'phags brten cing 'brel b.ra'abyung ba zhes bya ba theg pa chen po'i mdo rdzogs so// rgya gar skad du/ Ar+ya bo d+hi sad tra tsAR+Ya ni de shan nA ma mahA yA na su tra/ bod skad du/ 'phags pa byang chub sems dpa'i spyod pa bstan pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo/ / 'di skad bdag gi thos pa'i dus gcig na/ bcom ldan 'das yangs pa can na/ tshal chen po'i khang pa brtsegs pa'i gnas na/ dge slong stong tham pa'i dge slong gi dge 'dun chen po thams cad kyang dgra bcom pa/ zag pa zad pa// nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po// bya ba byas pa/ byed pa byed pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag ba'i shes pas sems shin tu rnam par grol ba/ sems thams cad kyi dbang gi dam pa'i pha rol tu son pa/ spyod lam zhi ba dang / dul ba dang / rnam par grol ba dang / ma brtags pa dang / ldan pa sha stag la 'di lta ste/ tshe dang ldan pa kun dga' bo gang zag gcig ni ma gtogs te/ de yang bcom ldan 'das kyis nyams su len par bka' stsal te/ tshe 'di nyid la lung bstan pa dang / byang chub sems dpa' stong tham pa thams cad kyang phyir mi ldog pa/ thams cad kyang gzungs thob pa/ thams cad kyang mnyam pa nyid kyi bzod pa dang ldan pa/ thams cad kya ji skad smras pa de bzhin du byed pa'i sa thob pa/ mkhas pa drang po dad pa dang ldan pa/ rtog pa mang ba/ dang ba/ gtso bor byed pa/ bzhin 'dzum pa/ khro gnyer med pa/ g.yo med pa grub pa dang ldan pa/ chos thams cad kyi rang bzhin rjes su rtogs pa/ chos bstan pas yongs su mi skyo ba/ sangs rgyas kyi ye shes yang dag par skyes pa/ yongs su smin par byed pa/ ldem po dag la phyin ci ma log pa'i bzod pa dang ldan pa/ yul thams cad phyin ci ma log pa'i sa dang ldan pa/ dus shes pa/ tshod shes pa/ skabs shes pa/ ran pa shes pa/ rgod pa med pa/ khengs pa med pa/ spyod lam tha mal pa/ phun sum tshogs pa/ stong pa nyid kyi ting nge 'dzin la mkhas pa 'byung ba dang / 'jig pa yongs su spangs pa smon pa med pa'i ting nge 'dzin dang ldan pa/ 'khor ba la yun ring du spyod pa la bzhugs pa/ mtshan ma med pa'i ting nge 'dzin dang ldan pa/ spros pa'i rnam pa thams cad kyi mtshan ma legs par bzung ba/ sems can yongs su smin par bya ba la mkhas pa/ 'du shes thams cad dang 'bral ba/ nyan thos kyi theg pa rnam par gzhag pa la mkhas pa/ chos bstan pa yang dag pabapar dbye bar 'jug par byed pa/ rang sangs rgyas kyi theg pa ston pa nye bar zhi ba'i bsngags pa brjod par/ byang chub sems dpa' yang dag par slong ba/ spyod pa ji lta ba bzhin du zhes 'gras ba med par ston pa sha 'di lta ste/ byang chub sems dpa' sems dpa' chen po byams pa dang / 'jam dpal gzhon nur gyur pa dang / spobs pa rtsegs pa dang // lag na rin chen ldan dang / spos 'od dang / mtha' yas snang blo gros dang / ngan song spong dang / don grub sems dpa' dang / yon tan rgyal po snang dang / mya ngan gyi mun pa thams cad sel ba'i blo gros dang / mi mnyam pa thams cad ston pa dang / de'i rang bzhin du mi gnas pa dang / blo mtha' yas dang / brtson 'grus dang / rtsal brtan por sems pa dang / rin chen 'byung gnas dang / bkod pa'i rgyal po dang / rnam par 'phrul pa'i rgyal po dang / 'khrul pa med pa'i mthu rtsal dang / khyad par blo gros dang / kun nas mdzes dang / sgrib med ston dang / rnam par rtse dang / gser mchog 'od dpal dang chos thams cad la rtag tu lta ba'i blo ldan dang / spos dri myur spyan me tog kun tu rgyas dang / gtso bo rtsegs dang / mya ngan med pa'i dpal dang / lhun po'i lto dang / spyan ras gzigs dbang phyag dang / spos kyi dbang phyug rgyal po dang / mchog dga' ba'i rgyalo dang / blo mtha' yas bsgrub pa dang / dam pa'i chos thams cad mi brjed par gnas pa dang / byang chub sems dpa' sems dpa' chen po seng ge ltar sgra mngon par bsgrags pa dang / de dag dang byang chub sems dpa' stong phrag mang po gzhan dag dang yang thabs gcig tu bzhugs so// de nas bcom ldan 'das snga dro'i dus kyi tshe/ sham thabs dang chos gos gsol te/ lhung bzed bsnams nas/ dge slong nyis stong gis bskor cing mdun du bdar te yangs pa'i grong khyer chen por bsod/ snyom la gshegs nas/ bcom ldan 'das kyi zhabs sgo'i them pa la bzhag ma thag tu sangs rgyas bcom ldan 'das rnams grong khyer du gshegs pa na/ ngo mtshar rmad du byung ba'i chos rnams 'byung bar 'gyur ba gang dag yin pa de dag byung ste/ long ba rnams ni mthong bar gyur/ 'on pa rnams ni thos par gyur/ smyon pa rnams ni dran pa rnyed par gyur to// lha'i me tog gi char yang bab bo/ / snang ba chen po yang byung ngo // srang yang dri med par gyur to// lha'i sil snyan yid du 'ong ba dag kyang ma brdungs par grag go// mnar med pa'i sems can dmyal ba la thug pa nasa'og min gyi gnas man chad kyi sems can thams cad kyang gcig tu nges par bde ba dang ldan par gyur to/ / de'i tshe yangs pa'i grong khyer chen po nA li tsa byi seng ge'i bu rin chen byin zhes bya ba skyes nas lo sum lon pa/ ma ma'i phang pa na 'dug pa/ khang bzangs rgyan gyis brgyan pa'i khang bzangs kyi steng na 'dug ste/ khye'u rin chen byin gyis rmad du 'byung ba'i mtshan ma dag mthong ngo / / de nas khye'u rin chen byin gyis rang gi ma ma la tshigs su bcad de smras pa// ma ma gang gi mthu stobs kyis// shin tu ya mtshan byung ba snang // nyi ma bye ba rnams kyi 'od/ / zil gnon snang 'di su zhig yin// stong gsum sa gzhi khyab gyur nas// ngan gro skems par byed pa yi// rdzu 'phrul snang ba gang yin 'di// ma ma bdag la myur du smras// dus min me tog char ba yin/ / sangs rgyas zhing mtshams med par mdzes// phyogs rnams bya yi tshogs rnams kyis// skad snyan pas ni khyab par gyur// srung yang me tog rnams kyis khebs// me tog gdugs kyang rnam par bres/ / skyes pa bud med dga' rnams kyis// kun nas rab tu mdzes par 'dug/ long ba rnams kyis mig kyang thob// 'on pa rnams kyi sgra yang thos// byang ngan byad gzugs phun sum tshogs/ / mdog ngan kha dog phun sum tshogs// g.yeng ba rnams kyang dran pa rnyed// lce med tshig ni rnam par dag/ sems can byams pa'i sems med pa// byams pa'i sems dang ldan par gyur/ / ma ma sems can khyad par can// rdzu 'phrul grub pa mthu ldan pa// 'jig rten dag na rgyu ba 'di// su yin dag la kun myur smros// de nas khye'u rin chen byin gyi ma mas khye'u rin chen byin la tshigs su bcad de smras pa/ / rnam par dag pa spyod mchog ldan// rgyal ba dri med blo mi dman// bsam yas ma lus yongs su dag/ dbang ldan yon tan rin chen 'phags/ / 'jig rten mgon po 'khras sa mig/ de bzhin gshegs pa rtsa lag 'di// blo ldan bsod snyoms don tu gshegs// 'jig rten chos la rten pa med// 'di la sdug dang mi sdug sogs/ / 'jig rten pa yi rtog mi mnga'// pad+ma chu las skyes par ltar// mnga' bdag mi gos spyod par mdzad// blo gros ldan pa the tsom gcod// phan mdzad thugs rjer ldan pa de/ 'gro ba'i sdug bsngal bsal ba'i phyir// rnam par 'dren pa 'dir gshegs so// bstod kyang dgyes par mi 'gyur la// smad kyang 'khrug par mi 'gyur te// khong khro rjes su chags pa spa// / chags med rgyu ba rlung dang 'dra// 'di ni chos rgyal dam pa ste// ye shes zab mo phun sum tshogs// don dam ngon la mkhas pa po// 'gro ba'i slob dpon gshegs pa yin// de ni dbu ma ston pa ste/ / yod med 'dzin las rnam par grol// chos lam ldan zhing zhi ba ste// rten pa thams cad yongs su spangs// ye shes phung po bdag med bdag/ bsod nams chog rnams bsags pa yi/ / bde gshegs 'jig rten 'dren pa'o// mtha' yas gzugs can deng gshegs so// dbu skra g.yas su 'khyil bar gnas// 'jam zhing mdog snum lhung lo can/ / gnag cing 'dzings pa med rnams kyis// de yi dbu ni rnam par mdzes// gtsug tor g.yas su 'khyil ba ste// dbu skra 'khyil cing legs par gnas// ri rab rtse mo 'dra bar ni/ / de yi smin mtshams mdzod spu mdzes// 'jam zhing g.yas su 'khyil ba ste// 'od ni shel dang zla ba yi// 'od zer dra ba mang bris lhag/ de yi zhal nas sman mdzes bA/ me tog ut+pal sngon po 'dra// ba yi rdzi mi yongs su dag/ mi dmar ma 'dzings zhi bar gzigs// dpal ldan seng ge 'gram pa 'dra// de ni rtag tu zhal yang 'dzum// spros ni bim pa bzhin du dmar/ / zhal mdzes lus can kun 'dren pa// mthu stobs chen po phun sum tshogs// bsod nams brgya pa'i stobs mnga' ba// tshems kyi 'phreng ba spa ba'i 'od/ / snyoms shing thags bzang yongs su dgra/ de yi tshems ni shin tu dkar// ljags ni shin tu ring zhing srab// bdag nyid kyi ni zhal gyi ngos// de yis kun tu khyab par gnas/ / dpal ldan dbu ni gdugs dang 'dra// de bzhin de ni shangs kyang mtho// mdog ni btso ma'i gser dang 'dra// de yi zhal gyi 'phral ba dzes// de yi zhal gyi smin tshugs na// 9 / dog mthon mthing shin tu sdug/ zhi ba'i spyan ni mdzes pa ste// snyan gyi drung du thug par gnas// snyan shal ring la rab tu 'phyang // zhal mdzes ston gyi zla bas lhag/ zhal rAs pad+ma rnam dag 'dra/ / zhal mdangs dkar la dang sa ging bas pa/ rtan po tshas pa'i sgra gad lngan// de gsung ka la bang ka'i 'dra/ de yi gsung bzang yid du 'ong // 'jam zhing sems can tshim par byed// rma bya ngang pa mi 'am ci/ ne tso ri skegs khu byug dang // 'brug sgra khrung khrung kun la// shang shang te'u dang gling bu dang // rdza rdza'i sgra dang gzhan dag kyang // sgra skad snyan pa ci yang rung // de dag de bzhin gshegs pa yi// / gsung gi bcu drug char mi phod// skul mdzad de bzhin mnyen pa ste// de ni snyan cing 'jam pa dang // yid 'ong dga' byed gsal ba te// skyon dang bral zhing 'jigs pa med// ra ba rnams la char rgyun ltar// sems rgyun tshim par byed la zhi// ma nyams ma 'khrul rab tu zhi// de bzhin dag cing brda phrad sla// skal dang ldan zhing snyan par ldan// don dang yon tan thams cad tshogs// gsung gi rgyan rnams phun sum tshogs/ / de yi gsung ni dge skyed pa// sems can mos pa tha dad dang // de bzhin des tshigs tha dad rnams// de yi gsung la nges par dad // yid kyang rab tu dga' bar 'gyur// des ni phyogs bcu'i 'jig rten khams/ / gnas pa'i sems can gsung gis khyab// mgon po de yi gsungs tshig ni// sems can rnams la don yod 'jug/ thub pa skye mchog de yi na// mgur yang dung 'dra dpung 'go zlum// de yi thal gong rgyas pa ste// de ni bdun po mtho ba mnga'// de yi phyag kyang rab tu ring // lpags pa gser mchog 'dra ba ste// gser gyi sdong po bzhin du mtho// n+ya gro d+ha ltar chu zheng gab// thugs ka dpal gyi be'us brgyan te// 'khor lo'i mtshan can pad+ma'i phyag/ shing bal 'dab ltar reg na 'jam// de yi phyag gi sor mo ring / / spu rnams re rer skye zhing yang phyogs stug la 'jam// brang gi phel ka che lar bu lte ba zag/ phyal dbyibs gzhu 'dra glang chen bzhin du sbubs su nub// rdza ngar e ne ya 'dra mdangs dkar 'dam bu'i sbubs/ / long bu mi mngon de yi rting pa legs par grub// de bzhin drang srong sor mo rang zhing sen mo dmar// bde bar gshegs kyi zhabs kyi long bu mi mngon te// 'khor lo/ thugs kyu bkra shis ldan dang dung gis smras// mgon po de yi zhabs gnyis mnyam zhing legs gnas dang // shing bal bzhin du reg na 'jam zhing bzang ba dang // me tog ut+pal dmar po legs par skyes pa yi/ / kha dog 'dra bas sa gzhi bdag la gshegs par mdzad// de bzhin gshegs pa seng ge'i sgra sgrogs bde sbyin pa// 'gro ba rnams kyi gtso bo de ni 'dir gshegs te// g.yod gis 'jigs pa med par seng ge'i sgra skad kyis/ / gnyis su med cing spros pa med pa'i chos kyang ston// de nas khye'u rin chen byin gyi bdag gis ma ma la 'di skad ces smras so// ma ma bdag skar khung 'dir zhog shig dang / / de bzhin gshegs pa la blta'o// de nas ma ma des khye'u rin chen byin skar khung du bzhag go/ de nas bcom ldan 'das kyis khye'u rin chen byin gyis sems kyi yongasu rtog pa thugs kyis mkhyen nas/ / srang de kho nar gshegs so// khye'u rin chen gyis kyang // bcom ldan 'das gshegs pa mthong ngo // mthong nas de 'di snyam du sems te// gang dag de bzhin gshegs pa yon tan thams cad dang ldan pa 'di lta bu mthong na/ / byang chub kyi sems skyed par mi byed pa de dag ni rnyed pa nyes par rnyed pa'o snyam mo// de nas bcom ldan 'das khye'u rin chen byin gyis sgo'i drung du gshegs so/ / de nas khye'u rin chen byin 'di snyam du sems te/ sems can khyad par can 'di lta bu ni bskal pa bye ba phrag 'bum du yang rnyed par dkas/ khang bzangs 'di las bdag gis mchong bar bya'o snyam mo/ / de nas de'i tshe khye'u rin chen byin gyis ril gyis gser las byas pa'i pad+ma 'dab ma 'bu ma dang ldan pa rtsen pa lag mthil du khyer ro// de nas khye'u rin chen byin gyis khang bzangs de las bdag nyid kyis mchongs so/ / de sangs rgyas kyi mthus nam mkha' bar snang la 'dug go/ de nas khye'u rin chen byin gyis ril gyis gser las byas pa'i pad+ma 'dab ma 'bum dang ldan pa de bcom ldan 'das la phul lo/ / de khye'u rin chen byin gyi lag nas btang nas/ bcom ldan 'das kyi dbu'i drang thad kyi nam mkha' bar snang la pad+ma'i gdugs su byas te rin po che'i dra ba yang bres so/ / de nas de'i tshe khye'u rin chen byin gyis tshigs su bcad pa 'di dag smras so// sangs rgyas pad+ma 'di phul ga/ bdag ni ci yang mi 'tshal te// don rnams thams cad grub slad du// bdag ni byang chub mchog 'tshal lo// ji ltar byang chub ma skyes la// thob pa ma mchis gshegs ma mchis// blang du ma mchis dor ma mchis/ / de ltar bdag gis me tog 'bul// byis pa rnams kyi don gang brtags// rtags pa de ni don ma mchis// rtog pa thams cad slad du// gang zag mchog la bdag mchod bgyid/ / de phyir me tog phul ba 'di// bdag la rnam smin 'bras ma gyur// dngos po thams cad gcad slad du// pad+ma 'di ni bdag gis phul// bdag gis sangs rgyas zhing du ni/ rgyal mchog theg pas 'gro ma gtogs// nyan thos kyi ni ming yang rung // rang rgyal ming 'byung ba 'gyur// de nas tshe dang ldan pa mo'u 'gal gyi bu chen pos khye'u rin chen la tshigs su bcad de smras pa/ / khyod ni ston pa 'di 'dral// dad pas mchod pa byed mos kyis// blo gros phyin ci log gyur na// sangasA rgyas su ni ji ltar 'gyur// de nas khye'u rin chen byin gyis tshe dang ldan pa mo'u 'gal gyi bu chen po la tshigs su bcad de smras pa/ / 'di dag thams cad ma skyes te// 'dus byas dag ni gsob dang gsog/ de 'dra ba yi chos rnams la// dngos khor 'gyur ba ga la yod/ / khyod kyis chos gos ngur smrig bgos// dgra bcom nyid du 'dzin par byed// rnam shes 'di dang spyod yul yang // stong pa kho na ma yin nam// dmigs pa ni gnas bcas pas/ / sangs rgyas bye ba ma mnyes byas// bye ba de yang zhi bar mthong // su yang ma mnyes byas pa med// mo'u 'gal gyi bu la da dung yang // dmigs pa 'jug pa yod dam ci/ / khyod kyi sems ni gang zhig gis// yon yang yongs su sbyong bar byed// de nas tshe dang ldan pa mo'u 'gal gyi bu chen pos khye'u rin chen byin la 'di skad ces smras so// khye'u ci de bzhin gshegs pas bla na med pa yang dag par rdzogs pa'i byang chub mngon par rdzogs par spangs ma rgyas sam/ chos kyang ma bstan tam/ khye'u rin chen byin gyis smras pa/ me'u 'gal gyi bu mkhas pas ni byang chub spros par mi bya'o/ / de bzhin gshegs pa yang rlom sems su mi bya'o// chos mi skye'o snyam du skrag par mi bya'o// chos thams cad 'dus byas so snyam du skrag par mi bya'o/ / chos thams cad 'dus ma byas so snyam du skrag par mi bya'o// de bzhin sbyar te// chos thams cad skye ba dang / mi skye ba dang / dngos po dang / dngos po med pa zhes bya ba dang / 'dzin pa dang / gtong ba zhes bya ba dang / phrad pa dang bral ba zhes bya ba dang / 'gro ba dang 'ong ba dang / gnas pa dang / pho ba dang / 'dod chags kyis chos dang zhe sdang gi chos dang / gti mug gi chos dang / chos dang / chos ma yin pa zhes brtag par mi bya'o// ma rig pa la sogs pa nas/ so so'i skye bo'i chos rnams dang nyan thos kyi chos rnams dang / rang sangs rgyas kyi chos rnams dang / sangs rgyas kyi chos rnams dang / kun nas nyon mongs pa'i chos rnams dang / rnam par byang ba'i chos rnams dang gzug can dang / gzugs can ma yin pa dang / 'du shes dang / 'du shes med pa dang / mtshan nyid dang / mtshan nyid med pa dang / spyod pa yongasu dag pa dang / mnyam pa nyid dang / mi mnyam pa nyid dang / lus dang / sems dang / chos thams cad tshul bzhin dang / tshul bzhin ma yin pa zhes bya ba'i bar du skyes par 'gyur zhes skrag par mi bya'o// mo'u 'gal gyi bu di ji snyam du sems/ de bzhin gshegs pa bla na med pa yang dag par rdzogs pa'i byang chub mngon par 'tshang rgya 'am/ smras pa/ de ni ma yin no// smras pa/ ci de bzhin gshegs pa de bzhin nyid la ma gtogs pa dang / byang chub de bzhin nyid la ma gtogs pa dang / so so'i skye bo de bzhin nyid la ma gtogs par 'dod dam/ mo'u 'gal gyi bus smras pa/ de ni ma yin no// khye'us smras pa/ me'u 'gal gyi bu khyod spros pa med pa la spros par byed dam/ mo'u 'gal gyi bus smras pa/ kho bo ni 'jig rten gyi kun rdzob kyi sgo nas ston to/ / khye'us smras pa/ mo'u 'gal gyi bu 'jig rten ni brdzun pa slu ba sgyu ma'i rnam pa byis pa 'dris par byed pa'o// mo'u 'gal gyi bus smras pa/ gal te 'jig rten 'di brdzun pa slu ba'i chos can yin na/ bstan pa 'di yang brdzun pa slu ba'i chos can yin na// khyod ci'i phyir ston par byed/ smras pa/ mo'u 'gal gyi bu chos thams cad ni bstan du med pa ste/ de dag ni bstan par bya ba ma yin/ thob par bya ba ma yin/ mngon sum du bya ba ma yin/ spang bar bya ba ma yin/ yongs su shes par bya ba ma yin/ bsgom par bya ba ma yin no/ / mo'u 'gal gyi bus smras pa/ 'o na khyod kyis gang gis don du de bzhin gshegs pa mchod/ khye'us smras pa/ mo'u 'gal gyi bu khyod de bzhin gshegs pa 'am/ sbyin pa po'am/ sbyin par dmigs sam/ de nas tshe dang ldan pa mo'u 'gal gyi bu cang mi smra bar gyur to// khye'u rin chen byin gyis smras pa/ mo'u 'gal gyi bu bdag gis de las bsams nas/ de bzhin gshegs par 'gyur ba yongs su spangs te/ nyan thos kyi theg pa la sems skyed par byed pa gang dag yin pa de dag ni/ rnyed pa nyes par rnyed pa'o zhes de skad kyi tshig smras so// mo'u 'gal/ gyi bu smras pa// khyod ni na chod shin tu gzhon// shes rab kyis ni rgya mtsho bzhin// khyod kyis ji srid tsam zhig nas// chos 'di dag la bslabs par gyur// khye'u rin chen byin gyis smras pa/ bslab pa thams cad rnam 'jig pa/ / bslab pa gang yin de bslab min// gang lnga bslab pa med pa de// mkhas pa rnams kyi bslab pa yin// don gang khyod kyis bdag dris la// sems can 'du shes gnas pa ste// 'dir ni chos rnams thams cad la// gang la'ang skye ba mi rnyed do// byis pa rnams ni byang chub dang // 'khor ba nyid du rtog par byed// 'dir ni da dung btsun pa khyod/ / byis pa'i chos la 'brang ngam ci// ring po 'am yang na thung ngu zhes// mkhas pa dag ni rtog mi byed// chos kun snying po med par ni// de bzhin de dag khong du chud// byis pa 'am byas pa'i chos rnams sam/ / sangs rgyas chos sam rgyal ba'ang rung // blo ldan tha dad mi 'byed kyis// stong pa nyid la de ltar ltos// drang srong chen pos byang chub thob// de ni mi rigs brtags pa yin/ / chos 'di la ni skye med na// mya ngan las 'das pa ji ltar thob// chos rnams mtha' yas rab tu gsungs// sems can 'gro ba'ang dngos po med// mya ngan 'das dang 'khor ba la// tha dad dbyer med gzung bar gyis// 'di la rnam pa thams cad du// bsnan dang dbri ba ci yang med// tha dad med pa'i chos rnams la// mkhas pa rnams ni rmongs mi 'gyur// byis pa rnams kyis thob cing snyed/ / byis pas mya ngan 'das pa thob// 'khor ba lani kun chags// rlom sems bdud kyi 'ching ba yin// gang gis blo la ngas thob snyam// ngas ni ci yang thob pa med/ de yi yang srid 'gro ba yi// ma rig pa la'ang 'jug par 'gyur// byang chub snying por 'dug nas ni// mthong ba med cing spangs pa'ang med// sangs rgyas rnams kyi byang chub 'di/ / tha snyad yin te don du min// byang chub dang ni mya ngan 'das// tha snyad dag gis brjod mi nus// gang dag de ltar yang dag mthong // de dag chos nyid rnam par shes// de nas bcom ldan 'das la tshe dang ldan pa shA ri'i bus 'di skad ces gsol to/ / bcom ldan 'das khye'u rin chen byin gyis yun ji srid gcig nas chos 'di la spyod lags// bcom ldan 'das kyis bka' sprul pa/ / gang gi tshe de bzhin gshegs pa mar mi mdzad kyis nga mi skye ba'i chos la bzod pa thob par 'gyur ba lung bstan pa de'i tshe/ 'di mar med mdzad kyi gsung rab la stong pa nyid la gnasapa byang chub sems dpa' rnams kyi mchog tu gyur to/ / gang gi tshe ngas bla na med pa yang dag par rdzogs pa'i byang chub tu dang po sems bskyed pa de'i tshe/ 'dis bzod pa thob nas bskal pa sum 'bum lon no/ / shA ri'i bus gsol pa// bcom ldan 'das khye'u rin chen byin/ bla na med pa yang dag par rdzogs pa'i byang chub mngon par rdzogs par sangs ma rgyas pa'i rgyu ni gang lags/ rkyen ni gang lags/ bcom ldan 'das kyis bka' stsal pa/ khyod kyis khye'u rin chen byin 'di nyid pa dris shig dang / 'di nyid kyis khyod la ston par 'gyur ro// de nas tshe dang ldan pa shA ri'i bus/ khye'u rin chen byin la 'di skad ces smras so// ci'i phyir khyod blan med pa yang dag par rdzogs pa'i byang chub mngon par rdzogs par sangs ma rgyas/ rin chen byin gyis smras pa/ bla na med pa yang dag par rdzogs pa'i byang chub ma dmigs pas na/ de'i phyir bdag mngon par rdzogs par 'tshang mi rgya'o// shA ri'i bus smras pa/ 'o na ci de bzhin gshegs pa 'di mngon par rdzogs par sangs rgyas pa las na dmigs pa la spyod dam/ rin chen byin gyis smras pa/ gal te de bzhin gshegs pa mngon par rdzogs par sangs rgyas par 'dzin na ni/ de dmigs par 'gyur ba zhig na/ chos gsung ba ni mngon par rdzogs par sangs rgyas par yang mi mdzad la/ spong bar yang mi mdzad do// shA ra'i bus smras pa// khyod chos bzhi sgrub pa dang / yongs su smin pa mnyam pas/ bzod pa gang la gnas/ khye'u rin chen byin gyis smras pa/ bdag gis ni chos cig kyang yongs su grub par yang dag par ma mthong na/ bzhi lta ci smos/ 'di la yang dag par 'grub pa gang zhig yod de/ chos rnam par rig pa zhes bya ba 'di ni dmigs pa'o// byang chub ces bya ba 'di ni dmigs pa'o// de bzhin gshegs pa zhes bya ba 'di ni 'dzin pa'o// grol ba zhes bya ba 'di ni spros pa'o/ / shA ri'i bus smras pa/ rigs kyi bu khyod 'di lta bu'i chos rnams la spyod la/ rdzus te skye bas sangs rgyas rnams mngon sum du gyur par skye zhing / rtag tu rab tu byung ba 'di ni ngo mtshar to/ / de nas de'i tshe khye'u rin chen byin gyis tshigs su bcad pa 'di dag smras so// skye dang de bzhin skye med gnyis ni spros pa te/ kun tu rtog pa'i sa dang bdud kyi spyod yu yin/ lus la sogs pa'i chos 'dzin rlom sems 'dod pa yi// lha dang lha min 'gro ba rnams ni 'dir brlag go// rgyal bas bdud rtsi 'dus ma byas pa brnyes snyam du// de ltar gang dag bsam pa rab tu 'jug byed pa/ / de dag sangs rgyas la ni sku ngas gsol bar byed// brnyes kyang 'di la 'dren pa rnams kyi brnyed pa med// 'dir ni skye bo mang po dag/ rab tu byung nas rang byung rlom/ / sems kyi dmigs pas rnams 'khrul nas// bstan pa la ni sun 'byin rnams// bdud rtsi bdag gis thob bo zhes// thob pa'i nga rgyal can dag smra// skyobs pa/ shAkya seng ge yi// bstan pa la ni spros pa med// sems kyi rnam pa thams cad du// sems kyis ngo bo nyid mi rtogs// de bzhin rnam 'dren gsungs pa yi// lta ba de ni rang bzhin med/ spyan dag rgyal bas gsungs pa yi// lnga pa la ni lta ba med// de phyir shes rab ldan pa ni// bdag nyid grol snyams 'dzin pa med// mtshan mar 'dzin pa sgom pa rnams// bdag tu dmigs pas rmongs par gyur/ / mkhas pa ma yin kha cig ni// yang dag ma yin stong pa spong // dngos po rmi lam sgyu ma 'dra// rang gi blos ni btag nas kyang // mi mkhas de dag dngos po rnams/ / gzhig phyir mya ngan 'das pa smra// lus la yang ni rten bcas nas// tshul khrims 'du shes rnam par 'jig/ sems kyi dmigs padag la yang // bsam gtan 'du shes rnam par 'jig/ de bzhin bshes rab dmigs nas kyang // sa bon 'du shes rnam par rmongs// 'jig rten 'jig rten mkhas rnams gyis// de dag chos kyi rkun por brjod// 'di 'dra ba yi chos rnams la// chos rnams 'od gsal nyon mongs med// 'o na rab tu byung ba'i don// khyod kyis bdag la ji skad brjod// chos rnams thams cad tha dad med// 'di dag brag cha 'dra ba yin/ / mkhas pa de dag nam du yang // 'phags pa'i spyod yul rtog mi byed// gzhan min mtshan nyid de bzhin nyid// gzhan dag tu ni yong mi 'gyur// chos rnams 'gyur ba med pa la/ / rang 'byung brtags pas ci zhig bya// de nas 'jam dpal gzhon nur gyur pas/ khye'u rin chen byin la 'di skad ces smras so// khye'u byang chub ces bya ba de gang gi tshig bla dgas yin/ rin chen byin gyis smras pa/ 'jam dpal byang chub ni tshig gi bla dgas med pa'o// 'jam dpal gyis smras pa/ khyod ci las bsams te de skad smra/ rin chen byin gyis smras pa/ 'jam dpal chos nyid ni bsam du med pa yin na/ de dag gis ji skad bsams te bstan par bya/ 'jam dpal gyis smras pa/ 'di la las dang po pa'i byang chub sems dpa' la ji ltar gdams ngag bstan par bya/ ji ltar rjes su bstan par bya// ran chen byan gyis smras pa/ 'di skad du 'dod chags ma spangs shig/ zhe sdang ma gzhil cig/ gti mug ma gsal cig/ rang gi lus las gye la du ma skyod cig/ mi dge ba spyod cig/ lta ba tshar ma gcad cig/ kun tu sbyor ba rnams ma bton cig/ phung po rnams yongs su zung shig/ khams rnams ril po gyis shig/ skye mched rnams la spyod cig/ byis pa'i sa las 'da' bar ma byed cig/ mi dge ba la rtogs shig/ dge ba spongs shig/ sangs rgyas yid la ma byed cig/ chos ma sems shig/ dge 'dun la mchod pa ma byed cig/ bslab pa yang dag par ma len cig/ srid pa nye bar zhi ba don du ma gnyer cig/ chu bo las margal cig ces gdams ngag 'di lta bu 'dis/ las dang po pa'i byang chub sems dpa' la gdams par bya'o// rjes su bstan par bya'o// de ci'i phyir zhe na/ chos rnams kyi chos gnas pa 'di ni/ gnas pa kho na yin pa'i phyir ro// byis pa de dag ni skye ba'i chos su lung ston par byed do// 'gag pa'i chos su lung ston par byed do// chos kyi dbyings 'di ni rnam par mi rtog pas rab tu phye ba yin te/ chos 'di rnams kyi rang bzhin de ltar rjes su rtogs pa gang yin pa de ni/ byang chub bo zhes de ltar gdams na/ gal te mi skrag mi dngang bar mi 'gyur na/ kye ma byang chub sems dpa' 'di ni phyir mi ldog pa ste// phyir mi ldog pa'i sa'i skal ba can yin no snyam du shes par bya ste/ gdams ngag 'dis yang dang yang du yang dag par dga' ba skyed par bya'o// de'i tshe dmigs pa can gyi dge slong brgyad kyis/ chos kyi rnam grangs 'di ma bsten par spangs nas/ 'khor de nas song ste/ kha nas khrag dron po byung nas shi'o// shi nas sems can dmyal ba chen po du 'bod du skyes so/ / de nas bcom ldan 'das la 'jam dpal gzhon nur gyur pas 'di skad ces gsol te/ bcom ldan 'das dge slong de dag gis chos kyi rnam grangs 'dis thos pas gnod pa chen po ji tsam du gyur la gzigs/ bcom ldan 'das kyis bka' stsal pa/ 'jam dpal khyod de skad ma zer cig/ gal te dge slong 'di dag gis chos kyi rnam grangs 'di ma mthos su zin na/ bskal pa sa ya'i bar du nams kyang bzang 'gror skye bar yang mi 'gyur na/ sangs rgyas dang phrad cing mnyes par byed pa lta ci smos/ de ni de dag gis chos kyis rnam grangs 'di som nyi dang bcas pas thos nas/ dra bzod kho nar sems can dmyal ba chen po ngu 'bod nas shi 'phos te/ dga' ldan gyi lha'i ris su skye'o// de dag bskal pa drug cu rtsa brgyad kyi bar du de bzhin gshegs pa khrag khrig phrag bcu mnyes par byed par 'gyur te/ thams cad du rdzus te skye zhing / 'khor los sgyur ba'i rgyal po sha stag tu 'gyur la bskal pa gcig la de bzhin gshegs pa dgra bcom pa yang dag par rdzogs pa'i sangs rgyas dri ma med pa'i 'od ces bya ba dag tu 'gyur/ de nas lha'i bu de dag gis bdag cag/ lung bstan pa/ lha'i rna ba'i khams kyis thos nas/ de dag lha'i bu brgyad dang lhan cig tu/ bcom ldan 'das ga la ba der dong ste lhags nas/ lha'i me tog gis yangs pa'i grong khyer thams cad gtor to chos kyi rnam grangs 'di la yang rjes su yi rang ste/ bcom ldan 'das bdag rjes su yi rang lags so// de bzhin gshegs pa rnams kyi byang chub kyi tshul 'phel bar mdzad du gsol zhes kyang gsol to/ / de dag rjes su yi rang ba'i mdo la bla na med pa yang dag par rdzogs pa'i byang chub las phyir mi ldog par gyur to// yangs pa'i grong khyer chen po'i srog chags brgyad khri bzhi stong yang / bla na med pa yang dag par rdzogs pa'i byang chub las phyir mi ldog par gyur to// srog chags khri nyis stong ni chos rnams la chos kyi mig rdul med cing dri ma dang bral ba rnam par dag go// de nas bcom ldan 'das kyis/ 'jam dpal gzhon nur gyur pa la bka' stsal pa/ 'jam dpal byang chub sems dpa' gang gis bskal pa 'bum gyi bar du thabs la mkhas pa med par pha rol tu phyin pa drug la spyad pa bas/ gang gis chos kyi rnam grangs 'di som nyid dang bcas pa thos nas/ 'di ni de bas ches bsod nams mang du skyed na/ gang gis som nyid med par thos pa lta ci mos/ gang yi ger 'dri ba dang / lung nod pa dang / 'chang ba dang / gzhan bdag la yang rgya cher yang dag par ston pa lta ci smos/ 'jam dpal de lta bas na/ dgra bcom pa nyid thob par 'dod pas kyang / chos 'di la bslab par bya'o// rang byang chub thob par 'dod pas kyang chos 'di la bslab par bya'o// bla na med pa yang dag par rdzogs pa'i byang chub mngon par rdzogs par ma tshang rgya bar 'dod pas kyang / chos 'di la bslab par bya'o// de nas khye'u rin chen gyis rang gi ma ma la 'di skad ces smras so// ma ma kho bo la kha zas byin cig dang / bcom ldan 'das la zhal zas 'bul bar bya'o/ / de nas khye'u rin chen byin gyi ma mas 'khar ba'i snod zas ro brgya dang ldan pas bkang ste/ khye'u rin chen la byin no// de nas khye'u rin chen byin gyis bcom ldan 'das la 'di skad ces gsol to/ / bcom ldan 'das chos thams cad mi zad pa'i bden pa gang / lag pa'i bden pa des na dge slong gi dge 'dun thams cad tshim par ma gyur gyis bar du/ khar ba'i snod 'di yongs su 'grib par ma gyur cig/ de nas khye'u rin chen byin gyis/ bcom ldan 'das kyi lhung bzed bkang nas/ dge slong gi dge 'dun la smras pa/ btsun pa rnams bdag la thugs brtse ba'i slad du/ gang gis bdag la 'bras bu chen por 'gyur ba'i bsod nams 'di bzhes te/ gang lus kyis yon sbyong bar mi byed pa dang sems kyis sbyong bar mi byed pa dang / gang la phul na bsod nams su mi 'gyur ba dang / rnam par smin par mi 'gyur ba dang / gang lus kyi las dang / ngag gi las dang / yid kyi las dang mi ldan pa dang / gang 'dus byas la mi gnas pa dang / gang 'dus ma byas la mi gnas pa dang / gang so so'i skye bo'i chos rnams kyi mgos pa dang / nyan thos kyi chos rnams la mi rten pa dang / sangs rgyas kyi theg pa la nges par mi 'byung ba dang / nges par 'byung bar mi 'dod pa des pa zhes shig/ de nas dge slong gi dge 'dun de dag gi nang nas sus kyang / snod de ma blangs so/ / khye'u rin chen byin gyis smras pa/ btsun pa dag bdag kyang sbyin par 'dod pa lags/ khyed kyang gsol par bzhed pa lags te/ bdag btsun pa rnams las ci yang re ba ma mchis kyis bzhes shig/ 'jam dpal gyi tshad dang mnyam pa'i byang chub sems dpa' bye ba phrag 'bum gyi sangs rgyas kyi zhang gi yon tan bkod pa de bas kyang phye bye ba phrag 'bum las lhag pa'i sangs zhing gi yon tan bkod pa/ bdag gi sangs rgyas kyi zhing du/ 'gyur ba'i bden pa dang / bden pa'i tshig gang yin pa'i bden pa dang / bden pa'i tshig des na/ 'khar ba'i snod 'di las khyed thams cad kyi lhung bzed rnams gang bar gyur cig/ 'khar ba'i snod 'di yang yongs su zad par ma gyur cig ces byas so// de nas dge slong gi dge 'dun thams cad kyi lhung bzed de dag gang bar gyur to/ / de nas khye'u rin chen byin gyis yangs pa'i grong khyer gyi skye bo'i tshogs ji snyed yod pa thams cad kha zas ro brgya dang ldan pa des tsham par byas so// bsod snyoms de yang zad par ma gyur to// de nas bcom ldan 'das kyis khye'u rin chen byin la 'di skad ces bka' stsal to// rin chen byin lnga po 'di dag ni/ byang chub sems dpa'i yon yongs su sbyong ba te/ lnga gang zhe na/ 'di lta ste/ lus mi dmigs pa dang / sems mi dmigs pa dang / sbyin pa la mngon par zhen pa med pa dang / rnam par smin pa mi 'dod pa dang / len pa po rnams la rnam par smin pa med pa'o/ / rin chen byin bzhi po 'di dag ni byang chub sems dpa' rtag tu mngon du bya ba ste/ bzhi gang zhe na/ 'di lta ste/ stong pa nyid kyi ting nge 'dzin dang / sangs rgyu rjes su dran pa'i dang / snying rje chen po dang / bdag gi las kyi rnam par smin pa'o// de nas bcom ldan 'das kyis/ 'jam dpal gzhon nur gyur pa la 'di skad ces bka' stsal to// 'jam dpal khye'u rin chen byin 'di bskal pa gsum cu na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das stobs dang / grags pa don yod pa zhes bya bar 'jig rten du 'byung bar 'gyur ro// de'i 'khor du 'dus pa yang mtha' yas par 'gyur te/ thams cad kyang phyir mi ldog pa'i byang chub sems dpa' sha stag go/ de dag kyang 'od mtha' yas pa dang / tshe dpag tu med par 'gyur ro// de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji snyam du gzung bar bgyi/ bcom ldan 'das kyis bka' stsal pa/ byang chub sems dpa'i spyod pa bstan pa zhes bya bar zung shig/ chos nyid kyi skye bo zhes bya bar yang gzung shig/ de nas bcom ldan 'das dge slong gi dge 'dun dang thabs cig tu bsod snyoms pazhes nas gshegs so/ / bcom ldan 'das kyis de skad ces bka' stsal nas/ byang chub sems dpa' rin chen byin dang / thams cad dang ldan pa'i 'khor de dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa byang chub sems dpa'i spyod pa bstan pa zhes bya ba theg pa chen po'i mdo rdzogs so/ / / rgya gar gyi mkhan po dzi na mi tra dang / pra dz+nyA bar ma dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab pa/ / rgya gar skad du/ Ar+ya tsin tu pra b+ha sa nir shonA ma d+harma bar+ya ya/ bod skad du/ 'phags pa sna ba bsam gyi mi khyab pa bstan pa zhes bya ba'i chos kyi rnam grangs/

CLOSE WINDOW