zhu chen gyi lo tsa ba ban d+he ye shes sde la sogs pas bsgyur cing gtan la bab pa'o// / rgya gar skad du/ Ar+ya sang gA ta sU tra d+harmA r+ye ya/ bod skad du/ 'phags bzung gi mdo'i chos kyi rnam grangs// / bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slog dge 'dun chen po dge slong sum khri nyis stong la 'di lta ste/ tshe dang ldan pa kun shes ko'u di n+ya dang / tshe dang ldan pa mo'u 'gal gyi bu chen po dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa sgra gcan zin dang / tshe dang ldan pa ba ku la dang / tshe dang ldan pa bzang skyong dang / tshe dang ldan pa bzang dpal dang / tshe dang ldan pa tsan dan dpal dang / tshe dang ldan pa dug sel dang / tshe dang ldan pa rab 'byor dang / tshe dang ldan pa nam gru dang / tshe dang ldan pa dga' sde dang / de la sogs pa dge slong sum khri nyis stong dang / byang chub sems dpa' drug khri nyis stong la 'di lta ste/ byang chub sems dpa' sems dpa' chen po byams pa dang / byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po gzhon nu'i dpal dang / byang chub sems dpa' sems dpa' chen po gzhon nur gnas pa dang / byang chub sems dpa' sems dpa' chen po gzhon nu bzang po dang / byang chub sems dpa' sems dpa' chen po mi 'bri dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po kun du bzang po dang / byang chub sems dpa' sems dpa' chen po blta na sdug dang / byang chub sems dpa' sems dpa' chen po sman gyi sde dang / byang chub sems dpa' sems dpa' chen po rdo rje'i sde dang / de la sogs pa byang chub sems dpa' sems dpa' chen po drug khri nyis stong dang / lha'i bu khri nyis stong la 'di lta ste/ lha'i bu srid sgrub dang / lha'i bu bzang po dang / lha'i bu shin tu bzang po dang / lha'i bu chos 'dod dang / lha'i bu tsan dan snying po dang // lha'i bu tsan dan gnas dang / lha'i bu tsan dan dang / de la sogs pa lha'i bu khri nyis stong dang / lha'i bu mo brgyad stong la 'di lta ste/ lha'i bu mo rnga ldan dang / lha'i bu mo mdzes ldan dang / lha'i bu mo bdag nyid che ldan dang / lha'i bu mo mig dpa' dang / lha'i bu mo skye dgu'i bdag mo gnas pa dang / lha'i bu mo stobs 'dzin dang / lha'i mo nor dpal dang / lha'i bu mo lag pa bzang ldan dang / de la sogs pa'i bu mo brgyad stong dang / klu'i rgyal po brgyad stong la 'di lta ste/ klu'i rgyal po sog ma med dang / klu'i rgyal po e la'i 'dab ma dang / klu rgyal po na ming dang / gru'i rgyal po bum pa'i snying po dang / klu'i rgyal po dum pa mgo dang / klu'i rgyal po dge byed dang / klu'i rgyal po shin tu dga' ba dang / klu'i rgyal po mdab bzangs dang / klu rgyal po thang po mgo dang / de la sogs pa'i klu'i rgyal po brgyad stong dang thabs gcig tu bzhugs te/ de dag thams cad kyang rgyal po'i khab gal ba dang / bya rgod kyi phung po'i rig la ba dang / bcom ldan 'das ka la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan sngar 'khod pa dang / bcom ldan 'das cang mi gsung bar gyur pas gnang ngo // de nas byang chub sems dpa' sems dpa' chen po kun tu dpa' bstan las langs te/ bla gos phrag pa cig tu bzar nas/ pus mo g.yas pa'i lhang sa la btsugs te/ bcom ldan 'das ga la bde logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das lha bye ba dang / lha'i bu mo bya ba dang / byang chub sems dpa' bye ba mang po dang / bcom ldan 'das nyan thos bye ba mang po dang / klu'i rgyal po rnams kyang chos nyan pa'i slad du/ 'dus nas 'khod cing mchis na/ de bzhin gshegs pa dgra bcom pa yang dag par rdzogs pa'i sangs rgyas kyis chos kyi tshul la 'jug pa ji lta bus sems can rgan po rnams ni thos ma thag tu las kyi sgrib pa thams cad byang bar 'gyur ba dang / sems can gzhon nu rnams ni dge ba'i chos rnams la mngon par brtson zhing khyad par du 'phags pa thos par 'gyur te/ dge ba'i chos rnams las mi nyams/ yongs su mi nyams shing yongs su nyams par mi 'gyur pa de lta bu'i chos kyi tshul la 'jug pa de legs par bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// kun tu dpa' ba khyod de bzhin gshegs pa la don 'di 'dri bar sems pa ni kun tu dpa' ba legs so legs so// kun tu dpa' ba khyod de'i phyir legs par rab tu nyon la yid la rung shig dang / ngas khyod la bshad do// bcom ldan 'das de bzhin no zhes gsol nas/ byang chub sems dpa' sems dpa' chen po kun tu dpa' ba/ bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to/ / kun tu dpa' ba zung zhes bya ba'i chos kyi rnam grangs gang da ltar yang 'dzam bu'i gling na smod pa zhig yod do// gang la la zhig zung gis chos kyi rnam grangs 'di thos na/ de'i mtshams med pa lnga'i las nams 'byang zhing / bla na med pa yang dag par rdzogs pa'i byang chub las phyir mi ldog par 'gyur ro// kun tu dpa' ba 'di ji snyam du sems/ gang gis zung gi mdo thos na/ de bzhin gshegs pa gcig gi bsod nams kyi phung po ji snyed pa de skyed par 'gyur ro snyam na yang / kun tu dpa' ba de ltar mi blta'o// kun tu dpa' bas gsol pa/ 'o na ji ltar blta bar bgyi/ bcom ldan 'das kyis bka' stsal pa/ kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyi bsod nams kyi phung po ji snyed par byang chub sems dpa' sems dpa' chen po de dag kyang bsod nams kyi phung po yang de snyed par 'gyur ro/ / kun tu dpa' ba gang dag chos kyi rnam grangs 'di thos pa de dag thams cad ni phyir mi ldog par 'gyur ro/ / de dag thams cad ni de bzhin gshegs pa mthong bar 'gyur ro// de dag thams cad ni de bzhin gshegs pa mthong ba dang mi 'bral bar 'gyur ro// de dag thams cad ni bla na med pa yang dag par rdzogs pa'i byang chub mngon par 'tshang rgya bar 'gyur ro/ / de dag thams cad kyis dge ba'i chos gang dag 'thob par 'gyur ba de dag la bdud sdig can gyis mi rdzi bar 'gyur ro// kun tu dpa' ba gang dag zung gi mdo 'di thos pa de dag thams cad skye ba dang 'gag pa shes par 'gyur ro/ / de nas byang chub sems dpa' de dag thams cad de'i tshe stan las langs te/ bra gos phrag pa gcig tu bzar nas/ pus mo g.yas pa'i lha nga sa la gtsug te/ bcom ldan 'das la zhus pa/ bcom ldan 'das de bzhin gshegs pa gcig gi bsod nams kyi phung po ji snyed cig mchis/ bcom ldan 'das kyis bka' stsal pa/ rigs kyi bu dag sangs rgyas gcig gi bsod nams kyi phung po'i tshad nyon cig/ 'di lta ste dper na/ rgya mtsho chen po'i chu'i thigs pa dang / 'dzam bu'i gling gi rdul phra rab ji snyed pa dang / gang+gA'i klung gi bye ma snyed dang mnyam pa de dag thams cad sa bcu la gnas pa'i byang chub sems dpa' 'gyur ba'i byang chub sems dpa' de dag thams cad kyi bsod nams kyi phung po bas ni/ sangs rgyas gcig gi bsod nams kyi phung po ches mang ngo / / gang zung gi chos kyi rnam grangs 'di thos pa'i sems can rnams ni bsod nams kyi phung po de bas kyang ches mang du skyed par 'gyur te/ des bsod nams kyi phung po ji snyed pa ni/ bgrang ba'i tshul gyis mtha' rtogs par mi nus so// kun tu dpa' ba de'i tshe de'i dus na gang tshig 'di thos nas/ spro ba chen por 'gyur ba de ni bsod nams kyi phung po dpag tu med pa skyed par 'gyur ro/ / de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to// bcom ldan 'das sems can gang chos kyis yongs su sgom par 'gyur ba de dag gang lags de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// kun tu dpa' ba sems can gnyis po 'di dag ni/ chos kyis yongs su skom pa yin te/ gnyis gang zhe na/ kun tu dpa' ba 'di lta ste/ gcig ni sems can thams cad la sems mnyam pa'o// kun tu dpa' ba gnyis pa ni gang chos thos nas/ sems can thams cad la mtshungs par yang dag par rab tu ston pa'o/ / byang chub sems dpa' kun tu dpa' bas gsol pa/ bcom ldan 'das chos thos nas/ sems can thams cad la mtshungs par yang dag par rab tu ston pa gang lags/ bcom ldan 'das kyis bka' stsal pa/ kun tu dpa' ba gcig ni chos thos nas byang chub tu yongs su sngo ste/ nam byang chub tu yongs su sngo ba de ni/ sems can thams cad kyi phyir chos kyis yongs su skom pa yin no// kun tu dpa' ba gnyis pa ni/ gang theg pa chen po la 'jug pa ste/ rtag tu yang chos kyi yongs su skom pa yin no// de nas lha dang / klu dang / mi dang lha'i bu mo bye ba stan las langs nas/ bcom ldan 'das kyi spyan sngar thal mo sbyar te/ bcom ldan 'das la 'di skad ces gsol to// bcom ldan 'das bdag cag kyang chos kyis yongs su skom zhing mchis na/ bcom ldan 'das bdag cag dang / sems can thams cad kyi bsam pa yongs su rdzogs par mdzad du gsol/ de nas bcom ldan 'das kyis de'i tshe 'dzum pa mdzad do// de nas byang chub sems dpa' sems dpa' chen po kun tu dpa' bstan las langs nas/ bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// bcom ldan 'das 'dzum pa'i rgyu gang lags/ rkyen gang lags/ de nas bcom ldan 'das kyis byang chub sems dpa' sems dpa' chen po kun tu dpa' ba la bka' stsal pa/ kun tu dpa' ba sems can gang dag 'dir lhags nas/ bla na med pa yang dag par rdzogs pa'i byang chub mngon par rdzogs par 'tshang rgya ba de dag thams cad ni/ de bzhin gshegs pa'i spyod yul yongs su bsgrub pa grub par 'gyur ro// byang chub sems dpa' kun tu dpa' bas gsol pa/ bcom ldan 'das rgyu gang dang rkyen gang gis na// sems can 'dir lhags pa rnams bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ kun tu dpa' ba khyod de bzhin gshegs pa la don 'dri bar sems pa legs so legs so/ / kun tu dpa' ba de'i phyir 'di la yongs su bsngo ba'i khyad par nyon cig/ kun tu dpa' ba sngon byung ba 'das pa'i dus na/ bskal pa grangs med par gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rin chen dpal zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes du 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo // kun tu dpa' ba de'i tshe de'i dus na/ nga bram ze'i khye'u zhig tu gyur te/ ngas sems can gang dag sangs rgyas kyi ye shes la so sor bkod pa de dag thams cad/ de'i tshe de'i dus na/ ri dgas su gyur nas/ ngas de'i tshe de'i dus na/ 'di skad du da lngar ri dgas gang la la sdug bsngal gyis yongs su gzir bar gyur pa de dag thams cad/ nga'i sangs rgyas kyi zhing du skye bar gyur cig/ de dag thams cad kyang bdag gis sangs rgyas kyi ye shes la so sor 'god par gyur cig ces smon lam btab ste/ ri dgas de dag gis kyang tshig de thos nas/ de bzhin du gyur cig ces de skad smras te/ kun tu dpa' ba dge ba'i rtsa ba des na/ sems can de dag 'dir lhags te/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de nas byang chub sems dpa' sems dpa' chen po kun tu dpa' bas bcom ldan 'das las spro ba chen po thos nas/ bcom ldan 'das la 'di skad ces gsol to// bcom ldan 'das sems can de dag gi tshe'i tshad ji srid cig thub par 'gyur/ bcom ldan 'das kyis bka' stsal pa/ sems can de dag gi tshe'i tshad ni bskal pa brgyad cu thub par 'gyur ro// byang chub sems dpar kun tu dpa' bas gsol pa/ bcom ldan 'das bskal pa'i tshad ji tsam lags/ bcom ldan 'das kyis bka' stsal pa/ rigs kyi bu nyon cig/ 'di lta ste dper na/ mi la la zhig gis ra ba chu zheng du dpag tshad bcu gnyis la 'phang du dpag tshad sum pa zhig brtsigs te/ ra ba de'i nang til gyi 'bru sha stag gis yongs su gang bar byas la/ de nas mi des lo stong 'das shing / ra ba til gyi 'brus yongs su gang ba de las til gyi 'bru gcig phyi rol du bor te de lta bu'i tshul du mi des/ til gyi 'bru de dag thams cad zad par byas la/ ra ba de rmang yang med/ gzhi yang med par gyur du zin kyang / bskal pa ni zad par mi 'gyur ro// kun tu dpa' ba gzhan yang 'di lta ste dper na/ ri rngams su dpag tshad ldan 'phang du dpag tshad bcu gnyis pa zhig yod la/ de nas mi la la zhig gis/ ri de'i ngos la khyim brtsigs te/ dus ring po lo brgya 'das shing / ka shi ka'i ras kyis lan cig phyis te/ de ltar byas pas ri de zad par gyur du zin kyang / bskal pa ni zad par mi 'gyur ro// kun tu dpa'ang bskal pa'i tshad ni de yin no// de nas byang chub sems dpa' sems dpa' chen po kun tu dpa' bstan las langs te/ bcom ldan 'das la 'di skad ces gsol to// bcom ldan 'das bsngo ba gcig kyang bsod nams kyi phung po mang du skyed pa ni 'di lta ste/ bde bar tshe'i tshad bskal pa dgu cu thub par 'gyur na gang de bzhin gshegs pa'i bstan pa la bsnyen bkur shin tu mang por bgyid pa lnga smos kyang ci 'tshal/ bcom ldan 'das kyis bka' stsal pa/ rigs kyi bu nyon cig/ gang zung gi chos kyi rnam grangs thos pa de'i tshe tshad kyang bskal pa brgyad khri bzhi stong thub par 'gyur na/ kun tu dpa' ba gang zung gi mdo yi ger 'drir 'jug pa dang / klog pa lta ci smos te/ kun tu dpa' ba de ni bsod nams kyi phung po rab tu mang por skyed par 'gyur ro/ / kun tu dpa' ba sems dang ba gang zhig zung gi mdo la snying thag pa nas phyag 'tshal ba ni/ bskal pa dgu bcu rtsa lngar tshe rab dran par 'gyur ro/ / bskal pa drug bcu'i bar du 'khor los sgyur ba'i rgyal por 'gyur ro// tshe 'di la yang thams cad dga' bar 'gyur ro// kun tu dpa' ba de ni mtshon gyis 'chi ba'i dus byed par mi 'gyur/ dug gis 'chi ba'i dus byed par mi 'gyur ro// de la byad kyis tshugs par mi 'gyur ro// 'chi bar yang sangs rgyas bye ba phrag dgu bcu rtsa dgu mngon sum du mthong bar 'gyur te/ kun tu dpa' ba sangs rgya bcom ldan 'das de dag gis kyang de la skyes bu dam pa khyod kyis zung gi mdo'i chos kyi rnam grangs chen po legs par bshad pa thos pas/ bsod nams kyi phung po 'di skye ste/ sangs rgyas bcom ldan 'das bye ba phrag dgu bcu rtsa dgu po de dag gis kyang 'jig rten gyi khams so sor lung ston par 'gyur na/ kun tu dpa' ba gang zung gi mdo'i chos kyi rnam grangs chen po 'a / mtha' dag rdzogs par rgya cher thos pa lta ci smos kyis ma 'jigs shig ces dbugs 'byin par 'gyur ro// de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das padag gis kyang zung gi mdo'i chos kyi rnam grangs chen po mnyan par bgyi na/ bcom ldan 'das bdag bsod nams kyi phung po ji tsam zhig skyed par 'gyur/ bcom ldan 'das kyis bka' stsal pa/ kun tu dpa' ba sangs rgyas bcom ldan 'das gang+gA'i klung gi bye ma snyed dang mnyam pa rnams kyi bsod nams kyi phung po ji snyed par sems can de yang bsod nams kyi phung po de snyed skyed par 'gyur ro/ / gsol pa/ bcom ldan 'das nam bdag zung gi mdo'i chos kyi rnam grangs chen po nyan pa de na bcom ldan 'das ngoms ma 'tshal to// bcom ldan 'das kyis bka' stsal pa/ kun tu dpa' ba khyod chos rnams kyis ngoms mi shes pa ni legs so legs so// kun tu dpa' ba nga yang chos rnams kyis ngoms mi shes na/ kun tu dpa' ba byis pa so so'i skye bo rnams kyis ngoms mi myong bar bya ba lta ci smos/ kun tu dpa' ba rigs kyi bu 'am/ rigs kyi bu mo gang la la theg pa chen po la dad paskyed pa de bskal pa stong phrag du ma log par lhung bar 'gro bar mi 'gyur/ bskal pa lnga stong du dud 'gror skye bar mi 'gyur/ bskal pa khri nyis stong du blo ngan par mi 'gyur/ bskal pa khri brgyad stong du mtha' 'khob kyi skye bar mi 'gyur/ bskal pa nyi khrir bar tu sbyin pa la dga' bar 'gyur/ bskal pa'i khri lnga stong du lnga'i 'jig rten du skye bar 'gyur/ bskal pa gsum khrel skyong du tshangs par spyang la spyod par 'gyur/ de bskal pa bzhi thor byi kyi gnas nas 'byung bar 'gyur/ bskal pa lnga khrir chos 'dzin par 'gyur/ bskal pa drug khri lnga stong du 'chi ba rjes su dran pa bsgom par 'gyur ro// kun du dpa' ba rigs kyi bu 'am/ rigs kyi bu mo de la sdig pa'i las cung zad kyang 'byung bar mi 'gyur ro/ / de la 'dud sdig can gyis glags rnyed par mi 'gyur ro// nam du yang ma'i mngal du skye bar mi 'gyur ro// kun tu dpa' ba gang chos kyi rnam grangs 'di thos pa de dag ni gang dang gang du skye ba yang bskal pa dgu bcu rtsa lngar log par srung bar 'gro bar mi 'gyur ro/ / bskal pa brgyad khrir thos pa 'dzin par 'gyur ro// bskal pa stong du srog gcod pa spong bar 'gyur/ bskal pa dgu khri dgu stong brdzun du smra ba spong bar 'gyur/ bskal pa khri sum stong du phra ma'i chog spong bar 'gyur te/ kun du dpa' ba gang chos kyi rnam grangs 'di thos pa'i sems can de dag ni rnyed par dka'o// de nas byang chub sems dpa sems dpa' chen po kun tu dpa' bstan las langs te/ bla gos phrag pa gcig tu bzar nas/ pus mo g.yas pa'i lhangs la btsugs te/ bcom ldan 'das gal ba de logs su thal mo sbyar ba tung nas/ bcom ldan 'das la 'di skad ces gsol to// bcom ldan 'das gang dag chos kyi rnam grangs 'di spong ba dag sdig pa'i las kyi phung po ji tsam zhig skyed par 'gyur/ bcom ldan 'das kyis bka' stsal pa/ kun tu dpa' ba mang ngo // gsol pa/ bcom ldan 'das sems can de dag sdig pa'i las kyi phung po ji tsam zhig par 'gyur/ bcom ldan 'das kyis bka' stsal pa/ kun tu dpa' ba kha rog kha rog/ nga la sdig pa'i las kyi phung po kun ma 'dri shig/ kun tu dpa' ba gang de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gnyis kyi bye ma snyed la gnod sems bskyed pa bskyed pas ni/ gang zung gi mdo la smod pa de/ de bas mi dge ba'i phung po ches mang du skyed do// kun tu dpa' ba gang dag theg pa chen po la gnod pa'i sems skyed pa de dag kyang / de bas mi dge ba'i phung po ches mang du skyed par 'gyur te/ kun tu dpa' ba sems can de dag ni tshig pa'o// tshig pa nyid do// kun tu dpa' bas gsol pa/ bcom ldan 'das sems can de dag ni thar par bgyi mi nus lags sam/ bcom ldan 'das kyis bka' stsal pa/ kun tu dpa' ba de bzhin te/ thar par bya bar mi nus so// kun tu dpa' ba 'di lta ste/ dper na mi la la zhig gi mgo bcad na/ de la des sman sbrang rtsi 'am/ dkar ra'am/ bu ram mam/ mar ram/ 'bru mar ram/ bsku ba'i sman gang yang rung ba zhig gis mgo la bskus na/ kun tu dpa' ba 'di ji snyam du sems/ sems can de slar ldang nus sam/ kun tu dpa' bas gsol pa/ bcom ldan 'das rngo mi thog go// bcom ldan 'das kyis bka' stsal pa/ kun tu dpa' ba gzhan yang mi gzhan zhig kyang yod par gyur la/ des sems can gzhan la mtshon rnon pos btab na/ mtshon thang cig btab pas srog chod ma nus kyang / kun tu dpa' ba rma 'byung bar 'gyur te/ sman gyis sbyar na de'i ma 'tsho bar 'gyur ro/ / nam sos par gyur pa de na/ sdug bsngal dran nas/ da ni bdag gis shes kyis/ lan 'ga' yang sdig pa mi dge ba'i las mngon par 'du bya ba mi bya'o snyam du sems pa/ de bzhin du kun tu dpa' ba mi de nam sdug bsngal dran pa de na/ sdig pa thams cad yongs su spong ngo // de'i tshe chos thams cad mngon sum du byed par 'gyur ro// chos thams cad mngon sum du byas nas/ de'i tshe dge/ ba'i chos thams cad yongs su rdzogs par byed par 'gyur ro// kun tu dpa' ba 'di lta ste/ dper na mi zhig shi ba'i pha ma mya ngan byed cing smre sngags 'don kyang de la skyabs byed nus pa med pa de bzhin du/ kun tu dpa' ba byis pa so so'i skye bo'i sems can rnams kyang / bdag la phan pa dang / gzhan la phan pa byed mi nus te/ pha ma de re thag chad pa bzhin du sems can de dag kyang 'chi ba'i dus kyi tshe re zag chad par 'gyur ro/ / kun tu dpa' ba gnyis po 'di dag ni sems can rnams kyi re thag chad pa yin te/ gnyis gang zhe na/ 'di lta ste/ gcig ni sems can sdig pa byed pa 'am/ byed du 'jug pa'o// mi cig shos ni dam pa'i tshe slong ba ste/ gnyis po de dag ni sems can rnams 'chi ba'i dus kyis tsher thag chad pa'o// byang chub sems dpa' kun tu dpa' bas gsol/ pa/ bcom ldan 'das sems can de dag gi 'gro ba gang lags/ tshe slad ma gang lags/ bcom ldan 'das kyis bka' stsal pa/ kun tu dpa' ba sems can dam pa'i chos la smod pa rnams kyi 'gro ba ni mtha' yas te/ tshe phyi ma yang mtha' yas so// kun tu dpa' ba dam pa'i chos spong ba'i sems can de dag ni bskal par sems can dmyal ba chen po ngu 'bod du tshor ba myong bar 'gyur ro// bskal par bsdus gzhom dang / bskal par tsha ba dang / bskal par rab tu tsha ba dang / bskal par sems can dmyal ba chen po thig nag dang / bskal par sems can dmyal ba chen po mnar med pa dang / bskal par sems can dmyal ba chen po spu ring zhes byed pa dang / bskal par sems can dmyal ba chen po kyi hud zer ba dang / kun tu dpa' ba sems can dmyal ba chen po brgyad po de dag tu/ bskal pa brgyad kyi bar du sdug bsngal myong bar/ 'gyur ro// de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to// bcom ldan 'das sdug bsngal lags so// bde bar gshegs pa sdug bsngal lags so/ / nyan par mi spro'o// de nas bcom ldan 'das kyis de'i tshe/ tshigs su bcad pa 'di dag bka' stsal to// sems can dmyal ba sems can rnams// ji ltar sdug bsngal rab tsher myong // 'jigs pa chen po'i tshig 'di la// khyod ni nyan par spro ma yi// gang zhig dge ba'i las byed pa// de ni dge bar 'gyur ba yin// gang zhig mi dge las byed pa// de yang sdug bsngal nyid du 'gyur// gang zhig bde rgyu mi shes pa/ / skyes nas 'chi ba'i sdug bsngal dang / mya ngan bcings pa'i sdug bsngal gyis// byis pa rtag tu sdug bsngal lo// gang dag sangs rgyas mchog dran pa/ mkhas pa rnams ni bde ba yin/ / theg pa che la dad pa yang // de dag ngan 'gror 'gro mi 'gyur// kun tu dpa' ba de bzhin du// sngon gyis las kyis rab bskul nas// las ni chung ngu byas pa yang // 'bras bu mtha' yas spyod par 'gyur/ / sangs rgyas zhing gi zhing mchog tu// sa bon btab na 'bras bu che// ji ltar sa bon nyung btab las// 'bras bu mang por spyod pa bzhin// rgyal ba'i bstan la dga' byed dang / mkhas pa rnams ni bde bar 'gyur// sdig pa dag ni rnam par spong // dge bdag kyang mang du byed// gang dag pa mi bstan pa la// sbyin po sa tsam g+hA pa ni// bkal pa stong zug brgyad kurba// longs spyod che zhing nor yang mang // gang dang gang du skyes par yang // de dag rtag tu sbyin pa dran// de ltar sangs rgyas sbyin pa'i gnas// zab mo de ni 'bras bu che// de nas bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das de ji ltararo bcom ldan 'das kyis bstan pa la chos 'tshal bar bgyi/ bcom ldan 'das ji ltar na zung gi mdo'i chos kyi rnam grangs thos nas/ dge ba'i rtsa ba yongs su 'dzin par 'gyur/ bcom ldan 'das kyis bka' stsal pa/ kun tu dpa' ba gang gis de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gnyis kyi bye ma snyed dag la/ bde ba'i yo byad thams cad kyis bsnyen bkur byas pa ltar/ gang gis zung gi mdo'i chos kyi rnam grangs 'di nyan pa de'i bsod nams kyi phung po yang de bzhin du shes par bya'o/ / byang chub sems dpa' kun tu dpa' bas gsol pa/ bcom ldan 'das ji ltar dge ba'i rtsa ba yongs su rdzogs par bgyi/ de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// gang dge ba'i rtsa ba de ni de bzhin gshegs pa dang mtshungs par shes par bya'o/ / dge ba'i rtsa ba de bzhin gshegs pa dang mtshungs par 'tshal bar bgyi ba gang lags/ bcom ldan 'das kyis bka' stsal pa/ kun tu dpa' ba chos smra ba ni de bzhin gshegs pa dang mtshungs par shes par bya'o/ / kun tu dpa' bas gsol pa/ bcom ldan 'das chos smra ba gang lags/ bcom ldan 'das kyis bka' stsal pa/ gang zung gi mdo sgrogs pa de ni chos smra ba'o/ / kun tu dpa' bas gsol pa/ bcom ldan 'das gang dag zung gi mdo'i chos kyi nam grangs thos pa dag kyang 'di lta ba'i bsod nams kyis phung po skyes par 'gyur na/ gang dag na/ gang dag ger 'dri ba dang / klog pa lta ci smos te/ de dag bsod nams kyi phung po ji tsam zhig skyed par 'gyur/ bcom ldan 'das kyis bka' stsal pa/ kun tu dpa' ba nyon cig/ 'di lta ste dper na/ phyogs b zhi'i phyogs re re yang de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gnyis kyi bye ma rnyed dag bskal pa bcu gnyis kyi bar du bzhugs shing chos ston te/ zung gi mdo 'di yi ger 'dri ba de'i bsod nams kyis phung po brjod kyang de'i bsod nams kyi phung po mtha' rtogs paru ram/ tshig gis brjod par ni mi nus so// sangs rgyas bcom ldan 'das gang+gA'i klung gi bzhi bcu rtsa brgyad kyi bye ma snyed kyis kyang yi ger 'dri ba'i bsod nams kyi phung po de brjod par mi nus na/ gang yi ger 'dri ba dang / sems pa dang / klog pa de dag kyang chos kyi gder du 'gyur ba lta ci smos/ byang chub sems dpa' kun tu dpa' bas gsol pa/ bcom ldan 'das klog pa'i bsod nams kyi phung po ji tsam zhig du 'gyur/ de nas bcom ldan 'das kyis de'i tshe tshogs su bcad pa 'di dag bka' stsal to/ / tshig bzhi tshogs su bcad pa tsam// bklags pa rnams kyi dge ba gang / gang+gA brgyad cu rtsa bzhi yi// bye ma snyed kyi rgyal ba yis// 'di na zung gi mdo bklags pa/ / de dag bsod nams gang yod pa// rgyun mi 'chad par brjod gyur kyang // bsod nams de ni zad mi 'gyur// sangs rgyas rnams kyis chos bstan pa// rnyed par dka' zhing mtha' yas yang de'i tshe de'i dus na/ lha bye ba khrag khrig brgyad stong phrag drug cu rtsa bzhis zung gi mdo'i chos kyi rnam grangs bstan pa ga la bde logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das gang gi slad du/ chos kyi gter 'di ltar bcom ldan 'das kyi 'dzam bu'i gling 'dir bzhag pa ni legs so legs so// gzhan gcer bu pa bye ba khrag khrig brgya stong phrag bco brgyad bcom ldan 'das ga la ba der lhags nas/ bcom ldan 'das la 'di skad ces gsol to// kye dge slong go'u ta ma rgyal lo// bcom ldan 'das kyis bka' stsal pa/ de bzhin gshegs pa ni rtag tu rgyal lo/ / kye mu stegs can gcer bu can dag/ mu stegs can khyed rnams ji ltar rgyal bar 'gyur/ de dag gis smras pa/ rgyal bar mdzod/ dge slong go'u ta ma rgyal bar mdzod bcom ldan 'das kyis bka' stsal pa/ ngas khyed rnams rgyal ba ma mthong ngo // khyed ni phyin ci log gnas na// ji lta bur ni rgyal bar 'gyur// gcer bu khyed rnams nyon cig dang // khyed la phan pa brjod par bya// byis pa'i blo la bde ba med// khyed cag rgyal bar ga la 'gyur// ngas ni sangs rgyas spun gyis su// zab mo'i lam yang bstan par bya// de nas gcer bu pa de dag bcom ldan 'das la khros nas/ ma dad pa'i sems skyed do/ / de'i tshe de'i dus na/ lha'i dbang po brgya byin gyis rdo rje gsor ba dang / de nas gcer bu pa bye ba phrag bco brgyad po de dag sngangs skrag nas/ sdug bsngal chen pos nyam thag ste// ngu zhing mchi ma zag pa dang / / de bzhin gshegs pas kyang skra mi snang bar mdzad do// de nas gcer bu pa de dag ngu zhing gdong mchi mas gang / bcom ldan 'das ma mthong nas/ tshogs su bcad pa 'di dag smras so// 'di na dpung gnyen su yang med// de bzhin pa med ma yang med// 'brog dgon bzhin du rab tu mthong // khang pa stong pa gnas med do// 'di na chu yang yod med de// shing yang med cing bya yang med// 'di na skye bo ma mthong ste// mgon med sdug bsngal tshor ba ni// de bzhin gshegs pa ma mthong bas// mi bzad chen po myong bar gyur// yang de'i tshe na gcer bu pa bye ba phrag bco brgyad po de dag stan las langs te/ pus mo gnyis sa la btsugs nas/ sgra 'byin cing dbyangs kyis go bar byed do// de bzhin gshegs pa thugs rje can// rdzogs pa'i sangs rgyas rkang gnyis mchog/ bdag cag rnams la phan par mdzod// 'gro ba nyam thag bskyab tu gsol// de nas bcom ldan 'das kyis 'dzum pa mdzad nas/ byang chub sems dpa' kun tu dpa' ba la bka' stsal pa/ kun tu dpa' ba song la gzhan mu stegs can gcer bu pa rnams la chos shod cig/ de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa/ bas 'di skad ces gsol to// bcom ldan 'das ri nag po ni ri rab ri'i rgyal po la gor ma bkum par rtse mor 'dud na/ de bzhin gshegs pa bzhugs bzhin du bdag gis ji ltar chos bstan par bgyi bcom ldan 'das kyis bka' stsal pa/ kha rog rigs kyi bu de bzhin gshegs pa rnams kyi thabs mkhas pa mang gis/ kun tu dpa' ba song la phyogs bcu'i 'jig rten gyi khams su ltos te de bzhin gshegs pa ga la ba snang ba dang / de bzhin gshegs pa'i gdan gang du bting ba ltos shig dang / kun tu dpa' ba nga nyid kyis gzhan mu stegs can gcer bu pa rnams la chos bstan par bya'o// byang chub sems dpa' kun tu dpa' bas gsol pa/ bcom ldan 'das rang gi rdzu 'phrul gyis sa ma/ 'on te de bzhin gshegs pa'i rdzu 'phrul gyis mthus sam/ su'i 'ardzu 'phrul gyi mthus mchi bar bgyi/ bcom ldan 'das kyis bka' stsal pa/ kun tu dpa' ba rang gi rdzu 'phrul gyi stobs kyi byin gyi rlabs kyis song shig/ kun tu dpa' ba de bzhin gshegs pa'i mthus ni phyir shog shig/ de nas byang chub sems dpa' kun tu dpa' bstan las langs nas/ bcom ldan 'das la bskor ba byas te/ de nyid du mi snang bar gyur to// de nas bcom ldan 'das kyis gzhan mu stegs can de dag la chos bstan pa/ grogs po dag skye ba ni sdug bsngal ba yin te/ skye ba nyid kyang sdug bsngal ba'o// skyes nas sdug bsngal gyi 'jigs pa mang du 'byung ngo // skyes nas nad kyi 'jigs bab rnams 'byung ngo / / nad las rgan pa'i 'jigs pa rnams 'byung ngo // rgas pa las 'chi ba'i 'jigs pa 'byung ngo // bcom ldan 'das skyes pa las skyes pa'i 'jigs pa skye bar 'gyur zhes bgyi ba gang lags/ mir skyes nas 'jigs pa mang du 'byung ste/ rgyal po'i 'jigs pa 'byung ngo // rkun po'i 'jigs pa 'byung ngo // me'i 'jigs pa 'byung ngo // dug gi 'jigs pa 'byung ngo // chu'i 'jigs pa 'byung ngo // rlung gi 'jigs pa 'byung ngo // glong 'khyil ba'i 'jigs pa 'byung ngo // rang gis byas pa'i las rnams kyi 'jigs pa 'byung ngo // bcom ldan 'das kyis skye ba'i gling bzhi de lta bu rnam pa mang pos chos bstan pa dang de'i tshe de'i dus na/ gzhan mu stegs can gcer bu pa de dag rab tu skrag par gyur nas/ bdag cag ni phyin chad skye ba la nam yang mi mos so zhes de skad ces smras so/ / bcom ldan 'das kyis zung gi mdo'i chos kyi rnam grangs 'di bshad pa na/ gzhan mu stegs can gcer bu pa bye ba phrag bco brgyad po de dag bla na med pa yang dag par rdzogs pa'i byang chub yongs su rdzogs par gyur to/ / rang gi 'khor las kyang byang chub sems dpa' stong phrag bco brgyad sa bcu la rab tu gnas par gyur nas thams cad kyis kyang rdzu 'phrul gyis rnam par 'phrul pa 'di lta ste/ rta'i gzugs dang / glang po che'i gzugs dang / stag gi gzugs dang / nam mkha' lding gi gzugs dang / ri rab kyi gzugs dang / g.yung drung ris lta bu'i gzugs dang / la la dag ni shing ljon pa'i gzugs su ston cing thams cad kyang pad+ma'i khri la dkyil mo krung ngu 'khod do// byang chub sems dpa' bye ba stong phrag dgu ni/ bcom ldan 'das kyi g.yas rol na 'khod/ byang chub sems dpa' bye ba steng phrag dgu ni/ bcom ldan 'das kyi g.yon rol na 'khod cing de bzhin gshegs pa ni rtag tu mnyam par bzhag ste/ thabs mkhas pas chos ston par snang ngo // zhag bdun pa'i nyin mo de bzhin gshegs pa phyag gi mthil brkyang ste/ bcom ldan 'das kyi byang chub sems dpa' sems dpa' chen po kun tu dpa' ba/ pad+ma bla ma'i 'jig rten gi khams nas 'dir 'ong bar mkhyen to/ / byang chub sems dpa' sems dpa' chen po kun tu dpa' ba nam 'gro ba de na/ rang gi rdzu 'phrul gyi stobs kyi byin gyi rlabs kyis/ pad+ma bla ma'i 'jig rten gyi khams der nyin zhag bdun gyis phyin to// nam bcom ldan 'das kyis phyag brkyang ba de'i tshe/ byang chub sems dpa' kun tu dpa' ba/ bcom ldan 'das kyi spyan sngar 'dug ste/ bcom ldan 'das la lan gsum bskor ba byas nas/ bcom ldan 'das la sems dang zhing / bcom ldan 'das ga la ba dar logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag phyogs bcu'i 'jig rten gyi khams thams cad du mchis na/ bcom ldan 'das bdag gis rdzu 'phrul gcig gis ni/ sangs rgyas kyi zhing bye ba stong phrag dgu bcu rtsa dgu dang / rdzu 'phrul gnyis kyis ni/ bcom ldan 'das bye ba stong mthong ste/ gdugs bdun pa la pad+ma bla ma'i 'jig rten gyi khams su phyin nas/ de'i bar na sangs rgyas kyi zhing mi 'khrugs pa bye ba brgya stong dag kyang mthong ste/ bcom ldan 'das de nas gdod sangs rgyas bcom ldan 'das rnams kyi rdzu 'phrul dang / sangs rgyas kyi zhing bye ba stong phrag bcu rtsa gnyis dag na/ de bzhin gshegs pa chos ston pa dang / de nyid kyi gdugs la sangs rgyas kyi zhing bye ba stong phrag brgyad cu dag na/ de bzhin gshegs pa dgra bcom pa yang dag par rdzogs pa'i sangs rgyas bye ba stong phrag brgyad cu'i 'jig rten byung ba mthong ste/ de bzhin gshegs pa de dag thams cad la phyag bgyis nas slar mchis so/ / bcom ldan 'das de nyid kyi gdugs la sangs rgyas kyi zhing bye ba stong phrag gsum bcu rtsa dgu 'das nas/ sangs rgyas kyi zhing bye ba stong phrag sum cu rtsa dgu po de dag thams cad na yang byang chub sems dpa' bye ba stong phrag sum cu rtsa dgu byung ste/ de nyid kyi gdugs la bla na med pa yang dag par rdzogs pa'i byang chub mngon par rdzogs par sangs rgyas te/ bcom ldan 'das de bzhin gshegs pa dgra bcom pa yang dag par rdzogs pa 'i sangs rgyas de dag la/ lan gsum bskor babagyis pa dang / rdzu 'phrul gyis mi gda' bar gyur to// bcom ldan 'das sangs rgyas kyi zhing bye ba phrag drug cu rnams su sangs rgyas bcom ldan 'das dag mthong ste/ bcom ldan 'das sangs rgyas kyi zhing de dag dang / sangs rgyas bcom ldan 'das de dag la/ bdag gis phyag bgyis nas/ bdag thal byung mchis so// bcom ldan 'das sangs rgyas kyi zhing gzhan bye ba brgya dag na yang / de bzhin gshegs pa yongs su mya ngan las 'da' bar mdzad pa rnams mthong ste/ bdag gis de bzhin gshegs pa de dag la yang phyag bgyis nas thal byung mchis so// bcom ldan 'das gzhan yang bdag gis sangs rgyas kyi zhing bye ba phrag dgu bcu rtsa lnga dag na/ dam pa'i chos nub pa mthong nas/ bcom ldan 'das bdag de la bsam pa skyes pa dang mchi ma shor to// gzhan lha dang / klu dang / gnod sbyin dang / srin po dang / 'dod pa'i gzugs can mang po dag ngudu zhi/ mya ngan gyi zug rngu chen pos zug par yang mthong ste/ de bzhin du bcom ldan 'das gzhan yang sangs rgyas kyi zhing rgya mtsho dang bcas pa/ ri rab dang bcas pa/ sa phyogs dang bcas pa ma lus pa thams cad tshigs pa de yang phyag bgyis nas/ reg thag chad par gyur te mchis so// bcom ldan 'das bdag pad+ma tha ma'i 'jig rten gyi khams su ma phyin gyi bar der/ bcom ldan 'das khri bshams pa bye ba brgya stong phrag lnga yang mthong ste/ lho phyogs na khri bshams pa bye ba brgya stong dang / byang phyogs na khri bshams pa bye ba brgya stong dang / shar phyogs na khri bshams pa bye ba brgya stong dang / nub phyogs na khri bshams pa bya ba brgya stong dang / steng gi phyogs na khri bshams pa bye ba brgya stong mthong ste/ bcom ldan 'das khri bshams pa de dag kyang rin po che sna bdun las bgyis pa sha stag ste/ khri de dag thams cad la yang de bzhin gshegs pa bzhugs shing chos ston te/ bcom ldan 'das de la bdag ngo mtshar du gyur nas/ de bzhin gshegs pa de dag la bcom ldan 'das 'jig rten gyi khams 'di'i ming ci zhes zhus pa dang / de bzhin gshegs pa de dag gis bka' stsal pa/ rigs kyi bu 'jig rten gyi khams 'di ni pad+ma bla ma zhes bya'o// bcom ldan 'das de nas bdag gis de bzhin gshegs pa de dag la bskor ba bgyis nas/ sangs rgyas kyi zhing de'i de bzhin gshegs pa'i mtshan ci zhes zhus pa dang / de dag gis bka' sbal pa/ de bzhin gshegs pa dgra bcom pa yang dag par rdzogs pa'i sangs rgyas pad+ma'i snying po zhes bya ste/ sangs rgyas kyi zhing 'di na sangs rgyas kyi bya ba byed do// de la bdag gis 'di skad ces gsol to// sangs rgyas bye ba brgya stong mang po zhig kyang gda' na/ pad+ma'i snying po zhes bgyi ba'i de bzhin gshegs pa dgra bcom pa yang dag par rdzogs pa'i sangs rgyas de ma 'tshal na/ de gang lags/ bcom ldan 'das kyis bka' stsal pa/ rigs kyis bu de bzhin gshegs pa dgra bcom pa yang dag par rdzogs pa'i sangs rgyas pad+ma'i snying po zhes bya ba de ngas khyod la bstan to// de nas de bzhin gabye ba de dag thams cad kyi sku ni mi gda' bar gyur gyi/ byang chub sems dpa'i gzugs sha stag du gdar ste/ de bzhin gshegs pa gcig pu zhig gda' nas/ bdag gis de bzhin gshegs pa de'i zhabs la mgo bos phyag 'tshal te/ der mchis pa dang / dri yang byung bar gyur nas/ khri de la mchis pa dang / bcom ldan 'das de'i tshe khri du ma zhig byung nas/ khri de dag la su yang mchis par ma mthong nas/ bdag gis/ de bzhin gshegs pa de la/ bcom ldan 'das khri 'di la sems can 'ga' yang ma mchis par mthong ngo zhes gsol ba dang / bcom ldan 'das kyis bka' stsal pa/ sems can dge ba'i rtsa ba ma skyed pa rnams ni khri 'di dag la 'dug pa'i mthu med do/ / gsol ba/ bcom ldan 'das dge ba'i rtsa ba ci zhig bskrun na/ khri de dag la mchis par 'gyur/ bcom ldan 'das kyis bka' stsal pa/ rigs kyi bu nyon cig/ sems can gang dag zung gi mdo'i chos kyis nam grangs thos pa de dag dge ba'i rtsa ba khri de dag la 'dug par 'gyur te/ gang dag yi ger 'dri ba dang klog pa lta ci smos/ kun tu/ dadapa' ba khyod kyis zung gi mdo'i chos kyi rnam grangs thos pas/ khyod khri 'di la 'dug par gyur gyi/ de lta ma yin na ni/ khyod sangs rgyas kyi zhing 'di'i nang du chud par ga la 'gyur/ bcom ldan 'das des/ de skad ces bka' stsal pa dang / bcom ldan 'das de la bdag gis 'di skad ces gsol to// bcom lda 'das gang zung gi mdo'i chos kyi rnam grangs 'di thos pa de/ bsod nams kyi phung po ji tsam zhig skyed par 'gyur/ de nas bcom ldan 'das pad+ma'i snying po de bzhin gshegs pa 'dzum pa mdzad pa dang / bcom ldan 'das de ci'i slad du 'dzum pa mdzad pa bdag gis bcom ldan 'das la zhus pa/ bcom ldan 'das rgyu gang dang rkyen ci zhig gi slad du/ de bzhin gshegs pa 'dzum pa mdzad/ bcom ldan 'das kyi bka' stsal pa/ rigs kyi bu byang chub sems dpa' sems dpa' chen po kun tu dpa' ba mthu chen po thob pa nyon cig/ 'di lta ste dper na/ la la zhig gling bzhi la dbang ba'i 'khor los sgyur ba'i rgyal por gyur la des gling bzhi'i zhing rnams la til btab na/ kun tu dpa'ang 'di ji snyam du sems/ de'i sa bon mang du skye ba yin nam/ kun tu dpa' bas gsol pa/ bcom ldan 'das mang lags so// bde bar gshegs pa mang lags so// bcom ldan 'das kyis bka' stsal pa/ kun tu dpa' ba de las sems can la la zhig gis til gyi 'bru de dag phung po gcig tu byas la/ mi gzhan zhig gis til gyi 'bru'i phung po de las/ til gyi re re nas blangs te/ phyogs gzhan du 'jog na kun tu dpa' ba 'di ji snyam du sems/ sems can des til gyi 'bru de dag bgrang ba 'am/ dpe bya nus sam/ byang chub sems dpa' kun tu dpa' bas gsol pa/ bcom ldan 'das de ma lags so// bde bar gshegs pa de ma lags so// til gyi 'bru de dag bgrang ba 'am/ dpe bgyi bar rngo mi thog go/ kun tu dpa' ba de bzhin du zung gi mdo'i chos kyi rnam grangs kyi bsod nams kyi phung po ni/ de bzhin gshegs pa ma gtogs par gzhan gyi dpe bya bar mi nus so// kun tu dpa' ba 'di lta sde dper na/ til gyi 'bru de dag ji snyed pa snyed kyi de bzhin gshegs par gyur la/ de dag thams cad kyis zung gi mdo'i chos kyi rnam grangs thos pa'i dge ba'i rtsa ba'i bsod nams yongs su brjod kyang / dpes kyang bsod nams zad par mi 'gyur na/ gang yi ger 'dri ba dang / klog pa dang / 'drir 'jug pa lta ci smos/ byang chub sems dpa' kun tu dpa' bas gsol pa/ bcom ldan 'das yi ger 'dri bas bsod nams ji tsam zhig skyed par 'gyur/ bcom ldan 'das kyis bka' stsal pa/ rigs kyi bu nyon cig/ gang stong gsum gyi stong chen po'i 'jig rten gyi khams kyi rtswa 'am shing de ga thams cad sor gcig tsam tu gtubs pa dang / kun tu dpa' ba dper bya ba gnyis kyang nyon cig/ stong gsum gyi stong chen po'i 'jig rten gyi khams kyi rdo 'am/ g.yang sa 'am sa 'am rdul phra rab ji snyed pa de dag thams cad gling bzhi la dbang ba'i 'khor los sgyur ba'i rgyal por 'gyur na/ de dag gis bsod nams de dag de dpe bya bar nus sam/ kun tu dpa' bas gsol pa/ bcom ldan 'das de ma lags so// gzhan du na de bzhin gshegs pa ni ma gtogs so// kun du dpa' ba de bzhin du zung gi mdo'i chos kyi rnam grangs yi ger 'dra ba'i bsod nams kyi phung po de yang dpe bya bar mi nus te/ 'khor los sgyur ba'i rgyal po ji snyed de dag gi bsod nams kyi phung po bas ni/ gang chos kyi rnam grangs 'di la tha na yi ger 'bru gcig tsam bris te 'jog pa de/ bsod nams kyi phung po ches mang du skyed par 'gyur te/ bsod nams rab tu mang gi/ 'khor los sgyur ba'i rgyal po de dag ni de lta ma yin no/ / kun tu dpa' ba de bzhin du byang chub sems dpa' sems dpa' chen po theg pa chen po'i dam pa'i chos 'dzin cing bsgrub pa la gnas pa'i bsod nams de la ni/ 'khor los sgyur ba'i rgyal pos zil gyis gnon mi nus so/ / de bzhin du zung gi mdo'i chos kyi rnam grangs yi ger 'dri ba de'i bsod nams kyi phung po de la yang dpe bya bar mi nus so// kun tu dpa' bzung gi mdo 'di ni bsod nams kyi gter ston pa'o// de ni nyon mongs pa thams cad zhi bar byed pa'o/ / chos thams cad kyi sgron ma 'bar bar byed pa'o// bdud sdig tog can thams cad 'am par byed pa'o// byang chub sems dpa' thams cad kyi gnas rnams 'bar bar byed pa'o/ / chos thams cad mngon par bsgrub pa mngon par bsgrub pa'o// de skad ces bka' stsal pa dang / bcom ldan 'das la byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das 'di la tshangs par spod pa ni rab tu dka' ba spyod pa lags so// de ci'i slad du zhe na/ bcom ldan 'das de bzhin gshegs pa'i spod pa ni dkon pa lags te/ de bzhin du tshangs par spyod pa yang dkon pa lags so// gang gi tshe tshangs par spyad pa spyod pa de'i tshe/ de bzhin gshegs pa mngon du mthong bar 'gyur te/ nyin mtshan du de bzhin gshegs pa mthong bar 'gyur ro/ / gang gi tshe de bzhin gsheg pa mngon sum du mthong zhing / nyin mtshan du de bzhin gshegs pal blta bar 'gyur ba de na sangs rgyas kyi zhing mthong ngo // nam sangs rgyas kyi zhing mthong ba de na gter thams cad mthong ngo / / de 'gum pa'i dus kyi tshe skrag par skye bar mi 'gyur/ nam du yang ma'i mngal du skye bar mi 'gyur/ de nam du yang mya ngan can du mi 'gyur/ sred pa'i zhags pas bcings par mi 'gyur ro// de skad ces gsol pa dang / bcom ldan 'das kyis byang chub sems dpa' sems dpa' chen po kun tu dpa' ba la 'di skad ces bka' stsal to// kun tu dpa' bde bzhin gshegs pa rnams 'byung ba ni rnyed par / dka'o// gsol pa bcom ldan 'das rnyed par dka' lags so// bde bar gshegs pa rnyed par dka' lags so// bcom ldan 'das kyis bka' stsal pa/ kun tu dpa' 'de bzhin du zung gi mdo'i chos kyi rnam grangs 'di yang rnyed par dka'o/ / kun tu dpa' bzung gi chos kyi rnam grangs 'di/ gang gi rna lam du grag par 'gyur pa de/ bskal pa brgyad cu'i bar du tshe rabs dran par 'gyur ro// / bskal pa drug khri'i bar du 'khor los sgyur ba'i rgyal po thob par 'gyur ro// bskal pa brgyad stong gi bar du brgya byin thob par 'gyur ro// bskal pa nyi khri'i bar du gnas gtsang mi'i ris kyi lha rnams dang skal ba mnyam par skye bar 'gyur ro/ / bskal pa sum khri brgyad stong gi bar du tshangs pa chen por 'gyur ro// bskal pa drug khri dgu stong gi bar du log par lhung bar 'gro bar mi 'gyur ro// bskal pa 'bum gyi bar du yi dgas rnams kyi nang du skye bar mi 'gyur ro// bskal pa nyi khri brgyad stong gi bar du dud 'gro rnams kyi nang du skye bar mi 'gyur ro// bskal pa khri sum stong gi bar du lha ma yin gyi ris su skye bar mi 'gyur ro/ / mtshon gyis 'chi ba'i dus byed par mi 'gyur ro// bskal pa nyi khri lnga stong gi bar du shes rab 'chal par mi 'gyur ro// bskal pa bdun stong gi bar du shes rab spod par 'gyur ro/ / bskal pa dgu stong gi bar du mdzes shing blta na sdug par 'gyur te/ de bzhin gshegs pa'i gzugs kyi sku yongs su grub pa ji lta ba de bzhin du 'gyur ro// bskal pa khri lnga stong gi bar du bud med du skye bar mi 'gyur ro/ / bskal pa khri drug stong gi bar du lus la nad kyis btab par mi 'gyur ro// bskal pa sum khri lnga stong gi bar du lha'i mig can du 'gyur ro// bskal/ pa khri dgu stong gi bar du klu'i skye gnas rnams su skye bar mi 'gyur ro// bskal pa drug khri'i bar du khro bo'i zil gyis gnon par mi 'gyur ro// bskal pa bdun stong gi bar du dbul po'i khyim du skye bar mi 'gyur ro/ / bskal pa brgyad khri'i bar du gling gnyis la spyod par 'gyur ro// nam dbul por 'gyur ba de na yang 'di 'dra ba'i bde ba rab tu 'thob ste/ bskal pa khri nyis stong gi bar du mus long gi skyes gnas su skye bar mi 'gyur ro/ / bskal pa khri sum stong gi bar du ngan song rnams su skye bar mi 'gyur ro// bskal pa khri cig stong gi bar du bzod pa smra bar 'gyur ro// 'chi ba'i dus kyi tshe yang rnam par shes pa tha ma 'gag par 'gyur ba na 'du shes phyin ci log tu mi 'gyur ro/ / khro ba'i zil gyis gnon par mi 'gyur ro// des shar phyogs su sangs rgyas bcom ldan 'das gang+gA'i klung bcu gnyis kyi bye ma snyed mthong bar 'gyur ro// lcelho phyogs su sangs rgyas bye ba nyi shu mngon sum du mthong bar 'gyur ro// nub phyogs su sangs rgyas bcom ldan 'das gang+gA'i klung nyi shu rtsa lnga'i bye ma snyed mthong bar 'gyur ro// byang phyogs su sangs rgyas bcom ldan 'das gang+gA'i klung brgyad cu'i bye ma snyed mngon sum du mthong bar 'gyur ro/ / steng gi phyogs su sangs rgyas bcom ldan 'das bye ba stong phrag dgu bcu mngon sum du mthong bar 'gyur ro// 'og gi phyogs su sangs rgyas bcom ldan 'das gad+hA rlung bye ba phrag brgya'i byem snyed mngon sum du mthong bar 'gyur te/ de dag thams cad kyis kyang rigs kyi bu de la rigs kyi bu khyod kyis zung gi mdo'i chos kyi rnam grangs thos pas/ tshe gzhan du yon tan dang phan yon dang bde ba 'di snyed du 'gyur gyis ma 'jigs shig ces dbugs 'byin to// kye rigs kyi bu khyed kyis de bzhin gshegs pa gang+gA'i klung gi bye ma snyed bye ba khrag khrig brgya stong phrag mang po 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so// bka' stsal pa/ kye rigs kyi bu de bzhin gshegs pa de dag khyed la gzigs su byon to/ / gsol pa/ bdag gi dge ba'i las ci zhig bgyis na/ de bzhin gshegs pa mang po zhig bdag ga la mchis par byon/ bka' stsal pa/ rigs kyi bu nyon cig khyod kyis mi'i lus thob ste/ zung gi chos kyi rnam grangs na lam du thos pas/ de'i phyir khyod kyi bsod nams kyi phung po de snyed skyes so// gsol pa/ bcom ldan 'das bdag gi bsod nams kyi phung po yang de snyed du gyur na/ gang mtha' dag chub par thos pa lta smos kyang ci 'tshal/ bka' stsal pa/ kha rog kha rog/ kye rigs kyi bu tshig bzhi pa'i tshigs su bcad pa'i bsod nams brjod kyis nyon cig/ rigs kyi bu 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gsum gyi bye ma snyed rnams kyi bsod nams kyi phung po bas kyang / bsod nams kyi phung po ches mang du skyed do/ / gang gis de bzhin gshegs pa dgra bcom pa yang dag par rdzogs pa'i sangs rgyas gang+gA'i klung bcu gsum gyi bye ma snyed la mchod pa bas ni/ gang gis zung // gi mdo'i chos kyi rnam grangs 'di las tha na tshig bzhi pa'i tshigs su bcad pa tsam thos pa de yang bsod nams kyi phung po de bas ches mang du skyed par 'gyur na/ gang mtha' dag rtsub par thos pa lta ci smos// rigs kyi bu gang gis zung gi mdo'i chos kyi rnam grangs 'di mtha' dag chub par thos par 'gyur ba nyon cig/ gang gis stong gsum gyi stong chen po'i 'jig rten gyi khams thams cad du/ til btab pa'i til gyi 'bru ji snyed pa de snyed kyi/ 'khor los sgyur ba'i rgyal por gyur la/ de nas skyes bu phyug cing nor mang la/ longs spyod chen po dang ldan pa 'ga' zhig yod de/ de nas skyes bu des 'khor los sgyur ba'i rgyal po de dag la sbyin pa byin pa bas ni/ gang gis rgyan tu zhugs pa gcig la sbyin pa byin pa de ni bsod nams kyi phung po de bas ches mang du skad do// stong gsum gyi stong chen po'i 'jig rten gyi khams kyi sems can de dag thams cad rgyun tu zhugs par gyur la/ gang gis de dag thams cad la sbyin pa byin pa'i bsod nams kyi phung po bas ni/ gang gis lan cig phyir 'ong ba gcig la sbyin pa byin na/ bsod nams kyi phung po de bas ches mang du skyed do/ / stong gsum gyi stong chen po'i 'jig rten gyi khams kyi sems can de dag thams cad lan cig phyir 'ong bar gyur la/ gang gi de dag thams cad la sbyin pa byin pa'i bsod nams kyi phung po bas ni/ gang gis phyir mi 'ong ba gcig la sbyin pa byin na/ de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can de dag thams cad phyir mi 'ong bar gyur la/ gang gis de dag thams cad la sbyin pa byin pa'i bsod nams kyi phung po bas ni/ gang gis dgra bcom pa gcig la sbyin pa byin na/ de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can dag thams cad dgra bcom par gyur la/ gang gis de dag thams cad la spen pa byin pa'i bsod nams kyi phung po bas ni/ gang gis rang sangs rgyas gcig la sbyin pa byin na/ de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can de dag thams cad rang sangs rgyas su gyur la/ gang gis de dag thams cad la sbyin pa byin pa'i bsod nams kyi phung po de bas ni/ gang gis byang chu sems dpa' gcig la sbyin pa byin na// de ni bsod nams kyi phung po de bas ches mang du skyed do// stong gsum gyi stong chen po'i 'jig rten gyi khams kyi sems can de dag thams cad byang chub sems dpar gyur la/ gang gis de dag thams cad la sbyin pa byin pa'i bsod nams kyi phung po bas ni/ gang gis de bzhin gshegs pa gcig la sems dang bar byed pa dang / stong gsum gyi stong chen po'i 'jig rten gyi khams de bzhin gshegs pas yongs su gang ba la gang sems dang bar byed pa dang / gang zung gi mdo'i chos kyi rnam grangs 'di thos par gyur pa de ni/ bsod nams kyi phung po de bas ches mang du skyed na/ kun tu dpa' ba gang chos kyi rnam grangs 'di yi ger 'dri ba dang / 'dzin pa dang / klog pa dang / kun chub par byed par lta ci smos/ kun tu dpa' ba chos kyi rnam grangs 'di la sems dang bas phyag 'tshal ba lta smos kyang ci dgos/ kun tu dpa' ba 'di ji snyam du sems byis pa so so'i skye po thams cad kyis 'di thos par nus sam zhe na/ gang dag thos par 'gyur yang dad pa skyed par mi 'gyur ro// kun tu dpa' ba nyon cig/ byis pa so so'i skye bo'i sems can rnams las gang dag/ rgya mtsho chen po'i gting rnyed par nus pa yod dam/ gsol pa/ bcom ldan 'das de ma mchis so// bka' stsal pa/ kun tu dpa' ba gang lag mthil gcig gis rgya mtsho zad par byed pa'i sems can 'ga' yod dam/ gsol pa/ bcom ldan 'das de ni ma mchis so// bde bar gshegs pa de ni ma mchis so// bka' stsal pa/ kun tu dpa' ba ji ltar rgya mtsho chen po skams nus pa'i sems can 'ga' yang med pa de bzhin du/ kun dpa' ba dman pa la mos pa'i sems can gang gis kyang chos kyi rnam grangs 'di nyan mi nus so// kun tu dpa' ba gang dag gis de bzhin gshegs pa bya ba phrag gang+ga'i klung brgyad cu'i bye ma snyed ma mthong ba de dag gis ni/ zung gi chos kyi rnam grangs 'di yi ger 'dri mi nus so// gang dag de bzhin gshegs pa gang+gA'i klung dgu bcu'i bye ma snyed ma mthong ba de dag gis ni chos kyi rnam grangs 'di nyan mi nus so/ / gang dag gis de bzhin gshegs pa bye ba khrag khrig brgya stong ma mthong ba de dag gis ni/ chos kyi rnam grangs 'di thos nas spong bar 'gyur ro/ / kun tu dpa' ba gang dag de bzhin gshegs pa bye ba brgya phrag gang+gA'i klung gi bye ma snyed mthong ba de dag ni chos kyi rnam grangs 'di thos na/ sems dang po bskyed par 'gyur ro// dga' bar 'gyur ro/ / yang dag pa ji lta ba bzhin du rab tu shes par 'gyur ro// de zung gi chos kyi rnam grangs 'di la dad cing mi spong bar 'gyur ro// kun tu dpa' ba nyon cig/ gang gis zung gi mdo 'di las tshig bzhi pa'i tshigs su bcad pa gcig tsam yi ger 'dri ba de dag ni 'jig rten gyi khams bye ba stong phrag dgu rtsa lnga las 'das nas de dag gi sangs rgyas kyi zhing ni/ bde ba can gyi 'jig rten gyi khams ji lta ba de bzhin dudu'agyur ro/ / kun tu dpa' ba sems can de dag gi tshe'i tshad ni bskal pa brgyad khri bzhi stong thub par 'gyur ro// kun tu dpa' ba nyon cig/ byang chub sems dpa' sems dpa' chen po// gang dag zung gi chos kyi rnam grangs 'di las tha na tshig bzhi pa'i tshigs su bcad pa tsam thos pa de dag ni/ kun tu dpa' ba 'di lta ste dper na/ sems can la las mtshams med pa lnga'i las byas sam byed du bcug gam/ byed pa la rjes su yi rang ba de yang zung gi chos kyi rnam grangs 'di las tshigs bzhi pa'i tshigs su bcad pa tsam nyan na/ de'i mtshams med pa lnga'i sdig pa'i las de dag byang bar 'gyur ba bzhin no/ / // bam po gnyis pa/ kun tu dpa' ba nyon cig dang / yon tan gzhan yang shad par bya'o// 'di lta ste/ dper na/ sems can la la zhig mchod rten bshig pa dang / dge 'dun gyi dbyen byed pa dang / byang chub sems dpa' ting nge 'dzin las g.yo bar byed pa dang / sangs rgyas kyi ye shes kyi bar chad byed pa dang / mi'i srog gcod pa'i sems can de/ phyis 'gyod cing mya ngan du byed de/ lus 'dis bdag phung ngo // 'jig rten pha rol tu yang phung ste/ bdag ma rung ngo snyam du de sems pa chen po byung ba dang / sdug bsngal gyi tshor ba myong ngo // mi bzod pa'i tshor ba myong ngo // kun tu dpa' ba sems can de ni sems can thams cad kyis spong bar 'gyur ro// smad par 'gyur ro// sems can de ni tshig pa ma rung bar gyur pa/ 'jig rten dang / 'jig rten las 'das pa'i chos kyang ma rung bar byas pa yin te/ ji ltar sdong du ma tshig pa bzhin du mi de yang bskal pa du mi' bar du de bzhin du 'gyur ro// ji ltar khyim legs par bris pa'i ka gdung tshig na mi mdzes pa ltar mi de yang de ltar 'gyur ro// 'jig rten 'di na yang mi mdzes so// gang dang gang du 'gro ba de dang de dag tu yang sems can rnams kyis spyo zhing brdeg pa dang / bkres pa dang / skom pas nyen cing cung zad kyang mi rnyed par 'gyur ro// de'i phyir sdug bsngal gyi tshor ba myong ste/ bkras shing skom pa'i rgyu dang / spros pa'i rgyus mchod rten bshig pa dang / mtshams med pa lnga'i las rjes su dran nas phyir bdag gang du 'gro bar 'gyur/ bdag gi skyob pa ni su yin snyam du sdug bsngal la skyo bas sems skyed de/ de yang 'di snyam du sems so/ / 'di na ni bdag gi slob pa su yang med kyis/ bdag ri dang ri'i sul dag tu song la/ der 'chi ba'i dus bya'o snyam du/ smras pa/ bdag gis sdig pa'i las byas pas/ rtag tu sdong dum tshig pa bzhin/ / 'jig rten 'di na'ang mi mdzes la// tshe gzhan na yang mdzes ma yin// khyim gyi nang na'ang mi mdzes la// phyi rol na'ang mdzes ma yin// nyes pa'i rgyus ni sdig byes te/ / de ni ngan 'gror 'gro bar 'gyur// tshe gzhan du yang sdug bsngal na// ngan 'gro 'dir ni gang du gnas// mchi mas brnangs par rab dus na/ lha rnams kyis kyang tshig thos so// kyi hud 'jig rten pha rol tu/ / ngan 'gro 'gro bas re chad do// lha rnams kyis de la smras pa/ skyes bu blun po de snyam du// sdug bsngal sems pa thong la song // pha bsad cing ni ma bsad de// bdag gis mtshams med lnga byas pas/ / bdag la skyabs dang dpung gnyen med// sdug bsngal tsher ba myong bar 'gyur// ri yi rtse mor song nas su// de nas bdag lus dor bar bya// skyes bu blun po ma 'gro shig/ gnod par byed pa'i sems kyis su// khyod kyis sdig pa mang byas kyis// sdig pa'i las ni ma byed cig/ gang dag bdag la gnod byed rnams// sdug bsngal sems can dmyal bar 'gro/ / mya ngan byed cing drubs na/ de phyi sa la 'gyel bar 'gyur// brtson 'grus des ni sangs rgyas mi 'gyur te// byang chub sems dpa' 'gyur ba rang ma yin no/ / nyan thos thar pa'i theg pa'ang mi 'thob kyis// brtson 'grus gzhan gyis rab tu 'bad par gyis// drang srong ga la yod pa'i ri der song // song ste drang srong che ba nyid mthong nas// de yi rkang la mgo bos lhag 'tshal te// sems can dam pa bdag la skyabs mdzod cig/ bdag ni 'jig skyed sdug bsngal rab tu gzir// sems can snying po drang srong tshig gson cig/ bzhugs la sems kyi skabs ni dbye mdzod de/ / skad cig tsam zhig dge ba'i chos kyang shod// 'jigs skrag sdug bsngal rab tu gzir bas na// de phyir skad cig yud tsam bzhugs su gsol// bdag gis sdig mang gang bgyis bshags par 'tshal/ / drang sro gis ni bdag la bka' stsol cig/ drang srong gis smras pa/ sdug bsngal ngu zhing mya ngan byed pas gzir// khyod ni bkres shing sgom pas nyen pa ste/ / re ched srid pa gsum du 'gro bas na// kha zas gang dag byin pa de dag zo// lus ni tshim par bya ba'i phyir// drang srong gis ni zas byin te// yid du 'ong ba zhim zos nas// sems can rab tu dga' bar gyur// sdig pa thams cad byang byed pa'i// chos ni khyod la phyis 'chad do// de yi kha zas zhim mo de// skad cig gcig la zos par gyur// zas zos nas kyang lag bkrus te/ / drang srong la ni bskor byas nas// skyil mo dkrung ngur 'dug nas su// sdig pa gang dang gang byas smras// pha bsad pa dang ma bsad dang // mchod rten bshig pa bdag gis bgyis bdag gis byang chub sems dpa' yi/ / sangs rgyas 'grub pa bar chad bgyis// de yi tshig de thos nas su// de nas drang srong tshig smras pa// khyod kyis sdig pa byas pas na// kye ma skyes bu khyod mi dge/ sdig pa'i las ni byas pa dang // byed du bcug pa bshags par gyis// de nas de'i tshe mi de mya ngan gyi zug rnguso ste// 'jigs skrag skyo nas/ bdag la su zhig skyob par 'gyur/ / bdag gis sdig pa'i las byas pas// sdug bsngal tshor ba myong bar 'gyur// de nas mi des pus mo gnyis sa la btsugs nas/ drang srong de la smras pa/ bdag gis byas shing byed bcug pa/ / sdig pa thams cad bshags par bgyi// sdig pa'i 'bras bur de ma 'gyur// sdug bsngal bdag gis myong ma 'gyur// bdag ni khyod dang nye gyur gyis// drang srong bdag gi/ skyabs su gyur// 'gyod pa med cing zhibs na// bdag gi sdig pa'i las rnams zhi// de nas de'i tshe de'i dus na/ drang srong des mi de la smras pa// nga ni skyes bu khyod kyis skyabs su 'gyur/ / nga ni rten du 'gyur// nga ni dpung gnyen du 'gyur gyis/ khyod ma 'jigs par mngon sum du chos nyon cig/ khyod kyis zung zhes bya ba'i chos kyi rnam grangs cung zad thos sa mo zhes dbugs phyung ba dang / des smras pa/ bdag gis yongs ma thos so// drang srong gis smras pa/ gang snying rje la gnas pas/ sems can rnams la chos ston pa ma gtogs par sems can tshig pa la su zhig chos ston/ smras pa/ rigs kyi bu yang nyon cig/ sngon byung ba 'das pa'i dus na bskul pa grangs med pa'i yang shin tu grangs med par gyur pa de'i tshe de'i dus na/ rgyal po zla ba dri ma med pa zhes pa chos can gyi rgyal po zhig yod de/ rigs kyi bu rgyal po zla ba dri ma med pa de'i khyim du bu zhig btsas so// de nas rgyal po zla ba dri/ ma med pas/ bram ze mtshan mkhan rnams bsdus nas/ 'di skad ces smras so// bram ze gzhon nu la mtshan ci zhig mthong / de nas bram ze mtshan mkhan rnams kyis smras pa/ rgyal ro// po mi dge'o// gzhon nu btsas pa 'di ni mi dge'o// rgyal pos smras pa/ bram ze 'di cir 'gyur/ mtshan mkhan rnams kyis smras pa/ rgyal bu gzhon nu 'di gal te lo bdun thub par gyur na/ de yab yum gyi skul brgal dur 'gyur ro// de nas rgyal pos 'di skad smras so// nga'i srog bar chad du gyur kyang rung gis/ dra'i bu 'di ni mi gsad do// brgya la brgya lam na 'jig rten du ma'i skye ba 'thob pas/ gang mi 'i lus la gnod par 'gyur ba de lta bu mi bya'i// de nas gzhon nu de skye drag khyad du ni de zla ba gcig lon na gzhan lo gnyis lon pa tsam gyi tshad du skyes nas/ pa zla ba dri ma med pas kyang / gzhon nu 'di ni bdag gis las bsags pas skyes par shes so// de nas rgyal pos gzhon nu de la rgyal thabs byin nas/ 'di skad ces smras so// khyod sring che zhing grags pa'i rgyal por gyur la chos kyi dbang bar bya'o/ / chos ma yin pa ni ma yin no// de nas rgyal thabs byin nas rgyal po zhes ming btags so// rgyal po zla ba dri ma med pa yang rang gi yul gyi rgyal po mi byed do/ / de nas blon po byed pa de dag rgyal po zla ba dri ma med pa gal ba der dong ste lhags nas/ rgyal po zla ba dri ma med pa la 'di skad ces smras so// kye rgyal po chen po khyod de ci'i slad du rang gi yul gyi rgyal po mi mdzad/ rgyal pos smras pa/ ngas bskal pa mang po grangs med par// gang rgyal srid dang / longs spyod dang / dbang phyug la dbang bar gyur kyang / nga nam yang ngoms ma myong ngo / / yang de'i tshe de'i dus na/ yun ring mo zhig lon pa dang / bu des pha ma'i srog bcad de de na des mtshams med pa'i las bsags so// kye skyes bu gang gi tshe rgyal po de sdug bsngal gyi tshor ba skyes nas 'gyod de/ mchi mas brnangs par du ba dang / ngas de la snying rje chen po'i sems bskyed do/ der song nas chos bstan pa dang / des kyang chos de thos nas mtshams med pa de dag lhag ma ma lus par myur du byang bar gyur pa'i dus de yang dran no/ / smras pa/ zung gi chos kyi rnam grangs 'di rgyal po dkar thub chen po gang dag gis thos pa rnams chos kyi gnas bla na med pa sdig pa thams cad byang bar 'gyur ba/ nyon mongs pa thams cad zhi bar 'gyur ba 'dir thob par 'gyur ro// gang gis myur du 'thar 'gyur ba// chos rnams bshad kyis rab tu nyom/ tshig bzhi pa yi tshigs bcad tsam// rgyun mi chad par bshad pas na// sdig pa thams cad byang gyur nas// rgyun tu zhugs pa 'thob par 'gyur// sdig pa kun las thar to zhes// ched du brjod pa ched du brjod// sems dmyal 'jigs pas bcings pa las// sems can sdug bsngal rab tu bkrol// de nas mi de stan de las langs te thal mo sbar ba byas nas// de la mgo bos phyag 'tshal te/ / legs so zhes bya rab tu byin// legs so dge ba'i bshes gnyen rnams// legs so sdig pa 'jig byed pa// gang dag zung mdo tshul chen bstan// zothos par 'gyur bar rnams kyang legs/ de nas de'i tshe de'i dus na// steng gi bar snang las lha'i bu khri nyis stong thal mo sbyar te/ drang srong de'i gan du lhags nas/ rkang pa la phyag 'tshal te 'di skad ces/ bcom ldan 'das bka' thub chen po yun ji srid tshun chad dgongs shes smras so// de bzhin du klu'i rgyal po bye ba phrag bzhi lpags/ gnod sbyin gyi rgyal po khri brgyad stong lhags te/ drang srong de ga la ba de logs su thal mo sbyar ba btud nas 'di skad ces smras so/ / che ba nyid dang ldan pa yun ji srid tshun chad dgongs/ drang srong gis smras pa/ bskal pa grangs med pa bye ba khrag khrig brgya stong rnams so/ / smras pa/ dge ba'i las gang gis na/ skad cig gis sdig pa'i las 'di rab tu zhi bar 'gyur/ smras pa/ zung gi chos kyi rnam grangs thos pas so// gang der sems can tshogs pa rnams las gang dag gis chos kyi rnam grangs 'di thos nas/ dad pa de dag thams cad ni bla na med pa yang dag par rdzogs pa'i byang chub tu lung bstan to// mi gang gis mtshams med pa lnga'i/ las byas pa de dag gis zung zhes bya ba'i chos kyi rnam grangs 'di thos na yang skad cig gis mtshams med pa lnga'i las de dag ma lus par yongs su zad cing / yongs su byang bar 'gyur te/ bskal pa bye ba khrag khrig brgyad stong grangs med pa zhig gi bar du ngan 'gro rnams kyi sgo bcad par 'gyur ro/ / lha'i 'jig rten gi sgo sum cu rtsa gnyis ni phye bar 'gyur ro// gang zung gi chos kyi rnam grangs 'di las tha na/ tshig bzhi pa'i tshigs su bcad pa tsam thos pa yang / de'i dge ba'i rtsa ba 'di 'dra bar 'gyur na/ gang me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dag gis bsti stang byed pa dang / btsun par byed pa dang / ri mo byed pa dang / mchod pa byed pa dang / sil snyan dang / rol mo sbyor ba'i las byed cing lan cig rjes su yi rang ste/ legs par bshad pa legs so zhes smras pa lta ci smos de nas bcom ldan 'das la/ byang chub sems dpa' sems dpa' chen po kun tu dpa' bas 'di skad ces gsol to/ / bcom ldan 'das zung gi chos kyi rnam grangs 'chad pa na/ gang thal mo sbyar te phyag 'tshal ba de dag ci thal mo sbyar ba tsam gyis bsod nams kyi phung po bskyed pa lags sam/ bcom ldan 'das kyis bka' stsal pa/ rigs kyi bu 'on cig/ gang dag gis mtshamaso med pa lnga'i las byas sam/ byed du gtsug gam/ byed pa la rjes su yi rang ba de dog kyang / zung gi chos kyi rnam grangs 'di las/ tha na tshig bzhi pa'i tshigs su bcad pa tsam thos nas/ thal mo sbyar te phyag 'tshal na/ de'i mtshams med pa lnga'i las thams cad kyang yongs su byang bar 'gyur na/ kun tu dpa' ba gang chos kyi rnam grangs 'di mtha' dag chub par thos pa lta ci smos te/ de ni bsod nams kyi phung po de bas ches mang du skyed par 'gyur ro// rigs kyi bu zung gi mdo 'di don go bar bya ba'i phyir khyod la dper bstan par bya'o// kun tu dpa' ba 'di lta ste dper na/ klu'i rgyal po ma dros pa'i khang pa nyi ma nam yang mi 'char ba de nas klung chen po lnga 'bab bo/ / de nas mi la la zhig gang klung chen po lnga po de dag gi thigs pa bgrang na/ kun tu dpa' ba de dag gis thigs pa bgrangs pas mtha' rtogs par nus sam/ gsel ba/ bcom ldan 'das de ni rngo mi thog go// bcom ldan 'das kyis bka' stsal ba/ kun tu dpa' ba de bzhin du zung gi chos kyi rnam grangs kyi dge ba'i rtsa ba yang bskal pa brgya'am bskal pa stong du yang bgrang ba'i tshul gyis mthar rtogs par mi nus so/ / kun tu dpa' ba 'di ji snyam du sems/ gang zung gi chos kyi rnam grangs 'di yud tsam zhig 'chad pa de dka' ba byed pa yin nam/ gsol ba/ bcom ldan 'das dka' ba bgyid pa lags so// bcom ldan 'das kyis bka' stsal pa/ kun tu dpa' ba gang zung gi chos kyi rnam grangs 'di 'chad nus par 'gyur ba de ni bas kyang ches dka' ba byed pa yin no/ / 'di lta ste/ dper na/ mtshe ma dros pa las/ klung chen po lnga 'bab pa klung chen po de dag gi thigs pa ni bgrang ba'i tshul gyis mtha' rtogs par mi nus so// / gsol pa/ bcom ldan 'das klung chen po lnga po de dag gang lags/ bcom ldan 'das kyis bka' stsal pa/ 'di lta ste/ gang gA dang / si ta dang / pag shu dang / ya mun dang / tsan Da b+ha ga dang / klung chen po lnga po de dag ni/ rgya mtsho chen por rab pa ste/ klung chen po re re la 'khor krung lnga brgya lnga brgya yod do// kun du dpa' bkrung chen po lnga po 'di dag kyang 'khor stong stong dang nam mkha' las babs te/ de dag gis skye dgu rnams ngoms par byed do// gsol pa/ 'khor stong stong pa de dag gang lags/ bcom ldan 'das kyis bka' stsal pa/ mdzes ldan zhes bya ba 'khor stong dang / dung can zhes bya ba 'khor stong dang / 'bab pa zhes bya ba 'khor stong dang / sna tshogs sde zhes bya ba 'khor stong dang / chos tshul zhes bya ba 'khor stong ste/ kun tu dpa' bkrung chen de dag ni/ 'khor stong dang ldan pa yin te/ de dag ni 'dzam bu'i gling du char gyi rgyun 'bab so// kun tu dpa' ba de dag dus dus su char pa'i thigs pa'i rgyun rab tu gtong ste/ des me tog dang / 'bras bu dang / lo tog rnams skye'o// nam 'dzam bu'i gling du char gyi rgyun rab 'bab pa de na/ chu skye bar 'gyur te/ chu skyes pas zhing dang / kun dga'i ra ba thams cad ngoms par byed bde bar byed do/ / kun tu dpa' ba 'di lta ste dper na/ skye dgu'i bdag po ni 'dzam bu'i gling thams cad bde bar byed do// kun tu dpa' ba de bzhin du zugi chos kyi rnam grangs 'di yang / skye bo mang po la phan pa dang / skye bo mang po la bde ba'i phyir 'dzam bu'i gling du bshad do// sum cu rtsa gsum lha rnams kyi tshe'i tshad ji lta ba bzhin du/ mi rnams kyi ni de lta ma yin no// kun tu dpa' ba sum cu rtsa gsum gyi lha rnams gang zhe na/ lha'i dbang po brgya byin gang na gnas pa de dag ni/ sum cu rtsa gsum pa zhes bya'o// kun tu dpa' ba sems can gang dag gang gis legs par spyod pa smra ba yang yod de/ de dag gi bsod nams kyi phung po yang dpe bya bar mi nus so// sems can gang dag gang gis nyes par spyod pa smra ba yang yod de/ de dag gi sems can dmyal ba dang / dud 'gror 'gyur ba yang dpe bya bar mi nus so// sems can gang dag sems can dmyal ba dang / dud 'gro dang / yi dgas kyi sdug bsngal gyi tshor ba myong bar 'gyur ba de dag la skyabs gang yang med de/ de na re thag chad nas/ smre sngags 'don cing sems can dmyal bar lhung ba de dag ni/ mi dge ba'i grogs po'i dbang du blta'o// sems glang dgra ngag gis legs par spyod pa smra ba de dag gi bsod nams kyi phung po dpe bya bar mi nus pa de yang / dge ba'i bshes gnyen gyi dbang du blta ste/ nam dge ba'i bshes gnyen mthong ba de na/ de bzhin gshegs pa mthong ba yin no// nam de bzhin gshegs pa mthong ba de na/ sdig pa thams cad byang ba yin no// nam skye dgu'i bdag po 'dzam bu'i gling du spro bar byed pa de na/ 'dzam bu'i gling gi sems can rnams kyi bde ba dpe bya bar mi nus so// kun tu dpa' ba de bzhin du zung gi chos kyi rnam grangs 'di yang 'dzam bu'i gling gi sems can rnams la/ sangs rgyas kyi bya ba byed do// gang dag zung gi chos kyi rnam grangs thos par mi 'gyur ba de dag ni/ bla na med pa yang dag par rdzogs pa'i byang chub mngon par rdzogs par sangs rgyas par mi nus/ chos kyi 'khor lo rab tu bskor mi nus/ chos kyi kaN+DI rdung mi nus/ chos kyi seng ga'i khri la 'dug mi nus mya ngan las 'das pa'i dbyings su 'jug mi nus/ 'od gzer dpag tu med pas snang bar byed mi nus so// kun tu dpa' ba de bzhin du gang dag sung gis chos kyi rnam grangs thos par mi 'gyur ba de dag kyang byang chub kyi snying po la 'dug par mi nus so/ / kun tu dpa' bas gsol ba/ bcom ldan 'das ngo mtshar cung zad cig zhu'o// bde bar gshegs pa ngo mtshar cung zad cig zhu'o// bcom ldan 'das kyis bka' stsal ba/ kun tu dpar ba khyod ci dang ci 'dod pa dris shig dang / ngas khyod kyi dogs pa bsal bar bya'o// gsol pa/ gang gis sems can de dag mtshams med pa lnga las yongs su thar par bgyis na/ phyir mi ldog pa'i sal so sor bkod pa'i drang srong du gyur pa de gang lags/ bkar stsal pa/ sangs rgyas rnams kyi tshig rab ste/ kun tu dpa' ba nga la nyon/ / zung gi mdo sde ston pa ni// drang sros gzugs su bstan pa'o// zung gi sangs rgyas sku dag kyang // snying brtse phyir ni rab tu ston// gang+gA'i bya ma ji snyed pa// de skad kyi ni gzugs kyang ston/ / sangs rgyas kyi ni gzugs ston cing // bdag nyid chos kyang rab tu ston// sangs rgyas lta bar gang 'dod pa// zung ni sangs rgyas mtshungs pa yin// zung ni ga la yod pa na// / sangs rgyas rtag par de na yod// bcom ldan 'das kyis bka' stsal pa// rigs kyi bu nyon cig/ kun tu dpa' ba sngon byung ba 'das pa'i dus bskal pa grangs med pa dgu bcu rtsa dgu// / na/ sangs rgyas bye ba phrag bcu gnyis byung ste/ de bzhin gshegs pa rin chen mchog ces bya ba byung ba de na/ nga smin pa la dpa' bar gyur nas/ ngas sangs rgyas zla ba zhes bya ba bye ba phrag bcu gnyis la bsnyen bkur byas te/ bza' ba dang / bca' ba dang / spos dang / phreng ba dang / byug pa dang / ji ltar bde ba dang / kha zas bzang po dang / bde ba'i yo byad thams cad kyis rim gro byas so// rim/ byas nas kyang ngas der bla na med pa yang dag par rdzogs pa'i byang chub tu lung bstan pa thob pa dran no// kun tu dpa' ba ngas de bzhin gshes pa rin po che thams cad snang ba zhes bya ba bye ba phrag bco brgyad byung ste/ de na yang nga sprin pa la dpa' bar gyur nas/ de bzhin gshegs pa snying po'i sde zhes bya ba bye ba phrag bco brgyad la ngas spos dang / phreng ba dang / byug pa dang / rgyan dang / lhab lhub kyis so so ci rigs par bsnyen bkur byas nas/ der yang ngas bla na med pa yang dag par rdzogs pa'i byang chub tu lung bstan pa thob pa dran no// kun tu dpa' ba ngas sangs rgyas bye ba phrag nyi shu dran te/ de bzhin gshegs pa dgra bcom pa yang dag par rdzogs pa'i sangs rgyas gtsug phud 'byung ba zhes bya ba sha stag go/ kun du dpa' ba ngas sangs rgyas bye ba phrag nyi shu dran te/ de bzhin gshegs pa dgra bcom pa yang dag par rdzogs pa'i sangs rgyas 'od srungs zhes bya ba sha stag go/ de nas yang nga smin pa la dpa' bar gyur nas/ ngas de bzhin gshegs pa rnams la spos dang / phreng ba dang / byug las bkur bsti byas nas/ ji ltar de bzhin gshegs pa rnams la tha ma dang ri mor bya ba de lta ro bla ma dang rim gro bya bas/ rim gro byas na/ der yang ngas bla na med pa yang dag par rdzogs pa'i byang chub tu lung bstan pa thob bo/ / kun du dpa' ba sangs rgyas 'od dri ma med pa zhes bya ba bye ba phrag bcu drug byung ste/ de'i tshe de'i dus na/ nga khyim bdag phyug cing nor che la/ longs spyod che ste/ bdog pa thams cad yongs su gtong ba zhig tu gyur nas/ ngas sangs rgyas bye ba phrag bcu drug po de dag la gding ba dang / bgo ba dang / spos dang / phreng ba dang / byug pa dang / dgab pas mchod de/ ji lta bus de bzhin gshegs pa rnams la bla ma dang / rim gror bya ba de lta bus rim gro byas nas/ de nyid du ngas bla na med pa yang dag par rdzogs pa'i byang chub tu lung bstan pa thob pa yang ngas dran te/ lung bstan pa'i dus dang tshod la yang ma bab bo/ / kun tu dpa' ba nyon cig sangs rgyas bye ba phrag dgu bcu rtsa lnga 'jig rten du byung ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba sha stag ste/ nga ni de'i tshe de'i dus na/ rgyal po chos can chos kyi rgyal po zhig tu gyur nas/ ngas de bzhin gshegs pa shAkya thub pa zhes bya ba bye ba phrag dgu bcu rtsa lnga po de dag la spos dang / phreng ba dang / byug pa dang / gding ba dang / bgo ba dang / gdugs dang / rgyal mtshan dang / ba dan gyis bsnyen bkur byas nas/ de nyid ngas tha/ named pa yang dag par rdzogs pa'i byang chub tu lung bstan pa thob pa ngas dran no// kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig ces bya ba bye ba phrag dgu bcu 'jig rten du byung ste/ nga de'i tshe de'i dus na/ bram ze gzhon nu phyug cing nor mngal longs spyod che ste/ bdog pa thams cad yongs su gtong ba zhig tu gyur nas/ de bzhin gshegs pa de dag thams cad la spos dang / phreng ba dang / byug pa dang / gding ba dang / bgo ba dag gis bsnyen bkur byas te/ de bzhin gshegs pa rnams la so so ci rigs pa rim gro byas nas/ ngas de/ nyid du bla na med pa yang dag par rdzogs pa'i byang chub tu lung bstan pa thob pa yang ngas dran te/ nga lung bstan pa'i dus dang tshod la yang ma bab bo// kun tu dpa' ba sangs rgyas bye ba phrag bco brgyad 'jig rten du byung ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas gser thub ces bya ba sha stag ste/ nga de'i tshe de'i dus na/ sbyin pa la dpa' bar gyur te/ ngas de bzhin gshegs pa dgra bcom pa yang dag par rdzogs pa'i sangs rgyas rnams la spos dang / phreng ba dang / byug pa dang / gding ba dang / bgo ba dang / rgyan rnams kyis bsnyen bkur byas te/ de bzhin gshegs pa la rim gror bya ba de lta bus rim gror byas nas/ ngas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran te/ nga lung bstan pa'i dus dang tshod la yang ma bab bo/ / kun tu dpa' ba sangs rgyas bye ba phrag bcu gsum 'jig rten du rgyu ste/ thams cad kyang de bzhin gshegs pa dgra bcom pa yang dag par rdzogs pa'i sangs rgyas snang ba'i dpal zhes bya ba sha stag ste/ ngas de bzhin gshegs pa dgra bcom pa yang dag par rdzogs pa'i sangs rgyas de dag la gding ba dang / bgo ba dang / phreng ba dang / byug pa dang / dgab pa dang / rgyan rnams kyis bsnyen bkur byas te/ ji ltar de bzhin gshegs pa rnams la bla ma dang / rim gror bya ba de lta bu'i bla ma dang rim gror bya bas rim gror byas pa dang / de bzhin gshegs pa de dag gis kyang don dang 'dul ba rnam par nges pa'i chos kyi sgo sna tshogs bshad nas/ ngas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran de/ den yang lung bstan pa'i dus la mkhab bo// kun du dpa' ba de bzhin gshegs pa dgra bcom pa yang dag par rdzogs pa'i sangs rgyas kar rgyal zhes bya ba bye ba phrag nyi shu rtsa lnga 'jig rtem byung ste/ nga de'i tshe de'i dus na/ rab tu byung nas/ de bzhin gshegs pa rnams la bsnyen bkur byas te/ da ltar nga la kun dga' bo rim gro byed pa ji ltar de bzhin du ngas kyang de bzhin gshegs pa/ rnams la rim gro byas nas/ ngas der bla na med pa yang dag par rdzogs pa'i byang chub tu lung bstan pa thob pa yang ngas dran te/ de na yang lung bstan pa'i dus ma bab bo// kun tu dpa' ba de bzhin gshegs pa dgra bcom pa yang dag par rdzogs pa'i sangs rgyas rnam par gzigs shes bya ba bye ba phrag bcu gnyis 'jig rten du byung ste/ ngas de bzhin gshegs pa de dag la gding ba dang / bgo ba dang / spos dang / phreng ba dang / byug pas bsnyen bkur byas nas/ ji lta bus de bzhin gshegs pa rnams la rim gro bya ba de lta bus/ ngas rim gror byas te nga de'i tshe de'i dus na/ rab tu byung bar gyur nas de nyid du bla na med pa yang dag par rdzogs pa'i byang chub tu lung bstan pa thob pa yang ngas dran te/ ring po ma lon par rnam par gzigs tha ma gang byung ba des srung gi chos kyi rnam grangs 'di bshad pa dang / ngas de shes nas de'i tshe 'dzam bu'i gling du rin po che sna bdun gyi char rab tu phab ste/ de na 'dzam bu'i gling gis sems can de dag dbul ba med par gyur nas/ ngas de nyid du bla na med pa yang dag par rdzogs pa'i byang chub tu lung bstan pa thob par gyur te/ de nas yun ring mo zhig lon gyi bar du yang nga lung ma bstan to// gsol pa/ dus de gang lags/ tshod de gang lags/ bcom ldan 'das kyis bka' stsal pa/ kun tu dpa' ba nyon cig/ de nas bskal pa grangs med pa zhig na gdod de bzhin gshegs pa dgra bcom pa yang dag par rdzogs pa'i sangs rgyas mar me mdzad 'jig rten du byung ste/ nga de'i tshe de'i dus na/ bram ze'i khye'u sprin ces bya bar gyur to/ / de bzhin gshegs pa mar me mdzad 'jig rten du byung ba de na/ nga yang bram ze'i khye'u'i gzugs kyis tshangs par spyod pa spyad de/ de nas de bzhin gshegs pa mar me mdzad mthong nas/ me tog ut+pal bdun gyis gtor te/ bla na med pa yang dag par rdzogs pa'i byang chub tu bsngos pa dang / de bzhin gshegs pa des/ nga la bram ze'i khye'u khyod ma 'ongs pa'i dus bskal bgrangs med pa na/ 'jig rten du de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan to// kun tu dpa' bde nas nga shing rta/ la bcu gnyis srid kyi steng gi nam mkha'i bar snang la 'dug nas/ mi skye ba'i chos la bzod pa thob ste/ gang ngas bskal pa grangs med pa rnams su tshangs par spyod pa spyad pa dang / gang pha rol tu phyin pa dang ldan pa'i dge ba'i rtsa ba de thams cad khar rtsang dang di ring tsam du mngon sum du dran nas/ kun tu dpa' bde na yang ngas/ sems can bye ba khrag khrig brgya stong grangs med pa dag dge ba'i chos rnams so sor bkod par gyur na/ kun tu dpa' bang da ltar bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can thams cad la phan par 'dod pa lta ci smos te/ kun tu dpa' ba ngas sems can rnams la chos rnam pa mang po bstan to// ji lta bu'i gzugs kyis 'dul ba de lta bu'i gsugs kyis sems can rnam 'chos bstan te/ lha'i 'jig rten du ni lha'i gzugs kyis chos bstan to/ / klu'i gnas su ni klu'i gzugs kyi chos bstan to// gnod sbyin gyi gnas su ni gnod sbyin gyi gzugs kyis chos bstan to// yi dgas kyis gnas su ni yi dgas kyi gzugs kyi chos bstan to/ / mi'i 'jig rten du ni mi'i gzugs kyis chos bstan to// sangs rgyas kyis 'dul ba'i sems can rnams la ni/ sangs rgyas kyi gzugs kyis chos bstan to// byang chub sems dpas 'dul ba'i sems can rnams la ni/ byang chub sems dpa'i gzugs kyis chos bstan to// de gang dang gang gis sems can rnams 'dul bar 'gyur ba de dang de'i gzugs kyis ngas sems can rnams la chos bstan to/ / kun tu dpa' ba de ltar sems can rnams la rnam pa mang pos chos bstan to// de ci'i phyir zhe na/ kun tu dpa' ba sems can rnams ji ltar chos rnam pa mang po thos pa de ltar sems can snying po de dag dge ba'i rtsa ba rnam pa mang po dag byed par 'gyur te/ sbyin pa rnams sbyin par 'gyur/ bsod nams dag byed par 'gyur/ bdag gi don mi nyam pa yang byed par 'gyur/ 'chi ba rjes su dran pa yang sgom par 'gyur te/ de dag de lta bu'i dge ba'i las mngon par 'du bya ba rnams byed par 'gyur ro// de dag chos thos pa'i rgyus sngon gyi dge ba'i rtsa ba de dran par 'gyur te/ de lha dang mi dag gi yun ring po'i don dang phan pa dang bde bar 'gyur ro/ / kun tu dpa' ba de ltar na/ zung gi chos kyi rnam grangs thos ma thag tu yon tan dang / phan yon de ltar dpag tu med par 'gyur ro// de nas sems can de dag gcig la gcig 'di skad 'dzer to/ / gang byas shing bsags pas/ bla na med pa yang dag par rdzogs pa'i byang chub mngon par rdzogs par 'tshang rgya zhing / sems can thams cad la phan par 'dod pa'i dge ba'i chos kyi 'bras bu rnam par smin pa gzhan 'ga' zhig kyang yod pa lta/ de dag gis smras pa/ gang dag chos la yid ches nas/ 'di skad ces yang dag pa ji lta ba bzhin gyis chos yod do zhes zer ba de dag gi bde ba'i rnam par smin pa 'bras bu chen pos ni chos kyi bde ba bla na med par 'gyur ro/ / sems can gti mug thun po gang dag 'di skad ces chos rnams kyang med do// chos rnams kyi pha rol tu 'gro ba yang med do zhes zer ba de dag gi rnam par smin pa'i 'bras bu chen po de ni ngan song rnams su 'gro bar 'gyur ro/ / de dag ni phyi phyir zhing ngan song gi sa la gzhol bar 'gyur ro/ / bskal pa brgyad kyi bar sems can dmyal ba'i sdug bsngal gyi tshor ba myong bar 'gyur ro// bskal pa bcu gnyis kyi bar du yi dgas kyi yul rnams su sdug bsngal gyi tsher ba myong bar 'gyur ro/ / bskal pa bcu drug gi bar du lha ma yin rnams kyi nang du skye bar 'gyur ro// bskal pa dgu stong gi bar du 'byung po dang / sha za rnams kyi nang du skye bar 'gyur ro// bskal pa khri bzhi stong gi bar du lho med par 'gyur ro/ / bskal pa khri drug stong gi bar du ma'i mngal du 'chi ba'i dus byed par 'gyur ro// bskal pa khri nyis stong gi bar du sha ril ril por 'gyur ro// bskal pa khri chig stong gi bar du dmus long du skye zhing sdug bsngal gyi tsher ba myong bar 'gyur te/ de na pa ma dag 'di snyam du sems par 'gyur ro// bdag cag ni don med par sdug bsngal myong ngo // bdag cag gi bu skyes pa ni don med do// zla ba dgu'i bar du don med par mngal du btsas so// grang ba dang dro ba'i tshor ba yang myong ngo // bkres pa dang skom pa'i sdug bsngal yang rab tu myong ngo // tshe 'di la yang sdug bsngal mang po myong ngo // pha mas khyim na bu skyes pa mthong na yang / grong pa med cing pha ma rab tu re thag chad par 'gyur ro// kun tu dpa' ba de bzhin du/ dam pa'i chos spong ba'i sems can rnams ni sems can dmyal ba dang / dud 'gror gzhol ba yin te/ de dag 'chi ba'i dus kyi tshe mya ngan gyi zug rngu chen pos zug par 'gyur ro// kun tu dpa' ba gang dag tshig 'di skad ces chos rnams yod do// chos rnams kyi pha rol tu 'gro ba yod do/ / zhes zer ba de dag ni dge ba'i rtsa ba des bskal pa nyi shu'i bar du byang gi sgra mi snyan du skye bar 'gyur ro// bskal pa nyi shu rtsa lnga'i bar du sum cu rtsa gsum gyi lha rnams dang skal ba mnyam par skye bar 'gyur ro/ / sum cu rtsa gsum nas shi 'phos nas/ byang gi sgra mi snyan du skye bar 'gyur ro// ma'i mngal du skye bar mi 'gyur ro// 'jig rten gyi khams brgya stong dag kyang mthong bar 'gyur te/ thams cad kyang bde ba can zhes bya ba sha stag go// sangs rgyas kyi zhing thams cad kyang mthong ngo // mthong nas kyang de nyid du gnas te/ de nyid du byang chub mngon par rdzogs par 'tshang rgya bar 'gyur ro/ / kun tu dpa' ba de ltar na zung gi chos kyi rnam grangs 'di ni mthu che ba'o// gang dag 'di la sems dang ba de dag nam du yang yang ba ma spangs par 'chi ba'i dus byed par mi 'gyur ro/ / de dag tshul khrims yongs su dag pa dang ldan par 'gyur ro// kun tu dpa' ba la la dag de bzhin gshegs pas nyin mtshan du sems can mang po zhig yongs su thar bar byas kyang da dung du sems can gyi khams zad par ma gyur te/ mang po zhig ni byang chub tu smon lam 'debs/ mang po zhig ni mtho roris 'jig rten du skyes/ mang po zhig ni mya ngan las 'das pa thob par byed na/ rgyug gis sems can rnams zad par ma gyur ces 'dzer ba'i sems can dag yod do/ / gzhan mu stegs can spyod pa pa dang / kun tu rgyu dang / gcer bu pa de dag 'di snyam du sems te/ bdag cag dge sbyong go'u ta ma dang 'gyed du 'deng ngo snyam mo// de nas bram ze dang gzhan mu stegs can spyod pa po dang / kun tu rgyu brgyad khri bzhi stong dang / gcer bu pa brgya phrag du ma zhig rgyal po'i khab ga la ba der dong ngo / / yang de'i tshe de'i dus na/ bcom ldan 'das 'dzum pa mdzad do// de nas byang chub sems dpa' sems dpa' chen po byams bstan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// bcom ldan 'das rgyu ma mchis rkyen ma mchis par ni/ de bzhin gshegs pa dgra bcom pa yang dag par rdzogs pa'i sangs rgyas rnams 'dzum pa mi mdzad na 'dzum pa mdzad pa'i rgyu gang lags/ rkyen gang lags/ bcom ldan 'das kyis ba ka stsal pa/ rigs kyi bu nyon cig/ deng rgyal po'i khab 'dir dus pa chen po 'byung bar 'gyur ro// bcom ldan 'das 'dir lha 'am/ klu'ilaM gnod sbyin nam/ mi 'am/ mi ma lags pa'am/ su dag mchi bar 'gyur/ bcom ldan 'das kyis bka' stsal pa/ byams pa deng 'dir lha dang / klu dang / gnod sbyin dang / mi dang mi ma yin pa de dag thams cad 'ong bar 'gyute/ bram ze brgyad khri bzhi stong yang 'dir 'ong bar 'gyur ro// mu stegs can spyod pa pa dang / kun tu rgyu dang / gcer bu pa bye ba phrag dgu stong 'ong bar 'gyur te/ de dag dang nga 'gyed par 'gyur ro// de dag thams cad kyi 'gyed pa zhi bar bya ba'i phyir chos ston par bya ste/ bram ze de dag thams cad bla na med pa yang dag par rdzogs pa'i byang chub tu sems bskyed par 'gyur ro// mu stegs can spyod pa pa dang / kun tu rgyu dang / gcer bu pa bye ba stong phrag dgu po de dag thams cad ni rgyun tu zhugs pa'i 'bras bu thob par 'gyur ro// klu'i rgyal po bye ba stong phrag bco brgyad 'ong bar 'gyur te/ de dag nga las chos thos par 'gyur ro/ / thos nas kyang de dag thams cad bla na med pa yang dag par rdzogs pa'i byang chub tu sems skyed par 'gyur ro// gnas gtsang ma'i ris kyi lha'i bu bye ba stong phrag drug cu 'ong bar 'gyur ro/ / bdud sdig can g.yog dang bcas pa bye ba stong phrag sum cu 'ong bar 'gyur ro// lha ma yin gyi rgyal po bye ba stong phrag bcu gnyis 'ong bar 'gyur ro// rgyal po lnga brgya tsam yang 'khor dang bcas nas chos nyan tu 'ong bar 'gyur te/ de dag thams cad nga las chos thos nas/ bla na med pa yang dag par rdzogs pa'i byang chub tu sems skyed par 'gyur ro// de nas byang chub sems dpa' sems dpa' chen po byams pas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas de nyid du mi snang bar 'gyur to/ / de nas byang chub sems dpa' sems dpa' chen po kun tu dpar bstan las langs nas/ bla gos phrag pa gcig tu gzar te/ pus mo g.yas pa'i lhungs/ la btsugs nas/ bcom ldan 'das ga la ba de logs su thal mo sbar ba btud te/ bcom ldan 'das la 'di skad ces gsol to// bcom ldan 'das rgyal po lnga brgya tsam po de dag gis ming ci zhes bgyi/ bcom ldan 'das kyis bka' stsal pa/ kun tu dpa' ba nyon cig/ rgyal po dga' bo zhes bya ba dang / rgyal po nya dga' zhes bya ba dang / rgyal po rgyal ba'i khyu mchog ces bya ba dang / rgyal po tshangs pa'i sde zhes bya ba dang / rgyal po tshangs pa'i dbyangs shes bya ba dang / rgyal po blta na mdzes shes bya ba dang / rgyal po mdza' ba'i sde zhes bya ba dang / rgyal po dga' ba'i sde zhes bya ba dang / rgyal po gzugs can snying po zhes bya ba dang / rgyal po gsal rgyal zhes bya ba dang / rgyal po 'phags skyes po zhes bya ba dang / de dag la sogs pa rgyal po lnga brgya tsam dang / rgyal po re re zhing yang g.yog bye ba brgya stong yod de/ rgyal po 'phags skyes po ma gtogs par/ de dag thams cad bla na med pa yang dag par rdzogs pa'i byang chub tu yang dag par zhugs pa sha stag go// shar phyogs nas byang chub sems dpa' bye ba stong phrag sum cu 'ong ngo // lho phyogs nas byang chub sems dpar bye ba stong phrag lnga bcu 'ong ngo // nub phyogs nas byang chub sems dpar bya ba stong phrag drug cu 'ong ngo / / byang phyogs nas byang chub sems dpa' bye ba stong phrag brgyad cu 'ong ngo // 'og gi phyogs nas byang chub sems dpa' bye ba stong phrag dgu bcu 'ong ngo // steng gi phyogs nas byang chub sems dpa' bye ba stong phrag brgya 'ong ste/ thams cad kyang sa bcu la rab tu gnas pa sha stag go/ de nas byang chub sems dpa' de dag thams cad/ bcom ldan 'das la blto phyir/ rgyal po'i khab pa la ba dang / bcom ldan 'das ga la ba der dong ngo // byang chub sems dpa' de dag thams cad kyang / bla na med pa yang dag par rdzogs pa'i byang chub tu yang dag par zhugs pa sha stag go// de nas bcom ldan 'das kyis/ byang chub sems dpa' sems dpa'i chen po kun tu dpa' ba la bka' stsal pa/ kun tu dpa' ba khyod phyogs bcu'i 'jig rten gyi khams rnams su song ste/ byang chub sems dpa' thams cad la/ deng de bzhin gshegs pa rgyal po'i khab kyi grong khyer chen por chos ston gyis/ phyogs bcu'i 'jig rten na gnas pa khyed thams cad thal mo sbyar te/ thung cig/ ces de skad smos la/ go bar byas ma thag tu yud tsam gyis chos nyan du slar shog cig/ de nas byang chub sems dpa' sems dpa' chen po kun du dpar bston las langs te/ bcom ldan 'das kyi zhabs la mgo bos phyag 'tshal nas/ bcom ldan 'das la lan gsum pa byis te/ rdzu 'phrul gyi stobs kyis mi snang bar gyur to// de nas byang chub sems dpa' sems dpa' chen po kun tu dpa' ba phyogs bcu'i 'jig rten gyi khams rnams su song nas/ byang chub sems dpa' rnams la deng de bzhin gshegs pa rgyal po'i khab kyi grong khyer chen por chos ston gyis/ de la khyed cag gis legs so bya ba gsol cig dang / de'i phyir khyed deng nyid du phan pa dang / bde ba chen po thob par 'gyur ro zhes sgo'o// de nas byang chub sems dpar sems dpa' chen po kun tu dpa' ba phyogs bcu'i 'jig rten khyams rnams su song nas/ sangs rgyas thams cad la bsnyen bkur byas shing / byang chub sems dpa' rnams la sbron pa ni 'di lta ste/ dper na/ skyes bu stobs dang ldan pas se gol gtogs pa tsam gyis/ byang chub sems dpa' sems dpa' chen po kun tu dpa' ba/ rgyal po'i khab kyi grong khyed chen po ga la ba dang / bcom ldan 'das ga la ba der 'ong nas/ bcom ldan 'das kyis sman sngar 'dug/ de nas bram ze rnams dang / gzhan mu stegs can spyod pa pa dang / kun tu rgyu dang / gcer pu pa rnams kyang 'dus/ lha dang / klu dang / gnod sbyin dang / mi mang po zhig dang / rgyal po g.yog dang bcas pa lnga brgya tsam yang 'dus/ bdud sdig can g.yog dang btsos pa bye ba stong phrag sum cu rtsa gsum yang 'dus so// yang de'i tshe rgyal po'i khab kyi grong khyer chen po rab tu g.yos so/ / de nas phyogs bcu'i 'jig rten gyi khams rnams su lha'i tsan dan gyi phye ma'i char rab tu bab/ lha'i me tog gi char kyang rab tu bab nas/ de bcom ldan 'das kyi dbu'i spyi gtsug gi mtshams su khang pa brtsegs par kun tu gnas so/ / yang de'i tshe de bzhin gshegs pa'i spyan sngar/ brgya byin gyis rdo rje gsor ba dang / de nas de'i tshe phyogs bzhi nas/ rlung gi rgyal po bzhi 'khrugs te langs nas/ gang rgyal po'i khab kyi grong khyer chen po'i nyal nyil dang / phyag dar dang bye ma de rnams grong khyer gyi phyir rol tu bor nas/ phyogs bcu'i 'jig rten gyi khams rnams su spos chu'i char rab tu phab/ phyogs bcu'i 'jig rten gyi khams rnams su me tog gi ut+pal dang / pad+ma dang / ku mu dA dang / pad+ma dkar po'i char kyang rab tu phab nas/ me tog de dag thams cad kyang sems can de dag gi spyi gtsug gi steng du me tog gi gdugs su gnas so/ / de bzhin gshegs pa'i dbu'i spri gtsug gi steng gi bar snang la khang pa brtsegs pa brgyad khri bzhi stong kun tu gnas te/ khang pa brtsegs pa brgyad/ bri bzhi stong po rnams kyi nang nas/ rin po che sna bdun gyi khri brgyad khri bzhi stong byung ste/ khri de dag thams cad la de bzhin gshegs pa bzhugs nas chos ston to// de nas stong gsum gyi stong chen po'i 'jig rten gyi khams 'di rnam pa drug tu rab tu g.yos so/ / de nas byang chub sems dpa' sems dpa' chen po kun tu dpa' ba/ bcom ldan 'das ga la bde logs su thal mo sbyar ba btud nas bcom ldan 'das la 'di skad ces gsol to/ / bcom ldan 'das rgyal po'i khab kyi grong khyer chen po 'dir cho 'phrul 'di lta bu gda' ba'i rgyu gang lags/ rkyen gang lags/ bcom ldan 'das kyis bkar stsal pa/ 'di lta ste/ dper na/ mi tsa ma can god de ba/ bdag tu 'dzin pa dang / bdag gir 'dzin pa la gnas pa/ dbul por gyur pa la la zhig yod la/ de'i mgo la rgyal pos byugs pa dang / de rgyal po'i sgo'i bar du song ste phyin nas/ nan gyis rgyal po'i pho brang gi nang du 'gro bar 'dod pa dang / de nas rgyal po'i blon po dang 'khor gyis de bzung ste/ rnam pa mang pos brdegs pa dang / de nas de'i tshe de'i dus na/ mi dbul po de nan gyis nang du 'gro 'dod do zhes rgyal pos thos nas/ de 'di snyam du sems te gdon mi za bar nga la gsod 'dod pa zhig yin no snyam nas/ rgyal po khros te 'khor rnams la 'di skad ces/ khyed deng la mi de ri khrod du khrid de song cig/ g.yog dang pha ma dang bu dang / bran po dang bran mo dang / las byed pa thams cad kyang sod cig ces bsgo ba dang / de nas de dag thams cad bsad nas/ de'i gnyen bshes thams cad mya ngan gyi zug rngu mi zad pas zug par gyur pa de bzhin du/ de na de bzhin gshegs pa dgra bcom pa yang dag par rdzogs pa'i sangs rgyas kyis chos bshad pa dang / de na mi nga rgyal can ji lta ba de bzhin du/ byis pa so so'i skye bo rnams de bzhin gshegs pa la gzugs dang / kha dog/ dang mtshan dang dbyibs dang / mtshan mar bzung ste/ de bzhin gshegs pa'i lus yin pa snyam du shes shing / de na de dag chos mang po thos nas lhag pa'i nga rgyal du lhung ste/ bkyal pa sna tshogs smra ba dang bdag tu 'dzin pa dang / bdag gir 'dzin pa'i zil gyi gnon nas/ bdag nyid 'di lta bu'i chos mi nyan mi 'chad de/ gang la la zhig mdo 'am tshigs su bcad pa 'am/ tha nad pe tsam zhig de dag la ba na yang / nga bdag gis shes so zhes de dag mi 'dzin cing rna bas mi nyan to// de ci'i phyir zhe na/ 'di ltar nga rgyal can du gyur pa'i phyir te/ de dag ni mang du thos pas bag med pa'o// gang byis pa so so'i skye bo rnams dang 'grogs pa de dag ni 'di lta bu'i chos dang ldan pa byed par mi 'gyur de dag ni 'di lta bu'i chos dang ldan pa'i tshig thos par mi 'gyur gyi/ de dag mang du thos pa des rgyags par 'gyur to/ mi de lta bu de dag ni rang gis rang bzor byas pa 'jog par byed/ rang gi gzhung gi gleng gzhi yang 'jog par byed do// de dag ni bdag dang 'jig rten thams cad la slu zhing don med par byed// yul 'khor gyi bsod snyoms mang po za ste/ zos nas kyang legs par 'ju bar mi 'gyur ro// de dag 'chi ba'i dus kyi tshe 'jigs pa chen po 'byung bar 'gyur te/ sems can de dag gis de la smras pa/ khyod kyis ni nga la bzo'i gnas mang du bslabs na/ ji ltar khyod bdag 'jog par mi nus/ des de dag la 'di skad ces smras so// grogs po dag nga ni da ltar bdag 'jog par mi nus so/ / de na sems can de dag smre sngags rnam pa sna tshogs 'don par 'gyur te/ ji ltar gzhan gyis ma lan gyi rang gi las kyi rkyen gyis/ gang zag de gcig pu'i phyir gnyen gyi tshogs mang po bsad par gyur pa de bzhin du/ sems can de dag kyangabar chi ba'i dus kyi tshe/ skyes sngags 'don cing mi dge ba'i grogs pa'i phyir/ bdag cag sems can du myal 'am dud 'gro'i skye gnas su gzhol bar mthong ngo / / de bzhin du khyed rnams la bram ze dang / gzhan mu stegs can rnams kyis smras pa/ khyed kyang rgyags par ma gyur cig/ 'di lta ste dper na// bya mdab shog ma rdzogs par lha'i 'jig rten du 'gro ba'i phyir/ nam mkha' la 'phur mi nus pa de bzhin du/ khyed rnams kyang mya ngan las 'das pa 'thob par mi nus te/ khyed cag la de lta bu'i rdzu 'phrul med do/ / de ci'i phyir zhe na/ las kyi rnam pas bya gag gi skye gnas su skyes nas/ lus 'di ring po mi thogs par lus 'jig cing mthar 'chi bar 'gyur te/ 'chi ba'i dus kyi tshe/ de dag ro bro ba med nas// bdag cag gis lus 'di ci zhig gi phyir bzung / bdag cag gis gang lha'i 'jig rten gyi bde ba dang / mi'i 'jig rten gyi bde ba yang ma myong la/ mya ngan las 'das pa'i gnas la gnas par ma gyur te/ bdag cag gi lus 'di ni don med par bzung na/ bdag cag gis gro ba ni gang yin/ bdag cag gi rten du ni su zhig 'gyur/ gang du skye zhing du 'jig par 'gyur zhig go snyam nas/ yongs su skrag par 'gyur ro/ / de nas bcom ldan 'das kyis gzhan mu stegs can spyod pa pa dang kun tu dang / gcer pu pa de dag la bka' stsal pa/ khyed cag rin po che'i 'dzam bu'i gling 'dir yid chad par ma byed cig/ khyed chos dkon mchog las phyir rol tu ma gyur cig/ kye grogs po dag khyed de bzhin gshegs pa la ci dang ci 'dod pa dris shig dang / ngas khyed kyi bsam pa thams cad yongs su rdzogs par bya'o/ / de nas bram ze dang / gzhan mu stegs can spyod pa pa dang / kun tu rgyu dang / gcer pu pa de dag thams cad stan las langs nas/ gos phrag pa gcig tu bgos te/ thal mo sbyar nas/ bcom ldan 'das la zhus pa/ bcom ldan 'das de bzhin gshegs pas gdugs mtshan du sems can rnams 'khor ba las yongs su bkrol yang sems can gyi khams la bri ba 'am/ gang bar yang mi gda' na/ bcom ldan 'das rgyu gang dang / rkyen gang gis sems can de dag skye ba dang 'gog pa mnyam par ston// de nas bcom ldan 'das kyis/ byang chub sems dpar sems dpa' chen po sman gyi sde la bka' stsal pa/ mu stegs 'di dag 'gyod pa chen po bsal ba dang / chos kyi sgron ma chen po 'bar bar bya ba'i phyir/ go cha chen po bgos nas/ 'dri ba'i gleng gzhi chen po 'dri ste/ phyi ma'i dus na/ sems can gzhon nu dang rgan po rnams skye ba dang 'jig pa shes par 'gyur ro// sman gyi sde sems can rgan po dag kyang gzhon nu bzhin du ci yang mi shes pa yang yod sman gyi sde 'di lta ste dper na/ skyes bu la la zhig skra bkrus nas gos sar pa bgos te/ de khyim gyi phyi rol du byung ba de la sems can rnams kyis khyed gos sar pa legs par bgos so zhes smras pa dang / sems can gzhan zhig kyang mgo bkrus nas gos snying pa yang bkrus te bgos pa dang / de zegs nas mi de sku bkrus kyang mdzes par gyur la/ de'i gos kyang mdzes par ma gyur pa de bzhin du sman gyi sde 'dzam bu'i gling na sems can rgan po yod pa dag ni mdzes pa ma yin te/ sems can gzhin nu dag ni skye ba dang 'gag pa ston to// de nas bram ze dang / gzhan mu stegs can spyod pa pa dang / kun tu rgyu de dag thams cad stan las langs nas/ bcom ldan 'das la 'di skad ces gsol to// bcom ldan 'das bdag cag gi nang na gzhon nu ni gang lags rgan po ni gang lags/ / bcom ldan 'das kyis bka' stsal pa/ khyed cag ni yang dang yang sems can dmyal ba dang / drud 'gro dang / yi dgas rnams su tshor ba mthong yang / khyed da dung du ngoms mi myong bas khyed cag ni rgan po'o/ / de nas bcom ldan 'das la bram ze de dag thams cad dang / klu'i rgyal po thams cad kyis 'di skad ces gsol to// bcom ldan 'das slan chad 'khor bar sdug bsngal gyi tsher ba myong ba la mi spro'o/ / ka gzhan mu stegs can spyod pa pa dang / kun tu rgyu dang / gcer bu pa rnams kyis 'di skad ces smras so// sems can gzhon nu rnams las kyang gang chos nyid me ngon sum du byed/ nus pa med do// de skad ces smras pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das ci'i slad du/ sems can rnams mos pa dka' ba la gzigs su gsol/ bcom ldan 'das kyis bka' stsal pa/ sman gyi sde nyon cig dang / de bzhin gshegs pas 'jig rten thams cad mngon sum du mdzad do// de nas sems can gzhon nu bye ba stong phrag dgu bcu rtsa bzhi de bzhin gshegs pa'i sman sngar 'dug ste/ de bzhin gshegs pa la phyag 'tshal/ tshig kyang mi smra'o// de nas bcom ldan 'das la/ byang chub sems dpa' sems dpa' chen po sman gyis sngas 'di skad ces gsol to/ / bcom ldan 'das sems can 'di dag bcom ldan 'das la mi smra kun tu mi smra zhing / phyag kyang mi 'tshal lo// bcom ldan 'das la zhu ba yang mi bgyid pa'i rgyu gang lags/ rkyen gang lags bcom ldan 'das kyis bka' stsal pa/ sman gyi sde nyon cig/ sems can gzhon nu rnams kyis chos nyid mngon sum du byed mi nus so zhes sems can gang de skad zer ba la/ sman gyi sde 'di dag ni khyed kyis sems can gzhon nu yin par blta'o// sems can de dag gis 'di skad ces gsol to// btsun pa/ bcom ldan 'das bdag cag ni sems can gzhon nu lags so// btsun pa bde bar gshegs pa bdag cag ni sems can gzhon nu lags so// bcom ldan 'das kyis bka' stsal pa/ kye sems can 'di dag ni 'jig rten mngon sum du byed pa yin gyis/ nga rang gi lus las 'jig rten gyi tshad ston cig/ de'i tshe de'i dus na sems can gzhon nu bye ba stong phrag dgu bcu rtsa bzhi lus dang ma bral bar steng gi nam mkhar la gnas te/ sa bcur tu thob par gyur to// de nas bcom ldan 'das la byang chub sems dpa' sems dpar rjen po sman gyi sa 'di skad ces gsol to/ / gang dag 'khor ba yongs su zad par bgyi ba dang / yongs su byang bar bgyi ba'i slad du brtson 'grus brtsom pa'i sems can de lta bu ni rnyed pa legs par rnyed de/ bcom ldan 'das sems can 'di dag ni dang nyid skyes la/ bcom ldan 'das sems can 'di dag ni deng nyid yongs su grol te/ thams cad kyang sa bcu rab tu thob par mthong ngo // de nas bram ze dang / gzhan mu stegs can spong ba pa dang / kun tu rgyu dang / gcer bu pa dang / rgyal po dang / bdud sdig can 'khor dang bcas pa thams cad lhags nas g.yog bya ba'i phyir/ bcom ldan 'das la 'di skad ces gsol to/ / bcom ldan 'das bdag cag 'dir de bzhin gshegs pa'i gan du mchis te/ chos kyi rnam grangs 'di thos nas/ bdag cag gis sangs rgyas kyi bde ba 'di lta bu thob par gyur cig/ 'jig rten du de bzhin gshegs pa dgra bcom pa yang dag par rdzogs pa'i sangs rgyas 'di lta bur gyur cig/ bcom ldan 'das kyis bka' stsal pa/ bzhin bzang dag de de bzhin te/ ji ltar khyod de bzhin gshegs pa'i gan du lhags pa rnams kyis zung gi mdo'i chos kyi rnam grangs 'di thos pas/ bla na med pa yang dag par rdzogs pa'i byang chub tu sems bskyed do// de na khyed thams cad ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / bcom ldan 'das kyis tshig 'di gsungs ma thag tu/ de nas gzhan mu stegs can de dag thams cad mi skye ba'i chos la bzod pa thob par gyur te/ thams cad kyang sa bcu la rab tu gnas pa'i byang chub sems dpar gyur nas/ byang chub sems dpa' de dag thams cad steng gi nam mkha' bar snang la shing ta la bdun srid du mngon par 'phags nas/ rin po che sna bdun gyi khang pa brtsegs pa dag de bzhin gshegs pa la 'bul zhing / thams cad kyang rnam par 'phrul bsna tshogs byin gyi rlob ste/ rdzu 'phrul mngon par 'du bya ba mngon par 'du byed do// de nas bcom ldan 'das kyis dbu'i spri gtsug gi stang logs gnas te/ bcom ldan 'das la me tog sil ma sna tshogs 'thor zhing / de bzhin gshegs pa thams cad kyang yid la byed do// rang gi lus la yang sangs rgyas su 'du shes skyod do// lha'i bu bye ba brgya stong phrag du ma yang de bzhin gshegs pa la mngon pa/ 'thor zhing tshig 'di skad du/ dge sbyong go'u ta ma ni rnyed pa chen po'o// zhing chen po'o// 'jig rten gyi mgon no// ting nge 'dzin gyi stobs bskyed pa brnyes pa'o// mkhas pa mkhas pa rtsol ba lags te/ gang sems can 'di lta bu dag thabs mkhas pas mthar gyis 'khor ba las yongs su thar par mdzad de/ legs par gsungs pa gcig tsam gyis kyang sems can de skad cig 'khor ba las yongs su grol lo zhes smras so/ / de nas byang chub sems dpa' sems dpa' chen po sman gyi snga stan las langs nas/ bla gos phrag pa gcig tu gzar te/ pus mo g.yas pa'i lha ngas la gtsugs nas bcom ldan 'das ga la ba de logs su thal mo sbar ba btud de/ bcom ldan 'das la 'di skad ces gsol to// bcom ldan 'das rgyu gang dang rkyen gang gis rigs kyi bu de dag tshig 'di skad 'byin cing rdzu 'phrul mngon par 'du bgyid de/ de bzhin gshegs pa'i sngags pa mang po mngon par 'du bgyid/ bcom ldan 'das kyis bka' stsal pa/ rig kyi bu nyon cig/ de dag ni nga la bstod pa ma yin gyi/ rang gi lus la bstod cing / rang gi lus chos kyi stan dam pa la 'jog par 'gyur/ rang gi lus las chos kyi 'od gzer 'byin par 'gyur/ bla na med pa yang dag par rdzogs pa'i byang chub mngon par rdzogs par sangs rgyas par bya ba'i phyir/ sangs rgyas thams cad kyis kyang yongs su bzung bar 'gyur ro// mngon par rdzogs par sangs rgyas nas kyang chos stan par 'gyur ro/ / de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to// / bam po gsum pa/ bcom ldan 'das bde bar gshegs pa gdugs mtshan du sems can mang po zhig yongs su grol yang da dung du sems can rnams zad par ma gyur to// bcom ldan 'das kyis bka' stsal pa/ sman gyi sde khyod gang de bzhin gshegs pa la don 'di 'dri bar sems pa ni leg so leg so/ / sman gyi sde 'di lnga sde dper na/ skyes bu la la zhig phyug cing nor che la longs spyod che ste/ nor dang 'bru dang mdzod dang bang ba mang po dang ldan la/ bran po dang bran mo dang las byed pa dang / zho shas 'tsho ba'i mi mang po dang ldan te/ de nor gyi phung po mngal zhing dang kun dga'i ra ba mang du bdog cing / 'di lta ste/ nas dang / zo dang / 'bras dang / bal sran dang / sran chung la sogs pa 'bru mang du bdog pa zhig yod la/ mi des dpyid kyi dus la 'bru thams cad kyi sa bon btab nas dus gzhan zhig gi tshe sa bon de dag thams cad yongs su smin par gyur pa dang / mi des 'bru de dang de dag so sor 'jog ste/ bzhag nas kyang dpyid kyi dus kyi bar du zos nas/ yang 'debs pa de bzhin du sman gyi sde sems can rnams kyang sngon las byas pa'i las de dag thams cad yongs su zad par gyur pa dang / de la bsod nams kyi zhing tshol to// dge ba'i rtsa ba rnams skyed do// bskyed nas kyang dge ba'i chos de dag la nan tan gyis sgrung ste/ chos thams cad 'phel bar byas nas dga' ba dang mgu bskyed de/ sman gyi sde dga' zhing mgu ba'i sems des bskal pa bye bo'i bar du chud mi za'o// sman gyi sde de bzhin du bya chub sems dpa' sems dang po bskyed pa yang chud za ba'i chos can du nam yang mi 'gyur te/ mdor na chos thams cad rab tu shes so// gsol pa/ bcom ldan 'das byang chub sems dpa' sems dang po bskyed pa'i rmi lam ji lta bu mthong bar 'gyur/ bcom ldan 'das kyis bka' stsal pa/ sman gyi sde byang chub sems dpa' sems dang po bskyed pa rmi lam du 'jigs pa mang po mthong bar 'gyur ro/ / de ci'i phyir zhe na/ las thams cad yongs su sbyong ba'i phyir/ sems can sdig pa'i las can gyis ni sdug bsngal mi bzad pa sel bar mi nus so/ / de ni sdig pa'i rmi lam mthong yang 'jigs pa ma yin no// gsol pa/ bcom ldan 'das byang chub sems dpa' sems dang po bskyed pa'i rmi lam du ji ltar 'jigs pa mi mthong bar 'gyur ba lags/ bcom ldan 'das kyisaka' stsal pa/ sman gyi sde ma rab tu 'bar ba mthong ste/ des ni byang chub sems dpa' des bdag gi nyon mongs pa thams cad tshig par rig par bya'o// sman gyi sde gnyis su ni byang chub sems dpa' sems dang po bskyed pa des chu brug cing rab tu brug pa mthong yang 'jigs par mi bya'o/ / de ci'i phyir zhe na/ sman gyi sde de bzhin du gti mug gis bcings pa thams cad las bzlog nas sdig pa byang bar byas pa yin no/ / sman gyi sde gsum du na/ byang chub sems dpa' sems dang po bskyed pa'i rmi lam na 'jigs pa chen po mthong ngo // gsol pa/ bcom ldan 'das gang lags bcom ldan 'das kyis bka' stsal pa/ bdag gi lus kyi mgo bregs pa mthong yang / sman gyi sde des de la 'jigs par mi bya'o// de ci'i phyir she na/ bdag gi 'dod chags dang zhe sdang dang / gti mug bregs pa yin te/ bdag ni 'gro ba drug tu 'khor ba las rgyal ba yin no snyam mo// de sems can dmyal bar gnas pa ma yin/ dud 'gro dang / yi dgas rnams kyi nang du ma yin/ lha ma yin rnams kyi nang du ma yin/ klu rnam kyi nang du ma yin/ lha rnams kyi nang du ma yin te/ sman gyi sde byang chub sems dpa' sems dang po bskyed pa ni/ sangs rgyas kyi zhing yongs su dag pa rnams su skye ba rab tu 'dzin to// sman gyi sde phyi ma'i tshe/ phyi ma'i dus na/ gal tesems can la la zhig byang chub tu sems yongs su bsngo bar 'gyur na nges yi dam chen po bcas par blta ste/ brnyas par gnas par gyur kyang sman gyi sde de la des skyo ba'i sems bskyed par mi bya zhum par mi bya'o/ / sman gyi sde ngas chos mang du bstan te/ sman gyi sdengs bskal pa bye ba khrag khrig brgya stong du ma zhig gi bar du dka' ba spyod pa spyad kyang / sman gyi sngangs longs spyod kyi phyir ram/ 'tshe ba'i longs spyod kyi phyir ram/ dbang phyug gi longs spyod kyi phyir dka' ba spyod pa spyad pa ma yin gyi/ sman gyi sde chos kyi ngo bo nyid khong du chud par bya ba'i phyir ngas dkar ba spyod pa spyod kyang / ngas de srid kyi bar du bla na med pa yang dag par rdzogs pa'i byang chub ma thob kyi/ sman gyi sde gang gi tshe gang gi dus na/ ngas zung gi chos kyi rnam grangs 'di thos pa de nyid kyi nyin mo bla na med pa yang dag par rdzogs pa'i byang chub mngon par rdzogs par sangs rgyas te/ sman gyi sde chos kyi rnam grangs 'di zab bo// chos kyi rnam grangs 'di thos pa rnyed par dga'o// sman gyi sde de bzhin gshegs pa rnams 'byung ba yang mchog tu rnyed par dka'o/ / sman gyi sde chos kyi rnam grangs 'di 'dzin pa dag kyang mchog tu rnyed par dka'o// gang dag chos kyi rnam grangs 'di thos pa de dag thams cad ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / sman gyi sde bskal pa stong du 'khor ba bsnyil bar 'gyur ro// sangs rgyas kyi zhing yongs su dag pa rab tu rnyed par 'gyur ro/ / 'gog pa dang laM yang rab tu shes par 'gyur ro// gnas rab tu shes pa'i skal ba yod par 'gyur ro// dge ba'i gnas rab tu shes pa'i skal pa yod par 'gyur ro// mngon par shes pa dang dge ba'i gnas rab tu shes pa'i skal ba yod par 'gyur ro// dge ba'i gnas dang 'gog pa rab tu shes pa'i skal ba yod par 'gyur ro// sman gyi sde ci'i phyir 'gog pa zhes bya// gsol pa/ bcom ldan 'das chos kyi gnas ni don ces bgyi'o// bcom ldan 'das kyis bka' stsal pa/ sman gyi sde chos kyi gnas gang yin/ gsol pa/ bcom ldan 'das chos shes bgyi ba ni brtson 'grus brtsams pa nyid dang / tshul khrims brtsams pa nyid dang / tshul khrims dang ldan pa lags te chos kyi gter zhes bgyi'o// bcom ldan 'das 'di ni chos kyi gter 'byung ba'o// bcom ldan 'das kyis bka' stsal pa/ sman gyi sde de bzhin gshegs pa la don 'di yongs su 'dri bar sems pa ni legs so legs so// gsol pa/ bcom ldan 'das ci'i slad du de bzhin gshegs pa rnams 'jig rten du 'byung / bcom ldan 'das kyis bka' stsal pa/ sman gyi sde gang dag mang du thos pa dang ldan pa/ rab tu shes pa de dag gis/ de bzhin gshegs pa rnams kyi 'byung ba rab tu shes so/ / de bzhin gshegs pa rnams kyi 'byung ba shes nas/ de bzhin gshegs pa rnams kyi 'byung ba bde ba'i gnas 'di rab tu shes so// nam de bzhin gshegs pa rnams 'jig rten du 'byung ba de na sems can rnams kyis chos thams cad rab tu shes so/ / thabs mkhas pas chos rnams rab tu shes so// 'jig rten pa dang / 'jig rten las 'das pa'i chos rnams rab tu shes so/ / 'jig rten dang 'jig rten las 'das pa'i ye shes rnams rab tu shes so// gsol pa/ ye shes gnyis rtogs nas mya ngan las 'das pa gang rab tu 'tshal/ bcom ldan 'das kyis bka' stsal pa/ sman gyi sde chos rab tu shes nas/ chos rab tu shes so// sman gyi sde de bzhin du dam pa'i chos bsdu bar rab tu shes nas rnyed pa dang po skye'o// chos ji ltar thos pa bzhin du bzung nas/ chos dang ldan pa rnyed par 'gyur ro/ / sman gyi sde 'di lta ste/ dper na mi tshong par gyur pa la la zhig/ mi khur stong gi gser khyer te/ de khe spogs kyi phyir song ba dang / de'i pha mas 'di skad smra ste/ bu nyon cig/ gser srang stong khyer la gzhan dang rang gi gser leg par khyer cig/ tshong pa des gser khyer te song nas zla ba gcig tsam lon pa dang / gser de dag thams cad chub gsan te med par byas kyi 'og tu de na nas mi de bsams dang / shin tu ma dga' nas snying la mya ngan gyi zug rngus zug ste/ de gnong zhing ngo tsha nas rang gi khyim du ma song ba dang / de'i pha mas thos nas/ yi chad de snying la mya ngan gyi zug rngus zug nas gos dag kyang dral te bu ngan pa de bdag cag gi khyim du bu'i gzugs su skyes nas khyim so kun kyang bshig ste/ bdag cag la mkho ba med cing sdug bsngal bar byas so// bran gyi las byed du bcug go zhes de skad smre sngags 'don te/ de'i pha ma yi chad nas 'chi ba'i dus byas pa dang / de nas bu des pha ma bdag la yi chad de 'chi ba'i dus byas so zhes thos nas/ bu de yang yi chad de 'chi ba'i dus byas pa de bzhin du/ sman gyi sde de bzhin gshegs pas don 'di bshad pa la yang / gang dag nga'i bstan pa la mi dad pa de dag ni/ re thag chad nas 'chi ba'i dus kyi tshe/ snying la mya ngan gyi zug rngus zug ste/ 'chi ba'i dus byed par 'gyur ro// ji ltar pha ma de yi chad de/ gser gyi phyir mya ngan byed cing / snying la mya ngan gyi zug nas/ gzhan dang rang gi gser gyi phyir mya ngan gyi zug rngu dang ldan pa de bzhin du sman gyi sde gang dag pa'i bstan pa ma dad pa de dag ni/ phyis 'chi ba'i dus kyi tshe gdung zhing smre sngags 'don la/ sdug bsngal gyi tshor ba myong zhing / sngon las byas pa'i bsod nams ngag chus zong nas/ phyin chad zhing bzang po dang ldan pa'i bsod nams ngag mi byed de/ de dag gi snying mya ngan gyi zug rngu dang ldan pas de'i tshe de'i dus na/ sems can dmyal ba dang / dud 'gro'i skye gnas dang / gshin rje'i 'jig rten du skye zhing mi bzad pa drag po mthong nas/ 'chi ba'i dus kyi tshe 'di snyam du sems te/ gang sems can dmyal ba dang / dud 'gro dang / yi dgas dang / gshin rje'i 'jig rten mthong bar mi 'gyur zhing / sdug bsngal gyi tshor ba de myong bar mi 'gyur bar bdag la su zhig/ skyob par 'gyur snyam pa dang / de'i pha mas 'di skad ces smras so// bu cig nad kyis 'jigs chen na/ dbyung bar mi nus ji ltar bya/ na ba 'chi bas 'jigs mod kyi/ / bu khyod 'chi ba yod ma yin// nad kyi 'jigs dang skrag pa las// khyod ni thar par 'gyur ba yin// bdag gi rnam par shes pa 'gag/ bdag gi lus la rab tu gnod// yan lag thams cad sdug bsngal te/ / bdag gis 'chi ba mthong bar 'gyur// bdag gi mig ni mi mthong zhing // bdag gi sna yang mi thos so// rna bas thos pa mi 'gyur ci// lus kyang so mdog pade ma yin// yan lag nyid lag sdug bsngal te/ / shing dang 'dra bar sems pa med// bdag gi 'chi ba 'ong med ces// yum gyis bdag gi spro bsring zad/ mas smras pa/ bu khyod de skad smra mi rigs// nga la mchog tu 'jigs ma byed/ / khyod kyi lus la rims btab pas// rnam pa sna tshogs mthong bar gyur// bus smras pa/ lus la rims kyang ma mthong ste// na ba med cing sdug bsngal med// 'chi ba shin tu mi zad mthong // bdag gi lus sdug bcom par gyur// bdag gi lus kun sdug bsngal gyis// rab tu gza ri bar mthong gyur na// su la skyabs su 'gro bar bya// bdag gi skyob par su zhig 'gyur// pha mas smras pa du khyod la/ / lha yang rab tu skyon gyur gyis// lha rnams la ni mchod byas na// de yi 'og tu 'tsho bar 'gyur// bus smras pa/ gang gis bdag ni 'tshe 'gyur ba// khyed kyis/ de ltar mdzad du gsol// rings shing rab tu myur bzhud la// lnga bon po la dri bar gsol// de nas de'i pha ma lha'i rten gyi drung du song nas lha la bdug pa phul ba dang / de nas lha bon pos lha la bdug pa phul nas tshig 'di skad ces smras so/ / khyed la lha skyon gyis lha rjed cig/ mchod sbyin gyis shig/ de la phyugs sod cig/ mi yang sod cig dang / de nas khyed kyi bu nang las yongs su thar 'gyur ro// / de nas pha ma de dag gis bsams pa bdag cag dbul na ji ltar bya/ gal te lha ma mnyes na ni bu de yang 'chi ba'i dus byed par 'gyur/ ji lta mnyes par byas na bdag cag ni dbul pas mi dang phyugs gang nas spang snyam nas/ de dag rings shing myur bar khyim du dong ste/ khyim rdzas cung zad ci bdog pa de thams cad phyugs nyo ba'i phyir 'tshong du dong ngo // de nas mi gzhan zhig gi ga na/ phyin nas/ kye skyes bu gser zhig baspyir byin/ basbyin pa ni zhag bcu na slar 'bul nus na ni legs/ ji lta 'bul ma nus na yang nged khyod kyi bran du khas spangs te las bya'o zhes de skad smras nas/ de gnyis kyis gser de khyer te mi nyor dong ngo / / de gnyis kyis mi nyos nas/ mi des kyang bdag gsang par ni ma shes so// de nas pha ma rmongs par gyur pa de gnyis slar rang gi khyim du ma dong gi/ lha rten gyi drung du song ste/ lha bon po la dmyur du mchod sbyin mdzod cig ces smras so// de nas pa mde gnyis bdag nyid kyis phyugs kyang bsad mi de yang bsad do// de nas lnga bon po des mchod sbyin bya bar bsams te me bus pa dang / de nas lha thabs te/ khyed kyi bu ni ngas khyer ro zhes smras so// de nas pha ma de nyid dga' zhing mgu las khyab nas/ bu 'di sos nas bdag cag bran du gyur kyang bla zhes smras te/ pha mas lha la mchod sbyin byas nas slar log ste/ rang gi khyim du phyin nas bu 'chi ba'i dus byas pa mthong ngo // de nas pha ma de gnyis sdug bsngal zhing yi mug pa chen pos snying la mya ngan gyi zug rngus zug ste/ yi chad par gyur nos de nyid du 'chi ba'i dus byas pa de bzhin du sman gyi sde mi dge ba'i grogs po dang bsten par mi bya'o// gsol pa/ bcom ldan 'das sems can de dag gang du skyes pa zhu'o// bcom ldan 'das kyis bka' stsal pa/ sman gyi sde kha rog nga la ma 'dri zhig/ gsol pa/ bcom ldan 'das zhu'o// bde bar gshegs pa zhu'o// bcom ldan 'das kyis bka' stsal pa/ sman gyi sde de la ma ni sems can dmyal ba chen po ngu 'bor du skyes so// pa ni sems can dmyal ba chen po bsdus gnom du skyes so// su ni sems can dmyal ba chen po che bar skyes so// lnga bonan sems can dmyal ba chen po mnar med par skyes so/ / gsol pa/ bcom ldan 'das mi ma nongs pa de gang du skyes/ de'i tshe srang ma gang lags/ bcom ldan 'das kyis bka' stsal pa/ sman gyi sde 'di la mi mnyes pa de ni sum cu rtsa gsum gyi lha rnams kyi nang du skyes so/ / gsol pa/ bcom ldan 'das rgyu gang dang rkyen gang gis mi de sum cu rtsa gsum gyi lha rnams dang skal ba mnyam par skyes/ bcom ldan 'das kyis bka' stsal pa/ sman gyi sde nyon cig/ mi de 'chi ba'i dus kyi tshe de bzhin gshegs pa la sems dad pas/ sangs rgyas la phyag 'tshal lo zhes lan cig smras te/ sman gyi sde dge ba'i rtsa ba des bskal pa drug cu'i bar du sum cu rtsa gsum gyi lha rnams kyi bde ba myong bar 'gyur/ bskal pa brgyad bcu'i bar du skye bar tshe rabs dran par 'gyur ro// skye ba dang skye bar mya ngan gyi zug rngu thams cad dang bral bar 'gyur ro/ / skyes ma thag tu sdug bsngal thams cad zlog par byed do// sems can de dag thams cad yongs su mya ngan las bzla bar ni mi nus so// gsol pa/ bcom ldan 'das ji ltar sems can thams cad yongs su mya ngan las bzla bar rngo thog pa lags/ bcom ldan 'das kyis bka' stsal pa/ sman gyi sde brtson 'grus brtsam par bya'o// gsol pa/ bcom ldan 'das brtson 'grus brtsam pa gang lags/ bcom ldan 'das kyis bka' stsal pa/ sman gyi sde nyon cig/ brtson 'grus shes bya ba ni 'bras bu rnams ston pa'o// 'di lta ste/ rgyun tu zhugs pa'i 'bras bu zhes bya ba ni brtson 'grus kyi gnas so/ / lan cig phyir 'ong ba'i 'bras bu zhes bya ba ni brtson 'grus kyi gnas so// phyir mi 'ong ba'i 'bras bu zhes bya ba ni brtson 'grus kyi gnas so// dgra bcom pa nyid kyi 'bras bu dang / dgra bcom pa'i 'bras bu 'gag pa zhes bya ba ni brtson 'grus kyi gnas so// rang sangs rgyas kyi 'bras bu dang rang sangs rgyas kyi 'bras bu'i shes pa zhes bya ba ni brtson 'grus kyi gnas so/ / byang chub sems dpa'i 'bras bu dang / byang chub kyi gnas shes bya ba ni brtson 'grus kyi gnas te/ sman gyi sde 'di dag ni brtson 'grus kyi gnas shes bya'o// gsol pa/ bcom ldan 'das rgyun tu zhugs pa dang / rgyun tu zhugs pa'i 'bras bu ji ltar bstan par bgyi/ bcom ldan 'das kyis bka' stsal pa/ 'di lta ste/ dper na/ mi la la zhig gis shing zhig bskyed na/ de nyid kyi nyin mo shing de'i rtsa ba zug nas/ de nyid kyi nyin mo rtsa ba de dpag tshad tsam gyi 'og tu song ngo mi gzhan zhig gis kyang de bzhin du shing bskrad pa dang / de nyid kyi nyin mo rlung gyis bskyod de/ shing de'i rtsa ba ma zug nas/ de nas mi nges gnas de nas shing de phyung ba dang / mi gcig shos kyis ci'i phyir nga'i sa brkos shes 'thab 'breg rtsod par gyur nas/ de'i tshe rgyal pos mi de gnyis 'thab 'bres rtsod par gyur to zhes thos nas rgyal po des po nya btang ste/ song la mi de gnyis khrid de shog shig/ lha de ltar 'tshal lo zhes mi de rings pa'i gzugs su brgyugs nas/ mi de gnyis la 'di skad ces/ khyed la rgyal po 'bong du zhes smras pa dang / de nas mi gcig ni 'jigs skrag go/ mi gcig ni 'jigs shing skrag pa med par rgyal po ga la ba der rdzing ngo / / ldingad nas rgyal po'i mdun du 'khod do// de nas rgyal pos mi de gnyis la 'di skad ces smras so// be khyed sa zhig gi phyir 'thab cing cod par 'gyur/ de nas mi gnyis langs te rgyal po la 'di skad ces smras so/ / rgyal po chen po gsan du gsol/ bdag cag la ni sa phyogs cung zad kyang ma mchis kyi/ sa gsar po zhig la shing bskyed pa las/ rlung gis bskyod nas rtsa ba yang ma zug/ lo ma dang me tog dang 'bras bu yang ma byung ste rgyal po chen po de'i rtsa ba dpag tshad tsam gyi 'og tu yang ma mchis pa dang / khyod kyis nis so zhes mi 'dis bdag la 'thab mo brgal du bas kyi bdag gis ni ma nongs na/ lha de la bdag gis cung zad kyang ma nongs par mkhyen par mdzad du gsol/ de nas rgyal po des blon po bye ba phrag sum cu bkug ste/ bsogs nas 'di skad ces smra'o// khyed cag smros shig/ blon po rnams kyis gsol pa/ ji skad smra bar gyi/ gang gi nyin mo shing bskyed pa de nyid kyi nyin mo rtsa ba zug nas/ lo ma dang me tog dang / 'bras bu 'byung ba khyod kyis gang na yang mthong ngam thos sam/ khyed kyi zhag bdun nam/ zla ba phyed kyis 'di bye phrag phyed par gyis shig/ de nas blon po ni de dag stan las langs te/ rgyal 'di 'di skad ces ga sol to// rgyal po chen po bdag cag gis 'di bye brag phyed par bgyir mi rung ngo // 'di bye brag phyed pa'i rngo mi thog go// rgyal po chen po 'di ni ngo mtshar te/ re shig mi 'di nyid la smra bar bgyi'o/ / kye skyes bu gang smras pa'i don de bden nam/ smros shig/ smras pa/ rgyal po chen po don de mang ngo // rgyal pos smras pa/ gang gi nyin mo shing skyed pa de yi nyin mo rtsa zug cing / 'dab ma me tog 'bras byung zhes// de nyid nyin mo smra ba ni// khyod kyi tshig 'di gtang par dka'// 'di 'dra mthong ba 'am thos pa med// de nas mi de thal mo sbyar te// rgyal po de la 'di skad smras/ / gshegs la nyid kyis shing bskyed de// rtsa ba zug la gzigs su gsol// de nas rgyal po de blon po bye ba phrag sum cu dang lhan cig phyi rol tu byung nas/ mi de gnyis kyang btson rar bcug go// de nas rgyal po de nyid kyi shing bskyed pa dang / shing de rtsa ba yang ma zug/ lo ma dang / me tog dang 'bras bu yang ma byung nas de nas/ rgyal po de khros te 'di skad ces/ khyed myur du deng la shing bshag pa'i sta re rnams long shig ces smras nas/ blangs pa dang / de nas gang mi des bskyed pa'i shing de la khrod nas shing de'i lo ma dang / me tog dang / 'bras bu byung ba rnams bcad de/ shing gcig po de bcad pa dang / shing bcu gnyis byung ngo // shing bcu gnyis po bcad pa dang / rin po che sna bdun gyi shing rtsa ba dang bcas/ lo ma dang bcas/ myu gu dang bcas pa nyi shu rtsa bzhi byung ngo // de nas shing nyi shu rtsa bzhi po de dag las bya gser gyi ze ba can gser gyi mchu can rin po che sna bdun gyi 'dab ma can nyi shu rtsa bzhi byung ngo / / de nas rgyal po de khro ba'i zil gyis gnon nas/ rang gi lag gis sta re grangs te shing de la gtsabs pa dang / shing gtsabs pa de las bdud rtsi'i chu byung ngo // de nas rgyal po de yid mi bde nas/ song la mi de gnyis btson ra nas phyung shig ces bsgo ba dang lha de ltar 'tshal lo zhes de'i mod la rab tu brgyugs te/ mi de gnyis btson ra nas phyung shing ga la ba der khrid pa dang / rgyal pos smras pa/ shing gcig bcad pa gnyis gyur du 'phel te/ nyi shu rtsa bzhir gyur pa de khyod kyis bskyed dam/ ngas bskyed pa'i shing ni rtsa ba dang / lo ma dang / me tog dang / 'bras bu/ yang ma skyes so// de nas mi des gsol pa/ rgyal po chen po bdag gi bsod nams ci 'dra ba de 'dra ba'i bsod nams khyod la mi mnga'o/ / de nas blon po bye ba phrag sum cus pus mo'i lnga nga gnyis sa la btsugs nas/ mi de la 'di skad ces smras so// rgyal po lnga ma 'di mi rung gis/ khyod kyis rgyal po bya dgos so/ / de nas mi des blon po de dag la tshigs su bcad pa 'di dag smras so// rgyal po longs spyod bdag mi dgos// nor dang 'bru yang dgos pa med/ sangs rgyas rnams la bdag dang pas/ rkang gnyis ngag gi mchog tu shog/ zhi ba mya ngan 'das pa'i dbyings// gang na de bzhin gshegs par grags// mya ngan 'das khyim 'gro 'gyur ba// chos 'di khyed la bshad par bya// skyil mo krung ni bcas nas su// de nas yi dam rab bcas so// bdag gi sngon byas las rnams kyis// rgyal po'i btson rar phyin par gyur// smon lam 'di ni btab pas na// bdag gis las ni zad par gyur/ / de nas bya bye ba phrag nyi shu rtsa bzhis/ rdo rje'i mchus sil snyan rnams dkrol to// de nas de'i tshe de'i dus na/ khang pa brtsegs pa sum khri nyis stong byung ste khang pa brtsegs pa re re'i tshad kyang dpag tshad nyi shu rtsa lnga lnga par gyur to/ / khang pa brtsegs pa re re las kyang bya gser gyi ze ba can/ gser gyi mchu can/ gser gyi gdong can bye ba phrag nyi shu rtsa lnga lnga byung ste/ de dag gis mi'i skad du smras pa/ rgyal po khyod kyis legs ma byas// khyod kyis shing de bcad pas na// bye ba brgya yi shing rnams las// nyi shu rtsa bzhir gnas par gyur// sems can gang gis shing bskyed 'di// ci 'dra shes ba ma yin pa/ / sdig pa'i las kyis phyin chad kyang // mi sdug 'bras bu myong bar 'gyur// rgyal pos smras pa/ bdag gis don 'di mi shes kyis// dka' thub chen po lung ston cig/ bya rnams kyis smras pa/ 'di ni 'jig rten snang byed de// rnam par 'dren par 'gyur ba yin// 'khor ba'i srid pa'i btson ra nas// sems can thams cad thar byed pa'o// rgyal pos smras pa/ gang gi shing ni ma skyes pa/ / skyes bu gnyis pa de gang yin// des ni sdig pa'i las gang byas// gnyis skyes rnams ni smra bar byos// bya rnams kyis smras pa/ gang gi shing ni ma skyes pa// de ni lhasbyin glen pa ste/ dge ba cung zad ma byas na// de yi shing ni ji ltar skye// de nas de'i tshe de'i dus na/ blon po bye ba phrag sum cu po rnams kyis/ chos kyi rnam grangs 'di thos nas// thams cad kyang sa bcu rab tu gnas te/ mngon/ par shes pa so sor thob par gyur to// rgyal po de yang sa bcu la gnas nas/ dge ba'i chos mngon par rtogs pa rjes su thob bo// de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ / bcom ldan 'das rgyu gang dang rkyen gang gis blon po bye ba phrag sum cu rtsa gsum po rnams bcu la gnas te/ mngon par shes pa so sor thob par gyur/ bcom ldan 'das kyis bka' stsal pa/ sman gyi sde nyon cig dang lung bstan par bya'o// de nas de'i tshe bcom ldan 'das 'dzum pa mdzad do// de nas de'i tshe bcom ldan 'das kyi zhal gyi sgo nas 'od zer kha dog du ma/ kha dog sna tshogs/ kha dog brgya stong phrag du ma 'di lta ste/ sngon po dang / ser po dang / dmar po dang / dkar po dang le brgan dang / shel dang dngul gyi kha dog lta bu brgyad khri bzhi stong byung nas/ de dag gis 'jig rten gyi khams mtha' yas mu med pa snang bar byas te/ slar log nas bcom ldan 'das la lan gsum bskor ba byas te/ bcom ldan 'das kyi dbu'i gtsug tu nub bo// de nas byang chub sems dpa' sems dpa' chen po sman gyi sde stan las langs nas/ bla gos phrag pa gcig tu bzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud te/ bcom ldan 'das la 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ sman gyi sde phyogs bzhi'i 'jig rten gyi// khams kun nas skye bo mang po'i tshogs nga'i gan du 'ong ba mthong ngam/ gsol pa/ bcom ldan 'das de mthong ngo // bcom ldan 'das kyis bka' stsal pa/ sman gyi sde de'i phyir skye bo'i tshogs la rnam par rtogs te ltos shig/ de nas byang chub sems dpa' sems dpa' chen po sman gyi sdes rnam par bltas pa dang / shar phyogs nas shing dpag tshad bdun stong pa cig byung nas/ de'i phyogs gcig na/ skye bo'i tshogs bye ba stong phrag nyi shu rtsa lnga 'dus te/ de dag mi smra/ mi zer/ mi brjod/ mi za/ mi ldang / mi 'chag ste/ cang mi smra bar 'khod pa dang / lho phyogs nas shing dpag tshad bdun stong pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi rjod/ mi ldang / mi 'chag ste/ cang mi smra bar 'khod pa dang / nub phyogs nas shing dpag tshad bdun stong pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi zer/ mi smra/ kun tu mi smra/ yongs su mi rjod/ mi ldang / mi 'chag ste/ cang mi smra bar 'khod pa dang / byang phyogs nas shing dpag tshad bdun stong pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi ser/ mi smra/ kun tu mi smra/ yongs su mi brjod/ mi spang / mi ga / kyang mi smra bar mayod pa dang / 'og gi phyogs nas shing dang ku tshang bdun stong pa gcig byung nas/ de la skye bo'i tshogs byed stong drug nyi ba cu/ 'dus te/ de dag kyang mi zer/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa dang / steng gi phyogs nas shing dpag chad bdun stong cig pa gcig byung nas/ de la skye bo'i tshogs bye ba stong phrag nyi shu rtsa lnga 'dus te/ de dag kyang mi ber/ mi smra/ kun tu mi smra/ yongs su mi brjod/ mi ldang / mi 'chag ste/ cang mi smra bar 'khod pa mthong ngo // de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to/ / gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / de skad ces gsol pa dang / bcom ldan 'das kyis byang chub sems dpar sems dpa' chen po sman gyi sde la 'di skad ces bka' stsal to/ / sman gyi sde ci dang ci 'dod pa dris shig dang / dris pa de dang de'i lung bstan pas ngas khyod kyi sems rangs par bya'o// de skad ces bka' stsal pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das ci'i slad du phyogs bzhi'i 'jig rten nas skye bo'i tshogs mang po lhags shing gnas pa nas/ 'og dang steng gi phyogs kyi bar nas/ skye bo'i tshegs bye ba stong phrag lnga bcu lpags te gnas par gyur pa'i rgyu gang lags/ rkyen gang lags/ bcom ldan 'das kyis bka' stsal pa/ sman gyi sde khyod song la 'di dag 'jig rten gyi khams gang nas lhags pa'i de bzhin gshegs pa de dag la khyod nyid kyis zhus shig/ gsol pa/ su'i rdzu 'phrul gyi stobs bskyed pas mchi bar bgyi/ bcom ldan 'das kyis bka' stsal pa/ sman gyi sde rang gi rdzu 'phrul gyi stobs bskyed pas song zhig/ de nas byang chub sems dpa' sems dpa' chen po sman gyi sdes bcom ldan 'das la lan gsum bskor ba byas te/ de nyid mi snang bar gyur nas/ 'jig rten gyi khams bye ba stong phrag dgu bcu rtsa drug 'das te/ 'jig rten gyi khams zla ba'i sgron ma zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas zla ba can gyi zhing zhes bya ba/ byang chub sems dpa' bye ba stong phrag brgyad cus yongs su bskor cing / mdun gyis bltas nas chos ston pa'i 'jig rten gyi khams der phyin to/ / de nas byang chub sems dpa' sems dpa' chen po sman gyi sde/ bcom ldan 'das de bzhin gshegs pa zla ba can gyi zhing de'i spyan sngar 'dug nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan rangs rgyu gang gis mi mjed kyi 'jig rten gyi khams su/ shAkya thub pa de bzhin gshegs pa'i spyan sngar/ skye bo'i tshogs phyogs bcu nas 'dus shing lpags pa dag/ de nas mchis pa'i tshe ni mthong la 'di na mchis pa'i tshe ni mi mthong bar gyur/ bcom ldan 'das kyis bka' stsal pa/ sman gyi sngo de nyid na rgyu zhing gnas so// gsol pa/ bcom ldan 'das yang ji lta bu lags/ de nas byang chub sems dpa' sems dba' chen po sman gyi sde/ de bzhin gshegs pa zla ba can gyi zhing ga la ba der song ste phyin nas/ de bzhin gshegs pa de'i spyan sngar 'dug ste/ bcom ldan 'das la 'di skad ces gsol to// bcom ldan 'das bdag 'jig rten gyi khams bye ba stong phrag dgra bcu rtsa drug 'das te mchis pa na/ bcom ldan 'das bdag gis de dag tu sems can ji snyed mthong ba de snyed ni gang na yang ma mthong ngo / / bcom ldan 'das kyis bka' stsal ba/ sems can de dag ni sems pa med pa'i shing las byung ngo // gsol pa/ bcom ldan 'das gang sems ma mchis pa'i shing las mi byung ba sus mthong sus thos/ bcom ldan 'das kyis bka' stsal pa/ sman gyi sde gang sems pa med pa'i shring las mi 'byung ba khyod kyis ma mthong ma thos sam/ gsol pa/ bcom ldan 'das bdag gis ma mthong mthos so/ / bcom ldan 'das kyis bka' stsal pa/ sman gyi sde khyod mthong bar 'dod na/ dengs bstan par bya'o// gsol pa/ bcom ldan 'das 'tsha'o// bde bar gshegs pa 'tshal lo// de nas de bzhin gshegs pa zla ba can gyi zhing gis phyag brkyang ba dang / phyag de las skye bo'i tshogs bye ba stong phrag brgya byung ste/ skye bo'i tshogs re res kyang lag pa brgya brgya brkyang nas/ spos dang / phreng ba dang / byug pa sna tshogs de bzhin gshegs pa la gtor ba dang / bcom ldan 'das kyis bka' stsal ba/ sman gyi sde khyod kyis skye bo'i tshogs 'dis de bzhin gshegs pa la spos dang / phre ba dang / byug pa gtor ba mthong ngam/ gsol ba/ bcom ldan 'das mthong lags so// bde bar gshegs pa mthong lags so// bcom ldan 'das kyis bka' stsa pa/ skye bo'i tshogs byung ba 'di dag ni sems pa med ba'o// mi 'di dag ni sems pa med pa'o// de nas mi bye ba stong phrag brgya po de dag re re zhing yang gang lag pa brgya brgya yod pa de dag thams cad lhung ngo // / de nas byang chub sems dpa' sems dpa' chen po sman gyi sde de mthong nas/ bcom ldan 'das la 'di skad ces gsol to// bcom ldan 'das 'di ci zhig lags/ bde bar gshegs pa 'di ci zhig lags/ gang mi rnams kyi lag pa brgya po yang yud tsam gyis lhung ste/ bcom ldan 'das gal te lag pa brgya pa yang grol bar mi 'gyur na/ lag pa gnyis pa'i mi lta smos kyang ci 'tshal/ bcom ldan 'das kyis bka' stsal pa/ sman gyi sde de bzhin du sems can rnams ni sems pa med par skye'o// sems pa med par 'gag go/ sman gyi sde nga'i lus kyang sems pa med par gyur par shes par bya'o/ / gsol pa/ bcom ldan 'das gang sems can de dag la gzhon pa gang lags/ rgan pa gang lags/ bcom ldan 'das kyis bka' stsal pa/ sman gyi sde sems can gzhon pa yang yod do/ / rgan pa yang yod do gsol pa/ bcom ldan 'das gzhon pa gang lags/ rgan pa gang lags/ bcom ldan 'das kyis bka' stsal ba/ gang dag da ltar lgang ba de dag ni rgan pa'o/ / gang dag shing rnams las skyes pa de dag ni gzhon pa'o// gsol pa/ bcom ldan 'das sems can gzhon nu rnams mthong bar 'tshal lo// de nas de bzhin gshegs pa zla ba can gyi zhing gis phyag g.yas pa'i mthil brkyang pa dang / de nas phyogs bcu nas skye bo'i tshogs bye ba stong phrag brgya brgya 'ong ngo // 'og dang steng gi phyogs nas skye bo'i tshogs bye ba phrag lnga bcu lnga bcu 'ong ste/ ske bo'i tshogs de dag lhags nas kyang / bcom ldan 'das kyi zhabs la mgo bos phyag 'tshal nas de bzhin gshegs pa la mi smra/ kun tu mi smra zhing cang mi smra bar 'khod do// de nas bcom ldan 'das la byang chub sems dpa' sems dpar chen po sman gyi sdes 'di skad ces gsol to/ / bcom ldan 'das ci'i slad du sems can de dag de bzhin gshegs pa la mi smra/ kun tu mi smra zhing cang mi mchi bar mchis// bcom ldan 'das kyis bka' stsal pa/ sman gyi sde khyod kyis mi shes sam/ sa phyogs ni sems pa med de/ mi smra/ kun tu mi smra zhing / chos kyi phung po yang mi shes so// de ci'i phyir zhe na/ sman gyi sde/ 'di la sems can gzhon nu kha cig ni mthong yang skye ba mi shes 'gag pa dang / rga ba dang / na ba dang / mya ngan dang / smra sngags 'don pa dang / sdug pa dang bral ba dang / mi sdug pa dang phrad pa dang / mdza' ba dang bye ba dang / 'chi ba dang / dus ma yin par 'chi ba dang / sdug bsngal mi bzad pa de dag thams cad mi shes te/ mthong yang yid 'byung bar mi 'gyur na/ shes par lta ga la 'gyur te/ sman gyi sde de ngag yang dang yang bslab par bya'o/ / de nas bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das gang chos ma 'tshal ba'i sems can gzhon nu de dag gang nas mchis gang nas 'chi 'pho zhing gang du skye bar 'gyur/ bcom ldan 'das kyis bka' stsal pa/ sman gyi sde nyon cig/ mi'i lus yongs su 'dzin pa de dag ni dngul mgar gyis kyang ma byas/ zangs mkhan gyis kyang ma byas/ shing mkhan gyis kyang ma byas/ rdza mkhan gyis kyang ma byas te/ rgyal po'i 'jigs pas kyang ma skyes kyi/ gzhan du na skyes pa dang / bud med 'dus pa dang sdig pa'i las dang ldan pa las byung ngo // sems can de dag kyang yang dang yang bzo'i las rnams slob pas/ de dag gi sdug bsngal mi bzad pa mtha' yas pa dang / tshor ba mi bzang pa 'byung ste/ der de dag sngon sdig pa mi dge ba'i las byas pa'i rnam par smin pa myong ngo // sman gyi sde 'di nyid du gang sems can gzhon nu lpags pa mi ldang ba 'di dag ni 'di 'dra ba'i sdug bsngal gyi tshor ba myong bar 'gyur te/ sman gyi sde de'i phyir mi smra kun tu mi smra'o// sman gyi sde/ de ltar na sems can gzhon nu de dag ni/ dge ba yang mi shes/ skye ba yang mi shes/ 'gag pa yang mi shes te/ de dag mi'i lus kyang thob par mi 'gyur pa 'di dag kyang sman gyi sde/ sems can gzhon nu rnams shes bya'o// gsol pa/ bcom ldan 'das sems can gzhon nu rnams ji ltar skye/ ji ltar 'gag bcom ldan 'das kyis bka' stsal pa/ sman gyi sde 'di lta ste/ dper na/ mi la la zhig gis me la shing gis reg par byas pa dang shing de la mthar gyis me 'bar ba de bzhin du/ sman gyi sde/ thog ma mi'i lus su skye'o// skyes nas gdong tshor ba myong ngo // gsol pa/ bcom ldan 'das su zhig 'dir mngon par skye/ skyes nas su zhig yongs su mya ngan las 'das/ bcom ldan 'das kyis bka' stsal pa/ sman gyi sde/ sangs rgyas nyid skyes so// de bzhin gshegs pa nyid yongs su mya ngan las 'das so// 'di lta ste/ dper na/ rgyal pos mi la la zhig bcings te/ khang pa mun pa mun gnag gi nang du btson rar bcug pa dang / mi de khang pa mun gan ga der zhugs nas/ khang pa mun nag la khang pa mun nag tu mthong ngo // de nas mi gzhan sngon sdug bsngal gyi tshor babs reg pa zhig gis mthong nas/ mi de ni ma rung bar gyur to// sngon sdug bsngal ma myong bas 'tsho ba/ srog chad par 'gyur ro// snyam bsam nas/ des der me khyer te 'ongs nas/ khyim de'i nang du me cung zad cig bor ba dang / mi btson rar bcug pa des me de mthong ngo // mthong nas kyang de dbugs phyin par gyur to// spro bskyes so// me de yang rgyu gang gis 'bar ba'i me 'bar ba des khyim de kun tu 'bar bar gyur nas/ mi de yang de nyid du tshig pa dang / de tshig go zhes rgyal pos thos nas/ mi dgar ste de 'di snyam du phyin chad ni bdag gi yul du sems can gang yang btson rar mi gzhug go/ snyam du sems so// de nas rgyal po nges rang gi yul na gnas pa'i sems can rnams la/ kye sems can khyed rnams ma 'jigs shig/ ma skrag cig/ khyed cag 'jigs par ma gyur cig/ phyin chad nga'i yul du chad pas gcad pa ram/ btson rar gzhug par mi bya'o// sems can gang yang srog dang dbral bar mi bya/ kye sems can khyed rnams ma 'jigs shig ces/ de ltar dbugs phyung ba de bzhin du sman gyi sde/ de bzhin gshegs pa ni nyon mongs pa thams cad bsregs pa nad thams cad rab tu zhi ba'o// ji ltar khyim tshig nas mi nyid kyi lus kyang tshig ste/ sems can rnams kyi don dang / phan pa dang / bde ba'i phyir zhugs nas sems can bcings pa yang bcings pa las yongs su thar par byed pa de bzhin du/ de bzhin gshegs pa yang 'dod chags dang / zhe sdang dang / gti mug gi dri ma spangs te/ sems can thams cad la sgron ma bzhin du 'jig rten du byung nas/ sems can rnams sems can dmyal ba dang / dud 'gro dang / yi dgas dang / lha ma yin gyi lus rnams las yongs su thar par mdzad cing / sems can gzhon nu dang / rgan po rnams kyang yongs su thar par mdzad do// de nas steng gi bAr snang las tshigs su bcad pa 'di drag byung ngo // rgyal ba'i ning na/ ngo mtshar zhing / zhing bzang mngon par 'dus byas pa/ de la sa bon btab pa ni// rnam par chud zar mi 'gyur ro// rgyal ba'i zhing ni dag pa'i zhing // sangs rgyas bstan pa bsngags pa ste// sems can thams cad gzung ba'i phyir/ ston pas kyang ni thabs mdzad do// mya ngan 'das pa'i dbyings gnas kyang // sa yi steng na kun tu snang // rtag tu 'jig rten zhi byas na// sangs rgyas sbyin pa'i gnas rnams spong // sems can gzhon nu thar bar byed/ / rgan po rnams kyang thar par byed// sems can thams cad khams gsum las// mthar gyis yongs su thar par byas// sems can dmyal ba'i sgo bcad de// dud 'gro yi dgas thar par byas/ / 'jig rten 'di yang zhing byas nas// 'jig rten pha rol bde bar byed// de nas bcom ldan 'das kyis 'dzum pa mdzad nas bka' stsal pa/ legs pa rnams ni mthong na legs// sangs rgyas rnams kyang mthong na legs/ / dam chos yon tan zhing yang legs// dge 'dun 'dus pa mthong na legs// zung bstan pa yang leg pa ste// sdig pa rnam par 'jig pa legs// de nas byang chub sems dngas ra sems dpa' chen po sman gyi sde/ bcom ldan 'das ga la ba de logs su thal mo sba ra ba btud nas bcom ldan 'das la 'di skad ces gsol to// bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu khyod kyis sems can gzhon nu 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so/ / bcom ldan 'das kyis bka' stsal pa/ sman gyi sde 'di dag thams cad ni deng nyid du sa bcu la rab tu gnas par 'gyur ro// de nas byang chub sems dpa' sems dpa' chen po sman gyi sdenadapag tshad brgyad khri srid kyi steng gi nam mkha' la gnas pa dang / lha bye ba stong phrag brgyad cu/ bcom ldan 'das la me tog gi char rab tu 'bebs so// sems can gzhon nu de dag kyang thal mo sbyar nas phyag 'tshal lo/ / de nas byang chub sems dpa' sems dpa' chen po sman gyi sdes/ bar snang la gnas bzhin du tshig 'di skad ces smras te/ des stong gsum gyi stong chen po'i 'jig rten gyi khams smras gang bar gyur pa dang / sems can dmyal ba chen po sum cu rtsa gnyis su skyes pa'i sems can rnams sgra de la nyan to// lha'i ris sum cu rtsa gnyis sgra de la nyan to// stong gsum gyi stong chen po'i 'jig rten gyi khams kyang rnam pa drug tu g.yos so/ / rgya mtsho chen po'i nang gi klung brgyad khri bzhi stong yang 'khrugs so// srin po bye ba stong phrag sum cu yang 'dzam bu'i gling 'dir lhags so/ / yi dgas dang / gnod sbyin dang / srin po bye ba stong phrag nyi shu rtsa lnga yang lcang lo can gyi pho brang 'khor nas lhags te/ bcom ldan 'das kyi spyan sngar 'dus pa chen po kun tu 'dus so// de nas bcom ldan 'das kyis sems can gzhon nu de dag la chos bstan pa dang / phyogs bcu'i 'jig rten gyi khams nas/ byang chub sems dpa' sems dpa' chen po// bye stong phrag brgyad rang rang gi rdzu 'phrul gyis lhags so/ / // bam po bzhi pa ste tha ma'o// de nas byang chub sems dpa' sems dpa' chen po sman gyi sdes/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' 'dus shing mchis pa mngango / / bde bar gshegs pa mang ngo // bcom ldan 'ongs lha dang klu 'dus shing mchis pa yang mang ngo // srin po bye ba phrag du ma zhig kyang lcang lo can gyi pho brang 'khor nas lhags te 'dus nas mchis par gyur to/ / de nas bcom ldan 'das kyis/ byang chub sems dpa' sems dpa' chen po sman gyi sde la bka' stsal pa/ rigs kyi bu mar shog/ de nas byang chu sems dpa' sems dpa' chen po sman gyi sde rdzu 'phrul gyi stobs kyis blabyas nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das chos kyi phung po chos kyi phung po zhes bgyi ba bcom ldan 'das ji tsam gyis na/ chos kyi phung po zhes bgyi/ bcom ldan 'das kyis bka' stsal pa/ rigs kyi bu chos kyi phung po zhes bya ba ni/ gang tshangs par spyod pa yongs su tshol zhing / gang tshangs par spyod pa yongs su btsal nas kyang sdig pa thams cad spong ba'o// rigs kyi bu sems can gzhon nu mi tshangs par spyod pa spyad pa spangs nas/ gdon mi za bar gzungs rab tu 'thob par 'gyur zhing chos thams cad dang yang ldan par 'gyur ba de dag mthong ngam gsol pa/ bcom ldan 'das thabs gang gis sems can mang po zhig 'dus shing chos kyi phung po nyan/ de nas bcom ldan 'das kyis byang chub sems dpa' sems dpa' chen po sman gyi sde la bka' stsal pa/ sman gyi sde gang dag skye ba nyid sdug bsngal du mi nyan/ rga ba nyid sdug bsngal du mi nyan/ nad nyid / sdug bsngal dang / mya ngan sdug bsngal dang / smre snga phra 'dod pa sdug bsngal dang / sdug pa dang bral sdug bsngal dang / mi sdug pa dang phrad pa sdug bsngal du mi nyan pa'i sems can yang phal cher yod do// 'chi ba ni sdug bsngal thams cad kyi phyir lus dang srog 'phrog pa yin te/ sman gyi sde 'di ni sdu bsngal thams cad ces bya'o// de nas sems can gzhon nu de dag gis bstan pa 'di thos nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag kyang 'gum par 'gyur ro// bcom ldan 'das kyis bka' stsal pa/ khyed dang sems can thams cad kyang mchi'o/ / de dag gis gsol pa/ bcom ldan 'das ji ltar 'chi ba'i dus kyis non par 'gyur/ bcom ldan 'das kyis bka' stsal pa/ rigs kyi bu dag 'chi ba'i dus na/ rnam par shes pa tha ma la/ rnam par shes pa 'gag par byed pa zhes bya ba'i rlung dang / rnam par shes pa rnam par 'khrul par byed pa zhes bya ba'i rlung dang / rnam par shes pa 'khrugs par byed pa zhes bya ba'i rlung dang / rigs kyi bu rlung gsum po 'di dag gis/ 'chi ba'i dus kyi tshe rnam par shes pa tha ma la glong bar 'gyur/ 'khrug par 'gyur/ 'khrug pa skyed par 'gyur ro/ / de dag gis gsol pa/ bcom ldan 'das 'chi ba'i dus kyi tshe/ rnam par shes pa 'gag pa na/ lus 'jom par bgyid pa'i rlung gsum po gang lags/ bcom ldan 'das kyis bka' stsal pa/ grogs po dag mtshon ces bya ba dang / skul ba zhes bya ba dang / zed pa zhes bya bas lus 'jom par byed do// gsol pa/ bcom ldan 'das lus shes bgyi ba ji lta bu lags/ bcom ldan 'das kyis bka' stsal pa/ grogs po dag kun tu 'bar ba zhes kyang bya/ tshig pa zhes kyang bya/ ngar snabs zhes kyang bya/ sgeg pa zhes kyang bya/ dur khrod pa zhes kyang bya/ ngan pa'i blo zhes kyang bya/ bur lci ba zhes kyang bya/ skye bas yongs su gzir ba zhes kyang bya/ skye bas kun tu dkrugs pa zhes kyang bya/ srog yongs su gdung ba zhes kyang bya/ 'chi ba dang / sdug pa dang bral bar byed pa zhes kyang bya ste/ grogs po dag 'di rnams ni lus shes bya'o/ / de dag gis gsol pa/ bcom ldan 'das ji ltar 'gum/ ji ltar 'tsho// bcom ldan 'das kyis bka' stsal pa/ grogs po dag rnam par shes pa zhes bya ba ni 'chi ba'o/ / tshe dang ldan pa bsod nams zhes bya ba ni 'tsho ba'o// grogs po dag lus shes bya ba ni 'chi ba ste/ rgyus pa bye bas ni dkris/ spu'i khung bu brgyad khri bzhi stong dang ni ldan/ yan lag khri nyis stong gis ni spe la/ rus pa sum brgya drug cus ni brtan/ lus kyi nang na srin bu'i rigs brgyad cu rtsa bzhi ni gnas te/ srog chags de dag thams cad la yang 'chi ba yang yod/ 'chi ba 'gag pa yang yod do/ / nam mi de 'chi ba de na/ srog chags de dag thams cad re thag chad par 'gyur te/ de na srog chags thams cad gcig la gcig za bas rlung 'khrug cing g.yo bar 'gyur ro// de na de dag sdug bsngal gyi tshor ba myong ngo / / la la ni bu'i phyir mya ngan byed/ la la ni bu mo'i phyir mya ngan byed/ la la ni gnyen gyi phyir mya ngan byed de/ de dag thams cad mya ngan gyi zug rngus zug go// gcig la gcig za bar brtsams nas/ de dag gcig gis gcig zos to// srog chags gnyis shig las pa na/ de gnyis kyang zhag bdun gyi bar du 'thab ste/ zhag bdun 'das pa dang / srog chags gcig ni bcom mo/ / gcig ni thar to// tshe dang ldan pa chos shes bya ba gang zhe na/ 'di ji snyam du sems/ ji ltar srog chags rnams gcig la gcig mi mthun pa byas nas/ 'chi bar 'gyur ba de bzhin du/ byis pa so so'i skye bo'i sems can rnams kyang phan tshun gcig la gcig mi mthun pa byed de/ skye bas mi 'jigs/ rga bas mi 'jigs/ nad kyis mi 'jigs/ 'chi bas mi 'jigs so/ / ji ltar srog chags gnyis 'thab pa bzhin du byis pa so sor skye bo rnams kyang phan tshun 'thab bo// de nas 'chi ba'i dus na/ skyes bu dge ba nams kyis smras pa/ skyes bu khyod ci zhig la yid rton/ ci khyod kyis nyes pa cung zad kyang ma mthong ngam/ skye ba'i nyes pa ma mthong ngam/ rga ba dang na ba'i nyes pa ma mthong ngam/ 'chi ba'i nyes pa ma mthong ngam/ smras pa/ tshe dang ldan pa bdag gis skye ba'i nyes pa yang mthong ngo // rga ba dang na pa'i nyes pa yang mthong ngo // thams cad kyi tha mar 'chi ba'i nyes pa yang mthong ngo // smras pa/ ci'i phyir gang dge ba'i rtsa ba rnams kyi bya ba ma byas/ ci'i phyir 'jig rten gnyis kar bde ba 'phel ba'i chos kyi phung po'i dge ba'i rtsa ba rnams ma byas/ grogs po dag gnyis su yang dri'o// khyod ci'i phyir gang skye ba dang / 'chi ba las yongs su thar pa'i dge ba'i tshegs ma byas/ khyod kyis ci'i phyir tshul bzhin yid la byed pa so sor brtag pa ma byas/ ji ltar khyod kyis sa la gaN+DI rdung ba'i sgra ma thos/ de bzhin gshegs pa'i zhing la dge ba'i sa bon sbran cing spos sam/ phreng ba 'am/ mar me sbyin pa byin pa ma mthong ngo // de bzhin gshegs pa la bza' ba dang bca' ba 'bul ba dang / 'khor bzhin tshim par byas pa yang ma mthong / dge slong dang / dge slong ma dang / dge bsnyen dang / dge bsnyen ma bstan pa la mngon par dad pa de dag ni 'khor bzhi'o// de ltar de la phan pa'i phyir smras te bsnang ba dang / lha cung zad kyang ma bgyis so// mi khyod kyis ni 'dzam bu'i gling du 'ongs nas/ mi dge ba byas so// de'i tshe mi shi ba de la chos kyi rgyal pos rjes su bstan pa'i tshigs su bcang ba spras pa/ de bzhin gshegs pa 'byung mthong zhing // gaN+DI rdung ba thos gyur la// mya ngan 'angs pa zhir 'gro ba'i// chos bstan thos kyang ma byas so// de nas mi nges sngar smras pa/ bdag ni byis pa'i blor gyur te// sdig pa'i grogs kyi dbang song nas// 'dod pas 'khrul pa'i sems kyis su// bdag gis sdig pa'i las byas so// 'dod pa dag kyang bsten pa dang // bdag gis srog chags rnams kyang gsang // dge/ 'dun rnams kyi chung gsan pas// mi bzad de yi 'bras bu 'ong // gnod par sems pa'i yid kyis su// bdag gis mchod rten bshig pa byas// tshig ngan rnams kyang rab tu smras// bdag gis/ ma yang brdung bar byas// bdag gi lus kyis gang byas pa// nyes pa dag kyang rab tu shes// sems can dmyal ba ngu 'bong du// shin tu mi bzang skye ba mthong // bsdus gzhom du yang tshor ba myong // de bzhin rab tu tsha ba dang / mnar med chen po mi bzad par// tshor ba rjes su myong bar 'gyur// pad+ma lta bur che rags pa'i// sems can dmyal bar sdug bsngal du// thig nag btab pa 'jigs chen du// lan brgya bar du skye bar 'gyur/ / sems dmyal sems can bsad nas su// phyis kyang 'jigs pa de mthong ste// dpag tshad brgyar ni yang dang yang // 'jigs pa chen por ltung bar 'gyur// de dag sgo snyed mi 'gyur te/ / phyis kyang bum par rab tu sbyang // sU kri zhes bya sems dmyal du// spu gri stong yang 'byung bar 'gyur// bye ba stong phrag khri rnams kyi// spu gri mdun du 'byung 'gyur te/ / bdag gis nyes pa'i las byas pas// de dag gis ni de lus gtubs// rlung 'khrugs chen po mi bzad pas// lus de thams cad 'jig par byed// rtag tu 'di 'dra'i sems dmyal du/ / bdag gis sdug bsngal myong bar 'gyur// lus ni rab tu sdug bsngal rab// sems can kun gyis bdag mthong ngo // khyim so bya phyir gzhan dag gi/ nor yang bdag gis rab tu blangs// bdag gis bu pho bu mo dang // de bzhin phu nu sring mo dang // bdag gi pha ma rang de bzhin te// mdza' bo gnyen bshes mang po dang // bran dang las byed rnams dang ni// de bzhin pa dang phyugs dang g.yog/ dgos pa ngan la bdag 'khrul te// gser dang dngul gyi snod rnams dang // de bzhin phra rab gos rnams dang // khyim byed bcug pas 'khrul pa ste// khyim yang shin du bkra byas nas// skyes pa bud med lang long dang / / pi wa bsil snyan 'khrol ba la// bdag yid ma dul dga' bar gyur// spos chu dag gis lus bkrus kyang // da dung byas pa gzo ba med// lus khyod sems pa med pa ste/ / nga ni khyod kyi ched la 'khrul// phyin chad sems can 'ga' tsam yang // bdag la skyob par 'gyur ba med// rlung 'khrug chen po mi bzad par// lus ni yongs su gdung ba na// ro dang ldan pa zhim zos te/ / lces kyang sna tshogs de bzhin no// phreng ba sna tshogs bzang mdzes pa// rab tu mang po mgo la bcings// mig ni gzugs kyis 'khrul byas te// mig gi skyabs ni yod ma yin// bdag gis mthong nas gang byas pa// sdig pa rnams ni mig gi rgyu// lag pa rdo rjes bcad pa ni// bdag gi rna ba'i rgyu yin no// lag pa gnyis la gdu bu btags// sor mo rnams la sor gdub bcug/ mgul du mu tig sa mo do// rkang pa gnyis kyang rab tu brgyan// de la dra ba byas pa dang // de la gser yang gnas par byas// lus la rin chen sna tshogs dang // gser gyi gdu bu rang de bzhin no/ / longs spyod chen pos rab brtses nas// yid kyang shin tu rtag par gyur// rab tu 'jam la bdag reg nas// shin tu sred pas de bsten to// gding ba sna tshogs mal cha yis// bdag gis lus ni rtser bcug go/ spos chu bzang pos khrus byas te// spos rnams kyis kyang rab tu bskus// lha rdzas ga pu ra tsan dan gyi// bdug pa rnams kyis rab tu bdugs// kha dog bzang po byas nas kyang / / gla rtsi ldan pas rab tu bsgos// le lon 'bru mar dri dag dang // sna ma tsam pa ka la sogs// bskus nas pra mo ka shi pa// dkar po'i gos kyang rab tu bgos// glang po'i rgyab nas babs nas su/ / rta yi rgyab tu mngon par zhon// bdag ni rgyal po yin snyam sems// skye bo dag ni mdun na rgyug/ glu gar shin tu bslabs pa yi// sras rnams kyang ni rab tu shes// ri dgas rnams ni mnyes par// bdag gis mangs kyang ri dgas pasad// 'jig rten phyi ma ma shes pas// bdag gis 'dri 'dra'i sdig byas shing // bdag gis gzhan gyis sha zos pas/ / de phyir bdag gi sdug bsngal 'di// mi bzad 'ong bar 'gyur pa yi// 'chi ba bdag gis ma shes te// bdag ni byis pa'i blor gyur pas// bdag gis lus kyang gso ba byas/ / deng ni bdag la 'chi 'ong na// skyabs byed pa ni su yang med// gnyen rnams khyed cag thams cad kyang // nga yi gdong du bltar ci yod// ci zhig phyir ni gos 'dral zhing // ci phyir ngu zhing smre sngags 'don// ci phyir sgra rnams rab 'jig cing // ci phyir khrag kyang 'byin par byed// ci phyir mgo la rdul 'thor zhing // brang yang rab tu rdung bar byed// bdag gson tshe na sdig pa rnams/ / spang bar bya rigs khyed ci gdung // bdag gi lus ni smyung ki dang // khyi dang wa dang bya rog dang / bya rnams kyis kyang bza' bar 'gyur// lus 'dir dgos pa med par gsos// 'chi ba'i sbrul dang ldan gyur nas/ / mi ni rtag tu skye bar 'gyur// 'jigs pa 'di las grol 'gyur ba// de lta bu yi sman rnams bsten// bdag la sman pas gang ba ni// sman de dgos pa ma yin no// nyon mongs sprul las thar byed pa/ / de ltar chos kyi sman rnams ni// 'chi bar bdag la sbyin par byos// sha ni nga la ma sbyin cig/ lus 'di gso ba byas kyang ni// gdom mi za bar 'jig par 'gyur// gang phyir sdug bsngal sbyin 'gyur ba/ / srog gi phung po ci'i phyir dwangs// lus 'di shin tu gsos byas kyang // byab ma mus byed par 'gyur// budang bu me tsozhig phyir// ngal mig gis lta bar byed// nab 'di las ngaskyobs shig/ ron med par ni cir phyir du// bu dang bu mo khyed cag dang // nga ni ma rung ma byed cig/ khyed cag gso bar bya ba'i phyir// ngas ni gzhan gyi nor yang phrogs// nga ni 'chi dus bab pa na// re thag chad kyis ci zhig byed skye dang ngan 'gros rab tu 'jigs/ / 'chi bas kyang ni yongs su gzir// tshor ba 'du shes 'du byed dang // reg pa shin tu tshor ba'o// sred pas byis pa rnams kyang 'khyam// mi bzang 'bras bu rnams kyang thob/ / ngan pa'i rigs su skye ba na// der yang mya ngan bcings par 'gyur// bdag las bsod nams chung shes nas// skye bo gzhan dag mya ngan byed// sprin dang tshul khrims yongs su nyams/ / chos la yang ni rgyab kyis phyogs// yang skye ba ni mi shes pas// nyon mongs sbrul gyis nyon mongs pa// ma rigs pas ni byis pas rnams// gang ni thar pa med par 'khyam// thar par don ni mi shes nas/ / 'khrul pas sdig pa rnams kyang byed// nyon mongs rnams kyis byis pa 'khyam// yid ni rtag tu rnam par 'khrugs// bcing ba sna tshogs ldan lus la// mes ni kun tu 'bar zhing tshig/ gang na bde ba med pa dor// lus ni rnam par 'khrul pas 'khyam// gang las shin tu bde 'byung la// bde ba de ni mi shes te// sangs rgyas zhing ni bde ba sbyin// chos kyi 'khor lo sman gyi / mchog/ tshul khrims bden pa'i tshul khrims so// de bzhin gshegs pa tshangs pa'i dbyangs/ de nas bcom ldan rangs kyis byang chub sems dpa' sems dpa' chen po sman gyi sde la bka' stsal pa/ sman gyi sems can dag 'chi ba'i dus kyi tshe de ltar smre sngagasar don kyang / legs par byed pa'i las kyi 'bras bu rnam pa ra smin pa sa gtogs par de dag gi skyob par 'gyur ba su yang med do zhes bkar de skad ces stsal nas/ tshigs su bcad pa 'di dag kyang gsungs so// sdig pa'i las ni byas pas na// sems can dmyal ba rnams su lhung // bsregs pa'i gos ni gyon par 'gyur/ / skom du lcags khu 'thung bar 'gyur// lus rnams la ni me mngag 'bab// tshig nas rab tu mi bzad du// sems can dmyal ba 'jigs chen du// de yi lus ni rab tu tshig/ bde ba dag ni mi shes shing // chos kyang rnam par mi shes te// chos ma yin pas byis pa khyam// bde ba cung zad rnyed mi 'gyur// dad dang tshul khrims phun sum tshogs// shes rab ldan zhing dkar thub che/ / dge ba'i bshes gnyen bsten pas ni// de bzhin gshegs par myur du 'gyur// 'jig rten sangs rgyas 'bru ba'i phyir// brtson 'grus kyi ni mchog rtsoms la// sems can thams cad yongs su bzung // dge ba'i las kyi chos ston cig/ byams pa'i sems dang de bzhin du// tshangs spyod mchog la snyoms par zhugs// sman sde de skad thos nas kyang // mchog tu bsgrub par 'gyur bar bya// rnam grol mthong dang sangs rgyas dang // sgra bsgrags rnam par 'dren pa dang // 'jig rten gyi ni pha dang ma// de ni byang chub sems shes bya// 'jig rten du ni chos 'di gang ston pa/ / dge ba'i bshes gnyen mchog tu rab rnyed dka'// sangs rgyas bstan la gang dag gus nyan pa// de dag bla med sangs rgyas bde gshegs 'gyur// zhi ba sangs rgyas sras rnams la/ / gang dag gus dang bcas 'gyur ba// de dag kyang ni sems can kun// thar byed 'jig rten mgon dur gyur// de nas bcom ldan 'das la/ byang chub sems dpa' sems dpa' chen po sman gyi sdes 'di skad ces gsol to/ / bcom ldan 'das ci'i slad du dog sa 'di dag g.yo/ rab tu g.yo// de skad ces gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bka' stsal to/ / sman gyi sde ci de mthong ngam ltos/ byang chub sems dpa' sems dpa' chen po sman gyi sdes bltas pa dang / phyogs bzhi na sags pa mthong ngo // sa gas pas sags pa'i phrag nas/ mi bye ba phrag nyi shu byung ba dang / 'og gi phyogs nus mi bye ba phrag nyi shu byung ba dang / steng gi phyogs nas mi bye ba phrag nyi shu rtsa lnga byung ba mthong ngo // de nas sems can gzhon nu de dag gis rnam par bltas nas/ bcom ldan 'das la 'di skad ces gsol to// bcom ldan 'das 'dir su dag skyes/ bcom ldan 'das kyis bka' stsal pa/ khyed cag skye bo'i tshigs 'di dag la ltos/ de dag gis gsol pa/ bcom ldan 'das mthong lags so// bcom ldan 'das kyis bka' stsal pa/ skye bo'i tshogs 'di dag ni khyed la bde ba'i/ phyir skyes so// gsol pa/ sems can 'di dag kyang 'gum par 'gyur ram/ bcom ldan 'das kyis bka' stsal pa/ grogs po dag de bzhin te/ sems can thams cad kyang 'chi bar 'gyur ro// de nas sems can gzhon nu snga ma gang dag thog ma nyid du skyes pa de dag gis/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das bdag cag ni/ yang skye ba dang / 'gum pa la blta bar mi spro'o// bcom ldan 'das kyis bkar stsal pa/ 'o na brtson 'grus kyi stobs rnyed par spro ram/ de dag gis gsol pa/ de bzhin gshegs ba mngon sum du blta bar bgyi'o/ / de nas chos gang mnyan pa zhus te/ yid du 'ong ba mnyan par bgyi'o// de bzhin gshegs pa'i nyan thos kyi dge 'dun 'dus pa la blta bar bgyi'o// byang chub sems dpa' rdzu 'phrul che zhing mthu che ba rnams la blta bar bgyi ste/ bcom ldan 'das 'di lta bu la spro'i/ skye ba dang 'gum pa la ni lta bar mi spro'o// de nas byang chub sems dpa' sems dpa' chen po sman gyi sde rdzu 'phrul gyi stobs kyis byang chub sems dpa' lnga brgya po de dag dang lhan cig tu stan las la ngas nas/ de dag thams cad rdzu 'phrul gyis steng gi bar snang la 'gro zhing skyil mo krung bcas nas/ bsam gtan byed de/ de dag thams cad kyi lus las seng ge rnams byung ngo // stag rnams byung ngo // sbrul rnams byung ngo // glang po ni rnams byung ngo // rdzu 'phrul chen po rnam par 'phrul pa ston to// ri la yang skyil mo krung bcas te 'khod do/ / steng du dpag tshad nyi khri srid du yang 'gro/ zla ba dang nyi ma bye ba stong phrag bcu yang 'bab par byed do// de nas bcom ldan 'das la/ sems can gzhon nu de dag gis 'di skad ces gsol to// bcom ldan 'das 'od ser chen po gda' ba dang / rdzu 'phrul chen po rnam par 'phrul pa 'jig rten du byung ba'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu khyed zla ba dang nyi ma byung ba 'di la ltos/ de dag gis gsol pa/ bcom ldan 'das mthong lags so// bde bar gshegs pa mthong lags so// bcom ldanar dus kyis bka' stsal pa/ 'di ni byang chub sems dpa' rang gi lus las 'od zer snang ba dang / rdzu 'phrul dang cho 'phrul ldan pa ste/ bstan nas kyang skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo'i tshogs chen po dang / lha rnams dang / mi rnams kyi don dang / phan pa dang / bde ba'i phyir sems can rnams la chos ston te/ de dag 'dir mi'i lus dang / stobs dang / brtson 'grus bstan nas/ 'di 'dra ba'i stobs nye bar ston to/ / gsol pa/ bcom ldan 'das 'od zer snang ba 'byung bar bgyi ba'i slad du chos bstan tu gsol/ de skad ces gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bka' stsal to/ / sman gyi sde khyod kyis stong gsum gyi stong chen po'i 'jig rten gyi khams rnam pa drug tu g.yos pa mthong ngam// gsol/ pa/ bcom ldan 'das mthong lags so// bde bar gshegs pa mthong lags so// des 'di snyam bsams te/ gang bdag gis de bzhin gshegs pa la don 'di zhu'o// snyam bsams pa dang / bcom ldan 'das kyis bka' stsal pa/ sman gyi snga ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// bstan par bya'o// rnam par dbye bar bya'o/ / sman gyi sde gang 'das pa dang / ma 'ongs pa dang / da ltar byung ba'i dus rnams kyi de thams cad bstan par bya'o// gsol pa/ bcom ldan 'das the tsom bsal ba'i slad du bstan du gsol/ bcom ldan/ 'das bdag gis de bzhin gshegs pa lha'i bu stong phrag brgyad cu rtsa bzhis bskor ba dang / byang chub sems dpa' bye ba stong phrag brgyad cu rtsa bzhis bskor ba dang / klu'i rgyal po bye ba stong phrag bcu gnyis kyis bskor ba dang / 'byung po bye ba stong phrag bco brgyad kyis bskor ba dang / yi dgas dang / sha za bye ba stong phrag nyi shu rtsa lngas bskor ba mthong ngo // bcom ldan 'das kyis bka' stsal pa/ sman gyi sde sems can 'di dag ni chos nyan pa'i phyir/ 'khor 'diranga'i gan du 'dus shing 'khod gor ma chag ste/ sman gyi sde 'di dag ni deng kho nar 'khor ba bsnyil bar 'gyur ro// sems can thams cad la phan par 'dod pas/ deng nyid sa bcu rab tu 'thob par 'gyur ro// sa bcu la rab tu gnas nas mya ngan las 'das pa'i dbyings rjes su thob par 'gyur ro// rgang par / las thar bya'i phyir// las byas bde bze byed cing // nyon mongs zhags pa'ang ma byas nas// sangs rgyas bstan pa thob par 'gyur// gsol pa/ bcom ldan 'das sems can gyi gnas mang po/ / las sna tshogs kyis 'byung ba 'di ci'i slad du/ bcom ldan 'das la bskor cing gnas// bcom ldan 'das kyis bka' stsal pa// sman gyi sde nyon cig/ sems can rmongs pa mi shes pa/ / thar par gyur pa ga la yod// sems can gzhon nu mang po dag/ de ring gzungs rnams thob par 'gyur// sa bcu dag ni 'thob pa'i phyir// chos kun rab tu shes par 'gyur/ / sa bcu dag kyang thob par 'gyur// sangs rgyas bya ba byed par 'gyur// chos kyi 'khor lo bskor bar 'gyur// chos char rab tu 'bebs par 'gyur// ji ltar sems can 'dus pas na/ / nga yi bstan pa dga' ba'o// lha dang klu dang yi dgas dang // lha min shin tu mi bzang ba// sa bcu la ni rab gnas te// chos kyi sgra yang sgrogs par 'gyur/ chos kyi rnga yang rdung bar 'gyu// chos kyi dung yang rab tu 'bud // sems can gzhon nu 'di dag kyang // brtson 'grus mthu dang ldan par 'gyur// de bzhin gshegs pas thob pa bzhin/ dag deng ni chos thob 'gyur// de nas sems can gnon nu lnga stong tsam stan las langs nas/ bcom ldan 'das ga la bde logs su thal mo sbyar ba btud de/ bcom ldan 'das/ la 'di skad ces gsol to// gang phyir mtha' ni ma 'tshal ba// 'khor ba na ni 'ching ba ste// lus ni khur lci bcom ldan 'das// 'jigs pa chen po mi bzad pa// lam ni rnam par ma 'tshal te// lam nyid kyang ni mi gda' bas/ / mgon po bdag cag ldongs 'gyur na// bdag cag rnams ni bsdu bar gsol// dpa' la bdag cag gsol ba 'tshal// 'dren pas chos ni bshad du gsol// bdag cag shes rab chung ngur skyes/ / bde bar mngon par ma 'tshal to// bdag cag la ni chos bshad gsol// sdug bsngal mi bzang grol bar mdzod// gang dang gang du skyes par yang // bdag cag sangs rgyas mthong gyur cig/ de nas byang chub sems dpa' sems dpa' chen po sman gyi sde/ sems can gzhon nu rnams ga la ba der song ste phyin nas 'di skad ces smras so// khyed cag rnams ni zas so zhig/ rmang du byung ba'i ro yang 'thung // 'jigs pa med par gyur nas su// phyis gdod 'jigs med chos nyon cig/ smras pa/ btsun pa gnas brtan khyod su zhig/ bdag cag rnams kyis khyod mi shes/ / khyed ni rab tu mdzes par mthong // gzugs ni zhi zhing grags pa che// yi dgas 'jig rten 'jigs chen dang // sems dmyal dud 'gro rnams las thar// ji ltar 'gro bar mdzes pa bzhin/ / khyod kyi sdig pa thams cad zhi// khyod kyi lag na snod yod pa// rin chen sna bdun ldan pa dang // lus la rin cen srad bu dang // gzi brjid phung pos brgyan pa mthong // zhi ba khyod kyis/ tshig smras pa// bdag cag lan 'debs mi nus so// bdag cag la ni zas rnams dang // zhim po'i skom yang mi dgos te// zas las gshang ba 'byung bar 'gyur// de bzhin skom yang gcin du 'gyur/ / khu ba rnams las khrag tu 'gyur// de bzhin khrag las shar 'gyur pas// zas dang skom rab sbyar ba yang // bdag cag rnams la dgos ma yin// dar dang snam bu sbar ba dang // phra mo'i gos kyang dgos pa med/ / gser gyi gdu bu mi dgos te// mu tig 'phreng ba dgos ma yin// sor gdub dag kyang mi dgos te// de kun mi rtag chos can no// bdag cag ngan par 'gro rnams su// 'gro/ bar mi 'gyur srog tshol lo// lha rnams kyi ni bde ba dang // chos kyi sprin pa don tu gnyer// dge ba'i bshes gnyen rnams dgos te// 'khor los sgyur rgyal ma yin no// rab tu bzang ba'i glang por nas/ / 'khor los sgyur bar chi bar 'gyur// bu yang phyi bzhin mi 'brang ste// chung ma bu mo rnams kyang min// rin chen sna bdun phyin las// phyi bzhin 'brang ba ma yin no// skye bo mang po 'dus pa yang // phyi bzhin 'gro ba ma yin te// mdun du rgyug pa'ang ma yin no// de ltar phyi chang mi 'gyur ro// tshe gcig gi ni rgyal po las// mi rtag pas ni 'khyam gyur te// sdig pa'i las rnams mang byas pas// de dag sems dmyal du 'bong ltung // rin chen sna bdun rdzu 'phrul ches// phyogs bzhi kun tu bskor ba las// gang tshe bu 'bod smin pa'i tshe// rdzu 'phrul de ni gang du song // sa gang dag na yod min pa/ / shi nas rdzu 'phrul byed mi nus// gnas brtan bdag cag rnams la gson// gang na de bzhin gshegs par bzhud// pa dang ma ni ji lta bar// de ni mthong bar rab tu 'dod// bdag cag la ni ma yang med/ / pha med phu nu rnams kyang med// 'jig rten gtso bo de bzhin gshegs// de nyid pa dang ma yin no// de nyid nyi ma zla ba ste// bde ba'i lam ni rab ston pa'o// gang phyir phyin chad mi skye bar// de ni 'khor ba thuthar mdzad pa'o/ / nyon mongs chu bo 'jigs chen dang // chu bo sgrol ba'i gru de'o// de yis sems can rab bsgral te// phyin chad slar ni mi ldog go// byang chub mchog ni rab ston pa// dam pa'i chos kyang de bshad do/ / bdag cag rnams la zas mi dgos// rgyal srid 'bras bu mi 'dod do// sems can dmyal bas 'jigs pa ni// lha yi 'jig rten 'gro mi bya// mi yi tshe ni bde ba ste/ / de na thams cad mkhyen pa snang // rang gi las ni nyes byas pas// tshe thung rnams ni 'khyam pa yin// de dag 'chi ba me shes kyi// 'dod pa'i longs spyod rgyal srid shes// skye dang 'gag pas bslus pa rnams/ / shes pa med cing 'jigs pa med// mi rtag pas ni sems 'khrul rnams// phra ba'i chos rnams mi shes te// phra ba'i dgos pa mi byed lo// zhi ba'i dbyings kyang mi shes so// chi / 'pho la ni skyo med pa// yang dang yang du skye bar 'gyur// yun ring sdug bsngal rab gzir cing // rtag tu dbyug pas brdegs byas nas// gzhan dag gi yang 'phrog byed de// de bzhin bcing zhing bsad pa byas// / sngon gyi sdig pas bskul bas na// de dag bcing ba lngas bcings so// re thag kyang ni chad par 'gyur// mya ngan zug rngus thug par 'gyur// rnam par shes pa 'gag pa na// snying rje bar ni smre sngags 'don/ / bdag gi skyob par 'gyur pa la// gser dang dngul dang shel dag dang // longs spyod thams cad bdag gis dbul// bdag ni bran du rang 'gyur bar bya// bran gyi tshul du gang gyur pa// las rnams thams cad rab tu bya/ / rgyal srid longs spyod bdag mi dgos// nor dang 'bro yang ma yin no// rang gi lus ni bdag la dgos// sdig pa byed pa mi 'grol te// de ltas gnas brtan bdag cag la/ / bza' ba dgos pa ma yin no// gang dag kha zas zhim zos pa// rgyal po rnams kyang 'chi bar 'gyur// btung ba mchog ni 'thungs pa yi// lha yi bu rnams 'chi bar 'gyur// chom cho dgu ro ldan pa// za sa dang skom ni rab bshams te// rgyal po'i mdun du blangs nas su// kha zas la ni lces reg nas// rgyal po rnams ni ro la chags// sdig pa mi chung rnams kyang byed// gang la snying po med pa yi// mi rtag rol chags par byed// bdag cag rnams la skom mi dgos// bza' ba dag kyang dgos ma yin// bdag cag sdug bsngal gang grol ba// chos nyid de 'dra dgos pa yin/ / sred pa'i bcings las rab grol zhing // sred pa'i nyon mongs rnam thar te// bcings pa kun las rab grol ba'i// sangs rgyas de la skyabs su dong // drang srong chen po 'jig mgon la/ / bdag cag rnams ni skyabs su dong // sems can rnams kyis mthong dga' la// phyag 'tshal phyir ni bdag cag 'dong // khyod kyi mtshan ni ma 'tshal gyis// snyan pa'i mtshan ni bstan tu gsol// / sman gyi sdes smras pa/ khyed dang skye bo thams cad kyang // de bzhin ming ni thos par 'dong // sems can gzhon nu bye ba phrag/ stong gis de bzhin gshegs pa bskor// de dag gis smras pa// khyod ni sangs rgyas nyan thos te/ / ming ni zab par grags pa yin// skye bo kun kyang de bzhin du// khyod kyi ming ni thos par 'dod // smras pa/ nga yi ming ni sman gyi sde// nga ni sems can rnams kyi sman// sman rnams kun gyi dam pa ni// khyed cag rnams la bshad par bya// nang kun gyis btab skye bo yi// nad rnams thams cad zhi bar byed// 'dod chags nad ni nang po che// 'jig rten 'jig byed mi bzad pa/ / gang gis blo med 'khyam pa yi// gti mug nang ni che zhing drag/ sems dmyal de bzhin dud 'gro dang // yi dgas rnams su sems can 'gro// bris pa 'di dag zhe sdang zin// de dag rdza ltar zhi bar 'gyur/ / de dag gis smras pa/ dge ba'i chos ni 'di thos pas// bdag cag sdug bsngal kun las grol// byis pa blo na mo shes pa// sdug bsngal kun las grol nas kyang // sdig padi las ni rnam spangs te/ / bdag cag chos kyi sbyin pa nyan// sdig pa thams cad rnam spangs nas// 'jigs pa mi bzad rnams kyang spangs// nad rnams thams cad zhi byed pa// sman gyi rgyal po sman// pa ste// sdug bsngal ba rnams gso byed pa// yang dag sangs rgyas myur du lta// de bzhin gshegs la phyag bya phyir// gnas brtan khyod ni myur du bzhung // phyag byas bdag cag rnams kyi chog/ 'jig/ rten rnam par 'dren la gsungs// nad 'dir rab tu zhi bar mdzod// lus 'di thams cad rab 'bar te// tshig cing zhi ba med pa yi// mi bzang me ni zhi bar mdzod// lus kyi khur ni khur po che// shin tu mi bzang rno ba'i khur/ / sdug bsngal gzir ba bdag cag la// brtul zhugs dam pa thugs rje mdzod// skye bo rtag tu zhe sdang dang // gti mug nor ba'i khur khyer te// khur las thar pa mi shes pa/ de dag yang dang yang khur khyer// thar pa'i lam ni mi shes shing // thar pa'i lam ni ma mthong rnams// 'chi ba rnam par shes mod kyi// 'on kyang 'jigs pa mi skyed do// bdag cag la ni nam du yang / / 'chi ba med snyam bde bar gnas// kun tu 'khrul pas ma shi ba// mthong yang rnam par mi shes so// de dag pa yang mi dran te// nad kyis kyang ni rtag gzir cing // nyon mongs las kyis rab dkrugs na/ / ji ltar kha bla za bar 'gyur// sdug bsngal nyam thag mi shes te// bdag cag ngal ba don med do// khyod kyi sdug bsngal 'di 'dra ba// ma rig gzhi las skyes pa'o// 'du shes 'du byed tshor ba rnams/ / 'jigs chen lci ba'i khur min no// gang chos rnam par mi shes pa// byis pa srid pas rab tu 'khyam// lus kyi khur gyis bskor ba ni/ 'jig rten du yang don med skyes// gos gtsang shin tu bzang ba dang // khrus dang byug pa dgos pa'o// lus la gang yid 'ong ba yi// kha zas zhim po dgos pa ste// yid du 'ong ba'i sil snyan rnga/ de bzhin rna bas tshol bar byed// rin chen bdun las byung ba yi// gzugs la mig gis chags par byed// zhim pa'i ro rnams thams cad ni// lces kyang tshol bar byed pa ste// 'jam zhing phra ba'i reg pa yang / / lus kyis rtag tu tshol bar byed// lus kyis su ni sha gnyis pa'o// dga' bar yang ni bsgrubs pa las// sems pa med pa'i lus 'di skyes// de la dga' ba su zhig rnyed// de na bdag rkang dgar byed pa// ldum ni rab tu bzang gyon yang // 'chi ba ra ra gyur tshe gos rnams dang // byug pa skyabs su mi 'gyur te// lus kyang skyabs su 'gyur min na// gos dang byug pa smos ci dgos/ / mi zhes bya ba lus yin to// dbugs dang stobs chen rnyed par 'gyur// so sor rtog pa rno ba'i stobs// de ni lus la yon tan che// sngon chad rta dang glang po yis// kun tu bskor nas rtse zhing 'khyam/ / thar pa'i chos ni ma shes nas// bdag ci sdig pa'i las la dga'// 'jig rten pha rol ma shes nas// brtse bas sdig pa byed du bcug/ bdag ni yang dang yang skyes te// shi ba bdag la yang 'ongs so/ / yang dang yang du mya ngan mthong // smre sngags 'don pas rab tu bcings// ma rnams kyang ni shi ba mthong // pha rnams shi dang gnyen dag dang // srin mo dang ni bu dag dang // chung ma rnams kyang shi ba mthong // mngon par 'du byed kun stong na// sems dang bcas pa su zhig chags// 'dod pas zin pa'i sems kyis su// bdag gis yid brtan rung bar shes// zhi ba'i chos ni mi dmigs te// 'chi ba la ni mngon dgar med// de phyir 'dod pas bsgribs sems kyis// bdag gis sbyin pa ma sbyin no// de bas 'dod dang mnyam sdig med// de ni da dung mi ldog go/ kun tu nor pas bdag cag skyes// 'gro ba mtha' dag kun tu nor// kun tu nor pa'i sgra yang nyan// dam chos ma yin yongs su 'dzin// thar pa dang ni bsam gtan btsal// lus ni khu ra du bkur mi bya/ / 'jig rten don du 'gro ba'i gtso// sangs rgyas ston pa rnams su shog/ sangs rgyas 'jig rten pa dang ma// sangs rgyas lam ni rab ston pa// 'dzam bu'i gling ni kun tu yang // rin chen char pa rab tu 'bebs/ / chos kyi bsdu ba ci 'dra ba// sems can blun pos mi shes te// byang chub tu ni sems bsngos nas// chos kyi bsdu ba thob par 'gyur// 'du byed thams cad stong pa ste// de bzhin/ longs spyod nor yang stong // bdag kyang stong par mthong bas na// mthong nas re ba med par 'gyur// gnas brtan sman gyi sde khyod kyis// bdag cag rnams kyi tshigs gson cig/ byang chub sems dpa' rnams kyi phyir/ / khyod ni po nyer bzhud 'tshal lo// 'khor ba'i nyes pa rnams dran nas// byang chub sems dpa'i skyo ba mang // brtson 'grus ldan zhing dkar thub che// yon tan kun tu srung par byed/ / ston ngeg la bzhugs par bzhud // ston pa bde bar rab sang nas// rgyal ba cung zad mi skyo bar// bdag cag slad du zhu ba mdzod// khyod kyis bdud ni gzhom pa dang // stobs dang bcas pa pham par byas/ / sems can thams cad yongs 'dzin pa'i// chos kyang myur du 'bar bar byas// gang gis sangs rgyas 'gyur pa yi// chos ni bdag cag ma thos kyis// bdag cag rnams la phan pa'i phyir/ / gnas brtan myur du bzhud du gsol// sum cu rtsa gnyis mtshan mngara' ba'i// de bzhin gshegs pa ma mthong ba// de srid bdag cag mi rgal zhes// thams cad gus dang bcas par gnas/ / sman gyi sdes smras pa/ khyed cag da ltar ci zhig mthong // re zhig gyen du blta bar byos// de dag gyen du bltas pa dang // khang pa brtsegs pa sum stong dang // lnga brgya tham par tshang bzhig/ kun tu yang ni gnas par gyur// rin chen bdun gyis shin tu spras// rin chen dran pas legs par brgyan// dbus na me tog rab tu rgyus// lha rdzas spos kyang rab tu 'bab// de nas gnas brtan/ dris pa ni// khang brtsegs rin chen dra ba dang // pad+ma ze ba kun gnas par// 'di na snang ba 'di ci zhig/ sman gyi sdes smras pa/ gnas 'di dag ni khyed kyi ste// sangs rgyas lta ba'i phyir deng shig/ 'jig rten / 'das gtso gang yin pa// 'jig rten snang byed de la 'dud// de dag gis smras pa/ de yi lam yang ma 'tshal te// de bzhin gshegs pa'ang ma mthong na// gang na lam yang ma 'tshal bas// phyag 'tshal du ni gang du mchi/ / sman gyi sdes smras pa/ nam mkha' mtha' yas ji bzhin du// reg par rung ba ma yin pas// bdud rtsi rab sbyin ston pa la// phyag 'tshal phyir na 'gro mi bya// ji ltar ri rab gnas pa ltar// ston pa de yang gnas na bzhugs/ / ri rab gzhal du rung ba yin// rgya mtsho chen po gting tshod zin// stong gsum rdul phran dpag tu rung // sangs rgyas 'byung ba shes ma yin// byang chub sems dpar phyogs bcu nas/ / 'jig rten snang bar mdzad la 'dung // smras pa/ 'jig rten mgon po bdag cag gzigs// bdag cag bsam pa rdzogs par mjed// bdag cag sems kyis ston pa la// phyag bgyis de nas 'bras bu thob/ / sman gyi sdes smras pa/ ston pa dri la mi chags te// 'phreng ba ma yin byug pa min// gang gis 'dus byas grol 'gyur ba// sems can rnams kyi rgyu 'dzin to// gang gis yid ni btul byas shing / / sangs rgyas la yang skyabs su song // de la bdud ni mi bzang mchog/ 'thab mo rgol bar mi byed do// 'tsho ba'i dbang du mi 'gro yi// gzungs ni myur du rnyid par 'gyur// de sems rab tu dang byas nas/ / de nas ston pa mthong bar 'gyur/ de nas bcom ldan rangs de bzhin gshegs pa ka la bing+ka'i sgra skad yid du 'ong ba 'dzum pa mdzod do// de nas byang chub sems dpa' sems dpa' chen po sman gyi sde stan las langs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// bcom ldan 'das kyi zhal gyi sgo nas// 'od zer brgyad khri bzhi stong byung ste/ 'od zer de dag gis thams cad dang ldan pa'i stong gsum gyi stong chen po'i 'jig rten gyi khams 'di khyab par gyur// sems can dmyal ba chen po sum cu rtsa gnyis po thams cad kyang khyab par gyur/ lha'i gnas sum cu rtsa gnyis kyang snang bar gyur/ 'od zer de dag kyang kha dog sna tshogs sha stag la 'di lta ste/ sngon po dang ser po dang / dmar po dang / dkar po dang / le brgan dang / shel dang / dngul gyi kha dog lta bu ste/ 'od zer de dag bcom ldan 'das kyi zhal gyi sgo nas byung nas/ stong gsum gyi stong chen po'i 'jig rten gyi khams kyi sems can rnams la bde bar sbyar ba thams cad bgyis nas slar log ste/ bcom ldan 'das la lan bdun bskor ba bgyis nas/ bcom ldan 'das kyi dbu'i gtsug tu nub pabar gyur pa'i 'dzum pa mdzad pa'i rgyu gang lags / rkyen gang lags/ de nas yang bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das gal te bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis byang chub sems dpa' sems dpa' chen po sman gyi sde la 'di skad ces bkar stsal to// sman gyi sde khyod ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ / gsol pa/ bcom ldan 'das sems can gzhon nu bye ba stong phrag sum cu byung ba de dag gis/ de bzhin gshegs pa'i chos phra ba bstan pa rtogs nas/ sems can rgan po rnams la sems can rgan po khyed rnams ni chos mi shes pa'o/ / rtag tu chos ma yin pa dang mi dge ba la chags pa'o zhes phra mo rnams mi snyan pa mchi zhing yongs su brjod la gnod pa bgyid na/ bcom ldan rangs de ci'i slad du tshig snyan pa yid du 'ong ba 'di dag smras/ bcom ldan 'das kyis bka' stsal pa/ sman gyi sde de dag ci'i phyir/ tshig 'di skad smra ba mi shes sam/ de dag ni de bzhin gshegs pa la 'dzum nizhing shin tu snyan pa smra ste/ chos kyang thos pas/ sman gyi sde de'i phyir chos de dag thams cad kyi don khong du chud par 'gyur ro// yon tan thams cad dang ldan par 'gyur/ de dag thams cad gsungs rtogs par 'gyur/ deng phyin chang sa bcu la gnas par 'gyur/ drang chos kyi rnga chen po sgra 'byin par 'gyur/ deng chos chen po'i rnam pa dang ldan par 'gyur ro// sman gyi sde khang pa brtsegs pa 'di dag mthong ngam/ gsol pa/ bcom ldan 'das mthong lags so// bde bar gshegs pa mthong lags so// bcom ldan 'das kyis bkar stsal pa/ sman gyi sde deng nyid sems can gzhon nu ring dag khang pa brtsegs pa de dag gi nang du / zhugs nas/ chos mngon par rtogs pa thob par 'gyur ro// deng nyid dge ba'i chos thams cad yongs su rdzogs par byed par 'gyur ro// deng chos kyi rnga chen po rdung bar 'gyur te/ lnga'i ris du ma zhig deng chos mngon par rtogs pa thob par byed par 'gyur ro// sems can dmyal ba pa'i sems can log par ltung ba la gnas pa mang po dag kyang de bzhin gshegs pa'i ye shes bstan pa thos nas/ 'khor ba bsnyil te rgyal bar 'gyur ro// de'i tshe sems can rgan po bye ba stong phrag dgu bcu thams cad kyis rgyun tu zhugs pa'i 'bras bu thob ste/ de dag thams cad kyang chos dang ldan par 'gyur ro// sman gyi sde de dag thams cad ni sdug bsngal thams cad yongs su spangs par 'gyur ro// sman gyi sde de dag thams cad kyis ni de bzhin gshegs pa mthong ba sgrub par 'gyur ro// sman gyi sde de dag thams cad ni chos rje chen po'i sgra dang ldan par 'gyur ro/ / sman gyi sde phyogs bzhir ltos shig/ byang chub sems dpa' sems dpa' chen po sman gyi sdes phyogs bzhi kun tu bltas pa dang / shar phyogs nas byang chub sems dpar gang+gA ri krung bye ba phrag lnga bcu'i bye ma snyed 'ong / lho phyogs nas byang chub sems dpa' gang+gA'i klung bye ba phrag drug cu'i bye ma snyed 'ong / nub phyogs nas byang chub sems dpa' gang+gA'i klung bye ba phrag bdun cu'i bye ma snyed 'ong / / byang phyogs nas byang chub sems dpa' gang+gA ri krung bye ba phrag brgyad cu'i byem snyed 'ong // 'og gi phyogs nas byang chub sems dpa' gang+gA'i klung bye ba phrag dgu bcu'i bye ma snyed 'ong / / steng gi phyogs nas byang chub sems dpa' gang+gA'i klung bye ba phrag brgya'i bye ma snyed 'ong ste/ de dag lpags nas// bcom ldan 'das kyi spyan sngar phyogs gcig tu 'khod do// phyogs gcig tu 'khod pa dang / bcom ldan 'das la byang chub sems dpa' sems dpa' chen po sman gyi sdes 'di skad ces gsol to// bcom ldan 'das nam mkha' bar snang la gzugs nag po dang / gzugs dmar por gda' ba ci lags/ bka' stsal pa/ sman gyi sde gang bar snang la gzugs nag po dang / gzugs dmar po mthong ba 'di ci yin mi shes sam/ de bzhin gshegs pas ni mkhyen te/ sman gyi sde 'di ni bdud yin no/ / sman gyi snga mthong bar 'dod dam/ gsol pa/ bcom ldan 'das 'tshal lo// bde bar gshegs pa 'tshal lo// bcom ldan 'das kyis bka' stsal pa/ sman gyi sde byang chub sems dpa' gang+gA'i klung bye ba phrag brgya'i bye ma dang mnyam pa 'di lta bu lhags so/ / gsol pa/ bcom ldan 'das byang chub sems dpa' 'di dag lhags pa'i rgyu gang lags/ rkyen gang lags bka' stsal pa/ sman gyi sde sems can gzhon nu rnams kyi rkyen gyis te/ da sems can thams cad bsam gtan gyi chos dang ldan par 'gyur ro// sman gyi sde khyod kyis sems can gzugs sna tshegs 'dir lpags pa dang rdzu 'phrul gyi stobs kyis byin gyi rlabs sna tshogs kyis 'dir lpags pa dag mthong ngam/ gsol pa/ bdag gis ni byang chub sems dpa' gang+gA'i klung bye ba phrag brgya'i bye ma snyed dang / byang chub sems dpa' gang+gA'i klung bye ba khrag khrig brgya stong gi bye ma snyed cig rdzu 'phrul gyi mthus gnas te/ gzugs sna tshogs pa/ kha dog sna tshogs pa/ dbyibs sna tshogs pa dag gnas la byang chub sems dpa' de dag 'phags pa'i chos kyi gnas la gnas te/ byang chub sems dpa' de dag 'khor dang bcas nas/ chos kyi gnas la gnas pa mthong ngo / / bcom ldan 'das kyis de skad ces bka' stsal nas/ byang chub sems dpa' sems dpa' chen po kun tu dpa' ba dang / byang chub sems dpa' sems dpa' chen po sman gyi sde dang / byang chub sems dpa' gsar snying de dag kun dang / thams cad dang ldan pa'i 'khor dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan rangs kyis gsungs pa la mngon par bstod do// 'phags pa zung gi mdo'i chos kyi rnam grangs rdzogs so// // rgya gar gyi mkhan po dzi na mi tra dang //

CLOSE WINDOW