/ / rgya gar skad du/ Ar+ya dzam+b+ha la dza len+d+rA ya tha la sA ta kalpa nA ma/ bod sad du/ 'phags pa gnod gnas dbang po ji ltar byung ba'i rtog pa zhes bya ba/ 'phags pa 'jam dpal zhon nur 'gyur pa la phyag 'tshal lo// 'di skad bdag gis thos pa'i 'dus gcig na/ bcom ldan 'das lang ka'i gling dang nye bar gyur pa rgya mtsho chen po'i 'gram na bzhugs te/ sangs rgyas kyi chos rnams las phyir mi ldog par gyur pa'i rnam par 'jig pa dang / zla ba'i sde la sogs pa byang chub sems dang sems dpa' chen por gyur pa'i 'khor gyis bskor nas mngon du byas so/ / de nas bcom ldan 'das nam mkha' la gshegs nas slar babs te dpag bsam gyi shing bi tsu bar d+ha'i rtsa bar bzhugs so// de nas gnod sbyin gyi dbang po gnod gnas rab tu dga' ba dang / lha ma yin gyi dbang po dang / klu'i rgyal po mi zhum pa dang / grul bum gyi rgyal po ma no shi lnga pa dang / dri za'i rgyal po zur phud lnga pa dang / srin po'i rgyal po ki li ki la dang / nam mkha' lding gi rgyal po gshog pa can pa/ mi 'am ci'i rgyal po ljon pa dang / zur pud lnga pa dang / sprul po dang / lha'i bu sprin gyi shugs can dang / zla ba dang / zla ba la mngon par gus pa dang / lha'i bu rgyal bas byin rnams nub mo 'das nas mtho rangs gsal ba'i dus su bcom ldan 'das ga la ba der nye bar lhags te/ bcom ldan 'das kyi zhabs la phyag byas nas bskor ba lan bdun byas te phyogs gcig tu 'dug go// de'i tshe byang chub sems dpa' sems dpa' chen po de rnams kyi kha dog shin tu gsal zhing rgya che bas/ dpag bsam gyi shing gi rtsa ba thams cad gsal zhing rgyas par gyur to// de nas bcom ldan 'das kyis/ byang chub sems dpa' sems dpa' chen po de rnams la bka' stsal pa/ rgya mtsho chen po'i grong khyer du ngo 'tshar zhing rmad du gyur pa'i chos brgyad la bzod pa dang ji ltar rtog pa la khyed rnams bar chad dang don med par ma gyur tam/ 'di skad du gsungs pas/ gnod sbyin gyi dbang po gnod gnas rang gi stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der thal mo sbyar ba byas te phyag byas nas/ bcom ldan 'das la 'di skad ces gsol to// kye btsun pa bcom ldan 'das rgya mtsho chen po'i grong khyer du bzod pa dang ji ltar rtogs par byed pa la mngon par dga' bar byed do/ / de nas bcom ldan 'das kyis bka' stsal pa/ rgya mtsho chen po'i grong khyer du ji ltar gnod sbyin gyi sde dpon khyed rnams ngo mtshar zhing rmad du byung ba'i chos brgyad la mngon par dga' bar byed pa de ltar rigs kyi bu chos 'di rnams 'dod pa dang / dad pa mngon par dga' ba ngo mtshar zhing rmad du byung ba'i chos brgyad la gnas pa de ni tshangs par spyod pa la gnas pa'o// de nas gnod sbyin gyi bdag po gnod gnas kyis/ bcom ldan 'das la 'di skad ces gsol to// bcom ldan 'das ngo mtshar che zhing rmad du byung ba'i chos brgyad la gnas pa 'di la ngas bsrung ba dang / yongs su bskyab pa dang / yongs su bzung ba dang / yongs su bskyang ba dang / zhi ba dang / bkra shis pa dang / 'jig rten pa la rjes su brtse bas skye bo mang po la phan pa dang bde ba'i phyir/ bcom ldan 'das bdag gi snying po 'di yongs su gzung zhing / bcom ldan 'das chos kyi rnam grangs 'di bdag gi rtog pa 'di log par dang sel dang / gser thub dang / 'od bsrung dang / yang dag par rdzogs pa'i sangs rgyas de rnams la snying po 'di yongs su phul lo/ / yang dag par rdzogs pa'i sangs rgyas bcom ldan 'das de rnams kyis kyang snying po 'di yongs su bzung ngo // de nas bcom ldan 'das kyis bka' stsal pa/ gnod sbyin gyi sde dpon khyod kyis gang dus la bab cing mno ba de smros shig/ de nas gnod sbyin gyi bdag po gnod gnas kyis 'di skad ces smras pa/ 'di lta bu'i ched du brjod pa ched du brjod de/ mchod sbyin rnams kyi nang na sbyin sreg gtso/ / rig byed rnams ni sbyangs can gtso/ mi rnams la ni rgyal po gtso// chu rnams la ni rgya mtsho gtso// rgyu skar rnams la zla ba gtso// drod rnams la ni nyi ma gtso// steng dang logs dang thad ka ni/ / ji snyed 'gro ba gnas pa dag/ gang zhig bsod nams 'dod pa yi// tshogs rnams na ni 'phags pa gtso// lha dang bcas pa'i 'jig rten na// rdzogs pa'i sangs rgyas rkang gnyis gtso// / de nas yang gnod sbyin gyi bdag po gnod gnas kyis bcom ldan 'das kyis rjes su gnang ba thob nas rang gi sngags smras pa/ na mo rat+na tra yA ya/ na mo ma Ni b+ha drA ya/ ma hA yak+Sha se nA pa ta ye/ oM dzam+b+ha/ la dza len+d+rA ya swA hA/ de nas sngags kyi rgyal po 'di smras pa tsam gyis de ma thag tu stong gsum gyi stong chen po'i 'jig rten gyi khams de rnam pa drug tu g.yos so// de nas ji srid phyir mi ldog pa'i byang chub sems dpa' rnam dang / gnod sbyin gyi dbang po rnams kyis mgrin gcig gis 'di skad ces bya ba'i tshigs brjod do// bcom ldan 'das bde bar gshegs pa ji srid chos kyi rnam grang sngar byung ba'i ngo mtshar rmad du nges par gyur pa/ ji srid chos kyi rnam grangs pa na yon chen po ngo mtshar ba/ sngags bsngal ba rnams dang / skyabs med pa rnams dang / yongs su skyob pa med pa rnams dang / gnas med pa rnams kyi skyabs dang / gnas dang / skyobs pa dang / yongs su skyob pa de bcom ldan 'das bshad du gsol/ sems can rnams kyi don dang / lha ma yin rnams kyi don du lha dang mi rnams kyi phan pa dang bde ba'i phyir snying po 'di rtog pa dang / dkyil 'khor dang / gsang chen dang / sems can gang gi sbyin pa'i pha rol tu phyin pa yongs su rdzogs shing bde ba nyid kyis bla na med pa yang dag par rdzogs pa'i byang chub mngon par thob pa'o/ / de nas yang 'khor gnod sbyin rnams dang / nyan thos chen po rnams dang / byang chub sems dpa' rnams dang / lha dang / klu dang / gnod sbyin la sogs pa bla gos phrag pa gcig tu gzar nas rang rang gi stan las langs nas thal mo sbyar te/ pus mos g.yas pa'i lha nga sa la bzhag nas bcom ldan 'das la 'di skad ces gsol ba btab bo/ / de nas yang bcom ldan 'das kyi gnod sbyin de rnams 'khor de rnams dang bcas pa la bka' stsal pa/ chos kyi rnams grangs 'di rigs kyi bu khyed rnams nyon cig/ gnod sbyin chen po'i snying po 'di dkyil 'khor dang / phyag rgya dang / sngags dang / gsang chen shin tu ngo mtshar ba dang / shin tu rmad du gyur pa de bzhin gshegs pa rnams kyi gsungs pa dang / byang chub sems dpa' thams cad dang / lha dang / klu dang / gnod sbyin dang / dri za dang / lha ma yin dang / mi 'am ci dang / lto 'phye chen po dang / yi dgas dang / sha za dang mi dang / mi ma yin pa rnams kyis phyag byas shing mngon par bstod pa/ sems can rnams la phan pa'i phyir yid bzhin gyi nor bu dang / bum pa bzang po dang / dpag bsam gyi shing ji ltar mngon par 'dod pa bzhin du don thams cad sgrub par byed pa'i de'i phyir ba'i rjes su snang zhing byin gyis brlabs pa 'di dge ba'i rtsa ba ma bsags pa'i sems can rnams kyi rna ba'i khung du thos shing grags par mi 'gyur ro/ / gzhan yang dge ba'i rtsa ba ma bsags pa'i sems can rnams kyi nyan pa dang / 'dri ba dang / 'dzin pa dang / klog pa tsam yang nus par mi 'gyur ro// 'on kyang sems can gang snying po 'di 'dzin pa dang rjes su bzung bar 'gyur zhing phyir mi ldog par 'gyur ro/ / bla na med pa yang dag par rdzogs pa'i byang chub las phyir mi ldog par 'gyur ro// ngan 'gro skyo bar mi 'gyur ro// mthong ba tsam gyis/ nad 'byung bar mi 'gyur ro// dbul po dang / yid mi bde ba dang / lus kyi zug rngu 'byung bar mi 'gyur ro// sems can thams cad kyi bsam pa yongs su rdzogs par byed par 'gyur ro// mkhas pa rnams kyi mchod pa'i gnas su 'gyur ro// lha thams cad dang / klu dang / gnod sbyin rnams 'dus pas kyang sngags 'di 'dzin pa'i yon tan dang phan yon rtogs pa brjo par mi nus so// 'on kyang ngas ni de bzhin gshegs pa gcig pu dang / gzhan de bzhin gshegs pa dgra bcom pa yang dag rdzogs pa'i sangs rgyas kyi yon tan dang phan yon rgyas par mthar thug pa brjod par mi nus so// gzhan la gtam tsam yang mi grag/ byang chub sems dpa' sems dpa' chen po gzhan rnams dang / nyan thos rnams dang / de las gzhan pa'i rgya che ba'i lhas 'di'i yon tan ston pa dang shes pa tsam yang mi nus so/ / mdor na ji ltar de bzhin gshegs pa yon tan mthar thug pa dang ldan pa rnam pa thams cad mkhyen pa'i stobs kyis so// 'od de 'dra ba'i sngags kyi rgyal po de bzhin gshegs pa thams cad kyi snying por gyur pa snying po'i mchog go/ / gdugs pa rnams las gnod gnas kyis/ 'phongs pa rnams ni gso bar byed/ sems can rnams ni gnas yin zhing / 'gro ba rnams ni yang dag srung / dbang po kun shes go 'phang ldan/ gnod gnas rgyal bar brjod pa'o// mdor na 'di las gzhan pa yi// de bzhin gshegs pa tha/ da pa// de bzhin gshegs pa gzhan na med// 'di 'dzin pas de bzhin gshegs pa la mchod pa'i gnas yongs su byas par 'gyur ro// de bzhin gshegs pa dgra bcom pa yang dag par rdzogs pa'i sangs rgyas kyis rtag tu byin gyis brlabs pa'o/ / pha rol tu phyin pa'i stobs dang sa thob par 'gyur ro// de nas yang bcom ldan 'das kyis ji ltar gnas pa'i 'khor rnams la gzigs nas/ gnod sbyin gyis dbang po gnod gnas la 'di skad ces bka' stsal pa/ gnod gnas kyi dbang po khyod kyi rtog pa dang / dkyil 'khor dang / phyag rgya dang / sngags dang / gsang chen rnams sngon gyi sangs rgyas thams cad kyis kyang bstan pa yod de/ rnam par gzigs dang / gtsug gtor can dang / thams cad skyob dang / 'khor ba 'jig dang / gser thub dang / 'od srungs dang / da ltar shAkya thub pa ngas bshad de/ de ni legs par nyon la legs par yid la zung zhing / da ltar ngas bshad kyis/ lha dang mi'i phan pa dang bde bar dge ba'i rtsa ba 'phel ba'i don du ngas yang dag par shes so/ / gang gis ko sha'i grong khyer du shing khur nas 'tshong ba de'i tshe der nga la dgon pa na sdod pa'i dge slong zhig bud shing gi don du nga la shing slong du 'ongs te/ der ngas dgon par shing khyer te dge slong gi gan du phyin te me sbar nas dge slong gi nad sos par byas te/ nyi ma gcig gi bsod snyoms kyang drangs so// de nas dge slong de sems yongs su mgu nas des nga la gsum la skyabs su 'gro ba dang / byang chub tu sems bskyed nas dkyil 'khor dang / phyag rgya dang / sngags dang / gsang ba'i rtog pa nga la byin no// ngas kyang yang dag par bsgom nas yod de/ de'i tshe sngags kyi rgyal po bal byin nas de ltar de nyid bsgoms pas tshe de nyid las ji ltar 'phags pa gnod gnas kyi dbang po'i mtho ba'i lam du gyur to// de nas de nga la yongs su mgu nas phyag rab tu grol ba zhes bya bar ming btags so/ / der yang nga rgyal por dbang bskur bas grong khyer gyi mi rnams chos dang ldan par byas nas/ de la nga rgyal por rab tu gnas pas ngas sems can thams cad dge ba bcu'i las kyi lam la nges pa sbyar ro/ / ji ltar don du gnyer ba rnams la skal ba dang ldan pa rnams la dus med par thams cad la nye bar phan pa rang gi khyim du rdzogs par byas so/ / de la sogs par ngas sbyin pa'i pha rol tu phyin pa yongs su rdzogs par byin pas byang chub sems dpa'i sa la rab tu zhugs so// rim gyings thams cad mkhyen pa yang dag par rdzogs so/ / dbul ba thams cad nyam par byed pa dang / sems can thams cad kyi sdug bsngal nye bar gcod pa ngas yang dag par mngon par shes so// gang yang de bzhin gshegs pa dgra bcom pa yang dag par rdzogs pa'i sangs rgyas thams cad mkhyen pa'i ye shes shin tu rtogs pa de rnams kyis kyang / sngon du sngags kyi rgyal po 'di bsgrubs pas bla na med pa yang dag par rdzogs pa'i byang chub thob po/ / de'i phyir gnod sbyin gyi sde dpon chen po khyed de bzhin gshegs pa thams cad kyi yum du gyur pa bskyed pa/ 'dod pa thams cad sgrub pa'i thabs gang zhig mthong ba tsam gyis kyang / / de ni skye ba gcig gnas cig/ sngon du bsams pa'i las rnams kyang // sdig pa kun las rnam par grol/ de bzhin skye ba 'di la rmongs/ shin tu sdig pa mi bzad byas/ gnod sbyin dbang po gzi brjid che/ gang gis mthong ba tsam gyis kyang / byang chub sems dpa' thob pa dang / sangs rgyas dang ni yang dag phrad/ phyir mi ldog pa'i sa yang ni/ yun mi ring bar rab 'thob po/ mthong ba tsam gyis yon tan ni/ nga yis bshad kyis khyod rang nyon/ dbul ba dang ni yid mi bde/ sems ni nad kyis gzir ba dang / gdon dang byad kyis bsgyur ba yis// de yis 'jig par mi 'gyur ro/ / lha dang klu dang dri za dang / lha ma yin dang nam mkha' lding / de las gzhan yang yid mi bde/ rtag pa nyid du srung ba'o// gnod sbyin de nyid mthong tsam gyis/ dkyil 'khor sangs rgyas kyis bstan pa/ 'dir ni yon tan 'di rnams 'byung / bsgrubs par 'gyur na de ltar smon/ gang zhig dad pas de bzhin rtogs/ gus pas brtags pas gzhan mi 'jug/ 'di la gus pas don du gnyer/ bslab pa sdom pas sogs pa yis/ de na 'bad pas tsang sbra bya/ yid las 'byung ba'i dkyil 'khor mchog/ gtsang zhing dben pa'i sa phyogs su/ shing gi 'bras bu sna tshog bcas/ pus nub tsam gyis sa sbyangs pa/ ba yi rnam lngas byug par bya/ mnyam par brdung zhing gzhag par bya/ lag mthil lta bu'i mnyam pa la/ khru tshad nyi shu tsam la ni/ gnod sbyin dbang po mngon par bsngags/ me tog sna tshogs btsal du bkram/ a ka bdug pas bdugs pa dang / nyi cang bzang po de bzhin bza'/ de bzhin dus tshong bzang po la/ dkar po'i phyogs la legs par dge/ slob dpon legs par rtogs pa yi/ ba yi rnam lngas legs par sbyangs bdag nyid sngags bzlas rgyal po yi// snga dros dag par gyur pa yis/ mnyam par zhag pas bsrung bar bya/ steng dang 'og dang phyogs bcu ru/ phyogs ni de bzhin bcing bar bya/ gnod sbyin rgyal po dri yi chus// mkhas pas brgya rtsa brgyad du sngags// ji ltar shar sogs mngon par bstor/ phyogs bcing mngon gyi rim pa bzhin/ gzhon nus ma yis bkral ba yi// tshon sna lnga yi skud pa la/ gur kum chu yis byugs pa dang // phur pa u dum shing la byas// shar gyi phyogs nas brtsam par bya// thig gdab snga dro'i dus su'o// gru bzhi pa la sgo bzhi pa// zur bzhi'i re mi bzhi dang ldan// de la dang po'i dkyil du ni// de bzhin gshegs pa bri bar bya// rnam pa kun mchog ldan pa yi thams cad mkhyen pa zla ba'i 'ong / / de ni gnod sbyin dbang po ni// mtshan nyid thams cad mtshon pa yis// sngon po sprin lta bu yi mdog/ rgyan ser po yis mdzes pa dang / rkang gdub lag gdub mgul brgyan dang // rin chen sna tshogs kyis mdzes pa// seng ge'i gdan la rin chen dang // sna tshogs tha dad rnam par brgyan// ri mo sna tshogs rin chen 'di// 'phro yis 'ong bar 'bar ba'i 'od/ / skyil krung phyed pas bzhugs pa legs par mdzes// de nyid dbus su nor bu bzang po legs par bya// rab tu 'bad pas g.yas pa'i phyag/ mchog sbyin sa bon yongs su bya/ / de bzhin du ni g.yon pa'i phyag/ ne'u le rin chen dgug pa'o// sna tshogs gter rnams steng du legs par bzhugs// de bzhin dung dang pad+ma yis// rin chen char ni 'bebs pa'o// mnga' bdag g.yas dang g.yon du'o/ / nor bu bzang po de yi phyogs// gnod sbyin bzang po dngul mdog can// mkhas pas sngar bzhin du ni dgod// spyod pa'i dbang po gdong dbang po// g.yas dang g.yon du bya ba'o/ / rnam pa kha dog 'dra ba yis// gter gyi steng du yang dag bzhugs// de yi 'og tu gnod sbyin mo// bdun po dag ni bri bar bya// de las gzhan du bu dgu ste// de las gzhan ni chu skyes so/ / rin chen lte ba nor sbyin dang // gnod mdzes dang ni gnod mdzes gzhan// lte mdzes dang ni lce chen po// mtshams su bum pa bzang po'o// 'phar ba nyid la dgod bya ba'i// gnod sbyin dbang po stobs poche/ gnod gnas su hu lu Ta dang / sde mdzes dang ni zla ba'i steng/ rengs pa dang ni 'dul ba dang // sbed mar dang ni gsus po no// snam bu gsum pa la bya ba// gnod sbyin mo niH mdzes ma/ / rgya chen ma dang dri bral ma// zla mo blo gros snying po can// pad+ma'i snying po bzhin mdzes ma// gnod sbyin lag pa lag mang po// sprin chen po dang sgra mdzes ma// gter gyi 'phreng g.yem pa mo ljoldo shing 'phreng ba 'phreng ba mo/ / 'dod pa kun gyi 'bras ster ma// yid shugs ma dang 'dod gzugs ma// thos sngag ma dang lha mdzes ma/ rdzu 'phrul chen po rnams bshad pa// nyi shu mchog ni ster ba'o/ / ci ste'i rim pas rnam dgod la// ji ltar mdun dang phyogs bzhir dgod// dbang po la sogs dgod par bya// de nas phyi rol dra ba ste// rdo rje shak+ti dbyug pa dang // ral gri zhags pa rgyal mtshan dang / / 'khor lo rtse gsum mtshon cha rnams// sngar bzhin du ni dgod par bya// steng 'og mda' yi dra ba dang / de bzhin rdo rje 'bar ba'o// mkhas pas phyi rol du ni dgod// de nas spyan drangs brtsam par bya/ / tshon rtsi lnga ni dkar po dang // ser po dmar po sngon po nag/ dbyangs kyi sngags kyis sngon bsngags te// phyi rol rgyal mtshan brgyad dgod bya// de bzhin phyogs rnams arka'i snod// chu ni me toH gis bkang byas/ / spyan drang mchog sbyin yis ni bya// sngags pas bya bar the tsom med// gnod sbyin mo rnams rang sngags kyis// mkhas pa yis ni spyan drang bya// lha dang lha min spyan drang bya// gnod gnas dbang po stobs po che// mA li ka 'phreng shin tu dkar// pad+ma ut+pa la yi tshogs// na ga ge sar ke phu dang // dri dang bdug pa sgron ma dang // bshos gtsang gtor ma kun 'dod pas/ / rim pa bzhin du mchod pa ni// mkhas pa yis ni bya ba yin// ga pur dang ni gur kum la// yang na tsan dan dkar po yis// 'bum phrag tu ni sbyin sreg bya// stong phrag brgya yi sbyin sreg bya/ / nor bu bzang po'i mdun du'o// ji ltar rigs pas bzlas pa dang // sbyin sreg cho ga bzhin du'o// 'bad pas yis ni mchod pa bya// mtshams su bum pa dgod pa ni// rin chen 'bru dang sman rnams ldan/ / dri yi chu yis yongs su dgang // gtsu ta pa la sa yis g.yogs// mgrin pa ras kyis dkris pa dang // de srid bcom ldan 'das kyi sngags// rang rang gi ni sngags bzlas pa/ / de nyid bum pa dgod par bya// 'di la sngags rnams 'byung ba ni// oM dzam+b+ha la dza len+d+rA ya swA hA// gtso bong las thams cad pa'i sngags so// ma hA yak+Sha rA dzA ya/ bi na ma te/ ba na b+ha drA ya/ cem ste teSh+To yak+Sha pra tso d+ha ya d+ha di traM/ gnod sbyin gyi dbyangs kyis sngags so// oM yak+Sha ya swA hA/ gnod sbyin gyi snying po'o// sngar spyan drang ba dang / gshegs su gsol ba dang / mchod pa dang bum par mngon par sngags pa'i sngags te so sor sbyar bar bya'o/ / a naM ta pad+ma ya swA hA/ pad+ma'i gter gyi sngags so// a nan ta sa~M kha ya sA hA/ gter gis dung gis sngags so// dza ra ya na NI yad+ma na a d+hi pa ta ye swAhA/ dngul gyi mdog can gyi sngags so// tsa n+d+ra yA swAhA/ spyod pa'i dbang po'i sngags so// mu khe nA ya sA dz+nyA/ dbang po gdong gi sngags so// oM d+han d+hA swA hA/ gter sbyin gi sngags so/ / mad+hi drA pa ya d+ha na ad+hi pa ta ye swAhA/ rin chen lte ba'i sngags so// su na k+Shan+d+ha/ nA ya a d+hi pa ta ye swA hA/ ste mdzes kyi sngags so// oM su~M b+ha na b+hA ya d+he na a d+hi pa ta swAhA/ gnod mdzes kyi lte ba'i sngags so// oM a su b+ha na b+ha ya d+ha na a d+hi pa ta ye swA hA/ gnod mdzes lte gzhan gyi sngags so// oM b+ha na b+ha ya d+ha na a d+hi pa ta ye swA hA/ chu'i lte ba can gyi sngags so// niN b+ha ya d+ha na a d+hi pa ye swA hA/ lte sngan chan gyi sngags so// bai shra ma Na b+ha ya d+ha na a d+hi pa ta ye swA hA// rnam thos sras kyi sngags so// ma hA na b+ha ya d+ha na a d+hi pa ta ye swA hA// lte chen gyi sngags so// / oM dzaM b+ha dra gA TA ye swA hA/ bum pa bzang po'i sngags so// hA ra dzaM b+ha ka hUM phaT/ rmugs byed kyi sngags so// ak+Sha in+d+rA ya swA hA/ hu lu hu lu zhes bya ba'i sngags so// su se ma ya swA hA/ sde mdzes kyi sngags so// har ha ra tsan+da se na ya swAhA/ zla ba sde'i sngags so// dza~M b+ha lA ya swA hA/ gnod gnas kyi sngags so// mo tA ya swA hUM/ 'dul byed kyi sngags so// ra b+hu dzi tA ya swA hA/ lce dmar po'i sngags so// ma d+har ya swA hA/ gsus po che'i sngags so// b+hi ma la b+hi la daR+sha ni a ya ti swAhA/ dri bral ma'i sngags so// b+ha sa le Na ya Ne bo d+ha ya swA hA/ rgyas chen mo'i sngags so// tsan+d+ra sum ti su ra pU dzi te tsin+de tsan+da tsan+d+ra ma ti swA hA/ zla 'od blo gros ma'i sngags so// 'gugs pa'i spyan can ma'i'o// oM tsan+d+ra pad+mi swA hA/ pad+ma'i snying po'i sngags so// su b+hu ma nor be sAhA/ smin mdzes pa'i sngags so/ / oM ba hu pra ta ya swA hA/ lag pa dang lag mangs ma'i sngags so// li to ga ta mo ti swA hA/ srin chen ma'i sngags so// su ge ma li ke sha b+ha re Ni swA hA/ sgra mdzes ma zhes bya ba'i sngags so// ba na mA la bA li ni swA hA/ nag+sa kyi 'phreng ba ma zhes bya ba'i sngags so// u tiSh+Tha b+hu tsA li swA hA/ ka yem pa me'i sngags so// hU~M mA li mA li ka la ka ha li d+hu mi ki li ki li swA hA// ljon ma 'phreng ba ma'i sngags so/ kasA mA la b+hi la so ni swA hA// 'dod pa 'phreng ba ma'i sngags so// sarba d+ha yi b+ha sarba a tra ma no dz+nyA ba be ga b+he de swA hA/ yid kyi shug can ma'i sngags so// ka mA bi kA ma mi ni swA hA/ 'dod pa'i gzugs can ma'i sngags so/ / shru ta bAk+ke kar swA hA/ thos ngag ma'i sngags so// sum d+ha ra sa ni ka mo ne swA hA/ lha mdzes ma'i sngags so// ma ho g+ho b+ha ya ka ri NI swA hA/ rdzu 'phrul chen mo'i sngags so// / gnod sbyin mo rnams kyi'o// in+d+ra de bA dwI pa ta ye swA hA/ dbang po'i snying po'o// ag+na ye ud byA d+hi pa ta ye swA hA/ me lha'i snying po'o// ya ma pra ti a d+hi pa ta ye swA hA/ gshin rje'i snying po'o// nairaN+Da rak+Sha sA d+hi pi ta ye swA hA/ bden bral gyi snying po'o// ma du na ya dza la a d+hi pa ta ye swA hA/ chu bdag gi snying po'o/ bA ya be an+ta rak+Sha a d+hi pa ta ye swA hA/ rlung lha'i snying po'o// ku be rA ya d+ha na a d+hi pa / ta ye swA hA/ lus ngan gyi snying po'o// i shA nA ya b+hU ta a d+hi pa ta ye swA hA/ dbang ldan gyi snying po'o// Ur d+haM brah+ma Ne swA hA/ tshangs pa'i snying po'o// a d+ho biSh+Ti be swAd+hA/ khyab 'jug gyi snying po'o// / a bi bar+t+ta ya swA hA/ rdo rje'i snying po'o// hu ta sa na ya swA hA/ sha ka ti'i snying po'o// ma hA s+ya ma ya swA hA/ dbyug pa'i snying po'o// kharna bi ma la b+ha ri Ni sA hA/ ral gri'i snying po'o// ba ru Na ta ma a d+hI pa ta ye swA hA/ zhags pa'i snying po'o// pra b+hAny+dza ne ye swA hA/ rgyal mtshan gyi snying po'o// mUhA su mya rasma ye swA hA/ 'khor lo'i snying po'o// b+ha la se b+ha swA nA/ rtse gsum pa'i snying po'o// / b+hi la sha b+hi hUM le swA hA/ phyogs kyi sngags so// sha re dz+wa la swA hA/ mda'i dra ba'i sngags so// oM Ur d+ha dz+wa la badz+ra pany+dza ra ya swA hA/ rdo rje dra ba'i sngags so// 'di rnams dang rang rang gi sngags mkhas pas bum pa la bzlas par bya/ slob ma dkyil 'khor du yang bzhugs/ dbang bskur bar ni rab tu brtag/ rgyal po dbang bskur bar ni mdzod// skye bo gang rnams dngos grub 'dod/ de rnams dbang bskur don du bya/ rgyan pa'i don du rab tu 'bad/ de ltar dkyil 'khor chen por bstan pa'i cho ga bzhin dbang bskur ba dang / dam tshig bstan pa dang / rjes su gnang ba las phyag rgya chen po'i skal ba can du shes par bya'o/ / rang rang gi sa dang phyag rgyas dbang bskur ba la'ang mchod pa rgya chen po dang sbyin sreg byas pa bsdu ba dang gshegs su gsol ba bya'o// de ltar gnod gnas kyi bdag po'i dam tshigs bstan pa dang / rang gi sngags bsgrub pa'i skal ba can du bskur ro// de nas nyin re bzhin du dus gsum du sngags dang phyag rgyas bdag bsrung ba byas la/ 'khor dang bcas pa spyan drangs te zhabs bsil dang mchod yon la sogs pa phul nas/ nye bar spyod pa'i mchod pa nyi shu sngags dang phyag rgyas phul la/ cho ga ji ltar tshogs pa'i mchod pa byas nas sngon du bsnyen pa bya'o// de nas phyag rgya dang sngags kyi tshogs ngas rgyas par bshad par bya ste/ de nas yang gnod sbyin gyi dbang pos gus pa nye bar skyes nas/ bcom ldan 'das la gsol ba btab po// de nas bcom ldan 'das kyis 'khor rnams la gzigs nas/ seng ge'i sgra bsgrags pas 'di skad ces bka' stsal to// khyed rnams nyon cig/ 'da' bar dka' bas 'di bstan pa snying rje chen po'i bdag nyid sems can rnams la phan pa dang bde ba dang ldan pa/ gnod gnas kyi dbang po'i phyag rgya'i mtshan nyid sngags dang ldan pa/ de nas gnod gnas kyi dbang pos thal mo sbyar te pus mo sa la bzhag ste/ phyag byas nas ci'ang mi smra bar bsdad do// de nas bcom ldan 'das seng ge bzhin 'jigs pa med pas sngags dang phyag rgya 'di gsungs pa/ lag pa gnyis thal mo mnyam par sbyar nas gung mo gnyis phyir bzlog ming med kyi rtse mo gnyis sbyar la/ mdzub mo gnyis tshigs gsum pa bcag nas der gzhag ste mthe bong phyogs su gzhag/ mtheb mdzub gnyis khab kyi rnam pa ltar byas pa 'di ni bcom ldan 'das kyi rtsa ba'i phyag rgya'o/ / 'di bcings pa tsam gyis gnod gnas kyi dbang po nye bar gnas par gyur nas sgrub pa po la lta zhing mchog ster bar byed do// 'di'i sngags ni na mo rat+na tra yA ya/ na mo ma Ni b+ha drA ya/ ma hA yak+Sha se nA pa ta ye/ oM dzam+b+ha la dza len+d+ra ya swA hA/ sngags 'di dang ldan pa'i phyag rgyas gnas rnam pa lngar sbyar bas byin gyis brlab par bya'o/ / gnod gnas dang so sor mnyam par 'gyur ro// lag pa gnyis khu tshur bcangs nas mthe'u chung gnyis khab kyi rnam pa ltar byas pa ni spyod pa'i dbang po'i phyag rgya ste/ bdag bsrung ba la nges par bya bar ro/ / 'di'i sngags ni/ oM dza len+d+rA ya swA hA/ de ltar khu tshur byas te mthe'u chung gnyis nang du bcug/ srin lag gnyis khab kyi rnam pa ltar byas pa ni dbang po gdong gi phyag rgya ste bdag bsrung ba la nges pa ste/ 'di'i sngags ni/ oM mu khen+d+rA ya swA hA/ dbang po gdong gi phyag rgya las ming med kyi tshigs gsum pa ga de nod sbyin mo rnams kyi spyi'i phyag rgya ste/ 'di'i sngags ni oM a ni/ 'dis kyang bdag bsrung ba bya'o// spyan 'dren pa'i dus su'ang gnod sbyin mo rnams spyan drang bar bya'o// steng dang / 'og dang / phyogs bcur rab dang / dra ba dang / phur bu ti dang lag pa gnyis khu tshur byas nas mdzub mo gnyis po so sor khab kyi rtse mo ltar byas pa 'di ni dra ba'i phyag rgya ste/ 'di'i sngags ni/ oM tsi ran+d+ra ban+d+ha di sha phaT/ ra ba dang nges par sbyar bar bya'o// de nyid las mdzub mo gnyis khab kyi rnam pa ltar gcig tu byas pa ni dra ba'i phyag rgya ste/ oM mu khen+d+rA ya swA hA/ dra ba'i don du nges par sbyar ro// lag pa gnyis khu tshur byas nas 'og tu gzhag pa na / phur bu'i phyag rgya ste/ 'di'i sngags ni/ oM hri ta ta/ spyan drang bar bya ba ni rtsa ba'i phyag rgya mthe bong cung dgug pa ni spyan drang ba'i phyag rgya ste/ 'di'i sngags ni/ oM ho tsu lu tsu lu/ tA ra tA ra/ dza la sa ya naM / pri ya ya swA hA/ rim pa 'dis 'khor dang bcas pa spyan drang bar bya'o// de nas ar+g+haM sbyin par bya'o// lag pa gnyis brten pa'i thal mo sbyar nas mdzub mo gnyis mthe bo'i ngos la sbyar te/ 'di'i sngags la/ / oM yak+Sha nA d+ha ya ken+na na pri ya pA sha pA sha swA hA/ de nas gdan dbul bar bya ste/ phyag 'tshal ba'i thal mo sbyar te mdzub mo gsum pa mnyam par byas nas tshigs gsum pa bkug ste dbus mar sbyar nas/ gzhan so sor byas pa ni bcom ldan 'das kyi seng ge'i gdan gyi phyag rgya'o// 'di bstan pa tsam gyis gnod sbyin gyis bdag po 'khor dang bcas pas seng ge'i gdan la bzhugs par 'gyur ro// seng ge'i gdan gyikyi phyag rgya ste/ 'di'i sngags ni/ oM dzam+b+ha la dza len+d+ra inA ya sa ma kaM swA hA/ des nas khrus kyi phyag rgya bcings nas gnod gnas 'khor dang bcas pa khrus gsol bar bya/ lag pa gnyis yang rten gyi thal mo byas mthe'u chung gnyis phyin ci log tu byas la ming med gnyis dkyil du byas pa gung mo gnyis khab kyi rnam pa ltar byas/ de'i phyi rol tu gung mo'i tshigs gsum sbyar/ mthe bong gnyis phyogs su gzhag pa ni / lha thams cad kyi khrus kyi phyag rgya'o// 'di'i sngags ni/ oM nA nA pri ya gA ta g+ha ta/ kuM pa b+ha tsa la swA hA/ gos kyi phyag rgya bcings nas gos dbul bar bya ste/ yang lag pa gnyis mthe bong dang mdzub mo gnyis lu gu rgyud kyi rnam pa ltar byas te/ sor mo phyi ma rnams brkyang ba 'di ni gos kyi phyag rgya ste/ 'di'i sngags ni/ oM d+hi ri d+hi ri ma hA sa mu dra aM/ na ra d+ha ka swA hA/ rgyan gyi phyag rgya nye bar byas te/ lag pa gnyis sor mo gsum gyi mthe bong bkab nas sdigs mdzub 'khyil ba'i tshul du byas nas/ phan tshun steng du bskor nas gcig tu byas pa 'di ni rgyan gyi phyag rgya ste/ 'di'i sngags ni/ oM me g+ha b+ha ra Na dz+wa la bu ga na swA hA/ yang dag par skyang nul bya ba'i phyag rgya ni lag pa g.yas pa khu tshur bcangs nas/ lag pa g.yon pa nor bu 'ching ba'i mtshams su lag pa'i gdub kor ltar gzung ba ni skyang nul bya ba'i phyag rgya'o// 'di'i sngags ni/ oM hA ra hA ra dzo g+hA NA ya swA hA/ de nas dkyil 'khor gyi phyag rgya nges par bstan par bya ste/ de nyid las sor mo rnams sor sor brkyang nas kha 'og tu dbub pa ni dkyil 'khor nye bar byug pa'i phyag rgya'o// 'di sngags ni/ oM ku ti dzu ka d+hA ra ta pri yA ya swAhA/ rdul tshon gyi 'phreng ba'i phyag rgya nye bar bstan pa ni/ dkyil 'khor gyi phyag rgyal sor mo rnams kha 'og tu byas nas gzhag pa ni rdul tshon gyi 'greng ba'i phyag rgya'o// 'dir sngags ni/ he he phe na b+ha li pri ya so b+ha na ya swA hA/ dri'i phyag rgya nye bar bstan pa ni/ lag pa gnyis brten pa'i mthal mo sbyar la/ mthe'u chung khab kyi rnam pa ltar byas nas/ ming med dang / gung mo dang mdzub mo rnams nang du bcug pa ni dri'i phyag rgya'o/ / 'di'i sngags ni/ oM la lA gA lA ga la su kAn+d+re ban+d+ha ya swAH/ de nas me tog gi phyag rgya nye bar bstan pa ni/ dri'i phyag rgya las mtheb drang po gyen du bsgreng ba ni me tog gi phyag rgya'o/ / 'di'i sngags ni oM puSh+Ta pra b+ha ra pu we g+ha swAhA/ bdug spos kyi phyag rgya nI/ me tog gi phyag rgya las tshigs gsum pa cung zad bkug par bya ba ni bdug / phyag rgya'o// 'di'i sngags ni/ oM ru ru ma hA d+hU pa pri yA ya swA hA/ gtor ma'i phyag rgya nye bar bstan pa ni/ bdug spos kyi phyag rgya las sor mo thams cad longs spyod pa'i rnam par bkod nas mthe'u chung gnyis nang du byas pas ni gtor ma'i phyag rgya'o/ / 'di'i sngags ni/ oM sa ka sa ka b+ha ri la dza na ga na ka ba li ta yak+Sha de hi de hi swA hA/ me mar gyi phyag rgya nye bar gnas pa ni/ gtor ma'i phyag rgya las sor mo thams cad khu tshur byas la mthe'u chung gnyis dang mthe bong gnyis khab kyi rnam pa ltar byas pa ni me mar gyi phyag rgya'o/ / 'di'i sngags ni/ oM phu ru phu ru pra ka sa ya swA hA/ dri'i phyag rgya nye bar bstan pa ni lag pa g.yas pa khong stong la thur du byas pa ni dri'i phyag rgya ste/ 'di'i sngags ni/ oM ki ni ki ni kan+d+ha kan/ g+ha shaM me dri mu sA hA/ gdugs kyi phyag rgya nye bar gnas pa ni/ yang lag pa gnyis phan tshun du / mngon par phyogs nas gcig tu sbyar zhing nang du zhum nas mthe bong phyogs su bzhag pa ni gdug gyi phyag rgya'o// 'di'i sngags ni/ oM gr-ih+Na tsa pra ti yats+tsha traM ka rak+Sha ka swA hA/ rnga yab kyi phyag rgya nye bar bstan pa ni lag pa g.yas pa'i mthe bos mthe'u chung gi sen mo mnan nas sor mo lhag ma rdo rje ltar mtshon pas phyogs gnyis ka bskor ba ni rnga yab kyi phyag rgya'o/ / 'di'i sngags ni/ oM ma ra tsa tsa ma ka ra pri ya ke Tu Tu swA hA/ drung yab kyi phyag rgya nye bar bstan pa ni/ lag pa g.yon pa'i mthe bos mthe'u chung gyi sen mo bkab nas sor mo lhag ma rnams brkyang ste/ rdo rje ltar mtshon nas yongs su bskor ba ni rlung yab kyi phyag rgya ste/ 'di'i sngags ni oM b+ha raM b+ha b+ha su ta gA ya swA hA/ rgyal mtshan gyi phyag rgya nye bar bstan pa ni/ lag pa g.yas pa'i mthe bong gis ming med dang mthe chung gi sen mo mnan nas/ mdzub mo dang gung mo gnyis gcig gi rnam pa lngar byas nas 'og tu bskyod pa ni rgyal mtshan gyi phyag rgya ste/ 'di'i sngags ni/ oM tu sha tu sha ka la swA hA/ dza pri yA ya swA hA/ gdan gyi phyag rgya nye bar bstan pa ni/ yang lag pa gnyis kyi ming med dang mthe'u chung rim gyis mnan nas/ gung mo dang sdigs mdzub gnyis khab kyi rnam pa ltar byas la steng du skor ba ni gdan gyi phyag rgya ste/ 'di'i sngags ni/ dza la dzam du du kha yan tri pri ya swA hA/ gdan gyi sngags so// 'di rnams ni gnod sbyin gyi dbang po'i nye bar mchod par nyi shu'o/ / sngar gyi de bzhin gshegs pa rnams dang / byang chub sems dpa' rnams la yid las byung ba'i mchod pa mthong ba dang thos pas/ rang bzhin gyi sngags dang phyag rgyas mchod pa 'di thams cad dbul bar bya'o/ / de nas bdag nyid 'bul ba dang / sdig pa bshags pa dang / bsod rnams la rjes su yid rang ba dang / de bzhin gshegs pa la gsol ba gdab pa dang / bstod pas mnyes par bya ba dang / gleng bzhi dang / tshig tu brjod pa'i mdo la sogs pa nod pa dang / mtshan brgya rtsa brgyad pa gdon pa dang / mchog sbyin gyis tshigs su bcad pas bskul ba dang / rtag tu chu sbyin pa dang / lha thams cad la gtor ma sbyin pa dang / 'di rnams thams cad byas la/ bo d+hi tsi sngags kyi skud pa yongs su bzung la gnod gnas dang 'dra bar rang bsgoms pa yi/ oM yig spyi bor dgod par bya/ dzam yig kha ru nges par dgod// b+ha yig lag pa g.yas par dgod// lA yig g.yon par dgod par bya/ dzA yig snying khar dgod pa'o/ / brla ni g.yas dang g.yon pa la// lin+d+ra nges par dgod par bya// ye yig mtshan mar dgod par bya// de nas blo dang ldan pa yis// rkang pa'i mthil du swA hA dgod// 'di rnams gnod sbyin dbang po rgyal/ / gsang ba'i snying por rab tu grags// 'di rnams gang shes blo ldan yin// de yis dngos grub 'grub par 'gyur// ji ltar nus pa bzlas par bya// bdag nyid bsrung ba byas nas ni/ / sems can rnams la bsod nams gang mnyam par gzhag pas dbul bar bya// ji ltar 'dod pas blangs nas ni// de nas gshegs su gsol bar bya// sngar gyi spyan dang phyag rgya las/ mthe bong brkyang bas bskyod pa'o// sngags dang bcas pas gshegs su gsol// sngags ni/ oM Di Do tra ta b+ha ga ta adz+ra g+ha tsha g+ha swA hA/ rim pa 'dis sngon du bsnyen pa 'bum byas la phyi nas ji ltar 'dod par bsgrub par bya'o/ / de nas thams cad dang ldan pa'i 'khor des// bcom ldan 'das la 'di skad ces gsol to// ji srid rim pa 'dis sems can thams cad dbugs dbyung chen por// 'gyur ba/ bcom ldan 'das shin tu ngo mtshar to// bde bar gshegs pa shin tu ngo mtshar to// sems can thams cad khyad par spro ba dang / don thams cad bsgrub pa dang / snying rje chen po'i bdag nyid can sems rtog pa gang gis gnod gnas kyi dbang po'i rtog pa mnyam par 'dod pa'i rtog pa ma lus par bsgrub pa'i bcom ldan 'das kyis bshad du gsol/ de nas yang bcom ldan 'das kyis thams cad dang ldan pa'i 'khor la gzigs nas gnod gnas kyi rtog pa 'di gsungs pa/ sngar brjod pa'i tsho gas sngon du bsnyen pa byas la/ de nas yang gnod gnas kyi dbang po la dri dang me tog gyi mchod pa byas nas/ rgya mtsho / chur zhug pa la stong phrag bcu bzlas pa byas nas sngon du bsnyen par 'gyur ro// de nas yang ngo'i tshes gcig la rgya mtshor 'bab pa'i chu'i 'gram du phyin nas rked pa nub tsam du chur zhugs te/ nyin mtshan gcig tu smyung bar gnas nas khyor ba 'bum gyi chu sbyin sreg byas na gser srang stong rnyed par 'gyur ro/ / sbyor ba 'di nyid kyis pus mos nub tsam du chu'i nang du zhugs nas stong phrag bcu'i sbyin sreg byas nas/ grong bcu 'am gser srang stong rab tu ster bar 'gyur ro/ / chu bo de nyid la rked pa nub tsam du chur zhugs nas pad+ma la zho dang / mar dang / sbrang rtsir sbags nas stong phrag bcu sbyin sreg byas na gter gyi bum pa rnyed par 'gyur ro/ / yang sbyor ba de nyid kyis zar ma'i me tog stong phrag brgyad sbyin sreg byas nas rgyal ba'i dbang du 'gyur ro// mya ngan med pa'i yam shing la me sbar te/ a pa marga'i snye ma la mar da sbrang rtsi dang spags nas sbyin sreg stong byas nas 'khor los sgyur ba'i rgyal po dbang du 'gyur ro/ / a pa marga'i yam shing gis me rab tu sbar la/ a pa marka'i sa bon zho dang / mar dang / sbrang rtsis byugs la ming med dang mtheb mos gzung nas rang gi khyim du gter mthong bar 'gyur ro/ / de nas nyin re bzhin til gyi me tog zho dang / mar dang / sbrang rtsis spags nas dus gsum du stong phrag brgyang du sbyin sreg byas na don du gnyer ba 'thob par 'gyur ro/ / nyi ma gcig gis 'khor nyis brgya dang bcas pas ma bslangs par bza' ba dang bca' ba'ang rnyed par 'gyur ro// mya ngan med pa'i me tog la zho dang / mar dang / sbrang rtsis byugs te/ dus gsum du stong phrag brgyad du sbyin sreg byas na gang gsol ba btab pa de thob par 'gyur ro// mya ngan med kyi me tog dang a pa marga'i sa bon bsres la/ zho dang / mar dang / sbrang rtsis byugs la/ stong phrag bcu sbyin sreg byas na rgyal po'i bu mo dbang du 'gyur ro// ming bzung nas sbyin sreg de nyid stong phrag brgyad sbyin sreg byas na rgyal po'i bu de nyid thob par 'gyur ro// me tog dmar po mnyam pa yongs su bzung nas rgya mtshor 'bab pa'i chu bor phyin la rked pa nub tsam du chur zhugs nas stong phrag bcu sbyin sreg byas na/ gang me tog de'i dri tshor ba dang reg pa de rnam pa thams cad du dbang du 'gyur ro// chog de nyid kyis gnod sbyin mo rnams 'gugs par 'gyur ro// yang chu de nyid la a pa marga'i shing gis sbyin sreg stong byas na nyi mas mchog ster bar 'gyur ro// de ltar man da ra ba'i me tog gi sbyin sreg byas na brgya byin gyis mchog ster bar 'gyur ro/ / til gi me tog gis ni tshangs pas mchog ster bar 'gyur ro// be ta'i me tog gis ni nor lhas mchog ster bar 'gyur ro// sngags de nyid zlos bzhin pas mthe'u chung dang mtha bong gnyis kyi gzugs brnyan bcings nas ji srid sngags stong phrag bcu bzlas pa de srid gang 'dod pa de rnyed par 'gyur ro/ / de nas dngos grub thams cad ster bar 'gyur ro// 'bum phrag bzlas pas rgyal po 'gug par 'gyur ro/ / 'bum tsho gnyis bzlas na gnod sbyin ma rang 'ong bar 'gyur ro// 'bum tsho gsum bzlas pas sems can thams cad 'gugs par 'gyur ro// yang na rkang pas zla ba drug tu mi smra bar bzlas na yid la gang 'dod pa de rnyed par 'gyur ro/ / rgyal po'i arga'i rang bzhin gyi shing la gzugs brnyan byas la ma tsos pa'i kha dog gi rgyan thams cad kyis brgyan pa/ de nyid kyang mdun du zla ba drug tu mi smra bar bzlas na lag pa g.yon pa'i mthil du sngags khri mngon par bzlas nas gter gang na yod pa'i sar phyin te/ steng du lag pa gzhag ste sngags brgya rtsa brgyad bzlas na gter thams cad 'gugs par 'gyur ro// dkar po'i phyogs kyi tshes lnga la mya ngan med kyi rtsa ba na gnas pas nyin mtshan du gso sbyong gis gnas shing / nyin mtshan sbar chod kyis zas za bas nyi shu rtsa gcig tu sbyin sreg byas na dgos pa thams cad sgrub par nus so/ rgya skyegs kyi khu ba dang zho bsres nas sreg blugs stong byas na gser srang stong ster bar 'gyur ro// a pa marga'i yam shing zho dang / mar dang / sbrang rtsis mngon par sbags nas nyin mtshan du smyung bar gnas pas stong phrag brgyad sbyin sreg byas pas shin tu shes rab 'phel bar 'gyur ba dang / tshigs bcad stong yang 'dzin par 'gyur ro// arga'i rtsa ba la cho ga 'dis sor mo drug pa'i gzugs brnyan cod pan dang thor tsugs ldan par byas la/ de'i mdun du a pa marga'i yam shing la/ na mo rat+na tra yA ya/ ma hA yak+Sha se na pa ta ye/ so ma ma so pa ta tri Ni ya mi ri ti ma Ni ri ti swA hA/ sngags 'dis sbyin sreg stong byas na dong ce rgyad rnyed par 'gyur ro/ / gnod gnas kyi snying po'i mchog rnyed par 'gyur ro// 'di nyid kyi gnas pas pus mo nub tsam du chur zhugs nas 'bum phrag drug bzlas na nor rnyed par 'gyur ro/ / nim pa'i shing gi rang bzhin la chu zheng du sor bzhi mnyam pa'i nor bu bzang po byas la/ gso sbyong dang ldan pa'i ri mo mkhan gyis bris la nye bar mchod pa dang gtor ma byin nas/ du ba med pa'i me la dus gsum du de'i mdun du rgya skyegs kyi sreg blugs stong phrag brgyad sbyin sreg byas na phyug po rnams dbang du 'gyur ro/ / legs par yan lag ster ba dang / rmad 'gyur chen po'i brtson 'grus dang / ltos pa med pa'i snying rje dang / yang dag ji bzhin ston pa dang / rdzu 'phrul gyis ni 'gro ba dang // thams cad du ni skyon med pa// sdug bsngal ba ni nyon mongs nyams// dzam+b+ha la yi sgom pa po// de nas yang gnod sbyin dbang po'i snying po rgyas par bshad pa ni/ mchog gi dngos grub dang bskul ba'i yi ge dang yang dag par ldan pa 'di/ na mo rat+na tra yA ya/ na mo ma Ni b+ha drA ya/ ma hA yak+Sha se na pa ta ye/ sa ma ya ma nu sma ra ma Ni b+ha drA ya/ b+ha ga ban te tsit+tat+tata ti/ d+hA ma d+hama?/ d+hu ru d+hu ru/ ma ri ni ma hA ya k+Sha se na pa ta ye/ hu lu tu lu ma Ni d+ha drA/ tu ru tu ru ma Ni b+ha drA/ tu ritu Ti ma NI b+ha drA/ ti Ti ti Ti ma Ni dwA drA sA hA/ che grangs med cing rgyu skar med// s+phA ba'i cho ga yod ma yin/ arga'am ni nim pa'i shing / gzhan pa rnams la nor bu bzang po'i gzugs byas te/ de'i mdun du 'dug la nyi ma phyed kyi dus su dri dang me tog la sogs pa'i mchod pa byas nas yungs kar gyi tsha ba'i mar nag dang btags pa'i ril bu byas te/ nor bu bzang po'i lto bar bcug nas rig pa stong phrag brgyad bzlas nas dong tshe brgya rnyed par 'gyur ro// de nyid du zad par bya'o// de nas yang bcom ldan 'das kyis rtsa ba'i sngags kyi rtog pa gsungs pa/ gang gis lo ma btsos pa za ba dang bsod snyoms kyi 'tsho zhing 'bum phrag gsum bzlas par bya'o// de nas de bzhin gshegs pa'i mdun du rgya che ba'i mchod pa byas nas stong phrag brgyad du bzlas pa byas na nor mang po rnyed par 'gyur ro/ / zla ba drug tu chu nang du chu'i sbyin sreg byas na stong phrag brgya rnyed par 'gyur ro// ji ltar 'byung ba bzhin dkar gsum gyi gtor ma dang mchod pa 'phul la a shwat+tha'i yam shing gi zho dang / mar dang / sbrang rtsi spags nas stong phrag brgyad du sbyin sreg byas na bar snang las sgra thos pa yid la 'dod pa'i rig pa 'dzin pa'i 'bras bu 'grub pa dang / sems kyis byas pas tshogs par 'gyur ro/ / de bzhin du las sna tshogs gzhan 'grub ste/ ring bsrel dang bcas pa'i mchod rten la 'bum phrag gcig bzlas nas/ dkar po dang nag po'i phyogs la bsod snyoms za zhing re mos kyi spang bar gnas nas gtor ma dang / mchod pa cho ga bzhin byin nas/ til nag po la zho dang / mar dang / sbrang rtsi sbags la stong phrag brgyad du sbyin sreg byas nas grong mchog bcu gnyis rnyed par 'gyur ro/ / bag med pa las ma grub na stong phrag bcu'i nang nas grong gcig rnyed par 'gyur ro// chu bo'i 'gram du nor bu bzang po bzhag nas mar dang 'o thug za zhing mchod rten sku gdung dang ldan pa la 'bum phrag gcig bzlas nas/ gnam stong la mtshan mo sbyang bar gnas pas dzA ti'i me tog la stong phrag brgyad du re re la mngon par bsngags nas mchod rten la phul na nang par phyug stong phrag ster bar 'gyur ro// bsod snyoms za zhing rigs gtsang ma la dus gsum du khrus byed cing 'bum phrag gcig tu bzlas nas nag po'i phyogs kyi brgyad la mtshan mo sbyang bar gnas la/ 'dza m+bu'i yam shing la me swa ra la nA ga pus bzho dang / mar dang sbrasnasbra rtsis sbags nas stong phrag brgyad du sbyin sreg byas pa dang / mngar gsum gyi bshos gtsang ma dang / gtor ma byin nas sbyin sreg yongs su rdzogs pa dang / bram ze'i gzugs kyis 'ongs nas ngas ci byed ces smra bar byed do/ / de la smra ba dong tshe lnga byin cig ces smras pa dang / de ltar bya'o zhes se sa mi snang bar 'gyur te/ nyin re zhin du ster bar 'gyur ro// lhag ma med par zad par bya'o// badz+ra skyes pa'i mtsho'i 'gram du phyin te chu dang bcas pa'i phye za ba 'am/ yang na ji ltar rnyed pa'i zas za zhing nor bu bzang po'i kha phyir bstan par bzhag la gsol ba btab na/ ji srid du stong phrag brgya rdzogs par pad+mo'i sbyin sreg byas na de'i rjes la dpal pad+mo 'ongs te/ 'ongs pa la de la pad+mo nye bar phul nas dri dang bcas pa'i chu'i arka byin na/ des smras pa/ bu ci zhig bya zhes smras na/ sgrub pa po smra bar bya ste/ gter mang po bdag la rab tu stsol cig/ de ltar bya'o zhes zer nas mi snang bar 'gyur ro// de nas gang du 'gro ba der khyer nas phyin pa de zad pa med par 'gyur ro// nor bu bzang po'i mdun du zla ba phyed du bzlas nas ji srid zla ba nya'i nub mo smyung bar gnas pas sha med pa'i gtor ma byin nas/ de nas nor bu bzang po'i snying khar ming med bzhag nas ji srid du bzlas pa de srid du g.yo bar 'gyur ro// de nas nyin re bzhin du stong rtsa lnga lnga re ster bar 'gyur ro/ / lhag ma med par zad par bya'o// dur khrod chen por phyin nam dur khrod kyi thal zan mchod rten byas te/ bsod snyom za zhing dus gsum du khrus byas nas 'bum phrag gsum bzlas nas nag po'i phyogs kyi bcu bzhi la mtshan mo sbyang bar gnas pas/ bcom ldan 'das la rgya che ba'i mchod pa byas nas lhag ma med par rab tu zad par bya'o// dur khrod chen por nor bu bzang po la sha ta bus pa phul la/ a ka ru dang du ru ka bsres pa'i bdug pa phul te/ gdong phyin ci log tu bzhag nas ji srid mtshan phyed pa de srid du bzlas so// de nas sha za'i bdag po rang 'ongs pa dang / sngar bzhag pa'i gtor ma phul la 'khor rnams la chang yang dbul/ de nas sgrubs po gsol ba gdab par bya'o// de nas de mgu'o zhes sA'o// sgrub pa pos smras pa/ nyi ma re re g.yo ga re re byin cig/ de ltar bya'o zhes zer nas mi snang bar 'gyur to/ / de nas mngag gzhugs pa la sogs pa rab tu sbyin no// gzhan yang de bzhin gshegs pas las kyi tshogs bya ba gsungs pa/ ri'i rtse mor 'dzegs te khru gang tsam gyi nor bu bzang bzhag nas 'o ma dang 'o thug za zhing / dus gsum du khrus byed cing 'bum phrag gsum du bzlas nas/ de nas dkar po'i phyogs kyi nya la thug pa'i mtshan mo'i gsum du sbyang bar gnas nas/ nor bu bzang po la rgya che ba'i mchod pa byas pa dang / gtor ma'i cho ga rgya che ba byas nas ku sha'i shun bu dag byin nas ji sri sgra grags pas de srid du bzlas pa bya'o// de nas de ma thag tu gnod sbyin thams cad nye bar 'ongs nas de rnams la me tog dmar po dang / dri dmar po dang / an sbyin par bya'o// du ru ka'i bdug pa'ang bdug par bya'o// de nas gnod sbyin des legs so zhes bya ba byin nas spras pa/ ngas khyod la ci byed ces zer ba dang de nas de la smras pa dang / nyin re bzhin mngag gzhug rab tu byin cig/ de ltar bya'o zhes zer nas mi snang bar 'gyur ro// de la sogs pa bsam gtan tsam gyis gnas pa la ma mthong bar 'khor gyis bskor nas gnas so/ / gang dang gang 'dod pa der khang pa brtsegs pa dang lha'i bzhon pa sprul te/ stong phrag gcig dang bcas pa la rab tu 'dod pa'i zas rnams ster bar 'gyur ro// nyin re bzhin du gnod sbyin mar sprul zhing 'ongs nas tho rangs gi dus su 'gro bar 'gyur ro/ / de nyid kyi tshe lo stong du 'gyur ro// rgya mtsho'i 'gram du nor bu bzang po'i gzugs brnyan bzhag ste/ bsod snyoms za zhing 'bum phrag bzlas nas dkar po'i phyogs kyi tshes lnga la thug par nub gsum du smyung bar gnas pas rgya mtsho chen po dang nye bar phyin nas/ ji srid rgya mtsho chen po rang 'ong ba de srid kyi bar du bzlas pa bya'o// mdun du rgya mtsho chen po rang 'ong ba de la dri dang me tog gi mchod pa phul la a ka ru'i bdug pas bdugs la/ kye rigs pa 'dzin pa mchog gang 'dong pa rab tu sbyin par smra'o// des smras pa/ rgya mtsho chen por nga thogs pa med par 'gro bar gyis/ de ltar bya zer nas mi snang bar 'gyur ro/ / de nas rgya mtsho la zhugs na rgya mtsho na yod pa'i nor bu rin po tshe blangs nas 'byung bar 'gyur ro// rgya mtsho na yod pa'i klu rnams kyang dbang du 'gyur ro zhes/ bcom ldan 'das de bzhin gshegs pas bka' stsal to/ / de nas bcom ldan 'das de bzhin gshegs pa yang gnod sbyin gyi dbang po dbyangs snyan gyi sngags gsungs pa/ na me rat+na tra yA ya/ na mo ma Ni b+ha drA ya/ ma hA yak+Sha se nA pa ta ye/ ma Ni ni swA hA/ rtsa ba'i dkar po'i phyogs kyi brgyad dam/ yang na dkar po'i bcu bzhi la nyin zhag gcig tu smyung bar gnas pas/ ro hi ta'i nyal ba'i lci ba dang mar gyis byugs nas stong phrag brgyad sbyin sreg byas na ngong tshe brgya rnyed par 'gyur ro/ / gzhan yang nye bar mchod pa dang / sngon du 'bum tsho gsum bzlas nas/ nya ma god pa la zho dang / mar dang / sbrang rtsi mngon par byugs nas stong phrag bcu sbyin sreg byas mdong tshe stong phrag rnyed par 'gyur ro/ / ma gru na'ang kar sha pa Na stong phrag gcig rnyed par 'gyur ro// oM badz+ra dzam+b+ha la dz+wa len+d+ra ya swAH/ de nas ya nor bu bzang po bsgrub par 'dod na mchod sbyin gyi shing / dkar po la nor bu bzang po'i gzugs brnyan byas la/ mchod pa chen po rab tu gnas par byas/ de'i mdun du a pa mna'i yam shing la mar dang sbrang rtsis byugs la 'bum phrag tu sbyin sreg byas na 'dong pa'i 'bras bu rnyed par 'gyur ro/ / pe ta la'i me tog rnams kyi sbyin sreg byas na gser srang stong rnyed par 'gyur ro// til dang 'bras thug po che'i sbyin sreg 'bum byas na gser srang stong rnyed par 'gyur ro// de ltar sha ta pus pa dang / gu gul dang / kun da dang / tsan dan dkar po dang / du ru ka la sogs pa de rnams re re 'bum du sbyin sreg byas na dong tshe stong phrag rnyed par 'gyur ro// til dang 'bras kyi sbyin sreg byas na rgyal po dbang 'gyur ro/ / nye'u ji ltar 'tshong ba nyos la chu bo'i gzhung la lte ba nub tsam du chu'i nang du zhugs nas kha shar du bltas te sbyin sreg brgya byas na sum 'gyur gyis dong tshe rnyed par 'gyur ro// ras bal gyi sa bon la mar dang sbrang rtsis byugs nas stong phrag gcig sbyin sreg byas nas nyi ma bdun gyis bar la ras gcig rnyed par 'gyur ro/ / rtag tu bzlas na gos dang bza' ba rnyed par 'gyur ro// 'bum bzlas na dong tshe lnga stong red par 'gyur ro/ / 'bum tsho gnyis bzlas na grong rnyed par 'gyur ro// 'bum tsho gsum bzlas na longs spyod chen po rnyed par 'gyur zhing grong brgyad kyi bdag por 'gyur ro// be'u'i lci ba la sbyin sreg stong byas na ba glang stong rnyed par 'gyur ro/ / gzhan yang dud 'gro rnams kyi lus la zho dang sbrang rtsis sngags la nyin re bzhin sbyin sreg byas na ra lug la sogs pa rnyed par 'gyur ro// ba glang gis lhas kyi nang du ku sha'i me to mar dang sbrang rtsis byugs pa 'bum tsho gcig sbyin sreg byas na 'byung po dang sha za dbang du 'gyur ro/ / rig sngags thams cad 'grub par 'gyur ro// ji ltar 'dod pa rnyed par 'gyur ro// yang ba glang gi lhas kyi nang du 'o ma dang 'o thug za zhing shri ba la'i yam shing la sbyin sreg 'bum byas na gang 'dod pa'i gsol ba btab pa de nyid yod par 'gyur ro/ / mtshan mo gsum du smyung bar gnas la/ zla ba'am nyi ma gzas bzung ba la ldong ros sam/ gi'u wang srang lngas a shwat+tha'i 'dab ma bzhi la g.yas bskor g.yon bskor du bzhag nas/ yang 'dab ma bzhi g.yogs la ji srid dro bar gyur pa de srid du bzlas pa bya'o// du ba dang 'bar bas 'di ltar sa bslangs nas gsum 'grub par 'gyur ro/ / ba glang gi lhas kyi nang ngam chu bo 'dus par bsod snyoms za ba 'am/ 'o thug za bas arga'i 'o thug mar dang sbrang rtsis byugs nas lo stong tsho lnga sbyin sreg byas na/ rang nyid kyis nor gyi bdag po nor bu bzang po nor gyi bdag po nor dang bcas pa mthong bar 'gyur ro// nga mgu'o zhes de smra na mchog brgyad gang 'dod pa ster bar 'gyur ro// rgyal po dang / gter dang / rdzu 'phrul gyis chags pa dang / rig pa 'dzin pa dang / thams cad dbang du byed pa dang / klu dang / gnod sbyin dang / srin po dang / 'byung po dang / sha za dang / rdul bu dang / lus srul po rnams dbang du 'gyur ro// dran pa tsam gyis mdun du 'dug par 'gyur ro// rkang bzhi pa la sogs pa'i sems can shi ba rab tu zhi bar byed pa dang / sa 'og 'jug pa dang / nam mkha' la 'gro ba dang / sa 'og gyi 'khrul 'khor rab tu 'jig pa dang / chu rengs pa dang / bcud len dang / tshar gcad pa dang / rjes su gzung ba brgyad po 'ang / rnams la/ de'i mdun du gang na gang gcig blangs par bya'o// des gang ci 'dod pa de ster bar 'gyur ro// pad+ma mar dang sbrang rtsis byugs nas 'bum du sbyin sreg byas na pad+ma rA ga'i nor bu rnyed par 'gyur ro/

CLOSE WINDOW