrag drug khrir gyur to// de'i tshe 'dzam bu'i gling de ni yangs shing rgya che bar gyur te/ dpag tshad 'bum phrag dgu bcu yod do/ / de'i tshe 'dzam bu'i gling de na grong khyer brgyad khri bzhi stong byung bar gyur te/ thams cad kyang rin po che sna bdun gser dang / dngul dang / shel dang / bai DUR+Ya dang / spug dang / rdo'i snying po dang / bdun pa mu tig dmar po las byas pa/ bkra ba/ b.lA na sdug pa/ chu ra dang srid du ni dpag tshad bcu gnyis yod la/ zheng du ni dpag tshad bdun yod pa'o// thams cad kyang 'byor pa/ rgyas pa/ bde ba/ nyams dga' ba/ lo legs pa/ skye bo mang pos gang ba'o// grong khyer chen po de dag thams cad kyang khor yug tu ra ba rim bdun dang / 'obs rim bdun gyis yongs su bskor ba'o/ / 'obs de dag thams cad kyang chus gang ba/ kun nas rjes su 'bab pa'i chu 'bab pa dang / ut+pa la dang / pad+ma dang / ku mu da dang / pad+ma dkar po dag gis kun khebs shing ngur pa dag gis sgra phyung ba/ bya rnam pa sna tshogs kyi tshogs ngang pa dang / khrung khrung dang / rna bya dang / ne tso dang / ri skegs dang / khu byug dang / shad 'a ga / par byud pa grus de sa kyang bams cud gapar nga blo bdag k+Sha / p+pa / las grub pa/ lo ma dag ni rdo'i snying po/ me tog dag ni shal/ 'bras bu dag ni spug/ sdong bu dag ni mu tig dmar po dang / dngul gyi shing ljon pa dag la yal ga dag ni gser 'dab ma dag ni shel/ lo ma dag ni bai DUR+Ya las grub pa/ 'bras bu dag ni spug/ me tog dag ni rdo'i stong po/ sdong bu dag ni mu tig dmar po dang / shel gyi shing ljon pa dag la sdong po dag ni bai DUR+Ya las grub pa/ lo ma dag ni gser/ 'dab ma dag ni dngul/ me tog dag ni spug/ 'bras bu dag ni rdo'i snying po/ sdong bu dag ni mu tig dmar po dang / spug gi shing ljon pa dag la sdong po dag ni rdo'i snying po/ lo ma dag ni mu tig dmar po/ 'dab ma dag ni dngul/ me tog dag ni gser/ 'bras bu dag ni shel/ rtsa ba dag ni wa DUR+Ya las grub pa dang / rdo'i snying po'i shing ljon pa dag la sdong po dag ni mu tig dmar po/ lo ma dag ni dngul/ 'dab ma dag ni gser/ me tog dag ni shel/ 'bras buM dag ni bai DUR+Ya las grub pa/ rtsa bdag ni spug dang / mu tig dmar po'i shing ljon pa dag la sdong po dag ni gser las grub pa/ lo ma dag ni dngul/ 'dab ma dag ni shel me tog dag ni bai DUR+Ya las grub pa/ 'bras bu dag ni sdug las grub pa/ rtsa ba dag ni rdo'i snying po las grub pa/ rin po che sna bdun las grub pa'i shing ljon pa dag gis khyab par gyur pa'o// grong khyer chen po de dag na/ grong khyer chen po re re na yang skyed mos tshal brgyad khri brgyad khri yod de/ thams cad kyang dpag tshad nyi shu pa'o// skyed mos tshel brgyad khri bo de dag thams cad kyang khor yug tu 'obs dag dang / rta babs rim bdun dang / dril bu g.yer ka'i dra ba rim bdun dang / stegs bu rim bdun gyis bskor bar gyur te/ tshul snga ma kho nas gong ma bzhin du sbyar bar bya ste/ ji ltar grong khyer gyi 'obs ngag la yang bkod pa de dag bzhin du/ skyed mos tshal gyi 'obs dag la yang bkod pa dag kun shes par bya'o// skyed mos tshal de la yang tsan dan dag gi lo ma dag dang / dus kyi rjes su 'brang ba'i shing ljon pa dag dang / rol mo'i sgra'i shing ljon pa dag dang / rgyan gyi shing ljon pa dag dang / me to gau gi shing ljon pa dag dang / bza' ba'i shing ljon pa dag kyang yod do// btung ba'i shing ljon pa dag kyang yod do// skyed mos tshal de la yang gser dang / dngul dang / shel dang / bai DUR+Ya las grub pa dang / spug las grub pa dang / mu tig dmar po las grub pa'i shing ljon pa dag yod do// de dag la yang me tog skyes pa/ me tog a ti mug ta ka dang / tsam pa ka dang / ba ra sha ka dang d+ha nu ska ri dang / mya ngan 'tshang dang / na ga dang / bal la dang / ta ra ni dang / go ta ra ni dang / man+dA ra ba dag dang / me tog kha dog lnga pa dag dang tsan dro ta ra ni dag dang / de dag dang / gzhan yang me tog skyes pa rnam pa sna tshogs dag yod do// skyed mos tshal de dag re re la yang rdzing bu stong phrag bdun bdun byung bar gyur te/ thams cad kyang yan lag brgyad dang ldan pa'i chus gang ba/ tshad ni dpag tshad phyed pa/ rin po che sna bdun las grub pa/ gser gyi bye ma bdal ba/ them skas bzhi dang ldan pa'o// rdzing bu de dag thams cad kyang rin po che'i dra bas kun tu khebs pa/ ut+pa la dang / pad+ma dang / ku mu da dang / pad+ma dkar po dag gis rab tu gang ba'o// de'i tshe rgyal po dpas byin zhes bya ba zhig byung bar gyur te/ shA ra dwa ti'i bu rgyal po dpas byim de'i grong khyer brgyad khri bzhi stong dag tu khyim brgyad khri bzhi stong yod par gyur te/ khyim re rer yang btsun mo'i 'khor gyi bud med brgyad khri bzhi stong yod par gyur to/ / 'dzam bu'i gling der grong khyer brgyad khri bzhi stong po de dag gi dbus su grong khyer chen po chur dpag tshad brgyad khri yod pa/ zheng du dpag tshad bzhi khri yod pa rin po che sna bdun las grub pa/ 'byor pa/ rgyas pa/ bde ba/ lo legs pa/ nyams dga' ba/ mi'i skye bo mang pos gang ba zhig yod par gyur te/ de ltar snga ma bzhin du sbyar bar bya'o// / de'i tshe grong khyer chen po de'i dbus su/ rgyal po dpas byin gyis khyim rin po che sna bdun chu zheng du kun nas dpag tshad bcu yod pa zhig brtsigs par gyur te/ khyim de na yang gser las byas/ pa'i pu shu dang / khang pa brtsegs pa sna tshogs pa dag yod do// khyim de'i dbus su yang / 'di lta ste/ dper na lha rnams kyi dbang po brgya byin gyi khang bzangs rnam par rgyal byed lta bu khang bzangs shig brtsigs par gyur te/ khang bzangs de'i ming ni chos zhes bya bar gyur/ rgyal po de'i kun dga' ra ba ni chos bzangs zhes bya bar gyur te/ khyim de'i dbus su yang skyed mos tshal zhig yod par gyur to/ / skyed mos tshal de yang rin po che sna bdun las grub pa'i me tog gi shing ljon pa dang / spos kyi shing ljon pa dang / rol mo'i sgra 'byung ba'i shing ljon pa dang / rgyan gyi shing ljon pa dang / gos kyi shing ljon pa rnam pa sna tshogs dag gis kun nas so sor brgyan pa'o// skyed mos tshal de yang mig mangs ris su byas pa'o// khyim de yang nges bzhir rta babs btsugs pa/ stegs bu dang / kun tu blta ba'i sa dang / skar khung dag gis mdzes par byas pa/ rin po che sna bdun las byas pa'i khang pa brtsegs pa/ bkra ba/ blta na sdug pa dag gis kun nas so sor brgyan pa'o/ / de'i tshe rgyal po dpas byin gyi btsun mo dam pa gtso mo las/ byang chub sems dpa' sngon gyi rgyal ba la lhag par bya ba byas pa mdzes pa/ blta na sdug pa/ mthu che ba/ dbang che bar grags pa/ dpal dang gzi brjid kyis 'bar ba'i bu zhig btsas par gyur te/ de btsas ma thag tu rgyal po dpas byin gyis 'di ni de'i longs spyod du 'gyur ba yin no zhes/ grong khyer chen po de byin par gyur to// de'i nyin mo bu mo sa ya phrag bzhi gang dag byung ba de dag thams cad kyang rgyal po dpas byin gyi gzhon nu'i longs spyod du bsdangs so/ / rgyal po de dang / skye dgu'i bdag mo rin chen ma dang / grong mi dang / yul gyi mi dag gis kyang bsod nams mchog ces bya bar ming btags par gyur to/ / de ci'i phyir zhe na/ shA ra dwa ti'i bu rgyal po'i gzhon nu bsod nams mchog btsas pa'i mod la/ steng gi bar snang la lha rnams kyis glu dbyangs rab tu blangs shing / lha'i tsan dan gyi phye ma dag dang / lha'i me tog man+da ra ba'i char pa dag phab par gyur cing / khye'u 'di btsas pa bsod nams mchog/ khye'u 'di btsas pa bsod nams mchog ces/ lha'i dbyangs kyis kyang yang dag par brjod pa'i phyir ro/ / shA ra dwa ti'i bu de'i phyir na khye'u de'i ming bsod nams mchog ces bya ba kho nar btags par gyur to// shA ra dwa ti'i rgyal po'i bu bsod nams mchog de nar son nas/ btsun mo'i 'khor gyis mdun du bangar te/ skyed mos tshal gyi sar tsan ngan las byas pa'i grur zhugs nas/ skyes pa med pa'i 'dod pa'i yon tan lnga po dag gis rtse zhing dga' dgur spyod do/ / de'i tshe yang rgyal po'i gzhon nu bsod nams mchog tsan dan gyi grur zhugs nas de bzhin shegs pa'i sku me dang / gser dang / zla ba dang / 'dzam bu chu bopo'i gser gyi mdog gi 'od zer bye ba phrag 'bum rab tu 'gyed pa'i sku dang ldan pa sku skyes bu chen po'i mtshan sum cu rtsa gnyis kyis spras pa/ gser ltar 'bar ba/ rin po che'i bkod pa ltar brgyan pa/ nyan thos kyi dge 'dun gyi dbus na chos ston pa mthong ste/ mthong nas kyang rgyal po'i bu gzhon nu bsod nams mchog 'di snyam du sems par gyur te/ 'di ci 'dra ba de 'dra bar bdag kyang gyur cig snyam mo/ / de nas rgyal po'i gzhon nu bsod nams mchog rnam pa de lta bu'i sems skyes nas/ de ma thag tu de bzhin gshegs pa'i sku de mi snang bar gyur te/ de mi snang bar gyur nas/ de ma thag tu rgyal po'i gzhon nu bsod nams mchog sdug bsngal zhing yid mi bde bar gyur te/ bud med dag dang yang lhan cig rtse bar mi byed/ dga' bar mi byed/ dga' dgur spyod par mi byed cing / bud med de dag la sten par mi byed do// gru de nas byung ste khang pa brtsegs par zhugs nas/ skyil mo krung bcas te/ nam zhig de bzhin gshegs pa de ci 'dra ba de 'dra ba nyid du bdag 'gyur zhig gu snyam ste/ sems pa la zhugs so// de nas rgyal po'i gzhon nu de'i thad du bud med gang dag 'ong ba de dag thams cad rgyang ring po kho na nas mthong nas/ rgyal po'i gzhon nus sgo dag bcad de/ kye ma sems can 'di dag ni 'dod chags kyis gang ba/ nad chen pos so sor gzir ba dag ste/ 'dod chags kyis gang zhing / nad chen pos so sor gzir ba'i sems can de dag la bdag gis kun tu spyad par byas na/ de dag ni rigs pa ma yin la/ bdag ni rig pa yin pa'i phyir/ de ni bdag gi cha ma yin par 'gyur ro// sems can 'di dag ni zhe sdang gis gang ba/ nad chen po'i nad kyis kun tu gzir ba dag ste/ gal te zhe sdang gis so sor gang zhing / nad chen po'i nad kyis rab tu gzir ba'i sems can de dag la/ yid du 'ong ba dang bcas par byas na/ de dag ni mi rigs pa yin la/ bdag ni rigs pa yin pa'i phyir/ de la bye brag ci yod par 'gyur te/ bdag ni sku de lta bu mngon par bsgrub par brtson pa'o// kye ma bdag gis rang gi sems ni tshar gcad par bya/ sems can de dag la ni gnod sems mi bskyed par bya'o/ / kye ma sems can 'di dag ni gti mug gis gang ba/ nad chen po'i nad kyis kun tu gzir ba dag ste/ gal te nad chen po'i nad kyis kun tu gzir ba'i sem can de dag la rjes su 'jug par byas na/ de dag ni ma rigs pa yin la/ bdag ni rigs pa yin pas/ de la bye brag ci yod par 'gyur te/ bdag ni sku de lta bu mngon par bsgrub par brtson pa'o/ / sems can 'di dag ni phrag dog dang khro bas gang ba/ nang chen po'i nad kyis kun tu gzir ba dag ste/ gal te sems can de dag la bdag kun tu rjes su 'jug par byas na/ de dag ni mi rigs pa yin la/ bdag ni rigs pa yin pas/ de la bye brag ci yod par 'gyur te/ bdag ni sku de lta bu mngon par bsgrub par brtson par bya'o// kye ma bdag gis phrag dog med par bya/ ser sna can ma yin pa dang / rmongs pa med pa dang / 'dod chags dang bral ba dang / zhe sdang dang bral ba dang / gti mug dang bral bar bya zhing / sems can de dag nyid la yang byams pa'i sems bskyed par bya/ snying rje bskyed par bya/ sems can de dag lam gang du zhugs na/ 'dod chags dang / zhe sdang dang / gti mug dang / phrag dog dang / khro ba dang / ser sna dang / sgyu dang / g.yo dang / tha ba dang / nga rgyal thams cad rgyun chad par 'gyur/ spong bar 'gyur/ mi sten par 'gyur/ mi sgom par 'gyur// mang du mi byed par 'gyur ba'i lam btsal bar bya'o snyam mo// shA ra dwa ti'i bu de ltar rgyal po'i gzhon nu bsod nams mchog yid mi dga' zhing skyo bas mngon par brtson te/ rtse bar mi byed/ dga' bar mi byed/ dga' dgur sprod par mi byed cing / su'i ngor yang lta bar mi byed do// shA ra dwa ti'i bu rgyal po dpas byin gyis/ rgyal po'i gzhon nu bsod nams mchog rtse bar mi byed/ dga' bar mi byed/ dga' dgur spyod par mi byed cing / bud med mthong na'ang sgo gcod par byed do zhes thos te/ thos nas kyang rgyal po dpas byin dang / skye dgu'i bdag mo rin chen ma 'di snyam du sems par gyur te/ rgyal po'i gzhon nu bsod nams mchog la gang gis kyang mi dga' ba 'am/ yid du mi 'ong ba nye bar bsgrub par gyur na mi rung ngo snyam nas/ gang gis rtse bar mi byed/ dga' bar mi byed/ dga' dgur spyod par mi byed cing / bud med mthong na'ang sgo gcod par byed ces de bdag gis ge don mi za bar dri bar bya'o snyam mo/ / de nas rgyal po dpas byin dang / skye dgu'i ba dgo mo gtso mo rgyal po'i gzhon nu bsod nams mchog ga la ba der dong ste phyin nas/ rgyal po'i gzhon nu bsod nams mchog la tshigs su bcad pa dag gis smras pa/ khang bzangs chos dang chos bzangs byed du bcug/ de bzhin lha yi bu mo 'dra bas gang // shing ljon sna tshogs skyed mos chal mdzes na/ / ci phyir gzhon nu khyim der dga' mi byed// khang bzangs dang ni shing thags dam po btsugs// rgyal srid kun la grong khyer 'di byed bcug/ 'dir ni 'dzam gling 'di kun snang 'gyur na/ / ci phyir gzhon nu khyim der dga' mi byed// de ring khyod la su yis mi dga' smras// khyod la mi snyan de 'drag las byung // tshong pa nor rnyed chen po chud zos bzhin/ / ci phyir 'di na khyod ni gcig pu sems// nga ni pa yin 'di yang ma yin gyis// gang de dris pa deng la smra bar gyis// 'dzam gling dbang phyug de ltar nga yin/ na// deng 'dir chad pa chen po su la gcad// shA ra dwa ti'i bu de nas rgyal po'i gzhon nu bsod nams mchog gis/ pa ma la tshigs su bcad pa dag gis slar smras pa/ baidag la sus kyang mi sbyin smras ma mchis/ / tshig ma mchis pas ji ltar brjod par bgyi// su la'ang khyed kyis chad pa mi gcad gsol// rang gi sems la chang pa gtsang bar mdzod// chu yinang 'dir bdag ni sprad pa na/ / bdag gis 'dren pa yi ni sku mthong ste// 'dzam gling gser gyi 'od zer bye stong ldan// phyogs nyid kun tu snang zhing rnam par mdzes// sa yi 'od dang de bzhin me yi 'od/ / zla ba'i 'od dang de bzhin nyi ma'i 'di// de yi gan na thams cad mi gda' ste// de 'dra'i sku de mthong bar gyur to yab// bdag sems ye shes gzugs kyis ji lta bur/ / su de de 'dra bdag kyang gyur cig snum// rgand gzir ba'i sems can thar par bgyi// nyon mongs sems ldan bde dang ldan par bgyi// ye shes gzugs dang stob dang mthu dang ni/ / bsam mi khyab pas sku de ji lta bar// mi rnams kyi ni rgya chen don bgyi zhing // ngan 'gro gnas pa'i skye bo gdon par bgyi// bdag ni rtses pas 'tshal to/ dga' bas 'tshal// khyim dang bud med dag gis 'tshal lags so// bdag gis kun spangs rab tu 'byung bar bgyi// sangs rgyas rnams kyis brlabs nas sangs rgyas bgyi/ / ngur smrig gis ni gos kyang bgos nas su// rab tu byung nas bdag gis chos spyad do// yab cig khyod kyang 'dir ni rab byung nas// rgyal srid spongs te chos la spyod par mdzod// rtag tu bdag gis dam chos btsal bar bgyi// rtag tu bdag gis tshul bzhin chos spyad do// 'dod pa bsten pas bde legs 'gyur ma lags// dkar po thams cad nyams par 'gyur ba lags/ / yab cig 'dod 'ching 'di ni dam po lags// de slad khyod ni bcings los thar mi 'gyur// 'dod pa spangs mdzod dgon par gnas par mdzod// de las sangs rgyas ye shes thob par 'gyur/ / sangs rgyas bstan pa 'di la mngon byung ba// bdag la de ring bar chad su bgyid pa// de la nam du'ang bde legs mi 'gyur yab// bsod nams ma lags mang po thob par 'gyur/ / yab cig khyod la sman spang bdag gis brjod// khyod la rgyal srid ci bgyi sras ci bgyi// rgyal sring mi rtag longs spyod rtag ma lags// khyod dang ring po mi thogs 'bral bar 'gyur/ / gang las chos dkar mang po de 'thob pa'i// chos ni gal te ma bgyis gyur na yab// 'khor ba'i 'khor lo rjes su 'jug pa yis// yang dang yang du skye rga nye bar 'byung / / de na bu ni nam yang ma mchis te// chos rnams de dag thams cad stong pa'o yab// stong pa'i chos rnams de dag mi rtog pa// de dag ming dang gzugs la dam/ por gnas// bu la sring phyir sdig pa ma mdzad cig/ sangs rgyas bstan 'dir yongs su rab tu byung // dal ba phun tshegs bdag gis yun ring rnyed// yab cig khyod kyang myur du rab tu byung / mi yi lus 'di rab tu rnyed par gyur// bde ba'i dbang phyug sangs rgyas byung bar gyur// bdag gis dang pa ring nas de ring rnyed// kyi ma yab cig tshur spyon mngon par byung // de ltar de skad ces smras nas/ rgyal po'i gzhon nu bsod nams mchog/ de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal po ga la ba der song ste phyin nas// bcom ldan 'das de'i zhabs la phyag 'tshal te/ lan gsum bskor ba byas nas spyan sngar 'dug ste/ thal mo sbyar nas tshigs su bcad de gsol pa/ bdag ni bdud kyi zhags par skyes lags te/ bdag ni bdud kyi spyod yul 'phel lags so// bdag ni bdud kyi zhags pa kun gcad de// mgon po khyod la rab tu 'byung bar gsol// mgon po bdag bcing / ba yis bcings dam pa// 'jigs pa chen pos bcings na gzigs su gsol// 'di la bde ba'i ro myang ma mchis te// 'dod pa sdug bsngal kun gyi rtsa ba lags// bcing ba de dag gcad de 'dir bdag mchis/ / de tshe bdud kyi bcing ba kun spangs nas// sangs rgyas bstan 'dir rab tu 'byung bar 'tshal// rkang gnyis rnams kyi dam pa sangs rgyas bgyi/ / shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas bde ba'i rgyal pos rgyal po'i gzhon nu bsod nams mchog rab tu phyung ngo / / de rab tu byung bar rig nas/ rgyal po'i gzhon nu bsod nams mchog gis rjes su slob pa'i srog chags dkrigs phrag brgyad rjes su rab tu phyung ngo // de dag rab tu byung bar rig nas// rgyal po'i gzhon nu bsod nams mchog gi slas kyang rjes su rab tu phyung ngo // de rab tu byung bar rig nas/ rgyal po'i gzhon nu bsod nams mchog gi grogs po bye ba phrag brgya rjes su rab byu ngoshA ra dwa ti'i bu de nas rgyal po dpas byin gyis bu de rab tu byung bar rig nas/ dpung gi tshogs yan lag bzhi pa dang lhan cig tu de bzhini gshegs pa bde ba'i rgyal po ga la ba der song ste phyin nas/ bcom ldan 'das de'i zhabs la phyag 'tshal te/ thal mo sbyar nas tshigs su bcad pa 'di dag gsol to// chos 'di gnod pa med cing rims nang med// rang bzhin rab zhi ther zug 'chi meng zhi/ / rab byung bde ba kun gyi rtsa ba lags// skyabs mchis sangs rgyas bstan la rab tu 'byung // bdag gi rgyal srid de bzhin longs spyod dang // chung ma sdug dang longs spyod gnyen rnams datang / / 'dod pa longs stod dag 'a tshogs mchis// ngan par chos la rtag pa'i dus ma mchis/ bdag gis longs spyod sna tshogs yid mchi spyad/ de ni byis pa blo chung spyod yul te// rgyal bas bsngags pa'i chos de spyang bgyis na// sdug bsngal kun gyi mtha' mar bgyid pa 'gyur// dge slong dge 'dun thabs gcig longs spyad du/ bdag gis rgyal ba'i thad du rgyal srid btang // rab tu 'byung por gsol zhing kun tu spyon// rkang gnyis rnams kyi dam pa sangs rgyas bgyi// mi rnams kyi ni rgya chen don brgya zhing / / sdug bsngal mang pos gzir ba'i sems can dgrol// mi khom rgya chen rnam par spangs nas su// bdag gi khom dang mya ngan 'das zhi thob// de la bde ba'i rgyal pos ched brjod brjod/ / legs so rgyal po chen po rgya chen sems// nam zhig sangs rgyas ye shes khyod 'dod na// myur du tshur sheg legs 'ongs myur rab byung // de tshe rgyal pos thos nas sems mgu ste/ / rgyal ba'i bstan la rab byung 'thob bya zhing // rkang gnyis gtso bo'i sangs rgyas 'gyur bar bya// de tshe bde ba'i rgyal po bdag dbugs 'byin// rgyal ba de yi bstan la de rab byung // de tshe yan lag bzhi pa'i dmag gis bskor// de tshe theg pa mchog la thams cad zhugs// rkang gnyis rnams kyi dam pa sangs rgyas 'gyur// de tshe sangs rgyas bstan la de rang byung // chos spyad nas ni bzod pa'ang bskyed par gyur// tshe zad nas ni 'chi ba'i dus byas te// de dag thams cad mtho ris 'jig rten skyes/ / bde gshegs grags chen bye brag nyi shu yi// 'dren pa'i sangs rgyas de yi skabs su byung // thams cad de dag kun gyis mnyes par byas// bstan pa kun la'ang chos ni/ sbyang par gyur// rtag par rgyun du brtson 'grus brtsams par gyur// shes rab stobs dang ldan pas mi 'jigs pa// mi rnams kyi ni rgya chen don byas shing // de dag gis ni srog chags bye stong bkrol/ / bde bar gshegs pas chos brjod bzung nas su// de dag 'dren pa'i rgyal ba rnams su 'byung // de dag gis ni bstan pa rgyas par mdzad// lus rnams btang zhing de bzhin srog kyang btang / / theg pa mchog la su zhig 'jug mi byed// de yi rnam par smin pa bla med yin// ye shes bla na med pa mchog thob 'gyur// zhi ba mya ngan med pa'i byang chub reg/ tshe dang ldan pa shA ra dwa ti'i bu de'i tshe de'i dus na rgyal po dpas byin zhes bya ba chos dang ldan pa/ chos kyi rgyal po gang gis/ bcom ldan 'das de bzhin gshegs pa bde ba'i rgyal po de la longs spyod du rgyal srid phul zhing / khyim nas khyim med par rab tu byung ba de gzhan zhig yin pa snyam du/ khyod som nyi 'am yid gnyis za bar gyur na/ shA ra dwa ti'i bu khyod kyis de ltar blta bar mi bya'o/ / de ci'i phyir zhe na/ da ni de'i tshe de'i dus na rgyal po dpas byin zhes bya ba der gyur to// shA ra dwa ti'i bu de'i tshe de'i dus na rgyal po'i gzhon nu bsod nams mchog ces bya ba rab tu byung bar gyur pa de gzhan zhig yin pa snyam du/ khyod som nyi 'am yid gnyis za bar gyur na/ de ltar blta bar mi bya ste/ shA ra dwa ti'i bu de'i tshe de'i dus na byang chub sems dpa' sems dpa' chen po brtan pa'i blo gros 'di ni/ rgyal po'i gzhon nu bsod nams mchog ces bya bar gyur to// shA ra dwa ti'i bu byang chub sems dpa' sems dpa' chen po rnams kyi chos nyid ni sdug bsngal gyis gzir ba'i sems can dag mthong na snying rje chen po skyed par byed pa'o/ / shA ra dwa ti'i bu gzhan yang byang chub sems dpa' ni/ chos zab mo la mngon par brtson pa yin/ chos zab mo kho na yongs su tshol ba yin/ chos zab mo kho na yang dag par rab tu ston par byed pa yin no// shA ra dwa ti'i bu gang la brtan pa rnams 'gro ba'i chos zab mo de dag ni gang yin/ shA ra dwa ti'i bu brtan pa de dag ni gang yin zhe na/ shA ra dwa ti'i bu byang chub sems dpa' dag ni brtan pa zhes bya ste/ de dag ni bla na med pa yang dag par rdzogs pa'i byang chub las skyo bar mi 'gyur zhing / sgyid lug par mi 'gyur ro// shA ra dwa ti'i bu de dag ni brtan pa dag ces bya ste/ de dag ni chos rnams 'dzin pa'o// chos gang dag 'dzin ce na/ mig gi chos 'dzin par byed do// shA ra dwa ti'i bu de la gang mig 'dzin pa de ni chos ma yin te/ de ni gzung du med pa'o// shA ra dwa ti'i bu chos kyang gang zhe na/ rang bzhin gyis nang na yang med// phyi rol na yang med/ bdag kyang med/ bdag gi yang med/ kun nas nyon mongs pa yang med/ rnam par byang ba yang med pa'o/ / rna ba dang / sna dang / lce dang / lus dang / yid kyi chos 'dzin te/ de la chos gang yin pa de ni yid ma yin no// shA ra dwa ti'i bu chos zhes bya ba ni gang bdag med pa dang / bdag gi med pa dang / phyi rol med pa dang / nang med pa dang / kun nas nyon mongs pa med pa dang / rnam par byang ba med pa dang / skye ba med pa dang / 'gag pa med pa'o// shA ra dwa ti'i bu/ de ci'i phyir zhe na/ rang bzhin de yin pa'i phyir te/ rang bzhin gang yin pa de ni byas pa med cing 'gyur ba med pas/ des na yid ni chos zhes bya'o/ / shA ra dwa ti'i bu ci'i phyir 'dzin pa zhes bya zhe na/ stong pa nyid 'dzin par byed/ mtshan ma med pa dang / smon pa med pa 'dzin par byed/ mi dmig pa smon pa med par 'dzin par byed pa ste/ mi dmigs pa ni smon pa med pa'o// shA ra dwa ti'i bu gzhan yang chos gang dag yin pa de dag ni bsal ba yang med/ gzhag pa yang med pa'o/ / gang la bsal ba yang med// gzhag pa yang med pa 'di ni chos rnams kyi 'dzin pa zhes bya ste/ des na byang chub sems dpa' zhes bya'o// shA ra dwa ti'i bu byang chub sems dpa' zhes bya ba ni/ shA ra dwa ti'i bu sangs rgyas rnams dang nye ba'i sems dpa' yin pas/ des na byang chub sems dpa' zhes bya'o// byang chub med pa'i phyir byang chub sems dpa' zhes bya'o/ / yang sems dpa' de sems can med pa nyid kyis byang chub la 'jug par byed pas/ des na byang chub sems dpa' zhes bya'o// shA ra dwa ti'i bu yang gal te byang chub sems dpa' bstan na ni/ de 'di ltar bstan pa byas par 'gyur te/ de ci'i phyir zhe na/ shA ra dwa ti'i bu bstan pa med pa ni/ byang chub sems dpa' yin pa'i phyir ro// gang gis bstan du med ce na gang gi kyang bstan du med pas/ des na bstan pa zhes bya'o// shA ra dwa ti'i bu dga' ba dang ldan pa de dag ni gnyis su med pa la mos pa ste/ de dag ni chos su smra ba yang ma yin/ chos ma yin par smra ba yang ma yin pas/ des na byang chub sems dpa' dag ces bya'o// shA ra dwa ti'i bu gzhan yang byang chub ces bya ba ni stong pa nyid gang yin pa de ni byang chub bo// shA ra dwa ti'i bu stong pa nyid ces bya ba cis stong pa zhe na/ chos thams cad kyis stong ngo // shA ra dwa ti'i bu chos su 'du shes pa yod na yang 'du shes su 'dzin pa nyid du 'gyur/ bdag tu 'dzin pa nyid du 'gyur/ sems can du 'dzin pa dang / srog tu 'dzin pa dang / gang zag tu 'dzin pa dang / 'dzin pa thams cad kyi 'dzin par 'gyur bas/ des na 'du shes su 'dzin pa zhes bya'o/ / de la de med pas des na stong pa nyid ces bya ste/ stong pa nyid gang yin pa de ni byang chub bo// shA ra dwa ti'i bu gzhan yang chos thams cad ni byang chub ste/ de bzhin du mngon par rdzogs par sangs rgyas pa yin gyi/ mthun par byos la mi mthun par ma byed cig/ de ci'i phyir zhe na/ byang chub ni zab pa'i phyir te/ gang la byas pa so so'i skye bo thams cad 'gro ba med pa de tsam du zab bo/ / shA ra dwa ti'i bu byis pa dag lta zhog gi/ shA ra dwa ti'i bu dgra bcom pa dang rang sangs rgyas rnams kyang zad pa shes pa las rnam par lta bar byed cing // mi skye ba shes pa la rnam par lta bar byed la/ mi skye ba shes pa mngon du byed kyang de la 'gro ba med do// gang zad par bya ba'i phyir zad pa shes pa zhes bya zhe na/ chos gang yang zad par bya ba'i phyir zad pa shes pa ma yin no/ / gzhan yang chos thams cad kyi zad pa nyid pas/ des na zad pa shes pa bya'o// shes pa de 'phags pa rnams kyi yin pas/ des na zad pa shes pa bya'o/ / 'di nyid zad do zhes shes pa de lta bu med pa dang / de ltar zad do zhes shes pa de lta bu med pa dang / 'di phan chad do zhes shes pa de lta bu med pas/ des na zad pashes pa zhes bya'o/ / des na nyan thos dang rang sangs rgyas rnams kyang byang chub tu 'gro ba med ces bya'o// shA ra dwa ti'i du mi skye ba zhes ci'i phyir bya zhe na/ shA ra dwa ti'i bu de la phra rab tsam yang skye ba med pas/ des na mi skye ba zhes bya'o// shA ra dwa ti'i bu de la shes pa gang yin pa 'di ni mi skye ba shes pa zhes bya'o// nyan thos rnams la 'di nas mi skye ba de'o/ zhes shes pa de med pa dang / nyan thos rnams la 'di phan chad mi skye'o zhes shes pa de med pas/ des na sangs rgyas rnams kyi ye shes mtha' yas pa zhes bya'o// ci'i phyir sangs rgyas kyi ye shes mtha' yas pa zhe na/ ye shes de mnyam pa med cing mtha' med pas/ des na sangs rgyas kyi ye shes de mtha' yas pa zhes bya'o// ye shes de yul med pa yin pas des na sangs rgyas kyi ye shes zhes bya'o/ / shA ra dwa ti'i bu sangs rgyas kyi ye shes zhes bya ba ji skad du bstan pa yin zhe na/ ye shes de sangs rgyas pa yin pas/ des na sangs rgyas kyi ye shes zhes bya'o/ / ye shes de btsal ba yin pas/ des na sangs rgyas kyi ye shes zhes bya'o// shA ra dwa ti'i bu sangs rgyas zhes bya ba ji skad du bstan pa yin zhe na/ shA ra dwa ti'i bu sems can 'di dag ni 'gyur ba yin/ shA ra dwa ti'i bu sems can 'di dag ni gnas 'di nas kun tu rgyug pa yin/ khong du ma chud pa yin te/ shA ra dwa ti'i bu des ni chos thams cad sangs rgyas pas/ des nas sangs rgyas zhes bya'o// ji ltar chos thams cad sangs rgyas zhe na/ ji ltar chos de dag med pa dang / chos ma yin pa med pa dang / de dag kun nas nyon mongs pa med pa dang / rnam par byang ba med pa dang / de dag 'das pa med pa dang / ma 'ongs pa med pa dang / da ltar byung ba med pa de ltar sangs rgyas so// ji ltar gang yang skye ba'am/ 'jug pa'am/ zad pa 'am/ 'ong ba'am/ 'gro ba'am/ kun nas nyon mongs pa'am/ rnam par byang ba'am/ 'gag pa med pa de ltar sangs rgyas so// shA ra dwa titeti'i bu gzhan yang mtha' yas shing dpag tu med la/ gting dpag dka' zhing khong du chud par dka' bas sangs rgyas te/ shA ra dwa ti'i bu 'di lta ste/ dper na rgya mtsho chen po ro gcig pa dang / bri ba dang / gang ba med pa dang / zab pa yin no// shA ra dwa ti'i bu de bzhin gshegs pa'i rgya mtsho yang 'di lta ste/ rnam pare grol ba'i ro dang / skye ba med pa'i ro dang / zad pa med pa'i ror ro gcig cing chos zab mo ston pa'i phyir rim gyis chos ston pa la gzhol ba dang / the tsom thams cad gcod pa'i phyir zhu ba'i chu thams cad len pa dang / chos thams cad mi brjed pa'i phyir bri ba med pa dang / chos gnas pa nyid kyi phyir gang ba med pa'o// sha ra dwa ti'i bu gzhan yang gal te sangs rgyas bstan par gyur na/ 'di la sra zhig yid ches par byed de/ shA ra dwa tI'i bu 'di lta ste/ dper na klu'i rgyal po chen po rgya mtsho ni char 'bebs pa na/ 'di lta ste/ rgya mtsho chen por rang gi gnas kho nar char 'bebs par byed do/ / de ci'i phyir zhe na/ shA ra dwa ti'i bu gang klu'i rgyal po rgya mtsho'i chu'i rgyun bzod par nus pa'i sa'i phyogs de gang yang med pa'i phyir te/ de bzhin gshegs pas byin gyis brlabs pa ni ma gtogs so/ / shA ra dwa ti'i bu de bzhin du gal te de bzhin gshegs pas de bzhin gshegs pa'i chos nyid ston cing / sangs rgyas kyi/ shes kyi mtshan nyid gsung yang / shA ra dwa ti'i bu byang chub sems dpa' theg pa chen po la yang dag par zhugs pa// de bzhin gshegs pas byin gyis brlabs pa ma gtogs par/ gang kun shes par nus pa'i nyan thos sam/ rang sangs rgyas sam/ sems can 'ga' yang sems can gyi ris na ngas yang dag par rjes su ma mthong ngo // shA ra dwa ti'i bu kAnas bzhi po 'di dag ni rtogs par dka' zhing rnyed par dka' la/ shin tu mchog tu rnyed par dka' ba ste/ de dag de ring thob bo// bzhi po dag gang zhe na/ shA re dwa ti'i bu mi nyid shin tu mchog tu rnyed par dka' ba yin/ shA ra dwa ti'i bu de bzhin gshegs pa 'byung ba shin tu mchog tu rnyed par dka' ba yin/ shA ra dwa ti'i bu de bzhin gshegs pa'i bstan pa la dad pa shin tu mchog tu rnyed par dka' ba yin/ shA ra dwa ti'i bu dad pa rnyed nas gnas dang gnas ma yin pa dri ba shin tu mchog tu rnyed par dka' ba yin te/ shA ra dwa ti'i bu gnas bzhi po de dag ni shin tu mchog tu rnyed par dka' zhing rtog par dka' ba ste/ de dag khyed cag gis thob bo// shA ra dwa ti'i bu khyed cag chos gang la the tsom yod pa nga la dris shig dang / shA ra dwa ti'i bu khyod dang lU dang bcas pa'i 'jig rten la skabs dbye'o// shA ra dwa tI'i bu ring po mi thogs pa rang yongs su mya ngan las 'das nas/ shA ra dwa ti'i bu phyis 'gyod par gyur na mi rung gis/ nga la dris shig/ de nas tshe dang ldan pa shA ra dwa ti'i bu stan las langs te/ bla gos phrag pa gcig tu gzar nas/ pus mo ga ba'i lhang sa la btsugs te/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das la bdag phyogs 'ga' zhig zhu lagaso/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// she ti'i bu ma sa lan btab pa de dang de 'i nas khyod kyi sems radra bar byas// de bzhin gshegs pa dam bcom pa yang dag par rdzogs pa'i sangs rgyas la gang dang gang 'dong pa dris na/ de skad ces bka' stsal pa dang / bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das sems can spyod pa dang yon tan khyad par can la rab tu gnas pa rnams kyi don du de bzhin gshegs pa la zhu ba lags so/ / de bzhin gshegs la bdag gis zhu ba ni// gang dag spyod dang yon tan khyad 'phags nas// yo byad bsnyungs pa'i tshul gyis 'phags gyur cing / / des na bzod bsten smon lam ldan gyur pa// mkhas rnams sbyin pa de 'dra ci zhig stsol// sbyin pa stsal nas ji ltar dga' bar 'gyur// ji ltar sems ni yongs su sngo bar bgyid// 'jungs pa ma mchis par yang sbyin pa bgyid// ji ltar tshul khrims sten par bgyid// de dag bzod pa'ang ci 'dra lags// de dag brtson 'grus de lta bu/ / ji lta bu yi nges par 'gyur// sems can sdug bsngal ldan mthong na// ji ltar bsam pa ston par byed// byang chub sems dpa' de dag gi/ bsam pa 'dren pa bshad du gsol// bskal pa bye ba brgya mang du// go cha 'tshal ba de dag gi/ ji ltar sems ni nyon mi mongs// ji ltar de dag dga' ba skyed// de dag ting 'dzin ji lta bu// de dag shes rab ci 'dra lag// mang du thos pa'ang ji lta bu// de dag thos pa'ang ci 'dra zhig/ mnyan par bgyi ba'i chos gang lags// spang bar bgyi ba'i chos gang lags// byang chub spad zhugs gang dag lags/ / de dag gi ni spyod yul zhu// ji ltar dam chos tshol bar bgyid// de dag 'dun pa ci 'dra lags// ji ltar 'dod pa rnam par spong / de dag mngon 'byung ji lta bu// ji ltar mngon par 'byung rnams kyi// dga' ba rgya chen skye bar 'gyur// ji ltar rab tu byung nas su// yon tan rnams kyis / 'phags nas mdzes// ji ltar sems ni nges par gzhol// de dag thabs ni ci 'dra lags// ji ltar tshe rabs dran par 'gyur// de dag dran pa ji lta bu// ji ltar mngal du zhugs rnams kyi/ / byang chub sems ni 'byung bar 'gyur// rdzogs pa'i sangs rgyas der mthong 'gyur// de dag mthong ba spu mi 'gyur// ji ltar 'dod chags chung bar 'gyur/ zhe sdang chung zhing 'jigs mi 'gyur// ji ltar gti mug mi 'gyur zhing // ma rmongs par ni 'gyur ba lags// ji ltar rgyal po'i rigs skyes pa// mkhas rnams rgyal srid bgyid du stsol/ mi khom thams cad spangs nas su// rtag tu gus dang bcas par 'gyur// ji ltar rgyal srid rab bsngags na// bzhin 'dzum khro bar mi bgyid lags// de dag gi ni rnam rgyal des/ sangs rgyas mthong ba'ang rnyed par 'gyur// ji ltar gzugs dang ldan pa lags// rtag tu tshul du shis par 'gyur// 'khor dang ldan pa 'gyur ba lags// byang chub mchog la zhugs pa lags/ / ji ltar skyes pa tsam gyis kyang // khyim la dga' bar mi 'gyur zhing // mngon par 'byung la gzhol bar 'gyur// de dag sred pa ma mchis 'gyur// ji ltar rab tu byung/ nas su// sangs rgyas byang chub 'dzin pa lags// de bzhin gshegs pa mya ngan 'das// ji ltar dam chos 'dzin par 'gyur// ji ltar 'jig rten 'khrugs pa na// 'khrugs par mi bgyid mi 'jigs 'gyur/ / 'jig rten nyan thag 'tshal nas kyang // dbug 'byin grags pa chen por 'gyur// ji ltar thos pa 'dzin par 'gyur// gzungs kyi sgo yang thob par 'gyur/ / spobs pa thegs pa ma mchis shing / srog chags rnams la chos 'dzin stsol// ji ltar sems can gzhan rnams kyis// gzhan gyi sems dag 'tshal ba lags// / ji ltar dge ba ma lags pa'i// sems tshar gcod cing rtag tu dag/ byang chub sems dpa'i don skad du// zhu bar 'tshal na rkang gnyis mchog/ byang chub sems dpa'i spyod pa gang bdag gis zhu ba de bshad gsol/ / sangs rgyas chos kyi rgyu slad du// gang dag gis ni sems bskyed pa// de dag lung bstan thos gyur nas// dga' ba bzang po 'byung bar 'gyur// sangs rgyas ye shes thogs ma mchis// chos rnams kun la 'jug pa lags// phyogs gcig pa ye shes pa yis// 'jig rten 'dren la zhu bar 'tshal// chos rnams gang dag/ ma zhus pa// de la bdag gi shes mi 'jug/ byang chub sems dpa'i spyod pa gang // ston pas de ni bstan du gsol// de skad ces gsol pa dang / bcom ldan/ 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu leg so legs so// shA ra dwa tI'i bu khyod kyis byang chub sems dpa' sems dpa' chen po rnams kyi don dang lhag pa'i bsam pa la yang dag par zhugs pa/ yon tan gyi spyod pa la rab tu gnas pa/ bzod pa dang nges pa la rab tu gnas pa rnams kyi don du/ de bzhin/ gshegs pa dgra bcom pa yang dag par rdzogs pa'i sangs rgyas la 'dri ba ni khyod yang legs so// shA ra dwa ti'i bu yon tan rnams kyi mtha' ni rtogs par mi nus so// shA ra dwa ti'i bu ci 'dra ba'i sems can de dag gi don du de bzhin gshegs pa la khyod 'dri ba ni/ sems can de dag ni de tsam du dka' ba byed pa yin te/ shA ra dwa ti'i bu 'di lta ste/ dper na mi la la zhig gis stong gsum gyi stong chen po'i 'jig rten gyi khams na/ sems can gang su dag ji snyed yod pa de dag yid la byed pa gcig par byas na/ shA ra dwa ti'i bu 'di ji snyam du sems// 'on mi des dka' ba byas pa yin nam/ gsol pa/ bcom ldan 'das dka' ba bgyis pa lags so// bka' stsal pa/ shA ra dwa ti'i bu dka' ba 'dis ni byang chub sems dpa'i dka' ba snga ma la brgya'i char yang nye bar mi 'gro'o/ / stong gi cha dang / 'bum gyi rmar yang nye bar mi 'gro ba nas/ rgyu'i bar du yang mi brjod do// shA ra dwa ti'i bu 'di lta ste dper na stong gsum gyi stong chen po'i 'jig rten gyi khams tsha ba/ 'bar ba/ rab tu 'bar ba/ kun tu rab tu 'bar ba/ kun tu me lcer gyur pa 'di'i me'i phung po de/ mi la la zhig gis kha'i dbugs kyis zhi bar byas la/ kha'i dbugs cig shos kyis khor yug dang / khor yug chen po'i ri dag dang / ri'i rgyal po chen po ri rab dang / ri chen po gzhan dag kyang kun tu gnas par byas shing / rgya mtsho chen po dang / gling rnams dang / gzhal med khang dag dang / kun dga' ra ba nyams dga' ba dag dang / nags tshal nyams dga' ba dag dang / chu bo nyams dga' ba dag dang / rdzing nyams dga' ba dag dang / grong dag gam/ grong rdal dag gam/ ljongs dag gam/ ljongs kyi phyogs kun tu gnas par byas// so sor gnas par byas na/ shA ra dwa ti'i bu 'di ji snyam du sems/ mi des dka' ba byas pa yin nam/ gsol pa/ bcom ldan 'das dka' ba bgyid pa lags so// bka' stsal pa/ shA ra dwa ti'i bu dka' ba 'dis ni byang chub sems dpa'i dka' ba snga ma la brgya'i char yang nye bar mi 'gro'o// stong gi cha dang / 'bum gyi cha dang / grangs dang cha dang / bgrang ba dang / dpe dang / rgyur yang mi bzod do// shA ra dwa ti'i bu 'di ste/ dper na mi la la zhig gis stong gsum gyi stong chen po'i 'jig rten gyi khams 'di bshig cing rnam par gtor la/ rnam par bshig par gyur na/ shA ra dwa ti'i bu 'di ji snyam du sems/ mi de brtson 'grus dang ldan pa yin nam/ gsol pa bcom ldan 'das de lta lags te/ mi de ni brtson 'grus mchog dang ldan pa lags so// bka' stsal pa/ shA ra dwa ti'i bu brtson 'grus 'dis ni/ byang chub sems dpa'i brtson 'grus snga ma la brgya'i char yang nye bar mi 'gro ba nas/ / rgyu'i bar du yang nye bar mi bzod do// shA ra dwa ti'i bu 'di lta ste/ dper na ma la la zhig gis steng gsum gyi stong chen po'i 'jig rten gyi khams 'di gang na chu'i phung po rab tu gnas pa'i chu'i phung po'i gnas kyi bar du/ de thams cad phrag pa la thogs te/ sbrang bu mchu rings kyi rje ngar gyi skasal tshangs pa'i 'jig rten gyi bar du 'dzegs la ltung bar yang ma gyur na/ shA ra dwa ti'i bu 'di ji snyam du sems/ mi des dka' ba byas pa yin nam/ gsol pa/ bcom ldan 'das dka' ba bgyis pa lags so/ / bde bar gshegs pa shin tu dka' ba bgyis pa lags te// mi de ni brtson 'grus dang mthu chen po dang ldan pa lags so// bka' stsal pa/ shAr ti'i bu khyod mos par bya'o/ / shA ra dwa ti'i bu khyod khong du chud par bya ste// stobs dang / brtson 'grus dang / thabs la mkhas pa 'dis ni byang chub sems dpa'i stobs dang / brtson 'grus dang / thabs la mkhas pa snga ma la brgya'i char yang nye bar mi 'gro'o// stong gi cha dang / 'dum gyi cha dang / grangs dang / cha dang / bgrang ba dang / dpe dang / rgyur yang mi bzod do// / bam po bcu gcig pa// de ci'i phyir zhe na// shA ra dwa ti'i bu skyes bu dam pa de dag ni sems kyi bo rtson 'grus dang / lus kyi brtson 'grus dang / lus kyi mthu de lta bu dang ldan pa/ thabs la mkhas pa de lta bu dang ldan pa/ smon lam dag dang ldan pa/ mthu dang ldan pa yin/ shA ra dwa ti'i bu de dag ni shes pa de lta bu la rab tu gnas pa/ theg pa chen po'i dang mi 'jigs pa chen po la rab tu gnas pa// mig chen po la rab tu gnas pa// sangs rgyas kyi ye shes la rab tu gnas pa/ snying rje chen po la rab tu gnas pa yin// de dag ni spyod lam dang spyod pa de lta bu dang ldan pa/ yon tan gyi spyod pa dang nges pa la gnas pa yin/ de dag ni sbyin pa mngon par bsgrub pa dang / tshul khrims mngon par bsgrub pa dang / bzod pa mngon par bsgrub pa dang / brtson 'grus mngon par bsgrub pa dang / ting nge 'dzin mngon par bsgrub pa dang / shes rab mngon par bsgrub pa de lta bu la rab tu gnas pa yin/ thabs mkhas pa mngon par bsgrub pa la rab tu gnas pa/ mtshan mngon par bsgrub pa la mngon du zhugs pa/ sangs/ rgyas kyi rnam par 'phrul pa mngon par bsgrub pa la mngon du zhugs pa/ khyu mchog tu gyur pa mtha' yas pa mngon par bsgrub pa la mngon du zhugs pa/ sangs rgyas kyi cho 'phrul mngon par bsgrub pa la mngon du zhugs pa/ chos kyi sbyin pa mngon par bsgrub pa la mngon du zhugs pa/ sems can gyi bsam pa mngon par bsgrub pa la mkhas pa la mngon du zhugs pa/ sems can rnams kyi spyod pa mngon par bsgrub pa la mkhas pa la mngon du zhugs pa/ sems can rnams kyi sems tshar gcad pa'i phyir mngon du zhugs pa// sems can rnams kyi sems tshar gcad pa'i phyir rab tu gnas pa/ sems can rnams kyi sems kyi mtshams sbyor ba mngon par bsgrub pa la mngon du zhugs pa/ sems can la dmigs pa mngon par bsgrub pa la mngon du zhugs pa/ sems can rnams kyi tshul khrims mngon par bsgrub pa la mngon du zhugs pa/ sems can rnams kyi ting nge 'dzin bsgrub pa la mngon du bzhugs pa/ sems can rnams kyi rnam par grol ba bsgrub pa la mngon du zhugs pa/ sems can rnams kyi rnam par grol ba'i ye shes mthong ba bsgrub pa la mngon du zhugs pa sems can rnams kyi zhi gnas bsgrub pa la mngon du zhugs pa/ / sems can rnams kyi lhag mthong bsgrub pa la mngon du zhugs pa/ sems can rnams kyi lam mngon par bsgrub pa la mngon du zhugs pa// sems can rnams kyi 'bras bu mngon par bsgrub pa la mngon du zhugs pa/ sems can rnams kyi bden pa mngon par bsgrub pa la mngon du zhugs pa yin/ shA ra dwa ti'i bu de 'dra ba'i skyes bu dam pa de dag ni/ / phyogs bcu'i nges pa'i tshig gi brda rab tu shes pa/ tha snyad kyi brda rab tu shes pa/ chos thams cad la yang mngon par zhen pa med pa'i ye shes kyi gnas rje su thob pa/ chos thams cad la yang phan pa'i ye shes bsgrub pa la mngon du zhugs pa/ chos thams cad stong pa'i ye shes bsgrub pa la mngon du zhugs pa yin pa'i phyir ro// ra dwa ti'i bu mdor na skyes bu dam pa de dag ni/ ye shes de lta bu la mngon du zhugs pa/ ye shes de lta bu la lhag par dmigs pa/ ye shes de lta bu la smon lam 'debs pa/ ye shes de lta bu la kun tu sgom pa yin/ skyes bu dam pa de dag ni go cha dang spyod pa'i yon tan de lta bu la rab tu gnas pa yin/ de dag ni lam de dang yang ldan pa yin pa'i phyir te/ shA ra dwa ti'i bu ngas dpe de yang cung zad dang / ngan ngon dang / gsog tshig bstan pa yin no// shA ra dwa ti'i bu gzhan yang skyes bu dam pa de dag ni go cha de byas pa la dpe de lta bur so sor 'os pa yin te/ de bzhin gsheg pas ji ltar rab tu mkhyen pa bzhin no/ / gang de bzhin gshegs pa ci 'dra ba dang ldan pa'i ye shes de lta bu dang ldan pa des/ dpe de so sor shes par bya/ khong du chud par bya'o/ / shA ra dwa ti'i bu gnas de la nyan thos rnams kyis ni dad pas 'gro bar bya ste/ ji lta ba bzhin du khong du mi chud ngo do// shA ra dwa ti'i bu gzhan yang khyod kyis sems can de lta bu dag gi don du de bzhin gshegs pa la dris te/ shA ra dwa ti'i bu khyod la 'jug pa tsam dang / cung zad tsam dang / dpe tsam dang / gsog tsam dang / grangs tsam 'ga' zhig bya'o// de ci'i phyir zhe na/ shA ra dwa tI'i bud ni nyi ma'i las ma yin/ zla ba phyed kyi las ma yin/ zla ba'i las ma yin/ lo'i las ma yin/ lo brgya'i las ma yin/ lo stong gi las ma yin/ lo 'bum gyi las ma yin/ bskal pa'i las ma yin/ bskal pa brgya'i las ma yin/ bskal pa stong gi las ma yin// bskal pa 'bum gyi las ma yin pa'i phyir te/ shA ra dwa ti'i bu 'on kyang de ni bskal pa grangs med dpag tu med pa'i las yin no/ / shA ra dwa ti'i bu re zhig sems dang po bskyed pa'i bsod nams kyi phung po gang yin pa de nyid kyi bsod nams kyi phung po ngan ngodon tsam dang / gsog tsam dang / cung zad tsam gyis yon tan de dag kyang / re zhig bskal pa brgya dang / bskal pa stong dang / bskal pa 'bum gyis kyang bgrod par mi nus na/ byang chub sems dpa' sems dpa' chen po rnams kyi sems bskyed pa'i tshad shes par 'gyur ba lta ci smos te/ de ni gnas med do// shA ra dwa ti'i bu byang chub sems dpa' rnams kyi spyod pa ni ye shes chen po don du gnyer ba nyid kyi phyir tshogs dpag tu med pa'o/ / shA ra dwa ti'i bu byang chub sems dpa' rnams kyi spyod pa ni// sems can grangs med pa yongs su smin/ par 'gyur bas zad mi shes pa'o// shA ra dwa ti'i bu byang chub sems dpa' rnams kyi spyod pa ni// chos zab mo mngon par rdzogs par byang chub pa nyid kyi phyir khong du chud par dka' ba'o// shA ra dwa ti'i bu byang chub sems dpa' rnams kyi spyod pa ni/ chos thams cad la rten pa med pa nyid kyi phyir zab pa'o// shA ra dwa ti'i bu byang chub sems dpa' rnams kyi spyod pa ni/ sangs rgyas kyi ye shes mtha' yas pa nyid kyi phyir mtha' yas mu med pa'o/ / shA ra dwa ti'i bu byang chub sems dpa' rnams kyi spyod pa ni// tshad med pa'i phyir las mthar thug pa med pa'o// shAr dwa ti'i bu sems can de tsam yongs su mya ngan las 'da' bar bya/ sbyin pa de tsam sbyin par bya/ tshul khrims de tsam dang / bzod pa de tsam dang / brtson 'grus de tsam dang bsam gtan de tsam dang / shes rab de tsam bsgom par bya/ dus de tsam gyis 'di phan chad bsgom par bya/ 'di pam chad bsgom par mi bya'o snyam mod kyi/ 'on kyang byang chub sems dpa' rnams kyi spyod pa ni mthar thug pa med pa kho na'o/ / shA ra dwa ti'i bu byang chub sems dpa' rnams kyis ni/ 'di lta ste/ byang chub kyi snying po'i mthar thub pa gcig po kho na mthong ste/ de la chos thams cad shin tu byang ba dri ma med pa zhes bya ba'i ting nge 'dzin thob nas// chos thams cad mngon par rdzogs par byang chub pa'i phyir/ shA ra dwa ti'i bu de la byang chub sems dpa' sems dpa' chen po rnams kyi lhag pa'i bsam pa ni gnas gsum du blta bar bya ste/ lhag pa'i bsam pa dang po de ni dngos po thams cad yongs su gtong ba'i las nyid du shes par bya'o// byang chub sems dpa'i lhag pa'i bsam pa gnyis pa de ni chos yongs su tshol ba dang / chos len pa dang / chos kun tu 'dzin par ni byed la/ bdag tu lhag par zhen pa ni med pa nyid du shes par bya'o// / shA ra dwa ti'i bu lhag pa'i bsam pa gsum pa de ni chos zab mo mi spong ba dang / sangs rgyas bcom ldan 'das rnams kyi byang chub la 'jug pa nyid du mo shing sgying lug pa med pa ste/ shA ra dwa ti'i bu byang chub sems dpa'i lhag pa'i bsam pa ni gnas gsum po de dag tu rig par bya'o/ / shA ra dwa ti'i bu byang chub sems dpa' sems dpa' chen po rnams kyi lhag pa'i bsam pa ni gnas gzhan gsum du blta bar bya ste/ gsum gang zhe na/ byang chub sems dpa'i sde snod kyi chos kyi rnam grangs 'dod pa'i phyir/ chos yongs su tshol ba la rtag tu brtson 'grus brtsams pa nyid dang / bdag nyid kyi dge ba'i rtsa ba srung bar bya pa'i phyir dang / sems can thams cad kyi dge ba'i rtsa ba srung bar bya ba'i phyir dang / chos smra ba'i rjes su 'brang ba nyid dang / de la yang nye bar spyod pa bla na med pa ston pa nyid kyis yang dang lang dunye bar spyod pa ston pa nyid dang / de la yang bsnyen par dka' ba mthong na// bdag gi las la ston pa nyid kyis gang gi phyir bdag gis ma thos pa ni bdag nyid kyi las de yin gyi/ 'di'i le lan ni ma yin pas/ de'i phyir ci nas bdag gis 'di la nye bar spyad pas las kyi sgrib pa thams cad byang bar 'gyur ba dang / yang dag par rgyun chad par 'gyur ba de ltar bya'o snyam pa 'di ni/ byang chub sems dpa' rnams kyi lhag pa'i bsam pa gsum pa'o/ / shA ra dwa ti'i bu de bas na rnam grangs des na/ khyod kyis ci nas chos yongs su tshol ba la mngon par brtson zhing / chos smra ba'i rjes su 'brang bas/ sangs rgyas kyi chos thams cad yongs su rdzogs par 'gyur ba de ltar blta bar bya'o// shA ra dwa ti'i bu sngon byung ba 'das pa'i dus na/ bskal pa yangs pa// tshad med pa/ bsam gyis mi khyab pa/ grangs med par gyur pa de'i tshe de'i dus na// ye she mchog ces bya ba'i bskal pa la rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa// de bzhin gshegs pa kun tu srung ba'i bdag po sprin gyi dbang phyug mar me zhes bya ba 'jig rten du byung ngo / / shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i bdag po sprin gyi dbang phyug mar me de'i tshe'i tshad ni bskul pa phyed tshang bar gyur to/ / shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i bdag po sprin gyi dbang phyug mar me de'i nyan thos 'dus pa ni gang+gA'i klung gi bye ma snyed byung bar gyur te/ nyan thos 'dus pa re re yang gnyis ka'i cha las rnam par grol ba/ shes rab phun sum tshogs pa/ lta ba phun sum tshogs pa/ lus kyis sngon du byed pa dag go/ shA ra dwa ti'i bu de bzhin gshegs pa kun tu srung ba'i bdag po sprin gyi dbang phyug mar me de'i nyan thos 'dus pa de dag ji snyed byung ba de snyed du/ byang chub sems dpa' sems dpa' chen po 'dus pa dag kyang de snyed kho na byung bar gyur te/ phyir mi ldog pa dag kyang gang+gA'i klung gi bye ma snyed byung na/ byang chub sems dpa' sems dpa' chen po theg pa la gsar du zhugs pa dag lta ci smos/ shA ra dwa ti'i bu de bzhin gshegs pa dgra bcom pa yang dag par rdzogags pa'i sangs rgyas kun tu srung ba'i bdag po sprin gyi dbang phyug mar me yongs su mya ngan las 'da' bar mdzad pa na/ 'dzam bu gling bye ba phrag brgya thams cad du chos smra ba bye ba phrag brgya byin gyis brlabs so/ / shA ra dwa ti'i bu de bzhin gshegs pa kun tu srung ba'i bdag po sprin gyi dbang phyug mar me de'i dam pa'i chos ni/ pakhrag khrig 'bum phrag brgyad bcur gnas so// shA ra dwa ti'i bu de'i dus na sems can ngag gi tshe'i tshad ni lo bye ba phrag brgyad cu thub par gyur te/ sems can gang yang bar mdor 'chi ba'i dus mi byed do/ / sems can de dag bya ba thams cad la shin tu mthar thug pa yin no// shA ra dwa ti'i bu de'i tshe de'i dus na// 'dzam bu gling der chos smra ba 'od grags pa zhes bya ba zhig byung ngo // shA ra dwa ti'i bu bcom ldan 'das des byang chub sems dpa' chos smra ba 'od grags pa de dam pa'i chos ji srid du gnas pa de srid du byin gyis brlabs so// shA ra dwa ti'i bu chos smra ba 'od grags pa de ni phyir mi ldog pa'i bzod pa thob par gyur pa'o/ / shA ra dwa ti'i bu de'i tshe de'i dus na/ phyi ma'i tshe phyi ma'i dus dam pa'i chos nub pa'i dus kyi tshe na/ chos smra ba 'od grags pa de grong nas grong du/ grong khyer nas grong khyer du/ ljongs nas ljongs su/ 'khor nas 'khor du/ de bzhin gshegs pa'i byang chub bskal pa grangs med pas yang dag par bsgrubs pa yang dag par rab tu ston to/ / shA ra dwa ti'i bu de'i tshe de'i dus na/ 'dzam bu'i gling der mtha' 'khob kyi grong khyer/ grong khyer brtan ldan zhes bya ba byung ngo // grong khyer der yang khyim bdag brtan pa'i sde zhes bya ba byung ste/ khyim bdag brtan pa'i sde de ni gzhon nu dar la bab par gyur pa ste/ grong khyer gyi bya ba dag byed do// dus gzhan zhig na grong khyer gyi bya ba la mngon par brtson pa de la/ sems skyes pa shes pa gang yang dag par bsgrubs nas/ sems can de dag la dam pa'i chos yang dag par rab tu ston cing / chos de'i don yang dag par rab tu ston la/ de'i don yang dag par bstan na sems can de dag bya ba thams cad la shin tu mthar thug par 'gyur ba'i shes pa de ci 'dra ba zhig gu snyam mo// khyim bdag bstan pa'i sde de gcig pu dben par song nas de snyam du sems pa na/ lha zhig 'ongs nas 'di skad ces smras so// khyim bdag de bzhin gshegs pa kun tu srung ba'i bdag po sprin gyi dbang phyug mar me zhes bya ba yod do/ / de nas khyim bdag brtan pa'i sde rangs pa skyes so// de nas lha des yang smras pa/ khyim bdag de ni yongs su mya ngan las 'das so/ / de nas khyim bdag brtan pa'i sde ngus so// de nas lha des/ khyim bdag brtan pa'i sde de la 'di skad ces smras so// khyim bdag khyod ci'i phyir rangs pa skyes nas phyis dus/ de skad ces smras pa dang / khyim bdag brtan pa'i sdes/ lha de la smras pa/ lha khyod kyis de bzhin gshegs pa yod do zhes de skad ces smras pa de la bdag rungs pa skyes so/ / gang de bzhin gshegs pa med do zhes de skad ces smras pa de la bdag dus ste/ lha 'di ltar de bzhin gshegs pa bdag gis ma mthong bas/ bdag 'tsho ba ni don med do// de nas lha des/ khyim bdag brtan pa'i sde de la 'di skad ces smras so// khyim bdag de bzhin gshegs pa dgra bcom pa yang dag par rdzogs pa'i sangs rgyas kun tu srung ba'i bdag po sprin gyi dbang phyug mar me yongs su mya ngan las 'da' ba na/ dge slong chos smra ba chos ston pa 'od grags pa zhes bya ba byin gyis brlabs pa yod de/ khyim bdag chos smra ba de ni/ bcom ldan 'das des ji snyed kyi chos bstan pa mdzad pa de thams cad kun 'dzin par byed kyi/ chud gson par mi byed do// khyim bdag dge slong de ni bcom ldan 'das de'i chos kyi mdzod 'dzin pa'o// de nas khyim bdag brtan pa'i sdes/ lha de la 'di skad ces smras so// lha chos smra ba de da ltar gang na gnas/ lhas smras pa/ khyim bdag chos smra ba 'od grags pa de ni/ da ltar ser skya'i grong khyer gyi rgyal po'i pho brang na gnas te/ rgyal po'i pho brang de ni 'di nas shar phyogs su dpag tshad drug stong sum brgya 'das pa na yod do// de nas khyim bdag brtan pa'i sde de'i mtshan mo 'das nas 'gron bu bye ba phrag brgya cu thogs shing / gser srang bye ba phrag brgyad cu thogs nas/ g.yog 'khor mang po dang / ser skya'i rgyal po'i pho brang ga la ba der song ste phyin nas/ chos smra ba 'od grags pa ga la ba der song ste/ rkang pa la mgo bos phyag 'tshal nas phyogs gcig tu 'dug go// khyim bdag brtan pa'i sde phyogs gcig tu 'dug pa la yang / chos smra ba 'od grags pas 'di/ lta ste/ sems can thams cad kyi the tsom gcod par byed pa'i chos kyi rnam grangs/ sems can thams cad yang dag par tshim par byed pa'i chos kyi rnam grangs/ byang chub sems dpa'i dge ba'i rtsa ba yang dag par skul ba'i gtam bzang po byas so/ / de nas khyim bdag brtan pa'i sde chos smra ba 'od grags pa de la sems dad nas/ legs par gsungs so zhes smras te/ 'gron bu de dag dang / gser srang de dag phul lo// rim gro dang bsnyen bkur bya ba'i phyir bdag nyid kyang phul lo// shA ra dwa ti'i bu khyim bdag brtan pa'i sde de/ chos smra ba 'od grags pa la rim gro dang bsnyen bkur bya bar mngon par brtson zhing / chos yongs su tshol ba la mngon par brtson par gyur te/ 'di lta ste/ chos kyi rnam grangs de nyid gzung ba dang / yi ger bri ba dang bklag pa'i phyir lo bye ba phrag drug cur phyi bzhin du rjes su 'brang ngo / / lo bye ba phrag drug cu po der yang mnyan pa 'am/ yi ger 'dri ba 'am/ lung nod par chos kyi rnam grangs de ma thob bo// de lo bye ba phrag drug cur chos smra ba 'od grags pa la rim gro byed pa na/ nam du yang rmugs pa dang gnyid kyis ma non to// de lo bye ba phrag drug cur chos smra ba de la rim gro byed pa na/ nam du yang chos dang ma bral lo// de lo bye ba phrag drug cur chos smra ba de la rim gro byed pa na/ nam du yang 'dod pa'i rnam par rtog pa la rnam par rtog par ma gyur/ gnod sems kyi rnam par rtog pa la ma yin/ rnam par 'tshe ba'i rnam par rtog pa la ma yin no// shA ra dwa ti'i bu chos smra ba de gnas gang na gnas pa'i gnas de'i sgor khyim bdag brtan pa'i sde mi nyal bar gyur te/ 'di lta ste/ kun srung ba'i phyir langs pa nyid kyis 'dug gi/ nyal bas ni ma yin no// shA ra dwa ti'i bu de'i dus na bdud rtag tu glags tshol ba la rjes su lta ba zhes bya ba zhig byung ngo // de nas bdud rtag tu glags tshol ba la rjes su lta bas/ khyim bdag brtan pa'i sde la glags btsal bar bltas so// de nas bdud rtag tu glags tshol ba la rjes su lta bas/ dge slong 'od grags pa ci 'dra ba de 'dra ba kho na'i dge slong bud med dang lhan cig tu 'phrad par byed pa zhig mngon par sprul to/ / de nas bdud rtag tu glags tshol ba la rjes su lta bas sprul pa de lta bu mngon par sprul nas/ khyim bdag brtan pa'i sde la 'di skad ces smras so// khyim bdag khyod kyi ston pa nang gi mkhas pa/ grags pa/ shes rab dang ldan pa/ thos pa dang ldan pa/ thos pa rgya mtsho gang yin pa de'i log par rtog pa dang / de'i spyod yul ma yin pa la ltos/ ji ltar na gzhan la yo byad baspungs pa'i gtam yang byed la/ bdag nyid kyis tshul khrims 'chal pa nyid kyang yongs su 'dzin/ khyim bdag bdag nyid kyis tshangs par spyod pa'o zhes kyang khas 'chel/ mi tshangs par spyod pa yang yang dag par blangs nas gnas pa la ltos/ khyim bdag ji ltar na zab mo spyod pa yang yin zhing / yo byad bsnyungs pa la rab tu gnas pa yang yin la/ bya ba de lta bu dang tshul de lta bu byed pa yin te/ de ni gnas med do// de ni mi rigs so/ / khyim bdag bsten cing bsnyen bkur byas pa des chog gis/ khyod kyis dge slong de lta bu de thong zhig/ khyim bdag khyod ni tshul khrims dang ldan pa dang / chog shes pa dang / rab tu dben pa dang / dran pa dang ldan pa dang / shes rab dang ldan pa yin la/ 'di lta bu de ni tshul khrims 'chal pa yin na/ ji ltar na khyod de la bsnyen bkur byed/ de nas khyim bdag brtan pa'i sde 'di snyam du sems te/ ji ltar kun tu srung ba'i bdag po sprin gyi dbang phyug mar me dris/ chos smra ba chos kyi mdzod 'dzin pa 'od grags pa zhes bya ba byin gyis brlabs te/ chos kyi gter yang 'dzin pa'i gtam de lta bu lha des bdag la byas te/ der song la bsnyen bkur byos shig ces de skad ces kyang smras shing / bdag gis kyang de la spobs pa thos na/ chos smra ba 'ong grags pa ga la ba der song ste phyin nas/ bdag la chos smra ba 'od grags pas byang chub sems dpa'i sde snod the tsom thams cad gcod par byed pa/ sems can thams cad yang dag par tshim par byed pa yang dag par rab tu bstan cing / bdag gis kyang chos 'dod pas chos kyi phyir dbul ba phul te/ bdag nyid kyang rim gro dang bsnyen bkur bya ba'i phyir phul bas/ de ni bdag gis// / legs par byas pa yin na/ gang mi 'dis chos smra ba 'od grags pa'i spyod yul ma yin pa'i tshig smras pa de ni bdud kyi las yin no// de ci'i phyir zhe na/ de ni gnas med/ skabs med pa'i phyir te/ gang de bzhin gshegs pas byin gyis brlabs pa'i sems can rnams kyi spyod yul de dag yin no zhes bya ba de ni gnas med de/ gdon mi za bar 'di ni bdud dam/ bdud kyi rigs kyi lha 'am/ bdud kyis byin gyis brlabs pa'i mi zhig yin no// de ci'i phyir zhe na/ ji ltar bdag gis chos smra ba 'od grags pa las chos bstan pa bzung ba'i chos bstan pa de la ni mtshan nyid de dag med pa'i phyir te/ bdag gis ni bud med de la rnam par blta bar bya/ bud med kyi chos la rnam par blta bar bya// skyes pa la yang rnam par blta bar bya// skyes pa'i chos la yang rnam par blta bar bya ste/ gal te chos smra ba 'od grags pa de/ de bzhin gshegs pas byin gyis brlabs pa yin la/ bdag sprul pa yang dag pa ma yin pa de nyid kyi dbang gis song na ni/ de bzhin gshegs pa la bdag gis skur pa btab par 'gyur zhing / de bzhin gshegs pa'i chos nyid la yang skur pa btab par 'gyur na/ bdag gis ni bsam pa bzang po'i smon lam gyi dbang dang / de bzhin gshegs pa de'i bden pa'i byin gyi rlabs kyis bden pa'i byin gyi brlabs bya'o snyam mo/ / de nas khyim bdag brtan pa'i sde de'i tshe bden pa dang bden pa'i tshig gang gis/ chos smra ba de bcom ldan 'das des chos bstan pa'i phyir byin gyis brlabs pa yin na/ bdag la chos yongs su btsal ba'i phyir lhag pa'i bsam pa yod pa'i bden pa dang bden pa'i tshig des/ bud med de dang skyes pa de mi snang bar gyur cig ces bden pa'i byin gyi brlabs byas te/ shA ra dwa ti'i bu khyim bdag de'i bden pa'i byin gyi rlabs kyis/ bud med de dang skyes pa de yang mi snang bar gyur to/ / bdud kyis ris de dag mi snang bar gyur nas/ de nas khyim bdag brtan pa'i sde bsam pa 'di la zhugs te/ gang chos smra ba 'od grags pas bdag la sems can thams cad kyi bsam pa yang dag par tshim par byed pa'i chos kyi rnam grangs nyan du ma ster ba de yang bdag gi bdud kyi las yin/ de ni bdud kyi byin gyi rlabs yin te/ 'di ltar bdag chos yongs su tshol ba la mngon par brtson zhing / rtag par rgyun du de'i rjes su 'brang na/ des kyang bdag la byang chub sems dpa'i sde snod kyi chos kyi rnam grangs nyan du ma bcug ste/ kye ma bdag gis 'di ltar bdag la bdud kyi ris su mi 'gyur ba de ltar bya'o snyam ste/ shA ra dwa ti'i bu khyim bdag brtan pa'i sde chos smra ba 'od grags pa'i rjes su 'brang ba kho nar byed kyi/ phyir ma log go// shA ra dwa ti'i bu khyim bdag brtan pa'i sde'i lhag pa'i bsam pa phun sum tshogs pa la ltos/ lo bye ba phrag drug cur des chos smra ba de'i rjes su 'brang zhing / dga' ba dang dad pas kyang yid yongs su mi skyo bar lo bye ba phrag drug cur rjes su 'brang du zin kyang / chos kyi rnam grangs de lan cig ma rtogs par nam yang ma thos so// bdud rtag tu glags tshol ba la rjes su lta bas kun tu/ rmongs pa'i gnas de lta bu kun tu bstan pa na yang / de'i sems gzhan du ma gyur te chos smra ba de la dadra ba thob pa nyid du yang gyur to// khyim bdag brtan pa'i sde de lo bye ba phrag drug cu po de 'das nas/ 'jig rten gyi khams dkon mchog 'byung gnas su sangs rgyas kyi zhing stong gi rjes su mthun par skyes te/ 'jig rten gyi khams der yang de bzhin gshegs pa dpung mgo chen po zhes bya ba byung ngo / / shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas dpung mgo chen po de'i 'dus pa gcig ste/ dgra bcom pa bye ba phrag drug cu byung ngo // de'i dus na byang chub sems dpa' sems dpa' chen po brtan pa'i sde ni rgyal po'i khyim du skyes te/ de skyes nas de ma thag tu lhas tshig tu smras pa/ gzhon nu khyod kyi 'bras bu de ni chos yongs su btsal ba'i yin no/ / de nas khye'u des lha de las tshig de thos nas sems 'di lta bu skyes te/ de'i phyir bdag gis ni bdag nyid kho nas chos rnams btsal bar bya ba de ltar bya'o snyam nus de skyes nas lo bdun lon pa tsam pa dang / rab tu 'byung ba'i phyir mngon par byung ngo // bcom ldan 'das des kyang de la chos bstan to// de sngon gyi smon lam dang / de bzhin gshegs pa'i byin gyi rlabs kyis dran pa yang rnyed do/ / de bzhin gshegs pa dpung mgo chen po des chos kyi rnam grangs ji snyed yang dag par rab tu bstan pa de dag thams cad kyang kun bzung ngo / / des bcom ldan 'das de bzhin gshegs pa dpung mgo chen po de'i bstan pa la yang tshangs par spyod pa spyad do// sems can grangs med dpag tu med pa dag kyang / bla na med pa yang dag par rdzogs pa'i byang chub tu yongs su smin pa byas so// de de nas shi 'phos nas kyang / de ma thag tu de bzhin gshegs pa gnyis pa ri rab kyi phung po zhes bya ba mnyes par byas so/ / de de bzhin gshegs pa de'i bstan pa la yang skyes nas lo bdun tsam pa dang rab tu byung ngo // de de ltar rab tu byung nas dran pa rnyed pa dang / sngon gyi smon lam dang de bzhin gshegs pa'i byin gyi rlabs kyis/ bcom ldan 'das des mdo sde ji snyed yang dag par rab tu bstan pa de dag thams cad dran pas kun bzung ngo // shA ra dwa ti'i bu rnam grangs des byang chub sems dpa' sems dpa' chen po brtan pa'i sdes sangs rgyas bye ba khrag khrig 'bum phrag drug cu rtsa brgyad mnyes par byas so/ / sangs rgyas bye ba khrag khrig 'bum phrag drug cu rtsa brgyad po de dag thams cad las kyang chos bstan pa kun bzung ngo / / shA ra dwa ti'i bu de nas kyang byang chub sems dpa' sems dpa' chen po brtan pa'i sde ye shes rgya mtsho lta bu dang ldan / par gyur to// mi g.yos pa nyid kyi phyir ye shes mi 'khrugs pa nam mkha' dang mnyam pa lta bu dang ldan par gyur to// gting dpag dka' ba nyid kyi phyir ye shes zab pa lta bu dang ldan par gyur to/ / shA ra dwa ti'i bu de'i tshe de'i dus na khyim bdag brtan pa'i sde zhes bya ba byung ba de gzhan zhig yin pa snyam du sems na/ khyod kyis de ltar blta bar mi bya ste/ gang gis lo bye ba phrag drug cu chos smra ba de la rjes su 'brangs kyang / sems gzhan du gyur par ma byas pa'i khyim bdag tshong dpon de ni mar ma mdzad yin no// shA ra dwa ti'i bu khyod kyis byang chub sems dpa' sems dpa' chen bo rnams kyis chos yongs su btsal ba/ lhag pa'i bsam pa ji tsam du don che ba la ltos/ shA ra dwa ti'i bu de lta bas na byang chub sems dpa' sems dpa' chen po lhag pa'i bsam pa dang ldan pa ni// myur du bla na med pa yang dag par rdzogs pa'i byang chub mngon par rdzogs par 'tshang rgya'o// shA ra dwa ti'i bu chos smra ba de ni/ da dung du sangs rgyas bcom ldan 'das rnams kyi dam pa'i chos yongs su tshol bar byed do/ / shA rA dwa ti'i bu chos smra ba 'od grags pa de ni 'khor 'di nyid na gnas shing 'jug go// byang chub sems dpa'i spyod pa dang / lhag pa'i bsam pa dang / dmapa chos mongs su tshol pa la mngon par 'artson papa'i bus rmu 'o// denas com ldan 'das kyis/ yang cidang dzin pa shar ti'i dul ba 'phrul shA ra dwa ti'i bu byang chub sems dpa' rnams kyi bya ba gsum gyis bya ba dang mi bya ba thams cad yang dag par rjes su mthong ste/ gsum gang zhe na/ shA ra dwa ti'i bu 'di lta ste/ bya ba ma yin pa nyid kyi phyir dam pa'i chos yongs su btsal bar bya ba 'di ni bya ba dang po'o// shA ra dwa ti'i bu gzhan yang byang chub sems dpa' ni sangs rgyas kyi chos rnams tshang byas pa ma yin par yongs su tshol ba yin te/ sangs rgyas kyi chos zab mo dag thos na yang mi skrag cing gting dpogs par byed la/ lhag par mos shing spong bar mi byed de/ shA ra dwa ti'i bu de ji lta ji ltar chos zab mo dag thos pa de lta de ltar rgyas par lhag pa'i bsam pa phun sum tshogs pa las mi ldog pa 'di ni bya ba gnyis pa ste/ byang chub sems dpa' rnams kyi lhag pa'i bsam pa phun sum tshogs pa yin par blta bar bya'o/ / shA ra dwa ti'i bu gzhan yang gal te byang chub sems dpa' sems dpa' chen po'i thad du mi la la zhig 'ongs nas/ byang chub sems dpa' gang bla na med pa yang dag par rdzogs pa'i byang chub tu sems bskyed pa des ni/ bdog pa thams cad yongs su gtang bar bya dgos te/ gang byang chub sems dpas mi sbyin par bya ba'i dngos po de ni med pa ma yin no zhes/ de skad ces smras la/ gal te byang chub sems dpas de skad ces thos nas zhum par mi byed/ sgyid lug par mi byed la/ mi ldog pa 'di ni bya ba gsum pa ste/ 'di yang byang chub sems dpa'i lhag pa'i bsam pa phun sum tshogs pa yin par blta bar bya'o/ / shA ra dwa ti'i bu gzhan yang gal te byang chub sems dpa'i thad du mi la la zhig 'ongs nas/ gang gis bla na med pa yang dag par rdzogs pa'i byang chub tu sems bskyed pa des ni/ sems can thams cad la bde ba'i yo byad thams cad nye bar bsgrub par bya ste/ de lta bas na bdag ni 'di ltar sdug bsngal zhing / bdag ni mchog tu sdug bsngal ba yin pas/ bdag kho na la khyod kyis bde ba'i yo byad nye bar sgrubs shig/ phyis ni sems can gzhan dag la bde ba'i yo byad nye bar sgrubs shig/ ces de skad ces smras la/ gal te byang chub sems dpas de skad ces thos nas/ zhum par mi byed cing / bde ba de nye bar bsgrubs par nus pa yin la/ de yang nye bar mi sgrub par bdag ni sems can 'di la bde ba'i yo byad nye bar bsgrub par nus pa yang ma yin na/ sems can thams cad la lta ci smos zhes zhum pa'i sems skyed par byed cing / kun tu zhum pa'i sems skyed par byed na/ gal te de ltar na kun tu zhum par byed pa de ni lhag pa'i bsam pa ma yin par blta bar bya'o// shA ra dwa ti'i bu gal te sems can de la bde ba'i yo byad nye bar sgrub pa na/ de yang byang chub sems dpa' de la gshe bar byed cing brgyad bkag byed la/ tshig rtsub po tshogs par dbyung bar thogs pa ma yin pa/ sdig pa can gyis kun tu spyod par byed na/ byang chub sems dpas ni de la khro ba bskyed par mi bya/ gnod sems bskyed par mi bya/ de la byams pa'i sems nyid dang snying rje nyid bskyed par bya/ de la bde ba nyid nye bar bsgrub par bya zhing / sdug bsngal ni ma yin te/ shA ra dwa ti'i bu de ltar na byang chub sems dpa'i ldog pa'i bsam pa ni/ bla na med pa yang dag par rdzogs pa'i byang chub tu rig par bya'o// byang chub sems dpa' des ni dul ba dang zhi ba'i sems bskyed pa dang / bde ba'i yo byad kyi sems bskyed pa de dag gis 'khor ba dpag tu med pa dum bur chad par yang dag par rjes su mthong ngo // sems can dpag tu med pa la bde ba'i yo byad nye bar bsgrubs par yang yang dag par rjes su mthong ngo / / bdag nyid kyis sangs rgyas kyi chos yongs su smin par yang yang dag par rjes su mthong ngo // sems bskyed pa re re la yang sangs rgyas kyi chos dpag tu med pa bsgrub pa nyid du yang dag par rjes su mthong ste/ de ltar na byang chub sems dpa' ni lhag pa'i bsam pa dang ldan zhing thabs la mkhas par rig par bya'o/ / gang sems ma smras shing sems ma nyams pas/ sems can de la bde ba'i yo byad nye bar bsgrubs la/ sems can de yang gshe bar byed cing brgyad bkag byed la/ tshig tshogs par dbyung bar 'os pa ma yin pa/ sdig pa can gyi kun tu spyod par byed na/ byang chub sems dpa' ni de la bzod par byed cing / de la yang byang chub sems dpa' sems dpa' chen po ni 'di snyam du sems te/ sems can 'di na bdag la sangs rgyas kyi chos rnams rab tu ston par byed de/ bdag gis de la gnod sems gang ci yang rung ba bskyed par gyur na/ de tsam du bdag byang chub las nyams par 'gyur ro snyam pa 'di ni/ byang chub sems dpa'i lhag pa'i bsam pa bla na med pa yang dag par rdzogs pa'i byang chub kyi thabs la mkhas pa yin par blta bar bya'o/ / shA ra dwa ti'i bu gzhan yang byang chub sems dpa'i thad du mi la la zhig 'ongs nas/ bla na med pa yang dag par rdzogs pa'i byang chub ni rnyed par dka' ste/ khyod kyis bla na med pa yang dag par rdzogs pa'i byang chub mngon par rdzogs par sangs rgyas par mi nus shing / khyod kyis sangs rgyas kyi chos rnams yang dag par bsgrub par mi nus so zhes de skad ces smas la/ gal te thos nas yid gtong bar byed na/ lhag pa'i bsam pa ma yin par blta bar bya'o// gal te de la sangs rgyas kyi chos rnyed par dka' ba nyid la rnyed sla ba nyid skyes na/ de lta na lhag pa'i bsam pa yin par blta bar bya'o/ / shA ra dwa ti'i bu gzhan yang gal te byang chub sems dpa'i thad du mi la la zhig 'ongs nas/ rigs kyi bu gang bla na med pa yang dag par rdzogs pa'i byang chub tu sems bskyed pa de ni/ rang gi lus dang rang gi srog la yang dbang med pa yin na/ longs spyod rnams la dbang yod par 'gyur ba lta ci smos te/ kye rigs kyi bu khyod lus dang @srog la yang dbang med par gyur na mi rung gis/ sems de thong zhig ces de skad ces smras la/ de la yang gal te byang chub sems dpa' sems dpa' chen po 'di snya du sems te/ sems can thams cad ni lus dang srog la dbang med de/ lus dang srog la dbang med par gyur pas/ kun tu bsrung ba'i phyir mngon par brtson no// kun tu bsrung ba'i phyir mngon par brtson pa de dag nyid kyi lus 'jig par 'gyur ba nyid yin zhing / lus 'gag par 'gyur ba nyid yin la/ srog kyang 'gag par 'gyur ba nyid yin na/ bdag gis lta ci smos snyam na lhag pa'i bsam pa dang ldan pa ma yin par rig par bya zhing / thabs la mkhas pa ma yin par rig par bya'o// shA ra dwa ti'i bu gal te de 'di snyam du sems te/ sems can thams cad ni lus dang srog la kun tu bsrung ba'i phyir mngon par brtson pa dag ste/ de dag ni lus dang srog la dbang med pa yin no// dbang med par gyur pa de dag gi lus rab tu 'jig par 'gyur ba nyid yin zhing // lus 'gag par 'gyur ba nyid yin la/ skye ba dang / rga ba dang / na ba dang / 'chi ba la sogs pa'i gnod pa dag gis mngon par gsod pa nyid yin te/ de dag ni lus kun tu bsrung ba'i phyir mngon par brtson pa dag yin pas/ las rnam pa sna tshogs dag mngon par 'du byed de/ de dag gi lus kun tu bsrung ba nyid yin zhing / srog kun tu bsrungs pa nyid yin yang lus gzhan nyid du 'gro bar 'gyur zhing / srog gzhan nyid du 'gro bar 'gyur ro snyam nas/ gal te bdag lus dang srog la lta ba dang bcas par gyur cing / kun tu bsrung bar gyur na/ de lta na bdag ni lus dang srog la lta ba dang bcas pa yin pas/ sdig pa can gyi las rnams byas nas/ 'gro ba lnga dang ldan pa'i 'khor bar sdug bsngal nyams su myong bar 'gyur bas/ kye ma bdag gis ni lus dang srog la blta ba med par bya/ mi bsrung bar bya/ bdag gis ni lus srog kyang dor ba nyid du bya/ bdag gis ni sangs rgyas kyi ye shes la yang blta ba dang bcas par bya zhing / lus dang srog la ni ma yin par bya/ sems can thams cad kyang thar pa la mngon par brtson par blta ba dang bcas par bya/ lus dang srog la yang sred pa dang bral bar bya/ bdag gis ni sangs rgyas bcom ldan// 'das thams cad la sred pa dang ldan par bya/ bdag gis ni skye ba med pa la mos par bya/ bdag gis ni chos bstan pa'i phyir skyo ba med par bya/ bdag gis ni ma bcings ma grol ba'i chos bstan par bya'o snyam mo/ / de la yang byang chub sems dpa' 'di ltar so sor rtog par byed de/ bdag gis sems can de la/ kye mi gang lus drang srog la dbang med pa nyid 'di ni rtsol ba mchog yin/ 'di ni go cha mchog yin no zhes de skad ces brjod par bya'o// de ci'i phyir zhe na/ kye mi chos thams cad ni rang bzhin med pa'i phyir te/ kye mi chos thams/ cad ni rten pa med pa'o zhes/ gal te de skad ces smra na/ byang chub sems dpa' lhag pa'i bsam pa dang ldan pa yin par rig par bya'o// shA ra dwa ti'i bu gzhan gal te byang chub sems dpa'i thad du mi la la zhig 'ongs nas/ gang bla na med pa yang dag par rdzogs pa'i byang chub tu sems bskyed pa des ni/ sems can thams cad kyi slob mar gyur par bya dgos te/ khyod kyis kyang 'di phyin chad nga'i slob mar gyur par bya dgos so zhes de skad ces smra na/ de la byang chub sems dpas kyi mi bdag ni khyod gcig pu kho na'i slob mar gyur pa ma yin gyi/ bdag ni sems can thams cad kyi slob mar gyur pa'o// de ci'i phyir zhe na/ 'di ltar bdag gis sems can gyi khur nye bar blangs pa'i phyir / khur de yang nad med pa'i khur dang / mi ngal ba'i khur dang / bde ba'i khur dang / gtso bo 'byung bar gyur pa'i khur dang / de bzhin gshegs pa'i bstan pa'i khur dang / dam pa'i chos nyan pa'i khur dang / chos thos pa bsgrub pa'i khur dang / thar par gyur pa'i khur dang / kye mi khur de ni de lta bu yin pas/ kye mi khur de ni lus dub par byed pa ma yin zhing / sems dub par byed pa ma yin la/ chos bdag las ma 'ongs pa/ gzhan las ma 'ongs pa/ bdag sdug bsngal bar mi byed pa/ gzhan sdug bsngal bar mi byed pa yin na/ kye mi khyod kyis khyod nga 'ba' zhig gi slob mar gyur par byos shig ces/ de skad smra sa na/ kye mi khyod la ci dgos zhes/ de skad ces brjod par bya'o// gal te lus dang srog dgos so zhes de skad ces smras na/ des de la kye mi bdag gis ni lus yongs su gtang zhing srog yongs su gtang gi/ bdag gis khyod yongs su gtang ba ma yin gyis/ kye mi khyod bdag po med cing dbang phyug med pa'i chos rnams la dbang phyug tu 'du shes ma skyed cig/ dbang phyug tu 'du shes bskyed de/ sdig pa can gyi las rnams byas na/ khyod ni sdig pa can gyi las dag gis sdig pa can gyi 'gro bar 'gro bar 'gyur te/ kye mi khyod sdig pa can gyi 'gro bar 'gyur bas/ khyod sdig pa can gyi las dag la sbyor bar ni mi spro'o// ji ste de lta mi sems na ni ci 'dod pa bzhin du byos shig ces de skad ces brjod par bya'o/ / shA ra dwa ti'i bu gal te byang chub sems dpa' lus dang srog la de ltar mi blta bar gnas na/ shA ra dwa ti'i bu lhag pa'i bsam pa de yang bla na med pa yang dag par rdzogs pa'i byang chub tu blta bar bya ste/ bla na med pa yang dag par rdzogs pa'i byang chub dang nye bar gyur pa yin/ de'i bla na med pa yang dag par rdzogs pa'i byang chub rnam par ma nyams pa nyid/ yin/ 'khor ba yang thag ring por byed pa yin/ thams cad mkhyen pa'i ye shes dang yang nye bar gyur pa yin/ de sems can yongs su smin par byed pa yang yin/ sangs rgyas kyi zhing yang yongs su sbyong ba yin/ bdag nyid kyi dge ba'i rtsa ba yang yongs su byang ba yin no// shA ra dwa ti'i bu 'di lta ste/ dper na nor bu mkhan des ji lta ltar nor bu rin po che rin thang med pa shin tu sbyangs pa yongs su byang bar byed pa de lta de ltar/ nor bu rin po che de ches 'od gsal ba yin zhing / ches yongs su dag pa yin la/ de lta de ltar bdag la rgyal pos mngon par gtong ba sbyin par 'gyur ro snyam na/ nor bu mkhan des bdag nyid kyi longs spyod kun phun sum tshogs pa mthong ste/ des rgyal po 'am/ de las gzhan pa mkhas pa dag las bsti stang du bya ba dag thob cing / nor bu rin po che de'i yon tan de dag kun tu ston par byed la/ nor bu rin po che de la yang rgyal po dang / gzhon nu dang / blon po chen po dang / mkhas pa de dag nor bu rin po che'i yon tan dag la dga' ba skyed par byed cing / nor bu rin po che de mthong na yang dga' ba skyed par byed pa de bzhin du/ shA ra dwa ti'i bu byang chub sems dpa' sems dpa' chen po gang gi tshe de ltar mnyam pa nyid kyi so sor rtog pas lan mang du gnas par byed pa de lta de ltar/ rang gi dge ba'i rtsa ba sangs rgyas kyi ye shes yongs su byang bar byed pa yin/ mngon par gtong bar yang nus pa yin/ sangs rgyas bcom ldan 'das rnams dang yang 'phrad par 'gyur ba yin/ de la sangs rgyas bcom ldan 'das rnams kyang ston par mdzad pa yin/ sems can thams cad kyis kyang bgrod par bya ba yin no/ / shA ra dwa ti'i bu 'di lta ste/ dper na mi zhig gis sman gyi shing ljon pa bskyed la/ mi de ji lta ji ltar dus dus su 'obs kyang rko bar byed cing / chu yang ldugs par byed la/ ri dgas dang / bya dang / rlung gi skyon bsal ba'i phyir yang kun tu srung bar byed pa de lta de ltar/ sman gyi shing ljon pa de rnam par 'phel bar 'gyur la/ rnam par 'phel nas kyang sems can grangs med dpag tu med pa'i nad sel bar byed cang // nad kun tu gcod par byed la// sems can nad med pa rnams kyis bgrang bar bya ba yang yin pa de bzhin du/ shA ra dwa ti'i bu byang chub sems dpa' ji lta ji ltar bla na med pa yang dag par rdzogs pa'i byang chub tu sems skyed par byed pa dang / dge ba'i rtsa ba yang sked par byed pa dang / chos shes pa de yang yongs su tshol bar byed pa dang / chos yongs su tshol ba la mngon par brtson pa yin pa dang / de bzhin du bdud kyi las dang nyon mongs pa yongs su skyob par byed pa de lta de ltar/ byang chub sems dpa' ni sangs rgyas kyi chos rnam par 'phel bar byed pa yin te/ de rnam par 'phel bar byas nas kyang / sems can grangs med dpag tu med pa'i nad nges par 'joms par byed pa yin/ ye shes kyi sman sbyor bar byed pa yin/ de bla na med pa yang dag par rdzogs pa'i byang chub mngon par rdzogs par sangs rgyas nas kyang // lha dang / mi dang / lha ma yin gyi 'jig rten du bcas pa'i sems can nyon mongs pa dang bcas pa dang / nyon mongs pa med pa rnams kyis bgrod par bya ba yang yin no// shA ra dwa ti'i bu gzhan yang byang chub sems dpa' sems dpa' chen po'i thad du mi la la zhig 'ongs nas/ gang bla na med pa yang dag par rdzogs pa'i byang chub tu sems bskyed pa de ni sems can dmyal ba chen por skye bar 'gyur te/ de ci'i phyir zhe na/ rigs kyi bu byang chub sems dpa' ni ji tsam du sems can dag thar par byed pa de tsam kho nar grangs med par sems can dmyal ba rnams su skye bar 'gyur te/ sems can de dag thams cad kyi sdug bsngal gang yin pa de gcig pus nyams su myong bar bya dgos shing / de bzhin du bdag gi sdug bsngal yang gcig bu 'ba' zhig gis nyams su myong bar bya dgos la/ thams cad mkhyen pa'i ye shes la sems bskyed pa byas pa'i sdug bsngal de yang khyod gcig pu 'ba' zhig gis nyams su myong bar bya dgos te// sems can thams cad ni thar bar 'gyur na/ khyod ni sdug bsngal nyams su myong bar 'gyur ro// gal te khyod kyis de ltar btang na/ de lta na khyod kyis bla na med pa yang dag par rdzogs pa'i byang chub mngon par rdzogs par sangs rgyas par nus so/ / zhes de skad ces smras na/ gal te byang chub sems dpas de ltar mos pa bzlog pa nye bar bsgrubs pa'i tshig thos nas dang du len par byed de/ skrag cing dngangs la de mi nus so snyam du mngon par bsam nas zhum par byed na/ lhag pa'i bsam pa ma yin par blta bar bya'o// gal te byang chub sems dpa' la sems 'di lta bu skyes ste/ gal te bdag sems can dmyal bar skyes nas/ sems can de dag yongs su smin par gyur cing / rnam pa des bla na med pa yang dag par rdzogs pa'i byang chub tu nges par gyur la/ sems can dmyal ba chen po'i 'jigs pa dag las thar par gyur na/ sems can re re'i don gyi phyir yang bdag bskal pa grangs med dpag tu med par sems can dmyal ba chen por skye ba yongs su 'dzin par spro'o/ / de ci'i phyir zhe na/ sangs rgyas kyi ye shes de lta bu de dang / sangs rgyas kyi stobs de lta bu de dang / sangs rgyas kyi mi 'jigs pa de lta bu de dang / ji ltar de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas nas/ sems can chags pa rnams kyi 'dod chags rnam par gzhig pa'i phyir gtam mdzad pa dang / de bzhin du zhe sdang dang / gti mug rnam par gzhig pa'i phyir gtam mdzad pa dang / gang gtam de mdzad pa dang / ji ltar sdug bsngal gyi phung po grangs med pa rgyun chad pa yin pa dang / thog ma med pa'i sems can de snyed rgyun chad par byas pa yin pa dang / bskal pa tshad med par yongs su bskyab par byas pa yin pa dang / sems can rnams kyis 'dod chags dang bral ba'i bde ba nyid de lta bu rjes su thob pa yin pa'i phyir te/ rnam grangs des na bdag bskal pa grangs med dpag tu med par sems can dmyal ba chen por gnas par spro'o snyam nas/ de la yang byang chub sems dpa' kun tu mi zhum pa yin// de la yang byang chub sems dpa' mi nur ba yin/ de la yang byang chub sems dpa' dran pa'i 'du shes skyed na/ shA ra dwa ti'i bu byang chub sems dpa' de ni le lo med cing lhag pa'i bsam pa dang ldan pa yin par rig par bya'o// shA ra dwa tI'i bu khyod byang chub sems dpa'i lhag pa'i bsam po rgyas par nyan par 'dod dam/ gsol pa/ bcom ldan 'das 'tshal lags so// bcom ldan 'das de ni dus lags so// bde bar gshegs pa de ni dus la bab pa lags te/ bcom ldan 'das byang chub sems dpa' lhag pa'i bsam pa gang dang ldan na/ bla na med pa yang dag par rdzogs pa'i byang chub mngon par rdzogs par 'tshang rgya ba'i byang chub sems dpa' rnams kyi lhag pa'i bsam pa rnam par dbye bar gsol/ de nas bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu sngon byung ba 'das pa'i dus na bskal pa grangs med pa'i yang ches grangs med pa/ yangs pa/ tshad med pa/ bsam gyis mi khyab pa de'i pha rol gyi yang ches pha rol tu gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha rnams dang mi rnams kyi ston pa/ sangs rgyas bcom ldan 'das yon tan rgyal po'i 'od ces bya ba 'jig rten du byung ngo // bcom ldan 'das de'i nyan thos chen po 'dus pa ni nyan thos brgyad khri bzhi stong byung ngo / / byang chub sems dpa' 'dus pa yang byang chub sems dpa' brgyad khri bzhi stong byung ngo // nyan thos 'dus pa re re la yang dgra bcom pa bye ba phrag brgyad cu rtsa bzhi byung ngo / / byang chub sems dpa' 'dus pa re re la yang byang chub sems dpa' bye ba stong phrag brgyad cu rtsa bzhi byung ngo // bcom ldan 'das de'i slob ma dag ni/ nyan thos dgra bcom pa de dag ji snyed byung ba de'i nyis 'gyur du byung ngo // shA ra dwa ti'i bu de'i tshe de'i dus na/ rgyal po'i gzhon nu dran pa rnyed ces bya ba byung ngongo/ / de nas rgyal po'i gzhon nu dran pa rnyed de dus gzhan zhig na/ bcom ldan 'das de bzhin gshegs pa yon tan rgyal po'i 'od de ga la ba der song ste phyin nas/ bcom ldan 'das de'i zhabs la phyag 'tshal te phyogs gcig tu 'dug go/ / rgyal po'i gzhon nu dran pa rnyeng phyogs gcig tu 'dug pa de yang sems kyi yongs su rtog pa 'di lta bu skyes te/ ji tsam du de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od rgya chen po'i chos dang ldan pa ni ngo mtshar te/ gang de bzhin gshegs pa yon tan rgyal po'i 'od de'i ye shes ci 'dra ba de lta bu yang dag par bsgrub par bya ba'i rnam grangs de ni ci 'dra ba yin/ bdag gis de bzhin gshegs pa yon tan rgyal po'i 'od la tshigs su bcad pa'i dbyangs kyis zhu ba zhu'o snyam nas/ de de'i tshe de bzhin gshegs pa yon tan rgyal po'i 'od la/ sems dang yang dag par ldan pa'i tshogs su bcad pa dag gis zhu ba zhus pa/ rkang gnyis dam pa sangs rgyas mthong nas su// bdag la 'dun skyes byang chub 'tshal bar gyur// las gang bgyis pas 'di 'dra mtha' yas gzigs// gang gis theg mchog bdud rtsi reg par 'gyur/ / rgyal ba dam pa skar ma'i tshogs nang zla 'dra gzugs kyi mchog/ rgyal ba dam pa rtag tu chos ston de 'dra rdzu 'phrul mchog/ de 'dra rtag tu lha gnas dbang po 'dra ba shes rab mchog/ kun mkhyen yon tan rgyal po khyu mchog gtso bo khyod la zhu/ ye shes thogs med dri bral rnam par sbyangs// dus gsum dag la thogs pa med pabapar 'jug/ sems can mchog gtso mchog rab drang srong che/ chos rnams kun la khyod kyi dbang phyug lags// khyod kyi sngon tshe sangs rgyas gzigs nas su/ khyod kyis byang chub mchogs kyi / zhus pa dang // de tshe byang chub srud du ye shes mchog/ de la khyong nus chos rgyal bshad du gsol// gang gis byang chub dab pa mchog reg cing / sems can kun gyi skyabs su babyung dang / / 'chi 'pho skye ba kun las grol gyur pa// chags med gzigs pa bdag kyang zhu lags so// shA ra dwa ti'i bud de nas de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od kyis/ rgyal po'i gzhon nu dran pa rnyed la tshigs su bcad pa dag gis bka' stsal pa/ gzhon nu ji ltar de skad tshig smras pa// sems kyis las kun yang dag bsgrubs nas su/ / ji ltar gang+gA'i klung gi bye snyed kyi// sangs rgyas mang po sngon chad mthong ba yin// gzhon nu de yi skabs su sangs rgyas mthong // de dag ming brjod ngas ni nus ma yin/ / ji ltar gang+gA'i ji snyed bskal bzhugs pa// de dag ngas ni mthong zhing zhu ba byas// rkang gnyis dam pa sangs rgyas gyur cig ces// byang chub rgyu yi sems ni khyod la skyes/ / ngas bshad chos ni khyod kyis mnyan par gyis// chos de thos nas sgrub la gnas par byos// rtag tu sbyin pas ngoms mi shes par gyis// rtag tu tshul khrims ngoms mi shes par gyis/ / rtag tu bsam gtan ngoms mi shes par gyis// gzhon nu shes rab rtag tu sten par gyis// mdor bsdus tshigs bcad kyis ni gtams nas su// de las gzhan pa'i sems can smin bya'i phyir/ / rjes su bstan par bya phyir gzhon nu gtams// mgu zhing gus dang bcas par shes nas 'dug/ sbyin pas chog par ma byed cig/ tshul khrim kyis kyang chog ma byed/ / dri bas chog par ma byed cig/ de las ye shes 'byung bar 'gyur// ye shes de ni yul mi gnas// phyogs na gnas pa'ang yod ma yin// rdzogs sangs rgyas la yongs zhus pas/ / ye shes thob par 'gyur ba yin// ye shes mig lnga rten ma yin// mig kyang ngo bo nyid kyis stong // de phyir mig yod ma yin pas// sangs rgyas chos rnams bsten par bya/ / rna ba sna yang de bzhin zhing // lce dang lus yid de bzhin te// de dag thams cad rtag tu stong // de yang snying po yod ma yin// 'byung ba chen po bzhi 'di dag ma byung sems kyi gnas yin no/ / lus ni kun tu brtags las byung // kun tu rtog pa'ang yod ma yin// lus la gnas pa med gyur cing // srog la'ang gnas pa med par gyur/ / longs spyod gnas pa med gyur nas// byang chub de ni rtogs par nus// rtag tu nges 'byung brtsam par bya// rtag tu brtson 'grus brten par bya// rtag tu 'dod rnams spang bar bya/ khyod ni ngan 'gror ma 'gro zhig/ sems can kun gyi ched kyi phyir// sbyin pa de ni sbyin byed kyang // des ni sems can rlom ma sems// sbyin pa la yang ma gnas shig/ shA ra dwa ti'i bu de nas de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od la/ rgyal po'i gzhon nu dran pa rnyed kyis tshigs su bcad dag gis slar gsol nga/ / 'khor ba'i lam las khyod ni shin tu bzhengs// som nyi ga cad rung gA tsam bsal du gsol// rgyal bas bdag la dros de 'dir bsun pas// bdag la rlos mang 'du bar bgyis pa lags/ / ji ltar 'jig rten mgon pos 'dira'i chos bstan// de tshe bdud kyi bcings pa kun bcad nas// bdag gi byang chub mchog ni thob snyam bgyid// byang chub snying por bdag ni mchi snyam bgyid// 'jig rten mgon pos chos de 'dir bstan pas// bdag gis chos 'phrul bstan par bgyid snyam bgyi// sa 'di dag kyang g.yo bar bgyi snyam bgyid/ / dge 'dun rgya chen dgang bar bgyi snyam bgyid// bdag gis de ring tshe ni gtang snyam bgyid// bdag dang yongs su mya ngan 'das snyam bgyid// 'di ltar chos rnams thams cad stong pa ste/ / 'di la de ring zhi bar bdag mi sems// chos de thams cad zad par 'tshal lags te// gang du'ang chos rnams zad par dmigs ma lags// thams cad zad dang stong pa'i chos nyid gsungs/ / chos nyid thams cad zad pa'i chos nyid 'tshal// pha ma ngag gi thang du mchis nas su// bzod pa gsol nas slar yang mchi bar bgyi// rtag tu sangs rgyas chos de tshol bgyid cing / / bdag ni bstan la rab tu 'byung bar bgyi// de bzhin gshegs pa'i zhabs la phyag 'tshal te// rgyal la lan gsum bskor ba byas nas su/ pha ma'i thad du de ni song bar gyur// blo gros ngan bdud lam gyi 'gram du 'dug/ gzhon nu de ni 'di la byang chub zhugs// rgyal ba'i thang du rab tu 'byung bar 'dod// 'di ltar de ring nges par glags btsal zhing / / de ring kun rmongs sems ni bskyed bya snyam// lam du 'dug nas gzhon la smra byed pa// gzhon nu khyod ni gang nas 'ongs zhes dris// ci phyir khyod ni myur ba myur ba 'gro/ / yud tsam sdod par byos shig dri bar bya// mi de la ni gzhon nu su byed pa// sangs rgyas bsnyen bkur byas nas 'ongs pa yin// des ni bdag la chos kyi mchog bstan te// sangs rgyas chos de bdag gis bsgom par bya// 'di la sangs rgyas chos rnams btsal ched du// gzhon nu brtson 'grus brtsams pa phul du byung // ci nas khyod ni rab tu 'byung 'dod na// 'dod rnams 'dir spyod phyi nas rab tu drung / / khyod kyis longs spyod rgya chen rgyal srid snyed// 'dod bzang ci yang bdag gis ma bsten ces// rab tu byung nas 'gyod gyur mi rung gis// 'dod rnams sten te 'di la rab tu byung / / khyod kyi longs spyod tshe dang rgyal srid mchog/ dal ba phun sum tshogs de rnyed par dka'// gal te 'dod pa bstan par rab byung na// gzhon nu khyod ni rgya nas 'gyod par 'gyur/ / de tshe rgyal po'i gzhon nus bdud la smras// 'dod bsten bdag la bde legs 'gyur ma yin// 'dod pa gsog gi bsngags pa brjod pas na// 'du shes phyin ci log la khyod gnas so/ / gang tshe mi khom nyid la de snyed dka'// da ltar de ring de ni nyams lon dka'// dal ba rnyed nas bdag gis chos spyad cing // bdag myur song la der ni rab tu 'byung / / bdag gis 'dod pa'i khams 'dir skyon mthong ste// de bzhin gzugs khams skyon dang bcas par mthong // gzugs med khams kyang skyon dang bcas par mthong / / bdag gis mya ngan 'das zhing skyon med mthong // 'dus ma byas chos yongs su btsal nas su// mi rnams kyi ni rgya chen don bya zhing // rga nad gzir ba'i sems can thar par bya/ / 'gro bar rgyug pa dag ni bzlog par bya// / bam po bcu gnyis pa// / shA ra dwa ti'i bu de nas bdud brjed ngas kyi s+ya// rgyal po'i gzhon nu dran pa rnyed la smras pa/ gzhon nu khyod kyis sangs rgyas kyi chos rnams yongs su btsal bar bya'o zhes de skad ces smras na/ gzhon nu kho bo ni khyod la don 'dod pa/ phan pa 'dod pa/ grub pa dang bde ba 'dod pa yin pas/ gzhon nu kho bos khyod la rjes su bstan par bya ste/ gal te khyod kho bo'i rjes su 'jug na de khyod kyi don du 'gyur ro// shA ra dwa ti'i bu/ de nas rgyal po'i gzhon nu rgyun ba kyis/ bdud bad du sbrul thAswA p+na/ mi bdag la rjes su skyon ci dang / thos nas rig par bya'o// de nas bdu / ngas kyis/ rgyal po'i gzhon nu dran pa rnyed la 'di skad ces smras so// rigs kyi bu gal te khyod rang gi dam bcas pa la gnas par byos shig dang / de ltar na kho bos khyod la phyis rjes su bstan par bya'o/ / rgyal po'i gzhon nus smras pa/ kye mi bdag la rjes su ston cig dang / thos nas rig par bya'o zhes/ kho bos khyod la ma smras sam/ de skad ces smras pa dang / bdud brjed ngas kyis/ rgyal po'i gzhon nu dran pa rnyed la smras pa/ gzhon nu khyod kyis thos nas rig par bya'o zhes/ de skad ces brjod par mi bya ste/ gzhon nu khyod kyis ni mi bdag la rjes su ston cig dang / bdag gis khyod kyi tshig bzhin du bya'o zhes de skad ces brjod par bya'o// rgyal po'i gzhon nus smra sra pa/ kye mi khyod kyis dra'i tshig bzhin du mgo gcig tu rjes su zhugs shig ces de skad brjod par mi bya'o/ / de ci'i phyir zhe na/ kye mi gal te khyod chos kyi 'du shes kyis chos ma yin pa ston tam/ chos ma yin pa'i 'du shes kyis chos ston na/ bdag gis yongs su spyad de dor bar bya zhing / ji ste yang dag par ston na/ de gzung bar bya ba'i phyir ro// kye mi de lta bas na gang 'di thos nas rig par bya'o zhes bya ba de dag ni mkhas pa'i mtshan nyid yin/ de dag ni mdzangs pa'i las yin/ de dag ni shin tu legs par brtags pa'i las yin no// kye mi khyod kyis nga'i tshig bzhin du mgo gcigaH/ rjes su zhugs shig ces de skad smras na/ de dag ni mdzangs pa'i mtshan nyid ma yin zhing / mkhas pas bstod pa ma yin la/ de dag ni bdud kyi las yin zhing / de dag ni/ sangs rgyas kyi 'phrin las ma yin no// kye mi de lta bas na sngar dam bcas la/ nga rjes su mi 'jug par smras so zhes/ bdag la chos ma yin pa'i gdams ngag byin na mi rung bas/ kho bo ni mgo gcig tu tshig mi smra ste/ de lta bas na kho bos skyon de dag mthong nas rjes su 'jug go zhe 'am/ rjes su mi 'jug go zhes mgo gcig tu tshig ma smras so// de nas bdud brjed ngas 'di snyam du sems te/ rgyal po'i gzhon nu 'di ni/ 'di ltar rjes su 'jug par bya'o zhe 'am/ rjes su 'jug par mi bya'o zhes mgo gcig tu mi smra bas dpyod pa thob pa'o snyam mo/ / de nas bdud brjed ngas kyis mig gis mi rtsol bar bya ba'i phyir/ rgyal po'i gzhon nu dran pa rnyed la legs so zhes bya ba byin te/ gzhon nu de dag ni mkhas pa'i las yin te/ gzhon nu khyod rjes su 'jug par bya'o zhes mgo gcig tu tshig mi smra ba ni legs so legs so// gzhon nu gzhan yang kho bos khyod la rjes su bstan par byas/ de yang khyod kyis rnam par rtogs shig/ gzhon nu khyod gang la skyon ches mang du mthong ba de la sten par ma byed cig/ gzhon nus smras pa/ kye mi de ni de skad ces brjod par mi bya'o// de ci'i phyir zhe na/ gang la skyon ches mang ba de ni bsten par bya ba ma yin zhing / gang la skyon ches nyung ba de yang bsten par bya ba ma yin pa'i phyir te/ de ci'i phyir zhe na/ kye mi dug mang po yang gsod par byed la/ klung du yang gsod par byed cing / gang yang 'khor los sgyur ba'i zas dug dang 'dres pa de yang gsod par byed la/ gang yang mi phral ba'i zas dug dang 'dres pa de yang gsod par byed pa'i phyir/ de dag ni bzar mi rung zhing / bsten par bya ba ma yin no// kye mi de bzhin du gang la skyon mang ba de la sten par ma byed cig/ gang la ches nyung ba de la sten cig ces de skad smra na/ kye mi de dag gnyis ka yang bsten par bya ba ma yin no// kye mi mkhas pas bsten par bya ba yang gang yin zhe na/ k+She mi mkhas pas ni gang skyon med pa dang / ci yang med pa dang / snyigs ma med pa dang / rims nad med pa dang / nad med pa dang / mi g.yo ba dang / bsil bar gyur pa dang / dade ba de bsten par bya'o// de nas bdud brjed ngas 'di snyam du sems te/ bdag gis gzhon nu dran pa rnyed rjes su bstan pa gang kho na la bzhag pa de dang de ni/ des skyon dang bcas par mthong zhing / phyis kyang lan 'debs par byed do sbram ste/ de ltar rjes su bsams nas yang smras pa/ gzhon nu 'di ltar gang rims nad med pa dang / skyon med pa dang / zhi ba de la mkhas pa rnams dga' bskyed par byed do zhes zer ba ni/ khyod kyis legs par smras na/ gzhon nu byang chub sems dpa'i spyod pa de ni skyon mang ba'o// skyon de dag kyang gang zhe na/ 'di lta ste/ skye bo'i skyon dang / 'gro ba'i skyon dang / 'khor ba'i skyon dang / rjes su chags pa dang / khong khro ba'i skyon dang / dus ma yin par slong bar byed pa'i skyon dang / yid du 'ong ba'i dngos po yongs su gtong ba'i skyon 'di lta ste/ mig dang / rna ba dang / sna dang / lce dang / lus dang / yid yongs su gtong ba'i smon te/ de ltar byang chub sems dpa'i spyod pa lo skyon ches mang ba yin no// gal te byang chub tu sems skyed par mi byed na ni nyung ste/ khyod mang po dag kyang bsten par bya ba ma yin zhing / nyung ngu dag kyang bsten par bya ba ma yin par sems pa de ni legs so// gzhon nu khyod ci de ltar mkhas shing mdzangs pa yin par kho bos ma shes so/ / kho bos khyod kyi lhag pa'i bsam pa shin tu bzang por mthong na/ kho bos kyang brjed nas smras so// de de bzhin te/ log par ltung ba'i mtshan nyid yin pa'i phyir/ mang po dag kyang bsten par bya ba ma yin zhing / nyung ngu dag kyang bsten par bya ba ma yin no// gzhon nu yang 'di la snying po med pa ni 'di nyid de 'di lta ste/ phung po thams cad spangs pa mya ngan las 'das pa'o// gzhon nu gang la yang dang yang du 'chi ba yod pa'i 'khor bar 'gro ba'i skyon dang bcas pa yang dang yang du nyams su myong bas ci zhig bya ste/ khyod kyis ni mya ngan las 'das pa la 'dun par bya'o// gzhon nu srog chags rnams mngal na gnas pa ni sdug bsngal ba'o// sdug pa dang bral ba dang / mi sdug pa dang phrad pa ni sdug bsngal ba'o// gzhon nu lus snying po med pa mi rtag pa yongs su 'dren pa ni sdug bsngal ba'o// srog mi rtag pa nyid ni sdug bsngal ba'o// longs spyod mi rtag pa nyid dang longs spyod snying po med pa nyid ni sdug bsngal ba'o/ / gzhon nu yang dang yang du 'chi ba nyid ni sdug bsngal ba'o// gzhon nu de lta bas na kho bo ni khyod la 'di skad du/ de bzhin gshegs pa 'byung ba dang / mi nyid rnyed pa dang / dal ba phun sum tshogs pa dang / de bzhin gshegs pa'i bstan pa la dang pa bla na med pa ni rnyed par dka' 'o zhes smra ste/ gzhon nu de lta bas na gnas de dag thob nas ma spong zhig/ gzhon nu kho bo ni gnas de dag nyid ston par 'dod pa dang / nye bar brjod par 'dod pa yin na/ khyod ni lan 'debs par 'dod pas nyan no// gal te kho bos rjes su bstan pa la gnas na/ de ni khyod kyi rjes su bstan pa yin gyis/ nyon la rig par byos shig/ de nas rgyal po'i gzhon nu dran pa rnyed kyis/ bdud brjed ngas la 'di skad ces smras so// kye mi khyod la rjes/ su yi rang ngo // gang khyod 'di skad du/ skye ba dang / rga ba dang / na ba dang / 'chi ba ni sdug bsngal ba'o// yang dang yang du 'khor ba'i bar du yang de bzhin no// zhes zer ba ni mngon par rjes su yi rang ngo / / kye mi yang khyod kyis myur du yongs su mya ngan las 'da' bar gyis shig ces brjod de/ kye mi khyod kyi tshig de thos nas/ kho bo ni sems can rnams la snying rje shas cher skyes te// sems can 'di dag ni yang dang yang skye ba dang / rga ba dang / na ba dang / 'chi bas gzir pa yin te/ bdag gis bla na med pa yang dag par rdzogs pa'i byang chub mngon par rdzogs par sangs rgyas nas/ sems can de dag yang dang yang du skye ba dang / rga ba dang / na ba dang / 'chi ba'i dbang du gyur par mi 'gyur bar/ skye ba dang / rga ba dang / na ba dang / 'chi ba'i 'jigs pa las yongs su thar par bya'o snyam mo/ / kye mi khyod kho bo la 'di skad du/ mya ngan las 'das pa thob nas 'khor ba'i sdug bsngal dag rab tu ston pa ni ngo mtshar te/ kho bos de dag thos nas sems can rnams la snying rje chen po shas cher skyes so/ / gal te kho bo yongs su mya ngan las 'das na/ sems can de dag gi skyob par 'gyur ba dang / thar par byed par 'gyur ba su yin/ de nas bdud brjed ngas kyis/ rgyal po'i gzhon nu dran pa rnyed la 'di skad ces smras so// gzhon nu khyod kyis 'di skad du/ gang la skyon ches nyung ba de yang bsten par bya ba ma yin no// zhes ma smras sam/ smras pa/ kye mi de de bzhin te/ gang la skyon ches nyung ba de yang bsten par bya ba ma yin no// kye mi bla na med pa yang dag par rdzogs pa'i byang chub ni skyon med pa ste/ de lta bas na de ni bsten par bya ba yin no// de nas bdud brjed ngas kyis/ rgyal po'i gzhon nu dran pa rnyed la 'di skad ces smras so// gzhon nu bla na med pa yang dag par rdzogs pa'i byang chub ni skyon med pa yin mod kyi/ gzhon nu 'on kyang kho bos kyang ma thob na/ khyod kyis lta ga la 'thob/ gzhon nu kho bo yang sngon 'di snyam du sems te/ bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam mo/ / log pa'i sems de lta bu bskyed pa dang / de ma thag tu slongs mo pa 'di lta ste/ mgo slong ba dang / lag pa dang / rkang pa dang / mig dang / rna ba dang / bu dang / chung ma dang / longs spyod dang / bzhon pa dang / khyim dang / slas dang / skyed mos tshal dang / nor bu dang / mu tig dang / bebaid+h+yar+ya dang / dung dang / man shel dang / b+hu ru dang / nor dang / 'bru dang / rgyal snyid la sogs pa slong ba dag gis kun tu gdungs shing / rab tu gdungs te/ tshogs rlung nas/ kho ngos bdog pa rnam par gtong ba byas pa na yang lus zhig pa las khrag gi chu klung byung ba dag gis kho bo'i sems gzir te/ des na kho bo'i sems bskyed pa de btang ngo // gal te khyod yid mches na/ kho bo'i dka' ba de blta bar 'dod dam/ smras pa/ kye mi blta bar 'dod de/ de ni kho bo'i don du 'gyur ro// de nas bdud brjed ngas 'di sam du sems te/ bdag gis byang chub sems dpa'/ dran pa rnyed kyi mos pa bzlog pa gang dang gang byas pa de dang de nyid la/ de yid ches par mi byed kyi/ phyir yang 'di skad du/ kho bo'i don du 'gyur ba ston/ cig ces zer ro snyam mo// de nas bdud des rgyal po'i gzhon nu de'i mdun du khrag gi chu klung bzhi mngon par sprul to// gser gyi phung po gangs lta bu bzhi dang / mgo thod rnam par zos pa dag dang / rnam par dmar ba dag dang rnam par rnags pa dag gi phung po ri rab lta bu yang mngon par sprul to/ / rus pa dag gi phung po dung ltar dkar ba ri rab tsam gzhan dag kyang mngon par sprul to// lag rdum dang / rkang rdum dang / rna rdum dang / yan lag dang nying lag rdum po rnam pa sna tshogs dang / gzugs rnam pa sna tshogs 'di lta ste/ mi dang / dri za dang / gnod sprin dang / seng ge dang / stag dang / rta dang ri bong dang / spre'u dang / dom dang / gzig dang / phag dang / ri dgas dang / dred dang / glang po che dang / ma he la sogs pa'i gzugs dang / de bzhin du nya dang / chu srin 'dzin khri dang / chu srin byis pa gsod dang / chu srin na kra'i gzugs dang / de bzhin du ngang pa dang / rma bya dang / khwa dang / lu byug dang / ka la bing+ka dang / shang shang te'u dang / bya kun la dang / chu skyar dang / ri skegs la sogs pa'i gzugs kyi ro dag mngon par sprul to// ro kha cig ni kha gcig pa dag go// kha cig ni kha gnyis pa dang / kha gsum pa dang / bzhi pa dang / lnga pa dang / drug pa dang / bdun pa dang / brgyad pa dang / dgu pa dang / bcu pa dang / nyi shu pa dang / sum cu pa dang / bzhi bcu pa dang / lnga bcu pa nas/ kha 'bum yod pa'i bar dag dang / lce gcig pa dang / lce gnyis pa dang / lce gsum pa dang / lce bzhi pa dang / lce lnga pa nas/ lce 'bum yod pa'i bar dag dang / mig gcig pa nas/ mig 'bum yod pa'i bar dag go/ / ro dag kyang gcig la gcig mig 'gyur bar byed pa/ rna ba 'gyur bar byed pa/ so sgra cig cig byed pa/ rang gi mchu la sos 'debs pa/ gnod sbyin lag na mtshon cha mi mthun pa sna tshogs thogs shing langs nas 'khod par gyur pa dag go/ / 'jigs pa chen po dang / 'jigs su rung ba'i rgyu de lta bu yang mngon par sprul nas/ rgyal po'i gzhon nu// dran pa rnyedadu la smras pa/ rgyal po'i gzhon nu 'di dag ni khrag gi chu klung 'bab pa dag go// 'di dag ni dus pa chen po bzhi po dag go// smras pa/ kye mi mthong ngo // smras pa/ gzhon nu de dag ni kho bo'i yan lag dang nying lag bcad pa dag las khrag gi chu klung mngon par grub pa dag go/ / gzhon nu khyod kyis mgo thod kyi rus pa'i ri bzhi po ri rab tsam de dag mthong ngam/ smras pa/ kye mi mthong ngo // smras pa/ kye mi kho bo byang chub sems dpa'i spyad pa spyod pa na/ mgo thod bcad pa dag ni de snyed do// kye mi khyod kyis lag pa rdum po/ rkang pa rdum po/ mig phyung ba/ yan lag dang nying lag rnam pa sna tshogs bcad pa'i ro dag gi ri bzhi po dag mthong ngam/ smras pa/ mi mthong ngo // gzhon nu de dag ni kho bos sngon byang chub sems dpa'i spyad pa spyod pa na/ yan lag dang nying lag dag btang ba'o/ / gzhon nu khyod kyis phyogs bzhi'i gnod sbyin gyi sde dag mthong ngam/ smras pa/ kye mi mthong ngo // smras pa/ gzhon nu 'jigs pa chen po dang / 'jigs su rung ba de dag ni/ gang byang chub tu sems skyed par byed pa de'i gzi byin 'phrog par byed pa dag go// de dag ni gang byang chub tu sems skyed par byed pa de'i mgo slong bar byed pa yin pa nas/ yan lag dang nying lag dag gi bar du slong bar byed pa dag go// gzhon nu gang gi tshe sngon kho bos byang chub tu sems bskyed pa de'i tshe/ de dag ni mgo bslangs shing bcad pa dag yin pa nas/ yan lag dang nying lag dag gi bar du bcad pa dag go// de nas bdud brjed ngas kyis yang srin po'i sde mang po mngon par sprul nas yang smras pa/ gzhon nu khyod kyis srin po'i sde mang po de mthong ngam// smras pa/ kye mi mthong ngo // smras pa/ gzhon nu de dag ni gang dag byang chub tu sems skyed par byed pa/ mngal na gnas pa de dag gi gzi byin 'phrog pa dag go// mngal na gnas pa na yang byang chub sems dpa' srog dang bral bar byed pa dag go/ / gzhon nu gang dang gang gi tshe kho bos byang chub tu sems skyed pa de tsam du/ sdug bsngal de dag las yongs su grol bar ma gyur te/ de tsam du de dag kho bo'i phyi bzhin 'brang bar byed do// gzhon nu de lta bas na kho bos sdug bsngal de dag ma bzod de/ bla na med pa yang dag par rdzogs pa'i byang chub las sems phyir log go/ / gang gi tshe kho bo'i sems byang chub las phyir log pa de'i tshe/ kho bo sdug bsngal de dag las yongs su grol zhing / gnod pa yang med par gyur to// gzhon nu de lta bas na kho bo ni khyod la don 'dod pa/ phan pa 'dod pa/ grub pa dang bde bar 'dod pa yin pas/ gzhon nu 'di skad du khyod bla na med pa yang dag par rdzogs pa'i byang chub tu sems ma skyed cig gzhon nu khyod sdug bsngal de lta bu thob par ma byed cig ces smra'o/ / de nas rgyal po'i gzhon nu dran pa rnyed 'di snyam du sems te/ de bzhin gshegs pa yon tan rgyal po'i 'od kyi thang du/ bdag gyis bla na med pa yang dag par rdzogs pa'i byang chub tu sems bskyed pa yin la/ mi 'di yang blan med pa yang dag par rdzogs pa'i byang chub las bdag gi mos pa zlog par byed pa yin te/ mi'i cha byad kyis 'di bdud yin par gyur tam/ 'di bdud kyis byin gyis brlabs par gyur na yang mi rung / yang na mi 'di byang chub sems dpa' yin par gyur la/ de nas des le lo thob nas byang chub kyi sems phyir bzlog pa yin zhing / gang gi phyir mi 'di sdug bsngal de lta bu dang phrad la/ yan lag dang nying lag slong bar byed pa dag nas/ srog dang bral bar byed pa'i bar dag/ gis slongs mo pade snyed 'ong ba las na/ sngon 'dis ni sdig pa can gyi las rnams byas par gyur pa yin te/ slongs mo pa de dag ni bdag bla na med pa yang dag par rdzogs pa'i byang chub la phan 'dogs par gyur pa yin no/ / de ci'i phyir zhe na/ sems can de dag ni mi shes pa dang ldan zhing / yongs su mi shes pa srung ba can yin te/ 'dod chags kyi dbang dang / zhesdang gi dbang dang / gti mug gi dbang dang / phrag dog gi dbang dang / nga rgyal gyi dbang gis byang chub sems dpa' sems dpa' chen po rnams las dus las yol bar slong zhing slong bar byed pa dag ste/ gal te sems can de dag la bdag gis 'jig rten pa'i yang dag par tshim par ni bya na/ ji ltar na bdag gi 'jig rten las 'das pa'i yang dag pabapar tshim par bya/ mi 'di yang 'dun pa med pas le lo dang / brtson 'grus zhan pa dang / lhag pa'i bsam pa ma yin pas/ bla na med pa yang dag par rdzogs pa'i byang chub las phyir log pa yin no/ / kye ma dag gis je cher yang dag pa'i lta ba can du bya'o// je cher brtson 'grus yang dag par blangs te gnas par bya'o// gal te bdag gis dbugs rngub pa dang 'byung ba re re la srog dang bral bar gyur kyang / bdag gis bla na med pa yang dag par rdzogs pa'i byang chub las sems phyir ldog par mi bya'o// bdag gis srog dang bral ba de snyed kyang bzod par bya'o/ / bdag gis sangs rgyas kyi chos rnams ni yongs su gtang bar mi bya'o// de ci'i phyir zhe na/ sems can gang dag bdag srog dang bral bar byed pa de la bdag gis sems can 'di drag ni nyon mongs pa'i dbang gis bdag la gnod par bya ba'i phyir/ sdig pa can gyi las rnams mngon par 'du byed pa yin pas/ de dag la bdag gis bla na med pa yang dag par rdzogs pa'i byang chub yang dag par bsgrub pa'i ched du/ nyon mongs pa spang ba'i phyir ston par bya ba de lta bu'i cho ga bgo'o snyam pa'i phyir// de nas byang chub sems dpa' dran pa rnyed kyis/ bdud brjed ngas la smras pa/ kye mi khyod kho bo la 'di lta ste/ don 'dod pa yin/ 'di lta ste/ phan pa 'dod pa yin/ kye mi khyod kho bo la 'di lta ste/ grub pa dang / bde bar 'dod pa yin te/ khyod kyis gnas de lta bu de dag kun tu bstan pa ni ngo mtshar to// de ci'i phyir zhe na/ kye mi kho bos de mthong nas shas cher ches stobs dang ldan pa'i cho ga bgos shing / bla na med pa yang dag par rdzogs pa'i byang chub tu lhag pa'i bsam pa bskyed pa'i phyir ro// de nas bdud brjed ngas 'di snyam du sems te/ bdag gis ji lta ji ltar 'jigs pa dang / 'jigs su rung ba'i gzugs dag bskrun pa de lta de ltar de je cher brtan pa'i go cha gyon par byed do snyam mo// de nas bdud brjed ngas kyis/ rgyal po'i gzhon nu dran pa rnyed la smras pa/ kye skyes bu gal te khyod kho bo'i tshig bzhin du mi byed na/ rang nyid kyis shes par gyur te/ 'di ltar kho bo ni sa phyogs 'di nas 'gro bar bya'o// bdud brjed ngas kyis tshig de smras pa'i 'og tu/ de nas de nyid kyi tshe bdud kyis sprul pa'i gnod sbyin de dag gis tshig smras pa/ skyes bu rgyal po'i gzhon nu dran pa rnyed 'di khyod kyis bsgo ba bzhin du mi byed na/ khyod sa phyogs 'di nas song zhig dang / kho bo cag bkres pa'ang yin/ skom pa'ang yin pas/ rgyal po'i gzhon nu 'di'i gzi byin 'phrog par bya'o// gzhan dag gis kyang smras pa/ skyes bu khyod song zhig dang / kho bo cag gis rgyal po'i gzhon nu 'di skad cig tu thal bar brlag par bya'o// gzhan dag gis kyang smras pa/ kho bo cag gis rgyal po'i gzhon nu 'di'i mgo bslang bar bya'o/ / gzhan dag gis kyang smras pa/ skyes bu khyod song zhig dang / 'di ni yun ring du gnas pa ma yin te/ 'di'i srog gzhan ci yang med par 'gyur byas/ 'dis don 'dod pa/ phan pa 'dod pa/ khyod kyi tshig bzhin du byas sam/ dad pas ci zhig bya/ gang 'di khyod kyis bsgo ba bzhin du mi byed pas/ 'di mngal du zhugs na yang gzi byin dor bar bya'o// sha bza' bar bya'o/ / khrag kyang btung bar bya'o// gzhan dag gis kyang tshig 'di skad ces smras so// rgyal po'i gzhon nu dran pa rnyed 'di rdza 'jing ma rnyed pa yin gyis rgyal po'i gzhon nu dran pa rnyed rdegs shig rdegs shig/ rgyal po'i gzhon nu dran pa rnyed chod cig chod cig/ sod cig/ de nas bdud brjed ngas kyis/ de dag la smras pa// de ltar ma byed par yang khyed cag sdod cig dang / kho bos rgyal po'i gzhon nu dran pa rnyed sdig pa can gyi lta ba 'di las bzlog dang / 'di kho bo'i tshig bzhin du byed par 'gyur ro// kho bo ni yun ring po nas de'i mdza' bshes su gyur pa yin/ lhan cig skyes par gyur pa yin te/ ji srid rgyal po'i gzhon nu dran pa rnyed kyi lhag pa'i bsam pa rnam par shes par gyur pa de srid du yud tsam zhig bshol bar gyis shig/ kho bo la yang byas pa gzo ba nyid rjes su srungs shig/ gal te rgyal po'i gzhon nu dran pa rnyed sdig pa can gyi lta ba de mi 'dor ba lta na/ de'i 'og tu khyed cag gi cing gar bya ba yin no/ / gal te sdig can gyi lta ba de las bzlog par nus pa lta na/ de'i phyir khyed cag gis byas pa gzo ba nyid gzung bar bya ste/ gzhon nu 'di yang byas pa gzo ba nyid 'dzin par 'gyur ro/ / shA ra dwa ti'i bu bdud brjed ngas kyis/ rgyal po'i gzhon nu dran pa rnyed la lan gnyis su yang 'di skad ces smras so// kye gzhon nu snying brtse bar byed pa/ phan par byed pa/ tshab rgyag bzhin du thos shig dang / 'i ming 'tsho'i byar khyod kyi mdza' ba shes su 'gyur ro// gzhon du sdig pa can gyi ska bar gyur pa 'dis khyod la k+Shu/ gad du/ khyod kyis lta ba de thong zhig/ gzhon nu bla na med pa yang dag par rdzogs pa'i byang chub ni rnyed par dka' ba'o// gzhon nu bla na med pa yang dag par rdzogs pa'i byang chub ni mchog tu rnyed par dka' ba'o/ / gzhon nu yang khyod byang chub sems dpa' rnams 'gro ba gang du skyes par 'gyur ba'i gnas gzhan dag kyang blta bar 'dod dam/ smras pa/ kye mi blta bar 'dod do// de nas bdud brjed ngas kyis sa phyogs der sems can dmyal ba chen po dag mngon par sprul te/ sprul nas kyang rgyal po'i gzhon nu dran pa rnyed la smras pa/ gzhon nu khyod kyis sems can dmyal ba chen po de dag na gnod pa rnam pa du ma nyams su myong ba/ tshor ba rnam pa du ma nyams su myong ba'i sems can de dag mthong ngam/ smras pa/ kye mi mthong ngo // smras pa/ gzhon nu de dag gis ni sngon byang chub tu sems bskyed par gyur te/ de dag ni slongs mo pa rnams kyis gnod par gyur nas/ ser sna'i sems su byas/ gnod sems kyi sems su byas pas/ sems can dmyal ba chen po dag tu skyes pa yin no/ / gzhon nu de ltar lhag par slong mo pa dag la sbyin par byed pa dag gis 'gro ba ni 'di yin te/ gnod sems skye'o// de dag gnod sems la rab tu gnas pas 'gro / pa de lta bu de dag tu skyes so// gzhon nu gang yang khyod sbyin pa'i sems kyi sanod sems su mi byed na/ de'i tshe skye ba byir 'og ste/ mngal na gnas pa'i tshe yang gnod sbyin 'di dag gis gzi byin 'phrog par byed do/ / btsas nas kyang yan lag dang nying lag dag bcad nas kyang khyer te 'dong bar byed do// gzhon nu gal te yid mi ches na dris shig/ de nas rgyal po'i gzhon nu dran pa rnyed kyis/ sems can dmyal ba pa de dag la smras pa/ rigs kyi bu dag ci'i phyir khyed cag sems can dmyal ba chen po 'di dag tu skyes/ de dag gis 'di skad ces smras so// gzhon nu bdag cag gis sngon bla na med pa yang dag par rdzogs pa'i byang chub tu sems bskyed de/ bdag cag la spongs mo pa rnams kyis bslangs pa na/ kun gdungs shing rab tu gdungs nas/ ser sna can dag tu gyur te/ bdag cag ni sems can dmyal ba chen po 'di dag tu skyes so// gzhan dag gis kyang 'di skad ces smras so// gzhon nu bdag cag ni ston byang chub tu sems bskyed par gyur te/ des na bdag cag slongs mo pa rnams kyis yan lag dang nying lag dag bsrungs pa na/ zhe sdang gi sems bskyed pas sems can dmyal ba de dag tu skyes so// gzhon nu de lta bas na mi 'dis khyod la bsgo ba bzhin du gyis shig/ 'dir skyes nas phyis 'gyod par gyur na ni mi rung ngo // de nas rgyal po'i gzhon nu dran pa rnyed kyis/ bdud brjed ngas de la smras pa/ kye mi 'di lta ste/ khyod kho bo la don 'dod pa dang / ban pa 'dod pa dang / grub pa dang bde bar 'dod pa dang / khyod kyis kho bo la sems can dmyal ba chen po dag bstan pa dang / byang chub sems dpa'i theg pa la yang dag par zhugs pa'i sems can de dag kun tu bstan pa ni ngo mtshar to/ / kye mi des na kho bos 'di phyin chad sems can slongs mo pa gang zhig dngos po gang la mngon par brtson pa la 'khrug pa mi bya'o// sangs rgyas yon tan rgyal po'i 'od ga la ba der 'dong bar bya'o// de bzhin gshegs pa dgra bcom pa yang dag par rdzogs pa'i sangs rgyas de la yang bsnyen bkur bya/ yongs su zhu bar bya ste/ des ji skad gsungs pa de bzhin du gzung bar bya'o/ / de nas bdud brjed ngas kyis/ rgyal po'i gzhon nu dran pa rnyed la 'di skad ces smras so// rigs kyi bu bcom ldan 'das de'i thad du song bas khyod la ci zhig bya/ gzhon nu khyod song zhig/ kho bo ni mi 'gro'o// de ci'i phyir zhe na/ der kho bos song nas bla na med pa yang dag par rdzogs pa'i byang chub tu sems bskyed na mi rung ba'i phyir ro// de nas rgyal po'i gzhon nu dran pa rnyed kyis/ bdud brjed ngas la smras pa/ kye mi gal te khyod kho bo la phan pa 'dod pa/ grub pa dang bde bar 'dod pa yin na/ de'i phyir tshur shog/ bcom ldan 'das de'i thad du 'dong bar bya'o/ / 'di lta ste/ bcom ldan 'das des gsungs pa de bzhin du gzung bar bya'o// lan gnyis lan gsum du yang smras so// bdud brjed ngas kyis smras pa gzhon nu tshur shog/ chog go// des bsgo ba mang po zhig kho bos rdzogs par byas te/ de kho na'i rgyus kho bo sdug bsngal chen po thob par gyur pas/ des bsgo ba bzhin kho bo mi byed do// de nas rgyal po'i gzhon nu des bdud brjed ngas kyi lag pa nas bzung nas tshur drangs te tshur shog/ bcom ldan 'das de ga la ba der 'dong bar bya'o// des smras pa/ gzhon nu khyod gdul bya ma yin gyis/ song zhig/ sdug bsngal gyi phung po de dag ni khyod kyis nyams su myong bar bya ba yin no// de nas rgyal po'i gzhon nu dran pa rnyed/ bcom ldan 'das de ga la ba der song ste phyin nas bcom ldan 'das de la bskor bar byas te phyogs gcig tu 'dug go/ / phyogs gcig tu 'dug nas kyang / lam kar bdud de dang gtam ji snyed byas pa de dag thams cad bcom ldan 'das la gsol to// / de skad ces gsol pa dang / bcom ldan 'das de bzhin gshegs pa yon tan rgyal po'i 'od des/ rgyal po'i gzhon nu dran pa rnyed la 'di skad ces bka' stsal to// gzhon nu legs so legs so// bdud brjed ngas zhes bya ba de khyod kyi mig gis mi rtsol bar bya ba'i phyir dang / mos pa bzlog par bya ba'i phyir 'ongs pa yin no// de nas rgyal po'i gzhon nu de bdud de ga la ba der song nas smras pa bdud khyod chur shog/ bcom ldan 'das la skyabs su song zhig/ chos la skyabs su song zhig/ dge 'dun la skyabs su song zhig/ de nas bdud brjid ngas kyis// rgyal po'i gzhon nu dran pa rnyed la smras pa/ gzhon nu chog go// kho bo sangs rgyas la skyabs su mi 'gro'o// chos la skyabs su mi 'gro'o// dge 'dun la skyabs su mi 'gro'o zhes/ de skad smras nas cang mi smra bar gyur ro/ / de nas rgyal po'i gzhon nu dran pa rnyed kyis bdud brjed ngas la bden pa'i byin gyi rlabs kyis rnam par bltas so// rnam par bltas nas de ma thag tu/ de nas yang bdud brjed nges kyis bdag nyid kyi sgra zhag bdun brags pa dang / bdag nyid gos ngur smrig phra zhing 'jam pa gyon par mthong zhing / 'khar gsil dang lhung bzed thogs par mthong ngo // de nas bdud brjed ngas kyis bdag nyid rab tu byung zhing / chos gos dang / lhung bzed dang / 'khar gsil thogs par rig nas/ de bzhin gshegs pa yon tan rgyal po'i 'od la 'di skad ces gsol to/ / bcom ldan 'das su sangs rgyas la skyabs su mi mchi/ chos la skyabs su mi mchi/ dge 'dun la skyabs su mi mchi ba des chos nyid de kun tu 'tshal lags so// bcom ldan 'das des bka' stsal pa/ brjed dus sus khyod kyis sgra dag bregs/ gos ngur smrig dag byin/ lhung bzed dang / 'khar gsil dag byin/ de 'di sAb du sems te/ bdag 'ongs nas su kyang mgo bregs pa med do// gos ngur smrig dgra dang / lhung bzed dang / 'khar gsil dag byin pa yang med do// bdag gis phyogs gcig tu bor te 'gro bar bya'o snyam nas/ der dor bar 'dod na yang ma nus so// de 'di snyam du sems te/ ji srid du bdag 'khor der 'dug pa de srid du/ 'khor de bdag la 'phya bar 'gyur zhing / bdag kyang ngo tsho byar 'gyur te/ bdag 'di nas mthung byur bya zhing / rang kyi gnas su 'gro bar bye'ogs nas/ de nas bdud brjid dus parjod de nas myi nga bar gyur cing / rang gi gnas su yang song ngo // shA ra dwa ti'i bu de nas bdud kyi ris kyi lha mo de dag gis rab tu byung ba de mthong nas 'bros shing smras pa/ mgo bregs shing chos gos 'chang ba 'di lta bu 'di su yin/ sngon ma byung ba'i mtshan ma 'di lta bu snang bas/ bdag cag mi rtag pa nyid du gyur na mi rung ngo // des rang gi 'khor na 'dug pa'i sgras de la smras pa/ bzod ldan dag kho bo dge slong ma yin te/ kho bo ni bdud brjed ngas yin no// mig gis mi rtsol bar bya ba'i phyir/ de bzhin gshegs pa yon tan rgyal po'i 'od de'i thad du song nas/ bcom ldan 'das des kho bo 'di ltar mi sdug par bsgyur to/ / shA ra dwa ti'i bu de nas bdud kyi ris kyi lha mo de dag gis smras pa/ gos ngur smrig gyon pa ni blun po yin na/ khyod ci'i phyir 'di skad du mi mthun par smra/ khyod ni bdud kyi gnas 'di las nyams so// 'dir ni bdud gzhan zhig skyes so// shA ra dwa ti'i bu de nas bdud brjed ngas kyis tshig de thos nas/ sdug bsngal zhing yid mi 'de bar gyur te/ 'gyod pa dang bcas pas nyam thag pa'i skad phyung ngo // de yang de bzhin gshegs pa yon tan rgyal po'i 'od ga la ba der song nas/ bcom ldan 'das kyi spyan sngar 'dug par gyur to/ de nas bcom ldan 'das de bzhin gshegs pa yon tan rgyal po'i 'od kyis ji lta bu'i rdzu 'phrul mngon par 'du bya ba mngon par 'du mdzad pas/ sems can dmyal ba chen po mnar med pa kun tu ston pa de lta bu'i rdzu 'phrul mngon par 'du bya ba mngon par 'du mdzad do/ / de nas de na yod pa'i sems can dmyal ba'i srungs ma rnams kun tu 'bar ba/ rab tu 'bar ba/ kun tu rab tu mched cing 'bar ba/ kun nas 'bar bar gyur pa ri rab tsam gyis lcags kyi thu lum dag thogs shing 'khar ba'i thu lum dag thogs nas rgyug cing rjes su dong ngo // 'di skad ces kyang smras so// bdud brjed ngas da gar song / sems can dmyal ba'i srungs ma gzhan dag gis kyang smras pa/ des ci zhig bya/ de dag gis smras pa/ de'i khar lcags kyi thu lum kun tu 'bar ba/ rab tu 'bar/ kun tu rab tu mched cing 'bar ba/ kun nas 'bar bar gyur pa de dag gzhug par bya'o// gzhan dag gis kyang smras pa/ grogs po dag de ni rab tu byung ba yin/ de ni sems can dmyal ba chen po dag las grol ba yin gyis/ ma byed cig/ de na yod pa'i sems can dmyal ba'i srungs ma gzhan dag ni kun tu 'bar ba/ rab tu 'bar ba/ kun tu rab tu mched cing 'bar ba/ kun nas rab tu 'bar bar gyur pa'i ri dag thogs nas rgyug cing dong ngo // 'di skad ces kyang smras so// bdud brjed ngas da gar song / de nas gzhan dag gis kyang smras pa/ des ci zhig bya/ de dag gis smras pa/ me'i ri chen po de dag gis thal bar brlag par bya'o// der gzhan dag gis smras pa/ grogs po dag de ni rab tu byung ba yin// de ni sems can dmyal ba chen po 'jigs pa dag las grol ba yin gyis/ ma byed cig/ de nas gzhan dag kyang spu gri'i so lta bu'i gri dag thog nas rjes su rgyug cing dong ngo // 'di skad ces smras so/ / bdud brjed ngas dgar song / de nas gzhan dag gis smras pa/ des ci zhig bya/ de dag gis smras pa/ 'di dag gis de'i lus sha med par bya'o// de nas gzhan dag gis smras pa/ grogs po dag de ni rab tu byung ba yin/ zhi ba yin/ dul ba yin te/ de ni sems can dmyal ba'i 'jigs pa dag las grol bar gyur to// de nas gzhan dag kyang zangs bskol ba'i bum pa dag phrag par thogs nas phyogs bzhir rgyug cing dong ngo / / 'di skad ces smras so// bdud brjed dras da gAr song / de nas gzhan dag gis smras pa/ des ci zhig bya/ de dag gis/ smras pa/ 'di la kha'i sgor zangs kun tu bskol ba'i bum pa dag blugs par bya ste/ de dag gis 'di'i mchu dag tshig par byed do// rken tshig par byed do// snying tshig par byed do/ / rgyu ma dag dang / gnye ma dag dang / lto tshig par byed do// gzhang tshig par byed do// de'i 'og gi chur yang 'byung bar byed do// de dag gis smras pa/ grogs po dag de ni bcom ldan 'das kyi bstan pa la rab tu byung ba yin/ de ni sems dmyal ba'i sdug bsngal dag las grol ba yin no// de nas sems can dmyal ba'i srungs ma gzhan dag kyang lag na mtshon cha mi mthun pa rnam pa sna tshogs thogs pa dag kun tu rgyug ste/ 'di lta ste/ lag na mdung thung dang / mda' bo che dang / mtshon rtse gcig pa dang / lcags mda' dang ste'u kha nya rnga dang / gtun dang / ral gri dang / dgra sta dang / mdung dang / dbyug pa thogs pa dag rjes su rgyug cing dong / 'di skad ces kyang 'dzer te/ hi ha dang / ha ha dgod pa dang / shugs 'byin pa dang / cho nges 'debs pa dang / rnga pa Ta ha'i sgra dang / rnam par skrag par byed pa la mkhas pa/ so dag gis 'og tu 'debs par byed/ lag pa dag sgyur bar byed mgo dag gcod par byed/ smin gnyer gyis bzhin 'dul bar byed cing / 'di skad ces kyang 'dzer te/ zung zhig zung zhig/ rgyob cig rgyob TIg/ chod cig chod kyi sod cig sod cig/ yang smras pa/ bdud brjed ngas da gar song / de nas gzhan dag gis smras pa/ des ci zhig bya// de dag gis smras pa/ dgra'i khrag gis gcig tu bskus pa'i mtshon cha dag gis de'i lus gcad par bya'o/ / rnam par gzhig par bya'o// dum bur brlag par bya'o// thal bar brlag par bya'o// kho bo cag ni de'i gshin rje'i pho nya yin no/ / de nas gzhan dag gis smras pa/ grogs po de ni rab tu byung ba yin/ de ni sems can dmyal ba'i 'jigs pa dag las grol ba yin gyis/ 'thab mo ma byed cig/ bdud brjed ngas kyis bdag nyid la mtho 'tsham pa de thos te/ bdag gnas de las nyams pa 'di ni bden no// bdag gis kyang rab tu 'byung ba blangs te/ rab tu 'byung ba de yang don chen po dang ldan pa yin no/ / sems can dmyal ba'i srungs ma rnams bdag gi rjes su 'brang yang / bdag la dum bur brlag par ma nus so// gal te de bzhin gshegs pa yon tan rgyal po'i 'od kyis bdag rab tu phyung / bdag lhag pa'i bsam pas rab tu 'byung bar bya'o// sems can dmyal ba'i chen po de dag las kyang yongs su grol bar bya'o snyam ste/ de rgyal po'i gzhon nu dran pa rnyed ga la ba der song nas don de smras te/ gzhon nu bcom ldan 'das kyi bstan pa la kho bo lhag pa'i bsam pas rab tu 'byung bar 'dod do// shA ra dwa ti'i bu de nas rgyal po'i gzhon nu dran pa rnyed kyis/ bdud brjed ngas la 'di skad ces smras so// su zhig khyod la rab tu 'byung ba sbyin par byed/ brjed ngas khyod tshur shog/ bla na med pa yang dag bapar rdzogs pa'i byang chub tu sems skyed cig/ brjed ngas gos ngur smrig bcangs pas bstan pa 'di la rab tu byung ba zhes bya ba ma yin no// yang lam gang gis rab tu byung ba zhes bya ba'i chos de dag yang dag par sgrubs shig/ brjed ngas lam de la ni sems can dmyal ba dag dmigs pa 'am/ sems can dmyal ba'i 'jigs pa dag dmigs par mi 'gyur ro// de nas bdud brjed ngas lhag pa'i bsam pas/ bla na med pa yang dag par rdzogs pa'i byang chub tu sems bskyed par gyur to// de chos la so sor rtogs pa'i mngon par brtson pa de lta bu dang / chos la mkhas pa de lta bus lhag pa'i bsam pas mi skye ba'i chos la yang bzod pa thob bo// shA ra dwa ti'i bu rgyal po'i gzhon nu dran pa rnyed kyis ni/ bdud brjed ngas bla na med pa yang dag par rdzogs pa'i byang chub tu sems bskyed do/ / mi skye ba'i chos la yang bzod pa thob par byas so// de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od des kyang / bla na med pa yang dag par rdzogs pa'i byang chub tu lung bstan to// shA ra dwa ti'i bu 'di ni byang chub sems dpa' rnams/ kyilhag pa'i bsam pa yin par rig par bya ste/ de ltar byang chub sems dpa' lhag pa'i bsam pa phun sum tshogs pa ni/ bla na med pa yang dag par rdzogs pa'i byang chub yang dag par sgrub par byed do/ / shA ra dwa ti'i bu de'i tshe de'i dus na/ rgyal po'i gzhon nu dran pa rnyed ces bya ba byung bar gyur pa de gzhan zhig yin pa snyam du khyod som nyi 'am yid gnyis za bar gyur na/ khyod kyis de ltar blta bar mi bya'o// de ci'i phyir zhe na/ byang chub sems dpa' brtan pa'i blo gros 'di nyid de'i tshe de'i dus na/ rgyal po'i gzhon nu dran pa rnyed ces bya bar gyur to// shA ra dwa ti'i bu de nas byang chub sems dpa' dran pa rnyed de/ rang gi pha ma dag ga la ba der song ste phyin nas/ rkang pa la mgo bos phyag 'tshal te phyogs gcig tu 'dug go// phyogs gcig tu 'dug nas kyang smras pa/ yab yum bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan rgyal po'i 'od de'i thad du rab tu 'byung bar 'tshal lo/ / de skad ces smras nas/ rang gi pha ma la tshigs su bcad pa dag gis smras pa/ 'dod pa de ni rgyal bas mi rtag gsungs// rgyal ba'i thad du rab tu 'byung bar bgyi// de las / bde ba de dag thams cad 'byung // khyed ni bdag la bar chad ma mdzad cig/ rgyal srid dang ni bde ba don gnyer dang // longs spyod dag dang mtho ris don gnyer dang // yon tan ye shes kyang ni don gnyer te/ / 'jig rten mkhas pa'i bstan la rab byung zhig/ der ni sbyin dang tshul khrims rnam par smin// de dang der ni bsngags shing skye ba lags// der ni bsten pa'i rtsa ba der ba bgyi de slad bdag ni chos kyi rgyal por 'gyur/ / 'di ni sngon chad sug las bgyis pa dang // sbyin pa stsal dang dul ba'i 'bras bu lags// de yi 'bras bu da ltar spyod do yab// lhag ma mchis par mdzod la rab byung mdzod/ / lhag ma med bgyis ngan 'gro ngan song gsum// de bzhin mi khom rnams su mchi bar 'gyur// sdig pa'i las rnams kun tu spyad pas ni// sangs rgya rnams dang phrad par 'gyur ma lags/ / lhag mar bcas bgyis gang dag rab 'byung ba// der yang chos la rab tu spyod par 'gyur// mi khom brgyad po thams cad rnam spangs pas// sangs rgyas bstan la dal ba 'di 'thob bo/ / de yis sangs rgyas mthong nas myur dad cing // sems dang nas kyang gus par bgyid pa dang // gus bcas chos la kun tu spyod bgyid pa// chos rjes mthun spyod byang chub rnyed mi dka'/ / gang zhig mi khom thams cad spong 'tshal zhing // sdig pa'i grogs po rnam par spong bgyid pa// des ni de ring bdag gi rjes bslabs nas// dge ba'i rtsa ba rab 'byung blang bar bgyi/ / lha dang gnod sbyin mi 'am ci ma mchis// dri za klu yi bgyi ba mchis ma lags// rab tu ma 'byung khyim 'dir gnas byos shes// gang zhig de ring bdag la bar chad bgyid// gzhan du sdig pa'i las rnams 'dir slong ste// bdag ni bzlog par nus pa ma lags so// dper na glang pos bcings pa dam bcad nas// ji ltar 'dod dgur 'dod bzhin de mchi ltar/ / de bzhin 'dod pa'i 'ching ba dam rnams dang // sred pa'i lcug ma rten pa'i 'ching ba dag/ de dag de ring bcad nas 'dir rab 'byung // bdag ni stobs kyis bzlog par yong mi 'gyur/ / de tshe de smras myur bar pa ma yi// rkang la phyag 'tshal kun tu dga' ba skyes// gus dang bcas pa zlog par ma nus te// rgyal ba'i bstan la rab tu 'byung song zhig/ rgyal ba de yi thad du de rab byung // der ni srog chags bye ba mang pos thos// de la ya mtshan gyur nas dang bskyed de// rjes su slob cing mang po rab tu byung // der yang de yi grogs po gang dag byung / / skal ba mnyam pa tshong dpon bu gzhon dag/ a la sangs rgyas bstan de rgya che zhes// srog chags stong phrag mang po rab tu byung // de tshe rgyal po de yang rab tu byung / / de tshe rgyal srid 'dod pa'i longs spyod spangs// de tshe bye ba khrag khrig brgyad cu bdun// mthong ba'i rjes 'brang de dag rab tu byung // de tshe rgyal po rab tu byung rig nas de tshe rgyal po'i btsun mo'ang rab tu byung / / de tshe bud med stong phrag brgyad cu dag/ rgyal po mchog dang de dgra rab tu byung // dpa' bo dran pa rnyed kyi rjes slob cing // de dag kun kyang / theg pa mchog la zhugs// gang gi yon tan bsngags 'phreng 'di 'dra ba// dpa' bo de la su zhig slob mi byed// shA ra dwa ti'i bu khyod de'i tshe de'i dus na// rgyal bopo lhag par bya ba byas pa zhes bya ba byung ba de gzhan zhig yin pa snyam du sems na/ shA ra dwa ti'i bu khyod kyis de ltar blta bar mi bya'o// de ci'i phyir zhe na/ de'i tshe de'i dus na ngani rgyal po lhag par bya ba byas pa zhes bya ba der gyur to/ / rgyal po'i gzhon nu dran pa rnyed de ni nga'i bur gyur to// de tshe lo ni nyi khri tshig stong du// bud med gzhon nu zong mi ngag dang bcas/ / rgyal pos de tshe tshangs par spyod pa spyad// tshe zad nas ni de tshe 'dri dus byas// de tshe ston pas dge slong dge 'dun gsungs// rkang gnyis rnams kyi da 'dzub pa mdzad/ / der ni smon lam rgyal po grong byung ba// sangs rgyas yon tan rgyal pos lung bstan to// rgyal po de ni tshangs par spyod pa spyad// theg mchog dam pa la ni yang dag zhugs/ / phyir zhing 'di ni mi khom 'gro mi 'gyur// de tshe dal ba phun sum tshogs pa 'dzin// de tshe bskal pa mang por spyad byas shing // sangs rgyas grangs med rnams la mchod byas te/ / shAkya btsun pa'i rgyal po rkang gnyis mchog/ rgyal po de tshe bskal pa bzang por 'byung // rgyal po'i gzhon nu dge slong dran pa rnyed// de yi 'khor ni de tshe gang byung ba/ / shAkya btsun pa'i rgyal po nam sangs rgyas// de tshe de yi dus su rab tu 'byung // de tshe de yis tshangs par spyod pa spyad// phyi nas der ni 'chi ba'i dus byas shing / / de tshe mi yi dngos po'ang thob nas su// de tshe mya ngan yongs 'das ring bsrel rgyas// de tshe tha ma'i dus la gnas pa na// tshul 'di nyid kyi chos ni nyan byed cing // gang dag nga yis da ltar mdo bshad pa// nga yi bstan pa 'dir ni rgyas byas te// thogs med sangs rgyas ye shes rnam par dag/ de tshe theg mchog can de tshig smra ba// de bzhin 'gyur gyi gzhan du 'gyur ma yin/ / phyi ma'i dus na de ni de ltar 'gyur// gang gis chos 'di 'dra ba de thos na// mchog tu dga' ba dang ni dang 'gyur ba// lung ston sangs rgyas bdag gis 'dir mthong bar/ / de dag rnams kyi dogs pa gzhar mi bya// chos kyi rgyal po dam pa bdag gis mthong // 'drin chos ston pa yang thos par 'gyur// gang dag 'jig pa chen po phyi ngus na/ / chos zab bzod pa mngon par thob par 'gyur// dge slong dge slong ma dang dge bsnyen dang // dge bsnyen ma dang gang dag shes rab rno// gang dag chos 'di 'dra ba de 'dod pa/ / de dag theg pa mchog tu dra lung bstan// chos 'di rab tu bstan pa'i tshe na ni// bye ba khrag khrig drag ni bdud cu yis// mig mchog dam pa de dag thob par gyur// rgyal bas sras 'khod pa dag lung bstan to// lhag pa'i bsam pa yang dag par bstan pa'i le'u ste bdun pa'o// // shA ra dwa ti'i bu de ltar byang chub sems dpa' lhag pa'i bsam pa dang ldan pas mnyam pa nyid kyi yang dag pa'i lta ba la mngon par brtson par bya dgos te/ yang dag pa'i lta ba zhes bya ba ni mi mnyam pa med pa'o// shA ra dwa ti'i bu yang yang dag pa nyid mthong bas na/ yang dag pa'i lta ba zhes bya'o// shA ra dwa ti'i bu yang mnyam pa nyid kyis yang dag pa'i lta ba zhes bya'o// ci'i phyir mnyam pa nyid kyis yang dag pa'i lta ba zhes bya zhe na/ shA ra dwa ti'i bu mig ni mya ngan las 'das pa ste/ mig las mya ngan las 'das pa gzhan ma yin no// de ltar mig dang mya ngan las 'das pa 'di ni gnyis su med de gnyis su dbyer med do/ / 'di ni mtshungs pa ste/ mtshungs pa gang gis mtshungs she na/ mig mtshungs pa dang / mya ngan las 'das pa mtshungs pas mtshungs so// mig la mig med do/ / mya ngan las 'das pa la mya ngan las 'das pa med do// mig la mya ngan las 'das pa med do// mya ngan las 'das pa la mig med do// de ltar mig dang mya ngan las 'das pa de dag gnyis ka yang rtag tu med pa nyid kyis mnyam mo/ / de bzhin du rna ba dang / sna dang / lce dang / lus dang / yid dag la'ang sbyar bar bya'o// de ltar yid dang mya ngan las 'das pa 'di ni mtshungs pa ste/ cis mtshungs she na/ yid mtshungs pas mtshungs so// mya ngan las 'das pa mtshungs pas mtshungs so// yid la yid med do/ / mya ngan las 'das pa la mya ngan las 'das pa med do// yid la mya ngan las 'das pa med do// mya ngan las 'das pa la yid med do// gang yang yid dang mya ngan las 'das pa 'di ni gnyis su med de dbyer med do/ / rtag tu med pa nyid kyis rtog pa med pa'o// stong pa nyid kyis stong pa ste/ shA ra dwa ti'i bu 'di ni yang dag pa'i lta ba zhes bya'o// lta ba de mnyam pas na/ de'i phyir yang dag pa'i lta ba zhes bya'o// de dag mnyam par phyin pas na/ de'i phyir yang dag pa'i lta ba zhes bya'o// de'i sgrub pa gang zhe na/ gang sgrub pa med pa'o/ / shA ra dwa ti'i bu yang log par sgrub pa zhes bya ba ni/ gang chos de dag 'gro bar mi byed pa nyid dang / spang ba dang / gting mi dbog pa nyid de/ shA ra dwa ti'i bu 'di ni log par sgrub pa zhes bya'o/ / shA ra dwa ti'i bu gang 'di la log par sgrub pa'i mchog de ni/ gang chos de lta bu de dag gis rlom sems su byed pa'o// de ci'i phyir zhe na/ shA ra dwa ti'i bu yang dag pa'i lta ba ni rlom sems med pa'i phyir te/ shA ra dwa tri'i bu de bzhin gshegs pas 'phags pa 'ang thos thos pa dang lnga ri sa la rlob sems su mi byed do// sas rlom sems su mi byed do/ / sa nga'i zhes rlom sems su mi byed do// sa'i nga zhes rlom sems su mi byed / rme rung pa lams dag la yang sbyar bar bya'o// mya ngan las 'das pa'i bar la rlom sems su mi byed do// mya ngan las 'das pas rlom sems su mi byed do// mya ngan las 'das pa nga'i zhes rlom sems su mi byed do// mya ngan las 'das pa'i nga zhes rlom sems su mi byed/ mngon par zhen par mi byed do zhes kyang gsungs so// shA ra dwa ti'i bu da zhes bya ba ni gang la lta ba med pa'o// sha ra dwa ti'i du lta ba thams cad ni log par lta ba'o/ / shA ra dwa ti'i bu lta ba med pa ni yang dag pa'i lta ba ste/ shA ra dwa ti'i bu 'di ni yang dag pa'i lta ba zhes bya'o// shA ra dwa ti'i bu yang yang dag pa'i lta ba ni tshig gis bstan par mi nus so/ / de ci'i phyir zhe na/ shA ra dwa ti'i bu dag gi las thams cad ni tshig tsam du zad de/ de la yang dag pa'i lta ba med pa'i phyir ro// shA ra dwa ti'i bu yang yang dag pa'i lta ba ni ji ltar de bzhin gshegs pas rab tu mkhyen pa bzhin te/ de la log par lta ba ni 'ga' yang med de// de ci'i phyir chen/ shA ra dwa ti'i bu ngag gi de bzhin nyid thams cad ni nga ga de bzhin te/ ngag dan ji ltar de bzhin nyid bzhin pa'i phyir ro// shA ra dwa ti'i bu yang dag de ni brjod du med pa'o// ngag de ni tha mi dad pa'o// chos nyid ji lta ba bzhin te/ ngag de ni de bzhin no// shA ra dwa ti'i bu lus de ni de bzhin nyid kyi lus so// shA ra dwa ti'i bu de bzhin nyid kyi lus zhes bya ba ni lus de phyin ci ma log pa de bzhin zhing lus de tha mi dad pa ste/ lus de ji lta bar ngag de ni de bzhin no// shA ra dwa ti'i bu lus de ni de bzhin nyid kyi lus so// shA ra dwa ti'i bu de bzhin nyid kyi lus zhes bya ba ni lus de phyin ci ma log pa de bzhin zhing / lus de gzhan ma yin pa de bzhin la/ lus de tha mi dad pa ste/ shA ra dwa ti'i bu lus de ni de bzhin nyid kyi 'bras bu'o// de bzhin du 'bras bu de ni las ji lta ba bzhin no/ / des na de bzhin gshegs pa bden pa gsung ba yang dag par gsung ba ni 'di skad du/ lus yod na rnam par smin pa 'byung ngo // de ltar lus ji lta ji lta ba de lta de ltar rnam par smin pa'o zhes gsungs so/ / shA ra dwa ti'i bu de bzhin du ye shes kyi 'gro ba ni ye shes yin gyi/ shA ra dwa ti'i bu 'di ye shes med pa ni ma yin no// shA ra dwa ti'i bu de la byang chub sem dpa' ni/ de skad bstan pa na mi skrag/ mi dngang / dngang bar mi 'gyur te/ mi rmongs/ kun tu mi rmongs so// shA ra dwa ti'i bu chos bzhi po 'di dag ni slu bar 'gyur ba ste/ bzhi gang zhe na/ shA ra dwa ti'i bu gcer bu pa'i smra ba dang / 'jig rten rgyang 'phen pa kun tu bsten cing bsgoms la/ lan mang du byas pa slu bar 'gyur ba yin/ shA ra dwa ti'i bu log par lta ba kun tu bsten cing bsgoms la/ lan mang du byas pa slu bar 'gyur ba yin/ shA ra dwa ti'i bu rtsod pa dang 'phrad pa yongs su 'dzin pa kun tu bsten cing bsgoms la/ lan mang du byas pa slu bar 'gyur ba yin/ mdo sde zab mo zab pa'i gtam dang ldan pa/ stong pa nyid dang ldan pa 'di lta bu dag la ma dad cing mi mkhas la/ bsnyen bkur mi byed cing nges par mi sems pa slu bar 'gyur pa yin te/ shA ra dA ti'i bu bzhi po de dag ni slu bar byed pa'i chos dag yin gyi/ slu bar mi byed pa dag ni ma yin no// shA ra dwa ti'i bu slu bar byed pa'i chos bzhi po dag kyang spang ba'i phyir/ slu bar mi byed pa'i chos bzhi po de dag bsgom par bya/ bsten par bya'o// bzhi gang zhe na/ log par lta ba spang ba'i phyir/ yang dag pa'i lta ba bsgom par bya ba yin/ shA ra dwa ti'i bu gang la 'jig rten rgyang 'phen pa dang ldan pa'i gtam yod pa de la/ dge slong ngo tsha shes pa nges gnas par mi bya zhing / myur ba kho nar 'gro bar bya ba 'di ni slu ba spong bar 'gyur ba'i chos gnyis pa yin no/ / shA ra dwa ti'i bu gzhan yang gnas gang du rtsod pa dang phrad par 'gyur ba der dge slong gis 'gro bar mi bya zhing gzhan du na rtsod pa de nye bar zhi bar bya ba'i phyir/ der song bas kyang chos ma yin pa smra ba rnams tshar gcad pa dang / chos smra ba rnams bsdu ba'i phyir chos nyid smra bar bya// ba'i chos ma yin pa ni ma yin te/ shA ra dwa ti'i bu dge 'dun mthun par yang byas par 'gyur ba 'di ni slu pa spong bar 'gyur gyi/ mi slu bar byed pa'i chos gsum pa yin no// shA ra dwa ti'i bu gzhan yang chos kyi rnam grangs 'di lta bu de dag dge slong gis legs par rab tu gzung zhing / bzung nas bsgrub pa la gnas te/ lung nod pa dang / kha ton la mngon par brtson pa yin/ tshul bzhin yid la bya ba'i phyir yang mngon par brtson pa yin te/ shA ra dwa ti'i bu slu bar mi byed pa'i chos bzhi po de dag ni slu bar spong bar 'gyur ba yin no// shA ra dwa ti'i bu byang chub sems dpa' ngo tsha shes pas ni las mngon par 'du mi byed pa la mngon par brtson par bya'o/ / shA ra dwa ti'i bu byang chub sems dpa' ni legs par go cha bgos pa nyid kyis mi 'jigs par bya'o/ / shA ra dwa ti'i bu byang chub sems dpas ni brtson 'grus chen po mi 'dor ba nyid kyis mi dor bar bya'o// shA ra dwa ti'i bu gang gi tshe byang chub sems dpa' dam pa'i chos yongs su 'dzin pa dang / don yongs su 'dzin pa dang / spyod pa yongs su 'dzin pa dang / ye shes yongs su 'dzin pa la mngon par brtson pa yin zhing / nga'i nyan thos dag la yongs su 'dri bar byed pa de'i tshe/ shA ra dwa ti bu de bzhin gshegs pa bde bar gyur cing / bde ba'i mchog dang ldan no// de ci'i phyir zhe na/ shA ra dwa ti'i bu sangs rgyas kyi rigs de rgyun mi 'chad par 'gyur ba'i phyir ro// gA rad+ha/ ti'i bu nyan thos rnams kyis ni byang chub sems dpa' sems dpa' chen po dag rangs par bya ba yin no// shA ra dwa ti'i bu nyan thos dge slong ngam/ dge slong ma 'am/ dge bsnyen nam/ dge bsnyen ma gang la las de bzhin gshegs pa 'am/ de bzhin gshegs pa'i chos nyid rjes su dran par bya zhing / thog ma med pa'i dus can gyi sdug bsngal gyi phung po de yang rjes su dran par byas te/ byang chub sems dpa' sems dpa' chen po tha na tshig bzhi pa'i tshigs su bcad pa gcig la rangs par byed la/ rangs par byas shing yang dag par 'dzin du bcug la/ yang dag par gzengs bstod pa'i rigs kyi bu des kyang / rang gi dge ba'i rtsa ba yongs su smin par byas te/ sangs rgyas kyi ye shes yang dag par bsgrubs nas sangs rgyas su 'gyur zhing / sangs rgyas su gyur nas/ sdug bsngal gyi phung po grangs med dpag tu med pa bsal bar bya ba'i phyir chos bstan par 'gyur ro snyam du sems na/ shA ra dwa ti'i bu bsod nams kyi phung po dpag tu med par 'gyur ro/ / tshigs su bcad pa gcig kho na yang dag par 'dzin du bcug pa'i byang chub sems dpa' yang bsod nams kyi phung po de nyid skyed do// shA ra dwa ti'i bu gal te bsod rnams kyi phung po de gzugs can du gyur na/ shA ra dwa ti'i bu gling chen po bzhi pa'i 'jig rten gyi khams na/ gling bzhi pa'i sems can ji snyed yod pa de dag tham cad snga phyi rim gyis mi'i lus thob par gyur cing / de dag gi mi'i lus thob nas/ bsod nams kyi phung po de la sA ri rab tsam gyi snod dag gis blangs te 'dong bar gyur la/ shA ra dwa ti'i bu rnam grangs des sems can de dag re res kyang / snod des bsod nams kyi phung po de blangs te 'dong bar gyur cing / de ltar ri rab tsam gyis byed na yang bsod nams phung po de zad pa'am/ yongs su gtugs par nga mi smra'o// shA ra dwa ti'i bu gling chen po bzhi pa'i 'jig rten gyi khams lta zhog gi/ shA ra dwa ti'i bu stong gsum gyi stong chen po'i 'jig rten gyi khams na sems can gzugs can nam/ gzugs can ma yin pa 'am/ 'du shes can nam/ 'du shes can ma yin pa 'am/ 'du shes med 'du shes med min yang rung ste/ ji srid yod pa de dag thams cad kyis/ snga phyi rim gyis mi'i lus thob nas/ ri rab tsam gyi snod dag gis bsod nams kyi phung po de blangs te dong bar gyur cing / rnam grangs des sems can re res kyang rirab tsam gyi snod dag gis bsod nams kyi phung po de blangs te song yang / bsod nams kyi phung po de da dung zad pa 'am/ yongs su gtugs par nga smra'o// shA ra dwa ti'i bu de ltar gang nga'i nyan thos dge slong ngam/ dge slong ma 'am/ dge bsnyen nam/ dge bsnyen ma'ang rung ste/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par yang dag/ par zhugs pa rangs par byed cing / yang dag par 'dzin du 'jug la/ yang dag par gzengs bstod cing / tha na tshig bzhi pa'i tshigs su bcad pa tsam yang dag par rab tu ston pa de ni bsod nams kyi phung po dpag tu med pa dang ldan pa yin no/ / shA ra dwa ti'i bu gal te byang chub sems dpa' sems dpa' chen pos ming 'dre zhes bya ba byang chub kyi phyogs kyi chos yongs su smin par bya ba'i phyir/ chos kyi sbyin pas rangs par byas shing / sangs rgyas kyi chos de snyed nye bar ston par byed pa de lta bur shes par byed na/ shA ra dwa ti'i bu des ji tsam du sangs rgyas kyi ye shes nye bar rtog par byed pa'i byang chub sems dpa' de nye bar sgrub pa thams cad kyi mgos 'dzin tam phrag pas 'dzin cing / rnam grangs des byang chub sems dpa' gang gi nub mo bla na med pa yang dag par rdzogs pa'i byang chub mngon par rdzogs par 'tshang rgya zhing / sems can de yongs su smin par byed na/ sems can de la chos bstan cing / de la gzhag na yang re zhig byang chub sems dpa' sems dpa' chen pos de ltar byas pas lan du bya ba byas par mi 'gyur te/ byang chub sems dpa' sems dpa' chen po de ni/ sangs rgyas kyi chos dpag tu med pa de snyed dang ldan pa yin no/ / shA ra dwa ti'i bu de lta bas na rnam grangs des khyod kyis ji ltar byang chub sems dpa' des/ sems can de la lan du bya ba byas pa ma yin pa de ltar rig par bya'o/ / // bam po bcu gsum pa// / shA ra dwa ti'i bu sngon byung ba 'das pa'i dus na/ bskal pa grangs med pa'i yang ches grangs med payangs pa/ tshad med pa/ bsam gyis mi khyab pa/ dpag tu med par gyur pa byung ba de'i tshe de'i dus na/ de bzhin gshegs pa kun nas sbas zhes bya ba byung ste/ bcom ldan 'das de'i tshe tshad ni lo bdun khri thub par gyur to/ / de'i nyan thos 'dus pa ni gsum byung ste/ gcig ni dge slong khrag khrig phrag brgyad cu byung ngo // gnyis pa ni dge slong khrag khrig phrag drug cu byung ngo / / nyan thos 'dus pa gsum pa ni dge slong khrag khrig phrag bzhi bcu byung ngo // shA ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas kun nas sbas yongs su mya ngan las 'das nas/ dam pa'i chos ni lo bzhi khri gnas par gyur to// bcom ldan 'das de yongs su mya ngan las 'das nas/ lnga brgya pa bla ma la dam pa'i chos nub pa'i dus kyi tshe na/ dge slong ye shes mchog ces bya ba mang du thos pa/ yid gzhungs pa/ gsal ba/ dul ba zhig byung ngo // shA ra dwa ti'i bu de'i tshe 'dzam bu'i gling 'dir rgyal po mtha' yas zhes bya ba byung ste/ rgyal po de'i pho brang 'khor ni grong khyer mtha' yas zhes bya ba/ chu zheng du dpag tshad bcu gnyis yod pa/ 'byor pa/ rgyas pa/ bde ba/ lo legs pa/ nyams dag pabapaskye bo dang mi mang pos gang ba zhig byung ngo / / de'i tshe yang grong khyer mtha' yas su khyim bdag khro ba med ces bya ba byung ste/ shA ra dwa ti'i bu khyim bdag khro ba med de'i bu ni don gyi blo gros zhes bya ba zhig byung ngo / / de nas tshong dpon gyi bu don gyi blo gros/ dge slong ye shes mchog ga la ba der song ste phyin nas/ dge slong ye shes mchog gis byang chub sems dpa' dang ldan pa'i gtim byas so/ / de nas tshong dpon gyi bu don gyi blo gros kyis/ dge slong ye shes mchog las gtam thos nas yi rangs te so so yang dag par rig par gyur to// des de'i tshe chos gos rin tang bye ba ri bas dge slong ye shes mchog la mngon par bkab bo/ / mngon par bkab nas dge slong ye shes mchog la smras pa/ 'phags pa khyod kyis legs par smras pa legs so legs so/ / bdag gi khyim du yang deng sbron cig/ byon nas kyang chos kyi gtam de lta bu mdzod cig dang / bdag la yang phan par 'gyur/ tshe dang ldan pa'i chos kyi sbyin pa yang 'bras bu chen por 'gyur ro/ / deng phyin chad ji srid 'tsho'i bar du chos gos dang / bsod snyoms dang / gzims cha dang / snyan gyi gsos sman dang / yo byad dag dang / yo byad gzhan dang gzhan dag la spyan 'dzin to/ / dge slong gang dag tshe dang ldan pa'i rjes su 'brang ba de dag kyang mthon du gnyer ro// de nas dge slong ye shes mchog gis/ tshong dpon gyi bu don gyi gros la 'di skad ces smras so/ / khyim bdag khyod kyis smras pa de dag dge'o// de nas tshong dpon gyi bu don gyi blo gros dge slong ye shes mchog gi rkang pa la phyag 'tshal te bskor ba byas nas/ dge slong ye shes mchog gi thad nas song ngo // shA ra dwa ti'i bu de'i 'og tu dge slong ye shes mchog tshong dpon gyi bu gzhon nu don gyi blo gros kyi khyim du song ngo // shA ra dwa ti'i bu de nas dge slong ye shes mchog gis tshong dpon gyi bu gzhon nu don gyi blo gros kyi pha ma dag dang / bu dang / chung ma dang / bran dang / bran mo dang / las byed pa dang / zho shas 'tsho ba dag bla na med pa yang dag par rdzogs pa'i byang chub la bkod do/ / shA ra dwa ti'i bu de yang dge ba'i rtsa ba des bskal pa grangs med par nam yang sangs rgyas dang bral bar ma gyur/ chos dang bral bar ma gyur/ dge 'dun dang bral bar ma gyur/ dge ba'i bshes gnyen dang bral bar ma gyur to// shA ra dwa ti'i bu de'i tshe de'i dus na tshong dpon gyi bu don gyi blo gros zhes bya ba byung ba de gzhan zhig yin pa snyam du khyod sems na/ de ltar blta bar mi bya'o// de ci'i phyir zhe na/ de'i tshe de'i dus nang ni tshong dpon gyi bu don gyi blo gros zhes bya bar gyur to// shA ra dwa ti'i bu de'i tshe de'i dus na tshong dpon gyi bu gzhon nu de'i pha byung ba de gzhan zhig yin pa snyam du khyod som nyi 'am yid gnyis za bar gyur na/ de ltar blta bar mi bya'o// de ci'i phyir zhe na/ de'i tshe de'i dus na de bzhin gshegs pa 'od srungs de ni nga'i phar gyur to/ / shA ra dwa ti'i bu de'i tshe de'i dus na srog chags bye ba khrag khrig byung ba de gzhan zhig yin pa snyam du sems na/ shA ra dwa ti'i bu khyod kyis de ltar blta bar mi bya'o// de ci'i phyir zhe na/ de dag thams cad ni bla na med pa yang dag par rdzogs pa'i byang chub tu nges pa sha stag go// shA ra dwa ti'i bu de dag ni 'khor 'di nyid du yang 'dus par gyur te/ de dag kyang ngas bla na med pa yang dag par rdzog pa'i byang chub tu lung bstan to/ / shA ra dwa ti'i bu dge slong ye shes mchog ni de nyid kyi tshe/ len pa'i lhag ma med pa'i mya ngan las 'das pa'i dbyings su yongs su mya ngan las 'das so// shA ra dwa ti'i bu gal te dge slong ye shes mchog nyan thos kyi theg pas yongs su mya ngan las 'das par ma gyur na/ des tshong dpon gyi bu don gyi blo gros la chos bstan pas/ bsod nams kyi phung po ji snyed yod pa de snyed kyis/ de bla na med pa yang dag par rdzogs pa'i byang chub tu mngon par rdzogs par sangs rgyas par 'gyur te/ gang de'i pha ma dag dang / g.yog 'khor thams cad la chos bstan par byas ba lta ci smos/ shA ra dwa ti'i bu gal te dge slong ye shes mchog yongs su mya ngan las 'das par ma gyur na/ shA ra dwa ti'i bungs dge slong de la lan du bya ba byed mi nus par mi 'gyur ro// shA ra dwa ti'i bu rjed pa 'am mchod pa byas kyang / nga la chos bstan des don ji lta bu byas pa de'i lan du bya ba byed mi nus par 'gyur ro// shA ra dwa ti'i bu de lta bas na gang gis byang chub sems dpa' chos dang ldan pa'i gtam gyis rangs par byas shing / yang dag par 'dzin du bcug la/ yang dag par bzengs bstod pa de ni bsod nams kyi phung po dpag tu med pa dang ldan pa yin no/ / shA ra dwa ti'i bu byang chub sems dpa' de ni bya ba dpag tu med pas sems de skyed par byed cing / sems bskyed pa mngon par sgrub par byed la// sems skyed pa de rab tu gnas par byed do/ / shA ra dwa ti'i bu 'di lta ste/ dper na rgya mtsho chen po rab tu gnas pa na nor bu rin po che de dag ni rin thang gdab tu yod pa 'am/ rin thang gdab tu med pa yin pa de lta bu shes par bya ba yin zhing / de dag thams cad kyang rgya mtsho chen po na rab tu gnas par rig par bya ba yin la/ de dag thams cad rgya mtsho chen po nas re bar bya ba yin no// shA ra dwa ti'i bu de bzhin du bla na med pa yang dag par rdzogs pa'i byang chub tu byang chub sems dpa'i sems bskyed pa rab tu gnas pa na/ 'jig rten pa dang / 'jig rten las 'das pa dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas kyi ye shes ji snyed yod pa thams cad kyi snod de yin par 'gyur ba dang / ye shes yongs su gnas par byed par 'gyur ba dang / der ye shes thams cad rab tu dbye ba thob par 'gyur ba dang / ye shes thams cad kyang de las rab tu skye bar 'gyur ro snyam du sems shes par bya ba yin no/ / shA ra dwa ti'i bu 'di lta ste/ dper na rgya mtsho chen po de nyid rab tu gnas pa na/ shA ra dwa ti'i bu gang du lus chen po rgyas par 'gyur ba de ni 'byung ba chen po rnams kyi gnas su 'gyur ba de lta bur rig par bya ba yin no/ / shA ra dwa ti'i bu de bzhin du byang chub kyi sems rab tu gnas pa na/ shA ra dwa ti'i bu bla na med pa yang dag par rdzogs pa'i byang chub gang du ye shes kyi lus chen po rgyas par 'gyur ba dang / dge ba'i rtsa ba'i tshogs chen po mngon par 'phel bar 'gyur ba de ni/ 'byung ba chen po mang po grangs med pa'i gnas su 'gyur ba de lta bur rig par bya ba yin no/ / shA ra dwa ti'i bu 'di lta ste/ dper na rgya mtsho chen po de nyid rab tu gnas pa na/ shA ra dwa ti'i bu gang du klu'i rgyal po chen po gnas pa de dag bya'i rgyal po nam mkha' lding dag gis thul bar dka' bar 'gyur ba dang / de dag rgya mtsho chen po nas byung nas kyang / gling bzhi pa'i 'jig rten gyi khams char pa'i rgyun chen pos tshim par byed pa de ni/ klu chen po dag gi gnas su 'gyur ba de lta bur rig par bya ba yin no// shA ra dwa ti'i bu de bzhin du byang chub sems dpa'i sems bskyed pa yongs su gnas pa/ de las gzhan pa'i byang chub sems dpa' sems dpa' chen po rnams kyis de sangs rgyas su gyur na/ sems can dpag tu med pa'i gnas chen por gyur par 'gyur ba dang / chos de dag gi gnas kyang byed par 'gyur ba dang / sangs rgyas kyi yul de'i gnas kyang byed par 'gyur ba dang / de las bdud sdig can ngag gis phyir mi bsgyur bar 'gyur ba dang / thul bar dka' bar 'gyur ba dang / mi non par 'gyur ba dang / gal te bdud rnams kyis bdud kyi las bya'o snyam nas/ gnod pa'i sems bskyed par gyur na/ de dag gis sems bskyed ma thag kho nar bdud kyi bcing ba thams cad thal bar rlog par byed par 'gyur ba dang / bdud kyi sems thams cad thal bar rlog par byed par 'gyur bar rig par bya ba yin no// 'di lta ste/ dper na klu chen po de dag ni rgya mtsho chen po las phyir bsgyur bar dka' ba yin zhing / de dag rgya mtsho chen po nas mngon du byung nas/ gling bzhi pa'i 'jig rten gyi khams char pa'i rgyun chen pos kun tu sim par byed cing / der sman dang nags tshal dag 'phel ba dang / rgyas pa dang / yangs pa nyid du 'gyur ba dang / rkang gnyis pa dang / rkang bzhi pa dag skom pa rgyun gcod par 'gyur ba dang / de'i 'og tu yang rgya mtsho chen por 'bab par 'gyur ba yin no/ / shA ra dwa ti'i bu de bzhin du byang chub sems dpa'i sems bskyed pa der rab tu gnas pa na/ shA ra dwa ti'i bu de ni byang chub sems dpa' sems dpa' chen po klu chen po rnams kyi gnas yin par 'gyur ba dang / de nas mngon du byung nas kyang / stong gsum gyi stong chen po'i 'jig rten gyi khams kyi grong dang / grong khyer dang / grong rdal dang / ljospongs dang / yul 'khor dang / rgyal po'i pho brang 'khor rag tu 'dod chags dang bral ba'i mtha' las byung ba'i chos kyi char pa mngon du 'bebs par byed pa dang / chos kyi char pa chen po 'bebs par 'gyur ba dang / sems can grangs med dpag tu med pa'i sred pa dang / 'dod pa'i sred pa dang / gzugs kyi sred pa dang / gzugs med pa'i sred pa rab tu zhi bar byed par 'gyur ba de lta bur rig par bya ba yin no/ / shA ra dwa ti'i bu 'di lta ste/ dper na rgya mtsho chen po de nyid yongs su gnas pa na/ gling bzhi pan chu klung chen po gang dag ji snyed yod pa de dag thams cad 'jor 'jab par 'gyur ba dang / rgya mtsho chen po ni rim gyis gzhol ba'i bying/ rgya mtsho chen po ma gtogs par de dag gi gnas pag ni ming de/ de dag thams cad rgya mtsho chen po ga la ba der 'bab kyang / rgya mtsho chen po grang ba 'am/ bri bar mi 'gyur ba dang / rgya mtsho chen po'i chos nying gnas pa nyid ni 'di yin te/ 'di lta ste/ rgya mtsho chen po'i dra ni rgyu tha dad pa'abab sa yang ma yin la/ chu gcig pa yin par yang 'gyur ba dang / 'di lta ste/ lan tshwa'i rorang ro gcig par 'gyur bar rig par bya ba yin no// shA ra dwa ti'i bu de bzhin du byang chub sems dpa'i sems bskyed pa rab tu gnas pa na/ de sangs rgyas nyid dang / de bzhin gshegs pa nyid dang / mngon par rdzogs par sangs rgyas nas/ sangs rgyas kyi chos rnams yongs su rdzogs pa dang / sems can thams cad kyi shes rab rgyun mi 'chad pa'i snod du gyur par 'gyur ba dang / sems can gang dag chos kyi the tsom sna tshogs skyes pa de dag gis kyang de mthong ma thag kho nar the tsom dang bral bar 'gyur ba dang / ming snga ma de dag kyang 'di lta ste/ de bzhin gshegs pa'i nyan thos zhes bya bar mi gcig par 'byung ba de lta bur rig par bya ba yin no/ / shA ra dwa ti'i bu 'di lta ste/ dper na rgya mtsho chen po ni lan tshwa'i ror ro gcig pa yin no// de bzhin du de'i nyan thos legs pa kho nar rnam par grol bas rnam par grol ba de dag tham cad ni 'di lta ste/ rnam par grol ba'i ror ro gcig par 'gyur ba yin no// shA ra dwa ti'i bu 'di lta ste/ dper na rgya mtsho chen po de nyid rab tu gnas pa na/ gzod ma nyid nas rim gyis gzhol bar gnas so/ / shA ra dwa ti'i bu gal te rgya mtsho chen po gzod ma nyid nas bya skyibs su chags par gyur na/ rin po che 'dod pa'i mi rnams 'jug par mi 'gyur ro// shA ra dwa ti'i bu rgya mtsho chen po ni zab pa nyid dang / chu mtha' yas par rab tu gnas so// shA ra dwa ti'i bu de bzhin du byang chub sems dpa'i sems bskyed pa gnas pa na/ gzod ma nyid nas / rim gyis gzhol bar rab tu gnas shing / mtha' yas pa nyid kyis rim gyis 'bab pa dang / rim gyis bab par kun nas gnas la zab pa nyid du rab tu gnas so// shA ra dwa ti'i bu de la rim gyis gzhol ba nyid ni 'di yin te/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa mngon par bsgrub pa'o// shA ra dwa ti'i bu de la byang chub sems dpa'i shes rab kyi pha rol tu phyin pa ni zab pa nyid du rig par bya'o// shA ra dwa ti'i bu de la byang chub sems dpa'i sangs rgyas kyi chos kyi thabs la mkhas pa mngon par bsgrub pa ni mtha' yas pa nyid du blta bar bya ste/ gzod ma nyid nas yang dag pa'i mtha' mngon du byas pas mi gnon par 'gyur ba dang / sems can grangs med dpag tu med pa mi 'jug par gyur pa dang / chos dkon mchog 'dod pa rnams mi 'jug par gyur na ni mi rung ngo snyam nas/ rim gyis gzhol zhing 'bab par 'jug pa de nyid kyis kyang dmigs pa thams cad sgyur bar byed do// shA ra dwa ti'i bu 'di lta ste/ dper na rgya mtsho chen po de nyid rab tu gnas pa na/ gzod ma nyid nas 'gro ba thams cad kyi rgyu nyid du rab tu gnas so/ / shA ra dwa ti'i bu de bzhin du byang chub kyi sems bskyed pa rab tu gnas pa na/ gzod ma nyid nas 'gro ba thams cad kyi rgyu nyid du rab tu gnas so/ / shA ra dwa ti'i bu 'di lta ste/ dper na rgya mtsho chen po de nyid rab tu gnas pa na/ gzod ma nyid nas rin po che'i gling rgyun mi 'chad/ pa nyid rab tu gnas so// shA ra dwa ti'i bu de bzhin du byang chub sems dpa'i sems bskyed par rab tu gnas pa na/ gzod ma nyid nas dran pa nye bar gzhag pa dang yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rin po che dag rab tu gnas par byed do// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das 'di lta ste/ de bzhin gshegs pa dgra bcom pa yang dag par rdzogs pa'i sangs rgyas kyis rgya mtsho chen po'i dpe rab tu bzhag pa dang / spobs pa dpag tu ma mchis pa mngon par bsgrub pa'i tshul gyis/ byang chub sems dpa' rnams kyi byang chub kyi sems rab tu bzhag pa ni ngo mtshar lags so// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa ti'i bu 'di ni de bzhin gshegs pas dpe tsam zhig mdzad pa'o// shA ra dwa ti'i bu byang chub sems dpa' rnams kyi sems bskyed pa ni rgya mtsho chen po'i dpe'i tshad ma yin no/ / shA ra dwa ti'i bu byang chub sems dpa'i sems bskyed pa ni dmigs pa'i spobs pa dpag tu med pa'o// shA ra dwa ti'i bu de bzhin gshegs pa ni dmigs pa'i spobs pa gcig pa ma yin gyi/ dmigs pa'i spobs pa dpag tu med pa'o// de ci'i phyir zhe na/ byang chub sems dpa' sems dpa' chen po rnams kyi sems bskyed pa ni ngas spobs pa dpag tu med pa nyid kyis stong gsum gyi stong chen po'i 'jig rten gyi khams yongs su gnas pa'i dmigs pas yongs su gzhag pa'i phyir ro/ / de ci'i phyir zhe na/ shA ra dwa ti'i bu byang chub kyi sems bskyed pa yongs su gnas pa de de dang 'dra ba'i phyir te/ 'di ltar de las brtsams nas/ de bzhin gshegs pa dgra bcom pa yang dag par rdzogs pa'i sangs rgyas kyis bskal pa 'am/ bskal pa las lhag pa 'am/ de bas kyang lhag par bstan kyang / byang chub sems dpa'i sems bskyed pa de ni zad pa 'am/ yongs su nyams par mi 'gyur ro/ / de ci'i phyir zhe na/ shA ra dwa ti'i bu byang chub sems dpa'i sems bskyed pa de ni thul bar dka' ba'i bya ba dang / bsnyen par dka' ba'i bya ba dang / mngon du 'phags pa'i bya ba dang / sems can bde bar byed pa'i bya ba dang / nyams dga' bar byed pa'i bya ba dang / dga' ba'i bya ba dang / khams gsum 'gyur ba'i bya ba dang / ye shes chen po 'gyur ba'i bya ba dang / gting dpag dka' ba'i bya ba dang / ma chags pa'i bya ba dang / snang ba chen po'i bya ba dang / de 'dra ba'i byabs yongs su gnas pa'i phyir te/ shA ra dwa ti'i bu mdor na byang chub sems dpa'i sems bskyed pa ni/ bya ba de 'dra bas bgrang ba'i mthar bya bar mi nus so// shA ra dwa ti'i bu 'di lta ste/ dper na stong gsum gyi stong chen po'i 'jig rten gyi khams yongs su gnas pa na/ 'jig rten gyi khams de ni stong gsum gyi stong chen po'i 'jig rten gyi khams na/ sems can ji snyed yod pa de dag gis nye bar spyad par bya ba'i phyir rab tu gnas pa yin no/ / shA ra dwa ti'i bu de bzhin du byang chub sems dpa'i sems bskyed pa rab tu gnas pa na/ de ni sems can grangs med dpag tu med pa'i ye shes nye bar spyod pa'i gnas su gyur pa yin par gnas pa de lta bur rig par bya ba yin no/ / shA ra dwa ti'i bu 'di lta ste/ dper nA ri'i rgyal po ri rab rab tu gnas pa na/ shA ra dwa ti'i bu lha'i bu stong phrag mang po'i gnas yin par 'gyur ba dang / de la gnas nas sum cu rtsa gsum pa'i lha rnams kyis/ lha ma yin gyi dmag mang po pham par byed par 'gyur bar rig par bya ba yin no// shA ra dwa ti'i bu de bzhin du byang chub sems dpa'i sems bskyed pa rab tu gnas pa na/ de ni nyan thos grangs med dpag tu med pa'i gnas yin par 'gyur ro// de la gnas nas lha rnams kyis lha ma yin gyi dmag dag pham par byed par 'gyur ba ji lta bu de bzhin du/ shA ra dwa ti'i bu de la gnas nas sems can dpag tu med pa gzhan dag gis kyang blo gros sbyang dka' ba'i bdud kyi dpung dag kyang pham par byed par 'gyur ba yin no/ / shA ra dwa ti'i bu 'di lta ste/ dper na ri'i rgyal po khor yug chen po dag rab tu gnas pa na/ sems can gang dag lha'i khongs su gtogs pa de dag thams cad ni thogs pa med par 'gro ba'i rlung gi dkyil 'khor dag gis thul bar dka' bar 'gyur ba yin par bya ba yin no/ / shA ra dwa ti'i bu de bzhin du bla na med pa yang dag par rdzogs pa'i byang chub tu byang chub sems dpa'i sems bskyed pa rab tu gnas kyi/ 'du shes can sems can gang dag byang chub sems dpa'i khongs su gtogs pa de lta bur rig par bya ba yin no/ / shA ra dwa ti'i bu de dag ni nyon mongs pa'i rlung gis dkyil 'khor thams cad kyis thul bar dka' ba yin no// shA ra dwa ti'i bu 'di lta ste/ dper na ri'i rgyal po gangs ri rab tu gnas pa na/ de ni sman thams cad kyi gnas su gyur par rab tu gnas pa de lta bur rig par bya ba yin no// shA ra dwa ti'i bu de bzhin du byang chub sems dpa'i sems bskyed pa rab tu gnas pa na/ shA ra dwa ti'i bu sems can grangs med dpag tu med pa'i nyon mongs pa'i nang yang dag par gzhom par bya ba'i phyir/ ye shes chen po'i sman de rab tu gnas pa de lta bur rig par bya ba yin no/ / shA ra dwa ti'i bu 'di lta ste/ dper na rin po che'i 'byung gnas chen po rab tu gnas pa na/ de ni sems can 'bum phrag mang po la phan 'dogs par gyur pa yin par 'gyur ba dang / kun bged pa yin par 'gyur ba dang / 'du ba yin par 'gyur ba de lta bur rig par bya ba yin no// shA ra dwa ti'i bu de bzhin du byang chub sems dpa'i sems bskyed pa rab tu gnas pa na/ de ni sems can grangs med dpag tu med pa la phan 'dogs pa yin par 'gyur ba dang / de ni 'di lta ste/ chos dkon mchog gi rjes su spyod pa nyid kyis kun 'ged pa/ yin par 'gyur ba de lta bur rig par bya ba yin no// shA ra dwa ti'i bu 'di lta ste/ dper na nyi ma'i gzhal med khang dang / de la lha'i bu nyi ma gnas par byed pa rab tu gnas pa na/ shA ra dwa ti'i bu de ni gling bzhi pa thams cad du snang ba yin par 'gyur ba dang / 'od du 'gyur ba yin pa dang / tsha ba yin par 'gyur ba de lta bur rig par bya ba yin no// shA ra dwa ti'i bu de bzhin du byang chub sems dpa'i sems bskyed pa dang / byang chub sems dpa' ye shes chen po'i gnas theg pa chen po la mngon par zhon zhing gnas par byed pa rab tu gnas pa na/ de ni stong / gsum gyi stong chen po'i 'jig rten gyi khams na snang ba byed pa yin par rig par bya ba yin no// shA ra dwa ti'i bu 'di lta ste/ dper na klu'i rgyal po ma dros pa'i gnas rab tu gnas pa na shA ra dwa ti'i bu klu'i rgyal po chen po de der gnas par byed par 'gyur ba dang / phyogs bzhir chu klung chen po bzhi yang gtong bar 'gyur ba dang / de dag gis rkang gnyis pa dang / rkang bzhi/ pa dag gi skom pas 'jig rten pa'i don byed par 'gyur ba dang / 'bru dang / sman dang / shing ljon pa dang / nags tshal dag mngon par skyed par 'gyur ba dang / rin po che'i 'byung gnas rgya mtsho chen po yang kun tu tshim par byed par 'gyur ba de lta bur rig par bya ba yin no/ / shA ra dwa ti'i bu de bzhin du byang chub sems dpa'i sems bskyed pa de rab tu gnas na/ byang chub sems dpa' de de la gnas nas/ bla na med pa yang dag par rdzogs pa'i byang chub mngon par rdzogs par sangs rgyas te/ chos kyi chu klung rnam pa bzhi po 'di lta ste/ don so so yang dag par rig pa'i chu klung dang / chos so so yang dag par rig pa'i chu klung dang / nges pa'i tshig so so yang dag par rig pa'i chu klung dang / spobs pa so so yang dag par rig pa'i chu klung dag gtong bar byed par 'gyur ba dang / stong pa nyid dang / mtshan ma med pa dang / smon pa med pa dang / 'phags pa'i lam yan lag brgyad pa'i sgra dbyangs kyi nga ro can gyi chos dkon mchog gi chu de dang / dbang po lnga dang / stobs lnga dang / byang chub kyi yan lag bdun gyi chus sems can grangs med dpag tu med pa du ma'i nyon mongs pa'i sred pa rgyun bcad nas/ rgya mtsho chen po'i chu klung chen po bzhin du 'dod chags dang bral ba'i mtha'i rgya mtsho chen po tshim par byed par 'gyur ba de lta bur rig par bya ba yin no/ / shA ra dwa ti'i bu byang chub sems dpa'i sems bskyed pa de ji srid du rab tu gnas pa ni chen po'i bya ba dang / bsnyen par dka' ba'i bya ba dang / mi mnyam pa dang mnyam pa'i bya bas rab tu gnas te/ shA ra dwa ti'i bu de ni de bzhin gshegs pas kyang tshig gis bstan par mi spyod do// shA ra dwa ti'i bu de lta bas na gang sems can de lta bu'i chos dang ldan pa'i gtam gyis rangs par byed cing / yang dag par 'dzin du 'jug la/ yang dag par gzengs bstod pa'i rigs kyi bu 'am/ rigs kyi bu mo de ni/ shA ra dwa ti'i bu bsod nams/ kyi phung po chen po dpag tu med pa skyed pa yin no// shA ra dwa ti'i bu bsod nams kyi phung po de'i bsod nams kyi mtha' ni yongs su mya ngan las ma 'das kyi bar du/ de bzhin gshegs pas kyang bstan par mi spyod de/ theg pa gang dang gang du yongs su bsngos pa de dang drir yang 'grub par 'gyur ro// shA ra dwa ti'i bu 'di lta ste/ dper na de bzhin gshegs pa la phul ba'i sbyin pa dang / de bzhin gshegs pa la bskyed pa'i dge ba'i rtsa ba dag ni yongs su mya ngan las ma 'das kyi bar du bar ma dor yongs su zad par yang dag par rjes su ma mthong ngo // shA ra dwa ti'i bu de bzhin du chos dang ldan pa'i gtam gyis byang chub sems dpa' rangs par byas shing / yang dag par 'dzin du bcug pas/ yongs su mya ngan las 'das pa chen po ma yin gyi bar du bar ma dor yongs su zad pa 'am/ yongs su gtugs par yang dag par rjes su ma mthong ste/ shA ra dwa ti'i bu rnam grangs des na de lta bur rig par bya ba yin no// shA ra dwa ti'i bu sngon byung ba 'das pa'i dus na/ gang byung ba de'i tshe de'i dus na/ byang chub sems dpa' rgyal po'i gzhon nu chos yongs su tshol 'dod pa zhes bya bar byung bar gyur to/ / shA ra dwa ti'i bu byang chub sems dpa' sems dpa' chen po chos yongs su tshol 'dod pa des legs par smras pa ji snyed thos pa de dag thams cad dris shing blangs la brjod de thams cad kun tu bzung ngo / / des kyang de'i tshe byang chub sems dpa' chos yongs su tshol 'dod pa chos yongs su tshol ba la mngon par brtson pas/ grong nas grong dang grong khyer nas grong khyer dang / grong rdal nas grong rdal dang / ljongs nas ljongs su chos yongs su tshol ba la mngon par brtson zhing chos yongs su btsal to// de'i tshe mi gcig cig ri'i bya skyibs na 'dug par gyur te/ des byang chub sems dpa' chos yongs su tshol 'dod pa la smras pa/ gzhon nu tshur shog dang / kho bos khyod la de bzhin gshegs pa'i mtshan dang ldan pa'i gtam bya'o/ / de nas chos yongs su tshol 'dod pa'i mi ri'i bya skyibs na 'dug pa'i mi ga la ba der song ste phyin nas smras pa/ de bzhin gshegs pa'i mtshan dang ldan pa'i gtam rab tu ston cig/ des smras pa/ gzhon nu tshigs su bcad pa de ni rin med par kho bo yang dag par rab tu mi ston to// shA ra dwa ti'i bu de'i tshe rgyal po'i gzhon nu des gos rin tang bye ba phrag nyi shu ri ba lus la gyon par gyur cing / nor bu rin po che rin tang bye ba phrag bzhi bcu ri ba yang lus la btags par gyur to// de nas 'dod pas zil gyis non pa'i mi brkam chags pa de 'di snyam du sems te/ gal te bdag la rgyal po'i gzhon nu des gos de dang / nor bu rin po che de byin par gyur na/ de lta na bdag gis de la tshigs su bcad pa de yang dag par rab tu bstan par bya'o snyam mo/ / de nas chos yongs su tshol 'dod pa'i mis/ mi de la smras pa/ kye mi khyod la ci dgos/ de smros shig dang / kho bos khyod la sbyin par bya'o// khyod kyis kyang kho bo la sangs rgyas dang ldan pa'i tshigs su bcad pa de yang dag par rab tu ston cig/ de nas mi des smras pa/ gzhon nu gal te khyod kyis ji ltar bgos pa'i gos dang / nor bu rin po che de byin zhing / byin nas kyang bya skyibs 'di nas bdag nyid bor na/ de lta na kho bos khyod la tshigs su bcad pa de yang dag par rab tu bstan par bya'o// shA ra dwa ti'i bu da nas byang chub sems dpa' sems dpa' chen po chos yongs su tshol 'dod pas/ mi de la smras pa/ kye mi khyod la don du 'gyur na/ bdag gis ri'i bya skyibs 'di nas bdag nyid dor bar bya'o/ / des smras pa/ gzhon nu bdag la don du gang yang mi 'gyur mod kyi/ 'on kyang gang gi tshe khyod kyis kho bo la gos de dang / nor bu rin po che de byin par gyur la/ de'i tshe khyod kyis tshigs su bcad pa de thos nas 'gyod par 'gyur te/ dbang gis yang 'phrog par 'gyur ro// de nas byang chub sems dpa' chos yongs su tshol 'dod pas/ mi de la smras pa/ kye mi khyod kyis tshigs su bcad pa de kho bo la ston cig dang / kho bos byin nas 'gyod par mi bya'o// mi des smras pa/ gzhon nu khyod dam bcas pa la mi gnas pa de nyid kyi tshe khyod 'gyod par byed pa yin no/ / de nas byang chub sems dpa' sems dpa' chen po chos yongs su tshol 'dod pas/ mi de la smras pa/ kye mi de'i phyir gal te khyod de ltar sems na/ de yongs su rdzogs par byas/ sangs rgyas dang ldan pa'i tshigs su bcad pa de kho bo la ston cig dang / kho bos khyod la gos rin po che de dang / nor bu rin po che de sbyin par bya'o// tshogs su bcad pa de thos nas kyang ri'i bya skyibs 'di nas bdag nyid dor bar bya'o/ / shA ra dwa ti'i bu mi des byang chub sems dpa' de la sangs rgyas kyi mtshan dang ldan pa'i tshigs su bcad pa de bstan to/ / shA ra dwa ti'i bu thos ma thag tu yang gzhon nu chos yongs su tshol 'dod pas mi de la gos de dang / nor bu rin po che de byin te/ bden pa dang bden pa'i tshig gang gis 'gyod pa med cing gdung ba med par gos rin po che de dang / nor bu rin po che de byin pa'i bden pa dang bden pa'i tshig des ma snad pa nyid dang / ma smras pa nyid du sa la 'dug par gyur cig ces/ bden pa'i byin gyi rlabs kyang byas so// des bden pa'i byin gyi rlabs de lta bu de byas nas/ bya skyibs de nas bdag nyid bor ro// des lus de bor mthug tu/ de nas de nyid kyi tshe rgyal po chen po bzhis yongs su bzung ste/ bde bar myur ba kho nar sa la bzhag go// de nas byang chub sems dpa' chos yongs su tshol 'dod pas/ mi de la smras pa/ kye mi de tsam du legs par smras pa'i tshig de dang / de tsam du don bzang po dang / tshig 'bru bzang po ni ngo mtshar to// shA ra dwa ti'i bu de nas mi de myur ba myur bar bya skyibs de nas babs te/ byang chub sems dpa' chos yongs su tshol 'dod pa de ga la ba der song nas 'di skad ces smras so// rgyal po'i gzhon nu khyod kyis ji tsam du bya tsom du byas pa ni ngo mtshar to/ / rgyal po'i gzhon nu khyod chos ji lta bu zhig 'dod/ des smras pa/ kye mi khyod kho bos ni sems can ma rgal ba rnams bsgral bar bya zhing / mgrol ba rnams grol bar bya/ yongs su mya ngan las ma 'das pa rnams yongs su mya ngan las bzla bar bya'o// shA ra dwa ti'i bu mi de byang chub sems dpa'i tshig de la mngon par yid ches nas de dga' ste/ byang chub sems dpa' dam pa'i chos yongs su tshol 'dod pa la smras pa/ gzhon nu de'i phyir kho bos khyod la gos rin po che de dang / nor bu rin po che de phyir sbyin par bya'o/ / de ci'i phyir zhe na/ gzhon nu gos de dang / nor bu rin po che de ni khyod dang 'tsham pa'i phyir ro// des smras pa/ kye mi sbyin nas phyir len pa de ni kho bo'i cha ma yin no// mi des smras pa/ rgyal po'i gzhon nu khyod de'i phyir de'i tshe khyod kho bo'i skyabs byed par 'gyur ro// shA ra dwa ti'i bu de'i tshe de'i dus ni byang chub sems dpa' chos yongs su tshol 'dod pa de gzhan zhig yin pa snyam du som nyi'am yid gnyis za bar gyur na/ khyod kyis de ltar blta bar mi bya'o// de ci'i phyir zhe na/ shA ra dwa ti'i bu de'i tshe de'i dus na/ nga ni rgyal po'i gzhon nu chos yongs su tshol 'dod pa zhes bya/ bar gyur to// shA ra dwa tI'i bu de'i tshe de'i dus na/ mi zhig byung ba de gzhan zhig yin pa snyam du sems na/ khyod kyis de ltar blta bar mi bya'o// de ci'i phyir zhe na/ shA ra dwa ti'i bu de'i de'i dus na de nga las dad pa rnyed cing / 'di skad du skyabs byed par 'gyur ro// zhes tshig smra ba'i mi byung ba de ni bag ka li yin no// shA ra dwa ti'i bu dge slong bag ka li ni da ltar yang nga dge slong gi dge 'dun dang thabs gcig tu nam mkha' las 'gro ba'i lam nas gshegs pa na/ ri'i bya skyibs na 'chag par gyur te/ ngas kyang bag ka li tshur shog ces brjod pa dang / des ting nge 'dzin gyi grol ba bskyed de/ bya skyibs de nas bdag nyid bor nas/ nam mkha' la 'dug bzhin du mngon par shes pa drug mngon du byas so// shA ra dwa ti'i bu bsod nams kyi phung po de yun ji srid nas rjes su 'brang zhing / nga la tshig bzhi pa'i tshigs su bcad pa gcig yang dag par bstan pas dge ba'i rtsa ba de dang / las kyi rnam par smin pa des nga las dang pa rnyed cing / nga la mos pas myur ba de lta bur rnam par grol la/ nga nyid kyis de'i skyabs byas pa la ltos/ shA ra dwa ti'i bu mi de'i 'dod pa mngon du 'gro ba'i sems kyis/ dge ba'i rtsa ba de mngon par 'dus byas shing / 'bras bu de snyed mngon par 'grub par bya ba'i phyir byung ba la ltos/ gang dag ting nge 'dzin gyi grol ba bskyed cing nges par brtags nas/ sangs rgyas kyi ye shes de gting dpogs par byed pa dang / byang chub sems dpa' sems dpa' chen po rnams rangs par byed cing / yang dag par 'dzin du 'jug la/ yang dag par gzengs bstod pa dang / tha na tshig bzhi pa'i tshigs su bcad pa tsam ston pa lta ci smos/ shA ra dwa ti'i bu bsod nams kyi phung po de ni mya ngan las 'das pa chen po ma gtogs par/ bar ma dor zad pa 'am/ yongs su gtugs par nga mi smra'o/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das gang chos dang ldan pa'i gtam gyis byang chub sems/ dpa' sems dpa' chen po rangs par bgyid cing / yang dag par 'dzin du stsol la/ yang dag par gzengs bstod pa'i rigs kyi bu 'am/ rigs kyi bu mo de bcom ldan 'das bsod nams kyi phung po de lta bu bskyed lags na/ bcom ldan 'das gang zhig byang chub sems dpa' sems dpa' chen po byang chub kyi sems dang ldan pa/ sangs rgyas kyi chos kyi grong khyer du rjes su 'jug par 'tshal ba mos pa zlog par bgyid cing / rnam par g.yeng bar bgyid la/ bar chad bgyid na/ bcom ldan 'das de ji lta bur 'gyur lags/ bcom ldan 'das kyis gnas de bstan du gsol/ de ci'i slad du zhe na/ bcom ldan 'das sems can gang dag dang / byang chub sems dpa' rnams la bar chad bgyi ba'i slad du zhugs pa de dag gis thos nas/ nongs pa la nongs par 'chags par 'gyur ba dang / gang dag 'jug par 'gyur ba dang / gang dag 'jug pa de dag thams cad kyis thos nas/ bcom ldan 'das las nongs pa nod pa'i slad du'o/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu gang byang chub sems dpa' la bar chad bya ba'i phyir 'jug cing / mos pa zlog par byed/ rnam par g.yeng bar byed la/ bar chad byed pa de ni bsod nams ma yin pa'i phung po dang ldan par 'gyur ro// shA ra dwa ti'i bu 'di lta ste/ dper na gang rin tang med pa'i nor bu rin po che chen po la bar chad byed pa de ni/ nor gyi phung po chen po la bar chad byed pa yin no// shA ra dwa ti'i bu de bzhin du gang byang chub sems dpa'i byang chub kyi sems bskyed pa gcig gi bar chad byed pa de ni/ chos dkon mchog gi phung po 'bum phrag mang po dpag tu med grangs med pa dag gi bar chad byed pa yin no/ / shA ra dwa ti'i bu 'di lta ste/ dper na gang sman gyi shing ljon pa bskyed pa la bar chad byed cing chud gsan par bya ba'i phyir 'jug pa de ni/ shA ra dwa ti'i bu sems can nad kyis gzir ba mang po dpag tu med pa la bar chad byed pa yin te/ de ni sems can de dag nad chen po de las ma thar par 'chi ba'i dus byed par 'gyur ba yin no// shA ra dwa ti'i bu de bzhin du gang byang chub kyi sems bskyed pa/ mnyam pa med pa'i sems bskyed pa/ phan pa dang bde ba'i sems bskyed pa/ sems can gyi nyon mongs pa'i nad thams cad sel ba'i sems bskyed pa'i sman la bar chad byed pa de ni/ shA ra dwa ti'i bu sems can grangs med dpag tu med pa 'dod chags dang / zhe sdang dang / gti mug gi nad kyis yongs su gzir ba/ phrag dog dang / sor sna dang / khro ba dang g.yo dang / sku dang / rtsod pa dang / khrel med pa dang / khengs pa dang / nyes rtsom dang / rgyags pa dang / bag med pa dang / nga rgyal dang / lhag pa'i nga rgyal gyi nad chen pos gang ba rnams mya ngan las 'das pa chen po dang / nye bar zhi ba dang / nad med pa dang / bsil bar gyur par nye bar 'gro ba/ nad chen po rab tu zhi bar byed pa de la bar chad byed pa yin no// shA ra dwa ti'i bu 'di lta ste/ dper na gang ma dros pa'i gnas la bar chad bya ba'i phyir 'jug cing / klu'i rgyal po chen po de la yang bar chad bya ba'i phyir 'jug pa de ni/ shA ra dwa ti'i bu de rkang gnyis pa dang / rkang bzhi pa mang po'i sred pa'i gdung ba nye bar zhi bar byed pa yan lag brgyad dang ldan pa'i chutshu la bar chad bya ba'i phyir zhugs pa yin par rig par bya'o// shA ra dwa ti'i bu de bzhin du gang la la byang chub sems dpa'i byang chub kyi sems bskyed pa la bar chad byed pa ni/ shA ra dwa ti'i bu sems can grangs med dpag tu med pa'i sred pa thams cad rab tu gcod par byed pa/ yan lag brgyad dang ldan pa'i chos kyi rgyun la bar chad byed pa yin par rig par bya'o// shA ra dwa ti'i bu 'di lta ste/ dper na gang nyi ma'i dkyil 'khor la bar chad bya ba'i phyir 'jug pa de ni shA ra dwa ti'i bu sems can gang dag gling bzhin gnas pa de dag gi snang ba chen po mi snang bar bya ba'i phyir 'jug pa de lta bur rig par bya ba yin no/ / shA ra dwa ti'i bu de bzhin du gang byang chub kyi sems bskyed pa/ chos kyi snang ba nye bar gnas pa la bar chad byed cing / mos pa zlog pa dang mi klog par byed pa'i sems can de ni/ shA ra dwa ti'i bu stong gsum gyi stong chen po'i 'jig rten gyi khams na/ sems can gang dag yod pa de dag gi chos kyi snang ba chen po dang / chos kyi gsal ba chen po la bar chad byed pa de lta bur rig par bya ba yin no// shA ra dwa ti'i bu 'di lta ste/ dper na mi la las rin po che thams cad kyi 'byung gnas chud gson par byed na/ shA ra dwa ti'i bu de ni sems can grangs med dpag tu med pas rin po che rnyed pa rlung gzan par bya ba'i phyir nye bar gnas pa de lta bur rig par bya ba yin no/ / shA ra dwa ti'i bu de bzhin du gang byang chub sems dpa'i sems bskyed pa/ sems bskyed pa chen po sangs rgyas kyi ye shes kyi/ sems bskyed pa nub par bya ba'i phyir 'jug pa de ni/ shA ra dwa ti'i bu sems can grangs med dpag tu med pa'i chos dkon mchog 'du ba chud gzan par bya ba'i phyir zhugs pa de lta bur rig par bya/ ba yin no// shA ra dwa ti'i bu 'di lta ste/ dper na rin po che thams cad kyi 'byung gnas de nas ni rin po che de dag thams cas rab tu 'byung ba yin no// shA ra dwa ti'i bu de bzhin du byang chub sems dpa'i sems bskyed pa rin po che thams cad kyi 'byung gnas de ni/ de nas sangs rgyas kyi chos dkon mchog de lta bu de dag 'byung ba yin no// shA ra dwa ti'i bu de lta bas na gang byang chub sems dpa'i sems bskyed pa nub par bya ba'i phyir 'jug pa de ni/ bsod nams ma yin pa'i phung po chen po dang ldan pa yin no// shA ra dwa ti'i bu 'di lta ste/ dper na gang da ltar nga la ngan sems kyis khrag dbyung ba'i sems skyed par byed pa dang / gang la la byang chub sems dpa' byang chub kyi sems las mos pa zlog par byed cing bar chad byed pa 'di ni mtshungs pa yin no/ / shA ra dwa ti'i bu yang nga la khrag dbyung ba'i sems bskyed pa lta zhog gi/ shA ra dwa ti'i bu ngas mtshams med pa lnga po shin tu bzod par dka' ba/ thar par dka' ba/ nges par 'byung bar dka' ba bshad pa de bas kyang / rigs kyi bu 'am/ rigs kyi bu mo de bsod nams ma yin pa'i phung po chen po ches mang du bskyed do// de ci'i phyir zhe na/ shA ra dwa ti'i bu mtshams med pa lnga byas pas ni/ sangs rgyas kyi chos 'ga' la yang bar chad byas pa ma yin la/ byang chub sems dpa'i sems bskyed pa chud gzan pas ni/ sangs rgyas kyi chos thams cad chud gzan par byas pa yin pa'i phyir ro/ / shA ra dwa ti'i bu 'di lta ste/ dper na ba bsad pas ni 'o ma med par 'gyur ba yin no// shA ra dwa ti'i bu de bzhin du byang chub kyi sems med par byas shing chung gzan pas ni/ sangs rgyas kyi chos thams cad chud gzan pa yin no// shA ra dwa ti'i bu de lta bas na mtshams med pa lnga pas ni 'di lta ste/ byang chub kyi sems chung gzon pa 'di nyid ches ma rungs pa yin no/ / shA ra dwa ti'i bu mtshams med pa lnga po lta zhog / shA ra dwa ti'i bu gling bzhi pa chen po'i 'jig rten gyi khams ji snyed yod pa de thams cad dag/ bcom pa rnams kyis gang bar gyur la/ de nas mi la la zhig gis dgra bcom pa'i tshogs de thams cad srog dang phral bar gyur na/ shA ra dwa ti'i bu 'di ji snyam du sems 'o na mi des gzhi de las bsod nams ma yin pa mang du bskyed par 'gyur ba yin nam/ gsol pa/ bcom ldan 'das mang lags so// bcom ldan 'das mi des bsod nams ma lags pa'i phung po shin tu chen po bskyed par 'gyur lags so/ / bka' stsal pa/ shA ra dwa ti'i bu khyod mos par bya/ khong du chud par bya ste/ shA ra dwa ti'i bu mi des dgra bcom pa'i tshogs de snyed srog dang phral bar gyur la/ gang byang chub sems dpa' sems dpa' chen po thams cad mkhyen pa'i theg pas 'gro ba/ rdzogs pa'i sangs rgyas kyi chos kyi grong khyer chen por 'jug par 'dod pa/ byang chub kyi sems de las mos pa zlog par byed cing / byang chub sems dpa' de yang rkyen des mos pa zlog par dmigs nas/ byang chub kyi sems 'dor bar byed na/ shA ra dwa ti'i bu bsod nams ma yin pa'i phung po snga ma des ni/ bsod nams ma yin pa'i phung po de la brgya'i char yang nye bar mi 'gro ba nas/ rgyu'i bar du yang mi bzod do// ci'i phyir zhen/ shA rA dwa ti'i bu dgra bcom pa'i tshogs de snyed rab tu rnam par bshig pas ni/ de bzhin gshegs pa'i stobs bcu nyams par byas pa ma yin/ de bzhin gshes pa'i mi 'jigs pa bzhi nyams par byas pa ma yin/ sangs rgyas kyi chos ma 'dres pa bco brgyad nyams par byas pa ma yin/ byams pa chen po nyams par byas pa ma yin/ snying rje chen po nyams par byas pa ma yin/ de bzhin gshegs pa'i glang po che'i gzigs stangs nyams par byas pa ma yin/ de bzhin gshegs pa'i seng ge ltar bskyangs pa nyams par byas pa ma yin/ spyi gtsug paltar mi mthong ba nyams par byas pa ma yin/ chos kyi mur 'gram 'bum phrag du mas kun nas yongs su gang ba nyams par byas pa ma yin/ chos kyi 'khor lo bskor ba bla na med pa nyams par byas pa ma yin/ de bzhin gshegs pa'i khyu mchog tu gyur pa nyams par byas pa ma yin/ sems can gyi dbang po mchog dang mchog ma yin pa mkhyen pa nyams par byas pa ma yin/ mos pa sna tshogs mkhyen pa nyams par byas pa ma yin pa'i phyir te/ shA ra dwa ti'i bu byang chub sems dpa'i mos pa bzlog pas ni/ chos de dag thams cad nyams par byas pa ma yin pa'i phyir ro/ / shA ra dwa ti'i bu gling bzhi pa chen po'i 'jig rten gyi khams lta zhog gi/ shA ra dwa ti'i bu 'di lta ste/ dper na stong gsum gyi stong chen po'i 'jig rten gyi khams 'di dgra bcom pa rnams kyis gang bar gyur la/ la la zhig gis dgra bcom pa de dag srog dang bral bar byas shing / shA ra dwa ti'i bu gang dgra bcom pa de snyed srog dang phral ba bas/ bsod nams ma yin pa'i phung po dang / gang byang chub sems dpa' byang chub kyi sems las mos pa zlog na/ shA ra dwa ti'i bu de ni bsod nams ma yin pa'i phung po ches che bar nga smra'o/ / de ci'i phyir zhe na/ shA ra dwa ti'i bu byang chub kyi sems bskyed pa de dang rnam par phral bas ni/ sangs rgyas kyi chos thams cad yongs su nyams par 'gyur ba'i phyir te/ de ci'i phyir zhe na/ shA ra dwa ti'i bu gal te sems bskyed pa de med par gyur na ni/ da ltar sangs rgyas kyi ye shes 'byung bar mi 'gyur ba'i phyir dang shA ra dwa ti'i bu gal te sems bskyed pa de med par gyur na ni/ da ltar 'jig rten du sangs rgyas khyu mchog tu gyur pa de lta bu 'byung bar mi 'gyur ba'i phyir dang / shA ra dwa ti'i bu gal te sems bskyed pa de med par gyur na ni/ 'o na da ltar sangs rgyas bcom ldan 'das rnams 'byung bar mi 'gyur ba'i phyir ro// gsol pa/ bcom ldan 'das de lta lags so// bcom ldan 'das kyis bka' stsal pa/ shA ra dwa ti'i bu de lta bas na rigs kyi bu dang / rigs kyi bu mo dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang su dag la sems bskyed pa yod pa de dag ni/ lha dang bcas pa'i 'jig rten gyis phyag bya bar bos pa yin no/ / de ci'i phyir zhe na/ shA ra dwa ti'i bu gang dag la lhag pa'i bsam pa'i sems bskyed pa yod pa de dag la ni/ shA ra dwa ti'i bu de dag de bzhin gshegs pa dgra bcom pa yang dag par rdzogs pa'i sangs rgyas su 'gyur bas/ mthar thug pa yin par khong du chud par bya ba yin pa'i phyir ro// shA ra dwa ti'i bu 'di ji snyam du sems// gang de bzhin gshegs pas byang chub sems dpa'i sems bskyed pa de lta bu yang dag par rab tu bstan na/ 'o na de bzhin gshegs pas sems bskyed pa de lta bu de la rgyal rigs shing sAl chen po lta bu dag yongs su bstan pa 'am/ bram ze'i rigs shing sA la chen po lta bu dag yongs su bstan pa 'am/ khyim bdag gi rigs shing sA la chen po lta bu dag yongs su bstan pa 'am/ 'khor los sgyur ba'i rgyal po yongs su bstan pa 'am/ rgyal po bzhi'i ris kyi lha rnams yongs su bstan pa 'am/ rgyal po chen po bzhi yongs su bstan pa 'am/ lha rnams kyi dbang po brgya byin nam/ sum cu rtsa gsum pa'i ris kyi lha rnams yongs su bstan pa 'am/ de bzhin du 'thab bral dang / dga' ldan dang / 'phrul dga' dang / gzhan 'phrul dbang byed kyi ris kyi lha rnams yongs su bstan pa nas/ 'og min gyi lha'i bar du yongs su bstan pa yin nam/ gsol pa/ bcom ldan 'das de ma lags so// de ci'i slang zhe na/ bcom ldan 'das kyis sems bskyed pa dag pa nyid dang / bcom ldan 'das kyis sems bskyed pa chen po nyid yang dag par rab tu bstan pa'i slad du'o// bcom ldan 'dus kyis bkren smras pa/ rashA ti'i bu 'di snyam du sems/ de bzhin gshegs pas byung chub kyi sems bskyed pa mngon par yang dag par rab tu bstan pas lta ste/ chen po che'i stobs sam/ chen po che chen po'i stobs sam/ sred med kyi bu'i stobs phyed yang dag par rab tu bstan pa'i stobs po che dang ldan par yang dag par rab tu bstan pa 'am/ dman pa'am/ dbul ba 'am/ rgya chen po yang dag par rab tu bstan pa yin nam/ gsol pa/ bcom ldan 'das de ma lags so// bka' stsal pa/ shA ra dwa ti'i bu de lta bas na khyed cag gis stobs dang ldan pa 'am/ stobs chung ba 'am/ dman pa 'am/ rgya chen po gang la sems bskyed pa de mthong na/ shA ra dwa ti'i bu khyed cag gis sems bskyed pa bsrung bar bya'o/ / shA ra dwa ti'i bu khyed cag gis byang chub sems dpa' de yang dag par 'dzin du gzhug par bya/ rangs par bya/ yang dag par gzengs bstod par bya'o// / shA ra dwa ti'i bu gang byang chub sems dpa' yang dag par 'dzin du 'jug cing / rangs par byed la/ yang dag par gzengs bstod pa 'di ni nyan thos kyi bsnyen bkur mchog yin no// shA ra dwa ti'i bu de lta bas na nga la bsnyen bkur mchog byed par 'dod pa'i nyan thos kyis ni/ ci nas byang chub sems dpa'i spyod pa rnam par 'phel bar 'gyur bar/ byang chub sems dpa' yang dag par 'dzin du gzhug par bya/ yang dag par gzengs bstod par bya/ rangs par bya'o// shA ra dwa ti'i bu ngas nyan thos rnams la byang chub sems dpa' sems dpa' chen po rnams ci nas rnam par 'phel bar 'gyur ba dang / yongs su nyams par mi 'gyur bar yongs su gtad do// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to/ / bcom ldan 'das sems bskyed pa ni gsum po 'di dag lags te/ gsum gang zhe na/ 'di lta ste/ dang po sems bskyed pa dang / mi ldog pa'i sems bskyed pa dang / bsgrub pa'i sems bskyed pa lags na/ bcom ldan 'das kyis sems bskyed pa gang yon tan gyi khyad par de dag bstan lags/ bcom ldan 'das kyis bka' stsal pa/ shA ra dwa ti'i bu ji skad smras de de bzhin te/ sems bskyed pa gsum po de dag ni 'di lta ste/ dang po sems bskyed pa dang / mi ldog pa dang / bsgrub pa'i sems bskyed pa'o// shA radwa ti'i bu de la gang dang po sems bskyed pa de ni de las byang chub sems dpa' ldog cing / log nas kyang nyan thos kyi theg par lhung ba 'am/ rang sangs rgyas kyi theg pa ltung ba yin te/ shA ra dwa ti'i bu sems bskyed pa de la de bzhin gshegs pas rangs par mdzad cing / yang dag par 'dzin du 'jug par mdzad la/ yang dag par gzengs bstod par mdzad do/ / de ci'i phyir zhe na/ ci nas byang chub sems dpa' bla na med pa yang dag par rdzogs pa'i byang chub tu gnas par 'gyur zhing / nyan thos dang rang sangs rgyas kyi sems las kyang ldog par 'gyur la/ theg pa gnyis po de dag la dmigs par ni mi 'gyur zhing / mi dmigs pas sangs rgyas kyi chos rnams la gnas par 'gyur zhing / sangs rgyas kyi yul la nges par 'byung bar 'gyur zhig gu snyam pa'i phyir ro/ / shA ra dwa ti'i bu byang chub sems dpa' sems dpa' chen pos ni/ bla na med pa yang dag par rdzogs pa'i byang chub tu sems bskyed pa mngon par bsgrub pa'i phyir rnal 'byor du bya'o/ / shA ra dwa ti'i bu sems stong pa nyid du rnam par blta bar bya'o// shA ra dwa ti'i bu sems stong pa nyid ni gang yin/ ji ltar na sems stong pa nyid du rnam par blta bar bya ba yin zhe na/ shA ra dwa ti'i bu sems zhes bya ba ni/ sems dang yid kyi rnam par shes pa dang / yid dang yid kyi lus dang / yid kyi dbang po dang / yid kyi khams te/ 'di ni sems zhes bya'o/ / de'i stong pa nyid gang zhe na/ shA rA dwa ti'i bu sems ni sems kyis stong ste/ de la byed pa po gang yang med do// gal te de'i byed pa po 'gra' zhig yod na ni/ des byas la gzhan gyis myong ba de lta bur 'gyur ro/ / sems kyis kyang sems mngon par 'du mi byed do// gal te sems kyis sems byed na ni/ de nyid byed pa po yin zhing / de nyid myong ba po yin par 'gyur ro/ / gal te sems gzhan gyis sems mngon par 'du byed na ni/ gang gis byas pa de ni de'i yin par 'gyur la/ gzhan gyis byas na yang gzhan gyis myong bar 'gyur ro// shA ra dwa ti'i bu de lta bas na/ sems ni sems kyis stong ste/ de la byed pa po gang yang med do// gang la byed pa po med pa des ni cung zad kyang byas pa med do// gang gis cung zad kyang byas pa med pa de la ni byed pa dmigs su med do/ / gang la byed pa mi dmigs pa de la ni rtsod pa'i gnas med do// gang dag de la rtsod par byed pa de dag ni/ med pa la rtsod par byed pa'o// gang dag med pa la rtsod par byed pa de dag ni stong pa la rtsod par byed pa'o/ / mtshan ma med pa dang / smon pa med pa la rtsod par byed pa'o// gang dag stong pa la rtsod par byed pa de dag ni/ gso ba dadang gsog la rtsod par byed pa'o/ / gang dag gsob dang gsog la rtsod par byed pa de dag ni/ de bzhin gshegs pa dang lhan cig tu rtsod par byed pa'o// gang dag de bzhin gshegs pa dang lhan cig tu rtsod par byed pa de dag ni/ g.yang sa chen por ltung bar byed pa yin no// shA ra dwa tI'i bu ga yang sa chen po yang gang zhe na/ 'di lta ste/ sems can dmyal ba dang / dud 'gro'i skye gnas dang / gshin rje'i 'jig rten no// shA ra dwa ti'i bu ga yang sa'i phul ni 'di yin te/ 'di lta ste/ dmigs par lta ba dang / phung por lta ba dang / khams su lta ba dang / skye mched du lta ba dang / srog tu lta ba dang / 'byung bar lta ba dang / 'jig par lta ba dang / sems can du lta ba dang / gang zag tu lta ba'o// shA ra dwa ti'i bu mdor na mya ngan las 'das par lta ba yang dmigs pa yin/ sangs rgyas su lta ba dang / chos su lta ba dang / dge 'dun du lta ba yang dmigs pa yin te/ lta ba de dag la chags pa'i byis pa so so'i skye bo rnams ni ga yang sa chen por ltung bar 'gyur te/ g.yang sa chen po ni 'di lta ste/ 'khor ba de yin par zad do// byang chub kyi sems yang dag par 'dzin du gzhug pa dang / rnam par brjod pa dang / bskyed pa bslab pa'i le'u ste brgyad pa'o// // de'i tshe slong mo pa rnam par rgyal ba srung zhes bya ba 'dus te 'dug par gyur to// de nas slong mo pa rnam par rgyal ba srung stan las langs nas/ bla gos phrag pa gcig tu gzar te/ bcom ldan 'das gal ba der logs su thal mo sbyar ba btud nas/ bcom ldan 'das la 'di skad ces gsol to/ / bcom ldan 'das bdag ni g.yung sar ltung bar 'tshal ba ma lags shing / bdag ni de bzhin gshegs pa dang lhan cig tu rtsod par 'tshal ba yang ma lags te/ bcom ldan 'das bdag ni bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba lags na/ bcom ldan 'das bdag ni 'di snyam du sems lags te/ ji ltar na bdag dbul zhing mchog tu dbul la/ spyod pa ngan pas tshegs kyis khyim gyi phun sum tshogs pa sgrub cing / gzhan gyi nor gyis 'tsho bas/ byang chub mngon par rdzogs par 'tshang rgya ste/ rgyal rigs shing sA la chen po lta bu dang / bram ze dang / khyim bdag gi rigs shing sa la chen po lta bus ni/ byang chub yang dag par sgrub bo snyam bgyid lags so// bcom ldan 'das kyis de la 'di skad ces bka' stsal to// nga ni bram ze dang / rgyal rigs dang / khyim bdag gi rigs shing sA la chen po lta bu dag ni yongs su mi ston cing / rgya chen po dang 'byor pa dang / lha dang / klu dang / gnod sbyin dang / dri za dang / mi ma yin dang / nam mkha' lding dang / mi 'am ci dang / lto 'phye chen po dag yongs su mi ston gyi/ gang gis sems bskyed pa de bskyed na/ de ni lha dang bcas pa'i 'jig rten gyis phyag bya bar 'os pa yin no// gsol pa/ bcom ldan 'das bdag deng slan chad bla na med pa yang dag par rdzogs pa'i byang chub tu sems bskyed lags so/ / de skad ces gsol pa dang / bcom ldan 'das kyis/ slong mo pa rnam par rgyal ba srung ba la 'di skad ces bka' stsal to// rnam par rgyal ba srung ba khyod de bzhin gshegs pa'i rjes su slob pa ni legs so legs so/ / // bam po bcu bzhi pa// // de nas bcom ldan 'das la/ slong mo pa rnam par rgyal ba srung bas tshigs su bcad pa dag gis gsol pa/ legs so zhes bgyi mi 'tshal te// tshong dpon gyis bkur bdag mi 'tshal// sangs rgyas ye shes bla na med// ye shes dam pa 'tshal lags so// khyod ni 'jig rten bla na med// khyod ni rtag tu 'jig rten mchog/ khyod ni gang dag sdug bsngal gzir// sems can rnams kyi gling skyabs gcig mig ldan zag pa med pa'i chos/ / khyod kyis mngon du mdzad nas su// 'khor ba las ni rab 'byin cing // sman pa'i slad du chos ston lags// khyod kyi rdzu 'phrul mtha' yas te// khyod kyi 'od kyang mtha' yas lags// khyod kyis shes rab mchog lags te// yon tan kun gyis mngon du 'phags// 'di 'dra bar ni bdag gyur ces// de la bdag ni 'dun gyur na// dbul la su zhig sbyin snyam du// de la bdag sems zhum par gyur// rgyal po khyim bdag bram ze dang // lha dang mi 'am ci dag dang // rdzu 'phrul ldan dang gzi chen mchis// de yi skyes bu khyu mchog 'di/ / dbul gyur gzhan gyi nor gyis su// nye bar 'tsho ba dag la ni// gang du 'jig rten mi 'jug pa'i// byang chub gang la su zhig ster// bdag gi sems ni mkhyen nas su/ / shA ri'i bu la bka' stsal pa// sems bskyed pa ni nga yis bstan// rgyal rigs de dag bstan ma yin// bram ze dang ni rje'u dang dmangs kyang min// dman pa dang ni mchog dang lha dang klu/ / gnod sbyin mi 'am ci ni ngas ma bstan// gzhan du sems dag pa ni ngas bstan te// da ltar de bzhin gshegs pa'i nges thos nas// stobs dang ldan par gyur te tshig des smras/ / 'jig rten mgon po mchog tu bdag 'gyur te// 'di ltar byang chub don du bdag sems skyes// nam mkha' ltung 'gyur sa ni 'jig 'gyur la// ri yi rgyal po ri rab rnam 'jig 'gyur// nam mkha'i khams ni gzhan du 'gyur srid kyi// bdag gi sems ni gzhan du 'gyur mi srid// sems can 'di dag thams cad bdud gyur la// sems de rnam par bzlog par bgyi slad du/ / de kun bdag la bar chad bgyid na yang // bdag gi sems ni rnam par bzlog mi bgyi// gal te 'dir ni sems can 'ga' mchis shing // 'di yi mdun du mchis nas tshig sman/ / sangs rgyas ye shes dam pa 'di mchog dkon// dbul la byang chub su zhig sbyin par byed// de skad des smras nas ni bdag gis brjod// nga bas khyod dbul ba ni dbul ma yin/ khyod la dad pa nam yang yod ma yin// nga la dad pa yod pas bdag 'tshang rgya// sangs rgyas rigs ni gang yang yod ma yin// 'bras bu'am srog ni 'ga' yang yod ma yin/ / gzhan du gang dag sems ni 'dud byed pa// de tshe theg pa bla med 'di la 'dud// drang srong mchog gi sems 'di rigs yin te// 'di ni sa bon 'di ni 'bras bu yin// breg mchog dam pa la ni zhugs nas su// sangs rgyas rnams kyis bslab nas 'tshang rgyar 'gyur// bdag gis lus dang de bzhin srog dang ni// 'jig rten rtsed mo dga' ba gang ci'ang btang / gzhan du bdag gis sangs rgyas ye shes mchog/ rdzogs par sangs rgyas sems can bdag gis dgrol// sangs rgyas chos rje bdag mdun bzhugs pa la// bdag 'dir seng ge'i sgra ni sgrogs bgyid pa/ / gal te bdag la nongs pa 'ga' mchis na// byams pa gnas pa rgyal bas bskul lags grang // de nas bcom ldan 'das kyis de'i tshe slong mo pa rnam par rgyal ba srung ba la tshigs su bcad pa dag gis phyir bka' stsal pa/ 'di na sangs rgyas la ni skyon ci'ang med// sems 'di bla na yod pa ma yin pa'i// sems de de ring 'dir ni khyod 'dod de/ / khyod kyang rgyal ba chos kyi rjer 'gyur ro// de bzhin gshegs pa'i bka' ni thos nas su// gzhal du med pa'i dga' bas dga' mgu ste// de la rnam par rgyal srung sems dang zhing / / nam mkha' la ni ta la bdun srid 'phags// de tshe sems can mchog gis 'dzum pa bstan// sngon po ser po yid dga' sna tshogs pa// kha dog de dag rgyal ba'i zhal nas byung / / de dag rgyal ba'i gtsug tu nub par gyur// de tshe phrag pa gcig gzar thal sbyar te// kun dga' bo yis rkang gnyis mchog la zhus// mgon po rgyu gang bde gshegs rkyen ci lags/ / ye shes thogs med rgyal la bdag zhu'o// mgon po rnam par rgyal srung zil non tshul// mgon gyi khyim du slong mo pa zhig byung // de ring de ni ta la bdun srid gnas/ / mkha' la gnas nas rgyal la phyag 'tshal lags// lha dang klu dang lto 'phye chen po dang // gnos sbyin de la mi min mi 'am ci// mir gyur pa yis thal mo sbyar bgyis te// mgon po rgyal ba srung la phyag 'tshal lo// 'jig rten mgon la de yi don zhu lags// thub pa'i 'dzum pa bstan 'di su yi don// byang chub dam pa mchog tu gang zhugs pa'i// lung bstan de ni su yi lags par 'gyur// sangs rgyas ye shes la ni su dam gnas// bla med sems de gnas pa su yi lags// su zhig ye shes mchog dam reg par 'gyur// 'khor ba'i sems can rnams kyang 'byin par 'gyur// de tshe byang chub snying por su da mchis/ bdud sde dpung dang bcas pa 'joms par 'gyur// bdud dpung bcas pa bcom nas nyon mongs spang / / 'khor lo dam pa zhi ba bskor bar 'gyur// ye shes mnyam med de ni su yir 'gyur// don rgya chen po de ni su yir 'gyur// de tshe phyir zhing 'khor lo bskor bar 'gyur/ / kun nas ye shes chags pa med par 'gyur// khyu mchog tshig de 'dir ni 'byin par 'gyur// de tshe tshig bden de ni su yir 'gyur// ye shes bden pas the tsom nyid gyur pa'i/ / sems can da lta de ring 'byung mi 'gyur// rtag tu mnyam gzhag sems de su yir 'gyur// byang chub zhi ba la ni reg gyur cing // 'di la dus gsum sems can sems mkhyen nas/ / chos mchog gya nom pa ni bshad du gsol// de tshe su yi chos de ston pas na// lha dang bcas pa'i 'jig rten de tshim gyur// mdzo rnam par gnon pa su yir 'gyur/ / glang chen lta stangs blta bar 'gyur ba lags// dge 'dun phal chen de ni su yir 'gyur// su yis zhing 'di rnam par sbyangs pa lags// su yis mi khom thams cad spangs nas su// khom ldan mya ngan 'da' zhing 'tshal bar 'gyur// mthu chen don de dag ni zhu lags na// 'jig rten mgron pos dri tshe 'dzum bstan cing / / 'jig rten 'dzin pa bdag la de lung ston// thos na skye dgu dga' bar 'gyur ba lags// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo 'dzum pa 'di bstan pa na/ slong mo pa rnam par rgyal ba srung ba dang / de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po bye ba khrag khrig phrag brgyad cus bla na med pa yang dag par rdzogs pa'i byang chub tu sems bskyed de/ ngas de dag thams cad bla na med pa yang dag par rdzogs pa'i byang chub tu lung bstan to// de nas bcom ldan 'das kyis 'di'i tshe tshigs su bcad pa 'di dag bka' stsal to// demigs par bya ba 'di ni bshad pa na/ / gang dag theg pa mchog la rab zhugs pa// bye ba khrag khrig phrag ni brgyad cur tshang // de dag rnams kyang mi mchog rgyal bar 'gyur// slong ba rnam par rgyal ba srung 'di yang / / dwa yi mdun du 'dug nas mchod pa byed// mchod tu dga' ba skyes shing bar snang gnas// bdag kyang 'di 'drar nga la phyag 'tshal lo// des ni las 'di byas par gyur pas na/ / phyin chad nam yang log par lhung mi 'gro// de dang der ni rtag tu dal ba thob// sangs rgyas kyang ni de yis rtag par mthong // de dag sems can dam pa mchog mthong nas/ / byang chub rgyu yi phyir ni mchod pa byed// de tshe me tog spos dang byug pa dang // gdugs dang rgyal mtshan dag gis mchod pa byed// de bzhin na bza' bsod snyoms mchog rnams dang / gzims cha dag dang de tshe rkyen rnams kyis// rgyal ba rnams la de ni mchod pa byed// mthar gyis der ni spyad pa spyod byed cing // byams pa sems can mchog la mnyes byas nas// der ni rgyal ba rnams la mchod byed cing // nor bu bye ba khrag khrig phrag bdun cu// bla med byams pa la ni dbul bar byed// de tshe nor bu dag gi 'od nyid 'byung // de yis dpag tshad brgyad cu kho na khyab// de tshe nor bu rnams kyi 'od 'byung ba// nor bu dag gi 'od du khyab par 'gyur// de tshe rim gro pa dag bye ba 'bum/ / de snyed kyi ni khri yang 'bul bar byed// de snyed kyi ni khri'u 'ang 'bul bar 'gyur// gtsug lag khang yang de snyed byed par 'gyur// rin chen sna bdun gyis ni bkru ba brtsigs/ / gtsug lag khang de rgyang grags tshad dang ldan// rtag tu byams pa nyan thos bcas pa la// rgyan gyis brgyan te nges par 'bul bar byed// gsum der ni rgyal ba bsnyen bkur byed// dgrag dbye byas nas lo brgyar 'gyur ba yin// de yang de tshe rab tu 'byung ba'i tshe// tshangs par spyod pa dam pa spyod par 'gyur// dga' ba dang ni gus pa de yis su// der ni rgyal ba rnams la mchod pa byed// mthar gyis byang chub spyad pa spyod pa na// dus bzang ba yi rgyal ba thams cad mthong // ji ltar / gang+gA'i klung gi bye ma snyed// de bas lhag pa'i sangs rgyas de yis mthong // sangs rgyas de dag mthong nas dad par byed// 'phags pa'i ye shes de ni su mi 'dod/ sems de'i drad pa de ni de 'dra ba// phyogs tsam nga yis da ltar bstan pa yin// de tshe de yi yon tan ci 'dra ba// nga yis dpe bstan par ni nus ma yin// ji ltar gang+gA'i klung gi bye ma snyed/ / bskal pa mang por de tshe 'khor nas su// phyin chad de yis theg pa mchog reg cing // snying po'i tshogs zhes bya ba'i rgyal bar 'gyur// de tshe tsheni bskul pa stong thub 'gyur/ / de tshe de yi zhing gi bkod 'byung ba// dper na lha gnas ri rab rtse mo bzhin// 'dzam bu gling de yang ni de 'drar 'gyur// rgyal ba snying po'i tshogs ni de nyid kyi/ / nyan thos de tshe 'dus pa gang yin pa// ji ltar gang+gA'i klung gi bye ma snyed// bye ba khrag khrig phrag ni mang po 'byung // de bzhin de tshe 'dus par 'byung 'gyur ba/ / ji ltar gang+gA'i klung gi bye ma snyed// dgra bcom zag pa zad cing nyon mongs med// de tshe dbang gyur rdzu 'phrul pha rol phyin// shes rab 'byung gnas shA ri'i bu ji bzhin/ / dri ba gtan la 'bebs par ye shes 'phags// chos mngon mdo sde 'dul ba rnams la mkhas// nga yis nyan thos mchog ni lung bstan bzhin// de bzhin gshegs pa snying po'i tshogs nyid kyi// 'dus pa de tshe nyis 'gyur 'byung bar 'gyur// de dag byang chub dam pa mchog la zhugs// ma bam zhes bya'i/ byams pa ji bzhin no// de dag skye ba gcig gis thogs pa'ang yin// bla med byang chub tu ni de tshe 'gyur// de nas shi 'phos shi ba'i dus byas nas// zhing gzhan gzhan du de dag byang chub rtogs/ / dpa' ba dpa' bo blo gros brtan rnams kyi// 'dus pa de bas kyang ni lhag par 'gyur// de tshe theg mchog bla na med par ni// snying po'i tshogs kyi sangs rgyas lung ston 'gyur/ / de bzhin gshegs pa mya ngan 'das nas kyang // de tshe chos tshul bskal par gnas par 'gyur// de yi sku gdung rgyas par 'gyur ba ni// nga yi mya ngan 'das pa'i ji bzhin te/ / de bzhin gshegs pa snying po'i tshogs nyid kyi// ring bsrel de dag de ltar 'gyur ba yin// ji ltar sems can mos par 'gyur ba bzhin// de lta de ltar sangs rgyas ring bsrel gnas/ / de la rin chen zhes bya'i mchod rten dang // rgyal mtshan ka ba dag dang stegs bu dang // dril bu dri ma med pas brgyan rnams kyis// 'dzam bu'i gling ni brgyan par 'gyur ba yin/ / sems can gang dag mchod rten der 'gro ba// de dag mchod rten la ni me tog 'thor// nam mkha' la ni me tog gdugs su 'gyur// de tshe rdzu 'phrul de 'dra 'byung bar 'gyur/ / der ni ji ltar mos pa'i mi rnams la// de tshe sangs rgyas sku yis 'dzum mdzad 'gyur// mchod rten nang nas ston par mdzad 'gyur zhing // 'dzum pa bstan nas nub par mdzad par 'gyur/ / gang dag spyi gtsug 'od ni nub gyur na// bdag cag byang chub phyir ni lung bstan shes// gang dag rgyal ba'i zhal du zhugs gyur na// bdag cag rang rgyal bar ni lung bstan shes/ / mchod rten gyi ni nang gi 'dren pa yi// lte bar gang tshe 'od ni zhugs gyur na// lung bstan de dag nyid kyis mya ngan 'das// rdzu 'phrul de 'drar 'gyur bar bdag gis shes/ / rgyal ba'i byin gyi rlabs ni bskal par 'byung // de yi 'og tu thams cad rgyun chad 'gyur// 'khor bar gtogs la rtag pa yod ma yin// sangs rgyas bstan pa 'di la mi rtag stong / / de skad ces bka' stsal pa dang // bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das slong mo pa rnam par rgyal ba srung ba brnyas pa'i tshul du yang gda' la/ / brnyas pa ma lags pa'i chos dang ldan pa ni ngo mtshar lags so// bcom ldan 'das de lta bu'i sems can la su zhig brnyas par 'gyur/ de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de de bzhin te/ byis pa so so skye bo thos pa dang mi ldan pa ma gtogs par/ sems can de lta bu la su zhig brnyas par 'gyur/ shA ra dwa ti'i bu ngas kyang de la dgongs nas/ de bzhin gshegs pa ma gtogs par / gang zag gis gang zag gi tshad gzung bar mi nus so zhes bya ba'i tshig gsungs pa yin no// shA ra dwa ti'i bu 'di ji snyam du sems/ 'o na sngon slong mo pa rnam par rgyal ba srung ba lha rnams dang / klu rnams dang / gnod sbyin rnams dang / dri za rnams dang / mi 'am ci rnams dang / lto 'phye chen po rnams dang / mi rnams dang / mi ma yin pa rnams kyis phyag bya ba'i 'os su gyur pa yin nam/ gsol pa/ bcom ldan 'das de lta ma lags so// de ci'i slad du zhe na/ bcom ldan 'das re zhig gang gi tshe slong mo pa rnam par rgyal ba srung bas/ bla na med pa yang dag par rdzogs pa'i byang chub tu sems bskyed pa de'i tshe/ de phyag brgya ba'i 'os dang / mchod pa bgyi ba'i 'os dang / 'dud par bgyi ba'i 'os su gyur pa'i slad du ste/ bcom ldan 'das da ltar ni lha dang bcas pa'i 'jig rten gyis phyag bgyi ba'i 'os su gyur pa lags so/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu de bzhin gshegs pa'i thogs pa med pa'i ye shes 'di ni/ nyan thos dang rang sangs rgyas rnams dang thun mong ma yin pa'o// shA ra dwa ti'i bu de lta bas na nga'i nyan thos de lta bu'i rjes su bstan pa/ gus par nyan 'dod pa/ sems can rnams la chos ston pa rnams kyis ni/ thog ma nyid du nga'i ye shes kyi yon tan nyid yongs su bsgrags par bya'o// de ci'i phyir zhe na/ ci nas kyang sems can de dag de bzhin gshegs pa'i ye shes kyi yon tan yongs su bsgrags pa thos nas/ sangs rgyas kyi ye shes de nyid la sems gtod par byed de/ de ltar na sangs rgyas kyi tshul rgyun mi 'chad par 'gyur ba'i phyir ro/ / shA ra dwa ti'i bu sems can gang dag gzhan la phan pa'i phyir zhugs pa de dag ni nyung ngo // shA ra dwa ti'i bu sems can gang dag gzhan la phan pa dang / bdag la phan pa'i phyir zhugs pa de dag ni rab tu dkon no/ / mchog tu rab tu dkon no// shA ra dwa ti'i bu yang gang dag gzhan la phan pa'i phyir dang / bdag la phan pa'i phyir zhugs pa de dag lta zhog gi/ shA ra dwa ti'i bu sems can gang dag bdag dang gzhan la phan pa'i phyir zhugs pa de dag ni dkon no// mchog tu rab tu dkon no// shA ra dwa ti'i bu byis pa log par 'dzin pa dag ni bdag la phan par bya'o snyam na yang / mi phan pa kho na sten par byed do// de ci'i phyir zhe na/ shA ra dwa ti'i bu gang gzhan la mi phan pa 'am/ nyes dmigs sam/ rnam par mtho 'tsham pa byas shing / rnam par 'tshe ba yang byas pas ni de la phan pa dang / nyes dmigs med pa dang / rnam par mi 'tshe ba dang / rnam par mtho mi 'tsham par 'gyur ba ngas ma mthong ma thos pa'i phyir te/ de ni gnas med do// shA ra dwa ti'i bu de lta bas na gang dag bdag la phan pa'i phyir zhugs pa'i sems can de dag ni dkon no// sems can de dag ni mchog tu rab tu dkon no/ / gang dag bdag la phan pa'i phyir dang / gzhan la phan pa'i phyir zhugs pa'i sems can de dag kyang mchog tu rab tu dkon no// shA ra dwa ti'i bu de lta bas na sems can gang la las bsting ba byas shing gshung ba byed na/ shA ra dwa ti'i bu sems can de lta bu de dag ni bdag la phan pa dang gzhan la phan pa'i phyir zhugs pa ma yin te/ shA ra dwa ti'i bu gang zag de lta bu de dag ni mi rigs pa yin no/ / shA ra dwa ti'i bu yang mi blun po de dag ni lam ngan par zhugs pa yin gyi/ de dag bdag la phan pa'i phyir dang / gzhan la phan pa'i phyir zhugs pa ni ma yin no/ / mi rigs pa dang ldan pa de lta bu de dag ni rab tu rnam par 'jig pa brgyad rjes su thob ste/ brgyad gang zhe na/ nye du rab tu rnam par 'jig pa dang / yul rab tu rnam par 'jig pa dang / longs spyod rab tu rnam par 'jig pa dang / me'i rab tu rnam par 'jig pa dang / rgyal po'i rab tu rnam par 'jig pa dang / skye mched kyi rab tu rnam par 'jig pa dang / sems can dmyal ba'i rab tu rnam par 'jig pa rjes su 'thob pa dang / sems can dmyal ba'i srungs ma'i rab tu rnam par 'jig pa rjes su 'thob pa ste/ rab tu/ rnam par 'jig pa chen po brgyad po de dag rjes su 'thob bo// yang mi bde ba chen po brgyad rjes su 'thob ste/ brgyad gang zhe na/ sems can dmyal bar skye ba'i mi bde ba nyid rjes su 'thob pa yin/ dud 'gro'i skye gnas kyi mi bde ba nyid rjes su 'thob pa yin/ gshin rje'i 'jig rten du skye ba'i mi bde ba nyid rjes su 'thob pa yin/ gal te mi rnams kyi nang du skyes na yang / de dag yul mtha' 'khob tu skye ba yongs su 'dzin cing / der yang long ba dang / 'on pa dang / zhar ba dang / lag sor rdum po dang / gzhogs byed nyams par 'gyur zhing nad kyi rnam pa drag po gang yang rung ba dag gis btab par 'gyur te/ mi bde ba de rjes su 'thob pa yin/ gal te 'tsham pa'i yul du skye bar mi rnams dang skal ba mnyam par skyes na yang / de dag mi yon po dang / mi sun 'byin pa dang / mi dmu rgod dang / bud med dang gnas pa dang / gcer bu pa'i spyod yul ba dang / mu stegs can gzhan gyi smra ba dang / 'dres pa dang / log par lta ba dang / sdig pa kun tu spyod pa dang / mi gtsang ba'i lus kyi las dang ldan pa dang / mi gtsang ba'i ngag gi las dang / mi gtsang ba'i yid kyi las dang ldan pa dag tu 'gyur zhing / 'phags pa rnams kyis phyir bsgyur du mi rung bar 'gyur te/ mi bde ba de yang rjes su 'thob pa yin/ gal te mi rnams kyi nang du skyes na yang / der de bzhin gshegs pa 'byung bar mi 'gyur zhing / gang gi nub mo de bzhin gshegs pa 'byung ba de nyid kyi nub mo de 'chi ba'i dus byed cing / mngon sum du gnas pa mi 'thob ste/ mi bde ba chen po de yang rjes su 'thob pa yin te/ mi bde ba chen po brgyad po de dag rjes su 'thob bo// gal te sems can dmyal ba chen po dag tu skyes na yang / der de dag lus chen po dang / lus rgya chen por 'gyur te/ der gnod pa chen po dag nyams su myong bar 'gyur ba yin/ gal te dud 'gro dag tu skyes na yang / de dag lus chen po dang / lus rgya chen po dang / kham chen po dang / gso dka' bar 'gyur te/ gang du skyes pa der yang sdig pa'i las ches mang po dag mngon par 'du byed par 'gyur ba yin/ der skyes pa dag kyang nya'am/ chu srin nam/ sram mam/ chu srin byis pa gsod dam/ nya mid kyi nya zhes bya bar 'gyur te/ sems can rnams kyis de dag mchil pa sa gzung la mngon du/ bteg nas lus kyi srog gcod par byed la/ gcad cing brdungs te rnam par gtse bar byed kyang / de tsam gyis kyang 'chi ba'i dus ni mi byed la/ de dag gis lus de 'phel bar ni 'gyur zhing / sdug bsngal gyi tshor ba rnam pa sna tshogs du ma nyams su myong yang / de tsam gyis kyang 'chi ba'i dus mi byed pa yin/ de las gzhan pa'i skye gnas su skye na yang / der de/ dag rnga mo 'am/ glang ngam/ bong bu 'am/ bya gag gam/ phag tu 'gyur te/ gal te de dag rnga mo 'am glang du gyur na/ de dag sna phug nas khal gyis gzir cing dbyug pa brgyas brgyab nas lam du khrid par 'gyur la/ de dag 'khang zhing shin tu skyo bas khal de khyer bar byed de/ de dag la bskyabs gang yang med do// gang gi tshe khal gyis gzir cing / lus nyam chung bar gyur pa de'i tshe yang srog dang bral bar byed cing / srog dang phral nas kyang de nyid kyi sha za zhing 'di skad du/ lus chen po dang / le lo can dang / gso dka' ba dang / 'am chen po dang / bya ba mi nus pa yin no zhes zer ro// shA ra dwa ti'i bu sdig pa'i las byas shing bsags pa'i 'bras bu mi 'dod cing / yid du mi 'ong ba ji snyed cig mngon par 'grub par 'gyur ba la ltos/ shA ra dwa ti'i bu de bzhin gshegs pas mi dge ba'i las de'i rnam par smin pa ni bskal pa 'am/ bskal pa las lhag par gsungs kyang zad par mi 'gyur ro/ / shA ra dwa ti'i bu mdor na gang byang chub sems dpa'i sems bskyed pa la byang chub bya ba'i phyir 'jug pa de la ni/ shA ra dwa ti'i bu mya ngan 'das par 'gro ba med cing dal ba phun sum tshogs pa med do/ / shA ra dwa ti'i bu de lta bas nA khyed nag gis bdag cag nyid skyabs shing / dal ba phun sum tshogs pa 'thob bo// shA ra dwa ti'i bu bzhi po 'di dag ni skyabs yin te/ bzhi gang zhe na/ shA ra dwa ti'i bu de bzhin gshegs pa ni sems can 'jigs pas gzir ba rnams kyi skyabs yin/ shA ra dwa ti'i bu 'phags pa'i lam ni sems can lam ngan par zhugs pa rnams kyi skyabs yin/ shA ra dwa ti'i bu dran pa nye bar gzhag pa rnams ni sdig pa'i las mngon par 'du mi bya ba'i skyabs yin/ shA ra dwa/ ti'i bu byang chub kyi sems ni mi khom pa thams cad rnam par spong ba nyid kyi skyabs yin te/ shA ra dwa ti'i bu bzhi po de dag ni skyabs yin no// shA ra dwa ti'i bu bzhi po 'di dag ni bde ba yin te/ bzhi gang zhe na/ de bzhin gshegs pa mthong ba yin/ dal ba phun sum tshogs pa yin/ de bzhin gshegs pas rab tu bstan pa'i chos 'dul ba la dad pa rnyed pa yin/ lta ba drang po dang phun sum tshogs pa yin/ shA ra dwa ti'i bu bzhi po de dag ni bde ba chen po yin no// shA ra dwa ti'i bu bzhi po 'di dag ni na du med pa yin te/ bzhi gang zhe na/ 'byung ba chen po rnams kyi khams snyoms pa nyid nad med pa yin/ yang dag pa'i lta bar sems drang po nyid nad med pa yin/ de bzhin gshegs pa'i bstan pa la dad pa rnyed cing / phun sum tshogs pa'i bde ba thams cad rnyed pa nad med pa yin/ sems can grangs med dpag tu med pas/ bla na med pa yang dag par rdzogs pa'i byang chub tu sems bskyed pa rnyed cing / nyon mongs pa rnam par 'joms pa nyid nad med pa chen po yin te/ shA ra dwa ti'i bu bzhi po de dag ni nad med pa yin no// shA ra dwa ti'i bu bzhi po 'di dag ni re ba yin te/ bzhi gang zhe na/ nad pa 'tsho bar re ba dang / bkres pa zas re ba dang / sdug bsngal zhing sdug bsngal gyis gzir ba bde ba la mngon par dga' ba'i re ba dang / dgon pa chen po'i lam du zhugs pa bde bapar re ba yin te/ shA ra dwa ti'i bu bzhi po de dag ni re ba yin no// shA ra dwa ti'i bu bzhi po 'di dag ni gang la lhag par zhen pa'i sems can rnams ngan song du 'gro bar 'gyur ba'i lhag par zhen pa yin te/ bzhi gang zhe na/ lus la lhag par zhen pa dang / srog la lhag par zhen pa dang / longs spyod la lhag par zhen pa dang / 'dod pa la lhag par zhen pa yin te/ shA ra dwa ti'i bu bzhi po de dag ni gang la lhag par zhen pa'i sems can rnams ngan song du 'gro bar 'gyur ba'i lhag par zhen pa yin no// shA ra dwa ti'i bu bdun po 'di dag ni gnas yin te/ bdun gang zhe na/ ma zhu ba'i gnas dang / zhu ba'i gnas dang / bad kan gyi gnas dang / mkhris pa'i gnas dang / rlung gi gnas dang / lha ba'i gnas dang / shA ra dwa ti'i bu 'di ltar ste/ 'dod pa la lhag par zhen pa 'di yang gnas chen po yin te/ shA ra dwa ti'i bu gang 'dod pa la lhag par zhen pa de ni/ mkhris pa dang / bad kan dang snabs dang / rnag khrag dang / gcin dang / phyi sa dang / sha dang / nus pa dang / rus pa dang / phyag dang / gzhungs pa la rten pa yin no// yang de'i tshe khyim bdag rnam par rgyal ba srung ba zhes bya ba 'khor de nyid du 'dus par gyur te 'dug go/ / de'i skye dgu'i bdag mo ni gzugs ldan ma zhes bya ste/ gzugs bzang ba/ mdzes pa/ blta na sdug pa kha dog bzang po rgyas pa/ mchog dang ldan pa'o// de nas khyim bdag rnam par rgyal ba srung ba de la yid rnam par chags nas/ bcom ldan 'das la 'di skad ces gsol to// bcom ldan 'das 'dod pa'i gnas gang lags/ bcom ldan 'das kyis bka' skal pa/ gang bud med la chags pa de ni 'dod pa'i gnas so// gang 'dod pa'i gnas yin pa de ni/ bshad gci'i gnas so zhes gsungs pa dang / khyim bdag rnam par rgyal ba srung bas bcom ldan 'das de skad bka' mi stsal du gsol/ de ci'i slad du zhe na/ bcom ldan 'das bdag gi skye dgu'i bdag mo ni gzugs ldan ma zhes bgyi ste/ bcom ldan 'das de la ni bshang ba'ang ma mchis/ gci ba'ang ma mchis pa'i slad du'o// de nas bcom ldan 'das kyis/ khyim bdag de'i lhag pa'i bsam pa thugs su chud nas/ khyim bdag de'i chung ma bud med gzugs ldan ma ci 'dra ba de 'dra ba zhig mngon par sprul to// khyim bdag des mthong ste/ mthong nas kyang de 'di snyam du sems te/ bdag gi chung ma bya ba ci la 'dir phyin cig gu snyam nas/ de rang gi skye dgu'i bdag mo ga la ba der song ste phyin nas/ rang gi skye dgu'i bdag mo la 'di skad ces smras so/ / khyod ci'i phyir 'khor 'dir 'ongs/ des smras pa/ khyim bdag bdag de bozhin gshegs pa la chos nyan du 'ongs so// de nas khyim bdag rnam par rgyal ba srung bas rang gi chung ma lag pa nas bzungs nas/ rang gi gos kyi grwar 'dug tu bcug ste/ khyim bdag rnam par rgyal ba srung ba dang / chung ma gzugs ldan ma gnyis ka 'dug go/ / de nas bcom ldan 'das kyis rdzu 'phrul ji lta bu mngon par 'du bya ba mngon par 'du mdzad pas/ gos kyi grwa de la bud med des bshang ba byas pa de lta bu'i rdzu 'phrul mngon par 'du bya ba mngon par 'du mdzad do/ / de nas khyim bdag rnam par rgyal ba srung ba bshang ba'i dri de mi bzod nas/ sor mo dag gis sna bkag ste/ kha phyir phyogs shing rnam par bltas ste/ de'i tshe khyim bdag rnam par rgyal ba srung ba'i g.yas logs na/ shAkya'i bu dga' bo zhes bya ba 'dug par gyur to// de nas shAkya'i bu dga' bos/ khyim bdag rnam par rgyal ba srung ba la 'di skad ces smras so/ / khyim bdag khyod ci'i phyir sna bkag nas la phyir phyogs te 'dug/ de nas khyim bdag rnam par rgyal ba srung bas/ shAkya bu dga' bo la 'di skad ces smras so/ / btsun pa gnas 'di na bshang ba'i dri chen po yod de/ khyod kyang thag mi ring ba na gnas na ma mthong ngam/ de nas bcom ldan 'das kyis rdzu 'phrul ji lta bu mngon par 'du bya ba mngon par 'du mdzad pas/ ci nas shAkya'i bu dga' bo dang / 'khor bzhi pos skye dgu'i bdag mo gzugs ldan mas gos kyi grwa de la bshang ba byas pa mthong ba de lta bu'i rdzu 'phrul mngon par 'du bya ba mngon par 'du mdzad do/ / de nas shAkya'i bu dga' bos/ khyim bdag rnam par rgyal ba srung ba la 'di skad ces smras so// khyim bdag khyod nyid kyi skye dgu'i bdag mos gos kyi grwa la bshang ba byas pa la ltos/ de nas khyim bdag rnam par rgyal ba srung bas/ shAkya'i bu nags byin la 'di skad ces smras so// nags byin gang kho bo'i chung mas bshang ba 'am gci ba byas pa de snyam du sems pa de ni the tsom zos nas rnam par lta bar byed kyi/ kho bo ni de snyam du mi sems na/ de ji ltar kho bos rnam par blta bar bya/ btsun pa bdag sems pa ltar na/ khyod kyis bshang ba khyer te 'ongs pa snyam byed do// de nas shAkya'i bu dga' bo shas cher khros 'khrugs rngam ste/ stan las yangs nas/ khyim bdag rnam par rgyal ba srung ba la 'di skad ces smras so// khyim bdag khyod ni lhag par chags pa yin te/ khyod kyi ming khyim bdag bshang ba zhes bya bar gdags so/ / khyim bdag khyod kyis rang gi chung ma la lag pa gnyis kas bzung nas/ rang gi gos kyi grwa la 'dug tu ma bcug gam/ khyim bdag gi de nyid kyis/ da lta gnas skabs de byas par ma gyur tam/ dri 'byung ba 'di khyod kyis mngon sum du gyis shig/ de lta bas na khyim ba drag khyod ni lhag par chags pa yin/ lhag par kha drag pa yin te/ khyod kyi ming khyim bdag bshang ba zhes bya bar gdags so// gang khyod bshad ba'i nang na granas shing / gzhan dgra la skur pa 'debs par byed pa ni rnam par rgyal ba srung ba ma yin no/ / khyim bdag 'khor 'di nas song zhig/ khyim bdag slar song zhig/ khyim bdag 'khor 'di nas mi snang bar gyis shig/ khyim bdag rnam par mi snang bar gyis shig/ de nas khyim bdag des/ chung ma de la lag pa nas bzung nas 'di skad ces smras so// g.yo sbed ma khyod ji ltar nga'i gos kyi grwar bshad ba bya bar sems/ des smras pa/ khyim bdag gang gis bshang ba'i snod blangs nas/ rang gi gos kyi grwa la 'dug tu bcug pa de ni de ltar 'gyur ro// de nas khyim bdag rnam par rgyal ba srung ba skyo bar gyur nas/ bshang ba'i gong bu des la dor bar bya'o snyam na yang ma nus la/ phyir zhing ldan ldag dang nying lag dgra 'akrus par gyur te/ des shAkya'i gzhon nu nags sbyin la smras pa/ btsun pa gang gis bdag bshang ba'i dri 'di las yongs su thar par 'gyur ba'i rigs pa 'dri na ci yod/ nags sbyin gyis smras pa khyim bdag khyod 'di dang gzhan las kyang yongs su thar par 'gyur mod kyi/ 'on kyang gang khyod gnas 'di nas phyir song na/ 'di ni 'dir rigs pa'i mchog tu 'gyur ro// de ci'i phyir zhe na/ khyim bdag khyod chung ma dang lhan cig tu bshang ba'i dri des 'chi bar 'gyur ba'i phyir ro// de na khyim bdag rnam par rgyal ba srung bas/ shAkya'i bu nags sbyin la 'di skad ces smras so/ / btsun pa dge sbyong dag ni snying rje can zhes bya ba yin/ dge sbyong dag ni snying brtse ba can zhes bya ba yin/ shAkya'i bu zhes bya ba yin na/ ji tsam du khyod lhag pa'i skyes bu yin pa ni ngo mtshar to/ / de nas shAkya'i bu nags sbyin gyis/ khyim bdag rnam par rgyal ba srung ba la 'di skad ces smras so// khyim bdag kho bos khyod la ji ltar snying rjer bya/ ji ltar yang snying brtse bar bya/ de bzhin gshegs pa chos ston pa na/ khyod kyis bdag gi skye dgu'i bdag mo la bshang ba'am gci ba ma mchis so zhes smras na/ khyod bcom ldan 'das dang mi mthun par byed cing kho bo la yang skur pa 'debs par byed dam/ khyim bdag khyod ni skye dgu'i bdag mo la bshang ba 'am gci ba yod dam med khyod mngon sum gyis ltos shig/ de nas khyim bdag rnam par rgyal bsrung bas/ skye dgu'i bdag mo la smras pa/ skye dgu'i bdag mo khyed rang gi khyim du song zhig/ de nas khyim bdag rnam par rgyal ba srung bas rang gi chung ma btang nas/ shAkya'i bu gzhon nu nags sbyin la smras pa/ btsun pa kho bas ni bud med rnams kyi skyon dang / bud med rnams kyi sgyu dag mthong ste/ nags sbyin kho bo khyim nas khyim med par rab tu 'byung bar 'dod do// de skad ces smras pa dang / shAkya'i bu nags sbyin gyis/ khyim bdag rnam par rgyal ba srung la 'di skad ces smras so// khyim bdag khyod gal te lo brgyar lus spos thams cad kyis bdugs shing sgos shig dang khyim bdag khyod de ltar na bcom ldan 'das las rab tu 'byung ba phyis 'thob bo/ / de ci'i phyir zhe na/ khyim bdag khyod kyi lus de ni bshang ba'i dri des dri mi zhim par gyur pa'i phyir ro// de nas khyim bdag rnam par rgyal ba srung bas/ shAkya'i bu nags sbyin la 'di skad ces smras so// btsun pa gal te kho bos lo gcig gam lo brgyar spos kyis bdugs na/ de nyid du brel pa bdag 'chi ba'i dus byed par 'gyur zhing / bcom ldan 'das kyang yongs su mya ngan las 'das pa chen por mi 'gyur ram sus shes/ btsun pa yang gal te kho bo bcom ldan 'das las rab tu 'byung ba 'thob na/ kho bo grong dang / grong khyer dang / yul 'khor dang / rgyal po'i pho brang dag tu mi 'jug cing / dgon pa dang / bsod snyoms dang / chos gos ngan pa 'chang bar bya'o// de'i phyir bdag de lta bu'i ngan pa dgon pa pa la su zhig dri mi zhim pa snom par 'gyur/ de nas bcom ldan 'das kyis/ khyim bdag de la 'di skad ces bka' stsal to/ / khyim bdag khyod khyim nas khyim med par rab tu 'byung bar 'dod dam/ gsol pa/ bcom ldan 'das 'tshal lags so// bcom ldan 'das kyis bka' stsal pa/ dge slong tshur shog/ tshangs par smad pa spyod cig/ de nas de tsam gyis khyim bdag de rab tu byung nas zhag bdun lon pa bzhin du gos ngur smrig dang ldan zhing mgo bregs te/ lag mthil na lhung bzed thogs par gyur to// de nas bcom ldan 'das kyis de la chos bstan te/ sdug bsngal 'phags pa'i bden pa yang dag par rab tu bstan cing / de bzhin du kun 'byung ba dang / 'gog pa dang / lam 'phags pa'i bden pa yang dag par rab tu bstan to// de nas dge slong de de nyid kyi tshe chos rnams la chos kyi mig rdul med cing dri ma dang bral ba rnam par dag go/ / de nas de bya ba thob ste/ de'i mtshan mo 'das nas snga dro'i tshe chos gos bgos/ lhung bzed thogs nas/ rgyal po'i khab kyi grong khyer chen por bsod snyoms kyi phyir zhugs so/ / de rgyal po'i khab kyi grong khyer chen por bsod snyoms kyi phyir mthar chags su rgyu bas/ rang gi khyim ga la ba der song ste phyin nas/ phyogs gcig tu cang mI smra bAr bsod snyoms kyi phyir 'dug go// bud med gzugs ldan mas khyim bdag rgyal ba srung ba rab tu byung ste/ chos gos bgos lhung bzed thogs shing / bsod snyoms kyi phyir 'ongs pa mthong ste/ mthong nas kyang smras pa/ khyim bdag khyod kyis mi 'tsham par byas so// de nas dge slong rnam par rgyal ba srung bas/ de la smras pa/ sru khyod kyis kho bo'i gos kyi grwar bshang gci byas shing / des kyang kho bo'i lus thams cad dri mi zhim par byas na/ khyod khong chud dam/ des smras pa/ khyim bdag khyod kho mo la skur ba gdab par sems pa 'di ni khyod kyi cha ma yin te/ khyim bdag 'di ltar kho mo pas rang gi khyim nas khyod kyi rjes su 'jug tu bcug nas/ sgo gang gi phyi rol tu bzhin nye bar bstan par yang mi dran na/ 'od ma'i tshal bya ka lan ta ka gnas par/ bcom ldan 'das kyi thad du song ba lta ci smos rnam par rgyal ba srung bas smras pa/ sru kho bo la dbang po bcom ldan 'das dang / shAkya'i bu nags sbyin dang / 'khor bzhi po yod de/ 'di ltar kho bo dang khyod shAkya'i bu nags sbyin gyis bzung nas 'khor de nas bskrad pa'ang khyod mi dran nam/ de nas bdud sdig can khyim bdag rnam par rgyal ba srung ba'i rgyab tu 'dug nas smras pa/ khyim bdag gang gi phyir 'khyam du bcug cing bskrad pa de ni 'di ma yin te/ de ni sprul pa yin par gyur to// dge slong khyod 'dod pa'i yon tan lnga po dag gis mngon par dga' bar gyis shig/ khyim bdag khyod ni dge sbyong go'u ta mas bslus te/ des ni dge slong mang du de lta bur 'khyam du bcug nas rab tu phyung ngo // dge slong rnam par rgyal ba srung bas smras pa/ skyes bu gang gi phyir kho bo dri mi zhim par byas pa de ni sprul pa yin par gyur to// smras pa/ de de bzhin no// smras pa/ de'i phyir khyod kyang sprul pa yin/ kho bo yang sprul pa yin/ bcom ldan 'das kyis chos ston pa thams cad kyang sprul pa lta bu yin no// de nas bud med de chos rnams la chos kyi mig rdul med cing dri ma dang bral ba rnam par dag go// de nas de dang pa rnyed cing yid ches pa thob nas smras pa/ dge slong mngon par dga' bar gyis shig/ tshangs par spyad pa spyod cig/ kho mo yang bcom ldan 'das kyi bstan pa la de bzhin du rab tu 'byung ngo / / de nas bcom ldan 'das kyis chos rnams kyi don gyi dbang de nyid la bsten nas/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu bani bo 'di dag ni/ byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas yongs su spang bar bya ba yin te/ bzhi gang zhe na/ shA ra dwa ti'i bu byang chub sems dpa' sems dpa' chen pos sdig pa'i grogs po yongs su spang bar bya ba yin/ shA ra dwa ti'i bu byang chub sems dpa' sem dpa' chen pos bud med dang 'dre ba yongs su spang bar bya ba yin/ byang chub sems dpa' sems dpa' chen pos gcer bu pa'i smra ba dang / 'jig rten rgyang 'phen pa'i gsang tshig yongs su spang bar bya ba yin/ shA ra dwa ti'i bu byang chub sems dpa' sems dpa' chen pos log par lta ba'i rgud pa yongs su spang bar bya ba yin te/ shA ra dwa ti'i bu chos bzhi po de dag ni byang chub sems dpa' sems dpa' chen pos yongs su spang bar bya ba yin no/ / shA ra dwa ti'i bu chos bzhi po de dag ji lta ba bzhin du de ltar bar chad byed pa'i chos gzhan ni ngas yang dag par rjes su ma mthong ngo / / shA ra dwa ti'i bu de lta bas na theg pa chen po la yang dag par zhugs pas/ chos bzhi po de dag yongs su spang bar bya zhing / yongs su spangs nas kyang gang bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ chos bzhi kun tu bsten par bya// bsgom par bya/ lan mang du bya ba yin te/ bzhi gang zhe na/ shA ra dwa tI'i bu sangs rgyas sam/ byang chub sems dpa' 'am/ nyan thos gang byang chub sems dpa'i sde snod kyi chos kyi rnam grangs 'joms par byed/ rjes su sten par byed pa'i dge ba'i bshes gnyen kun tu bsten par bya zhing / bsgom par bya la/ lan mang du bya ba yin/ shA ra dwa ti'i bu gzhan yang byang chub sems dpas bud med dang 'dre ba rnam par bzlog pa'i phyir mngon par 'byung ba dang / rab tu 'byung ba dang / dgon par gnas pa kun tu bsten par bya zhing / bsnyen par bya la/ bsnyen bkur bya ba yin/ shA ra dwa ti'i bu gzhan yang byang chub sems dpas gcer bu pa'i smra ba dang / 'jig rten rgyang 'phen pa bzlog pa'i phyir chos de dag gzung ba dang / kun chub pa dang / mi brjed par bya bar rnal 'byor du bya ba yin/ shA ra dwa ti'i bu gzhan yang byang chub sems dpas log par lta ba rnam par bzlog pa'i phyir/ chen po stong pa nyid kyi yang dag pa'i lta ba kun tu bstan par bya zhing bsnyen par bya ba yin no/ / bcom ldan 'das kyis de skad ces bka' stsal te/ de skad gsungs nas/ ston pas gzhan yang bka' stsal pa/ bud med 'dre ba rnam par spang / sdig pa'i grogs po'ang spang bar bya/ / log par lta ba bzlog pa'i phyir// 'jig rten rgyang 'phen rnam par spang // gang zhig bud med sten byed cing // de bzhin sdig pa'i grogs po dang / de bzhin 'jig rten rgyang 'phen dang / / log par lta bsten byed pa// ltu ngan la sogs bsten pas na// mi lom dag tu myur bar 'gro// sangs rgyas dad pa phun tshogs dang // dal ba shin tu/ rnye dka' yin// gang zhig sdig pa bsten 'dod pa// de ni sdig pa'i spyod yul 'gyur// sdig pa'i spyod yul spyod pa ni// sdig pa can gyi 'gro bar 'gro// gang zhig byang chub zhugs gyur pa/ / de phyir bud med bsten mi bya// mi gtsang bskus pa'i phag bzhin du// rgyud bsring rnam par spang bar bya// chos ma yin pa gang ston pa'i// sdig pa'i grogs pa bsten mi bya/ chos ma yin pa'i spyod bsten na// sems bral mun par 'gyur ba yin// gcer bu rnams kyi gang 'dzin pa// 'jig rten rgyang 'phen bsten mi bya// kun tu 'jam po ci bsten kyang / / de tshe dmigs pa thob pa yin// de dag thams cad rnam spangs nas// log par lta ba rnam par spang // 'khor ba'i rtsa ba de yin par// 'dir ni nga yis bstan pa yin/ / chos ngan pa dag rnam spangs nas// byang chub spyad pa spyod pa na// nga yis sngon chad gang bsten pa'i// chos mchog dag ni kun tu spyad// lam der gang zhig/ sbyor byed pa'i// mngon par 'byung dang tshangs spyod dang // dge bo'i bshes gnyen bzang po dang // sangs rgyas dang ni nyan thos so// de la stong pa bsten par bya// chen po stong pa'i stong pa med/ / stong pa'i chos la dmigs pa ni// kun tu spyad par bya ba yin// chos dang de bzhin dmigs pa ni// stong la dmigs par mi 'gyur/ ro// gang la 'jig rten mi 'jug pa// de ni stong pa de yin gsungs// byang chub spyad pa spyod pa na// gang la nga yis sngon bslabs pa// de la byis pa blo can gyi// shes pa cis kyang 'gro mi 'gyur/ / byang chub spyad pa spyod pa na// gang dag nga yis chos thos pa// de la byang chub spyad pa ni// gzhan gyi dring phyir song ma yin// de dag nga yis rang gis rtogs// chos kyi dam pa bstan pa yin// gang du stong nyid chags med pa// de ni drang po'i lam yin no// byang chub snying por 'dug nas su// blo gros ngan pa'i bdud bcom nas// bsam mi khyab par ngas gang rtogs/ / de ni chos nyid de yin gsungs// de ni nga yis sngon sangs rgyas// de ni nga yis bstan pa yin// gang phyir 'khor lo bskor ba yi// mtha' mchog nga yi sangs rgyas so/ / gang zhig blo ngan bdud bcom nas// byang chub 'tshang rgyar 'gyur ba dang // byang chub snying por 'dug 'dod pa// de yis stong nyid de bsten bya// gang zhig 'khor lo bla med pa'i/ / chos kyi 'khor lo bskor ba dang // de la dge 'dun gdams 'dod pa// de yis stong nyid de bsten bya// gang zhig stobs rnams bcu po yis// gnas par gyur nus 'jigs med par/ / seng ge'i sgra ni sgrogs 'dod pa// de yis stong nyid de bsten bya// rtag par 'jig rten thams cad du// gang gi snyan grags 'byung ba yin// stong nyid de ni bsten pa yis/ / nga ni pha rol phyin pa yin// nga yi rjes su slob pa na// byang chub sems dpa' rab mkhas pas// ye shes bla na med pa de'i// byang chub dam pa 'tshang rgyar bya/ / gang zhig nga yi rjes slob pa// dge slong 'on te dge slong mas// ji ltar da ltar ngas thob bzhin// byang chub dam pa thob par 'gyur// 'di la dge slong dge slong ma// 'ba' zhig gis ni bsten bya min/ / sems can kun gyis bslabs na yang // de dag byang chub rnyed par sla// dam pa de la bsten pA na// nga ni chags pa med par 'byung // ma 'dres pa yi chos rnams kyis/ / chags med byang chub sangs rgyas so// chos de dag ni sten byed na// ye shes chags med dman ma yin// byang chub phyir ni lam de yin// rtag par stong nyid bsten par bya/ / de phyir byang chub sems dpa'i yis// srog chags rnams la phan pa'i phyir// chos rnams thams cad stong pa yi// chos de dag la bslab par bya// thabs la 'jug pa dang / dam pa'i chos spong ba dang / byang chub sems dpa' yang dag par 'dzin du gzhug pa'i le'u ste dgu pa'o// // shA ra dwa ti'i bu byang chub sems dpa' sems dpa' chen po chos bani dang ldan na/ / ji lta ba bzhin rnam par gtan la dbab pa la mkhas pa yin/ chos thams cad la spobs pa thogs pa med pa yin/ spobs brno ba dang / spobs pa mtha' yas dang / spobs pa zab pa yin te/ de tshe de bzhin gshegs pas ji lta ba bzhin rnam par gtan la dbab pa la mkhas pa dang / spobs pa rno ba dang / spobs pa rangs par thugs su chud nas/ phyi ma'i chos kyi grong khyer srung bar byin gyis rlob par mdzad do// shA ra dwa ti'i bu bzhi gang zhe na/ 'di la byang chub sems dpa' rgyun mi 'chad par rab tu 'byung ba bsten pa'i sems dang ldan pas mngon par dga' ste/ mngon par 'byung ba la gzhol ba yin zhing / chos yongs su tshol bas chog mi shes pa yin/ chos de thos shing yongs su btsal nas kyang / sems can rnams la kun bged pa yin/ chos bstan pa'i phyir snyom las med pa yin zhing // chos thams cad rnam par 'jig pa'i blos mi gnas pa'i bsam gtan pa yang yin la/ sems can thams cad las bla na med pa'i sems kyis byang chub kyi phyir/ sangs rgyas rjes su dran pa yang sgom par byed pa yin/ chos gang la yang lus kyi dmigs pas mtshan mar mi 'dzin pa yin te/ shA ra dwa ti'i bu byang chub sems dpa' sems dpa' chen po chos bzhi po de dag dang ldan na/ chos thams cad la spobs pa chags pa med pa yin zhing / ma'i dus phyi ma'i tshe na/ de de bzhin gshegs pas chos kyi grong khyer bsrung bar byin gyis rlob par mdzad do// shA ra dwa ti'i bu gzhan yang byang chub sems dpa' sems dpa' chen po chos bzhi dang / ldan na/ tshe brjes kyang dran pa brjed par mi 'gyur ro// bzhi gang zhe na/ chos yongs su tshol ba dang / chos kyi sbyin pas chog mi shes pa yin te/ shA ra dwa ti'i bu rigs kyi bu 'am/ rigs kyi bu mo chos dang po de dang ldan pa ni/ tshe brjes na yang dran pa brjed par mi 'gyur ro// shA ra dwa ti'i bu gzhan yang byang chub sems dpa' sems can mang po gzhan dag kyang / bla na med pa yang dag par rdzogs pa'i byang chub yang dag par 'dzin du 'jug cing / yang dang yang du de bzhin gshegs pa'i yon tan yongs su sgrogs par yang byed pa yin te/ shA ra dwa ti'i bu byang chub sems dpa' chos gnyis pa de dang ldan pa ni/ tshe brjes na yang dran pa brjed par mi 'gyur ro// shA rA dwa ti'i bu gzhan yang byang chub sems dpa' zang mo la bzod pa yinate/ shA ra dwa ti'i bu byang chub sems dpa' chos gsum pa de dang ldan pa ni/ tshe brjes na yang dran pa brjed par mi 'gyur ro// shA ra dwa ti'i bu gzhan yang byang chub sems dpa' sems dpa' chen po de bzhin gshegs pa mnyes par bya ba'i phyir/ yid rnam par mi g.yeng ba yin zhing / de bzhin gshegs pa'i chos yid la bya ba'i phyir/ shes bzhin dang dran pa can yin la zab mo la bzod cing 'chi ba'i dus byed pa yin te/ shA ra dwa ti'i bu byang chub sems dpa' chos bzhi pa de dang ldan pa na/ tshe brjes na yang dran pa brjed par mi 'gyur ro/ / bcom ldan 'das kyis de skad ces bka' stsal te/ de skad gsungs nas/ ston pas gzhan yang bka' stsal pa/ de dag chos ni yongs su tshol// chos kyi sbyin pa'ang sbyin par byed/ / de phyir nam yang nam du yang // chos dran brjed par mi 'gyur ro// byang chub yang dag 'dzin du 'jug/ sems can mang po 'god par byed// de phyir de yi tshe rabs su// de yi dran pa nyams mi 'gyur/ / sangs rgyas bstan pa'i stong nyid dang // zab mo'i chos rnams sten par byed// ma skyes pa yi chos rnams las// de yi bzod pa nyams mi 'gyur// skye ba yang ni skye ba med/ / gang dag skyes pa'ang de de bzhin// de 'dra ba yi bzod pa yis// de yi dran pa nyams mi 'gyur// rnam par g.yengs pa'i sems kyis ni// mkhas pa'i 'chi ba'i dus mi byed// rtag par sangs rgyas chos rnams la// de yi bka' dang sangs rgyas dmigs// mkhas pa 'chi ba'i dus byed na// de yi sems ni zhum mi byed// de phyir de ni tshe rabs su// dran pa nyams par mi 'gyur ro// gang zhig ye shes mchog 'dod pa// byang chub dam pa khyad par 'phags// byang chub de ni tshol ba na// chos bzhi po dag ston par byed// sangs rgyas rnams kyis rtag tu bsngags/ / de dag mchog dang gtso bo yin// de phyir khyod langs bstan gyis// chos de dag ni sten par byos// gang phyir nga la'ang phan byed pa// khyod la phan phyir bstan par bya/ / rdzogs pa'i sangs rgyas 'dir phan bzhed// gang la'ang chad pa gcod mi mdzad// nges pa gang zhig byang chub phyir// 'di la ye shes 'dod byed pas// de phyir lam la sten par byos/ / de las byang chub 'thob pa yin// le lo'i sems dang ldan pa dang // zhum pa'i sems dang ldan pa yi// byang chub mchog reg nus ma yin// de phyir de ni rnam par spang / / bdag tu 'du shes byed pa dang // sems can 'du shes byed pa 'am// dngos 'du shes pas sangs rgyas kyi// byang chub 'tshang rgyar nus ma yin// de phyir de ni rnam spangs nas/ / rtag par stong pa nyid la bsten// dngos po thams cad 'dir bshig pas// de las ye shes rnam dag 'gyur// khyed cag gnas par ma byed cig/ gnas las kyang ni skyod par byos// 'ong ba dang ni 'gro ba las// bskyod pa dag la dga' bar gyis// shA ra dwa ti'i bu chos bzhi po 'di dag ni theg pa chen po la yang dag par zhugs pa rnams ni/ thams cad kyi mchog bsgrub par 'gyur ba yin te/ bzhi gang zhe na/ shA ra dwa ti'i bu 'di la byang chub sems dpa' sangs rgyas kyi byang chub rnam par 'jig cing / dam pa'i chos nub par 'gyur ba na/ dam pa'i chos yongs su tshol ba la mngon par brtson pa yin/ de bzhin gshegs pa'i mchod rten rnam par 'jig pa na/ phyir 'chos par byed cing / lus dang srog yongs su gtong bar byed kyang / chos ni yongs su gtong bar mi byed pa yin/ sems can sdug bsngal ba dag mthong na yang snying rje skyed par byed pa yin/ de snying rje thob nas je cher brtson 'grus rtsom par byed cing / nam zhig na bdag gis sangs rgyas kyi ye shes yang dag par bsgrub se nas/ sems can de dag gi sdug bsngal thams cad rnam par zhi bar bya ba'i phyir chos bstan par bya zhes de snyam sems pa yin no/ / shA ra dwa ti'i bu byang chub sems dpa' ni chos yongs su btsal ba'i phyir chog mi shes pa yin no// shA ra dwa ti'i bu byang chub sems dpa' sems dpa' chen po rnams ni/ chos yongs su btsal ba'i phyir chos la 'dun pa che ba yin no// shA ra dwa ti'i bu byang chub sems dpa' sems dpa' chen po rnams ni/ theg pa chen po la lhag par dmigs pa nyid kyi phyir bsnyen par dka' ba yin no/ / shA ra dwa ti'i bu byang chub sems dpa' sems dpa' chen po rnams ni/ sems can rnams la phan par 'dod pa nyid kyi phyir/ de dag la skyob pa gzhan gang yang med de/ gzhan du na bdag 'ba' zhig tu zad do snyam pas byams pa'i sems dang ldan pa yin no// shA ra dwa ti'i bu byang chub sems dpa' sems dpa' chen po rnams ni/ snying rje chen po bsten pa'i sems dang ldan pas khro ba med pa yin no// shA ra dwa ti'i bu byang chub sems dpa' rnams ni/ sems can tham cad la ye shes nye bar bsgrub pa nyid kyi phyir phrag dog med pa yin no/ / shA ra dwa ti'i bu byang chub sems dpa' rnams ni/ chos kyi sbyin pas sems can rnams la phan 'dogs pa nyid kyi phyir/ ser sna med pa yin no// shA ra dwa ti'i bu byang chub sems dpa' rnams ni/ lhag pa'i bsam pa nye bar ston pa nyid kyi phyir/ bdog pa thams cad yongs su gtong ba yin no// shA ra dwa ti'i bu byang chub sems dpa' rnams ni/ chos thams cad la yongs su 'dzin pa med pa yin no// shA ra dwa ti'i bu byang chub sems dpa' rnams ni/ tshur shog legs par 'ongs so zhes smra ba yin zhing / khro gnyer med la bzhin 'dzum pa yin no// shA ra dwa ti'i bu byang chub sems dpa' rnams ni rgod pa med la/ sems can sdug bsngal ba dag mthong na snying blas su byed cing / brtson 'grus brtan por rtsom par byed pa yin no// shA ra dwa ti'i bu byang chub sems dpa' rnams ni/ sangs rgyas kyi chos rnams la dga' ba yin no/ / shA ra dwa ti'i bu byang chub sems dpa' rnams ni/ seng ge'i sgra mngon par sgrogs pa nyid kyi phyir mi 'jigs pa yin no// shA ra dwa ti'i bu byang chub sems dpa' sems dpa' chen po rnams ni/ sangs rgyas kyi chos rnams la legs par gnas pas bag tsha ba med pa yin no// shA ra dwa ti'i bu byang chub sems dpa' rnams ni// sangs rgyas kyi chos yongs su btsal ba'i phyir brtson pa yin no// shA ra dwa ti'i bu byang chub sems dpa' rnams ni/ rtag tu brtson pa yin zhing chos bstan pa'i phyir/ stong gsum gyi stong chen por rgyu bar byed pa yin no/ / shA ra dwa ti'i bu byang chub sems dpa' rnams ni/ chos rnams la rtogs par khong du chud pas rnam par rgyal ba bsrung ba yin no// shA ra dwa ti'i bu byang chub sems dpa' sems dpa' chen po rnams ni/ chos thams cad yang dag pa ji lta ba bzhin so sor rtog pa nyid kyi phyir snying po 'dzin pa yin no// shA ra dwa ti'i bu byang chub sems dpa' rnams ni/ chos thams cad la rang gis mngon par rdzogs par byang chub pa nyid kyi phyir snying po blangs pa yin no// shA ra dwa ti'i bu byang chub sems dpa' rnams ni/ dus dang dus ma yin par yongs su smin par byed pa nyid kyi phyir skul bar byed pa yin no// shA ra dwa ti'i bu byang chub sems dpa' rnams ni/ chos dang 'thun pas/ pha rol smra ba rnams tshar gcod pa yin no// shA ra dwa ti'i bu byang chub sems dpa' sems dpa' chen po rnams ni/ chos thams cad kyi don rnam par nges par yin no// shA ra dA byang chub sems dpya' sems dpa' chen po rnams ni/ sangs rgyas kyi chos rnams kyi rigs yin no// kAr dwa ti'i bu byang chub sems dpa' rnams ni/ rdos pa mchog chen po'i gter chen po yin no/ / shA ra dwa ti'i bu byang chub sems dpa' sems dpa' chen po rnams ni/ chos thams cad kyi phyag rgya rjes su rtogs pas rnam par 'grel pa'i chos rgya mtsho yin no/ / shA ra dwa ti'i bu byang chub sems dpa' sems dpa' chen po rnams ni/ 'khrug pa chen po grangs med dpag tu med pa phyir bzlog pa nyid kyi phyir/ khor yug dang khor yug chen po lta bu yin no/ / shA ra dwa ti'i bu byang chub sems dpa' sems dpa' chen po rnams ni/ chos mi zad pa yang dag par rab tu ston pas yongs su ma gtugs pa yin no// shA ra dwa ti'i bu byang chub sems dpa' sems dpa' chen po rnams ni/ sems nam mkha' dang mnyam pa nyid kyi phyir rnyog pa med pa yin no// shA ra dwa ti'i bu byang chub sems dpa' sems dpa' chen po rnams ni/ nam mkha' mi zad pa nyid kyi phyir zad mi shes pa yin no// shA ra dwa ti'i bu byang chub sems dpa' sems dpa' chen po rnams ni/ dge ba'i chos kyis mngon du 'phags pa nyid kyi phyir lhun po lta bu yin no/ / shA ra dwa ti'i bu byang chub sems dpa' sems dpa' chen po rnams ni/ 'dod pa dang mi 'dod pa dang bral bas sa lta bu yin no// / shA ra dwa ti'i bu byang chub sems dpa' sems dpa' chen po rnams ni/ dge ba'i rtsa ba chud mi gzon pa nyid kyi phyir zhing lta bu yin no// shA ra dwa ti'i bu byang chub sems dpa' sems dpa' chen po rnams ni/ chos kyi snang ba kun tu ston pas nyi ma lta bu yin no// shA ra dwa ti'i bu byang chub sems dpa' sems dpa' chen po rnams ni/ mun nAg rnam par sel ba nyid kyi phyir zla ba lta bu yin no// shA ra dwa ti'i bu byang chub sems dpa' sems dpa' chen po rnams ni/ 'dod chags dang / zhe sdang dang / gti mug gi gdung ba rab tu zhi bar byed pa nyid kyi phyir gdugs lta bu yin no// shA ra dwa ti'i bu byang chub sems dpa' sems dpa' chen po rnams ni/ sems can rnams kyi gnas dang skyabs dang / ston par gyur pas shing ljon pa chen po'i grib ma lta bu yin no// shA ra dwa ti'i bu byang chub sems dpa' sems dpa' chen po rnams ni/ bzo'i gnas thams cad la rtogs par khong du chud pas slob dpon lta bu yin no/ / shA ra dwa ti'i bu byang chub sems dpa' sems dpa' chen po rnams ni/ sems can thams cad kyi bsam pa yongs su skong bas nye bar 'tsho bar bya ba yin no/ / shA ra dwa ti'i bu byang chub sems dpa' sems dpa' chen po rnams ni/ sems can thams cad kyi ston par gyur pa yin no// shA ra dwa ti'i bu byang chub sems dpa' sems dpa' chen po rnams ni/ sems can thams cad kyi rten du gyur pa yin no// // bam po bco lnga pa// / shA ra dwa ti'i bu gal te ngas ji ltar mkhyen pa bzhin du/ sems can thams cad kyis byang chub sems dpa' ni bdag cag la bya ba de lta bus nye bar gnas pa yin no/ zhes de ltar shes par gyur na/ shA ra dwa ti'i bu sems can thams cad kyis byang chub sems dpa' dang po sems bskyed pa nas/ byang chub kyi snying po la 'dug pa de'i bar srid du/ phrag pa 'am mgo bos khyer bar 'gyur zhing / gang sems can rnams kyi bde ba dang / rtse ba dang / dga' ba de thams cad kyang byang chub sems dpa' la sbyin par byed par gyur la/ byang chub kyi snying por song na yang / sa las brtsams nas/ srid pa'i rtse mo'i bar du gos rin po che gcig pa'i gding ba 'ding bar byed par gyur cing / byang chub sems dpa'i lus gdung bar gyur na mi rung ngo snyam nas/ steng du yang lha rdzas kyi gdugs dgab pa kun tu 'dzin par byed par 'gyur la/ me tog dang / smos dang / 'phreng ba dang / byug pa thams cad kyis kyang mchod par byed cing / rim gro dang bsnyen bkur byed par gyur te/ shA ra dwa ti'i bu byang chub sems dpa' sems dpa' chen po la de ltar mngon par 'du byas shing / gus par byas/ rjed par byas mchod par byas kyang lan bya bar ni mi nus so/ / de ci'i phyir zhe na/ shA ra dwa ti'i bu byang chub sems dpa' sems can rnams kyi don yongs su gdung ba med pa'i bde ba'i yo byad mngon par 'du byed pa ji lta bus nye bar gnas pa'i bde ba'i yo byad de la ni/ bde ba'i yo byad mngon par 'du byed pa 'dis brgya'i char yang nye bar mi 'gro ba nas/ rgyu'i bar du yang mi bzod pa'i phyir ro/ / de ci'i phyir zhe na/ shA ra dwa ti'i bu nye bar bsgrub pa de thams cad ni mi rtag pa yin/ 'jig rten pa yin/ phung po dang bcas pa yin/ zag pa dang bcas pa yin// yongs su 'gyur ba'i chos can yin zhing / shA ra dwa ti'i bu byang chub sems dpa' bde ba nye bar bsgrub pa ni zag pa med pa dang / 'jig rten dang / 'jig rten las 'das pa dang / nges par byed pa dang ldan pa dang / ngo bo nyid med pa dang / stong pa nyid yin pa'i phyir te/ shA ra dwa ti'i bu de lta bas na byang chub sems dpa' la sems can thams cad kyis/ bde ba'i yo byad phun sum tshogs pa thams cad kyis phan gdags par bya mi nus so/ / de ci'i phyir zhe na/ shA ra dwa ti'i bu byang chub sems dpa' ni sems can gnyid log pa thams cad kyi mi nyal bar byed pa yin/ bag med pa rnams kyi bag yod pa yin/ smyo ba rnams kyi ma smos pa yin zhing / shA ra dwa ti'i bu byang chub sems dpa' ni sems can dmus long rnams kyi mig tu gyur pa yin/ yongs su 'dren pa yin la/ shA ra dwa ti'i bu byang chub sems dpa' sems dpa' chen po ni/ sems can nad kyis thebs pa rnams kyi sman du gyur pa yin/ lam ngan par zhugs pa rnams kyi lam ston pa yin/ lam gol ba la gnas pa rnams kyi yang dag pa'i lam ston par byed pa yin zhing / byang chub sems dpa' ni dge ba'i rtsa ba ma bskyed pa rnams skyed par byed pa yin/ byang chub sems dpa' na chos dkar po rnams kyi rnam par ma bskyed pa rnams skyed par byed pa yin pa'i phyir te/ shA ra dwa ti'i bu mdor na de bzhin gshegs pa dang / byang chub sems dpa' ma gtogs par sems can rnams la skyob pa dang / skyabs dang / dpung gnyen gzhan med de/ shA ra dwa ti'i bu sangs rgyas de yang byang chub sems dpa' las byung ba yin no/ / de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das byang chub sems dpa' sems dpa' chen po rnams kyi theg pa de de lta bu dang / theg pa de rmad du byung ba lags kyang / bdag nyid kyang mdzes par bgyid cing / gzhan dag kyang mdzes par bgyid pa ni ngo mtshar lags so/ / bcom ldan 'das dper bgyid na/ zhugs shing yongs 'du sa brtol yal ga thams cad me tog yongs su rgyas pa ni/ bdag nyid kyang mdzes par bgyid la/ gzhan dag kyang mdzes par bgyid pa lags so/ / bcom ldan 'das de bzhin du byang chub sems dpa' sangs rgyas kyi chos rnams yongs su rdzogs pa ni/ bdag nyid kyang mdzes par bgyid cing / sems can dpag tu ma mchis pa yang mdzes par bgyid pa lags so// bcom ldan 'das dper bgyid na/ zhugs shing yongs du sa brtol ni/ sum cu rtsa gsum pa'i lha rnams gar bgyid du stsol cing / rtse bar bgyid/ dga' dgur spyod par bgyid pa lags so// bcom ldan 'das de bzhin du byang chub sems dpa' sems dpa' chen po ni/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sangs rgyas kyi chos yongs su rdzogs shing / bdag nyid kyis kyang mdzes la/ sems can grangs ma mchis dpag tu ma mchis pas kyang mngon du bgrod par bgyi ba lags te/ der sems can phyin pa rnams kyang dbang po dang / stobs dang byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyis rtse bar bgyid/ dga' dgur spyod par bgyid/ dga' bar bgyid pa lags na/ bcom ldan 'das bdag cag lta bu'i le lo can/ gzhan gyi dring la 'jog pa dag ma gtogs par/ theg pa la su zhig gnas par mi bgyid/ mngon par 'tshal ba mi bgyid lags/ bcom ldan 'das bdag cag ni chos gzhan gyis stsal cing / gzhan gyis bstan pas dbugs byin pa dang / bde bar gyur pa lags te/ bcom ldan 'das sdud kyis ni bcom ldan 'das las thos nas re zhig gang gis sems can 'ga' yang bgyid pa de la 'jog pa'i mthu bdag cag la ma mchis so/ / bcom ldan 'das bdag cag gis ni deng slan chad gang la lar chos bstan na/ ches thog mar byang chub sems dpa'i theg pa las brtsams nas bstan par bgyi zhing / nyan thos kyi theg pa ni slad kyis bstan par bgyi'o// de ci'i slad du zhe na/ bcom ldan 'das gang gis myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de ltar bgyis pas/ sems can 'ga' zhig byang chub tu gzhag na yang / de bzhin gshegs pa la bdag cag gis bgyis pa gzo ba lags pa'i slad du'o// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bul 'di skad ces bka' stsal to/ / shA ra dwa ti'i bu khyod byang chub sems dpa' sems dpa' chen po rnams dga' bar bya ba'i phyir/ go cha gyon pa ni legs so legs so// de ci phyir zhe na/ shA ra dwa ti'i bu theg pa de lta bu de'i ming yang mi 'byung ba'i dus de dang tshod de 'byung bar 'gyur zhing / shA ra dwa ti'i bu theg pa de lta bu de la 'phya bar byed par 'gyur// bsting bar byed par 'gyur la/ mdo sde de lta bu de dag len pa po ma yin pa dang / spong bar byed pa 'byung bar 'gyur ba'i phyir ro// shA ra dwa ti'i bu de la rigs kyi bu 'am/ rigs kyi bu mo don 'dod pas ni don la rton pa dang / chos la rton par bya'i/ 'du 'dzi'i gnas su ni gnas par mi bya'o// de ci'i phyir zhe na/ shA ra dwa ti'i bu de'i tshe 'dus pa ni mi rigs par 'gyur te/ shA ra dwa ti'i bu nga'i nyan thos rigs pa dang ldan pa ni mdo sde de lta bu de dag la spong ba 'am/ bsting ba 'am/ rnam par g.yeng bar mi byed do// de ci'i phyir zhe na/ shA ra dwa ti'i bu las de dag ni rigs pa ma yin zhing / shA ra dwa ti'i bu byis pa'i las de dag ni rig pa'i las ma yin/ mkhas pa'i las ma yin la/ shA ra dwa ti'i bu nga ni mkhas pa'i las/ byed kyi/ byis pa'i las mi byed pa'i phyir ro// shA ra dwa ti'i bu nga'i nyan thos kyis ni 'di ltar bslab par bya ste/ shA ra dwa ti'i bu de la phyi ma'i dus phyi ma'i tshe na/ dad pa can dang mang du thos pa dang / brtson 'grus brtsams pa dang / dran pa dang ldan pa dang / khrel yod pa dang / dge ba ci yin zhes tshol ba dang / chos don du gnyer ba dang / chos yod/ su tshol ba la mngon par brtson pa gang dag 'byung bar 'gyur ba de dag kyang / de'i tshe 'phya bar byed par 'gyur ba yin zhing / brnyas par 'gyur ba yin/ de dag ni le lo can yin/ ngag ni 'bras bu thob par mi nus pa yin/ de dag ni 'dod pa la bsten pa yin/ 'dod pa bsten par 'dod pa yin/ de dag ni byang chub sems dpa' zhes bya bas/ dad pas sbyin par bya/ ba la longs spyod par byed pa yin la/ theg pa de kun tu rjod par byed kyang / de dag de bzhin gshegs pas rigs pa dang grol bar gsungs pa ni ma yin no// shA ra dwa ti'i bu nga la mi blun po de dag tshig phra mo ji snyed kyis skur pa 'debs par 'gyur ba dang / gang dag de bzhin gshegs pas mchog tu rigs par gsungs shing / mchog tu grol bar gsungs pa de dag la 'di skad du/ de dag ni rigs pa ma yin zhing / de dag ni grol ba ma yin no zhes zer bar 'gyur ba dang / shA ra dwa ti'i bu de la gang dag khyim na gnas pa 'byung bar 'gyur ba de dag kyang kun tu gdungs nas mi blun po de dag la dad par bya ba yin par sems par 'gyur zhing / de dag gis byang chub sems dpa' sems dpa' chen po mdo sde de lta bu 'dzin pa mthong na yang brnyas pa bskyed par 'gyur ba la ltos/ shA ra dwa ti'i bu 'di ltar de bzhin gshegs pas ni gang la yang yang dag pa 'am/ yang dag pa ma yin pas gnod par mi bya zhing / rnam par gtse bar mi bya la/ skur pa gang ba par mi bya'o zhes gsungs na/ de dag ni gzhan dag la smra bar byed cing / bdag nyid kyis kyang kun tu spyod par byed pa 'gyur ba'i mi blun po de dag gi tshul khrims kyi phung po ci 'dra bar 'gyur ba la ltos/ shA ra dwa ti'i bu chos la chos ma yin par 'du shes pa dang / chos ma yin pa la yang chos su 'du shes par 'gyur bar gyur cing / 'dul ba ma yin pa la 'dul bar 'du shes pa dang / 'dul ba la 'dul ba ma yin par 'du shes par 'gyur ba dang / rig pa la rig pa ma yin par 'du shes pa dang / rig pa ma yin pa la rig par 'du shes pa dang / grol ba la grol ba ma yin par 'du shes pa dang / grol ba ma yin pa la grol bar 'du shes par 'gyur bar gyur nas kyang / shA ra dwa ti'i bu de dag 'dul ba yang mi shes shing ston pa'i bstan pa yang gting mi dpogs pa'i dus de ji srid du phyin ci log tu 'gyur ba la ltos/ shA ra dwa ti'i bu sems can de dag ni khro ba dang / zhe sdang dang / phrag dog dag gis zil gyis non pa yin zhing / nga rgyal gyis zil gyis non pa yin/ bdag la bstod pa yin/ gzhan la smod pa yin/ phrag dog dang ser sna yongs su rdzogs pa yin/ mi dge ba'i chos kyis gang ba yin/ dge ba'i chos thams cad las yongs su nyams pa yin te/ gsor mi rung ba yin no// shA ra dwa ti'i bu sems can de dag ni yongs su spang bar bya ba yin no// shA ra dwa ti'i bu nga ni ngo tsha shes pa rnams kyi ston pa yin gyi/ nga ni ngo tsha mi shes pa rnams kyi ma yin no// shA ra dwa ti'i bu nga ni dran pa dang ldan pa rnams kyi ston pa yin gyi/ brjed ngas pa rnams kyi ni ma yin no// shwa ra dwa ti'i bung ni shes rab dang ldan pa rnams kyi ston pa yin gyi/ shes rab 'chal pa rnams kyi ni ma yin no// shA ra dwa ti'i bu gang dag gang la de bzhin gshegs pas yun ring po nas bslabs pa dang / gang la de bzhin gshegs pas bslabs pas/ bdag nyid chen po'i chos nyid de rjes su thob pa dang / ci nas kyang byang chub sems dpa' sems dpa' chen po rnams chos nyid de yang dag par bsgrubs nas/ bla na med pa yang dag par rdzogs pa'i byang chub mngon par rdzogs par sangs rgyas te/ 'gro ba dpag tu med pa nyon mongs pa'i dra ba las thar par byed par 'gyur ba'i byang chub sems dpa' la 'dems par mdzad pa'i ye shes de lta bu de dang de dag kyang / chos gang la de bzhin gshegs pa gus pa dang bcas pa'i chos de nyid de la 'gal bar byed par 'gyur zhing / gnod pa byed par 'gyur ba de dag ni/ nga'i nyan thos kyang ma yin la/ nga yang de dag gi ston pa ma yin te/ shA ra dwa ti'i bu ma legs so// ma legs so// shA ra dwa ti'i bu ngas ni de tsam zhig brjod par nus so// shA ra dwa ti'i bu de lta bas na chos gling yin par gnas par byos shig/ gzhan gling du ni ma byed cig/ bdag skyabs su gnas par byos shig/ gzhan skyabs su ni ma byed cig/ chos skyabs su gnas par byos shig/ gzhan skyabs su ni ma yin te/ khyed cag la rjes su bstan pa ni de yin no// shA ra dwa ti'i bu ji ltar na dge slong chos gling yin par gnas shing / gzhan gling ma yin bdag skyabs yin gyi/ gzhan skyabs ma yin/ bdag gling yin gyi/ gzhan gling ma yin zhe na/ shA ra dwa ti'i bu 'di la dge slong dran pa nye bar gzhag pa rnams/ sgom par byed pa yin zhing / 'dod chags dang bral ba la gnas pa yin/ rnam par spong bas yongs su bsgyur ba yin no// shA ra dwa ti'i bu dran pa nye bar gzhag pa yang gang zhe na/ 'di lta ste/ dngos po med pa dang / rang bzhin med pa dang / mtshan nyid med pa'i dran pa nye bar gzhag pa chos ji lta ba bzhin du mthong ba ste/ shA ra dwa ti'i bu de ltar na dngos po med pa dang // rang bzhin med pa'i sgo nas dran pa nye bar gzhag pa yin no// shA ra dwa ti'i bu 'di la gang mi slu ba 'di ni chos gling yin pa dang / chos skyabs dang / bdag gling dang / bdag skyabs zhes bya'o/ / shA ra dwa ti'i bu gang dag dran pa nye bar gzhag pa de lta bu sgom par byed pa de dag ni/ dgra bcom pa mngon pa ro rdzogs pa thams cad spangs pa zhes bya'o// / zag pa zad pa zhes bya'o// nyon mongs pa med pa zhes bya'o// sbyin pa'i gnas zhes bya'o// zhi ba zhes bya'o// dul ba zhes bya'o// skyon bsal ba zhes bya'o// bram ze tshangs par spyod pa/ pha rol tu son pa/ skam la son pa zhes bya'o// shA ra dwa ti'i bu ci'i phyir dgra bcom pa zhes bya zhe na/ shA ra dwa ti'i bu de dag ni dge ba thams cad la 'os pa yin/ dge ba'i las dag gis 'du shes thams cad dang bral ba yin te/ de dag na 'du shes pa thams cad rgyun bcad pa yan/ 'du byed pa thams cad spangs pa yin te/ shA ra/ dwa ti'i bu gang dgra bcom pa zag pa zad pas/ bsod nams 'du bya ba yang mngon par 'du byed pa'i gnas med cing skabs med pa yin na/ bsod nams ma yin pa lta ci smos/ phyir zhe na/ shA ra dwa ti'i bu dgra bcom pa zag pa zad pa ni sred pa rgyun bcad pa yin/ shA ra dA ti'i bu dgra bcom pa zag pa zad pa ni kun tu sbyor ba rnams las phyir log pa yin/ chos thams cad dang bral ba yin/ chos thams cad kyis ma gos pa yin/ yid chags pa med pa yin/ 'dod pa'i khams la chags par mi byed pa yin/ gzugs kyi khams la chags par mi byed pa yin/ gzugs med pa'i khams la chags par mi byed pa yin/ 'dun pa dang bral ba yin/ sred pa dang bral ba yin la/ khong khro ba dang bral ba'i phyir ro// ci'i phyir dgra bcom ba zag pa zad pa zhes bya zhe na/ shA ra dwa ti'i bu de'i zag pa rnams zad cing / chos thams cad la zag pa nyid thob la/ zag pa nye bar thob pas/ de'i phyir zag pa zad pa zhes bya'o// ci'i phyir nyon mongs pa med pa zhes bya zhe na/ dngos po thams cad stong pa nyid kyi phyir/ kun nas nyon mongs par yang mi 'gyur/ rnam par byang bar yang mi 'gyur te/ rnam par dag pa yin zhing 'dod pa 'am/ mi 'dod pa 'am/ yid du 'ong ba 'am/ yid du mi 'ong ba 'am/ 'dus byas sam/ 'dus ma byas gang gis kyang nye bar ma gos pas/ nye bar gos pa/ med pa yin la/ shA ra dwa ti'i bu dgra bcom pa zag pa zad pa ni spros pa thams cad spangs pas/ de'i phyir nyon mongs pa med pa zhes bya'o// ci'i phyir dgra bcom pa zag pa zad pa zhes bya zhe na/ gdung ba spangs pa yin zhing / yongs su gdung ba spangs pa yin/ gdung ba nye bar zhi ba yin la/ de ni zang zing med pa'i chos kyi mchog sbyin pa'i sbyin pa po yin pas/ de'i phyir sbyin gnas zhes bya'o/ / ci'i phyir dbang du gyur pa dag ces bya zhe na/ shA ra dwa ti'i bu de dag gis chos thams cad ya ma brlar mthong zhing mngon du byas pa yin/ rnam par bsgoms pa yin/ ya ma brla'i chos de dag thams cad la yang dam pa'i pha rol tu son pa yin la/ de dag gis yang dag pa ma yin pa'i smra ba rnams bsal ba yin pas/ de'i phyir dbang du gyur pa dag ces bya'o// ci'i phyir bram ze dag ces bya zhe na/ chos thams cad bsal ba yin zhing bor ba yin/ phyung ba yin la/ nye bar ma gos pa yin pas/ sdig pa bsal ba'i phyir ro// ci'i phyir zhi bar byed pa dag ces bya zhe na/ shA ra dwa ti'i bu sdig pa thams cad dang / sdig pa'i chos thams cad las byang ba'i phyir ro// ci'i phyir tshor ba po dag ces bya zhe na/ shA ra dwa ti'i bu de dag gis 'dod pa'i khams dang / gzugs kyi khams dang / gzugs med pa'i khams dang / rnam par sman pa dang / yang dag pa ma yin pa dang / bden pa ma yin pa thul cing / las dang rnam par smin pa yang thul la/ shA ra dwa ti'i bu de dag kun tu rtog pa med pa nyid kyi phyir/ kun tu rtog pa las byung ba'i chos thams cad thul cing rnam par grol ba yin pas/ de'i phyir tshor ba po dag ces bya'o/ / ci'i phyir pha rol tu son pa dag ces bya zhe na/ shA ra dwa ti'i bu de dag gis bdud pham par byas shing / bdud kyi phyogs kyi nyon mongs pa thams cad pham par byas la chos thams cad kyi pha rol tu son cing rgal la/ skam la son pas/ de'i phyir pha rol tu son pa dag ces bya'o// shA ra dwa ti'i bu ngas dgra bcom pa zag pa zad pa'i yon tan dgra ji tsam ci brjod kyang / shA ra dwa ti'i bu de la bri bar yang mi 'gyur ro// shA ra dwa ti'i bu dgra bcom pa zag pa zad pa ni/ shin tu yongs su sbyangs pa/ rdo ba dang tsher ma med pa/ shin tu rnam par dag pa'i zhing chen po yin no// shA ra dwa ti'i bu dgra bcom pa zag pa zad pa la ni/ gshe bar byed cing brgyad bkag byed kyang / 'di snyam du bdag la 'di gshe bar byed cing brgyad bkag byed do snyam du yang mi sems la/ bsngags pa'am bsngags pa ma yin pa brjod pa na yang 'di snyam du/ bdag la 'di bsngags pa 'am bsngags pa ma yin pa brjod do snyam du mi sems so/ / shA ra dwa ti'i bu dgra bcom pa zag pa zad pa ni rlom sems thams cad rgyun bcad pa yin no// shA ra dwa ti'i bu dgra bcom pa zag pa zad pa ni bsrung ba med pa yin no/ / shA ra dwa ti'i bu dgra bcom pa zag pa zad pa la ni chos gang yang bsrung ba med de/ dbang po shin tu bsrungs pa yin zhing / nges pa'i sa thob pa yin/ chos kyi sgron ma yin/ chos kyi skyabs yin/ bdag gis sgron ma yin/ bdag gi skyabs yin pa'i phyir ro// shA ra dwa ti'i bu de lta bas na dge slong de ltar gnas pas ni 'di ltar gal te de bzhin gshegs pa'i byang chub spong bar mi byed cing / mi rigs pa'i las kyang mi byed la/ tshangs pa mtshungs par spyod pa mkhas pa rnams kyi kha na ma tho ba dang bcas pa yang ma yin zhing / phyis kyang byang chub kun tu bsrung ba dang / rnam par mi gtse ba dang / mi spang ba'i phyir dang / yun ring du gnas par bya ba'i don du zhugs par 'gyur ba de ni dgra bcom pa yin par shes par bya'o/ / shA ra dwa ti'i bu dgra bcom pa zag pa zad pa la ni/ chos rnams la chos kyi the tsom med do// shA ra dwa ti'i bu dgra bcom pa zag pa zad pa ni som med pa yin zhing yid gnyis dang bral ba yin no/ / shA ra dwa ti'i bu dgra bcom pa zag pa zad pa ni rgal ba yin zhing / lam kha brag las nges par rgal ba yin/ drang po'i gnas la gnas pa yin/ drang po yin/ drang por gyur pa yin/ lam drang po nas 'ongs pa yin no// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das dgra bcom pa zag pa zad pa ni/ chos spong ba ma lags par 'tshal bar bgyi ba lags so// ci'i slad du zhe na/ bcom ldan 'das de dag ni byis pa'i las lags kyi de dag ni dgra bcom pa'i las ma lags te/ 'di lta ste/ chos spong ba lags pa'i slad du'o// de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to/ / shA ra dwa tI'i bu de de bzhin no// de de bzhin te/ shA ra dwa ti'i bu de dag ni byis pa'i las yin gyi/ dgra bcom pa'i las ma yin mod kyi/ 'on kyang shA ra dwa ti'i bu phyi ma'i tshe phyi ma'i dus na/ mi 'jig pas zil gyis non pa'i dge slong dag 'byung bar 'gyur te/ de dag ni bsam gtan tsam dang / nges par gnas pa tsam dang / dgon pa na gnas pa tsam gyis bdag nyid nyon mongs pa med pa'o snyam du kun tu shes par 'gyur zhing / bdag nyid la rlom sems skyed par byed par 'gyur te/ de'i phyir de'i tshe bram ze dang / khyim bdag dad pa can mos pa mang ba dang / nges par rtogs pa mang ba dag gis dgra bcom pa 'di ni sbyin pa'i gnas so// zag pa zad pa'o snyam du kun tu shes par 'gyur la/ de la yang lhag par byed pa bya ba sems par 'gyur zhing / mi blun po de dag kyang bsnyen bkur gyis zil gyis non cing rnyed pas zil gyis non la/ bsngags pa dang / grags pa dang sman pas zil gyis non nas/ bdag cag ni chos de dag la gnas so// bdag cag ni chos de dag dang ldan no// bdag cag ni 'di na zag pa zad pa'o// bdag cag ni 'di na nyon mongs pa med pa'o snyam nas/ bdag nyid la ye shes can du kun tu shes par 'gyur ba yin zhing // de dag ni byis par 'gyur ba yin/ brtags pa'i spyod lam can du 'gyur ba yin/ grong na 'khod pa de dag ni spyod lam yang gzhan du 'gyur ba yin/ gtsug lag khang na 'khod pa'i spyod lam yang gzhan du 'gyur ba yin/ dgon pa na 'khod pa rnams kyi yang gzhan du la/ 'khor gyi nang na 'khod pa rnams kyi yang gzhan du yin/ lus kyi las dang ngag gi las kun tu spyod pa dag kyang ma bsrung bar 'gyur ba yin/ 'khor ba na spyod par yang 'gyur ba yin/ bdag nyid kyi nyon mongs pa med pa'i ye shes kyang bskyed par 'gyur ba yin/ da ltar gang dag nyan thos rnams kyis bshad pa'i chos kyi rnam grangs zab mo dang ldan pa/ dben pa dang ldan pa/ stong pa nyid dang ldan pa de lta bu de dag thos nas kyang chos de la zhes dang bcas shing / gus pa dang bcas pas gus par nyan cing rna gtod par byed la/ sems gzhan du ma yin par nye bar 'jog par byed pa yin te/ de'i tshe mi blun po de lta bu'i spyod yul pa de dag kyang sting bar byed par 'gyur zhing / 'phya/ bar byed par yang 'gyur la/ gshe bar byed pa yang 'gyur zhing 'di skad du/ 'di ni sangs rgyas kyi bka' ma yin/ ston pa'i bstan pa ma yin no// zhes gcig la gcig 'debs par byed par yang 'gyur ro/ / de ci'i phyir zhe na/ 'di ni chos dang chos su/ 'dul ba dang 'dul bar mtshungs par mi 'gyur zhing / chos ma yin pa sems par byed pa de dag ni/ chos la chos ma yin no zhes smra bar 'gyur ba yin/ chos ma yin pa la chos so zhes smra bar 'gyur ba yin/ 'dul ba ma yin pa la 'dul ba'o zhes smra bar 'gyur ba yin pa'i phyir te/ shA ra dwa ti'i bu de ltar na de dag ni chos gang 'thob par 'gyur ba de nyid kyi bsngags pa ma yin pa smra bar 'gyur ba yin la/ de dag ni bdag la bstod cing gzhan la smod par 'gyur ba yin/ tshul khrims tsam dang / dgon pa na gnas pa tsam dang / bsam gtan tsam dang / nges par gnas pa tsam dang / thos pa tsam dang / mang du thos pa tsam dang / 'khor tsam dang / bsngags pa dang tshigs su bcad pa tsam dang / rnyed pa dang bkur sti tsam dang / grags pa dang snyan pa tsam gyi nga rgyal gyi dbang gis/ nga'o snyam ba'i nga rgyal gyis bcom pa yin te/ yang dag pa ji lta ba bzhin du gleng ba po de dag gis yang dag par glengs pa na/ ji lta ji ltar chos kyi rnam grangs de dag nyan pa// de lta de ltar las ches dam po dag mngon par 'du byed par 'gyur ba yin gyi/ mi blun po de dag ni 'di snyam du/ mi dge ba'i las yang dag pa de dag bdag cag la kun tu yod do snyam du mi sems te/ de dag ni shas cher nga rgyal gyis brtan cing / mi shes pas brtan nas chos kyi rnam grangs de dag spangs te/ las ches dam po byas nas mnar med par 'gro bar 'gyur ba yin/ ngan 'gror 'gro bar 'gyur ba yin no// shA ra dwa ti'i bu da ltar nga khyed cag gi the tsom gcod par byed pa dang / de'i tshe chos smra ba/ chos yongs su 'dzin pa/ chos ston pa don du gnyer ba/ mdo sde de lta bu 'dzin pa gang dag 'byung bar 'gyur ba de dag la yang / de'i tshe chos kyi the tsom de lta bu gcod par byed pa de la ltos shig/ shA ra dwa ti'i bu de bzhin gshegs pa ni thams cad mkhyen pa yin zhing / thams cad shes pa can yin/ thams cad gzigs pa yin/ thams cad ston pa yin no// shA ra dwa ti'i bu gang de bzhin gshegs pas ma mkhyen ma gzigs/ ma gsan pa'i chos de ni med do// shA ra dwa ti'i bu de bzhin gshegs pa ni dus gsum lam thogs pa'i ye shes brnyes pa yin zhing / ma chags pa dang grol ba yin/ dbang / du gyur pa dang nyon mongs pa med pa yin/ rang byung yin/ slob dpon mi mnga' ba yin/ bde blag tu seng ge'i sgra sgrogs pa yin no// shA ra dwa ti'i bu yang mi blun po de dag gi spyod pa dang / spyod yul dang / lam gyis ni chog go// de dag ni ma bslabs pa yin/ mi blun po de dag ni lam ngan par zhugs par 'gyur ba yin no// shA ra dwa ti'i bu de lta bas na rigs kyi bu 'om/ rigs kyi bu mo bla na med pa yang dag par rdzogs pa'i byang chub la mngon par yang dag par zhugs pas ni/ bdag sangs rgyas bcom ldan 'das rnams kyi byang chub la mngon par ma dad cing / nges par mra brtags la mngon par rdzogs par sangs ma rgyas na mi rung ngo snyam nas/ chos de lta bu de dag la 'dun par bya/ rnal 'byor du bya/ spro bar bya'o// shA ra dwa ti'i bu rigs kyi bu 'am/ rigs kyi bu mo chos bzhi dang ldan na/ sangs rgyas kyi byang chub spong bar byed pa yin te/ bzhi gang zhe na/ shA ra dwa ti'i bu 'di la rigs kyi bu 'am/ rigs kyi bu mo sdig pa'i grogs po'i lag tu song ba yin zhing / dge ba'i bshes gnyen gyi lag tu song ba ma yin la/ sdig pa'i grogs po de dag la yang sten par byed/ spen par byed/ bsnyen bkur byed de/ de sdig pa'i grogs po de dag la bsten cing bsnyen kha bsnyen bkur byas pas/ de dag nyid kyi rjes su bslabs nas spong bar byed pa yin no// shA ra dwa ti'i bu gzhan yang byang chub sems dpa' bdag tu mngon par zhen/ par dmigs pa can smin te/ de chos kyi rnam grangs zlab mo de lta bu de dag thos nas skrag cing da ngadra bar 'gyur zhing / grwa yang sa chen por yang rab tu ltung ba yin/ te/ shA ra dwa ti'i bu rigs kyi bu 'am/ rigs kyi bu mo chos gnyis po de dag dang ldan na byang chub spong bar byed pa yin no// shA ra dwa ti'i bu gzhan yang rigs kyi bu gAcer bu pa'i smra ba la zhugs pa yin zhing / 'jig rten rgyang 'phen pa'i gsang tshig yongs su tshol ba la mngon par brtson pa dang / skye bo mang pos bkur ba yin/ de'i chos de dag mi sems par spong bar byed pa yin no/ / shA ra dwa ti'i bu gzhan yang byang chub sems dpa' tshul khrims 'chal pa dang tshul khrims rgud pa yin zhing / ji ltar bslab pa bcas pa la yang mi slob pa yin te/ de yo byad baspungs pa'i gtam dang ldan pa de lta bu de dag spong bar byed pa yin zhing / gshe bar byed la mos par mi byed de/ shA ra dwa ti'i bu rigs kyi bu 'am/ rigs kyi bu mo chos bzhi po de dang ldan na/ byang chub spong bar byed pa yin no// de nas bcom ldan 'das kyis de'i tshe tshogs su bcad pa 'di dag bka' stsal to// sdig pa'i gros rnams sten byed cing / / de dag gi ni rjes phyogs 'gyur// de phyir chos ni spong byed cing // sangs rgyas byang chub 'don mi byed// gcer bu'i sgra dang 'dres pa dang // 'jig rten rgyang 'dren sems pa yin/ / bstan pa 'di ni brjod byas te// blo ngan dus ni drang po yin/ byis pa mkhas pa'i nga rgyal can// kye ma mkhas par rlom sems byed// de phyir de ni chos spong zhing / / sangs rgyas byang chub 'tshang mi rgya// bdag tu smra ba gang yin pa// dmigs pa la ni gnas nas su// zab mo'i chos rnams thos gyur nas// blo ngan chos ni spong bar byed// mtha' 'das stong nyid ji bzhin dang // don ni de yis mi shes te// de phyir byang chub spong bar byed// de yi gting ni shes ma yin// tshul khrims 'chal dang sdig chos can// mi gtsang kun rtog spyod yul ba/ / ji ltar bslab pa bcas pa la// blo ngan de dag slob mi byed// dmu rgod bka' blo mi bde ba// sma 'bebs pa dang lce ngan po// de lta'i chos can de la ni// sdig pa mi byed cing yang med// de phyir de ni rnam par spang // rtag par sangs rgyas rnams kyis smad// gang dag nga yis rtag bsngags pa'i// chos la'ang rtag tu bsten par bya// gang zhig sangs rgyas mthong 'dod dang // de 'dra'i chos ni nyan 'dod des// tshul khrims phung po legs par brtag/ de la chos ni 'thob par 'gyur// tshul khrims phung por gang dag gnas/ / de la 'jug par gang 'dod dang // de la kun tu rtog 'dod pas// de phyir tshul khrims bsten par bya// ye shes de 'dra 'jug 'dod na// yid gzhungs pa yis tshul khrims bsten/ / byang chub rnams kyi phul dang mchog/ des ni rnyed par dka' ma yin// shA ra dwa ti'i bu theg pa chen po la yang dag par zhugs pa chos bzhi dang ldan na/ byang chub kun tu bsrung ba'i phyir zhugs pa yin te/ bzhi gang zhe na/ shA ra dwa ti'i bu 'di la theg pa chen po la yang dag par zhugs pa ni/ bdag nyid kyang tshul khrims phun sum tshogs pa yin/ dge ba'i chos can dang / tshul khrims kyi phung po la legs par rab tu gnas pa dang / mang du thos pa yin/ don dam pa la mkhas shing 'jig rten rgyang 'ben pa dang / yang ma 'dres pa yin/ sangs rgyas byang chub dag pa yongs su 'thob cing / dben pa la gzhol bas dgon pa dang rab tu dgon pa la mngon par dga' ba yin te/ shA ra dwa ti'i bu theg pa chen po la yang dag par zhugs pa chos bzhi po de dag dang ldan pa ni/ byang chub kun tu bsrung ba'i phyir zhugs pa yin no/ / de nas bcom ldan 'das kyis de'i tshe tshigs su bcad pa 'di dag bka' stsal to// tshul khrims phung por de gnas kyang // tshul khrims kyis ni rlom sems med// nges pa'i don dang zab mo yi// chos ni phyis kyang tshol bar byed// sangs rgyas byang chub dag pa dang // rnam dag yongs su dag pa'ang tshol// gcer bu rnams kyis gang 'dzin pa'i// gsang tshig dag ni de mi tshol// 'thab med gsang tshig de 'dod pas// 'jig rten rgyang 'phen 'dres ma yin// sangs rgyas chos la nges yin zhing // rtag tu bstan pa srung bar byed/ / gang dag gis ni sems 'khrug pa'i// bud med rnams ni der mi 'gro// dben pa zhi ba stong pa yi// bas mtha'i dgon pa rnams sten byed// nga yis mchog dang phul bsngags pa'i/ / chos bzhi po ni de dag dang // byang chub rnams kyi don gang bstan// chos de dag la sten par byos// de der de bzhin de bzhin du// sngon chad de dag bsten pa yin// ye shes kun tu srung bar byed// des ni nga yi ye shes bsgrubs// chos ni kun tu bsrung byas pas// 'gro ba ngan par 'gro mi 'gyur// rtag par de zhi kun tu dag/ gzugs kyis kyang ni/ 'phags par 'gyur// longs spyod ldan par de rtag 'gyur// thos nas kyang ni bag yod 'gyur// de la snying po ston par 'gyur// longs spyod rnams ni mi rtag ces// gang byin de ni nga yi yin/ / bang ma byin de nga yi min// nga dang longs spyod phung po'ang rung // thams cad spangs nas song ba yin// g.yog 'khor bzang por 'gyur ba yin// de yi bshes gnyen bzang por 'gyur/ / sangs rgyas kyis ni bsngags chos la// ma yengs nges par sbyor bar 'gyur// bdag nyid kyis kyang 'dun pa yin// gzhan yang de la nges sbyor byed// de phyir ni dga' ba 'thob/ / dam pa'i chos kyang spyod par 'gyur// gang dag 'jig rten mchog bkur ba'i// rigs mtho bar yang rtag par skye// de ni bag med mi byed cing / / rtag tu chos la sten par byed// rdzogs sangs rgyas la mnyes byed 'gyur// mthong nas kyang ni dad par byed// sems dad cing ni yid dga' nas// mchod pa dam byed par 'gyur/ / lus dang srog dang longs spyod ni// de dag thams cad snying po med// skyes bu dam pa mthong nas kyang // myur du snying po ston par 'gyur// de yi lus dang longs spyod la'ang / / snying po'i 'du shes 'jug mi 'gyur// sangs rgyas rnams ni 'byung ba dkon// ngal pa de 'dra'ang rnyed par dka'// der ni dal ba'ang thob 'gyur zhing // thob nas kyang ni yid mi 'byung / / gang las ye shes 'thob 'gyur ba'i// mngon 'byung de la sten par byed// rangs dang mchog tu dga' bskyed nas// ye shes dam pa tshol bar byed// gang las byang chub thob 'gyur ba'i// chos la'ang rtag par gnas par byed// shA ra dwa ti'i bu theg pa chen po la yang dag par zhugs pa chos bzhi dang ldan na/ bdag nyid kyis bdag nyid dbugs 'byin cing / mchog tu dga' ba skyes nas kyang gnas par byed do// bzhi gang zhe na/ shA ra dwa ti'i bu 'di la theg pa chen po la yang dag par zhugs nas/ longs spyod phung po'i bdog pa thams cad yongs su gtong ba yin/ tshul khrims kyi phung po'i yon tan thams cad la rab tu gnas pa yin/ chos zab mo rnams kyis ye shes thams cad mngon du 'phags pa yin zhing / mngon du 'phags nas/ lus dang srog gtong bar byed kyang chos gtong bar mi byed pa yin/ dge slong chos smra ba dam pa'i chos yongs su 'dzin pa/ mdo sde lta bu 'dzin pa rnams la yang bde ba'i yo byad thams cad kyis spro bar bya ba la zhugs pa yin te/ shA ra dwa ti'i bu 'di la theg pa chen po la yang dag par zhugs pa chos bzhi po de dag dang ldan na/ bdag nyid kyis bdag nyid lung ston pa dang / dbugs 'byin pa mang po yin no// de nas bcom ldan 'das kyis de'i tshe tshigs su bcad pa 'di dag bka' stsal to// longs spyod rnams ni kun bgred byed// tshul khrims phung por shin tu gnas// chos rnams la ni mngon du 'phags// stong pa'i chos la the tsom med// gang dag chos ni stong pa yin chos de yong ni yongs su 'dzin/ / gang dag chos ni ston pa la'ang // bde bar bsgrubs pas zhugs pa yin// de phyir de ni dga' ba 'thob// mchog tu dga' ba'ang de yis 'thob/ / mi mchog sangs rgyas 'gyur bar ni// bdag nyid la yang lung ston to// de la sangs rgyas lung ston mdzad// gang dag 'das dang ma byon dang // gang dag byung ba'i rdzogs sangs rgyas/ / de dag rgyal bar lung yang ston// sangs rgyas theg pa bla med kyi// byang chub lam la de gnas shing // sangs rgyas rnams kyis gang bstan pa'i/ / chos de dag la'ang sbyin par byed// sangs rgyas rnams kyis de dag bsngags// byang chub sems dpa' rnams kyis bsten// sangs rgyas lam ni bla med kyi// lam de la ni de gnas 'gyur// ji ltar nam mkha'i lam du ni// snod gcig bor bar gyur pa dang // ji ltar chags par blta bya dang // de yi gnas pa yod min zhing // de ltar byang chub sems dpa' yi/ / gang bslabs byang chub lam la yang // byang chub ma thob bar du ni// de yi ldog pa yod ma yin// ji ltar kun tu 'dres pa der// gdams bskyed par byed pa yang / / de yi rgyun chad yod ma yin// myur du de ni 'dzud par byed// de bzhin byang chub sems dpa' gang // rtag tu chos rnams sten byed kyang // byang chub sangs ma rgyas kyi bar/ / brtson 'grus spong bar byed ma yin// ji ltar ljon shing rtsa ba yang // mi yis rtag par sbed byed cing // dus su dkri bar byed pa yi// shing ni 'phel bar 'gyur ba yin/ / rlung dang nyi ma dag gis ni// dus su grang dang dro gyur par// mthar gyis sba ba byas nas su// me tog 'bras bu de des 'byin// sems can mang la bde byed pa// shing gi grib ma yid dga' 'byung / / bde ba'i bde dang ldan pa dag/ me tog 'bras bu longs kyang spyod// de bzhin byang chub sems dpa' yang // byang chub phyir ni sems bskyed nas// / dus su chos rnams sten byed cing // dus su yongs su 'dri bar byed// dus dang dus min sten byed cing // dus dang dus min 'dri bar byed// dus su brtson 'grus rtsom byed cing // des pas dus su sbyin pa sbyin// dus su byang chub snying po yi// shing gi drung du 'dug nas su// blo gros ngan pa'i bdud bcom ste// dus su byang chub 'tshang rgya yang // 'jig rten du ni ma bskor ba'i/ / 'khor lo dus su skor bar byed// dus su sems can 'dul byed cing // 'bel ba'i gtam yang yongs su 'dren// byang chub zhugs pa'i mkhas rnams ni/ / mthu dang ldan sems de lta bus// byang chub dam pa 'tshang rgya zhing // de ni nam yang ldog mi 'gyur// de lta bas na dus dus su// yang dang yang du chos bsten bya// dus su byang chub 'tshang rgya zhing // dus su 'khor lo'ang skor bar 'gyur// shA ra dwa ti'i bu byang chub sems dpa' chos bzhi dang ldan na/ bla na med pa yang dag par rdzogs pa'i byang chub las nyams par mi 'gyur zhing / yongs su nyams par mi 'gyur la/ tshe brjes nas kyang 'khor los sgyur ba'i rgyal srid byed cing / ji ltar smon pas kyang dge ba'i rtsa ba thams cad rjes su 'jug par byed par yin/ stobs che ba dang lus che ba yin/ sred med kyi bu ltar mkhregs pa'i lus dang ldan pa yin/ de 'khor los sgyur ba'i rgyal srid thob nas kyang / myur du gling bzhi spangs nas khyim nas khyim med par rab tu 'byung ba yin/ rab tu byung nas kyang de tshangs pa'i gnas pa bzhi 'thob pa dang / skyon med pa 'thob pa dang / rtse ba med pa 'thob pa dang / tshegs med pa 'thob pa yin/ de nas shi 'phos nas kyang tshangs pa'i 'jig rten du skal ba mnyam par skye bar 'gyur ba/ yin/ skyes nas kyang tshangs pa'i dbang po nyid 'thob pa yin te/ bzhi gang zhe na/ shA ra dwa ti'i bu 'dri la byang chub sems dpa' de bzhin gshegs pa'i mchod rten zhig pa mthong nas/ bcos pa'i phyir spo bar byed cing / tha na 'jim pa'i gong bu gcig tsam yang rtsig par byed pa yin/ shA ra dwa ti'i bu gzhan yang ma brtsigs pa'i sa phyogs lam po che'i bzhi mdo skye bo mang po 'du ba'i sar/ mchod rten dang khang pa brtsegs pa 'am/ rdo ba'i ka ba 'am/ de bzhin gshegs pa'i sku'am/ de bzhin gshegs pa'i yon tan rjes su dran pa gang yang rung ba byed de/ 'di lta ste/ dper na chos kyi 'khor lo bskor ba 'am/ mngon par 'byung ba 'am/ byang chub kyi shing drung du bdud 'joms pa 'am/ de bzhin / gshegs pa'i cho 'phrul chen po 'am/ de bzhin gshegs pa'i yongs su mya ngan las 'das pa chen po yang dag par bstan pa 'am/ lha las babs pa 'am/ lha yul du mngon par 'dzeg par byed pa'i de bzhin gshegs pa'i mchod rten rtsig par byed pa yin/ shA ra dwa ti'i bu gzhan yang byang chub sems dpa' sems dpa' chen po de bzhin gshegs pa'i nyan thos kyi dge 'dun bye zhing / 'thab pa dang rtsod pa byung ba mthong nas/ mi dbye ba dang 'thun par bsdam pa'i phyir brtson pa yin/ shA ra dwa ti'i bu gzhan yang byang chub sems dpa' sems dpa' chen po de bzhin gshegs pa'i bstan pa rab tu 'jig cing / chos rab tu rnam par 'jig par 'gyur ba na/ tha na tshigs su bcad pa gcig bsrung ba dang / mi nyams par bya ba'i phyir brtson pa yin/ chos sam chos smra ba yongs su 'dzin par byed cing / lus dang srog gtong bar byed kyi/ chos gtong bar mi byed pa yin te/ shA ra dwa ti'i bu byang chub sems dpa' theg pa chen po la yang dag par zhugs pa chos bzhi po de dag dang ldan na/ yon tan gyi bye brag sngar bsten pa de dag rjes su 'thob bo// de nas bcom ldan 'das kyis de'i tshe tshigs su bcad pa 'di dag bka' stsal to/ / sangs rgyas mchod rten mthong nas su// zhig pa phyir ni bcos par bya// de phyir stobs ni che ba dang / lus che ba dang mi 'jigs 'gyur/ / gang du dad pa skyes 'gyur ba'i// lam chen bzhi mdo phyogs su ni// ring bsrel gyi ni sku byed cing // sangs rgyas yon tan rnams ston pa/ / bsod nams mang po skyed par byed// gang zhig lam gyi bzhi mdor ni// 'jig rten mchod pa'i mchod rten byed// de yi grags pa 'phel bar 'gyur// phan tshun du ni rtsod pa yi/ / nyan thos bye ba rnams mthong nas// gcig la gcig ni bzod gsol te// de dag rnams ni 'thun byed pa// dge ba'i rtsa ba de yis su// mi 'jigs/ dpa' bor 'gyur ba yin// sred med bu ltar mkhregs pa yi// lus ni mngon par 'grub pa yin// bstan par rab tu rnam 'jig pa'i// chos la mi bde nyer gnas tshe// gus par byas te chos srung zhing // lus dang srog dag por gyur pa// de bzhin chos ni 'dzin byed pa// de dag srung bar byed pa dag/ lha rnams kyis ni bsrung bar 'gyur// sangs rgyas rnams kyis byin gyis brlabs// chos ni kun tu bsrung byas pas// de dag 'khor los sgyur bar 'gyur// gling bzhi po dag rnam bskor cing // chos kyis kyang ni rgyal srid byed/ / bskor cing rab tu bstan pas na// bdag med par mi 'gyur ma yin// bag yod par ni rtag par 'gyur// rgyal srid bor nas rab tu 'byung // drang srong rgyal po rdzu 'phrul can/ / bsam gtan bzhi po sgom par byed// tshangs pa'i gnas pa rnam bsgoms nas// rtag par yon tan gnas pa yin// shi 'phos tshangs pa'i 'jig rten du'ang / / de ni skye ba sgrub par byed// der yang chen por 'gyur ba yin// de ni tshangs pa'i dbang phyug yin// chos kyi mchog ni bzhi po dag/ 'jig rten gyi ni mgon pos bsngags/ / byang chub spyod pa spyod pa ni// sngon chad ngas kyang bsten pa yin// chos gang la ni ngas bslabs shing // ji ltar sngon chad spyad pa bzhin// de la pha rol phyin gyur nas/ bla med byang chub sangs rgyas yin// ji ltar sngon chad ngas bstan pa'i// chos de dag la gang bsten pa// thams cad du ni chen por 'gyur// bsnyen dka' rig pa can du 'gyur/ / mi yi bdag por 'gyur ba yin// sum cu rtse gsum dbang phyug 'gyur// 'dod pa'i khams ni thams cad du'ang // dbang phyug dam par 'gyur ba yin// gzugs kyi khams su song nas kyang / / der ni dbang phyug 'gyur ba yin// thams cad du yang mchog tu 'gyur// yon tan dag la su mi slob// tshul khrims spyod pa phun sum tshogs// ngo tsha ldan zhing khrel yod 'phags/ / de yi mngon 'byung phun sum tshogs// kun tu phun sum tshogs pa 'thob// brtson 'grus kyis ni phun tshogs 'gyur// bzod pa ting 'dzin phun sum tshogs// de yi shes rab bla na med// chos rnams kun la mkhas pa yin// nam zhig rtag par don bsam pa// bye ba phrag ni stong po dag/ der ni thams cad rab tu shes/ don bsam pa la mkhas pa yin// skad cig gcig gis sgrub pa de// tshig rab 'byed pa shes par 'gyur// gang dag chen por 'gyur ba yin// mang thos rnams kyi slob dpon che// ji ltar mdzangs pa shes rab dang // spobs pa yi ni 'phags pa bzhin// rtag par byang chub phyir nges shing // phyi rol shes pa 'dor bar 'gyur// rtag par de yi lta ba drang // yang dag lta ba shin tu bsgoms// rdzogs sangs rgyas kyang mnyes par byed// rtag tu mi khom spong bar 'gyur// a la theg pa theg chen po// sangs rgyas dag ni kun gyis bsngags/ / de la dman pa'i chos rnams ni// gang yang sgrags par byed pa med// de la long ba bsgrags pa med// 'on pa dag kyang bsgrags pa med// zhar dang lag rdum 'phye bo dang / / mdog mi sdug dgra bsgrags pa med// dbul po dag ni bsgrags mi bya// dman pa'i yon tan bsgrags pa med// gang gis sdig can 'gro 'gyur ba'i// sdig pa'i chos can bsgrags mi bya/ / 'di la ye shes de 'dra dang // bsngags pa de 'dra thos nas su// spyod yul gang min ma gtogs par// ye shes de 'dra su mi tshol// de phyir ye shes gang tshol ba/ / sangs rgyas ye shes rmongs pas tshol// ye shes de la bslabs pas na// chos rnams kyi ni pha rol 'gro// nga yis rigs rnams bzhag ma yin// skye ba'ang rme pa ma yin zhing / / de yi kha dog bye ba'ang min// gzugs kyi sku la dman pa med// da ni le lo can ma yin// brtson 'grus kyis ni rtag tu 'phags// rtag tu'ang tshul khrims phun sum tshogs/ / shes rab ldan zhing rab mnyam gzhug/ 'di ltar nga yis sngon chud chos// mchog dang phul dag bsten pa yin// de yi 'bras bu'ang longs spyod kyis/ rnam par smin pa ci 'dra ltos// 'jig rten khams ni stong dag dang // bye ba khrag khrig dag dang ni// de bas lhag pa'i zhing rnams su// de la nga yi ye shes 'jug sems can gang dag der skyes pa/ / de dag gi ni sems kyang shes// de dag rnams kyi spyod pa'ang shes// bsam pa yang ni rnam par shes// mi snyan smra ba gang 'byung ba// de dag gi ni de yang shes// chad pas gcad pa'ang shes pa yin// rab tu bzung ba'ang de bzhin no// sangs rgyas spyan gyis ngas de dag/ thams cad la ni rnam bltas te/ sems can yongs su smin shes nas// srid pa'i bcings las dgrol bar bya// dus su song nas bskal bar bya// dus su yang ni gdams par bya// gang gis de dga' skye 'gyur ba'i/ / cho 'phrul rnams ni bstan par bya// gang dag gzugs la chags 'gyur dang // longs spyod la yang gnas 'gyur ba// de dag la ni/ rjes dmigs bstan// de phyir de ni mya ngan 'da'// srid pa'i 'dod chags bcing bas bcings// lta ba la ni gnas 'gyur ba// de dag rnams la nyes dmigs bstan// srid lta de 'dra gang du 'byung // gang la de dag gnas 'gyur dang // de dag gis ni gang mchog bkur// de 'dra'i lus su bsgyur nas su// drang po'i lam ni bstan par bya// ngag gis kyang chos shes nas// gang 'dir nges par bdag cag gis// byang chub dam pa 'tshang rgya zhes// de tshe nga la phyag 'tshal lo// de dag gi ni rtsa rtogs nas// de dag la ni chos kyang bstan/ / sdug bsngal kun las phyung ba yin// nga ni rgyal ba zug rngu 'byin// mya ngan 'das zhi thob bya'i phyir// de dag la ni ngas chos bstan// de dag nga las chos thos nas/ / mya ngan 'das pa rjes su 'thob// nga yi shes pa da ltar la// chos rnams kun la 'jug pa ltar// 'das pa'i dus dang gang dag yang // ma 'ongs chos rnams de bzhin no/ / nga yi lus ni mchog tu 'phags// de yi tshad ni dmigs ma yin// rgyal ba'i spyi gtsug blta bar ni// rdzu 'phrul can gyis nus ma yin// sangs rgyas lag pa mtha' yas te/ nga yi lag pa dpag tu med// ji ltar gang+gA'i bye snyed kyi// 'jig rten khams dag khyab pa yin// kha dog bcas pa ci 'dra bas// sangs rgyas sku ni 'byung 'gyur zhes// sangs rgyas sku yi kha dog dang // dbyibs ni shes par nus ma yin// kha dog dbyibs ni ci 'dra zhes// nga yi thad lpags gang dag lta// kha dog sna tshogs lta byed kyang // mtshan ma shes pa ma yin no/ / sangs rgyas kyi ni sku mthong nas// kun rjod pa yi cho 'phrul gyis// sems can de dgra rab dga' zhing // nga yi lus la'ang stong par byed// sems can dag ni thams cad kyis/ / sangs rgyas sku ni blta mi nus// lha yi mig can gang la yang // snang bar 'gyur ba ma yin no// 'di ltar sangs rgyas byin brlabs te// khyed cag gis ni 'dir ltos shig/ sku de bsam mi khyab yin par// sangs rgyas sku ni shes par byos// spu yi khung bu gcig nas su// cho 'phrul dag ni de 'dra dang // 'jig rten khams su sems can gyi// don de 'dra ba byed par 'gyur// 'od zer bye ba mang po ni// spu yi khung nas phyung nas su// zhing rnams mang po snang bar byed// sangs rgyas zhing yang de snyed do// stan 'di la ni 'dug nas su// ji ltar sems can nga shes ltar// de tshe phyogs bcu'i 'jig rten gyi// sems can de dag nyid kyis shes// sangs rgyas kyi ni ye shes mtha'// nga yi gzhag par nus ma yin// kun mkhyen ye shes ngas kyang ni/ / nyan thos rnams kyis 'dir ci smos// sangs rgyas thams cad bsam mi khyab// sangs rgyas chos rnams bsam mi khyab// @# mi khyab la dad byas pas/ / de dag bsam mi khyab tu'ang 'gyur// byang chub sems dpa'i spyod pa'i le'u ste bcu pa'o// // de'i tshe 'khor de nyid du skyes nas lo bdun lon pa lta bu'i khye'u rnam par rgyal bsrung ba zhes bya ba 'dus par gyur te 'dug go/ / de nas khye'u rnam par rgyal ba srung ba stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa dag gis gsol pa// sangs rgyas chos rnams de thos te// de nas go cha 'tshal snyam nas// bdag la kun tu 'dun skyes pas/ / bdag kyang de 'drar 'gyur snyam bgyid// spyan ldan chos kyi sbyin pa yis// sems can thams cad mgron du gnyer// khyu mchog gis ni tshig tu smra// gzhan du ma lags de bzhin bgyi/ / 'dren pa slad kyis sdum par ni// bdag gi 'dun pa 'jug ma lags// 'jig rten mgon po'i bstan par de// 'di nyid la ni rab tu 'byung // mngon par 'byung dang brtson 'grus dang / / yon tan rnams dang bsam gtan dang // ting 'dzin shes rab 'bras de lags// de nyid bdag gis bsten par bgyi// spyan ldan dag la 'dun pa skyes// myur du bdag ni rab tu phyung // ngur smrig gos ni 'tshal nas su// chos kyi dam pa spyad par bgyi// me long ye shes lta bus kyang // 'jig rten de la rnam sems shing // 'jig rten mchog tu 'gyur bar bgyi// legs par rab tu dbyung du gsol// thams cad kyang ni ma mchis pas// sems can 'du shes mi gnas shing // bdag mngon / rdzogs par sangs rgyas nas// 'dren pa chos de bstan par bgyi// bdud dpung bcas pa bcom nas su// mu stegs gzhan rnams skrag bgyis te// lta ba'i dra ba rab bcom nas// srog chags rnams kyi don bgyi'o// mya ngan 'das bde thob slad du// bdag gis lam ni bstan par bgyi// de la skye ba ma mchis pas// lam de bsam mi khyab pa lags// bdag gis dra ba rnam phye nas/ / bdag gis chos kyi snang ba bgyi// rang bzhin de dang mtshan nyid de'i// chos ni ji lta bzhin du bstan// rdzu 'phrul stobs kyi rnam 'phrul bgyi// cho 'phrul dag ni bstan par bgyi/ / de la gang dag bdag la lta// kun gyi the tsom 'chad par 'gyur// de nas bcom ldan 'das kyis// khye'u rnam par rgyal ba srung ba la 'di skad ces bka' stsal to/ / khye'u nga'i bstan pa 'di la khyim nas khyim med par rab tu 'byung bar 'dod dam/ des gsol pa/ bcom ldan 'das de lta lags so// bcom ldan 'das kyis bka' stsal pa/ gang zhig ngur smrig mi 'dzin cing // gang dag snyigs ma med gyur pa// nga yi bstan la rab 'byung bar// bya ba'i chos ni de yin no// gang gis skra dag ma bregs shing // bcing ba thams cad bcad gyur la// ma bcings pa dang ma grol ba// 'di la rab tu byung ba de'o// gang dag bslab pa mi slob pa// bslab pa'ang 'bobs par byed ma yin/ / bslab pa kun la bslabs pa ni// 'di la rab tu byung ba de'o// gang zhig dam chos mi 'dzin cing // chos rnams thams cad rnam bsgoms la/ / chos kyi 'du shes bsal gyur pa// de ni 'di la rab tu byung // gang zhig bdag ces mi sems shing // gang zhig sems can zhes mi sems// de la zhum pa nyid mi 'byung / / de ni byang chub phyir zhugs pa'o// gang gis sems ni bskyed gyur la// chos gzhan yang ni mi dmigs shing // sems la 'dzin par mi byed pa// de ni nga la rab tu byung // / bam po bcu drug pa// / de nas tshe dang ldan pa shA ra dwa ti'i bu 'di snyam du sems te// gang bcom ldan 'das kyis gnas zab mo zab mo dag bsten pa'i khye'u des/ yun ji srid cig spyad par gyur snyam mo// de nas bcom ldan 'das la/ tshe dang ldan pa shA ra dwa ti'i bus tshigs su bcad pa 'di dag gsol pa/ bcom ldan 'das zab mo'i chos thos nas// mi skrag zhum par mi 'gyur ba'i// khye'u ni rnam par rgyal srung gi/ spyod pa de 'dra de ci lags/ gang gis zab mo'i gnas thos nas// de la skrag pa mi 'byung ba// sngon chad skye ba gzhan dag tu// rdzogs pa'i sangs rgyas ji snyed mthong // gang gis sgyid lug mi 'gyur ba'i/ / gnas rnams kyang ni zab mo dag/ sngon gyi sangs rgyas rkang gnyis mchog/ ji snyed cig la zhus pa lags// de nas bcom ldan 'das kyis// tshe dang ldan pa shA ra dwa ti'i bu la tshigs su bcad pa 'di dag gis slar bka' stsal pa/ 'das pa'i dus na ngas shes pa// sa yi phyogs ni 'di nyid du// sangs rgyas stong phrag mang po la/ / rnam par rgyal ba srung gis zhus// ang ga ma ga d+ha der ni// byang chub spyad pa spyod pa na// gang dag la ni sngon zhus pa// sangs rgyas ji snyed pa yang shes/ / chos rnams dang ni khams rnams dang // skye mched dag dang stong pa dang // tshad med de dang rnam thar gyi// gnas dang gnas min rab tu mkhas// ji ltar ang ka ma ga d+ha / / e ma sangs rgyas shes pa bzhin// de ltar ka shi'i khyim rnams su// mkhas pas de snyed shes pa yin// rnam par rgyal srung khye'u de ni// shes rab pha rol phyin pa thob/ / dkar chos rnams kyis byung ba yin// de phyir de shes de 'dra ba'i// 'dir ni chos la reg par byed// yi ge ji bzhin phyag rgya grangs// bzo rnams sna tshogs gzhan yang shes// de las gzhan yang brjed pa med// chos rnams thams cad stong pa nyid// 'jig rten 'das pa'i shes las gzhan// 'jig rten pa yi shes mi smra/ / de la mchog tu 'dzin mi byed// gang gis ye shes de 'dra dang // chos rnams thams cad stong pa nyid// de la bskal pa brgya dag tu'ang // rmongs pa yod pa ma yin no/ / ye shes de ni ye shes che// nyon mongs zad byed rang bzhin can// gang zhing stong pa mi 'dod pa// de ni chos la 'jug mi 'gyur// de nas tshe dang ldan pa shA ra dwa ti'i bus/ khye'u rnam par rgyal ba srung ba la 'di skad ces smras so// gzhon nu khyod bcom ldan 'das kyi bstan pa la rab tu 'byung ngam/ de skad ces smras pa dang / tshe dang ldan pa shA ra dwa ti'i bu la/ khye'u rnam par rgyal ba srung bas 'di skad ces smras so// btsun pa shA ra dwa ti'i bu bdag ni rab tu byung zin pas/ bdag rab tu mi 'byung ngo / / de nas tshe dang ldan pa shA ra dwa ti'i bus/ khye'u rnam par rgyal ba srung ba la tshigs su bcad pa 'di dag gis smras pa/ khyod kyi gos dag gang bgos pa// ngur smig khyod la snang ma yin/ / khyod kyi sku yang bregs ma yin// 'di la ji ltar rab tu 'byung // khyod kyis bslab pa bslabs ma yin// khyod la slob dpon yod ma yin// mkhan po yang ni yod ma yin// khyod ni ji ltar rab tu byung // khyod ni lhung bzed thogs ma yin// khyod ni mtshams su byung ma yin// 'di la gang gis rab byung ba// khyod ni ji ltar bsdams pa yin/ / gang du tshogs kyis rdzogs par byas// khyod kyi de snyed su yis byas// khyod ni ji ltar rab tu byung // bdag gis dris pa de smros shig/ de skad ces smras pa dang / tshe dang ldan pa shA ra dwa ti'i bu la/ khye'u rnam par rgyal ba srung bas tshigs su bcad pa 'di dag slar smras pa/ gang zhig ngur smrig 'dzin byed pa// snyigs ma med pa 'dzin mi byed/ / mi skyes pa yang 'dzin pa med// ngur smrig gyon pa de yin no// ye shes gos ni bdag gis bzung // de ni nam yang gos pa med// rtag tu'ang dri med rnam dag pa'i// dur smig bdag gis gyon pa yin/ / bdag gis nyon mongs thams cad spangs// bdag gis skra dag bregs pa byas// ye shes kyis ni bdag gis bregs// de dag phyin chad skye mi 'gyur// lhung bzed bsam mi khyab las byung // chos rnams kun gyi snod yin te// gang ba med cing bri med de// chos rnams kun gyi snod yin no// bdag ni gzhan gyi man ngag la// na / yang gnas shing gnas 'gyur med// thams cad mkhyen cing rang byung 'gyur// bdag gi phun sum tshogs de yin// chos kun mnyam mdzad sangs rgyas kyis/ / bdag la gsol ba mdzad zin te// 'dren rnams gang nas gshegs pa yi// sangs rgyas lam nas 'gro bar bya// bdag gi rab byung de 'dra ste// bdag gi bslab pa'ang de 'dra yin/ / mya ngan 'das pa'ang de 'dra ste// gsol ba'i las ni de 'dra yin// spyod pa la ni de ring bslabs// nam zhig 'jig rten mgon thad du// zhing nas zhing du 'gro ba dag/ bdag gis kyang ni spyad par bya// byang chub snying por 'dug nas su// sbyin pa bsam mi khyab pa sbyin// gcig pus spyad par mi bya ste// bdag gis srog chags bye ba sbyin// de nas bcom ldan 'das kyis khye'u rnam par rgyal ba srung ba la rnam par gzigs te/ bcom ldan 'das kyis rnam par gzigs ma thag tu yang / de ni de nyid kyi tshe gos ngur smrig gyon cing 'dug par gyur te/ skra bregs nas zhag bdun lon pa lta bur gyur to// skad cig de nyid lnga mngon par shes pa lnga yang thob bo// de nas gzhon nu rnam par rgyal ba srung ba sa phyogs de nyid du 'dug nas mi snang bar gyur te/ de mi snang bar gyur ma thag tu/ sa chen po yang g.yos shing / spu zing zhes byed pa dang bcas pa'i skrag par yang gyur/ lha dag kyang steng gi bar snang las rnga rdung zhing lha'i klu dbyangs len par yang gyur/ 'jig rten du snang ba chen po yang byung bar gyur to// de nas bcom ldan 'das kyis de'i tshe 'dzum pa mdzad do// de nas bcom ldan 'das kyi zhal gyi sgo nas 'od zer kha dog du ma kha dog sna tshogs byung ste/ byung nas kyang thams cad dang ldan pa'i sangs rgyas kyi zhing la lan gsum bskor ba byas nas spyi gtsug gi mtshams su nub bo// de nas tshe dang ldan pa kun dga' bo stan las langs nas/ chos gos phrag pa ya gcig tu gzar te/ pus mo g.yas pa'i lha nga sa la btsugs nas/ bcom ldan 'das la tshigs su bcad pa dag gis zhus pa/ mi 'dul kha lo sgyur ba sems can mchog/ spyod pa yon tan khyad par 'phags la gnas// rgyal ba ye shes ma chags pha rol gshegs// kun mkhyen rgyal ba bla na med la zhu/ zhal nas 'od zer mang po byung nas su// 'od kyis sangs rgyas zhing ni thams cad khyab// sangs rgyas zhing de la ni bskor bgyis nas// de dag slar log nas kyang spyi gtsug nug/ rgyu ma mchis par sangs rgyas 'dzum mi ston// de ring su yi don slad 'dzum de bstan// lung bstan de ni su yi lags par 'gyur// 'jig rten mgon po bdag gi the tsom chod// gang gis 'dzum pa de 'dra bstan gyur cing / / sangs rgyas zhing de thams cad snang bgyis pa'i// yangs pa'i don de su yi lags par 'gyur// ye shes mchog gis 'dir ni su lung ston// sangs rgyas zhing brgyan pa ni mdzes pa lags/ / sems can kun kyang bde bar gyur pa lags// 'di la bag ma mchis par sems mi 'jug/ cho 'phrul de lta bu ni gda' lags so/ / de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo khyod kyis sa phyogs 'di nyid na/ khye'u rnam par rgyal bsrung ba gos ngur smrig gyon pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ kun dga' bo khye'u rnam par rgyal ba srung ba de ni/ de bzhin gshegs pa mi 'khrugs pa'i sangs rgyas kyi zhing du/ 'jig rten gyi khams mngon par dga' bar lus de nyid kyis 'dug go// de'i tshe ji srid par sangs rgyas kyi/ zhing der tshangs par spyod pa spyad nas/ lus de nyid kyis rgyal srid 'thob ste/ 'di lta ste/ dper na lha rnams kyi dbang po brgya byin gyis da ltar rgyal srid thob pa bzhin no// sangs rgyas kyi zhing de nas shi 'phos nas kyang lus de nyid kyis sangs rgyas kyi zhing nas sangs rgyas kyi zhing du 'gro bar 'gyur zhing / nam du yang sangs rgyas dang bral bar mi 'gyur la/ thams cad du lus thob pa des kyang / rgyal srid thob par 'gyur ro// de phyis kyang bskal pa grangs med pa na/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ 'jig rten gyi khams rtag tu snang bar de bzhin gshegs pa dgra bcom pa yang dag par rdzogs pa'i sangs rgyas ye shes mtha' yas rnam par bsags zhes bya bar 'gyur ro// kun dga' bo de bzhin gshegs pa ye shes chen po rnam par bsags kyi tshe'i tshad ni dpag tu med par 'gyur te/ bskal pa 'di snyed do zhes dpag pa 'am/ bgrang ba'am/ bsam par mi nus so/ / de bzhin gshegs pa de'i sangs rgyas kyi zhing de na gnas pa'i sems can de dag ni mngal du skye bar mi 'gyur te/ sems can de dag rdzus te skye bar 'gyur zhing / pad+ma dag gi steng du skyil mo krung gis 'byung bar 'gyur ro/ / kun dga' bo sangs rgyas kyi zhing de ni yon tan khyad par can dpag tu med pa gzhan dag gis kyang legs par brgyan par 'gyur ro/ / kun dga' bo byang chub sems dpa' chos bzhi dang ldan na/ tshe brjes nas dge slong tshur shog ces bya ba'i rab tu 'byung ba'i 'thob ste/ bzhi gang zhe na/ kun dga' bo 'di la byang chub sems dpa' bdag nyid kyang rab tu 'byung ba la mngon par chags pa yin zhing / gzhan dag kyang rab tu 'byung ba yang dag par 'dzin du 'jug par byed la/ rnam pa thams cad kyis kyang rab tu 'byung ba rton par byed de/ rab tu byung nas kyang chos dang ldan pa'i gtam gyis rangs par byed cing / yang dag par 'dzin du 'jug la/ yang dag par gzengs bstod pa yin te/ kun dga' bo byang chub sems dpa' chos dang po de dang ldan na/ tshe brdzes nas dge slong tshur shog ces bya ba'i rab tu 'byung ba 'thob pa yin no// kun dga' bo gzhan yang byang chub sems dpa' sangs rgyas kyi chos yongs su btsal ba'i phyir/ bdag nyid kyis kyang brtson 'grus brtsams pa yin zhing / sangs rgyas kyi chos yongs su btsal ba'i phyir/ gzhan dag kyang brtson 'grus rtsom pa yang dag par 'dzin du 'jug pa yin te/ kun dga' bo byang chub sems dpa' chos gnyis po de dang ldan na/ tshe brjes nas dge slong tshur shog ces bya ba'i rab tu 'byung ba 'thob pa yin no/ / kun dga' bo gzhan yang byang chub sems dpa' bdag nyid kyang bzod pa dang nges pa dang ldan pa yin zhing / gzhan dag kyang bzod pa dang nges pa/ phun sum tshogs pa la 'god par byed pa yin la/ bdag nyid kyang yo byad bsnyungs pa'i yon tan la gnas pa yin zhing / gzhan dag kyang yo byad bsnyungs pa'i yon tan phun sum rnyogs pa la 'jog par byed pa yin la/ bdag nyid kyang shes rab dang ldan pa yin zhing / gzhan dag kyang shes rab phun sum tshogs pa la 'jog par byed pa yin te/ kun dga' bo byang chub sems dpa' chos gsum po de dang ldan na/ tshe brjes nas dge slong tshur shog ces bya ba'i rab tu 'byung ba 'thob pa yin no// kun dga' bo gzhan yang byang chub sems dpa' bdag nyid kyang thabs la mkhas shing / smon lam gyi stobs dang ldan pa yin la/ gzhan dag kyang thabs la mkhas pa yang dag par 'dzin du 'jug cing / smon lam gyi stobs kyis 'jog par byed pa yi te/ kun dga' bo byang chub sems dpa' chos bzhi po de dag dang ldan na/ tshe brdzes nas dge slong tshur shog ces bya ba'i rab tu 'byung ba 'thob cing / sangs rgyas kyi zhing de nas kyang sangs rgyas kyi zhing du 'gro la/ thams cad du yang lus de nyid kyis rgyal srid thob cing / der yang bag yod pa yin no// kun dga' bo byang chub sems dpa' chos bzhi dang ldan na/ bla na med pa yang dag par rdzogs pa'i byang chub las mi nyams shing yongs su mi nyams pa yin te/ bzhi gang zhe na/ kun dga' bo 'di la byang chub sems dpa' lhag pa'i bsam pas/ bla na med pa yang dag par rdzogs pa'i byang chub tu sems skyed par byed pa yin/ de bzhin gshegs pa'i bstan pa la yang mngon par dga' ba yin// chos rnams nyan pas kyang ngoms mi shes pa yin/ mi slu bas bden par smra ba yin te/ kun dga' bo byang chub sems dpa' chos bzhi po de dag dang ldan na/ bla na med pa yang dag par rdzogs pa'i byang chub las mi nyams shing yongs su mi khams pa yin no/ / de nas bcom ldan 'das kyis de'i tshe tshigs su bcad pa 'di dag bka' stsal to// lhag pa'i bsam pas phun tshogs nas/ / sangs rgyas mthong ba tshol bar byed// chos rnams kyis ni chog mi shes// bden pa'i tshig la rab tu gnas// sems can sdug bsngal rnams mthong nas/ / lhag pa'i bsam pa skyed par byed// lhag pa'i bsam pa shes nas su// sems can rnams la chos ston 'gyur// de 'dra'i chos dag thos pa na// chos rnams kyis ni ngoms pa med/ / gang gis de yi shes 'phel ba// de la brtson 'grus rtsom par byed// rtag par bden tshig smra bar 'gyur// bden pa'i tshig la rab tu gnas// ji ltar de ni tshig smra ba/ de bzhin yin te gzhan du min// chos bzhi po ni de dag la// dus dus su ni sten par byed// byang chub dam pa 'thob par 'gyur// mig gi dam pa 'phel bar byed// gang gis rnam smon dpag med cing / / bsam mi khyab par bshad pa yi// chos de 'dra ba thos nas su// chos rnams la ni su mi gnas// kun dga' bo theg pa chen po la yang dag par zhugs pa chos bzhi dang ldan na/ dran pa nyams par mi 'gyur zhing / lhas bskul ba yang 'thob la/ sbyin gnas dang bral bar yang mi 'gyur zhing / gal te sbyin gnas med par gyur na/ bdag nyid kyang sbyin gnas su byed pa yin te/ bzhi gang zhe na/ kun dga' bo 'di la byang chub sems dpa' sems dpa' chen po bla na med pa yang dag par rdzogs pa'i byang chub la sems can yang dag par 'dzin du 'jug par spro ba dang ldan pa yin/ de bzhin gshegs pa la bsti stang bya bar spro ba dang ldan pa yin/ chos yongs su btsal bar spro ba dang ldan pa yin/ chos smra ba rnams la yang bde ba'i yo byad kyis nye bar gnas pa yin zhing / sems can sdug bsngal ba dag mthong nas kyang / mi 'jigs pas dbugs 'byin par byed pa yin te/ kun dga' bo byang chub sems dpa' theg pa chen po la yang dag par zhugs pa chos bzhi po de dag dang ldan na/ tshe brjes nas brjed mi ngas pa yin zhing / sbyin gnas dang yang mi 'bral ba yin/ gal te sbyin gnas ma rnyed na yang bdag nyid sbyin gnas su byed pa yin no/ / de nas bcom ldan 'das kyis de'i tshe tshigs su bcad pa 'di dag bka' stsal to// rdzogs sangs rgyas la bsti stang byed// chos la'ang gus dang bcas pa yin// chos smra ba yi dge slong la'ang // gus dang bcas pas bsti stang byed// sems can 'jigs pas gzir ba dang // 'dren med sdug bsngal rnams mthong nas// de dag la ni 'jigs med sbyin// / 'jigs gzir de dag skyob par byed// dge ba'i rtsa ba de yis ni// sangs rgyas mthong ba thob par 'gyur// khyod longs brtson 'grus rtsom shes ni// lha rnams dag kyang skul bar byed// gal te sangs rgyas ma mthong zhing / / nyan thos kyang ni ma mthong la// 'jig rten 'di yi sbyin pa'i gnas// rang sangs rgyas de ma mthong na// rang nyid mngon par byung nas su// khyim med par ni rab tu byung / / dgon bzhi bsten par byed// mngon shes lnga po myur du 'thob// mngon shes lnga po thob nas kyang // sra 'di kun tu rnam par rgyu// grong dang yul 'khor rnams song nas/ / sems can rnams ni chos 'dzin 'jug/ de las chos ni thos nas su// 'gro ba sdig pa spong bar byed// phyi nas sdig pa'i las can min// sems can gus dang bcas par 'gyur/ / der ni mya ngan 'das pa 'thob// chos kyi mchog gis de mchog ltar// de bzhin 'di la bdag bya snyam// de yi thad du rab tu 'byung // rang gis chos ni spyod pa na/ / gzhan dag dang ni bdag nyid kyi// de 'dra ba yi yon tan 'byung // su zhig rtag tu chos mi spyod// de bas byang chub yongs tshol bas// chos de dag ni kun tu spyad// sangs rgyas ye shes bsam mi khyab/ / de ni nyams par 'gyur ma yin// ngas kyang sngon chad de dag bsten// de phyir nga ni mchog tu 'phags// chos de la ni mngon bslabs na// sangs rgyas byang chub rnyed mi dka'/ / da ni 'jig rten rdzogs sangs rgyas// da ni 'jig rten bla na med// ye shes bla na med pa yi// chos ston byed pa A la la// kun dga' bo de lta bas na/ rnam grangs des na ci nas byang chub sems dpa' sems dpa' chen po chos de dag la gnas shing / 'di lta ste/ chos rnams kyis don byed pa yin pa de lta bur rig par bya'o// kun / dga' bo sngon byung ba 'das pa'i dus na/ bskal pa grangs med par gyur pa de'i tshe de'i dus na/ nam mkhas yongs su zin pa 'dir rgyal po phyogs rab sgrogs zhes bya ba zhig byung ste/ kun dga' bopo rgyal po phyogs rab sgrogs kyi rlung ma dam pa gtso mo las bu gcig bcas par gyur to/ / kun dga' bo gzhon nu de btsas ma thag tu 'jig rten du sems can chos spyod pa zhig byung ngo // zhes lnga rnams kyis sgra skad mthun par bsgrags so/ / kun dga' bo de nas rgyal po'i gzhon nu sgra de thos nas/ ci 'di chos shig yin nam/ 'on te chos ma yin snyam nas/ kun tu dngangs par gyur to/ / kun dga' bo rgyal po'i gzhon nu skyes nas lo bdun lon pa lta bu de/ rgyal po phyogs rab sgrog de ga la ba der song ste phyin nas/ rgyal po'i rkang pa la phyag 'tshal te phyogs gcig tu 'dug go phyogs gcig tu 'dug nas kyang / rgyal po phyogs rab bsgrags la smras pa/ yab ci 'di chos shig lags sam/ 'on te chos ma lags/ de nas rgyal po des/ gzhon nu la tshigs su bcad pas smras pa/ srog gcod pa yi sdig pa spangs nas su// sbyin pa dul ba tshangs spyod yang dag sdom// des dang tshul khrims yon tan rab gnas pa// chos de 'phags pa rnams kyis bstod pa yin/ / kun dga' bo de nas rgyal po'i bu gzhon nu des/ pa de la tshigs su bcad pas smras pa/ yab gcig bdag la chos gang gsungs pa de// rgyal srid 'dzam gling der ni rabya ston pa/ / khyim pas chos de bsten pas nus lags snum// bdag gis zhus pa de ni lung bstan gsol// gal te de nus lags na bdag la gsungs/ gal te bdag gis nus na khyod kyis gsungs// bden pa smra ba sems can dmyal mi mchi// de dag ngan 'gro'ang kun tu bsten mi 'gyur// mi bden smra ba ngan 'gror mchi bar 'gyur// mnar med phyin cing sdug bsngal myong bar 'gyur// de phyir mi bden pa dag spangs nas su// badren tshig bden pa bdag la gsung du gsol// kun dga' bo de nas rgyal po phyogs rab sgrogs kyis/ rgyal po'i gzhon nu de la tshigs su bcad bdag gis smras pa// rgyal srid 'dzam gling der ni rab ston pa// chos rnams mtha' dag bsten par nus ma yin// dbyig pa mchod gyis ni rab bstan na/ / gzhon nu gang du de la chos 'byung 'gyur// srog chags rnams la nga yis gnod spyo bya// nga yis bsgo ba myur du mi byed pa// de ni longs spyod phrogs shing rbad pas bcad/ / phyis kyang btson rar rab tu gzhug par bya// sa bzang blta ba'i phyir ni mngon par 'byung // de tshe grong rdal ba dag sgeg par 'gyur// rgyal po 'od zhes skrag pa 'byung 'gyur zhing / / de dag phyogs phyogs su ni 'gro bar 'gyur// gang tshed ni chos la 'dug gyur tshe// lha 'di nongs pa byung ba'i mi lags na// ji ltar lhas mkhyen chad pas chod cig ces// nga la 'bul zhing nges par 'bul bar byed// nga yis nyes pa byung ba de ma shes// gzhan gyi don gyi phyir ni sdig pa bya// ci nas phyin cha dang yi bstan pa la// de dag sdig mi byed par/ rdegs chings sod // de la bslabs nas gzhan dag byed 'gyur na// da ltar nga yi yul 'khor sdug bsngal 'gyur// tshar bcad nas ni de la chad pas gcad// de las grong rdal ba dag 'jigs par 'gyur/ / rgyal po gtum zhing mi rnams drag po yin// de yis 'phral du srog chags 'jig par byed// gnod pa byed tshe de la snying rje skye// rnam par rgyal la ma chags ston par 'gyur/ / de tshe gzhon nus tshig ni thos nas su// phyogs rab sgrogs la tshigs bcad 'di dag smras// skyo ba thob cing sdug bsngal gyur lags na// yab gcig bdag ni chos la sten par 'tshal/ / yab gcig bdag 'dir rgyal srid don mi gnyer// gzhan gyi don gyi phyir ni sdig bgyid 'gyur// yab yum dang ni rgyal srid spangs nas su// yab gcig bdag ni chos yong btsal bar 'tshal/ / yab gcig gal te bdag gtong mi mdzad na// deng nyid bdag ni 'chi ba'i dus bgyi'o yong // dug btung ri las g.yang du dor bar bgyi// mtshon gyis 'chi ba'i dus kyang bgyi 'oyab/ / rgyal pos tshig de thos nas mi dgar gyur// bu khyo nga tshig 'di 'dra 'di nyon cig/ gzhon nu khyod kyis rtag par 'dod pa spyod// nga yis rgyal srid de ni bstan par bya// bu khyod khyim nas mngon par ma 'byung zhig/ bu cig skyed mos tshal du rtse pan 'a zlos// longs spyod yangs shing mang po khyod la sbyin// bu khyod rab tu byung bas cir 'gyur snyam// 'dod pa mdzen ba rim gyis spyad par byos/ / longs spyod zad par gyur nas rab tu byung // 'di la ji srid skyon nyung shes nas su// tshe thung nyid na mya ngan 'das pa skyed// 'dod pa bsten pas ngoms par 'gyur ma lags// skyon dang tha ba'i las ni skyed par bgyid// skyon med mngon 'byung chos ni spyad par bgyi// srog chags rnams la phan phyir byams pa bsten// dgon pa'i gnas su gcig pu gnas par bgyi// de las bde ba chen po 'byung bar 'gyur/ / tshul khrims gnas pas tshangs spyod zhi bar 'gyur// de phyir dgon pa brgya ni bsten par bgyi// bdag gi slad bzhin yab gcig rab tu byung // khyod la yul 'khor grong rdal ci zhig bgyi// gzhan gyi don du sdig pa bgyis pas ni// ngan song gnas shing sdug bsngal myong bar 'gyur// de yi tshen 'jigs pa chen po yi// lcags kyi thu lum chen po gsol cig yab/ / sdig bgyis mi mnyam pa ni spyad pas na// sems can dmyal ba rnams su skye bar 'gyur// lus la lcags kyi phur pas btab nas su// de'i tshe lcags kyi sgo glegs steng nas 'joms/ / gang dag de yi lus kun 'joms pa yi// lcags kyi gshol dag der ni kun nas 'byung // rab drag las can ser skya ljang khu skas// kha spung bum pa'i nang du rab tu 'jug lcags kyi gtun dag gis kyang skrag par 'gyur/ / lo grangs mang por tshor ba bzod par bgyi// der ni de yang 'chi dus bgyid mi 'gyur// sdig pa'i las kyis 'dzin par bgyid pa lags las pas nas ni thar pa 'thob lags te/ / sdig pa'i las kyi 'bras bu de 'dra lags// gang tshe lus der 'dri ba 'byung ba'i tshe// me 'obs rab tu 'jigs par de dag 'jug/ de dag gi ni lus de rab tu 'bar/ / de tshe rab 'jigs me yis zil gyis non// gang tshe me yi 'obs las thar gyur tshe// rab 'jigs kun 'bar kun tu rab 'bar ba'i// brag ri che mtho la ni 'dzeg par 'gyur/ / de tshe de dag mi gtsang 'dam du 'jug/ rab 'jigs kun 'bar kun tu rab 'bar zhing // de tshe khab 'dra'i kha yis za ba yis// de tshe lo ni bye bar zhugs nas su// brgya la de nas 'byung bar 'gyur ba lags/ / de tshe de na'ang 'jigs pa'i mda' tshal mchis// der ni shin tu mchog tu sdug bsngal ltung // ral gri'i so 'dra'i lo ma rab 'jigs pas// kun 'bar kun tu rab 'bar dag gis gcod/ / tshal der rab tu zhugs pa tsam gyis kyang // phyogs bzhi dag nas rlung gi phung po 'byung // gang phyir rlung bskyod ral gri 'khrugs nas su// de yis lus ni kun nas rab tu 'dral/ / gal te tshal de nas ni mngon 'byung che// der ni 'jigs pa chen po'i tshal du 'jug/ de tshe ral gri'i so 'dra'i lo mas 'gums// spu gri'i so 'dra dag gis 'byi bar 'gyur// ral gri tshal rab 'jigs par zhugs tsam gyis/ / phyogs bzhi dag nas 'jigs pa'i rlung ldang 'gyur// rlung bskyod de dag ral gri lo mas chod// de tshe lus ni dum bu dum bur 'chad/ / de tshe de dag lus la gcod pa na// rlung gis 'phangs pa'i ral gri ltung 'gyur zhing // lus la ral gri 'dab ma zhugs par 'gyur// de dag de na sdug bsngal tshor ba myong // lo ni mang por sdug bsngal myong nas su/ / de dag 'gyur byed chu klung rab tshar 'jug/ lo ni mang por sdug bsngal myong nas su// 'gyur byed chu klung tsha myur 'bab par 'jug/ zab mo glong stong 'bab par bgyid pa yi/ / zangs dang lcags bskol ba ni 'bab pa der// mi ni gzhol bas 'bab cing 'chi bar 'gyur// dba' klong shugs kyis 'bab pa mchis par 'gyur// dba' glong chen po'i shugs kyis rab 'bab cing / / de ni 'jigs pa'i chu klung der 'jug 'gyur// gting ma slebs par 'bapa bas 'chi bar 'gyur// sdug bsngal de ni blta bar su zhig 'tshal// gang tshe brgal bar gyur pa de yi tshe// 'gram na gnas pa'i srin po rab 'jigs pa// so gtsigs ljang lu dmar ser skra can gyis// brgyugs nas 'bros par byed pa 'dzin par 'gyur// bzung nas grogs po ci za bstan par gyis// khyod ni ci 'dod ces kyang 'dri bar byed// bdag ni zas shig bza' bar 'tshal legs te// bdag ni bkres zhes tshig tu smra bar 'gyur// mchog rab 'jigs de dag gis myur bzung nas/ / lcags kyi sa steng du ni bor nas su// gang dag lus bshig nas ni sar lhung ba'i// lcags kyi thu lum de dag der sbyin 'gyur// khong du 'bar zhing phyi rol rab 'bar bas/ / sreg cing btso'o zhes ni rab tu smra// der ni 'gyur byed chu klung sdug bsngal lhung // chu 'di chu grang snyam du sems par bgyid// phyis kyang mi gtsang 'dam du 'jug par 'gyur/ / ri dang spu gri'i so 'dra de de bzhin// rab tu 'jigs pa'i ma 'obs de de bzhin// yang dang yang du tshor ba de myong 'gyur// khyod kyi rgyal srid 'di rtag ma lags yab/ / dbang phyug yun ring rjes su 'jug ma lags// srog dang rgyal srid de bzhin 'dod pa dang // thams cad mi rtag ces ni rgyal bas gsungs// de slang bdag gi yi bzhin mdzod cig yab/ / thams cad spangs nas mngon par 'byung bar mdzod// 'di nas shi 'phos bde 'gro rnams su dgyes// sdug bsngal kun las thar par 'gyur ro yab/ tshul khrims bsam gtan gnas shing sems rab 'byams// rab dben dgon pa zhi bar gnas par 'gyur// bdag dang mtshungs par su yang ma dgod shig/ der khyod tshangs pa lta bur 'gyur ba lags/ / de la de ltar rjes bstan gzhon nu ni// rgyal srid kun spangs yang dag rab tu byung // phyogs rab sgrogs dang ma yang de bzhin te// de la bar chad su yang byed pa med// bsam gtan bde ba rjes su spyod byed cing / / de rab byung nas chos ni yongs su btsal// mngon par shes thob drang srong rgyal por gyur// 'jig rten phan phyir chos ni rab ston/ bdag med chos rnams rab tu bstan pas na// chos de thams cad ma bcings ma grol ba// de yi sems zhi yid kyang rab tu zhi// de la bdag med bdag gi'ang yod ma yin/ bdag ces chos ni nam yang dmigs ma yin// chos de drang srong rgyal pos bstan pas na// chos de thams cad ma bcings ma grol ba// gang la sems can med cing bdag gi med// de la soms shig tshul bzhin so sor rtogs// drang srong rgyal po'i chos ni thos nas su// der ni brgya stong mang po dong bar 'gyur// de tshe rgyal po phyogs rab sgrogs rab byung // de bstan lam yang rab tu byung / / drang srong thad du de dag rab byung nas// gang dag chos de 'dra ba byung ba dang // chos gang de la drang srong zhugs gyur pa// de nyid bdag gis kyang ni/ thob bya snyam// drang srong gis ni ji ltar bstan slob cing // 'di la de kun byang chub mchog tu zhugs// de dag kun kyang sangs rgyas nges par gyur// de tshe byang chub sangs rgyas thams cad zhi/ / de tshe rgyal bu de ni gzhan zhig snyam// gang gis chos de rjes su bstan nas su// chos kun tshol zhing rab tu byung ba de'ang // kun dga' 'di la khyod ni tha / ts+tshom nA// kun dka' khyod ni the ts+tshom ma za zhig/ de tshe nga ni rgyal bu der gyur te// nga yis mi rnams kyi ni don chen byas// nga yis de dag theb pa mchog la'ang bkod// de tshe chos kyi 'khor lo rab bskor nas/ / nga ni nam yang brtson 'grus nyams ma gyur// ngas ni nam yang 'dun pa btang ma gyur// nga yis rtag par dran pa rjes su bsgoms// nga yis chos de dag ni rtag/ bapar bsten// nga yis nam yang le lo byas ma gyur// nga yis byang chub thob par mi nus shes// nga ni nam yang zhi la som nyi med// nga ni byang chub 'dun pa rtag par byung // nga yis brtson 'grus dam pa rtag par bsten/ / nga yis legs bshad chos ni rtag par btsal// des na nga yi dga' ba bla med gyur// de phyir gang zhig byang chub 'dod byed pa// ji ltar ngas bslabs de bzhin slob byed na/ / slob pa byang chub las ni nyams mi 'gyur// chos kyi 'khor lo dam paskor bar 'gyur// mngon par 'byung ba yang dag par brjod pa'i le'u ste bcu gcig pa'o// / kun dga' bo byang chub sems dpa' chos bzhi dang ldan na/ dran pa dang ldan pa yin/ rtog pa dang ldan pa yin/ blo dang ldan pa yin/ cho ga dang / spyod yul dang spyod pa dang ldan pa yin te/ bzhi gang zhe na/ kun dga' bo 'di la byang chub sems dpa' chos de lta bu de dag yongs su btsal ba'i phyir brtson 'grus rtsom pa yin/ brnyes nas kyang chos de dag la sgrub pa yin/ bdag nyid kyang chos la gnas nas de nyid la skye bo mang po yang dag par 'dzin du 'jug pa yin/ yang dag par 'dzin du bcug nas kyang / chos dang ldan pa'i gtam gyis rangs par byed cing / yang dag par gzengs bstod pa yin no// de nas bcom ldan 'das kyis de'i tshe tshigs su bcad pa 'di dag bka' stsal to// gang dag de yi bde 'dren pa'i// chos de dag ni yongs su tshol// de 'dra'i chos dag ma rnyed par// de ni brtson 'grus 'dor mi byed// de 'dra'i chos dag thos nas mang du thos pas 'jal// rtag tu chos la gnas shing ji skad bshad la slob/ / bdag de ji ltar gnas bzhin gzhan dag chos la 'god// gang dag chos 'dir gnas la ci yang 'doms mi byed// kun dga' bo gzhan yang byang chub sems dpa' ni// bdag gis chos de dag thos nas nub par gyur na mi rung zhing / bdag gis chos kha cig chung gzan par gyur na mi rung ngo snyam nas/ chos de lta bu de dag gi don gyi phyir/ rtag tu chos smra ba'i rjes su 'brang ba yin no/ / de nas bcom ldan 'das kyis de'i tshe tshogs su bcad pa 'di dag bka' stsal to// gang dag dge slong rtag bsten pa// de dag mang du thos par 'gyur// chos kyi rgyal pos bkur ba yin/ / de dag 'di ni rjes 'brang // nga la chos rnams ma thos don rnams ma shes par// nub par 'gyur zhing phyi nas gzhan las thos mi thob// de tshe brtson 'grus brtan por shes nas las kun 'dor/ / gang gis shes pa rnam 'phel nges pa'i chos rnams tshol// dge slong mkhas pa shes rab can// rgyal bas bkur rnams sten par byed// mang du thos nas yid gzhungs pa// de 'dra'i mdo sde tshol bar byed// kun dga' bo gzhan yang byang chub sems dpa' sems dpa' chen po ni ji ltar thos pa dang / ji ltar kun chub par byas pa'i chos rnams gzhan la ston par byed kyang / chos las nyams pa ma yin no// kun dga' bo ji ltar na byang chub sems dpa' chos las nyams pa yin zhe na/ 'di lta ste/ zab mo stong pa nyid dang ldan pa'i chos de dag bstan kyang / chos gos dang / bsod snyoms dang / mal cha dang / stan dang / na ba'i gsos sman dang / yo byad la gnas nas ston par byed pa yin/ zang zing sngon du btang ste ston par byed pa yin/ ci nas gzhan dag la chos de dag bstan kyang de bzhin nyid du zhugs pa ma yin te/ kun dga' bo de ltar na byang chub sems dpa' ni/ chos las nyams pa yin no// de nas bcom lda 'das kyis de'i tshe tshigs su bcad pa 'di dag bka' stsal to/ / de 'dra'i chos dag thos nas su// skye bo mang la rgyas byed kyang // bdag nyid nyams par mi 'gyur bar// srog don gnyer bas ston par byed// de phyir legs zhes bya ba yang // nam yang btsal bar bya ma yin// gzhan du snying rje don gnyer bas// chos kyi dam pa ston par byed// sems can rnams la brtse byas shing // skye bo mngal snying rje nus/ / de 'dra'i chos ni smyon par byed// srog chags rnams la snying rjer byed// gang zhig rnyed pa yongs tshol bas// de 'dra'i chos ni ston byed dang / gang zhig de yis chos tshol ba// de ni chos las nyams pa yin// ji ltar bshad pa'i chos la ni// mkhas pa de bzhin gnas par byed// de ni rnyed pas nyams mi 'gyur// rtag tu chos ni rab tu 'dzin/ / legs par chos ni ston byed cing // chos rnams la yang rab gnas pa// 'jig rten khams kyi sangs rgyas des// de la legs zhes bya ba sbyin// kun dga' bo gzhan yang byang chub sems dpa' sems dpa' chen po ni chos yongs su tshol bar byed pa yin te/ de ni chos smra ba/ de ni snyigs ma 'dzin pa ma yin/ nyes par bzung ba 'dzin pa ma yin/ chos kyi tshul yongs su btsal ba la rab tu gnas pa yin/ de ni chos la 'jug pa'i sems kyis chos yongs su tshol bar byed pa yin no// kun dga' bo ji ltar na byang chub sems dpa' chos kyi tshul yongs su btsal ba la gnas pa yin zhe na/ gang gi tshe mkhan po dang / slob dpon dag gis bsgo ba'i tshul la rab tu gnas pa yin/ des byas pa yang byed pa yin/ chos gos dang / bsod snyoms dang / mal cha dang / stan dang / na ba'i gsos sman dang / yo byad rnams la spro bar spyod pa yin te/ kun dga' bo de ltar na byang chub sems dpa' chos yongs su btsal ba la gnas pa yin no/ / de nas bcom ldan 'das kyis de'i tshe tshigs su bcad pa 'di dag bka' stsal to// de ni de na chos rnams tshol// de ni klan ka tshol ba med// gzhan la ji ltar bstan pa bzhin/ de bzhin de ni rab gnas 'gyur// de nas chos ni yongs tshol bas// ji ltar bshad bzhin gnas par byed// dpa' bo de ni chos gnas nas// rtag tu chos la'ang sten par byed// de phyir chos ni yongs tshol bas// ji ltar bshad bzhin gnas par byed// gang zhig chos la rab gnas pa// de ni chos kyi dang po yin// ji ltar nga yis reg bzhin du// de nas chos la reg par 'gyur/ / chos de dag la bsten nas kyang // bla na med pa'i byang chub 'thob// nga yis gang las thos pa la// ston par 'du shes kun shes nas// rtag tu chos ni yongs tshol bas/ chos rnams la ni gus par byas// gang gis nga ni lam gnas pa// de ni nga yi slob dpon yin// de ni nga yi bden 'dren pa// de ni nga yi mig sbyong ba'o// de ni nga yi ston yin pas/ / nga ni rtag par gus par gnas// da ni de la bsten nas su// 'jig rten tha mar bde ba yin// bskal pa dag ni grangs med pa// bsam gyis mi khyab yangs pa na// sngon gyi dus su de bzhin gshegs/ / lhun po'i rgyal po byung bar gyur// lhun rgyal mya ngan 'das nas su// nyan thos mdzangs pa byung bar gyur// mkhas pa'ang yin zhing shes rab che// chos mang lung ni 'bog par byed/ / zab mo'i don la nges pa'ang yin// phung po khams la rnam par mkhas// 'dul ba yi ni pha rol son// chos mngon pa la'ang mkhas pa yin/ bslab pa gsum po rnams la bslabs// sangs rgyas byang chub 'dzin par byed// sangs rgyas lhun po'i rgyal po yis// de ni byin brlabs de byung gyur// sangs rgyas theg pa mchog la zhugs/ zab mo la yang mkhas pa yin// mdzangs pa'i yon tan rnams kyi mtha'// nye bar bstan par nus ma yin// rgyal khyim me tog can du ni// tshong dpon nor chen byung bar gyur// longs// spyod phung pos yangs pa yin// bsod nams gzi yis gzi brjid byas// mang pos mchod 'os zhes bya ba// de ni de na byung bar gyur// khrims ldan yon tan phun sum tshogs// bzang ldan rnam par grags pa byung / / de tshe tshong dpon bzang ldan yang // mdzangs pa'i thad du nye bar song // shes rab chen po thos mang nges// de la chos ni bstan pa byas// grags dang ldan pa mdzangs pa las/ / de yis dam chos de thos nas// longs spyod phung po mtha' yas dang // chos de thams cad sogs par byed// gang khyod gtong ba de 'dra ni// tshong dpon khyod kyi dad pa legs// gang thos nas ni rnam shes pa// de ni chos kyi gter yin no// de tshe tshong dpon bzang ldan yang // mdzangs pa yi ni phyi bzhin gnas// lo ni mang po mi nyung bar// de ni de na rjes su 'brang // chos smra ba la tshong dpon de'ang // lo ni nyi shur rjes 'brang bas// de las chos rnams nyan byed pas// de ni nyan pas ngoms pa med// skye bo mang po bsnyen bkur bgyis// rtag tu spro bar zhugs gyur kyang // de yi sems la nam yang ni// yongs su gdung ba byung ma gyur// dus tshod gcig tu mdzangs pa la// gser ni bye ba phrag nyi shu// tshang bar 'bul bar byed par gyur/ / de tshe tshangs pa spyod par byed// de 'dra ba yi dus tshod du// de la gser gyi phung po 'gro// de 'dra'i bsnyen bkur byas pas na// de yi phyir yang dga' bar gyur/ / phyi nas dus tshong stong du ni// dge slong re re'i thad du 'gro// mdzangs pa yis ni chos smra bas// de dag de yi rjes su 'brang // dus chod der ni zhugs nas su rtag tu nyi khri ri ba yi/ / chos gos gsum ni sbyin par byed// 'gro ba kun tu 'dra de 'dra'o// dge slong re re re re yi// don gyi phyir ni gus byas nas// gnas khang gzhan dang gzhan dag ni/ / bzang ldan de ni byed du 'jug/ gnas khang re re re rer yang // bye ba nyi shu tshang ba yi// gser ni 'jug par byed pa yin// ta babs sna tshogs btsugs par gyur// de na dus su mdzangs pa yis/ / chos kyi dam pa bstan nas su// srog chags rnams kyi don byas te// der ni lus kyang bor bar gyur// bzang ldan yang ni spro gyur te// dar ni lus bsregs nas su/ / kun nas dpag tshad brgyad pa yi// mchod rten yangs pa byas par gyur// mchod rten de yang rin chen byas// mchod rten rab gnas byas nas su/ / me tog spos dang byug rnams kyis// nyin dang mtshan du mchod pa byed// der ni tshong dpon nor chen po// de yang 'chi ba'i dus byas nas// sangs rgyas mang po mnyes par byed/ / nam yang ngan 'gror song ma yin// de ni dge ba'i rtsa ba des// bskal pa bye phrag brgyad cur ni// rtag tu de ni tshangs par gyur// rtag par rgyun du sangs rgyas mthong bskal pa bye phrag brgyad cur ni/ / rtag tu sum cu rtsa gsum gyi// lha yi rgyal po byas par gyur// de ni rtag tu sangs rgyas mthong // bskal pa bye phrag brgyad cur ni// rtag tu 'khor los sbyar bar gyur/ / sangs rgyas kyang ni rtag par mthong // de mthong nas kyang bsti stang byed// sangs rgyas bye phrag mang po dang // bye ba khrag khrig phrag brgyad cur// de tshe tshong dpon bzang ldan zhes/ / rnam par grags pas mnyes par byed// der ni rgyal ba mnyes byas nas// mchod pa mtha' yas byas nas su// de tshe chos ni zhus nas kyang // chung ma'i thang song ston par byed/ / rgyal khrims me tog can du ni// de tshe bzang ldan rnam par grags// khyim bdag byung de gzhan yin snyam// kun dga' khyod ni sems gyur na// de ni de ltar blta mi bya/ dge slong mdzangs pa chos smra ba// de la mchod byed gang yin pa// bzang ldan de ni nga yin no// chos ni yongs su gzung don phyir// nga yis de 'dra'i mchod pa byas// dge ba'i rtsa ba de nyid kyis/ / 'dir ni byang chub de thob yin// mdzangs pa chos ni smra ba la// gang dag bsod nams ches byas pa'i// bsod nams phung po'i zad pa ni// nga la da dung yod ma yin/ bsod nams grangs yod ma yin pa// dpag tu med pas thob pa yin// nga yis sangs rgyas rtag par mthong // de dag la ni chos kyang zhus// da ltar ji ltar bstan pa ltar// kun kyang nga la de skad ston// byang chub lam ni de yin gyis// de phyir de la sten par byos// de nas bcom ldan 'das la/ tshe dang ldan pa kun dga' bos 'di skad ces gsol te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni// 'di ltar bsod nams 'byung ba shin tu yongs su brnyes pa lags na/ bcom ldan 'das kyi sngon gyi sku rnams kyang thams cad du khyad par can du gyur pa ni ngo mtshar lags so/ / bcom ldan 'das dge slong mdzangs pa zhes bgyi ba byung bar gyur pa de/ bcom ldan 'das yongs su bya ngan las 'das pa lags sam/ bcom ldan 'das kyis bka' stsal pa/ kun dga' bo dge slong de ni da dung yongs su mya ngan las ma 'das te/ kun dga' bo dge slong de ni nga'i bstan pa 'dis byang chub sems dpa'i spyad pa spyod do/ / de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das tshong dpon bzang ldan chos smra ba mdzangs pa la rim gro dang bsnyen bkur bgyis nas/ dge ba'i rtsa ba'i tshogs des de la brten nas bla na med pa yang dag par rdzogs pa'i byang chub mngon par rdzogs par sangs rgyas lags kyang // dge slong mdzangs pa da dung bla na med pa yang dag par rdzogs pa'i byang chub mngon par rdzogs par sangs ma rgyas pa ni ngo mtshar lags so/ / de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / kun dga' bo dge slong mdzangs pa ni ji ltar nga yang dag par zhugs pa ltar yang dag par zhugs pa ma yin te/ kun dga' bo dge slong mdzangs ba ni bde ba'i theg pas yang dag par zhugs kyi/ sdug bsngal gyi theg pas yang dag par zhugs pa ma yin la/ kun dga' bo 'di la nga ni yun ring po nas sdug bsngal gyi theg pas nges par byung ba yin no/ / kun dga' bo nga sngon byang chub sems dpa'i spyad pa spyod pa na yang 'di snyam du sems te/ gang gi tshe sems can rnams sdug bsngal bar gyur cing / gang phal cher ngan song la gzhol ngan song la 'bab/ ngan song la bab par gyur pa na/ nga de'i tshe de'i dus na bla na med pa yang dag par rdzogs pa'i byang chub tu sangs rgyas nas/ sems can de dag sdug bsngal rnams las yongs su thar par bya'o snyam ste/ kun dga' bo ni yun ring po nas smon lam de skad btab bo// kun dga' bo dge slong mdzangs pas ji ltar yang dag par blang ba brtsams pa dang / yang dag par blangs pa dang / don du gnyer ba dang / smon pa dang / kun dga' bo dge slong mdzangs pa ji tsam du yang dag par blang ba chen po de 'dra bas/ bla na med pa yang dag par rdzogs pa'i byang chub tu yang dag par zhugs pa ni dpes bstan par mi nus te/ dge slong mdzangs pa ni de ltar bla na med pa yang dag par rdzogs pa'i byang chub tu yang dag par zhugs la/ des ni ci nas bdag byang chub sems dpa'i spyad pa spyod pa na/ sems can gang dag gis mthong ba de dag thams cad theg pa chen po 'am/ nyan thos dang / rang sangs rgyas kyi theg pa dag gis nges par 'byung bar gyur cig snyam nas/ dge ba'i rtsa ba bsags pa byas shing byed pa yang yin no// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das gang de'i tshe byung bar gyur pa'i dge slong mdzangs pa de 'khor 'di na mchis lags sam/ bcom ldan 'das kyis bka' stsal pa/ kun dga' bo gang de'i tshe mdzangs pa zhes bya ba byung bar gyur pa'i dge slong de ni 'di nyid na 'dug ste/ nga'i mdun na 'dug pa 'di yin no// de skad ces bka' stsal pa dang / bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das ji tsam du sems can dag pa'i 'dus pa 'di ni/ bcom ldan 'das ngo mtshar lags so// bcom ldan 'das kyis bka' stsal pa/ kun dga' bo de de bzhin no// de de bzhin te/ kun dga' bo sems can chen po sems can dag pa rnams kyi 'khor 'dus pa de ni/ 'di lta ste/ byang chub sems dpa'i 'dus pa yin/ seng ge'i 'dus pa yin/ bag tsha ba med pa'i 'dus pa yin// glang po chen po'i 'dus pa yin no/ / kun dga' bos gsol pa/ bcom ldan 'das ci'i slad du 'di skad du/ 'dus pa chen po dang / seng ge'i 'dus pa zhes bgyi lags/ kun dga' bo ma rig pa'i mun pa chen po 'joms pa nyid kyi phyir/ sems can grangs med dpag tu med pa'i go cha bgos pas/ de'i phyir 'dus pa chen po dang / seng ge'i 'dus pa zhes bya'o// kun dga' bo 'di/ lta ste/ dper na ri dgas kyi rgyal po seng ge gang du gnas 'cha' bar byed pa dang / gang du gnas par byed pa'i sa phyogs de ni mi non pa yin te/ de las gzhan pa'i ri dgas phra mo dag gis dri yang mi bzod pas yongs su spong bar byed la/ gang gis tshe sa phyogs de gnon pa de'i tshe/ dri de la bsnams nas sa la kha sbub par gyur to// kun dga' bo de bzhin du gang du seng ge chen bo'i 'dus pa gnas pa'i sa phyogs de ni kun dga' bo bdud dang / bdud kyi ris kyi lha rnams dang // de las gzhan pa'i sems can bdud kyis byin gyis brlabs pa rnams kyis mi non pa yin no/ / gal te gnon du zin kyang / 'on kyang sdug bsngal zhing yid mi bde bas 'khor de nas phyir 'dong zhing / de nyid du yang mi snang bar 'gyur la/ brag tsha ba med pa seng chen po de dag nyid kyi gzi brjid kyang mi bzod pas de nyid nas phyir 'dod pa yin no/ / kun dga' bo 'di lta ste/ dper na ri dgas kyi rgyal po seng ge ral pa can gzi brjid dang ldan pa de ni lan gsum du seng ge'i sgra sgrogs pa na/ dpag tshad khor yug tu sgra 'byin par byed la/ de nas phyis kyang phyogs thams cad du/ bar de na seng ge phal pa gang dag yod pa de dag kyang de'i tshe skrag par 'gyur na/ de las gzhan pa'i ri dgas kyi rigs kho re rlung ba rnams lta ci smos shing / spos kyi glang po che gang dag yod pa de dag kyang sgra thos pas gcin rtug stor cing 'gyes par yang 'gyur la/ gcig la gcig kyang shin tu 'bod par byed par 'gyur ro// kun dga' bo de bzhin du/ seng ge chen po'i 'dus pa/ rigs btsun pa'i 'dus pa/ bag tsha ba med pa'i 'dus pa'i 'dus pa de na/ byang chub sems dpa' dmu rgod gang dag yod pa ni ming gcig par gtogs pa yin no// 'di lta ste/ dper na seng ge bal pa de dag ni seng ge'i sgra yang nyan par byed pa la/ sgra de thos nas kyang ri sul du 'jug par byed do// kun dga' bo de bzhin du byang chub sems dpa'i 'dus pa'i 'dus pa de na/ byang chub sems dpa' dmu rgod spyod lam ngan pa/ grags pa dang s+tha dang / tshigs su bcad bskur ldan pa/ bdag gi ming dang / dbyangs dang / sgra lhur len pa gang dag yod pa de dag ni skrag cing dadang la 'bros par 'gyur zhing g.yang sa chen por yang ltung bar 'gyur ro/ / de ci'i phyir zhe na/ kun dga' bo stong pa'i sgra dang / mtshan ma med pa'i sgra dang / smon pa med pa'i sgra ni de las gzhan pa'i byang chub sems dpa' dmigs pa la spyod pa/ bdag la mngon par zhen pa/ phung po la mngon par zhen pa/ khams la mngon par zhen pa/ skye mched la mngon par zhen pa/ tshul khrims la mngon par zhen pa/ ting nge 'dzin la mngon par zhen pa/ lam dang / mya ngan las 'das pa dang / 'bras bu la mngon par zhen pa/ sangs rgyas kyi byang chub kyi mya ngan 'das pa chen po la mngon par zhen pa dag gis bzod par bya ba yin pa'i phyir te/ kun dga' bo 'di lta ste/ stong pa nyid dang / mtshan ma med pa dang / smon pa med pa'i sgra de ni sgra chen po yin no// kun dga' bo de ltar na de bzhin gshegs pas chos thams cad stong pa'o zhes chos bstan kyang / gang yang stong pa med do// gang gi yang stong pa med do// gang gis kyang stong pa med do// gang la yang stong pa med do// kun dga' bo de ltar na de bzhin gshegs pas chos rnams mtshan ma med pa'o zhes bstan kyang / de dag ni gang yang mtshan ma med pa med do// gang gi yang mtshan ma med pa med do// gang gis kyang mtshan ma med pa med do// gang la yang mtshan ma med pa med do// kun dga' bo de ltar na de bzhin gshegs pas chos thams cad smon pa med pa'o zhes bstan kyang / gang yang thob par bya ba med do// gang gi yang thob par bya ba med do/ / gang gis kyang thob par bya ba med do// gang la yang thob par bya ba med do// kun dga' bo de ltar na de bzhin gshegs pas chos mngon du bya'o zhes bstan kyang / gang yang mngon du bya ba med do/ / gang gi yang mngon du bya ba med do// gang gis kyang mngon du bya ba med do// gang la yang mngon du bya ba med do// kun dga' bo de ltar na de bzhin gshegs pas chos bsgom par bya'o zhes bstan kyang / gang yang bsgom par bya ba med do// gang gi yang bsgom par bya ba med do// gang gis kyang bsgom par bya ba med do// gang la yang bsgom par bya ba med do// kun dga' bo de ltar na de bzhin gshegs pas chos rnam par bsgoms so zhes bstan kyang / gang yang rnam par bsgoms pa med do// gang gi yang rnam par bsgoms pa med do// gang gis kyang rnam par bsgoms pa med do/ / gang la yang rnam par bsgoms pa med do// kun dga' bo de ltar na de bzhin gshegs pas chos 'dus byas so zhes bstan kyang / gang yang 'dus byas med do// gang gi yang 'dus byas med do/ / gang gis kyang 'dus byas med do// gang la yang 'dus byas med do// kun dga' bo de ltar na de bzhin gshegs pas chos 'dus ma byas so zhes bstan kyang / gang yang 'dus ma byas med do/ / gang gi yang 'dus ma byas med do// gang gis kyang 'dus ma byas med do// gang la yang 'dus ma byas med do// kun dga' bo de ltar na de bzhin gshegs pas chos rnams kun nas nyon mongs pa can no zhes bstan kyang / gang yang kun nas nyon mongs pa can med do// gang gi yang kun nas nyon mongs pa can med do// gang gis kyang kun nas nyon mongs pa can med do/ / gang la yang kun nas nyon mongs pa can med do// kun dga' bo de ltar na de bzhin gshegs pas chos rnams rnam par byang ba'o zhes bstan kyang / gang yang rnam par byang ba med do/ / gang gi yang rnam par byang ba med do// gang gis kyang rnam par byang ba med do// gang la yang rnam par byang ba med do// kun dga' bo chos kyi phyag rgya de ni chos rnams thams cad kyi phyag rgya ste/ phyag rgya med pa yin/ ma byas pa'i phyag rgya yin/ dbyer med pa'i phyag rgya yin no// kun dga' bo gang yang phyag rgya des btab pa de dang de dag ni/ byang chub sems dpa' sems dpa' chen po yin/ rigs btsun pa yin/ mi'i seng ge yin/ spyod pa gcig pa yin/ bag tsha ba med pa yin/ sgra sgrogs pa yin/ gzhan mu stegs can dag skrag par byed pa yin// bdud kyi sde 'dul bar byed pa yin/ gzhan mu stegs can dag ri sul gyi phug tu 'jug par byed pa yin/ dmigs pa can dag skrag par byed pa yin/ lhag pa'i nga rgyal can dag 'bebs par byed pa ba yin rdeg par byed pa yin/ spangs rgyas kyi sras bdun sun 'byir pa dam mngon par dga' bar byed pa yin/ chos nyid kyang rnam par 'byed ba yin/ phyos sa bcur chos kyi rgyal mtsha yang sgreng bar byed pa yin/ de dag ni chos kyi rnga rdung bar byed pa yin/ chos kyi bcung 'thung bar byed pa yin/ legs par bshad pas rgyal ba'i thugs kyi sras ngag tshim par byed pa yin no// / bam po bcu bdun pa// / kun dga' bo 'di lta ste/ dper na ri dgas kyi rgyal po seng ge ni rang gi gnas nas mngon par 'byung zhing lan gsum du seng ge'i sgra sgrogs pa na/ de na gang seng ge'i phrug gu rigs btsun pa gang dag yod pa de dag sgra de thos nas/ rang gi lus mngon par bstod pa yin/ bag tsha ba med pa yin/ skrag pa med pa yin/ dga' ba yin/ tshim pa yin/ phyogs bzhir rnam par lta bar byed pa yin no// kun dga' bo de bzhin du seng ge'i 'dus pa/ bag tsha ba med pa'i 'dus pa/ ral ba chen po can/ 'dus pa de na/ byang chub sems dpa' sems dpa' chen po lhag pa'i bsam pa la yang dag par zhugs pa/ dge ba'i rtsa ba yongs su ma smin pa/ dbang po yongs su ma smin pa gang dag yod pa de dag ni sgra de thos nas/ kun dga' bo 'dus pa chen po'i 'dus pa de na dga' ba skyed par byed pa yin/ mgu ba skyed par byed pa yin no// kun dga' bo 'di lta ste/ dper na ri dgas kyi rgyal po seng ge ni gang dang gang du 'gro yang thams cad du gcig pu kho nar 'gro ba yin/ grogs med pa kho nar 'gro ba yin no// kun dga' bo de bzhin du byang chub sems dpa'i 'dus pa/ bag tsha ba med pa/ ral pa can gyi 'dus pa'i 'dus pa de na/ byang chub sems dpa'i seng ge gang dag yod pa de dag ni/ gang dang gang du go cha gyon par byed kyang / thams cad du grogs med pa kho nar go cha gyon par byed pa yin/ bdag nyid kyis sangs rgyas kyi chos rnams mngon par rdzogs par 'tshang rgya bar bya zhing / grogs med par sangs rgyas kyi chos rnams mngon du bya'o snyam nas/ zla med pa kho nar go cha gyon par byed pa yin no// kun dga' bo 'di lta ste/ dper na ri dgas kyi rgyal po de nyid gang gi mngal na gnas pa yin pa de ni/ mngal cig shos 'dzin par mi byed cing // ri dgas kyi rgyal po seng ge lan cig kho na de'i mngal na gnas pa yin no// kun dga' bo de bzhin du byang chub sems dpa' de dag ni skye ba gcig gis thogs pa/ theg pa chen po'i mngal na gnas pa yin te/ de dag ni nyan thos kyi theg pa 'am/ rang sangs rgyas kyi theg pas gzung bar mi nus so// kun dga' bo de ltar na 'dus pa de ni seng ge'i 'dus pa yin/ bag tsha ba med pa'i 'dus pa yin/ ral pa can gyi 'dus pa yin no// kun dga' bo 'di lta ste/ dper na ra / ngags kyi rgyal po seng ge ni stobs dang ldan pa 'am/ stobs chung ngu yang rung ste/ srog chags kyi rigs gang la snun par byed kyang thams cad du bsgrims te snun par byed kyi ma bsgrims pas ni ma yin no/ / kun dga' bo de bzhin du seng ge'i 'dus pa'i 'dus pa de na/ byang chub sems dpa' ral pa can yod pa de dag ni chos kyi gtam gang dang gang byed kyang / gus pa kho nar byas nas ston par byed pa yin/ 'dzin du 'jug pa yin/ rab tu rjod par byed pa yin/ gzhan dag kyang yang dag par 'dzin du 'jug pa yin te/ kun dga' bo de ltar na de ni seng ge'i 'dus pa yin/ bag tsha ba med pa'i 'dus pa yin no// 'khor dag pa'i le'u ste bcu gnyis pa'o// // de'i tshe byang chub sems dpa'/ brtan pa'i blo gros 'dus par gyur te 'dug pa de stan las langs te/ rang gi bla gos thogs nas/ bcom ldan 'das la 'di skad ces gsol to// bcom ldan 'das chos kyi rnam grangs 'di legs bar bshad pa'i don gyi slad du/ sangs rgyas bcom ldan 'das 'das pa dang / ma byon pa dang / da ltar byung ba rnams la mchod pa bgyi ba dang / byang chub sems dpa' sems dpa' chen po gang dag byang chub sems dpa'i spyod pa la yang dag par zhugs pa de dag gi sangs rgyas kyi chos yongs su rdzogs par bgyi ba'i slad du/ bcom ldan 'das la gos 'di chos kyi dgab par 'bul lo// de nas bcom ldan 'das la/ byang chub sems dpa' brtan pa'i blo gros kyis bla gos de phul te/ bla gos cig shos thogs nas gsol pa/ bcom ldan 'das slad ma'i tshe chos/ smra ba gang las chos kyi rnam grangs de nyan pa de la yang / de bzhin gshegs pa de la yang gsol ba gdab pa'i slad du gos 'di 'bul lo// de nas byang chub sems dpa' brtan pa'i blo gros/ byang chub sems dpa' phug spras kyi thad du song nas 'di skad ces smras so/ / phu nu bo de'i phyir de bzhin gshegs pa la gsol ba gdab pa'i ched du/ de bzhin gshegs pa la bla gos de dbul bar bya'o// de nas bcom ldan 'das la byang chub sems dpa'i' brtan pa'i blo gros dang / byang chub sems dpa' phug sbas gnyis ka gyur nas/ bla gos de phul te/ bla gos de las kyang cho 'phrul rnam pa du ma snang ngo / / tshe dang ldan pa kun dga' bo dang / 'khor bzhi pos kyang cho 'phrul de dag mthong ste/ mthong nas kyang bcom ldan 'das la/ tshe dang ldan pa kun dga' bos 'di skad ces gsol to/ / bcom ldan 'das de ni ngo mtshar lags so// bde bar gshegs pa de ni rmang du byung ba lags so// de nas bcom ldan 'das kyis mkhyen bzhin du/ tshe dang ldan pa kun dga' bo la 'di skad ces bka' stsal to/ / de la ngo mtshar rmad du byung ba ci zhig yong du chud / de nas tshe dang ldan pa kun dga' bos tshigs su bcad pa'i dbyangs kyis zhus pa/ byang chub gang zhugs dpa' bor pa rnams kyi/ / bsngags brjod rdzu 'phrul gyis ni mchi bgyid pa// sprul pa stong phrag mang po chos gos las// 'byung ba dag ni bdag gis 'dir mthong lags// 'jig rten mgon po ri tshe chos gos las// chos gos stong phrag mang po bye phrag stong / / de las lhag pa byang chub sems dpa' rnams// thogs shing mchi bar bgyid pa bdag gis mthong // 'dir mchis nas ni 'dren pa rnams la 'bul// rgyal ba gang dag phyogs bcu'i 'jig rten gnas/ / de dag thad du de dag cho 'phrul ston// de ring chos gos las ni de 'dra mthong // de las gang dag rgyal la rmos gos 'bul// der ni rim gyis spyad pa spyod pa yis/ / de 'tshang rgya zhes 'jig rten mgon de dag/ de tshe byang chub mchog tu lung ston mdzad// sems can dag pa gang dag der mchis nas// de tshe spyi bor rnam dag gdugs byung gyur// sems can de dag byang chub phyir spyod pas/ / 'dir ni sangs rgyas 'byung snyam sems can sems// de ni stong phrag mang po bye ba phrag/ khrag khrig mchog tu sgra 'byin mchis lags te// de las chos kyi tshig rnams byung bar gyur/ / nam mkha' las ni sangs rgyas sgra thos lags// 'dzam gling sangs rgyas rnams kyis khyab par mthong // stong gsum rgyal ba rnams kyis khyab par mthong // 'dren pa de ring bdag la 'du shes byung / / slan chad bdag lus nyan thos slob mi bgyid// slob dpon dpa' bo khyod kyi 'phrul 'di 'dra// de ring bdag gi mig rmongs dran pa rmongs// 'phags pa'i ye shes #/ bdag gis rnam par blta// khams gsum po dag thams cad stong par blta// stong par shes la bdag gi dran mi rmongs// gang gis ye shes thob pa mig mi 'tshal/ bcom ldan 'das gzhan du de la mngon bgyis pas// skyed pa'i dran pa rmongs pa de ma gtogs// dpa' bo 'khor kyang mchog tu dga' ba skyes// bar snang nam mkha' la ni 'phags par gyur/ / pad+ma 'dab stong pa yis gnas pa lags// mkha' la pad+ma gnas pa gdugs ji bzhin// chos gos de las phyogs bcu'i 'jig rten na// gang dag ci mchis kun kyang gda' ba lags/ / 'jig rten drang srong 'dren pa rgyal ba mchog/ de dag rnams kyi dge 'dun rgya chen gda'// de la sems can dpa' bo de rab byung // sbyin pa bsam gyis mi khyab rgya chen stsol/ / de dag byang chub don du 'dren pa bsten// sems can don spyod bgyid cing rab tu byung // de tshe phyogs bcu rnams su chos ston pas// dpa' bo de dag der ni sprul par byung / 'jig rten mgon po gang dag gos las mthong // bgrang ba'am mtha' ni gang yang mchis ma lags// 'jig rten khams gsum gang dag gos las mthong // sems dga' mgu zhing gus dang bcas pa lags/ / ji ltar tshangs pa dbang sgyur dbang phyug bzhin// rang 'od ldan zhing rdzu 'phrul stobs la mkhas// spobs dang ldan zhing mang du thos pa'ang lags/ de tshe gzungs kyi sgo ni kun gyis thob// rgyal ba'i tshul dang mthun par 'khor lo bskor// zhing de dag kyang chos gos rnams kyis khyab// sna tshogs rin chen las byung ngo shal sdug la la'i zhing du kha dog gda' ma lags/ / gang du dpa' bo mchis shing rkang bzhag nas// 'jig rten khams 'di rdzu 'phrul kun nas gnas// me tog rnams dang spos dang 'phreng ba dang // rlurgyal mtshan ba dan rnams kyis kun nas brgyan// gang du dpa' bo mchis nas rkang gzhag pa'i// zhing de dag na mgon po bdag gis mgrong // sa yi snying por sangs rgyas bzhags pa dang / de tshe chos kyi 'khor lo bskor ba mthong // rgyal ba de dang cho 'phrul mthong nas su// 'di na gos las rdzu 'phrul de 'dra gda'// 'jig rten 'di na gang su lus mchis pa// thams cad 'dir ni lus su sprul nas su/ / srog chags rnams la sman phyir chos ston cing // der ni byang chub slad du nges pa lags// de ring 'di na ngo mtshar tshul zhig gda'// des kyang mthong ba de ni yid ches dga'/ / rgyal ba mkhas pas sangs rgyas 'phrul de gzigs// bcom ldan tsho 'phrul de 'dra gda' ba lags// bcom ldan mi rnams kyi ni zhing rgya che// blo bul rnams kyis ston pa dam pa lags/ / bcom ldan skye dgu'i srid chags bde sdug bsngal// 'bras bu chen po skyed par 'gyur ba lags// gal te bdag gis snyan pa bskal brjod kyang // bskal pa stong du'ang zad bgyid rngo mi thogs/ / gang dag gos las rdzu 'phrul bsgrubs gda' ba// thub pas bstan 'di su yi don bgyid 'gyur// de ni su yi rgya chen zhing du 'gyur// de la su zhig byang chub spyad spyor na// 'di ltar 'di na rdzu 'phrul dpag med gda'// 'dren pa de ring bdag la lung bstan gsol// shing rta'i 'phang lo tsam gyi pad+ma brtsegs// ji ltar sna tshogs mdzes pa bgyis pa lags/ / ji ltar byang chub sems dpa' mang po mchis// phyogs bcur sangs rgyas la ni phyag 'tshal mchi// sangs rgyas phyag 'tshal slar yang zhing du mchi/ / de nyid nas ni slar mchis byang chub 'thob// rgya chen zhing de rnam par dag par 'gyur// rdzu 'phrul bsam gyis mi khyab gda' ba lags// byang chub spyad pa spyod pa gang yang mthong / / sangs rgyas zhing 'di na ni dpa' bo gcig/ gang zhig chos gos thogs nas gnas pa lags// ma bslabs pa yis 'di la ji ltar bslab// gang gis sems can tha mas cad bde myong ba'i/ / snyoms par sbyin pa'i longs spyod mthu 'tshal ba// sems can kun la phan par gyur cig ces// sngon chad bdag gis sbyin sna la bsngos pa lags// mgon po don de bdag la gsung bar gsol/ / 'jig rten mgon po bdag gi the tsomachod// smon lam 'di 'dra brtan pa'i blo gros kyi'am// dge slong phug sbas kyi 'am su yi lags// de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo byang chub sems dpa' brtan pa'i blo gros kyis dri ba dri bar 'dod kyis/ dri ba lan gdab pa la khyod re zhig sdod cig dang / de'i 'og tu khyod kyi dri ba lan gdab par bya'o// de nas bcom ldan 'das la/ byang chub sems dpa' brtan pa'i blo gros kyis 'di skad ces gsol to/ / gal te zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das bdag phyogs 'ga' zhig zhu lags so/ / de skad ces gsol ba dang / bcom ldan 'das kyis/ byang chub sems dpa' brtan pa'i blo gros la 'di skad ces bka' stsal to// brtan pa'i blo gros khyod ci dang ci 'dod pa dris shig dang / ngas de dang de nyid kyi dri ba lan gdab pas khyod kyi sems rangs par bya'o// de nas bcom ldan 'das la/ byang chub sems dpa' brtan pa'i blo gros kyis 'di skad ces gsol to/ / bcom ldan 'das sgor 'jug pa zhes bgyi na/ bcom ldan 'das sgor 'jug pa zhes bgyi ba de gang lags/ bcom ldan 'das de bzhin gshegs pas de yang bshad par gsol/ gang dag sgo'i tshig dag la zhugs pa'i byang chub sems dpa' de dag kyang bshad par gsol/ chos de dag gi 'jug pa de yang bshad par gsol/ chos mchog de dag gang zhig lags/ de dag 'jug pa ji lta bu// de dag sgo yang ci 'dra lags// 'dren pa de bzhin bshad par gsol// chos la zhus nas ji lta bur// byang chub 'byung bar/ 'gyur ba lags// ji ltar chos ni bstan pas na// spobs pa chad par mi 'gyur lags// chos de dag ni galas mchis// de dag gang du gnas pa lags// de dag ji ltar mi rmongs shing // chos rnams la ni dran pa 'jug/ ci nas de dag zhugs 'gyur ba'i// 'jug pa'i mtshan nyid bshad du gsol// zhugs pa rnams kyi chos gang dag/ mngon du 'gyur ba bshad par gsol// de dag ji ltar mi rmongs shing // chos la dran 'byung 'dren pa'o// bskal pa grangs ni ma mchis par// spobs pa chud par mi 'gyur lags// de dag dmigs pa ci 'dra zhig/ rkyen kyang ci 'dra bzhig lags/ / gang gis smra ba de dag gi/ mthar 'gyur ma mchis 'dren pa'o// ji ltar sngon chad de dag gis// sbyin pa sprul nas zhi bar bsngos// gang gis gzi brjid ldan rnams kyi// spobs ba skye dang mjal bar 'gyur/ / ji lta bur na tshul khrims bsrungs// ji lta bur na tshul khrims bsten// ji lta bur na tshul khrims bsngos// gang de khrims kyis ma song la// ji lta bur na bzod pa bsgom ji lta bur na bzod pa bsten/ / gang gis de dag ma skyes mtha'// bla na ma mchis rjes su thob// ji lta bur na brtson 'grus brtsams// ji lta bur na brtson 'grus bsten// gang gis sangs / rgyas byang chub dang // bral bar ma gyur 'dren pa'o// ji lta bur na bsam gtan bskyed// ji lta bur na bsam gtan bsten// chos gang la ni bsam gtan bgyid// gang gis spobs pa bskyed pa lags/ / ji ltar de dag shes rab bsgoms// ji lta bur na shes rab bsten// ji ltar de dag ye shes 'jug/ ji ltar spobs pa chad mi 'gyur// bla med tshul la gnas pa lags// yang dag chos rnams ston pa lags/ / zab cing zhi ba stong pa yi// byang chub de dang su zhig nye// ji ltar mdo sde sna tshogs gzung // sna tshogs don la rnam nges lags// yang dang yang du'ang ston bgyid lags/ / zhu ba de ni lan bsal stsol// sems can rnams kyi the tsom gcod// de ni bdag gis ston la zhu// ma mchis pa yi dus na ni// chos smra ba ni 'byung bar 'gyur// ji ltar de la'ang gnas par bgyi/ / 'dren pa ji ltar gnas nas su// ji ltar chos ni bzung nas su// ji ltar chos ni yongs su 'dzin// 'jig rten mgon po mi mchog gis// zhus pa de ni bdag la ston/ / phyi ma'i dus na ji lta bur// srog chags rnams kyi the tsom gcad// de skad ces gsol ba dang / bcom ldan 'das kyis/ byang chub sems dpa' sems dpa' chen po brtan pa'i blo gros la 'di skad ces bka' stsal to/ / brtan pa'i blo gros khyod de bzhin gshegs pa la don de yongs su 'dri bar sems pa ni legs so legs so// 'di ltar khyod kyis ni sngon gyi/ bya/ de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba byas so// de bzhin gshegs pa de dag la yang yongs su zhus so// brtan pa'i blo gros ngas ni 'das pa'i dus bskal pa grangs med pa na nam mkhas yongs su zin pa'i sa phyogs 'di nyid du/ sangs rgyas stong phrag drug cu rtsa brgyad la khyod kyis zhu ba gang zhus pa dang / de bzhin gshegs pa dgra bcom pa yang dag par rdzogs pa'i sangs rgyas rnams la khyod kyi zhu ba de zhu ba na yang / sems can mang po dpag tu med pa'i don du gyur par mngon par shes so// brtan pa'i blo gros de lta bas na rnam grangs des na khyod kyis 'di ltar rig par bya ste/ brtan pa'i blo gros sngon byung ba 'das pa'i dus bskal pa grangs med par gyur pa na/ de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer zhes bya ba 'jig rten du byung ste/ de bzhin gshegs pa de'i tshe'i tshad ni bskal pa byed thub par gyur to/ / bcom ldan 'das de gang dag dang thabs gcig tu ljongs rgyu ba mdzad pa dang / gang ngag dang thabs gcig tu dbyar gnas par dam bca' bar mdzad pa de'i dgra bcom ba zag bzang ba dag ni bye ba phrag 'dun cu tshang bar byung bar gyur to/ / brtan pa'i blo gros de'i dus na 'dzam bu'i gling de ni yangs shing rgya che ste/ dpag tshad khrag khrig 'bum phrag bdun nu par gyur to/ de'i dus na rgyal po rgyal rigs spyi bo nas dbang bskur ba/ mtha' bzhir rnam par rgyal ba srung ba/ chos dang ldan pa/ chos kyi rgyal po/ gling bzhi pa'i 'jig rten gyi khams kyi dbang phyug/ 'khor los sgyur ba/ ma smad pa'i bsod nams dbang phyug ces bya ba byung bar gyur to// de'i dus na 'dzam bu'i gling der grong khyer che zhing rgya che ste/ rlur ni dpag tshad bzhi bcu pa/ zheng du ni dpag tshad sum cu pa/ 'byor pa/ rgyas pa/ bde ba/ lo legs pa/ nyams dga' ba/ skye bo dang mi mang pos gang ba bye ba phrag brgyad cu byung bar gyur to/ / brtan pa'i blo gros rgyal po ma smad pa'i bsod nams dbang phyug de'i 'dzam bu'i gling gi dbus su gang du rgyal po ma smad po'i bsod nams dbang phyug gnas 'cha' bar byed pa'i pho brang 'khor chen po kho ra yug tu dpag tshad brgyad cu yod pa/ gru bzhi lham pa/ rgyar dpag tshad phyed phyed kyi mig mangs ris su dris pa zhig byung bar gyur to// brtan pa'i blo gros rgyal po'i pho brang 'khor de'i ming ni bde ba can zhes bya bar gyur to/ / rgyal po'i pho brang 'khor der sems can de dag gis longs spyad pa'i phyir/ bdag gi ba med cing yongs su 'dzin pa med pa'i skyed mos tshal/ khor yug tu stong phrag bdun cu byung bar gyur to// brtan pa'i blo gros rgyal po ma smad pa'i bsod nams dbang phyug de'i rgyal po'i pho brang 'khor dpag tshad brgyad cu ba de ji tsam du re bar skyed mos / tshal chen po gcig byung bar gyur te/ skyed mos tshal chen po de ni shing ta la'i 'phreng ba rim bdun gyis bskor bar gyur cing / dril bu g.yer ka'i dra ba rim bdun dang / rta babs rim bdun dang / ra ba rim bdun dang / 'obs rim bdun gyis khor yug tu bskor bar gyur to// brtan pa'i blo gros de'i tshe de'i dus na/ de bzhin gshegs pa rin po che mngon du 'phags pa'i 'od zer de/ dgra bcom pa bye ba phrag bdun nu'i dge slong gi dge 'dun chen po dang thabs gcig tu rim gyis yul rgyu bas rgyu zhing / rgyal po'i pho brang 'khor du byon par gyur te/ brtan pa'i blo gros de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer/ dge slong bye ba phrag bdun cu dang thabs cig tu rim gyis yul rgyu ba rgyu zhing / / rgyal po'i pho brang 'khor du byon nas/ de rgyal po'i pho brang 'khor de'i skyed mos tshal zhig na bzhugs so zhes/ rgyal po ma smad pa'i bsod nams dbang phyug gis thos so// brten pa'i blo gros de nas rgyal po ma smad pa'i bsod nams dbang phyug de/ de bzhin gshegs pa rin po che mngon du 'phags pa'i 'od zer ga la ba der song ste phyin nas/ bcom ldan 'das de'i zhabs la phyag 'tshal te phyogs gcig tu 'jug go/ / brtan pa'i blo gros de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che mngon du 'phags pa'i 'od zer gyis/ rgyal po de'i bsam pa thugs su chud nas/ byang chub sems dpa'i sde snod kyi chos kyi rnam grangs sems can thams cad kyi the tsom gcod pa de yang dag par rab tu bstan to/ / des de thos nas yi rangs shing rab tu dga' bar gyur te/ dga' ba dang yid bde ba skyes par gyur to// de nas de 'di snyam du sems te/ de bzhin gshegs pa rin po che mngon du 'phags pa'i 'od zer de longs spyad par bya ba'i phyir/ rang gi skyed mos tshal de shin tu legs par brgyan la/ bdag gis legs par dbul gor ma chag go snyam nas// brtan pa'i blo gros longs spyad par bya ba'i phyir/ rgyal po des skyed mos tshal de phul lo// gtsug lag khang bye ba phrag bdun cu dang / 'chags bye ba phrag bdun nu yang byed du bcug go// khri'u bye ba phrag bdun cu yang byed du bcug go/ kun dga' ra ba bye ba phrag bdun cu yang rim gro pa dag dang bcas par phul te/ phul nas kyang bcom ldan 'das de ga la ba der song ste phyin nas/ de bzhin gshegs pa de la 'di skad ces gsol to// bcom ldan 'das kyis bdag la thugs brtse ba'i slad du/ dge slong gi dge 'dun dang thabs gcig tu sang gdugs tshod la gshegs par gnang bar mdzad du gsol/ brtan pa'i blo gros de nas rgyal po des bcom ldan 'das de cang mi gsung bar gyur pas gnang bar rig nas/ zhabs la phyag 'tshal te song nas/ de'i mtshan mo 'khor los sgyur ba'i zas lta bu mang ba dang bsod pa g.yos byed du bcug nas/ de'i mtshan mo 'das pa dang / bcom ldan 'das de'i thad du/ sto nas/ gdugs chod la bab pa gsol to// brtan pa'i blo gros de nas de bzhin gshegs pa dgra bcom pa yang dag par rdzogs pa'i sangs rgyamachen po che mngon du bag pa'i 'od zer de/ dro'i dus kyi tshe sham thabs dang chos gos mnabs/ lhung bzed bsdams te/ dge slong gi dge 'dun gyis mdun du bdar nas/ rgyal po ma snad pa'i bsod nams dbang phyug gi khyim ga la bder gshegs te byon nas/ gang na bshams pa la bzhugs so// dge slong de dag kyang stan ji ltar bshams bral 'khod do// brtan pa'i blo gros de nas rgyal po ma spyad pa'i bsod nams dpang phyug gis/ bcom ldan 'das de bzhugs pa dang / dge slong gi dge 'dun 'khod par rig nas/ rang gi lag gis gus par byas te/ mang zhing bsod pa'i ji ltar bsngos pas rlom bar byed cing bskabs so/ / des bcom ldan 'das de la rang gi lag gis gus par byas te/ tshim par byas shing bstabs nas// gsol zin rnying sder gyur/ phyag bcabs par rig nas/ bcom ldan 'das dang / dge slong gi dge 'dren la so sor chos gos gsum gsum su lus la gsol to// bcom ldan 'das dang / dge slong gi dge 'dun de la su lus la gsol te/ gser gyi ril ba b+h+ring gar thogs nas/ bcom ldan 'das de ga la ba der song ste phyin nas/ bcom ldan 'das kyi phyag tu phul te gsol pa/ bcom ldan 'das bcom ldan 'das/ la skyed mos tshul 'di dang / gtsug lag khang 'di dag dang / 'chag sa 'di dag dang / gzims cha 'di dag dang / khri'u 'di dag dang / kun dga' ra ba 'di dag 'bul lags so// rim gro dang bsnyen bkur bgyi ba'i slad du bdag nyid kyang 'bul lags so// brtan pa'i blo gros de nas rgyal po des de'i rjes la de bzhin gshegs pa de la rim gro dang bsnyen bkur byas shing chos mnyan pa'i phyir yang nyin gcig bzhin du gus par byas nas song ngo / / brtan pa'i blo gros de nas rgyal po ma smad pa'i bsod nams dbang phyug des/ bcom ldan 'das de la bskal pa phyed du rim gro byas shing / de bzhin gshegs pa de la gnas dang gnas ma yin pa dag kyang yongs su dris te/ de yang yongs su 'dri zhing / bcom ldan 'das de yang lan ldon pa nA sems can grangs med dpag tu med pa'i don byas so/ / brtan pa'i blo gros de'i tshe de'i dus na/ rgyal po ma smad pa'i bsod nams dbang phyug ces bya ba byung ba de gzhan zhig yin pa snyam du khyod som nyi'am yid gnyis za bar gyur na/ khyod kyis de ltar blta bar mi bya'o// de ci'i phyir zhe na/ brtan pa'i blo gros rgyal po ma smad pa'i bsod nams dbang phyug ces bya ba byung bya/ / ba de khyod nyid yin pa'i phyir ro// brtan pa'i blo gros ngas ni 'das pa'i dus na/ chos kyi rnam grangs de nyid yongs su 'dri ba'i phyir/ gang la khyod kyis bla na med pa'i rim gro dang bsnyen bkur byas pa'i sangs rgyas stong tshang bar byung bar mngon par shes so/ / brtan pa'i blo gros yang gang khyod kyis chos kyi sgo bsgrub pa smras pa de dang / ji ltar chos kyi sgo mngon par bsgrub pa khyod la bstan par bya'o/ / brtan pa'i blo gros de la chos kyi sgro zhes bya ba ni gnas dang gzhi rnams yin te/ de dag ni sems pa med pa/ mtshan ma med pa/ rtsol ba med/ pa dag pa/ rnam par dag pa/ yongs su dag pa/ brjod du med pa/ yi ge med pa/ yi ge las rnam par log pa/ bstan du med pa dag yin no// bstan pa'i blo gros yang chos ni snang bar mi 'gyur zhing / chos ni shes pas rnam par rig par bya ba ma yin no// brtan pa'i blo gros yang chos kyi sgo zhes bya ba ni/ de bzhin gshegs pas mdzad pa gang gis mya ngan las 'das pa rab tu mkhyen pa ste/ ji ltar rab tu mkhyen pa dang / gang gis rab tu mkhyen pa de ni ngas rnam par rig par bya mi nus so// brtan pa'i blo gros chos de dag ni rnam par rig par bya ba ma yin zhing / gdags pa ma yin pa dag go// brtan pa'i blo gros yang gang la lar gdags pa'i lam de ni chos kyi sgo yin no// brtan pa'i blo gros chos thams cad ni ro gcig pa'i phyir rgya mtsho'i rgyas btab pa yin no/ / brtan pa'i blo gros chos thams cad ni mi zad pa'i mu can yin zhing / mi zad pa'i mtha' can yin pa'i phyir zad mi shes pa yin no// brtan pa'i blo gros chos thams cad ni gang ba dang bri ba med pas mi zad pa nyid du gyur pa ste/ des na de bzhin gshegs pa ni zad mi shes pa'i sgo bsgrub pa yang 'dogs par mdzad do// ston par mdzad/ rab tu 'jog par mdzad do// chos thams cad ni a zhes bya ba'i sgo can te/ a zhes bya ba la 'jug pa ni rnam pa med pa'i sgo gdags pa'i bshad pa'i gnas so// de mngon par bsgrubs pa ni mtshams sbyor bar byed pa'o/ / de'i mtshams sbyor ba'i yi ge dag gis A zhes bya ba ma byas te/ de'i phyir chos ni a zhes bya ba zhes bya'o// de ni a zhes bya bas rnam par rig par byed cing / rnam par rig pa de yang de'i mtshams sbyor ba'i tshig dang yi ge dag dang ldan par yongs su rdzogs par byed do// des na de bzhin gshegs pas 'di skad du chos thams cad ni a zhes bya ba'i sgo can no zhes gsungs so/ / ske de gang dag gi yin pa'i chos de dag kyang gang zhe na/ brtan pa'i blo gros chos de dag ni ma byas pa'o// ma byas pa ni rnam par rig pa ma yin pas brtags pa/ rnam par rig pa ma yin par rig pa/ rjod du med par brjod pa/ mngon par rjod du med par mngon par brjod pa/ zad mi shes par bya/ / zad pa dag go// brtan pa'i blo gros de ltar na a zhes bya ba ni chos thams cad kyi las byed pa yin no// rigs kyi bu 'am/ rigs kyi bu mo sgo gang la zhugs pas ye shes zad mi shes shing / spobs pa zad mi shes par 'gyur ba'i sgo de ni a zhes bya ba'i sgo'o// brtan pa'i blo gros mi zad pa ni zad pa las 'das pa'o// brtan pa'i blo gros gang la gdags pa med/ rnam par rig pa med pa ni zad pa yin te/ gang dag rnam par rig pa ma yin par rnam par rig par byas pa de dag ni rnam par rig par byas pa ma yin zhing/ gang dag bdags pa de dag ni ma btags pa ste/ brtan pa'i blo gros des na sgo de ni zad pa zhes bya'o// sgo de gang gi yin zhe na/ chos de dag gi sgo'o// gang dag ce na/ gang dag de bzhin gshegs pas ma brnyes ma dmigs pa'o/ / brtan pa'i blo gros sgo zhes bya ba ni phyir mi ldog pa ste/ 'jug pa de ni chos thams cad kyi sgo yin no// mngon par brjod pa thams cad kyang mngon par brjod du med pa yin/ ngag thams cad kyang mi zad pa'i ngag yin/ ngag thams cad kyang de bzhin nyid kyi ngag yin/ gzhan ma yin pa'i ngag yin/ rnam par ri/ pa thams cad kyang rnam par rig pa ma yin pa yin te/ brtan pa'i blo gros 'di ni rdo rje'i tshig go// ci'i phyir rdo rje'i tshig ces bya zhe na/ gang la yang nam yang dbyer med cing / gang la yang / dbyer med pa de la byed pa po gang yang med la/ gang la byed pa po gang yang med pas/ des na rdo rje'i tshig ces bya'o// chos thams cad ni las med pa ste/ gang las med pa nyid de la ni rnam par smin pa gang yang med la/ gang la rnam par smin pa gang yang med pas/ des na chos thams cad ni las med pa/ rnam par smin pa med pa zhes bya'o// chos kyi phyag rgya de ni gang la lar de bzhin gshegs pas las kyi rnam par smin pa bstan pa de'i tshe na chos kyi phyag rgya des bstan pa'o/ / phyag rgya de ni ma byas pa dang dbyer med par khong du chud par bya'o// brtan pa'i blo// gros rigs kyi bu 'am/ rigs kyi bu mo las kyi rnam par smin pa la 'jug par 'dod pas ni de ltar 'jug par bya'o// brtan pa'i blo gros chos thams cad ni nam mkha' la 'jug pas 'ong ba med pa 'gro ba med pa yin no/ / brtan pa'i blo gros de bzhin gshegs pas ni sgo de la brten nas/ sems can rnams kyi 'chi 'pho dang skye ba rab tu mkhyen to// brtan pa'i blo gros rigs kyi bu 'am/ rigs kyi bu mo 'chi 'pho dang skye ba la 'jug par 'dod pas ni phyag rgya de la 'jug par bya'o// brtan pa'i blo gros 'di ni chos rnams kyi yi ge med pa'i phyag rgya yin no// gdags pa med pa'i phyag rgya yin no/ / brtan pa'i blo gros de bzhin gshegs pa dgra bcom pa yang dag par rdzogs pa'i sangs rgyas kyis ji tsam du mngon par brjod pa thams cad ni phyag rgya des mngon par rjod pa mdzad bya/ cing / phyag rgya de ni mngon par brjod pa mdzad do// brtan pa'i blo gros lus thams cad ni de bzhin gshegs pa'i sku'o// de ci'i phyir zhe na/ 'di ltar sku de ni lus kyi sku yin zhing / de bzhin gshegs pa ni phyag rgya des sems can rnams kyi lus mngon par bsgrub pa ston par mdzad pa'i phyir ro// brtan pa'i blo gros phyag rgya gang gis btab pa'i lus kyi phyag rgya de ni lus thams cad kyi gdags pa'o/ / brtan pa'i blo gros gang la lar lus mngon par bsgrub pa de thams cad ni phyag rgya des btab pa yin zhing / de bzhin gshegs pa ni phyag rgya de nyid mngon par bsgrub par mdzad do/ / brtan pa'i blo gros chos thams cad ni 'jug pa med pa'i phyir sgo med pa yin no// brtan pa'i blo gros chos thams cad ni 'gro ba med pa'i phyir 'jug pa med pa yin no// / brtan pa'i blo gros chos thams cad ni 'jug pa med pa nyid kyi phyir 'gro ba med pa yin no// brtan pa'i blo gros de bzhin gshegs pa ni gang dang gang nas chos ston pa de dang de nas chags pa med pa'i mu dang ldan pa kho na dag ston par mdzad cing / sems can thams cad kyi mu de nyid kyang rab tu mkhyen te/ mu de ni de lta bu yin no// brtan pa'i blo gros chags pa med pa'i mu zhes bya ba ni mtha' yas pa'i mu ste/ sems can thams cad ni ya ma brla'i mur bstan pas de lta bu'i mu can yin no// brtan pa'i blo gros gang du chos thams cad kyi sgo mu'i yin pa de dag thams cad ni chos kyi phung po yin la/ chos kyi phung po yang phung po med pa ste/ de ltar phung po de dag ni phung po med pa yin zhing / phung po de dag ni chos kyi phung po yang yin no// brtan pa'i blo gros de bzhin gshegs pa ni gang dang gang nas phung po dag ston pa de dang de nas chos kyi phung po'i sgo mu des bstan par mdzad do/ / gzugs kyi phung po dang / tshor ba'i phung po dang / 'du shes kyi phung po dang 'du byed kyi phung po dang / rnam par shes pa'i phung po ste/ phung po rnams ni phung po med pa yin no// 'di ni phung po rnams kyi rnam pa'i sgo bstan pa'o// de skad ces bka' stsal pa dang / bcom ldan 'das la/ byang chub sems dpa' sems dpa' chen po brtan pa'i blo gros kyis 'di skad ces gsol to// bcom ldan 'das chos rnams kyi 'jug pa de ni zab lags so/ / bka' stsal pa/ brtan pa'i blo gros de bzhin gshegs pa ni 'di snyam du 'di ni zab pa'o// 'di ni gsal ba'o snyam du mi dgongs te/ brtan pa'i blo gros de bzhin gshegs pa ni cung zad cig ston par mdzad do/ / gsol pa/ ji ltar byis pa rnams kyis bzung ba de ltar ni ston par mi mdzad kyi/ ji ltar mkhas pa rnams kyi kun 'tshal ba de ltar gsungs te/ de bzhin gshegs pa ni de ltar chos ston pa mdzad lags so// bka' stsal pa/ brtan pa'i blo gros de bzhin gshegs pa ni ji ltar rab tu shes pa de ltar ston par mi byed 'dogs par mi byed/ rab tu 'jog par mi byed do// de TI'i phyir zhe na/ brtan pa'i blo gros chos thams cad ni de ltar mkhas pa rnams kyis kun shes pa yin zhing ji ltar byis pa rnams kyis bzung ba de ltar ni yi ge'i rnam par rig pa yin la/ yi ge de dag kyang yi ge med pa yin pas bstan pa med pa'i phyir ro// gzhan yang bcom ldan 'das kyis/ brtan pa'i blo gros la bka' stsal pa/ brtan pa'i blo gros chos thams cad ni nyi ma'i dkyil 'khor gyi snang ba yin no// brtan pa'i blo gros gang dang gang nas chos la tshul bzhin du so sor rtogs pa de dang de nas/ mtha' yas pa'i mu can kho nar snang ste/ de ltar de dag ni chos kyi snang ba yin no// brtan pa'i blo gros chos thams cad ni kun nas snang ba dang sgrib pa med pa'i phyir/ 'od gsal ba yin no// brtan pa'i blo gros chos thams cad ni/ gang gis kyang ma bsgribs pa'i phyir bsgribs pa med pa yin no// brtan pa'i blo gros chos thams cad ni/ bla gab med pa dang mtshungs pa'i phyir ma bsgribs pa yin no// brtan pa'i blo gros gang na gnyis gdags pa dang gnyis 'dzin pa de la de bzhin gshegs pa'i spyan sgrib pa med pa 'jug go/ / brtan pa'i blo gros de bzhin gshegs pas mig gang gis chos thams cad rab tu shes shing / ji ltar rab tu shes pa de ltar sgrib pa med par rab tu shes pa 'di ni mig gi chos yin no/ / brtan pa'i blo gros rigs kyi bus gang las brten nas don la nges par rtog pa'i brjod pa 'byung ba dang / zab mo bstan pa'i brjod pa 'byung ba dang / ma chags pa'i brjod pa 'byung ba'i chos thams cad kyi sgo de ni sgrib pa med pa'i sgo yin no/ / gzhan yang bcom ldan 'das kyis/ byang chub sems dpa' brtan pa'i blo gros la bka' stsal pa brtan pa'i blo gros chos thams cad ni chags pa med cing chags pa dang bral ba'i phyir rdul dang bral ba yin no/ / brtan pa'i blo glos chos thams cad ni phan 'dogs pa med pa'i tshul gyis yongs su ma gzung ba yin no/ / brtan pa'i blo gros chos thams cad ni dngos po dmigs su med pas mtha' yas mu med pa yin no// brtan pa'i blo gros gang dang gang du yi ge'i bstan pa ston pa de dang der ni chos thams cad yi ge med pa kho nar ston pa yin no/ / brtan pa'i blo gros chos de dag gi mtha' thug pa med pa dang / mtha' thug pa med pa bstan pas/ ji ltar su zhig yi ge med pa'i sgo de la 'jug ste/ 'di ni de'i 'jug pa yin no// 'jug pa de ni chos gang gi yang 'jug pa ma yin no// brtan pa'i blo gros de bzhin gshegs pas ni ting nge 'dzin gyi sgo bsgrubs pa gsungs pa ste/ ting nge 'dzin gyi sgo bsgrubs pa yang gang zhe na/ brtan pa'i blo gros chos thams cad bkod pa tshul gcig pa zhes bya ba'i ting nge 'dzin yod do// bkod pa du ma zhes bya ba'i ting nge 'dzin yod do/ / de la bkod pa gcig pa zhes bya ba'i ting nge 'dzin gang zhe na/ brtan pa'i blo gros 'di la byang chub sems dpa' sems dpa' chen pos 'jig rten gyi khams ga ge mo zhes bya ba na/ de bzhin gshegs pa che ge mo zhes bya ba chos ston to// zhes de bzhin gshegs pa gcig gi mtshan thos par byed do// de de bzhin gshegs pa de'i mtshan thos nas/ mtshan ma'i sgo nas legs par 'dzin par byed/ mtshan ma'i rnam pa mdun du byed/ mngon du byed do// de de bzhin gshegs pa byang chub kyi snying po mchog na bzhugs pa 'am/ bla na med pa yang dag par rdzogs pa'i byang chub mngon par rdzogs par sangs rgyas pa 'am/ chos kyi 'khor lo bskor ba 'am/ nyan thos kyi tshogs kyis yongs su bskor ba 'am/ chos ston pa 'ba' zhig dran pa rnam par mi g.yeng ba dang / dbang po mi rgod pa dag dang / yid phyi rol tu ma song bas yid las byed do// de de bzhin gshegs pa de'i mtshan ma rjes su dran pas 'jig rten gyi khams la dmigs pa mdun du byed do/ / de de bzhin gshegs pa la dmigs pa dang / 'jig rten gyi khams la dmigs pa yang 'di lta ste/ dmigs pa med pa nyid kyis dmigs pa gcig pa nyid du rtogs par byed do// de de ltar gnas shing sbyor ba de rjes su mi gtong bas/ de bzhin gshegs pa'i sku mngon du 'gyur ro/ / de chos ston pa yid la byed pas/ zab pa dang / gsal ba dang / don dang / tshig 'bru'i sgo nas ji lta ji ltar mos pa de lta de ltar yang mdun du byed/ mngon du byed do// de ting nge 'dzin de la gnas nas/ dngos po thams cad rnam par 'jig pa nyid kyis de bzhin gshegs pa'i chos bstan pa nyan par byed do// de chos bstan pa de dag kun len par byed cing 'dzin par byed de/ blangs shing bzung nas kyang ting nge 'dzin de las langs nas/ 'khor bzhi po dag la chos ston te/ 'jug pa de dang dmigs pa de ni/ 'di lta ste/ bkod pa gcig pa'i ting nge 'dzin mngon par bsgrub pa yin no/ / brtan pa'i blo gros gzhan yang byang chub sems dpa' ni yang dmigs pa de nyid rnam par 'jig par byed cing / bdag nyid kyi lus kyang rnam par 'jig par byed do// de dngos po thams cad rnam par 'jig pa nyid kyis bkod pa gcig pa'i ting nge 'dzin la 'jug par byed do// de de las langs nas kyang / yang 'khor bzhi po dag la chos ston par byed de/ brtan pa'i blo gros 'di yang bkod pa gcig pa'i ting nge 'dzin mngon par bsgrub pa yin no/ / brtan pa'i blo gros gzhan yang byang chub sems dpa' ni/ de bzhin gshegs pa'i sku la dmigs pa de nyid la 'di ltar so sor rtog par byed do/ / de bzhin gshegs pa'i sku de ga las 'ongs/ bdag kyang gang du song zhig gu snyam nas/ de de bzhin gshegs pa yang ma 'ongs par rab tu shes bya/ shing / bdag nyid kyang ma song bar rab tu shes so// de 'di snyam du sems te/ chos thams cad ni 'ong ba med pa'o// 'gro ba med pa'o snyam mo// de de ltar gnas shing / de ltar brtson pas ring po mi thogs par chos kyi mig sgrib pa med pa 'thob bo// chos kyi mig sgrib pa med pa de thob nas/ de bzhin gshegs pa yin te/ chos kyi sgo grang gis ma chags pa'i spobs pa nyid thob pa'i chos kyi sgo mngon du byed do/ / de chos kyang ston par byed la/ chos de dag kyang yang dag par rjes su mi mthong ngo // brtan pa'i blo gros 'di lta ste/ dper na 'das pa'i dus la de bzhin gshegs pa'i ye shes ma chags pa 'jug kyang / lus rnams la de bzhin gshegs pa'i ye shes thogs pa yang med do// 'das pa'i dus la dmigs pa'i sgo nas de bzhin gshegs pa'i ye shes kyang mi 'jug cing / 'das pa'i dus la de bzhin gshegs pa'i ye shes mi 'jug kyang / 'das pa'i dus pa de bzhin gshegs pa ni ye shes mnga' ba nyid de/ 'das pa'i dus la de bzhin gshegs pa'i dmigs pa'i lus rjes su 'jug pa yang ma yin no// ma 'ongs pa dang da ltar byung ba la yang de dang 'dra'o// brtan pa'i blo gros de bzhin du byang chub sems dpa' de ni bkod pa gcig pa'i ting nge 'dzin de la gnas nas/ chos kyang ston par byed la/ chos de dag kyang yang dag par rjes su mi mthong ngo // de shin tu bsgoms pas ting nge 'dzin de la gnas nas/ 'jig rten gyi khams gang na bzhugs par 'gyur zhing / byang chub kyi snying po na bzhugs pa 'am/ bla na med pa yang dag par rdzobs pa'i byang chub mngon par rdzogs par 'tshang rgya ba 'am/ chos kyi 'khor lo skor ba 'am/ chos ston pa'i de bzhin gshegs pa gnyis pa yid la byed/ dmigs par byed/ mngon du byed do// de de bzhin gshegs pa'i chos bstan pa de yang kun len par byed/ 'dzin par byed do// de de bzhin gshegs pa la dmigs pa snga ma de yang dmigs par byed cing / de bzhin gshes pa la dmigs pa 'di yang gtong bar mi byed do/ / de chos ston pa'i de bzhin gshegs pa de gnyis ka dmigs par byed/ mngon du byed de/ brtan pa'i blo gros 'di yang bkod pa gcig/ pa'i ting nge 'dzin mngon par bsgrub pa yin no// brtan pa'i blo gros gzhan yang byang chub sems dpa' ni/ de bzhin gshegs pa la dmigs pa gcig legs par kun bzung zhing / legs par brtags la/ legs par byang bar byas nas/ de bzhin gshegs pa ji snyed 'dod pa de snyed yid la byed do// brtan pa'i blo gros 'di lta ste/ dper na lus kyi skye mched dag la dge slong dbang du gyur pa de dmigs pa sngon po yid la byed do/ / de thams cad kyang gang ci yang rung ba thams cad dmigs pa sngon po kho nar mos par byed de/ sngon po kho nar yin pa ma bya/ gtogs par/ de la dmigs pa ci yang mngon du mi 'gyur ro// de 'gro ba thams cad sngon po kho nar mos par byed cing / byin gyis rlob par byed la/ sngon po kho nar sngon du byed do/ / nang dang phyi'i chos rnams la de'i shes pa sngon po'o snyam du 'jug cing / de la de ni dbang du gyur pa yang ma yin no// brtan pa'i blo gros de bzhin du byang chub sems dpa' de ni 'jig rten gyi khams gang drang gang na/ de bzhin gshegs pa ji snyed bzhugs pa thos par gyur pa'i 'jig rten gyi khams rnams dang / de bzhin gshegs pa de dag kyang yid la byed do// de de bzhin gshegs pa la dmigs pa'i yid la byed pa shin tu legs par brtags pa/ shin tu nges par byang ba des/ 'gro ba thams cad ni de bzhin gshegs pa'o// sangs rgyas so// rang byung ngo zhes byin gyis rlob par byed do// de de bzhin gshegs pa la dmigs pa'i yid la byed pa de shin tu yid la byed pas/ dmigs pa thams cad ni 'di lta ste/ de bzhin gshes pa mngon du 'gyur ba'i dmigs pa gcig tu byin gyis rlob par byed do/ / de de bzhin gshegs pa las dmigs pa'i dngos po gzhan ci yang yang dag par rjes su mi mthong ngo // gzhan du na sangs rgyas zhag gcig ma gtogs te/ brtan pa'i blo gros 'di yang bkod pa gcig pa'i ting nge 'dzin mngon par bsgrub pa yin no// gsol pa/ bcom ldan 'das ting nge 'dzin de'i mngon par bsgrub pa de gang lags/ bka' stsal pa/ 'di lta ste/ de bzhin gshegs pa thams cad la dmigs pa'i sems rtse gcig pa nyid mi gtong ba ste/ brtan pa'i blo gros 'di ni bkod pa gcig pa'i ting nge 'dzin mngon par bsgrub pa yin no/ / brtan pa'i blo gros yang gang dmigs pa gcig gis chos thams cad rtogs pa ni thams cad kyi chos nyid kyang yin te/ brtan pa'i blo gros 'di ni bkod pa gcig pa'i ting nge 'dzin ces bya'o// byang chub sems dpa' ni ting nge 'dzin de la gnas nas/ ngag thams cad ni de bzhin gshegs pa'i ngag go/ / lus thams cad ni de bzhin gshegs pa'i sku'o snyam du de ltar 'jug par byed cing / de ltar mos par byed do// brtan pa'i blo gros gzhan yang byang chub sems dpa' ni/ de bzhin gshegs pa gnyis dang / gsum dang / bzhi dang / lnga dang / bcu dang / brgya'i bar dang / 'bum gyi bar gyi mtshan dag nyan par byed cing / de dag thams cad dus gcig tu mngon du byed/ yid la byed do// de bzhin gshegs pa de dag gi sangs rgyas kyi zhing gi bkod pa dang / nyan thos kyi bkod pa de dag thams cad kyang mngon du byed/ yid la byed do// de bzhir gshegs pa de dag gi gzugs phun sum tshogs pa dang / mtshan phun sum tshogs pa dang / mdog phun sum tshogs pa dang / sku phun sum tshogs pa dang / chu zheng phun sum tshogs pa yang mngon du byed/ yid la byed/ mdun du byed do// skyes bu chen po'i mtshan re re'i mtshan ma yang 'dzin par byed do// ma rmongs par rnam par gshegs pa'i mtshan ma dang / seng ge rnam par bsgyings pa'i mtshan ma dang / spyi gtsug bltar mi mthong ba'i mtshan ma dang / 'od 'dom gang ba'i mtshan ma yang 'dzin par byed do/ / 'od 'dom gang po de yang 'od mtha' yas pa nyid du mos par byed de/ byin gyis rlob par byed do// 'od mtha' yas pa nyid kyang kun tu shes so// sangs rgyas kyi zhing mtha' yas pa nyid kyang 'dzin par byed do/ / sangs rgyas kyi zhing gi bkod pa dpag tu med pa yang byin gyis rlob par byed/ mos par byed cing / kun tu shes so// nyan thos kyi bkod pa mtha' yas pa yang kun tu shes shing mos par byed/ byin gyis rlob par byed do// de yang 'di ltar so sor rtog par byed de/ de bzhin gshegs pa de dag ga las 'ongs/ bdag kyang gang du song zhig gu snyam nas/ de de bzhin gshegs pa dang / bdag nyid kyi ma 'ongs pa nyid dang / ma song ba nyid la 'jug par byed cing / kun tu shes la mos par byed do/ / de 'di snyam du sems te/ 'di la de bzhin gshegs pa zhes bya ba'i chos gang yang med do// bdag ces bya ba'i chos kyang gang yang med do snyam mo// de 'di ltar so sor rtog par byed de/ chos thams cad kyang de bzhin du 'gyur ro snyam mo// de de ltar so sor rtog pas/ chos thams cad mtshan nyid gcig gi snyam du mos par byed// 'jug par byed do// de de ltar mngon par 'du byed pa med pa'i mtshan nyid kyis/ mtshan nyid dag ni chos rnams so snyam du 'jug par byed/ mos par byed cing / kun tu shes la/ byin gyis rlob par byed/ de chos thams cad mtshan nyid med pa nyid kyis mtshan nyid gcig par 'jug par byed do// brtan pa'i blo gros ji tsam du sangs rgyas du ma mngon par bsgrub pa ni/ sems rtse gcig pa nyid kyi yin te/ brtan pa'i blo gros 'di ni bkod pa gcig pa'i ting nge 'dzin mngon par bsgrub pa yin no// gang sangs rgyas du ma mtshan nyid gcig pa dang / mtshan nyid med par bsgrub pa ni bkod pa gcig pa'i ting nge 'dzin ces bya'o/ / de ting nge 'dzin de la gnas nas de bzhin gshegs pa ma yin pa'o snyam du gang ci yang kun tu mi shes so// chos ma yin pa'o snyam du gang ci yang kun tu mi shes so/ / nyan thos ma yin pa'o snyam du gang ci yang kun tu mi shes so// nyan thos so snyam du yang mi dmigs so// chos bstan pa ma yin pa'o snyam du gang ci yang kun tu mi shes so/ / chos bstan pa yang mi dmigs so// dmigs pa ma yin pa'o snyam du gang ci yang kun tu mi shes so// dmigs pa yang mi dmigs so// sangs rgyas kyi zhing ma yin pa'o snyam du gang ci yang kun tu mi shes so/ / sangs rgyas kyi zhing yang mi dmigs so// 'khor ma yin pa'o snyam du gang ci yang kun tu mi shes so// 'khor kyang mi dmigs so// spobs pa yin pa'o snyam du gang ci yang kun tu mi shes so// spobs pa yang mi dmigs so// rab tu brjod pa ma yin pa'o snyam du gang ci yang kun tu mi shes so/ / rab tu brjod pa yang mi dmigs so// byin gyis rlob pa ma yin pa gang ci yang kun tu mi shes so// byin gyis rlabs kyang mi dmigs so// mos par mi byed pa gang ci yang med do/ / myos pa yang mi dmigs so// rlom sems mi byed pa gang ci yang med do// rlom sems kyang mi dmigs so// sgom par mi byed pa gang ci yang med do// sgom pa yang mi dmigs so/ / rnam par mi byed pa gang ci yang med do// rnam par 'byed pa yang mi dmigs so// gsal bar mi byed pa gang ci yang med do// gsal ba yang mi dmigs so// rab tu ston par mi byed pa gang ci yang med do// rab tu ston pa yang mi dmigs te/ bAn+d+ha pa'i blo gros 'di dag ni kyang byang chub sems dpa' rnams kyi ye shes sgrib pa med pa mthong bar 'gyu ba'i chos thams cad kyi ting nge 'dzin mngon par bsgrub pa zhes bya'o/ / 'di la gang mig gi chags pa med pa zhing 'di ni mi chags pa nyid ces bya'o// gang chos de lta bu dag la 'jug pa 'di ni ngos/ kyi mig ces bya'o// byang chub sems dpa' gang gis spobs pa mtha' yas pa nyid rjes su 'thob par 'gyur ba de ni ting nge 'dzin yin no// // bam po bco brgyad pa ste tha ma'o/ / // de nas bcom ldan 'das la/ byang chub sems dpa' sems dpa' chen po brtan pa'i blo gros kyis 'di skad ces gsol to// bcom ldan 'das slad ma'i tshe slad ma'i dus na/ gang dag ting nge 'dzin de la snyoms par 'jug cing / ting nge 'dzin des nges par 'byung la/ spobs pa mtha' yas pa yang thob par 'gyur ba'i byang chub sems dpa' sems dpa' chen po ji snyed cig 'byung bar 'gyur lags/ bka' stsal pa/ brtan pa'i blo gros phyi ma'i tshe phyi ma'i dus lnga brgya pa tha ma la bab pa na/ gang las ting nge 'dzin de thos pa'i byang chub sems dpa' de ni ting nge 'dzin des nges par 'byung ba yin zhing / dge sbyong de'i spobs pa mtha' yas pa yin par de'i mtha' khong du chud par bya'o// brtan pa'i blo gros gang khyod 'di skad du/ sems can gang dag ting nge 'dzin des nges par 'byung bar 'gyur ba de dag ji snyed cig 'byung bar 'gyur zhes zer ba ni/ brtan pa'i blo gros gang dag ting nge 'dzin de la sgom par byed cing / yid gzhan du mi sems la lan mang du byed pa de dag ni ting nge 'dzin des nges par 'byung bar 'gyur zhing / spobs pa mtha' yas pa yang thob par 'gyur la/ de bzhin gshegs pa mi 'khrugs pa las spobs pa mtha' yas pa nyid du bya ba'i phyir chos kyi skye spong brgyad brgya thob par 'gyur te/ brtan pa'i blo gros 'di ni no gcig tu mtshams sbyor ba'i tshig yin no/ / brtan pa'i blo gros chos kyi sgo de dag thams cad po 'di ni rim par byed pa'i tshig yin no// brtan pa'i blo gros de lta bas nas/ sgo ni ci nas khong du chud par bya ba yin/ ci nas 'jug par bya ba yin/ ci nas bsgom par bya ba yin no// de mtshan mar byas nas de yongs su chad pa ni rtag tu bsgom par bya'o// de bzhin dudamigs pa dag kyang bsgom par bya ba yin te/ las gcig po 'di ni sangs rgyas kyi sku yin no// de la 'di skad ces bya ste/ sangs rgyas byang chub de ni sems kyi brtags sems kyang gzugs med rang bzhin rnam par dag/ dmigs pa rnams kyis rgya cher gang gnas pa/ dmigs pa gzhan dang gzhan la 'jug par 'gyur// sems kyi yongs gcod so sor shes nas su/ / de bzhin dmigs la'ang chos 'di thams cad ni// rnam par rtog las byung ba yin par shes// gang du rtog mi skye ba de bsgom yin// sems kyi 'gyur ba'i rang bzhin shes par 'gyur/ / de bzhin dmigs pa nyid kyang shes par 'gyur// 'gro ba 'di kun gsob tu rab tu shes// rab tu shes pas dran pa rmongs mi 'gyur// de ltar chos de rab tu shes pas na/ / de ni sangs rgyas sku mang sprul par byed// de ni sku la'ang cung zad chags mi 'gyur// de bzhin de ni 'gro ba stong par shes// dmigs pa yi ni mtshan ma bzung nas su/ / sems dang lus kyis 'gyur ba mthong bar 'gyur// de phyir ting nge 'dzin de ni myur bsgoms pas// de yi shes pa de ltar chos la zhugs// chos bstan pa yis rnam par 'phrul par 'gyur/ / chos ston chen nam yang rmongs mi 'gyur// mi rnams kyi ni dge ba skyed par 'gyur// ring po mi thogs chos de'ang thob par 'gyur// sgo'i tshig mngon par sgrub pa'i le'u ste bcu gsum pa'o/ / // brtan pa'i blo gros chos bzhi dang ldan na ting nge 'dzin de bsgrub pa dang / gzhan dag la bstan par nus te bzhi gang zhe na/ ting nge 'dzin de thob par bya ba'i phyir/ brtson 'grus brtsams pa yin zhing / brtson pa mi gtong ba yang yin/ nyin mtshan du 'chag pa lhur len pas 'dug pas na/ byang chub kyi snying po mchog na bzhugs pa 'am/ chos kyi 'khor lo skor ba'i de bzhin gshegs pa de dag mngon du byed cing / chos la ser sna yang med pa yin// chos kyi sbyin pa yang sbyin par byed cing / bdag nyid dang chos nyan pa de dag de bzhin gshegs pa'i sku dag tu byin gyis rlob par byed la/ rang gi lus rnam par 'jig par byed kyang gang la yang mi gnas pa yin zhing / mi gnas bzhin du chos ston par byed pa yin/ de gnas pa de lta bu dang / spyod yul de lta bu dang / byin gyis rlabs de lta bur byas nas stan de la 'dug par byed cing / 'dug nas kyang chos kyi sbyin pa sbyin par byed pa yin te/ de ting nge 'dzin de thob par 'gyur ro// brtan pa'i blo gros kha cig gis ni chos kyi sbyin pa sbyin par byed pa na thob par 'gyur ro/ / kha cig gis ni phyis so// kha cig gis ni rtsom pa'i tshe'o// brtan pa'i blo gros chos gzhan bzhi dang ldan pas/ ting nge 'dzin de la sbyor bar bya ste/ brtan pa'i blo gros bzhi gang zhe na/ 'di la byang chub sems dpa' khyim gyi gnas nas mngon par byung ba yin/ bas mtha'i gnas mal na gnas shing dgon pa dang rab tu dkon pa la mngon par dka' ba yin/ de sems can gyi spyod pa la 'jug pa dag la rjes su rnam par bltas nas/ yul ji lta ba bzhin du gdams ngag dang rjes su bstan pa ston par byed pa yin/ byang chub sems dpa' mos pa ji lta ba rnams kyi spyod pa yang yang dag par rab tu shes pa yin no/ / brtan pa'i blo gros chos gzhan bzhi dang ldan pa ni dge ba'i tha shes gnyen du rig par bya ste/ bzhi gang zhe na/ tshar gcod pa'i tshig dang ldan pa nyid yin/ chos zab mo la sbyor bar byed pa nyid yin/ dus dus su gdams ngag gi tshig dang ldan pa nyid yin/ dus dus su yal bar 'jog pa nyid yin te/ chos gzhan bzhi po de dag dang ldan pa ni dge ba'i bshes gnyen du rig par bya'o/ / de la 'di skad ces bya ste/ sa dang phyogs ni rab shes shing / gang zag kyang ni rab tu shes// gang gis de dag myur 'byung ba'i// gdams ngag de la sbyin par byed/ / de la tshar gcad smra byed cing // zab mo la yang sbyor bar byed// de la dus su 'doms byed cing // dus su yal bar 'jog par byed// 'byor bci zhig smos kyang rung / / lhag par gleng bar byed kyang rung // de la gzung ba yod ma yin// de bas dus su yal bar 'jog/ brtan pa'i blo gros chos bzhi dang ldan pa ni/ dge ba'i bshes gnyen du rig par bya ste/ bzhi gang zhe na/ brtan pa'i blo gros 'di la dge ba'i bshes gnyen ni mngon par 'byung ba la sbyor du 'jug pa yin/ don zab mo nges par sems pa la sbyor du 'jug pa yin/ bsam gtan gyi dmigs pa dmigs pa thams cad la ma chags pa nyid la sbyor du 'jug pa yin/ mtshan ma med pa'i dmigs pa nyid la sbyor du 'jug pa yin te/ bzhi po de dag go// de la 'di skad ces bya ste/ rnam par dben pa'i dgon gnas dang // mngon par 'byung la sbyor gzhug bya// de yi bsngags pa / kun tu smra/ dge ba'i bshes gnyen de 'dra'o// zab mo nges pa'i chos rnams ni// dam pa'i don du sbyor bar bya// de ni bsam gtan rnams mi bstod// de dag bshes gnyen rab bzang yin// brtan pa'i blo gros chos bzhi dang ldan na ting nge 'dzin de bsgom par nus te/ bzhi gang zhe na/ rang gi blo bor nas slob dpon gyi blos 'gro bar bya ba yini/ brtson 'grus yongs su chad par mi brtsam par bya ba yin/ brtson pa mi gtong ba dang / dgon pa dang / rab tu dgon pa la mngon par dga' bar bya ba yin// bre mo'i gtam thams cad yongs su spang bar bya ba yin te/ brtan pa'i blo gros chos bzhi po de dag dang ldan pa'i byang chub sems dpas ni ting nge 'dzin de thob par nus so// brtan pa'i blo gros gzhan yang chos bzhi dang ldan na ting nge 'dzin de thob par nus te/ bzhi gang zhe na/ legs par bzung ba'i de bzhin gshegs pa la dmigs pas tha na rmi lam du rmi ba la gnas kyang / de bzhin gshegs pa mi spong ba yin/ legs par bzung ba'i chos bstan pa la dmig pas tha na rmi lam du rmi ba la gnas kyang / chos bstan pa la dmigs pa mi spong ba yin zhing / chos bstan pa la snyom las med pa yang yin/ dngos po thams cad rnam par 'jig pa nyid kyis chos zab mo la bzod pa thob pa yang yin/ dben pa la gzhol ba nyid kyis mi gnas pa'i bsam gtan pa yang yin te/ brtan pa'i blo gros chos bzhi po de dag dang ldan pa'i byang chub sems dpa' ni ting nge 'dzin de thob par nus so// la 'di skad ces bya ste/ gal te dge ba'i bshes gnyen gyis// 'di ltar rjes su 'thun 'doms byed// sangs rgyas rnams kyis bgrod bya ba// de mi spong bar du smra'o// brtan pa'i blo gros chos bzhi dang ldan pa ni dge ba'i bshes gnyen du rig par bya ste/ bzhi gang zhe na/ dge ba la sbyor bar byed pa nyid yin/ sdig pa las zlog par byed pa nyid yin// chos la yang rab tu gzhog par byed pa yin/ rjes su mthun pa'i rjes su bstan pa yang sbyin par byed pa yin te/ bzhi po de dag go/ de la 'di skad ces bya ste/ dge ba'i bshes gnyen rtag tu bsten par bya/ / gang dag sdig pa'i chos rnams zlog byed cing // rgyal bas gnang ba'i chos ni ston byed pa// skyes mchog de 'dra de dag bsten par bya// gang las chos ni 'byung bar 'gyur ba yin/ / dpa' bo dag ni rjes mthun gdams ngag sbyin// ji ltar bstan pa bzhin du chos la gnas// chos la gnas nas kyang ni khyad par 'gro// gang dag bsten par bya ba'i chos rnams sten/ / gang dag bsten par bya ba'i chos rnams shes// rnam par spang bar bya ba'ang rnam spangs nas// rgyal bas gnang ba'i chos rnams sten par byed// rang gi shes pas rab tu bstan pa'i phyir/ / byang chub sems dpa' gang zhig spobs 'dod pas// ting 'dzin de ni myur du bsgom par bya// dge ba'i bshes gnyen rjes su'ang 'brang bar bya/ / ji ltar bstan pa bzhin du yongs su spang // chos ni gang yang rnam par spang mi bya// chos gang kho na thob par 'gyur ba yin// de nyid phan pa'i don du bsten par bya/ / bsam pa thams cad kyis ni bsgrub par bya// de yis g.yo ni nges par bstan mi bya// dge ba'i bshes gnyen rtag tu bsten pa yis// de 'dra'i chos de don du gnyer bar bya/ / de phyir dge ba'i bshes gnyen bsten par bya// sdig pa'i grogs po yongs su spang bar bya// dge ba'i bshes gnyen las ni thos pa 'byung // de las ti 'dzin de yang myur du 'thob/ / brtan pa'i blo gros gzhan yang chos bzhi dang ldan pa'i dge ba'i bshes gnyen ni bsten par bya ba yin te/ bzhi gang zhe na/ gdams ngag kyang rab tu shes ba yin/ bsgom pa yang rab tu shes pa yin/ gdams ngag gi skyon yang rab tu shes pa yin/ bsgom pa'i skyon yang rab tu shes pa yin te/ bzhi po de dag go// de la 'di skad ces bya ste/ gdams ngag dang ni de bzhin bsgom pa'ang shes// de la de bzhin bsgom pa'i skyon dang ni// gdoms ngag skyon yang rab tu shes nas su// skyon med chos kyis sbyor bar byed pa yin/ / brtan pa'i blo gros chos gzhan bzhi dang ldan pa ni dge ba'i bshes gnyen du rig par bya ste/ bzhi gang zhe na/ 'di lta ste/ sa yang rab tu shes pa yin/ yul yang rab tu shes pa yin/ gang zag kyang rab tu shes pa yin/ spyod pa yang rab tu shes pa yin no// ji ltar sa rab tu shes pa yin zhe na/ gang zag dang 'tsham pas sa ji lta ba bzhin du rab tu shes pa'o/ / ji ltar gang zag rab tu shes pa yin zhe na/ spyad pas gang zag tu 'gyur ba ji lta ba de bzhin du rab tu shes pa'o// 'dod chags dang / zhe sdang dang / gti mug gi spyod pa dang rjes su mthun pa'i chos bstan pa la 'jug pa nges par bstan pas ni/ chags pa rnam par spong ba nyid kyi phyir chos gos gsum lhur len pa yin/ rab tu byung ba dang / khyim pa dag dang lhan cig ma 'dres pa yin zhing / rtsod pa rnam par spong ba dang / zab mo la bzod pa dang / stong pa nyid kyi spyod yul ba yin te/ brtan pa'i blo gros chos bzhi po de dag dang ldan pa ni/ ting nge 'dzin de thob par 'gyur ba'i dge ba'i bshes gnyen du rig par bya'o// brtan pa'i blo gros byang chub sems dpa' khyim pa chos bzhi dang ldan na/ ting nge 'dzin de thob par bya ba dang / ting nge 'dzin de la mngon par brtson par nus te/ de bzhi gang zhe na/ brtan pa'i blo gros 'di la byang chub sems dpa' khyim pas ni bslab pa'i gzhi la gzung bar bya ba yin/ za gcig pa lhur len pas gtsug lag khang du gnas par yang bya ba yin/ mang du thos par yang bya ba yin/ don rnam par nges pa la mkhas pa dang gang dag ting nge 'dzin de la gnas nas 'doms par byed pa'i dge ba'i bshes gnyen la bsten par bya ba yin te/ brtan pa'i blo gros byang chub sems dpa' khyim pa chos bzhi po de dag dang ldan na// ting nge 'dzin de thob par bya ba'i phyir sbyor bar bya'o// brtan pa'i blo gros chos gzhan bzhi dang ldan pas sbyor bar bya ste/ bzhi gang zhe na/ chos thams cad la mi gnas pas ting nge 'dzin de thob par bya ba'i phyir tshul khrims kyi phung po yongs su dag pa dang / 'tsho ba yongs su dag pa dang / 'gyod pa med par gyur nas lus dang srog la yang mi blta bar bya ba yin/ nyan du 'jug pa la yang ston pa'i 'du shes su bya ba yin/ de bzhin gshegs pa'i sku yang mngon du bya ba yin/ ser sna med par yang bya ba yin no// brtan pa'i blo gros chos bzhi 'di dag ni/ ting nge 'dzin de thob par bya ba'i phyir theg pa chen po lnga yang dag par zhugs pa rnams la phan 'dogs par 'gyur ba yin te/ bzhi gang zhe na/ lus la lus kyi rjes su blta bar bya'i/ lus dang ldan pa'i rtog pas brtag par mi bya ba yin/ tshor ba rnams la tshor ba'i rjes su blta bar gnas par bya'i/ tshor ba dang ldan pa'i rtog pas brtag par mi bya ba yin/ sems la sems kyi rjes su blta bar gnas par bya'i/ sems dang ldan pa'i rtog pas brtag par mi bya ba yin/ chos la chos kyi rjes su blta bar bya'i chos dang ldan pa'i rtog pas brtag par mi bya ba yin te/ brtan pa'i blo gros chos bzhi po de dag ni/ ting nge 'dzin de thob par bya ba'i phyir/ theg pa chen po la yang dag par zhugs pa rnams la phan 'dogs par gyur pa yin no/ / de la 'di skad ces bya ste/ gang dag nga yis brtag bsngags pa// dran pa nyer gzhag rnams sgom byed// dge slong gi ni spyod yul te ting 'dzin de ltar thob par 'gyur/ / lus ni mi rtag sgom par byed// lus la yang ni gnas pa yin// mi gnas pa yi sems kyis su// ting 'dzin de ltar thob par 'gyur// 'phrul rkang bzhi so sor rig pa bzhi// chos de btsal bas chos kyi ser sna med// tshul khrims phung por gnas nas bshes bzang bsten// ting 'dzin de btsal ston pa'i 'du shes sgom// de ni dkar po mang po'i rig/ de ni thos pa'i 'byung gnas yin// de bzhin bdud ni sel bar byed// de la rab tu sbyor bar byed// de ni de yi mig gis mchog/ chos kyi mig ni bla na med chos bstan pas ni su la yang / / de la sgrib par 'gyur ma yin// de ni mdo sde'i lung yin zhing // mang du thos pa'i lung yang yin// de las nga yi byang chub byung // de phyir de la bsten par bya/ / gang dag nga yis stobs bcu dang // so so yang dag rig bzhi bshad// kun kyang 'di las nges par byung // de phyir de la bsten par bya// gang gis thob cing cir 'gyur ba'i// ting nge 'dzin ni sangs rgyas bstan// spobs pa de ni bshad pa yis// zad par 'gyur ba ma yin no// de la 'bri ba nyid med cing // gang ba nyid kyang yod ma yin/ / kun nus so sor rtogs pas na// rgya mtsho bzhin du mi 'khrugs 'gyur// gang gis de ni thob 'gyur ba'i// ting 'dzin nga yis bshad pas na// phyi nas 'chad pa su yi yang / / bzhin la de ni lta mi 'gyur// lha dang klu dang mi 'am ci// mi dang mi ma yin rnams kyang // bshad pas de yi gdong du lta// mang por rnam par blta bar 'gyur// gang dag de yis rab bstan pa// de dag de yis gang nas thob// de la des ni ji ltar bslabs// ji ltar chos kyis khyad par 'phags// mdo sde de ni rab bshad pas// de dag bsam pa shes par 'gyur/ / ting nge 'dzin la bslabs pas na// sems can rnams kyi spyod pa shes// mdo sde 'di la blo brtan byos// gang dag nga yis sangs rgyas bstan// kun gyi mtshan ni shes bar 'gyur/ / de dag gi ni chos kyang shes// 'jig rten khams su mdo sde dag/ gang dag ji snyed bshad pa rnams// de dag nga la dmigs byas nas// de dag thams cad rab tu shes// 'jig rten mgon po de dag gi/ nyan thos bkur ba gang byung gyur// ting 'dzin de la gnas nas su// de dag thams cad rab tu shes// de dag bkod pa ci 'dra yi// sangs rgyas zhing ni rab tu shes/ / gang gis ting 'dzin rnams bsgoms pas// de dag gi ni sku tshe'ang shes// nyi ma gang dag byung gyur dang // zla ba phyed dang zla ba dang // lo ni khyud khor rangs pa dang / bskal pa de yang rab tu shes// gang dag phyogs bcu'i 'jig rten na// rdzogs pa'i sangs rgyas rkang gnyis mchog/ de dag de yis rab tu shes// de yis zhing kun shes par 'gyur// gang dag ston pa 'jig rten mgon// de dag gis ni mtshan rnams kyang // gang gis ting 'dzin bsgoms pa yis// de dag thams cad rab tu shes// gang dag skyob pas bshad pa yi// mdo sde de dag rab tu shes// nyan thos phun sum tshogs pa dang // 'jig rten mgon po de snyed shes// gang gis ting 'dzin 'di thob pa// blo gros brtan por 'gyur ba yin// sangs rgyas rnams kyi spyod yul gang / / de yang de yis 'dir shes so// bskal pa bye bar 'byung 'gyur ba'i// sangs rgyas gang dag ma byon dang // mtshan gang gdung rus gang yin pa// thams cad de yis rab tu shes// de dag rnams kyi tshe tshad shes// nyan thos rnams kyang rab tu shes// gang dag skyob pas 'chad 'gyur ba// de dag rnams kyi mdo sde'ang shes// / de yi sangs rgyas zhing ci 'dra// de dag gi ni bkod ci 'dra// sangs rgyas mya ngan 'das rnams kyi// chos ni ji srid gnas 'gyur ba// ting nge 'dzin la gnas nas su/ / de dag thams cad de yis shes// de lta bas na su gang zhig/ mang thos 'dod pas de bsten bya// ting 'dzin de ni bsten pa yis// de yis don yang shes par gyur/ / sangs rgyas ye shes 'jug pa yis// sgo de yin zhing blo gros brtan// de las don ni 'byung bar 'gyur// sangs rgyas ye shes 'jug par 'gyur// gang gi mtha' ni yod min pa'i/ / bsod nams de las thob par 'gyur// de tshe sangs rgyas gang 'byung ba// 'jig rten mgon po mi yi mchog/ rdzogs pa'i sangs rgyas ji snyed pa// de snyed de yis rab tu shes/ / mi gang byang chub rab zhugs nas// sangs rgyas re re re re'i yang // nyan thos dgra ni de snyed pa// de dag rnams la mchod par byed// spangs rgyas re re re re la'ang / / mchod pa'i don phyir nor bsags pa// stong gsum las ni mi nyung ba'i// 'jig rten khams 'di yongs su bkang // rjes su dpag pa de yis su/ nyan thos dang ni rgyal bar bcas// de la bskal pa rdzogs tshang bar// sangs rgyas kun la rim gro byed// 'jig rten mgon po grags chen po// gang dag ma byod sangs rgyas rnams/ / de dag la yang 'du byed 'gyur// de 'dra ba yi mchod pa'ang byed// bsod nams phung po ji snyed pa'ang // blo gros brtan pa de 'dzin byed// sangs rgyas ye shes bsam mi khyab/ / ye shes dam pa tshol bar byed// gang dag byang chub don gnyer bas// ting nge 'dzin 'di bsgom par bya// gang gis ting 'dzin 'di bsgoms pa// de ni thos pas 'phags par 'gyur// gang gis ting 'dzin 'di bsgoms dang // gang dag bsgom par 'gyur rnams kyi// bsod nams phung po de la ni// tshad yod do zhes nga mi sma/ ting nge 'dzin 'di bsgoms pa yi// bsod nams de ni rab tu mang // shes pa de ni rnam par 'phel// sangs rgyas mchod pas de lta min// me tog spos dang 'phreng ba dang // bza' ba dag dang btung ba dang // yo byad rnams kyis bsnyen bkur ba// de ni sangs rgyas bsnyen bkur min// brtan pa'i blo gros nga yis su// byang chub snying por chos gang rtogs// / chos der gang dag sbyor byed pa// de yis sangs rgyas bsti stang byas// gang yang chos de tshol byed cing // sangs rgyas mthong bar 'dod byed pa// de yis myur bar 'di 'dra'i chos// ting nge 'dzin 'di btsal bar bya// gang dag ting 'dzin de thob nas// dga' ba bzang po skyed byed pa// sangs rgyas stong phrag mang po dag/ de dag gis ni sngon chad shes// ting nge 'dzin gyi las kyi le'u ste bcu bzhi pa'o/ / / brtan pa'i blo gros gzhan yang mngon par shes pa myur ba nyid du bya ba'i phyir/ de bzhin gshegs pa'i mchod rten mchod pa dang / phyir bcos pa dang / byi dor bya ba lhur blang bar bya ste/ brtan pa'i blo gros de la rigs kyi bu 'am/ rigs kyi bu mo gang zhig de bzhin gshegs pa'i mchod rten byi dor byed pa de ni smon lam gyi mchog rnam par dag pa bzhi rjes su 'thob bo/ / bzhi gang zhe na/ gzugs kyi smon lam gyi mchog rnam par dag pa dang / ngal ba phun sum tshogs pa'i smon lam gyi mchog rnam par dag pa dang / yang dag par blang ba brtan pa'i smon lam gyi mchog rnam par dag pa dang / de bzhin gshegs pa blta ba'i smon lam gyi mchog rnam par dag pa'o/ / de la 'di skad ces bya ste/ smon lam dge bas bskyed pa yi// mngon 'grub de bzhin gshegs rnams 'byung // dmigs pa'i rab tu dbye ba yis// ji ltar sprul pa 'byung ba bzhin/ / zhabs mthil zhabs sor 'og 'khor lo// dpe byad las ni 'byung bar 'gyur// dpe byad bzang 'byor ci 'dra ba// de ni bshad byas de nyon cig/ de bzhin nga yi dpe byad rab tu gsal/ / nga yi sor mo dag la mthun par gnas// yang dag 'phags shing rjes su mthun par gnas// de yi yangs par gnas pa yang dag 'phags// de yi 'ong zer gnas pa mngon du 'phags/ / 'od zer bye ba ji bzhin rab tu snang // lhun po bzhin du 'od kyis yang dag byung // de yi steng na 'od zer dra ba can// snying po bsags pa'i dpe byad de dag la/ / de tshe 'od zer gnas pa bye phrag bcu// de tshe kun gyi ming ni gzhan dang gzhan// de tshe 'od dang mdog kyang gzhan dang gzhan// nga yi 'od zer gcig las 'od stong 'byung // de tshe thams cad kha dog du mar gnas// stong gsum gyi ni sa de bshig nas su// 'og tu de dag sangs rgyas mdzad pa byed// nga ni sangs rgyas 'od kyis byung ba yin// nga ni las kyi 'bras bus 'ongs ma yin// de bzhin gshegs pa'i 'od de mthong nas su// skyes pa bud med dag ni smyos par 'gyur// bskal ba bye ba mang por mngon par sprug// yang na sangs rgyas zhing bkod gzhan dang gzhan// gang du sangs rgyas mdzad pa ngas byas pa// de bzhin rgyal ba dag ni cho 'phrul sprul// nga yi ting nge 'dzin ni kun nas snang // sangs rgyas zhing ni kun nas snang bar byed// lhun po'i rgyal mtshan 'od zer zhes bya 'phags// dpa' bar 'gro ba zhes pa'i ting 'dzin 'phags// chos rnams kun gyis khyad par mthong ldan pa/ / rnam dag kha cig sangs rgyas sprul 'dir mthong // kha cig lhums zhugs mthong zhing btsas pa dang // 'jigs med mi skrag gom bdun 'dor 'dir mthob// bya bya// de ni rgyal ba byang chub 'tshang rgya snyam// sa yi snying por byang chub bzhugs par mthong // chos kyi 'khor lo skor bar 'gyur snyam byed// kha cig byang chub phyir ni spyod snyam byed/ / ting 'dzin gang la gnas nas rnam 'phrul pa'i// ting 'dzin gzi brjid de ni ci 'dra ltos// kha cig nga yi sku tshe bskal par sems// kha cig kyang ni bskal pa phyed du sems/ / de tshe kha cig par gyi bskal par sems// gnyis gsum bzhi dang de las lhag par yang // de tshe kha cig lo ni bye bar sems// kha cig gis ni mang nyung rab tu mthong / / 'dzam bu gling 'dir nga yi sku tshe ni// lo grangs brgyad cu yin par mi rnams shes// kha cig der ni sku tshe nyin mtshan shes// kha cig gis ni sku tshe ring por shes// stong gsum 'jig rten du ni lha rnams kyis/ / nyin mtshan ci 'dra de bzhin gzhan du sems// de dag ji ltar mos pa de bzhin shes// de bzhin du ni de la gdams ngag mdzad// ji ltar mos la de bzhin byin gyis rlob/ / ye shes de bzhin de yi de ltar bstan// de dag bstan pa mos pa skye bar 'gyur// 'di ni de yi rmad byung cho 'phrul yin// gal te rang gi gnas pa brtan gyur na/ / khams pa ma yin mi rnams myos par 'gyur// nga yi spyod yul gang dang gnas pa gang // de mthong dga' ba su zhig skye mi byed// de dag nga yi spyod yul shes nas su// de dag chos kyi 'khor lo bskor bar 'gyur// de tshe mos pa sna tshogs chos smra rnams// de dag nga yi spyod yul kun mi shes// gang gis kun mkhyen spyod yul mi shes pa// de dag chos kyi tshigs nyung ston par byed/ / de dag gi ni dmigs pa gang yang med// mthong nas de dag yid la gnod par 'gyur// gang dag rgyal ba'i chos nyid de shes pa// de dag yid la nam yang gnod pa med/ / 'di ltar chos mnyam nyid kyi spyod yul la// de dag thams cad rab tu gnas pa yin// gang dag nga yi mdun na thal sbyar cing // 'khod pa'i dge slong brgyad 'di ma gtogs par/ / blo gros brtan pa phyi ma'i dus na 'dir// mdo sde 'di 'dzin su yang 'byung mi 'gyur// blo gros brtan pa 'di dag rtag tu yang // 'das pa'i sangs rgyas mtshungs med spyod yul yin/ / de dag rtag par sngon du 'gro bar 'gyur// de dag chos ni snod du gyur pa yin// de tshe byang chub sems ni yang dag len// sangs rgyas rnams kyis rtag par bsngags pa'ang yin/ / ji ltar de dag nga yi mdun 'khod pa// de bzhin 'das pa'i dus na'ang ngas shes te// de dag gang+gA'i klung gi bye snyed kyi// rgyal ba de dag rnams kyi spyan sngar 'khod/ / de yi 'og tu lnga brgya 'khod pa yin// byang chub mchog de ngas kyang gzung bar bya// phyi dus rgyal ba'i ye shes de dag yin// brtan pa'i blo gros khyod kyang de la dpa'/ / gang dag chos kun gzung phyir zhugs pa ni// gzhan yang dpa' bo dung phyur phrug brgyad do// ngas kyang der ni chos mnyan bya ba yin// thos par gyur nas kyang ni chos de la/ / gnas par bya ste spyod pa mi zhan pa// de yi tshe na bstan par bya ba yin// de tshe ston pas byang chub mchog lung bstan// rang rang lung bstan pa ni thos nas su/ / dung phyur phrag brgyad dga' bas khyab gyur nas// ta la bdun srid mngon par 'phags par gyur// 'jig rten mgon pos kun dga' bka' stsal pa// phyi ma'i dus tshe sdig pa can der ni/ / chos 'di 'dzin par spro zhing nus 'gyur ram// mi spro zhes ni bcom ldan 'das la gsol// mkhyen bzhin rgyal ba 'od srungs bka' stsal pa/ 'od srungs chos 'di 'dzin par byed 'gyur ram// yongs su mya ngan 'das nas chos zung zhig/ mI stso lags so zhes te 'od srungs spyod// stong gsum 'jig rten khams 'di kyi bo dang / / rgya mtsho ri dang nags tshal bcas gzung zhing // khur gzhan mang po bskur bar spro lags kyi// khur 'di bskur bar bdag ni mi spro lags// slad ma'i dus na su zhig chos 'dzin lags/ / nga nyid dge slong shin tu dbang bgyi dka'// rjes su bstan pa 'di la gnas mi bgyid// 'jig rten 'dren pa mya ngan 'das ci smos// 'od srungs khyod ni rgas 'khogs gyur to zhes/ / slad dus bdag gi tshig bzhin yong mi bgyid// bdag gi rjes su bstan la gnas mi 'gyur// bdag cag 'di na mkhas shing don sems sam// sman dngags 'jig rten rgyang 'phen sems pa lags// de bzhin 'jig rten sgra yis gnas pa lags// bsam gtan de bzhin ting nge 'dzin spangs nas// de dag 'jig rten pa la spyod par 'gyur/ / rgyas pa tshe dang grags pa chen po lags// rtag tu 'jig rten gyis kyang mthong bar 'gyur// de dag bdag gis nam yang brtag mi nus// skyon rnams dam po dag ni mthong lags so/ / bdag ni gcig pur dgon par gnas pa na// lha zhig mchis nas bdag la 'di skad brjod// chos de 'dra bar rgyal ba rnams kyis bstan// 'phags pa'i chos la sems can mang po btul/ / dge slong bsam gtan ting nge 'dzin la mkhas// rnam thar rdzu 'phrul stobs kyi pha rol phyin// thos nas brgya byin dga' bar 'gyur ba lags de ring de la ngo mtshar ci mchis smra/ / phyi dus bdag gi thang du de mchis nas// de tshe yid mi bde bas ngu zhing ston// 'od srungs deng ni bstan pa 'jig par 'gyur// de thos bdag ni yid mi bde bar 'gyur/ / mang du 'chad par yang ni spro ma lags// mdo sde de ni 'dzin par spro ma lags// der ni de dag zhum par 'gyur ba lags// dge slong mchog tu bka' blo mi bde 'gyur/ / de tshe der ni lha tshogs ngu bar 'gyur// bcom ldan 'das kyis 'od srungs bka' stsal pa// chos kyi tshul ni 'dzin par mi nus par// 'od srungs de ni nga yis snga nas shes// mdo sde de 'dra de ni gang 'dzin pa// nga yi nyan thos gang dga' don med// gang dag mdo sde de 'dra de 'dzin pa// nga yis gang dag byin brlabs der ma gtogs/ / gang dag phyi nas the tsom med 'gyur ba// de dag the tsom de ni nga yis bcad// gzhan dag las ni mthu che gang yin pa// mdo sde de la ci phyir sngon ma spyad/ / de dag 'dzin pa'i dge slong gsar bu gzhon// mdo sde de dag rgyas pa chen po yin// grang dag chos de 'dra de mi 'dzin// 'di la ji ltar pha rol phyin par 'gyur// brtan pa'i blo gros nga yis bstan pa ni// gang dag gis ni de ring ma mthong gyur// de dag phyi dus 'jigs pa chen po'i tshe// chos de thos nas dga' ba thob par 'gyur// dran dmigs pa 'ba' zhig 'chad pa yin/ / 'jigs med nga yi tshig der dad par byos// gang gis 'di ni ston pa mthong gyur pa// de dag chos de 'dzin par spro bar 'gyur// ye shes de 'dra de ni tshol byed cing / / de tshe 'dren pa rnams la mchod par byed// ring bsrel mchod dang de bzhin mchod rten mchod// 'jigs med de dag der ni byed par 'gyur// yongs su gtad pa'i phan yon gyi le'u ste bco lnga pa'o// // de nas tshe dang ldan pa kun dga' bo stan las langs nas// bla gos phrag pa gcig tu gzar te// pus mo g.yas pa'i lha nga sa la btsugs nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo de'i phyir chos kyi rnam grangs 'di ni dge ba'i rtsa ba yongs su 'dzin pa zhes bya bar zung zhig/ bsod nams kyi tshogs kyi gnas zhes bya bar yang zung zhig/ byang chub sems dpa' grogs pa shes par yang zung zhig/ byang chub sems dpa' zhus pa zhes bya bar yang zung zhig/ the tsom thams cad gcod pa'i le'u zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' brtan pa'i blo gros dang / byang chub sems dpa' de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dge ba'i rtsa ba yongs su 'dzin pa zhes bya ba theg pa chen po'i mdo rdzogs so/ / / rgya gar gyi mkhan po pradz+wa lar ma dang / lo tsa ba ban ni legs kyi sdes bsgyur/ rgya bar mkhan po pradz+nyA war ma dang /

CLOSE WINDOW