'phags pa lcags mchu zhes bya ba'i gzungs rdzogs so// // rgya gar skad du/ Ar+ya lo ta dut+te nA ma d+hA ra Ni/ bod skad du/ 'phags pa lcags kyi mchu zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das yul ma ga d+ha nas rgyu zhing a mra'i tshal du gshegs te byon nas/ a mra'i tshal du lus 'phags r-i'i dbang po'i breg phug na bzhugs so// de nas lha'i dbang po brgya byin gyis bcom ldan 'das ga la pa der song ste phyin nas/ bcom ldan 'das la mgo bos phyag 'tshal te phyogs gcig tu 'dug nas lha'i dbang po brgya byin gyis/ bcom ldan 'das la 'di skad ces gsol to/ / bcom ldan 'das lha ma yin rnams ni rab tu lha rnams kyi yun ring po'i dgra lags na/ de la bcom ldan 'das kyis dran pa'i chos bstan du gsol/ 'dzam bu'i gling pa'i 'jig rten shAkya thub pa'i zhing khams na mir gyur pa'i sems can rnams kyi 'khor na dge slong pha dang / dge slong ma dang / dge tshul pha dang / dge tshul ma dang / dge bsnyen pa dang / dge bsnyen ma dang / dam pa'i chos 'jig pa la srung ba'i thabs bstan du gsol/ de skad ces gsol pa dang / bcom ldan 'das kyis/ lha'i dbang po brgya byin la 'di skad ces bka' stsal to/ / lha'i dbang po khyod kyis lcags kyi mchu'i gzungs/ thams cad skrag par byed pa/ lha ma yin la thog smad lnga 'bebs pa/ 'jig rten gyi rims nad zhi bar byed pa/ 'jig rten thams cad du zhi bar byed pa/ dug thams cad 'jil ba/ mtshon thams cad rengs par byed pa/ rkang med dang / rkang gnyis pa dang / rkang bzhi thams cad rengs par byed pa/ dgra thams cad phung bar byed pa/ lha ma yin dang / nam mkha' lding dang / sbyin byed ma'i bu dang / sha za dang / brjed byed dang / smyo byed dang / 'gro ba drag shul du spyod pa rab tu 'jigs par byed pa/ 'thab pa dang / rtsod pa dang / 'gyed pa dang / mtshang 'bru ba thams cad rab tu zhi bar byed pa'i 'phags pa lcags kyi mchu 'di zung zhig/ thams cad mi 'jigs pa'i lcags kyi mchu'i gzungs kyi rig sngags brjod par bya'o// tad+ya thA/ ba ga tsa ni/ shu ti shu ma li/ ga sha sha sha ta ta bI ra ti/ hu yu hu yu ri ta swA hA/ rgya mtshol bar li ti gtor ro// ji ltar 'dod pa 'bab bo// klu'i gnas su phur bu la sa ya bye ba grangs med pa bzlas la klu'i gnas su btab na/ ser ba dang thog ji ltar 'dod pa bzhin du 'bab bo/ / sarba nA gA nA a pa bIr+ya pho ba/ nA ga shar shar po ba/ nA ga rak+ta phob/ ra tsi sri badz+ra hUM phaT/ drag po yul khams kyi dgrar gyur pa zlog pa/ mes gtor ba'i thog smad lnga 'bebs pa/ lha'i dbang po thams cad zil gyis mnan pa'i lcags kyi mchu'i gzungs 'dis lha ma yin rmongs su 'jug pa/ 'khor rnam bzhi srung ba/ theg pa chen po'i chos dgra srung ba'o/ / bcom ldan 'das kyis de skad ces bka' stsal nas/ lha'i dbang po brgya byin yi rangs te/ bcom ldan 'das kyis gsungs pa la mngon par bstod do// 'phags pa lcags mchu'i gzungs rdzogs so/ / // rgya gar skad du/ Ar+ya sa d+hA sha a ya ony+dza/ bod skad du/ 'phags pa lcags mchu nag po/ sangs rgyas dang byang chub sems dpa' thams cad la phyag 'tshal lo/

CLOSE WINDOW