/ 'phags pa mchog thob pa zhes bya ba rdzogs so// // dpal lha mo sgra dbyangs la bstod pa/ lam gang gis na sangs rgyas 'byung ba dang // rgyal ba sras bcas chos kyi bla mar gyur// mkhyen pa'i rim par sa rnams bkod pa yi// shes rab dkyil 'khor mang la skyabs su mchi// phyag 'tshal dpal ldan lha mo dbyangs can ma// 'jig rten khams 'dir spru la dbang brnyes shes// drang srong rig gsum rig pa'i pha rol gshegs// de ni spyod pa rgya chen rnams las byung // sem can don phyir 'phrin las chen po'i khur/ / spro bar dka' ba kun kyang khyod kyis mdzad// sa dang pha rol phyin pa bcu spyad pas// dge ba'i tshogs brtan yid bzhin lus su bsgyur// zhal gyi dkyil 'khor zla ba dri med rgyas/ / thugs rje'i spyan gyis 'gro ba'i mig 'byed pa// dus ring 'jig rten kun la bde bar gzigs// de la dbang po tshangs sogs shin tu bdud// byams shing bzod ldan snying rje bskyed pa'i ma// lha mo mchog de 'gro kun skyong bar dgyes// thor tsugs ri bo rtse 'dra spobs pa 'phags// shes rab zab cing shes pa'i rten byed kyang // rig pa'i gnas la mnga' brnyes tshig gi bdag/ 'jig rten na yang lha yi lhar gyur la// sdug bsngal ba sal bar rab brtson gnyen mchog pas// mu su rtog ge pa rnams kun kyang 'dud// yan lag rnam par 'byes shing gsung snyan pa/ / yon tan dri med bsod nams 'bar bar bsgyings// rig pa mchog gi dngos grub sbyin mdzad pa// blo myur chog 'chang spobs pa'i mchog stsol cig/ sems can kun la rtag tu phan sems pa/ / mi smra mchog khyod rnam grol sa la bzhugs// thugs dam brtan bcas bskul ba rnams la yang // dpal gyis dgongs shig don kun nye bar skongs// 'di ltar 'jig rten dag na snang ba kun/ / sgra 'joms khyad par tshig gis don mtshon te// phan tshun shes shing yang dag brda sprod pa'ang // dbyangs can khyod kyi mthu ste bsam mi khyab// gzungs dang chos kyi stobs la dbang brnyes pa/ / dam tshig bden grub drang srong shes nyen can// lus sems ngag rnams byin gyis rlob pa dang // yid 'ong sgras kyang 'jig rten tshim par byed// byang chub mchog gi spyod phyir su dag mos/ / bdag dang gzhan don phun sum tshogs gyur pa'i// lus dang ngag yid rnam dag mchog 'dod la// bcom ldan 'das mas rtag tu don mchog stsol// bdag ni dpa' zhing byang chub lam brtson dang / / lce yi dbang po dag cing tshig btsun la// rig pa'i gter ldan smra la thogs med dang // bde gshegs spobs pa nye bar bsgrub tu gsol// rig pa'i yum gyi rang bzhin rtog las dben/ / snyan pa'i rgyal mtshan dga' ba'i shugs kyis bskyod// mkha' la sna tshogs rnam par dri 'dod ltar// mtshan nyid rtogs dka' yon tan gting mtha' med// na mo b+ha ga ba te/ brah+ma Ne/ na maHs+phA ra swa t+yai de bi sid d+h+ya nu man+t+ra pA da taM brah+ma nu man+tha swA hA/ dpal lha mo sgra dbyangs la bstod pa rdzogs so// / ts+ya/ rgya gar skad /

CLOSE WINDOW