/ @#/ rgya gar skad du/ Ar+ya ang gu li mA lI ya nA ma ma hA ya nA su tra/ bod skad du/ 'phags ba sor mo'i phreng ba la phan pa zhes bya ba theg pa chen po'i mdo/ / sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga'i ra ba na bzhugs te/ de nas bcom ldan 'das byang chub sems dpa' dang nyan thos dang / rang sangs rgyas sha stag mang po dang / 'khor bzhi dang / lha dang klu dang / gnod sbyin dang / nam mkha' lding dang / mi 'am ci dang / lto 'phye chen po'i tshogs mang ba dang sha za dang / 'byung po'i tshogs dang / lha'i bu mo dang / lha ma yin gyi dbang po dang / nyi ma dang / lha ma yin dang / srin po dang / 'jig rten skyong ba dang / bdud la sogs pa la sems can thams cad nges par sgrol ba shin tu rgyas pa chen po'i mdo sde chen po mtshon cha thogs pa zhes bya ba ston te/ thog mar yang dge ba/ bar du yang dge ba/ tha mar yang dge ba/ don bzang po/ tshig 'bru bzang po// ma 'dres pa/ yongs su rdzogs pa/ yongs su dag pa/ yongs su dkar ba/ tshangs par spyad pa/ yang dag par rab tu ston to// gang gi tshe mdo sde chen po mtshon cha thogs pa mthar phyin par gyur pa de'i tshe/ de'i dus na mnyan du yod pa'i grong khyer chen po nas/ byang phyogs logs su rgyang mi ring ba zhig na/ bram ze'i bu 'jig rten thams cad kyis blta na sdug pa zhes bya ba/ ri sdang zhes bya ba'i grong khyer nas skyes pa/ shin tu dbul po// bram ze mo bzang mo zhes bya ba'i bu phos bor ba lo bcu gnyis lon pa// gzugs dang mdog dang / stobs dang / kha dog dang / dpa' la phun sum tshogs pa/ shin tu blta na sdug pa/ tshig 'jam pa zhig yod de/ slob dpon nor bu bzang po// rig byed bzhi'i pha rol tu song ba/ / ha la ha se zhes bya ba'i glong na gnas pa de'i drung na/ bram ze'i bu 'jig rten thams cad kyis blta na sdug pa zhes bya ba shin tu yid gzhungs shing bla ma la mchod pa byed pa/ dbang po thul pa/ brtul zhugs dang / mi 'gyur ba la spyod pa de/ srid srung gi rig byed slob po// de'i tshe slob dpon nor bu bzang po de rgyal pos bos nas/ mnyan du yod par 'gro ba na rang gi slob ma bram ze'i bu 'jig rten thams cad kyis blta na sdug pa/ khyim srung du bcug ste/ mnyan du yod par song ngo // de nas de'i tshe mkhan po'i chung ma gzhon nu gzugs bzang zhing phun sum tshogs pa des/ bram ze'i bu 'jig rten thams cad kyis blta na sdug pa mthong ba dang / sems chags nas rab tu mi bzod par gyur pa dang / gos dang rgyan rnams kyang lhod cig 'phyang ste/ 'dod chags kyis non nas/ mgyogs pa mgyogs par bram ze'i khye'u 'jig rten thams cad kyis blta na sdug pa'i gos nas bzung ste/ 'dod pa la gzhol zhing bsod nams ma yin pa skyed do/ / de nas bram ze'i bu 'jig rten thams cad kyis blta na sdug pa de rang bzhin gyis bla ma la gus pa dbang po thul pa brgyub bzhug dang / mi 'gyur ba la spyod pa sems can gyi mchog des mkhan po'i chung ma la 'di skad du bla ma'i btsun mo khyod ni gdag gi ma dang 'dras/ de ltar ma mdzad cig ces smras so// de gtong ba lta mi byed nas gos gcig bor te ngo tsha nas gos gcig dang gud du song / de nas mkhan po'i chung mas 'jig rten thams cad kyis blta na sdug pa'i sems la rnam par brtags nas/ mig mchi mas gang zhing 'dod pa'i 'dod chags kyis non nas rnam par sems par gyur te/ de nas de sdug bsngal zhing 'di snyam sems so// 'jig rten thams cad kyis blta na sdug pa bde ba'i bar chad byed pa de shi'ang slas/ bud med gang gis khyor yang ma gyur par thal bar gyur cig snyam ste/ lus kun rang gi sen mos dral nas na zhing mi bde ste/ lus mi sdug par bcos nas/ bud med des g.yo sbyar te/ khyim gnyis kyi bar gyi gdung ma la gyen du bcings nas btags so/ / de nas de'i tshe slob dpon nor bu bzang po rgyal pos mchod nas slar rang gi khyim du 'ongs pa dang / des mthong ngo // mthong nas de'i thag pa bcad de/ e ma'o zhes skad drag tu phyung nas rang gi chung ma la 'di skad ces smras so// bzang mo 'di ci sus khyod 'di lta bur byas/ bzang mos smras pa/ khyod kyi slob ma 'jig rten thams cad kyis blta na sdug pas nan gyis kho mo nyal po byas nas 'di ltar byas so/ / de nas slob dpon nor bu bzang pos 'jig rten thams cad kyis blta na sdug pa de'i mthu chen po shes te/ de thog ma btsas ma thag tu rgyal rigs thams cad kyi mtshon rnams shubs nas byung ste/ mnga' ste'u kha ma bzhin du thams cad du lhung nas/ de'i tshe rgyal rigs thams cad skrag cing rab tu 'jigs par gyur te/ 'jig rten tham cad kyis blta na sdug pa sems can gyi mchog de'i mthu chen po de lta bu shes nas/ de la cung zad bsgo ba tsam zhig nus te/ 'jig rten thams cad kyis blta na sdug pa de la 'di skad ces smras so/ / bdag nyid ngan pa bla ma'i chung ma ma rung bar byed pa khyod nyes pa chen po byas la/ bram zer mi 'gyur gyis/ mi stong sod cig dang / de nas byang bar 'gyur ro/ / de skad ces rang gi slob ma bram ze'i bu 'jig rten thams cad kyis blta na sdug pa la bsgo ba dang / bram ze'i bu 'jig rten thams cad kyis blta na sdug pa de rang bzhin gyis bla ma la gus pas rang gi slob dpon la 'di skad ces smras so/ / kye mkhan po bdag la 'os pa ma lags so// yang slob dpon gyis smras pa/ ji bdag nyid ngan pa khyod mtho ris su 'gro 'am/ bram zer 'gyur bar mi 'dod dam/ yang slob mas spras pa/ legs so legs so// mkhan po de ltar bgyi'o zhes smras te/ mi stong bsad do 'ongs nas/ rang gi slob dpon gus par smra ba byas pa dang / slob dpon gyis de mthong nas/ gtum po 'di da rung ma shi blta zhes ngo mtshar du gyur to// 'o na da ni shi bar bya'o snyam nas/ de skad ma zer bar bsad pa re re'i sor me rnams long shig/ mi stong song la sor mo rnams 'phreng bar byas te 'ongs dang gdod bram zer 'gyur ro zhes zer nas de'i phyir sor mo'i phreng ba zhes bya'o// yang sor mo'i phreng ba des legs so smras nas/ ma nyid stong du cig gi ma tshang par bsad do// de'i tshe sor mo'i phreng ba'i ma zas kyis mchog dang dngar sna bzhi thogs nas/ bdag gi bu 'di ltar gyur pa lta zhig na nyon mongs glud do snyam ste 'ongs pab dang / sor mo'i phreng bas rang gi ma 'ongs pa mthong nas/ bdag gi ma mtho ris su 'gro bar bya'o snyam ste/ ral gri thogs nas 'ongs so// de nas de'i tshe bcom ldan 'das kyis yul dang dus mkhyen nas mnyan yod nas gnag pa'i dgongs su 'dom bzhi bcus ma tshang ba'i bar na/ shing a sho ka'i drung na thams cad mkhyen pa ye shes thams cad dang ldan pa de dang pa'i rgyal po bzhin du mdun na bzhugs par gyur to/ / de nas sor mo'i phreng bas bcom ldan 'das mthong nas/ 'o na dge sbyong go'u ta ma gsad do snyam ste/ ral gri thogs nas mgyogs pa mgyogs par ldongs so/ / de nas bcom ldan 'das ye shes thams cad dang ldan pas bdag nyid gshegs pa lta bur bstan pa dang // sor mo'i phreng bas ma la mdun gyis bltas te/ gnyis kyi bar du tshigs su bcad pa 'di dag smras so// bzhugs shig dge sbyong khyod bzhugs shig/ zas gtsang sras po bzhugs su gsol// bdag ni sor mo'i phreng ba ste/ sor lo'i sho gam bdag stsol cig/ bzhugs shig dge sbyong khyod bzhugs shig/ chos gos banabs pa bzhugs su gsol// bdag ni sor mo'i phreng ba ste// sor mo'i sho gam bdag stsol cig bzhugs shig dge sbyong khyod bzhugs shig/ mkhas pa'i gtso bo bzhugs su gsol// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ lhung bzed thogs pa bzhugs su gsol// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ seng ge'i rtsal mnga' bzhugs su gsol/ / bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ stag gi rtsal mnga' bzhugs su gsol// bdag ni sor mo'i phreng ba ste// sor/ mo'i shogam bdag stsol cig/ bzhugs shig dge sbyong khyod bzhugs shig/ ngang stabs legs bzhud bzhugs su gsol// bdag ni sor mo'i phreng ba ste// sor mo'i sho gam bdag stsol cig/ bcug shig dge sbyong khyod bzhugs shig/ lha yi glang po'i stabs mdzes bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ gnye rtse mchog gzi brtson pa bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ zla ba nya zhal spyan bzangs bzhugs// bdag ni sor mo'i phreng ba ste/ / sor mo'i sho gam bdag stsol cig/ bzhugs shig dge sbyong khyod bzhugs shig/ gser gyi ri 'dra bzhugs su gsol// bdag ni sor mo'i phreng ba ste// sor mo'i sho gam bdag stsol cig bzhugs shig dge sbyong khyod bzhugs shig/ pad+mo mdab stong spun bzhugs shig/ bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ shangs kyi shugs drang bzhugs su gsol/ / bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ ku mu da 'dra tshe mos mchog bzhugs// bdag ni sor mo'i phreng ba ste/ / sor mo'i sho gam bdag stsol cig/ bzhugs shig dge sbyong khyod bzhugs shig/ gsung mchog ljags mnga' bzhugs su gsol// bdag ni sor mo'i phreng ba ste/ sor mo'i sho gam bdag stsol cig/ bzhugs shig dge sbyong khyod bzhugs shig/ mdzod spu'i thig le'i mchog mnga' bzhugs// bdag ni sor mo'i phreng ba ste// sor me'i sho gam bdag stsol cig/ bzhugs shig dge sbyong khyod bzhugs shig/ dbu skra mthon snum mchog mnga' bzhugs// bdag ni sor mo'i phreng ba ste// ser mo'i sho gam bdag stsol cig/ bzhugs shig dge sbyong khyod bzhugs shig/ snyan drang phyag ring mchog mnga' bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shag phyag mchog glang po'i sna 'dra bzhugs/ / bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ gsang ba sbubs su sbas pa bzhugs/ / bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ pus mo bzang po mnga' ba bzhugs// bdag ni sor mo'i phreng ba ste/ / sor mo'i sho gam bdag stsol cig/ bzhugs shig dge sbyong khyod bzhugs shig/ zangs kyi sen mo mdog mnga' bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ 'gro ba mchog gis spos byugs bzhugs// bdag ni sor mo'i phreng ba ste// sor mo'i sho gam bdag stsol cig bzhugs shig dge sbyong khyod bzhugs shig/ ka la bing ka'i sgra dbyangs bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ khrukhu byug sgra dbyangs snyen sgrogs bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyed bzhugs shig/ nyi 'od bye ba brgya 'das bzhugs/ bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ dus rab bstabs la phyag 'tshal bstod// bdag ni sor mo'i phreng ba ste/ sor mo'i sho gam bdag stsol cig/ bzhugs shig dge sbyong khyod bzhugs shig/ de ltar dul 'gros rab 'gyogs bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ stobs bcu'i stobs mnga' bzhugs su gsol// bdag ni sor mo'i phreng ba ste// sor mo'i sho gam bdag stsol cig/ bzhug shig dge sbyong khyod bzhugs shig/ bden zhing mchog mnga' bzhugs su gsol// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ phan mdzad lam brgyad ston pa bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ mtshan mchog sum cu gnyis mnga' bzhugs/ / bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ dpe bzang brgya cu mnga' ba bzhugs/ / bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ na chung mchog la 'dod spangs bzhugs// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod bzhugs shig/ ji srid bdag ma khros par bzhugs// bdag ni sor mo'i phreng ba ste/ sor mo'i sho gam bdag stsol cig/ bzhugs shig dge sbyong khyod ni bzhugs su gsol// lha mo ni dbang dang srin po rgyags bcas bcom// bdag gis 'di 'dra'i ngo mtshar yod ma mthong // shin tu 'gyogs pa'i shugs ldan khyod su zhig/ ral gri ma btab bar du dge sbyong bzhugs// bdag gi ming yang khyod kyis ma gsan tam// bdag ni sor mo'i phreng ba ste// sor mo'i sho gam bdag stsol cig/ bzhugs shig dge sbyong khyod ni bzhugs su gsol// bdag ming gis thos pa tsam gyis 'gum 'gyur na// mngon sum bdag mthong gson par gyur pa ni// shin tu mthu ldan sems can dag lha ga la mchis/ / bzhugs shig dge sbyong khyod ni bzhugs su gsol// bdag nyid mngon sum du ni mchis gyur kyang // rta yi bang ltar shin tu mgyogs bzhud pa// lha 'am klu 'am khyod su myur du gsungs/ / bzhugs shig dge sbyong khyod bzhugs shig/ da ni bdag kyang mthu dang mi ldan gyur// brtan pa khyod ni slebs par mi nus so// bdag ni sor mo'i phreng ba ste/ sor mo'i sho gam bdag stsol cig/ bzhugs shig dge sbyong khyod bzhugs shig/ dge sbyong brtul zhugs khrims 'dzin na// sho gam gnas las ma 'da' shig/ bdag ni sor po'i phreng ba ste// sor mo'i sho gam bdag stsol cig/ de nas bcom ldan 'das ngang pa'i rgyal po bzhin du gom pa bdun gshegs te// seng ge'i ltabs kun tu gzigs nas sor mo'i phreng ba la tshigs su bcad pa 'di dag gsungs so/ / yang dag nyid kyi mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul shugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// ma byas yang dag mtha' lang gnas te/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// she gam sbyin gyis chos khu zhim po thung // 'dug shig sor mo'i phreng ba khyod 'du shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// zhi ba ma skyes mtha' yang gnas te/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// 'dus ma byas kyi mtha' la nga gnas te/ de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// rga ba med pa'i mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug dang ni yang dag rdzogs pa'i sangs rgyas te/ / khyod la mtshan rnon sho gam sbyin par bya// nad med pa yi mtha' yang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnon sh+lo gam sbyin par bya// 'chi ba med pa'i mtha' lang gnas te// de ni sor phreng khyod kyis mi rig go// nga ni yang dag rdzogs pa'i sangs rgyas te/ shogam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / kun nas nyon mongs med par nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / zag pa med pa'i mtha' la nga gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sprin par bya/ / gnod pa med pa'i mtha' yang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / nga ni bden pa'i mtha' la gnas pa ste// de yang sor phreng khyod kyis mi rig go// nga ni yang dag rdzog pa'i sangs rgyas te// sho gam sbyin gyis chos khu zhim po 'thung // 'du shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// chos kyi mtha' la rab gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni shes pa'i mtha' la gnas pa ste/ / de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni bden pa'i mtha' la gnas pa ste/ / de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// mya ngan med pa'i mtha' la nga gnas te// de yang sor phreng khyed kyis mi rig go/ / nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// mya ngan bral ba'i mtha' la nga gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnon sho gam sbyin par bya// rdul med pa yi mtha' lang gnas te// de yang ser phreng khyod kyis mi rig go// nga ni yang dag rdzogs pa'i sangs rgyas te// sha gam sbyin gyis chos khu zhim po 'thung / / 'dug shig sor mo'i phreng ba khyed 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon shog ma sbyin par bya/ / rdul dang bral ba'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnonon sho gam sbyin par bya/ / shag shig med pa'i mtha' la nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// yams kyi nad med mtha' la nga gnas te/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// gtse ba med pa'i mtha' lang gnas te// de yang sor phreng khyod kyis mi rig go/ / nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon / tan rdzogs la 'dug/ nga ni yang dag rdzogs par sangs rgyas te// khyod la mtshon rnon sho gam sbyin par bya// nad 'gro med pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ / sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang ngag rdzogs pa'i sangs rgyas te/ / khyod la mtshon rnon shog ma sbyin par bya// ci yang med pa'i mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te/ sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / dpag tu med pa'i mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sprin gyis chos khu zhim popo 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// tshad med pa'i mtha' lang gnas te// de yang ser phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// gtso bo mchog gi mtha' yang gnas te/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni rab kyi mtha' la gnas pa ste// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni dam pa'i chos la gnas pa ste// de yang sor phreng khyod kyis mi reg go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor po'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon/ rnon sho gam sbyin par bya'o// bla na med pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni ther zug mtha' la gnas pa ste/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon rten rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// gzhom du med pa'i mtha' yang gnas te// de yang sor phreng khyod kyis mi rig go/ / nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// 'jigs med chos kyi mtha' lang gnas te// de yang sor phreng khyod kyis mi rig go/ nga ni yang dgagra rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs ba'i sangs rgyas te/ / khyod la mtshon rnon sho gam sbyin par bya// mtha' yas chos kyi mtha' la nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ sho gam sbyin gyis chos khu zham po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnon sho gam sbyin par bya// bstan med ches kyi mtha' lang gnas te// de yang sor phreng khyod kyis mi rig go// nga ni yang ngag rdzog pa'i sangs rgyas te// sho gam sbyin gyi chos khu zhim po 'thung / / 'dug shig sor mo'i phreng ba khyod 'dug shig tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sprin par bya/ / zab mo'i chos kyi mtha' la nga gnas te// de yang sor phreng khyod kyis ma rig go// nga ni yang dag rdzogs pa'i sangs rgyas te// sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// blta dka' chos kyi mtha' la nga gnas te/ de yang sor phreng khyod kyi mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tam rdzogs la 'dug/ nga ni yang dag rdzogs pa'i sangs rgyas te// khyod la mtshon rnon shogs sbyin par bya// phra ba'i chos kyi mtha' lang gnas te// de yang sor phreng khyod kyis mi rig go/ da ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshub khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// mkhas pa'i chos kyi mtha' lang gnas te// de yang sor phreng khyod kyis mi reg go// nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'odug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnon sho gam sbyin par bya// mthong bar dka' ba'i mtha' lang gnas te// de yang sor phreng khyed kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / kun gzhi med pa'i mtha' ldang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khru zhim po 'thung / / 'dug shig sor mo'i phreng ba khyod 'dug shig/ tshul khrims btul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ zla ba med pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam spyan gyis chos khu zhim po 'thung / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nyon mongs med pa'i mtha' la nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam spyan gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon shog ma sbyin par bya// nga ni dag pa'i mtha' la gnas pa ste/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam spyan gyis chos khu zhim po 'thung // 'dug shig sor mo'i phre ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// rnam par grol ba'i mtha' la nga gnas te/ / de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor me'i phreng ba khyod 'dug/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbran par bya// nga ni zhi ba'i mtha' la gnas pa ste// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni zhi gnas mtha' la gnas pa ste// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nye bar zhi ba'i mtha' la nga gnas te// de yang sor phreng khyod kyis ma rig go nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'odug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho ga ma sbyin par bya// nye bar chad pa'i mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i spangs rgyas te/ / khyod la mtshon rnon sho gam sbyin par bya// nye bar zhi ba'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gram sbyin par bya/ / nga ni gya nom mtha' la gnas pa ste// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// spro/ pa med pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni gnas med mtha' la gnas pa ste/ de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu nim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtsho na rnon sho gam sbyin par bya// nga rgyal 'dul ba'i mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// sgyu ma 'dul ba'i mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhi mo po 'thung // 'dug shig sor mo'i phreng ba khyod 'dug shig/ tshul khrims bcub zhugs yon tan rdzogs la 'dug/ nga ni yang dag rdzogs pa'i sangs rgyas te// khyod lto mtshon rnon sho gam sbyin par bya// mi rig 'dul ba'i mtha' lang gnas te// de yang sor phreng khyod kyis mi rig go/ / nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyed 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// rnam par btang ba'i mtha' lang gnas te// de yang sor phreng khyo/ kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nges par spangs pa'i mtha' la nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sngor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnom sho gam sbyin par bya// chos kyis dbyings kyi mtha' la nga gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ dA ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni skye mched mtha' la gnas pa ste// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khrod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon gam sbyin par bya/ / nga ni dge ba'i mtha' lnga gnas pa ste// de yang sor phreng khyod kyis mi rig go/ dra ni yang dag rdzogs pa'i sangs rgyas te// sho gam sprin gyis chos khu zhim po 'thub// 'dug shig ser mo'i phreng ba khyed 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// 'jig rten 'das pa'i mtha' la nga gnas te/ / de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// mi g.yo ba yi mtha' la nga gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// gnas dang khang pa'i mtha' la nga gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhug/ yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// 'gyod pa med pa'i mtha' yang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug nga ni yang dag rdzogs pa'i sangs rgyas te/ / khyod la mtshon rnon sho gam sbyin par bya// rab tu sbyangs pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ / sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnon sho gam sbyin par bya// nga ni mthar gtugs mtha' la gnas pa ste// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// khro glen 'dod spangs mtha' lang gnas te// de yang sor phreng khyod kyis ma rig go/ nga ni yang dag rdzogs pa'i sangs rgyas te// sho gam sbran gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / nyon mongs spangs pa'i mtha' la nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbran par bya/ / phung po spangs pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// khro glen 'dod zad mtha' lang gnas te/ / de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shag/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni 'gog pa'i mtha' la gnas pa ste/ / de yang sor phreng khyod kyis yi rig go/ dA ni yang dag rdzogs pa'i sangs rgyas te// sho gam sprin gyis chos khru zhim po 'thung // 'dug shig ser mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni rten gyi mtha' la gnas pa ste// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbran par bya// nga ni mgon gyi mtha' la gnas pa ste// de yang sor phreng khyod kyis mi rig go// nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs ba'i sangs rgyas te/ / khyod la mtshon rnon sho gam sbyin par bya// nga ni skyabs kyi mtha' la gnas pa ste// de yang sor phreng khyod kyis mi rig go// nga ni yang dag rdzogs pa'i sang+yas te// sho gam sbyin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la kugang ni yang dag rdzogs pa'i sangs rgyas te// khyod la mtshon rnon sho gam sbyin par bya/ nga ni dpung gnyen mtha' la gnas pa ste// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nga ni rlung gi mtha' la gnas pa ste// de yang sor phreng khyod kyis mi rag go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhug yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// go skabs rig pa'i mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam spyan gyis chos khu zham po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ ngan yang dag rdzogs pa'i sangs rgyas te/ / khyod la mtshon rnon sho gam sbyin par bya// ser sna phra dog 'dul mthar nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims bzhugs yon tan rdzogs la 'dug/ nga ni yang dag rdzogs pa'i sang/ rgyas te// khyod la mtshon rnon sho gam sbyin par bya// skom pa'i 'dul ba'i mtha' la ba gnas te// de yang sor phreng khyod kyis mi rig go// nga na yang dag rdzogs pa'i sangs rgyas te// sho gam sprin gyis chos khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / nga dbang med mtha' lang gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te// sho gam sbyin gyis ches khu zhim po 'thung / / 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya/ / phung po nges spangs mtha' ldang gnas te// de yang sor phreng khyod kyis mi rig go/ dA ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// zhi gan kun gyi mtha' lang gnas te/ / de yang sor phreng khyod kyis ma rig go// nga na yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod lnga mtshon rnon sho gam sbyin par bya// lam gcod pa yi mtha' la nga gnas te/ / de yang sor phreng khyod kyis ma rig go// nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ khyod la mtshon rnon sho gam sbyin par bya// stong chen sgo yi mtha' la nga gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor me'i phreng ba khyod 'dug shig/ tshul khrims brtul zhug yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// nyon mongs kun spangs byang mthar nga gnas te// de yang sor phreng khrod kyis mi rig go/ / nga ni yang dag rdzogs pa'i sangs rgyas te// sho gam sprin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzog / la 'dug/ nga ni yang dag rdzogs pa'i sangs rgyas te/ khyod lnga mtshan rnon shogam sbyin par bya// sred pa zad pa'i ba' lang gnas te// de yang song phreng khrod kyis ma rig go/ nga ni yang dag rdzogs pa'i sangs rgyas te// sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te// khyod la mtshon rnon sho gam sbyin par bya// 'dod chags bral 'gog mtha' lang gnas te// de yang sor phreng khyod kyis mi rig go/ nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / khyod la mtshon rnon sho gam sbyin par bya// bde mchog mya ngan 'das mthar nga gnas te// de yang sor phreng khyod kyis mi rig go// nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs ba'i sangs rgyas te/ / khyod la mtshon rnon sho gam sbyin par bya// rtag tu mchog gis rab bsil mthar nga gnas// de yang sor phreng khyod kyis mi rig go// nga ni yang dag rdzogs pa'i sangs rgyas te/ sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ tshul khrims brtul zhugs yon tan rdzogs la 'dug/ nga ni yang dag rdzogs pa'i sangs rgyas te/ / sho gam sbyin gyis chos khu zhim po 'thung // 'dug shig sor mo'i phreng ba khyod 'dug shig/ sho gam mtshon rnon khyod la sbyin par bya// shin tu rno ba'i mtshon 'di myur 'ong la/ rig pa'i ye shes skyabs su myur du shog/ tshur shog slob dpon ngan 'gro'i dbang song bas// chos ma yin pa'i phung po chos su sems// de nas bdag nyid khong du chud par 'gyur ro/ / kun kyang chad pas rab 'jigs shing // thams cad la ni srog phangs te// bdag nyid kho na dper byas la// mi bsad gsod du mi gzhug go// pha rol ji lta de bzhin bdag bdag nyid ji lta de gzhin bzhin/ / bdag rang nyid ni dper byas la// mi bsad gsod du mi gzhug go// srin po'i byad gzugs de ltar ma byed cig/ yan lag lus la shin tu khrag chags shing / / bsad pa'i mtshon cha rnon po khrag byugs pa// khyod kyi phrag la thog pa mi mdzes so// sor mo'i phreng ba mgo las myur du 'or// kye ma bram ze'i bu'i las 'di 'dra zhing // chos 'dod bram ze'i bu yang 'di 'dra na/ / srin po ma rung ba dag ci 'dra ge/ phyugs rnams la yang ma ni mchog yin na// kye ma brtse med sdig grogs dbang song mi// shin tu rno ba'i mtshon cha gdengs btsam ste/ rang gi ma yi drung du nye bar 'ong // gang yang sor mo'i phreng ba khyod lta bu// sdig byed mi yi nang na gcan zan yin// srin po'i nang na shin tu sdig can te// lha min nang na'ang ma rungs las byed pa/ / sor phreng khyod ni shin tu cher bkra shis// sdig pa sems pa mi yis spangs pa ste// ma ni 'jig rten dag na dka' mchog byed// nyon mongs des ni zla bcu rum na bsrel// de nas phyis ni btsas par gyur nas kyang // bshang gci mang reg nyon mongs myos pas gsol// ltos shig sor phreng khyod kyi gtso mo ni// mig ni khrag gi mchi mas rab tu gang // bud med bu la byams shing sdug pa yis/ / mngar gyi bum pa phrag la thogs te 'ongs// rgan mo nyon mongs rlung gis skra yang bshig/ gos ngan ral po rlung gis bskyod cing 'brul// lus la rdul gos rkang pa ser ka byung // rgan mo nyon mongs sdug bsngal chen po myong // lus skams yun rings rlung dang lhags pas nyen// sdug bsngal mang pos shin tu gdungs par gyur// bud med de ni rnam par snying mos te// bsam yas sdug bsngal ldan zhing kye hud 'bod// de nas sor mo'i phreng ba'i mas de bzhin gshegs pa dang // bdag gi bu sor mo'i phreng ba gnyis phan tshun lan dang yang lan gyis brgya zhing che ra rtsod pa las bdag gis bu pha ma ste/ / lag cha bor bar mthong nas// sdug pa'i sdug bsngal chen pos reg ste// bcom ldan 'das la tshigs su bcad pa 'di dag/ gsol to// bcom ldan rin chen gter ster ba// bdag gis nyon mongs myong bas rnyed// bdag gis mig tu gyur pas thob// mig gi rdul rnams bdag gis bsal// bdag gi bu ni mi khrag gis/ kye ma lus dang zas la reg/ kun tu 'khyam zhing mtshon rnom thogs// 'gro ba mang po'i phung po gsod// bdag gi bu yang mgu bya zhing // sangs rgyas phyag bya'ang ji ltar bya// khyod kyi bu ngan 'di 'dra zhes/ / 'gro mangs tshig rtsub mnyan mi nus// de la sogs pa rnam pa du ma sme'o// de nas bcom ldan 'das kyis sor mo'i phreng ba la 'di skad ces bka' stsal to// / sor mo'i phreng ba khyod kyi gtso mo ni shing drung na 'dug ste// de lta bu shin tu dka' ba byed pa'i bud med 'di la khyod ral gyi thogs ste// bdag gi ma mtho ris su 'gro bar 'gyur ro// snyam nas gsad par 'dod pa ni/ / sor mo'i phreng ba ches ma yin pa'i phung po la chos su nor to// 'di lta ste dper na// sos ka dbyar zla ra ba'i dus la smig rgyu ba la chu yin snyam nas// ri dgas rnams kun tu 'khyam pa de bzhin du/ / sor mo'i phreng ba khyod kyang slob dpon ngan pa'i man ngag gis rmongs par gyur te// chos ma yin pa la chos su sems dpa'i sems can ni mnar med pa zhes bya ba'i ma zad pa chen por 'gro'o/ / sor mo'i phreng ba de bzhin gshegs pa'i skyabs su myur du song shig song shig/ zhugs shig/ sor mo'i phreng ba khyod ma 'jigs shig/ de bzhin gshegs pa ni 'jig pa med pa'i 'byung gnas te/ / sangs rgyas ni sems can thams cad la sgrag can zin dang mtshungs par gzigs pa na// na ba rnams gsog/ skyabs med pa rnams kyi skyabs so/ / sangs rgyas ni dbye gnas na bzhugs pa// rtsa lag med pa rnams kyi rtsa lag go/ sangs rgyas ni dbul ba rnams kyi mi zad pa'i gter ro// sangs rgyas ni lam stor ba rnams la lam bzang po ston pa'o/ / sangs rgyas ni 'jigs pas gzir ba rnams kyi skyabs su gyur pa'o// de bzhin gshegs pa ni glu zhig pa rnams kyi grur gyur pa'o// mtshon rnon po myur du 'or la rab tu 'byung pab dang / / bsnyen par rdzogs par long shig/ song la bla ma'i rkang pa la gtugs te gzod pa gsol cig/ rgan mo nyon mongs pa la rab tu 'byung bar thong cig ces gsol ba thob la srid pa mi bzad pa las sems can rnams sgrol cig dang / / sho gam bzang po rab tu 'byung ba dang // bsnyen par rdzogs pa sbyin no// sor mo'i phreng ba khyed yun ring por lam ngan par 'khyams shing ngal bar gyur gyis chos kyi ro'i chu 'thung shig/ sor mo'i phreng ba khyod kyang sho gam len pa yin// de bzhin gshegs pa yang sho gam len pa yin te// sor mo'i phreng ba de bzhin gshegs pa ni sems can thams cad kyi sho gam len pa lam bsel gyi rgyal po yin te/ / sems can thams cad srid pa'i rgya mtsho las bsgral zhing lam bsel rtag tu sho gam len to// de nas sor mo'i phreng ba de nyid du srin po ltar shin tu rno zhing mi bzad pa'i mtshon rnon po bor nas/ / byis pa lo gcig lon pas me mdag blangs pa dang // me mdag de bor nas rang gi lag la nyug cing ngus te cho nges 'debs bde bzhin du/ / sor mo'i phreng ba yang mtshem shin tu rno ba de bor nas/ dru zhing cho nges btab ste/ mi tshig stong du gcig gis mtshangs pa'i sor mo'i phreng ba thogs pa yang rang gi lus las phud nas kyi hud ces zer te/ dper na mi zhag nyal ba las rang gi rkang pa la sbrul gyis zin ma thag tu myur du sad nas/ lag pa bskums pa las sprul te shin tu mi bzad pa'i sbrul bzung nas 'dor ba de bzhin du/ sor mo'i phreng ba yang rang gi mgo las sor mo'i phreng ba myur du bor ro// ji ltar bdag nyid gdon dang bral bar gyur par shes nas/ ngo tsha ba de bzhin du de nas sor mo'i phreng bas kyang bdag nyid mngon par rig nas/ me tog rtsa lag 'tsho zhes bya ba'i kha dog ltar khrag gis lus thams cad yog cing / sprin chen po ltar mig mchi mas gang nas/ rab tu ngu zhing bdag la rdeg ste/ ji ltar sprul gyis zin nas myos pa'i mi sbrul ltar lto 'phye zhing 'gro ba de bzhin du sor mo'i phreng ba yang tshad shing sum cu rtsa dgu kho ra khor yug gi sa la lto 'phye zhing spong nas/ bcom ldan 'das kyi zhabs mgo'o bzhag ste/ tshig 'di skad ces smras so// kye ma sangs rgyas byams pa'i mchog mnga' zhing / skyes 'dul kha sbyar bdag gi slad gshegs pas// gti mug chos kyi rlabs chen mi shes chu/ / rgya mtsho che las bdag deng nges par bsgral// kye ma sangs rgyas thugs rje mchog mnga' zhing // skyes 'dul kha sbyar bdag gi slad gshegs pas/ shing rtsa 'bras bu lo ma mang ba yi// dgon pa las ni deng bdag nges par bsgral// kye ma sangs rgyas dga' ba mchog mnga' zhing // skyes 'dul kha sbyar bdag gi slad gshegs pas// lta ba sna tshogs ri mor bris pa yi/ / stag gi lag nas bdag deng nges par bsgral// kye ma sangs rgyas btang snyoms mchog mnga' yang dag gzigs// skes 'dul kha sbyar bdag gi slad gshegs pas// / 'o'adod 'bod dang cher 'bod mnar med pa'i// sems can dmyal chen gting nas deng bdag bsgral// 'di ni skyabs med pa yi skyabs lags te// rtso lag med pa rnams kyi rtsa lag go/ bdag gis yang tsha ba'i las bgyis na/ / bdag ni 'di 'drar gyur la skyabs mdzad gsol// de nas bcom ldan 'das kyis sor mo'i phreng ba la slar bka' stsal pa// sor mo'i phreng ba khyod longs la myur du song ste/ / bla ma'i rkang pa la gtugs la bzod par gsol cig/ bzod par gsol nas rab tu 'byung ba dang // bsnyen par rdzogs pa stsol cig ces gsol ba thob cig de nas sor mo'i phreng ba bcom ldan 'das kyi zhabs kyi drung nas langs nas rang gi ma ga la ba der song ste phyin pa dang / / rang gi ma la lan mang du bskor ba byas te// chu srin byis pa gsod ces bya ba bzhin du 'gre zhing dus nas cho nges btab ste rang gi ma la tshigs su bcad pa 'di skad smras so/ / slob dpon ngan pa'i dbang song bas// mi stong dgu brgya bkum lags te/ / kye ma bdag gis mi bzad bgyis// bdag gis sdig phung mang po rnyed// mA khyod 'dug gi rten lags te// sangs rgyas shin tu skyabs su gda'// khyod kyi zhabs ni mtho bzhag ste/ / rab byung bsnyen par rdzogs par gsol// de nas mas rang gi bu la tshigs su bcad pas phyir smras pa// ngas ni bu khyod btang zin gyis// rab 'byung 'jig rten pha rol sprod/ / bdag kyang rdzogs pa'i sangs rgyas la// de bzhin rab tu 'byung bar gsol// kye ma bcom ldan bsam mi khyab// de bzhin gshegs pa dpe med de// sangs rgyas bdag gi bu sgrol ba/ / 'jig rten kun la thugs kyang brtse// mgon po khyod kyi gzugs rnams dang // yon tan dpe yang 'gro la med// bdag gis cung zad brjod nus te// de bzhin gshegs pa lha yi de nas bcom ldan 'das kyis rgan mo la tshigs su bcad pa 'di skad gsungs so/ / khyod kyi bu ni nga mdun du// rab tu 'byung bar gnang ba ni// legs so bud med nyon mongs ma// rgyun mi chad par bde bar shog/ khyod ni rab tu byung ba yi// dus las shin tu yol zin gyi// dge bsnyen pa yi chos rnams kyis// rgan mo bdagi nyid dbugs phyung shig/ skad cig tsam du 'dir sdod de// rgyal po gsal rgyal ji skad na// 'di dag tu ni mthong 'gyur ba// de tsam du yang bde bar 'dug// bam po gnyis pa// de nas lha'i bu dbang po brgya byin sum cu rtsa gsum pa'i lha rnams dang / / lha'i bu mo'i tshogs dang bcas pas bskor cing mdun du bdar te// snang ba chen pos mnyan du yod pa'i yul thams cad snang bar byas nas/ / de bzhin gshegs pa dang // sor mo'i phreng ba gnyis mi ltar 'thab pa dang // cang shes ltar 'thab pa mthong ste rab tu dga' nas// bcom ldan 'das dang // ser mo'i phreng ba gnyis la tshigs su bcad pa 'di skad smras so/ / kye ma mi 'dul kha lo sgyur// sangs rgyas nol pa bzang po mdzes// kye ma 'di ltar sangs rgyas kyis// sor mo'i phreng ba rab tu brtul/ / rtag tu mi'i khrag gis lus byugs te// lha min dbang po lha dang srin po dang // gnod sbyin stobs dang ldan pa rtsal chen dang // klu dang sha za lto 'phye mi 'am ci// stob ldan rtsal chen nam mkha' lding dag dang / / sems can gtum po stobs ldan gzhan dag kyang // sor phreng ming thos nyal bzhin mig btsums 'dug/ de 'dra gtum po'i las byed sor phreng ste// mi yi rgyal po tsam gyis ga la gsod// de ni btsas ma thag tu de yi tshe// lha dang lha ma yin pa kun skrag na// mi yi rgyal po tsam lta ci zhig smos// ming gi go cha mtshon kun rdol cing snang// de ltar drag cing stobs ldan rtsal che ba/ / kye ma de bzhin gshegs kyis brtul ba legs// mthu dang rtsal kyang bsam gyis mi khyab mnga'// sangs rgyas bsam gyis mi khyab sangs rgyas ni// yul dang / ye shes spyod yul bsam mi khyab// sor mo'i phreng ba de ring mdzes par snang // shin tu gzugs bzang btso ma'i gser ltar gyur// nyi ma zer shar kha dog ltar bur mdzes// sor phreng byang sdug tshul khrims gnas pa mdzes/ / tshul khrims bral ba'i mi ni yong mi mdzes// kye ma bdag deng khyim chos mang thob snyam// sor mo'i phreng ba chos gos skul bar bgyi// sangs rgyas bcom ldan 'das bdag la thugs brtse ba zhes/ / sor mo'i phreng la dge sbyong tshul 'dra stsal// slong ba kun gyi rgyal po chen po la// de bzhin gshegs pas legs par gzigs su gsol// de nas lha'i dbang po brgya byin gyis// sor mo'i phreng ba la 'di skad ces smras so// skyes bu dam pa'i lha'i gos mchog 'di khyod kyi chos gos gyis shig/ de nas sor mo'i phreng bas lha'i dbang po brgya byin la 'dri skad ces smras so/ / sbrang ma lta bu khyod su zhig/ brgya byin ma dad pa'i sbyin pa de nga len tam// brgya byin khyod ni 'dod pa'i bong bu ste// khyod kyis nga rung chu klung mang po ma rgal te/ / rang bzhin gyis gcer bus gzhan la ji ltar gos sprin// khyod ni rang bzhin gyis gcer bu na// chos gos kyi phyir ji ltar rin thang med pa'i gos gzhan la sbyin dper na rgyal po'i gyad stong thub bdag nyid lus thams cad thog mar 'gyel na/ ba lang rgan po 'dam du song ba bzhin// ma rgal ba nyid du 'gyel bas// rgal po gzhan gyis gyad stong thub la/ ji ltar brgal bar bya/ de bzhin du ngas kyang khyod kyi rin thang med pa'i gos gyon na/ brgya byin mig stong can nyon mongs pa'i bdud bye ba dang / rang bzhin gyi bdud la sogs pa dang / ji ltar 'gyed/ ngas ni bdud mtha' yas pa dang 'thab cing nyon mongs pa mang po zad par bya ste/ dge sbyong gi chos de bzhin gshegs pas bsngags pa'i spangs pa'i yon tan bcu gsum la spyad par bya'i/ khyod kyi mal cha ni de ltar gnas par mi bya'o// brgya byin mig stong can khyod ni lha rnams kyi dbang phyug ma yin te/ khyod ni dmus long du gyur pa dang khyad par med do// brgya byin khyod kyis gtum po'i las kyi sdig pa ci 'dra ba'i bye brag mi shes so/ / sor mo'i phreng ba gtum po yin par sbrang ma lta bu khyod kyis ji ltar shes// kye ma brgya byin gyis gsal bar gtum po'i las ma shes so/ / bstan pa'i tshul shes na/ rab tu 'byung bar 'dod pa'i thog mar rin thang med pa'i chos gyon na/ dge sbyong ci 'dra ba zhig tu 'gyur/ brgya byin khyod ni rab tu 'byung ba'i bden pa tsam yang mi shes te/ kye ma brgya byin khyod ni bstan pa las phyi rol tu gyur pa'o// 'di lta ste/ nor bu dang / mu tig dang / bai DUrar+ya dang / gser dang / nor bu zla mdzes la sogs pa'i rin po ches gang pa'i bum pa brgyad khri dang / swa le sbram dang / rin po che'i bum pa gzhan yang dpag tu med pa spangs te/ mchil ma'i thal ba bzhin du rin thang med pa'i gos bor te/ gang dge sbyong gi chos la nges par byung ba de bzhin gshegs pa'i sras su gnas brtan 'od srung chen po gnas mal nags khrod du 'cha' zhing sbyangs pa'i yon tan bcu gsum gyis bsdams te/ lus kyis brtul zhugs spyod pa yang ci'i phyir rin thang med pa'i gos mi gyon/ ci'i phyir khang pa'i gnas mal spangs shing / gnas brtan 'od srung chen po bdud rtsi lta bu'i kha zas sna tshogs dag sha'i ro'i kha zas spangs te/ sha med par brtul zhugs kyi spyod pa la yang dag par spod// khyim nas khyim du rgyu zhing lkugs pa ma yin par lkugs par 'du shes par/ mdun dang / rgyab dang gla nas med ces zer ram/ gshe na yang bde bar gyur cig ces brtan par phyir 'byung ngo // yod ces zer na yang gnas brtan chags par mi 'gyur te/ bde bar gyur cig ces brtan phyir 'byung la/ bum pa re res kyang ma 'ongs pa'i dge sbyong rnams nam 'tsho'i bar du bza' ba dang / bca' ba dang / bldag par gyur na/ ci'i phyir de lta bu'i longs spyod kyi phung po chen por dge 'dun gyi nor du ma bzhag ste/ bdag gir bya ba spangs te btang nas yi dgas dang / dbul po dang / bkren pa dang / slong ba la sogs pa'i gter zad mi shes par byos pa de lta bu ni brgya byin dge sbyong gi chos te/ til tsam gyi bag sogs pa de yang dgra sbyong gi chos ma yin no// bran dang bran mo drang / nor rnams mang po dang / zhing gi dngos po dang / de bzhin du nyo ba dang 'tshong ba de ni dge sbyong gi chos dang 'thun pa ma yin te/ de dag ni khyim nas gnas pa rnams kyi nor lta bu yin no// sngar smos pa de nor de dag len pa gang yin pa dang / rung ba ma yin pa'i nor sbyin par byed po gang yin pa de dag ni blun por mtshungs te/ 'bras ma rung bar byed pa'i zhing gi ngo dang 'dra ba skyon chags pa'i ya mtshan can de dag nga chad pas gcad par bya'o// gang ngas bsad nas sor mo'i phreng bar byas pa de dag thams cad kyang bstan pa la sun 'byin pa sha stag ste/ dge bsnyen nam/ dge bsnyen ma 'am/ dge sbyong ngam dge sbyong ma cig kyang med do/ / de nas lha'i dbang po brgya byin gyis// sor mo'i phreng ba la 'di skad ces smras so// chos ni bsad pa med pa'i mtshan nyid do// de bzhin gshegs pa yang sras gcig po sgra gcan 'dzin bzhin du sems can thams cad la gzigs na ji ltar skyon chags pa'i ya mtshan can rnams kyi yan lag gcad par bka' stsol bar 'gyur/ / de nas sor mo'i phreng bas brgya byin lha'i dbang po la 'di skad ces smras so/ / bsad pa dang / mi gsad pa'i bye brag brgya byin khyod kyis ga la shes/ sgyu ma byed pa'i sgra ma ji ltar zhing pas mi shes pa de bzhin du/ byang chub sems dpa'i sgyu ma yang brgya byin bstan pa'i pha rol tu phyin pa zhing pa lta bus ga la shes/ mi gsad pa dang / bsad pa la yang rnam pa gnyis yod de/ byang chub sems dpa'i bsod pa dang / nyan thos kyi gsod pa ste/ rnam pa de gnyis kyang sbrang bu lta bu khyod kyis ga la shes/ byang chub sems dpa'i yul dang / khyod kyi yul gyi khyad par ni nam mkha' la sbrang bu'i 'phur stabs bzhin no/ / 'di lta ste/ dge sbyong 'dres zin pa la dge sbyong rnams 'gog pa la zhugs nas/ skye bo mang pos ci'i phyir 'gog pa la zhugs shes dris na/ brgya byin khyod la dris te/ de'i tshe de ltar 'gog pa'i bzlog pa de mchog yin nam/ bsgo ba'i tshe gal te 'gog pa des shi na su la sdig par 'gyur te/ gal te gsod pa'i sems sbyangs na/ su la yang sdig par mi 'gyur ro// de bzhin du skyon chags pa'i ya mtshan can rnams chad pas bcad pa las gal te/ shin su la'ang sdig par mi 'gyur gyi/ bsod nams kyi phung po mang du skyed do// de ltar bsod pa dang mi gsod pa'i bye brag ni shes par dka' ste/ de ni byang chub sems dpa' rnams la gsod pa'i chos su mi 'gyur ro// dper na sman pas nad pa lce'i drung du btsags bus btab ste khrag phyung bab las/ de'i 'og tu de gal te shin ci sman pa la sdig tu 'gyur ram/ sman pa ni mi mang po la phan par byed pas sman pa la sdig tu mi 'gyur te/ gsod pa'i sems ni ma gtogs so// de bzhin du skyon chags pa'i ya mtshan can rnams chad pas bcad pa las gal te shi na su la'ang sdig par mi 'gyur gyi/ bsod nams kyi phung po mang du 'phel te/ gsod pa'i sems ni ma gtogs so// dper na slob dpon mthong ma thag tu byis pa shin bu'i slob dpon la sdig par 'gyur ram/ de bzhin du khong nas dpa' ba'i gzi brjid mthong nas mthong ba tsam gyis skyon chags pa'i ya mtshan can shi na/ ci zlog pa la sdig par 'gyur ram/ zlog pa la sdig par mi 'gyur gyi/ bsod nams mang du 'phel te/ gsod pa'i sems ni ma gtogs so/ / de'i phyir brgya byin khyod sdig pa'i las dang / bsod nams kyi la kyi bye brag mi shes so// dge sbyong dang / dge sbyong ma yin pa'i bye brag ma shes kyis/ dam pa'i chos la sdang ba'i ya mtshan can rnams ni chad pas bcad do/ / gnas brtan 'od srung chen po la sogs pa nyan thos chen po brgyad cu dang / sa ya gro zhin skyes dang / thug med la sogs pa de dag thams cad kyang nor gyi bum pa ma po bor nas/ yo byad bsnyungs shing chog shes pas dam pa'i chos la gnas pa dag ci rin thang med pa'i gos gyon tam/ dge sbyong gi lus mgo bregs shing rgyags pa thams cad bcom pa mgon med pa bzhin du/ lag na lhung bzed thogs pa gos la sogs pa yang kha dog bsgyur cing / kha dog ngan par byas pa'i dge slong de dag la bag med par lta ci rung / rtag tu grang ba dang / tsha ba dang bru ba dang / skom p as nyen cing ri dwags bzhin du rtag par rkang lag rdul gyis reg kyang tshul khrims lngas cung zad 'das pa'i dri ma yang mi byed pa khwa'i sgong bzhin du tshul khrims srung ba de dag la 'du 'dzin drang smrab la dga' bas ci zhig bya/ / bal glang mche ba bcad pa bzhin du 'jigs shing gzugs mi sdug pa de dag la rin thang med pa'i gos gyon pas/ ci zhig byas/ lan gnyis su de skad ces ma zer cig/ brgya byin khyod ni bstan pa'i phyi rol pa yin te/ mu stegs rnams su bram ze'i dam tshig la gdol ba mi chud pa de bzhin du khyod kyang phyi rol gyi gdol ba yin gyis sbrang bu khyod cang ma smra shig/ de nas tshangs pa mi mjed kyi bdag pos snang ba chen po phyung nas/ bcom ldan 'das ga la ba de logs su thal mo sbyar ba btud nas/ de bzhin gshegs pa dang / sor mo'i phreng ba la lha'i mchod pa chen po byas nas/ bcom ldan 'das dang sor mo'i phreng ba la tshig 'di skad ces smras so// kye ma bdag gis g.yul chen rab mthong ste/ seng ge gnyis ni drag tu 'thab pa bzhin// kye ma sangs rgyas mi 'dul kha lo sgyur/ / de bzhin gshegs pas sor phreng dge bar btul// sbrul gyis sman pa mthong nas shin tu sgra 'byin cing // mi 'jigs kha rlangs 'byin pa zhi bar myur btul ltar// de bzhin 'jig rten gsum gyi sman pa mthong nas ni/ / sor phreng gtum rab las bgyid shin tu dul bar gyur// khams gsum sman pa khyod la phyag 'tshal lo// gyang mchog rgyal po khyod la phyag 'tshal lo// de bzhin gshegs pa thabs kyi sku mnga' ba// bsam yas stobs 'chang khyod la phyag 'tshal lo// chos nyid la yang sor phreng bzhag pa ni// de ring lha khyod shin tu rnam par mdzes/ / de ltar shin tu mdzes pa dpe ni rnyed// de phyir de bzhin gshegs pa dpe ma mchis// sor phreng tshul khrims deng gnas shin tu mdzes// dul zhing byang la 'jigs pa ma mchi shang / / gzugs ni rang bzhin gyis kyang gser 'dra ste// 'dzam bu'i chu bo gser 'bar mdog ltar mdzes// de bzhin gshegs pa bdag gsol bdag la thugs brtse bas// bdag gi 'phrul gos de bzhin gshegs pas deng bzhus te/ / sor mo'i phreng ba'i lha yi chos gos bgyi bar gsol// de yi 'bras bus bdag kyang byang chub mchog thob shog/ sor phreng chos gos bdag gi grwa bgos nas/ / tshangs pa'i spyod pa sems brtan rdzogs par shog/ bcom ldan 'das la sor mo'i phreng ba yang // tshangs par spyod pa phun sum tshogs par srungs// de nas so mo'i phreng bas tshangs pa mi mjed kyi bdag po la slar 'di skad ces smras so/ / phra ma can cal col smra ba khyod su zhig/ sor mo'i phreng bas bdag gi gos bgos nas// sor mo'i phreng ba tshul khrims dang / brtul zhugs srungs shig/ sor mo'i phreng ba yun ring du tshul khrims srungs shig ces nga la brnyas shing smra ba// tshangs pa ngan pa/ tshangs pa ma yin par tshangs pa'i gzugs su 'dir 'ongs na tshangs pa tshangs pa zhes bya ba'i don ci/ 'jig rten na tshangs pa'i las gang yin/ ngas sbrang bu lta bu las gos blangs te bgos la tshul khrims dang / brtul zhugs yun ring por srung ngam/ nga ni su'i khol po yang ma yin te/ nga ni su'i dad pa la yang mi 'jug go/ nga la su'i bu lon yang ma chags te/ ngas ni sngon sems can dbul po rnams la nor byin no/ / dper na dpyid zla ra ba la 'phyang mo nyug pa'i thag pa'i btags te/ rang du song yang slar myur du rang gi gnas su 'khor ba de bzhin du/ tshangs pa sbrang bu lta bu khyod kyang dpyid zla ra ba la dbya thag btags pa ltar tshangs pa'i 'jig rten gyi bde ba myong nas/ phyir ltung ba'i chos can du ltung bar 'gyur ro// byang chub sems dpa'i yang dag pa'i don yon tan gyi 'thad pa mi shes par gang sdig pa dang sdig pa ma yin par rtog pa khyod 'dra ba sbrang bu lta bu de dag srid pa dag na/ mi mkhas shing ldan pa 'khor ba'i sdug bsngal gyi nang na kun tu 'khyam mo// kye ma tshangs pa sdig pa dang / sdig pa ma yin pa nges par shes nas/ sor mo'i phreng bas gtum po'i las byas so zhes smos shig/ tshangs pa ngan pa sbrang ma lta bu khyod mi shes kyis byang chub sems dpa'i spyod pa la slobs shig de nas tshangs pa mi mjed kyi bdag pos sor mo'i phreng ba la slar 'di skad ces smras so/ / sor mo'i phreng ba mi nyis stong du gcig gis ma tshang ba bsad de/ mi bzad pa byas pa ni mngon sum du rung yang snang ngo / / khyod kyi drag shul gyi las ni bya rog dang khwa yang byed mi nus te/ 'di lta bu drug shul gyi las ma yin na/ drag shul gyi las ji lta bu yin/ te/ gal te 'di lta bu bdud ma yin na/ srin po mi bzad pa yang ji lta zhig yod de/ sor mo'i phreng ba bag yod par gyis la khyod kyis las byas pa rnams ji nas byang bar 'gyur ba de ltar btson par gyis shig/ kye ma sangs rgyas ni thugs rje can te/ sor mo'i phreng ba la sogs pa gtum po'i las byed pa rnams nges par sgrol ba'o// de nas sor mo'i phreng bas tshangs pa mi mjed kyi bdag po la slar 'di skad ces smras so/ / tshangs pa khyod srin bu phra mo bzhin du mchong zhing 'khyam du gar 'gro// sdig pa dang / mi sdig pa mi shes pa'i sems can rnams ngan 'gror 'gro'o/ / blun po la la zhig nags kyi nang du song nas mtshan mo mun pa'i nang na/ shing gi rtsa ba'i steng na srin bu me khyer gyi phung po mthong ba dang / ngan pa de skrag nas grong dang tshong dus su 'ongs te/ 'brog tshig go zhes zer ba dang / 'gro ba mang po der drong ba dang / mtshan mo mun nag gi nang na sprin bu me khyer ba mthong nas/ 'di me ma yin no zhes mthar kyis slar log ste dong ba de bzhin du/ tshangs pa ngan pa khyod kyang sor mo'i phreng ba blun po'i zhes ston cing bdag nyid dang / skye bo mang po yang shin tu bslus te/ byis sgyu ma'i phung po de sbrang bu lta bus kyang shes/ sems can mang pos kyang shes par 'gyur ro/ / blo gros 'chal ba blun po la la zhag nags khrod du song nas shing mya ngan med pa'i nags me tog rgyas pa mthong ba dang / me yan pa snyam du bsams te/ skrag nas grong dang tshong dus su song ste/ 'gro ba mang po yang de bzhin du phyin pa dang / rim gyis me dang / shing mya ngan med pa'i bye brag shes pa de bzhin du sbrang bu lta bu khyod kyis sdig pa dang / sdig pa ma yin pa rims kyis shes par 'gyur ro/ / de nas phyis skye bo mang pos kyang sgyu ma'i phung po lta bu 'di shes par 'gyur gyis/ tshangs pa ngan pa khyod lan gnyis su de skad ma zer cig/ de ltar brdzun smra ba ma slob par khyod lta bu blo zhan pa sbrang bu rnams rnams ni cang ma zer bar 'dug shig/ de nas 'jig rten skyong ba bzhis snang ba chen po phyung ste/ de bzhin gshegs pa dang sor mo'i phreng ba la mchod pa chen po byas nas/ bcom ldan 'das dang sor mo'i 'phreng ba la 'di skad ces smras so// kye ma skyes bu stag gi thab mo mchog/ don dam rgal zhing lan ldan shin tu mdzes/ / kye ma ston pa mi 'dul kha lo sbyar// de phyir mtha' yas stobs 'dzin sangs rgyas lags// zhabs mchog pad+mo lta bur mnyen zhing 'jam// rdul gyis mi reg pa la phyag 'tshal te// lan mangs skabs mchis de bzhin gshegs pa la/ / gsol ba bdag gis lhung bzed sor 'phreng gsol// sor mo'i 'phreng ba deng mdzes te// nam mkha' la ni zla ltar mdzes// sor 'phreng tshul khrims yon tan dang / / brtul zhugs gzi brjid rdzogs pa mdzes/ de nas sor mo'i 'phreng bas 'jig rten skyong ba bzhi la slar smras pa/ sbrul lta bu 'jig rten skyong ba phra ma/ khyod su dag cig/ 'jig rten skyong ba 'jig rten skyong ba snyam ste/ nga rgyal gyis khengs pas bdag gi lha'i lhung bzed sbyin no zhes nga la 'drid cing yi dgas ltar 'jungs pa dog yud tsam gzhan gyi tshe ba'i yang bdag ltos shig/ gyo mo'i snod ni su la yang mi dgod na/ 'jig rten gyi mgon po snyam du sems pas bdag gi lha'i kha phyis nga la spyan nam/ gang 'jig rten na ma rungs pa'i ya mtshan can rnams thal bar byed pa na 'jig rten skyong ba zhes grags te/ chos yang dag par bskyang bar bya'i/ 'jig rten bskyang bar mi bya'o// yang dper na/ la las khu byug gi sgra thos sam/ kha dog phun sum tshogs pa mthong ba dang / de nas yud tsam na bya rog skad 'byin pa mthong nas khu byug khu byug ces nor de bzhin du khyed kyang chos su sems shig/ chos ma yin bsrung ngo // nags khrod na 'dug pa'i bya rog skad 'byin pa mthong nas/ khu byug snyam du sems pa bzhin du 'jig rten slong khyed bzhis chos skyongs la 'jig rten ma skyong shig/ 'jig rten skyong ba skye bo mi shes pa sbrang bu lta bu khyed bzhis zung thub par gyis la cang ma smra shig/ de nas bdud sdig can sor mo'i phreng ba'i thad du 'ongs te/ de bzhin gshegs pa la mchod pa cher byas nas/ sor mo'i phreng ba la 'di skad ces smras so/ / sor mo'i 'phreng ba myur du rab tu byung // nga yi tshong dus grong zhugs bslus pa ni// sor mo'i 'phreng ba nga ni mi dga' ste// sems can dmyal ba gting nas khyod rgal to// de nas sor mo'i 'phreng bas bdud sdig can la slar 'di skad ces smras so// sdig can khyi rkun sbrang bu lta bu phar song // khyod ci shin tu spobs par smra 'am// bdud sdig can khyod deng myur tu byung ste song shig/ ji srid du khyi ltar bcing ba lngas bcings te/ rkang pa g.yon pas ma brdabs pa/ de'i bar du ni bdud khyod rab tu rtsen to// grong dang / tshong 'dus dang / lung pa'i sgo thams cad kyang ngas stong par byas te/ dper na nam mkha' lding ri rab kyi steng du 'dug nas/ rgya mtsho dpag tshad kyi bar mang po na/ klu phrug mthong na len pa de bzhin du sems can dmyal ba pa thams cad la yang nam mkha' lding ltar rnam par gtse zhing thar pa'i khu bas ngoms so/ / rtag tu bdud sdig can khyod kyi mgo bcad de/ byang chub sems dpa' skyes bu'i glang po rnams rol to// bdud khyi rkun lta bu khyod cang ma zer bar chos bdud rtsi'i tshig nyon la yud tsam gyi bar du sdod de/ chos thos nas rang gi grong khyer du song shig dang / tsheng dus dang grong khyer rnams shes par 'gyur ro// de nas lha'i bu dbang phyug chen pos de bzhin gshegs pa dang / sor mo'i 'phreng ba la lha'i mchod pa chen po byas nas/ tshigs su bcad pa 'di dag gsol to// de bzhin gshegs pa'i zhabs mchog bdag gi mgos gtugs te/ pad+mo mchog dang 'dra ba'i bsngags brjod bstod par bgyi// bde gshegs pad+mo 'dab 'dra spyan mnga' 'dab stong ldan// zhabs mchog 'jam pa pad+mo 'dab ma stong chen 'dra/ / zhabs ni pad+mo dmar skya 'dra zhing rdul mi chags/ zhabs mchog ud pa la 'dab 'dra phyag mthil shin tu 'jam// ut+pal 'dab ma mchog gi zhal ni dri bda' ste/ 'jig rten dag na ut+pal 'dab ma bzhin du bsil// bde gshegs kun tu bltas sdug ut+pal 'dab mchog bzhin// dbu skra 'jam zhing snum la ut+pal mthing ka ltar// dbu skra ut+pal mthing ka dri mchog bsil ba 'dra/ / ut+pal mthing ka snum pa'i mdog 'dra yang du 'ong // dbu skra nyag ma phra zhing lhung lo 'phreng ba mnga'// khyod kyi tshems mchog ku mu dA dang zla ba 'dra// ku mu dA dang zla ba pad+mo'i snying po ltar/ / chu dang nya khribs dag gi skyon gyis yong mi gos// tshems ni ku mud zla ba lta bur dri ma med/ nyes pas mi gos tshems mchog ku mu kha dog 'dra/ tshems kyang nyon mongs bsal cing thabs mchog tshems mnga' ba/ / puN+Da ri ka bzhin du dri med gsal ba'i blo// put+ta ri ka bzhin du sems mchog dag pa ste/ sems ni puN+Da ri ka lta bur mi gos pa// 'dod khro glen pa'i nyes spangs sangs rgyas bud+d+ha ri/ / sangs rgyas pad+mo dkar po lta bu'i blo gros mnga'// pad+mo'i drung na ut+pal dri mchog mdzes pa ltar// sangs rgyas deng mdzes ut+pal gnyis ltar sor 'phreng mdzes// / sor 'phreng deng mdzes ut+pal gnyis pa ltar// sor 'phreng deng mdzes 'di ltar sdig can bdud kyang ni// gos dkar gyon pas thog mar btul cing pham byas te// lan dang yang lan dag gis de bzhin gshegs dang rol/ / 'di ni 'jig rten du yang mgon por myur du 'gyur// kye ma ral gri phyar nas bde gshegs dkrongasra bsams nas// sor mo'i 'phreng ba 'dir 'ongs ma yang gsad par sems/ / de bzhi so so'i skye bo skal pa yod pa 'dra// bden par smra ba'i tshig ni gzhan du yong mi 'gyur// khyod kyis sdig byas ci nas lus 'dis byang 'gyur ba// de ltar sor 'gre/ khyod kyis rtsoms shing nan tan gyis// kye ma dpa' bo khyod kyis gtum pa'i las byas na// de ring chos kyi rje bor gyur na bdag dga'o// de nas sor mo'i 'breng bas lha'i bu dbang phyug chen po la slar 'di skad ces smras so/ / stabs mi sdug pa'i gtum po khyod su zhig/ khyod ni dbang phyug snyam ste/ khyod ni ming gi dbang phyug yin gyi/ dbang phyug ji lta ba bzhin ma yin ni/ so so'i skye bo'am/ dgra bcom pa gang yin pa ji ltar shes pa myur du smros shig/ dbang phyug khyod sha za ltar mche ba rnon da rung yang gzugs phun sum tshogs pa ma thob bam/ 'di lta ste skyes bu mdze tshebs chen pos btab nas/ mdze rab tu zhi ba bstan na/ 'jig rten rnams 'di snyam du sems so// gang bdag nyid kyi nang zhi bar mi nus pa des gzhan gyi nad ji ltar gso snyam mo/ / de bzhin du gtum po sbrang bu lta bu khyod kyang bdag rtogs pas bdag gi khams kyang nga rung mi shes te/ gtum po mdze tshabs chen pos btab pa lta bus sor mo 'phreng ba so so'i skye bo 'am/ dgra bcom pa zhes pha rol gyi sems shes par ga la 'gyur/ sbrang bu lta bu khyod cang ma zer cig/ khyod ni sa'i dbang phyug tu dbang skur ba dang / sa'i dbang phyug gi rgyal tshab tu 'os pa ma yin gyis dbus long lta bu khyod yud tsam sdod cig/ de nas de bzhin gshegs pa shing gang la brten te/ bzhugs pa'i shing de'i lha mos sor mo'i 'phreng ba la tshigs su bcad pa 'di skad ces smras so/ / dpa' bo sor mo'i 'phreng ba myur bar du// khyod ni ngur smrig rgyal mtshan gyon cig dang // bde gshegs thabs cig thog mar bsod snyoms gsol/ / dpa' bo 'bras bu dam pa thob par bgyis// de nas sor mo'i 'phreng bas lha mo la tshigs su bcad pas smras pa/ de bzhin gshegs pa bshos mi gsol// nyan thos rnams kyang de bzhin na// khyod kyi sbyin pa su la sbyin// myur smos bzang mo yangs pa'i mig/ nga yi the tsom la gor mchod// de nas lha mo yangs pa'i mig gis slar sor mo'i 'phreng ba la tshigs su bcad pas smras pa/ sangs rgyas rtag tu bshos gsol te// nyan thos rnams kyang de bzhin na// brtan pa rab tu 'byung 'dod la// brdzun du smra ba mi cha'o// brdzun gyi tshig ni rnam spongs shig/ g.yo ba'i bsam pa sdig can yin// chos gcig las ni 'das pa yi// skye bo brdzun gyi tshig smra ba// 'jig rten pha rol btang ba dag/ mi byed pa ni ci yang med/ / de nas sor mo'i 'phreng bas lha mo de la 'di skad ces smras so// bud med khyod ci zhig 'khyam// khyod kyang dman pa'i rigs su skyes kyis// sbrang bu lta bu sangs rgyas kyis smad pa'i bud med kyi dngos po'i bdag nyid la shin tu rtogs shig/ 'jig rten na brdzun du smra ba gang // 'jig rten na bden pa 'dzin pa gang // 'jig rten na zang zing la chags pa gang / / 'jig rten na zhing shi ba gang yin// sbrang ma lta bus mi shes so// sems can gang de bzhin gshegs pa'i yon tan gyi bdag nyid chen po mi shes pa'i sems can de dag ni brdzun du smra ba'o/ / sems can gang zang zing la chags pas de bzhin gshegs pa la yang zang zing gis skur pa'i sems can de dag ni brdzun du smra ba ste/ de dag la rab tu 'byung ba yang med na/ bsnyen par rdzogs par lta ga la 'gyur/ sems can gang de bzhin gshegs pa'i ldem po'i ngag shes pas sems can de dag ni brdzun du smra ba ste/ de dag la rab tu 'byung ba'ang med na/ bsnyen par rdzogs par lta ga la 'gyur/ nga ni chos gcig las kyang mi 'da'o// lha mo khyod kyis na chos thams cad las 'das kyis de bzhin gshegs pa lha'i lha yang dag par rdzogs pa'i sangs rgya/ la myur du bzod pa gsol cig/ de nas ser mo'i 'phreng ba la lha mos slar 'di skad ces smras so// bud med kyi dngos po rigs dma' ba'o zhes zer ba ci la ldem po ngag tu smra/ sor mo'i 'phreng ba bud med dam skyes pa yin par ji ltar shes/ sor mo'i 'phreng ba khyod myur du smros shig/ khyod sha za'i dngos po da rung ma zhi'o// de nas sor mo'i 'phreng bas lha mo de la slar 'di skad ces smras so/ / rgyal po'i mal du khyi song nas/ ri mo byed pa'i sems can gyis/ mi gtsang bar byas pa de bzhin du lha mo khyod kyang thabs kyi chos kyis rtse bas bud med kyi dngos por bsgyur te/ 'dod pa'i yul la sems shing ri mo byed do// de bas lha mo khyod bud med kyi dngos po spongs la skyes pa dang / bud med ces bya ba rab tu stong par sgoms shig/ rab tu stong pa la goms ni skyes pa'i dngos po myur du thob bo// de nas de'i tshe shA rI'i bu dang / mo'u 'gal gyi bu gnyis rdzu 'phrul gyi stobs kyis ngang pa'i rgyal po bzhin du nam mkha' las 'ongs ste/ bcom ldan 'das ga la ba der phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug nas/ sor mo'i 'phreng 'di skad ces smras so/ / rigs kyi bu legs so legs so// khyod kyis 'thun zhing rjes su dgongs pa'i bsod nams byas pa shes par gyis shig/ de bzhin gshegs pa dang thabs / gcig tu dong la tshang ba mtshungs par spyod pa rnams ltar bcug ste/ rgyal bu rgyal byed kyi tshal mgon med zas sbyin gyi kun dga' ra bar 'dong ngo // bcom ldan 'das kyis rab tu phyung nas 'jig rten skye bo'i phung po mang po ltar nam mkha' las zla ba dri ma med pa dang / dang pa'i rgyal po ltar chas te 'dong ngo // de nas sor mo'i 'phreng bas tshe dang ldan pa mo'u 'gal gyi bu chen po la slar tshigs su bcad pas smras pa/ rdzu 'phrul ldan pa gang yin 'jig rten na// rdzu 'phrul rtsa ba las ni ci zhig skye// rdzu 'phrul ldan thob 'gyur ba myur smos la// khyod kyis nga yi the tsom myur du sol/ / de nas tshe dang ldan pa mo'u 'gal gyi bu chen pos/ sor mo'i 'phreng ba la tshogs su bcad pas slar smras pa/ gal te 'jig rten dag na sbyin bdag rnams// rtag tu lham yang rab tu sbyin par byed/ / gal te dge slong tshul khrims rdzogs pa la// lham gyi rnam pa shin tu 'phul ba ste// rnam pa gnyis po de dag gis// rdzu 'phrul 'dod pa rdzu 'phrul 'thob// sor phreng de ltar shes par gyis/ / rdzu 'phrul 'dod na de ltar spyod// de nas tshe dang ldan pa mo'u 'gal gyi bu chen po la sor mo'i 'phreng bas slar 'di skad ces smras so// kye ma btsun pa mo'u 'gal gyi bu sbrang bu'i spyad pa spyod de/ rdzu 'phrul kun gyi gzung ba mi shes so// sbrang bu yang nam mkha' la 'gros sbrang bu'i rdzu 'phrul gyi stobs ldan khyod cang ma zer cig/ bdag grol nas grol bar bya'o// snyam ste/ phan pa'i sems des ni rdzu 'phrul dang ldan pa myur du 'grub bo// dam pa'i chos phan par ston pa nyam thag pa'i tshe/ de'i mdun du bdag gis srog bor na des rdzu 'phrul dang ldan pa 'grub bo/ / sems can bye ba mang po bsgral ba las lhag brgyal byed tshal na rdzu 'phrul ga la yod kyis nga mi 'gro'o// de ltar theg pa chen po dpag tu med pas na/ de bzhin gshegs pa'ang dpag tu med do/ / de nas tshe dang ldan pa shA ri'i bu la sor mo'i 'phreng bas tshigs su bcad pas 'di skad ces smras so// 'jig rten dag na shes rab che ba gang // ji lta bur na blo gros skye bar 'gyur/ / ye shes chen po myur bar yang // myur du spros te nga yi the tsom gcod// de nas tshe dang ldan pa shA ri'i bus/ sor mo'i 'phreng ba la tshigs su bcad pas slar smras pa/ / tshul khrims lnga rnams rab tu bsrungs pas na// blo mchog shes rab chen po thob par 'gyur// lus 'di bor nas rang gi blor bcas te// gang dang gang du 'dod pa der skyes te// de dang der ni shes rab chen por 'gyur// phyogs su snyan pa rnams grags sor mo'i 'phreng // dpa' chen blo ldan de ldan shes par gyis// de nas sor mo'i 'phreng bas tshe dang ldan pa shA ri'i bu la slar 'di skad ces smras so/ / de bzhin gshegs pa rtag pa'o zhes bstan pa mi 'chi ba'i tshig 'di las shes rab chen po skye ste/ de ltar ston pa shes rab dang ldan ba de ni sangs rgyas yin te/ kye ma btsun pa shes rab chen po shA ri'i bu ni sbrang bu'i spyad pa spyod de/ sbrang bu lta bur 'gro ba khyod ni shes rab dang ldan pa mi shes so// sbrang bu lta bu'i shes rab can khyod cang ma zer cig/ btsun pa ni sbrang bu lta bu'i shes rab can no// de nas de'i tshe kun dga' bo der 'ongs nas/ bcom ldan 'das kyi zhabs la mgo bos phyag 'tsha ten sor mo'i 'phreng ba la 'di skad ces smras so/ / legs so legs so// sor mo'i 'phreng ba khyed kyis 'thun cing rjes su dgongs pa'i bsod nams byas pa dga' 'o// sor mo'i 'phreng ba myur du gsung rab yan lag dgu pa lhog shig/ de nas gnas brtan kun dga' bo la sor mo'i 'phreng bas slar 'di skad ces smras so// khyod mang du thos pa'i mchog tu de bzhin gshegs pas gsungs na/ btsun pa kun dga' bo khyod la dri yis smros shig/ 'jig rten na mang du thos pa gang / ji ltar na mang du thos pa 'byung / btsun pa kun dga' bo ngas de skad dris pa myur du smros shig/ de nas tshe dang ldan pa kun dga' bos/ sor mo'i 'phreng ba la slar 'di skad ces smras so// mdo sde yan lag dgu pa klog dang / gzhan la yang ser sna med par rab tu ston pa de las mang du thos shing bsam gyis mi khyab pa'i gzungs phun sum tshogs pa thob par 'gyur ro/ / de nas sor mo'i 'phreng bas gnas brtan kun dga' bo la slar 'di skad ce smras so/ / 'jig rten na de bzhin gshegs pa ni ther zug g.yung drung ngo zhes bstan pa ston pa de ni 'jig rten na mang du thos pa yin te/ mang du thos pa de lta bur shes par gyis shig/ kye ma btsun pa kun dga' bo ni sbrang bu'i spyad pa spyod de/ mang du thos pa 'byung ba'i sgo mi shes so// sbrang bu la yang mang du thos pa yod kyis sbrang bu lta bu'i mang du thos pa khyod cang ma zer cig/ de nas gnas brtan sgra gcan zin bcom ldan 'das ga la ba der song ste phyin nas/ sor mo'i 'phreng ba la 'di skad ces smras so// rigs kyi bu legs so legs so/ / khyod kyis 'thun zhing rjes su dgongs pa'i bsod nams byas pa nga dga' 'o// sor mo'i 'phreng ba myur du gus par bslab pa zung shig/ de nas sor mo'i 'phreng bas sgra gcan 'dzin la slar smras pa/ btsun pa sgra gcan 'dzin khyod bslab pa la dga' zhing gus pa'i mchog tu de bzhin gshegs pas gsungs na/ 'jig rten na bslab pa la gus pa gang yin/ de bzhin gshegs pa'i sras phangs pa myur du spros la nga'i the tsom chod cig/ de nas gnas brtan sgra gcan 'dzin gyis sor mo'i 'phreng ba la tshigs su bcad pa smras pa/ sangs rgyas gsung rnams shin tu gus par gzung // de nas bslab la gus shing tshul khrims ldan// khong dpa' dbang gyur khong dpa'i mchog 'dzin pa// sor mo'i 'phreng ba de ltar shes par gyis/ / sor mo'i 'phreng bas sgrag can 'dzin la slar 'dri skad ces smras so// 'jig rten na de bzhin gshegs pa ni mchog tu rtag pa'o zhes gus pas bstan pa ni gus pa'i mchog ces bya ste/ btsun pa sgra gcan 'dzin ston pa de ni 'jig rten ni bslab pa la gus pa'i mchog tu shes par gyis shig/ kye btsun pa sgra gcan 'dzin ni sbrang bu'i spyad pa spyod de/ sbrang bu lta bur khyod bslab pa la gus par mi shes so// sbrang bu la yang gus pa yod kyis sbrang bu lta bu khyod cang ma zer cig/ de nas gnas brtan ma 'gags po bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ sor mo'i 'phreng ba la 'di skad ces smras so// legs so/ legs so// sor mo'i 'phreng ba khyod kyis 'thun zhing rjes su dgongs pa'i bsod nams byas par dga'a'o// sor mo'i 'phreng ba da ring po mi thogs par lha'i mig can du gyis cig nas tshe dang ldan pa ma 'gags pa la sor mo'i 'phreng bas slar 'di skad ces smras so/ / btsun pa ma 'gags pa khyed de bzhin gshegs pas/ lha'i mig can gyis mchog tu gsungs na/ 'jig rten na lha'i mig can gang / lha'i mig ji ltar skye/ myur du spros la nga'i the tsom chod cig/ de nas sor mo'i 'phreng ba la tshe dang ldan pa ma 'gags pas slar tshigs su bcad pa 'di skad ces smras so// mar mes rtag tu mig thob 'gyur// yang na gzhan la nan tan du// chos bshad pas kyang shes par bya// gzugs can nang na gzugs mchog can// de ltar ser 'phreng shes par gyis/ / de nas sor mo'i 'phreng bas tshe dang ldan pa ma 'gags pa la 'di skad ces smras so// de bzhin gshegs pa'i snying po rab tu nan tan du mi 'chab cing / sems can thams cad la phan par bstan pa ston na/ des lha'i mig thob par 'gyur te/ de ni 'jig rten na lha'i mig can no// kye ma btsun pa ma 'gags pa khyod ni sbrang bu'i spyad pa spyod de/ lha'i mig skyed par mi shes so/ / sbrang bu yang rang gi yul mthong gis sbrang bu lta bu khyod cang ma zer cig/ de nas gnas brtan dge sbyong gi khol po bcom ldan 'das kyis zhabs la mgo bos phyag 'tshal nas/ sor mo'i 'phreng ba la 'di skad ces smras so// legs so legs so// sor mo'i 'phreng ba khyod kyis 'thun zhing rjes su dgongs pa'i bsod nams byas pa nga dga' 'o// sor mo'i 'phreng ba da ni bzod pa la mang du bsgom par bya'o/ / de nas sor mo'i 'phreng bas gnas brtan dge sbyong gi khol po la 'di skad ces smras so// 'jig rten dgan bzod pa rdzogs bsung / bzod pa 'dod pas ji ltar bzod par 'gyur// ji lta bur na bzod par 'gyur ba yang // myur du spros la de yi the tsomachod/ de nas gnas brtan dge sbyong gi khol pos sor mo'i 'phreng ba la slar smras pa/ dge sbyong bzod par 'dod pa yis// ste'u dang tsan dan 'dra bar bya// de nas bzod pa thob par 'gyur// de ni 'jig rten rdul bzod yin// sor 'phreng de ltar shes par gyis/ de nas sor mo'i 'phreng bas gnas brtan dge sbyong gi khol po la 'di skad ces smras so// 'jig rten na de bzhin gshegs pa'i snying po rab tu ston pa la mi mkhas pa log par lta ba'i mi dag zhe sdang zhing bstan pa ni bdag med pa'o/ / zhes bdag nyid de ltar 'jog ste/ de dag gi tshig la goms par mi byed cing / mtshungs pa med do snyam nas rang gi srog kyang btang ste/ de bzhin gshegs pa'i snying po rab tu ston pa de na bzod pa'i dam pa ste/ 'jig rten phan par ston pa'o// 'jig rten na bzod pa dul ba zhi ba 'jigs pa med pa'o// kye ma gnas brtan dge sbyong gi khol po khyod ni sbrang bu'i sprad pa spyod de/ bzod pa bskyed pa mi shes so// sbrang bu yang bkres pa dang / skom pa bzod kyis sbrang bu lta bu khyod cang ma zer cig/ / bam po gsum pa// de nas gang po byams ma'i bus/ bcom ldan 'das kyi zhabs la mgo bos phyag 'tshal nas/ sor me'i 'phreng ba la 'di skad ces smras legs so legs so/ / sor mo'i 'phreng ba khyod kyis 'thun pa dang rjes su dgongs pa'i bsod nams byas par yang dga' 'o// sor mo'i 'phreng ba sems can thams cad la phan/ par bstan pa'i chos kyi gtam ston cig/ de nas sor mo'i 'phreng bas gang po byams ma'i bu la slar 'di skad ces smras so// gang po khyod sangs rgyas kyis chos smra ba'i mchog tu gsungs na/ btsun pa 'jig rten na chos smra ba gang yin/ ji ltar na dge slong don shes pa yin/ btsun pa chos smra ba'i mchog gis shod cig/ song de nas sor mo'i 'phreng bas gang po byams ma'i bu la 'di skad ces smras so/ / sangs rgyas kun dang nyan thos kyis// gang de kun tu ma bsnyes pa// chos de mngon par sangs rgyas nas// srog chags rnams la bstan par bya/ / de skad gsungs pa'i don 'di ci// gang pos smras pa/ 'das pa'i sangs rgyas bcom ldan 'das rnams kyis kyang chos thams cad la sems can gyi dbyings dang / bdag dang srog dang / gang zag dang / shed las skyes pa dang / shed bu shin tu nan tan du btsal kyang ma brnyed nas/ bdag med pa ni sangs rgyas kyi tshig go snyam ste 'das so// da ltar gyi sangs rgyas bcom ldan 'das rnams kyis kyang / chos thams cad la sems can gyi dbyings dang / srog dang / gang zag dang / shed las skyes pa dang / shed bu shin tu nan tan du btsal kyang mi brnyed do/ / ma byon pa'i sangs rgyas bcom ldan 'das rnams kyis kyang chos thams cad la sems can gyi dbyings dang / srog dang / gang zag dang / shed las skyes pa dang / shed bu dag nan tan tu byas te btsal kyang brnyed par mi 'gyur ro// de bzhin du nyan thos dang / rang sangs rgyas thams cad kyis kyang dus gsum du chos thams cad la srog/ dang gang zag dang / shed can dang / shed bu dang / sems can gyi khams dang / bdag nan tan du btsal kyang ma rnyed mi rnyed rnyed par mi 'gyur te/ de ltar srog dang / gang zag dang // / shed can dang / shed bu dang / sems can dang / bdag gi dbyings med par ston to// de ltar bdag med par ston/ de ltar stong par ston te/ de lta bu'i chos kyi gtam ston to// sor mo'i 'phreng bas gang po byams ma'i bu la slar 'di skad ces smras so/ / kye ma btsun pa gang po khyod ni sbrang bu'i spyad pa spyod de/ chos kyi gtam ston mi shes so// sbrang bu yang zi zi zhes sgra 'byin/ shes kyis/ sbrang bu ltar blun pa khyod cang ma zer cig/ gang po de bzhin gshegs pa'i ldem po'i ngag mi shes pas bdag med pa la chos su sems pa ni gti mug gi chos kyi mar me'i nang du phye ma leb ltar ltung ngo / / gang te sangs rgyas kyi ma brnyes shes bya ba ni 'das pa'i sangs rgyas bcom ldan 'das kyis sems can thams cad la de bzhin gshegs pa'i snying po med pa ma brnyes nas 'das so/ / da ltar gyi sangs rgyas bcom ldan 'das rnams kyis kyang sems can thams cad la bdag gi khams med pa mi brnyes so// ma byon pa'i sangs rgyas bcom ldan 'das rnams kyis kyang sems can thams cad la sems can gyi khams med pa brnyes par mi 'gyur ro/ / rang sangs rgyas dang / nyan thos rnams kyis kyang dus gsum du sems can thams cad la de bzhin gshegs pa'i snying po med pa ma brnyes mi brnyes brnyed par mi 'gyur te/ tshigs su bcad pa de'i don ni 'di'o// yang sangs rgyas kun gyis gang ma brnyes shes bya ba ni/ 'das pa'i sangs rgyas bcom ldan 'das rnams kyis kyang chos thams cad la nan tan tu btsal kyang 'jig rten pa'i bdag the bo tsam dang / ci tshe 'bru dang / 'bras dang / yungs 'bru dang / til gyi ril bu tsam dmar po drang / sngon po dang / ser po dang / dkar po dang / thung ngu dang / ring po dang / shin tu ring po la sogs pa snying kha na 'bar zhing 'dug ces bya ba dang / lte ba'i drung dang / mgo dang / mig dang / rna ba la mar me'i snying po dmar po snum gyi rkyen kyis 'bar ba lta bu 'dug go zhes bya ba la sogs te/ rtog pa rnam pa mang po ni ji ltar 'jig rten pa rnams bdag la sgom pa/ gang de dag gi rtag pa brtan pa ther zug ste/ bdag de ni 'di 'dra'o zhes bya ba sangs rgyas thams cad dang / nyan thos thams cad kyis ma brnyes nas mngon par sangs rgyas nas/ srog chags rnams la bshad do zhes bya ste/ tshigs su bcad pa de'i don ni 'di yin gyis// gang po ni phyin ci log tu rnam par ba bas na de don ma yin no/ / sangs rgyas rnams kyis gang ma brnyes zhes bya ba de ni/ 'das pa'i sangs rgyas bcom ldan 'das rnams kyis kyang de bzhin gshegs pa'i snying po byas pa ma brnyes nas 'das te/ ma byon pa'i sangs rgyas kyi khams mtshan dang dpe byad/ bzang po mtha' yas pas brgyan pa sems can thams cad la yod de/ da ltar gyi sangs rgyas bcom ldan 'das rnams kyis kyang de bzhin gshegs pa'i snying po byas pa ni nan tan du btsal kyang ma brnyes te/ sems can thams cad la ma byas pa'i sangs rgyas kyi dbyings sems can thams cad la mtha' yas pa'i mtshan dang dpe byad kyis brgyan pa yod do/ / dus gsum du nyan thos dang / rang sangs rgyas sbrang ma lta bu rnams de bzhin gshegs pa'i snying po yod ces grag ste/ mig gis ni blta mi nus so zhes 'dri ba de la byed pa'i rgyu ni bstan to// 'di lta ste/ sgra gcan 'dzin dpel gyis bslab pa dang / tshul khrims lhur byed pas/ srog chags can gyi tshul shin tu nan tan du lta ste/ srog chags yin nam ma yin/ 'on te rdul 'dra ba zhig ste/ thams cad ma yin no snyam pa las rim gyis brtags na/ srog chags phra mo yin par mthong ba de bzhin du/ sa bcu thob pa'i byang chub sems dpa' stag rnams kyis rang gi lus la bdag gi dbyings yod par bdag nyid kyis kyang mthong ste/ 'di 'dra ba de lta bu mtha' yas pa'i/ dbyings su mthong ngo // de ltar de bzhin gshegs pa'i snying po la 'jug pa ni shin tu dka' ba byed pa yin te/ gang dag kun tu 'bar ba dang / rab tu 'bar ba lta bu'i 'jig rten du rang gi srog kyang btang ste/ ston par 'gyur ba ni rab tu dka' ba byed pa phan par ston pa yin no// byang chub sems dpa' stag de dag lang de bzhin gshegs pa'i snying po ston gyi gzhan la mi ston to/ / mas na de dag ni bdag nyid de bzhin gshegs pa yin no// dper na 'phrul gyi mig dang ldan pa'i nang na ma 'gags pa bzhin te/ ma 'gags pa dang lhan cig tu byis pa sha'i mig can song nas nam mkha' la bya song ba'i rjes la bltas na/ byis pa sha'i mig can gyis ci nam mkha'i bya'i rjes mthong ngam/ gnas brtan ma 'gags pas ni gsal bar mthong ste/ skyes bu sha'i mig can yang gnas brtan gyi dring la rab tu yid ches nas/ 'gro ba de bzhin du byis pa sha'i mig can dang 'dra ba nyan thos dang / rang sangs rgyas thams cad kyis mdo sde thams cad kyi tshul la yid ches nas de bzhin gshegs pa'i snying po yod par shes kyi de bzhin gshegs pa'i yul gyi dbyings lta yang dag par ga la mthong / de ste nyan thos dang rang sa rgyas gzhan gyi dring la 'jog na/ mi dmus long tsam lta yid ga la ches / sngon byung ba sa 'di mngar sna bzhi can du gyur to zhes// sngon gyi yang dag par rdzogs pa'i sangs rgyas gzhan du mi gsung ba rnams las kho bos thos te/ sems can gang dag gis mngar sna bzhi myong ba'i sems can de dgang rung yang byis pa'i tshes za ste/ gang gis yun ring po nas brnyes pa ro zhim po de sems can rnams nga rung yang gtong mi nus so/ / de bzhin du sngon gyi yang dag par rdzogs pa'i sangs rgyas mang po'i drung du gang gis/ de bzhin gshegs pa'i snying po la bsgoms shing mang du byas pa'i sems can de dag ni da rung yang de bzhin gshegs pa'i snying po la yid ches te/ sems can de dag ni yun ring po nas bsgoms shing // de bzhin gshegs pa la byas pa gzo ba ste/ / gzhan ma yin no// ma 'ongs pa'i dus na yang sems can gang de bzhin gshegs pa'i snying po ston pa dang / thos nas yid ches par 'gyur ba'i sems can de dag ni gzhan ma yin te/ de bzhin gshegs pa'i sras sa la za ba lta bu de bzhin gshegs pa la byas pa gzo nga'o// gang sngon phyugs su gyur te/ rang gi ma la rgal zhing rnam par myos pa'i sems can de dag ni dra rung yang nyal ba'i cho sngo sgra khrig khrig zer zhing de bzhin gshegs pa'i snying po chos de kho na nyid la yid mi ches so/ / ma 'ongs pa'i dus na'ang sems can gang so sgra khrig khrig zer zhing de bzhin gshegs pa'i snying po la yid mi ches pa'i sems can de dag ni gzhan ma yin te/ btsun pa gang po de dag ni phyugs su chung pa chos nyid mi shes pa'o/ / sngon phug ron du skyes pa'i sems can de dag ni shin tu gzugs 'dod cing g.yem pa'i dbang du song ste/ phal cher de bzhin gshegs pa'i snying po la yid mi ches shing drag shul gyi las byed do/ / ma 'ongs pa na yang sems can gang g.yem pa'i dbang du song ba dag phal cher de bzhin gshegs pa'i snying po la yid mi mchis te/ sems can de dag ni gzhan ma yin gyi phug ron du gyur pa yun ring po nas nyon mongs pa la goms pa gang yin pa'o// gang sngon ngo tsha med pa'i khwar gyur pa/ shin tu byas pa mi gzo ba mi gtsang ba za ba'i sems can de dag ni da rung yang dbul zhing ngo tsha ba med de/ de bzhin gshegs pa'i snying po la yid mi ches so// ma 'ongs pa na yang sems can gang phan par ston pa'i drung nas/ de bzhin gshegs pa'i snying po thos nas dgod de 'gro'o// bdag gi dbyings la yid mi ches pa'i sems can de dag ni gzhan ma yin gyi/ btsun pa gang po de ni ngo tsha ba med pa mi gtsang ba za ba'i khwa yin no/ / sngon spre'u mi sdug par gyur te/ yid rgya mtsho sna tshogs rnam par bkra ba'i rlabs lta bur g.yo ba'i sems can de dag ni dra dung yang de bzhin gshegs pa'i snying po thos na sems khrugs par 'gyur te/ de bzhin gshegs pa'i snying po la yid mi ches so// ma 'ongs pa na yang sems can gang de bzhin gshegs pa'i snying po thos nas/ sems 'khrug cing de bzhin gshegs pa'i snying po la yid mi ches pa'i sems can de dag ni gzhan ma yin te/ btsun pa gang po spre'u ltar dgod pa dma' ba yin no/ / sems can sngon 'ug par gyur pa de nyin par shin tu mi mthong zhing mtshan mo mthong ba/ de bzhin gshegs pa'i snying po la yid mi ches pa'i sems can de dag da dung yang 'jig rten na/ bla ma mthong nas lta'ang mi 'dod do// ma 'ongs pa'i dus na yang sems can gang dag phan par ston pa'i drung na de bzhin gshegs pa'i snying po thos la sangs rgya kyis lung bstan pa la yid mi ches pa'i sems can de dag ni btsun pa gang po gang 'ug par gyur pa yid mi ches pa yin te/ mo mkhan gyi tshig bzhin no// btsun pa gang po sngon gram khrod du skyes pa shin tu don med pa'i gzhung gis gos pa de bzhin gshegs pa'i snying po la yid mi ches pa'i sems can de dag ni da dung yang bdag med pa zhes bya ba dgongs pa'i tshig tu mi shes pa/ / sems can gram khrod pa rnams de bzhin gshegs pa'i snying po la yid mi ches so// ma 'ongs pa'i dus na yang shin tu don med pa'i gzhung la chags pa'i ldem po ngag tu gsung pa mi shes pa/ gram khrod pa de bzhin gshegs pa'i snying po la yid mi ches pa de dag ni gzhan ma yin te/ btsun pa gang po nges par gram khrod pa de bzhin gshegs pa'i snying po la yid mi ches pa yin no/ / gang sngon sgo gang yang rung ba nas/ 'dug cing rkun po dpa' ba'i sems can de dag ni khyi lta bu zhes bya ste/ ma 'ongs pa'i dus na yang sems can gang gzhan gyi khyim du rgyu zhing de bzhin gshegs pa'i snying po la yid mi ches pa'i sems can de dag ni gzhan ma yin te/ btsun pa gang po de dag ni khyi dang 'dra bar dma' ba yin no// sngon byi lar gyur pa'i sems can gang rtag tu sha za ba la chags shing / de bzhin gshegs pa'i snying po la yang mi ches pa'i sems can de dag na da dung yang sha la chags shing / srog gcod pa/ byi la'i gzugs su bsgyur ba'i srin por 'gyur ro// ma 'ongs pa'i dus na yang sems can gang byi la'i gzugs su bsgyur ba'i srin po gzhan gyi srog gcod cing / sha za ba mi bzad pa de bzhin gshegs pa'i snying po las phyir phyogs pa de dag ni gzhan ma yin te/ gzhan gyi srog gcod cing sha za ba byi la'i gzugs su bsgyur ba'i srin po'o// gang byi ba dang / ma nang du gyur pa de bzhin gshegs pa'i snying po las phyir phyogs pa'i sems can de dag ni da dung yang chang 'thung zhing byi ba dang ma ning du gyur te/ shin tu mi gtsang ba 'thung ba yin no// mra 'ongs pa na yang sem can gang chang 'thung zhing ma nang lta bu dma' ba de dag ni/ 'jig rten pa'i ros ngoms pas de bzhin gshegs pa'i snying po mi 'dod de/ de dag ni gzhan ma yin gyi sa ning dang / byi ba gang yin pa de dag tu blta'o/ / gang ces spyad du gyur pa'i sems can khrel med cing // g.yongan pa de bzhin gshegs pa'i snying po las phyir phyogs pa de dag ni da dung yang de bzhin gshegs pa'i snying po ldem po ngag tu bshad pa mi shes shing sems g.yo can ce spyang lta bur gyur to/ / ma 'ongs pa na yang sems can gang de bzhin gshegs pa'i snying po ldem po dag tu bshad pa mi shes pa 'di ltar gnang ngo zhes log par rtog pa de dag ni nges par ces sprang du gyur pa'o/ / sngon sems can gang srin bu mi sdug pa sdig par gyur pa de bzhin gshegs pa'i snying po las phyir phyogs pa'i sems can de dag ni da dung yang de bzhin gshegs pa'i snying po thos nas rab tu 'bar te/ snying zhe sdang bar gyur pa de ni nges par sdig pa dang mtshungs pa yin no// ma 'ongs pa na yang sems can gang de bzhin gshegs pa'i snying po thos na sangs rgyas kyis bshad pa ma yin no zhes yid ma ches pa de dag na gzhan ma yin te/ btsun pa gang po nges par sdig pa lta bu tsha ba'i las byed pa'o/ / gang sngon sbrul gdug pa mi bzad par gyur pa/ de bzhin gshegs pa'i snying po la mi bsngags par smra ba'i sems can de dag ni da dung yang nga rgyal che zhing 'jigs pa'i gzugs sbrul gdug pa mi bzad par 'gyur ro/ / ma 'ongs pa na yang sems can gang de bzhin gshegs pa'i snying po phan par bstan pa la mi bsngags par smra zhing sdug pa spyod pa'i sems can de dag ni gzhan ma yin te/ btsun pa gang po nges par sbrul gdug pa mi bzad pa'o// sngon sems can gang lug tu gyur pa glen zhing kho re chung ba ma'i yon tan mi shes pa de bzhin gshegs pa'i snying po btsan par mi byed cing mdo sde la smod pa de dag de dung yang mdo sde la smod de/ sems can de dag ni nges par lug tu gyur pa glen zhing kho re chung ba yin te/ ma 'ongs pa na yang sems can gang gnyid che zhing de bzhin gshegs pa'i snying po thos na smod pa de dag ni gzhan ma yin te/ nges par kho re chung zhing zhan pa'o// sngon ma he kho re chung bar gyur pa de bzhin gshegs pa'i snying po las phyir phyogs pa'i sems can de dag ni da dung yang nges par zhen cing brkang ste/ lta ba gsum gyis 'jungs pa'i ma he lta bu'o// ma 'ongs pa na yang brkam zhing khro la zhen cing kho re chung ste/ de bzhin gshegs pa'i snying po las phyir phyogs pa'i sems can de dag ni gzhan ma yin te/ nges par lta ba gsum gyis 'jungs pa' ma he'o// sems can gang sngon dom du gyur pa de dag ni de bzhin gshegs pa'i snying po las phyir phyogs shing yid mi ches te/ sems can de dag ni da dung yang yid du mi 'ong ba sgrogs te/ nges par dom dang ce spyang lta bu'o// ma 'ongs pa na yang sems can gang de bzhin gshegs pa'i snying po las phyir phyogs shing yid du mi 'ong bar sgrogs pa de dag ni gzhan ma yin te// btsun pa gang po dom dang ce spyang lta bu'o// gang sngon bya ka lan dkar gyur pa de bzhin gshegs pa'i snying po las phyir phyogs shing yid mi ches te/ da rung yang sems can gang mig rtul ba de dag ni nge sra par bya ka la nAd kar gyur pa'o/ / ma 'ongs pa na yang sems can gang de bzhin gshegs pa'i snying po shes pa 'chab cing ma rungs pa snying po'i las byas byed pa de dag na gzhan ma yin te/ de bzhin gshegs pa'i snying po las phyir phyogs pa de ni nges par mig rtul ba'i bya ka lan da ka yin no// gang sngon bong bur gyur pa de bzhin gshegs pa'i snying po la mi dgongs par sems bskyed pa de dag ni de rung yang dbul zhing bong bu lta bur zas rtsub po za bar 'gyur ro/ / ma 'ongs pa na yang dbul po gzhan gyis mngag pa'i rigs ngan par skye'o/ / gang de bzhin gshegs pa'i snying po la yid mi ches shing bdag med pa la sgom pa de dag ni gzhan ma yin te/ btsun pa gang po 'dod ldan dang / gdol pa dang / bya ba drang bong bu lta bu'o/ / gang ston lha ma yan lus thung ngur gyur cing mche ba ring ba mi sdug pa khog pa lta bu de bzhin gshegs pa'i snying po la kha zer ba de dag ni da dung yang lus thung zhing khog pa lta bur gyur te/ de dag ni nges par lha ma yin no// ma 'ongs pa na sems can gang khong pa lta bu thung zhing mche ba ring pa gtum po de bzhin gshegs pa'i snying po la kha zer ba de dag ni gzhan ma yin te/ btsun pa gang po lha ma yin gyi ris su gtogs pa'i sems can yin no// gang sngon yi dgas kha nas me lce 'byung bar 'gyur ba de bzhin gsheg pa'i snying po la smod cing 'phya ba'i sems can de dag ni da dung yang mchu dang rkan skams shing / yi dwags rid pa kha nas me lce 'byung ba'i srog chags su 'gyur ro// gang ma 'ongs pa ni yang sems can gang lus shin tu rid pa de bzhin gshegs pa'i snying po la smod cing 'phya ba de dag ni/ btsun pa gang po gzhan ma yin te/ nges par yi dgas rig pa kha nas me lce 'byung ba nyam chung ba yin no/ / sngon yang sems can gang de bzhin gshegs pa'i sku rtag pa la mi rtag par lta ba rnams mdzen par 'gyur te/ da dung yang sems can gang zhan cing mdzen bar 'gyur ba de dag ni nges par de bzhin gshegs pa'i sku la smod pa yin no/ / ma 'ongs pa na yang sems can gang de bzhin gshegs pa'i sku rtag pa la mi rtag par lta ba mdzen par 'gyur ba de dag ni gzhan ma yin te/ btsun pa gang po de bzhin gshegs pa'i sku rtag pa la spyod pa yin no// sngon gang de bzhin gshegs pa zhi ba'i sku la ma zhi bar lta ba rnams ni bong chen por 'gyur te/ da dung yang bong che zhing zhan pa de dag ni nges par de bzhin gshegs pa'i zhi ba'i sku la ma zhi bar lta ba'o// ma 'ongs pa na yang sems can gang de bzhin gshegs pa zhi ba'i sku lam zhi bar lta ba de dag ni gzhan ma yin te/ btsun pa gang po bong chen po de dag ni nges par de bzhin gshegs pa zhi ba'i sku la sun 'byin pa'o// grang sngon phun sum tshogs pa'i dus na rgud par 'gyur te/ nad mang ba'i sems can rnam pa mang po de dag ni de bzhin gshegs pa'i g.yung drung gi sku la g.yung drung ma yin par lta ba yin no// da dung yang phun sum chog ba'i dus na rgud par gyur pa'i sems can de dag ni de bzhin gshegs pa'i g.yung drung gi sku la g.yung drung ma yin par lta ba yin no/ / ma 'ongs pa na yang sems can gang phun sum tshogs pa'i dus na rgud par 'gyur ba de dag ni de bzhin gshegs pa'i grwa yung drung gi sku la ga yung drung ma yin par lta ba ste/ btsun pa gang po de dag ni nges par gzhan ma yin gyide bzhin gshegs pa'i gsal ba'i sku mi gsal ba'o zhes sun 'byin pa'o/ / sngon gang de bzhin gshegs pa'i sku ther zug la ther zug ma yin par lta ba'i sems can de dag ni rgyal po'i btsun mo'i dam pa'i mngal du skyes nas shi ste mi rtag par gyur to/ / da dung yang sems can gang la la rgyal po'i btsun mo dam pa'i mngal du skyes nas shi ba de dag ni nges par de bzhin gshe pa'i sku ther zug dang gsal ba la smod pa'o/ / ma 'ongs pa na yang sems can gang mi rtag cing tshe thung bar 'gyur ba de dag ni ther zug gi sku la smod pa yin te/ btsun pa gang po de dag ni gzhan ma yin gyi/ nges par de bzhin gshegs pa'i ther zug gi sku la smod pa'o// sngon sems can gang bu med par gyur pa de dag kyang de bzhin gshegs pa shing zad pa'i me bzhin// du yongasu mya ngan las 'das so zhes mi rtag par 'dzin pa rnams te/ da dung yang sems can gang bu med par gyur pa de dag ni mya ngan las 'das pa la zhig par lta'o// ma 'ongs pa na yang sems can gang bu med pa ma rungs pa de dag ni de bzhin gshegs pa yongs su mya ngan las 'das pa zhig par lta ba rnams te/ gzhan ma yin gyi/ btsun pa gang po de dag ni nges par de bzhin gshegs pa yongs su mya ngan las 'das pa zhig par lta ba rnams so/ / sngon sems can gang de bzhin gshegs pa pha ma phrad pa las skyes par rtogs pa'i sems can de dag ni pha ma dang bral bar 'gyur ro// da dung yang sems can gang pha ma dang bral ba de dag ni nges par de bzhin gshegs pa la kha zer ba'o// ma 'ongs pa na yang sems can gang sangs rgyas la pha ma phrad pa las skyes par lta ba de dag pa ma med par 'gyur te/ de dag ni gzhan ma yin gyi/ btsun pa gang po de bzhin gshegs pa la kha zer ba pha ma dang bral ba'o// sngon sems can gang de bzhin gshegs pa'i sku rus pa 'am/ rgyas pa dang / rkang dang / khrag can gyi mi'i lus po zhes brdzun zer zhing / 'jig rten dang 'thun par 'jug pa las phyir phyogs pa'i sems can de dag ni 'jig rten na mi sdug pa skyon can 'gyur// da dung yang sems can de dag ni yan lag thams cad ma tshang zhing kha mnam pa 'jig rten dang 'thun par 'jugs pa las thams cad phyir phyogs par 'gyur ro// ma 'ongs pa na yang sems c an gang kha mi gtsang ba'i dri mi zhim par mnam pa zha bo gzhogs nyams pa yan lag thams cad ma tshang ba 'jig rten dang 'thun par 'jug pa las phyir phyogs pa'i sems can de dag ni gzhan ma yin te/ btsun pa gang po 'jig rten thams cad kyis spangs pa'o// sems can thams cad kyi las sngar bshad pa rnams shin tu yang ba yin te/ gal te mi'i skye gnas su skye ba thob na ya 'jig rten gyi sdug bsngal bsam gyis mi khyab pa thams cad thob par 'gyur ro/ / dud 'gro'i skye gnas dang / gshin rje'i 'jig rten gyi sdug bsngal gyi skal ba can du 'gyur ro// rang gis byas pas ma rig pa yun ring por myong zhing gnas te/ de bzhin gshegs pa'i yon tan gyi bdag nyid chen po las phyir phyogs pa de dag la dge ba yungs 'bru tsam yang rnyed par dka'o// sngon gang de bzhin gshegs pa mang po la mnyes par byas pas de bzhin gshegs pa'i che ba thos nas/ se gol gtogs pa'i srad du 'dzin na yang dge ba'i rtsa ba des sems can de dag dbang po thul ba dang / phyug cing rigs chen por 'gyur ro// da ltar yang sems can gang dbang po thul cing bran bza' mang po'i khyim bdag shing sA la chen po lta bu dang / bram ze'i rigs chen por gyur pa'i sems can de dag ni de bzhin gshegs pa'i snying po rna ba la reg pa tsam gyis mnyes par byed cing bsod nams kyi las shin tu byed do/ / ma 'ongs pa na yang sems can gang de bzhin gshegs pa'i snying po thos nas/ de bzhin nyid bsgrub pa dang / mi gang bran bza' mang zhing rigs che ba'i sems can de dag ni gzhan ma yin te/ bsod nams byas pa'i sems can don dang ldan pa/ yid dang / 'thad pa/ gzugs dang / mdog dang / stobs dang / snyems pa phun sum tshogs pa blo gros dang / dran pa dang / yid rno bar ldan pa dbyangs yid du 'ong zhing mthong na dga' ba rgyal po dang / blon po dang / rgyal bu dang / 'khor los sgyur ba dang / de bzhin du dge zhing nga rgyal med pa sems can mi gnyid thul ba bshor ba bag yod pa/ de la sogs pa mtho ris dang sa'i steng gi phun sum tshogs pa lha'i dbang po dang / tshangs pa'i dbang po dang / 'jig rten skyong ba la sogs par 'gyur ro// de bzhin gshegs pa'i snying po thos pa'i bsod nams kyi rgyus nas med pa dang / gtse ba med/ pa dang / tshe ring ba dang / 'gro ba thams cad dga' bar 'gyur ro// de bzhin gshegs pa rtag pa g.yung drung ther zug ste/ yongs su mya ngan las 'das pa yang 'chi ba med par thos pas thams cad 'byor cing yun ring du sra ba dang / rtag par 'gyur ro// sangs rgyas ni 'jig rten thams cad dang rjes 'thun par 'jug pas rol pa yin par shes shing / gang de bzhin gshegs pa 'khrig pa las byung ba yin no zhes ston pa de dag ni ye shes dang yon tan rnyed pa'i bsod nams kyis bu mang zhing pha ma ring du 'tsho ba rnyed par 'gyur ro/ / de bzhin gshegs pa'i snying po rtag pa sems can thams cad la yod par shes pa'i rgyus 'jig na bde ba'i rnam pa mchog rnams dang / phun sum tshogs pa ji snyed yod pa thams cad rnyed par 'gyur ro// de bzhin gshegs pa'i snying po rtag par thos pas sngon byung ba dang da ltar dang ma 'ongs pa dang / dus gsum du'ang phun sum tshogs pa thams cad dang / mtho ris dang / sa'i steng gi bde ba thams cad rtag tu thob par 'gyur ro/ / de bzhin gshegs pa'i snying po la brnyas pa'i rgyus ni 'gro ba lnga'i gnas thams cad na yan lag ma tshang bar 'gyur/ 'khor ba sdug bsngal bar 'khyam pa na sdug bsngal ba myong bar 'gyur ro/ / sems can gang sangs rgyas la bsnyen bkur byas pa dang / sems can gang phan par ston cing bdag nyid de bzhin gshegs pa'i snying po la sems pa de dag ni// de bzhin gshegs pa'i snying thos pa rnyed par 'gyur ro// btsun pa gang po sangs rgyas mang po las phyir phyogs pa'i sems can gang de bzhin gshegs pa'i snying po thos na smod pa'i sems can de dag ni bdag nyid kyi sa bon bsregs shing / kye ma dus gsum du bsam gyis mi khyab par mya ngan du bya ba yin no// chos ston par 'dod pas 'di ltar bstan te/ de bzhin ga pa rtag pa dang yang dag pa nyid du shin tu bsngags par bya'o/ / de ltar mi ston te de bzhin gshegs pa'i snying po 'dor ba de dag ni dper na/ gdol pa la rgyal po ba glang lta bur de la seng ge'i khri yang mi 'os so/ / sangs rgyas thams cad kyis shin tu nan tan du btsal kyang de bzhin gshegs pa'i snying po skyes pa ma brnyes te/ sems can thams cad la sangs rgyas kyi dbyings ma skyes pa mtshan dang dpe byad bzang pos brgyan pa yod do/ / sangs rgyas thams cad kyis shin tu nan tan du bdag nyid kyis brtsal kyang dbyings byung ba ma brnyes te/ sems can thams cad la mo byung ba'i dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbyings yod do// sangs rgyas thams cad kyis shin tu nan tan du bdag nyid kyis brtsal kyang dbyings mi rtag pa ma brnyed te/ sems can thams cad la rtag pa'i dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbyings yod do/ / sangs rgyas thams cad kyis shin tu nan tan du btsal kyang // de bzhin gshegs pa'i snying po ther zug ma yin pa ma brnyed te/ sems can thams cad la ther zug gi dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbyings yod do/ / sangs rgyas thams cad kyis shin tu nan tan du btsal kyang de bzhin gshegs pa'i snying po g.yung drung ma yin pa ma brnyes te/ sems can thams cad la g.yung drung gi dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbying sA yod do/ / sangs rgyas thams cad kyis shin tu nan tan du btsal kyang / de bzhin gshegs pa'i snying po la nad ma brnyed te/ sems can thams cad la nad med pa'i dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbyings yod do/ / sangs rgyas thams cad kyis shin tu nan tan du btsal kyang de bzhin gshegs pa'i snying po la rga shi ma brnyes te/ sems can thams cad la rga shi med pa'i dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbyings yod do// sangs rgyas thams cad kyis shin tu nan tan du btsal gyis de bzhin gshegs pa'i snying po 'jig pa ma brnyes te/ mi 'jig pa'i dbyings sangs rgyas kyi dbyings sems can thams cad la mtshan dang dpe byad bzang po mtha' yas pas brgyan pa'i dbyings yod do/ / sangs rgyas thams cad kyis shin tu nan tan du btsal kyang de bzhin gshegs pa'i snying po gzhig du rung ba ma brnyes te/ mi shigs pa'i dbyings sangs rgyas kyi dbyings sems can thams cad la mtshan dang dpe byad bzang po mtha' yas pas brgyan pa'i dbyings yod do/ / sangs rgyas thams cad kyis shin tu nan tan du btsal kyang de bzhin gshegs pa'i / snying po la dri ma ma brnyes te/ sems can thams cad la dri ma med pa'i dbyings sangs rgyas kyi dbyings mtshan dang dpe byad bzang po mtha' yas pas brgyan pa'i dbyings yod do// dper na chu dang 'bru mar 'dres pa mi dmigs pa de bzhin du sangs rgyas kyi dbyings kyang nyon mongs pa bye bas g.yogs mod kyi/ nyon mongs pa dang / sangs rgyas kyi dbyings 'dres par gyur pa'i/ gnas med do// dbyings kyang nyon mongs pa bye ba'i nang na 'dug med kyi/ bum pa'i nang na mar me 'dug pa bzhin du bum pa bcag na mar me rab tu 'bar zhing mdzes te/ de bzhin gshegs pa'i snying po ston par byed pa ni rdzogs pa'i sangs rgyas so/ / yang na rdzogs pa'i sangs rgyas kyi nyan thos ni bum pa lta bu/ nyon mongs pa bye ba ni mar me lta bu/ de bzhin gshegs pa'i snying po ston par byed pa ni/ nyon mongs pa dang bcas pa'am/ nyon mongs pa med pa'am/ su yang rung ste de nyid rdzogs pa'i sangs rgyas zhes bya'o// btsun pa gang po sgrol ba lam du zhugs pas nyon mongs pa bye ba bum pa ltar bcag na phyis gdod dbyings thams cad lag mthil na skyur ru ra'i 'bru bzhin du mthong ngo / / dper na zla ba dang nyi ma sprin gyis g.yogs nas sa'i steng du mi snang zhing sprin las grol na/ zla ba dang nyi ma sa'i steng du snang ba de bzhin du de bzhin gshegs pa'i snying po nyon mongs pa bye bas khebs na mi snang ngo // zla ba dang nyi ma bzhin du nyon mongs pa las grol na/ sangs rgyas kyi dbyings kyi nyi ma dang zla ba yang snang ngo / / kye ma btsun pa gang po khyod ni sbrang bu'i spyad pa lta bur spyod de/ chos kyi gtam sngon mi shes so// sbrang bu yang sgra 'byin na de yang shes pa yin nam/ lan gnyis su ma smra bar sbrang bu khyod myur du song shig/ de nas gnas brtan mdzes dga' bcom ldan 'das kyi zhabs la mgo bos phyag 'tshal te/ sor mo'i 'phreng ba la 'di skad ces smras so/ / legs so legs so// sor mo'i 'phreng ba khyod kyis 'thun pa dang rjes su dgongs pa'i bsod nams byas pa nga yang dga'o// da sangs rgyas gzugs 'dod pa gyis la bram ze khyod de ltar shes par gyis shig/ de nas sor mo'i 'phreng bas mdzes dga' la slar 'di skad ces smras so// btsun pa mdzes dga' khyod ni byad bzhin bzang ba'i mchog yin na/ 'jig rten rab tu byad bzhin bzang ba gang ji ltar na mi rnams kyi gzugs mdzes bzang por 'gyur/ myur du smos te nga'i the tshom mchod cig/ de nas sor mo'i 'phreng ba la mdzes dgas smras pa/ lag pa rab bkrus sor bcu thal sbyar te/ de bzhin gshegs pa'i zhabs la phyag 'tshal zhing / rtag tu nang pa'i rim 'gro byed pa ni/ de las skyes bu byad bzhin bzang por 'gyur/ sor mo'o 'phreng bas mdze dga' la slar smras pa/ de bzhin gshegs pa la rus pa yang med/ rgyus pa yang med na/ sku gdung dang ring bsrel lhag la yod de/ ring bsrel med pa thabs kyi mchog chos kyi sku ni sangs rgyas bsam gyis mi khyab pa ste/ de bzhin gshegs pa ni bsam gyis mi khyab pa'o// ma dad pa rnams dad pa bskyes pa'i phyir ring bsrel ba zhag pa'i thabs mdzad de/ sangs rgyas kyi mchod rten bya ba'i phyir ring bsrel bzhag go/ de ni sangs rgyas kyi chos nyid de/ 'jig rten gyi tshangs pa dang / dbang phyug dang / ka t+ya bu mo dang / 'gro skems gzhon nu'i gzugs khang pa dang so phag gi khyim gyi gnas su cha byad bcos pa'i gzugs rnam pa mang po byas te bzhag pa/ de dag skyabs ma yin par byas pa yin no// de bzhin gshegs pa'i sku gdung de ltar thabs yan pabapar shes pa de ni 'jig rten na byad bzhin bzang po'i mi yin te/ thabs kyi ye shes rtsa ba des gzugs mdzes par 'gyur gyi/ rtog pa gzhan ni byis pa rtar 'khrul ba yin no// mdzes dga' khyod gzugs bzang por 'gyur ba'i sgo yang mi shes so/ / kye ma btsun pa mdzes dga' khyod ni sbrang bu'i sprad par spyod de/ gzugs 'byung ba'i sgo yang mi shes so// sbrang bu yang gzug phun sum tshogs pa yod kyis sbrang bu lta bu khyod cang ma zer cig/ de nas gnas brtan nye sbyor gyis/ bcom ldan 'das kyi zhabs la phyag 'tshal nas sor mo'i 'phreng ba la 'di skad ces smras so/ / legs so legs so// sor mo'i 'phreng ba khyod kyi 'thun pa dang rjes su dgongs pa'i bsod nams byas par yang dga'o// sor mo'i 'phreng bar 'dul ba las brtson par gyis shig/ de nas sor mo'i 'phreng bas gnas brtan nye sbyor la slar smras pa/ btsun pa nye sbyor khyod 'dul ba 'dzin pa'i mchog na/ 'jig rten na 'dul ba 'dzin pa gang ji ltar na 'dul ba bca' ba la mkhas pa yin/ myur du smos te nga'i the tsom chod cig/ de nas gnas brtan nye spyir gyis sor mo'i 'phreng ba la 'di skad ces smras so// sdig pa thams cad mi bya/ ste/ dge ba rnams ni rdzogs par bya// rang gi sems kyang yongs su gdul// de ni sangs rgyas rnams kyi yang // 'dul bsdus pa'i snying po'o// de nas sor mo'i 'phreng bas gnas brtan nye sbyor la slar 'di skad ces smras so/ / skyon chags pa ya mtshan can rnams kyi nor dang / chos gos la sogs pa dang / glegs bam dang / lhung bzed dang / chu tshags dang / ska rags dang / kha bo rnams thams cad du thams cad dgag cing blang bar bya ste/ mi 'grungs pa tshar bcad cing nan tur bya ba yin no// de thams cad ni tshul 'khrims dang ldan pa'i nor te/ skyon chags pa'i ya mtshan can gyi nor ma yin no/ / dper na rgyal po'i ral gri gdol pa'i khyim na 'dug na ral gri de'i mthus phyogs kyang nyes pa med de/ de ni gdol pa'i nor ma yin gyi rgyal po'i dkor ro// de bzhin du de ni tshul khrims dang ldan pa'i nor te/ gzungs nas nan gyis khyer ba de ni 'jig rten na 'dul ba 'dzin pa ste/ de la nyes byas tsam gyi ltung ba yang med do// cho ga dang mi ldan pa yang ma yin te/ de ni de bzhin gshegs pa'i bka' rdzogs pa'o// de bzhin gshegs pa ni rtag tu sems can thams cad la sgra gcan 'dzin dang mtshungs par gzigs so/ / kye ma btsun pa nye sbyor ni sbrang bu'i spyad pa lta bu spyod de/ 'dul ba bsdus pa'i snying po mi shes so// sbrang bu yang bya ba shes kyis sbrang bu lta ba khyod cang ma zer cig nas 'jam dpal gzhon nu ro gyur pas/ bocom ldan 'odas kyi zhabs la mgo bos phyag 'tshal nas/ sor mo'i 'phreng ba la 'di skad ces smras so// legs so legs so// sor mo'i 'phreng ba khyod kyis mthun pa dang rjes su dgongs pa'i bsod nams byas pa nga yang dga'o/ / da ni chos la stong pa chen po ci yang med pa bsgom par bya'o// de nas sor mo'i 'phreng bas 'jam dpal gzhon nur gyur pa la slar 'di skad ces smras so/ / 'jam dpal khyod stong pa chen po mthong ba'i mchog na/ 'jig rten na stong pa mthong ba gang yin/ stong pa stong pa zhes bya ba'i don ci// shes pa chen po ldan pa myur du smos te nga'i the tsom myur du chod cig/ de nas 'jam dpal gzhon nur gyur pas/ sor mo'i 'phreng ba la tshigs su bcad pas smras pa/ sangs rgyas nam mkha' lta bu ste/ nam mkha' mtshan nyid med pa'o// sangs rgyas nam mkha' lta bu ste/ nam mkha' mtshan ma med las skyes// sangs rgyas nam mkha' lta bu ste// nam mkha' gzugs med gyur pa'o// chos rnams nam mkha' lta bu ste/ de bzhin gshegs pa chos kyi sku// ye shes nam mkha' lta bu ste/ de bzhin gshegs pa ye shes sku// gzung du med cing reg tu med// chags med ye/ shes de bzhin gshegs// thar pa nam mkha' lta bu ste// nam mkha' la yang mtshan nyid med// thar pa sangs rgyas de bzhin gshegs// stong pa ci yang med pa dag/ sor 'phreng khyod kyis ga la shes/ / de nas sor mo'i 'phreng bas 'jam dpal gzhon nur gyur pa la slar 'di skad ces smras so// 'di lta ste dper na/ sprin chen po las char rab tu bab pa dang skyes bu byis pa'i rang bzhin can gyis ser ba'i 'bru blangs te/ nor bu rin po che bai DUrArA bsam nas khyim du khyer ba dang / ha cang grang ches nas gzung ma nus te gter du bya'o snyam nas bum pa'i nang du legs par bcug pa dang / ser ba'i ri lu de zhu bar mthong nas/ stong pa'o snyam ste cang mi zer bar gyur pa de bzhin du/ btsun pa 'jam dpal shin tu stong pa nyid la sgom shing / stong par rab tu bsam pas chos thams cad zhig pa mi zad par mthong ngo // thar pa stong pa stong pa ma yin pa la yang stong par mthong zhing rtog go// 'di lta ste/ dper na/ ser ba'i ri lu la nor bu snyam du bsams nas/ nor bu yang stong par bsgom pa de bzhin du khyod kyang stong pa ma yin pa'i chos la stong par sems te/ chos stong par ma mthong nas/ stong pa ma yin pa'i chos la yang stong par 'jig par byed do// stong pa'i chos kyang gzhan/ stong pa ma yin pa'i chos rnams kyang gzhan te/ ser ba'i ri lu lta bur nyon// mongs pa bye ba ni stong pa'o// ser ba'i ril bu lta bur mi dge ba'i phyogs kyi chos rnams ni myur du 'jig go// nor bu bai DUR+Ya bzhin du sangs rgyas ni rtag pa ste/ thar pa'i mtha' yas nor bu bai DUr+ya bzhin no/ / nam mkha' yang sangs rgyas rnams kyi gzugs ma yin te/ nyan thos dang rang sangs rgyas thams cad kyi gzugs med pa yin no// sangs rgyas kyi thar pa yang gzugs yin te/ nyan thos dang rang sangs rgyas rnams kyi thar pa gzugs med pa yin na/ ji ltar thar pa'i mtshan nyid stong pa zhes bya ba/ dbye ba med pa'i 'du shes su ma byed cig/ 'jam dpal gang grong khyer brtsegs pa'i khyim stong pa ni ma med pas stong ngo / / bum pa ni chu med pas stong ngo // klung ni chu mi 'bab pas stong ngo // ci grong gi bar skabs khyim med pa la stong pa stong pa zhes bya 'am/ ci khyim thams cad stong pa yin nam/ thams cad stong pa ma yin gyi/ mi med pas stong pa zhes bya'o// ci bum pa thams cad stong pa yin nam/ thams cad stong pa ma yin gyi/ chu med pas stong pa zhes bya'o// ci klung thams cad stong pa yin nam/ thams cad stong pa ma yin gyi/ chu mi 'bab pa'i phyir stong pa zhes bya ste/ de bzhin du thar pa thams cad kyis stong pa ma yin gyi/ nyes pa thams cad dang bral ba'i phyir thar pa stong pa zhes bya'o/ / sangs rgyas bcom ldan 'das rnams ni stong pa ma yin te/ nyes pa thams cad dang bral zhing nyon mongs pa bye ba'i mi dang / lnga med pa'i phyir stong bya'o// / kye ma btsun pa 'jam pal na sbrang bu'i smad pa spod de stong pa dang mi stong pa'i don de kho na ma shes so// gcer bu pa yang thams cad stong par bsgom ste/ gcer bu pa'i sbrang ma khyod cang ma zer cig/ de nas 'jam dpal gzhon nur gyur pas/ sor mo'i 'phreng ba la slar 'di skad ces smras so// sor mo'i 'phreng ba khyod 'brog dgon ga na stag gzhin du nyan thos thams cad bsod na/ de ltar de bzhin gshegs pa'i sras rnams la ma rnyas shig/ sbrang bu khyod su zhig/ de nas sor mo'i 'phreng bas 'jam dpal gzhon nur gyur pa la slar 'di skad ces smras so// dper na 'byam po yi dgas lta bur bkren pa dag lam du zhugs na/ rtag gi dri mnam pa tsam gyis kun tu 'bros pa de bzhin du/ nyan thos rnams kyang theg pa chen po mi shes pas 'byam po lta bur byang chub sems dpa'i dri mnam na kun tu 'bros so/ / dper na seng ge'i rgyal pos ri khrod nas seng ge'i mthu brtsal gyis sgra sgrogs na/ seng ge'i sgra thos pas ri dwags dang wa la sogs pa thams cad mi 'tsho zhing 'chi bar 'gyur ba de bzhin du/ byang chub sems dpa' seng ge'i sgra sgrogs te seng ge'i mthu rtsal gyis rnam par gnon pa na/ byang chub sems dpa'i sgra thos na/ nyan thos dang rang sangs rgyas thams @cad ldem po ngag la kun tu rmongs so/ / ngas kyang re zhig wa'i sgra phyung na yang nyan thos thams cad lan ljon mi nus na/ gal te seng ge'i sgra phyung na nyan thos rnams ni ji ltar 'gyur/ de nas 'jam dpal gzhon nur gyur pas/ sor mo'i 'phreng ba lnga slar 'di skad ces smras so// sbrang bu lta bu khyod su zhig/ sor mo'i 'phreng bas shin tu gtum pa'i las byas so// khyod lta bu yang byang chub sems dpa' yin du zin na/ bdud sdig can dag ci 'dra/ kye ma 'jig rten rnams ni bdag nyid mi shes te/ bdag gi nyes pa mi mthong gi gzhan gyi nyes pa mthong ngo // sor mo'i 'phreng ba sdig pa ji snyed byas/ de nas sor mo'i 'phreng bas/ 'jam dpal gzhon nur gyur pa la 'di skad ces smras so// kye ma 'jig rten na dam pa'i chos 'jig pa'i skyes bu gnyis yod degang shin tu stong pa nyid du lta ba dang gang 'jig rten na bdag tu lta ba 'di gnyis ni dam pa'i chos 'jig pa dang / dam pa'i chos khas 'bub pa'o// kye ma btsun pa 'jam dpal ni sdig pa dang mi sdig pa mi shes so/ / kye ma byang chub sems dpa'i spyod pa yang mi shes so// kye ma byang chub sems dpa'i spyod pa yang mi shes so// kye ma byang chub sems dpa' stag rnams 'jig pa med pa'o snyam du sems na/ kye ma btsun pa 'jam dpal ni sbrang bu dang seng ge'i bye brag kyang mi shes so// btsun pa 'jam dpal de bzhin gshegs pas bsngags pa'i byang chub sems dpa'i spyod pa nyon cig/ dper na sgyu ma'i rgyal pos sgyu ma la 'dus pa'i dpung du ji ltar gcod pa dang / gtub pa ston te/ sgyu ma byed pas bza' ba dang / rnyis pa yang ston/ sgyu ma byed pa rnam pa mang po sgyu ma'i mchog sgyu ma byed pa'i sgyu ma ji lta ba de bzhin du sangs rgyas rnams kyis bstan pa yang de bzhin te/ byang chub sems dpa' stag rnams kyang bdag nyid skye ba dang / yongs su mya ngan las 'da' ba lta bur sgyu ma rnam pa mang po ston to/ / nad kyi bskal pa bar ma la bdag la nad med do zhes sems can rnams na ba'i phyir zas kyi mchog tu 'gyur ro// me'i bskal pa bar ma la sa rnams sreg cing rtag par 'du shes pa'i sems can rnams la mi rtag par ston to/ / mtshon gyi bskal pa bar ma la sems can rnams kyi phyir bdag gis bston to snyam ste/ thams cad mtshon dang / lcags su byas nas sangs rgyas kyis phan tshun du gsod pa bstan kyang sems can gcig la yang gnod par mi 'gyur te/ de dag ni sgyu ma sprul pa bzhin no// sangs rgya ni stong gsum gyi stong chen po'i 'jig rten gyi khams thams cad kyang yungs 'bru'i sbu bur 'jug ste/ sems can gang la yang gnod par mi 'gyur ro// yang de nas phyung ste gnas ji lta ba bzhin du 'jog par yang ston to/ / rgya mtsho'i chu dang / chu'i phung po dang / ri'i phung po dang / ri rab la sogs pa sangs rgyas kyi spu'i khung bu gcig tu 'jug kyang sems can gcig la yang gtses par mi 'gyur zhing phyis so so'i gnas su 'god do/ / rkang pa'i theg pos phyogs bcu'i 'jig rten gyi khams g.yos par byas kyang sems can gcig la yang gtse ba byas par mi 'gyur te/ de ni sangs rgyas rnams kyi chos nyid kyi mdzad pa'o// rnam pa gang dang gang gis sems can la phan par 'gyur ba'i bran dang slob mar yang 'gyur// de bzhin du grong dang mi dang dred dpon dang / mdun na 'don du'ang 'gyur ro// rgyal po dang / blon dang / gzhon nu dang / grong dpon dang / tshogs thams cad kyi nang du yang sems can rnams la phan par bya ba'i phyir/ bdag nyid 'dum par sbyar ba dang / 'thun par byed do// lha thams cad du'ang 'gyur ste/ de dag gi lta ba bzlog pa'i phyir/ thams cad du skye ba ston pa de'i phyir skye ba'i rabs shes bya'o/ / sgyu ma byed pa'i sgyu ma mthong nas/ kye ma sgyu ma byed pa ni sdig pa ste/ bcad pa dang gtum pa byed cing gzhan la gsod do zhes tshogs thams cad la mi brjod pa de bzhin du sangs rgyas kyang 'jig rten na sgyu ma byed pa'i rang bzhin yin par blta ste/ de bzhin du ngas sems can rnams gsad pa yang shes par bya'o// sgyu ma byed pas sgyu ma byed pa'i skyes bu ji lta ba de bzhin du sgyu ma sprul pa nyis stong du gcig ma tshang ba yang de lta bus 'dul ba'i dbang gis sgyu ma sprul to/ / 'jam dpal ji ltar mtshon gyi bskal pa bar mal / ngas kyang byang chub sems dpa'i spyod pa'i sgyu ma 'di dag sprul te/ kye ma btsun pa 'jam dpal ni sbrang bu lta bu'i spyad pa spyod de/ mi'i glang po che shes kyang mi 'dod de/ shes kyang mi 'dod pa de ni sbrang bu lta bu ste/ smad pa zhes bya'o// de nas bcom ldan 'das thams cad mkhyen po thams cad gzigs pas 'jam dpal zhon nur gyur pa la 'di/ skad ces bka' stsal to// 'jam dpal sor mo'i 'phreng ba ji skad zer ba de bzhin te/ byang chub sems dpa'i spyod pa ni de lta bu'o// 'jam dpal sor mo'i 'phreng ba 'di ni tha mal pa ma yin te/ de lta bus 'dul ba'i dbang gis byang chub sems dpa' mi'i glang po ches bdag nyid de ltar sprul to// 'jam dpal yud tsam zhig sdod cig dang / sor mo'i 'phreng ba yang khyod dang 'dra ste/ sor mo'i 'phreng ba'i bdag nyid chen po shin tu rgyas par bstan gyis de'i gtam brjod pa las sor mo'i 'phreng ba'i che ba shes par gyis shig/ de nas bcom ldan 'das kyis sor mo'i 'phreng ba la 'di skad ces bka' stsal to/ / mi'i glang po che sems can thams cad la phan pa'i don tu brtson 'grus bstan pa legs so legs so// bdag nyid myur du dgra bcom pa thob par gyis shig dang de'i yon tan 'di 'dra'o/ / de'i las 'di 'dra'o// brtson 'grus 'di 'dra'o// zhes sems can thams cad la phan pa dang bde ba'i phyir brjod par bya'o/ / // bam po bzhi pa/ de nas bcom ldan 'das la tshe dang ldan pa shA ra dwa ti'i bus 'di skad ces gsol to/ / bcom ldan 'das sems can thams cad la phan pa dang thugs brtse ba'i slad du dgra bcom pa rang gi lus 'di nyid kyis thob par 'tshal yon tan 'di 'dra/ las 'di 'dra/ brtson 'grus 'di 'dra'o zhes sems can thams cad la phan pa dang / bde ba'i slad du bshad du gsol/ bcom ldan 'das kyis bka' stsal pa/ nam pha ma dang phrad de/ dus su ma'i rum du bu chags ma thag tu pha ma dag dga' bar 'gyur ro// bdag gis myong ba'i yon tan gyis thob pa brtson 'grus dang gzi brjid gzhan du 'gyur ro// 'jig rten kyang 'byor pa dang mod par 'gyur/ 'jig rten khrag khrug med par 'gyur/ rgyal po yang shin tu bde bar 'gyur/ mas bsod nams dam pa'i rmi lam yang rnyed de/ nam khye'u bcas pa de'i tshe/ rigs 'phel bar 'gyur ro zhes mi mdza' ba rnams kyang shin tu byams par 'gyur ro// nam khye'u de lo bdun nam/ brgyad dam/ dgu lon nas yi ge'i grwar zhugs pa'i tshe khyim na 'thab pa dang / rtsod pa ma 'byung / bran po dang / bran mo rnams kyang dga' mgu rangs par gyur nas/ yang dag pa'i las kyi khyim du 'phel bar byed do// nam khye'u de lo nyi/ shu lon pa de'i tshe khyim de'i ba glang dang / ma he dang / lug la sogs pa rkang bzhi pa rnams kyang 'thab pa med de/ pha ma lta bur sdug par 'gyur ro// ba yang zho bdag mo khye'u de la 'dod chags dang / phrag dog dang / 'tshig pa dang / g.yo dang / sgyu dang / brdzun smra ba dang / tshig rtsub po dang / byis pa'i tshul dang / cho ga ma yin pa med cing mi dge ba'i phyogs kyi bya ba thams cad mi 'byung ste/ pha ma la mchod pa dang / slob dpon dang / mkhan po la mchod pa'i sems skye'o// rgan rabs mthong na lag pa thal mo sbyor ro// bar ma mthong na pang gis 'khyud de dam du 'ju'o/ / khye'u dang bu mo bdag dang 'dra ba dang lhan gcig tu bus pa'i rtsed mo rtse na sbyin pa dang // ri mor bya ba dang / gtong ba sems so// phongs pa la bu bzhin du byed do// khya// ba kun la ngo tsha shes te/ 'jigs shing skrag pa yin/ dam pa'i chos kyi bya ba la mos kyi gar dang sgyu ma byed pa la mos pa ma yin/ sangs rgyas mthong bar 'dod cing rtag tu glegs bam klog/ bslab pa la sogs pa bzo ba rnam pa mang po la dga'i/ brgyan po dang / rtsed mo dang / tshong 'thung ba la dga' ba ma yin/ lha lngas lhur byed pa skye bo dge ba rnams kyis bkur bamig gnyid thul pa/ zas mang du mi za/ gtsang sbra chung ba ma yin/ phyi rol gyi 'gro ba thams cad kyang dga' ba/ chos kyi bya ba la snying stebs che zhing blo gros che ba la sogs pa de lta bu'i yon tan shin tu mang bas rang gi lus de nyid kyis dgra bcom pa thob par 'gyur te/ yon tan de 'dra/ las de 'dra/ brtson 'grus kyi rnam pa de 'dra ste/ shA ri'i bu sor mo'i 'phreng ba yang myur du dgra bcom pa thob par 'gyur bas/ sor mo'i 'phreng ba la sdig par gal 'gyur/ sha ra dwa ti'i bu sor mo'i 'phreng ba la ngo mtshar dang / yon tan gzhan yang yod de/ 'jam dpal ji lta ba de bzhin du sor mo'i 'phreng ba byang chub sems dpa' mi'i glang po yang de bzhin no// sorari mo'i 'phreng ba ni sems can thams cad la bu gcig pa bzhin du lta'o/ / byang chub sems dpa' sems dpa' chen po sor mo'i 'phreng ba ni/ bdag grol nas 'jig rten thams cad dgrol lo// rgal nas bsgral bar bya'o zhes bdag dang 'jig rten gyi phyir skyes bu 'di rtag tu smon lam 'debs te/ 'jig rten thams cad la phan zhing snying brtse ba/ sdig pa byed pa de ni gnas med do// de lta bu'i sems can dag gi phyir byang chub sems dpa' mi'i glang po che rnams ni/ nyi ma dang / zla ba dang / tshangs pa lta bu dang / skye dgu'i bdag por 'gyur ro// sA dang / rlung dang / nam mkha' dang / chu dang me lnga pa dang / de lta bu rnam pa mang por 'gyur ro/ / de nas bcom ldan 'das la tshe dang ldan pa mo'u 'gal gyi bu chen pos 'di skad ces gsol to// bcom ldan 'das sor mo'i 'phreng ba ni gang zag ya rabs la/ te/ bcom ldan 'das mthong ma thag tu bdag nyid srid pa thams cad las nges par rgal te// de nas sor mo'i 'phreng bas gnas brtan mo'u 'gal gyi bu chen po la 'di skad ces smras so// btsun pa mo'u 'gal gyi bu chen po de bzhin gshegs pa ma rnyed na/ 'jig rten na chos la bdag po byed pa'i sems can su dag yod/ smras pa/ rigs kyi bu chos mngon pa'i lung las bcom ldan 'das kyis rab tu bstan te/ dge slong rnams na kha dang na ba lta bu gsum ste/ na ba gsum gang zhe na/ log par nges pa zhes bya ba dang / yang dag pa nyid du nges pa zhes bya ba dang / ma nges pa'i gang zag ces bstan to/ / de la log par nges pa gang zhe na/ log par nges pa zhe bya ba ni skyes bu gang de bzhin gshegs pas kyang 'dul bar mi nus pa'o// yang dag pa nyid du nges pa zhes bya ba ni dper na/ btsun pa 'jam dpal 'od srungs chen po lta bu de bzhin gshegs pa ma byung ba bzhin du de bzhin gshegs pa'i phyir de kho na'i chos la rab tu zhugs pa'o// smras pa/ btsun pa mo'u 'gral gyi bu chen po de ltar de bzhin gshegs pa ma skyes par btsun pa gnas brtan 'od srungs chen po bdag nyid de kho na'i chos la rab tu zhugs so zhes ma zer cig/ de ci'i phyir zhe na/ de bzhin gshegs pa ni rtag pa ste/ gang chos la gnas pa de dag gi khyim na de bzhin gshegs pa de bzhugs su/ dper na 'bab chu thams cad ni char las byung ste/ char med kyang gal te chu 'bab pa de la mkhas pas 'di ltar bsam mo/ / char med par chu 'bab pa de ni gnas med kyis gzhan du char 'bab pa rigs par bya ste/ de las 'bab chu 'bab pa ri khar bya'o/ / de bzhin du mo'u 'gal gyi bu 'jig rten gyi dang / 'jig rten las 'das pa'i mchog gi chos thams cad kyang sangs rgyas las 'bab ste/ de bas na btsun pa 'od srungs chen po yang de bzhin gshegs pa'i zhabs kyi drung du rab tu 'byung ba rig par bya'o/ / ji ltar skye bo thams cad kyis sgyu ma mi mthong zhe na/ btsun pa bcom ldan 'das nyag gcig gis mkhyen pa ma yin gyi/ gzhan du char 'bab pa bzhin te/ de'i phyir sangs rgyas med pa'i dus kyi sems can rnams kyang bdag nyid nges par mi sgrol gyi rtag tu sangs rgyas kyi mngon gsum du nges par sgrol bar rig par bya'o/ / gzhan yang btsun pa skyes bu la la zhig zla ba dang nyi ma mthong nas/ khyim gyi nang du zhugs nas de gnyis kyis mi mthong ngo snyam du sems na/ ci zla ba dang nyi mas mi mthong ngam/ mthong mod kyi mi mi mkhas pa khyim gyi nang du zhugs ma thag tu zla ba dang nyi mas mi mthong ngo snyam du sems te/ de bzhin du btsun pa mo'u 'gal gyi bu yang mi mkhas pa bzhin ma zer cig/ de bzhin gshegs pa ni rtag tu sems can rnams nges par sgrol te/ rtag tu sems can rnams rab tu 'byung ba dang bsnyen par rdzogs par 'dzin du 'jug go/ / de'i phyir gang zag log par nges pa dang / yang dag pa nyid du nges pa ste/ ma nges pa zhes bya ba gsum pa med do// smras pa/ 'jig rten pa la yang tshul khrims lnga yod do/ / sangs rgyas 'byung ba'i dus na yod do// smras pa btsun pa mo'u 'gal gyi bu de skad ma zer cig/ ci tsam chos dang 'thun pa'i tshul khrims dang / cho ga dang yon tan 'jig rten na 'jig rten pa dang 'jig rten las 'das pa dag yod pa de dag thams cad du thams cad sangs rgyas kyi tshig rab tu rig par bya'o/ / smras pa/ nad pa lta ba'i gtam rnam pa gsum ste/ nad pa kha cig sman pa rnyed na 'tsho ba yod do// nad pa kha cig sman pa ma rnyed kyang 'tsho ba yod do// nad pa kha cig ni sman pa rnyed kyang mi 'chi ba yod do// smras pa/ rna ba gsum du med de/ na ba kha cig sman pa rnyed kyang 'tsho'o// na ba kha cig sman pa rnyed kyang mi 'tsho ste/ gsor rung ba dang / gsor mi rung ba dang / rnam pa gnyis so// smras pa/ gsum ma yin te/ nad pa kha cig ni sman pa ma rnyed kyang 'tsho ba yod do// nad pa kha cig ni sman pa dang g.yog rnyed kyang mi 'tsho ba yod do// gal te sman med na sman pas kyang ci zhig bya/ nad pas gang sman pa ma rnyed kyang 'tsho ba de sman pa rnyed na ji ltar 'tsho bar mi 'gyur te/ rgyu gcig gis sman pa bya ba shes pa ma yin gyi zas mi bza' ba'i cho ga btang ba yang shes so// gal te thams cad mi shes na dus ma yin par 'chi bas shi bar 'gyur ro/ / de'i phyir nad pa gsor rung ba dang / gsor mi rung ba ste/ sman pa yang rnyed sman dang g.yog rnyed kyang / gal te 'chi na ni de don med pa'i gnas su 'gyur ro// de ci'i phyir zhe na/ gal te sman dang gra yog dang sman pa yang ma rnyed sman pa rnyed la/ sman ma rnyed pa ste/ de'i phyir sman pa dang sman rnyed kyang mi 'tsho na/ sman dang sman pa'i bye brag kyang med do// ci'i phyir tshe'i rig byed las lus lci ba dang / yang ba'i bya ba thams cad 'byung ste/ de'i phyir btsun pa mo'u 'gal gyi bu chen po gsor rung yang rung la/ ma rung yang mi rung zhes bya bar rnam pa gsum du rtog pa rnam pa gsum du med do// de ni nyan thos kyi shes pa sna/ spang bu lta bu shes pa'o zhes mkhas pa rnams 'dzer to/ / mi mkhas pa rnams kyi phyir rnam pa gnyis su brtags te/ de la log par nges pa zhes bya ba ni 'dod chen pa'o// yang dag par nges pa zhes bya ba ni nyan thos dang rang sangs rgyas so// btsun pa mo'u 'gal gyi bu ngo mtshar rnam pa gnyis te/ rnam pa gnyis gang zhe na/ de bzhin gshegs pa dang / 'dod chen pa'o// de bzhin gshegs pa ni mchog gi gnas su ngo mtshar du gyur pa yin te/ de bzhin gshegs pa las mtho ba'i gnas gzhan mi gda' ste ngo mtshar to/ / dpa' ba'i gnas su yang 'dod mangs las gzhan mi snang ngo // dper na de bzhin gshegs pa'i nyan thos rnams pha rol tu phyin pa bcu yongs su rdzogs par byed cing 'gro ba de bzhin du 'dod chen pa yang pha rol tu phyin pa bcu yongs su rdzogs par byed cing 'gro'o/ / dper na de bzhin gshegs pa nyan thos rnams kyi sbyin pa'i pha rol tu phyin pa la bdag gis bu dang / / mag dang / sha bya ba'i phung po re rab pas che ba de bas lkug par gtong ba de bzhin du 'dod chen gyi spen pa' pha rol tu phyin pa bcu yongs su rdzogs par byed do/ / 'dod chen pa'ang nam yi dgas kyi 'jig rten du song ba de'i tshe der g.yem pa'i sems skye ste/ de'i tshe myur du bud med mang po 'byung ste/ bu mang po yang 'byung ste/ sems tsam gyis bde ba lta 'thob par ga la 'gyur/ de nas myur du bdag gi bu bza' ba'i sems skyes nas za'o// yang las kyis bram ze'i gzugs su 'gyur/ tede slong ba rnams la yang bu rnams byin te/ sbyin pa de dag kyang bza'o// yang bdag nyid kyang thams cad za ste/ de ltar 'dod chen pa'ang 'dod chen gyi sbyin pa'i pha rol tu phyin pa rdzogs par 'gyur te/ de bzhin du pha rol tu phyin pa bcu yongs su rdzogs par byed do// de'i phyir mthon po gnas kyi mchog ni sangs rgyas bcom ldan 'das rnams so// dma' ba'i gnas na ni 'dod chen pa rnams so/ / btsun pa mo'u 'gal gyi bu de ltar ngo mtshar rnam phrag nyid te/ ldog par nges pa'i gang zag ni 'dod chen pa yin par soms shig/ yang dag par nges pa'i gang zag ni de bzhin gshegs pa dang / de bzhin gshegs pa'i nyan thos yin par soms shig/ de nas bcom ldan 'das kyis sor mo'i 'phreng ba la bka' stsal pa/ sor mo'i 'phreng ba tshur shog/ myur du rab tu byung la skyabs gsum du 'gro ba zung shig/ de nas sor mo'i 'phreng bas bcom ldan 'das la tshags su bcad pas slar gsol pa/ theg pa 'di ni theg rjen te/ chags med ye shes kyang bgyi// thar pa gcig blo skyabs gcig ste/ de bzhin gshegs pa don dam skyabs// chos dang sangs rgyas don gcig ste// de bzhin gshegs pa chos kyi sku// dge 'dun de bzhin gshegs kyi ming // dge 'dun gnyis ni de bzhin gshegs// chos dang dge 'dun gnyis ni thabs kyi skyabs lags te/ / de bzhin gshegs ni thabs med skyabs dang don dam skyabs// de bzhin gshegs pa skyabs med rnams kyi skyabs lags te/ de yi slad du de bzhin gshegs la skyabs su 'chi// ji ltar shing kun za 'dod pas ni shing kun bza' bya zhes// shing kun yang dag por nas shing kun bcos ma za ba ni// 'jig rten dag na bdag la mi phan nad kyang sos mi 'gyur/ / 'jig rten de 'dra'i phyugs med sman pa stong gis gso mi nus// de bzhin du ni skyabs gcig yongs btang ste// thabs kyi skyabs su gang dag 'jug pa yang / / de lta bu yi sbrang bu gzhan med de// de ni sangs rgyas stong gis gso mi nus// bcom ldan 'das kyis bka' stsal pa/ 'on sor mo'i 'phreng ba khyod gzhon nu'i tshul khrims srungs shig/ de nas sor mo'i 'phreng bas bcom ldan 'das la slar 'di skad ces gsol to// 'jig rten na gzhon nu gang lags/ bsnyen par rdzogs pa gang lags/ 'jig rten na dge sbyong gsal ba gang lags/ 'jig rten na sbyin gnas gang lags/ de nas bcom ldan 'das cang mi gsung bar gyur pa dang / sor mo'i 'phreng bas bcom ldan 'das la 'di skad ces gsol to/ / bcom ldan 'das gang 'jig rten skabs gcig pu/ don dam pa'i skyabs su ma 'tshal ba de dag thabs gnyis po la bkod do// de gnyis 'jig rten na skyabs lags te/ gzhon nur gyur nas bsnyen par rdzogs pa mi gsal ba de dag dge sbyong lags sam/ gang skyabs gcig po ma 'tshal ba de dag skyabs sbyor bar lta ga la 'gyur/ gang bcom ldan 'das la don dam pa'i skyabs su ma 'tshal ba de dag thog ma nas skyabs su 'gro ba yong ma sbyangs na dge sbyong du lta ga la 'gyur/ de ltar skyabs su mchi ba'ang gsal bar ma 'tshal na/ sbyin gnas su lta ga la 'gyur/ gang skyabs dang thabs kyi skyabs kyi bye brag ma 'tshal ba de dag ni 'jig rten na gzhon nur mi mkhas pa'o// bcom ldan 'das kyis bka' stsal pa 'o na sor mo'i 'phreng ba khyod srog gcod pa spangs pa'i tshul khrims srungs shig/ de nas sor mo'i 'phreng bas bcom ldan 'das la 'di skad ces gsol to// bdag ni srog gcod pa spangs pa'i tshul khrims mi 'dzin gyi/ nya ba ltar srog gcod pa'i tshul khrims 'dzin to// srog ces 'gyi ba ni nyon mongs pa bye ba ste/ de dag bzung nas gang gsod pa de ni 'jig rten na srog gcod pa spangs pa 'dzin pa'o// de yang bsad pa'am yang na rgyags pa bcom ste/ bdag gi slob mar bgyi'o// bcom ldan 'das kyis bka' stsal pa/ 'o na sor mo'i 'phreng ba khyod brdzun smra ba spangs pa'i tshul khrims zung shig/ bcom ldan 'das la sor mo'i 'phreng bas slar 'di skad ces gsol to/ / bdag ni brdzun smra ba spangs pa'i tshul khrims mi 'dzin to// chos thams cad ni mi bden pa ste/ bdag ni mi bden par smras pa'i chos ston to/ / de ni sangs rgyas kyi chos nyid mi bden pa zhes bgyi'o// chos thams cad ni stong pa ste/ dgra bcom pa zhes bgyi ba'i chos thams cad kyang brdzun zhes bgyi'o// nyan thos dang rang sangs rgyas dang byang chub sems dpa'i spyod pa 'jig rten dang 'thun pa'i rjes su 'jug pa rnams kyang mi bden pa'i chos zhes bgyi'o// bdag 'jig rten du skye ste rab tu byung zhing bsnyen par rdzogs nas/ bdag gis dgra bcom pa thob bo// gzhan gyi sbyin pa'i dngos po la spyod do// bdag 'jig rten na 'chag go// bdag gi ni rma dgu nas de'i bgyi ba bgyi'o// bdag lham/ 'tshal lo// bdag gis so shing blang ngo // bdag gis mig rtsi byug go/ bdag sgom mo// bdag gnyid mchog go/ bdag gi mgo bregs so// bdag mal du zhugs te nyal lo// rked pan pa zhig byung ngo // bad kan dang / mkhris pa dang / rlung dang / 'dus pa zhig byung ste/ bdag gis sman brdung ngo // bdag ni shing zad pa'i me bzhin du yongs su mya ngan las 'da'o zhes bya ba la sogs pa'i chos thams cad ni mi bden pa ste/ ji tsam du thabs kyis bya ba dang / 'jig rten na thabs kyis bya ba la bdag yongs su spyod pa'i bar du brdzun smra ba'i tshul khrims mi sbyong ngo // de kho na'i chos bden pa'i chos rab tu bshad kyis nga las nyon cig/ btsun pa mo'u 'gal gyi bu chen po gang de bzhin gshegs pa'i snying po bden pa yang dag pa nyid don dam pa'i sku/ rtag pa'i sku/ de bzhin gshegs pa'i bsam gyi mi khyab pa'i sku/ don dam pa'i sku/ ther zug gi sku/ rtag pa'i sku ste/ don dam pa'i sku/ chos kyi sku/ zhi ba'i sku/ don dam pa'i sku/ chos kyi sku/ de kho na las skyes pa'i sku de ji ltar ston/ de bas na mi bden pa'i chos kyis 'byung ngo // bcom ldan 'das kyis bstan pa thams cad ni mi bden pa dang bral ba ste/ de bas na sangs rgyas zhes bya'o// dper na ba glang rdzi dag be'u shi lpags pas be'u ltar byas te brid nas/ be'u gzhan len tu 'jug pa de bzhin du/ 'jig rten gyi rjes su 'brang zhing spyod pa na/ sangs rgyas ni 'on pa lta bur gyur nas chos ston te/ ba glang rdzi dang / ba ltar 'on pa rnams kyang bdag cag gis de bzhin gshegs pa dgra bcom pa yang dag par rdzogs pa'i sangs rgyas 'on pa yang 'jig rten du byung ste/ bdag cag kyang 'on pa'o snyam ste shin tu dga'o/ / bcom ldan 'das kyang 'on pa snyam du sems shing bdag cag kyang 'jig rten gtso bor 'gyur ro// snyam du sems so// chos de kho na'i gnas la des bdag nyid skul te/ de bzhin gshegs pa 'jig rten gyi chos thams cad chos la 'god pa de bzhin gshegs pa mdzes so// gal te be'u dngos por slar bstan na/ bzhor yang mi rung / len tu yang mi rung ste// ba glang rdzis be'u gsob bstan te/ rtswa spar gang sbyin nas mi bden pa'i chos la dul bar byed do// de bzhin du gal te sangs rgyas kyis ngo bo nyid don dam pa'i sku 'jig rten du bstan tu zin na/ sku da sus mthong bar nus te/ ji ltar ba la rtswa'i chang pa ltar 'jig rten thams cad kyi rjes su 'brang ba'i byed pas chos rnams bden pa ma yin no// de bas na sangs rgyas rnams 'jig rten du yan lag gang dang gang gis sems can rnams chos la rtsom par sems can mang po yongs su smin par mdzad de/ de ni sangs rgyas rnams kyi chos nyid do// de'i phyir bdag kyang mi bden pa'i chos spyod de/ ji tsam du sems can thams cad mi bden pa yin pa de tsam du bdag kyang brdzun smra ba'i chos mi 'dzin te/ de'i tshe bdag gi tshul khrims yongs su dag par 'gyur ro// bcom/ ldan 'das kyis bka' stsal pa/ 'o na sor mo'i 'phreng ba khyod chang 'thung ba spang ba'i tshul khrims zung shig/ de nas sor mo'i 'phreng bas bcom ldan 'das la slar tshigs su bcad pas gsol pa/ chang spongs pa yi tshul khrims bdag mi 'dzin// chang las myos pa skyes pa'i tshul khrims 'dzin// chang 'thungs pa ni nga rgyal skye bar brjod// 'gro ba chag rtag tu rab bde chang zhes bgyi/ bde gshegs snying po theg pa che las skyes// khu ba 'thungs nas skyes bu ngoms par 'gyur// de bzhin gshegs pa rtag brtan ther zug ces// rab tu dga' ngoms ha ha legs brjod pa// phun sum tshogs pa de ni bdag thob shog/ bcom ldan 'das kyis bka' stsal pa/ 'o na sor mo'i 'phreng ba khyod 'khrig pa'i chos spang ba'i tshul khrims zung shig/ de nas sor mo'i 'phreng bas bcom ldan 'das la tshigs su bcad pas slar 'di skad ces gsol to/ / bdag ni 'khrig pa spang ba'i khrims mi 'dzin// rtag tu gzhan gyi bud med g.yem chags 'dzin// ba dan lta bur smad 'tshong khyim na spyod// bud med kun gyi drung du'ang rab tu chags/ / ting 'dzin ro ni bdag gi chung ma ste// chos gzhan dga' ba gzhan gyi bud med chags// dpa' zhing bden la dga' ba bdag gi bu// snying rje byams pa bu mo mang po ste/ stong pa 'di ni bdag gi khyims lags so// mtha' yas pha rol phyin pa bdag gi ma la// nyon mongs rnams ni bdag gi g.yog lags te/ zas ni ldem dag gsang ba bstan pa lags/ / bdag gis bskyed mos tshal ni gzungs rnams te// byang chub yan lag me tog dag gis brgyan// rnam par grol ba'i ye shes 'bras bu ste/ bdag gi chos kyi tshig ni sdong po lags// de la sogs pa khyim gnas rtse dga' mchog/ byis pa rnams kyi spyod yul 'di ma lags// 'di ni mkhas pa rnams kyi rang bzhin chos// bcom ldan 'das kyis bka' stsal pa/ 'o na sor mo'i 'phreng ba khyod ma byin par len pa spangs pa'i tshul khrims zung shig/ de nas sor mo'i 'phreng bas bcom ldan 'das la tshigs su bcad pas slar gsol pa/ bdag ni ma byin len spong khrims mi 'dzin// gzhan nor rku ba'i tshul ni rtag tu 'dzin// ma byin pa ni byang chub lags shes bgyi// de ni sus kyang su la'ang ma stsal te/ byang chub shing drung bcom ldan 'das bzhugs nas kyang // khyod kyis rnyed pa med cing bshigs pa'ang med// de ni chos rnams kun gyi rang bzhin te// de ni bla na med pa'i chos lags so/ / bcom ldan 'das kyi bka' stsal pa/ 'o na sor mo'i 'phreng ba khyod gar dang / rol mo spangs pa'i tshul khrims zung shig/ de nas bcom ldan 'das la sor mo'i 'phreng bas tshigs su bcad pas slar 'di skad ces gsol to/ / bdag ni gar mkhan bzhin du rtag tu gar bgyid de// dri za'i dbyangs snyan sgrog cing glu blangs bro brdung ste/ legs so legs so de bzhin gshegs pa'i snying po ston/ / legs brjod gar bgyid de bzhin gshegs pa'i snying po thos// mi sbyin lta bur sgra snyan theg chen mdo sde klag/ mi 'am ci dang dri za'i rnga dang rnga bran dang / / sil snyan dag gis glegs bam la'ang mchod par bgyi// sems can gang rnams de ltar rtag tu mchod bgyid pa// de dag 'jig rten du ni khor mor mi gcig par// phyi dus sangs rgyas 'gyur zhes de bzhin gshegs pa gsung / / de nas bcom ldan 'das kyis bka' stsal pa// 'o na sor mo'i 'phreng ba khyod gcig ci shes slobs cig/ sor mo'i 'phreng bas bcom ldan 'das la slar 'di skad ces gsol to/ / cigacig zhe na/ sems can thams cad zas la gnas so zhes/ nyan thos kyi theg pa las byung ba'i tshig ste/ theg pa chen po la de lta bu'i rnam pa ma mchis so/ / theg pa chen po rnams ni rtag tu mig mi 'dzums shing brtan pa'o// ci gcig zhe na/ sems can thams cad ni de bzhin gshegs pa'i snying po la gnas pa'o/ / ci gnyis zhe na/ ming dang gzugs kyi tshig nyan thos kyi theg pa las 'byung ba ste/ theg pa chen po la ma lags so// ming dang gzugs ni de lta lags te/ ming dang gzugs rnam pa gzhan ma lags so// nyan thos dang / rang sangs rgyas rnams kyi thar pa ni ming tsam ste// gzugs dang dbyibs mi rig go/ sangs rgyas bcom ldan 'das rnams kyi thar pa ni lag thil na skyu ru ra'i gzugs bzhin no// ci gsum zhe na/ tshor ba gsum nyan thos kyi theg pa las 'byung ste// theg pa chen po rnams kyi ma lags so/ / tshor ba 'di gsum ste/ gang de bzhin gshegs pa rtag pa'i mchog la mi rtag par 'gyur ro zhes bgyi ba'i don thos pa ni tshor ba'o// dam pa'i chos nub par 'gyur ro zhes bgyi ba'i don thos pa ni tshor ba'o/ / dge 'dun mi snang bar 'gyur ro zhes bgyi ba'i don thos pa ni tshor ba ste/ de gsum theg pa chen po'i tshor ba'o// ci bzhi zhe na/ 'phags pa'i bden pa bzhi zhes/ nyan thos kyi theg pa la grags pa'i tshig ste/ theg pa chen po la de lta bu'i rnam pa ma mchis so// 'di lta bu'i rang bzhin dang byed pa rnams ni bden pa bzhi ste/ de bzhin gshegs pa rtag ces bgyi ba de ni theg pa chen po la shin tu bden pa ste/ sdug bsngal ni bden pa ma ljags so// de bzhin gshes pa ther zug go zhes bgyi ba de ni shin tu bden te/ kun 'byung ba ni ma lags so// de bzhin gshegs pa ni ther zug gi mchog go zhes bgyi ba ni shin tu bden gyi 'gog pa ni ma lags so/ / de bzhin gshegs pa zhi pa'o zhes bya ba de ni shin tu bden gyi lam ma yin te/ theg pa chen po la 'phagras pa'i bden pa de bzhi'o// sdug bsngal gyiH ba bden pa ma lags so/ / sdug bsngal gyi bya ba bden du lags na/ sdug bsngal rnam bzhi bden par 'gyur te/ dud 'gro dang / yi dgas dang lha ma yin dang / gshin rje'i 'jig rten pa rnams kyi de dag kyang 'phags pa'i bden pa bzhir 'gyur ro// ci lnga zhe na/ dbang po lnga zhes nyan thos kyi theg pa la grags pa'i tshig ste/ theg pa chen po la ni ma lags so// dbang po lnga ni de bzhin gshegs pa rtag pa gsal bar blta'o zhes ma tshang ba med par bsgom pa de ni mig go// de bzhin / gshegs pa rtag pa'o zhes thos nas ma tshang ba med par bsgom pa de ni rna ba'o// de bzhin gshegs pa rtag pa'i dri bsnams nas ma tshang ba de ni sna'o// de bzhin gshegs ba'i snying po'i ro myang nas ma tshang ba med par bsgom pa de ni lce'o/ / de bzhin gshegs pa chos kyi sku'o zhes sku de ro'i mchog thos shing rig nas ma tshang ba med par bsgom de ni lus so/ / ci drug ce na/ skye mched drug ces nyan thos kyi theg pa la grags pa'i tshig ste/ theg pa chen po la skye mched drug gi rnam pa 'di med do// skye mched drug ces bya ba ni gang de bzhin gshegs pa rtag pa gsal bar blta ba'o zhes 'ong ba'i sgo nas rdzogs pa bsgom pa de ni mig gi skye mched do/ / gang de bzhin gshegs/ pa rtag go zhes thos pa 'ong ba'i sgo nas rdzogs par bsgom pa de ni rna ba'i skye mched do// de bzhin gshegs pa'i snying po rtag pa'i dri thos pa 'ong ba'i sgo nas rdzogs par bsgom pa de ni sna'i skye mched do/ / de bzhin gshegs pa'i snying po bstan pa thos pa 'ong ba'i sgo nas rdzogs par sgom pa de ni lce'i skyed mched do// gang de bzhin gshegs pa ni chos kyi sku'o zhes sku de'i bro dam pa nyan pa dang / reg pa 'ong ba'i sgo nas rdzogs par sgom pa de ni lus kyi skyed mched do// gang de bzhin gshegs pa gsal ba gsal bar ston pa la 'jug pa med pa'i sems kyis rdzogs par dad pa 'ong ba'i sgo'i skye mched do/ / ci bdun zhe na/ byang chub kyi yan lags bdun zhes nyan thos kyi theg pa la grags pa'i tshig ste/ theg pa chen po la yang bdun po de dag u dum wa ra'i me tog rgyas pa bzhin du rnyed par dka' ba'i tshig byang chub kyi yan lag bdun po de dag ste/ de bzhin gshegs pa rtags pas shin tu ma tog rgyas pa bdun no/ / ci brgyad ce na/ 'phags pa'i lam yan lag brgyad ces nyan thos kyi theg pa la grags pa'i tshig ste/ theg pa chen po 'di las kyang 'phags pa'i lam yan lag brgyad po yang dag par lta ba la sogs pa'o/ / gzhan yang de bzhin gshegs pa rtag pa'i mchog go zhes rab tu ston pa ni 'phags pa'i lam yan lag brgyad pa yin te bzhin gshegs pa'i che ba thos shing rna bar reg pa tsam gyis mya ngan las 'da' bar 'gro ba'i lam yang dag par thob bo/ / de bzhin gshegs pa ther zug ga yung drung gi mchog bsil bar gyur pa shis pa ni sangs rgyas te/ de bzhin gshegs pa ni chos kyi sku'o// de bzhin gshegs pa'i snying po rga ba med pa'o zhes bya ba 'di ni 'phags pa'i lam yan lag brgyad pa yin par rig par bya'o/ / ci dgu zhe na/ mdo sde yan lag dgu pa zhes nyan thos kyi theg pa la grags pa'i tshig ste/ theg pa chen po 'di la ni thogs pa med pa'i ye shes theg pa gcig ces bya'o/ / ci bcu zhe na/ de bzhin gshegs pa'i stobs bcu zhes nyan thos kyi theg pa la grags pa'i tshig ste/ theg pa chen po 'di la ni de bzhin gshegs pa'i stobs bcu ma yin gyi/ mtha' yas pa'i stobs zhes bya'o// de bas na sangs rgyas bcom ldan 'das ni bsam gyis mi khyab cing bsam du med pa ste/ stobs mtha' yas par mnga' ba'o/ / sangs rgyas bcom ldan 'das ni mdo sde mtha' yas pa ldem po dag tu ston pa'o// 'di ni lam gcig po ste/ de bzhin gshegs pa ni theg pa gcig/ skyabs gcig bden pa gcig gi phyir 'brang ba/ khams cig pa/ 'gro ba gcig pa/ kha dog gcig pa ste/ de bas na theg pa gcig ces bya'o// gzhan ni thabs kyi bya ba'o// / de nas bcom ldan 'das kyis sor mo'i 'phreng ba la legs so zhes bya ba byin te/ legs so legs so// sor mo'i 'phreng ba legs so// sor mo'i 'phreng ba khyod/ de bzhin gshegs ba dge slong sor mo'i 'phreng ba khyod tshur shog/ dge slong sor mo'i 'phreng ba khyod tshur shog ces bka' stsal pa dang / sor mo'i 'phreng ba dge slong lo mang du lon pa bzhin du thams cad dge sdong dang 'thun par spyod lam mdzes par gyur to/ / de nas sor mo'i 'phreng bas bcom ldan 'das kyi zhabs la mgo bos phyag 'tshal te/ bcom ldan 'das de bzhin du mchi'o zhes kha'i sgo nas tshig byung ma thag tu der 'bras bu'i mchog dgra bcom pa thob po/ / bcom ldan 'das kyis bka' stsal pa/ sor mo'i 'phreng ba tshur shog/ dze ta'i tshal du sems can bye ba mang po sgrol zhing dang pa'i rgyal po bzhin du 'dong ngo / / de nas de bzhin gshegs pa sor mo'i 'phreng ba dang babs gcig tu shA ri'i bu dang / mo'u 'gal gyi bu dang / 'jam dpal gzhon nur gyur pa la sogs pas mdun du bdar cing bskor te/ nam mkha' la zla ba nya ba gzas bskor ba bzhin du/ de bzhin gshegs pa'i shing mya ngan med pa'i drung nas/ nam mkha' la ta la bdun srid du 'phags te/ gang du de bzhin gshegs pa dang / sor mo'i 'phreng ba rtsod pa'i sa nas/ dze ta'i tshal gyi bar du gnas pa'i dgongs bzhi bcur 'dom gang med pa'i bar du gshegs so de nas sor mo'i 'phreng ba'i ma dang lha dang / kla dang / gnod sprin dang / nam mkha' lding dang / mi'am ci dang / lto 'phye chen pos mchod pa cher byas te/ dze ta'i tshal du 'ongs so// de nas bcom ldan 'das kyis ngang pa'i rgyal po bzhin du rgyal bu rgyal byed kyi tshal mgon med zas sbyin gyi kun dga' ra bar gshegs te/ de bzhin gshegs pa seng ge'i khri la bzhugs so/ de nas stong gsum gyi stong chen po'i 'jig rten gyi khams lag mthil bzhin du gyur cing / gos ka tsa lin da ka ltar reg na bde ba 'jig rten gyi khams bde ba can bzhin du 'gyur to/ / de nas phyogs thams cad kyi byang chub sems dpa' so so'i de bzhin gshegs pas/ deng de bzhin gshegs pa shAkya thub pa seng ge'i stag chen po dang / thab mo chen po bkye nas sems can bye ba mang po sgrol zhing chos kyi gtam ston te/ sor mo'i 'phreng ba'i bdag nyid chen po mthong bar 'gyur gyis/ tshe dang ldan pa dag deng shig tshe dang ldan pa dag deng shig ces bskye ste/ sor mo'i 'phreng ba bltar lhags so// byang chub sems dpa' de dag phyogs cha gang nas 'ong ba'i phyogs cha de dang de nas me tog sil ma shing rta'i 'khor lo tsam gyi char bab bo/ / sems can gang dang gang dag gis pad+mo'i dri la reg par gyur pa'i sems can de dag thams cad nyon mongs pa med par gyur to// de nas sgyu dang / klu dang / gnod sbyin dang / nam mkha' lding dang / dri za dang / mi 'am ci dang / lto 'phye chen po dang / lha'i bu mang pos lha'i mchod pa mang po byas te/ rin po che sna tshogs kyi char yang dag par bsgrubs nas/ mgrin gcig tu tshags su gcad pas tshigs 'di skad ces smras so// brgyad bzhi mtshan 'chang yon tan rgya che mnga'// pad+mo mchog rgyas bzhin du zhal yang mdzes/ nam mkha' la ni zla ba mdzes pa ltar/ mdzod spu thig le mdzes la phyag 'tshal lo// thub pa dam pa bdun mtho gzugs mchog mnga'// byams mchog phan pa'i yon tan mang po 'chang / pad+mo mchog rgyas bzhin du mdzes pa'i zhal// nam mkha' la ni zla ba mchog 'dra bar/ mdzod spu thig le mdzes la phyag 'tshal lo// rtag dge mtshungs med mchog yangs yon tan mnga'/ thub pa dam pa lha mi mchog gis mchod// pad+mo mchog rgyas bzhin du mdzes pa'i zhal// nam mkha' la ni zla ba mchog 'dra bar/ mdzod spu thig le mdzes la phyag 'tshal lo// brtan dge mtshungs med mchog yangs yon tan mnga'/ / thub pa dam pa lha mi mchog gis mchod// pad+mo mchog rgyas bzhin du mdzes pa'i zhal// nam mkha' la ni zla ba mchog 'dra bar// mdzod spu thig le mdzes la phyag 'tshal lo/ / ther gzugs dge mchog yon tan rgya chen mnga'// thub pa dam pa lha mi mchog gis mchod// pad+mo mchog rgyas bzhin du mdzes pa'i zhal// nas mkha' la ni zla ba mchog 'dra bar/ / mdzod spu thig le mdzes la phyag 'tshal lo// bzhi dge mtshungs med mchog yangs yon tan mnga'// thub pa dam pa lha mi mchog gis mchod pad+mo rgyas pa bzhin du mdzes pa'i zhal/ / nam mkha' la ni zla ba mchog 'dra bar// mdzod spu thig le mdzes la phyag 'tshal lo// bzod 'chang tshul khrims yon tan mtha' yas 'chang / / sor mo'i 'phreng thogs khyod la phyag 'tshal lo// theg pa gcig 'dzin theg pa chen po ston// byams 'chang sor 'phreng khyod la phyag 'tshal lo// mtha' yas lus 'dzin ngag kyang mtha' yas 'dzin/ / mtha' yas gsung 'dzin mtha' yas blo gros 'chang // sor mo'i 'phreng thogs khyod la phyag 'tshal lo// mtha' yas 'od 'chang mtha' yas ldem ngag ston/ / sor mo'i 'phreng thogs khyod la phyag 'tshal lo// mtha' yas sgyu 'chang mtha' yas bdud rnams 'dul// nyon mongs bye ba rnam par smin byed 'chang / / sor mo'i 'greng thogs khyod la phyag 'tshal lo// mtha' yas yongs su mya ngan 'da' byed cing // mtha' yas skye ston 'jig rten rjes su 'jug/ dpa' bo mchog 'chang khyod la phyag 'tshal lo/ / de nas bcom ldan 'das la sor mo'i 'phreng bas 'di skad ces gsol to// bcom ldan 'das pa ni yang dag pa'i mtha' la gnas so zhes gsungs na/ de'i don ji lta bu lags/ bcom ldan 'das khyod yang dag pa'i mtha' la gnas te bzhugs pa ji lta bu lags/ nga ni thar pa'i sa la gnas so/ zhes bka' stsal pa/ tshig de la dad par bgyir mi rung na/ 'di la de'i gtan tshigs bshad du gsol/ bcom ldan 'das kyis bka' stsal pa/ sor mo'i 'phreng ba khyod 'jam dpal gzhon nur gyur pa dang lhan gcig du de nga la 'di nas byang phyogs su sangs rgyas kyi zhing gang gA'i klung gi bye ma snyed kyi 'jig rten gyi khams 'das pa na/ 'jig rten gyi khams dga' ba bskyed du med pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas blo gros bskyed du med pa'i yon tan 'byung gnas sa'i dbang phyug rgyal po da ltar bzhugs te 'tsho zhing gzhes pa'i de bzhin gshegs pa de la/ bcom ldan 'das mi mjed kyi 'jig rten gyi khams na/ de bzhin gshegs pa shAkya thub pa bzhugs bzhin mi skye ba'i mtha' la gnas so zhes gsungs na/ ji lta bu lags zhes zhus shig/ de nas 'jam dpal gzhon nur gyur pa dang / sor mo'i 'phreng bas legs so legs so zhes gsol nas/ rdzu 'phrul gyi rkang pa'i stobs kyis ngang pa'i rgyal po ltar dga' ba bskyed du med pa'i 'jig rten gyi khams der dong nas/ bcom ldan 'das blo gros bskyed du med pa'i yon tan 'byung gnas sa'i dbang phyug rgyal po de bzhin gshegs pa ga la ba der dong ste nye bar phyin nas/ de bzhin gshegs pa'i zhabs la mgo bos phyag byas te/ bcom ldan 'das la gsol pa/ bcom ldan 'das bdag cag gnyis 'dir mchis pa de bzhin gshegs pa shAkya thub pas mi mjed kyi 'jig rten gyi khams nas bkye ste 'dir mchis so/ / bcom ldan 'das de bzhin gshegs pa shAkya thub pa yongs su mya ngan las ma 'das par de nyid na bzhugs bzhin du ma skyes pa'i mtha' thar pa la ji ltar gnas shes gsol pa dang / bcom ldan 'das des 'jam dpal gzhon nur gyur pa dang // sor mo'i 'phreng ba la 'di skad ces bka' stsal to/ / rigs kyi bu de bzhin gshegs pa shAkya thub pa gang yin pa nga nyid de bzhin gshegs pa de nyid yin te/ de bzhin gshegs pa de nyid ston/ gyis/ rigs kyi bu khyed deng la/ bcom ldan 'das de bzhin gshegs pa des bdag cag 'di ltar bkye'o zhes smros shig/ de nas 'jam dpal gzhon nur gyur pa dang / sor mo'i 'phreng ba gnyis langs te/ bcom ldan 'das de'i zhabs la phyag 'tshal nas dge'o zhes smras te/ ngang pa'i rgyal po bzhin du slar 'ongs so// bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// kye ma de bzhin gshegs pa ni dpag tu ma mchis so// de bzhin gshegs pa'i sku ni mtha' yas so/ / kye ma de bzhin gshegs pa'i che ba nyid bdag cag gis mthong ste/ bcom ldan 'das de bzhin gshegs pa/ blo gros bskyed du med pa'i yon tan 'byung gnas sa'i dbang po rgyal po nga ni de bzhin gshegs pa shAkya thub pa de yin te/ de bzhin gshegs pa de nyid ston to zhes tshig brjod nas bdag cag slar bkye na/ sangs rgyas bcom ldan 'das 'di na bzhugs bzhin du ji ltar ma skyes pa'i mtha' la gnas pa bstan du gsol/ / bcom ldan 'das kyis bka' stsal pa/ nga ji ltar blo gros bskyed du med pa'i yon tan gyis 'byung gnas sa'i dbang phyug rgyal por gyur cing / dga' ba skyod du med pa'i 'jig rten gyi khams na ji ltar gnas pa 'di na 'dug bzhin du de na ji ltar gnas 'di na 'dug la ma skyes pa'i mtha' la ji ltar gnas shes ma zer cig/ sangs rgyas kyi sku ni mtha' yas so// de bzhin gshegs pa ni mtha' yas par rgyu ba'o// sangs rgyas bcom ldan 'das ni mtshungs pa med pa'o// de bzhin gshegs pa ni mtshungs pa med par rgyu ba'o// sangs rgyas bcom ldan 'das ni dpag tu med de/ de bzhin gshegs pa ni dpag tu med par rgyu ba'o// sor mo'i 'phreng badz+ra ltar na bcom ldan 'das kyi sku ma skyes par gyur pa de'i don de bzhin gshegs pa la dris shig dang / sangs rgyas kyis ston par 'gyur ro// de nas sor mo'i 'phreng bas bcom ldan 'das la 'di skad ces gsol to/ / bcom ldan 'das sems can thams cad la thugs brtse ba dang / phan pa dang / bde ba'i slad du legs par bshad du gsol/ bcom ldan 'das kyis bka' stsal pa sor mo'i 'phreng ba ngas bskal pa brgya stong phrag bcur pha rol tu phyin pa spyad pas sems can yang dag par bsdus te/ sems can byang chub kyi sems ma skyes pa'i sems can bye ba mang po byang chub la bkod de/ dge ba'i rtsa ba des nga'i lus bskal pa bye ba mang po grangs med par pha rol tu phyin pa dang / de'i dge ba'i rtsa bas ma skyes pa'i skur gyur to// sor mo'i 'phreng bas gsol pa/ bcom ldan 'das ji ltar na de bzhin gshegs pa ma byung ba'i skur gyur/ bcom ldan 'das kyis bka' stsal pa/ sangs rgyas kyi zhing 'di nas byang phyogs logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams ma byung ba'i glog gi 'phreng ba zhes bya ba de na rnam par snang mdzad ces bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te 'tsho zhing gzhes so/ / sor mo'i 'phreng ba khyod 'jam dpal gzhon nur gyur pa dang lhan cig tu ma byung ba'i glog gi 'phreng ba zhes bya ba'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad bzhugs par deng la/ bcom ldan 'das shAkya thub pa de bzhin gshegs pa mi mjed kyi 'jig rten gyi khams na bzhugs te/ yang dag pa'i mtha' la ji ltar gnas pa dris shig/ de nas 'jam dpal gzhon nur gyur pa dang / sor mo'i 'phreng bas legs so zhes gsol nas/ ngang pa'i rgyal po ltar rdzu 'phrul gyi stobs kyi rkang pas ma byung ba'i glog gi 'phreng ba'i 'jig rten gyi khams der dong nas/ bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas ga la ba der song ste phyin nas/ de bzhin gshegs pa la de bzhin du zhus pa dang / snga ma bzhin du 'dir lhags nas sor mo'i 'phreng ba dang / 'jam dpal gzhon nur gyur pas de bzhin gshegs pa la gsol pa/ bcom ldan 'das de bzhin gshegs pa ji ltar na ma byung ba'i mtha' la gnas pa bshad du gsol/ bcom ldan 'das kyis bka' stsal pa/ sor mo'i 'phreng ba ngas bskal pa brgya stong mang por pha rol tu phyin pa bcus/ sems can yang dag par bsdus te/ sngon ma byung ba'i bde ba la rab tu bkod pas nga'i lus bskal pa bye ba mang por tshad med grangs med pa'i pha rol tu phyin pa las ma byung ba'i lus su gyur to// sor mo'i 'phreng bas gsol pa/ bcom ldan 'das ji ltar na 'dus ma bgyis kyi mtha' la gnas/ bka' stsal pa/ sangs rgyas kyi zhing 'di nas byang phyogs logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams yid 'phrog ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas blo gros mi zad pa zhes bya ba da ltar bzhugs te/ 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig pa'ang gong ma bzhin du bsdu'o// sangs rgyas kyi zhing 'di nas byang phyogs logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams sna tshogs shes bya ba na rnam par rgyal ba'i dpal zhes bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas badris shig pa'ang gong bzhin du bsdu'o/ / sangs rgyas kyi zhing 'di nas byung phyogs logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams zab mo'i rgyal po zhes bya ba de na/ zab mo'i mchog ces bya ba'i de bzhin gshegs pa dgra bcom pa yang dag par rdzogs pa'i sangs rgyas da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig pa 'ang gong bzhin du bsdu'o// sangs rgyas kyi zhing 'di nas byang phyogs logs su gang+gA'i klung gi bye ma drug snyed kyi 'jig rten gyi khams 'das pa na/ 'jig rten gyi khams rlung zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas spos kyi 'tsho ba 'byung ba zhes bya ba na da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig pa'ang gong ma bzhin du bsdu'o// sangs rgyas kyi zhing 'di nas byang phyogs logs su gang+gA'i klung gi bye ma bdun snyed kyi 'jig rten gyi khams 'das pa na/ 'jig rten gyi khams rdo rje blo gros zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rdo rje mchog ces bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig pa'ang gong ma bzhin du bsdu'o/ / sangs rgyas kyi zhing 'di nas byang phyogs logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams dri ma med pa'i 'od ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i mchog ces bya ba da ltar bzhugs te 'tsho zhing gzhes kyis// de bzhin gshegs pa de la/ bcom ldan 'das shAkya thub pa ji ltar gnas pa dris shig pa'ang gong ma bzhin du bsdu'o// sangs rgyas kyi zhing 'di nas byang phyogs logs su gang+gA'i klung gi bye ma dgu snyed kyi 'jig rten gyi khams 'das pa na/ 'jig rten gyi khams zla ba can zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas zla ba mchog ces bya ba da ltar bzhugs te/ 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig pa'ang gong ma bzhin du bsdu'o// sangs rgyas kyi zhing 'di nas byang phyogs logs su gang+gA'i klung bcu'i bye ma snyed kyi 'jig rten gyi khams 'das pa na 'jig rten gyi khams nyi ma shar ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas gdugs bdal ces bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig pa 'ang gong ma bzhin du bsdu'o/ / // bam po lnga pa/ sangs rgyas kyi zhing 'di nas shar phyogs logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams bro dam pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas bro mchog dam pa zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams rtsa lag 'tsho zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rtsa lag/ 'tsho ba'i 'od ces bya ba da ltar bzhugs te 'tshe zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams 'phreng bas bsgos pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas 'phreng ba'i dri mchog ces bya ba da ltar bzhugs te 'tsho zhing ga zhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams ta ma la'i 'dab ma zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas ta ma la'i 'dab ma'i dri zhes bya ba da lta bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams zla ba dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas zla ba'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams a ka ru dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas a ka ru'i dri zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung bdun gyi bye ma snyed kyi 'jig rten gyi khams 'das pa na/ 'jig rten gyi khams phye mas bsgos pa de na/ de bzhin gshegs pa dgra bcom pa yang dag par rdzogs pa'i sangs rgyas phye ma'i spos zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa dris shig/ sangs rgyas kyi zhing 'di nas shar phyogs logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams skar ma zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas skar ma'i 'od ces bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gang+gA'i klung dgu'i bye ma snyed kyi 'jig rten gyi khams 'das pa na 'jig rten gyi khams rgya mtsho'i blo gros zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rgya mtshos byin pa zhes bya ba da ltar bzhugs te 'tsho zhi gzhes kyis/ de bzhin gshegs pa la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas shar phyogs logs su gad+hA'i klung bcu'i bye ma snyed kyi 'jig rten gyi khams 'das pa na/ 'jig rten gyi khams klu dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas klu'i snying po zhes bya bad ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams mtshan chen zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mtshan gyi 'od ces bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams sprin chen po zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas sprin chen po'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams glog gi 'phreng ba can zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas glog sbyin zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams rdo rje blo gros zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rdo rje'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams 'gro ba dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas 'gro ba 'dzin pa'i dbang po zhes bya ba da ltar bzhugs te 'tsho zhing gzhes kyis/ de bzhin bshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams nor bu 'dzin ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas nor bu 'dzin 'chang zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung bdun gyi bye ma snyed kyi 'jig rten gyi khams 'das pa na/ 'jig rten gyi khams nam mkha' ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas nam mkha' dang mtshungs pa zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams 'dul ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas 'dul ba'i mchog ces bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi khams dpal gyi 'phreng ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas dpal gyi snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas lho phyogs logs su gang+gA'i klung bcu'i bye ma snyed kyi 'jig rten gyi khams 'das pa na/ 'jig rten gyi khams seng ge'i blo gros zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas seng ge'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas nub phyogs logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams 'jam pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas snyan pa zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas nub phyogs logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams gang+gA'i 'phreng ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas gang+gA'i byin zhes bya ba da ltar bzhugs te 'tsho zhing ga zhes kyis/ de bzhin gshegs pa de la/ bcom ldan 'das shAkya thub ba ji ltar gnas pa dris shig/ sangs rgyas kyi zhing 'di nas nub phyogs logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi kham kun tu bzang po zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas kun tu blo gros zhes bya ba da ltar bzhugs te 'tsho zhing gzhes kyis de bzhin gshegs pa de la/ bcom ldan 'das shAkyathub pa ji ltar gnas pa dris shig/ sangs rgyas kyi zhing 'di nas nub phyogs logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams me tog rgyas pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas me tog dam pa zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub phyogs logs su ga ng+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams mtha' yas zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyase mo tog mtha' yas pa zhes bya ba da ltar bzhugs te 'tsho zhing gzhes kyis/ / de bzhin gshegs pa de la/ bcom ldan 'das shAkya thub pa ji ltar gnas pa dris shig sangs rgyas kyi zhing 'di nas/ nub phyogs logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams bzang po can zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas bzang po'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub phyogs logs su gang+gA'i klung bdun gyi bye ma snyed kyi 'jig rten gyi khams 'das ba na/ 'jig rten gyi khams mig gi bdag po zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mig gi rgyal po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub phyogs logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams me tog dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas ke'i la sa'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas nub phyogs logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi khams rnga sgra zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rnga dbyangs shes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub phyogs logs su gang+gA'i klung bcu'i bye ma snyed kyi 'jig rten gyi khams 'das pa na/ 'jig rten gyi khams blta na sdug pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas sdug pa'i mchog ces bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pha dris shig/ sangs rgyas kyi zhing 'di nas nub byang gi phyogs mtshams logs su gang+gA'i klung gi bye ma snyed kyi 'jig rten gyi khams 'das pa na 'jig rten gyi khams dga' ba 'phel ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas dga' ba 'phel ba zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub byang gi phyogs mtshams logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams mdzes sdug ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas mdzes pa zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas nub byang gi phyogs mtshams logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams rgyu dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rgyu'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub byang gi phyogs mtshams logs su gang+gA'i klung bzhi'i bye ma snyed kyi 'jig rten gyi khams 'das pa na 'jig rten gyi khams spyod pa yid 'phrog ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas spyod pa'i mchog ces bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas// nub byang gi phyogs mtshams logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams sems can dang 'dra ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas sems can gyi mchog ces bya ba da ltar bzhugs te 'tsho zhing gzhes kyis/ de bzhin gshegs pa de la// bcom ldan 'das shAkya thub pa ji ltar gnas pa dris shig sangs rgyas kyi zhing 'di nas/ nub byang gi phyogs mtshams log sugang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams glog ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas glog gi bla ma zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub byang gi phyogs mtshams logs su gang+gA'i klung bdun gyi bye ma snyed kyi 'jig rten gyi khams 'das pa na/ 'jig rten gyi khams yid du 'ong ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas yid du 'ong ba'i dbyangs shes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub byang gi phyogs mtshams logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams tshad med pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas tshad med pa zhes bya ba da ltar bzhugs te 'tsho zhing gzhes kyis/ / de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas nub byang gi phyogs mtshams logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi khams brtan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas brtan pa'i mchog ces bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ nub byang gi phyogs mtshams logs su gang+gA'i klung bcu'i bye ma snyed kyi 'jig rten gyi khams 'das pa naH'jig rten gyi khams chu'i ro zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas chu'i cho ga ces bya ba da ltar bzhugs te 'tsho zhing gzhes kyis de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ byang shar gyi phyogs mtshams logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams tog can ces bya ba de na/ de bzhin gshegs pa rin po che'i tog la dris shig pa'ang gong ma bzhin du bsdu'o// sangs rgyas kyi zhing 'di nas/ byang shar gyi phyogs mtshams logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams nor bu'i 'od ces bya ba de na/ de bzhin gshegs pa nor bu bsil ba zhes bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ byang shar phyogs mtshams logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams rin po che dang ldan pa zhes bya ba de na/ de bzhin gshegs pa rin po che'i mchog ces bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ byang shar gyi phyogs mtshams logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams gser 'od ces bya ba de na/ de bzhin gshegs pa gser mchog dpal zhes bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ byang shar phyogs mtshams logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams gser mdog ces bya ba de na/ de bzhin gshegs pa gser 'od gas la zhes bya ba la dris shig pa'ang snga ma bzhin du bsdu'o/ / sangs rgyas kyi zhing 'di nas/ byang shar gyi phyogs mtshams logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams gser can zhes bya ba de na/ de bzhin gshegs pa 'dzam bu'i chu bo gser mchog ces bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ byang shar gyi phyogs mtshams logs su gang+gA'i klung bdun gyi bye ma snyed kyi 'jig rten gyi khams 'das pa na/ 'jig rten gyi khams dra ba can zhes bya ba de na/ de bzhin gshegs/ pa dra ba can gyis 'od ces bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ byang shar gyi phyogs mtshams logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams dri ma med pa'i chu zhes bya ba de na/ de bzhin gshegs pa chu'i rgyal po zhes bya ba la dris shig pa'ang gong ma bzhin du bsdu'o// sangs rgya kyi zhing 'di nas/ byang shar gyi phyogs mtshams logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi khams tshul khrims dang ldan pa zhes bya ba de na/ de bzhin gshegs pa tshul khrims kyi snying po zhes bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ byang shar gyi phyogs mtshams su gang+gA'i klung bcu'i bye ma snyed kyi 'jig rten gyi khams 'das pa na/ 'jig rten gyi khams rin po che'i gling zhes bya ba de na/ de bzhin gshegs pa rin chen byung zhes bya ba la bcom ldan 'das shAkya thub pa ji ltar gnas pa dris shig pa'ang gong ma bzhin du bsdu'o/ / sangs rgyas kyi zhing 'di nas/ shar lho'i phyogs mtshams logs su gang+gA'i klung gi bye ma snyed kyi 'jig rten gyi khabs 'das par 'jig rten gyi khams rdo rje 'byung gnas zhes bya ba de na/ de bzhin gshegs pa rdo rje blo gros zhes bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ shar lho phyogs mtshams logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams sangs rgyas thams cad ces bya ba de na/ de bzhin gshegs pa sangs rgyas thams cad kyi blo gros tog ces bya ba'i de bzhin gshegs pa la dris shig pa'ang gong ma bzhin du bsdu'o/ / sangs rgyas kyi zhing 'di nas/ shar lho'i phyogs mtshams logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams blo gros grub pa zhes bya ba de na/ de bzhin gshegs pa don grub dpal zhes bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ shar lho'i phyogs mtshams logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams dri ma med pa'i chu zhes bya ba de na/ de bzhin gshegs pa dri ma med pa'i bai DUR+Ya zhes bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ shar lho'i phyogs mtshams logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams skyes bu klung la dga' ba zhes bya ba de na/ de bzhin gshegs pa skyes bu klu'i snying po la dris shig pa'ang gong ma bzhin du bsdu'o/ / sangs rgyas kyi zhing 'di nas/ shar lho'i phyogs mtshams logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams spos kyi ro zhes bya ba de na/ de bzhin gshegs pa spos brtsegs zhes bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ shar mA phyogs mtshams lags su ga ng+gA'i klung bdun gyi bye ma snyed kyi 'jig rten gyi khams 'das pa na/ 'jig rten gyi khams sngos ldan zhes bya ba de sa de bzhin gshegs pa spos kyi snying po zhes bya ba la dris shig pa 'ang gong ma bzhin du bsdu'o/ / sangs rgyas kyi zhing 'di nas/ shar lho'i phyogs mtshams logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams drang po'i 'od ces bya ba de na/ de bzhin gshegs pa drang po'i dpal zhes bya ba la dris shig pa'ang god ma bzhin du bsdu'o/ / sangs rgyas kyi zhing 'di nas/ shar lho'i phyogs mtshams logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi kham rin mthang med pa zhes bya ba de na/ de bzhin gshegs pa rin mthang med pa zhes bya ba la dris shig pa'ang gong ma bzhin du bsdu'o// sangs rgyas kyi zhing 'di nas/ shar lho'i phyog mtshams logs su gang+gA'i klung bcu'i bye ma snyed kyi 'jig rten gyi khams 'das pan/ 'jig rten gyi khams mtha' yas gtsug pud can zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mtha' yas pa'i rgyal po la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams 'od dpag tu med pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas 'od dpag tu med pa zhes bya ba la dris shig pa'i gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams tshad med pa'i mig ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas tshad med pa'i dbang phyug ces bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas// lho nub kyi phyogs mtshams logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams me'i gzi brjid ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas me'i 'od ces bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams mun pa sel ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mun pa sel ldan zhes bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams byin pa dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas byin pa'i snying po zhes bya ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams mi skye ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mi skye ba'i dbang phyug la dris shig pa'ang gong ma bzhin du bsdu'o// sangs rgyas kyi zhing 'di nas/ / lho nub kyi phyogs mtshams logs su gang+gA'i klung bdun gyi bye ma snyed kyi 'jig rten gyi khams bdas pa na/ 'jig rten gyi khams spos kyi glang po che zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas spos kyi glang po che'i rnam par gnon pa la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams spos kyi snod ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas spos kyi snod rgyal po la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi khams dga' ba'i dbyangs shes bya ba de na/ de bzhin gshegs pa dgra bcom pa yang dag par rdzogs pa'i sangs rgyas dga' ba la dris shig pa'ang gong ma bzhin du bsdu'o/ / sangs rgyas kyi zhing 'di nas/ lho nub kyi phyogs mtshams logs su gang+gA'i klung bcu'i bye ma snyed kyi 'jig rten gyi khams 'das pa na/ 'jig rten gyi khams dpal gyi 'phreng ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rnam par rgyal ba'i dpal dam pa zhes bya ba da ltar bzhugs te 'tsho zhing gzhes kyis/ / de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas steng gi phyogs logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams 'jig rten mthong ba dang bcas pa zhes bya ba de na/ de bzhin g shegs pa dgra bcom pa yang dag par rdzogs pa'i sangs rgyas 'jig rten thams cad mthong na dga' ba cher 'phags pa'i rgyal po 'od 'phro ba rnam par sprul pa'i bkod pa go cha chen po bgos paHsa'i dbang phyug rgyal po thams cad la 'od byed snang ba'i sgo zhes bya ba da ltar bzhugs te 'tsho zhing ga zhes kyis/ / de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams pad+ma dkar po zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas dam pa'i chos pad+ma dkar po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams chu'i me tog kha 'byed pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas me tog la 'bye ba zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung bzhin/ bye ma snyed kyi 'jig rten gyi khams 'das pa na/ 'jig rten gyi khams mya ngan med pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mya ngan thams cad med pa zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams ut+pal mthing ka zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rin po che'i ut+pa la'i dpal zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams pad+ma can zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas pad+ma'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya phub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung bdun gyi bye ma snyed kyi 'jig rten gyi khams 'das pa na/ 'jig rten gyi khams ku mung+ga dang ldan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas ku mu tA'i snying po zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams sa ki'i spos zhes bya ba de na/ de bzhin gshegs pa dgra bcom pa yang dag par rdzos pa'i sangs rgyase sa ki'i spos zhes bya ba da ltar bzhugs te 'tsho zhing gzhes kyis/ / de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung dgu'i bye ma snyed kyi 'jig rten gyi khams 'das pa na/ 'jig rten gyi khams ko kang si ka zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas bkra shis thams cad kyi rgyal po zhes bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ steng gi phyogs logs su gang+gA'i klung bcu'i bye ma snyed kyi 'jig rten gyi khams 'das pa na// 'jig rten gyi khams bsod nams kyi stegs can zhes bya ba de na/ de bzhin gshegs pa dgra bcom pa yang dag par rdzog pa'i sangs rgyas bsod nams kyi stegs kyi dbang phyug ces bya ba da ltar bzhugs te 'tsho zhing gzhes kyis/ de bzhin gshegs pa de la/ bcom ldan 'das shAkya thub pa ji ltar gnas pa dris shig/ sangs rgyas kyi zhing 'di nas/ 'og gi phyogs logs su gang+gA'i klung gi bye ma snyed kyi 'jig rten gyi khams 'das pa na/ 'jig rten gyi khams seng ge'i tshul zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas seng ge'i rnam par rol pa zhes bya ba dang / sangs rgyas kyi zhing 'di nas/ 'og gi phyogs logs su gang+gA'i klung gnyis kyi bye ma snyed kyi 'jig rten gyi khams 'das pa na/ 'jig rten gyi khams stag gi phug ces bya ba de na/ de bzhin gshegs pa dgra bcom pa yang dag par rdzogs pa'i sangs rgyas stag sgra sgrogs shes bya ba dang / sangs rgyas kyi zhing 'di nas/ 'og gi phyogs logs su gang+gA'i klung gsum gyi bye ma snyed kyi 'jig rten gyi khams 'das pa na/ 'jig rten gyi khams shing sa ha ka ra zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas sa ha ka ra'i me tog rlung zhes bya ba dang / sangs rgyas kyi zhing 'di nas/ 'og gi phyogs log su gang+gA'i klung bzhi'i bye ma snyed kyi 'jig rten gyi khams 'das pa na/ 'jig rten gyi khams rgyal ldan zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas thams cad las rgyal bar 'dul ba zhes bya ba dang / sangs rgyas kyi zhing 'di nas/ 'og gi phyogs logs su gang+gA'i klung lnga'i bye ma snyed kyi 'jig rten gyi khams 'das pa na/ 'jig rten gyi khams ye shes mi chags pa'i 'byung gnas zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas theg pa chen po rnam par sgrogs pa'i rgyal po zhes bya ba dang sangs rgyas kyi zhing 'di nas/ 'og gi phyogs logs su gang+gA'i klung drug gi bye ma snyed kyi 'jig rten gyi khams 'das pa na/ 'jig rten gyi khams mkha' 'bigs 'byung gnas zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas mkha' 'bigs rtse mo zhes bya ba dang / sangs rgyas kyi zhing 'di nas/ 'og gi phyogs logs su gang+gA'i klung bdun gyi bye ma snyed kyi 'jig chen gyi khams 'das pa na/ 'jig rten gyi khams ltad mo che ba zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas ri mo thams cad kyi rgyal po zhes bya ba dang / sangs rgyas kyi zhing 'di nas/ 'og gi phyogs logs su gang+gA'i klung brgyad kyi bye ma snyed kyi 'jig rten gyi khams 'das pa na/ 'jig rten gyi khams blo gros 'dzin pa zhes bya ba de na/ de bzhin gshegs pa / bcom pa yang dag par rdzogs pa'i sangs rgyas gzungs kyi dbang phyug rgyal po zhes bya ba de na/ sangs rgyas kyi zhing 'di nas/ 'og gi phyogs logs su gang+gA'i klung dgu'i bye ma snyed kyi 'jig rten gyi kham 'das pa na/ 'jig rten gyi khams sa bi blo gros zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas sa'i rgyal po zhes bya ba dang / sangs rgyas kyi zhing 'di nas 'og gi phyogs logs su gang+gA'i klung bcu'i bye ma snyed kyi 'jig rten gyi khams bdas pa na/ 'jig rten gyi khams rtag tu dga' ba'i rgyal po zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas the tsom dang / yid gnyis thams cad gcod pa'i 'byung nas rgyal po zhes bya ba da ltar bzhugs te 'tsho zhing gzhes kyis/ de bzhin gshegs pa de la bcom ldan 'das shAkya thub pa mi mjed kyi 'jig rten gyi khams na yongs su mya ngan las ma 'das par bzhugs shing / de bzhin gshegs pa thams cad kyi tshig gi dpes brgyan pa'i thar pa'i mtha' la ji/ ltar gnas pa/ 'jam dpal gzhon nur gyur pa dang / sor mo'i 'phreng ba khyod de la/ bcom ldan 'das de bzhin gshegs pa de la dris shig/ khyed kyi the tsom dang yid gnyis thams cad gcod par 'gyur te/ de bas na de bzhin gshegs pa de'i mtshan the tsom dang yid gnyis thams cad gcod pa zhes bya'o// de nas 'jam dpal gzhon nur gyur pa dang / sor mo'i 'phreng bas/ bcom ldan 'das la legs so legs so zhes gsol nas/ de bzhin gshegs pa'i zhabs la mgo bos phyag 'tshal nas/ rdzu 'phrul gyi rkang pa'i stobs kyis dang pa'i rgyal po ltar dong ste/ rtag tu dga' ba'i rgyal po zhes bya ba'i 'jig rten gyi khams der phyin nas/ de bzhin gshegs pa the tsom dang yi gnyis thams cad gcod pa zhes bya ba'i zhabs la mgo bos phyag 'tshal te/ phyogs gcig tu 'khod nas gsol pa/ bcom ldan 'das bdag cag gnyis mi mjed kyi 'jig rten gyi khams nas/ de bzhin gshegs pa shAkya thub pa'i zhabs kyi drung nas 'dir mchis so/ / phyogs bcu'i sangs rgyas bcu'i zhabs kyi drung du'ang phyin te/ bcom ldan 'das shAkya thub pa de bzhin gshegs pa mi mjed kyi 'jig rten gyi khams na bzhugs te/ mya ngan las ma 'das bzhin du thar pa'i mtha' la ji ltar gnas pa de dag thams cad la zhus na/ de bzhin gshegs pa de dag gis 'di skad ces bka' stsal te/ de bzhin gshegs pa shAkya thub pa de/ de bzhin gshegs pa nged dang gcig gis de bzhin gshegs pa de la zhus shig ces gsung nas/ bcom ldan 'das shAkya thub pa de bzhin gshegs pas kyang rigs kyi bu / khyed gnyis deng la/ the tsom dang yid gnyis thams cad gcod pa'i rnam pa de bzhin gshegs pa la dris shig ces bdag cag 'dir bkye ste mchis so// bcom ldan 'das shAkya thub pa mi mjed kyi 'jig rten gyi khams na bzhugs shing mya ngan las ma 'das par/ ji ltar na thar pa'i mtha' la gnas shes zhus pa dang / de gnyis kyi tshigs gsan nas/ de bzhin gshegs pa des 'di skad ces bka' stsal to/ / rigs kyi bu myur du slar log shig/ de bzhin gshegs pa des the tsom dang yid gnyis thams cad gcod par 'gyur ro// de bzhin gshegs pa de nyid nga yin te/ tha dad pa ma yin no// de ltar shAkya thub pa ni tshad med do zhes gsungs nas slar bkye'o// de nas 'jam dpal gzhon nur gyur pas/ bcom ldan 'das la legs so/ legs so zhes gsol te/ sor mo'i 'phreng ba dang lhan cig te de bzhin gshegs pa de'i zhabs la mgo bos phyag 'tshal te dong nas/ bcom ldan 'das kyi drung du phyin te/ bcom ldan 'das kyi zhabs la mgo bos phyag 'tshal nas 'di skad ces gsol to/ / kye ma de bzhin gshegs pa'i sku ni tshad med grangs med par 'dzin pa ste/ de bzhin gshegs pa de nyid nga yin te/ shAkya thub pa de bzhin gshegs pa des khyed kyi the tsom thams cad gcod par 'gyur gyis khyed de bshig ces de dag gis kyang bdag cag slar bkye'o/ / bcom ldan 'das kyis bka' stsal pa/ nga nyid de bzhin gshegs pa de yin no zhes de bzhin gshegs pa de gsung ngam/ de dag gis gsol pa/ de gcig gsung ba bzhin de bzhin gshegs pa de dag thams cad gsung ste/ tha mar bdag cag gis zhus na/ de bzhin gshegs pa thams cad nga nyid de bzhin gshegs pa de yin te/ gcig go zhes gsung ngo // bka' stsal pa/ de bzhin gshegs pa sangs rgyas bcom ldan 'das de dag gi 'jig rten gyi khams de dag ci 'dra/ de gnyis kyis gsol pa/ de bzhin gshegs pa thams cad kyi 'jig rten gyi khams su bdag cag gis phyin pa thams cad ni gra ma pa dang gyo mo thams cad ma mchis pa/ lag mthil bzhin du mnyam pa/ ka tsa li na di ka bzhin du reg na bde ba/ bde ba can gyi 'jig rten gyi khams ltar snyigs ma lnga dang bral ba/ nyan thos dang / rang sangs rgyas dang / bud med ma mchis pa theg pa gcig te/ theg pa bzhan la mi 'jug go// bka' stsal pa/ de bzhin gshegs pa de rnams kyi mtshan rigs kyi bu 'am/ rigs kyi bu mo gang kha don legs par byed dam/ 'dri 'am/ nyan kyang rung ste/ bsting ngam/ brjod dam/ gzhan gyi phyir 'phya 'am/ bdag gis brjod na/ bdag 'jig pa thams cad med bar 'gyur ro/ / lha thams cad kyang de la gnod par mi byed do// de bzhin du klu dang / gnod sbyin dang / nam mkha' lding dang / mi 'am ci dang / lto 'phye chen po dang / dri ba la sogs pas kyang mi tshugs so/ / thos nas de la bsrung bar 'gyur// des 'gro ba bzhi pacad pa yin no// byang chub kyi sems ma skyes pa de dag kyang byang chub kyi rgyu thob par 'gyur ro// zhes gsung ngo // sor mo'i 'phreng ba gzhan yang de bzhin gshegs pa'i che ba nyid ngo mtshar ba ni gzungs mtshungs pa med pa'i mdo sde chen po las sangs rgyas bye ba phrag brgyad cu gcig ste/ nga nyid de bzhin gshegs pa de nyid yin no/ / zhes rgya cher bshad do// de bzhin du sangs rgyas kyi zhing bsngags pa yang bsam gyis mi khyab po// de ltar de bzhin gshegs pa'ang tshad med pa ste/ de ltar de bzhin gshegs pa'i gzugs kyi sku yang mtha' yas grangs med de/ de lta bu yon tan gyi mtshan nyid dang ldan pa la/ mi rtag pa dang nad lta ga la 'byung // de bzhin gshegs pa'i sku rtag pa dang / mtha' yas pa rtsa ba dang bcas/ rgyu dang rkyen du bcas pa'i gtan tshigs thams cad khyed la rgya cher bstan to// 'jig rten gyi khams na/ skye bo rnams mi dge bas na/ sangs rgyas thams cad kyang 'jig rten gyi khams 'di'i rgyal po mi bzhed po/ / mi dge ba dge ba la bkod pa'i phyir lus yang dang yang btang bas na/ nga'i lus ma skyes pa'i skur gyur to// nga'i lus bskal pa bye ba grangs med ba mang por dam pa'i chos bsrung ba'i phyir/ nga'i lus gang+gA'i klung gi bye ma snyed kyi lus re re yang bcad btubs bcom nas/ byin pas nga yi lus ma shig pa 'dus ma byas kyi lus mtshungs pa med par gyur to/ / bskal pa bye ba mang por dpa' bo ltar 'dug ste/ gnas mang por gang+gA'i klung gi bye ma snyed kyi lus mang po gtang ste/ lus re re yang bskal pa bye ba mang por dpa' bo ltar 'dug cing dka' ba spyad pas nga'i lus nyon mongs pa med pa'i skur gyur to/ / bskal pa bye ba mang por grangs med par nga nad kyi bskal pa bar mar skyes te nga'i lus re re yang sman dam par gyur nas/ gang+gA'i klung gi bye ma snyed kyi sems can rnams la phan btags pas na/ nga yi lus nad med pa'i skur gyur to// nga tshe rabs mang por gang+gA'i klung gi bye ma snyed kyi bskal pa bye ba mang por grangs med par sems can bye ba mang po ltogs pa'i nad zhi bar byas te/ theg pa gcig pa'i khu ba blud pas na/ nga'i lus mi 'chi ba'i skur gyur to// ngas bskal pa bye ba mang po grangs med par sems can bye ba mang po nyon mongs pa bye ba mang po'i dri ma bsal nas/ shin tu dka' ba bstan te/ de bzhin gshegs pa'i snying po bstan pas na/ nga'i lus nyon mongs pa med pa'i skur gyur to// nga tshe rabs kang+gA'i klung gi bye ma snyed du bskul pa bye ba mang po grangs med par sems can yi dgas bye ba mang po skom zhing ltogs pa'i sdug bsngal rab tu zhi bar byas te/ theg pa gcig pa'i ros tshim par byas pas na/ gang+gA'i klung mang po'i bye ma snyed du nga'i lus zag pa med pa'i skur gyur to// nga tshe rabs mang po gang+gA'i klung gi bye ma snyed du bskal pa bye ba mang po grangs med par lha dang / lha ma yin du bcwa pa'i sems can bye ba mang po la ma dang / sring mo dang / bu bzhin du sdug par byas pas na/ nga'i lus gnod pa med pa'i skur gyur to// nga tshe rabs mang po gang+gA'i klung gi bye ma snyed du bskal ba bye ba mang po grangs med par lha dang mir bcas pa'i sems can bye ba mang po la mi bden par smra ba rnams theg pa chen po bden pa la bkod pas na nga'i lus bden pa rtag pa'i skur gyur to/ / nga tshe rab sa mang po gang+gA'i klung gi bye ma snyed du bskal pa bye ba mang po grangs med par lha dang / mir bcas pa'i sems can bye ba mang po chos ma yin par byed pa rnams 'jig rten las 'das pa'i chos kyi rnam pa la bkod pas na/ nga'i lus chos kyi skur gyur to// nga tshe rabs mang po gang+gA'i klung gi bye ma snyed du bskal pa bye ba mang por grangs med par lha dang / mir bcas pa'i sems can bye ba mang po log par lta ba'i dbang du gyur pa rnams yang dag par lta ba la bkod pas na/ nga'i lus shin tu bde ba'i skur gyur to// nga tshe rabs mang po gang+gA'i klung gi bye ma snyed du bskal pa bye ba mang por grangs med par lha dang / mir bcas pa'i sems can bye ba mang po 'jigs skrag par gyur pa rnams 'jigs pa med pa la bkod pas na/ nga yi lus dge ba'i skur gyur to// nga tshe rabs mang po gang+gA'i klung gi bye ma snyed du bskal pa bye ba mang por grangs med par lha dang / mir bcas pa'i sems can bye ba mang po mya ngan chen por gyur pa rnams mya ngan med pa'i chos la bkod pas na/ nga yi lus mya ngan med pa'i mya ngan dang bral ba'i skur gyur to/ / nga tshe rabs mang po gang+gA'i klung gi bye ma snyed du bskal pa bye ba mang po grangs med par lha dang / mir bcas pa'i sems can mang po gzhan gyi chung ma la chags pa rnams tshul khrims chen po'i go cha la bkod pas na/ nga yi lus rdul med cing rdul dang bral ba'i skur gyur to// nga lus gang+gA'i klung gi bye ma snyed du bskal pa bye ba mang po grangs med par sems can bye ba mang por skyon chags pa'i ya mtshan can rnams bsdu ste/ rab tu sbyangs pas dam pa'i chos la bkod pas na/ nga yi lus shag shig med do// shag shig med pa'i chos kyi skur gyur to// / bam po drug pa// / nga tshe rabs mang por gang+gA'i klung gi bye ma snyed du bskal pa bye ba mang po grangs med par lha dang / mir bcas pa'i sems can bye ba mang po dbul por gyur pa rnams chos kyi nor dang / gter byin pas na/ nga yi lus tshul med pa las tshul gyi chos kyi skur gyur to// nga tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po 'dod pa'i dbang phyug du gyur pa rnams nyon mongs pa med pa la bkod pas na/ nga yi lus gtse ba dang bral zhing gtse ba ba med pa'i chos kyi skur gyur to/ / nga tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po nyon mongs sprugs shing sbrul gdug pa'i dug med par byas pas na/ nga yi lus nad 'go ba med cing nad bgo ba dang bral ba'i chos kyi skur gyur to// nga tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po 'jig rten rtsa lag med pa la pha rol tu phyin pa'i chos kyis rtsa lag tu byas pas/ nga yi lus ma byas pa'i chos gsal ba'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po rnams la/ de bzhin gshegs pa'i snying po shin tu rnam par dag pa'i chos kyi btam bsnyad pas na/ nga yi lus ci yang med pa'i skur gyur to// nga tshe rabs mang po gang+gA'i klung gi bye ma snyed du bskal pa bye ba mang po grangs med pa lha dang mir bcas pa'i sems can bye ba mang po rnams la/ de bzhin gshegs pa'i gsang ba dang ngo mtshar la bkod pas na/ nga yi lus ngo mtshar gyi skur gyur to// nga tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po rnams la/ sangs rgyas su sbyor du btsud pas/ nga yi lus tshad med dpag tu med pa'i mchog dam pa'i skur gyur to / ngas tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po rnams bskal ba'i phyir/ rigs de dang der skye ba bstan te/ rab tu bsgral pas na nga yi lus mchog dam pa'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po rnams 'jigs pa thams cad las bskal te/ byang chub pa la bkod pas ni/ nga yi lus bla na med pa'i chos kyi skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par sems can bye ba mang po rnams yan lag ma tshang ba'i lus kyis 'jig rten gyi phyir 'gro bar byas te/ sems can mang po byang chub la bkod pas na/ nga'i lus bla na med pa'i chos kyi skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par ngas 'jig rten rnams la/ de bzhin gshegs pa'i snying po rtag pa'i dbyings ma bcabs te/ sems can thams cad la phan par bstan pas na/ nga yi lus rtag pa'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par ngas tshul khrims bsrung ba na/ lha'i bu mo dang / bdud kyi bu mo dang / 'jig rten pa bzang mo mthong yang sems ma btang bas/ nga'i lus mi 'jig pa'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par sems can bye ba mang po thams cad kyi bla ma'i chung mad phu nu bo'i chung ma dang / bud med thams cad la chags par ma byas pas na/ nga'i lus mi 'jig pa'i chos kyi skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po rnams kyi nyes pa mtha' yas pa zad par byas pas na/ nga yi lus mtshungs pa med par mtha' yas pa'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par sems can bye ba mang po dud 'gro'i skye gnas su song ba rnams chos zab mo la bkod pas na/ nga'i lus zab mo'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par de bzhin gshegs pa'i snying po nam mkha'i bya rjes bzhin du bstan te/ sangs rgyas kyi dbyings gsal bar byas pas na// nga yi lus bltar mi mthong ba'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par sems can bye ba mang po bdag med par 'dzin pa las bzlog ste/ de bzhin gshegs pa'i snying po blta dka' ba bstan pas na/ nga yi lus sems can thams cad kyis blta dka' ba'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can rnams srog gcod pa las bzlog ste/ dam pa'i chos la bkod pas na/ nga'i sku shin tu phra ba'i skur gyur to// ngas tshe rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po'i chos kyi dga' ba bskyed pas na/ nga yi lus mkhas pa'i skur gyur to// ngas che rabs mang po gang+gA'i klung gi bye ma snyed du bskal pa bye ba mang po grangs med par lha dang mir bcas pa'i sems can bye ba mang po rnams la/ de bzhin gshegs pa'i snying po 'jam dpal lta bur dbying bstan pas na/ nga yi lus blta dka' ba'i skur gyur to// bskal pa grangs med pa mang por sems can bye ba mang po rnams bcings pa thams cad dang bral bar byas te// thar pa'i gnas su rab tu bkod pas/ de las nga yi lus blta dka' ba'i skur gyur to// grangs med pa mang por ngas lha dang mi dang sems can dmyal ba pa rnams las sems can bye ba mang po dag srid pa thams cad du gnas su ma bcug ste/ thar pa de kho na nyid la bkod pas/ de las nga'i lus thams cad du kun gzhi med par gyur to// grangs med pa mang por ngas sems can bye ba mang po la bdag dang 'jig rten skems du ma bsam te/ sems can thams cad sgra gcan rin bzhin du bltas pas de las/ nga yi lus nyon mongs pa med pa'i skur gyur to// grangs med pa mang po rangs lha dang mir bcas pa'i sems can bye ba mang po bslab pa'i gnas lnga la rnam par dag par byas pas/ nga'i lus rus pa dang / rgyus pa dang / yan lag rnam par dag pa'i skur gyur to// grangs med pa mang po dngas sems can thams cad dgrol lo zhes dam bcas te/ legs par bya ba'i smon lam btab pas/ sems can rnams bsgral te de'i phyir nga yi lus thams cad la bsgrol ba'i skur gyur to// grangs med pa mang por ngas sems can bye ba mang po rnams ngan par blta ba'i nad zug rngu rnam pa mang po phyung ste/ de kho na'i chos la rab tu bkod pas/ de las nga'i lus zhib rtag pa'i skur gyur to// grangs med pa mang po tshe rabs mang por sems can thams cad la bu gcig pa sgra gcan zin ltar nges par lta zhing de bzhin du gzhan yang btsud pas de las nga yi lus zhi gnas kyi skur gyur to/ / grangs med pa mang por ngas sems can bye ba mang po rnams rtog pa thams cad spangs nas rab tu bzung ste/ dgra mthong na yang bsten cing chog shes pa dang / yo byad bsnyungs shing gzhan yang de la btsud pas de'i phyir/ nga yi lus nye bar zhi ba'i skur gyur to// tshe rabs grangs med pa mang por ngas sems can bye ba mang po zang zing spangs nas/ nyan thos kyi mchog shes pa tsam bstan bas de las nga yi lus nem nur gyi tshul thams cad bcad pa pha rol tu phyin pa'i skur gyur to/ / ngas tshe rabs grangs med pa mang por sems can bye ba mang po nya dang / sha dang / tshil dang gsod pa'i zas rnams spangs te/ sems cad rnams kyang de bzhin du spong du bcug pas de las nga yi lus bzang por gyur to// tshe rabs grangs med pa mang por ngas lha dang mir bcas pa'i sems can bye ba mang po nyon mongs pa bye ba mang po thams cad sbyong du bcug pas/ de las nga yi lus spros pa med pa'i skur gyur to// tshe rabs grangs med pa mang por ngas sems can skyon chags pa'i ya mtshan car bye ba mang po rnams la lce babab pa lta bur de dag gi go skabs bcom ste/ skye ba med par byas pas de las nga yi lus kun gzhi bcom ba'i skur gyur to/ / grangs med pa mang por ngas phyin ci log bzhis 'khyams pa'i sems can bye ba mang po chos kyi khu ba zhim po blud pas/ de las nga yi lus sprul pa'i tshangs pa ltar lha'i lus su gyur to/ / grangs med pa mang por ngas sems can bye ba mang po rnams la de bzhin gshegs pa'i snying po dben pa dang / rtag pa tshol ba la nyes pa dang ma sre shig ces drang por byas pas rbang yi lus dben zhing rnam par grol ba'i skur gyur to/ / tshe rabs mang po grangs med par gang+gA'i klung gi bye ma snyed du ngas sems can mang po bye ba rnams la sangs rgyas kyi tshig go zhes sor mo'i zla ba bstan pa bzhin du bkod pas/ de las nga yi lus so sor bral ba'i skur gyur to// tshe rabs grangs med pa mang por yongs su mya ngan las zlo zhing shin tu yongs su mya ngan las 'da' bas kyang / yongs su mya ngan las ma bzla ste/ de'i phyir nga yi lus chos nyid kyis chos kyi skur gyur to// tshe rabs grangs med par gang+gA'i klung gi bye ma mang po snyed du/ ngas sems can bye ba mang po rnams la de bzhin gshegs pa'i snying po la shin tu nan tan du btsal kyang dri ma med do zhes bstan pas/ de las nga yi lus dbyings kyi skur gyur to// dbyings de yang sems can thams cad la yod de/ grangs med pa mang por ngas theg pa chen po chags pa med pa'i ye shes bdag med pa bdag dang bral ba'i sgo bstan pas/ de'i 'bras bu nga yi lus skye mched med pa'i sku// gyur to// ngas tshe rabs grangs med par gang+gA'i klung gi bye ma snyed du sems can bye ba mang po rtag par rab tu nyon mongs pa mang po btul ba la btsud pas/ de las nga yi lus dge ba'i 'jig rten las 'das pa bla ma'i skur gyur to/ / nga tshe rabs grangs med pa mang por sems can thams cad kyi rten du gyur to// skyabs med pa rnams kyi skyabs gnyen med pa rnams kyi gnyen du gyur pas/ de las nga yi lus chu bo si ni d+hu rgya mtsho la 'bab pa lta bu'i skur gyur to// nga tshe rabs grangs med par gang+gA'i klung gi bye ma mang po snyed du mdo sde 'chad pa na/ de bzhin gshegs pa'i snying po ston pa la 'jigs pa 'am/ skrag pa'i sems ma bskyed pas/ de las nga yi lus bstan pa'i skur gyur to// nga tshe rabs grangs med pa gang+gA'i klung gi bye ma mang po snyed du ngang pa ltar dkar ba'i khang pa yang thog nas 'khor los sgyur ba'i rgyal po'i srid dang / bde ba mang po spangs te/ nags khrod du zhugs pas/ de las nga yi lus gnas lta bu'i skur gyur to// nga tshe rabs grangs med pa gang+gA'i klung gi bye ma mang po snyed du/ lhod pa rnams kyi spyod pa rtag tu gdol pa ltar ring du spangs te/ tshul khrims dang ldan pa dam pa rnams dang / gnas gcig na 'khod pa'i tshe chu bor gang tsam yang blangs par mi dran te/ de'i phyir de las ngas 'gyod pa med pa'i sku thob bo// ngas tshe rabs grangs med pa gang+gA'i klung gi bye ma mang po snyed du nyon mongs pa'i khur yang bar byas pas de las nga yi lus rab tu sbyangs pa dang / gsal ba'i skur gyur to// ngas tshe rabs grangs med pa gang+gA'i klung gi bye ma mang po snyed du rgyal po'i bu dper byas te/ khyim na gnas pa'i nyes pa spangs pas de las nga yi lus mi tshol ba'i skur gyur to// ngas tshe rabs grangs med pa gang+gA'i klung gi bye ma mang po snyed du 'dod chags dang / zhe sdang dang / gti mug spangs shing nyon mongs pa'i phung po zad par byas pas// de las nga yi lus nad med pa dang / 'jigs pa med pa dang / nga rgyal med pa'i skur gyur to/ / ngas tshe rabs grangs med pa ga d+hA'i klung gi bye ma mang po snyed du/ sems can lha mi mang po rnams la bud med dang rtse ba'i nyon mongs pa bye ba ni/ sbrul gdug pa'i dug lta bur smad bas de las nga yi lus 'geg pa'i skur gyur to/ / ngas tshe rabs grangs med pa gang+gA'i klung gi bye ma mang po snyed du/ de bzhin gshegs pa mar me mdzad kyi zhabs kyi drung nas/ byis pa'i spyod pa lta bu bdag nyid lung bstan pa thos nas/ de bzhin nyid du nan tan byas te/ mdo sde la smod pa rnams la theg pa chen po bshad pas/ de las nga yi lus gnas med pa'i skur gyur to// ngas tshe rabs grangs med pa gang+gA'i klung gi bye ma mang po snyed du/ de bzhin gshegs pa'i snying po thos nas/ bskal pa bye ba mang por sems can rnams kyi nyon mongs pa gzhig par byas nas/ sangs rgyas su 'gyur bar yid ches pa'i phyir/ sems can bye ba kun gyi skyabs su 'gyur bar spyad par brtsams te/ de'i 'bras bus nga yi lus skyabs kyi skur gyur to// ngas tshe rabs grangs med par gang+gA'i klung gi bye ma mang po snyed du/ byang chub sems dpa' bzod par smra ba'i drang srong du gyur pa'i tshe/ tshad med pa bzhi la bsgoms pas/ de'i 'bras bus nga yi lus da rung yang sems can thams cad kyi skyabs kyi skur gyur to/ / theg pa chen po theg pa gcig pa bla na med pa'i ye shes chags pa med pa'i ye shes 'od chen po sems can thams cad kyi dpung gnyen gyi ye shes ngas bstan pas/ sdig pa grangs med par byas pa yang theg pa chen po thos nas 'byang bar 'gyur te/ de'i phyir nga yi lus ni dpung gnyen gyi skur gyur to// ngas tshe rabs grangs med pa gang+gA'i klung gi bye ma mang po snyed du dbyings dang / bde ba'i dbyings sems can thams cad kyi dbyings kyi dri ma med pa'i snying po gnod pa med pa rab tu bsngags so// rab tu bsngags pa'i 'bras bu des nga yi lus gnod pa med pa'i skur gyur to/ / ngas tshe rabs grangs med pa gang+gA'i klung gi bye ma mang po snyed du/ sems can lha mi bye ba mang po rnams gnas med pa'i thar pa'i go 'phang la bkod pas/ de las nga yi lus go skabs med cing gtso bo'i skur gyur to// ngas tshe rabs grangs med pa gang+gA'i klung gi bye ma mang po snyed du/ sems can skyes pa dang / bud med mang po rnams pha ma dang / sring mo lta bur 'du shes pa'i sems la bkod pas/ nga'i lus thams cad du pa bzhin du bla ma'i skur gyur to// ngas tshe rabs grangs med pa gang+gA'i klung gi bye ma mang po snyed du/ mu ge chen po'i bskal pa bar ma la bdag gzhan gyi longs spyod rnam pa mang po byas pas/ de las nga yi lus thams cad du skom pa med cing ngang pa'i lha'i skur gyur to// ngas tshe rabs grangs med pa gang+gA'i klung gi bye ma mang po snyed du sems can bye ba rnam pa mang po gsod par 'dod cing smra ba/ tshe rabs mang por smad pas de las nga yi lus phung po thams cad dang bral ba'i skur gyur to/ / ngas tshe rabs mang por thabs dam pa'i sku chos kyi sku sman pa mchog gis brtan pa'i sku mtha' yas bstan pa ltar dge ba'i rgyu rnam par spel ba de las/ nga yi sku 'du byed zhi ba'i skur gyur to/ / ngas tshe rabs grangs med pa gang+gA'i klung gi bye ma mang po snyed du/ sems can bye ba mang po rnams bsgral cing / rang gi nyon mongs pa rnams zad par byas te/ bdag nyid kyi dbying skyu ru ra'i 'bru bzhin du bstan pas/ de las nga yi lus chos ma yin pa bcad pa'i skur gyur to// ngas tshe rabs grangs med pa gang+gA'i klung gi bye ma mang po snyed du/ sems can bye ba mang po thams cad la khams bzhi po ni sbrul gdug pa'i dug bzhin du te/ rtag tu snod stong pa bzhin du stong ngo zhes rab tu smad pas/ de la sa nga yi lus thos pa'i rgyu 'dra bar skyes pas/ sha dang rgyas pa med pa'i skur gyur to/ / ngas tshe rabs grangs med pa gang+gA'i klung gi bye ma mang po snyed du/ srid pa'i sems can bye ba mang po thams cad nyon mongs pa bye ba las 'dod chags dang bral ba/ 'gog pa mya ngan las bzla bar yongs su mya ngan las bzlas so/ / yongs su mya ngan las bzlas pas/ de las nga yi lus mya ngan las 'das pa mi yo ba bde ba'i skur gyur to// sor mo'i 'phreng ba bskal pa grangs med pa bye ba mang por 'di nyid na 'dug bzhin du nga ni thams cad na gnas te/ mya ngan las 'das pa gang yin pa de ni thar pa'o// thar pa gang yin pa de ni de bzhin gshegs pa nyid do/ / de nas sor mo'i 'phreng bas bcom ldan 'das la 'di skad ces gsol to// kye ma'o sangs rgyas bcom ldan 'das ni dka' ba mdzad pa ste/ sems can thams cad la rjes su thugs brtse ba'o/ / bcom ldan 'das kyis bka' stsal pa/ sor mo'i 'phreng ba de bzhin gshegs pa yang shin tu dka' ba mdzad pa yin te/ nam ma 'ongs pa'i dus na dam pa'i chos lo brgyad bcu'i bar du gnas par 'gyur ba de'i tshe/ theg pa chen po'i mdo sde de bzhin gshegs pa'i snying po ston pa de ni/ sems can thams cad la phan par ston cing shin tu bya dka' ba byed pa'o/ / sems can gang dag de'i phyogs 'dzin pa de dag kyang shin tu bya dka' ba byed par bstan to// sems can gang rnams de bzhin gshegs pa'i snying po thos nasade bzhin nyid du nan tan byed pa'i sems can de dag kyang shin tu bya dka' pa byed pa'o/ / sor mo'i 'phreng ba sa gsol pa/ shin tu dka' ba bgyid pa de ji lta bu lag sa/ bcom ldan 'das kyis bka' stsal pa/ 'di lta ste dper na/ sa chen po ni khur chen po bzhi khyer te/ khur bzhi gang zhe na/ chu'i phung po chen po'i khur dang / ri'i khur dang / phyi rol gyi rtsa dang / shing gel ba dang / shing gi khur dang ka' sems can thams cad khur du khyer ba ste/ ngade ltar na sa ni khur chen po bzhi khyer ba'o// sor mo'i 'phreng bas gsol pa/ lci'o// bcom ldan 'das/ bcom ldan 'das kyis bka' stsal pa/ sa ni khur chen po khyer ba ma yin te/ de ci'i phyir zhe na/ sapas gzhan lhag par khur che ba yod do// gsol pa/ bcom ldan 'das skyes bu dam pa de gang lags/ bka' stsal pa/ nam dam pa'i chos lo brgyad bcu'i bar du gnas par 'gyur ba de'i tshe/ sems can thams cad la phan par ston pa'i byang chub sems dpa' sems dpa' chen po de/ de bzhin gshegs pa'i snying po ston na/ khur bzhi khyer bar 'gyur to// bzhi gang zhe na/ skyon chags pa'i ya mtshan can rnams gsod do zhes rab tu rgyu spyod de/ 'jigs pa khyad du bsad nas/ rang gi srog kyang btang ste/ de bzhin gshegs pa'i snying po ston pa de ni ri'i phung po bas ches lci ba'i khur dang po'o// de dag la sogs pa skyon chags pa'i ya mtshan can mang po rjes su ston pa la khro ba dang / 'dod chen po'i tshig thos nas de dag la bzod pa ni chu'i phung po bas lhag pa'i khur te de ni gnyis pa'o// rgyal po dang / blon po dang / dmag dpon dang / dbang phyug rnams chos mnyan pa dang / chos kyi gtam mnyan pa mi rnyed pa la/ de bzhin gshegs pa'i snying po rgyas par ston cing / gang de'i phyogs 'dzin pa dbang phyug dang / dmag dpon dang / blon po chos mi thos pa de dag la yang 'chi ba'i chos ston cing 'gro ba ngan pa 'tshal ba'i blo can dang / 'on pa dang / long ba thos pa mi rnyed pa la chos rnams ston pa ni/ sems can thams cad kyi khur las lci ba'i khur gsum pa'o// kla klo'i yul gnas par dka' ba mal stan rnyed par dka' zhing kha zas ngan pa/ gos ngan pa/ mal chang pa dang / mu ge dang / 'khrug pa mang po dang / 'gro ba rnams rtsod pa dang / nyon mongs dang / bud med la bag med pa tsam gyis yul la sbyor ba'i nyon mongs pa la bzod par byed pa la sogs ste/ sdug bsngal thams cad kyis reg cing grong dang / ri brags kyi grong dang / yung pa'i nang dang / tshong dus dang / rtsed mo'i sa dang / bu ram shing dang / 'bras thug po che dang / sA lu dang / gro dang / nas dang / ka ra sa dang / bya ra dza dang / bram ze'i gnas na 'dug pa mi rnyed pa'i gnas la dam pa'i chos ston pa de ni/ rtswa dang / shing gel ba dang shing dang / rdo bas lhag par khur lci ba'i khur chen po bzhi pa'o// khur chen po de bzhi gang ston pa de ni/ khur chen po khyer ba'i byang chub sems dpa' yin te/ dam pa'i chos lo brgyad bcu'i bar du gnas par 'gyur ba de'i tshe/ rang gi srog kyang bor te/ de bzhin gshegs pa'i snying po rab tu ston pa dang / gang de'i phyogs 'dzin pa'i 'gro ba de dag kyang shin tu dka' ba byed pa'o// 'gro ba gang rnams de bzhin gshegs pa'i snying po thos nas yid ches pa de dag kyang shin tu dka' ba byed pa'o// gzhan yang sor mo'i 'phreng ba de bzhin gshegs pa ni dka' ba byed pa ma yin gyi/ yang rab tu dka' ba byed pa yod de ba ston to// 'di lta ste dper na/ skyes bu la la zhig tshe dpag tu med par gyur te/ lo bye ba tshad med pa snyed du skra'i rtse mo tsam gyis rgya mtsho'i chu phyags te 'dug nas/ yang lo bye ba dpag tu med pa 'das shing / skra'i rtse mos rgya mtsho'i chu phyags te/ de lta bus rgya mtsho thams cad phyags te ba lang gi rjes kyi chu tsam du byas na/ de dka' ba byed pa yin nam khon te ma yin/ gsol pa/ de ni shin tu dka' ba byed pa'i mthar phyin pa ste/ dka' ba bgyid pa'o zhes mchi mi nus so// bka' stsal pa/ de ni dka' ba byed pa ma yin te/ de ci'i phyir zhe na/ gzhan yang shin tu dka' ba byed pa yod do// de gang lags/ bka' stsal pa/ nam dam pa'i chos lo brgyad bcu'i bar du gnas par 'gyur pa de'i tshe/ gang bdag gi srog kyang btang nas de bzhin gshegs pa'i snying po ston pa de ni/ shin tu dka' ba byed pa'i byang chub sems dpa' sems dpa' chen po'o// gzhan yang sor mo'i 'phreng ba de bzhin gshegs pa ni dka' ba byed pa ma yin te/ shin tu dka' ba byed pa gzhan yang yod do// 'di lta ste dper na/ skyes bu la la zhig gis ri rab ri'i rgyal po dang / sa dang rgya mtsho chen por bcas te/ bdag gi phrag pa la thogs nas lo bye ba'i bar du 'dug na skyes bu de ci 'dra/ stobs dang ldan pa yin nam/ 'on te ma yin// de shin tu dka' ba byed pa ci 'dra ba/ gsol pa/ de ni de bzhin gshegs pa'i yul te/ nyan thos dang / rang sangs rgyas kyi yul ma lags so// bka' stsal pa/ de ni stobs dang ldan pa'ang ma yin/ dka' ba byed pa ma yin te/ rgya mtsho'i chu thams cad rdul phra mo'i rtse mo'i cha shas kyis/ lo bye ba dang / bskal pa mang por phyags te/ ba lang gi rjes kyi tshul tsam du byed nus shing sa dang ri rab dang / chu bo dang / rgya mtshor bcas te bskal pa mang por khur khyer rus kyang / ma 'ongs pa'i dus na/ nam dam pa'i chos lo brgyad bcu'i bar du gnas/ par 'gyur ba de'i tshe/ skye bo phal pas kyang dam pa'i chos ston mi nus/ de bzhin gshegs pa'i snying po yang 'chad mi nus pa de'i tshe/ byang chub sems dpa' mi'i glang po sems can thams cad la phan par ston pa rnams de bzhin gshegs pa'i snying po ston cing / dam pa'i chos 'dzin par 'gyur te/ de ni shin tu dka' ba byed par bstan to// gzhan yang sor mo'i 'phreng ba stong gsum gyi stong chen po'i 'jig rten gyi khams me'i phung po rab tu 'bar ba la/ khyor ba'i chus zhi bar nus sam/ gsol pa ma lags so// bcom ldan 'das ci'i slad du zhe na/ rgya mtsho'i chab kyis kyang me de zhi bar mi nus te/ khyor ba'i chab kyis ni khyim rab tu 'bar ba la yang zhi bar mi nus na/ stong gsum gyi stong chen po'i lta ga la nus/ bka' stsal pa/ sor mo'i 'phreng ba de bzhin du ma 'ongs pa'i dus na/ tshul khrims dang ldan pa'i phyogs bri/ ngang tshul ngan pa'i phyogs 'phel ba'i dus na/ nam dam pa'i chos lo brgyad bcu'i bar du gnas par 'gyur ba de'i tshe/ byang chub sems dpa' sems dpa' chen pos/ rang gi srog kyang btang/ bran po dang / bran mo dang / ba lang dang / ma he la sogs pa nor ngan pa rnam pa mang po yang byin nas dam pa'i chos 'byung ste/ de bzhin gshegs pa'i snying po ston pa'i skyes bu dam pa de gang yin/ gsol pa/ bcom ldan 'das nyid mkhyen to// nyan thos dang / rang sangs rgyas kyis mi rig go/ de'i dus na 'jig rten gyi chos rnam par dag pa yang bshad dka' na/ 'jig rten las 'das pa'i chos rnam par dag pa/ de bzhin gshegs pa'i snying po bstan pa lta ci smos/ de ltar skyes bu dam pa de stong gsum gyi steng chen po'i me'i phung po rab tu 'bar ba khyor ba'i chus zhi bar bgyi ba'i slad du der mchi zhing / shin tu dka' ba bgyid pa de ni skyes bu de ma lags kyi/ de bzhin gshegs pa nyid lags pa snyam bgyid do// bcom ldan 'das kyis bka' stsal pa/ rigs kyi bu legs so legs so// ngas kyang tshig de skad smras so// skyes bu de shin tu dka' ba byed pa ni/ sangs rgyas thams cad kyis bskal pa bye ba snyed du yon tan bshad kyang de'i mtha' mi rnyed do// gzhan yang rigs kyi bu 'di lta ste/ rgya mtsho chen po'i chu'i phung pong chu bo thams cad 'bab pa mi mthong ba de bzhin du skyes bu de'i blo'i nang du 'jig rten thams cad kyi blo de'i nang du bzhugs par mi snang ngo / / gzhan yang rigs kyi bu rgya mtsho chen po ni sems can gyi ro thams cad mthar 'byin pa bzhin du/ skyes bu dam pa de yang mig zur yang mi lta/ khyim la chags pa yang med/ chos dang mi ldan pa rnams dang yang rigs 'dres pa yang med/ de bzhin gshegs pa'i snying po la smod pa byed pa rnams kyang spong ste/ skyes bu dam pa de lta bu ni shin tu dka' ba byed pa'o// gang de'i phyog 'dzin cing nyan pa de dag kyang / nga'i nyan thos shin tu dka' ba byed pa yin no// gsol pa/ bcom ldan 'das mtshan nyid du dang ldan na/ byang chub sems dpa' sems dpa' chen po gser lags/ bcom ldan 'das kyis bka' stsal pa/ rigs kyi bu mtshan nyid brgyad dang ldan na/ byang chub sems dpa' sems dpa' chen po gser yin no// brgyad gang zhe na/ chos la sems pa dang / rtog cing gzhig pa dang / len cing 'dzin pa dang / pha ma la sri zhu che ba dang / rang gi slob dpon la byas pa gzo ba dang / lta ba thams cad dang mi mthun pa dang mtshan thams cad la khyad du gsod cing 'dul ba la mkhas pa dang / mi rung ba thams cad spong ba dang / 'dod pa med pa'i sems 'di lta ste/ rmi lam na khu ba mi 'byung zhing / tshul khrim la gus par byed pa'i mtshan nyid de dag dang ldan na/ byang chub sems dpa' gser yin no// yang mtshan nyid brgyad dang ldan na/ byang chub sems dpa' gser yin te/ brgyad gang zhe na/ theg pa chen po ston pa dang / de bzhin gshegs pa'i snying po gsal bar ston cing gtong ba dang ldan pa dang / bzang zing la mi brkam pa dang / dzabyams pa dang / snying rje dang / dga' ba dang / gtang snyoms su ldan pa dang / sems can thams cad la bu gcig bzhin du blta ba dang / dge ba'i bshes gnyen la bsten pa dang la sdig pa'i grogs po yongs su spang ba dang / rnyed pa dang / bkur sti la cho ga shes pa ste/ mtshan nyid brgyad po de dag dang ldan na/ byang chub sems dpa' gser yin no// yang mtshan nyid brgyad dang ldan na/ byang chub/ sems dpa' gser yin te/ brgyad gang zhe na/ phan pa dang / ran pa dang / 'jam par smra ba dga' ba dang / nga nyon mongs pa chung ba dang / rnga bzod pa dang ldan pa dang / ngamado sde'i mtha' thams cad nyan pa la bzod pa dang / mig gnyid thul ba dang / sdom las med de ldang zhing bag yod pa dang / bslab pa la mos pa ste/ mtshan nyid brgyad po de dag dang ldan nabyang chub sems dpa' gser yin no/ / yang mtshan nyid brgyad dang ldan na/ byang chub sems dpa' gser yin te/ brgyad gang zhe na/ bden pa dang gtsang ba dang / 1gtsang sbra byed pa dang / nga mkhas pa dang / 'od dang ldan zhing gzugs bzang ba dang / bud med dang 'grogs pa spong ba dang / ngaganyen gyi khyim nas ring du lta ba dang / gtse ba de dang / des sdig pa'i dge sbyong thams cad la 'jig pa dang / thos ma thag tu lus kyi spu langs par 'gyur ba dang / srog chags thams cad la byams shing snying brtse ba ste/ mtshan nyid brgyad zon ngag dang ldan na/ byang chub sems dpa' gser yin no// yang mtshan nyid brgyad dang ldan na/ byang chub sems dpa' gser yin te/ brgyad gang zhe na/ bdud kyis bshad pa dang / sangs rgyas kyis bka' stsal pa'i bye brag shes pa dang / mdo sde shes pa la bkur sti byed pa dang / nga'adul ba dang 'dul ba ma yin pa'i bye brag mi 'chab pa dang / 9 bzhin gshegs pas dgongs te gsungs pa la mkhas pa yin/ bde bzhin gshegs pas gsungs pa shes 'jig rten gyi phyir 'brang bar bya ba shes de bzhin gshegs pa rtag pa nyid du shes pa sdig pa dang / sdig pa med pa dang / byang chub sems dpa'i bya ba la mkhas pa/ yul dang / dus dang / ye shes dang / bdag gi nus pa dang / rab tu shes pa ste/ mtshan nyid brgyad po de dag dang ldan na/ byang chub sems dpa' gser yin no// mtshan nyid bzhi bcu po de dag dang ldan te/ lus dran pa'i chos dang ldan pa de gang yin pa de ni/ byang chub sems dpa' gser zhes bya'o/ / gang la yon tan bzhi bcu med de/ phyed dam phyed kyi yang byed yod pa de ni/ theg pa chen po la yang dag par bzhugs pa'i rigs kyi bu dang / rigs kyi bu mor rig par bya ste/ byang chub sems dpar brtsi bar ni mi rtogs so// de bas na byang chub sems dpa'i spyod pa ni/ shin tu dka' ba byed pa'o// de la yon tan gyi mchog gang zhe na/ g.yem pa'i 'du shes med cing / rmi lam na yang khu ba mi 'byung ba de ni/ rgyu dang bcas pa'i mir rig par bya ste/ byang chub kyi yan lag thams cad kyi yon tan gyi mchog go// 'jam dpal gzhon nur gyur pas sor mo'i 'phreng ba la 'di skad ces smras so/ / de bzhin gshegs pa'i snying po de bzhin gshegs pa'i snying po zhes bshad pa de'i don ci/ gal te sems can thams cad la de bzhin gshegs ba'i snying po yod na/ sems can thams cad sangs rgyas su gyur te/ sems can thams cad kyis srog gcod pa dang / rdzun du smra ba dang / chang btung ba dang / 'khrig pa dang / mi byin par len pa dang / mi dge ba'i las kyi lam thams cad byar rung ngam/ gal te sangs rgyas kyi dbyings sems can thams cad la yod na/ gang gi tshe bsgral zhing rab tu 'jug par 'gyur/ gal te sangs rgyas kyi dbyings yod na thams cad kyis kyang mtshams med pa dang / 'dod chen po'i las bya bar 'gyur ro// gal te sems can thams cad la bdag gi dbyings yod na// bdag nyid sgrol bar 'gyur te/ las kyi rnam par smin pa la bdag gi dbyings med pas na/ de'i phyir 'jig rten dang / bdag la dbyings med de/ thams cad la bdag med pa de ni/ sangs rgyas kyi bstan pa'o// bcom ldan 'das kyis bka' stsal pa/ sems can thams cad la de bzhin gshegs pa'i snying po yod de/ nyon mongs pa bye bas g.yogs nas/ bum pa'i nang gi mar me bzhin du 'dug go// gzhan yang 'jam dpal 'dul spyong byed pa'i bu cig/ bcom ldan 'das 'od srungs de bzhin gshegs pa dgra bcom pa yang dag par rdzogs pa'i sangs rgyas kyis de 'i nas lo bdun na/ 'khor los sgyur ba'i rgyal po chos dang ldan pa/ chos kyi rgyal por 'gyur ro// nga yang zhag bdun na yongs su mya ngan las 'da'o zhes lung bstan nas/ 'dul sbyong byed pa'i de rab tu dga' ba skyes nas/ bdag ni thams cad mkhyen pas 'khor los sgyur ba'i rgyal por lung bstan te/ gdon mi za bar 'gyur snyam nas dga' ches te/ rang gi ma la smras pa/ ma/ nya dang / sha dang / 'o ma dang / til gyi la du dang / zho dang / do ba dang / khu ba dang / 'bru drus pa dag stsol cig/ stobs chen por bya'o zhes thams cad bsres te zos nas/ dus ma yin pa tsam gyis shi nas bdag nyid shi ba/ bdag nyid kyis nyams par byas nas/ ci bcom ldan 'das de bzhin gshegs pa rdzun gsung ngam/ de ste thams cad mkhyen pa ma yin// 'on tam gang de la 'khor los sgyur ba'i dge ba'i rtsa ba dang / bsod nams rnam par smin pa med dam/ gsol pa/ de sngon las ngan pa bgyis pas gum mo// bcom ldan 'das kyis bka' stsal pa/ 'jam dpal de skad ces ma zer cig/ de ni dus ma yin pa'i tsham bab pa ste/ sngon las ngan pa byas pa ma yin no// bcom ldan 'das de bzhin gshegs pa lung ston pa na/ des sngon las byas pa'i mi mkhyen par lung bstan re skan de ni sngon las ngan pa byas pas shi ba ma yin gyi/ bdag nyid kyis nyes te bdag gis gsad do// 'jam dpal de bzhin du/ skyes pa'am// / bud med kyang rung ste/ gal te de bzhin gshegs pa'i snying po bdag la yod pas/ de nyid sgrol bar 'gyur gyis/ sdig pa bya'o snyam ste/ sdig pa byas na de ci bdag gi dbyings sgrol bar 'gyur ram/ sngar bshad pa bzhin te/ 'dul sbyong byed pa'i bu ltar dbyings yod kyang mi sgrol lo// de ci'i phyir zhe na/ de nyid bag med pa mang ba dag bag med pa'i phyir chos kyi dbyings kyi mi slol lo/ / ci sems can rnams la sangs rgyas kyi dbyings med dam/ sangs rgyas kyi dbyings ni rgyal thabs kyi rnam par smin pa bzhin sems can thams cad la yod do// sangs rgyas brdzun gsung ba yin nam/ sangs rgyas ni brdzun gsung ba ma yin te/ sems can brdzun smra ba rnams bag med par myos shing / bstan pa thos nas kyang / de dag rang gi nyes pas sangs rgyas thob par mi 'gyur ro/ / gsol pa/ sems can thams cad la sngon bgyis pa'i las ma mchis shes bgyi 'am/ bka' stsal pa/ mdo sde las yod ces 'byung mod kyi// thos pa tsam gyis grangs med pa'i yang grangs med par byas pa'i las rnams zad par 'gyur ro/ / de ci'i phyir zhe na/ de bzhin gshegs pa bskal pa bye ba grangs med pa mang po nas// 'jig rten gyi phyir dam bcas te/ bdag grol nas sems can thams cad dgrol lo// bdag brgal nas sems can thams cad bsgrol lo zhes/ de ltar dam bcas pa'i dge ba'i rtsa bas/ de bzhin gshegs pa'i nyi ma'i 'od kyi gzi brjid kyi sa las byas pa ma lus par zad par 'gyur ro// gzhan yang 'di lta ste dper na/ baja ma dpal sprin dang khug rna dang / ba mo'i dri ma dang / nyes pa rnams ni ji tsam du nyi ma ma shar ba de tsam du 'jig rten la sgrib kyi/ nyi ma shar ma thag tu se gol gtogs pa srid kyis zad par 'gyur ro// de bzhin du sdig pa'i phung po grangs med par byas pa yang mdo sde 'di'i nyi ma ma shar ba de tsam du sems can thams cad 'khor ba bye bar kun tu 'khor gyi/ mdo sde 'di'i nyi ma shar ma thag tu sdig pa'i phung po grangs med pa byas pa yang se gol gtogs pa'i srid kyis zad par 'gyur ro/ / de bzhin gshegs pa'i snying po las 'phyas pa 'am/ bstong pa 'am/ kha gcus pa ba ma gzhan gyi phyir 'brang ba 'am/ 'di las phyir rol par gyur pa 'am/ phas pham pa 'am/ mtshams med pa byas par gyur pa/ grangs med par sdig pa byas pa de yang thang cig tsam gyis zad par 'gyur ro/ / de ci'i phyir zhe na/ gang de bzhin gshegs pa shAkya thub pa'i mtshan de thos pa tsam gyis kyang sems ma skyes pa yang byang chub sems dpa' 'gyur ro// de bas na/ de bzhin gshegs pa de'i smod lam gyi bye brag gis bdag dang / 'jig rten gyi phyir bdag grol nas grol lo// 'khor babye ba na gnyid kyis log pa'i sems can rnams dam pa'i chos bas sad par byas te/ 'jam dpal de'i phyir de bzhin gshegs pa'i mtshan thos pas/ byang chub sems dpar 'gyur te/ bdag gnyis kyis nyon mongs pa bye ba bcad pa'i phyir rings par bya'o/ / de las nga yi lus 'dzin par 'gyur ro// 'jam dpal ngas bshad pas/ ngas ni mya ngan gyi zug rngugacad pa'i lam bstan te/ de bzhin gshegs pa ston pa yin gyis/ da khyed kyis nan tan gyis shig ces ngas lam bstan to/ / lam bstan pa rnam pa gnyis te/ rnam pa gnyis gang zhe na/ nyan thos kyi theg pa'i lam dang / byang chub sems dpa'i lam mo// 'de la nyan thos kyi theg pa'i lam zhes bya ba ni 'phags pa'i lam yan lag brgyad pa'o/ / byang chub sems dpa'i lam zhes bya ba ni/ sems can thams cad la de bzhin gshegs pa'i snying po yod do/ / nga yi dbyings su ngas mi g.yo ba thob pa ltar/ bde bar gshegs pas dgongs pa'i tshul gyis nyon mongs pa bye ba gcad par bya'o// gal te ma gcad na nges par 'khor ba'i 'khor lor yongs su 'phyan to zhes mya ngan gyi zug rngugacad pa'i lam ngas bstan to/ / mya ngan ces bya ba ni nyon mongs pa'i don to// gzug rngu 'byin pa zhes bya ba ni de bzhin gshegs pa'i tshig bla dgas so/ / bdag gis nyon mongs pa bye ba gzhom pa ni sman pa ltar bskyug pa dang / bkru ba dang / brtol ba'i don byed pa ste/ khyed kyang rang bzhin gyis ngal bsnyen bkur gyis shig dang / ngas de bzhin gshegs pa'i snying po bshad do zhes bya ba'i don to// da khyed kyis nan tan gyis shig ces bya ba de ni dgongs te gsungs pa'i don to// de bzhin gshegs pa ni ston pa'o zhes bya ba yang skye ba 'di chod cig chod cig/ sangs rgyas 'byung ba ni u dum bA ra'i me tog bzhin no// dad pa phun sum tshogs pa ni gser gyi gram bu bzhin no// de bzhin gshegs pa dgra bcom pa yang dag par rdzogs pa'i sangs rgyas la mnyes par byed pa ni ru sbal zhar ba gnya' shing gi bu gar 'jug pa bzhin no// de bzhin gshegs pa'i snying po mdo sde 'di don med par ma byed cig/ tshe dang 'tsho ba'i 'bras bu yod par gyis shig/ bdag nyid srid pa thams cad dang / nyon mongs pa'i nad thams cad las sgrol cig/ de bas na de bzhin gshegs pa ni ston pa ste/ bsod nams la g.yel bar byed kyang sdig pa la yid mi dga'o// ngas nyan thos kyi theg pa las bstan te/ de bzhin gshegs pa'i snying po ni shin tu rnyed par dka'o// 'jig rten na dpe med de de lta bur shin tu rnyed dka'o// 'jig rten na dpe med kyis/ de bzhin gshegs pa'i snying po la myur du ltos te de ltar gyis shig pa'i don to// sdig pa la mi dga' ba zhes bshad pa de'i don ci/ / de'i don bshad par bya'o// sems ni rang bzhin gyis yongs su dag pa ste/ dge slong rnams mi dge ba'i grogs po sten gyi/ nyes pas dri ma lnga la sogs pa dri ma mang pos mdun du byas shing bskor to/ / dri ma lnga la sogs pa gang zhe na/ 'dod pa dang / sred pa dang / raganod sems mang ba dang / drug pa dang / ngag nyid dang gsum ste/ sargod pa dang the tsom de lnga ni sems sun 'byin pa'o/ / dri ma lnga la sogs te dri ma mang po rnam par dag par bya ba'i phyir brtson par bya'o// sems rang bzhin gyis rnam par dag pa'i dbang du brtson par bya'o// rings pa rings par zhes bya ba ni ji tsam du mdo sde spong bar ma gyur pa dang / ji tsam du 'dod chen por ma gyur pa de tsam du bdag nyid bsgral ba'i phyir brtson par gyis shig/ tshig de'i don ni 'di yin te/ sems bzhin du nyon mongs pa glo bur gyi dri ma bye ba rtsa ba nas brko ba ni/ rings pa rings par zhes bya ba'i tshig gi don to// yid ni chos kyi sngon du 'gro/ yid gtso yid kyi rang bzhin te/ yid ni rab tu dang ba yis// byed pa dang ni smra ba dag de dag bde dang ldan par 'gyur// grib ma bzhin du rjes su 'gro// nyan thos kyi theg pa las yid ces bya ba bstan pa yang de bzhin gshegs pa'i snying po zhes bya ba'i don te/ yid rang bzhin gyis dag pa zhes bya ba de gang yin pa de ni/ de bzhin gshegs pa'i snying po'o// de ni chos thams cad kyi gtso bo ste/ chos thams cad ni de bzhin gshegs pa'i snying po'i rang bzhin no/ / yang yid rab tu dad pas byed pa zhes bya ba ni nyon mongs pa bye ba thams cad bcad de/ bdag gi dbyings bstan nas gang rab tu dang ba ni de bzhin gshegs pa'i snying po nyid do/ / de nas phyis smra ba dang / byed pas zhes bya ba ni sangs rgyas thob nas gang smra ba dang / gang byed pa de thams cad 'jig rten rab tu sgrol ba ste/ de'i tshe ji lta mis grib ma mthong ba bzhin du/ de bzhin gshegs pa'i snying po mthong ngo // de bas na grib ma bzhin du rjes su 'brang ba zhes bya ste/ tshigs su gcad pa de'i don ni 'di'o// yid ni chos kyi sngon du 'gro// yid gtso yid kyi rang bzhin te/ yid ni rab tu 'khrugs pa yis// smras pa dang ni byas pa dag/ de ni bsdug bsngal ldan par 'gyur// shing rta rab tu drangs pa bzhin/ / tshigs su gcad pa de'i don ni nyon mongs pa bye ba'i don to// yid kyang rab tu 'khrugs zhes bya ba ni nyon mongs pa bye bas g.yogs pas 'khrugs shes bya'o// sems gang gyur pa ni de bzhin gshegs pa'i snying po nyon mongs pa bye ba'i nang du zhugs pa'i don to/ / de nas smra ba dang byed pa thams cad sdug bsngal gyi phyir 'gro ste/ shing rta rab tu drangs pa zhes bya ba ni ji ltar 'khor lo ba lang gi rjes su 'gro ba de bzhin du/ sdig pa'i phung pos 'khor ba'i phang lo sems can dmyal ba dang / dud 'gro'i skye gnas su sems can rnams rab tu 'khyam mo// de bas na bsod nams la g.yel bar byed kyang / sdig pa la yid mi dga' ba zhes bya bar grub bo// gzhan yang 'jam dpal ba yi 'o ma la mar yod par rtogs pas mi rnams srub la/ ci'i phyir chu la mi rnams srub ce na/ rdzas med pa'i phyir te/ de bzhin du 'jam dpal de bzhin gshegs pa'i snying po yod pa'i phyir/ mi rnams tshul khrims srung zhing tshangs par spyad pa spyod do/ / gzhan yang 'jam dpal mi gser 'dod pa rtog pa dang ldan pa brag la rko la/ ci'i phyir shing la mi rko// rdo ba gser gyi dbyings yod pa la rko'i// shing ga ser med pa la mau rko'o/ / de bzhin du 'jam dpal dbyings yod pa la rtog pa'i mi rnams bdag sangs rgyas su 'gyur ro snyam ste/ tshul khrims srung zhing tshangs par spyod do// gzhan yang 'jam dpal dbyings med na ni/ tshangs par spyod pa don med par 'gyur ro// lo bye bar chu la bsrubs kyang snum mi 'byung ba de bzhin du/ gal te bdag gi dbyings med no// bdag la chags pas tshangs pa dang / tshul khrims spyod pa rnams don med par 'gyur ro// 'jam dpal gyis gsol pa/ tshangs par spyod pa tshangs par spyod pa zhes bgyi ba de'i don ci lags/ ci'i phyir de bzhin gshegs pas 'dod pa'i yon tan la rol pa spangs/ sor mo'i 'phreng bas kyang gsol pa/ lha dang mi mang po nges par des lhung ba'i chos su mkhyen nas 'dod pa'i 'du shes spangs so// bcom ldan 'das kyis bka' stsal pa/ sor mo'i 'phreng ba de skad ces mazer cig/ sems can thams cad la de bzhin gshegs pa'i snying po yod pas/ sems can thams cad chos kyi spun yin no/ / bud med thams cad ni sring mo yin no// sor mo'i 'phreng bas gsol pa/ rgyal po zas gtsang ma dang lha mo sgyu ma yang lha ma dral na/ ji ltar yab yun du gyur/ bcom ldan 'das kyis bka' stsal pa/ de ni 'jig rten gzhan bsgral ba'i phyir sgyu ma'i bya bas bstan to// 'di lta ste/ rgyal po'i gyad gnyis skugs stong btsugs te/ dam bcas pas gcig la gcig brdeg cing mi btsal ba'i tshul gyis skugs stongs 'phrog par ston pas/ rgyal po dang / 'khor thams cad dga' bar byed na/ 'gro ba rnams kyis de'i bye brag mi shes so/ / de bzhin du sangs rgyas bcom ldan 'das kyis thabs byas te/ yab yum dang / bdag nyid skyes bu brtan por ston te/ de nas phyis 'gro ba mang po yang srid pa'i rgyu mtsho mi bzad pa las sgral na/ sems can rnams kyis de'i bye brag mi shes so// 'di lta ste/ rol mo la 'dus pa'i nang du skyes bu gar mkhan gar byed cing / gar dang gtam gyi tshig su skyes pa dang / bud med dang / ma ning du 'gyur te/ 'gro ba mang po myur du mgu bar byed pa de bzhin du/ sangs rgyas bcom ldan 'das kyis kyang bdag gis lus gar mkhan chen po lta bur lus bstan te/ sems can bye ba mang po sgrol ba/ sems can rnams kyis skyes bu'i thabs su mi shes so// 'di lta ste/ rol mo la 'dus pa'i dbus su sgyu ma byed pas/ bdag nyid rnam pa mang por gcod cing rtse bas 'gro ba mang po dga' bar byas pa yang bsnad pa 'am phog pa yang med do// de bzhin du sgyu ma byed pa ltar bdag nyid sems can mang po la phan par bya ba'i phyir/ bdag nyid sgyu ma sprul pa bstan to// yang 'jam dpal de bzhin gshegs pa ni thams cad mkhyen pa ye shes thams cad ldan pas/ 'jig rten kun la legs pa rab tu gzigs nas/ thog ma med pa tshun chad 'khor bar 'pho zhing 'khyam pa na/ mar ma gyur pa med/ sring mor ma gyur pa med de/ ma yang chung mar gyur/ bran yang phar gyur/ pha yang bran du gyur te/ tshe rabs bye ba mang por 'tsho ba'i 'jig rten na gar mkhan bzhin pas na/ de bzhin gshegs pas tshangs par spyod pa mdzad do// bam po bdun pa ste tha ma'o// // gzhan yang 'jam dpal rang gi dbyings dang lhan cig du 'dod chen po'i rtsed mo byas pa gang chung zad bde ba rang gis bzung ste/ smra ba bzhin du 'gyur ro/ / bdag nyid ma ning du skyes pa na/ bde ba de dang / sdug bsngal gyi phung po 'byung ngo // bud med la yang de bzhin gshegs pa'i snying po yod de/ skyes pa yang de/ bzhin no// bdag nyid kyis bzung nas smra ba bzhin du ci rung bar 'gyur ram/ de'i phyir sems can thams cad kyi dbyings ni dbyings gcig go// tshangs par spyod papa brtsams te/ bdag nyid gzhag pa mi 'gyur ba'i gan du de bzhin gshegs pa phyin to// 'jam dpal gyis gsol pa/ ci'i slad du de bzhin gshegs pas dge bsnyen pa dang / dge bsnyen ma thams cad tshangs par spyod pa la rab tu ma bkod ci'i slad du dge bsnyen dang / dge bsnyen ma dang / dge slong dang / dge slong ma rnams ni ka ba bzhi pa'i khang pa lta bus dam pa'i chos kyi rgyur dpe bstan na/ sdig pa chen po yang rab tu 'byung bar gda' ste/ ci'i slad du dge bsnyen dang dge bsnyen ma dag de ltar sdig pa rab tu dga' bar gyur/ ci'i slad du yang dge bsnyen dang / dge bsnyen ma rnams kyis 'dul ba'i chos bcas/ bcom ldan 'das kyis bka' stsal pa/ 'jam dpal de ni 'du shes gzhan te/ 'jig rten gyi 'du shes kyi ming du btags so/ / de bzhin gshegs pas sems can thams cad sangs rgyas kyi gnas la bkod kyang / sgra gcan zin gyi tshul du 'dzin par mi 'gyur ro// sangs rgyas kyi 'du shes dang / 'jig rten gyi 'du shes kyang tha dad te/ bri ba 'di ni mi dri ba zhes bya'o// 'jam dpal sems can thams cad kyi dbyings yin pas na/ srog gcod pa spangs pa ni sangs rgyas so// rigs kyi bu ji ltar bdag gsod pa ltar/ 'jig rten na srog gcod pa yang de bzhin te/ bdag nyid kyi dbyings 'jom pa'o// 'jam dpal gyis gsol pa/ bcom ldan 'das ci'i slad du sgra gcan// 'dzin bzhin du mtshungs par gzigs la/ bdag nyid kyi dbyings 'chang ba skyon chags pa ya mtshan can rnams chad pas gcad cing bsad par bstan/ bcom ldan 'das kyis bka' stsal pa/ rigs kyi bu de skad ces ma zer cig/ de bzhin gshegs pa ni sgra gcan 'dzin dang mtshungs par gzigs so// 'di lta ste/ 'jam dpal skyes bu chos 'dod pa zhig bdag nyid dus gnyis su za ba las// la la zhig gis bstan te/ zas lan cig par gyur na/ srin bu'i rigs brgyad cu gsod par 'gyur ro// ji ste de ltar gyur na/ de dag la srog gcod pa dag par mi 'gyur ro// gzhan yang 'jam dpal shin tu bde ba 'dod pa'i bde ba de las phyir phyogs pa'i 'phags pa 'dod pa 'jom pa ni bdag gsod pa'o/ / gal te 'phags pa rnams de ltar gyur na/ bdag gsod pa'i sdig par 'gyur ro// gal te 'dod pa'i sems skyes cing gzhan gyi drung du gnas te/ bdag 'dod pa'i sems skyes na/ ji ltar bya zhes ma zer cig/ de ltas ngo tsha ba skye bar 'gyur ro// nga yi lus gcig yod kyang rung med kyang rung / dpa' bo ltar 'dug pas bdag gsod pa ni/ bdag gi khams 'jom par 'gyur ram/ de ma lags so// bcom ldan 'das de ni bsod nams kyi phung po'o// de bzhin du 'jam dpal 'phags pa yang 'di ltar bdag gsod de/ de ci'i phyir zhe na/ nyon mongs pa'i dug gi phyir te/ gzhan gsod par ni mi 'gyur ro// sangs rgyas kyi chos kyi tshig ni spyan chags pa'i ya mtshan can dam pa'i chos 'jig pa rnams bdag gi nyon mongs pa mi bzad pa ltar/ de dag med par byed cing tshul ma yin par gnod pa'ang byed du 'jug ste/ de dag ni bdag la mchod pa yin no/ / ji ltar bdag sdug pas 'dod pa dang / bde ba dang / zas dang / srog 'dor ba de bzhin du bdag spongs par 'dod pas/ skyon chags pa'i ya mtshan can rnams chad pas gcod pa de ni// de bzhin gshegs pa'i snying por rig pa yin no// 'jam dpal gyis gsol pa/ ci de bzhin gshegs pa'i snying po'i slad du/ sangs rgyas rnams sha migasol lam/ bcom ldan 'das kyis bka' stsal pa/ 'jam dpal shin tu de bzhin te/ thog ma dang tha ma med pa'i khor bar 'khor ba'i tshe rabs de bdag la sems can thams cad mar ma gyur pa dang / sring mor ma gyur pa gang yang med do/ / khyir gyur pa yang bar gyur te/ 'tsho ba'i 'jig rten ni bro mkhan bzhin no// de bas na bdag gi sha dang / gzhan gyi sha yang sha gcig pa yin pas/ sangs rgyas rnams sha mi gsol lo/ / gzhan yang 'jam dpal sems can thams cad kyi dbyings ni chos kyi dbyings te/ dbyings gcig tu gyur pa'i sha za bar gyur pas/ sangs rgyas rnams sha mi gsol lo// 'jam dpal gyis gsol pa/ sbrang rtsi dang / dung dang lham dang / dar gyi srin bu la sogs pa rang gi dbyings kyi sha ma lags sam/ bcom ldan 'das kyis bka' stsal pa/ 'jam dpal de skad ma zer cig/ sangs rgyas ni 'jig rten pa thams cad kyi lus spangs pa yin te/ sangs rgyas ni zang zing med pa yin na/ chags pa'i rdzas ci la yang sten pa de ni gnas ma yin te/ zang zing la sten pa ni thabs kyi chos nyid do/ / 'di rdzas cig nas gcig tu 'ongs pa la bsnyen par byed de/ rdzas gang nas 'byung ba de dang der bsnyen par mi bya'o// gsod pa'i lag ma yin par gcig nas gcig tu 'ongs pa ni bsnyen du rung ngo / / 'jam dpal gyis gsol pa/ tshong dus gcig na lham mkhan gyi ko ba las lham drubs te/ de bzhin gshegs pa dgra bcom pa yang dag par rdzogs pa'i sangs rgyas la phul na/ gcig nas gcig tu 'chis pa de bzhes sam/ 'jam dpal gyis gsol pa/ gal te ma he rang chos bzhin du gum nas/ ma he bdag po gdol pa las/ ko ba blangs te/ lham mkhan stsal nas lham du drubs te/ tshul khrims dang ldan pa la stsal na/ de gcig nas gcig tu mchis pa lags sam/ bcom ldan 'das kyis bka' stsal pa/ ma he chos bzhin du shi bar gyur la/ ma he bdag pos lham 'drub du bcug nas/ tshul khrims dang ldan pa la byin na blang bar bya 'am/ 'on te ma blangs na dge slong dang 'thun nam/ snying rje med pa yin teng tshul khrims ral bar mi 'gyur ba ma yin no/ / 'jam dpal gyis gsol pa/ rmo bko ba yang bgyir mi rung ngo // chu mi gtsang bas btsos pa'i zas kyang mi blang ngo / de ltar lags na dge slong dag la de lta bu gda'o// bcom ldan 'das kyis bka' stsal pa// de ni 'jig rten gyi 'du shes zhes bya ste// gal te dge bsnyen yod na ni zas dang skom chu gtsang ba dang sbyor gcig/ gang na dge bsnyen yod par rmo bko mi bya'o// gang na dge bsnyen med pa der sangs rgyas kyis kyang ji ltar bya/ thang la yang srog chags yod/ chu'i nang na yang srog chags yod// nam mkha' la yang srog chags yod do// gal te de ltar rnam par dag pa grub pa rnams la sdig par mi 'gyur ro ram/ rnam par dag pa grub pa de dag ji ltar rgyu/ de ni 'jig rten na mi dri ba zhes bya ba'i dri ba'o/ / 'jam dpal gyis gsol pa/ bcom ldan 'das 'jig rten pa'ang ring zhig tshud chad bdag nyid sha za ba la mi gnas so// bcom ldan 'das kyis bka' stsal pa/ gang 'jig rten pa la sangs rgyas kyi tshig dang 'thun pa yod pa de yang thams cad du thams cad sangs rgyas kyi tshig tu rig par bya'o// 'jam dpal 'jig rten pa rnams kyang thar brjod do// de dag la thar pa med kyi/ bcom ldan 'das kyi bstan pa la thar pa yod do// de dag la yang rab tu 'byung ba yod de/ de dag gi rab tu 'byung ba ma yin no// bcom ldan 'das kyi bstan pa la ni rab tu 'byung ba yod do/ / 'jig rten pa la yang sha za ba ni bdag nyid za ba'o zhes brjod de/ de yang bdag nyid kyi sha la mi za ste/ bcom ldan 'das kyi bstan pa la ni bdag nyid kyi sha la za bar nges so/ / 'jam dpal 'jig rten du ya mtshan can thams cad 'byung ba/ mdo sde 'di las bstan pa nyan 'dod dam/ gsol pa/ bcom ldan 'das 'tshal lo// bcom ldan 'das kyis bka' stsal pa/ 'jam dpal sngon 'das pa'i dus na byung ba grangs med pa'i bskal pa bas kyang ches grangs med pa/ bskal pa yangs pabs ches yangs pa/ dpag tu med pa bas kyang ches dpag tu med pa de'i tshe de'i dus na/ de bzhin gshegs pa ko san ta bzang po zhes bya ba 'jig rten du grong 'dir byung ste/ de'i tshe ya mtshan can med cing ya mtshan can gyi ming yang med do sems can theg pa chen po par gyur te/ sems can rnams shin tu bde ba dang ldan par gyur to// de'i tshe de bzhin gshegs pa de 'jig rten gyi khams 'dir lo mang du bzhugs nas yongs su mya ngan las 'das so/ / yongs su mya ngan las 'das pa'i bstan pa yang lo mang du gnas nas/ dam pa'i chos nub par gyur pa'i tshe/ dge slong tshul khrims dang ldan pa bri ba'i dus na chos ma yin pa'i phyogs 'phel ba'i tshe/ dge slong sangs rgyas kyi blo gros zhes bya ba zhig dgon pa na gnas te/ dge slong de la sems can dge ba'i rtsa ba dang ldan pa gcig gis rin thang med pa'i gos byin nas/ dge slong des rjes su gzung ba'i phyir blangs te/ i shin 'dar ba'i drung nas par bstan te song ba dang // i shin 'da' mis// gos de mthong nas sems bzlog ste/ nub mo mun khung na dge slong de'i thad du song ste/ gos de phrogs nas ri khrod du khrid de gcer bur byung nas/ shing la lag pa gyen du dam pa bcings te song ngo / / de'i nub mo mun khung na me tog thu ba'i bram ze skon pa thogs te/ 'brog dgon par 'ongs nas nam nangs te/ tsam pa ka zhig gi drung na stag 'dug pas skrag ste/ stag des bsad la thug pa dang / ci thar du bros te bdag nyid rab tu mi dga' zhing song song na/ dge sbyong gcer bur bcings pa mthong nas/ kye ma dge sbyong dgon pa pa/ ngur smrig can 'dir 'ongs na/ ngur smrig rgyal mtshan gyis ni thar par mi 'gyur ba lta zhig snyam ste/ lag pa bsgreng nas gcer bur byung la/ dka' thub spyod par bya'o snyam nas/ lam 'di nges par thar pa'i lam du legs par grub pa yin nam/ zhes dam pa'i chos zhig pa'i phyir bdag gi gos ngan pa bor te/ sgra btogs nas mgo rig gtsor bu pa'i dge sbyong du gyur te/ de las dge sbyong gcer bu pa byung ngo / / dge slong de bdag nyid bcings pa khrol nas/ shing shun blangs te sa ser pos byugs nas/ thang la 'gro ba bram ze zhig gis mthong nas/ sngar bshad pa bzhin du mthong ba dang / 'di na ngur smrig gyon pa'i dge sbyong ste/ ngur smrig bor la btsag gis byugs te song na/ thar pa'i lam ni 'di yin pa snyam ste/ 'di ni dge bar 'gro ba 'am/ ci zhes de kun tu rgyu bar gyur te/ de las mur 'dug kun tu brgyu ba byung ngo / / dge slong phye ma red chur zhugs te/ rang gi klad pa'i rma chus bkrus nas/ skra 'jam pos klad pa'i rma g.yogs te/ sbrul bsad pa'i ras ba lang rdzis bor ba gyon te/ khrus byed pa de skyes bu shing bu ba gzhan zhig gis mthong ste/ snga ma ltar dge slong de nyon mongs pa mthong nas/ dge sbyong 'di ni ngur smrig gyon te/ rgyal mtshan ngur smrig gis ni thar par mi 'gyur ba snyam du bsams nas/ ral pa ring por byas te/ rtsa gos gon nas dus gsum du khrus byed pa'i dka' thub spyod pa yid la bzung nas/ de dge ba yin nam zhes 'di nyid thar pa'i lam ste/ gzhan ma yin no zhes dka' thub can du gyur te/ de tshun chad ya mtshan can dka' thub byed pa byung ngo // dge slong de tshur zhugs te rma mang po thams cad la rnag gis yog ste/ rang gi lus rdul gyis gang zhing sbrang ma 'du zhing / dge slong de skra 'jam pos g.yogs pa mthong nas/ mur 'dug spyod pa dang / phyugs bdag pa rnams de ltar byung ngo // dge slong de ba lang gi lci ba yang ke ma'i me bus te/ bsro ba skyes bu nyon mongs pa gzhan zhig gis mthong nas/ ba lang gi lci ba'i ral bu can thog ma de nas byung ngo // dge slong de rma la sdug bsngal reg par shes nas/ dpa' bo ltar 'dug pa/ skyes bu nyon mongs pa gzhan zhig gis snga ma bzhin du mthong ste/ ngur smrig gyon pa ni thar bar mi 'gyur ro snyam nas/ ci legs par 'gro 'am snyam ste mi yo ba'i sar 'gro ba thar pa yin snyam du bsams nas/ mi g.yo ba'i sa mya ngan du 'gro bar gyur to// de ltar ya mtshan can dgu bcu rtsa drug gi lta bar gyur pa rnams kyang so so nas der lhag te/ dge slong de ci dang ci lta ba mthong nas/ log pa'i lta bas gzhan dang gzhan du brtags so// 'di lta ste dper na/ phan tshun du ri dgas su mthong nas ri dgas gsad snyam du bsam te/ gcig la gcig gsod pa de bzhin du ya mtshan can dgu bcu rtsa drug kyang de ltar byung ngo / / dper na dbyar zla ra ba la ri dgas rnams smig rgyu ba la chu yin snyam du bsams te/ mchi bar 'gyur ba de bzhin du dam pa'i chos nub par 'gyur ba'i dus na/ dge slong gi gzhi las gzhan du 'gyur te/ 'jam dpal de ltar 'jig rten pa'i tshul khrims dang / spyod pa dang / bya ba'i mchog thams cad kyang sangs rgyas kyi sprul pa'o/ / dam pa'i chos nub par 'gyur ba'i dus na/ de lta bu byung na chos nub par 'gyur ro// 'jam dpal de bzhin du bdag gi de kho na ni 'di 'dra de 'dra'o// zhes log par lta ba bzhin du/ 'di lta ste/ thar pa dang / bdag dang / 'jig rten las 'das pa'ang ldem po ngag mi shes pas/ bdag med pa sangs rgyas kyi tshig go zhes mur 'dug byung ba ltar rnam par rtog go// rjes su dpag pas tshugs pa'i 'jig rten pa la yang gti mug gi chos kyi dbang du song ngo / / 'jig rten las 'das pa la yang ldem po ngag tu bshad pa mi shes pas/ shes pa nyams te de'i phyir phyogs gnyis spangs te/ bdag tu rtogs pa'i chos kyi de kho na nyid dang / de bzhin gshegs pa dang / dge 'dun gyi de bzhin gnyid ni de bzhin gshegs pa'i theg pa dbu ma'i lam du bstan to// dbu ma'i lam zhes bya ba ni theg pa chen po'i bla dgas so// sor mo'i 'phreng bas smras pa/ dbu ma'i lam mi shes pas/ sems can rnams dbu ma'i lam gzhan du rtag go// bcom ldan 'das kyis bka' stsal pa/ sor mo'i 'phreng bas mdo sde 'di bshad pa thos nas/ sems can mang du mdo sde 'di la yid ches par 'gyur ro// ma 'ongs pa'i dus na sems can mang du mdo sde 'di la smod par 'gyur ro/ / sor mo'i 'phreng bas gsol pa/ bcom ldan 'das phyogs gang du mdo sde la smod pa ji snyed 'byung ba dang / 'dod chen pa ji snyed 'byung ba bshad du gsol phyogs gang du sems can thams cad la phan par 'gyur ba ston pa yang de bzhin gshegs pas bshad du gsol/ bcom ldan 'das kyis bka' stsal pa/ ma 'ongs pa'i dus na yul gyis dbus 'dir mdo sde la smod pa'i sems can bye ba brgya stong phrag dgu bcu rtsa brgyad 'byung ngo / / 'dod chen pa bye ba phrag bdun 'byung ngo // shar phyogs su mdo sde la smod pa stong phrag dgu bcu rtsa brgyad 'byung ngo / / 'dod chen pa bye ba phrag bdun 'byung ngo // lho phyogs su mdo sde la spyod pa stong phrag dgu bcu rtsa brgyad 'byung ngo // 'dod chen pa bye ba phrag drug cu 'byung ngo / / nub phyogs su mdo sde la sdod pa bye ba brgya phrag dgu bcu rtsa dgu 'byung ngo // byang phyogs su mdo sde la smod pa bye ba phrag dgu bcu rtsa brgyad 'byung ngo // 'dod chen pa bye ba phrag bzhi bcu 'byung ngo / / kha che ba'i yul du yang nga'i bstan pa glegs pa ma lhag ma'i mdzod dang gter mi stor ro// b+ha ru ka tsar yang nga'i glegs bam lhag ma'i mdzod du 'gyur ro// ri b+ha ni d+h+ya la yang de bzhin no/ / kha che yul gyi dge slong rnams bsgrubs pa'i don mi shes nas/ theg pa chen po thams cad la smod pa 'byung ste/ nga la bskur ba de ji lta bya zhes nga yang ngo tsha ba skye'o// lho phyogs pa'i rgyud tu theg pa chen po ston par 'gyur te/ nan tan snying por byed pa de bzhin gshegs pa'i spyad pa spyod pa/ dngos po chen po brgyad dang bral ba/ de bzhin gshegs brtag pa dang / ther zug dang // zhi ba dang de bzhin gshegs pa'i snying po bstan pa'o zhes ston par 'gyur ro// nga yi nyan thos dge slong dang / dge slong ma dang / dge snyen dang / dge bsnyen ma rnams nan tan snying por byed par 'gyur ro/ / nga yi bstan pa khur du thogs par 'gyur ro// 'jam dpal gyis gsol pa/ kye sa bcom ldan 'das lho phyogs su bcom ldan 'das kyi bstan pa gnas par 'gyur ram/ bcom ldan 'das kyis bka' stsal pa/ 'jam dpal de bzhin te/ lho phyogs pa'i rgyud du nga yi bstan pa lo du ma zhig gnas par 'gyur ro// khyod lta bu shin tu dka' ba byed pa'i byang chub sems dpa' rnams rang gi srog btang nas/ de bzhin gshegs pa rtag pa dang / de bzhin gshegs pa ther zug dang / de bzhin gshegs pa g.yung drung ngo zhes sems can thams cad la phan par bya ba'i phyir/ de bzhin gshegs pa'i snying po ston par 'gyur te/ dper na de bzhin gshegs pa thams cad 'jig rten gyi khams 'dir rgyal srid chen po mi bzhed cing khur chen po thogs te/ stong gsum pa rnams bsgral lo zhes bskal pa bye ba mang por bskal pa de bzhin du/ nga yi nyan thos thams cad kyang bskal pa bye ba mang por nga'i dam pa'i chos nub par 'gyur ba'i dus na/ nam dam pa'i chos lo brgyad cu'i bar du gnas par 'gyur ba'i tshe/ dam pa'i chos kyi khur khyer bar 'dod do// yang 'jam dpal khyod lta bu ni dam pa'i chos lo brgyad cu'i bar du gnas par 'gyur ba'i tshe/ dam pa'i chos kyis khur chen po khyer te/ bdag gis dam pa'i chos phrag la bkur ro snyam nas/ 'dzam bu gling dang / gling phran thams cad kyi sems can rnams la/ de bzhin gshegs pa'i snying po rtag pa ther zug zhi ba/ g.yung drung yin no zhes rang gi srog kyang btang ste/ rab tu bstan par bya'o// sems can rnams yid ches kyang rung mi ches kyang rung / nga'i lus bsad dam/ dum bur byas kyang rung / gdod bdag gi lus rtag pa'i skur 'gyur te/ khur khyer ba rab tu dka' ba byed pa'i byang chub sems dpa' rnams lho phyogs kyi rgyud nas 'byung ngo / / nga'i nyan thos de lta bu dang / khyod la sogs pa sems can bye ba mang po yod de/ de'i phyir lho phyog rgyud kyi rab tu bsngags so// nga'i chos tha ma der ston par 'gyur te/ byang chub sems dpa' de dag gi mthu dang / gzi brjid kyis 'dzam bu gling gi skye bo ma lus par 'dzem pa dang / 'jigs pa dang / nga rgyal gyi rgyus na tan du byed par 'gyur ro/ / 'di lta ste dper na/ rgyal po dag rgyal po gzhan gyis khrims byas pa thos nas/ bdag nyid kyang skye dgu skyong ba de bzhin du/ kha che'i yul gyi 'khor dang yul b+ha ru ka tsa ba rnams kyang ngo tsha ba dang / nga rgyal bskyed nas theg pa chen pos 'jigs shing skrag pas gsangs te bston par 'gyur gyi/ de dag de bzhin gshegs pa'i snying po ston par mi 'gyur ro/ / 'jam dpal 'di lta ste dper na/ sog bur gyi phung po'i nang du me bcug na/ srog ma'i phung po'i dbus tshig pa'i lhag ma lus te/ mtha' 'khor mi tshig pa de bzhin du/ 'jam dpal dang por bskyes pa'i sa na nan tan lhur byed pa zhig ste/ tshig pa las lho phyogs kyi rgyud du lhag ma lus te/ mtha' 'khor na gnas pa'i sa der byang chub sems dpa' skyes nas/ dam pa'i chos 'byin par 'gyur ba der rdzogs pa'i sangs rgyas snang bar grags pa yin no// de nas lha'i dbang po brgya byin sum cu rtsa gsum pa'i g.yog mang po dang bcas te/ de bzhin gshegs pa dgra bcom pa yang dag par rdzogs pa'i sangs rgyas kyi zhabs la mgo bos phyag 'tshal nas/ lha'i mchod pa chen po byas te/ bcom ldan 'das la 'di skad ces gsol to/ / bcom ldan 'das bdag gis mdo sde 'di bsrung zhing rjes su gtad par bgyi'o// sems can thams cad la thugs brtse ba'i slad du/ de bzhin gshegs pas mdo sde 'di'i ming bstan du gsol/ bcom ldan 'das kyis bka' stsal pa/ ko'u shi ka mdo sde 'di'i ming sor mo'i 'phreng ba la phan pa zhes bya bar bzung shig/ ko'u shi ka mdo sde 'di ni 'jig rten na shin tu rnyed par dka' ste/ u dum bA ra'i me tog bzhin no// de nas dbang po'i bu thu bo mngon du kho zhes bya ba sdug pa dga' ba yid du 'ong ba des/ bcom ldan 'das kyi zhabs la mgo bong phyag 'tshal nas/ 'di skad ces gsol to// bcom ldan 'das ji ltar bdag gi pha namA lha ma yin dang 'thab pa'i tshe/ kha lo sgyur ba bsam 'dzin pa zhes bgyi ba la lha rnams 'phel ba dang / lha ma yin pas par 'gyur ba de ltar shing rta drongs shig ces bgyi ba dang / lha gzhan du ma dgongs shig/ bdag ni snga 'du ma ste/ khyod ni slad kyis so// grub kyang rung ma grub kyang rung ste bdag gi srog kyang bor gzhan dang mdza' ba yang spangs nas/ go cha chen po bgos pa de bzhin du/ bcom ldan 'das bdag kyang ma mchis pa'i dus na dam pa'i chos lo brgyad cu'i bar du gnas par 'gyur ba de'i tshe/ bdag kyang byang chub sems dpa' gang de bzhin gshegs pa rtag pa nyid dang / ther zug nyid dang / g.yung drung nyid du de bzhin gshegs pa'i snying po ston pa las de slad kyis snyam du sems skyes te/ de bzhin gshegs pa'i snying po bstan par bya ba'i bstan pa'i sems can mang por mi 'dug gis/ da ni mi bstan to// snyam ste/ de'i thabs byas pa thos nas/ bdag kyang skyes bu bsam 'dzin ces bgyi ba de 'dra bar chos kyi shing rta sbyar te/ ci nas kyang de bzhin gshegs pa'i snying po rtag pa nyid dang / ther zug pa nyid dang / g.yung drung nyid dang / zhi ba nyid du 'jig rten du rgyas par 'gyur ba de ltar bdag gi srog kyang btang ste/ bdag gi dge slong gi tshul gyis bstan cing bskal pa thams cad du/ rnam par dag par bgyis par gyur cig/ de nas dbang po'i bu mang po dang / bud med dang / bu mo dang / lha gzhan dag gis bcom ldan 'das kyis zhabs la mgo bos phyag 'tshal nas/ bcom ldan 'das bdag cag kyang srog kyang btang ste/ dge slong gi tshul dang / dge slong ma'i tshul dang / dge bsnyen gyi tshul dang / dge bsnyen ma'i tshul gyis skyes bu dam pa de'i g.yog 'tshal / lo bcom ldan 'das kyis bka' stsal pa/ legs so legs so// rigs kyi bu dam pa'i chos 'dod pa khyed thams cad de bzhin gyis shig/ ngas kyang gang dam pa'i chos 'dod pa de dag bsrung bar bya'o/ / de dag gi thad du nga rtag tu 'chag cing gnas so// khyed rnams ci nas kyang kha lo sgyur ba dang / nga'i byas pa shes shing brtan par gyis la/ de nas khyed thams cad kyis rtag pa'i gnas ni/ de bzhin gshegs pa'i gnas yin no zhes ston cig/ de nas yul mdzod 'dzin gyi rgyal po gas la rgyal gyis/ blon po dang / dmag dpon la sgo ba/ dpung gi tshogs kyi yan lag bzhi dang lhan cig dong la/ mi'i gzugs su srin po'i mi nyis stong du gcig gis mi tshang ba bsad de/ sor mo'i 'phreng ba byas nas/ khrag gis bskus shing stobs dang / rtsal chen po rab tu 'khyam zhing grong khyer 'di nas/ gnag pa'i dgongs bzhi bcu tsam na 'dug cing / bdag gi ma yang der bsad de/ mi nyis stong du tshang bar bya'o snyam nas/ de rab tu dga'o zhes khrag gis ma rungs pa sdig can gtum po 'di bsad na/ gdod bdag cag grong dang grong khyer dang / ri khrod kyi grong dang / lung pa'i gnas na dmag mi thams cad rang gi khyim nas 'byung ngo / / de bas na bya khras bya rog dang / bya bran skrag pa bzhin du bdag cag gi skye bo thams cad dang / shing thun dang / tsarnga ba dang / yul gzhan gyi mi dang / skye bo 'dron pa'i rnam kyang de'i ming tsam gyis mi rgyud zhing mi smra bar gyur cing 'dug gis myur du sbron pa bye ste/ yul mdzod 'dzin gyi rgyal po gsal rgyal yan lag bzhi pa'i dpung gi tshogs dang lhan cig tu chas te/ srin po ma rungs pa gtum po sor mo'i 'phreng ba bsad par byon gyis/ bklags pa thams cad kyang ral gri dang / gzhu dang / rdo rje rtse gcig pa dang / mdung thung dang / phub lag na thogs te mtshon cha dang / lag cha thams cad rnon por byos te/ legs par chos la shog shig/ gang gis srin po ma rungs pa sor mo'i 'phreng ba bsad dam mtshon gyis btab bam pa glang gzhon pa dag smras sam/ gang dag smras kyang g.yul las phyir mi ldog na/ ba glang 'dod na yang ba glang gi mchog sbyin no// rta 'dod na yang rta bzhon pa sbyin no gser 'dod na yang gser dang / gser gyi dong tshe dang / zho nams ya sbyin no// dngul 'dod na yang dngul sa ya sbyin no// rdo rje dang / nor bu dang / dung dang / man shel dang byi ru dang / rin po che sna bdun sa ya snyed sbyin no// gos 'dod pa la yang lha'i gos dang / dar dang ras phran ko tam pa dang / yul 'bang ka'i ras dang / yul ma du ra dang / ba ru ga tsa dang bi ring dra dang / lho phyogs pa dang / sang ka shi ka dang / ku ru ban tsha ra'i ras ba ma rnam pa mang po sbyin no// zhing dor dang / grong dang / ma he dang / bud med 'dod pa'ang thams cad kyi mchog sbyin no zhes bsgrags so/ / de nas sor mo'i 'phreng ba'i ming tsam gyis zham ring ba la gtog pa skrag ste/ gcig kyang phyir ma byung ngo // btsun mo'i 'khor dang / zham ring ba yang khyi dang / 'dra bar gzhan gyi dbang du gyur pas/ 'tsho ba 'chi ba la thug par gyur te/ rang rang gi lag cha thogs nas/ ba glang ba dang / rta pa dang / dpung bu chung ba rnams rab tu brgyan te/ rgyal po ga la der 'ongs so/ / de nas btsun mo yang kyi hud 'bod cing / sdig can de'i gan du ma bzhud cig/ skye bo thams cad dang / gzhan gyi yul 'khor rnams ni ma mchis kyang mi mdo yi/ lha la chung pad nongs pa byung nga re/ de nas mo 'debs pa dang / lo rtsi ba dang / bdun na 'don pa dang / rig pa dang / ltas 'debs pa rnams la/ sor mo'i 'phreng ba de ring sod dam mi sod dris na mo 'debs pa dang / lo rtsi ba rnams kyi de ring sor mo'i 'phreng ba thal bar 'gyur ro zhes smras so// de nas rgyal po de dag gi tshig la yid ma ches nas/ bcom ldan 'das ga la ba der yan lag bzhi'i dpung gi tshogs kyi dmag dang lhan cig tu song ste phyin nas/ bcom ldan 'das kyi zhabs la mgo bos phyag 'tshal te/ rgyal po'i snying 'jigs shing skrag pas gdong dang / ra pral brdul te phyogs gcig tu 'dug go// de nas bcom ldan 'das thams cad mkhyen pa'i ye shes thams cad dang ldan pas/ yul mdzod 'dzin gyi rgyal po gsal rgyal la 'di skad ces bka' stsal to/ / rgyal po chen po khyod kyi gdong dang dpral ba rab tu rdul na cig/ rgyal pos gsol pa/ lag pa 'di rkang pa 'di lags na/ bcom ldan 'das sor mo'i 'phreng ba zhes bgyi ba srin po mi stong dgu brgya bkum nas/ sor mo'i 'phreng ba brgyus te 'phreng ba thogs nas/ bdag dang 'thab ces sdod cing mchis so// bdag la 'du ba thams cad kyi sgo yang bcad do/ / shing a sho ka'i drung na gcig po mchis pa/ bya rog dang khra 'khor ba de'i ming tsam gyis skrag te/ bdag gis gsol pa de lags so// bcom ldan 'das kyis mdzod 'dzin gyi rgyal po gsal rgyal la 'di skad ces bka' stsal to/ / rgyal po chen po ci 'thab mo byed par 'dod dam/ rgyal pos gsol pa/ bcom ldan 'das kyi zhal snga nas tshad ma lags so/ / bcom ldan 'das kyis bka' stsal pa/ rgyal po chen po nga'ang 'gro 'am/ rgyal pos gsol pa/ bcom ldan 'das gshegs so zhes bka' stsal pa ni/ sems can mang po la skal pa mchis pa lta ste/ da ni sor mo'i 'phreng ba de yang gum lags so// bcom ldan 'das kyis bka' stsal pa/ rgyal po chen po gal te sor mo'i 'phreng ba 'dir 'ongs na ji ltar bya/ de nas yan lag bzhi pa'i dpung gi tshogs snying rab tu dngang skrag nas/ rgyal pos de bzhin gshegs pa'i che ba'i bdag nyid shes pas snying dga' ste/ mi 'jigs nas / rgyal pos gsol pa/ sor mo'i 'phreng ba gal te 'dir mchis na gcig lus par 'gyur lag sa grang / de nas bcom ldan 'das kyis mdzod 'dzin gyi rgyal po gsal rgyal la bka' stsal pa/ rgyal po chen po sor mo'i 'phreng ba 'di'i dpal la ltos// de nas mdzod 'dzin gyi rgyal po gsal rgyal gyis/ sor mo'i 'phreng ba la ring zhig tu mig mi 'dzums par bltas na/ sor mo'i 'phreng ba'i mig dmar la bdag nyid che'i gzugs mthong nas/ mdzod 'dzin gyi rgyal po gsal rgyal shin tu 'jigs shing skrag te/ ba spu'ang langs nas yi dgas 'dul ba ltar go cha rnams zhig cing mtshon thams cad shubs nas phyung ste/ mda' ste'u ka ltar thams cad du lhung ba yang / byi la ltar de bzhin gshegs pa'i seng ge'i khri'i drung du mchis so// de bzhin gshegs pa sgra gcan zin bzhin du snyoms par gzigs la skyabs su mchi'o/ / de nas yan lag bzhi pa'i dpung gi tshogs thams cad sgra de thos na/ glang po dang / rta dang / pa glang dang / rkang thang pa'i dmag de rnams sde gyes pa bzhin du nyams te/ la la ni rgyal/ la la ni 'gyel/ la la ni 'chi la thug par gyur to// de nas bcom ldan 'das kyis mdzod 'dzin gyi rgyal po gsal rgyal la bka' stsal pa/ rgyal po chen po tshigs su bcad pa 'di nyon cig dang / gnod pa med par 'gyur gyis ma skrag shig/ gang zhig snga na bag med pa/ bag yod par ni phyis 'gyur na/ sprin las byung ba'i zla ba bzhin/ 'jig rten 'di na snang bar byed// de nas bcom ldan 'das kyis skye bo thams cad dbugs dbyung ba'i phyir/ 'jigs pa med pa'i rnam pa zhes bya ba'i 'od gzer btang ste/ sems can gang 'od gzer des reg pa'i sems can de dag thams cad bde bar gyur to// mdzod 'dzin gyi rgyal bo gsal rgyal gyi btsun mo'i 'khor dang / bu dang / grong gi skye bo sems can thams cad de bzhin gshegs pas/ sor mo'i 'phreng ba btul lo snyam ste thams cad der lhags so// nas rgyal po gsal rgyal gyis/ bcom ldan 'das la 'di skad ces gsol to// kye ma'o bcom ldan 'das ni mi 'dul zhing kha lo sgyur ba/ lha dang mir bcas pa rnams ston pas/ sdig pa'i chos can 'di lta bu yang dam pa'i chos la bzhag pas na/ kye ma bcom ldan 'das ni 'jig rten thams cad la phan par mdzad pa'o// bcom ldan 'das kyis bka' stsal pa byang chub sems dpa' sems dpa' chen po brtan pas sngar bag med pa lta bur bstan la/ phyis bdag gi che ba nyid kyang ston pas/ de 'jig rten na sprin las grol ba'i zla ba lta bur mdzes par gyur te/ sems can bye ba mang po bsgral nas/ de bzhin gshegs pa'i che ba nyid kyang ston to// rgyal po chen po sor mo'i 'phreng ba ni sdig can ma yin te/ thabs 'chang ba'i byang chub sems dpa' sems dpa' chen po zhes bya'o/ / rgyal po chen pos gsol pa/ mkhan po'i mchis brang dang lhan cig tu las ngan pa spyod cing / mkhan po'i dmod pa'i chos kyi 'drer gyur na/ ci'i slad du sdig par mi 'gyur/ bcom ldan 'das kyis bka' stsal pa/ sor mo'i 'phreng ba mkhan po'i chung ma dang lhan cig tu las ngan pa spyod pa ma yin gyi/ mkhan po'i chung mas gzugs mthong nas/ sems gyur te/ sdig pa rab tu byed pa ltar mkhan po'i chos kyis rtse bar thams cad rtog par 'gyur ro// rgyal po chen po de'i phyir byang chub sems dpa' ni 'di lta ste dper na/ glang po che brdeg pa ni bong bus mi bzod do// de bzhin du rgyal po chen pos de bzhin gshegs pa mi'i mchog glang po chos dgongs te/ gsungs pa'i/ gsang ba'i so sa phog pa'ang nyan thos dang / rang sangs rgyas thams cad kyis mi bzod do// de ltar na/ de bzhin gshegs pas dgongs te/ gsungs pa'i gsang bas phog pa'ang de bzhin gshegs pa nyid kyis bzod do/ / rgyal po chen po sangs rgyas kyi zhing 'di nas/ lho phyogs logs su gang+gA'i klung drug cu rtsa gnyis kyi bye ma snyed kyi sadra rgyas kyi zhing 'das pa na/ 'jig rten gyi khams rin po che thams cad kyis brgyan pa zhes bya ba'i 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad mthong na dga' ba mngon par 'phags pa brtson pa chen po zhes bya ba da ltar bzhugs pa 'tsho zhing gzhes te/ de na nyan thos dang / rang sangs rgyas thams cad kyang med/ theg pa cig las theg pa gzhan gyi ming yang med/ rga ba dang / na ba dang / sdug bsngal yang med/ yid mi bde ba yang med/ rab tu bde ba thams cad dang ldan te/ sems can de dag tshe dpag tu med/ sems can de dag thams cad kyi gzi brjid dang / kha dog tshad med de/ 'gro ba de dag gi dpe dang / rgyu ba dang / byed pa med pa dang / 'jig rten gyi khams rin po che thams cad kyis brgyan pa lta bu dpe med de/ de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad mthong na dga' ba mngon par 'phags pa brtson pa chen po de la/ rgyal po chen po thal mo sbyor la rjes su yi rang bgyis shig/ de bzhin gshegs pa de ni sor mo'i 'phreng ba 'di nyid yin te/ de ltar na sangs rgyas kyi che ba de 'dra ste/ sangs rgyas kyi yul ni bsam gyis mi khyab po// de nas lha dang / mi dang / lha ma yin du bcas pa rnams dang / nyan thos dang / byang chub sems dpa' rnams dang / mdzod 'dzin gyi rgyal po gsal rgyal dang / yan lag bzhi pa'i dpung gi tshogs dang bcas pas mo 'debs pa dang / lo rtsi ba rnams la kye ma brdzun smra ba / khyed nga yi drung na ma gnas shig ces brgyad cing smad nas bskrad do// de nas lha dang / mi dang / lha ma yin du bcas pa'i 'jig rten gyi khams dang / nyan thos dang / rang sangs rgyas kyang / mdzod 'dzan gyi rgyal po gsal rgyal dang / grong dang / grong khyer dang / tshong dus dang / lung pa'i mi rnams dang / ri khrod pa dang / mnyan du yod pa'i yul na gnas pa'i sems can thams cad de bzhin gshegs pa'i mthus lhags te/ sor mo'i 'phreng ba'i rkang pa la mgo bos phyag 'tshal nas/ mgrin gcig tu tshigs su bcad pa 'di dag gsol/ to/ ngamatha' yas sku mnga' khyod la phyag 'tshal lo// thabs kyi sku mnga' khyod la phyag 'tshal lo// sor 'phreng khyod kyi zhabs la mgos gtugs nas/ khyod kyi 'jam pa'i zhabs la bzod par gsol/ / de bzhin gshegs pa sor 'phreng mtshan 'dzin pa/ bram ze'i gzugs kyis bdag cag don phyir gshegs// sangs rgyas sku mdog dpal 'bar deng 'dir gshegs/ / dpal ldan gzi brjid mthu mnga' bzod par gsol// tshig gis mngon du gsung ba mtha' yas sku// khyod ni yang dang yang bying mang po yi// yang dag sangs rgyas skyabs med skyabs su gyur/ / gnyen med rnams kyi gnyen du gyur pa khyod// sangs rgyas 'jig rten 'das pa nyis mdzes te// 'di ni chos spyod shin tu ngo mtshar rmad/ / me las pad+mo skye ba ngo mtshar bzhin// 'jig rten sangs rgyas gnyis ston mchog de 'dra// de nas bcom ldan 'das kyi mdzod 'dzin gyi rgyal po// gsal rgyal la bka' stsal pa/ ltos rgyal po chen po sangs rgyas kyi zhing 'di nas byang phyogs logs su gang+gA'i klung bzhi bcu rtsa gnyis kyi bye ma snyed kyi 'jig rten gyi khams 'das pa na/ 'jig rten gyi khams rtag par rab tu dga' ba sdug cing mos pa zhes bya ba de na// de bzhin gshegs pa dgra bcom pa yang dag par rdzogs pa'i sangs rgyas mos pa rab tu dga' ba'i snying po nor bu rin po che rtsegs pa'i rgyal po da ltar bzhugs te 'tsho zhing gzhes pa de na/ nyan thos dang / rang sangs rgyas thams cad med/ theg pa gcig las theg pa gzhan gyi ming yang med/ rga ba dang / na ba dang / sdug bsngal ba yang med/ bde ba thams cad dang rab tu ldan par gyur te/ sems can de dag tshe dpag tu med/ gzi brjid dang / kha dog dpag tu med/ 'jig rten na dpe dang / rgyu dang / byed pa med de/ rtag tu dga' zhing mos pa dang / dpe med pa de na de bzhin gshegs pa dgra bcom pa yang dag par rdzogs pa'i sangs rgyas mos pa rab tu dga' ba'i snying po nor bu rin po che brtsegs pa'i rgyal po da ltar bzhugs te 'tsho zhing gzhes pa de la/ rgyal po chen po thal mo sbyor te rjes su yi rang bar byos shig/ de bzhin gshegs pa de gzhan ma yin gyi/ 'jam dpal gzhon nur gyur pa 'di nyid yin no// 'jam dpal gzhon nur gyur pa dang sor mo'i 'phreng ba gnyis kyi ming gang gis thos sam/ de la rtag tu phyag 'tshal na/ sems can de dag gi khyim nyid du dga' ba can gyi 'jig rten mthong ste/ ngan 'gro rnam pa bzhi'i sgo bcad par 'gyur ro/ / de gnyis kyi ming thos nas/ phyi rol pa rnams dang / phas pham pa rnams dang / mtshams med par gyur pas 'phya ba 'am/ bsting pa 'am/ 'dran tor ram/ gzhan gyis bzlas sam/ rnyed pa dang / bskur sti dang / tshigs bcad kyi phyir yang rung ste/ de dag gis ngan 'gro bzhi'i sgo bcad par 'gyur ro// rigs kyi bu 'am/ rigs kyi bu mo gang gis 'di gnyis kyi ming gis bsrung bar byas na/ dgon pa thams cad dang / 'jig pa'i dus thams cad du yang bsrung bar 'gyur ro// phyi 'jigs pa thams cad kyang bsrung bar 'gyur/ 'jig pa byung ba thams cad kyang zhi bar 'gyur ro// lha dang khru dang gnod sbyin dag ni zad mi 'am ci dang / lto 'phye chen po dang / sha zas kyang mi tshugs so// yang bcom ldan 'das kyis mdzod 'dzin gyi rgyal po gsal rgyal la bka' stsal pa/ sangs rgyas kyi tshig ni che ba'i bdag nyid do// byang chub sems dpa' spyod pa'i che ba'i bdag nyid ni de lta'o/ / sor mo'i 'phreng ba dang / 'jam dpal gzhon nur gyur pa'i che ba'i bdag nyid glang po che 'di gnyis la rjes su yi rang bar gyis pa byang chub sems dpa'i spyod pa yang skyes cig/ sor mo'i 'phreng ba'i ma yang ma brjed par gsos shig/ ngas sor mo'i 'phreng ba'i lag nas/ de'i margan mo thar par byas te/ sor mo'i 'phreng ba khyod kyis ma ma gsod cig/ bsad pas mtho ris su mi 'gro'o zhes bya ba dang / ral gri thogs te 'ongs nas skad cig de nyid la de'i bar du 'dug pa ni chos la bzhugs pa'i thabs so/ / de nas sor mo'i 'phreng ba'i ma ta la bdun tsam gyi nam mkha' la 'dug nas/ tshigs su bcad pa 'di zhes smras so// de bzhin gshegs kyi sgyu ma'i sprul pa ni/ / sems can mang po dag gis mi shes te/ sangs rgyas sgyu ma'i rgyal po sku che zhing / de bzhin gshegs pa thabs kyi sku mnga'o// de skad ces smras nas de nyid du mi snang bar gyur to/ / de nas mdzod 'dzin gyi rgyal po gsal rgyal gyis/ bcom ldan 'das la 'di skad ces gsol to// bcom ldan 'das de ci sgyu ma lags sam/ bcom ldan 'das kyis bka' stsal pa/ rgyal po chen po ma 'di ni sprul pa yin no// sprul pa'i mas ji ltar smras pa bzhin te/ byang chub sems dpa'i spyod pa sgyu ma yang de bzhin/ de nas sor mo'i 'phreng ba'i mkhan po nor bu bzang po zhes bya ba ta la bdun tsam gyi nam mkha' la 'dug nas tshig 'di skad ces smras so// seng ge dang wa 'dre yun ring zhig tu mdzab bor byas kyang / des seng ge'i nga ro'i sgra 'dzin par mi nus te/ wa 'dre yang thos pa tsam gyis 'chi'o// yang wa 'dre de dom gyi skad du 'byin na/ seng ge'i rgyal po chen po sgra skad byin yin nam/ seng ge yang wa dang dom gyi sgra skad du'ang nga ro mi 'byin gyi/ seng ge'i sgrar sgrogs so// de bzhin du wa 'dre lta bu bdag gis byang chub sems dpa' seng ge lta bu'i mkhan po byas te/ yun ring po zhig tu lhan cig 'khod kyang / byang chub sems dpa'i sgra skad 'dzin pa lta ga la nus te/ gal te 'di thabs ma yin na de'i tsal gyis 'chi bar 'gyur te/ yi dag sa lta bu bdag gi glen pa'i chos la sbyor ba dang / nyan du gzhug pa lta ci smos/ byang chub sems dpa' ni glen pa'i chos mi spyod pa ste/ spyod pa yang thams cad la bu cig lta bu'i byams par spyod pa'i sangs rgyas kyi sprul pa sgyu ma mang po ni sems can bye ba dang / bram ze'i mkhan pos mi shes kyi/ sangs rgyas nyid kyis sangs rgyas kyi sgyu ma mkhyen te// de bzhin gshegs pa sangs rgyas ni sgyu ma'i rgyal po'o// mkhan po'i chung ma dga' byed mas smras pa/ kye ma sems can rnams bram ze'i bu mo 'jo ma'i dku mthong yang sangs rgyas kyi che ba yin par mi shes so/ / ji ltar tsan tsa rgyu ma yin pa de bzhin du/ bdag kyang sangs rgyas kyi sgyu ma sprul pa'o// de bas na mdzod 'dzin rgyal po gsal rgyal la bdag gis bsnyed do/ / gdol pas khyed la bsten par mi nus na/ rgyal po sems can mang po dang 'gro ba'i dpal dang / byin gyis rgyal por 'gyur na/ mdun du 'dug pa lta ci smos/ de ltar mis mi'i drung du bsten par mi nus na/ lha dang mi rnams kyis bcom ldan 'das la bsten par bya ba dang / de bzhin gshegs pa'i bsgyur par lha ga la nus te/ de bzhin gshegs pa la rim gro byed pa'i lha dang / klu dang / gnod sbyin dang / dri za dang / mi 'am ci dang / lto 'phye chen po dang sha za dang / lha ma yin tshad med pa dang / nam mkha' lding gis de la gnod par byed do// gal te 'di lta bu'i sems can 'byung na/ bcom ldan 'das kyang sdig pa byed pa rnam pa mang po ston te/ ma 'ongs pa'i sems can 'di lta bu'i sdig ma rungs pa byed pa 'byung ba dag la yang de bzhin gshegs pa ni sangs rgyas kyis sgyu ma chen po'i thabs kyi sku ston to zhes zer nas mi snang bar gyur to/ / de nas yang rgyal po shin tu ngo mtshar du gyur te/ bcom ldan 'das la gsol pa/ bcom ldan 'das ci sgyu ma lags sam bcom ldan 'das kyis bka' stsal pa/ rgyal po chen po mkhan po dang / mkhan po'i chung ma dang / de'i ma sgyu ma gsum gyis smras pa bzhin te/ nga yi sgyu ma ni bsam gyis mi khyab pas na/ rnam pa de gsum du sprul pa yin te/ sems can bye ba mang po bsgral ba'i phyir/ sor mo'i 'phreng ba de ltar byon pa yin no// rgyal pos gsol pa/ bcom ldan 'das bdag gis dgung bdun nas sbyin pa chen po stsal nas/ de bzhin gshegs pa sor mo'i 'phreng ba lho phyogs logs kyi sbyin gnas su gyur cig/ bcom ldan 'das kyi/ bka' stsal pa/ rgyal po chen po de bzhin du gyur cig/ de nas lha dang / mi dang / lha ma yin du bcas pa'i 'jig rten gyi mgrin gcig tu tshigs su bcad pa 'di dag smras so// sgyu ma'i rgyal po khyod la phyag 'tshal lo/ / de bzhin gshegs pa dpal chen thabs kyi sku// thabs kyi mtshan nyid rab tu phun sum tshogs// thabs kyi mchog dam pa'i chos rnams rab tu ston// thabs kyi dbyings rnams su yang 'jog par mdzad// thabs kyi sprul pa dag ni yongs su ston// de bzhin gshegs pa'i sku yang mtha' yas te// blo gros mtha' yas grags pa'ang mtha' yas so/ / de bzhin gshegs pa gzi brjid mtha' yas te/ bde gshegs mtha' yas stobs chen ston mdzad pa// gsang ba mtha' yas mtha' yas dgongs ngag ston/ 'jig rten rab tu snang mdzad mtha' yas te// de bzhin gshegs pa'i 'od zer mtha' yas pa// yon tan mtha' med grangs la shin tu 'das/ / de bzhin gshegs ni mtshungs med dpag tu med// chags med ye shes nam mkha' lta bur ston// de bzhin gshegs pa'i sku ni nam mkha' bzhin// 'jam dpa gzhon gyur phan byed zhi bar byed/ / sor 'phreng slad du bde gshegs gshegs pa ni// gshegs dang ma gshegs shes kyang brjod mi nus// bde gshegs sgra gcan zin ltar snyoms par gzigs/ de skad ces gsol pa dang / bcom ldan 'das dgyes so// lha dang / mi dang / lha ma yin dang / dri zar bcas pa'i 'jig rten dang / nyan thos de dag dang / byang chub sems dpa' de dag dang / mdzod 'dzin gyi rgyal po gsal rgyal gyis de dag thams cad kyang sor mo'i 'phreng ba'i byang chub sems dpa'i spyod pa dang / de'i sangs rgyas kyi zhing du skye ba dang / 'jam dpal gzhon nur gyur pa'i byang chub sems dpa'i spyod pa dang / de'i sangs rgyas kyi zhing du skye ba dang / bla na med pa yang dag par rdzogs pa'i byang chub tu/ sems bskyed de yi rangs nas/ bcom ldan 'das kyis gsungs pa la mngon par bstod do// // shin tu rgyas pa'i lung theg pa chen po'i mdo las/ me tog u dum bA ra ltar rab tu rnyed dka' ba/ 'phags pa sor mo'i 'phreng ba la phan pa zhes bya ba theg pa chen po'i mdo rdzogs so// / rgya gar gyi mkhan po shAkya pra b+ha dang zhu chen gyi lo tsA ba ban d+he d+ha ra ma tA shI la dang /

CLOSE WINDOW