zhu chen gyi lo tso ba ban d+he dpal brtsegs kyis zhus te gtan la phab pa// / rgya gar skad du/ Ar+ya pa ri Na ta tsakranA ma ma hA yA na sU tra/ bod skad du/ 'phags pa yongs su sngo ba'i 'khor lo zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di sang bdag gis thos pa dus gcig / bcom ldan 'das nor bu rin po che rdo rje ri'i rngom la/ byang chub sems dpa' sems dpa' chen po'i 'khor mang po dang thabs cig tu bzhugs so// de nas bcom ldan 'das kyis/ byang chub sems dpa' rdo rje rin po che la bka' stsal pa/ rigs kyi bu gang byang chub sems dpa' byang chub chen po don du gnyer bar 'dod pa dang / sems can thams cad sgrol bar 'dod cing byang chub sems dpa'i sdom pa 'dzin par 'dod pa dang / byang chub chen por sems bskyed cing snying rje chen po dang ldan pas de bzhin gshegs pa thams cad la rim gro dang bkur sti bya bar 'dod pa dang / byang chub sems dpa' rnams kyi bsod nams kyi tshogs yangs shing rgya che ba sogs par 'dod pa dang / sangs rgyas kyi ye shes sgrub par 'dod pa dang / thogs pa med pa'i gzungs dang / ting nge 'dzin dang / rnam par thar pa'i sgo dang / rdzu 'phrul dang / mngon par shes pas rnam par rol par 'dod pa dang / nam mkha' la dbang ba dang mdzod chen po sgrub par 'dod pa dang / rang gi lag nas yid bzhin gyi nor bu bzhin du gtong zhing 'bul bar 'dod pas 'di skad ces brjod par bya ste/ phyogs bcu na bzhugs pa'i sangs rgyas bcom ldan 'das thams cad dang / sa bcu la rab tu gnas pa'i byang chub sems dpa' chen po rnams dang / rdo rje 'dzin pa rnams bdag la dgongs su gsol/ bdag ming 'di zhes bgyi ba yang dag pa'i lam la bde bar gnas pa ma thob pas/ deng byang chub tu sems bskyed de/ bdag gi lus dang sems 'di dus thams cad dang rnam pa thams cad du/ dus gsum gyi de bzhin gsheg pa dang byang chub sems dpa' thams cad la bdag lus 'bul gyis/ mthu chen po mnga' ba'i de bzhin gshegs pa rnams dang sa chen po la rab tu gnas pa'i byang chub sems dpa' thams cad kyis bdag bzhes su gsol/ bdag gi bsod nams dang ye shes kyi tshogs chen po dang / brtson 'grus brtsams pa dang / sems kyi rgya bskyed pa dang / rab tu zhi zhing dul ba dang / dbang dang / mngon par shes pa dang / pha rol tu phyin pa la sogs pa myur du yongs su rdzogs par gyur cig/ yang bcom ldan 'das thugs rje chen po dang ldan pa rnams bdag la dgongs su gsol/ bdag ming 'di zhes bgyi ba 'khor ba na 'khor zhing bcing ba chen pos bcings par gyur pa/ btson rar gnas pa/ yang dag pa'i lam dang bral ba/ nyon mongs pa'i dgra'i dbang du gyur pa/ mgon med pa/ skyabs med pa/ mig med pa/ rten med pa/ gtso bo mong pa/ 'dren pa med par gyur pa/ lam gol bar song ba/ 'khor ba la gzhol ba/ mya ngan las 'das pa chen po la rgyab kyis phyogs pa/ ngan 'gro la phyogs pa/ lam ngan pa la bsnyen pa/ lam ngan par lhung bar gyur pa/ rtag tu bshes gnyen ngan pas zin cing dge ba'i bshes gnyen dang bral ba/ yang dag pa'i lam ma yin pa dang / phan par gyur pa dang / phan pa med pa dang / don yod pa dang / don med pa la rmongs par gyur pa/ dge ba'i chos dang bral zhing mi dge ba chen po bsgrubs pa/ sangs rgyas dang / byang chub sems dpa' thams cad dang / 'phags pa rnams la rtag du rgyab kyis phyogs pa/ skye nan 'chi'i sdug bsngal gyis gzir cing mi bde ba chen po bsgrubs pa/ 'jig pa med pa/ bag tsha ba med pa/ sems rtag tu g.yengs par gyur pa/ sbyin pa dang tshul khrims dang / zhi zhing dben pa bsgrubs pa dang / bag byed pa dang bral bar gyur pa/ gzungs dang / ting nge 'dzin gyi sgo dang / sa bcu'i chos kyi bzod pa la bde bar gnas pa dang / shes rab kyi pha rol tu phyin pa zab mo dang mnyam pa nyid las ring du gyur pa/ byams pa dang / snying rje dang / dga' ba dang / btang snyoms tshad med pa bzhi mi sgrub pa dang / byang chub sems dpa'i lhag pa'i tshul khrims dang mi ldan par gyur pa dang / chags pa med pa dang / thogs pa med pa'i ye shes chen po las ring du gyur pa dang / mya ngan las 'das pa'i rgyu dge ba'i chos sgrub pa la bde bar gnas pa ma thob pa dang / rdzu 'phrul dang / stobs dang / mi 'jig pa dang bral bar gyur pa dang / yang dag pa'i dran pa la mi gnas pa dang / bsnyel ba mi mnga' ba'i chos nyid la spyod cing gzhol bar 'jug pa mi sgrub pa dang / bsod nams byed pa la g.yel zhing lta ba snyems pa dang / the tsom gyi sgrib pas byang chub kyi yan lag bdun mngon par mi rtog pa dang / de bzhin du 'phags pa'i lam yan lag brgyad pa mi sgrub pa dang / nyon mongs pa brgya stong tshad med pas zil gyis non cing sdug bsngal rnam pa mang pos sdug bsngal zhing yongs su mnar te rtag tu gdung ba/ bsam pa zhan pas khro zhing rnam par g.yeng ba/ nyon mongs pa brgya stong la rgyun du gzhol bar gyur pa/ de bzhin gshegs pa dang byang chub sems dpa' thugs rje chen po la gnas pa rnams kyis bdag gi skyabs mdzad par gsol/ bdag gi rten mdzad par gsol/ bdag gi 'dren pa mdzad par gsol/ bdag myur du yang dag par rdzogs pa'i sangs rgyas kyi lam dang / byang chub sems dpa' chen po'i lam dang / byang chub sems dpa' sems dpa' chen po'i tshogs sogs pa yongs su rdzogs par gyur cig/ bdag myur du de bzhin gshegs pa'i stobs bcu dang / mi 'jig pa pa'i dang / ma 'dres pa bco brgyad dang / de bzhin gshegs pa'i chos spobs pa thogs pa med pa dang / ting nge 'dzin dang / gzungs dang / rnam par grol ba'i yon tan dang / 'phrul dang / mngon par shes pa dang / pha rol tu phyin pa yongs su rdzogs par gyur cig/ yang bdag bsod nams phun sum tshogs pa thams cad dang ldan par gyur cig/ mchod pa rgya chen po byed pa'i dus su la 'di skad du brjod par bya ste/ yang sangs rgyas bcom ldan 'das mthu chen po mnga' ba thams cad dang byang chub sems dpa'i tshogs thams cad bdag la dgongs su gsol/ deng bdag sangs rgyas dang byang chub sems dpa' thams cad la mchod pa dang rim gro chen po bgyis te lus 'bul lo/ / phyogs bcu'i 'jig rten gyi khams na ji snyed rgyan dang yo byad bzang po thams cad rin po che'i gzhal med khang rnam pa sna tshogs pa dang / rin po che'i rgyan thams cad dang / rin po che'i shing dang // rin po che'i ri dang / rin po che'i ba dan dang / rin po che'i dkyil 'khor dang / rin po che'i dbyig rnam par bkram pa dang / rin po che gdugs dang / rin po che'i rgyal mtshan dang / rin po che'i do shal gyi rgyan dang / mu tig gi dra ba dang rin po che'i snod dang / rin po che'i phung po dang / rin po che'i 'od 'phro ba dang rin po che'i gling dag na nor bu rin po che chen po rnam par dag pa'i mar me'i sdong po dang / rin po che'i dril bu'i sgra 'khrol ba/ gser btso ma'i spar khab can gyi dom dom po long spungs pas yongs su khebs pa/ gser bco ma'i me tog 'dzam bu'i gser gyi bye ba can gser gyi shing ljon pas bkris pa/ gser gyi 'o drung sna tshogs rin po che'i sprin chags pa/ rin po rna thigs pa char du 'bab pa/ rin po che'i rnam pa mang po'i mdzod kyi pho brang lha rdzas kyi nor bus rtsig ngos spras pa/ rin po che'i shing thams cad rigs 'dzin chen po'i sdeng mos tshal gyir ba nyid du 'ong ba/ rin po ches ni pho brang dang / gnas dang / shing dang / nags tshal la sogs pa thams cad kyang yid du 'ong ba de lta bu bdag med pa 'dzin pa med pa thams cad sangs rgyas dang byang chub sems dpa' thams cad la yongs su sngo zhing 'bul lo/ / 'dzam bu gling na spyan bzang po ring du 'tsho bar byed pa la sogs pa'i rnam pa ji snyed pa yod pa dang / nor rin po che sems can thams cad kyi re ba yongs su song ba dang / ma g.yos par rang bzhin gyis bda' ba'i zhal zas bzang po dang / spos kyi shing ljon pa rnam pa sna tshogs pa dang / tsam dan gyi shing dang / a ka ru dang / tsan dan dmar po dang / lo ma che zhing me tog rtag par bsung gis bzi bar byed pa'i shing rnam pa sna tshogs pa dang / yid du 'ong ba'i lha rdzas kyi spos yongs su ma bcu ba/ yongs su gzung ba med pa/ dpag bsam gyi shing rnam pa sna tshogs pa dang / rgya mtsho chen po'i nang nas byung ba nor bu rin po che rnam pa sna tshogs yid bzhin gyi nor bu rin po che la sogs pa dang / ri rab lhun po dang / ri ti se dang / spos kyi ri dang / ri ma la ya dang / ri btang bzung dang / ri ma ha la dang / rdo rje'i ri la sogs te/ rin po che'i rnam pa de dag gi rin po che'i zom sna tshogs dang / rin po che'i stegs dang rdob rin po che dang / rin po che'i phug dang / rin po che'i pho brang dang / rin po che'i rgyan dang / rin po che'i zhogs ma dang / rin po che'i lam srang mang po dang / nor bu rin po che'i lam srang mang po dang nor bu rin po che'i ka ba dang / rin poche sgron ma'i 'khor lo mang po dang / bai DUR+Ya la sogs te nor bu'i rigs rnam pa mang po dang / ji tsam du lha'i gnas na bdag po med pa'i lha'i pho brang dang / lha'i nor rnam pa mang po yid du 'ong zhing blta bar mos pa dang / lha'i rol mo'i yo byad rnam pa mang po rlung gi ngad kyis bskyod pa tsam gyis sgra snyan pa 'byin pa dang / nam mkha'i gnas kyi pho brang nas rol mo'i sgra 'byin pa dang / lha'i rol mo rnam pa mang po ma bskyod par sgra snyan pa rang 'byin pa dang / lha'i yo byad sna tshogs nam mkha'i gnas kyi pho brang nas snyan pa'i sgra sna tshogs 'byin pa dang / rin po che'i sprin sna tshogs las snyan pa'i sgra 'byung ba dang / lha'i nor bu rin po che dbyangs snyan pa'i sgra 'byin pa dang / gzhan yang lha'i dri'i shing dang / me tog gi shing mang po dang / 'phreng ba'i shing dang / byug pa mang po dang / bdug pa'i spos kyi shing dang / sgron ma'i shing dang / rgya mtshan gyi shing dang / ba dan gyi shing dang / rin po che'i shing la sogs pa de dag thams cad ma bzung ba/ yongs su gzung ba med pa de dag thams cad kyang sangs rgyas dang byang chub sems dpa' thams cad la 'bul lo// ji tsam du de bzhin gshegs pa thams cad kyi spyan gyis gzigs pa'i sangs rgyas kyi zhing dag na mchod pa'i sprin chen po me tog gi sprin dang / spos kyi sprin dang / 'phreng ba'i sprin dang / bdug spos kyi sprin dang / byug spos kyi sprin dang / rin po che'i gdugs kyi sprin dang / rin po che'i rgyal mtshan gyi sprin dang / rin po che'i bdan gyi sprin dang / rin po che'i gos kyi sprin dang / rin po che'i rnam pa'i sprin dang / rin po che'i phung po'i sprin la so te/ rin po che chen po'i sprin rnam pa de dag dang / gzhan yang spos kyi 'bru mar gyis mar me'i snod chen po bkang ba stong gi 'jig rten gyi tshad dang mnyam pa/ mar me'i snying po ri rab kyi tshad tsam pa sgron mar byas te/ sangs rgyas bcom ldan 'das de dag thams cad dang byang chub sems dpa' chen po rnams la mchod cing 'bul lo/ / de bzhin du mchod pa rnam pa sna tshogs kyis mchod pa'i bsod nams dam pa ji tsam pa de dag thams cad bla na med pa'i byang chub tu yongs su bsngo'o/ / gang 'das pa'i sangs rgyas bcom ldan 'das rnams kyis dge ba mang po brtsams te dmigs su med pa'i tshul gyis byang chub tu yongs su bsngos pa de bzhin du/ bdag gis kyang bsod nams de dag thams cad bla na med pa'i byang chub tu yongs su bsngo'o/ / yang sangs rgyas som ldan 'das byang chub kyi snying por mdon pa rdzogs par sangs rgyas sas chos kyi 'khor lo can po ni bskor/ bdud kyi sde rnams ni pham par byas nas/ stsam las 'da' bar gshegs par dgongs pa la/ sems can thams cad la phan pa dang bde ba'i phyir bskal pa chen po gcig tshang bar bzhugs par gsol zhes gsol ba btab bo// sangs rgyas dang / byang chub sems dpa' thams cad dang / sems na thams cad kyis bsod nams ci bsgrubs pa de dag thams cad la rjes su yi rang ngo / / dus gsum gyi de bzhin gshegs pa dang byang chub sems dpa' thams cad kyis sdig pa dang mi dge ba'i las kyi sgrib pa thams cad bshags pa de bzhin du/ bdag gis kyang las kyi sgrib pa bshags shing yongs su sbyang ngo / / de bzhin du mchod pa dang bshags pa la sogs pa byas nas/ sangs rgyas dang byang chub sems dpa' thams cad mngon sum du dmigs pa'i spyan sngar gsang sngags 'di bcu rtsa brgyad bzlas so// oM sa~M b+ha ra saM b+ha ra bi man sa ra sa hA dza ba hUM/ gang gsang sngags de bzlas pas cing ci 'dod pa de thams cad 'grub cing lha'i mchod pa'i sprin chen po dang / de bzhin gshegs pa thams cad kyang mngon sum du 'gyur ro// rigs kyi bu 'am/ rigs kyi bu mo gang lal zhig gis de bzhin gshegs pa yid la byed cing / nyin mo'ang rung / mtshan mo'ang rung / yongs su sngo ba'i 'khor lo chen po 'di klog cing 'don na de'i sdig pa mi dge ba'i las 'byang zhing / nyon mongs pa thams cad khad kyis sbyong bar 'gyur ba dang / bsod nams kyi tshogs snga ma de dag thams cad thob par 'gyur ro// lan cig bklags pa tsam gyis kyang tshangs pa brgya'i dpal dang ldan zhing / rmi lam na'ang rtag tu sangs rgyas mthong bar 'gyur ro// tshe 'das nas kyang yongs su dag pa'i zhing du skye ma/ bcom ldan 'das kyis de na ces bka' stsal nas/ byang chub sems dpa'i tshigs mang podo dag thams cad/ bcom ldan 'das kyis gsus pa la mngon par stong // yongs su sngo ba'i 'khor lo nas bya 'dzeg pa chen pa ma rjenas so/

CLOSE WINDOW