'dzin bcas rnams la byin/ rgya gar skad du/ b+hU ta nA ma ra ma hA tan+t+ra rA dza nA ma/ bod skad du/ 'byung po 'dul ba zhes bya ba'i rgyud kyi rgyal po chen po/ / dpal rdo rje sems dpa' la phyag 'tshal lo// de nas 'dir ni bshad bya ba// 'byung po 'dul ba'i rgyud chen rgyal// 'byung po 'byung mo kun sgrub pa'i// cho ga rab tu rgyas pa'o// rdo rje 'chang chen po 'jig rten gsum gyi bdag pos 'di skad ces gsungs so// chu bo'i 'gram dang / dur khrod dang / shing gcig pa dang / lha gnas pa'i khang pa dang / dpal rdo rje 'chang gi khyim dang / rigs kyi gnas rnams su bsgrub par bya ba skad cig nyid kyis 'grub par 'gyur ro// gal te ma grub na 'byung po dang 'byung mo rigs dang brgyud dang bcas pa ma lus pa phung bar 'gyur ro// de nas dbang phyug chen po'i lha chen pos/ bcom ldan 'das kyi zhabs la spyi bos phyag 'tshal te/ bcom ldan 'das la 'di skad ces gsol to// khro bo'i bdag po chen po gdug pa dang ma rungs pa rnams gsod par byed pa bshad du gsol/ de nas dbang phyug chen po'i lha chen po legs so legs so zhes bya ba byin nas/ 'byung po thams cad gsod pa'i sngags kyi chog gsungs pa/ oM badz+ra dzA la ha na ha na sarba b+hU tan hUM phaT/ de nas 'di gsungs pa tsam gyis dpal rdo rje 'chang gi ba spu'i bu ga rnams nas rdo rje 'bar ba du ma byung bar gyur te/ 'byung po thams cad kyi lus bskams shing / brgya byin dang / tshangs pa dang / khyab 'jug la sogs pa lnga thams cad bsad par gyur to// de nas de bzhin gshegs pa thams cad kyis ngo mtshar dang bcas pas 'di skad ces gsungs so// legs so dpal ldan rdo rje 'chang khro bo'i bdag po chen po ma 'ongs pa'i tshe ma 'ongs pa'i dus na 'byung po dang 'byung mo tshar gcod par byed pa ni legs so/ / de nas yang slar ro'i rnam par shes pa 'gugs pa'i sngags gsungs pa/ oM badz+ra A lu e sa ra sA rA sngon/ de nas gsungs pa tsam gyis dpal rdo rje 'chang gi shangs kyi 'u gnas rlung chen po ro 'tsho bar byed pa byung bar gyur te/ de byung ba tsam gyis 'byung po dang 'byung mo rnams kyi lus la zhugs so/ / zhugs pa tsam gyis 'byung po dang 'byung mo rnams langs te cher 'jigs shing rab tu 'dar bar gyur pas/ bcom ldan 'das bskyab tu gsol/ bde bar gshegs pa bskyab tu gsol/ bcom ldan 'das kyi bka' bzhin bgyid do zhes smras so// de nas 'byung po'i bdag po gzhan gyis mi thub pa 'khor gyi dkyil 'khor der bcom ldan 'das kyi zhabs gnyis la spyi bos phyag 'tshal nas/ bcom ldan 'das khro bo'i bdag po chen po dpal srid pa gsum las rnam par rgyal ba bde bar gshegs pa bskyab tu gso bcom ldan 'das yongs su bskyab tu gsol/ de nas bcom ldan 'das kyis bka' stsal pa/ 'byung po'i bdag po gling bzhi pa thams cad kyi mi rnams la dngos grub rdzogs par byin cig/ 'dzam bu glong pa'i mi rnams la dngul chu dang bcud kyis len pa'i rdzas rnams sgrub cing bde bar byin cig/ dbyig dang / gser dang / dngul dang / mu tig dang / be DUR+Ya dang / pad+ma rA ga dang / me dang chu'i shel dang / spos dang / lha'i na bza' rnams byin cig/ 'di zlos pa'i 'bras bu 'grub par gyis shig/ bsnyen bkur gyis shig/ de bzhin gshegs pa thams cad zlos pa'i rin po che cotsod pan dang / gos dang / dri dang / bdug pa dang / me tog la sogs pa dang / yo byad dang / rdzas thams cad bgegs med par byin cig/ rgyal po'i 'jigs pa dang / datha'i 'jigs pa dang / seng rdzogs pa stag go 'jigs pa thams cad zlog cig/ kye kye gzhan gyis mi thub pa 'byung po'i dbang phyug chen po myur du myur du nyon cig nyon cig/ le lo can dang / tshul khrims 'chal pa dang / sdig pa byed pa dang / brdzu na smra ba rnams la nges par dngos grub byin cig/ gal te rig sngags 'chang la dngos grub mi byin na klu mo dang / gnod sbyin mo dang / sa la 'joms ma dang / lha ma yin mo dang / mi 'am tsa mo dang / nam mkha' lding mo dang / lto 'phye chen mo dang / sha za mo dang / 'byung mo dang / dri za mo rnams kyi spyi bo mi phyed pa'i rdo rjes 'gas par bya zhing dmyal ba chen po brgyad du ltung bar bya'o/ / de nas de bzhin gshegs pa thams cad kyis 'di skad du legs so legs so// lag na rdo rje legs par bshad do// mi rnams la phan pa'i phyir byang chub sems dpa' sems dpa' chen po brtson 'grus dang / stobs dang / pha rol gnon pa/ mi phyed par grags pa/ lha thams cad kyis phyag byas pa/ khams gsum pa'i chos kyi rgyal po chen po/ glong bzhi pa'i 'jig rten gyi khams thams cad grub par byed pa/ chos kyi 'khor lo thams cad skor bar byed pa/ sdug bsngal thams cad 'joms par byed pa'i sgrub pa'i thabs rgya chen po cho ga sna tshogs pa/ phyag rgya dang sngags kyi tshig gis sgrub pa'i thabs khro bo'i rgyal po chen po bcom ldan 'das khro bo'i rgyal po bdag pos shod cig ces gsungs so// de nas rdo rje 'chang khro bo'i bdag po chen pos ro 'tsho bar byed pa'i sngags gsungs pa/ oM kar+N+Na kar+d+ha mi tra sa dz+nyA pa ya ti d+hA ya/ de nas 'di gsungs pa tsam gyis lha thams cad myos te brgyal zhing 'gyel nas cher 'jigs shing rab tu 'dar bar gyur te gnas so/ / de nas lha chen pos gsol pa/ byang chub sems dpa' chen po skyobs shig skyobs shig/ de nas rdo rje 'chang khro bo'i bdag po chen pos 'di skad ces gsungs so/ / ma 'jigs shig ma 'jigs shig/ kye 'byung po'i bdag po khyed rnams gzhan las rgyal bar bya ba'i phyir lha thams cad dbang du bsdu zhing 'byung po thams cad tshar gcad par bya'o/ / de nas rig sngags 'chang gi dbang po dang lha'i bud med thams cad kyis 'di skad ces gsol to// bcom ldan 'das bskyab tu gsol// dpal rdo rje 'chang rgyal po chen pos bskyab tu gsol/ de nas khro bo chen po rdo rje ma gos 'di skad ces gsungs so// kye bud med rnams go bar gyis shog/ dpal rdo rje 'chang rgyal po chen po la sogs pa'i bsnyen bkur byos shig/ dbyig dang / gser dang / mu tig dang / rin po che dang / bai DUn+yA dang / pad+ma rA ga dang / rdzas thams cad phul cig/ de nas lha'i bud med la sogs pa lha'i bu mo dang gnod sbyin mo thams cad kyis 'di sa ces gsol to/ / bcom ldan 'das 'gum mo 'gum mo// dpal rdo rje khro bo zlos pa rnams kyi bran mo bgyid do// gal te khro bo zlos pa'i bsnyen bkur ma bgos ra rigs dang b.rang ba pa rlag par gyur cig/ dam pa'i chos spangs par gyur cig/ de bzhin gshegs pa thams cad la smad par gyur cig/ bcom ldan 'das kyi khro bo chen po'i rdo rjes spyi bo khos shig/ lan brgyad rnam par gshegs shing shi nas myur pa nyid du dmyal ba chen po brgyad du 'jug par gyur cig/ de nas byang chub sems dpa' sems dpa' chen po phyag na rdo rjes lha'i bud med thams cad dang / klu mo dang / gnod sbyin mo rnams la legs so zhes bya ba byin te/ lha'i bu mo dang / klu mo dang / gnod sbyin mo rnams legs so legs so// ma 'ongs pa'i tshe ma 'ongs pa'i dus na de bzhin gshegs pa zlos pa'i mo rnams kyi bsnyen bkur gyis shig/ de nas 'byung po'i phrin rnams kyi 'byung po'i rgyal po gzhan gyis mi thub pa la sogs pa 'khor dang ces pa la ngas te/ dpal rdo rje 'chang khro ba'i bdag po chen pa'i khebs la mgo zas btud nas rang gi snying po phul ba/ ma shrI ma hA b+hU ta kA la sun+na raD+D+h+ya/ a shrI bo dzA ya sun+da ri ts+yai/ ma shrI ba me le sun+da ri A/ ya shwar ti saN+Da riH/ oM shrI ma no ha ra sun+da ra i/ oM shrI b+hu la~M sun+da rima?/ oM shrI ba la sun+d+ha ri mA~M/ oM shI tsakur ma d+hum surba ri ti/ zhes pa 'di rnams ni 'byung po'i rgyal mo chen ma~M ste/ dpal gyi sgra mos rab tu grags pa'o/ de nas dpal gyi sgrub pa'i thabs bklags pa tsam gyis dngos grub ster ba ste/ dpal rdo rje 'chang gi mtshan brjod pa tsam gyis 'byung po dang 'bru mo thams cad mngag gzhug par 'gyur ro// bcom ldan 'das kyis bka' stsal pa/ gang gi tshe dam tshig las 'das na 'phral du 'byung po dang 'byung mo thams cad rigs dang brgyud du bcas te phung bar bya'o// de nas 'byung po chen po gzhan gyis mi thub pas 'di skad ces gsol to/ / lha chen po'i dam tshig la gnas shing 'jig rten pa'i sngags dang phyag rgya'i cho ga thams cad kyi dngos grub stsal bar bgyi'o// dpal rdo rje 'chang bzlas pa tsam gyis thams cad 'grub par 'gyur te/ gal te ma grub na rigs dang brgyud du bcas pa rlag par gyur cig/ de bzhin gshegs pa thams cad kyis gsungs pa'i dam chog nyams par gyur cig/ de bzhin gshegs pa'i khro bo'i rdo rjes spyi bo bkas par gyur cig/ myur ba nyid du shi ste rnam pa thams cad du dmyal ba chen po brgyad du 'jug par gyur cig/ de nas yang ngag bshad bya ba/ / sgrub pa po yi gnas mchog ste// chu bo'i 'gram dang dur khrod dang // phyag na rdo rje'i khyim dam ste// der ni 'byung po 'byung mo kun// 'grub 'gyur 'di la the tsom med// 'byung po'i rgyal mo chen po'i brgyad kyi sgrub pa'i gnas so/ / de nas phyag rgya bshad bya ba// 'byung mo brgyad kyi sgrub pa ste// lag g.yon khu tshur dam bcangs nas// gung mo rab tu brkyang byas pa/ spyan drangs mchod pa'i phyag rgya ste// rigs kyi mchog ni sgrub byed pa'o// khu tshur phan tshun bcangs nas ni// mdzub mo rab tu brkyang byas pa// rang gi dam tshig srung ba yi// 'byung mo skad cig de la sgrub/ / lag g.yan khu tshur das bcangs nas// mthe'u chung rab tu brkyang byas pa// nye bar byed pa'i phyag rgya ste// 'byung po thams cad rjes 'brang ba'o// lag pa g.yon pa brkyang nas ni/ / mdzub mo bskyil ba byas nas su// mthe bong g.yas ni mnan byas pa// 'byung kun dbang du byed pa'o// lag g.yon khu tshur bcangs pa las// srin lag rab tu brkyang ba ni// 'byung mo thams cad 'gugs pa ste/ / bgegs kun zlog par byed pa'o// lag g.yon khu tshur bcangs nas ni// mdzub mo rab tu brkyang byas pa// 'byung mo mngon phyogs byed pa ste// gdug pa thab cad za byed pa'o/ / lag pa g.yon pas khu tshur bcangs te mthe'u chung brkyang ba ni 'byung mo'i dam tshig gi phyag rgya ste/ thams cad du las thams cad byed pa'o// lag pa gnyis ka'i sor mo rnams gcig gi steng du gcig bskyon pa byas pa la lag pa g.yas pa rked pa g.yas par bzhag la/ lag pa g.yon pas g.yas mnan pa'i steng du bzhag pa ni mchog go snying po ste 'byung mo thams cad kyi phyag rgya'o/ / phyag rgya 'di dag bcings pa tsam gyis 'byung mo rnams myur du 'ong ste/ gal te ma 'ongs na mig dang spyi bo 'gas shing bskams te 'tsho bar gyur cog/ de nas dpal ldan rdo rje 'chang khro bo'i bdag po chen pos 'di skad ces bka' stsal pa/ gal te 'byung mo rnams dam tshig las 'da' bar byed na khro bo 'di dang bcas pas dgug pa'i phyir bzlas te/ oM ka Tu ka Tu sU hUM hrI che ga mo b+hU ti ni phaT/ khro bo 'di dang bcas pas brgya phrag brkyang bzlas na myur bar lo ba 'gyur ro// gal te myur dum 'ongs na mig dang spyi bo 'gas pa'am bskams te 'chi'o// de nas sgrub pa'i thabs kyi tshig bshad pa/ chu bo'i 'gram du song ste tsan dan gyi dkyil 'khor byas nas me tog gcal du bkram ste/ gu gul gyi dung pas bdug cing stong phrag brgyad bzlas na 'grub par 'gyur ro/ / mtshan mo'ang stong bzlas na 'ong ste/ 'ongs nas 'dod pa sbyin par 'gyur te chung mar 'gyur ro// gser srang brgya mal du dor nas tho rangs kyis 'gro bar byed do// nyi ma re re 'di ltar byas na zla ba gcig go bar du nges par 'grub bo/ / chu bo'i 'gram du song ste/ tsan dan gyi dkyil 'khor byas nas zho dang 'bras chan gyi gtor ma byin na nyi ma bdun na nges par 'ong ngo // 'ongs nas tsan dan gyi chu'i mchod yon byin na dga' bar gyur te/ sdug pa ngas ci bya bar te/ sgrub pa pos rgyal srid spang zhig ces smra'o// de nas yul 'khor yang yongs su skyong bar byed do// gos dang / rgyan dang / bza' ba la sogs pa mthun par sbyin par byed do// dpal rdo rje 'chang gi khang par song ste/ ka ra wi ra'i me tog sbyin zhing gu gul gyi bdug pas bdugs la stong phrag brgyad bzlas na 'grub par 'gyur te/ mtshan morang stong bzlas na nges par 'ong ngo // 'ongs pa la me tog gi stan skyon zhing legs pa 'ongs so zhes brjod na chung mar 'gyur te/ lha'i dngul chung bcud kyis len dang / rdzas kyi dngos grub ster zhing dgra thams cad 'joms par byed do// rgyab tu zhon na mtho ris su'ang 'khyer bar byed do// lo stong phrag bcur 'tsho'o// chu bo'i 'gram du song ste spos dkar pos dkyil 'khor byas nas me tog dkar po byin te/ du ru kas bdugs la stong phrag bcu bzlas na 'grub par 'gyur ro// mtshan mo'ang stong bzlas na nges par 'ong ngo // 'ongs pa la me tog gi chu'i chab byin nas bsgo na sring mor 'gyur ro/ / dngul chu dang / bcud kyis len dang / rdzas kyi dngos grub ster zhing dpag tshang stong du song nas bud med bzang mo blangs nas ster bar byed cing mtshan mo slar khyer ro/ / lha khang stong par song nas ji ltar gsungs pa'i gtor ma dang mchod pa byas te/ stong phrag brgyad du bzlas na 'grub par 'gyur ro// mtshan mo'ang gtor ma byin nas stong phrag brgyad bzlas na nges par 'ong ngo / / 'ongs pa la 'dod pa byas na chung mar 'gyur te/ nyi ma re re dong tshe stong stong ster zhing / rgyab tu zhon na ri rab la'ang 'khyer par byed do// gzhan yang rgyal srid sbyin par byed cing rgyal po'i bu mo bkug nas ster te/ lo stong phrag lnga 'tsho zhing shi nas kyang rgyal rigs su skye'o// chu bo 'dus pa'i 'gram du song ste sha'i bza' ba dang / ka ra wi ra'i me tog sbyin zhing gu gul gyi dud pas bdugs la stong phrag brgyad bzlas na 'grub par 'gyur ro// mtshan mo'ang mchod pa rgyas par byas te me rab tu sbar nas stong phrag brgyad bzlas na 'khor lnga brgyas yongs su bskor nas rkang gdub kyi sgra chen pos 'ong ngo / / 'ongs pa la mo smra bar gyur pas 'dod par bya ste chung mar 'gyur ro// gal te spong bar byed ma 'ching 'gyur ro/ / rgyab tu zhon na nyi ma re re mtho ras su'ang 'khyer bar byed do// gzhan yang rgyal srid ster zhing stong phrag lnga 'tsho la shi nas kyang rgyal rigs su skye'o// chu bo'i 'gram du song ste gu gul gyis dkyil 'khor byas nas/ a ka ru'i bdug pa sbyin zhing ji ltar gsungs pa'i gtor ma byin nas stong phrag brgyad bzlas na 'grub par 'gyur ro// mtshan mo'ang mchod pa rgyas par byas te stong bzla sa na rang nyid 'ong ste snang ba chen po byas nas tsan dan gyi chus mchod yon byin na dga' bar 'gyur ro/ / sdug pa ngas ci bya zhes smra bar byed do// sgrub pa pos ma gyis shig ces smra bar bya ste/ ma bzhin du yongs su skyong bar byed do/ / 'khor lnga brgya'i 'bras chan dang / rgyan dang / gos rnams nyi ma re re ster zhing lo khri 'tshal/ gang gi tshe 'chi ba na bram ze'i rigs su skye'o// chu bo 'dus pa'i 'gram du song ste mchod pa rgyas pa byas nas mar gyi mar me rab tu sbar te mtshan thog thag bzlas so/ / de nas nam phyed kyi dus su 'byung mo snang chen po byas nas 'ong ste/ sdug pa ngas ci bya zhes smra bar byed do// de nas rgyal srid sbyin cig ces smras na nyo ma re re dong tshe 'bur 'bum ster ro/ / lo khri'i'atsho zhing gang gi tshe 'chi ba nas bdag gi rgyal po byed do// 'byung mo'i rgyal mo chen mo brgyad kyi brtag pa rdzogs so// / de nas 'byung mo chen mo dur khrod du 'jug pa rnams langs te dpal rdo rje 'chang gi zhabs la phyag 'tshal nas rang gi snying po phul ba/ oM hrI hUM ha/ mchog gi stong pa'o// oM hUM kats+tsha kar+b+has brdzu rnams sa yam du pA las/ har har/ ban d+ha ban d+ha/ a mkhas pan/ hrIs chos shan tsam mas gtsus sh+tsak+Sha d+d+haHhU~M phaT/ byung ba drub zong naganas pa rnams dkyin ba'i sngags so/ / oM ban d+ha ban d+ha/ d+hu na d+han/ tsa la tsa la/ tsA la ya tsA la ya/ the pA sha pre pA sha/ tu tu ra/ han ta na/ tin+da tiSh+Tha/ sa ma ya ma nu pA la sa b+h+yo s+yA shAn pra be sha ni rU phaT ba swa hA/ 'byung mo thams cad kyi dam tshig gi sngags so// o tsa la tsa la/ d+ha ka d+ha ka/ ma hA b+hU ti ni sA d+ha ka na pr-i yai/ sa ra sa ra/ bi sa ra bi sa ra/ kaT+Ta kan+na/ tsA la ya tsA le ya/ b+hany+dza b+hany+dza/ rang+ga raH/ gr-ih+Na gr-ih+Na hUM hUM phaT hriHswa hA/ mche ba gtsigs ma'i'o// oM g+ho rA mu khi sma shA na ba si ni sA d+ha ka a nu ku le/ a pra ti ha ta sid d+hi d+ha pa ti ke/ oM o o oM na maHsA hA/ gdong drag mo'i'o// oM dzaH raM mu kho tsa ri tsi ra tsan+ti A be sha/ sarba sha d+hu b+ha la ka ra~M/ hA nA ha na/ da had ha/ pa tsa pa tsa/ mA ra ya mA ra ya/ ma ma a kA la mr-i t+yAk+Sha yaM ka ri/ sarba nA ga b+ha yaM ka ri/ ar+thA hA si ni sa b+hU te shwa ri/ thA thA thA thA/ d+ha d+ha d+ha d+ha/ oM mo oM o swA hA/ nan mo gdong gi'o// oM ka ma la lo tsa no ma nu ShA pa tsa lo/ sarba du[:]kha ni nA sha no/ sA d+ha ka pri ye dza ya dza ya/ de bya rU pa No hoH/ gr-ih+Na graH dza dza hU d+hU phaT phaTan maHswA hA/ pad+ma'i mig can ma'i'o// oM bi kang du mu khi d+b+ha ka rA ma dz+wa la ta lo tsa ni/ sarba yak+ShA b+hA ya~M ka ri/ d+ha pa d+hA bA gats+tsha gats+tsha b+ho b+ho sA d+ha ka nA~M ar+d+ha pa ya ti sahA/ mi sdug gdong ma'o'o// oM d+hud+ha ri kar+Na'i sha tsi no ka n+yaka N+ya/ d+han d+ha na marba s+'ur+yA drA dzi te/ sInd ts+tshan dam hAkaHpa shAts+tsha na~M/ b+h+yo b+ho sa druka ki ka mi Ti/ rbA rtu la la sarbA/ spyod ngan ma'i'o// oM sa ra sa ra/ kaT+Ta kartA/ dza b+ha ya dzaM b+ha ya/ stam+b+ha ya stam+b+ha ya/ mo ha ya mo ha ya/ bi d+yu ta ka rA l-i a pra ta ha ta ba ri sid d+hi da ya ke ha ha ha hUM swa hA/ glog ltar 'jigs ma'i 'o/ / oM sau mya mu khaM A kaR+Sha ya/ sarba b+hU ta na dza ya dza ya/ b+ho b+ho ma hA sA d+ha ka no toSh+Tha tiSh+Tha sa ma ya ma nu pA la ya A dzA pa ya ti swa hA/ bzhin mdzes ma'i'o// dur khrod du 'jug ma rlon mo brgyad kyi rdzagakyi tshig go/ / de nas 'dir dur khrod du 'jug ma rnams kyi phyag rgya'i mtshan nyid rnam par bshad pa/ khu tshu phan tshun bcangs nas mdzub mo gnyis brkyang ba ni 'byung mo'i dam tshig gi phyag rgya ste/ phyag rgya 'di nyid kyis dgug par yang bya'o/ / dur khrod du 'jug pa'i sha ba mo 'byung mo chen mo brgyad kyi phyag rgya bshad pa/ g.yon pa'i mdzub mo brkyang ba ni gdong drag ma'i phyag rgya'o// khu tshur so sor bcangs nas mthe'u chung gnyis 'khyud de mdzub mo gnyis brkyang nas kha'i phyogs su sbyar ba ni mche ba gtsigs pa'i phyag rgya'o/ / lag pa g.yon pa khu tshur bcangs te gung mo brkyang ba ni rgan mo gdong gi phyag rgya'o/ / phyag rgya de nyid las gung mo bkug cing srin lag brkyang ba ni pad+ma'i mig can pa'i phyag rgya'o// phyag rgya 'di nyid las srin lag bkug nas mthe'u chung brkyang ba ni mi sdug gdong ma'i phyag rgya'o/ / lag pa g.yas pa khu tshur bcangs nas mdzub mo brkyang ba ni spyod ngan ma'i phyag rgya'o// phyag rgya 'di nyid las mdzub mo bkug cing gung mo brkyang ba ni glog ltar 'jigs ma'i phyag rgya'o/ / phyag rgya 'di nyid las mthe'u chung rab tu brkyang ba ni bzhin mdzes ma'i phyag rgya'o// dur khrod du 'jug ma'i 'byung mo chen po brgyad kyi phyag rgya'i mtshan nyid kyi cho ga rgyas pa'i le'u'o// / de nas 'dir ni bshad bya ba// 'byung po 'dul ba'i rgyud chen rgyal// dur khrod 'jug pa'i 'byung chen mo// brgyad po sgrub pa'i cho ga ste// dbul po rnams la phan don du/ / bran mo'i sgrub thabs dam pa'o// dur khrod du song nas stong phrag brgyad bzlas na sngon du bsnyen pa byas par 'gyur ro// de nas sgrub pa brtsam par bya ste/ mtshan mo dur khrod du song nas seng ldeng gi lam shing zho dang / sbrang rtsi dang / mar gyis byugs pas sbyin sreg brgya byas na/ de nas 'byung mo dur khrod du 'jug ma myur du 'ong ste/ ngas ci bya zhes mngag gzhug byed par 'gyur ro// zhing bskyed pa'i zhing gi las byed cing nyi ma re re dong tshe re re ster ro// mtshan mo zhing gi gseb tu song ste nya dang shas ji ltar gsungs pa'i gtor ma sbyin zhing / lan nyi shu rtsa gcig khongs su bzlas na las kyi sha za mo ji ltar bstan pa'i las thams cad byed do/ / mtshan mo dur khrod du song ste stong phrag brgyad bzlas na sha za mo nyan rnam myur du bzang mo'i gzugs kyis 'ong ste mngag gzhug mar 'gyur ro/ / khyim gyi las dang / bya ba dang / shags dang / drag po'i las la sogs pa byed do// mtshan mo dur khrod du song nas stong phrag brgyad bzlas na sha za mo nyan rnam 'byung mo'i 'khor lnga brgyas yongs su bskor te myur du 'ong ngo / / 'ongs pa la nya dang sha las byas pa'i gtor ma dmar po byin na dga' bar 'gyur ro// bran gyi las byed cing ras zung gcig dang / dong tshe gcig dang / 'bras chan dang / rgyan la sogs pa sgrub pa po dang 'gro ba lnga la nyi ma re re ster ro// dpag tshad brgya nas kyang bud med bzang mo blangs nas ster ro// mdor na bran dang bran mo dang 'dra bar ji srid 'tshe'i bar du las thams cad byed do/ / 'byung po 'dul ba'i rgyud chen po las/ las kyi sha za mo'i cho ga rgyas pa'i le'u'o// // de nas 'byung mo gtum mo chen mo ka ta ya na gtum mo chen mo langs te/ 'khor gyi dkyil 'khor chen po der dpal khro bo'i bdag po chen po'i zhabs la phyag 'tshal te rang gi snying po phul ba/ oM hUM hUM hUM phaT phaT ka ta ya na zhi ba ma'i 'o/ / oM pU dza la hUM phaT/ ka ta ya na chen ma'i 'o// oM au hri hri hU hU he he phaT phaT sa hA/ drag mo ka ta ya na'i 'o// oM ro dr-i b+ha yaM ka raM aT+Ta ha saM ni sA d+ha ka pr-i ye ma hA bi ts+ya / ta rU pe rat+na ka ro su bar+Na ha te ya ma ni kr-in+ta ni/ sarba duHkha pra sha ma ni/ oM o o o/ tsU hUM hUM hUM/ shidz+dza/ sid d+hi pra yats+tsha hrIHdza sa hA/ 'byung po'i dbang phyug ma gtum mo ka ta ya na'i'o// oM ya ma ni kran+ti ni a kA la mri t+yu ni bA ra NaM/ khang+ga shU la ha ste shI g+h+r-i pra sid d+hi d+ha tu sA d+ha ka mA dz+nyA pa ya ti hrIHswA hA/ ka ta ya na dregs ma'i 'o// oM he ma kuN+Da li d+ha ka d+ha ka dz+wa la dz+wa la di bya kuN+Da li b+hU Shi te dam ni ma tha ni b+ha ga ban adz+nyA pa ya ti swa hA/ ka ta ya na rna cha can gyi'o// oM b+h+r-i ku Ta mu khi ka ha ka ha/ d+ha ba d+ha ba/ dz+wa la dzA la/ hu ta a sa na mu khi I gats+tsha A gats+tsha be ta hod tha ba ni/ A bi sha A bi sha/ hUM ts+tsha hUM/ phaT phaT phaT/ b+ha ga ban A dz+nyA pa ya ti hrIHswa hA/ ka ta ya na rgyal ba'i bzhin can ma'i'o// oM b+h+r-i ku ma tha ni ka ha ka ha dza ya dza ya/ sarba a su ra pa tsa te hUM phaT swA hA/ ka ta ya na mdzes ma'i'o// oM s+ya ra ta pri ye bya lo tsa ni ka me shwa ri dza gad mo ha ni su b+ha ge kA tsa na/ a la b+hu Shi Ni na pu ra shan+de/ A be sha bi sha/ bi pu ra pu ra/ sA d+ha ka pri ye hrIHsa hA/ kata yan des na ma'i'o/ / ka ta ya na'i 'byung mo brgyad kyi rog sngags bklags pa tsam gyis 'grub pa'o// de nas mchog tu gsang ba'i 'byung po chen po gdul ba'i rgyud chen po las/ ka ta ya na brgyad po phyag rgya'i mtshan nyid 'byung mo thams cad sgrub par byed pa bshad par bya ste/ sor mo rnams phan tshun du bsnol nas mdzub mo brkyang ste bkug pa ni ka ta yan na ba ma'i phyag rgya'o// sor po rnams nang @/ du bkug nas mdzub mo gnyis bskyil ba ni ka ta ya na chen mo'i phyag rgya ste/ 'byung mo ma lus pa 'gugs pa'o// phyag rgya 'di nyid las gung mo khar gtad nas mthe'u chung gnyis bkug pa ni 'byung mo thams cad gsod pa ste/ rigs 'joms par byed pa sgrub pa po chen po dga' ba'i 'byung po'i dbang phyug ma'i phyag rgya'o// phyag rgya 'di bcings pa tsam gyis myur du 'grub par byed do/ / khu tshur gnyis po so sor bcangs nas/ mdzub mo gnyis brkyang ba nau ka ta ya na dregs ma'i phyag rgya ste/ dri dang / spos dang / de bzhin du me tog gis mchod cing nya dang sha'i gtor ma byin na 'byung po thams cad skad cig de la bran mor 'gyur ro/ / khu tshur gnyis dam du bcings nas mdzub mo gnyis 'khyud pa ni 'byung mo'i phyag rgya ste/ de nyid ka ta ya na gtum mo mig 'gebs ma'i phyag rgya'o/ / mdzub mo gnyis brkyang ba ni 'byung mo thams cad sgrub cing 'byung mo rnams 'gyel zhing gsod pa'i phyag rgya ste/ rigs dang brgyud du bcas pa sgrub pa rgyal ba'i bzhin can ma'i phyag rgya ste/ 'byung mo ma lus pa dbang du byed pa'o// khu tshur so sor bcangs nas mthe'u chung gnyis 'khyud de mdzub mo gnyis brkyang ste bkug pa ni 'jig rten gsum 'gugs par byed pa'i phyag rgya ste/ drag po dang / tshangs pa dang / brgya byin du bcas pa'ang 'gugs na/ 'byung mo phran tshegs rnams lta ci smos te/ de ni ka ta ya na mdzes ma'i phyag rgya'o// 'byung mo chen mo ka ta ya na brgyad kyi phyag rgya'i tshe ga rgyas pa'i le'u'o/ / / de nas 'dir mchog tu gsang ba gsang chen 'byung po 'dul ba'i rgyud kyi rgyal po chen po'i 'byung mo ka ta ya na rnams kyo sgrub pa'i thabs rnam par bshad pa/ 'byung mo ka ta la na rnams kyi sgrub pa'o thabs ni dur khrod du song nas brgya phrag brgyad bzlas na nyi ma gsum na 'byung mo thams cad myur du 'ong ste/ 'ongs pa la thod pa khrag gis yongs su bka ste mchod yon byin na dga' bar 'gyur te/ sdug pa ngas tsa bya zhes smra ste/ sgrub pa pos ma gyis shig ces smras na ma dang 'dra bar yongs su skyong bar byed do// rgyal srid ster zhing bsam pa thams cad yongs su rdzogs par byed la/ sgrub pa po rnams kyi bdag por 'gyur ro// lo brgya phrag lnga 'tsho zhing shi nas kyang rgyal rigs su skye'o// de nas rdo rje 'chang gi khyim du song ste stong phrag brgyad bzlas na des sngon du bsnyen pa byas par 'gyur ro/ / mtshan mo'ang dpal rdo rje 'chang go khyim du song ste bzlas na bud med bzang mo'i gzugs kyis 'dug nas mchog ster ro// mtshan mo long ga gcog par song ste stong zag gcig bzlas na nya ma gcig na rkang gdub kyi sgra thos so/ / nyi ma gnyis na bung med bzang mo bdun du 'dug ste sems sun mi dbyung zhing smra bar yang mi bya'o// nyi ma gsum pa la tshig smra byed de/ kye sgrub pa po bka' ci stsal zhes smra ste/ sgrub pa pos kye lha mo chen mo bsnyen bkur gyis shig ces smras na/ ji srid 'tshe'i bar du bsnyen bkur bar 'gyur ro// rgyab tu zhon na ri rab dang rgya mtsho la sogs par 'khyer ro/ / gzhan yang ngal bso ba'i khyim du song ste 'dug na rdzas blangs te ster bar byed do// 'dzam bu'i gling gi khongs su gtogs pa na gzug mchog dang ldan pa'i bu mo blangs nas ster ro/ / de nas 'dod par byas na lo lnga brgya 'tsho zhing shi ba na rgyal phran gyi rogs su skye'o// mtshan mo chu bo 'dus pa'i 'gram du song ste stong phrag brgyad bzlas na 'byung mo bud med bzang mo'i gzugs can du 'khor dang bcas nas 'ong ste/ 'ongs pa la 'bod par mi bya zhing sun dbyung bar mi bya ste/ mi smra bar gyur pas chags pa spyan na nyi ma re re rtag tu gnas par 'gyur ro/ / dong tshe lnga dang ras phrugs gcig ster ro// mtshan mo skyed mos tshal du song ste brgyad stong bzlas na nyi ma gsum na rkang gdub kyi sgra thos so// nyi ma bzhin 'byung mo 'ong ba mthong ngo / / nyi ma ldan mdun na 'dug go// nyi ma drug na dong tshe lnga ster ro// nyi ma bdun na'ang 'ong ste khyim dang bcas nas 'ongs pa la chags pa byas nas chung mar 'gyur ro// de bzhin du nyi ma brgyad pa la sngas su maN+Dal byas la gu gul gyi bdug pa byin te/ stong phrag brgyad bzlas na 'byung mo'i bu mo'i gzugs kyis khyim dang bcas nas 'ong ste/ 'ongs pa la chags pa byas na chung mar 'gyur ro/ / lha'i mu tig gi do shal mal du bor nas tho rangs kyis 'gro ste/ des kyang mu tig gi do shal blang bar bya'o// blangs pa tsam gyis dong tshe nyi shu rtsa lnga dang ras bung gcig ster ro// dgra thams cad 'joms par byed cing tshe lo stong thub par 'gyur te shi nas rgyal rigs su skye'o// lha khang stong par song nas mtshan mo brgyad stong bzlas na nyi ma gsum na 'byung mo rang nyid snang ba chen mo byas nas 'khor brgyad brgyas yongs su bskor te nges par 'ong ngo / / 'ongs pa la tsan dan gyi chu'i mchod yon byin na dga' bar 'gyur te chung mar 'gyur la/ dngul chu dang / bcud kyis len dang / rdzas kyi grub pa ster ro/ / 'khor brgyad brgyas gos dang / rgyan dang / bza' ba la sogs pa ster ro// lo lnga stong 'tshe zhing gang gi tshe 'tsho ba na rgyal rigs su skye'o// mtshan mo rgyal po'i khab tu song ste stong phrag brgyad bzlas na sngon du bsnyen pa byas par 'gyur ro/ / nub lngar ka ra wI ra'i shing gis me rab tu sbar te/ ma la ta'i me tog zho mar gyis byugs te brgyad brgya bsregs na/ 'byung mo'i rgyal mo 'khor lnga brgya'i rkang gdub kyi sgra chen pos myur du 'ong ngo / / 'ongs pa la me tog gi mchod yon byon na ma dang / sring mo dang / chung mar 'gyur ro// gal te mar gyur na sems sun 'byung bar mi bya ste/ lhas 'dod pa'i bza' ba sbyar zhing gser srang 'bum ster ro// gal te sring mor gyur na ni rgyal srad ster zhing dpag tshad stong nas kyang bud med blangs nas skyer ro// gal te rlung mar gyur na ni bung mdzes ma lta bus lus kyi longs spyod ster zhing re ba thams cad yongs su rdzogs par byed do/ / khaM khri tshe zhing gang gi tshe 'chi ba na rgyal rigs su skye bar byed do// de nas zla ba nya ba la khri bzlas pa byas nas mtshan mo lha khang du song ste/ mchod pa rgyas par byas nas mtshan thog thag bzlas na tho rangs nges par 'ong ngo // 'ongs pa la khrag gi mchod yon byin na dga' bar 'gyur zhing mngag gzhug par 'gyur ro/ / nyi ma re re dong tshe lnga lnga ster zhing lha'i 'dod pa'i bza' ba ster ro// lo lnga brgya 'tsho bar 'gyur ro// 'di ni ka ta yan brgyad kyi cho ga rgyas pa'i le'u'o// / de nas rnam par bshad bya ba// 'byung po 'dul ba'i rgyud chen gyi// zan po dang ni bran mo dag/ sgrub par byed pa'i cho ga'o// oM rA hur hu ma hA tse tu ka nan+da ri d+ha nan hi ta ha ra thA ya/ oM hra hra hra hra hra/ gr-ih+Na gr-ih+Na/ mA sa sid+d+him+me pra yats+tsha sa hA/ ra skyes nag po'i sha btsong ba'i sngags te/ mtshan mo dur khrod du song nas brgya rtsa brgyad bzlas na/ sha thams cad btsong ba'i las 'grub par 'gyur ro/ / mtshan mo dur khrod du song nas sha srang brgyad khyer nas phyogs bzhir rnam par bltas te/ kye kye dur khrod na gnas pa'i 'byung mo rnams sha nyo 'am zhes bos nas bram ze'i gzugs kyis mdun du 'dug ste/ kye skyes bu chen po tsa bzhed ces spra na/ sgrub pa pos gser 'dod do zhes smra ste/ gser srang brgya ster bar byed do// de nas sha sbyin te/ gal te mi 'dod na mig dang spyi bo 'gas pa 'am 'chi bar 'gyur ro/ / de nas dbang phyug chen po lha chen po rig 'dzin bye ba du mas yongs su bskor te/ lha'i bu mo dum dang / gnod sbyin dang / klu dang / mi 'am ci dang / lte 'phye chen po khri brgyad stong du ma dang lhan cig tu 'khor gyi dkyil 'khor chen po der dpal rdo rje 'chang khro bo'i bdag po chen po la lan gsum bskor ba byas te/ zhabs la mgo bos phyag 'tshal nas bcom ldan 'das la 'di skad ces gsol to/ / byang chub sems dpa' sems dpa' chen po rnams la mi phyed par bstan pa/ khams gsum pa'i rgyal po chen po 'byung po dang / klu dang / gnod sbyin dang // rig 'dzin rnams 'jig par byed pa/ bgegs thams cad 'joms pa/ sdug bsngal ba dang nyon mongs pa thams cad sel ba/ gdon thams cad dang / ro langs dang / lus srul po rnams gsod pa/ dkyil 'khor gsang chen thams cad grub par byed pa bshad du gsol/ de nas 'khor gyi dkyil 'khor der gnas pa'i byang chub sems dpa' sems dpa' chen po 'jam dpal gzhon nur gyur pas/ 'byung po'i dbang phyug lha chen po la legs so zhes bya ba byin te/ legs so legs so// lha chen po ma 'ongs pa'i dus na 'dzam bu'i gling gi mi rnams la phan pa'i don du 'byung po thams cad dang / klu dang / gnod sbyin dang / mi 'am ci rnams bran mor sgrub pa'i thabs khro bo'i bdag po chen pos gsungs shig/ de nas 'dir ni bshad bya ba// dkyil 'khor chen po dam pa ste/ / gru bzhi pa la sgo bzhi pa// rta babs ngag ni bzhis brgyan cing // cha rnams bcu drug dag dang ldan// rdo rje rabs mdzes bya ba// de dbus dgod bya drag po ste// 'bar ba'i 'phreng ba yang dag 'khrug/ khro bo chen po phyag bzhi pa// mig sman sbyangs pa'i 'od 'dra zhing // phyag g.yas kyis ni rdo rje gsor// g.yon pa'i phyag gis sdigs mdzub mdzad/ / zhal gyi mche ba gtsigs pa ste// sbrul brgyad kyis ni rnam par brgyan// thod pa'i 'phreng ba'i cod pan can// 'jig rten gsum yang 'jigs byed cing // sgra cher drag tu bzhad mdzad la/ / 'jig rten gsum po'i bdag po ste// g.yon brkyang ba yos legs par bzhugs// nyi ma bye ba'i gzi ldan la// gzhan gyis mi thub zhabs kyis mnan// phyag rgya 'ching bas bzhugs pa ste/ / srin lag gnyis ni 'khyud nas su// mdzub mo gnyis ni bkug byas te// mthe'u chung dang ni gung mo dag/ mthe bong gis ni mnan byas pa// dpal ldan 'di 'ja'i rgya 'dzin cing / / 'jig rten gsum gyi 'byor 'grub pa'o// khra ba'i mdun du sum yi// bdag po yang dag za bar bya// lho ru khyab 'jug tha bya ste// rlung tu tshangs pa ma nyid do// byung bdag po sngon drug go/ / dbang lhun du ni tshogs bdag po// 'od zer stong gis mdzes pa ni// se mi grwaran tho bar bya// sgra gcan bden bral grwa rmaH// dga' ba'i dbang phyug rngu zang/ / gser gyi ladogs bu'i zag// rgya rnams kun gyis rnam pa bcam// sung yang god cing gas 'a mas// bcom sa ngas sa paso// mang ba rgya ma gangs pa dkyil 'khor phyi rol bri bya ste/ / zla ba yi no g.yon logs su// lha mo u 'bri bar bya// khro bo ya no mdun nyid du// dpal gyi lha mo bri bar bya// lag pa me tog thogs pa'o// khro bo la ni g.yas logs su/ / rgyan kun gyis ni brgyan byas shing // lag pa na ni spos thogs pa'i// thig le mchog ni legs par bri// khro bo yi ni rgyab kyi char// lha yi rna chas brgyan pa yi// lag na mar me thogs par ni// zla ba'i lha mo bri bar bya// lha yi rna chas brgyan pa yi// lag na dri yi snod thogs pa// rin chen rgyan gyis brgyan pa yi// lha mo me yi gra ru bri// glu dang snyan dngags mang smra ba'i/ / tshig dbang lha mo srin por bri// gnod sbyin kun gyi dbang phyug ma// sdug gu mdzes ma zhes grags pa// lag na rin chen 'phreng thogs pa// rlung gi grwar ni bri bar bya/ / 'byung po kun gyi dbang phyug rgyal// mo dbyung zhes bya'i 'byung mo no// rgyan rnams kun gyis brgyan pa ru// dbang ldan gra ru bro bar bya// bzhin bzang mig gi dkyus ring zhing // gzugs dang lang chos brgyan pa la// mdog ni gser dang 'dra ba ste// skra ni mthon mthong 'khyil ba la// yan lag kun mdzes lha mo ni// sgrub pa'i rigs la dga' rnams so// brgya byin shar du bri bya ste/ / me ni me ru legs par bri// lhor ni gshin rje'i rgyal po ste// srin po'o bdag po bden bral du// nub tu chu yi rgyal po'o// rlung du rlung gi lha nyid do// byang du lus ngan rgyal po bdag/ dbang ldan zla ba bri bya ste// rang rang gnas su dgod par bya// de nas dkyil 'khor du 'jug pa'i cho ga bshad par bya ste// rdo rje slob dpon bdag nyi tsug tor sngon po bcings te/ ras sngon po zung gcig bgos nas rdo rje gsor zhi 'di skad ces brjod do// sems can kun la phan don du// myur du dngos grub sbyin mdzad pa// grub pa'i rdo rje khro bo che/ / lha nyid dam tshig la zhugs shog/ de nas dpal khro bo chen po lha nyid dam tshig la zhugs shig ces brjod do// de'i 'og tu dpal khro bo chen po'i phyag rgya bcings te gzhug cing 'di skad ces brjod do/ / hUM badz+ra phaT/ 'di skad brjod pa tsam gyis bdag nyid khro bo 'jug go/ de nas slob ma gzhag par bya ste/ ras sngon pos gdong g.yogs nas khro bo'i phyag rgya smra bor bzhag ste/ rdo rje'i chu khar sbyin par bya'o// mai toSh+Tha tiSh+Tha sid d+hi hU~M hUM/ 'dis sbyin par bya'o// oM pra be sha kro d+ha hUM hUM hU~M sa/ 'di dang khro bo dbab pa'i phyag rgyas dbab par bya ste/ ge hUM gis ri rab kyi steng na 'dug pa'ang 'debs shing / 'das pa dang / ma 'ongs pa dang / da ltar byung ba'ang smra bar byed do// de nas me tog dor bar byas nas/ de'i 'og tu gdong g.yog bkrol te lha'i rigs bstan cing ming gi dbang bskur te mchod par bya zhing / phyag rgya dang sngags kyang bslab par bya'o// 'byung po 'dul ba'i rgyud chen po las/ dngos grub kyi cho ga rgyas pa'i le'u rdzogs so/ / / de nas 'dir 'byung po 'dul ba'i rgyung chen po las/ cho ga rgyas par bshang ba/ dang po ro zhog lag pa gnyis la zla ba'i dkyil 'khor bsgon te/ de dag gi dbus su yi ge hUM 'bar ba'i 'phreng ba 'khrugs pa bsams te sngags 'di bzla bar bya'o// oM sod d+hi badz+ra hUM/ de nas sdig pa thams cad 'joms pa'i sngags bzlas te snying khar zla ba'i dkyil 'khor bsams te/ de'i steng du yi ge ra dmar po thig le dang bcas pa 'bar ba'i 'phreng ba 'khrugs par bsams nas/ sdog pa thams cad 'joms pa'i sngags 'di bzlas so/ / oM ha na bo d+hAn sa ya bi d+han sa ya/ nA sha ya sA baM hUM phaT/ 'di'i rjes thogs kho nar stong pa nyid du bsgoms te/ mdun du me tog kun dang shel lta bur bltas nas de'i dbus su yi ge hUM dang pad+ma 'dab ma brgyad pa rnam par bsams te/ de'i dbus su yi ge hUM 'bar ba'i 'phreng ba kun nas 'khrugs pa rnam par bsams la/ khro bo dbab pa'i sngags 'dis dbab par bya'o/ / oM kro d+ha A be sha ya hUM hUM hUM a/ de nas khro bo dbab pa'i phyag rgya bcings te sngags 'di bzla bar bya'o// oM badz+ra A be sha ya A be sha ya/ pA ta ya pA ta ya hUM/ de nas rang lha'i skur bsam mo/ / de nas khro bo'i bdag po khro bo'i rgyal po'i phyag rgyas yan lag drug tu dgong par bya ste/ oM han badz+ra hUM/ spyi bor ro// oM d+ha ra badza hUM/ spyi gtsug tu'o// oM dip+ta badz+ra hUM/ mig tu'o// oM badza rol na hUM/ stong khar ro// oM badz+rA dr-ir+N+Na badz+ra hUM/ go cha'o// oM ha na da ha pa tsa kro d+ha badz+ra sarba duSh+TA na d+hA ra ya hUM phaT/ mtshon cha'o// khro bo'i rgyal po 'di dag yan lag drug la dgod par gsungs so/ / de nas dkyil 'khor gyi lha'i snying pos spyan drangs te/ sor mo phan tshun du bkug nas mdzub mo gnyis rtse mo bkug pa'i phyag rgya 'di la sngags sbyar bar bya'o/ / oM badz+ra d+ha ra ma hA kro d+ha sa ma ya ma nu pA la ya shI g+h+raM/ A gats+tsha hrIHdzaHhUM phaT swA hA/ 'dis lha thams cad spyan drang bar bya'o// oM sarba de ba ta pra sid d+ha hUM a/ oM nA sha ya duSh+TAn da ha pa tsa duSh+TA na b+ha smi ku ru hUM hUM phaT phaT/ stang stabs kyi'o// oM badz+ra kro d+ha ma hA tsaN+DA/ ban d+ha ba na d+hA/ da sha dI sha hUM phaT/ phyogs bcing ba'o// oM b+hur+N+Na ba swA hA/ lha chen po'i 'o// oM A shrI badz+ra ha na ye swA hA/ khyab 'jug gi'o// oM de ba ku ru d+he d+ha re ya swA hA/ skye dgu'i bdag po'i 'o// oM hrIHkr-i tsa shak+te d+hA ra Ni phaT phaT/ gzhon nu'i sngags so// oM gr-i ga Na pa ta ye sA hA / tshogs bdag gi'o// oM shI tsa ya a tra kau Ne swA hA/ nyi ma'i'o// oM narti shwa rA ya/ nA ta nA ta hrIHswA hA/ dga' ba'i dbang phyug gi'o// oM tsan+da shakra pa rA kra ma ye hUM phaT/ sgra gcan go'o// oM sa ra sA t+yaM gA tA ya sarba swA hA/ dbyangs can ma'i 'o// oM shrI tsan ma/ rtsom ma mo'i'o// oM tsan+d+ra la shrI swA hA/ steng gi zla ba'i 'o// de nas mchod pa'i lha mo rnams kyi snying po bshad pa/ oMn maH/ lha mo u ma'i'o// oM shrI na maH/ dpal gyi lha mo'i'o// oM na maH/ thig le mchog ma'i'o// oM shrI na maH/ zla ba ma'i 'o// oM yak+Sha shI ri kA sA hA/ sdug gu mdzes pa'i'o// / oM A b+hU ti no hrIH/ mi 'byung ma'i 'o// de nas 'byung mo sgo skyong ma brgyad kyi'o// oM a shrI baM maM swa/ 'byung po brgyad kyi snying po ste snga ma bzhin no// 'byung po 'dul ba'i rgyud kyi rgyal po chen po las/ dngos grub kyi dkyil 'khor gyi cho ga rgyas pa'i le'u rdzogs so// / de nas 'byung po 'dul ba'i rgyud kyi rgyal po chen po las/ phyag rgya'i mtshan nyid kyi cho ga rgyas par bshad pa/ sor mo phan tshun bsnol nas mdzub mo gnyis bkab pa ltar brkyang ba byas pa ni sdig pa 'joms pa'i phyag rgya'o// khu tshur phan tshun bcangs nas mdzub mo gnyis 'khyud pa ni khro bongs pa'i phyag rgya ste/ 'jig rten gsum skad cig gos 'bebs pa'i phyag rgya chen po'o// de nas yan lag drug gi phyag rgya bshad pa/ khu tshur phan tshun bcangs te gung mo'i sor mo brkyang ba ni spro ba'i phyag rgya'o/ / phyag rgya de nyid las gung mo nang du bcu gnas mdzub mo kha ba ltar byas pa ni spyi gtsug gi phyag rgya'o// phyag rgya de nyid las mdzub mo'i rtsar mthe bong bzhag ste/ mthe bong g.yas pa g.yas par bzhag ste/ mthe bong g.yon pa mig g.yon par bzhag pa ni mig gi phyag rgya'o// khu tshungs sor bcangs te mthe'u chung gnyis 'khrung la mdzub mo gnyis brkyang ba ni stong kha'i phyag rgyal// phyag rgya de nyid las mdzub mo bskyil ba byas pa ni go cha'i phyag rgya'o// mdzub mo gnyis brkyang ba ni mtshon cha'i phyag rgya'o// snyom pa mnyam par byas nas mthe bong gnyis mdzub mo la bcangs pa ni yon chab kyi phyag rgya'o/ / khu tshur so sor bcangs pa la mthe bong brkyang ba ni stang stabs kyi phyag rgya'o// khu tshur so sor tha dad par bcangs te mdzub po g.yon pa brkyang nas dpung pa g.yas pa'i rtsa bar gzhag go/ / g.yas pas mthe bong mthe'u chung gi sor mo mnan te sor mo lhag ma brkyang nas phyogs bcur bskor ba ni bcing ba'i phyag rgya'o// de nas lha chen po'i phyag rgya bshad pa/ thal mo mnyam par sbyar te mthe'u chung dang srin lag bkug pa ni drag po'i phyag rgya'o// thal mo mnyam par sbyar nas mdzub mo gnyis 'khyud de bkug pa ni sred med kyi bu'i dung gi phyag rgya'o// sor mo phan tshun bsnol nas mthe'u chung rab tu brkyang ba ni skye dgu'i bdag po'i spyi blugs kyi phyag rgya'o/ / lag pa g.yon pa khu tshur bcangs te gung mo so sor brkyang ba ni khrung khrung 'joms pa'i mdung go phyag rgya'o/ / gung po sor mo'i tshogs bkug pa ni tshogs kyi bdag po'i dgra sta'i phyag rgya'o// thal mo mnyam par byas nas bkra shis kyi lag par byas te g.yon pa'i mthe'u chung gis snying po byas nas g.yon pa'i mthe bo'i rtse mor bzhag cing / g.yas pa'i mthe bong de'i steng du bzhag pa ni nyi ma'i shong rta'i phyag rgya'o// lag pa g.yas pa brkyang nas sam mdzub mo dang srin lag bkug pa ni sgra gcan gyi phyag rgya'o/ / lag pa g.yas pa gar gyi tshul gyis g.yon pa'i steng du bzhag cing lag pa g.yon pa khu tshur bcangs te mdzub mo dang gung mo brkyang nas mthe bong gis mthe'u chung dang srin lag gi sen mo man pa ni dga' ba'i dbang phyug gi phyag rgya'o/ / khu tshur so sor tha dad par bcangs te mthe'u chung 'khyud pa ni lha mo dka' bzlog ma'i phyag rgya'o// lag pa gnyis ka gdengs ka ltar bstan te spyi bor bzhag pa ni dpal lha mo'i phyag rgya'i mtshan nyid do/ / thal mo sbyar nas nam mkha' la bskyod pa ni zla ba'i phyag rgya'o// khu tshur so sor bcangs la mthe'u chung dang mdzub mo 'khyud pa ni lha mo zla ba ma'i phyag rgya'o/ / de nas rin chen rgyan can ma'i phyag rgya bshad pa/ khu tshur so sor bcangs te mdzub mo gnyis brkyang nas rin po che'i rnam pas dpral ba'i phyogs su 'phreng ba bcings te bzhag pa ni rin chen rgyan can ma'i phyag rgya ste/ sngags ni/ oM rat+na shrI swA hA/ de nas dbyangs can ma'i phyag rgya bshad pa/ sor mo phan tshun 'khyud de mdzub mo gnyis brkyang nas khar bzhag pa'o// thig le mchog ma'i phyag rgya bshad pa/ sor mo phan tshun du pad+ma 'khor ba'i sbyor bas bskor te spyi bor bzhag pa ni thig le mchog ma'i phyag rgya'o// de nas rtsom pa mo'i phyag rgya bshad pa/ lag pa so sor sor ma gcig la gcig bskor ba'i sbyor bas snying khar bzhag pa ni rtsom pa mo'i phyag rgya'o/ / de nas phyi'i dkyil 'khor gyi cho ga rgyas par bshad pa/ oM sha krA ya swA hA/ shar du brgya byin no// oM ag+na ye swA hA/ mer me lha'i'o// oM ya mA ya swA hA/ gshin rje'i phyogs su gshin rje'o// oM rAk+Sha sa a d+hi pa ta ye/ dza ya dza ya swA hA/ bden bral du srin po'i bad po'o/ / oM ba ru Na nA ga a d+hi pa ta ye sA hA/ nub tu chu l+yA'o// oM bA ya be tsa la tsa la swA hA/ rlung du rlung gi lha'o// oM ku be rA ya/ ya kA a d+hi pa ta ye swA hA/ byang du lus ngan po'i'o// oM tsan+d+rA ya swA hA/ dbang ldan gyi phyogs su zla ba'o// oM I sha nA ya swA hA/ dbang ldan gyi phyogs su dbang ldan nyid do// de nas gnod sbyin mo thams cad kyi dbang phyug ma sdug gu mdzes ma'i phyag rgya bshad pa/ khu tshur so sor bcangs te mthe'u chung rab tu brkyang ba'o// de nas 'byung mo'i phyag rgya bshang pa/ khu tshur so sor bcangs te mthe'u chung gnyis 'khyud nas sdigs mdzub byas te 'dzin pa ni 'byung po'i dbang phyug 'byung mo thams cad kyi rgyal mo'i phyag rgya'o/ / de nas 'byung mo sgo skyong ma brgyad kyi phyag rgya bshad pa/ khu tshur so sor bcangs te mdzub mo gnyis 'khyud pa ni 'byung mo brgyad kyi phyag rgya'o/ / de nas phyi'i dkyil 'khor gyi cho ga rgyas par bshad pa ni/ lag pa g.yas pa'i thal mo mnyam par byas te mthe bos mthe'u chung gi sor mo mnan nas sor mo lhag ma bkram pa ni brgya byin gyi rdo rje'i phyag rgya'o/ / lag pa g.yon pa'i thal mo mnyam par byas te cung zad bskyod pa ni me'i phyag rgya'o// lag pa g.yas par khu tshur bcangs te mdzub mo brkyang ba ni gshin rje'i dbyug to'i phyag rgya'o/ / lag pa g.yas pa khu tshur bcangs te mdzub mo dang gung mo brkyang ba ni srin po'i bdag po'i ril gri'i phyag rgya'o// lag pa g.yon pa'i khu tshur bcangs te mdzub mo brkyang nas bskyil ba ni chu lha'i zhags pa'i phyag rgya'o/ / lag pa g.yon pa'i khu tshur bcangs la mdzub mo dang gung mo brkyang ba ni rlung lha'i ba dan gyi phyag rgya'o// lag pa g.yas pa khu tshur bcangs te mthe bong brkyang ba ni rnam thos kyi glang po che'i phyag rgya'o/ / lag pa g.yon pa khu tshur bcangs te mthe'u chung gis sor mo mnan nas so mo lhag ma brkyang ba ni dbang ldan gyi tri shU la'i phyag rgya'o/ / de nas rdzogs par byed pa'i phyag rgya bshad pa/ thal mo sbyar ba ni rdzogs par byed pa'i phyag rgya'o// sngags bshad pa/ oM sid d+hi badz+ra/ a su rA ya a su rA ya hUM/ rdzogs par byed pa'i sngags dang phyag rgya'o/ / de nas dngos grub dgug pa'i sngags dang phyag rgya bshad pa/ khu tshur so sor bcangs nas mthe'u chung gnyis 'khrur de mdzub gnyis brkyang nas bskyol ba dngos grub dgug pa'i phyag rgya'o/ / sngags ni/ oM ba dza ro Sha Na ma hA kro d+ha sid d+ha A kaR+Sha a hUM dzaH/ dngos grub dgug pa'i sngags so// rgyal po chen po'i dngos grub ni// khro bo'i bstan pa'i dngos grub ste/ / lha rnams kun gyi dngos grub mchog/ bdag la myur du sgrub tu gsol// rdo rje gsor zhing sngags de dang 'ang brjod par bya'o// de nas 'byung mo'i gdong ni phyag rgya bshad pa/ lag pa g.yon pa'i thal mo mnyam par byas nas mthe bong bsgreng ste/ lag pa g.yas pa'i khu tshur gyis lag pa g.yon pa'i gzhan gyis mi thub pa'i phyag rgya btsangs te/ g.yas pa'i mthe bong bsgreng ba ni rdo rje 'chang gi 'byung po gdan gyi phyag rgya'o// oM dza ya dza ya ma hA kro d+ha a d+hi pa ti kro d+ha rA dza i maM b+hu ta A sa na/ daR+sha ya rak+Sha sA hA/ gdan gyi sngags so/ / de nas lha'i gdan gyi phyag rgya bshad pa/ thal mo sbyar ba byas te sor mo thams cad bkram pa ni pad+ma'i phyag rgyar brjod pa ste/ 'di ni phyag rgya'o// sngags ni/ oM pad+mo b+ha ga ba ni Sha na Na sarba de ba tAM swA hA/ lha thams cad kyi gdan gyi pad+ma'i phyag rgya dang sngags so// pad+ma'i phyag rgya 'di nyid las mthe bong g.yon pa bskul pas lha thams cad spyan drang ba dang gshes sugasol ba'i phyag rgya ste/ sngags ni/ oM sa ra sa ra/ bi sa ra bi sa ra/ gats+tsha gats+tsha sarba de ba tA nA~M/ shrI badz+ra d+ha ra sa ma A dz+nyA pa ya ti swA hA/ gshegs su gsol ba'i sngags so// zo chen thams cad grub mdzad pa// dngos grub bde bar sbyin mdzad pa// mthu chen bla na med pa ni// bdag la stsal te gshegs su gsol// bstod pa 'dis bstod par bya'o// 'byung po 'dul ba'i rgyud kyi rgyal po chen po las/ dngos grub kyi cho ga dkyil 'khor gyi sgrub pa rdzogs so// / de nas khro bo'i bdag po chen po phyag na rdo rjes 'di sad ces gsungs so/ / dkyil 'khor chen po 'di mthong ba tsam gyis khams gsum pa'i rgyal srid 'thob cing / 'di'i rdo rje 'chang bzlas pa tsam gyis rdo rje 'chang dang mtshungs par 'gyur ro// gal te ma grub na'ang gling bzhi pa'i 'khor los spur ba'i rgyal por 'gyur ro/ / dpal rdo rje 'chang khro bo'i bdag po bzlas pa tsam gyis 'byung po thams cad bran du 'gyur ro// gal te sngags pa khros na khros pa tsam gyis 'jig rten pa'i lha thams cad dum bu brgyar zhig par 'gyur ro/ / klu dang gnod sbyin thams cad mthong ba tsam gyis gsod cing / 'jig rten pa'i lha thams cad hUM gi sgra tsam gyis 'bros par byed do/ / de nas dpal rdo rje 'chang khro bo'i bdag po chen po'i sngon du bsnyen pa bya ba bshad pa/ bdag nyid srung ba'i sngags 'bum bzlas na myur du 'grub par byed pa'o// de nas dpal rdo rje 'chang sgrub par 'dod na zla ba gcig tu dus gsum du stong phrag re bzlas nas/ de nas zla ba nya la ji ltar 'byor pa'i mchod pa byas nas khro bo'i phyag rgya bcings te mtshan thog thag bzlas so/ / de nas tho rangs sa g.yo ba dang phyag rgya 'bar bar 'gyur te/ 'bar ba tsam gyis rdo rje 'chang dang mtshungs par 'gyur zhing / rga ba dang 'tsho ba med la lha'i gzugs su 'gyur ro// de nas lha mo sgrub par 'dod na lha mo dka' bzlog rkang pa g.yon pas mnan nas khri bzlas na lha mo rang nyid 'ong zhing dngos grub kyi rdzas dang / dngul chu dang / bcud kyis len gyi grub pa ster zhing chung mar 'gyur ro/ / gal te mgrung na drug dpa lang tshwas byugs te rkang ba g.yas pas mnan nas khro bo'i sngags 'di bzla bar bya ste/ oM han han badza swa ra ya che ge mo rgu laT/ 'di dang bcas pas mnan te stong phrag brgyad bzlas na/ bzlas pa tsam gyis spyi bo 'gas pa 'am bskams nas 'chi'o// de bzhin du khro bo'i sdigs kyis gsad pa thams cad la sbyar bar bya'o// de nas dpal lha mo sgrub par 'dod na dpal lha mo rkang pa g.yon pas mnan te khri bzlas na dpal lha mo 'ong ste/ me tog gi stan byin zhi legs par 'ongs so zhes brjod la chung ma gyis shig ces bsgo nas ji ltar 'dod pa ltar spyad na rgyal sring ster bar byed do/ / de nas 'jigs byed ma rkang pa g.yon pas mnan te khro bzlas na/ 'jigs byed ma rang gi gzugs kyis 'ong ste bran mo'i las rnams byed do// tsa mun ti rkang pa g.yon pas mnan te khro bzlas na tsa mun ti rang gi gzugs kyis 'ong ste/ tsa mun ti bran mor 'gyur ro// de bzhin du ma mo'i sgrub pa thams cad la mnan te bsgrubs na myur du 'grub par 'gyur ro/ / 'byung po 'dul ba'i rgyud kyi rgyal po chen po las/ sgrub pa'o thabs kyi cho ga rgyas pa'i rim par phye ba dang po rdzogs so// / phyag na rdo rje gtum po la phyag 'tshal lo// de nas shin tu 'da' bar dka' ba mchog tu drag po chen po'i sgrub pa'i thabs shin tu drag po las thams cad sgrub par byed pa gsungs pa/ ling ga gcig pa rkang pa g.yon pas mnan te stong phrag brgyad bzlas na nyi ma bdun na lnga chen po de myur du 'ong ngo / / gal te ma 'ongs nade'i bong la 'chi'o// sreng zed kyi bu mnan to nya ma 'jud du stong phrag bdun bzlas na nyi ma 'dun pa la nges par 'ong ngo // gal te ma 'ongs na spyi bo 'gas pa 'am bskams par 'gyur ro/ / nges par sred med kyi bu 'khor dang bcas pa mngag gzhug par 'gyur ro// tshangs pa mnan te stong phrag brgyad bzlas na nyi ma bdun na myur bar 'ong ste/ gal te ma 'ongs na bskams te 'tsho'o// mngag gzhug par 'gyur ro// brgya byin rkang pa g.yon pas mnan te nyi ma bdun du stong phrag brgyad bzlas na nyi ma bdun na nges par 'ong ste/ gal te ma 'ongs na nges par 'chi bar 'gyur ro// 'dis brgya byin mngag gzhug par 'gyur zhing pang na gnas pa blangs te ster bar byed do// gal te ma 'ongs na spyi bo 'gas shing dum bu brgyar 'jig la/ rang gi rigs brgyud rnams rlag par 'gyur ro// gzhon nu mnan nas stong phrag brgyad bzlas na nyi ma bdun na myur du 'ong ste/ gzhon nu ma ngag gzhug par 'gyur ro// gzhon nu'i gdon thams cad bran du 'gyur zhing / che ge mo 'tsho bar gyis shog/ che ge mo song cig ces sbas na de dag thams cad byed // tshogs kyi bdag po mnan te stong phrag brgyad bzlas na nyi ma bdun na myur du 'ong ste/ gal te ma 'ongs na rigs brgyud rlag cing 'chi bar 'gyur ro/ / log 'dren thams cad mngag gzhug par 'gyur ro// nyi ma rkang pa g.yon pas mnan te brgyad stong bzlas na nyim bdun na myur du 'ong ste rgyal srong ster ro/ / gal te ma 'ongs na 'chi ba 'am rang gi brgyang rlag par 'gyur ro// zla ba mnan te brgyad stong bzlas na nyi ma bdun na myur du 'ong zhing mngag gzhug par 'gyur la gser srang brgya ster ro/ / gal te ma 'ongs na spyi bo 'gas shing bskams te 'tsho bar 'gyur ro// rang gi rigs dang brgyud phung bar yang 'gyur ro// 'di ni zla ba 'khor du sgrub par bshad pa'o// 'jigs byed rkang pa g.yon pas mnan te nyi ma bdun du stong phrag brgyad bzlas na yang mtshan mo mchod pa chen po byas te sha chen pos mchod pa byas nas sha chen po'i gtong ma byas te/ sha chen nyid kyi tol gyis mar me rab tu sbar te/ nam phyed na sgra chen po byung ste drag tu dgod cing bsdang na/ kye skyes bu chen po 'di bza' yos spang zhig ces zer ro// des skrag par mi bya ste/ gal te skrag par gyur na yi ge hUM bzlas na bde bar gnas par 'gyur ro/ / 'jigs byed 'khor dang bcas pa bran du 'gyur ro// khams gsum pa'i rgyal srid ster zhing yi ge hUM bzlas pa tsam gyis 'jig rten lha thams cad 'joms so/ / gar gyi dbang phyug rkang pa g.yon pas mnan te nyi ma bdun du brgyad stong bzlas na skad cig de la 'ong zhing mngag gzhug par 'gyur ro// gal te ma 'ongs na bskams pa 'am 'chi bar 'gyur ro/ / nag po chen po rkang pa g.yon pas mnan te stong phrag brgyad bzlas na nyi ma bdun na 'khor gyi tshogs dang bcas te 'ong ngo // gal te ma 'ongs na skad cig de nyid la 'chi zhing rang gi rigs brgyud phung bar 'gyur ro/ / lha nag po chen po 'khor gyi tshogs dang bcas pa mngag gzhug par 'gyur ro// gdong bzhi pa phyug po'i khang par song ste rkang pa g.yon pas mnan nas khri phrag bzlas na nyi ma bdun na 'khor gyi tshogs dang bcas te 'ong ngo / / gal te ma 'ongs na rigs dang brgyud rlag par 'gyur ro// rnam pa thams cad kyis g.yog 'khor du 'gyur la/ rgyab tu zhon na mtho ris su'ang 'khyer ro/ / pad pa na gnas pa blangs nas ster zhing dngul chu dang bcud kyis len bzang po ster ro// bcom ldan 'das dpal rdo rje 'chang gos de skad ces gsungs so// 'byung po 'dul ba'i rgyud kyi rgyal po chen po las/ bdag gzhug sgrub pa'i cho ga rgyas pa'i le'u rdzogs so// // de nas stobs dang pha rol gnon pa dpag tu byed pa/ 'jig rten gsum gyis phyag byas pa'o bran mo sgrub pa'i thabs khro bo nyid kyis mi rnams la phan pa'i don du gsungs pa dngos grub kyi mchog rgyas par bshad par bya ste/ le lo can dang / sdig pa byed pa dang / rdzun du skabs kyang 'grub par byed do// tshul khrims dang ldan pa dang / zang zing spangs pa dang / tshangs par spyod pa la rtag tu gnas pa dang / rtag tu khro ba'i bzlas pa la gnas pas 'byung mo dang / klu mo dang / gnod sbyin mo sgrub par 'dod na sngags kyi tshogs kyis dgug pa la sbyar bar bya'o// lha mo u ma sgrub par byed pa rnams la phan pa'i don du bsnyen bkur mar bya bar bshad pa'o/ / dang por bsgrub par bya zhing de'i 'og tu dngos grub kyi mchog babang po rig 'dzin dang / phyogs kyi bdag po dang / nor gyi char dang / gter chen po dang / yid bzhin gyi nor bu dang / bum pa bzang po la sogs pa dang / gnod sbyin mo'i sgrub pa dang / sha za mo dang / sa la 'joms ma la sogs pa gsungs pa rnams 'grub ste/ sangs rgyas nyid kyang 'grub na/ tha mal pa 'byung mo bran du bya ba rnams lta smos kyang ci dgos te/ de'i mod la 'grub par 'gyur ro// 'byung po 'dul byed kyi rgyud chen po la ni sgrub pa po rtag tu khro bo'i zlos pa la gnas na slob dpon la smod pa dang / lha thams cad spong ba dang / dam pa'i chos spong ba dang / thams cad du dam tshig nyams pa dang / med pa dang / sngags dang / rgyud spangs pas kyang gal te 'dod na nges par de'i bod la myur du 'grub par 'gyur bar khro bo nyid kyis gsungs so/ / bcom ldan 'das dpal rdo rje 'chang khro bo'i bdag pos 'di skad ces gsungs so// de nas 'dir mchog tu gsang ba chen po 'byung po 'dul ba'i rgyud kyi rgyal po'i sgrub pa'i thabs gsungs pa/ dang po re zhig bklag pa tsam gyis 'grub par byed pa/ bran po dang bran po thams cad sgrub par byed pa/ dpal rdo rje 'chang khra ba'i bdag po bzlas pa tsam gyis myur du 'grub par byed pa/ den yang cing 'gegs 'joms la grub par byed pa'i sngags kyi tshig rnams so// oM nI tshug cu gar+b+ha/ che ge mo hUM huM hUM dza/ khro bo ngo dang bcas pas brgyad brgya bzlas pa tsam gyis myur du 'ong ste/ thams cad bran dang bran mor 'gyur ro// gal te ma 'ongs na spyi bo 'gas shing bskams te 'chil/ rigs dang rang gi rigs brgyud rlag par 'gyur ro// 'byung mo'i gzugs pa lang gi gi'u wang gos bris te/ rkang pa g.yon pas mnan nas stong phrag brgyad bzlas na skad cig de la kye ma kye ma zhes zer zhing 'ong ste/ 'gum mo 'gum mo// kye sgrub pa po bka' ci stsol zhes zer ro// sgrub pa pos kye 'byung mo bdag gi khol mo gyis shig ces smras na de khol mo'i las thams cad byed do// ba'i shun pa la ba lang gi gi'u wang gis gzugs brnyan bris te rkang pa g.yon mas mnan nas stong phrag brgyad bzlas na de'i mod la 'ong ngo // gal te de'i mod la ma 'ongs na nyungs kar gyis kha la bsnun cing sgra chen pos bskul na 'byung mo de rims drag pos 'tsho'o/ / phyir gso ba ni mar dang sbrang rtsi khar bcug na slar 'tshe'o// 'byung mo 'dis bran mo'i las byed cing sgrub pa po bdag nyid dang gsum la gos dang / rgyan dang / bza' ba nyi ma re re ster ro// gtsug lag khang gi sgor song ste stong phrag brgyad bzlas na 'dis pa glang mo'i blo gros zhes bya ba'i 'byung po 'ong ste/ 'ongs pa la gtor ma byin na sdug pa ngas ci bya zhes smra'o/ / ma gyis shig ces bsgon ma dang 'dra bar yongs su skyong zhing bdag nyid dang lngal gos dang / rgyan dang / bza' ba la sogs pa ster ro// 'byung po 'du ba'i rgyud kyi rgyal po chen po las/ bran mo sgrub pa'i cho ga rgyas pa'i le'u rdzogs so// / de nas mchog tu gsang ba shin tu gsang ba chen po 'byung po 'dub ba'i rgyud chen po las/ 'byung po sgrub pa'i thabs kyi cho ga rgyas par bshad par bya ste/ dbul po rnams la phan pa'i dor du dngos grub kyi sgrub pa'i thabs kho bo nyid kyis gsungs pa'o// de la 'bu mo rnams kyi mang bshad pa/ rgyan can ma dang / rna can ma dang / do shal can ma dang / seng ge ma dang / rgod byed ma dang / gar byed ma dang / dga' ba ma dang / 'dod pa'i dbang phyug ma dang / lha mo rnams so/ / 'byung mo brgyad po rnams chung mar don du gnyer ram/ mar gnyer ram/ yang na sring mor gnyer na sgrub pa po shing gcig par song ste/ mtshan mo dang nyin mo dus gsum du stong phrag brgyad bzlas nas/ bzlas pa'i mthar mchod pa chen po byas nas gu gul gyi bdug pa byin te bzlas na/ de nas nam phyed kyi dus su rgyan can ma nges par 'ong ngo // 'ongs pa la tsan dan gyi chu'i yon chab byin na dga' bar 'gyur ro/ / ma dang / sring mo dang / chung mar 'gyur te/ gang mngon par 'dod pa de smra bar bya'o// gal te mar gyur na ni 'khor brgyad brgya'i gos dang / rgyan dang / bza' ba la sogs pa ster ro// gal te chung mar gyur na ni dong tshe stong stong ster zhing / dngul chu dang bcud kyis len ster ro// gal te sring por gyur na ni dpag tshad stong nas bud med bzang po blangs nas ster zhing / dngul chu dang bcud kyis len ster la/ lha'i gter ster ro// mtshan mo dur khrod du song ste khri bzlas nas/ bzlas pa'i mthar rna cha dang do shal can gyi 'byung mo nges par 'ong ngo // 'ongs pa la khrag gi mchod yon byin na dga' bar/ 'gyur ro// ma gyis shig ces bsgon ma dang 'dra bar yongs su sbyong bar byed do// mtshan po lha khang stong par song ste khri bzlas na 'byung mo do shal can myur du 'ong ngo // 'ongs pa la chags pa spyad na chung mar 'gyur ro/ / 'gro ba bcu gnyis yongs su sbyong bar byed cing dong tshe nyi shu rtsa lnga dang ras zung gcig ster ro// de nas seng ge ma'i sgrub thabs bshad pa/ mtshan mo long ga gcig par song ste khri bzlas na rang nyid 'ongs shing / kye sgrub pa po bka' ci stsa la zhes smra zhing / sgrub pa pos chung ma gyis shig ces bsgon lha'i dngul chu dang bcud kyis len ster zhing / dong tshe brgyad dang ras zung gcig ster ro// de nas rgod byed ma'i sgrub thabs bshad pa/ phyag na rdo rje'i khang par song ste phyag na rdo rje dang nye bar 'dab ma la bris la/ ka ra wI ra'i me tog byin te nam phyed kyi bar du bzlas na/ rang nyid rdo rje 'chang gi khyim du rim par 'ong ngo / / 'ongs pa la tsan dan gyi chu'i mchod yon byin na/ kye sgrub pa po bka' co stsol zhes smra'o// sgrub pa pos pa dag gi mngag gzhug gyis shog ces brjod na rtag tu rjes su 'brang zhing ras dang / rgyan dang / bza' ba la sogs pa ster ro// de ma lus pa zang par byas te/ gal te cung zad bzhag na phyis 'byung bar mi 'gyur ro// mtshan mo gzhal yas khang skyed par byed do/ / de nas gar byed pa'i sgrub pa'i thabs bshad pa/ chu bo 'dus pa'i 'gram du song ste/ brgyad stong bzlas nas nyi ma bdun na mchod pa chen po byas pa nyi ma shar ba tsam gyis bzlas pa rdzogs par bya ste/ tsan dan gyi bdug pa byin nas yang bzlas na nam phyed kyi dus na nges par 'ong ngo // 'ongs pa la 'dod pas longs spyad na chung mar 'gyur ro// lha'i gser srang brgya mal du dor nas tho rangs kyis 'gro'o/ / de bzhin du nyi ma re re rtag tu gnas par 'gyur ro// de'ang ma lus par zad par byas te/ gal te cung zad lus na phyin chad 'byung bar mi 'gyur ro/ / de nas bran mo chen mo sgrub pa'o thabs kyi cho ga rgyas pa dngos grub sna tshogs grub par byed pa/ bzlas pa tsam gyis rtag tu 'grub cing sbyin sreg gi las mi dgos la/ sngon du bsnyen pa byas pas phyag na rdo rjes ji ltar gsungs pa ltar skad cig de la 'grub pa'i dga' byed ma'i sgrub pa'i thabs bshad pa/ mtshan mo rang gi khyim sgor bzlas na nyi ma gsum na nges par 'ong ngo // bran mo'i las byed cing sa bon thams cad dang / zhong ga las dang / khyim gyi bya ba la sogs pa sgrub par byed do// de nas 'dod pa'i dbang phyug ma'i sgrub pa'i thabs bshad pa/ sha'i zas khyer te ma mo'i gnas su song nas mtshan mo nya dang shes bya ba byas te lan stong bzlas na nyi ma bdun na nges par 'ong ngo / / 'ongs pa la khrag gi mchod yon byin na bdag po bka' ci stsal zhes smra bar byed do/ / sgrub pa pos lha mo chung mar gyur cig ces spras na chung mar 'gyur zhing re ba thams cad skong la rgyal srid ster bar byed // de nas lha mo'i sgrub pa'i thabs bshad pa/ mtshan mo lnga pos khang par song ste stan bshams pa/ tsan dan dkar po dang sna ma'i me tog gis mchod cing gu gul gyi bdug pa byin nas stong phrag brgyad bzlas na bzlas pa'i mthar nges par 'ong ngo // 'ongs pa la 'khyud pa dang / 'o byas pa dang / ji ltar dga' ba 'dod pa byas na lha mo gser gyi mdog can gzhon nu ma rgyan thams cad kyis brgyan pa chung mar 'gyur ro// dong tshe brgyad dang / ras zung gcig dang / gnas rnams dang / bza' ba bzang po rnams 'khor dang bcas pa la ster ro// 'di nyid kyis rnam thos sras kyi khang par 'dug na gsang ba'i mtha' dang / bzlas pa'i mtha' la shin tu myur bar rdzas blangs nas ster bar byed do/ / bcom ldan 'das rdo rje 'chang gis de skad ces gsungs so// 'byung po 'dul ba'i rgyud chen po las/ 'byung mo brgyad kyi sgrub pa'i thabs kyi cho ga rgyas pa'i le'u'o// / dpal rdo rje 'chang la phyag 'tshal lo// de nas shin tu 'da' bar dka' ba'i sgrub pa'i thabs lha chen po thams cad gsong par byed pa'i sngags kyi cho ga gsungs pa oM ha na ha na/ sarba mA ra ya badz+ra dz+wa le hUM phaT/ de nas 'di bshad pa tsam gyis stong gsum gyi stong chen po'i 'jig rten gyi khams rdo rje rnon po 'bar ba'i 'phreng ba 'khrugs pas gang bar gyur to// hU ha na phaT/ de nas 'di bshad pa tsam gyis tshangs pa dang / khyab 'jug dang / dbang phyug chen po la sogs pa 'jig rten pa'i lha thams cad dang / rig 'dzin du ma dang / klu dang / gnod sbyin dang / 'byung po dang / yi dgas dang / lha'i bu mo dang / sha za dang / dri za dang / mi 'am ci dang / lto 'phye chen po dang / nam mkha' lding rnams dum bu brgyar byas te dgug par 'gyur ro/ / de nas byang chub sems dpa' sems dpa' chen po 'jam dpal gzhon nur gyur pa la sogs pa byang chub sems dpa' dpag tu med pa'anga' bor der 'dus pa rnams ngo mtshar du gyur te 'di skad ces smras so/ / dpal rdo rje 'chang khro bo'i pidag po chen po ma 'ongs pa'i tshe ma 'ongs pa'i dus na/ bdug pa dang lha thams cad tshar gcod pa ni legs so legs so// de nas lha'i bu mo rnams langs te 'khor gyi dkyil 'khor der dpal rdo rje 'chang gyi zhabs la mgo bos phyag 'tshal te rang gi snying po phul ba/ oM shrI/ zla ba'i lha mo'i'o// oM shrI/ thig le mchog ma'i 'o// oM shr-I/ gser gyi 'phreng ba ma'i'o// oM shrI/ 'khyil ba'i 'phreng ba ma'i'o// oM hUM/ rin chen 'phreng ba ma'i'o// oM sa/ rtsom pa ma'i'o// oM sru / brang na gnas pa ma'i'o// oM baM/ dpal rgyan ma'i'o// de nas lha'i bu mo brgyad kyi dngos grub kyi sgrub pa thams cad kyi cho ga bshad pa/ ri'i rtse mo la song ste 'bum bzlas na 'grub par 'gyur ro// de nas zla ba nya ba la ji ltar 'byor pa'i mchod pa byas nas mar gyi mar me rab tu sbar nas mtshan thog thag bzlas na tho rangs lha mo rang nyid 'ong ngo / / 'ongs pa la tsan dan gyi chu'i mchod yon byin na dga' tshig smra bar byed do// sgrub pa pos bdag gi chung ma gyis shig ces smras na dngos grub kyi rdzas dang / dngul chu dang / bcud kyis len la sogs pa ster ro// de'i brgyad kyis len gyis ni lo stong 'tsha'o// de nas thig le mchog ma'i sgrub thabs bshad pa/ tsan dan dang 'o ma'i zas kyis khri bzlas nas nyi ma bdun na mchod pa rgyas par bya ste/ yar gyi ngo'i tshes brgyad la ri'i rtse mor song la mtshan thog thag bzlas natho rangs nges par 'ong ste cung zad rgod pas chags pa byas nas mdun du sdod do/ / 'khyud pa dang 'o byas shing dga' bas chags par byas nas 'di ltar 'grub par 'gyur te/ gang 'dod pa de ster zhing rgyab tu zhon na mtho ris su'ang 'khyer bar byed do/ / gzhan yang rgyal srid ster bar byed do// de nas gser gyi 'phreng ba ma'i sgrub thabs bshad pa/ chu bo 'dus pa'i 'gram du song ste nyi ma bdun du stong phrag brgyad brgyad bzlas nas nyi ma bdun pa la mchod pa rgyas par byas te/ gu gul gyi 'dug pa byin nas mtshan thog thag bzlas na de'i tho rangs nges par 'ong ste 'dod pa thams cad sbyin par byed do/ / de nas 'khyil ba'i 'phreng ba ma'i sgrub pa'i thabs kyi cho ga rgyas par bshad pa/ tshes grangs mi dgos shing rgyu skar yang mi dgos la/ spyang ba'ang mo dgos par 'grub pa byed pa ste/ ri'i rtse mor song ste khri bzlas na de nam phyed na nges par 'ong ngo // chung mar gyur la dong tshe stong ster zhing / dngul chu dang / bcud kyis len dang / grub pa'i rdzas ster ro/ / de nas rin chen 'jeng ba ma'i sgrub thabs bshad pa/ lha'i khang par song ste zla ba gcig tu stong phrag brgyad brgyad bzlas nas zla ba de'i tha ma la zla ba nya'i bar du bzlas na nam phyed na rkang gdub kyi sgra chen pos 'ong ngo / / 'ongs pa la me tog gi mchod yon byin na/ lha mo legs par 'ongs sam zhes smras na bdag po bdag gis ci bya zhes zer te/ sgrub pa pos chung ma gyis shog ces bsgo na/ chung ma'i las byed cing lha mos 'dod pa sbyin par byed do// lo stong 'tsho bar byed do// de nas rtsom pa mo'i sgrib pa'i thabs bshad pa/ tshes gcig la brtsams te mchod pa byas nas tsan dan gyi chus dkyil 'khor byas te/ gu gul gyi bdug pa sbyin zhing dus gsum du stong phrag brgyad brgyad bzlas shing / zla ba nya la mchod pa chen po byas nas mtshan thog thag bzlas nas nges par 'ong ngo / / gal te myur du ma 'ongs na 'chi bar 'gyur ro// 'ongs pa na chung mar 'gyur la/ dngul chu dang bcud kyis len ster zhing ji ltar 'dod pas cha/ par byed la lo khri 'tshe'o// gang gi tshe 'chi ba na rgyal rigs su skye'o// de nas brang na gnas pa'i sgrub pa'i thabs bshad pa/ mtshan mo lha'i khang par song ste/ tsan dan gyi bdug pa skye zhing khri khri bzlas nas zla ba de 'das pa dang / ji ltar 'byor pa'i mchod pa byas nas mtshan thog thag bzlas na tho rangs myur du 'ong ngo // 'ongs pa la me tog gi stan sbyin zhing legs par 'ongs so zhes brjod na sgrub pa po bka' ci stsal zhes zer ro/ / sgrub pa pos chung ma gyis shig ces smras na dngul chu dang / bcud kyis len dang / dngos grub kyi rdzas ster ro// gzhan gyi bud med la mngon par 'grod pa spang bar bya ste/ lo stong phrag lnga 'tsho'o// mtshan mo gcig gtsang sbra byas te gro ba'i 'dab ma la gur kum gyis dpal gyi rgyan can bros te tsan dan gyi bdug pa sreg cing bzlas la/ zla ba de'i tha ma la mchod pa rgya cher byas te re zhig bzlas na nam phyed na nges par 'ong ngo // 'ongs pa la myur du chags par byas na dga' bar 'gyur te/ dbyig dang / gser dang mu tig la sogs pa ster ro/ / nyo ma re re zas bzang po ster zhing dngul chu dang bcud kyis len ster bar byed do// bcom ldan 'das kyis gsungs so// lha'i bu mo rnams kyi cho ga rgyas pa'i le'u 'o/ / / de nas gsang ba pa'i bdag po phyag na rdo rjes 'di skad ces gsungs so// gal te lha'i bu mo rnams ma grub na de'i tshe 'gro ba'ang dang bcas te bzla bar bya'o// oM hrIHA kaD+D+h+ya A kan+d+ha/ che ge mo hUM dzaHphaT/ khro bo'i nga dang bcas te bzlas pa tsam gyos spyi bo 'gas shong dub bu brgyad du 'jog go// sngags 'das btsang bar bya'o// oM ban d+ha ba naH ha na ha na/ che ge mo hUM phaT/ sngags 'dis dbang du bya'o// oM tsa la tsa la/ che ge mo sa pa ya na ye hUM phaT/ lha po thams cad sgrub pa'o// de nas 'dir ni mo rnams la phan pa'i don du lha mo brgyad kyi phyag rgya rab tu bshad par bya ste/ dngos grub sna tshogs grub par byed pa/ dkon mchog gsum gnas par byed pa/ sngags bzlas pa bde bar grub pa phyag rgya khro bo nyid kyis bshad pa/ rgyud rnams kyi nang nas mchog tu gyur pa 'byung po 'dul byed kyis gsungs pa'i'ango nyid la myur du bde ba sbyin pa'i lha mo rnams grub par byed pa/ bzlas pa tsam gyis 'byung mo rnams dang / sring mo dang / de bzhin du chung ma dang bran mo sgrub par byed pa/ khro bo zlos pa rnams la 'jig rten 'di'i bde ba sbyin pa'i bsnyen bkur mar sgrub pa'i thabs so/ / khu tshur so sor bcangs te lag pa gnyis ka pad+ma 'khor ba'i tshul du byas nas/ gung mo'i sor mo khab ltar byas pa brkyang ba ni lha mo brgyad po'i phyi'i bde ba thams cad sgrub par byed pa'o// lag pa gnyis ka sor mo gcig go steng du gcig bskyon pa'i sbyor bas bzung ba ni lha'i bu mo thams cad dbang du byed pa'i phyag rgya ste/ nye bar byed cing mngon du phyogs par byed la/ thams cad du 'dod pa sgrub par byed pa'i phyag rgya'o// lag pa gnyis ka pad+ma 'khor ba'i sbyor bas gzung ba ni lha'i bu mo thams cad rmongs par byed pa'i phyag rgya ste/ btsongs pa tsam gyis skad tsag de nyid la bran mor 'gyur ro/ / oM sarba a ba sa ra sa ra/ oM A gats+tsha hUM dzaHdzaH/ sngags 'dis lha'i bu mo thams cad bod par bya'o// oM sarba sid+d+hi b+ho ge shwa ri swA hA/ nye bar byed pa'i sngags so/ / oM kAm pro She swA hA/ mngon du byed pa'i sngags so// oM ba hUM hU hU~M dzaHdzaH/ lha'i bu mo thams cad rmongs par byed pa'i sngags so// 'byung ba 'dul ba'i rgyud chen po las/ lha'i bu mo rnams sgrub pa'i cho ga rgyas pa'i le'u'o// de nas gnod sbyin mo thams cad langs te/ dpal rdo rje 'chang gi zhabs la spyi bos phyag 'tshal te rang gi snying po phul ba/ oM A gats+tsha su ra sun da ri swA hA/ sdug gu ma dze sa ma'i'o// oM na mo ha ri na maHsA hA/ yid 'phrog ma'i 'o// oM ka na ka ma thun pri ye swA hA/ gser ldan ma'i 'o/ / oM A gats+tsha kA me shwa ri swa hA/ 'dod pa'o dbang phyug ma'i'o// o ra ti pro yai sA hA/ rgan ma'i'o// oM pad+mo no ye swA hA/ pad+ma ma'i 'o// oM narti ma hA ta ni su rA pa ma ti sA hA/ kar byed pa'i'o// oM a nu dgi no me dz+ra na swA hA/ rjes su chags pa'i'o// de nas gnod sbyin mo brgyad kyi sgrub pa'i thabs kyi cho ga rgyas par bshad pa/ rdo rje 'chang gi khyim du songanas gul gyi bdug pa sbyin zhing dus gsum du stong phrag re ba zlas na zla ba gcig gi nang du nges par 'ong ngo / / 'ongs pa la tsan dan gyi chus mchong khor byin na pa dang / sring po dang / chung ma'i las byed do/ / gal te mar gyur na sems sun dbyung bar mi bya ste/ dngul chu dang bcud kyis len ster zhing nyi ma re re dong tshe stong ster ro// gal te sring mor gyur na ni grub pa'i rdzas dang / dngul chu dang / bcud kyos len ster zhong lha'i bu mo bzang mo blangs nas ster la/ 'das pa dang / ma 'ongs pa dang / da ltar byung ba smra bar byed do// gal te chung mar gyur na bsam pa thams cad rdzogs par byed cing nor gyi bdag po chen po byed do/ / de nas yod 'phrog ma'o sgrub pa'i thabs bshad pa/ chu bo'i'i gram du song ste tsan dan gyis maN+Dal nye bar byugs te/ mchod pa shin tu chen po byas na a ka ru'i bdug pa skyon zhing nyi ma bdun du khri bzlas nas nyi ma bdun pa la mchod pa rgyas par byas te/ nam phyed kyi bar du bzlas na de na nges par 'ong ngongo/ / gal te ma 'ongs na 'chi bar 'gyur ro// bka' stsol cig ces smra bar byed cing / des bdag gi bran mo gyis shig ces bsgo na 'khor brgyad brgya'i zhal ta byed cing dong tshe brgya nyi ma re la ste te/ des kyang ma lus par zad par bya'o// gal te cung zad 'jog na phyin chad 'byung bar mo 'gyur ro// de nas gser ldan ma'i sgrub pa'i thabs bshad pa/ ba ru ra'i shing gnas par song ste/ nya dang shas sgrub cing chang yang byin nas bdag nyid kyang btung zhing sbags par gnas par bzla bar bya ste/ stong phrag re re bzlas so// de bzhin du nyi ma bdun pa'i mtshan mo bsgrub par bya ste/ ji srid nam phyed kyi bar du bzlas na nam phyed na rgyan thams cad kyis brgyan te 'khor brgyad brgyas bskor nas rang nyid 'ong ngo // 'ongs pa la chags pa byas na chung mar 'gyur ro// 'khor bcu gnyis kyi gos dang / rgyan dang / bza' ba bzang po rnams nyin gcig bzhon du ster zhing dong tshe brgyad ster ro// de nas 'dod pa'i dbang phyug ma'i sgrub pa'i thabs bshad pa/ gro ga'i 'dab ma la ba lang gi gi'u wang gis gzugs brnyan bris te gcig pu stan la 'dug la stong phrag re re bzlas so/ / de nas zla ba'i tha mal mchod pa rgyas par byas te/ mar gyi mar me rab tu sbar nas mo smra bar gyur pas bzlas na mtshan mo de'i phyed na nges par 'ong ngo / / 'ongs pa la chags pas longs spyad na chung mar 'gyur ro// lha'i rgyan mal du dor te tho rangs kyis 'gro bar 'gyur ro// gzhan gyi chung ma la mi bgrod par yang bya ste/ gal te bgrod na rnam par 'joms par byed do// de nas rgan mo'i sgrub thabs bshad pa/ gser gyi mdog can rgyan thams cad kyis brgyan ma/ lag na ut+pal thogs pa/ gzhon nu ma ras la ri mo bris te sna ma'i me tog gis mchod cing gu gul gyi bdug pa byin la stong phrag brgyad brgyad bzlas te/ zla ba tha ma la ji ltar 'byor pa'i mchod pa byas nas mar gyi mar me rab tu sbar te/ ji srong nam phyed kyi bar du bzlas na nam phyed na nges par 'ong ngo // 'ongs pa la dga' bas chags pa byas na chung mar 'gyur ro// sgrub pa po 'khor dang bcas pa yongs su skyong bar byed cing / lhas 'dod par bya ba'i zas dang / dngul chu dang / bcud kyis len ster zhing dong tshe nyi shu rtsa lnga ster bar byed do// de nas pad+ma ma'i sgrub thabs bshad pa/ rang gi khyim du mgo'i gnas su tsan dan gyi dkyil 'khor byas te/ gu gul gyi bdug pa sbyin zhing zla ba phyed du bzla bar bya'o// de nas zla ba nya la ci 'byor pa'i mchod pa byas te jo srod nam phyed kyi bar du bzlas na nam byed na nges par 'ong ngo / / 'ongs pa la chags pa byas na chung mar 'gyur te/ lha mos 'dod pa ster zhing dngul chu dang bcud kyis len ster bar byed do/ / de nas gar byed ma'i sgrub pa'i thabs bshang pa/ a sho ka'i shing gi rtsar song ste bsgrub par bya'o// sha'i bza' ba dang / spos dang / dr-i dang / me tog sbyin zhing stong phrag brgyad bzlas na zla ba gcig gi nang du nges par 'ong ngo / / mdor bsdus na 'ongs na ma dang / srang mo dang / chung mar 'gyur ro// gal te chung mar gyur na bza' ba dang / ras zung re dang dngul chu dang / bcud kyis len ster zhing dong tshe brgyad ster bar byed do// gal te mar gyur na bza' ba bzang po dang ras zung re ster zhing gser srang brgya ster ro// gal te srong mor gyur na dpag tshad stong nas bud med bzang mo blangs nas ster zhing gos dang / rgyan dang / bza' ba bzang po ster ro// dngul chu dang bcud kyis len yang ster bar byed do// de nas sring mo sgrub pa'i thabs bshad pa/ gur kum gyis gro ga'i 'dab ma la gnod sbyin mo'i gzugs bris te/ de nas tshes gcig nas brtsams nas spos dang / me tog dang / mar me sbyin zhing dus gsum du bzlas pa byas nas zla ba nya la ji ltar 'byor pa'i mchod pa byas te mar gyi mar me rab tu sbar nas mtshan thog thag bzlas na de'i tho rangs nges par 'ong ngo / / 'ongs pa la 'dod pas longs spyad na chung mar 'gyur ro/ / lha'i dong tshe stong ster zhing dngul chu dang bcud kyis len ster zhing lo stong 'tshe'o// 'byung po 'dul ba'i rgyud kyi rgyal po chen po las/ gnod sbyin mo'i sgrub pa'i thabs kyi tshe gargyas pa'i le'u'o/ / // de nas gsang ba pa'i bdag po phyag na rdo rjes 'di skad ces gsungs so// gal te dam tshig la mi gnas na khro bo 'di dang bcas te dgug pa'i phyir bzla bar bya'o/ / oM dzU ka Tu ka Tu che ge mo yak+Shi Ni hrIHdzaHdzaH/ khro bo 'di dang bcas te sngags stong bzlas na myur du 'ong ngo // gal te myur du ma 'ongs na mig dang spyi bo 'gas shing de'i mod la 'chi ste dmyal ba chen po brgyad du lhung ngo / / de nas khro bo'i phyag rgya'i mtshan nyid bshad pa/ khu tshur so sor bcangs te mthe'u chung gnyis 'khyud nas mdzub mo gnyis brkyang ste bkug pa 'di ni khro bo'i mi phyed pa'i lcags kyu'i phyag rgya'o/ / phyag rgya 'dis 'jig rten gsum yang 'gugs par byed do// de nas gnod sbyin mo'i phyag rgya bshad pa/ gung mo'i sor mo gnyis mi mnyam par byas te srin lag rnam par brkyang zhing mdzub mo gnyis sbyar bar byas nas/ mthe'u chung gnyis snying por byas pa ni gnod sbyin mo thams cad kyi rtsa ba'i phyag rgya ngam pa ste/ 'di bcangs pa tsam gyis gnod sbyin mo thams cad 'ong ngo / / phyag rgya 'di nyid la mthe bong gas pas bod par bya'o// oM hrIHA gats+tsha A gats+tsha/ sarba lak+Shi Ni swa hA/ bod pa'i sngags so// phyag / rgya 'di nyid las mthe bong g.yon pas swa ra gtang par bya'o// oM yak+Shi A gats+tsha A gats+tsha/ che ge mo yak+ShaM Ni/ shI g+h+ra pu na rA ga na ma ya swA hA/ khu tshur so sor bcangs te gung mo'i sor mo rab tu brkyang ba ni gnod sbyin mo thams cad mngon du phyogs par byed pa'i phyag rgya'o/ / oM ma hA yak+Shi b+hI mai thu na pr-i yai swA hA/ khu tshul mtshun bcangs la mthe'u chung brkyang ste dgug pa ni gnod sbyin mo tham cad nye bar byed pa'i phyag rgya'o/ / oM kAm b+ho ge shwa ri swA hA/ khu tshur phan tshun bsnol te lag pa gnyis mdzub mo gcig gi steng du gcig bskyon pa'i sbyor ba gzhag pa ni gnod sbyin mo thams cad kyi dam tshig gi phyag rgya'o/ / k+Shi/ snying po'o// khu tshur phan tshun bcangs te mdzub mo dang gung mo brkyab ni gnod sbyin mo thams cad kyi bdug pa dang / me tog dang / dri dang / mar me'i phyag rgya'o// oM sarba me no ha ra pr-i yai swA hA/ 'byung po 'dul ba'i rgyud kyi rgyal po chen po las/ gnod sbyin mo'i sgrub pa'i thabs kyi cho ga rgyas pa'i le'u'o// / de nas klu'i rgyal mo rnams langs te 'khor gyi dkyil 'khor der/ dpal rdo rje 'chang gi zhabs la spyi bos mngon par btung nas rang gi snying po phul ba/ oM a/ oM phuH/ a nan+ta mu khi phu/ shrI pra bA su kha mu khaM wa/ phu pad+ma ma Ni phu/ a phu ma hA pad+ma ma Ni phu/ d+hi phu karko Ta mu khi phu/ sa phu shang khi ni phu/ dzu phu dza la mu khi phu/ hUM phu dru ma ma khaM phu/ klu mo brgyad kyi sgrub pa'i thabs kyi cho ga rgyas par bshad pa/ klu'i khang par song ste 'bum bzlas pas sngon du bsnyen pa byas par 'gyur ro// klu mo rnams dga' bar 'gyur zhing klu mo thams cad 'tshig par 'gyur ro// yar ngo'i tshis bcu la klu'i khang par chu 'bogs te/ bdug pa dang / dri dang / me tog dang / 'o ma rnams kyis ji ltar brjod pa'i mchod pa byas te/ de nas klu mo brgyad stong phrag re re bzlas na myur du klu mo'i bu mo rnams rang gi khyim nas 'ong ngo / / 'ongs pa la legs par 'ongs so zhes brjod cing / bdag gi chung ma gyis shig ces bsgo na nyi ma re re dong tshe brgyad brgyad so sor ster bar byed do// che ge mo 'tsho bar shog cig/ che ge mo sod cig ces bya ba la sogs pa thams cad grub par byed do// chu bo 'dus pa'i 'gram du song ste 'o ma'i bza' bas stong phrag brgyad bzlas na/ bzlas pa'i mthar klu'i bu mo bzang mo 'ong bo/ 'ongs pa la spyi bor me tog sbyin zhing chung mar gyis shig ces bsgo bar bya'o/ / lha'i bza' ba bzang po dang dang tshe lnga lnga nyis re re ster bar byed do// klu'i gnas su mtshan mo song ste stong phrag brgyad bzlas na bzlas pa'i mthar skad cig de nyid la klu mo spyi bo'i nang chen po dang tsha bar gyur pas 'ong zhing / sdug pa ngas ci bya zhes smra bar byed do// chung mar gyur cig ces smras na/ bdag nyid dang lnga la ras dang / rgyan dang / bza' ba la sogs pa ster zhing dong tshe lnga lnga ster ro// mtshan mo pad+ma'i tshal du song ste stong phrag brgyad bzlas na klu'i bu mo rnams myur du 'ong ngo // 'ongs pa la chags pa byas na chung mar 'gyur ro/ / dong tshe brkyang brkyang ster te des kyang ma lus par zad par bya'o// gal te cung zad 'jog na phyin chad 'byung bar mi 'gyur ro// mtshan mo chu bo 'dus pa'i 'gram du song ste stong phrag brgyad bzlas na bzlas pa'i mtha' la klu'i bu mo nges par 'ong ngo / / 'ongs pa la gser gyi pad+ma'i gdan byin te legs par 'ongs so zhes brjod cing bdag gi chung ma gyis shig ces bsgo na/ nya mi re re gser srang re re sbyin par byed do// mtshan mo rgya mtsho chen por song ste stong phrag brgyad bzlas na de nam bzlas pa'i mtha' la klu'i bu mo 'ong ngo // 'ongs pa la bdag gi chung ma gyis shig/ ces bsko na dong tshe gcig dang ras zung gcig ster bar byed do// klu'i khang par song ste lte ba nub tsam du chur zhugs te stong phrag brgyad bzlas nadade nas bzlas pa'i tha ma la klu'i bu mo 'ong ngo // 2 pa la spyi bor me tog byon te legs par 'ongs so zhes brjod cing chung ma gyis shig ces bsgom/ dong tshe brgyad dang lha'i zas bzang po ster bar byed do// mtshan mo klu'i khang par song ste mtshan thog thag bzlas na de'i tho rangs rgyan thams cad kyis brgyan te klu'i bu mo skad cig de la 'ong ngo / / 'ongs pa la me tog dang tsan ngan gyi mchod yon byin te legs so zhes brjod cing chung ma gyis shig ces bsgom/ lha'i dngul chu dang / bcud kyis len dang / grub pa'i rdzas ster zhing bsam pa thams cad yongs su rdzogs par byed la rgyal sring ster bar byed do// mtshan mo klu'i gnas su song ste khri bzlas na klu'i bu mo nges par 'ong ngo / / klu 'ongs pa la myur du chags par byas nas chung ma gyis shig ces bsgo na/ nyi ma re re dong tshe brgyad dang / lha'i bza' ba bzang po dang / gos rnams ster bar byed do// mtshan mo klu'i khang par song la stong phrag brgyad bzlas na/ de nas bzlas pa'i tha ma la klu'i bu mo rings par 'ong ngo // 'ongs pa la klu'i me tog spyi bor byin na chung mar 'gyur zhing / lha'i ras dang / rgyan dang / bza' ba la sogs pa ster ro// de nas klu mo'i dam tshig gi sngags bshad pa/ oM phu/ A gats+tsha nA ga ni phu/ bod pa'i sngags so// oM i phu/ spos dang me tog gi sngags so/ / oM phu/ a phu/ dr-i dang mchod yon gyi sngags so// a phu/ i phu/ ha phu/ baM phu/ klu mo thams cad kyi dam tshig gi sngags so// phu A gats+tsha A gats+tsha/ shr-I g+ha phu nA ya swA hA/ slar gtang ba'i sngags so// de nas klu mo rnams kyi phyag rgya'i mtshan nyid bshad pa/ thal mo mnyam par byas te sor mo rnams mgo bo'i tshul du sbyar la mdzub mo kha bsgyur bas mthe bo'i sor mo brkyang ba no k+Sha mo thams cad kyi dam tshig gi phyag rgya'o/ / las thams cad byed cing grub pa'o// dgug pa'i phyag rgya dang / slar gtang ba dang / mchod pa'i phyag rgya mi tshur so sor bcangs te/ mthe'u chung gi sen mo mthe bos mnan nas sor mo lhag ma brkyang ba ni klu mo thams cad kyi phyag rgya'o// 'byung po 'dul ba'i rgyud kyi rgyal po chen po las/ klu mo rnams kyi sgrub pa'i thabs kyi cho ga rgyas pa'i le'u'o/ / / de nas gsang ba'i bdag po lag na rdo rjes khro zhing gsor te khro bo 'di dang bcas nas gsungs pa/ oM b+ha ra Na badz+ra hUM che ge mo nA gau ni A kaR+Sha ya hUM hUM phaT phaT/ de nas 'di bshad pa tsam gyis klu thams cad brgyal zhing 'gyel te spyi bo'i nang chen pos shi'o// gal te dam tshig las 'das na khro bo 'di dang bcas te bzlas pas myur du 'chi zhing dmyal ba chen po brgyad du lhung bar 'gyur ro zhes/ dpal rdo rje 'chang gis gsungs so// 'byung po 'dul ba'i rgyud kyi rgyal po chen po las/ klu mo rnams sgrub par byed pa'i cho ga rgyas pa'o le'u'o/ / / de nas 'khor gyi dkyil 'khor der mi 'am ci mo drug langs te/ bcom ldan 'das dpal rdo rje 'chang gi zhabs la spyi bos btud nas rang gi snying po phul ba/ oM ma no ha swA hA/ oM su b+ha ge swA hA/ oM bi shI li ne tri sA hA/ oM su ra b+hi pr-i ya swA hA/ oM a sha mu kha~M swA hA/ oM pi tha ka ra mu khi swA hA/ de nas mi 'am tso mo drug go sgrub pa thabs kyi cho ga rgyas par bshad pa/ ri'i rtse mo la song ste stong phrag brgyang bzlas na mi 'am ni mo drug gi bzlas pa rdzogs pa dang mchod pa shin tu chen po byas te/ ba lang gi sha dang gu gul dang ldan pa'i bdug pas bdug cing ji srid nam phyed kyi bar du bzlas na nam phyed na nges par 'ong ste/ de la 'jigs par ma byas na kye sgrub pa po bka' ci stsol zhes smra bar byed do// sgrub pa pos kyang kye bzang mo bdag gi chung ma gyis shig ces smras nas/ rgyab tu zhon na lha'i 'jig rten du 'khyer bar byed cing bza' ba bzang po ster bar byed do// de nas sgrub pa'i thabs phyi ma bshad pa/ ri'i drung ngam gtsug lag khang du khri bzlas na bzlas pa'i mtha' la rang nyid 'ong zhing / lha mo'i lag pa 'jam pos rkang pa la nyug par byed cing / myur du chags pa byas na chung mar 'gyur zhing / dong tshe brgyad dang gos zung gcig ster bar byed do// chu bo'i 'gram du song nas khri bzlas nas yang mtshan thog thag bzlas na tho rangs nges par 'ong ngo // 'ongs nas chung mar 'gyur zhing nyi ma re re dong tshe lnga lnga ster bar byed do/ / mtshan mo chu bo 'dus pa'i 'gram du stong phrag brgyad bzlas na bzlas pa'i mtha' la nges par 'ong zhing lta bar byed do// nyi ma gnyis pa la mdun du 'dug cing gtam smra bar byed do/ / nyi ma gsum pa la chags pa spyad na nges par 'grub cing chung ma'i las thams cad byed la dong tshe brgyad dang ras phrugs gcig ster bar byed do// nyin gcig bzhin du ri'i rtse mor sha za zhing khri khri bzlas na lha mo'i gzugs kyis myur du 'ongs shing mdun du sdod do/ / 'khyud cing 'o byas te mi sbubs chags pa byas na chung mar 'gyur te/ dong tshe brgyad stong ster zhing lhas mngon par 'dod pa'i bza' ba ster bar byed do// 'byung po 'dul ba'i rgyud kyi rgyal po chen po las/ mi 'am tsa'i bu mo sgrub pa'i thabs kyi cho ga rgyas pa'i le'u'o/ / // de nas gsang ba'i bdag po phyag na rdo rjes 'di skad ces bka' stsal to// dbang phyug chen po lha chen po khyod nyon cig/ 'jig rten gsum gyi bdag po lha rnams kyis 'da' bar bya ba ma yin pa mngag gzhug ma lus pa sgrub par byed pa/ ma rungs pa rnams dang lha rnams la bstan par bya'o// de nas dbang phyug chen po lha chen pos 'di skad ces gsol to/ / bcom ldan 'das mi phyed pa bstan pa/ 'jig rten gsum gyi lha rnams kyis 'da' bar bya ba ma yin pa sgrub pa'i thabs kyi cho ga rgyas pa'i le'u dang / phyag rgya dang / sngags kyi rim par phye ba bshad du gsol/ de nas 'khor gyi dkyil 'khor de na gnas pa rnams kyis/ lha chen po la legs so zhes bya ba byin te/ shin tu gdul dka' ba rnams 'dul bar byed pa gsol ba btab pa ni legs so legs so/ / de nas rdo rje 'chang khro bo'i bdag po chen pos 'di skad ces gsungs so// khro bo'i dkyil 'khor dam pa ni// gru bzhi pa la sgo bzhi pa// rtabs bzhi yis rnam par brgyan/ / cha rnams bcu drug dag dang ldan// rdo rje rabs mdzes pa'o// de yi dbus su drag po che// rdo rje khro bo dkod bya ba// 'bar ba'i 'phreng ba 'khrug cing gsal/ bskal pa mtha' ma'o me 'od 'dra// lha chen mig sman sbyar 'dra zhing // thod pa'i 'phreng bas rgyan du byas// drag shul bzhad cing cher 'jigs pa// 'jig rten gsum po 'jig mdzad pa'o// bcom ldan 'das kyi g.yas logs su// lha chen po ni bri bya ste// ba zho mu tig ltar dkar zhing // de bzhin dkar po dung 'dra zhing // mig gsum pa la lag bzhi pa// zhi zhing lag pa g.yon pa na/ / mdung rtse gsum pa thogs pa'o// g.yon pa'i phyogs kyi cha ru ni// sreng med bu ni bri bya ste// g.yas pa na ni rnga yab dung // g.yon na 'khor lo gsal shing ngo // rgyab tu brgya byin rgyal po ste/ / de bzhin sprin drug mdun du'o// tshangs pa lag na gdugs 'dzin pa// kha ba me tog kun da dang // zla 'dra brgya byin mdun bri ste// rang gi stan la 'khod par ro// yang na sngags pas mu tig dang / / ba li zho 'dra dkar po ni// rnga yab thogs par sprin drug praM// tshangs pa kha dog dmar po bri// brgya byin kha dog ser po bri// rgyan kun gyis ni rnam spras shing / rnga yab thogs par khyab 'jug bri// de bzhin khyu mchog la zhon par// lha chen po ni bri bya ste// kun 'gyed lag na 'khor lo can// ngang pa la zhon bri bar bya// brgya byin glang chen zhon pa ste// sngon drug rma bya zhon pa'o// phyi rol dang ni grwa rnams su// 'byung mo brgyad ni bri bar bya// pad+ma can dang pad cher dang // rnam 'byung ba dang lha 'joms ma// 'phrog ma mchog dang rin po che/ / rgyan ma 'gro ba skyong ma rnams// dpal gyi sgra yis rab grags pa'i// 'byung mo chen mo brgyad po ste// pad+ma can dang par can ma// pad+ma dkar po lta bur bri// rnam 'byung ma dang lha 'joms ma// kha dog dmar por bri bar bya// 'byung mo bzhi rnams mtshungs par ni// gser gyi mdog tu bri bar bya// rdzu 'phrul che ldan 'byung mo brgyad// ji ltar bstan bzhin de legs bri/ / de nas 'dir dkyil 'khor gyi cho ga bshad pa/ rdo rje slob dpon bdag nyid me tog sngon po'i 'phreng bas brgyan cing gtsug tor sngon po bcings nas ras sngon po zung gcig bgos te/ sngon bzhin du khro bo'i snying po 'di brjod par bya ste/ sems can kun la phan don du// myur du dngos grub sbyin mdzad pa// grub pa'i rdo rje khro bo ste// lha nyid dam tshig la bzhugs shig/ oM hUM badz+ra phaT sa/ 'di brjod pa tsam gyis lha thams cad grub par byed do// de nas 'dir rdo rje gsor ba bshad pa/ 'di ltar yi ge hUM zlos shing phyag na rdo rjes gsungs pa ltar/ lha thams cad gzhom zhing lha'i bu mo thams cad dang / gnod sbyin mo dang / klu mo dang / 'byung mo rdzu 'phrul chen mo can rnams skad cig de nyid la gzhom par bya ste/ rdo rje gsor ba'i sbyor ba dang ldan pas/ oM badz+ra p+ta ma bkro d+ha ha na dag pa tsa ma ra ya hUM hUM phaT phaT/ brgya rtsa brgyad bzlas te skad cig de nyid la lha thams cad gsod cing 'khrug par byed do// hUM hUM phaT phaT/ sbyor ba 'dis kyang nges par sangs rgyas rnams kyang zhig par byed do// de nas slob ma gzhug par bya ste/ khro bo'i phyag rgya go cha byas pa sngags 'dis dpa' par bya'o// oM ba sh+ya kro d+ha hUM hUM a dzA la/ ma la a ku la/ b+hI Sha Na badz+ra a/ 'di brjod pa tsam gyis phyi rol gyi dbab pa dang / dgug pa dang / ltung bar bya ba rnams nus par 'gyur ro// de nas 'byung po 'dul ba'i rgyud chen po las/ khro bo'i dkyil 'khor gyi cho ga rgyas par bshad pa/ oM b+hu shr-I si ha d+h+wa dza d+hi ri hrIHkhro bo'i mdun du'o// oM hUM thA/ ma hA pad+ma ba ti d+ha nu ra ba na d+ha ri hUM/ rgyab tu'o// oM hUM pi hUM ti/ aM ku sho d+ha ri Ni hU dza/ lho ru'o// hUM pu su ra ha ri Ni tsan+ti ma Ni d+h+wa dza d+ha ra Ni sru/ g.yon du'o// oM shrI pa ra ha ri Na puSh+pa ha re hUM/ me tog dbang ldan gyi gre ru'o/ / oM shI rat+ne shwa ri d+hU pa haste hUM/ spos me'i gra ru'o// oM shrI b+hU Shi Ni gan d+ha ha ste hUM/ dr-i bden bral du'o// oM shrI dza gang pA l-i ni A dI pa te hUM/ mar me rlung du'o// de nas 'byung mo brgyad kyi phyag rgya'i cho ga rgyas par bshad pa/ khu tshur phan tshun bcangs te mdzub mo gnyis brkyang ba ni seng ge'i rgyal mtshan ma'i phyag rgya'o// lag pa g.yon pa khu tshur bcangs te/ gung mo rkyang ba ni ming bzhin gyi nor bu'i rgyal mtshan gyi phyag rgya'o// phyag rgya 'di nyid rked pa'i phyogs su gzhag pa ni gzhu dang mda'i phyag rgya'o// lag pa gams khu tshur bcangs te mdzub mo brkyang ba nas bskyil ba ni lcags kyu'i phyag rgya'o/ / thal mo mnyam par byas te mdzub mo gnyis bkug pa ni me tog gi phyag rgya'o// sor mo rnams phan tshun 'khyud de mdzub mo gnyis brkyang ba ni spos kyi phyag rgya'o/ / lag pa so sor brkyang ste dpung pa'i rtsa ba gnyis su gzhag pa ni dro'i phyag rgya'o// lag pa g.yas pa khu tshur bcangs te gung mo'i so mo rab tu brkyang ba ni mar me'i phyag rgya'o/ / 'byung po 'dul ba'i rgyud kyi rgyal po chen po las/ khro bo'i dkyil 'khor gyi cho ga rgyas pa'i le'u'o// / de nas 'byung po brgyad kyi sgrub pa'i thabs kyi cho ga rgyas par bshad pa/ oM shrI dzaHgzhan gyis mi thub pa'i'o// oM hUM dzaH/ rgyal ba'i'o// oM hrI dzaH/ rdzogs byed kyi'o// oM sU dzaH/ dur khrod bdag po'i'o/ / oM ru dzaHrig sngags kyi dbang phyug ga'o// oM hrIHhUM dzaH/ 'byung po'i dbang phyug gi'o// oM aM dzaH/ mngag gzhug mchog gi'o// 'byung po gzhan gyis mi thub pa'i sgrub pa'i 'tha bshad pa/ rdo rje 'chang gi khyim du song ste sngon du 'bum bzlas te sngon du bsnyen pa byas par 'gyur ro// de nas zla ba nyal mchod pa rgya chen po byas te ji ltar gsungs pa'i 'bras chan dkar po dang / sbrang rtsi dang / zho dang / bu ram dang / 'o ma dang / sha rnams kyis mchod cing gu gul gyi bdug pa byin nas mtshan thog thag bzlas na tho rangs nges par 'ong ngo // gal te nges par ma 'ongs na skad cig de la 'chi'o// 'ongs na bsgo ba don med par mi byed do// sgrub pa pos mngag gzhug gyis shig ces bsgo na de phan chad mngag gzhug gi las byed la/ rig pa 'dzin pa'i rgyal srid ster bar byed cing dgra thams cad tshar gcod par byed do/ / zla ba'i lha mo blangs nas ster zhing rgyab tu zhon na lha'i 'jig rten du'ang 'khyer bar byed do// brgya byin nyid kyang ster bar byed cing bskal pa bdun 'tsha'o/ / de nas rgyal ba'i sgrub pa'i thabs bshad pa/ mtshan mo sbyin byed ma'i mdun du song ste/ nyi ma re re stong phrag brgyad brgyad bzlas na nyi ma bdun pa la mchod pa rgyas par byas te/ gtor ma sbyin zhing gu gul gyi bdug pa byin nas bzlas na/ bzlas pa'i mtha' la nges par 'ong ste/ kye sgrub pa po bka' ci stsol zhes smra bar byed do// sgrub pa pos mngag gzhug gyis shig ces bsgo nas rgyab tu zhon na gling bzhi pa rnams su'ang 'khyer bar byed cing / gzhan yang rgyal sring ster la lo lnga stong 'tshe'o// de nas rdzogs byed kyi sgrub pa'i thabs bshad pa/ rdo rje 'chang gi pho brang du song ste nyi ma bdun du stong phrag brgyad brgyad bzlas nas nyi ma bdun pa la mchod pa rgyas par byas te/ 'bras chan dkar po dang nas ji ltar gsungs pa ltar byin nas/ ji srid nam phyed kyi bar du bzlas na nam phyed na rang nyid 'ong ngo // 'ongs pa la me tog gi mchod yon byin na dga' bar 'gyur te rgyal srid ster bar byed do// bsam pa thams cad yongs su rdzogs par byed cing lo stong 'tsho'o// ji srid 'tsho ba de srid du mngag gzhug gi las byed do// che ge mo 'tsho bar gyis shig/ che ge mo song cog ces smras na de dag thams cad byed do/ / kun tu rdzogs byed kyi sgrub pa'i thabs bshad pa/ sku gdung dang bcas pa'i mchod rten gyi drung du khri bzlas na sngon du bsnyen pa byas par 'gyur ro// de nas zla ba nya la ji ltar 'byor pa'i mchod pa byas te/ ji srong nam phyed kyi bar du bzlas mnam phyed na rings par 'ongs nas mdun du sdod do// kye sdug pa ngas ci bya zhes smra bar byed do// sgrub pa pos mngag gzhug gyis shig ces bsgo na de phan chad mngag gzhug gi las thams cad byed do/ / gnod sbyin gyi bu mo bzang mo blangs nas ster zhing gter thams cad ster la lhas 'dod pa'i bza' ba ster ro// nyin gcig/ bzhin du ras dmar po zung re ster zhing dong tshe lnga ster la lo lnga brgya 'tshe'o// de nas dur khrod kyi bdag po'i sgrub pa'i thabs kyi cho ga rgyas par bshad pa/ mtshan mo dur khrod du song ste nyi ma bdun du stong phrag brgyad bzlas na nyi ma bdun pa la 'byung po la sha dang / nya dang / til dang / 'dzam pU ti dang / mngar gsum zan gyis gril ba'i ril bu dang / rta sha kham tshad du gtubs pa bsregs nas mar la brngos la 'dzam bu ti ka dang / 'bras chan dang / zho dang / bu ram dang / 'o thug dang / sran tshod dang / snum 'khur rnams kyis ji ltar gsungs pa byin nas gu gul gyi bdug pa'ang byin te/ ji srid nam phyed kyi bar du bzlas na ha ha zhes bya ba'i sgra thos par byed do// 'jigs par ma byas na rang gi 'khor gyi tshogs kyis yongs su bskor te 'ong ngo // 'ongs pa la gtor ma byin na dga' bar 'gyur te 'byung po'i mngag gzhug byed do/ / nyi ma re re dong tshe brgyad brgyang ster zhing dgra thams cad 'joms te lo lta stong 'tshe'o// de nas rigs kyi dbang phyug gi sgrub pa'i thabs bshad pa/ lha'i khang par song ste spos dmar po dang / me tog dmar po dang / gu gul gyi bdug pa sbyin zhing khri bzlas na sngon du bsnyen pa byas par 'gyur ro// mtshan mo nag po'i tshes bcu bzhi la nya dang / sha dang / til dang / 'dzam bu ti dang / 'bras chan dmar pos ji lta bar sgrub cing / du ru ka dang me tog sbyin te/ ji srid nam phyed kyi bar du bzlas na nam phyed na snang ba chen po dang / 'jigs par byed pa'i gzugs kyis 'ong ste/ de la 'jigs par ma byas na sdug pa ci bya zhes smra bar byed do// sgrub pa pos mngag gzhug gyis shig ces bsgon ma re dus gsum du dong tshe lnga lnga ster bar byed do/ / lhas mngon par 'dod pa'i baba' ba ster bar byed cing lo lnga stong 'tsho'o// de nas 'byung po dbang phyug gi sgrub pa'i thabs bshad pa/ mtsha mo ling ga gcig par song ste/ gcig pu rung gsum du 'bras chan dmar po dang / 1dang / shas gtor ma sbyin zhingar skyes kyi sha dang / ku gul dang / sbrang rtsi dang ldan pa'i bdug pas bdug tsang stong phrag brgyad bzlas na nyi ma dang po la rmi lam du mthong bar byed do/ / nyi ma gnyis pa la rang nyid mthong bar byed do// nyi ma gsum pa la rings par 'ong zhing mdun du 'dug nas 'di skad smra bar byed do/ / bka' ci stsol/ de nas sgrub pa pos mngag gzhug gyis shig ces brjod par bya'o// rtag tu phyi bzhin 'brang bar 'gyur zhing / rang nyid song nas mi zad pa'i gter ster zhing 'das pa dang / ma 'ongs pa dang / da ltar byung ba rnams smra bar byed do// gos dang / rgyan dang / bza' ba bzang po rnams ster bar byed cing lo nyis stong 'tshe bar byed do/ / de nas pho nya mchog gi sgrub pa'i thabs bshad pa/ rdo rje 'chang gi khang par song ste nag po'i tshes bcu bzhi la khri bzlas nas nyi ma bdun pa la sgrub pa brtsam par bya ste/ tsan dan gyi dkyil 'khor bsgrub par byas nas gu gul gyi bdug pa sbyin zhing me tog dkar po dag 'bras can dkar po dgas dab thug sbyin zhing ku sha'i khril ba dug ste/ mar gyi mar me rab tu sbar nas mtshan mo ji srid nam phyed kyi bar du bzlas na mngag gzhug mchog rang nyid 'ong ste/ 'ongs pa la tsan dan gyi mchod yon byin na/ kye sgrub pa po bdag gi tsa bya zhes smra bar byed do// de nas sgrub pa pos bdag gi mngag gzhug gyis shog ces bskon/ de phan cha ma ngag gzhug par 'gyur zhing lngas mngon par 'dod pa'i bza' ba ster ro// dngul chu dang bcud kyis len ster zhing gter rnyed par byed la rgyab tu zhon nas mtho ris su'ang 'khyer bar byed cing / gzhan yang rgyal srid ster bar byed do// 'byung po 'dul ba'i rgyud kyi rgyal po chen po las/ ma ngag gzhug sgrub pa'i cho ga rgyas pa'i le'u'o/ / // de nas 'dir yang dag par bshad pa ni/ dngos grub sna tshogs sgrub par byed pa slob dpon rnams la phan pa'i don du ji ltar gsungs pa mngag gzhug pa'i thabs te/ bsnyen par bya ba ma yin pa'i le lo can dang / sdig pa byed pa dang / rdzun du smra ba dang / tshul 'chos can dang / dbul po dang / nad kyis gdungs pa dang / tshe thung ba dang / sems mi brten pa'i mi rnams kyang spang bar mi bya ste/ gal te longs spyod dang / nor dang / grags pa 'dod na'ang skad cig gis phun sum tshogs par ster ro// sngags 'das dngul chu dang / bcud kyis len pa'i dngos grub dang / lha'i rgyal srod kyi dngos grub kyang grub par byed na/ mi rnams kyi rgyal srid grub par byed pa lta spos kyang ci dgos te/ de bzhin du 'di lha'i bu mo thams cad skad cig tsam gyis grub par byed do// gsang sngags 'di ni bklags pas grub par byed cing shin tu brtson 'grus dman pa rnams la'ang ji ltar bde ba ltar myur du grub par byed cing / sems can thams cad la 'de ba rab tu ston pa/ mi ge bzhi po cher gsang ba/ dngos grub thams cad ster bar byed pa bklags pa tsam gyis mngon par grub par byed pa ste/ 'dil the tshom mi bya'o// 'byung po 'dul ba'i rgyud chen po las/ dngos grub kyi sgrub pa'i cho ga rgyas pa'i le'u'o// / de nas 'byung po 'dul ba'i rgyud chen po las/ 'byung po brgyad kyi phyag rgya'i mtshan nyid bshad pa/ sor mo rnams phan tshun 'khyud de/ gung mo brkyang nas khab ltar gzung ba ni 'byung po chen po gzhan gyis mi thub pa'i phyag rgya'o/ / phyag rgya 'di nyid las gung mo bkug cing mdzub mo brkyang nas bkug pa ni rgyal ba'i phyag rgya'o// phyag rgya 'di nyid las mdzub mo g.yon pa bskyil zhing mthe'u chung brkyang ste so sor gzung ba ni rdzogs byed kyi phyag rgya'o/ / sor mo phan tshun 'khyud de gzung ba ni kun tu rdzogs par byed pa'i phyag rgya'o// phyag rgya 'di nyid las mthe'u chung dang mthe bong nang du bkug ste gzung ba ni dur khrod kyi bdag po'i phyag rgya'o/ / mthe'u chung gnyis rab tu brkyang ste gzung ba ni rigs kyi dbang phyug gi phyag rgya'o// thal mo kha sbyar te mdzub mo gnyis bkug pa ni pho nya mchog gi phyag rgya'o/ / 'byung po 'dul ba'i rgyud kyi rgyal po chen po las/ 'byung po'i rgyal po chen po brgyad kyi phyag rgya'o mtshan nyid rdzogs so// // de nas gsang ba'i bdag po phyag na rdo rje la/ bcom ldan 'das kyis 'di skad ces bka' stsal to// rdo rje slob dpon la phan pa'i don du bsnyen bkur ma'i sgrub pa'i thabs dpal chen po zhes bya ba'i 'byung mo rdo rje slob dpon gyis bsgrub par bya ste/ 'byung mo rnams kyis ni yid la dga' ba skyed cing phan tshun tshim par byed pa'o// de nas 'byung po 'dul ba'i rgyud chen po las/ 'byung mo dpal chen mo'i sgrub pa'i thabs kyi cho ga rgyas par bshad pa/ dpal khro bo'i pidag po bcom ldan 'das kyi mdun du 'bum bzlas na sngon du bsnyen pa byas par 'gyur ro// de nas zla ba nya la ji ltar 'byor pa'i mchod pa byas te/ gu gul gyi bdug pa sbyin zhing mtshan thog thag bzlas so// de nas tho rangs nges par 'ong ngo // 'ongs pa la tsan dan gyi mchod yon sbyin zhing legs par 'ongs so zhes brjod na/ kye sgrub pa po ci bka' stsol zhes smra'o/ / sgrub pa pos bdag nyid kyi chung ma gyis shig ces brjod na lha'i dngul chu dang bcud kyis len ster zhing / dngos grub kyi rdzas dang / gter dang / rgyal srid rnams ster bar byed do/ / zhi ba'i sgrub pa'i thabs kyi cho ga rgyas pa dang po'o// / de nas gzhan yang nan tur gyis sgrub pa'i thabs bshad pa/ gro ga'i 'dab mal 'byung mo dpal chen mo bris te/ mtshan mo gcer bur gyur pas dpal rdo rje 'chang gi mdun du stong phrag brgyad bzlas na myur du 'ong ngo // 'ongs pa la chags pa byas na dga' bar 'gyur ro// 'jig rten gsum gyi rgyal srid kyang ster bar byed do/ / brgya byin yang ster ro// rgyab tu zhon na mtho ris su'ang 'khyer zhing lo khri'i tshe'o// gal te ma grub na mig dang spyi bo 'gas shing bskams la/ skad cig de nyid la 'chi'o zhes khro bo nyid kyis gsungs so// gur kum gyis ming bris te rkang pa g.yon pas mnan nas rdo rje gsor zhing yi ge hUM hU~M phaT phaT lan mdun brjod na brjod par gyur pas nges par skad cig gis 'chi bar byed do/ / 'byung po 'dul ba'i rgyud kyi rgyal po chen po las/ sgrub pa'i thabs kyi cho ga rgyas pa'o// // gu kul gyi bdug pa sbyin zhing gtor ma bshams te ras dkar po bkab la sngags 'di lan gsum brjod do/ / de ba sa b+hU ta ma hi ta/ pra Ni pa ta ya/ bau ba dza yed pr-i thag pri thag ma hA b+hU ta/ sa s+thA na ma/ ta tra gats+tsha ti sA shA ni de ba a la ye Sh+Ta na dI ta te/ tsatu Shu the/ e ka li gai wa/ de pa a ya ta naM wa/ shI g+h+raM gar+b+han+tu/ b+hU tA na ma ma sa ma ya/ pra ti pA la nu ya/ ya di sa i ban gats+tsha ti tak+She Na/ mUr+ha ni/ su la yad/ b+hu tA na raM ra waM na / ra kaM pa te da/ ya tha ya tha/ sa s+pha ne gats+tshan+na/ ya tha su khaM swA hA/ rdo rje slob dpon gyis sa rnams nye bar bsdu bar bya'o// 'byung po 'dul ba'i rgyud kyi rgyal po chen po las/ rim par phye ba gnyis pa rdzogs te/ 'byung po 'dul ba zhes bya ba'i rgyud stong phrag bcu drug pa las ji snyed pa rnams rdzogs so// / rgya gar gyi mkhan po bud+d+ha A ka ra ba rma dang tsa ba dge slong chos kyi shes rab kyis bsgyur cing zhus te gtan la phab pa'o/

CLOSE WINDOW