rgya gar skad du.Ar+ya ma hA me g+ha nA ma ma hA yA/ na sU tra/ bod skad du/ 'phagani/ pa sprin chen po zhes bya ba theg pa chen po'i mdo/ / bam podang po// sangs rgyas dang / / byang chub sems dpa' dang / 'phags pa nyan thos dang / rang sangs rgyas thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la/ gnas brtan 'od srung chen po la sogs pa/ dge slong sa ya phrag dgu dang brgyad 'bum gyi dge slong gi dge 'dun chen po thams cad kyang dgra bcom pa/ zag pa zad pa/ dbang dang ldan par gyur pa/ nyon mongs pa med pa/ cang shes pa/ glang po chen po// sems shin tu rnam par grol ba/ shes rab shin tu rnam par grol ba/ bya ba byas pa/ byed pa byas pa/ khur bor ba/ bdag gi don rjes su thob pa/ yang dag pa'i shes pas sems shin tu rnam par grol ba/ srid par kun tu sbyor ba yongs su zad pa/ tshul khrims shin tu rnam par dag pa/ sems kyi dbang thams cad kyi dam pa'i pha rol tu son pa/ mngon par shes pa mkhas pa mngon par shes pa/ rnam par thar pa brgyad la bsam gtan pa sha stag dang thabs cig tu bzhugs so/ / de nas gnas brtan 'od srungs chen po la sogs pa/ dge slong sa ya phrag dgu dang / brgyad 'bum po de dag phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste/ lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba de logs su thal mo sbyar ba btud de phyogs gcig tu 'khod do// yang de'i tshe skye dgu'i bdag mo chen mo go'u ta ma la sogs pa dge slong ma sa ya phrag drug dang lnga 'bum yang phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba de logs su thal mo sbyar ba btud de/ phyogs gcig tu 'khod do// yang de'i tshe sprin chen snying po la sogs pa/ byang chub sems dpa'i gtso bo chen po sa ya phrag drug dang brgyad 'bum la 'di lta ste/ byang chub sems dpa' sems dpa' chen po sprin chen snying po zhes bya ba dang / byang chub sems dpa' sems dpa' chen po sprin chen 'od srungs zhes bya ba dang / byang chub sems dpa' sems dpa' chen po sprin chen glog gi 'od ces bya ba dang / byang chub sems dpa' sems dpa' chen po sprin chen 'brug bsgrags dbyangs shes bya ba dang / sprin chen brtson 'grus srung ba zhes bya ba dang / sprin chen dga' byed can zhes bya ba dang / sprin chen rab dga' zhes bya ba dang / sprin chen brtsegs zhes bya ba dang / sprin chen rdo rje dpal zhes bya ba dang / sprin chen nges par sgra sgrogs zhes bya ba dang / sprin chen grags zhes bya ba dang / sprin chen glog gi 'od kyi dra ba can zhes bya ba dang / sprin chen glog sbyin zhes bya ba dang / sprin chen dpyod pa la mkhas pa'i rgyal po zhes bya ba dang / sprin chen rtsal gyis 'gro ba zhes bya ba dang / sprin chen seng ge sgra sgrogs rgyal po zhes bya ba dang / sprin chen chu rgyas blo gros zhes bya ba dang / sprin chen brtson 'grus lto zhes bya ba dang / sprin chen lta ba'i dus tshod rgyal po zhes bya ba dang / sprin chen rnam par 'phrul pa'i rgyal po zhes bya ba dang / sprin chen mngon par 'phags pa'i grags pa mtha' yas zhes bya ba dang / sprin chen yang dag par lta ba zhes bya ba dang / sprin chen mu stegs su gyur pa'i dbang phyug ces bya ba dang / sprin chen bsod nams zhing zhes bya ba dang / sprin chen bsil bar gyur pa zhes bya ba dang / sprin chen nyi ma'i pang po zhes bya ba dang / sprin chen zla ba'i gzi brjid ces bya ba dang sprin chen rin thang med pa'i bai DUR+Ya zhes bya ba dang / sprin chen rtag tu lta zhes bya ba dang / sprin chen rtag pa'i rang bzhin la dga' ba zhes bya ba dang / sprin chen blo gros rgya mtsho zhes bya ba dang / sprin chen rnam par rgyal ba'i sde zhes bya ba dang / sprin chen 'od rgyas zhes bya ba dang / sprin chen rnam par rgyal ba'i glus byin zhes bya ba dang / sprin chen dga' bas 'tsho ba'i dpal zhes bya ba dang / sprin chen ded dpon mig ces bya ba dang / sprin chen cod pan gyis spungs skyes pa zhes bya ba dang / sprin chen ston par gyur pa zhes bya ba dang / sprin chen sa bon srung ba zhes bya ba dang / sprin chen rnam par rgyal ba'i pad+ma dkar po zhes bya ba dang / sprin chen me lta bu'i ye shes kyi pad+ma zhes bya ba dang / sprin chen bsgo bas bsgos pa'i ut+pa la'i dri ldan zhes bya ba dang / sprin chen stag ces bya ba dang sprin chen 'dren spyod ces bya ba dang / sprin chen mi 'jigs sgra zhes bya ba dang / sprin chen ta ma la'i lo ma bsil ba zhes bya ba dang / sprin chen rin chen can dan bsil ba'i lus zhes bya ba dang sprin chen dam pa zhes bya ba dang / sprin chen la mtshan la mkhas pa zhes bya ba dang / sprin chen dga' ba sred med kyi bu zhes bya ba dang / sprin chen snyan dngags mkhan gyi khyu mchog ces bya ba dang sprin chen snying po phra ba la 'jug pa zhes bya ba dang / sprin chen dam pa'i chos mchog pad+ma dkar po rgyas pa'i gdong zhes bya ba dang / sprin chen dam pa'i chos kyi rgyun rtogs zhes bya ba dang / sprin chen grags pa'i bde ba zhes bya ba dang / sprin chen gser gyi ri bo'i rgyal po dpal zhes bya ba dang / sprin chen sman kun sbyin zhes bya ba dang / sprin chen sman pa'i rgyal po zhes bya ba dang / sprin chen lus chen zhes bya ba dang / sprin chen mkha' la mngon par 'phags zhes bya ba dang / sprin chen sgra ldan zhes bya ba dang / sprin chen dri ma sel ces bya ba dang / sprin chen sgron ma pad+ma'i dpal zhes bya ba dang / sprin chen rnam par sgrogs pa len pa med pa'i rtog pa ma 'dres pa zhes bya ba dang / sprin chen mun sel ces bya ba dang / sprin chen rim pa'i thog tog sel ba zhes bya ba dang de la sogs pa byang chub sems dpa' sa ya phrag drug dang brgyang 'bum yang phye ma red kyi dus kyi tshe/ rang rang gi gnas nas byung nas/ bcom ldan 'das gang na ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba de logs su thal mo sbyar ba btung phyogs gcig tu 'khod / / yang de'i tshe seng ge sgron ma la sogs pa li tsa byi gzhon nu sa ya phrag lnga dang brgyad 'bum la 'di lta ste/ li tsa byi gzhon nu chos byin zhes bya ba dang li tsa byi gzhon nu klu mgo zhes bya ba dang / li tsa byi gzhon nu chos sde zhes bya ba dang / li tsa byi gzhon nu dbang pos byin zhes bya ba dang / li tsi byi gzhon nu dbang po'i tog ces bya ba dang / li tsa byi gzhon nu dbang po'i rgyal mtshan 'od ces bya ba dang / li tsa bye gzhon nu seng ge'i sgra sgrogs blo gros zhes bya ba dang / li tsa byi gzhon nu rin chen 'grin dbyangs zhes bya ba dang / li tsa byi gzhon nu rangs byed dpal zhes bya ba dang / li tsa byi gzhon nu klu dpal zhes bya ba dang / li tsa byi gzhon nu rdo rje 'phreng ldan zhes bya ba dang / li tsa byi gzhon nu sangs rgyas 'phangs zhes bya ba dang / li tsa byi gzhon nu rgyal ba'i 'bangs zhes bya ba dang / li tsa byi gzhon nu rgyal ba'i zla ba zhes bya ba dang / li tsa byi gzhon nu lag chen zhes bya ba dang li tsa byi gzhon nu dpal chen zhes bya ba dang / li tsa byi gzhon nu gang+gAs byin zhes bya ba dang / li tsa byi gzhon nu 'jam dpal snying po zhes bya ba dang / li tsa byi gzhon nu klu dga' stobs zhes bya ba dang li tsi byi gzhon nu klus skyong zhes bya ba dang / li tsa byi gzhon nu chos skyong zhes bya ba dang / li tsa byi gzhon nu 'od grags zhes bya ba dang / li tsa byi gzhon nu nam mkha' mdzod ces bya ba dang li tsa byi gzhon nu gnas skyong zhes bya ba dang / mi tsa byi gzhon nu srin phyis kyi rna cha gdub kor can zhes bya ba dang / li tsa byi gzhon nu glog 'phreng can zhes bya ba dang / li tsa r+ya gzhon nu khyad par dga' zhes bya ba dang / li tsa byi gzhon nu khyad par can gyi rigs shes bya ba dang / li tsa bI gzhon nu dri med 'od grags zhes bya ba dang / li tsa b+hi gzhon nu gling bu can gyis byin zhes bya ba dang / li tsa byi gzhon nu sa'i dbang phyug ces bya ba dang / li tsa byi gzhon nu sa steng 'phreng ba can zhes bya ba dang / li tsa byi gzhon nu mtshungs pa med pa'i rdo rje'i sprin zhes bya ba dang de dag la sogs pa li tsa byi gzhon nu sa ya phrag lnga dang brgyad 'bum ste/ li tsa byi gzhon nu de dag thams cad kyang / bla na med pa yang dag par rdzogs pa'i byang chub la yang dag par zhugs pa theg pa chen po la sems rab tu dga' ba sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba der logs su thal mo sbyar ba btud de/ phyogs gcig tu 'khod do// yang de'i tshe lha'i bu mthong na dga' ba'i dri za'i rgyal po la sogs pa/ lha'i bu sa ya phrag bzhi dang bzhi 'bum la 'di lta ste/ lho'i bu mthong na dga' ba'i dri za'i rgyal po zhes bya ba dang / lha'i bu dga' zhing dang ba'i grags pa zhes bya ba dang / lha'i bu zla ba'i gtsug pud can zhes bya ba dang / lha'i bu nyi ma'i mdog ces bya ba dang / lha'i burna 'phyang rna cha gdub kor can zhes bya ba dang / lha'i bu rangs byed kyi rol mo'i sa 'dzin ces bya ba dang / lha'i bu dpal chen zhes bya ba dang / lha'i bu zab mo'i tshul chen po la 'jug pa zhes bya ba dang / lha'i bu nag po chen po zhes bya ba dang / lha'i bu dpa' ba'i blo gros zhes bya ba dang / lha'i bu nam mkha' ltar mig dri ma med pa zhes bya ba dang / lha'i bu dga' ba rnam par mos pa'i dpal zhes bya ba dang lha'i bu dga' 'phreng rgyal po zhes bya ba dang / lha'i bu dga' bar grags pa'i 'od ces bya ba dang / lha'i bu bzhin dga' zhes bya ba dang / lha'i bu yid 'phrog ces bya ba dang / lha'i bu bai DUR+Ya'i 'od ces bya ba dang / lha'i bu bai DUR+Sha ltar snang ba zhes bya ba dang / lha'i bu skar ma la dga' ba zhes bya ba dang / lha'i bu dpral ba zla gam ltar 'dug pa zhes bya ba dang / lha'i bu nges par sgra sgro gra zab mo zhe bya ba dang lha'i bu nyon mongs pa rnam par 'joms pa zhes bya ba dang / lha'i bu brgya byin dga' zhes bya ba dang / lha'i bu gzhon nu yid du 'ong ba zhes bya ba dang / lha'i bu man+da ra wa brtsegs pa zhes bya ba dang / lha'i bu mgo la 'khri shing thogs pa zhes bya ba dang / lha'i bu bur ma sel ba'i blo gros zhes bya ba dang / lha'i bu dam pa'i chos 'dzin ces bya ba dang / de dag la sogs pa lha'i bu sa ya phrag bzhi dang bzhi 'bum ste/ lha'i bu de dag thams cad kyang / theg pa chen po la sems dad cing rab tu dga' ba/ dam pa'i chos bsrung bar dga' ba/ dam pa'i chos rgyas par dga' ba/ ting nge 'dzin thams cad gzung bar dga' ba sha stag ste/ sems can rnams la phan pa dang / bde ba'i phyir phyem rang kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan stong bskor ba byas nas/ bcom ldan 'das ga la ba de legs su thal mo sbyar ba btud de/ phyogs gcig tu 'khod // yang de'i tshe klu'i rgyal po sa ya phrag gnyis dang brgyad 'bum la 'di lta ste/ klu'i rgyal po pad+ma zhes bya ba dang / klu'i rgyal po 'jog po zhes bya ba dang / klu'i rgyal po rgya mtsho zhes bya ba dang / klu'i rgyal po ma dros pa zhes bya ba dang / klu'i rgyal po stobs kyis rgyu zhes bya ba dang / klu'i rgyal po mtha' yas nor rgyas kyi bu zhes bya ba dang / klu'i rgyal po dpal 'byor gnas shes bya ba dang klu'i rgyal po byis pa rtse zhes bya ba dang / klu'i rgyal po mche ba mchog tu rno zhes bya ba dang / klu'i rgyal po mang khyer zhes bya ba dang / klu'i rgyal po yan lag 'char ri dgas mig ces bya ba dang klu'i rgyal po phur bu sgra rig ces bya ba dang / klu'i rgyal po gser mdog gdong zhes bya ba dang / klu'i rgyal po stang zil gtsug phud ces bya ba dang / klu'i rgyal po chub shugs 'dzin ces bya ba dang klu'i rgyal po te se'i gangs thub ces bya ba dang / klu'i rgyal po byi ru bzang zhes bya ba dang / klu'i rgyal po 'phreng sgra snyan ces bya ba dang / klu'i rgyal po lug gdong zhes bya ba dang / klu'i rgyal po gnas sgrogs mkhas zhes bya ba dang / klu'i rgyal po gzi can zhes bya ba dang / klu'i rgyal po nor rgyas kyi bu zhes bya ba dang / de dag la sogs pa klu'i rgyal po sa la phrag gnyis dang brgyad 'bum ste/ klu'i rgyal po de dag thams cad kyang theg pa chen po thos par 'dod pa dang / thos nas kyang gzhan dag la rgyas par ston par 'dod pa/ dam pa'i chos 'chang bar 'dod pa dam pa'i chos kun tu bsrung bar yongs su 'dzin pa'i ngang tshul can/ dam pa'i chos bsrung ba'i khur khyer ba/ yongs su 'dzin pa'i ngang tshul can sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba de logs su thal mo sbyar ba btud de phyogs gcig tu 'khod do/ / yang de'i tshe gnod sbyin gyi bdag po rnam thos kyi bu la sogs pa gnod sbyin gyi rgyal po sa ya phrag gsum dang / drug 'bum la 'di lta ste/ gnod sbyin gyi rgyal po rnam thos kyi bu zhes bya ba dang / gnod sbyin gyi rgyal po ma la 'dod ces bya ba dang / gnod sbyin gyi rgyal po ma 'dzin ces bya ba dang gnod sbyin gyi rgyal po ma la dpal du 'dzin pa zhes bya ba dang / gnod sbyin gyi rgyal po lag sgeg ces bya ba dang / gnod sbyin gyi rgyal po 'jigs chen 'jigs byed ces bya ba dang / gnod sbyin gyi rgyal po khro gnyer mig zur can zhes bya ba dang / gnod sbyin gyi rgyal po sa sbrul ces bya ba dang / gnod sbyin gyi rgyal po nyi ma rangs byed ces bya ba dang / gnod sbyin gyi rgyal po shes ldan ngang tshul can zhes bya ba dang / gnod sbyin gyi rgyal po nor bu bzang zhes bya ba dang / gnod sbyin gyi rgyal po 'od chags pad+ma mdzod ces bya ba dang / gnod sbyin gyi rgyal po shing rta gtong ba'i snying po dpal zhes bya ba dang / gnod sbyin gyi rgyal po 'thab mo las rnam par rgyal ba'i g.yul gyi dpal zhes bya ba dang / gnod sbyin gyi rgyal po lngas rtsen zhes bya ba dang / gnod sbyin gyi rgyal po nor bu spyod ces bya ba dang / de dag la sogs pa gnod sbyin gyi rgyal po sa ya phrag gsum dang drug 'bum ste/ gnod sbyin gyi rgyal po de dag thams cad kyang / de bzhin gshegs pa mi 'khrugs pa'i byang chub sems dpa'i spyod pa la rjes su slob par 'dod pa/ dam pa'i chos bsrung ba yongs su 'dzin pa'i ngang tshul can sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba de logs su thal mo sbyar ba btud de phyogs gcig tu 'khor yang de'i tshe nam mkha' lding gi rgyal po sa ya phrag bzhi dang dgu 'bum la 'di lta ste/ nam mkha' lding gi rgyal po spos kyi glang po che rlung gi stobs dang mnyam pa'i shugs can zhes bya ba dang / nam mkha' lding gi rgyal po bur 'ur zhes bya ba dang / nam mkha' lding gi rgyal po rnga bo che dang cang te'u yi sgra ltar dir dir zhes bya ba dang / nam mkha' lding gi rgyal po klu'i stobs dang dregs pa 'joms pa zhes bya ba dang / nam mkha' lding gi rgyal po sang sang zhes bya ba dang / nam mkha' lding gi rgyal po 'od chen zhes bya ba dang / nam mkha' lding gi rgyal po gshog gzegs bkram zhes bya ba dang / nam mkha' lding gi rgyal po bung rgyal gdong zhes bya ba dang / nam mkha' lding gi rgyal po rigs sngags kyi nor bu'i sil sil 'chang zhes bya ba dang nam mkha' lding gi rgyal po nor rgyas kyi bu'i rigs gzhig par dga' ba zhes bya ba dang / nam mkha' lding gi rgyal po nor rgyas kyi bu'i rigs rab tu 'joms par dga' ba zhes bya ba dang nam mkha' lding gi rgyal po yang dag par mthong ba zhes bya ba dang / nam mkha' lding gi rgyal po byams pa chen po'i tshig snyan par sgrogs pa zhes bya ba dang / nam mkha' lding gi rgyal po chos dga' zhes bya ba dang / nam mkha' lding gi rgyal po gser gyi gshog pa sbyin zhes bya ba dang / de dag la sogs pa nam mkha' lding gi rgyal po sa ya phrag bzhi dang dgu 'bum ste/ nam mkha' lding gi rgyal po de dag thams cad kyang dregs pa dang / nga rgyal dang / rgyags pa dang bral ba/ theg pa chen po la dad pa'i sems thob pa/ dam pa'i chos kun tu srung bar gyur pa sha stag ste/ phye ma rid kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe dri za'i rgyal po sa ya phrag drug dang / brgyad 'bum la 'di lta ste/ dri za'i rgyal po dga' ba'i snying po zhes bya ba dang / dri za'i rgyal po gdangs snyan ces bya ba dang dri za'i rgyal po sta gon la dga' ba zhes bya ba dang / dri za'i rgyal po khyud mchog lha zhes bya ba dang / dri za'i rgyal po shugs kyis 'khyig par len pa la dga' ba zhes bya ba dang / dri za'i rgyal po shang shang te'u yi skad 'byin zhes bya ba dang / de dag la sogs pa dri za'i rgyal po sa ya phrag drug dang brgyad 'bum ste/ dri za'i rgyal po de dag thams cad kyang dregs pa dang / nga rgyal dang rgyags pa dang bral ba/ theg pa chen po la dad pa'i sems thob pa/ dam pa'i chos kun tu srung bar gyur pa sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nus/ bcom ldan 'das kyi zhabs la mgo bos phyag 'tshal te/ bcom ldan 'das ga la ba de logs su thal mo sbyar ba btud nas/ phyogs gcig tu 'khod do/ / yang de'i tshe mi 'am ci'i rgyal po sa ya phrag dgu dang brgyad 'bum la 'di lta ste/ mi 'am ci'i rgyal po legs mthong yid 'phrog ces bya ba dang / mi 'am ci'i rgyal @po klu khyer zhes bya ba dang / mi 'am ci'i rgyal po bud med sems 'brog ces bya ba dang / mi 'am ci'i rgyal po bud med kyi snying du sdug ces bya ba dang / mi 'am ci'i rgyal po lha'i bu mo la 'bod pa zhes bya ba dang / mi 'am ci'i rgyal po nyon mongs pa rku ba zhes bya ba dang / mi 'am ci'i rgyal po dgra rigs dregs pa 'joms pa gsod ces bya ba dang / mi 'am ci'i rgyal po bdud kyi bu mo dga' ba zhes bya ba dang / mi 'am ci'i rgyal po bdud kyi sde 'joms pa zhes bya ba dang / mi 'am ci'i rgyal po ye shes snying po zhes bya ba dang / mi 'am ci'i rgyal po ye shes zab mo'i tshul bsgos zhes bya ba dang mi 'am ci'i rgyal po dri ma med par snang ba'i dpal zhes bya ba dang / mi 'am ci'i rgyal po dbang po bsrungs shes bya ba dang / mi 'am ci'i rgyal po rgyang ring mthong zhes bya ba dang / de dag la sogs pa mi 'am ci'i rgyal po sa ya phrag dgu dang / brgyad 'bum ste/ mi 'am ci'i rgyal po de dag thams cad kyang dregs pa dang / nga rgyal dang / rgyags pa dang bral ba/ theg pa chen po la dad pa'i sems thob pa/ dam pa'i chos kun tu bsrungs par gyur pa sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe srin po'i rgyal po sa ya phrag dgu dang brgyad 'bum la 'di lta ste/ srin po'i rgyal po 'jigs su rung ba zhes bya ba dang / srin po'i rgyal po rtsib ma sreg ces bya ba dang / srin po'i rgyal po drang srong zas len sgra ser zhes bya ba dang / srin po'i rgyal po so rang rod can zhes bya ba dang / srin po'i rgyal po rna bcas thod can zhes bya ba dang / srin po'i rgyal po ser po sbrang rtsi mdog ces bya ba dang / srin po'i rgyal po mgul ngar zhes bya ba dang / srin po'i rgyal po sgra bo che zhes bya ba dang / srin po'i rgyal po mgo zang ces bya ba dang srin po'i rgyal po gyad la skul zhes bya ba dang / srin po'i rgyal po skrag byed gzugs can zhes bya ba dang / de la sogs pa srin po'i rgyal po sa ya phrag dgu dang brgyad 'bum ste/ srin po'i rgyal po de dag thams cad srin po'i rang bzhin dang bral ba/ theg pa chen pos sems dul bar gyur pa/ dam pa'i chos kun tu srung bar gyur pa sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe grul bum gyi rgyal po sa ya phrag bdun dang brgyad 'bum la 'di lta ste/ grul bum gyi rgyal po glang po che'i rna ba can zhes bya ba dang / grul bum gyi rgyal po stag ltar dregs pa zhes bya ba dang / grul bum gyi rgyal po shin tu che ba zhes bya ba dang / de dag la sogs pa grul bum gyi rgyal po sa ya phrag bdun dang brgyad 'bum ste/ grul bum gyi rgyal po de dag thams cad kyang / grul bum gyi rang bzhin dang bral ba/ dam pa'i chos kun tu srung bar gyur pa sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe 'byung po'i rgyal po sa ya phrag gsum dang brgyad 'bum la 'di lta ste/ 'byung po'i rgyal po glang po che'i gdong can zhes bya ba dang / 'byung po'i rgyal po myu gu zhes bya ba dang / 'byung po'i rgyal po khyim 'bigs rkun po zhes bya ba dang / 'byung po'i rgyal po bongad skad can zhes bya ba dang / 'byung po'i rgyal po me tog gi rna cha can zhes bya ba dang / 'byung po'i rgyal po sbal 'phreng sor gdub can zhes bya ba dang / 'byung po'i rgyal po byi so mdzes zhes bya ba dang / 'byung po'i rgyal po byi la 'gros mdzes zhes bya ba dang / 'byung po'i rgyal po sre mo 'gram zhes bya ba dang / 'byung po'i rgyal po snga/ bzhin zla ba'i gdong zhes bya ba dang / de dag la sogs pa 'byung po'i rgyal po sa ya phrag gsum dang brgyad 'bum ste/ 'byung po'i rgyal po de dag thams cad kyang theg pa chen po la sems dad cing rab tu dga' ba sha stag ste/ gar byed cing rol mo'i sgra sgrogs la/ sil snyan rnams rdob cing phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe gcod byed kyi bu'i rgyal po sa ya phrag brgyad la 'di lta ste/ gcod byed kyi bu'i rgyal po grog zhi byed btsun zhes bya ba dang / gcod byed kyi bu'i rgyal po bya sna tshogs sngo btsun zhes bya ba dang / gcod byed kyi bu'i rgyal po bya mchu can zhes bya ba dang / gcod byed kyi bu'i rgyal po rgya mtsho 'khrug ces bya ba dang / de dag la sogs pa gcod byed kyi bu'i rgyal po sa ya phrag brgyad de/ gcod byed kyi bu'i rgyal po de dag thams cad kyang theg pa chen po la mngon par brtse ba/ theg pa chen po la sems mngon par rab tu dga' ba/ theg pa chen po la mngon par 'dod pa/ theg pa chen pos mngon par skom pa/ theg pa chen po la mngon par sred pa/ theg pa chen po la dang pa/ theg pa chen pos bkres pa/ dam pa'i chos kun tu srung bar dam bcas pa/ dam pa'i chos kun tu srung bar yongs su 'dzin pa'i ngang tshul can dasha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te phyogs gcig tu 'khod do/ / yang de'i tshe lha ma yin gyi rgyal po bye ba phrag brgyad dang / brgyad 'bum la 'di lta ste/ lha ma yin gyi rgyal po thags bzangs ris kyi mdun na sgra sgrogs shes bya ba dang / lha ma yin gyi rgyal po yul gyis dben spyo ba zhes bya ba dang / lha ma yin gyi rgyal po gang+gA'i dri ma med par 'jug pa zhes bya ba dang / lha ma yin gyi rgyal po sa steng ni byed ces bya ba dang / lha ma yin gyi rgyal po bya ma grim zhes bya ba dang / lha ma yin gyi rgyal po mdung rtse gsum pa 'chang zhes bya ba dang / lha ma yin gyi rgyal po thal ba'i gtsug pud can zhes bya ba dang / sa ma yos gas nga/ mams kya nga / rnas mapas dang brgyad 'jus ste/ lha ma yin gyi rgyal po de dag thams cad kyang / ska ma yin gyi rang bzhin dang bral ba/ sems dul ba/ yid rab tu brtan pa sha stas ste/ phyem 'ad kyi dus kyiche/ rang rang mi gnas sa byung nas/ bcom ldan 'das gal ba der dong ste lpags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// yang de'i tshe rig sngags 'chang gi rgyal pos ya phrag drug dang lnga 'bum la 'di lta ste/ rig sngags 'chang gi rgyal po rin chen 'chang ba zhes bya ba dang / rig sngags 'chang gi rgyal po longs spyod mi zad 'chang zhes bya ba dang / de dag la sogs pa rig sngags 'chang gi rgyal po sa ya phrag drug dang lnga 'bum ste/ rig sngags 'chang gi rgyal po de dag thams cad kyang theg pa chen po 'chang ba/ ting nge 'dzin 'dod pa/ ting nge 'dzin tshol bar 'dod pa/ theg pa chen po'i ting nge 'dzin gyi spyod pa spyad par 'dod pa/ bdag gi yid gnyis bsal bar 'dod pa/ dam pa'i chos kun tu bsrung bar yongs su 'dzin pa'i tshul khrims dang brtul zhugs can sha stag ste/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe drang srong mngon par shes pa lnga thob pa sa ya phrag dgu dang dgu 'bum la 'di lta ste/ drang srong mis byin gyi bu zhes bya ba dang / drang srong them bu ka zhes bya ba dang / drang srong shing shun can zhes bya ba dang / drang srong dka' thub can zhes bya ba dang drang srong yang dag sbyor zhes bya ba dang / drang srong kun tu rgyal zhes bya ba dang / drang srong ngan spong shes ldan zhes bya ba dang / drang srong ri byi rangs byed gzhu can zhes bya ba dang / drang srong ma ma ri dgas shes bya ba dang / drang srong sha med zas sbyin zhes bya ba dang / drang srong gnas 'jog gsog 'jog sel brtson zhes bya ba dang / drang srong sgra mi snyan lnga len ril pa can zhes bya ba dang / drang srong 'dod pa la rgyab kyis phyogs pa zhes bya ba dang / drang srong dus dang po la dga' ba zhes bya ba dang / drang srong brgya byin lhar 'dzin yun rings gnas zhes bya ba dang / drang srong mdzod ldan sgra mi snyan ces bya ba dang / drang srong ba ra dA tsa shing shun can zhes bya ba dang / drang srong klu'i ril ba can zhes bya ba dang / drang srong 'dam bus byin zhes bya ba dang / de dag la sogs pa/ drang srong mngon par shes pa lnga thob pa sa ya phrag dgu dang dgu 'bum ste/ phye ma red kyi dus kyi tshe rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ lan gsum bskor ba byas nas/ bcom ldan 'das ga la ba de logs su thal mo sbyar ba btud de phyogs gcig tu 'khod / / yang de'i tshe lha rnams kyi dbang po brgya byin sum cu rtsa gsum pa'i lha'i bu'i tshogs 'bum phrag du ma dang lhan cig tu phyem red kyi dus kyi cha rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das ga la ba de logs su thal mo sbyar ba btud nas/ phyogs gcig tu 'khod do// yang de'i tshe 'jig rten skyong ba bzhi/ lha'i bu 'bum phrag du mas mdun gyis bltas te/ yongs su bskor nas phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe yul mnyan yod nas/ ko sa la'i rgyal po gsal rgyal/ rang gi blon po chen po// theg pa chen po la mngon par brtse ba de dang de dag rang rang gi 'khor dang / dpung gi tshogs yan lag bzhi pa dag dang lhan cig tu phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe rab sbyin la sogs pa khyim bdag 'bum phrag du ma bslab pa'i bzhi lnga blangs pa/ bla na med pa yang dag par rdzogs pa'i byang chub la yang dag par zhugs pa/ de dag thams cad chos 'dod pa dang / chos don du gnyer ba dang / 'di ltar byang chub kyi phyogs su gtogs pa'i chos rnams yang dag par bsdu ba'i phyir/ bcom ldan 'das nyid kyi phyir 'brang ba de dag bcom ldan 'das ga la ba de logs su thal mo sbyar ba btud de phyogs gcig tu 'khod do// yang de'i tshe yul pany+tsa nas rgyal phran zla ba skyong zhes bya ba rang gi blon po chen po dang / grong khyer gyi dpon po stong bslab pa'i gzhi lnga blangs pa/ bla na med pa yang dag par rdzogs pa'i byang chub la yang dag par zhugs pa de dag thams cad chos 'dod pa dang / chos don du gnyer ba dang / 'di ltar byang chub kyi phyogs su gtogs pa'i chos rnams yang dag par bsdu ba'i phyir/ bcom ldan 'das nyid kyi phyir 'brang ba de dag/ bcom ldan 'das ga la ba der logs su thal mo sbyar ba btud de/ phyogs gcig tu 'khod do// yang de'i tshe yul chen po bcu drug gi grong khyer dang / grong rdal dang / lung pa'i grong dang mdo dang yul 'khor dang / rgyal po'i pho brang 'khor thams cad kyi mi rnams/ bcom ldan 'das la blta ba dang / phyag bya ba'i phyir lhags te/ de dag thams cad kyang dam pa'i chos kun tu bsrung ba/ bslab pa'i gzhi lnga blangs pa/ bla na med pa yang dag par rdzogs pa'i byang chub la yang dag par zhugs pa sha stag ste/ chos 'dod pa dang / chos don du gnyer ba dang / 'di ltar byang chub kyi phyogs kyi chos rnams yang dag par bsdu ba'i phyir bcom ldan 'das nyid kyi phyir 'brang ba/ byams pa'i sems sgom pa de dag phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// yang de'i tshe btsun mo 'phreng ldan ma la sogs btsun ma'i 'khor dang / btsun mo khri drug stong dang / gzhan yang rang gi blon po chen po'i btsun mo 'bum dang lhan cig tu/ byem red kyi dus kyi tshe/ rang rang gi gnas nas byung nas/ bcom ldan 'das gal ba der dong ste lhags nas/ bcom ldan 'das kyi zhabs la mgo ngos phyag 'tshal te/ phyogs gcig tu 'khod do// yang de'i tshe dge bsnyen mas ga/ dge bsnyen ma 'bum phrag du ma dang lhan cig tu/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'khod do// yang de'i tshe lha'i bu dbang phyug chen po lha'i bu rdzu 'phrul dang / snang ba chen po dang ldan pa 'bum phrag du ma dang lhan cig tu phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ me tog gi phur ma ri rab tsam dang / spos dang / me tog gi 'phreng ba dang / byug pa dag gis de bzhin gshegs pa la mngon par gtor nas/ bdug pa dag gis yongs su bdugs te/ can dan gyi phye ma dag gis yongs su gtor nas/ sim snyan dag brdungs te// gzhan mang shing rta'i ling la tsam gyi pad+ma'i silam dag gis khebs par byas nas/ bcom ldan 'das gal ba der logs su thal mo sbyar ba btud de/ phyogs gcig tu 'khod do// yang de'i tshe tshangs pa rin chen 'phreng ba zhes bya ba dang / tshangs pa zor tshugs 'chang zhes bya ba tshangs pa gzhon nu 'bum phrag du ma dang lhan cig tu/ rdzu 'phrul chen pos rgyal po'i khab dang bcas/ bya rgod kyi phung po'i ri dang bcas/ 'od ma'i tshal bya ka lan+da ka gnas pa dang bcas pa thams cad mdzes par byas te/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ khor yug khebs pa tsam gyi me tog gi sil ma dag gis de bzhin gshegs pa la mngon par gtor te/ sil snyan rnams brdungs nas/ tsan dan gyi phye ma dang / byug pa dag gtor te/ rgyal po'i khab dang bcas/ bya rgod phung po'i ri dang bcas/ 'od ma'i tshal bya ka lan+da ka gnas pa dang bcas pa/ bsod nams chen po'i zhing du gyur pa/ dkyil 'khor chen po mu stegs kyi gnas su gyur pa kho ra khor yug tu/ la ba dang ras dang / zab dar dang / zar ma'i ras 'jam po dang / lha'i gos lha'i phye mas bsgos shing tsan dan gyis phye ma zhen par byas nas/ lha'i bdug pas bdugs pa dag bting ste/ mngon par sprul pa bzhin du byas nas/ me tog gi char mngon par phab ste/ lha'i rin po che du mas yongs su mdzes par byas nas/ bcom ldan 'das kyi seng ge'i khri 'bum bshams te/ lan sa ya phrag gsum bskor ba byas nas/ rang rang gi bla gos bcom ldan 'das kyi sku la gsol te/ bcom ldan 'das ga la ba de logs su thal mo sbyar ba btud nas/ phyogs gcig tu 'khod do// yang de'i tshe bdud kyi ris kyi lha mo mngon par sdud pa zhes bya ba/ bdud kyi ris kyi lha mo 'bum phrag du ma dang lhan cig tu/ phyem red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ rnga yab dang / rma bya'i mdongs lag na thogs shing lha'i phag rdo ba dang / gling bu dang / bdug pa thogs te/ lha'i me tog sil mas de bzhin gshegs pa la mngon par gtor nas/ sil snyan rnams brdungs te gar byed cing glu len no// lha mo de dag thams cad kyang theg pa chen po la sems dang cing rab tu dga' ba theg pa chen po la dad cing yid dge bar gyur pa sha stag ste/ bcom ldan 'das ga la ba de logs su thal mo sbyar ba btung nas/ bcom ldan 'das la lan gsum bskor ba byas te/ phyogs gcig tu 'khod do// yang de'i tshe lha'i bu mo chu shing lta bu zhes bya ba la sogs pa/ lha'i bu mo 'bum phrag du ma/ phye ma red kyi dus kyi tshe/ rang rang gi gnas nas byung nas bcom ldan 'das ga la ba der dong ste lhags nas/ lha'i gser gyi cong tshong dang / lha'i rin po che'i 'phreng ba dang / lha'i me tog gi 'phreng ba dag gis de bzhin gshegs pa la mngon par gtor te/ sil snyan rnams brdungs nas/ tsan dan gyi phye ma dang byug pa dag gis kyang gtor ro// lha'i bu mo de dag thams cad kyang bud med kyi sems kyi g.yo sgyu'i rang bzhin dang bral ba/ theg pa chen po la sems dad cing rab tu dga' ba/ theg pa chen po la dad cing yid dge bar gyur pa sha stag ste/ glu len cing gar byed la/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba der logs su thal mo sbyar ba btud de/ phyogs gcig tu 'khod do// de nas bcom ldan 'das kyis de nyid kyi tshe/ ljongs kyi phyogs dag na dge slong ji snyed gnas shing 'khod pa de dag thams cad rgyal po'i khab dang / bya rgod kyi phung po'i rig la ba der dong bar 'gyur ba de lta bu'i rdzu 'phrul mngon par 'du mdzad pa/ mngon par mdzad do// der phyin nas kyang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das ga la ba de logs su thal mo sbyar ba btud de/ phyogs gcig tu 'khod do// yang de'i tshe nam mkha' las sil snyan stong gi glu dbyangs lta bu mthun pa dang / mi mthun pa'i sgra mngon par grag ste/ stang zil gyi'i lta bur 'dug pa'i sprin chen po'i tshogs/ lha'i rin po che'i chus yongs su rgyas pa dag kyang / bcom ldan 'das seng ge'i sgra chen po sgrogs shing chos ston pa nod pa'i phyir sdod do// yang de'i tshe rlung gi rgyal po chen po bzhi la 'di lta ste/ rlung gi rgyal po chen po rnam par 'thor rlung zhes bya ba dang / rlung gi rgyal po chen po rnam par 'thor rlung chen po zhes bya ba dang // rlung gi rgyal po chen po shugs ma nyams pa zhes bya ba dang / rlung gi rgyal po chen po 'jigs byed chen po zhes bya ba rnams lha'i bde ba'i longs spyod dang / yongs su spyad pa'i dus tshigs drug gi bde zhing gsal ba'i me tog dang / rnam par 'dres pa'i dri bsung zhim po'i ngang gtong zhing / rlung gi rgyal po chen po rnams kyis/ bcom ldan 'das la sri zhu bya ba'i phyir/ sprin chen po rab tu 'gyed de/ bcom ldan 'das seng ge'i sgra chen po sgrogs shing chos ston pa mnod pa'i phyir sdong ngo // / 'phags pa sprin chen po'i mdo// bam po gnyis pa/ yang de'i tshe ngang pa'i rgyal po seng ge ltar dpa' ba zhes bya ba/ ngang pa 'bum phrag du ma dang lhan cig tu/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ rang rang gi 'dab ma thal mo'i thabs su sbyar te/ bcom ldan 'das kyi zhabs la mgo bos phyag 'tshal nas/ slob dpon dang slob mas legs par bsgrubs pa'i sil snyan stong gi glu dbyangs lta bur skad 'thun par 'byin cing ngang pa'i tshogs kyis bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas/ 'od ma'i tshal bya ka lan+da ka gnas pa'i phyogs gcig tu go bzung ngo // yang de'i tshe rma bya'i rgyal po blta na 'od chags zhes bya ba/ rma bya'i rigs 'bum phrag du ma dang lhan cig tu phye ma red kyi dus kyi tshe// rang rang gi gan nas byung nas/ bcom ldan 'das ga la ba der dong ste lhags nas/ rang rang gi 'dab ma thal mo'i thabs su sbyar te/ bcom ldan 'das kyi zhabs la mgo bos phyag 'tshal nas/ lha dang dri za'i slob dpon dang slob mas legs par bsgrubs pa'i sil snyan stong gi glu dbyangs lta bur mgrin pa bltams te/ skad snyan cing 'thun po 'byin te/ rma bya'i tshogs kyis bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas/ 'od ma'i tshal bya ka lan+da ka gnas pa'i phyogs gcig tu go bzung ngo // yang de'i tshe khu byug gi rgyal po sde bdag ces bya ba khu byug gi rgyal po 'bum phrag du ma dang lhan/ cig tu/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ rang rang gi 'dab ma thal mo'i thabs su sbyar te/ bcom ldan 'das kyi zhabs la mgo bos phyag 'tshal nas/ sil snyan stong dang 'dra ba'i sgra phyung ste/ ca co'i sgra bton nas/ bung ba'i mdog 'dra ba'i khu byug gi tshogs kyis bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas/ 'od ma'i tshal bya ka lan+da ka gnas pa'i phyogs gcig tu go bzung ngo // yang de'i tshe gangs kyi ri la gnas pa'i bya ka la bing+ka'i rgyal po pad+ma'i 'dab ma 'dra ba'i mig ces bya ba/ ka la bing+ga'i rgyal po 'bum phrag dum dang lhan cig tu/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ rang rang gi 'dab mthal mo'i thabs su sbyar te/ bcom ldan 'das kyi zhabs la mgo bos phyag 'tshal nas/ yid du 'ong ba'i sgra phyung ste/ ka la bing+ka'i tshogs kyis bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas/ 'od ma'i tshal bya ka lan+da ka gnas pa'i phyogs gcig tu go bzung ngo / / yang de'i tshe bya'i rgyal po shang shang te'u zhes bya ba/ bya'i rgyal po shang shang te'u 'bum phrag du ma dang lhan cig tu/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ rang rang gi 'dab ma thal mo'i thabs su sbyar te/ bcom ldan 'das kyi zhabs la mgo bos phyag 'tshal nas/ yid du 'ong ba'i sgra phyung ste/ shang shang te'u yi tshogs kyis bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas/ 'od ma'i tshal bya ka lan+da ka gnas pa'i phyogs gcig tu go bzung ngo // yang de'i tshe bya'i tshogs thams cad phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ rang rang gi 'dab ma thal mo'i thabs su sbyar nas/ bcom ldan 'das kyi zhabs la mgo bos phyag 'tshal nas/ yid du 'ong ba'i sgra 'bum phrag du ma phyung ste/ nam mkha'i dkyil yongs su gang bar byas nas/ bcom ldan 'das la sri zhu bya ba'i phyir/ bcom ldan 'das la lan gsum bskor ba byas te/ 'od ma'i tshal bya ka lan+da ka gnas pa'i phyogs gcig tu go bzung ngo / / yang de'i tshe ri'i rgyal po ri rab kyi lha/ ri btang bzung dang / btang bzung chen po'i lha 'bum phrag du ma dang / lha'i bu 'od chen dang lhan cig tu phyem red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor byas nas/ 'od ma'i tshal bya ka lan+da ka gnas pa'i phyogs gcig tu go bzung ngo // yang de'i tshe gangs kyi ri la gnas pa'i sman gyi tshogs kyi lha mo rnams phye ma red kyi dus kyi tshe/ rang rang gi gnas nas byung na bcom ldan 'das ga la ba der dong ste lhags nas/ bcom ldan 'das la lan gsum bskor ba byas nas/ ri'i mchog bya rgod kyi phung po la mdzes par 'khod nas/ bcom ldan 'das ga la ba de logs su thal mo sbyar ba btung de/ rgyal po'i khab kyi bya rgod kyi phung po'i ri dang bcas pa thams cad snang bar byas nas phyogs gcig tu 'khod ngo // yang de'i tshe rnga dang rnga bo che dang / cang te'u dang / dung dang / lcags kyi sil khrol dang / hi na Di ma dang / 'khar rnga dang / rdza rnga chen po dang / bal bi sa dang / pi wang dang / rdza rnga kha cig pa dang / dril bu dang / gling bu dang / shu ka dang / shu na la sogs pa ma brdungs/ ma bcos ma blangs par sil snyan gyi sgra dang / yid du 'ong ba'i sgra byung ngo // yang de'i tshe bcom ldan 'das la sri zhu bya ba'i phyir/ nags rnams dus ma yin par me tog rgyas shing / dus ma yin par 'bras bu dang / lcug phran dang / dog pa rnam pa sna tshogs rab tu rgyas pa/ bya rgod kyi phung po'i ril shin tu bkram mo// yang de'i tshe gangs kyi ri la gnas pa'i seng ge'i rgyal po rin po che pad+ma zhes bya ba seng ge'i rgyal po 'bum phrag du ma dang lhan cig tu/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ gcan zan dang ri dgas thams cad la bde ba'i sgra seng ge'i skad 'byin cing 'chag la shin tu brtse ste/ bcom ldan 'das la sri zhu bya ba'i phyir/ bcom ldan 'das la lan gsum bskor ba byas nas/ bya rgod kyi phung po'i ri'i phyogs gcig tu go bzung ngo / / yang de'i tshe spos kyi glang po'i rgyal po ri bo dang / sprin lta bu zhes bya ba spos kyi glang po'i rgyal po 'dum phrag du ma dang lhan cig tu phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ 'brug sgra chen po bzhin du sgrogs shing skad phyung nas/ bcom ldan 'das la sri zhu bya ba'i phyir/ bcom ldan 'das la lan gsum bskor ba byas te/ bya rgod kyi phung po'i ri'i phyogs gcig tu go bzung ngo // de bzhin du gcan zan dang / ri dgas thams cad kyi bar dag gis bya rgod kyi phung po'i ri'i phyogs gcig tu go bzung ngo / / yang de'i tshe sha sbrang dang sbrang bu dang / chu srin dang / nya dang / rus sbal dang / sdig pa dang / srin gyi me dang / bar su mi ka dang / tsun tsu ka dang sa ri ka dang / srog chags gdug pa'i rigs rnams kyis dug rnam par spangs nas/ dug gi rang bzhin dang bral bar gyur te 'khod do// yang de'i tshe sbrul dang / myur du gdug pa dang / sbrul gzi gu dang / chu sbrul dang / gdug pa mi bzad pa chen po'i rigs rnams kyis/ dug rnam par spangs nas dug gi rang bzhin dang bral bar gyur te 'khod do// yang de'i tshe nadang bzhi brgya rtsa bzhis thebs pa'i sems can gang su yang rung ba dag dang / yi dgas su gyur pa gang yin pa dag dang / sems can dmyal ba'i skye gnas su gyur pa gang yin pa de dag thams cad zas dang skom gyis tshim par gyur te/ bde ba dang bsil ba'i rlung gis phog nas gnyid 'ong zhing mngon par brtse bar gyur to/ / yang de'i tshe las mi bzad pa'i rnam pa bcu drug gis 'tsho ba'i sems can rnams kyis las mi bzad pa'i rang bzhin btang nas/ de dag thams cad kyang zas dang skom gyis tshim par gyur te/ bde ba dang bsil ba'i rlung gis phog nas gnyid 'ong zhing mngon par brtse bar gyur to// sha za zhing srin po'i rang bzhin lta bur gyur pa'i sems can gang yin pa de dag thams cad kyang sha za ba spangs te ji srid 'tsho'i bar du tshul khrims blangs so/ / yang de'i tshe sems can gang dag byi ba byed pa dang / rku 'phrog la zhugs pa gang yin pa de dag thams cad kyis kyang tshul khrims blangs te dul ba dang / yang dag par sdom pa la dga' bar gyur to// de nas las mi bzad pa chen po bcu drug gis 'tsho ba dang / sha za ba dang / byi ba byed pa dang / ma byin par len pa la zhugs pa'i sems can de dag gis rang rang gi sems rjes su dran nas gar byed cing glu len te/ sri zhu bya bar brtsams so// yang de'i tshe de dag dang gzhan yang lha dang / klu dang / gnod sbyin dang / nam mkha' lding dang / mi 'am ci dang / lto 'phye chen po dang / dri za dang / lha ma yin dang / srin po dang / grul bum dang / 'byung po dang / gcod byed kyi bu dang / brgya byin dang / 'jig rten skyong dang / tshangs pa dang / nags kyi lha dang / bya dang / rig sngags 'chang dang / 'dod dgur sbyar ba'i gzugs can gyi lha mo'i tshogs du ma dag kyang / chos kyi 'du ston gyi mchog gi dkyil 'khor chen po thos te rab tu dga' bar gyur nas/ tshul khrims yongs su dag cing / theg pa chen po rgyas par bya bar 'dod pa/ mtshungs pa med pa'i mdo chen po'i bsgrub pa gzung bar 'dod pa/ dam pa'i chos kyi phyogs su gtogs pa'i sems can rnams yun ring du gnas par 'dod pa/ ma 'ongs pa'i sems can bsod nams chung ngu rnams kyi bsod nams kyi phung po chen po rgya chen po bskyed pa dang / dam pa'i chos gnas par 'dod pa rnams/ phye ma red kyi dus kyi tshe/ rang rang gi gnas nas byung nas/ bcom ldan 'das ga la ba der dong ste lhags nas/ bcom ldan 'das kyi chos kyi 'du ston la mchod pa byas te/ mtshan mtha' yas pas yang dag par brgyan pa ston zla tha chung gi zla ba nya ba lta bu'i rgyal ba zla ba'i zhabs la mgo bos yun ring du phyag 'tshal nas bcom ldan 'das la lan gsum bskor ba byas te/ bcom ldan 'das ga la ba de logs su thal mo sbyar ba btud nas phyogs gcig tu 'khod do// de nas de'i tshe byang chub sems dpa' sems dpa' chen po sprin chen snying po zhes bya ba stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das la bdag phyogs 'gra' zhig zhu'o// de skad ces gsol nas/ bcom ldan 'das kyis byang chub sems dpa' sems dpa' chen po sprin chen snying po la 'di skad ces bka' stsal to// sprin chen snying po khyod de bzhin gshegs pa la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// de skad ces bka' stsal nas/ byang chub sems dpa' sems dpa' chen po sprin chen snying po bcom ldan 'dras 'di skad ces gsol to/ / bcom ldan 'das byang chub sems dpa' rnams mdo gang dang ldan na/ ting nge 'dzin gyi rgya mtshor yang 'gyur ba dang / ting nge 'dzin yang dag par sogs par yang 'gyur ba dang / thos pa'i rgya mtshor yang 'gyur ba dang / thos pa yang dag par sogs par yang 'gyur ba dang / bla na med pa yang dag par rdzogs pa'i byang chub la som nyi mi 'chol zhing / yid gnyis ma mchis la/ the tshom 'tshal bar yang mi 'gyur ba dang / mi khom pa rnams su skye bar yang mi 'gyur ba dang / tshe rabs dran par yang 'gyur ba dang / 'khor ba'i las kyi zhing gi rgya mtsho la sred par yang 'gyur ba dang / tshe rabs thams cad du tha na rmi lam na yang sangs rgyas mthong ba dang 'bral bar mi 'gyur ba dang / de dag gi dge ba'i chos rnams la bar chad bgyi ba'i slad du/ bdud sdig can glags lta ba dang / skabs tshol bas glags rnyed par yang mi 'gyur ba dang / nga rgyal tshoms par yang 'gyur ba dang / gzungs thob par yang 'gyur ba dang / de bzhin gshegs pa'i ldem po ngag dpyod pa la mkhas par yang 'gyur ba dang / chos thams cad kyi gsang ba'i sgor 'jug par yang 'gyur ba dang / de bzhin gshegs pa'i gter yang dag par ston par 'gyur ba dang / de bzhin gshegs pa'i tshul la 'jug par yang 'gyur ba dang / de bzhin gshegs pa'i rgya mtsho'i chu srin du yang 'gyur ba dang / de bzhin gshegs pa'i gzhung lugs kyi nang du chud par yang 'gyur ba dang / de bzhin gshegs pa'i sgyu 'phrul gsang ba'i srungs mar yang 'gyur ba dang / de bzhin gshegs pa'i gsung brjod par yang 'gyur ba dang / de bzhin gshegs pa'i dmig pa la rnam par 'byor par yang 'gyur ba dang / de bzhin gshegs pa'i nyi ma'i 'od zer du yang 'gyur ba dang / de bzhin gshegs pa'i zla ba'i dkyil 'khor gyi gzer yang 'gyur ba dang / de bzhin gshegs pa'i rtog gi rtse mo'i mchog tu yang 'gyur ba dang / de bzhin gshegs pa'i mtshan 'dzin par yang 'gyur ba dang / de bzhin gshegs pa'i 'phrin las la rtsom par yang 'gyur ba dang / de bzhin gshegs pa'i rtsal gyi shugs su yang 'gyur ba dang / de bzhin gshegs pa'i mu stegs la nges pa'i pad+ma dkar por yang 'gyur ba dang / de bzhin gshegs pa'i dgyes pa la dga' bar yang 'gyur ba dang / de bzhin gshegs pa'i mdzod kyi dkor bar yang 'gyur ba dang / de bzhin gshegs pa la rtag pa nyid du mthong bar yang 'gyur ba dang / de bzhin gshegs pa'i rtag pa dang / ther zug pa nyid shin tu gsal bar mthong nas/ bdag nyid bsngags pa brjod pa'i rgyal por yang 'gyur ba dang / de bzhin gshegs pa ni ther zug pa'i sku yin no zhes ther zug tu smra bar yang 'gyur ba dang / de bzhin gshegs pa'i zhi bzhi ma bzhin la mngon par dga' ba'i lta ba phun sum tshogs par yang 'gyur ba dang / de bzhin gshegs pa'i rtag pa dang / ther zug pa dang / brtan pa dang zhi ba'o zhes rnam pa thams cad du lta ba'i rgya mtsho thams cad du yang 'gyur ba dang / de bzhin gshegs pa'i sku ni chos kyi sku yin no zhes de kho na'i mthong bar yang 'gyur ba dang / de bzhin gshegs pa'i rdo rje'i sku ni mi phyed pa'i sku yin no zhes yang dag par mthong bar yang 'gyur ba dang / de bzhin gshegs pa'i sku ni rus pa ma yin zhing / sha ma yin la khrag ma yin te/ rgyus pa ma yin no zhes stong pa nyid du smra bar yang 'gyur ba dang / de bzhin gshegs pa'i chos bstan pa ni 'bras bu yod pa yin no zhes 'bras bu yod par smra bar yang 'gyur ba dang / de bzhin gshegs pa'i chos bstan pa la ni 'bras bu med par 'gyur ba med do zhes med par smra bar yang 'gyur ba dang / de bzhin gshegs pa la ni gtan du yongs su mya ngan las 'das par 'gyur ba med do zhes gsal bar smra bar yang 'gyur ba dang / de bzhin gshegs pa'i rjes su rab tu 'byung ba'i sems can rnams la ni tshul khrims nyams pa med do zhes tshul khrims kyi bsngags pa brjod par yang 'gyur ba dang / de bzhin gshegs pa'i bstan pa la ni nub par 'gyur ba med do zhes nub par mi 'gyur ba'i bsngags pa brjod par yang 'gyur ba dang / de bzhin gshegs pa'i rigs dang rgyud dag cing yongs su dag la dri ma med pas/ byang chub sems dpa' ni thabs kyi rigs kyi rgyud yin no zhes lta ba phun sum tshogs par yang 'gyur ba dang / rtag tu 'khor ba la sdug par sems par yang 'gyur ba dang / 'khor ba'i bsngags pa brjod par yang 'gyur ba dang / 'khor ba'i cheng du thos pa'i rgya mtshor yang 'gyur ba dang / de bzhin gshegs pa'i rigs la dmigs par 'dod par yang 'gyur ba dang / rtag tu nyon mongs pa la sems par yang 'gyur ba dang / nyon mongs pa la sdug par sems par yang 'gyur ba dang / nyon mongs pa'i sgo rnam pa sna tshogs thob pa la dad pa thob par yang 'gyur ba dang / sangs rgyas thams cad kyi 'phrin las kyi zhing la smon lam 'debs pa'i sems su yang 'gyur ba dang / las thams cad kyi rtsa ba ni nyon mongs pa yin no zhes rnyed pa legs par rnyed par lta bar yang 'gyur ba dang / sangs rgyas kyi rtag pa nyid la yang som nyi mi 'tshal zhing yid gnyis ma mchis la/ the tshom 'tshal bar yang mi 'gyur ba dang / 'khor ba la mngon par dga' bar yang 'gyur ba dang / 'khor ba la mos par yang 'gyur ba dang / bdag sangs rgyas su 'gyur bar bya'o zhes rtag tu dad pa'i sems su yang 'gyur ba dang / bdag gis chos kyi 'khor lo bskor bar bya'o// bdag gis sems can rnams dgrol bar bya'o// bdag gis sangs rgyas kyi gdung mi 'chad par bya'o/ zhes dam 'cha' zhing smon lam 'debs te/ byang chub sems dpa' ded dpon du yang 'gyur ba dang / bdud kyi sman par yang 'gyur ba dang / 'khor ba'i nyon mongs pa'i rgya mtsho'i ston pa por yang 'gyur ba dang / 'khor ba'i nyon mongs pa'i tshong rngam thob par lta bar yang 'gyur ba dang / 'khor ba'i rgya mtsho chen po thob pas snyoms par yang 'gyur ba dang / 'khor ba la sred par yang 'gyur ba dang / 'khor ba thob pa la rag las pa'i sems su yang 'gyur ba dang / 'khor ba thob pa mi gtong bar yang 'gyur ba dang / 'khor ba'i tshul pad+ma'i rgyal po rgyas par yang 'gyur ba dang / 'khor ba'i nyon mongs pa'i rgya mtsho ga zhir yang 'gyur ba dang / 'khor ba'i nyon mongs pa la rtag tu smon lam 'debs pa'i sems su yang 'gyur ba dang / sems can dmyal ba'i 'gro ba la dga' bar yang 'gyur ba dang / sems can dmyal ba'i 'gro ba la sems shin tu rtag tu bsam pa gtong ba'i nga tshul can du yang 'gyur ba dang / sems can dmyal ba'i tshong rdal gyi tshong par yang 'gyur ba dang / sems can dmyal ba thob pa mi gtong bar yang 'gyur ba dang / sems can dmyal ba'i me la sems rgyas par yang 'gyur ba dang / sems can dmyal ba'i nyon mongs par gyur pa rnams la bde zhing bsil ba'i rlung du yang 'gyur ba dang / sems can dmyal ba'i me drag po la sprin chen po las char kun tu 'bebs par yang 'gyur ba dang / sems can dmyal ba'i thog tog tu yang 'gyur ba dang / sems can dmyal ba'i ston pa por yang 'gyur ba dang / sems can dmyal ba'i rgya mtsho'i mnyan pa chen por yang 'gyur ba dang / sems can dmyal ba'i sman du yang 'gyur ba dang / sems can dmyal ba'i zas su yang 'gyur ba dang / 'khor ba'i sdug bsngal dang / nyon mongs pa thams cad kyis zin pa'i mun pa mun nag gsal ba'i phyir sgron ma lta bur yang 'gyur ba dang / snang bar bya ba'i phyir mar me lta bur yang 'gyur ba dang / srid pa'i 'gro ba thams cad kyi nyon mongs pa myur du gdug pa rnam pa sna tshogs kyis gos pa mi 'gyur ba'i phyir bar snang lta bur yang 'gyur ba dang / sems nam mkha' dang mtshungs pa'i phyir mi gnas par yang 'gyur ba dang / de bzhin gshegs pa'i rjes su rab tu byung ste/ tshul khrims dang stobs dang ye shes dang ldan pa'i phyir kha ba'i phung po lta bu'i nyon mongs pa sel ba'i nyi ma lta bur yang 'gyur ba dang / legs par smras pa yang dag par blang ba'i phyir/ gzhan gyi dring mi 'jog par yang 'gyur ba dang / ye shes rgya mtsho dang ldan pa'i phyir/ rgya mtsho dug can lta bur yang 'gyur ba dang / dkar po'i chos yongs su rdzogs par byas pa'i phyir/ zla ba lta bur yang 'gyur ba dang / gta mug gi mun pa sel ba' phyir nyim lnga bur yang 'gyur ba dang / nyon mongs pas 'khor ba la mngon par 'jug cing 'gro ba'i tshe/ bar snang lta bur yang 'gyur ba dang / de dang de mngon par rtogs pas pad+ma lta bur gos pa med par yang 'gyur ba dang sems nam mkha' dang mtshungs pa'i phyir/ mi gnas par yang 'gyur ba dang / chos thams cad la nges par 'bigs pa'i phyir/ rdo rje lta bur 'gyur ba dang / de bzhin gshegs pa'i yon tan gyi che ba nyid rtag pa dang / ther zug pa dang / brtan pa thob na mi g.yo ba'i phyir ri lta bur yang 'gyur ba dang / de bzhin gshegs pa'i rigs dang / rgyud la ye shes rnam par dag pa'i phyir bai DUR+Ya lta bur yang 'gyur ba dang nyon mongs pa'i rnyog pa sel ba'i phyir/ rgya mtsho dug can pa'i gser gyi pha bong lta bur yang 'gyur ba dang / de bzhin gshegs pa'i rtag pa dang / ther zug pa dang brtan pa'i rang bzhin mthong ba'i phyir zla ba lta bur yang 'gyur ba dang / de bzhin gshegs pa'i chos las mi g.yo ba'i phyir ri lta bur yang 'gyur ba dang / de bzhin gshegs pa gtan du mya ngan las mi 'da' zhing chos nub par mi 'gyur ba thos na mi g.yo ba'i phyir sgo'i them pa lta bur yang 'gyur ba dang / yang dag pa mthong ba'i phyir sems brtan zhing gnas par yang 'gyur ba dang / sems mi phyed pa'i phyir rdo rje lta bur yang 'gyur ba dang / mngon sum du yon tan mang po thob pa mang bar yang 'gyur ba dang / ngo tsha shes pa dang khrel yod pa dang ldan par yang 'gyur ba dang / mdzes par yang 'gyur ba dang / blta na sdug par yang 'gyur ba dang / brkam pa med par yang 'gyur ba dang / lus chung ngur yang mi 'gyur ba dang / kha dog bzang po rgyas pa mchog dang ldan par yang 'gyur ba dang / rigs mthon por skye bar yang 'gyur ba dang / rigs chen por skye bar yang 'gyur ba dang 'khor mang bar yang 'gyur ba dang / 'khor mi phyed par yang 'gyur ba dang / bla na med pa yang dag par rdzogs pa'i byang chub las mi nyams shing yongs su nyams par yang mi 'gyur ba dang / kha zas la brkam par yang mi 'gyur ba dang / sha'i kha zas kyang rnam par spong bar 'gyur ba dang / blo gros dang ldan par yang 'gyur ba dang / skye bo thams cad kyi yid du 'ong zhing cher bkur bar yang 'gyur ba dang / dran pa dang ldan par yang 'gyur ba dang / gzi byin dang ldan par yang 'gyur ba dang / shes rab dang ldan par yang 'gyur ba dang / dga' ba dang ldan par yang 'gyur ba dang / 'jig rten dang 'thun par 'jug par yang 'gyur ba dang / 'jig rten la phan par 'dong bar yang 'gyur ba dang / 'jig rten la bde bar yang 'gyur ba dang / 'jig rten gyi thu bor yang 'gyur ba dang / 'jig rten gyi gtso bor yang 'gyur ba dang / 'jig rten gyi mchog tu yang 'gyur ba dang / 'jig rten gyi rab tu yang 'gyur ba dang / 'jig rten thams cad kyis phyag bya bar 'os par yang 'gyur ba dang / 'jig rten thams cad kyis mchod pa'i gnas su yang 'gyur ba dang / sbyin bdag chen por yang 'gyur ba dang / stobs chen po dang ldan par yang 'gyur ba dang / dpa' bo chen por yang 'gyur ba dang / brtson 'grus chen po dang ldan par yang 'gyur ba dang / byams pa'i sems dang ldan par yang 'gyur ba dang / bden pa smra bar yang 'gyur ba dang / brtul zhugs brtan par yang 'gyur ba dang / brtson 'grus brtsams par yang 'gyur ba dang / byams pa la gnas par yang 'gyur ba dang / snying rje la gnas par yang 'gyur ba dang / dga' ba la gnas par yang 'gyur ba dang / btang snyoms la gnas par yang 'gyur ba dang / stong pa'i chos rnams la stong par smra bar yang 'gyur ba dang / stong pa ma lags pa'i chos rnams la stong pa ma lags par smra bar yang 'gyur ba dang / sangs rgyas kyi chos kyi don rtogs smra bar yang 'gyur ba dang / sangs rgyas kyi de kho na'i chos kyi lta ba smra bar yang 'gyur ba dang / gtsang mar yang 'gyur ba dang / gtsang mas phyug par yang 'gyur ba dang / yon tan gyis phyug par yang 'gyur ba dang / tshul khrims kyis phyug par yang 'gyur ba dang / chos kyis phyug par yang 'gyur ba dang / 'phrog tu ma mchis pa'i rdzas kyis phyug par yang 'gyur ba dang / skye bo dbul po spong ba la sogs pa la gter lta bur yang 'gyur ba dang / stong pa nyid dang / mtshan ma med pa dang / smon pa med pa'i chos rnams ston pa na mi skrag mi dngang zhing / dngang bar yang mi 'gyur ba dang / sangs rgyas kyi zhing gang dang gang du skye bar bgyi bar sems bskyed pa de dang der skye bar yang 'gyur ba dang / rnyed pa dang bkur sti dang / tshigs su bcad pa don du mi gnyer bar yang 'gyur ba dang / tshul khrims 'chal pa rnams bsdus nas dam pa'i chos la 'god par yang 'gyur ba dang / tshul khrims 'chal pa g.yo sgyu dang ldan pa rnams la thog tog lta bur yang 'gyur ba dang / de bzhin gshegs pa la byas pa mi gzo ba rnams byas pa gzo ba la yang dag par sbyor bar yang 'gyur ba dang / mu stegs can gyi gnas thams cad du mi 'phrogs par 'gyur zhing / slar de la thabs dang ldan par yang 'gyur ba dang / dge sbyong dang / bram ze dang / mu stegs can phas kyi rgol ba mang po dag gis phug rdugs su mi chud cing / slar de la thabs kyis ston par yang 'gyur ba dang / mu stegs can gyi gnas thams cad kyi gsang tshig rnams la 'dun par mi 'gyur zhing / slar de la thabs kyis 'dun par bgyid par yang 'gyur ba dang / lha dang / klu dang / gnod sbyin dang / dri za'i gnas thams cad la rten par mi 'gyur zhing slar de la thabs kyis yang dag par rten pa lta bur yang 'gyur ba dang / las la ston par 'gyur gyi/ bkra shis dang dge mtshan la ston par yang mi 'gyur ba dang / srog gcod pa bgyid kyang srog gcod pa spangs par yang 'gyur ba dang / me tog 'phreng dang / spos dang / byug pa dang / phye mas gdab pa dang / khyim pa'i longs spyod dang / yongs su spyad pa rnam pa du ma dag dang / chung ma dang lhan cig tu 'dod pa'i yon tan spyod kyang shin tu tshangs par spyod par yang 'gyur ba dang / srog gcod pa dang / rku 'phrog bgyid pa dang / brdzun gyi tshig dang / skyems 'tshal ba la sogs pa la sten cing las rnams bgyid la bu dang chung ma rnams sten kyang shin tu tshangs par spyod par yang 'gyur ba dang / de bzhin gshegs pa thams cad kyis mchod par yang 'gyur ba dang / de bzhin gsheg pa thams cad kyis rjed par yang 'gyur ba dang / de bzhin gshegs pa thams cad kyis ches bkur bar yang 'gyur ba dang / de bzhin gshegs pa thams cad kyis sdug par bya ba'i sras su yang 'gyur ba dang / de bzhin gshegs pa thams cad las byas pa gzo ba'i bsgo skal la spyod par yang 'gyur ba dang de bzhin gshegs pa thams cad kyi 'phrin las mtshungs pa'i chos kyi de kho na mthong bar yang 'gyur ba dang / sangs rgyas thams cad dang ye shes kyi yang dag par rtog pa mtshungs par yang 'gyur ba dang / sangs rgyas thams cad kyi chos gsang ba rnam pa mang po lung bstan pa'i yul la spyis brtsan pa'i rgyal por yang 'gyur ba dang / sangs rgyas thams cad kyi gsang ba'i chos ston pa rnam pa du ma rjod par yang 'gyur ba dang / sangs rgyas thams cad kyis bzhed pa'i nga rgyal la gnas pa'i yul la mkhas par yang 'gyur ba dang / sangs rgyas thams cad kyi 'dod chags ma mchis pa dang / dri ma mchis pa dang / 'jigs pa ma mchis pa gsang ba rnam pa mang po'i chos ston pa'i rang bzhin dag la rin po che lta bur yang 'gyur ba dang / sangs rgyas thams cad kyi sems can 'dul ba'i dbang gis 'dod chags dang / zhe sdang dang / gti mug dang / 'jigs pa'i chos kyi phyogs thams cad 'jug pa yang dag par mthong bar yang 'gyur ba dang / sangs rgyas thams cad yun ring po bskal pa bye ba bgrangs pa mang po nas brgal nas nyon mongs pa'i rgya mtsho las grol bar mdzad pa'i gsang ba thams cad kyi de kho na mthong bar yang 'gyur ba dang / sangs rgyas thams cad kyis sems can 'dul ba'i dbang gis nyon mongs pa'i rgya mtshor skye ba bstan te brgal nas bsgral bar bya'o/ / grol nas dgrol bar bya'o snyam nas bstan pa'i gsang ba'i khyad par gyi sgo'i rang bzhin dag mthong bar yang 'gyur ba dang / sangs rgyas thams cad kyi yun ring po bskal pa bye ba bgrangs pa mang po 'das nas/ bdud bye ba rab tu bcom pa'i rnam pa gsang ba'i de kho na mthong bar yang 'gyur ba dang / sangs rgyas thams cad kyis sems can 'dul ba'i dbang gis byang chub kyi shing drung du bdud 'dul ba'i gsang ba'i khyad par gyi sgo'i rang bzhin ston pa lta bur bcos la legs par mthong bar yang 'gyur ba dang / thabs kyis chos kyi 'khor lo bskor ba dang / thabs kyis yongs su mya ngan las 'das pa lta bur bcos pa'i de kho na mthong bar yang 'gyur ba dang / sangs rgyas thams cad rol pa'i gsang ba'i rgyal po'i mchog tu yang 'gyur ba dang / sangs rgyas thams cad kyi yul bsam gyi mi khyab pa mtshungs pa ma mchis pa/ dpe ma mchis pa/ grangs ma mchis pa/ dpag tu ma mchis pa/ bgrang ba las 'das pa la bgrang ba'i rgyal por yang 'gyur ba'i byang chub sems dpa'i mdo gang lags/ de skad ces gsol nas/ bcom ldan 'das kyis byang chub sems dpa' sprin chen snying po la 'di skad ces bka' stsal to/ / sprin chen snying po legs so legs so// sprin chen snying po khyod sems can thams cad la phan pa dang bde/ ba dang / sems can dmus long du gyur pa rnams la de bzhin gshegs pa thams cad kyi yon tan gyi che ba nyid kyi bsngags pa brjod pa'i de kho na shes pa'i mig gi rgyu'i don dang rtag tu mig mthong bar bya ba'i don dang / 'khor ba'i nyon mongs pa'i rgya mtsho'i pha rol tu phyin par bsgral ba'i don dang / de bzhin gshegs pa thams cad kyi byang chub sems dpa'i spyod pa yongs su shes par bya ba'i don dang / 'khor ba'i rgya mtsho'i nyon mongs pa'i sgo nga'i sbubs yongs su brtol te/ byang chub sems dpa'i spyod pa'i rjes su yang dag par bslabs nas/ phyir yang 'khor ba'i rgya mtsho'i nyon mongs pa'i sgo nga'i sbubs su thabs kyis 'jug par bya ba'i don dang mi rtag pa dang stong pa dang / yongs su mya ngan las 'das pa dang / bdag med pa'i bsngags pa brjod pa'i sems can rnams la/ sangs rgyas kyi yon tan gyi che ba nyid yongs su mya ngan las 'das pa rtag pa dang / ther zug pa dang / brtan pa dang / zhi ba'i rang bzhin gyi bdag nyid du gnas par yongs su bstan pa'i don dang / chos nub par smra bar sems can la dam pa'i chos brtan pa'i rang bzhin gyi mig rnam par sbyang ba'i don dang / lha'i gnas kyi gzugs thams cad la log par lta ba'i dug gis phog pa'i sems can rnams la phyir gso ba'i las chen po'i cho ga skyug sman dang / bkru sman btang ba'i don dang / de bzhin g shegs pa'i ldem po ngag la sems yongs su rmongs shing rnam par 'khrul pa'i sems can rnams la yang dag pa'i rig sngags brjod cing chu'i bum pa thogs pa'i gsang sngags kyi sbyor ba'i cho ga'i sman gnod sel la mkhas pa'i sman pa chen po yongs su gzung ba'i don dang / spyod pa pa dang / kun tu rgyu dang / gcer bu la sogs pa 'os ma yin pa'i lha'i gzugs rnams la rtag pa dang / 'os pa'i rang bzhin du 'dzin pa'i dug gis phog pa'i sems can rtag pa dang / 'os par smra ba rnams la dug ha la ha la'i zug rngu 'byung ba'i phyir/ mi rtag pa dang / 'os ma yin pa'i lta ba mi ston par bya ba'i don dang / mi rtag pa dang / 'os ma yin pa dang / lha ma yin pa'i lta ba rnam par spang bar bya ba'i don dang / mi rtag pa dang lha ma yin pa'i lta bas bcings pa las sgrol ba'i don dang / mo rtag pa dang / 'os ma yin pa dang / lha ma yin pa'i lta ba'i nad gzhi bskyog pa dang / bkru ba'i don dang / mi rtag pa dang / 'os ma yin pa dang / lha ma yin pa'i dug gis skrangs pa gtar ba'i don dang / mi rtag pa dang / 'os ma yin pa dang / lha ma yin pa'i lta ba'i dug gis rnam par 'dres pa'i mig gi sha mdzar bcad pa'i don dang / de bzhin gshegs pa thams cad kyi dus kyi rnam par 'phrul pa la 'jug pa'i gnas dang / spyod yul dang / gdung dang / mtshan dang / zha nga dang / de kho na nyid mkhyen pa dang / ro dang kha zas zhom po dang / bde par byed pa'i bsnyen bkur ba dang / che ba la 'os pa'i mal stan bde ba dang / btung ba dang / khrus dang / spos dang / me tog 'phreng dang / phye mas bsgo ba dang / bdug pa dang / gos kyi mchog phra zhing shin tu phra ba dang / rab tu mdzes pa'i yang dag par bstan pa'i don dang de bzhin gshegs pa'i sku chos kyi sku yin par yang dag par bstan pa'i don tu khyod kyis tshig 'di legs par smras pa ni yang legaso/ / de bzhin gshegs pa'i sku de yang shin tu zab pa'i mtshan nyid de mtshan nyid gcig pa yang ma yin/ mtshan gyi gzhi med pa yang ma yin/ mtshan gyi gzhi mngon par yang ma yin/ rtogs par 'gyur ba yang ma yin// rtogs par mi 'gyur ba yang ma yin/ tshu rol na yang ma yin/ pha rol na yang ma yin/ bar na yang ma yin/ thog ma na yang ma yin/ thog ma med pa na yang ma yin/ 'di na yang ma yin/ gzhan na yang ma yin/ rtag pa yang ma yin/ mi rtag pa yang ma yin/ tshad mar bya ba yang ma yin/ tshad mar mi bya ba yang ma yin/ mtshan mo yang ma yin/ mtshan mo ma yin pa yang ma yin/ chung ngu yang ma yin/ chung ngu ma yin pa yang ma yin/ yang ba yang ma yin/ yang ba ma yin pa yang ma yin/ rnam par shes par bya ba yang ma yin/ rnam par shes par mi bya ba yang ma yin/ rnam par shes pas shes par bya ba yang ma yin/ rnam par shes pas shes par mi bya ba yang ma yin/ mi gnas pa yang ma yin/ mi gnas pa ma yin pa yang ma yin/ mun pa yang ma yin/ snang ba yang ma yin/ ming yang ma yin/ mtshan ma yang ma yin/ mthu chung ba yang ma yin/ stobs dang ldan pa yang ma yin/ yul na gnas pa yang ma yin/ phyogs na gnas pa yang ma yin/ dge ba yang ma yin/ mi dge ba yang ma yin/ 'dus byas kyang ma yin/ 'dus ma byas pa yang ma yin/ ga zhig na yod do zhes brjod du rung pab yang ma yin/ sbyin par yang ma yin/ len par yang ma yin/ tshig tu brjod du rung ba yang ma yin/ tshig tu brjod du mi rung ba yang ma yin/ bden par yang ma yin/ brdzun bar yang ma yin/ yang dag pa nyid du yang ma yin/ lta bar yang ma yin/ nges par 'byung ba yang ma yin/ nges par 'byung ba la yang ma yin/ zhing du yang ma yin/ zhing ma yin par yang ma yin/ dus kyang ma yin/ dus ma yin par yang ma yin/ sbyang bar yang ma yin/ sbyang bar mi bya ba yang ma yin/ gtsang ba yang ma yin/ mi gtsang ba yang ma yin/ byas pa yang ma yin/ ma byas pa yang ma yini/ skyes pa yang ma yin/ 'gags pa yang ma yin/ zhi ba rab tu zhi ba nye bar zhi ba ste/ khams kyang ma yin/ phung po yang ma yin/ skye mched kyang ma yin/ khams kyis bskyed pa yang ma yin/ phung pos bskyed pa yang ma yin// skye mched kyis bskyed pa yang ma yin/ nyon mongs pa'i rgyu las byung ba yang ma yin/ las kyi rgyu khas byung ba yang ma yin/ bsags pa yang ma yin/ ma bsags pa yang ma yin la/ 'chi 'pho med par 'chi 'pho ba/ mu med pa/ 'gro ba med par 'gro ba dpung gnyen du gyur pa/ phyi ma'i mtha' med pa/ 'pho ba med pa/ da ltar gyi dus na mi gnas pa'i rang bzhin can/ gzugs med pa/ tshor ba med pa/ 'du shes med pa/ 'du byed med pa/ rnam par shes pa med pa'i de bzhin nyid kyi rang bzhin/ mi zad pa/ zad par byar mi rung ba/ zad pa dang bral ba/ mi mnyam pa/ mi mnyam pa dang mnyam pa/ rnam par shes pa ma yin pa/ khams bzhi las yang dag par 'das pa/ chos thams cad la ma chags pa'i mthar phyin pa/ yang dag pa'i mtha'/ mtha' med pa de bzhin nyid dang mnyam pa ste/ de ltar de bzhin gshegs pa'i sku ni yon tan dpag tu med cing grangs med pa dang ldan pa yin no// de bzhin gshegs pa'i 'bel gtam gyi mtshan nyid ni/ 'di lta bu yin te/ phra ba'i tshig dang / shin tu rtogs par dka' ba dang / shin tu byang ba dang shin tu zab pa ste/ phyi rol pa rnams dang / nyan thos dang / rang sangs rgyas de dag gis sngon tshig dang yi ge gcig kyang ma thos te/ dmus long du gyur cing dug gi mdzod du gyur pa dang / gru bor gyur cing rgas par gyur pa srid pa'i sgo nga'i sbubs kyis g.yogs pa/ gru zhogs pa/ dug gis phog pa'i zug rngus yongs su myos par byas pa/ 'khris pas brgyal zhing sems rnam par 'khrul por byas pa'i nyan thos dang / rang sangs rgyas thams cad dang / sems can thams cad gso ba'i cho ga chen po bskyug pa dang / bkru ba'i sbyor ba dang / gsang sngags dang / yang dag pa'i rig sngags brjod cing chu'i bum pa thogs te ha la ha la'i dug gi zug rngu 'byung ba'i don dang / yongs su mya ngan las 'das pa'i sgra'i bad kan dang 'bris pa snying la zhugs pa bcad pa'i don dang / de dag gi lto rnam par sbyang ba'i don dang / de dag gi dug gis skrangs par gyur pa gtar ba'i don dang / phye ma leb dang / sbur bu lta bur gyur pa de dag dug gis phog pa dang / 'chi ba yongs su shes par bya ba'i don dang / de bzhin gshegs pa'i rtag pa dang / thar zug pa dang / brtan pa dang / zhi ba'i ye shes snang ba'i mar ma gsal bar bya ba'i don dang / de bzhin gshegs pa'i rtag pa dang / brtan pa dang / ther zug pa'i de kho na mkhyen pa'i zla ba dang / nyi ma'i 'od bskyed pa'i don dang / shes rab kyi rtag pa'i mig spel bar bya ba'i don dang / mtshungs pa med pa'i tshul thob par bya ba'i don dang / gzungs dang ting nge 'dzin gyi rdzas kyi ltad mo bstan pa'i don dang / de bzhin gshegs pa'i gzhung lugs kyi 'phags pa'i nor thob par bya ba'i don dang / de bzhin gshegs pa'i sku'i yang dag pa'i me long gi dkyil 'khor legs par mthong bar bya ba'i don dang / de bzhin gshegs pa yongs su mya ngan las 'da'o snyam pa'i ma rig pa'i dra ba'i sgo nga'i sbubs brtol ba'i don dang / de bzhin gshegs pa'i bstan pa nub par 'gyur ro snyam pa'i ma rig pa'i rgya mtsho chen por gru zhigs pa'i sems can rnams kyi gru bcos pa'i don dang / de bzhin gshegs pa ni mi rtag go ther zug ma yin no// mi brtan no// zhi ba ma yin no snyam pa'i dug gis phog pa'i lta ba'i zug rngu dbyung zhing gso ba'i cho ga chen po yongs su gzung ba'i don dang / de bzhin gshegs pa ther zug pa ma yin// zhi ba ma yin/ brtan pa ma yin/ rtag pa ma yin no snyam pas sems yongs su rmongs par byas shing / rnam par 'khrul par byas pa'i 'khris pa zhi bar bya ba'i phyir/ de bzhin gshegs pa rnams phyogs gcig tu bzhugs nas/ de bzhin gshegs pa thams cad kyi 'bel ba'i gtam bsam gyis mi khyab pa'i rnam par thar pa'i gsang ba'i chos ston pa'i tshul rnam pa sna tshogs kyi rtsed mos par rol te/ rnam pa sna tshogs kyi tshul gyis mngon par gnas shing / yang dag par zhugs te 'bel ba'i gtam mdzad do/ / 'bel ba'i gtam ni mtshan nyid de lta bu phra ba'i tshig dang / shin tu rtogs par dka' ba dang / shin tu byang ba dang / shin tu zab pas brgyan pa yin te/ sprin chen snying po/ / nyan thos dang rang sangs rgyas thams cad kyis/ sngon tshig dang yi ge gcig kyang ma thos shing yul du ma gyur pa zhu ba lung bstan pa'i phyir dam bcas shing smon lam btab pa legs so legs so/ / sems can thams cad la phan pa dang bde ba'i bdud rtsi mi zad pa'i rin po che'i gter/ de bzhin gshegs pa la dris pa shin tu legs par byas so/ / sems can thams cad kyi bdud rtsi mtshungs pa med pa'i mdo'i rgyal po'i gter dang / de bzhin gshegs pa thams cad kyi ye shes kyi gter dang / de bzhin gshegs pa thams cad kyi yon tan gyi che ba nyid kyi gter dang / de bzhin gshegs pa thams cad kyi rtag pa dang / ther zug pa dang / brtan pa dang / zhi ba'i yang dag pa'i ye shes kyi lta ba bzang po'i gter dang / de bzhin gshegs pa thams cad kyi de kho na nyid kyi yon tan rtag pa'i rang bzhin gyi gter gtsugs te shin tu brtan par byas pa yin no// sprin chen snying po khyod tang 'tsham zhing rkyen du bab par dam bcas shing smon lam btab pa ni legs te/ de bzhin gshegs pa de dag thams cad kyang rjes su yi rang ba mdzad do// de skad ces bka' stsal nas/ byang chub sems dpa' sems dpa' chen po sprin chen snying pos bcom ldan 'das la 'di skad ces gsol to// bcom ldan 'das bdag gis de bzhin gshegs pa dgra bcom pa yang dag par rdzogs pa'i sangs rgyas rnams la zhu ba lung bstan pa'i slad du dam bcas shing smon lam btab pa ma lags kyi/ bcom ldan 'das bdag gis ni de bzhin gshegs pa'i mthus sems can thams cad bsod nams ba sogs par bgyi ba'i slad du/ de bzhin gshegs pa dgra bcom pa yang dag par rdzogs pa'i sangs rgyas la lung bstan pa'i slad du mtshungs pa ma mchis pa'i mdo'i rgyal po'i gter dang / sems can thams cad kyi mi zad pa'i gter gyi dam bcas shing smon lam btab pa lags so// dmus long lta bu'i sems can rnams kyi ye shes kyi mig gi mar me bcom ldan 'das kyis bstan du gsol/ sems can thams cad kyi shes rab kyi gter bcom ldan 'das kyis bshad du gsol sems can thams cad kyi de bzhin gshegs pa'i yon tan rtag pa dang / ther zug dang / brtan pa dang / zhi ba dang / dam pa'i chos brtan pa'i gter gnas par mdzad du gsol de skad ces gsol nas/ bcom ldan 'das kyis byang chub sems dpa' sems dpa' chen po sprin chen snying po la 'di skad ces bka' stsal to// sprin chen snying po legs so legs so/ / sprin chen snying po khyod kyis de bzhin gshegs pa dgra bcom pa yang dag par rdzogs pa'i sangs rgyas rnams la khyod dang 'tsham pa'i tshig gi don phra zhing zab mo'i tshig dang yi ge spel ba dang / sems can thams cad kyi de bzhin gshegs pa'i yon tan gyi che ba nyid rtag pa'i mtshan nyid dam pa'i chos brtan pa'i gter dang / khyod dang 'dra ba dag gi mtshungs pa med pa'i mdo'i rgyal po'i gter dang / dam pa'i chos brtan pa'i gter dang / sems can thams cad kyi bdud rtsi mi zad pa'i gter de bzhin gshegs ba la zhus pa legs te/ sems can thams cad kyi gter brtan par bzhag pa/ ngas bshad par bya'o// sprin chen snying po de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi yang dag pa'i yon tan gyi che ba nyid dam pa'i chos brtan pa'i gter gyi tshul de legs par rab tu nyon la yid la zung shig dang / bstan par bya ste/ sprin chen snying po gzhan yid la ma sems shig dang bshad par bya'o// sprin chen snying po sems can thams cad la phan pa dang bde ba dang / snying brtse ba'i phyir brtan pa'i sems kyis zung shog/ sems can thams cad nges par sprul ba'i sems kyis yid la zung shig/ sprin chen snying po de bzhin gshegs pa dgra bcom pa yang dag par rdzogs pa'i sangs rgyas rnams kyi sangs rgyas kyi yon tan gyi che ba nyid kyi chos brtan pa'i gter gyi tshul gang gis/ sangs rgyas kyi yon tan gyi dam pa'i chos brtan pa'i gter gyi tshul dang / de kho na shes pa'i chus yongs su smin par byas pa'i dge ba'i rtsa ba'i bdud rtsi'i ro zhim po thob pa yod de/ dge ba'i rtsa ba des bdud rtsi'i ro zhim po yongs su spyad nas/ de bzhin gshegs pa thams cad mdzad pa thams cad mdzad de/ yongs su rdzogs pas sangs rgyas kyi mdzad pas mngon par rol pa bdud rtsi'i ro zhim po de yang yongs su spyod cig/ sems can thams cad la yang ye shes chen po'i bdud rtsi'i ro zhim po byin cig/ sprin chen snying po sprin chen po'i mdo// chos kyi rnam grangs chen po tshams par spyod pa thog mar dge ba/ bar du dge ba/ tha mar dge ba/ don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byang bzung shig/ sprin chen snying po sprin chen po'i mdo/ / mtshungs pa med pa'i mdo'i rgyal po chos kyi rnam grangs chen po de/ de bzhin gshegs pa'i tshul dam pa'i chos brtan pa'i gter shod cig/ sprin chen snying po sprin chen po'i mdo kun chub par gyis shig/ sprin chen snying po sprin chen po'i gzungs kyi rgya mtsho chen po// ting nge 'dzin gyi rgya mtsho de bzhin gshegs pa'i yon tan gyi che ba nyid yon tan 'byung gnas kyi tshong rdal/ skyes bu dam pa'i tshong pa'i gnas chen por gyur pa rgyas par gyis shig/ sngon chen snying po de bzhin gshegs pa'i yon tan gyi che ba nyid ting nge 'dzin dang / gzungs thams cad kyi gsang ba sam gyis mi khyab pa'i rnam par 'phrul pa'i rgyal po dge ba'i rtsa ba'i 'byung gnas/ zab mo'i tshig gi don rtag pa dang / ther zug pa dang / brtan pa dang / zhi ba'i rang bzhin gyi phyag rgya'i mtshan nyid brtan pa'i mngon mtshan gyis btab pa/ sprin chen po'i mdo// mtshungs pa med pa'i mdo'i rgyal po'i chos kyi tshul zung shig/ sprin chen snying po shin du byang zhing shin tu rtogs par dka' ba/ rtag pa dang / ther zug pa dang / brtan pa dang / zhi ba'i rang bzhin sangs rgyas kyi yon tan gyi che ba nyid kyi sprin chen po'i/ mdo// mtshungs pa med pa'i mdo'i rgyal po// dam pa'i chos brtan pa'i gter la yid ches par gyis shig/ sprin chen snying po sprin chen po'i mdo// sems can thams cad kyis dam pa'i chos brtan pa'i gter dang / mu ge byung ba'i tshe/ longs spyod mi zad par byed pa'i ting nge 'dzin dang / gzungs kyi gter dang / 'char mi 'bab pa'i tshe/ dam pa'i chos kyi ting nge 'dzin gyi gter mi zad pa'i bdud rtsi'i char chus gang ba'i sprin chen po'i yon tan gyi rnam par 'phral pa dang / de bzhin gshegs pa'i yon tan gyi che ba nyid rtag pa dang / ther zug pa dang brtan pa dang / zhi ba'i rang bzhin char chen po dam pa'i chos brtan pa'i gter dang / nad byung ba'i tshe/ bde zhing bsil ba'i sman sbyar bas dug gi mthu thams cad med par byed pa dang / dam pa'i chos kyi gzungs thob pa'i ting nge 'dzin rtag pa dang / ther zug pa dang / brtan pa dang / zhi ba'i rang bzhin gyi de bzhin gshegs pa'i ngo bo nyid kyi yon tan gyi tshogs la bsnyen bkur bya ba'i gnas dang / me tog phreng ba dang / phye ma'i bsgo bas bsgos pa sprin chen po'i mdo// nad med par brtan pa'i gter yi ger bris shig/ sprin chen snying po sems yongs su rmongs shing / rnam par 'khrul pa rnams/ de bzhin gshegs pa mi rtag cing ther zug pa ma yin la/ mi brtan zhing nub par 'gyur ro zhes log par smra ba rnams 'khris pas brgyal zhing / dug gi zug rngus rnam par bsregs pa'i lta ba'i gnyid kyi mun pas gnod par byas pa'i khyim du nyal nas gnyid log ste/ rmi lam mi zad pa'i lta bas bsregs nas myong shong rmis te skrag pa'i nyan thos dang / rang sangs rgyas thams cad dang / brgan grum mo dang 'dra ba'i sems can rnams la/ sangs rgyas kyi yon tan gyi che ba nyid rtag pa'i rang bzhin shes pa'i 'bru mar dang / de kho na rig pa'i snying po rab tu 'bar bar gyis shig/ de bzhin gshegs pa'i yon tan gyi rang bzhin rtag pa'i ma me la 'jug pa spangs nas/ shAkya'i rigs la bsngags pa ma yin/ pa brjod pa'i sems can mi shes pa'i lta ba mang ba de dag la de kho na shes pa bi ka ta ka'i 'bras bu'i mig sman gyis phyi bar gyis shig/ de bzhin gshegs pa'i rigs kyi che ba nyid kyi che ba yang dag pa'i ye shes spangs la/ de bzhin gshegs pa'i rjes su rab tu byung ste/ nyes pa brjod par byed pa de dag gi lce chod de bor cig/ de bzhin gshegs pa'i ldem po ngag shes rab kyis rtogs par bya ba'i phyir/ de bzhin gshegs pa'i rjes su rab tu byung ste/ sangs rgyas kyi sras su gyur pa de dag la lta ba thams cad la rnam par 'phrul bab 'di gtad pa gyis shig/ smon chen snying po de bzhin gshegs pas bshad pa la 'bras bu med do zhes zer ba'i sems can rnams la/ de bzhin gshegs pas bshad pas 'bras bu yod par mngon par rtogs par bya ba'i phyir/ rnam par 'phrul pa gyis shig/ sprin chen snying po khyod kyis rnyed pa legs par rnyed kyis mngon par dad par gyis shig/ sprin chen snying po nyan thos dang / rang sangs rgyas thams cad dang / sems can thams cad kyi lta ba thams cad bskyug pa dang bkru ba dang / sman snar glugs pa'i cho ga chen po thams cad kyis nad chen po rnams gzhom pa'i phyir mtshungs pa med pa'i mdo'i rgyal po chen po/ / mdo thams cad kyi bdag po 'khor lo thams cad kyi bskor ba/ dam pa'i chos rin po che'i mchog brtan pa'i gter/ sems can thams cad kyi yul ma yin pa/ zab mo'i tshig gi don de bzhin gshegs pa la dris la/ dam pa'i chos brtan pa'i gter rab tu gnas par gyis shig/ sprin chen snying po sprin chen po'i mdo yul bsam gyis mi khyab pa la ltos/ sprin chen snying po sprin chen po mdo las/ de bzhin gshegs pa rnams dang / byang chub s ems dpa' rnams kyi rnam par thar pa bsam gyis mi khyab pa la gnas pa rin po che'i mdzod kyi 'byung gnas kyi chos kyi rnam par 'phrul pa'i rgyal po zhes bya ba'i ting nge 'dzin gyi sgo bzhi brgya yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi phyir mi zlog pa'i ye shes mtha' yas pa/ rin po che'i 'byung gnas la mngon par 'jug pa zhes bya ba'i gzungs kyi sgo sum cu rtsa drug yod do/ / sprin chen snying po sprin chen po'i mdo bsam gyis mi khyab pa'i yul la/ de bzhin gshegs pa rnams dang byang chub sems dpa' rnams kyi ldem po ngag gi gzhi'i bye brag la 'jug pa la rmongs pa'i tshul gyi/ chos kyi thabs kyi rgyun kyi rnam par thar pa'i sgo nyi shu rtsa gsum yod do// sprin chen snying po sprin chen po'i mdo bsam gyis mi khyab pa'i yul la/ de bzhin gshegs pa rnams dang / byang chub sems rnams kyi srid par skye bas rtse ba'i rnam pa la 'jug cing gnas pa bgrod pa'i gtsang ba bkod pa'i rgyal po zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams la/ byang chub sems dpa' rnams kyi 'khor ba'i nyon mongs pa'i zhing gi las kyis thob par bya ba'i phyir/ sems kyis yang dag par len pa'i rnam par grol ba'i smon lam gsang ba zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi ye shes la rmongs pa'i snying po bsam gyis mi khyab pa gzung ba'i rnam par 'phrul pa'i rgyal po zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi ye shes zab mo brtan pa thob par la 'jug pa'i rnam pa zhes bya ba'i chos kyi sgo bcu yod do/ / sprin chen stong po sprin chen po'i mdo la/ de bzhin gshegs pa rnams dang / byang chub sems dpa' rnams kyis sprin chen snying po'i char gyi rgyun bsam gyis mi khyab pa'i bsod nams kyi mdzod ces bya ba'i chos kyi sgo bcu yod do/ / sprin chen snying po sprin chen po'i mdo las/ de bzhin gshegs pa rnams dang / byang chub sems dpa' rnams kyi sprin chen po'i char gyi rgyun bsam gyis mi khyab pa'i bsod nams kyi rnam pa'i lam zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi sprin chen po'i tshogs nam mkha' las 'byung zhing 'du ba'i rnam par 'phrul pa'i rgyal po zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi sprin chen po'i glog gi 'od snang ba'i sgo zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi sprin chen po'i klog 'grub dang ldan pa la 'jug pa'i rnam pa zhes bya ba'i chos kyi sgo bcu yod do// sprin chen snying po/ sprin chen po'i mdo la/ de bzhin gshegs pa rnams dang / byang chub sems dpa' rnams kyi sprin chen po'i glog gi sgyu 'phrul zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi cho 'phrul chen po sgron ma ston pa zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi chos kyi thog tog gi 'beb pa'i gtam la 'jug pa'i rnam par 'phrul pa'i rgyal po zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyis ye shes rdo rje'i rnam pa la 'jug pa'i mdzod srung ba zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyis longs spyod mi zad pa'i rnam pa la 'jug pa/ rnam par 'phrul pa'i rgyal po zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi yang dag pa'i lam gyi rnam pa mngon par mtshon pa la 'jug pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang byang chub sems dpa' rnams kyi phra zhing zab pa'i gleng gzhi'i rnam pa la 'jug pa zhes bya ba'i chos kyi sgo bcu yod do/ / sprin chen snying po spun chen po'i mdo la/ de bzhini gshegasar rnams dang / byang chub sems dpa' rnams kyi seng ge'i rnam par rtse ba la dmigs pa zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnam dang / byang chub sems dpa' rnams kyi mtshams sbyar ba tshogs pa'i rnam par 'jig rten dang 'thun par 'jug par bya ba la 'jug pa'i mdo zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi mngon par rtse ba'i rin po che'i mdzod la/ 'jug pa zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi nam mkha' lding gi rtsa ba chen po'i stobs la mngon par 'jug pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi sgra chen po'i dus rnam par bsgrags pa bkod pa'i rgyal po zhes bya ba'i chos kyi sgo bcu yod do/ / sprin chen snying po sprin chen po'i mdo la de bzhin gshegs pa rnams dang byang chub sems dpa' rnam kyi mi 'jigs pa chen po'i stobs kyi rnam par 'phrul pa la 'jug pa zhes bya ba'i chos kyi sgo bcu yod do/ / sprin chen snying bopo sprin chen po'i mdo la/ de bzhin gshegs pa rnams dang / byang chub sems dpa' rnams kyis gnas kyi rnam pa dang bcas pa yangs pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi lhag pa'i bsam pa'i cho ga la 'jug pa zhes bya ba'i chos kyi sgo bcu yod do/ / sprin chen snying po sprin chen po'i mdol de bzhin gshegs pa rnams dang / byang chub sems dpa' rnams kyi dmag chen po dpa' bo'i rgyal po stobs bkod pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi bzang po'i rnam pa'i rnam par 'phrul pa'i rgyal po la 'jug pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi rtse ba dang / bcas pa yang dag par spungs pa ston pa'i dpung che ba la 'jug pa zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi ye shes rtsom pa'i cho ga la zhugs pa'i rnam pa zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi ye shes kyi nor bsgrims te/ bsgrub pa'i mdzod ces bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi yang dag pa'i mchod sbyin la phan pa'i cho ga bkod pa zhes bya ba'i chos kyi sgo bcu yod do// sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi sangs rgyas kyi zhing gi yang dag pa'i sa bon rab tu bskyed pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi de kho na'i snying po'i tshul gyis mngon par rtse ba la dga' ba'i rgyal po'i rnam par 'phrul pa la 'jug pa zhes bya ba'i chos kyi sgo bcu yod do/ / sprin chen snying po sprin chen po'i mdo la/ yul bsam gyis mi khyab pa'i rnam pa'i yon tan gyis yongs su brgyan pa dang / de bzhin gshegs pa rnams dang / byang chub sems dpa' rnams kyi rin po che'i mdzod kyi gter chen po'i yul bsam gyis mi khyab pa dang / sems can/ thams cad kyi dam pa'i chos brtan zhing mi zad pa'i gter la ltos/ sprin chen snying po gzhan yang sprin chen po'i mdo'i yul bsam gyis mi khyab pa la ltos/ sprin chen snying po sprin chen po'i mdo'i yul bsam gyis mi khyab pa la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i tshul zhes bya ba'i gsang ba'i chos kyi sgo dag yod do/ / sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i zab mo zhes bya ba'i chos kyi sku yod do/ / sprin chen snying po spu ni chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i rgya mtsho zhes bya ba'i chos kyi sgo bcu yod do/ / sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i gzhung lugs gsang ba zhes bya ba'i chos kyi sgo yod do/ / sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i bsrung ba la 'jug pa zhes bya ba'i chos kyi sgo yod do/ / sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi/ de bzhin gshegs pa'i yang dag par brjod pa gsang ba zhes bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i dmigs pa gsang ba zhes bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i nyi ma zhes bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i zla ba'i dkyil 'khor zhes bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i tog ces bya ba'i chos kyi sgo yod do// sprin chen snying po sprini chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i mtshams zhe bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i zab mo zhes bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i rnam par gnon pa zhes bya ba'i chos kyi sgo yod do// sprin chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i nges pa'i mu stegs zhes bya ba'i chos kyi sgo yod do// spran chen snying po sprin chen po'i mdo la/ de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i dgyes pa dang ldan pa zhes bya ba'i chos kyi sgo yod do// de bzhin gshegs pa dgra bcom pa yang dag par rdzogs pa'i sangs rgyas rnams kyi de bzhin gshegs pa'i mdzod ces bya ba'i gtsang ba'i chos kyi sgo yod do// sprin chen snying po sprin chen po'i mdo'i yul de bzhin gshegs pa'i dam pa'i chos kyi tshul dang / sems can thams cad kyi longs spyod mi zad pa'i gter la ltos/ sprin chen snying po sprin chen po'i mdo'i yul bsam gyis mi khyab pa la ltos/ sprin chen snying po sprin chen po'i mdo la/ de bzhin gshegs pa rnams dang / byang chub sems dpa' rnams kyi bsam gyis mi khyab pa'i yang bsam gyis mi khyab pa'i rnam par thar pa'i rnam pa dang / ting nge 'dzin dang gzungs thob pa brgya stong du ma dang / gzhan yang de bzhin gshegs pa dgra bcom pa yang dag par rdzogs pa'i sangs rgyas rnams kyi 'jig rten gyi rjes su 'jug pa'i mdzad pa du ma dang / de bzhin gshegs pa'i gsang ba bye ba brgya stong khyod dang 'dra ba dag gis kyang rtogs par dka' zhing / zab la phra ste bang phrad par dka' ba'i tshig gi don shin tu sbas pa dang / de bzhin gshegs pa'i yul shin tu phra zhing shin tu byang la zab pa'i cho ga dang / de bzhin gshegs pa'i ldem po ngag gi tshig khyed kyis kyang sngon tshig dang yi ge gcig kyang ma thos pa'i tshig yod de/ rims bzhin du phyis bshad par bya'o// de nas byang chub sems dpa' sems dpa' chen po sprin chen snying po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das kyi zhabs la mgo bos phyag 'tshal nas/ mig mchi mas gang bzhin du/ bcom ldan 'das la 'di skad ces gsol to/ / kye ma bcom ldan 'das bdag cag la sogs pa rnams dang sbrang bu dang / sdig sbrul dang / byi ba dang / lkugs pa dang / long ba dang / 'on pa lta bu'i sems can thams cad la thugs brtse ba'i slad du/ sprin chen po'i mdo'i tshig smos te bka' stsal pa ni/ kye ma bcom ldan 'das ngo mtshar rmad du byung ba lags so// de bzhin gshegs pas sprin chen po'i mdo'i tshig smros shing gsungs te/ bdag cag la sogs pa sems can thams cad de bzhin gshegs pa'i yon tan gyi che ba nyid rtag pa'i grong khyer gyi skas la 'dzeg par bgyi ba'o slad du/ de bzhin gshegs pas shin tu legs par bka' stsam pa lags na// da yang bdag cag la sogs pa nyan thos dang / rlung sangs rgyas thams cad dang / po dang / lag rdum dang / dmus long dang / lkugs pa dang / 'on pa dang / yan lag thams cad nyams par gyur pa'i sems can rnams la de bzhin gshegs pas bzod pa dang byams par dgongs pa dang / thugs rje zhing / thugs brtse ba'i slad du/ bdag cag gis tshig dang / yi ge gcig gi thig le tsam yang sngan chad ma thos pa/ de bzhin gshegs pa'i yul bsam gyis mi khyab pa'i de bzhin gshegs pa'i rtag pa dang / ther zug pa dang / brtan pa dang / zhi ba'i grong khyer gyi skas dang / them skas yon tan gyi tshogs kyis yongs su brgyan pa bshad du gsol/ de nas bcom ldan 'das kyis/ byang chub sems dpa' sems dpa' chen po sprin chen snying po la 'di skad ces bka' bsngal to// sprin chen snying po de bzhin gshegs pa'i ldem po ngag smos pa/ khyod kyi khong du chud de shin tu legs par rtogs pa legs so legs so// sprin chen snying po de ltar na/ sprin chen po'i mdo de bzhin gshegs pa'i tshul ni bsam gyis mi khyab po/ / sprin chen snying po sprin chen po'i mdo'i yul bsam gyis mi khyab pa la rjes su yi rang bar gyis shig/ sprin chen snying po khyod kyis sprin chen po'i mdo dang 'thun par dam bcas shing smon lam btab pa ni/ khyod ye shes zab mo dang ldan pa yin gyis/ sprin chen snying po ma skrag shig/ sprin chen snying po ma 'jigs shig/ sprin chen snying po sprin chen po'i mdo'i yul bsam gyis mi khyab pa dran par gyis shig/ bdud rtsi'i tshig sprin chen po'i mdo'i yi ge 'bru lnga 'am/ de bzhin gshegs pa'i yon tan gyi che ba nyid zab pa dang mnyam pa nyid dang / rtag pa dang / ther zug pa dang / brtan pa 'chad pa'i mdo'i ming gi den yang rung ste/ gang na yang dag par gnas pa der mi'i lam gyi bzhi mdo'i dbus su yang 'gro bar bya'o// sprin chen snying po gzhan yang mnyan pa'i don dang / bkur sti bya ba dang / ri mor bya ba dang / mchod pa dang / rim gro bya ba'i phyir/ 'jig rten gyi khams gang+gA'i klung gi bye ma snyed mes shin tu gang ba'i nang du yang zhugs te bgro par bya'o/ / sprin chen snying po gzhan yid la ma sems shig dang // khyod la de bzhin gshegs pa rnams rjes su yi rang ste/ bde ba dang ldan nam/ rnyed pa rab tu rnyed do zhes kyang bka' stsol bar 'gyur ro// khyod kyis tshig dang yi ge gcig gi thig le lta bu dag kyang sngon ma thos pa'i de bzhin gshegs pa'i yul zab cing phra la don bzang po dang tshig 'bru bzang por sbyar ba'i tshig dang ldan pa dag ring po mi thogs par thob par 'gyur ro/ / phra ba'i tshig de dag rtogs par 'dod pa dang / de bzhin gshegs pa'i rtag pa dang / ther zug pa dang / brtan pa'i yon tan che ba nyid kyi spyod pa dang / de kho na'i spyod pa rtogs par 'dod pas ni/ sprin chen po'i mdo'i// yul bsam gyis mi khyab pa'i spyod pa la brtson par bya'o// dam pa'i chos brtan par bya ba dang / mnyan pa'i phyir/ de bzhin gshegs pa'i rtag pa dang / ther zug pa dang / brtan pa'i yon tan gyi che ba nyid kyang gzhan dag la rgyas par bstan par brtson par bya'o/ / de bzhin gshegs pa rtag pa zhes bya ba dang / de bzhin gshegs pa gtan du mya ngan las 'da' ba med do zhes bya ba dang / de bzhin gshegs pa'i bstan pa yang nub par mi 'gyur ro zhes bya ba la brtson par bya ste/ gzhan dag la rgyas par bshad pa la yang brtson par bya'o// de na de'i tshe rnam par 'thor rlung gi rgyal po rnam/ lha'i bde ba'i long spyod dang / yongs su spyad pa'i bde ba dang bsil ba'i chu dang / 'dres pa'i rlung dus tshigs drug gi me tog dang / 'bras bus rgyas pa dag rab tu gtong zhing / bcom ldan 'das la sri zhu bya ba la zhug so// de na de'i tshe sangs rgyas kyi mthus nam mkha' la sprin gyi tshogs chen po stang zil gyi kha dog 'dra zhing / chu ro mngar ba rnam pa bzhis rgyas pa dag 'brug sgra sgrogs te chem che ma rab tu chem/ kun tu rab tu chem che ma/ mngon par rab tu chem chem mo/ / che ma nal rab tu chem nal/ kun tu rab tu chem nal/ mngon par rab tu chem nal lo// bdud rtsi'i 'brug sgra sgrogs/ rab tu sgrogs kun tu rab tu sgrogs/ mngon par/ // ra sgrogs so// sil sa nA dag gru dbyangs lta bu'i sgra sems can thams cad kyi yid du 'ong ba 'byin/ rab tu 'byin/ kun tu rab tu 'byin/ mngon par rab tu 'byin/ to// dir ding rab tu ding ding / kun tu rab tu di ding/ mngon par rab tu der dring ro// 'gro rab tu 'phro// kun tu rab tu 'phro// mngon par rab tu 'phro'o// 'khrugs rab tu 'khrugs kun tu rab tu 'khrugs/ mngon par rab tu 'khrugs so// glongs rab tu glongs/ kun tu rab tu glongs/ mngon par rab tu glongs so// g.yos rab tu g.yos/ kun tu rab tu g.yos/ mngon par rab tu g.yos so/ / glog mang po 'gyur/ rab tu 'gyur/ kun tu rab tu 'gyu/ mngon par rab tu 'gyu ste/ bdag ni sras lags so// bdag ni sras lags so zhes sgra snyan pa dag grag par gyur to// de nas de'i mod la sangs rgyas kyi mthus/ phyogs bcu'i 'jig rten du/ sangs rgyas kyi zhing bye ba phrag bcu'i rdul snyed kyi phra rab kyi rdul snyed kyi 'jig rten gyi khams rnam pa drug tu 'gul rab tu 'gul/ kun tu rab tu 'gul/ mngon par rab tu 'gul to// g.yos rab tu g.yos/ kun tu rab tu g.yos/ mngon par rab tu g.yos/ ldeg rab tu ldeg/ kun tu rab tu ldeg/ mngon par rab tu ldeg go/ 'khrugs rab tu 'khrugs/ kun tu rab tu 'khrugs/ mngon par rab tu 'khrugs so// chem chem/ rab tu chem chem/ kun tu rab tu chem chem/ mngon par rab tu chem chem mo/ / 'jig rten gyi khams 'di 'gul bar mthong yang myur ba myur bar phan tshun du sgra 'byin/ rab tu 'byin/ kun tu rab tu 'byin/ mngon par rab tu 'byin to// 'gul rab tu 'gul/ kun tu rab tu 'gul/ mngon par rab tu 'gul to// nam mkha' khebs par byed cing / bcud thams cad dang / rin po che dang / sman thams cad dang 'dres pa'i char gyi rgyun shin tu chen po 'bebs so/ / sprin gyi tshogs che'o cog 'brug sgra sgrogs shing / 'ur 'ur/ chem che ma dir dir/ tog yar/ tug chom/ khad khang lhag lhag cing / seng ge'i sgra chen po dang / glu'i sgra tshan po yid du 'ong ba'i sgra mngon par sgrogs so/ / rdza rnga'i sgra chen po lta bur chem chem/ dadir dir/ tog yar/ tug chom te/ glog chen po 'bar/ rab tu 'bar nas/ ldib sgrib cing 'dug go/ stong gsum gyi stong chen po'i 'jig rten gyi khams khor yug tu/ rin po che thams cad ro dang / ldan pa'i chu'i char pa bab ste/ mngon par bab par gyur to// de'i tshe 'dzam bu'i gling gi chu klung chen po brgyad dang / chu bran gyi tshogs du ma dag dang / phu chu rnams mngon par sgra sgrogs shing skad 'byin par gyur te/ tug rim shwa sho/ 'ur 'ur/ dari dir/ shwa shwa zhing 'dug ste/ mu dang kha chad du gang bar gyur la/ rin po che thams cad ro thams cad dang ldan pa'i chu mngon par 'bab par gyur to// de bzhin du mtsho bran dang / rdzing dang / rdzing chen po rnams kyang mu dang khang chad du gang la bcud thams cad dang / rtswa dang nags tshal gyi spyan thams cad dang 'dres pa'i chus rgyas par gyur te/ de lta bu'i bkod pa chen po dag dang / sbyin gyi tshogs chen po glog gi 'od dang 'dres pa'i sprin chen pos zhag bdun gyi bar du char shin du phab bo/ / 'on kyang sha sbrang dang / sbrang bu dang / sdig sbrul dang / skams na gnas pa dang / bcu dang / bya'i tshogs la sogs pa dud 'gror skyes pa thams cad dang / mi rnams dang srog chags thams cad la yang gnod par ma gyur to// grang bas spobs par yang ma gyur to// so thams thams byed par yang ma gyur te/ de dag sngan chad ye ma byung ba'i bde ba dang / dga' ba la rtse bas mngon par rtse bar gyur to// sngan chad ye ma byung ba'i bde ba thams cad nyams su myong ngo / / sngan chad ye ma byung ba'i ro zhim po thams cad myong ngo // sbal ba dang dud 'gror skyes pa thams cad kyang / sngan chad ye ma byung ba'i skad mngon par 'byin par gyur to// de'i tshe rgyal po'i khab dang / bya rgod kyi phung po'i ri dang bcas pa dang / tshong rdal dang / lung pa'i mdo dang bcas pa rnams dang / 'dzam bu'i gling dang bcas par rin po che thams cad kyis dang / rin po che thams cad kyi skud pas khebs te legs par brgyan par gyur to/ / rin po che'i shing ljon pa thams cad dang / rin po che'i khri shing thams cad phan tshun khri shing sems can thams cad kyi yid du 'thad pa'i sgra rab tu sgrogs te/ phan tshun 'khrol bar byed do// rin po che thams cad kyi ut+pal dang / ku mu ta dang / pad+ma dkar po rnams kyang zla ba dang / nyi ma'i gzi brjid kyi 'od kyis bye ba ltar rgyas par gyur to// dpe med pa'i spos mang pos bsgos shing me tog gis gang ste/ mngon par khebs par gyur pa'i sa gzhi la ma yin pa rnams 'chag par gyur to// 'dzam bu'i gling 'di na gnas pa'i 'khor chen po de dang / sems can thams cad kyis kyang me long gi ngos la ji lta ba bzhin du/ 'jig rten gyi khams thams cad rgyas par mthong ngo // de nas de'i tshe dud 'gro'i skye gnas su skyes pa thams cad kyang / theg pa chen po 'dod pa'i sems dang / theg pa chen pos skom pa'i sems dang / theg pa chen po la dad pa'i sems dang / gcig la gcig ma dang sring mo dang bu ji lta ba bzhin du sbyangs shing rab tu brtan par gyur nas/ mngon par gar byed cing skad 'byin te/ bcom ldan 'das la sri zhu byed pa la zhugs so// de nas de'i tshe de bzhin gshegs pa'i rnam par 'phrul pas 'khor chen po lha dang / klu dang / gnod sbyin dang / nam mkha' lding dang / mi 'am ci dang / lto 'phye chen po dang / dri za dang / lha ma yin dang / srin po dang / grul bum dang / 'byung po dang / gcod byed kyi bu dang / brgya byin dang / 'jig rten skyong ba dang / tshangs pa dang / nags tshal gyi lha dang / bya dang / rig sngags 'chang dang / 'dod dgur sbyar ba'i gzugs can gyi lha mo'i tshogs 'dres pa dag/ de bzhin gshegs pa'i rnam par 'phrul pas/ 'dzam bu'i gling shin tu rgyas par gyur pa dang / 'jig rten gyi khams sprul pa thams cad mthong nas ched du brtsams te/ de bzhin gshegs pa la lha'i me tog gi sprin gyi char mngon par phab bo/ / lha'i spos kyi sprin gyi char yang mngon par phab bo// lha'i phye ma'i sprin gyi char yang mngon par phab bo// lha'i me tog gi 'phreng ba'i sprin gyi char yang mngon pa phab bo/ / lha'i rin po che'i sprin gyi char yang mngon par phab bo// lha'i gdugs kyi sprin gyi char yang mngon par phab bo// lha'i gos dang / rgyal mtshan dang / ba dan gyi sprin gyi char yang mngon par phab bo// lha'i sil snyan dang pheg rdob pa'i sprin gyi char yang mngon par phab bo// lha'i glu dang gar du ldan pas mngon par gar byed pa'i sprin gyi char yang mngon par phab ste/ de bzhin gshegs pa'i bsam gyis mi khyab pa'i yul gyi cho 'phrul chen po yang mngon sum du mthong la/ de bzhin gshegs pa'i tshul dam pa'i chos brtan pa dang / shin tu rgyas pa chen po'i mdo'i rgyal po dang / de bzhin gshegs pa'i yon tan gyi che ba nyid rtag pa dang / ther zug pa dang / brtan pa dang / zhi ba dang / shAkya'i rigs kyi rgyud rnam par dag pa dang / de bzhin gshegs pa'i bstan pa 'bras bu yod pa'i tshig smos pa thos nas/ mngon par rtse zhing rab tu dga' ba'i sems bskyed de/ rang rang gi bla gos kyi/ de bzhin gshegs pa'i sku la gsol nas/ kha 'thun par tshigs su bcad pa 'di dag smras so// de bzhin gshegs pa rtag pa'i sku/ / rtag pa'i mtshan rnams phun sum tshogs// yon tan mtha' yas mtsho mnga' ba// sangs rgyas la ni mgos phyag 'tshal// bcom ldan khyod ni gzi brjid rtag/ rtag pa'i mtshan ni mdzad pa po/ / dpa' bo chen po lha yi lha// bsam gyis mi khyab dpe ma mchis// dpa' bo chen po sku rtag pa// ting 'dzin yon tan rgya mtsho che// chos sprin char pa chen po yi// sprin gyi mdo na ston pa po/ / zhi ba'i sku ldan zhi gyur pa// zhi ba'i sprin ni ston pa po// gzi brjid zhi zhing dpal yang zhi// phun sum tshogs pa zhi la gnas// gnas brtan ye shes rtag pa ste// zhing rtag rtag pa'i rnam pa lags/ / mi rtag tshogs kyi mun sel ba// mi rtag phyogs ni zad par mdzad// khyod ni ldem ngag mkhas pa ste// sems can kun la thugs brtser ldan// rgyal chen gsang ba mang po mnga'// rgyal ba zla ba 'od chen lags// de ni lha khyod bzang ba ste// mdo mchog 'du ston ston par mdzad// deng ni lha khyod mdzes gyur te// lha dang 'jig rten mthun par mdzad// 'dren mchog lha khyod deng sgrogs te/ / mdo bsgrags ming bcas ston par mdzad// rgyal po'i khab ni ri dang bcas// de ring khyod kyis snang bar mdzad// di ring gdan mchog mdzad gyur te// nor bu rin chen bye mang spras// yon tan mtha' yas brgyan pa yi// sa gzhi lha yi gos kyis bkang // bab la ldong ros mugs mtshal gyis// legs bris 'byes par byas pa la// gser dang nor bu bai DUr+ya// shel rnams kyi ni yongs su spras/ / bya rgod phung po mchog gyur pa// gangs kyi ri yi rtse brgya dag/ rab tu 'bar bas mdzes par byas// dpal dang ldan pa'i grong khyer 'dir// lha yi rin chen bla bre tshogs/ / sgra khang dag kyang legs par bcas// khang bzangs gzhal med khang mang gis// kho ra khor yug mdzes par gyur// mtsho zan dang brdzing chen mchog/ rdzing bu'i chus ni yul rnams brgyan/ / bder 'jug 'bab stegs rdzing chen mang // rgyal po'i khab ni de ring du// lha yi grong khyer bzhin du mdzes// rnga dang dung dang dril bu dang // pi wang rgyud bcas ma sbrengs bar/ / sgra chen sgrogs pa 'byung ba 'di// ngo mtshar rmad du byung ba lags// lus bde yid dang 'thad pa yi// ser bu'i ngad kyang ldang bar 'gyur// bar snang mkha' las 'brug sgra sgrogs// glog mang thams cad rnam par 'gyur/ / rin chen gang ba'i chu rgyun 'bab// de dag tshul gyis char 'bab cing // sems can mi gnod 'thun par bsil// srog chags phra mo sdig sbrul sbrang // di ring rab dga' mgu zhing rtse/ / le brgan rtsi deng sA la drang // a ti mug ta ti la ka/ pun nA ka dang ke da dang // ku ru ya ka ke sa ra// dri zhim pa dang na ga dang // a ka ru dang dong ka yis// 'od ma'i tshal ni de ring du/ / shin du snang zhing mchis par bgyis// bku la dang tsam pa ka/ thang shing bri yang gu yi shing // gseng phro ma dang ni nyo ti dang // sgron shing dang ni yongs 'du dang // shing ljon tshogs kyis 'od ma'i tshal/ / de ring snang zhing mchis par bgyis// a mra ta la ka bdi tha/ pa na sa dang tsan dan dmar// ba mngal shing ni dri zhim gyis// 'od ma'i tshal ni deng snang bgyis// sra rtsi shing mchog pa rang ga ang tsu ka dang ke sa ri/ / mya ngan 'tshang dang tsam pa ka/ dmar ser gyis ni 'od ma'i tshal// de ring 'bar zhing mchis par bgyis// rgya shug 'dzam bu kam b+ha ri// skyu ru bel la se'u shing nags// ten tra ka dang pa ka sa/ / mngar zhing zhim pa'i shing ljon dang // 'bra go'i shing mang rkun shing tshogs// bal bu dang ni sa brtol mang // ma ni kan dong ka dang // shing ljon tshogs kyis 'od ma'i tshal// de ring snang zhing mchis par bgyis/ / a ka ru yi shing dag dang // ta ma la 'dab rab mdzes dang // gur kum dang ni phur mo dang // sa bon tshogs ni mang po dang // go shi sha dang tsan dan dmar// ha ri'i tsan dan du ma dang / / shing ljon tshogs kyis 'od ma'i tshal// de ring snang zhing mchis par bgyis// bskyed mos tshal dang nags tshal dang // rdzing bu mtsho mangs dag na yang // dus tshigs kun gyi ut+pal tshogs// me tog rgyas pas 'od ma'i tshal/ / de ring snang zhing mchis par bgyis// rin chen kun gyi shing ljon dang // rin chen 'khri shing yongs su 'khri// rin chen kun gyi ut+pal gyi// me tog tshogs rnams de ring mdzes// sangs rgyas mthus ni de ring du// 'di ltar nyi zla'i dkyil 'khor dag/ 'jig rten khams ni mang por yang // dkon pa'i las mang bgyid par dga'// 'jig rten khams ni mang po dag/ me long gi ni dkyil 'khor ltar/ / sems can bye ba mang po yis// 'di na mchis bzhin gsal bar mthong // ngang pa khrung khrung ngur par bcas// shang shang te'u ni mang po dang // ka ra nad pa rma bya dang / / de bzhin khu byug kun la// bung ba mtha' yas bung bud sgrogs// rgyal po'i khab tu de ring ni// bya rnams rnam pa du ma dag/ skad snyan 'byin cing sgrogs par bgyid// gnag pa dang ni ljang ku'i mdog mdog sdug dang ni sngo ba dang / / pad+ma dkar po'i mdog can gyi// ngang mchog glang chen seng ge rnams// seng ge'i sgra ni sgrogs bgyid cing // rgyal po'i khab ni de ring mdzes// mdzam gling yul 'khor bcas pa dang / / lung bar bcas dang tshong rdal bcas// 'byor rgyas dag la sems can rnams// lha yi bde ba'i longs spyod spyad// sems dga' mos shing rab tshim nas// sems can rnam pa du ma yis/ / las drag mang po'i sdig spangs nas// yid bde rab tu dul bar gyur// de ring khyod kyi zhabs drung lhags// phyog 'tshal nas ni de ring du// rnam pa mang po'i tshul gyis 'jug/ nye gnas cho ga mchog la bzod/ / sems can lha mang bye ba rnams// dam pa'i chos kyi tshig kyang srungs// dam pa'i chos mchog rab kyi tshul// ngang tshul bzang pos nyan par bgyis// shin tu mi bzad bdud kyi 'khor/ / de ring rab tu g.yos par gyur// dmyal ba'i tshod dus phye nas kyang // de ring khyod kyi zhabs drung lhags// gzhan yang lha mang bye ba tshogs// glu gar rnam pa sna tshogs bgyid/ / de bzhin dud 'gro skyes pa yi// sems can rnams ni phan tshun du// mang du sgra bgyid chags pa'i tshul// 'khor ba'i tshul spangs chos kyang nyan// dmyal ba yi ni sems can rnams// sdug/ bsngal mang po myong ba yang // de ring me shi shas cher bsil// zas skom dag gis rab tshim nas// de ring bde bar gnyid kyis log/ de ring lha dang mi rnams kyi// de 'dra'i las rnams thod pa dang / sems can rnams kyi dam chos tshul// sgra bsgrags la ni mngon mchod cing // 'jug pa 'di ni ngo mtshar rmad// bcom ldan 'das kyis tshig gcig gsungs na ni// ji ltar blo dga' bzhin du sna tshogs rtog/ khyod ni sems can kun gyis bde myong ba'i// yangs shing rnam dag chos ni ston pa mdzad// sems can thams cad yid bde rab dul zhing // sems kyang rab dga' mnyam par byams par sems// gcig la gcig ni nongs pa bshags nas kyang // ma dang bu bzhin chos ni nyan par bgyid// sems can kun kyang bdag nyid gtsor bgyis nas// de ring bdag gis rang bzhin bsam dgongs snyam// dga' la thugs brtses bdag gis bstan bzhugs nas// mi mchog 'dul ba'i kha sbyar chos ston snyam// de ring lha khyod gdan cig stengs bzhugs nas// dam chos sprin gyi mdo mchog ston par mdzad/ de ring cho ga spyi mang la byin gyis brlobs// sku yang mang zhing gzugs mang ba'i// de bzhin gshegs pa chos kyi sku// stan rnams kun la bzhugs nas kyang // khyod ni chos 'di ston par mdzad// lU li lha la bdag dang nas// bdag cag de ring skyabs su mchis// khang par gnas pa'i lha kun ni// kye ma mi rtag mi brtanan// skabs ma mchis shing mgon mas chi/ bsod nams chung zhing sdig par bcas// klung rnams rgya mtshor 'du ba ltar// lha rnams thams cad khyod la rten// skyabs med rnams kyi skyabs lags te// de bas thub chen rtag pa lags// mgon med rnams kyi mgon yang khyod// gnyen med rnams la rab gnyen pa// brtan pa'i gnas na bzhugs pa ste// de bas mi g.yo brtan pa lags// kun gyi rten chen gyur pa ste// sman pa ther zug bdag nyid che/ / nad kyi thebs pa'i sems can rnams// legs sbyong che ba'i bdag nyid can// bcom ldan lha khyod bsam mi khyab// de bzhin gshegs pa thabs kyi sku// lha yi lha ste/ lha chen po// 'jig rten kun dang 'thun par 'jug/ dpa' bo chen po gsang ba'i gsang // gsang ba'i chos ni rab ston pa// ting 'dzin gzugs kyi rgyal po che// de bzhin gshegs paded dpon lags/ / byang chub sems dpa' gzi chen gyis// mtshungs med dpag gis mi lang ba// rtag pa'i zla ba yongs su bskor// dpe med bskal pa bye mang mdzes// khyod kyi yon tan bgrang las 'das/ / rin chen 'byung gnas de bzhin gshegs// dpal chen gzi brjid rtag pa ste// bsam yas stobs kyi rgya mtsho lags// sems can kun phan bsam mi khyab// kun la byams shing thugs brtse ba/ / thabs sras sgra gcan zin bzhin du// sems can kun snyoms byams par dgongs// de ring mnyam gyur mnyam par gzigs// mthu che stobs kyang che ba lags// mi shes srid pa'i mtsho chen las// deng khyod bdag ni bsgral du gsol// bdag cag kun gyis bzod par gsol// de bzhin gshegs pas bzod par mdzod// dam chos 'du sten thos nas ni// de bzhin gshegs pa'i che ba rtogs// ma 'tshal pa ni kye re mtshar// bdag gis yun rings mi snyan bgyis// de bzhin gshegs rtag ma 'tshal ba'i// sems can rnams ni ngan 'gror mchi/ / ma 'tshal ba ni kye re mtshar// bdag gis yun ring 'khor bar bgyis// yongs su mya ngan 'da' mdzad snyam// sems pa mar me'i nang dag tu// phye ma leb ni mchod pa bzhin// bcom ldan dam chos de bzhin du/ / yongs su mya ngan 'da' 'gyur snyam// de ltar sems par bgyid pa yi// lhar bcas 'jig rten 'khor bar 'gyur// deng bdag yang dag mtshan mthong ba// kye ma rnyed chen legs par rnyed/ / khyed kyi zhabs mchog gzi brjid kyis// dam chos tshig smos rgya mtsho thos// smon lam btab cing bsgrubs pa des// de ring bdag gis bdud rtsi 'tshal// bgyi ba chen po'i so so'i las/ / de ring bdag gis bstan par 'gyis// bdag gis de ring nad zhi zhing // nad med gnod pa ma mchis la// de ring bdag gi gdung ba bsregs// mchog tu yang ni bde bar 'gyur// 'jig rten kun la thugs brtse ba// bcom ldan sangs rgyas bshad du gsol// sems can kun gyi bde sgrub pa// sangs rgyas bcom ldan 'das pa yis// nad rnams ma/ lus mdzad par gsol// dam chos brtan pa'i tshul gyi gter// sems can dbul po rnams kyi ni// mi zad pa yi bdud rtsi'i gter// bcom ldan sangs rgyas bshad du gsol// rnam par sbyong ba'i cho ga yi/ / las kyi tshig ni smos pa rnams// bcom ldan sangs rgyas rgyas par mdzod// rtag cing brtan pa'i 'du ston la// sems can mang po dgod par gsol// sprin chen snying po'i mdo las lha thams cad 'dus pa zhes bya ba ste/ / phung po dang po'i le'u rdzogs so// // de nas bcom ldan 'das la/ byang chub sems dpa' sems dpa' chen po sprin chen snying pos 'di skad ces gsol to/ / dam pa'i chos brtan pa sprin chen po'i mdo'i tshig smos pa/ bcom ldan 'das de bzhin gshegs pas gsungs pa ni/ a la la ngo mtshar rmad du byung ba lags so// bcom ldan 'das a la la sprin chen po'i mdo'i yul bsam gyis mi khyab ste/ cho 'phrul chen po'i rnam par 'phrul pa sems can thams cad kyi mngon sum du gyur pa lags so// sprin chen po'i mdo bshad pa na/ sprin chen bo'i tshogs kyis rin po che thams cad dang / bdud thams cad kyis rgyas pa'i char gyi rgyun gyi tshogs bdud rtsi'i sgra las byung ba rnams kyis bdud rtsi'i char chen po rab tu phab bo// a la la de bzhin gshegs pa ni bsam gyis mi khyab ste/ yul bsam gyis mi khyab pa'i don shin tu legs par gsungs so// a la la sems can thams cad ni bsod nams bgyis pa lags so// a la la bsod nams kyi rnam par smin pa ni bsam gyis mi khyab ste/ sems can rnams lha'i bde ba'i longs spyod dang / yongs su spyad pa la yongs su spyod do// de ring sems can thams cad lha rnams dang lhan cig tu rtse par gyur to/ / sprin chen po'i mdo'i gter sems can thams cad kyi longs spyod mi zad po'i gter du gyur pa/ bcom ldan 'das kyis bshad du gsol/ de bzhin gshegs pa'i yon tan gyi ba nyid rtag pa dang / ther zug pa dang / brtan pa dang / zhi ba dang / mtshan nyid ma mchis pa'i char bcom ldan 'das kyis di ring dbab tu gsol/ sprin chen po'i mdo las ting nge 'dzin dang gzung kyi chus rgyas pa'i chos kyi sprin gyi tshogs kyi 'brug sgra 'khor ba'i nyon mongs pa'i tshogs kyi/ nam mkha'i dkyil du sgrogs shing de bzhin gshegs pa rtag pa'i sgra'i tshig rnams 'bebs te/ 'ur 'ur/ chem che ma zhing mchis la/ dam pa'i chos nub par mi 'gyur zhing yongs su mya ngan las 'da' bar mi 'gyur ba/ de bzhin gshegs pa'i ldeb po ngag gi glog ston te/ rtag pa'i sgra'i bcud bsil ba'i de kho na drag cing mi zad pa'i rgyun gyi char gyi tshogs kyis nyon mongs pa'i sbubs kyi lam rab tu sel ba'i dam pa'i chos kyi char chen po rab tu dbab tu gsol/ sems can thams cad mngon sum du de bzhin gshegs pa'i rtag pa dang / ther zug pa dang / brtan pa dang / zhi ba'i sgra'i tshig gi bcud kyi ro mngar ba bzhi/ ro shin tu bda' ba thams cad dang ldan pa'i chos la spyod par mdzad du gsol/ sngar gsungs pa'i tshig smos pa rnam par sbyong bar bgyid pa/ bcom ldan 'das kyis bshad du gsol/ bcom ldan 'das kyis bka' stsal pa/ sprin chen snying po legs so legs so// 'di lta bu'i sprin chen po mngar ba bzhi/ ro thams cad 'dres pa'i char rtag tu 'bebs par 'dod pas ni/ sprin chen po rdo rje'i mdo gzung bar bya'o// gzhan dag la yang rgya cher bshad par bya'o// shin tu dga' ba yang bskyed par bya'o/ / de la mngon par brtson par yang bya'o// sprin chen snying po// sprin chen po'i mdo las rnam par thar pa bsam gyis mi khyab pa la gnas pa/ rin po che'i mdzod kyi 'byung gan/ chos kyi rnam par 'phrul pa'i rgyal po zhes bya ba'i ting nge 'dzin gyi sgo bzhi brgya rgyas par nyon cig/ sprin chen snying po// sprin chen po'i mdo las zab mo brtan pa'i chu'i rgya mtsho'i dus tshod ces bya ba'i ting nge 'dzin yod de/ / ting nge 'dzin de dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro// ting nge 'dzin yang dag par sogs par yang 'gyur ro// thos pa rgya mtshor yang 'gyur ro/ / thos pa yang dag par sogs par yang 'gyur ro// bla na med pa yang dag par rdzogs pa'i byang chub la som nyi mi za zhing yid gnyis med pa/ the tshom za bar yang mi 'gyur ro// mkhom pa rnams su skye bar yang mi 'gyur ro/ / tshe rabs dran par yang 'gyur ro// 'khor ba'i las kyi zhing gi rgya mtsho la sred par yang 'gyur ro// tshe rabs thams cad du tha na rmi lam na yang sangs rgyas mthong ba dang 'bral bar yang mi 'gyur ro/ / de dag gi dge ba'i chos rnams la bar chad bya ba'i phyir// bdud sdig can glags lta ba dang / skabs tshol bas glags rnyed par yang mi 'gyur ro// nga rgyal choms par yang 'gyur ro/ / gzungs thob par yang 'gyur ro// de bzhin gshegs pa'i ldem po ngag dpyod pa la mkhas par yang 'gyur ro// chos thams cad kyi gsang ba'i sgor 'jug par yang 'gyur ro// de bzhin gshegs pa'i gter yang dag par ston par yang 'gyur ro// de bzhin gshegs pa'i tshul la 'jug par yang 'gyur ro// de bzhin gshegs pa'i rgya mtsho'i chu srin du yang 'gyur ro// de bzhin gshegs pa'i gzhung lugs kyi nang du yang chud par 'gyur ro// de bzhin gshegs pa'i sgyu 'phrul gsang ba'i srungs mar yang 'gyur ro// de bzhin gshegs pa'i gsung brjod par yang 'gyur ro/ / de bzhin gshegs pa'i dmigs pa la rnal 'byor par yang 'gyur ro// de bzhin gshegs pa'i nyi ma'i 'od zer du yang 'gyur ro// de bzhin gshegs pa'i zla ba'i dkyil 'khor gyi gzer yang 'gyur ro/ / de bzhin gshegs pa'i tog gi rtse mo'i mchog tu yang 'gyur ro// de bzhin gshegs pa'i mtshams 'dzin par yang 'gyur ro// de bzhin gshegs pa'i 'phrin las la rtsom par yang 'gyur ro/ / de bzhin gshegs pa'i rtsal gyi shugs su yang 'gyur ro// de bzhin gshegs pa'i mu stegs la nges pa'i pad+ma dkar por yang 'gyur ro// de bzhin gshegs pa'i dgyes pa la/ dga' bar yang 'gyur ro// de bzhin gshegs pa'i mdzod kyi dkor bar yang 'gyur ro// de bzhin gshegs pa la rtag pa nyid du mthong bar yang 'gyur ro// de bzhin gshegs pa'i rtag pa dang / ther zug pa nyid shin tu gsal bar mthong nas/ bdag nyid bsngags pa brjod pa'i rgyal por yang 'gyur ro// de bzhin gshegs pa ni ther zug pa'i sku yin no zhes ther zug tu smra bar yang 'gyur ro// de bzhin gshegs pa'i zhi ba'i rang bzhin la mngon par dga' ba'i lta ba phun sum tshogs par yang 'gyur ro/ / de bzhin gshegs pa ni rtag pa dang / ther zug pa dang / brtan pa dang zhi ba'o zhes rnam pa thams cad du lta ba'i rgya mtsho thams cad du yang 'gyur ro/ / de bzhin gshegs pa'i sku ni chos kyi sku yin no zhes de kho na mthong bar yang 'gyur ro// de bzhin gshegs pa'i rdo rje'i sku ni mi phyed pa'i sku yin no zhes yang dag pa mthong bar yang 'gyur ro/ / de bzhin gshegs pa'i sku ni rus pa ma yin zhing sha ma yin la khrag ma yin te/ rgyus pa ma yin no zhes stong pa nyid du slu bar yang 'gyur ro// de bzhin gshegs pa'i chos bstan pa ni 'bras bu yod pa yin no zhes 'bras bu yod par smra bar yang 'gyur ro/ / de bzhin gshegs pa'i chos bstan pa la ni 'bras bu med par 'gyur ba med do zhes med par smra bar yang 'gyur ro// de bzhin gshegs pa la ni gtan tu yongs su mya ngan las 'das par 'gyur ba med do zhes gsal bar smra bar yang 'gyur ro/ / de bzhin gshegs pa'i rjes su rab tu 'byung ba'i sems can rnams la ni tshul khrims nyams pa med do// zhes tshul khrims kyi bsngags pa brjod par yang 'gyur ro// de bzhin gshegs pa'i bstan pa la ni nub par 'gyur ba med do zhes nub par mi 'gyur ba'i bsngags pa brjod par yang 'gyur ro// de bzhin gshegs pa'i rigs dang / rgyud dag cing dri ma med pas byang chub sems dpa' ni thabs kyi rigs kyi rgyud yin no zhes lta ba phun sum tshogs par yang 'gyur ro// rtag tu 'khor ba la sdug par sems par yang 'gyur ro// 'khor ba'i bsngags pa brjod par yang 'gyur ro// 'khor ba'i tshad du rgya mtshor yang 'gyur ro// de bzhin gshegs pa'i rigs la dmigs par yang 'dod par yang 'gyur ro// rtag tu nyon mongs pa la sems par yang 'gyur ro/ / nyon mongs pa la sngags par sems par yang 'gyur ro// nyon mongs pa'i sgo rnam pa sna tshogs thob pa la dad pa thob par yang 'gyur ro// sangs rgyas thams cad kyi 'phrin las kyi zhing la smon lam 'debs pa'i sems su yang 'gyur ro/ / las thams cad kyi rtsa ba ni nyon mongs pa yin no zhes rnyed pa legs par rnyed par lta bar yang 'gyur ro// sangs rgyas kyi rtag pa nyid la yang som nyi mi za zhing yid gnyid med la the tshom za bar yang mi 'gyur ro/ / 'khor ba la mngon par dga' bar yang 'gyur ro// 'khor ba la mos par yang 'gyur ro// bdag sangs rgyas su 'gyur bar bya'o zhes rtag tu dad pa'i sems su yang 'gyur ro/ / bdag gis chos kyi 'khor lo bskor bar yang bya'o// bdag gis sems can rnams grol bar bya'o// bdag gis sangs rgyas kyi gdung mi 'chad par bya'o zhes/ dam 'cha' zhing smon lam 'debs te/ byang chub sems dpa' ded dpon du yang 'gyur ro// bdud kyi sman par yang 'gyur ro// 'khor ba'i nyon mongs pa'i rgya mtsho'i ston pa por yang 'gyur ro// 'khor ba'i nyon mongs pa'i tshong rdal thob par lta bar yang 'gyur ro/ / 'khor ba'i rgya mtsho chen po thob par sgom par yang 'gyur ro// 'khor ba la sred par yang 'gyur ro// 'khor ba thob pa la rag las pa'i sems su yang 'gyur ro/ / 'khor ba thob pa ni mi gtong bar yang 'gyur ro// 'khor ba'i tshul pad+ma'i rgyal po rgyas par yang 'gyur ro// 'khor ba'i nyon mongs pa'i rgya mtsho bzhir yang 'gyur ro// 'khor ba'i nyon mongs pa la rtag tu smon lam 'debs pa'i sems su yang 'gyur ro/ / sems can dmyal ba'i 'gro ba la dga' bar yang 'gyur ro// sems can dmyal ba'i 'gro ba la sems shing rtag tu bsam pa gtod pa'i ngang tshul can du yang 'gyur ro/ / sems can dmyal ba'i grong rdal gyi tshong par yang 'gyur ro// sems can dmyal ba thob pa mi gtong bar yang 'gyur ro// sems can dmyal ba'i me la sems rgyas par yang 'gyur ro// sems can dmyal ba'i nyon mongs par gyur pa rnams la bde zhing bsil ba'i rlung du yang 'gyur ro/ / sems can dmyal ba'i me drag po la sprin chen po las char kun tu 'bebs par yang 'gyur ro// sems can dmyal ba'i thog tog tu yang 'gyur ro/ / sems can dmyal ba'i ston pa por yang 'gyur ro// sems can dmyal ba'i rgya mtsho'i mnyan pa chen por yang 'gyur ro// sems can dmyal ba'i sman du yang 'gyur ro// sems can dmyal ba'i zas su yang 'gyur ro/ / 'khor ba'i sdug bsngal dang nyon mongs pa thams cad kyis zin pa'i mun pa mun gnag gsal ba'i phyir sgron ma lta bur yang 'gyur ro// snang bar bya ba'i phyir mar me lta bur yang 'gyur ro// srid pa'i 'gro ba thams cad kyi nyon mongs pa myur du gdug pa rnam pa sna tshogs kyis gos par mi 'gyur ba'i phyir bar snang lta bur yang 'gyur ro// sems nam mkha' dang mtshungs pa'i phyir mi gnas par yang 'gyur ro// de bzhin gshegs pa'i rjes su rab tu byung ste/ tshul khrims dang stobs dang ye shes dang ldan pa'i phyir kha ba'i phung po lta bu'i nyon mongs pa sel ba'i nyi ma lta bur yang 'gyur ro// legs par smras pa yang dag par blang ba'i phyir gzhan gyi dring mi 'jog par yang 'gyur ro/ / ye shes rgya mtsho dang ldan pa'i phyir rgya mtsho dug can pa lta bur yang 'gyur ro// dkar po'i chos yongs su rdzogs par bya ba'i phyir zla ba lta bur yang 'gyur ro// gti mug gi mun pa sel ba'i phyir nyi ma lta bur yang 'gyur ro// nyon mongs pas 'khor ba la mngon par 'jug cing 'gro ba'i tshe bar snang lta bur yang 'gyur ro// de dang de mngon par rtogs pas pad+ma lta bur gos pa med/ par yang 'gyur ro// sems nam mkha' dang mtshungs pa'i phyir mi gnas par yang 'gyur ro// chos thams cad la nges par 'bigs pa'i phyir rdo rje lta bur yang 'gyur ro// de bzhin gshegs pa'i yon tan gyi che banyid dag pad / ther zug pa dang / brtan pa thos nA mi ga yo d+ha'i phyir ri lta bur yang 'gyur ro// de bzhin gshegs pa'i rigs dang brgyud la ye shes rnam par dag pa'i phyir// ben+du/ lta bur yang 'gyur ro// nyon mongs pa'i rnyog pa sel ba'i phyir rgya mtsho dug can pa'i gser gyi pha bong lta bur yang 'gyur ro// de bzhin gshegs pa'i rtag pa dang / ther zug pa dang / brtan pa'i rang bzhin can mthong ba'i zla ba lta bur yang 'gyur ro/ / de bzhin gshegs pa'i chos las mi g.yo ba'i phyir ri lta bur yang 'gyur ro// de bzhin gshegs pa gtan du mya ngan las mi 'da' zhing chos nub par mi 'gyur ba thos nas mi g.yo ba'i phyir sgo'i them pa lta bur yang 'gyur ro/ / yang dag pa mthong ba'i phyir sems brtan zhing gnas par yang 'gyur ro// sems mi phyed pa'i phyir rdo rje lta bur yang 'gyur ro// mngon sum du yon tan mang po thob pa mang bar yang 'gyur ro/ / ngo tsha shes pa dang khrel yod pa dang ldan par yang 'gyur ro// mdzes par yang 'gyur ro// blta na sdug par yang 'gyur ro// brkam pa med par yang 'gyur ro// lus chung ngur yang mi 'gyur ro/ / kha dog bzang po rgyas pa mchog dang ldan par yang 'gyur ro// rigs mthon por skye bar yang 'gyur ro// rigs chen por skye bar yang 'gyur ro// 'khor mang bar yang 'gyur ro// 'khor mi phyed par yang 'gyur ro// bla na med pa yang dag par rdzogs pa'i byang chub las mi nyams shing yongs su nyams par yang mi 'gyur ro// kha zas la rkam par yang mi 'gyur ro// sha'i kha zas kyang rnam par spong bar yang 'gyur ro// gros dang ldan par yang 'gyur ro// skye bo thams cad kyi yid du 'ong zhing cher bkur bar yang 'gyur ro// dran pa dang ldan par yang 'gyur ro// gzi byin dang ldan par yang 'gyur ro// shes rab dang ldan par yang 'gyur ro/ / dga' ba dang ldan par yang 'gyur ro// 'jig rten dang 'thun par 'jug par yang 'gyur ro// 'jig rten la phan par 'dod par yang 'gyur ro// 'jig rten la bde bar yang 'gyur ro// 'jig rten gyi thu bor yang 'gyur ro/ / 'jig rten gyi gtso bor yang 'gyur ro// 'jig rten gyi mchog tu yang 'gyur ro// 'jig rten gyi rab tu yang 'gyur ro// 'jig rten thams cad kyis phyag bya bar 'os par yang 'gyur ro/ / 'jig rten thams cad kyis mchod pa'i gnas su yang 'gyur ro// sbyin bdag chen por yang 'gyur ro// stobs chen po dang ldan par yang 'gyur ro// dpa' bo chen por yang 'gyur ro// brtson 'grus chen po dang ldan par yang 'gyur ro/ / byams pa'i sems dang ldan par yang 'gyur ro// bden par smra bar yang 'gyur ro// brtul zhugs brtan par yang 'gyur ro// brtson 'grus brtsams par yang 'gyur ro// byams pa la gnas par yang 'gyur ro// snying rje la gnas par yang 'gyur ro// dga' ba la gnas par yang 'gyur ro// btang snyoms la gnas par yang 'gyur ro// stong pa'i chos rnams la stong par smra bar yang 'gyu stong pa ma yin pa'i chos rnams la stong pa ma yin par smra bar yang 'gyur ro/ / sangs rgyas kyi chos kyi ngan rtags smra bar yang 'gyur ro// sangs rgyas kyi de kho na'i chos kyi lta ba smra bar yang 'gyur ro// gtsang bar yang 'gyur ro/ / gtsang mas phyug par yang 'gyur ro// yon tan gyis phyug par yang 'gyur ro// tshul khrims kyis phyug par yang 'gyur ro// chos kyis phyug par yang 'gyur ro// dbrog tu med pa'i rdzas kyis phyug par yang 'gyur ro/ / skye bo dbul po slong ba la sogs pa la gter lta bur yang 'gyur ro// stong pa nyid dang mtshan ma med pa dang / smon pa med pa'i chos rnams ston pa na mi skrag mi dngang zhing dngang bar yang mi 'gyur ro/ / sangs rgyas kyi zhing gang dang gang du skye bar bya bar sems bskyed pa de dang der skye bar yang 'gyur ro// rnyed pa dang kur sti dang tshigs su bcad pa don du mi gnyer bar yang 'gyur ro// tshul khrims 'chal pa rnams bsdus nas dam pa'i chos la 'god par yang 'gyur ro/ / tshul khrims 'chal pa g.yo sgra dang ldan pa rnams la thog tog lta bur yang 'gyur ro// de bzhin gshegs pa la byas pa mi gzo ba rnams byas pa gzo ba la yang dag par sbyor bar yang 'gyur ro/ / mu stegs can gyi gnas thams cad du mi 'phrogs par yang 'gyur zhing slar de la thabs dang ldan par yang 'gyur ro// dge sbyong dang bram ze dang mu stegs can gyi phas kyi rgol ba mang po dag gis phug rdugs su mi chud cing slar de la thabs kyis rton par yang 'gyur ro/ / mu stegs can gyi gnas thams cad kyis gsang tshigs rnams la 'dun par mi 'gyur zhing slar de la thabs kyis 'dun par byed par yang 'gyur ro/ / lha dang klu dang / gnod sbyin dang dri za'i gnas thams cad la rten par mi 'gyur zhing slar de la thabs kyis yang dag par rten pa lta bur yang 'gyur ro// las la rton par 'gyur gyi bkra shis dang dge mtshan la rton par yang mi 'gyur ro/ / srog gcod pa byed kyang srog gcod pa spangs par yang 'gyur ro// me tog 'phreng ba dang spos dang / byug pa dang phye mas gdab pa dang / khyim ba'i longs spyod yongs su spyad pa rnam pa du ma dag dang / chung ma dang lhan cig tu 'dod pa'i yon tan spyod kyang shin tu tshangs par spyod par yang 'gyur ro// srog gcod pa dang / rku 'phrog byed pa dang / brdzun tshig dang chang 'thung ba la sogs pa la sten cing las rnams byed la/ bu dang chung ma rnams ston kyang shin tu tshangs par spyod par yang 'gyur ro// de bzhin gshegs pa thams cad kyis mchod par yang 'gyur ro// de bzhi gshegs pa thams cad kyis rjed par yang 'gyur ro/ / de bzhin gshegs pa thams cad kyis cher bkur bar yang 'gyur ro// de bzhin gshegs pa thams cad kyis sdug par bya ba'i sras su yang 'gyur ro// de bzhin gshegs pa thams cad la byas pa gzo ba'i bgo skal la spyod par yang 'gyur ro// de bzhin gshegs pa thams cad kyi 'phrin las la mtshungs pa'i chos kyi de kho na nyid mthong bar yang 'gyur ro// sangs rgyas thams cad dang ye shes kyi yang dag par rtog pa mtshungs par yang 'gyur ro/ / sangs rgyas thams cad kyi chos gsang ba rnam pa mang po lung bstan pas yul la spris btsan pa'i rgyal por yang 'gyur ro// sangs rgyas thams cad kyi gsang ba'i chos ston pa rnam pa du ma brjod par yang 'gyur ro// sangs rgyas thams cad kyis bzhed pa'i nga rgyal thams cad la gnas pa'i yul la gnas par mkhas par yang 'gyur ro// thams cad kyi 'dod chags med pa dang / dri ma med pa dang / bdag dang sems can med pa dang / gso ba med pa dang / 'jigs pa med pa gsang ba mang po'i chos ston pa'i rang bzhin dag la rin po che lta bur yang 'gyur ro/ / sangs rgyas thams cad kyis sems can 'dul ba'i dbang gis 'dod chags dang / zhe sdang dang / gti mug dang / 'jigs pa'i chos kyi phyogs thams cad la 'jug pa yang dag par mthong bar yang 'gyur ro/ / sangs rgyas thams cad kyi sems yun ring po bskal pa bye ba bgrangs pa mang po nas brgal nas nyon mongs pa'i rgya mtsho las grol bar mdzad pa'i gsang ba thams cad kyi de kho na mthog bar yang 'gyur ro/ / sangs rgyas thams cad kyis sems can 'dul ba'i dbang gis nyon mongs pa'i rgya mtshor skye bar bstan te brgal nas bsgral bar bya'o// grol nas dgrol bar bya'o snyam nas bstan pa'i gsang ba'i khyad par gyi sgo'i rang bzhin dag mthong bar yang 'gyur ro/ / sangs rgyas thams cad kyis yun ring po bskal pa bye ba bgrangs pa mang po 'das nas bdud bye ba rab tu bcom pa'i rnam pa gsang ba'i de kho na mthong bar yang 'gyur ro/ / sangs rgyas thams cad kyis sems can 'dul ba'i dbang gis byang chub kyi shing drang du bdud 'dul ba'i gsang ba'i khyad par gyi sgo'i rang bzhin ston pa lta bur bcos pa legs par mthong bar yang 'gyur ro/ / thabs kyis chos kyi 'khor lo bskor ba dang / thabs kyis yongs su mya ngan las 'das pa lta bur bcos pa'i de kho na mthong bar 'gyur ro// sangs rgyas thams cad rol pa'i gsang ba'i rgyal po'i mchog tu yang 'gyur ro/ / sangs rgyas thams cad kyi yul bsam gyis mi khyab pa// mtshungs pa med pa/ dpe med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur te/ sprin chen snying po ting nge 'dzin dang po 'di dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur zhing / ting nge 'dzin yang dag par sogs par yang 'gyur ro// snga ma bzhin du sbyar te/ sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grangs med pa/ dpag/ tu med pa/ bgrang ba las 'das pa la bgrang ba'i rgyal por yang 'gyur ro// sprin chen snying po gzhan yang sprin chen po'i mdo'i yul bsam gyis mi khyab pa la/ de bzhin gshegs pa rnams dang / byang chub sems dpa' rnams kyi ting nge 'dzin sman rton pa'i rlung zab mo'i rnam par thar pa zhes bya ba yod de/ ting nge 'dzin de dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro/ / snga ma bzhin du sbyar te/ sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grangs med pa/ dpag tu med pa/ bgrang ba las 'das pa la bgrad ba'i rgyal por yang 'gyur te/ sprin chen stong po ting nge 'dzin gnyis 'di dang ldan pa'i byang chub sems dpa' sems dpa' chen po rnams ni/ ting nge 'dzin gyi rgya mtshor yang 'gyur ro// snga ma bzhin du sbyar te/ sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur ro/ / ting nge 'dzin thams cad la yang de bzhin du sbyar bar bya ste/ ye shes kyi gnas zab mo'i sgo zhes bya ba'i ting nge 'dzin dang / sangs rgyas kyi sman gshong na gnas pa'i rnam par thar pa zhes bya ba'i ting nge 'dzin dang / dpa' ba'i stobs zhes bya ba'i ting nge 'dzin dang / dpa' bo rnam par rgyal ba zhes bya ba'i ting nge 'dzin dang / dpa' ba'i rnam pa la dmigs pa zhes bya ba'i ting nge 'dzin dang / me tog gi dri ltar gsung zhim pa zhes bya ba'i ting nge 'dzin dang / zhi ba'i 'od zer can zhes bya ba'i ting nge 'dzin dang / mtha' yas par snang ba zhes bya ba'i ting nge 'dzin dang / don gsang ba zab mo zhes bya ba'i sgo'i ting nge 'dzin dang / don la dga' ba'i zab mo'i rnam par thar pa zhes bya ba'i ting nge 'dzin dang / don gyi stobs kyi rnam par thar pa zhes bya ba'i ting nge 'dzin dang 5/ shing sA la can 'joms byed ces bya ba'i ting nge 'dzin dang / gang gA'i bye ma'i sgo bya ba'i ting nge 'dzin dang 8/ mdud pa thams cad las grol bar byed pa zhes bya ba'i ting nge 'dzin dang thams cad dang mtshungs par brtan pa zhes bya ba'i ting nge 'dzin dang / de kho na 'dzin pa zhes bya ba'i ting nge 'dzin dag/ rgya mtsho'i dang tshod las 'das pa'i stobs zhes bya ba'i ting nge 'dzin dang // rtsa ba'i stobs las rnam par thar pa zhes bya ba'i ting nge 'dzin dang / bdud bye ba 'joms pa zhes bya ba'i ting nge 'dzin dang / tshul khrims brtan par gnas pa zhes bya ba'i ting nge 'dzin dang ri'i rgyal po ltar gnas pa'i rnam par thar pa zhes bya ba'i ting nge 'dzin dang / tshul rab tu bsngags pa zhes bya ba'i ting nge 'dzin dang // nam mkha' lding gi/ shugs zhes bya ba'i ting nge 'dzin dang / chu ltar 'bab pa zhes bya ba'i ting nge 'dzin dang / rgya mtsho rnam par 'phrul pa'i rgyal po zhes bya ba'i ting nge 'dzin dang / dri ma med pa'i gnas pa zhes bya ba'i ting nge 'dzin dang / mi 'jigs pa'i stobs zhes bya ba'i ting nge 'dzin dang / sgyu ma mkhan gyis bud med sprul pa lta bu'i rnam par thar pa zhes bya ba'i ting nge 'dzin dang la/ glog mched pa zhes bya ba'i ting nge 'dzin dang // glog 'gyu ba zhes bya ba'i ting nge 'dzin dang sa/ gzi brjid kyi 'od ces bya ba'i ting nge 'dzin dang / blo gros mi zad pa'i phreng ldan zhes bya ba'i ting nge 'dzin dang / sprin ltar blo gros mi zad pa'i chu zhes bya ba'i ting nge 'dzin dang 3/ rgyun mang po'i 'od 'phro can zhes bya ba'i ting nge 'dzin dang sa bon lta bu zhes bya ba'i ting nge 'dzin dang / blo gros rgya mtsho'i mtha' zhes bya ba'i ting nge 'dzin dang / myong ba'i yan lag la chags par zhes bya ba'i ting nge 'dzin dang / dad pas rnam par grol ba la gnas pa zhes bya ba'i ting nge 'dzin dang rgyu dang rkyen du ldan pa zhes bya ba'i ting nge 'dzin dang / las dang 'dra ba zhes bya ba'i ting nge 'dzin dang na mkha'i rgyal po zhes bya ba'i ting nge 'dzin dang / chags pa la mthu che ba zhes bya ba'i ting nge 'dzin dang / bai DUr+ya'i rtse ma'i rgyal po zhes bya ba'i ting nge 'dzin dang pa/ lhun po'i 'od ces bya ba'i ting nge 'dzin dang 5/ seng ge rnam par 'phrul pa zhes bya ba'i ting nge 'dzin dag bdud rtsi lta bu zhes bya ba'i ting nge 'dzin dang / nyi ma 'char ka lta bu zhes bya ba'i ting nge 'dzin dang / pad+ma me ltar snang ba zhes bya ba'i ting nge 'dzin dang ma/ yul gtso bor byed pa zhes bya ba'i ting nge 'dzin dang / thams cad kyi yan lag ces bya ba'i ting 'dzin dang // rgya mtsho 'khrug pa'i rgyal po zhes bya ba'i ting nge 'dzin dang // sa'i stobs zhes bya ba'i ting nge 'dzin dang // thams cad la tshod ran par 'dod pa zhes bya ba'i ting nge 'dzin dang / / bud med kyi gtsug gi nor bu zhes bya ba'i ting nge 'dzin dang // bud med kyi 'khor ces bya ba'i ting nge 'dzin dang / ri dgas sbrengs pa'i 'khor zhes bya ba'i ting nge 'dzin dang / phra bar sprod pa zhes bya ba'i ting nge 'dzin dang / rnga'i rgyal po zhes bya ba'i ting nge 'dzin dang / blo gros 'phags skyes zhes bya ba'i ting nge 'dzin dang / shugs 'dzin ces bya ba'i ting nge 'dzin dang / 'bab chu'i rgyun zhes bya ba'i ting nge 'dzin dang / sgrol ba'i blo gros mang po zhes bya ba'i ting nge 'dzin dang / sgras dga' bar byed pa zhes bya ba'i ting nge 'dzin dang / snang ba'i 'od ces bya ba'i ting nge 'dzin dang mun pa las rnam par grol bar byed pa 'od ces bya ba'i ting nge 'dzin dang rgya mtsho'i snying po'i blo gros can zhes bya ba'i ting nge 'dzin dang / mar me rab tu bsngags pa zhes bya ba'i ting nge 'dzin dang / ti se'i gangs lta bu'i blo gros can zhes bya ba'i ting nge 'dzin dang sa/ da ltar byung ba'i snang ba'i rnam par thar pa zhes bya ba'i ting nge 'dzin dang ya/ mnyam pa'i chu'i gsang ba zhes bya ba'i ting nge 'dzin dang / pad+ma'i snying po zhes bya ba'i ting nge 'dzin dang sa/ 'od kyis rgyas pa zhes bya ba'i ting nge 'dzin dang / me tog kha ma bye ba mdzes pa zhes bya ba'i ting nge 'dzin dang / ka shi'i me tog gi mchog can zhes bya ba'i ting nge 'dzin dang sa/ chags pa las rnam par grol ba zhes bya ba'i ting nge 'dzin dang yang dag par rjod pa zhes bya ba'i ting nge 'dzin dang / dmigs pa dang bcas pa'i rgyal po zhes bya ba'i ting nge 'dzin dang / dpes rig par byed pa'i rgyal po zhes bya ba'i ting nge 'dzin dang sa/ phung po thams cad kyi phreng ba zhes bya ba'i ting nge 'dzin dang 2/ klu'i rgyal po zhes bya ba'i ting nge 'dzin dang sa/ stag ltar rnam par rtse ba zhes bya ba'i ting nge 'dzin dang / rlung gi stobs dang mtshungs pa zhes bya ba'i ting nge 'dzin dang 9/ rlung gi shugs kyi rgyal po zhes bya ba'i ting nge 'dzin dang 2/ kha dog mtha' yas pa zhes bya ba'i ting nge 'dzin dang 5/ chos kyi blo gros can zhes bya ba'i ting nge 'dzin dang / spos dri zhim zhes bya ba'i ting nge 'dzin dang sa/ mtshan ma'i blo gros can zhes bya ba'i ting nge 'dzin dang / kha dog gi blo gros kyi mdog ces bya ba'i ting nge 'dzin dang sa/ nyes pa 'joms pa'i rgyal po zhes bya ba'i ting nge 'dzin dang la/ pad+ma'i blo gros can zhes bya ba'i ting nge 'dzin dang / stobs kyi phyogs kyi blo gros can zhes bya ba'i ting nge 'dzin dang / gti mug sgrol byed gso ba zhes bya ba'i ting nge 'dzinas byang chub kyi yan lag gi me tog ces bya ba'i ting nge 'dzin dang / sprin gyi stobs zhes bya ba'i ting nge 'dzin dang / rin po che'i chus rnyis par byed pa'i blo gros can zhes bya ba'i ting nge 'dzin dang / spris btsan pa'i stobs shes bya ba'i ting nge 'dzin dang nyi ma'i 'od ces bya bya'i ting nge 'dzin dang / zla ba dri ma med pa zhes bya ba'i ting nge 'dzin dang rgya mtsho'i dus tshed mdzes pa zhes bya ba'i/ ting nge 'dzin dang / dmigs pa'i dus tshod ces bya ba'i ting nge 'dzin dang / nyon mongs pa'i dri ma 'joms pa'i rnam pa zhes bya ba'i ting nge 'dzin dang // bsil ba'i char pa'i dus tshod 'dzin pa'i rgyal po zhes bya ba ting nge 'dzin dang / a mI'i me tog ces bya ba'i ting nge 'dzin dang / gzhung lugs rnam par dag pa zhes bya ba'i ting nge 'dzin dang 5/ ngang tshul bzang po zhes bya ba'i ting nge 'dzin dang / dung gi 'od ces bya ba'i ting nge 'dzin dang / dus tshigs kyi rgyal zhes bya ba'i ting nge 'dzin dang / mdangs shin tu dkar ba zhes bya ba'i ting nge 'dzin dang // mtshams bzang po zhes bya ba'i ting nge 'dzin dang / rang gi sa na gnas shing rnam par 'phrul ba zhes bya ba'i ting nge 'dzin dang / chu'i dus shes bya ba'i ting nge 'dzin dang / ud pa la'i dri ltar gsung zhim pa zhes bya ba'i ting nge 'dzin dang / rjen pa'i bcud sbyin pa'i rnam par thar pa'i sgo zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / mi 'gul ba zhes bya ba'i ting nge 'dzin dang / chu'i snying po zhes bya ba'i ting nge 'dzin dang / rnam par dag pa'i blo gros can zhes bya ba'i ting nge 'dzin dang / ri bo thams cad kyi blo gros can zhes bya ba'i ting nge 'dzin dang stobs kyi nar bu'i rgyal po zhes bya ba'i ting nge 'dzin dang / ngan spong 'khar ba can rnam par thar par byed pa zhes bya ba'i ting nge 'dzin dang / rlung gi rnam par 'phrul paba'i rgyal po zhes bya ba'i ting nge 'dzin dang / mi gnas pa zhes bya ba'i ting nge 'dzin dang / na mkha' la dmigs pa zhes bya ba'i ting nge 'dzin dang / snang ba'i blo gros can zhes bya ba'i ting nge 'dzin dang/ thog tog gi/ dus tshod ces bya ba'i ting nge 'dzin dang / rgyal po'i snying po dra ba can gyi rnam par 'phrul pa zhes bya ba'i ting nge 'dzin dang / yul gyi nad 'thor bar byed pa'i chos kyi sgron ma zhes bya ba'i ting nge 'dzin dang / yul gyi stobs la 'jug pa zhes bya ba'i ting nge 'dzin dang / chos kyi bkra shis zhes bya ba'i ting nge 'dzin dang / chos kyi stobs zhes bya ba'i ting nge 'dzin dang / chos kyi stobs can zhes bya ba'i ting nge 'dzin dang / legs pa'i dog pa zhes bya ba'i ting nge 'dzin / / dga' ba zhes bya ba'i ting nge 'dzin rje/ rab tu dga' ba zhes bya ba'i ting nge 'dzin dang / ye shes kyi stobs che ba zhes bya ba'i ting nge 'dzin dang / ka ta kA'i 'bras byalta bu zhes bya ba'i ting nge 'dzin dpa'agram du 'gro ba zhes bya ba'i ting nge 'dzin dang / dpa' bar 'gro ba'i ston pa zhes bya ba'i ting nge 'dzin dang / rnam par rtul ba'i stobs kyis 'gro ba zhes bya ba'i ting nge 'dzin dang / 'od 'phro mchog gi blo gros can zhes bya ba'i ting nge 'dzin dang / stobs mi zad pa'i rnam par thar pa zhes bya ba'i ting nge 'dzin dang / 'phags pa'i stobs zhes bya ba'i ting nge 'dzin da lus srung ba mi zad pa'i blo gros can zhes bya ba'i ting nge 'dzin dang / lus srung rma shing mdog gi blo gros can zhes bya ba'i ting nge 'dzin dang / 'khri shing rgyas pa zhes bya ba'i ting nge 'dzin dang sgra sman rgyal po zhes bya ba'i ting nge 'dzin dang / 'gro ba'i 'od ces bya ba'i ting nge 'dzin dang / rin po che'i dpal du gyur pa zhes bya ba'i ting nge 'dzin dang / gtsang zhing dri ma med pa zhes bya ba'i ting nge 'dzin dang / gtsang ba'i snying po mdangs dkar ba zhes bya ba'i ting nge 'dzin dang / gtsang zhing gtsang sbra'i rin po che'i blo gros can zhes bya ba'i ting nge 'dzin dang / dga' zhing dang bar grags pa zhes bya ba'i ting nge 'dzin dang / sems na mkha' dang mnyam pa zhes bya ba'i ting nge 'dzin dang / cod pan rnam par 'phyang ba zhes bya ba'i ting nge 'dzin dang / stobs bla na med pa zhes bya ba'i ting nge 'dzin dang / rjes su srung ba'i blo gros can zhes bya ba'i ting nge 'dzin dang / rjes su chags pa zab mo zhes bya ba'i ting nge 'dzin dang / stobs zlog pa'i blo gros can zhes bya ba'i ting nge 'dzin dang / 'od dal gyis g.yo bA zhes bya ba'i ting nge 'dzin dang / brtson 'grus yid du 'ong ba zhes bya ba'i ting nge 'dzin dang / ma skyes pa'i 'od zer len pa la gnas pa zhes bya ba'i ting nge 'dzin dang / dmigs pa'i 'od zer gyi rgyal po zhes bya ba'i ting nge 'dzin dang / dmigs pa gtsang ba zhes bya ba'i ting nge 'dzin daT/ rlung ltar mgyogs pa zhes bya ba'i ting nge 'dzin dang / dpal gyi blo gros can zhes bya ba'i ting nge 'dzin dang / kun tu rlung chen zhes bya ba'i ting nge 'dzin dang / rgya mtsho'i rlabs dri ma med pa zhes bya ba'i ting nge 'dzin da / / bde ba'i stobs kyis mig 'dzums pa zhes bya ba'i ting nge 'dzin dang / mig mi 'dzums pa'i rgyal po zhes bya ba'i ting nge 'dzin da // mig mi 'dzums par snang ba'i gnas shes bya ba'i ting nge 'dzin dang gnyid thul ba'i mig gi blo gros can zhes bya ba'i ting nge 'dzin dang / nges pa'i rtse mo'i khyad par gyi rgyal zhes bya ba'i ting nge 'dzin dang / 'dren pa'i stobs kyis 'gro ba zhes bya ba'i ting nge 'dzin dang // g.yo zhing mdangs dkar ba'i rnam par rgyal bar 'gro ba zhes bya ba'i ting nge 'dzin dang / ku mu ta'i zla ba'i rgyal po zhes bya ba'i ting nge 'dzin dang / ku mu ta'i zla ba legs par srungs pa zhes bya ba'i ting nge 'dzin dang / tsan dan ltar bde zhing bsil ba'i rlung gi rgyal po zhes bya ba'i ting nge 'dzin dang / ka ta ka'i me tog rab tu rgyas pa zhes bya ba'i ting nge 'dzin dang / sa'i phreng ba'i gnas kyi blo gros can zhes bya ba'i ting nge 'dzin dong // da ltar bzhugs pa'i sangs rgyas mngon sum du bzhugs pa'i rgyal po zhes bya ba'i ting nge 'dzin dang / dus tshod bzang po la gnas pa zhes bya ba'i ting nge 'dzin dang / bde 'gro brtan pa'i rgya mtsho zhes bya ba'i ting nge 'dzin dang/ gnas thams cad kyi dus la mkhas pa zhes bya ba'i ting nge 'dzin dang / gnas thams cad la the tsom med pa zhes bya ba'i ting nge 'dzin dang / rtsi sman chen po zhes bya ba'i ting nge 'dzin da / rtsi sman chen po'i stobs zhes bya ba'i ting nge 'dzin dang / / rtsi sman chen po'i yan lag thams cad kyi rgyal po zhes bya ba'i ting nge 'dzin dang / bsil ba chen po'i zhi ba'i rgya mtsho zhes bya ba'i ting nge 'dzin dang / bsil zhing zhi ba'i stobs dang ldan pa zhes bya ba'i ting nge 'dzin dang / zhi ba'i stobs rgyas par 'gro ba zhes bya ba'i ting nge 'dzin dang / chu 'bab pa'i char gyi stobs shes bya ba'i ting nge 'dzin dang / dbang po'i tog gi rgyal mtshan can zhes bya ba'i ting nge 'dzin dang/ tog gi dpal gyi phyag rgya zhes bya ba'i ting nge 'dzin dang / nor bu'i chu'i dra ba zhes bya ba'i ting nge 'dzin dang / lus kyi mchog tu 'gyur ba zhe/ bya ba'i ting nge 'dzin dang / bsam gtan gyi me tog gi khu ba dang ldan pa zhes bya ba'i ting nge 'dzin dang / bung ba'i spos kyi ser bu'i me tog ces bya ba'i ting nge 'dzin dang // nags kyi mtshams mdzes pa zhes bya ba'i ting nge 'dzin dang / nags su 'gro ba yid du 'ong ba zhes bya ba'i ting nge 'dzin dang / nags su dga' zhing yid du 'ong bas rgyas pa zhes bya ba'i ting nge 'dzin dang / ye shes kyis brgyan pa zhes bya ba'i ting ngenge 'dzin dang / ye shes 'dod pa zhes bya ba'i ting nge 'dzin dang / gser ltar snang ba zhes bya ba'i ting nge 'dzin dang / ye shes dag par byed pa'i phyag rgya zhes bya ba'i ting nge 'dzin dang / pad+ma'i lus zhes bya ba'i ting nge 'dzin dang / nyi ma'i snying po 'dod pa zhes bya ba'i ting nge 'dzin dang / zla ba'i snying po 'dod pa zhes bya ba'i ting nge 'dzin dang / 'od zer gyi rgyal po zhes bya ba'i ting nge 'dzin dang / 'od zer zlum po zhes bya ba'i ting nge 'dzin / 'od zer gyi phreng ba'i 'od ces bya ba'i ting nge 'dzin dang/ 'od zer gyis bsrungs pa zhes bya ba'i ting nge 'dzin dang / 'od kyi gnas shes bya ba'i ting nge 'dzin / 'od zer gyi dus tshochod ces bya ba'i ting nge 'dzin dang 'od zer gyi brtson 'grus kyi gzi brjid blo gros can zhes bya ba'i ting nge 'dzin dang / ye shes kyi lcags kyus bsgyur ba'i spos kyi glang po che'i rgyal po zhes bya ba'i ting nge/ 'dzin dang / cang shes kyi gtsug bud rnam par 'phrul pa'i rgyal po zhes bya ba'i ting nge 'dzin dang / rgyags pas dpa' zhing drag po'i stobs kyis 'gro ba zhes bya ba'i ting nge 'dzin dang / sbrang rtsi byed pa bung bskad snyan pa rgyags pa zhes bya ba'i ting nge 'dzin dang / bya'i spyod yul gyi dus tshod ces bya ba'i ting nge 'dzin dang / rgyal po'i yul 'khor gyi sa'i rnal 'byor pa zhes bya ba'i ting nge 'dzin dang / rgyags shing myos pa'i sems kyis rnam par 'brul pa'i rgyal po zhes bya ba'i ting nge 'dzin dang / rtsa ba'i stobs kyi tog gi 'od ces bya ba'i ting nge 'dzin dang / grags pa'i rgyal mtshan gyi snyan pa zhes bya ba'i ting nge 'dzin da / khyad par du 'phags pa'i cho ga la rab tu sgrim pa zhes bya ba'i ting nge 'dzin dang / stag gi mig 'dzum pa'i rgyal po zhes bya ba'i ting nge 'dzin dang nyi ma dang me lta bu'i rnam par 'phrul pa gzhon pa'i lus shes bya ba'i ting nge 'dzin dang / dga' ba rgya chen po'i khyim gyi gnas kyi yon tan zhes bya ba'i ting nge 'dzin dang / ye shes dri ma med pa'i las kyi cho gar bya ba'i rnam par 'phrul pa'i rgyal po zhes bya ba'i ting nge 'dzin dang / dper bya ba kun nas bsdus pa'i rgyal po zhes bya ba'i ting nge 'dzin dang / sgron ma 'bar ba'i rgyal po zhes bya ba'i ting nge 'dzin dang // sbyor ba la dmigs pa'i zhes bya ba'i ting nge 'dzin da lus mchog tu dga' ba zhes bya ba'i ting nge 'dzin dang / dra ba can gyi lus la sbyor ba zhes bya ba'i ting nge 'dzin dang / dra ba can gyi 'od zer gyi rgyal po'i lus shes bya ba'i ting nge 'dzin dang / tshul khrims dang dul ba la dpa' bar 'gro ba zhes bya ba'i ting nge 'dzin dang / dga' ba dang rab tu dga' ba'i stobs kyis 'gro ba zhes bya ba'i ting nge 'dzin dang/ byams pa la dmigs pa'i rgyu mtsho'i dus tshod ces bya ba'i ting nge 'dzin dang / bzod pa'i stobs shin tu mnyam pa zhes bya ba'i ting nge 'dzin dang / brtson pa'i rnam par 'phrul pa'i rlung zhes bya ba'i ting nge 'dzin dang / tha mar gyur pa'i chos la brtson par bya'o zhes bya ba'i ting nge 'dzin dang / / na mkha'i rang bzhin rnam par dag pa'i dus tshod ces bya ba'i ting nge 'dzin dang // dpa' bo chen po'i snying po la gus pa zhes bya ba'i ting nge 'dzin dang/ sa bon chen po zhing la gnas pa zhes bya ba'i ting nge 'dzin dang / 5ye shes kyi mu stegs kyi 'du ston bya ba'i phyag rgya zhes bya ba'i ting nge 'dzin dang / phyag rgya'i 'phreng ba zhes bya ba'i ting nge 'dzin dang / bya ba byung na sangs rgyas mngon sum du bzhugs pa zhes bya ba'i ting nge 'dzin dang 5/ ye shes kyi bya ba byung na sangs rgyas mngon sum du bzhugs pa zhes bya ba'i ting nge 'dzin dang thams cad bde ba zhes bya ba'i ting nge 'dzin dang / bsod nams thams cad kyi lus kyi rgyal po zhes bya ba'i ting nge 'dzin dang 5/ bar snang gi gnas su byung ba'i sangs rgyas kyi sgyu 'phrul la gnas pa zhes bya ba'i ting 'dzin dang / brag cha'i rnam par 'phrul pa'i rgyal po zhes bya ba'i ting nge 'dzin dang / gnyid las sad pa'i sems thob pa la gnas pa'i rnam par 'phrul pa'i rgyal po zhes bya ba'i ting nge 'dzin dang / bdag nyid shi ba lta bu'i rnam par 'phrul par gyur cing khyad par du 'phags pa thams cad rab tu ston pa zhes bya ba'i ting nge 'dzin dang / 'jig rten gyi rjes su 'thun pa'i bya ba byung na sangs rgyas mngon sum du bzhugs par rab tu ston pa zhes bya ba'i ting nge 'dzin dang / rdul dang rdul phran thams cad la btsam pa med pa dri ma med pa zhes bya ba'i ting nge 'dzin dang / bdag med nyid ston pa'i mar me zhes bya ba'i ting nge 'dzin dang / rang gi skye gnas la rmongs pa bya ba byed/ pa zhes bya ba'i ting nge 'dzin dang / skye gnas thams cad du bslab par bya ba zhes bya ba'i ting nge 'dzin dang / chu'i chu bur gyi snying po zhes bya ba'i ting nge 'dzin dang / chu'i dbu ba rab tu ston pa zhes bya ba'i ting nge 'dzin dang / mi mnyam pa dang mnyam pa'i ye shes rtag tu rab tu ston pa'i rnam par sgron ma ston pa zhes bya ba'i ting nge 'dzin dang / brtson 'grus kyi mchog zhar la 'byung ba zhes bya ba'i ting nge 'dzin dang / ye she kyi me long gi dkyil 'khor dang rab tu phrad par ston pa'i rgyal po zhes bya ba'i ting nge 'dzin dang / rigs dang lus yid du 'ong ba'i sgron ma zhes bya ba'i ting nge 'dzin dang / dud 'gro'i skye gnas su smon pa'i sems la sbyor ba zhes bya ba'i ting nge 'dzin dang / dud 'gro'i skye gnas su mngon par rtse ba zhes bya ba'i ting nge 'dzin dang / dud 'gro'i skye gnas su rab tu dga' ba zhes bya ba'i ting nge 'dzin dang / dud 'gro'i skye gnas su mngon par chags pa zhes bya ba'i ting nge 'dzin dang / dud 'gro'i skye gnas thams cad du gos pa med par rnam par 'phrul pa'i rgyal po zhes bya ba'i ting nge 'dzin dang / sems can dmyal bar 'jug pa mngon par bsngags pa zhes bya ba'i ting nge 'dzin dang / sems can dmyal bar mngon par dga' zhing rab tu ros pa zhes bya ba'i ting nge 'dzin dang / sems can dmya bas gos pa med par bya ba la rnam par 'phrul pa'i rgyal po zhes bya ba'i ting nge 'dzin dang / bde blag tu zhi bar 'gro ba zhes bya ba'i ting nge 'dzin dang / thams cad kyi gnas kyi dus tshod ces bya ba'i ding nge 'dzin dang / bsod nams kyi klung 'bab pa'i rgya mtsho zhes bya ba'i ting nge 'dzin dang / dag byed kyi klung zhes bya ba'i ting nge 'dzin dang / dag byed kyi bsod nams bsags pa par 'gro ba'i stobs shes bya ba'i ting nge 'dzin dang / dag byed kyi pad+ma dkar po zhes bya ba'i ting nge 'dzin dang / dag byed kyi pad+ma zhes bya ba'i ting nge 'dzin dang / mu stegs kyi bkra shis kyi gnas zhes bya ba'i ting nge 'dzin dang mu stegs kyi bkra shis bsngags pa zhes bya ba'i ting nge 'dzin dang / mu stegs kyi bkra shis nyan pa zhes bya ba'i ting nge 'dzin dang/ rmi lam gyi bkra shis thos pa zhes bya ba'i ting nge 'dzin du / rmi lam gyi bkra shisa? bsngags pa zhes bya ba'i ting nge 'dzin deng / rmi lam gyi bkra shis thob pa la dga' ba zhes bya ba'i ting nge 'dzin dang / rmi lam gyi bkra shis par bya ba zhes bya ba'i ting nge 'dzin/ dang / yang dag pa'i bkra shis rgyas pa'i rgyal po zhes bya ba'i ting nge 'dzin da // rgyas par yangs pa skye ba shes pa la rab tu dga' ba zhes bya ba'i ting nge 'dzin dang / rlung gi mtshams bsngag pa zhes bya ba'i ting nge 'dzin dang / sbyor ba byas kyang rung ma byas kyang rung ste grub pa'i rnam par 'phrul pa'i rgyal po zhes bya ba'i ting nge 'dzin dang // nye bar gnas pa'i cho ga'i brtul zhugs la nges par gnas pa zhes bya ba'i ting nge 'dzin dang / nye bar gnas pa bsngags pa zhes bya ba'i ting nge 'dzin dang / nye bar gnas pa'i de kho na'i cho ga'i sgron ma'i zhes bya ba'i ting nge 'dzin dang / nye bar gnas pa'i de 'o na thob pas rab tu zhi bar byed pa'i rgyal po zhes bya ba'i ting nge 'dzin dang / rtag tu nye bar gnas pa la 'jug pa'i gsang ba shin tu mthong ba zhes bya ba'i ting nge 'dzin dang / rtag tu nye bar gnas pa la mngon par chags pa zhes bya ba'i ting nge 'dzin dang / rtag tu nye bar gnas pa la rab tu dga' ba zhes bya ba'i ting nge 'dzin dang / rtag tu nye bar gnas pa'i dga' la dga' ba zhes bya ba'i ting nge 'dzin dang / rtag tu nye bar gnas pa'i phye mas klubs pa zhes bya ba'i ting nge 'dzin dang / rtag tu nye bar gnas pa shin tu bsil ba'i ta ma la'i lo ma'i spos kyis bsgos pa zhes bya ba'i ting nge 'dzin dang / rtag tu nye bar gnas pa'i gdug pas gdugs shing byug pa'i dad pas byugs pa zhes bya ba'i ting nge 'dzin dang / pa sna tshogs su mngon par rtse ba zhes bya ba'i ting nge 'dzin dang / ro bro ba thams cad dang ldan pa'i me tog gis rgyags shing myong ba'i bung ba zhes bya ba'i ting nge 'dzin dang / bdud rtsi thams cad kyi bde ba'i longs spyod kyis khyim gyi gnas dga' bar byed pa'i rnam par 'phrul pa'i rgyal po zhes bya ba'i ting nge 'dzin dang / rtag pa dang / ther zug pa dang / brtan zhing tsher ma rnam par bsal ba dang 'dra ba zhes bya ba'i ting nge 'dzin dang / sprin chen po'i chu'i rgyun gyi rgyal po zhes bya ba'i ting nge 'dzin dang / sprin chen po'i rdza sgra'i rgyal po zhes bya ba ting nge 'dzin dang / sprin chen po'i glog gi 'od kyi brtson 'grus kyi rgyal po zhes bya ba'i ting nge 'dzin dang / sa sprin chen po'i chu'i shugs 'dzin pa zhes bya ba'i ting nge 'dzin dang / sprin chen po'i chu'i gas ba zhes bya ba'i ting nge 'dzin dang / 5 sprin chen po'i glog 'phreng ba can zhes bya ba'i ting nge 'dzin dang / sprin chen po'i mtsho'i gnas zhes bya ba'i ting nge 'dzin dang / sprin chen po'i blo gros la mkhas pa zhes bya ba'i ting nge 'dzin dang / la sprin chen po'i brtan pa'i chu zab mo'i rgya mtsho'i blo gros zhes bya ba'i ting nge 'dzin dang / sprin chen po'i chu'i 'od zer gyi chu'i rgyun gyi rgyal po zhes bya ba'i ting nge 'dzin dang / sprin chen po'i chu'i rgya mtsho'i dus tshod ces bya ba'i ting nge 'dzin dang / sprin chen po'i sa bon gyi rgya mtsho'i blo gros can zhes bya ba'i ting nge 'dzin dang / sprin chen po'i rab tu g.yo ba'i chu'i rnam par 'phrul pa'i rgyal po zhes bya ba'i ting nge 'dzin dang / sprin chen po'i lus kyi 'od ces bya ba'i ting nge 'dzin dang / sprin chen po zhi ba'i chu'i rgyun ces bya ba'i ting nge 'dzin dang sprin chen po'i chu 'dod pa zhes bya ba'i ting nge 'dzin dang sprin chen po shes pa'i rgya mtsho zhes bya ba'i ting nge 'dzin dang / sprin chen po rnam par rgyal ba'i stobs shes bya ba'i ting nge 'dzin dang / sprin chen po'i sde'i stobs shes bya ba'i ting nge 'dzin dang / sprin chen po'i dpal zhes bya ba'i ting nge 'dzin dang / sprin chen po'i chu'i bsod nams kyi rgyun zhes bya ba'i ting nge 'dzin dang / sprin chen po'i bsod nams kyi stobs zhes bya ba'i ting nge 'dzin dang / sprin chen po'i nges par sgrogs pa'i stobs zhes bya ba'i ting nge 'dzin dang / sprin chen po'i bsod nams kyi chu'i ros skom pa zhes bya ba'i ting nge 'dzin dang / sprin chen po'i chu'i ros gcig pa zhes bya ba'i ting nge 'dzin dang / @ sprin chen po'i chu'i stobs kyis zlog pa'i 'bras bu zhes bya ba'i ting nge 'dzin dang / 5sprin chen po'i chu'i bde bsil rnam par 'phrul pa'i rgyal po zhes bya ba'i ting nge 'dzin dang / sprin chen po'i chu'i ku mu da'i zla ba'i rgyal po zhes bya ba'i ting nge 'dzin dang / 55 sprin chen po'i chu yid du 'ong ba 'thad pa zhes bya ba'i ting nge 'dzin dang / 258sprin chen po'i chu'i 'bab pa'i shugs kyi rgyal po zhes bya ba'i ting nge 'dzin dang / sprin chen po'i nam mkha'i las sgra sgrogs pa yid du 'thad pa zhes bya ba'i ting nge 'dzin dang / 2 sprin chen po'i chu'i ros rgyags shing rab tu dga' ba zhes bya ba'i ting nge 'dzin dang / sprin chen po'i nor bu'i lus la cod pan btags pas spungs skye ba zhes bya ba'i ting nge 'dzin dang / sprin chen po'i chu yongs su dag pa zhes bya ba'i ting nge 'dzin dang / sprin chen po'i chu skyabs kyi phyag rgya zhes bya ba'i ting nge 'dzin dang / sprin chen po'i chu dri ma med pa'i phyag rgya zhes bya ba'i ting nge 'dzin dang / sprin chen po'i chu dri ma med pa'i snying po'i blo gros can zhes bya ba'i ting nge 'dzin dang / 5sprin chen po'i nor bu 'dra ba'i chu bsngags pa zhes bya ba'i ting nge 'dzin dang / 5sprin chen po'i chu nad med par byed pa zhes bya ba'i ting nge 'dzin dang / sprin chen po'i chu'i snod kyi blo gros can zhes bya ba'i ting nge 'dzin dang / sprin chen po'i chu mi 'khrugs pa'i rgya mtsho'i blo gros can zhes bya ba'i ting nge 'dzin dang / sprin chen po'i sprin gyi nang nas zla ba byung ba'i 'od ces bya ba'i ting nge 'dzin dang / sprin chen po'i glog gis mchod pa'i rgyal po zhes bya ba'i ting nge 'dzin dang / sprin chen po'i stobs rgyas pa zhes bya ba'i ting nge 'dzin dang / sprin chen snying po'i chu'i mdzod kyi rnam pa zhes bya ba'i ting nge 'dzin dang / sprin chen po'i chu'i dbang bskur ba zhes bya ba'i ting nge 'dzin dang / sprin chen po'i chu'i bsam gtan gyi me tog gi ros myos pa zhes bya ba'i ting nge 'dzin dang sprin chen po'i chu'i dmigs pa dag pa zhes bya ba'i ting nge 'dzin dang / sprin chen po'i chu'i rjes su chags pa'i stobs shes bya ba'i ting nge 'dzin dang / 5sprin chen po'i chu'i gnas kyi 'od zer gyi blo gros can zhes bya ba'i ting nge 'dzin dang / sprin chen po'i chu brjod pa zhes bya ba'i ting nge 'dzin dang / sprin chen po'i chu'i dga' bas rab tu dga' ba zhes bya ba'i ting nge 'dzin dang / sprin chen po'i chu'i shin tu bstan par byas pa'i blo gros can zhes bya ba'i ting nge 'dzin dang / a sprin chen po'i chu'i sman gyis brtan pa'i rgyal po zhes bya ba'i ting nge 'dzin dang / sprin chen po'i chu'i ros myos pa'i stag gi rgyal po zhes bya ba'i ting nge 'dzin dang / sprin chen po'i chu'i ros myos pa'i seng ge'i stobs kyi rgyal po zhes bya ba'i ting nge 'dzin dang / sprin chen po'i chu'i ros myos pa'i spos kyi glang po che'i mchog ces bya ba'i ting nge 'dzin dang / sprin chen po'i chu bde zhing bsil ba'i rgyun 'bab pa zhes bya ba'i ting nge dang / sprin chen po'i chu 'gro zhing 'bab pa mi 'khrug pa bya ba'i ting nge 'dzin dang / sprin chen po'i chu'i bsam gtan rdzogs pa'i sa bon zhes bya ba'i ting nge 'dzin dang / sprin chen po'i chu'i 'od thob pa mi zad pa'i blo gros can zhes bya ba'i ting nge 'dzin dang / sprin chen po'i chu'i rgyun kyis klu'i stobs yongs su spangs pa zhes bya ba'i ting nge 'dzin dang / sprin chen po'i tshu la dga' ba zhes bya ba'i ting nge 'dzin dang / sprin chen po'i chu yongs su bsgos pa'i khyu mchog gi rgyal po zhes bya ba'i ting nge 'dzin dang / sprin chen po'i chu'i tsan dan gyi khu ba bsil zhing bde ba'i sman gyi brtson 'grus kyi gnas kyi zhi bar byed pa'i rgyal po zhes bya ba'i ting nge 'dzin dang / sprin chen po'i chu'i dug sman grub pa'i rgyal po zhes bya ba'i ting nge 'dzin dang / sprin chen po'i chus sa gzhi rab tu zhi bar byed pa zhes bya ba'i ting nge 'dzin dang / sprin chen po'i chus snying po'i dra ba can zhes bya ba'i ting nge 'dzin dang / ra sprin chen po'i rin po che'i chu'i char zhes bya ba'i ting nge 'dzin dang / sprin chen po'i snying po'i stobs kyi blo gros can zhes bya ba'i ting nge 'dzin dang / sprin chen po'i chu'i snying po'i tog gi blo gros can zhes bya ba'i ting nge 'dzin dang / sprin chen po'i snying po'i chus sa gzhi zhi bar byas pa dri zhim spos shes bya ba'i ting nge 'dzin dang / sprin chen po'i snying po chu'i sbyor ba mtha' yas pa la dga' ba zhes bya ba'i ting nge 'dzin dang / sprin chen po'i khong pa'i chu'i snying po'i myur ba'i blo gros can zhes bya ba'i tring nge 'dzin dang / sprin chen po'i snying po mdangs dkar blo gros dri ma med pa zhes bya ba'i ting nge 'dzin dang / sprin chen po'i snying po 'dren sprod ces bya ba'i tang nge 'dzin dang / sprin chen po'i snying po'i kha dog gri blo gros can zhes bya ba'i ting nge 'dzin dang / sprin chen po'i snying po chu pad+ma'i 'od mtha' yas par byed pa zhes bya ba'i ting nge 'dzin dang / 2sprin chen po'i snying po'i chu 'bab pa'i yul zhes bya ba'i ting nge 'dzin dang / sprin chen po'i snying po'i chu'i 'byung gnas kyi blo gros can zhes bya ba'i ting nge 'dzin dang / sprin chen po'i snying po'i ngan spong blo gros can zhes bya ba'i ting nge 'dzin dang / sprin chen po'i snying po'i tog gi 'od ces bya ba'i ting nge 'dzin dang / sprin chen po'i snying po'i sgra'i gzi brjid dpa' bar 'gro ba zhes bya ba'i ting nge 'dzin dang / sprin chen po'i snying po'i sprin gyi shugs can zhes bya ba'i ting nge 'dzin dang / sprin chen po'i snying po brtan pa'i blo gros can zhes bya ba'i ting nge 'dzin dang / sprin chen po'i snying po'i chu'i rtsed mo las byung ba zhes bya ba'i ting nge 'dzin dang / sprin chen po'i snying po'i chu ba shes gnyen gyi blo gros zhes bya ba'i ting nge 'dzin dang / sprin chen po'i snying po chu srung ba thams cad du mnyam pa zhes bya ba'i ting nge 'dzin dang / 2sprin chen po'i snying po'i ku sha dngar bya zhes bya ba'i ting nge 'dzin dang / sprin chen po'i snying po mdangs dkar ba zhes bya ba'i ting nge 'dzin dang sprin chen po'i snying po 'gro ba'i gnas shes bya ba'i ting nge 'dzin dang sprin chen po'i snying po'i chu'i rnam pa'i blo gros can zhes bya ba'i ting nge 'dzin dang / sprin chen po'i snying po chu'i rtse mo bsgrengs zhing brtsegs pa zhes bya ba'i ting nge 'dzin dang / sprin chen po'i snying po'i chu rgyu bar gyur pa'i blo gros can zhes bya ba'i ting nge 'dzin dang / sprin chen po'i snying po'i sprin gyi bden pa'i mtsho'i ngang pa'i rgyal po stabs legs pa'i blo gros can zhes bya ba'i ting nge 'dzin da// ting nge 'dzin snga ma gang yin pa de dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro/ / ting nge 'dzin yang dag par sogs par yang 'gyur ro// thos pa'i rgya mtshor yang 'gyur ro// thos pa yang dag par sogs par yang 'gyur ro/ / bla na med pa yang dag par rdzogs pa'i byang chub la som nyi mi za zhing yid gnyis med de the tsom za bar yang mi 'gyur ro// mi khom pa rnams su skye bar yang mi 'gyur ro// tshe rabs dran par yang 'gyur ro/ / 'khor ba'i las kyis zhing gi rgya mtsho la srid par yang 'gyur ro// tshe rabs thams cad du tha na rmi lam du yang sangs rgyas mthong ba dang 'bral bar yang mi 'gyur ro// de dag gi dge ba'i chos rnams la bar chad bya ba'i phyir/ bdud sdig can glags lta ba dang / skabs tshol bas glags rnyed par yang mi 'gyur ro// nga rgyal choms par yang 'gyur ro// gzungs thob par yang 'gyur ro// de bzhin gshegs pa'i ldem bu ngag dpyod pa la mkhas par yang 'gyur ro/ / chos thams cad kyi gsang ba'i sgor 'jug par yang 'gyur ro// de bzhin gshegs pa'i gter yang dag par ston par yang 'gyur ro/ / de bzhin gshegs pa'i tshul la 'jug par yang 'gyur ro// de bzhin gshegs pa'i rgya mtsho'i chu srin du yang 'gyur ro// de bzhin gshegs pa'i gzhung lugs kyi nang du chud par yang 'gyur ro/ / de bzhin gshegs pa'i sgyu 'phrul gsang ba'i srungs mar yang 'gyur ro// de bzhin gshegs pa'i gsung brjod par yang 'gyur ro// de bzhin gshegs pa'i dmigs pa la rnal 'byor par yang 'gyur ro/ / de bzhin gshegs pa'i nyi ma'i 'od zer du yang 'gyur ro// de bzhin gshegs pa'i zla ba'i dkyil 'khor gyi gzer yang 'gyur ro// de bzhin gshegs pa'i tog gi rtse mo'i mchog tu yang 'gyur ro/ / de bzhin gshegs pa'i mtshams 'dzin par yang 'gyur ro// de bzhin gshegs pa'i 'phrin las la rtson par yang 'gyur ro// de bzhin gshegs pa'i rtsal gyi shugs su yang 'gyur ro/ / de bzhin gshegs pa'i mu stegs la nges par pad+ma dkar por yang 'gyur ro// de bzhin gshegs pa'i dgyes pa la dga' bar yang 'gyur ro// de bzhin gshegs pa'i mdzod kyi bkor bar yang 'gyur ro/ / de bzhin gshegs pa la rtags nyid du mthong bar yang 'gyur ro// de bzhin gshegs pa'i rtag pa dang / ther zug pa nyid shin tu gsal bar mthong nas/ bdag nyid bsngags brjod pa'i rgyal por yang 'gyur ro/ / de bzhin gshegs pa ni ther zug pa'i sku yin no zhes ther zug tu smra bar yang 'gyur ro// de bzhin gshegs pa'i zhi ba'i rang bzhin la mngon par dga' ba'i lta ba/ phun sum tshogs par yang 'gyur ro// de bzhin gshegs pa ni rtag pa dang ther zug pa dang / brtan pa dang zhi ba'o zhes rnam pa thams cad du lta ba'i rgya mtsho thams cad du yang 'gyur ro// de bzhin gshegs pa'i sku ni chos kyi sku yin no zhes de kho na mthong bar yang 'gyur ro/ / de bzhin gshegs pa'i rdo rje'i sku ni mi phyed pa'i sku yin no zhes yang dag par mthong bar yang 'gyur ro// de bzhin gshegs pa'i sku ni rus pa ma yin zhing sha ma yin la khrag ma yin te/ rgyus pa ma yin no zhes stong pa nyid du smra bar yang 'gyur ro// de bzhin gshegs pa'i chos bstan pa ni 'bras bu yod pa yin no zhes 'bras bu yod par smra bar yang 'gyur ro/ / de bzhin gshegs pa'i chos bstan pa la ni 'bras bu med par 'gyur ba med do zhes med par smra bar yang 'gyur ro// de bzhin gshegs pa la ni gtan du yongs su mya ngan las 'das par 'gyur ba med do zhes gsal bar smra bar yang 'gyur ro/ / de bzhin gshegs pa'i rjes su rab tu byung ba'i sems can rnams la ni tshul khrims nyams pa med do zhes tshul khrims kyi bsngags parjod par yang 'gyur ro/ / de bzhin gshegs pa'i bstan pa la ni nub par 'gyur ba med do zhes nub par mi 'gyur ba'i bsngags pa brjod par yang 'gyur ro// de bzhin gshegs pa'i rigs dang rgyud dag cing yongs su dag la dri ma med pas/ byang chub sems dpa' ni thabs kyi rigs kyi rgyud yin no zhes lta ba phun sum tshogs par yang 'gyur ro// rtag tu 'khor ba la sdud/ par sems par yang 'gyur ro// 'khor ba'i bsngags pa brjod par yang 'gyur ro// 'khor ba'i ched du thos pa'i rgya mtshor yang 'gyur ro// de bzhin gshegs pa'i rigs la dmigs par 'dod par yang 'gyur ro/ / rtag tu nyon mongs pa la sems par yang 'gyur ro// nyon mongs pa la sdug par sems par yang 'gyur ro// nyon mongs pa'i sgo rnam pa sna tshogs thob pa la dad pa thob par yang 'gyur ro// sangs rgyas thams cad kyi 'phrin las kyi zhing la smon 'debs pa'i sems su yang 'gyur ro/ / las thams cad kyi rtsa ba ni nyon mongs pa yin no zhes rnyed par legs par rnyed par lta bar yang 'gyur ro// sangs rgyas kyi rtag pa nyid la yang som nyi ma za zhing yid gnyis med pa the tsom za bar yang mi 'gyur ro/ / 'khor ba la mngon par dga' bar yang 'gyur ro// 'khor ba la mos par yang 'gyur ro// bdag sangs rgyas su 'gyur bar bya'o// zhes rtag tu dad pa'i sems su yang 'gyur ro// bdag gis chos kyi 'khor lo bskor bar bya'o// bdag gis sems can rnams dgrol bar bya'o// bdag gis sangs rgyas kyi gdung mi 'cha' zhing smon lam 'debs te/ byang chub sems dpa' ded dpon du yang 'gyur ro// bdud kyi sman par yang 'gyur ro// 'khor ba'i nyon mongs pa'i rgya mtsho'i ston pa por yang 'gyur ro// 'khor ba'i nyon mongs pa'i tshong rdal thob par lta bar yang 'gyur ro/ / 'khor ba'i rgya mtsho chen po thob pas skom par yang 'gyur ro// 'khor ba la sred par yang 'gyur ro// 'khor ba'i thob pa la rag las pa'i sems su yang 'gyur ro// 'khor ba thob pa mi gtong bar yang 'gyur ro// 'khor ba'i tshu la pad+ma'i rgyal po rgyas par yang 'gyur ro// 'khor ba'i nyon mongs pa'i rgya mtsho'i gzhir yang 'gyur ro// 'khor ba'i nyon mongs pa la rtag tu smon lam 'debs pa'i sems su yang 'gyur ro/ / sems can dmyal ba'i 'gro ba la dga' bar yang 'gyur ro// sems can dmyal ba'i 'gro ba la sems shing rtag tu bsam pa gtod pa'i nga tshul can du yang 'gyur ro/ / sems can dmyal ba'i tshong rdal gyi tshong par yang 'gyur ro// sems can dmyal ba'i thob par mi gtong bar yang 'gyur ro// sems can dmyal ba'i me la sems rgyas par yang 'gyur ro/ / sems can dmyal ba'i nyon mongs pas nyon mongs par gyur pa rnams la bde zhing bsil ba'i rlung du yang 'gyur ro// sems can dmyal ba'i me drag po la sprin chen po las char kun tu 'bebs par yang 'gyur ro/ / sems can dmyal ba'i thog tog tu yang 'gyur ro// sems can dmyal ba'i ston pa por yang 'gyur ro// sems can dmyal ba'i rgya mtsho'i mnyan pa chen por yang 'gyur ro/ / sems can dmyal ba'i sman du yang 'gyur ro// sems can dmyal ba'i zas su yang 'gyur ro// 'khor ba'i sdug bsngal dang nyon mongs pa thams cad kyis zin pa'i mun pa mun gnag gsal ba'i phyir sgron me lta bur yang 'gyur ro/ / snang bar bya ba'i phyir mar me lta bur yang 'gyur ro// srid pa'i 'gro ba tham/ cad kyi nyon mongs pa myur du gdug pa rnam pa sna tshogs kyis gos par mi 'gyur ba'i phyir bar snang lta bur yang 'gyur ro// sems can na mkha' dang mtshungs pa'i phyir mi gnas par yang 'gyur ro// de bzhin gshegs pa'i rjes su rab tu byung ste/ tshul khrims dang stobs dang ye shes dang ldan pa'i phyir/ kha ba'i phung po lta bu'i nyon mongs pa sel ba'i nyi ma lta bur yang 'gyur ro// legs par smras pa yang dag par blang ba'i phyir gzhan gyi dring mi 'jog par yang 'gyur ro/ / ye shes rgya mtsho dang ldan pa'i phyir rgya mtsho dug can pa lta bur yang 'gyur ro// dkar po'i chos yongs su rdzogs par byas pa'i phyir zla ba lta bur yang 'gyur ro/ / gti mugi mun pa sel ba'i phyir nyi ma lta bur yang 'gyur ro// nyon mongs pas 'khor ba la mngon par 'jug cing 'gro ba'i tshe bar snang lta bur yang 'gyur ro// de dang de mngon par rtogs pas pad+ma lta bur gos pa med par yang 'gyur ro/ / sems na mkha' dang mtshungs pa'i phyir mi gnas par 'gyur ro// chos thams cad la nges par 'big pa'i phyir rdo rje lta bur yang 'gyur ro// de bzhin gshegs pa'i yon tan gyi che ba nyid rtag pa dang / ther zug pa dang / brtan pa thos na mi g.yo ba'i phyir ri lta bur yang 'gyur ro// de bzhin gshegs pa'i rigs dang rgyud la ye shes rnam par dag pa'i phyir bai DUR+Ya lta bur yang 'gyur ro/ / nyon mongs pa'i rnyog pa sel ba'i phyir rgya mtsho dug can pa'i gser gyi pha rol lta bur yang 'gyur ro// de bzhin gshegs pa'i rtag pa dang / ther zug pa dang / brtan pa'i rang bzhin mthong ba'i phyir zla ba lta bur yang 'gyur ro// de bzhin gshegs pa'i chos las mi g.yo ba'i phyir ri lta bur yang 'gyur ro// de bzhin gshegs pa'i gtan du mya ngan las mi 'da' zhing chos nub par mi 'gyur ba thos na mi g.yo ba'i phyir sgo'i them pa lta bur yang 'gyur ro/ / yang dag pa mthong ba'i phyir sems brtan zhing gnas par yang 'gyur ro// sems mi phyed pa'i phyir rdo rje lta bur yang 'gyur ro/ / mngon sum du yon tan mang po thob pa mang bar yang 'gyur ro// ngo tsha shes pa dang khrel yod pa dang ldan par yang 'gyur ro// mdzes par yang 'gyur ro// blta na sdug par yang 'gyur ro// brkam pa med par yang 'gyur ro// lus chung ngur yang mi 'gyur ro// kha dog bzangs po rgyas pa mchog dang ldan par yang 'gyur ro// rigs mthon por skye bar yang 'gyur ro// rigs chen por skye bar yang 'gyur ro/ / 'khor mang bar yang 'gyur ro// 'khor mi phyed par yang 'gyur ro// bla na med pa yang dag par rdzogs pa'i byang chub las mi nyams shing yongs su nyams par yang mi 'gyur ro// kha zas la brkab par yang mi 'gyur ro/ / sha'i kha zas kyang rnam par spong bar 'gyur ro// blo gros dang ldan par yang 'gyur ro// skye bo thams cad kyi yid du 'ong zhing cher bkur bar yang 'gyur ro// dran pa dang ldan par yang 'gyur ro/ / gzi brjid dang ldan par yang 'gyur ro// shes rab dang ldan par yang 'gyur ro// dga' ba dang ldan par yang 'gyur ro// 'jig rten dang ldan par yang 'gyur ro/ / 'jig rten la phan par 'dod par yang 'gyur ro// 'jig rten la bde bar yang 'gyur ro// 'jig rten gyi thu bor yang 'gyur ro// 'jig rten gyi gtso bor yang 'gyur ro// 'jig rten gyi mchog tu yang 'gyur ro/ / 'jig rten gyi rab tu yang 'gyur ro// 'jig rten thams cad kyis phyag bya bar 'os par yang 'gyur ro// 'jig rten thams cad kyis mchod pa'i gnas su yang 'gyur ro/ / sbyin bdag chen por yang 'gyur ro// stobs chen po dang ldan par yang 'gyur ro// dpa' bo chen por yang 'gyur ro// brtson 'grus chen po dang ldan par yang 'gyur ro// byams pa'i sems dang ldan par yang 'gyur ro/ / bden pa smra bar yang 'gyur ro// brtul zhugs brtan par yang 'gyur ro// brtson 'grus brtsams par yang 'gyur ro// byams pa la gnas par yang 'gyur ro// snying rje la gnas par yang 'gyur ro// dga' ba la gnas par yang 'gyur ro// btang snyoms la gnas par yang 'gyur ro// stong pa'i chos rnams la stong par smra bar yang 'gyur ro// stong pa ma yin pa'i chos rnams la stong pa ma yin par smra bar yang 'gyur ro/ / sangs rgyas kyi chos kyi ngan rtags smra bar yang 'gyur ro// sangs rgyas kyi de kho na'i chos kyi lta ba smra bar yang 'gyur ro// gtsang bar yang 'gyur ro/ / gtsang mas phyug par yang 'gyur ro// yon tan gyis phyug par yang 'gyur ro// tshul khrims kyis phyug par yang 'gyur ro// chos kyis phyug par yang 'gyur ro// dbrog tu med pa'i rdzas kyis phyug yang 'gyur ro/ / skye bo dbul po slong ba la sogs pa la gter lta bur yang 'gyur ro// stong pa nyid dang / mtshan ma med pa dang / smon pa med pa'i chos rnams ston pa na mi skrag mi dngang zhing dngang bar yang mi 'gyur ro/ / sangs rgyas kyi zhing gang dang gang du skye bar yang sems bskyed pa de dang de na skye bar yang 'gyur ro// rnyed pa dang bkur sti dang tshigs su bcad pa don du mi gnyer bar yang 'gyur ro/ / tshul khrims 'chal pa rnams bsdus nas dam pa'i chos 'god par yang 'gyur ro// tshul khrims 'chal pa g.yo sgyu dang ldan pa rnams la theg tog lta bur yang 'gyur ro// de bzhin gshegs pa la byas pa mi bzo ba rnams byas pa gzo ba la yang dag par sbyor bar yang 'gyur ro/ / mu stegs can gyi gnas thams cad du mi 'phrogs par yang 'gyur zhing slar de la thabs dang ldan par yang 'gyur ro/ / dge sbyong dang / bram ze dang / mu stegs can phas kyi rgol ba mang po dag gis phugs rdugs su mi chud cing slar de la thabs kyis rton par yang 'gyur ro// mu stegs can gyi gnas thams cad kyi gsong tshig rnams la 'dun par mi 'gyur zhing slar de la thabs kyis 'dun pa byed par yang 'gyur ro/ / lha dang klu dang gnod sbyin dang / dri za'i gnas thams cad la rten par mi 'gyur zhing slar de la thabs kyis yang dag par rten par lta bur yang 'gyur ro/ / las la rten par 'gyur gyi/ bkra shis dang dge mtshan la rten par yang mi 'gyur ro/ / srog gcod pa byed kyang srog gcod pa spangs par yang 'gyur ro// me tog 'phreng ba dang / spos dang / byug pa dang phye mas gdab pa dang / khyim pa'i longs spyod dang yongs su spyad pa rnam pa du ma dag dang / chung ma dang lhan cig tu 'dod pa'i yon tan sprad kyang shin tu tshangs par spyod par yang 'gyur ro// srog gcod pa dang / rku 'phrog byed pa dang / brdzun tshig dang / chang 'thung ba la sogs pa la sten cing las rnams byed la/ bu dang chung ma rnams ston kyang shin tu tshangs par spyod par yang 'gyur ro// de bzhin gshegs pa thams cad kyis mchod par yang 'gyur ro// de bzhin gshegs pa thams cad kyis rjed par yang 'gyur ro/ / de bzhin gshegs pa thams cad kyis cher bkur bar yang 'gyur ro// de bzhin gshegs pa thams cad kyis sdug par bya ba'i sras su yang 'gyur ro// de bzhin gshegs pa thams cad las byas pa gzo ba'i bgo skal la spyod par yang 'gyur ro// de bzhin gshegs pa thams cad kyi 'phrin las mtshungs pa'i chos kyi de kho na mthong bar yang 'gyur ro// sangs rgyas thams cad dang ye shes kyi yang dag par rtog pa mtshungs par yang 'gyur ro// sangs rgyas thams cad kyi chos gsang ba rnams pa mang po lung bstan pa'i yul la spyis btsan pa'i rgyal po/ yang 'gyur ro// sangs rgyas thams cad kyi gsang ba'i chos bston pa rnam pa du ma brjod par yang 'gyur ro// sangs rgyas thams cad kyis bzhes pa'i nga rgyal la gnas pa'i yul la mkhas par yang 'gyur ro/ / sangs rgyas thams cad kyi 'dod chags med pa dang dri ma med pa dang / 'jigs pa med pa gsang ba rnam pa mang po'i chos ston pa'i rang bzhin dag la rin po che lta bur yang 'gyur ro/ / sangs rgyas thams cad kyi sems can 'dul ba'i dbang gis 'dod chags dang zhe sdang dang / gti mug dang / 'jigs pa'i chos kyi phyogs thams cad la 'jug pa yang dag par mthong bar yang 'gyur ro/ / sangs rgyas thams cad yun ring por bskal pa bye ba bgrang ba mang po nas brgal nas nyon mongs pa'i rgya mtsho las dgrol bar mdzad pa'i gsang ba thams cad kyi de kho na mthong bar yang 'gyur ro/ / sangs rgyas thams cad kyis sems can 'dul ba'i dbang gis nyon mongs pa'i rgya mtshor skye ba bstan te brgal nas bsgral bar bya'o// grol nas dgrol bar bya'o snyam nu/ bstan pa'i gsang ba'i khyad par gyi sgo'i rang bzhin dag mthong bar yang 'gyur ro// sangs rgyas thams cad kyis yun ring por bskal pa bye ba bgrangs pa mang po 'das pa nA/ bdud bye ba rab tu bcom pa'i rnam pa'i gsang ba'i de kho na mthong bar yang 'gyur ro/ / sangs rgyas thams cad kyis sems can 'dul ba'i dbang gis byang chub kyi shing drung du bdud 'dul ba'i gsang ba'i khyad par gyi sgo'i rang bzhin ston pa lta bur bcos pa legs par mthong bar yang 'gyur ro/ / thabs kyis chos kyi 'khor lo bskor ba dang thabs kyis yongs su mya ngan las 'das pa lta bur bcos pa'i de kho na mthong bar yang 'gyur ro/ / sangs rgyas thams cad rol pa'i gsang ba'i rgyal po'i mchog tu yang 'gyur ro// sangs rgyas thams cad kyi yul bsam gyis mi khyab pa/ mtshung pa med pa/ dpe med pa/ grangs med pa/ dpag tu med pa/ bgrang ba lngas 'das pa la bgrang ba'i rgyal por yang 'gyur ro// sprin chen snying po bsam gyis mi khyab par 'gro bar 'jug p a la gnas pa'i rnam par 'phrul pa'i rgyal po zhes bya ba'i ting nge 'dzin gang yin pa'i ting nge 'dzin de dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro/ / ting nge 'dzin yang dag par bsogs par yang 'gyur ro// thos pa'i rgya mtshor yang 'gyur ro// thos pa yang dag par bsogs par yang 'gyur ro// bla na med pa yang dag par rdzogs pa'i byang chub las som nyi mi za zhing yid gnyis med de/ the tsom za bar yang mi 'gyur ro// mi khom pa rnams su skye bar yang mi 'gyur ro// tshe rabs dran par yang 'gyur ro// 'khor ba'i lus kyi zhing gi rgya mtsho la sred par yang 'gyur ro/ / tshe rabs thams cad du tha na rmi lam du yang sangs rgyas mthong ba dang bral bar yang mi 'gyur ro// snga ma bzhin du sbyar te/ sangs rgyas thams cad kyi yul bsam gyis ma khyab pa/ mtshungs pa med pa dpe med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur ro// sprin chen snying po ting nge 'dzin bzhi brgya po 'di dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro/ / ting nge 'dzin yang dag par sogs par yang 'gyur ro// thos pa'i rgya mtshor yang 'gyur ro/ / thos pa yang dag par sogs par yang 'gyur ro// bla na med pa yang dag par rdzogs pa'i byang chub la som nyi mi za zhing / yid gnyis med de/ the tsom mi za bar yang 'gyur ro/ / mi khom pa rnams su skye bar yang mi 'gyur ro// snga ma bzhin du sbyar te/ sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur ro// sprin chen snying po// ting nge 'dzin gyi sgo bzhi brgya po de bzhin gshegs pa rnams dang / byang chub sems dpa' rnams kyi dam pa'i chos mi zad pa'i gter rin po che'i yan lag gi sgo gang yin pa de dag dang ldan pa'i byang chub sems dpa' sems dpa' chen po rnams ni/ ting nge 'dzin gyi rgya mtshor yang 'gyur ro// ting nge 'dzin yang dag par bsogs par yang 'gyur ro/ / thos pa'i rgya mtshor yang 'gyur ro// thos pa yang dag par bsogs par yang 'gyur ro// bla na med pa yang dag par rdzogs pa'i byang chub la som nyi mi za zhing yid gnyis med de/ the tsom za bar mi 'gyur ro// mi khom pa rnams su skye bar yang mi 'gyur ro// snga ma bzhin du sbyar te/ sangs rgyas thams cad kyi yul bsam gyis mi khyab pa/ mtshungs pa med pa/ dpe med pa/ grungs med pa/ dpag tu med pa/ bgrang po las 'das pa la bgrang ba'i rgyal por yang 'gyur ro// 'jig rten dang 'thun par 'jug pa'i yul shes par yang 'gyur ro/ / de nas de'i tshe 'khor chen po'i nang nas/ lha'i bu dri ma med pa'i 'od kyi 'phreng ba can zhes bya ba lha'i bu sa ya brgyad 'bum dang lhan cig tu stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das kyi zhabs la mgo bos phyag 'tshal nas/ lha'i me tog dang / tsan dan gyi phye mas bsgo ba dag gis/ de bzhin gshegs pa la mngon par gtor te/ rang rang gi bla gos/ bcom ldan 'das kyi sku la gsol nas/ kha 'thun par tshigs su bcad pa 'di smras so/ / kye ma bcom ldan sangs rgyas ni/ bsam yas dpag med de bzhin gshegs// sems can rnams la sman slad du// char chen rnam pa sna tshogs 'bebs// ting nge 'dzin gyi le'u zhes bya ba ste gnyis pa'o// // 'phags pa sprin chen po/ bam po lnga pa/ de nas bcom ldan 'das la byang chub sems dpa' sems dpa' chen po sprin chen snying pos 'dri skad ces gsel to/ / shin tu rgyas pa chen po las phyi rol pa 'on pa lta bur gyur pa rnams kyi theg pa chen po'i rna ba'i khams yongs su rdzogs par bgyi ba'i slad du/ bcom ldan 'das kyis phyir mi zlog pa'i ye shes mtha' yas pa rin po che'i 'byung gnas la mngon par 'jug pa zhes bgyi ba'i gzungs kyi chos kyi sgo'i gzhi sum cu rtsa drug sngar smos te bzhag pa rgyas par bshad du gsol/ bcom ldan 'das kyis bka' stsal pa/ sprin chen snying po phyir mi zlog pa'i ye shes mtha' yas pa rin po che'i 'byung gnas la mngon par 'jug pa zhes bya ba'i gzung kyi chos kyi sgo sum cu rtsa drug rgya cher nyon cig/ sprin chen snying po/ sprin chen po'i mdo yul bsam gyis mi khyab pa la de bzhin gshegs pa rnams dang / byang chub sems dpa' rnams kyi phyir ldog ba'i 'khor lo rin po che'i mdzod ces bya ba'i gzungs dang / phyir mi ldog pa'i sprin chen po dri ma med pa'i snying po'i chu zhes bya ba'i gzungs dang / phyir mi ldog pa'i sprin chen po'i snying po snang ba zhes bya ba'i gzungs dang / phyir mi ldog pa'i sprin chen po'i chu'i blo gros shes bya ba'i gzungs dang / phyir mi ldog pa'i sprin chen snying po'i chu'i rgyun ces bya ba'i gzungs dang / phyir mi ldog pa'i sprin chen po'i zad mi shes pa'i blo gros shes bya ba'i gzungs dang / phyir mi ldog pa'i sprin chen po'i glog gi 'od myur ba zhes bya ba'i gzungs dang / phyir mi ldog pa'i sprin chen po'i snying po'i klog gi 'od dang ldan pa zhes bya ba'i gzungs dang / phyir mi ldog pa'i sprin chen po dri ma med pa'i 'od ces bya ba'i gzungs dang / phyir mi ldog pa'i sprin chen pa'i tog gi blo gros shes bya ba'i gzungs/ dang phyir mi ldog pa'i sprin chen po'i snying po'i gter gyi rgyal po'i 'od 'phro ba'i blo gros shes bya ba'i gzungs dang / phyir mi ldog pa'i sprin po'i glog gi sgra sgrogs pa zhes bya ba'i gzungs dang phyir mi ldog pa'i sprin chen po myur ba'i dpal zhes bya ba'i gzungs dang / phyir mi ldog pa'i sprin chen po na mkha'i rgyal po zhes bya ba'i gzungs dang / phyir mi ldog pa'i sprin chen po'i sman gyi rgyal po chen po zhes bya ba'i gzungs dang / phyir mi ldog pa'i sprin chen po'i char 'bab pa'i mtsho'i rgyal po zhes bya ba'i gzungs dang / phyir mi ldog pa'i sprin chen po kun tu rgyas par byed pa zhes bya ba'i gzungs dang / phyir mi ldog pa'i sprin chen po ti se'i gangs can zhes bya ba'i gzungs dang / / phyir mi ldog pa'i sprin chen po na mkha'i blo gros zhes bya ba'i gzungs dang // phyir mi ldog pa'i sprin chen po mngon par 'phags pa'i rgyal po zhes bya ba'i gzungs dang / phyir mi ldog pa'i sprin chen po dus tshod kyi rgyal po zhes bya ba'i gzungs dang / phyir mi ldog pa'i sprin chen po dang pa dga' ba'i skad 'byin pa zhes bya ba'i gzungs dang daphyir mi ldog pa'i sprin chen po ye shes kyi rlung gi phyag rgya zhes bya ba'i gzungs dang / phyir mi ldog pa'i sprin chen po zab mo'i blo gros brtson 'grus rgyal po zhes bya ba'i gzungs dang / phyir mi ldog pa'i sprin chen pos bon gyi char 'bebs pa zhes bya ba'i gzungs dang / phyir mi ldog pa'i sprin chen po sa'i phreng ba can zhes bya ba'i gzungs dang / phyir mi ldog pa'i sprin rjen po dga' bar byed/ pa'i klung zhes bya ba'i gzungs dang // phyir mi ldog pa'i sprin chen po snang ba'i blo gros shes bya ba'i gzungs dang / phyir mi ldog pa'i sprin chen po g.yo bar byed pa zhes bya ba'i gzungs dang phyir mi ldog pa'i sprin chen po snying po tshul gyis rnam par brgyan pa'i rgyal po zhes bya ba'i gzungs dang / / phyir mi ldog pa'i sprin chen po snying po'i mdzod ces bya ba'i gzungs dang / phyir mi ldog pa'i sprin chen po snying po'i chu ston pa zhes bya ba'i gzungs dang / / phyir mi ldog pa'i sprin chen po zad mi shes pa'i chu srung ba zhes bya ba'i gzungs dang / phyir mi ldog pa'i sprin chen po'i chu'i ku mu de'i zla ba zhes bya ba'i gzungs dang / / phyir mi ldog pa'i sprin chen po gzhi 'dzini zhes bya ba'i gzungs dang / phyir mi ldog pa'i sprin chen po bsam gyis mi khyab pa'i blo gros rgya mtsho'i rgyal po zhes bya ba'i gzungs yod de/ sum cu rtsa drug po de dag ni/ phyir mi ldog pa'i ye shes mtha' yas pa rin po che'i 'byung gnas la mngon par 'jug pa zhes bya ba'i gzungs kyi sgo ste/ de dag dang ldan pa'i byang chub sems dpa' ni rtsis mkhan gyi rgyal po 'gyur ro// de nas de'i tshe 'khor chen po'i nang nas/ lha mo rin po che'i 'breng ba'i gzungs la dga' ba zhes bya ba @ta la bdun srid tsam du bar snang la 'dug ste/ bcom ldan 'das la me tog gi char rab tu phab nas/ tshigs su bcad pa 'di dag smras so// ye shes dpa' bo chen po mi mnyam mnyam/ / de bzhin gshegs pa rdo rje sra ba'i sku// rig pa'i rgyal po sgyu 'phrul chen po pa// me yis pad+ma khyod la phyag 'tshal lo// gzungs so cog gi 'brug gi sgra bsgrags te/ de bzhin gshegs pas chos char rab tu phab// sems can rnams la phan pa mdzad slad du// chos rnams sna tshogs rab tu ston pa mdzad// gzungs kyi gleng bzhi'i le'u zhes bya ste gsum pa'o// / sprin chen snying pos gsol pa/ sems can mi gsal zhing glen la sems rtul ba mun pa chen por zhugs pa rnams la/ bcom ldan 'das de bzhin gshegs pa'i ldem po ngag shes pa'i sgron ma'i 'od zer phra mo rab tu dgye bar gsol/ bcom ldan 'das kyis bka' stsal pa/ sprin chen snying po ldem po ngag gi gzhi'i bye brag la 'jug pa la rmongs pa'i tshul can gyi chos kyi thabs kyi rgyun kyi rnam par thar pa'i sgo nyi shu rtsa gsum rgyas par rab tu 'bar bar gyis shig/ sprin chen snying po sprin chen po'i mdo la/ bdag tu 'dzin cing bdag gir 'dzin la bdag tu 'dzin pa med cing bdag gir 'dzin pa med pa zhes bya ba'i ldem po dgagam gzhi'i bye brag la 'jug pa la rmongs pa'i tshul can gyi chos kyi thabs kyi rgyun gyi rnam par thar pa'i sgo dang / 'jigs pa'i tshul dang / phan pa'i tshul du 'dug la 'jigs pa med pa zhes bya ba dang / 'dod chags kyi sbyor ba yod la 'dod chags dang bral ba zhes bya ba dang / skyon dang skyon rab dang ldan la skyon med pa zhes bya ba dang / gti mug cing rab tu gti mug la gti mug kyang med pa zhes bya ba dang / 'dod chags shing rab tu 'dod chags la 'dod chags dang bral ba zhes bya ba dang / chags shing shin tu chags la chags pa med pa zhes bya ba dang / zhen cing shin tu zhen la zhen pa med pa zhes bya ba dang / skyon chags shing rab tu skyon chags pa med pa zhes bya ba dang // mun gnag cing shin tu gnas la rab tu snang ba zhes bya ba dang / rtul cing rab tu rtul la shin tu rno ba zhes bya ba dang / gcod cing 'byed la shin tu snying brtse ba zhes bya ba dang / brlang zhing shin tu sdig byed la byams pa la sogs pa dang ldan pa zhes bya ba dang / sbyin pa la smod cing rab tu smod la sbyin pa la sngags par byed pa zhes bya ba dang / smad cing shin tu smad la smad du med pa zhes bya ba dang / rtag tu bdag stod cing gzhan smod la las kyang rnam par drag par zhes bya ba dang / chags shing rab tu chags la chags pa med pa zhes bya ba dang / mi mnyam zhing shin tu mi mnyam la mi mnyam pa yang ma yin pa zhes bya ba dang / sdug bsngal zhing mi bde la bde ba zhes bya ba dang / stong zhing shin tu stong la stong pa ma yin zhes bya ba dang // mi rtag cing shin tu mi rtag la shin tu rtag pa zhes bya ba dang // bdag med par gyur la shin tu bdag nyid du gyur pa zhes bya ba dang / mi sdug cing shin tu mi sdug la shin tu sdug pa zhes bya ba yod de/ nyi shu rtsa gsum po de dag ni ldem po ngag gi gzhi'i bye brag la 'jug pa la rmongs pa'i tshul can gyi chos kyi thabs kyi rgyun gyi rnam par thar pa'i sgo yin no/ / de nas de'i tshe 'khor chen po'i nang nas lha'i bu skye bo thams cad dga' ba zhes bya bas/ bcom ldan 'das la lha'i mchod pa chen po byas nas/ tshigs su bcad pa 'di dag smras so// kye ma deng ni nyan thos kun// myos par byed pa'i rgyu chen byung // sems can rnams la spyan slad du/ / lha chen mtha' yas gzungs mnga' ba// de bzhin gshegs pa'i ldem byung // thugs su chud nas ston pa mdzad// ldem po dag gi gling gzhi'i le'u zhes bya ste bzhi pa'o/ / / sprin chen snying pos gsol pa/ srid par skye bas rtse ba'i rnam pa la 'jug cing gnas pa/ bgrod pa'i gsang ba bkod pa'i rgyal po zhes bgyi ba'i chos kyi sgo bcu/ bcom ldan 'das kyis rgyas par bshad du gsol/ bcom ldan 'das kyis bka' stsal pa/ sprin chen snying po/ sprin chen po'i mdo la/ srid par skye bas rab tu dka' paba'i rgyal po zhes bya ba'i chos kyi sgo dang / srid par skye ba la 'dod cing blo gros dad pa zhes bya ba dang / srid par skye ba la sred pa zhes bya ba dang / srid par skye ba la btsam pa med pa zhes bya ba dang / srid par skye ba la rab tu dad pa zhes bya ba dang / srid par skye bar smon pa la mkhas pa zhes bya ba dang // skyid par skye ba'i bsngags brjod pa zhes bya ba dang // srid par skye ba la dmigs pa'i rgyal po// srid par skyo ba la mkhas pa'i dbang phyug rgyal po zhes bya ba dang / srid par skye ba na mi dge ba'i phyogs kyi chos rnams kyis ma gos par gnas shing 'jug pa gsang ba'i bkod pa'i rgyal po zhes bya ba'i chos kyi sgo yod de/ / bcu po de dag ni srid par skye bas rtse ba'i rnam pa la 'jug cing gnas pa bgrod pa'i gsang ba bkod pa'i rgyal po zhes bya ba'i chos kyi sgo yin no// de nas de'i tshe lha mo cher dga' ba zhes bya bas/ bcom ldan 'das la mchod pa'i las byas nas/ tshigs su bcad pa 'di dag smras so// ma skyes khyod la phyag 'tshal lo// de bzhin gshegs pa thabs kyi sku/ / srid par skye ba sna tshogs pa// dri med thams cad thub pas bstan// dpa' bo chen po rtag pa'i sku// srid pa'i dgyes pa rgya mtsho mnga'// gos pa med pa ni de bzhin gshegs// 'khor ba dag ni dag ni dge bar bzhed// srid par skye ba'i gleng bzhi'i le'u zhes bya ste lnga pa'o// / sprin chen snying pos gsol pa/ 'khor ba'i nyon mongs pa'i zhing gi lus kyis thob par bgyi ba'i slad du sems kyis yang dag par len pa'i rnam par grol ba'i smon lam gsang ba'i chos kyi sgo bcu/ / bcom ldan 'das kyis rgyas par bshad du gsol// de bzhin gshegs pas bshad du gsol/ bcom ldan 'das kyis bka' stsal pa/ 'khor ba'i nyon mongs pa'i zhing gi 'bras bu thob pa zhes bya ba dang // 'khor ba'i nyon mongs pa'i zhing la dga' ba'i rgyal po zhes bya ba dang / 'khor ba'i sbyor ba la sems gnas pa zhes bya ba dang // 'khor ba la mchog tu dga' ba'i gzungs zhes bya ba dang / 'khor bar 'gro ba zhes bya ba dang / / 'khor bar shin tu char 'beb pa zhes bya ba dang / 'khor bar rgyun mi gcod pa'i rlung gi rgyal po zhes bya ba dang / 'khor ba'i chom rkun zhes bya ba dang / 'khor ba'i rtsa ba'i yul dri ma med pa zhes bya ba dang / 'khor ba na yun ring du gnas pa rnams la snang bar byed pa zhes bya ba ste/ bcu po de dag ni 'khor ba'i nyon mongs pa'i zhing gi las kyis thob par bya ba'i phyir sems kyi yang dag par len pa'i rnam par grol ba'i smon lam gsang ba'i chos kyi sgo yin no/ / de nas de'i tshe klu'i rgyal po dug med ces bya bas/ bcom ldan 'das la mchod pa byas nas/ tshigs su bcad pa 'di dag smras so// nyon mongs 'khor ba rnyed pa che// sems can rnams la sman slad du// 'khor ba'i dngos 'dra de bzhin gshegs/ chos rnams sna tshogs ston pa mdzad// 'khor ba'i nyon mongs pa'i zhing gi las kyis thob pa'i gleng gzhi'i le'u zhes bya ste drug pa'o// / sprin chen snying pos gsol pa g.ye shes pa rmongs pa'i snying po bas ma kyis mi byang ba gzung ba'i rnam 'phrul pa'i rgyal po nas bgyi ba'i chos kyin bcu/ bcom ldan 'das kyi shad du gsol/ bcom ldan 'das kyis bka' stsal pa/ bde bar gnyen por bya ba mang ba zhes bya ba dang / mi mnyam pa dang mnyam pa'i rnam par 'phrul pa'i rgyal po zhes bya ba dang / mtshungs pa med par 'gro ba'i snang ba'i sgor 'jug pa zhes bya ba dang / gzhung lugs go/ bar byed pa zhes bya ba dang / mthar byed pa'i tog ces bya ba dang / yang dag par rjod pa'i 'od ces bya ba dang / chu las shin tu 'phags par dmigs pa zhes bya ba dang / snying po dri ma med pa zhes bya ba dang sa 'dzin 'od 'phro zhes bya ba dang / / mngon par 'phags pa'i snang ba'i sgo zhes bya ba ste/ bcu po de dag ni ye shes la rmongs pa'i snying bsam gyis mi khyab pa la gzud pa'i rnam par 'phrul pa rgyal po zhes bya ba'i chos kyi sgo yin no/ / de nas de'i tshe/ lha'i bu 'phreng mdzes can zhes bya bas/ bcom ldan 'das la mchod pa byas nas/ tshigs su bcad pa 'di dag smras so// sangs rgyas ye shes bsam mi khyab// kye ma sems can kun phan phyir// ye shes rmongs pa sna tshogs pa// de bzhin gshegs pa ston pa mdzad// ye shes la rmongs pa gzud pa'i gleng gzhi'i/ le'u zhes bya ba ste bdun pa'o// / sprin chen snying pos gsol pa/ ye shes zab mo brtan pa thob pa la 'jug pa'i rnam pa zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ shin tu yangs pa'i snying po bcu la gus par 'jug pa zhes bya ba dang / na mkhas bsrungs pa zhes bya ba dang / dus bzangs zab mo la 'jug pa zhes bya dang / phra ba la dga' ba zhes bya ba dang / rgya mtsho mi bskyod pa zhes bya ba dang / ye shes kyi 'od 'phro ba'i 'od ces bya ba dang / ngag gi rang bzhin gtsang ba la 'jug pa zhes bya ba dang / nyon mongs pa'i bud shing tshig pa dri ma med pa la 'jug pa zhes bya ba dang / blo gros brtan pa la 'jug pa zhes bya ba dang / blo gros dri ma med pa zhes bya ba ste/ bcu po de dag ni ye shes zab mo brtan pa thos pa la 'jug pa'i rnam pa'i chos kyi sgo yin no/ / de nas de'i tshe/ lha mo gser ltar gsal ba zhes bya bas/ bcom ldan 'das la mchod pa'i las byas nas/ tshigs su bcad pa 'di dag smras so// gser gyis rab brgyan 'dra ba'i de bzhin gshegs// ye shes mnga' bas gser gyi ri bo bzhin// sems can rnams la phan pa mdzad slad du// ye shes tha mo'i gter ni ston pa mdzad/ / ye shes zab mo bstan pa 'thob pa la 'jug pa'i rnam pa'i gleng gzhi'i le'u zhes bya ste brgyad pa'o// / sprin chen snying pos gsol pa/ sprin chen po'i snying po'i char gyi rgyun bsam gyis mi khyab pa'i bsod nams kyi mdzod ces bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ byams pa la dga' ba'i mdzod ces bya ba dang / snying rje la dga' ba'i mdzod ces bya ba dang / dga' ba la dga' ba'i mdzod ces bya ba dang / btang snyoms la dga' ba'i mdzod ces bya ba dang / bden pas chu 'bebs pa'i chu mdzod ces bya ba dang / rgya mtsho'i nya'i 'gro bar rgyu ba'i mdzod ces bya ba dang / chos kyi sgo'i ming dang ldan pa'i mdzod ces bya ba dang / rgyun gyi rgyal po'i lam gyi mdzod ces bya ba dang / gzhung lugs la 'jug pa'i mdzod ces bya ba dang / ming gis gsang tshig gsum gyi dkon mchog la 'jug pa'i mdzod ces bya ba ste/ bcu po de dag ni sprin chen po'i snying po'i char gyi rgyun bsam gyis mi khyab pa'i bsod nams kyi mdzod ces bya ba'i chos kyi sgo yin no/ / de nas de'i tshe/ lha'i bu ye shes la dga' ba zhes bya bas/ bcom ldan 'das la mchod pa byas nas/ tshigs su bcad pa 'di dag smras so/ / bcom ldan sangs rgyas bsam mi khyab// de bzhin gshegs pa 'gag pa med// kye ma sems can sman slad du// chos rnams sna tshogs ston pa mdzad// rnam par thar pa'i bsod nams kyi mdzod kyi gleng gzhi'i le'u zhes bya ba ste dgu pa'o/ / / sprin chen snying pos gsol pa/ sprin chen po'i char gyi rgyun bsam gyis mi khyab pa'i bsod nams kyi rnam pa'i lam zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ char gyi dus zhes bya ba dang / char gyi dra ba'i rgyan rin po che'i reng bu'i rgyal po zhes bya ba dang / char gyi dra ba'i snying po'i phyag rgya'i rgyal po zhes bya ba dang / char gyi dri ma sel ba zhes bya ba dang / char gyi dra ba sna tshogs kyi chu'i gdug pa sel ba'i rgyal po zhes bya ba dang / char gyi dra ba bde bsil ngoms par byed pa zhes bya ba dang / char sna tshogs la dmigs pa yang dag pa'i spyod yul gyi rgyal po zhes bya ba dang / char sna tshogs la yang dag par lta ba dang lhan cig skyes pa zhes bya ba dang / char sna tshogs kyi bsod nams kyi rnam pa'i zhing la dbang byed pa zhes bya ba dang char gyi dra ba bde bsil sman gyi char 'bebs klu'i rgyal po zhes bya ba ste/ bcu po de dag ni sprin chen po'i char gyi rgyun bsam gyis mi khyab pa'i bsod nams kyi rnam pa'i lam zhes bya ba'i chos kyi sgo yin no// de nas de'i tshe/ lha'i bu na mkha' la bsgrags pa zhes bya bas/ bcom ldan 'das la mchod pa byas nas/ tshigs su bcad pa 'di dag smras so// khyod kyis de ring gsang ba mang po rab tu bshad/ / lha rnams stong phrag bye ba rab tu grol bar mdzad// sems can mang po dag kyang khyod kyis grol bar mdzad// rga nad bzlog phyir mya ngan 'das pa yang dag rtogs// khyod ni lha yi lha mchog bla na med pa lags/ / khyod ni gsang ba'i gsang ba khyod ni 'jig rten mgon// chos rnams rnam pa sna tshogs don yon ston pa mdzad ye shes 'od 'gro sgron mdam brtag tu snang // bsod rnams kyi rnam pa yong su brjod / gleng gzhi'i le'u zhes bya ste bcu pa'o// / sprin chen snying pos gsol pa/ sprin chen po'i tshogs na mkha' las 'byung zhing 'du ba'i rnam par 'phrul pa'i rgyal po zhes bya ba'i chos kyi sgo bcu/ bcom ldan 'das kyis rgyas par bshad du gsol/ bcom ldan 'das kyis bka' stsal pa/ rtsa ba nas skye ba'i rab tu mgu ba la mkhas pa'i rgyal po zhes bya ba dang / rtsa ba'i rang bzhin legs par mthong nas rtag tu rjod pa zhes bya ba dang / mnyam pa dang mi mnyam pa'i ye shes shin tu mthong ba'i rgyal po zhes bya ba dang / rtag pa'i phyag rgya zhes bya ba dang / blo gros mi zad pa'i yang dag pa rgyal po zhes bya ba dang / bsam gyis mi khyab pa'i gnas shes bya ba dang / chags pa med pa'i nan tan gyi rnam pa zhes bya ba dang / rgya mtsho zab mo'i dus shin tu nges pa'i rgyal po zhes bya ba dang / dus tshigs yid du 'ong ba la mngon par rab tu dga' ba zhes bya ba dang / nam mkha' dang mnyam pa'i ye shes kyi char sprin chen po'i nam mkha'i mdzod ces bya ba ste/ bcu po de dag ni sprin chen po'i tshogs na mkha las 'byung zhing 'du ba'i rnam par 'phrul pa'i rgyal po zhes bya ba'i chos kyi sgo yin no/ / de nas de'i tshe/ lha mo tshul la mkhas pa zhes bya bas/ bcom ldan 'das la mchod pa'i las byas nas/ tshigs su bcad pa 'di dag smras so// gsang srung dpa' bo chen po ste// de bzhin gshegs pa gsang bas bsrungs// sems can rnams la sman slad du// gsang ba sna tshogs ston pa mdzad/ / sprin chen po'i tshogs na mkha' las 'byung ba'i gleng gzhi'i le'u zhes bya ste bcu gcig pa'o// / sprin chen snying pos gsol pa/ sprin chen po'i glog gi 'od snang ba'i sgo zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das de bzhin gshegs pas mngon par rab tu 'bar bar mdzad du gsol/ bcom ldan 'das kyis bka' stsal pa/ rin po che'i mdzod kyi 'od zer gyi glog gi 'od ces bya ba dang / nam mkha' la brtson 'grus snang ba'i glog gi 'od ces bya ba dang / shin tu bsrungs pa zhes bya ba dang mtshams kyi dus tshod rgyal po zhes bya ba dang / dpal gyis bsrungs pa'i blo gros 'dod pa'i blo'i rgyal po zhes bya ba dang / dri mi med pa'i gser gyi glog gi 'od kyi rgyal po zhes bya ba dang / baiR+Sha sh+mi/ snying po'i blo gros mi zad pa'i snang ba'i glog gi 'od ces bya ba dang / gnas la mngon par mos pa'i glog gi 'od snang ba'i ces bya ba dang / yon tan gyi rgya mtsho zab mo brtan pa'i glog gi 'od ces bya ba dang / yul cham du 'bebs pa'i grog gi 'od ces bya ba ste/ bcu po de dag ni sprin chen po'i glog gi 'od snang ba'i sgo zhes bya ba'i chos kyi sgo yin no// de nas de'i tshe/ lha mo mngon par 'tsho bar byed pa zhes bya bas/ bcom ldan 'das la mchod pa'i las byas te/ bcom ldan 'das kyi zhabs la mgo bos phyag 'tshal nas/ tshigs su bcad pa 'di dag smras so// glog gi rgyal po sku che ba/ / na mkha' dang ni mtshungs 'dra ste// de bzhin gshegs pa thabs kyi gzugs// bdag gis cung zad brjod mi nus// glog gi 'od kyi gleng gzhi'i le'u zhes bya ste bcu gnyis pa'o/ / // sprin chen snying pos gsol pa/ sems can thams cad la sman pa dang bde ba'i slad du/ bcom ldan 'das kyis sangs rgyas kyi nyi ma'i 'od zer chen po mtha' yas pa rab tu dgye bar gsol/ sprin chen pos glog 'gyu ba dang ldan pa la 'jug pa'i rnam pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ rlung gi mthu dang mnyam pa'i shugs kyi glog gri 'od 'gyur ba'i rgyal po zhes bya ba dang / ye shes shin tu rno ba zhes bya ba dang / ye shes mngon par gtan la 'bebs pa'i rgyal po zhes bya ba dang / lhan cig 'jug pa'i shugs kyis sgra bsgrags pa'i rgyal po zhes bya ba dang / rgya mtsho'i rlabs g.yo ba la mkhas pa'i rgyal po zhes bya ba dang chos 'dod cing rab tu bsrungs pa zhes bya ba dang / nor gyis rgyal ba'i mtshams sbyor ba la mkhas pa'i rgyal po zhes bya ba dang / chos kyi rnga bo che dug gnon po'i sman gyi rgyal po zhes bya ba dang / shin tu mdzes pas ston pa stobs dang ldan par byed pa zhes bya ba dang / mun pa dang chab brom lta bu'i nyon mongs pa'i rtsa bar rnam par sgrogs pa la rnam par 'phrul pa'i rgyal po zhes bya ba ste/ bcu po de dag ni sman chen po'i glog 'gru ba dang ldan pa la 'jug pa'i rnam par 'phrul pa zhes bya ba'i chos kyi sgo yin no// de nas de'i tshe/ lha mo shugs ldan ma zhes bya bas/ bcom ldan 'das la mchod pa byas nas/ tshigs su bcad pa 'di dag smras so// nga rgyal mi mnga' bsnyengs mi mnga'// thugs rjer ldan zhing skyon mi mnga'// dpa' bo thabs la mkhas pa ste// 'jig rten kun dang 'thun par 'jug/ de ring khyod kyi gzi brjid kyis// 'jig rten 'thun pa bdag gis bslabs// bsam gyis mi khyab bsam yas lha// de bzhin gshegs pa mtshungs med mtshungs/ / sems can rnams la sman slad du// chos rnams sna tshogs ston pa mdzad// sprin chen po'i glog 'gyu ba dang ldan zhing mun pa 'joms pa'i gleng gzhi le'u zhes bya ste bcu gsum pa'o/ / / sprin chen snying pos gsol pa/ sprin chen po'i glog gi sgyu 'phrul zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ rtag tu brjod pa zhes bya ba dang / sprin chen po'i glog gi sgyu 'phrul rtag tu mngon par srung ba zhes bya ba dang / rtag tu mngon par dga' ba zhes bya ba dang / rtag tu mngon par 'dod pa zhes bya ba dang / me la mngon par rtse ba zhes bya ba dang / skye gnas thams cad du mngon par 'jug pa la dga' ba zhes bya ba dang / rnyed pa dang bcas pa'i 'gro ba la rab tu bgu ba zhes bya ba dang / chu 'byed dkar mo zhes bya ba dang / 'od 'phro'i rgyal po mngon du byed pa zhes bya ba dang / rtag tu mngon par 'phags pa mngon par rgyas pa'i 'phreng ba brgyus pa zhes bya ba ste/ bcu po de dag ni sprin chen po'i glog gi sgyu 'phrul zhes bya ba'i chos kyi sgo yin no// de nas de'i tshe/ lha mo sprin gyi chung ma zhes bya bas/ bcom ldan 'das la mchod pa chen po byas nas/ tshigs su bcad pa 'di dag smras so// kye ma bcom ldan sangs rgyas kyi// yul ni bsam gyis mi khyab ste// sgyu 'phrul rgyal po de bzhin gshegs// sems can rnams la sman slad du/ / sgyu 'phrul sna tshogs ston pa mdzad// sprin chen po'i glog gis sgyu 'phrul gyi gleng gzhi'i le'u zhes bya ste bcu bzhi pa'o// / sprin chen snying pos gsol pa/ cho 'phrul chen po'i sgron ma ston pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ gter mi zad pa la 'jug pa'i cho 'phrul ston pa zhes bya ba dang / rin po che'i mdzod sdud pa zhes bya ba dang / rnam par thar pa bsam gyis mi khyab pa la gnas pa'i mdzod ces bya ba dang / ri mo la mtha' yas pa zhes bya ba dang / dge ba 'byor pa zhes bya ba dang / dga' ba phun sum tshogs pa zhes bya ba dang / tshul gyi rnam par la 'jug pa zhes bya ba dang / me long gi dkyil 'khor ma bsgribs pa zhes bya ba dang / dran pa'i phyogs mi zad pa zhes bya ba dang / sems can thams cad nges par sgrol ba yid du 'ong ba la 'jug pa zhes bya ba ste/ bcu po de dag ni cho 'phrul chen po'i sgron ma ston pa zhes bya ba'i chos kyi sgo yin no/ / de nas de'i tshe/ lha mo rab tu dga' ba zhes bya bas/ bcom ldan 'das la mchod pa chen po byas nas/ tshigs su bcad pa 'di dag smras so/ / kye ma bcom ldan sangs rgyas mi bskyod pa// cho 'phrul chen po'i rgyal po de bzhin gshegs// sems can rnams kyi shes pa bskyed don du// de ring chos rnams sna tshogs ston pa mdzad/ / cho 'phrul chen po'i gleng gzhi'i le'u zhes bya ste bco lnga pa'o// / sprin chen snying pos gsol pa/ chos kyi thog tog gi 'bel ba'i gtam la 'jug pa'i rnam par 'phrul pa'i rgyal po zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ thog tog gi ring po che'i 'byung gnas zhes bya ba dang / thog tog gi rgya mtsho zhes bya ba dang / theg tog gi sbyor ba'i rgyal po zhes bya ba dang / thog tog gi sman chen po'i mdzod brtan pa zhes bya ba dang / thog tog gi spyi'i rgyal po zhes bya ba dang / thog tog gi blo gros mi zad pa'i rgyal po zhes bya ba dang / thog tog gi snying po mchog ces bya ba dang / thog tog gi sgron ma'i ded dpon thob pa'i rgyal po zhes bya ba dang / chos kyi phyogs kyi mtshon cha'i mchog ces bya ba dang / thog tog zab mo'i dus zhes bya ba ste/ bcu po de dag na chos kyi thog tog gi 'phel ba'i gtam la 'jug pa'i rnam par 'phrul pa'i rgyal po zhes bya ba'i chos kyi sgo yin no/ / de nas de'i tshe/ lha mo mngon par sgeg ma zhes bya bas/ bcom ldan 'das la mchod pa byas nas tshigs su bcad pa 'di dag smras so// lha chen chos kyi sprin lags te/ / thog tog rgyal po de bzhin gshegs// de bzhin gshegs pas nyon mongs rnams// sna tshogs par ni tshar yang bcad// sems can rnams la sman slad du// nyon mong/ thabs por rol pa mdzad// chos kyi thog tog gis 'bel ba'i gtam gyi gleng gzhi'i le'u zhes bya ste bcu drug pa'o// / sprin chen snying pos gsol pa/ ye shes rdo rje'i rnam pa la 'jug pa'i mdzod srung ba zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ brtse ba'i rin po che'i mdzod ces bya ba'i chos kyi sgo dang / tshul rab tu dga' ba'i rgyal po zhes bya ba'i chos kyi sgo dang / tshul gyi rdzu 'phrul gyi rnam par 'phrul pa'i rgyal po zhes bya ba'i chos kyi sgo dang / ngang pa 'phyos pa'i gnas kyi rnam pa zhes bya ba'i chos kyi sgo dang / na mkha' legs par brgyan pa'i rgyal po zhes bya ba'i chos kyis sgo dang / bum pa shing gi mgo thogs can gyi sman gyi rgyal po zhes bya ba'i chos kyi sgo dang / rgya mtsho zang mi 'khrugs pa lta bu'i blo gros la 'jug pa'i rgyal po zhes bya ba'i chos kyi sgo dang / rab tu dul ba'i gzi brjid stobs can gyi dus tshod kyi rgyal po zhes bya ba'i chos kyi sgo dang // bsam gyis mi khyab pa'i gnas kyi mtha' la mi rtog pa zhes bya ba'i chos kyi sgo dang / bskal pa la khyab pa zhes bya ba'i chos kyi sgo ste/ bcu po de dag ni ye shes rdo rje'i rnam pa la 'jug pa'i mdzod srung ba zhes bya ba'i chos kyi sgo yin no/ / de nas de'i tshe/ lha mo ye shes phra ba la dga' ba zhes bya bas/ bcom ldan 'das la mchod pa byas nas/ tshigs su bcad pa 'di dag smras so// sangs rgyas mdzad bral cha dang bral// de bzhin gshegs pa ma skyes kyang // skyes pa lta bur ston mdzad de// ye shes rdo rje rnam mang mnga'// ye shes rdo rje'i rnam pa la 'jug pa'i gling ga'i le'u zhes bya ba ste bcu bdun pa'o/ / // sprin chen snying pos gsol pa/ longs spyod mi zad pa'i rnam pa la 'jug pa rnam par 'phrul pa'i rgyal po zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ bdud rtsi'i blo gros la 'jug pa zhes bya ba'i chos kyi sgo dang / bde bas tshim pa la 'jug pa zhes bya ba'i chos kyi sgo dang / dga' ba la mkhas pa zhes bya ba'i chos kyi sgo dang / sdug cing rab tu dga' ba la mkhas pa zhes bya ba'i chos kyi sgo dang / zab cing brtan pa'i chu'i rol 'jug pa zhes bya ba'i chos kyi sgo dang / sems kyi blo gros kyi spyod yul gyi bde ba 'dod pa'i rgyal po zhes bya ba'i chos kyi sgo dang / bde ba mi zad cing gdod ma nas dri ma med pa'i rgyal po zhes bya ba'i chos kyi sgo dang / thams cad rab tu mgu zhing rab tu dga' ba'i rgyal po zhes bya ba'i chos kyi sgo ste/ bcu po de dag ni longs spyod mi zad pa'i rnam pa la 'jug pa rnam par 'phrul pa'i rgyal po zhes bya ba'i chos kyi sgo yin no// de nas de'i tshe/ lha mo lag na sbrang chang thogs pa zhes bya bas/ bcom ldan 'das la mchod pa byas nas/ tshigs su bcad pa 'di dag smras so// mtshan ma mi mnga' de bzhin gshegs// gzung du med cing reg tu med// sems can rnams la sman slad du// gsang ba sna tshogs ston pa mdzad// longs spyod mi zad pa'i rnam pa la 'jug pa rnam par 'phrul pa'i rgyal po'i chos kyi sgo'i gleng gzhi'i le'u zhes bya ste bco brgyad pa'o/ / // sprin chen snying pos gsol pa/ yang dag pa'i lam gyi rnam pa mngon par mtshon pa la 'jug pa zhes bgyi ba'i sgo bcu/ bcom ldan 'das yang dag par rdzogs pa'i sangs rgyas kyis bshad du gsol/ bcom ldan 'das kyis bka' stsal pa/ phra ba rgyas pa'i rnam pa zhes bya ba'i chos kyi sgo dang / brtan pa'i rnam pa'i mdzod ces bya ba'i chos kyi sgo dang / dpa' ba'i stobs kyis rnam par rgyal ba'i rin po che'i mdzod ces bya ba'i chos kyi sgo dang / lha thams cad kyi gnas shar phyogs su ltas pa la 'jug pa zhes bya ba'i chos kyi sgo dang / gzhung lugs thams cad rdzogs par byed pa zhes bya ba'i chos kyi sgo dang / gzung lugs thams cad kyis ma gos pa zhes bya ba'i chos kyi sgo dang / lam thams cad la rab tu mgu zhing rab tu dga' ba zhes bya ba'i chos kyi sgo dang / lam ngan par zhugs pa thams cad spangs pa'i rnam pa zhes bya ba'i chos kyi sgo dang / mtsho'i rnam pa rtag pa'i dus chod kyi rgyal po zhes bya ba'i chos kyi sgo dang / rgya mtsho'i dus nges pa la mngon par rtse ba'i rnam pa'i rin po che'i mdzod ces bya ba'i chos kyi sgo ste/ bcu po de dag ni yang dag pa'i lam gyi rnam pa mngon par mtshon pa la 'jug pa zhes bya ba'i chos kyi sgo yin no/ / de nas de'i tshe/ lha mo rab tu dul ba zhes bya bas/ bcom ldan 'das la mchod pa chen po byas nas/ tshigs su bcad pa 'di dag smras so// dam pa'i yang dag lam bsrungs pa// ser sna'i las 'das rnam par dag/ sems can rnams la sman skad du// chos rnam sna tshogs yang dag ston/ / yang dag pa'i lam gyi rnam pa mngon par mtshon pa la 'jug pa'i chos kyi sgo'i gleng gzhi'i le'u zhes bya ste bcu dgu pa'o// / sprin chen snying pos gsol pa/ phra zhing zab pa'i gleng gzhi'i rnam pa la 'jug pa zhes bgyi ba'i chos kyi sgo bcu bcom ldan 'das kyis bshad du gsol/ bcom ldan 'das kyis bka' stsal pa/ mnya pa dang gya gyu can thams cad kyi gleng gzhi zhes bya ba'i chos kyi sgo dang / ro bro ba thams cad la rab tu dga' ba zhes bya ba'i chos kyi sgo dang / gzhung lugs la rnam par rtse ba'i rgyal po zhes bya ba'i chos kyi sgo dang / rgyas pa 'dod pa'i rgyal po zhes bya ba'i chos kyi sgro dang / rgyas pa la dga' ba'i rgyal po zhes bya ba'i chos kyi sgo dang / lus la rab tu dga' ba'i rgyal po zhes bya ba'i chos kyi sgo dang sdug cing dang ba'i spyod lam la dga' ba'i rgyal po zhes bya ba'i chos kyi sgo dang / 'phags pas rab tu brgyan pa'i dus tshod kyi rgyal po zhes bya ba'i chos kyi sgo dang / dri ma'i snying po dri ma med par byed pa'i rgyal po zhes bya ba'i chos kyi sgo dang / dmigs pa'i rnal 'byor gyi dge bas mngon par tshim pa zhes bya ba'i chos kyi sgo ste/ bcu po de dag ni phra zhing zab pa'i gleng gzhi'i rnam pa la 'jug pa zhes bya ba'i chos kyi sgo yin no/ / de nas de'i tshe/ lha mo mgrin dbyangs snyan pa zhes bya bas/ bcom ldan 'das la mchod pa byas nas/ tshigs su bcad pa 'di dag smras so// dpa' chen seng ge'i sgra sgrogs pa/ / de bzhin gshegs sgra bsam mi khyab// sems can rnams la sman slad du// seng ge'i sgra ni mngon par sgrogs// phra zhing zab pa'i gleng gzhi'i rnam pa la 'jug pa'i le'u zhes bya ste nyi shu pa'o/ / / sprin chen snying pos gsol// seng ge'i rnam par rtse ba la dmigs pa zhes bgyi ba'i chos kyi sgo bcu bcom ldan 'das kyis bshad du gsol/ seng+ge'i rnam par rtse ba bsam gyis mi khyab pas rnam par rol par gsol/ bcom ldan 'das kyis bka' stsal pa/ rjesu bya bar dka' ba dri ma med pa zhes bya ba'i chos kyi sgo dang / sbrang ma dang bung ba'i me tog gi dri zhes bya ba'i chos kyi sgo dang / rin po chernam par bsgyings pa'i blo gros kyis rnam par rtse zhing gnyid kyis non pa zhes bya ba'i chos kyi sgo dang / rin po che'i lhun po mngon par rab tu g.yo ba'i mchog thob par dka' ba zhes bya ba'i chos kyi sgo dang / chu 'bab pa lta bur rtse ba'i rgyal po zhes bya ba'i chos kyi sgo dang / sa kun tu rab tu g.yo ba rgya cher rtse ba la dmigs pa zhes bya ba'i chos kyi sgo dang / lag pa g.yas g.yon gyi mthil gsal bar gcod pa lta bur mngon par rtse ba zhes bya ba'i chos kyi sgo dang / nya bo che dag gi 'jug ma mngon par rtse ba'i rgyal po zhes bya ba'i chos kyi sgo dang / thob par dka' ba dang rtogs par dka' ba rab tu ston pa la mngon par rtse ba zhes bya ba'i chos kyi sgo dang / rgyan thams cad kyi rnam pa la rab tu dga' zhing mngon par rtse ba la dmigs pa zhes bya ba'i chos kyi sgo ste/ bcu po de dag ni seng ge rnam par rtse ba la dmigs pa zhes bya ba'i chos kyi sgo yin no// de nas de'i tshe/ lha'i bu seng ge dpa' bo zhes bya bas/ bcom ldan 'das la mchod pa'i las byas nas/ tshigs su bcad pa 'di dag smras so// kye ma bcom ldan sangs rgyas dpe med pa// ye shes dpe med dag la rab tu gnas// sems can rnams la bde mang mdzad slad du/ / thabs kyis seng ge'i rnam par rol pa mdzad// seng ge rnam par rtse ba la dmigs pa'i gleng gzhi'i le'u zhes bya ste nyi shu gcig pa'o// / sprin chen snying pos gsol pa/ mtshams sbyar ba tshogs pa'i rnam pa 'jig rten dang 'thun par 'jug par bya ba la 'jug pa'i mdo zhes bgyi ba'i chos kyi sgo bcu/ bcom ldan 'das kyis mngon par mtshams sbyar bar bshad du gsol/ bcom ldan 'das kyis bka' stsal pa/ mtshams brtag par bya ba'i rgyal po la 'jug pa zhes bya ba'i chos kyi sgo dang / thabs kyis shin tu rab tu zhi bar bya ba la 'jug pa zhes bya ba'i chos kyi sgo dang / dad pa'i sbrang rtsi 'jam pa yang dag par rab tu gzung ba la 'jug pa zhes bya ba'i chos kyi sgo dang / seng ge rnam par rtseb mngon par 'phags pa la 'jug pa zhes bya ba'i chos kyi sgo dang / rim pa ston pa'i dus dang tshod la 'jug pa zhes bya ba'i chos kyi sgo dang / rim pa dang rim pa med pa dang / yul dang yul ma yin par 'jug pa la mkhas pa'i rgyal po zhes bya ba'i chos kyi sgo dang / gdul bka' ba dang dmu rgod thabs kyis bzung pa zhes bya ba'i chos kyi sgo dang / mda' ltar mgyogs par lus la dpal 'jug pa zhes bya ba'i chos kyi sgo dang / mchod pa 'dod pa thams cad thob pa la 'jug pa zhes bya ba'i chos kyi sgo dang / gnas 'og ma'i las byed pa'i thabs la 'jug pa zhes bya ba'i chos kyi sgo ste/ bcu po de dag ni mtshams sbyar ba tshogs pa'i rnam pa 'jig rten dang 'thun par 'jug par bya ba la 'jug pa'i mdo zhes bya ba'i chos kyi sgo yin no// de nas de'i tshe/ lha'i bu sprin ces bya bas/ bcom ldan 'das la mchod pa byas nas/ tshigs su bcad pa 'di dag smras so// kye ma 'og ma'i gnas gshegs pa// bcom ldan dka' ba mdzad pa lags/ / nyid kyi sras la sman slad du// thabs kyis sku la gnas nas kyang // yongs su mya ngan 'da' ba mdzad// mtshams sbyar ba tshogs pa'i rnam pa 'jig rten dang 'thun par 'jug par bya ba la 'jug pa'i mdo'i gleng gzhi'i le'u zhes bya ste nyi shu gnyis pa'o/ / // bam po drug pa/ sprin chen snying pos gsol pa/ mngon par rtse ba'i rin po che'i mdzod la 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ nyi ma 'char ka'i gtsug pud ces bya ba'i chos kyi sgo dang / snying po snga pa la rgya cher rtse bas mngon par rgyags pa zhes bya ba'i chos kyi sgo dang / yon tan rin po che'i mdzod mngon du 'byung ba zhes bya ba'i chos kyi sgo dang / tshul gyi mtshams bzang pos mngon par rtse ba la 'jug pa zhes bya ba'i chos kyi sgo dang / chu'i dus la zhugs pa'i stobs mi 'jigs par bya ba la 'jug pa zhes bya ba'i chos kyi sgo dang / tsan dan gyi stobs kyi bde bsil la mngon par rtse ba la 'jug pa zhes bya ba'i chos kyi sgo dang / mig mi 'dzums par smra ba zhes bya ba'i chos kyi sgo dang / ku mu dang zla ba lta bu'i chu dang ldan pa la mngon par rtse ba zhes bya ba'i chos kyi sgo dang / sbrul po che la sogs pa'i lus la mngon par 'dod pa la 'jug pa zhes bya ba'i chos kyi sgo dang / bsngags par bya ba shin tu mang ba la mngon par 'jug pa zhes bya ba'i chos kyi sgo ste bcu po de dag ni mngon par rtse ba'i rin po che'i mdzod la 'jug pa zhes bya ba'i chos kyi sgo yin no/ / de nas de'i tshe/ lha'i bu rigs btsun pa rnam par dag pa zhes bya bas bcom ldan 'das la mchod pa byas nas/ tshigs su bcad pa 'di dag smras so// 'jig rten gsum gyi chos kyi dbang phyug po// de bzhin gshegs pa chos sku rtag gyur pa/ / sems can rnams la phan pa mdzad slad du// lam rnams rnam pa sna tshogs ston pa mdzad// mngon par rtse ba'i rin po che'i mdzod la 'jug pa'i gleng gzhi'i le'u zhes bya ste/ nyi shu gsum pa'o// // sprin chen snying pos gsol pa/ na mkha' lding gi rtsal chen po'i stobs la mngon par 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ nor rgyas kyi bu'i stobs rab tu 'joms pa'i rnam par 'phrul pa'i rgyal po zhes bya ba'i chos kyi sgo dang / rang gi stobs mngon par ston pa la 'jug pa zhes bya ba'i chos kyi sgo dang / sgral mngon par rab tu dga' ba la 'jug pa zhes bya ba'i chos kyi sgo dang / chu'i rlabs la 'jug pa/ zhes bya ba'i chos kyi sgo dang / rgya mtsho'i dus kyi nga rgyal gyis rgyags pa med par byed pa zhes bya ba'i chos kyi sgo dang / ri bo'i rgyal po'i phug tu mngon par sgrogs pa'i dus la 'jug pa zhes bya ba'i chos kyi sgo dang / rlung gi mchog dus kyi phyogs la 'jug pa zhes bya ba'i chos kyi sgo dang / mig rgyang ring bar ston pa nges par sems pa la 'jug pa zhes bya ba'i chos kyi sgo dang / myur du gdug pa'i sbrul la rtse ba zhes bya ba'i chos kyi sgo dang / rin po che'i 'od zer bzang po'i stobs thob pa la 'jug pa zhes bya ba'i chos kyi sgo ste/ bcu po de dag ni na mkha' lding gi rtsal chen po'i stobs la 'jug pa zhes bya ba'i chos kyi sgo yin no/ / de nas de'i tshe/ lha'i bu dri ma med pa zab mo la 'jug pa zhes bya bas/ bcom ldan 'das la mchod pa byas nas/ tshigs su bcad pa 'di dag spras so/ / ting nge 'dzin dang shes rab dbang po'i rdo rje phyag na bsnams// chos kyi dbang phyug ye shes stong gzig pa la phyag 'tshal lo// nyon mongs lha ma yin rnams g.yul du nges par rab bcom nas/ / chos kyi dbang po chen po'i tog ni khyod kyis legs par btsugs// na mkha' lding gi rtsal chen po'i stobs la 'jug pa'i gleng gzhi'i le'u zhes bya ste/ nyi shu bzhi pa'o// / sprin chen snying pos gsol pa/ sgra chen po'i dus rnam par bsgrags pa bkod pa'i rgyal po zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ / zla med pa'i stobs zab mo'i tshul bkod pa zhes bya ba'i chos kyi sgo dang / tshul khrims brtan pa bkod pa zhes bya ba'i chos kyi sgo dang / tshul khrims kyi stobs kyi 'od 'phro ba'i rgyal po zhes bya ba'i chos kyi sgo dang / tshul khrims kyi mtshams bzang po bkod pa zhes bya ba'i chos kyi sgo dang / rin po che'i lo ma 'dzag pa bkod pa zhes bya ba'i chos kyi sgo dang / bsod nams kyi rgyun 'dzag/ pa bkod pa zhes bya ba'i chos kyi sgo dang / byams pa'i stobs 'dzag pa bkod pa zhes bya ba'i chos kyi sgo dang / snying rje'i stobs 'dzag pa bkod pa zhes bya ba'i chos kyi sgo dang / dga' ba'i stobs 'dzag pa bkod pa zhes bya ba'i chos kyi sgo dang / btang snyoms kyi stobs 'dzag pa bkod pa zhes bya ba'i chos kyi sgo ste/ bcu po de dag ni sgra chen po'i dus rnam par bsgrags pa bkod pa'i rgyal po zhes bya ba'i chos kyi sgo yin no/ / de nas de'i tshe/ lha'i bu rin chen dpal zhes bya bas/ bcom ldan 'das la mchod pa byas nas/ tshigs su bcad pa 'di dag smras so// de bzhin gshegs/ rgyal mi phyed sku mnga' ba// mtha' yas stobs ldan khyod la rtag phyag 'tshal// sems can rnams la phan pa mdzad slad du// bkod pa rnam pa sna tshogs ston pa mdzad// sgra chen po'i dus rnam par bsgrags pa bkod pa'i rgyal po'i gleng gzhi'i le'u zhes bya ste nyi shu lnga pa'o/ / / sprin chen snying pos gsol pa/ mi 'jigs pa chen po'i stobs kyi rnam par 'phrul pa la 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ rgya mtsho'i stobs kyi dus la mi 'jigs pa'i stobs kyi rnam par 'phrul pa la 'jug pa zhes bya ba'i chos kyi sgo dang / / 'jigs pa med pa'i rnam pa'i rtsa ba la dga' ba zhes bya ba'i chos kyi sgo dang / mkhas pa'i rin po che'i mdzod ces bya ba'i chos kyi sgo dang / mkhas pa'i dpal gyi lus zhes bya ba'i chos kyi sgo dang / mkhas pa gtsang sbral dga' ba zhes bya ba'i chos kyi sgo dang / mkhas pa'i gzi brjid kyi rgyan gyis brgyan pa la 'jug pa'i stobs zhes bya ba chos kyi sgo dang / rin po che thams cad la mkhas pa'i dus tshod kyi rgyal po zhes bya ba'i chos kyi sgo dang / mkhas pa'i rab tu dga' ba la 'jug par dga' ba zhes bya ba'i chos kyi sgo dang / mkhas pa'i 'od 'phro ba dang ldan pa zhes bya ba'i chos kyi sgo dang / mkhas pa'i smon gi 'od kyi rnam pa'i rgyal po zhes bya ba'i chos kyi s+ho ste/ bcu po de dag ni mi 'jigs pa chen po'i stobs kyi rnam par 'phrul pa la 'jug pa zhes bya ba'i chos kyi sgo yin no/ / de nas de'i tshe/ lha'i bu rin po che'i tog ces bya bas/ bcom ldan 'das la mchod pa byas nas/ tshigs su bcad pa 'di dag smras so// dus tshong nam ngas/ yon tan gyi// 'byung gnas zab mo gsang ba'i mtsho// sems can rnams la sman slad du// chos rnams sna tshogs ston pa mdzad// mi 'jigs pa chen po'i stobs kyi rnam par 'phrul pa la 'jug pa'i gleng gzhi'i le'u zhes bya ste nyi shu drug pa'o/ / / sprin chen snying pos gsol pa/ gnas kyi rnam pa dang bcas pa yangs pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ gnas srung ba zhi ba'i dus tshod ces bya ba'i chos kyi sgo dang // yang dag pa'i snying po'i gnas kyi lam zhes bya ba'i chos kyi sgo dang / chu'i grags pa'i de kho na'i snying po'i gnas zhes bya ba'i chos kyi sgo dang / grub pa bsngags pa'i gnas zhes bya ba'i chos kyi sgo dang / grags pa'i snying po'i rnam pa'i mtshams bzang po'i gnas zhes bya ba'i chos kyi sgo dang / rtag tu rab tu dga' ba rgyas pa'i gnas zhes bya ba'i chos kyi sgo dang / gzhi nas skyes pa'i stobs kyi gnas zhes bya ba'i chos kyi sgo dang / snying rje'i stobs kyi gan zhes bya ba'i chos kyi sgo dang / bzod pa la nges par gnas pa zhes bya ba'i chos kyi sgo dang / rtag tu gtsang ba'i gnas zhes bya ba'i chos kyi sgo ste// bcu po de dag ni gnas kyi rnam pa dang bcas pa yangs pa zhes bya ba'i chos kyi sgo yin no/ / de nas de'i tshe/ lha mo rin po che'i rigs kyi 'od ces bya bas/ bcom ldan 'das la mchod pa byas nas/ tshigs su bcad pa 'di dag smras so/ / de bzhin gshegs pa ye shes sku// ye shes yon tan 'byung gnas mdzes// sems can rnams la sman slad du// chos rnams sna tshogs ston pa mdzad// gnas kyi rnam pa dang bcas pa yangs pa'i chos kyi sgo'i gleng gzhi'i le'u zhes bya ste nyi shu bdun pa'o// // sprin chen snying pos gsol pa/ lhag pa'i bsam pa'i cho ga la 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ mtshams bzang po la gnas pa zhes bya ba'i chos kyi sgo dang / lhag pa'i bsam pa'i cho ga shes pa'i rgya mtsho'i phyag rgya zhes bya ba'i chos kyi sgo dang / ye shes kyi dus tshod ces bya ba'i chos kyi sgo dang / 'gro ba'i dus tshod kyi cho 'phrul gyi lhag pa'i bsam pa'i cho ga la 'jug pa zhes bya ba'i chos kyi sgo dang / nam mkha' dang mnyam par mngon par rtse ba zhes bya ba'i chos kyi sgo dang / mi gnas pa zhes bya ba'i chos kyi sgo dang / mngon par rgyu ba bsags pa zhes bya ba'i chos kyi sgo dang / bsnyen par 'os pa'i rgyal po zhes bya ba'i chos kyi sgo dang / sbyin par dga' ba la mngon par mos pa zhes bya ba'i chos kyi sgo dang / sems dge zhing lhag pa'i bsam pa la 'jug pa zhes bya ba'i chos kyi sgo ste/ bcu po de dag ni lhag pa'i bsam pa'i cho ga la 'jug pa zhes bya ba'i chos kyi sgo yin no// de nas de'i tshe/ lha'i bu shes pas rgyags pa zhes bya bas/ bcom ldan 'das la mchod pa byas nas/ tshigs su bcad pa 'di dag smras so// bcom ldan sangs rgyas bltar mi gda'// nam mkha' mtshungs shing 'dra ba lags/ / sems can rnams lnga sman slad du// snang ba sna tshogs ston pa mdzad// lhag pa'i bsam pa'i cho ga lnga 'jug pa'i gleng gzhi'i le'u zhes bya ste/ nyi shu brgyad pa'o// // sprin chen snying pos gsol/ dmag chen po dpa' ba'i rgyal po'i stobs bkod pa zhes bya ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ dpa' bo rnam par rgyal ba'i zhing gi rnam pa zhes bya ba'i chos kyi sgo dang / dpa' bar 'gro ba'i phun sum tshogs pa'i rje las skyes pa zhes bya ba'i chos kyi sgo dang / dpa' bo rnam par rtse ba'i dmigs pa mkhas pa'i rgyal po zhes bya ba'i chos kyi sgo dang / dpa' bo'i tshul la 'jug pa'i stobs phun sum tshogs pa la bya ba byed pa zhes bya ba'i chos kyi sgo dang / g.yul ngor dpa' ba'i rnam pa zhes bya ba'i chos kyi sgo dang / snying stobs phun sum tshogs pa'i rnam pa zhes bya ba'i chos kyi sgo dang // ye shes brtan pa dpa' bo'i rnam pa zhes bya ba'i chos kyi sgo dang / le lo'i dus su dpa' ba'i rnam pa zhes bya ba'i chos kyi sgo dang / gzi brjid kyi stobs kyi rnam pa zhes bya ba'i chos kyi sgo dang / dpa' bo'i glog gi 'od kyi rnam pa zhes bya ba'i chos kyi sgo dang / / dga' ba'i thog zlog tog gi dmag gi lhag pa'i rnam pa zhes bya ba'i chos kyi sgo dang / bcu po de dag ni dpag chen po'i dpa' ba'i rgyal po'i stobs bkod ba zhes bya ba'i chos kyi sgo yin no/ / de nas de'i tshe/ lha'i bu dpa' brtan brtul zhugs nges pa la nye bar gnas pa zhes bya bas/ bcom ldan 'das la mchod pa byas nas/ tshigs su bcad pa 'di dag smras so/ / dpa' chen mi phyed 'khor dang ldan// chos kyi dmag gi 'dren pa po// sems can rnams la spyan slad du// bdud gzhom pa yang ston pa mdzad// dmag chen po dpa' ba'i rgyal po'i stobs bkod pa'i gleng gzhi'i le'u zhes bya ste nyi shu dgu pa'o/ / // sprin chen snying pos gsol pa/ bzang po'i rnam pa'i rnam par 'phrul pa'i rgyal po la 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ bzang po'i rin po che'i rnam pa'i dus tshod ces bya ba'i chos kyi sgo dang / bzang po dang ba'i rnam pa zhes bya ba'i chos kyi sgo dang / bzang po'i rnam pa'i stobs kyis mngon par rtse ba zhes bya ba'i chos kyi sgo dang / bzang po'i nor gyi gnas zhes bya ba'i chos kyi sgo dang / bzang po phun sum tshogs pa'i lus zhes bya ba'i chos kyi sgo dang / bzang po'i gtsang sbra la nges pa'i rnam pa zhes bya ba'i chos kyi sgo dang // bzang po'i glog gi 'od 'phro ba'i rgyal po'i mdzod kyi rnam pa zhes bya ba'i chos kyi sgo dang / bzang po rnam pas legs par brgyan pa'i blo gros zhes bya ba'i chos kyi sgo ste/ bcu po de dag ni bzang po'i rnam pa'i rnam par 'phrul pa'i rgyal po la 'jug pa zhes bya ba'i chos kyi sgo yin no/ / de nas de'i tshe/ lha'i bu bzang skyong zhes bya bas/ bcom ldan 'das la mchod pa byas nas/ tshigs su bcad pa 'di dag smras so// bzang po'i mtshan rnams phun sum tshogs/ / bzang po'i gdan la rab tu bzhugs// sems can rnams la sman slad du// chos rnam pa sna tshogs ston pa mdzad// bzang po'i rnam pa'i rnam par 'phrul pa'i rgyal po la 'jug pa zhes bya ba'i chos kyi sgo'i gleng gzhi'i le'u zhes bya ste sum cu pa'o/ / // sman chen snying pos gsol pa/ rtse ba dang bcas pa yang dag par sbas pa ston pa'i dpung bskyed pa la 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ dga' bas rtse ba dang bcas pa yang dag par spras pa zhes bya ba'i chos kyi sgo dang / mgu bas rtse ba dang bcas pa yang dag par sbas pa zhes bya ba'i chos kyi sgo dang / mchog tu dga' bas rtse ba dang bcas pa yang dag par sbas pa zhes bya ba'i chos kyi sgo dang / mngon par zhugs pa'i rnam pas rtse ba dang bcas pa yang dag par sbas pa zhes bya ba'i chos kyi sgo dang / seng ge'i sgras rtse ba dang bcas pa yang dag par sbas pa zhes bya ba'i chos kyi sgo dang / tshul gyis rtse ba dang bcas pa yang dag par sbas pa ston pa'i dpung bskyed pa zhes bya ba'i chos kyi sgo dang / byams pas rtse ba dang bcas pa yang dag par/ sbas pa ston pa'i stobs la 'jug pa zhes bya ba'i chos kyi sgo dang / snying rjes rtse ba dang bcas pa yang dag par sbas pa ston pa'i stobs la 'jug pa zhes bya ba'i chos kyi sgo dang / dga' bas rtse ba dang bcas pa yang dag par sbas pa ston pa'i stobs la 'jug pa zhes bya ba'i chos kyi sgo dang / btang snyoms kyis rtse ba dang bcas pa yang dag par sbas pa ston pa'i stobs la 'jug pa zhes bya ba'i chos kyi sgo ste/ bcu po de dag ni rtse ba dang bcas pa yang dag par sbas pa ston pa'i dpung bskyed pa la 'jug pa zhes bya ba'i chos kyi sgo yin no// de nas de'i tshe/ lha'i bu blo gros rgyurgya mtsho zhes bya bas/ bcom ldan 'das la mchod pa byas nas/ tshigs su bcad pa 'di dag smras so// rtag pa'i ljon pa slob ma'i byas ni sten gyur cing / byang chub yan lag me tog rtag tu zhi ba'i rtsa/ / bsam gtan myu gu yal ga 'bras bur ldan pa po// rdzu 'phrul lo ma shing rtag khyod la mgo bos gtugs// rtse ba dang bcas pa yang dag par sbas pa ston pa'i dpung bskyed pa la 'jug pa'i gleng gzhi'i le'u zhes bya ste sum cu gcig pa'o/ / / sprin chen snying pos gsol pa/ ye shes rtsom pa'i cho ga la zhugs pa'i rnam pa zhes brgya ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ dmigs pa la mngon par brkam pa zhes bya ba'i chos kyi sgo dang / rgyan gyi rgyas po zhes bya ba'i chos kyi sgo dang / / stobs 'bri bar bya ba la mngon par dga' ba zhes bya ba'i chos kyi sgo dang / mkhas pa'i lus mi zad pa zhes bya ba'i chos kyi sgo dang / rtse ba la mngon par chags pa zhes bya ba'i chos kyi sgo dang / sbyin pa dang rim gro'i bya ba byed pa zhes bya ba'i chos kyi sgo dang // thang la mngon par dga' ba'i sbyor ba zhes bya ba'i chos kyi sgo dang / sbyor ba'i mtshams la mngon par 'jug pa zhes bya ba'i chos kyi sgo dang / dga' ba'i dus tshod kyi sbyor ba la gnas pa zhes bya ba'i chos kyi sgo dang / gzhung lugs mngon pa'i gnas la gnas pa zhes bya ba'i chos kyi sgo ste/ bcu po de dag ni ye shes rtsom pa'i cho ga la zhugs pa'i rnam pa zhes bya ba'i chos kyi sgo yin no// de nas de'i tshe/ lha mo sna ma'i me tog la/ mngon par dga' ba'i bya bas/ bcom ldan 'das la mchod pa byas nas/ tshigs su bcad pa 'di dag smras so// dpa' chen ye shes rtsom pa po// yang dag rtsom la rab sbyor ba// sems can rnams la phan bzhed pa/ / chos rnams sna tshogs ston pa mdzad// ye shes rtsom pa'i cho ga la zhugs pa'i rnam pa'i gleng gzhi'i le'u zhes bya ste/ sum cu gnyis pa'o// / sprin chen snying pos gsol pa/ ye shes kyi nor bsgribs te bsgrub pa'i mdzod ces bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis/ bka' stsal pa/ legs pa'i nan tan gyi sbyor ba la mkhas pa'i rin po che'i bsgrub pa zhes bya ba'i chos kyi sgo dang / dam pa'i chos la shin tu gus par sgrims pa'i sems la gnas par sbyor ba zhes bya ba'i chos kyi sgo dang / bden pa'i dus tshod kyi rgyal po zhes bya ba'i chos kyi sgo dang / yang dag par zab cing brten pa la rtse ba dang bcas pa'i rgya mtsho'i rin po che'i rdzas bsgrubs pa zhes bya ba'i chos kyi sgo dang / mngon par dga' ba bsgrub pa zhes bya ba'i chos kyi sgo dang / ye shes kyi stobs rab tu bsgrub pa zhes bya ba'i chos kyi sgo dang / mngon par rgyu ba bsgrub pa zhes bya ba'i chos kyi sgo dang / mngon par 'dod par bya ba'i yon tan bsgrub pa zhes bya ba'i chos kyi sgo dang / lus la sbyor ba zhes bya ba'i chos kyi sgo dang // mkhas pa dang gtsang sbra dang nges pa dang / brtul zhugs dang nye bar gnas pa la bsgrims te bsgrub pa zhes bya ba'i chos kyi sgo ste/ bcu po de dag ni ye shes kyi nor bsgrims te bsgrubs pa'i mdzod ces bya ba'i chos kyi sgo yin no// de nas de'i tshe/ lha mo phreng ba sna tshogs can zhes bya bas/ bcom ldan 'das la mchod pa byas nas/ tshigs su bcad pa 'di dag smras so// gsang ba'i 'byung gnas bsam gtan zhi ba'i yan lag gi/ gcod pan bsgril chu dang dran pa bsil ba'i rlabs// bdag nyid rtag za ba zhi pa'i bdag nyid che ba ste// rgya mtsho'i tshul 'dra khyod la mgo bos gtug par bgyi// ye shes kyi nor bsgribs te bsgrub pa'i mdzod kyi gleng gzhi'i le'u zhes bya ste sum cu gsum pa'o/ / / sprin chen snying pos gsol pa/ yang dag pa'i mchod sbyin la phan pa'i cho ga bkod ba zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ nges par bsdams pa'i cho ga rtag pa zhes bya ba'i chos kyi sgo dang / mchod sbyin la phran rin po che'i cho gas bsrungs pa zhes bya ba'i chos kyi sgo dang / gtsang sbra srung ba'i dus tshod ces bya ba'i chos kyi sgo dang / gtsang sbra la mngon par dga' ba zhes bya ba'i chos kyi sgo dang / / sbyin pa'i longs spyod sbyin pa zhes bya ba'i chos kyi sgo dang / mig rab tu sbyin pa zhes bya ba'i chos kyi sgo dang // zab mo gsang ba ston cing 'chad pa zhes bya ba'i chos kyi sgo dang // zab mo'i chos la gtses pa zhes bya ba zhes bya ba'i chos kyi sgo dang / de kho na'i snying po la gnas pa zhes bya ba'i chos kyi sgo dang / gzhung lugs thams cad ston pa zhes bya ba'i chos kyi sgo ste/ bcu po de dag ni yang dag pa'i mchod sbyin la phan pa'i cho ga bkod pa zhes bya ba'i chos kyi sgo yin no/ / de nas de'i tshe/ lha mo chos la mngon par dga' ba zhes bya bas/ bcom ldan 'das la mchod pa byas nas/ tshigs su bcad pa 'di dag smras so/ / dpa' chen chos kyi mchod sbyin can// sbyin pa'i tshogs ldan de bzhin gshegs// sems can rnams la sman slad du// mchod sbyi sna tshogs ston pa mdzad/ / yang dag pa'i mchod sbyin phan pa'i cho ga bkod pa'i gleng gzhi'i le'u zhes bya ste sum cu bzhi pa'o// / sprin chen snying pos gsol pa/ sangs rgyas kyi zhing gi yang dag pa'i sa bon rab tu skyed pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ rin po che'i 'byung gnas kyis rnam par rgyal ba zhes bya ba'i chos kyi sgo dang / rin po che'i 'byung gnas nor gyi char 'bebs pa zhes bya ba'i chos kyi sgo dang / rin po che'i 'byung gnas kyi mchod ces bya ba'i chos kyi sgo dang / rin po che'i 'byung gnas kyi yang dag pa'i snying po'i blo gros shes bya ba'i chos kyi sgo dang / rin po che'i 'byung gnas kyi lus shes bya ba'i chos kyi sgo dang / rin po che'i 'byung gnas kyi 'od 'phro ba bzang po zhes bya ba'i chos kyi sgo dang / rin po che'i 'byung gnas kyi sgron ma'i 'od 'phro zhes bya ba'i chos kyi sgo dang / rin po che'i 'byung gnas glog gi 'od kyi blo gros mi zad la'i cod ga gyi rgyal po zhes bya ba'i chos kyi sgo dang / rin po che'i 'byung gnas la gnas pa'i gtsang sbra zhes bya ba'i chos kyi sgo dang / rin po che thams cad kyi zhing gi 'bras bu'i ro'i phung po zhes bya ba'i chos kyi sgo ste/ bcu po de dag ni sangs rgyas kyi zhing gi yang dag pa'i sa bon rab tu skyed pa zhes bya ba'i chos kyi sgo yin no/ / de nas de'i tshe/ lha mo rin chen char 'bebs shes bya bas/ bcom ldan 'das/ la mchod pa byas nas/ tshigs su bcad pa 'di dag smras so// bcom ldan sangs rgyas bsod nams zhing // 'jig rten kun la thugs brtse zhing // sems can rnams la sman skad du// zhing rnams sna tshogs ston pa mdzad// sangs rgyas kyi zhing gi yang dag pa'i sa bon rab tu skyed pa'i gleng gzhi'i le'u zhes bya ste sum cu lnga pa'o// / sprin chen snying pos gsol ba de kho na'i snying po'i tshul gyis mngon par rtse ba la dga' ba'i rgyal po'i rnam par 'phrul pa la 'jug pa zhes bgyi ba'i chos kyi sgo bcu/ bcom ldan 'das kyis bshad du gsol/ bcom ldan 'das kyis bka' stsal pa/ mi g.yo bar dga' ba la 'jug pa zhes bya ba'i chos kyi sgo dang / rtsa ba brtan pa la gnas pa zhes bya ba'i chos kyi sgo dang / mi bskyod pa zhes bya ba'i chos kyi sgo dang / zab/ mo la rab tu gnas pa zhes bya ba'i chos kyi sgo dang / bsam gyis mi khyab pa'i mdzod kyi rnam par thar pa zhes bya ba'i chos kyi sgo dang / yid du 'ong bas rgyas pa'i blo gros kyis rgyal po zhes bya ba'i chos kyi sgo dang / mi gnas mi zad pa'i blo gros kyi stobs zhes bya ba'i chos kyi sgo dang / bsam gyi mi khyab pa'i tshul gyi mtha' zhes bya ba'i chos kyi sgo dang / ye shes kyi phyag rgya'i mtha' zhes bya ba'i chos kyi sgo dang / / rgya mtsho mi zad pa thams cad kyi blo gros rgyal po zhes bya ba'i chos kyi sgo ste/ sprin chen snying po bcu po de dag ni/ de bzhin gshegs pa rnams dang / byang chub sems/ dpa' rnams kyi de kho na'i snying po'i tshul gyi mngon par rtse ba la dga' ba'i rgyal po'i rnam par 'phrul pa la 'jug pa zhes bya ba'i chos kyi sgo yin// de nas de'i tshe/ lha'i bu skar 'od ces bya bas/ bcom ldan 'das la mchod pa chen po'i las byas nas/ tshigs su bcad pa 'di dag smras so// kye ma bcom ldan sangs rgyas bsam mi khyab// de bzhin gshegs pa bsam gyis mi khyab sku/ / sems can rnams la phan pa mdzad slad du// bsam gyis mi khyab bsam yas mdo yang ston// de kho na'i snying po'i tshul gyis mngon par rtse ba la dga' ba'i rgyal po'i rnam par 'phrul pa 'jug pa'i gleng gzhi'i le'u zhes bya ste sum cu drug pa'o/ / // de nas de'i tshe/ lha'i blo gros myur ldan zhes bya bas/ bcom ldan 'das la mchod pa chen po'i las byas nas/ bcom ldan 'das ga la ba de logs su thal mo sbyar ba btud te/ ta la bdun srid tsam du bar snang 'dug nas/ bcom ldan 'das la 'di skad ces gsol to// bcom ldan 'das// mdo sde dgal du zhig mchis/ / ting nge 'dzin rnams kyang du zhig mchis// gzungs kyi lam dag du zhig mchis// gsang la 'jug pa du zhig mchis// bcom ldan 'das// da ltar bzhugs pa'i sangs rgyas du/ ma byon pa ni du zhig bzhugs// 'das pa'i sangs rgyas du tsam zhig/ sangs rgyas spyod yul ji snyed mchis// 'jig rten khams ni du zhig mchis// gzung bar 'tshal lo/ go'u ta ma// sems can kun kyi mchog gyur pa// go'u ta ma la bdag zhun// sems can kun la sman slad du// rkang gnyis gtso bos bshad du gsol/ de nas sangs rgyas kyi mthus/ / lha'i bu blo gros mi zad pa'i snying po zhes bya bas// blo gros myur ldan zhes bya ba la/ tshigs su bcad de slar smras pa// tshangs pa chen po legs so legs// sems can kun la phan pa'i phyir/ / zhu ba'i rgyal po legs par zhugs// 'jigs med 'di ni rigs pa yin// dris pa'i don ni rim bzhin du// mig yangs rab tu bshad par byas// g.yeng ba med pa'i sems kyis su/ / tshangs chen khyod kyis mnyan par gyis// mdo sde rnams ni re re la// gang+gA'i rlung gi bye snyed kyis// bsgyur ba'i don ni mang yod ces// chos gsung pas ni nges par bstan/ / gzungs kyi 'bab chu'i ming rnams kyang // re re nas ni rab dbye na// don mang dri ba mang yod ces// chos gsung bas ni nges par bstan// ting nge 'dzin 'bab chu'i ming rnams kyang / / re re nas ni rab dbyen// don mang dri ba mang yod ces// chos gsung bas ni nges par bstan// kun dga' bo dang 'dra ba'i mi// dkrigs phrag bye ma snyed yod la/ / mdo las gcig gi tshad gzung phyir// skyes bu dam pa'i byung gyur te// skyes bu dam pa de kun lngas// skyes bu skyes mchog re re yang // lha yi lo mang bye brgyar thub// skyes bu brtan po re re yang // gang+gA'i bye ma ji tsam par// rang rang ga ni lce tshogs rnams// mdo sde dag gi ming gi phyir// byin gyis brlab pa byas pa dang / de dag gi ni thabs tshul gyis// skyes bu skyes mchog de dag gi/ mdo sde rnams ni re re yi// ming tsam dag kyang bslab pa'i phyir// lo mang bye ba brgya pa yi// skyes bu de 'dra de kun gyis/ / 'bab chu 'dra ba'i ming bzung yang // tha mar phyin par mi nus te// bcom ldan mdo ni bsam mi khyab// ting 'dzin grangs kyang de bzhin te// gsang ba bshad pa bsam mi khyab/ sangs rgyas bsam yas bsam mi khyab// de bzhin gshegs pa dpag tu med// sangs rgyas spyod yul bsam mi khyab// mtshungs pa med cing shin tu 'das// 'das pa dag kyang dpag tu med// da ltar byung ba'ang bsam mi khyab/ ma 'ongs pa'ang bsam du med// 'jig rten khams na'ang bsam mi khyab// dper na sman pa byung gyur cing // mkhas pa zhig gis nad rtogs nas// nad pa'i nyams las dpag byas te/ / cho ga rim bzhin ston pa dang // dper na bud med mkhas ma yis// rang gi bu yi nyam rig nas// sor mo'i rtse mor mar byugs te// ci ran ba ldag tu bcug pa ltar// de bzhin bcom ldan sangs rgyas kyang / / 'dul ba'i nyam drod mkhyen nas ni// sems can rnams kyis bzod pa yi// mdo sde'i tshig don ston par mdzad/ de nas de'i tshe/ byang chub sems dpa' sems dpa' chen po sprin chen snying pos/ bcom ldan 'das la 'di skad ces gsol to// bcom ldan 'das de bzhin gshegs pa rnams kyi bsam gyis ma khyab pa'i yang bsam gyis mi khyab pa'i yul sprin chen po'i mdo/ / sems can thams cad la snying brtse bar bgyi ba lags par gzigs nas/ de bzhin gshegs pas bshad pa ni A la la rngo mtshar ro/ / bcom ldan 'das ting nge 'dzin gyi sgo bzhi rgya yang / bcom ldan 'das de bzhin gshegs pas rgyas par bshad du gsol/ bcom ldan 'das kyis bka' stsal sprin chen snying po legs so leg so/ / sprin chen snying po khyod legs kyis/ gnod sems kyi sems dang ldan pa rnams bzod pa thob par bya ba'i don dang / le lo can dang dran pa nyams pa rnam brtson 'grus dang bsam gtan thob par bya ba'i don dang / mra 'ongs pa'i sems can bsod nams chung ngu rnams kyi phyir/ de bzhin gshegs pa'i yul de bzhin gshegs pa la legs par zhus pa'i sprin chen po'i mdo'i char rtag tu rab tu phob shig/ sprin chen snying po sprin chen po'i mdo'i yul la ltos/ grong dang grong khyer dang / yul 'khor dang / rgyal po'i pho brang gang dag tu sbyin chen po'i mdo 'di/ dge slong dram/ dge slong 'am/ dge bsnyen nam/ dge bsnyen mas rgyas par rab tu spyod dam/ 'chad dam ston par byed pa de dang der/ sbyin chen po'i tshogs rnams na mkha' la 'brug sgra 'byin cing di ri rir sgrogs la dus ma yin par yang char 'bebs par 'gyur ro/ / sa phyogs kyang rdo rje'i rang bzhin du 'gyur ro// sems can de dag kyang rdo rje'i rang bzhin du 'gyur ro/ / sprin chen po'i mdo 'di las yi ge'i tshig gsum 'am/ bdun thos par gyur pa gang yin pa'i sems can de dag la yang / sangs rgyas thams cad rjes su yi rang bar 'gyur na rgyas par rnam par 'byed pa lha la ci smos/ sprin chen snying po sprin chen po'i mdo la/ zab mo brtan pa'i chu'i rgya mtsho'i dus tshod ces bya ba'i ting nge 'dzin yod de/ ting nge 'dzin de rtogs pa'i byang chub sems dpa' sems dpa' chen po rnams ni/ rtag tu de bzhin gshegs pa'i yon tan thob par 'gyur/ thob pa sogs par yang 'gyur ro// de bzhin gshegs pa'i chos rnams las kyang rtag tu yongs su nyams par mi 'gyur ro/ / shes rab kyang yongs su nyams par mi 'gyur ro// ye shes kyang yongs su nyams par mi 'gyur ro// de bzhin gshegs pa'i rtag pa dang / brtan pa dang / ther zug pa dang / zhi ba'i rang bzhin dang / yon tan gyi tshogs nges par 'byed pa'i blo gros can du yang 'gyur ro// chos mnyan pa dang dge 'dun la bsnyen bkur bya ba dang yang 'bral bar mi 'gyur ro/ / bsdu ba'i dngos po bzhi la yang brtson par 'gyur ro// sngar smos pa'i yon tan thams cad dang yang ldan zhing mkhas par 'gyur gyis/ spyan chen snying po zab mo brtan pa'i chu'i rgya mtsho'i dus tshod ces bya ba'i ting nge 'dzin zung shig/ sprin chen snying po gzhan yang zab mo brtan pa'i chu'i rgya mtsho'i dus chod kyi yul la 'jug pa zab mo brtan pa'i chu'i rgya mtsho'i dus tshod kyi ting nge 'dzin thob pa'i byang chub sems dpa' sems dpa' chen po ni/ lha'i gnas thams cad na yang bya ba la snang ste/ tshangs pa la dad pa'i sems can rnams kyi mchod pa'i 'os su snyam pa'i lta ba gcad pa'i phyir/ tshangs pa'i gnas rnams su ni tshangs pa'i gzugs lta bur snang ste/ lta ba la gnas par yang mi 'gyur ro// dbang phyug chen po la dad pa'i sems can rnams kyi lta ba gcad pa'i phyir/ dbang phyug chen po'i gnas rnams su ni/ dbang phyug chen po'i gzugs lta bur snang ste/ lta ba la gnas par yang mi 'gyur ro// gzhon nu la dad pa'i sems can rnams kyi lta ba gcad pa'i phyir/ gzhon nu'i gnas rnams su ni/ gzhon nu'i gzugs lta bur snang ste/ lta ba la gnas par yang mi 'gyur ro// ka t+ya'i bu'i sdig pa dang / 'tshe ba mi bzad pa la dad pa'i sems can rnams kyi lta ba gcad pa dang / srog gcod pa bzlog pa'i phyir/ ka t+ya'i bu'i gnas rnams su ni/ ka t+ya'i bu'i gzugs lta bur snang ste/ lta ba la gnas par yang mi 'gyur ro// sems can rnams sdig pa las bzlog pa'i phyir 'byung po'i gnas rnams su 'byung po'i gzugs lta bur snang zhing lta ba can thams cad kyi lha'i gnas dang / ltad mo can dang / dge mtshan lta bu'i gnas rnams su lta ba can gyi gzugs lta bur snang ste/ lta ba la gnas par yang mi 'gyur ro// sha za ba dang gsod pa las bzlog pa'i phyir/ phag 'tshong ba'i gnas su bgegs kyi mtshan ma'i tshul ston cing sha 'tshong ba lta bur yang snang ngo / / sems can yongs su smin par bya ba'i phyir/ rigs kyi chang 'tshong ba'i nang du chang 'thung ba lta bur yang snang zhing / chang gi nyes dmigs yang dag par bstan pa'i phyir/ rigs kyi gtso bo'i bu lta bur 'gyur zhing / sems can rnams la chang gi sbyin pa byed de/ chang la chags par yang mi 'gyur ro/ / de bzhin du las chen po bcu drug gi nyes dmigs yang dag par bstan pa'i phyir/ las chen po bcu drug byed pa'i rigs rnams su skyes nas/ las chen po bcu drug byed pa lta bur yang snang ste/ las la chags par yang mi 'gyur ro// sems can yongs su smin par bya ba'i phyir/ brgyan po dang rtsed mo la yang mkhas so// sems can dbul po longs spyod mi zad pa/ bsdu ba dang / tshul khrims yongs su dag par bya ba'i phyir/ khyim na gnas pa'i rgyal por yang 'gyur ro// chung ma dang bu dang 'dre ba yang med par bu smad kyang ston na/ rtag tu tshangs par spyod pa dang yang ldan zhing rtag tu dben pa na yang gnas te rgyan gyis klubs la/ mtshan kyang yongs su gcod do// na kha zas kyang za la rtag tu bsam gtan gyi zas kyis kyang 'tsho'o// ya mtshan can de dag gi nga rgyal dang / rgyags pa dang / dregs pa gzhom pa'i phyir/ ya mtshan thams cad kyi nang du yang rab tu 'byung ste/ thams cad du mkhan po'i thabs su bkur zhing ltas su lta ba thams cad nges par bsgral ba'i phyir bsam pa tshul gyis rtogs par 'gyur la/ lta ba la gnas par yang mi 'gyur ro// dud 'gro rnams nges par bsgral ba'i phyir/ dud 'gro'i skye gnas thams cad du skye bar 'gyur te/ thams cad du yang mchog tu bkur bar 'gyur// smad 'tshong ma'i gnas kun tu yang snang ste/ thams cad du yang bkur la smad 'tshong ma'i gnas thams cad du g.yon can gyi mchog tu 'gyur ro/ / 'dul ba'i sems can la phan pa'i phyir bzhi mdo dang sum mdo thams cad du yang snang ngo // 'dod pa'i nyes pa bstan pa'i phyir/ smad 'tshong ma'i gnas thams cad du yang 'jug go/ / dran pa la yang dag par dgod pa'i phyir mi gsal ba dang / glen pa'i gnas thams cad du yang 'jug par byed do// sems can yan lag ma tshang ba tham cad skyo ba la dgod pa'i phyir/ yan lag thams cad ma tshang ba yang ston par byed do// 'khor ba la skyo ba bskyed pa'i phyir khams bzhi dang ldan par yang byed do// le lo can dang dran pa nyams pa rnams dang rgyags pa dang myos pa rnams brtson 'grus dang bsam gtan dang skyo ba la dgod pa'i phyir/ nad bzhi brgya rtsa bzhi dang ldan par yang ston to// bzod pa la dgod pa'i phyir gnod sems can lta bur yang 'gyur ro/ / rtag pa'i 'du shes can gyi sems can rnams lo rtag pa'i nyes pa yang dag par bstan pa'i phyir/ bskal pa thams cad du yang 'byung ngo // khye'u dag yongs su smin par bya ba'i phyir/ yi ge slob pa'i grwa khang thams cad du yang 'gro bar byed do// bu mo dag yongs su sman par bya ba'i phyir/ glu dbyangs kyi khang pa thams cad du yang 'gro bar byed do/ / 'jig rten dang 'thun par bya ba'i phyir/ rgan po dang / thor bu dang / bar ma rnams kyi grogs kyang byed do// sems can yongs su smin par bya ba'i phyir/ bran po dang / bran mo dang / gzhan gyis bkol bar yang 'gro'o// sems can yongs su smin par bya ba'i phyir/ nad pa dang / rgas pa dang / shi ba lta bur bdag nyid sna tshogs su yang ston to// sems can yongs su smin par bya ba'i phyir/ rin po che dang / nor bu thams cad kyi snod lta bur yang 'gyur ro// rig byed kyis chog par 'dzin pa'i sems can rnams la skyon yang dag par bstan par bya ba'i phyir/ gsang tshig dang / rig byed thams cad la mkhas par yang byed do// bya skad kyi brda thams cad la zhen pa'i sems can rnams kyi sta ba gcad pa'i phyir/ bya skad kyi brda thams cad kyang ston par byed do/ / sman gyi sde tshan dang / rtsi dang ldan pa rnam par 'phrul pa'i phyir/ shing ljon pa dang / 'khri shing dang / 'bras bu dang / me tog dang / sman no cog lta bur yang // bdag nyid byin gyis rlob par byed do// 'tsho na ma thams cad la yang brtson la chags pa dang longs spyod la mngon par zhen pa yang med do// theg pa dman pa rnam par gcad pa'i phyir/ bsgrags pa'i chos kyi 'bel ba'i gtam thams cad kyang legs par ston par byed do/ / sems can thams cad bsrung ba dang yongs su bskyang ba'i phyir rgyal po'i bya ba la yang 'jug par byed do// tshong dpon gyi chos lugs kyis dga' bar bya ba'i phyir/ tshong dpon gyi nang du yang tshong dpon du bkur bar 'gyur ro// khyim gyi skyon thams cad yongs su bcad pa'i phyir/ khyim bdag gi nang du yang khyim bdag tu bkur bar 'gyur ro/ / rgyal rigs kyi chos lugs kyi rab tu gnas par bya ba'i phyir/ rgyal rigs kyi nang du yang rgyal rigs su bkur bar 'gyur ro// nga rgyal dang rgyags pa dang dregs pa gzhom pa'i phyir bram ze'i nang du yang bram zer bkur bar 'gyur ro/ / bya ba thams cad dang chos lugs thams cad la gzud par bya ba'i phyir/ blon po chen po'i nang du yang blon po chen por bkur bar 'gyur ro/ / rgyal srid dang longs spyod dang dbang phyug las rnam par bzlog pa'i phyir/ gzhon nu'i nang du yang gzhon nur bkur bar 'gyur ro// bud med yongs su smin par bya ba'i phyir/ btsun mo 'khor dag tu yang srungs ma nyung rum du bkur bar 'gyur ro/ / bsod nams kyi khyab par la lhag par dmigs par bya ba'i phyir/ skye bo phal pa rnams dang yang 'thun par 'jug go/ / dbang phyug gi nyes dmigs bstan pa'i phyir/ brgya byin gyi nang du yang brgya byin du bkur bar 'gyur ro// ye shes kyi khyab par bstan pa'i phyir/ tshangs pa'i nang du yang tshangs par bkur bar 'gyur ro/ / sems can thams cad kyi yid du 'ong bar bya ba'i phyir/ zla bar yang 'gyur ro// sems can gyi sdig pa'i nyes pa'i kha ba mang po bzhu ba'i phyir nyi mar yang 'gyur ro// sems can thams cad tshul srung du bzhug pa'i phyir/ 'jig rten skyong gi nang du yang 'jig rten skyong du bkur bar 'gyur ro// sangs rgyas kyi bkod pa thams cad ston kyang gtan du yongs su mya ngan las 'das par yongs su mya ngan las 'da' bar yang mi byed do/ / gzugs thams cad snang bar ston kyang gzugs kyis de bzhin gshegs pa'i chos nyid rnam par 'khrul par yang mi byed do// sangs rgyas kyi zhing thams cad du 'gro yang zhing tha dad par 'byed par yang mi byed do/ / sangs rgyas thams cad kyi yang dag par blangs pa rjes su thob kyang chos kyi dbyings la yang 'jug par mi byed do// lha dang mi'i bdag po thams cad yongs su 'dzin kyang / de la rgyags par yang mi 'gyur la/ mos pa skyed par yang mi 'gyur ro// sems can rnams skyo ba la dgos pa'i phyir/ gnyid log pa'i ba thams cad kyang yang dag par ston to/ / bdud kyi yul thams cad yang dag par ston kyang bdud kyi las la gnas par yang mi 'gyur ro// 'jig rten pa dang 'jig rten las 'das pa'i bya/ ba thams cad la yang snang rtag tu yang chos kyi kun dga' bas dga' bar byed de pad+ma bzhin du gos pa med par 'gyur ro// sprin chen snying po zab mo brtan pa'i chu'i rgya mtsho'i dus tshod kyi ting nge 'di gyi yul la ltos/ / / bam po bdun pa/ de nas de'i tshe/ 'khor chen po'i nang nas slob dpon lung ston pa bram ze ko'u din+na zhes bya bas/ bcom ldan 'das la 'di skad ces gsol to// bcom ldan 'das kye ma lha sbyin drug sde dang bcas pa na tshig gi ngan phra zhing zab la sems can thams cad la phan par spyod pa 'di lta bu la rgyab kyis phyogs pa lags so/ / kye ma lha sbyin ni byas pa mi gzo ba lags so// kye ma lha sbyin ni sdig pa 'dod pa lags so// lha sprin ni de bzhin gshegs pa la khrag 'byin pa lags so// kye ma lha sbyin drug sde dang bcas pa ni dge 'dun gyi dbyen bgyid pa lags so// kye ma lha sbyin drug sde dang bcas pa ni shAkya'i rigs kyis dregs pa lags so// kye ma mi ma lags par 'gyur bar 'os pa dang / dud 'gro'i skye gnas dang phrad par 'gyur ba yongs su spyod pa lags so// kye ma lha sbyin ni rtag tu bcom ldan 'das bkrongs par sems pa dang / skyes pa'i rabs brgya stong phrag 'grangs par las drag po bgyid pa lags so/ / lha sbyin ni sems can dmyal bar mchi ba lags so// kye ma lha sbyin ni stsal ba dang bgyis pa ma mchis pa lag so// bcom ldan 'das kyi bka' drin gyis 'tshol bcom ldan 'das kyi rtsa ba la rko ba lags so// kye ma lha sbyin ni sdig pa la nges pa lag so// lha sbyin gyi 'khor ni bdud kyi phyogs lags na/ bcom ldan 'das kyi thad du rab tu byung zhes gda' ste/ bcom ldan 'das bkrongs par sems so// lha sbyin gyi 'khor ni thams cad kyang ngur smrig 'chang ba tsam du bas so// lha sbyin gyi 'khor ni 'tsho ba ngan pas 'tsho zhing / mu ge'i mgo byi lags so// bcom ldan 'das khyod ni thams cad mkhyen pa lags zhes gda'/ khyod ni 'bras bu mchis pa'i chos ston pa lags zhes gda'// khyod ni rigs rnam par dag par grags pa lags zhes gda' na/ lha sbyin ma rungs pa 'di lta bu yang rab tu phyung lags sam/ bcom ldan 'das sems can thams cad la thugs brtse ba can gyis/ sems can thams cad kyi yid gnyis dang / the tsom rnam par bsal ba'i slad du/ dgongs pa bshad du gsol/ khyod ni rigs drim ma mchis shing rnam par dag pa lags na/ bcom ldan 'das de bzhin gshegs pa bdag nyid chen po bshad du gsol/ de nas de'i tshe/ sangs rgyas kyi mthus/ sprin chen snying pos slob dpon lung ston pa/ bram ze ko'u di myal 'di skad ces smras so// bram ze chen po legs so legs so// bram ze chen po khyod kyis sems can thams cad la phan pa'i phyir/ de bzhin gshegs pa la nyan thos dang / rang sangs rgyas thams cad kyi yul gyi zhu ba'i rgyal po legs par zhus pa ni legs so// bram ze chen po kho bo las nyon cig dang / de bzhin gshegs pa'i mthu dang / kho bo cag gi yul la 'jug ba'i tshul gyis kho bos bshad par bya'o/ / bram zed phyin chad de skad ma zer bar gzhan ma yin par yid la soms shig/ lha sbyin drug sde'i 'khor dang bcas pa ni de bzhin gshegs pa la shin tu / byas pa gzo ba yin no// lha sbyin ni mchog tu dka' ba byed pa yin no// lha sbyin ni de bzhin gshegs pa'i rigs la snying brtse ba can yin no// lha sbyin ni de bzhin gshegs pa'i 'phrin las kyi mtha' yin no/ / lha sprin ni de bzhin gshegs pa'i yon tan gyis bdag nyid tshon po ston pa yin no// lha sbyin drug sde'i 'khor dang bcas pa ni sems can bye ba phrag mang po bsod nams la rab tu 'god pa yin no/ / bram ze chen po sems can thams cad kyis ni/ de bzhin gshegs pa dgra bcom pa yang dag par rdzogs pa'i sangs rgyas rnams la khrag 'byin mi nus so// de bzhin gshegs ba'i sku ni shing drung gi grib ma lta bur blta ste/ 'di ni thabs yin par blta bar bya'o// bram ze chen po shAkya'i rigs 'di ni dag cing rnam par dag la bsam gyis mi khyab po// shA/ rigs kyi nang na ni tshul khrims 'chal ba 'ga' tsam yang med de mi srid do// de bzhin gshegs pa ni 'bras bu yod pa'i chos ston pa yin no// de bzhin gshegs pa ni tsan dan dang / bai DUR+Ya'i lta bu'i 'khor dang ldan pa yin no// de bzhin gshegs pa ni mi phyed pa'i 'khor dang ldan pa yin no// de bzhin gshegs pa ni seng ge'i rigs kyi rgyal po chen po dang / stag lta bu'i 'khor dang ldan pa yin no// de bzhin gshegs pa ni nyan thos dang rang sangs rgyas thams cad kyi yul bsam gyis mi khyab pa'i 'khor dang ldan pa yin no// de bzhin gshegs pa'i 'khor ni me ma dag thal bas g.yogs pa lta bur blta'o/ / de bzhin gshegs pa ni bla na med pa'o// de bzhin gshegs pa ni thams cad mkhyen pa'o// de bzhin gshegs pa ni thams cad mkhyen pa nyid do/ / de bzhin gshegs pa las rab tu byung ba'i sems can rnams la ni tshul khrims 'chal pa mi srid de/ de dag thams cad ni yul zab mo shes pa thams cad la rab tu 'god pa sha stag ste/ de'i phyir yang de bzhin gshegs pa ni thams cad mkhyen pa nyid do// bram ze chen po dge 'dun ni/ bdud bye ba phrag brgya stong gis kyang dbye bar mi nus te/ 'di ni thabs yin par ba par bya'o/ / lha sbyin drug sde dang bcas pa ni dge 'dun gyi dbyen byed pa yang ma yin no// lha sbyin drug sde dang bcas pa ni shAkya'i rigs ston pa yin no// skye bo phal pa yang dud 'gror skye bar yongs su snron rdzogs skyes / de ni gshegs pa bas kyi rgya nas/ rang byung ba di sa na mas la m+WA don ldanas me do// sa 'i ni sa sa par byas pa yin no// ma yin ra ba ma du ga na'i ma mas ni/ ya pa'i sa pas ma yin/ mtshan rnaMs pa la sems yinan// rgyas ni rdzogapa da pa yang yin/ sapa sa sas di kyang mas pa spyod su pa men pa / mam+b+ha rnaM sems cam par sa na yang da kyi ston pa pa'i sku 'i khyong kya gzhan shi 'du 'dus papas phyi dang sus du 'tshwa bar chas tegaci na thags su song/ gci ni shA thugs su stod ma ma gyi zhin kyimi bar rdzu'o/ du rang 'du ma du mid ga nyis kyi zad par 'gyung ba ni me po// tham ma chen pa de ba du dang lhas byin gnyis kyang gal te thabs shig ma yin du zin na khyad che bar mngon no/ / bram ze chen po gzhan yang 'dir mi la la zhig gis srog gcod pa byas na lo brgya/ phrag mang por sems can dmyal bar sreg par 'gyur la/ bsod nams byas nas lo bye ba snyed du mtho ris su mngon par rtse bar 'gyur bas na/ bram ze chen po de bzhin gshegs pa ni yon tan bsam gyis mi khyab pa dang ldan zhing / bags kyi tshogs kyis bsgos pa ma yin pas/ gal te de bzhin gshegs pa la lhas byin gyis bkrongs par bsams su zin na/ de ltar sems gcig bskye pa tsam gyi las kyi 'bras bu des kyang / lo bye ba phrag grangs med dpag tu med pa bgrang ba las shin tu 'das pa srid du/ sems can dmyal bar shin tu bsreg par 'gyur ba'i rigs na/ bram ze chen po de bzhin gshegs pa ni bskal pa brgya stong phrag bye ba grangs med pa mang po yun ring po nas dgra las 'das pa yin la/ de bzhin gshegs pa dang / lhas byin sems can dmyal ba na bsreg pa gnyis kyang phrad par ga la 'gyur te de ni gnas med de/ bram ze chen po gzhan yang gal te lhas byin sdig pas 'tsho ba zhig yin du zin na/ skyes pa'i rabs brgya stong du/ de bzhin gshegs pa dgra bcom pa yang dag rdzogs pa'i sangs rgyas dang / lhas byin lhan cig tu phrad cing 'grogs par yang ji ltar 'gyur te/ de ni gnas med do// de ci'i phyir zhe na/ ji tsam du lhas byin bcom ldan 'das bkrongs par sems pa de tsam du sems can dmyal bar nges par bsregs par 'gyur bas na/ ji ltar sems can dmyal ba yang nyams su myong la/ de bzhin gshegs pa bkrongs par yang ji ltar sems par rung ste/ mi de gnyis ji ltar nam kyang phrad par mi 'gyur ba de bzhin du bram ze chen po lhas byin de lta bu dang / de bzhin gshegs pa yang brgya lam na yang phrad par 'gyur ba de ni gnas med do/ / bram ze chen po gzhan yang gal te/ lhas byin sdig can zhig yin du zin na/ shar phyogs su 'gro ba bzhin du/ lhas byin de sems can dmyal bar 'gro bar 'gyur bar rig par 'gyur ro/ / gang nub phyogs su 'gro ba lta bu de ni/ de bzhin gshegs pa yin par rig par bya'o// de la grong khyer gang yin pa de ni rtag tu 'jigs pa med pa'i grong khyer yin par rig par bya ste 'di ni thabs yin par blta bar bya'o/ / sangs rgyas kyi yul 'di ni kho bo cag gis kyang bsam pa mi nus par rig par bya'o// lhas byin ni de bzhin gshegs ba'i yul yin gyi nyan thos dang / rang sangs rgyas kyi yul ma yin no// bram ze chen po byang chub sems dpa' sems dpa' chen po ser po chen po zhes byas pas/ gdams ngag bstan nas/ byang chub sems dpa' drug sde rnams kyi 'khor gyis bskor ba la rjes su yi rang bar gyis shig/ bram ze chen po dper na glang po che mchog la brdeg par bya ba gang yin pa de ni/ bung bus shin/ tu mi bzod de glang po che mchog la brdeg par bya ba ni glang po che mchog gis bzod par zad do// bram ze chen po de bzhin du de bzhin gshegs pa'i ldem po ngag gi rwas brdung pa ni/ nyan thos dang rang sangs rgyas thams cad kyi bung bus shin tu mi bzod de/ de bzhin gshegs pa'i ldem po ngag gis rwas brdung ba ni de bzhin gshegs pa dang 'dra bas bzod par zad do/ / bram ze chen po de bzhin gshegs pa'i yon tan gyi che ba nyid la ltos// bram ze chen po byang chub sems dpa' sems dpa' chen po ser po chen po// byang chub sems dpa'i khor gyis bskor ba la bzod pa gsol cig/ bram ze chen po dge slong ngam/ dge slong ma 'am/ dge bsnyen nam/ dge bsnyen ma gang la lnga/ lhas byin gyi yon tan gyi che ba nyid mi shes pa de dag ni sangs rgyas byung ba'i phyed thob tsam du zad pa yin par rig par bya'o/ / mig ya cig par rig par bya'o// mi lus kyi phyed thob pa yin par rig par bya'o// bram ze chen po gzhan yang lhas byin gyi yon tan gyi che ba nyid la ltos/ sems can thams cad kyi de bzhin gshegs pa'i gnod pa bzod par yang ma nus/ de bzhin gshegs pa'i yod tan gyi che ba nyid shes par yang mi nus sems can thams cad kyis ni/ / de bzhin gshegs pa'i yul mthong bar yang mi nus so// bram ze chen po lhas byin gyis na de bzhin gshegs pa'i gnod pa bzod par yang nus so// de bzhin gshegs pa'i yon tan gyi che ba nyid kyang rtogs so/ / nyan thos dang / rang sangs rgyas thams cad yul ma yin la/ de bzhin gshegs pa thams cad kyi rnam par 'phrul pa la yang rnam par 'phrul par byed do/ / de bzhin gshegs pa thams cad kyi 'phrin las yang dag par ston par yang nus so// de bzhin gshegs pa'i yul dang 'dra ba'i skyes bu chen po yin par yang lta bar bya'o/ / 'dul ba'i dbang gis de bzhin gshegs pa gang dang gang du snang bar 'gyur ba de dang der skyes bu chen po de yang de bzhin gshegs pa'i phyi bzhin du 'brang zhing snang bar 'gyur ro// bram ze chen po de bzhin gshegs pa'i yul ni kho bo cag gis kyang bstan par mi nus te/ de bzhin gshegs pa'i thabs yin par blta bar bya'o// de bzhin gshegs pa'i ldem po ngag gi sgo'i yul gyi chos bstan pa la ltos/ de nas de'i tshe 'khor thams cad kyis bcom ldan 'das la mchod pa chen po'i las byas nas/ kha 'thun par tshigs su bcad par 'di smra so// bdud rnams bye ba phrag brgyas kyang / dge 'dun dbye bar mi nus te// sems can rnams la sman slad du// las kyi rgyu ba'ang ston par mdzad// de nas bcom ldan 'das kyis byang chub sems dpa'i sprin chen snying po la 'di skad ces bka' stsal to/ / sprin chen snying po legs so legs so// de de bzhin te sprin chen snying po de bzhin gshegs pa'i yul nyan thos dang rang sangs rgyas thams cad dang mi mtshungs pa dang / lhas byin gyi yon tan gyi che ba nyid de bzhin gshegs pa'i ldem po ngag gi gzhi gzhag pa phyi rol gyi sems can thams cad kyi the tshom bcad pa'i phyir/ shin tu legs par bshad pa legs so legs so// sprin chen snying po gzhan yang zab mo brtan pa'i chu'i rgya mtsho'i dus tshod kyi ting nge 'dzin gyi yul la gnas pa'i byang chub sems dpa' sems dpa' chen pos ni ri'i rgyal po ri rab de tsam du mtho zhing de tsam du rgya che la de tsam du yul du byas pa/ de tsam du brtsan pa yungs 'bru'i nang du chud pa byed de/ 'on kyang yungs 'bru'i nang na yang skye bar mi 'gyur zhing bya ba byed pa de dag kyang snang la/ rgyal chen bzhi pa dang / sum cu rtsa gsum pa rnams kyis kyang / bdag cag gang du bcug pa dang / bdag cag gang na 'khod pa yang mi tshor ro// sems can gzhan dag gis ni/ ri'i rgyal po ri rab yungs 'bru'i nang du bcug par yang shes shing mthong ngo // sprin chen snying po zab mo brtan pa'i chu'i rgya mtsho'i dus tshod kyi ting nge 'dzin gyi rnam par thar pa'i yul la 'jug pa la ltos/ sprin chen snying po gzhan yang zab mo brtan pa'i chu'i rgya mtsho'i dus tshod kyi ting nge 'dzin gyi yul la gnas pa'i byang chub sems dpa' ni/ rgya mtsho chen po bzhi'i chu'i phung po 'di ba spu gcig gi khung du chud par byed de/ 'on kyang nya dang ru sbal dang sbal ba dang / chu srin byis pa gsod dang / chu srin dang / chu srin sa la ba dang / o ta ka dang / chu sbrul dang / ti ri ka ra la sogs pa dang / de bzhin du chu'i srog chags gzhan dag la yang gnod par 'gyur ba med do// klu dang dri za dang / lha ma yin rnams kyang bdag cag gar bcug bdag cag gang na 'khod snyam du sems pa med la bya ba de yang snang ste/ sems can su la yang 'tshe ba 'am mtho ba tsam pa med do// stong gsum gyi stong chen po'i 'jig rten gyi khams 'di yang bcad de phu ba zlum bzhin du lag pa g.yas pas bskor nas 'jig rten gyi khams gang+gA'i klung bye ba'i bye ma snyed zlog par byed de/ 'on kyang sems can rnams kyis bdag cag sus khyer ba dang / bdag cag gang na 'khod pa yang mi tshor ro// phyir yang khyed te 'ongs nas snga ma'i gnas su 'jog par byed de/ 'on kyang 'gro ba dang 'ong ba yang mi mngon la/ bya ba de dag kyang snang ngo // de nas de'i tshe/ slob dpon lung ston pa bram ze ko'u di n+ya dang / bram ze gzhon nu brgya stong du ma dag gis/ bcom ldan 'das la mchod pa byas te/ bcom ldan 'das la 'di skad ces gsol to// gal te bcom ldan 'das sems can thams cad la thugs brtse zhing / gal te khyod sems can thams cad la sgra gcan zin gzhin du gzigs na/ bdag la dam pa gcig srul du gsol/ bcom ldan 'das cad mi gsung bar gyur nas/ sangs rgyas kyi mthus 'khor chen po'i nang nas/ li tsa byi gzhon nu 'jig rten thams cad kyis mthong na dga' ba zhes bya bas/ slob dpon lung ston pa bram ze ko'u di n+ya la 'di skad ces smras so/ / ci bram ze chen po khyod bcom ldan 'das la dam pa zhig gsol lam/ bdag gis khyod la dam pa sbyin no// bram zes smras pa/ kye li tsa byi gzhon nu bdag ni bcom ldan 'das kyi ring bsrel mchod pa'i phyir/ bcom ldan 'das la ring bsrel yungs 'bru tsam zhig gsol gyis de khyod kyis byin cig/ ring bsre shungs 'bru tsam de mngon par mchod na sum cu rtsa gsum pa'i bdag po 'gyur ro/ / zhes grags pas na/ rang bsrel gyi phye ma dkar ru ni shin tu gces so// kye li tsa byi gzhon nu sprin chen po'i mdo/ / nyan thos dang rang sangs rgyas thams cad kyis shes par dka' ba/ khong du chud par dka' ba/ mtshan nyid de lta bu ldan pa yang / sprin chen po'i mdo las phyi rol du gyur ces grag pa nyon cig/ kye li tsa byi gzhon nu sprin chen po'i mdo ni de ltar shes par dka' zhing rtogs par dka' bas na/ kho bo cag mtha' 'khob kyi gling gi bram ze rnams ni gang bcangs na sems can rnams myur du sum cu rtsa gsum pa'i bdag po thob par 'gyur ba'i ring bsrel yungs 'bru tsam za ma tog gi nang du bcug la/ bcangs kyang rung ngo // kye li tsa byi gzhon nu khyod ci de bzhin gshegs pa las ring bsrel yungs 'bru tsam gsol te/ mnos la za ma tog gi nang du bcug ste/ bcangs pas sum cu rtsa gsum pa'i bdag por 'gyur ba mi 'dod dam/ kye li tsa byi gzhon nu kho bos ni dam pa 'di lta bu gsol to/ / li tsa byi gzhon nu 'jig rten thams cad kyis mthong na dga' bas/ slob dpon lung ston pa bram ze ko'u di n+yal tshigs su bcad pa 'di dag gis slar smras pa/ glang tshe 'gang gar ku mud skyes// byi ba glang chen tsam gyur dang // khu bug dung mdog 'drar gyur dang // 'dzam bur ta la'i 'bru chags pa// de tshe ring bsrel yod par/ 'gyur// nam zhig ru sbal spu rnams las// gos su legs par btags 'gyur te// dgun cha dag tu gyon gyur pa// de tshe ring bsrel yod par 'gyur// der ni grong khyer sgra ba'i phyir/ / nam zhig sbrang bu'i rkang lags las// yang rtogs legs par byas gyur te// brtan zhing g.yo ba med pa dang // srin bu pad+ma'i rwa sogs la// khyod ni dbang bskur sbyor byed de/ / der ni 'byor cing rgyas gyur la// de tshe ring bsrel yod par 'gyur// mtho ris su ni 'dzegs pa'i phyir// nam zhig ri bong rA rnams las// skas ni legs par byas gyur pa/ de tshe ring bsrel yod par 'gyur// nam zhig skas ni der 'dzegs te// byi bas zla ba bza' ba dang // sgra gcan la yang gnod byed pa// de tshe ring bsrel yod par 'gyur// tshogs kyi rgyu ba'i sbrang bu yis/ / nag zhig rdza ma'i chang 'thungs te// khyim na gnas par byed 'gyur ba// de tshe ring bsrel yid par 'gyur// nam zhig bong bu bder gyur la// mchung dmar bim pa 'ang gyur cing/ / de tshe rang bsrel yod par 'gyur// nam zhig khwa dang 'ug pa dag/ dben par 'dod nas smra byed cing // phan tshun gnod pa mi byed par// dus rnams kun tu gnas der ni/ / rtag tu gnas par byed gyur pa// de tshe ring bsrel yod par 'gyur// pa la sha yi lo mra rnams// rin chen sna gsum gdugs gyur te// char 'bab skyabs su nam 'gyur ba/ de tshe ring bsrel yod par 'gyur// nam zhig rgya mtsho'i gru bo che// 'khrul 'khor dang ni g.yor mor bcas// mi ngan mos ni khyer 'gro ba// de tshe ring bsrel yod par 'gyur// nam zhig bya ni ku lang kas// ri bo spos kyi ngad ldang pa// mchu la thogs te 'gri 'gyur ba// de tshe ring bsrel yod par 'gyur// slob dpon lung ston pa bram ze ko'u di n+yas// li tsa byi gzhon nu 'jig rten thams cad kyis mthong na dga' ba la tshigs su bcad pa 'di dag gis slar smras pa/ gzhon nu chen po legs so legs so// de bzhin gshegs sras dpa' bo che// dpa' zhing thabs la mkhas ldan pa/ / che ba nyid ldan lung bstan thob// de bzhin gshegs pa'i che ba nyid// gzhon nu chen pos rim bzhin nyon// sangs rgyas yul ni bsam mi khyab// bsam yA ye shes mi mnyam mnyam/ / de bzhin gshegs rnams mtshungs pa med// sangs rgyas thams cad rtag tu zhi// sangs rgyas thams cad yang dag byung // sangs rgyas thams cad kha dog mtshungs// 'di ni sangs rgyas chos nyid yin// sangs rgyas bcom ldan bcos ma yin// de bzhin gshegs rnams ma skyes te// rdo rje lta bur mkhregs pa'i sku// sprul pa'i sku yang ston pa'i mdzad// yungs 'bru tsam gyi ring bsrel yang / 'byung bar 'gyur ba yod med de// rus pa khrag dang sha med la// ring bsrel yod par ga la 'gyur// sems can rnams la phan pa'i phyir// thabs kyis ring bsrel gzhag pa mdzad// bcom ldan sangs rgyas chos kyi sku// de bzhin gshegs pa chos kyi dbyings// bcom ldan sku ni de 'dra la// chos bstan pa yang de 'dra ste// de ltar bdag gis thos rig nas// chos gsung la ni dam pa gsol/ / khyod ni smra bar gzhug pa'i phyir// gtam gyi gleng ni bdag gis bslang // de nas de'i tshe/ lha mo dri ma med pa'i 'od kyis bcom ldan 'das la mchod pa'i las byas nas 'di skad ces gsol to/ / bcom ldan 'das kye ma thabs kyi skyes bu 'di gnyis ni mkhas shing zhi ba la/ shes pa zab mo dang ldan te/ de bzhin gsheg pa'i yon tan gyi che ba nyid shin tu gsal bar 'tshal ba lags na/ bcom ldan 'das skyes bu dam pa 'di gnyis su lags pa dang / gang nas mchis pa sems can thams cad la sman pa'i slad du/ bcom ldan 'das kyis bshad du gsol/ bcom ldan 'das kyis bka' stsal pa/ lha mo legs so legs so// lha mo khyod kyis sems can thams can la phan pa'i phyir/ de bzhin gshegs pa la zhus pa legs so// lha mo nyon cig/ gtso bo chen po 'di gnyis ni de bzhin gshegs pa'i sras yin te/ lha mo gtso bo chen po 'di gnyis ni skyes bu dam pa rnams kyi bdag po 'khor ba la/ dga' ba'i smon lam btab pa'i skyes bu nga la byas pa gzo ba/ nga'i bu sdug pa shAkya'i rus dang rigs 'dzin pa/ nga'i bstan pa'i khur khyer ba/ nga'i bstan pa'i sgron ma rab tu 'bar bar byed pa yin gyis rjes su yi rang bar gyis shig/ lha mo sngon byung ba 'das pa'i dus bskal pa grangs med pa bas kyang ches grangs med pa/ bskal pa mang ba bas kyang ches mang ba 'das pa de'i tshe de'i dus na de bzhin gshegs pa rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das klu rigs sgron ma zhes bya ba 'jig rten du byung ngo / / lha mo de'i tshe/ 'dzam bu'i gling 'di 'byor pa dang rgyas pa dang / lo legs pa dang / nyams dga' bar gyur te/ skye bo dang mi mang pos gang zhig bde ba dang yid bde dang ldan par gyur to/ / de'i tshe 'dzam bu'i gling 'di yangs shing rgya che la/ chu zheng dang thag gru che bar gyur te/ ngos gcig la dpag tshad 'bum phrag drug cu rtsa brgyad yod par gyur to/ / de'i tshe 'dzam bu gling 'di na grong khyer dpag tshad bcu gnyis pa/ mi bye ba phrag dgu bcu dgu bcu gnas pa bdun khri brgyad stong yod do// grong khyer de dag thams cad kyang rin pa tsheche sna bdun las byas pa sha stag go/ / lha mo de'i tshe/ rgyal po'i khab 'dir grong khyer rin chen 'byung gnas shes bya ba zhig byung ste/ grong khyer chen po gang du de bzhin gshegs pa de byung ba der mi bye ba brgya stong phrag brgyad cu gnas par gyur to/ / grong khyer chen po rin chen byung gnas gyi nang na sems can gnas pa thams cad kyang theg pa chen po la mngon par rtse ba'i byang chub sems dpa' mi mchog sha stag go/ lha mo de'i tshe/ grong khyer rin chen 'byung gnas kyi nang na de bzhin gshegs pa klu rigs sgron ma byang chub sems dpa' mi mchog rnams kyi nang na/ sprin chen po'i mdo'i 'di seng ge'i sgra chen pos mngon par ston par mdzad do/ / lha mo de'i tshe grong khyer rin chen 'byung gnas su chos kyi rgyal po brtson 'grus chen po'i klu zhes bya ba zhig byung ngo // lha mo chos kyi rgyal po brtson 'grus chen po'i klu de'i btsun mo dam pa lha mo theg pa chen po la rab tu dga' bar sems pa bstan pa 'dzin pa zhes bya ba zhig byung ngo / / chos kyi rgyal po de'i blon po chen po dam pa'i chos kyi dkyil 'khor gyi mdzod ces bya ba zhig kyang byung ngo / / lha mo de'i tshe/ rgyal po brtson 'grus chen po'i klu de blon po chen pos yongs su bskor te/ btsun mo dam pa des mdun du bdar cing bskor nas/ de bzhin gshegs paklu rigs sgron mdo la mchod pa chen po byas te/ de bzhin gshegs pa klu rigs sgron mgal bde logs su thal mo sbyar ba btud nas/ phyogs gcig tu 'khod do/ / de nas bcom ldan 'das de bzhin gshegs pa klu rigs sgron ma des/ rgyal po brtson 'grus chen po klu'i lhag pa'i bsam pa thugs su chud nas/ mi 'jigs 'jigs med rnam pa zhes bya ba'i 'od zer btang nas 'od btang ba des/ de bzhin gshegs pa'i mthus/ blon po chen po dam pa'i chos kyi dkyil 'khor gyi mdzod kyis de bzhin gshegs pa'i ring bsrel gyi gtam gyi gleng bslang ste zhu ba zhus nas de'i tshe/ bcom ldan 'das de cang mi gsung bar gyur to// de'i tshe rgyal po brtson 'grus chen po'i klus/ rang gi blon po chen po dam pa'i chos kyi dkyil 'khor gyi mdzod la phyir dri bar bsam mo/ / de ltar skyes bu de gnyis kyis sems can thams can la phan pa bya ba'i phyir/ ring bsrel gyi gtam gyi thabs 'di gcig pu 'dri ba la mngon par rtse bar gyur to/ / de nas de bzhin gshegs pa klu rigs sgron ma'i nyan thos ming chen zhes bya bas ring bsrel gyi gtam gyi thabs 'di thos nas 'di snyam du sems bskyed de/ kye ma brtson 'grus chen po'i klu ni chos can chos kyi rgyal po mkhas pa yin te/ de bzhin gshegs pa'i yon tan gyi re ba nyid shin tu gsal bar rab tu shes so snyam nas brtson 'grus chen po'i klu'i che ba nyid de bzhin gshegs pa la zhus so/ / de nas de bzhin gshegs pa klu rigs sgron mas 'khor thams cad la phan pa'i phyir/ sprin chen po'i mdo'i yul dang / brtson 'grus chen po klu che ba nyid rgyas par bstan to/ / de nas 'khor chen pos brtson 'grus chen po'i che ba nyid bstan pa bshad pa 'di thos nas ngo mtshar rmad du byung bar 'dzin par gyur to// lha mo de'i tshe// rgyal po brtson 'grus chen po'i klus bdag nyid kyi yon tan bshad pa thos nas/ blon po chen po dang btsun mo'i 'khor dang bcas pas/ de bzhin gshegs pa de'i zhabs la lan brgya stong du mgo bos phyag 'tshal te/ de bzhin gshegs pa klu rigs sgron ma la rin po che spar gang gis gtor nas/ 'di snyam du sems bskyed de/ bcom ldan 'das ma 'ongs pa'i dus na/ bcom ldan 'das shAkya thub pa'i bstan pa thabs nub pa'i tshe bdag rab tu byung ste/ chos kyi 'jug la bab pa na/ sgra chen po lan gsum bsgrags la chos gos tsam 'chang ba/ mu ge'i mgo byi rnams yul nas bskrad la dam pa'i chos phyung ste/ dam pa'i chos kyi phyir bdag gis srog 'dor bar gyur cig ces byas so// de'i tshe blon po chen po dam pa'i chos kyi dkyil 'khor gyi mdzod kyis 'di snyam du sems bskyed de/ bcom ldan 'das ma 'ongs pa'i dus na bdag gis bcom ldan 'das shAkya thub pa'i bstan pa'i khur bkur zhing / bcom ldan 'das thabs kyis yongs su mya ngan las 'das pas yongs su mya ngan 'das pa na mi'i bdag po khyad par du 'ab pa phun sum tshogs pa'i rgyal srid yongs spyad de dam pa'i chos kyi sgra chen po mngon par sgrogs par gyur cig ces byas so/ / de nas de'i tshe/ rgyal po brtson 'grus chen po'i klu'i btsun mo dam pa lha mos 'di snyam du sems bskyed de/ bcom ldan 'das shAkya thub pa'i bstan pa gnas pa'i tshe/ bdag gis mu stegs can ngan pa'i tshogs thams cad bud med kyi gzugs kyis btul nas/ rgyal po'i chos lugs spyad de/ rgyal srid mngon par spyad la chos kyi sgra chen po mngon par sgrogs par gyur cig ces byas so// de nas de'i tshe/ ming chen gyis 'di snyam du sems bskyed de/ bcom ldan 'das ma 'ongs pa'i dus na/ bdag bcom ldan 'das shAkya thub pa'i bstan pa la nyan thos kyi mchog tu gyur te/ de bzhin gshegs pa'i mthus de bzhin gsheg p a'i bsam gyis mi khyab pa'i yul la rnam par 'phrul pa'i seng ge'i sgra chen po mchog gis 'bras bu yod par chos ston pa'i cho ga de lta bu'i bsam gyis mi khyab pa'i yul gtso bor gyur pa'i yon tan dang ldan par gyur nas/ bdag gis seng ge'i sgra mngon par bsgrags la/ de bzhin gshegs pa'i bstan pa'i khur lci ba yun ring por khyer bar gyur cig ces byas so// lha mo dge ba'i rtsa ba des na khyod gtog par gzhi nga'i bstan pa la dga' ba mang po byed cing skye bo phal pa dang 'thun par byed pa yin te/ lha mo khyed gzhi ni da lta 'ba' shig kyang ma yin gyi/ 'das pa'i dus na yang nga la rnam pa mang por bya ba byas shing nga'i bstan pa'i khur gyi bkod pa la smon lam btab pa yin gyis lha mo sems mngon par dad par gyis la/ sangs rgyas mang po la bsnyen bkur byas par shes par gyis shig nas lha mes bcom ldan 'das la 'di skad ces gsol to/ / bdag gis bsam pa dad par 'gyur ba dang / skye bo mang la sman par 'gyur ba'i slad du/ bdag cag bzhi gang gang lags bcom ldan 'das kyis bsha du gsol/ bcom ldan 'das kyis bka' stsal pa/ lha mo legs so legs so// lha mo khyod legs kyis sed gtogs par gzhi'i lung bstan pa'i cho ga'i ram pa lha mo khyod kyis nyon cig/ lha mo khyod gtogs pa bzhi'i yon tan che ba nyid la ltos/ blon po chen po dam pa'i chos kyi dkyil 'khor gyi mdzod de ni/ slob dpon lung stor pa bram ze ke'u yin par rig par bya'o/ / lha mo slob dpon lung ston pa bram ze ko'u di n+ya yang / nga 'das pa'i 'og lo brgya nyi shu lon pa na/ mo'u r+ya'i rigs shes bya ba phyed kyi 'khor los sbyar ba'i rigs sa skye bar 'gyur te/ lha mo mo'u r+ya'i rigs su skyes nas kyang / phyed kyi 'khor los sgyur ba'i rgyal por 'gyur te/ lha mo mo'u ra'i rigs kyi rgyal po'i mchog tu 'gyur la/ chos kyi lugs ji lta ba bzhin du rgyal po byed par 'gyur ro/ / de nas lha mos 'di skad ces gsol to// bcom ldan 'das de'i ming ji skad ces bgyi bar gzung bar bgyi/ bka' stsal pa lha mo dge bsnyen gyi rgyal po mya ngan med ces bya bar 'gyur te/ lha mo phyed kyi 'khor los sgyur ba'i rgyal po mya ngan med ces bya ba des/ chos kyis bstan bcos pa'i seng ge'i sgra chen po thog mar sgrogs par byed cing mngon par mchod par byed do/ / de nas lha mos 'di skad ces gsol to// sems can thams cad la sman pa'i slad du/ rgyal po brtson 'grus chen po'i lung bstan pa/ bcom ldan 'das kyis bshad du gsol/ bcom ldan 'das kyis bka' stsal pa/ lha mo khyod nyid thog mar rje lung bstan gyis nyon cig de nas lha mo ngo tsha nas mgo smad do/ / bcom ldan 'das kyis yang bka' stsal pa/ lha mo legs so legs so// ngo tsha ba ni chos thams cad kyi mchog yin gyis lha mo khyod legs so// lha mo khyod ni rgyal po brtson 'grus chen po'i klu'i btsun mo dam par gyur to// sprin chen po'i mdo las 'byung ba zab mo brtan pa chu'i rgya mtsho'i dus tshod kyi ting nge 'dzin gyi yul ltos/ lha mo nga 'das pa'i 'og tu khyod dge ba'i rtsa ba dang / smon lam gyi khyad par nges pa yi zhes bya ba'i grong na gnas pa'i rje'u rigs su skye bar 'gyur te/ 'khor los sgyur ba'i rgyal po'i btsun mo'i gzugs thob nas nges pa dang / nye bar gnas pa dang / bslab pa'i gzhi bcas pa blangs nas/ grong khyer dang / tshong rdal dang / bcas par 'byor cing rgyas la/ bud med kyi gzugs kyis rgyal srid mngon par spyod de mu stegs can ngan pa'i tshogs thams cad mngon par 'dul zhing dam pa'i chos kyi sgron ma rab tu 'bar bar byed la/ bcom ldan 'das kyi bstan pa la mchod pa byed de/ chos kyi sgra chen po bsgrag nas/ byang chub sems dpa'i sbed pas rang gi rgyal srid yang dag par srung zhang yongs su skyong bar byed la/ 'jig rten dang 'thun par bya ba spyod par 'gyur te/ lha mo rgyal po brtson 'grus chen po'i klu'i gzi brjid kyi mthus/ khyod bsam gyis mi khyab pa la mngon par rtse bar gyur payin gyis/ lha mo chos kyi rgyal po brtson 'grus chen po'i klu la rjes su yi rang bar gyis shig/ rgyal po brtson 'grus chen po'i klu de ni nga'i nyan thos kyi mchog/ li tsa byi gzhon nu 'jig rten thams cad kyis mthong na dga' ba 'di yin no// lha mos gsol pa/ sems can thams cad la sman pa'i slad du/ skyes bu chen po ming chen lung bstan pa/ bcom ldan 'das kyis bshad du gsol/ bcom ldan 'das kyis bka' stsal pa/ lha mo ming chen lung bstan pa nyon la/ ji srid mtsho'i bar du bsnyon bkur gyis shig dang / khyod kyi ming chen gyi ni cho 'phrul dang yon tan chen po mngon du thob par 'gyur ro// lha mo ming chen ni sangs rgyas dang 'dra'o// lha mo ming chen ni sangs rgyas kyi sku'i phyed dang 'dra'o/ / lha mos gsol pa/ bcom ldan 'das ming chen 'di lta bu la ji srid 'tsho'i bar du ji ltar bsnyen bkur bgyi/ bcom ldan 'das kyis bka' stsal pa/ ming chen 'di ni de bzhin gshegs pa klu rigs sgron ma'i nyan thos yin te/ nga'i nyan thos nga'i lus kyi phyed dang 'dra ba/ ngal byas pa gzo ba steng ltar gyi 'od srung chen po 'di yin gyis lnga mo ji srid 'tsho'i bar du bsnyen bkur gyis shigade nas de'i tshe/ 'khor chen po'i nang nas lha'i bu dbyug mchog ces bya ba 'khor stong dang ldan pas/ bcom ldan 'das la mchod pa'i las byas nas/ tshigs su bcas pa 'di dag smras so// skra rtse tsam gyis rgya mtsho kun// bas par gtug tu nus lags kyi// gzugs mang mnga' ba'i yon tan mtsho// tshig tsam gyis ni brjod mi nus/ / bstan pa 'di bshad pa na lha'i bu brgya stong phrag mang po dag gis thos nas/ bla na med pa yang dag par rdzogs pa'i byang chub tu sems bskyed do// de nas de'i tshe/ bcom ldan 'das kyis slob dpon lung ston pa bram ze ko'u di n+ya la 'di skad ces bka' stsal to// slob dpon lung ston pa ko'u di n+ya khyod kyis rnyed pa legs par rnyed kyis mngon par dad par gyis shig/ ma 'ongs pa'i dus na sems can rnams bsrung ba'i phyir khyod las glengs te srung ba'i mtshon rnams bshad do// slob dpon lung ston pa ko'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung bcu'i bye ma snyed 'das pa na/ 'jig rten gyi khams mngon par dang ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas blo gros mi zad pa zhes bya ba da ltar 'tshe zhing gzhes te/ chos kyang ston to// slob dpon lung sten pa ke'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung nyi shu/ bye ma snyed 'das pa na/ 'jig rten gyi khams thams cad mnyam pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen rgyal mtshan zhes bye ba da ltar 'tsho zhing gzhes te/ chos kyang ston to// slob dpon lung ston pa ko'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung sum cu'i bye ma snyed 'das pa na 'jig rten gyi khams yid bde ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'od dri ma med pa'i snying po zhes bya ba/ da ltar 'tsho zhing gzhes te chos kyang ston to/ / slob dpon lung ston pa ko'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung bzhi bcu'i bye ma snyed 'das pa na/ 'jig rten gyi 'ams rab tu dga' ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rnam par 'phrul pas/ dang bar byed pa'i grags pa zhes bya ba da ltar 'tsho zhing gzhes te chos kyang ston to/ / slob dpon lung ston pa ke'u dimya sangs rgyas kying zhing 'di nas lho phyogs su 'jig rten gyi khams gang+gA'i klung lnga bcu'i bye ma snyed 'das pa na/ 'jig rten gyi khams dam pa'i chos la dga' mos shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun gyis bsrungs shes bya ba/ da ltar 'tsho zhing gzhes te chos kyang ston to// sleb dpon lung ston pa ko'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung drug cu'i bye ma snyed 'das pa na/ 'jig rten gyi khams mu stegs thams cad kyi gnas shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas seng ge rnam par rol pa'i rgyal po zhes bya bas/ da ltar 'tsho zhing gzhes la chos kyang ston to/ / slob dpon lung ston pa ko'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung bdun cu'i bye ma snyed 'das pa na/ 'jig rten gyi khams me tog gi rgyal mtshan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas lhun po'i rgyal po mngon par 'phags pa zhes bya ba/ da ltar 'tsho zhing gzhes te chos kyang ston to// slob dpon lung ston pa ko'u di n+ya sangs rgyas kyi zhing 'di nas lho phyogs su 'jig rten gyi khams gang+gA'i klung brgyad cu'i bye ma snyed 'das pa na/ 'jig rten gyi khams rin chen skyong zhes bya ba yod dede na de bzhin gshegs pa dgra bcom pa yang dag par rdzogs pa'i sangs rgyas dam pa'i chos kun tu srung ba'i tog tu gyur pa zhes bya ba/ da ltar 'tsho zhing gzhes te chos kyang ston to// slob dpon lung ston pa ko'u di n+ya/ de bzhin gshegs pa dgra bcom pa yang dag par rdzogs pa'i sangs rgyas de dag gi sangs rgyas kyi zhing rnams ni yongs su dag pa ste/ lag mthil ltar mnyam la ri dang rdo med cing gseg ma dang / bong ba dang / sdom dum dang / tsher ma med de 'jam zhing ka tsa lin da'i gos ltar reg na 'jam la/ snyigs ma lnga dang bral zhing bud med med la/ nyan thos/ dang rang sangs rgyas rnams med cing de dag gi ming yang med pa yin no// sems can de dag kyang theg pa chen po la rab tu dga' ba dang / theg pa chen pos mngon par rtse ba dang / theb pa chen po la dad pa'i sems thob pa sha stag go/ / slob dpon lung ston pa ko'u di n+ya/ theg pa chen po la yang dag par zhugs pa'i rigs kyi bu 'am/ rigs kyi bu mo gang la la de bzhin gshags pa dgra bcom pa yang dag par rdzogs pa'i sangs rgyas de dag gi mtshan rnams thos nas 'dzin tam/ kun chub par byed dam/ 'chang ngam/ klog gam/ gzhan dag la yang rgyas par yang dag par ston na/ slob dpon lung ston pa ko'u di n+ya/ rigs kyi bu 'am/ rigs kyi bu mo de dag ni sems can dmyal bar 'gro ba'am/ dud 'gro skye gnas dang / lha ma yin gyi rigs su skye bar 'gyur ba ni skabs ma yin zhing mi srid de/ de ni gnas med do// slob dpon lung ston pa ko'u di n+ya/ byang chub sems dpa' sems dpa' chen po gang gis/ da ltar nga lngas ting nge 'dzin gyi sgo 'di thos la phyi ma'i tshe yang / ting nge 'dzin 'di thos nas smod par 'gyur ba ni skabs ma yin zhing mi srid de gnas med do// slob dpon lung ston pa ke'u di n+ya/ de bzhin gshegs pa de dag gi mtshan rnams 'chang ba'i byang chub sems dpa' sems dpa' chen po de la dug gis tshugs pa 'am/ mtshon bab pa 'am/ chur 'chi ba 'am/ mes tshig par 'gyur ba 'am/ de la rgyal po 'am/ chom rkun nam/ mi 'am/ mi ma yin pa 'am/ klu 'am/ gnod sbyin 'am/ seng ge 'am/ srog chags gdug pa 'am/ stag gam/ 'amaspang ki 'am/ sbrul lam/ sdig pa rnams kyis bar chad bya ba 'am/ tshangs par spyad pa spyod pa dang / kha don byed pa dang / lhung bzed dang / chos gos la bar chad byed par 'gyur ba ni/ skabs ma yin zhing go skabs med la de ni gnas med de/ las kyi rnam par smin pa ni ma gtogs so// slob dpon lung ston pa ko'u di n+ya gzhan yang dge slong 'am/ dge slong ma 'am/ dge bsnyen nam/ dge bsnyen ma'am gang la las/ gzhan mu stegs can spyod pa pa 'am/ kun tu rgyu rnams la dpya ba'am/ bsting ba 'am/ bgad pa 'am/ gzhan yang 'thun par bya ba 'am/ rnyed pa dang / bkur sti dang / tshigs su bcad pa 'dod pa'i phyir yang rung ste/ de bzhin gshegs pa dgra bcom pa yang dag par rdzogs pa'i sangs rgyas de dag gi mtshan rnams thos na yang ngan song ngan 'gror skye ba de ni gnas med do/ / // bam po brgyad pa// de nas slob dpon lung ston pa ko'u di rgyas// bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// chos kyi rnam grangs 'di gang dag gi rna lam du grags pa de dag kyang rnyed pa legs par rnyed pa lags na/ thos nas mos pa dang / mos nas lung 'bog pa dang / rjod par bgyid pa dang / 'chang bar bgyid pa dag lta smos kyang ci 'tshal te/ sems can de dag ni chos kyi dga' ba'i gter rnyed pa lags so/ / gang dag de bzhin gshegs pa dgra bcom pa yang dag par rdzogs pa'i sangs rgyas 'di dag gi mtshan rnams lag na 'chang bar bgyid pa de dag gi khyim na ni de bzhin gshegs pa rnams bzhugs pa lags so/ / bcom ldan 'das gang du de bzhin gshegs pa 'di dag gi mtshan thos nas yid ches par bgyid pa'i sa phyogs de dag ni rdo rje'i rang bzhin du 'gyur ro// bcom ldan 'das gang dag de bzhin gshegs pa dgra bcom pa yang dag par rdzogs pa'i sangs rgyas 'di dag gi mtshan rnams thos nas yid ches par bgyid pa de dag kyang rdo rje lta bur 'gyur zhing / mi phyed pa'i bzod pa yang thob par 'gyur ro/ / bcom ldan 'das gang dag yid ches par dka' ba'i mtshan 'di dag la dad par bgyid pa'i sems can de dag la ni bdag gis kyang bsnyen bkur ba dang / g.yog bgyi'o// / bcom ldan 'das kyis bka' stsal pa/ slob dpon lung ston bko'u di rgya legs so legs so// khyod kyis rigs kyi bu dang / rigs kyi bu mo de dag gi phyir yang dag par bsgrub pa dam bcas pa legs so/ / slob dpon lung ston pa ko'u di n+ya/ gzhan yang de bzhin gshegs pa dgra bcom pa yang dag par rdzogs pa'i sangs rgyas 'di dag gi mtshan rnams 'chang ba la ni gang dang gang las 'jigs pa byung ba thams cad de dang de nyid du rab tu zhi bar 'gyur te/ de dag 'chang ba la ni lha rnams kyang srung ngo // klu rnams kyang srung ngo // gnod sbyin rnams kyang srung ngo / / de bzhin gshegs pa'i bar du yang srung bar mdzad do// de nas 'khor chen po'i nang nas lha'i bu mthong na dga' ba dri za'i rgyal po zhes bya bas/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to// kye ma bcom ldan 'das tshul 'di 'dra ba'i de bzhin gshegs pa de dag dang / tshul 'di 'dra ba'i mdo rnams de bzhin gshegs pa 'das pa'i 'og tu su dag 'chang bar 'gyur/ sems can ji lta bu dag 'chang bar 'gyur/ sems can ji lta bu dag gis ni nub par bgyid par 'gyur/ de nas sangs rgyas kyi mthus/ tshe dang ldan pa 'od srungs chen pos/ lha'i bu mthong na dga' ba dri za'i rgyal po la 'di skad ces smras so// rigs kyi bu de bzhin gshegs pa dgra bcom pa yang dag par rdzogs pa'i sangs/ rnams ni/ yongs su mya ngan las 'das pa med de/ chos kyang nub par mi 'gyur ro// de nas lha'i bu mthong na dga' ba'i dri za'i rgyal pos/ gnas brtan 'od srungs chen po la 'di skad ces smras so/ / btsun pa 'od srungs chen po// sems can sems 'khrul pa rnams la phan gdags pa'i phyir shod cig/ btsun pa 'od srungs chen po sems can the tsom du gyur pa rnams la shes pa'i sgron ma 'bar bar gyis shig dang / btsun pa 'od srungs bdag gis kyang ma 'ongs pa'i dus na de bzhin gshegs pa'i yon tan gyi che ba nyid rgyas par bgyi'o// de skad ces smras nas/ gnas brtan 'od srungs chen pos lha'i bu mthong na dga' ba dri za'i rgyal po la 'di skad ces smras so/ / grogs po de bzhin gshegs pa rnams kyi sku ni chos kyi sku yin no// de bzhin gshegs pa rnams kyi sku ni rdo rje mkhregs pa yin no/ / de bzhin gshegs pa rnams kyi sku ni dge ba thams cad dang ldan pa yin no// grogs po de bzhin gshegs pa rnams kyi sku ni thabs kyi sku yin gyi sha'i sku ma yin no// rigs kyi bu de bzhin gshegs pa'i sku de 'dra ba la/ yongs su mya ngan las 'da' ba ga la yod/ mi rtag par yang ga la zhig 'gyur smras pa/ btsun pa 'od srungs chen po// ji ltar na thabs kyis yongs su mya ngan las 'das par brjod kyi/ gtan du mya ngan las 'das pa ni ma yin no// smras pa/ mthong na dga' ba dri za'i rgyal po legs so legs so// khyod kyis thabs kyis yongs su mya ngan las 'das par brjod kyi/ gtan du yongs su mya ngan las 'da' ba ni ma yin zhes tshig 'di legs par smras pa ni/ mthong na dga' ba dri za'i rgyal po khyod legs so// mthong na dga' ba dri za'i rgyal po/ / gzhan yang thams cad dang thun mong ba'i tshad ni rtog par nus kyi/ sangs rgyas kyi yon tan gyi che ba nyid ni gcig gi tshad kyang rtogs par nus so// smras pa btsun pa 'od srungs chen po yun ji srid cig na de bzhin gshegs pa gtan du yongs su mya ngan las 'das pas yongs su mya ngan las 'da' bar 'gyur/ smras pa/ gang gi tshe sems can thams cad bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / mngon par rdzogs par sangs rgyas nas kyang / yongs su mya ngan las 'das par gyur pa de'i tshe/ de bzhin gshegs pa yongs su mya ngan las 'da' bar 'gyur ro// smras pa/ btsun pa 'od srungs chen po de bzhin gshegs pa'i yon tan gyi che ba nyid ni ngo mtshar ste/ 'di lta bu thos na/ su zhig bla na med pa yang dag par rdzogs pa'i byang chub tu sems skyed par mi byed/ smras pa/ bcom ldan 'das de bzhin gshegs pa rtag pa dang / ther zug pa dang / brtan pa dang / mi bskyod pa dang / dpe med pa dang / bsam gyis mi khyab pa ni/ nyan thos dang rang sangs rgyas rnams kyi yul ma yin/ de bzhin gshegs pa dag ni de bzhin gshegs padag nyid kyis mkhyen par zad do/ / rigs kyi bu byang chub sems dpa'i spyod pa la btang snyoms su gyis shig/ 'od srungs chen pos bstan pa 'di bshad pa na/ lha'i bu sa ya dang nyis 'bum gyis bla na med pa yang dag par rdzogs pa'i byang chub tu sems bskyed de/ sems rab tu dga' nas/ de'i tshe kha 'thun par tshigs su bcad pa 'di dag smras so/ / sangs rgyas mya ngan yong mi 'da'// chos kyang nub par mi 'gyur te// sems can rnams ni smin mdzad phyir// yongs su mya ngan 'da' ba ston// bcom ldan sangs rgyas bsam mi khyab/ / de bzhin gshegs pa rtag pa'i sku// sems can rnams la phan pa'i phyir// chos rnams sna tshogs ston pa mdzad// mdo dang ting nge 'dzin dang / chos kyi sgo dang / gsang ba zhu ba dang / yongs su mya ngan las 'das pa gtan la bab par bstan pa las/ dam pa'i chos kyi dkyil 'khor gyi phung po'i le'u zhes bya ste sum cu 'dun pa'o// / de nas de'i tshe/ lho phyogs kyi yul 'dab stang zil gyi ri las 'od srungs chen po dang thabs gcig tu 'ongs pa'i lha'i bu rnams steng gi bar snang la ta la bdun srid tsam du 'khod nas/ de bzhin gshegs pa la me tog sil ma'i ram pa ri rab tsam dag gtor nas/ mig mchi mas gang ste ngu bzhin du tshig 'di skad ces gsol to// kye ma bcom ldan 'das/ bcom ldan 'das de bzhin g shegs pa thabs kyis yongs su mya ngan las 'das pas yongs su mya ngan las 'das pa na de bzhin gshegs pas gsungs pa'i mdo 'di lta bu 'di dag 'chang bar bgyid pa'i sems can de dag ci 'dra ba dag cig 'byung bar 'gyur/ bcom ldan 'das kyis bka' stsal pa/ lha'i bu dag nga 'das pa'i 'og tu dge ba'i rtsa ba byas pa rnams dang / sangs rgyas mang po la bsnyen bkur byas pa de dag/ mdo 'di lta bu 'di dag 'chang bar 'gyur te/ gzhan dag la yang rgyas par ston par 'gyur ro// sprin chen po'i mdo yang lo bzhi bcu'i bar du 'dzam bu'i gling na spyod par 'gyur te rgyas par yang 'gyur ro/ / de'i 'og tu phyi ma'i dus na dam pa'i chos spong ba dang / rgyal po 'khrug pa dang / dam pa'i chos nub par 'gyur ba/ ma 'ongs pa'i dus de na/ dge slong dang / dge slong ma dang / dge bsnyen dang / dge bsnyen ma lus yongs su ma sbyangs pa dang / tshul khrims yongs su ma sbyangs pa dang / sems yongs su ma sbyangs pa dang / shes rab yongs su ma sbyangs pa dang / shes rab 'chal pa dang / lug ltar lkugs pa dang / shes rab yongs su nyams pa rnams kyis mdo 'di lta bu 'chad pa thos nas/ yid mi ches shing bgad par byed/ bsting bar byed/ 'phya bar byed la/ lkug tu song nas/ phan tshun zlos shing smod par byed de/ 'phya ba'i bsam pas de dag tshig 'di skad du ngo mtshar ro// dge slong 'di dag ni blun zhing mu cor smra ba ste/ 'di dag ni gang yang rung ste/ sangs rgyas kyis gsungs pa ma yin gyi/ snyan dngags mkhan dag gis rang bzor tshig dang yi ge'i 'bru sna tshogs sbyar te/ 'khor gyi nang du song nas smra bar byed par zad de/ mdo 'di dag ni sangs rgyas kyis gsungs pa ma yin no zhes zer ro// de ltar gti mug can gyi mi bsod nams chung ba/ shes rab 'chal pa/ lug ltar lkug pa/ shes rab yongs su nyams pa/ dam pa'i chos sun 'byin pa de dag 'byung bar 'gyur ro// lha'i bu dag gzhan yang dge slong dang / dge slong ma dang / dge bsnyen dang / dge bsnyen ma bso/ nams chung ba/ shes rab zhan pa/ shes rab 'chal pa/ shes rab rtul ba/ shes rab chung ba/ shes rab yongs su nyams pa/ sngon gyi rgyal ba rnams la bya ba ma byas pa/ bla na med pa'i chos rin po che las yongs su nyams pa/ chos rin po che las ye phyi rol tu gyur pa/ chos rin po che yongs su spangs pa/ dge ba'i rtsa ba chung ba/ mu ge'i mgo byi gdul dka' bdamu rgod dag 'byung bar 'gyur ro/ / bran pho dang bran mo yongs su 'dzin pa dag 'byung bar 'gyur ro// dbyig dang / gser yongs su 'dzin pa dag 'byung bar 'gyur ro// dung dang man shel dang byi ru yongs su 'dzin pa dag 'byung bar 'gyur ro/ / ba lang dang ma he yongs su 'dzin pa dag 'byung bar 'gyur ro// zhing gi dngos po yongs su 'dzin pa dag 'byung bar 'gyur ro// ngang pa dang bya gag dang phag la sogs pa'i gnas kyi rdzas du ma yongs su 'dzin pa dag 'byung bar 'gyur ro/ / las chen po rnam pa bcu drug byed du 'jug pa dag kyang 'byung bar 'gyur ro// rgyal po la sten pa dag kyang 'byung bar 'gyur ro/ / pho nya byed pa dag kyang 'byung bar 'gyur ro// dug sbyor du 'jug pa dag kyang 'byung bar 'gyur te/ dge sbyong gi las ma yin pa du ma byed pa dang byed du 'jug pa dag kyang 'byung bar 'gyur ro/ / de ltar mi gti mug can de dag yongs su 'phel ba'i dus dang dam pa'i chos yongs su nyams pa'i dus na/ 'od srungs chen po dang 'dra ba'i dge slong 'dzam bu'i gling du skye bar 'gyur te/ nga'i nyan thos kyi nang du byung nas rims kyis mu ge'i mgo byi/ gdul dka' ba dmu rgod rnams kyi nang du/ de bzhin gshegs pas gsungs pa'i mdo rnams kyi bsngags pa brjod cing so sor thar pa'i sdom pas bsdams te mjug tu rang gi srog dang bsngos nas bslab pa'i gzhi bcas pa'i bsngags pa brjod par 'gyur ro/ / de'i 'og tu shing drung gi bsngags brjod par 'gyur ro/ / de bzhin du phyag dar khrod dang / dgon pa na gnas pa dang / 'dul ba'i bsngags pa rjod cing ma dul ba rnams tshar gcod par 'gyur ro// lha'i bu dag khyed kyis nga'i nyan thos theg pa chen po la dad pa rnyed pa dang / dge slong 'dod cing byams pa la gnas pa kun tu srung ba gyis shig/ lha'i bu rnams kyis gsol pa/ bcom ldan 'das bdag cag gis kyang dge slong 'dod cing byam pa la gnas pa de la bsnyen kur dang g.yog bgyi ste/ kun tu bsrung bar yang bgyi'o// bcom ldan 'das bdag cag gis kyang sangs rgyas kyi mthus/ bdud sdig can tshar gcad par bgyi'o// chos ma lags pa'i phyogs mu ge'i mgo byi gdul dka' ba/ dmu rgod rnams yul nas bskrad par bgyi'o// bcom ldan 'das kyis bka' stsal pa/ lha'i bu dag legs so legs so// khyod kyis rkyen du bab par dam bcas shing smon lam btab ste/ dge slong 'dod pa'i skyes bu dam pa de la ni lha rnams kyang srung ngo // lha rnams kyang de'i bsngags pa rjod do// de bzhin gshegs pa yang nga'i nyan thos dka' ba byed pa yin no snyam du dgongs nas bsngags pa rjod par mdzad do/ / bcom ldan 'das kyis yang lha'i bu rnams la 'di skad ces bka' stsal to// lha'i bu dag sems can gyi don 'dod pa'i rigs kyi bus ni dam pa'i chos kun tu bsrung bar bya'o/ / de nas lha'i bu mang po dag gis bcom ldan 'das la rin po che'i gdugs kyis mngon par bsgrubs nas/ 'di skad ces gsol to// bcom ldan 'das yun ji srid cig na de bzhin gshegs pa'i sra 'od srung chen po dang 'dra ba'i dge slong 'byung bar 'gyur/ gang du ni skye bar 'gyur/ dode'i ming ni ji skad ces bgyi bzung bar 'tshal/ bcom ldan 'das kyis bka' stsal pa/ lha'i bu dgang 'das pa'i 'og tu lo brgya phrag mang po 'das pa na/ lho phyogs kyi rgyud du/ mkhar gyi rgyal po bde spyod ces bya ba 'byung bar 'gyur te/ de'i tshe lo brgyad cu na dam pa'i chos nub par 'gyur ba'i lhag ma tsam lus pa'i dus la bab pa de'i tshe/ nga'i nyan thos 'byung bar 'gyur te/ dam pa'i chos kyang 'byin par 'gyur/ chos kyi 'khor lo yang bskor bar 'gyur/ theg pa chen po yang gzhan dag la rgyas par 'chad par 'gyur ro// mdo sde 'di lta bu dag bshad pa thos nas/ sngon gyi yang dag par rdzogs pa'i sangs rgyas rnams las gang dag thos pa de dag kyang phyi ma'i dus kyi tshe/ 'dzin par 'gyur/ kun chub par byed pa 'gyur/ 'chang bar 'gyur/ klog par 'gyur/ yid ches par 'gyur ro// sems can gang dag de bzhin gshegs pa'i mtshan 'di dag thos na yid mi ches pa dang / ma dad pa dang / kha tonyon mi byed pa dang / mi klog pa dang / mi 'dri ba de dag ni/ bdud kyis byin gyis brlabs pa yin no// sems can gang dag de bzhin gshegs pa'i mtshan 'di dag thos na yid ches par byed cing dad par 'gyur ba dang / kha ton byed pa dang / klog pa dang 'dri ba de dag ni sangs rgyas mang pos yongs su bzung ba yin no// de nas de'i tshe/ lha'i bu mthong na dga' ba dri za'i rgyal pos bcom ldan 'das la bskor ba byas te/ lan sa yar zhabs la mgo bos phyag 'tshal nasa?/ bcom ldan 'das la 'di skad ces gsol to// bcom ldan 'das 'od srungs chen po 'dra ba/ de bzhin gshegs pa dang ming 'thun pa/ byams pa chen po la gnas pa/ tshul khrims chen po la drag tu brtson pa/ shin tu mchog tu mdzes pa rigs chen por skyes pa/ tshul khrims dang ldan pa chen po/ dge slong gis yongs su bskor ba/ dus dang bcas grong dang bcas pa dang / rnam pa ci 'dra ba yang bcom ldan 'das kyis rgyas par bshad du gsol/ bcom ldan 'das dge slong de bdag gi ji sri 'tsho'i bar du bsrung bar bgyi'o/ / bcom ldan 'das kyis bka' stsal pa/ mthong na dga' ba dri za'i rgyal po dge slong de lung bstan pa nyon cig/ de ni nga la dben pa dang // nga'i bstan pa 'byung bar byed cing khur chen po khyer ba dang / nga'i shAkya gzhon nu yin te/ mthong na dga' ba dri za'i rgyal po nga 'das pa'i 'og tu lho phyogs kyi rgyud du drang srong byi bo zhes bya ba'i yul 'khor du bsod nams ldan gyi grong khyer bye ma chen po zhes bya ba 'byung ste/ grong de ni 'bab chu mdzes sbyor zhes bya ba de'i byang phyogs kyi 'gram du 'byung bar 'gyur ro// der rje'u rags chen po rnam par dag pa 'bra go can zhes bya ba'i sa phyogs 'byung bar 'gyur te/ shAkya'i rigs gzhon nu/ li tsa byi'i bu gzhon nu 'jig rten thams cad kyis mthong na dga' ba de nga'i chos 'byung bar bya ba'i phyir// li tsa byi'i bu gzhon nu 'jig rten thams cad kyis mthong na dga' ba byang chub sems dpa' mi mchog de/ der rigs chen por skye bar 'gyur te/ de'i pha ma dang / gnyen sde rnams kyis nga'i ming // de'i ming du 'dogs par 'gyur ro// 'bra go can gyi rje'u rigs chen po'i rigs kyang / de bzhin gshegs pa'i rigs yin par blta'o// de'i tshe drang srong byi bo'i yul 'khor yang 'byor cing rgyas la skye bo mang pos gang bar 'gyur ro/ / de bzhin gshegs pa dang ming 'thun pa'i khye'u de yang skye bo thams cad kyi snying du sdug par 'gyur zhing skye bo mang po thams cad kyis bkur bar 'gyur ro/ / gang gi tshe khye'u de rab tu byung ba na/ tshangs pa mtshungs par spyod pa'i 'khor dang / dge slong gi tshogs rnams khrid de rang gi srog dang bsngos nas dam pa'i chos ston cing / de bzhin gshegs pa'i spyod pa 'byung bar 'gyur/ mchog tu dka' ba spyod par 'gyur ro// dge slong dam pa'i chos 'dod pa de'i 'khor gang yin pa rnams kyang rang gi srog gi bsam pa yongs su btang nas/ dam pa'i chos srung bar 'gyur te/ dge slong gi tshogs de dag kyang mchog tu dka' ba byed pa dang / nga la dben pa dang / tshul khrims yongs su dag par 'gyur zhing / so sor thar pa'i sdom pas bsdams la/ spyod pa dang spyod yul phun sum tshogs pa dang / kha na ma tho ba phra rab tsam la yang 'jigs par lta bar 'gyur ro// dge slong ngam/ dge slong ma 'am/ dge bsnyen nam/ dge bsnyen ma gang dag nga'i nyan thos mchog tu dka' ba byed pa'i tshig la yid ches pa de dag thams cad kyang sprin chen snying po dang 'dra bar blta'o// mthong na dga' ba dris rgyal po gzhan yang skye bo dge bsnyen gang dag gis nga'i nyan thos kyi tshig thos nas/ dam pa'i chos kyi phyogs 'dzugs par byed pa'i sems can de dag kyang nga la byas pa gzo ba dang / nga la dben pa yin te/ dam pa'i chos kyi phyir rang gi srog gi bsam pa yang btang / nor dang bcas pa dang / bu dang bcas pa dang / chung ma dang bcas pa dang / bu mo dang bcas pa'i sde phyogs nas kyi srog gi bsam pa yang btang nas/ dmag gi dpung chen po'i g.yul du 'jug cing dmag gi dpung chen po'i g.yul zad par byed do// bdud kyi phyogs kyi stobs 'joms par byed do// bdud kyi stobs rnam par 'jig par byed do// ji lta bu'i thabs kyis kyang dam pa'i chos 'dzugs par byed do// nga'i dam pa'i chos kyi mthu yang skyed par 'gyur ro// sems can chen po de dag gis ni rnyed pa legs par rnyed par 'gyur te/ de dag ni byang chub sems dpa'i mi mchog yin par blta bar bya'o// dge slong ngam/ dge slong ma de dag ni sbyin gnas yongs su dag par 'gyur ro/ / dge 'dun yongs su dag par yang 'gyur ro// dge bsnyen gyi sde tshan dang / dge bsnyen ma'i sde tshan de dag ni sangs rgyas 'byung ba dang phrad par 'gyur/ dam pa'i chos la yang nan tan tu sgrub par 'gyur mod kyi 'on kyang mthong na dga' ba dri za'i rgyal po nga'i nyan thos kyi tshig la yid ches pa'i sems can de dag ni nyung ste/ shin tu phal cher ni mos par mi 'gyur ro// mthong na dga' ba dri za'i rgyal po rnam pa bzhi dang ldan na nga'i nyan de bzhin gshegs pa dang ming 'thun pa'i dge slong gi tshig la yid ches par 'gyur te/ bzhi gang zhe na/ sngon gyi mthar yang dag par rdzogs pa'i sangs rgyas snga ma rnams las zab mo brtan pa'i chu'i rgya mtsho'i dus tshod kyi ting nge 'dzin 'di thos pa dang / dge ba'i bshes gnyen gyis yongs su bzung ba dadrang lhag pa'i bsam pa la zhugs shing dge ba'i rtsa ba nye bar brtan pa dang / rgya chen po la mos pa lus kyis mngon sum du byas pa ste/ mthong na dga' ba dri za'i rgyal po rnam pa bzhi po de dag gis ni rdza nga'i nyan thos kyi tshig la yid ches par 'gyur ro/ / gang dag yid mi ches pa de dag thams cad ni bdud kyis byin gyis brlabs pa'i ma gti mug can yin par rig par bya'o// sems can gang dag mos par 'gyur ba de dag ni sangs rgyas kyis yongs su bzung ba yin par rig par bya'o/ / kye ma ma 'ongs pa'i sems can rnams ni/ sangs rgyas 'byung ba thams cad dang phrad par 'gyur/ de ci'i phyir zhe na/ de bzhin gshegs pa dang ming 'thun pa'i dge slong sangs rgyas mang pos yongs su bzung ba ni 'khor shin tu rnam par dag pa dang dge slong gi tshogs dang dge slong ma'i tshogs dang ldan pa'i phyir/ gang dag nga'i tshig la mngon par yid ches pa de dag ni/ rdo rje'i rang bzhin yin par rig par bya'o// mthong na dga' ba dri za'i rgyal po gzhan yang de bzhin gshegs pa dang ming 'thun pa dge slong gi che ba nyid la ltos/ gang gi phyir dge slong de ni de bzhin gshegs pa/ klu rigs sgron ma'i thad du dam bcas shing smon lam btab la/ bcom ldan 'das shAkya thub pa'i bstan pa la yang dam pa'i chos bsrung ba'i phyir/ bdag gi srog yongs su btang ngo zhes byas nas/ dam pa'i chos kyi sgra lan gsum du mngon par bsgrags pas na/ 'das pa'i dus na yang nga'i nyan thos dka' ba byed byed pa yin la/ da ltar yang dka' ba byed pa yin no// rgyal po brtson 'grus chen po'i klu de ni da ltar li tsA byi gzhon nu 'jig rten thams cad kyis mthong na dga' ba 'di yin no// li tsa byi'i bu 'di ni de bzhin gshegs pa dang ming 'thun pa'i dge slong du 'gyur bar rig par bya'o// mthong na dga' ba dri za'i rgyal po gzhan yang de bzhin gshegs pa dang ming 'thun pa'i dge slong gi che ba nyid rnam par dag pa la ltos/ dge slong de la sems can gang dag gis bsnyen bkur byas pa de dag gis ni/ 'das pa dang ma byon pa dang / da ltar byung ba'i de bzhin gshegs pa thams cad la bskal pa grangs med par bsnyen bkur byas pa yin no/ / sems can gang dag gis dge slong 'dod pa de la bkur sti bya ba dang / bla ma la rim gro bya bas rtag tu mchod pa byed pa dag gis ni/ de bzhin gshegs pa thams cad la mchod pa byas pa yin no// dge slong ngam/ dge slong ma 'am/ dge bsnyen nam/ dge bsnyen ma gang dag gis/ rang gi srog gi bsam pa yongs su btang ste/ dge slong 'dod pa de'i thad du ngan ngon gyis chog par 'dzin cing gnas par byed pa de dag gis ni de bzhin gshegs pa thams cad la bla ma la shin tu rim gror bya ba phul ba yin no// dge slong dam 'dage slong ma'am/ dge bsnyen nam/ dge bsnyen ma gang dag dge slong 'dod pa des bgo ba bzhin byed pa de dag gis ni de bzhin gshegs pa thams cad kyi bka' bzhin du byas pa yin no/ / dge slong ngam/ dge slong ma 'am/ dge bsnyen nam/ dge bsnyen ma gang dag gis sdang ba med pa'i sems kyis/ dge slong de las dam pa'i chos bshad pa dang / mnyan pa dang / 'brel ba'i gtam gyi khur blangs nas ston par byed pa de ni/ thabs kyi sras bslab pa la gus pa sgra gcan zin dang 'dra bar blta bar bya'o// dge slong gis lung bstan pa 'di thos na/ sems can bsod nams chung ba dge slong dang / dge slong ma dang / dge bsnyen dang / dge bsnyen ma rnams 'di snyam du sems skyed par 'gyur te kye ma dge slong ltar bcos pa de bzhin gshegs pa dang ming 'thun pa'i dge slong 'dis ni sprin chen po'i mdo sangs rgyas kyis ma gsungs par bdag nyid kyis byas naso/ / bdag ni lung bstan pa yang bcug ste/ sangs rgyas kyis ma gsungs par rang bzo'i bslab pa'i gzhi tha dad pa bdag nyid kyis bstan pa 'chad par byed do// tshe dang ldan pa dag de dge slong 'di phyin ci log tu gyur te/ tshe dang ldan pa dag 'o bu cag ni bran pho dang / bran mo dang / ba lang dang / ma he la sogs pa yongs su 'dzin pa yin no zhe'o// des ni khyod dang bdag cag spangs pa yin no// dge slong phyin ci log tu gyur pa 'di'i tshig gis ni/ 'o bu cag gis srog dang bsngosate 'di phyogs blangs nas/ khyed dang bdag cag gis mchog tu dka' ba byed par 'gyur skad lo 'di la ci byas pa dang ci byin pa'i rnams ni tshe 'di dang tshe phyi ma la bdag cag gis nyams su myong bar 'gyur ba tsam tshod na ji ltar bya zhes bsting zhing lkog dag tu song nas phan tshun dbyen byed par 'gyur te/ sems can de dag ni mun pa'i dbang du gyur cing bsod nams chung ba yin par rig par bya'o/ / mthong na dka' ba dri za'i rgyal po sprin chen po'i mdo rtogs par dka' ba la ltos/ sems can gang dag dge ba'i rtsa ba byas pa dang / byang chub sems dpa'i thabs la brtan pa'i dge slong ngam/ dge slong ma 'am/ dge bsnyen nam/ dge bsnyen ma dag nga'i nyan thos kyi lung bstan pa thos na/ 'di ltar sems bskyed de/ kye ma dge slong mkhas pa 'di gal te/ byang chub sems dpa' ma yin du zin na skye bo phal pas rgya mtsho chen po 'di lta bu dkrug par ga la nus/ tshe dang ldan pa dag khyed dang bdag cag de'i gtam zlar gyur na ni/ bdag cag gis skyes pa dang 'tsho ba dang / rab tu byung ba'i 'bras bu rnyed pa legs par rnyed do// de ni sa'i steng du grags pa'i de bzhin gshegs pa'i zhabs kyi drung nas lung bstan pa thob cing / lha'i mig gis logs par mthong ba'i chos thob pa yin no zhes grags pas bdag cag gis srog gi bsam pa yongs su btang la/ 'di dag cag la ston pa'i slob dpon du bya ste/ chos bstan pa gzung ba'i rigs so// bdag cag bzhi yang rung gsum yang rung ste/ slongab dpon gyi grogs bya'o// tshe dang ldan pa dag dam pa'i chos dbyung ba'i phyir ni srog yongs su btang yang bla'o zhes zer ro/ / mthong na dga' ba dri za'i rgyal po de'i tshe dam pa'i chos la dga' ba'i rigs kyi bu de dag la kun tu bsrung bar gyis shig/ rigs kyi bu gang dag chos 'dod pa dang / dge slong dang / dge slong ma 'am/ dge bsnyen nam/ dge bsnyen ma mang po yang rung / gnyis kyang rung gcig kyang rung ste/ nga'i nyan thos lung bstan pa thos nas/ nga'i nyan thos chos ston pa'i phyogs bya ba'i phyir 'khod pa'i sems can de dag ni/ de bzhin gshegs pa tham cad kyi spyod pa thams cad kyi phyogs dang / dam pa'i chos 'dzugs pa yin no/ / sems can de dag ni lha ma yin gyi dbang po'i yul ma yin pa'i lus dang bsam gyis mi khyab pa'i lus dang ldan zhing gzugs thams cad yang dag par mthong ba yin no// mthong na dga' ba dri za'i rgyal po gzhan yang nga'i nyan thos de bzhin gshegs pa dang ming 'thun pa'i dge slong chos kyi sgra chen po lan gsum mngon par bsgrags nas/ 'chi ba'i dus byed par 'gyur ba'i tshe ba nyid la ltos/ mthong na dga' ba dri za'i rgyal po de'i tshe nga'i dam pa'i chos kyi phyogs nub par 'gyur ro// de ni tha mar 'byung bar 'gyur la/ de dang 'dra ba'i sems can gzhan med de/ mi srid do// gsol pa/ bcom ldan 'das dge slong de 'di nas shi 'phos nas gnas gang du skye bar 'gyur/ bcom ldan 'das kyis bka' stsal pa/ mthong na dga' ba dri za'i rgyal po nga'i nyan thos de ni 'di nas shi 'phos nas/ sangs rgyas su 'gyur ro// gsol pa/ bcom ldan 'das sems can thams cad la sman pa'i slad du bshad du gsol/ bka' stsal pa/ rigs kyi bu legs so legs so// rigs kyi bu khyod legs kyis/ rigs kyi bu nga'i nyan thos kyi che ba nyan nyon cig/ rigs kyi bu bskal pa bzang po 'di 'das te/ sangs rgyas stong yongs su mya ngan las 'das pa'i 'og tu/ bskal pa drug cu rtsa gnyis su sangs rgyas 'byung bar mi 'gyur te/ rang sangs rgyas bye ba phrag 'bum 'byung bar 'gyur ro/ / rigs kyi bu bskal pa drug cu rtsa gnyis po de dag 'das nas/ sangs rgyas gzhan bdun 'byung bar 'gyur ro// de nas bdun pa yongs su mya ngan las 'das pa de'i tshe de'i dus na/ 'jig rten gyi khams 'di 'jig rten gyi khams mngon par dang ba zhes bya bar 'gyur te/ 'jig rten gyi khams mngon par dang bar/ 'di bcom ldan 'ad de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar 'gyur ro/ / de bzhin gshegs pa de'i sangs rgyas kyi zhing na/ sems can 'khod pa de dag thams cad mdzes par 'gyur zhing dad pa thob par 'gyur ro/ / gang dag dam pa'i chos kyi phyogs byed pa dang / dam pa'i chos 'byung bar byed pa dedag thams cad kyang de'i tshe/ 'jig rten gyi khams mngon par dang ba der skye bar 'gyur ro// der skyes nas kyang bcom ldan 'das de bzhin gshegs pa ye shes 'byung gnas 'od de'i nyan thos kyi mchog tu 'gyur te/ de dag thams cad kyang byang chub sems dpa' mi mchog tu 'gyur ro// de na sems can su la yang 'dod chags kyi sems kun nas ldang ba 'byung bar mi 'gyur ro// zhe sdang gi sems kun nas ldang ba 'byung bar mi 'gyur ro/ / gti mug gi sems kun nas ldang ba 'byung bar 'gyur ro// sems can de dag thams cad kyang chos la dad pa thob cing chos spyod par 'gyur ro// de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od kyi tshe'i tshad ni bar gyi bskal pa bco lngar 'gyur ro/ / sems can rnams kyang theg pa gsum gyis nges par 'byung bar 'gyur ro/ / de na byang chub sems dpa' rnams kyang tshad med de/ rigs kyi bu de'i tshe de'i dus na/ bdud dang bdud kyi ris kyi lha 'byung ba gang yin pa de dag thams cad kyang theg pa chen po la zhugs par 'gyur te/ sems can la snying rje bar gnas so// sangs rgyas kyi zhing de na ngan song gsum yang med do// mi khom pa brgyad kyang med de/ rtag tu brgyan par 'gyur la/ byang gi sgra mi snyan gyi gling dang 'dra'o/ / sangs rgyas kyi zhing der bdud dang phyir rgol ba yang bcom par 'gyur ro// lta ba thams cad kyang med do// bcom ldan 'das yongs su mya ngan las 'das nas kyang bde bar gshegs pas gsungs pa'i dam pa'i chos lo bye ba phrag stong du gnas par 'gyur ro/ / de nas de'i tshe/ 'khor chen po'i nang nas/ lha ma yin dang / na mkha' lding/ dang mi 'am ci dang / lto 'phye chen po du mas de bzhin gshegs pa la me tog sil mas gtor ro// sil snyan dag kyang dkrol lo// tsan dan gyi phye ma dang / byug pa dag gis kyang gtor ro// nyan thos chen po de dag gis rang rang gi kyang bla gos de bzhin gshegs pa'i sku la gsol to// byang chub sems dpa' de dag gis kyang me tog gi rim pa ri rab tsam dang / me tog 'phreng dang / phye ma dang / spos dang byug pa dag gis bcom ldan 'das la bsam gyis mi khyab pa'i mchod pa'i las byas nas/ de bzhin gshegs pa ye shes 'byung gnas 'od de'i byang chub sems dpa'i spyod pa la sems bskyed do/ / de nas bcom ldan 'das la byang chub sems dpa' sprin chen snying pos 'di skad ces gsol to// phyi ma bcom ldan 'das zab mo brtan pa'i chu'i rgya mtsho'i dus chod kyi ting nge 'dzin gyi yul 'di ma 'ongs pa'i sems can bsod nams chung ngu rnams la/ sangs rgyas mang po 'byung bar bgyid cing / dge ba'i rtsa ba tshul bzhin du bgyis pa'i sems can rnams lung bstan pas lung ston par bgyid pa ni ngo mtshar ro/ / bcom ldan 'das kyis bka' stsal pa/ sprin chen snying po ma 'ongs pa'i sems can bsod nams chung zhes de skad ma zer cig/ de ci'i phyir zhe na/ sprin chen snying po sangs rgyas 'byung ba ni dkon no// sprin chen po'i mdo 'di ni de bas kyang ches dkon no// sprin chen po'i mdo 'di las/ ting nge 'dzin nam gzungs sam tshigs su bcad pa gang yang rung ba'am/ tshig gi byed thos nas yid ches par byed pa gang yin pa'i sems can de dag kyang ches dkon pa yin no// zhes nga smra ste/ de bas na ma 'ongs pa'i sems can rnams ni bsod nams chung ba ma yin no zhes nga smra'o// sprin chen snying po gzhan yang ma 'ongs pa'i sems can gang dag sprin chen po'i mdo 'di las tshigs su bcad pa 'am/ tshig gi phyed thos na yid ches par byed pa'i sems can de dag lnga gud na ches dkon pa med do// zhes nga smra'o// gsol pa/ bcom ldan 'das de bzhin gshegs pas ci la dgongs te de skad bka' stsal/ de bzhin gshegs pas gsungs pa'i mdo las tshig gam tshig gi phyed la yang yid ches par byed pa gang yin pa de dag las gud na ches dkon pa med do zhes nga smra bde la the tsom med do/ / de ci'i phyir zhe na/ sprin chen po'i mdo 'di'i ting nge 'dzin nam gzungs sam/ chos kyi sgo gang yang rung ba la/ nga la byas pa gzo ba rnams la yang dag pa'i don lung bstan pas lung bstan te/ de bzhin gshegs pas lung bstan pa thob pa'i sems can rnams ni kye ma dge ba'i rtsa ba byas pa yin no snyam du 'dzin cing yid ches par byed pa'i ma 'ongs pa'i sems can de dag ni shin tu ches dkon pa yin par nga smra ste/ sprin chen snying po de la dgongs nas ma 'ongs pa'i sems can rnams bsod nams chung ba ma yin no zhes pa smra'o// gsol pa// bcom ldan 'das zab mo brtan pa'i chu'i rgya mtsho'i dus tshod kyi ting nge 'dzin 'di la gnas pa'i byang chub sems dpa'i bsod nams mi zad pa/ nyan thos dang rang sangs rgyas thams cad kyi gting dpag par mi nus pa ni kye ma ngo mtshar ro/ / bka' stsal pa/ sprin chen de de bzhin te/ ting nge 'dzin 'di la gnas pa'i byang chub sems dpa'i bsod nams mi zad pa shes pa 'am/ tshad gzung bar mi nus so/ / de ci'i phyir zhe na/ sprin chen snying po dper na/ rgya mtsho chen po'i chu'i nang du chubab pa zad par mi 'gyur ba'i gting dpag par nus sam/ gsol pa/ bcom ldan 'ad de ni de lta ma lags te/ nus par mi 'gyur ro// sprin chen snying po sprin chen po'i mdo'i chu 'bab pa de'i gting yang dpag par mi nus la/ ting nge 'dzin 'di la gnas pa'i byang chub sems dpa'i bsod nams mi zad pa'i gting yang dpag par mi nus so/ / sprin chen snying po gzhan yang ting nge 'dzin 'di la gnas pa'i byang chub sems dpa' sems dpa' chen po ni rkang pa'i mthe bo'i ba spu'i gcig gi 'jig rten gyi khams gang+gA'i klung gi bye ma snyed dkrigs te 'jig rten gyi khams dkrigs phrag mtha' yas pa bzlas nas 'phen par byed de/ de lta bu'i bya ba kun tu ston kyang sems can su la yang gnod par mi 'gyur la sems can de dag gis kyang mi shes mi mthong ngo / / sems can gzhan dag gis ni bya ba de lta bu bstan par shes shing mthong ngo // sprin chen snying bopo gzhan yang ting nge 'dzin 'di la gnas pa'i byang chub sems dpa' sems dpa' chen po ni/ 'jig rten gyi khams gang+gA'i klung gi bye ma snyed dag khab kyi rtse mos rgya shug gi lo ma steng gi phyogs su 'dor ba bzhin du steng gi phyogs kyi 'jig rten gyi khams dkrigs phrag mtha' yas pa bzlas nas gyen du 'dor bar byed de/ 'on kyang sems can su la yang gnod par mi 'gyur te/ sems can de dag gis kyang bdag cag gar khyer ba dang / bdag cag gar song ba yang mi shes mi mthong ngo // phyir yang khyer te 'ongs nas snga ma'i gnas su bzhag kyang / 'gro ba dang 'ong bar yang mi mngon la/ sems can gzhan dag gis ni 'di ni byang chub sems dpa'i rnam par 'phrul ba yin no zhes shes shing mthong ngo // sprin chen snying po gzhan yang ting nge 'dzin 'di la gnas pa'i byang chub sems dpa' sems dpa' chen po ni khab kyi rtse mos rgya shug gi lo ma la bya ba bzhin du phyogs bcur 'jig rten gyi khams de ltar gyen du bor nas/ 'jig rten gyi khams lhag ma gcig / gi nang du 'jig rten gyi sa kya cad chud par byed kyang sems can su la yang gnod par mi 'gyur la/ sems can de dag gis kyang bdag cag gar khyer ba dang / bdag cag gar/ song ba yang mi shes mi mthong ngo // phyir yang khyer te 'ongs nas snga ma'i gnas su bzhag kyang / 'gro ba dang 'ong bar yang mi mngon la/ sems can gzhan dag gis ni bya ba de lta bu bstan par shes shing mthong ngo / / sprin chen snying po gzhan yang ting nge 'dzin 'di la gnas pa'i byang chub sems dpa' sems dpa' chen po ni phyogs bcu'i 'jig rten gyi khams thams cad 'jig rten gyi khams gcig gi nang du brtul nas sran chung gi 'bru gcig gi nang du chud par byed de/ 'od kyang sems can su la yang gnod par mi 'gyur la/ sems can de dag gis kyang bdag cag gang du khyer ba dang / gang du song ba dang / gang du bcug pa mi shes mi mthong ngo // sems can gzhan dag gis ni shes shing mthong ste/ ting nge 'dzin 'di la gnas pa'i byang chub sems dpa' sems dpa' chen po ni 'dul ba'i dbang gis bya ba de lta bu dag ston par byed do/ / byang chub sems dpa' sprin chen snying pos gsol pa/ ting nge 'dzin 'di la gnas pa'i byang chub sems dpa' sems dpa' chen po'i bkod pa'i gtso bo ni bcom ldan 'das kyis bka' stsal na/ ting nge 'dzin 'di'i bsod nams bgyi ba'i dngos po'i che ba nyid kyi bsod nams kyi phung po ji tsam mchis pa yang sems can rnams la bshad du gsol/ bcom ldan 'das kyis bka' stsal pa/ sprin chen snying po legs so legs so// sprin chen snying po khyod legs kyis ting nge 'dzin 'di'i rgyun las byung ba'i bsod nams bya ba'i dngos po de dpe tsam du bstan par bya ste/ rigs kyi bu dper na/ chu klung chen po dang / 'bab chu dang mtshe'u dang mtsho bran dang / chu bran thams cad ni rgya mtsho chen po'i khongs su gtogs shing de'i nang du 'dus so// sprin chen snying po de bzhin du/ mdo 'di las gzhan pa'i mdo dag gi bya ba gang ci yang rung ba rnams na ting nge 'dzin 'di'i khongs su gtogs shing 'di'i nang du 'dus par blta bar bya'o/ / sprin chen snying po gzhan yang mdo 'di la ma gtogs pa'i mdo dang ting nge 'dzin dang / bsod nams bya ba'i dngos pa thams cad dang / nyan thos dang rang sangs rgyas thams cad kyi bsod nams bya ba'i dngos po de dag thams cad gcig tu bsdus pa ni/ de bzhin gshegs pa'i rtag pa nyid kyi ting nge 'dzin 'di thang cig tsam thos pa'i byang chub kyi sems kyi khongs su gtogs shing de'i nang du 'dus par blta bar bya'o/ / sprin chen snying po de bas na/ thams cad rtag pa dang ther zug pa dang / zhi ba dang / bstan ba'i bsod nams 'dod pa'i sems gzung bar 'dod pa dang / bla na med pa yang dag par rdzogs pa'i byang chub mngon par gzung bar 'dod pa'i rigs kyi bu 'am/ rigs kyi bu mos ni zab mo brtan pa'i chu'i rgya mtsho'i dus tshod kyi ting nge 'dzin gyi yul 'di la sems bskyed par bya'o/ / de bzhin gshegs pa rtag pa dang / ther zug pa dang / brtan pa dang / zhi ba'i dus tshod yon tan yang dag par bshad pa thos na/ skrag par mi bya'o// de bzhin gshegs pa rtag pa dang / ther zug pa dang / brtan pa dang / zhi ba dang / bsil ba'i yon tan yang dag par gzung bar bya'o// gzhan dag la yang rgyas pas bstan par bya ste/ ci nas bstan pa nus par mi 'gyur bar brtson par bya'o// 'di lta ste dper na/ 'gro ba srog chags 'byung po gang ci yang rung ba rnams kyi rjes byung ba de dag thams cad ni/ glang po che'i rjes kyi nang du 'du bar 'gyur ro// de bzhin du mdo 'di las gzhan pa'i ting nge 'dzin thams cad dang bsod nams bya ba'i dngos po thams cad kyang / ting nge 'dzin 'di'i nang du 'du bar 'gyur bar rig par bya'o/ / sprin chen snying po gzhan yang 'di lta ste dper na/ lhun po la sogs pa ri'i rgyal po rnams dang / gzhan yang ri nag po rnams dang / rtsa dang shing gel ba dang sman dang shing ji snyed yod pa dang / 'dzam bu gling dang / gling chen po bzhi dang bcas pa'i 'jig rten gyi khams nyi ma dang zla bar bcas pa de dag thams cad ni/ stong gsum gyi stong chen po'i 'jig rten gyi khams 'di'i nang du 'dus par blta bar bya'o/ / sprin chen snying po de bzhin du so so'i skye bo bsod nams kyi rgyun nam/ nyan thos kyi bsod nams kyi rgyun nam/ rang sangs rgyas kyi bsod nams kyi rgyun nam/ byang chub sems dpa'i bsod nams kyi rgyun nam/ de bzhin gshegs pa'i bsod nams kyi rgyun nam/ mdo dang ting nge 'dzin thams cad kyi bsod nams kyi rgyun ji snyed yod pa rnams ni/ ting nge 'dzin 'di la gnas pa'i byang chub sems dpas de bzhin gshegs pa ni rtag pa yin no zhes sems gcig bskyed pa'i nang du chud cing 'dus so/ / 'di lta ste/ dper na ston gyi dus na sprin med pa'i nam mkha' las nyi ma shar na/ nam mkha' la dri mar gyur cing sgrub pa'i rang bzhin ji snyed yod pa/ de dag thams cad zil gyis mnan nas/ lham me/ lhan ne/ lhang nger 'dug go// sprin chen snying po de bzhin du zab mo brtan pa'i chu'i rgya mtsho'i dus tshod kyi ting nge 'dzin 'di las de bzhin gshegs pa rtag pa dang / ther zug pa dang / brtan pa dang / zhi ba dang / bstan pa nus par mi 'gyur ba'i 'od zer mtha' yas pa dang ldan pa'i nyi ma rtag pa shar ba na/ ldem po ngag gi na mkha' la ji snyed yod pa thams cad zil gyis mnan nas/ lham me/ lhan ne/ lhang nger gsal bar 'gyur ro// sprin chen snying po gzhan yang 'di na mi la la zhig/ rlung gi rgyal po bzhi'i mthu can stobs dang ldan pa/ lha'i lo brgya thub pa zhig byung la/ mi de yang nyin par lam du zhugs te/ 'jig rten gyi khams du mar song nas phyir rang gi gnas su ldog par byed cing nub mo yang lam du zhugs nas/ 'jig rten gyi khams du ma bskor te phyir rang gi gnasu log par byed pa de lta bur/ nyin mtshan du lam du zhugs pas ji tsam du phyin pa de snyed/ rin po che sna bdun gyis rang gi lus kyi 'phang tsam du gang bar byas nas sbyin pa byin te/ thabs de dag ji lta bur bar chad dang / skyon ma byung bar sbyin pa byin na/ sprin chen snying po ci gzhi de las de bsod na mang du bskyed dam/ gsol pa/ bcom ldan 'das tshad ma mchis so// bcom ldan 'das kyis bka' stsal pa/ sprin chen snying po de lta bu'i sbyin pa de las byung ba'i bsod nams kyi phung po gang yin pa de ni/ ting nge 'dzin 'di las de bzhin gshegs pa rtag pa'i che ba nyid kyi yon tan nub par mi 'gyur ba'i bstan pa 'khor bzhi las gang yang rung ba 'am/ spyod pa pa'am/ kun tu rgyu 'am/ gcer bu pa la sogs pa la 'chad cing ston par byed dam/ yang na 'phyang ba 'am/ bsting pa 'am gzhan gyi g.yam la bya ba 'am/ 'tsho ba'i thabs kyi rgyur bya ba'i phyir ram/ rnyed pa dang bkur bsti dang tshigs su bcad pa 'dod pa'i phyir de bzhin gshegs pa rtag go zhes tshig tu brjod pa tsam gyi bsod nams kyi phung po gang yin pa'i brgya'i char yang mi phod stong gi char yang mi phod pa nas rgyu'i bar du yang mi bzod do/ / sprin chen snying po 'di lta ste dper na/ sman gyi rgyal po rtsi'i sdong bu de'i rtsa ba khyer ram/ shun pags sam/ pri 'am/ lo ma 'am/ me tog gam/ 'bras bu 'am/ mgo togs sam/ sdong bu 'am/ yal ga'am/ bur ma 'am/ rtsa ba dag khyer yang rung ste/ de 'di snyam du bdag gi rtsa ba khyer ro/ / bdag gi shun pags khyer ro// bdag gi pri khyer ro// bdag gi lo ma khyer ro// bdag gi me tog khyer ro// bdag gi 'bras bu khyer ro// bdag gi mgo togs khyer ro// bdag gi sdong bu khyer ro/ / bdag gi yal ga khyer ro// bdag gi bur ma khyer ro// bdag gi rtsa ba dag khyer ro snyam du mi sems te/ rtsi'i sdong bu la rnam par rtog pa yong med do// rnam par rtog pa med du zin kyang sems can rab 'bring tha ma thams cad la 'o ma 'am/ zho 'am/ mar 'am/ 'bru mar ram/ sman ci yang rung ba dag dang sbyar ba 'am/ sman thams cad dang bsres pa'i lde gu'am/ btung ba 'am/ lus bsku bas nad sel bar byed do// de bzhin du ting nge 'dzini 'di nyan pa yang rtsa ba 'am/ rgyud dam/ tshigs su bcad pa 'am/ tshig gam/ tshig gi phyed dam/ ming ngam/ de bzhin gshegs pa rtag go zhes bya ba'i yi ge 'bru gnyis kyis nyan pa na/ de 'di snyam du bdag gis rtsa ba las ting nge 'dzin bzung ngo // rgyud las bzung ngo / / tshigs su bcad pa las bzung ngo // tshig las bzung ngo // tshig phyed las bzung ngo // ming las bzung ngo // de bzhin gshegs pa rtag go zhes bya ba'i yi ge 'bru gnyis las bzung ngo snyam du mi sems te/ rnam par rtog pa de dag med do// rnam par mi rtog pa med du zin kyang / dge slong dang / dge slong ma dang / dge bsnyen dang / dge bsnyen ma las gang yang rung ba'am/ spyod pa pa 'am/ kun tu rgyu 'am/ gcer bu pa la sogs pa 'am/ lus yongs su ma sbyangs pa 'am/ shes rab yongs su ma sbyangs pa 'am/ sems yod/ su ma sbyangs pa yang rung ste/ 'phya ba 'am/ sting pa'i phyir ram/ rang gi kha nas byung ngam/ gzhan gyi g.yam la byung ba 'am/ rnyed pa dang / bkur bsti dang / tshigs su bcad pa 'dod ba'i phyir yang rung ste/ mnyan tam/ bzung na/ de dag gi sdig pa grangs med pa byas pa dang / las de dag lus 'di nyid kyi tshe byang bar 'gyur la/ 'dod chags dang / zhe sdang dang / gti mug gi nyon mongs pa la sogs pa'i nad 'byang ba'i phyir zhugs pa yang ma yin no/ / sprin chen snying po dper na/ nyi ma shar ma thag tu kha ba dang / mun pa'i tshogs chen po rmeg med par 'gyur ro/ / de bzhin du ting 'dzin gyi nyi ma rtag pa 'di shar ma thag tu sems can thams cad kyi sdig pa dang / las kyi tshogs kyi kha ba dang / mun pa dang / sprin dang / sgrib pa rnam rmeg med par 'gyur ro/ / // bam po dgu pa// sprin chen snying po gzhan yang dper na/ rlung ni nam mkha' la langs nas/ sems can thams cad la rang dbang med par spu dang / lus kyi yan lag thams cad kyi rtsa ba'i nang du zhugs nas/ me'i phung po 'jil bar byed do// de bzhin du 'dir yang ting nge 'dzin gyi de bzhin gshegs pa'i yon tan rtag pa nyid kyi yon tan gyis bsgos pa'i rlung / nyon mongs pa'i nam mkha' la snang bar byed cing / sems can thams cad la rang dbang med par smra dang yan lag thams cad kyi rtsa ba'i nang du zhugs nas/ sdig pa grangs med pa byas pa rnams dang / las kyi me'i phung po rnams sel bar byed do// sprin chen snying po gzhan yang 'di la gnas ba'i byang chub sems dpa' ni/ rgyun tu zhugs pa'i 'bras bu'i phyir yang tshul khrims mi srung ngo // lan cig phyir 'ong ba'i 'bras bu'i phyir yang tshul khrims mi srung ngo // phyir mi 'ong ba'i 'bras bu'i phyir yang tshul khrims mi srung ngo / / dgra bcom pa'i 'bras bu'i phyir yang tshul khrims mi srung ngo // de bzhin gshegs pa'i mtshan mtha' yas pa'i phyir yang tshul khrims mi srung ngo // de bzhin gshegs pa'i dpe byad bzang po'i phyir yang tshul khrims mi srung ngo // de bzhin gshegs pa'i bsam gyis mi khyab pa'i gnas kyi phyir yang tshul khrims mi srung ngo // de bzhin gshegs pa'i dpag tu med pa nyid kyi phyir yang tshul khrims mi srung ngo / / de bzhin gshegs pa'i mtshungs pa med pa nyid kyi phyir yang tshul khrims mi srung ngo // de bzhin gshegs pa'i mtshan gyi phyir yang sems gnas par mi sgom mo/ / de bzhin gshegs pa'i dpe byad bzang po'i phyir yang sems gnas par mi sgom mo// de bzhin gshegs pa'i bsam gyis mi khyab pa'i gnas kyi phyir yang sems gnas par mi sgom mo/ / de bzhin gshegs pa'i dpag tu med pa'i phyir yang sems gnas par mi sgom mo// de bzhin gshegs pa'i mtshungs pa med pa'i phyir yang sems gan bar mi sgom mo/ / de bzhin gshegs pa'i grangs med pa'i phyir yang sems gnas par mi sgom mo// de bzhin gshegs pa'i yon tan dpag tu med pa dang ldan pa'i phyir yang sems gnas par mi sgom mo/ / de bzhin gshegs pa'i mtshan gyi phyir yang sems skyed par mi 'dod do// de bzhin gshegs pa'i dpe byad bzang po'i phyir yang sems skyed par mi 'dod/ do// de bzhin gshegs pa'i bsam gyis mi khyab pa'i gnas kyi phyir yang sems skyed par mi 'dod do// de bzhin gshegs pa'i dpag tu med pa'i phyir yang sems skyed par mi 'dod do/ / de bzhin gshegs pa'i mtshungs pa med pa'i phyir yang sems skyed par mi byed do// de bzhin gshegs pa'i grangs med pa'i phyir yang sems skyed par mi byed do// de bzhin gshegs pa'i yon tan dpag tu med pa dang ldan pa'i phyir yang skyed par mi byed do// de bzhin gshegs pa'i rnam par 'phrul pa dang / cho 'phrul gyi phyir yang tshul khrim mi srung ngo / / de bzhin gshegs pa'i ting nge 'dzin gyi phyir yang tshul khrims mi srung ngo // de bzhin gshegs pa'i mi 'jigs pa'i phyir yang tshul khrims mi srung ngo // de bzhin gshegs pa'i gsang ba'i phyir yang tshul khrims mi srung ngo // de bzhin gshegs pa'i mchod pa'i gnas bla na med pa'i phyir yang tshul khrims mi srung ngo // de bzhin gshegs ba'i snying po'i phyir yang tshul khrims mi srung gi/ sems can thams cad skye ba dang / na ba dang / rga ba dang / 'chi ba dang / mya ngan dang / smre sngags 'don pa dang / sdug bsngal ba dang yid mi bde ba dang / 'khrug pa las thar par 'dod pa'i phyir tshul khrims srung ngo // sems can thams cad kyis bde ba thob par 'dod pa'i phyir tshul khrims srung ngo // sems can thams cad grub pa dang / bde bar 'dod pa'i phyir tshul khrims srung ngo // sems can thams cad byang chub kyi yon tan la dgod par 'dod pa'i phyir tshul khrims srung ngo // sems can thams cad sangs rgyas su bsgrub par 'dod pa'i phyir tshul khrims srung ngo / / sems can thams cad chos kyi 'khor lo bskor du gzhug par 'dod pa'i phyir tshul khrims srung ngo // sems can thams cad 'phags pa'i dge 'dun yongs su sdud du gzhug par 'dod pa'i phyir tshul khrims srung ngo / / sems can thams cad sangs rgyas kyi gdung mi 'dor bar bya bar 'dod pa'i phyir tshul khrims srung sems can thams cad la chos kyi rgyun mi gcad par bya bar 'dod pa'i phyir tshul khrims srung ngo / / sems can thams cad la dge 'dun gyi rigs bsgrub pa'i phyir tshul khrims srung ngo // sems can thams cad la ting nge 'dzin dang / shes rab dang / rnam par grol ba bsgrub pa 'dod pa'i phyir tshul khrims srung ngo // sems can thams cad kyi tshul khrims ma nyams pa dpa' skyon med pa dang / ma 'dres pa dang / ma 'khrugs par 'dod pa'i phyir tshul khrims srung ngo // de nas bcom ldan 'das la byang chub sems dpa' sems dpa' chen po sprin tshon snying pos 'di skad ces gsol to/ / 'di la gnas pa'i byang chub sems dpa' ni de bzhin gshegs pa'i mtshan gyi slad du tshul khrims mi srung ngo // zhes bcom ldan 'das de bzhin gshegs pas ci las dgongs te de skad gsungs/ bcom ldan 'das kyis bka' stsal pa/ sprin chen snying po 'di la gnas pa'i byang chub sems dpa' la sangs rgyas kyi yon tan bsgrub pa de dag thams cad yod pa'i phyir ro/ / de ci'i phyir zhe na/ ting nge 'dzin 'di ni sangs rgyas kyi yon tan thams cad kyi 'byung gnas yin pa'i phyir ro// sprin chen snying po dper na/ nor bu rin po che bai DUr+ya du ma dang / nor thams cad kyi bdag por gyur pa de bdag nyid la yod bzhin du/ bai DUr+ya'i phyir 'dod pa'i sems dang the tsom skyed par 'gyur ram/ gsol pa rda bcom ldan 'das de ni ma lags so/ / bcom ldan 'das kyis bka' stsal pa/ 'di la gnas pa'i byang chub sems dpa' bdag nyid la yod bzhin du mtshan gyi phyir 'dod pa'i sems bskyed pa de ni gnas med do/ / sprin chen snying po ting nge 'dzin 'di la gnas pa'i byang chub sems dpa' ni bsam gyis mi khyab pa'i yul dang yon tan thams cad dang ldan par rig par bya'o/ / gsol pa/ bcom ldan 'das ci bgyi ba mthar phyin pa dang ldan pa lags par rig par bgyi'am/ bka' stsal pa/ sprin chen snying po de skad ma zer cig/ 'di la gnas pa'i byang chub sems dpa' ni gang gi tshe/ sems can thams cad bla na med pa yang dag par rdzogs pa'i byang chub mngon par rdzogs par sangs rgyas par byas pa na bya ba mthur phyin par 'gyur te/ de'i tshe 'di la gnas pa'i byang chub sems dpa'i bya ba thams cad mthar phyin par 'gyur ro// gsol pa/ bcom ldan 'das gang dag ting nge 'dzin 'di'i yul bshad pa thos na/ spong bar mi bgyid pa ni kye ma ngo mtshar te/ sems can de dag ni mya ngan du bgyi mi 'tshal ba lags so// bka' stsal pa/ sprin chen snying bo de de bzhin te/ ma 'ongs pa'i dus na ting nge 'dzin bstan pa 'di bshad pa na/ gang dag spong bar mi byed pa'i sems can de dag la ni mya ngan bya mi dgos so// 'di lta ste dper na/ rgyal ba bu rigs che zhing stobs dang ldan la 'khor snang nye ba dang / tshul du srung bar bya ba dang / yon tan dang ldan zhing rgyal po chen por dbang bskur ba'i spu la bab pa ni gnas dma' ba'i las la 'dod pa sems mi skyed de/ rgya chen po'i rgyal srid kyi gnas la sems so// de bzhin du ting nge 'dzin bstan pa 'di bshad pa thos na/ spong bar mi byed cing kha don tu byed pa dag ni chos kyi yon tan thams cad dang ldan zhing / byang chub chen po'i dbang bskur ba'i 'os yin te/ ting nge 'dzin 'di thos na/ ting nge 'dzin gyi mchog 'di las gzhan pa/ gnas dma' ba la 'dod pa'i sems mi skyed de/ de ni gnas med do// ting nge 'dzin rgya chen po'i gnas 'di yang rkyen du bab pa yin no// sprin chen snying po gzhan yang dper na/ gdol pa zol pa ni mchod pa chen pos dbang bskur ba'i 'os ma yin no/ / de bzhin du gdol pa zol ba dang 'dra ba'i sems can dag kyang / ting nge 'dzin gyi rgyal po 'di'i dbang bskur ba'i 'os su mi 'gyur ro// de ci'i phyir zhe na/ ting nge 'dzin 'di la gnas pa'i byang chub sems dpa' rnams ni/ sangs rgyas mang po la bsnyen bkur byas pa yin par rig par bya ba'i phyir ro// sprin chen snying po gzhan yang ting nge 'dzin 'di la gnas pa'i byang chub sems dpa'i yul la ltos/ ting nge 'dzin 'di la gnas pa'i byang chub sems dpa' sems dpa' chen po ni de bzhin gshegs pa'i yon tan rtag pa dang / ther zug pa dang / brtan pa dang / zhi ba bstan pa'i bya ba'i phyir/ ting nge 'dzin 'di mi shes pa'i sems can rnam la khong du chud par bya'o snyam nas/ sems can gang dang gang la ci dang cis don du 'gyur ba/ de dang de dag la de dang de sbyin par bya'o snyam du dam bcas nas/ smon lam gyi phyir tshul khrims srung ste/ lag pa 'dod pa rnams la ni lag pa sbyin no// rkang pa 'dod pa rnams la ni rkang pa sbyin no// mig 'dod pa rnams la ni mig sbyin no// sha 'dod pa rnams la ni sha sbran no// khrag 'dod pa rnams la ni khrag sbyin no// rkang 'dod pa rnams la ni rkang sbyin no/ / yan lag re ro nas 'dod pa rnams la yang yan lag re re nas sbyin no// bran po dang bran mo 'dod pa rnams la yang bran du 'gro bar bya na/ nor ram 'bru rnams yongs su gtang ba lta ci smos te/ de ltar gyur cig ces de'i phyir tshul khrims srung ngo // gzhan yang 'jig rten dang 'thun pa'i bya ba du ma dag gis sems can gang dang gang la ci dang cis don du 'gyur ba/ de dang de la de dang de sbyin par bya'o/ / mi dga' ba med par yongs su btang bar bya'o// phyis 'gyod pa med par sbyin par bya'o// rnam par smin pa la re ba med par sbyin par bya'o// sems can la phan gdags pa dang / sems can la snying brtse ba dang / de bzhin gshegs pa'i rtag pa nyid bstan pa'i phyir/ sbyin pa'i pha rol tu phyin pa la spyad de/ sems can thams cad bsdus nas/ de bzhin gshegs pa'i rtag pa nyid khong du chud par bya'o snyam mo// sprin chen snying po gzhan yang ting nge 'dzin 'di la gnas pa'i byang chub sems dpa' ni/ sems can thams cad la de bzhin gshegs pa'i rtag pa nyid/ yang dag par khong du chud par byed do// de ci'i phyir zhe na/ de 'di snyam du gzhan gyi don gyi phyir lag pa'am/ rkang pa 'am/ bran po'am/ bran mo yang / rung ste/ sems can gang dang gang la/ ci dang cis don du 'gyur ba de dang / de sbyin par bya ste/ bdag gi lus don med par ma gyur par/ sems can rnams kyi longs spyod kyi rgyur gyur cig ces sems skyed par byed do/ / gsol pa/ bcom ldan 'das kyis mdo'i gzhung lugs gzhan dag las/ dge slong dag mi'i lus ni/ shag shig tu gyur pa lta bu rnag can gyi lus yin te/ rdza mkhan gyi phub ma mig ces pa bor ba bzhin du/ dgos pa'i don dag la don tu 'gyur ba med do zhes bka' stsal na/ 'di la gnas pa'i byang chub sems dgra bdag gi lus don med par ma gyur cig ces lus yongs su gtong ngo zhes bgyi ba/ bcom ldan 'das kyis ci la dgongs te/ de skad gsungs/ bka' stsal pa/ sprin chen snying po de ltar ma lta shig/ ting nge 'dzin 'di la gnas pa'i byang chub sems dpa'i lus ni chos kyi lus so// de ci'i phyir zhe na/ 'di la gnas pa'i byang chub sems dpa'i lus ni rus pa dang / sha dang khrag 'dus pa ma yin te/ chos kyi dbyings yin pas na chos kyi lus yin gyis/ sha'i lus ma yin no zhes 'du shes bskyed par bya'o/ / gsol pa/ bcom ldan 'das de bzhin gshegs pas ci las dgongs te chos kyi lus yin gyi/ sha'i lus ma yin no zhes de skad bstan pa mdzad/ gal te chos kyi lus lags na ni/ sems can rnams la yang dgos par mi 'gyur ro// de ci'i phyir zhe na/ gzhung lugs gzhan dag las bcom ldan 'das kyis nam mkha'i bya rjes ni shin tu bsgrims te btsal kyang rnyed par mi 'gyur ro zhes bka' stsal te/ de ltar lags pas gal te 'di la gnas pa'i byang chub sems dpa'i lus de 'dra ba zhig tu gyur na/ de lta bu'i mtshan nyid kyi chos kyi lus la ni/ sems can thams cad kyis kyang / nam mkha'i bya rjes bzhin du gzhom pa'am/ dbye bar mi nus so// bka' stsal pa/ sprin chen snying po de skad ma zer cig/ 'di la gnas pa'i byang chub sems dpa'i lus/ sems can rnams la dgos pa de ni/ byin gyis brlabs pa'i lus yin par nges par rig par bya'o// gsol pa/ bcom ldan 'das de bzhin gshegs pas ci la dgod te byin gyis brlabs pa'i lus yin no zhes gsungs/ gal te byin gyis brlabs pa'i lus lags na ni/ sems can rnams la stsal ba na yang 'di ltar chos kyi lus bzhag pas der 'gal ba chen por 'gyur ro/ / kye ma 'di la gnas pa'i byang chub sems dpa' ni/ sha'i lus sems can rnams la rtsol bar bgyid do zhes gda' bas ni/ sho be lags so zhes mchi bar 'gyur bka' stsal pa/ sprin chen snying po de skad ma zer cig/ 'di la gnas pa'i byang chub sems dpa'i lus byin gyis brlabs pa gang yin pa de ni/ sgyu ma mkhan gyis sprul pa'i lus bzhin du lta bar bya'o/ / gsol pa/ bcom ldan 'das de bzhin gshegs pas ci la dgongs te/ phyin ci log gi 'du shes dang / phyin ci ma log pa'i 'du shes dang / nyon mongs ba can gyi chos dang / nyon mongs pa can ma yin pa'i chos shes yang dang yang du de skad gsungs/ bka' stsal pa/ sprin chen snying po// de ltar rnam pa gzhan du ma sems shig/ 'di la gnas pa'i byang chub sems pa'i lus byin gyis brlabs pa gang yin pa de dag ni/ rtsi'i sdong bu'i lus yin no// 'di la gnas pa'i byang chub sems dpa' ni/ rtsa dang rtsig/ pa dang / shing drang bong ba dang / mig yor lta bur sgom ste/ kye ma bdag gis lus ni spyod pa med cing byed pa med pa ste/ sems med pa can snying po med pa'i lus/ khams su ma gtog pa ste/ ji ste 'di la la la zhig gcod par byed dam/ 'byed par byed dam/ 'phrog par byed dam/ rku bar byed kyang rung ste/ bdag gi lus rtsi'i sdong bu ltar don med par ma gyur cig ces sgom par byed do/ / de ci'i phyir zhe na/ chos kyi lus su bzhag pa'i phyir ro// sprin chen snying po gzhan yang dper na/ rtsi'i sdong bu de'i rtsa ba khyer na yang / de 'di snyam du bdag gi rtsa ba khyer ro snyam du mi sems so/ / shun lpags sam/ bri 'am/ lo ma 'am/ me tog gem/ 'bras bu 'am/ mgo thogs sam/ sdong bu 'am/ yal ga 'am/ bur ma 'am/ rtsa ba dag khyer yang rung ste/ de 'di snyam du bdag gi shun lpags khyer ro// bdag gi pri khyer ro// bdag gi lo ma khyer ro snyam du mi sems so// de bzhin du 'di la gnas pa'i byang chub sems dpa'i lus rtsa'i sdong bu las lag pa khyer ram/ rkang pa khyer ram/ mig khyer ram/ mgo khyer ram/ sha khyer ram/ khrag khyer ram/ rkang khyer ram/ yan lag re re nas khyer ram/ bran po dang bran mo khyer ram/ nor dang 'bru khyer yang de 'di snyam du bdag gi lag pa khyeraro// bdag gi rkang pa khyer ro// bdag gi mig khyer ro// bdag gi sha khyer ro// bdag gi khrag khyer ro// bdag gi rkang khyer ro/ / bdag gi yan lag re re nas khyer ro// bdag gi bran po dang bran mo khyer ro// bdag gi nor dang 'bru khyer ro snyam du mi sems te/ de ni sems can thams cad kyi 'dod chags dang zhe sdang dag gti mug gi nad bsil ba'i phyir zhugs pa yin no/ / 'di la gnas pa'i byang chub sems dpa'i lus ni phal pa tha ma'i lus ma yin gyi byin gyis brlabs pa'i lus dang / bdud rtsi'i lus yin par rig par bya'o/ / sprin chen snying po gzhan yang 'di la gnas pa'i byang chub sems dpa' ni gang gi tshe byin gyis brlabs pa'i lus zad pa'i byed pa de'i tshe/ bya rgod dang chun lag la sogs// pab srog chags rnams kyis/ de rtsi'i sdong bu bzhin du/ zas su za bar 'gyur la/ sems can de dag thams cad kyang ngan song du 'gro bar 'gyur ba de ni gnas med de/ lha dang mi'i nang du skye zhing sangs rgyas mang po mnyes par byed par 'gyur ro/ / sprin chen snying po gzhan yang ting nge 'dzin 'di myur du rtogs par 'dod pa'i dge slong ngam/ dge slong ma 'am/ dge bsnyen nam/ dge bsnyen mas ni 'di ltar sems bskyed par bya ste/ de bzhin gshegs pa ni rtag pa dang / ther zug pa dang // zhi ba dang / brtan pa dang / dam pa'i chos kyi mdo nub par mi 'gyur bar bya ba'i phyir/ sems can gang dang gang la ci dang cis don tu 'gyur ba de dang de la de sbyin par bya'o snyam ste/ lag pa 'dod pa rnams la ni lag pa sbyin no// rkang pa 'dod pa rnams la ni rkang pa sbyin no// mig 'dod pa rnams la ni mig sbyin no// sha 'dod pa rnams la ni sha sbyin no// khrag 'dod pa rnams la ni khrag sbyin no// rkang 'dod pa rnam la nI rkang sbyin no// yan lag re re nas 'dod pa rnam la yang yan lag re re sbyin no/ / phran 'dod pa rnams la yang bran du 'gro bar bya'o// dam pa'i chos bstan pa dang / bshad pa'i phyir yang bdag gi lag po khyer bar gyur cig/ bdag gi rkang pa khyer bar gyur cig/ de bzhin du sna dang / rna ba dang / yan lag so so rnams dang / de'i 'og tu bdag gi srog kyang yongs su gtong bar gyur cig ces sems bskyed pa bya ste/ bdag nyid rtsi'i sdong bu bzhin du rtag tu bskyed par bya zhing / ji srid 'tsho'i bar du yang sems bskyed par bya na/ se gol gtogs pa tsam du sems bskyed par bya ba lta ci smos/ sprin chen snying po gzhan yang dper na/ rta'i rgyal po rdog khyer dang ldan pa/ sprin gyi shugs can ni gru zhigs po'i mi rnams kyi phyir/ brtan pa'i sems kyis chas te/ ri mA la ya'i dbus su 'dug nas/ sgra chen po bsgrags te/ gang dag nga'i rgyab bam/ phongs sam/ bya la 'am/ tha na spu'i nyag ma tsam las 'ju ba'i sems can gang yin pa de dag thams cad bsgral bar bya'o zhes zer ba de bzhin du/ ting nge 'dzin 'di la gnas pa'i byang chub sems dpa' ni dge slong ngam/ dge slong ma 'am/ dge bsnyen nam/ dge bsnyen ma gang dag spod pa can dang kun tu rgyu dang / sems can gzhan dag la 'phya ba'i phyir ram/ bsting ba'i phyir ram/ ting nge 'dzin 'di las de bzhin gshegs pa rtag pa dang / ther zug pa dang / zhi ba dang / brtan pa dang / zab pa'i tshig gi don nam/ tshigs su bcad pa 'am/ tha na tshig gi phyed kyang rung ste/ rna lam du thos par byed pa dag dang / gang dag 'chang ba yang rung ba'i sems can gru zhigs par gyur pa dang 'dra ba de dag ngan song ngan 'gro log par ltung ba'i dra ba las sgrol bar byed do/ / sprin chen snying po gzhan yang ting nge 'dzin 'di rna lam tu grags pa tsam gyis de dag mi'i dbang po'i phun sum tshogs pa las nyams par mi 'gyur ro/ / lha'i dbang po'i phun sum tshogs pa las nyams par mi 'gyur ro// tshangs pa'i dbang po'i phun sum tshogs pa las nyams par mi 'gyur ro// / sangs rgyas 'byung ba'i phun sum tshogs pa las nyams par mi 'gyur ro// mdo 'di'i ting nge 'dzin gyi phun sum tshogs pa las nyams par mi 'gyur ro// gsol pa/ bcom ldan 'das ji ltar na ting nge 'dzin 'di la gnas pa'i byang chub sems dpa' shin tu yang dag pa'i lta ba can lags/ bka' stsal pa/ ting nge 'dzin 'di la gnas pa'i byang chub sems dpa' sems dpa' chen po gang dag de kho na dang / rtag pa dang / bdag dang sems can du 'du shes pa yang dag par mthong ba dag ni/ shin tu yang dag pa'i lta ba can yin zhes nga smra'o// gsol pa bcom ldan 'das de bzhin gshegs pas ci las dgongs te/ 'jig rten pa'i 'du shes brdzun pa rnams rdzogs par bshad cing 'di skad bka' stsal/ bka' stsal pa/ sprin chen snying po/ / de kho na dang / rtag pa dang / bdag dang sems can du 'du shes pa zhes bya ba ni/ thar pa'i don gyi tshig bla dgas so// de bzhin gshegs pa thams cad rtag pa dang / ther zug pa dang / zhi ba dang / brtan pa zhes bya ba ni dam pa'i chos nub par mi 'gyur ba'i tshig bla dgas so// gsol pa/ bcom ldan 'das kyis ci las dgongs te/ byis pa bzhin du de kho na dang / brtag pa dang / bdag dang / sems can du 'du shes bskyed par bya'o zhes gsungs/ bka' stsal pa/ sprin chen snying po// dar gyi srin bu bzhin du bdag nyid ma dkrig shig/ ting nge 'dzin 'di la gnas pa'i byang chub sems dpa' sems dpa' chen po'i rang bzhin de yin no// gsol pa/ bcom ldan 'das kyis de snyed cig mdzad de zlos bu dang / / 'dren mar de ltar bka' stsal te ci bgyi/ bdag med pa'i chos nyid thugs su chud bzhin du/ lam drang po dang mi mthun pa rtag pa dang / bdag dang / sems can du 'du shes ci'i slad du skyed du stsal/ bcom ldan 'das kyis dge slong dag thar pa ni nam mkha'i mtshan nyid de/ de yang mtshan nyid med pa'o// gdags par bya ba'i thabs kyang med do/ / de bzhin gshegs pa dgra bco ba yang dag par rdzogs pa'i sangs rgyas thams cad kyang / de bzhin te nam mkha' dang mtshungs so zhes kyang bka' stsal/ de bzhin gshegs pa bye ba snyed kyang chu'i zla ba 'dra'o/ / sgyu ma dang 'dra'o// dngos po med pa'o// ya ma brla'o// rmi lam lta bu'i rang bzhin can no// chu shing gi sdong po ltar snying po med pa'o// glog dang sprin ltar mi brtan pa'o/ / chos thams cad ni/ stong pa dang / mtshan ma med pa'o// chos rnams kyi bya ba du ma dag ni nam mkha' rlung gi rjes kyi rang bzhin no zhes kyang bcom ldan 'das kyi bka' stsal pa/ yang 'jig rten na sems can thams cad ni bsam gyis mi khyab pa'i chos su yang dag par 'du'o// zhes kyang bcom ldan 'das kyis bka' stsal na/ bcom lda 'das mi rtag pa'i mtshan nyid kyi rang bzhin thugs su chud bzhin du/ rtag pa dang / bdag dang / sems can du 'du shes ji ltar skyed du stsal/ rtag pa'i spyod pa yang ji ltar bsgom par bgyi spyod pa 'di'i rjes su yang ji ltar brlab par bgyi/ yang bcom ldan 'das kyis bka' stsal pa la/ dge slong dag sangs rgyas thams cad kyis shin tu bsgrims te/ 'dus byas kyis chos thams cad kyi khongs su gtogs pa'i nang du btsal kyang bdag tu 'du shes pa rnyed do zhes bdag med pa dang / srog med pa dang / gang zag med par bka' stsal te/ 'gro ba 'di dag thams cad stong par yang dag par gsungs na/ rtag pa dang / bdag dang / sems can du 'du shes/ shes bka' stsal pa 'di la don ci zhig mchis/ bcom ldan 'das kyis bka' stsal pa/ sprin chen snying po khyod gar 'bros khyod gang du phyin/ da phyin cad de skad ma zer cig/ ting nge 'dzin 'di la gnas pa'i byang chub sems dpa' ni/ chos thams cad mi mthun no zhes skrag par mi byed la/ chos thams cad mi mthun pa med pa'i phyir yang tshul khrims rgya cher mi srung zhing sems kyang sgom par mi byed de/ chos thams cad/ mi mthun pa med pas rab tu dka' nas/ byang chub sems dpa'i bya ba rtsom pa las nur bar mi byed do// chos thams cad chad do zhes kyang skrag par mi byed la/ chos thams cad chad pa med pa'i phyir yang tshul khrims mi srung zhing sems kyang sgom par mi byed de/ chos thams cad chad pa med pas rab tu dga' nas/ byang chub sems dpa'i bya ba rtsom pa las nur bar mi byed do// de bzhin du rtag pa dang / mi rtag pa yang gong ma bzhin du sbyar bar bya'o// rlom sems dang / rlom sems med pa dang / g.yo ba dang / g.yo ba med pa dang / mngon par 'du byed pa dang / mngon par 'du byed pa med pa dang / dben pa dang / mi dben pa dang / dmigs pa dang / mi dmigs pa dang / tshul khrims dang / 'chal pa'i tshul khrims dang / rig pa dang / ma rigs pa dang / ming dang / ming med pa dang / nye bar len pa dang / nye bar len pa med pa dang / 'jigs pa dang / 'jigs pa med pa dang / mtshan nyid dang / mtshan nyid med/ pa dang / 'chi ba dang / 'chi ba med pa dang / byang chub dang / byang chub med pa yang gong ma bzhin du sbyar ro// chos thams cad mya ngan las 'das so zhes skrag par mi byed dngang bar/ mi byed la/ chos thams cad yongs su mya ngan las 'das pa med pa'i phyir yang / tshul khrims mi srung zhing sems kyang sgom par mi byed de/ chos thams cad yongs su mya ngan las 'das pa med pas rab tu dga' nas/ byang chub sems dpa'i bya ba rtsom pa las nur bar mi byed de/ yang dang yang smos ci dgos/ ting nge 'dzin 'di la gnas pa'i byang chub sems dpa' ni/ sems can thams cad yongs su mya ngan las 'das pa med pa dang / de bzhin gshegs pa rtag pa dang / ther zug pa dang / brtan pa dang / zhi ba'i chos nub par mi 'gyur bar bya ba'i phyir/ rab tu gnas shing tshul khrims srung ste/ sems sgom mo// sprin chen snying po gzhan yang ting nge 'dzin 'di la bdag nyid myur du gnas par 'dod pas ni/ bdag tu 'du shes pa bsgom par bya'o// gang zag tu 'du shes pa bsgom par bya'o// srog tu 'du shes pa bsgom par bya'o// de ltar sgom pa'i byang chub sems dpas ni/ ting nge 'dzin 'di myur ba nyid du thob par 'gyur ro// gsol pa/ bcom ldan 'das de bzhin gshegs pas ci la dgongs te mkhyen bzhin du de skad gsung / bka' stsal pa/ sprin chen snying po// ting nge 'dzin 'di la gan pa'i byang chub sems dpa' ni/ 'jig rten pa'i bdag tu shes pa sgom par byed do// gsol pa/ bcom ldan 'das ci 'jig rten las 'das pa'i chos la yang bdag gis ming mchis sam/ bka' stsal pa/ ting nge 'dzin 'di la gnas pa'i byang chub sems dpa' rtag pa dang / bdag tu 'du shes pa 'jig rten las 'das pa'i 'du shes su brtan par 'dod pas rnam pa lngas yang dag par bstan par bya'o/ / lnga gang zhe na/ 'bru'i sa bon lta bu dang / shing gi sa bon lta bu dang / snum gyi khu ba lta bu dang / rin po che'i rnam pa lta bu dang sprul gyi pags pa rnying pa lta bu'o/ / 'di lta ste dper na/ 'bras bu lu lnga sogs pa'i 'bru 'bras bu nas 'bru nyid du ma gyur kyi bar du mi bstan pa'i chos su yang dag par 'du zhing bgrang ste/ sems can rnams kyi bya ba'i don yang mi byed la/ phub ma med pa'i rang bzhin du gyur nas ni/ sems can rnams kyi bya ba'i don yang byed cing / sa bon brtan pa'i chos kyi rnam grangs su yang bgrang bar 'gyur ro/ / de bzhin du chos thams cad mi mthun par spyod par byed cing / nam ting nge 'dzin 'di ma thob kyi bar du ni/ mi brtan pa'i chos su yang dag par 'du zhing bgrang ste/ sems can rnams kyi skyabs byed par yang mi 'gyur la/ lta ba dang / the tsom dang / yongs su mya ngan las 'das pa'i 'du shes dang / mi rtag pa dang mi brtan pa'i rang bzhin gyi nyon mongs pa'i phub ma thams cad bral ba'i rang bzhin du gyur nas/ de phyin cad ni sems can rnams kyi the tsom thams cad kyang gcod par byed cing / skyabs su gyur pa yang yin la/ rtag pa dang / ther zug pa dang / brtan pa dang / zhi bar gyur pa'i rang bzhin gyi sa bon du yang 'gyur zhing / sems can du 'du shes pa la yang 'god par 'gyur te/ de ltar na chos thams cad 'bru'i sa bon dang 'dra ba yin no// sprin chen snying po gzhan yang 'di lta ste/ dper na/ shing ta la dang / a mra dang / spu'i 'bras bu la sogs pa ni dang po lcu gu skye ba nas nam 'bras bu'i rang bzhin du ma gyur gyi bar du mi brtan pa'i chos su yang dag par 'du zhing bgrang ste/ sems can rnams kyi bya ba'i don yang mi byed/ la/ shun lpags dang bral ba'i rang bzhin du gyur nas ni/ sems can rnams kyi bya ba'i don yang byed de/ sa bon brtan pa'i chos su yang dag par 'du zhing bgrang bar 'gyur ro// de bzhin du chos thams cad mi mthun par spyod cing nam ting nge 'dzin 'di ma thob kyi bar du ni mi brtan pa'i chos su yang dag par 'du zhing bgrang ste/ sems can rnams kyi skyabs byed par yang mi 'gyur la/ lta ba dang the tsom dang yongs su mya ngan las 'da' ba'i 'du shes dang / mi rtag pa dang / mi brtan pa'i rang bzhin gyi nyon mongs pa'i shun lpags thams cad dang bral ba'i rang bzhin du gyur nas/ de phyin chad ni sems can rnams kyi the tsom thams cad kyang gcod par byed cing skyabs su gyur pa yang yin la/ rtag pa dang / ther zug pa dang / brtan pa dang / zhi bar gyur pa'i rang bzhin gyi sa bon du yang 'gyur zhing sems can du 'du shes pa la yang 'god par 'gyur ro// sprin chen snying po gzhan yang 'di lta ste dper na/ bu ram shing dang / til dang / khre dang / khre rgod dang / ba'i 'o ma la sogs pa'i snum gyi khu ba lta bu ni/ myu gu dang 'o ma byung ba nas nam snum gyi khu ba nyid du ma gyur kyi bar du/ mi brtan ba'i chos su yang dag par 'du zhing bgrang ste/ sems can rnams kyi bya ba'i don yang mi byed do// de bzhin du chos thams cad mi mthun par spyod cing / nam ting nge 'dzin 'di ma thob kyi bar du ni mi brtan pa'i chos su yang dag par 'du zhing bgrang ste/ sems can rnams kyi skyabs byed par yang mi 'gyur la/ lta ba dang / the tsom dang / yongs su mya ngan/ las 'da' ba'i 'du shes dang / mi rtag pa dang / mi brtan pa'i rang bzhin gyi nyon mongs pa'i shun lpags dang bral te bkus pa'i rang bzhin du gyur nas/ de phyin chad ni sems can rnams kyi the tsom thams cad kyang gcod par byed cing skyabs su gyur pa yang yin la/ rtag pa dang / ther zug pa dang / brtan pa dang / zhi bar gyur pa'i rang bzhin gyi sa bon du yang 'gyur zhing sems can du 'du shes pa la yang 'god par 'gyur ro/ / sprin chen snying po gzhan yang 'di lta ste dper na/ ro nye'i mgar ba 'am/ zangs mgar 'am/ dbyig dang gsar gyi mgar ba 'am/ rin po che byed pa gzhan gang yang rung bas/ rdo dang gyo mo dang / gseg ma la sogs pa legs par brdzis pa las zhig byas te so gtong bas nas/ nam sna gcig gi rang bzhin nam/ rin po cher ma gyur kyi bar du mi brtan pa'i chos su yang dag par 'du zhing bgrang ste/ sems can rnams kyi bya ba'i don yang mi byed la/ gsegs ma dang / gyo mo dang so dog med pa'i rang bzhin du gyur nas ni/ sems can rnams kyi bya ba'i don yang byed cing / rin po che'i rang bzhin/ ther zug pa dang / brtan pa dang / rtag pa'i chos su yang drag par 'du bar 'gyur ro/ / de bzhin du chos thams cad mi mthun par spyod cing / nam ting nge 'dzin 'di ma thob kyi bar du ni mi brtan pa'i chos su yang dag par 'du ste/ sems can rnam ni skyabs byed par yang mi 'gyur la/ lta ba dang the tsom dang / yongs su mya ngan las 'da' ba'i 'du shes dang / mi rtag pa dang / ma brtan pa'i rang bzhin gyi nyon mongs pa'i skyon thams cad dang bral ba'i rang bzhin du gyur nas/ de phyin chad ni sems can rnams kyi the tsom thams cad kyang gcod par byed cing / skyabs su gyur pa yang yin la/ rtag pa dang / ther zug dang / brtan pa dang zhi bar gyur pa'i rang bzhin gyi sa bon du yang 'gyur zhing / sems can du 'du shes pa la yang 'god par 'gyur ro// sprin chen snying po gzhan yang 'di lta ste dper na sprul rgas pa'i bags pa rnying pa rnam ma rjes kyi bar du mi brtan pa'i chos su yang dag par 'du'o/ / de bzhin du chos thams cad mi mthun par spyod cing / nub ting nge/ 'dzin 'di ma thob kyi bar du sbrul smras pa'i pags pa rnying pa bzhin du mi brtan pa'i chos su yang dag par 'du bar 'gyur la/ sbrul rgas pa'i pags pa rnying pa dang 'dra ba'i lnga pa dang / the tsom dang / yongs su mya ngan las 'di' ba'i 'du shes dang / mi rtag pa dang / mi brtan pa'i rang bzhin gyis nyon mongs pa'i shun lpags thams cad dang bral ba'i rang bzhin du gyur nas/ de byi chatshad ni sems can rnams kyi the tsom thams cad gcod par byed cing / skyabs su gyur pa yang yin la/ rtag pa dang / ther zug pa dang / brtan pa dang / zhi ba dang / bsil ba dang / bde ba dang / 'jigs pa med par yang 'gyur zhing sems can rnams kyang / bdag dang sems can du 'du shes pa'i ting nge 'dzin gyi spyod pa 'di la 'god par 'gyur ro/ / sprin chen snying po de bas na/ ting nge 'dzin 'di la gnas pa'i byang chub sems dpa' la rnam pa lnga po 'di dag gis bdag dang sems can dang / srog dang gang zag tu gyur pa nyid du yang dag par mthong bar 'dod pa'i rigs kyi bu 'am/ rigs kyi bu mos ni don 'di lta bur blta bar bya'o// gang dag de ltar mi lta ba de dag ni yang dag pa mthong ba ma yin no zhes nga smra'o/ / sems can de dag ni 'jig rten pa'i chos can dang / rmongs pa'i chos can yin par nga smra'o// gsol pa/ bcom ldan 'das de bzhin gshegs pas ni cil dgongs te 'di skad du dpe lnga po 'di dag ni de kho na yin zhes gsungs/ gal te de bzhin gshegs pa de skad gsung na ni/ 'di'i gtan tshigs bka' stsal 'tshal lo// 'di na sems can rnams la yang 'gal ba chen por 'gyur ro/ / de ci'i slad du zhe na/ bcom ldan 'das kyis 'jig rten gyi bya ba thams cad ni mi rtag pa'i chos yin no zhes kyang bka' stsal na dpe lnga po 'bru dang shing la sogs pa 'bras bu nyid du gyur pa na/ de dag ji ltar slar 'jig par mi 'gyur/ gral te 'jig par 'gyur na ni/ sems can yang 'jig par 'gyur bas de dang 'dra ba'i chos thams cad kyang mi rtag par yang dag par 'du bar 'gyur ro/ / zhes bdag mchis ste/ zhig go 'tshal ni slar skye'o zhes bdag mchi'o// bdag ni sems can rnams la rnam pa gnyis su mi rtog ste/ 'dir gum pa rnams gnas gzhan du skye ba so sor len par 'gyur ro// zhes bdag mchi'o// de bas na chos thams cad ni mi rtag go zhes bdag mchi ste/ 'jig rten 'di na rtag pa'i chos yang yang dag par ma mthong ngo // gal te de ltar gyur na/ rtag pa dang / mi rtag pa'i don gnyis ma mchis so zhes bdag mchi mod kyi/ bcom ldan 'das kyi zhal nas sho be byung ngo zhes kyang ji skad bgyi/ bcom ldan 'das kyis bka' stsal pa/ sprin chen snying po ci dar gyi srin bu ltar bdag nyid dkri bar sems sam/ 'di ni mi la la de 'dra ba'i phyir/ kye ma khyod kyi bzhin zla ba 'dra'o zhes zla ba las dpe len par byed la/ mi gzhan zhig gis ni/ kye ma glang po che'i dbang po ri dang 'dra'o zhes ri las dpe len par byed na/ ci zla ba bzhin dang 'dra bar 'gyur ram/ ri yang glang po che dang 'dra bar 'gyur ram/ zhes brjod dgos so// gsol pa/ 'di ni dper bgyi ba lags shes bdag mchi'o/ / bka' stsal pa/ sprin chen snying po bstan pa'i dpe ni 'jig rten thams cad na med de/ de dang 'dra ba tsam gyi phyir/ dpe rnam pa lnga po 'di dgangs dper byas mod kyi/ 'di la gnas pa'i byang chub sems dpa' la ni/ dpe med par rig par bya'o// gsol pa/ bcom ldan 'das de bzhin gshegs pa ci la te thar pa la lcags kyi mar me gum pa'i tshul dang 'dra zhes gsung / bka' stsal pa/ nga ni thur pa la lcags kyi mar me shi ba'i tshul dang 'dra zhes mi zer gyi/ nyon mongs pa zad ba la zer ro/ / gsol pa/ bcom ldan 'das ci mkhyen bzhin du thar pa la mi gsung gi/ nyon mongs pa zad pa la gsung ngo zhes shob pe gsung ngam/ da ltar ni 'di skad gsum la/ chos thams cad chu zla dang 'dra ste/ sgyu ma lta bu'o zhes kyang de bzhin gshegs pas gsungs so// bkra' stsal pa/ chu zla dang 'dra ba dang / sgyu ma lta bu dang 'dra zhes bya ba ni/ nyon mongs pa zad pa la gsungs kyi/ chos thams cad la ma gsungs te/ chos la la ni rtag/ chos la la ni mi rtag ces kyang nga smra'o// yang bka'i stsal pa/ ji lta zhe na sem can gang dag thar pa'i phyogs su gtogs pa de dag ni/ rtag pa'i chos can yin no// gang dag sems can med pa dang / srog med pa'i phyogs su gtogs pa de dag ni mi rtag pa'i chos can zhes nga smra'o/ / gsol pa/ dngos po ma mchis pa'i tshul du bka' stsal lags na/ ci las dgongs te bcom ldan 'das de bzhin gshegs pas lcags kyi mar me gum pa lta bu'i tshul du bstan pa mdzad/ bka' stsal pa/ de la dngos po ci zhig yod/ gsol pa/ 'bru mar gyi snod dang / lcags kyi rang bzhin mchis so// bka' stsal pa/ sprin chen snying po legs so legs so// de ltar lta bar 'dod pa'i byang chub sems dpas ting nge 'dzin 'di la gnas pa'i byang chub sems dpa' la dngos po'i rang bzhin dang 'dra bar blta bar bya'o/ / gal te 'bru mar gyi snod dang lcags kyi rang bzhin dang lhan cig tu mar me gum pa lta bu de thar pa'i tshul yin no zhes de bzhin gshegs pas bshad par gyur na ni/ de lta na ni de bzhin gshegs pa chad par smra bar yang 'gyur ba zhig nA/ sprin chen snying po ngas ni de skad ma bshad kyi/ dngos po med pa'i tshul du bshad de/ lcag/ kye mar me shi ba'i tshul du bshad pa gang yin pa de ni/ nyon mongs pa rab tu zhi ba'i tha tshig ste/ dngos po ni yod ces bya ba'i tha tshig go// gsol pa/ sangs rgyas thams cad kyis rab tu bsgrims te bskal pa bye ba phrag mang por btsal kyang mi rnyed do zhes gsung ba'i don 'di yang bcom ldan 'das de bzhin gshegs pas bshad du gsol/ bka' stsal pa/ sprin chen snying po de de bzhin te/ de bzhin gshegs pa thams cad kyis srid pa thams cad du bskal pa bye ba phrag grangs med pa la sogs pa rab tu bsgrims te btsal kyang sems can du 'du shes pa rnyed par 'gyur ba de ni gnas med do/ / 'di lta ste dper na/ rgyal po zhig rang gi khang bzangs kyi btsun mo'i 'khor nas byung ste/ gnas gzhan zhig tu song ba mthong ba la/ rgyal po btsun mo'i 'khor gyi nang na 'dug go zhes bya ba de ni gnas med do// de bzhin du ting nge 'dzin 'di la gnas pa/ bdag dang sems can dang ldan pa srid pa thams ca spangs pa/ kun nas nyon mongs pa med pa'i byang chub sems dpa' sems dpa' chen po sems can gyi don la sred pa nyes pa dang rnam par 'dres shing 'dug go zhes bya ba de ni gnas med do/ / de bas na bcom ldan 'das kyis srid pa thams cad na yang rtag par gnas pa'i chos yungs 'bru tsam yang med do zhes bya ba de ni bdag dang sems can dang srog dang / gang zag/ med do zhes bstan pa yin te/ shin tu yun ring du gnas pa ni sangs rgyas kyi chos la gnas pa yin par 'du shes bskyed par bya'o// ting nge 'dzin 'di la gnas pa'i byang chub sems dpa' ni chags pa yang ma yin/ ma chags pa yang ma yin/ nye bar len pa'i chos la gnas pa yang ma yin te/ rtag pa dang / ther zug pa dang / brtan pa dang / bde ba dang / 'jigs pa med pa dang / nga rgyal med pa dang / kun nas nyon mongs pa med pa dang // bdag dang / sems can dang / srog dang gang zag nyid yin te/ sprin chen snying po de bas na/ rtag pa dang 'ther zug pa dang / brtan pa'o zhes nga smra'o// sprin chen snying po ngas nyan thos kyi theg par dge slong dag yongs su gzung bar bya ba gang yin pa de yongs su gzung bar gyis shig yongs su gzung bar bya ba rtag pa dang / ther zug pa dang / brtan pa dang / bdag blang bar bya ba blang bar gyis shig/ lta ba'i rten du gyur pa rtag pa dang / ther zug pa dang / brtan pa de la rten cig ces bstan te gsal ba'i don mi mngon par byas nas/ gsal bar ngas bstan de 'jig rten gyi khong du mi chud de/ sems can bsod nams chung ngu dag ni// thar pa la zad par sems shing / de bzhin gshegs pa yod bzhin du yongs su mya ngan las 'das so zhes yongs su mya ngan las 'das pa'i 'du shes la 'jug ste/ srog chags phye ma leb mar me'i nang du lhung ba bzhin no// 'di lta ste dper na/ tshong pa'i bu thams cad dpyid kyi dus tshigs su ga zhig du 'dus nas rdzing bu chen po'i nang du khrus byed la/ / de'i nang du gcig gis nor bu rin po che 'od thams cad dang ldan pa zhes bya ba bor nas/ nor bu rin po che de'i gzi brjid kyi mthus kyang / rdzing bu'i chu'i phung po dang / rus pa dang / gseg ma dang / gyo mo dang / rdo yod pa gang yin pa de dag thams cad rnam par mdzes par 'gyur te/ der zla ba dang / nyi ma'i 'od kyang ldan ne lhang nger mi 'dug go/ de nas skye bo mang pos nor bu de btsal ba'i phyir rko ba dag gis rko bar byed de/ de'i nang nas ci yang rung ba zhig blangs nas/ nor bu de rnyed do snyam du sems te/ yid rab tu dga' bar byed do/ / de nas sems can de dag rdzing bu'i 'gram du 'khod nas so sor rlom sems su gyur na/ 'di ji snyam du sems bdag cag gis ma rnyed do snyam du sems par 'gyur ram/ 'de nas sems can de dag thams cad kyis nor bu rin po che ma rnyed kyang / kye ma nor bu rin po che ma rnyed do zhes nor bu med pa'i 'du shes 'jug cing rtogs par byed dam/ de'i nang na tha la mkhas shing yid gzhungs pa gcig gis nor bu rin po che de btsal te rnyed do/ / de bzhin du mdo dang / ting nge 'dzin thams cad kyi ldem po ngag gi tshig mi shes pa'i nyan thos dang rang sangs rgyas thams cad kyis ni thams cad mi rtag pa dang / stong pa'i 'du shes dang / sems can med pa sgom par byed de/ de bzhin gshegs pa'i rtag pa nyid ma thob pas/ sems can thams cad 'khor lo bzhin du 'khor gyi/ ting nge 'dzin 'di la gnas pa'i rigs kyi bu 'am/ rigs kyi bu mos ni de bzhin gshegs pa'i ldem po ngag nor bu bzhin du rnyed par 'gyur ro// sprin chen snying po de bas na/ de bzhin gshegs pa rnams kyi shin tu lhag pa yang dag par mthong bar 'dod pas ni/ ting nge 'dzin 'di la gnas pa'i byang chub sems dpa' la/ rtag pa dang / bdag dang sems can du 'du shes bskyed par bya zhing thar pa'i 'du shes bskyed par bya'o/ / // bam po bcu ste tha ma'o// rigs kyi bu gzhan yang ting nge 'dzin 'di la gnas pa'i byang chub sems dpa' ni shing gi grib ma dang 'dra bar blta bar bya'o/ / de ci'i phyir zhe na/ shing yod na grib ma 'byung la/ grib ma yod na lam du zhugs te/ ngal bar gyur pa'i sems can der 'dug pa rnams dbugs phyin par 'gyur ro// de bzhin du de bzhin gshegs pa'i chos 'dod pa'i sems can rnams kyang skyabs su 'gro bar 'gyur ro// sems can gang dag de bzhin gshegs pa yongs su mya ngan las 'das par blta ba'i sems can de dag ni skyabs su 'gro bar tsam yang med do zhes nga smra'o/ / gang dag de ltar yang dag par mthong ba de dag ni bstan pa 'di la 'gro bar mi byed do/ / gang dag yongs su mya ngan las 'da' ba'i 'du shes su lta ba'i sems can de dag ni mya ngan du bya ba yin no zhes yang dang yang dung smra'o/ / de nas de'i tshe nub phyogs nas gser gyi 'od chen po zhig snang bar gyur te/ gser gyi 'od chen po dris kyang / stong gsum gyi stong chen po'i 'jig rten gyi khams thams cad nor bu rin po che me'i 'od snang ba chen po sa snang bar byas te/ de'i skabs su stong gsum gyi stong chen po'i 'jig rten gyi khams na/ de bzhin gshegs pa'i 'od gcig tu ma gtogs par de las gzhan pa zla ba dang nyi ma rnams kyi 'od dang / brgya byin dang tshangs pa dang 'jig rten skyong ba rnams kyi 'od dang / klu dang gnod sbyin dang / nam mkha' lding rnams kyi 'od thams cad mog mog por gyur te/ rtsig pa dang shing dang / tshal gyi nang dang / lhun po dang / lhun po chen po dang / de bzhin du 'jig rten gyi bar mtshams de dag thams cad 'od des snang bar byas so/ / sems can dmyal ba pa'i sems can gang dag gi lus la 'od des phog pa de dag thams cad kyang sdug bsngal rtse zhil bar gyur to// bcom ldan 'das dang / 'khor dkyil 'khor chen po'i nang du yang pad+ma bkra zhing blta na sdug la/ kha dog bzang zhing yid du 'ong ba mdab ma bye ba brgya stong phrag du ma dang ldan pa stong rin po che'i dra ba/ dri bsung dang / ldan zhing 'jam la/ ka tsa lin da'i gos ltar reg na bde ba/ bkra zhing blta na sdug pa dag gis kun tu khebs pa/ bye ba phrag drug cu sa gzhi brtol te mngon par mthon par gyur to// pad+ma de dag re re las dri ngad 'byung ba gang yin pa des kyang stong gsum gyi stong chen po'i 'jig rten gyi khams dris khyab par gyur to/ / stong gsum gyi stong chen po'i 'jig rten gyi khams 'di'i lha dang klu dang / gnod sbyin dang / dri za dang / mi rnams kyi spos gang yin pa de dag thams cad kyang / pad+ma'i dri des khyab par gyur to// lha dang mi rnams dang / lha ma yin dang / namakha' lding dang / klu dang / gnod sbyin dang / dri za rnams dang / mi 'am ci dang / lto 'phye chen po gang dag gi snar pad+ma'i dri de song ba de dag thams cad kyang / chos kyi dga' ba dang / chos nyan pa'i rgyu dang ldan par gyur te/ bdag nyid nyon mongs pa dang bral snyam du shes so// de nas byang chub sems dpa' sems dpa' chen po sprin chen snying pos/ chos kyi 'od bkod pa de mthong bas thal mo sbyar te/ bcom ldan 'das la 'di skad ces gsol to// bcom ldan 'das 'di ltar phyogs bcur 'od gda' ba 'di dang / pad+ma'i bkod pa byung ba 'di su'i snga ltas lags/ / de nas lha mo dri ma med pa'i 'od kyis sprin chen snying po la 'di skad ces smras so// 'phags pa sprin chen snying po ci'i phyir bcom ldan 'das 'di su'i snga ltas lags shes smra/ mtshan ma med pa'i chos rmi lam lta bu yin yang 'dri bar byed dam/ khyod la ni dA dung yang phyin ci log yod pa 'dra'o// smras pa/ lha mo leg so leg so/ / de de bzhin te/ lha mo khyod legs so// de de bzhin te/ lha mo khyod legs so// kho bo ni rmi lam lta bu'i yul dag la mtshan mar lta ba 'dzin pa'i 'du shes/ bcom ldan 'das la zhu bar byed do/ / smras pa/ 'phags pa sprin chen snying po su'i don gyi phyir mtshan mar lta ba 'dzin pa'i 'du shes smra bar byed/ smras pa/ sems can thams cad la phan par bya ba'i phyir ro// smras pa/ gang bdag gi lta ba bsal mi nus pa des/ gzhan gyi lta ba sel bar 'gyur ba de ni gnas med do// bcom ldan 'das kyis bka' stsal pa/ sprin chen snying po de ni lha mos ji skad smras pa bzhin te/ ting nge 'dzin 'di la gnas pa'i byang chub sems dpa' gang yin pa de ni/ mtshan ma med pa'i 'du shes yang dag par mthong ba yin no// gsol pa bcom ldan 'das 'di la gnas pa'i byang chub sems dpa' rigs kyi bu 'am/ rigs kyi bu mo mtshan ma mchis pa'i 'du shes yang dag par blta bar 'tshal bas/ ji ltar yang dag par blta bar bgyi/ bka' stsal pa/ sprin chen snying po ting nge 'dzin 'di la gnas pa'i byang chub sems dpa' sems dpa' chen po ni/ stong gsum gyi snong chen po'i 'jig rten gyi khams su bdag nyid rnam pa du mar ston par byed do/ / gsol ba// bcom ldan 'das ting nge 'dzin 'di la gnas pa'i byang chub sems dpa' stong gsum gyi stong chen po'i 'jig rten gyi khams su bdag nyid rnam pa du mar ji ltar ston par bgyid/ / bcom ldan 'das kyis bka' stsal pa/ sprin chen snying po 'di lta ste dper na/ sgyu ma mkhan nam/ sgyu ma mkhan gyi slo ba ma nan tan du sbyangs pa/ mkhas pas rol mo'i nang du bdag nyid ror gyur par ston par byed/ bud med kyis lus rnam pa sna tshogs su yang ston par byed ga can zan gyis zin pa dang / lus zhu ba dang / lus mi snang ba dang / tshig pa dang / bcad pa dang / gtub pa'i rnam pas/ pha rol tu 'drid pa lta bur gsang ba rnam pa sna tshogs kyi tshul du bdag nyid ston pa dag kyang mthong na/ der rgyus shes pa'i mis 'jigs par mi bya// mya ngan du mi bya bar/ de la rig sngags kyi rang bzhin du blta bar bya'o/ / de bzhin du ting nge 'dzin 'di la gnas pa'i byang chub sems dpa' rtag pa nyid kyi lam la nan tan du sbyangs pas/ sems can rnams nges par bsgral ba'i phyir/ stong gsum gyi stong chen po'i 'jig rten gyi khams 'dir/ bdag nyid rnam pa sna tshogs kyi tshul du ston par byed de/ ting nge 'dzin 'di la gnas pa'i byang chub sems dpa' bdag nyid rnam pa sna tshogs kyi tshul du ston par mthong na/ brtan pa'i rgyus shes shing mkhas pas skrag par mi bya/ kun tu skrag par mi bya// dngang par mi bya/ 'jigs par mi bya/ mya ngan du mi bya bar de la sems can rtag par nyid kyi rang bzhin du blta bar bya'o// sprin chen snying po gzhan yang ting nge 'dzin 'di lag na pa'i byang chub sems dpa' ni/ stong gsum gyi stong chen po'i 'jig rten gyi khams su// 'jig rten gyi dang 'thun par 'jug pa'i bya ba rnam pa grangs med dpag tu med pa/ bgrang ba las 'das pa 'das pa rnam pa sna tshogs su bdag nyid ston to/ / 'dzam bu'i gling bye ba phrag sum khri dag tu yang gong ma bzhin du sbyar ro// de lta bu'i tshul khrims du bye ba phrag brgyar bsgre bar bya ste/ gong ma bzhin du sbyar ro/ / gsil pa/ bcom ldan 'das ting nge 'dzin 'di la gnas pa'i byang chub sems dpa' sems dpa'i chen pos/ stong gsum gyi stong chen po'i 'jig rten gyi khams su 'jig rten dang 'thun par 'jug par bya ba'i rnams grangs ma mchis/ dpag tu ma mchis pa rnam pa sna tshogs su bdag nyid ji ltar ston par bgyid/ bka' stsal pa/ ting nge 'dzin 'di la gnas pa'i byang chub sems dpas 'dzam bu'i glang la lar/ bdag nyid mngal nas skye ba lta bur ston te/ sems can rnams kyis bu btsas par shes kyang // 'khrag pa la brten nas byung ba yang ma yin zhing bu'i rang bzhin yang 'du shes 'jug pa yang med do/ / 'dzam bu'i gling la lar ni gtsug phud bregs pa'i las lta bur ston te/ sems can rnams kyis mngon par byung/ bar shes kyang / de la mngon par 'byung ba'i 'du shes 'jug pa yang med do// 'dzam bu'i gling lA lar ni gtsug phud bregs pa'i las lta bur ston te/ sems can rnams kyis gtsug bud 'dreg pa'i las byed par shes kyang / de la de'i 'du shes 'jug pa yang med do// 'dzam bu'i gling la lar ni mkhan po'i khyim du 'gro ba lta bur ston te/ bslab par bya ba'i yi ge slob par sems can rnams kyis shes kyang / bskal ba du mar bslab pa'i bye ba shin tu tshar phyin par byas shing / bskal pa bye ba phrag brgya stong du ma nas bzo'i bya ba tha ma cad kyang mthar byin to/ / 'dzam bu'i gling la lar ni mi'i seng ge dang / ngang pa'i stabs su 'gro ba lta bur ston te/ sems can rnams kyis mi'i seng ge dang ngang pa'i stabs su 'gro bar shes kyang / bskal pa bye ba phrag du ma la sogs pa nas/ ngang pa'i stabs kyi 'du shes de yang spangs so// 'dzam bu'i gling la lar ni bu dang chung ma yang ston par byed de/ sems can rnams kyis 'dod pa la yongs su spyod par shes kyang / de yang rtag tu chos 'dod pa la yongs su spyod kyi/ nyon mongs pa dang / 'dod pa la gnas pa ma yin no// 'dzam bu'i gling la lar ni/ bshang ba dang / gci ba lta bur ston par byed de/ sems can rnams kyis bshang ba dang / go cib byed par shes kyang bskal pa bye ba phrag grangs med pa nas bshang ba dang / gci ba'i 'du shes kyang rnam par spangs te/ 'du shes de yang 'jug pa med do// 'dzam bu'i gling la lar ni so shing sprod pa lta bur ston te/ so shing 'cha' bar sems can rnams kyis shes kyang / bskal pa bye ba grangs med pa nas/ nyon mongs pa'i so shing rnam par spangs te/ kha yang ud pa la'i dri dang ldan no// 'dzam bu'i gling la lar ni gdugs dang / lham 'chang ba lta bur ston te/ gdugs dang lham 'chang bar sems can rnams kyis shes kyang bskal pa bye ba du ma nas nyon mongs pa'i gdugs dang / lham gyi 'du shes de yang rnam par spangs te/ lus dag cing rtag tu chos kyi bde ba dang / ting nge 'dzin gyi gdugs 'chang zhing / rin po che'i gdugs du ma dang / pad+ma'i lham thams cad rten par byed do// 'dzam bu'i gling la lar ni khrus byed pa lta bur ston te/ khrus byed par sems can rnams kyis shes kyang / bskal pa bye ba phrag du ma nas khrus kyi 'du shes de rnam par spangs te/ mdo du ma nas byung ba'i chus rtag tu khrus byed cing sems can thams cad kyi mu stegs su gyur pa yang yin no/ / 'dzam bu'i gling la lar ni nad kyi rang bzhin lta bur ston te sman la ston par sems/ can rnams kyis shes kyang / bskal pa bye ba phrag du ma nas nyon mongs pa thams cad dang bral zhing / nad rnams bsal ba ste/ sems can nad kyis thebs pa rnams dang / 'dod cha kyi rang bzhin dag las kyang gso bar byed do/ / 'dzam bu'i gling lnga lar ni grang ba dang tsha ba la sten pa lta bur ston te/ grang ba dang tsha ba la sten par sems can rnams kyis shes kyang / bskal pa bye ba phrag du mA la sogs pa nas/ grang ba dang tsha ba'i 'jigs pa yang rnam par spangs so// 'dzam bu'i gling la lar ni bkres pa dang skom pas sred cing zhen pa dang ldan par ston te/ bkres shing skom pas gdungs par sems can rnams kyis shes kyang / bskal pa bye ba phrag du ma nas/ bkres pa dang skom pa'i 'du shes kyis 'jigs pa'i klung gi rgyun las kyang rgal nas/ rtag tu bkres pa dang / skom pas sred par gyur pa'i 'byung po thams cad kyi kha zas su gyur cig ces zer ro// 'dzam bu'i gling la lar ni sbyin pa'i pha rol tu phyin pa spyod pa la rtson pa lta bur ston te/ kye ma sbyin pa la rtsom pa'i sems can yin par sems can rnams kyis shes kyang / bskal pa bye ba phrag du ma nas kyang / pha rol tu phyin pa du ma rtag tu spyad pas/ pha rol tu phyin pa bcu po rnams la sems can rnams sdud pa'i rgyur gyur to// 'dzam bu'i gling la lar ni 'khor los sgyur ba'i rgyal srid kyi tshul ston te/ 'khor los sgyur ba'i rgyal por sems can rnams kyis shes kyang / de 'khor los sgyur ba'i rgyal po phral gyi spyod pa yang mi spyod de/ rtag tu phyir mi ldog pa'i chos kyi 'khor lo skor ba'i rgyal po byed cing / sems can thams cad kyang byed du 'jug go// 'dzam bu'i gleng la lar ni de lta bu'i rgyal srid phun sum tshogs pa shin tu rgya che ba bdag kyang ru bzhin du bor nas/ rab tu byung ba'i gzugs dang / mtshan ma ston par byed de/ la lar ni rab tu byung ba lta bu/ la lar ni rab tu ma byung ba lta bur sems can rnams kyis shes so/ / 'dzam bu'i gling la lar ni ya mtshan can thams cad kyi rab tu byung ba lta bur/ lta ba ngan pa rab tu 'byung ba la rab tu byung bar sems can rnams kyis shes kyang / ya mtshan / can thams cad dang 'thun par rab tu byung ba yang ma yin te/ de dag nges par bsgral ba'i phyir rab tu 'byung ngo // 'jang bu'i gling la lar ni de bzhin gshegs pa rab tu 'byung ba rtsom ba lta bur ston te/ de bzhin gshegs pa rab tu 'byung bas rab tu 'byung bar sems can rnams kyis shes kyang / bskal pa bye ba phrag du ma nas de bzhin gshegs pa'i rab tu 'byung ba'i bya ba yang mthar phyin par byas so/ / 'dzam bu'i gling la lar ni sbyangs pa'i yon tan bcu gsum yang dag par 'dzin pa lta bur ston te/ sbyangs pa'i yon tan can yo byad bsnyungs pa bar sems can rnams kyis shes kyang / bskal pa bye ba phrag du ma nas sbyangs pa'i yon tan rdzogs shing / rtag tu mnyam par bzhag pa yang yin no// 'dzam bu'i gling la lar ni byang chub kyi snying por rtsa bting ba la 'dug pa lta bur ston te/ byang chub kyi snying po la 'dug par/ sems can rnams kyis shes kyang / rtag tu byang chub kyi mthar phyin par byas pa yang yin no/ / 'dzam bu'i gling la lar na bsam gtan dang / ting nge 'dzin dang / snyoms par 'jug pa la snyoms par zhugs pa lta bur ston te/ bsam gtan dang / ting nge 'dzin dang / snyoms par 'jug pa la snyoms par zhugs par sems can rnams kyis shes kyang / rtag tu snyoms par 'jug pa'i spyod pa du ma la spyad pa yang yin no// 'dzam bu'i gling la lar ni yan lag dgu pa'i mdo 'chad lta bur ston te/ bcom ldan 'das kyis yan lag dgu pa'i mdo gsungs pa 'chad par sems can rnams kyis shes kyang / rtag tu mdo du ma la sogs pa yang 'chad do/ / 'dzam bu'i gling la lar ni bslab pa'i gzhi'i tshad nges par byed pa lta bur ston te/ bslab pa'i gzhi'i tshad nges par 'cha' bar byed par sems can rnams kyis shes kyang chos kyi phung po brgyad khri bzhi stong gi mdo dag kyang rtag tu byed cing bslab pa'i gzhi du ma dag kyang rtag tu 'cha' bar byed do/ / 'dzam bu'i gling la lar ni byang chub kyi shing drung du bdud 'dul ba lta bur ston te/ bdud kyi sde pham par byas par sems can rnams kyis shes kyang / bdud kyi 'du shes gcig kyang mi 'byung ste/ nyon mongs pa'i bdud dang phung po'i bdud la sogs pa bdud bye ba phrag du ma dag kyang rtag tu zad par byed do/ / 'dzam bu'i gling la lar ni rgyun tu zhugs pa'i 'bras bu la sogs pa 'bras bu bzhi thob pa lta bu ston te/ 'bras bu bzhi thob par sems can rnams kyis shes kyang / 'bras bu bzhi'i 'du shes kyang mi 'byung ste/ 'bras bu'i bya ba du ma dag la yang spyod cing / phyir mi 'ong ba yang yin la/ sems can rnams nges par bsgral ba'i phyir/ rtag tu sred pa'i yan lag rnams su yang 'ong ngo // 'dzam bu'i gling la lar ni yon gnas lta bur ston te/ 'jig rten na yon gnas yin par sems can rnams kyang shes kyang / yon gnas kyis nga rgyal la yang mi spyod de/ nam sems can thams cad bla na med pa yang dag par rdzogs pa'i byang chub tu yon gnas su gyur pa de'i tshe/ bdag yon gnas kyi 'du shes la 'jug go snyam nas/ ma gos pa'i spyad pa la spyod do// 'dzam bu'i gling la lar ni dge 'dun gyi dbyen byed pa lta bur ston te/ dge 'dun gyi dbyen byed par sems can rnam kyis shes kyang sngon gyi bskal pa bye ba phrag grangs med pa nas/ dge 'dun gyi dbyen sngan chad kyang ma byas te/ dge 'dun la phan par sgrub par spyod pa yin no// 'dzam bu'i gling la lar ni de bzhin gshegs pa'i zhabs kyis reg pa'i rdul gung du 'dor bar byed pa lta bur ston te/ kye ma ngur smrig tsam 'chang zhing mi zad pa'i las byed pa zhig yin par sems can rnams kyis shes kya ngur smrig tsam 'chang ba yang ma yin te/ sems can thams cad la phan pa dang / bde ba ston pa yang yin no// de la sogs pa gzhan yang de bzhin gshegs pa'i zhabs kyi drung du chos mnyan pa thos na/ kye ma dge sbyong go'u ta ma ni brda phrad dka' ba sha stag zer ro zhes 'phya ba lta bur ston te/ kye ma g.yengs pa'i shes rab rtul ba'i dge slong zhig yin par sems can rnams kyis shes kyang / bskal pa bye ba phrag du ma nas/ de bzhin gshegs pa la phan pa dang bde ba byed pa yang yin no// 'dzam bu'i gling la lngar ni de bzhin gshegs pa la zas dug ga can 'bul zhing bslab pa'i gzhi dang / pham pa'i 'gal ba byed pa lta bur ston te/ pham pa can du sems can rnams kyis shes kyang / sems can thams cad kyi tshul khrims kyi sdom pa skyed par byed pa yang yin no/ / 'dzam bu'i gling la lar ni/ de bzhin gshegs pa rnam kyi mdzad pa mang po ston pa lta bur ston te/ yang dag par ston pa po yin par sems can rnams kyis shes kyang / yang dag par ston pa po yang ma yin te/ de bzhin gshegs pa'i rgyan byed pa yin no// 'dzam bu'i gling la lar ni nyan thos dang rang sangs rgyas thams cad lta bur bdag nyid ston te/ nyan thos dang rang sangs rgyas thams cad yin pa rA/ sems can rnams kyis shes so// 'dzam bu'i gling la lar ni yongs su mya ngan las 'da' ba lta bur bdag nyid ston te/ yongs su mya ngan las 'das par sems can rnams kyis shes kyang / sngan chad gtan du yongs su mya ngan las 'das pas ni nams kyang yongs su mya ngan las ma 'das so/ / lan cig yongs su mya ngan las 'das pas yongs su mya ngan las 'das pa yang ma yin te/ lan mang du yang yongs su mya ngan las 'das pas yongs su mya ngan las 'da'o/ / lan grangs bye ba phrag brgyad khri bzhi stong du yongs su mya ngan las 'das pas/ yongs su mya ngan las 'da' bar byed de/ lan bye ba phrag nyi khri cig stong du 'dod chags las yongs su mya ngan 'das pas yongs su mya ngan las 'dra' bar 'gyur la/ 'dod chags la brten te yongs su mya ngan las 'da' ba yang ma yin no// lan bye ba phrag nyi khwa cig stong du zhe sdang las yongs su mya ngan las 'da'o/ / len bye ba phrag nyi khri cig stong du gti mug las yongs su mya ngan las 'da'o// lan bye ba phrag nyi khwa cig stong du cha mnyam pa las yongs su mya ngan las 'das pas yongs su mya ngan las 'da' bar byed de/ rnam pa bzhi po 'di lta bus yongs su mya ngan las 'das pa chen por yongs su ngan las 'da' bar 'gyur/ la 'dod chags dang / zhe sdang dang / gti mug dang cha mnyam pa la yang mi rten to// de ltar yongs su mya ngan las 'das pa chen po bzhi po de dag gis/ bskal pa bye ba phrag du ma nas bya/ ba mthar phyin te 'dul ba'i dbang gis yongs su mya ngan las 'da' ba lta bur ston te/ mi dge ba'i phyogs ji snyed par yongs su mya ngan las 'das pa yang de snyed de/ rtag tu skad cig dang / thung cig dang / yud tsam gyis yongs su mya ngan las 'da'o// de bas na rnam pa mang po dag gis yongs su mya ngan las 'da' bar byed la/ gtan tu yongs su mya ngan las 'da' ba'i ming yang med pa'i phyir yongs su mya ngan las 'da'o/ / 'dzam bu'i gling la lar ni bdud kyi las byed par bdag nyid ston te/ bdud sdig can yin par sems can rnams kyis shes kyang / bdud kyi las kyang mi byed do// 'dod chags dang / zhe sdang dang / gti mug gi 'jigs pa la sogs pa/ mi dge ba'i phyogs ji snyed pa'i bdud kyi las rtag tu byed la shin tu gcod par byed pa'i bdud kyi las la rten pa yang ma yin no/ / byang gi sgra mi snyan la lar bdag nyid mngal nas skye ba lta bur ston te/ sems can rnams kyis bu bcos par shes kyang / 'khrig pa la brten nas byung ba yang ma yin zhing / bu'i rang bzhin yang ma yin no// byang gi sgra mi snyan la lar ni mngon par 'byung ba yang ston te/ sems can rnams kyis mngon par 'byung bar shes kyang / de la mngon par 'byung ba'i 'du shes 'jug pa yang med do// byang gi sgra mi snyan la lar ni gtsug pud bregs pa'i las lta bur ston te/ sems can rnams kyis gtsug pud 'dreg pa'i las byed par shes kyang de la de'i 'du shes 'jug pa yang med do// byang gi sgra mi snyan la lar ni mkhan po'i khyim du 'gro ba lta bur ston te/ bslab par bya ba'i yi ge slob par sems can rnams kyis shes kyang / bskal pa du mar bslab pa'i bya ba shin tu tshar phyin par byas shing / bskal pa bye ba phrag brgya stong du mnas bzo'i bya ba thams cad kyang mthar phyin to/ / byang gi sgra mi snyan la lar ni mi'i seng ge dang / ngang pa'i stabs su 'gro ba lta bur ston te/ sems can rnams kyis mi'i seng ge dang / ngang pa'i stabs su 'gro bar shes kyang / bskal pa bye ba phrag du ma la sogs pa nas/ ngang pa'i stabs kyi 'du shes de yang spangs so// byang gi sgra mi snyan la lar ni bu dang chung ma yang ston par byed de/ sems can rnam kyis 'dod pa la yongs su spyod par shes kyang / de yang rtag tu chos 'dod pa la yongs su spyod kyi/ nyon mongs pa dang 'dod pa la gnas pa la gnas pa ma yin no// byang gi sgra mi snyan la lar ni bshad ba dang gci ba blta bur ston par byed de/ sems can rnams kyis bshang ba dang / gca ba byed par shes kyang / bskal pa bye ba phrag grangs med pa nas bshang ba dang / gci ba'i 'du shes kyang rnam par spangs te/ 'du shes de yang 'jug pa med do// byang gi sgra mi snyan la lar ni so shing spyod pa lta bur ston te/ so shing 'cha' bar sems can rnams kyis shes kyang // bskal pa bye ba grangs med pa nas/ nyon mongs pa'i so shing rnam par spangs te/ kha yang ud pa la'i dri dang ldan no// byang gi sgra mi snyan la lar ni gdugs dang lham 'chang ba lta bur ston te/ gdugs dang / lham 'chang bar sems can rnams kyis shes kyang / bskal pa bye ba du ma nas nyon mongs pa'i gdugs dang / lham gyi 'du shes kyang rnam par spangs te/ lus dag cing rtag tu chos kyi bde ba dang / ting nge 'dzin gyi gdugs 'chang zhing / rin po che'i gdugs dang / pad+ma'i lham thams cad ston par byed do// byang gi sgra mi snyan la lar ni khrus byed pa lta bur ston te/ khrus byed par sems can rnams kyis shes kyang / bskal pa bye ba phrag du ma nas khrus kyi 'du shes de rnam par spangs te/ mdo du ma nas byung ba'i chus rtag tu khrus byed cing / sems can tham cad kyis mu stegs su gyur pa yang yin no/ / byang gi sgra mi snyan la lar ni nad kyi rang bzhin lta bur ston te/ sman la sten par sems can rnams kyis shes kyang / bskal pa bye ba phrag du ma nas nyon mongs pa thams cad dang bral zhing nad rnams bsal ba ste/ sems can nad kyis thebs pa rnams dang / 'dod chags kyi rang bzhin dag las kyang gso bar byed do// byang gi sgra mi snyan la lar ni grang ba dang / tsha ba la sten pa lta bur ston te/ grang ba dang tsha ba la sten par sems can rnams kyis shes kyang / bskal pa bye ba phrag du ma la sogs pa nas/ grang ba dang tsha ba'i 'jigs pa yang rnam par spangs so/ / byang gi sgra mi snyan la lar ni bkres pa dang skom pa'i sred cing zhen pa dang ldan par ston te/ bkres shing skom pas gdungs par sems can rnams kyis shes kyang / bskal pa bye ba phrag du ma nas bkres pa dang skom pa'i 'du shes kyi 'jigs pa'i klung gi rgyun las kyang rgal nas/ rtag tu bkres pa dang sgom pas sred par gyur pa'i 'byung po thams cad kyi kha zas su gyur cig ces zer ro/ / byang gi sgra mi snyan la lar ni sbyin pa'i pha rol tu phyin pa la spyod pa la rtsom pa lta bur ston te/ kye ma sbyin pa la brtson pa'i sems can yin par sems can rnams kyis shes kyang / bskal pa bye ba phrag du ma nas kyang pha rol tu phyin pa du ma rtag tu spyad pas pha rol tu phyin pa bcu po rnams la sems can rnams sdud pa'i rgyung gyur to/ / byang gi sgra mi snyan la la ni 'khor los sbyar ba'i rgyal srid kyi tshul ston te/ 'khor los sgyur ba'i rgyal por sems can rnams kyis shes kyang / de'i tsher mis sbyar ba phal gyi spyad pa yang mi spyod de/ rtag tu phyir mi ldog pa'i chos kyi 'khor lo skor ba'i rgyal po byed cing // sems can thams cad kyang byed du 'jug go// byang gi sgra mi snyan la khar ni de lta bu'i rgyal srid phun sum tshogs pa shin tu rgya che ba dag kyang rtsa bzhin du bor nas/ rab tu byung ba'i gzugs dang / mtshan ma ston par byed de/ la lar ni rab tu byung ba lta bur la lar ni rab tu ma byung ba lta bur sems can rnams kyis shes so/ / byang gi sgra mi snyan la lar ni ya mtshan can thams cad kyi rab tu byung ba lta bu ru lta ba ngan pa rab tu 'byung ba la rab tu byung ba sems can rnams kyis shes kyang / ya mtshan can thams cad dang 'thun par rab tu byung ba yang ma yin te/ de dag nges par sgral ba'i phyir rab tu 'byung ngo // byang gi sgra ma snyan la lar ni de bzhin gshegs pa'i rab tu 'byung bar rtsom pa lta bur ston te/ de bzhin gshegs pa'i rab tu 'byung bas rab tu byung bar sems can rnams kyis shes kyang / bskal pa bye ba phrag du ma nas de bzhin gshegs pa'i rab tu byung ba'i bya ba yang mthar phyin par byas so/ / byang gi sgra mi snyan la lar ni sbyangs pa'i yon tan bcu gsum yang dag par 'dzin pa lta bur ston te/ sbyangs pa'i yon tan can yo byad bsrungs pa yin par sems can rnams kyis shes kyang / bskal pa bye ba phrag du ma nas/ sbyangs pa'i yon tan rdzogs shing rtag tu mnyam par bzhag pa yang yin no/ / byang gi sgra mi snyan la lar ni/ byang chub kyi snying por rtsa bting ba lta bur ston te/ byang chub kyi snying po la 'dug par sems can rnams kyis shes kyang rtag tu byang chub kyi bya ba mthar phyin par byas pa yin no/ / byang gi sgra mi snyan la lar ni/ bsam gtan dang / ting nge 'dzin dang / snyoms par 'jug pa la snyoms par zhugs pa lta bur ston te/ bsam gtan dang / ting nge 'dzin dang / snyoms par 'jug pa la snyoms par zhugs par sems can rnams kyis shes kyang / rtag tu snyoms par 'jug pa'i spyod pa du ma la spyod pa yang yin no/ / byang gi sgra mi snyan la lar ni yan lag dgu'i mdo 'chad pa lta bur ston te/ bcom ldan 'das kyis yan lag dgu'i mdo gsungs pa 'chang par sems can rnams kyis shes kyang / rtag tu mdo du ma la sogs pa yang 'chad do// byang gi sgra mi snyan la lar ni bslab pa'i gzhi tshad med pa nges par byed pa lta bur sbyin te/ bslab pa'i gzhi tshad med pa nges par 'cha' bar byed par sems can rnams kyis shes kyang / ros kyi phung po brgyad khri bzhi stong gi mdo dag kyang rtag tu byed cing / bslab pa'i gzhi du ma dag kyang rtag tu 'cha' bar byed do/ / byang gi sgra mi snyan la lar ni byang chub kyi shing drung du bdud 'dul ba lta bur ston te/ bdud kyi sde pham par byas par sems can rnams kyi shes kyang / bdud rtsi/ 'du shes gcig kyang mi 'byung ste/ nyon mongs pa'i bdud dang / phung po'i bdud la sogs pa bdud bye ba du ma dag kyang rtag tu zad par byed do// byang gi sgra mi snyan la lar ni rgyun du zhugs pa'i 'bras bu la sogs pa 'bras bu bzhi thob pa lta bur ston te/ 'bras bu bzhi thob par sems can rnams kyis shes kyang / 'bras bu bzhi'i 'du shes kyang mi 'byung ste/ 'bras bu'i bya ba du ma dag la yang spyod cing / phyir mi 'ong ba yang ma yin la/ sems can rnams nges par bsgral ba'i phyir/ rtag tu srid pa'i yan lag rnams su yang 'ong ngo // byang gi sgra mi snyan la lar ni yon gnas lta/ bur ston te/ 'jig rten na yon gnas yin par sems can rnams kyis shes kyang / yon gnas kyi nga rgyal yang mi spyod de/ nam sems can thams cad bla na med pa yang dag par rdzogs byang chub tu yon gnas su gyur pa de'i tshe/ bdag yon gnas kyi 'du shes la 'jug go snyam nas ma gos pa'i spyad pa la spyod do// byang gi sgra mi snyan la lar ni dge 'dun gyi dbyen byed pa lta bur ston te/ dge 'dun gyi dbyen byed par sems can rnams kyis shes kyang / sngon gyi bskal pa grangs med pa nas/ dge 'dun gyi dbyen sngan chad kyang ma byas te/ dge 'dun la phan pa sgrub par spyod pa yin no/ / byang gi sgra mi snyan la lar ni/ de bzhin gshegs pa'i zhabs kyis reg pa'i rdul gung du 'dor bar byed pa lta bur ston te/ kye mdur smrig tsam 'chang zhing ma bzad pa'i las byed pa zhag yin par sems can rnams kyis shes kyang / ngur smag tsam 'chang ba yang ma yin te/ sems can thams cad la phan pa dang / bde ba ston pa yang yin no// de la sogs pa gzhan yang de bzhin gshegs pa'i zhabs drung du chos nyan pa thos nas/ kye ma dge sbyong go'u ta ma ni brda phrad dka' ba sha stag zer ro zhes 'phya ba lta bur ston te/ kye ma g.yengs pa shes rab rtul ba'i dge slong zhig yin par sems can rnams kyis shes kyang / bskal pa bye ba phrag du ma nas/ de bzhin gshegs pa sems can la phan pa dang bde ba byed pa yang yin no/ / byang gi sgra ma snyan la lar ni de bzhin gshegs pa la zas dug can 'bul zhing bslab pa'i gzhi dang / pham pa'i 'gal ba byed pa lta bur ston te/ pham pa can du sems can rnams kyis shes kyang / sems can thams cad kyi tshul khrims kyi sdom pa skyed par byed pa yang yin no// byang gi sgra mi snyan la lar ni/ de bzhin gshegs pa rnams kyi mdzad pa mang po ston pa lta bur ston te/ yang dag par ston pa po yin par sems can rnams kyis shes kyang / yang dag par ston pa po yang ma yin te/ de bzhin gshegs pa'i rgyan byed pa yin no/ / byang gi sgra mi snyan la lar ni/ nyan thos dang / rang sangs rgyas thams cad lta bur bdag nyid ston te/ nyan thos dang / rang sangs rgyas thams cad yin par sems can rnams kyis shes so/ / byang gi sgra mi snyan la lar ni yongs su mya ngan las 'da' ba lta bur bdag nyid ston te/ yongs su mya ngan las 'da' bar sems sa can rnams kyis shes kyang / sngan chad gtan du yongs su mya ngan las 'das pas ni nams kyang yongs su mya ngan las ma 'das so/ / lan cig yongs su mya ngan las 'das pas/ yongs su mya ngan las 'das pa yang yin te/ lan mang du yongs su mya las 'das pas yongasu mya ngan las 'da'o// lan grangs bye ba phrag brgyad khri bzhi stong du yongs su mya ngan las 'das pas/ yongs su mya ngan las 'da' bar byed de/ lan bye ba phrag nyi khri cig stong du 'dod chags las yongs su mya ngan las 'das pas/ yongs su mya ngan las 'da' bar 'gyur la/ 'dod chags la brten te/ yongs su mya ngan las 'das 'da' ba yang ma yin no/ / lan bye ba phrag nyi khri cig stong du zhe sdang las yongs su mya ngan las 'da'o// lan bye ba phrag nyi khri cig stong du gti mug las yongs su mya ngan las 'da'o// lan bye ba phrag nyi khri cig stong du cha mnyam pa las yongs su mya ngan las 'das pas/ yongs su mya ngan las 'da' bar byed de/ rnam pa bzhi po 'di lta bus yongs su mya ngan las 'das pa chen bor yongs su mya ngan las 'da' bar 'gyur la/ 'dod chags dang / zhe sdang dang / gti mug dang / ma mnyam pa la yang mi rten to// de ltar yongs su mya ngan las 'das pa chen po bzhi po dag gis/ bskal pa bye ba phrag du ma nas/ bya ba mthar phyin to// 'dul ba'i dbang gis yongs su mya ngan las 'da' ba lta bur ston to// mi dge ba'i phyo ji snyed yod par yongs su mya ngan las 'das pa yang de snyed de/ rtag tu skad cig dang / thang cig dang / yud tsam gyis yongs su mya ngan las 'da'o// de bas na rnam pa mang po dag gis yongs su mya ngan las 'da' bar byed la/ gtan du yongs su mya ngan las 'da' ba'i ming yang med pa'i phyir/ yongs su mya ngan las mi 'da'o// byang gi sgra mi snyan la lngar ni/ bdud kyi las byed par bdag nyid ston te/ bdud sdig can yin par sems can rnams kyis shes kyang / bdud kyi las kyang mi byed do// 'dod chags dang / zhe sdang dang / gti mug gis 'jigs pa la sogs pa mi dge ba'i phyogs ji snyed pa de snyed kyi bdud kyi las rtag tu byed la/ shin tu gcod par byed pa'i bdud kyi las la rten pa yang ma yin no// 'dzam bu'i gling dang byang gi sgra mi snyan du ji lta ba de bzhin du gling thams cad du yang sbyar bar bya'o/ / rgyal chen bzhi la la dag tu 'am/ de bzhin du sum cu rtsa gsum pa'i tshogs kyis yongs su bskor ba'i nang du/ lha'i dbang po brgya byin lta bur bdag nyid ston te/ lha rnams kyi dbang po brgya byin yin par sum cu rtsa gsum pa'i lha rnams kyis shes so// 'jig rten skyong ba bzhi la yang de bzhin du sbyar ro/ / sred pa thams cad la yang srid pa thams cad kyi tshul du mngal du skye ba rnam par ston te/ sred pa thams cad kyi sems can rnams rang rang gi gzugs dang 'dra bar sems so/ / de bzhin du srid pa'i yan lag bcu gnyis kyi rang bzhin thams cad du yang bdag nyid ston cing / sems can thams cad kyang khams kyi 'du shes la 'jug par byed la/ sems can gyi khams la yang mi gnas shing / chos kyi dbyings yin la/ rtag tu chos kyi gtam byed par yang sems can rnams kyis shes so// sprin chen snying po de bas na/ zab mo brtan pa'i chu'i rgya mtsho'i dus tshod kyi ting nge 'dzin 'di la gnas pa'i byang chub sems dpa' la ni 'jug pa'i gnas kyi gzhi gcig tu chad pa med de/ nyan thos dang / rang sangs rgyas kyi yul gyi rgyu ba la rgyu bar mi byed do/ / 'jig rten dang 'thun par 'jug pa'i bya ba du ma dang / sems can thams cad nges par bsgral ba'i phyir ni rgyu ba yang mi byed de/ rtag tu 'jig rten thams cad dang 'thun par 'jug cing / gang dang gang du gdul bar bya ba rnams snang ba de dang der yang / bdag nyid ston te/ de bas na mtshan ma med pa'i 'du shes la spyod pa zhes bya'o/ / gang gis mtshan mo'i dngos po ngan pa'i 'du shes mthong ba des ni yang dag par mthong ngo zhes nga smra'o// lha mo dri ma med pa'i 'od 'di mtshan ma med pa'i ye shes ston pa de bzhin du/ de bzhin gshegs pa thams cad kyang ting nge 'dzin 'di la gnas pa'i byang chub sems dpa' la 'di ston par mdzad do/ / de nas sprin chen snying pos gsol pa/ kye ma bcom ldan 'das lha mo dri ma med pa'i 'od 'di ni shin tu mkhas te/ phra ba shes pa dang ldan zhing mtshan ma ma mchis pa'i ye shes kyi yul bsam gyis mi khyab pa la sgom par bgyid de/ shin tu legs par yang dag par mthong ba lags so/ / de nas de'i tshe/ bcom ldan 'das thams cad mkhyen cing thams cad mkhyen pa dang ldan pas 'dzum pa mdzad nas/ 'od 'phro ba sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog can bcom ldan 'das kyi zhal gyi sgo nas byung ste/ 'jig rten gyi khams mtha' yas mu med par 'od kyis khyab par gyur nas/ tshangs pa'i 'jig rten la thug pa'i bar du song ste/ slar yang log nas bcom ldan 'das la lan gsum bskor ba byas te/ bcom ldan 'das kyi spyi gtsug tu mi snang bar gyur to/ / de'i tshe sa rnam pa drug tu g.yos/ rab tu g.yos/ ldeg rab tu ldeg par gyur to// rigs kyi bu dper na/ byang gi sgra mi snyan gyi gling rtag tu shin tu brgyan cing / kho ra khor yug nas mdzes par byas pa de bzhin du/ stong gsum gyi stong chen po'i 'jig rten gyi khams 'di legs par brgyan par mthong ngo // de nas byang chub sems dpa' sems dpa' chen po sprin chen snying po stan las langs te/ bla gos phrag pa gcig tu bzur nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ / bcom ldan 'das de bzhin gshegs pa ni don ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ ci'i slad du ni 'od zer rnams byung bar gyur bcom ldan 'das kyis bka' stsal pa/ 'di ni snga ma'i tshe nub phyogs nas/ byang chub sems dpa' mir gyur pa'i 'od chen po byung ba mthong nas/ khyod kyi yid la ngo mtshar du gyur te/ bcom ldan 'das 'di su'i snga ltas lags shes zer ba de nyid kyi don dang / sems can thams cad la phan pa'i phyir/ nga 'dzum pa mdzad do// gsol pa/ bcom ldan 'das kyis byang chub sems dpa' mi mchog de mchi shig par bka' stsal du gsol/ bka' stsal pa/ byang chub sems dpa' 'di ni nub phyogs logs na/ de bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ba 'jig rten gyi khams bde ba can zhes bya ba de na da ltar 'tsho zhing gzhes te/ chos kyang ston pa'i de bzhin gshegs pa dgra bcom pa yang dag rdzogs pa'i sangs rgyas des btang tebacom ldan 'das shAkya thub pa 'jig rten gyi khams mi mjed na/ da ltar 'dzam bu'i gling ba'i mi bsod nams chung ngu rnams la phan pa dang bde ba dang / yid bde ba skyed par bya ba'i phyir/ sprin chen po zhes bya ba sangs rgyas thams cad kyis tshul gyis chos chen po ston gyis/ song la ting nge 'dzin 'di yang zung shing ces gsungs so// sprin chen snying po zhes khyod kyis 'di'i rang bzhin gyi lus mthong ngam/ gsol pa/ bcom ldan 'das 'di'i rang bzhin gyi lus kyi ngo bo la dpag tshad sa ya phrag dgu dang dgu 'bum mchis te/ lus che zhing snang ba chen por gda' ba lags na/ bcom ldan 'das kye ma byang chub sems dpa' lus che ba 'di'i ming ni ci zhes bgyi/ gal te tha mal pa'i lus 'dri 'dra ba lags na/ bsgyur ba'i lus ci 'dra bar 'gyur/ ji ltar sems can thams cad la sman pa'i slad du mchis pa/ sems can thams cad la sman pa'i slad du/ bcom ldan 'das kyis bshad du gsol/ bcom ldan 'das kyis bka' stsal pa/ byang chub sems dpa' 'od mtha' yas shes bya ba thabs la mkhas pa 'di ni/ lha mo dri ma med pa'i 'od 'di lung bstan pa yongs su gzung ba dang / sems can thams cad yi rang bar bya ba dang / sems can thams cad la phan pa dang bde ba bya ba dang / nges par bsgral ba dang / ting nge 'dzin 'di la mchod pa bya ba'i phyir 'ongs so// gsol pa/ lha mo dri ma med pa'i 'od gang du bud med kyi lus las ldog par 'gyur ba/ bcom ldan 'das de bzhin gshegs pas lung bstan du gsol/ bka' stsal pa/ sprin chen snying po bud med kyi lus las gang du ldog par 'gyur zhes de ltar ma lta zhig/ gsol pa/ bcom ldan 'das 'o na ji lta bu lags/ bka' stsal pa/ 'di ni bud med ma yin te/ lha mo dri ma med pa'i 'od 'di ni bskal pa / ba phrag grangs med pa nas/ byang chub sems dpa'i bya ba byed pa yin te/ sems can 'dul ba'i dbang gis bud med kyi lus 'dzin pas na 'di ni thabs kyi lus yin par blta'o// ting nge 'dzin 'di la gnas pa'i byang chub sems dpa' sems dpa' chen po ni rtag tu thabs thams cad la 'jug pa'i phyir/ sems kyi smon lam gyis smon par byed de/ 'dod bzhin du bud med kyi lus kyi 'du shes la 'jug go/ / de ltar bud med kyi lus bsgrub pa'i bsam pa 'jug kyang / 'dod pa'i sems kyis gos par mi 'gyur zhing 'dres par yang mi 'gyur ro// gsol pasems can thams cad kyi don gyi slad du/ lha mo dri ma med pa'i 'od lung bstan pa/ rigs dang grong dang bcas par cho ga bzhin du/ bcom ldan 'das kyis 'dir bshad du gsol/ bcom ldan 'das kyis bka' stsal pa/ lha mo dri ma med pa'i 'od 'di ni nga thabs kyis yongs su mya ngan las 'das pa'i 'og tu/ lo bdun brgya lon pa na lho phyogs kyi rgyud du/ yul 'khor mun can zhes bya ba zhig 'byung bar 'gyur te/ yul 'khor chen po de na/ chu klung nag po bzang zhes bya ba zhig yod pa de'i lho phyogs kyi 'gram na/ grong khyer dpal yon can nges pa zhes bya bar khams kyi rgyal po spyod ces bya ba'i rigs su 'byung bar 'gyur te/ khams kyi rgyal po de'i rigs rab sa gsum lon pa na/ rgyal po dpal 'phel zhes bya ba zhig 'byung bar 'gyur te/ rgyal po de'i bu mo snying du sdug cing byams la yid du 'ong ba dang / gnang ba dang / mchog tu mdzes shing gzugs bzang ba la rigs kyi spyod pa'i tshul phun sum tshogs pa/ skyong ba'i rang bzhin can du skye bar 'gyur te/ de'i tshe de'i dus na/ bu mo de ji tsam du skyes pa de tsam du/ bdag nyid kyi rgyal po'i pho brang 'khor 'phel bar byed de/ rgyal po'i pho brang 'khor de 'byor cing rgyas par 'gyur roro// de bzhin du mun pa can gyi yul 'khor yang de'i tshe/ 'byor cing rgyas par 'gyur te/ skye bo mang pos kyang gang bar 'gyur ro/ / 'bru rnams kyi lo tog kyang shin tu phun sum tshogs par 'gyur ro// mi rnams kyang bden pa smra bar 'gyur ro// nad med pa dang / 'jigs pa med pa dang / bde bar yang 'gyur ro/ / de nas bu mo'i pha rgyal po dpal 'phel gyis bdag nyid kyi bsod nams kyi grong khyer dang / yul 'khor 'byor cing rgyas la yul gyi mi rnams shin tu legs par 'dod pa dang / 'bru shin tu sna tshogs par mthong nas/ bdag nyid kyi bu mo ming lo tog 'byor ma zhes yon tan dang 'thun pa'i ming 'dogs so// de nas rims kyis rgyal po dpal 'phel rang gi bsod nams zad pas 'chi ba'i bu khyed par 'gyur ro/ / de nus grong khyer dang / zong rdal dang / dul gyi mi thams cad 'dus te/ gzhon nu rgyal po nus pa 'ga' yang med/ kyis/ lha mo lo tog 'byor ma 'di nyid rgyal por dbang bskur la/ rgyal po'i pho brang du de 'dra ba'i gzhon nu 'ga' zhig ming khyer tsam du bzhag ste/ de ltar byas na legs so snyam mo// de nas lha mo de dang rgyal po gzhon nu de rgyal po byed du bcug ste/ po 'ung ti mo 'ud ti bzhin du skad btags nas/ bdag nyid kyi yul du bdag nyid kyis bud med kyi gzugs kyis rgyal srid chen po yongs su spyad de/ mu stegs can ngan pa'i sde mngon par 'dul bar byed cing / 'dzam bu'i gling gi sa bzhi thams cad/ dra bzhin gshegs pa'i mchod rten gyi mngon mtshan can du byas nas/ bkur stir byed/ bla mar byed/ rim gror byed/ mchod par byed de/ rin po che thams cad kyi gdugs chen po dang / rin po che thams cad kyi ba dan rnams dang / rin po che thams cad kyi rnam par rgyal ba'i ba dan rnams dang / spos thams cad kyis bsgos pa'i tsan dan gyi phye ma dang / spos dang / me tog thams cad dang / rnga pa Ta ha dang / kha ra rnga dang rdza rnga dang pi wang dang / gling bu dang / sil snyan brgya phrag thams cad kyis mchod pa byas nas/ 'dzam bu'i gling thams cad bskor te/ dge slong tshul khrims dang ldan pa dang / yon tan dang ldan pa rnams la chos gos dang / bsod snyoms dang / mal stan dang / na ba'i gso sman dang / yo byad rnams dang ldan par byas te/ pha rol tu phyin pa bcu'i spyad pa spyod cing rtag tu bslab pa'i gzhi lnga bzung nas/ dbul po la sogs pa khyim kol gyi sems can thams cad gang dang gang la ci dang cis don du 'gyur ba de dang de la de dang de byin nas/ 'du shes bcu'i bsdu ba bsdus te/ spyod par byed cing sems can bye ba phrag mang po dag rims bzhin du brtul te/ sems can de dag gi dge ba'i rtsa ba yongs su smin par shes nas/ sprin chen po'i mdo 'di la sogs pa/ de bzhin gshegs pa thams cad kyis gsungs pa/ mtshungs pa med pa'i mdo rin po che'i dam pa'i chos bstan pa 'byung bar bya ba'i phyir/ ci'i thabs kyis kyang mtshungs pa med pa'i sgra sgrogs par byed cing / mtshungs pa med pa'i glegs bam bris pa'i snod/ sangs rgyas kyis gang dang gang du byin gyis brlabs pa'i gnas rnams su 'jog par byed de/ de ltar mtshung pa med pa'i sa bon bskyed nas/ de'i 'og tu 'chi ba'i dus byed par 'gyur ro// de'i tshe lha mo lo tog 'byor ma shes rab chen mo thabs mkhas pa/ zab mo shes pa dang ldan pa'i lha mos/ bung med kyi lus las ldog par 'gyur ro/ / sprin chen snying pos gsol pa/ bcom ldan 'das ci lha mo 'di sems can thams cad kyi dad pa bskyed pa'i slad du cho 'phrul chen po bgyis nas yongs su mya ngan las 'da' bar 'gyur ram/ bka' stsal pa/ spyan chen snang po ci lha me 'di cho 'phrul chen po byed mi nus shes smra'am/ bcom ldan 'das de ni ma lags so// bka' stsal pa/ sprin chen snying po lha mo 'di cho 'phrul chen po ston mi nus so zhes de skad ma zer cig/ 'on kyang 'dul ba'i dbang gis ni mi 'dod do// de ci'i phyir zhe na/ 'dzam bu'i gling 'di na lha mo 'di la sogs pa dge slong ngam/ dge slong ma tshul khrims dang ldan par gyur nas/ yongs su mya ngan las 'da' bar mi 'gyur ba'i sems can de gang yang med de/ de ni gnas med do// sprin chen snying po de bas na/ ma 'ongs pa'i sems can bsod nams chung ngu thams cad kyi dad pa bskyed pa'i phyir mdo 'di byang chub sems dpa' rnams lung bstan par byed do zhes nga smra'o// sprin chen snying po de'i tshe lha mo 'di bud med kyi lus las bzlog nas/ de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can du skye ba len par 'gyur te/ 'jig rten gyi khams der bde ba nyams su myong nas/ rims kyis sangs rgyasu 'gyur ro// gsol pa/ bcom ldan 'das thabs la mkhas pa dang ldan pa'i lha mo 'di yun ji srid cig na sangs rgyas su 'gyur/ 'di'i ming yang ji skad ces bgyi bar 'gyur/ bcom ldan 'das de 'jig rten gyi khams ni ci 'dra bar 'gyur/ bka' stsal pa/ lha mo 'di bskal pa grangs med pa phrag lnga brgya 'das pa na stong gsum gyi stong chen po'i 'jig rten gyi khams 'dir/ bla na med pa yang dag par rdzogs pa'i byang chub mngon par 'tshang rgya bar 'gyur te/ de bzhin gshegs pab dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das gtsang zhing bden pa'i mtshams 'phel bar mdzad pa zhes bya bar 'gyur ro// 'jig rten gyi khams mi mjed 'di yang 'jig rten gyi khams gtsag ma sbyong ba zhes bya bar 'gyur ro/ / bskal pa ni gtsang zhing bden pa'i mtshams shes bya bar 'gyur te/ 'jig rten gyi khams gtsang ma spong ba de 'byor par 'gyur/ rgyas par 'gyur/ bde ba dang nyams dga' ba dang / lo legs pa dang / skye bo dang / mi mang pos gang bar 'gyur ro// 'byor cing rgyas par gyur pa de'i tshe/ 'dzam bu'i gling 'dir grong khyer gtsang ma bsrung ldan zhes bya ba zhig 'byung bar 'gyur te/ grong khyer gtsang ma gsung ldan du mi bye ba brgya stong phrag dgu bcu rtsa brgyad 'byung bar 'gyur ro// dpe med pa'i grong khyer der rab dang / yang tog dang / bla btsogs dang / 'obs dpe med pa dag 'byung bar 'gyur ro// dag cing nyon mongs pa zhi bar byed pa'i chu klung nag po bzang zhes bya ba ni de'i tshe/ gtsang ma bzang po zhes bya bar 'gyur te 'gram pha rol tshu rol dpe med pa'i shing ljon pa'i kun dga' ra ba nyams dga' ba dang ldan par 'gyur ro/ / 'jig rten gyi khams gtsang ma spong ba de yang 'di lta ste dper nA/ dga' ldan gyi lha rnams kyi longs spyod dang / yongs su spyod pa bzhin te/ ri dang / rdo dang / bong ba dang / gyo mo dang / gseg ma la sogs pa med par 'gyur zhing / mu ste/ can gyi ming yang med 'gyur ro// nyan thos dang / rang sangs rgyas thams cad kyi ming yang mi grag par 'gyur ro// skyes pa dang / bud med dag pa'i byang chub sems dpa'i ngage 'dun yang 'byung bar 'gyur ro/ / de na nyan thos dang / rang sangs rgyas shes pa'i gtam gyi ming yang med de/ theg pa chen po'i mdo'i gtam rgyas par ston par 'gyur ro// bdud dang phyir rgol ba bcom pa'i sems can rnams 'byung bar 'gyur ro/ / dag cing bzod pa chen po'i rnyed pa thob pa dag 'byung bar 'gyur ro// sa gzhi yang nor bu rin po che thams cad la grub par 'gyur te/ / 'dzam bu'i chu bo'i gser gyi me tog dang / pad+ma thams cad kyis spras par 'gyur ro// de bzhin gshegs pa de yang tshe dpag tu med par 'gyur ro// de bzhin du mi rnams kyi tshe yang tshad med par 'gyur ro// de bzhin gshegs pa de ni grong khyer gtsang ma bsung ldan du bzhugs par 'gyur ro// bcom ldan 'das de'i smon lam gyi khyad par gyis na/ ma 'ongs pa'i sems can gyi tshogs mang po dag gis de bzhin gshegs pa de'i mtshan thos pa tsam gyis/ rang gi lus las shi 'phos ma thag tu/ 'jig rten gyi khams gtsang ma sbyong ba der grong khyer gtsang ma gsung ldan du skye bar 'gyur zhes nga smra'o// ngan song bzhi yang de dag gi spyod yul gyi sar mi 'gyur ro// sprin chen snying po de bas na nga ni bcom ldan 'das de'i 'jig rten gyi khams gtsang ma sbyong ba dang / bskal pa gtsang zhing bden pa'i mtshams shes bya ba dang / de bzhin gshegs pa gtsang zhing bde ba'i mtshams 'phel bar mdzad pa zhes bya ba'i yon tan gzung ba smra'o/ / de nas 'khor chen po'i nang nas/ lha dang mi'i tshogs tshad med pas bcom ldan 'das la mchod pa chen po'i las byas te/ gar byas/ glu blangs nas/ bcom ldan 'das de'i byang chub sems dpa'i spyod pa la sems bskyed do// 'di ni ma 'ongs pa'i sems can bye ba snyed dag lung ston pa sprin chen po'i mdo/ / tshig par brgyad par sbyar ba'i le'u 'bum pa las lung bstan pa'i rgyud yin no// bcom ldan 'das kyis de skad ces bka' stsal nas/ sprin chen snying po la sogs pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams yi rang ste/ bcom ldan 'das kyis gsungs pa la mngon par bstod do/ / 'phags pa sprin chen po zhes bya ba theg pa chen po'i mdo rdzogs so// / rgya gar gyi mkhan po su ren dra bo d+he dang chen gyi lo tsha ba ban d+he ye shes sdes zhus te gtan la phab pa/

CLOSE WINDOW