rgya gar skad du/ Ar+ya tra ya sting shad pa ri brta nA ma ma hA yA na sU tra/ bod skad du/ 'phags pa sum cu rtsa gsum pa'i le'u zhes bya ba theg pa chen po'i mdo// / / bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das sum cu rtsa gsum pa'i lha'i nang na/ shing yongs 'du'i drung na/ a ra mo ni ga lta bu'i rdo lebs la bzhugs te/ sku bskrun pa'i yum la thugs brtse ba'i phyir/ dge slong brgyad stong gi dge slong gi dge 'dun chen po thams cad kyang / dgra bcom pa zag pa zad pa/ rdzu 'phrul che ba/ dbang che bar grags pa/ mthu chen po sha stag dang / byang chub sems dpa' bdun khri nyis stong/ thams cad kyang / byang chub sems dpa' mngon par shes pas/ mngon par shes pa/ bzod pa thob pa/ spobs pa thogs pa med pa/ phal cher 'jig rten gyi khams tha dad pa nas/ 'dus pa sha stag dang thabs cig tu/ dbyar gnas par zhal gyis bzhes nas/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ / de nas de'i tshe lha'i bu zla ba zhes bya ba dang / zla mchog ces bya ba gnyis 'khor de nyid kyi nang du 'dus par gyur te 'dug go/ de nas lha'i bu za bstan las langs ste/ bla gos phrag pa gcig tu bzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyi bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to/ / zla ba khyod su'i don du de bzhin gshegs pa la zhu bar 'dod/ de nas bcom ldan 'das la lha'i bu zla bas tshigs su bcad de gsol pa/ gang bdag bdag la sman dang sems can gzhan la sman slad zhugs/ / sems can kun la snying rje snying brtse legs par bskyed nas ni// byang chub rdul bral bdud rtsi 'tshal zhing don du sgrub bgyi pa/ @ seng ge bdag ni de dag don du zhu ba zhu/ / gang dag ma zhum sems kyis bskal pa bye bar spyod bgyid cing // sdug bsngal spongs la 'gro ba thams cad kyang ni grol bar bgyid// gang ngag sems can kun la sems snyoms sbyor ba sgom par bgyid/ / bdag ni mi 'dzin de dag don du rgyal la zhu ba legs// gang dag sangs rgyas mtshan mchog sum cu rtsa gnyis rnams kyis/ / sku sprul rdul dang bral ba bsod nams zhing chen mthong gyur nas// yon tan rgya mtsho gang chen mtsho rnams de dag 'dod bgyid pa// gzi brjid chen po de dag don du bdag ni zhu ba lags/ / gang dag rtag tu skyes bu khyu mchog ye shes ma gtogs par// gzhan du blo gros mi skyed gzhan du sems par mi bgyid dang // ngag dag nyan thos rang rgyal dag tu blo gros mi skyed pa/ / rtsal rab brtan pa de dag don du bdag ni zhu ba lags// gang dag rnyed dang ma rnyed grags dang ma grags mnyam par sems// smad dang bsngags dang bde dang sdug bsngal dag gis bskyod mi 'gyur/ / 'jig rten chos rnams zil gyis mnan te gnas shing bskyod ma mchis// 'jigs dang bral ba de dag don du bdag ni zhu ba lags// gang dag bdag phangs mtshungs 'drar gzhan dag la yang phangs par 'dzin/ / srid pa gsum na tha dad 'byed pa ma mchis sbyor ba mnyam// gang dag byams par sems shing tshul 'chos thab skyon ma mchis/ / skye bo de dag rnams kyi don du bdag ni zhu ba lags// gang dag rtag tu sbyin dang tshul khrims dag cing spyod rnams spyod// bdag nyid spong bar/ bgyid kyis tshul khrims phung po gtong mi bgyid// gang dag rtag tu lus dang ngag dang yid rnams legs par bsdams// bdag ni dri med de dag don du rgyal la zhu ba lags// gang dag bzod pa smra zhing legs par bsdams pa'i shes dang ldan/ / sdug bsngal dang ni bsad dang bcings dang brdeg pa rnams kyang bzod// kun gyis dkrugs kyang khro ba dang ni tha ba skyed par mi bgyid pa/ / nges par bgyis pa de dag don du bdag ni zhu ba lags// gang dag mthu dang brtson 'grus stobs gnas dam pa'i don dang ldan// 'jig rten don gyi slad du rgyu zhing bdag gi phyir ma lags/ / dkar po spyod pa rnams kyis mi ngoms rgya mtsho chab dang 'dra// yon tan rgya mtsho de dag don du rgyal la zhu ba lags// gang dag rnam par rtog pa sna tshogs shas cher mi 'jug pa/ / gang dag nyon mongs sna tshogs pham bgyis 'phags pa'i ye shes ldan// gang dag bsam gtan mngon shes rnam rtsen rdzu 'phrul rkang par ldan// bsam gtan gnas pa de dag don du bdag ni zhu ba legs// gang dag shes rab pha rol son cing ye shes mtha' yas ldan// rtog dang kun rtog bral zhing spros pa ma mchis zhi bar gyur/ / gang gis chos 'di dben zhing ya ma brlar yang rtogs gyur pa// gang zag chen po de dag don du bdag ni zhu ba lags// gang dag rdzu 'phrul shes la mkhas shing shin tu rab zhi spyod/ / zhing rnams khrag khrig mchil ma zhing du 'dzin pa'ang ma mchis dang // sangs rgyas khrag khrig phyag 'tshal sangs rgyas 'dzin pa'ang ma mchis pa// bathob na dga' ba de dag don du rgyal ba zhu ba lags/ / gang dag nyon mongs bdud dang bral zhing phung po'i bdud bcom dang // gang dag 'chi bdag bdud dang bral zhing lha yi bdud bcom dang // gang dag bdud kun nges bcom nas ni byang chub reg gyur pa// mun dang bral ba de dag don du bdag ni zhu ba lags// gang dag nags dang tshal du bcas pa'i sa gzhi bskyod nas kyang byang chub rdul med sangs rgyas ye shes mchog ni 'tshang rgya dang / / gang dag sems gcig la ni shes pa ci mchis 'byung 'gyur ba// rdo rje lta bu de dag don du bdag ni zhu ba lags/ / gang dag ye shes kun mkhas gzi brjid chen po gzi bskyed dang // gang dag rtag tu sangs rgyas gdung phyir chos spyod rab tu bstan// gang dag 'dren pa dang ni dge 'dun mkhas rnams dgyes dgur sbyor/ / de dag don du srid gsum dag na bdag ni zhu ba lags// bcom ldan 'das ji ltar na byang chub sems dpa' sems dpa' chen po mngon par shes pa chen po dang / ye shes kyi khyad par dam pa'i pha rol tu son pa rnams lags/ bcom ldan 'das ji ltar na byang chub sems dpa' sems dpa' chen po bsam gyis mi khyab pa'i thabs la mkhas pas yongs su bsngo ba shes pa dang ldan pa rnams lags/ / bcom ldan 'das ji ltar na byang chub sems dpa' sems dpa' chen po chos thams cad tshul gcig pa dang / ro gcig pa dang / 'jug pa gcig pa dang / bstan pa gcig pa shes pa rjes su thob pa rnams lags/ bcom ldan 'das ji ltar na byang chub sems dpa' sems dpa' chen po zab mo'i tshul khrims can bag mchis par spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba rnams lags/ / de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// zla ba legs so legs so// zla ba khyod kyis go cha chen po bgos pa rnams dang / 'dron po phal po che sgrol bar 'dod pa rnams dang / chos kyi sgron me chen po sbar bar 'dod pa rnams dang / chos kyi glu chen po sgrol bar 'dod pa rnam dang / chos kyi 'khor lo chen po bskor bar 'dod pa rnams dang / chos kyi rnga bo che chen po rdung bar 'dod pa rnams dang / chos kyi rgyal mtshan chen po bsgreng bar 'dod pa rnams dang / chos kyi rtog chen po gzung bar 'dod pa rnams dang / shes rab kyi snang ba chen po bya bar 'dod pa rnams dang / ye shes chen po'i rjes su 'gro bar 'dod pa rnams dang / ye shes chen po yongs su rdzogs par byed 'dod pa de dag dang / de lta bur yon tan tshad med pa dang ldan pa'i sems can de dag gi don du de bzhin gshegs pa la zhu bar byed pa khyod legs so// lha'i bu de'i phyir legs par rab tu nyon la/ tshul bzhin du yid la byos shig dang / ji ltar byang chub sems dpa' sems dpa' chen po rnams mngon par shes pa chen po dang ye shes kyi khyad par dam pa'i pha rol tu son pa yin pa dang / ji ltar byang chub sems dpa' sems dpa' chen po rnams bsam gyis mi khyab pa'i thabs la mkhas pas yod su bsngo ba shes pa dang ldan pa yin pa dang / ji ltar byang chub sems dpa' sems dpa' chen po rnams chos thams cad tshul gcig pa dang / ro gcig pa dang / 'jug pa gcig pa dang / bshad pa gcig pa shes pa rjes su thob pa yin pa dang / ji ltar byang chub sems dpa' sems dpa' chen po rnams zab mo'i tshul khrims can bag yod par spyod pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba yin par ngas khyod la bstan to// bcom ldan 'das de ltar 'tshal lo zhes gsol to/ / lha'i bu zla bas bcom ldan 'das kyi ltar mnyan pa dang / bcom ldan 'das kyis de la 'di skad ces bka' stsal to// lha'i bu byang chub sems dpa' sems dpa' chen po chos bzhi dang ldan na/ mngon par shes pa chen po dang / ye shes kyi khyad par dam pa'i pha rol tu son pa yin te/ bzhi gang zhe na/ lha'i bu 'di la byang chub sems dpa' sems dpa' chen po ni/ chos thams cad shes pa la yang mkhas la/ chos thams cad la yang mngon par zhen pa med do// de ni chos thams cad nam mkha' dang mnyam par rig pa dang / shes pa dang / thob pa dang / mngon sum du gyur pa yang yin la/ chos thams cad kyang chos nyid dang 'thun par sbyor te/ chos kyis dbyings la ma gtogs par chos gzhan ci yang yang dag par mi mthong ngo // lha'i bu de la chos thams cad tshul gcig pa gang zhe na/ sngon gyi mtha' thams cad ji ltar stong pa de kho na bzhin du/ phyi ma'i mtha' yang stong la/ da ltar byang ba gang yin pa de yang ngo bo nyid stong pa nyid kyis stong ste/ lha'i bu de ltar na dus gsum stong pa nyid la rnam par mi rtog pa gang yin pa de ni ji lta ba bzhin zhes bya'o/ / de la 'byed pa dang / shes pa dang / ston pa dang / 'dog pa dang / 'grel pa dang / rnam par 'byed pa dang // gsal bar byed pa dang / 'chad pa 'di ni mkhas pa zhes bya'o// de la ji ltar chos thams cad la mngon par zhen pa med ce na/ lha'i bu chos thams cad ni bdag nyid kyi kun nas slong bas kun nas bslang ba ste/ des chos thams cad dran pa nye bar gzhag pas/ kun nas bslang bar rig nas/ bdag la mngon par zhen pa med do// de bdag la mngon par zhen pa med pas/ chos gzhan rnams slong bar mi byed do// chos gang yang mi shes shing ma bslangs pas na/ de la mngon par zhen par mi nus so// de la mngon par zhen pa med pas na/ chos rnam par bzhag par yang byed la/ chos gang la yang mngon par zhen par mi 'gyur ro// lha'i bu de la ji ltar byang chub sems dpa' sems dpa' chen pos/ chos thams cad nam mkha' dang 'dra bar shes zhe na/ lha'i bu khams gsum pa ni sems tsam du zad la/ sems de yang gzugs med pa/ bstan du med pa/ thogs pa med pa/ rnam par rig par byed pa ma yin pa/ sgyu ma lta bu ste/ sems de yang sems kyi chos nyid kyis yongs su btsal kyang mi rnyed do// sems gang gis sems yongs su btsal ba'i sems de yang mi rnyed do/ / de sems mi dmigs pas/ chos thams cad mi dmigs so// chos thams cad mi dmigs pas/ chos gang yang mtshan ma 'am/ rdzas su yang dag par mi mthong ste/ chos thams cad la chags par mi 'gyur ro// chos thams cad yongs su ma grub pa'i phyir nam mkha' dang 'dra bar shes so/ / lha'i bu dper na/ nam mkha' ma skyes shing yongs su ma grub pa'i de bzhin du/ des chos thams cad shes so// ji ltar nam mkha' zhes bya ba de yang dben pa de bzhin du/ chos thams cad kyang ming tsam du zad de/ de dag kyang dben pa'o// ji ltar byang chub sems dpa' chos nyid dang thun par spyod zhe na/ lha'i bu 'di la byang chub sems dpa' sems dpa' chen pos 'di la so so yang dag par bslabs na chos 'di dag thams cad gcig gis gcig mi shes shing / mi mthong ste/ mig gis kyang rna ba mi shes shing mi mthong la/ rna bas kyang mig mi shes shing mi mthong la/ snas kyang lce mi shes shing mi mthong la/ lces kyang sna mi shes shing mi mthong ngo // lus kyis kyang yid mi shes shing mi mthong la/ yid kyis kyang lus mi shes shing mi mthong ngo // chos 'di dag thams cad ni bems po spyod pa med pa/ byed pa med pa'o// des de chos kyi dbyings dang 'dra bar shes te/ de lta bu'i shes rab dang ldan pa de ni yul drug las chos gang snang bar gyur pa na/ de 'di snyams du sems te/ 'di la ni gang phyi rol rig par byed pa'i nang gi chos gang yang med do/ / 'di la ni gang nang rig par byed pa'i phyi rol gyi chos gang yang med do// des de ltar shes shing de ltar mthong bas chos gang gi yang skye ba 'am/ gnas pa yang dag par mi mthong ngo / / lha'i bu gang la skye ba yang med/ 'gag pa yang med/ gnas pa yang med pa de ni/ chos kyi dbyings so// lha'i bu gzhan yang byang chub sems dpa' ni 'di snyam du sems te/ chos thams cad ni gnas pa ste/ gtan du mi skye bar gnas pa'i phyir ro snyam mo// de de ltar chos thams cad la yang dag pa ji ltar bzhin du so sor tog pa dang ldan pas na/ chos nyid la ma gtogs pa'i chos gang yang mi mthong ba la chos thams cad kyang chos nyid dang 'thun par sbyor te/ lha'i bu byang chub sems dpa' sems dpa' chen po chos bzhi po de dag dang ldan na/ mngon par shes pa chen po dang / ye shes kyi khyad par dam pa'i pha rol tu son pa yin no// lha'i bu de la mngon par shes pa gang zhe na/ lha'i bu mngon par shes pa zhes bya ba ni/ chos thams cad la gzhan gyi dring mi 'jog pa'i shes pa gang yin pa'o// lha'i bu ye shes zhes bya ba ni/ chos thams cad la gnyis su mi 'byed pa gang yin pa'o/ / lha'i bu gnyis su med pa zhes bya ba ni gang la mig dang / gzugs 'dogs par mi byed/ rna ba dang / sgra 'dogs par mi byed/ sna dang dri 'dogs par mi byed lce dang ro 'dogs par mi byed/ lus dang reg bya bdogs par mi byed/ yid dang chos 'dogs par mi byed pa'o// byang chub sems dpa' ye shes de lta bu dang ldan pa ni mngon par shes pa lnga thob par 'gyur to/ / de yang bsam pa ji lta ba bzhin du smon lam yongs su rdzogs nas thob par 'gyur ro// lha'i bu byang chub sems dpa' ye shes de lta bu dang ldan pa ni/ lha'i mig gis phyogs phyogs bcur sangs rgyas kyi zhing bye ba khrag khrig 'bum phrag dpag tu med pa dag mthong ngo // sangs rgyas kyi zhing de dag na/ sangs rgyas bcom ldan 'das nyan thos kyi dge 'dun dang bcas pa gang dag bzhugs pa de dag kyang mthong ngo // sangs rgyas bcom ldan 'das de dag gis chos bstan pa gang dag yin pa de dag kyang lha'i rna ba'i khams kyis thams cad thos so/ / sangs rgyas kyi zhing de dag na sems can rnams kyi bsam pa dang / spyod pa tha ma dang / 'bring dang / rab gang dag yin pa de dag thams cad kyang rab tu shes so// sangs rgyas kyi zhing de dag thams cad du yang skad cig de la 'gro'o// de bdag nyid kyis sngon gyi gnas shes pa mngon sum du byed pa las kyang btsams nas chos ston par byed de/ lha'i bu byang chub sems dpa' sems dpa' chen po ye shes de lta bu dang ldan pa ni thams cad mkhyen pa nyid ma thob par yang / sems can rnams la sangs rgyas kyi bya bas nye bar gnas pa yin te/ sangs rgyas kyi chos thams cad kyang myur du yongs su rdzogs nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de nas bcom ldan 'das kyis de'i tshe tshigs su bcad pa 'di dag bka' stsal to/ / thabs shes pa la mkhas shing gsal ba ni// mngon shes chen po yongs su rdzogs par byed// rtag tu chos kun nam mkha' lta bu shes// de ni// zab mo'i tshul khrims ldan pa yin// chos rnams thams cad ji bzhin shes pa yi// mkhas pa mngon par zhen par mi byed de// rtag tu chos kun nam mkha' lta bu dang // rtag tu stong pa'i bdag med shes pa yin// chos dang chos kyi dbyings la 'thun par sbyor// chos kyi dbyings la ma gtogs mthong ba med// gang gis de mthong de yang lhag par mthong / / de ltar mngon par brtson pas mngon shes thob// sngon gyi chos rnams ji ltar stong pa bzhin// ma 'ongs pa rnams de bzhin stong pa dang // des ni da ltar byung ba'ang/ de bzhin mthong // de dag sngan chad ji bzhin brjod pa yin// chos rnams thams cad rtag tu dus gsum stong // mkhas pa mi rtog rnam par rtog mi byed// me tog rnam par rtog par mi byed na/ / ji bzhin mthong ba la ni 'jigs pa med// de nyid shes ldan mkhas la gsal ba ste// chos kyang ston la chos kyi 'du shes med// rlom sems med pa la ni sten pa'ang med// rten pa med pa la ni g.yo ba'ang med// chos 'di thams cad bdag las byung ba te// de ni bdag med rang bzhin bdag med de// chos 'di/ thams cad bdag med rtogs nas kyang // mkhas pa chos gzhan du ni slong mi byed// ma skyed gang yin de ni 'byung mi 'gyur// de ni de la mngon par zhen pa med// rnam par bzhag pas chos kun ston par byed/ / chos rnams ston kyang bdag la sems pa med// srid gsum thams cad sems las grub par 'gyur// sems de nyid kyang rtag tu bstan du med// gzugs med lung du ma bstan sgyu ma 'dra// mkhas pa de ni sems kyi chos nyid tshol// de ni sems kyi chos nyid tshol ba na// sems dang sems kyi chos nyid mthong ba med// sems de sems gang gis ni tshol byed pa/ / sems de yang ni rang bzhin mthong ba med// de ni chos rnams kun gyis mi gos te// de yi mtshan ma 'dod chags 'jug pa med// de ni chos kun ma grub shes nas kyang / / de yis rtag tu nam mkha' lta bur shes// ji ltar nam mkha' skyes par ma gyur pa// de bzhin de yis chos rnams thams cad shes// snying po med pa nam mkha' ming gis byas/ / chos rnams stong pa ming gis byas// chos rnams stong pa ming gis rnam par brjod// nams kyang rna bas mig ni mthong ba med// rna ba yis ni nam yang / mig ma mthong // snas kyang lce min lces kyang sna ma yin// de dag gcig la gcig ni mthong ba med// lus kyis nams kyang yid ni mthong mi 'gyur// yid kyis nams kyang lus ni mthong ba med/ / 'di dag phan tshun 'dogs par mi byed de// de phyir 'di dag rtag tu dben pa yin// spyod med byed pa med la bems po ste/ chos kyi dbyings la rtag tu mtshungs zhing mnyam/ / nang yang phyi rol dag gis mi shes la// phyi rob dag kyang nang gis mi shes so// de phyir chos rnams 'di dag rab shes pa// rtag tu de yis shes pa mtha' yang yas/ / phyogs bcur sangs rgyas bye ba nyan thos bcas// mthong du zin kyang rtog par mi byed do// shes rab mtha' yas tshul khrims rab dag pa// de dag chos rnams ston pa gang yin pa/ / legs par gsungs pa de dag thams cad thos// bzung nas kyang ni yang dag 'dzin par byed// des ni sems can kun gyi sems kyang shes// rdzu 'phrul gyis ni zhing rnams bye bar 'gro/ / bskal pa bye ba bsam gyis mi khyab pa// gang+gA'i bye snyed sngon gyi gnas kyang dran// de phyir mngon shes lnga po 'di bsgoms na// bde gshegs ye shes dang yang nye bar 'gyur/ / mkhas de rtag tu sangs rgyas bye bas gnas// byang chub ma thob par yang doran byed 'gyur// gang zhig 'di 'dra'i chos bstan thos nas kyang / / dga' ba rgya chen gtso bo skyed 'gyur ba// de la bdud kyis tshugs par mi 'gyur te// myur du byang chub mchog tu rdzogs 'tshang rgya// lha'i bu byang chub sems dpa' sems dpa' chen po chos bzhi dang ldan na/ / bsam gyis mi khyab pa'i thabs shes pa la mkhas pa yin par rig par bya'o// bzhi gang zhe na/ lha'i bu 'di la byang chub sems dpa' sems dpa' chen po ni thabs la mkhas pa yin te/ / de ji lta ji ltar bdag nyid sdug bsngal ba dang // yid mi bde ba dang / 'khrug pa rnams kyi gnod par gyur pa mthong ba de lta de ltar sems can rnams kyi sdug bsngal zhi bar bya ba'i phyir brtson 'grus rtsom ste/ des sems can thams cad kyang // byang chub kyi sems la nges par 'dogs la chos thams cad kyang byang chub kyi sems la nges par 'dogs so/ / de sems can thams cad kyi dus gsum du yang dag par bsgrubs pa'i bsod nams kyis phung po la yang rjes su yi rang bar byed la/ / sangs rgyas thams cad kyis dus gsum du yang dag par bsgrubs pa'i bsod nams kyi phung po la yang rjes su yi rang bar byed de// dge ba'i rtsa ba de yang sems can de dag thams cad nyid la 'dor zhing yongs su gtong bar byed de/ / gang rnam pa thams cad mkhyen pa nyid du yongs su mi sngo ba'i sems bskyed pa ci yang med la/ sems la ma gtogs pa'i byang chub kyang yang dag par ma mthong ngo // byang chub kyi mtshan nyid gang yin pa// sems kyi mtshan nyid kyang de yin par shes nas 'dri bar byed do// sems dang byang chub la yang mngon par zhen pa med la// thabs shes pas dge ba'i rtsa ba yang rnam par 'phel bar byed do// des chos kyi dbyings kyang rnam par dag par mi mthong la/ / bsam gyis mi khyab pa'i chos rnams rtogs pa'i dge ba'i rtsa ba yang dag par bsgrub pa la yang mchog mi shes so// sems kyi las dang / dge ba'i sems la yang mchog tu 'dzin pa yang med do/ / de sbyin pa yang sbyin par byed la/ de la yang rnam par mi rtog go// tshul khrims kyang srung la/ de la mchog tu 'dzin pa yang med do// bzod pa yang sgom la/ de la yang mi gnas so// brtson 'grus kyang rtsom la/ de yang dben par shes so// bsam gtan la yang snyoms par 'jug la de la yang mi rten to/ / shes rab la yang spyod la/ de la yang kun tu spyod do// sems can rnams kyang yongs su smin par byed la/ de yang mi dmigs par spyod do// zhing yang yongs su dag par byed la/ phan gdags pa'i tshul gyis byed do// ye shes kyang yongs su tshol la/ de la yongs su tshol ba med pa'i tshul gyis byed do// chos kyang ston la de yang brjod du med pa'i tshul gyis byed de/ lha'i bu de ltar spyod pa'i byang chub sems dpa' sems dpa' chen po ni dge ba'i rtsa ba ji tsam du chung ba yang tshad med par byed do/ / lha'i bu byang chub sems dpa' sems dpa' chen pos ji ltar dge ba'i rtsa ba ji tsam du chung ba yang tshad med par byed ce na/ lha'i bu 'di la byang chub sems dpa' sems dpa' chen po ni/ chos thams cad la tshad med pa'i 'du shes skyed par byed de/ gang la mu thug pa yod pa de lta bu'i chos ni gang yang med do// de ci'i phyir zhe na/ lha'i bu chos thams cad ni stong pa dang / mtshan ma med pa dang / smon pa med pa yin la/ stong pa gang yin pa de ni tshad med pa'i phyir ro// tshad med par byas pa'i sems kyi chos kyi phyir/ sbyin pa ji tsam du chung ba yang thabs la mkhas pas tshad med par byed do/ / de ci'i phyir zhe na/ gang du byang chub kyi sems de yongs su bsngo ba'i byang chub de tshad med pa'i phyir ro// de tshad med pa'i spyod pas 'di lta ste/ sangs rgyas bcom ldan 'das rnams kyi byang chub tshad med pa'i chos nyid rtog par 'gyur ro// lha'i bu gzhan byang chub sems dpa' sems dpa' chen po ni sems can gyis spyod pa la 'jug te/ de thabs la mkhas pas chos ji lta bu la mos pa'i sems can rnams la de lta bu'i mos pas gnas te/ sbyin pa 'am/ rab tu sbyin pa 'am/ chos bstan pas gnas so/ / lha'i bu gzhan yang sbyin pa sbyin pa'i sgo nas de'i rang bzhin du gnas te/ tshul khrims kyi rang bzhin du ma yin/ bzod pa'i rang bzhin du ma yin/ brtson 'grus kyi rang bzhin du ma yin/ bsam gtan gyi rang bzhin du ma yin/ shes rab kyi rang bzhin du ma yin mod kyi/ 'on kyang sbyin pa yang sbyin par byed/ tshul khrims kyang srung la des kyang rlom sems su mi byed do/ / tshul khrims dang yang ldan zhing / bzod pa yang phun sum tshogs la/ gzhan dag gis byas pa dang / ma byas pa rnams kyang bzod do// dkar po'i spyod pa thams cad la yang brtson 'grus rtsom la/ bsam gtan la yang bsam gtan byed cing / shes rab kyis lhag par mthong ba la yang mkhas so// lha'i bu/ gzhan yang byang chub sems dpa' thabs shes pa la mkhas pa ni/ nyan thos rnams dang lhan cig 'khod na yang de dag la 'dod par yang mi byed la/ de'i snying po gang yin pa des kyang/ nye bar 'tsho bar byed do// rang sangs rgyas kyi byang chub kyi theg pa pa dag dang lhan cig 'khod na yang / de dag la 'dod par yang mi byed la/ de snying po gang yin pa des kyang nye bar byed de lha'i bu byang chub sems dpa' chos bzhi po de dag dang ldan na/ bsam gyis mi khyab pa'i thabs shes pa la mkhas pa yin no// de nas de'i tshe bcom ldan 'das kyis tshigs su bcad pa'i ngag bka' stsal to/ / bdag nyid dang ni gzhan bdag gi/ gnyis ka'i sdug bsngal rab shes nas// bdag gi sdug bsngal zhi byed cing // / gzhan gyi sdug bsngal kun zhi byed// sems can thams cad byang chub sems// sems de la ni 'dogs par byed// sems la chos rnams thams cad kyang // don gci tu ni 'dogs par byed/ / sems can kun gyi bsod nams gang // dus gsum gyis ni bsdus rnams dang // sangs rgyas kun gyi bsod nams gang // de dag kun gyi rjes su yi rang / / dge ba de dag thams cad kyang // sems can kun la sbyin par byed// sangs rgyas kyi ni ye shes phyir// lhag pa'i bsam pas 'jug par byed// sems ni skyes pa thams cad kyang // byang chub tu ni yongs su sngo// chos gnyis ma gtogs sems gzhan nam// byang chub kyang ni mthong ba med// de ni sems dang byang chub kyang / / rnam pa gnyis su mi mthong ste// byang chub de yi mtshan nyid gang // sems kyang de yi mtshan nyid yin// mnyam pa nyid kyis chos rnams mnyam// de ni gnas pa yong med de// mdzangs pa thabs la mkhas pa ni// dkar po'i chos kyis rgyas par 'gyur// dbyings de la ni 'phel ba med// chos kyi dbyings ni bsam mi khyag/ sangs rgyas chos rnams tshol ba la// rtag tu chog par 'dzin pa med// bdag ni dkar pos rgyas so snyam// de ni sems kyis bsam mi byed// de ni gang du bsngo ba yis// byang chub de yang mchog mi 'dzin// sbyin pa mi rtog sbyin par byed// rlom sems med par tshul khrims srung // rtag tu bzod pa sgom byed la// sems can labang gnas pa med/ / sems dang lus ni dben pa yin// rtag tu brtson 'grus rtsom par byed// rten med bsam gtan phun sum tshogs// shes rab kyis ni pha rol son// sems can rnams kyang smin byed la// de ni dmigs pas gnas pa med// zhing yang yongs su sbyong byed la// lhag par 'dzin pa'ang yod ma yin// de ni sad+ma rgyas ye shes tshol/ / yi ge rnams la'ang chags pa med// de ltar spyod pa de la ni// byang chub po rnyed par dka' ba med// tshad med bsam gyis mi khyab pa'i// stong pa nyid dang mtshan med dang // smon pa med la mos na ni// de la tshan kyang med par 'gyur// mos pa ji bzhin gzung phyir sems can la// sbyin pa spyod kyang de bzhin gan pa med sbyin pa'ang sbyin byed yang na len par byed/ / de dang 'thun par chos kyang spyod par byed// sbyin pa byas kyang de la chag pa med// tshul khrims mchog min bzod la chags pa med/ / brtson 'grus mchog min bsam gtan chags pa med// shes rab ye shes la ni ser sna med// sbyin pa sbyin yang de ni tshul khrims spyod bzod pa sgom yang rtag tu brtson 'grus ldan/ / bsam gtan gyis ni rtag tu gnas pa med// sbyin byed de ni shes pas nges par 'byung // rang sangs rgyas dang nyan thos de dag dang / / rtag tu gnas kyang byang chub sems dpa' ni// rtag tu snying po ci yod 'tsho byed kyang // 'jigs med de dag la ni 'dod pa med// chos 'di dag gis gnas pa rdzogs pa yi/ / byang chub sems dpa' smad du med pa rnams// thabs kyi shes pa bsam gyis mi khyab te// de dag byin pa chung ngu mtha' yas 'gyur// lha'i bu byang chub sems dpa' chos bzhi dang ldan na/ / chos thams cad tshul gcig pa dang // ro gcig pa dang 'jug pa gcig pa dang / bstan pa gcig par rab tu shes so// bzhi gang zhe na// lha'i bu 'di la byang chub sems dpa' ni chos kyi dbyings ma 'dres pa'i shes pa la mkhas pa dang // chos thams cad stong pa'i rjes su 'gro ba dang // chos gang la yang sgro 'dogs par mi byed de/ / bdag tu sgro 'dogs pa 'am// gzhan du sgro 'dog par mi byed pa dang / dben pa'i tshul gyis chos thams cad khong du chud pa ste/ lha'i bu byang chub sems dpa' chos bzhi po de dag ldan na/ / chos thams cad tshul gcig pa dang // ro gcig pa dang / 'jug pa gcig pa dang / bstan pa gcig gis rab tu shes so// des de ltar shes pas 'jig rten pa dang / 'jig rten las 'das pa'i chos rnams kyis rnam pa gnyis su mi 'jug ste/ kha na ma tho ba dang bcas pa dang / kha na ma tho ba med pa rnams dang / zag pa dang bcas pa dang zag pa med pa rnams dang / 'dus byas dang // 'dus ma byas kyi chos rnams kyi rnam pa gnyis su mi 'jug go// des na chos gang la yang mchog gam/ tha ma yang dag par mi thong ngo / / so so'i skye bo'i chos rnams dang / dgra bcom pa'i chos rnams tha dad par yang dag par mi mthong ste/ so so'i skye bo'i chos rnams kyi rang bzhin gang yin pa de nyid dgra bcom pa'i chos / rnams kyi rang bzhin yin no// dbyer yang med la/ bsnan du yang med do// tshul gcig pa yang shes te/ 'di lta ste/ dben pa'i tshul lo// chos thams cad kyi rab tu dbye ba yang ston la/ chos kyi dbyings chad par yang dag par mi mthong ngo / / bzod pa gcig pa dang yang ldan te/ 'di lta ste/ stong pa nyid kyi bzod pa'o// stong pa nyid dang gzod pa yang rnam pa gnyis su mi 'byed do// 'jug pa gcig gis chos thams cad la 'jug ste/ 'di lta ste/ mi skye ba'i 'jug pas so// lha'i bu byang chub sems dpa' de ni bla na med pa yang dag par rdzogs/ pa'i byang chub dang nye ba yin te/ de 'di snyam du bdag nye bar 'gyur tam/ 'on te nye bar ma gyur cig gu snyam du yang sems so// de ci'i phyir zhe na/ des tshul cig pa las sems can rnams kyang gzhan la/ byang chub kyang gzhan par yang dag par mi mthong ba'i phyir ro// gzhan yang 'di la sems can mi dmigs pa gang yin pa de nyid byang chub yin no// de nas bcos ldan 'das kyis don de nyid thugs su chud nas/ / yang rgyas par dpyad de// de'i tshe tshigs su bcad pa 'di dag bka' stsal to// chos kyi dbying ni 'byed par mi byed de// chos kyi dbyibra la yang dag mi ma pa med/ chos dbyings ji bzhin chos kun de dang 'dra// 'dzin pa med cing rdzas kyang ci yang med// chos kun stong pa nyid kyi rjes su 'gro// nang dang phyi rol 'dus byas gang yin pa'i// chos kun ya ma brla ste byed pa med// chos rnams thams cad tshul gcig yin par shes// chos rnams gang la'ang sgro ni 'dogs mi byed// bdag gam gzhan la'ang rten par mi byed de/ / bdag dang bdag gi snyam pa sal byas pas// de la nams kyang tha dad dbye ba med// dben pa spyod cing rab tu dben la gus// chos kun stong pa nyid du lta bar byed// de ni chos rnams kun la lta ba na// dben pa la yang rtog par mi byed do// 'jig rten 'jig rten 'das pa'i chos bstan la// de ni shes cher gnyis su mi 'jug ste// kha na mtho kha na ma tho med/ / zag bcas zag med chos la de mi rlom// 'dus byas rnams dang 'dus ma byas rnams la// gnyis su mi 'byed rtag tu gcig la lta// so so'i skye bo 'am dgra bcom gang yin pa/ / phan gdags 'ongs su gyur pa'i chos ma mthong // so so'i skye bo'i rang bzhin gang bstan pa// de dag nyid ni dgra bcom pa rnams yin// dbyer yang med la bstan du'ang ci'ang med/ / dben pa'i sgo nas tshul gcig khong du chud// de ni chos kun rab dbye shes mod kyi// chos kyi dbyings la 'byed par yong mi byed// chos 'di thams cad stong pa ma gtogs par/ / gzod pa'ang gzhan la 'dod pa'ang gzhan ma yin// stong pa nyid la mi rlom som nyi med// 'di dag skye med rang bzhin 'byung ba med// des na 'jug pa gcig pa thams cad shes// de ltar spyod pa de la byang chub sla// byang chub mtshungs med la ni nye bar 'gyur// bdag dang byang chub la yang sems pa med// chos rnams 'di bdag thams cad bdag mi dmigs// des ni dmigs su med par byang chub rtogs// lha'i bu byang chub sems dpa' sems dpa' chen po chos bzhi dang ldan na/ zab mo'i tshul khrims can dag yod par gnas pa zhes bya'o// bzhi gang zhe na/ lha'i bu 'di la byang chub sems dpa' sems dpa' chen mazad snyam du sems te/ tshul khrims shes bya ba 'di gang yin snyam mo// de de ltar tshul bzhin du so sor rtogs pa ni 'di snyam du sems te/ lus kyis legs par spyod pa dang // nga gis legs par spyod pa dang / yid kyis legs par spyod pa gang yin pa de ni tshul khrims shes bya ba yin no snyam mo// de 'di snyam du sems te/ de la lus kyis legs par spyod pa gang zhe na/ / lus kyis srog gcod pa 'am/ ma byin pa len pa 'am/ 'dod pa la log par g.yem pa'i las ma byas pa gang yin pa de ni/ lus kyis legs par spyod pa yin no/ / de la ngag gis legs par spyod pa gang zhe na/ ngag gis brdzun du smra ba 'am/ phra ma 'am ngag rtsub po 'am/ tshig kyal pa'i las ma byas pa gang yin pa de ni/ ngag gis legs par spyod pa yin no/ / de la yid kyis legs par spyod pa gang zhe na/ yid kyis rnab sems sam/ gnod sems sam/ log par lta ba'i las ma byas pa gang yin pa de ni/ yid kyis legs par spyod pa yin no snyam mo// de de ltar tshul bzhin du so sor rtog pa na/ de 'di snyam du sems te/ lus sam/ ngag gam// yid kyis las byas pa gang yin pa de ni/ sngon po zhes bya ba 'am/ ser po zhes bya ba 'am/ dmar po zhes bya ba 'am/ dkar po zhes bya ba 'am/ bcod ka'am/ shel gyi kha dog lta bu zhes bya bar gdag par mi nus la/ de ni mig gis rnam par shes par bya ba 'am/ rna bas rnam par shes par bya ba 'am/ snas rnam par shes par bya ba 'am/ lces rnam par shes par bya ba 'am/ lus kyis rnam par shes par bya ba 'am/ yid kyis rnam par shes par bya ba ma yin no// de ci'i phyir zhe na/ 'di ltar de ni ma skyes pa dang / ma bskyed pa dang / ma bskrun pa dang / ma bkag pa'i phyir ro// gang ma skyes pa dang / ma bskyed pa dang / ma bskrun pa dang / ma bkag pa de ni/ chos gang gis kyang rnam par shes pa ma yin pa'i phyir re// snyam mo// de 'di snyam du sems te/ gang 'dus ma byas pa de ni tshul khrims yin te/ de la ni gdags pa ci yang med do// gang gdags su med pa de la ni bdag gis kyang mngon par zhen par byar med do snyam ste/ de de ltar spyod pa na tshul khrims de yang dag par mi mthong ngo // gang du tshul khrims de yongs su bsngos pa de yang yang dag par ma mthong ste/ de ltar byang chub sems dpa' zab mo'i tshul khrims can zhes bya'o// lha'i bu gzhan yang byang chub sems dpa' sems dpa' chen po ni/ 'jig tshogs la lta ba yongs su shes pa'i shes pa dang ldan pa yin te/ lta ba gang gis tshul khrims dang ldan pa 'am/ tshul khrims 'chal pa zhes spros par 'gyur ba'i 'jig 'tshogs la lta ba slong bar mi byed do/ / lha'i bu gzhan yang byang chub sems dpa' sems dpa' chen po ni zab mo'i tshul la zhugs pa yin te/ de ni lus dang ngag gis spyod pa dang / spyod yul shes bzhin du spyod pas tshul khrims dang ldan pa zhes bya'o/ / de yang bdag la dmigs pa dang / gzhan la dmigs pas spyod par mi byed de/ des na zab mo'i tshul khrims can zhes bya'o/ / lho'i bu gzhan yang byang chub sems dpa' sems dpa' chen po ni tshul khrims ma nyams pa dang / tshul khrims ma zhig pa yin no// lha'i bu ji ltar na byang chub sems dpa' sems dpa' chen po tshul khrims ma nyams pa dang / tshul khrims ma zhig pa yin zhe na/ lha'i bu bdag la dmigs pa ni tshul khrims la dmigs par 'gyur ro/ / lha'i bu gang dag la mi dmigs pa de ni tshul khrims la mi dmigs so// gang tshul khrims la mi dmigs pa de ni tshul khrims nyams par mi byed cing // de ni tshul khrims 'jig par mi byed do/ / de ci'i phyir nyams par mi byed/ 'jig par mi byed ce na/ de ni gzhan la chos thams cad shes pa yin te/ gang gzhan las 'gyur ba de la ni bdag kyang med/ bdag gis pa yang med do// gang la bdag med pa de la ni 'jig par 'gyur pa ci yang med de/ lha'i bu byang chub sems dpa' sems dpa' chen po chos bzhi po de dag dang ldan na/ zab mo'i tshul khrims can bag yod par gnas pa zhes bya'o// de nas de'i tshe bcom ldan 'das kyis tshigs su bcad pa 'di dag bka' stsal to// lus dag ngag dag yid kyang dag pa gang / / de ni rtag tu dag par spyod pa ste// rtag tu legs par bsams shing gnas pa de// byang chub sems dpa' tshul khrims ldan zhes bya// las lam bcu po rab dge 'di dag rnams/ / byang chub sems dpa' mkhas pa gang gsung zhing // lus dang ngag dang yid kyis gang byas pa// de ni mkhas rnams tshul khrims yin zhes brjod// ma byas ma skyed ma skyes gang yin pa// de la bsngags pa med cing gnas pa'ang med// gang la bsngags pa'ang med cing gnas pa'ang med// de la nams kyang gdags pa rnyed mi 'gyur/ / rtag tu tshul khrims ma nyams ma zhig gang // de ni mig gis shes par mi nus la// rna bas mi shes sna dang lces ma yin// lus dang yid kyis rnam par mi shes so/ / dbang po drug gis mi shes gang yin pa// de la gnas par bya bar mi nus te/ de nyid tshul khrims yongs su dag par mthong // nams kyang tshul khrims dmigs/ te gnas pa med// de ni tshul khrims tsam des rlom pa med// de ni bdag tu 'du shes khrims mi srung // tshul khrims srung yang tshul khrims 'du shes med/ / dran ldan zab mo'i tshul khrims ldan pa yin// 'jig tshogs lta la rnam par bsal byas pa// de la lta bar byas pa 'byung mi 'gyur// gang la lha med lta ba'i gnas me da pa/ / de ni tshul khrims tshul khrim sa 'chal mi rlom// zab mo'i chos kyi tshul la zhugs pa ste// de yi cho ga ba rtag pa ma mchis la// shin tu shes bzhin ldan zhing legs par gsungs/ / tshul khrims sgo nas gzhan gyis brnyas mi 'gyur// bdag tu dmigs pas tshul khrims dmigs par 'gyur// gang la bdag med de la bdag khrims med/ bdag gam yang na tshul khrims rlom pa med// mtha' zhes bya ba ste gnyis ka 'jig ma yin// bdag med smra ba tshul khrims rlom pa med// bdag med smra la tshul khrims rten pa med/ / bdag med smra la tshul khrims rlom pa med// bdag med smra la tshul khrims sems pa med// tshul khrims ma nyams tshul khrims ma rmongs pa// bdag ni tshul khrims ldan zhes bdag mi slong / / gang la bdag dang tshul khrims 'du shes med// de 'dra 'di ni zab mo zhes kyang brjod// gang gis tshul khrims de 'drar 'jigs med pa// de la nams kyang 'chal pa'i tshul khrims 'byung // chos kun dmigs su med pa gang yin pa// de 'dra'i tshul khrims 'phags pa rnams kyis bsngags// byis pa gang dag bdag du lta la gnas/ / tshul khrims srung zhing bdag ni khrims ldan snyam// tshul khrims bde ba ma lus zad gyur nas// de dag ngan 'gro gsum las thar mi 'gyur// gang dag bdag tu lta ba mtha' ngag bsal/ / de dag 'dir ni bdag dang bdag gi med// bdag tu lta med gang de tshul khrims ldan// de la phyin chad log par lhung 'jigs med// gang zhig tshul khrims rnam par 'di 'drar shes/ / 'di la 'chal pa'i tshul khrims lta ma nus// bdag dang de bzhin rnam gsum mi mthong na// tshul khrims tshul khrims 'chal lta ci zhig smos// de skad ces bka' stsal pa dang / / bcom ldan 'das la lha'i bu zla bas 'di skad ces gsol to// bcom ldan 'das sangs rgyas bcom ldan 'das rnams kyis bla na med pa yang dag par rdzogs pa'i byang chub de ji tsam du zab pa ni ngo mtshar lags so/ / bcom ldan 'das byang chub sems dpa' sems dpa' chen po de lta mi gnas pa dang // len pa ma mchis pas chos ji lta ba bzhin du gnas la/ / rnam par rtog pa thams cad yang dag par chad pa dang / bdag tu 'du shes pa dang bral ba dang / bskal pa grangs ma mchis par yang spyod pa dang / sangs rgyas kyi chos thams cad yongs su ma rdzogs kyi bar du/ nyan thos dang / rang sangs rgyas kyi sar yang mi ltung na/ bar ma dor rnam par byang bar yang mi 'gyur bar ngo mtshar che lags so/ / bcom ldan 'das byang chub sems dpa' sems dpa' chen po chos du dang ldan na/ chos zab mo rnams la yang spyod la/ yang dag pa'i mtha' yang mngon sum du mi bgyid lags/ de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// lha'i bu byang chub sems dpa' sems dpa' chen po chos bzhi dang ldan na/ chos zab mo rnams la yang spyod la yang dag pa'i mtha' yang mngon sum du mi byed de/ bzhi gang zhe na/ lha'i bu byang chub sems dpa' sems dpa' chen po ni thams cad mkhyen pa'i ye shes sgrub pa'i phyir dam bcas la brtan pas/ snying po la gnas pa dang / sems can thams cad yongs su mi gtong bar gnas pa'i phyir zhum pa med pa'i brtson 'grus dang ldan pa dang / sangs rgyas kyi gdung rgyan mi 'chad pa la zhugs pa'i phyir/ snying rje chen po dang ldan pa dang / dge ba'i rtsa ba thams cad yongs su bsngo ba la mkhas pa'i phyir thabs la mkhas pa ste/ lha'i bu byang chub sems dpa' sems dpa' chen po chos bzhi de dag dang ldan na// chos zab mo rnams la yang spyod la/ bar ma dor yang dag pa'i mtha' mngon sum du'ang mi spyod do/ / de nas de'i tshe bcom ldan 'das kyis tshigs su bcad pa 'di dag bka' stsal to// mkhas pa rtag tu yid dam bcas la brtan// sngon chad yid dam bcas pa spong mi byed/ / dpa' bo thams cad mkhyen pa'i ye shes phyir// theg pa gzhan la 'dod pa skyed mi byed// rtag tu bag dang ldan zhing brtson 'grus brtsom// zhum pa med pa'i sems kyis rtag tu spyod// de yis sems can gang yang gtang ba med// de yi sems ni sems can kun la snyoms// 'jig rten 'di dag kun la snying rje bas// / sdug bsngal bzod cing sems kyang zhum pa med// ci nas sangs rgyas gdung ni mi 'chad pa// de phyir dkon mchog mang po 'byung bar byed// mkhas rnams thabs shes pa la leg par bslabs/ / le lo med par dge ba yongs su sngo// 'khor ba'i chu bo la ni phan phyir brtse// bar ma dor ni zag rnams zad mi byed// byang chub sems dpa' 'jigs med gang dag gis/ / chos 'di dag ni legs par bsdus par gyur// de dag zab mo'i chos rnams spyod pa ste// nam kyang yang dag mtha' la reg mi 'gyur// de nas bcom ldan 'das la lha'i bu zla bas 'di skad ces gsol to/ / bcom ldan 'das ji ltar na byang chub sems dpa' sems dpa' chen po zab mo la spyod pa lags// de skad ces gsol pa dang / bcom ldan 'das kyis lha'i bu zla ba la 'di skad ces bka' stsal to// lha'i bu 'di la byang chub sems dpa' sems dpa' chen po na// so so'i skye bo'i chos bstan pa'i phyir/ sangs rgyas kyi chos yongs su bsgrub pa yang yongs su tshol bar mi byed la/ so so'i skye bo'i chos rnams bsal bar yang mi byed de/ sangs rgyas kyi chos kyang rnam par dag par mi mthong ste/ so so'i skye bo'i chos ma gtogs par sangs rgyas kyi chos thob pa yongs su mi tshol lo// so so'i skye bo'i chos rnams kyang gzhan la/ sangs rgyas kyi chos rnams kyang gzhan no zhes de ltar mi spyod do// so so'i skye bo'i chos rnams ni chung la/ sangs rgyas kyi chos rnams ni rgya che'o zhes de ltar mi spyod do// so so'i skye bo'i chos rnams ni zag pa dang bcas pa yin la/ sangs rgyas kyi chos rnams ni zag pa med pa'o zhes de ltar mi spyod do// gzhan yang de 'di snyam du sems te/ so so'i skye bo'i chos gang dag yin pa de rnams dang / sangs rgyas kyi chos gang dag yin pa rnams mi shes pa 'am// mthong ba 'am/ nye bar brtag par mi nus so// de ci'i phyir zhe na/ 'di ltar de dag ni stong pa yin la/ stong pa nyid la ni shes pa 'am/ mthong ba 'am/ nye bar rtog pa med de/ 'di lta ste/ rang bzhin gyi bems po yin pa'i phyir ro snyam mo// lha'i bu 'di ltar chos rnams kyi chas nyid dang / chos kyang ma nyid dang / chas gnas pa nyid dang / chos ji lta ba bzhin pa gang yin pa de na gnyis po gang gis sa sarba skye ba'i zhes ba 'am/ nyan thos zhes bya ba 'am/ rang sangs rgyas zhes bya ba 'am/ yang dag par rdzogs pa'i sangs rgyas shes bya bar gnyis su dbye ba'i gnyis po ci yang med do// lha'i bu zab mo la spyod pa'i byang chub sems dpa' rnams la ni/ gang sangs rgyas kyi chos ma yin pa de lta bu gang yang med do// de ci'i phyir zhe na/ lha'i bu chos rnams kyi chos smras par bya ba gang yin pa de ni slar med pa'o/ / smrar med pa gang yin pa de ni brjod du med pa'o// brjod du med pa gang yin pa de ni yod pa med do// gang la yod pa med pa de la ni 'byung ba med do/ / gang la 'byung ba med pa de la ni dngos po'i rnam par rig pa med do// lha'i bu chos thams cad ni dngos po med pa yang yin te/ gang na chos thams cad kyi bgrang ba de las grol ba ni sangs rgyas kyi chos rnams yin te/ lha'i bu de bas na rnam grangs 'dis kyang chos thams cad rnam par rtog pa'i spyod pa'i tshul gyis/ sangs rgyas kyi chos rnams yin no zhes de ltar rig par bya'o/ / gang rnam par rtog pa la spyod pa de dag la ni gnyis su 'jug pa'i rnam par shes pa 'byung ba yod de/ de dag ni rnam par shes pa'i spyod yul spyod pa'o/ / gang dag sangs rgyas chos zag pa med pa gang dag yin pa de dag la yang rtog la/ de dag la brtags nas kyang zag pa rnams slong bar byed pa de dag gis ni/ chos kyi dbyings la kun nas nyon mongs pa 'am rnam par byang ba med par mi shes so// chos thams cad rang bzhin shes pa gang yin pa de dag ni/ chos gang la yang nyon mongs pa'i chos sam/ rnam par byang ba'i chos su 'dzin pa yang med na/ kun nas nyon mongs pa'i chos sam/ rnam par byang ba'i chos su dmigs pa lta ga la yod de/ de ni/ gnas med do// lha'i bu de ltar na byang chub sems dpa' sems dpa' chen po zab mo la spyod pa yin te/ gang sangs rgyas kyi chos ma yin pa'i chos gang yang med par mthong la/ gang gis mthong ba de yang lhag par mthong ba dang / ji ltar mi mthong ba de lta bur mthong ste/ de ltar mthong ba'i byang chub sems dpa' ni bdud dam bdud kyi ris kyi lha rnams kyi mi tshugs so// de skad ces bka' stsal pa dang / bcom ldan 'das la lha'i bu zla bas 'di skad ces gsol to// bcom ldan 'das byang chub sems dpa' sems dpa' chen po de ltar 'di lta bu'i chos rnams la yang nye bar rtog la/ skye ba yang rtsom par bgyid do// skye ba dang / 'gum pa dang / gum nas kyang skye bar 'gyur ba ni ngo mtshar lags so// bcom ldan 'das kyi bka' stsal pa/ lha'i bu dper na/ sgyu ma mkhan gyis sprul pa ni 'ong ba dang / 'gro ba dang / 'dug pa dang / nyal ba dang / smra bar yang byed la/ de yang rnam par mi rtog pa de bzhin du/ lha'i bu gang gis chos thams cad sgyu ma lta bur shes pa de ni/ 'gro ba dang / skye ba thams cad kyang ston la/ de yang rnam par mi rtog go// lha'i bu byang chub sems dpa ni skye ba dang / 'byung ba yang rlom sems su mi byed la/ sngon gyi sbyin gyis rlabs kyis skye ba dran par 'gyur ro// de skad ces bka' stsal pa dang / bcom ldan 'das la lha'i bu zla bas 'di skad ces gsol to/ / bcom ldan 'das kyis gang 'di skad du/ byang chub sems dpa' ni skye ba dang / 'byung ba yang rlom sems su mi byed ces bka' stsal pa de la/ bcom ldan bdas de bzhin gshegs pa ni lha mo sgyu 'phrul las 'khrungs te/ sku bskrun pa'i yum la thugs brtse ba'i slad du sum cu rtsa gsum pa'i lha rnams kyi nang du dbyar gnas par zhal gyis bzhes na/ ji ltar de bzhin gshegs pas rlom sems su mi mdzad lags/ bka' stsal pa/ lha'i bu de bzhin gshegs pa ni lha mo sgyu 'phrul las ma skyes so// gsol pa/ 'o na de bzhin gshegs pa gang las 'khrungs lags/ bka' stsal pa/ lha'i bu de bzhin gshegs pa ni shes rab kyi pha rol tu phyin pa las skyes te/ lha'i bu gang dag shes rab kyi pha rol tu phyin pa ni/ sangs rgyas bcom ldan 'das rnams skyed pa'i yum yin no zhes smra ba ni/ yang dag par smra ba yin no// shes rab kyi pha rol tu phyin pa de ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams skyed pa'i yum yin no// zhes smra ba ni/ yang dag par smra ba yin no// de ci'i phyir zhe na/ lha'i bu skyes bu chen po'i mtshan sum cu rtsa gnyis ni/ lha mo sgyu 'phrul las skyes pa ma yin gyi/ lha'i bu skyes bu chen po'i mtshan sum cu rtsa gnyis ni shes rab kyi pha rol tu phyin pa la brlabs pas mngon par grub pa yin no/ / lha'i bu de bzhin gshegs pa'i stobs bcu po 'di dag ni/ lha mo sgyu 'phrul las skyes pa ma yin gyi/ de bzhin gshegs pa'i stobs bcu ni/ shes rab kyi phyin pa la bslabs pas/ mngon par grub pa yin no// lha'i bu de bzhin gshegs pa'i mi 'jigs pa bzhi po 'di dag ni/ lha mo sgyu 'phrul las skyes pa ma yin no// sangs rgyas kyi chos ma 'dres pa bco brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / spyi gtsug ltar mi mthong ba dang / gshegs/ ba don yod pa dang / sangs rgyas spyan dang / sangs rgyas kyi ye shes dang / sangs rgyas kyi so so yang dag par rig pa dang / pha rol gyi sems shes pa dang / lha'i bu mdor bsdu na/ gang dag gis de bzhin gshegs pa dang / de bzhin gshegs pa zhes bya ba'i grangs su 'gro ba'i sangs rgyas kyi chos de lta bu gang dag yin pa de dag ni/ lha mo sgyu 'phrul las skyes pa/ ma yin te/ lha'i bu de ltar na/ de bzhin gshegs pa'i sangs rgyas kyi chos dpag tu med pa gang bdag gis de bzhin gshegs pa de bzhin gshegs pa zhes bya ba'i grangs su 'gro ba de lta bu de dag ni/ shes rab kyi pha rol tu phyin pa la spyad cing / shes rab kyi pha rol tu phyin pa la bslabs pas mngon par grub pa yin te/ lha'i bu khyod kyis rnam grangs 'dis kyang ci nas de bzhin gshegs pa/ shes rab kyi pha rol tu phyin pa las skyes kyis/ lha mo sgyu 'phrul las ma yin pa de ltar rig par bya'o// // bam po gnyis pa/ / // de nas bcom ldan 'das la lha'i bu zla bas 'di skad ces gsol to// bcom ldan 'das gal te/ shes rab kyi pha rol tu phyin pa chos gang gis yang skyes pa ma lags/ bskrun pa ma lags/ 'gag par bgyid pa ma lags na/ bcom ldan 'das ji ltar shes rab kyi pha rol tu phyin pa de bzhin gshegs pa bskrun pa lags/ bka' stsal pa/ lha'i bu chos gang dag gis de bzhin gshegs pa/ de bzhin gshegs pa zhes bya ba'i grangs su 'gro ba'i chos de dag ni skye ba yang med/ 'chi 'pho ba yang med/ 'byung ba yang med do/ / lha'i bu gang skyes pa yang med/ 'chi 'pho yang med/ 'byung ba yang med pa de lta bu'i ye shes de skyed pa ni/ shes rab kyi pha rol tu phyin pa ste/ shes rab kyi pha rol tu phyin pa las ni gang skye ba med pa dang / 'chi 'pho ba med pa dang / 'byung ba med pa'i de bzhin gshegs pa skyes so// lha'i bu gang la skye ba yang med/ 'chi 'phob yang med/ 'byung ba yang med pa de ni shes rab kyi pha rol tu phyin pa yod pa las yang dag par nges par 'byung yod mod kyis/ shes rab kyis pha rol tu phyin pa med pa las ni nges par 'byung ba med do/ / gsol pa/ bcom ldan 'das de ltar shes rab ma mchis na/ nges par 'byung bar mchis pa las na/ ci shes rab la sems pa 'am/ 'chal pa mchis sam/ bka' stsal pa/ lha'i bu shes rab la ni sems pa 'am/ shes pa yang med do// lha'i bu gal te shes rab sems pa 'am/ shes pa zhig yin par gyur na/ shes rab las rtag tu nges par 'byung ba med par 'gyur ro/ / de ci'i phyir zhe na/ lha'i bu gang la sems/ tshor ba yod na de nges par 'byung ba ci yang med pa'i phyir ro// lha'i bu gang gi phyir shes rab kyi pha rol tu phyin pa sems pa med cing shes pa med pa de'i phyir/ shes rab rtag tu nges par 'byung ba yin no// gsol pa bcom ldan 'das nges par 'byung ba zhes gyi ba de gang gi tshig bla dgas lags bka' stsal pa/ lha'i bu spros pa med pa'i tshig bla dgas so// gsol pa/ bcom ldan 'das spros pa ma mchis pas ci zhig nges par 'byung bar bgyid lags/ bka' stsal pa/ lha'i bu gang dag spros pa la spyod pa de dag ni/ khams gsum du skye ba mi dor ro// gang dag spros par mi byed pa de dag ni khams gsum du skye ba 'dor ba byed do/ / lha'i bu de lta bas na/ gang khyod spros pa med par nges par 'byung bas ci zhig nges par 'byin ces zer ba ni/ khams gsum du skye ba nges par 'byin par byed do// gsol pa/ bcom ldan 'das bcom ldan 'das kyis khams gsum las yang dag par 'da' bar bgyi ba'i slad du/ nyan thos rnams la chos bstan lags sam/ bka' stsal pa/ lha'i bu nga ni 'dod pa'i khams las brtsams te/ nyan thos rnams la chos ston la/ de bzhin gshegs pas 'dod pa'i khams mi dmigs so// lha'i bu nga ni gzugs kyi khams las kyang brtsams te/ nyan thos rnams la chos ston la/ de bzhin gshegs pas gzugs kyi khams kyang mi dmigs so// lha'i bu nga ni gzugs med pa'i khams las kyang brtsams te/ nyan thos rnams la chos ston la/ de bzhin gshegs pas gzugs med pa'i khams kyang mi dmigs so// lha'i bu nga ni yang dag par 'da' ba'i phyir chos ston la/ de bzhin gshegs pas gang yang dag par 'da' ba'i chos de yang dag par ma mthong ngo // lha'i bu nga'i nyan thos rnams ni 'dod pa'i khams la dmigs nas/ 'dod pa'i khams las yang dag par 'da' bar mi byed do// nga'i nyan thos rnams ni gzugs kyi khams las dmigs nas/ gzugs kyi khams las yang dag par 'da' bar mi byed do/ / nga'i nyan thos rnams ni gzugs med pa'i khams dmigs nas/ gzugs med pa'i khams las yang dag par 'da' bar mi byed do// lha'i bu gzhan yang nga'i nyan thos rnams ni khams gsum pa mi dmigs pas khams gsum pa la rten te/ chos rnams stong pa nyid du dmigs pas/ 'dod pa'i khams su smon lam mi 'debs so/ / gzugs kyi khams su smon lam mi 'debs so// gzugs med pa'i khams su smon lam mi 'debs so// khams gsum par smon lam mi bdebs pas na/ khams gsum par mi skye'o// ma skyes pa de dag gi 'gro ba ni dgas su med do// kye lha'i bu 'on kyang 'phags pa rnams ni yang dag par 'da' ba zhes de skad ces rjod par mdzad do/ / 'on kyang don dam par na/ 'di la su yang yang dag par 'da' ba yang med 'ong ba yang med do// de ci'i phyir zhe na/ lha'i bu chos thams cad ni yang dag pa 'da' ba med pa yas blta bar bya'o/ / lha'i bu dper na/ nam mkha' ni ma skyes pa/ ma byas pa/ mngon par ma grub pa/ 'pho ba med pa/ 'ong ba med pa ste/ chos thams cad kyang de bzhin du lta bar bya'o/ / gtam 'di bstan pa na/ lha'i bu 'khor de'i nang nas/ lha'i bu bdun khri nyis stong chos rnams la chos kyi mig rdul med cing / dri ma dang bral ba skyes so// sngon dge ba'i rtsa ba bskyed pa'i lha'i bu khri drug stong ni/ bla na med pa yang dag par rdzogs pa'i byang chub tu sems skyes so// dge ba'i rtsa ba yongs su smin pa'i byang chub sems dpa' brgyad stong ni mi skye ba'i chos la bzod pa skyes so/ / de dag gi lag tu bcom ldan 'das kyi mthus sngon ma mthong ba'i me tog gi snod byung bar gyur te/ me tog gi snod de dag nas de bzhin gshegs pa la gtor ro/ / me tog de dag gis kyang sum cu rtsa gsum pa'i gnas kho ra khor yug tu khebs par gyur to// de nas bcom ldan 'das la lha'i dbang po brgya byin gyis 'di skad ces gsol to/ / bcom ldan 'das la lha'i bu 'di rnams kyis de bzhin gshegs pa la me tog gtor pa gang dag lags pa 'di dag ni sngon ma mthongs lags so// / de nas lha'i bu zla bas/ lha'i dbang po brgya byin la 'di skad ces smras so// ko'u shi ka da ltar gang la me tog dag gis gtor ba'i de bzhin gshegs pa 'di yang sngon ma mthong ngo // de ci'i phyir zhe na/ ko'u shi ka sems can gang gis de bzhin gshegs pa ma mthong ba'i sems de ni 'gags shing med par gyur te/ mthong bar mi nus so// ko'u shi ka de bas na gang ci mthong ba yang rung ste/ de dag thams cad ni sngon ma mthong ba'o// gang ci thos kyang rung ste/ de dag thams cad ni sngon ma thos pa'o// smras pa lha'i bu khyod kyis de bzhin gshegs pa mthong ngam/ smras pa ko'u shi ka gal te de bzhin gshegs pa gzugs shes bya ba yin na ni/ bdag gis de bzhin gshegs pa mthong ngo // ko'u shi ka gal te de bzhin gshegs pa tshor ba dang / 'du shes dang / 'du byed rnams dang / rnam par shes pa zhes bya ba yin na ni/ bdag gi de bzhin gshegs pa mthong na/ ko'u shi ka de bzhin gshegs pa ni gzugs shes bya ba 'am/ tshor ba dang / 'du shes dang / 'du byed rnams dang / rnam par shes pa zhes bya ba ma yin no// ko'u shi ka de bzhin gshegs pa ni phung po lnga'i chos kyi mtshan nyid kyis rab tu phye ba ma yin te/ de ni mthong bar sla ba ma yin no// ko'u shi ka gzhan yang gang khyod 'di skad du/ lha'i bu khyod kyis de bzhin gshegs ba mthong ngam zhes zer ba ni/ ji ltar de bzhin gshegs pas bdag gzigs pa de bzhin du bdag gi de bzhin gshegs pa mthong ngo // smras pa/ lha'i bu khyod kyi de bzhin gshegs pa ga ji ltar mthong / smras pa/ ko'u shi ka de bzhin gshegs pa mdun na zhugs pa 'di la zhus shig/ de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das lha'i bu zla ba ji ltar gzigs lags/ bka' stsal pa/ ko'u shi ka gzugs su mi mthongs // tshor ba dang / 'du shes dang / 'du byed rnams dang / rnam par shes par mi mthong ngo / / sngon gyi mtha' dang / phyi ma'i mtha' dang / da ltar byung bar mi mthong ngo // langs pa dang / 'dug pa dang / 'gro ba dang / 'ong ba dang / rgyab dang / glo dang / mdun dang / chos la ma gtogs par mi mthong ngo // slob par mi mthong ngo // mi slob par mi mthong ngo // mi slob pa'i chos dang ldan par mi mthong ngo // dgra bcom par mi mthong ngo / / dgra bcom pa'i chos dang ldan par mi mthong ngo // nyan thos kyi sa dang / rang sangs rgyas kyi sa dang / sangs rgyas kyi sar mi mthong ste/ ko'u shi ka/ de ltar mthong ngo / ko 'u shi ka su sa de ltar mthong ba des ni/ yang dag par mthong ste/ log par mthong ba ma yin no su yang dag par mthong ba des ni ci yang mi mthong ngo // su ci yang mi mthong ba des ni mnyam par mthong ste/ mi mnyam par mi mthong ngo // ko'u shi ka/ de ltar gzigs pa'i de bzhin gshegs pa ni thams cad gzigs pa zhes bya'o// ko'u shi ka de ltar gzigs pa'i ra/ bzhin gshegs pa ni de bzhin gshegs pa zhes bya ste/ 'on kyang de bzhin gshegs pa ni chos kyi dbyings 'dres par yang mi mdzad do// ko'u shi ka 'di ji snyam du sems/ de ltar gzigs pa'i de bzhin gshegs pas ci zhig gzigs par 'gyur/ gsol pa/ bcom ldan 'das de bzhin gshegs pas ni mi gzigs pa ma lags// gzugs gzigs pa ma lags ste/ bcom ldan 'das 'di la ni chos 'ga' tsam yang grangs su bgyid pa ma mchis so// bcom ldan 'das ci de bzhin gshegs pas ji ltar gzigs pa de bzhin du/ lha'i bu zla bas kyang de ltar mthong lags sam/ bka' stsal pa/ koT shi ka mi skye ba'i chos la bzod pa thob pa'i byang chub sems dpa' su yang rung ba de dag pacwa cad kyis ni chos kyi dbyings kyi lugs kyi chos 'ga' tsam yang gzung ba'i phyir chos gang yang mi mthong ngo / / gsol pa/ bcom ldan 'das ci lha'i ba zla ba mi skye ba'i chos la bzod pa thob lags sam/ bcom ldan 'das kyis bka' stsal pa/ ko'u shi ka khyod kyis lha'i bu zla ba 'di nyid la 'dri shig dang / 'di nyid kyi khyod la lan ldon no// de nas lha'i dbang po byin gyis lha'i bu zla ba la 'di skad ces smras so/ / lha'i bu khyod mi skyes pa'i chos rnams la bzod pa skyes sam/ spras pa/ ko'u shi ka mi skye ba skye 'am/ smras pa/ lha'i bu de ni ma yin no/ / smras pa/ koT shi ka gal te mi skye ba skye bar 'gyur na/ mi skye ba'i chos rnams la su'i bzod pa skye bar 'gyur/ kol+la shi ka mi skye ba zhes bya ba de ni/ chos kyi dbyings kyi tshig bla dgas so/ / chos kyi dbyings gang yin pa de la ni skye ba 'am/ 'gag pa mi dmigs so// de nas lha'i dbang po brgya byin 'di snyams du sems te/ lha'i bu 'di'i bstan pa de 'dra ba las na/ skye ma lha'i bu 'di ni bzod pa thob pa yin te/ bla na med pa yang dag par rdzogs pa'i byang chub dang nye bo snyam mo// de nas lha'i du zla bas/ lha'i dbang po brgya byin gyi sems kyi yongs su rtog pa sems kyis shes nas/ lha'i dbang po brgya byin la 'di skad ces smras so// ko'u shi ka bzod pa thob pa gang dag yin pa de dag ni/ sangs rgyas kyi byang chub dang nye ba ma yin no/ / smras pa/ lha'i bu khyod ci las bsams te de skad zer/ smras pa/ ko'u shi ka thob ces bya ba de ni dmigs pa'i tshig bla dgas yin la/ dmigs pas ni byang chub mngon par rdzogs par 'tshang mi rgya'o/ / mi skye ba'i bzod pa zhes bya ba de ni mi skye ba'i tshigs bla dgas so// mi skye ba gang yin pa de nyid ni byang chub bo// smras pa lha'i bu zla bas byang chub nyid gang las btsal bar bya/ smras pa/ ko'u shi ka byang chub ni bdag gi ngo bo nyid las btsal bar bya'o// smras pa/ bdag gi ngo bo nyid gang las btsal bar bya/ smras pa/ chos gang ma skyes mi skyes skyes par mi 'gyur ba de las btsal bar bya'i/ ci nas kyang tshol ba na/ gang btsal yang / gang gis btsal ba/ de la slong bar mi byed pa de ltar btsal bar bya'o// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das lha'i bu zla ba 'di de ltar zab mo'i shes rab dang ldan pa ngo mtshar lags so/ / bcom ldan 'das lha'i bu zla ba 'di gang nas shi 'phos te 'dir mchis lags/ de nas lha'i bu zla bas// lha'i dbang po brgya byin la ba di skad ces smras so/ / ko'u shi ka sgyu ma mkhan gyi skyes pa'am/ bud med sprul pa gang dag yin de gang nas shi 'phos te 'dir 'ongs/ 'di nas shi 'phos nas gang du 'gro bar gyur smras pa/ lha'i bu sgyu ma sprul pa la ni 'chi 'pho 'am skye ba med do// de ci'i phyir zhe na/ de ni rnam par rtog pa med pa'i phyir ro// smras pa/ ko'u shi ka khyod 'di skad du sprul pa 'di gang nas shi 'phos te 'dir 'ongs/ 'di nas shi 'phos nas gang du 'gro bar 'gyur zhes zer ba de ci mkhas pa rnams kyi smad par mi 'gyur ram/ smras pa/ lha'i bu de de bzhin no// smras pa ko'u shi ka/ bdag ni khyod kyis dri ba de la 'di snyams byed de/ gang khyod kyis lha'i bu 'di gang nas shi 'phos te 'dir mchis/ 'di nas shi 'phos nas gar skye bar 'gyur zhes zhus pa ni// sgyu ma lta bu'i chos rnams la de skad 'dri bar zad do snyam mo// ko'u shi ka 'di ji snyam du sems/ de bzhin gshegs pas sprul pa sprul par mdzad pa gang yin pa de 'ong ngam/ 'chi 'pho 'am/ skye 'am/ smras pa/ lha'i bu de ni ma yin no// smras pa/ ci bya ba gang gi phyir/ sprul pa bya ba de byed dam/ smras pa/ lha'i bu byed do// smras pa/ ko'u shi ka de bzhin du gang gis chos thams cad sprul pa lta bu dang / sgyu ma lta bur rtog pa de ni/ 'gro ba dang / 'ong ba dang / 'chi 'pho dang / skye ba yang ston la/ de ni ci la yang rnam par mi rtog ste/ bya ba de yang byed do// ko'u shi ka 'di ji snyam du sems/ gang rmi lam du gzugs mthong ba 'am/ sgra zos pa 'am/ dri snom pa 'am/ ro myong ba 'am/ reg bya reg pa 'am/ chos rnam par shes pa de dag ci de ni ci yang yod dam smras pa/ lha'i bu de ni med do// smras pa/ ko'u shi ka de bzhin du gang gis chos thams cad rmi lam gyi ngo bo nyid du rtog pa de ni mthong ba dang / thos pa dang / dran pa dang / bye brag phyed pa dang / rnam par shes pa'i chos la chags par mi 'gyur/ rjes su chags par mi 'gyur/ khong khro bar mi 'gyur ro// mthong ba dang / thos pa dang / dran pa dang / bye brag phyed pa dang / rnam par shes pa'i chos rnams kyang gzhan dag la rjod par byed la/ rjod pa de yang mngon par zhen pa med do// de nas bcom ldan 'das la lha'i dbang po brgya byin gyis 'di skad ces gsol/ to// bcom ldan 'das lha'i bu zla ba 'di skye ba yang mi dmigs/ 'chi 'pho ba yang mi dmigs lags na/ bcom ldan 'das ji ltar sems can rnams yongs su smin pa bgyi bar rtogs shing bgyid par 'gyur lags/ gang la skyes pa yang ma mchis/ 'chi 'pho yang ma mchis pa de ni/ nyan thos kyi sa lags te/ de ni byang chub sems dpa'i sa ma lags so/ bcom ldan 'das byang chub sems dpas ni bskal pa stong phrag mang por 'khor bar bgyi 'tshal lags so// de skad ces gsol ba dang / bcom ldan 'das kyis lha'i dbang po brgya byin la 'di skad ces bka' stsal to/ / ko'u shi ka byang chub sespa pa' mi skye ba'i chos rnams la bzod pa skyes pa ni su yang rung ste/ de ni skye ba la yang rlom sems med la/ 'chi 'pho la yang rlom sems med de/ de ni dgra bcom pa yongs su mya ngan las 'das nas lo brgya lon pa ji lta ba de bzhin du/ gzung bar bya'o// de ci'i phyir zhe na/ de la ni bdag tu 'du shes dang / gzhan du 'du shes mi 'jug pa'i phyir ro/ / ko'u shi ka gzhan yang byang chub sems dpa' gang gtan du yongs su mya ngan las 'das pa'i chos rnams kyang de ltar skye ba la yang rlom sems mi byed/ 'chi / 'pho ba la yang rlom sems su mi byed pa dang / bdag tu 'du shes pa yang mi byed/ gzhan du 'du shes par yang mi byed la/ sems can gang chos kyi tshul gyi bzod pa 'di mi shes pa de dag la brda sprad pa'i phyir/ snying rje chen pos ched du bskal pa 'bum phrag grangs med par 'khor yang skyo ba med pa ni mchog tu dga' ba byed pa yin no// ko'u shi ka dper na/ mi la la zhig me mngag gi dong du lhung nas/ tshig cing 'dug pa de la mi snying rje chen po dang ldan pa 'ga' zhig gis lus dang srog la yang ma bltas te/ 'dod pa'i yon tan lnga la dga' zhing 'dug pa las/ dga' zhing rtse ba bor nas/ me'i phung po de'i nang nas mi de phyung ste/ bdag nyid tshig pa ni dang du blangs nas/ ko'u shi ka 'di ji snyams du sems/ mi de dka' ba byed pa yin nam/ gsol pa/ bcom ldan 'das dka' ba bgyid pa lags so// bka' stsal pa/ ko'u shi ka byang chub sems dpa' gang nyon mongs pa thams cad las grol la/ srid pa len par byed pa ni/ de bas kyang ches dka' ba byed pa yin no/ / ko'u shi ka de bas na rnam grangs 'dis kyang khyod kyis 'di ltar rig par bya ste/ byang chub sems dpa' sems dpa' chen po ni/ ci nas kyang nyan thos dang / rang sangs rgyas rnams zil gyis mnan nas/ bla na med pa yang dag par rdzogs pa'i byang chub mngon par rdzogs par 'tshang rgya ba 'gyur ro// ko'u shi ka khyod 'di skad du lha'i bu 'di gang nas shi 'phos te 'dir 'ongs shes zer na dengs bshad kyis nyon cig/ ko'u shi ka sangs rgyas kyi zhing 'di nas shar phyogs su sangs rgyas kyi zhing khrag khrig 'bum phrag bdun cu rtsa gnyis 'das pa na/ 'jig rten gyi khams rin po che'i phung pos bkram pa zhes bya ba zhig yod de/ 'jig rten gyi khams de na rin po che du mas brgyan pa'i shing ljon pa rin po che sna tshogs kyi me tog rgyas pa dag dang / 'chag sa'i skyed mos mtshal gyi khang pa brtsegs pa/ rin po che sna tshogs kyis spras pa'i zam pa dang ldan pa dag yod do// sa gzhi chen po de yang bai DUR+Ya las grub pa ste/ rin po che 'bum phrag mang pos smras so// ko'u shi ka 'jig rten gyi khams rin po che'i phung po bkram pa de na/ de bzhin gshegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po zhes bya ba chos ston to/ / de na theg pa gnyis po 'di lta ste/ nyan thos kyi theg pa 'am/ rang sangs rgyas kyi theg pa rnam par gzhag pa med do// sangs rgyas kyi zhing de byang chub sems dpa' sems dpa' chen po 'ba' shig gi yongs su gang ngo // ko'u shi ka de bzhin g shegs pa dgra bcom pa yang dag par rdzogs pa'i sangs rgyas phyag na rin chen gzi brjid mngon par 'phags pa'i rgyal po de'i chos bstan pa ro rol byang chub sems dpa' khrag khrig phrag sum cu rtsa drug gis bzod pa thob par gyur te/ bzod pa thob pa'i mod la/ byang chub sems dpa' de dag ta la bdun srid tsam gyis nam mkha' la 'phags nas sangs rgyas kyi zhing thams cad rab tu g.yos par byas ste/ stong gsum gyi stong chen po'i 'jig rten gyi khams thams cad rin po che'i pad+ma 'dab ma 'bum yod pa sha tag gis pus mo nub tsam du khebs par byas nas/ de ltar 'khod bzhin du yang dag par rdzogs pa'i sangs rgyas gzhan dag la blta ba dang / phyag 'tshal ba dang / bsnyen bkur bya ba dang / chos mnyan pa'i phyir bar snang las sangs rgyas kyi zhing gzhan dag tu 'dod par byed do/ / ko'u shi ka sangs rgyas kyi zhing der bzod pa thob pa'i byang chub sems dpa' su yang mi gnas te/ bzod pa thob pa'i mod las sangs rgyas kyi zhing gzhan du 'dong ngo / / ko'u shi ka de bzhin gshegs pa de byung nas/ bskal pa bcu gnyis kyi bar du nyin gcig bzhin du nyin lan gsum// mtshan lan gsum du chos bstan pa 'byung ste/ chos bstan pa re re la byang chub sems dpa' bye ba khrag khrig phrag sum cu rtsa drug gis bzod pa thob par gyur te/ bzod pa thob pa'i mod la sangs rgyas kyi zhing gzhan du 'dong ngo / / ko'u shi ka byang chub sems dpa' ji snyed bzod pa thob nas/ sa byas kyi zhing gzhan du 'dong ba de snyed kyi byang chub sems dpa' dag/ sangs rgyas kyi zhing gzhan dag nas shi 'phos nas/ sangs rgyas kyi zhing der skye bar 'gyur te/ ko'u shi ka de la bu'i tshul gyi sa rtswa rtsi zhing de byang chub sems dpa' bye ba khrag khrig 'bum phrag mang po dag gis mi stongs so/ / ko'u shi ka 'jig rten gyi khams rin po che'i phung po bkram pa de nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas phyag na/ rin chen gzi brjid mngon par 'phags pa'i rgyal po de'i thad nas lha'i bu zla ba 'di mi snang bar gyur te/ nga la lta ba dang / phyag 'tshal ba dang / bsnyen bskur bya ba dang / zhu ba dang / dris par bya ba dang / chos kyi rnam grangs 'di yang skye ba mang po la rgyas par bya ba dang / byang chub sems dpa' gzhan dag gis yang chos kyi bzod/ pa 'di yongs su rdzogs par bya ba'i phyir/ sum cu rtsa gsum gyi gnas 'dir gnas par gyur ro// ko'u shi ka lha'i bu zla ba 'di ni nga yi tshe'i mthas gtugs kyi bar du dam pa'i chos yongs su bzung nas/ de bzhin gshegs pa yongs su mya ngan las 'das pa'i 'og tu phyi ma'i tshe/ phyi ma'i dus dam pa'i chos nub pa'i dus la bab pa na/ 'di nas shi 'pho nas 'dzam bu gling du mi rnams dang skal ba mnyam par skye bar 'gyur te/ 'di lta bu'i chos kyi rnam grangs 'di zab mo zab par snang ba 'di bdag yongs su 'dzin pa la brtson par 'gyur ro/ / de phyi ma'i tshe/ phyi ma'i dus dam pa'i chos nub pa na/ mi'i 'jig rten nas shi 'phos nas/ dga' ldan gyi lha'i ris su skye bar 'gyur te/ dga' ldan gyi gnas na gnas pa byang chub sems dpa' sems dpa' chen po byams pa dang lhan cig tu sangs rgyas bcom ldan 'das rnams kyi byang chub 'di 'dzin du 'jug par 'gyur ro/ / lha'i bu 'bum phrag dpag tu med pa sdom byang chub tu rab tu sems ma bskyed pa dag kyang skyed du 'jug par 'gyur ro/ / gang gi tshe byang chub sems dpa' sems dpa' chen po byams pa bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe ni/ lha'i bu 'di 'dzam bu'i gling du gnas nas/ lo bcu'i bar du khyim par 'dug cing de bzhin gsheg pa byams pa nyan thos kyi dge 'dun dang bcas pa la bkur sti byed/ bla mar byed par 'gyur ro// de de'i 'og tu mi khri bzhi stong dang lhan cig tu khyim nas khyim med par rab tu 'byung bar 'gyur te/ rab tu byung nas kyang de bzhin gshegs pa byams pa'i tshe mthas gtugs pa'i bar du dam pa'i chos yongs su 'dzin par 'gyur ro/ / yongs su mya ngan las 'das nas kyang dam pa'i chos ji srid du dam pa'i chos yongs su 'dzin par 'gyur ro/ / bskal pa bzang po'i sangs rgyas dgu brgya dgu bcu rtsa drug 'byung bar 'gyur ba gang dag yin pa de dag thams cad mnyes par byed par 'gyur ro/ / mnyes par byas nas kyang bkur sti byed par 'gyur te/ sangs rgyas bcom ldan 'das de dag thams cad kyi thad du tshangs par spyod par 'gyur ro// de de'i 'og tu bskal pa gang+gA'i klung bdun bcu'i bye ma snyed 'das pa na/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur to// de bzhin gshegs pa dgra bcom pa yang dag par rdzogs pa'i sangs rgyas zla ba'i 'od ces bya bar 'jig rten du 'byung bar 'gyur ro/ / de nas lha'i bu zla mchog gis lha'i bu zla ba la 'di skad ces smras so/ / lha'i bu khyod bcom ldan pa das kyis bla na med pa yang dag par rdzogs pa'i byang chub tu lung bstan na/ ci khyod de bzhin gshegs pa la lhag par dga' ba dang / dang pa dang / gus pa skyes bam/ de skad ces smras pa dang / lha'i bu zla bas/ lha'i bu zla ba mchog la 'di skad ces smras so// lha'i bu de bzhin gshegs pa ni 'dun pa'i dbang du 'gro ba 'am/ 'jig pa'i dbang du 'gro bas/ lung ston pa cung zad kyang med de/ lha'i bu de bzhin gshegs pa ni byang chub sems dpa' gang byang chub sems rapa'i bslab pa la slob par lung snyan par zad na/ gang gis de bzhin gshegs pa la lhag par dga' ba 'am/ dang ba 'am/ gus pa skyed du cig zhig yod/ smras pa/ lha'i bu dang ba gang las yongs su btsal bar bya/ smras pa/ dang ba sems las yongs su btsal bar bya'o// smras pa/ gang sems la sems su 'du shes pa des dang ba gang las bcal bar bya/ smras pa/ gang la 'dzin pa med pa de la dang ba yod do// smras pa/ gang la 'dzin pa med pa de la mchog tu dang ba yod dam/ smras pa/ lha'i bu de ni dad ba yin te/ gang la sdang ba yang med// rab tu sdang ba yang med/ dang ba yang med pa dang / gang la so so'i skye bo'i dang pa med pa de la ni dang ba yod do// de de ltar dang bar gyur pas/ de la rang bzhin gyis dang ba yang med la/ de ni de phyin chad kyang snang bar mi 'gyur ro// lha'i bu de bas na dang ba thob par 'dod pas myur du chos lnga la sbyor bar bya ste/ ci nas sbyor ba yang med/ 'bral ba yang med pa de ltar skyo bar bya'o/ / de ci'i phyir zhe na/ chos kyi dbyings la ni sbyor ba yang med/ 'bral ba yang med pa'i phyir ro// de nas lha'i bu zla ba mchog gis/ lha'i bu zla ba la 'di skad ces smras so/ / lha'i bu byang chub sems dpa'i bslab pa zhes bya na/ byang chub sems dpa' rnams kyis bslab pa rnams gang yin/ smras pa/ lha'i bu gang la lus kyang med/ lus kyi sdems pa yang med/ ngag kyang med/ ngag gi sdom pa yang med/ yid kyang med yid kyi sdom pa yang med pa de ni/ byang chub sems dpa' rnams kyi sdom pa'i mchog yin no// gang la yid kyang med/ 'dzin pa yang med/ sogs pa yang med/ 'bri ba yang med pa de ni/ lha'i bu byang chub sems dpa' rnams kyi bslab pa yin no// de nas lha'i bu zla mchog gis// lha'i bu zla ba la 'di skad ces smras so// sa'i bu khyod bslab pa 'di la bslabs pas de bzhin gshegs pas lung bstan tam/ smras pa/ lha'i bu bdag ni bslab pa 'di la bslabs pas/ de bzhin gshegs pas lung bstan to// de ci'i phyir zhe na/ lha'i bu bslab pa 'di la ni gang gis shes par 'gyur ba'i bdag gam/ bdag gis zhes bya ba 'am/ bdag sgrub bo snyam du 'dzin pa med de/ yang dag par zhugs pa de ni bdag slob bo snyam du de ltar mi sems so/ / smras pa/ ji tsam gyis na yang dag par zhugs par 'gyur ro// smras pa/ gang mnyam pa nyid la snon par mi byed/ 'bri bar yang mi byed// len par yang mi byed/ 'dor bar yang mi byed pa dang / gang mnyam pa nyid la chos 'di dag ni mchog go// chos 'di dag ni ngan pa'o zhes gnyis su mi 'byed cing chos 'di la yang dag par so sor shes te/ de ltar zhugs pa gang yin pa de ni yang dag par zhugs pa zhes bya'o// de nas lha'i bu zla mchog gis/ lha'i bu zla ba la 'di skad ces smras so/ / lha'i bu khyod kyis chos gang dag thob pa dang / chos gang dag spang ba'i phyir de bzhin gshegs pas lung bstan/ smras pa/ lha'i bu bdag ni so so'i skye bo'i chos rnams spangs pa dang / sangs rgyas kyis chos rnams thob pa'i phyir/ de bzhin gshegs pas lung bstan pa ma yin pa ma yin gyis/ lha'i bu dag ni chos 'di ngag ma spangs ma thob pa'i phyir/ de bzhin gshegs pas lung bstan to// smras pa/ de lta na ni byis pa so so'i skye bo rnams kyang lung bstan par 'gyur ro// de ci'i phyir zhe na/ so so skye bo rnams ni so so'i skye bo'i chos rnams kyang ma spangs la/ sangs rgyas kyi chos rnams kyang ma thob pa'i phyir ro// smras pa/ lha'i bu so so'i skye bo'i chos rnams kyis ci zhig spros par byed/ smras pa/ stong pa nyid dang / chos nyid spros par byed do// smras pa/ sangs rgyas kyi chos de dag gis ci zhig spros par byed/ smras pa de bzhin nyid dang yang dag pa'i mtha' spros par byed do/ / smras pa/ stong pa nyid dang / chos nyid spros par nus sam/ smras pa/ lha'i bu de ni ma yin no// smras pa/ de bzhin nyid dang yang dag pa'i mtha' spros par nus sam/ smras pa de ni ma yin no// lha'i bu bdag gis de las bsams te so so'i skye ba'i chos rnams ma spangs pa dang / sangs rgyas kyi chos rnams ma thob pa'i phyir/ de bzhin gshegs pas bdag lung bstan to zhes smras so// smras pa/ ci stong pa nyid dang / chos kyi dbyings dang / de bzhin nyid dang / yang dag pa'i mtha' byang chub ji ltar lung bstan pa de bzhin du khyod de bzhin gshegs pas byang chub tu lung bstan nam/ smras pa/ bdag ni stong pa nyid dang / chos kyi dbyings dang / de bzhin nyid dang / yang dag pa'i mtha' ji lta ba bzhin du lung bstan to// lha'i bu chos 'di dag gis de bzhin nyid ji lta ba de bzhin du lu bstan pa yang de bzhin te/ gang lung bstan zin pa yang de bzhin no// gang mngon par rdzogs par 'tshang rgya bar 'gyur ba 'am/ mngon par rdzogs par 'tshang rgya ba yang de bzhin no// de nas bcom ldan 'das la lha'i bu zla mchog gis 'di skad ces gsol to/ / bcom ldan 'das lha'i bu zla ba 'di ni zab mo'i shes rab dang ldan pa lags so// bcom ldan 'das kyis bka' stsal pa/ lha'i bu bzod pa thob pa'i byang chub sems dpa' rnams kyi chos nyid ni de yin te/ lan ci dang ci 'debs pa de dag thams cad chos kyi dbyings kho nas 'debs la/ chos kyi dbyings ni bstan pa 'am/ lan gdab pa 'am/ brjod par yang mi nus so// de ci'i phyir zhe na/ chos kyi dbyings ni brjod du med cing bsnyad du med pa'i phyir ro// chos kyi dbyings ji lta ba bzhin du sems can gyi khams de dang 'dra'o/ / sems can gyi khams ji lta ba bzhin du sangs rgyas kyi yul yang de dang 'dra'o// chos thams cad kyang de dang 'dra'o// lha'i bu byang chub sems dpa' gang dag de ltar chos kyi dbyings kyi rjes su 'gro ba de dag ni gzhan gyi dring mi 'jog pa zhes bya'o// gtam 'di brjod pa na/ tshe dang ldan pa mo bu 'gal gyi bu chen po khang bzangs rnam par rgyal byed na 'dug ste/ 'khor chen po la chos ston cing 'dug go// de nas tshe dang ldan pa mo'u 'gal gyi bu chen po stan las langs te/ 'chag par byed do// de nas tshe dang ldan pa mo'u bgal gyi bu chen po 'di snyam du sems te/ kye ma 'dzam bu gling 'di ni de bzhin gshegs pa dgra bcom pa yang dag par rdzogs pa'i sangs rgyas kyis stongs so/ / sems can dge ba'i bsam pa can dag kyang mang na de dag kyang chos mi thos pas yongs su nyams par 'gyur ro snyam mo// de nas tshe dang ldan pa mo'u 'gal gyi bu chen pos de nyid kyi phyir/ lha'i mig gis 'dzam bu gling 'dir rnam par bltas nas/ des de bzhin gshegs pa dgra bcom pa yang dag par rdzogs pa'i sangs rgyas dge slong stong nyis brgya lnga bcu'i dge 'dun chen po dang thabs cig tu rgyal po'i khab kyi grong khyer chen po na/ rgyal po gzugs can snying po'i khang pa na bshos gsol ba mthong nas/ de 'di snyam du sems te/ 'di na bdag dang 'dra ba'i dge slong 'ga' lta yod dam snyams pa dang / des bdag dang 'dra'i dge slong zhig bcom ldan 'das kyi g.yon logs na zan za zhing 'dug pa mthong nas/ des bdag gi lus la brtags so// de brtags nas de la cung zad kyang tha dad par ma mthong ste/ bdag nyid kyi chu zheng ci 'dra ba de'i chu zheng yang de kho na 'dra la/ lhag chad med de/ kha dog de dang / rtags de dang / dbyibs tha dad med pa mthong nas/ de 'di snyam du sems te/ de bzhin gshegs pa 'dzam bu gling du gshegs sam snyam mo/ / des shing yongs 'du'i drung du bltas na/ de na yang de bzhin gshegs pa ni lha'i tshogs kyis bskor te chos ston cing bzhugs la/ shA ri'i bu yang g.yas logs na 'dug pa dang mo'u 'gal gyi bu 'dra ba'i dge slong yang g.yon logs na 'dug pa dang / de ma yin pa'i nyan thos chen po dag kyang de na 'khod par mthong ngo // de nas tshe dang ldan pa mo'u 'gal gyi bu chen po 'di ltar ngo mtshar che bar gyur te/ sangs rgyas bcom ldan 'das rnams ni ngo mtshar che'o// sangs rgyas bcom ldan 'das rnams ni rdzu 'phrul che'o// che bar yang grags so/ mthu yang che ste/ 'di ltar 'dzam bu gling na yang chos ston pa'i rgyun mi 'chad la sum cu rtsa gsum gyi gnas na yang / sum cu rtsa gsum pa'i lha rnams la chos ston to snyam mo// de nas tshe dang ldan pa mo'u 'gal gyi bu chen po rgya cher ngo mtshar du gyur nas/ 'dzam bu gling du rnam par bltas na/ des de bzhin gshegs pa rgyal bu rgyal byed kyi mgon med zas sbyin gyi kun dga' ra ba na/ 'khor 'bum phrag du mas yongs su bskor cing mdun gyis bltas te/ chos ston cing bzhugs pa mthong ngo // de na yang bdag khon dang 'dra ba'i dge slong kha dog kyang de dang 'adz+ra/ rtags kyang de dang 'dra/ dbyibs kyang de dang 'dra ba zhig mthong ngo // shA ri'i bu dang 'od srungs chen po dang / ka t+ya'i bu chen po dang / gang po dang / rab 'byor dang / nam gru dang / rta thul dang ka pi na dang / nyan thos chen po thams cad kyang chu zheng de kho na bzhin du mthong ngo // rgyal po'i khab na ji lta ba bzhin du rgyal bu rgyal byed kyi tshal na yang de dang 'dra'o// rgyal bu rgyal byed kyi tshal na ji lta ba bzhin du/ sum cu rtsa gsum gyi gnas na yang de dang 'dra'o// de nas tshe dang ldan pa mo'u 'gal gyi bu rgya cher ngo mtshar du gyur nas/ ba dzam bu gling du rnam par bltas na/ des bcom ldan 'das ser skya'i gnas kyi grong khyer chen po na shing n+ya gro da'i kun dag ba ra ba na bzhugs pa dang / ser skya'i grong khyer chen po na bsod snyoms la gshegs pa mthong ste/ der yang mo'u 'gal gyi bu dang 'dra ba'i dge slong dang / de ma yin nyan thos chen po dag kyang mthong ngo // de bzhin du de bzhin gshegs pa yangs pa'i grong khyer chen po na/ li rtsa byi gzhon nu dri ma med pa'i zla ba'i khyim na bshos gsol zhing bzhugs pa mthong ste/ der yang bdag kho na 'dra ba'i dge slong kha dog de 'dra ba dang / rtags de 'dra ba dang / dbyibs de 'dra/ ba dang / de ma yin pa'i nyan thos chen po dag kyang mthong ngo // de nas tshe dang ldan pa mo'u 'gal gyi bu chen pos/ de bzhin gshegs pa bA ra na se'i grong khyer chen por bsod snyoms la gshegs nas/ slar gshegs pa mthong ste der yang bdag dang 'dra ba'i dge slong kha dog kyang de dang 'dra/ rtags kyang de dang 'dra/ dbyibs kyang de dang 'dra ba dang / de ma yin pa'i nyan thos chen po dag kyang mthong ngo // de nas tshe dang ldan pa mo bu 'a gal gyi bu chen pos/ badzam bu gling 'dir rnam par bltas nas/ de bzhin gshegs pa gang yang rung ste/ gtsug lag khang ngam/ 'chag sa 'am/ shing drung 'am/ rdo leb bam/ sa phyogs gang yang rung ba'i sa phyogs ji snyed pa de dag thams cad du de bzhin gshegs pa dge slong gi dge 'dun gyis yongs su bskor cing mdun gyis bltas pa spyod lam sna tshogs kyis bzhugs pa mthong ngo / / de nas tshe dang ldan pa mo'u 'gal gyi bu chen po rgya cher ngo mtshar du gyur nas/ byang gi sgra mi snyan gyi gling du rnam par bltas na/ de na yang de bzhin gshegs pa dge slong gi dge 'dun chen po dang thabs cig tu/ byang gi sgra mi snyan gyi gling na bsod snyom la gshegs pa dang / bsod snyoms bzhes nas bshos gsol gyi bzhugs pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo / / de nas tshe dang ldan pa mo'u 'gal gyi bu chen pos/ shar gyi lus 'phags gling du rnam par bltas na/ des der yang de bzhin gshegs pa skye bo'i tshogs chen po'i dbus na chos ston cing bzhugs pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po dag mthong ngo // de bzhin du nub kyi ba la nga spyod kyi gling na yang / de bzhin gshegs pas bsam gtan nang du yang dag par 'jog la zhugs te/ srog chags stong phrag du ma phyag 'tshal zhing 'dug pa dang / nyan thos chen po thams cad me'i khams kyi ting nge 'dzin la snyoms par zhugs pa dag kyang mthong ste/ de na yang bdag nyid dang 'dra ba'i dge slong zhig mthong ngo // de nas tshe dang ldan pa mo'u 'gal gyi bu chen po rgya cher ngo mtshar du gyur nas/ sa bla'i lha rnams kyi gnas su rnam par bltas na/ de na yang de bzhin gshegs pa dge slong gi dge 'dun dang / thabs cig tu chos ston pa mthong ste/ de na yang bdag nyid dang 'dra ba'i dge slong dang de ma yin pa'i nyan thos chen po dag kyang mthong ngo // de bzhin du bar snang gi lha rnams kyi gnas su rnam par bltas na/ de na yang de bzhin gshegs pa 'khor brgya phrag du ma la chos ston pa mthong ste/ de na yang bdag nyid dang 'dra ba'i dge slong dang / de ma yin pa'i nyan thos chen po dag kyang mthong ngo // de bzhin du rgyal chen bzhi'i ris kyi lha rnams dang / sum cu rtsa gsum pa dang / 'thab bral dang / dga' ldan dang / 'phrul dga' dang / gzhan 'phrul dbang byed rnams su yang de dang 'dra'o/ / de nas tshe dang ldan pa mo'u 'gal gyi bu chen pos tshangs pa'i 'jig rten gyi bar du rnam par bltas na/ tshangs pa'i 'jig rten na yang de bzhin gshegs pa tshangs pa 'bum phrag du mas yongs su bskor cing mdun gyis bltas nas chos ston pa mthong ste/ de na yang bdag nyid dang 'dra ba'i dge slong kha dog kyang de dang 'dra/ rtags kyang de dang 'dra/ dbyibs kyang de 'dra chu zheng yang de kho na 'dra ba mthong ngo // mo'u 'gal gyi bu 'dra ba'i dge slong de dag thams cad kyang rdzu 'phrul gyi cho 'phrul gyi chos ston te/ thams cad kyang mo'u 'gal gyi bu zhes bya bar shes so/ / shA ri'i bu 'dra'i dge slong de dag thams cad kyang shes rab kyi snang ba chen pos 'khor gyi mdun seng ge'i sgra sgrogs te/ de dag thams cad shA ri'i bu thams cad kyang zhes grags te/ de ltar nyan thos chen po de dag rang rang gi stobs bskyed pas chos ston to// de nas mo'u 'gal gyi bu chen po dga' zhing mgu la/ spu zing zhes byed nas ngo mtshar du gyur te dga' ba dang / mchog tu dga' ba skyes nas/ sangs rgyas bcom ldan 'das rnams ni ngo mtshar to// sangs rgyas bcom ldan 'das rnams ni mchog tu ngo mtshar to zhes lan gsum du ched du rjod pa ched du brjod do/ / de nas mo'u 'gal gyi bu chen po sangs rgyas rnams la phyag 'tshal lo// sangs rgyas rnams la phyag 'tshal lo// zhes ngag tu smra zhing / khang bzangs rnam par rgyal byed nas/ shugs chen po yan lag lngas phyag byas so// de'i tshe ca co'i sgra chen po 'jig rten du grags te/ sum cu rtsa gsum pa'i gnas thams cad g.yos so// de nas lha'i bu 'bum phrag du ma mi dga' bar gyur te/ bcom ldan 'das la zhus pa/ bcom ldan 'das rgyu gang dang rkyen gang gis ca co'i sgra chen po dang / sa chen po g.yo ba 'jig rten du byung lags/ de skad ces gsol pa dang / bcom ldan 'das kyis lha'i bu de dag la 'di skad ces bka' stsal to// lha'i bu dag dge slong mo'u 'gal gyi bu 'di sangs rgyas la gces par 'dzin pa'i phyir/ sa chen bo'i steng du phyag byas te 'di ni de'i mthu yin no/ / gsol pa/ bcom ldan 'das ci'i slad du/ dge slong mo'u 'gal gyi bu chen po sa chen po'i steng du phyag 'tshal lags/ bcom ldan 'das kyis bka' stsal pa/ lha'i bu dag dge slong mo'u 'gal gyi bu de 'ong gi de la dris shig/ de nas gnas brtan mo'u 'gal gyi bu chen po khang bzangs rnam par rgyal byed nas langs te/ shin tu myur ba dang / shin tu rings par bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'dug ste/ sor mo bcu'i thal mo sbyar nas/ bcom ldan 'das la tshigs su bcad pa 'di dag gis bstod pa mgon po mtshungs med mi yi dbang po khyad par bsnyes/ / dri med gsum gyi tha ba spangs pa sems dul ba// mi mchog lha dang mi yi mchod pa'i gnas gyur pa// rgyal ba'i blo yi spyod pa bsam gyis yongs mi khyab/ / nyi ma 'bum phrag mang po dag ni shar ba na// sems can long ba kun gyis mthong bar mi 'gyur ba// de bzhin stobs bcu mnga' pa kun tu 'od zer ldan/ / nyan thos kun gyis shes par sla bar ma lags so// nyan thos 'di dag thams cad dmus long 'dra ba te// sangs rgyas theg pa zhes ni 'dzin par yong mi bgyid// de bzhin gshegs pa la ni dad pas mchi mod kyi// rgyal po dag gi chos nyid kyang ni yod ma 'tshal// rgya mtsho chen po'i drung na brjes lta bu dang // ri rab rgyal po dang ni yungs 'bru gcig pu dang / / nyi ma'i 'od dang srin bu me khyer 'dra ba ste// sangs rgyas spyan sngar nyan thos 'khod rnams de dang 'dra// lhun po rnams kyang yungs 'bru dag la 'dod mi bgyid// mkha' la nyi ma gnas pa mi khyer 'dod mi bgyid// rgya mtsho chen po pa rjes tshu la 'dod mi bgyid// byang chub sems dpa' nyan thos rnams la 'dod mi bgyid// dmus long mig dang lha yi mig ldan ci 'dra dang / phal pa'i mig dang 'khor los sgyur ba ci 'dra dang / zla ba'i 'od kyi skar ma rnams ni zil gnon pa// sangs rgyas spyan sngar nyan thos 'khod rnams de dang 'dra/ / lha mo sgyu 'phrul la ni thugs brtse ba'i don slad du// lhun po'i rtse mo 'di na rgyal ba bzhugs pa na// sangs rgyas dang ni dge slong gi dge 'dun mi zhugs pas// bdag ni 'dzam bu gling 'di stong snyams yid la 'gyid/ / bcom ldan 'das bdag ni rnam par rgyal byed nang na mchis// lha yi bu mo rnams la chos ni ston pa na// bdag ni lha yi mig gis 'dzam bu gling du bltas/ / grong khyer dang ni tshong dus brgya phrag rtags pa bgyis// brtags pa'i tshe na bdag gis der ni rgyal ba mthong // rgyal po'i khab na mthu chen gzugs can snying po'i khang / / grong rdal mi dang 'khor gyis bltas pa na// nyan thos rnams dang thabs cig tu ni bshos kyang gsol// g.yon logs na ni bdag gis kha dog 'dra ba yi// mo'u 'gal gyi bu ni mchis pa'ang bdag gi mthong / / g.yas logs na ni shA ri'i bu mchis gzhan bdag kyang // rgyal ba yi ni nyan thos thams cad 'khod pa mthong // lhun po yi ni steng du rgyal ba gshegs snyam bgyid/ / bdag gi brtags na lhun po'i zom na bzhugs pa mthong // bdag nyid kyang ni rgyal po'i khab na mchis pa dang // lhun po'i rtse mo de nyid na yang mchis pa mthong / / grong khyer mnyan yod na yang 'jig rten mgon po ni// srog chags bye ba mang po dag la chos ston mthong // de dag na yang bdag dang shA ri bu dang ni/ / nyan thos gzhan rnams gang lags de dag mthong bar gyur// shAkya bdag gi nang du bsod snyoms gshegs pa mthong // yangs pa nas ni slar gshegs pa yang mthong bar 'gyur/ bA ra na ser yang ni de bzhin mthong bar gyur// thams cad du yang bdag nyid kyi ni lus kyang mthong // byang gi sgra mi snyan gyi gling na de bzhin du// tshogs dang lhan cig bsod snyoms dag la rgyu ba mthong / / ma dros mtsho yi nang dag na yang nyan thos bcas// bsod snyoms zhal zas gsol ba bdag gis mthong bar gyur// de bzhin du nub kyi ba lang spyod kyi gling dag na/ / sems can bye ba khrag khrig mang po'i don mdzad mthong // thams cad du ni mo'u 'gal gyi bu yang rdzu 'phrul gyi// stobs kyis 'gro ba rnams ni 'dul bar bgyid pa mthong / / de bzhin du yang shar gyi lus 'phags gling dag na// mi rnams la ni chos sna tshogs ston pa mthong // de na yang ni bdag dang shA ri'i bu dag dang // gzhan yang nyan thos gang lags de dag bdag gis mthong / / de bzhin sa bla'i lha yi gnas rnams dang // bar snang dag na chos ni ston cing bzhugs pa mthong // chos kyi mnga' bdag dam pa khyod ni 'jig rten skyong / / bzhi po dag la chos rnams ston cing bzhugs pa mthong // de bzhin du yang 'thab bral lha rnams nang du mthong // de nas shAkya seng ge dga' ldan dag tu mthong // rab 'phrul dag dang gzhan 'phrul dbang byed dag na yang // mgon po nyan thos rnams dang bcas pa bdag gis mthong // tshangs pa'i 'jig rten dag na tshangs pa bye ba la// chos rnams ston cing bzhugs pa dag gis mthong bar 'gyur/ / thams cad du yang bdag gis lus dang de bzhin du// gzhan yang rgyal ba'i nyan thos rnams ni bdag gis mthong // gtsug lag khang dang 'chags shing gi gnas rnams dang / / phug rnams gang na sngan chad sangs rgyas bzhugs bzhugs pa// thams cad du yang shAkya seng ge ci 'dra ba// de ba dra'i chos rgyal bdag gis mthong bar 'gyur/ / dpa' bo khyod kyi chos nyid 'di ni bdag gis su// mthong nas bdag ni ngo mtshar rmad du 'dzin par 'gyur// sangs rgyas 'od mdzad de dag rnams kyi rdzu 'phrul mchog/ 'di 'dra de dag ngo mtshar rab tu che ba lags// rnam 'dren sum cu rtsa gsum bzhugs par ma bas kyis// 'dzam bu gling na thams cad du yang snang zhing bzhugs// grong rnams dang ni yul khor grong khyer dag na yang // kha dog 'thun pa yis ni chos rnams ston cing bzhugs// 'jig rten mgon po khyod ni ji ltar mthong ba bzhin// de snyed kyi ni shA ri'i bu dang gsus po che/ / ka pi na dang nam gru ka t+ya na yi bu// glang po dang ni rab 'byor 'od srungs mthong bar gyur// zos pa rgya mtsho lta bu dge slong kun dga' bo// kun tu sangs rgyas rnams la bzhu ba bdag gis mthong // thams cad du yang bdag gis lus ni mdog dang rtags// mtshungs shing lhag pa ma mchis bdag gis mthong bar 'gyur// sangs rgyas bsam gyis mi khyab rnams la phyag 'tshal zhes// bdag gis lhun po'i zom la ched du rjod pa brjod// bdag gi spu yang zing zhes bgyid de gus pas gnas// yan lag lnga po rnams kyis ni phyag bgyis lags/ / sgra skad chen po dag kyang yongs su grags par 'gyur// stong gsum sa zhig bdag kyang rab tu g.yos par 'gyur// lhun po'i rtse mo 'di yang kun tu snang bar 'gyur/ / rgyal ba de dag gi ni mthu ni mthong gyur nas// de ltar bdag ni shin tu rings pa'i tshul gyis su// mi mchog ga la bzhugs pa der ni bdag mchis te// chos kyis rnam par dbye la mkhas pa khyod la zhu/ / rgyal ba de bzhin gshegs rnams ji ltar rnam par 'phrul// 'dzam bu gling dang lha yi 'jig rten dag dang ni// lho phyogs dang ni shar phyogs byang gi phyogs rnams dang / / tshangs pa'i 'jig rten dang ni bar snang gnas bzhugs pa// rgyal ba rnams kyis de nyid gang lags gsungs// ston pa chen po rdzu 'phrul che ba 'di mthong bas deng ni bdag gis rnyed pa legs par rnyed par 'gyur/ / de yi 'og tu sangs rgyas theg pa 'di dag las// bdag nyid dman par gyur pa deng du mya ngan bgyid// gal te bdag sems rnam par grol bar ma gyur na/ / byang chub tu ni da ltar sems kyang skyed pa zhig/ bcom ldan padag gi zag pa zad pas bgyir ma mchis// bdag ni sangs rgyas ye shes 'di yi snod ma lags// ji ltar rgya mtshor rin chen don du song song na// kyi hud nor bu rin chen por te mching bu blangs// byang chub bor nas nyan thos gyur par gang lags pa'i// sems can rnams kyang da ni de 'drar mkhyen par mdzod/ / sems can dman pa ngan pa'i lta ba can dag ni// rgya cher byang chub tu ni sems kyang bskyed mi 'gyur// brtson 'grus ldan zhing mthu rtsal brtan lags pa// de dag sangs rgyas ye shes la ni mdun pa skyed/ / mgon po bdag ni thal mo sbyar nas sangs rgyas kyi// ye shes mchog zhugs gang lags pa la phyag kyang 'tshal// shAkya seng ge bzhin du de ngag rnam par 'phrul/ / bdag ni 'di la yid gnyis mi la dogs ma mchis// de nas bcom ldan 'das kyi tshe dang ldan pa mo'u 'gal gyi bu chen po la bka' stsal pa// mo'u 'gal gyi bu chen po khyod kyis yul ji lta ba de bzhin du/ / khyod kyis mthong zhing lta bar zad kyis// mo'u 'gal gyi bu sangs rgyas bcom ldan 'das rnams kyi sangs rgyas kyi yul bsam gyis mi khyab pa gang yin pa de ni/ sems can thams cad rang sangs rgyas su gyur pas kyang kun shes pa 'am// rnam par mi nus na/ nyan thos phyogs gcig pa la spyod cing / phyogs gcig gi shes pa dang ldan pa khyod kyi lta ga la shes// mo'u 'gal gyi bu gzhan yang de bzhin gshegs pa dgra bcom pa yang dag par rdzogs pa'i sangs rgyas rdzu 'phrul gyi rnam par 'phrul pa'i cho 'phrul zhes bya ba'i chos kyi rnam grangs ston gyis/ de'i bar du 'khor ma 'ongs pa rnams ni sdus shig/ 'khor 'dus pa rnams ni 'khod du chug cig bcom ldan 'das de ltar 'tshal lo zhes gsol te/ tshe dang ldan pa mo'u 'gal gyi bu chen pos// bcom ldan 'das kyi ltar mnyan nas/ lus 'bar zhing 'od zer dag 'gyed bzhin du/ de'i tshe 'tshangs pa'i 'jig rten du 'dug nas/ gling chen po bzhi pa'i 'jig rten gyi khams su skad kyi bsgo ste/ de'i tshe tshigs su bcad pa 'di dag smras so// bskal pa bye ba khrag khrig rnams su yang // de bzhin gshegs pa 'byung ba shin tu dkon/ / u dum bA ra'i me tog ji lta ba// 'dren pa rnams mthong ba yang de dang 'dra// 'khor los sgyur ba'i rgyal po rdzu 'phrul che// bsod nams bstobs dang ldan zhing bu stong dang / / rin chen bdun ldan 'dod pa gang yin pa// de ni song la sangs rgyas chos nyon cig/ brgya byin mtshangs par 'gyur bar su 'dod dang // 'dir ni lha mi'i bde ba bzhan bdag gis/ / dga' zhing rtse la rtag tu bde ldan 'dod// de ni chos kyi rgyal po ltar song shig/ nyon mongs kun pa skams zhi ba mya ngan 'das// bdud rtsi reg dang rdzu 'phrul stobs gnas nas/ / rnam par 'phrul par 'dod pa gang yin pa// de ni song la rgyal ba'i chos nyon cig/ rang sangs rgyas bsam nyan thos 'gyur ba 'am// yang na stobs bcas dpung bcas bdud btul nas/ / sangs rgyas rkang gnyis mchog 'gyur 'dod pa gang // de ni chos kyi mnga' bdag bltar song shig/ de nas gnas brtan mo bu 'gal gyi bus bskul ba'i lha bye ba khrag khrig 'bum phrag du ma dang / / 'dod pa na spyod pa dang // gzugs na spyod pa'i lha'i bu rnams myur du myur bar shin tu rings par me tog dang // me tog 'phreng dang spos dang / phye ma khyer nas bcom ldan 'das ga la ba der dong ste lhags nas// bcom ldan 'das la mchod pa byas te/ bcom ldan 'das kyi zhabs la mgo bos phyag 'tshal nas phyogs gcig tu 'khod do/ / de nas tshe dang ldan pa mo'u 'gal gyi bus rdzu 'phrul de btang nas/ bcom ldan 'das ga la ba der song ste phyin nas/ bcom ldan 'das kyi spyan sngar bdug go/ de nas bcom ldan 'das kyis tshe dang ldan pa mo'u 'gal gyi bu chen po la bka' stsal pa/ mo'u 'gal gyi bu de'i phyir legs par rab tu nyon la yid la zung shig dang / de bzhin gshegs pa'i sangs rgyas kyi rdzu 'phrul gyi rnam par 'phrul pa'i cho 'phrul zhes bya ba'i chos kyi rnam grangs ngas bshad do/ / bcom ldan 'das de ltar 'tshal lo zhes gsol te/ tshe dang ldan pa mo'u 'gal gyi bu/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// mo'u 'gal gyi bu stong gsum gyi stong chen po'i 'jig rten gyi khams 'di na/ zla ba bye ba phrag brgya dang / nyi ma bye ba phrag brgya dang / rgya mtsho chen po bye ba phrag brgya dang / ri'i rgyal po ri rab bye ba phrag brgya dang / gling chen po bzhi pa'i 'jig rten gyi khams bye ba phrag brgya yod de/ stong gsum gyi stong chen po'i 'jig rten gyi khams 'di ni/ sangs rgyas rnams kyi sangs rgyas kyi zhing yin no// mo 'u 'gal gyi bu 'di ji snyam du sems/ gling chen po bzhi pa 'di 'ba' shig tu nga mngon par rdzogs par sangs rgyas kyi gling gzhan du ma yin no snyam du sems na/ mo'u 'gal gyi bu khyod kyis de ltar blta bar mi bya gling bzhi pa'i 'jig rten gyi khams thams cad du/ sems can rnams ji ltar yongs su smin pa bzhin du nga chos ston to// kha gcig tu ni mngon par rdzogs par sangs rgyas/ kha cig tu ni da dung ma'i mngalan gnas/ kha cig tu ni dga' ldan gyi gnas na 'dug/ kha cig tu ni yongs su mya ngan las 'das par ngas yang dag par shes so// bam po gsum pa ste tha ma'o// mo'u 'gal gyi bu chen po stong gsum gyi stong chen po'i 'jig rten gyi khams 'di nyid na/ gling chen po bzhi pa'i 'jig rten gyi khams 'di nyid kyi shar phyogs su gling chen po bzhi pa'i 'jig rten gyi khams khri nyis stong 'das pa na/ gling chen po bzhi pa'i 'jig rten gyi khams rdul med ces bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rdul bral blo gros shes bya ba da ltar chos ston to// mo'u 'gal gyi bu chen po bzhi pa'i 'jig rten gyi khams de na 'khod pa'i sems can de dag ni 'dod chags chung ba dang / zhe sdang chung ba dang / gti mug chung ba dang / byad bzang ba dang / legs par bshad kyis byang bar byed pa yin/ no/ de na byang chub sems dpa'i theg pa pa ni nyung ba ste/ phal cher nyan thos kyi theg pa pa yin no// mo'u 'gal gyi bu de bzhin gshegs pa dgra bcom pa yang dag par rdzogs pa'i sangs rgyas rdul bral blo gros des/ chos bstan pa re re la nyan thos bye ba phrag dgu bcu rtsa dgu gdul bar byed de/ da ltar 'di rgyun du zhugs pa zhes bya ba dang / lan cig phyir bong ba zhes bya ba dang / phyir mi 'ong ba zhes bya ba bstan pa de lta bu'i dge sbyong gi tshul gyi 'bras bu bzhi rnam par gzhag pa ni de na med kyi/ de dag thams cad ni stan gcig la/ 'dug pa sha stag ste/ kha cig ni mngon par shes pa mngon sum du byed cing / rnam par thar pa brgyad rjes su thob pa dang / ye shes chen po thob nas/ tra la bdun srid tsam gyis nam mkha' la mngon par 'phags nas/ rang gi me'i khams kyis rang gi lus mes sreg par byed de/ yongs su mya ngan las 'das pa de dag gi thal ba'i bag tsam med do/ / mo'u 'gal gyi bu de ltar na de bzhin gshegs pa de rgyun mi 'chad par chos ston cing / sems can rnams rnam par grol byed la/ rgyun mi 'chad par nyan thos nas yongs su mya ngan las zlo bar byed do/ / de na sbyin pa yang med/ len pa yang med do// bza' ba dang / btung ba dang / gos rnams kyang bsams pa tsam gyi 'byung bar 'gyur te/ dper na sum cu rtsa gsum pa'i lha rnams dang 'dra'o// de na sems can rnams mngal na/ gnas pa med de rdzus te skye'o// sa gzhi chen po de yang gser las grub pa yin no// mo'u 'gal gyi bu de bzhin gshegs pa rdul bral blo gros de'i 'jig rten gyi khams de na mi de dag gi tshe'i tshad ni lo lnga brgya thub ste/ bar ma dor 'chi ba med do// mo 'u 'gal gyi bu 'di ji snyam du sems 'jig rten gyi khams de na bzhugs pa'i de bzhin gshegs pa rdul bral blo gros shes bya ba de gzhan zhig yin snyam du sems na/ mo'u 'gal gyi bu khyod kyis de ltar mi blta'o// de ci'i phyir zhe na/ nga nyid 'jig rten gyi khams de na/ ming de skad ces bya bas chos ston to// mo'u 'gal gyi bu 'di sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so// mo'u 'gal gyi bu stong gsum gyi stong chen po'i 'jig rten gyi khams 'di nyid nas/ lho phyogs su gling chen po bzhi pa'i 'jig rten gyi khams brgyad stong pa 'das pa na/ gling chen po bzhi pa'i 'jig rten gyi khams rin chen 'byung zhes bya ba/ rin po che sna bzhi 'di lta ste/ gser dang / dngul dang / shel dang / rdo'i snying po las grub pa zhig yod de/ de bzhin gshegs pa dgra bcom pa yang dag par rdzogs pa'i sangs rgyas rin chen phung po zhes bya ba da ltar chos ston to// mo'u 'gal gyi bu de bzhin gshegs pa de ni shas cher rang sangs rgyas kyi theg pa rnams las btsam nas chos ston te de ni nyan thos theg pa pa dag kyang nyung ngo / / byang chub sems dpa'i theg pa pa bdag kyang nyung ngo / / rang sangs rgyas kyi theg pa pa'i sems can gang dag yin pa de dag 'jig rten gyi khams de nas shi 'phos nas/ 'jig rten gyi khams gzhan sangs rgyas kyi zhing // stong pa dag tu skye bar 'gyur te/ de dag rkyen gnyis kyi rdzogs pa'i byang chub thob par 'gyur ro// mo'u 'gal gyi bu 'di ji snyam du sems/ 'jig rten gyi khams de na bzhugs pa'i de bzhin/ gshegs pa rin chen phung po zhes bya ba de gzhan zhig snyam du sems na/ mo'u 'gal gyi bu khyod kyis de ltar mi blta'o// de ci'i phyir zhe na/ nga nyid 'jig rten gyi khams de na/ ming de skad ces bya bas chos ston to// mo'u 'gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang rang sangs rgyas thams cad kyis 'jug par mi nus so/ / mo'u 'gal gyi bu stong gsum gyi stong chen po'i 'jig rten gyi khams 'di nyid nas/ nub phyogs su gling bzhi pa'i 'jig rten gyi khams nyi khri nyis stong 'das pa na/ gling bzhi pa'i 'jig rten gyi khams rin chen sna tshogs can zhes bya ba rin po che sna bdun te gser dang / dngul dang / bai DUR+Ya dang / shel dang / rdo'i snying po dang mu tig dmar po dang / spug las grub pa zhig yod de// mo'u 'gal gyi bu 'jig rten gyi khams de na rin po che las byas pa'i 'chag sa dang / rin po che las byas pa'i khang pa rtsegs pa dag dang / rin po che'i stegs bus brgyan pa'i rdzing dag kyang yod do// bza' ba dang / btung ba dang / gos kyang bsams pa tsam gyis 'byung bar 'gyur te/ dper na dga' ldan gyi lha rnams kyi nye bar spyod pa dang / longs spyod ji lta ba de bzhin du 'jig rten gyi khams de na 'khod pa'i mi de dag gi nye bar spyod pa dang / longs spyod kyang de dang 'dra'o/ / de na bud med kyi ming yang mi grag go de na bud med skye ba yang med do// de na sems can de dag 'khrig pa'i chos kun tu spyod pa yang med do// sems can de dag 'dod pa'i rtog pa yang mi byed/ gnod sems kyi rtog pa yang mi byed/ rnam par 'tshe ba'i rtog pa yang mi byed do// de na yang ma ngal na gnas pa med do// sems can de dag rdzus te skye zhing skyil mo krung bcas bzhin du 'byung ngo / / mo'u 'gal gyi bu rin chen sna tshogs can gyi 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas rin chen 'byung zhes bya ba da ltar chos ston te/ byang chub sems dpa'i sde snod ces bya ba'i chos kyi rnam grangs kyi gzungs kyi rdo rje'i tshig 'khor gsum yongs su chad pa'i pha rol tu phyin pa drug dang ldan pa ma rtogs par gtam gzhan mi gsung ngo / / de na sems can dpag tu med/ grangs med pa dag bla na med pa yang dag par rdzogs pa'i byang chub tu sems bskyed par byed do/ / sems can dpag tu med/ grangs med pa dag gis mi skye ba'i chos la bzod pa thob bo// sems can dpag tu med/ grangs med pa dag ni bla na med pa yang dag par rdzogs pa'i byang chub tu lung ston to/ / de na theg pa gnyis po 'di lta ste/ nyan thos kyi theg pa dang / rang sangs rgyas kyi theg pa rnam par gzhag pa'ang med de/ byang chub sems dpa' gnyis pa'i dring ba med cing / 'khrig pa dang bral ba 'ba' shig gis/ glang chen po bzhi pa'i 'jig rten gyi khams de yongs su gang ngo // de bzhin gshegs pa de'i tshe'i tshad ni lo brgya khri bzhi stong thub bo// ma de dag ni bar ma dor 'chi 'pho ba yod de sems can su yang de nas shi 'phos nas sems can dmyal ba'am/ dud 'gro'i skye gnas sam/ gshin rje'i 'jig rten nam// ma khom pa rnams su skye ba med do// byang chub sems dpa' de dag phal cher de nas shi 'phos nas// sangs rgyas kyi zhing yongs su dag pa gzhan dag tu skye bar 'gyur te/ de bzhin gshegs pa rnams mngon sum du 'gyur ro// gling de dag dang / lha dang // klu dang / gnod sbyin dang / dri za 'khod pa gang dag yin pa de dag thams cad ni 'di lta ste/ thams cad mkhyen pa nyid kyi sems dang blo gros su blo gros gcig go/ lha dang / kla dang / gnod sprin dang / dri za de dag sangs rgyas kyi chos la dga' ba ma togs par gzhan la dga' ba mi sked do/ ltu dang / klu dang / gnod sbyin dang / dri za dang / mi de dag kyang lha zhe zla ba 'am/ klu zhes bya ba 'tsho/ dri za zhes bya ba'am/ mi zhes bya bar ming du btags pa tsam yod pa ma gtogs par bla dad du dbyer med do/ / mo'u 'gal gyi bu 'di ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas rin chen 'byung 'jig rten gyi khams de na chos ston pa gang yin pa de gzhan zhig yin snyam du sems na/ mo'u 'gal gyi bu khyod kyis de ltar mi blta'o// de ci'i phyir zhe na/ nga nyid 'jig rten gyi khams de na ming 'di skad ces byas chos ston to// mo'u 'gal gyi bu 'di yang sangs rgyas kyi rdzu 'phrul gyi rnam par 'phrul pa'i chos 'phrul yin te/ de na nyan thos dang / rang sangs rgyas thams cad kyis kun shes par slab ma yin no// mo'u 'gal gyi bu stong gsum gyi stong chen po'i 'jig rten gyis khams 'di nyid nas/ byang phyogs su gling chen po bzhi pa'i 'jig rten gyi khams sum khri drug stong 'das pa na/ gling chen po bzhi pa'i 'jig rten gyi khams 'jigs med ces bya ba rin po che sna gnyis te/ gser dang / dngul las grub pa zhig yod de/ de na sems can dmyal ba'i 'jigs pa yang med/ dud 'gro'i skye gnas kyi 'jigs pa yang med/ gshin rje'i 'jig rten gyi 'jigs pa yang med/ mi khom pa'i 'jigs pa yang med/ ngan 'gro'i 'jigs pa yang med do// de na sems can su yang tshul khrims nyams pa'am/ lta ba nyams pa 'am/ cho ga nyams pa med do// de na gzhan mu stegs can spyod pa pa dang / kun tu rgyu rnams kyi ming du gdags pa yang med do// mo'u 'gal gyi bu 'jig rten gyi khams 'jigs med de na/ de bzhin gshegs pa dgra bcom pa yang dag par rdzogs pa'i sangs rgyas 'jigs mod sbyin zhes bya ba da ltar chos ston te/ mo'u 'gal gyi bu de bzhin gshegs pa de ni 'di lta ste/ nyan thos su 'gyur ba dang / rang sangs rgyas su 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas su 'gyur theg pa gsum/ las brtsams nas sems can rnams la chos ston to// mo'u 'gal gyi bu de bzhin gshegs pa de gang gi tshe/ byang chub mngon par rdzogs par ma tshang rgya bar bya ba'i phyir/ byang chub kyi shing drung du 'gro bar 'dod pa na/ byang chub kyi shing drung na 'dug pa de la bdud blo gros bzang po zhes bya ba la sogs pa 'dud khrag khrig phrag bdun cu rtsa gnyis 'ong bar 'gyur ro// de'i tshe de bzhin gshegs pa byang chub sems dpar gyur pa da dung thams cad mkhyen pa ma thob pa des bdud ji snyed yod bde snyed kyi byang chub kyi shing sprul par byed do/ / byang chub kyi shing ji snyed kyi byang chub sems dpa' rang rang gi byang chub kyi shing drung na 'dugs pa dag sprul te/ der bdud de dag ngo mtshar du gyur nas/ yang dag pa'i byang chub sems dpa' de gang yin/ bdag cag gis gang gi bar chad bya snyam mo/ / de nas sprul pa'i byang chub sems dpa' de dag gis bdud dag la 'di skad ces smras so// grogs po dag chos thams cad ni sgyu ma lta bu yin na/ 'di la ji ltar khyed kyis bar chad bya/ / gzhan yang khyed kun gyis gang bla na med pa yang dag par rdzogs pa'i byang chub tu sems bskyed pa 'am/ gang yang dag par 'dzud pa de'i bsod nams ji snyed 'phel bar 'gyur bar shes sam/ khyed kyis ni de yang mi rtogs so// gal te khyed kyis byang chub sems dpa'i theg pa la zhugs pa'i bar chad byed pa'i bsod nams ma yin pa ji snyed 'phel bar 'gyur bar shes na ni/ khyed par chad byed pa'i phyir/ brtul bar ma byed cig/ de nas bdud rnams kyis smras pa/ gang bla na med pa yang dag par rdzogs pa'i byang chub tu sems skyed pa 'am/ gang gzhan la khong du chud par bgyis te/ yang dag par 'dzin du 'jug pa de bsod nams ji snyed cig bskyed par bgyid/ smras pa/ grogs po dag gang gis sangs rgyas kyi zhing gang+gA'i klung gi/ bye ma snyed rin po ches yongs su bkang ste/ sbyin pa byin pa bas/ gang gi bla na med pa yang dag par rdzogs pa'i byang chub tu sems bskyed na/ de ni de bas ches bsod nams mang du bskyed par 'gyur ro/ / grogs po dag gang gis sangs rgyas kyi zhing gang+gA'i klung gi bye ma snyed kyi sems can thams cad la bde ba'i yo byad thams cad kyis bskal pa 'bum gyi bar du bkur sti byas pa bas/ gang gis gzhan la khong du chud par byas te/ yang dag par 'dzin du bcug na/ de ni de bas ches bsod nams mang du bskyed par 'gyur ro// de dag gi smras pa/ gang gis bla na med// pa yang dag par rdzogs pa'i byang chub las byang chub sems dpa'i bar chad bgyid na/ de bsod nams ma lags pa ji snyed cig bskyed pa 'gyur/ sprul pa'i byang chub sems dpa' rnams kyis smras pa/ sems can de dag gi mig phyung na/ de bsod nams ma yin pa ji tsam zhig bskyed par 'gyur/ de dag gis smras pa/ mang ngo // smras pa/ bla na med pa/ yang dag par rdzogs pa'i byang chub las/ byang chub sems dpa'i bar chad byas pa ni/ de bas ches bsod nams ma yin pa mang du bskyed par 'gyur ro// de nas bdud mang ba de dag gdams ngag 'di dag bstan pa dang / cho 'phrul 'di lta bu mthong nas/ thams cad bla na med pa yang dag par rdzogs pa'i byang chub du sems bskyed do// sprul pa'i byang chub sems dpa' de dag thams cad la yang lha'i me tog dang / me tog 'phreng dang / byugs pa rnams kyis mngon par gtor to// sil snyan brgya stong dag kyang kun tu bkrol te/ tshig 'di skad du ded dpon chen po khyod myur bar bla na med par yang dag par rdzogs pa'i byang chub mngon par rdzogs par sangs rgyas nas/ de'i 'og tu bdag cag kyang byang chub la dgod du gsol zhes kyang 'dzer to// der lha gzhan bdag gi kyang sgra phyung ste/ kye ma bdud 'di dag gis bla na med pa yang dag rdzogs pa'i byang chub tu sems bskyed pa'i phyir/ 'di rnams ni ngan 'gro'i 'jigs pa thams cad las rab tu dgro'o// kye ma de bzhin gshegs pa 'di ni 'jigs pa med par sbyin pa ste/ de bas na de bzhin gshegs pa 'di'i mtshan ni 'jigs med sbyin 'jigs med sbyin zhes bya'o// zhes 'dzer to mo'u 'gal gyi bu 'di ji snyams du sems/ 'jig rten gyi khams de na sems can de dag la chos ston pa'i de bzhin gshegs pa de gzhan zhig yin snyam du sems na/ mo'u 'gal gyi bu khyod kyis de ltar mi blta'o// de ci'i phyir zhe na/ nga nyid 'jig rten gyi khams de na ming 'di skad ces bya bas chos ston to// mo'u 'gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la nyan thos dang / rang sangs rgyas thams cad kyis 'jug par mi nus so/ / mo'u 'gal gyi bu stong gsum gyi stong chen po'i 'jig rten gyi khams 'di nyid nas/ shar dang / lce'i phyogs mtshams su gling chen po bzhi pa'i 'jig rten gyi khams brgyad khri bzhi stong 'das pa na/ gling chen po bzhi pa'i 'jig rten gyi khams kun nas sna tshogs can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas me tog sna tshogs can zhes bya ba chos ston to/ / mo'u 'gal gyi bu gling chen po bzhi pa'i 'jig rten gyi khams de yang bkra zhing blta na sdug la/ mig mangs ris su 'dug cing rin po che'i dra bas khebs la ka tsa lin di ka ltar reg na bde ba'i rtswa sngon po khrun du sor bzhi tsam gyi kun tu khyab par 'dug go/ / sa chen po de yang rkang pa bteg na ni 'phar ces bye la/ rkang pa gzhag na ni nems zhes byed do/ / sa chen po de lag mthil ltar mnyam par 'dug go/ mo'u 'gal gyi bu kun nas sna tshogs can gyi 'jig rten gyi khams de na/ grong khyer chen po bzangs mchog ces bya ba 'byor cing rgyas la/ bde ba dang / lo legs pa dang / nyams dga' ba dang / skye bo dang / mi mang pos gang ba zhig yod do// grong khyer de'i shar phyogs nas na nub phyogs kyi chur ni dpag tshad sum cu rtsa gnyis yod do/ / lho phyogs nas byang phyogs zheng du ni dpag tshad bcu gnyis yod do// mo'u 'gal gyi bu grong khyer chen po bzangs mchog de'i nang na sems can ches mang po dag gi/ yul ang ga dang / ma ga d+ha dang / ku ru 'di dag na ni de ma yin no// mo'u 'gal gyi bu de ltar na/ de bzhin gshegs pa me tog sna tshogs can ni grong khyer chen po bzang mchog na gnas shing bzhugs te/ de'i chos bstan pa gcig gis sems can khrag khrig phrag sum cu ni dgra bcom pa nyid du btul to// khrag khrig phrag sum cu ni phyir mi 'ong ba'i 'bras bu la btul to/ / khrag khrig phrag cu ni lan cig phyir 'ong ba'i 'bras bu la btul to// khrag khrig phrag sum cu ni rgyun du zhugs pa'i 'bras bu la btul te// khrag khrig phrag sum bcu ni rang sangs rgyas kyi byang chub tu yongs su smin par byas so/ / de'i nyis gyur ni bla na med pa yang dag par rdzogs pa'i byang chub tu sems bskyed do// gzhan yang sems can dpag tu med pa dag gi dge ba'i rtsa ba yongs su smin par byas so/ / mo'u 'gal gyi bu gling chen po bzhi pa'i 'jig rten gyi khams de na/ sbrang rtsi 'byung zhes bya ba'i shing 'dzin pa rtag tu me tog dang ldan pa dang / rtag tu 'bras bu dang ldan pa dag yod de/ me tog dang / 'bras bu de dag gi ro ni dper na/ ro brgya dang sbyar ba'i 'bras chen dang 'dra ste/ de las skyes pa'am/ bud med dag gis me tog gcig gam 'bras bu gcig zos na/ de nyid mtshan bdun gyi bar du des 'tsho bar 'gyur te/ spro ba dang / mdog kyang nyams par mi 'gyur la/ lus gzi byin dang / kha dog dang ldan par yang nyams su tshor ba 'gyur ba dang / zo ba dog yang par 'gyur ro// zos nas kyang phyi sa dang / gci ba med la/ ngar snabs dang / snabs kyang med do// 'jig rten gyi khams de na zhing rmod pa yang med tshong byed pa yang med/ rtsis byed pa yang med/ las su bya ba yang med de/ sems can de dag ni me tog dang 'bras bu za'o// de na phyug po yang med/ dbul po yang med/ sems can de dag longs spyod mnyam mo// mo'u 'gal gyi bu de bzhin gshegs pa de'i nyan thos kyi dge 'dun ni 'bum phrag dgu bcu rtsa dgu yod do/ / de bzhin gshegs pa de yang me tog kun tu rgyas pa zhes bya ba'i bskyed mos tshal de na bzhugs te/ bcom ldan 'das de nyan thos kyi dge 'dun dang bcas par bzhugs nas gdug tshod la 'bab pa na/ shing ljon pa rnams der 'dud par 'gyur te/ me tog dang / 'bras bu de dag bcom ldan 'das dge slong rnams kyi lhung bzed nang du 'brul bar 'gyur la/ bshos gsol zin par rig nas/ shin ljon pa de dag phyir rangs te/ snga mkho bzhin du 'dug go// mo'u 'gal gyi bu 'jig rten gyi khams de'i yon tan ni de dag yin te/ de bas kyang lhag par yod do// mo'u 'gal gyi bu 'di ji snyam du sems/ de bzhin gshegs pa 'jig rten gyi khams de na sems can de dag la chos ston pa de bzhin zhig yin par khyod som nyi'am/ yid gnyis sam/ the rtsom za na/ khyod kyis de ltar mi blta'o// de ci'i phyir zhe na/ nga nyid 'jig rten gyi khams de na/ me tog sna tshogs can zhes bya ba'i ming gis chos ston to/ / mo'u 'gal gyi bu 'di yang sangs rgyas kyi rdzu 'phrul gyi rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so/ / mo'u 'gal gyi bu stong sum gyi stong chen po'i 'jig rten gyi khams 'di nyid nas/ lho dang nub kyi phyogs mtsham su gling chen po bzhi pa'i 'jig rten gyi khams bdun khri 'das pa na/ gling chen po bzhi pa'i 'jig rten gyi khams rnam par phye ba'i blo gros shes bya ba zhig yod de/ de na gling gcig na yang rgyal po brgyad khri yod do// gling gcig na yang grong khyer brgyad khri dang / tshong dus brgyad khris yod do/ / grong khyer dang / grong rdal dang / yul 'khor dang / tshong 'dus de dag thams cad ni yang mi bye ba phrag 'bum dag gis yongs su gang ngo // rgyal po de dag thams cad kyang rang rang gi rgyal srid kyis chog par 'dzin to/ / rgyal po de dag thams cad kyang chos dang ldan pa'i rgyal po ste/ chos ma yin pa spangs pa sha stag go// rgyal po de dag thams cad la yang btsun mo bud med / brgyad khri bzhi stong / brgyad khri bzhi stong yod de/ bud med de dag thams cad kyang yul gyi bzang mo sha stag go/ rgyal po re re la bu lnga brgya lnga brgya yod do// rgyal po re re la yang bu mo khri nyis stong nyis stong yod de/ / thams cad kyang yul gyi bzang mo sha stag go// rgyal po de dag thams cad kyang chad pa med pa dang / mtshon cha med pa rang rang gi 'og tu gtogs pa 'dul bar byed do// mo'u 'gal gyi bu 'jig rten gyi khams rnam par phye ba'i blo gros de na/ de bzhin gshegs pa dgra bcom pa yang dag par rdzogs pa'i sangs rgyas 'od zer rab tu 'gyed pa zhes bya ba chos ston to// mo'u 'gal gyi bu de bzhin gshegs pa de ni bla na med pa yang dag rdzogs pa'i byang chub mngon par rdzogs par sangs rgyas nas/ gling chen po bzhi pa'i 'jig rten gyi khams der ta la 'dun srid tsam gyi nam mkha' la mngon par 'phags nas/ skyil mo krung bcas te/ skyil krung gcig gis gling chen po bzhi pa'i 'jig rten gyi khams khyad par byas nas/ 'od gzer dag rab tu 'gyed pa dang / me tog gi char 'bebs pa dang / sil snyan brgyad stong po dag dkrol bzhing / sa chen po rnam pa drug tu rab tu bskyod nas/ tshangs pa'i sgra skad lta bu dge ba'i rtsa ba 'bum phrag du mas yang dag par sgrubs pa'i gsung gi ches kyi 'khor lo bskor te/ 'di lta ste/ nyon mongs pa'i thams cad zad par bya ba'i phyir/ rdul med par mya ngan las 'das pa yang dag par sten to// byang chub sems dpa' rnabs bsdu ba'i phyir/ chos ston to// des de lta de ltar chos bstan pas gling bzhi pa'i rgyal po brgyad khri bu dang bcas/ chung ma dang bcas/ bu mo dang bcas pa de dag ma gtogs pa'i skyes pa dang / bud med dang / khye'u dang / bu mo de dag chos rnams la chos kyi mig rdul med cing dri ma dang bral ba rnam par dag go// rgyal po de dag bu dang bcas/ chung ma dang bcas/ bu mo dang bcas pas kyang bla na med pa yang dag par rdzogs pa'i byang chub tu sems bskyed de/ thams cad kyi tshig 'thun par de bzhin gshegs pa la rab tu 'byung bar gsol ba 'debs so// de dag thams cad kyang de bzhin gshegs pas dge slong tshur shog ces gsungs pas rab tu byung ngo // de ltar thams cad rab tu byung nas/ so so'i grong khyer dang / grong rdal dang / yul 'khor dang / tshong 'dus dang / rgyal po'i pho brang dag tu gnas pa'i longs spyod kyis gnas so// ma rmos ma btab pa'i 'bras sA lu yang byung ngo // lha rnams kyang de dag la bsnyen bkur byed do// / de nas de bzhin gshegs pa de'i chos bstan pa gnyis pa la nyan thos kyi theg pa po thams cad ni lan cig phyir 'ong ba'i 'bras bu la bkod do// byang chub sems dpa'i theg pa pa rnams ni chos rnams la ni mi skye ba dang 'thun pa'i bzod pa la 'god do/ / chos bstan pa gsum pa la ni nyan thos kyi theg pa pa rnams ni phyir mi 'ong ba'i 'bras bu la 'god do// byang chub sems dpa'i theg pa pa rnams ni mngon par shes pa lnga thob bo/ / chos bstan pa bzhi pa la ni nyan thos kyi theg pa pa thams cad ni dgra bcom pa nyid la 'god do// byang chub sems dpa'i theg pa pa rnams ni chos rnams la mi skye bar bzod bathob bo/ / rgyal po'i btsun mo de dag dang / sras de dag dang / rgyal po'i bu mo de dag ni lus de nyid kyis bud med kyi lus las gyur te/ skyes pa'i lus thob par gyur nas/ de dag thams cad ni de bzhin gshegs pa des bla na med pa yang dag par rdzogs pa'i byang chub tu lung bstan to/ / mo'u 'gal gyi bu 'di ji snyams du sems/ 'jig rten gyi khams de na de bzhin gshegs pa chos ston pa de bzhin zhig yin snyam du sems na/ mo'u 'gal gyi bu khyod kyi de ltar mi blta'o// de ci'i phyir zhe na/ nga nyid 'jig rten gyi khams de na ming de skad ces bya bas chos ston to// mo'u 'gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so// mo'u 'gal gyi bu stong gsum gyis stong chen po'i 'jig rten gyi khams 'di nyid nas/ nub dang byang gi phyogs mtshams su gling chen po bzhi pa'i 'jig rten gyi khams lnga khri lnga stong 'das pa na/ gling chen po bzhi pa'i 'jig rten gyi khams spos ldan zhes bya ba zhig yod de/ tsan dan sbrul gyi snying po 'ba' shig yod la/ spos de srang gcig ni 'dzam bu'i gling 'di ri'o// de na shing ljon pa spos kyi ngang kun nas ldang ba zhes bya ba dag kyang yod deHshing gcig la kho ra khor yug du dpag tshad bcur spos kyi ngad ldang ngo / / de nas sa chen po las pad+ma shing ta'i 'phang lo tsam la 'dab ma 'bum 'phrag du ma dang / kha dog 'bum 'phrag du ma dang ldan pa/ 'jam zhing ka tsa lin di ka ltar reg na bde ba/ 'phang du khru bcu pa tsam dag skyed de/ pad+ma re re'i dris kyang gling bzhi pa'i 'jig rten gyi khams de dri bsung zhing zhim par byed do/ / gling chen po bzhi pa'i 'jig rten gyi khams de na tsan dan gyi khang pa brtsegs pa dang / tsan dan gyi 'chags pad+ma dang / me tog gis gang par 'dug go// khang pa brtseg pa sha stag 'bum phrag du mas 'jig rten gyi khams de khyab par 'dug go/ / de na grong dang grong khyer gyi yongs su 'dzin pa med de/ dper na gzhan 'phrul dbang byed kyi lha rnams kyi nye bar spyad pa dang / longs spyod ji lta ba bzhin du 'jig rten gyi khams de na mi de dag gis nye bar spyad pa dang / longs spyod kyang de dang 'dra'o// mo'u 'gal gyi bu 'jig rten gyi khams spos ldan de na/ de bzhin gshegs pa spos 'gyed 'od gzer can zhes bya ba da ltar chos ston te/ de bzhin gshegs pa de ni nyan thos dang / rang sangs rgyas kyi gtam yongs su spangs pa/ byang chub sems/ dpa'i gtam 'ba' shig gsung ngo // gling chen po bzhi pa'i 'jig rten gyi khams de ni byang chub sems dpa' sems dpa' chen po thams cad kyang rdzu 'phrul thob pa sha stag gis yongs su gang ngo / / byang chub sems dpa'i 'khor de na/ byang chub sems dpa' chos thams cad la rnam par 'phrul pa'i rgyal po zhes bya ba bsam gyis mi khyab pa'i 'jug pa dang ldan pa/ bzod pa gnyis pa thob pa/ mngon par shes pa rnams la mkhas pa/ spobs pas rtogs par khong du chud pa/ sangs rgyas 'bum phrag du ma mang po la snyen bkur byas pa 'dug ste/ mo'u 'gal gyi bu byang chub sems dpa' chos thams cad la rnam par 'phrul pa'i rgyal po de la de bzhin gshegs pa des bskul te/ skabs phye nas chos ston te/ bcom ldan 'das de'i spyan sngar stan las langs nas/ de bzhin gshegs pa'i zhabs la phyag 'tshal te/ de bzhin gshegs pa la lan gsum bskor ba byas nas/ steng gi bar snang la mngon par 'phags te/ skyil mo krung gis khor khor yug tu dpag tshad bcur khyad par byas nas/ spu'i khung po thams cad nas 'od zer dag 'gye ste/ 'jig rten gyi khams thams cad 'od kyis khyad par byas nas/ me tog kha dog sna tshogs 'bum dang ldan pa/ shing rta'i pang mo tsam bdag gi seMs chen po de dag la mi 'theb tsam du bkrams te/ 'jig rten gyi khams thams cad du lha dang mi'i sil snyan dag gi sgra 'byin to// sil sna de dag las kyang chos kyi phyag rgya'i sgra brgyad brgya 'byung ngo / / chos kyi phyag rgya re re la yang mdo bye ba phrag rgya bcu rtsa bzhi bsdus so// mdo re re la yang tshigs su bcas pa bdun khri nyis stong gis brjod do/ / des skyil po krung de las ma langs par sems can bye ba khrag sdig 'brum phrag dgu curtsa drug blan med pa yang dag par rdzogs pa'i byang chub las phyir mi rdzog pa la bkod de/ thams cad kyang chos rnams mi skye bar bzod pa thob par byas so// mo'u 'gal gyi bu 'jig rten gyi khams dri de lta bu'i byang chub sems dpa' dag gi yongs su gang ngo // den sems can zhar ba'am/ theng po 'am/ gyol po'am/ 'on pa'am/ dbul po 'am/ mdog ngan pa 'ga' yang med de/ sems can de dag thams can skyes bu chen po'i mtshan sum bcu rtsa nyis dang ldan pa'i byang chub sems dpa' sha stag go/ / sems can de dag ni chos kyi dga' ba'i dga' ba ma gtogs par gzhan ci la yang dga' ba med do// byang chub sems dpa' sems dpa' chen po de dag la ni bsam gtan gyi dga'i zas me tog par zas gzhan ci yang med do/ / de na mi khom par ltung zhing skye ba yang med do// de nas shi 'phos nas kyang de bzhin gshegs pa'i 'gro ba ma gtogs par zas gzhan du 'gro ba med do/ / mo'u 'gal gyi bu 'di ji snyam du sems/ 'jig rten gyi khams de na btsugs pa'i/ de bzhin gshegs pa spos 'gyed 'od zer can zhes bya ba de gas gzhig yin snyam du sems na/ mo'u 'gal gyi bu khyod kyi de ltar mi blta'o// de ci'i phyir zhe na/ nga nyid 'jig rten gyi khams de na ming de skad ces bya bas/ sems can rnams la chos ston to// mo'u 'gal gyi bu 'di yang sangs rgyas kyi rdzu 'phrul rnam par 'brul ba'i cho 'phrul yin te/ de la ni nyan thos dang rang sangs rgyas thams cad kyi 'jug par mi nus so// mo'u 'gal gyi bu stong gsum gyi stong chen po'i 'jig rten gyi khams 'di nyid nas/ byang dang shar gyi phyogs mtshams su gling chen po bzhi pa'i 'jig rten gyi khams bzhi khri nyis stong 'das pa na/ gling chen po bzhi pa'i 'jig rten gyi khams mya ngan gyis 'joms pa zhes bya ba zhig yod de/ de na sems can 'khod pa rnams ni 'dod chags kyi chags pa dang / zhe sdang gis sdang ba dang / gti mug gis rmongs pa dang / brkam pa dang / brlang ba dang / rgod pa dang / mu cor smra ba dang / dbang po zhan pa dang / ser sna can dang / tshul khrims 'chal pa dang / gnod sems che ba dang / le lo can dang / snyoms las can dang / brjed ngas pa dang / shes bzhin med pa dang / bdag tu lta ba dang / sems can dang / srog dang / gang zag tu lta ba dang / shes rab 'chal ba dang / lug ltar lkugs pa dang / ngo tsha mi shes pa dang / khrel mi shes pa dang / gus pa med pa dang / sems 'khrugs pa sha stag go// sems can de dag ni kha dog ngan pa dang / chung par grags pa dang / byang ngan pa dang / dka' bas 'tsho ba dang / gcig la gcig 'drid par gnas pa sha stag go/ de na zla ba drug tu char mi 'bab ste/ lo tog legs par mi smin to// sa chen po de ni rtsub pa dang / mkhrang ba dang / tsher ma sna tshogs can dang / ga yang sa dang / ri brag gis gang ngo // 'jig rten gyi khams de na sems can de dag chu ni 'bru mar gyi snyigs ma dang dri ma dang 'dra'o// sems can de dag ni gos dang / chos gos dang / longs spyod dag gis dbul ba dang / bkren pa dang / gzhan gyi nor 'phrog pa sha stag go// 'jig rten gyi khams de la rgyal po sdang chag zhes bya ba zhig yod/ sems can de dag la rgyal srid kyi dbang phyug la dbang byed de/ sems can de dag gi nor dang / 'bru byung ngo cog rgyal po'i mdzod du 'drub par byed do// sems can de dag ni chad pa dang / brdeb pa 'ba' shig gis gzir ba sha stag go// mo'u 'gal gyi bu de dag ni 'jig rten gyi khams de na tshe de'i sdug bsngal yin no// gang 'chi ba de dag kyang shi nas phal cher sems can dmyal ba rnams dang / dud 'gro'i skye gnas rnams dang / gshin rje'i 'jig rten du skye bar 'gyur ro// mo'u 'gal gyi bu gling chen po bzhi pa'i 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas snying brtse ba dang / snying rje'i sems yid la byed pa zhes bya ba chos ston te/ mo'u 'gal gyi bu de bzhin gshegs pa de ni cho 'phrul rnam pa bco brgyad kyi chos ston to/ / des lo bdun brgya'i bar du chos bstan kyang sems can gtsigs kyang chos mngon par rtogs par ma gyur la/ de bzhin gshegs pa de yang skyo ba med pa'i steng du snying rje chen pos chos kyang ston to/ / mo'u 'gal bu de ltar na de bzhin gshegs pa de grong ngam/ grong khyer ram grong rdal du gnas shing bzhugs la/ sems can de dag gis spros shing brgyad bkag ste/ smad cing gshud par byed kyang der sems can yongs su smin par bya ba'i phyir/ snying rje chen pos de dag bzod par mdzad do// mo'u 'gal gyi bu de bzhin gshegs pa des lo bdun brgya pas kyang lhag bar sems can kha gcig yongs su smin par mdzad de/ chos bstan pa lan cig la sems can khrag khrig phrag brgyad bcu rtsa bzhis ni dgra bcom pa nyid thob bo// khrag khrig phrag brgyad bcu rtsa bzhis ni phyir mi 'ong ba'i 'bras bu thob bo/ / khrag khrig phrag brgya bcu rtsa bzhis ni lan cig phyir 'ong ba'i 'bras bu thob bo// khrag khrig brgyad bcu rtsa bzhis ni rgyun tu bzhugs pa'i 'bras bu 'thob ste/ de dag kyang nyi ma gcig la rab tu byung bsnyen par rdzogs so// slob pa dang / mi slob pa de dag thams cad kyang gcig la gcig lung bstan pas/ nyi ma gcig gis yongs su mya nams 'das so// / de bzhin gshegs pa de ni byang chub sems dpa' lnga las kyi sgrib pas der skyes te/ sdug bsngal gyi tshor ba nyams su myong ba de dag yongs su smin par mdzad pa'i phyir da dung yang bzhugaso// de skad ces bka' stsal pa dang / bcom ldan 'das la tshe dang ldan pa mo'u 'gal gyi bu chen pos 'di skad ces gsol to// bcom ldan 'das las kyi sgrib pa gang gis na/ byang chub sems dpa' rnams re shig 'jig rten gyi khams nyon mongs par skye bar 'gyur lags/ bka' stsal pa/ mo'u 'gal gyi bu byang chub sems dpa' chos bzhi dang ldan nare shig skye ba ngan pa len par 'gyur ro/ / bzhi gang zhe na/ mo'u 'gal gyi bu byang chub sems dpa' byang chub sems dpa'i ming gi rnyed pas 'tsho bar byed la/ byang chub sems dpa'i bslab pa la mi slob pa dang / mo'u 'gal gyi bu gzhan yang byang chub sems dpa' dam pa'i chos spong ba yal bar 'dor zhing zlog par mi byed pa dang / mo'u 'gal gyi bu gzhan yang byang chub sems dpa' byang chub sems dpa' gzhan dag gi snyed pa'i bar chad byed cing bsngags pa ma yin pa brjod pa dang / mo'u 'gal gyi bu gzhan yang byang chub sems dpa' lus kyi las dang / ngag gis las dang / yid kyi las ma srungs pa dang ldan pa ste/ mo'u 'gal gyi bu byang chub sems dpa' chos bzhi dang ldan na/ re shig 'gro ba ngan par 'gro bar 'gyur ro// mo'u 'gal gyi bu 'di ji snyam du sems/ 'jig rten gyi khams de na bzhugs pa'i de bzhin gshegs pa snying brtse ba dang / snying rje'i sems yid la byed pa zhes bya ba de bzhin zhig yin snyam du sems nanamo'u 'gal gyi bu khyod kyis de ltar mi lta'o/ / de ci'i phyir zhe na/ nga nyid 'jig rten gyi khams de na ming de skad ces byas sems can rnams la chos ston to// mo'u 'gal gyi bu 'di yang sangs rgyas kyi rdzu 'phrul gyis rnam par 'phrul pa'i cho 'phrul yin te/ de la ni nyan thos dang / rang sangs rgyas thams cad kyis 'jug par mi nus so// mo'u 'gal gyi bu de ltar na/ de bzhin gshegs pa na stong gsum gyi stong chen po'i 'jig rten gyi khams thams cad du/ sangs rgyas kyi 'phrin las mdzad de/ de la ni ston pas ma bstan gyi bar du/ khyed nyan thos rnams kyis 'jug par mi nus so// mo'u 'gal gyi bu stong gsum gyi stong chen po'i 'jig rten gyi khams 'di nas/ gling chen po bzhi pa'i 'jig rten gyi khams bye ba phrag brgya yod de/ de na de bzhin gshegs pa mos pa ji lta ba bzhin du sems can rnams la chos ston to// mo'u 'gal gyi bu stong gsum gyi stong chen po'i 'jig rten gyi khams 'di nyid na/ gling chen po bzhi pa'i 'jig rten gyi khams gang na/ tshangs pa'i gzugs kyis chos ston te/ de bzhin gshegs pa rab tu 'byung ba dang / gos ngur smrig mi ston pa yang yod do// de bzhin du brgya byin gyi gzugs kyis kyang nga chos ston to/ / de bzhin du skye ba thams cad kyis kyang chos ston to// mo'u 'gal gyi bu stong gsum gyi stong chen po'i 'jig rten gyi khams 'di dag thams cad na/ ji lta bur mos pa'i sems can rnams la ji ltar mos pa bzhin du nga chos ston to/ / sangs rgyas kyi zhing tshad med pa gzhan dang / gzhan dag tu yang nga chos ston te// de la ni nyan thos dang / rang sangs rgyas thams cad kyis 'jug par mi nus so/ / mo'u 'gal gyi bu dper na/ zla ba'i dkyil 'khor ram/ nyi ma'i dkyil 'khor ni gzhal med khang nas kyang mi yo la/ grong dang grong khyer dang / grong rdal dang / yul khor dang / rgyal po'i pho brang thams cad du yang dag par snang ngo // mo'u 'gal gyi bu de bzhin du/ de bzhin gshegs pa dgra bcom pa yang dag par rdzogs pa'i sangs rgyas ni rang gi sangs rgyas kyi zhing las kyang ma g.yos la/ sangs rgyas kyi zhing dpag tu med pa dag tu yang dag par snang ste/ sems can ji ltar yongs su smin par gyur pa rnams la chos ston to/ / de nas bcom ldan 'das la tshe dang ldan pa mo'u 'gal gyi bu chen po 'di skad ces gsol to// bcom ldan 'das gang sum cu rtsa gsum 'ag na bzhugs pa dang 'dzum bu gling dang / lha'i gnas rnams dang / stong gsum gyi stong chen po'i 'jig rten gyi khams 'di na/ gling chen po bzhi pa'i 'jig rten gyi khams gzhan dang / gzhan dag na chos ston cing bzhugs pa la/ de bzhin gshegs pa yang dag pa gang lags/ gang la yon phul na mthu che bar 'gyur ba'i de bzhin gshegs pa'i yang dag pa ni 'di lags so snyams du/ bdag gis ji ltar 'tshal bar bgyi/ de skad ces gsol pa dang / bcom ldan 'das kyis tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal kyi bu de'i phyir khyod nyid la phyir dri bar byas/ khyod kyis ji ltar bzod pa de bzhin du lan thob shig/ mo'u 'gal gyi bu 'di ji snyam du sems/ sgyu ma mkhan gyis sprul pa'i skye ba 'am/ bud med gang yin pa de la yang dag pa gang yin/ gsol pa/ bcom ldan 'das de la ni yang dag pa ci yang ma mchis so// de ci'i slad zhe na/ sgyu ma mkhan gyis gsang sngags dang / rig sngags stobs kyis bskyed de/ sprul pa sprul par byas pas na/ de dag la ni khyad par ma mchis so// bka' stsal pa/ mo'u 'gal gyi bu ci gang gi phyir sprul pa de'i bya ba byed dam/ gsol pa/ bcom ldan 'das bgyid legaso// bka' stsal pa/ mo'u 'gal gyi bu de bzhin du sgyu ma lta bu'i chos thams cad la ni khyad par ram tha dad du dbye ba med do// mo'u 'gal gyi bu ji ltar sgyu ma mkhan gyis gsang sngags dang / rig sngags kyi stobs kyis sprul pa mang po sprul la/ de dag kyang mnyam zhing khyad par med pa de bzhin du/ mo'u 'gal gyi bu de bzhin gshegs pa'i shes rab dang / rig pa dang / ye shes kyis sangs rgyas kyi zhing thams cad du ston par mdzad la/ de dag kyang mnyam zhing khyad par med par 'di lta ste/ sangs rgyas kyi 'phrin las kyi bya ba byed de/ de la yon phul ba gang yin pa de dag gis rnam par smin pa yang mnyam par 'gyur ro/ / mo'u 'gal gyi bu sangs rgyas bcom ldan 'das rnams ni cung zad kyang tha dad du dbyer med do// mo'u 'gal gyi bude lta bas na/ yang dag pa ma yin pa dang / sgyu ma lta bur gyur pa'i chos thams cad ni/ chos kyis dbyings su khyad par ram tha dad du dbyer med do// mo'u 'gal gyi bu de bzhin gshegs pa ni bzhed na/ 'jig rten gyi khams gcig tu yang mtshan sum cu rtsa gnyis dang ldan pa'i de bzhin gshegs pa de'i rang bzhin dang / chu zheng ldan pa gang+gA'i klung gi bye ma snyed du sprul par mdzad de/ de dag kyang rnam pa drug cu ldan pa'i ngag gi las kyi chos ston to// de bzhin gshegs pa de dag thams cad kyis kyang / sems can thams cad kyi sems kyi spyod pa mkhyen to// de bzhin gshegs pa de dag thams cad kyang ji ltar mos pa'i sems can rnams la mos pa dang / dbang po ji lta ba bzhin du 'jug pa'i shes pa skyed pa'i phyir chos ston to// de bzhin gshegs pa de dag thams cad kyis chos bstan pas sems can sna tshogs nges par 'byung bar 'gyur te/ de ltar sdug bsngal yang dag par zad par bya ba'i phyir/ de bzhin gshegs pa de dag thams cad cho 'phrul rnam pa bzhis chos ston to/ / de bzhin gshegs pa de dag thams cad ni sangs rgyas kyi yon tan thams cad kyang yang dag par ston to// mo'u 'gal gyi bu 'di ji snyam du sems/ de dag la ches khyad par du 'phags pa 'am/ ches gzugs dang ldan pa'am/ ches kha dog dang ldan pa'am/ ches spobs pa dang ldan pa'am/ ches ye shes dang ldan pa 'am/ ches rdzu 'phrul dang ldan pa'am/ ches chos ston pa dang ldan pa 'am/ ches sems can yongs su dgrol ba dang ldan pa gang yin/ gsol pa/ bcom ldan 'das de la ni tha dad par bstan par mi nus lags so/ / bka' stsal pa/ mo'u 'gal gyi bu de lta bas na rnam grangs 'dis kyang chos thams cad ni sprul pa'i ngo bo nyid de/ khyad par yang med/ tha dad du dbyer yang med pa de ltar na rig par bya'o/ / mo'u 'gal gyi bu chos thams cad sprul pa'i ngo bo nyid du shes pa gang yin pa de dag ni so so'i skye bo rnams la yang tha dad par dbye bar mi 'dod na/ sangs rgyas bcom ldan 'das rnams lta ci smos/ de ci'i phyir zhe na/ mo'u 'gal gyi bu chos thams cad ni rang bzhin gyis stong pa/ kun du rtag pa dang / yongs su brtag pa las byung ba ste/ de dag la ji ltar 'dod pa de bzhin du rnam par bsgrub pa sod kyi/ chos kyi dbyings ni skye ba yang med/ 'jig pa yang med do// mo'u 'gal gyi bu chos kyi dbyings de ni de bzhin gshegs pas de bzhin du thugs su chud de/ de thugs su chud pa'i phyi de bzhin gshegs pa'i spu'i khung bu gcig nas 'dzam bu gling gi sems can ji snyed pa de dag thams cad kyi bdun du/ de bzhin gshegs pa dge slong gi dge 'dun dang bcas pa yang dag par ston la/ de dag kyang gcig gis gcig mi shes so// me'u 'gal gyi bu 'dzam bu gling lta zhog gi gling chen po bzhi pa'i 'jig rten gyi khams kyi sems can lha'ab/ mi 'am/ de ma yin pa'i skye ba'i gnas na gnas pa ji snyed pa'i sems can de dag thams cad kyi mdun du de bzhin gshegs par chu chung bu gcig nas de bzhin gshegs pa dge slong gi dge 'dun dang bcas yang dag par ston la/ de dag kyang gcig gis gcig mi shes so// mo'u 'gal gyi bu gling chen po bzhi pa'i 'jig rten gyi khams sems can rnams lta bzhog gi/ mo'u 'gal gyi bu nan gyis dper byas na/ stong gsum gyi stong chen po'i 'jig rten gyi khams kyi sems can du bsngasdu bar bsdus pa ji snyed pa de dag thams cad snga phye med par mi'i lus thob par gyur la/ mo'u 'gal gyi bu sems can mir gyur pa de dag thams cad kyi mdun du/ de bzhin gshegs pas spu'i khung bu gcig nas/ de bzhin gshegs pa dge slong gi dge 'dun dang bcas pa yang dag par mdzad la/ de dag kyang gcig gis gcig mi shes so// mo'u 'gal gyi bu stong gsum gyi stong chen po'i 'jig rten gyi khams kyi sems can thams cad lta zhog gi/ mo'u 'gal gyi bu shar phyogs kyi 'jig rten gyi khams gang+gA'i klung gi bye ma snyed dag na/ sems can du smos pa gang yin pa'i sems can gyi khams ni ches mang gis/ sa'i khams ni de ltar ma yin no/ / de bzhin du lho dang / nub dang / byang gi phyogs dang / phyogs tshams dang / 'og dang steng gi phyogs bcur kho ra khor yug du/ phyogs re re yang 'jig rten gyi khams gang+gA'i klung gi bye ma snyed dag na/ sems can du smos pa gang yin pa'i sems can gyi khams ni ches mang gi/ sa'i khams ni de ltar ma yin no// mo'u 'gal gyi bu nan gyis dper byas na/ sems can de dag thams cad kyis snga phyi med par mi'i lus thob par gyur kyang / mo'u 'gal gyi bu sems can de dag thams cad la yang / de bzhin gshegs pas spu'i khung bu gcig nas re re bdun du/ de bzhin gshegs pa dge slong gi dge 'dun dang bcas par yang dag par ston la/ sems can de dag kyang cig gis cig mi shes so// mo'u 'gal gyi bu phyogs bcur gang+gA'i klung gi bye ma snyed 'jig rten gyi khams dag na/ sems can 'khod pa rnams lta zhog gi/ mo'u 'gal gyi bu de bzhin gshegs pa ni gdan 'di la bzhugs bzhin du/ sangs rgyas kyi spyan sgrib pa med pa dang / thogs pa med pas sangs rgyas kyi zhing ji snyed yod pa rnams gzigs te/ de dag ni ngas kyang sangs rgyas kyi ye shes ma mnyam pas/ bskal pa 'bum du yang dper blangs pa 'grangs pa'i tshul gyis bstan par sla ba ma yin te/ sangs rgyas kyi zhing de dag ni de tsam du dpag du med do// ngas gdan 'di la bzhugs bzhin du gang gzigs pa dang / de bzhin gshegs pas dper blang ba bgrangs pa dag gis bstan pa gang yin pa de ni/ sems can thams cad rang sangs rgyas dang 'dra bar gyur pas kyang / shes pa'am/ gzhal ba 'am/ brtag par sla ba ma yin na/ nyan thos rnams kyis lta ci smos te/ de bzhin gshegs pa 'ba' shig gis sangs rgyas kyi zhing de dag rgya brag ji snyed yod pa dang / stong phrag ji snyed yod pa dang / 'bum phrag ji snyed yod pa dang / bye ba 'bum phrag ji snyed yod pa dang / gtams phrag ji snyed yod pa dang / dkrigs phrag ji snyed yod pa dang / mi 'khrugs phrag ji snyed yod pa dang / grangs med pa phrag ji snyed yod pa dang / dpag tu med pa phrag ji snyed yod pa dang / gang+gA'i klung gi bye ma snyed phrag ji snyed yod pa dang / stong gsum gyi rdul phra rab kyi rdul yongs su gang ba ji snyed yod pa mkhyen to/ / mo'u 'gal gyi bu sangs rgyas kyi spyan sgribs pa med pa dang / thogs pa med pas sangs rgyas kyi zhing ji snyed mthong ba'i sangs rgyas kyi zhing de dag na/ sems can gang sems can du bsdu bar bsdus shing smos pa'i sems can gyi khams rnams ni ches mang gi/ sa'i khams ni de lta ma yin to// sems can de dag thams cad kyis snga phyi med par mi'i lus thob par gyur la/ thob nas kyang 'khor los sgyur ba'i rgyal por gyur te/ 'khor los sgyur ba'i rgyal po re re la yang de snyed kyi 'khor yod par gyur kyang / mo'u 'gal gyi bu 'khor los sgyur ba'i rgyal po 'khor dang bcas pa de dag thams cad la de bzhin gshegs pas spu'i khung bu gcig nas/ re re'i bdun du de bzhin gshegs pas dge slong gi dge 'dun dang bcas pa yang dag par ston la/ gcig gis gcig kyang mi shes te/ rang gi de bzhin gshegs pa mthong ngo // de bzhin du spu'i khung bu thams cad nas kyang de bzhin gshegs pa'i dge slong gi dge 'dun dang bcas pa yang dag par ston kyang / de bzhin gshegs pa'i rdzu 'phrul gyis rnam par 'phrul pa'i cho 'phrul gyi brgya'i cha'am/ stong gi cha'am/ 'bum gyi cha 'am/ bye ba phrag 'bum gyi cha 'am/ grangs sam/ cha'am/ bgrang ba 'am/ dpe'am/ rgyu tsam yang yang dag par bstan par mi 'gyur te/ mo'u 'gal gyi bu de ltar na/ de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul dang / ye shes dpag tu med pa dang ldan no// mo'u 'gal bu 'di ji snyam du sems/ sems can 'khor los sgyur bar gyur pa de dag gi bsod nams kyi phung po gang gis 'khor los sgyur ba'i rgyal srid dang / rin po che sna bdun thob pa'i bsod nams kyi phung po mang ngam/ gsol pa bcom ldan 'das mang lags so// bde bar gshegs pa dpag tu ma mchis so/ / bka' stsal pa/ mo'u 'gal gyi bu khyod mos par bya'o// khong du chud par bya'o// sems can 'khor los sgyur bar gyur pa de dag thams cad kyi bsod nams kyi phung po de bas ches mang ba'i bsod nams kyi phung pos/ de bzhin gshegs pa'i spu'i khung bu gcig yongs su 'grub par 'gyur ro// de nas bcom ldan 'das la tshe dang ldan pa mo'u 'gal gyi bu chen pos 'di skad ces gsol to/ / bcom ldan 'das bdag gi ston pa 'di ltar rdzu 'phrul che ba dang / 'di ltar mthu che bar grags pa dang 'di ltar mthu che ba ni bdag gis rnyed pa legs par rnyed lags so/ / de lta lags kyis kyang bdag ni rgyu'i rjes su 'gro ba'i chos thams cad la thog pa ma mchis pa'i ye shes 'di lta bu las dman par 'gyur lags so/ / bcom ldan 'das de bzhin gshegs pa'i sangs rgyas kyi rdzu 'phrul gyis rnam par 'phrul pa'i cho 'phrul 'di thos nas/ lan cig sems bskyed pa'i sems can de dag kyang rnyed pa legs par rnyed lags na/ gang dag mos par bgyid la mos shing yid ches nas kyang / rdzu 'phrul dang / ye shes 'di lta bu yongs su rdzogs par bgyi ba'i slad du/ bla na med pa yang dag par rdzogs pa'i byang chub tu sems bskyed pa lha mos kyang ci 'tshal te/ sems can de dag ni lha dang bcas pa'i 'jig rten na phyag bgyi ba'i gnas lags so// bka' stsal pa/ mo'u 'gal gyi bu de ni de bzhin te/ khyod ji skad zer ba bzhin du/ sems can gang dag de bzhin gshegs pa'i yon tan rnams la yid ches pa de dag gis ni rnyed pa legs par rnyed do// de dag ni log par ltung ba'i dogs pa med par bya'o/ / de nas lha de dag dang / klu de dag dang / brgya byin de dag dang / tshangs pa de dag gis bcom ldan 'das las sangs rgyas kyi rdzu 'phrul rnam par 'phral pa'i cho 'phrul 'di thos nas/ tshig 'thun par sangs rgyas bcom ldan 'das rnams la phyag 'tshal lo// phyag 'tshal lo// sems can gang dag gis ye shes 'di lta bu yongs su rdzogs par bya ba'i phyir sems bskyed pa 'am/ skyed par 'gyur ba de dag la yang phyag 'tshal lo// ji ltar da ltar na de bzhin gshegs pa rnam par 'phrul pa de bzhin du/ de dag kyang rnam par 'phrul par 'gyur te/ de bas bdag rtsag gis 'di la som nyi'am/ yid gnyis sam/ the tsom za bar mi bya'o zhes ched du rjod pa ched du brjod do// de nas lha dang / klu dang / gnod sbyin dang / dri za de dag dang / brgya byin de dag dang / tshangs pa de dag gis/ bcom ldan 'das la mchod pa bya ba dang / chos kyi rnam grangs 'di la gus par bya ba'i phyir sel snyan 'bum sgrag phyung ngo / / lha'i me tog ut+pal dang / pad+ma dang / ku mud dang / pad+ma dkar po dag gis sum cu rtsa gsum gyi gnas thams cad la mngon par gtor to// chos kyi rnam grangs 'di bstan pa na/ sngon bla na med pa yang dag par rdzogs pa'i byang chub tu sems bskyed pa'i lha khrag khrig phrag bdun bcu rtsa gnyis sems bskyed de/ tshig 'di skad du ji ltar da ltar na/ de bzhin gshegs pas sgrogs pa de bzhin du bdag cag kyang ma 'ongs pa'i dus na/ lha dang bcas pa'i 'jig rten gyi mdun du bla na med pa'i seng ge'i sgra sgrogs par gyur cig ces smras so// de nas bcom ldan 'das la lha'i bu zla ba dang / zla ba mchog gis 'di skad ces gsol to// bcom ldan 'das rigs kyi bu 'am/ rigs kyi bu mo gang chos kyi rnam grangs 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la rgya cher yang dag par ston pa de bsod nams ji tsam zhig bskyed par 'gyur lags// de skad ces gsol pa dang / bcom ldan 'das kyis lha'i bu zla ba dang / zla mchog la 'di skad ces bka' stsal to// lha'i bu rigs kyi bu 'am/ rigs kyi bu mo gang chos kyi rnam grangs 'di dag nyid kyang 'chang la/ gzhan dag la yang ston pa de ni/ dkon mchog gsum rgyun mi 'chad pa'i phyir zhugs pa yin no// de ci'i phyir zhe na/ lha'i bu 'di ltar chos kyi rnam grangs 'di thos na/ nyan thos kyi sems sam/ rang sangs rgyas kyi sems bskyed par mi 'gyur te/ bla na med pa yang dag par rdzogs pa'i byang chub 'ba' shig tu sems skyed par 'gyur ba'i phyir// de ci'i phyir zhe na/ lha'i bu rgya chen po la mo la dbang po rnon po// sngon gyi rgyal ba la lhag par bya ba byas pa rnams ni chos kyi rnam grangs 'di la dga' ba skyed par 'gyur gyi chung ngu la mos pa rnams ni de ltar ma yin no/ / lha'i bu rnam grangs 'dis na/ gang dag chos kyi rnam grangs 'di 'chang ba dang / klog pa rnams ni ci nas dkon mchog gsum gyi rgyun mi bcad pa'i phyir gnas pa pa de ltar rig par bya'o/ / lha'i bu di ji snyam du sems/ gang dkon mchog gsum rgyun mi gcad pa'i phyir gnas pa de'i bsngags pa'i mtha' 'am/ bsod nams kyi mtha' sangs rgyas 'bum sku tshe'i tshad bskal par zhugs pas kyang bstan pa'am/ bshad par spyod dam/ gsol pa/ bcom ldan 'das de ni ma lags so// bka' stsal pa/ lha'i bu rnam grangs 'dis kyang gang chos kyi rnam grangs 'di 'chad pa dang / gzhan dag la ston pa de bsod nams tshad med pa skyed par 'gyur bar mkhas pas de ltar rig par bya'o// de nas bcom ldan 'das la bya chub sems dpa' byams pas 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di 'ji ltar gzung bar bgyi/ bcom ldan 'das kyi bka' stsal pa/ byams pa de'i phyir khyod kyis chos kyi rnam grangs 'di sum bcu rtsa gsum gyi le'u zhes bya bar zung shig/ sangs rgyas kyi rdzu 'phrul gyis rnam par 'phrul zhes bya bar yang zung shig bcom ldan 'das kyis de skad ces bka' stsal nas/ lha'i bu zla ba dang / zla mchog dang / byang chub sems dpa' sems dpa' chen po byams pa dang / tshe dang ldan pa mo'u 'gal gyi bu chen po dang / tshangs pa de dag dang / brgya byi de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa sum cu rtsa sum pa'i le'u zhes bya ba theg pa chen po'i mdo rdzogs so// / rgya gar gyi mkhan po pradz+nyA ba ra ma dang /

CLOSE WINDOW