bcom ldan 'das kyis bka' stsal pa/ klu'i rgyal po khyed kyis de ltar byos shig/ rdo rje mchu'i cho ga rdzogs so// bod skad du/ rdo rje mnam lcags mchu zhes bya ba'i gzungs/ thams cad mkhyen pa la phyag 'tshal lo// de nas tshangs pa dang / khyab 'jug dang / dbang phyug chen po dang / rgyal po chen po bzhis bcom ldan 'das la lan gsum bskor ba byas te phyag 'tshal nas/ bcom ldan 'das la 'di skad ces gsol to// bcom ldan 'das bdag cag thams cad 'dus nas klu thams cad kyi snying 'phrog par bgyid pa/ snying 'gems par bgyid pa/ klu ma rungs pa rnams kyi rigs phung bar 'gyur ba/ rlung dang ser ba'i sprin thams cad zlog par bgyid pa/ me tog dang / 'bras bu dang / lo tog thams cad 'byor par bgyid pa/ rdo rje gnam lcags mchu zhes bya ba'i gzungs brjod par 'tshal gyis/ bcom ldan 'das kyis sems can thams cad kyi don mdzad pa'i slad du byin gyis brlab tu gsol/ de nas bcom ldan 'das kyis/ tshangs pa dang / khyab 'jug dang / dbang phyug dang / rgyal po chen po bzhi la bka' stsal pa/ rigs kyi bu rnams ngas sems can thams cad kyi don dang / 'phags pa thams cad kyi bden pa'i byin gyis brlabs kyis/ khyed kyis smos shig ces bka' stsal pa dang / de nas tshangs pa dang / khyab 'jug dang / dbang phyug dang / rgyal po chen po bzhis gzungs sngags 'di smras te/ dkon mchog gsum la phyag 'tshal lo// bcom ldan 'das shAkya thub pa la phyag 'tshal lo// de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ / rdo rje 'dzin drag po la phyag 'tshal lo// pha rol zil gyis gnon pa'i mthu bo che rnams la phyag 'tshal lo/ / 'jig rten gsum gyi gtso bo la phyag 'tshal lo// rgyal po chen po bzhi la phyag 'tshal lo// rdo rje gnam lcags 'bar ba ma rungs pa drag tu rgod pa la phyag 'tshal lo// ma tha ma tha/ pra ma tha pra ma tha/ dz+wa la te/ bi krI ra/ badz+ra dza ya dza ya/ ma hA ba la b+h+yo ra bI ra pa ra kra ma kro d+hA rA dza/ pra ma b+ha pu pu ma/ pra ma sA re/ b+ho b+h+yo na ga de bi daM/ byi sa ra ma d+ha/ pra ma d+ha na d+hed+han/ mur+d+ha nAn/ s+pho Ta yAm/ hUM hUM/ phaT phaT/ b+ha ra b+ha ra/ bar+N+Na tsakra/ ha d+ha ni b+ho pan nA gen+na/ mA ti kra mA tha bar+Na tsakre Na/ shi ra tsin+ta ma Ni tsu ti hUM ti li hUM hUM phaT phaT mu du mu du h+yenra/ sarba duSh+mAn swai Ta ya/ hr-i da ya/ ma he shwa ra dza li ta/ tri shU la d+ha ra d+ha re/ ha na ha na/ hUM hUM phaT phaT/ mu tsi mu tsa/ du di ba b+ha ba b+ha/ k+Sha Ne k+Sha Ne tsa tu ra NA na ma hA rA dzA nAn/ dzA li ta shak+Shi d+ha ra d+ha ra/ hUM phaT/ sU ra sU ra/ bi sU ra bi sU ra bi s+phu ra/ tsa rarba tsA ra tha tsa rarba/ nAM sha ya duSh+Tan nA ga hr-i dA ya/ s+phoT yaM/ hUM hUM phaT phaT/ duSh+Ta AM shA ni/ pUt+ta ma ga shi bIr+ya dzA la / b+hasmiM ku ru huM hUM phaT phaT swA hA/ sa ma ya ma nu sma ra/ b+ho nA gA d+hi pa ti pi tsan+tu/ bi po yA/ b+ho b+ho tu/ tu ti tu ti/ hUM hUM phaT phaT swA hA/ badz+ra A shA ni nA sha ya hUM hUM phaT phaT swA hA/ @ A shA ni nA sha ya hUM hUM phaT phaT swA hA/ sarba nA ga hr-i da yA ni/ bi s+pho Ta ka ya hUM phaT swAhA/ bud+d+ha bi lo ki ta ya swA hA/ brah+ma ya swAhA/ biSh+ya mu rA ya swA hA/ ma he shwa ra dz+wa li tatri shU lA ya swA hA/ tsa tur ma hA rA dza sa ma d+ha rA ya swAhA/ bi tsi ga ti ya phaT swAhA/ oM da ri di ri swAhA/ dz+wa li ta bAka tra ya swA hA/ dzu ti dzu ti swA hA/ phaT phaT/ rdo rje 'bar ba gnam lcags mchu zhes bya ba'i gzungs sngags 'di thos ma thag tu klu ma rungs pa thams cad lus rul nas dri mi zhim pa mnam par 'gyur ro/ / lus so sor zhig cing 'pho bar gyur nas/ bcom ldan 'das kyi zhabs la gtugs te 'di skad ces gsol to/ / bcom ldan 'das kyis bskyab tu gsol/ lha dang 'jig rten du bcas pa thams cad kyis smad par gyur/ bdag cag ni ma rungs par gyur to/ / bcom ldan 'das slan chad 'dzam bu'i gling du sems can rnams la gnod par mi bgyid/ 'gum par mi bgyid/ chung ngu na mig kyang lta bar mi bgyid na skabs lta bar lta ci smos/ rgya mtsho klu'i rgyal po dang / klu'i rgyal po gdugs lta bu dang / klu'i rgyal po mthu che ba dang / mdangs che ba dang / ma rungs pa la sogs te/ klu bye ba khrag khrig brgya stong gis bcom ldan 'das kyi zhabs la mgo bos gtugs te phyag 'tshal nas/ klu thams cad kyis dus phyi ma'i tshe 'dzam bu'i gling gi sems can thams cad la gnod par mi bgyid/ me tog dang / 'bras bu dang / lo tog dang / me tog dang / lo ma dang / yal ga thams cad srung bar bgyid/ rlung dang ser ba thams cad dgag par bgyid/ dus dus su char dbab par bgyid par rang gi bro'i tshig gi yi dam dang / de bzhin gshegs pa'i dam tshig rjes su bsrung bar bgyi'o// sems can thams cad kyi re ba yongs su skong ba dang / yid la bsam pa yongs su rdzogs par bgyid/ gnod par mi bgyid do/ / bcom ldan 'das yon tan gyi khyad par 'di dag las 'gal bar bgyid na/ bdag cag byang chub tu mngon par rdzogs par 'tshang rgya bar ma gyur cig/ bro'i tshig kyang 'di lags te/ tad+ya thA/ au ta gi tsa gi/ g+hu li g+hu li/ mu li sha sha/ gu gu/ shI ti/ bI ra ma ti/ hu yu hu yu swA hA/ char che ba 'am/ char mi 'bab pa 'am/ dus ma yin par char 'ab ba pa'am/ rlung dang / sprin dang / ser ba dang / grang ba'i rlung dang / gnam lcags lhung ba'i tshe rig 'dzin gyis bro tshig 'di khang tog gam/ sa mthon po 'am/ ra'i steng du'ang rung / kha shar phyogs su bltas te/ lan bdun skad chen por bzlas/ yungs kar la lan bdun bzlas te gyen du gtor na/ gtor ma thag tu klu thams cad dum bur 'gyur zhing / nan tan byas pas myur du char 'bebs so/ / gzungs 'di nyid kyis dril bu la lan nyi shu rtsa gcig bzlas te/ yungs kar la lan nyi shu rtsa gcig bzlas nas/ nan tur drag por byas te phyogs bzhir gtor na mtshams bcad par 'gyur ro/ / rdo rje gnam lcags mchu lan brgyad du bzlas pas klu dgag par bya/ lan cig dran pas rlung dang ser ba slar bzlog par bya'o// gnam lcags lhung na'ang chur 'gyur ro/ / rdo rje bskor na phyogs gang du bskor ba der ser ba 'byol lo// nang par sngar sa dben par 'dug ste/ sngags 'di lan sum cu rtsa gnyis bzlas na rlung dang / sprin dang / ser ba'ang 'gag par 'gyur ro// klus gnod pa mi byed cing phyis kyang mi tshugs so// yungs kar la bsngags te phyogs bzhir gtor na lo gcig gi bar du mtshams bcad par 'gyur te/ rlung dang / sprin dang / ser ba'ang mi g.yo'o// ngag nyan cing kun tu srung ba dang / las byed par 'gyur ro// sngags nyi shu rtsa gcig bzlas te dral bu dkrol na klad pa 'gas shing sa la lhung bar 'gyur te/ gnod pa byed pa sel lo// mchod pa tshul bzhin bsngags par byas te/ skad gsal bar bklags te phyogs bzhi steng 'og tu yungs kar gtor na sar pa dang / rlung dang / klus gnod par byed pa bcangs par 'gyur/ ltas ngan pa dang / ma dge ba dang / bkra mi shis pa dang / gza' dang / 'byung po dang / sha za dang / gnod sprin dang / srin po'ang phyir bskrad par 'gyur/ dpag tshad kho ra khor yug tu mtshams bcad par 'gyur/ nad dang / gnod par sems pa dang / phas kyi rgol ba'i dgra bgegs thams cad zlog par 'gyur ro/ / lo tog dang / 'bras bu dang / khu ba rgyas pa dang / smin pa dang / che bar 'gyur/ 'byung po dang / gnod pa thams cad kyis mi tshugs par 'gyur ro// rdo rje gnam lcags mchu zhes bya ba'i gzungs rdzogs so/ / // rgya gar skad du/ Ar+ya lo ta dur+N+Na na ma d+hA ra Ni/ bod skad du/ 'phags pa lcags mchu zhes bya ba'i gzungs/

CLOSE WINDOW