/ / rgya gar skad du/ badz+ra dun+da nA ma nA ga sa ma ya/ bod skad du/ rdo rje mchu zhes bya ba klu'i dam tshig/ thams cad bakhyen pa la phyag 'tshal lo/ / de nas bcom ldan 'das grong khyer chen po g.yog 'khor na bzhugs te/ 'khor 'dus pa chen po 'jog po la sogs pa klu'i 'khor dang / lha dang mi'i tshigs kyi 'khor chen po la sems can rnams kyi don chen po'i phyir te/ bsam pa dang re ba thams cad yongs su skong ba bde bar byed pa'i chos ston to// de nas grong khyer de nas bram ze'i khye'u khyab ma spyan zhes bya ba phyug pa/ nor che ba/ longs spyod che ba/ rdzas dang yo byad mang po phun sum tshogs pa/ rig byed dang rig byed kyi yan lag gi pha rol tu phyin pa/ sngags la 'jug pa/ sngags grub pa zhig 'a ste/ de yang dang yang du klu 'gugs shing me'i sbyin sreg byed do// bram ze de'i lo tog smin khar char chad par gyur nas/ des nga rgyal gyi sgras sngags brjod pa dang mthun pas 'di skad ces// bdag gis char pa'i rgyun dbab cing klu dgug par bya'o zhes smras te/ des me'i sbyin sreg bya bar bshams nas til dang / 'bras dang / yungs kar rnams 'bru mar tsha ba dang bsres te sbyin sreg byed do// de nas klu mi bsrun pa zhig gi gzugs byas te/ des lcags kyi phur bu la bsngags nas klu'i spyi bor btab pa dang / klu'i spyi bo gas nas sdug bsngal gyi tshor ba chen por gyur to// klu de'ang cher 'khrugs te khros nas skad cig thang cig yud tsam de la klus khyab par byed pa'i shugs kyis cher gnod cing rdul 'byung ba'i 'od zer tsha ba rang gi lus las bkye ste/ gnod pa chen pos khebs par byas nas bram ze de'i zhing tshig par byas so/ / de yang lce 'bab pa'i char gyi rgyun chen po bram ze'i lus la phab nas bram ze de mgon med/ skyabs med/ dpung gnyen med de/ me'i sbyin sreg byed pa btang nas/ de bcom ldan 'das la mgon dang / skyabs dang / dpung gnyen btsal te 'bros par bsams nas/ bcom ldan 'das kyi drung du brgyugs te/ bcom ldan 'das gal ba der song nas bcom ldan 'das kyi zhabs gnyis la gtugs te 'di skad ces gsol to// bcom ldan 'das klu khro bos bdag gi srog ma rungs par 'tshal te skyabs su'ang ma mchis na/ bcom ldan 'das bskyab tu gsol/ bde bar gshegs pa bskyab tu gsol/ de nas bcom ldan 'das kyis/ bram ze chen po de dbugs phyung nas 'di skad ces bka' stsal to/ / bram ze chen po ma 'jigs shig/ ngas khyod kyi mgon dang / skyabs dang / dpung gnyen bya'o zhes bka' stsal nas cang mi gsung bar bzhugs so// de nas bcom ldan 'das la/ gnod sbyin gyi sde dpon chen po lag na rdo rjes 'di skad ces gsol to// bcom ldan 'das gzigs su gsol/ mngon sum du gyur bzhin du'ang klu mi bsrun pas lo tog ma rungs par bgyid na/ bcom ldan 'das khyod yongs su mya ngan las 'das kyi slad na smad ma'i tshe slad ma'i dus na sems can thams cad kyi rten ni su lags/ ji ltar 'gyur/ bcom ldan 'das lo tog thams cad kyi don du lo tog rnams tshig par mi 'gyur ba dang / kun tu srung ba dang / rab tu 'phel bar bgyid par 'gyur ba lo tog yongs su skyong zhing klu zlog pa de bshad du gsol/ de nas bcom ldan 'das kyis// gsang ba pa'i bdag po lag na rdo rje la bka' stsal to// lag na rdo rje klu rab tu 'gro bar byed pa'i snying po sbas pa rdo rje zhes bya ba'i gzungs de bzhin gshegs pa'i snying po dang phyag rgya ston gyi/ de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yod de ngas bshad par bya'o// des myur du gnod pa bkag pa'i phyir lo tog thams cad myur du bsrung bar 'gyur ro/ / legs par bsrungs par 'gyur ro// me'i ri sul chen po so so phyogs bcu kun nas klu thams cad kyi mtshams bcad par 'gyur ro// me lce 'bar ba'i rim pa'i sprin chen po nam mkha' lding 'dab ma gdengs pa'i shugs zhes bya ba'i sprin gyi rim pas nam mkha' khebs par byed do/ / lo tog dang / me tog dang / 'bras bu thams cad kun tu srung ste gnas par 'gyur ro/ / des klu la sogs pa thams cad kun tu rab tu 'bar bar 'gyur ro// klu mi 'grungs pa rnams phung bar 'gyur ro// 'dum par 'gyur ro// de nas bcom ldan 'das la/ gnod sbyin gyi sde dpon chen po lag na rdo rjes 'di skad ces gsol to// bcom ldan 'das kyis sems can thams cad la sman pa'i slad du gzungs chen po 'di'i sngags kyi tshig bshad du gsol/ de nas bcom ldan 'das kyis snying po 'di bka' stsal to// na mo b+ha ga wa te/ sar+b+ba bud+d+hA nAn/ na mo b+ha ga pa te shakya rA dza ya/ oM dz+wa la dz+wa la/ gi rI ba b+ha ni/ dip+ta be ga ma hA ba de b+ha ga wa te ma hA tsaN+Da tri da ya sa la ni/ hu ru hu ru/ ha ra ha ra/ da ha da ha/ pa tsa pa tsa/ sarba sa s+ya nA sha ya/ nA ku la baM shan+ta ra d+ha ra pra sa ra tsaN+Da be ga ma hA ba la pa rA kra ma s+phu ri ta ro dra bAk+tA/ ma tha ma tha/ pra dz+wa la mA la d+hA ra Ni/ tsaN+Da be ga ba ti/ pra ba ra bi man+ta ra Ni/ hUM hUM ba la ba ti/ be ga ba ti/ sa ra sa re/ bi sa ra ba si ra sa ran+ti/ sarba sa dri s+yan ma dri ba na ya dri/ phu ya pha la phaT/ dra san+d+ha rA Ni/ a ba sarban+tu sarba na ga to sha sarba pa b+ha ba b+ha ni/ be ga taM be ga ba ti sAhA/ hUM hUM phaT/ nA ga bi sa ra Ni phaT/ dz+wa la mA li ni phaT/ dz+wa la mA li ni phaT/ phaT phaT swA hA/ bcom ldan 'das kyis klu thams cad dang / klu ma bgrungs pa thams cad ma rungs par byed pa'i rig pa 'di bshad ma thag tu/ klu dang klu chen po thams cad klad pa na bar gyur/ lus rul te lus rnags shing dri mi zhim par gyur nas/ bcom ldan 'das kyi zhabs gnyis la gtugs te 'di skad ces gsol to// bcom ldan 'das sngags kyi tshig shin tu mi bzad pa dag bka' stsal to// bcom ldan 'das bdag cag gis nongs pa bgyis pa mi dran du lags kyis kyang / bcom ldan 'das rig 'dzin gnod pa bgyid pas bdag cag la brnyes pa dang / rdeg pa dang / 'ching ba dang / skrod pa dang / gnod pa de'i tshe bcom ldan 'das klu mi bgrungs pa rnams 'khrugs te/ de'i tshe lo tog dang / me tog dang / 'bras bu ma rungs par bgyid/ ser ba 'bab par bgyid/ sad dang rlung gis 'khrug par bgyid/ ha cang char che ba dang / char mi 'bab pa dang / dus ma lags par char 'bab par bgyid do// bcom ldan 'das rig pa 'dzin pa sngags smra bas byams pa la gnas par bgyi/ byams pa'i go bgo bar bgyi/ byams pa'i ral gri lag na thogs par bgyi ste/ byams pas gnod pa bgyid pa thams cad zhi bar bgyi'o// bcom ldan 'das deng slan chad de bzhin gshegs pa'i spyan sngar bdag cag dam bca' bar 'tshal te/ gang na rig pa'i rgyal mo 'di rab tu spyod pa der bcom ldan 'das klu gtse bar mi bgyid do// gang na snying po'i gzungs 'dis pa srung bar bgyis pa dang / yongs su bskyab pa dang / yongs su bzung ba dang / yongs su ba skyang bar bgyis pa dang / srad bu bre ba dang / mtshams dgum pa dang / dkyil 'khor gyis ris bcang par bgyis pa der/ bcom ldan 'das bdag cag gis rtag par rgyun du gnod pa thams cad bzlog par bgyi 'tshal lo// lo tog dang / me tog dang / 'bras bu thams cad kun tu bsrung bar 'tshal lo// yongs su bskyang bar 'tshal lo/ / tha na rkun po dang / g.yo can dang / ri dgas dang / bya rnams kyang kun tu bsrung bar 'tshal te/ slad kyis kyang ma rungs par mi bgyid do// de nas bcom ldan 'das kyis/ klu'i bdag po de dag la legs so zhes bya ba gnang ste/ klu'i bdag po legs so legs so// khyed kyis de ltar gyis shig/ khyed kyis 'dzam bu'i gling legs par srung pas srung bar gyis shig/ de nas de'i 'og tu cho gar bya ba las thams cad byed pa dge bar bya ba brjod par bya'o// lo tog la gnod par byed na de'i tshe rig pa 'dzin pas zhing gi dbus sam/ khang steng ngam/ gnas mthon por dkyil 'khor gru bzhi pa byas la/ phyogs bzhir bum pa bkang ba bzhi gzhag go// me tog sil mas gcal bkram ste gzhag go/ gzugs 'khyil ba bdun bya'o// 'bras las byas pa'i 'khyil pa bdun byas te/ gzugs re re zhing yang gzugs nyi shu rtsa re bya'o// 'bras dang 'o thug bsres pa dang zho dang 'o ma gzhag par bgyi'o/ / phyogs bzhir dril bu gzhag par bya'o// pad+ma lta bur zan gyi gtor ma snga ma bzhin gzhag par bya'o// dkyil 'khor gyi dbus su bum pa chen po bzhag ste ba las byung ba lnga dang 'o ma dang chus dgang ngo / / yungs kar dang 'bras yos blugs par bya'o// sngags lan drug cur yongs su bzlas par bya'o// seng ldeng gi phur bu bzhi dang lcags kyi phur bu gcig bya ste/ thams cad sor brgyad kyi tshad du bya'o// ba ser skya'i lci ba 'am bag phye las byas pa'i klu'i gzugs bzhi bya ste/ dkyil 'khor gyi grwa bzhir gzhag par bya'o// seng ldeng gi phur bu de dag kyang snying khar nub par gzugs so/ / sngags brgya rtsa brgyad yongs su bzlas par bya'o// shar phyogs su klu mgo bdun pa gzhag par bya'o// nub phyogs su mgo brgyad pa'o/ / lho phyogs su mgo lnga pa'o// byang phyogs su mgo gsum pa'o// dkyil 'khor gyi dbus su mgo dgu pa gzhag par bya'o// pog por re re ste lnga gzhag par bya'o// yungs kar dang bras yos su bsres pa la lan nyi shu rtsa gcig bzlas pa byas te phyogs bzhir gtor ro/ / gzungs 'di bris la rgyal mtshan gyi rtse mo la btags te dkyil 'khor gyi grwa bzhir gzugs so// zhing gi dbus su'ang gzugs so/ / skyed mos tshal gyi dbus su'ang gzugs so// de gtsugs ma thag tu phyogs bzhi kun nas ri sul chen pos mtshams bcad par 'gyur ro// ji srid du phur bu ma phyung ba de sring du mtshams bcad pa chen por 'gyur ro/ / lo tog thams cad dang / me tog dang / 'bras bu thams cad legs par bsrungs par 'gyur ro// tha na 'dab ma gcig kyang bskams par mi 'gyur na/ yal ga dang sdong bu bskams par 'gyur pa lta ci smos/ srog chags kyi rigs ri dgas dang bya thams cad kyang kha bcings par 'gyur ro// ma rungs par byed kyang mi nus so// gnas der rlung dang / sprin dang / ser ba dang / sad dang / dus ma yin pa'i rlung gis kyang ma rungs par byed mi nus so// klu'i gnod pa byas kyang ma rungs par byed mi nus so// ma rungs pa zhig tu gyur na de'ang slar rtas par 'gyur ro/ / yang stobs dang / rtas pa dang / 'ongs yod par 'gyur ro// bum pa chen po'i nang na yod pa de'ang zhing dang / kun dga' ra ba dang / skyed mos tshal gyi phyogs bzhi kun tu gtor bar byas na srog chags thams cad med par 'gyur ro// sbrul dang / byi ba dang / ne'u le dang / byi dur dang / dom dang / sbal pa dang / sha sbrang dang / sbrang bu dang / byi ba dang / 'dab chags rnams med par 'gyur ro// grog sbur thams cad med par 'gyur ro// tha na phye ma leb la sogs pa'ang nam yang mi 'byung ngo // drod gsher las skyes pa dang / rdzus te skyes pa dang / sgo nga las skyes pa'i bar gyis kyang ma rungs par byed mi nus so// rlan dang me tog las skyes pa'i srog chags kyi rnam pa dag kyang phur bu ma byung gi bar du nam yang mi 'byung ngo / / phur bu ma phyung gi bar du klu'i nyes pa rnam pa sna tshogs mi 'byung zhing rab tu 'byung bar mi 'gyur ro// bde ba dang / lo legs pa dang / lo tog dang / me tog dang / 'bras bu thams cad yongs su 'grub par 'gyur ro// ro zhim pa dang 'jam par 'gyur ro// klu thams cad kyang rtag par rgyun du srung ba dang / skyob pa dang / sbed pa byed par 'gyur ro// phye ma la lan nyi shu rtsa gcig bzlas par byas te/ lo tog dang / me tog dang / 'dab ma dang / shing ljon pa rnams la gtor na srog chags thams cad lhung zhing med par 'gyur ro// srin bu traM ma bu ka dang / trai la ta dang / sbrul gdug pa dang / rkang brgyad pa dang / srog chags kyi rigs gzhan dag kyang phur bu ma phyung gi bar du med par 'gyur ro// mi 'byung bar 'gyur ro// zhing gi phyogs bzhir zhi ba'i las bya ste/ nas dang / gro dang / til dang / yungs kar dang / 'bras dang / mar bsres te sbyin sreg byas na zhi ba chen por 'gyur ro// tha na dud 'gro'i skye gnas su song ba dag gis kyang ma rungs par byed mi nus so/ / gzungs 'di dang cho gar bya ba 'byung ba mtha' dag bri bar bya ste/ sangs rgyas bcom ldan 'das dang / drang srong chen po nyes 'dor dang / rdo rje 'dzin bris la rgyal mtshan gyi rtse mo la btags te gnas mthon por gzugs so/ / gtor ma dang / me tog dang / bdug pa'ang dbul lo// seng ldeng gi phur bu sor brgyad pa la lan stong yod su bzlas pa byas te khang steng du btsugs na rlung dang / sad dang / sprin dang / ser ba thams cad thub par 'gyur ro// lo tog dang / me tog dang / 'bras bu dang / 'dab ma ma rungs par byed pa'i srog chags rnams med par 'gyur te/ sha sbrang dang / sbrang bu dang / pi tsi li ka dang / byi ba dang / sbrang ma dang / trem bu ka dang / tA la ta dang / bi sha ki ta ka dang / nya phyis can dang / nya dang / lo mi ka dang / sbal ba dang / ne'u le dang / phag dang / kan ti ka dang / seng ge dang / rkang mangs dang / rkang gcig pa dang / rus sbal dang / grog mo dang / sbrang rtsi'i sbrang ma dang / thang gi sbrang ma dang / bung ba dang / nag po dang / shang ga ni ka dang / sa'i 'og nas byung ba dang / ma lu shi ka dang / 'ug pa dang / byi ba dang / mchu rings la sogs pa'i srog chags kyi rigs thams cad kyang med par 'gyur ro/ / mi 'byung bar 'gyur ro// thams cad phung bar 'gyur ro// bya rog dang / byi'u dang / khu ga rta dang / phug ron dang / mu du ri ka dang / 'ug pa dang / kha na dza na ka dang / ne tse dang / ri skegs la sogs pa thams cad med par 'gyur ro// sngags 'dis phur bu la yongs su bzlas par bya ste phyogs bcing ngo / / na mo bud+d+hA ya/ oM ki li mi li tsaN+De/ me re li/ tsaN+De tsaN+De/ ban+d+ha ya swA hA/ da nas drang srong chen po nyes 'dor bcom ldan 'das dang hacang yang mi ring ba zhog na 'dug pas gzungs 'di thos nas/ de stan las langs nas bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to// bcom ldan 'das bdag gis srog chags kyi rigs gnod par sems pa/ rab tu gnod par sems pa/ dug 'chang ba dang / lo tog dang / me tog dang / 'bras bu dang / 'dab ma dang / sdong bu dang / rtsa ba ma rungs par bgyid pa thams cad kyi kha bcing bar bgyi'o// bzlog par bgyi'o// bsdigs par bgyi'o// phyogs bzhi kun nas dpag tshad du mtshams gcad pa chen po bgyi'o// kun tu bsrung bar bgyi'o// bcom ldan 'das slad ma'i tshe slad ma'i dus na gnod par sems pa/ rab tu gnod par sems pa thams cad bzlog par bgyi'o// sngags kyi tshig rjes su stsal bar bgyi'o/ / bcom ldan 'das sems can thams cad kyi don dang / bdag la thugs brtse ba'i slad du de byin gyis brlab tu gsol/ bcom ldan 'das kyis 'di skad ces bka' stsal to// drang srong chen po ngas byin gyis brlabs kyis/ sems can thams cad kyi don dang / lo tog dang / me tog dang / 'bras bu dang / ldum ra yongs su bsrung ba'i phyir gzungs kyi sngags kyi tshig spros shig/ de nas drang srong chen po rnams kyis bcom ldan 'das kyi spyan sngar 'dug nas 'di skad ces smras so// na mo b+ha ga wa te shAkya rA dzA ya/ ta thA gA tA ya/ na mo a ka tA ya/ ma hA ri Shi ya/ tad+ya thA/ k+Sha mi tsu li/ tsa la tsa ra tsa ra/ ho mi li/ ban+d+ha ni/ nA sha ni/ da ha da ha/ su mu ri tsa ri sarba duSh+Tan ban+d+ha ban+d+ha na/ dun+da ban+d+ha na/ sa ra sa ra Ni/ k+Sha k+Shu k+ShA/ ma Ni shu ri bi sa ra sa ra/ ha l-i hu li/ hu ti hu ti/ sa ra ma Ni/ sa ran+tu/ sarba pA paM bA na ka k+Shu d+hi li swA hA/ drang srong chen po nyes 'dor gyis bcom ldan 'das kyi spyan sngar rig pa 'di spros ma thag tu klu dang / gnod sbyin dang / srin po gnod par sems pa de dag thams cad khas bub tu 'gyel nas bcom ldan 'das la skad kyis gsang mthon pos smre sngags 'don te/ bcom ldan 'das bdag cag ma rungs lags so/ / drang srong gi dmod pa bab par gyur to// bcom ldan 'das bdag cag drang srong gi dmod pa'i mes tshig go/ kun tu tshig go/ bcom ldan 'das shAkya thub pa bdag cag slan chad 'dzam bu'i gling du sems can rnamal rnam par 'tshe bar mi bgyid do/ / bcom ldan 'das bdag cag slan chad lo tog dang / me tog dang / 'bras bu dang / 'dab ma ma rungs par mi bgyid do/ / srog chags kyi rigs thams cad zlog par bgyid do// bcom ldan 'das kyis/ de dag la bka' stsal pa/ klu'i bdag po dag khyed kyis de ltar gyis shig/ 'dzam bu'i gling pa'i sems can thams cad lo tog dang / me tog dang / 'bras bu dang / 'dab ma dang / yal ga bde bar kun tu 'phel bar gyur pa rjes su srungs shig/ de nas drang srong chen po des cho gar bya ba smras pa/ bcom ldan 'das kha shar phyogs su bltas te mchis la/ rig pa drang srong chen po'i snying po 'di ril pa bring gar chab bcus la lan brgya rtsa brgyad yongs su bzlas pa bgyi ste/ drang srong gi mi smra bas phyogs bzhir gtor bar bgyi'o// a pa sa ra sa ra/ sha pa ta pa dA ma hr-i da ya kro d+ha/ a mu ka ban+d+ha ya/ pra Na tsa ra/ su mu ru tsa ya swA hA/ sngags 'di lan bdun stong bzlas pa bgyi ste/ bzlas pa tsam gyis klu gnod par sems pa thams cad tshabs gdungs par 'gyur ro// rkang gnyis pa dang rkang bzhi pa'i bar gyi srog chags kyi rigs thams cad dmod pas gdungs par gyur te thams cad 'byer ro/ / slar yang phyogs der lo tog la gnod pa mi bgyid do// srog chags kyi rigs thams cad ma mchis par 'gyur ro// srog chags kyi rigs thams cad phyis kyang ma mchis par 'gyur ro/ / yang lo tog dang / me tog dang / 'bras bu dang / 'dab ma ma rungs par mi bgyid do// de nas bcom ldan 'das kyis/ drang srong chen po la legs so zhes bya ba gnang ste/ drang srong chen po legs so legs so// khyod kyis ci nas kyang sems can thams cad la legs par srung bar 'gyur ba dang / lo tog dang / me tog dang / 'bras bu thams cad legs par srung bar gyur pa de ltar gyis shig/ de nas bcom ldan 'das la/ gnod sbyin gyi sde dpon chen po lag na rdo rjes 'di skad ces gsol to// slad ma'i tshe slad ma'i dus na rjes su srung bar bgyid/ yongs su srung bar bgyid na/ bcom ldan 'das kyis byin gyis brlab tu gsol/ lag na rdo rje legs so legs so// sems can tham cad yongs su srungs shog/ lo tog la gnod par byed pa klu'i cho ga rdzogs so// // de nas de'i 'og tu bcom ldan 'das zham ring chen po dang / 'khor 'dus pa chen po dang / bkod pa chen po dang / yon yod pa'i mthu chen po dang / cho 'phrul chen po kun tu ston pas rgyal po chen po rnam thos kyi bu'i gnas su gshegs so// de nas bcom ldan 'das rnam thos kyi bu'i gnas dang ha cang yang mi ring ba zhig tu byon pa dang / sa phyogs de na 'brog gi nags nyi shu pa zhes bya ba zhig yod de/ nags de'i mthongs na rdzing bu zhig yod la/ rdzing bu de'i mthus khyung lo can gyi pho brang 'khor gyi zhing dang / kun dga' dang / nags dang / 'dab ma dang / me tog dang / 'bras bu rnams kun tu tshim par gyur to// skyes pa dang / bud med dang / khye'u dang / bu mo dang / ba lang dang / rta dang / rta rgod ma dang / ma he dang / glang po che dang / bong bu dang / skye bo'i tshegs thams cad bde bas tshim par gyur to// rdzing bu de'ang phyogs bzhi kun tu rgyar dpag tshad gnyis kyi tshad do/ / rdzing bu de'ang me tog ut+pa la dang / pad+ma dang / ku mu ta dang / puN+Da ri ka sna tshogs kyis kun tu khebs shing / nya sna tshogs dang / chu bran dang / nya mid dang / chu srin byis pa gsod dang / bung pa gzugs sna tshogs can no// de nas de'i 'og tu than pa byung ba de'i tshe nags tshal dang / me tog dang / 'bras bu dang / 'dab ma dang / yal ga thams cad bskams te me tog de dag brnyings so/ / chu srin dang / nya mid dang / chu srin byis pa gsod dang / bung ba gzugs sna tshogs pa de dag kyang mu bri sten cung zad cig lus pas phyogs bcur rgyug/ kun tu rgyug/ rab tu rgyug ste/ srog 'gags la thug/ srog chad la thug pas snying 'phar zhing rgyug go/ de nas bcom ldan 'das zham ring ba chen po dang rdzing bu der byon pa dang / de na nya dang / chu srin dang / chu srin byis pa gsod dang / bung ba brgya stong du ma srog 'gags la thug/ srog chad la thug ste phyogs bcur brgyug cing snying rje rje ltar gzigs nas/ bcom ldan 'das kyis byams pa'i dmigs pa snying rjes dbugs phyung ste se gol gyi sgras klu rnams 'bod cing / lan gnyis lan gsum du se gol rdeb cing stong gsum gyi stong chen po'i 'jig rten gyi kham su sgra grags par mdzad do/ / sngon gyi las kyi rkyen 'ga' zhig gis srog chags de dag kyang srog ma chad do// klu chen po de dag gis sgra de'ang ma thos/ bcom ldan 'das kyang rjes su ma dran no// de nas bdud kyi ris kyi gnod sbyin rnam par 'thor rlung zhes bya ba des stong gsum gyi stong chen po'i 'jig rten gyi khams su sgra bsgrags pa/ zhag bdun gyi nyin par sreg pa'i bskal pa 'byung ste/ 'di ni srid pa'i rtse mo nas mnar med pa'i sems can dmyal ba mnar med pa la thug pa'i bar dag las gang tshig par mi 'gyur ba ba cung zad kyang mi srid do// 'jig rten du 'jigs pa chen po 'byung zhes sgra grag go/ de nas lha dang / klu dang / gnod sbyin dang / dri za dang / lha ma yin dang / nam mkha' lding dang / ma 'am ci dang / lto 'phye chen po dang / mi dang / mi ma yin pa de dag thams cad kyis sgra de thos nas/ kyi hud kyi hud 'jig rten ma rungs par gyur to zhes ngu'o// de nas bcom ldan 'das kyis las kyi rkyen gyis 'di myong bar mkhyen mod kyi/ 'on kyang dgongs par mdzad de/ bcom ldan 'das kyi smin mtshams kyi mdzod spunas 'od zer byung nas/ 'od zer nges klu'i khyim thams cad snang bar byas nas kyang slar log ste spyi bo'i gtsug tu nub par gyur to/ / de nas klu'i rgyal po kun nas gdugs kyi rnam pas bskor ba zhes bya bas klu thams cad bsdus nas 'di skad ces smras so// kye klu dang klu chen po dag ci'i phyir 'od zer byung zhing rkyen gang gis 'jig rten du byung / de nas klu'i rgyal po chen po rgya mtshos bsams na/ bcom ldan 'das kyi mthus 'od zer byung bar mthong ngo // de nas klu'i rgyal po rgya mtsho dang / gzhan yang klu'i rgyal po mthu che ba bcom ldan 'das gang na ba der dong ste lhags nas/ bcom ldan 'das kyi zhabs la gtugs te 'di skad ces gsol to// bcom ldan 'das 'od zer rab tu bkye ba'i rgyu gang lags/ rkyen gang lags/ 'od zer rab tu bkye ste khang pa thams cad snang bar bgyis te slar leg par byed pa'i rgyu gang lags/ rkyen gang lags/ bcom ldan 'das kyis bka' stsal pa/ kye klu'i bdag po dag srog chags brgya stong phrag mang po 'gags pas 'gag par 'gyur ba'o// de nas klu'i rgyal po rgya mtshos skad cig thang cig yud tsam de la rdzing bu char gyi rgyun gyi chus bkang nas bde bas tshim par byas so/ / de nas phyogs der go skabs chen po byung bar gyur nas sa phyogs der bcom ldan 'das 'khor chen pos kun nas bskor te mdun du bdar ba'i dbus na bzhugs so/ / klu'i 'khor chen po 'dus pa ni/ 'di lta ste/ klu'i rgyal po stong phrag brgyad cu ste/ klu'i rgyal po rgya mtsho la sogs pa klu'i rgyal po kun nas gdugs kyi rnam pas bskor ba de stan las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos gtugs te phyag 'tshal na la gsum bskor ba byas nas me tog dang / bdug pa dang / 'phreng ba dang / spos dang / byug pa dang / rgyan dang / lhab lhub dang / na bza' sna tshogs kyis bcom ldan 'das la mchod de/ bcom ldan 'das kyi spyan sngar 'dug go/ de nas rgyal po chen po bzhis bcom ldan 'das gang na ba der logs su thal me sbyar ba btud nas/ bcom ldan 'das la 'di skad ces gsol to// bcom ldan 'das 'jigs pa chen po mi bzad pa 'jig rten du byung ste/ 'di ltar than pa byung zhing mu ge'i dgon par gyur pa lags so// bcom ldan 'das sdug bsngal 'dis sems can thams cad mgon ma mchis/ skyabs ma mchis/ dpung gnyen ma mchis par gyur na/ bcom ldan 'das kyis de lta bu dang mthun pa'i sngags kyi tshig bshad du gsol/ gang gis slad ma'i tshe slad ma'i dus na sdug bsngal sna tshogs su lhung ba'i 'jig rten kun tu sgrol ba dang / ha cang char cha ba dang / char ma mchis pa dang / dus ma lags pa'i char dang / ser ba dang / sad dang / tsha ba ma mchis par bgyid pa dang / mu ge'i dgon pa rab tu ma mchis par bgyid pa dang / bzlog pa dang / yongs su bskyang ba'i slad du gzungs kyi sngags kyi tshig bshad du gsol/ de nas bcom ldan 'das kyis/ rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang la 'di skad ces bka' stsal to/ / rgyal po chen po dag klu'i snying po'i gzungs kyi sngags kyi tshig bskul ma 'debs pa kun nas 'bar ba'i glog ces bya ba yod de/ de dran pa tsam gyis klu thams cad kyi khyim dang / klu thams cad kyi lus 'bar bar 'gyur ro// klu mi bgrungs pa thams cad kyi snying 'phar bar 'gyur ro// klu thams cad kyi mgo tshal pa bdun du 'gas par 'gyur ro// mig dang mgo rnams gas nas dum bu dum bur chad cing 'drul bar 'gyur ro/ / rgyal po chen po dag klu gnod par sems pa dang / rab tu gnod par sems pa rnams kyi don dang / sems can thams cad kyi phyir zung zhig/ de nas rgyal po chen po bzhis/ bcom ldan 'das kyi zhabs gnyis la gtugs nas 'di skad ces gsol to// bcom ldan 'das klu'i snying po'i sngags kyi tshig bskul ma 'debs pa kun nas 'a ba'i grog ces bgyi ba bshad du gsol/ de nas bcom ldan 'das kyis klu'i lta stangs dang / de bzhin gshegs pa'i gzigs stangs kyis rnam par gzigs nas/ klu'i 'khor 'dus pa thams cad la 'di skad ces bka' stsal to/ / klu'i bdag po dag nga las gzungs kyi tshig gi sngags kyi tshig nyon cig/ tad+ya thA/ oM bi pu le/ pra ba re/ nA ge ma hA nA ga hr-i da ya/ A brte/ dza la dz+wa la/ sarba nA ga hr-i dA ya ni/ ki mi ki mi/ nA ga ku la bi dAn sa ni/ ha na ha na/ sarba nA ga duSh+Tan hr-i da yA ni/ ha na ha na/ sarba duSh+TAn nA ga ba ban ni/ pa tsa pa tsa ba tsa ya/ sarba duSh+TAn na gA nAn/ a kr-i ma a kr-i ma/ sa mu dra sA ga ra/ ba mi le/ bi kra ma/ ma hA nA ga ga te dza ba re swA hA/ bcom ldan 'das kyis klu'i snying po'i gzud kyi sngag kyi tshig 'di gsungs pa tsam gyis klu de dag thams cad 'dar zhing lus rul te dri mi zhim par gyur te/ me 'bar ba bzhin du lus la du bar 'thul zhing 'gre ldog go/ thams cad skad cher bcom ldan 'das la ngu zhing thams cad kyis/ bcom ldan 'das la 'di skad ces gsol to// bcom ldan 'das sngags kyi tshig shin tu mi bzad pa dag bka' stsal to// bcom ldan 'das bdag cag thams cad kyi snying la g.yo ma mchis par 'gyur ro/ / bcom ldan 'das bdag cag thams cad tshig ste ma rungs par gyur to// bcom ldan 'das dang slan chad mthun par bgyid do// bcom ldan 'das kyi spyan sngar yi dam bgyid do// bcom ldan 'das bdag cag klu'i skye gnas na gnas kyi bar du bcom ldan 'das yang bdag cag 'dzam bu'i gling du 'tshe bar mi bgyid do// ma rungs par mi bgyid de// me tog dang / yal ga dang / 'bras bu dang / lo tog thams cad yongs su rgyas par bgyid do// dus dus su char gyi rgyun 'bab par bgyid do// bde ba dang yid bde bar bgyid do// lo tog dang / me tog dang / 'bras bu thams cad 'grub par bgyid do// de bzhin gshegs pa'i bka' rjes su skyong bar bgyid do// bden pa'i dam tshig la gnas par bgyid do// bu gcig pa la bgyi ba bzhin du sems can thams cad rjes su sbyong bar bgyid do/ / bcom ldan 'das phyogs gang dang gang na rig pa'i rgyal mo 'di spyod pa der bcom ldan 'das bdag cag mthun par bgyid do/ bcom ldan 'das rig pa'i rgyal mo 'di dran pa tsam gyis kyang bdag cag thams cad kyis char gyi rgyun 'bab par bgyid do// dran pa tsam gyis kyang ha cang char che ba zlog par bgyid do// bcom ldan 'das kyis bka' stsal pa las log par mi bgyid do// bcom ldan 'das la'ang mnas bsgag pa'i sngags kyi tshig stsal to// de nas klu'i rgyal po de dag thams cad kyis/ bcom ldan 'das kyi zhabs gnyis la gtugs nas 'di skad ces smras so/ / tad+ya thA/ oM tsa ta tsa ta/ bi tsa ta/ sha ta sha ta/ pa tsa ra ti swA hA/ bcom ldan 'das gal te rig pa 'dzin pas gdug zhag gcig cho ga bgyis la/ bdag cag gis sems can thams cad yongs su bskyang ba'i don du 'dzam bu'i gling thams cad du char gyi rgyun ma phab na/ bcom ldan 'das bdag cag yang dag par rdzogs pa'i sangs rgyas la 'khus par 'gyur ro/ / bdag cag klu'i skye gnas nas 'chi 'pho bar gyur tu'ang mchi ste/ bcom ldan 'das de'i tshe rig pa 'dzin pas mnas bsgag pa'i gdu kyi sngags kyi tshig 'di thog ma nyid du lan bdun du brjod par bgyi'o/ / de'i 'og tu ske tshe'i sa bon brgya rtsa brgyad klu'i sa bon du mtshe'ur dor ro// bcom ldan 'das de'i tshe bdag cag thams cad kyi/ khang khyim mtha' dag zhugs 'bar bar gyur/ bdag shi keng rus kyi lhag ma tsam zhig lus nas yongs su thar par ma gyur kyi bar du dum bu dum bur 'chad par 'gyur ro// de'i tshe bdag cag thams cad kyis myur bar char gyi rgyun 'bab par bgyid do/ / gal te myur du char gyi rgyun ma phab na/ bcom ldan 'das de'i tshe bdag cag thams cad 'gum pa'i dus kyi dbang du mchi'o// bu dang tsha bor bcas te 'gum par mchi'o/ / de nas rnam thos kyi bu la sogs pa rgyal po chen po bzhis/ bcom ldan 'das la 'di skad ces gsol to// bcom ldan 'das klu ma nas bsgag pa'i sngags kyi tshig shin tu mi bzad pa dag bshad do/ / snying rje ma mchis pa'i mnas bsgag pa'i tshig dag bshad do// bcom ldan 'das kyis bka' stsal pa/ rgyal po chen po dag phyi ma'i tshe phyi ma'i dus na klu mi 'grungs pa/ ma rungs pa/ gtum pa/ gnod par byed pa dag 'byung ste/ de'i tshe mna' 'dis 'jigs par 'gyur/ skrag par 'gyur/ dus dus su char gyi rgyun ni legs par 'bebs so// dus dus su lo tog dang / me tog dang / 'bras bu rnams sgrub bo// de nas bcom ldan 'das la/ rgyal po chen po rnam thos kyi bus 'di skad ces gsol to// bcom ldan 'das cho ga rgya cher bka' stsal du gsol/ de nas bcom ldan 'das kyis cho ga bka' stsal pa/ char mi 'bab pa'i dus na des ri 'am/ dgon pa'i gnas sam/ gtsug lag khang ngam/ chu mig gam/ mtshe'u 'am/ mtsho 'am/ lteng ka 'am/ khron pa 'am/ klu'i gnas kyi mtshe'u 'am/ 'jim pa dang lci bar bsres pa'i dkyil 'khor gru gsum du bya ste/ dkyil 'khor dbus zab khru gang brkos la/ kha khyer yang khru gang bar bya'o// shin tu 'jam pa dang / shin tu phyi ba bya'o// spos chus khor yug tu gtor ro// de'i dbus su klu'i rgyal po chen po bzhi bya ste/ ba ser skya'i lci ba dang 'jim par bsres pas klu'i rgyal po mgo dgu gdengs ka can lus dbyibs dgu par byas te/ thams cad kyi mgo la'ang yid bzhin gyi nor bu bya'o// shar phyogs su klu'i rgyal po rgya mtsho bya'o/ / lho phyogs su klu'i rgyal po gdugs bya'o// nub phyogs su klu'i rgyal po chu lnga bya'o// byang phyogs su klu'i rgyal po lam bu kar bya'o// de'i g.yog 'khor bdun bdun mgo gsum pa/ mgo gnyis pa/ mgo lnga par bya'o// lus dag spos sna tshogs kyis byug par bya'o// tsan dan dkar dmar dang / su ra bon tsan dan dang / shug pa dang / gur kum rnams phyebye mar byas te gtor bar bya'o/ / me tog dang me tog 'phreng ba gdags so// gnas de'i dbus su 'bras yos dang yungs kar gyis gtor bar bya'o// grwa bzhir rgyal po chen po bzhi gzhag bar bya'o/ / phyogs chen po bzhir sangs rgyas shAkya thub pa'i sku gzugs ring bsrel dang bcas pa dang / mchod rten ring bsrel dang bcas pa dag gzhag go// dar dang ba dan gyis brgyan par bya'o/ / mchod pa lngas mchod do// a ka ru dang / tsan dan dang / du ru kas bdug go/ rgya spos dang / na la dang / kun du ru dang / yungs kar dang / gan+d+ha ra sa dang / sra rtsi'i pog dang / pog dkar po rnams dang / sbrang rtsi dang bsres te sngags lan nyi shu rtsa gcig bzlas te klu rnams la bdug par bya'o// dkyil 'khor gyi mtha' kun tu nas phyes pad+ma bri bar bya'o// sgo bzhi btod la ngos bzhi re rer yang gtor mas gzhong pa bkang ba bdun bdun gzhag par bya'o/ / gtor ma dkar po dang ci 'byor pa'i ro rnam pa mang po gzhag go/ me tog sil ma gtor bar bya'o// bum pa bkang ba bzhi gzhag go/ bum pa gtor mas bkang ba bzhi gzhag go/ pog por bzhi nas gu gul gyi bdug pas bdug go/ me mar kha brgyad du bud do// rig pa 'dzin pas shar gyi sgor sbyin sreg shing ka ra wI ra dang / yungs kar dang / ce tsa dmar po bsres te lan brgya rtsa brgyad der gtor to// dor ba brgya rtsa brgyad tshang ba dang / klu thams cad char gyi rgyun 'bebs te/ 'dzam bu'i gling thams cad du phyogs bzhi kun nas char gyi rgyun 'bebs so// klu de dag thams cad 'dir char 'bebs so// 'di ni cho ga dang po'o// / yungs kar gyi bar dang sbrang rtsi dang / shing ka ra wI ra'i me tog dang / nA ga ge sar dang btags pa'i ril bu byas la/ de nas ril bu la sngags lan brgya rtsa brgyad bzlas pa byas te/ klu'i mchod bor na bor ma thag tu klu thams cad dga' bar 'gyur te char gyi rgyan chen po 'bebs so/ / gal te de ma thag ma phab na klu de dag thams cad lus zhig par 'gyur ro// klad pa na bar 'gyur ro// sdug bsngal chen po 'byung bar 'gyur ro/ / 'di ni tshi ga gnyis pa'o// / sbyin sreg byas pa'i thal ba dang rtsab mo dkrugs la sngags lan drug cu bzlas pa bya ste/ khyim gyi nang du pon pho ma thag tu klu thams cad 'khrugs par gyur te/ de'i phyir char gyi rgyun 'bebs so// gal te de ma thag tu ma phab na klu thams cad kyi lus la sha bkra 'byung zhing mdzes btab par 'gyur/ long bar 'gyur ro// 'di ni cho ga gsum pa'o// / shug pa dang / ut+pal sngon po dang / ba pra dang / zangs phye dang / yungs kar dang / in+d+ra hasta dang / pa la sha bsres ta bu ram khu bas smras la shes rab can gyis sngags lan brgyad cu bzlas te/ ril bu rgya shug gi 'bru tsam du byas la char mi 'bab pa'i dus na ril bu bdun klu'i khyim du bor na nyin mtshan bdun char 'bebs so// gal te 'phral du ma phab na de'i phyir klu'i khyim gyi chu thams cad bskams par 'gyur ro/ / klu'i khyim na gnas pa thams cad gcer bur 'gyur ro// ril bu gcig rgyal mtshan gyi rtse mo la btags te klu'i mchod gzugs so/ / ba dan sngon po gdags so// sngags 'di bris te der gdags par byas na ji srid du rgyal mtshan ma bsdus pa de srid du klu thams cad char 'bebs so// yang rgyal mtshan gyi rtse mo la btags te khang thog mthon por gzugs so/ / ser ba 'bab pa'i dus na'ang klu rnams ser ba 'babs kyang mi nus so// klu rnams kyis gser gyi kha dog 'dra ba de 'dra bar mthong ste/ klu thams cad sngangs skrag cing gnas der 'dod pa bzhin char 'bebs so/ / oM su pra te badz+ra dun te mi li mi li swA hA/ 'di ni sngags so// bag phye las klu mgo dgu pa'i gzugs byas la lus mtshal gyis bsku bar bya'o/ / mgul du ba dan gdags so// dkyil 'khor gru bzhi byas te dbus su klu'i gzugs bzhag la me tog sil mas gtor ro// gtor ma dkar po ci 'byor tshad sbyin no// me tog dang bdug spos kyang sbyin no// bal po se'u'i shing gi lcug ma la lan nyi shu rtsa gcig yongs su bzlas pa byas te/ sngags dang bal po se'u'i shing gi lcug ma la klu'i gzugs byas la lan brgya rtsa brgyad du byab pa byas na klu gang gi ming bris pa'i klu de bkug par 'gyur te/ klu de'ang rang gi khyim la dga' bar mi 'gyur ro// gal te char gyi rgyun legs par ma phab na 'phral du srog ma rungs par 'gyur ro/ / yungs kar la lan stong rtsa brgyad re re la yongs su bzlas pa bya ste/ stong rtsa brgyad du tshang na klu'i gzugs thams cad 'gro zhing mgo gdengs ka byed do// de'i 'og tu bal po se'u'i lcug mas bsdigs na ldang zhing lce ston par 'gyur ro// lus kyi bar du ston par 'gyur/ klu thams cad dbang du 'gyur te/ gang bsgo ba de bzhin byed do/ / 'o ma dang yungs kar la sngags brgya rtsa brgyad yongs su bzlas pa byas te gnas thams cad du gtor na/ thams cad la phyir legs par byas par 'gyur ro// 'di ni cho ga bzhi pa'o// / de nas klu'i rgyal po rgya mtsho dang / gzhan yang klu'i rgyal po mthu che ba klu'i rgyal po brgya stong stan las langs te/ bcom ldan 'das kyi zhabs gnyis la gtugs nas 'di skad ces gsol to// bcom ldan 'das sngags kyi tshig shin tu mi bzad pa dag bka' stsal to// las sgrub pa shin tu mi bzad pa dag bka' stsal to// bcom ldan 'das bdag cag gis kyang de dang 'dra bar bshad par bgyi'o/ / dus dus su char gyi rgyun 'bebs so// slan chad sems can dag la rnam par 'tshe bar mi bgyid do// bcom ldan 'das bdag cag gis klu'i mi bsrungs pa rnam par 'tshe bar bgyid pa rnams kyi don du dam tshig ma 'tshal ba rnams bzlog pa'i sngags kyi tshig bshad par 'tshal na/ bcom ldan 'das kyis byin gyis brlab tu gsol// klu'i bdag po dag ngas dam tshig gi sngags byin gyis brlabs kyis de shod cig/ na mo b+ha ga la te shAkya mun ye/ ta thA ga tA ya/ tad+ya thA/ b+hu dze b+hu dze/ sa ma ya b+hu dze/ tat+ta b+hu dze/ pra ba ra b+hu dzi/ sa man+ta A kar b+hu dze/ du ru du ru saH/ sa ma ya ba la ne swA hA/ nA ga ma ra sa ny+tsod ni swAhA/ bcom ldan 'das slad ma'i tshe slang ma'i dus na kru mi bgrungs pa thams cad slar bzlog pa'i slad du bdag cag gis klu'i dam tshig gi sngags 'di bshad do/ / ha cang char che ba'i tshe dang / char dkon pa'i tshe dang / sad dang / ser ba dang / ser ba 'bab pa'i tshe sngags 'di dran par bya'o// brjod par bgyi'o// de nas klu thams cad bskul bar bgyi'o/ / rig pa 'dzin pa des shin tu khrus bgyis te gtsang mar bgyis la/ gos gsar pa bgos te klu'i gnas su mchi bar bgyi'o// klu'i gnas su ci 'byor pa'i spos kyi dkyil 'khor bgyis te/ bcom ldan 'das shAkya thub pa'i sku gzugs sam/ sku gdung dang bcas pa'i mchod rten dkyil 'khor de'i steng du bzhag ste spos chab kyis bkru bar bgyi/ me tog dang bdug pas mchod par bgyi/ klu kun yang bkru bar bgyi'o// sku bsil ba'i chab de la lan brgyad yongs su bzlas pa bgyis te/ de'i nang du yungs kar stsal nas mtshe'u de'i nang du dbo zhing phyogs bzhi nas bdug pas bdugs na/ de pho ma thag tu skad cig de la klu'i gnas 'gul zhing du ba lta bu byung nas sprin gyi dkyil 'khor chen por gyur te/ nam mkha'i dkyil de khebs par char gyi rgyun 'bebs so/ ser ba 'bab pa'i dus su yungs kar dang til bsres pa la lan nyi shu rtsa gcig bzlas pa bgyis te phyogs bzhir bcing bar bya'o// klu'i phyogs su gtor bar bgyi'o// ser ba mi 'bab pa dang klu thams cad kyang gcod par 'gyur ro/ / sad dang / ser ba dang / dus ma yin pa'i rlung rab tu zhi bar 'gyur ro// klu'i mtsho 'gram mam/ khron pa 'am/ lteng ka 'am/ rdzing bu'i 'gram mam/ ri'i rtse mor shing arga dang / zhun mar dang / yungs kar dang / shing ka ra wI ra'i me tog gis stong rtsa brgyad sbyin sreg byas na thams cad 'grub par 'gyur ro// sbyin sreg byas ma thag tu char gyi rgyun chen po 'bab par 'gyur ro/ / ha cang yang char che ba'i dus na 'bras yos dang yungs kar la lan brgya rtsa brgyad bzlas pa byas te nam mkha' la gtor na char chen po bzlog par 'gyur ro// / bcom ldan 'das gal te bdag cag gis dgung gsum gyis char gyi rgyun ma phab na/ bcom ldan 'das de'i tshe sha bkra 'byung bar 'gyur lags so// long ba dang lus dri mi zhim par 'gyur lags so/ / sangs rgyas dang / chos dang / dge 'dun slu bar bgyid pa lags so// 'jig rten gsum slu bar bgyid pa lags so// bdag cag klu'i skye gnas nas 'pho bar gyur cig/ bcom ldan 'das gzhan thams cad la'ang sbyor bar bgyid na thams cad rung bar 'gyur ro/ / de nas bcom ldan 'das kyis klu'i rgyal po de dag dbugs phyung / dam tshig la bkod nas/ rgyal po chen po rnam thos kyi bu la yongs su gtad de rjes su gtad nas sa phyog de nas gshegs so/ / rnam thos kyi bu ni bzhi la bzhugs so// klu'i dam tshig ces bya ba char 'bebs pa'i skabs rdzogs so// / nas bcom ldan 'das tshangs pa'i khang pa brtsegs par bzhugs pa dang / lha'i tshogs du ma lhags/ byang chub sems dpa'i 'khor chen po'ang lhags/ lha rnams kyi dbang po brgya byin dang / tshangs pa dang khyab 'jug dang / dbang phyug chen po dang / klu'i dbang po mthu che ba thams cad kyang lhags/ nam mkha' lding gi dbang po dang / rgyal po chen po gser mig gi 'dab ma can/ rdo rje'i mchu can/ bdag nyid chen po lus 'bar zhing khro ba/ 'jigs su rung ba'i rtsal can/ rin po che tha dad pa sna tshogs dang / mu tig dang / gser gyis spras pa'i cod pan mgo la thogs pa/ gser gyis klubs pa/ drag pa'i gzugs can/ 'gying bar lta ba/ klu'i dbang po gdan du bting ba/ g.yog 'khor mang po thams cad dang lhags so// gnod sbyin gyi dbang po lag na rdo rje gnod sbyin bye ba dang / rdo rje 'dzin g.yog 'khor rig 'dzin stong lhags te/ bcom ldan 'das ni nor bu rin po che sna tshogs kyis spras pa/ mu tig dmar po tha dad pa mang pos brgyan pa'i seng ge'i khri la bzhugs pa/ khang pa brtsegs pa na zham ring chen po dang / de bzhin gshegs pa'i byin gyi rlabs chen pos byin gyis brlabs pa dang ldan pas bzhugs te/ bcom ldan 'das ni 'od zer sna tshogs bye ba khrag khrig brgya stong gis su ni shin tu brgyan/ gser gyi mchod sdong ltar ni 'bar / nyi ma ltar ni snang / mtshan sum cu rtsa gnyis dang dpe byad bzang po brgyad cu mnga' ba/ 'od 'deb gang bas ni sku legs par brgyan/ de bzhin gshegs pa'i sku ni shin tu rnam par dag cing shin tu dri ma dang skyon med pa'i 'od ni gsal/ de nas bcom ldan 'das kyis 'khor chen po 'dus par gyur pa mkhyen nas sku las 'od zer sna tshogs phyung ste/ 'od zer gyi snang ba des phyogs bcu kun tu khyab par mdzad do// de nas tshangs pa dang / khyab 'jug dang / dbang phyug chen pos de bzhin gshes pa'i 'od zer la bltas nas 'dzam bu'i gling na klu mi bgrungs pas sad dang / ser ba dang / rlung dang / ser smin pa ba ste/ me tog dang / 'bras bu thams cad dang / lo tog thams cad dang / shing dang / rtswa dang / shing gel ba dang / sman dang / nags tshal dang / sman gyi bar bsregs te ma rungs par byas nas/ yal ga'ang 'dzam bu'i gling na med par byas na/ de na sems can de dag sdug bsngal chen pos gzir zhing nyam thag pa'i skad phyung ba thos so/ / de nas tshangs pa dang / khyab 'jug dang / dbang phyug chen pos/ bcom ldan 'das kyi zhabs gnyis la gtugs nas 'di skad ces gsol to/ / bcom ldan 'das klu gnod par sems pa gtum po rnams kyis 'dzam bu'i gling rnam par bshig ste/ thams cad ma rungs par bgyis nas sems can rnams sdug bsngal mi bzad pa chen po myong ngo / / bcom ldan 'das kyis bka' stsal pa/ kye lha'i dbang po dag 'di ni mngon sum du gyur pa yin te/ de bzhin gshegs pa'i byin rlabs dang / sangs rgyas kyi ye shes zab mo dang / de bzhin gshegs pa'i yon tan gyi khyad par gyi byin gyi rlabs la ltos shig/ de nas bcom ldan 'das nam mkha' lding bsgyings pas rnam par bltas pa zhes bya ba kun nas me lce 'bar ba'i 'phreng ba can rnam par 'phrul pa'i ting nge 'dzin la snyoms par zhugs so/ / stoms par zhugs ma thag tu sku phrag pa gnyis rab tu 'bar te/ 'bar ma thag tu klu thams cad kyi lus rab tu 'bar bar gyur to/ / de nas klu'i rgyal po chen po kun nas gdugs kyi rnam pas bskor bas/ bcom ldan 'das kyi zhabs gnyis la gtugs te 'di skad ces gsol to// bcom ldan 'das tshig lags so/ / bde bar gshegs pa tshig lags so// de nas bcom ldan 'das kyis cang mi gsung bar gnang nas steng du rnam par gzigs te phyogs bcu kun tu'ang gzigs te/ bzhin gshegs pa thams cad la phyag bzhes te nam mkha' lding gi shugs chen pos kun tu 'bar ba nam mkha' ldong gi gzi brjid kyi snying po'i dkyil 'khor 'di rjes su dgongs so// oM badz+ra pa ti ga ru Da be ge hUM hUM/ ra tsi sri dza hUM phaT/ de nas klu mi bsrun pa de dag lur yur por gyur nas/ bcom ldan 'das kyi spyan sngar 'dug ste 'dar yed yod do// de nas bcom ldan 'das kyis de bzhin gshegs pa'i nam mkha' lding me lce 'bar ba zhes bya ba'i snying po chen po bka' stsal pa/ na mo b+ha ga wa te/ shAkya mu na ye/ ta thA ga tA ya/ oM badz+ra dz+wa la dz+wa la/ pra dz+wa la/ han ha na/ sarba nA ga hr-i da ya d+hA raNI/ ha ra ha ra/ sarba ka na nan ba la bIr+ya ba ra kra man/ da ha da tA/ sarba nA ka ta/ shrI ra Ni/ ba tsa pa tsa/ sarba nA ga mdzA NA~M/ ga ru Da be ga pa shi ni pa te/ nad pa ta ya ba ta ya/ 5 nA ga ba ba na ni/ oM ma ta ma ta/ ma hA bi tsi tra ma ni mo hu li dar hA ma hA ru tra be ga da ra bi tsi tra/ A ba ra Na bi bu hu shI ta kausl-i pa/ sarba nA gA nAn/ ka ra ka ra/ sma ra sma ra/ b+ho ga ru De na pan+d+ha gan ban+d+ha na shakya mu ne pra tsa na ma nu pa la ya/ tardza ya/ nA ga nAn/ ba k+Shi ya/ duSh+Tan pra ma ta ya/ bA yu be dza ga ban/ s+pho Ta ya/ mUr+d+ha nAn sho Sha ya/ ti du dz+wa la na/ hUM hUM phaT phaT/ pra ma ta sarba pa ta a shin nem kan/ nA sha ya nA sha ya/ sarba nA ga ba lan ba ha ra/ pa tsa dur te na/ A gar ba ya/ su sha nA ga nAn/ gardza gardza ma hA ga ru ra be ga na/ tsu tsu/ phaT phaT/ swam+b+ha ya ni shI ta pa la pa kan/ sa ya/ hUM hUM phaT phaT/ stam+b+ha ya/ shI ta bA yu/ mu g+ha na/ sarba nA gA b+hi ha ri NaM/ hUM hUM/ phaT phaT/ b+ho nA ga a d+hi pa ti/ muny+tsa triHb+hak+Sha bu yun ga ru Da kro d+ha ma hA be ga ban+d+ha ya bA yu ba la ha kan ti ti Ti Ti Ti/ hU~M hUM/ phaT phaT/ b+ha sha ya/ ba ta shI ta A shi ni na/ nA sha ya/ tsi ti tsi ti/ phaT phaT sAhA/ A shA ya/ nA gA nAn/ ban+d+ha ya/ badz+ra ban+te na ta thA ga ta sa mad+he na/ sa t+ya na/ tsU hUM hU/ phaT @ phaT swA hA/ ti ti ti ti/ hUM hUM/ phaT phaT swA hA/ dza laM ba duH/ sarba a shan+ta thA ga ta a d+hiSh+Ta ne na hUM phaT/ a mr-i ta ma b+ha ba tu/ sarba shau ta bA yu be ga A sha ni huM hUM/ phaT phaT/ mA ti kra ma s+pho Ta ya nA ga mA ti kra ma mA te muHnA/ ya ti shI ti/ hu ru hu ru/ hUM hUM/ phaT phaT swAhA/ brta ya swAhA/ nA ga s+pho Ta ya swA hA/ nA ga bi da rA ya swA hA/ oM swAhA/ sa swA hA/ b+hu ba swAhA/ ta thA ga ta sa ma ya swahA trai lo kya pU dza~M tA ya swA hA/ oM hUM hUM/ hU~M hUM hUM/ phaT phaT phaT/ klu'i bdag po dag de bzhin gshegs pa'i nam mkha' lding gi 'bar ba'i snying po zhes bya ba'i gzungs chen po 'di klu mi bsrun pa thams cad zlog par byed pa'o/ / sprin dang / lhags pa dang / rlung dang / ser ba thams cad 'jig pa'o// zlog pa'o// lo tog yongs su skyong ba'o// me tog dang / 'bras bu dang / nags tshal yongs su skyong ba'o/ / bdud rtsi'i 'bras bu yongs su 'grub par byed pa'o// de bas bstabs pa 'phel bar byed pa'o// kye klu'i bdag po dag 'di dran ma thag pa tsam gyis klu'i dkyil 'khor byed pa/ bu dang chung mar bcas pa dang / blon por bcas pa dang / mngag gzhug par bcas pa dang / 'khor dang bcas pa lhags pa'i stobs byed pa/ rlung gi stobs byed pa/ sdud pa dang stobs byed pa/ kun thams cad mthun pa de bzhin gshegs pa'i bka' gnang ba dang / de bzhin gshegs pa'i dam tshig gi byin gyi rlabs kyis phyi ma'i tshe phyi ma'i dus na 'dzam bu'i gling 'dir lo tog thams cad dang / me tog dang / 'bras bu thams cad dang / rdzas dang / shing dang / sman thams cad kun tu srung ba gyis shig/ dus dus su char gyi rgyun phob cig/ bdag gi srog ji lta ba de bzhin du 'dzam bu'i gling gi sems can thams cad rtas par byed pa/ me tog dang / 'bras bu dang / lo tog rnams yongs su sbyongs shig/ gal te gzhan du 'gyur te de bzhin gshegs pa'i bka' lung dge ba ltar ma byas na/ de'i tshe klu thams cad kyi khyim kun tu 'bar/ rab tu 'bar/ kun tu rab tu 'bar te me lce gcig tu 'bar bar gyur cig/ klu la mu ge chen po 'byung bar gyur cig/ stobs bri zhing brtson 'grus ma rungs par gyur cig/ chub skams par gyur cig/ khyim bskams par gyur cig/ lus rtsub par gyur cig/ 'dab bzangs kyis 'jigs pa dang me dang bye ma'i 'jigs pa dang / rtag tu bkres pa dang skom pas 'jigs pa can du gyur cig/ phar rgyug tshur rgyug cing lus kun tu tshig pa dang / nyi ma'i dugs kyis yongs su gdungs pas lus tshig par gyur cig/ nad dang / gnod pa dang / nad 'go ba sna tshogs pa 'dus par gyur cig/ de ltar phyi ma'i tshe phyi ma'i dus na klu mi bsrun pa/ klu gtum pa/ rab tu gtum pa rnams gal te de bzhin gshegs pa'i nam mkha' lding 'bar ba zhes bya ba'i snying po'i gzungs 'di las 'gal bar byed na sdug bsngal 'di lta bu myong bar 'gyur te/ klu'i bdag po dag de'i phyir bden pa'i yi dam gyis de bzhin gshegs pa'i dam tshig gi rjes su bsrung bar bya'o/ / 'dzam bu'i gling gi sems can thams cad yongs su bskyang bar bya'o// bsrung bar bya'o// bsgrub par bya'o// de nas klu'i rgyal po kun nas gdugs kyi rnam pas bskor ba dang / klu'i rgyal po chen po rgya mtsho dang / klu'i rgyal po chen po dga' bo dang / bsnyen dga' bo dang / klu'i rgyal po chen po gzi can dang / klu'i rgyal po chen po phul ba dang / klu'i rgyal po chen po chu lha dang / klu'i rgyal po chen po 'bar ba kun tu 'dzin pa kha bye rab tu dga' ba'i gtsug ces bya ba dang / klu'i rgyal po chen po tshangs pa'i mgo dang / klu'i rgyal po chen po 'jig rten gsum du grags pa'i rgyal mtshan dang / klu'i rgyal po chen po dbang phyug 'od dang / klu'i rgyal po chen po 'od rnam par grags pa zhes bya ba dang / klu'i rgyal po chen po kun nas rgyal mtshan gyi rnam pa zhes bya ba dang / klu'i rgyal po chen po nor bu mgo dang / klu'i rgyal po chen po rab tu gnas pa tshangs pa'i gtsug dang / klu'i rgyal po chen po gtsug gi nor bu 'bar dang / klu'i rgyal po chen po mtsho chen po gnon dang / klu'i rgyal po chen po kun tu lta ba'i mig dang / klu'i rgyal po chen po khyab 'jug khor yug dang / klu'i rgyal po chen po kun nas rnam par bral dang / klu'i rgyal po chen po rab tu dga' bas char 'bebs dang / klu'i rgyal po chen po rnam dag rab dga' dang / klu'i rgyal po chen po rab tu gtor ba dang / klu'i rgyal po chen po glog 'bar dang klu'i rgyal po chen po sa srungs kyi bu dang / klu'i rgyal po chen po chu 'bebs sna tshogs dang / klu'i rgyal po chen po btang bzung stobs dang / klu'i rgyal po chen 'jig rten gsum du rab tu char 'bebs dang / klu'i rgyal po chen po rnam thos bu sna tshogs dang / de la sogs pa klu'i rgyal po chen po brgyad khri bzhi stong klu'i rgyal po chen po re re'ang g.yog 'khor klu'i rigs stong phrag bdun cu rtsa bdun yod pa de dag bcom ldan 'das ga la ba der song nas/ bcom ldan 'das la lan gsum du bskor ba byas te mchod pa chen pos mchod nas/ bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to// bcom ldan 'das kyis sngags kyi tshig shin tu mi bzad pa drag po chen po lnga dka' ba chen po dag bka' stsal pas/ bcom ldan 'das bdag cag ni phung ngo // tshig go/ lus rab tu 'dar ro// spu zing zhes bgyid do// bcom ldan 'das bdag cag bas par bcom ldan 'das kyi spyan snga na mngon sum du gyur par gnas pa lags te/ 'di ltar 'jigs skrag/ ba spu'i bu ga nas spyi bung zhes bgyid cing / 'jigs pa mi bzad pa chen po skyes te/ bas par yang sgyid lug cing mchis so/ / bcom 'das slad ma'i tshe slad ma'i dus na de bzhin gshegs pa yongs su mya ngan las 'das pa'i slad na dge slong drag shul bgyid pa nor la brkam pa dag mchis pa la/ sad dang / rlung dang / ser ba bzlog pa'i slad du gsol ba btab par gyur na/ bcom ldan 'das de la klu mi 'grungs pa de dag gis ji ltar nan tan du bgyi/ de dag gi srog slar zhing ji ltar 'gyur/ bcom ldan 'das bdag cag gi bu dang tsha bo ji lta bu mang bar 'gyur/ de nas bcom ldan 'das kyis/ klu'i bdag po chen po de dag la 'di skad ces bka' stsal to// klu'i bdag po dag phyi ma'i tshe phyi ma'i dus na byams pa la gnas par bya'o/ / de bzhin gshegs pa'i dam tshig dang mthun par bya'o// dus dus su char gyi rgyun phob cig/ dus dus su me tog dang / 'bras bu dang / lo tog sgrubs shig/ rlung dang / sprin dang / ser pa thams cad zlog cig/ chud za bar ma byed cig/ klu'i bdag po dag de'i phyir khyed phyi ma'i tshe phyi ma'i dus na gnod pa med par gnas par gyis shig/ klu'i bdag po dag gal te yang dag par dam tshig ma bsrungs na de'i phyir klu'i bdag po dag khyed la nyes pa chen por 'gyur ro zhes smra'o// thog mar klu bskul ba'i rig pa rdzogs so/ / // de nas de'i 'og tu rtsa ba'i rig pa'i cho ga klu rnams kyi khros pa zhi bar byed pa nam mkha' lding 'bar ba'i gzi brjid kyi snying po'i dkyil 'khor 'di brjod par bya'o/ / thog ma kho nar gnam du bltas te yungs kAr dang chu bsres pa phyogs bzhir gtor na/ sad dang / rlung dang / sprin dang / ser ba thams cad thub par 'gyur ro/ / bcings par 'gyur ro// klu thams cad 'dar yang yod cing 'khod par 'gyur ro// thal ba dang chur bsres la lan nyi shu rtsa gcig bzlas pa byas te dbang bskur na bdag bsrung ba byas par 'gyur ro/ / 'brug zer ba'i tshe yungs kar la lan nyi shu rtsa bdun yongs su bzlas pa byas la/ chu la lan bdud du yongs su bzlas pa byas te gnam la sprin bcing bar bya'o/ / de nas sprin la bltas te yungs kar gnam du gtor na me tog dang 'bras bu thams cad bsdus nas sa'i steng du lhung ngo // sngags kyang brjod cing khros pas phaT ces bya ba brjod par bya ste/ phaT ces bya ba lan gsum gyis klu phrug gu rnams kyang lhung bar 'gyur/ klu rnams kyi lus kyang zhig ste thang la lhung bar 'gyur ro// bal po se'u'i lcug ma la lan nyi shu rtsa gcig yongs su bzlas pa byas te 'khor lo'i tshul du lan bdun bskor na/ klu mi bgrungs pa thams cad sad dang / sprin dang / rlung dang / ser ba thams cad sa la mi 'bebs so/ / mgo tshal pa bdun du 'gas so// mi 'byung ngo // khros pas brgya rtsa brgyad yongs su bzlas pa byas na klu rnams rigs dang / sprin dang / g.yog 'khor kun dang bcas te sa'i steng du lhung ngo / / klu'i khyim dang / gzhal yas khang mtha' dag dang / chu dang / shing dang / nags tshal du bcas pa me lce 'bar ba gcig tu 'gyur ro// klu'i rgyal po chen po gzi brjid na ba mthu che ba thams cad kyang klad nad drag pos btab par 'gyur ro/ / gal te rig pa 'dzin pas myur du ma bskyabs na rigs thams cad phung bar 'gyur ro// bu dang / tsha bo dang / 'khor du bcas pa dang / bzhon par bcas te rnam par med par 'gyur ro// mig med par 'gyur ro// char med pa'i dus na yungs kar la lan stong bzlas te khyim la gtor na/ klu thams cad 'dar yang yod cing khyim dang mtsho me lce 'bar ba gcig tu gyur te/ 'dod pa bzhin du myur du char gyi rgyun 'bebs so// yang dang yang char gyi rgyun 'bebs so// gang gi tshe char dgos pa de'i tshe rig pa 'dzin pas chu dang yungs kar la lan brgya rtsa brgyad yongs su bzlas pa byas te gnas mthon por song la/ shar phyogs su bltas te 'dug nas chu snyim pa bdun la sngags lan bdun bdun du yongs su bzlas te shar phyogs su gtor na/ klu'i rgyal po thams cad 'phral du gcig tu 'dus te char gyi rgyun 'bebs so// skya rengs shar ba'i dus na yungs kar dang / gur kum dang / chur bsres la lan bdun bzlas pa byas te phyogs bzhir gtor zhing / steng dang 'og tu'ang gtor na sad dang / rlung dang / sprin dang / ser ba thams cad la kun nas dpag tshad tshun chad du mtshams cad par 'gyur ro/ / klu mi bsrun pa thams cad bcings par 'gyur ro// klu thams cad mi gda' bar 'gyur ro// ba ser skya'i lci ba sa la ma lhung bar blangs pa dang / de nyid kyi mar dang / 'o ma dang gcin blangs la sab ta byi sa ka dang / bag phye dang / thams cad bsres la lan dgu bcu rtsa gnyis bzlas pa byas te/ de nas klu mgo lnga pa bya'o// mgo gdangs ka can gyi skyil mo krung bcas pa lus bcus pa byas te/ tsan dan dkar po dang gur kum gyis lus bkru bar bya'o// stan gtsang ma'i steng du gzhag go/ dar gyi cod pan gyis dbang bskur ro/ / me tog gi 'phreng ba gdags so// dkyil 'khor gru bzhi pa byas te me tog sil ma gtor/ bum pa gang ba bzhi gzhag go/ mda' bzhi btsugs te dar gyi ba dan dkar po bzhi gdags so/ / dkyil 'khor gyi dbus su gtor ma gzhag go/ dkyil 'khor gra bzhir seng ldeng ga phur bu bzhi gzugs so// tshen sna lnga'i skud pas lan lnga bskor ro// kun la'ang lan nyi shu rtsa gcig bzlas te las bya'o/ / bum pa'i mgul dar gyis bcing ngo // na la da dang / sra rtsi pog dang / rgya spos dang / kun du ra dang / sen mo dang / nA ga pus pa dang / yungs kar dkar po dang / sha kar dang bsres la lan brgya rtsa brgyad bzlas la bdug par bya'o// bdug pa 'di sbyar la/ de nas rig pa 'dzin pas shin tu khrus byas te gos gtsang ma gyon la/ sngags 'di nyid kyis nye reg dang / brag bcing ba dang / mtshams bcing ba dang / phyogs bcing ba dang / dkyil 'khor bcing ba dang / gos gdeg pa dang / bdag bsrung ba dang / khrus bya ba rnams bya'o// klu kha shar phyogs su bstan te bzhag la/ rig pa 'dzin pa klu la bltas te skyil mo krung du 'dug la/ sngags 'di nyid kyis dgug pa dang / gtor ma dang bdug pas slar gtang bar bya'o/ / de nas rig pa 'dzin pas stong rtsa brgyad brgyad bzlas te/ yungs kar re ra la bzlas la klu'i gzugs la bsnun par bya'o// mar me kha bzhi phung ngo // klu'i ming za'o/ / gang pos pa de 'greng bar 'gyur ro// bzlas pa stong rtsa brgyad tshang bar byas na klu'i rgyal po chen po thams cad dbang du 'gyur ro// thams cad stong par 'gyur ro// ci bsam pa de thams cad sbyin par 'gyur ro/ / dbang thams cad zlog par 'gyur ro// dbang gi skye bo dang / 'khor du bcas pa dang / bu dang / tsha bor bcas pa thams cad dbang du 'gyur ro// las thams cad byed par 'gyur ro/ / rang gi khyim bzhin du yongs su skyong bar 'gyur ro// klu'i gzugs de gnas dben par bzhag la/ me tog dang bdug pa sbyin no// lang long med par bzhag cing mi mthong bar bya ste/ su la'ang mi bstan no// gos gtsang mas dgab po// nam dgos pa yod pa de'i tshe yungs kar la lan brgya rtsa brgyad bzlas pa byas te bsnun na dgos pa thams cad byed par 'gyur ro/ / gar btab pa der 'gro zhing slar yang 'ong ngo // rmi lam du dgos pa thams cad ston cing las thams cad byed par 'gyur ro// klu'i mngag gzhug pa zhes bya'o/ / gang gi tshe dus ma yin pa'i sprin dang / rlung dang / ser ba dang / sad byung ba de'i tshe ske tshe'i 'bru dang yungs kar du bsres la lan brgya rtsa gcig bzlas pa byas te// khros pas klu'i gzugs la bsnun na skad cig de la rlung dang / ser ba dang / sprin med par 'gyur te/ thams cad bcing bar 'gyur ro// than pa byung ba de'i tshe yi ger bris la skud pa dmar pos dkris la skud pa la mdud pa nyi shu rtsa gcig bor te/ klu'i mgul du btags la klu'i spyi bor lan nyi shu rtsa gcig bzlas pa byas na skad cig de la char gyi rgyun 'bebs te/ sgrub pa pos ji ltar 'dod pa bzhin char 'bebs so// ha cang char chen skud pa sngon po la lan bdun bzlas pa byas te mdud pa bdun bor na char chen po mi 'bab par 'gyur ro// cho ga dang rig pa sgrub pa gzhan thams cad la'ang sngags 'di thog ma kho nar lan bdun brjod do/ / 'di kun tu sbyor ba ste/ brjod pa sgrub pa 'grub bo// nam mkha' lding chen po rdo rje shugs 'bar ba nam mkha ljoldong gi snying po dkyil 'khor zhes bya ba'i gzungs rdzogs so/ / / de nas de'i 'og tu rtsa ba'i snying po'i cho ga bstan to// gzungs bton ma thag pa tsam gyis klu thams cad 'dar yed yod do/ / bal po se'u'i shring ki lcug ma dang / shing ka ra wI ra'i lcug mas rlung dang sprin bzlog par bya'o// ba'i lci ba sa la ma lhung bas khang steng du dkyil 'khor grwa bzhi pa shin tu rnam par phye ba re'u cha legs par byas te/ seng ldeng gi phur bu sor brgyad pa brgyad phyogs mtshams su gzugs so// mda' lnga gzugs so// rtse gsum pa gzugs so// mda' bzhi la tshon sna lnga'i skud pa bzhis 'khor bar bskor ro/ / bum pa gang ba bzhi dang / bog por dang / gtor ma'i bum pa bzhi gzhag go// gtor ma dkar pos bkang ba bzhi dkyil 'khor gyi dbus su gzhag/ me tog sil mas gang bar gtor/ pra yos dang yungs kar gyis gtor ro// thams cad la lan bdun bdun gyi bzlas pa byas te gzugs so// yungs kar dang chu bsres la bzlas pa byas pas phyogs bzhir mtshams gcad do/ / de nas dpag tshad tshun chad kun tu mtshams chen po bcad par 'gyur ro// der klu mi bsrun pa rnams 'phrog mi nus so// klu chen po rnams kyang rtag tu dus ma yin pa'i rlung dang / sprin dang / ser ba 'bebs mi nus so// me tog dang 'bras bu thams cad la 'tshe'ang mi nus/ lan 'ga' yang rtsa'i lo ma la'ang 'tshe mi nus/ bcing balngas bsdams te thams cad bcings par 'gyur ro/ / 'di zla ba brgyad du mtshams bcings par 'gyur/ gnod sbyin dang / 'byung po dang / srin po dang / yi dgas dang / grul bum dang / gsang ba pa de rnams gnas 'di las mi 'da' 'o// de nas rig pa 'dzin pa dkyil 'khor gyi dbus su 'dug ste/ bal po se'u'i shing gi lcug ma la lan bdun bzlas pas klu bzlog par bya'o/ / shin tu khros pas bzlog par bya ba ni ma yin no// klu'i skyil mo krung gi phyag rgya bcing bar bya ste/ mdzub mo gnyis mgo bo gdengs ka ltar byas la mthe'u chung gnyis brkyang ngo // 'di ni klu thams cad kyi phyag rgya'o// brjong ma thag tsam gyis klu thams cad kyi snying dag la gnod par 'gyur ro// gal te klu dag phyogs de ma rungs par bya bar 'dod na de'i tshe bye tshan mgo la 'bab bo/ / mgo dang / mjug ma dang / khog pa ji tsam pa de tsam du lus la ral gri'i char gyi rgyun 'bab par 'gyur ro// de nas klu thams cad spangs skrag par gnas par 'gyur de'i tshe 'dzam bu'i gling du dus dus su char gyi rgyun 'bebs so/ / gru mi bsrungs pa thams cad dbang du 'gyur ro// khang steng du dkyil 'khor gru bzhi pa byas te/ me tog sil mas gang bar gtor la bdug pas bdugs te/ bum pa chus gang ba thams cad la lan bdun du bzlas par bya'o// gtor ma gzhag go/ seng ldeng gi pur bu la lan nyi shu rtsa gcig bzlas te/ seng ldeng gi phur bu dkyil 'khor gyi dbus su btsugs na rlung dang / sprin dang / ser ba dang / sad kyi nyes pa thams cad bcings par 'gyur te/ phur bu ma phyung gi bar du thub par 'gyur ro// yungs kar la lan bdun bzlas la sprin la bltas te gtor na ser ba thams cad 'chad par 'gyur ro/ / shing ka ra wI ra'i lcug ma la lan nyi shu rtsa gcig bzlas te gdu bur byas na thams cad du ser ba chod par 'gyur ro/ / shing ka ra wI ra dmar po'i me tog la lan nyi shu rtsa gcig bzlas te/ glog 'byung ba'i tshe na nam mkha' la 'phangs na nam mkha' nyid du 'dug ste bcings par 'gyur ro// chu la lan bdun bzlas te gtor na grol bar 'gyur ro// 'brug zer ba'i tshe rtse gsum pa la lan nyi shu rtsa gcig bzlas te/ dkyil 'khor gyi dbus su btsugs na rtse gsum pa ma phyung gi bar du 'brug zer te sprin bcings par 'gyur ro/ / phyung nas grol bar 'gyur ro// ral gri la lan bdun bzlas te/ klu'i phyag rgya skyil mo krung gis bzung la sprin la bltas te 'dug na bzung ma thag tu klu mtha' dag 'bar bar 'gyur te/ klu thams cad lkugs par 'gyur ro// ral gri thogs la lan brgya rtsa brgyad bzlas te/ gur kum gyis de'i steng du nam mkha' lding bris nas ji lta ji lta bur bskor ba da lta de lta bur nam mkha' lding gi 'dab gshog klu'i lus la 'bab par 'gyur te/ klu thams cad skrag cing phyogs bcur 'bros par 'gyur te/ phyis rlung dang sar pa 'bebs mi nus so/ / shing ka ra wI ra'i me tog dang yungs kar bsres te/ dkyil 'khor du lan drug cu sbyin sreg byas na klu thams cad grang ba'i stobs byed pa dang / ser ba dang kha ba'i bar la sogs pa thur par 'gyur ro/ / gang gi tshe char dgos par 'gyur pa de'i tshe char 'bebs so// spra tshol las klu'i gzugs tshad sor bzhi pa mgo lnga pa byas te/ gser gyis g.yogs la steng gos dkar pos g.yog te/ rtsa ba'i sngags lan sdong bzlas pa byas la/ bum pa gsar pa ma spyad pa'i nang du bcug ste lus gos kyis dkri'o// rgyas gdab bo// ba'i lci bas dkyil 'khor grwa bzhi pa byas la tha yos dang yungs kar gyis gtor la 'dug pas bdug ste/ sngags 'di brjod par bya'o// bal po se'u'i shing gi lcug ma la lan bdun bzlas te/ bum pa la dal bu dal bus gzhus na ser ba thams cad bum pa'i nang du 'pho'o/ / klu thams cad dbang du 'gyur ro// klu'i rgyal po'i gzugs spra tshil la byas pa la klu thams cad kyi ming bris na gang gi ming gis rigs brjod pas klu de dbang du 'gyur te/ 'khor dang bcas pa bram ze'i gzugs kyis mdun na 'dug cing ci bsgo ba de thams cad byed do// klu'i rgyal po chos can ma yin pa/ yul yongs su mi skyong ba/ le tog dang 'bras bu chud gzon pa'i klu'i khyim du song ste/ shin tu khrus byas la gos dkar po gtsang ma bgos te rig pa lan nyi shu rtsa gcig brjod na/ klu'i khyim de nas bud med rgan mo dag 'byung zhing / rig pa 'dzin pa ci tshol zhes zer ba dang / lan ma gdab par rdo rjes la brdab par bya'o// phaT ces bya ba brjod par bya'o// klu rgan mo de ngus nas shi'o shi'o zhes zer zhing khyim du 'jug go/ / de nas klu rnams 'dus te dang ngas skrag ste/ khye'u'i gzugs su bsgyur nas rig pa 'dzin pa'i mdun du 'dug ste/ kye rig pa 'dzin pa ci zhig tshol/ rig pa 'dzin bas sngar sngags brjod la/ khros pas bal po se'u'i shing gi lcug ma sa la brdabs pa dang / khye'u'i gzugs can de sa la 'gre ldog cing / kye rig pa 'dzin pa ci zhig tshol zhes smra'o// rig pa 'dzin pas snying rje med par bya ste/ bsgyel ba'i tshul bsgyel ba dang / 'di skad ces kyi rig pa 'dzin pa bsgo ba thams cad gyid do// smra'o// de nas rig pa 'dzin pas 'di skad ces brjod do/ / de bzhin gshegs pa'i dam tshig srungs shig/ srung ngo // rig pa 'dzin pas yang 'di skad ces brjod do// dge ba bcu zung zhig/ 'dzin to// rig pa 'dzin pas yang gsum la skyabs su gsol/ btang ngo // rjes su 'dzin to// rig pa 'dzin pa phur bu dbyung du gsol/ mi dbyung ngo // 'di skad ces brjod de/ de bzhin gshegs pa'i dam tshig bzlas pa rjes su zung zhig/ gdod phur bu dbyung ngo zhes bya'o// 'on kyang klu de 'khor dang bcas te gnyis la gtug go/ gsum la skyabs su 'gro bar bya ba dang / dge ba bcu'i las kyi lam rjes su sbyin par bya'o/ / dam tshig rjes su 'dzin du gzhug go// de nas gdod phur bu phyung la de nyid du kha zas kyang byin dang klu thams cad dbang du 'gyur ro// rang gi khyim du 'jug pa bzhin du zhug shing las su bya/ ba rnams ci 'dod pa bzhin du bya ba thams cad bsgo ba bzhin du byed par 'gyur ro// gang du btang ba der 'gro'o// bya ba thams cad byed par 'gyur ro// klu'i khyim der phyis klu mi bsrun pa mi 'byung ngo / / dus dus su char gyi rgyun 'bebs so// dus dus su lo tog sgrub bo// der me tog dang / 'bras bu dang / lo ma rnams sgrub bo// phyis gnod pa byed par mi 'gyur ro// bklags pas 'grub pa'i gzungs chen po las thams cad la sbyar bar bya'o// las thams cad 'grub/ mchog 'grub pa/ bla na med pa'o// rtsa ba'i sngags kyi bya ba'i/ cho ga dang bcas pa rdzogs so// / de nas nam mkha' ldalding gau rgyal po des bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to/ / bcom ldan 'das bdag gis klu thams cad kyi snying 'bar bar bgyid pa/ dus ma lags pa'i rlung dang / sprin dang / ser ba thams cad zlog pa/ me tog dang / 'bras bu dang / lo tog thams cad sgrub pa/ sa'i rdul dang / snying po dang / byin 'phel bar bgyid pa/ rdo rje'i mchu glog 'bar ba zhes bya ba'i gzungs brjod par bgyi na/ sems can thams cad kyi re ba thams cad yongs su bskang ba'i slad du/ bcom ldan 'das de byin gyis brlab tu gsol/ de nas bcom ldan 'das kyis/ nam mkha' lding gi dbang po la 'di skad ces bka' stsal to/ / nam mkha' lding gi bdag po rdo rje mchu zhes bya ba'i gzungs byin gyis brlabs te/ de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed bye ba khrag khrig brgya stong dag gis kyang byin gyis brlabs kyis/ nam mkha' lding gi bdag po klu mi bsrun pa rnams tshar gcad pa'i phyir spros shig/ de nas nam mkha' lding gi bdag pos rdo rje mchu zhes bya ba'i gzungs 'di smras so/ / na mo rat+na tra yA ya/ na ma shruN+Da badz+ra pA Na ye/ ma hA yak+Sha se nA pa ta ye/ na ma s+t+rai lo kya a d+hi pa ta ye/ na maHtsa tur na mo ma hA rA dzA nAn/ oM badza dun+te dun+te/ ma hA dun+ta/ du ti du ti/ badz+ra shi khardan+te/ ma Ni ka na ka bi tsi ta/ A ba ra Na bi b+hu She ta sha rI re/ hUM hUM hU tsU hUM/ pha phaT phaT phaT phaT/ nA ga rA dza bi drA pa Ni hri da yaM/ s+phoT ya badz+ra dun+ta na/ hUM hUM hUM hUM hUM/ dz+wa li ta badz+ra dud+he na/ ha na ha na/ ga ru Da bak+Sha ni pa te na b+ha smiM ku ru ku ru ku ru ku ru ku ru/ duSh+Tan nA gA nan/ hUM hUM tsU hUM hUM/ phaT phaT phaT phaT phaT/ b+ho b+ho pan+d+ha geD+D+h+ya s+phuspu ta spa ta s+phu ta dan du nA ga sma shA ni kro d+ha rA dza ma hA ba la pa rA kra ma/ dzA la dz+wa la/ pra dz+wa la/ hUM hUM hUM hUM hUM/ phaT phaT phaT phaT phaT/ b+ho ga ru Da rA dza ba badz+ra dun+te/ su bar+Na pak+Sha ma hA ba la/ ma hA ka naM/ ka bi tsi tri ma hUM da ra/ bak+Sha ya duSh+Ta nA gan bi ba du b+ho bA yu ba la kan hU hUM/ phaT phaT/ sho Sha ya shI ta ba la ha ga ga ru Da uSh+pe Na/ huM hUM hUM hUM/ phaT phaT phaT/ b+ho b+ho badz+ra dun+ta bi tsu hU na/ bi du dz+wa la na/ hUM hUM hUM/ phaT phaT phaT/ bany+dza ya/ sarba sha ri ni mA ti kra ma si man/ b+ho pa ma nA gen dra mA te/ badz+ra dun+te ne mUr nAma?/ sA ta yA mi/ ha ra ha ra/ pra ha ra hUM phaT/ ma ta ma ta/ sarba nA gA nAn/ hUM hUM phaT/ ta thA ga ta ba tsan ma nu s+pha ra tsu hU~M phaT/ badz+ra pA tsa sa ma ya/ ma nu pA la ya/ hUM hUM phaT/ trai lo kya a d+hi pa ter ba tsa na ma nu pA la ya/ hUM hUM phaT/ sa ra sa ra/ sA ra swa ra/ sa ma ya/ ma nu pA la ya/ tri rat+na sa t+ye na/ hUM hUM hUM/ phaT phaT phaT/ hriHbadz+ra dun+ta sarba nA ga bi dra na ka ra hUM hUM hUM/ phaT swA hA/ tri rat+na ma nu pA la ya hUM hUM hUM phaT/ pra ma dan ta ha da sa hUM hUM hUM phaT swA hA/ bi ni tsa kra ha ta/ hUM huM hUM phaT swAhA/ ma he sha ra tri shU la ha stA ya huM hUM hUM phaT swA hA/ ga ru Da te dza hastA ya hUM hUM phaT swA hA/ ga ru Da bi kra mA ya hUM hUM hUM phaT swA hA/ nA ga ku la na sha nA ya huM hUM phaT swA hA/ ka ru Da sarba A shA ni ba pa nA ya hUM hUM phaT swA hA/ sarba pA pa pA yu sa~M b+hak+Sha NA ya hUM hUM phaT swA hA/ sarba a kA la bA ta me g+ha A shwa nai ba ra Na ya hUM hUM phaT phaT swA hA/ ma hA badz+ra dz+wa la swA hA/ sarba duSh+Tan nA ga bi nA sha kA ya swA hA/ ga ru Da hri da ya swA hA/ ga ru Da dun+ta ya swA hA/ sarba nA sha nA ya swA hA/ oM du ru du ru swA hA/ mu ru mu ru swA hA/ tu ru tu ru swA hA/ di ri ri ra/ du ru ru ru ru ru ru ru ru/ hUM hUM hUM hUM hUM/ phaT phaT phaT phaT phaT swA hA/ nam mkha' lding gi dbang pos rdo rje mchu'i gzungs 'di brjod ma thag tu klu'i rgyal po bye ba khrag khrig brgya stong phrag brgyad cu khas bub tu 'gyel nas lus rdul byung zhing lus rab tu 'dar te brgyal nas sa la 'gre ldog go/ / kye ma'o gzungs chen po sngags kyi tshig mi bzad pa dag spras so zhes 'dzar zhing / thams cad lus 'dar yang yeng nas/ bcom ldan 'das kyi zhabs gnyis la gtugs nas/ 'di skad ces gsal to// bcom ldan 'das bskyab tu gsol// bde bar gshegs pa bskyab tu gsal/ bcom ldan 'das bdag cag sran chad 'dzam bu'i gling du ma rungs par mi bgyid do// me tog dang / 'bras bu dang / lo tog ma rungs par mi bgyid do// bcom ldan 'das sa phyogs 'di mchod rten dang 'dra bar 'dzin te/ gang na cho ga'i rgyal po chen po 'di spyod pa dang / gang na gnas pas spyod pa der bcom ldan 'das bdag cag gis rgyun du de bzhin gshegs pa'i mchod rten dang 'dra bar 'dzin to/ / yul lam/ grong khyer ram/ ljongs sam/ ri brag gam/ grong ngam/ gtsug lag khang de rtag par rgyun du bsrung ba dang / bskyong ba dang / sba bar bgyi'o// sad dang / rlung dang / ser ba dang / dus ma lags pa'i sprin thams cad snum pa dang / mngar ba dang / yid du 'ong ba dang / ro zhim pa dang / sta be dang / ro bro ba'i me tog dang / 'bras bu dang / lo tog thams cad bsgrub par bgyi'o// 'thab pa dang / sdig pa thams cad byang ba dang / ltas ngan pa thams cad bsal bar bgyi'o// dus dus su char gyi rgyud dbab par bgyi'o// me tog dang / 'bras bu dang / lo tog rnams yang dag par 'grub par bgyi/ sha sbrang dang sbrang bu mchu rings dang / byi ba dang / sbrul dang / sbal ba dang / tre ma bu ga dang / ma k+Shi ka dang / trai la ta dang / shata pa dang / bung ba dang / ne tse dang / ri skegs kyi 'jigs pa thams cad med par bgyi/ rnam par 'jig par bgyi/ yams kyi nad dang 'go ba thams cad rab tu zhi bar bgyi'o// bzlog par bgyi'o// bcom ldan 'das slan chad sdig pa'i las kun tu spyong ba'i tshul mi spong par char gnod par 'bab pa dang / dus ma lags pa'i char thams cad ma mchis par bgyi'o// bcom ldan 'das rang gi gna'i yi dam gyis gnas par bgyi'o// bcom ldan 'das dkon mchog gsum gyi dgongs pa bslab pa'i sdom pa yongs su bskyang bar bgyi'o/ / bcom ldan 'das slan chad 'dzam bu'i gling gi sems can rnams la 'tshe bar mi bgyid/ bu gcig pa bzhin du yongs su bskyang bar bgyi'o/ / bcom ldan 'das de bzhin gshegs pa'i bka' lung bzhin du slad ma'i tshe slad ma'i dus na sems can thams cad yongs su bskyang bar bgyi'o// kun tu 'dzin par bgyi'o// dge ba dang / bde ba dang / lo legs par kun tu bsgrub par bgyi'o// de nas bcom ldan 'das kyis klu'i rgyal po la dbugs phyung nas 'di skad ces bka' stsal to/ / klu'i rgyal po dag de ltar gyis shig/ yal par ma gtang zhig/ de nas de'i 'og tu chog bya ba brjod par bya ste/ sngags 'di dpa' ba gcig pu ni// las kun byed pa dge ba ste/ / shes rab can gyis lan cig dran// dgos pa thams cad byed par 'gyur// mthon po'i gnas su mkhas pa yis// sgra skad chen po brjod par bya// gnas gang dang gang du sgra bsgrags pa de dang der dus ma yin pa'i rlung dang / sad dang / sprin dang / ser ba dang / glog thams cad kyis mi tshugs so// sus kyang byin 'phrog par mi nus so// gtse bar mi nus so/ gnas mthon po'i ri'i ma/ dgon pa'i gnas sam/ grong ngam/ gtsug lag khang ngam/ gnas khang shin tu mtho ba der rig pa 'dzin pa gtsang mar byas te/ gos gtsang ma dkar po bgos la kha shar phyogs su bltas te/ ba'i lci ba'am 'jim pa bsres pas dkyil 'khor khru gang grwa bzhi pa byas la/ dkyil 'khor gyi dbus su mda' gang tsam pa zhig btsugs te sngags lan nyi shu rtsa gcig bzlas so/ / dkyil 'khor gyi grwa bzhir seng ldeng gi phur bu sor brgyad pa btsugs te/ sngags lan nyi shu rtsa gcig bzlas pa byas te/ tshon sna lnga'i skud pas lan gsum 'khris par bskor ro// dkyil 'khor gyi dbus su pog por bzhag la lan bdun bzlas pa'i bdug pas bdug go// lan nyi shu rtsa gcig bzlas pa byas la yungs kar gyis gtor ro// me tog sil mas gang bar gtor ro// phyogs bzhir gtor ma'i bum pa bzhi gzhag go/ dkyil 'khor gyi dbus su gtor ma gzhag par bya ste/ zho dang / 'o ma dang / 'bras bcos pa dang / bu ram dang / sha ka ras gdab bo// chu dang yungs ka ra la sngags lan lnga brjod de/ phyogs bzhir mtshams gcad par bgyi/ zla ba nya la sbyor ba bya'o// skad cher bklags la phyogs bzhi dang / steng dang / 'og tu yungs kar gtor zhing klu thams cad kyi so so'i ming nas brjod na/ cho ga 'di byas ma thag tu dus ma yin pa'i rlung dang / sprin dang / ser ba dang / klu mi bsrun pa thams cad bcings par 'gyur/ thub par 'gyur ro// ltas ngan pa dang / yams kyi nad dang / gnod pa dang / nad 'gro ba dang / gdon dang / 'byung po dang / sha za dang / gnod sbyin dang / srin po thams cad rgyang ring du spangs par 'gyur rodapag tshad gcig kho ra khor yug tu mtshams bcad par 'gyur ro/ / nad thams cad dang / na ba thams cad dang / gnod par sems pa dang / rab tu gnod par sems pa dang phyir rgol ba dang / phyir gnod par byed pa thams cad kyis mi tshugs par 'gyur ro// me tog dang / 'bras bu dang / lo tog thams cad legs par yongs su 'grub par 'gyur/ leg par yongs su smin pa dang ro zhim par 'gyur ro/ / sa bon legs par btab pa thams cad legs par 'khrungs par 'gyur ro// gshed byed dang / las dang / byad stems thams cad rnam par 'jog par 'gyur/ mi tshugs par 'gyur ro// ji srid du phur bu ma phyung ba de srid du mtshams chen po bcad par 'gyur ro// de srid du klu thams cad kyis char gyi rgyun 'bebs so/ me tog dang / 'bras bu dang / lo tog thams cad legs par yongs su rgyas par 'grub par 'gyur ro// gang dang gang du dgos par 'gyur ba thams cad lan cig dran par byas na 'grub par 'gyur ro/ / spra tshol las nam mkha' lding gi gzugs sor brgyad pa skyil mo krung bcas pa/ 'dab ma brkyang ba/ klu rgyal gdan du btang ba/ mgo dgu pa/ mgo rgyan du thog paklu mgo gsum pa lag pa g.yas na thogs pa/ nor bu rin po che 'bar ba lag pa g.yon na thogs pa/ gser gyis g.yogs pa byas te cho ga bzhin du tshon gyis ri mo bris la/ stan sna tshogs/ kyi steng du bzhag la/ nyin zhag gcig la sngags stong brjod do// nam lus kyis mi thub pa'i tshe kha zas dkar po bza' bar bya ste/ yang khrus byas la bsgrub par bya'o// gu gul gyis bdug go/ me tog dang / 'dug pa dang / gtor ma ci 'byor pa sbyar ro// mar me btang la de'i mdun du nyal na ston par 'gyur zhing las thams cad rjod par 'gyur ro// mchog thams cad sbyin par 'gyur ro// las thams cad byed par 'gyur ro/ / ci bsgo ba byed par 'gyur ro// lang long med pa'i gnas su bzhag la/ nam than pa byung ba'i tshe rig pa 'dzin pas blangs te klu'i gnas su bkur bar bya/ klu'i gnas mtshor bzhag la me tog dang bdug pa byin la/ yungs kar la sngags lan gsum bzlas te gnas su gtor na 'phral du klu bas cad char gyi rgyun 'bebs so// gal te 'phral du char gyi rgyun mi 'bebs na/ de'i phyir klu'i gnas kun tu nam mkha' lding gis gang bar mthong bar 'gyur/ gnas me lce gcig tu 'bar bar 'gyur/ bye tshan mgo la 'bab par 'gyur/ chu bskams par 'gyur ro// than pa byung ba'i tshe sprin la bstan na char 'bebs par 'gyur ro/ / rlung dang / sprin dang / ser ba dang / sad dang / char sprin la bstan na skad cig tu med par 'gyur ro// dpag tshad bdun gyi nang du phyogs bzhi kun tu ser ba mi 'bab cing / sad dang dus ma yin pa'i rlung gis mi tshugs par 'gyur te/ thams cad thub par 'gyur/ rlung 'khrugs pa'i tshe lam gyi bzhi mdor gzhag go// yang na grong khyer gyi skor ro// yang na rgyal po'i sgor gzhag go// des rlung thams cad chod par 'gyur ro// rlung chen po rnam par 'thor rlung yang chod par 'gyur ro// phyis ldang mi nus so// bstan ma thag tu klu thams cad 'bros par 'gyur ro/ / rdo rje mchu'i gzungs las thams cad byed pa/ nam mkha' lding bklags pas 'grub pa mchog tu 'grub bo// de nas tshangs pa dang / dbang phyug chen po dang / rgyal po chen po bzhi/ bcom ldan 'das ga la ba der dong ste lhags nas/ bcom ldan 'das la lan gsum bskor ba byas te/ bcom ldan 'das la 'di skad ces gsol to// bcom ldan 'das bdag cag thams cad tshogs pas kyang rdo rje 'bar ba'i lce 'bab pa'i mchu zhes bgyi ba'i gzungs brjod par bya ste/ klu thams cad kyi snying 'phrog pa/ snying 'gems pa/ klu mi bsrun pa'i rig phung bar bgyid pa/ rlung dang / sprin dang / ser ba thams cad sel ba/ lo tog dang / me tog dang / 'bras bu thams cad sgrub pa 'bul na/ sems can thams cad la sman par bgyi ba'i slad du/ bcom ldan 'das kyis byin gyis brlab tu gsol/ de nas bcom ldan 'das kyis/ tshangs pa dang / khyab 'jug dang / dbang phyug chen po dang / rgyal po chen po bzhi dag la 'di skad ces bka' stsal to/ / rigs kyi bu dag sems can thams cad kyi don dang / phan pa dang / bde ba'i phyir ngas byin gyis brlab kyis rjod cig/ de nas tshangs pa dang / khyab 'jug/ dang / dbang phyug chen po dang / rgyal po chen po bzhi po dag gis gzungs 'di smras so// na mo rat+na tra yA ya/ na mo b+ha ga ba te/ shAkya mu na ye/ ta thA ga tA ya/ ar+ha te sa myaka saM bud+d+hA ya/ nam sh+tsaHbadz+ra d+ha rA ya/ ma hA ba la pa rA pa mA ya/ na ma s+t+rai lo kya murta ye/ ma sh+tsa turaNAM/ na mo badz+rA sha ni dz+wa li ta ro trAn+da ha sA ya/ dza ya me hA ba la bIr+ya pa ra kra ma bo d+ha ra dza brAd+d+he brah+ma sa ra/ b+he b+ho na ga a d+hi pa ti bi sa ra ta bi sa ra ta/ ma re brah+ma dAn+te nA mA mur+d+ha nAn/ pra ta ya hUM hU~M phaT/ b+ha ra b+ha ra/ bik+Shu tsakra hasta na po shA nA gen du ma ti biSh+Ta tsakre shr-in+t+r-in+na mi/ tu ti tuti/ li li li li hUM hUM phaT/ mu hu mu hu mu h+yan+tu sarba duSh+TanA gA nAM/ s+phoT ya hr-i da yaM ma he shwa ra dz+wa li ta tri shU la d+ha ra/ ha na ha na hUM hUM phaT/ mu tsi mu tsi/ tu ti tu ti/ b+ha ba b+ha ba/ k+Shi Ni k+Shi ni kli ni/ tsa tur+N+Na ma ri tsi nAn/ dz+wa li ta shak+ti/ d+ha ra d+ha ra/ hUMhU~MhU~M phaT/ s+phu ra s+phu ra/ bo s+phu ra bi s+phu ra/ tsA ra tsa ra/ nA sha ya/ duSh+Than nA ga hr-i da yaM/ s+pho Ta ya hU~M hU phaT/ sa ha ra saM ha ra/ duSh+Tan ya sha na/ ba ti nA gan shI ti ba d+yA dz+wa la b+hasmi ku ru hUM hUM phaT phaT swA hA sa ma ya ma nu s+pha ra b+ho nA ga a d+hi pa te badz+ra ba ya b+ho b+ho tu ti tu ti hu~M hU~M phaT phaT swA hA/ badz+ra A shA na ni nA sha ya hU~M phaT swA hA/ sarba nA ga hri da yA ni/ bi s+pho Ta ya hUM phaT swAhA/ bud+d+ha ba lo ki tA ya swAhA/ brah+ma ya swA hA/ biSh+Nu murti swA hA/ ma he shwa ra dz+wa li ta tri shU lA ya swA hA/ tsa tur ma hA rA dza sa ma ma d+ha rA ya swAhA/ b+hu dzaM gA ya swA hA/ nA ga a d+hi pa ta ye swA hA/ oM d+hi ri d+hi ri swAhA/ / dz+wa li ta bAk+tA ya swA hA/ ro ma hA ra nA sha ya swA hA/ dzu ti dzu ti dzu ti swAH/ phaT phaT phaT phaT phaT swA hA/ de nas rdo rje 'bar ba'i lce 'bab pa'i mchu zhes bya ba'i gzungs 'di brjod ma thag tu klu ma bsrun pa thams cad lus rul te dri ma zhim par gyur to/ / lus shig shig por gyur cing sha bkres btab par gyur nas/ bcom ldan 'das kyi zhabs gnyis la gtugs te 'di skad ces gsol to/ bcom ldan 'das bskyab tu gsol/ bcom ldan 'das lha dang bcas pa'i 'jig rten gyis smad par gyur to// bcom ldan 'das bdag cag ni brlag go// bcom ldan 'das slan chad 'dzam bu'i gling gi sems can rnams la 'tshe bar mi bgyid do/ / gnod par mi bgyid do// bcom ldan 'das rdo rje 'bar ba'i lce 'bab pa'i mchu'i gzungs 'di brjod pa dar/ bcom ldan 'das klu thams cad gnod par sems shing mi mchi ste/ tha na lta bar yang mi bgyid na/ 'jug pa lta smos kyang ci 'tshal/ de nas 'di'i cho ga brjod de/ gzungs 'di dran pa tsam gyis klu thams cad kyi lus dum bu dum bur 'drul lo/ / lus dri mi zhim par 'gyur ro// yungs kar la lan nyi shu rtsa gcig bzlas te phyogs bzhir gtor na klu thams cad bcings par 'gyur ro// dpag tshad bdun kho ra khor yug tu mtshams bcad par 'gyur ro/ / rdo rje la lan brgya rtsa brgyad bzlas pa byas te klu bzlog par bya'o// lan cig brjod na rlung dang / sprin dang / ser ba thams cad zlog go/ thams cad med par 'gyur/ ro// dran pa tsam gyis ser ba thams cad skad cig tu med par 'gyur ro// gal te 'bab na'ang yud tsam gyis chur 'gyur ro// ser pa 'bab pa'i dus na rdo rje bskor na phyogs gang du bskor ba der ser ba 'grims par 'gyur te/ phyogs der ser ba mi 'bab par 'gyur ro// nang par dben par song ste nang du yang dag 'jog tu zhugs la/ skyil mo krung gi phyag rgya bcings te/ sngags 'di lan sum cu rtsa gnyis brjod de/ brjod ma thag tu rlung dang / sprin dang / ser ba thams cad med par 'gyur ro// rlung thams cad rnam par 'jig par 'gyur ro// mi 'byung bar 'gyur// yungs kar phyogs bzhir gtor na lo gcig khyud kor du mtshams bcad par 'gyur ro/ / rlung dang / sprin dang / ser ba thams cad bcings par 'gyur ro// klu thams cad dbang du 'gyur ro// bu dang tsha bo 'khor dang bcas pa rgyun du rgyun mi 'chad par phyi bzhin 'brang bar 'gyur ro/ / las thams cad byed par 'gyur ro// dril bu la lan nyi shu rtsa gcig bzlas te ser ba 'bab pa'i dus na dkrol naklu mi bsrun pa thams cad kyi klad pa 'gas par 'gyur ro/ / nam mkha' las sa la lhung bar 'gyur te/ las thams cad byed par 'gyur ro// gzungs 'di ni thams cad du thogs pa med par 'gyur ro/ / de nas bcom ldan 'das kyis/ nam mkha' lding gi dbang po chen po dang / tshangs pa dang / khyab 'jug dang / dbang phyug chen po la legs so zhes bya ba gnang ste/ tshangs pa chen po sems can thams cad la phan pa dang / bde ba dang / klu mi bsrun pa dang / snying rje med pa/ 'tshe ba rnams gdul ba dang / tshar gcad pa dang / chang pas gcad pa'i phyir khyod kyis rig pa chen po'i gzungs sngags kyi tshig 'di brjod nas 'dzam bu'i gling du bzhag pa legs so legs so/ / de nas klu'i rgyal po chen po rgya mtsho dang / klu'i rgyal po chen po rnam par kun nas bskor ba dang / gzhan yang klu'i rgyal po chen po gzi brjid che zhing rdzu 'phrul che ba dang / gzhan yang klu mi bsrun pa bye ba phrag du ma dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das bdag cag 'khor dang bcas pas slad ma'i tshe slad ma'i dus na 'dzam bu'i gling thams cad kyi me tog dang / 'bras bu dang / lo tog dang / lo ma dang / yal ga rnams bsrung bar bgyi'o// yongs su bskyad/ par bgyid do// rlung dang / sprin dang / ser ba dang / sad dang / tshad pa thams cad zlog par bgyid do// dus dus su char gyi rgyun 'bebs par 'tshal lo// rang gi mna'i yi dam gyis de bzhin gshegs pa'i dam tshig bskyang bar 'tshal lo/ / sems can thams cad kyi re ba yongs su rdzogs shing bsam pa grub par 'tshal lo// mi 'tshe bar 'tshal lo// bcom ldan 'das gal te cho ga'i rgyal po 'di las gong du sngags dang gzungs ji skad bshad pa'i yon tan gyi khyad par rnams dang 'gal bar bgyid na/ bdag cag byang chub tu mngon par 'tshang rgya bar ma gyur cig/ 'di ni bro bor ba ste/ tad+ya thA/ pa ki tsa ti/ shu li shu mu la/ sha sha shu shu/ ti ti bi ri ti/ hu yu hu yu/ hu ri ti swA hA/ bcom ldan 'das 'di ni kru'i mna' lags te/ slad ma'i tshe slad ma'i dus na klu mi bsrun pa rnams 'jig par bgyid do/ / than pa dang / than pa che ba dang / dus ma lags pa'i char dang / rlung dang / sprin dang / ser ba dang / sad dang / dus ma lags pa'i rlung dang glog byung na/ ri 'am khang pa mthon po'i steng du rig pa 'dzin pa kha shar phyogs su bltas te mna' 'di dag gis bstod de lan bdun brjod la/ chu dang yungs kar bsres pa phyogs bzhir gtor bar bya'o/ / gtor cing dran ma thag tu klu thams cad kyi lus rnams dum bu brgyar 'chad par 'gyur ro// gyes par 'gyur ro// 'gugs par 'gyur te/ de'i slad du char gyi rgyun 'bebs so// bcom ldan 'das kyis bka' stsal pa/ klu'i rgyal po khyed kyis de ltar byos shig/ rdo rje mchu'i cho ga rdzogs so// bod skad du/ rdo rje mnam lcags mchu zhes bya ba'i gzungs/

CLOSE WINDOW